الجزء الاخيييييييير من الباااااااارت الاخيييييييييييييييير...
*
*
&عزام&غرورك صادف عزة النفس فيني&غنج&..لضمني بين الاهداب
*
*
مدخل
ماقلت احبك حتى وشفاهي سكوت
لي ناظرٍ ما غير شخصك يمليه
كنك دواي و شوفتك طب منعوت
وان ضاق بالي اذكر اسمك و أغنيه
وأتخيلك علّ وعسى طيفك يفوت
أهواك وهمي كيف قلبك أهنيه
من كثر ما اسمك في هالقلب منحوت
حتى الخطا لو جاني منك أمشيه
وان ما مشى اخلق لك أعذار وثبوت
ويش الذي يخطر في بالك؟؟ و أسويه
لو حتى في وسط البحر ابني بيوت
ياللي البحر لو جا في بالك تحليه
مريت صوبه و امتلى سكر وتوت
لبيه ياللي لو طلبني .. ألبيه
للعاصمة حافي ولو دربه خبوت
لين أندهك ( يا فلان) وتقول: لبيه
وأطيح من طولي ويذبحني الصوت
.
.
.
^^^^^ليت الشوارع تجمع اثنين {.. صدفـــه !^^^^^
.
.
.
في ها الوقت بلندن..وبا القاعات الخاصه
طلع عزام من المطار وكان بستقباله..
اصدقاء الطفوله ..
زياد بفرحه وهو يسلم على عزام\ياهلا والله بولد العالي بلندن...
عزام ابتسم وهو يسلم عليه\هلا بك يادكتور زياد..زين جيت على الوعد..والله ماله داعي تعب نفسك يادكتور..
زياد يسلم عليه\ههههههه لاتكبر راسي عاد مالنا الا ثلاث سنين متخرج..وتعبك راحه..منها نسلم..
ونشوف شها الغنج الي جابت الصقر على وجه..
عزام ويفتح له باب المرسيدس الاسود مرافق معه وبتعب\اركب خلنا نكمل سوالفنا داخل..
ركب زياد وعزام السياره وانطلقت بهم خارج المطار لندن,,.
زياد بعتب\وتقطعني كذا فجئه ..بس تصدق ماشرهت عليك دام صديقي بدر هو الي قطعني..
عزام يطالع ساعته\كلها مشاغل كلها مشاغل...
زياد بلحاح\كيف بنت عمك الي قلت لي عنها باخر مكالمه لنا قبل امس..
عزام بقهر\مادري مادري.. مافي اي خبر انا جيت هنا ادورها..بئي مكان..واي مستشفى ..لازم يا زياد القاها..
زياد بحيره\انا دورت عن مرضها وسئلت وسجلت كل شي بسجلات طبيه عندي با المستشفى..
دق جوال زياد..
زياد بفرحه\هلا
وين انتم بضبط
كويس قريب
يالله انا مره قريب منكم..
سكر زياد الجوال والتفت لعزام..
زياد ببتسامه\هاذا ثلاثه من اصحابي.. واحد منهم ابوه اخصائي كبير هنا با العيون.. شرايك نشرب معهم كوفي هم قريب..
عزام بتكشيره\انا عندي طاقم طبي متكامل خصيصا لها...بس تدري..اجلس مع ابوه بعد..مافي اشكال..هم وينهم..؟؟
زياد يكلم السايق\با الكوفي الي قدامك بضبط....
وقف السايق با المكان المطلوب..
عزام فتح الشباك..
زياد يدور عنهم بعيونه\شكلهم قريب..
نزل عزام من السياره بطفش...سحب نفس بارد متجمد من هوى لندن..يكفي انفاسها الحاره بهاذي المدينه او قريب مني..
يكفي احسها مني قريب..
اقرب لي من الوتين..
اه ياغروري..شكثر شقينا..
احس بنفاسها قريب..
والله قريب..
احس اصابعي تداعب خصلات شعرها... يناس احسها قريب..
حس بصوت زياد ينبه...
زياد بحيره\وين..؟؟
عزام وهو يشد على البالطو الجلد حقه\بجيب لنا كوفي..!
زياد\خلى السايق..
عزام بسرحان\لا انا..
دخل عزام داخل الكوفي......
ماهي الا لحظات وكان اصحاب زياد معه..
زياد سلم عليهم وصار يضحك معهم..
عمر\وين صاحبك..؟؟
زياد وهو يضبط الكوفيه \داخل يجيب لنا قهوه..
احمد بعدم تصديق\ولد العالي براسه..عزام ماغيره..
زياد بفشخره\ايه ماغيره..ترى هو وولد عمه ..اصحابي من ايام الجامعه,,بس فرقتنا التخصصات,,وانا سافرت وهم بقوى با السعوديه..
في مكان قريب جدا..
تركي يجلس غنج بكراسي قدام الكوفي.. ويعطيها بيدينها قهوه.. ويحاول يمسكها القهوه ..علشان ماتطيحها...
تركي بضحكه \انا بروح اجيب شغله ثواني وجاي..
غنج ابتسمت وراح تركي لكشك ورد قريب ..
فارس جالس يضبط الايشار والجكت الفرو لها..الي ارغموها تلبسه ..
غنج ببحه\انا دافيه لاتعب نفسك..
فارس اكتفى با ابتسامه..
غنج ببحه وضعف وعيونها تدور في الفراغ..\فارس..؟
فارس التفت له بعد ماضبط نظارته\سمي..
غنج بتلعثم\عارفه بتضحك علي بس انا احس ان,,,,,,,وعضت على شفايفها وضغطت بيدينها على الكوب
فارس مافهم منها شي\انا عارف تحسين با البرد خلينا ندخل جوات السياره..
غنج اشارات بسرعه براسها برفض وان فارس بعد مافهم\احس ان انفاسه مني قريب..تحرقني..وتقتلني..احسه هنا..احسه هنا؟؟والله هنا..
فارس سكت وهو مقدر حالتها وانها اكيد تهلوس من الادويه الي يعطونها ايها..
رجعت غنج عيونها بكسر خاطر.. وهي عارفه ان فارس مطنش تسائلها عن وجود عزام بمدينة الضباب..ايش يجيبه لهنا..
وين الرياض وين لندن ..!
طالعت بضبط للامام..مع انهاا ماتشوف غير اشباح تتراقص بغرابه قدامها.. الاانها تبي تشم عطره الي دخل جوات صدرها وسكن فيه..
في ها الوقت كان في شاب واقف هو وثلاثه من ربعه معه يضحكون..
عمر يناظر غنج ومنهبل عليها\شف شف كيف تطالع...؟؟
احمد بفرحه\تطالع زياد ...ول صاروخ والله... زياد طالع ها القمر الي شكله خاق عليك ..بالله شف...
استدار زياد..والتفت.. وشاف بنت جالسه بعيد شوي... وتشرب قهوتها وتناظره بنظرات مافهمها... بس شكلها صادقين خااااااقه..
احمد ببحه\البنت تجنن بسم الله عليها..
زياد بحده\لاتسمي على كافره... الحين من ها اليهود ..شف والله ان الطهاره والعفاف ماهب يمها..انا مايعجبني ها الصنف ابد عمى بعينها
مااوقحها...
عمر بضحكه\انا يعجبوني الوقحات الي كذا.. شف كيف تطالعك مبلمه فيك.. لايمين وللايسار... قسم بلله لو تطالعني ان اروح اتعرف عليها..
احمد بهبال\ول صاررررررروخ الا قنبله..
زياد منقرف\الف غيري يجونها مو انا..؟ ماحب ها الاجناس..
لحضات وشافو واحد جاي لجهتها معه باقة ورد ياسمين ..قالها كم كلمه وضحكت بعدها مسكها مع يدها وساعدها تمشي وكان ينتبه لها لا تطيح..
واحد ثاني اقل مايقال عنه انه مودل يمسك يدها الثانيه ويساعدها تركب..
احمد بتردد\شباب شكلها...؟؟!!
عمر بحزن\عميى!!!
زياد الي كان صاد التفت بسرعه.. وشاف بسرعه المنظر الي قدامه.. وكيف الي معها خايف عليها لا تطيح ..او يصيبها شي ..
فتح لها الباب وساعدها
تركب ..وخذى الكوب منها والباقة بعد ماركبة عطاها ومن حركاتها وضح انها عميا..
زياد\لالا تمزحون..
عمر بدمعه احتارت كيف تنزل بهدوء اوبضجيج\وربي عميا..
زياد بسرعه تمتم بكلمات ماهي مفهومه للجميع..لاكن هو الشاعر فهمها..
كل شبر بها الوسيعه ملك ربي تعلمين...
واعلم ان اللي خلقني هو خلق لك عيون؟
لكن انتي من جلستي وانتي في تحدقين؟!!!
كن مابه ناس غيري بها الكراسي يجلسون!!!
لوسمحتي عاد اسمعي وحتى لوما تستحين؟؟؟
المهم الي بقوله تسمعينه ويسمعون,,,
ع الاقل اليا ناظرتك سوي نفسك تستحين..
غضي طرفك مثل ماغيرك خوفي ربعي يلمحون..
الركاده عاد زينه والحيا في البنت زين..
وفيك جازم لا ركاده ولا حيا يذكرون...
تعرفيني؟اعرفك؟ماذكر انا ملتقين؟؟؟
لا اعرف من تكوني ولا تعرفي من اكون..
وأطمأني ان كان قصدك بس فيني تشبهين؟
ماهو انا الي تعرفيه والبشر يتشابهون,,
مادريتي من التشابه يخلق الله اربعين ,,
واعرف اربع يشبهنك بس والله يستحون..
وان كان قصدك شي ثاني قولي وش تبين؟؟
خايف انا نصير فرجه والي ماشتروا يتفرجون..
واذا ببالك عاجبتني لايحوشك تحلمين..
صح ربعي من جمالك صارو يمدحون؟؟
بس وش لي في حلاتك دامك ترخصين..
حشمة البنت وحياها والكرامة يلفتون..
ولو توفر فيك هذا مع حلاتك تبشرين؟؟؟
ماهو انا الف غيري باب بيتك يطرقون؟؟
وش علامك رغم كل ماقوله تسكتين...
مو طبيعي ها السكوت وها البرود وها السكون؟
انتي خرسا؟ اسألك؟ ولا منتي تسمعين؟
قالو ربعي ذي كفيفه!
قلت لا لا تمزحون!!
لين شفتك يوم رحتي يمسكونك بيدين..
مادريت الا عيوني اربع اربع يذرفون؟؟
اه ياني منه مشهد يوم شفتك ترحلين؟؟
حيث اشوف عيون ربعي لقيت الكل يدمعون..
وتدرين عاد ياكفيفه حنا ترى متشابهين؟؟
وان ماانعمت ابصارنا قلوبنا هم الي ينعمون..
يالكفيفه يالعفيفه ان قلت اسف تقبلين!
يغفر الله ذنوب عبده وهل تغفرين؟
:عزام وهو ينزل الكوب عند الشباب جاي من داخل ستار بوكس| وش فيكم؟
زياد:البنت..؟؟
عزام يناظره:اي بنت..!
ويأشر زياد لسيارة حوت .. الي مشت وكان الشباك مفتوح ووجه مو غريب هو الوجه عشق تفاصيله وعرف ملامحه ورسمها في خياله
زياد:كفيفه وجرحتها0.. انا في الصميم
عزام وهو يصارخ يحاول يلحق بسياره:غنججججج
زياد لحق عزام هو وربعه لما وقف بنص الشارع
زياد\انت مجنون تلحق ها الاجنبيه ...؟؟؟
عزام بحده\هاذي بنت عمي الي خبرتك عنها من سنه انت و طلال ..هاااااااااااااذي غنج بنت عمي ماااااجد ..
هاذي حبيبتي هاااااااااااذي غروري وانكساري وشموخي...
راح بسرعه عزام يركض لسيارته .. علشان يلحق على تركي الي لمحه مع فارس لا يضيعه بين زحمت ها االعالم من جديد..
*
*
&عزام&غرورك صادف عزة النفس فيني&غنج&..لضمني بين الاهداب
*
*
بفلة ابو فيصل..
مهاوي بصراخ\مابيه مااابيه ياناس عفته عفته..كذا من الله عفته..!!
ام فيصل\مهاوي مجنونه انتي والا كيف شيقلون الناس عنا..؟؟
مهاوي بقهر داخل فيه ثقه ماتنهز\خل الكل يتكلم..انا مايهمني..الا راحتي..فااااااااهمين..وطالما انا مع سعود انا في شقا ..؟في شقا..؟
ام فيصل\شسبب يايمه..اذا بنات وخرابيط..هاذي ام بدر صابره وساكته..؟!!!!!
مهاوي بكره\ههه واخر شي جننتوها..لا والله ماخليكم تهبلون فيني وانا بنت بدر..؟
سعود الي كان مع فيصل با الصاله ويسمع كلام مهاوي كله وهي با الغرفه القريبه..
وقف وبصوت عالي\يااااااابنت بدر..طلاق ماني مطلق..لو تحبين كوعك..واجلسي هنا لما تشبعين..وحياتي الخاصه مال احد دخل فيها..
وطلع وترك مهاوي مرتفع ضغطها منه,,لاكن الي ماحسب سعود له..ان اهلها بعد كلامه صارو بصفها..
*
*
&عزام&غرورك صادف عزة النفس فيني&غنج&..لضمني بين الاهداب
*
*
بابيت ال ضاوي
ممرضتين وحنان بجناح نادر..
نادر يساعد الهيكل العظمي الي هي بطلتنا حنان ..تنام على خداديه جايبها مخصوص لها..
حنان ببحه\نادر احس باابر.. ابر..بجسمي كله.. ماعاد اقدر اتحمل.. تكفى نادر ساعدني ..خلهم يعطوني جرعه زايده من ها المهداءت..
اموت وارتاح من ها العذاب..
نادر والعبره خانقته خنق\اذا انتي بتروحين ..؟؟وش يجلسني با الحياه ماتقولين يا الزين..؟؟
حنان وهي تلمس با اصبعها المسوده.. بقايا شعرها المقصوص لرقبتها ..وفوق هاذا مابقى منه الا القليل\اي جمال يانادر و اي زين..؟؟
نادر وهو يشوف حنان بكسره.. تنزل منها دمعتين.. تتحدى بعض بمن تجرحه اول..
نادر ببحه\يووووه ياحنو..انتي اميرة الزين..بعيوني وقلبي..
حنان سكتت وبخوف\نادر لاتتركني ..بيجون بعد شوي..اساس هم قايلين لي ماراح نتركك ..
نادر بقهر\لااله الا الله ..نامي شوي ..بحكي لك حكايه..
حنان بستسلام تحاول تغفى على يده الممدوده لها..والممرضه تعبث بيدها بمحاولة غرس ابرة مغذي يخالطها شوية مهداءات..
نادر ببحه\في قصه خبيتها عنك كثير.. والحين بقولها لك..لما كانت اختي لمى الله يرحمها تدرس با الثانوي..
كانت تقولي عن بنت تعرفها اوقات البريكات..
..تقول ..ماعرفها شخصيا..اعرف صديقاتها.. وعلشان كذا لفتت هي انتباهي..من بين البنات ..باانقاتها البسيطه..ومرحها..والتزامها
كانت تحكي لي عن التناقض الكبير.. بينها وبين اختها الثانيه..وعن تمرد اختها..وعن صرخات الموضه الي تسويها بنفسهاالي هي اختها
..على ان جمال اختها
الثانيه صارخ..لاكن تقول لي..هاذي..هاديه..فيها بساطه..فيها قبول ماهو طبيعي.. كانت تعلقني فيها..
شوي.. شوي لما تعلقت جد..كانت تقول بتعرف عليها.. وبخطبها لك يا نادر..
راحت الايام وراحت..
ولما صابها المرض..وصارت ايامها الاخيره..كانت تدور على اشياء بذاكرتها تحكيها لي..
ومن ضمن ها الاشياء..كانت اسم البنت كامل...وقالت لي هي اميرتك الي تنتظرك..تدرين من هي ياحنان..؟؟
هاذي انتي..وعلشان كذا تتعلقت فيك..
وبصرار خطبتك..ولما شفتك..تعلقت فيك بشكل مو طبيعي..حبيتك صدق..ومن كل قلبي..عشقتك..تدرين ياحنان ان..
وطى راسه لجهت راسها الي على صدره بيكمل كلامه لاكن شافها غفت..ابتسم وكمل كلامه\ان لمى صدقت ان اميرتي تنتظرني..
ناظرها شوي وقام بنسحاب..
طلع برى جناحه..وسكر الباب وهو يردد المعوذتين عليها..يارب تنام مرتاحه يارب..
مشى بخطوات ثقيله ونزل لدور الي تحت..
شاف ابوه جالس..ويشرب قهوه..
جلس جنبه بهدوء
ابو نادر\ها كيفها..
نادر بحزن\على حالها..
ابو نادر بعد فترت هدوء\ام يزن..
نادر التفت له وبهدوء يطالعه..
ابو نادر\انحرقت..وماتت..
نادر انصدم واسترجع بعدها...
ابو نادر بتوتر\جعلها لنار جهنم..
نادر بصدمه\يبه استغفر شفيك..وبعدين متى ماتت..؟؟
ابونادر\قبل اسبوع..
نادر\يبه قبل اسبوع وماتقولي لي..
ابونادر\عساها لنار جهنم الله يلعنها ويعذبها بالي سوته فيكم...
نادر\لاحول يبه استغفر؟؟
ابو نادر\نادر ياولدي اختك خبرتني بموضوع وهي منهاره ..خبرتني ان ام يزن..
نادر بهتمام يسمع
ابونادر\ان البلا والتعب الي بحنان ..من سحر امها وهي الي ساعدتها على كذا الله يغضب عليهم...
نادر وقف بسرعه وبحده وقهر\ياااااااناس انا من مئذي بدنيتي علشان يصير فيني وفي من احب كذااااااا؟؟؟؟؟؟
ابو نادر وقف وحاول يهدي ولده\يابوك انا دقيت على الشرطه وداهمو مكان الساحره الي خبرتنا فيها اختك عن مكانه.. وبذن تصلح الامور
نادر بقهر حط يده على جبينه وطلع لها فوق يبي يحتويها من جديد ..
*
*
&عزام&غرورك صادف عزة النفس فيني&غنج&..لضمني بين الاهداب
*
*
با المستشفى
غنج وانعدام الالوان تلف عالمها الصغير اشخاص تتمثل امام عينيها الزمردين كئنهم اشباح
ليس هناك معالم..
اوصور..
او..
ملامح
مجرد شخوص تتمايل..
صوت نحيب يهد كل صروح الدموع الي تظهر من عيونها ..
دموع امومه فقدتها..
دموع زوج رحل..
اعطاها كل الامان التي افتقدته الان..
تركي يضم راسها لصدره.. وهي تحط يدها الي عليها ابرة المغذي على ذراعه ...وتنتحب بصوت انبح كثثثثثثير...
تركي\خلاص ياغنج اكيد انه عند جده..ماراح يئذيه..
غنج تبكي وتمسح دموعها بعنف \ولدي ياتركي ولدي ماجد معهم.. راح يقتله مثل ماقتل منصور زوجي ..تركي انا بموت ..بموووووت
احس اني بموت .....تركي مايكفي اني مااشوف احد.. حتى ولدي ماشفته ...خذو بعد ولدي مني..
لو منصور عايش ماكان صار هاذا كله .. كله من ابوه الله ينتقم منه.. قتل منصور وراح يقتل ولدي ماجد ..تركي ساعدني ..ساعدني ماقدر خلاص
تركي يحاول يهديها وهي خلاص مافي اساس قوه تخليها تقاوم.. كل شي فيها مهدود..
صوتها..
جسمها..
امومتها الي سلبوها منها ..
كل شي رايح..
بقايا انسانها محطمه من كل شي..
رحيل زوج..
رحيل البصر..
وببلدها بعيد عن ولدها.. وعن الارض الي عشقتها متئخرها.....
غنج بصراخ\ابي ولديييييييييييييييييييييييييي.. ابيه ابي اشوووووف ابي ارجع اشوف.. اهههههههههههههههههه
عزام الي كان برى الجناح ..ويسمع صوتها وهي تبكي.... تقطع قلبه ووده يموت ..وده ينتهي ولا يسمعها كذا..
حبيبته..
محطمه..
مدمره..
بقايا
انسانه..
يسمعها تنادي غيره..
خصمه..
وعدوه ..
والي سرق اجمل حب عاشه..
هاذي..
حبيبته ..
تنادي غيره..
غنج وهي تقوم من السرير\بعد عنيييييييي بعد عنيييييييي
تركي يمسكها بكل قوته\غنج وين تروحين..؟؟ غنج بتطيحين ...غنج انتبهي ..
غنج تدف اخوها بقوى ماعندها وتمشخ جسمها بظافرها\بعدو عنيييييي بعدو كله منك.. كل شي منكم.. انت السبب ..كلهم السبب..
منصور هو السبب..؟؟
وانت السبب..؟؟
وعمي بدر السبب..؟؟
وعمي سليمان السبب..؟؟
وعزام السبب..؟؟
وفارس السبب..؟؟
كلكم سبب معناتي ..وحياتي ..ياليتيني ما طلعت من لندن من هنا ياليتني ..
تركي جيب لي ولدي ...
تركي قولهم راح اتنازل لهم عن ثروة منصور كلها مابيها..
واذا يبون فلوسي كلها ياخذونها...
تركي روح كلمهم..
قول لهم..
مابي شي..
ابيييييييييييييي ماجد ابي ولدي.. ابي اشمه.. واضمه.. ياناس حرام عليكم.. مافي قلوبكم رحمه..
تركي وهو يضمها من جديد ..والممرضه تضربها با ابرى علشان تهدى..
وهي لحظات وصارت تهذي بكلمات ماهي مفهومه..
وماهي معروفه..
دخل في ها الوقت عزام الغرفه..
تركي التفت له وانصدم من لما شافه.. وهو حاضن اخته الي بدت تضعف.. وكانت بتطيح.. لوما شالها تركي وحطا على السرير..
جت الممرضه ولحفتها ...
عزام ناظر تركي بهدوء ..\ليه ماقلت لي انك رايح فيها للندن..؟؟.ليه تبي تبعدها عني دوم..؟؟
تركي ببحه\هي اختي ولازم اوقف معها ..لازم اثبت لها اني انا سندها..تخليت عنها انا كثير..وهاذا وقت السداد ..سداد تضحياتها الكثيره..
فهيد مرافق منصور خبرني ان منصور زوجها خلاها تاخذه ..بعد ماساومها تزوجه ويطلعني..تفهم كيف حطت حياتها بكفه وانا بكفه..
عزام مقهور من السر الي عجز يفهمه والحين عرفه ..و بحده وهو قريب من تركي ويصرعلى اسنانه\انا الي لها كل شي..وغيري ولاشي..
انا ياتركي..هي طفلتي..الي تحتاجني بقربها..
ولو تخفيها عني بداخل صدفه وترميها بسابع بحر..صدقني انا الصياد..الي بفتح الصدفه.. وبطلع دانتي فاااااااهم..انا..
الممرضه تكلم تركي انه لازم يراجع الدكتور الحين لئنو في كلام مهم لازم يكلمه فيه..
تركي تراجع من شكل واصرار عزام..وسحب نفسه برى الجناح..
انتبه..عزام لتمتمه غريبه..وضعيفه حيل وراه..
التفت لها..وبهدوء...
تئملها..مهزومه ..وخاضعه..ضعيفه..وتايها..فرسه الجامحه!!ماهي جامحه..ماهي الا كتلة مشاعر مشتته..
غنج ترد بهدوء وهي مغمضه عيونها\ابي ماجد ابي ولدي ..قولو لمنصور يرجع ...خلوه يرجع ..حرام الي يصير الحين..
انتبه عزام على تحرك شفايفها ومافهم شي..
قرب منها عزام بهدوء ..حرك غرتها بخفه.. يالله كيف قصت شعرها ها القصه ..شصار وهي تحب شعرها كثير..
مسك يدها بخفه الي فيها المغذي..
سمع تئلمها\اه..
رفع بسرعه يده منها... لما فتحت عيونها الخضرا الزمرديه ..لمعتها.. هي ..هي.. ماتغير فيها شي ومستحيل يخف سحرها ..وعذوبتها
غنج بهدوء وهي بين احلامها الضايعه\انت....؟؟
رفع حواجبه بصدمه كيف عرفته..وهي ماتشوف..وماتميز..!!
غنج بدموعها\وينك..؟؟جودي خذاه جراح ابوك .. اااامانه جب ولدنا جبه..
عزام بلع ريقه بقهر.. على بالها اني منصور الله يرحمه..

*

بلّغ الناس..كـل الناس..هالكلمـه
ـقل: قالها اللي يدور فرح فـ/ أيّامه :
ـالنور كذبـه كذبناهـاعلـى الظلمـه
ـوالحلم عيّت تشيله فزعـة أقدامـه!!
ـإنسان دوّر ورى الغيمات عن حلمه..!
ـالحيـن حلمـه يشوفه.. مـات قدامـه.
خفت كلمات غنج ..لما بدت تغط بنوم عميق.. من تئثير الادويه والابر..
سمع صوت وراه التفت.. شاف تركي جاي لجهته..
وقف تركي عند السرير ونزل باس جبين غنج.. وسحب يدها الي ماكان فيها المغذي وباسها وتنهد..
عزام بهدوء وهو في الجه الثانيه ..وخصله من شعرها بين اصابعه قريبه من مخدتها\ش قال الدكتور..؟؟
تركي رفع عيونه بحزن\انت ماعندك شغل با الرياض.. اكيد معطل نفسك على شانا..؟
عزام بحده\شقالك الدكتور..؟؟
تركي بحزن وهو بتنهد\اكتئاب حاد.. ولازم نسوي العمليه لها ها اليومين.. لاكن العمليه كثر ماهي عمليه...... نفسيه.. الدكتور قال لازم نجيب لها
ولدهاعلشان ينجح العلاج..وكيف اجيب ولدها وهو مع جده رافض..
عزام زم شفايفه بقهر وسكت..
تركي بقهر\شها المصيبه..؟ وال*** متعب هو وابوه معندين بولدهم.. يقولون اموال الدنيا ماتغنينا عن ظفره.. ها الكلاب..
وهم الي ذابحين ولدهم حسبي الله عليهم..
عزام بتطنيش\متى العمليه..؟؟
تركي بسرحان\بعد بكرا..
عزام \اممم..
ناظر غنج وهي نايمه.. وغافيه.. وده ياخذها.. ويطيرون.. ويتركون ها المكان البارد المتجمد ..البليد..
مانتبه لتركي الي طلع.. ولا للمرضه الي غيرت المغذي لغنج ..ولا لشي ابد..
انتبه لنفسه لما شافها قدامه.. نايمه..ماهي ملاكه العنيد...التعب وضح بوجها الفتان..واضح ومايقدر اي دوى يخفيه..
حزن ..و..اه..
على دنيا انسانه..قست عليه..وقسى عليها..
وكسرو بعض بغرورهم وعزة نفسهم..
مسك يدها وضغطها بقوى.. وبعدها طلع..
*
*
&عزام&غرورك صادف عزة النفس فيني&غنج&..لضمني بين الاهداب
*
..
*
*
&عزام&غرورك صادف عزة النفس فيني&غنج&..لضمني بين الاهداب
*
..
بعد ساعات معدوده..وفي يوم جديد..يشرق بشمسه الساطعه..شمس الحقيقه..ووقت الحساب..
في الرياض
بمكتب كبير وفخم...
بقروب عزام خالد ..
مافي غير عزام وطلال الواقف جنبه..
مثل ماكان ...الاتفاق..علشان الالتقاء...
دخل ابو منصور..
اكبر تاجر مخدرات شخص معتدل القامه... مائل لنحف ..وجه نحيف بعوارض خفيف.. وشنب خفيف.. سبحه بيده ..والعصى با اليد الثانيه..
يبان الشر والقسوه..من تقاسيمه..مافيه لمحه من ولده ابد..اول مره يقابله عزام..ومايعرف كيف يتعامل مع شخص مثله..
كان متعب معه... وشخص ماكان متوقعه..عزام...
كان ابو بدر معه ..!!!شيقصدون من ها الحركه...؟؟
يلوون ذراعي...؟؟والا كيف ..؟؟مايخسون!!الصقر مايلوى ذراعه...
وقفو ..وواشار لهم عزام يجلسون..
سحب المرافقين الي مع عزام كراسي.. علشان يجلسون عليها..
جلس ابو منصور اول..
وبعده متعب ..وبعده اابو بدر.. الي جلس على يمين ابو منصور..
عزام بهدوءه الي يربك الاعصاب\حياك يابو منصور وحيىالله الي معك..!
ابو منصور بصوته الثقيل\الله يحي الصقر..
عزام من دون مايناظر احد من مرافقينه.. طق اصبعه.. وطلعو كلهم الا طلال الي فوق راسه..
واستوى الروس الكبيره با الجلسه..
عزام بهدوء يشوبه حده ترعب الي يعرف مغزاها\بدون لف ولادوران يا جراح ..؟؟طلابتك..؟علشان تعطيني ولد غنج بنت العالي..
ابو منصور فتح عن اكبر ابتسامه.. غيرت حدت وجه وتجهمه ونفوره\تعجبني.. صدق من سماك الصقر..!
عزام رجع نفسه با الكرسي..
وحط يده على خاتم العالي.. الي لمحه بيد عمه يبرق بشموخ\طيب هاذا انا احط لك البساط احمدي.. ابي ولد غنج..؟؟
ابو منصورباابتسامه\تقصد حفيدي من ولدي منصور..صعبه الجد يفرط بحفيده ..!!انت ماتكلم مجنون ..؟؟
عزام فاهم حركات لف والدوران الي يسويها ها الشايب الي قدامه ومخ عزام ترجم حركات جراح وعرف المغزى بضبط\حشاك من ها الجنون ..
متعب بسخريه \هاذي ريحة منصور كيف نفرط فيه ..؟؟
طلال الي كان واقف فوق راس عزام ..وده يتف في وجهيم ها الكلاب ..الي مايهمهمم لحمهم ابد ..كيف ها الطبقه عايشه بها السوء !!وها القرف!!
عزام بسخريه\وانا اقولك طلابتك..؟؟
ابو منصور بطمع\بداية المجمع ...!
عزام طالع عمه الي ارسمة عليه ابتسامه خبيثه ..كيف مافهم من الاول!! صداقة عمر هو وياه بها الكار...؟؟
عزام يطالع اسورة غنج الي بيده وبهدوء\نصيبي فيه ونصيب اخوي اتنازل لك عنه.. لاكن نصيب عيال عمي بدر وسليمان مالي يد فيه..؟؟
ابو منصور خذى نظره خاطفه لبو بدر الي اشار له بموافقه..
ابو منصور\والله الصفقه الي خسرني فيها المرحوم كانت بعشره مليون.. شفت كيف الخساره الكبيره..؟؟
طلال الي تقدم لعزام وضغط على كتفه ..يبيه يقول لا كافي.. المجمع الي اضعاف المبلغ الي قاله..
عزام بهدوء\الحين احول على حسابك او حساب متعب..
متعب بسرعه\وكل ثروة منصور الي لعبت عليه بنت عمك ..وسجلها بسمها تكتب عنها تنازل الحين لبوي..؟؟
عزام ماعطاها اكبر من حجمه.. ولاحتى طالعه.. كل نظره مركز على ابو منصور.. او لخاتم العالي الي بيد عمه\الحين اكلم اخوها توقع له توكيل لي
وتنازل لك هنا عن كل ثروة اخوك...
هم يبون يعجزونه.. ويدفعونه كل الي وراه والي قدامه.. عشان يحرقون قلبه في الي سواه بعمه..
وعلشان بعد يذلونه..؟؟ من يحصل ذلة الصقر هاذي مكسب ..
با الذات لبو منصور الي كان يسمع عنه الكثير والكثير..
ابو منصور بحده\ومزرعتك مزرعة الخيل بخيولها كلها.. الي هي وش اسمها..؟ وش اسمها ..؟
مريت مره من عندها انا ولدي متعب وش اسمها يا متعب
متعب بسرعه وبضحكه\اسمها مزرعة صقور العالي..!!
ابو منصور\ايه ايه هاذي مزرعتكم ..؟؟
عزام عقد حواجبه وناظر فيهم وده يشيل مسدسه ها الي قدامه ..وفي راس كل واحد مليون طلقه.. وش ها الهمج الشجعين الطماعين..؟؟
كيف تحملت غنج
واحد منهم كل ها الفتره..
متعب بتعجل \ها وشقلت..؟؟
طلال بحده وهو يصارخ\يقول انقلعو من هنا يا ...
سكته يد عزام الي اشارت له يسكت..
متعب ابتسم لاكن بخوف..
ابو منصور رجع له تجهمه....
وابو بدر بدى يرجف..
عزام بحده\الحين اوقع لك على التنازل عن كل الي قلته.. لاكن الولد الحين يكون قدامي..
ابو منصور بدى يبتسم\قم يامتعب جب ولد غنج ..بنت عم عزام.. من السياره..
متعب بفرحه\ابشر يالغالي ماطلبت..
عزام وقف وتوجه لتليفون المكتب ودق على جوال تركي..
لحظات وجاه الرد..
عزام\هلا تركي شلونك..
تركي\بخير..
عزام\وكيفها..؟
تركي \على حالتها على المهدءات..
عزام\شف خلها توقع او تبصم لي على توكيل بكل املاكها الحين يجيني..
تركي بستغراب\ليش..؟؟
عزام بقهر\لازم تنتازل عن ثروة منصور لبوه ..علشان الولد يرجع ..يالله ياتركي انتظر الفاكس الحين.. علشان اخلص انا والمحامي كل شي بسرعه ولاتائخر
مع السلامه..
سكر عزام التليفون وناظر فيهم.. وكئنهم بياخذون الحين عرضه.. من الوناسه الزايده.. بلا قلوب ..بلا ضماير.. وبلا شعور..
لحظات وعزام والمحامي وطلال يضبطون الاوراق..
طلال بصوت واطي \عزام انت انهبلت اليوم رسمي.. انت خسرت ثروه.. وش ثروه..؟؟ انت راحت ثروتك كلها... مابقى لك غير الربع ..فاهم الربع..
عزام بقهر\اسكت عني ياطلال شفهمك انت اساس..؟؟
طلال\لا فاهم ماانا اساس معك من البدايه في حبك المجنون.. ياعزام البنت الحين ارمله.. وعميا.. وعندها طفل.. وعندها اخوها ..
وفوق كذا انت متزوج..؟؟
ياخي حرام عليك الي تعمله بروحك..
عزام التفت عليه وابتسم\مافي اغلى من الروح لوتبيها غنج اعطيها ..مالها غيري ومالي غيرها ..عرفتها قبل اخوها.. ومافي غيري راح يحميها
من الكل.. الكل.. الكل
المحامي\خلصت الاوراق استاذ..
عزام خذى الاوراق ..وحطها على الطاوله الرئيسيه.. وطلع قلمه المذهب الصقر من جيبه ..وصار يوقع على الاوراق التنازل ..
وقف ابو منصور وصار قريب من الصقر..
وطالعه بتقزز.. وقرف.. مايدري ليه يسوي كل هاذا في بنت عميا.. وارمله ..وعليها فوق كذا ولد.. يعني بس عشانه ولد عمها..؟؟
ابو منصور بثقه\المزرعه.. والعشر ملاين وقع تنازلها بسمي .. والفله تبعك.. بسم ابو بدر..
عزام ابتسم بهدوء\حاضر تحت امرك ..!!
وقع عزام التنازل والاوراق.. ومدها لبو منصور.. الي بسرعه كان بيمسكها ..لاكن بعدها منه عزام بسرعه..
ابو منصور بحده وقهر\وشفيك هونت..؟؟ اناعارف من اول منت بناوي..؟؟
عزام بعصبيه\وين الولد..؟؟
ماكمل جملته عزام.. الا متعب داخل المكتب ..بطفل صغير.. مو باين منه شي.. من اللفه اللي حاطينه فيها..
عزام التفت لمحامي.. واشار له ..وعلى طول حط اوراق قدام ابو منصور..
ابو منصور\ايش هاذا..؟؟
عزام بكره\توقيع على تنازل لغنج.. عن اي حقوق لكم تجاه ماجد ولد منصور..
ابو منصور تجهم.. وبعدها طالع متعب.. الي اشار براسه با الموافقه.. وخذ القلم ووقع..
عطاه المحامي.. ورمى عزام الاوراق التنازل على الطاوله ..طلال راح بسرعه وخذى ماجد من عمه..
وتوجه لعزام... الي ماقدر يسوي شي ارتبك...
طلال بضحكه \خذه..
عزام ماقدر ياخذه.. بعد بس اللفه عن وجه ..وطلع وجه جودي الي ابتسم ..على طول.. بوجه عزام الي اربك عزام زياده..
نسخة امه...
نسخة حبيبته..
عيونها الزمرديه.. هاذي هي.. هاذي هي ..هاذي هي..
بشرتها البيضا..
حتى شعرها..
ماجد شعره اشقر..
رتبك عزام لما عطاه طلال ها الصغير بيده..
طلال وهو يجلس \الله ياخذهم ها الكلاب الطماعين..
انتبه عزام انهم طلعو كلهم بس بضحكه\طلال ماعرف اشيله تعال..
طلال بضحكه\والله عاد حشى ..هاذا صار ولد ملكه مخطوف على ها الفديه ..والله ان على بالي قاعدين ندفع لنا فديه لعصابه..
مو لجده وعمه.. عساهم ما يتهنون بكل ريال فيها..
عزام وهو بادي يتحكم في كيف شله ..جلس على الكرسي ..وصار يبوسه..
باس اول شي عيونه ..
بعدين خدوده..
بعدين شفته الكرزيه..
بعدين طلع عزام من فمه تبويسات.. على شان يضحك وفعلن ماخيبه ماجد.. وصار يفرفر من الضحك..
طلال وهو يقوم يطالع الطفل الي شايله عزام\تصدق ياليتيني الي خطفته قبل جده وعمه ..والله كان انا الحين مليونير..
عزام طالعه بحده..؟
طلال\امزح.. امزح يازين بس ها الصغير..
طنشه عزام\طلال احجز لي تذكره الحين لندن.. والا اقول خلهم يجهزون طيارتنا الخاصه..
طلال\ابشر طال عمرك..
راح طلال يجهز كل اموره..
وبقى عزام معى غنج الصغيره.. اقصد ماجد *_*ولد منصور..
رفعه عزام له ورجع بجسمه على الكرسي وحطه على صدره \يانظر عيني انت وامك.. ياملايني ..و..ثروتي,,
كانت معي مثل النصيب يحدني من كل صوب
كانت دروبي من متاهات الظلل لظلالها
كانت هروبي لا شعرت اني بحاجه للهروب
كانت سماي اللي ليا ضاقت علي ألجالها
ليه اتحداني وانا في كل الاحوال مغلوب
ليه حرمتني من قهر عذالي وعذالها
ليه اتجاهلني وانا لاني جبان ولا كذوب
ليه ارخصت دمعي وانا اللي ما بكيت الا لها
ما ترحم اللي له سنه كأنه على النار محطوب
ما هزها دمع الفقيد اللي بكته أطلالها
ما خافت تهدم السنين اللي بنتنا طوب..طوب
ما فكرت تشفق على حالي وترحم حالها
قولوا لها لو ما تذوب انا بخليها تذوب
قولوا لها لو ما عنت لي مستعد اعنالها
إليا ادمحت لي هالخطا بدمح لها كل الذنوب
وإن جابت الحسنى معي تبشر بعشر أمثالها
أفرش لها صدري وطن وأجمع لها ضلوعي شعوب
وأرقى لها المكانه اللي ما حد(ن) يرقى لها
إن كاني مخطي فأنا ماني خليّ من العيوب
الذنب يغفر والبشر تجزى بقدر أعمالها
البعد قاسي والفراق يضيق الصدر الرحوب
وانا تعبت ادور الحيله وارد احتالها
*
&عزام&غرورك صادف عزة النفس فيني&غنج&..لضمني بين الاهداب
*
*
بلندن مدينة الضباب..
باحد اكبر مستشفياتها..
غنج بعد العمليه..
الدكتور يفتح الشاش من عيونها..ويبدى العد التنازلي يا نور.. يا.. اشباح ..
تركي واقف.. بشوق.. وبحرقة قلب.. على اخته الصغيره لو بيده يعطيها عيونه ماقصر..
الدكتور تكلم لها با الانجليزيه..
وهو يبعد الشاش...
غنج با ستطاعتك ان تفتحي عينيك لرئ نتائج العمليه..
غنج مسكره عيونها مافتحتها...
الدكتور التفت لتركي الي تقدم لها..
الدكتور مره ثانيه\مدام العالي ..بستطاعتك ان تفتحي عينك.. لرء نتيجة العمليه..
غنج مسكره عيونها رافضه انها تنفتح..
تركي بخوف\غنوجه فتحي عيونك.. بنشوف نتائج العمليه..
غنج وهي رافضه الكلام ..وان تفتح عيونها قدام الدكتور.. علشان يشوف اثر العمليه ونتيجتها..
اشار الدكتور لتركي وطلعو با الغرفه الثانيه..
الدكتور\انت الم تخبرني انك تستطيع احضار ابنها لها.. كيف لم توفي بوعدك.. انظر ماذا يحصل..؟؟ انها ترفض حتى الشفاء..
تركي مقهور ومحيوس وحالته حاله..
في ها الوقت طل عزام من بداية الجناح ..والتفت له تركي بهدوء...... لما شافه ..وشاف الطفل الي يشيله.. ابتسم وراح له يركض..
تركي بفرحه\جبته يا الصقر جبته..
عزام بخوف\ها بشر عن العمليه شافت..؟؟
تركي وهو يشيل ماجد ويبوس فيه\رافضه ..حتى تفتح عيونها.. يشوف نتيجة العمليه الدكتور..؟؟
عزام ياخذ ماجد من تركي ويتوجه لها..
الدكتور وتركي وقفو بعيد عند بداية الجناح..
بينما عزام صار قدامها تمام..
مسك عزام يدين ماجد الصغيره ..
وقربها من عيون غنج المسكره.. وبهدوء وهو يمسح عليها\ماما ماتبين تشوفيني.. انا جيت اشوفك..
غنج فتحت عيونها ببطئ.. وهي خايفه..و مصدومه.. فجئه سطع النور بعيونها ..وبدت شوي.. شوي.. تشوف شخص قدامها..
حبته ..وعشقته.. وذابت في اصغر تفاصيله...
رزته..
عيونه العسليه..المرايا..
حواجبه..
شنبه الممتد باتقان.. وبرسم.. كئنه نحت على طول شفايفه المتوسطة الطول..
شعره الطولان وواصل لحد الاذن..لاكن ينساب برجوله للخلف تناسب طلة الصقر وحضوره..
قميص اسود..بنطلون اسود..اللون الي يحبه..ويناسب كاركتره بوضوح تام..
تموت على حتى نبرات صوته.. لما شافته واقف قدامها.. وعلامة الخوف مرسموه على وجه ..نزلت عيونها..
لطفل شايله بيده.. اول ماشافت فيه ..عيونه الزمرديه الخضرا.. نفس درجة لون عيونها ..بعاطفة الامومه تعرفت عليه..
ضحكت بشكل هستيري\جوووودي ..طفلي.. عزامي هاذا جوووودي.. هاذا ولدي.. صح ..صح قول اني ماحلم ..؟؟قول انا هاذا صدق..؟ مو حلم..؟؟
عزام صرخ\غنج انتي تشووووووفيني..؟؟ غنج تشوووووووفيني الحين..؟؟ تشوووووووووفيني..
ركض الدكتور وتركي لجهتهم ..وبدى الدكتور يبي يفحص عيون غنج ..لاكن غنج كانت تضم ولدها ماجد.. وتبوس فيه.. ..ماخلته حتى يفحصها
عزام كان بيطير من الفرحه..
وكل ماالتقى عزام باغروره يفقد شخصيته المتزنه ..سبحان الله..
وهو يشوف طفلته من جديد ترجع لها الحياه..
تدب في عرووقها..
وتشوف من جديد..
وكئنه ورده..
يئس..الذي زرعها..ان ترجع..وتتفتح للبسمات الحياه..
غنج تبوس ماجد وتركي يحاول يلقى له مجال عشان يبوس اخته من الفرحه.. انها رجعت تشوف..
والدكتور صار يضحك وتركهم وجلس لحتى
ماتخلص عشان يفحصها..
غنج بشكل هستيري\تركي ولدي هنا ولدي هننننا..
تركي ببتسامه\بفضل الله ثم عزام هو هنا معك..
غنج تطالع عزام ..وهي تبكي وتضحك ماتدري.. اي تعبير يطلع ناظرته.. ابتسم هو في ها الوقت..
غنج بابتسامه\مشكور عزام.. مشكور يالله ..ماتصدق شعملت.. انت.. انت.. رجعت لي روحي ..رجعتها..؟؟
عزام ببحه وبصوت خافت\وانا ياغنج من يرجع لي روحي..
ناظرته غنج وسكتت ..بعدها نزلت عيونها لمجودي الدبدوب ورفعته بضعف.. يالله قدرت ترفعه شوي\يادب طاللعي مره تشبهني ياحيااااتي
تركي ناظر عزام الي يناظرها بشبه ابتسامه تئكد ان ها الحب مستحيل احد يقدر يفرقهم ابد..
في هاالوقت طل فارس ومعه اخته وعد وولده الصغير ماجد..
غنج التفتت له وشافته وحامل في يده باقة ورد..
غنج ببتسامه\فارس اخوي..؟؟
فارس ابتسم وبفرحه وهو يركض لها ويشوف بحضنها طفل صغير عرف من ملامحه انه ولدها\الحمدلله على سلامتكم الحمد لله..
غنج وهي تحضن يدينه ..وطاحت عينها على ولده\ماجد الكبير هنا ..
ابتسم تركي.. وهو يشوف فارس يرفع ماجد ولده لغنج تبوسه...
عزام كان في ها الوقت سرحان ..بعيد عنهم ويده على حاجز السرير..مانتبه الا على يد بارده.. تحضن يده بدفئ غريب..ها اليد
رجعت لقلبه المجروح..حياة جديده..
ناظرها على طول.. والعيون التقت من جديد..
ولدها بحضنها..
يلعب هاالصغير باطراف لفته..ببرائه..
غنج حاظنه يده..
اصابعها حركتها بكفه الدافي ..
وتلتقي بفرحه بااسوارتها.. الي تعاهدة هي وياه عليها ..وفوق هاذا ...هاذي محابسهم الاثنين بااسوارتها..
اه ياعزام..
اه ياغروري..
ويلومني بحبك..
ويلومني ياعذابي..
اه..
يااااااه مايشوفون..
حبنا يانور عيني لايضيع..
احفظه حتى يلم بنا اجتماع..
اشتري حبك ولاكن ما تبيع ..
كيف تنهي عشرة العمر بضياع..
ياخلي القلب قلبي لك وديع ..
امر امرك ياهوى بالي يطاع..
عينك بنظراتها الخجلا تذيع..
ماتخفى با القاء وعند الوداع..
عجل بوصلن على قلبي سريع..
وارفع بحبي مدى عمرك شراع..
والعجب من صورت الحسن البديع..
خدك الصافي تقل برق الشعاااااع..
اصابعها وقفت عند شي بصابعه..تذكرها..با الواقع اليم..عزام ..متزوج..ماهو خاطب وبس..هاذا المحبس بصبعه اليسار..
رفعت عيونها بقهر لعيون صقارها تستفهم..
والتقت العيون..
قطع عليهم..الاطباء لما ازدحموا..بلغتهم البارده..ببرودة اجواءهم..يطلبون من غنج فحصوات مستعجله لعيونها
وخذوها..
*