منتديات صواديف عشاق - عرض مشاركة واحدة - عزاي إنك رجاي العذب لو كل الدروب عثور،للكاتبة/ اديم الراشد

11-29-2021

جمدت شوق بهدوء وهو تحس ان قلبها بقطع صدرها ويطلع ماقدرت تنطق الا بعد فتره وقالت : مشكور يانادر سويت لي شي ما سووه امي وابوي
شد نادر عليها اكثر وابتسم : وانا مابي شكر ابد ولا سويت شي اشكر عليه لكن ابي اشوفك بحلمك واقفه ورافعه راسي وراسك
ابتسمت شوق : ان شاء للله
سكتوا وعم الهدوء لكن ماعم على قلوبهم اللي تدق بكل قوتها لكن في طمأنينه عجيبه
_______________________.
ومن هالليله
انطلقت الأماني والاحلام والكوابيس بعد وعدا شهر
بالنسبه لخلف كان اخر يوم يلتقي بليلى هو اول ماعرض عليها خطبته وبعدها ما شافها ولا حتى بالصدفه لكن مرتاح في قلبه شعور حلو صار ينعكس على ملامحه ولو ان ليلى كثير احيان تصده
لكن ليلى اللي من هالليله وعصافير الفرح والحب تطير بقلبها فجأه تحرك الاعجاب المخبى تحرك الذهول اللي تحسه اتجاه خلف صحت وصارت تشوفه فارس الاحلام المنتظر او بالأصح قيس ليلى المنتظر وصارت تحاول ان الصدف تجمعهم من جديد لكن سفرهم للكويت وقف جيمع السُبل ... واذا على عقاب كان يعيش على اعلى مستويات الرضا وهو يشوف تجهيزات زواج وعد قايمه من جهتهم فرح لكن مبارك كان يجهز لطغيان وجبروت ينميه عقاب فيه بشويش بدون ما احد يحس ...
ووعد للي كل يوم يعدي ويقرب زواج كانت تحس انها بتنهار لكن مجرد ما تلمح عقاب ترجع لقوتها وكانت تسمع اعتراضات كثيره عنها وليش تروح تجهز لزواجها! وهاذي مو من عاداتهم وهذا عيب ومنقود ويفسر ان البنت ما تستحي ومع ذلك سوتها وعد وتعدت الكل وفرضت رايها وكملت وهي تدري ان عقاب غضبان من هالعصيان ويمنع البنات يروحون معها لسوق لكن كانت تثبت شخصيتها على الكل وغصب بعد وهي تجهز لمبارك انواع واشكال من العصيان والقوه
... اما نادر
فهو في نعيييييم ورضا تام بما انه متفاهم مع شوق ويشوفها في احسن حال وبدا الوضع بينهم يتطور ويصير في قمة اللطافه والاحترام والحنيه
اما شوق كانت من كثر ماهي سعيده صارت تشوف ان نادر ملاك وخصوصاً بعد ما ساعدها باختباراتها ويذاكر لها رغم انه مايفهم في هالامور ودراسه فاشله لكن اللي مايعرفه يروح لخلف يشرح ويرجع لها ويساعدها لين اخذت اعلى الدرجات
هذا غير تعامله معها اللي كان قاسم الحياه بينهم وجاب شغاله تساعدها فالبيت ....
اما عند ضاري كان ملتزم بحبه لامه كالعاده لكن الوقت قدامه بدا يضيق وامه كل يوم تعرض له بنت ولا يرتاح ويرفض وهذا شي ضغطه وبدا يتوتر منه
.
.
في الكويت شيخه تزوجت من يومين وزفوها لبيتها بالفرح والدعاوي السعيده ومع روحة شيخه ودع الهدوء والسلام والركاده بيت النوخذه
وبقى الهواش والعناد والصراخ مع ليلى وجابر اللي بقوا واللي من اهم اهتماماتهم رجوعهم لسعوديه وماصدقوا خلص زواج شيخه ورجعوا السعوديه
_______________________.
في بيت ابو خلف
في اليوم المنشود رغم ازدحام الاشغال فيه والحوسه كان الفرح يعم على الكل وبما ان زواج الحريم في بيت ابو خلف كان خلف يعلق العقود هو وفيصل وسالم وعزوز وغيث يفرشون ويساعدون
والبنات في الغرفه يجهزون لكن وعد وندى كانوا مع ماجد في الصالون
وكان ماجد مصدوم من موافقة وعد على مبارك حاول كثير يغير رايها لكن رفضت وعد واصرت لذلك الكل سحب يده وبقت وعد
دخل عقاب بيت ابو خلف مبتسم : سلام
الكل : عليكم السلام
عقاب : مساعده شي؟؟ خلف : لا خلاص قضينا
عقاب : اجل انا طالع لزواج الرجال
خلف : زين
طلع عقاب بإنتصار ووصل زواج الرجال اللي في نفس الحاره وبعيد شوي شاف مبارك مجهز كل شي وخالص لكن باقي ما جهز هو
تقدم له مبتسم : ياعريييس وين الكشخه ووين البشت
مبارك: والله توني قضيت وبروح اكشخ
عقاب : ايييه شد حيلك واكشخ الليله ليلتك
ابتسم مبارك: لا توصيني على ليالي العمر
ضحك عقاب وهو متكتف يناظر حوله ويشوف الناس مجتمعين ويساعدون
_______________________.
في بيت النوخذه
كانوا معزومين على الزواج وليلى تكشخ بكل ما أوتيت من قوه ومتحمسه ومبسووووطه وهي رافعه صوت عبد الحلييييم وتغني معه
لفت على صوت جابر اللي يهاوش على صوت الاغاني العالي ونزلت وهي مبتسمه: شنو فيك ! صراخك معبي الفريچ
جابر: ليلووووه قصري الصوت فشلتينا
ليلى: ماكو احد يسمع
جابر : مابي اعيد الكلام
ليلى: زيييين
ام نهيان: يلا يا ليلى مابقى على المغرب شي يلا زتچ
ليلى: زين يمه زييين
ابو نهيان: جابر ساعدت جيرانك يبه!
جابر : ايه يبه توني واصل
ابو نهيان: بارك الله فيك
كان ابو نهيان حريص على جيرانه والجيره الطيبه
_______________________.
وفي بيت نادر
كانت شوق تجهز وهي متحمسسسسه لزواج وعد من كثر ماتحبها تحسها اختها وطلعت مستعجله : هاه نادر كيف شكلي
لف نادر اللي من العصر يحوس ويساعد في زواج الرجال وابتسم: اووووه ملكه مللكه
ضحكت شوق : لا تبالغ
نادر : من وجهة نظري اللي ماشافت الا انتي انا اعطيك هاللقب مع سابق الاصرار والترصد
ابتسمت شوق: طيب يلا عشان تجهز
نادر: يلا يلا
شوق : طيب اسمع باخذ الشغاله معنا تساعدهم
نادر: اكيد اكيد خذيها
شوق : طيب .
.
.
شوق : طيب اسمع باخذ الشغاله معنا تساعدهم
نادر: اكيد اكيد خذيها
شوق : طيب
راحت شوق تقولها تجهز وبعد شوي طلع نادر وشوق متجهين لبيت ابو خلف
_______________________.
وعند ضاري
من يوم وصلت لهم العزيمه ووصلت لامه وهو يبيها تحضر وتغير جو وتنبسط ومن الصبح وهو يغسل ملابسها ويبخرها ويجهزها عشان تحضر
جلس ببتسامه ينتظر امه اللي تمشط شعرها وهي تجدله مثل طريقة كل العجايز للكبار
ووقف ضاري يعطيها طرحتها ببتسامه ولبستها ولفتها على طريقة لثام وعلى فمها ومبينه خشمها اللي يلمع فيه زمامها الازرق القديم
وقرب ضاري معاه العود ودهن العود يبخرها ويعطرها ويلبسها العبايه وابتسمت ام ضاري : تسلم يمه تسلم
ضاري : الله الله وش ذا الزين ياخوفي يلخبطون بينك وبين العروس
ضحكت ام ضاري : ياحبك للعياره
ضاري قرب يبوس راسها: والله يا يمه انك في عيوني اجمل الحريم كلهم
ام ضاري : نشوف اذا كلامك بيثبت اذا تزوجت
صد ضاري بنفي وغضب:الله يأخذ نفسي اذا ببدي عليك احد
ام ضاري : بسم لله عليك لكن يايمه القلب اذا حب يحتم مصيرك
ضاري : انتي الحب الاول وبعد يصير خير
ام ضاري : يالله يارب ترزقك باللي تسر قلبك وخاطرك
ضاري : امين
مشى معها يلبسها عبايتها وطلعوا للعرس
_______________________.
بالصالون البسيط
كانت هناك وعد اللي انتهت ووقفت تناظر نفسها من وإلى وضحكت بإستهزاء ! مقهوره على نفسها اللي المفروض تكون مبسوطه وفرحانه لكن قلبها فااااااارغ ما تحس بأي شعور ما تحس انها عروس تحس انها مجنده عشان تحارب أشباه الرجال من عقاب وغيره
ايتسمت اول ماجت ندى وهي تصفر: الللللللله يا وعد الله وش هالزييييييين
ابتسمت وعد : شفتي كيف !
ندى:اموووت على الغرور والكبرياء
ضحكت وعد : يلا يلا شوفي وين ماجد تعبت خلاص
ضحكت ندى: بدررري على التعب بدري
صدت وعد بهدوء وطلعوا لماجد اللي ينتظر وركبوا ولف ماجد مبتسم : لله يحيها عروستنا
ندى: ياليتك تشوووف الزييين ياخالي بس
ضحك ماجد: وعد مزيونه من سنين ما وقفت على الحين
وعد : تسلم ياخالي
ماجد : يلا يادوب نلحق
تحركوا متجهين للبيت وكل مايقرربون تختنق وعد اكثر واول ما وصلت شافت عقاب وخلف وعزوز وسالم وغيث وفيصل وابو خلف ومحمد وابو ناصر كلهم على الباب في قمة كشختهم وهيبتهم ملفتيييين وينعشون الواحد بمنظرهم لكن كانت ودها تمشي من بينهم لين توصل عقاب وتضربه كف يبرد قلبها
في المقابل تركزت عيوون عقاب على السيارة ونزلت وعد بكامل ثباتها وخطواتها وهيبتها اللي تستفز عقاب بها خاطره يشوفها منزله راسها لكن هذا مستحيل .

خاطره يشوفها منزله راسها لكن هذا مستحيل
تقدم خلف بكل حب يحاوط كتف وعد مبتسم وابعدوا عزوز وعقاب وطلعوا ودخلوا اخوان وعد ومحارمها
وطلعوا البنات اللي كشخوا واستعدوا يركضون لوعد
وركضت حنان تاخذ عبايتها واغراضها ولفت وعد ببتسامه تناظرهم وقرب خلف بحب : ماشاء الله ماشاء الله الله يحفظك وانا اخوك ويسعدك ويملى حياتك رغد ووسعاده
قرب فيصل يصفر ويصفق : وعييييد الله يسامحك كنتي مخفيه هالزين كله بالهواش
ناظرته وعد بضحك :لا ابشرك بترتاح
قرب فيصل يحضنها بعبره: لا والله ماني مرتاح ولا للبيت طعم بغيابك ياعمود هالبيت
تزعزع ثبات الكل بعد كلام فيصل والكل فرحان لكن حزينين على روحة وعد
تعلق فيها غيث اللي يصيح وسالم وبالقوه ابعدوهم لكن خلف كان ابعدهم كلهم مايبي ينكد عليها ومايبي ينهار
ابو خلف : يلا يا عيال يلا وش ذا
قربت هيا: خلاص لا تخربون مكياجها
وعد اللي ما تحركت فيها دمعه كانت شاده ذراعها بقوه ماتبي تبكي ابداً
اماني : تعالي للغرفة الناس بيوصلون
دخلوا وعد الغرفه عشان تلبس فستانها وتستعد والكل طلع واخيراً بدو الحضور يجتمعون
والرجال يتجهون لزواج الرجال
_______________________.
في زواج الرجال
كان الحضور من جماعة مبارك قليل نوعاً ما لكن عقاب كان واقف معه وخلف واخوانه واقفين بالزواج بعد والحضور كبير وجابر نادر وضاري يساعدون
لكن خلف عيونه كانت على مبارك وده يتفحصه لاخر لحظه مايدري ليه خايف على وعد مايدري ليه قلبه ماهو مرتاح مايدري ليييييه شعور في صدره موجعه حييل كان مستغرب العلاقه القويه بين عقاب ومبارك لكن توقعها علاقة عمل
ما طول تفكيره فالموضوع لان بدا دخان النار والبرد والبخور والعود والعطورات اللي بالجو تكتم انفاسه وزود على ضيقة صدره وعبرته اللي خانقته عجز يتحمل
وطلع من الزواج يبي يرجع ياخذ دواه ويبي يشوف وعد يحس وده يحضنها ماهو مستوعب انها بتروح وتخليهم ومايدري وش مصير هالزواج
ركض وراه نادر وضاري : خلف خلف وين رايح ؟
خلف : بروح اخذ ادويتي واجي
نادر : اروح معك
خلف : لا لا بروح بسرعه وارجع
نادر: زييين
طلع خلف مستعجل لبيت قبل يطيح
_______________________.
وفي زواج الحريم
كل البنات كانوا مجتمعين ومبسوطين وكان الحفل في الحوش تحت والكل مبسوط
لكن فالسطح كانوا كل البنات مجتمعين ينتظرون وعد تجهز عشان يدخلون يسلمون عليها
كانت شوق وليلى وسحر ينتظرون فالسطح والباقين مع وعد واغلبهم تحت بالضيافه
كانت ليلى تراقب سحر بذهول ماهي مصدقه شلون ترفض خلف !؟ وكان ودها تسألها .
.
.
كانت ليلى تراقب سحر بذهول ماهي مصدقه شلون ترفض خلف !؟ وكان ودها تسألها لكن سكتت وهي تسمع سحر تقول : بنزل اساعدهم
شوق : بنزل اجيب لنا شي نشربه عن البرد
ليلى: زين
جلست ليلى تنتظر وهي تمشي بالسطح ببتسامه لكن فزت على الباب اللي بالنص لللي انفتح
وكان خلف اللي جاء من بيت جده عشان يدخل من فوق وينادي البنات لان تحت مايسمعون لكن تجمد يناظر ليلى وابتسم اول ماشهقت ليلى بخوف: انت شنو تسوي هنييييه!؟ ضحك خلف : حتى في بيتنا بتسألين هالسؤال !
اختبصت ليلى: شنو يعني بيتكم!؟ ماتعرف ان فيه زواج وفي حريم
خلف تكتف ببتسامه وهو يدقق فيها : ايه اعرف لكن اعرف ان محد يجي السطح الا اهل البيت
تفشلت ليلى منه ومن نظراته ولفت تدور اي شي حولها وسحبت الثوب اللي على الحبل تحطه حاجز بينها وبينه عشان مايشوفها وقالت بسرعه : شنو عرفني انك بتدرعم ! وان لازم محد يكون هنيه الا اهل البيت
ابتسم خلف بدقه خفيفه : لا ماعليك انتي تعتبرين من اهل البيت
تصلبت ليلى لكن ابتسمت اول مادق قلبها بفرح وحب وسكتت لكن لف خلف ببتسامه: روحي نادي وحده من خواتي قولي لهم خلف تعبان يبي دواه
لفت ليلى برعب : تعبان!؟ ضحك خلف : ايه اذا ودك جيبيه انتي ، اظنك تعرفين وينه
تفشلت ليلى وطلع بسرعه من السطح وتركته لكن خلف ابتسم وهو يمسح صدره بألم : ااااه ياربي وش ذا اللي اشوفه واعيشه
نزلت ليلى تركض وقابلتها حنان: وش فيك!
ليلى: فيه صوت رجال ينادي فوق
حنان: غريبه مين ؟
طلعت بسرعه وشافت خلف : خلف وش فيك !
خاب ظن خلف اللي توقع ليلى تجيبه : ابي دواي
حنان: يوووه الحييين اجيبه دقيقه
وطلعت تركض وجابته ورجعت وطلع خلف ونسى انه بيسلم على وعد ونسى كل شي وبعيونه ليلى ااااه يا ليلى كل ما يتذكرها يطير بين الغيوم
_______________________.
ومشى الزواج زي ما الكل يحب والكل مبسوط ومستانسين واخيراً جت نهاية الليله بالنسبه لوعد اللي طلعت لها امها وعمتها ام خلف والكل يجهزها استعداد لجيت مبارك اللي سمعون زفة الرجال فالحاره
غمضت وعد ووقفت وقلبها يرقع من التوتر وسمعت صوت ابوها يقول : حياك الله يا مبارك ادخل
وسمعت صوت خطواتهم جايه وصوت رجال غريب صوت مبحوح بشكل مرعب يقول : سلام عليكم
ماقدرت ترد لكن حست بأمان اول ما ألتفو حولها ابوها واخوانها وجدها وعمها محمد وماجد
بدول يسلمون عليها ويدعون لها ويودعونها ويحصرون على مبارك ويوصونه عليها وكانت كل ما تسمعهم يعيدون على مبارك(وعد امانه الله ثم امانتك) تحس بغصه
.