إحتياج بسيط

إحتياج بسيط

ليه أحيانا حد فينا ممكن يكون عنده إحتياج بسيط . .. ومع ذلك شريك حياته مايرضاش يلبي الاحتياج ده ؟

يعني زوجة كل اللي طالباه من زوجها ... كلمة حلوة ... او انه يسمعها ... او يطبطب عليها ...او يفتكر كل فترة يجيب لها هدية ... وهكذا

او زوج... كل اللي طالبه من مراته إنها تقدر تعبه ... او يرجع م الشغل يلاقي لقمة جاهزة ...او البيت نظيف ...او تهتم بالعلاقة الخاصة... الخ

إهمال سد الاحتياج ده سببه حاجة من الاتي :

١ - إن الطرف التاني يجهل تماما أهمية سد الاحتياج ده بالنسبالك ...وشايف إن الاحتياج ده تافه أساسا... وبالتالي مش هايبذل جهد في إشباع إحتياجك ده

٢ - الطرف التاني عارف أهمية سد الاحتياج ده بالنسبالك ... لكن مش عارف يعمل إيه عشان يقدر يلبي الاحتياج ده ...وبيفتقد المهارات اللازمة عشان يقدر يرضيك .. ومصمم يعاملك بلغة الحب بتاعته اللي بيفهمها وبيحتاجها هو وبيعرف يعملها ومش عارف يكلمك بلغة الحب بتاعتك انت

٣ - شريك حياتك عارف أهمية سد الاحتياج ده بالنسبالك ... و بيعرف إزاي يعمل ده ... لكن مجروح منك في نقطة معينة ... والجرح ده مخليه زاهد في إنه يرضيك او يسعدك ... وأحيانا الامر بيتطور إنه بيحرمك من الحاجة اللي انت محتاجها كإجراء عقابي عشان انت بتأذيه أساسا

مهم قوي إننا نحدد السبب ... عشان نقدر نحل المشكلة ...لأن كل سبب ليه طريقة معالجة ... ولو ما أدركناش السبب الحقيقي... هانفضل نحل في الطريق الغلط

الموضوع الأصلي: إحتياج بسيط || الكاتب: ريحانة القلب || المصدر: منتديات صواديف عشاق

https://s-eshq.com/vb

كلمات البحث

العاب ، برامج ، سيارات ، هاكات ، استايلات

صواديف عشاق معجب بهذا

المصدر: منتديات صواديف عشاق

---

Ypjdh[ fsd'