دقت السـاعهـ ست بس كالعاده ماسمعتها .. بس الحمدلله قومتـهـا نغمه الجـوال (قررت اموت بحبك وامشي معاك بدربك)
اريج تقوم بتثاقل وترد عالجـوال : الو هلا قلبي أزايـك.. اه ياالبي فاكره النهارده اول يوم في الاختبارات
رائد: حياتي لاتنسين انك ثانويه عامـهـ ولازم تجبين النسبه اللي ترفع الراس
اريج وهي لسه عالسرير: البي نور عيني سبني نص ساعه كده اهوه وحقوم وبعدها كلمني وبعدين لساتنا بالفصل الاول ياحبيبي ماتعقدهاش بقى
رائد: شرايك تقومين وتخلينا نكمل سوالف بالسياره
اريج وتفز من مكانها : ليش انت تحت؟
رائد: انا لسى بالسياره ربع ساعه واكون تحت
اريج: وانا عشر دقايق واجـهـز
(وتطق ام اريج الباب)
ام اريج: اريج يابت اومي امال عندك اختبار يابت
اريج: ماانا صاحيه ياامه حلبس وانزل دي الوقتي ماتقلقيش
ام اريج: طب انا صحيت محمد وعملت الفطار ومحمد صحى مابقى الا انتي يااريج ..
اريج: حادر ياماما
(وبــالـصـالـهـ نزلت اريج وهي بكامل اناقتها)
ام اريج: ايه كل المكياج ده
اريج: ماما كلها بلاشور وروج وماسكارا
محمد: اصلا اختي حلوه بدون اي شي
ام اريج: طب يلا افطروا بسرعه عشان نروح للمدرسـهـ بدري
اريج: ماما انا حروح مع زينه النهارده(ويرن جوالها كان صامت بس حست بالهزاز) وقالت: ماما انا حمشي دي الوقتي زينه زمانها جت ادعولي بالتوفيق باي
ام اريج: ربنا يوفقك يابنتي يااريج
وببيت رائـد
كانت بشـرى ع الفطـور مع جاسم اللي توه قاعد
جاسم: صباح الخير
بشرى: صباح النور.. شلونك
جاسم: الحمدلله وين الاهل
بشرى: رائد طلع من بدري وبابا نايم مارح يصحى الا 8 وماما راحت للشغل ومابقى الا انا وانت
جاسم: ذاكرتي زين
بشرى : الحمدلله بس الله يستر
جاسم: انتي دافوره وماينخاف علي
بشرى: لاتعطيني عين.. جسوم توديني الجامعه امي راحت مع السواق ومالي خلق انتظره
جاسم: تروحين من الحين بدري توا الناس الساعه ست ونص
بشرى: عشان اذاكر شوي وبعدين السواق رح يتأخر ومارح يجي الا ثمان ونص
جاسم: ليش
بشرى: ماما عندها وفد اليوم والسواق بيستقبلهم بالمطار
جاسم: طيب يلا امشي عشان اروح بدري للجامعه عندي محاضره الساعه سبع وربع
بشرى: يلا (ويقومون)
ببيت بومشعل وتحديدا بغرفه فرح وهيفا
فرح: هيفا شرايك بهالخاتم حلو والا هذا احلا
فرح: كلهم حلوين المهم شرايك احط مكياج برونز اليوم
فرح: حلـو البروز يظهر ملامحك اكثر
(وتدخل امهم بشرها)
ام مشعل: لين الحين مارحتوا للجامعه
هيفا: توا الناس الاختبار يبدء ثمان
فرح: ماما الفطور جاهـز
ام مشعل: الحين بقول لميري تسويه
فرح: وع مو حلو اكل ميري .. خلي نغم تسوي لنا فطور
ام مشعل: نغم انقلعت مدرستها لان الباص بالاختبارات يجي بدري
هيفا: يا سلام يعني رح نقعد اسبوعين بدون فطور سنع .. خليها تسوي لنا فطور وتروح مع السواق
ام مشعل: تخسي هالمعفنه تركب سيارتنا والله لو علي ماخليتها تروح الاختبارات بس هالحنيه اللي نازله على ابوك ماادري من وين
فرح : تلاقينها قعدت تصيح وتتمسكن عنده
هيفا: تمسكنت لين ماتمكنت
ام مشعل : اقول خلو عنكم الكلام عن هالخايسه وشدوا حيلكم بالاختبارات هالمره ولازم تنجحون والا ترى ابوكم رح يقعدكم بالبيت
والله مايسوي عليه مابقى احد ماكلمه عشان يدخلكم الكليه وانتو مالت عليكم شكلكم رح ترسبون وتقعدون تقابلوني
هيفا/ لاوالله انا عن نفسي مارح اقابل الا زوجي اذا رسبت هالمره رح اتزوج بالصيفيه وافتك ماصارت سنه ونص ملكه وانا كل يوم اجل بسبب وبدون سبب هالمره اذا رسبت رح اتزوج على طول ومحد بيقعد عندك غير فروحـهـ
فرح بحقد: لا ان شاء الله رح انجح ومارح اقابل حد
/
/
/
/
وعند باب مدرسـه البنات الحكوميه وبالسياره
رائد: حبيبتي اقري الدعاء اللي قلت لك عليه وحاولي تركزين وخذي وقتك
أريج: طيب حبيبي انت بس ادعيلي احبك (وتنزل من السياره)
رائد: الله يوفقها يارب ويرن جواله: الو هلا جسوم
جاسم: وينك
رائد: قريب
جاسم: رحت للجامعه والا تو
رائد: لا الحين بروح
جاسم: اجل وينك من الصبح
رائد: قريب.. اسمعني وينك الحين
جاسم: توني نزلت بشوره لجامعتها وبروح جامعتي
رائد: اوكي نتقابل هناك يلا باي
وبمدرسه البنات دخلوا البنات قاعه الاختبارات واختبروا وطلعوا بعد ماانتهى وقت الاختبار وكانت اريج مع صديقتها
اريج: والله احس اني ماادري شلون حليت .. احس اول مره اشوف اختبار بهالصعوبه
زينه: اوووف الاختبار كان مره صعب ماادري انا شلون حليت جوجو كم تتوقعين تجبين
اريج: ماادري مافي رقم ببالي وانتي
زينه: ماادري بس المهم انجح
وبزاويه ثانيه من زوايا المدرسه كانت نغم مع صديقاتها
شريفه: شسويتي نغوم
نغم: الحمدلله زين بس كم مسأله خربطت فيها وانتي
شريفه: انا زين مني كتبت اسمي
نغم: انتي دايما تقولين كذا وتسوين زين
شريفه: انا اجيب جيدجدا وابي احافظ على هالمستوى وبس
نغم:احنا تونا اول يوم ماشفنا شي الله يستر بس من اختبار الكميا بكره
شريفه: ابله مها تقول الاختبار سهل
نغم: والله انا هالكلمه تخوفني الاختبار سهل الله يستر بس
شريفه: والله انا اول مره اشوف بنت تحب الصعب وتخاف من السهل
نغم: لابس لان الصعب اسئلته متوقعه والسهل اسئلته غير متوقعه
شريفه: طيب خلينا من هالكلام الحين وقومي تاخذ لنا شي ناكله
نغم: بتطلعين اليوم بدري
شريفه: ايه الساعه عشر وربع بيجي ابوي وانتي
نغم: مارح اطلع الا 12 مع بنات اول لاني اروح واجي بالباص اللي مايمشي الا 12 ونص واوصل البيت وحده وربع
شريفه: طيب تبين اخلي ابوي يوديك
نغم: لا ... الله يخليك اخر مره رحت مع نجود مرت عمي سوت لي سالفه لها اول مالها اخر وياليت جات عالسالفه وبس الا طقتني بعد وياليتي رايحه من نفسي المشكله انو الباص وقتها كان خربان الله يستر بس
شريفه: الله يعينك والله .. الا وين نجود
نغم: راحت عند كم بنت عشان تسألها عن اختبار بكره
شريفه: يووووه مع انها سألتني وسألتك لكن هالبنت دفره ماادري طالعه على مين؟
نغم: اي هذي هي جات
نجود: جبت لكم كم سؤال يقولون عنه البنات مهم
نغم: عطينا خلينا نشوف
وبدوره مياه الطالبات (الله يكرمكم) كانت اريج تكلم رائد بالتلفون وزينه تنتظرها وطلعت
اريج: فتحوا الباب والا لسى
زينه: الا فتحوه بتطلعين
اريج: على طول كلمت رائد وقال انه ينتظرني برى
وتمر شهد وشلتها وتطالع اريج بحقد وتقول: اوووووف يع .. اشم ريحه طعميه
نوف: ههههاااي شلون نسيتي ان ام الفراخ هناا هههههههه
اريج بكل ثقه وغرور: اللي مايطول العنب يقول عنه حامض
شهد وتقرب لاذن اريج وتقولها : حامض ومر بعد بس وحياتك مارح تسمرين معه
اريج وقربت لاذنها: لو تلفين الدنيا كلها وتدورين مارح يعطيك وجه تدرين ليه لانك معفنه وانتهت صلاحيتك بعد(وتروح)
زينه:شهد حاقده عليك من اول مادخلتي الثانوي عشان رائد
اريج:خليها تولي ورائد اصلا مافكر فيها ولاعطاها وجـه وموعاجبته اصلا والحين امشي قبل لايسكرون الباب
زينه : لايكون باب الحاره بس
اريج: يمكن ههههههههه
وببيت بومشعل كانت نغم توها جايه من المدرسه وكان ابراهيم قاعد بالصاله
ابراهيم: تأخرتي نغم
نغم:الباص يتأخـر لانه مايطلع الا لمى تطلع كل الفصول
ابراهيم: يعني الزبده متى بتخلصين الغدا
نغم:عطني ساعه الاربع على ماابدل ملابسي واسوي الغدا
ابراهيم: نغوووم اخلصي انا ميت من الجوع حدك نص ساعه ويخب عليك انا بروح اخذ لي غفوه وبعد نص ساعه صحيني
عالغدا ببيت بومشعل كانت فاطمه بجناحها تصحي زوجها
فاطمه: مشعل.. مشعل.. مشعل
مشعل وهويقوم بصعوبه: شفيك
فاطمه: حبيبي يلا قوم تغدى
مشعل: طيب
فاطمه: شنو طيب يلا قوم الكل قاعد ينتظرك على طاوله الطعام
مشعل: طيب حبيبتي قومي جوري وروحوا للغدا وانا بلحقكم
وع طاوله الطعام كانت نغم تحط الغدا مع الخدم وجات بتروح ويناديها عمها
بومشعل: نغم قعدي تغدي وانا عمك
نغم: عمي مااقدر لاني بروح انام الحين واذا تغديت الحين مارح اقدر انام
بومشعل: طيب كلي لقمه عن خاطرك
نغم: معليش عمي مااقدر والله
فرح: يبه خلها تولي ماعليك منهاا
فاطمه: وشهالكلام يافرح ماله داعي هالكلام وبعدين الموضوع بين عمي ونغم انتي ماعليك منهم
هيفا: تحدث محامي الدفاع الرسمي
نغم: عن اذنكم(وتروح)
هيفا: روحه بلا رده
فاطمه: عمي انت شلون تسكت لهم شلون يتكلمون عن نغم كذا يكفي انهم مايعاملونها زين
ام مشعل وتسيطر ع الوضع: وانتي وش دخلك يافاطمه مالاحظتي انك صايره ملقوفه بزياده
مشعل: يمه فاطمه حقانيه وماتحب غير انها تقول الصدق
بومشعل: بس ياجماعه ماصارت هذي حاله كل يوم نجره ع الغدا ترى صدعتوا لي راسي واللي يبي يقعد يتغدا يقعد بهدوء وبدون ازعاج
ابراهيم: يبه ابي فلوس
بومشعل: سكت دهرا ونطق كفرا
ابراهيم: يبه شفيك علي ماتتحمل مني كلمه
مشعل: ابراهيم بس انت كل شوي تطلب من ابوي فلوس ترى فلستنا يكفي اقساط جامعتك اللي تكسر الظهر انا ماادري ليه ماشديت حيلك مثلي ودخلت جامعه حكوميه
ابراهيم بخاطره(تكلم البخيل)ويقول: مشعل انا موقاعد اطلب ابوي هو اللي واعدني ورح يعطيني الحمدلله شبعت من كلامك العسل(ويقوم)
مشعل: هذا اللي فالح فيه ياكل شوي ويتكلم عن الفلوس ويقوم .. مخاسير على الفاضي
فرح: ليش انت تدفع شي من جيبك كله من جيب ابوي
فاطمه: فرح هذا اخوك الكبير ولازم تحترمينه
ام مشعل: اعوذ بالله منك يافاطمه مايمدي احد يتكلم الا ونطيتي له كأنك (وتسكت شوي) خليني ساكته احسن
فاطمه: الحمدلله شبعت (وتقوم)
ويقول وراها مشعل كالعاده الامر اللي استفز امه
مشعل: فاااطمه
(ع فكره اعيال العم هنا مايتغطون عن بعض بس يتحجبون)
نبذه عن الشخصيات اللي ببيت بومشعل
بومشعل: مزاجي لابعد درجه وجدي واهتمامه بالشركه دايما على حساب بيته
فرح: انانيه ومغروره وتحب نفسها اكثر من الكل وكل الناس بعيونها مايسون شي
هيفا: مثل فرح الا ان هيفا اخف منها بشوي وهي خاتم بأصبع فرح رغم انها اكبر منها ب5 دقايق
ام مشعل: شريه ومافي اقوى منها و24 ساعه هواش مع فاطمه بسبب وبدون سبب
مشعل: يحب زوجته فاطمه ويموت فيها وزوج مثالي الاانه بخيل شوي واحيانا يوقف مع امه ضد زوجته
فاطمه: حبوبه وحقانيه وهي الوحيده اللي تحن على نغم ولهالسبب تكرهها ام مشعل
ابراهيم: الولد المدلل وشخصيته مثل خواته التؤام ونسخه مصغره عن امه الا ان قلبه فيه شويه طيبه وغير عنهم لكن امه مسيطره على افكاره بشكل كلي والكل يعتبره دلوع الماما"
/
/
/
/
/
/
" زوجتك مسختها هذي مواول مره ترد على بناتي" ... قالتها بكل قهر
مشعل: لا يمه بناتك هم اللي مسخوها
ام مشعل: بناتي ماقالوا شي بس مرتك تبي الشاره عليهم
مشعل: والمطلوب
ام مشعل: رد مرتك وخلها تقعد بأحترامها احسن لها ومالها شغل بنغم وع فكره تراها قاعده ببيتي واذا مسختها بزياده بيتي مايضم اشكالها
مشعل: بس هذا بيت ابوي اللي هو عمها يمه
ام مشعل: وترد جواب بوجهي بعد ياللي ماتستحي والا جاتك الحرمه ونستك امك
مشعل: يايمه .. انتي امي وعلى عيني وراسي من فوق وفاطمه زوجتي وام اعيالي
ام مشعل: اي اعيال مالت عليها وعلى خلفتها ماجابت لك الا بنت .. لكن ان شاء الله تجيب بنت عشان نظل نعايرها انا وبناتي طول عمرنا
مشعل: فاطمه عاجبتني سواء جابت لي بنت او ولد وانا ماابي العيال ابي زوجتي وبس وجوري بنتي وزينه حيااتي
ام مشعل: ليكون تحبها اكثر مني؟
مشعل: وشدخل الحب بموضوعنا يايمه
ام مشعل: الا الحب هو اساس كل شي.. قولها قول انك تحبها اكثر مني قولها وسمعني خلني اشوف ثمااار تربيتي لك ياولد بطني
مشعل: يمه انا مستحيل ابدي مره عليك بس اللي قاعد يصير موعاجبني
ام مشعل وتطمنت: عاجبك والا موعاجبك سد فمك ولاتتكلم ولاكلمه والحين اطلع وخلني اخذ غفوه بعد الغدا
/
/
/
/
/
" يعني كالعاده عطتك كلمتين وجيت تهاوشني"
مشعل: انا ماجيت اتهاوش معك بس خلاص يافطوم ترى راسي مصدع .. كل يوم هواش ونجره ونفس الموضوع كل نغم وهي موحاسه بهذا كله
فاطمه: نغم حاسه وانت عارفه انها حاسه بكل اللي يصير بس المسكينه موقادره تتكلم واذا تكلمت او قالت كلمه امك لها بالمرصااد
مشعل: حيااتي خلينا من نغم ومن موضوع نغم ومن امي وخواتي ترى والله مليت من كثر مااتكلم بهالسالفه ولا احد يسمع لاانتي ولا امي
فاطمه: طيب ليش ماتكلم امك كل مره تكلمني انا وتهاوشني انا
مشعل بيأس: تدرين انا بحط راسي وبنام لان انتي راسك يابس وامي راسها ايبس تمسين على خير(ويحط راسه عالمخده)
فاطمه وتقرب لعنده وتهمس له بأذنه وتقول بدلع: مشـعل .. حبيبي
مشعل ويفز: عيون حبيبي
فاطمه بدلعها اللي يموت عليه مشعل: لاتنام وانت زعلان
مشعل: ومين قالك اني زعلان منك؟
فاطمه: يعني مو زعلان؟
مشعل: لوزعلت من عيني بتحرمني نظرها وشلون لو ازعل من الدنيا كلها
(وتدخل جوري بنتهم)
جوري:ماما.. ماما .. تعاالي قولي لي حكايه عشان انام
فاطمه: طيب ماما الحين بجي (وتلتفت لمشعل): حبيبي بروح انوم جوري واجي اوكي
مشعل: طيب طفي النور معك عشان انام
فاطمه: اوكي (وتروح)
ببيت ام اريج كانت اريج تذاكر بغرفتها ويجي لعندها اخوها محمد
محمد: اريج خلصتي مذاكره
اريج: لا .. توني بديت باقي شوي واخلص الفصل الاول
محمد: شدعوه الساعه 8 وانتي توك تخلصين هالباب
اريج: عادي مارح انام الا الساعه 2او3 شتبي حموود
محمد: عندي بكره اختبار قواعد وابيك تشرحين لي كم قاعده
اريج: والمدرس اللي ماما حطت لك اياه ليش ماتروح له
محمد: كنت عنده الاسبوع اللي فات وقلت له ماودي اروح له قبل الاختبار بيوم
اريج: شدعوه توه مذاكر لك ونسيت كل شي
محمد: اريج لاتذلين كلها كم قاعده
اريج: طيب قول لماما تشرح لك
محمد: ماما بالمستشفى عندها حاله ولاده ومارح ترجع الا بالليل
اريج وتترك الكتاب اللي بيدها وتطالع بأخوها: اوووف .. الحين ماما حاطه لك مدرس لكل المواد مع ذلك مافي فايده دايما تجيب جيدجدا .. والحين جيب كتابك خلني اذاكر لك بسرعه واذاكر لنفسي
محمد ويغمز لاخته: طيب يالدفره يابتاعه الممتاز
اريج وتضحك له: بلاش فلسفه ياواد وجيب كتابك
/
/
/
/
/
" اي بس والله صعبه انا للحين ماخلصت الا نص الكتاب واخر فصل صعب حيييل ويبغالي اقل شي 3 ساعات عشان اذاكره" قالتها وهي تكلم بالتلفون الثابت والعيون كلها عليها
نغم: طيب نجود خلاص انتظرك يلا باي
فرح وهي تطالع بنغم: شسالفه .. شعندها نجود
نغم: مافيها شي بس هي تسألني كم سؤال وبتجيني البيت تذاكر وياي
ام مشعل: وتجيك البيت بصفتها شنو.. لاياعيوني بيتي انا محد يدخله الا اللي انا ابيهم
نغم: عمتي انا
ام مشعل: عمت عينك الا عمت عينك قلت لك مارح تجي يعني مارح تجي
نغم بترجي: عمتي الله يخليك البنت جايه وانا مااقدر اطردها من البيت
ام مشعل: خلاص انتي ماتقدرين انا اللي اقدر
هيفا بعفويه: يمه شفيها اذا جات صديقتها خل تصعد غرفتها ومالنا شغل فيها
فرح بحقدها المعتاد: وشلون مالنا شغل فيها الا لنا شغل ونص هذا بيتنا ومايصير ندخل كل من هب ودب فيه
نغم وهي ماسكه نفسها لاتصيح: طيب الحين شسوي؟
وتجي فاطمه: روحي لغرفتك وارتاحي اذا جات صديقتك انا رح اصعدها لغرفتك
(ويرن جرس الباب وتكون صديقه نغم نجود)
نجود وهي تفسخ نقابها: السلام عليكم
ام مشعل بصوت مسموع: يابخت من زار وخفف
فاطمه وهي ترحب بنجود هي ونغم
فاطمه: هلا والله تفضلي تفضلي
/
/
/
/
/
/
" وش هالحركات .. حركات اطفال .. الا حركات هبال.. زوجتك هذي ماتفهم ..) ماامداه يدخل البيت الا وامه مستلمته بالهواش
مشعل وهو تعبااان وهلكان من الشغل قاال: يمه حرام عليك اناتعبت وانتي مامليتي من كثر ماتعدين وتزيدين بالموضوع اووووف نغم وفاطمه انا مليت تدرين انا مالي شغل زين
ام مشعل بصراخ: ياسلام والله حلوه هذي مالك شعل .. وزوجتك هالدعله مين يردها
مشعل وهوطفشان من امه قال باعلاصوته: اووووووه تصبحين على خير
ام مشعل: والعشااا
مشعل: ماابي اتسمم(ويروح)
وتجي نغم: مرت عمي العشاا جاهر
ام مشعل: زين جايه وترى هذي اخر مره اسمع العشا بهالوقت الساعه 12 واحنا تونا نتعشى ماصارت صار غدانا فطور وعشانا سحور .. ماصارت اختبارات هذي اوووف عيشه تقصر العمر.. وهالعله صديقتك لاتطول ترى احنا فينا نووم وبنام مالت عليها وعليك
::
::
::
::
::
::
::
وببيت شعبي بأحد احياء الدمام الفقيره كانت قاعده تذاكر وفاتحه كتابها وتفكر اللي يشوفها يقول تذاكر تذاكر وهي بالواقع تفكر وتفكر شلون ترد اعتبارها وتدخل عليها اختها وتدخل عليها اختها اللي توها جايه من الدوام وتتحلطم
هبه: اوووف ذبحتني بكلامها كل شوي قاعده تدقق على شغلي .. الضبغه غلط .. المكياج مب حلو وشغلك تعباان اليوم بصراحه طفشتني وماني قادره اتحملها
شهد: وانتي وش اللي حادك على هذا كله طلعي من عندها واكتفي بشغل الروضـه
هبه: انتي تتطنزين لا الظاهر شكلك تتطنزين .. شغلي بالصالون عند ام اسامه يوفر لي اكثرمن شغلي بالروضه انا اللي كاسر ظهري انو ام اسامه تعطيني كل شهر 3 الااف رياال والروضه ماتعطيني غير 1700 ريال وانا عندي هالبزران اللي لازم ادرسهم والبسهم واكبرهم واكلهم صحيح توهم صغار واكبرهم توها بأول ابتدائي بس مردهم يكبرون وتكبر مسؤوليتهم وهالبيت اللي طلباته ماتخلص من فواتير الكهربا والماي والتلفون وانا وحده تعبت والله تعبت يانااس
شهد: مالاحظتي انك كل يوم تعيدين وتزيدين بهالموال مامليتي
هبه: واخوك اللي شاطر بالاوامر وينه
شهد: بسام طلع من المغرب ماادري وينه
هبه: وجدتي وينهاا
شهد: اعيالك رغد وريان وراكان عندها قاعده تحكي لهم حكايه عشان يناموون
هبه: عطيتها دواها
شهد: ايه عطيتها.. هبه تدرين افكر اخلص الثانويه واشتغل معك بالمشغل تتوقعين ام اسامه تعطيني كثر ماتعطيك
هبه: لاياشهد ياويلك اذا فكرتي تشتغلين بمشغل انتي لازم تحققين حلم الوالد الله يرحمه وتصيرين دكتوره موكفايه انا ماقدرت احقق هالحلم والمرحوم كان يتمنى حد منا يدرس طب ويرفع اسمه فوق وانتي اللي رح تحققين هالشي
شهد: ان شاء الله (وتقول بخاطرها) : مع انه ماظنتي
هبه: تتوقعين مين جانا اليوم بالمشغل
شهد: مين يعني؟ عوير وزوير
هبه: مارحتي بعيد .. ام سعود صديقه الوالده
شهد: وييييع قطيعه وش تبي مع وجهها
هبه: تبشرني وتقولي ان امي فتحت لها مشغل فـ تقول روحي اشتغلي عندها بدل ماتشتغلين عند الناس
شهد: خل تذلف مع وجهها .. لونطر بالشوارع مانرجع عند امي احنا مستحيل نرجع لها بعد ماطردتنا وتزوجت وفضلت زوجها علينا اصلا هي ماتبينا اجل اول ماطلعت من العده نزوجت كأنها ماصدقت
هبه: بس انا ماقصرت مع ام سعود ورحت قلت لام اسامه عليها عطتها كلمتين بالعظم لين ماطلعت من المشغل .. طيب شهوود انا اشغلتك اليوم بمافيه الكفايه بخليك تذاكرين الحين وبروح اقعد مع امي (تقصد جدتها) واعيالي
/
/
/
/
/
/
" اووووف فشلتني ماصارت هذي زياره" قالتها وهي معصبه
نغم: انا قلت لك بس انتي اللي ماسمعتي كلامي
نجود: هذي اول واخر زياره
نغم: اكيد مايبلها كلام اصلا الله يعيني من اللي بيجيني من هالزياره
نجود: لاتسكتين لها انتي وش اللي حادك على هذا كله.. الا اقول نغوم
نغم: هلا
نجود: انتي وين كنتي ساكنه قبل ماتجين هناا
نغم وخانقتها العبره:كنت عايشه اميره ومدلله ببيت ابوي وامي الله يرحمهم
نجود: سوري نغوم بس عشان اسألك كم سؤال
نغم وهي ماسكه نفسها: لاعادي اصلا انا تعودت على هالشي
نجود: بيتكم كان مثل بيت عمك
نغم وهي تمسح الدمعه قبل ماتنزل قالت بتعجب: وش تقصدين؟
نجود: يعني كنتوا عايشين بفيلا مثل عمك
نغم: ايه
نجود: والفيلا بأسم ابوك والا عمك
نغم: انتي شنو اللي تبين توصلين له بالضبط
نجود: ابي اعرف شلون قدرتي تتحملين تعشين بغرفه صغيره ومعفنه فوق السطح بعد ماكنتي عايشه بفيلا يطرد فيهاا الخيل .. وهذا كله مومهم المهم هو فيلاتكم وفلوس ابوك والشركه وكل حلال ابوك اكيد صارلك الحين ليش ساكته عن حقك لازم تطلبين فلوسك من عمك
نغم: عمي قال رح يعطيني فلوسي بعد مااتزوج
نجود: اجل دام كذا مارح تتزوجين (وبعد صمت) والا تدرين رح يزوجك واحد من اعياله
نغم بدون شعور: ابراهيم
نجود وهي مبتسمه: مين ابراهيم؟ مو عنده مشعل؟
نغم: مشعل متزوج بنت عمي فاطمه مابقى الا ابراهيم
نجود وهي تغمز لها: وشفيك تقولينها وانتي مبتسمه ليكون رفيجتي تفكر(وتقلدها) بـ أبراهيــم
نغم: لاوين انا وين وهو وين
نجود: اي والله انتي وين وابراهيم وين
نغم ومسويه زعلانه: نجوووود
نجود : انا قصدي انك عندك فلوس اكثر منه اما هو حصته مره صغيره من عند ابوه وخاصه ان عنده 3 غيره يشاركونه الفلوس
نغم: اقول نجود احنا خلصنا مذاكره من نص ساعه شرايك تتصلين بأبوك وتروحين للبيت لاني الحين رح اسويلي العشا وبعدين براجع لاخر مره وبناام
نجود: طرده محترمه ياعمري .. اصلا السواق تحت ماتحرك من يوم جيت والحين انا بروح بيتنا ومشكوره ع المذاكره ياحلوه(وتسلم عليهاا)
نغم: العفو ياقلبي انا ماسويت شي
/
/
/
/
/
/
/
" احـــــبـــكـ .. امــوتـ فيـــك،،، ماادري شلون اوصلك اياها احبـكـ مووتــ .."
رائد: وانا احبك واموت فيك ورح احبك اكثر اذا جبتي 30 باختبار بكره
اريج: رائد 30 موكأنها صعبـهـ شوي
رائد: اذا تحبيني رح تجيبنهاا
اريج: عشانك انت رح اسوي اللي مايتسوى بس المهم رضااك علي ياعمري
رائد: والله راضي عليك ياعمري ورضاي مارح يكمل الا لمى اشوف مستواك
اريج: حبيبي .. خلك مني الحين ولاتنسى انو بكره عندك اخر اختبار ورح تتخرج من الجامعه يعني انت اهم
رائد: انا ان شاء الله رح انجح واتخرج وبعدين انا كذا والا كذا رح اشتغل بشركه الوالد يعني ماعلي خوف المهم انتي ياقلبي
اريج: انا عاوزه ادرس اعلام والاعلام مش عاوز نسبه عاليه ياالبي
رائد: شيلي الاعلام من راسك وفكري بشي ثااني انا ماارضى انو حبيبتي وام اعيالي مستقبلا تشتغل مع الرجاجيل .. لااا والكل يشوفها بعد
اريج: ان شاء الله رح ترضى
رائد: لامارح ارضى وغيري الموضوع احسن مااترفز الحين
اريج ومسويه زعلانه: طيب
رائد: جوجو حبيبي انا موقصدي اهدم حلمك بس .. بس هذي وجــهـه نظري واذا حبيتي احترميهاا واذا ماحبيتي سوي اللي براسك بس تذكري اني موراضي عنك
اريج: ياقلبي انا اهم شي عندي رضااك واي شي ثااني مو مهم(وتسمع صوت امها) حبيبي امي جات من الشغل بروح عندها واذا خلصت رح اتصل فيك زين
رائد: لاياقلبي .. روحي عند امك وقعدي عندهاا واذا خلصتي منها تعشي وناامي وانا بكلمك بكره زين
اريج: ان شاء الله حبيبي وتسكر
/
/
/
/
/
كــانت قاعده لحالهاا وزهقاانه وتفكر واستغلت الفرصه وطلعت موبايل اختها من الشنطه واتصلت
شهد: الو .. هلا والله لحظه لاتسكر
.......: وش تبين ترى ازعجتيني
شهد: انا احبك
............: وانا مااحبك انتي ماتفهمين
شهد: والله انت اللي ماتفهم ان محد يصلح لك غيري رائد انت حب حيااتي
رائد: شهد رح اتكلم معك بعقل واقولك اني انا مرتبط وبعدين وبعدين انتي توك صغيره وفيه الف مين يتمناك .. خليني لحالي وانتي بحااالك
شهد بترجي: بس انا ماابي من هالالف الا انت .. وماابي غيرك وانت لازم تحبيني بالغصب والا بالطيب
رائد: اقول شهد سكري الحين قبل ماتجي اختك وتشوفك تكلمين
شهد وهي متوهقه قالت بخاطرها(وشدراه): هذا موبايلي موموبايل اختي و
رائد: وبعدين شهد انا اعرف عنك كل شي اعرف وين ساكنه ومع مين ومين اخوك والحين خليني انام ترى لوعتي كبدي(ويسكر بوجهها)
شهد وهي متفشله: طيب ياحيووانـهـ يااريج حسابك معي بكره بالمدرسـهـ (وتطق اختها الباب)
هبه من ورى الباب: شهد يلا عشا
شهد: يلا جااايه جاايه(وتمسح المكالمه وتحط الجوال بالشنطه وتطلع)
/
/
/
/
/
حطت راسها على المخده تبي تنام وتذكرت الحادث المأساوي اللي قبل 3 سنوات وقتها كانت اسعد زوجـهـ على وجه الارض بس بغمضـه عين راح منها زوجها وراح معه ابوها عشان تصير ارمله ويتيمه بنفس الوقت..حادث واحد اخذ منها اغلا شخصين بالنسبه لها على وجه الارض ابوها الغالي وولد عمها وحبيبها وزوجها وابوعيالها.. وصارت يتيمه وهي في بدايه العشرينات وعاشوا في بيت امهم بعد وفاه ابوهم وبعد فتره من عده الام طردتهم امهم من البيت هي واعيالها واخوانها وقتها لقت نفسها بنت عمرها 21 سنه مسؤوله عن طفلين تؤام ماكملوا السنه وبنت عمرها 4 سنوات واخ عمره 20 سنه مراهق وطايش وترك المدرسه من زمااان وقاعد بالبيت .. واخت عمرها 15 سنه وماكان عندهم ولامكان يروحون له لكن الله ماينسى عباده وسخر لهم جدتهم اللي اتصلت فيهم وجابتهم عندها للدمام فأظطروا يتركون جده عشان يروحون لمنطقه اول مره يروحون فيها عشان يبدؤن حياه جديده وتبدء امهم تتفرغ لشبابها اللي ضاع مع ابوهم مثل ماتقول .. وياليت الموضوع وصل لهنا يوم جات للدمام لقت نفسها مسؤوله عن جدتها مسؤوليه اكبر من مسؤوليتها عن اخوانها لان جدتها ارمله وعايشه لحالها وتعبااانه وماعندها غير بيت شعبي صغير فيه غرفتين يلمهم كلهم.. واضطرت تشتغل والحمدلله الله وفقها ولقت شغلتين وصارت تضغط على نفسها عشان تسعد غيرها .. فصارت مثل الشمعه اللي تحترق على شان تنور غيرها
هبه بخاطرها/يارب تقدرني واسعد كل هالعايله يارب
شهد وهي تفتح عينها بصعووبه: تبين شي؟
هبه: لاياعمري تصبحين على خير
شهد: اوكي (وتغطي راسها بالفراش وتنام)
اليوم التـــالي بمدرسه البنات الثانويه كانوا البنات توهم مخلصين الاختبار
اريج: الاختبار كان حده سهل اليوم
زينه: اي حلو بس لازم كم غلطه عاد بكره اجازه
اريج: بكره احلا ماده مارح اذاكر اليوم
زينه: ياليت كل المواد مثل الانجليزي
(ويجيهاا صوت من بعيد)
شهد: ماله داعي تضبطين مكياجك اليوم لانك شينه بمكياج والا بدون
اريج: انا ملكه جمال غصب عنك ولو تسوين ماتسوين مارح توصلين لجمالي يالشينه
شهد وهي معصبه: انا حلوه غصب عنك يالقرده
اريج تبستم وقالت: اقول انقلعي يالبزره
شهد بأعلا صوتها: تعااالي ياحيواانهـ ,, والله مااخلــيـــك ..
شهد بأعلا صوتها: تعااالي ياحيواانهـ ,, والله مااخلــيـــك ..
اريج تلفت عليها وهي معصبه: احترمي نفسك عاد ترى مسختيهاا
شهد: ليش معصبه اصلا انتي حيوانه وفيه احد يزعل من اصله
اريج: اصلي احسن من اصلك واصل اهلك
شهد: تخسين ياام الفول والطعميه
اريج وهي في قمه غضبها:انا سعوديه غصب عنك واصل امي وابوي احسن منك يابنت الـ .. مارح اقولها لان اهلك اكبر من اني اشتمهم عشان حقيره مثلك
شهد وهي معصبه: انتي الحقيره
اريج:مارح ارد عليك عشان مااكتب تعهد او مخالفه في حقيره مثلك (وتمشي)
شهد وهي تجر اريج من شعرها : انا ارويك ياتافهه
اريج وهي تضربها: حقيره(ويتضاربون ويتجمعون البناات)
/
/
/
/
/
/
/
" الناس اختبارات وانتو جالسين لي طق ومطاقق تصرفاات اطفال بالروضـه.. انتو ثالث ثانوي وعلمي بعد يابنات العلم .. لو المشكـلـه من بنات الادبي بنقول عادي متعودين عليهم بس بنات علمي .. ومتفوقات بعد الحمدلله والشكر.. ماادري شقول" قالتها الناظره وهي في قمـهـ غضبهــاا
شهد وشعرها منفوش ووجهها مجروح قالت:هي اللي بدت
الناظره: محد طلب منك تتكلمين
شهد: بس انا مقهوره وانتو لازم تاخذون لي حقي منهاا
اريج وشعرها منفوش بس باعصاب هاديه قالت: انا ماغلطت على حد وتقدرين تسألين البنات مين اللي بدى على مين
الناظره: ماابي اسأل احد والحين تكتبون لي تعهد وبكره يجون اولياء اموركم
شهد وهي ميته خوف: لا.. ليش ماله داعي اخر مره
اريج وهي تضحك عليها قالت بهمس تسمعه شهد بس: اجل ليه تتفرعنين وتمدين ايدك علي
شهد وهي تحاول تغير الموضوع: هههههه اصلا احنا كنا نمزح انا واريج صديقات ومستحيل نزعل على بعض صح اريج
اريج: سبحانه مغير الاحوال يغير ومايتغير توك قبل شوي من الد اعدائي .. عموما كنا نمزح مع بعض
الناظره: تستهبلين انتي وياها.. تدرون انا رح امشيهاا لكم هالمره عشان ظرف الاختبارات
اريج: طيب وين التعهد خلوني اكتبه وامشي
شهد وهي خايفه: ليش جوجو ماابي اكتب تعهد واوسخ ملفي خلوه نظيف احسن
اريج بخاطرها: والله انا اللي وسخت يدي لمى مديتها على هالوجـهـ
الناظره: انا هالمره رح امشيها لكم والمره الجايه مارح تمشي
اريج بأستـهتاار: انا طالعه تأخرت ع البيت(وتطلع .. وتطلع وراها شهد)
اريج: شـهـد
شهد: نعم
اريج: اللي صار اليوم انا رح اعديه ورح اعتبره ماصار وحتى رئود مارح يوصل له خبر .. بس والله ان تعرضتي لي مره ثانيه اوحتى طولتي لسانك علي اللي صار اليوم رح يصير ومارح اعديها لك ومارح اسكت لك ياقلبي.. واذا شفت لك اتصال على جوال حبيبي بالغلط مارح يصير خير .. وهالمره مومني من حبيبي والموضوع رح يوصل لاهـلكـ .. .. عن اذنك الحين خذتي من وقتي بما فيه الكفايه(وتروح عنهاا)
شهد: الحيوانه الحقيره اكيد اللي قالت لرائد كل شي عني بس والله مااخليها لاهي ولارائد حقها هالحقيره بس هاليومين رح اهدي اللعب بس انا لك يااريج طعميه
وبجهه ثــانيه من مدرســهـ البــنــاتـ
شريفه: بنات شفتوا الهوشه اللي صارت بين بناات علمي
نغم: بين مين ومين
شريفه: بنات من 3ع4 يقولون متهاوشين عشان ولد
نغم: استغفر الله العظيم ياشريفه مايصير تتكلمين بأعراض الناس لاتحطين بذمتك
شريفه: وانا وش دخلني هذا كلام البنات
نجود: نغوووم خلينا من مثاليتك الزايده والحين قولي لي بين مين ومين الهوشه
شريفه: بين شهد عبدالوهاب .. وهذيك المصريه البرصاء الزعيطه اللي ماادري شنو اسمهاا
نجود: اي وحده ذي
شريفه: ذيك اللي دايما بغرفه المعلمات وتسولف مع مدرسات الانجلش بالانجليزي
نجود وتذكرتهاا: اييييييييييه عرفتهاا هالبرصا اللي صابغه شعرها اشقر بس تعالي هذي مومصريه هذي سعوديه وكانت معانا بأول تذكرينها نغووم
نغم: مين هذي
نجود: ذيك البرصا اللي كانت ويانا باول وكانت حاطه غره وشعرها اسود ودايما تسوي كيرلي
نغم: اي عرفتها يسمونهاا جوجو .. بس موباين عليها حق هالسوالف
نجود: يعني شهد اللي باين عليها.. ياما تحت السواهي دواهي
نغم: اقول بنااات خلونا من هالكلام وخلونا من اعراض البناات وانا الحين بروح البيت مع السلامه
نجود: ليه جاء الباص
نغم وهي مستانسه: الحمدلله اليوم الباص يوصل بدري مع السلامه
/
/
/
/
/
/
/
تــوهاا نازله من الباص وشافت ولد عمها عند باب البيت كان يكلم بالجوال واول ماشافها سكر
نغم: السلام عليكم
ابراهيم: وعليكم السلام(ويدخلون البيت)
نغم وهي تكشف وتفسخ حجابها: البناات جاوا من الجامعه
ابراهيم: لاتوا الناس الساعه عشر .. الاشفيك طالعه بدري اليوم
نغم: الباص اليوم مشى بدري لانو الكل عنده فتره وحده اليوم
ابراهيم: وشسويتي بالاختبار
نغم: الحمدلله زين الاختبار اليوم كان حلو وسهل
ابراهيم: بالتوفيق ان شاء الله .. نغووم شنو غدانا اليوم
نغم وهي مومصدقه انه قال لها نغوم: هااه
ابراهيم: شنو الغدا اليوم
نغم وهي مبتسمه: ماادري.. شنو جاي على بالك تاكل
ابراهيم: اللي يجي من الله حياه الله .. تدرين ابي اكل شي على ذوقك ونشوف ذوقك بالطبخ
نغم: من عيوني الحين اغير ملابسي واروح للمطبخ(وتروح)
ويرن جوال ابراهيم: الو هلا قلبي (ويطلع من البيت) اكيد مستانس دامك راضيه علي اقدر اشوفك اليوم .. واخيراا
ببـــيت بورائد
قاعده بالصاله تدور كم شغله ومنهمكه باللاب توب ويدخل اخوهاا
جاسم: هلا بشوره
بشرى:اهلين جاسم شلونك
جاسم: الحمدلله .. الغدا جاهز
بشرى: ايه الغدا جاهز بالمطبخ قول لميري تحط لك اذا تبي
جاسم: مارح تتغدين معاي
بشرى: لا انا كلت بالجامعه
جاسم: مااحب اتغدى بروحي
بشرى: طيب انتظر رائد
جاسم: لايبه رائد راعي طويله وبعدين ابوي يبيه بالشركه.. يعني مارح يرجع الامتى .. اقول بشوره متى تجي ماما من الشغل
بشرى: مدري رح تطول اليوم.. جسوم اقعد بستشيرك بموضوع
جاسم وهو يجلس: أمــري
بشرى وهي تهد اللاب توب من يدهاا: مايامر عليك عدو .. بس ماما تبيني اشتغل معاها بالمؤسسه انت شرايك؟
جاسم: المؤسسه ازياء وانتي تخصصك محاسبه شدخل والا امي تبيك تمسكين قسم المحاسبه
بشرى: امي تبيني اشتغل معاها موذاك الشغل اللي اهوو بس يعني اذا رح يستوردون قماش من تركيا او المغرب او لندن او فرنسا ومصر تبيني انا اكلمهم
جاسم: يعني شنو بتشغلك سنترال
بشرى: لا انت اللي ماتعرفـه ان امي تبي توسع شغلها بالبدايه رح اشتغل بقسم الاستيراد وشوي شوي لين مااتعلم الشغل واتسلم اداره المؤسسه
جاسم: والجامعه
بشرى: والله انا رح اجرب شهر واذا ماعجبني الشغل مارح اكمل ورح اشتغل بالفتره المسـائيـه بعد
جاسم: والله ماادري يابشرى بس تدرين انتي اولا واخيرا رح تشتغلين بمؤسسه امي والا رح تفتحين لك مشروعك الخاص انتي جربي مثل ماتقولين وشوفي الوضع اذا يناسبك والا لا(ويرن جوال جاسم)
جاسم: الو هلا برهوم(ويقوم ويقول لاخته) عن اذنك بروح غرفتي
ابراهيم وهو بالسياره: هلا بولد العم بارك لي
جاسم : على شنو
ابراهيم: اللي بالي بالك.. وافقت تطلع معااي
جاسم: غريبه من وين طالعه الشمس
ابراهيم: من المشرق وحياه عيونك
جاسم: متى بتشوفها ووين؟
ابراهيم:اليوم الساعه عشر بس وين مدري
جاسم: يمكن عند بيتهم
ابراهيم: شدعوه هي بالموت رضت تطلع معااي هالمره تطلع من بيتهم مستحيييل
جاسم: اجل وين بتقابلها؟
ابراهيم: مومهم وين ان شاء الله بجهنم الحمرا المهم اقابلها
جاسم:نيـالك .. عاد تخيل تطلع شينه
ابراهيم: حرام عليك جويسم لي 6 شهور وانا احب ع العمياني .. اقول جسوم شوي واكلمك هذي هي عالخط الثاني(ويرد عليها)
هلا حياتي .. انا .. موجود .. شفيك حبيبتي قولي عادي شنو (ويوقف السياره بوسط الشارع وينزل ويقول بصراخ) عفاف شنو يعني مااقدر انا لعبه عندك
عفاف: اسفـه برهوم بس
ابراهيم: ترى مسختيهاا ماصارت هذي انا مارح اكلك بس بشوفك ولو من بعيد لبعيد
عفاف: بس
ابراهيم: لابس ولاشي ترى لوعتي كبدي وانا اترجا فيك .. اللي يشوفك يقول نانسي عجرم والا اليسا يلا بس لاعاد اشوفك داقه على هالرقم فاهمه.. يلا انقلعي (ويسكر الخط بوجـهـهـا ويركب سيارته) الله يلعن هالاشكال رفعت ضغطي
وع الغدا ببيت بومشعل حطت نغم الغدا وتعمدت تجلس بالمكان اللي جنب ابراهيم اللي كان لسى ماوصل للبيت واول مابدوا يتغدون جاء ابراهيم وسلم وقعد يتغدى
فاطمه: مشعل اليوم بروح بيت امي وابيك توصلني زين
مشعل: من عيوني ياعيوني
ام مشعل بخاطرها(عسى عيونك البط يافطوم)
نغم وتهمس لابراهيم: ابراهيم شرايك بالغدا
ابراهيم بدون نفس: زين زين
نغم: يعني حلو
ابراهيم: كل يوم ناكل نفس هالاكل حلو زين مشكوره
نغم: العفو
فرح وتهمس لهيفا: لايفوتك هيوف شوفي نغم
هيفا: شفيها
نغم: شوفي شلون تكلم ابراهيم ودها تاكله بعيونها
هيفا: لاماودها تاكله ولاشي لاتلزقينه فيها
فرح: يعني هالنظرات عاديه
هيفا: ايه عاديه
فرح: اقص يدي اذا ماكانت حاطه العين عليه
هيفا: على ايش تحط العين عليه على فلوسه والا معاملته لها كل يوم يشعم فيهاا صاير اخس من امي يعني على شنو تحط عيونها عليه
فرح: طيب ياهيوف انا رح اثبت لك صدق كلامي
بومشعل بصوت عالي قال: اقول يبه نغوم
نغم: هلاعمي
بومشعل: نغم مالاحظتي انك كبرتي يبه ويعني مايصير الوضع
ابراهيم: اي وضع يبه
بومشعل: يعني قعدتك كذا قدام اعيال عمك بدل حجاب ولاغطا ولا شي صحيح لبسك محترم بس حتى لو هالكلام مايصير
ام مشعل: مافيها ولاشي بعدين حتى لو تحجبت اعيال عمها حفظوها وهي حفظتهم يعني مارح يتغير شي
ابراهيم: ماله داعي يبه
بومشعل: وليه ماله داعي ان شاء الله؟
ابراهيم: لان مشعل متزوج وماهمه الازوجتـه وانا مستحيل افكر فيها لانها مثل اختي الصغيره .. وغير كذا ماتجي ببالي يعني ماله داعي تتحجب واهي كذا والا كذا رح تغطي شعرها مايحتاج اصلا انا طول شعرها مااعرفه ومومهم دام انها بتتحجب مارح تتغطى خلها تاخذ راحتها احنا مثل اخوانها
نزل الكلام عليها مثل الصاعقه وماصدقت هي تفكر انه معجب فيها او يفكر فيها ع الاقل
بومشعل: والله عاد فكرت والا مافكرت تتحجب يعني تتحجب
نغم وهي منهاره بس متماسكه قالت: ان شاء الله عمي الحمدلله (وتقوم)
فرح تهمس لهيفا: ماقلت لك
هيفا: شنو
فرح: انتي غبيه متى رح تفهمين البنت تحبه والله تحبه وباين من عيونها وعيونها فاضحتها
هيفا: مااتوقع البنت شبعت وقامت
فرح: انتي خلك غبيه ونايمـه بالعسل الحمدلله والشـكر والله العظيم تحبه ابصم لك على العشره انها تحبه
/
/
/
/
/
/
/
/
/
" لاماتحبني ولاتفكر فيني .. وحتى لو حبتني انا مااحبها ولا افكر فيها ولاتحلين الفكره ببالها ترى انا ماابيها"
ام مشعل: ليش وش فيها عويا والا منكسره
ابراهيم: لا وانتي الصادقه مااعرف وجهها من كثر الضرب اللي تضربينها .. ولامره شفتها لابسه لبس حلو.. كلا تشتري جلابيات من المحلات الرخيصه وتاخذ من زايد الناس وان شرت لها فاطمه لبس جديد رميته بالزباله يعني زوجـه المستقبل اللي ببالي مختلفه تماما عن نغم .. حتى شعرها مااعرف لوين طوله كلا رافعته وبس
ام مشعل: بس نغم حلوه
ابراهيم: وانا مااشوف هالحلا مااشوف الا ضرب وكدمات وبس
ام مشعل: يعني شلون فلوسها تطير منا
ابراهيم: مع السلامه.. انا عندي فلوس بابا
ام مشعل: لاوالله يادلوع بابا نصيب نغم كثر فلوس ابوك واكثر بعد يعني لازم هالفلوس تطلع من جيب ابوك وتدخل لجيبك
ابراهيم: يمه انسي الموضوع بصراحـه انا ماادنيها وع
ام مشعل: والحين شلون يعني
ابراهيم: ماابيها غصب هو
ام مشعل: ايه غصب .. حبيتها والا ماحبيتها مارح تاخذ غيرها
ابراهيم ويتحايل على امـه: يمه شدعوه يرضيك ولدك يعيش مع وحده مكسره
ام مشعل: لا ياعمري مايرضيني انت خذها كذا بس قدام الناس وانا رح ازوجك بالسر وحده بالموصفات اللي تبيها
ابراهيم: اذا كذا موافق بس مب الحين يمـه توني صغير عمري 19 سنه خليها بعد كم سنه
ام مشعل: خذ راحتك يمه.. بس مالك الا هي
كانت تسترق السمع وبعدين طلعت بسرعه لغرفه نغم وقالت بخاطرها(يارب سامحني بس والله ماكنت قاصده .. معقوله نغم تحب ابراهيم)
/
/
/
/
/
/
" لامااحبه مين قالك اني احبه"
فاطمه: وشفيها عيونك حمرا
نغم وهي متوهقه: دخل وسخ بعيني و
فاطمه وهي تجلس جنب نغم بالسرير:انا ادري انك انتي كنتي تبكين .. نغم احنا بنات عم ومافيها شي لوفتحي قلبك لي انا مثل اختك الكبيره .. اعتبريني اخت او صديقه او اي صفه انتي تحبينها.. مافيها شي لو ان البنت تحب وتنحب عادي هذا انا حبيت مشعل وتزوجته ولله الحمد وهو بعد كان يحبني وبعدين خطبني والحمدلله تزوجنا وجبنا اعيال وهذا احنا مافي احسن منا
نغم قالت ببراءه: يعني فيه امل نتزوج
فاطمه: ماجاوبتني انتي تحبينه
نغم: من صغري ماكنت اعرف اعيال عمري وطفولتي كلها قضيتهاا بلندن وكل ذكرياتي الحلوه هـنااك .. وببدايه مراهقتي ماتوا اهلي واضطريت اترك المكان اللي حسيت فيه بالانتماء مع انه ماكان وطن لي وجيت لوطني ومكاني الاصلي بين اهلي واعمامي وكنت ببدايه مراهقتي والمشاعر دايما تتضارب وياي والكل هنا كان يعاملني بقسوه بس ابراهيم كان يحن علي صحيح هو مزاجي بس احبه .. احبه رغم معاملته القاسيه ببعض الاحيان
فاطمه: انتي مرتاحـه هنـا
نغم: وشدخل هالشي بموضوعنا
فاطمه: رح اشرح لك اياها بطريقه اسهل .. انتي مومرتاحـه هـنا بنات عمك معاملتهم قاسيه لك ومرت عمك تضربك على اتفهه الاسباب وتعامل الخدم احسن منك.. واكيد انتي تفكرين باليوم اللي تطلعين فيه من هالبيت .. وتتخلصين من هذا كله .. وزواجك من ابراهيم رح يخليك عايشه تحت هالذل طول عمرك ولارح تقولين لا .. عشان كذا انتي لازم تقولين لا من البدايه وتصيرين حره نفسك.. ابراهيم مايقدر يقول لامه لا روحـه متعلقه بأمـه يعني رح يخليك خدامه عند امه وخواته .. انا لوكان عندي شك 10% ان ابراهيم رح يسعدك كنت انا بنفسي كلمته عنك .. انا ابي لك واحد يستاهلك مومثل ابراهيم اللي رح يضل طول عمره مراهق وتحت امه
نغم وهي حزينه وحيرانه: ليش تقولين هالكلام
فاطمه: اعتبريه نصيحـه لك من اخت لاختها وانتي حره سوي اللي تشوفينه يصلح لك
نغم بحيره وحزن: رح احاول اركز بدراستي واشيل ابراهيم من بالي وافكر بشي ينفعني
فاطمه: والله يعوضك باحسن منه يانغم
::
::
::
::
وبمـؤسســه ام رائد للازياء جات بشرى ودخلت مكتب المديره العامه اللي هي امها
بشرى: اهلين يااحلا مديره
ام رائد وهي تسكر السماعه: جاكلين(تكلم السكرتيره اللي مع بشرى) روحي انتي وتفضلي يابشرى
بشرى: اوووف وشعندها الجديه
ام رائد : بشرى احنا بمكان عمل موبالبيت وكل شي هنا جد .. وكلمـه ماما ماابي اسمعها منك انا هنا مدام فوزيه وبس والحين قومي اوريك اقسام المؤسسه
بشرى: ماما شفيك.. اقصد مدام فوزيه انا اعرف المؤسسه عدل وماله داعي توريني الاقسام
فوزيه: صحيح تعرفين الاقسام لكن ماتعرفين مين مسؤوله كل قسم وكم موظفه عندنا .. المفروض اخلي سكرتيرتي توريك الاقسام لكن انا اللي رح اوريك بنفسي ومكتبك جاهز رح يكون جنب مكتبي وجاكلين سكرتيرتي رح تكون مديرتك بالبدايه وبعدها رح تتولين انتي الادراه قومي خليني اوريك الاقسام
(وقامت تتمشى مع امـها بالمؤسسه وتوريها الاقسام)
فوزيه: بشرى احنا لسى محتاجين عارضات ازياء وابيك انتي تتولين هالشي من حيث الاعلان والدعايه واختيار العارضات
بشرى: والعارضات اللي كانوا عندكم
فوزيه: كانوا عارضات اسيويات انتهي عقدهم معنا.. الحين ابي عارضات سعوديات رح اعطيك الشروط المطلوبه وانتي المطلوب منك تختارين منهم كم بنت تشتغل معنا وعندك مهله اسبوعين لانو العرض بعد شهر يعني اسبوعين رح نختار البنات وبعدها بأسبوعين رح ندربهم لان العرض الكبير بعد شهر وهذي اول مهمه لك واذا نجحتي فيها رح تستلمين مهمات ثانيه وان شاء الله بظرف 6شهور رح تتسلمين اداره المؤسسه
بشرى: طيب مدام ليش ماتقولين لفطوم تجي وتشتغل ويانا
فوزيه: قلت لها بس هي رفضت يمكن اذا شافتك اشتغلتي تتحمس
بشرى: طيب ماقلتي لي كم راتبي
فوزيه: بعد فتره التدريب رح نحدد لك راتبك
بشرى: شدعوه يعني اقعد شهر اشتغل بس كذا
فوزيه: بشوره .. غيري اسلوبك معي انا مسؤولتك بالعمل مورفيجتك وبعدين انا مومنقصه عليك شي واقدر اعطيك الراتب اللي تبينه ومن اليوم بعد انا كل همي تكسبين الخبره وتستلمين مكاني وبس فهمتي
بشرى: على امرك مدام فوزيه
ببيت ام اريج كانت اريج قاعده بالصـاله وماسكه كتابها وتذاكر وتدخل امـها
ام اريج: السلام عليكو
اريج: وعليكم السلام صح النوم
ام اريج: صح بدنك فين محمد يابت
اريج: راح يذاكر عند المدرس
ام اريج: ربنا يوفقكو واشوفكو احس الناس يارب
اريج: اميييين
ام اريج: مش عاوزه ازاكر لك حاجه
اريج: لاماله داعي سهل الانجليزي
ام اريج وتطالع خد بنتها: ايه يابت الهباب اللي بوشك ده
اريج وخافت: ايه ياماما
ام اريج وتأشر على خدها: الهباب اللي هنا ده
اريج وهي متوهقه بس تصرف الموضوع: اااه البتاع دوت ده .. ده
ام اريج: ايه تكلمي يابت
اريج: ايه مالك يمه ده انا انجرحت عادي يمه ماتعمليهااش قصه بقى ده جرح زغير وحيروح ان شاء الله
ام اريج: ومين اللي جرحك ياابت
اريج وهي قايمـه: خلاص يمه لاتسوينها سالفه انا جرحت نفسي بالغلط ع اذنك بروح اذاكر بغرفتي
اريج: ربنا يهديكي يابت
/
/
/
/
/
/
/
اريج وهي توها تدخل غرفتها وتسكر الجوال يرن جوالها
(قررت اموت بحبك وامشي معاك بدربك انت ياساكن قلبي)
اريج وترد: هلا
رائد: شفيك تقولينها بدون نفس
اريج: لا موالقصد بس امي نشفت ريقي سوت لي تحقيق عشان جرح صغير بوجهي
رائد: جرح صغير ليش مين جرحك
اريج وتوهقت قالت بخاطرها(ويييه فضحت روحي): هاااه لا ولاشي ولاشي
رائد: شنو ولاشي وانتي من متى تخبين علي
اريج وتتحايل عليه: رئودي لاتتحايل علي وتصير مثل امي جرح صغير وخلاص
رائد: اوكي يعني ماتبين تقولين لي
اريج: رائد الموضوع مايسوى لاتكبره المهم الحين قولي شنو سويت بالاختبار
رائد: طريقه حلوه لتصريف الموضوع عموما سويت زين لاتخاف علي
اريج: لاتخاف علي فيه حد عندك
رائد: لامافي حد عندي عن اذنك باي
اريج: رئوي حبيبي الله يخليك لاتزعل
رائد ببرود: اذا مازعلتني مارح ازعل
اريج(والحين شلون اراضيه): رائد انا اسـفـه
رائد: جوجو والله موزعلان مافيها شي لويكون عندك اسرار
اريج: حياااتوو والله مواسرار انا جرحت روحي بالغلط زين
رائد: اهاا
اريج: رائد شفيك
رائد: مالاحظتي انك صايره حناانه
اريج: انا حناانه اصلا الشرهه علي انا اكلمك باي
رائد: باي(ويسكر) شفيها اليوم موصاحيه
.... بعد 3 دقــايـق جاء مسج على جوال رائد ...
وكان المسج من SweeT HearT
(حبيبي انا اسفه ماكان قصدي ازعلك بس توترت شوي رئوي سامحني)
بعد دقيقه رد لها بمسج وقال
صندوق الوارد :: حبيب روحي::
(انا مارح اسامحك تدرين ليه؟ لاني بعمري مارح اقدر ولارح اعرف ازعل منك)
ابتسمت اريج ومسكت كتابها وكملت مذاكرتها
/
/
/
/
/
ببيت بومشعل كانت هيفا لابسه عبايتها وبتطلع ومرت على امها اللي كانت قاعده بالصاله
هيفا: ماما بروح المشغل زين
ام مشعل: واي مشغل هذا اللي بتروحينه الحين انتي شايفه الساعه كم؟
هيفا: ماما توا الناس الساعه تسع وبعدين ابي اروح اسوي شعري واظافري
ام مشعل:يعني انتي موجايه تستأذنين جايه تعطيني خبر وبس
هيفا بتذمر: يوووووه يمه لاتسوينها قصه ترى الموضوع مايسوى مارح اتأخر وبصراحـه انا ودي اروح كل البنات بالجامعه يمدحون هالمشعل
ام مشعل: وليه مايجونكم البيت اللي اعرفه ان المشاغل تجي للبيت
هيفا: المشغل هذا اول مره اول مره اروح له وبعدين مااقدر اجيب لي وحده ع العمياني بروح بنفسي واشوف واذا عجبني شغلهم اكييييد رح اتعامل معااهم والحين عن اذنك يمـه فرح تنتظرني بالسياره (وتطلع)
ام مشعل: اذنك معك اوووف زهق بناتي طلعوا وفطوم الدعله راحت لبيت اهلها مافي الا انا وهالمخديه نغووم خلني اروح واقوم وافش خلقي فيها بدل هالقعده الممله هذي
ببيت بورائد كانت فاطمه قاعده مع جاسم ورائد اللي توه جاي من غرفته ونزلهم بالصاله
فاطمه: اخيرا بينت مابغينا نشوفك وينك مختفي
جاسم: وين بعد بالغرفه هالرجال يقعد بغرفته بالساعات ومايطلع من غرفته الا عند غدا او عشا واغلب الوقت بالسياره يفتر او قاعد بغرفته
فاطمه: شدعوه يارائد انت شلون عايش على هالطبع الخايس
رائد وهو مبتسم يجلس عالصوفا اللي مقابلتهم: شسـوي احب
فاطمه وجاسم وهم فاتحين عيونـهم ومومصدقين : شــنو تحب؟
جاسم: والله اني كنت شاك بأمرك اي شاك الا كنت متأكد انك تحب
فاطمه: رائد انت من سجك تحب والا تمزح معانا
رائد: شدعوه امزح معااك هالموضوع مايتحمل مزح
جاسم: ومين سعيده الحظ؟
فاطمه وهي مومصدقه اذنها: رائد وشهالكلام انت ماتسحتي على وجـهـك
رائد: شدعوه فطوم لاتكبرين الموضوع ترى السالفه ماتسوى الحب موعيب ولاحرام
جاسم: رئود عرفني عليها
رائد: جسوم استح على وجهك هذي زوجـه المستقبل
فاطمه وتحط يدها على راسها : انا مومصدقه وناوي تتزوجـها بعد مين هذي ومين بنته؟ وش اصلها ومن وين عرفتها وعلى اي اساس تبي تتزوجـها؟
رائد: شدعوه تبيني اجاوب على كل هالاسئلـه
(وتدخل امهم وبشرى)
رائد ويتنحنح: احم احم غيروا الموضوع
ام رائد: السلام عليكم
الكل: وعليكم السلام
بشرى: اما اليوم يافاطمه فاتك فاتك فااتك(وتجلس جنب فاطمه)
فاطمه: هدي هدي شوي شوي وقولي لي شنو صار معااك
بشرى: بصراحـه انا حدي متحمسـه للشغل وودي لو انك تجين معاانا
ام رائد: حماسك هذا ذكرني فيني اول مافتحت المؤسسـه.. الافاطمه ليش ماتجين ويانا
فاطمه : ويييين يايمه انا عندي بنتي وزوجي وحامل بعد يعني مافيني حيل للشغل والتعب
بشرى: ياعمري انتي توك بالشهر الرابع وبعدين بنتك الصبح تكون بالروضـه استغلي الفتره الصباحيه
فاطمه: لاوالله مالي بال للشغل
بشرى: انتي بس خلك عن ام زوجك هالنسره وزوجك هالزطي
فاطمه : بشرى احترمي نفسك
بشرى واستحت من كلامـها: سوري فطوم والله ماكنت اقصد اسـفـهـ
رائد: بناات شرايكم نتعشى برى كلنا
جاسم: لاوالله وابوي
رائد: الحين ادق عليه والا امر عليه بالشركـه
فاطمه: لايارائد الوقت متأخر وانا ابي اتعشى مع زوجي
ام رائد: فطووم توا الناس الساعه 11 وبعدين خلينا نقعد هاليوم مع بعض مثل الاول
جاسم: فطووم عاد امي طلبتك ومايصير تردينها
بشرى: يلا فاطمه وافقي الله يخليك
فاطمه: طيب اوكي مثل ماتحبون بس بدق على بوجوري وبقوله اني بتأخر طيب
جاسم: عاد رائد دام انك انت اللي مقترع هالعشا العائلي انت اللي اختار المطعم طيب
رائد: رح اختار المطعم والحساب علي بعد
ام رائد: بس لازم يكون مطعم فايف ستار
رائد: من عيوني ياام رائد
/
/
/
/
/
ببيت بومشعل كانت نغم قاعده تذاكر بغرفتهاا وتدخل عليها ام مشعل
ام مشعل: نغم ووجـع
نغم: هلا عمتي
ام مشعل وهي معصبه: عمت عينك انتي ماتفهمين
نغم وهي خايفه: ليه عمتي انا شسويت
ام مشعل: والله ماسويتي شي بس انا اكرهك تعرفين شنو يعني اكرهك لمى اشوفك اشوف الموت لانك انتي الموت بعينه وعلمه
نغم: طيب انا شسويت
ام مشعل: اووووه انتي ماتفهمين (وتفسخ جزمتها وانتو بكرامـه وتنزل عليها ضرب ماخلت فيها شي ماضربته ولارحمت دموعها وترجيهاا ومااكتفت بهالشي الاخذت الاوراق اللي كانت تذاكر فيهاا ورومتهم بالزباله بعد مامزقتهم ولمى شفى غليلها من نغم تركتها وراحت)
نغم وهي تبكي وتسمك شعرها اللي تقطع من كثر الشد والضرب : اااااه ياربي متى تخلصني منهاا ومن هالبيت والضرب يارب
وتنزل ام مشعل الصاله بعد مافشت غلها بنغم وتشوف بناتها فرح وهيفا توهم يدخلون
هيفا: سلام
وتروح امهم وتقعد بالصاله ولاعبرتهم
هيفا: الحمدلله والشكر شفيها ذي؟
فرح: وشفيها يعني اكيد طقت نغم ومالها خلق احد كالعاده يعني موشي جديد عليها (ويجلسون بالصاله)
هيفا: بس تدرين ام راكان هذي رهيبه شكلي رح اخليها تسوي لي مكياج عرسي
ام مشعل وهي معصبه: وانتي متى عرسك ان شاء الله الناس كلهم عرسوا الاانتي
هيفا وهي حاقره امها ولاترد عليها: بس تدرين انا عطيتها رقمي وبالموت عطتني رقمها ورح اخليها تجي عندي البيت مالي خلق كل شوي ارز وجهي بالمشغل
فرح: احسن شي سويته بس شكلها كانت مرتعبه يوم تعطيك رقمها الظاهر صاحبه المشغل مسويه لهم رعب
هيفا: الظاهر والله عاد اهم شي خذت رقمها(وتدخل فاطمه)
فاطمه وهي ماشيه: السلام عليكم
ام مشعل وهي توقف وبصراخ: ياسلام الساعه كم بأيدك فيه وحده متزوجـه تدخل بيتها هالوقت هذا بيت محترم واللي فيه
تقاطعها فاطمه وتقول ببرود: انا مثل ماقلتي مره متزوجـه وزوجي يدري وين كنت ومتى رجعت تصبحون على خير
هيفا وتضحك: هههه اقول امشي نروح غرفتنا قبل لاتفتل علينا امك صايره شرار اللهم ياكافي
فرح وهيفا: تصبحين على خير(ويرحون)
ام مشعل: اووووف والله زهق ماعندي شي اسويه خلني اروح انام احسن
/
/
/
/
/
اليوم التــالــي بــ جامعه البناات كانت بشرى قاعده مع صديقاتها
بشرى: عاد تصدقون اني طول عمري اروح المؤسسه مع ماما واراقب كل شي من بعيد لبعيد بس ولاعمري عرفت شي ولاسر من اسرار المؤسسه
غدير: والله على كلامك حمستني للمؤسسه .. تشغليني معاكم
بشرى: وبشنو تبين تشتغلين
غدير: تصميم ازياء
بشرى: اوووف بتصرين مصممه مره وحده .. ليش انتي دارسه شي بالتصميم
غدير: ايه يوم كنت ببيروت خذت دوره بتصميم الازياء
بشرى: والله زين بس تدرين الوسطاات ممنوعه عندناا تعالي وقدمي ملفك ويمكن نقبلك ويمكن لا
غدير: ياعمري عالصراحـه
وبجـهـه ثانيه من الجامعه كانت فرح قاعده مع شلتها وتناديهاا هيفا
هيفا: فوفو تعاالي شوي
فرح وتقوم : عن اذنكم بنااات(وتروح لاختهاا) نعم خير شعندك
هيفا بدون نفس: اي خير عندي لك خبر سيئ
فرح: شنو بعد؟
هيفا: كومار مارح يجينا اليوم
فرح: ليش؟
هيفا: ابراهيم الدعله خرب سيارته وخذ سيااره كومار.. وعاد كومار اتصل فيني وقالي مارح يمرنا واتصلت بـأخوك الزطي وقالي موفاضي
فرح: والحين شلون
هيفا: والله لوادري شلون ماقلتلك
فرح: طيب بشرى دوامت اليوم
هيفا: اي بشرى؟
فرح: اي بشرى بعد .. بشرى بنت عمك
هيفا: ايييه .. والله ماادري عنهاا
فرح: طيب روحي شوفيها
هيفا: لاوالله خدامه ببيت ابوكك انا .. انا سويت اللي علي والدور الباقي عليك انتي
فرح: لاوالله وانتي شسويتي
هيفا: سج قليله خاتمه .. مين اللي اتصل بمشعل وبرهوم واكل تهزيئه موانا
فرح: طيب وينها الخايسه ذي
هيفا: قاعده مع قروبهاا english girls
groupمالت عليهم
فرح: طيب قعدي مع الشله وانا بروح اشوفهم
وتروح فرح لبشرى
فرح: بشرى تعاالي شوي
بشرى: اوكي
فرح بخاطرها(مالت عليها مسويه
english girl)
بشرى: هلا فرح شلونك.. غريبه طريت عليك
فرح: الحمدلله .. متى تخلص محاضراتك اليوم
2 clookبشرى:
فرح: اوووف
بشرى: ليه
فرح: لاني كنت ابي اروح معك للبيت مافي احد يرجعنا خلاص رح ننتظر لين الساعه2
بشرى: لاشدعوه .. الساعه الحين 12 تدرين رح اتصل بجسووم واقوله يجي ياخذكم
فرح(وييييع مالي خلقه هالمليغ): طيب سواقكم وينه
بشرى: السواق بمؤسسه مااما
فرح بخاطرها( قطييييعععه مشغل خياطه وقرنبع وخليتوه مؤسسه مالت عليكم)
بشرى: الحين بكلم جسوم(وتتصل)الو هلا جسوم
جاسم: هلابشوره
بشرى: جاسم وينك
جاسم: بالجامعه
بشرى: عندك كلاس
جاسم: لا انا الحين بالبريك تبيني امرك
بشرى: لا انا مارح اطلع الا بعد ساعتين ,, بس ابيك تمر بنات عمي
جاسم ويضحك: التؤام المختلف
بشرى وهي ماسكه الضحكه: ايه فرح وهيفا .. اوكي خلاص يلا باي(وتسكر)
فرح: هااه شصار؟
بشرى: الحين بيمركم جسوم تعرفين سيارته
فرح: ايه اعرفها شكرا(وتجي تروح وتناديها)
بشرى: فرح اذا جاء جاسم رح اتصل عليك واقولك انه برى
فرح وتلفت عليها: اوكي يسلموو
بشرى: اووف مصلحجيه بشكل موطبيعي
/
/
/
/
/
/
وبمدرسـه البنــاات كانت نغم تلبس عبايتها تبي تطلع وتجي شريفه مسرعه
شريفه: نغم
نغم وتلفت عليها : نعم
شريفه بخوف: شنو هذا
نغم وناسيه انها فسخت النظاره الشمسيه : شـنـو
شريفه: الضربات اللي بوجـهك والاحمرار اللي تحت عينك
نغم: كالعاده يعني شنو
شريفه وتلمس جروحـها: بــس
نغم وتصرخ: اه عورتيني
شريفه: شلون تسمحين لها تمد يدها عليك انتي موحيوانه عندها
نغم: معليه تضل بمقام امي
شريفه: تخسي تصير مقام امك يانغم هي موانسانه هذي شيطان انتي لازم تعلمين عمك بللي يصير
نغم بيأس: عمي يدري وساكت ويسوي روحـه كأنه مايدري وان قلت له يقولي زين ومايسوي شي واحيانا يقولي هذي مره كبيره وبمقاام امك .. واذا درت هي تطقني اكثر ومحد يقول شي انا خلاص تعودت
شريفه: وعمك بورائد وينه عن هذا كله
نغم: وش بيسوي يعني
شريفه: يعني هو يدري وساكت
نغم: لامايدري وعمي بومشعل قالي لاتقولين له عشان ماتصير مشاكل بين العايله
شريفه: وليش فاطمه ماتقوله
نغم: ماابي اسبب لها احراج وبعدين زوجـها مانعها من انها تتدخل بالموضوع
شريفه: بس انتي لازم تتغيرين
نغم: ان شاء الله خير .. اقوول عن اذنك لايمشي عني الباص .. بتوحشوني بااي
شريفه: بايااات
وعند باب بيت بومشعل كانت نغم توها نازله من الباص وشافها جاسم اللي توه واصل مع بنات عمه
جاسم: مين هذي اللي دخلت البيت
هيفا: هذي نغم
جاسم: وليش تجي بالباص؟
فرح بخاطرها(بدت اللقافه): هي تحب تروح وتجي بالباص عشان صديقاتها (وينزلون)
جاسم: الباص عاد .. مسكينه هالنغم..(ويتصل بأخوه) الو هلا رئود .. مارح تجي عالغدا .. موشي جديد باي
وعلى شط البحر كانوا اعظم حبيبين بهالدنيا ولو كانوا اعظم حبيبين بعيونهم
اريج: شايف البحر شوكبير
رائد: ايه
اريج: قد البحر بحــبك
رائد: وشايفه السماء شو بعيد
اريج: ايه
رائد: بعد السماء بحبـك
اريج: رئودي بتتمنى ايه اللحظـه دي
رائد: اتمنى اقضي طول عمري معااك .. وانتي شنو تتمنين
اريج: اتمنى نحب بعض طول عمرنا حتى لو ماكنا مع بعض
رائد: تف من بؤك
اريج: هههههههه .. تعلمت مصري
رائد: مصري وسعودي وكل اللي تبينه ...جوجو
اريج: عيون جوجو
رائد: تذكرين اول يوم جيتي للسعوديه
اريج: ايييه .. يومهاا كنت دايما اتكلم مصري واول يوم شفتك يوم كانت اختك فاطمه بالمستشفى تولد جوري .. وقتهاا بصراحـه حقدت عليك
رائد ويضحك: هههههههه .. انا كنت معصب وابي اختك بسرعه تولد وامك ماادري وين كانت وانتي قاعده تلعبين بمكتب امك
اريج: ماكنت العب .. كنت قاعده اقرى مجله
رائد: وكنتي قاعده تلعبين تسـالي
اريج: يعني لازم تطلعني غلطانه
رائد: وانتي لازم تكابرين.. احبـك يامجـنونـه
اريج: انا مجنونتك وبس .. وانت مجنوني احبك(وتصرخ) احبـــــــــــك
رائد: قصري صوتك احـنا بالشـارع .. قومي خلينا نروح نتغدى بأي مطعم تختارينـه
(ويركبون السيـاره)
اريج: رئود تروح معاانا هالسنـه مصر
رائد: انا كل سنه اروح معاكم يعني اكييييد هالسنـه رح اروح معااكم .. وين جاي على بالك تتغدين
اريج: امممم ماادري شرايك بفرايديز
رائد: اوكي وانا كم جوجو عندي
اريج بدلع: وحده ولاتفكر يكون عندك غيرها
رائد: مستـحيل افكر يكون عندي غيرهاا
/
/
/
/
/
وعالغدا ببيت شهد كانوا قاعدين يتغدون بالصـاله ودخل بسـام ومعااه فواكـه وشويه اغراض وتاخذهم شهد وتروح للمطبخ
بسام: السلام عليكم(ويقعد عالغدا)
الكل : وعليكم السلام
هبه: انت وين كنت امس
بسام: كنت نايم عند واحـد من الربع
هبه: ومن وين لك هالاغراض(وتجي شهد وتقعد)
بسام: من وين بعد شاريهم
هبه: اي ادري شاريهم يعني من وين لك فلوس
بسام: اووووه هبه خلني اتغدى
الجده : بس يااعيال خلونا نتغدى
هبه: طيب بسام انا لي تفاهم ثاني معك بعدين
بسام: ماابي اتسمم زين (ويقوم)
الجده: اقعد يمه بسام تغدى
بسام: ماابي يمه خلي بنتك البرنسيسه تتغدى انا بنام صحوني المغرب (ويرووح)
هبه: كل يوم على هالحال
شهد: هبه خليه على راحـته يمكن متسلف من احد ومايبي يقول
هبه: ليش هو يعرف احد عشان يتسلف منهم
شهد: اكيد يعرف اجل وين يروح كل يوم
هبه: اخوك هذا غريب مايشتغل وانا مااعطيه فلوس كثير وكل يوم يدخل وبيده اغراض شكل
شهد: يمكن يشتغل
هبه: اي شغل هذا اللي بعد صلاه المغرب وحتى الصبح واحيانا يبات انا بروح اشوف وشسالفته وشسالفه شغله
/
/
/
/
/
/
" لاسـالفه ولاشي ولاتكبرين الموضوع على شان شي ماله داعي"
هبه : بس انا لازم اعرف انت من وين لك هالفلوس
بسام: اشتغل
هبه وبأستغراب: تشتغل .. من متى.. ومن وين لك هالشغل.. وليش ماقلت لنا
بسام: اشتغل حاس امن بشركـه اخر الليل ومن الاسبوع اللي فات
هبه: طيب حارس امن ومن اسبوع .. ومن وين لك الفلوس اذا لك اسبوع تشتغل .. يعني لسى ماخذت الراتب
بسام: تسلفت من واحد من الربع 400 ريال زين ياكثر ماتحنين ياهبه
هبه: وهالسياره اللي عند باب بيتنا
بسام قال وبدون شعور: شريتها
هبه وهي مستغربه ومعصبه بنفس الوقت: شريتها .. ومن وين لك فلوسهاا .. هذي سياره غاليه
بسام وتوهق: اقصد رح اشتريهاا
هبه: شريتهاا والا رح تشتريهاا بكلا الحالتين من وين لك فلوسها
بسام وبصوت عالي: اووووه هبه ازعجتني لاحقتني لهنا يكفي ماتغديت بسببك والحين ماتبيني انام .. والسياره رح اشتريها من واحد من الربع لايغرك شكلها .. ترى فيها الف خراب وخراب .. والولد مسافر ومعطيني اياها اجربهاا طول فتره سفره والحين فيه اي سؤال ثاني ياحضره المحقق هبه
هبه بخاطرها(ولو اني احس انك تكذب علي بكل كلمه تقولها بس معليه رح الحق الكذاب لعند الباب) وقالت: تمسي على خير بس بقولك يااخوي ياولد امي وابوي قبل لاتسوي اي شي فكر فينا حنا بنات.. خواتك مالنا غيرك.. وسمعتنا من سمعتك .. عن اذنك .. (وتطلع)
ببيت بومشعل كان ابراهيم توه راجع من السوق وقاعد يطالع ملابسه وحاطهم عالسرير ويختار وينادي نغم اللي كانت ماره من عند باب غرفته
ابراهيم: نغم
نغم: هلا ابراهيم
ابراهيم: تعاالي (وتدخل الغرفه)
ابراهيم: ليش لابسه حجاب
نغم: من يوم ورايح رح البسه
ابراهيم: اوووه وجـهك مره تعباان الله يعينك على مابلاك
نغم: خلاص تعودنا 4 سنين خلاص صرت خبره
ابراهيم بلا مباله: مومهم .. شرايك بهالبدل ايش احلا هذي والا هذي
نغم(طول عمرك ماتهتم الالنفسك.. سبحان الله نسخـه مصغره عن امك)
ابراهيم: نغم .. نغم
نغم: هاااه
ابراهيم: مارديتي علي
نغم وتأشر على بدلتـه : هذي احلا بس لو تاخذ تشور(الله يكرمكم) نفس لون الحزام وايد احلا
ابراهيم: طيب والبدله الثانيه شلون
نغم: التشور الاول خليه للبدله الثانيه .. اصلا انت عندك تشور نفس اللون للبدله الاولى صح
ابراهيم: عندي بس مدري وين
نغم: دور عليه والا اشتري لك وحده مثلها احسن
ابراهيم: على قولتك مالي خلق ادور
... وتمر ام مشعل وتدخل عندهم..
ام مشعل: نغم وشتسوين بغرفه ابراهيم
نغم بخوف: كنا قاعدين نختاار
ابراهيم يقاطعها: ماما شتبين؟
ام مشعل: نغم يالدعله قومي وسوي لنا حلا ولاتقولين اختبارات وماادري ايش خلاص الاختبارات وخلصت وافتكينا منها يلا سوي لنا قهوه وشاي وحلا
نغم: ان شاء الله مرت عمي
ابراهيم: نغم سوي لنا حلا تشيز كيك اوكي
نغم: من عيوني عن اذنكم وتطلع
ام مشعل: وش عندك مع نغم
ابراهيم: يمه لاتكبرين الموضوع ماعندي ولاشي بس كنت شاري كم بدله ووريتها اياها
ام مشعل بخبث: شرايك فيها
ابراهيم ولاعت كبده: بصـراحـه تخرع والجرح اللي عند عيونها يخرع بزياده ماما بصراحـه شوهتي البنت
ام مشعل: هذي زوجـه المستقبل
ابراهيم: انتي ماشلتي هالفكره من بالك
ام مشعل: ولارح اشيلها فاهم
ابراهيم: ماما ممكن تطلعين بغير ملابسي
ام مشعل: غيرها بحمامك
ابراهيم: ماما شفيك ابي اخذ راحتي بغرفتي
ام مشعل: الله ياخذك انت وابوك واخوانك ويفكني منكم(وتطلع)
ببيت اهل شهد كانت شهد نايمه وتصحيها هبه
هبه: شهد .. شهد
شهدوهي نايمه: نعم
هبه: انا بروح الدوام زين
شهد: طيب مو مشكله روحي
هبه: طيب قومي
شهد: هبوووش حرام عليك توني اليوم مخلصه اختبارات خليني ارتاح
هبه: طب انا بروح الدوام قومي قعدي مع البزران
شهد وهي تقوم بالموت: يلا يلا بقوم الحين
هبه: طيب سياره العمل تنتظرني برى الحين بطلع تبين اجيب لك شي معي
شهد: لاسلامتك
هبه: اوكي يلا باي(وتبوسها وتطلع)
ببيت بورائد كان جاسم قاعد عاللاب توب ويرن جواله
جاسم: الو هلا بوريم شلونك الحمدلله تمااام
بوريم: وشعندك اليوم جسوم لاتقولي جامعه وماادري شنو
جاسم: لاعاد اليوم انا فاضي وماعندي شي من حظك
بوريم: اجل السهره عندي اليوم بالشقه
جاسم: لا مالي خلق بوريم
بوريم: شدعوه جسوم من دخلت هالجامعه تكبرت علينا وماصرت تمشي مع ربع الثانوي
جاسم: شدعوه بوريم موعن .. بس انا من زمان ماسهرت معاكم واكيد غيرتوا الشله
بوريم: اي والله غيرناهم وغيرنا اشياء كثيره بعد .. انت تعال اليوم ورح تشوف اللي يسرك
جاسم: متى تبدء سهرتك
بوريم: تقريبا الساعه 10 بالليل
جاسم: خلاص الساعه9ونص انا عندك اوكي
وببيت بومشعل تحــديدا بجـناااح مشـعل
دخل جنااحـه وكانت الصاله مضلمه ودخل الغرفه وشافها كلها شموع ومافيها حد وجلس عالسرير بأستغراب بعدها دخلت فاطمـه وفتحـت النور
فاطمه: مفااااجــأه
مشعل وهو خايف : خوفتيني
فاطمـه وتشغل المسجل: كل عام وانت الحب
مشعل: شالطاري
فاطمه : اليوم عيد ميلادك .. تعااال معي للصاله
مشعل : ليش كل هالشمع
فاطمه: لزوم المفاجأه
مشعل: ومين اللي دفع ثمنهم
فاطمه: انا ... ليش
مشعل: وكم سعرهم
فاطمه (بدينا): مشعل تعال معي للصاله وتسحبه من ايده وتطلع معاه وتفتح النور
مشعل وهو متفاجئ: وليش الكيك اربع ادور احنا بعرس
فاطمه: مشعل اليوم عيدميلادك لاتكدر اليوم
مشعل وهو معصب: مخاسير .. شوفي الكيكه بكم ماخذتها والشمووع اللي شكثرهم والله مخاسير
فاطمه وعصبت: مشعل انا اللي دفعت ثمنهم
مشعل:وانتي مين اللي يعطيك مصروفك مو انا والله مخاسير وتعالي لي نص الشهر وقولي لي مشعل .. عطني فلوس
فاطمه: مشعل مارح اطلب منك اي شي خلي الليله تعدي على خير
مشعل: اي خير وانتي صارفه كل هالمصاريف صايره مثل خواتي بس تصرفين وتعاال يامشعل ادفع
فاطمه بصوت عالي: الشرهه موعليك علي انا اللي اسوي لك مفاجأه طلعتها من عيــووني قلبت فرحتي لهم (وتجي تروح ويناديها)
مشعل: فاطمه والكيكه مين بياكلها
فاطمه: ارميها بالزباله انا اللي دافعه ثمنهاا
مشعل يتحلطم: هذا اللي فالحه فيه تخسرنا وبس
الجزء الثـــانـي عشــر
part 12
ابراهيم: ابي اشوفك ..؟
شهد بعـــد صمـت طويل قالت : تشوفني؟
ابراهيم: ايه .. اشوفك
شهد: تشوفني شلون .. اقصد يعني كيف ووين
ابراهيم: اختاري المكان اللي تبينه انا ابي اشوفك واجلس معك واتكلم معك بموضوع
شهد: تتكلم معاي بموضوع .. يعني الموضوع مايصير تتكلم معاي فيه بالتلفون لازم يعني تشوفني؟
ابراهيم: ايه لازم .. شهد انا بعمري ماطلبت منك شي اتمنى توافقين على هالطلب
شهد: ماادري شقولك
ابراهيم: شنو يعني ماتدرين؟
شهد: انا.. انا ولابعمري طلعت مع حد فـ ماادري شنو اوحتى وشقولك
ابراهيم: انا مارح اضغط عليك .. انتي فكري بالموضوع مثل ماتحبين وبعدها رجعي لي خبــر
شهد: ماادري شقولك
ابراهيم: الحين لاتقولين شي .. انا مارح اكلملك الا لمى تردين لي خبر
شهد: اوكي خالد .. باي (وتسكر وتروح تطالع المرايه..
شهد: اشوفه واطلع معه .. زين ليش وشعنده من موضوع ..؟ ياربي شسوي..؟
/
/
/
/
بمكتب بشرى كانت جالسه ع المكتب وتدخل عندها مسؤؤله قسم الترجمه
المسؤوله: انسه بشرى .. مين اللي كتب التقرير اللي رح نرسله للشركه اللي بباريس
بشرى: انا ليه؟
المسؤوله: سوري انسه موقصدي الاهانه بس التقرير فيه كثير اخطاء املائيه
بشرى: شنو انتي وشتقولين
المسؤوله: احنا ارسلنا التقرير للشركه بالفاكس ورجعوه لنا لانهم مافهموا ولاشي منه
بشرى: وشقصدك انا اكتب اهم التقارير بالشركه وكل تقاريري ممتازه وبعدين انا لغتي الفرنسيه زينه
المسؤوله: انسه انا عارفه هالشي وانتي من زمان تكتبين التقارير بالشركه بس هالتقرير بالذات او بالاحرى الاسبوع الاخير فيه كم تقرير اخطائهم الاملائيه كثير
بشرى وانحرجت : اوكي خلي التقرير هنا وانا بصححه
المسؤوله: مدام انا كتبت التقرير من جديد وارسلته
بشرى: وانتي شلون تتصرفين من كيفك وبعدين دامك كتبتي التقرير من نفسك ليه جايه تقولين لي
المسؤوله: انا اسفه يامدام تصرفت دون علمك بس لان الشركه الفرنسيه تعاملنا وياهم دقيق وانا حبيت نلحق ع الاقمشه اللي عندهم قبل ماتخلص وبعدين انا خمنت انك مشغوله بأداره المؤسسه ومارح تفضين لاتصالاتي خاصه وانتي اتصلت فيك كثير الصباح ومارديتي علي عموما انا توني الحين ارسلت التقرير
بشرى بخاطرها: الصباح كنت مع الريم(وقالت: اوكي خلي التقرير هنا وروحي (وتحط التقرير وتروح
بشرى: اووووف وش هالاخطاء الفظيعه انا وين كنت لمى كتبته اللي يفشلني .. شكلي بخلي قسم الترجمه يتوكل كل التقارير ... أنا وش صاير لي شفيني ... معقوله تكون الريم صادقه واكون احبها وانا موداريه ,, بس الريم شكلها يستفزني شلون احبها .. بس لازم ماانكر انها من طلعت من الشغل وانا حالتي حاله .. اوووووه وشهالكلام خلني اكمل شغلي احسـن
/
/
/
/
أما رائد كان تقريبا يوميا يروح للبحرين ويدور اريج مثل المجنون ... ومبلط عند سفاره البحرين بالسعوديه وسفاره مصر ويشوف اذا اريج تدرس بأحد البلدين بس للأسف ماحصل جواب مافقد الامل بس جاه احساس قوي انه خســر اريج للأبد وكان مايدوام الا نادرا وان داوم يجلس اغلب الوقت ساكت وسرحان ومايسوي شي وببيت اهل رائد كان جالس بغرفته ويدخل عليه ابوه
رائد بأستغراب: يبه؟
بورائد: ايه ابوك وشفيك مستغرب وبعدين تراك مسختها هالشهر مادوامت الا اسبوع قلنا شركه ابوك بس لاتستهتر كذا ... وبعدين اذا انت ولدي الكبير مادوامت ولااهتمت لحالك مين اللي رح يهتم فيه ماتقول لي
رائد: يبه انا تعبان ومااقدر ادوام
بورائد: وشفيك من التعب ياحسره مافيك الا العياره اسمعني يارائد من بكره لازم تدوام زين وان مادوامت هالشهر زي العالم والناس رح افصلك وحتى سيارتك الجديده رح اسحبها منك وخلك على حركاتك هذي اللي مارح تنفعك بشي (ويطلع اما رائد عصب وطلع من البيت)
::
::
::
" ولدك هذا مسخها" قالها لزوجته وهو معصب من ولده
ام رائد: معليه يابورائد تحمله هو الحين معصب وعنده صدمه نفسيه عشان رفضنا نزوجه قليله الاصل اللي كان يبيها خله كلها كم يوم ويرجع لوعيه
بورائد: ايه بس مايصير كذا لين متى وهو على هالحال ترى لاعت كبدي الشركه كل شغلها فوق راسي .. وانا كبرت وتعبت ابي ولدي يشيل معاي شوي مو اعتمد ع الغرب وولدي مااقدر اعتمد عليه بشي
ام رائد: هد اعصابك يابورائد ... رائد الحين طايش كلها كم يوم ويرجع لعقله انت لاتدقق عالولد بروحه حالته حاله
بورائد: والله اني مخليه على راحته بهالشهر مادوام غير اسبوع واحد بس وانا معطيه وجه ومخليه ع راحته طيب لين متى .. لين متى ولدك رح يضل ع هالحال .. بس انا مارح اعطيه وجه زياده عن اللزوم انا حذرته وقلت له من بكره ان مادوام زي الناس رح افصله واسحب منه سيارته وهو خل هالصدمه النفسيه مدري العاطفيه اللي هو فيها تنفعه
ام رائد: حرام عليك يابورائد ولدك الحين موبوعيه اكييييد ساحرته بنت ابليس لكن على مين انا لازم اخلي ولدي يرجع لحالته الطبيعه
بورائد: وشلون يعني تبين نوديه لطبيب نفسي ؟
ام رائد: خلك من هالسوالف طبيب نفسي وماادري ايش هالدكاتره النفسين ماعندهم سالفه ياخذون فلوسهم مقابل هذرتهم دواء ولدي عندي أنـا
::
::
::
::
وراحت ام رائد لغرفه ولدها وحطت حجاب بين اغراضه
ام رائد: عسى الله بس تصدقين بكلامك ياام فريد ويطلع ولدي من هالحاله ذي (وتطلع من الغرفه بسرعه قبل مايشوفها حد)
/
/
/
/
ببيت بومشعل راحت فرح لغرفه اخوها ابراهيــم ...
فرح : برهوم زين لقيتك بالغرفه
ابراهيم وماله خلقها: شعندك فوفو وشتبين؟
فرح: وي شفيك قبيت فيني ابي اسولف معك
ابراهيم: انتي يا فوفو تسولفين... وياترى وشعندك من سوالف ؟
فرح: حابه اسألك عن نغم الدعله من طلعت من البيت ماعاد زارتنا
ابراهيم: من جدك انتي تزورنا البيت ماصدقت على الله تطلع من البيت اللي بغت تموت فيه تبينها ترجع للموت بنفسها
فرح(ياليتها ماتت وانفكينا منها): المهم ماعلينا منها بس لاحظت فاطمه مرت اخوك مارجعت للبيت هي بعد شسالفه؟
ابراهيم: ليش مادريتي
فرح: لامادريت ليكون بعد قررت تكمل الاربعين ببيت اهلها
ابراهيم: لا وانتي الصادقه ابوها اللي هو عمك وعمي شرى لها فيلا وبتسكن فيها وقالت لمشعل يأثثها
فرح: ههههههههه مشعل يأثثها من جدك انت الحين تلاقيه انتحر هو ساكن ويانا وموقادر عالمصرف وشلون رح يأثث لها البيت ولااا بيسكن فيها يعني المصرف رح يصير ضعف
ابراهيم: اللي انا مستغربه ان اخوك بدء يأثث البيت ويقول انه جاء الوقت اللي يستقل فيه ببيت خاص فيه
فرح: مشعل قال كذا وشسالفته ..؟ معقوله يكون بيبطل بخل
ابراهيم: والله مدري عنه انا اشوفه له يومين مشغول بتأثيث البيت ماتدرين يمكن الله هداه
فرح: مااتوقع .. المهم ماعلينا من هالبخيل ومرته هالعوبه وقولي وين بتسافر هالصيف
ابراهيم: مااتوقع اسافر
فرح/ شنــــــــو؟؟ انت تتكلم جد حرام عليك برهوم الصيف توه بادي وماودك تسافر
ابراهيم: ايه ماودي عندي مخططات افضل وبعدين رح اجهز للجامعه خبرك الجامعه قبلتي وان سافرت بسافر فلوريدا اشوف الاوضاع هناك وادور لي سكن واضبط وضعي بس موالحين بنهايه العطله تقريبا قبل الدراسه بشهر
فرح: وانت وشالطاري عليك تبي تدرس بأمريكا ولااا ع حساب الحكومه بعد انت هنا مافلحت هالمره بأمريكا وين قاعدين
ابراهيم: ياحبيبتي ع الاقل انا احسن منك عمرك بيصك الـ 24 وللحين بسنه اولى وماادري شنو .. وزين نجحتي هالسنه ...انتي اللي مثلك متزوجه وعندها اعيال بعد
فرح وعصبت: احترم نفسك ولاتنسى انك تتكلم مع اختك الكبيره وبعدين انا احسن منك و
يقاطعها ابراهيم: اقول يااختي الكبيره راسي يعورني ومالي خلق اتهاوش معك انتي قلتي انك جايه تسولفين موتتهاوشين وبعدين ياليت لوترجعين الـ 2000 ريال اللي سرقتيهم مني ترى حركات السرقه هذي كلش بايخه ونعم التربيه والله واحد بخيل والثانيه سراقه زين اذا بتسرقين لاتسرقين من اهلك وترى انا لي فتره ساكت عنك بس الظاهر انتي حالتك ميؤوس منها ياليت لوتتعالجين احسن وتبطلين تسمعين كلام امي لان السرقه مارح تنفعك بشي
(عصبت فرح من كلامه وراحت لغرفتها تتحلطم)
هيفا اللي كانت جالسه تتصل بخطيبها وجواله مقفل : اوووووف وشفيه هذا وقته يفقل الجوال .. (وتلفت لاختها: وشفيك فرح
فرح بصراخ: موشغلك بلا لقافه وشتبن انتي تتدخلين بكل شي اللي يخصك واللي مايخصك الله ياخذك ويفكني منك ومن وجهك اللي يجيب المرض(وتطلع)
هيفا/ ووجع ان شاء الله وشفيها ذي الحمدلله والشكر صايره كأنها ثور هايج مايسوى علي هالكلمتين اللي قلتها جعلها بهالحال واردي (وتطالع جوالها) وهالحقير الثاني ماادري ليش مقفل جواله ..
(وبمؤسســهـ الازيــاء كانــوا مسووين حفل بمنـاسبــه التشكيله الجديده .. وكان حفل متواضع وبقاعه المؤسسه والناس اللي فيه موكثير اغلبهم من الزباين المهمين وجات الريم للحفل .. وبشرى كانت لاهيه مع الزباين واول ماشافت الريم اشتغربت وراحت لها)
بشرى: هلا رامي
الريم: غريبه تناديني رامي
بشرى: لاغريبه ولاشي موانتي تحبين ينادونك رامي
الريم وتبتسم: ايه احب ينادوني بهالاسم
بشرى: غريبه زيارتك هنا اليوم
الريم: شنو يعني معناه طرده
بشرى(وشفيني مااعرف اعبر): لااا لاطرده ولاشي المكان منور بوجودك
الريم واستانست بس مابينت: شنــو؟ وشقلتي
بشرى وانحرجت: هاااه لاا ماقلت شي عادي
الريم: كـأني سمعت كلمه المكان منور بوجودك
بشرى ابتسمت وقالت: اممم كأنه اللي سمعتيه صحيح(ويضحكون وعلى جيه هاجر اللي كانت معصبه لمى شافتهم مع بعض)
هاجر: انتي هنا وانا ادور عليك .. ولا قاعده ضحك وسوالف مع حبيبه القلب
بشرى: هاجر قصري صوتك لاتفضحينا قدام الناس
هاجر بنفس النبره: لاوالله خايفه من الفضيحه يللي ماتستحين على وجهك
الريم بحزم : هاجر تعالي معي برى القاعه والحين
(وخارج القاعه)
هاجر وماسكه الصيحه: هذي اللي بدلتيني عشانها يارامي
الريم: انا مابدلت حد عشان حد
هاجر: اجل ليه جوالك كلا مقفل وطلعتي من شقتك
الريم: كنت مسافر وبعدين انارجعت اسكن مع الوالد
هاجر: طيب يوم رجعت من السفر ليه ماكلمتني
الريم: اسف نسيت بس ياهاجر ان ضليتي تتصرفين مثل كذا ترى رح اتركك
هاجر وخافت: لالالالالا لاتتركني ... بس انت الحين ماتركتني
الريم: لاماتركتك قلت لك كنت مسافر ورجعت هاجر انا احبك بس تصرفاتك هذي رح تكرهني فيك
هاجر: لالالا خلاص كله ولاتكرهني بس قولي ليش طلعت من الشقه ... انا احب هالشقه ذيك الشقه بكل زوايه من زواياها لنا فيها ذكري
الريم: وش نبي بالذكرى دامك عندي .. حبيبي اسمعيني انا اليوم بجي وبنام عندك بالبيت
هاجر واستانست: صدق يارامي
الريم: ايه صدق عشان كذا انتي روحي للبيت الحين وانا بلحقك
هاجر: لاوالله تلحقني .. والحين بتجلس مع ست الحسن والدلال
الريم(اللهم طولك ياروح خلني اسايرها اليوم بس عشان ماتسوي شي لبشرى): طيب تدرين انا باخذ اغراضي الحين وبطلع اتعشى معك بعدين نروح لبيتكم
هاجر: والله خلاص انا بنتظرك هنا وش رايك نتعشى بالبيت اهلي مسافرين
الريم: اختك مسافره وين راحت؟
هاجر: راحت مع صديقاتها لبنان كم يوم والوالده رجعت لزوجها وعاشت معه والبيت مافيه الا انا وبس
الريم: اوكي اخذ اغراضي وارجع لك (وتدخل القاعه وتروح لبشرى)
الريم: عن اذنك انسه بشرى انا بروح البيت
بشرى: وين توا الناس .. بدري؟
الريم: بدري من عمرك انا لازم امشي الحين
بشرى : الحين عاد توك واصل ..(وبعد صمت) بتروح لها؟
الريم: اروح لها مين تقصدين .. هاجر؟
بشرى: هاااه ايه اقصدها
الريم بأبتسامه ساحره: ليه تغارين؟
بشرى وتمالك نفسها وقالت: أغار لا ليش اغار؟
الريم: خلاص اجل دام انك ماتغارين بخليك عن اذنك باي (وتروح)
بشرى(الحين شلون تقول انها تركتها وبتروح لها انا لازم اعرف وتناديها): الريم
الريم من بعيد تأشر لها يعني وشفيك؟
راحت لها بشرى وقالت: اذا قلت لك اغار رح تقول لي ليش بتروح لها
الريم ابتسمت نفس الابتسامه اللي سحرت بشرى: طيب انتي تعنين هالكلمه والا لا
بشرى: ............
الريم: عموما انا هاجر تركتها من زمان مثل ماقلت لك بس مضطر اطلع معاها الحين عشـان ماتسوي لك فضيحه بمقر شغلك يعني اسايرها ومااتوقع اني اجي هنا مره ثانيه عشان ما اسبب لك احراج عن اذنك باي ..
بشرى بخاطرها(وشفيني انـا وشصاير لي بس ابتسمت لي هالابتسامه ورحت فيها بصراحه ابتسامتها تخقق .. اووووه خلني ارجع لشغلي احسـن لي )
بالمشغــل النســائــي اللي تشتغل فيــه هبه كانت توها مخلصه شغل وراحت ترتاح وتجيها رولا(مديرتها)
ومعاها زبونه
رولا: هبه هالزبونه جايه مخصوص عشانك تبيك تسوين لها استشوار
هبه: شنــو؟(وتروح لرولا وتكلمها على جنب)
هبه: رولا انا الحين توني مخلصه شغلي واليوم انا لحالي خذت الحد الاقصى 10 زبونات وفيه بنات معاي ماخذوا الا 5او6 زبونات وانا تعبانه والدوام مابقى عليه غير نص ساعه والزبونه ماشاء الله شعرها طويل ورح تطول وانا تعبانه
رولا: شنو يعني نطرد الزباين وبعدين الزبونه جايه مخصوص عشانك وطالبتك بالاسم بعد نردها
هبه: لالاتردينها انا ماقلت رديها بس خلي وحده من البنات غيري تسوي لها شعرها انا تعبانه
رولا: اقول هبه انتي توك متعينه ولازم تورينا احسن ماعندك ولاتقعدين تتشرطين الا ابي هذي ومااقدر على ذيك
هبه: انا ماتشرطت ولاشي وبعدين انا خلصت فتره التدريب وصرت متعينه حالي حالهم ومكتوب بالعقد ان الحد الاقصى عشر زبونات والبنات اللي معاي ماكملوا الحد الاقصى
رولا: خلك من هالكلام الحد الادني والاقصى وبعدين لاتنسين ان بالعقد مكتوب بعد ان اذا الزباين استانسوا عليك تقدرين تزيدين راتبك لو انا منك مااتردد لحظه بقبول اي زبونه الحين البنات اللي معك رح يحسدونك عالمكانه اللي انتي فيها ولوتدري المديره بهالشي كلها شهر او اثنين بالكثير وتزيد راتبك بس انتي اصبري ورح يجيك كل اللي تتمنينه
هبه وهي معصبه قالت بخاطرها(قال شللي جابرك عالمر قال اللي امر منه)
رولا: هبه هبه وشفيك ساكته .. روحي للزبونه شوفي شلون تطالع فيك
هبه: اوكي اوكي الحين بروح لها
/
/
/
/
جالسه بالصاله تطالع التلفزيون وتجيها رساله عالجوال
" كلمت صديقي وقالي تقدرين تروحين بكره وتقدمين اوراقك وتستلمين الوظيفه ع طول والدوام من الساعه 8 الى الساعه3 عصرا .. المرسل خالد
شهد: اوووه زين انا لازم اكلمه واشكره بس .. ان كلمته لازم اقوله ع ردي وبعدين هو رح يسافر معي لفلوريدا وانا بصراحـه محتاجه احد وياي وش بسوي بالغربه .. يعني كذا كذا بشوفه خلني اشوفه واشوف وش عنده (وتروح غرفتها وتسكر الباب وتتصل فيه)
شهد: الو هلا خالد .. أنـا وافقت اني اشوفك وابي اشوفك بكره
ابراهيم وطار من الفرحه بس مسك نفسه وقال: بكره .. اوكي بس وين ؟ انتي اختاري المكان اللي تبينه اوكي خلاص موافق .. يلا باي (ويسكر)
ابراهيم: يييييييييييس واخيرا ... عاد ان شاء الله تطلع حلوه والله ان طلعت شينه بحقد على رائد من قلب
ببيت بورائـد كانـت بشرى جالسه بغرفتها وتفكر وقررت تتصل بالريم
بشرى: ردي اوووه(وبعد ثالث رنـه) الو هلا ريم
الريم بصوت مخنوق: هلا بشوره
بشرى: شلونك؟
الريم: بشرى انا نايمه الحين معليه اسكر واكلمك بكره
بشرى وحست بخيبه امل: طيب بخليك
الريم: بشرى لاتزعلين بكلمك بكره
بشرى: لاماني زعلانه وشدعوه .. باي (وتسكر) افففف احس انه احراج فشله ياليتني مادقيت
اليـــوم التـــالـــي
ببيت اهل شهد كانت شهد لابسه عبايتها وتبي تطلع تروح تشوف شغلها الجديد
هبه: الحين مين بيوديك ويجيبك كل يوم
شهد: فيه باص للشغل واكيد برسوم موببلاش .. بدفع لهم اخر الشهر
هبه: ان شاء الله خير المهم تبين اعطيك جوالي واذا رحتي هناك تكلميني
شهد: لالا .. بكلمك من تلفون المستشفى
هبه: طيب حلـو (ويرن جوالها) الو ايوه شهيد طيب يلا باي
هبه: يلا السواق ينتظرك تحت
شهد: طيب يلا باي (وتسلم على اختها وتروح)
وتطلع من البيت وترسل مسج لبرهوم
(صباح الخير ... تقدر تجي الحين ابي اشوفك بـالكافي)
ابراهيم كان نايم وصحى على صوت جواله المزعج
ابراهيم بتثاقل: اووووه شسالفه ..؟ شهد راسله مسج ويشوف رسالتها ويفز من مكانه
ابراهيم: هيييييييه الحين اقوم بدقايق والبس
وبــالكـــافـــي اللي جنب المستشفى كانت شهد تنتظر ابراهيم ويجي ابراهيم ويتصل
ابراهيم: هلا شهد وينك ايه اوكي الحين بجي
ابراهيم: السلام عليكم ويدخل
شهد ارتبكت وحطت عيونها بالارض وكانت محجبه: وعليكم السلام
ابراهيم ويطالعها وياليتها ماطالعها شاف جمال طبيعي والادهى انها موحاطه مكياج يعني جمال طبيعي: شــ ... شـهد
شهد وهي تطالع بالارض: هـلا هـلا خالد
ابراهيم بخاطره(خالد بعد): شهد ممكن تطالعين فيني
شهد: عادي قول اللي تبيه وشفيك ياخالد
ابراهيم: ابيك تطالعين فيني عشان اقدر اتكلم معاك
شهد وتطالع فيه: خالد ماابي اتأخر عن الشغل
ابراهيم: لاتحاتين انا بكلمهم لاتشيلين هم
شهد: طيب وشفيك
ابراهيم: عيونك حلوه
شهد واستحت: خالد مانبي غزل
ابراهيم: شهد انا اسف
شهد: اسف على شنــو اسف
ابراهيم: شهد انا بعترف لك .. انا اسمي موخـالد
شهد: اسمك موخالد .. وشدعوه انت من جدك
ابراهيم: أنــا اسف انا ابراهيم الراسي
شهد: ابراهيم الراسي ...(وبعد صمت وتفكير قالت) لحظه لحظه انت تعرف رائـد
ابراهيم: رائد ولد عمي
شهد: ولد عمك موانت ماعندك اهل وبعدين .. لحظه لحظه خلني استوعب الحين انت تشتغل بالاتصالات
ابراهيم: شهد انا اسف .. انا كذبت عليك
شهد وانصدمت: كذبت علي لييييش ... يعني يعني
ابراهيم: شهد انا بالبدايه كنت اكذب بس بالنهايه حبيتك
شهد: اي بدايه واي نهايه وشفيك انت وشتقول انت انت.. ماادري شقول ماادري انت انسـان سخيف .. وكذاب ومنافق وكنت طول الوقت تكذب علي ليش انا وشسويت لك(وتدمع عيونها)
ابراهيم: انااا انااا عندي تفسير لكل شي
شهد: تفسير لشنو لكذبك علي طوال الشهور الماضيه .. تفسير لشنو ياخالد او ياابراهيم انت حتى اسمك كذبت علي فيه انت انت ماني عارفه شقول؟
ابراهيم: انا اسف هذا كله صار قبل مااعرفك انا عارف ان كلمه اسف مارح تغير شي بس انا والله العظيم حبيتك
شهد: حبيتي للحين تبي تكذب والا الظاهر هالمره عندك كذبه اكبر واقوى .. حرام عليك انا شسويت فيك لهذا كلـه ... انتو يابيت الراسي شايفين نفسكم على شنـو ؟ ماتقولي على شنو
ابراهيم: شهد انا ماتوقعت تزعلين هالكثر لو ادري انك بتزعلين ماقلت لك
شهد: وليه مايحق لي ازعل والا الزعل لاعيال الراسي وبس ... ولا كنت تبي تكذب علي زياده ومسوي روحك تحبني بعد انت .. انت فهمتني شكثر انا مغفله لمى اثق بشخص مااعرف عنه شي .. وخذ موبايلك ماابيه وماابي اي شي منك (وتعطيه جواله وتطلع وتاخذ تاكسي وتروح لبيتها ويلحقها ابراهيم ويعرف مكان بيتها)
ابراهيم: اووووووه والله طلعت موت موت حمر لوادري انها بتزعل ماقلت لها .. بس المهم الحين شلون بوصل لها .. انا لازم انزل واسأل بواب العماره عنها
(وينزل ويرشي بواب العماره ويعرف كل شي عنها)
ابراهيم: انا مستحيل اتخلى عن شهــد خاصه بعد ماشفتها وشهد لازم ترجع لي خصوصا بعد السفره
اما بشقه اهل شهد مسحت دموعها ودخلت الشقه
هبه: شهد وشفيك رجعتي بدري
شهد: مافيني شي سويت مقابله وقالوا بنتصل فيك
هبه: ايه موقالوا لك ان الوظيفه لك والمقابله مجرد رسميات
شهد: ايه قالوا لي بس وقت الصدق شي ثاني
هبه: حسافه كنا متحمسين لهالوظيفه
شهد: يلااا معليه الله يقدم اللي فيه الخير عن اذنك بروح لغرفتي
وبغرفه شهد قامت تبكي
شهد: يالله ياابراهيم ليش سويت فيني كذا ياربي انا شقد كنت غبيه وساذه ومغفله ووين راح عقلي حسبي الله عليكم يااعيال الراسي .. طيب انا الحين وشبسوي وشلون رح اسافر امريكا انا خالد .. اوووه اقصد ابراهيم كان محمسني الحين وشبسوي والله بحتاس الحمدلله اني مارجعت له اللاب توب بدخل النت وبستفسر على كم شغله .. خاصه اني للحين مامعي فلوس .. وهالمره لو اخسر السفره مستحيل اسوي اللي سويته مع افراح المره الماضيه ..الحمدلله المره الماضيه الله ستر وماحد قرب لي لكن موكل مره تسلم الجره .. (وراحت ورمت نفسها عالسرير ونامت)
ببيت بورائــد كانت فاطمه جالسه توظب اغراضها مع الخدامه وتستعد تروح لبيتها وجاء مشعل
مشعل: هلا حبيبتي جاهزه
فاطمه: ايه جاهزه .. مشعل اثثت البيت كلـه
مشعل: الدور الارضي اثثته كله بس الدور الاول اثثت نصه والنص الباقي قلت اخليك انتي اللي تأثثينه
فاطمه وهي مستغربه من وين له كل هالكرم: انا اؤثثه كله
مشعل: ايه انتي وان شاء الله يعجبك اختياري ياام فواز
فاطمه واستانست قالت: تسلم لي يابوفواز وقالت بخاطرها(معقوله مشعل تغير )
بـــعــد 3 ايام ... رائــد حالته ماتغيرت ماعدا انه يروح للشغل وحياته مختصره بين الشغل والبيت وبس وامه تفكر حجاب ام فريد جاب نتيجه .. شهد صارت تشتغل مع نوره بشركه التسويق وشغلهم ماشي ونست ابراهيم او تحاول تتناسه... بشرى تتصل بالريم وجوالها مقفل وصارت تعصب من هالشي .. مشعل تغير مع فاطمه وصار اوكي صحيح مو كريم كثير لكن احسن من اول بكثير .. نغم مرتاحه ببيت عمها بس للحين تحس بالغربـة
بمؤسسه الازياء كانت بشرى جالسه مع احدى الموظفات عندها ويتناقشون بأمور الشغل
بشرى: وليش للحين ماطلبتوا الاقمشه من مصنع باريس
الموظفه: انسه المصنع نزل تشكيله جديده من الاقمشه وللحين ماوصلنا شي والكاتلوجات اللي عندنا قديمه
بشرى: طيب كلمتوا المصنع
الموظفه: ايه كلمناهم وقالوا ان التشكيله الجديده رح تنزل بعد يومين بس الكاتلوجات مارح تنزل الا بعد شهر
بشرى: بعد شهر شلون احنا لازم نشتغل بعد اسبوع بالكثير
الموظفه: اسفه انسه بشرى بس المصنع اقترح علينا اننا نجي لباريس بنفسنا ونختار
بشرى: نختار انتي من جدك ومين اللي رح يختار ان شاء الله انا احب اختار الاقمشه بنفسي ومااثق بحد
الموظفه:انسه ماتقدرين تسافرين؟
بشرى: تدرين احنا بعد شهر عندنا اكبر عرض بالسنه ولازم نشتغل له من اليوم انا رح اسافر بس مولحالي خبري كل مصممات الازياء ان فيه اجتماع بعد ربع ساعه .. رح اختار مصممتين يسافرون معي لباريس بعد الاجتماع
الموظفه: حاضر مدام الحين بقولهم(وتطلع)
بشرى: اووووف عاد على الله تكون عندهم فيزا لباريس مالي خلق انتـظر .. ان شاء الله احصل حجز .. وان ماحصلت بحاول بأمي تخليني اسافر بطيارتها الخاصه ان ماكانت بتسافر كالعاده (ويوصلها مسج ع جوالها)
بشرى: شدعوه الريم راسله كول مي (وتتصل)
بشرى: الو هلا الريم
الريم بصوت واطي: هلا بشرى .. سوري ارسلت كول مي بس ماقدرت اتصل
بشرى: لاعادي وشفيه صوتك
الريم: تعبانه شوي
بشرى: تعبانه .. سلامت وشفيك
الريم: فيني ربو .. الظاهر جاتني الازمه معليه كلها كم يوم ويخف صدري
بشرى: طيب رحتي للمستشفى
الريم: كح كح كح كح .. لا مارحت لانها ماعندهم سالفه بيسون لي بخار وبعدها برجع مثل ماكنت
بشرى: ايه بس موزين عليك صحتك
الريم: لاعادي تعودت انا يابشرى مودواي بالمستشفى انتي دواي
بشرى بأستغراب:أنــا
الريم: ايه انتي .. تدرين لوشفتك رح يروح كل الالم كح كح كح كح
بشرى: انتي وينك الحين
الريم: بالبيت ليه
بشرى: موانا دواك انا الحين بجيك عشان يروح منك هالالم .. بس وين بيتك
الريم: من جدك بشرى
بشرى: ايه من جدي يلا قولي لي .. اممم اوكي عشر دقايق واكون عندك باي
(وتلبس عبايتها وتطلع عند سكرتيرتها)
بشرى: نسرين الغي الاجتماع اللي بعد شوي واحجزي لي رحله بعد بكره لباريس وشوفي المصممات مين منهم اللي عندها فيزا صالحه لفرنسا واختاري لي ثنتين منهم اوكي
نسرين: حادر انسه في اي شي تاني
بشرى: لامافي سلامتك باي (وتطلع)
وبشقـــه الريم وصلت بشرى وفتحت لها الريم الباب وكانت الريم لابسه ترنج ولادي كأنها بوي وكانت نايمه بالصاله والشقه مكركبه شوي والتعب باين على الريم
بشرى: هلا رامي
الريم: اهلين تفضلي(وتدخلها وتسكر الباب)
الريم: سوري الشقه مكركبه بس لاني تعبانه مانظفتها
بشرى: ماعندكم خدامه
الريم: انا مااحب ادخل الخدم بيتي
بشرى: بيتك
الريم: ايه انا ساكن لحالي .. تفضلي
بشرى وتجلس بالصوفا اللي مقابلتها: لحالك ليه وين اهلك وشلون تسكنين لحالك؟
الريم: امي متوفيه والوالد كل يومين ببلد وبيتنا يضيق الصدر محد فيه واخوي يدرس برى يعني هنا والا ببيتنا ساكنه لحالي ع الاقل هنا شقتي صغيره
بشرى: ومين يصرف عليك
الريم: الوالد يطرش لي فلوس بين فتره وفتره
بشرى: شكلك مره تعبان
الريم: لا الحين الحمدلله خفيت لمى شفتك
بشرى: انتي ماتهمتين بنفسك
الريم: ممكن طلب
بشرى:امري
الريم :ممكن تكلميني على اني رامي موالريم
بشرى: ماعندي مانع اذا كان هالشي يريحك
رامي: اهتمامك فيني هو اللي يريحني .. سوري بشرى جوالي كان مقفل لاني كنت تعبانه من 3 ايام سوري ماكنت حول الجوال
بشرى: اذا كذا خلاص اوكي عذرتك .. اممم وين ادويتك
رامي: هـنا (وتوريها الادويه)
بشرى: اوووه حوسه تدري انا بفسخ عبايتي وبروح اسوي لك شي تاكله
رامي: تعرفين تطبخين
بشرى: شوي موكثير .. عن اذنك بروح المطبخ
رامي: بروح معك
بشرى: لااا حلفت عليك انت اجلس وارتاح لاتنسى انك تعبان لك 3 ايام ومحتاج احد يجلس معك ويهتم فيك انا بروح للمطبخ عن اذنك (وتروح للمطبخ وتسوي للريم شويه خفايف وتجي)
بشرى: تصدق دخلت المطبخ ومالقيت شي سويت هالكم شغله انت مين يطبخ لك ويغسل لك ملابسك ويهتم فيك
رامي: ملابسي للمغسله والاكل يااكل برى والا اطلب من المطعم يعني عادي محلوله
بشرى: طيب يلا تعال اكل والا تبيني اوكلك بأيدي
رامي: تصدقين فكره حلــوه وخصوصا اني تعباان وحالتي حاله
بشرى: وشهالدلع يارامي انت تعبان موماتقدر تاكل
رامي: طيب خذيني على قد عقلي واكليني بس هالمره
بشرى: طيب بس هالمره موتتعودها(وتقوم بشرى وتوكل الريم والريم ميته من الفرح) ويرن جوال بشرى
بشرى وتروح لجوالها : مين اللي داق اوووه هذي نسرين
بشرى: الو هلا نسرين ايه لقيتي حجز على اي رحله والساعه كم .. طيب مين من المصممات معي ..ندى وسهير اوكي حلو مشكوره نسرين باي
رامي: بتـسافرين ؟
بشرى: ايه
رامي: وين ومتى؟
بشرى: بسافر باريس بكره وبجلس يومين او 3 ايام بالكثير بحجز اقمشه جديده من المصنع اللي نتعامل معاه
رامي: تروحين بنفسك ليه ماتتصلين وتطلبين
بشرى: لانهم نزلوا تشكيله جديده والكاتلوجات اللي عندنا قديمه والكاتلوجات الجديده للحين مانزلت ورح تطول وانا بصراحه ابي على نهايه هالاسبوع يبدؤن هالمصممات بالشغل عشان نلحق اخر الشهر عندنا العرض السنوي وهذا اكبر واول عرض لي وابي ابيض الوجه
رامي: متى رحلتك بكره والساعه كم؟
بشرى: الساعه 7 الصبح .. معليه الريم كان بودي اطول بس الظروف جات غصب عني انا بمر المؤسسه وبـأجتمع مع المصممات ... وبعدها بجهز نفسي للسفر وبنام بدري ان شاء الله اول مااوصل البيت وافضى بكلملك
الريم: اوكي مومشكله .. مشكوره على جيتك
بشرى: ولو ماسويت شي عن اذنك باي(وتطلع .. واول ماطلعت قامت الريم مافيها شي كأنها حصان وطلعت تمثل المرض عشان بشرى تهتم لها)
الريم خذت الثابت واتصلت: الو هلا .. اخوي حابه احجز بكره ع رحله باريس ايه الرحله اللي تكون بالصباح.. درجه اولى اذا سمحت
ببيت بورائــد وتحديدا بغرفه نغم كانت جالســه ع النــتـ .. وتناديها الخدامه
الخدامه: ماما نغم فيه ضيوف عشان انتي
نغم: ضيوف لي مين
الخدامهidont new
نغم: اوكي الحين بنزل(وتنزل للصاله وتنصدم باللي شافتـه)
نغم بأستغراب: أنــتـــو .. وشتبون؟
هيفا: طيب سلمي علينا بالاول يانغم
نغم: اسلم عليكم .. ياسلام وتبوني اسلم عليكم عادي ولاكأن شي صار
ابراهيم: نغم احنا اعيال اليوم وياليت تنسين اللي صار
نغم: أنــســى مستحيل انسى وشلون تبيني انسى 4 سنين من العذاب والحسره والضيم .. كل هذا وسكتت وماقلت شي بس نوصل لعند شرفي حدكم لهنـا وبس
ابراهيم: نغم احنا موجاين نناقش مواضيع قديمـة انا وهيفا جاين عشان نعتذر منك ونفتح صفحه جديده
هيفا: نغم انا اسفه على كل اللي صار ادري ان اسفي الحين ماينفع بشي .. بصراحه اسفي الحين وبعدين ماينفع بشي بس ع الاقل اعتذر .. اعتذر احسن من اني مااعتذرابدا
نغم: تعتذرين .. واووو زين والله حسيتي عموما هيفا انتي وابراهيم وكل بيتكم انا شلتكم من بالي وماابي اعرف اي شي عنكم
ابراهيم: يانغم احنا اعيال عم والدم عمره مايصير ماي
نغم حز بخاطرها كلام ابراهيم خصوصا انها للحين تحبه: للأسف انا ابيه يصير ماي ياولد عمي
ابراهيم: نغم وبعدين انتي موراضيه تنسين انا نسيت كل اللي صار رغم انه غلطه كبيره وصعب تتحاسب اوتتنسي
نغم: ابراهيم انت ضلمتني
ابراهيم: انا شفت كل شي بعيوني ماله داعي تقولين اني ضلمتك
نغم: شفت كل شي ... وشنو شفت ماتقولي .. شنو شفت
ابراهيم: انا احاول انسى لاتذكريني ارجوك ماني مصدق اني كنت مخدوع فيك
نغم وخانقتها العبره: مخدوع فيني .. مخدوع ياشيخ الله يسامحك .. والا تدري الله لايسامحك .. انت ماتدري شسالفه مثل ماانا ادري ومتأكده ان اللي صار لي مكيده من فرح .. الجوال كانت اول مره بحياتي اشوفه ومااعرف حتى شنو موجود فيه .. معقوله ياابراهيم تصدق اني بهالمستوى من الحقاره عشان اسمح لنفسي اني اخون نفسي واهلي وعاداتنا وتقاليدنا .. ابراهيم انت اكثر واحد كنت اجلس معك من اهل بيتكم المفروض انك انت اللي ماتصدق فيني موانت اللي تقلبهم ضدي ... انت اهنتني قدام الكل وضربتني وكل هذا مايهمني اللي ماني قادره اصدقه واستوعبه انك انت شكيت فيني .. شلون تسمح لنفسك تشك فيني ... وانتي انتي ياهيفا يابنت عمي .. الحين جايه تبين تفتحين صفحه جديده بعد شنو بعد ماضربتيني انتي واختك واهنتوني بدل المره مرات وقلبتوا عمي علي والحين بكل سهوله جاين تبون تقول لي انسى... فعلا الضالم ينسى لكن المظلوم ماينــسى انا بعمري مارح اسامحكم ولا رح اسامح فرح وامكم روحوا حسبي الله عليكم يابيت عمي حسبي الله عليكم (وتروح فوق وتبكي بحراره)
ابراهيم: ول لهدرجه شايله علينا .. تحمد ربها اني ماقتلتها يوم شفتها نازله من سياره الخسيس
هيفا: ياابراهيم اللي صار لها موشويه البنت كانت بتروح فيها
ابراهيم: بس ماتوقعتها حاقده علينا لهدرجـه .. انا بجد نغم كسرت خاطري بس بعد هالكلام بسلامتها .. ماتشوف شر انا اللي علي سويته ومالي دخل فيها
هيفا: نغم معصبه والمعصب يسوي ويقول اي شي وكل شي .. بس وشدخل فرح بموضوع الجوال تتوقع
يقاطعها ابراهيم: مااتوقع شي ومالي دخل ومايهمني من جد تحسفت اني جيت قومي خنروح البيت احسن الظاهر اننا جاين نتهزأ
هيفا بخاطرها: معقوله لك يد بالموضوع يافرح
/
/
/
/
" لا طبعا .. أنـتــي شـلـون تـسـمـحـيـن لـنـفـسـك تفكرين بهالطريقه ياهيفا انا اختك موبس اختك انا تؤامك"
هيفا: طيب ليش نغم شاكه موبس شاكه فيك نغم متأكده من هالشي
فرح: نغم ماتحبني فشي طبيعي تفكر وتقول هالشي عني
هيفا: يعني نغم تتبلى عليك
فرح: ليه عندك شك بهالشي؟
هيفا: مدري
فرح: ماتدرين يافرح وشصاير لك انا اختك وانا اللي اقرب لك من هالمجنونه نغم
هيفا: وصارت مجنونه بعد؟
فرح: ايه مجنونه واصلا هي من كانت عندنا بالبيت تجيها حالات انهيار وزحمه واقرب مثال انها مجنونه اقدامها عالانتحار بذمتك فيه عاقله تبي تنتحر
هيفا: نغم معذوره البنت ماانتحرت الا لمى عرفت ان عيشتها هنا بينكم عذاب .. الا حجيم بعينه وعلمه.. اللي يعيش تحت رحمتك انتي والوالده المصون اكيد بيجن
فرح: الله ياهيوف الحين هالكلمتين الماسختين اللي سمعتيهم من ناقصه العقل والدين هذي غيرتك علي وعلى امك
هيفا: انا ماسمعت منها كلمتين بس انا شفت بعيونها الم وحسره وانين شفت بعيونها الظلم اللي عاشته ...ضلمنا لها طوال الاربع سنين الماضيه
فرح: زين انك اعترفتي وقلتي ضلمنا لها ... يعني الحين صحى ضميرك ياام الضمير العربي بعد شنو بعد ماراحت البنت والا كان ودك تسمعين كلمتين تهزيئ ورحتي لها وسمعتيهم
هيفا: ع فكره ياهيفا نغم ماهزئتنا
فرح تقاطعها: ماهزئتكم اجل وشسويت .. (وتقول بسخريه) اي صح ذكرتيني نغم بس مدحتكم شوي وعطتكم رد وخطاب شكر وتكريم على تعذيبكم لها طوال 4 سنين .. اقول هيوف خلي عنك هالقناع وهاللون هذا اتركيه تراه بايخ وماينفع معي واذا انتي جد متحسفه عندك بنت عمك نغم روحي واعتذري لها .. مع اني اشك انك رايحه تعتذرين شكلك رح تاخذين موضوع نغم حجه وحاجه عشان كل شوي تترززين ببيت عمي يمكن يشوفك جاسم ويعطيك وجه وتحسين انك مرغوبه بعد مااهملك سعد وسحب عليك(وتروح وخلت اختها مثل المصدومه)
هيفا: وشتقول هالخبله هذي سعد ماسحب علي سعد كان مشغول .. مشغول وهو للحين متمسك فيني والدليل اني للحين على ذمته .. احس اني بديت اشوف وجه ثاني لفرح
اليـــوم التــــالــــي .. بالطيـــاره كانت بشرى جالسه وبأذنها هدفون .. ومشغوله بالاغنيه اللي حاطتها
وتجي لجنبها وحده وتسحب الهدفون
بشرى : خير (وتنتبه انها الريم وقالت بأستغراب): لحظه انا احلم والا بواقع
الريم: لا بواقع لهدرجه ماانتي مصدقه انك تشوفيني
بشرى: لا موكذا بس انتي امس كنتي تعبانه .. وبعدين لحظه انتي وش جابك هنـا.. معاي بنفس الرحله وجنبي بعد؟
الريم: انا قلت لك انتي دواي ومن جيتي راح كل الالم .. وبعدين انا جيت عشان اكون معاك وماافارقك لحظه
بشرى بأبتسامه: بس هذي رحله عمل وبعدين مايسوى كلها يومين او ثلاثه بالكثير
الريم: رحله عمل بالنسبه لك وتغير جو بالنسبه لي وبعدين هاليومين والا الثلاثه اللي رح اكون فيها معاك رح يكونون من احلا ايام عمري
بشرى: كأنك تبالغين؟
الريم: لا والله ماابالغ
بشرى: ليه تقولين هالكلام انتي تحبيني؟
الريم: لامااحبك
بشرى وتغيرت ملامح وجهها: شنــو؟
الريم: قلت لك احبك عده مرات وماتقبلتيها مني والحين هالكلمه اختفت من قاموسي اتمنى انك تتقبليني بدون اي رسميات لاحب ولاغيره
بشرى وماعجبها الكلام: معقوله .. كنتي تحبيني ونسيتني بهالسهوله
الريم: لونسيتك مارح اكون معك الحين وهـنا .. لونسيتك مالحقك لباريس
بشرى: يعني تحبيني؟
الريم وتغير الموضوع: بشرى أنــا امس بالليل مانمت الرحله مطوله وانا بحط راسي وبنام لسى الطريق قدامنا طوووووويييــل تمسين ع خير
بشرى وسوت روحها مومهتمه: وانتي من اهله (وحطت الهدفون ع اذنها وكلمت الاغاني)
اما الريم كانت فعلا مومهتمه وسوت روحها نايمه وبشرى زعلت من هالشي بس سوت نفسها مومهتمه
الريم وتقوم وتشيل الهدفون من اذن بشرى: بشوره
بشرى: هاااه وشفيك
الريم: اسمعي انا بصراحه ماادري اذا كنت احبك والا لا انا كل اللي ابيه اني اكون معاك هالشي يضايقك
بشرى بعد صمت: لا مايضايقني
الريم: طيب اذا كذا اوكي رح نتفق كثير(وينسون النوم والهدفون ويجلسون يسولفون طول الوقت)
وبدوام شهــد كانت جالسه عالمكتب وتخلص شويه اوراق وتناديها احد الموظفات
الموظفه: شهد المديره تبيك الحين وبمكتبها
شهد: اوكي الحين جايه(وتجي نوره اللي توها جايه من المديره ومكتبها كان مشترك مع شهد وبعض الزميلات بغرفه واحده وكل وحده مكتبها)
شهد: نوره وشفيك مبوزه(مكشره)؟
نوره: المديره مع وجهها تقهر تخيلي تقول هالشهر ان مابعت اكثر من 50 بطاقه عضويه بتخصم من الراتب من زين الراتب عاد كلها 1500
شهد: طيب هدي اعصابك ليش معصبه كذا
نوره: بصراحه شهد اسلوبهم معانا مره زفت انا بديت اكره هالشغله انا قلت املي وقت الصيف بشي مفيد مومسبات واهانه
شهد: شدعوه نوره هدي اعصابك كل شغله ويبي لها شوي نشد حيلنا عشان نصير اوكي
نوره: والله شللي حادنا عالذل تدرين اللي مهون علي وجودك معاي .. عاد تصدقين امس اختي افراح قالت لي اننا هالصيف ان طابت امي وصارت احسن شي بنروح ناخذ عمره وبعدها بنروح تركيا والله ان سافرنا مالي قعده بهالشغل خبرك الحين كل الناس طافين بتركيا من هالمسلسلات التركيه اللي جننتهم الكل يبي يشوف تركيا
شهد: اي والله جننتا هالمسلسلات.. وييييه نسيت المديره بروح اشوف وشتبي؟(وتروح لمكتب المديره)
المديره: واخيرا جيتي يامس شهد والله شوي وتحسسيني انك انتي المعزبه وانا اشتغل عندك
شهد: سوري موقصدي بس انشغلت شوي
المديره: انشغلتي ...؟ وشللي شغلك ان شاء الله وبعدين لوتكون بيدك مليون شغله وشغله المفروض من تسمعين اني ناديتك تهدين كل اللي بيدك وتجين لعندي بسرعه فاهمه
شهد: اسفه مارح اكررها مره ثانيه
المديره: اكيد مارح تكررينها لاني رح اخصم عليك هالشهر ربع راتبك عشان ماتنسين وتكررينها مره ثانيه
شهد: ربع الراتب سوري بس
المديره تقاطعها: لاتعترضين لااخصم النص
شهد وحست بالذل بس سكتت: طيب اسفه
المديره بتعالي: سمعيني ان كمل هالشهر وبعتي اقل من 50 بطاقه عضويه وجودك مايلزمنا فاهمه
شهد بحسره: ان شاء الله
المديره: والحين يلا روحي ذلفي لمكتبك انا خلصت من كلامي
(طلعت شهد من مكتب المديره وهي تحس بالذل بس ماحبت تبين لحد خصوصا انها بحاجه ماسه للوظيفه)
شهد بخاطرها: ياربي انا شللي جابرني اتحمل هذا كلـه .. اليوم خصمت ربع الراتب وبكره الله يستر لاتدور سبب ثاني وتخصم شي ثاني والمصيبه ان نوره يمكن تطلع من هـنا ووقتها من جد رح اتورط مين بيوديني ويجبني .. ياربي شسوي انا حتى لوهالشغله خذت رواتبي كامله مارح تكفي شسوي ياربي .. احس اني محتاره انا ميته ابي اروح امريكا وللحين ماسويت الفيزا ولاشي وماظنتي رح اسوي شي لاني مااعرف شي عن هالسوالف انا مالي الا ابراهيم لاني من غيره مااقدر اسوي شي .. صحيح كذب علي بس مالي الاهو قال شللي جابرك عالمر .. قلت اللي امر منــه ..
/
/
/
/
/
بشـركـه بورائــد للعقـاراتـ .. كان رائد توه مخلص شويه معاملات وراح لمكتب ابوه
رائد بجديه: تفضل يبه هذي المناقصات اللي رست علينا واتمنى انك تشوفهم
بورائد: طيب خلهم هـنا .. وابيك تتواجد بعد نص ساعه بنسوي اجتماع عشـان نناقش هالمناقصات وبلغ السكرتير يقول لجميع رؤساء الاقسام عن الاجتماع
رائد: معليه يبه انا ماودي احضر هالاجتماع
بورائـد: وليه ان شاء الله؟
رائد: يبه شغل الشركه يتعب انا بعد اذنك حاب اتولي شغل المعرض
بورائد: الشركه هذي شركتنا انا وانت واخوانك ... اما معرض السيارات فـهو شراكه بيني وبين بومشعل وبعدين المعرض مشعل يديره احسن ادراه وخلك مركز ع شغل الشركـه احـسـن
رائد: يبه صحيح ان ولد عمي مشعل مايقصر بالمعرض بس انا ابي اخذ فكره شوي عن شغل المعرض
بورائد: لاتأخذ فكره ولاغيره انك خلك بالشركه والمعرض انا بخلي اخوك جاسم يتولاه
رائد: يبه جاسم لسى يدرس وموفاضي للمعرض
بورائد: ايه بس الدراسه مارح تنفعه بشي بخليه يداوم بالمعرض بعد الجامعه وان عجبه الشغل خل يترك الجامعه ويسوي مثل ماسوت اختك ماشاء الله عليها شايله المؤسسه كلها فوق راسها .. انا ابيكم تتعلمون شلون تديرون حلالكم بنفسكم .. عشان لاسمح الله وصار لنا شي انا وامك محد يضحك عليكم
رائد: بعد عمر طويل يبه .. طيب انا بروح اقول للسكرتير عن الاجتماع عن اذنك ياطويل العمر(ويطلع)
بورائد: والله موعاجبني حالك ياولدي بس كذا احسـن لك تنشغل بالشغل احسن من هالحب والخرابيط
/
/
/
/
/
ببيت مشــعل وفــاطمــه كانت فاطمه جالسه ترتب الصاله اللي تحت
فاطمه: والله بيتي مره حلو ماني مصدقه ان مشعل تغير والاثاث اللي شاريه مره غالي .. بس البيت كبير ومارح اقدر عليه لحـالي والله تعب لازم لي خدامـه لازم .. (ويجي مشعل)
فاطمه: هلا حبيبي شفيك جيت اليوم بدري ؟
مشعل: اشتقت لك وبعدين قلت دام انها فتره غدا خلني اجلس مع زوجتي حبيبتي
فاطمه: الله يخليك لي يابواعيالي(ويجلسون عالصوفا)
مشعل: ع طاري الاعيال .. وينــهـم .. وين راحـوا؟
فاطمه: جوري توها جايه من الروضه وغديتها ونامت اما التوم نايمين ..
مشعل: طيب حبيبتي الغدا جاهـز
فاطمه: ايه جاهز .. تبي انشب لك الغدا
مشعل: ايه والله ميت جوع
فاطمه: حبيبي ... بغيت اكلملك بموضوع قبل مانتغدى؟
مشعل: امري فطومتي
فاطمه: مشعل مثل ماانت شايف البيت كبير .. ويتعب وانا لسى بالاربعين وحتى لوطلعت من الاربعين الاعيال صغار ورح الهى بالشغل معاهم و
مشعل يقاطعها: تبين خدامه؟
فاطمه وتجلس بالصوفا اللي جنبه: خدامتين وطباخه..
مشعل: خدامتين ليش طيب؟
فاطمه: وحده حق شغل البيت والتنظيف وهالخرابيط
مشعل: والثانيه؟
فاطمه: تمسك الاعيال..؟
مشعل: من جدك .. وانتي وين رحتي؟
فاطمه: انا رح اشتغل ورح اعاونك بالبيت
مشعل: والله يافاطمه من جدك رح تشتغلين ؟
فاطمه: اي والله حبيبي انا لازم اعاونك واساعدك وبعدين زهقت قاعده بالبيت لاشغل ولامشغله
مشعل: اذا كذا اوكي ماعندي مانع ومن بكره .. الا اليوم عطيني ملفك وانا بنفسي بوديه الوزاره
فاطمه: لاحبيبي لاتتعب نفسك انا قررت اشتغل مع امي .. مالي خلق اشتغل عند حد والوالده موجوده والحين امي بتتوسع وشغل المؤسسه كله على راس اختي ودي اعاونها شوي
مشعل: والله زين الشغل عند امك احسن من الغريب وبعدين هذا حلالكم وانتي لازم تديرينه بس ليش ماتشتغلين مع امك بمؤسسه المجوهرات
فاطمه: لا انا اقول لو اجلس ع مؤسسه الازياء احسن لان مؤسسه المجوهرات توها بالبدايه وامي كل اللي يشتغلون معاها مختصين بهالمجال وانا ودي ابدا بمؤسسه الازياء لاني احس بشرى لحالها مارح تقدر عليها
مشعل: اختك ماشاء الله عليها صارت امراءه اعمال ناجحه والفال لك ان شاء الله
فاطمه: المهم الحين خلك من هالموضوع انا اول ماتجي امي من دبي واختي من باريس بتكلم معاهم وبشاورهم المهم انت متى رح تطلب لي الخدامتين والطباخه
مشعل: اوكي حبيبتي اليوم وانا طالع من الشركه بمر مكتب الاستقدام واكلمهم وبحاول استعلجهم بعد
فاطمه:انا لايخليني منك يامشعل والحين حبيبي قوم خلنا نتغدى(ويقومون)
/
/
/
/
بباريــس ... وتحديدا بالفندق كانت بشرى توها واصله وتعبانه من الرحله الطويله واول ماوصلت لغرفتها .. حبت تتصل بأمـها من جوالها
بشرى: الو .. هاي مامي انا الحمدلله توني واصله باريس .. انتي وينك بأجتماع الحين بتدخلين الاجتماع ..
طيب بس حبيت اقولك اني وصلت باريس .. برتاح شوي وبعدها بروح المصنع اوكي مامي
Ioye you
باي
(وتسكر وتشوف ساعتها) الحين الساعه 3بالسعوديه يعني الحين بباريس 2 الظهر وعند مامي بالامارات 4 يوووه انا كذا راسي رح يصدع (ويدق باب غرفتها وتقوم تفتح الباب)
بشرى بأستغراب: الريم
الريم: هلا .. ممكن ادخل
بشرى: ايه تفضلي(وتدخل)
الريم: بتنامين؟
بشرى: مدري موجايني نوم .. احس نفسي جوعانه
الريم: طيب والمصممات اللي معاك وينهم
بشرى: اكيد نايمين بغرفتهم
الريم: طيب امشي نتغدى انا عازمتك ع الغدا بالمطعم اللي تحت اذا ماعندك مانع طبعا
بشرى: اوكي بس اتغدى وارجع انام لان اجتماعي مع المصنع الساعه 7
الريم: طيب يلا امشــي
بشرى: تصدقين شكلك كأنك بوي
الريم: هههههه هذا ستايلي .. احسن شي بباريس محد له شغل بحد
بشرى: صح بس موالكل ... المهم احنا وش لنا بهالسوالف انتظري هنا اغيري ملابسي وانزل معاك
/
/
/
/
ببيت شهـد كانت توها واصله البيت وتعبانه
هبه: زين جيتي الحين حماتك تحبك تعالي غدا
شهد: لا .. مالي خلق فيني نوم
هبه: طيب اكلي شوي
شهد: لا بـأكل بعدين مارح تروحين للشغل
هبه: الا بروح بس بأكل شوي قبل مااروح
شهد: اوكي اجل اخليك بروح غرفتي شوي
هبه: شهد واللي يعافيك لاتنامين عشان جدتي والعيال مين بيقعد معاهم
شهد: لامارح انام بس بغير ملابسي واجلس وياهم (وراحت لغرفتها وسكرت الباب)
شهد: اوووووف والله اني ميته تعب وخاطري انام بس مااقدر .. ياربي فيه بيت بالشرقيه مافيه خدامه وين قاعدين بس.. (ويوصل مسج لجوالهامن نوره....ع فكره شهد شرت جوال جديد شرته لها اختها هبه هديه النجاح والقبول بالجامعه)
.. هاي شوشو باركي لي بنسافر تركيا الاسبوع الجاي يعني مارح اروح هالدوام العله..
شهد: وييييه انا شسوي الحين مين بيوديني ويجبني .. اووف والله اني بارده للحين مارحت للسفاره ولاحتى طلعت لي فيزا ياربي شسوي؟ انا مالي الا ولد الراسي خلني اتصل فيه واخليه يخلص لي كل اموري وان صرت بأمريكا واعتمدت ع نفسي اسحب عليه (وتتصل)
شهد: الو هلا خالد .. سوري اقصد هلا ابراهيم
ابراهيم: اهلين مين؟
شهد: مين .. شدعوه نسيت صوتي؟
ابراهيم: شـهد؟
شهد: يعني الحمدلله مانسيتني
ابراهيم: وشلون انساك .. شهد انا احبك
شهد: معقوله تحبني؟
ابراهيم: ايه احبك ومااحبك ليه؟
شهد: طيب ابراهيم انا فكرت بكلامك وانت صرت شي اساسي بحياتي ومااقدر استغني عنك
ابراهيم: صدق ياشهد
شهد: ايه صدق
ابراهيم: طيب يعني سامحتيني؟
شهد: ايه سامحتك .. بس ابراهيم ممكن تقول لي كل شي عنك
ابراهيم: كل شي عاد مره وحده
شهد: ليش كنت تكذب علي؟
ابراهيم: لانه الباب الوحيد اللي كنت اقدر اتعرف عليك منه
شهد: وكنت تكذب انت لابأتصالات ولاشي
ابراهيم: تقدرين تقولين اكذب ومااكذب يعني انا صدق كنت ابي احميك من رائد لانه كان ناوي يشتكيك بالهيئه بس انا قلت له خلني احاول معاها يمكن اخليها تبطل تزعجك الا انتي كنتي تحبين رائد.؟
شهد: ماابي اتكلم بهالشي الحين ..(وتغير الموضوع) المهم وشسويت بموضوع بعثك
ابراهيم: زين جاني القبول من الجامعه ورحت وكلمت اوراقي بالسفاره باقي بس الفيزا
شهد: ليش ماعنك فيزا؟
ابراهيم: الا عندي بس فيزا سياحيه ولازم اغيرها واخذ فيزا طالب
شهد: اهاا .. زين
ابراهيم: وانتي شسويتي كملتي اوراقك؟
شهد: لا ماسويت ولاشي
ابراهيم: ليش ؟
شهد: ماعندي احد يكمل لي اوراقي
ابراهيم: وشدعوه .. من جدك .. وانا وين رحت
شهد: كنت زعلانه منك
ابراهيم: طيب عندك جواز
شهد: لا
ابراهيم: وين قاعدين شهد ليه ماتطلعين جواز
شهد: ماادري ..؟ وشلون اطلعه
ابراهيم: مايبي له شغل كثير عندك بطاقه احوال
شهد: لا
ابراهيم: من جدك .. اجل وشعندك ..؟ الحين ماتطلعين جواز الا لمى تطلعين بطاقه احوال ..
شهد: جد وشلون اطلع بطاقه احوال؟
ابراهيم: سهله مايبي لها شغل كثير انتي صوري وبعدها روحي احوال النساء وشوفي شنو يطلبون منك اما الجواز .. انا بطلعه لك عندي واحد زميلي يشتغل بالجوازت وبيخلص لك الموضوع بسرعه اصلا الموضوع مايبي له سالفه.. طيب صدقتي شهادتك
شهد: اصدقها شلون يعني
ابراهيم: اووووه شهد شكلك انتي ماتعرفين شي ,, تدرين عطيني شهادتك وارواقك وانا بكمل لك كل شي الناس للناس
شهد(وهذا اللي ابيه): طيب مشكور
ابراهيم: شدعوه ماسويت شي للحين.. شهود وين بتسكنين اذا رحتي امريكا
شهد: بدور لي سكن مع عايله والا مع بنات عربيات
ابراهيم: مع عايله تلتزمين بكل شي ملل .. النوم له وقت والاكل له وقت وكل شي له وقت
شهد: عادي اصلا انا وقتي رح يكون محصور بين الجامعه والبيت بس
ابراهيم: الحين تقولين هالكلام لكن ان رحتي هناك يتغير كل شي
شهد: مومهم الحين هالسوالف المهم اكمل اوراقي ... ماقلت لي انت وين بتسكن
ابراهيم: انا هالصيف بروح امريكا وبأخذ لي شقه وبدور ع راحتي وبروح الجامعه وباخذ فكره عن الولايه
شهد: ابراهيم .. كم عمرك الحقيقي
ابراهيم: بعد كم شهر اكمل 20
شهد: يعني انت تدرس بالجامعه
ابراهيم: كنت ادرس بجامعه الامير محمد بن فهد والحين طلعت وبدرس بأمريكا
شهد: اوووه هالجامعه اهليه وغاليه شلون كنت تتحمل مصاريفها
ابراهيم: لا موغاليه ولاشي عادي وبعدين الوالد كان يدفع
شهد: الله يخليه لكم .. كان يدفع لك دراستك هنا والحين بيتكفل بمصاريفك بأمريكا
ابراهيم: ابوي كان حلم حياته يدرس حد من اعياله بأمريكا وبعدين ابوي غني وماعنده مانع يصرف علي ان شاء الله نص ثروته بس احقق له حلمه وانا ماابغي اسود له وجهه واخليه يرفع راسه واحقق حلمه
شهد: طيب دام ابوك غني لهدرجه ليش تدرس ع حساب الحكومه؟
ابراهيم: لان عندي اخ عله بخيل بخل موطبيعي .. مع اننا اغنياء بس هو طالع بخيل ماادري ليش .. فـ قلت ادرس ع حساب الدوله والوالد يصرف علي هناك
شهد: بس الدوله بتعطينا مكافأت
ابراهيم: ماتكفي
شهد: وشدراك؟ انا وحده من صديقاتي قالت لي انها تكفي
ابراهيم: تكفي للي مايصرف بس انا احب الصرف
شهد: تصدق ابراهيم خاطري اغمض عين وافتح الثانيه والاقي نفسي بأمريكا
ابراهيم: ان شاء الله قريب.. كلها كم شهر بس
شهد ويدق باب غرفتها: طيب ابراهيم اخليك الحين اختي تبيني باي(وتسكر)
شهد: هلا هبوش
هبه: شهود السواق وصل انا الحين بمشي واللي يعافيك خلك مع امي واعيالي ولاتنامين زين
شهد: اوكي خلاص لاتوصين
/
/
/
/
ببيت بورائـد كانت نغم جالسـه بالصاله تطالع التفزيون ويدخل رائد
رائد: السلام عليكم(ويجلس عالصوفا)
نغم: وعليكم السلام
رائد: امي جات من السفر
نغم: لا .. ليش هي بتجي اليوم؟
رائد: ايه وكلمتني قبل شوي وقالت لي انها مشت
نغم: ماادري انا قاعده بالصاله وماادري عن شي
رائد: خير ان شاء الله
نغم: رائد بسألك سؤال مثير عندي الفضول
رائد: وشفيك
نغم: انا مره شفتك عند باب مدرستنا من زمان وحسبتك جاي تاخذني البيت .. بس بعدها جاء السواق ورحت معاه
رائد: مدرستكم ..؟ انا مااروح مدراس بنات(ويتذكر ) ليش انتي بأي مدرسه
نغم: الثانويه الحكوميه اللي جنب بيت عمي
رائد ويتذكر اريج: اييه تذكرت .. هذا واحد من الربع كانت سيارته خربانه ورحت وياه ناخذ اخته من المدرسه.. بس هالسالفه قديمه وشللي ذكرك فيها
نغم: اصلا انا كنت ناسيتها .. بس لمى شفتك تذكرت
(وتدخل ام رائد.. مع الخدمات اللي كانوا يشيلون الاغراض اللي جايبتها)
نغم: هلا عمتي(وتسلم عليها هي ورائد)
رائد/الحمدلله ع السلامه
ام رائد: الله يسلمك زين لقيتك بغيت اكلملك بموضوع زين لقيتك بالبيت هاليومين ماصرت تجلس فيه
رائد: خير يمه وشكان عندك
نغم وحست انهم يبون يتكلمون لحالهم: اجل انا اخليكم عن اذنكم باي(وتروح)
ام رائد: وشعندك مع نغم؟
رائد: الحين هذا الموضوع اللي تبيني فيه تسأليني وش عندي مع نغم
ام رائد: لا بغيتك بموضوع ثاني بس بالاول لازم تقول لي وشعندك مع بيت عمك تسولفون
رائد: هذا انتي قلتيها يمه نسولف .. ماما ممكن تقولين اللي تبينه تعبان وفيني نوم
ام رائد: وانت بس هذا اللي عندك بس تبي تنام؟
رائد: يمه انا عالمي صار محصور بين الشركه وغرفتي
ام رائد: وشدعوه ياحافظ ليش ماتطلع مثل الاول والاست الحسن والدلال سحبت عليك
رائد: يمه ماابي اتكلم بهالموضوع هالموضوع انا شلته من راسي خلاص
ام رائد: زين شلته من راسك هالموضوع هذا ماابيك حتى تفكر فيه انت لازم تفكر بحياتك وبنفسك
رائد: يمه وشفيك حتى تفكيري تبين تتحكمين فيه
ام رائد: لااتحكم فيه ولاشي .. بس انا ابيك تتزوج
رائد: يمه انتي تتكلمين جد
ام رائد: وهالموضوع ينمزح فيه؟
رائد: وياترى فيه وحده محدده ببالك والا لسى تدورين لي
ام رائد: تتطنز؟
رائد: لااتطنز ولاشي يمه انا ماابي اتزوج ولاابي افكر بالزواج .. انا بعد اريج ماابي اتزوج انا بظل عزابي طول عمري زين
ام رائد: لاموزين وانت لازم تتزوج اليوم قبل بكره ... انت موصغير وبعدين موناقصك شي عشان تتزوج واقلها تنسى هالعله شوي
رائد: مارح اتزوج ومارح انساها وتصبحين على خير يمه بروح انام (ويروح)
ام رائد: سج قلبتك علي بنت ابليس .. بس وين بتروح مني لازم تتزوج يعني لازم تتزوج .. موهاين علي اشوفك بهالحـاله يارائد .. يمكن الزواج يغيرك
(بغرفه رائد كان مهموم ويفكر بأريج وطلع صورتها وقال بخاطره)
رائد: ياترى وينك يااريج شلون هنت عليك ورحتي وخليتني .. يارب ترجعين لي واشوفك انتي وطفلي اذا كان للحين عايش
/
/
/
/
اليـــــوم التــــــالــــي
ببيت بومشعل عالفطور كان ابراهيم جالس مع امه وهيفا
هيفا: صدق ياابراهيم هالصيف بتسافر فلوريدا
ابراهيم: ايه صدق مين قالك
هيفا: فرح قالت لي
ابراهيم: بخور السوق ماينحط عندها شي
ام مشعل: وهي شقالت يعني ماله داعي تتكلم عن اختك بهالطريقه
ابراهيم: الا ع طاري فرح....ماما ترى بنتك هذي مسختها الاسبوع اللس فات سارقه مني الفين ريال وين قاعدين تمشي وتسرق
ام مشعل: احترم نفسك واختك ماتمد يدها على شي مولها يمكن يكون حد من الخدم خذها منك والا انت صارفهم وماتدري عن نفسك موانت الالفين والعشره ماتفرق وياك
ابراهيم: يمه الخدم مايدخلون غرفتي وبعدين انا لي فتره فلوسي تنسرق مني وصدق الفين ريال ماتفرق معاي لكن اليوم الفين وبكره عشره
هيفا: ابراهيم وشدراك انها هي اللي سرقت حرام تظلمها
ابراهيم: انا اظلمها هذي تظلم بلد .. وبعدين انا حاط كاميرا بغرفتي وشفت بنتك كم مره تدخل وتسرق من عندي ياليت جات عالفلوس وبس حتى ساعاتي تسرقهم بنتك هذي يمه مريضه نفسيا
ام مشعل: احترم نفسك ياابراهيم وبعدين ليش تحط الكاميرا تبي تراقبا ببيتنا
ابراهيم: انا ماابي اراقب شي ولاابي اشوف شي ترى بنتك هذي مسختها كل مايعطيني ابوي فلوس تسرقهم وبعدين يمه مع احترامي لك انتي ماربيتي اعيالك زين واحد بخيل والثانيه حراميه والادهى والامر انها تسرق اهل بيتها الحمدلله والشكر .. انا كلها كم شهر واروح امريكا وافتك من هالبيت واللي فيه .. لكن ياليت تكلمين بنتك احسـن لانها لو مابطلت بعلم عليها ابوي واخليه يشوف بنته على حقيقتها عن اذنكم(ويروح)
ام مشعل: اخوك هذا صدق مايستحي على وجهه
هيفا: يمه ابراهيم معاه حق فرح مسختها حتى انا تسرق مني وانا تؤامها يمه ترى فرح مريضه فعلا وذنبها برقبتك انتي اللي علمتيها تسرق
ام مشعل: اقول انتي سكتي مالي خلق اسمع صوتك يااما تقولين شي زين والا انطمي
هيفا: يمه وشفيك ماتطقين تسمعين مني كلمه
ام مشعل: قولي كلام عدل عشان اسمعه منك
هيفا: يعني تبيني اقولك ان فرح تصرفاتها زينه واشجعها عالسرقه
ام مشعل: لاتقولين ولاشي بس عالاقل ياليتك تصرين مثل اختك
هيفا: يمه تبين اسرق عشان ترضين علي؟
ام مشعل: وشفيها يعني .. ع الاقل تتعلمين شي مفيد انتي اليوم غنيه وبكره لا .. لازم تأمنين مستقبلك
هيفا: ماما وشفيك تبيني اسرق من اهل بيتي عشان اؤمن مستقبلي وين قاعدين وشهالتفكير اسمحي لي يمه مااقدر اكمل معاك هالنقاش عن اذنك ماما(وتقوم)
ام مشعل: مالت عليكم ولاحد فيكم يبرد قلبي الا مشعل بحرصه ع الفلوس وفروحه بتأمين مستقبلها .. لوانكم مولودين بالفقر وعايشين فيه مثلي كان حسيتوا بالفلوس .. اووووف منكم بس .. (وتجي فرح)
فرح: هاي مام وشفيك تتحلطمين لحالك
ام مشعل: مافيني شي اخوانك طلعوني من طوري
فرح: خاصه هيوف النسره مسويه فيها يعني اني وذاك اليوم تقولي اني انا وانتي ضالمين نغم هالدعله ولااا بعد تقولي اني مريضه نفسيا وماله داعي اسرق من حد موراضيه تفهم اني اؤمن مستقبلي
ام مشعل: ماعليك منها خليها تولي مسويه نفسها يعني اني مالت عليها .. المهم الحين لاعاد تسرقين من ابراهيم
فرح: يمه وشفيك ابراهيم هو الوحيد البطران بهالبيت تبين اروح لمشعل ويكشفني
ام مشعل: والله انا ماعلمتك تسرقين عشان تسرقين اخوانك اسرقي برى من صديقاتك احسن واضمن
فرح: وانا فعلا بديت اسرق منهم .. قبل امس طلعت مع البنات ورحنا تغدينا برى وكـأنهم ماشافوا خير كل شي وطلبوه والحساب علي طبعا .. بس ماخليتها بخاطري .. سرقت من وحده منهم 3 الاف ريال ولانها بنت عز ماحست فيهم
ام مشعل: قبل امس سارقتهم وماقلتي لي
فرح: راح عن بالي ماما وبعدين هاك خذي هذا المقسوم(وتعطيها نص المبلغ)
ام مشعل واستانست: كفوا والله تربيت امك
فرح: مامي وشهالفطور اللي يلوع الكبد مين مسويه
ام مشعل: هالعله الطباخه الجديده طبخها مثل وجهها وينك يانغم كان طبخها احسن طبخ ولاا كنت اضربها براحتي لازهقت اتولاها
فرح: طيب عادي عندك الخدمات دوري لك اقل سبب واضربيهم مارح يسون شي
ام مشعل: اي والله يدي تحكني هاليومين
/
/
/
وبـــعيـــــد عن ارض الوطن وتحديدا ببـــاريـــس كانت بشرى توها مخلصه من اجتماعها بالمصنع وطلعت من المصممات ... وكانوا باللموزين الخاص فيهم ورايحين الفندق
ندى: وبكذا انسه بشرى نكون خلصنا كل شي وياليت لونرجع السعوديه بأسرع وقت عشان نباشر شغل
بشرى: انا كلمت الفندق وحجزوا لنا ع رحلــه اليوم بالليل ياليت لوتجهزون ع الساعه 7
سهير: طب مدام الاقمشه رح تمشى من هلآ ويمكن توصل قبلنا لازم نتصل في المؤسسه ونخبرن ينتظروا الاقمشه تـ ع القليله يرتبوا وبقيه المصممات يلبشوا شغل من هلأ لانو التصمميات كلا جاهزه وبقى هلأ الاقمشه
بشرى: طيب انتي اتصلي فيهم وقولي لنسرين تتكفل بهالموضوع(ويرن جوالها)
بشرى(هذي الريم): الو هلا والله .. توني مخلصه من المصنع وبروح الفندق ارتاح شوي لاني برجع السعوديه اليوم الساعه سبع
الريم: شدعوه ماطولتي
بشرى: هذي رحله عمل اول ماخلصت شغلي برجع
الريم: طيب توا الناس الحين الساعه 11 انا بنتظرك بالفندق وبنروح لديزني لاند اذا ماعندك مانع
بشرى: من جدك انتي طيب شلون خذتي التذاكر
الريم: انا لاتحاتيني ماينخاف علي انتي بس تعالي عشان نتمشى شوي قبل موعد الطياره صحيح الرحله كانت رحله عمل بس مايمنع انك تتمشين وتستانسين دام الريم وياك
(وبديزني لانـــد .. كانوا بشرى والريم يلعبون لعبه ورى لعبه ومستانسين حيل .. مين يروح هناك ومايستانس وبشرى حست انها ضلمت الريم كثير بالبدايه .. وبعد ماتعبوا من اللعب قعدوا يتمشون وياكلون فيشار..)
بشرى: تدرين اني اليوم لعبت لعب مالعبت مثله بحياتي احس اني تعبانه حيييل
الريم: حتى انا والله تعبت وانتي الله يهديك ماتحبين الا الالعاب النقازيه
بشرى: نقازيه عاد .. ياحلو كلامك
الريم: يسلمو انسه بشرى
بشرى: الريم خاطري اقولك شغله
الريم: امري
بشرى: انا اسفه لاني ضلمتك اول ياليت تسامحيني انتي انسانه روعه ومافي مثلك
الريم: انا بعمري مازعلت منك يابشرى وبعدين المهم اننا هنا الحين ومع بعض ومستانسين
بشرى وابتسمت: طيب خلينا نجلس تعبت من المشي
الريم: طيب وشرايك نروح نتغدى ونرجع بعدها للفندق ونحضر نفسنا للرجعه عشان ماباقي شي عالرحله
بشرى: تصدقين ماحسيت بالوقت .. الوقت الحلو يمر بسرعه
الريم: طيب لاتاخذنا السوالف امشي نروح نتغدا لايطير هالوقت .. موالوقت الحلو يطير بسرعه اجل شلون لو كان وقت حلو ومع وحده حلوه مثلك بيطير بسرعه البرق
بشرى: ههههههههههههه ... والله كلامك الحلو
/
/
/
/
ببيت بورائـــد .. كانت فاطمه تزور امها ومن حسن حظها لقت امها بالبيت
فاطمه: الحمدلله ع السلامه
فوزيه: الله يسلمك يافطوم
فاطمه: هااه يمه وشصار بأجتماعتك بدبي متى رح تفتحين المؤسسه
فوزيه: لسى باقي شوي .. ماابي استعجل ابي الافتتاح يكون مافي منـه
فاطمه: بالتوفيق ان شاء الله... اقول يمه.. ودي اكلملك بموضوع
فوزيه: قولي يمه انا ادري انك موخاليه وتبين تقولين شي .. قولي يمه اسمعك
فاطمه: يمه .. أنا قررت اشتغل مع بشرى بالمؤسسه
فوزيه واستانست: والله هذي الساعه المباركه .. عاد تصدقين انا ودي من زمان تشتغلين مع اختك وتشرفون وتديرون حلالكم بنفسكم
فاطمه: عاد انا قلت انتظر بشرى لين تجي واقولها بنفسها تعلمني ع الشغل
فوزيه: بشرى ان شاء الله تجي اليوم وتدرين .. اذا فيك شده انصحك تدوامين من بكره وهااه لاتقولين اعيالي ومدري شنو احنا شغلنا مافيه رحمه ماعندي فرق بين بناتي والموظفات الثانيات
فاطمه: انا والله من قررت اشتغل وانا جاده بهالموضوع بس بالبدايه بنتظر الخدمات لين يوصلون عشان اقدر اخلي عيالي لحالهم بالبيت
فوزيه: طيب خذي حدا هالخدم اللي عندنا بالبيت
فاطمه: لايمه .. مشعل خلاص طلب لي خدمات وان شاء الله اسبوعين او 3 بالكثير ويوصلون
فوزيه: والله زين شلون اقنعتيه هالبخيل
فاطمه: يمه وشدعوه .. حرام عليك مشعل تغير
فوزيه: ان شاء الله دوم مويوم
فاطمه: ان شاء الله يمه عاد ماتصدقين مشعل صار احسن من الاول وكل ماطلبت منه شي مايقول لا
فوزيه: دوم ان شاء الله حبيبتي .. الا اقول فطوم انا حال اخوك موعاجبني
فاطمه: اي واحد فيهم رائد والا جاسم
فوزيه: لاجاسم ماعليه شر.. بس رائد اخوك من ترك بنت ابليس وحاله موعاجبني
فاطمه: يمه رائد الحين مصدوم ويبي له فتره لين مايتعدى هالصدمه
فوزيه: اخوك هذا مسخها لامصدوم ولاشي له فتره على هالحال .. انا قلت بعطيه يوم .. يومين بس والله مسخها .. تدرين انا مالقيت غير حل واحد
فاطمه: وشنو الحل يمه؟
فوزيه: اخوك هذا مارح يطلعه من اللي هو فيه الا الزواج
فاطمه: الزواج .. يمه تتكلمين جد .. رائد للحين ماطلع من صدمته وشلون يتزوج
فوزيه: اخوك مايبي يطلع من صدمته يبي يجلس كذا طول عمره يبكي من صدمته على خساره بنت ابليس لكن ان تزوج رح ينساها ومارح يفكر بشي غير زوجته وبس
فاطمه: ايه بس يمه .. حرام يمكن ماينساها ورح يظلم نفسه وبيظلم بنت الناس معاه
فوزيه: وشدعوه ماينساها ليه مين تكون ماندي مور والا جيسكا سامبسون
فاطمه وتضحك: ههههههههه حركات يمه وتعرفين بالجيل الجديد بعد
فوزيه: خلك من هالضحك الحين وقولي لي وشرايك بكلامي؟
فاطمه: بصراحه يمه معك حق رائد لازم يتزوج بس موعشان ينساها اخوي فعلا وصل مرحله الزواج .. لكن حرام نظلم البنت معاه .. وبعدين مين اللي رح ترضى تعيش مع واحد مثلــه
فوزيه: انا فكرت بهالموضوع بدل المره الف .. وبعدين قلت ان كل البنات اللي حاطه عيني عليهم دلوعات وشايفين نفسهم .. صحيح مركزهم ونسبهم يشرفنا .. بس أنـا عارفه اخوك مارح يتحملهم .. ولقيت وحده مال وجمال ونسب بعد وهي الوحيده اللي رح تتحمل اخوك وملاغته
فاطمه: مين هذي يمه حمستيني لها قولي لي؟
فوزيه: نغم هي الوحيده اللي تناسب اخوك وتتحمله
فاطمه: نغم .. شدعوه يمه؟
فوزيه: وشفيك مستغربه؟
فاطمه: ماادري بس احس هالاثنين مايصلحون لبعض
فوزيه: الا يصلحون .. وبعدين لوشايفتهم اليوم شلون كانوا منسجمين وهم يتكلمون مع بعض كان قلتي فعلا .. نغم ورائد مايصلحون الا لبعض...
(انتـــهـــى الجـــزء الثـانـي عـشـر)
( الـجـزء الـثـالـث عـشـر )
فوزيه: الا يصلحون .. وبعدين لوشايفتهم اليوم شلون كانوا منسجمين وهم يتكلمون مع بعض كان قلتي فعلا .. نغم ورائد مايصلحون الا لبعض...
فاطمه بأستغراب: نغم ورائد .. كلش مايصلحون لبعض كل واحد منهم تركيبه مختلفه عن الثاني .. وبعدين رائد يعاملها مثل اخته
فوزيه: وانتي وشدراك انه يعاملها مثل اخته .. وبعدين هي مواخته هي بنت عمه
فاطمه: ماادري يمه بصراحه مااقتنعت .. احس كل واحد منهم بوادي
فوزيه: فكري فيها يافطوم.. نغم مليونيره وهي كذا والا كذا رح تتزوج فـ تأخذ ولد عمها يحافظ عليها وعلى فلوسها احسن من انها تاخذ واحد طمعان فيها
فاطمه: ايه يمه بس كلامك هذا يدل على انك انتي اللي طمعانه فيها
فوزيه: طمعانه فيها عاد .. تدرين اني انا من كثر الفلوس اللي عندي ماعندي وقت اصرفها عشان كذا قاعده استثمرها .. وحتى رائد الفلوس اللي عندي انا وابوه لو يصرفها لطول العمر رح تكفيـه وتزيد بعد .. بس هالبنت يتيمه ومسكينه وعلى نياتها .. ومحتاجه حد يوقف جنبها ويساعدها عشان تبني مستقبلها وبعدين دهننا في مكبتنا
فاطمه: والله يمه كلامك زين يمه .. بس رائد للحين مانسى بنت ابليس ونغم لو يحبها رائد نص الحب اللي حبه لبنت ابليس رح تكون اسعد انسانه بهالعالم وانا بصراحــه ماودي لها غير السعاده
فوزيه: اجل خلاص اتفقنا ... أنتـي كلمي نغم وانا رح اكلم رائد
فاطمه: زين يمه بس كلمي رائد اول مالي خلق اعشم البنت وبعدين ولدك يسوي حركاته
فوزيه: رائد ماعليك منه .. انا رح اقنعه بنفسي لاتحاتين بس الاحتياط واجب اكلمه بالبدايه بعدين تكلمين نغم
/
/
/
/
/
/
" نغـــم " قالها لامـه بأستنكار
ام رائد: وشفيها نغم طايحه والا مكسره
رائد: مافيها شي يمه بس هي مثل اختي وانا ماافكر فيها
ام رائد: بس هي لااخــتـك ولا شي وبعدين لازم تفكر فيها لانها رح تصير زوجـه المستقبل
رائد: يمه تتكلمين جد
ام رائد: وهالموضوع يتحمل المزح
رائد: طيب يمه عطي روحك العافيه ولاتتعبين نفسك انا مارح اتزوج نغم
ام رائد: مارح تتزوجها ليش ان شاء الله .. شايف عليها شي؟
رائد: لا يمه شدعوه وشهالكلام
ام رائد: اجل ليش رافضها؟
رائد: يمه انا مورافضها .. انا رافض فكره الزواج كـ كل
ام رائد: زين لين متى؟
رائد: مدري يمه مدري
ام رائد: شنو ماتدري؟ وبعدين انت اولا واخيرا رح تتزوج
رائد: صح معاك حق بس موالحين
ام رائد: خلاص الحين نسوي خطبه وملكه والزواج وقت ماتقرر
رائد: يمه مايصير اعلق البنت معاي
ام رائد: ماتعلقها ولاشي .. تكون فتره خطبه تتعرفون فيها ع بعض
رائد: وشلون فتره خطبه واحنا ساكنين مع بعض
ام رائد: خلاص تروح نغم تسكن عند فاطمه لين تخلص هالفتره
رائد: الحلول عندك جاهزه يمه
ام رائد: خلك من هالكلام اللي لايودي ولايجيب قول لي وشرايك بكلامي
رائد: يمه ياليتك لو تفهميني انا ماابي اتزوج خلااص خليني براحتي
ام رائد: لا مارح اخليك براحتك انا بعطيك وقت تفكر لانك اولا واخيرا بتتزوج واذا ماتبي نغم وتبي وحده ثانيه علمني بس ياليت تكون من مستوانا
رائد: يمه لاثانيه ولاثالثه .. محد ببالي يمه
ام رائد: زين انا بعطيك مهله تفكر بكلامي وبعدها ترد علي
/
/
/
/
" وتتوقعين شنو رح يقول" قالتها لامها وهي تكلمها بالتلفون
فوزيه: مدري عنه .. بس معليك منه مارده يوافق
فاطمه: اي يمه بس اخاف يعند وبعدين ع الكلام اللي قلتيه لي شكله الاخ مايبي يتزوج ابدا..
فوزيه: ماعليك منه هو بالبدايه رح يستنكر الموضوع .. بس بعدين مارده يوافق
فاطمه: ياليت يمه ياليت مع انه معند
فوزيه: بتشوفين يافطوم عطيني كم يوم وبعدها بتسمعين اخبار حلوه
فاطمه: أميييييـن
/
/
/
بمؤسسه الازياء كانت بشرى بمكتبها ... وأتـصلت بالريم تتطمن عليها
بشرى : الو هلارامي
الريم: اهلين بشرى شلونك
بشرى: تمااام انتي اخبارك؟
الريم: زينه ..
بشرى: مشغوله
الريم : شوي (وتسمع صوت ضحك عندها ههههههه)
بشرى: مين اللي يضحك
الريم وخافت: هااه لالا ولاشي
بشرى: وشفيك مرتبكه؟
الريم: لامومرتبكه اسمعيني بشرى شوي واكلملك
بشرى: لا الحين قولي لي مين اللي يضحك
الريم: تلفزيون(وتضحك مره ثانيه) اكلملك بعدين باي (وتسكر)
بشرى: الو الو .. وتسكرين بوجهي بعد انا بوريك (وتقوم من المكتب وتطلع وتروح لشقه الريم وتطق الباب وتفتح لها الريم)
الريم وهي متفاجئه: بشـــرى؟
بشرى ودخلت : ليش متفاجئه قولي لي مين عندك بالشقه (وتدور بالشقه وماتحصل حد وترجع)
الريم: وشفيك
بشرى: فيه حد كان عندك بالشقه؟
الريم: حد .. حد مثل مين يعني ؟
بشرى: ماادري اللي سمعت صوتها تضحك بالتلفون
الريم: قلت لك كان تلفزيون
بشرى: تلفزيون وكنتي مرتبكه وحالتك حاله
الريم: وشقصدك يابشرى .. اذا عندك شي قوليه بدون لالف ولادوران
بشرى: حاضر رح اقولك سمعت عندك صوت بنت وكانت تضحك وانت كنت مرتبك عشان كذا مارديت علي
الريم: كنت اطالع التلفزيون وكنت اطالع مسرحيه بعد وعندي التسجيل اذا تبين .. وانا ماكنت مرتبك كنت وانتي بكرامه بروح للتواليت
بشرى واستغربت: مسرحيه؟
الريم: ايه .. تبين تشوفين المسرحيه معاي؟
بشرى: لا مايحتاج صدقتك
الريم: كنت تفكرين عندي بنت صح .. مين توقعتيها وحتى لو كان عندي بنت ليش عصبتي وغرتي احنا صديقات
بشرى: لا موصديقات
الريم: موصديقات يعني شنو ؟
بشرى: مو قصدي موصديقات يعني موصديقات احنا مقربين لبعض اكثر من الصديقات
الريم: اكثر من الصديقات يعني شلون ..؟
بشرى: هااه مدري
الريم: تحبيني؟
بشرى: مااكرهك
الريم: انا ماسئلت اذا تكرهيني انا سألتك اذا تحبيني
بشرى: أيـه بس موالحب اللي ببالك
الريم: أنـا مافي شي ببالي .. عموما تحبين تطالعين معاي المسرحيــه؟
بشرى: لا انا كان عندي شغل .. وطلعت وخليت الشغل انا برجع المؤسسه لان الشغل كثير اليوم
الريم: طيب براحتك
بشرى: باي(وتطلع)
الريم سكرت الباب وقالت: يييييس ... واخيرا يابشرى مابغيتي طلعتي عيوني(وتاخذ جوالها وتتصل) الو هلا هاجر شلونك وينك انا الحين بجيك باي (وتسكر)
ببيت بورائـــد كانت نغم جالسه تاكل حلا بالحديقه وتسولف مع جاسم
جاسم: يعني انا للحين احس نفسي الاطرش بالزفه
نغم: طيب موشرط تعرف الشغل كله اليوم شوي شوي
جاسم: انا لي أسـبـوع ادوام بالمعرض وللحين ماثبتت الشغل عدل
نغم: طيب عادي انت خذ وقتك وشوف وبعدين لازم تتعلم الشغل لانك انت اذا تخرجت من الجامعه رح تستلم الشغل يااما بالشركه او بالمعرض
جاسم: انا الحين توني رايح لسنه ثالثه يعني باقي لي السنه هذي واللي بعدها
نغم: بالتوفيق ياجسوم بس اذا تعمقت بشغل المعرض اكثر وخصوصا أنـنـا أجازه رح تترك الجامعه
جاسم: مااتوقع انا الشهاده عندي مهمه افكر اكمل الدراسه بسرعه وبعدها اتفرغ للمعرض مره وحده وبعدين انا ماخذ ترم صيفي عشان اتخرج بسرعه
نغم: مارح تسافر بهالصيف
جاسم: الا بس حتى لوسافرت مااتوقع اني بطول بالسفره يدوب اخلص المواد اللي اخذتهم وبعدها بسافر شوي استجمام وارجع لشغل المعرض
نغم: وراح تسافرون كلكم بهالصيف
جاسم: انا مارح اسافر مع اهلي وماادري عنهم اذا بيسافرون والا لا (ويدخل رائد ويشوف نغم وجاسم ويسلم ويجلس معاهم)
جاسم: رائد جالس معانا مااصدق
نغم: وليش طيب عادي
رائد: ماادري عنك يااخ جاسم ماادري ليه متفاجئ
جاسم: بــل .. وشفيكم كلتوني خلاص اسحبها
رائد ونغم: هههههههههههههههه
اما رائد جلس يطالع بنغم ويتأملها
رائد بخاطره: وينك ووين اريج .. كل واحده منكم بوادي .. وانا ماابي الا الوادي اللي فيه اريج
نغم: رائد انت بتسافر هالصيف
رائد: مااتوقع رح انشغل بشغل الشركـة وماعندي وقت اسافر
جاسم: خذ اجازه أسبوع والا يومين وسافر فيها واستجم
رائد: مالي خلق اسافر عن اذنكم (ويقوم أمـا جاسم ونغم يكملون سوالفهم)
ببيت اهـل شــهد كانت جالسـه تكلم ابراهيم .. ومعها كل الاوراق حقتها عشـان تعطيها ابراهيم يخلصهم لها
شهد: ايوه وينك .. لالا اختي طلعت للشغل .. ايه كل اوراقي معي .. طيب وينك .. انا عند باب شقتنا
(ويجي ابراهيم)
شهد: تفضل هذا الملف فيه كل شي شهاداتي وكل الاشياء اللي طلبتها
ابراهيم وهو خاق عليها: طيب اوكي أنـا رح اخلص لك كل شي .. طالعه حلوه اليوم
شهد بأبتسامه مصتنعه: مشكور (ويناديها ولد اختها)
راكان : حاله شهد
شهد: برهوم ولد اختي يناديني باي(وتسكر الباب بوجهه)
راكان: حاله شهد
شهد: نعم ياعيون خاله
راكان: ابي كورن فليكس انا وليان ولزان
شهد: اوكي من عيوني انت وريان ورازن
راكان: سكرن حاله(ويروح)
(أما ابراهيم بسيارته)
ابراهيم: والله انها خوش صيده .. هذي الاشكال والا بلاش انا ويني عنها من زمااان .. بس تروح امريكا رح اعرف شلون العبها صح .. هنا رح نتقيد كثير بس بأمريـكا رح اخربها
::
::
::
بالمشغل اللي تشتغل فيه هبــه كانت قاعده تستشور شعر زبونه واول ماخلصت عطتها الزبونه بخشيش
هبه: لامشكوره ماله داعي
الزبونه: أنتي تستاهلين واكثر بعد
هبه: مشكوره ماتقصرين(وتطالع الفلوس عطتها 50 ريال)
هبه بخاطرها: الحمدلله .. وتروح ترتاح وتفكر: شهد الحين بتروح امريكا وبتتركني مثل ماتركني بسام قبل .. بسام اخونا اللي كنت معتمده عليه الله واعلم الحين وين ارضه من سماه .. ع الاقل شهد بتغيب كم سنه وبترجع تشرفني وترفع راسي بالشهاده لكن بسام وينــه .. اااااه بس الظاهر مكتوب علي اظل طول عمري اشوف الكل قدامي يروح ويجي وانا جالسه مثل ماأنـا .. مومهم المهم ان اختي تحقق اللي ماقدرت عليه ولاقدر عليه بسام تحقق حلم الوالد وتصير دكتوره يارب .. ويارب اعيالي اذا كبروا يرفعون راسي والله يخلي لي جدتي ويقدرني على الصرف يارب
(وتتصل بأختها)
هبه: الو هلاشهود شلونك
شهد: الحمدلله زينه انتي شخبارك؟
هبه: تماام اسمعي جاء اخو صديقتك عشان يودي اوراقك للسفاره
شهد: ايه جاء
هبه: والله صديقتك هذي فيها الخير
شهد: ايه والله وبعدين اخوها واصل ويقدر يخلص السالفه بسرعه واصلا اختــه بتسافر لنفس البلد بس ولايه ثانيه يعني هو كذا كذا رايح
هبه: طيب حبيبتي حجزتي للرحله
شهد: وييييه توا الناس ع السفر
هبه: ايه توا الناس بس كل ماحجزنا بدري كان احسـن
شهد: عاد نحجز من الحين احس بدري
هبه: مو اذا حجزنا بدري يصير ارخص ... تدرين خلي هالموضوع علي .. شهد اخليك الحين جات زبونه يلا باي (وتسكر)
اليوم التالي
ببيت بورائــد كانت ام رائد بغرفه ولدها تكلمه
رائد: يمه مو توك امس مكلمتني بالموضوع ليش تكلميني فيه مره ثانيه قلت لك بفكر
ام رائد: لا انت مارح تفكر انت تحاول تأجل الموضوع قدر المستطاع
رائــد: لاائـجل ولاشي انا بس قاعد افكر
ام رائد: الموضوع مايتحمل لاالتفكير ولا التأخير واسمعني انا مشغوله بمشروعي الجديد وخلال الشهور الجايه رح اكون مشغوله اكثر واكثر والحين خذت اجازه لمده شهرين عشان نتفرغ لعرسك
رائد: عرسي يمه انتي من جدك على طول قررتي تعرسيني ولا خلال هالشهرين كأنك تعطيني امر موتستشريني
ام رائد: مافي وقت يارائد انا خذت اجازه من كل شغلي ورح اتفرغ لك تفرغ تام وماعندك وقت للرفض او التفكير
رائد: يمه من جدك وين قاعدين احنا الحين بالشركه نتوسع و
تقاطعه امـه: اقول خلك من هالتوسع وهالكلام انا قلت لابوك وهو موافق وقال بيعطيك اجازه شهرين عشان تستعد لعرسك
رائد: شلون انتو وابوي تخططون لحياتي على كيفكم انا موصغير يمه انا رجال
ام رائد: ولانـك رجال واكبر واحد بهالبيت انا وابوك نبي لك الزين عموما رائد أنـت ماعليك الا انك تهتم ببيتك وتأثثه واهتم بنفسك والعروس انا بهتم فيها(وتطلع وماتخلي مجال لولدها يتكلم)
رائد: امي تفكر بهالطريقه رح تخليني اوافق على هالعرس
/
/
/
/
ببيت فاطمه
" أيــه لازم توافق ..لان هالعرس انت محتاج له ومارح تلاقي احسن من بنت عمك" قالتها لاخوها بحزم
رائد: افااا يافاطمه بغيتك عون وطلعتي فرعون
فاطمه: يارائد انت ليش رافض الموضوع بهالطريقه
رائد: انا رافض المبدأ اللي امي تستعمله معاي مبدأ الدكتاتوريه تحطني قدام الامر الواقع وانا مايحق لي ارفض امي وابوي ضيعوا اريج مني والحين يبون يضيعوني بعد
فاطمه: اوووووه والله مللتنا بهالاريج حقتك .. ع حسب علمي ان امي وابوي مالهم علاقه بهالموضوع موانت كنت ناوي تتزوجـها بالسر صح وليش ماوافقت اذا كانت تحبك
رائد: قالت لك بشرى هالفتانه الشرهه موعليها علي انا اللي اشتكي لها همومي.. واكيد الحين نشرت الكلام عند البيت كله طلعت بخور السوق
فاطمه: خلك من بشرى وماعليك منها وبعدين لويهمك البيت كله كان مافكرت بهالفكره المجنونه وتطمن بشرى موبخور السوق ماعلمت حد غيري .. بس يارائد انت لازم تنفذ الكلام اللي أمي قالت لك عليه
رائد: حتى انتي مع امي يافاطمه لااا كذا شكلكم متفقين علي
فاطمه: لامتفقين ولاشي .. لاتكبر الموضوع بس يارائد امي قلبها معورها عليك ماتحب تشوفك بهالحاله
رائد: واذا قلبها معورها علي تروح وتقرر تزوجني على كيفها تفكر الزواج رح يحل مشكلتي يعني
فاطمه: مشكلتك يارائد ان ماعندك مشكله وانك انت تبي تخلق مشكله من ولاشي .. طيب انا رح اتكلم معك بمنطق غير منطق امي تقدر تقول لي ليش ماتبي نغوم؟
رائد: انا ماابي اتزوج بهالفتره
فاطمه: يعني الرفض للزواج ككل موبس لنغم
رائد: ايه
فاطمه: ولين متى؟
رائد: مدري لين ماالله يفرجها
فاطمه: انت تقص علي والا تقص على نفسك انت الظاهر تبي تظل عزابي طول عمرك .. يارائد لاتزعل من امي بس امي وابوي وحتى احنا شايفين نفسنا فيك .. وانت يارائد جرحتنا كلنا بعلاقتك باللي ماتتسمى اهلك للحين مجروحين منك بس ماحبوا يبنون لك ولاحتى حبوا يضغطون عليك مرت شهور من بعد السالفه الاخيره وعطوك فرصه كنت ماتكلم احد وماتروح للشركه وكأنك تعاقب اهلك على اخطائك .. رائد اذا تفكر ان امي تستخدم معك مبدأ الديكتاتوريه هذا لانك انت اللي بديت فيه وارد اقولك ان امي تشوف مصلحتك ورح تشكرها على هالشي بس موالحين لمى تحس فعلا ان قلبها عليك
رائد: انا ماعدت طفل صغير عشان تخاف علي وتشوف مصلحتي انا رجال واقدر اخذ قراري بنفسي اسمعي يافاطمه قولي لامي اني مارح اتزوج لانغم ولاغيرها ومافي قوه بالعالم تقدر تمنعنني من قراري واذا هي حابه تبدء تجهز لعرسي من الحين خـ تسوي اللي تبيه بس انا مارح اجي لاالعرس ولاغيره فـ خليها تتجنب الفشله قدام الناس احسن(ويطلع من بيت اخته)
::
::
::
::
" صدق مايستحي على وجهه وشلون يقولك هالكلام يعني الاخ يتحداني"
فاطمه وهي تكلم امها بالتلفون: يمه قلت لك رائد مايجي معه هالاسلوب حاولي تكلمينه وتتوصلين معاه لقرار
فوزيه: ساحرته اكيد بنت ابليس ساحرته عشان كذا موقادر ينساها
فاطمه: اي سحر واي خرابيط يمه .. انا اللي اعرفه انه الحين مايكلمها
فوزيه: حتى انا ادري انه مايكلمها وجاسم أكـد لنـا هالشـي خاصه انها سافرت برى السعوديه بس ليش للحين متمسك فيها
فاطمه: مدري يمه مدري تتوقعين يكلمها برى
فوزيه: لامايكلمها والا نسيتي اننا مراقبين جواله اصلا هو مايستخدم جواله الا بالحالات الضروريه
فاطمه: طيب وش بنسوي الحين
فوزيه: انتي متأكده أنـه مارح يجي العرس ويفشلنا قدام الناس
فاطمه: الا متأكده يمه ولو شفتيه شلون يتكلم بثقه كان قلتي صدق مارح يجي اول مره اشوفه بهالجديه يمه
فوزيه: اجل تدرين اخوك هذا مسخها ومالنا الاتدخل ابوك بالسالفه
فاطمه: يمه من جدك
فوزيه: ايه انا لازم اكلم ابوك يحط حد لهالمهزله اللي اخوك قاعد يسويها
/
/
/
/
كان جالس بغرفته ويدخل ابوه بحزم ويقول
بورائد: رائد ممكن اتكلم معاك
رائد: حياك يبه تفضل اجلس
بورائد: وبعدين يارائد
رائد: وبعدين شنو؟
بورائد: يارائد انت اكبر اعيالي المفروض انك بهالسن تساعدني مو تغثني
رائد وتنهد: عشان الزواج يبه؟
بورائد: الزواج واشياء ثانيه كثير ... ع الأقـل موضـوع زواجك من بنت عمك يفرحنا كلنا وانت شكلك ماتبي تفرحنا ماتبي غيرتتعبنا وياك وبس
رائد: يبه امي فهمتني غلط انا قلت لها بفكر
بورائد: ورديت قلت لاختك انت ماتبي بنت عمك
رائد انحرج من كلام ابوه وسكت
بورائد: أنـت ليـش تسـوي معانا كذا؟
رائد: يبه انا موقصدي ازعلكم مني
بورائد: اجل وشقصدك؟
رائد: يبه أنـا موعارف شقولك
بورائد: مشكلتك يارائد تشوف اننا كلنا ضدك ووافقين بطريق سعادتك لكن الواقع هو العكس احنا كل همنا سعادتك وواقفين معاك انت ولدي وانت اللي الناس ينادوني بأسـمـك
رائد: يبه أنـا ماعندي مانع اتزوج بس موالحين
بورائد: ممكن تعطيني سبب واحد يقنعني برفضك
رائد: مهما قلت يبه اسبابي مارح تقعنك
بورائد: لانك انت نفسك مومقتنع فيها .. عموما انا مارح اضغط عليك بس ياليت لوماتصير أنـاني مره وحده وتفكر فينا قبل ماتفكر بنفسك
رائد نزل عينه بالارض وماعلق
بورائد: ياليت لو بيوم تفرحني انا وامك وتوافق على قرارتنا بدل ماتتعمد تجرحنا وتغثينا
رائد وحس بالذنب وقال بدون تفكير: يبه انا اسف اذا بيوم خيبت ظنك او حتى خيبت ظنكم كلكم فيني انا عارف اني موالولد اللي تتمناه او حتى تمنيت يجيك ولد احسـن مني بـس ... والله ماني عارف شقولك بودي اقولك رح اتغير او بحاول اتغير لكن ماودي اقولك شي انا مارح اسويه .. بس بعد اليوم يايبه مارح اتعبك انت وامي بمشاكلي .. يبه انا موافق اتزوج بنت عمي نغم
/
/
/
/
/
" معقـــولــه ... وافق بهالسهوله"
بورائد: ايه وافق بهالسهوله حتى انا ماتوقعت انه يوافق
ام رائد: انت من جدك يابورائد اخاف انه قال هالكلام بس عشـان يصرفنا
بورائد: وشدعوه يافوزيه احنا اطفال عنده عشـان يصرفنا
ام رائد: بصراحه ولدك هذا انا مااضمنه
بورائد: يعني انت لاكذا عاجب ولاكذا عاجب
ام رائد: لا موعن بــس لوتشوفه شلون كان رافض كان تستغرب انه وافق ولااا وافق بسهوله بعد
بورائد: عاد بسهوله والا صعوبه اللي تبينه وصار وروحي عجلي بموضوع العرس قبل لايغير رايه
فوزيه: اي موهذا اللي رح اسويه وتدري بخلي الملكه والعرس بيوم واحــد
بورائد: الحين انتي على هالكلام كلـه وقاعده تتكلمين وتخططين لسى ماعرفتي اذا البنت موافقه والا لا؟
/
/
/
/
" رائــــد .. انتي من جدك " قالتها لبنت عمها بأستغراب
فاطمه: ايه رائد وشفيك متفاجئه
نغم: لا موعن بس استغربت يعني احنا ساكنين ببيت واحد ولاحتى حسيت ان .. انه ناوي يتقدم لي
فاطمه: اخوي رائد ثقيل ورزين وبعدين لقى فيك مواصفات فارسه احلامه مثل مايقولون وقال مايبي يضيعك من يده عشان كذا قرر يخطبك
نغم: ...............
فاطمه: نغم نغم وين سرحتي؟
نغم: هااه .. لا ماسرحت عادي بس قاعده افكر
فاطمه: تفكرين برائـد
نغم: لا .. بصراحه انا كل اللي ببالي الحين دراستي وبعدين انا ان شاء الله ببدايه السنه بكون بكليه الطب ومالي خلق زواج وبيت ومسؤوليه
فاطمه: لامسؤوليه ولاشي بالعكس الزواج مافي احلا منه وبعدين رائد مارح يحرمك من دراستك رح يخليك تكلمين دراستك عادي هااه وشقلتي
نغم: ماادري متردده
فاطمه: وليش تترددين انتي وين رح تلاقين احسن من ولد عمك ... وبعدين رح يكون عندك بيتك الخاص مملكتك الخاصه اللي انتي رح تكونين فيها الملكه وتتحكمين بكل شي
نغم: أنا احس ان توني صغيره ودراستي بالوقت الحالي ماخذه كل تفكيري خاصه ان تخصصي صعب ويبي له تفرغ تام والزواج بعد يبي له تفرغ تام يعني الموضوع وايد صعب
فاطمه: عادي فيه بنات كثير بكليه الطب متزوجات .. عموما انا ماابي اضغط عليك انتي فكري بالموضوع على مهلك وصلي استخاره وبعدين قرري
/
/
/
/
/
" تفكر وشنو تفكر فيه ان شاء الله ليش ولدي موقد المقام"
فاطمه: لايمه موعن بس البنت من حقها تفكر
فوزيه: صدق مووجه نعمه وانا اللي فكرتها لودرت عن هالموضوع بتطير من الفرح وهي وين بتحصل احسن من ولدي
فاطمه: يمه وشفيك عصبتي .. وبعدين الزواج قسمه ونصيب
فوزيه ومعصبه: لاوالله الحين انا بالموت اقنعت رائد بالزواج بعد مانشف ريقي وريق ابوك وافق .. بتجي ذي بعد تسوي روحها اي والله تفكر هي يحصل لها ولدي
فاطمه: يعني شنو يمه انتي متوقعه اني اذا قلت لها الموضوع بتطير من الفرحه وبتقول موافقه اذا كنتي مفكره هالشي فأنتي غلطانه نغم صحيح مسكينه وعلى نياتها بس مومعناتها انها مخديه وينقص عليها بسهوله
فوزيه: وشفيك قمتي تخورينه يافطوم وشقصدك احنا بنقص عليها برائد المنه عليها اصلا
فاطمه(وشفيني مااجمع): لا يمه موقصدي بس نغم من حقها تفكر انا قلت لها تفكر وتستخير وتشوف
فوزيه: ويييييه يعني وين بتحصل احسن من ولدي (وتدخل بشرى اللي توها جايه من الدوام)
بشرى: السلام عليكم
الكل: وعليكم السلام
بشرى: وشفيكم من دخلت سكتوا
فاطمه: لا ماسكتنا ولا شي بس كنا نتكلم بموضوع وانتي دخلتي وقطعتينا
بشرى: شنو يعني تبوني اقوم
فوزيه: اقول عاد بشرى لاتكبرين المواضيع احنا كنا نتكلم عن رائد ونغم
بشرى: وشفيهم
فاطمه: بيتزوجوزن؟
بشرى بأستـغراب: يتزوجون؟
فاطمه: وشفيك مستغربه
بشرى: لا مومستغربه بس ماادري احس كل واحد فيهم تركيبه مختلفه .. طيب رائد يبيها
فوزيه: ايه يبيها
بشرى وزاد استغرابها: وشدعوه متى امداه ينسـى اللي ماتتسمى
فوزيه: لاتجبين طاريها المهم الحين انه يبي بنت عمه
بشرى: وهي شرايها
فاطمه: تقول بتفكر
بشرى: من حقها
فوزيه: وييييه قلتي من حقها هي وين يحصل له مثل ولدي
(وتجي نغم لابسـه عبـايتــهــا)
نغم: سلام
الكل: وعليكم السلام
بشرى: سبحان الله تونا بسيرتك
فاطمه وتنقز بشرى يعني سكتي: اشوفك لابسه عبايتك وين رايحـه؟
نغم: انا طالعه بروح اتغدى مع صديقتي كلمت عمي وقالي اروح عادي تامروني شي
بشرى: لا سلامتك
نغم: عن اذنكم (وتروح)
بشرى: تصدقون محلوه .. اذكر اول ماجاتنا كان وجهها مايبين من كثر الكدمات الحين طلعت ملامحها والله احلا من اللي ماتتسمى ولو ان ذيك قمر بعد
فوزيه: وانتي وشدراك فيها شفيتها؟
بشرى: هاااه اقصد احساس احساسي يقولي انها احلا الهم ماعلينا منها
فوزيه: ايه لاتجيبون لي طاريها اتشـائم
::
::
::
::
وبــأحــد المـطاعم كانت بشرى جالســه مع صديقتها شريفه ونجود
نجود: من جدك انتي وش تفكرين فيه المفروض توافقين على طول
نغم: وشدعوه اوافق على طول موشايفه خير
شريفه: بصراحه رائد ماعليه كلام رجال ولاهو بيد امه مثل ابراهيم والاهم من كذا رح يكون لك بيت لحالك يعني موضيفه عند حد
نغم: يعني تبوني اتزوج عشان بس يكون لي بيت لحالي من جدكم
نجود: مو عن يانغم بس انتي كذا وكذا بالاخير رح تتزوج فـ خذي ولد عمك احسن منك وفيك
نغم: ودراستي والله صعبه
نجود: اشرطي عليه مايطلعك من دراستك
نغم: اصلا هو ماعنده مانع
شريفه: اجل زين ليش ماتبينه
نغم: ايه بس والله متردده
نجود: عشان دراسه الطب يعني
نغم: ايه انا ابي اتفرغ للكليه بشكل تام
شريفه: ياما وياما فيه ناس كثير يدرسون بكليه الطب ومتزوجين ومن احسن مايكون وبعدين هذا انتي كنتي ببيت عمك متبهذله وحالتك حاله ولكن اصرارك على النجاح الحمدلله وصلك لمكان زين
نغم: مدري محتاره
نجود: لو انا منك اوافق بدون تردد ع الاقل تقهرين ابراهيم هاللي مايسحتي على وجـهه
نغم: وشدخل ابراهيم الحين؟
شريفه: ليكون للحين تحبيبه
نغم: لا مااحبه عادي
نجود: ايه انتبهي لو انك للحين تحبيه حرام لاتاخذين رائد وتعليقينه معك
نغم: ماادري شسوي
نجود: استخيري وشوفي
نغم: ايه موهذا اللي رح اسويه ..
شريفه: طيب انا ابي اعرف انتي رافضه الزواج والا رائد كشـخص
نغم: انا مورافضه شي من الاثنين بس اخاف الزواج يعطلني عن الدراسه بس(ويرن جوالها)
نغم: رقم غريب
نجود: طيب ردي يمكن احد يبيك ضروري
نغم: اوكي (وترد) الو هلا اهلين .. انا الحين اتغدى برى .. تجين ايه ماعندي مانع اوكي باي(وتسكر)
شريفه: مين هذي اللي بتجي؟
نغم: هيفا بنت عمي
نجود: وشتبي شينه الحلايا
نغم: مدري تقول فيه موضوع بيني وبينها
شريفه: تتوقعين درت عن موضوع رائد
نغم: لا مااتوقع محد يدري الا بيت عمي وانا بس
نجود: ايييه اكيد تبي تصالحك والا انتي نسيتي يوم تجيك البيت هي وابراهيم وسفلتي فيهم بصراحه بردتي حرتي
شريفه: بصراحه هيفا الوحيده من بيت عمك اللي تنبلع وحلو انك تكونين معاها صداقه
نغم: عاد هيفا
شريفه: هيفا مسكينه طول عمرها خرخيشه بيد اختها ولاكـأنها الكبيره
نجود: الله يخليك كلها الا خمس دقايق مو شي .. وبعدين نغم انتي الحين لازم تبدين صفحه جديده مع الكل واللي شاريك من اهلك اشتريه ولاتخسرينه
/
/
/
/
/
/
ببيت بورائـــد كان رائد شايل شنطه ملابسه ويبي يطلع من البيت ويمر عالصاله ويشوف امه وخواته
فاطمه: وين رايح رائد ليش شايل معك شنطه ملابسك
رائد وهو واقف يكلمهم: بروح بيتي
بشرى: بيتك وشدعوه يعني هذا موبيتك
رائد: الا بس انا ونغم بنتزوج ومايصير نقعد ببيت واحد ... أبيها تاخذ راحتها وانا من الحين بروح اسكن ببيتي وبالمره بأثثه
فوزيه: اي زين ماتسوي كلها كم يوم بالكثير وتعرس وعقبال مااشوف عيالك يارب
رائد: طيب عن اذنكم انا بروح البيت وبعدها بمر الشركه (ويطلع)
بشرى: يمه رائد كأنه ماوده يعرس
فوزيه: ماعليك منه مسوي ثقيل وهو ميت عليها
فاطمه: ميت عليها شلون موباين عليه
فوزيه: بتشوفون لمى يتزوجها رائد مارح نشوفه بالمره بيكون نايم بالعسل
فاطمه: الله يسمع منك يمه والله يستاهلون كل خيـــر
(ويرن جوال بشرى وتقوم)
بشرى: الو هلا ريوم
الريم: وحشتني
بشرى وابتسمت: وانتي اكثر (وتروح غرفتها وتسكر الباب)
الريم: وينــك
بشرى: بالبيت
الريم: مارح تروحين للمؤسسه
بشرى: لا مافيه شغل كثير وماله داعي روحتي وبعدين احنا الحين مشغولين بعرس اخوي
الريم: عرس اخوك .. اي واحد فيهم
بشرى: رائد الكبير
الريم: ومتى بتسون عرسه ومين بياخذ
بشرى: بياخذ بنت عمي وعرسه بعد فتره وانتي اول المدعوين
الريم: وانا اقدر اتخلف .. تغديتي
بشرى: لا .. ليش
الريم: اممم وشرايك تجين تتغدين عندي
بشرى: الحين
الريم: ايه الحين
بشرى: اوكي ثواني وانا جايه باي
الريم : باي (وتسكر) يــس (ويرن تلفونها الثابت)
الريم: الو هلا والله اهليييين .. انا الحمدلله شنـــو .. ايه كل شي صاير حسب الاصول .. بصراحه حبيتها مره تنحب .. شنـــو ؟ اتركها لامااقدر اتركها .. صحيح كان اتفاق بس مااقدر .. أنـا قد كلامي لا انا مااخلفت بوعدي انا كلامي كلام رجال .. طيب أنـا رح اتركـها بس مو الحين لمى اخذ منها اللي ابي مااقدر اخليها تمر كذا انا تعبت لين جيت راسها .. اوكي باي
ببيت بومشعل كانت هيفا توها جايه من المطعم وتصالحت مع نغم واول مادخلت البيت شافت اختها بوجهها
فرح: وينك وين رحتي .. مواحـنا متفقين نروح السوق سوى ليش رحتي وخليتني
هيفا: رحت اتغدى برى
فرح: مع مين؟
هيفا: خير تحقيق
فرح: وشفيك تكلميني بدون نفس انا وش سويت لك
هيفا: اسفه فرح موقصدي
فرح: عادي انا مازعلت منك انتي اختي وتؤامي بعد بس قولي لي وين رحتي
هيفا وتروح تجلس عالصوفا: اذا قلت لك بتعصبين
فرح وتجلس جنبها: اعصب وليش ان شاء الله (وبعد صمت) ليكون رحتي لنغم الدعله
هيفا: ايه وبعدين نغم مودعله وانا وياها تصالحنا
فرح وعصبت ووقفت: هيفا انتي وشصاير لك ساحرتك هاللي ماتستحي على وجهها وليش تروحين لها ومين تكون عشان تقرر تسامحك والا لا بالطقاق اللي يطقها
هيفا وتوقف: نغم تكون بنت عمي ومن لحمي ودمي واذا انا غلطت عليها بوقت من الاوقات فـ الحين تندمت وخلاص صلحت غلطتي
فرح: شنو صلحت غلطتي وشهالكلام اللي مايدخل العقل انتي نزلتي مستواك لذيك الحشره وخليتها تشوف نفسها عليك اكثر واكثر نغم هذي عقرب رمل وانتي مخدوعه فيها
هيفا: اعتقد اني كبيره واعرف مصلحتي عدل ومااحد يقدر يخدعني وبعدين اذا انتي ماتبين تصالحينها هذا شي راجع لك بس انا ابي اصالحها
فرح: اوووووه الظاهر الست نغم غاسله مخك عدل لكن الشرهه موعليك الشرهه علي انا اللي اتكلم معك اصلا انتي ماعندك شخصيه وامعه بعد (وتروح)
هيفا: بل كل هذا عشاني تصالحت مع نغم يعني يااما اسمع كلامك والا اصير امعه .. الله يهديك يافرح
اليـــــوم الـــتـــالــــي ... عـــالفــطـور ببيت بورائـــد نزلت نغم تفطر وشافت ام رائــد جالســه عالفطور
نغم: صباح الخير عمتي
فوزيه: صباح النور .. شلونك
نغم: الحمدلله تماام
فوزيه: غريبه صاحيه بدري
نغم: أنـا كل يوم اصحى بهالوقت
فوزيه: اجل انا اللي مااشوفك لاني كل يوم بين سفراتي ومقابلاتي والحين ماخذه اجازه
نغم بعد صمت قالت بخجل: عمتي انا فكرت بالموضوع اللي قالت لي عليه فاطمه واستخرت و
فوزيه: وشنو .. عادي قولي اذا موموافقه عادي الزواج قسمه ونصيب
نغم وهي تطالع الارض: رائد ولد عمي ومارح احصل احسن منه
فوزيه: يعني نقول مبروك
نغم هزت راسها بالايجاب
فوزيه: ويييه الف الف مبروك والله لاسوي لكم عرس اسطوري اخلي كل المملكه تتكلم عنه
نغم انحرجت وقامت
(ويجي جاسم ومعه بشرى وشافوا نغم قايمه)
بشرى: وشفيها نغم قامت تركض
فوزيه: مستحيه
جاسم بأستغراب: مستحيه من شنو ان شاء الله
فوزيه: نغم وافقت تتزوج اخوك
جاسم: واخيرا
فوزيه: اهم شي انها وافقت عاد الحين مابقى الا نقوم بمراسم الزواج
بشرى: ايه يمه بس المفروض تجلسون معاها وتتفقون ع المهر والشبكه وهالسوالف
فوزيه: ايه واحنا مارح ننسى الاصول عمك بيجلس معاها وبيتكلم وياها بكل شي والمهم الحين نبدء بالعرس لازم يكون اسطوري ومن بكره الا اليوم نروح للمؤسسه ونصمم لنا فساتين الفرح
بشرى: المهم ماما مين رح يغني لنا بالفرح لازم فنانه مشهوره .. نبي يارا
فوزيه: يارا اللبانيه
بشرى: ايه يمه صوتها مره حلو
فوزيه: بس انا كنت مقرره اخليها تسوي لنا الاعلان تبع مصنع المجوهرات
بشرى: عادي تغني لنا بالفرح وتسوي الاعلان المهم مين بيغني معها
فوزيه: ماادري افكر يابنوال الكويتيه والا احلام ماادري عاد الحين خلينا نشوف الصاله بعدين نقرر
بشرى: ومتى بنسوي العرس
فوزيه: تقريبا بعد شهر على ماتتجهز العروس ويخلص عرض الازياء اللي عندنا بالمؤسسه عشان يخف الضغط عليك ... ع فكره انتي اهتمي بالمؤسسه وبس اما الفرح خليه علي انا واختك فاطمه
بشرى: واخيرا رح يتزوج رائـــد
/
/
/
/
/
ببيت بومشعل كانت ام مشعل وهيفا وابراهيم جالسين يتابعون تلفزيون بالصاله وتجيهم فرح
فرح: عندي لكم خبر يموت من القهر
هيفا: خير ان شاء الله
فرح: نغم بنت عمي
ام مشعل: وشفيها قليله الحيا
فرح: قليله الحيا هذي بتأخذ رائد ولد عمي وعرسهم بعد شهر
ام مشعل وعصبت: شنـــو ؟ شلون تاخذه وانتي وشدراك
فرح: ابوي توه متصل فيني وقايل لي وعمي بنفسه اتصل فيه وقاله شفتي الحيوانه حظها من السما
ام مشعل: ااااخ يالقهر فاز رائد بالملاييين راحت عليك ياابراهيم وانت بس خلك ورى امريكا والجامعات اللي ماتوكل خبر
ابراهيم: اصلا انا ماكنت بأخذها لاكذا وكذاك والف مبروك لها
هيفا: والله فرحت لها من قلبي
ام مشعل بقهر : اااااخ يالقهر انتو الاثنين تبون تقهروني وحده مملكه من سنه جدي وللحين ماتزوجت والله واعلم ليه والثاني بنت عمه صاحبه الملايين ميته عليه ومومعطيها وجه وراحت عليه الملاين وجالس مقابلني ولاااا موهامه بعد
هيفا: يمه وبعدين وشدخل موضوع زواجي الحين
ام مشعل: اقول انطمي طمك الله .. انتي من سنه جدي ممكله وماادري ليه للحين بوجهي ونغم بنت ابليس عرسها بعد شهر والله كل ماسألوني الحريم عنك ينقص وجهي
هيفا زعلت وقامت
ام مشعل: هذا اللي انتي فالحـه فيه
ابراهيم: يمه وشفيك خفي عالبنت شوي
ام مشعل: اقول انت اسكت لو فيك خير كان خذت نغم وخذت فلوسها بدل ماتروح لرائد كأنهم عاد ناقصين فلوس من كل جهه تقطر عليهم الفلوس يامال الضعفه واحنا مالنا الا الله ثم شركه ابوك ولااا المعرض شراكه مع عمك ونغم وحتى هالدعله ابوك عطاها نصيبها اللي يساوي النص ونصيبها الحين بجيب ولد عمك الله ياخذه ونفتك منه
ابراهيم: وشهالتفكير المادي احنا الحمدلله حالنا احسن من غيرنا والحمدلله موناقصنا شي
فرح: امي تطالع الناس اللي احسن منا اللي هم بيت عمي موالناس اللي اقل منا
ابراهيم: لاتطالعين فوق انتي وامك لاتنكسر رقبكم .. طالعوا على قدكم .. انا قايم قبل مااسمع لي كلمتين تسم البدن مثل ماسويتوا بهيوف(ويروح)
فرح: روحه بلا رده ان شاءالله
ام مشعل: هييي انتي لاتدعين على اخوك
فرح: يمه وشفيك علي يستاهل
ام مشعل: لامايستاهل ابراهيم ولدي ومايستاهل تدعين عليه ادعي على نغم احسن
فرح: وييييه جعلها تموت اليوم قبل بكره قولي امين
ام مشعل: امين الله يسمع منك احس ان ضغطي ارتفع منها
فرح: لاتعصبين يمه بالداهيه الله ياخذها بكره انا اخذ واحد غني اغني من عمي ونغم ويزيدنا وياه غنى
ام مشعل: امييييين الله يسمع منك ع الاقل تبردين حرتي شوي
/
/
/
/
/
وبمــؤسسه الازياء كانت بشرى جالســه بمكتبها ويجيها اتصال من رقم غريب وترد
بشرى: الو هلا والله ايه نعم انا بشرى مين معاي؟
........: انا بغيتك اشوفك واتكلم معك
بشرى: بخصوص شنو؟
.......: بخصوص الريم
بشرى: الريم.؟ بس انا بالدوام الحين
........: مومهم متى اشوفك انتي حددي الوقت والمكان
بشرى: انا مثل ماقلت لك بالدوام ومااقدر اطلع لكن تدرين بعد شوي عندي فتره غدا .. تعالي المؤسسه واشوفك بالكافتيريا
.......: طيب انا رح اجي بعد ربع ساعه
بشرى: وشلون رح اعرفك
...........: معاي وحده تعرفينها عدل
(وبعد ربع ساعه بالكافتيريا كان بشرى جالسه تنتظر وتجي لعندها هاجر مع وحده ماتعرفها)
بشرى: هاجر؟
هاجر: أنا موجايه اتهاوش ولاشي انا جايه مع شجون بنقول لك نصحيه وانتي حره اذا تبين تسمعينها والا لا
بشرى: تفضلوا
(ويجلسون)
شجون: أنا رح ادخل بالموضوع على طول .. انا شجون زوجه رامي السابقه وحبيته واللي تركني عشان هاجر
بشرى: زوجته .. لحظه لحظه الريم بنت
هاجر: الريم شاذه واعتقد انك تعرفين الشي هذا
بشرى: طيب وبعدين
شجون: انا كنت احب الريم بكل حواسي ومااكذب لوقلت اني للحين احبها بس انا موجايه عشان اقولك وشكثر احبها انا جايه عشان احذرك منها
بشرى: تحذريني من شنو؟
هاجر: الريم بالبدايه تدخل لك من باب الصداقه وبعدين الاعجاب وبعدها تسحرك بكلامها ونظراته وابتسامتها وحتى اسلوبها ومو بعيده تقاطع الناس كلها عشانك لين تاخذ منك اللي تبي وترميك رميه الكلاب
بشرى: تاخذ مني اللي تبي وشتقصدين بهالكلام
هاجر: بشرى انتي كبيره وفاهمه قصدي عدل انا وهاجر ضحايا من ضحيات الريم اللي لاتعد ولاتحصى
هاجر: ايه نعم محد طقنا على يدنا وقال لنا سووا اللي سويناه لكن الريم تجيك بأسلوب تقنعك ان اللي تسويه صح
بشرى: طيب وانا وشهالمطلوب منى الحين؟
هاجر: احنا جاين نحذرك منها
بشرى: وانا شلون تبوني اصدق هالكلام هذا؟
هاجر: كنت متوقعه انك مارح تصدقين هالكلام لانك الحين بغيبوبه حبها والاعجاب فيها وماتشوفين غيرها قدامك ولكن تقدرين تسأليني موظفه النظافه هي مره شافتني مع الريم
بشرى: شافتك .. شافتك شلون ووين
هاجر وهي منزله راسها: شافتي بمكتب مسؤوله العارضات بوضع مخل مع الريم حتى بيومها الريم عطتها فلوس عشان تسكتها وتقدرين تسألينها اذا حبيتي
بشرى استغربت وماعلقت
شجون: احنا ماودنا لك الا الخير وماودنا نطيحين بالغلط اللي طحنا فيه قبل .. عموما احنا اللي علينا سويناه والباقي عليك انتي
هاجر: اتمنى انك تاخذين كلامنا بعين الاعتبار وتحذرين منها انتي توك عالبر والريم هذي شيطان بصوره انسـان
/
/
/
/
/
" ايه كل اللي قالوه صدق"
بشرى وجلست عالصوفا منهاره: انا موقادره اصدق اللي اسمعه
الريم وجلست جنبها: صحيح الكلام اللي قالوه ولكن انا موشيطان ولاشي هم اللي طلبوا مني هالشي وهاجر امس كانت عندي وتهدد وتتوعد وقالت اني لو مارجعت لها رح تفضحني عندك والكلام اللي قالته كله مايهمني
بشرى جالسه عالصوفا وماقالت اي شي:.................
الريم: بشرى انا بعمري ماطلبت منك شي والبنات اللي كانوا يجون عندي هم بنفسهم يطلبون مني وانا مااغصب حد على اي شي انا كل نظرتي لك كانت كصديقه وبس واتحدى لو نكرتي هالشي انا ولامره نظرت لك نظره موزينه
بشرى: وهاجر وشجون شنو مصلحتهم من هالكلام
الريم: شجون انا من زمان ماشفتها وماادري عنها شي وهاجر تعرفت عليها بعد شجون وبعدين هاجر هي اللي طلبت مني انا ماطلبت منها شي وكل شي كان يصير براضها وانا اتمنى انك تواجهيني فيها عشان اكشف كذبها
بشرى: شنو تكشفين انتي بنفسك اعترفتي على نفسك
الريم: انا قلت الصدق مالفيت ودرت مثل هاجر وغيرها وبعدين انا مستحيل انظر لك هالنظره وانتي صديقتي وبس وانا تعبت من هالصداقه يابشرى اذا ماودك نستمر اصدقاء انتي حره واذا تبين تواجهيني بهاجر ماعندي مانع اي شي تسوينه وتقولينه رح اسمعه منك بصدر رحب واحترم قرارك
بشرى: ليه كنتي تسوين كذا
الريم: انا مااضرب حد ع يده هي اللي طلبت مني واعتقد انك كنتي عارفه هالشي ولو سألتيني ماكنت رح اقولك لا ... بس بعمري مانظرت لك مثلهم انتي صديقتي وبس
بشرى:أنا كنت شاكه فيك مومتأكده
الريم: وانا قطعت لك شكك باليقين عموما انا قلت لك مهما تقررين رح احترم قرارك
بشرى: انا مخي مشوش وماني قادره افكر انا محتاجه ابعد عنك كم يوم عشان اقرر وشسوي عن اذنك (وتطلع)
ببيت بورائـــد كــانـت نغم جالســه مع عمــها
بورائد: انتي مقتعه بموافقتك يابنتي
نغم وهي منزله عينها الارض:.....................
بورائد: نغم يبه هالموضوع مافيه لاحيا ولامستحا هذا مستقبلك ومافيها شي لوتكلمتي معاي وقلتي لي رايك بكل صراحه
نغم ومارفعت عينها قالت بحيا: مارح الاقي احسن من ولد عمي
بورائد: ونعم التربيه والله يابنت اخوي ... نغم يبه رائد مارح يمنعك من دراستك ورح تسكنين معه ببيتكم .. رائد عنده بيت جنب بيت فاطمه ورح يحط لك خدامه وسواق وطباخه واي شي تبينه قولي لي
نغم: ماتقصر عمي
بورائد: بالنسبه للمـهر فــأختاري المبلغ اللي تبينه وانا مومقصر اما الشبكه فهي هديه من مصنع مجوهرات ام رائد اللي للحين ماانفتح روحي المصنع وخذي اللي تبينه
نغم: شــكــرا
بورائد: لا يبه هذا حقك واقل من حقك بعد .. انتي مستحيه مني ومارح تقولين لي شي لكن انا بخليك تناقشين هالتفاصيل مع فاطمه هي رح تجي اليوم وتكلمي معاها براحتك
نغم: ان شاء الله (وتبوس راس عمها وتطلع من المكتب)
/
/
/
/
/
ببيت مشعل كان جالس عالغدا مع فاطمه
مشعل: ومتى رح تسون العرس
فاطمه: يعني تقريبا بعد شهر
مشعل: قريب حيل يمديكم تجهزون
فاطمه: اي انا وامي من اليوم مستلمين هالموضوع
مشعل: انزين ليش خليتوه قريب كذا
فاطمه: عشان يمديهم يسافرون ويروحون شهر العسل ويرجعون قبل الدراسه
مشعل: الله يوفقهم.. كلمتي امك ع الشغل
فاطمه: اي كلمتها وقلت لها اني ودي استلم الشغل بعد فرح رائد عشان اتفرغ للشغل عدل
مشعل: وطيب ماقالت لك كم الراتب
فاطمه: لا ماتناقشنا بهالتفاصيل
مشعل: طيب اختك كم راتبها
فاطمه: ماادري بس حتى لو اشتغلت من بالبدايه راتبي مارح يكون مثل راتبها لاتنسى انها المديره
مشعل: ايه بس انتي اختها الكبيره
فاطمه: الشغل مايعرف لاكبيره ولاصغيره ان اشتغلت عدل بـأخذ راتب زين عموما انا هالتفاصيل هذي ماتشغلني المهم هو اني اشتغل لاني مليت من قعده البيت.. الا مشعل وشصار على موضوع الخدم
مشعل: ايه بيوصلون ان شاء الله قريب
فاطمه: قريب متى يعني.. أنا هاليومين مشغوله ورح اروح بيت اهلي دايما ومااقدر كل مره اخذ معي الاعيال
مشعل: طيب انا كلمت المكتب وقالوا لي ان شاء الله اخر هالاسبوع بالكثير يوصلون
فاطمه: امين لاني والله تعبت شوي اقابل البيت وشوي هالاعيال وشوي بيت اهلي احس اني تشتت و تعبت
ببيت اهل شهد كانت شهد جالسـه وتسولف مع اختـها هبـــه
هبه: كملتي كل اوراق السفــر
شهد: اي اخو صديقتي ماقصر طلع لي الفيزا وكمل كل اوراقي
هبه: والحين اذا رحتي هناك وين بتسكنين
شهد: سكن الجامعه
هبه: بتسكنين على طول بسكن الجامعه
شهد: ايه ورح احجز من هنا واذا رحت هناك اسكن وادفع لهم
هبه: وأنا دخلت جمعيه على 500 ريال واحنا كثير اللي مشتركين فيها ورح اخذها الثانيه يعني قبل سفرتك بأسبوعين ورح يطلع لي منها مبلغ زين نشتري لك كم غرض من هنا والباقي تاخذينهم معك عشان تمشين حالك بالبدايه
شهد: مشكوره هبه والله اني تعبتك معاي بروح راتبك مايتحمل أنـا أســفـه
هبه: ماعليك من راتبي الحين .. كل كم شهر وتفتح المدارس وارجع للروضه .. الحمدلله انك اخترتي ولايه رخيصه نقدر ندبر امورنا شوي .. بس تصدقين شهد تمنيت لو ان ابوي الله يرحمه معانا عشان يشوفك وانتي رايحه لامريكا تاخذين الشهاده وترفعين راسه
شهد: الله يرحمه اكيد الحين مستانس يارب تمر هالسنين بسرعه وارجع للسعوديه ومعاي الشهاده واتوظف عاد تدرين اول شي رح اسويه رح اخذ لنا بيت على طووووول
هبه: ههههههههه يحليلك ياشهود .. أنتي ماعليك الا تروحين هناك وترفعين راسنا وتذاكرين وبس
/
/
/
/
ببيت بورائد راحت فاطمه لعند اهلها وجلست مع نغم بغرفتها
فاطمه وتسلم على نغم: الف الف مبروك
نغم بخجل: الله يبارك فيك
فاطمه: وي فديت الحيا والله
نغم: فاطمه عاد انا استحي خلااص
فاطمه: المهم الحين تفضلي (وتعطيها شنطه فيها المهر)
نغم: شنو هذا؟
فاطمه: مهرك 200 الف ريال واذا تبين اكثر قولي من حقك
نغم: 200 الف ايه بس هذا كثير
فاطمه: لاكثير ولاشي هذا حقك واقل من حقك بعد وبعدين من اليوم ورايح مافي شي يغلى عليك
نغم: بصراحه احرجتني
فاطمه: لااحرجتك ولاشي قلت لك هذا حقك ومايصير تتنازلين عنه .. المهم انتي تدرين ان الفرح قريب
نغم: ايه ادري عمي قالي
فاطمه: وشرايك بالموعد
نغم: زين عشان قبل الدراسه لاني ابي افضى وقت الدراسـه
فاطمه: طيب وين تبين تقضين شهر العسل
نغم: ماادري عادي ماتفرق وياي
فاطمه: لا يبه انا بقولك من الحين .. تشرطي على اخوي وطلعي عيونه بعد
نغم ابتسمت بحيا: عادي والله ماتفرق معاي .. انتي شرايك؟
فاطمه: مومهم رايي المهم انتي وين تحبين تروحين يعني انا اشوف ان اروروبا احسن مكان لشهر العسل والا احد هالجزر اللي طايحين عليها
نغم: مدري
فاطمه: طيب اجلسي انتي ورائد واتفقوا
نغم ووجهها حمر: لالا ماله داعي مثل ماقلتي اروروبا .. بس ممكن اسألك سؤال
فاطمه: قولي
نغم: رائد شلون قرر يتزوجني .. يعني اقصد هو اختارني بنفسه والا انتو رشحتوني له
فاطمه(وشهالسؤال اللي موعالبال ولاعالخاطر): ......
نغم: فطوم فطوم
فاطمه وتغير الموضوع: هااه .. معاك معك المهم الحين قومي لبسي عشان نروح للمؤسسه نصمم فستان الفرح وكم فستان للعروس وبنات عم العروس
نغم: اوكي دقيقه بس البس عبايتي واجي
ببيت رائد كان جالس لحــالـــه .. وبغرفه النوم ويتذكر اريج
رائد: معقوله هالبيت تدخله انسانه ثانيه غير اريج وينك يااريج ... ياترى وشصاير معاك بس ابي افهم وشلون قدرتي تنسيني بهالسهوله ... الله يسامحك وين ماكنتي
مــــر هالشـــهــر سريع على الكل ... الكل كان متحمس للعرس وفوزيه تمشي بكل مكان وتقول ان هالعرس اسطوري ... وام مشعل وفرح ميتين قهر عشان نغم راحت عليهم .. رائد يحس نفسه مثل الضايع ومسير وليس مخير ويجامل الكل والابتسامه ماعادت تشوف وجــهــه ... نغم كانت مثل كل عروس فرحانه وخايفه وحزينه شوي تتمنى لو ان امها او ابوها كانوا معاها بنفس هاليون ولكن فاطمه وفوزيه وبشرى وحتى هيفا كانوا مثل الاهل لهــا وماتركوها تحس باليتم ولكن مع ذلك كانت مكسوره بس مابينت .. مر هالشهر سريع ع الكل وبيـــوم العرس وتحديدا ببيت بورائـــد كانت نغم نايمه بغرفتها وتجي عندها بشرى وتصحيها
بشرى وهي تفتح الستاره : صباح الخير يااحلا عروس بالممكله
نغم وهي تقوم بصعوبه : صباح النور .. كم الساعه؟
بشرى: الحين الساعه 11الصبح قومي ياكسلانه وراك يوم طويل
نغم: توا الناس بدري
بشرى: اي توا الناس قومي افطري الحين شوي ويجي الشيخ عشـان تملكون وبعدها بنروح الفندق مافي وقت
نغم: بشرى
بشرى: نعم
نغم: احس اني ميته من الخوف
بشرى: عادي هذا شعور طبيعي
نغم: ياسلام شعور طبيعي ينقال لك جربيته يعني؟
بشرى: ههههههههههه والله رايقه تنكتين .. يالله قومي عشان نفطر
نغم: طيب الحين بقوم (وتقوم وتروح للتواليت عزكم الله)
بشرى وجلست عالصوفا وقالت بخاطرها: اليوم فرح اخوي .. وانا ماعزمت الريم .. هي صحيح طلعت ... بس انا كل علاقتي معاها صداقه وبس وهي من يوم اللي صار ماكلمتني ولامره .. انا بتصل فيها وبعزمها لعرس اخوي مهما صار هي ماضرتني بشي وانا مارح اسمح لها بأي شي
(وتتصل)
بشرى: الو هلا الريم
الريم وتوها صاحيه من النوم: هلابشرى صباح الخير
بشرى: اممم صحيتك من النوم
الريم: لاعادي
بشرى: طيب اليوم عندك شي .. اقصد يعني بتطلعين مكان بتروحين مكان
الريم: لا مارح اروح مكان ليش؟
بشرى: ادري انـها جات متأخره ومتأخره حيل بعد بس ياليت لو تجين عرس اخوي اليوم
الريم: اليـــوم عرس رائد
بشرى: ايه
الريم: مارح اعاتبك ولااقولك ليه ماعزمتني المهم انك ذكرتيني بهاليوم
بشرى واستانست: يعني بتحضرين؟
الريم: وانا اقدر ارد لك طلب
بشرى: مشكوره ريوم .. طيب قولي لي بتجين لحالك والا معاك حد
الريم: لحالي ليه؟
بشرى: خلاص انا رح ارسل لك الحين بطاقه الدعوه مع السواق .. طيب اخليك الحين باي
(وتجي الخدامه)
الخدامه: ماما بشرى بابا تحت قول ماما نغم يجي الحين عشان كلو يفطر سوى
بشرى: اوكي اوكي (وتطلع نغم من التواليت)
نغم: انتي للحين هنا
بشرى: ايه ومالك مفر مني انا رح اجلس معاك طول اليوم والحين امشي تحت الكل ينتظرنا تحت
نغم وهي خايفه: الحين
بشرى: ايه الحين
نغم: طيب روحي وانا بلحقك
بشرى: اوكي(وتطلع اما نغم راحت للدرج وطلعت صوره رائد
نغم تطالع بالصوره وقالت: معقوله رائد يكون اختارني مثل ماقالت عمتي فوزيه
::
::
::
ببيت بومشعل .. كانوا جالسين عالفطور كلهم ماعدا بومشعل
هيفا: ابراهيم واللي يعافيك اول ماتخلص فطور ابيك توديني بيت عمي
ابراهيم: طيب اوكي .. بس ياليت لوتقومين من الحين لاني خلصت
هيفا: اوكي بروح اغسل والبس عبايتي
فرح: مالها داعي روحتك لبيت عمي
هيفا: واجبي وبعدين انا ونغم صديقات الحين ولازم اكون معاها بهاليوم
فرح: الا والصداقه اللي مدري شلون طلعت
ابراهيم: هيفا انا انتظرك بالسياره (ويقوم وتقوم وراه هيفا)
فرح: يمه ماادري وش مسويه لهم هالنغم الله لايبارك فيها
ام مشعل: مالت عليها الا مالت عليها جعلها تتطلق قولي امين
فرح: امييين يارب العالمين ياكرهي لها .. حظها من السما .. تدرين ان احلام واصاله ويارا بيغنون لها بعرسها .. ولا اللي بتقدم لها الحفل الممثله المشهوره ميساء مغربي وشهر العسل بتقضيه بأيطاليا ااااخ يالقهر
ام مشعل: حسبي الله عليها هي من وين كانت تحلم بهذا كله جعلها ماتتهنى
فرح: يارب يطلع العرس بايخ واكون اول من يتشمت فيها يارب
ام مشعل: بيت عمك عندهم فلوس تغطي الشمس ويحبون يفشرون فيها .. حسبي الله عليهم حتى بعرس بنتهم نص التكاليف كانت عليهم وسووا شي وشويات بس بعرس ولدهم مبدعين اكثر
فرح: اكيد بيبدعون عشان عرس بنتهم الناس ان تكلموا قالوا ان احـنا اللي جبنا وسوينا لكن بعرس ولدهم بيقولون انهم هم اللي سووا كل شي .. هالعرس الناس بتقعد تتكلم فيه سنه
ام مشعل: وهذا اللي تبيه مرت عمك لكن ان شاء الله يكون من اخس العروس عشان من جد الناس تتكلم فيه سنه
فرح وترفع يدها تدعي: اميييين الله يسمع منك يمـه
أما ببيت بورائد وتحديدا بالمجلس كان الكل متواجد .. ورائد ماله خلق شي وخذ اخوه جاسم على جنب وجلس يكلمه
رائد: جاسم انا تسرعت
جاسم بأستغراب: تسرعت وشتقصد يعني
رائد: امي وابوي ضغطوا وانا وافقت عشان بس اثبت لهم اني مواناني وتوقعت بنت عمي ترفض بس للأسف وافقت
جاسم وهو معصب بس ماسك نفسه: طيب انت الحين ليش قاعد تقول لي هالكلام الشيخ الحين بالطريق واليوم عرسك ومافي اي مجال للرفض
رائـد: انا مااحبها حاولت احبها وماقدرت احس انها مثل اختي بشرى نغم اختي الصغيره وانا مايصير اتزوج اختي
جاسم: رائد لاتجنني نغم مواختك نغم بنت عمك وخطيبتك وانت دام انك قلت موافق من البدايه خلك قد كلامك
رائد: انا قلت رايي بدون تفكير واهلي ماصدقوا على الله
جاسم: كان عندك شهر كامل ليش ماتكلمت وليش مانطقت الحين جاي تتكلم لمى مابقى على وصول الشيخ شي
رائد: انا كل مره المح لابوي فيها يسوي نفسه موفاهم ولمى قررت اني اكلمه لقيت انه مكلم نص رجال الاعمال وعازمهم على عرسي وماحبيت احرجه قدامهم
جاسم: والحين ناوي تحرجه قدام عمي وكبار العايله وتقول له اسف يبه انا تسرعت بهالقرار ونغم اختي ومااقدر اتزوجها وتشمت الناس فينا .. حرام عليك يارائد امي وابوي خاسرين بزواجك هذا ملايين وامي حالفه تخلي عرسك اسطوري وفيه ناس كثير من معارفنا جايين من جميع مناطق المملكه ومن برى المملكه بعد وابوي شايف نفسه فيك وكل مااحد ناده بورائد يرفع راسه فيك والحين تقول لي تسرعت
رائد: ياجاسم افهمني انا ماابي اهدم حياتي عشان هالكلام اللي قلته ... الكلام اللي انت قلته على عيني وراسي من فوق لكن هذي حياتي وانا اللي رح اعيشها وهالملايين اللي انصرفت ورح تنصرف مارح تشتري لي السعاده.. وكل هالحضور ماجاين عشان سواد عيوني جايين عشان هالعرس الاسطوري مثل ماتقول ولاحتى مهتمين بسعادتي.. انا مااحب نغم .. حاولت احبها ماقدرت والله العظيم ماقدرت وشلون احب او حتى اتزوج اختي ..
جاسم وهي بقمه غضبه بس مقصر صوته: نغم مواختك للمره المليون اقولك انها موأخـتـك وكلامك اللي قلته هذا كله انساه وفكر بزواجك وبس
رائد: تقصد افكر بتعاستي .. انا مااشوف نغم غير انها اختي وبس .. أنـا مااقدر اتزوجها ياجاسم مااقدر
( أنــتـــهـــى الجـــــزء الـثــالـث عـشـر)
هـــأأأي ... سوري ع التـــأخـــير ومــشـــكوريـــن ع ردودكم وتعليقاكم الحلوه والحين اخليكم مع البارت اللي بعده
(الجزء الـرابـع عــشـــر )
part14
رائد: ياجاسم افهمني انا ماابي اهدم حياتي عشان هالكلام اللي قلته ... الكلام اللي انت قلته على عيني وراسي من فوق لكن هذي حياتي وانا اللي رح اعيشها وهالملايين اللي انصرفت ورح تنصرف مارح تشتري لي السعاده.. وكل هالحضور ماجاين عشان سواد عيوني جايين عشان هالعرس الاسطوري مثل ماتقول ولاحتى مهتمين بسعادتي.. انا مااحب نغم .. حاولت احبها ماقدرت والله العظيم ماقدرت وشلون احب او حتى اتزوج اختي ..
جاسم وهي بقمه غضبه بس مقصر صوته: نغم مواختك للمره المليون اقولك انها موأخـتـك وكلامك اللي قلته هذا كله انساه وفكر بزواجك وبس
رائد: تقصد افكر بتعاستي .. انا مااشوف نغم غير انها اختي وبس .. أنـا مااقدر اتزوجها ياجاسم مااقدر
(ويجي ابراهيم)
ابراهيم: يلا جاء الشيخ يلا ياعريس
جاسم ورائد:........................
ابراهيم: وشفيكـم؟
جاسم: مافينا شي يلا جاين
ابراهيم: طيب انا سابقكم(ويروح)
جاسم: هااه بتروح تكتب كتابك والا ماتقدر تتزوج اختك ؟
رائد: تتطنز
جاسم: ايه اتطنز ... ممكن تتفضل الرجاجيل ينتظروننا
رائد بقله حيله: للأسف حتى انت ياجاسم يهمك برستيجنا قدام الناس ومااحد فيكم متهم بسعادتي
جاسم: هالكلام هذا فات اوانه فكر ببرستيجنا وبــس يلا امش (ويروحون)
/
/
/
/
/
أمـــا بــاللــيــل وتــحــديـــدا بــالعرس ... الساعه تسع ليلا كان الكل متواجد والعرس ماشي من احسن مايكون وفعلا كان خيــالــي ..
(نبذه عن اناقتهم وكشختهم))
بشرى: فستان كرتواز بدون اكمام وضيق ع جسمها وفيه شويه شك .. وطبعا من تصميم احدى مصممات المؤسسه .. وشعرها مسويه تسريحه كيرلي ومكياج ناعم تحت انامل الخبير بسام فتوح
فاطمه: فستان طويل احمر مليان شك وكات والظهر كله برى وفتحه صغيره عند الصدر .. وشعرها مسويه له تسحريه هادئه .. وميك اب خليجي تحت اشراف بسام فتوح وفستانها من تصميم احدى مصممات المؤسسه
ام رائد:فستان فستقي قصير وفتحه عند الصدر والظهر ولاكأنها ام المعرس .. وشعرها فاتحته وصاير ع كتفها وميك اب ناعم وصايره كأنها بنت 28 ولاكأنها ام المعرس
هيفا: فستان طويل اخضر حرير وبدون اكمام وشعرها تسريحه نص شعرها مرفوع وميك اب خفيف
فرح: فستان قصير جدا فضي ومليان شك ونص الظهر والصدر طالع وشعرها مسويه استشوار وصاير مفتوح عشوائي ومكياج خجليجي حلو وصبغت شعرها بني فاتح وخصل اشقر عشان تصير مختلفه عن اختها اللي شعرها اسود
ام مشعل: جلايبه كيوت عاديه من اليشمك .. وبدون ميك اب ورافعه شعرها
الكل كان كاشخ ومبسوط واللي قاعد ينتقد يعني كلن بحاله وع طاوله كبار الشخصيات كانت بشرى جالسه مع سيدات الاعمال هي وامها واختها وتدخل الريم وتروح لها
( الريم لابسه بدله رسميه ع جينز .. وجاكيت اسود بدون كرافته وكل اللي يشوفها يعرف انها بويه )
بشرى: هااي ريوم .. سوري اقصد رامي
الريم: اهلين انسه بشرى .. شكلك بيرفكت مره كيوت
بشرى : ثانكس وانت شكلك مره بوي
الريم: انا بين الاثنين .. اوووه اصاله تغني .. اموت على اغنيتها
بشرى: طيب امشي نروح نرقص لانها شوي وتخلص فقرتها وتروح (ويروحون)
(وع طاوله فرح وامها )
فرح: قطييييعه يمه عرسهم يجنن
ام مشعل: اي والله حتى معازيهم هاي كلاس
فرح: ههههههههههه
ام مشعل: وشفيك تضحكين؟
فرح: تعرفين الهاي كلاس يمه طلعتي مب سهله
ام مشعل: وليه واللي يعرفون الهاي كلاس احسن مني
فرح: لا مواحسن .. عموما يمه انا صديقتي جات بروح امشي معاها
ام مشعل: وتبيني اجلس لحالي؟
فرح: يمه من جدك خليني اروح واتمشي واترقص يمكن حد من هالاغنياء يخطبني وبعدين انتي موصغيره روحي وجلسي بنفس طاوله ام رائد
ام مشعل بخبث: اي والله معاك حق بروح اقعد معاهم واسمع سوالفهم وانتي قومي رقصي ان شاء الله تعجبين حد من هالملونيريه ونفتك من خشتك
فرح: امييين الله يسمع منك (وتروح تسلم على نجلا)
نجلا: هاااي
فرح: هلا نجول شلونك
نجلا: تمااام انتي اللي شلونك
فرح: زينــه
نجلا بــأستغراب وفرح: لالالا
فرح: وشفيك
نجلا: هذي اصاله اللي تغني؟
فرح: ايه ليه؟
نجلا: بروح اسلم عليها واصور معاها
فرح: التصوير ممنوع الحين تشوفك وحده من هالبودي غارد وتاخذ موبايلك
نجلا: طيب تعالي معي افسخ عبايتي ونروح نرقص
فرح: طيب يلا
نجلا وتوقف: هذي ميساء مغربي
فرح: ايه مقدمه الحفل
نجلا: وااوووو احس اني بعرس هاي كلاس .. والله وصبرت ونالت هالنغم موانتي مالك عليك كان حطيتي عينك على هالرائد
فرح: وييييع مابقى الا هو ماادانيه
نجلا: ماعندك سالفه .. الا ماعنده اخو
فرح: الا عنده انتي وشسالفتك بنكمل سوالف هنا
نجلا: لا لا امشي يلا وكلميني عن اخو رائد خلني اضبطه هههه (ويروحون)
(وبغرفه العروس .. كانت نغم جالسه ومعها هيفا وفاطمه)
فاطمه: هاااي .. شلونك ياعروس
نغم بخجل: هااه زينه
فاطمه: لاااا ... انتي اليوم مرتبكه وحالتك حاله ترى مابقى شي عالزفه
هيفا: ايه بس نوال لسى ماغنت
فاطمه: نوال رح تغني وقت الزفه وبعدها واخر الليل رح تغني يارا
هيفا: فطوم شفتي امي
فاطمه: ايه شفتها وجالسه معانا بنفس الطاوله
نغم: هيوف نزلي القاعه .. سوري ادري اني عطلتك
فاطمه: لاعطلتيني ولاشي عادي وبعدين مابقى عالزفه الا نص ساعه .. الا فطوم مين بيدخل مع المعرس
فاطمه: ابوي وعمي وجسوم واخوانك
هيفا: يعني العايله الكريمه(وتدخل فرح مع نجلا)
فرح: هاي قيلز
هيفا: اهلين
فاطمه بدون نفس: هلا
فرح: وشدعوه ياعروس ترى رد السلام واجب
نغم: رد السلام مو رد الهاي
نجلا: وييييه قطيعه وشفيها عروسكم ثقيله طينه
هيفا: نجلا احترمي نفسك ماله داعي لهالكلام
نجلا: هدي اعصابك وانا شقلت ماقلت شي لهذا كله
فاطمه: انتو جايين تباركون والا تتطمشون وترمون حكي بايخ وتمشون
فرح: اعوذ بالله منكم موراضين تصفون النيه .. ولاكأنكم بنات عمي حتى اختي قلبتوها علي
نغم: ماله داعي لهالكلام يافرح مهما كان انتي بنت عمي وانا نسيت الماضي خلاص
فرح بوقاحه: ايه لازم تنسيه وكل الماضي بعد وخاصه الماضي الاسود الاليم منه .. عموما الف مبروك
نغم طالعتها بنص عين وماعلقت
هيفا: حركاتك هذي يافرح سخيفه ... وانتي باركتي وخلاص ممكن تتفضلين
فرح: طيب ياهيفا حسابي معك بالبيت (وتطلع هي ونجلا)
نجلا: وشفيها اختك كريهه
فرح: مسويه مثاليه خليها تولي مالت عليها (ويروحون للقاعه)
(( ووقـــت الـــزفـــــة بغرفه العروس يدخل بومشعل))
بومشعل ويسلم على نغم: الف مبروك يابنتي
نغم بحيا بدون ماترفع عيونها: الله يبارك فيك عمي
فاطمه: عمي بعد خمس دقايق بالضبط ابيك تدخل مع نغم عشان الحين بالقاعه ابوي دخل مع رائد وبعدين تجي انت وتقدم نغم لرائد اوكي عمي
بومشعل: ان شاء الله
فاطمه: اوكي انا بروح القاعه الحين (وتروح)
(وبالقاعه))
دخلت نغم مع عمـــهــا وكل الانــظار موجــهه لها ونغم من الحيا تطالع بالارض ومارفعت عينها
بومشعل: نغم شوفي قدامك يبه لاتطحين
نغم من التوتر هزت راسها بالايجاب وماقلت شي ..
(( وكانت المطربه تغني لهم هالاغنيه))نحط اغنيه
ويوصل بومشعل وبنت اخوه للكوشــهـ .. ويسلم نغم لرائد
بومشعل: حطها بعيونك يبه نغم امانه عندك
رائد وماله خلقهم: لاتوصي عمي
فاطمه ولاحظت اخوها بس مشتها وسلمت عليه وقالت: مبروك رائد
رائد: .........
جاسم قال لاخوه بهمس: طيب ابتسم ع الاقل عشان الفيديو
رائد: حتى هذي بعد تبوني اسويها غصب
جاسم: انت مافي فايده منك خلك ساكت احسن
(وتخلص اغنيه الزفه)
بشرى: مبروك رائد مبروك نغم
(وتجي فرح وتسلم ع رائد ونغم ويسحبها ابراهيم ع جنب)
ابراهيم: وين حجابك والا ع شالك
فرح: خير خير ان شاء الله وانت من متى تدقق ع هالامور
ابراهيم: فستانك قصير وجايه بدون عبايه ولاحتى حجاب موكأنك مسختيها ابراهيم ورائد هنا
فرح: رائد معرس ومو فاضي لي وجاسم مثل اخوي وبعدين لاتتشطر على شوف هيفا الا موحاطه غير الحجاب
ابراهيم: فستانها ساتر مومثلك يلا انزلي من الكوشه
فرح: زين بس بوريك بالبيت ان ماعلمت عليك امي(وتروح)
ابراهيم بخاطره(هالخراب اللي انتي فيه كله من امك)
ام رائد وتروح عند بورائد: شفت ولدك فشلنا عند الناس كأنه بعزا الحين شقول حق صديقاتي وسيدات المجتمع
بورائد: قولي لهم مستحي
ام رائد: شنو .. تتطنز
بورائد: ياشيخه مشيها بس اليوم
ام رائد: طيب يصير خير .. الحين بقول للمطربه تغني اغنيه وبعدها تروحون .. عشان تجي يارا وتغني للمعاريس .. لان ولدك مارح يمشي الحين لازم ينتظر شوي لين تجي المطربه الثانيه فيه اغنيه خاصه لهم
(وتغني لهم نوال مجموعه من اغانيها الحلوه ويرقصون عليها رجال العايله ويطلعون وتغني يارا اغنيتها الرومانسيه الخاصه للعروسين)
فاطمه تقول لرائد بهمس: رائد ياليت لوتقوم ترقص مع زوجتك عشاننا قاعدين نصور
رائد: مالي خلق
فاطمه: رائد وشفيك هذا عشان برستيجنا قدام الناس وبعدين المطربه غنت والمصوره تصور يلا رائد الناس يطالعون
رائد بدون نفس قال لاخته همس: الله لايسامحكم (ويقوم يرقص ونغم مسكينه تفكر رائد من جد يحبها ويرقص معها عشانها)
اما فاطمه نزلت من الكوشه وهي معصبه من اخوها وراحت عند امها
فاطمه: يمه ولدك هذا يبي له حد يوقفه عند حده
فوزيه: لاتضغطين عليه يافطوم كثر الضغط يولد الانفجار
فاطمه: يمه من جدك اصلا باين من وجهه انه مغصوب ع العرس فشلنا
فوزيه: ماعليك منه باين والا لا مومهم المهم انه جاء ومافشلنا
فاطمه: ليه كان ناوي يسويها؟
فوزيه: ايه اليوم ماكان وده يكتب كتابه لو ماان جاسم اصر عليه .. فـ خليه ع راحته لاتضغطين عليه
فاطمه: ويييه الله يفشله اجل زين منه انه جاء مااقول الا الله يعين نغم عليه
فوزيه: ماعليك منها بتتعود عليه .. امشي تعالي نسلم على ام انور
فاطمه: مين هذي بعد
فوزيه: هذي زوجـها سفير وجات من اروروبا عشان عرس اخوك وتوها واصله امشي نرحب فيها
فاطمه: يلا (ويروحون)
اما عالكوشه كان رائد يرقص رقصه رومانسيه مع نغم ونغم من الحيا ماطالعت فيه اما هو باين عليه انه ماله خلقها (وبجهه بشرى والريم)
الريم: وشفيه اخوك ماله خلق العروس
بشرى وتوهقت: هاااه منحرج
الريم: اي منحرج شكله جاي غصب
بشرى وزعلت: وشهالكلام يارامي
الريم: لاتزعلين مني بس كل الحضور يقولون هالشي اخوك باين عليه جاي غصب
بشرى : رائد لمى يكون منحرج تعابير وجهه تخونه(خوش تصريفه)
الريم: وانا ماعلي منه علي من اخته
بشرى بأستغراب: وشقصدك؟
الريم: طالعه موت اليوم اول مره اشوفك كذا انت بدون ميك اب قمر والحين مع الميك اب ملاك ماشاء الله
بشرى وانحرجت: يــسلــمووا
(وتجي لعندها فاطمه)
فاطمه: بشرى تعالي شوي
بشرى: هاااه فطوم وشفيك؟
فاطمه: مين هذي اللي جالسه معها
بشرى: صديقتي ليه؟
فاطمه: وشفيه شكلها كذا؟
بشرى: هذا ستايلها ماعليك منها كل واحد ينام ع الجنب اللي يريحه
فاطمه: وهذي وين تعرفتي عليها؟
بشرى: خير ان شاء مدام فطوم تحقيق هو والا ناويه تختارين لي صديقاتي
فاطمه: زين زين هدي اعصابك .. المهم تعالي معي نروح نسلم على صديقات امي
بشرى: زين قبل مانروح متى تخلص زفه اخوك
فاطمه: بعد هالاغنيه بيمشون ليه؟
بشرى: احسن لان اخوك فشلنا كل اللي بالقاعه يقولون انه باين عليه مغصوب
فاطمه: اي والله فشلنا .. انا وامي كننا مسوين حركات اكثر من كذا بس وجه اخوك مايساعد عموما امشي معاي عشـان نروح نسلم ع الحريم..
(وخلصت زفه المعاريس وطلعوا بحدود الساعه 2 صباحا .. اما العرس فكان توه ببدايته وماانتــهى الا ساعات الصباح الاولى بعد فطورا المعازيم وطلعوا وفعلا كان عرس اسطوري كـأنه يوم من ايام الف ليله وليله وكانت الشرقيه كلها تتكلم عنه....)
/
/
/
/
/
أمـــا المــعاريـــس نزلــوا بالجناح الرئيسي جناح شهر العسل بنفس الفندق ..
(وبجنــاح المعاريــس )
دخل رائد وجلس عالصوفا وكانت نغم مقابلته
رائد : نغم
نغم بدون ماترفع عينها وبصوت بالكاد ينسمع: نعم
رائد(ومستحيه بعد كأني فاضي لها) رائد ممكن تطالعين فيني ابي اكلمك بموضوع جد
نغم بدون ماترفع عيونها: عادي قولي وشعندك اسمعك
رائد: نغم .. احنا بكره ورانا سفره من بالليل وانا حدي تعبان من هاليوم الطويل وبنام .. انتي نامي بغرفه النوم وانا بنام بالصالون .. وانتي .. انتي مثل اختي مارح يصير بيني وبينك اي شي
نغم حست نفسها مثل المصدومه وقالت بصوت مخنوق: مافهمت
رائد: زواجنا ع الورق وقدام الناس بس عشان برستيج العايله
نغم دارت دموعها قبل ماتنزل وقالت بدون ماتطالعه: بــس امك قالت
رائد يقاطعها: امي وابوي واخواني ياليت لومايدرون بالموضوع هذا الموضوع بيني وبينك .. لاتنسين ان برستيج العايله اهم من كل شي
نغم : ممكن اسألك سؤال
رائد: تفضلي
نغم: انت تزوجتني عشاني والا عشان برستيج العايله؟
رائد: اكيد عشان برستيج العايله وامي هي اللي رشحتك (نغم عيونها دمعتك بدون ماتحس)
رائد: اسف نغم مااقصد اجرحك بس بنفس الوقت ماودي اكذب عليك .. انا بنام بالصاله تصبحين ع خير (ويروح ومايعطي نغم مجال للرد .. اما نغم حست بالذل والاهانه ودخلت للغرفه تبكي بحراره ورمت نفسها عالسرير)
نغم: ياربي انا وشللي يصير فيني ... أستغفر الله العظيم .. هالليله المفروض تكون ليله العمر وماانساها .. فعلا مارح انساها ليله العمر هذي ماحد معي لاام ولا اب ولاحتى زوج .. رومت نفسها ع السرير ونامت حتى بدون ماتغير فستانها اما رائد طنشها ولاكأن شي صار وكل اللي كان يفكر فيه اريج حط راسه ع الصوفا ونام وهو يفكر فيها
/
/
/
/
/
الــســاعـــهـ 8 صبــاحــا ببيت ام رائد كانوا توهم جاين من العرس وكانت فاطمه وياهم
بشرى: تصبحون ع خير رايحه انام
ام رائد: وانتي من اهله.. انا بعد بروح انام
فاطمه: انتظري يمه شوي بغيتك
ام رائد: وشفيك
فاطمه: تعالي نجلس شوي
ام رائد: سالفتك طويله
فاطمه: لاطويله ولاشي بس موحلو نسولف واحنا واقفين (ويجلسون ع الصوفا)
ام رائد: طيب قولي وشعندك فيني نوم
فاطمه: يمه شفتي حركات ولدك اليوم كلش موزينه
ام رائد: طيب
فاطمه: يمه باين انه مغصوب ع نغم والله حرام نغم ماتستاهل هذا كله
ام رائد: ماعليك منه
فاطمه: وشلون يمه ماعلي منه ونغم مسكينه وش ذنبها بهذا كلــه
ام رائد: لاتحاتين انا متأكده انه رح يعاملها زين
فاطمه: وانتي شللي يخليك متأكده وبعدين شلون يعاملها زين وهو مو طايق يطالعها بالعرس
ام رائد: انتي تثقين بأمك واللي تقوله امك هو اللي رح يصير تطمني
فاطمه: يعني ارقد وامن
ام رائد بخاطرها(مع الحجاب اللي سويته لاخوك لازم ترقدين وتامنين)
فاطمه: يمه يمه
ام رائد: هاااه ايه ايه تطمني والحين خليني انام تعبانه حيييل من العرس
فاطمه: اوكي يمه تصبحين ع خير وانا بعد بروح انام مره تعبانه (ويروحون)
.... الســـاعه 4 عـــصــرا بجناح العروسين قامت نغم وكانت نايمه بغرفتها..
نغم: اوووف نمت بفستاني (وتطالع الساعه) اربع اوووف تاخرت بالنوم .. خلني اقوم واغير فستاني واطلب لي شي مره جووعانه (وتغير فستانها وتفك تسريحتها وتلبس بيجامه بيضا كيوت وتوقف تطالع نفسها بالمرايا)
نغم وهي تمشط شعرها: ياربي ليش رائد يسوي معاي كذا وشقصده .. انا لازم استفسر منه ليش يسوي معاي كذا .. ولااا امه تقولي ولدي رح ياخذك ويسعدك الظاهر انه رح يعقدني معاه .. يعني انا والله موفاهمه ليش يسوي كذا معاي ؟ (وتطلع للصــالــه وكان رائد جالس يطالع التلفزيون)
نغم: مساء الخير
رائد: مساء النور .. تبيني اطلب غدا لان طيارتنا بعد المغرب
نغم: اوكي (وتجلس عالصوفا )
رائد يكلم الروم سيرفس ويطلب غدا
نغم: رائد ممكن اسألك سؤال؟
رائد بدون مايطالعها: قولي
نغم: لاتظن ان جريئه او مااستحي او
رائد: قولي اللي تبينه مارح اظن شي
نغم: ليش تزوجتني؟
رائد: ماادري
نغم: شنو .. شلون يعني ماتدري؟
رائد: نغم انا مااعرفك زين .. ولاحتى كنت اشوفك من قبل يعني طفولتك كنتي بلندن وماتجين غير بالمناسبات ومااشوفك وحتى يوم كنتي ببيت عمي ماكنت اشوفك بالمره اصلا انا مااروح بيت عمي ... بالعربي ماادري ليش امي اختارتك لي
نغم: يعني انت مااخترتني
رائد: لا ولاخطرتي ببالي انا اشوفك مثل بشرى وفطوم بس
نغم وحست بالاهانه: ودام اني مثل اختك ليش تزوجتني .. عرفت ان امك اختارتني بس لمى تختار عروس المستقبل لازم تكون مقتنع فيها انت موصغير عشان امك تختار لك نمط حياتك
رائد: هدي اعصابك ليش عصبتي ؟ احنا قاعدين تناقش والاختلاف بالراي لايفسد للود قضيه صح
نغم: صح بس اللي يشوفك وانت تتكلم وتتفلسف مايقول ان امك تمشيك على كيفها
رائد: انا احترم امي فقط لااقل ولااكثر
نغم: وتتوقع اني رح اقبل بهالزواج
رائد: انتي حره تقدرين تقبلين او ترفضين
نغم(شايف نفسه): يعني لو اقولك طلقني بتطلقني
رائد: ماعندي مانع .. بس صعبه اطلقك من اول ليله الناس شنو رح تقول موحلوه بحقك يابنت عمي
نغم: اسمع يارائد انت شايف نفسك وانا مارح اسمح لك تعاملني بهالطريقه
رائد: انا موشايف نفسي وعموما انا عاذرك لان تأثير الصدمه مره كبير عليك
نغم وعصبت: انت مين تفكر نفسك وعلى شنو شايف حالك؟
رائد: لوسمحتي لاتصرخين انا الرجال هـنا .. وبعدين سمعي انا ماابي اجرحك ومهما يصير رح تضلين اختي الصغيره .. بس لاتغلطين علي ولاتطولين صوتك فاهمه.. واذا كنتي تفكرين بالطلاق او اي شي غيره انا ماعندي مانع بس فكري فيها برستيجك قدام الناس شنو رح تقول اذا تطلقتي من اول يوم كلام الناس مايرحم
نغم: لاانت ولاكلام الناس تهموني انا طول عمري اسمع الناس ومااستفدت شي منهم ولامن كلامهم .. اسمعني يااخوي الكبير .. انا معي ثروه ولله الحمد تعيشني طول عمري وماني بحاجتك ولابحاجه هالناس .. بس مثل ماقلت الناس ماترحم .. عموما انا موميته عليك تبي نصير اخوان بسيطه ماعندي مانع نصير اخوان بيننا وبين بعض وقدام الناس واهلنا قبل الناس نمثل دور الزوجين الطبيعين لفتره محدده بس وبعدها نتطلق
رائد وعجبه تفكيرها: يعجبني تفكيرك تفهمين علي .. عموما حددي الفتره اللي تبينها وانا موافق على كل كلامك ..
نغم وعصبت وقالت: اوووووف (وراحت للغرفه)
رائد: الحمدلله والشكر (ويقول بصوت عالي) نغم تعالي تغدي وصل الغدا (ويفتح الباب ويدخل الغدا)
وبالغرفه
نغم: ياربي شفيه هذا احس اني جالسه بتحدي انا موقده .. لكن مسوي فيها توم كروز يعني ويفكرني ميته عليه .. يوم فكرت انه الوحيد اللي رح يعوضني عن العذاب اللي شفته طول عمري طلع هو بعد يبي يعيشني بعذاب جديد .. بس انا مارح اظل طول عمري نغم المغفله اللي الكل يقص عليها .. انا رح اتغير ورح ابدء مع رائد .. ورح اخليه فعلا يحس اني موزعلانه عليه (وتحط يدها ع بطنها ) اوووف جوعااانه .. انا لازم اطلع واتغدى معه واعيش وضع طبيعي وانه اخوي موزوجي(وتطلع)
نغم: شنو طلبت لنا
رائد: طبق اليوم وشويه مقبلات اتمنى انه يعجبك
نغم: ايه ماشي حاله
رائد: نغم لاتزعلين مني انا موقصدي اجرحك والله .. بس انتي فعلا اختي
نغم: لا معليه يااخوي العزيز عادي انا فكرت بكلامك واقتنعت
رائد: بهالسهوله
نغم: ايه بهالسهوله .. عموما خلينا نتكلم عن السفره احسن
رائد: انتي رحتي ايطاليا قبل
نغم: ايه رحت قبل بس كنت صغيره مااذكر انت رحت
رائد: ايه رحت مره حلوه رح تعجبك
نغم: وكم رح نقعد هناك
رائد: شهر
نغم: ماله داعي شهر لان بعد شهر بالضبط تبدء الدراسه خلينا نروح لاسبوعين بس عشان اذا رجعنا يمديني اجهز للكليه
رائد: مثل ماتحبين ...
نغم: مارح نمر بيت عمي قبل مانسافر
رائد: لا ماله داعي اصلا مايمدي يدوم نجهز اغراضنا ونروح للمطار
نغم: اوكي (ويكملون غداهم .. وبعد الغدا كانت نغم تحط الاغراض عشان السفر وتتصل فيها فاطمه)
نغم: الو هلا فطوم
فاطمه: اهلين صباحيه مباركه ياعروس
نغم: عروس
فاطمه: ايه عروس ليش مستغربه؟
نغم: هااه لاعادي مومستغربه ولاشي عادي
فاطمه: اخبارك واخبار رائد
نغم: انا تمام الحمدلله وانتي اخبارك
فاطمه: زينه اسأل عنك
نغم: دووم ان شاء الله .. لا جالسه اشيك ع الشنطه عشان بنسافر بعد شوي (ويجي رائد)
رائد: نغم
نغم: لحظه فاطمه ..شفيك؟
رائد: جاهزه ..
نغم: ايه جاهزه
رائد: مين تكلمين
نغم: فاطمه
رائد: سلمي عليها
نغم: اوكي (وتكلمها) فطوم سمعيني اخليك الحين لاننا طالعين اوكي باي(وتسكر)
رائد: يلا امشي نطلع
نغم: اوكي والشناط
رائد: الحين يجون وياخذونهم يلا امشي لانتأخر(ويطلعون)
ببيت اهــل رائد كانت فاطمه قاعده مع امها واختها ويسولفون
فاطمه وتوها مسكره من التلفون: تصدقين يمه كلامك كله صح
فوزيه: اي كلام؟
فاطمه: كلامك امس عن رائد .. مسوي روحه يوم العرس والحين عادي
فوزيه/ وانتي وشدراك؟
فاطمه: توني مكلمه نغم وشكلها مستانسه ومتشققه ولاا رائد يستعجلها ويقول لها يلا رح نتأخر ع الطياره وبعد يسلم علي وهو امس ماله خلقي
بشرى/ والله من جدك شدعوه تغير بيوم وليله الظاهر نغم سحرها فتاك ههههههه
(ويضحكون)
فوزيه(والله الحجاب سحره فتاك): اي الحمدلله ان الله هداه
فاطمه: والله يمه انا ميته من الفرح كل حلمي ان اشوف نغم فرحانه والله هالبنت تستاهل كل خير
فوزيه: الحمدلله الحين اقدر اكمل شغلي وانا فرحانه والله يسعدهم واهم شي ان اخوك نسى بنت ابليس
بشرى: بس كل شي صار بسرعه .. عموما الحمدلله على كل حال المهم انهم مرتاحين (ويجيها مسج ع الجوال من الريم).. احبــك.. (وتبتسم بدون ماتحس)
فوزيه: بشرى بشرى
بشرى وانتبهت لامها: هاااه يمه وشفيك
فوزيه: قومي خلينا نروح نلبس بعد شوي بيجي خبير التجميل ورانا حفل استقبال اليوم
فاطمه: يمه وشلون هالحفله نسويها بدون العروس
فوزيه: مومشكله المعاريس بشهر العسل وهذا من حقهم .. نسوي الحفله الحين بدون العروس ولمى ترجع نسوي حفله اكبر قومي خلونا نلبس مابقى شي ويجون الناس
/
/
/
/
ببيت بومشــعــل كانت هيفا بغرفتها جالسه عالتسريحه تضبط الميك اب وتدخل فرح
فرح: هيوف وشعندك كاشخه؟
هيفا: بروح حفل استقبال نغم ببيت عمي تجين معاي؟
فرح: بس نغم سافرت
هيفا: ايه سافرت بس تعرفين عمتي بتسوي لها حفل اليوم بدونها وحفل بعدين لمى ترجع
فرح: عمتك من متى؟
هيفا: من اليوم ورايح وبعدين لاتقعدين تدققين ع كلامي بتجين والا لا
فرح: لا طبعا مب رايحـه .. هذي وحده تحب تفوشر ومالي خلقها امس مابقى شي وماسوته بالعرس اكيد اليوم بتبدع بعد مالي خلقها هي وبناتها وفشارهم
هيفا: طيب براحتك (وتقوم من التسريحه) انا رايحه تامريني شي
فرح: هيوف بغيت اسألك
هيفا وهي تلبس عبايتها: قولي
فرح: الا متى ببتزوجين موقلتي لي بهالعطله وهذي العطله بتخلص وانتي للحين ماتزوجتي
هيفا وانحرجت: نصيب الله يعرف نصيبي متى؟
فرح بأستهزاء: ونعم بالله .. بس انت لك اكثر من سنه ونص كاتبه كتابك متى عاد بتتزوجين ترى كلام الناس كثر وامس كل اللي بالعرس يسألوني عنك
هيفا وانحرجت بزياده: ان شاء الله بالعيد ايه بالعيد عن اذنك(وتطلع )
فرح: هههههههههههههه والله فعلا بالعيد .. لين حجت البقر على قرونها (ويرن جوالها)
فرح: الو هلاحبيبي اشتقت لك موت (وتسكر باب غرفتها عشان تكلم على راحتها)
/
/
/
/
/
وبــالطيـــاره .. نغم ورائد ساكتين ومحد فيهم تكلم مع الثاني وقطعت نغم الصمت وقالت
نغم: رائد بسألك
رائد وماله خلقها: نغم فيني نوم امس مانمت زين ممكن تخليني انام
نغم وعصبت بس مابينت له: زين خلاص خذ راحتك ونام
رائد: صحيني اذا وصلنا (وينام)
نغم بخاطرها( كريه وشايف نفسه لكن انا بعرف شلون اخليه يغير اسلوبه معاي)
( وبعد ماانتــهـت الرحـله ووصــلوا للفندق ودخلوا الغرفه)
نغم وتوها داخله قالت بأستغراب: رائد
رائد: وشفيك
نغم: هذا الجناح الرئيسـي
رائد: ايه الجناح مره فخم بس لاتزعلين لان الغرفه ثنائيه احنا اخوان ولاتطمعين بشي ثاني
نغم: لاثاني ولاثالث يالمغرور وبعدين كان طلبت جناح العسل ونمت ع الكنبه
رائد: ماني متعود ع نومه الكنبه وبعدين الجناح مره حلو ورئيسي بعد
نغم: طيب بما اننا اخوان كل واحد يرتب شنطته واغراضه بنفسه
رائد: اوكي ماعندي مانع
نغم: طيب متى نطلع
رائد: مالي خلق
نغم: اوووف وانت جايبني تحكرني؟
رائد: انا جايبك عشان برستيج العايله وبس
نغم(مالت عليك وعلى برستيج العايله): طيب انا طفشانه وابي اطلع
رائد: اطلعي وشللي ماسكك
نغم: لحــالي ؟
رائد: وين المشكله؟
نغم: مااعرف اتكلم ايطالي
رائد: مومشكلــه .. فيه كثير هنا يتكلمون انجليزي مومشكله اللغه يعني
نغم: انت ليش نفسك خايسه بكل شي
رائد: نغم مالي خلقك انا بريح وبجلس اتعشى وبعدين بنام
نغم: تنام توا الناس .. أنا ابي اطلع
رائد: تدرين بعطيك رقم مكتب سياحي يسوون رحلات كل يوم طلعي وياهم
نغم: وأنت ؟
رائد: انا اليوم مالي خلق اطلع
نغم: بس انا مااحب اطلع لحــالي .. طيب شرايك نتعشى بالمطعم تحت
رائد: نغم والله مالي خلق
نغم: طيب انا بنزل اتعشى تحت
رائد: لا
نغم: شنو؟
رائد: لاتنزلين
نغم: وليش ان شاء الله؟
رائد: الوقت متأخر
نغم: ياسلام يعني اذا حبيت انزل تحت اتعشى الوقت متأخر ماينفع .. بس اطلع لحالي عادي مافيها شي وشهالتناقض
رائد: تطلعين لحالك الصبح موالليل
نغم: تستهبل رائد؟
رائد: لا مااستهبل وتكلمي معي بأدب .. وبعدين انا قلت لا يعني لا
نغم: اوووووف منك الله يعيني عليك وشهالمصيبه اللي ربي بلاني فيها
رائد: شفتي شلون الله يعينك علي.. ع فكره موانتي لحالك اللي مبتليه
نغم: وانت ليش تعاملني كذا؟ انا شسويت لك
رائد: اقول نغم ترى موفاضي للدراما حقتك
نغم: دراما.. ليش معودتك؟
رائد: اقول وش رايك تسكتين موفاضي لك .. وشتبين ع العشــا
نغم: موشغلك ماابي اتعشى اذا بغيت بطلب لنفسي اوووف منك انا بروح انام بغرفتي ماابي اشوف وجهك(وتروح غرفتها)
نغم: اوووووووووووووووووووووف شنو هذا انا شلون رح اقدر اتعامل معاه
(امابالصاله كان رائد توه مسكر من التلفون وراح ووقف عند البلكونه ويشوف ايطاليا وجلس يتذكر .. من كم سنــه لمى كان بأيطاليا مع اصدقائه وكان يكلم اريج بالجوال)
اريج/ اوووف والله طولت انا جالسه اعد الايام اللي ترجع لي فيها
رائد: حبيبتي وشدعوه كلها يومين اللي جلستهم
اريج: يومين بعيد عني والله رح اروح فيها..
رائد: بسم الله عليك ان شاء الله اللي يكرهونك... حبيبتي حتى انا اشتقت لك بس مايصير ارجع الحين توني جاي
اريج: طيب ممكن اسألك سؤال
رائد: امري
اريج: مين تحب اكثر انا والا ايطاليا
رائد: اكيييد انتي ..وانا شنو استفيد من ايطاليا انتي كل حياتي
اريج: لوكنت كل حياتك مثل ماتقول ماكنت رحت وخليتني انا بس ابي اعرف شنو السر بايطاليا ليش تحب تزورها كل سنه .. ليكون تحب وحده هنـاك
رائد: انا ماحبيت ولارح احب غيرك
اريج: لاوالله وايطاليا
رائد: ههههههههه تغارين من ايطاليا
اريج: اغار من اي شي يبعدك عني
رائد: اممم طيب واللي يقولك اليوم رح اكون عندك
اريج واستانست: شلون؟
رائد: الحين رح احجز ع اقرب رحله واجي
اريج: والله
رائد: والله ياحياتي عشان تعرفين اني احبك اكثر من الدنيا كلها موبس ايطاليا
(ويقطع عليه تفكيره صوت الروم سريفس جايبين الغدا .. ويدخل الغدا ويروح يدق الباب ع غرفه نغم)
رائد: نغم العشا وصل
نغم: ماابي اتسمم وياك
رائد: قومي كلي والا تبين احط ع جنب
نغم: ماابي قلت لك ماابي
رائد: زين خلاص لاتصارخين لايدق لك عرق (ويروح)
( اليـــوم التـــالــي .. صحــى رائد ومالقى نغم واستغرب وجلس يدور عليها)
رائد: غريبه وين راحت هذي؟
(وتدخل نغم)
رائد بأستغراب: نغم
نغم: هاااي .. سوري صحيت بدري ورحت فطرت وبعدها رحت قصيت شعري وصبغته نيولوك وشرايك
رائد واول ماشافها تذكر اريج نفس لون شعرها ونفس قصتها: ......
نغم: رائد
رائد: هاااه
نغم: وين سرحت؟
رائد: ماسرحت .. انتي شلون تطلعين بدون ماتستأذنين مني؟
نغم: كنت نايم وبعدين انا كلمتك وقلت لك بطلع وقلت لي روحي
رائد: كنت نايم وانا ان كنت نايم اقول اي شي
نغم: وانا وشدراني .. وعموما انا ماطلعت من الفندق فطرت وسويت شعري كله هـنا
رائد: طيب تبين تطلعين؟
نغم واستانست: من جد الحين
رائد: ايه الحين
نغم: طيب اتصلت ع المكتب
رائد: ماله داعي انا حافظ فينيسيا حفظ ماله داعي اتصل بحد وحتى اللغه اعرفها يعني مافي اي حاجز
نغم: ووين بنروح
رائد: مفاجـأه يلا غيري ملابسك ونطلع
نغم(غريب امس توه مهزئني والحين يتكلم بلطف): طيب خمس دقايق واكون جاهزه(وتروح)
(وتلبس بنطلون جينز ازرق وبلوزه حمرا كيوت وعليها جاكيت)
نغم: انا جاهزه .. وشرايك بلبسي
رائد : حلو ... طيب يلا نطلع
نغم: اوكي بس وين بنروح
رائد: انتي وين تبين تروحين قولي لي
نغم: ماادري بس انا ابي اعرف كل شي عن البندقيه
رائد: كل شي مره وحده صعب .. بس تدرين انا بأخذك مشوار حلو وتعرفين فكره مختصره عن المدينه
نغم: وين
رائد: تعالي معي وتشوفين وين_ويطلعون_
(ورائد اخذ نغم لرحـله في قارب الغندول وجلسوا يسولفون وهم يعبرون الشوارع المائيه)
نغم وهي مستانسه: واووو وناااسه احس اني جالسه اصور فليم .. دايما يصورون الافلام هنا
رائد: هههههههههه يحليلك يانغم .. تدرين ان هالمدينه بنيت عالماي
نغم: عن جد .. يعني ماكان فيه مباني كله ماي
رائد: ايه كله ماي عشـان كذا تشوفين السكان يستخدمون هالقوارب كوسيله موصلات
نغم: يعني مافي سيارات ابدا
رائد: لا وين سيارات الشوارع كلها مائيه بس تدرين كذا احسن
نغم: يااااي عن جد عجبتني فنيسيا
رائد: ولسى توك ماشفتي شي انا اعتبر فنيسيا من اجمل مدن العالم وطول ماانا معك رح تستانين
نغم: استانس لانك معي؟
رائد: ايه انا دليلك السياحــي
نغم(والله ماعرفنا لك)
نغم: رائد ممكن اسألك سؤال
رائد: تفضلي
نغم: شنو حلمك؟
رائد: حلمي (ويتذكر اريج) ماعندي حلم
نغم: ماعندك حلم معقوله فيه احد ماعنده حلم .. طيب شنو هدفك بالحياه اي شي
رائد: كان عندي حلم بس بعدين خلاص
نغم: شنو خلاص
رائد: خلاص ماعاد لي احلام .. عموما خليك من هالسوالف وخليني اكلملك عن فنيسيا(مدينه الرومانسيه) .. تدرين انها خذت المرتبه التاسعه عشر باجمل مدن العالم
(وخذتهم السوالف ونغم كانت مستانسه ان رائد شال التكشيره من على وجهه وجلس يكلمها وبعد ماخلصوا من رحلتهم بالقارب
نغم: اوووه احس بدوخه شوي
رائد: عشان رحله القارب وشرايك نجلس ونستريح شوي
نغم: لا عادي اقدر امشي المهم وين بنروح الحين
رائد: تعالي معي بنروح ساحه سان مارك (ويروحون للساحه ويتمشون فيها ورائد كل شوي يعطي نغم معلومه عن كل مكان يمرون فيها.. ووقفوا عند احد المحلات ..
رائد ويمسك قناع ويحطه ع وجهه: وش رايك
نغم: هههههههههه مرت كيوت بس حق شنو
رائد: هذا القناع دايما يلبسونه في فبراير ايام الكرنفال اخذ لك واحد
نغم: اوكي
رائد: تعالي خذي اللي تبينه المحل مره حلو..(وجلسوا يمرون المحلات ويشترون)
نغم: رائد تعبت من المشي يلا نتعشى
رائد: طيب بنتعشى باحد المطاعم هنا اوكي
نغم: طيب (ويتعشون باحد المطاعم)
نغم: شنو ناخذ
رائد: انتي بأيطاليا اكيييد ناخذ بيتزا
نغم: ايه صح (ويتعشون ويكملون الليل كله عشا وسوالف وبعدها اخذوا لهم احدى القوارب ورجعوا للفندق)
نغم وهي توها داخله الجناح وتفسخ الجاكيت: مشكور رائد اليوم كان مره حلو
رائد: العفو .. روحي نامي الحين بكره بنطلع نتمشى من الصبح وبعدها بنروح روما
نغم: رائد ممكن طلب
رائد: امري
نغم: ابي اروح المدينه اللي فيها بيت روميو وجوليت
رائد وهو يفسخ الجاكيت ويجلس عالصوفا جنب نغم: مره رومانسيه انتي تقصدين مدينه فيرونا
نغم: ماادري مااعرفها بس ابي اروح لهالمدينه
رائد: اوكي نروح روما وبعدها فيرونا
نغم: مشكور رائد
رائد: وشدعوه هذا واجبي .. تصبحين ع خير (ويروح)
اما نغم استانست: رائد مره حبووب بس ماادري شفيه .. هو اول شخص يعاملني بلطف رغم قساوته بالبدايه .. عموما انا الحين اتمتع بأيطاليا وبعدها رح اتفرغ لرائد
(وقــضـــوا اســبوعيـن بأيطاليا من احلا ايام اريج من بعد الحرمان اللي شافته وتعلقت برائد خلال هالاسبوعين رغم انه متقلب بس كان يحن عليــهــا .. أما رائد فكان يحس انه مجرد مرشد سياحي لااقل ولااكثر ولاعنده اي مشــاعــر تـجاه نغم )
ببيت رائـــد .. كان توه واصــل للبيــت مع نغــم ..
نغم دخلت وجلست بالصاله وفسخت شيلتها: واوووو البيت مره حلو
رائد: لسى ماشفتي شي
نغم: تصدق عاد انا مره تعبانه وابي اروح انام ولمى اصحى اجلس اشوف البيت ع راحتي
رائد: ترى عندنا خدامتين وسواق
نغم: ماله داعي خدامتين وحتى السواق ماله داعي
رائد: وحده طباخه والثانيه تخدمك انتي اكيد رح تلهين مع الكليه وبعدين السواق يشوف كل مشاوريك
نغم: ليه وانت وين رحت
رائد: انا موسواق عندك
نغم بدون شعور: بس انت زوجي ومسؤول
يقاطعها رائد: نغم انتي على بالك بالاسبوعين الحلوين اللي قضيناهم بأيطاليا خلاص تغير كل شي .. لاياحلوه لاتنسين ان زواجنا ع الورق وقدام الناس وبس ومعاملتي الزينه لك بأيطاليا عشان ماانكد عليك شهر العسل وتذكرينه بشي زين بس احنا اخوان وبس
نغم: زين خلاص ماله داعي تعيد هالاسطوانه والله حفضتها خلاص
رائد: مو مهم تحفظينها المهم ماتنسينها
نغم: حاضر اي اوامر ثانيه
رائد: ايه صح انتي تنامين بغرفه وانا بغرفه وغرفتي ممنوع تدخلينها اوكي
نغم: وليش ممنوع؟
رائد: بدون ليش ممنوع وخلاص لاتزودينــها
نغم: طيب وفيه شي ثاني بعد
رائد: لا مافي .. كل غرف البيت مفتوحــه والغرفه المقفله الوحيده هذي غرفتي طيب
نغم: اوكي
رائد: انا بروح الدوام تامريني شي
نغم: لا .. بس ليش بتروح الدوام من الحين ارتاح بالاول
رائد: لا ماله داعي انا كنت طول الوقت بالطياره نايم والحين بروح امر بيت ابوي وبعدها الشركـه .. اي صح بيت فاطمه اختي جنبنا الباب بالباب اذا حبيتي تزورينها
نغم: طيب اوكي .. اممم رائد بعزم صديقتي عالعشا اوكي
رائد: خذي راحتك البيت بيتك عن اذنك (ويطلع)
نغم: اخذ راحتي والبيت بيتي .. وممنوع ادخل غرفته .. والله انه متناقض .. خلني ادق ع هيفا واسولف وياها هي الوحيده اللي رح تطلعني من هالسالفه (وتتصل من تلفون البيت )
نغم: الو هلا هيوف .. الله يسلمك توني واصله .. الحمدلله زينــهـ .. هيوف تقدرين تمريني البيت الحين ايه الحين .. لالا ماني تعبانه ولاشي عادي ... اوكي انتظرك باي (وتسكر)
نغم: خلني انادي الخدم يشيلون الاغراض ويساعدوني بالعشـا
/
/
/
/
/
/
/
ببيت اهـل شــهــد ... كانت شهد تشيك على اغراضــها اللي بحقائب السفر وتجيها هبه
هبه: هااه كل شي اوكي
شهد: الحمدلله كل شي زين وجاهز
هبه: والله الحمدلله ان اخو صديقتك عجل لك بموضوع المكافأه وخلاها تنزل قبل موعدها والله كفتنا .. وانا اسفه ياشهد ع المبلغ اللي خذته منك
شهد: وشدعوه هبه الفلوس انا عطيتك اياهم وماني محتاجه لها والمبلغ اللي عندي بيكفيني وزود ان شاء الله (وتقول بخاطرها: والله انك على نياتك ياهبه اي اخو صديقتي واي هم واي مكافأه اللي هالكثر .. انا بذكائي خليت ابراهيم يعطيني الفلوس اللي محتاجتهم واكثر بعد وقدرنا بهالفلوس نسدد الايجار واشتري لوازم للسفر و للجامعه ونسدد حتى جمعيتك و طلبنا خدامه بعد وبتجي بعد كم يوم.. لااا بقى عندي فايض بعد .. ابراهيم بنك متحرك وانا لازم اشتغله قد مااقدر وبعدين اقوله باي باي
هبه: شهد شهد
شهد وانتبهت لاختها: هااه
هبه: وين سرحتي
شهد: بأمريكا .. ماني متخيله اني رح اسافر بكره من الصبح ومارح اشوفكم انتي واعيالك وجدتي
هبه وماسكه دموعها: لاتقولين كذا ياشهد .. اجل النت وشسالفته نشوفك ونكلملك صوت وصوره ياحبيبتي
شهد: هبه الله يخليك لاتبكين ترى بعدين بغير رايي
هبه: لاياعمري انا موفره دموعي لبكره لين ماتسافرين ... شهود انا سويت لنا خفايف ناكلهم واحنا جالسين ع سهره اليوم لان هذي اخر سفره نقضيها مع بعض
شهد: طيب حبيبتي انا شوي واجي
هبه: طيب انتظرك(وتطلع)
شهد وتتصل بأبراهيم: الو هلا والله
ابراهيم: اهليييين بشهودتي
شهد: اخبارك واخبار فلوريدا
ابراهيم: فلوريدا تجنن بس انتي ناقصتها
شهد: هانت كلها 24 ساعه واكون موجوده .. الا قول لي لقيت لك سكن والا للحين بالفندق
ابراهيم: بصراحـــه الفندق مافي احســن منــه ومرتاح فيه .. بس غالي شوي ابوي ماعنده مانع بس اخوي هالزطي يحن فـ عشان كذا انتقلت لشقه مفروشــه ومريحــه .. ولااا جالس ادور لي سياره عشان اشتريها
شهد: وليه ماتاخذ سياره من معرضكم
ابراهيم: مالي خلق شحن وانتظر وسالفه اخذ لي سياره من هـنا
شهد: طيب بدت دراستك بالمعهد
ابراهيم: سويت اختبار تحديد المستوى وتعرفين لغتي مره زينــه يعني ماله داعي ادرس بالمعهد بدرس ع طول بالجـامعه .. مو خبرك انا طول عمري بمدارس اجنبيه وحتى الجامعه كنت ادرس بالانجليزي يعني مايحتاج لغه
شهد: وزرت الجامعه
ابراهيم: ايه
شهد: شكلها حلو
ابراهيم: عاديه .. بس انتي مبانك غير مبناي
شهد: اوكي انا بجي وبشوفها بنفسي لاتنسى تستقبلني بالمطار
ابراهيم: لاتحاتين رح استقبلك وبكون بالمطار قبل وصولك .. شهد اخليك الحين باي (ويسكر وتجيه بنت شقراء كانت معه بشقته)
sara: ibrheem iwant to some fun
ساره: ابراهيم اريد بعض المرح
ibrheem: new
ابراهيم: الان؟
sara: yes
ساره: اجل
ibrheem: no, all groub waiting ass in cloub frsit we will go to cloub and than we do some fun ok beatiful
ابراهيم: لا .. الشله تنتظرنا في النادي الليلي اولا لنذهب للديسكو ثم نمرح .. اوكي ياجميله
sara: ok sweet heat
ساره: اوكي ياعزيزي
(ويطلعون)
ببيت رائد كانت هيفا جايه عند نغم وجالسين يتقهون
هيفا: المهم ياحلوه ماقلتي لي وشلون كان شهر العسل
نغم: حلو ومو حلو
هيفا: وشلون كذا بعد هذا لغز
نغم: ايه انا عايشه بلغز كبير وابي تساعديني بحله
هيفا: وشفيك نغم حيرتني معاك قولي لي وشفيك
نغم: رح اقولك كل شي بس أمـانه لايطلع الكلام بيني وبينك لانك انتي الوحيده اللي اثق فيها واقدر اتكلم معاها بهالموضوع
هيفا: سرك ببير يابنت عمي قولي لي اللي عندك
نغم: (وتقول لها السالفه)
هيفا: شدعوه انتي من جدك ... شنو يعني اخته وين قاعدين؟
نغم: شفتي شلون عاد انا مارح اسوي روحي ميتــه عليــه
هيفا: طيب تتوقعين ليش يسوي معك كذا ... تدرين من كلامك باين انـه ..
نغم: انه شنو
هيفا: لاتزعلين بس شكله مغصوب عليك
نغم: لامارح ازعل وادري انه مغصوب علي موهو قالها بالوجـه(وتقلده) امي اختارتك وانا وافقت عشان برستيج العايله
هيفا: ههههههه يحليلك يانغم .. المهم الحين انتي شنو ناويه تسوين
نغم: مدري هذا اللي انا اسألك عنه
هيفا: انتي تبين تحافظين على هالزواج
نغم: بالبدايه كنت معصبه منه وحالتي حاله ... بس بعدين لمى كان معي بأيطاليا ويعاملني بلطف كنت احس اني اميره واي شي اقوله ينفذه الا انه يقلب علي بعض الاحيان بس تدرين انا ابيه يحبني ويتعلق فيني ويشيل فكره الاخوه من باله بس ماابين له اني ميته عليه ابيه هو من نفسه يحس بهالشي
هيفا: ياقلبي عليك يانغم لو وحده غيرك كان قومت الدنيا وقعدتها موجلست تفكر بحلول
نغم: ماعندي خيارات وبعدين رائــد حبوب بس يبيله فكره محكمه تخليه يشيل اللي براسه
هيفا: حبيته؟
نغم: ماادري ... موحب حب يعني بس ارتحت معه واحس اني هنا ببيتي ومحد له كلمـه علي .. وبعدين ياهيفا انا ابيك تساعديني موتستجوبيني
هيفا: اي والله انا مدري شفيني طايحه فيك اسئلــه ... اسمعي انتي لازم تحسسينه انك مهتمه فيه بس بطريقه غير مباشره
نغم: وشلون يعني مافهمت
هيفا: يعني تسمعين كلامـه وتسوين الاشياء اللي يحبها وبعدين ابيك 24 ساعه مهتمه بنفسك ونيولوك
نغم: بهالشي انا مومقصره
هيفا: اييه واضح والدليل الحين
نغم: تتطنزين؟
هيفا: مااتطنز بس بصراحـه بيجامتك مالها داعي
نغم: بيجاما عاديه وشفيها يعني
هيفا: الحين فيه وحده متزوجـه تلبس بيجاما عاديه
نغم: اجل وش البس
هيفا: قميص نوم .. شورت ع الاقل
نغم: لالالا .. انا ابي اجذبه لي مواغريه
هيفا: مافيها شي هذا زوجـك
نغم: تقصدين اخوي موزوجي
هيفا: والله رائد ماعنده سالفه احد عنده هالجمال ويتصدد
نغم واستانست: الله يجبر بخاطرك
هيفا: والله جد مااجامل .. المهم خلك كاشخه 24 ساعه عشان مايمل منك .. واهتمي فيه وحاولي تفتحين معاه مواضيع حوار حسسيه انك مهتمه فيه وان سألك ليش هالاهتمام .. قولي له لان طول عمري ماعندي اخوان ولوصار عندي اخ رح اهتم فيه بنفس هالشكل .. يعني خليه يحس بأهتمامك له على انه اخ لكن بيني له العكس يعني قولي شي وسوي شي ثاني ..
نغم: احس صعب كذا انا مااعرف اتلون ياابيض يااسود
هيفا: اي مولازم تتلونين عشــان تنجحين هالزواج
نغم: طيب بــحاول والله يعينني خاصه ان الكليه جايه وماادري شلون بوفق بين الاثنين
هيفا: الدراسه لها وقت ورائد له وقت ... يعني الوقت اللي يكون فيه برى البيت استغليه بالدراسه ولمى يجي البيت افضي له
نغم: والله معك حق
هيفا: ايه ولاتتكلمين بأي كلمـه الا لمى تفكرين فيها قبل ماتقولينها .. وان حاول يستفزك طنشيه واقبلي الموضوع لصالحك حببيه فيك وبطبعك
نغم: اوكي ورح اوافيك بكل التطورات
هيفا وتوقف: اجل انا اخليك الحين بروح البيت
نغم: توا الناس انتظري تعشي معاي
هيفا: لامعليه بتعشي بالبيت وانتي ابدءي من اليوم وتعشي مع رائــد وع طول روحي غيري هالبيجاما والبسي شي ..(وتغمز لها ) انتي عارفه
نغم: اوكي صار (وتسلم عليها وتودعها لين الباب)
نغم: خلني اروح اشيك ع العشـا واغير ملابســي
(وراحت للمطبخ وشافت العشـا وكان جاهز وقالت للطباخه تشرف عليه وراحت لغرفتها وغيرت ملابســهـا ... لبسـت تنوره بيضا قصيره لحد الركبه وبلوزه كات اورنج وفتحت شعرها اللي زادها جمال خاصه بعد الغره اللي قصتها وخصلات شعرها الشقراء اللي يذكر رائــد بأريج .. ونزلت للصــاله وراحت تشـوف العشـا وكان كل شي جاهز بغرفه الطعام ونزلت للصاله تنتظر رائــد.. ووصــل بعد ربع ساعه تقريبا وكانت نغم تقرى مجله واول مادخل وقفت وراحت له
نغم: رائد وصلت
رائد: ايه مثل ماانتي شايفه .. اممم شنو عطرك
نغم: كيزاس
رائد: حلو
نغم: يسـلمــووا من ذوقك
رائد: وشفيك كاشخـه
نغم: انا كذا دايما .. تعشـيت؟
رائد: ايه تعشيت ببيت ابوي ..كلهم يسلمون عليك
نغم: وانا اللي كنت انتظرك وماتعشيت عشـانك
رائد: ليش انتظرتيني كان تعشيتي عادي
نغم: مااحب اكل لحـالي.. شرايك تجي تسليني .. تعال معي غرفه الطعام موحلوه نسولف واحنا واقفين
رائد: لا مالي خلق فيني نوم تعشي لحالك والا خلي الخدم يتعشون معك ويسلونك عن اذنك (ويروح لغرفته ويحقرها)
نغم: صدق ماعنده سالفه الحين انا قاعده ولي سنــه انتـظره وبالاخير حتى ماجاملني .. اوووف .. لكن لسه توني ببدايه الطريق ان ماخليتك تموت فيني يارائد مااكون نغم .. والحين بروح اتعشى مع الخدم يسلوني بدل الجلســه (ويجي رائد)
رائد: نغم
نغم واستانست رجعت وقالت: غيرت رايك بتتعشى معي
رائد: لا .. حبيت اقولك اننا بنتغدى بكره ببيت ابوي وبعطيك رقم جوالي كلميني للضروره القصوى بس تصبحين ع خير(ويروح)
نغم: اوكي وانت من اهله.. وانا اللي فكرته حن علي وبيعطيني وجــه بسيطه يارائد الايام بيننــا
(بــغرفه رائـــد كان ماسك صوره اريج ويتأملــها)
رائد: معقوله يااريج معقوله نسيتني بهالســهــولــه ... ياترى وينك الحين وشللي صار معك للحين تذكريني والا نسيتني ... هالغرفه انتي اول من دخلها ومحد رح يدخلها غيرك
اليـــوم التـــالـــي ... بمــطار الملك فــهــد الدولــي الســاعه 2 ظــهــرا كانت شهد مع اختــها هبه بالمطار شهد تروح لامريكا واخـتــها تودعها
هبه: مع السلامه شهد اهتمي بنفسك وهالله الله بالدراسه خلي هدفك الدراسه وبس واول ماتوصلين كلميني وحافظي على صلاتك
شهد وهي تضم اختــها: لاتوصين ياهبه اول مااوصل بكلملك واول ماتجيني فرصه بزورك بالسعوديه
هبه من بين دموعها: طيب يلا روحي رح تتأخرين
شهد من بين دموعها: طيب (وترجع تضم اختها) مع السلامه
هبه: مع السلامه (وتروح شهد وتشوفها هبه تختفي من قدامها شوي شوي ..
هبه(الله يحفظك ياشهد وتوصلين بالسلامه ان شاء الله )
/
/
/
/
ببيــت رائـــد كانت نغم بغرفتها جالســه تحــط ميك اب وتجي لها الخدامـه
الخدامه: ماما بابا رائد قول يلا هو ينتظر تحت
نغم: اوكي انا الحين جايه(وتنزل وتشوف رائد ينتظرها بالصاله)
نغم: يلا نمشـي
رائــد ويطالعها وهو متفاجئ:..........
نغم: رائد وشفيك
رائد: هااه ولاشي بس تسريحه شعرك حلوه
نغم واستانست قالت بثقه: شــكرا اصلا انا كلي حلوه صح؟
رائد: لاتشوفين نفسك علي بس .. يلا خلينا نطلع
نغم واستانست بس مابينت له: يلا
(ويطـلعــون)
ببيت بورائــد عــالغـــدا كانوا الكل متواجد عالغدا وحتى فاطمه وزوجـها وبنتها
مشعل: ماقلت لنا يارائد وشلون كان شهر العسل
رائد: حلو
بورائد: بس حلو
رائد: الحمدلله استانست بشهر العسل
بورائد: عاد هااه لازم تحط نغم بعيونك
رائد: مايحتاج يبه لاتوصى
نغم واستانست بس ماعلقت
ام رائد(هذي بركات الحجاب والله مفعوله قوي): عاد يانغم مااوصيك على رائد حطيه بعيونك
نغم: اصلا هو بعيوني وتقدرين تسـألينه
جاسم: ياعيني عالحب .. اول مره اشوف اخوي رائد مستانس من يوم (وتوهق) من زمااان ماشفته مستانس هالكثر
نغم: انا ورائد ولله الحمد فهمنا بعضنا على طول وصرنا نفهم بعض من نظره ومحد فينا يقدر يزعل الثاني موكذا يارائد
رائد وهو مقهور منها(ممثله قديره): وانا اقدر ازعل هالعيون الحلوه
فاطمه: احم احم في معنا اطفال هنا وشفيكم انتظروا لين ماتروحون بيتكم وحبوا على كيفكم
الكل ههههههههههههههههه
نغم انحرجت وخدودها صاروا حمر
نغم: الحمدلله شبعت(وتقوم ويقوم وراها رائد)
بشرى: لهدرجه يارائد موقادر تبعد عنها
رائد عصب من اخته وماعلق
(وبالمطبخ كانت نغم تغسل يدها ويجيها رائد)
رائد: وشهالكلام اللي قلتيه
نغم: لاتصدق هالكلام قدامهم بس عشان برستيج العايله
رائد: والله حسيت انك تتكلمين جد
نغم: لا مااتكلم جد انت اخوي وبس لكن قدامهم زوجي العزيز .. عن اذنك يازوجك العزيز (وتطلع وهي مستانسه)
رائد: والله كنت رح اصدقها .. اهم شي ماتتعدى حدودها معاي
(وبعد الغدا كانوا جالســيـن يتقهون وياكلون حلا)
ام رائـد: عاد نغم خلك جاهزه بكره بسوي لك حفله استقبال كبيره وبأفخم فندق بخلي الناس كلها تتكلم عنها
نغم: لا مايحتاج .. لاتكلفين نفسك عمتي
ام رائد: لاكلافه ولاشي انتي غاليه عندي وبعدين رائد ولدي البكر وابي افرح فيه
فاطمه: يوووه يمه كل هذا عشانه تزوج اجل وشلون لو يجيب اول ولد
بورائد: لاعاد كذا انا اللي رح اسوي اللي مايتسوى
رائد بخاطره(فعلا ماانت سويت وخلصت يوم حرمتني من اريج وطفلي): هالكلام سابق لاوانه
مشعل: الظاهر ولد العم يبي يتمتع بزواجـه بعدين يفكر بالاعيال
نغم انحرجت ونزلت عيونها
جاسم: وشفيكم ياناس ماعندكم غير رائد ونغم .. حرام احرجتوا البنت
رائد(مصدقه نفسها من قلب): اي والله خلونا نتكلم بموضوع ثاني احرجتوننا
فاطمه: طيب ياشيخ وانا اللي رح اغير الموضوع... اليوم كان اول يوم دوام لي بالمؤسسه
جاسم: حركات فطوم رح تصرين امراءه اعمال ... وشلون كان الشغل
فاطمه: اسأل رئيستي بشرى عني
بشرى: والله كدوام اول يوم باين انها بدايه موفقه
بورائد: بالتوفيق ان شاء الله وعقبال ماتصرين مثل امك واحسن بعد
/
/
/
/
/
اليـــوم التـــالـــي
ببيت رائـــد كان توه صــاحي من النوم ولبس ملابسه يبي يروح للشـركه وطلع من غرفته وشاف ورده حمرا عند الباب ومعاها بطاقه ويفتحـها
" ممــكــن تفطر معاي يااخوي العزيز .. أنتــظرك ,, اختك الصغيره نغم,,
رائد دخل الورده والبطاقه وسكر الباب ونزل لغرفه الطعام .. وكانت نغم تنتظره ولابسه فستان قصير تحت الركبه ونص كم ولونه وردي وشعرها نصه مرفوع ونصه مفتوح يعني طالعه كيووت وحاطه من العطر اللي يحبه رائد
رائد وتفاجأ لمى شافها: لابسه pink
ويتذكر اريج
رائد وهو يكلمها: حبيبتي انا تحت لي نص ساعه واقف عند باب بيتكم طلي علي شوي
اريج وهي تكلمه: ياسلام يعني كل مره توقف فيها عند باب بيتنا لازم اطل عليك
رائد: وشفيها يعني
اريج: شكلي مواوكي وبعدين مارتبت نفسي
رائد: عادي مولازم انتي حلوه بكل حالاتك
اريج: طيب رح اطل عليك بس ذنبك على جنبك اذا ماعجبتك
رائد: طيب ابي اشوفك
اريج وتطل عليه: شفتي
رائد: تجننين
اريج: من جد اجنن مره وحده
رائد: ايه تجننين لابسه pink
اريج: ههههه تصدق عاد ماخذت بالي
(ويقطع عليه خياله صوت نغم)
نغم: رائد رائد
رائد: هلا نغم
نغم: تفضل افطر ليش واقف؟
رائد: مستعجل والله
نغم: طيب ع الاقل جاملني واكل
رائد: مالها داعي حركتك ليكون صدقتي انك زوجتي
نغم: اي حركه
رائد: الورده والبطاقه
نغم: حركـه عاديه مافيها شي وبعدين لاتفسرها غلط انا طول عمري ماعندي اخوان ولو كان عندي اخ واحد كنت دللته وحطيته بعيوني ولاتفسر اللي صار غلط .. أنـا كنت اطلب منك وبلطف انك تجي تفطر معاي عادي يعني حتى الاخوان يفطرون ويتغدون ويتعشون مع بعض
رائد: ايه بس هالشي موبقاموسي اعتقد انك كنتي ساكنه معنا بالبيت وشايفه نظامنا كل واحد مسؤول عن نفسه ومحد له خص بحد وخلي عنك حركات التلصق هذي
نغم وعصبت بس مسكت نفسها وقالت: زين مايسوى علي .. وع فكره انا مااتلصق ولاشي انت ماخذ بروحك مقلب .. وروح الشركه بدون فطور براحتك مالي دخل
رائد طالعها بدون اهتمام وطلع
نغم: اوووف حتى ماقال باي .. الله يعينني عليه بس
/
/
/
/
/
الســـاعـــهـ 3 فــجـــرا بتوقيــت ميــامي,فلوريدا الولايات المتحده الامريكـه .. بمطار ميامي الدولي كانت شهد توها واصله وتعبااانه بالحيل من رحلتها الطويله وكان ابراهيم ينتظرها بالمطار .. وشهد تدوره وماعرفته اما ابراهيم عرفها على طول وقعد يطالعها من فوق لتحت وخاصه انها بدون عبايه
ابراهيم ويناديها: شهووووود
شهد وتأشر له وتروح لعنده: هلا برهوم
ابراهيم: اهليــن الحمدلله ع السلامه
شهد: الله يسلمك كانت رحله طويله .. وتعبت فيها
ابراهيم: وين عبايتك؟
شهد: فسختها من الطياره
ابراهيم: اوووه يعني انتي كوول
شهد: كووول بس بحدود .. يووووه الحين الساعه 3 الفجر وانت صاحي عشاني
ابراهيم: قلت لك مارح انام وبعدين انا كنت سهران مع اصدقائي
شهد: اصدقائك .. متى تعرفت عليهم
ابراهيم: تعرفت على شله مره كول نصهم عرب والباقي اجانب ... وحتى العرب معاهم جنسيه وعايشين هنـا
شهد: يوووه شكلك مره مستانس معاهم .. طيب انا فيني نووم وابي اروح الفندق الحين .. حجزت لي؟
ابراهيم: ايه حجزت لك وانا اقول لو تجين تسكنين عندي بدل ماتسكنين بعدين عند عايله وايد احسن
شهد: ابراهيم وشفيك انا جيت لهدف معين موعشـان اسكن مع حد
ابراهيم: زين زين هدي اعصابك تعالي معي نروح للسياره(ويطلعون ويركبون سياره ابراهيم)
شهد: هذي سيارتك
ابراهيم: ايه وشرايك فيها؟
شهد: حلوه ...(سيارته كانت بي ام دبليو ومكشوفه)
ابراهيم: اخوي بغى يروح فيها لمى ابوي ارسل لي فلوس السياره ..
شهد: اخوك هذا الله يعينك عليه ... الا برهوم
ابراهيم: هلا
شهد: شلون تسوق وانت ماعندك رخصه
ابراهيم: عندي رخصه دوليه .. وعموما انا سويت اختبار السواقه ونجحت فيه ورح تطلع رخصتي بكره .. تصدقين الحياه هنا بفلوريدا مره حلوه وعمليه .. بس لانك بنت لا تثقين بأي حد ولاتمشين مع اي حد
شهد: ليش تخوفني؟
ابراهيم: مااخوفك بالعكس الحياه هنا مافي احسـن منــها بس الاحتياط واجب
شهد: انا ماعلي من شي بكون من البيت للجامعه ومن الجامعه للبيت
ابراهيم: طيب وبما ان دراستك رح تبدء بعد كم يوم بكره السبت يعني اجازه انا والشله طالعين الصبح للبيتش تجين ويانا
شهد: متى بتطلعون
ابراهيم: ماادري يمكن عشر
شهد: اممم .. ودي بس ابي اروح للمعهد اهم
ابراهيم: مسكر المعهد
شهد: يعني قصدي امر واشوفه وبعدها اشوف الجامعه
ابراهيم: طيب اطلعي معانا البيتش وبعدها نروح للمعهد بالمره تتعرفين عالشله
شهد: وشلتك كم عددهم؟
ابراهيم: احــنا 6 ومعك 7 واحيانا يجون ناس اكثر بس الاساس 6
شهد: وكلهم اجانب
ابراهيم: لا فيه دينا سعوديه بس معاها جنسيه وعايشه هنا مع امها وابوها بالسعوديه وهذي صديقه ادم وادم امريكي وفيه واحد اسمه ايثن امريكي وولد سعودي اسمه سامي وجنا صديقه سامي ودينا
شهد: وانت ماعندك صديقه
ابراهيم: تقصدين Girl friend
شهد: يس
ابراهيم: انتي
شهد: شنو؟
ابراهيم: ايه انتي والا غيرتي رايك ... لاتخافين انتي ماي قيلر بس ع الطريقه السعوديه يعني مافي فري مثلهم اوكي
شهد: اوكي
ابراهيم: هاااه وشقلتي بتجين البيتش؟
شهد: اوكي والله تحمست للفكره بس ماابي اسبح
ابراهيم: اجل ليش رايحه البيتش .. يمكن ماتبين تلبسين مايو صح
شهد: صح
ابراهيم: براحتك مثل ماتحبين
شهد: والسعوديه دينا تتكلم سعودي
ابراهيم: لا تتكلم فصحى مكسر عموما بتشوفينــها بكره وبتحكمين عليها(ويوصلون للفندق)
ابراهيم: تبيني انزل معاك
شهد: لامايحتاج .. بنزل لحـــالي .. ابراهيم متى اروح واسكن عند العايله؟
ابراهيم: بكره ان شاء الله بعد مانخلص من مشوار البيتش تمرين عندهم وبيتهم قريب من المعهد تقدرين تروحين مشي
شهد: اوكي باي (وتنزل للفندق وتروح لغرفتها وتكلم اختها هبه وتطمنها عليها)
/
/
/
/
/
بـــالـــســـعوديــــهـ ...
بــمعرض السـيارات اللي ملك لبيت الراسي ... كان جاســم جالس ع المكتب ويشوف بعض الاوراق الخاصه بالشغــل .. ويسمع حد يسلم عليه
بوريم: السلام عليكم ورحمه الله وبركاته
جاسم ويوقف: أنـــت ... خير ان شاء الله وشتبي؟
بوريم: هد اعصابك واستريح ماله داعي لكل هالعصبيه انا شراي
جاسم: واحنا ماعندنا شي نبيعك اياه احنا بغنى عنك وعن فلوسك
بوريم: والله مسوي روحك مدير وزحمه ومعرض وحاله
جاسم: شي مايعنيك ومالك دخل فيه وتفضل اطلع بهدوء وبكرامتك احسن لك
بوريم: اقول ياولد الراسي ... انا توني امس طالع من السجن اللي دخلته بسببك وكانت هذي اول مره بحياتي ادخل سجن انسجنت بسببك 6 شهور واول ماطلعت من السجن فكرت ازورك ياصديق الثانويه
جاسم: انسجنت بسبب استهتارك وقله عقلك وتفكيرك .. وصداقتك ماتشرفني
بوريم ويجلس: ههههههههههههه وتتكلم عن الشرف بعد ... تدري عاد انت اللي ماتشرفني؟
جاسم وهو بقمه غضبه: احترم نفسك واطلع برى المعرض مايتشرف فيك وانت اصلا الشرف نفسه يتبرى منك يــا ناقص العقل والدين
بوريم: اقول عاد وفر كلامك وغضبك وتعصيبك لــ شرفك يابوشرف
جاسم: ان ماطلعت الحين بالطيب رح اطلعك بالقوه انت الظاهر واحد ماتفهم
بوريم ووقف: انا طالع والحين بس بذكرك بشغله تذكر يوم جيتك الجامعه وقلت لك رح تندم على اللي سويته معاي واني رح ادفعك ثمن فعلتك معاي
جاسم وهو بقمه غضبه: مااذكر شي ولاابي اذكر ولأخر مره اقولك اطلع بالطيب
بوريم: هد اعصابك ولاتستحمق علي وفر هالعصبيه والرجوله الزايده لبعدين تفضل (ويعطيه مفتاح )
هذا مفتاح شقه .. بس مارح اقولك شقه مين .. هالشقه هذي نفس الشقه اللي انقبض علي فيها وانسجت بسسبك لكن هالمره انا رح اسجنك بس موبالشرطه رح اسجنك بعذاب تعيش وياه طول عمرك ... لانك تحديتني .. تحديت بوريم .. اعتقد انك تدل مكان الشقه .. وهذا المفتاح عندك روح وطلع عصبيتك ودافع عن شرفك يابوشرف ... الشذوذ اللي أنت رفضته اختك بشرى قبلت فيه واذا مومصدقني روح بنفسك وتأكد عن اذنك(ويطلع ويترك جاسم مذهول من كلامته وبنفس الوقت مصدوم)
(أنتــــهـــى الجــــزء الــرابــع عشـــر)
الحــــيــــن حابـــه اتركــمم مع البارت واتمنى انه يعجبكم .. ولاتحرموني من طلتكم وتوقعاتكم وقراءه ممتعه ...
(الجزء الـخـامـس عــشـــر )
part15
بعد ماطلع من عنــده بوريــم .. عصــب وصارت الافكار تجي وتروح ببــالــة وتذكر.. بيوم من الايام يوم كان جالس بالجامعه ويجيه بوريم
((جاسم بخاطره(وش جابه ذا الحين)
بوريم ولمح جاسم: هلا جسـوم
جاسم: اهلين وش تبي لاحقني لهـنا
بوريم: طيب اجلس
جاسم: ماابي
بوريم: مارح اخذ من وقتك كثير
جاسم: لاتتعب نفسك انا طالع من الكفتيريا بكبرها
بوريم ويقوم ويروح لعنـده: طيب اسمعني
جاسـم: خير ان شاء الله
بوريم: عرفت انك انت اللي بلغت علي واليوم محاكمتي وطلعت بكفاله
جاسم: احسن جزاك واقل من جزاك بعد
بوريم: بس والله ياولد الراسي ماراح اخليك
جاسم: اعلا مابخيلك اركبــه ماتخوفني
بوريم: طيب ياجاسم بنشوف مين يضحك بالنـهايــهـ .. والله وربي مااخليك وان ماخليتك تندم قد شعرك راسك معناتها هالشوراب موعلى رجال(وراح)))
....روجع بتفكيره لارض الواقع: معقوله يكون بوريم انتقم مني بأختي .. مستحيل .. اصلا بشرى الحين بالدوام خلني اتصل فيها(ويتصل ع جوالها مقفل ويتصل بفاطمه وترد عليه
جاسم: الو فاطمه وين بشرى.. فاطمه مووقتك الحين وينها اختك .. شنو طلعت وين؟ أنتي متأكده طيب يلا باي ...(ويسكر)
جاسم: طلعت وين راحت انا لازم اروح بنفسي واتـأكـد .. (ويطلع من المعرض بسرعه ويركب سيارته ويتجه لشقه بوريم السـابقــه)
(( وبــالشــقـــهـ .. كــانــت بــشرى جـالسه مع الريم بالصاله)
الريم: بــصراحــة يابشرى أنا ماابيك تزعلين مني او تفهميني غلط.. بس هاجر وفتون كانوا يرحوني ويسمعون كلامي ويفهموني من نظره بعد
بشرى: وشقصدك؟ لك نص ساعه تلمحين
الريم: أنتي فاهمه قصدي عدل .. واعتقد ان انتي بنفسك تفكرين بهالشي خاصه انك قلتي لي انك ماتعتبريني اخت
بشرى: ايه بس مومثل مافهمتي
الريم: طيب شلون وضحيلي
بشرى: فيه اشيــاء مقدور عليها
الريم وتبتسم ابتسامه خبيثه: مقدور عليها.. شلون يعني؟
بشرى: تبيني انا اعلمك وانتي تعلمين بلد
الريم: هههههههه طيب شرايك تعلميني واعلمك بس موهـنا بغرفه النوم
بشرى بعد تفكير : بس بشرط
الريم: امري
بشرى: ماتسوين شي غير اللي اقولك عليه
الريم: اكيد انا قلت لك انا مااغصب حد على شــي (ويروحون لغرفه النوم ... ويــجي بوريــم ويوقف عند باب الشــقــهـ .. وبعد 3 دقايق تقريبا يجي جاسم)
جاسم: هذا أنـت؟
بوريم: ايه هذا انا ورح ادخل معك لداخل ولاتخاف انا موقليل اصل مثلك عشـان ابلغ الشرطـهـ .. عموما قبل ماتدخل ابيك تهدي اعصابك وتدخل وتشوف كل شي بعينك عشان ماتقول اني ضحكت عليك .. وع فكره البويه اللي معاها اختي الريم
جاسم: الظاهر انت واختك مريضين نفســيــا
بوريم: ع الاقل انا واختي نسوي اللي نبيه وبكيفنا ونفختر فيه مو مثلكم .. ماله داعي اكثر حكي تفضل
(ويدخلون الشقه ويروحون لغرفه النــوم ويشــوفون بـشرى والريم بوضع مخل .. وانصدم جاسم من اللي شافه تمنى الارض تنشق وتبلعه ولا يشوف اخته الصغيره بهالمنظر المخزي وقدام مين ؟ الد اعدائه بوريم النذل ... وبشرى ماشافتهم لكن الريم شافتهم وقامت وقالت
الريم: هلا والله بأخوي بوريم
بشرى وهي مستغربه قامت من السرير وشعرها منفوش وحطت الشرشف على جسمها لانـها كانت مولابسه بلوزه وقالت بكل خوف : جــ جــ جـــاســم
جاسم وقف وهو مذهول وماقدر يعبر:...............
الريم: هلا والله بجسوم انا الريم اخت بوريم اخته البويه .. بس حبيت اقولك ان مافي احد يحط راسه براسنا وانا واخوي ذليناك وشفنا الندم بعيونك وانا اللي مايشرفني اني المس اختك وسويت كل هذا بس عشان انتقم لاخوي(وتطالع ببشــرى) سوري بشرى بس انا ماحبيتك ابدا .. وحتى ماعجبتيني بـالسرير عموما خذت منك اللي ابي وبس وكسرت عينك وعين اخوك المتكبر
بوريم: هههههههههههههه تعجبيني والله ... طول عمري اقول ابوي خلف رجال ماخلف بنات .. والله وكسرت عينك ياجاسم .. وخليتك تشوف اختك بوضع عمرك ماتخيلت نفسك تشوفها فيه .. وموانت بس اللي شفتها حتى انا شفتها واختي بعد شافتها هههههه
الريم: بوريم خل نطلع وخله يربي اخته على راحته
بوريم: اسمع انت وياها عندكم خمس دقايق شيل اختك وطلعوا من هنا الشقه ماتتشرف فيكم وتفاهموا ببيتكم احنا موناقصين فضايح
(ويطلع بوريم واخته الريم ويقعدون بالصاله)
الريم: وشرايك بأخوك؟
بوريم: فعلا ابوي ماخلف غير الرجال ومشكور ياخوي خليتني اشوف نظره الذل والانكسار بعيونه هالمتكبر ذا
(وداخل الغرفه)
جاسم وهو ماسك اعصابه ويطالع بالارض من الذل: البسي ملابسك وعبايتك خلينا نطلع من هنا
بشرى وهي متغطيه بالشرشف قالت من بين دموعها: جاسم جاسم والله العظيم انت فاهم غلط
جاسم بحزم: ماابي افهم شي البسي بسرعه خل نطلع (وتلبس عبايتها ويطلعون للصاله وبوريم واخته يتضحكون وجالسين بالصاله
بوريم: اقول جاسم مره ثانيه بدل ماتسوي روحك مصلح وتبلغ الهيئه على اعيال الناس اصلح اهل بيتك بالاول وربهم هههههه
الريم: ع فكره بشرى انتي كلك على بعضك ماعجبتيني مالك عليك هههههههه
(ويسحب جاسم اخته ويطلعون بســـرعه وراحو بالسياره ومحد فيهم تكلم بس صوت بكاء بشرى .. واول ماوصلوا البيت ودخلوا من الباب مسك جاسم بشرى وضربها لين قالت بس ومن سؤء حظها ماكان فيه حد بالبيت وجلس يضربها لين راحت فيها .. وحاولوا الخدم يتدخلون لكن جاسم منعهم وظل يضرب اخته تقريبا ساعه ونص لين تعب وربطها بحبل ... ربط يدها ورجلها ... وحبسها بغرفتها
جاسم: اسمعي ياحيوانه انتي رح تضلين هــنا ورح تقعدين بهالغرفه طول عمرك .. ماتطلعين منها لاشغل ولاشي (ويتفل عليها) الشرهه موعليك على امك وابوك اللي موفاضين لك ومعطينك ثقه انتي موقدها
بشرى من بين دموعها: ياجاسم انا قلت لك انا ضحيه .. ضحيه الريم واخوها .. وضحيتك انت بعد من قبل ماتجي الريم كانت حياتي مافي احسن منها بس هي عندها اسلوب شيطاني تخلي الشخص غصب ينجذب لها
جاسم: ولك عين تتكلمين بعد يامسوده الوجه
بشرى: انت السبب انت اللي خليتهم يفكرون بالانتقام بدل ماتلوم امي وابوي لازم تلوم نفسك حتى انت مادرت بالك علي يااخوي ياكبير
جاسم ويشد شعرها: صوتك هذا ماابي اسمعه فاهمه
(وحط على فمها شريط لاصق عشان محد يسمع صوتها))
((وتروح احد الخدم وتتصل بأمــها وابــوها ورائــد ويجون للبيت بسرعه البرق بعد ماسمعوا الخبر وجوا ولقوا جاسم بغرفه بشرى حابسها ورابطها وجالس يضربها وبشرى حالتها حاله وشعرها متقطع والدم بكل مكان من جسمها ..
بورائد وهو ياخذ العقال من بين يد جاسم ويبعده عن بنته هو ورائد
بورائد: جاسم ووجع ان شاء الله انت شلون تمد يدك على اختك انت جنيت
رائد: انت ماتسحتي على وجهك رابط اختك وتضربها كأنها بهيمه عندك
جاسم وهو بقمه غضبه: لاتلوموني .. المفروض كلكم تسكتون ومحد فيكم يتكلم
فوزيه: ومانتكلم ليش ان شاء الله تبينا نشوفك تضرب اختك ونسكت بعد
جاسم: انتي اخر وحده تتكلم .. انتي بدل ماتقعدين ببيتك وتهتمين ببنتك واعيالك جالسه تسافرين من بلد لبلد تجمعين بهالفلوس وتفكرين شلون تستثمرينهم ومافكرتي بلحظه تقعدين مع بنتك تربينها
بورائد: احترم نفسك انت شلون تتكلم مع امك كذا
جاسم: لا يبه اعذرني بتكلم واتكلم بعد وانت بعد بعمرك ماجلست معي والا مع رائد والا حتى بناتك وتكلمت معانا وشفت بشنو نفكر وبشنو نحس انت وزوجتك تحولتوا لـ الالات كل همكم شلون تجمعون فلوس وبس ... رائد ولدك بغى يضيع منك ولاحتى همك وضيع وحده بريئه مسكينه معه ويوم حب يصلح غلطته انت منعته وبدل ماتوقف معه وقفت ضده واللي سواه ولدك وسويته انت ببنت الناس الله رجعه لك ببنتك الله مايطق بعصا
رائد حزن وتذكر اريج وماقال شي
بورائد وعوره قلبه وقال بخوف: اخــتــك اخــتك
جاسم: لايبه اختي ماحملت ولاشي اختي ماسوت شي غيرانها حطت روسنا بالتراب .. خلتني امشي مثل النعام وراسي بالارض
فوزيه وهي خايفه: قول ياجاسم اختك بشرى شنو سوت قول
رائد: هالكلام ياجاسم ترى خطير اختك غلطت تكلم قول
جاسم: اللي سوته اختك يامحترم لساني يعجر انه يقوله .. لساني انظف من انه يتلفظ بشي الوسخ اللي سوته بنتكم ناقصه العقل والدين سألوها شيلوا التيب(الشريط اللاصق) عن فهما وسألوها شنو سوت لكن قبل كل هذا سألوها ليش سوت اللي سوته(ويطلع)
بورائد حط يده على راسه وماقدر يقول شي
فوزيه: شيقول هالمجنون ... رائد خذ ابوك واطلع برى وانا بجلس اتكلم مع اختك يلا رائد
رائد: زين يمه لكن انا راجع لازم اعرف وشسوت بنتك (وياخذ ابوه ويطلع.. اما ام رائد شالت الشريط اللاصق من فم بنتها وفكت الحبل وطالعت فيها بخوف وقالت)
فوزيه: شسويتي تكلمي قولي شسويتي يامسوده الوجه .. فيه احد ضحك عليك احد لعب بعقلك تكلمي قولي
بشرى تطالع بالارض وماعلقت: ..........
فوزيه وهي تضرب بنتها: تكلمي قولي وشفيك وشسويتي تكلمي
بشرى تبكي بحراره وموراضيه تتكلم
فوزيه من بين دموعها: ياليت يطلع اللي ببالي كله غلط وماتكونين غلطتي لكن شلون ماغلطتي واخوك معصب منك ويقول انك حطيتي راسنا بالطين ... انتي بتجلسين بهالغرفه ومارح تطلعين منها لين نعرف شنو سالفتك(وتطلع وتسكر الباب على بنتها وتروح للصاله عند ولدها وزوجها)
رائد: هااه يمه قالت لك وشفيها
ام رائد من بين دموعها: للأسف قاعده تبكي وموراضيه تقول شي .. اخوك وينه
رائد: ماادري عنه وينـــهـ ومايهمني .. يمه احنا لازم نجيب دكتوره وتكشف على بنتك
ام رائد: لالاااا .. لااا دكتوره لا حق الفضايح وكلام الناس لا
رائد: يمه من جدك احنا لازم نعرف بنتك وشفيها وشدخلنا بالفضايح وبكلام الناس
بورائد وهو يطالع بالارض قال: امك معها حق احنا مانبي نفضح نفسننا ..
رائد: طيب يبه شلون نعرف وشفيها شلون؟
بورائد: اخوك لازم يتكلم بالطيب بالقوه لازم يتكلم
رائد: وهذا من وين اطلعه يبه
بورائد: موشغلي ... طلعه من اي مكان ان شاء الله من جنهم المهم يتكلم ويقول وشفيــهـ ..؟
رائد: ان شاء الله انا طالع ادوره ولازم يقول لي بشرى وشفيها
/
/
/
/
/
/
/
/
" مافيــــهـــا شـــي " قالها لاخوه وهو جالس وياه بسياره اخوه وعند البحر
رائد: لاوالله وشلون تقولي مافيها شي وانت قايل انها حطت روسها بالرمل تكلم ياجاسم ترى امك وابوك على اعصابها بسببك قولي اختك فيه احد ضحك عليها
جاسم: ههههههههههههههههههههههههههه
رائد وعصب: وشفيك تضحك انت تبي تجنني
جاسم بندم: انا اضحك علي على نفسي وعليك وعلينا كلنا .. شلون اختك قدرت تمثل البراءه وتخدعنا كلنا
رائد: جاسم لاتستهبل مووقتك اختك وشفيها
جاسم: اختي ضحيه .. ضحيه غبائها واهمال الكل لهـا مثل اريج تماما
رائد وخاف وحس ان الله قاعد يعاقبه بأخته وقال بخوف وتردد: فيه حد ضحك عليها و ... جاسم تكلم
جاسم: لاالااا .. اخــتـــك شـــاذه
رائد/ أييييييييييييييييييييييييييييييييييييييييش .... شاذه .. انت شلون تقول كذا عن اختك شلون ووين .. ومع مين... وانت وشدراك اصلا ... لالالا بشرى اختي ماتسويها
جاسم: بشرى اختك سوتها واستغفلتنا كلنا ... اختك حطت روسها بالطين
/
/
/
/
/
حـــاولت تنام ماقدرت وجلست تفكر ببنتها ... طلت على زوجــهــا وشافته نايم وهو للأسـف يتصنع النوم ..حطت راسها بين يدها وتذكر الموقف اللي صار قبل ساعه ونص
::
::
::
::
بورائد: أنت متـأكد من هالكلام ياجاسم
جاسم: يبه هالموضوع ماينمزح فيه
رائد: يبه بنتك مريضه نفسيا ولازم تتعالج
فوزيه: تتعالج عند دكتور والا دكتوره نفسيه وننفضح
جاسم: يمه انتي كل همك نفسك واسم العايله وكلام الناس والفضايح فكري ببنتك اللي ضاعت بسبب اهمالك لها
فوزيه: انا مااهملت حد ,,, وبعدين انا قاعده اشتغل واكد واتعب كل هذا لك انت واخوانك عشان اؤمن لكم الحياه الكريمه اللي تعيشكم بغنى وبدون ماتحتاجون لحد ... وموذنبي باللي صار لاختك
جاسم: اجل ذنب مين ماتقولين لي ذنب مين ... اذا بشرى سوت اللي سوته عشان مالقت حد يهتم فيها ولاحتى يسألها وين رايحه ووين جايه
فوزيه: وانت واخوك وينكم وين كنتوا عنها موانت اخوها واكثر واحد بهالبيت تقعد معها ليش ماحاسبتها على طلعاتها وجياتها اللي موعاجبتك والا بس اذا اختك غلطت وسوت اي شي تحط اللوم علي بدل ماتشكرني على اني اوفر لك لقمه عيشك
جاسم: احنا مومحتاجين مومحتاجين لشي ... انتي وابوي كل همكم الفلوس .. الفلوس هذي اللي عندكم .. تكفينا احنا واعيالينا واعيالهم بعد .. تجمعون كل هالفلوس ليه مدري .. تجمعوها لنا مشكورين بس ياليت لو تقعدون تربونا بدل ماكل همكم تأمنون مستقبلنا
بورائد: جاسم بس اسكت .. اللي صار صار واحنا لازم نفكر بحل لكل هذا
رائد: يبه احنا لازم نجلس مع بشرى ونكلمها ونفهم منها ليش سوت كذا
بورائد: لااكلمها ولاتكلمني انا لسـاني مارح يطب لســانها
رائد: يبه حرام هذي بنتك الصغيره وغلطت و
جاسم: ولســى تدافع عنـــها يارائد اختك هذي غلطت
رائد: اختي مريضه ولازم تتعالج .. انتو لازم بدل ماتضربونها تجلسون معاها وتفهمون ليش سوت كذا بشرى مريضه نفسيا
بورائد: وانا لقيت لها العلاج؟
فوزيه: وشقصدك يابورائد
بورائد: صديقي بوسعود طلب بنتك مني للزواج وانا مارديت عليه وصرفته لكن بنتك بعد اللي سمعته عنها محتاجه لعلاج وهو انها تتزوج .. اذا كانت مريضه نفسيا واتجهت للشذوذ خل ترجع لوضعها الطبيعي كبنت وتتزوج
رائد: بس يبه بوسعود ساكن مع اهـلــهـ بكــنــدا .. بأخر الدنيا
بورائد: وانا ماوافقت عليه الا عشــان هالشي .. خل تروح لاخر الدنيا ماابي اشوفها .. وموضوع اختكم ماابي حد يدري عنه حتى اختكم فاطمه ..الموضوع انولد هنــا ورح يندفن هــنا
رائد: طيب يبه ع الاقل ناخذ رايها بالموضوع
بورائد: اختك مالها راي انا رح اتكلم مع الرجال واتفق معاه عالموضوع واختــك تحمد ربها اننا ماقتلناها وانا ماابي اشوفها بعد ماتسافر ابدا (ويطلع من مكتبه ويخليهم وراه محتارين)
فوزيه: ماكان لازم تقول لابوك ياجاسم عاجبك اللي سويته بأختك
جاسم: ايه عاجبني يمه ع الاقل تتزوج وتنستر احسن من الضياع اللي كانت فيه (ويطلع)
فوزيه وتبكي: انا ماني عارفه ليش بشرى سوت اللي سوته
رائد: ياليت تجلسين معاها يمه وتسألينهـا بنــفســك.. وبالمره تبشرينها بالزواج احســن من انــها تنصدم فيه مثل ماصدمتيني قبل
فوزيه: هذا وقتك يارائد
رائد: لا يمه لاتزعلين مني موقصدي .. بس ابوي حكم انه ينهي حياه بشرى مثل مايحب مثل ماانتي حكمتي على بنهايه من اختيارك وبين النهايتين انتي وابوي كان كل همكم كلام الناس وبس .. هااه يمه بتسوين لبنتك عرس اسطوري والا ابوي له وجهه نظر ثانيه(ويطلع ويخلي امه تزيد ببكائها وحزنها على بنتها)
::
::
::
::
::
ام رائد: معقوله اكون انا السبب باللي صار لبشرى ورائد انا لازم اروح لبشرى واكلمها
(وراحت لبنتها لقتها جالسه عالسرير وتفكر واول ماشافت امها لفت للجهه الثانيه)
فوزيه: بشرى يمه انا .. أنــا موجايه اعاتبك انا جايه اسولف معك
بشرى وهي ساكته وتطالع بالارض:..............
فوزيه: بشرى اللي صار صار لاتفكرين فيه خلاص
بشرى بدون ماتطالع امها:.............
فوزيه: انا موعارفه شقول .. بس انا انااسفه اذا بيوم من الايام بعدت عنك ومااهتميت فيك .. انا حملتك اكبر من سنك انتي موحمل الشغل بالمؤسسه .. انا اسفه اذا حملتك اكثر من طاقتك
بشرى بدون ماتتكلم حطت راسها على صدر امها وضمتها وجلست تبكي بحراره
فوزيه وهي تبكي: خلاص يمه لاتبكين انا موزعلانه منك يمه .. انا زعلانه عليك وزعلانه من نفسي اني مااهتميت فيك .. أنــا أســـفـــهـ اسفه
بشرى: انا اسفه يايمه انا ضحيه والله العظيم ضحيه
فوزيه من بين دموعها: بشرى حبيبتي خلاص انسي اللي صار انسيــنــهـ واسمعيني عدل .. ابوك يبي يزوجك لاتقولين لا ولاتعترضين اللي رح يزوجك اياه ولد ناس ومعروفين ورح يعيشك بعز ويؤمن مستقبلك وهو ساكن مع اهله بكندا .. انتي رح تبدئين حياه جديده قريبا
بشرى ماقالت ولاكلمه ولاحتى اعترضت لان مومن حقها تقول شي وشكرت ربها ان اهلـــهــا ماقتلوها بس صحيح انها كانت رافضه الزواج لكن ماقالت ولاكلمه
/
/
/
/
/
/
الـــســـاعــــهـ .. 12 صــبــاحـــا بتــوقــيــت ميـــامــي كانت شهد توها صاحيه من النــوم وبدلت ملابسها واتصلت بأبراهيم من الفندق
شهد: الو صباح الخير .. ايه فطرت الحمدلله .. انت وينك .. طيب شريت لي موبايل .. عن جد شكرا .. بتجي الحين .. وين بنروح ... البيتش .. طيب مارح نروح للمعهد ابي اشوفه .. اوكي نروح للبيتش وبعدها المعهد طيب انتظرك باي(وتسكر.. وبعد ربع ساعه كان ابراهيم عند باب الفندق ونزلت شهد)
(وبالسيـاره)
شهد: صباح الخير
ابراهيم: صباح النور ...
شهد: ماشاء الله عليك امريكي بالمواعيد
ابراهيم: افااا عليك اعجبك.. الحين بتتعرفين ع الشلــهـ رح تستانسين معاهم
شهد: الشله
ابراهيم: ايه اللي كلمتك عنهم امس ترى هم مره كوول وفله
شهد: اوكي
In the beach في الشــاطئ
(كانوا ابراهيم وشهد توهم نازلين ورايحين للشله وكانوا دينا وجنا يتشمسون وجالسين بالمايوه)
ibrheem: hi girls
ابراهيم: اهلا يابنات
jea: holle .. you shahad
جنا: مرحبا .. انتي شهد
shahad: yes ..you jea or dena
شهد: اجل .. انتي جنا او دينا
dena: iam dinaa
دينا: انا دينا
jea: and im jea
جنا: وانا جنا
shahad: niec to meet you
شهد: تشرفت بلقائكم
dena: iam speek arabic
دينـا: انا اتكلم العربيه
shahad: inow ibrheem tell me
شهد: اعلم ابراهيم اخبرني
دينا: لايخفي عنك شيئا
شهد: ههههه مايقدر يسويها
دينا: ماذا ..؟ تكلمي فصحى فأنا بالكاد تعلمت الكلام بالفصحى .. ابراهيم اذهب والعب مع الشباب كره اليد
ابراهيم: حسننا سأذهب واترككم بمفردكم يافتيات
jea: oh my god speek english
جنا: ياالهي تكلموا باللغه الانجليزيه
dena: quiet jea ... shahad where is your bikini
دينا: اهدئي جنا .. شهد اين ملابسك السباحه الخاصه بك
shahad: I I ..I
شهد/ انــا ,, انــا .. انا
jea: you dont have one?
جنا: ليس لديك ملابس سباحه خاصه بك؟
shahad: idont like it
شهد/ انا لااحب ارتداء ملابس السباحه
dena: why
دينا: ولماذا؟
shahad: because iam shy
شهد: لانني اخجل
jea: hahahahahaha ....Holle... you in amerca not in your country
جنا: هههههههههه .. مرحبا .. انتي في امريكا ولست في بلادك
dena: shut up jea come shahad
دينا: اسكتي جنا .. تعالي شهد
دينا: اسمعي الحياه هنا مختلفه كليا عن بلادنا ... صحيح انني بحياتي لم اذهب الى السعوديه ولكن والدي يخبرني عنها امورا كثيره .. لذلك يجب ان تعتادي على الحياه هنا .. انتي سوف تدخلين الجامعه وهناك الكثير من الفتيات اللواتي سيسخرن منك اذا وجدوكي مختلفه عنهم .. الا لست ارعبكي من الجامعه بل اوضح لك الامور .. هناك الكثير من ملابس السباحه المحتشمه ولكن ليس احتشاما كاملا .. بل هي افضل من ملابسنا انا وجنا .. ولاتتضايقين من جنا انها طيبه القلب ولكنها ثرثاره جدا ..
شهد: انا لم اتضايق منها ولكن انا مومتعوده اقصد لست معتاده على البحر وملابس السباحه ثم انني جئت هنا للدراسه فقط
دينا: صحيح الدراسه مهمه ولكن سنوات الجامعه من اهم سنوات العمر ويجب استغلالها جيدا وخاصه ان ابراهيم يحبك كثيرا ويريد فعل اي شي ليجعلك سعيده
شهد: والله وانتي وشدراك؟
دينا: ماذا تقولين؟
شهد: اقصد وماادراك بذلك
دينا: من نظره عينه التى بها حب وحنين لك
شهد: عموما دعينا من هذا الكلام وكلميني عن نفسك
دينا: حسننا سأحدثك بالانجليزيه كي لاتغضب جنا لانها ان تكلمت مع اي شخص باللغه العربيه تغضب وتقول انها تشعر بالاهانه لانها لاتفهم شيئاا
شهد ودينا: ههههههههههههه
jea: do you finish your talking?
جنا: هل انتهيتم من حديثكم ؟
shahad: jea dont be angry iwill speek english for you
شهد: جنا لاتغضبي سوف اتكلم الانجليزيه لاجلك
jea: finally
جنا: واخيرا (ويجون الشباب)
سامي: هلا شهد
شهد: اهلين سامي
jea: sami speek english
جنا: سامي تحدث بالانجليزيه
sami: ok sweet heart
سامي: حسننا عزيزتي (ويبوس خدها)
شهد حست باحراج وقالت لابراهيم بهمس: وليش يبوسها؟
ابراهيم: عادي حبيبته .. ماعليك منه تراهم دايما مع بعض
شهد: ويبوسها دايما
ابراهيم: شهد وشفيك احنا بأمريكا
شهد: ويييه ربعك جريئين
ابراهيم: ياشهد هذي موجرئه عادي .. للحين ماسووا شي
شهد بخاطرها: الله يعينني عليهم هذا وهم ماسووا شي اجل وشلون لو سووا شي؟
adem: friend i will have party in my home today .. comeing
ادم: يااصدقائي اليوم سوف اقيم حفله بمنزلي تعالوا؟
friend: offcourse
الكل: طبعا
adem:ibrheem let your friend come wite you
ادم: ابراهيم واحضر صديقتك معك ..
ibrheem: ask her if she want come
ابراهيم:اسألها ان كانت تود الحضور
adem: would you like to come
ادم: هل ستحضرين؟
shahad: yes
شهد: اجل(وتلفت لابراهيم) متى بنروح نزور المعهد وتوديني للعايله اللي رح اسكن عندهم
ابراهيم: الحين نروح نتغدى وبعد الغدا بوديك عند العايله وتزورين المعهد ولاتخافين العايله مره كول ورح يخلونك تطلعين وترجعين الوقت اللي تبينه بس عندهم كم قانون ولازم تحافظين عليه
شهد: اوكي اصلا انا مااحب اطلع كثير
jea: shahad what are you stdy?
جنا: شهد ماذا تدرسين؟
shahad: medical
شهد: طب
jea: do you pass frist class
جنا: وهل اجتزتي المرحله الاولى
shahad: what do you mean?
شهد: ماذا تقصدين؟
jea: ibrheem .. you dont tell her
جنا: ابراهيم الم تخبرها
ibrheem: i forget
ابراهيم: لقد نسيت؟
شهد: ابراهيم شسالفه
ابراهيم: قبل ماتدرسين طب اسنان لازم تدرسين بالجامعه تخصص علوم لاربع سنوات
شهد: شلون يعني؟
ابراهيم: عادي بعد ماتخلصين الاربع سنوات تدرسين اربع سنوات بكليه طب الاسنان
شهد: وليش ماقلتي لي من قبل؟
ابراهيم: شهد لاتزعلين انا بعد ماكنت ادري عموما .. الطب كذا كذا 7 سنين بس بأمريكا 8 سنين بدون اللغه ولكن مع الصيفي يصير اقل
شهد وزعلت: اووووف يعني وراي مشوار طويل
ابراهيم: شهد لاتزعلين والله الحياه هنا حلوه وصدقيني بعد ماتعيشين هنا رح تتمنين انك ماترجعين للسعوديه
/
/
/
/
/
/
بــالســعوديه ... الســـاعه تســع بالليـــل كانت نغم جالسه تنتظر رائد اللي من طلع الصباح مارجع وحتى جواله مقفل وكانت جالسه بالصاله تتابع تلفزيون ولابسه فستان قصير اورنج وملت من الانتظار ودخل رائد
نغم: رائد ..(ووقفت وراحت له) وينك تأخرت
رائد: كنت بالشغل يعني وين كنت؟
نغم: ايه بس تأخرت وبعدين ليش مقفل جوالك لوتفتحه الحين بتشوف فوق العشرين مكالمه مني
رائد: وليش ان شاء الله كل هالمكالمات وشعندك؟
نغم: خفت عليك
رائد بدون نفس: انا مو بزر عشان تخافين علي عن اذنك
نغم: وين رايح انا ابي اسولف معك؟
رائد: تسولفين معك بصفتك شنو .. فكيني بس انا موناقصك انا تعبان من الشغل وابي انام(ويروح ويخليها بحيرتها)
نغم: اووووف منك يارائد والله انك ممل ورح اتعب معك
/
/
/
/
اليـــوم التــــالـــي ... الســاعه 6 صــبــاحـــا ببيت بورائـــد قام بورائد من الصبح ووقوم زوجته يبي يكلمها
فوزيه وهي توها صاحيه من النوم: خير يابورائد وشفيك صاحي من الصبح
بورائد: يعني كأني نمت
فوزيه وجلست: وبعدين يابورائد خلاص انسى
بورائد: مااقدر انسى ومارح يجيني نوم الا لمى اخلص موضوع بنتك هالعله
فوزيه: تخلصه ... شلون يعني؟
بورائد: انا تكلمت مع الرجال وحددنا موعد العرس بعد اسبوعين بالضبط بنسوي حفله بسيطه بيننا وبين وبعدها رح تسافر وياه
فوزيه: حفله بسيطه وبعد اسبوعين من جدك يابورائد تبي الناس ياكلون وجهننا الحين عرس اخوها كان مافيه احسن منه والناس للحين تتكلم فيه وتبي تزوجها بهالسرعه وحفله بسيطه بعد وش راح يقولون نسايبنا عننا
بورائد: فوزيه انا اللي قلته رح يصير وبدل هالكلام الفاضي اللي صدعتي راسي فيه ياليت لو تجلسين مع بنتك هاليومين وتهمتين فيها قبل ماتسافر مع ان جلستك من عدمها ماتنفع بشي .. مو اذا فات الفوت ماينفع الصوت .. انا بروح الشغل حتى الفطور سديتي نفسي عليه الله يسد نفسك(ويطلع)
فوزيه: اوووف وشفيه هذا من صار اللي صار وهو مايطيق مني كلمــهـ .. الله يهــديـهـ
/
/
/
/
/
/
.... الـــســـاعـــهـ 11 ليلا بتوقيت ميامي .. فلوريدا .. الولايات المتحده الامريكيه .. ببيت ادم
كانت الحفله صاخبه ولسى ببدايتها ... وابراهيم كان جالس مع اصحابه وسوالف وضحك وشرب وشهد جالسه لحالها وتجيها دينا
دينا: مرحبا شهد .. هل تريدين بيره
شهد: لا شكرا انا لااشرب الكحول
دينا: انها بيره مجرد بيره
شهد: ولكنها خمرا
دينا: مابك شهد .. لاتعقدين الامور .. انظري الى ابراهيم وسامي هما سعودين مثلك ويشربون ولكن ليس لحد الثماله .. انها مجرد بيره فقط
شهد: حسننا هم احرار ولكنني لااحب الشرب
دينا: اووووه شهد انتي انسانه غريبه الاطوار الكل هنا سعيد ويتكلم مع الاخرين الا انتي هل تريدين ان تصبحي فاشله
شهد: وانت كنت لااريد الشرب اصبح فاشله
دينا: لا ... لااقصد ولكن ان كنتي لاتريدين ان تشربي .. لماذا تجلسين لوحدك اذهبي مع الناس واختلطي بهم وتعرفي عليهم .. او على الاقل اجلسي مع ابراهيم انه حبيبك وهناك الكثير من الفتيات اللواتي يريدون الجلوس معه
شهد: لقد تأخرت عن المنزل واريد الذهاب الان ..
دينا: ولكن الساعه مازالت الحاديه عشره لماذا تردين الذهاب
(ويجي ادم)
adem: holle dena .. hi shahad
ادم: مرحبا دينا .. اهلا شهد
shahad: holle
شهد:مرحبا
adem: let us go to my room
ادم: دينا هيا لنذهب الى غرفتي
dena: but sami and jea ter
دينا: ولكن هناك سامي وجنا
adem: they just leave let will go
ادم: لقد خرجوا هيا لنذهب
dena: ok bye shahad
دينا: حسننا ... الى اللقاء شهد
shahad: bye
شهد: الى اللقاء
adem: shahad dont be angry just go and tauk to avry bady you like .. you must be happy ..this is one of adem willians parties enjoy it
ادم: شهد لاتغضبي فقط انهضي وتعرفي على الجميع .. يجب ان تكوني سعيده انها احدى حفلات ادم وليامز استمتعي بها
(ويضحكون ويروح هو ودينا ويجي ابراهيم)
ابراهيم وهو ماسك بيره: هاي شهد ليش جالسه لحالك
شهد: ابراهيم ابي اروح البيت
ابراهيم: من جدك توا الناس؟
شهد: بصراحه جو الحفله كله موعاجبني ... خمر واغاني صوتها عالي وكل ولد وبنت بغرفه وين قاعدين
ابراهيم: شهد وشفيك ليش تعقدين الامور ... انتي بامريكا والا تبين حفله كلها بنات
شهد: وشفيها يعني
ابراهيم: مافيها شي بس هنا مافيه ... تعالي قومي اعرفك على شله بنات بتسانسين وياهم
شهد: ماابي اتعرف على حد ابي اروح البيت وياليت توصلني الحين
ابراهيم: ايه بس العايله اللي انتي ساكنه وياهم قالوا عادي ارجعي الساعه 12 لسى باقي ساعه
شهد: ابراهيم ماابي اجلس هنا ولادقيقه لايعه كبدي من هالمكان انا مومتعوده على هالاجواء .. بتوديني البيت والا شلون
ابراهيم: اوووووه حدك ممله .. تدرين بوديك البيت وبرجع على الحفله على طول .. قومي (ويروحون)
/
/
/
/
/
/
/
/
من التعب نامت على الصوفا وكانت سهرانه على التلفزيون ونايمه على الكنبه ... صحى زوجـها من الصبح يبي يروح للشغل وشافها وراح لعندها وطفى التلفزيون وصحاها
رائد: نغم نغم .. نغم اصحي
نغم وتوها تصحى: هلا رائـــد.. كم الساعه
رائد: الحين الساعه 6ونص .. ليش نايمه هـنا؟
نغم: سهرت عالتلفزيون ونمت بدون مااحس بنفسي ... فطرت
رائد: لا بروح الشغل
نغم: توا الناس انتظر نفطر سوى وبعدين بنروح
رائد: لا .. ابوي بالشركه واتصل فيني واستعجلني بفطر بالشركه
نغم: طيب ع الاقل اكل لك شي هنا
رائد: مافي وقت بمشي
نغم: طيب رح تتأخر
رائد: مدري .... ليـــــــهــ ؟
نغم: يعني انتظرك ع الغدا
رائد بدون نفس: وبعدين نغم للحين مافهمتي انا لاتنتظريني لا على غدا ولاعشــا كل واحد مننا ياكل وجبته لحاله
نغم وتوقف: ايه بس كذا مايصير يارائد انت تطلع من البيت الصبح وماترجع الا اخر الليل كـأننا بفندق
رائد: وخير ان شاء الله مدام نغم وشنو تبين يعني ... ليكون تبيني اجلس عندك ليل ونهار .. انتي الظاهر صدقتي نفسك انك فعلا زوجتي
نغم: اووووه يارائد كل ماقلت لك شي .. تقولي انتي موزوجتي وانتي اختي .. حتى الاخوان يقعدون مع بعض ويسولفون انا احس اني طفشانه وازهق لحالي
رائد: هذي مومشكلتي اطلعي مع صديقاتك ..روحي عند فاطمه اختي وبعدين مو مشكله كلها كم يوم وتفتح الكليه وتلهين بدراستك عني ورجاء للمره المليون اقولك لاتكلميني بهالمواضيع اعتبري نفسك بفندق وكل واحد فينا مسؤول عن نفسه ولكن استئذاني مني قبل ماتروحين اي مكان
نغم: وشلون استئذن منك وانت طول الوقت برى ودايما مقفل جوالك ماادري ليه مطلعه
رائد: بسيطه الصبح قبل مااطلع اكتبي لي تقرير عنك ووين بتروحين وانا بشوف اذا اعطيك الاذن والا لا .. عن اذنك باي(ويطلع)
نغم: ياربي بيذبحي هالرجال كل مااحاول اتقرب منه يبعدني عنه انا شكلي بتركه يولي لاني بصراحه مليت منه
/
/
/
/
/
" غلــطانـــهـ .. والله العظيم غلطانه " قالتها لبنت عمها وهي عندها بالبيت
نغم: بس والله ياهيفا انا تعبت منه كل مااحاول اتقرب يبعد وموشايفني الا ساحب علي
هيفا: طيب على طول تستسلمين .. انتي عارفه ان هالشي صعب ولازم له طول بال
نغم: انا عارفه بس اطول بالي اذا كان يقعد معي بس الاخ مايدخل البيت الا وقت النوم ولااا ينام بغرفته بعد وطول النهار شاغل نفسه بالشغل والله عجزت معاه
هيفا: توك بأول الطريق وتقولين مليتي
نغم: بلا اول الطريق بلا غيره انا احس اني جالسه اذل نفسي
هيفا: وشقلنا يانغم ... اذا جلستي تتكلمين مثل كذا مارح تتقدمين وتسوين شي ... هذا زوجك ومافيها شي لو حاولتي انك تغيرنه وتستملينه لك
نغم: انتي جالسه تتكلمين كذا لانك ماتشوفين اللي انا اشوفه رائد هذا كله عقد انا بصراحه احس انه معقد
هيفا: معقد .. بس انتي كنتي ناويه تفكين عقدته والا غيرتي رايك
نغم: لا ماغيرت رايي بس اجلت الفكره تدري الكليه مابقى عليها الا كم يوم وماابي شي يشغلني عنــهــا ورائد هذا ان فضيت بتفرغ له
هيفا: وشفيك يانغم كأن حماسك قل
نغم: لان رائد يطفش انتي مارح تحسين فيني الا لمى تصرين مثل حالتي
هيفا بخاطرها(ومين قالك اني موحاسه فيك .. الا انا اخس منك):
نغم: هيفااا هيفااا وين سرحتي
هيفا: هاااه سوري .. وشكنتي تقولين
نغم: اللي ماخذ عقلك
هيفا: ههههههه محد ماخذ عقلي .. عقلي بمكانه
نغم: طيب وشرايك نروح للسوق وبعدها نتغدى برى
هيفا: وشعندك بالسوق
نغم: ابي اشتري كم غرض للكليه واشياء ناقصتني
هيفا: اوكي انا ماعندي مانع بس قلتي لرائد
نغم: لا ... بس انا رح اطلع وادخل وهو مارح يدري بأي شي .. الاخ موفاضي لي
هيفا: طيب قولي له
نغم: لا ماابي اقوله
هيفا: وشفيك انتي تبين تتهاوشين معه
نغم: لا وشدعوه .. بس والله مارح يهتم وبعدين هو عنده فكره اني بطلع وحتى لو درى مارح يهتم .. ياشيخه خليها على الله وبعدين انا مارح اتأخر
هيفا: دامك متأكده كذا .. خلاص مثل ماتحبين(ويقومون)
/
/
/
/
/
/
/
ببيت فاطمه كانت تكلم امها بالتلفون
" بعد اسبوعين ... وحفله بسيطه بالبيت .. يمه من جدك انتي .. الحين رائد عرسه كان اسطوري واخته عرس سريع ولاا بعد اسبوعين وبالبيت يمه وشفيك الناس رح تاكل وجهننا"
ام رائد: ماعلينا من حد المهم خلك مستعده
فاطمه: يماه شسالفه وشصاير ؟
ام رائد: موصاير شي .. والا ماتبين اختك تتزوج
فاطمه: لا موكذا بس الناس شنو رح تقول وليش تتزوج بهالطريقه
ام رائد: انتي ماتفهمين قلت لك مالنا دخل بالناس ... تجين البيت .. لا لاتجين محد فاضي لك .. وبعدين بشرى خلاص ماعاد رح تجي المؤسسه استقالت وانتي بتتسلمين الادراه .. طيب يلا مع السلامه باي "
فاطمه وتسكر سماعة التلفون: شســالفه ؟(ويسألها زوجـها)
مشعل وهو يقرى الجريده: وشفيك فطوم .. شفيك مستغربه؟
فاطمه: اختي بشرى بتتزوج
مشعل ويترك الجريده: والله الف مبروك
فاطمه: الله يبارك فيك
مشعل: طيب مين بتأخذ
فاطمه: بتأخذ واحد ولد صديق ابوي .. ولد بوسعود
مشعل: بوسعود اللي ساكن بكندا
فاطمه: ايه .. أنت تعرفه
مشعل: وفيه حد مايعرفه .. هذا تاجر سيارات ومعروف بكندا وهـنا .. وكان سفير بأوروربا وبعدين ترك الشغل وكون له شغله وتزوج كنديه واستقر هناك
فاطمه: اهاا زين بس اختي رح تسكن بكندا
مشعل: لانه هو اصلا مستقر هناك وعنده الجنسيه .. غريبه ماخذ حق ولده وحده من هناك .. عموما هذولي ناس زنين والكل يشكر فيهم واختك رح ترتاح وياهم
فاطمه: بس اختي رح تتركنا
مشعل: مافيها شي .. تزوركم بالصيف بس والله نسبهم يشرف
فاطمه: اختي عرسها بعد اسبوعين .. وامي رح تسوي لها حفله بسيطه
مشعل: زين ماله داعي المخاسير مومثل عرس اخوك مابقى شي ماحطيتوا فيه خسرتوا فيه ملايين
فاطمه(انا قاعده اتكلم مع مين): بس انا مستغربه كل شي صار بسرعه
مشعل: لاتستغربين ولاشي عادي .. ادعي لاختك بالتوفيق بزواجها
فاطمه بأستغراب من برود زوجها: الله يوفقها ان شاء الله
مشعل: تبين اوديك لبيت اهلك
فاطمه: لاماله داعي .. وديني الشغل خبرك المؤسسه الحين كلها فوق راسي
/
/
/
/
/
/
بــفــلــوريـــدا .. كانت شــهــد جالســهـ .. بغرفتها لانــها توها سـاكنـه عند عايله وخذت موبايلها واتصلت بأختـهـا
شهد: الو هلا هبــه .. شلونك
هبه: الحمدلله تمام انتي شلونك .. وحشتيني مووت
شهد: وانتي اكثر ياقلبي .. العايله اللي انا عندهم طيبين وماعندهم شباب ماعندهم غير ولد عمره 5 سنين وبنت عمرها 15 سنه بس و تعاملهم معي مره حلو الحمدلله .. لالا هم مومسلمين لكن مومتعصبين يعني عندهم احترام الاديان وحتى انا اخذ راحتي عندهم .. لا زوجها دايما بالشغل وهي ماتشتغل ست بيت وعلى نياتها وانا للحين مرتاااحه ولله الحمد ... كم الساعه عندكم؟
هبه: الحين الساعه 9 بالليل ليش؟
شهد: الحين عندنا الساعه 4 الفجر
هبه: وشللي مصحيك للحين
شهد: بكره اول يوم دوام بالمعهد ومن الربكه مانمت للحين ..
هبه: اووووف نامي ياقلبي عشان تقومين بكره مصححه
شهد: ايه بنام بس قلت بكلمك اول .. الا قولي لي شخبارك وشخبار جدتي واعيالك .. والخدامه وصلت والا لا؟
هبه: بل بل تبيني اجاوب على كل هذا ... عموما الخدامه بكره بتوصل وانا وامي وجدتي اوكي .. وابشرك راعيه الشغل زادت راتبي 200 ريال .. ههههههه .. اي والله مابغت طيب حبيبتي باي (وتسكر)
هبه: الله يوفقك ياشهود والله لك وحشه ومكانك فاضي .. خلني استغل يوم الاوف هذا واروح اسوي العشا وانوم اعيالي وامي بدري ماودي اعودهم ع السـهـر (وتقوم)
/
/
/
/
/
/
/
وصــل البيت بدري موع عوايده ... راح لغرفته يبي ينام بس ماقدر لانه كان جوعان .. وفكر انه يتعشى مع زوجـتــه وجلس يدورها ومالقاها وسأل الخدامه عنها وقالت له انها طالعه من العصر .. وجلس على اعصابه ينتظرها بالصـالــة .. انتــظرها ساعتين ونص وبعدها جات
رائد واول ماشافها وقف: الحمدلله ع السلامه يامدام كان تأخرتي اكثر
نغم اللي شافته وماتوقعت انه ينتظرها: مدام كثر منها يااخوي العزيز (وتنادي الخدامه) رومي ..رومي تعالي خذي الاغراض
رائد: انا قاعد اكلملك خلي رومي عنك وطالعيني
نغم وهي تفسخ شيلتها : رائد شفيك تبي تهاوشني وبس
رائد: لا ماابي اهاوشك بس ابي اعرف وين كنتي وليش تأخرتي للحين وحتى ماقلتي لي
نغم: رائد ممكن تهدي اعصابك عشان اتكلم معاك
رائد: ممكن تجاوبيني انا للحين مهدي اعصابي
نغم: انا رحت للسوق مع بنت عمي هيفا وانا قلت لك امس اني يمكن اروح للسوق
رائد: طيب ليش مااتصلتي فيني
نغم: اسفه اعترف اني غلطانه يوم مااتصلت بس ماتوقعت اني رح اتأخر هالكثر توقعت اني اقعد شوي وارجع بس خذتنا السوالف وبعدين للحين الساعه 10
رائد: ليش كنتي ناويه تتأخرين اكثر يامدام
نغم: بليز لاتقولي مدام .. عشان مااصدقك
رائد: صدق ماتستحين على وجـهك فوق شينك قواه عينك .. لكن الشرهه موعليك الشرهه علي انا اللي معطيك حريه انتي موقدها لكن من يوم ورايح مافي طلعه من هالبيت الا بأذني فاهمه والسواق مارح يتحرك من عند الباب الا بأمر مني ,, وبيتي محد يدخله الا بعد موافقتي فاهمه
نغم: رائد وشفيك انتي تحسسني اني جالسه بسجن انت وشسالفتك انا تعبت وياك قولي انت شنو تبي مني وانا رح اسويه لك قولي
رائد: ابيك تعرفين ان وراك رجال .. وان مايصير تتحركين ولاخطوه الا بأمري واذن مني
نغم: ليش تتكلم معي انا بشنو قصرت معك .. مايسوى علي طلعه هالسوق انا طلعت اشتري لي شويه اغراض للكليه ولنفسي وبس واعتذرت لك شنو تبني اسوي اكثر عشان ترضى قولي شنو تبيني اسوي
رائد: الشرهه موعليك الشرهه علي انا اللي فكرت اني اجي بدري واتعشى معك وابدء بدايه جديده وياك .. تدرين شنو ابي اسوي الحين... ماابي اشوف وجهك قدامي .. (ويطلع من البيت .. اما نغم فزعلت من الكلام اللي قاله و حست بالذنب لانها طلعت وجلست تبكي من القهر)
بـــعــــد أســبـــوعيـــــن ... ببيت بورائد كان الكل متواجد عشان عرس بشرى الحـفله كانت بسيطه وهادئه ومقتصره بين اهـلهـ واهـلهــا .. وبغرفه بشرى كانت توها الكوافيره مخلصه من لمساتها الاخيره وتجي ام بشرى وتجلس تكلم بنتها
فوزيه: بشرى
بشرى: ...................
فوزيه: يمه بشرى اللي راح راح .. والحين انتي عروس واليوم رح تبدئين حياه جديده .. انــسـي كل شي وفكري باليوم وبكره وحياتك الباقيه ... انتي الحين مارح تصرين بنت رح تصيرين مدام وانتي اكيد عندك فكره عن .. او حتى عندك معلومات عن .. عن اليوم .. الحين ريان صار زوجك حلالك لاتستحين منــه ولاتخجلين .. البنت مالها الا زوجـها وبيتها .. اعتبري زوجك مثل قبرك رح تعشين معاه طول العمر... ريان رح يحطك بعيونه وانتي حطيه بعيونك وبقلبك وفوق راسك .. يمه بشرى الله يوفقك بحياتك وانتي من اليوم مسؤوله عن نفسك وزوجك وحياتك الجديده
... جلست فوزيه تتكلم وبشرى ساكته تسمع بدون ماتتكلم وكأنها مثل الاله اللي تنفذ كل شي وتقول سمعا وطاعه بدون ماتضيف كلمه وحده او حتى تتوقع انه مايحق لها تتكلم سمعت امها للنــهايــهـ وماعلقت على ولا شي ....
أنتـهــى الفرح اللي كان أشبـــه بالعزاء موفرح كان ممل وكيئب ومحد باين عليه الفرحه الا اهل المعرس وخلص الفرح على الساعه 1بعد نص الليل ورجع الكل لبيته وببيت رائد كان نغم ورائد توهم داخلين البيت
رائد: نغم .. سوي لي عشا جوعان
نغم: معليه رائد انا تعبانه قول للخدامه تسوي لك عشـا
رائد: وبعدين معاك انتي صايره ممله ونكديه
نغم: اصلا انا ماابي اتكلم معاك عشان ماانكد عليك ولا امللك
رائد: وشفيك هاليومين صايره تتجنبيني والحين ماتبين تتكلمين معاي
نغم: انا اللي شفيني والا انت تعبتني معك .. يوم مافي احسن منك وعشره لا تعيشني يوم بحلم مافي احلا منه وبعدها تصحيني بكابوس طوال شهرين وانا متحملتك واحاول اغيرك وانام واصحى على حسك وافكر فيك مابقى شي ماسويته لك وانت موعاجبك ولمى اتأكد انه مافي امل منك تعاملني زين وتعطيني وجه .. واشيل الفكره من راسي وارجع من جديد احاول اني ابدء معك بدايه جديده لكن انصدم انك ترجع وتقلب علي وبعدين انا بكره اول يوم دوامي بكليه الطب وماني فاضيه لمزاجك المتقلب انا كل اللي بفكر فيه هو دراستي وبس وانت تعبت منك ومليت وماابي احاول ابدء من جديد تصبح على خير(وتروح)
رائد: وشفيها ذي ماتنعطى وجـة .. اريج فهمتني غلط انا ماابي اتقرب منها انا طبعى كذا (ويسكت لثواني)
رائد بخاطره: كأني قلت اريج ... اريج وينــهـا الحين لو انها معاي كان صرت اسعد انسان بهالدنيا مواضطر اتحمل نغم وسخافتها .. سبحان الله خلق وفرق .. نغم واريج كبر بعض بس وش جاب لجاب .. (وراح لغرفته وجلس يفكر بأريج)
/
/
/
/
/
/
الســـاعــــهـ 8 صباحــا بتوقيت ميامي فلوريدا .. كانت شهد جالسه تفطر بالمطبخ وشافت روز بنت الناس اللي ساكنه عندهم
Rose: holle
روز: مرحبا
shahad: hi .. how are you
شهد: اهلا .. كيف حالك؟
rose: fime ... your boyfriend here
روز: بخير ..صديقك هـنا
shahad: really ..
شهد: حقا؟
rose: yes
روز: اجل
shahad: ok im leaving bye
شهد: حسنا سوف اذهب الى اللقاء
rose: bye .. oh my god.. her boyfriend so sweet
روز: وداعا .. ياالهى .. صديقها رائع جدا
(وتطلع شهد وتروح وتشوف ابراهيم ينتظرها برى بسيارته)
شهد: صباح الخير ابراهيم(وتركب السياره)
ابراهيم: صباح النور
شهد: ماله داعي تعذب روحك المعهد قريب
ابراهيم: لا عادي واصلا احنا من زمان ماجلسنا مع بعض
شهد: مو مني منك انت اللي تغيرت
ابراهيم: انا ماتغيرت انتي اللي ماتبين تجين معاي لحفلاتي ولاتطلعين معي ومع ربعي من دخلتي المعهد وانتي حابسه نفسك بالبيت كأن الدنيا رح تطير
شهد: لامارح تطير الدنيا بس انا جايه هـنا للدراســهـ .. وبس وماابي اضيع وقتي
ابراهيم: طيب اليوم انا مسوي حفله عندي بالبيت تجين
شهد: لا طبعا .. حفلاتكم كلها شراب وخراب
ابراهيم: ههههههههههههههههههههه .. حلوه شراب وخراب .. حبيبتي احنا بأمريكا
شهد: ولو انا مااسوي شي انا مومقتنعه فيه
ابراهيم: المهم قولي لي كم كلاس باقي لك عشان تخلصين المعهد
شهد: لغتي زينـه .. وسووا لي كم اختبار عشـان قبول الجامعه واتوقع ان قبولي يجي لان المدرس طمني وقالي اني من احسن الطلاب عنده ومتوقع لي مستقبل حلو بالكليه
ابراهيم: وعلى اي قسم من العلوم قدمتي
شهد: علوم طبيه .. (ويوصلون) طيب اشوفك اليوم بعد الدوام
ابراهيم: لا مارح اجي رح انشغل بالجامعه وبعدها عندي بارتي مع اصحابي اللي مايعجبونك ومارح تجين ولارح اقدر اشوفك
شهد: طيب باي (وتنزل)
ابراهيم: اوووف الله يقطعك شقد معقده ... شكلي رح اتعب معاك
... بالســـعـــوديـــهـ .. اليوم التالي
تحديدا بروضــه هــبــه كانت جالسه مع صديقتها وخاصه ان اليوم مافي دوام رسمي بس تسجيل .. وجالسه تسولف مع صديقتها
هند: والله لو تشوفين شلون كانت تركيا هالسنه مليانه عرب وخاصه الخليجين احس اننا ببلد عربي
هبه: والله هالسنه ناس واجد راحو تركيا عشان هالمسلسلات اللي طافين فيها
هند: والله معاهم حق .. ورحنا قصر مهند ياشيخه القصر راعيه كان بيبيعه لانه مومستفيد شي بس بعدين هالقصر صار احد المعالم السياحيه للعرب بتركيا.. وبعدين تركيا موغاليه وهذا اهم شي
هبه: اهم شي استانستوا؟
هند : ويييه الا تشققنا من الوناسه .. خبرك بعد من تزوج اخوي وصرنا نسافر مع امي وابوي لحـالنا ومستانسين .. الا وين ابله تغريد
هبه: يقولون تزوجت وطلعت من الدوام
هند: مالت عليها ولاحتى عزمتنا
هبه: ماعزمت احد من الدوام تزوجت وماسوت حفله خذت واحد كبر ابوها و من الكباريه وسجل لها بيت يؤمن مستقبلها وسياره ورصيد بالبنك
هند: ويييه وهذي اللي تقول مارح اتزوج الا واحد اكبر من بسنتين اذا كثرت لكن شكلها شافت الفلوس وزاغت عينها
هبه: عموما ماله داعي نتكلم عليها الله يوفقها
هند: والله لويجيني معرس مثلها لاوافق على طول بعد احد هاليومين حاصله بيت ورجل زين .. ان لقيتي الاولى ماتلقين الثانيه وهذي لقت الثنيتن .. الله يوفقها ويعطيننا
هبه: هههههه الله يقطع سوالفك ياهند (ويرن جوالها)
هند: وشفيك ردي
هبه: رقم غريب
هند: طيب ردي يمكن احد يبيك ضروري
هبه: طيب (وترد) الو هلا ايه نعم .. مين؟ وشتبي .. قصدك شريف ماتلاحظ انك اكبر من هالحركات وانا ماعندي وقت اضيعه معك باي(وتسكر)
هند: منو هذا اللي قصده شريف واكبر من هالحركات
هبه: هاااه لا لاتهمين
هند: افااا ياهبه تخشين علي وانا اللي خرابيطي وبلاويي عندك
هبه: لا مااخش عليك بس سالفه سخيفه وماله داعي اقولها واوجع لك راسك فيها
هند: الا له داعي وبعدين انا ابي وجعه هالراس ... الا اذا ماودك تقولين فهذا شي ثاني
هبه: يوووه هنو لاتكبرين الموضوع .. السالفه ومافيها اني من زماان يوم كنت اشتغل بالبيوت وكنت دايما اروح لزبايني بيت الراسي ومره شافني ابوهم هالمراهق على كبر وجلس يراقبني ويلحقني وانا مطنشته ويوم مل مني قالي انه يبي يتعرف علي ورح يصرف علي ويعطيني اللي ابيه بس ارضى
هند: وليش ماترضين
هبه: هند وشفيك لاتخليني اندم اني قلت لك .. انا موراعيه السوالف
هند: بس انا ماقلت لك تعرفي عليه وبعدين اصراره عليك يدل على انه يبيك ومتمسك فيك بعد .. هو غني؟
هبه: عنده فلوس ماتاكلها النيران
هند: اووووف ومومعطته وجه .. طيب خليه ع الاقل يفتح لك مشعل بدل ماتشتغلين عند حد
هبه: لاوالله الحين انا ماابي اكلمه عشان اطلب منه وبعدين انا اصلا ماافكر فيه ولو مسخها بشتكي عليه
هند: تشتكين عليه وين ان شاء الله ؟؟ مارح تستفيدين شي هو غني وكل شي بيده انتي لازم تلعبينه صح
هبه: هند وشفيك قلت لك انا موراعيه هالسوالف
هند: وانا ماقلت لك سويي شي .. قلت لك العبيها صح هبه انتي موقده واصراره عليك يدل انه مارح يتركك وبعدين لاتنسين انك انتي لازم تأمنين مستقبلك ومستقبل امك واخوانك واعيالك وانتي توك شباب ولازم تتمتعين بشبابك الحين موبعدين
هبه: وش تلمحين له ياهند
هند: انا ماالمح لشي ولكن اذا كان قصده شريف
هبه تقاطعها: وانتي صدقتيه هذا متزوج وعنده اعيال كبري واكبر مني بعد ولااا جد
هند: جد والا مو جد احنا وش دخلنا .. طعيني ياهبه والله رح تستفيدين من وراه انتي بس لو تسمعيني بتعيشين بنعيم
/
/
/
/
/
/
ببيت بومشــعــل كانت هيفا توها جايه من الجامعه اما فرح مادوامت وهيفا فسخت عبايتها وجلست تدور بالغرفه ... وفرح جالسه عالنت وقاعده عالسرير
هيفا: اووووووف مسخت السالفه
فرح:..................
هيفا: فرح
فرح بدون ماتطالعها: نعم
هيفا: وين ساعتي اللي شريتها بعرس نغم
فرح: مدري دوريها زين ليش تـسأليني
هيفا: فرح انا عارفه انك انتي اللي اخذتيها ماله داعي لهالحركات
فرح وتترك اللاب توب وتقوم لاختـها: تقصدين اني سرقتها صح
هيفا: مارح اقول هالكلمه رح اكتفي بكلمه استعرتيها
فرح: مومهمه الكلمه المهم انك شكيتي فيني
هيفا: فرح ماله داعي لهالحركات انا عارفتك زين ماله داعي تمثلين علي
فرح: لاامثل عليك ولاتمثلين علي الغرفه عندك وفتشيها اذا مومصدقتني
هيفا: فرح انتي من قبل كنتي تسرقين مني فلوس واعيدها وسرقتي مني اشياء ثانيه وهم بعد اعيديها .. تدرين ليش لانك مريضه نفسيا واقول بكره تعقل لكن الظاهر ان المرض اثر عليك وصرتي تسرقين بدون تفكير
فرح وانقهرت: احترمي نفسك انا مومريضه انتي المريضه وساعتك الزفت انا ماخذتها
هيفا: الا خذتيها وانا متأكده
فرح بقهر: زين خذتها سرقتها وش عندك شنو رح تسوين بتعلمين ابوي يلا امشي روحي علميه وش تنتظرين وع فكره بعتها بعد وجابت لي 33الف ريال واذا مومصدقتني شوفي الوصل بالدرج حقي وش رح تسوين الحين بعد مادريتي
هيفا وانصدمت: انتي فيك شي .. من جد انتي موطبيعه انتي فعلا مريضه نفسيا وتحتاجين علاج .. انا موزعلانه منك فوفو انتي اختي الصغيره بس انا زعلانه عليك وانا بنفسي رح اوديك لدكتور نفسي(وتبي تمسكها)
فرح بصراخ:لاتمسكيني ووخري عني انا مومريضه نفسيا ومافيني شي .. انا اكرهك وكل يوم كرهي لك يزيد ومن يوم ورايح مارح اجلس معك بهالغرفه 23 سنه وانا معك وانتي دايما المحبوبه والمفضله عند الكل وحتى لمى كبرنا انخطبتي وملكتي قبلي .. لكن الله مايطق بعصا لك سنين مخطوبه وممكله وماتزوجتي ولارح تتزوجين جالسه كذا معلقه ههههه تستاهلين كل اللي يصير فيك من اليوم ورايح انا من طريق وانتي من طريق وتستاهلين كل اللي سرقته منك كنت احس بتأنيب الضمير بس الحين بس الحين لا (وتروح)
هيفا ومومصدقه اختها: افااا يافرح تتشمتين فيني انا اختك الكبيره اللي طول عمري وياك الحين تتشمتين فيني الله يسامحك لان الغلط موعليك الغلط على امي اللي وصلتك لهالحاله
::
::
::
::
::
" أي حــاله بعد والله انك فاضيه" قالتها لبنتها بزمره
هيفا: يمه فرح صارت مريضه نفسيا
ام مشعل: وصارت مريضه لانها ماعادت تسمع كلامك والا لانها تأمن مستقبلها
هيفا: تدرين عاد يمه ذنب فرح برقبتك
ام مشعل: وهو بقى احد ذنبه ماصار برقبتي امس نغم والحين فرح وبكره الله واعلم مين؟
هيفا: يمه انا اتكلم بجد وانتي تتطنزين
ام مشعل: اقول بدل ماتسوين روحك مصلح اجتماعي ماتقولين لي ليه للحين ماتزوجتي .. ليكون المعرس لاعت كبده منك وغير رايه
هيفا: وشدخل هالموضوع يمه
ام مشعل: الا له دخل ونص انا بصراحه كثر ماصبرت مااقدر اصبر طاح وجهي قدام الحريم والناس كلو وجوهننا
هيفا: يمه كل مااتكلم معك بأي موضوع تكلميني بهالموضوع عشان تحرجيني وتخليني اسكت
ام مشعل: ياخوفي انتي اللي تحرجيننا قدام الناس .. والا خلاص احرجتيننا وخلصتي حسبي الله عليك
(وتجي فرح)
فرح ووجهها مخطوف: يمه فيه شرطي برى يقول لازم تجين الحين لقسم الشرطه انتي مطلوبه .. يمه وشسويتي؟
(( أنـــتـــــهــى الــجــزء الخــامــس عـشـر))
,,,, الحين انزل لكم البارت السادس عشر وقراءه ممتعه ....
(الجزء الـسـادس عــشـــر )
part 16
بشــركـة بومشـعل .. دخل مشعل لعند ابوه
مشعل: يبه سمعت باللي صاير
بومشعل: خير ان شاء الله .. وشفيك دخلت على كذا لااحم ولادستور
مشعل: يبه اي احم واي دستور اللي صاير اكبر واهم من اللي انت تقوله
بومشعل: خير وشفيك خوفتني تكلم
مشعل: فرح اتصلت فيني يبه وتقول ان امي طالبيها مركز الشرطه
بومشعل: وشهالكلام أنـت متأكد
مشعل: ايه يبه توني مسكر من عند فرح .. يبه انا برايي ناخذ المحامي ونروح للمركز واشوف شسالفه
بومشعل: طيب انت كلم المحامي واروح انا وانت والمحامي وامك خلها بالبيت .. بعد ماناقص الا تدخل معنا مراكز الشرطه .. ااااخ بس لو اعرف امك وشمسويه
/
/
/
/
/
/
" ماسويت شي والله العظيم ماسويت شي"
فرح وهي خايفه: يمه تذكري .. يعني معقوله الشرطه يطلبونك منه والطريق
ام مشعل: المشكله عصرت مخي ابي افكر واعرف اذا مسويه شي وماوصلت لـ ولاشي
هيفا: يمه بقولك شي بس لاتزعلين مني
فرح: ووقتك ذا ياهيفا اكيد تبين تشمتين
هيفا: فرح خير ان شاء الله وشفيك انتي شنو مفكرتني ترى هذي امي
فرح: زين انك دريتي انها امك
ام مشعل بصراخ: بس يابنات هذا وقتكم انا حالتي حاله وانتو قاعدين تتهاوشون
هيفا: يمه اعذريني على هالكلمه بس تذكري يمكن انتي رحتي عند وحده من جاراتنا وسرقتي منها شي وانتبهت وبلغت عنك
فرح: يمه ليكون سرقتي من احد
ام مشعل: لا ماسرقت شي من احد وبعدين انا لي شهر تقريبا قاطعه كل جاراتي
(ويرن التلفون وترد هيفا اللي كانت قريبه منه)
هيفا وهي على اعصابها: الو هلا مشعل .. شنـــو ..؟ سوما وشفيها ؟ اييييش انت متأكد .. طيب لحظه (وتلفت لامها)
هيفا: يمه مشعل يبي يكلمك (وتكلمه وتقول فرح لاختها)
فرح: خير وشقالك مشعل؟
هيفا: تذكرين سوما
فرح: مين سوما
هيفا: سوما الشغاله اللي عندنا
فرح: ايه عرفتها وشفيها
هيفا: مشتكيه على امي عند حقوق الانسـان ومكتب الخدم
فرح: ليش؟
هيفا: مدري .. تصدقين انها هربت من البيت واحنا للحين ماندري عنها
فرح: وشدعوه .. ليكون امي (وتسكر امهم)
فرح: يمه انتي مسويه لسوما شي
ام مشعل بقهر: سوما هذي قطوه بسبع ارواح
فرح: يمه شسالفتها؟
ام مشعل: سوما الزفت ذيك المره جات كلمتني وانا مالي خلقها وضربتها شوي وقامت تستمرض وماعطيتها وجه واثر الخدم الكلاب ودوها المستشفى وانا مدري .. ومن المستشفى اشتكت علي
هيفا: يمه انتي وشسويتي فيها؟
ام مشعل: الله يلعنها تبي توديني بداهيه .. حسبي الله عليها انا ماضربتها زين ولاشفيت غليلي
فرح: يمه ليش تطقينها هذي مونغم رح تسكت لنا
ام مشعل: عاد انتي اخر وحده تتكلمين انتي اللي قايله فشي خلقك بالخدم(وتقوم)
فرح: يمه وين رايحه؟
ام مشعل: بروح البس عبايتي واروح للشرطه اوقع تعهد سوما الزفت هذي مارضت تتنازل الا لمى ابوك عطاها 70 الف ريال وبعدين تنازلت حسبي الله عليها(وتروح)
هيفا: يالله امي متى رح تحس وتعقل
فرح: حسبي الله عليها
هيفا: شنو .. شتقولين؟
فرح: ايه اللي سمعتيه حسبي الله عليها .. امي هليقيه مو زي مرت عمي هاي كلاس بصراحه انا افتشل منها والحين بعد بيصير عندها ملف بالشرطه يعني فوق الفشله فشله حسبي الله عليها ماتعلمنا منها شي زين متى افتك منها ومن هالبيت واللي فيه (وتروح)
هيفا: ماني مصدقه فرح صارت انـسـانـهـ ثانيه امي اللي كانت لفرح كل شي الحين فرح تتكلم عنها بهالسلبيه سبحانه مغير الاحوال
/
/
/
وراحت ام مشعل للشرطه ووقعت تعهد انها ماتتعرض لها وبعدين تنازلت سوما ورجعت للبيت مع زوجها وولدها والخدامه
ام مشعل وهي داخله وتدف سوما: دخلي دخلي حسبي الله عليك
بومشعل ويوخر سوما من يد زوجته: سوما روحي للمطبخ
ام مشعل: ليه خليتها تروح كان خليتني اشفي غليلي فيها
بومشعل بغضب: انتي ماتستحين على وجهك بغيتي تدخلين السجن وللحين عينك قويه والله انا اللي شكلي بشفي غليلي فيك واخلي عقالي يرقص على ظهرك
ام مشعل: تبي تضربي عشان هالخدامه اللي ماتستحي
بومشعل: عشان افعالك وقله عقلك انا مدري شلون مستحملك للحين
مشعل: يبه شفيك هد اعصابك
ام مشعل: وامك خلت فيها اعصاب حسبي الله عليها ... اسمعي يامره النفس طابت منك من اليوم ورايح انتي تنامين بغرفه وانا بغرفه ووجهك ماابي اشوفه وحتى صوتك ماودي اسمعه وان سويتي اي تصرف مايعجبني ولو بالغلط ورقتك بتوصلك .. وانا للحين متحملك عشان الاعيال لكن ان مسختيها مره ثانيه ماتلومين الانفسك .. حسبي الله عليك مابقى شي ماسويته حتى مراكز الشرطه دخلتينا اياها ..(ويطلع)
ام مشعل وحست بالانكسار: وشلون تهون عليك العشره يابومشعل
مشعل: يمه لاتزعلين من ابوي لانه معصب قال هالكلام .. مرده يهدى ويجي يعتذر لك لكن انتي بعد خفي على الخدم
ام مشعل: لاوالله مابقى الاهي انت ياولد امس تجي تعلمني وش اقول وش اسوي .. اقول عاد روح لمرتك لاتهزئك لانك تأخرت عليها (وتروح)
مشعل: الله يهديك يايمه
/
/
/
/
/
/
/
ببيت هبـــه كانت صديقــتها هنــد جايه زيــاره لعندهــا
هند: اوووه مبروك ع الخدامه
هبه: الله يبارك فيك
هند: عقبال ماابارك لك على المشغل
هبه: اوووه اجل مارح تباركين لي ابد
هند: ليش ان شاء الله وبومشعل وين راح؟
هبه: انتي للحين تفكرين بالهموضوع
هند: بذمتك مااقتنعتي بكلامي
هبه: الا .. بس فشله اتزوج وانا ارمله ومسؤوله عن عايله وبهالعمر
هند: ههههههههههه .. حلوه كلمه هالعمر ليش وانتي كم عمرك ان شاء الله توك 24 سنه حتى ماكملتي ال25 انتي لازم تتمتعين بشبابك
هبه: لاوالله واعيالي؟
هند: ايه موهالزواج فيه مصلحه لك ولاعيالك لانك كذا رح تأمنين مستقبلك ومستقبلهم وتعيشين شبابك
هبه: ماادري .. بصراحه احس انه موحق زواج
هند: شلون موحق زواج وهو قالك انه قصده شريف
هبه: وليكون صدقتيه بس
هند: طيب انتي عطيه فرصه يتكلم
هبه: لاوالله وان طلع يكذب علي
هند: انزين عطيه فرصه شنو رح تخسرين؟
(ويرن جوال هبه)
هبه: ويييه هذا هو لو ذكرتي المليون
هند: هذا الملايين مو بس المليون .. اقول ردي عليه وشوفي وشيبي
هبه: لاوين استحي
هند: وشهالكلام ردي يلا
هبه: لا فشله وش راح يقول عني
هند: لاترفعين ضغطي .. ردي وحطي سبيكر يلا
هبه وترد بعد تردد وتحط سبكر: ألــو ألو
بومشعل: اهلين مدام هبه
هبه: خير ان شاء الله وشتبي
بومشعل : عطيني فرصه اتكلم معاك واقولك وش ابي
هند وتأشر لها يعني خليه يتكلم
هبه: طيب قول وشفيك
بومشعل: انا قصدي شريف
هبه: واللي قصده شريف يقعد يزعج الناس ويتصل فيهم 24 ساعه
بومشعل: طيب شسوي انتي ماتعطيني فرصه
هبه: قلت لك هذي فرصتك تكلم
بومشعل: انا رجال مااحب الحرام وبصراحه انتي عجبتيني ومن يوم شفتك وانا موقادر اشيلك من بالي
هبه: طيب وبعدين
بومشعل: انا يعني اذا ماعندك مانع ناوي اخطبك
هبه وتأشر لهند وتقول لها هند قولي ايه
هبه: بس انت متزوج
بومشعل: فعلا انا متزوج وعندي اعيال كبرك واكبر واصغر منك بعد .. لكن الشرع حلل لي اربع
هبه: وانت متوقع اني اوافق
بومشعل: انا اتمنى انك توافقين .. واي شي تطلبينه انا حاضر
هبه: وزوجتك رح تدري عن زواجك ؟
بومشعل: زوجتي مالها دخل بهالموضوع لكن ان كنتي تبيني اقولها بقول لها المهم رضاك عندي وقلت لك اي شي تبينه مارح اقولك لا طلباتك اوامر وحتى اعيالك رح اعتبرهم مثل اعيالي وجدتك رح احط لها بدل الممرضه عشر بس انتي توافقين
هبه: طيب انا بفكر وبرد لك خبر باي(وتسكر)
هند: هذا شكله يعرف كل شي عنك
هبه: والله ماني عارفه شسوي؟
هند: انتي تستهبلين .. هذا بنك مركزي ويبي يسوي اي شي عشان ترضين عليه .. تدرين انتي لازم توافقين عليه اليوم قبل بكره بس لازم ياخذ لك مشغل وفيلا بأسمك وسياره ورصيد بالبنك ويحط لجدتك ممرضه ويحط لك طباخه وسواق وخدم بالبيت .. ويدخل بنتك مدرسه اهليه بعد
هبه: بل موكأن اللي تقولينه كثير
هند: لاياعمري لاكثير ولاشي هذا عنده فلوس ماتاكلها النيران وكل اللي قلته ولاشي عنده .. وخليه يسوي لك شهر عسل بأروروبا بعد
هبه: والله انك مصدقه تتوقعين انه يوافق والا حتى مرته ان درت واعياله مارح يخلوني بحالي
هند: هو ميت عليك ورح يسوي اي شي عشان ترضين عليه .. وبعدين بالبدايه خليه يسوي لك كل شي تبينه وبالاخير يعلم اعياله ومرته وهم اصلا مايقدرون يسوون شي الرجال هذي فلوسه وهو حر يسوي فيها اللي يبي وحتى لو دورا واثروا عليه مع انه ماظنتي .. مومهم لان وقتها انتي بتكونين خذتي البيت والسياره والفلوس والمشغل بعد
هبه: والله كلامك معقول بس
هند: بس يبي له تنفيذ
هبه: تتوقعين يوافق؟
/
/
/
/
/
/
" مــاعـــندي اي مانع" قالها لهبه وهو يكلمها بالتلفون
هبه: ياليت ماتفهمني غلط بس انا لازم اؤمن مستقبلي خاصه ان فيه برقبتي عايله مسؤولين مني
هند وتغمر لصديقتها يعني برافو عليك
بومشعل: وانا متفهم ولايهمك من بكره اكتب لك فيلا بأسمك واختاري السياره اللي تبينها من المعرض حقي وتكون بأسمك ورح احط رصيد بالبنك كثر ماتحبين .. واختاري المشغل اللي يعجبك ورح اسجله بأسمك .. وبعد كل هذا نكتب كتابنا ونتزوج وحتى لو كنتي تبين حفله عرس بسويها لك
هبه: لالا بالبدايه .. موضوع زواجنا يظل بيني وبينك لين بعدين ماندري شنو يصير ربك يحلها
بومشعل: ونعم الراي وانا ماعندي اي مانع.. من بكره تكون الفيلا اللي تأشرين عليها عندك
هبه: من بكره موكأنك مستعجل
بومشعل: اكيد بستعجل لان ماله داعي للتأجيــل .. الا قولي لي كم تبين مهر .. طبعا مهرك شي ورصيدك بالبنك شي ثاني واي مبلغ تطلبيه ماعندي مانع
هبه وتطالع هند وقالت: اللي تشوفه
بومشعل: انا اشوف اللي انتي تشوفينــهـ .. أنتـــي أمري وانا بنفذ
هبه: طيب اخليك الحين باي (وتسكر)
هند: والله شكله ميت عليك وشاريك واحنا لازم نتسغل هالفرصـهـ
هبه: اي مواحنا استغلينها خلاص
هند: سمعيني عندي لك كم نصيحه بس لاتنسين حلاوتي
هبه: افااا عليك بعطيك حلاوتك من المهر ومن الرصيد اللي بالبنك .. بــس
هند: وشفيك ليكون غيرتي رايك
هبه: لاغيرت رايي ولاشي بس اخاف اني ابني سعادتي على تعاسه غيري
هند: لاتفكرين الا بنفسك وبس وبعدين اكيد زوجته هي مزهقته عشان كذا فكر بغيرها وبعدين انتي مارح تسوين شي عيب ولاحرام ولاحتي خارج عن المألوف وانتي ماضربيته على يده هواللي مات وترجاك عشان توافقين ماعليك من هالافكار وفكري بس شلون تأمنين مستقبلك وبس .. اسمعي خلي زواجك بعد اسبوع يمديه نفذ لك طلباتك وتكونين جهزتي نفسك بسرعــهـ
/
/
/
/
/
/
ببيت بومشعل .. كان بومشعل توه داخل غرفته ويشوف زوجـته فيها
بومشعل: انتي .. شتسوين هنا يللي ماتستحين على وجهك
ام مشعل: وشفيك علي يابومشعل .. ماتبيني اجلس بغرفتي
بومشعل: انتي ماتفهمين انا موقايل لك الصبح ماابي اشوفك هنا .. ماتحسين
ام مشعل: وشفيك عصبت علي أنا
بومشعل: طلعي برى الحين دام النفس عليك طيبه
ام مشعل: طيب انا ابي اقولك
بومشعل صاير مايطيق منها كلمه وعصب عليها وضربها وطردها برى الغرفه وجلست تصيح عند باب الغرفه و يجون بناتها
هيفا: يمه وشفيك يمه قومي
ام مشعل وهي تبكي: ابوكم طردني من الغرفه
هيفا: زين يمه قومي وروحي جلسي بغرفه الضيوف
ام مشعل: على اخر عمري ابوكم يضربني ويطردني
فرح: يمه ابوي قالك شيلي اغراضك وخذي غرفه ثانيه انتي ليش جلستي بالغرفه بصراحه تستاهلين اللي صار لك
هيفا: فرح وشفيك
فرح: مافيني شي بس بصراحه امي تستاهل (وتروح)
ام مشعل من بين دموعها: وشفيها اختك بعد تغيرت علي
هيفا: مافيها شي يمه قومي معاي الحين اوديك غرفه الضيوف (وتقوم وتروح مع امـهـا)
/
/
/
/
/
بــفــلوريــــدا ... جامعه ميامي .. كان هذا اول يوم دوام لشـهـد بالجـامعه وخلصت المحاضره وطلعت للكافتيرا .. وكانت جالسه لحالها وتجيها دينا
دينا: مرحبا شهد ..
شهد: مرحبا
دينا: أين كنتي بحثت عنك طوال اليوم
شهد: كنت بالمحاضره وخرجت الان
دينا: ماهي المواد التى اخترتيها اريني جدولك(وتوريها) .. انه مختلف تماما عند جدولي ولكن لماذا تجلسين لوحدك تعالي معي
شهد: الى اين؟
دينا: تعالي وتعرفي على اصدقائي لقد تعرفت على شاب وسيم جدا ولديه صديق تعرفي عليه
شهد: وادم؟
دينا: مابه ادم .. انه موجود لازلت احبه ولكن هذا الشاب وسيم واريد ان الهو معه قليلا
شهد: اذن لماذا لاتتعرفين على فتيات
دينا: فتيات ..؟ لدي مايكفى من الصديقات ولكن لامانع من التعرف عليهم ولكن اريد ان اتعرف على الشباب الان واقيم علاقات معهم دون الحب فقط اتسلى
شهد: وهل يعلم ادم بذلك
دينا: ادم .. واين هو الان .. ادم مسافر لنيوريوك لمده 6 شـهـور وانا متأكده انه يلهو مع الفتيات هناك .. هو يلهو وانا الهو ولكن بالنهايه نعود لبعض .. انتي ايضا يجب ان تتعرفي على شباب وسيمين وتخرجين مع قوقعتك
شهد: قوقعه .. انا لااريد ان اقيم علاقات مع احد
دينا: اووووه بليز شهد لاتكوني ممله انهم ينظرون الينا .. اسمعي فقط جامليهم سوف يأتون الان حسننا
شهد: ولكن
دينا: تكلمي باللغه الانجليزيه لقد اتو بدون لكن (ويجون الشباب ويجلسون معاهم بنفس الطاوله)
ryan: holle girls
ريان: مرحبا بنات
dena: holle ryan .. hi ethan
دينا: اهلا ريان .. اهلا ايثان
ethan: your friend very beatiful
ايثان: صديقتك جميله جدا
shahsd: thiks
شهد: شكرا
ryan: tell me what is her nime?
ريان:اخبريني ماكان اسمها
dena: shahad
دينا: شهد
ethan: shahad .. strange nime
ايثان: شهد .. اسم غريب
shahad: it is arabic
شهد: انه عربي
ryan: it is your arabic friend ... where are you from?
ريان: اه اذا هذه هي صديقتك العربيه .. ومن اين انتي
shahad: saudi arabia
شهد: السعوديه
ethan: this is a frist time you comeing here
ايثان: وهذه اول مره تأتين فيها الى امريكا
shshad: yes
شهد: اجل
dena: ryan how is your day?
دينا: ريان كيف كان يومك
ryan: beatiful .. just like you
ريان: جميل مثلك طبعا
dena:hahhahahah .... if he like me offcourse he will be beatiful
دينا: ههههههه طبعا سيصبح جميل ان كان مثلي
ethan: iwill have party in my room today.. do you comeing?
ايثان: اليوم سوف اقيم حفله بغرفتي بالسكن هل ستحضرون؟
dena: offcourse
دينا: بالطبع
shahad: sorry ....Icant comeing
شهد: متأسفه لن احضر
ryan: why?
ريان: لماذا؟
shahad:Ihave to stuady imust look at it
شهد: لدي دورس ويجب ان اهتم بها
ryan: Idont mean it ... is she looser
ريان: لااقصد الاساءه ولكن .. هل صديقتك فاشله ؟
shahad: looser becaues i will not come to your friend's party
شهد وعصبت: فاشله لانني لااحضر لحفله صديقك
ryan: yes ...there are alot of peple want to stay with ass . we have alot to girls they want to be on your place
ريان: اجل .. هناك الكثيرون الذين يتمنون الجلوس معانا وانتي لاتريدين الحضور هناك الكثير من الفتيات اللواتي يتمنون لو كانوا مكانك الان
shahad: ok you can bring them Idont want to be there bye
شهد: اذن احضرهم انا لااتمنى هذا الشي الى اللقاء(وتقوم)
ryan: she is a looser
ريان: انها فاشله
dena: she is new here ...and she is not apple to be wiht them
دينا: انها جديده هنا ولاتستطيع التأقلم بسرعه معنا
ryan: so , why you want to be her friend .... she looser
ريان: اذن لماذا تريدين بصداقتها انها فاشله
dena: beacues she is agood girl .... but you dont give her a chance
دينا: لا انها طيبه ولكنك لم تعطيها فرصه
ethan: I give her this chance
ايثان: انا سأعطيها هذه الفرصه
ryan: are you serious?
ريان: هل انت جاد؟
ethan: yes ... and I go to her new
ايثان: اجل وسأذهب الان لها(ويقوم)
ryan: maybe ethan like her styel you tell me she is from midell east do you that mean she is vergen
ريان: يبدو انها اعجبت ايثان .. انتي قلتي لين انها من الشرق الاوسط ترى هل هي عذراء؟
dena: Idont new but ithink ... why?
دينا: لااعرف .. ولكن اعتقد ذلك لماذا؟
ryan: so , he like her
ريان: لذلك سوف يتودد اليها
dena: just ig not them .. tell me you will come today to the party
دينا: دعنا منهم وقولي هل ستحضر الحفله اليوم؟
ryan: offcoures
ريان: بالطبع
(وتطلع شهد من الكافتيرا وترن ساعتها بوقت صلاه العصر وتبي تروح للبيت بسرعه عشان تصلي لان دوامها خلص ويناديها ايثان)
ethan: shahad wait
ايثان: شهد انتظري
shahad: what doyou want?
شهد: ماذا تريد؟
ethan: Iam sorry about what ryan say he dose not mean it
ايثان: اسمعي انا اسف بشأن ماقاله ريان انه لايعي كلامه
shahad: Idont care about ham
شهد: كلامه لايهمني
ethan: but Icare about you
ايثان: ولكنك انتي تهميني
shahad: what?
شهد: ماذا؟
ethan: Imean icare about we friend .. Ihope you will come my party today ... dont warry there is ber without
ايثان: اقصد اهتم لصداقتك واتمنى ان تحضري الحفله اليوم ولاتقلقي يوجد لدينا بيره بدون كحول
shahad: Iwill think about it
شهد وتبستم: حسننا سأفكر
ethan: you must be comeing
ايثان: يجب ان تحضري؟
shahad: if I finish my home work early Iwill come
شهد: ان انتهيت من دورسي مبكرا سأحضر
ethan: ok... see you later
ايثان: حسننا .. اراك لاحقا(ويروح ويجي ابراهيم)
ابراهيم: هلا .. مين هذا؟
شهد: هذا ايثان صديق دينا وعازمني على حفله اليوم
ابراهيم: وبتروحين؟
شهد: ماادري .. يمكن(ويتمشون)
ابراهيم: على حد علمي انك ماتحبين الحفلات والا ايثان حاله خاصه
شهد: وش تلمح له؟
ابراهيم: ولاشي انتي حره بس متناقضه
شهد: انا ماني متناقضه قلت له يمكن اجي مواكيد وبعدين حفلته ع الاقل فيها بيره بدون كحول
ابراهيم: ههههههههههههههه بيره بدون كحول الحين هالشي اللي يجذبك للحفلات كان قلتي من الاول
شهد: موكأنك تتطنز
ابراهيم: لااتطنز ولاشي انا خلصت محاضراتي وش رايك نروح نتغدى وبعدين اوصلك للبيت
شهد: لا بروح البيت اصلي وبعدين بتغدى
ابراهيم: طيب انا بوديك وبنتظرك زين
شهد: اوكي(ويروحون وايثان كان يطالعها من بعيد وتركب مع ابراهيم سيارته وتتصل اختها)
شهد: الو هلا هبوش تمام انتي اخبارك .. شفيك .. عادي قولي .. شنو انتي متأكده من هالقرار .. لا ماعندي مانع عادي انتي حره اذا انتي تشوفين انه مناسب خلاص توكلي على الله .. ايه ماعندي مانع .. استخيري وقرري اوكي باي (وتسكر)
ابراهيم: وشفيها اختك .. تبينها تستخير على شنو؟
شهد: فيه واحد متقدم لها ومتردده؟
ابراهيم: اختك هذي الارمله .. تبي تتزوج؟
شهد: اختي صغيره عمرها 24 سنه ومن حقها تتزوج
ابراهيم: اكيد من حقها مافيها شي .. وصلنا بنتظرك هنا
شهد: لاادخل داخل لاني بصلي وبغير ملابسي يمكن اطول
ابراهيم: لا ماله داعي
شهد: برهوم شفيك ادخل عادي اخاف اطول عليك
ابراهيم وماله خلق : طيب بدخل (ويدخل وتروح شهد لغرفتها تغير ملابسها وتصلي ويجلس ابراهيم بالصالون وتجي روز)
rose: holle ibrheem
روز: اهلا ابراهيم
ibrheem: hi
ابراهيم: اهلا
rose: I love you and i want to be your girl friend
روز: انا احبك واريد ان اكون صديقتك الحميمه
ibrheem: frist you baby ...scend Ihave agirl friend
ابراهيم: اولا انتي طفله .. وثانيا لدي صديقه حميمه
rose: but... Iam more beatiful than shahad
روز: لكن انا اجمل من شهد
ibrheem: rose ... end the story
ابراهيم: روز .. انتهى الموضوع
rose: but ilke you .. and that kiss was
روز: ولكن انا معجبه بك وتلك القبله كانت
ibrheem: that kiss was mistake idont mean it Isorry but you like my sister
ابراهيم: تلك القبله كانت غلطه .. لم اعينــها انا اسف ولكنك مثل اختي
rose: Iam net your sister ... please give me achance
روز: انا لست اختك..ارجوك اعطني فرصه
ibrheem: what do you want?
ابراهيم: ماذا تريدين؟
rose: Iwant you ... you so cout and ilike you
روز: اريدك انت .. فأنت وسيم جدا وتعجبني
ibrheem: I will give you achance but net new ... when you get 18
ابراهيم: حسـننا سـأعطيك فرصه ولكن ليس الان عندما تتعدين الثامنه عشره
rose: Iwill change your mind and you will love me one day
روز: سوف اغير رأيك وسوف تحبني يوما ما
ibrheem: why you dont love any one wiht you on school on same your age and nationalty
ابراهيم: لماذا لاتحبين احدا معك بالمدرسه يكون بنفس عمرك ونفس جنسيتك
rose: you will change your mind and you will love me
روز وهي زعلانه: سوف تغير رأيك .. وسوف تحبني
ibrheem: maybe, when you get 18
ابراهيم: ربما عندما تصبحين بالثامنه عشره
rose: I will wait but maybe iwill change your mind before that
روز: سوف انتظر ولكن ربما اغير رأيك قبل ذلك(وتجي شهد)
shahad: Iam ready
شهد: انا مستعده
ibrheem: ok .. go
ابراهيم: اذن فلنذهب
rose: shahad Idont mean it , but i get borring from sit alone at my home . my mom go with my brother my big mama home
روز: شهد لااقصد التطفل ولكنني مللت من الجلوس لوحدي بالمنزل ... وامي ذهبت مع اخي لمنزل جدتي وانا لوحدي هنا
shahad: ok come to us and have alunch with as
شهد: حسننا تعالي وتغدي معنا
ibrheem: but maybe your mather come and she is warry about you
ابراهيم: لكن ربما تعود امك وتقلق عليكي
rose: dont warry , Iwill call her right now and Iwill tell e
روز وهي مستانسه: لاتقلق سوف اكلمها الان واخبرها
Shahas: ok ... we waiting you outsaid
شهد: حسننا نحن نتظرك خارجا..
/
/
/
/
/
بـــالــســعوديـــهـ .. اليـــوم التــالي
وتحديدا بالروضه اللي تشتغل فيــها هبــه .. كانت توها جايه من برى وخذت غرض لهـا ..
هند: هااه مين اللي جايب لك اغراض
هبه: بومشعل
هند : طيب فتحي الكيس خلينا نشوف شنو فيه؟
هبه: يوووه شوفي هذا طقم الماس واوووو
هند: والله شي عطيني خليني اشوفه روعه
هبه: اول مره بحياتي حد يهديني طقم الماس
هند: شفتي موقلت لك عيشي حياتك
هبه: لحظه خنشوف الاغراض الباقيه .. شوفي هذا عقد ملكيه بيت وشيك بمبلغ وقدره والله شي
هند: البيت كم مساحته؟
هبه: مدري .. شوفي انتي(وتعطيها )
هند: واوووو مساحته كبيره والله شي .. بس تعالي شلون كتبه بأسمك
هبه: الصبح رحت للمحكمه وسجل لي البيت والحين عطاني العقد ولاا رحت المستشفى وحللت وبتطلع النتيجه اخر الدوام واذا ايجابيه على طول بنروح نملك
هند: والله طلعتي مو هينــهـ .. بس قولي عطاك المهر
هبه: ايه افااا عليك عطاني اياه ولاتخافي على طول حولت لحسابك حلاوتك
هند: يابعد عمري انتي ,, ماقلتي لي متى رح تتزوجين
هبه: بعد بكره .. على ما افضي الشقه واسلمها واقدم استقالتي هنا وبالمشغل
هند: ع طاري المشغل شريتي لك مشغل والا لـسى
هبه: افااا عليك فيه مشغل حاطه عيني عليه من زمان واتفقت معاهم امرهم اليوم وادفع لهم واخذه
هند: والله الاخت مضبطه امورها
هبه: افااا عليك امس جلست افكر بكل شي ... حتى بنتي سجلتها بمدرسه اجنبيه انجلش سكول ابيها تتعلم اللغات ويطلع حظها احسن من حظ امها .. عاد بالموت قبلوها موخبرك الحين هي سنه ثانيه ابتدائي وبتدرس لغه من جديد عشان كل دراستهم بالانجليزي
هند: والله طلعتي موهينه .. بس هالمدراس موكـأنها غاليه
هبه: عاد هالمدرسه بالذات مره غاليه واللي علمني عليها بومشعل وهو اللي دفع لها وتوسط لها بعد
هند: علمك عليها شلون؟
هبه: امس بالليل جلست اكلمه بالتلفون وقعدنا نخطط لحياتنا مع بعض ومستقبلنا
هند: والله اني فرحت لك من كل قلبي تستاهلين ياهبه
/
/
/
/
/
/
/
ببــيـــت رائـــد كانت نغم توها جايه من الجامعه ورائد هو اللي جايبها ودخلت غرفتها تغير ملابسها ويدق رائد الباب
نغم: مين
رائد من ورى الباب: أنــا
نغم: ادخل
رائد وهو داخل: نغم وشرايك نتغدى برى
نغم: شنو .. شقلت؟
رائد: قلت وشرايك نتغدى برى
نغم(معقوله تكون تغيرت يارائد): انا ودي بس انا تعبانه مافي حيل اطلع بس تدري الحين بسوي لك غدا احسن من غدا المطاعم انت للحين ماذقت طبخي
رائد: اوكي بتتأخرين
نغم: لا مارح اتـأخر نص ساعه بالكثير اوكي
رائد: طيب انا بغرفتي(ويطلع)
نغم: هذي فرصتي عشان تتغير يارائد .. لايأس مع الحياه
(وعـــالــــغـــدا)
رائد وهو ياكل: والله حلو طبخك يانغم انا ويني عنه من زمان
نغم: انت اللي حارم نفسك منـه
رائد ويغير الموضوع: وشمسويه بالكليه
نغم: تمام للحين كل شي اوكي والدراسه موبالصعوبه اللي تصورتها ماادري ليش الناس حاطين مخاوف تجاه كليه الطب
رائد: انتي قدها وقدود
نغم: وشدراك اني قدها وقدود
رائد: ماادري بس احسـاس .. اذكر مره اختي فاطمه قالت لي انك جبتي النسبه الكامله وكانت مره فرحانه فيك
نغم: وانت فرحان فيني
رائد: نغم وشفيك
نغم: انت اللي شفيك انا قاعد اسألك سؤال عادي
رائد: الحمدلله شبعت(ويقوم)
نغم: وشفيه هذا ... مدري ليه عندي احساس انه بدى يميل لي بس يكابر .. (وتقوم وتروح له عند المغسله)
نغم: رائد ليش قمت
رائد وهو يغسل يده: شبعت
نغم: بس انت ماكليت كثير
رائد: حتى اكلي تبين تتدخلين فيه (ويمشي)
نغم: طيب مارح ادخل ولاشي بس ممكن تقوم معي وتجي تاكل الحلا بليز انا تعبت فيه
رائد: ممكن بس بشرط
نغم: امر
رائد: ماله داعي لحركاتك
نغم: اي حركات
رائد: انتي عارفه اي حركات وع فكره اربطي شعرك وغيري ملابسك ترى هالحركات ماتغريني
/
/
/
/
/
" هههههههههههههههههههههههههه " قالتها لبنت عمها وهي تكلمها جوال
نغم: الحين احر ماعندي ابرد ماعندك
هيفا: والله ماعندكم انتو الاثنين سالفه .. رائد بدى يميل لك
نغم: ادري بس اللي جاز بخاطري انه يقول اني قاعده اغريه مع ان اليوم بالذات ماكان ببالي اي شي عادي
هيفا: وانتي شنو لابسه
نغم: لابسه فستان بنك قصير
هيفا: تبي تستأثمين فيه والا نسيتي انه يحب البنك وقصير بعد ماادري شلون مسك نفسه هههههههههههه
نغم وحمرت خدودها: هيووف وشفيك وبعدين غيري الموضوع خلاص
هيفا: ههههه والله الموضوع هذا بالذات مافي احسن منــهـ بس تدرين ماعليك منه كان رديتي عليه وقلتي له انا ببيتي البس اللي يريحني وماقصدت اللي ببالك
نغم: انا انحرجت وماجاء ببالي هالكلام على طول قمت وغيرت ملابسي
هيفا: لا انتي غلطانه كذا رح تأكدين له افكاره
نغم: يوووه انا مابغيته يقوم ماصدقت على الله قعد معاي
هيفا: تدرين احساسي يقولي كلها كم يوم ورائد يصير معك اوكي
نغم: الله يسمع منك ومن هنا لين يجون هاليومين انا مارح اسوي له اي شي عشان مايعتقد اني ميته عليه
/
/
/
/
/
/
" يعني رح يصير عندنا بابا "
هبه وعيونها مدمعه بس متماسكه: ايه حبيبتي رزان ومو بابا مثل بابا الاول غيرشوي
رزان: انا مااتذكر بابا الاول مااعرفه بس كل صديقاتي عندهم بابا يوديهم المدرسه ويرجعهم يعني الحين رح نروح مع بابا المدرسه ويودينا الملاهي
هبه: ايه حبيبتي ورح تروحين مدرسه جديده بعد
رزان: بس مدرستي هذي حلوه كتير
هبه: ياماما المدرسه الجديده حلوه اكثر منها وفيها العاب وحديقه كبيره وجميله
رزان: اذا انتي تبيني اروح لها بروح
هبه: ايه حبيتي وانا بروح معك اول يوم وبيتنا الجديد رح يصير كبير وفيه حديقه والعاب مثل المدرسه واكثر
رزان: شكله هذا البيت حلو مره متى نروح
هبه: اليوم بنروح ياماما انا وانتي واخوانك
رزان: هيييي ماما انا بقول حق اخواني طيب
هبه: طيب حبيبتي يلا روحي والبسي واستعدي عشـان الحين بنمشــي (ومسحت هبه دموعها قبل ماتنزل)
( ببيت هــبــهـ الجديد ... بيتها كان كبير واثاثه فخم وفيه جناح خاص لغرف اعيالها والحديقه روعه والبيت كان يفوق خيال ووصف هبه )
هبه وهي جالسه بالصاله مع جدتها: هااه يمه وشرايك بالبيت
الجده: والله البيت مافي احسن منه الله يعطيك خيره ويكفيك شره .. شكل زوجك الجديد هذا الله بعث لك اياه من السما
هبه: الحمدلله على كل حال يمه
الجده : طيب يمه انا تعبانه خذيني لغرفتي ارتاح
هبه: يمه بعرفك على ممرضك الخاصه اسمها بدور ورح تقوم بكل طلابتك (وتناديها) بدور بدووور
بدور: مرحبا مدام
هبه: خذي امي ووديه الغرفه وقومي بكل طلابتها
بدور: حاضر مدام (وتروح مع جدتها اللي صارت تجلس على الكرسي المتحرك لكبر سنها وتعبها)
هبه: لين لين
لين: يس مدام
هبه: وين اعيالي
لين: ماما البيبي كلو يلعب بالبركه ومعاهم مريبه
هبه: اوكي روحي جهزي العشا عشان بابا يجي الحين
لين: حاضر مدام (وتروح)
(ويرن جوال هبه)
هبه: الو هلا والله بومشعل شلونك .. متى بتجي خلاص انتظرك عالعشا ع احر من الجمر مع السلامه
/
/
/
/
/
ببيت بومشعل وتحديدا بغرفه فرح كانت جالســهـ تطالع التلفزيون بغرفتها وتدق الباب اختها هيفا
فرح: ادخل
هيفا وتدخل: ممكن اتكلم معاك شوي
فرح: خير وشعندك
هيفا: وليش بدون نفس
فرح: لاتقعدين تتملحين قولي وشتبين
هيفا: فقدتك معي بالغرفه
فرح وتوقف: ياسلام وشنو هالتناقض ...؟ فقدتيني وانتي تتهميني بالسرقه
هيفا وتجلس بالصوفا اللي مقابله اختها: تعالي جلسي جنبي وخلينا نتكلم بصراحه ومثل اول
فرح: الاول تحول
هيفا: وشقصدك؟
فرح: قصدي ان راسي مصدع وفيني نوم ممكن تفضلين وتخليني انام
هيفا: بس قبل مااطلع ابي اناقشك بشغله
فرح: اوووووف ياليل مااطولك وشعندك بعد
هيفا: طيب جلسي جبني خليني اتكلم معاك
فرح: ماابي غصب والا انتي تبين تطولينها وهي قصيره قولي وشعندك وفكيني
هيفا: امي
فرح ومالها خلقها: وشفيها بعد؟
هيفا: امي نفسيتها تعبانه
فرح : هههههههههههههههههه
هيفا: وشفيك تضحكين؟
فرح: امي نفسيتها تعبانه والله ماعندك سالفه امي ماتعرف هالسوالف نفسيتها وماادري شنو؟
هيفا: ابوي تغير وماعاد مثل الاول وصار ينام برى ومايسمح لامي تدخل غرفته
فرح: امي تستاهل حنه وماعندها اسلوب للنقاش ابد وانا وانتي مانقدر نقدم لها غير الهذره والكلام الفاضي والنفاق الاجتماعي اللي بعض الناس مايقصرون فيه
هيفا: وشقصدك يافرح
فرح: قصدي اللي فهمتيه والحين طلعي برى ابي انام
هيفا: الله يسامحك يافرح تغيرتي كثير
فرح بصوت عالي: اووووووه يعني الواحد ماينام
هيفا: خلاص خلاص تصبحين على خير (وتطلع)
فرح وتسكر الباب: فكه اخيرا ذلفت ماصدقت على الله افتك من هالوجه اللي يقطع الخلفه (ويرن جوالها وتركض له بسرعه)
فرح: الو هلا حيـــاتــوو .. شلونك .. صدق انت بالشرقيه .. اممم تبي تشوفني .. موافقه حدد متى ووين ..؟ طيب انا عندي فكره احسن .. خلها بكره لالا مارح اروح للجامعه مالي خلق اوكي .. لا تعبانه وابي انام ولاتنسى اني بكره لازم اشوفك من بدري هههههه .. فديتك والله .. اممم استحي .. اوكي احبك تصبح ع خير (وتبوس الجوال) امووووه باي (وتسكر)
فرح بخاطرها: بكره يومك يافرح ياتصيب ياتخيب
/
/
/
/
/
/
ببيت بومشعل كانت هبه جالسه عالعشـا مع بومشعل
هبه: حبيبي كل هذي من ايدي بعد
بومشعل: بس ياهبه انا مااقدر على هالدلع كله
هبه: ياعمري انت اذا انا مادللتك مين رح يدللك غيري
بومشعل: انا ويني عنك من زمان
هبه بدلع: انا موجوده بس انت اللي ماكنت شايفني وبعدين بصراحه انت كنت مخوفني كنت اظنك من هذولي اللي يلعبون ع البنات ماكنت اتوقع انك جد
بومشعل: افااا ياهبه والله كنتي فاهمتني غلط
هبه: اللي مايعرفك مايثمنك والحمدلله اني عرفتك عدل
بومشعل: ااااااه
هبه: شفيك بسم الله عليك من الاه
بومشعل: والله اني ندمان على كل عمري اللي عشته بدونك
هبه/ حبيبي لاتندم على شي راح خلاص راح اللي راح وبعدين ان شاء الله رح تعيش عمرك الباقي معاي
بومشعل: ياعمري انتي ياهبه .. حبيبتي انا شبعت وبقوم انام
هبه: اوكي حبيبي وشرايك نسهر على فليم وبعدين ننام
بومشعل: يابعد عمري ياهبه انا طول ماانا معاك مارح اندم ابدا
هبه: وانا بعد يابومشعل من زمان وانا محتاجه حد يفهمني واسولف معاه واحس انه سند لي واتكل عليه انا واعيالي ويكون لي الاخ والزوج والحبيب وابو حنون لاعيالي الايتام
بومشعل: وانا ياقلبي مارح اقصر عنك بأي شي
هبه: طيب حبيبي قوم روح لغرفتنا وانا دقايق اجهز الحلا واجي
بومشعل: ماله داعي الحلا انتي عندي الحلا كله
هبه: زياده الخير خيرين دقايق حبيبي واجيك(ويقوم وتتصل فيها شهد)
هبه: الو هلا حبيبتي شلونك وشفيك؟ لاياقلبي عادي هذا اقل من واجبي
شهد: اي بس الفلوس اللي ارسلتيها لي مره كثيره واحس ان اعيالك اولى فيها
هبه: ياحبيبتي انتي محتاجتها تشترين شي لبس شي وانا واعيالي لاتحاتيننا الحمدلله الخير واجد وزوجي مليونير والحمدلله مايقصر علينا
شهد: وانتي سعيده معاه
هبه: الحمدلله واخيرا حسيت ان عندي سند وشخص اتكل عليه وحنون ومايقول لي لا ويعامل اعيالي مثل اعياله واكثر
شهد: الله يوفقك ياهبه والله تستاهلين
هبه: تسلمين ياعمري عقبالك
شهد: طيب دام اجابتك مختصره كذا شكلك مشغوله انا اخليك ياعمري
هبه: لا موعن بس .. هههههههه .. اوكي ياقلبي اذا بغيتي اي شي قولي لي لايردك الا لسانك .. مشكوره مع السلامه (وتسكر)
هبه: ويييه تأخرت على زوجي خلني اروح بسرعه
/
/
/
/
/
اليـــوم التـــالـــي
ببيت بومشعل .. وتحديدا بالصاله كانوا البنات وامهم جالسين عالفطور ويدخل بومشعل
هيفا: يبه
بومشعل ويوقف: خير ان شاء الله
هيفا وتروح له: صباح الخير يبه
بومشعل: صباح النور
هيفا: مارح تفطر ويانا يبه
بومشعل: لا لا مستعجل بأخذ شويه اوراق للشركه وبمشي
هيفا: ننتظرك ع الغدا يبه
بومشعل: هيفا وشفيك تبين تحاسبيني على طلعاتي وجياتي
هيفا: لا موالقصد بس
بومشعل: هيفا انا مشغول وبمشي
هيفا: طيب بابا لحظه ..
بومشعل: وشفيك ياهيفا
هيفا: بابا عط امي فرصه اخر فرصه حرام العشره و
بومشعل بحزم: العشره هذي امك ماصانتها وتحمد ربها انها للحين على ذمتي لولاكم والا كان طلقتها بدون تفكير(ويروح)
هيفا وترجع لطاوله الطعام
ام مشعل: مافي فايده يمه هيفا ابوك تغير
هيفا: يمه ابوي معصب هاليومين كلها ايام ويهدى ويرجع مثل زمان
فرح: وشهالكذب انتو وشفيكم تستهبلون ماماي مع احترامي بس ابوي عافك خلاص انسيه وعيشي حياتك
هيفا: فرح وشفيك
فرح: انتي عاد مالي خلق اسمع صوتك مسويه مصلح اجتماعي مولايق عليك هالثوب(وتقوم)
هيفا: انتظريني بروح معك الجامعه
فرح: ومين قالك اني بروح الجامعه انا بروح كوفي شوب وبعدين الجامعه ماعندي محاضرات الا الساعه 11 ومالي خلق اترزز بالجامعه ويا الشله السخيفه
هيفا: ومع مين بتطلعين؟
فرح: مالك شغل .. ويلا قومي عشان السواق يوصلك الجامعه ويوصلني (وتقوم)
هيفا: يمه فرح صارت ماتحترم احد
ام مشعل: والله انتي بعد حالتك حاله خلينا من فرح الحين وخليك فيني انا .. فرح بالطقاق اللي يطقها المهم انا
هيفا: يمه وشفيك .. وشفيكم كلكم كل واحد فالبيت صاير يالله نفسي
ام مشعل: والله صادقه فرح انتي مسويه المصلح الاجتماعي وياليت نفع عاد ابوك من قمتي تتوسطين لاعت كبده من البيت بكبره وصار ينام برى مالت عليك وعلى واسطتك
هيفا: يمه هذا جزاي الحين خير اسوي شر القى
ام مشعل: ووينه هالخير اللي تسويه وتمنين بعد هذا وانتي ماسويتي شي تمنين مااقول الا مالت عليك من بنت مافي من وراك لا فايده ولاعايده (وتقوم)
هيفا: فرح وامي مايملي عينهم الا التراب .. بس امي صادقه انا للحين ماسويت ولاشي بس لازم الح على ابوي انه يسامح امي ونرجع مثل الاول(وتجي فرح لابسه عبايتها)
فرح: جنيتي جالسه تكلمين نفسك
هيفا: لا ماجنيت للحين عاقله ولله الحمد
فرح: طيب لاتطولينها وهي قصيره انا انتظرك بالسياره خمس دقايق ان ماجيتي بمشي عنك (وتروح)
/
/
/
/
/
بــكــليـــة الطـب .. كانت نغم توها مخلصه محاضره ممله وتتحلطم وترتب اغراضها تبي تطلع من القاعه وتسمع صوت يقول" محاضره ممله "
نغم وتلفت لها: فعلا
البنت: بس تدرين احس ان هالماده سلسله وحلوه بس الدكتوره شكلها مالها خلق
نغم: بالضبط انا هالماده بالذات مره عاجبتني بس موعاجبني اسلوب الدكتوره
البنت وتمد يدها للسلام: انا اماني عبدالعزيز
نغم وتسلم عليها: وانا نغم الراسي تشرفنا(وتقوم ويطلعون من القاعه)
اماني: عندك بريك الحين
نغم: ايه وانتي؟
اماني : وانا بعد (وتنتبه للدبله) انتي متزوجـهـ؟
نغم: ايه
اماني: موباين عليك شكلك صغيره
نغم: احس شي ههههه(ويضحكون)
اماني: طيب وشرايك نروح للكافتيرا ونرتاح شوي ونسولف دام عندنا بريك
نغم: اوكي ماعندي مانع(ويروحون)
/
/
/
/
وبــالكــافــي شــوبـ ..
كانت فرح توها داخله وشافت اللي تنتظره وكانت اول مره تشوفه بس طبعا شبعت منه ومن صوره اللي يرسلها له بالجوال يعني حافظته عدل وجلست
" واخيرا شفتك .. ممكن تكشفين عشـان اشوفك"
فرح : اوكي (وتفسخ شيلتها) وشرايك فيني ياسعد
سعد وقالها متفاجئ: هيــــفـــا
فرح/ لا ماني هيفا انا فرح اختــها الصغيره
سعد: أأأيـــــش .. انتو تلعبون فيني .. انتو شنو تفكروني عندكم
فرح: ممكن تهدي اعصابك ياسعد عشان اعرف شلون اتكلم معك
سعد: اهدي اعصابي وشنو ناويه تقولين ان شاء الله .. اعتقد اللعبه بانت
فرح: لا لعبه ولاغيره .. ممكن تخليني اتكلم والا بمشي
سعد بسخريه: تكلمي يا عاشقه المستحيل
فرح: لوسمحت لاتتطنز ... وبعدين انا ماالعب عليك ولاشي .. أنــا احبــك
سعد: تحبيني والا
فرح تقاطعه : عندك شك بحبي لك
سعد: وتسأليني بصفتك شنو عاشقه المستحيل والا فرح اخت هيفا
فرح: بصفتي البنت اللي انت كلمتها وحبتك وحبيتها وفهمتوا بعض من 8 شهور ... صدقني ياسعد انا ماكذبت عليك بـ ولاكلمه قلتها وكنت صادقه معك وبعدين انت واختي كل اللي بينكم كان وهم
سعد: وشقصدك ؟
فرح: كنتوا تتوهمون انكم تحبون بعض او بالاحرى تحصيل حاصل وانت بنفسك قلت لي هالشي انتو خذتوا بعض عن طريق خطبه الاهل وحبيتوا بعض ع هالاساس والا نسيت
سعد: انا ماني قادر اصدق انتي شلون تسوين بأختك كذا
فرح: انا ماخنتها .. انا احبك
سعد: وانا بعد ظنيت اني احبك
فرح: ظنيت .. يعني كنت طوال ذيك الفتره تكذب علي
سعد: انا احبك صح .. بس مااقدر اجرح هيفا واخونها بهالشكل انا كنت ناوي اطلقها
فرح: وشللي غير
سعد: انا موعارف شسوي حطي نفسك بمكاني انا صحيح مااحب هيفا بس مااقدر اجرحها بهالشكل انتي اختها وتؤامها شلون تسوين فيها كذا
فرح: انا موهاينه علي اختي بس انا احبك وبعدين هيفا ماتصلح لك
سعد: ليش ؟ ممكن تقولين لي ليش
فرح: شلون تحتار وماتعرف شتسوي مواحنا متفقين انك بعد ماتشوفني وتعرفني تطلقها
سعد: وانا معك للحين معك بس
فرح تقاطعه: بس شنو؟
سعد: انا اذا طلقتها مارح اقدر اخذك اهلك مارح يوافقون وبعدين انا احس اني انصدمت فيك شلون تسوين بأختك هالشي
فرح: انت مخدوع فيها
سعد: انا ماني عارف انا مخدوع بمين والا مين؟
فرح: مخدوع فيها وانا رح اثبت لك
سعد: وشقصدك؟
فرح: بس قبل مااقولك ابيك تعرف اني والله العظيم احبك وبعمري مافكرت ولاكلمت حد غيرك وهيفا هي اللي خانتك
سعد: أأأأأأأأيششششش .. شتقولين
فرح وسوت روحها متوهقه: انا ماحبيت اقولك بس انت اجبرتني هيفا تخونك من زمان وانا من اول ماكلمتك كنت ناويه اعلمك لاني مااحب الخيانه بكل اشكالها حتى لو كانت اختي وتؤامي بس لمى كلمتك اول مره وصديتني فكرت وقلت خلني اشوف اذا انت رح تشبك وياي يمكن تطلع مثل هيفا واثنيكم طينه وحده بس بعدين اكتشفت انك غير عنها ويوم عن يوم صرت تكبر بعيوني اكثر واكثر واعجبت فيك بدون مااحس وحبيتك وانت بعد بادلتني هالشعور وصارت فكره اني اقولك انا مين او حتى اصارحك بخيانه اختي مستحيله .. وخاصه ان اختي ماتستحق محبتك ولاتستاهل انها تشيل اسمك
سعد: وشلون تخونني ومع مين؟
هيفا: مارح اقولك شي رح اخليك تشوف بعينك اليوم بعد دوام الجامعه رح تروح هي وصديقاتها يتغدون برى وكل وحده معاها البوي فرند الخاص فيها ورح اخليك تشوف بعينك
::
::
::
::
::
::
بالجـــامــعــهـ وتحديدا اخر الدوام .. تروح نجلا لهيفا
نجلا: هيوف خلصتي دوامك
هيفا: ايه ليه ؟
نجلا: وشرايك نتغدى برى
هيفا: لالا مالي خلق فيني نوم وابي ارجع البيت
نجلا: ايه بس لازم تجين ويانا ع الغدا وبعدين انا بصراحه موعاجبتني الفجوه اللي بينك وبين اختك فرح وابي اصالحكم على بعض
هيفا: وانتي وشدراك؟
نجلا: لاتخافين الموضوع ماحد يدري فيه غيري وبصراحه فرح قالت لي وهي حاسه بالذنب وتبي تتصالح منك
هيفا: اوكي خلاص الحين اتصل بالسواق واقوله يجي
نجلا: لاتتصلين ولاشي انا اخوي بيوصلنا المطعم وخطيبه معاه يعني مارح يقول لنا لا لانه هو بعد بينزل نفس المطعم مع خطيبته
هيفا: اوكي اجل خليني البس عبايتي ( وتلبس عبايتها وتطلع مع نجلا وكان سعد وفرح برى بالسياره ينتظرون طلعتها .. وتطلع وتوقف عند سياره اخو نجلا
هيفا: يوووه انتي قلتي اخوك وخطيبته مين هذا اللي معاهم ؟
نجلا: هذا اخو خطيبته تدرين خطيبته ماتطلع من البيت الا مع محرم اللي هو اخوها مع انهم كاتبين كتابهم وبعدين احنا وش لنا فيهم ماعلينا منهم وخلينا نركب بسرعه لان خطيبة اخوي تذبحنا بنظراتها
هيفا: طيب (ويركبون)
(وبسياره سعد)
فرح: شفت بعينك وطبعا اختي على هالحال كل يوم وانا لمى كشفتها رفضت تسمع كلامي ولااا كلمتني بوقاحه بعد وقالت لي تعالي معانا رح تتسلين ماتوقعت اخلاقها نازله بهالشكل
سعد: انا لازم الحقها واشوف وين يروحون
فرح: يروحون يتغدون برى
سعد: لازم الحقهم
( وبالسياره اللي فيها نجلا وهيفا رن جوال نجلا)
نجلا: الو هلا فوفو شلونك؟ ايه الحين بنروح المطعم .. شنو ليش وين تبين نروح ... ايه بس هذي اجنحه فندقيه .. ااااه فيها كوفي شوب حلو اوكي خلاص الحين نجي باي
هيفا: وشفيها فرح
نجلا: فرح تقول فيه كوفي شوب مره حلو بأجنحه فندقيه قريبه من هنـا وهي هناك
هيفا: اوكي
( ووصلوا عند الاجنحه الفندقيه ونزلوا وعصب سعد وثار وجن جنوجه واللي جننه انهم نزلوا كلهم مع بعض)
(بسياره سعد)
سعد: الحقيررررررره .. نازله شقق مفروشه شلون تخونني
فرح: لا لا انت فاهمها غلط هي تروح تتغدى معاهم برى بس اول مره تجي هالمكان
سعد: لا الظاهر انها استغفلتنا كلنا
فرح: انا لازم انزل واجيب اختي من عندهم
سعد: اختك واثقه من نفسها واذا نزلتي لها رح تحرجك وتفشلك قدامهم وانا مااراضها لك انك تنزلين وتروحين لهالمكان القذر انا رح اوصلك البيت
فرح: طيب طيب اهم شي ماتزعل
سعد: بعد مااوصلك رح ارسل لها ورقه طلاقها ومشكوره يافرح انك علمتني عنها وحذرتيني قبل مااتورط وياها القذره
فرح: طيب ممكن توصلني البيت بسرعه مااقدر اتأخر الحين امي تسأل عنا وانا دايما اغطي عنها الله يهديها
( واول ماوصلت البيت اتصلت بهيفا وقالت لها انها ماتقدر تجي وانها مشت قبل مايجون بخمس دقايق وهيفا ماحبت تهاوشها لانها ماصدقت على الله ترجع وتكلمها وحبت انها تبدء صفحه جديده مع اختــها )
ببيت رائــــد ... كانوا نغم ورائد جالسين عالغدا ياكلون بصمت
رائد: شسويتي بالجامعه اليوم
نغم: مثل كل يوم
رائد: محتاجه شي .. اذا محتاجه قولي
نغم: مومحتاجه
رائد: طيب وشرايك نطلع نتعشى برى ماعندي دوام بالليل
نغم: لا
رائد: اجوبتك مختصره
نغم: ......................................
رائد: ماتبين تتكلمين معاي
نغم: .............
رائد: براحتك مارح اضايقك
نغم وماسكه دمعتها: رائد ممكن تسكت
رائد: نغم وشفيك متضايقه
نغم نزلت دمعتها غصب عنها ومسحتها بسرعه بس رائد لاحظها
رائد ويمسك يدها: نغم شفيك
نغم بدون ماتطالعه وخرت يدها عنه وقالت: رائد انا احبك وماعدت اقدر امثل اكثر هذا(وتطالع فيه ) كل اللي فيني (وتقوم)
رائد بأستــغــراب: تحبني ؟
/
/
/
/
ببيت بومشعل كانوا فرح وهيفا جالسين يتقهون وقاعدين بالصاله يطالعون تلفزيون وتجي الخدامه
الخدامه: مدام هيفا فيه برى عشان انتي
هيفا: مين؟
الخدامه: مافي يعرف
فرح: طيب روحي شوفي مين
هيفا: الحين بروح اشوف (وتروح عند الباب )
هيفا: مين
المندوب: معك مندوب من المحكمه فيه ورقه عشانك ولازم تستلمينها وتوقعين عليها
هيفا: طيب من مين ؟
المندوب: مدري وقعي الاستلام وخذيها
هيفا: طيب وتوقع وتاخذ الورقه وتفتحها وتنصدم لمى تشوفها وبدون شعور نزلت دموعها ودخلت للبيت وراحت لفوق بسرعه وهي تبكي
فرح وابتسمت : اكيد طلقها .. خلني اروح اشوف وشفيها (وتناديها هيفااااا)
(بغرفه هيفا)
فرح: هيفا خير ان شاء الله وشفيك
هيفا من بين دموعها: سعد طلقني
فرح: أييييش ؟
هيفا: طلقني غيابي الحقير
فرح بخاطرها(والله مافي حقيره غيرك) : ايه ليش وش صار لهذا كله
هيفا: حسبي الله عليه .. حسبي الله عليه خذاني لحم ورماني عظم
فرح(وتتحسبين بعد الله ياخذك) وتضم اختها وتقول: خلاص ياهيفا اللي صار صار انسي
هيفا بنبره باكيه: انسى شلون انسى سنتين ونص واحنا مخطوبين وكل الناس يدرون بهالشي وكاتبين كتابنا وبعدها يطلقني وليش بدون سبب الناس رح تتكلم عني بالعاطل ورح تجيب بسيرتي هو مارح يخسر شي انا اللي انكتب علي لقب مطلقه وانا حتى ماتزوجت والناس مارح تسكت رح يكثر كلامهم اكثر مما هو الحين
فرح(جعلك بهالحال واردى): طيب الناس بيتكلمون اليوم وبكره بينسون
هيفا: وانا شلون انسى انا لازم اكلمه
فرح(وشهاللزقه): لالا لاتكلمينه وشلون لك وجه تكلمينه بعد كل اللي سواه فيك
هيفا: لازم اعرف ليش طلقني لازم اكلمه الحين
فرح: انتي وشفيك تبين تذلين نفسك له ماعليك منه المفروض تخلينه يولي وتقولين لابوي يشوف شغله وياه
هيفا: هالموضوع يخصني انا مايخض ابوي انا مقهوره انتي موحاسه فيني انا لازم اكلمه (وتاخذ جوالها وتتصل فيه )
هيفا وتتصل: الو سعد ليش طلقتني
سعد بصراخ : صدق عينك قويه وتتصلين فيني بعد انتي الظاهر مو بس ناقصه شرف ناقصه كرامه بعد الحمدلله اني كشفتك على حقيقتك وماتورطت معاك(ويسكر)
هيفا وتبكي وتحط راسها عالمخده
فرح: يوووووه ياهيفا وش استفدتي الحين قهرتي نفسك ع الفاضي خلاص خليه يولي واذا جاء ابوي لازم تقولين له يشوف شغله معاه....
(اما هيفا كانت تبكي بحرقه عالسرير بدون ماتتكلم)
(( أمــا بأحد مشاغل الدمام الراقيه كان الافتتاح من احسن مايكون وطبعا الدعايه كانت سابقه الافتتاح بأسبوعين والزباين اللي بالمحل كثير وكان مشغل هبــهـ .. )
هبه: حياكم الله ياجماعه تفضلوا ع البوفيه
(طبعا كل معازيم هبه كانوا من الهاي كلاس ومايدخلون المشغل بيوم الافتتاح الا ببطاقه عضويه للمميزات اللي تشمل عده خدمات مجانيه وعليها خصم وسعر البطاقه غالي جدا وهالشي يدل على ان المشغل مو اي حد يدخله بنفس هاليوم)
ام منصور (احدى الزبائن): مدام هبه ماشاء الله ديكور مشغلك مره حلو انتي اللي مصممته
هبه: لا انا خليت مصمم ديكور يصمم لي اياه وع فكره الديكور كله من برى حتى المصمم من برى
ام منصور: والله المشغل يجنن والافتتاح حلو وحتى انتي الكل يمدح بشغلك
هبه: مشكوره ياام منصور هذا من ذوقك (ويرن جوالها ) عن اذنك
هبه: الو هلا حبيبي .. وشفيك ايش مارح تنام عندي اليوم ليش ..؟ اوووف ليش تطلقت طيب طيب اذا حليت الموضوع بدري تعال عموما انا مارح انام ورح استناك .. مع السلامه(وتسكر وترجع لحفلها)
/
/
/
/
/
" وليش يطلقك ان شاء الله هو مين يفكر نفسه "
هيفا من بين دموعها: ماادري يبه انا مدري شفيه قلب علي
مشعل: عموما هو اللي خسر نسبنا مو احنا
بومشعل: بس انا مارح اخليه انا لازم اكلم ابوه واتفاهم معاه
هيفا: يبه خلاص ماله داعي تكلمه انا ماابي ارجع له
بومشعل: ومين قالك اني رح ارجعك له انا بتصل بابوه وابين له انه هو الخسران ورح اعلمه شلون مستواه الحقيقي بدون نسبنا(ويطلع)
مشعل: انا للحين ماني مصدق اللي صار
فرح: خلاص يامشعل اللي صار صار وهيفا اعصابها تعبانه وماهي قادره تسمع كلام زياده
مشعل طلع بدون مايعلق
ام مشعل: انا للحين ماني عارفه ليش طلقك .. وش بنقول للناس وين بنخبي وجهنا منهم سودتي وجهنا الله يخسك
هيفا تبكي بحراره بدون ماتقول شي
فرح: يمه هذا وقتك
ام مشعل: انتي سكتي ومالي خلقك خلينا بهالمصيبه اللي عندنا
فرح: لامصيبه ولاشي اختي مواول ولااخر مطلقه وممكن تخلينها تنام البنت موناقصه قهر
ام مشعل: والله انا اللي بموت من القهر ماادري وش بقول للناس قصت وجهي الله يخسها(وتطلع)
فرح وتروح لهيفا وتضمها: هيفا خلاص اللي صار صار ... حاولي تعيشين حياتك ولاتفكرين بالماضي فكري بمستقبلك وبس
( ظلت اختها معاها لين نامت وراحت ... اما هيفا فــ نامت ساعتين وقامت ولقت نفسها لحالها بغرفتها اشتاحشت القعده لحـالـهـا وتذكرت ان اختها كانت معاها طول اليوم وحبت تروح تنام عندها .. قامت وراحت لحمامها(الله يعزكم ) وغسلت وجهها وغيرت ملابسها ولبست بيجاما ووخذت كاس عصير برتقال من ثلاجتها ... واتجهت لغرفه فرح .. وجات تبي تدق الباب ولقتها مفتوح ودخلت بدون ماتحس اختها وشافتها عند البرندا ومعطتها ظهرها وتوها بتناديها وسمعتها تقول
فرح : سعد اللي سويته اليوم هو عين العقل الحين بعد ماطلقت اختي نتفرغ لنفسنا شوي
... انصدمت وماصدقت اللي سمعته حست انها بحلم اختها الصغيره وتؤامها واللي تعتبرها مثل بنتها تخونها وتسوي فيها كذا مااستوعبت اللي صار ومن شده صدمتها طاح كاس العصير اللي كان بيدهاا .. وسمعت فرح الصوت والتفت وشافت اختها وقالت بخــوف .." هيــــفا"..
((انـــتــهـى الجــــزء الــسـادس عــشــر ))
(الجزء الـسـابـع عــشـــر )
part 17
.. وسمعت فرح الصوت والتفت وشافت اختها وقالت بخــوف .." هيــــفا"..
هيــفا وهي مصدومه: مين تكلمين؟
فرح بأرتباك: هيفا انتي وش جابك هنا المفروض تكونين
هيفا تقاطعها بصراخ: تكلمين سعد؟
فرح وتكلم بالتلفون: انا شوي واتصل(وتسكر)
هيفا وتروح لها وتاخذ الموبايل: عطيني الموبايل
فرح: لا لا مارح اعطيك
هيفا وتاخذ منها الجوال وتشوف اخر رقم حبيب عمري وتشيك الا رقم سعد
هيفا وتدمع عيونها: أنــتي انتي تكلمين زوجي انا مومصدقه
فرح وخذت منها الجوال: انا مااسمح لك تدخلين بخصوصياتي وبعدين انتي فاهمتني غلط
هيفا: انا سمعتك بأذني تكلمينه وتقولين له نتفرغ لنفسنا ومخزنته حبيب عمري ... ليش يافوفو .. ليش تسوين فيني كذا انا اختك انا طول عمري اعتبرك مثل بنتي ليش تسوين كذا ليش .. شلون جالك قلب وتاخذين زوجي مني
فرح وملت منها: اوووووه ترى والله مللتيني اولا سعد طليقك وزوجي انا مستقبلا وياليت لوتفرحين لي اذا كنتي فعلا تعتبريني مثل بنتك
هيفا من بين دموعها: انتي ماتستحين على وجهك .. شلون تتكلمين بهالوقاحه معي حسبي الله عليك من بنت
فرح: الزمي حدودك ياهيفا ولاتتحسبين على انا ماضريتك بشي بالعكس خلصتك من شي انت موقده ... ليش انتي دايما المميزه والمثاليه عند ابوي واخواني وانتي اللي انخطبتي اول وخذتي واحد كل البنات تحلم فيه ليش .. مع اني احلا منك واصغر منك انا ماسرقت منك شي كل شي رجع للوضع اللي المفروض يكون عليه
هيفا من بين دموعها: انا مومصدقه اللي انا قاعده اسمعه انا بحلم اكيد بحلم لا انا بكابوس وابي اصحى منه
فرح: لاياعمري انتي موبكابوس ولاحلم .. انتي بالواقع الدنيا قاسيه شوي صح .. هذا هو الواقع بس لاتزعلين كل شي ع وضعه الطبيعي انتي بس اللي كنتي بوضع غير طبيعي ورجعتي لوضعك الطبيعي الحين
هيفا من بين دموعها: طيب يافرح.... انا لازم اوصل هالكلام لابوي عشـان يعرف يتصرف معك لان الكلام معك ضايع
فرح: ماتقدرين توصلينه لابوي
هيفا: بتشوفين اذا اقدر والا لا
فرح: ماتقدرين لان ان وصلت كلمه وحده له انا رح انكر كل شي وسعد رح يشهر فيك ويطعن بشرفتك عند الناس كلها ورح تشوهين صوره العايله وصوره نفسك وابوي مارح يهتم بكلامك اللي مارح يكون له دليل ورح يهتم انه يدراي فضيحتك هذا اذا ماذبحك بعد
هيفا: حسبي الله عليك حسبي الله عليك
فرح: اقول اطلعي برى تراك مسختيها طلعي برى يلا عطيتك وجه زياده عن اللزوم بغرفتي وتتحسبين على بعد
هيفا: صدق ماتستحين على وجهك (وتعطيها كف)
فرح وعصبت : وتمدين ايدك على بعد (وتضربها .. ويتضاربون لكن فرح ضربت هيفا اكثر وشدتها من شعرها وطلعتها برى الغرفه وسكرت الباب)
فرح وتحسس وجهها من بعد الجروح اللي جاتها: حسبي الله عليك ان ماحرقت دمك مااكون انا فوفو وبتشوفين يالدعله
/
/
/
/
بجــــده ... ببيت اهـل سعد ..
دخل ابو سعد لعند ولده وهو معصب منه
بوسعد: سعد انت شلون تطلق بنت الراسي
سعد: يبه بنتهم ماتصلح لي
بوسعد: وانت مين عشان تقرر تصلح لك والا لا ..؟ وبعدين انت عارف من البدايه اننا محتاجين هالزواج شلون تطلقها ولاحتى تعطيننا خبر
سعد: يبه انا هيفا ماابيها وماتصلح لي وهالزواج فاشل من بدايته لانه قائم على المصلحه وانا بنتهم ماابيها وبعدين احنا ماخسرنا شي
بوسعد: الا خسرنا وخسرنا كثير بعد انت تعرف ان الناس الحين قامت تعزنا اكثر عشان نسبنا مع بيت الراسي وانت جيت بكل سهوله وضيعت علينا هالفرصه وابوها اتصل فيني يهدد ويتوعد وانت ولاعلى بالك
سعد: يبه هد اعصابك وماعليك منه وابوها بدل مايسوي هالحركات يروح يربي بنته احسن
بوسعد/ انت شايف عليها شي؟
سعد: الله يستر عليها وهالبنت ماتصلح لي لاهي ولاطريقه حياتها .. والحمدلله اني طلقتها واحنا بعدنا عالبر
بوسعد: وانا مااقول الا الله يعيننا ع الحرب اللي رح يقومها بومشعل ضدنا .. اللي صار صار وبومشعل لو نسوي ايش مارح يرضى انك ترجع لها .. الله يهديك ياسعد تسرعت
سعد: يبه ماعليك منه بيعصب كم يوم وبعدين بيمل ماعليك منه
بوسعد: شكلك انت للحين ماعرفت بومشعل
/
/
/
/
/
/
" حبيبي هد اعصابك هم الخسرانين ماعليك منهم" قالتها لزوجها وهي قاعده جنبه عالسرير
بومشعل: انا مقهور مين يفكر نفسه عشان يسوي اللي سواه
هبه: حبيبي اللي صار صار وماله داعي تحرق اعصابك عليهم وهم الحين ولامفكرين فيك .. الحين الناس رح تعرف قيمتهم الحقيقه بدونك والكل رح يحاربهم وبيرجعون نكره مثل ماكانوا واكثر .. انت ليش تحرق اعصابك
بومشعل: انا مقهور على بنتي اللي تطلقت بدون سبب وهي اصلا ماكانت ناويه تتزوج لكن انا اللي جبرتها ووافقت لعيوني
هبه: حياتي انت .. بنتك مواول ولااخر مطلقه وبعدين الف واحد يتمناها .. يكفي انها بنتك وبعدين هيفا توها صغيره وانت قايل لي انها بدت تهتم بدراستها وتصير احسن.. يعني زين خلها تكمل دراستها لان مارح ينفعها الا شهادتها .. وبعدين انت موقلت لي ان ولد عمها كان يبيها
بومشعل: ايه بس هي رفضته وبعدين هي اكبر منه
هبه: حبيبي دام انه يبيها انا متأكده انه اول مايسمع بخبر طلاقها رح يتقدم لها بسرعه وبعدين الفرق اللي بينهم موكبير وحلاته دهننا في مكبتنا
بومشعل: يعني تتوقعين جاسم يجي ويخطبها
هبه: انا مااتوقع الا انا متأكده اذا كان يحبها ومتمسك فيها على طول بيجي يخطبها .. انت بس هد اعصابك
بومشعل: الله يسمع منك ياهبه ... احسن شي سويته اني جيت لعندك ومانمت هناك والا كان رح يضيق خلقي
هبه: الا انا اللي كان رح يضيق خلقي وانا قاعده بروحي بدونك .. تدري لو انك نمت هناك كان الافكار رح تأخذني وتوديني .. ياخوفي بعدين تحن للحب الاولي
بومشعل: وييييييييييييييع لاتذكريني فيها انا مدري شلون كنت اعمي طوال الايام اللي راحت اي حب واي هم انا ماعرفت الحب الا معك
هبه: هههههههههههه يابعد عمري انت .. وانا بعد ماعرفت الحب وتعلمته الا معك ومنك (وتجي تقوم)
بومشعل: وين رايحه تونا بدينا نحب
هبه: حبيبي بروح اجيب لك شي تاكله الحين انت على لحم بطنك من الصبح
بومشعل: حياتي انا ماابي اكل شي انا ابي نكمل الحب اللي بدينا فيه تونا
هبه: بس كذا من عيوني ياعيوني انت ^_^
/
/
/
/
/
اليــــــــــــوم التــــــــــــالــــــــــي ...
عالفطور ببيت مشعل .. صحى مشعل بدري هو وجوري وجات لعنده زوجتـه معصبه وبيدها شيك
فاطمه/ مشعل شنو هذا؟
مشعل وتوهق: ووين شفتيه .. وبعدين انتي جالسه تتجسين وتدورين بأغراضي
فاطمه: انا مااتجسس ولاشي كنت جالسه ارتب ثيابك وشفته بينهم ممكن تقولي من وين لك وشيسوي عندك
مشعل: جوري بابا روحي انتظريني بالسياره مع الخدامه
جوري : حادر باباي
مشعل: ممكن ماتتكلمين قدام البنت مره ثانيه
فاطمه: يعني عارف نفسك غلطان
مشعل: انا ماني غلطان ولاشي وبعدين ابوك من نفسه عطاني هالشيك وانا ماطلبت منه
فاطمه: ياسلام وانت مستانس يعني انه عطاك وشلون تقبل ان ابو زوجتك يعطيك مصروف شهري لبيتك ... وانا اشوف هالكرم اللي حل عليك فجـأه مولله
مشعل: فاطمه وبعدين ليش تكبرين الموضوع
فاطمه/ انا ماكبرته الموضوع اصلا كبير من الاول .. شلون ترضاها على نفسك وتخلي ابو زوجتك يصرف عليك وانت اصلا مومحتاج
مشعل: عمي حب يعطيني من نفسه شنو .. تبيني ارده؟
فاطمه: انا ماني قادره اصدق اللي اسمعه
مشعل: فاطمه ترى الموضوع بسيط ولوسمحتي لاتكبرينه
فاطمه: طيب انت من متى قمت تاخذ من ابوي هالفلوس
مشعل: وش تفرق فيه يعني
فاطمه: ممكن تجاوبني على سؤالي؟
مشعل: من اول ماسكننا هنا حتى فلوس الاثاث هديه من عنده
فاطمه: وانت راتبك وين يروح وكم راتبك اصلا .. وكم رصيدك بالبنك وليش تخليه بالبنك وتحتفظ فيه ليش
مشعل: فاطمه وشفيك
فاطمه: انت انسان لاتطاق وكل يوم قاعده اكتشف فيك شي جديد والمشكله شي سيء
مشعل: فاطمه هدي اعصابك وقومي خليني اوديك الشغل
فاطمه: لا مشكور لاتوديني ماله داعي اخاف بعد مشوار الشغل يصرف من بترول سيارتك وتروح تاخذ من ابوي فلوس البترول
مشعل: تتطنزين
فاطمه: انا بروح مع اخوي رائد .. انت ود بنتك وبس (وتقوم)
مشعل: اوووووف وانا شلون نسيت وماصرفت الشيك .. الحين لقت لها سالفه تقعد تحن عليها .. الله يعينني عليها
/
/
/
/
/
/
/
" الله يعينه علي .. المفروض تقولين الله يعينني انا عليه يمه موالعكس" قالتها لامها اثناء زياره امها للمؤسسه
ام رائد: والله ماعندك سالفه .. الحين كل هالسوالف الطويله العريضه عشان بس عرفتي ان ابوك يعطيه مصروف شهري
فاطمه: يعني الموضوع عادي عندك... لحظه لحظه يمكن انتي بعد كنتي تدرين وساكته عن هالسالفه
ام رائد: اصلا مافي سالفه انتي ماادري ليش مكبره الموضوع .. وبعدين ابوك طول عمره يعطيكم مصروف انتي واخوانك حتى بشرى اللي مسافره ومتزوجه ورائد المتزوج يوصلهم مصروف شهري .. وانتي من تزوجتي رفضتي ان ابوك يعطيك هالمصروف وابوك احترم رغبتك وماصار يعطيك بس لمى الاوضاع تأزمت بينك وبين زوجك وسكنتوا ببيت جديد وجبتوا الخدم وكثرت المسؤوليه عليكم ابوك قرر انه يعطي زوجك مصروف ولانه عارف انك لودريتي رح ترفضين اقترح على زوجك مايقولك
فاطمه: يعني انتو كلكم تدرون وانا اخر من يعلم
ام رائد: يافاطمه لاتكبرين الموضوع ترى السالفه ماتسوى وبعدين دام زوجك يحبك خذيه واحتويه وخليه تحت جناحك لايطفش ويصير زي ابوه ينام برى البيت والله اعلم وين ينام ولمين يروح
فاطمه: وانتي وشدراك عن عمي؟
ام رائد: الشرقيه كلها تدري موزوجته الغبيه راحت وعلمت الناس كلها ولو يدري عنها عمك طلقها سمعيني يابنتي ولاتصرين مثلها وتطفشين زوجك
فاطمه: بس مايصير اعدي له هالموضوع بالساهل يمه
ام رائــد: والله انك ماتعطين وجه انا قلت اللي عندي وانت حره سوي اللي تبينه .. عموما وريني الاوراق اللي طلبتها منك وخلي المواضيع الجانبيه بعدين
/
/
/
/
/
ببيت هبـــة كانــت جالســة بالصـاله مع جدتها يطالعون التلفزيون وتجي لعندها الخدامه لين
لين: ماما هبه فيه مدام عند الباب يبي يشوف انتي
هبه: مدام مين ؟
لين: مااعرف هي قول يبي انتي ومدام معاها شنطه كبير وبيبي
هبه: طيب الحين بجي (وتروح عند الباب )
هبة: مين (وتشوف حرمه معها شنطتها وولدها الصغير)
الحرمه/ انا ..أنـــا امك ياهبه ومعاي ولدي اخوك
هبه: امي .. شتبين وليش جايه وبعدين من متى جبتي ولد
ام هبه: رح تخليني اتكلم عند الباب
هبه: وزوجك وينه عنك وليش جايه ومين دلك علي بيتي ..
ام هبه: طيب خليني ادخل ع الاقل توني جايه من السفر وتعبانه
هبه وهي معصبه : طيب دخلي بس من الباب الخلفي ماابي امي تشوفك موناقصين سوالف
(وتدخل امها من الباب الخلفي وتجلس معاها بغرفه الضيوف)
ام هبه : الحمدلله اني لقيتك يابنتي
هبه: بنتك .. لو كنت بنتك صدق مثل ماتقولين كان ماتخليتي عني وعننا كلنا
ام هبه: اللي صار صار وهذا كله ماضي الحين وموزين نتكلم فيه
هبه: اجل اللي سويتيه فيننا زين طردتينا اول ماخلصتي من العده .. وخليتنا بالشارع ايام ماندري وين نروح انا واخواني واعيالي .. جلسنا 3 ايام ندور بالشوارع وجيبنا مافيه حتى عشره ريال .. لو ماجدتي اتصلت فينا وحزجت لنا للدمام والا كان ماقدرنا نجي وكان صعنا وضعنا بالشوراع .. احنا مااهتمينا لطلعتنا بالشارع الا اهتمينا اكثر لصدمتنا بوفاه ابونا وبصدمتي بوفاه زوجي وبتغيرك المفاجئ وزواجك السريع من شخص اصغر مني .. وقدر يلعب بعقلك وخلاك تطرديننا وماتسألين عننا
ام هبه: اللي صار صار يمه وانا اعترف اني غلطانه
هبه: والله وايد عليك .. انتي مو امي وانا بعمري مارح اعتبرك امي واللي انكسر مايتصلح
ام هبه: افااااا يابنتي كل هالحقد شايلته بقلبك علي
هبه: وشنو كنتي تتوقعين يعني اني اشيل لك بقلبي كل الحب والحنان والشوق بعد كل اللي سويتيه فيننا
ام هبه: يايمه ياهبه
تقاطعها هبه: لاتقولين يمه انتي ماتستاهلين انك تكونين ام ... انتي الحين وشتبين..؟ ماتقولين لي وشتبين ؟
ام هبه: انا تطلقت
هبه: نهاية متوقعه لزواج من بدايته كان غلط
ام هبه: تتشمتين؟
هبه: لا مااشتمت بس قلت كنت متوقعه هالشي وبعدين انتي ماكان عندك صالون وبيت وحياه كامله بجده ليش لمى طلقك اللي مايتسمى جيتي ليش ماكملتي حياتك هناك ليش جيتي
ام هبه : الصالون والبيت سجلتهم بأسم سامر وبعدين سامر تزوج علي وطلقني ورماني انا وولده وماسأل عننا وعرفت من الناس الطيبين عنوانكم وجيت
هبه: سبحان الله الشخص اللي طردتيننا وتخليني عننا عشانه سوى فيك نفس الشي اللي سويتيه فينا كما تدين تدان
ام هبه: انا غلطانه واعترف اني غلطت وابي منك تسامحيني
هبه: اسامحك .. مره صعبه اني اسامحك انتي ماجرحتيني لحالي انت جرحتني وجرحتيننا كلنا وضيعتينا وتبيني اسامحك .. انتي ماتبينني اسامحك انتي تبين مكان تقعدين فيه انتي وولدك اللي بيدك
ام هبه: انا امك وهذا اخوك
هبه/ الدوله مارح تقصر حطي ولدك بدار الايتام وانتي روحي لدار العجزه ترى الدوله مارح تقصر عنكم
ام هبه: الله يسامحك يايمه صرتي قاسيه علي لهدرجه
هبه: انتي اللي زرعتي هالقسوه فيني وانتي الحين قاعده تحصدين ثمارها انا اللي عندي قلته (وتوقف)
ام هبه: تطرديني يايمه
هبه وتماسكت نفسها عشان ماتنزل دموعها وقالت بعد صمت : مارح اطردك .. بس بنفس الوقت مارح اقدر اتجاوز الصدمه اللي سببتيها لنا .. تدرين انتي اجلسي هنا بغرفه الضيوف ولاتطلعين منها ابدا ماابي زوجي ولاامي يحسون عليك خلك هنا كم يوم انتي وولدك لين ماافكر شنو رح اسوي .. وان درت امي او زوجي اعتبري نفسك مطروده ودروي لك مكان ثاني يلمك ورح اخلي معك خدامه تقوم بكل طلباتك وكل شي رح يوصلك لمكانك عن اذنك (وتطلع وتخلي امها مع ولدها وتروح هبه لغرفتها تبكي بحراره وموعارفه شتسوي)
/
/
/
/
/
/
ع الغــدا ببيت بوســعد .. كان جالس يتغدى مع امه وابوه واخوه خالد
بوسعد: انت جنيت والا صار لعقلك شي؟
سعد: يبه وشفيك عصبت وانا اللي افكر انك اذا دريت بهالموضوع بتستانس
ام سعد: سعد وشفيك انت قمت تخورا شلون يستانس ع هالموضوع انت اكيد مو بوعيك
سعد: الا بوعيي وبكامل قواي العقليه وبعدين يبه هذي فرصه نصلح اللي انكسر .. وانت قلت لي انك زعلان لانك خسرت نسب بومشعل
بوسعد: بومشعل خلاص سالفه وانتهـت وقصتـهـ انتهت ويـانا ... خلاص انسى هالسالفه
خالد: سعد انت وشفيك ... الحين انت توك مطلق بنته هيفا تبي تروح له وتقول له انا اسف ياعمي غلطت يوم طلقت هيفا والحين بصلح غلطتي وابي اخطب فرح
سعد: تصدق هذي خوش مقدمه وانا كنت ادور عليها من زماان والحين بقولها
بوسعد: انت تفكر الرجال اذا قلت له هالكلام بيوافق على طول واصلا يمكن من اول ماتدخل الشركه موظفين الامن يشحتونك برى
سعد/ موكأنكم مكبرين الموضوع
ام سعد: لان الموضوع اصلا كبير من الاول ... انا اقول لو تشيل هالموضوع من راسك وايد احسن لك
سعد: بس انا ابس اصلح اللي انكسر
بوسعد: انت رح تجنني بأستهتارك انت واحد ماتتحمل المسؤوليه وبهالموضوع بالذات انا مالي دخل فيه فاهم تبي تروح تخطب روح لحالك انا مالي وجه اروح للرجال يكفي اللي سمعته منه للحين
سعد: افاااا يعني محد رح يجي معاي؟
ام سعد: والله ان وجهك بليته انت عبالك اذا رحت للرجال بيستقبلك بالقبل والاحضان
سعد: انا متوقع رده فعله لكن من بعد مايسمع الموضوع رح يستانس ويغير رايه
خالد: انت ماخذ بنفسك مقلب .. على بالك الرجال ميت على نسبك .. عموما انت روح وكلمه لحالك وتحمل نتيجه قرارك بس بسألك انت ليش مصر انت تخطب فرح واذا كنت حريص على نسبه مثل ماتقول كان رجعت مرتك موتروح وتخطب اختـــهــا
سعد: هيفا ماتصلح لي وانا محد يصلح لي غير فرح وانا بروح لبومشعل اليوم وبحط النقط ع الحروف
/
/
/
/
/
/
بـــالشـــرقيــــه ... وتــحــديــدا بمكتــب بومشعل جاء لعنده السكرتير
السكرتير: بومشعل سعد برى يبي يقابلك
بومشعل: مين سعد ؟
السكرتير: سعد نسيبك
بومشعل(وله عين يجي الشركه بعد): خله يدخل
السكرتير: ان شاء الله (ويطلع ويجي سعد)
سعد : السلام عليكم عمي
بومشعل بدون مايطالعه: خير ان شاء الله وشتبي
سعد ويجلس : انا جيت ابي
بومشعل ويطالع فيه ويقاطعه: مين سمح لك تجلس ؟
سعد ويوقف: اسف ممكن اجلس
بومشعل: لاطبعا مو ممكن وبعدين انا وقتي ضيق قولي وشتبي وبسرعه
سعد: انا متأسف بخصوص موضوع هيفا
بومشعل: طيب وبعدين
سعد: انا بصلح غلطتي
بومشعل: غلطه .. لاانت غلطان اصلا انت مومن مستوانا وانا فعلا بالطلاق صلحت غلطتك ورجعت لوضعك الطبيعي
سعد: بس ياعمي
بومشعل: انا موعمك وقولي شتبي بسرعه لان ماعندي وقت لك
سعد: انا طالب القرب
بومشعل: شنــو ..؟ شتـــقول ؟ اصلا هيفا مستحيل ترجع لك
سعد: بس انا ماابي هيفا
بومشعل: اجل جاي وشتبي؟
سعد: انا طالب القرب منك وابي بنتك فرح موهيــفـا ..
/
/
/
/
/
دخل بيته وهو معصب وينادي ينته بأعلا صوتـــهـ ...
بومشعل: فرح فرح ووجع
فرح اللي كانت جالسه مع امها بالصاله قالت بخوف: نعم يبه
بومشعل: تعالي مكتبي بسرعه
::
::
::
::
وبالمكتــب
فرح: يبه وشفيك
بومشعل: اليوم جالك خطاب
فرح: مين؟
بومشعل: ماله داعي اقولك مين اتوقع انك عارفه
فرح: وانا من وين رح اعرف يبه؟
بومشعل: بلا استهبال يافرح ... (ويمسكها من شعرها) وشعلاقتك بسعد طليق هيفا
فرح: والله يبه مااعرف عنه شي ومالي دخل فيه يبه
بومشعل: تكلمي نطقي قولي اذا تعرفينه والا لا
فرح: يبه وشفيك ليش تضربني الله يخليك بابا شيل يدك عني انا ماسويت شي
بومشعل: سعد طلق اختك من كم يوم وبعدها جاء وخطبك وش معناه هالكلام ماتقولين لي ؟
فرح من بين دموعها: بابا انا بنتك الصغيره ودلوعتك وتربيتك وانت تعرفني اكثر من نفسي انا مالي دخل بهالموضوع ومالي دخل باللي صار يبه اترك شعري عورتني
بومشعل ويهديها: يعني ماتعرفينه؟
فرح من بين دموعها: انا كل اللي اعرفه عنه انه خطيب اختي السابق بس ومالي دخل فيه اذا خطبني اصلا هو نذل ولو مونذل كان ماطلق اختي وخطبني يمكن يبي يقهرك لانك شرشحت ابوه ويبي يشكك ببناتك يبه
بومشعل وجلس وحس ان الدنيا تدور فيه : طيب انقلعي عن وجهي ماابي اشوفك
(وتروح فرح وتشوف امها عند الباب تتسمع)
ام مشعل: خير ان شاء الله وشفيه ابوك عليك
فرح وهي ترتب شعرها قالت بنبره باكيه : انتي شتسوين هـنا والله ماعندك سـالفـه .. لو يشوفك ابوي رح يطلقك عاد هو ماادري وشفيه علينا شكله يبي الشاره وانتي بتعطينه اياها
::
::
::
::
::
" يبه وشفيك"
بومشعل: انتي ليش تطلقتي؟
هيفا: يبه ماابي اتكلم بهالموضوع
بومشعل: بس انا ابي اتكلم فيه ابي اعرف السبب
هيفا وماسكه دمعتها: يبه انت تشك فيني ؟
بومشعل: انا مستحيل اشك فيك انتي تربيتي بس انا ابي اعرف شنو السبب
هيفا: ماادري يبه الفتره الاخيره صار يتجنبني وبعدها طلقني غيابي .. وماادري ليش
بومشعل: واختك فرح وشرايها؟
هيفا: ........................
بومشعل: هيفا ردي علي
هيفا: يبه وشدخل فرح
بومشعل: انا ابي اعرف وشرايها
هيفا: ماادري عنها ماادري
بومشعل: تدرين ان سعد جاء لعندي الشركه اليوم وطلب فرح مني .. وشمعناه هالكلام
هيفا وماسكه دمعتها: معناها انه واحد نذل والحمدلله اني تطلقت منه وخلصت من هالورطه قبل مااتورط فيها .. وانا وفرح تربيتك يبه وياليت ماتشك فينا ... سعد يبي يقهرك بعد ما شرشحت ابوه ويبي يحرق قلبك ومالقى غير هالطريقه هذي
/
/
/
/
/
" وليش قلتي كذا .. موانتي اللي كنتي تهددين وتتوعدين" قالتها لاختها وهي تطالعها من فوق لتحت
هيفا: انا ماقلت اللي قلته لسواد عيونك انتي او هو انا قلت هالكلام عشان ابوي كان تعبان وباين عليه التعب والقهر بسبب تصرفاتك اللامباليه انت وحبيب القلب وماحبيت اقهره واحرق قلبه واقوله عن سخافه وقله ادب بنته
فرح: طيب وبعدين شتبن؟
هيفا: حبيت اقولك ان كل مخططاتك جات لصالحي
فرح بأستغراب: لصالحك؟
هيفا: ايه لصالحي عرفت ناس كثير على حقيقتهم ناس كنت مصدومه ومخدوعه فيهم ... بالنسبه لسعد ماانكر اني بالبدايه زعلت واتضايقت لكن بعدين حمدت ربي وشكرته اني عرفته على حقيقته قبل لااتزوجه واتورط فيه والخيانه بدمه فكر يخونني بسرعه واستسلم لاول نزوه وهذا كله قبل الزواج اجل وشلون بكره اذا تزوجنا وصار عندنا اعيال شنو بيكون مصيري معاه ...الحمدلله اني طلعت من هالزواجه سليمه انا مثل ماانا .. وعرفت على حقيقتك يااختي العزيزه انتي مثل الحيه اللي ملمسها من برى ناعم ورقيق لكن لسعتها تموت وانا لسعتك ماموتتني الا صحتني من كابوس مخيف كنت عايشه فيه .. بس تدرون انتوا الاثنين كسرتوا خاطري سويتوا كل هذا عشان تاخذون بعض بس للأسف بالاخير مارح تاخذون بعض يعني خدمتوني وماخدمتوا انفسكم ... مشكوره ياعاشقه المستحيل
(وطلعت وخلت اختها بحرتها وقهرتها)
فرح: طيب ياحيوانه انا بوريك .. ورح اخذ سعد غصب عنك وعن الشيبه ابوك ..(ويرن جوالها وترد عليه)
فرح: الو هلا سعودي وشلونك ... لاماقدرت اقوله شي كان معصب وماسألني حتى وشرايي
سعد: شلون يعني مارح يوافق
فرح: انت من جدك .. اصلا ابوي مايبي يتكلم بهالموضوع
سعد: والحل؟
فرح: ماادري .. انت اصبر يومين لين تهدى السالفه ونشوف بعدين
سعد: يومين .. من جدك انتي اذا ابوك الحين معند اكيد مارح يوافق بعد يومين
فرح: طيب انت بس اصبر هاليومين لين افكر بعدين انا وشسوي
سعد: الله يصبرني ... طيب حبيبتي اخبارك
فرح وترمي نفسها عالسرير وتلعب بخصلات شعرها وتقول: بخير ياعمري طول ماانا معاك
/
/
/
/
/
/
ببيت هبــة كانت جالسـة بغرفتها ويجي زوجـها لعندها
بومشعل: السلام عليكم
هبه واول ماشافته راحت له وجلست جنبه عالصوفا: وعليكم السلام شلونك حبيبي
بومشعل: ااااااه
هبه: سلامتك من الاه وشفيك حبيبي
بومشعل: ماني عارف وشفيني ..؟ من جد احس اني متخربط وحالتي حاله
هبه: للحين تفكر بموضوع طلاق هيفا
بومشعل: الموضوع تعقد اكثر واكثر
هبه: خير يابومشعل وشصاير؟
بومشعل: اليوم جاني طليق هيفا الشركه وطلب فرح مني
هبه: خيررر وشفيه هذا جن
بومشعل: ماادري عنه
هبه: وانت وش رديت عليه؟
بومشعل: طبعا شرشحته وطردته من الشركه وقلت للسكرتيه مايدخلونه ان شافوه مره ثانيه
هبه: زين تسوي فيه
بومشعل: بس انا مستغرب
هبه: مستغرب من شنو؟
بومشعل: مستغرب من خطبه لفرح وطلاق هيفا كأنه مخطط للموضوع
هبه: ليكون تشك ببنتك
بومشعل: ماادري والله ماادري احس تفكيري بينشل
هبه: ويه بسم الله عليك ياحبيبي .. انا ماعندي الا انت لاتقول هالكلام .. اصلا سعد هذا قليل اصل الحين تلاقيه من بعد ماشرشحت ابوه قال يسوي هالحركه ويشكك ببناتك وهو عارف الجواب مسبقا بس يبي يقهرك
بومشعل: هذا نفس كلام بناتي
هبه: حبيبي لاتفكر بهالموضوع وتقهر نفسك سعد هذا مايستحق انك تفكر فيه وتحير نفسك عشانـهـ .. خله يولي واللي سويته فيه جزاه واقل من جزاه بعد ... وبعدين مو تقريبا نص رجال الاعمال قاطعوا ابوه عشانك ..هذا اكبر عقاب لهم وتلاقيه من القهر مايدري شنو يسوي
بومشعل: تصدقين معاك حق وانا اللي تسرعت وشكيت ببناتي حسبي الله عليه وعلى الساعه اللي فكرننا نناسبه فيها
هبه: حبيبي خله يولي لاتفكر فيه وتقهر نفسك ع شي مايسوى
بومشعل: اي والله معك حق .. حبيبتي ليه مارحتي للصالون اليوم؟
هبه: هاااه مالي نفس
بومشعل: بس الشغل يبي له تدارينه موتقعدين على نفسيتك اللي تتغير كل يوم
هبه: لابس اليوم بس
بومشعل: وشمعنى اليوم؟
هبه: .....................
بومشعل: هبه وشفيك
هبه: مافيني شي
بومشعل: الا فيك .. حبيبتي قولي لي وشفيك
هبه وقامت تصيح
بومشعل: وشفيك حبيبتي قولي لي وشفيك ليش تصحين؟
هبه من بين دموعها: انا موعارفه شسوي...؟
بومشعل: شتسوين بشنو؟
هبه: امي
بومشعل : حبيبتي اسكتي الحين وهدي اعصابك وبعدين قولي لي وشفيها امك؟
هبه: انا مااقدر اخبي شي عنك .. انا رح اقولك كل شي وانت احكم وانصحني وقولي شسوي
/
/
/
/
/
/
" أنـــا أســـفـــهـ يمــــهـ .. أســفه " وتضم امها بحراره وتبكي
ام هبه: وشفيك حبيبتي ليش تبكين؟
هبه: يمه انا يمكن زعلت منك بالبدايه بس مااقدر ازعل منك على طول انتي امي وجنتي وناري
ام هبه: انا اللي اسفه ياهبه على كل اللي سويته معاكم انا اسفه والله اني عارفه ان اسفي مامنه فايده بس
هبه وتمسح دموعها وتقوم: يمه تعالي وتغدى معانا انا وزوجي .. انا كلمت زوجي عنك وهو اللي نصحني وقالي مهما سوت امك مالك بد منها .. تعالي وتغدى معانا وبعدين رح اوديك لغرفه ثانيه انتي و .. واخوي الا شسمه
ام هبه: سميته بسام .. على اسم ولدي .. الا وين بسام وشهد
هبه قالت بعد صمت: شهد تدرس بأمريكا ع حساب الدوله وان شاء الله ترجع بعد كم سنه وتصير الدكتوره شهد .. اما بسام
ام هبه: وشفيه بسام؟
هبه: مافيه شي بس بسام برى يشتغل برى
ام هبه: برى وين؟
هبه: هااه ماادري يعني ماله مكان معين يوم بأروروبا ويوم بامريكا ويوم بافريقا
ام هبه: ومتى يجي ؟
هبه: للحين ماجاء بس يمكن يجي بيوم من الايام .. يلا يمه نقوم نتغدى
/
/
/
/
/
/
بأمـــريــــكــــا ... وتحــديـــدا بأحــد النوادي الليــلـــه الراقيه .. كان فيه حفــله لاحدى الفرق الغنائيه المشهوره هـناك وراحت شهد ودينا للحفله
دينا: واووووووو انا احب هذه الاغنيه كثيرا
شهد: انها اغنيه رائعه
دينا: هيا لنرقص هيا
شهد: لالا .. انا لااعرف الرقص
دينا: لاتكوني سخيفه تعالي معي ولنرقص افعلي مثل ماافعل (ويروحون ويرقصون ويرجعون ويجلسون عند المشرب)
دينا : شهد تريدين بيره
شهد: لامانع ان كانت بدون كحول
دينا: حسننا سأطلب لك (وتجيهم بنت )
البنت: شهد
شهد: يس
البنت: انتي شهد عبدالوهاب
شهد: ايه انتي تعرفيني ..؟
البنت/ شتسوين هنا
شهد: شسوي ... انتي مين وليش تسأليني هالسؤال وشتبين؟
البنت: انا برناديت بس انتي شتسوين هنا مو كنتي بالسعوديه
وتلفت دينا: هاي برناديت
برناديت: هاي دينا هل شهد صديقتك؟
دينا: اجل ان شهد من اعز صديقاتي .. هل تعرفينها
شهد: لحظه بنات .. مابكم لست افهم شيئا
برناديت : دينا من اين تعرفين شهد
دينا: ان شهد سعوديه مثلنا تماما وهي معي بالجامعه وتدرس هنا
برناديت: حسننا تعالوا غدا لدي بالمنزل على الغداء قبل ان اعود الى لوس انجلوس(وتروح)
شهد: دينا من هذه برناديت؟
دينا: انها صديقه لي تعرفت عليها في سياتل ثم عندما ذهبت الى لوس انجلوس سكنت عندها وهي ثريه جدااااا
شهد: وكيف تعرفني.؟
دينا: ماذا هل تعرفك؟ لا اعلم ولكن غدا عندما نذهب لها بمنزلها سوف نسألها كيف
شهد: حسننا(ويجي ايثان ومعاه بنت)
ايثان/مرحبا
شهد ودينا: مرحبا
ايثان: لماذا لم تحضري للحفله شهد؟
شهد: كنت مشغوله بالدراسه اسفه
ايثان: لاداعي للأسف ولكن كنت انتظر مجيئك
البنت اللي مع ايثان تأشر له يعني تعال
ايثان: حسننا اترككم الان الى اللقاء
شهد: مين هذه التي معه
دينا: لااعلم انها المره الاولى التى اراها فيها .. لماذا تسألين
شهد: لا لمجرد الفضول
دينا: ياالهي هذي الاغنيه جميله هيا لنرقص هياا
شهد: طيب هيااا (ويروحون)
اليـــــــــوم التـــــــــــــالـــي
.. ببيت رائد كانت نغم جالسه تلبس ملابسها وتتأنق وفاتحه الباب ويدق الباب رائد
نغم : ادخل رائد
رائد ويدخل : نغم انا مستعجل بروح الشركه اذا حابه تفطرين خلي السواق يوديك
نغم: لا مارح افطر .. عندي محاضره بعد نص ساعه ومستعجله
رائد: طيب اوكي انا انتظرك بالسياره
(وبالسـياره)
نغم: رائد انسى الكلام اللي قلت لك اياه ذاك اليوم
رائد: اي كلام
نغم: لمى قلت لك اني احبك انا ماكنت اعنيها .. كنت مرتبكه ومضغوطه
رائد: يعني انتي ماتحبيني؟
نغم: انا ماني عارفه انا شنو احب وشنو مااحب .. رائد انسى اللي قلته وخلاص
رائد: نغم انا بمر عليك اليوم بأخر الدوام وبنتغدى برى .. وشرايك؟
نغم: رائد ليش تسوي كذا .. ؟
رائد: ليه ماتبين تتغدين معاي برى؟
نغم: لا .. بس ماابي اتعلق فيك
رائد: انا زوجك ومافيها شي لوتعلقتي فيني
نغم: رائد .. انت قلت انا زوجك صح
رائد: ايه صح .. نغم مارديتي علي تبين تتغدين معي اليوم برى؟
نغم وابتسمت: اوكي
رائد: طيب انا بخلص دوامي وامرك ... متى تبيني امرك
نغم وابتسمت:انا اليوم بطلع ع الساعه 3 العصر طيب
رائد: طيب ويقول بخاطره(بحاول ابدء معاها من جديد ورح اسمع نصيحتك يالفيلسوف جاسم)
/
/
/
/
/
/
/
بكليه الطب .. كانت نغم توها داخله الجامعه وتشوف اماني اللي كانت منتظرتها عند الباب
اماني: هاي نغم ..
نغم: اهلين اماني صباح الخير وشلونك؟
اماني: الحمدلله تمام .. وش عندك جايه بدري
نغم: عندي محاضره بعد نص ساعه واحب اجي بدري دايما
اماني: نغم بسألك
نغم: هلا
اماني: تعرفين فرح وهيفا الراسي اللي بكليه العلوم الادرايه
نغم: ايه اعرفهم
اماني: يقربون لك
نغم: بنات عمي
اماني : عن جد .. انا اعرف بشرى اللي كانت وياهم بنفس الكليه
نغم: وبشرى بعد بنت عمي
اماني وتتذكر: انتي اللي تزوجتي اخو بشرى بالعطله
نغم: ايه
اماني : ايه تذكرتك تصدقين عاد امي كان عندها دعوه للعرس وكنت بروح وللأسف مارحت وتندمت يوم مارحت
نغم: مومشكله هذا انا العروس عندك سأليني عن اي شي
اماني(هذا انتي اللي زوجك ماكان له خلقك بالعرس): وتزوجتوا عن حب؟
نغم: لا .. اقصد الحب صار اكبر بعد الزواج
اماني: يعني كان بينكم حب
نغم: شسالفه ع الاقل خليني افسخ عبايتي مستلمتني اسئله كـأنك المحقق كولومبوا
اماني: ههههههه طيب حبيبتي انا اخليك الحين تروحين محاضرتك وبشوفك بالبريك عن اذنك (وتطلع)
::
::
::
::
::
::
بأخـــر دوام الكليه كانت نغم تلبس عبايتها وجات لعندها اماني
اماني : هاي نغوووم
نغم: اهلين
اماني : ماشيه
نغم: ايه مثل ماانتي شايفه ليش؟
اماني: معليه ممكن اطلبك طلب صغير ..
نغم: امري وشفيك
اماني: سواقنا مارح يمرني ممكن توصليني البيت اذا مافيها ثقاله
نغم: عادي وشدعوه مومشكله (ويرن جوالها الو هلا رائد اوكي الحين جايه
اماني(حلو جايه مع زوجها عشان اتمقل فيه عدل)
:: وبــالســياره ::
نغم: رائد ابيك توصل صديقتي البيت
رائد: اوكي مومشكله وين ساكنه
اماني بدلع ومياعه: أنا سـاكنــهـ بالخبــر
رائد: طيب وين بالخبر؟
اماني : حي الجسر
رائد: اوكي .. نغم وين على بالك نتغدى اليوم
نغم: ماادري براحتك
اماني : انا اقترح عليكم .. اذا ماعندكم مانع يعني ياليت لو تروحون السنبوك مره حلو
رائد ويتذكر: السنبوك .. اااااه يااريج لو يرجع فيني العمر سنه كنت رح اغير كل شي
::
::
::
::
::
بمطعم السنبوك
رائد: نغم انا اسف على تصرفاتي معاك الفتره الاخيره
نغم: تصرفاتك انا تعودت عليها خلاص عادي
رائد: انا رح اتغير
نغم: شي حلو
رائد: انت فعلا تحبيني والا ماكنتي تعيننها
نغم: شوف عيوني وانت تقرى الجواب فيها
رائد وجلس يطالع عيونها ويبتسم ويقول: خلاص قريت الجواب
نغم: ممكن اسألك سؤال
رائد: ممكن
نغم: انت ليش تنفر مني .. تقرب دقايق وتبعد اوقات
رائد: اعفيني من الجواب
نغم: انا عرفت انك تزوجتي غصب عنك او بالاحرى عشان برستيج العايله .. بس احنا لنا فتره متزوجين وانا ماودي اتعبك معاي او حتى ماودي اجبرك على شي انت ماودك فيه .. انا فكرت بهالموضوع اكثر من مره ولقيت الحل هو .. اننا نترك بعض عشان كلنا نرتاح
رائد: ترتاحين بعيد عني
نغم: رائد وشفيك؟
رائد: انا كنت اعاملك بقسوه ومااعطيك وجـه وانتي كنتي مستحملتني انا اسف
نغم: حصل خير يارائد
رائد ويمسك يد نغم : خلينا نبدء من جديد ونعطي انفسنا فرصه
نغم وتسحب يدها وقالت بحيا: رائد تتكلم جد
رائد/ هالموضوع بالذات ماينمزح فيه
نغم وابتسمت: طيب وانا موافقه اننا نبدء من جديد
/
/
/
/
/
/
/
" سويت عين العقل يارائد بس المهم انك تكون تعني كل كلمه انت تقولها "
رائد: انا احس اني ضلمت نغم معاي .. نغم ماتستحق المعامله اللي اعاملها اياها .. انا يمكن احيانا اقسى عليها عشان اخبي اعجابي لها
جاسم: انت نسيت اريج
رائد: اريج ... الشي الوحيد اللي مستحيل انسـاه .. بس حرام نغم احملها ذنب بعدي عن اريج
جاسم: يعني خلاص صافي يالبن
رائد: انا رح ابدء بدايه جديده مع نغم .. بس هالكلام مومعناه اني بديت احبها
جاسم: انت قلت انها عاجبتك والاعجاب بدايه جيده للحب.. وياليت لو تشيل موضوع الاخوه من بالك
رائد: هههههه موضوع الاخوه بالذات هو اللي خلاني احط حدود بيني وبينها ومااتجاوز الخطوط الحمراء .. انا ماابيها تتعلق فيني وقلبي موملك لي
جاسم: بس يارائد انت لازم تعطيها حقوقها الزوجيه
رائد: حقوقها الزوجيه مارح اعطيها اياها الا عن قناعه .. وانا مومقصر عنها انا خاطري اجلس معاها واسولف وياها وافهمها بس لمى اقعد وياها وافكر بأريج احس بالذنب وشعور بالخيانه
جاسم: رائد انسى اريج انت ماقصرت وياها وهي اختارت حياتها اريج مونصيبك لكن نغم هي اللي صارت نصيبك .. حرام البنت مسكينه ويتيمه ومالها الا الله ثم انت .. فكر فيها شوي
رائد: اليوم رح تكون البدايه
/
/
/
/
جالســــه بالبيت وتسوي عشا رومنسي عشـان زوجــها بيجي اليوم ويدق الباب وتروح له بسرعه
نغم: معقوله يكون رائد بس معاه مفتاح خلني افتح له مواليوم كل الخدم بأجازه خلني امشي
نغم وتفتح الباب: اماني؟
اماني: هاي حبيبتي .. ليكون عطلتك
نغم وتغيرت ملامحها: لا حياك تفضلي (وتدخلها)
اماني: واووووو كل شي احمر هنا شسالفه ... ليكون قطعت شي مهم
نغم وانحرجت: لاعادي .. بس من وين دليتي البيت ؟
اماني: اللي يسأل مايتوه (ويجلسون بالصاله)
نغم: حياك الله اماني .. بس غريبه مااتصلتي قبل
اماني: حبيت اسويها لك مفاجأه .. بــس شكلك مومبسوطه لانك شفتيني
نغم: لا عادي ... بس مثل ماقلتي متفاجئــه
اماني: ههههههههه .. وانا ملكه المفاجأت ... تصدقين بيتك مره حلو
نغم: مشكوره من ذوقك
اماني: وشفيها اجابتك مختصره
نغم: لا مختصره ولاشي عادي .. تدرين انا بقم احط لك الحلا والقهوة
اماني: اوكي وانا بنتظرك
نغم: خذي راحتك البيت بيتك(وتقوم )
اماني بخاطرها: الحين هذي نغم هالدعله تفوز برائد وين قاعدين .. صدق اخر زمن
(ويدخل رائد ويجي للصاله ويشوف مره غريبه ويتنحنح)
اماني (وشحلاته) : انا صديقه نغم وجايه عندها زياره
رائد: طيب اوكي البيت بيتك (ويروح)
رائد بخاطره: حتى يوم قررنا نبدء من جديد تعزم صديقتها احترت وياك يانغم
(وتجي نغم ..)
نغم: حياالله من جانا
اماني: نغم ... لوسمحتي وين التواليت
نغم: فيه واحد قريب المطبخ تبين اوديك له
اماني: لا ماله داعي بروح لحالي عن اذنك(وتقوم)
نغم: اذنك معاك .. (تقول بخاطرها.. اووووف موكأنها جايه بوقت غلط شسوي الحين اذا جاء رائد واحراج بعد اصرفها مااقول الا الله يعيني )
اماني وراحت وطلعت من باب المطبــخ وراحت للدرج الخلفي وراحت للدور الثاني وتحديدا لغرف النوم
/
/
/
/
/
بـــــأمريكــا .. فلـــوريـــدا .. ميــامي .. كانوا شهد ودينا توهم طالعين من الجامعه ومروا على بيت برناديت
ودخلوا وانتظروها بالصــاله وبيتــهـا كان فخم حده
شهد: واوووو ان منزلها رائع جدا
دينا: اجل فزوجـها اشترى لها اياه .. فـهي اصلا لاتسوى دولارا بدونه
شهد: موباين عليها متزوجه
دينا: ماذا تقولين؟
شهد: اقصد انها تبدو غير متزوجه
(وتجي برناديت)
برناديت: اهلين بنات
دينا: مرحبا برناديت
شهد: اهلا
(وتجلس برناديت)
برناديت: كيف حالك شهد؟
شهد وتتمقل بملاحمها: انتي امس سألتيني بالديكسو عني وكنتي تعرفينني جيدا ترى كيف عرفتني؟
برناديت: انه اعرفك جيدا
شهد: كيف ؟ وانا لااعرف احدا بأمريكا سوى بعض الاصدقاء
برناديت: لااستطيع ان اخبرك كيف ولكن يهمني امرك .. اخبريني كيف حال اهلك
شهد: ومادخلك باهلي .. سوري بس الوضع كذا مايطمن
دينا: تكلمي فصحى
برناديت: انا اتمنى لك الخير واي شي تريدينه سوف اعطيك اياه
شهد: انا لست محتاجه لشى الحمدلله اختي تعطيني مااحتاجه وزياده ايضا .. الان اخبريني كيف تعرفيني والا سأخرج
دينا: مابك شهد اهدئي هي تعرفك عن طريقي وانا اخبرتها انك صديقتي مابك لاتكبري الموضوع ..
شهد: حسننا
برناديت: شهد لاتزعلين مني .. اسمعوني اسبقوني الان لغرفه الطعام وانا سوف اتبعكم (وتقوم)
دينا: شهد برناديت لاتحب هذا الاسلوب
شهد: ولكنني لم اقل شيئا
دينا: اسمعي برناديت .. كانت بالماضي ولدا وكان رفيقي وكنت اقيم معاه علاقااات غراميه ولكنني لم اكن احبه لانه كان ناعما كالفتاه ثم هو كان شاذا وعندما علمت بهذا الامر كرهت نفسي ولكن بعد ايام من معرفتي بهذا الشي اعترف لي بنفسه ثم عمل العمليه واصبح فتاه مثلي وغادر الى كاليفورينا وتزوج من رجل ثري
شهد وحست روحها مصدومه وقالت: ماكان اسمه عندما كان صبي؟
دينا: لا اذكر .. ربما باسم او بسام او باسل لااذكرر
شهد وحست روحها مصدومه اكثر وقالت بخاطرها: بـــــــــــــــســـــــــام
وتجي برناديت: اهلين بنات .. يلا نتغدى
شهد: لا ماابي
دينا: ماذا تقولين؟
شهد: دينا انا لااستطيع الجلوس هنا سوف اذهب للمنزل
دينا: ولكن (وتطلع شهد قبل ماتكمل دينا كلامها)
برناديت: مابها؟
دينا: لااعلم لقد تغيرت فجأءه
برناديت: هل قلتي لها شيئا؟
دينا: شيئا مثل ماذا ؟
برناديت: اي شي .. اقصد شيئا عني .. هل قلتي لها
دينا: ماذا تقصدين .. اااااه تقصدين عندما كنتي صبيا
برناديت: ليكون قلتي لها
دينا: ماذا؟
برناديت: اقصد هل قلتي لها؟
دينا: اجل ومالعيب في ذلك الجميع يعلم
برناديت: ياالهى دينا لماذا اخبرتيها
دينا: ومالعيب في ذلك؟
برناديت: انتي لاتعلمين؟
::
::
::
::
::
::
::
::
طلعت من بيت برناديت او بسام اخوها وهي تصيح وتركض وماتدري وين تروح ومشت ومشت كثيرررر .. ومن كثر التعب وقفت تمسح دموعها وكان ايثان جاي بسيارته وشافها واشر لها وشافته
ايثان وهو بالسياره: شهد تعالي معي
شهد: لا لاداعي
ايثان: تعالي معي .. سوف اوصلك الى حيث تريدين
شهد وتركب معاه: شكرا
ايثان: مابك لماذا تبكين ومابه وجهك اصفرا هكذا؟
شهد وتصيح:.............
ايثان: مابك؟
شهد: ايثان امشي من هذا المكان لااريد الجلوس هنا ابدا
ايثان: حسننا (ويروحون للسكـن وتحديدا غرفه ايثان)
ايثان ويعطي شهد الماي: مابك تبكين هكذا؟
شهد: انا مازلت لااصدق ماحدث؟
ايثان: وماذا حدث
شهد: لااريد الحديث بهذا الموضوع
ايثان: حسننا مارأيك لو نذهب للسينما
شهد: لا شكرا .. اريد ان اذهب الى المنزل (وتجي تقوم ويمسكها ايثان من يدها)
ايثان: الى اين تذهبين .. انتظري
شهد: ايثان ماذا تريد
ايثان بنظره خبيثه : الى الااان لم تفهمين ماذا اريد ؟
شهد: ايثان مابك هل انت مخمور؟
ايثان: ربما ايتها العربيه الجميله (ويقرب منها يبي يبوسها)
شهد وتدفه: ابتعد عني
ايثان: وتدفعيني ايضا .. حسننا سوف اريك ايتها العذراء
شهد وتصارخ : ابتعد عني .. ساعدووووونــي
(ويدخل عليهم ابراهيم اللي كان مع صديقه بالغرفه اللي مقابله غرفه ايثان وسمع صراخ شهد وخاصه انها كانت تتكلم ببعض الكلمات العربيه وصوت شهد يميزه بين الملايين
ابراهيم ويدخل : ماذا تفعل ايها الحقير
ايثان: من انت وماذا تريد
شهد وتهرب منه: ابراهيييييم
ابراهيم: روحي انتظريني تحت وخليني اشوف شغلي مع هالحيوان
شهد وتطلع من غرفته ومن السكن بكبره وتنتظر ابراهيم عند سيارته وتبكي بحراره
::
::
::
::
::
::
" ههههههههههههههههههه .. ممثل قدير يجدر بك دارسه التمثيل لتصقل موهبتك"قالها لصديقه وهو يضحك
ايثان: هههههههه اهم شي ياسيد ابراهيم ان تنطلي الحيله على حبيبتك العذراء
ابراهيم: ههههه لقد انطلت الحيله (ويطلع من محفظته فلوس)
ابراهيم: خذ هذا نصيبك من هذه الكذبه .. ولكن اريد ان اسألك هل لمستها؟
ايثان: لم استطع فحبيبتك متوحشه ولم استطع حتى تقبيلها
ابراهيم: هههههههه ... شي رائع شكرا ايثان فـ بفضلك حبيبتي العذراء لن تثق بأي شاب هنا ابدا .. اسمعني لاتخبر احدا مثل مااتفقنا
ايثان: حسننا ياصديقي العزيز
In the beach في الشــاطئ
كانوا شهد وابراهيم جالسين عالبحر ... وشهد توها هدت
ابراهيم: شهد حبيبتي .. انا مااحب اتدخل بينك وبين اصدقائك بس بنفس الوقت المفروض ماتثقين بأي حد وبعدين انت تصرفتي غلط
شهد: انا ماغلطت هو قليل الادب وفهمني غلط
ابراهيم: انتي بعد جزء من الغلط رحتي مع ولد علاقتك فيه سطحيه لغرفته شلون رح يفهمك وبعدين هو اصلا كان شارب وبعدين ايثان معروف بالجامعه بسمعته الزفت مع البنات
شهد: وانا وش عرفني عن سمعته وماكنت ادري انه سكران (وتبكي)
ابراهيم ويضمها: خلاص شهد اللي صار انسي كل هذا (ويبتسم بحيث انها ماتشوفه)
شهد: ابراهيم هاليوم هذا كان زفت من بدايته وبعدين انا خايفه انا مااقدر اعيش هنا مااقدر.. انا برجع السعوديه
ابراهيم: الحين انتي من جدك ... عشان موقف تافه صار معك تبين ترجعين السعوديه .. وبعدين هالموقف هذا ممكن يصير لك بأي مكان موشرط هنا .. اهم شي انك تحافظين على نفسك وماتمشين مع اي حد وماتثقين بحد
شهد من بين دموعها: ابراهيم انا خايفه من ايثان
ابراهيم: شهد حبيبتي طول ماانا معك لاتخافين من شي .. ايثان خلاص انسي امره انا علمته قدر نفسه ومستحيل يضرك بعد اليوم
شهد وتمسح دموعها: ابراهيم مشكور على وقفتك معاي .. الله يخليك لاتخليني
ابراهيم وهو مستانس: انا مستحيل اخليك واللي يرشك بالماي ارشه بالدم .. وشرايك نروح نتغدى وبعدين اوصلك للبيت
شهد : لا ماابي اتغدى ابي اروح البيت عندي مذاكره
ابراهيم: طيب انتي تغديتي
شهد: لا
ابراهيم: طيب نمر مطعم واطلب لك سفري وتاخذينه معك البيت
شهد وتمسح دمعتها وتبتسم: مشكور ع اهتمامك .. طيب انا بروح معك للمطعم نتغدى وبعدها نرجع للبيت ..(ويقومون)
شهد: ابراهيم
ابراهيم: نعم
شهد: انا مستحيل اثق بأي ولد هنا انت صديقي الوحيد
ابراهيم: صديقك؟
شهد: ايه صديقي
ابراهيم ويسمك يدها : طيب يلا امشي (ويقول بخاطره: شكلها من اثار الروعه قامت تخورا وتهلوس .. صديقها صديقها مومشكله .. اهم شي اخذ اللي ابيه ) ويبتسم لها ويمشون
/
/
/
/
/
ببيت هبـــه كانــت جالســـهـ .. مع امــها يطالعون تلفزيون
ام هبه: يمه هبه زوجك تأخر
هبه: اجل خلاص شكله مارح يجي دام انه تأخر لهالوقت
ام هبه: مارح يجي ليش
هبه: بينام ببيته الثاني
ام هبه: وانتي وشلون تسمحين له ينام ببيته الثاني
هبه: يمه يعني شسوي .. هو ماينام هناك الا للضروره
ام هبه: يايمه ياهبه ياخوفي يشوف مرته الاوليه واعياله ويحن لها
هبه: لا يمه بومشعل مايسويها
ام هبه: وانتي وشدراك ياخوفي تكونين جالسه هنا والماي تمشي من تحت رجولك وانتي موحاسه فيها
هبه: يمه لاتخوفيني
ام هبه: ياعمري انا موقاعده اخوفك انا جالسه انبهك زوجك يحبك ولازم تحطينه تحت اباطك وتحافظين عليه موتعطين فرصه لزوجته عجوز النار وتاخذه منك
هبه: يعني شسوي يمه .. انا حاطته بعيوني الثنتين
ام هبه: انا بقولك وشتسوين؟
هبه: شنو يمه علميني
ام هبه: انتي لازم تروحين وتسكنين ببيت زوجك الاولي
هبه: لايمه من جدك تبينها هي وبناتها يتوحدون فيني
ام هبه: لايتوحدون فيك ولاشي انتي لازم تروحين هناك وتقعدين على قلبهم وتصرين الأمره والناهيه وبعدين لين متى زواجكم بيتم بالسر مثل الحراميه الناس كلها لازم تدري واولهم مرته هالنسره
هبه: ايه يمه بس انا والله خايفه
ام هبه: لاتخافين ولاشي انتي لازم تروحين هنـاك وتفرضين كلمتك عليهم .. وبعدين كلها كم يوم وتقنعين بومشعل ونجي وراك موبيتهم مافيه احد مافيه الا مرته وبناته
هبه: ايه بس بيتنا هذا وشنسوي فيه
ام هبه: هالبيت يابنتي انتي لازم تأجرينه وتستفدين منه وفلوسه تنفعك بعدين
هبه: يمه فكرتك معقوله بس انا والله خايفه وبعدين ماابي بومشعل يكرهني ويفكرني داخله ع طمع
ام هبه: انتي لازم تستغلين الفرصه من الحين دام ان الرجال ميت عليك وتقولين له تروحين بيته القديم لانه ياخوفي بكره يمل منك ويرميك انتي لازم تصرين لزقه عنزوت بعايله الراسي
هبه: تصدقين يمه معك حق .. انا موعاجبني انه ينام برى البيت وبعدين لازم يعلن زواجنا قدام اهله .. عشان يحسبون لي حساب من الحين
/
/
/
/
/
بغرفه رائد كان جالس بغرفته وفاتح الباب ويدق ع نغم وماترد عليه
رائد: وشدعوه وشفيها هذي جات صديقتها ونستني
.... وتدخل لعنده اماني لابسه تنوره قصيره سودا ضيقه جدا .. وبلوزه ذهبيه بدون اكمام وتروح لعنده
اماني: هاي رائد (وتدخل الغرفه )
::
::
::
::
::
اما تحت بالصاله .. كانت نغم جالسه تنتظر اماني
نغم: اووووف وينها ذي تأخرت .. اوووف خلني اروح اشوفها(وتروح للحمام وتدق الباب ومحد يرد عليها )
نغم: اماني اماااني .. شدعوه وين راحت (وتفتح الباب وماتشوف حد)
نغم: يمكن راحت للحمام اللي فوق .. (وتلمح جوالها بالمطبخ)
نغم: يوووه نسيت موبايلي .. اووووف رائد متصل اكثر من مره .. ياترى وشفيه .. خلني منه الحين واشوف هذي وين راحت .. يمكن راحت للحمام اللي فوق .. لانه باب المطبخ مفتوح وانا متأكده اني مسكرته يمكن طلعت من هالباب ..(وتروح للدور الثاني وتشوف غرفه رائد مفتوحه ونورها مفتوح وتستغرب وتروح لعند باب الغرفه وتشوف عبايه مرميه عند الباب .. وتجبست مكانها معقوله .. هذي عبايه اماني .. بس شتســوي عند غرفه رائد لا لا .. انا اكيد احلم ..(وتسمع صوت اماني : ههههههههههه ضحكتني يارئودي
نغم وهي موقادره يستوعب: اماااني ورائـــد ... معقوله انا مومصدقه شــســالفه .. انا اكيد احلم اكيييييد احلم .. لا رائد صحيح انه مايحبني بس مايسويها ... ياربي شســوي الحين هالغرفه هذي رائد محرم علي دخولها وهالوقحه وياها داخل ياترى شيسوون .. انا لازم ادخل واشوف لازم ..)
قربت لعند الباب بهدوء وفتحت الباب بدون مايحسون فيها وانصــدمت باللي شافتـــهـ .. وياليــتــها ماشافته
..
رائد: انتي ماتفهمين اقولك طلعي برى
اماني وبمياعه: بطلع بس بعد مااخذ اللي ابي منك
نغم ودخلت وقالت بصراخ : اماني وشتسوين هنا
اماني بوقاحه: اهلين نغم وشلونك ياعمري
نغم: انتي بأي حق تدخلين هنا
اماني: ليه وشفيها
رائد: اطلعي برى من البيت بكبره ولاعاد اشوفك هنا
اماني: مارح اطلع الى لمى اخذ بوسه منك ياجميل (وتحط يدها على خده)
نغم وعصبت وراحت لها وضربتها كف :صدق وقحه شيلي اغراضك واطلعي برى قبل مااتصل بالهيئه تقلعك من بيتي
اماني وحست بالاهانه: طيب طيب يانغم الزفت انا بوريك شغلك عندي (وتطلع)
رائد وهو مصدوم من نغم: نغم
نغم: انا بروح اشوف اذا طلعت هالحثاله من بيتي والا لا
(وتنزل نغم وتسكر الباب من بعد ماطلعت اماني ويجيها رائد وهي قاعده بالصاله)
رائد: نغم
نغم: ............
رائد: نغم انا والله العظيم مااعرفها هي دخلت غرفتي بكل جراءه ووقاحه
نغم: وانت ليش فاتح باب غرفتك موغرفتك اللي طول عمرها محرمه علي ليش فتحتها لها
رائد: انا اليوم موقلت لك نفتح صفحه جديده .. انا فتحت باب غرفتي عشانك موعشانها وقررت اننا نبدء من جديد بس انا تفاجأت فيها وبوقاحتها نغم .. انا مستحيل اخونك
نغم: انا ماني عارفه شقول (وتدمع عيونها وقالت بنبره باكيه) رائد انت تعرف اني احبك واليوم قررت ابدء معك بدايه جديده وزينت البيت بالورد الاحمر وكل شي كان برفكت بس بالاخير اتفاجئ بشوفتك مع غيري وببيتي وبغرفتك اللي عمري مادخلتها وهي دخلتها قبلي
رائد ويجلس بنفس الصوفا اللي نغم جالسه عليها ويمسح دموعها: نغم دموعك غاليه عندي امسحيها
نغم من بين دموعها: انا عارفه ان مافي شي بينك وبينها انا سمعتكم تتكلمون بس بعز علي اشوفك بهالموقف ..
رائد: نغم اللي صار صار لاتفكرين فيه وبعدين اللي صار خلاني اشوف غيرتك على وشكثر تحبيني
نغم من بين دموعها: مصيبه يارائد للحين ماتدري وشكثر احبك.. رائد انا تعبت وماني قادره ابدء من جديد ولاشي اذا تبي تطلقني طلقني .. انا ماابي اتعبك وياي وماعندي استعداد اعيش مع واحد مايحبني(وتقول وتروح غرفتها)
رائد: مااحبـــها .. مين قالها هالكلام ..؟
(ويروح لها غرفتها ويدخل بدون مايدق الباب ويلقاها جالسه عالسرير وتصيح)
رائد ويجلس جنبها: خلاص نغم بلا دلع .. والله قطعتي قلبي
نغم: .........
رائد: نغم حبيبتي الحين انتي جالسه تصحين هنا وهي ولاعلى بالها هي كل همها تفرق بيننا وتقهرك وانتي
نغم تقاطعه: وشقلت
رائد: وشفيك
نغم: قلت حبيبتي
رائد وانحرج: انا
نغم: ماكنت تعنيها
رائد: انا مااقول شي مااعنيه
نغم وتطالع بعيونه: وشتقصد
رائد: انا بدى اعجابي فيك يزيد يوم عن يوم ولمى اشوف اني بديت اتعلق فيك اشغل نفسي بالشغل او اي شي خارج البيت ... او حتى لمى تكلميني ازامر عليك عشان اخبي اعجابي فيك
نغم: وليش تخبي؟
رائد(عشان اريج): ماكنت متأكد من مشاعري
نغم: للحين ماتأكدت
رائد: لا .. اليوم بعد ماشفت غيرتك على وجنونك لمى كلمتي اماني قلت حرام لازم افرحك واصارحك بأعجابي وحبي لك
نغم وتمسح دموعها وقالت بدلع: ياسلام والله مفكر نفسك روميو
رائد: لا ماني روميو انا عارف اني رائد الراسي
نغم: بس بجد ماعندك سالفه خليتني افكر بالطلاق
رائد: الله لايجيب الطلاق بيننا يلا مسحي دموعك مااحب اشوفها
نغم وتمسح دموعها: انا ماني قادره اصدق اللي اسمعه يارائد .. انت تغيرت
رائد: انتي اللي غيرتيني .. بطيبتك وحبك لي وصبرك علي .. انا ماني عارف شلون اشكرك يانغم
نغم: انا سويت كل هذا ماني مصدقه .. .. طيب شرايك نقوم نتعشى (وتقوم ويمسكها رائد من يدها)
نغم: رائد وشفيك ؟
رائد ويجلسها بحضنه: بسألك
نغم وانحرجت: وشفيك رائد؟
رائد: احنا كم لنا متزوجين؟
نغم: ماادري .. تقريبا 5 شهور ليش؟
رائد ويغمر لها: متزوجين خمس شهور وللحين
نغم تقوم وتقاطعه: للحين شنو .. انا بروح احضر العشا
رائد: خلينا من العشا الحين انا موجوعان وبعدين انتي اليوم طالعه موووت وانا بصراحه مااقدر اقاوم جمالك ماادري شلون كنت مقاومه قبل
نغم وخافت وتسارعت دقات قلبهاوبنفس الوقت انجرحت وقالت: رائد وشفيك
رائد وابتسم لها وقال: مصيبه لو للحين ماتدرين وشفيني ^_^
/
/
/
/
/
/
/
" وش مسوي مع غيري ... وش الدنيا بقربه قول ..
ياروحي انت متهنى والا بشوق لي مشغول ...
أنــا مازلت افكر فيـك ... واموت بحـبك وطـاريــك ..
ولكـن هـذي اطبـاعـي أخـبـي الحـزن بي مااقــول ...
رجعت اسأل غضب عني .. جبرني الشوق واعذرني ..
انا مااقدر على قلبي .. عــجـزت الـقـى لوفــاه حلــول ..
أنــا مازلت افكر فيـك ... واموت بحـبك وطـاريــك ..
ولكـن هـذي اطبـاعـي أخـبـي الحـزن بي مااقــول ...
امانـهـ ان جـيـت فـي بـالـك .. تـطـمـن قـلـبـي عن حالـك ..
على الـذكـرى أنـا عـايـش ... وكـيـف انـسـاك مـومـعقـول ...
أنــا مازلت افكر فيـك ... واموت بحـبك وطـاريــك ..
ولكـن هـذي اطبـاعـي أخـبـي الحـزن بي مااقــول ..."
::
::
::
سكرت تلفونها من بعد مارد عليها وجلست تسمع المسجل وحطت يدها ع بطنها ووافقه تطالع الشباك وتدخل بنت خالتها
بوسي: اريج خلاص جهزتي كل اغرادك؟
اريج: ايه
بوسي: طيب جاهزه عشان نروح للمستشفى
اريج: ايه
بوسي: بتسمعي ايه .. (وتقرب لها) وش مسوي مع غيري .. اشتقتي لو
اريج وتمسح دمعتها قبل ماتنزل: لا
بوسي: يااريج ياحبيبتي بصي انا مابحبش رائد بس بنفس الوقت .. انا بحبك انتي وعاوزه اشوفك مبسوطه
اريج بأبتسامه متصنعه: واصلا انا مبسوطه
بوسي: مبسوطه انتي بتكدبي على مين .. انتي حتولدي بعد شويه ورائد لدي الوقتي مش عارف فينك ولاعارف حاجه عنك وعن طفلك
اريج: انا رائد نسيته خلاص وماابي اعرف عنه شي ولاتكلميني عنه لوسمحتي مره ثانيه
بوسي: طب براحتك ازا مش عاوزه تتكلمي عنو براحتك بس الطفل ذنبو ايه باللي حتعمليه فيه حرام يتحرم منكو انتو الاتنين
اريج: بوسي خلاص انا اتخذت هالقرار من بعد قناعه كبيره وماابي اعيد وازيد فيه .. وبعدين انا ولادتي بعد شوي ومالي خلق التفكير
بوسي: براحتك ياحبيبتي المهم تعملي اللي يريحيك .. وانا حفضل معاكي طول وقت العمليه وبعدين انا سألت وقالوا لي انو العمليه القيصريه مابتخوقشي اوي يعني
اريج: طيب وصل التاكسي
بوسي: بصى انا برغي كتير كنت جايه اقولك انو التاكسي تحت نسيت وقعدت ارغي معاكي يلا ننزل
اريج : يلا (وتقول بخاطرها: وش مسوي مع غيري يارائد..... )
((( انـــتـــــهـــى الجــــزء الــســابـــع عـــشـــر )))
(الجزء الـسـابـع عــشـــر )
اليــــــــوم التـــالــي ...
صحت نغم بدري وخذت دوش سريع ... وسوت الفطور لرائد وراحت له الغرفه عشـان تصحيه
نغم: رائد .. رائد قوووم
رائد وهو يفتح عينه بتثاقل: هاااااه
نغم: رائد قوم الساعه صارت عشر
رائد: وخير ياطير يعني وشفيها؟
نغم: ياسلام .. وشفيك اول مره تنام طولت قوم .. وبعدين انا حضرت لك الفطور
رائد: ماشاء الله عليك متى امداك تسوين هذا كله
نغم: قمت من بدري وبعدين انا ماسويت شي كل اللي سويته فطور
رائد ويقوم ويطالع فيــهـا: انتي كل يوم جالسه تكبرين بعيني ؟
نغم بدلع: انا ماابي عينك .. انا ابي قلبك
رائد: ايه موعيني هو الباب اللي يوصلك لقلبي
نغم وتلعب بخصلات شعرها وتتدلع وتقول: امممم طيب ياترى هل الطريق قدامي طويل؟
رائد: ماادري انتي وحظك
نغم: طيب يامستر روميو الراسي ممكن تقوم؟
رائد: بقوم بس بشرط
نغم: وتتدلع بعد
رائد: مو تبيني اقوم
نغم: طيب قول شرطك اسمعك
رائد: ابي بوسه
نغم: شنـو؟
رائد: اتوقع سمعتيني
نغم وانحرجت: لااا انت اليوم موطبيعي يلا قوم
رائد: بالعكس عاد اليوم بالذات انا طبيعي واكثر من طبيعي بعد .. لالا انا من امس طبيعي
نغم بأبتسـامـهـ : بتقوم والا شلون؟
رائد: مارح اقوم الا لمى تنفذين شرطي
نغم: طيب براحتك (وتقوم ويمسكها رائد من يدها ويجلسها)
نغم وهي متفاجئه: رائد وشفيك؟
رائد: المره السنعه لازم تسمع كلام زوجـها
نغم: ياسلام يعني انا مومره سنعه
رائد: امممم نص ونص
نغم: طيب انا اخليك(وتقوم ويمسكها)
رائد: وين رايحه دخول الحمام مو مثل خروجه
نغم وهي منحرجه وقالت بأبتسامه: وشقصدك؟
رائد: أنــتــي عارفهـ وشقصدي
نغم ومسويه تغير الموضوع: طيب وش رايك لو تاخذ دوش سريع وتلحقني تحت
رائد: ليه مين قال انك بتنزلين قبلي
نغم: اجل شلون؟
رائد: تدرين بأعترف لك اعتراف خطير
نغم: وشنو اعترافك
رائد: انا مااعرف اسبح لحالي
نغم بأبتسامه: ايييش؟
رائد: اقصد لازم احد يسبحني مااعرف اسبح لحالي؟
نغم: رائد وشفيك انا استحي وبعدين اعتقد انك لمى كنت ببيت اهلك كنت تسبح لحالك .. واصلا انا سبحت خلاص
رائد: المره السنعه تسمع كلام زوجـها .. اممم شرايك تسبحين مره ثانيه
نغم وحمرت خدودها: رائــد .. وشفيــك ..؟
رائد: مصيبه للحين اذا للحين ماتدرين وشفيني ^_^
/
/
/
/
/
/
ببيت هبــة .. كـانت جالســهـ عالفطور مع امـهـا ..
ام هبه: وزوجك ماجاء للحين؟
هبه: ايه يمه للحين ماجاء .. اول مره يسويها من تزوجنا
ام هبه: وشفيك خايفه؟
هبه وتنكر خوفها: لا عادي انا ماني خايفه
ام هبه: الا انتي خايفه انه يكون حن للحب الاولي
هبه: يمه انتي من جدك تتكلمين انتي لو شايفه وجهها كان ماقلتي هالكلام
ام هبه: ليش انتي شفتيها
هبه: ايه شفتها بس للأسف مااذكرها زين
ام هبه: اجل ليش تتكلمين كذا عنها؟
هبه: زوجي قالي
ام هبه: الرجاجيل يقولون اللي يبون يقولونه
هبه وخافت: وشقصدك يمه؟
ام هبه: يايمه ياهبه انتي لازم تروحين بيت زوجك وتقعدين على نفسها بحيث انه مايشوف ولايسمع غيرك ... وبعدين ياحبيبتي لاتنسين انها للحين ببيته وعلى ذمته ياخوفي تقعد وتتزين له ويحن لها انتي موعارفه حركات الحريم اذا حطوا شي ببالهم لازم يسونه وبعدين دام ان الرجال متولع فيك انتي لازم تخليه يمشي على مزاجك مومزاجها
هبه: يمه لاتخوفيني .. وبعدين هو اول مره يسويها
ام هبه: مولانه سواها ونام برى انتي لازم اول مايجي تتدلعين عليه وتقولين له انك ماتتحملين بعده ولاتتحملين انه يتشتت بين بيته وبينك عشان كذا انتي بتروحين وتجلسين ببيته عشـان مايتعب نفسه .. يرتاح ويريحك
::
::
::
::
::
" أنــتــي متأكده من كلامك"قالها لزوجته وهو مومصدق كلامها
هبه: ايه حبيبي متأكده وبعدين انا ابيك تكون جنبي على طول
بومشعل: ايه بس ام مشعل نجريه ومارح تخليك بحالك
هبه: ليش حبيبي انت وين رحت .. انا عن نفسي مالي دخل فيها مالي دخل غير فيك وبس .. وبعدين انا فكرت فيها بعد وموعاجبني انك تنام برى البيت وتخلي بناتك لحالهم مامعاهم رجال الناس وشتقول؟
بومشعل: اي والله ياحبيبتي انا مااقدر اخلي بناتي لحالهم .. بس اعيالك وشلون تخلينهم لحالهم
هبه: اعيالي طول ماامي معاهم انا مرتاحه لهم .. وبعدين انا تهمني راحتك
بومشعل: يابعد عمري ياهبه هالقد تفكرين فيني ..
هبه: واكثر انت لو تشوف حالتي امس لمى نمت برى البيت وش بغى يصير فيني بغيت استخف
بومشعل: بسم الله عليك ياقلبي
هبه بدلع: والله خفت انك تحن للحب الاولى
بومشعل: وييييع لاتذكريني فيها انتي لو تشوفين وجهها ماتقولين هالكلام
هبه: هههههههههههههه .. يمكن تسوي نيولوك عشان عيونك الحلوه
بومشعل: والله لو تسوي ماتسوي الشين الشين لو شنو سوا
هبه: ههههههههه لهدرجه
بومشعل: واكثر
هبه: دام كذا وش مصبرك عليها
بومشعل: العشره والاعيال وبعدين هي ماعندها حد تروح له
هبه: ليش ماعندها أهـل ؟
بومشعـل: امها وابوها متوفين وبعدين هي من احد القرى اللي اذا الحرمه طلعت منها ماترد .. وبعدين عندها اخ واحد متزوج وعايش برى المملكه
هبه: اهـاا .. عموما حبيبي ماعلينا منها انا ماعلي بحد غيرك يابعد عمري انت
بومشعل: طيب ياقلبي انا بروح للشغل وبخلص كم شغله وارجع الاقيك جاهزه ونروح لبيتنا
هبه: اوكي حبيبي
/
/
/
/
/
/
ببيت بومشعل كانت فرح وافقه ع البرنده وتكلم سعد
فرح: حبيبي انا جلست طول الليل افكر وماوصلت لحل غير هالحل
سعد: حبيبتي انتي غلطانه .. أقـصـد هالحل مارح ينفع يعني اذا رحت لابوك اكثر من مره مارح يقتنع
فرح: طيب شنسوي هذا هو الحل الوحيد
سعد: وشدعوه يافوفو توقعتك اذكى من كذا
فرح: وشقصدك؟
سعد: انا لقيت حل احسن من الحل اللي عندك
فرح: طيب قولي
سعد: ابوك مارح يوافق الا بحاله وحده
فرح: وشنهي هالحاله
سعد: نحطه عند الامر الواقع
فرح: وشقصدك؟
سعد : حبيبتي وشفيك اليوم استيعابك بطيئ
فرح: لا بجد سعد وشتقصدك؟
سعد: وشكثر تحبيني؟
فرح: وشدخل هالشي بموضوعنا وبعدين انت تعرف انك اغلى من حياتي
سعد: دام اني اغلى من حياتك واحنا نحب بعض بهالشكل لازم تضحين عشاني
فرح: اضحي شلون يعني
سعد: معقوله تسأليني شلون والله توقعتك اذكى من كذا
فرح: وشقصدك ياسعد
سعد: قصدي واضح
فرح: وشنو ؟
سعد: يعني انتي وذكائك فكري فيه طريقه وحده اذا سويتها تثبتين لي انك تحبيني وتضحين عشـاني وبعدين هالطريقه هي الوحيده اللي رح تخلي ابوك يضطر ويوافق
فرح: يضطر .. ليكون قصدك
سعد: ماشاء الله عليك انتي ذكيه
فرح: يعني تبيني اسلمك نفسي عشان نتزوج
سعد: وابوك رح يوافق بكل صدر رحب
فرح: سعد انتي تحبني شلون تفكر بهالطريقه
سعد: هالطريقه هي الوحيده اللي رح تخلي ابوك يوافق
فرح: وتتوقع اني رح اوافق
سعد: اذا كنتي تحبيني رح توافقين
فرح وهي مصدومه: سعد ممكن تخليني افكر بالموضوع وبعدين اكلملك ..
سعد : اوكي ياقلبي براحتك باي
فرح : باي (وتسكر) معقوله سعد يوصل فيه التفكير لهدرجـهـ .. (ويرن جوالها)
فرح: الو هلا نجول وشفيك .. انا بالبيت .. ايه ماعندي مانع اوكي مريني باي (وتسكر) خلني اطلع معاها واغير شوي من جو هالبيت الكئيب ولاا اليوم ويك اند بعد رح احلله من زمان ماطلعت
(بـعـد ربع ساعه كشخت فرح ونزلت للصاله وشافتها امهـا)
ام مشعل: على وين ان شاء الله كاشخه ومتعدله وطالعه
فرح: ماماي وشفيك اليوم خميس وبعدين ناويه اطلع برى مع صديقتي ممكن
ام مشعل: لاوالله بعد شنو جايه تستأذنين ؟
فرح: يمه وشفيك كلا الا غدا وبعدين وانا راجعه بمر السوق وباخذ لك كم غرض انتي تحبينه
ام مشعل: ايه دام كذا اوكي ماعندي مانع .. لازم تستانسين بعد اليوم اجازه
فرح ويرن جوالها وترد: الو هلا نجول انتي برى اوكي باي (وتسكر وتبوس امها وتطلع)
(وبالسياره)
فرح: وشفيك غيرتي السواق؟
نجلا: لاغيرناه ولاشي .. هذا موسواقنا هذا سواق خاص بس شنو زقرت وعلى كيف كيفك
السواق: انا اوكي ماما
نجلا : ههههههههه اي انا عارفه يا كومار انت مافي احسن منك .
فرح: وليه ماجيتي بسواقكم؟
نجلا: سواقنا كلب وفتان له فتره يوصلني مشاوير وبعدين يروح يعلم اخوي
فرح: وليكون وصلك لـ
نجلا: لا ايخسي اخليه يوصلني لشقه جهاد
فرح: الا ع طاري جهاد وشخباره
نجلا: ويييه بعد عمري فديته .. مسافر رايح لبنان عند اهله كم يوم
فرح: يروح ويرجع بالسلامه .. بس قولي لي الحين اخوك شلون خلاك تطلعين مو مسوي لك حظر تجول
نجلا: ايه للحين مسوي لي هالحضر .. بس ياعمري هالحضر خلاص انتهـى
فرح: وشلون .. شللي غير
نجلا: مدير اخوي بالشغل طلبني للزواج وانا وافقت عشان كذا مخليني على راحتي خايف اغير رايي مومديره مره شافني وتخبل علي
فرح: وانتى من جدك وافقتي
نجلا: ايه وافقت صحيح انه شايب لكن غني وبيعيشني بنعيم وبيؤمن مستقبلي احسن من هالوضع اللي انا فيه
فرح: وجهاد
نجلا: فرح خلك واقعيه جهاد موسعودي واخوي مستحيل يوافق عليه ولو له نيه انه يوافق كان وافق من زماان وبعدين جهاد خطبني اكثر من مره واخوي رفض وبيني وبينك جهاد فقران وحالته حاله وانا ابي اعيش حياه جديده حياه عمري ماحلمت فيها ..
كومار: خلاص ماما انا يوصل
نجلا: طيب كومار انا ينزل الحين وبعدين فيه يتصل فيك ويجي اوكي
كومار: اوكي حبيبي
نجلا: هههههههه يحليلك ياكومار(وينزلون)
فرح: كومار هذا مايستحي
نجلا: ويييه كله الا هندي وبعدين كومار ضحكي وياه شوي وعطيه وجه ويوصلك كل المشاوير بلاش
فرح: والله انك خطيره .. بس احنا وين بنروح
نجلا: عند وحده صديقتي تعالي(ويدخلون احد الشقق اللي بالعماره وتفتح لهم الباب صديقه نجلا)
فتحيه: هلا والله نجول
نجلا: اهلين فتوح وشلونك
فتحيه: تمام حياكم (ويجلسون بالصاله)
نجلا: هاااه جات صديقتك
فتحيه: ايه هذا هي داخل تنتظرك
نجلا: وشغلها مضبوط
فتحيه: افااا عليك ترجعين بنت بنوت مثل اول واحسن بس اول ماتخلصين منها ارتاحي موتروحين وتتمشين بالاسواق مثل عادتك
نجلا: هههههههههههههه لا وين مارح اتمشى مافيني حيل .. انزين حطي لنا شيشه مايصير جالسين كذا
فتحيه: مارح تدخلين
نجلا: لا بشيش اول لاحقين ع الالم ..
فتحيه: ماعرفتينا
نجلا: هذي فرح صديقتي
فتحيه:هلا والله بالحلوين
فرح بخوف: اهلين
فتحيه: تبين احط لك راس معسل معانا
فرح: لا شكرا
نجلا: حطي لها ماعليك منها مستحيه
فرح: ههههههههههه ومن شنو تستحين خلك عادي ياعمري انتي ببيت فتوح بيت الحريه والسعاده هههااااي (وتروح)
فرح: بييييه صديقتك هذي شكلها منتهيه .. وبعدين انتي وش بتسوين .. انتي مو بنت بنوت
نجلا بوقاحه: هههههههههه لا بصير بعد شوي بنت بنوت
فرح: من جدك ليكون
نجلا تقاطعها: وانتي ع بالك روحاتي لشقه جهاد مانسوي شي يعني لاياحبيبتي احنا مخربيها بس مو ليهناك احنا متزوجين عرفي
فرح: متزوجين عرفي شلون؟
نجلا: تزوجنا عادي مثل كل الناس .. بالعلطله لمى كنا بمصر تزوجنا عرفي وصار اللي صار وانا ماغلطت جهاد زوجي وبعدين هو خطبني اكثر من مره واخوي رفض يعني سووا اللي عليه وبعدين حبنا اكبر من كل شي
فرح: طيب انتي بتتزوجين الحين شلون يعني وانتي موبنت
نجلا: عشان كذا انا جايه هنا عشان ارجع بنت
فرح: شلون
نجلا: بتسوي لي ترقيع وبرجع مثل الاول .. المهم اني افتك من هالورطه
فرح: انتي اللي ورطتي نفسك فيها
نجلا: احلا ورطه
فرح: والحين بعد الزواج بتتركينه
نجلا: اكيد بتركه اصلا امس طلقني وسحبنا على بعض انا ابي اتفرغ لهالمليونير وامص منه ع قد مااقدر وجهاد صار ماضي خلاص
فرح: حبكم دام 3 سنين
نجلا: طيب احنا للحين نحب بعض بس خلاص الناس مستوياك وجهاد مومن مستواي واحنا شبعنا من بعض جاء الوقت اللي كل واحد يعيش حياته (وتجي فتحيه مع خدامتها والشيشه)
فتحيه: حيا الله من جانا
نجلا/ الله يحيك عطيني الشيشه من زمااان عنها .. حطي لفرح وحده بعد .. مشكوره
/
/
/
/
/
ببيت رائـــد كـان جـالس مع نغم بالصـالـهـ يطالعون تلفزيون
رائد: نغم تصدقين اني شايف هالفليم حوالي عشر مرات ع الاقل
نغم: بس الفليم مره حلـو
رائد: بس انا مليت منه
نغم: شنو يعني تبيني اغيره
رائد: لا شكلك مستمتعه فيـه رح اخليك تشوفينه
نغم: مشكور ماقصرت
رائد يبتسم لها ويحط راسه ع رجلـهـا: نغووم العبي بخصلات شعري
نغم: اوكي ماطلبت شي (وتلعب بخصلات شعره)
رائد: وشرايك نطلع نتغدى برى
نغم: ياحبك للطلعات عاد انا مااحب اطلع كلش
رائد: وليش يعني بيتوتيه؟
نغم: امممم تـقــدر تقول كــذا
رائـد: طيب انا عندي اقتراح بس اتمنى ماترديني
نغم: امر
رائد: بما اننا اليوم خميس وش رايك نغير جو ونروح للبحرين
نغم: البحرين وشمعني يعني؟
رائد: فيه منتجع مره حلو هنـاك .. كنت اروحـهـ انا والربع والمنتجع يجنن وش رايك نروح اليوم ونرجع بكره بالليل
نغم: تصدق عاد فكره حلوه
رائد ويقوم: اجل يلا قومي حطي اغراضنـا وانا بحجز وبغير ملابسي عشان نمشي
نغم : من الحين
رائد: ايه مانبي نضيع وقت ياعمري (ويبوسها بخدها)
نغم: رائد احرجتني
رائد/ ياعمري اللي ينحرجون واللـهـ .. انا بقوم اغير ملابسي وانتظرك
نغم: انتـظرني بقوم وياك نروح لغرفتك ناخذ لك كم غرض وبعدين اروح غرفتي واخذ اغراضي(ويقومون يمشون)
رائد: وش رايك تجيبين اغراضك وتنامين عندي
نغم: ياسلام ليش ماانت تجي
رائد: لا انا اللي قلت اول
نغم: طيب انا مااقدر ارد لك طلب
رائد: يابعد عمري انتي .... (ويوقف) انتظري انتظري
نغم: وشفيك خوفتني
رائد: حرام انتي تمشين ع الارض ..
نغم: اجل شلون ماامشي كلش
رائد : فكره حلوه (ويشيلها) من يوم ورايح انا مارح اخليك تمشين
نغم وتضحك: هههه رائد نزلني خوفتني
رائد: لا لا انتي ملاك ومولازم تمشين ع الارض انا رح اشيلك لين الغرفه
نغم بضحكتها الناعمه: هههه كذا رح اتعود ع الدلع
رائد: اممم انا اتوقع ان الدلع انوجد عشـانـك بـس
/
/
/
/
/
/
" تــفــضــلي .. تفــضــلي .. حيـاك الله تو مانور البيت" قالها لزوجـتـه وهو يدخلها البيت
هبه: منور بوجودك حبيبي
بومشعل: ونوره زاك نور حياك الله
(وتجي ام مشعل اللي كانت قاعده بالصاله)
ام مشعل وهي متفاجئـهـ : بومشعل مين هذي اللي معاك
بومشعل: احب اعرفك على زوجتي
ام مشعل: شنو ... زوجـتك سويتها سويتها بالنذل وتزوجت علي
بومشعل: اقول عاد سكتي ولاعاد اسمع صوتك وحمدي ربك انك للحين على ذمتي
هبه: حبيبي هد اعصابك ليش معصب انا ماابيك تعصب ابدا .. ابيك تهدى وبس
ام مشعل: ومن وين عرفتها هالكلبه هذي
بومشعل : هذي تاج راسك وكلمه زياده رح اطردك من البيت
ام مشعل : هين هين انا اوريك انت وياها
هبه: انتي تكلمي معي ومع حبيبي بأدب وحمدي ربك انت للحين جالسه ببيتي
ام مشعل: بيتك .. اي بيت ياام بيت انتي
بومشعل: اي بيتها وهي الداخله وانتي الطالعه
ام مشعل بقهر: حسبي الله عليكم ... حسبي الله عليكم (وتروح)
هبه: ويه حبيبي مرتك هذي نسره انا ماني مصدقه انك كنت عايش وياها شلون كانت حياتك وياها
بومشعل: جحيم والله العظيم كانت جحيم
هبه: والحين صارت نعيم وياي صح
بومشعل: اكيد صح يابعد عمري انتي
هبه: حبيبي بنظل وافقين نسولف عند الباب يلا ورني بيتي الجديد و غرفتي
بومشعل: تعالي معاي
(وبالغرفه)
هبه: حبيبي ليكون هذي هي الغرفه من ايامك انت واللي ماتتسمى
بومشعل: مستحيل اخليك تدخلين على عفشها وبعدين انا لمى قلت لك اني رح اروح الشركه مريت افخم محلات الاثاث واثثت لك الغرفه من جديد مااحب انك تدخلين على عفش قديم
هبه: وييييه يابعد عمري انت الله لايخليني منك
::
::
::
::
::
" سواها النذل سواها .. وانا اشوفه يغير اثاث الغرفه من قبل شوي مولله ... انا قلبي ناقزني من شفته وهو ينام برى وانا حاسه ان فيه شي"
هيفا ووجهها موباين من كثر الهلات قالت: يمه عن مين تتكلمين
ام مشعل: عن النذل الكلب قليل الاصل ابوك
هيفا: ابوي وشفيه ؟
ام مشعل: انتي وشفيك مسبهه والا مخديه والا صار لعقلك شي من الصبح وانا على نار وشقول .. والا انتي مومعاي من طلقك ذاك الكلب وانتي حابسه نفسك بالغرفه وتصحين والله ماعندك سالفه .. قومي وشوفي ابوك تزوج علي .. تزوج وحده ماتسوى جزمتي ووجهها موباين من كثر المكياج لووووعه والله العظيم لوعه
هيفا وهي مصدومه: ابوي تزوج ... متى وليش وانتي وش دراك
ام مشعل: وووووووااااي انتي تبين تقهريني ببرودك الحمدلله والشكر انا على نار وانتي اعصابك بارده انا لازم ادق على مشعل وفرح يشوفون شغلهم ويا ابوك وزوجته هالكلبه اللي جايبها تحت
::
::
::
::
تـــوهــا داخــلــهـ البيت وفسخت شيلتها وتتفاجئ بشوفه هبه جالسه بالصاله وبكامل اناقتها
فرح: هبه وشتسوين هـنا ؟
هبه: اهلين فرح هلا وغلا ياعمري شلونك
فرح: انا الحمدلله انتي وشعندك هيفا اتصلت فيك وطلبتك
هبه: لا ياعمري محد طلبني بس تقدرين تقولين اني رح اقعد عندكم على طول
فرح: شنو على طول .. ليه شصاير؟
هبه: شدعوه يعني مافرحتي لي ...(ويجي بومشعل)
هبه: هلا حبيبي
فرح وماشافت ابوها والتفت له: حبيبك .. شسالفه
بومشعل: هلا بنتي .. هاه باركتي لعمتك هبه ع زواجها مني
فرح بأستنكار: شنو عمتي
هبه: لاحبيبي فرح مثل اختي ومااحب تقولي عمتي تقدر تناديني بأسمي وتقولي هبوش بس
فرح: اتخسين الا انتي مابقى الا هي بعد انتي يللي كنتي تجين عندنا وتطرين الميه والميتين .. تصرين مرت ابوي
بومشعل: فرح تكلمي مع هبه بأدب ولاتنسين ان احترامها من احترامي
فرح: يبه وشفيك انتي من جدك تتزوج هذي وتاخذها على امي ليش من تكون هذي اكيد قصت عليك .. لااا هذي اكيد ساحرتك يبه
هبه: هههههههه عاد تدرين ابوك مات عشان اوافق عليه سووا المستحيل عشان يتزوجني وانا لو كنت ادري انه يحبني هالحب كان وافقت عليه من زمان
فرح: لاااا انتي اكيد مسويه لابوي شي والا انتي مين عشان ابوي يطارك وراك
هبه: تراك مسختيها يافرح وانا اقدر ارد عليك بس ماابي ارد احترام لحبيبي بومشعل بس الظاهر انتي ماتعرفين الاحترام
بومشعل: اذا ماتعرفه تتعلمه عشانك .. فرح هبه هذي الحين مرتي ولازم تحترمينها غصب عنك
فرح وهي متفاجئه: يبه انت من جدك انت تكلمني بهالاسلوب عشانها
هبه: ايه عشاني انا حبيبته وعيونه واغلا من حياته
فرح عصبت وراحت لغرفتها
هبه: بصراحه حبيبي بنتك هذي قليله ادب وماتستحي على وجهها وانا لو ما وجودك كان عرفت شلون ارد عليها
بومشعل: ماعليك منها هي الحين متفاجئه وماردها ترجع لعقلها وتحترمك
هبه: بنشوف .. حبيبي يلا قوم نتغدى انا جوعانه
بومشعل: خسى الجوع يلا قومي نتغدى
::
::
::
::
::
بغرفه هيفا دخلت فرح منفعله
فرح: مارح تصدقون اللي شفته
هيفا: انتي شلون لك عين تدخلين غرفتي اطلعي برى
فرح: والله فاضيه انتي لو تشوفين مين ابوي تزوج مارح تقولين هالكلام
هيفا بصراخ: ماابي اشوف شي اطلعي برى برى
ام مشعل: هيفا وشفيك جنيتي
هيفا: انا رح اجن فعلا اذا هالخبيثه قعدت ثانيه بغرفتي برررررى
فرح: زين زين هدي اعصابك ع فكره ابوي تزوج هبه الكوافيره وانا رح اخذ امي واطلع لغرفتي
هيفا: برررررى بررررى
(وتطلع فرح مع امها وتسكر الباب هيفا وتبكي)
::
::
بغرفه فرح
ام مشعل: ومين هذي هبه الكوافيره
فرح: يمه وشفيك هذي الكوافيره اللي كانت تجينا البيت اول نسيتها
ام مشعل وتتذكر: ايييه عرفتها تغيرت
فرح: فلوس ابوي غيرتها
ام مشعل: حسبي الله عليكم من بنات
فرح: يمه وشفيك تتحسبين علينا
ام مشعل: ايه موبسببكم ابوكم تزوج مو انتوا اللي دخلتوا هالاشكال بيتي وحياتي
فرح: واحنا وش درانا انها بتطلع خبيثه وبتحط عينها على ابوي .. وبعدين بصراحه ابوي كان ساحب عليك من قبل موضوع هبه وانتي اللي خسرتيه
ام مشعل: يعني لازم تسمعيني هالكلمتين اللي تسم .. فكري معاي ودبريني وقولي لي شسوي؟
فرح: يمه هبه هذي وحده موسهله كلش هذي وحده خبيثه وشكـلـها ناويه لنا نيه موزينه
ام مشعل: انا بمووووت من القهر لو شايفه ابوك شلون يكلمني ويهزئني عشـانها كان متي من القهر علي
فرح: اجل انا وش اقول يمه انا اللي بانبط من القهر ابوي اللي طول عمره مارفع صوته علي يهزئني قدام ذيك الحثاله ولااا يقولي بعد احترميها مالت عليها وعليه
ام مشعل: والله اني خايفه منها ياخوفي تقلب ابوك علينا
فرح: يمه ابوي منقلب عنك خلقه الا ياخوفي تكرهه فيني
ام مشعل: طيب فكري معاي شلون نقلعها من هالبيت
فرح: نقلعها احس انها صعبه شوي هذي كلبه ومخططه لكل شي قبل جيتها احنا لازم نفكر بهدوء شلون نقدر نطفشها من هنا ونفكر على اقل من مهلنا هالكلبه هذي موهينه
ام مشعل: حسبي الله عليها وعلى الساعه اللي دخلت فيها البيت
(اما بومشعل وزوجته كانوا يتغدون بغرفه الطعام ويجي مشعل)
مشعل: السلام عليكم
بومشعل: وعليكم السلام هلا مشعل تفضل ع الغدا
مشعل: يعني صدق الكلام اللي سمعته
هبه: حتى انت يامشعل مارح تبارك لنا ورح تسمعنا كلمتين تسم البدن
مشعل(انا رح اصير احسن منهم ومالي دخل بزواج ابوي المهم مصلحتي والشغل): لا بالعكس انا جيت ابارك لكم بالزواج
هبه: الحمدلله ان فيه شخص بهالبيت قلبه على قلبنا
مشعل: انا ابوي مثل اخوي وبعدين هو ماغلط ماسووا شي عيب والا حرام هذا من حقه
بومشعل: كفوا والله مشعل ولدي كفوا .. طلعت احسن من امك واختك
مشعل: ماعليك منهم يبه كلها كم يوم ويستوعبون الموضوع ويباركون لك بعد
هبه: احنا مانبيهم يباركون لنا ولاشي احـنا نبيهم يتكلمون معانا بأدب اقلها والا لايتكلمون كلش احسن
مشعل(لسانك طويل بعد شكلك موهينه) : اقول يبه لاتنسى عندنا اجتماع بالشركه اليوم
بومشعل: اي والله انا شلون نسيت
هبه: حبيبي .. روح الشركه عادي وخلص شغلك انا الحين ببيتي ورح انتظرك ياقلبي
بومشعل: يابعد عمري انتي ويلوموني فيك
هبه: غلطانين
مشعل: طيب يبه انا بمشي الحين بروح الشركه
بومشعل: اجل انتظرني بطلع معاك الحين
/
/
/
/
/
/
/
بغرفه فرح كانت جالسه مع امها ويرن جوالها
فرح وتوهقت(وقتك ياسعد)
ام مشعل: ماتردين
فرح: لا ماله داعي .. اقول يمه وش رايك ننزل تحت
ام مشعل: مالي خلق انزل ان شفتها ذبحتها
فرح: لايمه غلطانه المفروض تتمالكن اعصابك ع الاقل قدام ابوي وان راح ابوي نستفرد فيها ونوريها العين الحمرا
ام مشعل: ماني قادره اشوف وجهها
فرح: يمه احنا لازم ننزل البيت بيتنا مو لازم نخلي لها الجمل بما حمل
(بالصاله نزلت ام مشعل وبنتها وشافوا هبه بالصاله تطالع التلفزيون لحالـها وجلسوا مقابلين لها)
فرح: والله زمن اللي الخدم حطوا راسهم براسنا وصاروا راعيات بيوت
ام مشعل: اي والله موهاليومين الحظ قايم للشلقى والبلقى
هبه: هههههههههه هههههههه (ويرن تلفونها) الو هلا حبيبي .. حتى انت وحشتني بس مايصير كذا لازم تشتغل .. الله يصبرني على بعدك ياعمري .. هههههه احبك واحبك واحبك .. لاتتأخر على باي(وتسكر)
فرح: عشتــوا الحمدلله والشكر اللي عمره ماتبخر تبخر واحترق
ام مشعل: ورح تكون حريقه مابعدها حريقه
هبه وتطالع فيهم وتحقرهم وقالت بأستـهزاء: القافله تسير والكلاب تنبح
ام مشعل بأنفعال : كلاب بعينك جعل عينك البط
فرح وتمسك امها: يمه جلسي هدي اعصابك لاتوسخين يدك فيها
ام مشعل: هديني خليني اقوم واضربها واوريها شغلها
هبه ووقفت وقالت وهي معصبه: هدك جمل ان شاء الله انتي واللي جنبك.. مابقى الا هي تمدين ايدك علي جعل ايدك الكسر .. جربي مديها وشوفي لااخليك انتي وبنتك تباتون بالشارع برى مالت عليكم .. انا بروح اريح بغرفتي موالصاله ماعاد فيها نفس (وتروح)
فرح: حلوه هذي البيت بيت ابونا والقوم طردونا
ام مشعل: حسبي الله عليها حسبي الله عليها من مره
فرح: يمه هالكلبه قويه وياخوفي تنفذ تهديداها انا لازم العبها صح مثل ماسويت مع نغم لازم اسوي معاها
ام مشعل: نغم وشدخل نغم بالسالفه
فرح وتوهقت: هااه اقصد
ام مشعل: انا كنت حاسه انك انتي اللي ورى سالفتها نغم انا عارفه انها شريفه وماعندها هالسوالف
فرح وتبلعمت: انا انا
تقاطعها امها: بس زين سويتي فيها تستاهل وابيك تسوين بهالكلبه اكثر ابي اطقها واطردها انا وابوك من البيت وابرد حرتي فيها
فرح واستانست: صبري علي يمه هالحيوانه دواها عندي
ام مشعل: متى بس متى
فرح: خليها تفرح هاليومين لان جلستها هنا موطويله انا لازم اخططلها عدل
/
/
/
/
/
بــالبحــريــ (منتجع دانه البحرين)ــن ..
كانوا نغم ورائد توهم داخلين شاليهم ... ودخلت نغم وع طول راحت للشباك الزجاجي المطل عالبحر
نغم: واوووووو منظر البحر مره حلوو اكثر شي احبه البحر
رائد: اووووه الاخت تقلدني
نغم: ياسلام ..ومين قال اني اقلدك يمكن انت تقلدني
رائد: انا اقلدك لالا .. انتي تقلديني
نغم: تدري خلاص انا اقلدك لان الحوار معك عقيم لازم بالنهايه تطلع انت اللي على حق(وتجي تروح ويمسكها)
رائد: وين
نغم: بروح احط ملابسـنا
رائد: طيب بساعدك
نغم وتبتسم : اوكي
(وبالغرفه راحت نغم ترتب ملابسها واغراضها هي وزوجـها ورائد واقف عند التسريحه يمشط شعره)
نغم وهي ترتب الملابس: هذا اللي بيساعدني .. ساعدتني شوي وبعدين رحت تسرح شعرك
رائد بدون مايطالعها: حبيبتي الملابس موكثيره وبعدين انا ماابي اعودك عالدلع
نغم وتترك الملابس: ياسلام يعني مااستاهل تدلعني
رائد: اذا انتي ماتستاهلين ياعمري اجل مين اللي يستاهل
نغم: واضــح والدليل انك تطالع بالمرايا ومومعبرني
رائد: ........
نغم وتروح له: موكــأن شعرك طويل
رائد وهو يسرح شعره: اي طويل بس موكثير .. تبيني اقصه
نغم وهي تحط يدها على شعره وتلعب بخصلاته: لا ماله داعي حلو كذا .. وبعدين شكلك كذا احسن من الثوب احس انك مره رسمي فيه
رائد وراح بذكرياته لبعيد وتذكر حبه الاول لمى كان طالع معاها بمطعم عالبحر
اريج: رئودي حبيبي شعرك كذا مره يجنن ياويلك اذا قصيته
رائد: بس الحين حر وشعري يزهقني
اريج: حبيبي تردني
رائد: ماعاش مين يردك
اريج بدلع: طيب عندي طلب ثاني
رائد: انتي تامرين موتطلبين
اريج بدلع وابتسامه: لاعاد تلبس ثوب شكلك كذا احس من الثوب احس انك مره رسمي فيه
::
::
::
وتقطع عليه خياله نغم وتقول
نغم: رائد رائد
رائد(سبحان الله نفس جملتها .. وينتبه لزوجتـهـ) نعم
نغم: وشفيك وين سرحت
رائد: لا عادي ماسرحت .. اقول حبيبتي وش رايك نطلع ونتغدى
نغم: اممم طيب شرايك نطلب هـنا خاطري نسهر ع فليم سوى
رائد: حبيبتي احنا جاين نبي نتمشى .. بس مثل ماتحبين نطلب هـنا وبعدها نطلع نتمشى اوكي
نغم بأبتسامه: اوكي
رائد: طيب انا بروح اطلب ياعمري(ويطلع)
نغم: ثواني واكون عندك(ويروح اما نغم توجهت لدولاب ملابسها تفكر شنو رح تلبس)
نغم وتطالع ملابسها الكثيره: لازم اختار فســتان حلـو ومغري اخلي رائد يجن عليه
/
/
/
/
/
بغرفه هيـفـا كانت جالســهـ تذاكر بغرفتها وتوها مخلصه مذاكره وزهقانه
هيفا: معقوله ابوي يكون تزوج هبه الكوافيره .. طيب شلون عرفها .. انا مالي دخل بحد انا ماابي اتدخل خاصه ان امي استنجدت بفرح اللي اكيد مارح تقصر وبتطلعها من البيت وبتسوي فيها مثل ماسوت بنغم (ويدق باب غرفتها)
هيفا وتقوم: مين
هبه: انا هبه
هيفا(وشتبي..)وتفتح الباب: هلا
هبه: اهلين ممكن ادخل
هيفا: ادخلي(ويدخلون ويجلسون ع الصوفا
هبه: شلونك هيوف وشخبارك
هيفا: الحمدلله
هبه: انتي بعد رح تحاربني مثلهم
هيفا/ انا مالي دخل بحد
هبه: هيفا وشفيك انتي تحسين ان زواجي من ابوك غلط
هيفا: والله انا تعلمت من هالبيت اني مااتدخل بـ ولاشي
هبه:يعني موقفك محايد لا مع ولاضد
هيفا: ماادري ... ابوي ماسوا شي غلط بس بنفس الوقت زعلت ع امي
هبه: انا ياهيفا احب ابوك .. كلكم تتوقعون اني خذته عن طمع صحيح انا مااعرفه بس والله العظيم اني ماركضت وراه ولاشي هو خطبني وانا وافقت
هيفا: وليش جالسه تبررين لي موقفك
هبه: انتي الوحيده بهالبيت اللي احس رح اتفق وياك .. خصوصا اننا بنفس السن تقريبا
هيفا وتبتسم: نفس السن .. وشللي جبرك تتزوجين واحد كبر ابوك ومتزوج بعد وعنده بنات بنفس سنك؟
هبه: لاتزعلين مني ياهيفا بس انا مالي علاقه بالفجوه اللي بين امك وابوك وبعدين كذا والا كذا ابوك كان بيتزوج سواء انا اوغيري وهذا اللي فهمته منه
هيفا: للحين ماجاوبتيني على سؤالي.. والا تدرين انا مالي دخل انتو احرار انا مالي دخل بأي شي بهالبيت
هبه: هيفا موعاجبتني هالنظره اللي بعيونك ولاحتى شكلك انتي بعدك صغيره والحياه كلها قدامك ولاانتي اول ولااخر مطلقه
هيفا: هبه لو سمحتي لاتتكلمين بهالموضوع
هيفا: براحتك مثل ماتحبين .. بس ممكن ع الاقل تطلعين من الغرفه وتتكلمين معاي ترى اللي تسويه مايصير والمشكله انه ع شي مايسوى هو اللي خسرك موانتي اللي خسرتيه .. انتي لازم تثبتين لنفسك قبل الكل انه ولاشي وانك تقدرين تكلمين حياتك بدونه
هيفا خنقتها العبره وقامت تبكي وضمتها هبه وقالت
هبه: هيوووف حبيبتي هدي اعصابك واذا البكاء فيه راحه لك ابكي ع قد ماتقدرين اهم شي ماتكتمين بداخلك واذا تبين تقولين اي شي لي انا حاضره واسمعك .. وبعدين اعتبريني صديقتك مومرت ابوك واحنا بنات ونفهم ع بعض وتأكدي ان اي شي يصير مارح يطلع لبرى ابدا
هيفا وتمسح دموعها: انتي غريبه جدا .. امي اللي هي امي ماقالت لي هالكلام ومااهتمت لي وماعندي حد اشكي له همي ..وانا اصلا مااحب اشتكي الا للي خلقني بس فعلا محتاجه للي يخفف عني
هبه: وشرايك تقومين وتغسلين وجهـك وننزل انا وانتي للحديقه ونسولف هناك ونتفس هواء نقي بدل هالجو المميت اللي انتي فيه
هيفا هزت راسها بالايجاب وقامت
/
/
/
/
بــالبحــريــ (منتجع دانه البحرين)ــن ..
راح رائد لنغم بالغرفه وانصدم لمى شافها لابسه فستان قصير احمر بدون اكمام وضيق ع جسمها وفاتحه شعرها وحاطه روج احمر يجنن طالعه تخقق
نغم وهي جالسه ع المرايا تلبس الحلق: هاي حبيبي
رائد: واووووووووووووو
نغم وابتسمت: وشفيك
رائد: انتي شكلك رح تخليني اتهور
نغم وانحرجت: رائد اعقل
رائد: لاوالله اظن اني رح اجن
نغم: رائـــد
رائد: ههههه حبيبتي قومي
نغم: اقوم وين
رائد: قومي انتي الحين
نغم وتوقف: طيب وبعدين
رائد ويربط عيونها: عندي لك مفاجأه
نغم وعيونها مربوطه : طيب وين المفاجـأه
رائد: انتي امشي معاي (ويمشيها)
نغم: طيب شوي شوي لاني خايفه
رائد: لاتخافين انا ماسكك وطول ماانا معك لاتخافين (ويطلعون للصالون ويفتح عيونها)
نغم: واووووو انت سويت كل هذا
رائد: وشرايك(رائد كان مزين الصالون بالشموع والورود الحمر وحاط عشا رومانسي لها )
نغم: بصراحه مره جنااان احرجتني
رائد ويسحب الكرسي ويجلسها: تفضلي
نغم وتجلس: يسلموو حبيبي عن جد احرجتني
رائد: عشان ماتنحرجين اعتبريها رد ع اول يوم تقربنا فيه لبعض لمى كنتي مسويه عشا رومانسي وجات اماني وخربت كل شي
نغم: اوووف لاتذكرني
رائد:لحظه شوي
نغم: فيه شي ثاني
رائد: ايه (ويفتح الستار ويكون فيه فرقه يعزفون لهم موسيقى كلاسيك رومانسيه)
رائد: وشرايك
نغم وانحرجت ودمعت عيونها من الوناسه: مشكـور رائد
رائد: وشدعوه قلبي بنقضى الليله كلها دموع ..
نغم: دموع الفرح
رائد ويمسح دمعتها قبل ماتنزل: حبيبتي ماابي الدموع لالفرح ولاغيره
نغم هزت راسها بالايجاب وتجلس ع طاوله الطعام
رائد ويجلس مقابلها: وشرايك نبدء من جديد .. انا وانتي تزوجـنا واحنا مانعرف الا اشياء سطحيه ع بعض رغم اننا اعيال عم .. المهم انا ابيك طول اليوم تتكلمين وتقولين لي كل شي عنك
نغم: اووووه طول اليوم
رائد: ايه طول اليوم واحنا ورانا شي
نغم: لا ماورانا شي .. بس قبل مااتكلم واقولك ابي اسألك سؤال
رائد: امري
نغم: انت تحبني
رائد: انتي وشرايك؟
نغم: انا ماابي اقول رايي ابيك انت تقولي اذا تحبني والا لا
رائد: اسألي عيوني وهي تجاوبك ؟
نغم: وانا وش يعرفني بلغه العيون
رائد: افاااا .. عاد انا بالذات اكثر واحد يعرف بلغه العيون وزوجتي ماتعرف شي فيها .. نغم انتي غيرتي حياتي وخليتني اطالع الدنيا بنظره تفاؤل وخليتني ارجع رائد اللي كنت عليه قــبــل (ويسكت لثواني ويقول) .. انت اهم شي بحياتي يانغم ..
نغم وابتسمت: خلاص انا قريت جوابك بعيونك
/
/
/
/
بغرفه فرح كانت جالســهـ تكلم سعد
فرح: سعد وبعدين ليش تحن على هالموضوع .. قلت لك بفكر وبشوف .. ايه احبك بس (ويدق باب غرفتها)
فرح: سعد اكلملك شوي باي (وتروح تفتح الباب)
ام مشعل بشرها: لحقى علي يافوفو قبل مااروح فيها من القهر
فرح: وشفيك ماما
ام مشعل: اختك اختك الكلبه جالسه مع بنت ابليس بالحديقه وسوالف وضحك
فرح: هيفا هذي نذله وهالشي موجديد عليها
ام مشعل/ انا بموت من القهر شلون تقعد مع عدوتي
فرح: يمه احنا لازم نروح لها ونتفاهم معاها ترى بنتك هذي مسختها وانا فيني حره عليها
ام مشعل: وانا اكثر منك .. اختك هذي تتعمد تقهرني
(وبالحديقه كانوا هبه وهيفا جالسين يسولفون وتجي فوفو وامها)
فرح: هيووف يالتبن شلون تقعدين مع هالاشكال
هيفا: لو سمحتي لاتتكلمين معاي
ام مشعل: تكلمي مع اختك بأدب وبعدين قومي وقعدي معانا
هيفا: اسفه انا ماابي اقعد مع بنتك بمكان واحد
ام مشعل: تبيعين بنتك عشان بنت ابليس
هبه: لوسمحتي عن الغلط
فرح: انتي محد كلملك لاتتدخلين بشؤوننا العائليه ... سارقه ابوي وتتكلمين بعد
هيفا: هههههههه شوف مين يتكلم عن السرقه .. الحراميه الكبيره انتي المفروض تفتحين لك مدرسه وتعلمين طلابك فيها السرقه بأنواعها المتعدده اللي عندك دكتوراه فيها
(فرح عصبت وراحت وراحت وراها امها ودخلوا للصاله)
فرح: بنتك الحقيره قاعده تعايرني
ام مشعل: هيوف انقلبت علينا بثواني انا ماادري وش سوت لها هالكلبه هبه
فرح: هيفا لازم تتربى
ام مشعل: خلك من اختك الحين وشوفي لنا صرفه ببنت ابليس
فرح: يمه بنتك هذي رفعت ضغطي وانا لازم اعلمها قدرها
ام مشعل: فرح وبعدين والله فاضيه فكري بالمصيبه اللي حلت علينا وبعدين فكري بموضوع اختـك
فرح: يمه انا بروح غرفتي مالي خلق اقعد هنا ولالحظه
ام مشعل: وانا اقعد مع مين
فرح: موشغلي انا معصبه ومالي خلق هالبيت بكبره متى الله يفكني منه وارتاح
(وتروح لغرفتها .. وتتصل بسعد)
فرح: الو سعد اسمعني انا رح اضحي عشانك بس بشرط .. نتزوج عرفي
::
::
::
::
منسدحه ع حضن زوجـها ويلعب بخصلات شعرها
نغم: وهذا كل اللي صار لي ببيت عمي .. عشان كذا كان يوم المنى يوم طلعت منه وماافكر ازوره مره ثانيه
رائد: يابعد عمري يانغم كل هذا صار لك ومتحملته انا ماني مصدق انك حاولتي تنتحرين .. وليش كل هذا .. حسبي الله على عمي واعياله .. وانا اللي زدتها معاك وكملت الباقي
نغم: بالعكس يارائد انت احسن شي صار لي من وفاه اهلي ,, صحيح بالبدايه كان راسك يابس بس انت الوحيد اللي حسستني بالامان (وتقوم) رئودي اللي قلت لك اياه سر بيننا
رائد: حبيبتي سرك ببير
نغم: رائــد .. أنـت حبيت من قبل؟
رائد وتذكر اريج:..................
نغم وتقوم وتقول وهي تمازحه: وشفيك ساكت ليكون لك علاقات قبل الزواج
رائد بأبتسامه: مافيني شي عادي .. وتطمني انتي اول وحده بحياتي .. بس شنو هالسؤال الغريب
نغم: ريحتني .. حبيت اسألك لان فيه كثير ناس مايؤمنون بالحب اللي بعد الزواج
رائد: بصراحه انا كنت منهـم .. بس بعدين عرفت ان الحب يجي بعد الزواج والدليل اللي صار ويانا .. وبعدين الحب اللي قبل الزواج مايكون حب ناضج او بالاحرى اذا ماتوج بالزواج مانقدر نسميه حب
نغم بخاطرها (فعلا الحب اللي قبل الزواج غير ناضج والدليل حبي الساذج لابراهيم) وتقول: بصراحه رئودي لمى تزوجتك وشفتك ماتحبني شريت لي كم كتاب بهالخصوص وطبقت كم شغله قريتها وياك وانت ماتعطيني وجه وبالاخير شكيت فيك
رائد: شكيتي فيني شلون
نغم: فكرتك تحب وحده ثانيه لان رفضك لي كان قوي
رائد: لو احب وحده ثانيه كان تزوجتها وبعدين انتي اول بنت بحيــاتـي
نغم: اول واخر بنت بعد ..... اووووف للحين يعزفون حرام خلهم يرتاحون
رائد: لا ماعليك انا حاجزهم لين الصبح وبعدين هذا شغلهم
نغم: حرام رئودي ارحموا من بالارض يرحمكم من بالسما .. خلهم يروحون
رائد: مشكلتي مااقدر ارد لك طلب رح اخليهم يرحون بس بشرط
نغم: لوبغيت عيوني مارح ابخل عليك فيها
رائد: فديت عيونك انا .. بس انا بغيت شي ثاني(ويغمز لها )
نغم وانحرجت: طيب انت الحين خلهم يروحون ويصير خير
رائد: اوكي الحين بقولهم يروحون (ويبوسها ع خدها بدون ماتحس فيه ويقوم)
نغم وانحرجت وحطت يدها ع خدها وابتسمت
/
/
/
/
/
/
/
ع العشـا ببيت بومشـعل كانوا هبه وبومشعل وهيفا جالسين يتعشون
بومشعل: لو ادري انك ياهبه رح تخلين هيفا تطلع من عزلتها كان من زمان جبتك
هيفا: ليش انتو متزوجين من زماان
هبه وتصرف الموضوع: هههههه ابوك يقصد كان تزوجني من زمان
بومشعل: الا وين امك واختك
هيفا: ماادري عنهـم
هبه: ام مشعل طلعت عند وحده من جاراتها اما فرح بغرفتها
بومشعل: وشفيها ماجات تعشت ويانا
هبه: الحين بروح اناديها حبيبي (وتروح)
هيفا: بصراحه يبه انا بالبدايه زعلت من زواجك بس بعدين عذرتك زين مااخترت
بومشعل: هبه هذي ذهبه وان شاء الله امك واختك يقدرون هالشي
هيفا: امي .. يبه ياليت لو تعدل بينها وبين امي
بومشعل: اعدل بينهم .. هيفا حبيبتي انتي كبيره وعارفه وماله داعي تقولين هالكلام انتي عارفه ان زواجي انا وامك صار عالورق بس وانا لولاكم كان طلقتها وماله داعي لهالسيره
::
::
::
قامت هبه وراحت لغرفه فرح وجات بتطق الباب وسمعتها تتكلم بالتلفون
فرح من داخل الغرفه: ايه انا ابي ابوي يشك فيها وبعدين يطلقها ابي اسوي معاها مثل ماسويت مع نغم .. الله يخليك يانجلاء انتي لازم تساعديني .. ايه انا لازم ادبر لها مكيده واطعن بشرفها مثل نغم لازم تشوف جزاها وتطلع من بيتنا مثل المذلوله
هبه من ورى الباب قالت بخاطرها(حسبي الله عليك يافرح معقوله فيه حد يفكر كذا هاليومين .. سبحان الله .. الله فضحك قدامي انا لازم اتصرف معها قبل مايصير شي وتخرب بيتي ) (وتجي تروح بس تتذكر انها جات تناديها عالغدا وترجع وتدق الباب
فرح وتفتح الباب وتطالعها بأحتقار: خير ياوجه النحس
هبه بأبتسامه صفراء: ابوك ينتظرك عالعشـا اذا حابه تتعشين معانا
فرح: لا ماابي اصلا وجهك يسد نفسي (وتحتقرها وتسكر باب غرفتها وتدخل)
هبه بخاطرها: ايه وشعليه رح اسكت لك الحين لكن ان مافضحت نوياك السودا قدام ابوك مااكون انا هبه
(وتنزل تحت)
بومشعل: وينها فرح؟
هبه: ماتبي تتعشى .. خلونا نتعشى احنا
(ويتعشون)
/
/
/
/
/
/
/
اليوم التــالــي ببيــت بومشــعل صحـت فرح من بدري وكانت تتزين عند المرايا ورن جوالها
فرح: الو هلا حبيبي .. وصلت اوكي انا الحين بطلع .. طيب حبيبي جهزت ورقه الزواج خلاص شوي واكون عندك .. لاتحاتي الحين نتزوج بس لاتحاتي ياقلبي احنا رح نتزوج ع الورق وصدق بعد .. لاتخاف انا دبرت المكان اللي رح نتزوج فيه .. وانا بعد احبك باي (وتسكر وتلبس عبايتها وتبي تنزل وتشوف هبه بالصاله وتحقرها وتجي تطلع وتناديها هبه)
هبه: على وين ان شاء الله شنو البيت مافيه لاولي ولاوالي
فرح: خير ان شاء الله ومن تكونين عشان تسألين هالسؤال؟
هبه/ انا راعيه البيت هذا ومحد يطلع ويدخل الا بأذني
فرح بوقاحه: ههههههههههههه اقول عاد عشان عيونك الحلوه رح ارجع بدري ولاتنسين تجهزين لي البودكير عشان تسوي لي رجلي لان رجلي مقامك ويمكن اعلا من مقامك بعد .. باي ياحلوه (وتطلع)
هبه وعصبت: طيب يافرح الزفت انا بشوف شغلي معك ... (وتنادي الخدامه)
هبه: ميري .. ميري
ميري: يس مدام
هبه: وين مدام كبير
ميري: مدام كبير فيه يطلع الحين
هبه: طيب متى فيه اجازه انتي
ميري: انا مافيه اجازه ابدا ماما
هبه: طيب سمعي اليوم انا سوي اجازه ليك انتي وخدم كلو .. اطلع روح تمشى وتعال بالليل طيب
ميري: كلو ماما لكن مين سوي غدا
هبه: انا سوي كل شي انتي بس روح الحين
ميري: خلاص ماما احنا كلو روح الحين سوق .. شكرا ماما
هبه: عفوا لكن ارجع الساعه 10 بالليل كل جمعه اجازه لمى 10 ليل اوكي
ميري: اوكي (وتروح)
هبه: اوووف الحين بقى هيفا لازم تطلع من البيت عشـان انفذ خطتي (وتروح فوق لغرفه فرح وتشوفها مسكره)
هبه: مومشكله هالباب رح ينفتح (وتجي تمشي وتشوف هيفا طالعه من غرفتها)
هيفا: صباح الخير هبوش
هبه: صباح النور حبيبتي وشفيك صاحيه بدري
هيفا: انا كل يوم اصحى هالوقت .. وين ميري لي ساعه اناديها
هبه: ميري طالعه انا عطيت الخدم كلهم اجازه
هيفا: من جدك ومين رح يطبخ اليوم
هبه: انا رح اسوي كل شي وبعدين حرام كسروا خاطري ارحموا من بالارض يرحمكم من بالسماء حرام كل يوم و24 ساعه شغل
هيفا: والله معك حق بس تعودنا عليهم الحين انا مين رح يسوي لي الكابتشينو انا حدي مااعرف اسوي شي
هبه وابتسمت: بس كذا من عيوني ياشيخه انا رح اسوي لك اياه
هيفا: لا ماابي اتعبك
هبه: من جدك انتي كله الا كابتشينو وبعدين انا اصلا رح اروح اجهز الغدا الحين
هيفا: مشكوره .. ممكن تجبين لي اياه هنا
هبه: من عيوني ياعمري(وتروح للمطبخ)
هبه بخاطرها:والحين لقيت طريقه اتخلص فيها من هيوف .. اسفه هيوف بس لازم تنامين اليوم كله والا رح اروح فيها بسبب مخططات اختك هالتمهوره .. نامي اليوم كله عشان ترتاحين (وتسوي لها الكابتشينو وتحط لها منوم وتوديه لها .. وتطلع من غرفتها وتروح لغرفتها وتتصل
هبه: الو هلا اخوي .. انا قريت اعلانكم بالجريده .. ايه نعم والله ابيكم تجون من الحين .. تطولون والا لا .. حلو اجل انا انتظركم ..)
هبه: ونشوف اخرتها معك يافرح ولوين بتوصلين
/
/
/
/
/
/
( بمنتجع دانه البحرين)
صحت نغم من بدري وجلست ترتب ملابسهم بالشنطه عشان يمشون .. وكان رائد بالحمام ياخذ دوش وتوه طالع
نغم: نعيما حبيبي
رائد: الله ينعم عليك ياقلبي (ويجلس على التسريحه يجفف شعره)
نغم: حبيبي متى نمشي؟
رائد: توا الناس ياعمري
نغم وتلفت له: رائد من جدك بكره عندي دوام
رائد: حبيبتي رح نروح لكن توا الناس احنا من جينا ماتمشينا بالمنتجع الحين ياقلبي طلعي لي لبس على ذوقك وبعدها نروح نطلع نفطر برى ونتمشى وبعدها نرجع للبيت اوكي قلبي
نغم وابتسمت له وقالت: اوكي .. حبيبي تبي اطلع لك ثوب والا بدله
رائد: على كيفك اللي يريحك
نغم: رح اطلع لك بدله ... شكلك بالبدله احلى
رائد: اوكي .. طلعي لي بدله على ذوقك
نغم وتطلع له بنطلون جينز وجاكيت رسمي وتقول له: وشرايك
رائد: حلو .. تدرين عندي فكره بما انك اخترتي لي ملابسي انا رح اختار لك ملابسك
نغم: فكره حلوه .. ياترى شنو رح تختار لي
رائد: اممم .. خليني اشوف(ويروح لخزانه الملابس ويختار لها لبس)
رائد: وشرايك ( اختار لها تنوره قصيره ميدي لونهـا ابيض وبلوزه نص كم بنك وابيض )
نغم: حلوه .. لاحظت انك تحب البنك
رائد: احب البنك عليك انتي بس (ويقول بخاطره : وعلى اريج بعد )
نغم: مشكور قلبو احرجتني
رائد: بس مشكور
نغم: اجل وشتبي بعد؟
رائد: انتي عارفه ماله داعي اتكلم
نغم وانحرجت: ياسلام والله فاضي مووقتــك .. (وتغير الموضوع) حبيبي شكلك بالجينز مع الجاكيت اللي اخترته لك مره نايس كأنك مشعل الجاسر
رائد: ومين هذا مشعل؟
نغم: ممثل كويتي وستايله مثل ستايلك مره نايس
رائد: والله ماتستحين على وجـهـك قاعده وتتغزلين بهالممثل قدامي
نغم وضحكت: هههههه .. ليه حبيبي تغار؟
رائد: وشرايك يعني ؟
نغم: قلبي لاتغار وش جاب لجاب اصلا وبعدين انا قلت ستايلكم مثل بعض بس لاتسويها سالفه
رائد: انزين لاتعيدينها مره ثانيه اوكي .. وعقابا لك لازم تلبسيني ملابسي
نغم: والله العظيم انك حيااااال ... يعني مسوي زعلان عشان اسوي لك اللي تبي .. ماله داعي لهالحركات انا طالعه وبلبس برى وبعدين انا استحي منك عن اذنك (وتاخذ ملابسها وتطلع)
رائد ويجلس عالسرير ويبتسم: انا لازم اخليها تنسى من سالفه الحيا هذي
/
/
/
/
" انتي غلطانه يمه .. ابوي لو يدري رح يطلقك على طول" قالتها لامها وهي جالسه وياها بغرفتها
ام مشعل: ابوك مارح يدري الناس اللي رح تتكلم فيه
فرح: يمه وانتي تتوقعين ان الكلام مارح يوصله سوري بس يمه انتي ماعندك سالفه انك تروحين لكل جاراتنا وتعلمينهم عن زواج ابوي بصراحه هو ماسووا شي عيب ولامخالفه للعادات والتقاليد عشان تشهرين فيه
ام مشعل: يعني عادي عندك يتزوج علي وحده من الشارع
فرح: لا يمه موعادي وبعدين انا قلت لك رح نقلع هبه من هالبيت بس بطريقتي وماله داعي اللي سويته لويدري ابوي
تقاطعها امها: ابوك مارح يدري مين قال لان الخبر انتشر خلاص وبعدين مااتوقع يهمه كلام الناس
فرح: يمه مافيه حد مايهمه كلام الناس وبعدين دامك تقولين ان كلام الناس مايهمه ليش شهرتي فيه عند الجيران
ام مشعل: من حرتي ماقدرت اخبي هالشي بقلبي امي من امس واليوم الصبح مابقى حد من الجيران مارحت له
فرح: وبردت حرتك الحين
ام مشعل: يعني نص ونص لمى اشوف وجهها ترجع حرتي مثل ماكانت
(ويرن جوال فرح وتكون رنه سعد)
فرح: يمه ممكن تطلعين شوي ابي اكلم صديقتي
ام مشعل: وليش اطلع .. ليكون تكلمين حد ثاني وتبين تصرفيني
فرح: يمه وشفيك لاثاني ولاثالث بس صديقتي هذي رح تساعدني اننا نقلع هالزفت من هنا وبعدين مانبي نجلس مع بعض بغرفتي كثير عشان لاتحس علينا هالحيوانه
ام مشعل: طيب انا بطلع اغثها بكلمتين وانتي اذا خلصتي من تلفونك طلعي وراي
فرح: طيب يمه (وتسكر الباب بعد خروج امها وتكلم)
فرح: الو هلا حبيبي سعد .. اسفه امي كانت ناشبه لي المهم حبيبي وشلونك .. ههههه تصدق انا اليوم مره مستانسه لاننا تزوجنــا ولو انه زواج عرفي وبالخش بس يلا اسم اننا تزوجـنا .. فديتك والله هههههه
وبالصاله ... نزلت ام مشعل عند هبه اللي كانت جالسه تطالع التلفزيون
ام مشعل: اوووف وشهالكتمه
هبه ابتسمت ابتسامه صفراء بدون ماتطالعها
ام مشعل: وعلى شنو الضحك ياقليله الحيا .. كاتمه علي نفسي بعد وتتبوسمين
هبه: اسفه لاني كتمت على انفاسك انا بهد لك الصاله بكبرها وبطلع (وتروح)
ام مشعل: مالت عليك وعلى وجهك .. طيب ياهبه كلها كم يوم وتقلعك بنتي من هالبيت
(راحت هبه لغرفتها ويدخل عندها زوجــهــا)
هبه: اهلين حبيبي
بومشعل: هلا حبيبتي وشفيك جالسه هنا لحالك
هبه: حبيبي بصراحه مليت لحالي 24 ساعه جالسه لحالي وانت بالشغل
بومشعل: ووين هيفا عنك؟
هبه: هيوف نامت الحين الساعه تسع بالليل وهي عندها جامعه بكره
بومشعل: طيب حبيبتي ليش زعلانه
هبه وتبتسم: انا ماني زعلانه انا زهقت من الجلسه لحالي وحتى الصالون امي اللي صارت تمسكه مو هي عندها خبره في هالسوالف وانا حبيت اجلس هنا عشانك انتظرك بس انت احيانا تتأخر ..وبعدين حبيبي بصراحه انا اشتقت لاعيالي
بومشعل: تبين ترجعين لبيتك؟
هبه: مااقدر اخليك تتشت مره ثانيه
بومشعل: طيب وش الحل؟
هبه: حبيبي انا بخاطري ان اعيالي يسكنون معاي يعني بيتك ماشاء الله كبير وواسع وفيه غرف كثيره وغرفه وحده بس تكفي اعيالي بصراحه انا اشتقت لهم
بومشعل: حبيبيتي البيت وراعي البيت تحت امرك واي شي تبين تسويه سويه بدون ماتسأليني انتي راعيه البيت
هبه: انا ماحبيت اسوي شي بدون مااستأذنك وبعدين انا قلت لازم اخذ رايك
بومشعل: هذا لانك اصيله ياعمري ولكن انا قلت لك هالبيت واللي فيه تحت امرك وسبق وقلت لك اعيالك مثل اعيالي
هبه وابتسمت: يابعد عمري والله جعل عيني ماتبكيك
بومشعل: طيب حبيبتي طفي هالنور خلينا ننام
هبه: بس كذا من عيوني^_^
/
/
/
/
/
/
بغرفه فرح كانت جالسه ع البراندا تكلم سعد
فرح: وشفيك خايف مافيها شي
سعد: من جدك انتي تبيني ادخل بيتكم
فرح: وشفيها ياقلبي مو احنا متزوجين
سعد: اوكي انا معك بس صعبه اهلك
فرح: اهلي الحين كلهم ناموا وحتى الخدم ناموا وانا رح اخليك تدخل من الباب الخلفي ومرتبه كل شي مابقى الا تجي
سعد: والله خايف ان احد يكشفنا
فرح: والله ماعندك سالفه انت موقف سيارتك بعيد ومحد بيشوفها وامي وهيوف وابوي وزوجته العله نايمين ومحد حولك
سعد: طيب خلينا نروح بكره لشقه والا شي
فرح: انا ماعندي ثقه لابالشقق ولاالفنادق الحين الهيئه بكل مكان وبعدين ليش نتعب نفسنا ونخاطر بيتنا احسن واؤمن اقول انت على كل هالكلام لو جيت كان احسن قاعد تضيع وقت
سعد: طيب طيب انا بجي الحين انتي وينك
فرح: خلاص اوكي انا الحين بنزل عند الباب وانتظرك ولاتخاف مدبره كل شي (وتنزل عند الباب وتروح وتدخله لغرفتها )
سعد: هذي اول مره ادخل فيها لداخل بيتكم
فرح: ومارح تكون اخر مره لانك رح تداوم هنا
سعد ويضحك/ انتي متهوره
فرح: لعيونك اسوي كل شي
سعد: فديتك بس انا ويني عنك من زمان فرق بينك وبين العله اختك
فرح: ههههه لاتجيب طاريها
سعد بصوت منخفض: قصري صوتك فضحتينا
فرح وتقصر صوتها: صح معك حق .. يلا نتزوج الحين
سعد: يلا ^_^
/
/
/
/
/
/
اليـــوم التـــالي ببيت بومشعل صحى الكل بدري وراحوا لاشغالهم وكالعاده ام مشعل راحت للجيران تشكي لهم من ضلم هبه لهاا وظلم زوجـها .. وبعدها فضى البيت وراحت هبه لغرفه فرح وفتحتها عند طريق المفتاح الاحتياطي اللي خذته من الخدم ودخلت
هبه وتروح لعند الثريا وتاخذ منها كاميرا وتقول: خنشوف اذا هالكاميرا صورت مؤامرات هالنسره مع صديقتها ضدي .. والله ان فيها شي لاوريها زوجي على طول علشان يصدقني اعطيه دليل على خسه ونذاله بنته بالصوت والصوره
(وتاخذ الكاميرا وتسكر الغرفه وتروح لغرفتها وتشغل شريط الكاميرا )
هبه: ايه هذي هي تكلم .. مين سعد .. طلعت تكلم بعد .. خلني اودي الشريط واشوف وشعندها
(وتنصدم باللي شافته .. شافت فرح مع شخص ماتعرفه ويمارسون علاقه زوجيه مثل اي اثنين متزوجين وتطفى الشريط على طول)
هبه: استغفر الله العظيم معقوله فرح توصل فيها الحقاره لهدرجه اكيد هذا اللي تكلمه بس ياترى... مين هذا سعد اللي معاها .. انا لازم اعرف السالفه كلها وهالشريط لازم اخبيه عن زوجي بس مو هنا موبهالبيت انا لازم اخبيه بمكان امين .. انا اخاف ان شافه زوجي جاسم يروح فيـهـا
/
/
/
/
/
/
وع الغدا ببيت بومشعل محد كان يتغدى ماعدا هبه وهيفا
هبه: الا هيوف بسألك اختك فرح مخطوبه
هيفا: لا
هبه: طيب ولا حتى كانت متزوجه او حتى متكلم عليها
هيفا: لا انا كنت مملكه وتطلقت
هبه: ايه ادري انتي اللي كنتي ماخذه
هيفا تقاطعها: ماابي اسمع ولاشي عن سعد خلاص صفحه وانتهت من حياتي
هبه: سعد؟
هيفا: ماابي اسمع شي عنه
هبه: طيب لاتعصبين بس ممكن تقولين لي شلون شكله
هيفا: ليش؟
هبه: هااه فضول بس كذا فصول
هيفا: ماابي اتكلم عنه ولاحتى اتذكره
هبه: طيب بسألك بس سؤال .. صحيح انه ابيض وشعره بني طويل وحليوه
هيفا: ايه صحيح ليش تسألين؟
هبه وتوهقت بس صرفتها وقالت: لاني شفت صوره له مع ابوك بدفتر الصور حقكم وكاشخ بالبشت فـ ضنيت انه هو
هيفا: ايه هذي صور يوم حفله ملكتنا .. الحمدلله شبعت (وتقوم)
هبه بخاطرها: يعني معقوله فرح تكون بهالنذاله والخسه تسرق زوج اختها وتنام معه بعد وش قله الادب هذي.... صح انا شلون نسيت انها خطبها قبل حتى زوجي عصب منه .. طلعت تكلمه وبينهم حب ووغرام ...هذي شيطانه موانسانه حسبي الله عليها .. انا لازم اروح لها واتفاهم معاها قبل ماتوديني بداهيه هي وامهـا
(وتروح تدق باب غرفه فرح)
فرح وتفتح الباب قالت بدون نفس: خير ياوجه الزفت
هبه: تكلمي بأدب والا وشلون ارجي الادب من وحده واطيه مثلك
فرح: احترمي نفسك وماله داعي لهالكلام
هبه: عاد تصدقين هالكلام وكل الكلام الوسخ اللي بالعالم مايوفيك حقك
فرح: وش تقصدين؟
هبه: ماابي اوسخ لساني معك بس انا سمعت ان عندك DVD
خذي هالسي دي وشغليه ع اللاب توب او الـ DVD
بس بعدين لمى تخلصين منه تعالي عندي ابيك بكلام وع فكره حتى لو كسرتيه عندي منه الف نسخه وياليت لو نحلها ودي بيننا (وتعطيها السي دي وتروح)
فرح : ياتري وشفيه (وتدخل غرفتها وتشغله ع اللاب توب اللي كان مفتوح اصلا وتشوف الفيديو)
فرح وخافت: معقوله .. شلون وصل لها هالفيديو .. وشلون جابته ..
/
/
/
/
/
" صورتك بكاميرا فيديو بغرفتك .. بصراحه موقصدي اتجسس عليك لكنني سمعتك تكلمين صديقتك وتقولين لها انك رح تطرديني من البيت وتدبرين لي مكيده فقلت احمي نفسي وحطيت كاميرا فيديو بغرفتك عشاني توقعتك تكلمين صديقتك مره ثانيه وتخططون لمكيدتكم بس للأسف ماتوقعت اخلاقك واطيه لهالدرجه" قالتها لفرح وهي جالسه بغرفتها تتصفح مجله وتتكلم معاها بدون ماتطالعها
فرح وتسكر باب غرفه هبه وتقول: انتي فاهمه غلط
هبه: غلط وشلون فاهمتك غلط وانا شايفتك بعيوني نايمه مع زوج اختك .. سوري اقصد طليق اختك .. اللي اكيد انتي السبب بطلاقها
فرح وهي تحس نفسها مذلوله: عموما انا مالي دخل بطلاق هيفا وبعدين انا وسعد متزوجين
هبه: متزوجين؟ غريبه ابوك ماقالي انك متزوجه
فرح: متزوجين عرفي
هبه: يعني هذا بنظرك الحل تتزوجون عرفي من بعد مارفض ابوك خطبه حبيب القلب لك وش تبين توصلين له بهالزواج ..
فرح ودمعت عيونها : ..........
هبه: فرح انتي ماتهميني وانا موقصدي اذلك وتصرفاتك اللامسؤوله مالي علاقه فيها انا كل همي هو انك تبعدين عني وعن ابوك ومالك دخل فينا وياليت لو تعامليني بأسلوب احسن او بالاحرى تحترميني مع اني مااتوقع ان امك علمتك الاحترام .. المهم يافرح انتي لازم تسمعين كل كلمه اقولك اياها وماتطولين لسانك علي وتحترميني وبالمقابل هالشريط محد رح يدري عنه وان خالفتي اومراي او تصرفتي عكس مااقولك رح
فرح تقاطعها وقالت من بين دموعها: انا رح اكون مثل الخدامه تحت رجلك بس الله يخليك ماابي حد يدري بهالشريط (وتروح تبوس يدها) ابوس يدك استري علي الله يخليك
هبه وتسحب يدها وقالت: قلت لك موقصدي اذلك بس لازم تسوين اللي قلت لك اياه اتقفنا
فرح وقامت وتحس نفسها مذلوله قالت من بين دموعها: اتفقــنـــا
(( انتــــهـــى الجـــ،،ـــ.،ــزء الـثامن عشــ،.ـر ))
(( الــجــزء التــاســع عــشـــر ))
رجعت من الجـامعــهـ .. ووصلــهـا الســواق وتوهـا داخـلـهـ بيتــها ويرن تلفون البيت وتروح ترد عليه
نغم: الو .. هلا هيفاء شلونك؟ انا توني راجعه من الجامعه حتى جالسه بعبايتي توني داخله البيت
هيفا: طيب انا الحين بالسياره مع السواق برجع البيت وبصراحه مالي خلق اروح البيت وخاطري اجي واسولف عندك واتغدى معك اذا ماعندك مانع
نغم: استحي على وجهك وشهالكلام انتي تجين من دون عزيمه تدفين الباب وتدخلين
هيفا: مشكوره ياقلبي .. بس ليكون ازعجك مع زوجك
نغم: لا تزعجيني ولاشي اصلا زوجي مارح يجي عالغدا وبعدين نتسلى مع بعض
هيفا: اجل خلاص خمس دقايق بالكثير واكون عندك
نغم: اوكي حياك الله (وتسكر) خلني اروح واشوف وش طبخت الخدامه وبعدهـا اروح اغير ملابســي
(وتروح للمطبــخ وتشرف ع الغدا وبعدها تروح لغرفتها وتغير ملابسـها وتجي الخدامه تدق الباب)
نغم: يس
كاندي: مدام .. ماما هيفا تحت
نغم: اوكي الحين بنزل
(وبــالصــالـــة)
نغم وتسلم على هيفا: حياالله من جانا
هيفا: الله يحيك .. وينك مختفيه
نغم: ااااااه مختفيه بالنعيم .. بالجـنــه
هيفا وتبتسم: واخيرا صار؟
نغم وهي منحرجـه: ايه صار
هيفا: واووووو مبروووك (وتسلم عليها ) بس انا زعلانه منك ليش ماقلتي لي؟
نغم: كل شي صار بسرعه وبعدين هالويك اند هذا مر بسرعه وكان احسـن ويك اند مر علي
هيفا: عالبركه ياعمري
نغم: الله يبارك فيك .. الا انتي قولي لي وشخبارك مع سعد عسى تصالحتوا؟
هيفا بعد صمت قالت بخيبة امل: تطلقــنـا
نغم: شنو ...؟ متى وليش .. وليه ماقلتي لي؟
هيفا: حتى انا كل شي صار معاي بسرعه بس صدقيني انا ماني ندمانه ابدا .. لاني عرفته على حقيقته قبل مااتورط معاه
نغم: انا اسفه ماكنت ادري سوري هيوف
هيفا: اقول انسى هالموضوع اصلا ماعاد يهمني اللي فات مات خلاص .. مادريتي ابوي تزوج؟
نغم: شنـــو .. عمي تزوج .. متى وشلون
هيفا: كل شي صار بسرعه
نغم: ههههههه وشفيك علقتي على هالكلمه
هيفا: ههههههه لانه صدق كل شي صار بسرعه ... ابوي تزوج فجأه وجاء هو وزوجته عندنا البيت ولااا زوجته طلعت هبه
نغم: مين هبه؟
هيفا: هبه الكوافيره اللي كانت تجينا اول
نغم: مااذكرها
هيفا: المهم عاد ابوي تزوجها وجابها البيت وبيتنا صار حلبه مصارعه
نغم: اووووف ليش؟
هيفا: امي وفرح اعلنوا الحرب على هبه
نغم: وانتي؟
هيفا: انا بالذات مالي دخل فيهم لامع ولاضد .. بس قعدت كم مره مع هبه وطلعت مره حبووبه وصرت اسولف معاها وامي وفرح افتكروا اني ضدهم مع اني موضدهم ولامعاهم
نغم: الله يعينك .. وهبه هذي زينه معاك والا
هيفا تقاطعها: لا والله حبوبه وتجنن بس فرح وامي مايعجبهم العجب
نغم: ايه عارفه تعلميني فيهم الله يعين هبه عليهم
هيفا وزعلت شوي: ..........
نغم وانحرجت: هيوف والله موقصدي سوري ياعمري
هيفا: لا عادي اصلا انتي ماقلتي شي غلط ... عموما انا حدي جوعاااانه شنو مارح تغديني؟
نغم: افاااا خسى الجوع قومي خلينا نتغدى الغدا جاهز
/
/
/
/
/
بــبيت بومشعل عالغدا كان بومشعل جالس مع زوجـتـه هبــه يتغدون..
بومشعل: هبه وين البنات؟
هبه: هيفا اتصلت فيني واستاذنت وراحت لبنت عمها نغم تتغدى عندها وزوجتك ماتبي وفرح فوق
بومشعل: وشفيها للحين زعلانه ؟
هبه: زعلانه على شنو؟
بومشعل: اكيد زعلانه بسبب زواجنــا
هبه: لا حبيبي فرح لازعلانه ولاشي اصلا انا وياها خلاص اتفقنا وصارت متقبله الموضوع
بومشعل: معقوله مااصدق بهالسرعه؟
هبه: ايه معقوله عشان تعرف ياقلبي ان كل اللي يعرفني يحبني وانا الحين رح انادي فرح(وتقوم)
بومشعل: معقوله تكون فرح حبت هبه وتقبلت الموضوع
(وتروح لغرفه فرح وتدخل بدون ماتدق الباب وكانت جالسه مع امها ياكلون غدا بالغرفه)
ام مشعل: ووجع ان شاء الله ليش تدخلين بدون ماتدقين الباب
هبه: والله عاد هذا بيتي وادخل المكان اللي ابيه والوقت اللي ابيه صح يافرح
فرح بذل قالت: حياك الله
ام مشعل وهي معصبه: الله لايحيك ان شاء الله فرح وشفيك
هبه: انتي هييي ياعجوز النار احترمي نفسك وانا اصلا مالي كلام معاك كلامي مع فرح
فرح: وشفيك
هبه: ليش قاعده تتغدين هنا انتي من اليوم ورايح رح تتغدين معاي انا وابوك تحت بغرفه الطعام موبغرفتك مثل الحراميه
فرح: بس انا مرتاحه كذا
هبه: والله عاد انا ماني مرتاحه انا ابيك تتغدين معاي عشان انا وابوك تنفتح نفسنا يلا قومي
فرح: ان شاء الله
ام مشعل: خير ان شاء الله فرح وشفيك وليه ساكته لها هالخايسه
فرح: يمه ماله داعي لهالكلام وبعدين انا بروح اتغدى مع ابوي وهبه من زمان ماتغديت معاهم
ام مشعل: والله من جدك يافرح شلون تتغدين مع عدوتي
فرح بأنكسار: يمه خلاص انا بنزل ومالي دخل بكل هالخلافات(وتروح)
ام مشعل: حسبي الله عليك من بنت .. الا حسبي الله عليك انتي ياسراقه الرجاجيل حتى بناتي تبين تسرقينهم مني
هبه بأبتسامه ساخره: اصلا انا سرقتهم وخلاص بس سرقتهم بأسلوبي الحلو وطيبتي مومثلك وعموما من يوم ورايح مافي اكل بالغرف انا بقول للخدم مايحطون الاكل الا تحت وبس والغدا ماينحط الا بغرفه الطعام وهذي اخر مره اسمح لك تتغدين هنا (وتروح)
ام مشعل بقهر: حسبي الله عليك .. حسبي الله عليك لكن هين دواك عندي
(وبغرفه الطعام ببيت بومشعل)
بومشعل: ياحيالله فرح .. وشلونك يبه
فرح: الحمدلله يبه
بومشعل: والله معاها حق هبه حتى انتي حبيتها هالانسانه كل من يشوفها يحبها
فرح بدون نفس بس مابينت: اي صح
(وتجي هبه وتجلس)
هبه: هااه حبيبي موقلت لك خليت كل اهل بيتك يحبوني
بومشعل: والله انك ملاك وكل من يشوفك يحبك
هبه بدلع: هههههههه مشكور حبيبي خجلتني
فرح: باقي امي ماحبتك للحين
هبه: وامك تعرف تحب امانه قولي لي امك تعرف شي اسمه حب (وتعطيها نظره)
فرح: امي لها طريقه خاصه بالحب
هبه: حبيبي بومشعل .. والا تدري مارح اقولك بومشعل احس اذا قلت لك بومشعل اتذكر مرتك النسره انت وياها نفس الاسم .. عموما انا رح اناديك جاسم او حتى جسومي
بومشعل: يابعدعمري احس اني اول مره اسمع اسمي واحبه
هبه: ياحبيبي والله محروم من الحب شلون كنت عايش بدوني .. حارمتك مرتك النسره من الحب .. امانه ياقلبي قولي مرتك تعرف تحب او بالاحرى قدرت تحبك وتخليك تحبها بطريقتها الخاصه؟
بومشعل: وييييع لاتذكريني فيها ماعندها لااسلوب ولاطريقه ولاغيره مالت على ذاك الوجه
هبه: هههههههههه
فرح وزعلت على امها: يبه لاتنسى انها امي
بومشعل: وشفيك عصبتي ليكون بس قلت شي غلط
هبه: لاحبيبي كل كلامك صح .. والا شرايك يافرح
فرح: .........
هبه: فرح ابي اسمع رايك
فرح: صح كل كلامكم صح .. الحمدلله شبعت(وتقوم)
بومشعل: وشفيها ليكون زعلت من كلامنا
هبه: حياتي انت.. كلامنا مايزعل وبعدين هي كانت ماكله بالجامعه وجات تاكل معانا عشانك بس وشبعت وقامت ..
بومشعل: اشوى طمتني .. حسبتها زعلت
هبه: ماعليك منها وحتى لو زعلت مع اني متأكده انها موزعلانه بس لو زعلت ماعليك منها احنا ماقلتي شي غلط ... عموما قلبي امي واعيالي وجدتي بيمروني اليوم .. وبالمره اعيالي بيجلسون عندي
بومشعل: الله يحيهم البيت بيتهم
::
::
::
::
طلعت من غرفه الطعام لغرفتها وهي مقهوره وشافت امها جالسه بغرفتها
فرح: اووووووف انا بموت من القهر من هالحيوانه هذي هبه
ام مشعل: وانتي يالشيفه وشللي وداك عندهم ليش رحتي من الاصل؟
فرح: يمه لاتقولين لي شيفه انا موناقصه
ام مشعل: هدي اعصابك والا حيلك علي بس كان عرفتي لهالهبه اللي شكلها ماخلت فيك ولابقت
فرح: اوووه يمه انتي معاي والا علي
ام مشعل: لاوالله شكلك انتي اللي علي .. وبعدين انا ابي اعرف ليش رحتي تغديتي وياهم
فرح: انا رحت عشان ابوي
ام مشعل: لاوالله صدقتك لورحتي عشان ابوك كان ع الاقل تحملتيها عشان ابوك وبعدين انتي من متى حد يهمك انتي مايهمك غير نفسك وبس
فرح: يمه وبعدين وشفيك علي .. اذا بتقعدين تتكلمين كذا طلعي احسن انا موناقصه يكفي هالكلبه اللي تحت ماخلت ولابقت
ام مشعل: وانتي ماتقدرين الا علي .. ولسانك هالطويل مايتكلم الا وياااي ليه مامديته لهالكلبه على قولتك .. ليكون ماسكه عليك ذله
فرح وخافت وقالت: هاااه .. لا موماسكه علي شي .. وبعدين اصلا هي ماتقدر تمسك علي ذله مابقى الا هي بعد
ام مشعل: طيب متى رح تسوين خطتك اللي تكلمتي عنـها وتقليعينها برى البيت اشوف اقامتها طولت
فرح: يمه بصراحه انا ماابي اتبلى المره ومالي دخل فيها
ام مشعل: شنو .. شنو مالك دخل انتي من جدك ولا تبين تجننيني وشصاير لك؟
فرح: يمه موصاير لي شي بس خلاص انا مالي دخل بهبه ورجاء يمه طلعي من هالغرفه وخليني انام راسي يعورني
ام مشعل: حسبي الله عليك انتي واختك وابوك ومرته الكلبه وجعلكم ماتتوفقون لادنيا ولااخره الحين تخليتي عني لكن هين انا رح اعرف شلون اخذ حقي بدون منيتكم حسبي الله عليكم من اعيال(وتطلع وتروح غرفتها )
ام مشعل : انا لازم اتصل بابراهيم يجي ويحط حد لهالمهزله هذي .. وين النوته اطلع رقمه( وتاخذ رقمه وتتصل من تلفون غرفتها)
ام مشعل: رد رد .. اووووف مايرد (وتسكر) هذا وقتك ياابراهيم كاني ناقصتك بعد .. اكيد الحين عنده ليل ونايم لكن انا بنتظر لاخر الليل واتصل فيه يشوف لي حل بهالبلاوي ..
/
/
/
/
/
/
ببيت رائـــد كانت هيفا ونغم جالسين يتقهون وياكلون حلا وسوالف وضحك
نغم: هههههههههههههه .. الله يقطع سوالفك ياهيووف من زمااان ماضحكت هالضحك
هيفا: من زمااان كثري منها والا نسيتي هالويك اند
نغم وانحرجت: واووووو لاتذكريني احسن ان هاليومين صدق كانوا شهر العسل
هيفا: واووووو .. عاشت جوليت وين روميو عنك
نغم: هههههههههههه
هيفا: ويييي وشفيك تتضحكين؟
نغم: انتي قاعده تقرين افكاري .. انا اسمي رائد روميوو
هيفا: ايه لانه فعلا روميــو .. اقول حبيبتي انا بسـتـأذن الحين السواق وصل
نغم: توا الناس من جدك انتي والله انبسطت وياك
هيفا: معليه ياقلبي طولت عليك وبعدين تأخرت عالبيت
نغم: اوكي هالمره رح اخليك تروحين لكن المره الجايه نبيها سهاري
هيفا: على خير ان شاء الله بالويك اند
نغم: هههههههه عاد الويك صعبه شوي دوري يوم ثاني
هيفا: هنيالك يااخ رائد .. وينه روميو الراسي يجي ويسمع جوليت .. يلا عن اذنك
(وتوصلها نغم للباب وتطلع .. وتروح نغم للصاله ويدخل رائد)
نغم: رائــد
رائد : هلا حبيبتي وحشتيني
نغم: وانت بعد وحشتني ليش تأخرت
رائد ويروح لها ويضمها ويشيلها: أســـف .. بس الشغل كان وايد اليوم وانشغلت فيه
نغم وانحرجت: اوكي سامحتك بس ممكن تنزلني؟
رائد: لا موممكن طبعا انتي ملاك والملاك مايمشي عالارض
نغم: طيب قلبي ع الاقل خليني اجلس ماني قادره اظل كذا
رائد: تدرين وش رايك نروح لغرفتنا
نغم: غرفتنا ليش
رائد: عشان نسولف ونرتاح
نغم: طيب حبيبي وش رايك تتغدى
رائد: ماني جوعان .. (ويروح لغرفتهم ويشيل نغم لين الغرفه ويجلسها عالصوفا.. ويفسخ شماغه وطاقيته)
نغم وتروح للدولاب وتطلع له لبس: تفضل حبيبي
رائد: قلبي طلعي لي بيجامه ..
نغم: بس كذا من عيوني (وتطلع له بيجامه)
رائد وياخذ البيجاما : مشكوره .. عن اذنك بروح اغير بالتواليت عشان ماتستحين مني..
نغم: طيب بس لاتطول بشتـاق لك ..
رائد ويطلع : حبيبتي مين كان عندك بالبيت ؟
نغم: وانت وشدراك
رائد ويجلس جنبها عالسرير: شفتها وهي طالعه وانا داخل
نغم: هذي هيفا بنت عمي
رائد: اهــااا ..
نغم: حبيبي اخوك جاسم للحين يحب هيـفا والا خلاص؟
رائد: اتوقع للحين يحبــها بس ليش السؤال؟
نغم: عاد مسكينه هيفا تصور تطلقت من كم يوم
رائد: افاااا ليش؟
نغم: قسمه ونصيب
رائد: يعني ماقالت لك ليش؟
نغم: ماادري ماحبيت اجرحها وافتح معاها هالموضوع هي ماقالت لي وانا ماحبيت افتح معاها الموضوع
رائد: الله يكون بعونـها ..
نغم: تتوقع لو جاسم يدري انها تطلقت يخـطبـها؟
رائد: ماادري والله .. ليش تسألين؟
نغم: يعني هيفا بصراحه مسكينه وماتستاهل اللي صار لها ... فــ أنا اقول دام ان جاسم يحبها ياليت لو تفاتحه بالموضوع وتشوف رده فعله
رائد: بصراحه من زماان ماتكلمت معه بهالموضوع .. انا بقوله موضوع طلاقها وبشوف .. نغوم شفيك تبيني اشتغل خطابه؟
نغم: ههههههه حلوه عاد خطابه .. وبعدين مافيها شي اخوك يحبها والبنت مافيه منها تجنن وكلهم يستاهلون بعض
رائد: خلاص ياعمري دام نانا طلبتني مارح اردها
نغم: نانا مين نانا
رائد: انتي ياعمري
نغم: هههههه حلو اسم نانا اول مره حد يناديني نانا
رائد: خلاص رح اناديك نانا من يوم ورايح
نغم: اوكي وانا موافقه يابعد عمر نانا انت
رائد: فديتـك والله .. نانا انا تعبان
نغم: اممم وش رايك اسوي لك مساج
رائد ويطالع عيونها بنظره حب: لالا انا ابي شي غير المساج
نغم: ياسلام حبيبي وشفيك
رائد: مصيبه اذا للحين ماتدرين وشفيني ^_^
/
/
/
/
ببيت بومشعل كانت هبه جالسه مع امـها وجدتها بالصاله واعيالها يلعبون بالبيت
هبه: بصراحه يمه انا حاسه بالذنب
ام هبه: بالذنب؟ من جدك انتي اقول ماعندك سالفه
هبه: يمه احس اني احيانا اقسى على ام مشعل
ام هبه: ام مشعل هذي ذيبه والا شفتي شلون تمر وتطالع فينا ماعليك منها لاتحسين بالذنب ولاشي ماعليك منـها وبعدين انتي ماسويتي شي غلط .. متزوجه على سنه الله ورسوله
هبه: بس يمه والله تعبت منهم انا خاطري اقعد بالمشغل واقابله الحين مااقدر اطلع من البيت اخاف يجي جاسم وتقلبه علي والا يميل لها
ام هبه: حبيبتي لاتحاتين المشغل انا حاطته بعيوني .. وخلك جالسه عند زوجـك وبيتك وداريهم وبعدين حبيبتي الحين انتي ليش معطتها وجه هذي النسره
هبه: لا يمه انا كابسه على نفسها ومومعطتها وجه
ام هبه: الحين حسب اللي عرفته منك ان زوجك مايدانيها ودايما يفشلها ليش مايطلقها
هبه: يقول مخليها عشان بناتها
ام هبه: ههههههههه حلوه هذي .. ليش بناتها صغار والا تغير لهم الرضعه والله زوجك ماعنده سالفه .. بصراحه يمه زوجك رجله والقبر وياخوفي ان مات زوجك تورثه معاك ولااا نصيبها مثل نصيبك
هبه: يمه بعيد الشر عنه انا ماافكر بهالطريقه
ام هبه: اجل وشلون تفكرين .. حبيبتي انتي توك صغيره وماتعرفين مصلحتك عدل يعني بعد عمر طويل اذا مات زوجك موقهر هالنسره تورثه وياكم وزوجك عايفها
هبه: يمه انا مافكرت بهالموضوع وبعدين هذا حقها هي ام اعيالها وانا ماعلي منها
ام هبه: اقول هذي الحين تفكر وتخطط وتبي تسوي الويل عشان تطلقك عن زوجـها مع انه عايفها وانتي جالسه تدافعين عنها انتي لازم تشوفين طريقه تقلعينها من البيت
هبه: .......
الجده كانت تاكل حلا وخلص: يمه حطولي من هذا
ام هبه: وشفيك يمه
الجده: حطولي من هذا
ام هبه وتحط لها الحلا: تفضلي يمه
الجده تاخذه وتاكل ..(طبعا ماشاركتهم الحوار لانها ماتسمعهم عدل ...)
(وتجي رزان بنت هبه وتجلس معاهم ساكته)
هبه: هاااه ماما وشفيك جيتي
رزان: عشان هذيك المره الكبيره قالت سكتوا هذا بيتي وانتو مزعجين
هبه: ليكون هاوشتك
رزان: لا هي
هبه وعصبت: رزان ماما لاتكذبين قولي عادي لاتخافين منها .. اخوانك وينهم
رزان: يلعبون فوق مع الخدامه
ام هبه: يمه قومي روحي شوفي اعيالك وشفيهم ليكون ضربتهم هالنسره ولاسوت لهم شي
هبه: تخسي عشان يكون اخر يوم بعمرها(وتروح للصاله اللي فوق)
هبه: خير ان شاء الله ام مشعل انتي بأي حق تطولين صوتك على بنتي
ام مشعل: بصراحه اعيالك مزعجين وانا ابي انام قلت لهم بس يقصرون صوتهم
هبه: البيت هذا بيتي انا وزوجي واعيالي وان شاء الله لويقلبونه عرس ماتتكلمين عاجبك كان ابيها وموعاجبك الباب يوسع جمل
ام مشعل: حسبي الله عليك ... انا رح اخليك الحين انتي واعيالك لكن العبره بالنهايه بنشوف ياانا ياانتي بهالبيت(وتروح)
هبه وتكلم الخدامه: لين شوفي انتي خلي اعيالي سوي اي شي هو يبغى وانتبهي لهم واذا جات هالعجوز لاتسمعين كلامها وطولي صوتك عليها وماعليك منها واذا تمادت وياك ناديني وانا اشوف شغلي وياها
لين: حادر مدام
رازن: ماما يعني الحين العب عادي
هبه: لعبي وسوي اللي تبينه البيت بيتك واذا حد قالك لك شي قولي كيفي هذا بيت بابا
رزان: طيب ماما (وتنزل هبه لاهـلها وتكون هيفا توها داخله)
هيفا: السلام عليكم
ام هبه : وعليكم السلام
هبه: هلا هيفا تفضلي جلسي ويانا حياك
هيفا: الله يحيكم (وتجلس)
هبه: يمه عاد هذي هيفا اللي كلمتك عنها مره حبوبه واهي الوحيده اللي اجلس انا وياها نسولف اغلب الاوقات
هيفا: كلمتي امك عني .. ان شاء الله خير
ام هبه: اكيد خير وهي بنتي ماتقول غير الخير
/
/
/
/
/
بغرفه فرح كانت امـها توها رايحه عندها وفرح جالسه ترتب اغراضها
ام مشعل: ااااااااخ يالقهر اختك هذي تبي تذبحني بالحيا
فرح وهي ترتب ملابسها: ليش يمه وشصار بعد؟
ام مشعل: الا قولي وش ماصار تخيلي جالسه مع عدوتي وامها وضحك وسوالف انا احس اختك هذي تتعمد تقهرني
فرح: يمه الله يهداك لاتقهرك ولاشي عادي انسي هالموضوع
ام مشعل: وانتي وشفيك صرتي مثلها ياخوفي بعد بكره الاقيك قاعده وياها ضدي
فرح: يمه انا بصراحه ماعلي منها لاوياها ولاوياك فكوني من هالسالفه البايخه انا الزم ماعلي نفسي
ام مشعل: وشفيك تتكلمين من طرف خشمك انتي صاير لك كم يوم متغيره ... وبعدين ليش جالسه تجهزين ملابسك وين بتروحين
فرح: ماني رايحه ولامكان بس بغير غرفتي .. وبنزل تحت
ام مشعل: وليش ان شاء الله ..
فرح بوقاحه: يووووه ماما وشفيك صايره تسألين عن كل شي بس كذا بغيرها بدون سبب
ام مشعل بشرها: انزين شوي شوي لايدق لك عرق انا اطلع بكرامتي احسن لي (وتطلع)
فرح: زين افتكيت منك ... (وتسكر باب غرفتها وتتصل بسعد) الو هلاحبيبي .. خلاص انا نقلت غرفتي لتحت وبيصير دخولك اسهل .. لالا .. لاتحاتي مرت ابوي هالذيبه .....انا غيرت كيلون الغرفه ومارح تقدر تسوي شي وبعدين طول ماانا اوكي وياها مارح تقولي شي .. المهم بتجي اليوم ؟
/
/
/
/
/
وبالصــالــه جلست ام هبه وجدتها معاها لين العشا وراحوا وبعدها راحت هبه مع اعيالها وخدامتهم لغرفهم ..
رزان: واوووو ماما الغرفه مره حلوه
هبه: ياحياتي انتي الحلو للحلو .. اسمعي ماما انتي اي شي تبينه قولي لي على طول طيب
رزان: طيب
راكان: ماما الحين انتي بتنامين معانا بالغرفه
هبه: لاياماما انت الحين وريان صرتوا كبار رجاجيل وعيب انا انام معاكم
ريان: بس احنا نحاف ننام لحالنا
هبه: طيب المريبه رح تكون معاكم
رزان: ماما انا مااخاف انام لحالي
هبه: انتي حبيبي البطله والله انتي بغرفتك رح تنامين لحالك بس اخوانك رح ينامون بغرفتهم مع الخدامه طيب
الاطفال: زين ماما
هبه: طيب انا اخليكم الحين واروح زين
ريان: وين تلوحين؟
هبه: بروح عند بابا لانه توه جاء الحين وبعدين الحين وقت النوم
راكان: مين بابا جاسم جاء؟
هبه: ايوه بابا جاسم .. انا بروح اجلس مع بابا جاسم وبكره من الصباح اجلس معاكم زين حبايبي
الاطفال: زين ماما
هبه وتلفت للخدامه: اسمعيني خليكي مع بيبي لمى ينام طيب
الخدامه: اوكي مدام(وتطلع هبه وتنزل للصاله وتشوف الخدم ينقولون اغراض)
هبه: لمين هذي الاغراض ياترى .. خليني اسألهم .. ميري ميري
ميري: يس مدام
هبه: ميري لمين هذي الاغراض
ميري: ماما فرح يقول بيغير غرفه لتحت واحنا ننقل ملابس واغراض
هبه: اوكي اوكي (وتروح لفرح بغرفتها وتلاقيها جالسه مع امـها)
هبه: اهلين فوفو
فرح ومالها خلقها: هلا هلا
هبه: عسى ماشر ليش بتقلين غرفتك تحت؟
فرح: اغير والا حرام
هبه: تكلمي معاي بـأدب والزمي حدودك والا
تقاطعها ام مشعل: مالك دخل واطلعي من غرفه بنتي بالطيب احسن
هبه: هذا بيتي ومالك دخل انا الداخله وانتي الطالعه والا وشرايك يافوفو
فرح:........
هبه بحزم: وشرايك يافرح بالكلام اللي قلته صح والا لا؟
فرح: كل كلامك صح
ام مشعل وعصبت: يعني انا الطالعه هين يافرح دواك عندي انتي وهالسوسه اللي ماتستحي(وتطلع)
هبه: ههههههههههههه
فرح: ماما (وتبي تطلع وتمسكها هبه)
هبه: ماعليك منها خليها تولي هي اللي زعلت من نفسها
فرح: بس
هبه بحزم: فرح وبعدين بدون بس ولاتنسين اللي اتفقنا عليه وسمعي كلامي دام النفس عليك طيبه
فرح بذل: طيب طيب (وتدخل الغرفه)
هبه: انا بروح غرفتي تصبحين على خير
فرح: وانتي من اهله(وتروح)
اليــــــــــــــوم التــــــــــالـــــــــــــي
بكليه الطب كانت نغم جالسه مع صديقتها وتمر اماني ومعاها بنت ويتضحكون ويطالعون فيها من بعيد
عبير: نغم وشفيها اماني تطالعك بنص عين
نغم: ماادري عنها ولاتهمني
عبير: غريبه اليوم ماجات وجلست معانا بالعاده تجي وتسلم وتفطر معانا بعد والحين تمر وتحقرنا .. انتو متزاعلين؟
نغم: لا .. اقصد ايه بصراحه هالبنت اخلاقها موزينه وانا مااحب امشي معاها
عبير: وانتي وشدراك .. حرام تطلعين عليها كلام بدون ماتتأكدين منه
نغم: كل بنات الكليه يقولون هالكلام وانا ماجبته من فراغ انا بصراحه بالبدايه ماصدقتهم مثلك الا لمى تأكدت بعدين
عبير: تأكدتي وشلون؟
نغم: اسفه مااقدر اقولك .... مااقول الا الله يستر عليها
(وتجي صديقتهم)
اشواق: نغم سمعتي الكلام اللي طلعته اماني عن زوجك؟
نغم: كلام اي كلام؟
اشواق: تقول ان زوجك يلاحقها ويتحرش فيها ؟
نغم: كذابه ماعليك منها الله واعلم مين يلاحق مين؟
اشواق: انتي لازم تحطين حد لكلامها الكليه كلها تتكلم عن هالموضوع وكم بنت جاوا وسألوني اذا الموضوع جد والالا
نغم: هذي اماني وحده قليله ادب .. تدرون انا طفح كيلي منها .. اهيا اللي تلاحق زوجي وجاتني مره البيت وقالت تبي تروح للحمام وتتسحب لغرفه النوم وتروح لزوجي وتتلصق فيها وتسوي حركات استغفر الله العظيم
عبير: اوووووف انتي من جدك ماتوقعت اخلاقها نازله لهدرجه
اشواق: انتي لازم تعلمين كل بنات الكليه بهالكلام عشان ماتنشر كلام من عندها
نغم: خلوها تولي هي تحب لفت الانتباه وبعدين انا مااحب اطلع فضايحها الله يستر عليها واذا عالكلام ماعلي منها الجامعه كلها تعرف اماني ومستواها وهذي مواول مره تطلع كلام على حد
عبير: اي والله .. هي ببدايه السنه كانت تقول لنا ان واحد من الدكاتره اللي يدرسوننا كان ميت عليها ويبي يتزوجها ولااا كان يكلمها جوال بعد وطلعت كذابه هذي ام الكذب
اشواق: المشكله انها تطلع كلام على نفسها ماتخاف على سمعتها الحمدلله والشكر
نغم: بناااات خلونا منها خلاص غيروا سيرتها شنو ماعندنا سالفه غيرها
عبير: اي والله خـ نغير الموضوع احسن
/
/
/
/
/
/
حطت الغدا لزوجــهــا وبنتـــها وراحت لعند زوجـها اللي كان جالس بالصاله يقرى الجريده
فاطمه: مشعل الغدا جاهز انا بروح الشغل
مشعل ويترك الجريده ويمسكها من يدها: لحظه فاطمه
فاطمه: خير؟
مشعل: ماتلاحظين ان لك فتره متجنبتني
فاطمه: لا ماالاحظ وبعدين انا مشغوله بالشغل .. الشغل اللي يجيب فلوس والفلوس اللي رح تعوضك عن تجنبي لك
مشعل: فاطمه ليش تتكلمين معاي بهالاسلوب؟
فاطمه: عن اذنك السواق ينتظرني برى انا تأخرت
مشعل ويمسكها مره ثانيه: لحظه انا ماكملت كلامي معاك
فاطمه: طيب تفضل قول اللي عندك اسمعك
مشعل: يافاطمه هذي موحاله لك كم اسبوع موعلى بعضك ودايما تتجنبيني 24 ساعه بالشغل وماترجعين البيت الا وتحطين راسك وتنامين ماتدرين عني وشفيني ومافيني ولاعدتي تسولفين معاي مثل الاول .. صرنا كأننا اغراب عن بعض .. يافاطمه اللي صار شي عادي وماله داعي تكبرينه
فاطمه: انت شايفه شي عادي
مشعل: ايه لان اللي صار اصلا شي عادي
فاطمه: دامك تقول ان رضاك بأن ابوي يرسل لك مصروف شهري ويصرف علينا شي عادي اجل انا رح ارد عليك بنفس مبدأك ورح اقولك ان تجنبي لك شي عادي .. واذا تبي الصدق عاد انت صرت انسان ثاني او بالاحرى انا فشلت اني اغيرك واخليك انسان عادي انت مستعد تضحي بكل شي علشان الفلوس .. موبعيده بكره تضحى فيني وبأعيالك عشان الفلوس يامشعل انت طمعك اعماك عن اشياء كثيره .. اشياء غلط صرت تسويها وتشوفها شي عادي .. دامك بهالعقليه المحدوده مارح استغرب منك اي شي بعد .. عن اذنك تأخرت عالشغل اللي يأمن لي مصروف انا واعيالي عشان مااصير مثل بعض ناس اللي يمدوهم يدهم وهم مومحتاجين (وتروح)
مشعل: اوووووف مسختها هذي عيشه ماتنطاق
/
/
/
/
/
/
بـــأمــ ميــامي ــريـــكـــا
كانت شهد بالجامعه وتوها مخلصه محاضرتها ومعصبه وهي طالعه شافتها دينا
دينا: هاي شهد اين انتي بحثت عنك في كل مكان؟
شهد بدون نفس وبكل عصيبه: كنت بالمحاضره ..
دينا: ولماذا انتي مستائه هكذا؟
شهد: لاني جبت دي بأخر اختبار سويته .. انا للحين ماني مصدقه احس اني مصدومه
دينا/ ولماذا ... انتي لم تذاكري صح؟
شهد: لا والله ماذاكرت والبركه فيكم انتي والشله المحترمه والاخ ابراهيم
دينا ومافهمتها: ماذا تكلمي فصحى ارجوكي
شهد: والله فاضيه بعد تدرين ... اسمعي من الان وصاعدا لن اذهب معكم الى الحفلات ولن اخرج ابدا من المنزل سوف اجلس استذكر 24 ساعه لاعود شهد القديمه
دينا: ماذا تقولين ... تقصدين تعودين شهد الفاشله؟
شهد: لايهمني رايك حسننا
دينا/ هل انتي غبيه .. لقد كونتي لك شعبيه رائعه بالجامعه والكل اصبح يعرفك ويحسد ابراهيم عليك واصبح محبوبه والان تريدين ان تحطمي كل هذا من اجل اختبار سخيف رسبتي فيه .. انظري حولك من يهتم انها الحياه الجامعيه اجمل سنين العمر
شهد: كل ماذكرتيه لايهمني انا جئت لهذه البلد للدراسه فقط لا لأصبح مشهوره ومحبوبه انا هنا فقط لاخذ الشهاده والعوده لبلادي لاشي سوف ينفعني
دينا: انا لااصدق مااسمعه .. هل تعلمين انتي غبيه جدا ان اصبحتي مثل ماتقولين ولااحد سيرغب بالتحدث اليك وستكونين نكره وتجلسين مع الشغوفين بالدراسه
شهد: الجلوس مع الشغوفين بالدراسه افضل من الجلوس مع المدللين الثمالى الشغوفين بالحفلات والعلاقات الغير شرعيه
دينا: ياالهي انتي فعلا فاشله وانا اسفه على كل لحظه قضيتها معك .. لانك صديقه ابراهيم سوف اعطيك فرصه لتغيري رايك والا ستكونين نكره كما كنتي سابقا وبما انك متمسكه برأيك السخيف صداقتك لاتشرفني (وتروح)
شهد: صدق طلعتي على حقيقتك .. تبين تسحبين علي عشان مارح اطاوعك .. انا ماعلي منكم انا لازم احسن مستواي والا بخسر البعثه (وتمشي وتصدق ببنت)
شهد: اووه سوري
البنت: دونت وري(وترن ساعه البنت للصلاه)
شهد: هل انتي مسلمه؟
البنت: اجل .. وعربيه ايضا
شهد: وانا ايضا .. انا شهد
البنت وتسلم عليها وتقول بالعربي: اه ماانا بعرفك كل الجامعه تعرفك ماانتي شهد اشهر من نار على علم
شهد: تتطنزين
البنت: لا مابترئشي بس انا انصدمت لمى عرفت انك مسلمه وعريبه ولااا كمان سعوديه
شهد: انصدمتي ليه؟
البنت: مش عاوزه اجرحك؟
شهد: لا عادي قولي
البنت: بصراحه لبسك متحرر زياده شويه وكمان مش محجبه وبتمشي مع شله صايعه صحيح اشهر شله بالجامعه بس الشهره مش كل حاجه ومشهورين بالخمره والسكر والسهر ... ماتنسيش ان ربنا فوقك وبيشوف كل حاجه
شهد وانحرجت/ انا انا .. اممم انا بتركهم خلاص لاننا مختلفين بكل شي
البنت: ربنا يهديكي (وتجي تروح)
شهد وتناديها: لوسمحتي
البنت: ايوه
شهد: شنو اسمك
البنت: اسمي نور وانا مصريه امريكـهـ بس مسلمـه ومتل ماانتي شايفه محجبه
شهد: اهاا طيب خلصتي محاضراتك
نور: اه خلصتها كلها ودي الوقتي حروح للمسجد وبعدو البيت ليه؟
شهد/ ممكن اروح معاك المسجد؟
نور: اه ممكن ليش لا يلا تعالي(وتروح معاها)
::
::
::
::
" لقد تغيرت ياابراهيم .. اقصد عادت مغفله مثل ماكانت لااعلم ماذا اصابهم كانت تمشي حسب خطتنا التى رسمناها سويه انا وانت ولكن منذ ان رأت درجتها المتدهوره انقلبت علي واصبحت سخيفه .. وانا التى تعبت حتى اجعلها مشهوره ومتحرره نوعا ما .. كانت تذهب معي للديسكو يوميا وكنت اضع لها بعض الكحول بالعصير وكنت سوف اقنعها بحفله اليوم بالكحول ثم اقامه علاقه معك ولكنها تغيرت تمااااامااا .. اعتقد ان خطتنا فشلت" قالتها لصديقها وهي جالسه وياه تتغدى بكافتيرا الجامعه
ابراهيم وعصب: وكيف يحدث كل هذا .. ياالهي انا جئت لهنا معها لاخذ منها مااريد والان يتغير كل شي
دينا: انها معقده ولاتصلح لك ماذا تريد بها انها فاشله وانا اعطيتها فرصه اليوم فقط لتغير رايها وان اصرت على موفقها سوف اعلن الحرب عليها
ابراهيم: مابك دينا هل جننتي؟
دينا: ياالهي من هو الذي جن عندما سمعني اتكلم عنها بسؤء .. انت تحبها صح؟
ابراهيم: لا لااحبها
دينا: اذا لماذا تتمسك بها .. هل تعلم سوف ادعوها اليوم لمنزلي واضع لها منوم بالشراب وخذ منها ماتريد ولننته من هذا الموضوع السخيف .. احيانا احس انها الليدي ديانا وليست شهد المغفله
ابراهيم: لو كنت اريد اغتصابها لفعلت ذلك من زمان ولكن اريدها ان تسلمني نفسها برضاها
دينا: هههههه انه عشم ابليس بالجنه .. هي تصر على البقاء عذراء ولن تتمكن مما تريد؟
ابراهيم: لقد حاولت معاها كل الطرق هي الفتاه الوحيده من بين الملايين التى تصدني مااذا افعل معها
دينا: اتركها وسوف تأتيك باكيه
ابراهيم: لن تأتي لقد فعلت هذا مسبقا ولم تأتني
دينا: اوووه يكفي حديث عنها لقد مللت ودعنا نتحدث عنا
ابراهيم بأستغراب: عنــا؟
دينا: اجل عنا .. هل نسيت انك اقمت علاقه معي امس وقلت لي انني اجمل من شهد الخرقاء والا هو كلام فقط وانت ثمل
ابراهيم(اوووف وشهالورطه): دينا هل يمكن تأجيل الكلام بهذا الموضوع انا مشغول الان (ويقوم ويرن جواله)
ابراهيم(اووووف وشتبي ذي بعد ويرد) الو
روز: اهلين ابراهيم
ابراهيم: ماذا تريدين؟
روز: اريدك انت ..
ابراهيم: الم تأيسي؟
روز: لن ولم ايسأس ابدا
ابراهيم: هل انتي عذراء؟
روز: لا لماذا هل تريد ان
ابراهيم يقاطعها: حسننا سوف اقيم معك علاقه لترتاحي .. انا الان بالجامعه سوف اتي اليك لمنزلك واخذك لشقتي اوكي
روز واستانست انها خطت اول خطوه وياه: حسننا سوف انتظرك عند باب المنزل
::
::
::
::
::
بشـــقـــــة نـــــــور .. بعد ماطلعوا شهد ونور من المسجد راحوا لشقه نور
نور: اليوم حتتغدي معايا اوكي
شهد: اوكي ماعندي مانع.. نور انتي ساكنه لحالك
نور: اه
شهد: واهلك بمصر؟
نور: لا اهلي بكنساس وانا مصريه الاصل لكن معاي الجنسيه الامريكه ماانا مولوده هنا وبعدين انا جايه هنا ببعثه وساكنه بالشقه دي وبشتغل بالكوفي شوب اللي تحت ومعاشي مع الفلوس اللي بيرسلها بابا مستوره والحمدلله
شهد: اهاا حلو
نور: وانتي جايه ع حسابك والا بعثه؟
شهد: لابعثه والدوله تعطيني كل شهر مصروف واحيانا مايكفي .. واختي ترسل لي فلوس شهريا تقريبا .. نور بسألك انتي تقدرين تسددين ايجار هالشقه لحالك
نور: يعني عشان كده بشتغل عشان اوفر الايجار
شهد: وشقتك بكم ايجارها شهريا
نور: بصي انا شقتي صغيره اوي وفيها غرفه نوم وحده بس ايجارها معقول بس بتسألي ليه عاوزه تأجري شقه
شهد: اي والله خاصه اني ماني مرتاحه عند هالعايله احس اني مقيده .. اول الايام كانوا تمام معاي وبعدين احس ان عندهم تعصب شوي وبنتهم دلوعه وتستقعد لي عالوحده كأني مرت ابوها
نور: هههههههه .. طب انتي بتدفعي كم عندهم؟
شهد: تقريبا 1700 دولار شهريا
نور: طيب ايه رأيك تسكني معايا وتدفعي بس اقل
شهد: بس شقتك صغيره وماعندك غير غرفه نوم وحده
نور: شقتي حتكون على قدنا وبعدين انا عندي اوده سايباها مخزن وكل اللي فيها كراكيب حنظفها وتسكن فيها ايه رأيك .. وافقي بقى ماانا الايجار كسر ظهري مرتبي ونص مصروفي له
شهد: مبدئيا موافقه .. بصراحه انا من زمان افكر اطلع من عندهم بس ماادري وين اروح وبعدين انتي بنت عريبه ومسلمه ورح تشجعين اصلي فروضي كامله اللي قمت افوتها اخر الايام وبالمره نشجع بعض برمضان ع الصوم
نور: وووووواااااووو .. واخيرا .. طب تعالي اوريكي الاوده هي نفس اودتي بس باينه اصغر من الكراكيب اللي بيها تعالي اوريكي(ويروحون)
بـــالــــســـــعــوديــــة ببيت بومشعل الساعه 1 بعد منتصف الليل
بغرفه فرح كان سعد عندها ..
سعد: فوفو حبيبتي غمضي عيونك
فرح: اغمض عيوني .. ليه؟
سعد: عندي لك مفأجـأه يلا غمضي عيونك
فرح بدلع: طيب اوكي (وتغمض)
سعد: فتحي الحين
فرح : واووووو هذا عشاني ..؟
سعد: ايه عشانك ياحلو .. طيب فتحي الهديه
فرح: اوكي (وتفتح الهديه وهو طقم الماس)
فرح: واووووو سعد عن جد انا فرحانه ماني عارفه شقول؟
سعد: انا ماابيك تقولين شي ابي اشوف هالفرحه بعيونك
فرح: يابعد عمري والله .. عسى الله لايحرمني منك
سعد: فوفو ممكن طلب؟
فرح/ انت تامر موتطلب
سعد: انتي ماتبيننا نتزوج
فرح: بس احنا متزوجين؟
سعد: احنا متزوجين عرفي ولاا بالخش بعد
فرح: طيب وش المشكله
سعد: للحين موعارفه شنو المشكلـه .. فوفو احنا قررنا نتزوج عرفي عشان نتزوج شرعي بعدين
فرح وتغيرت ملامحها: ايه بس ابوي مستحيل يوافق
سعد: واحنا ليه مسوين كل هذا؟
فرح: وشتقصد؟
سعد: ابوك لمى يعرف العلاقه اللي بيننا رح يضطر يوافق .. وبالمره تفتكين من مرت ابوك وذلها لك
فرح وخافت وقالت: بصراحه ابوي ان درى مارح يسكت وبيسوي لي قصه وبعدين مرت ابوي ان سكتت عنها مارح تسوي شي
سعد: انت تتكلمين جد .. اجل ليش سوينا كل هذا
فرح بأبتسـامه خبيثه: احنا ماسوينا شي احنا متزوجين صحيح زواجنا موشرعي بس قانوني وهذا احنا متمعين ببعض
سعد: انا لونذل رح يعجبني الوضع وماعندي مشكلـه بس احنا اخترنا هالحل المؤقت عشان نحط اهلك عند الامر الواقع ونتزوج
فرح: اوووووه سعد خلك من هالكلام اللي لايودي ولايجيب وخلنا نسولف
سعد: لاحقين ع السوالف احنا لازم نحسم الموضوع الحين
فرح(اوووف وشفيه ذا الحين): اسمعني انا رح افكر بطريقه افاتح ابوي فيها اوكي والحين خلنا نتمتع بوجودنا مع بعض ترى الوقت الحلو يمر بسرعه (وتغمز له ) ^_^
/
/
/
/
/
" مــاذا تفعلين" قالتها لشهد وهي ترتب اغراضها ومتفاجئه
شهد: سوف انتقل من هنا
روز: الى اين؟
شهد: استأجرت شقه مع صديقه لي وقد قلت لامك انني سوف انتقل واعطيتها باقي الحساب
روز: خساره لقد تعودنا عليك
شهد: لاتقلقي سوف اتي للزياره
روز بخاطرها: اووووف انتي لاتهمينني ولكن مايهمني ابراهام ربما لايأتي مره اخرى
(ويرن جوال شهد) شهد: الو هلا ابراهيم تبي تشوفني .. خلاص مرني الحين باي
روز ومافهمت منها الا كلمه ابراهيم: ابراهام سوف يأتي؟
شهد: اجل سوف يأتي ليوصلني لمنزل صديقتي
روز: اها .. عن اذنك ..(وتروح)
((( وبعد ربع ساعه يتصل ابراهيم)))
شهد: الو هلا برهوم خلاص انا بجي الحين
((وبسـيــاره ابراهيــم))
كان جالس ينتظر شهد وتجي روز
روز: مرحبا ابراهيم؟
ابراهيم(اووووه وشهالنشبه): مرحبا روز
روز: تعال لايوجد احد بالمنزل؟
ابراهيم: لا سوف اذهب مع شهد
روز: شهد ايضـا .. ولكنك قلت لي انك لاتحبها
ابراهيم: روز شهد صديقتي فقط
روز: اعلم ذلك .. مارأيـك لو نقيم علاقه مره اخرى
ابراهيم: متى؟
روز: الاااان
ابراهيم: وشهد
روز: دعها تذهب بالتــاكســي
ابراهيم: لا .. سوف اوصلها واعود لكي حسننا يافتاتي
روز: حسننا انتظرك (وتجي شهد)
شهد ومعاها شنطتها .. تسلم على روز وياخذ ابراهيم شنطتها ويحطها بالسياره ويمشون
ابراهيم: وين رايحه .. اقصد ليه ماخذه معك شنطه ملابسك
شهد: رح انقل من عندهم
ابراهيم واستانس: شرايك تسكنين معاي بالشقه؟
شهد: لا ماله داعي رح اسكن مع وحده صديقتي
ابراهيم: مين دينا؟
شهد: لا .. انا ودينا علاقتنا متوتره شوي
ابراهيم: ليه
شهد: غريبه يعني معقوله ماقالت لك؟
ابراهيم: بصراحه قالت لي وانا بصراحه احس انك انتي غلطانه عليها
شهد: غلطانه ليش لاني قلت لها مارح اروح معاها للحفلات والديسكوهات .. ابراهيم انا جايه هنا لهدف معين واحس اني ماعدت مهتمه بدراستي اللي انا هنا عشانها
ابراهيم: انتي من جدك.. يعني اذا طلعتي وتمشيتي مع صديقاتك تكون جريمه
شهد: طلعه عن طلعه تفرق بصراحه انا حركاتي كانت موعاجبتني
ابراهيم: وشقصدك انتي كنتي بكامل قواك العقليه لمى رحتي للحفلات والديسكوهات ومحد جبرك لاتحطين بلاوك على غيرك
شهد: اوكي فايم مارح احط بلاويي على غيري خلاص بس انا قررت اغير حياتي
ابراهيم: وشلون؟
شهد: كــأنـك تتطــنــز
ابراهيم: لااتطنز ولاشي انتي صرتي ممله
شهد: حتى انت ياابراهيم
ابراهيم: شهد ممكن اسألك سؤال؟
شهد: تفضل
ابراهيم: الحين انتي تحبيني والا لا؟
شهد وتوهقت : وشدخل هالسؤال الحين؟
ابراهيم: ممكن تجاوبين؟
شهد: ابراهيم هالسؤال ماله داعي
ابراهيم: طيب ابي اسمع جواب
شهد: ايه احبك
ابراهيم: ودامك تحبيني مثل ماتقولين ليش للحين علاقتنا بارده وجامده والله اني انحرج اذا واحد من الربع سألني عننا مااعرف شقوله
شهد: بس انا دايما معاك وماني مقصره بشي ليش منحرج؟
ابراهيم: شهد خلك واقعيه انا حتى بوسه ماني قادر اخذها منك
شهد: ياسلام وانت ان شاء الله حاط ببالك اني من نوعيه هالبنات
ابراهيم: اللي يحب مايقول هالكلام اللي تقولينه انتي ماتحبيني ياشهد
شهد: ابراهيم انت فاهم حبي لك غلط انا احبك صح بس موبهالطريقه
ابراهيم: اجل بأي طريقه قولي لي والله اني لمى اشوفك دايما واجلس معاك وحتى الحين انتي بجنبي وانا ماني قادر المسك والله شي يقهر
شهد وخافت منه: ابراهيم وشهالكلام انت شارب شي؟
ابراهيم: انا ماني شارب شي .. شهد سمعيني انا تعبت معك انا ابيك تثبتين لي انك تحبيني
شهد: اثبت لك وشلون يعني؟
ابراهيم: شهد بطلي برودك وماله داعي تتباردين علي انا ابي .. انتي عارفه انا شنو ابي
شهد: اسفه ياابراهيم لااخلاقي ولاتربيتي تسمح لي اني اسوي اللي ببالك
ابراهيم: اخلاقك وتربيتك ماتسمح لك تعطين حبيبك حقوقه لكن تسمح لك تسهرين بالديسكوهات لاخر الليالي
شهد وعصبت: اولا انت مو زوجي عشان يصير لك حقوق وثانيا انا بطلت سهر بالديسكو وحتى لمى كنت اسهر كنت اسهر مع اصدقائي واجلس بأحترامي ومااشرب واطلع من الديسكو وانا وافقه وقادره اصلب طولي
ابراهيم: انتي تناقضين نفسك .. قاعده بديسكو بين السكارى وبأحترامك هههههههه .. عموما شهد انا هالوضع مايعجبني
شهد وخافت منه: اي وضع
ابراهيم: وضعنا اسمعني يابنت الناس انا بعطيك مهله تفكرين يااما تسوين اللي قلت لك عليه او
شهد: او شنو؟
ابراهيم: او كل واحد مننا يروح بطريقه انا بصراحه مااقدر اتحمل اشوفك جنبي وماالمسك
شهد وعصبت: ابراهيم نزلني هنا
ابراهيم: لاتخافين مارح اسوي لك شي بنزلك بيت صديقتك وبعدها مارح تشوفين وجهي
/
/
/
/
/
/
" عنـــدي لـك خبـــر حـــلـــو " قالــهـا لزوجــتـة وهي جالسه عالسرير وهو توه طالع من الحمام(الله يكرمكم)
نغم: وشنو هالخبر حبيبي
رائد ويروح يجلس بحضنها : وشنو بشارتي؟
نغم: اللي تبيه بس قولي شنو الخبر
رائد: طيب اللي ابيه انتي اللي قلتي
نغم: ايه اللي تبيه انا عارفه انـك رح تطلب شي واووو بس ولايهمك انا مااقدر اقولك لا
رائد: يابعدهم اللي مايقول لي لا
نغم: رائد بلا دلع قولي وشنو الخبر؟
رائد: الخبر هو اني كلمت اخوي جاسم عن هيفا وطلع يدري وعنده خبر واول مادرى كلم ابوي اللي ماكان عنده مانع والحين ينتظرون امي تجي من السفر عشان يقولون لهـا وتجي وتخطبها
نغم: وواووو والله فرحت لها من كل قلبي الحين بقوم ابشرها
رائد ويمسكها: انتظري انتظري يالمطيوره الحين البنت توها طالعه من تجربه لازم ترتاح شوي وبعدين ياخوفي تقولين لها وترفض جاسم مثل الاول
نغم: يعني مااقول لها؟
رائد: الا انتي لازم تقولين لها بس موالحين لمى ترجع امي من السفر بالمره جاسم يفاتحها ويكون عندها خبر وبعدها تقولين لها عشان يروحون ويخطبونـها
نغم: اوكي الله يعينني اجلس واسكت
رائد: والحين يلا وين بشارتي
نغم: بصراحه الخبر مره حلو وتستاهل البشاره قولي شنو اللي تبيه؟
رائد: انتي عارفه اللي ابيه .. طلب صغير ؟
نغم: لا ماني عارفه ودامه طلب صغير يلا قوله
رائد: لا انتي تقدرين تقرينه من عيوني؟
نغم: رائد وشفيك؟
رائد: مصيبه اذا للحين ماتدرين وشفيني ^_^
/
/
/
/
/
الـــيـــوم التـــالــي ..
هــدوء .. ســكــوت .. ماحد قال صباح الخيـر لحـد .. جالــســين عالفطور مـثل الاغـراب .. عيـيونهم فيها كـلام .. لا فيــها عتــاب وملام .. جلـســوا تقريـبـا ربع ســاعه بدون كـلام .. قطـع الصمت وقال
مشعل: فاطمه ابي اقولك
تقاطعه زوجـته: مشعل موقدام البنت
مشعل: بس هالوضع ماينسكت عنه
فاطمه: ماتقدر تأجل النقاش لبعدين
جوري وحست انـهـا لازم تقوم وقالت: ماما انا كملت حلاص بروح احليكم تتكلمون
مشعل: حبيبتي جوري روحي فوق البسي ملابسك مع الناني وتعالي
جوري: اوكي دادي (وتروح)
فاطمه: وليش قومت البنت؟
مشعل: جوري ماعادت صغيره صارت تفهم
فاطمه: تفهم .. انت ناسي ان عمرها 5 سنوات شلون كبيره وتفهم
مشعل: لاتضيعين السالفه .. وبعدين جوري شبعت وقامت
فاطمه: وانا بعد بقوم بروح البسها ملابس الروضه مااحب اخلي بنتي مع الناني (وتروح)
مشعل: اووووف وبعدين وياك يافاطمه .. شسوي عشان ترضى
(وبغرفه جوري كانت فاطمه جالسه تمشـط شعر بنتها بعد مالبستهـا ملابسـها)
جوري: ماما كلمي بابا ليس ماتكلمينه
فاطمه وتوهقت: هاااه بس انا وبابا تكلم بعض
جوري: ماما اقول سي بس ماتزعلين
فاطمه/ اي ماما قولي
جوري: انا سمعتك انتي وبابا امس تهاوسون بعد وانتي الحين تقولين مافي سي انا افهم كل سي ياماما موانتي تقولين الكدب حلام ليس تكدبين
فاطمه: جوري انا ماما مااكذب
جوري: طيب ليس ماتكلمين بابا الله يخليتس ياماما كلميه انا ابغى اسوفكم مع بعد متل زمان ونلوح الملاهي
فاطمه وحز بخاطرها كلام بنتها: جوري حبيبتي انا موزعلانه من بابا بــس .. اقصد زعلانه شوي والحين خلاص موزعلانه واليوم بنروح انا وانتي واخوانك الملاهي بعد ماترجعين من الروضه اوكي
جوري وهزت راسها بالايجاب وفرحت
فاطمه بخاطرها(يمكن اكون بالغت برده فعلي .. ياربي ماني عارفه اللي اسويه صح والا لا .. بس حتى بنتي الصغيره لاحظت وانا ماابي هالشي يأثر على نفسيتـها .. انا رح اعطيه فرصــة اخيــرة واحاول معاه واتمنى انه يستحق هالفرصه)
/
/
/
/
/
/
بجـامعه الملك فيصــل .. كليــة الطب كان نغم عندها بريك وهيفا بعد وجات هيفا لمبنى كليه الطب وجلست مع نغم بالكافتيرا..
هيفا: تصدقين عاد من هذي اول مره اجي مبناكم دايما جالسه بمبننا
نغم: الحمدلله اننا بنفس وقت البريك ع الاقل نكسب شوفتك
هيفا: اقول نغم شلون متحمله دراسه الطب .. احسه صعب يعني انا ادرس تسويق وبالموت افلح فيه انتي شلون قدرتي تتحملين الطب وملاغته
نغم: لاني احبــه واشوفه حلو .. عادي يعني
هيفا: الله يعينك .. (وتلتفت ع البنت اللي وراها) وشفيـها هذي تطالعك بأحتقار
نغم: هذي بالذات محد عاجبها وشايفه نفسها عالكل هذي اماني اللي قلت لك عنــهـا
هيفا: هذي اماني اللي ماتستحي على وجـهـهـا .. تدرين ان صيتها واصل لمبناننا
نغم: ماعلينا منها الله يستر عليها بس
هيفا وتضحك: ههههه عاد تدرين انتي المفروض تحبينها وتشكرينها بعد
نغم: احبها واشكرها وليش ان شاء الله؟
هيفا: لاتنسيــن انــهـا هي اللي قربتك من زوجــك
نغم: لاوالله اصلا رائد كان بيتفاهم معاي على علاقتنا من قبل ماتشرف خرابه البيوت
(ويضحكون)
::
::
::
::
ومن بعيــد تطالعــهم اماني وصديقاتها بأحـتـقار
سلوى: اماني وشفيهم يطالعون فيك ويتضحكون اكيد يحشون فيك
اماني: يخسون الا هم مايقدرون يتكلمون علي
سلمى: الا واضح شوفيهم شلون يطالعونك ويتكلمون
اماني: اصلا لو فيهم خير كان تكلموا بصوت عالي
سلوى: انا اقول لو نقوم عندهم ونكفخهم (نضربهم) لين يقولون بس خاصه نغم هالبارده ذي
سلمى: اي والله حتى فيني حره عليهم نغم هذي كلش ماتنبلع
اماني: صبروا انا ناويه عليها بس موالحين
سلوى: مو الحين متى اجل لين تطير الطيور بأرزاقها .. اليوم يطالعونك ويتضحكون والله واعلم وشـ يسون بكره
اماني: وشقصدك
سلوى: قصدي ان نغم سوسه ولازم تعطينها على راسها عشان ماتتمادى
سلمى: بس هي للحين ماتمادت
سلوى: وان شاء الله تبيننا ننتظرها لين يطلع لها ساس وراس
سلمى: انا اقول لو نصبر ع الاقل نضربها بسبب موبدون سبب
اماني: وانا اقول لوتسكتون وايد احسن انا عارفه انا شسوي
/
/
/
/
/
الســاعـــة 3 فــجــرا بــأحــد نوادي ميامي الليــلـة .. كان ابراهيم وصديقه السعودي جالسين عند المشرب وسـكـارى
ابراهيم بلكنه صعبه تنفهم من كثر السكر: انا مقهور منــهـا هالبنت
سامي وهو سكران: اي بنت اي وحده فيهم مو حبيباتك واجد كل بنت بميامي حبيتها
ابراهيم: كل البنات اللي عرفتهم وعجبوني او ماعجبوني خذت منهم اللي ابي الا هي
سامي: وليش؟
ابراهيم: هالبنت صعبه تعبتني معاها .. ماقدرت المســها مع انها قدامي 24 ساعه
سامي: مااصدق ان فيه بنت ماقدرت عليها يازير النساء هههههه .. الا هي مين؟
ابراهيم: شهد اااااه منــها ماني قادر اخذ منــها اللي ابيــة
سامي: وشللي تبيه ..؟ وليه ماتقدر؟؟
ابراهيم: وانا وشقاعد اقول من الصبح والا انت سكرت خلاص وموقاعد تستوعب
سامي: شكلي سكرت خلاص
ابراهيم: قول كذا من الاول .. المهم ياصاحبي انا جيت هنا عشانها عشان استفرد فيها واخذ منـها اللي ابي
سامي: وشللي يمنعك؟
ابراهيم: هي تمنعني
سامي: خذ منها اللي تبي غصب عنها
ابراهيم: لا ماابي شي غصب انا كل البنات هم اللي يعرضون نفسهم علي الا هي وهي بالذات ماابي اخذ شي منها غصب ابيها تجي وتتوسل لي وبعدين انا افكر
سامي: واذا ماجات
ابراهيم: ايه موهي ماجات
سامي: والله سالفتك سالفه انت انساها انساها احسن
ابراهيم: ماني قادر انساها اشوفها بكل مكان حتى انت الحين اشوفها فيك
سامي: انت تحبــها
ابراهيم: احبها لامااحبها انا مااحب احد هم اللي يحبوني
سامي: بس هي ماحبتك؟
ابراهيم: وانت وشدراك ليكون قايله لك
سامي: لا انت قايل لي
ابراهيم: لايمكن اكون غلطان انا مااحبها هي تحبني
سامي: اقول انساها وخلنا نشرب مواحنا نشرب عشان ننسى اشرب يارجال اشرب
ابراهيم: اااااه حتى الكاس ماينسيني(ويقول بصوت عالي) شــهــد وينــك ياشهد
/
/
/
/
/
" هيـــفا .. أنت من جدك .. هذي اكبر منك والحين مطلقه بعد كملت الله واعلم ليش تطلقت" قالتها لولدها وهم جالسين بغرفتها
جاسم: يمه هيفا ماعليها قصور وبعدين هالكم سنه اللي بيني وبينها مومهمه
ام رائد: لو ماعليها قصور كان ماتطلقت وبعدين لها كم سنه مملكه وبعدين زوجـها طلقها وش معناه هالكلام
جاسم: مومعناه شي ياما ناس كثير ملكوا وبعدين تطلقوا مافيها شي
ام رائد: الا فيها وفيها بعد .. وبعدين موهذا اللي خذته وفضلته عليك تبي تاخذها بعد مارماها تاخذ فضله غيرك
جاسم: يمه هيفا بنت عمي وانا احبـها وماله داعي تقولين هالكلام
ام رائد: هيفا عجور ومطلقه بعد والاهم من هذا كله انها رفضتك من قبل .. شللي يضمنك انها مارح ترفضك مره ثانيه انا ماعندي مانع انك تاخذها هي بنت عمك وماشفنا عليها شي ودام انك تحبها انا ماعندي اعتراض بس هالعجور مطلقه وانت لازم قبل ماترتبط فيها تعرف سبب طلاقها بعد كل هالسنين موتاخذ اللي يرميه غيرك
جاسم: يمه انا واثق ببنت عمي .. وهالنذل احسن شي سواه انه طلقها لان هيفا اذا ماكانت لي مارح تكون لغيري
ام رائد: خل عنك هالكلام ياقيس وقبل عواطفك فكر بكرامتك ولازم تعرف هي تطلقت ليش؟
جاسم: يمه هالموضوع مايهمني هذا شي خاص فيها وانا ان خذت هيفا مالي دخل بماضيها كل همي حياتها معاي وبس لان هيفا ان وافقت علي رح اعتبر ان حياتها من قبل زواجـنا ملك لها وبعد الزواج حياتها ملك لي
ام رائد: اوووه وشوي وتقول شعر بس اقول ياقيس من الاخر انا مارح اروح لها واخطبها لاهي بنت وزير ولاسفير ولاحتى امها سيدة مجتمع عشان اخطبها منها ولااا كملها عمك وخذا وحده فقيره اكبر من بناته بكم سنه .. انا من الحين اقولك مارح اخطبها بيتهم مافيه حد سنع اكلمه انت خذ رايها بالاول يمكن ماتوافق وتوفر على نفسك الاحراج للمره الثانيه
جاسم: لايمه انا عندي احساس انها رح توافق
ام رائد: خل احساسك لك وخذ راي البنت موناقصين فشايل وان وافقت خل ابوك يكلم عمك وكملوا كل شي انتوا ..
جاسم: طيب وانتي يايمه وشرايك؟
ام رائد: انا ماعندي مانع دامك تحبها صحيح هي موعاجبتي بس هي مارح تعيش معاي ولا شي يمكن لانك تحبها رح تسعدك ... المهم عندي انك تكون سعيد بس قبل كل هذا لازم تعرف رايها
/
/
/
/
/
" مااتوقع ترفض .. جاسم رجال وماعليه كلام" قالتهــا لزوجــها وهم جالسين عالغدا
رائد: بس ولو لازم تاخذ رايها بالاول وانتي اللي رح تسألينها
نغم: أنـــا ...
رائد: ايه انتي وبعدين انتي وياها علاقتكم زينه
نغم: اوكي انا ماعندي مانع اليوم رح اعزمها عندي ورح اكلمـها بالموضوع واشوف رايـها بجـاسم
::
::
::
::
::
" جــاســم " قالتها لبنت عمها بأستغراب وهي جايه عندها زياره
نغم: ايه جاسم وشرايك فيه؟
هيفا: من اي ناحيه؟
نغم: امممم من اي ناحيه انتي تحبينها
هيفا: ههههههههه ... بصراحه انا مااعرف عنه كثير يعني علاقتنا ببيت عمي مولينهناك بس الولد خوش رجال
نغم: وشرايك فيه كزوج؟
هيفا وحست من كلام نغم ان فيه شي: زوج ... للأسف ماتزوجته عشان اعطيك رايي
نغم: شوفي انا اقدر الف وادور واعطيك مقدمات طويله لها اول مالها اخر بس خلاصه الكلام جاسم يبي يخطبك وقبل مايتقدم يبي يعرف رايك عشان ماتردينه مثل المره اللي فاتت
هيفا: رديته عشان سعد وياليت كان يستاهل عاد
نغم: سعد صفحه وانتهت ومانبي نتكلم عنـها .. المهم جاسم ولد عمك وشاريك والدليل انه اول ماعرف بموضوع طلاقك جاء بسرعه يخطبك وبصراحه ياهيفا نادرا ماتلاقين رجال مثله بهالزمن يحبك ومتمسك فيك ويتمنى لك الرضا واعذرني بس رح تكونين غبيه لوماوافقتي جاسم ماينرد
هيفا: ماادري بصراحه ..
نغم: وليش ماتدرين.؟
هيفا: والله ماادري يعني انا توني طالعه من تجربه فاشله و
تقاطعها نغم: قلت لك انسي هالتجربه وبعدين جاسم يحبك ويموت فيك ويتمنى لك الرضا .. يعني وافقي احد يحصل له حد يحبه ويرفض وبعدين فيه مثل يقول خذ اللي يحبك ولاتاخذ اللي تحبه
هيفا: بصراحه ماادري ولاتنسين يانغم انه اصغر مني
نغم: اللي يسمعك تقولين اصغر مني يقول كان بينكم عشر سنين كلها الا سنيتن مدري ثلاث ياهيفا انتي كذا والا كذا رح تتزوجين فـ اختصري وخذي اللي يحبك ويتمناك
هيفا: ماادري والله هالموضوع يبي له تفكير هذا زواج مولعبه وياخوفي اتسرع مره ثانيه واندم
نغم: خذي راحتك وفكري وقبل كل هذا استخيري وخذي وقتك واذا ماارتحي للموضوع مولازم توافقين بالنهايه الزاوج قسمـه ونصــيـب
هيفا: صح (وتجي الخدامـه وتحط لهم الحلا)
هيفا: واوووو كنافه من زمان ماكليتها
نغم ولاعت كبدها: وييييع واللي يعافيك هيوف ماخلق اشوفها .. ميري تعالي شيلي الحلا
(وتشيله ميري)
هيفا: وشفيك شلتي الحلا
نغم: مااشتهي ريحتها .. بخليها تحط لك الحلا تأخذينه معك وانتي طالعه انا مدري ليش سوته ميري هالعله صايره ماتسمع الكلام
هيفا: طيب خليها تحطه الحين لاني بروح البيت تأخرت
نغم: توا الناس
هيفا: اي توا الناس بكره عندي اختبار وابي اروح انام ... وبصحى بالليل اذاكر ..
نغم: اوكي الحين بروح اقولها .. بس لاتنسين تستخرين وتفكرين بالموضوع اللي قلت لك اياه
هيفا: طيب بفكر
/
/
/
/
/
رجـع للبيت بالليــل والبيت هـادى ومافيه صوت وراح لغرفه نومه وشاف زوجـته بسابع نومــه .. وراح يتأمــلــها وهي غرقانه بالنوم
رائد: يابعد عمري يانعم .. رايحه بسابع نومه ودي اسولف معك بس رح اخليك نايمه (ويبوسها ع راسها .. ويروح للحمام ياخذ شور سريع ويغير ملابســه ويلبس بيجاما .. وتقوم نغم)
نغم وهي تفتح عينها بصعوبه: رائد انت هنا
رائد: اوووه من زمااان صح النوم
نغم: صح بدنك
رائد ويروح لها : جيت من زمان و
تقاطعه نغم: يييييع حبيبي ريحه عطرك مره موحلوه ممكن تغير لبسك
رائد: نغم وشفيك هذا عطري دايما استعمله
نغم وقامت: رائد بصراحه ريحته مره اوفر بليز غير ملابسك عشاني
رائد: اوكي مثل ماتحبين (ويروح يغير ملابسه ويجي لعندها)
رائد: كذا اوكي
نغم: ايه الحين اوكي .. تعالي اجلس جنبي
رائد: اخاف اجي وتفشليني زي قبل شوي
نغم: ههههه سوري حبيبي موقصدي
رائد: يابعد عمر حبيبك انتي عشان هالضحكه الحلوه انا رح انســى الموقف اللي صار قبل شوي
نغم: مع اني اشوف ان الموقف عادي بس اوكي اهم شي انك تنساه
رائد: حبيبتي
نغم: هلا
رائد: كلمتي هيفا بموضوع جاسم
نغم: ايه جات اليوم عندي وكلمتها
رائد: وش رايها
نغم: قالت بتفكر وتستخير وبعدين بترد
رائد: طيب انتي حسيتي من كلامها انها موافقه
نغم: بصراحه ماادري عنها يمكن يكون احساسي بوادي وموفقها بوادي ثاني بس انا قعدت اقنعها وقالت بتستخير وتشوف
رائد: ياليت توافق والله جاسم رح يموت من الفرحه ان وافقت
نغم: حتى انا رح استانس لها هي وجاسم يستاهلون بصراحه والله يوفقهم
رائد: المهم الحين خليك منهم وخلينا فينا
نغم: واحـنا وشفينا؟
رائد: انتي عارفه وشفينا^_^
/
/
/
/
/
" بصــراحــه رح تكونين غلطانه اذا ماواففتي " قالتها لهيفا لمى جات تاخذ رايها
هيفا: بصراحه انا متردده
هبه: طيب صلي استخاره وشوفي
هيفا: صليت
هبه: طيب ارتحتي والا لا
هيفا: بصراحه ارتحت بس ماابي اتسرع
هبه: انتي من شنو خايفه موكل الناس سعد .. وبعدين هذا ولد عمك وشاريك وقلبه على قلبك احسن من الغريب
هيفا: اي عارفه بس
هبه: بس شنو انا حاسه انك موافقه بس تبين احد يشجعك
هيفا وانحرجت: لا موكذا بس انا فكرت وبعدين جاسم يحبني ويبيني من زمان و
هبه تقاطعها: اجل خلاص نقول مبروك
هيفا: ماادري .. انت وشرايك؟
هبه: والله انا مااعرف الولد بس اللي اعرفه من كلامكم انه يحبك وشاريك والوحده مننا بهالزمن اذا لقت رجال يحبها ومتمسك فيها لازم تتمسك فيه بأيدها واسنـانــها
هيفا: هههههه عاد ايدها واسنـانــها .. حلو التشبيه
هبه: تدرين لو ابوك يدري رح يستانس لك ولانه رح يتطمن عليك مع ولد عمك
هيفا وهي منحرجه: اجل خلاص انا رح اقول لنغم تلبغ جاسم موافقتي وبالمره عمي يكلم ابوي
هبه: كلووووووش
هيفا وانحرجت: وييييه قصري صوتك فضحيتننا
هبه: لافضحتك ولاشي كلها كم يوم وتتزوجين وارقص بعرسك بعد
هيفا وابتسمت: كم يوم عاد ليش تستعجل؟
هبه: اي مواجازه نص السنه مابقى عليها شي سوي عرسك فيها وسافري كم يوم واستانسي والا خذي تأجيل من الجامعه بالمره
هيفا: بييييه موكأننا نجهز الدواء قبل الفلعه
هبه: هههههه اي مافيها شي لازم نعرف شنو لنا وشنو علينا
هيفا: طيب انا بس جيت اقولك الموضوع وخليه بيننا لاتعلمين ابوي خل عمي يقوله احسـن زين
هبه: من عيوني ماطلبتي شي
هيفا: يلا عن اذنك تصبحين على خير
(وتطلع هيفا من غرفه هبه وتشوف فرح بوجـهـهـا)
فرح: خير ان شاء الله وشفيك انتي وهالعله صوت الضحك واصل لسابع جار
هيفا وتطالعها بأحتـقار: موشغلك مابقى الا انتي بعد اقولك (وتروح وتخليها)
فرح: اووووه شوكتك صايره قويه يالعله .. الله ياخذك
/
/
/
/
/
/
/
الســاعــــه الرابــعـــه عصـــرا .. بتوقيت ميــامي فلوريدا .. كانت شهد جالسه بكافتيرا الجامعه ويجيها ابراهيم
ابراهيم: ممكن اجلس
شهد: تفضل
ابراهيم ويجلس: فكرتي بكلامي
شهد: ايه فكرت وانا افضل اننا ننفصل ياابراهيم انا موجب وانت سالب والسالب والموجب عمرهم مايتفقون
ابراهيم: شهد انا احبك
شهد وتفأجـأت حســت ان هالكـلمـه طالعه غير كل مره حسـت هالمـره انه صادق بهالكلمه: ..........
ابراهيم: شهد شهد
شهد: واللي يحب ياابراهيم يطلب اللي انت طلبته
ابراهيم: انا كنت غلطان اسف
شهد: طيب
ابراهيم: شنو طيب انا ابيك تسامحيني
شهد: اخاف اسامحك وترجع مثل اول وتطلب مني اشياء ماتوقعت اسمعها منك خلنا كذا منفصلين وانا محتفظه بصوره حلوه لك بداخلي احسن من اننا نرجع لبعض وصورتك متشوه بداخلي .. عن اذنك عندي كلاس (وتقوم)
ابراهيم: انا تسرعت ياليتني ماطلبت مـنـها هالطـلـب .. شهد مومثل البنات اللي عرفتهم شهد غير
/
/
/
/
/
بـــعــــد عـــدة أيــام .. تمــت خــطبــة هيــفا والكـل كان فرحـان لــها ماعدا فرح اللي كرههـا لاخـتـها كل يوم يزيــد عن اليوم اللي قبــلـة وحــددوا العرس بعد أسـبوعيــن على ماتجهـز هيفا وتخلص اختباراتها .. وبالمـرة سوت هيفا تأجيل للترم اللي بـعده عشــان تــسـافر شـهر العســل ... اما ابراهيم ماقدر بحضر العرس عشـان اختبـارات الجامعــة ... وبشرى اللي كلمتهم واعتذرت لانها ماتقدر تــجــي ,,,,
وبيـوم العـرس تحديدا ببيت رائــد كانت نغم جالسـه تتابع برنامج بالتلفزيون عن الحمل
نغم: اووووف هالاعراض اللي يتكلمون عنــهـا انا احس فيــهـا .. معقولــه اكون حامل لالا وين انا توني متزوجـه شلون احمل بهالسرعه ..طيب شلون بعرف .. اممم اشتري لي تحليل منزلي من الصيدليه واشوف (ويرن جوالها )
نغم وابتسمت: رئودي(وترد) الو هلا رائد وينك ايه جاهزه ابي امر الصالون اوكي انتظرك باي (وتسكر التلفزيون وتروح غرفتها تلبس عبايتــهـا)
((وبــالمــشــغل ,,, كانوا هبــه وهيــفا وفاطمــه بمشـغل واحــد ,, ))
نغم بعد ماخلصت مكياجـها راحت للعروس وقالت: قولي لي ياعروس شلون نفسيتك
هيفا/ نغووم والله فاضيه انا حالتي حاله وانتي تكتين
هبه: ههههههه الليله ليلتها يانغم اعذريها موفاضيه لنا
فاطمه: ويييه بنات خلاص سكتوا شوفوا شلون ضاعت علومها
البنات: هههههههههههه
هيفا وهي منحرجه: ياسلام الحين صرت انا كبش الفداء انا بقوم عنكم احسن لي وبروح اسوي الميك والتسريحه
فاطمه: ايه واللي يعافيك لاتتأخرين اخوي ينتظرك على نار
الكل: هههههههههههههههههههه
(( ومـــر الــعــرس ومافي احـســـن مــنــــه وبعد العرس الكل رجع للبيت ))
ببيت بومشعــل كانوا توهم داخليــن .. وراحت ام مشعل لغرفتها عشان تنام وماقدرت تنام بسبب صوت الاغاني والتلفزيون العالي من غرفه اعيال هبــه
ام مشعل: اووووف هذي بعد موحــالــة انا بوريهم هالشياطين
(( وتروح لهم))
ام مشعل: انتو هيي سكتوا ازعجتنوننا نبي ننام
رزان: لا مانسكت هذا بيت ابوننا كيفنا
ام مشعل: تخسون الا انتو لابيت ابوكم ولاشي هذا اللي الناقص عيال الفقارى يسرحون ويمرحون بالبيت
رزان: راكان ريان يلا نلعب ماعلينا منها
ام مشعل: ياقليله الادب وتحقرين بعد انا بوريك(وتجي تروح وتمسكها الخدامـه)
الخدامه لين: ماما اطلع برى يلا مافي يدخل هنا مره ثانيه
ام مشعل وعصبت: اتخسين الا انتي هذا اللي ناقص انتي تتأمرين على والله اخر زمن اللي الخدم قاموا يطولون لسـانـهم علي بعد (وتجي هبه)
هبه: خير ان شاء الله ياام مشعل وهالازعاج
ام مشعل: والله هالازعاج من اعيالك وصوت التلفزيون اللي مايخلي حد ينام
لين: ماما مدام يبي يضرب بيبي
هبه وعصبت: تخسي الاهي وكسر بيدها قبل ماتنمد سمعيني ياعجوز خيبر اذا تبين تجلسين بهالبيت قعدي بأحترامك فاهمه هذا بيتي وبيت اعيالي واذا تبيننا نقعدك قعدي بأدب والا الباب يوسع جمل
ام مشعل: هين هين ياوجـة ابـلــيــس (وتروح)
هبه: ابليس ياخذك انتي وبنتك فرح بليله وحده ويفكني منكم ان شاء الله
/
/
/
/
" واخيـــرا واخيـــرا .. صرتي لي" قالها لزوجــتــة وهو يطالعها بكل حب
هيفا وهي ميته من الرعب: .............
جاسم: هيفا تكلمي ابي اسمع صوتك
هيفا: بصوت بالكاد ينسمع: انا انا بقوم اغير فستاني
جاسم: اوكي انا بطلع عشان تاخذين راحتك
هيفا بنفس النبره: لاا انا بغيره داخل (وتقوم)
جاسم بخاطره(واخيرا هيفا صارت لي)
ودخلت هيــفـا للغــرفــة اللي داخـل وراحت تدور لها قميص نوم محتشم عشـان تلبســه
هيــفا وهي تطلع القميص اللي اختارته مسبقا وكان طويل ومحتشم وبنفس الوقت جذاب عليها وضيق على جسمها وضبطت تسريحتها وفتحت شعرها وسرحته بشكل كيوت وطلعت لجاسم اللي كان منتظرها على احر من الجمر
هيفا وجلست بالصوفا اللي مقابلته وماعلقت
جاسم: اطلب لك العشــاء
هيفا هزت راسها بالايجاب
جاسم/ طيب شنو حابه تتعشين
هيفا: مثل ماتحب
جاسم: انا احب اللي انتي تحبينه
هيفا واستحت ونزلت راسها ع الارض
جاسم: هيفا اذا ظليتي على هالوضع مااتوقع رح تتعشين ابد ..
هيفا: ........
جاسم: الظاهر شكلي اتكلم مع نفسي (ويروح يجلس جنبها وانحرجت زياده)
جاسم: اووووف صايره كأنك طمامه من الخجل كل هذا عشاني جلست جنبك خلاص بقوم
هيفا: .............
جاسم: افااا ولاحتى قلتي لا اقعد شكلك تبينها من الله
هيفا: ..............
جاسم: شسالفه .. رح نقعد طول الليل ساكتين
هيفا وبصوت بالكاد ينسمع: ماعندي شي اقوله
جاسم: طيب وشرايك اطلب لك عشا من اختياري لاني لو اجلس على رايك مارح نتعشى ابد
هيفا وابتسمت
جاسم: واخيرا شفت هالابتسامه الحلوه الله لايحرمني منـها
هيفا انحرجت وراحت لداخل
جاسم: اووووف هذي حدها خجوله شلون رح اتعامل معاها بس والله يابختي فيـــهــا .. خلني اطلب عشـا واروح لهـا ...
/
/
/
/
/
ببيت رائد كان رائد بغرفه النوم ونغم بحمام الغرفه اللي يكرمكم .. وداخل الحمام .. كانت نغم تسوي تحليل حمل منزلي ...
نغم وهي تنتظر النتيجـه: اوووف يلا يلا .. النتيجه ايجابيه .. معقوله اكون حامل .. معقوله رح اصير ام
(وتسمع صوت رائد)
رائد: يلا نغم وينــك ...
نغم وهي مستانسـه: اوكي دقيقه .. امممم لازم اسوي تحليل دم واتأكد وبعدها اقول لرائــد ... بس شلون رح اقول له .. اممم صح فكره اسافر وياه لمكان شاعري واقوله .. يارب تطلع النتيجه صح يارب .. بكره بروح الجامعه مع السواق عشان اول مااخلص واشوف نتيجتي بالجامعه وبعدها اروح للمستشفى احلل
/
/
/
/
/
/
الـــيـــوم الــتـــالــي ...
بالجـامعه راحت نغم من بدري مع السواق عشان تشوف نتيجـتــها .. واول مادخلت الجامعه شافت اماني بوجـههـا
اماني: صباح الخير تأخرتي يامدام انا من الصبح انتظرك
نغم ومالها خلقها: تنتظريني .. حلوه هذي اصلا انا مابيني وبينك كلام
سلوى: صح واصلا امونه مايشرفها انها تكلملك بس انتي لازم تعتذرين لها قدام كل بنات الكليه ع الكلام اللي طلعتيه
نغم: انا موراعيه كلام عشان اطلع عن احد شي وبعدين انا ليش قاعده اضيع وقتي معاكم انا ماشيه
(وتجي تروح وتوقف لها سملى: وين وين هو دخول الحمام مثل خروجه
نغم: وخروا عني خلوني امر ترى كلش موفاضيه لكم
اماني: ايه بس فاضيه تطلعين علي كلام قدام بنات الجامعه
نغم: الحمدلله والشكر انتي تغالطين نفسك مين اللي طلع كلام على مين
سلوى: انتي اللي طلعتي كلام عن امونه عند كل بنات الكليه وبالاماره قلتي لهم ان امونه تلاحق زوجـك
نغم: انا مانشرت هالكلام قدام حد وعموما هالكلام صحيح وقولي لامونتك تلعب بعيد ترى هي موقد بيت الراسي
اماني: اوووه تهددين عيني عينك (وبصوت عالي) سمعوا يابنات الكليه سمعوا هالنغم السوسه اللي تطلع علي كلام وتقول اني اواعد زوجها الحين جالسه تهدد وتتوعد
(ويتجمعون البنات)
نغم بأشتمئزاز: الحمدلله والشكر وشهالاسلوب السوقي هذا مواسلوب وحده جامعيه
سلمى: الظاهر بنت الراسي رح تعلمك شلون تتكلمين
سلوى: والله انا اقول لونمسكها ونضربها ونعلمها قدرها وايد احسن
نغم: ماني مصدقه انكم وصلتوا لهالمرحله لان عقلكم لسى ماعدى المرحله الابتدائيه (وتجي تروح ويمسكونها اماني وصديقاتها ويطيحون فيها ضرب ويحاولون بنات الكليه يفكونها منهم الا انهم ضربوها بكل قوتهم)
/
/
/
/
/
ببيت بومشعل كانت هبه جالسه تطالع تلفزيون بالصاله وتجي بنتها رزان تبكي
رزان ببكاء: ماما المره ضربتني
هبه وجن جنونها: المره أي مره هذي اللي مدت يدها عليك
رزان: المره الكبيره العجوز
هبه: جنت هذي انا بوريها (وتروح لغرفتها)
هبه : ام مشعل ووجع
ام مشعل بشرها المعتاد: ووجع يوجعك ويوجع اعيالك وشتبين
هبه: انتي شلون تتأجرئين وتمدين يدك على بنتي
ام مشعل: اعيالك كلهم مزعجين وقليلين ادب وحتى خدامتهم مثلهم وانا بصراحه طفح كيلي منهم
هبه: البيت هذا بيتهم ويسون اللي يبونه
ام مشعل: لابيتهم ولاهم يحزنون ليكون ورثوه من ابوهم
هبه: وتطولين لسانك بعد ياعجوز النار
ام مشعل: احترمي نفسك حشمناك انتي واعيالك موحق الحشيمه مالت عليكم كلكم
هبه: هيــن هيــن ياام مشعل ان ماقلعتك من هالبيت مثل الكلبه مااكون
ام مشعل وتقاطعها: الكلبه امك اللي جابتك وكل اهلك والحين يلا انقلعي انا بنام(وتسكر باب غرفتها بوجهـهـا)
هبه وهي بقمه غضبها : هين ياام مشعل انا لك
((وتروح لغرفتها وتحط شنطه ملابسها ويكون زوجـها توه جاي من الشغل))
بومشعل: خير خير حبيبتي ليش ماخذه ملابسك وين رايحه
هبه: انا مالي جلسه بهالبيت ولادقيقه وحده
بومشعل: ليه خير ان شاء الله
هبه: اسمعني يابومشعل انا اللي علي سويته واكثر بعد مرتك هالسوسه طولت لسانها علي قلت معليه مايخالف افوت عشانك .. تسبني 24 ساعه وتسوي حركاتها السيخيفه اتحمل لاجل عين تكرم مدينه لكن توصل فيها المواصيل انها تضرب بنتي وتسبني وتسب اهلي لا هالشي اللي لايمكن اسكت عنه ابد
بومشعل: ضربت بنتك ليه ؟
هبه: لاوالله مومهم ليه المهم تاخذ لي حقي منها ياتاخذ حقي يامالي قعده بهالبيت ولادقيقه
بومشعل: لاياهبه البيت هذا بيتك وبيت اعيالك
هبه: خلاص حلو وصلت لبيت القصيد دامه بيتي وبيت اعيالي انا ماابي زوجتك السوسه فيه
بومشعل: أي وين تروح
هبه: موشغلي تروح لولدها.... للعفاريت الزرق... لجهنم الحمرا ... موشغلي انت لازم تختار والحين ياانا ياهي
بومشعل: حبيبتي لاتكبرين الموضوع وانا
هبه تقاطعه وهي بقمه غضبها: موالموضوع كبير اصلا انت لو شايفها شلون تكلمني وشلون ضربت بنتي بلا رحمه كان ماجلست ترد علي ببرود.. اسمعني ياجاسم انا قلت لك كلمه ومارح اثنيها ياانا ياعجوز النار بهالبيت وماابيها بس تطلع من هالبيت ابيها تطلع من حياتك بعد
بومشعل: وشقصدك؟
هبه: ابيك تطلقها ياتطلقها او تطلقي
بومشعل: طيب والاعيال
هبه: أي اعيال يابوالعيال اعيالك كبار ومومحتاجين لها وكل واحد مستقل بنفسه لاتقعد تلف وتدور الحين تعطيني جواب بتطلقها والا اطلع وترسل لي ورقتي
بومشعل ســكــت لثــوانـي ثم قــال
(( انــتـــهــى الجزء التاسع عشر))
الجـــزء العـــشــــرون ..
بومشعل: حبيبتي لاتكبرين الموضوع وانا
هبه تقاطعه وهي بقمه غضبها: موالموضوع كبير اصلا انت لو شايفها شلون تكلمني وشلون ضربت بنتي بلا رحمه كان ماجلست ترد علي ببرود.. اسمعني ياجاسم انا قلت لك كلمه ومارح اثنيها ياانا ياعجوز النار بهالبيت وماابيها بس تطلع من هالبيت ابيها تطلع من حياتك بعد
بومشعل: وشقصدك؟
هبه: ابيك تطلقها ياتطلقها او تطلقي
بومشعل: طيب والاعيال
هبه: أي اعيال يابوالعيال اعيالك كبار ومومحتاجين لها وكل واحد مستقل بنفسه لاتقعد تلف وتدور الحين تعطيني جواب بتطلقها والا اطلع وترسل لي ورقتي
بومشعل ســكــت لثــوانـي ثم قــال : هبه انتي كل شي بالنسبه لي وانا ماعرفت السعاده الحقيقه الا لمى تزوجتك ومااقدر اضحى فيك مهما كان الثمن .. اما ام مشعل انا ماابيها وطابت نفسي منـها واذا استمرار زواجنا يزعجك انا بطلقها
هبه واستانست: عين العقل ياقلبي صدقني لمى تطلقها رح نفتك من كل هالمشـاكـل .. حبيبي تروح الحين للمحكمه وتطلقها غيابي وتعطيني نسخه من ورقه الطلاق .. وبعدهـا تطلع من هالبيت وتروح لولدها ونفتك منـها ,,
بومشعل: حاضر ياحبيبتي ماطلبتي شي ..(ويروح)
هبه : تســتاهليــن ياام مشعل هذا جزاك لانك تجرأتي ومديتي يدك على بنتي .. جزاك واقل من جزاك .. واخيرا طلعتي من حياه زوجي للأبد ورح يطلقك وافتك منك
/
/
/
/
/
/
" طلقني .. مين قالك " قالتها لبنتها وهي مصدومه
فرح وهي مقهوره: ماما ابوي توه جاي عندي وقايل لي انه بيروح المحكمه وبيطلقك غيابي واول مايرجع يبيك برى البيت"
ام مشعل: لا لامومعقوله ابوك مايسويها ويتخلى عني بهالسهوله مستحيل يسويها
فرح وهي ماسكه دمعتها: ابوي سواها وخلاص وانا بكيت عنده وترجيته وقلت له انك مالك غيرنا ورد علي وقال انك رح تسكنين مع مشعل واذا انا ابيك اروح وياك ماما ابوي شكله بايع
ام مشعل وهي مقهوره: ابوك موشكله الا فعلا بايع باع العشره والسنين اللي قضيتها وياه حسبي الله ونعم الوكيل على ابوك وعلى الايام السودا اللي قضيتها معاه هذا جزاي ضيعت شبابي ونص عمري معاه بالاخير يطلقني عشان وحده ماتسوى وحده من الشارع
فرح وهي تبكي : يمه هبه هذي حيوانه من دخلت بيتنا فرقتنا واحد واحد حسبي الله عليها
ام مشعل وهي تبكي: هبه هذي انا مارح اخليها انا بوريها ورح انتقم منها واسوي فيها اخس من اللي سوته فيني (وتدخل هبه(
هبه: تخسين الا انتي وش بتسوين يعني اقول نصيحه لمي اغراضك من الحين بيتي يتعذرك
فرح وعصبت: هذا بيت ابوي موبيتك
هبه: وطلع لك لسان يابذر ابليس
ام مشعل: ابليس ان شاء الله ياخذك قولي امين
هبه: مب قايله وان شاء الله ياخذك انتي وبنتك بليله وحده وافتك منكم (وتشوف فرح تبكي على امها)
هبه: اووووه قالبينها فليم هندي هنا فرح ام القساوه والخباثه وقله الادب تبكي وتعرف الدموع ياسبحان الله وين كان ضميرك ودموعك لمى
فرح تقاطعها: خلاص هبه سكتي الله يخليك انا مادست لك على طرف
هبه: تخسين اصلا ماتقدرين تسويها عشان احش رجولك ورجول امك بعد
فرح: طيب ممكن تطلعين ابي اودع امي
هبه: قطعتي قلبي والله .. لاتنسين ان هالبيت بيتي وانا الداخله وانتو الطالعين وبعدين اذا حزينه على امك هالكثر ويصعب عليك فراقها لحقيها وروحي معاها عند اخوك مشعل اوووه اقصد بيت فاطمه مرته روحوا لها خلوها تلعب فيكم لعب .. الله يالدنيا زمان انتي وامك كنتوا تطولون لسانكم عليها وماتحشمونها والحين لازم تترجونها وتبوسون رجولها يالله ترضى تضفكم ببيتها
ام مشعل وعصبت: انا بوريك يالخايسه (وتجي تضرب هبه ولكن جات وحده من الخدم ومسكتها وبسرعه جات وماتدري ام مشعل من وين طلعت هذي الشغاله اول مره تشوفها)
هبه: حطي ببالك مارح تقدرين تمدين يدك علي اعرفك على البودي غارد الخاصه فيني عشان تحميني منك ومن بنتك والحين يلا لمى اغراضك وطلعي بسرعه قبل مااغير رايي واخليك تطلعين بالملابس اللي عليك
ام مشعل نزلت دمعتها من القهر
هبه: تصدقين كسرتي خاطري اول مره احس انك انسانه مثلنا وعيونك تدمع مثلنا ياليت دموعك تغسل لك ذنوبك وظلمك .. (وتطلع)
فرح: يمه وش رح تسوين الحين
ام مشعل: مدري بتصل باخوك مشعل وبخليه يجي يشوف وش السالفه
فرح: طيب بسرعه يمه قبل مايجي ابوي ويلاقيك لسى بالبيت وتكبر السالفه
/
/
/
/
/
/
/
بكـــليـــة الطــب ...بعد مااخذت نغم العلقه الساخنه نزفت ونقلوها للمستشفى القريبه من الجامعه .. وطبعا اداره الجامعه مسكت الطالبات اللي ضربوها عشان يخلون مسؤوليتهم من ضربها وخاصه من بعد مانزفت نغم واغمى عليها وقالت لهم انها حامل ..
بالاداره.. كانوا اماني وسلمى وسلوى جالسين بالانتظار
سلوى: حسبي الله عليك يااماني مالقيتي تلعبين الا مع بنت الراسي
اماني: اماني واللي يعافيك مالي خلق اسمع صوتك موفكره الضرب كانت فكرتك
سلوى: ايه فكرتي بس ماقلت تكفرين فيها لو صار للبنت شي الحين اهلها مارح يسكتون
اماني: لاوالله كان قلتي لنفسك هالكلام بدل ماتتفلسفين علي
سملى وهي معصبه: بس بنات هذا وقتكم احنا في شنو والا شنو ادعو ربكم ان مايصير لها شي وبعدين لاتنسون اننا ضربناها لين نزفت وكل البنات شافوننا الله يستر لـ يصير بالجنين شي ونروح فيها
اماني: يارب تقوم بالسلامه والله اني خايفه
سلوى: مالت عليك انتي وياها لافات الفوت ماينفع الصوت انتو على بالكم اذا قامت بالسلامه رح تسكت لنا وتقول سامحتكم وحتى لو سامحتنا زوجها مارح يسكت انا اقول بدل الادعيه وهالكلام الفاضي خلونا ندور لنا على محامي شاطر لاننا رحنا فيها واكيد رح ترفع علينا قضيه
اماني بخوف: قضيه ليش السالفه رح توصل للشرطه
سلمى وهي خايفه : لا ان شاء الله مايوصل الموضوع لهالحد انا اهلي ان دروا رح يطلعوني من الكليه بروحهم بنتظرون الزله علي
اماني : وانا بعد اهلي مارح يكتفون بهالشي الارح يزوجوني لاول كلب يدق بابنا
سلوى: ودام اهلكم هالقد معقدين ليش مسوين روحكم ومسببين كل هالمشاكل عموما احنا كلنا بنروح بداهيه وخلكم مستعدين ومتوقعين أي شي انا اهم شي عندي اني اكسب القضيه موناقصه انسجن على موضوع تافهه مثل هذا(وتقوم وتدخل الاداره))
سلوى: لو سمحتوا نبي نروح البيت وبعدين
المراقبه: والله ماتستحين على وجهك فوق شينك قواه عينك عموما خلوكم جالسين برى لين مانلاقي رد من المستشفى احنا مارح نتحمل مسؤوليتكم خلوكم جالسين لين تجي الشرطه وتستلمكم
سلوى: تكلمي معي بأدب انا ماقتلت لك قتيل عشان تكلميني من طرف خشمك(وتروح)
المراقبه: بنات اخر زمن .. صدق من قال ان لم تستحي فأصنع ماشئت
(وبغرفه الانتظار راحت سلوى لصديقاتها)
سلوى: قالت مراقبه الزفت ان الشرطه رح تجي وتستلمنا الله يستر
اماني وسلمى بخوف: الشرطه ..؟؟
/
/
/
/
/
بالمســتـــشـــفــــى
كان رائد ينتظر نغم اللي بغرفه العمليات وطلع الدكتور
رائد: هاه بشر يادكتور
الدكتور: الحمدلله تطمن مرتك الحين تجاوزت مرحله الخطر وصارت بخير ... بس للأسف الجنين مات الضرب كان قوي وماقدرنا نحافظ على حياه الجنين لانه حتى ماكمل الشهر الله يعوضك والحمدلله على سلامه المدام
رائد وحس ان الدنيا دارت فيه وقال للدكتور: الجنين مـــات ... ليش نغم حامل؟
الدكتور: نغم كانت حامل .. ليش انت ماتدري ..؟ عموما احنا لازم نسوي تحقيق بهالموضوع لانه باين انه فعل فاعل
رائد وهي بقمه غضبه تمالك نفسه وقال: دكتور احنا موبس نسوي تحقيق اللي سوى هالشي لازم يتجازى على فعلته انا مارح اسكت على دم ولدي واطالبك بالتحقيق من الحين وانا رح ارفع عليهم قضيه .. بس يادكتور انت ماتدري مين اللي سوى فيها كذا؟؟
الدكتور: احنا كل اللي نعرفه انها جات من الجامعه بسياره الاسعاف ورح نفتح التحقيق ونسأل الكل ونغم لمى تصير حالتها الصحيه احسن رح تتكلم وناخذ اقوالها
رائد: انا بروح الجامعه الحين واعرف كل شي مااقدر انتظر اكثر
/
/
/
/
/
/
/
بكــليـــة الطــب ... وتحديدا بالاداره كانت احد الادرايات تكلم بالتلفون
الاداريه: ايه بس احنا مالنا دخل بالموضوع ومالنا أي علاقه .. ليش التحقيق ..؟ بصراحه الموضوع بينكم وبين البنات اللي مايخافون الله وانا رح اعطيك اسماؤهم ولوسمحت لاتدخل الكليه بهالموضوع .. ايه موجودين البنات طيب اوكي مع السلامه.. (وتطلع لغرفه الانتظار وتروح لاماني وصديقاتها)
الاداريه: فشلوتنا الله يفشلكم .. زوج البنت اللي ضربتوها مارح يسكت ووصل الموضوع للشرطه والحرمه كانت حامل والظاهر صار للجنين شي مااقول الا الله يعينكم شلون تلعبون مع اعيال الراسي.. اتصلوا باهلكم عشان مارح تطلعون من هنا الا على مركز الشرطه .. هذا شروع في قتل وزوجها رافع عليكم قضيه
سلمى بخوف: شروع بقتل شدعوه بس احنا ماندري انها حامل
الاداريه: عاد انا مالي دخل حلوها بينكم واتصلوا باهلكم عشان تطلعون من الكليه بسرعه وتفكوننا من بلوتكم(وتروح)
اماني: ياربي شنسوي انا لو يدرون اهلي مارح يخلوني بحالي
سلوى: كله منك انتي السبب واحنا رح ناكلها الحين
اماني: لاوالله مين اللي كان متحمس للضرب ويبي يضرب نغم باي طريقه ماتقولين
سلوى: والله ماكنت ادري انها حامل وانها بنت الراسي
اماني: اللي صار صار خلينا في الحين
سلمى بخوف: يابنات انا خايفه انتو ماتدرون اهلي لو دروا شنو رح يسوون فيني
سلوى وتاخذ سلمى على جنب: سمعيني احنا شكلنا بنروح فيها والسبب اماني
سلمى: بس احنا كلنا ضربناها
سلوى: سمعيني عاد احنا لازم نحط الذنب كله على اماني صحيح ضربناها والكل شافنا لكن نحملها الذنب لان فعلا الذنب ذنبها اوكي
سلمى: ماادري خايفه
سلوى: بلا غباء تشيلها هي احسن من نشيلها وياها ع الاقل نكون اخف مانبي نخسر مستقبلنا بسبب غبائها اوكي
سلمى: اوكي صار اهم شي يعدى هالموضوع على خير وبعدها ماابي اعرفك لاانتي ولااماني
/
/
/
/
/
/
وراح رائـــد مع البنات واهــلهـم لمركــز الشــرطــة وحبســوهم على ذمه التحقيق لانها تعتبر جريمه قتل خاصه لمى فقدت نغم جنينها وبعد ماخلص من مركز الشرطــه راح لنغم بالمسـتـشــفى ..
نغم وكانت توها تصحى من اثار البنج واول ماصحت شافت رائد قدامـها
نغم وتتكلم بصعوبه: انا وين ؟
رائد وهي ماسك بيدها: نغم صحيتي؟
نغم وهزت راسها بالايجاب: رائد وشصار لي انا كنت بالجامعه و... (وتحط يدها على بطنها) صار شي للبيبي
رائد: انتي كنتي عارفه انك حامل؟
نغم: ماكنت متأكده من الحمل سوت تحليل منزلي بس مومتأكده منــه وبعدين قلت بروح المستشفى واتأكد وكنت بسويها لك مفاجـأه (وقالت بنبره باكيه) ليش صار شي للبيبي ..؟
رائد: المهم سلامتك حبيبي
نغم: رائد قولي الله يخليك لاتخبي على
رائد\ للأسف يانغم الجنين ماقدر يتحمل ومات .. المهم سلامتك لكن هالبنات اللي سووا هالشي مستحيل اخليهم رح ياخذون جزاهم وبالقانون
نغم وقامت تبكي : ..........
رائد : حبيبتي اللي صار مقدر ومكتوب والمهم سلامتك لاتزعلين هذا قضاء وقدر
نغم بنبره باكيه وبصوت مبحوح: كنت حابه اصير ام
رائد ويضمها: حبيبتي الايام عندنا وهذا اختبار من رب العالمين لاتزعلين ان شاء الله رح تعوضنا الايام وصدقيني الموضوع مارح يعدي على خير اللي سووا هالشي رح ياخذون جزاهم
/
/
/
/
/
/
ببيت بومشعل دخل مشعل ولقــى امـه جالســه تنتـظره بالصــالـــة .. مع اغراضها
مشعل: خير يمه وش السالفه ؟
ام مشعل: ابوك يامشعل طلقني عشان اللي ماتستحي بنت ابليس
وتجي هبه: احترمي نفسك وانا ماني بنت ابليس وعندي اسم
مشعل: خير يامرت ابوي وشصاير؟
هبه: اتوقع ان امك قالت لك وشصاير .. والحين لو سمحت ياليت لوتاخذ امك وتطلع من بيتي
مشعل: بيتــك؟
هبه: ايه بيتي بيت زوجي هو بيتي وبعدين امك مطلقه ومولازم تقعد هنا ولادقيقه حرام مايصير
ام مشعل: وانتي تعرفين الحلال والحرام
هبه: ايه اعرفه زين واخاف ربي مومثلك ويلا طلعي من بيتي بسرعه موناقصين البيت يتنجس فيك
مشعل: ماله داعي لهالكلام يامرت ابوي انا خلاص بأخذ امي وبطلع
هبه: روحه بلارده واكيد رح تكون بلارده مع السلامه (ويطلعون)
هبه: اوووف فكه مابغت تطلع عجوز خيبر (ويرن جوالها) الو هلا يمه ايه توها طالعه جاء ولدها وخذاها فكه افكتيت من وجهها .. طيب يمه اليوم بهالمناسبــة الغدا عندي لاتتأخرون حياكم البيت بيتكم (وتسكر)
وبغرفه فرح كانت تكلم سعد وتصيح
سعد: خير قلبي وشفيك
فرح: امي امي
سعد: وخير وشفيها امك عسى ماشر
فرح: ابوي طلق امي وطلعت من البيت بسبب هالكلبه مرته الثانيه هبه التبن
سعد: حبيبتي وشهالالفاظ هذي
فرح: والله فاضي انا مقهوره على امي وانت جالس تدقق على كلامي
سعد: ايه بس الملافظ سعد
فرح: تدري انا الغلطانه اللي كلمتك بسكر احسن
سعد: لاقلبي لا لاتسكرين مايهون علي اسكر واخليك بهالحاله خلاص تكلمي قولي اللي بخاطرك
فرح: شنو تكلمي انت تاخذني على قد عقلي سعد وشفيك
سعد: مافيني شي حبيبتي بس الحين ابوك ليش طلق امك
فرح: قلت لك عشان مرته التبن
سعد(غفيه ملافظ): طيب مرته هذي شكلها موهينه تبي تطلعكم من البيت واحد واحد زوجت هيفا وطلقت امك والدور الجاي عليك
فرح: وشقصدك؟
سعد: ياخوفي ابوك بكره يزوجك
فرح: وشلون يزوجني وانا متزوجـه
سعد: ايه مايصير يزوجك بس هو مايدري انك متزوجـه وياخوفي هبه تخلي ابوك يزوجك عشان البيت يفضى لها ولاعيالها
سعد: طيب شسوي؟
سعد: نعلم ابوك بزواجنا ونحطه عند الامر الواقع
فرح: لا لا والله ابوي واخواني رح يذبحوني ويذبحونك
سعد: انزين لين متى رح نضل على هالحال؟
فرح: ماادري المهم هبه تدري ومارح تسوي شي
سعد: اجل لازم تكسبيها بصفك عشان ماتقلب عليك
فرح: انا ماادانيها ولااشتهي اشوف وجهها لكن قاعده احاول اجاريها مو ليـ صارت حاجتك عند الكلب قوله ياعمي كلبان ...
سعد:فرح بسألك سؤال بس لاتزعلين
فرح وتمسح دموعها: قول وشفيك
سعد: مين علمك هالالفاظ والامثال الغريبه
فرح: امي ليش
سعد: يعطيها العافيه (ويقول بخاطرها) فرق بينك وبين هيفا حتى ماعندك لباقه بالكلام بس ع الاقل انتي اشرف منـها وتلقائيه مو الخبيثه ومن تحت ليتحت
/
/
/
/
/
/
/
الســـاعـــة 12 ونص بالفندق .. صحى جاسم متأخر
جاسم: اوووف تأخرنا (ويقوم هيفا اللي نايمه جنبه)
جاسم\ هيفا هيوووف هيووف
هيفا بتثاقل: هاااه
جاسم: حبيبي قومي تأخرنا ع موعد الطيــارة
هيفا: كم الساعه
جاسم: الحين12 ونص
هيفا : اووووف (وتقوم) الحين بقوم البس بسرعه تأخرنا
(وتروح للحمام ويرن جوالها وترد)
هيفا: الو هلا هبه شلونك
هبه: انا زينه المهم انتي شلونك ياعروس .. صباحيه مباركه هااه صار
هيفا واستحت: شنو اللي صار؟
هبه: انتي عارفه قولي لي بس صار والا لا؟
هيفا: بصراحه لا
هبه: وليه؟
هيفا: يعني احنا تزوجنا بسرعه وماخذت عليه وبعدين احنا اتفقنا ان موكل شي يصير بسرعه امس قضيناها طول الليل سوالف وضحك كأننا نعرف بعض من زمان وقررنا نأجل هالموضوع لين شهر العسـل موكل شي يصير اول يوم ..(وتنتبه للســاعه) اوووف هبه انا بقوم اغير ملابسي بسرعه مابقى شي على موعد الطيارة
هبه: اوكي حبيبي اخليك واذا وصلتي كلميني باي (وتسكر)
هبه: الحسنه الوحيده اللي عرفتها من بيت بومشعل هي انتي ياهيفا(ويدخل زوجــهـا)
هبه: اهلين جاسم شلونك
جاسم: الحمدلله
هبه: هاااه طلقتها؟
جاسم: ايه وافتكيت منها للأبـــد
هبه: زين ماسويت.. وتطالع زوجــها وتقوله : جسومي وشفيك
جاسم: ياعيون جسومي انتي عارفه وشفيني^_^
::
::
::
::
::
::
" أول مره يصير معاي كذا .. انا ماادري ليش صار معاي كذا" قالها لزوجـتـه اللي منسدحه جنبها ع السرير
هبه وقامت: بومشعل هد اعصابك وبعدين مافيها شي انت مواول ولااخر واحد يصير معاي هالشي ويمكن لانك تعبان من ضغط الشغل و
يقاطعها بومشعل: انا موتعبان ولاشي .. وبعدين انا شباب ورح اظل طول عمري شباب
هبه: طيب اوكي انا ماقلت شي واللي صار معاك شي طبيعي .. انت ارتاح الحين وبعدين نحاول مره ثانيه
بومشعل: ارتاح ليه شافتني تعبان والا شفتيني كبير بالسن شوي قلتي هذا مايقدر
هبه: حبيبي وشفيك انا ماقلت شي بعدين هالشي يصير مع الكل مو شرط بسبب السن وياقلبي انت اكيد تعبان ومضغوط ومتوتر و
يقاطعها: بس ياهبه انا اول مره يصير معاي كذا اول مره
هبه: اول واخر مره ان شاء الله .. حبيبي لاتفكر بهالموضوع وشرايك الحين اقوم واسوي لك غدا وبعدين امي وجدتي بيجون عندنا ونتغدى كلنا مع بعض
بومشعل: لا ماله داعي انا بروح الشغل (ويقوم)
هبه بخاطرهـا: ودي اقولك نروح المستـشفى ونسأل الطبيب بس انت ماودك تتكلم بالموضوع .. اجل مااقدر اقولك شي .. بس اتمنى مايتكرر هالشي عشان نفسيتك ماتتعب ولاتظن انك كبرت ومايطلع منك شي .. انا هالشي مايهمني المهم انت بس ياليت لو تفهمني
/
/
/
/
/
/
بــاللـــيــــــل .. الســـــاعـــه 11 ونــص الدكتور كتب لنغم خروج بأصرار منـها وبعد ماتأكد انها تجاوزت مرحلــة الخــطر .. ودخلت هي زوجـها للبيت
رائد: تو مانور البيت ياحبيبتي
نغم وتدخل الصاله وتجلس: رائد
رائد: عيــونــة
نغم: أنــا أســفــة
رائد: اسفه على شنو
نغم: اني خبيت عليك موضوع الحمل وماقدرت احافظ على البيبي
رائد: نغم اللي صار مقدر ومكتوب ومانبي نتكلم بهالموضوع مره ثانيه وبعدين انتي اهم عندي من كل شي
نغم: .........
رائد: وشرايك اسوي لك العشــا
نغم: انت تسويه لي ليش تعرف تطبخ؟
رائد: اممم بصراحه لا مااعرف بس اتعلم لاجل عين تكرم مدينــه وانا ماعندي غير نغم وحده
نغم: اوكي موافقه
رائد: خلاص ربع ساعه بالكثير ويكون العشـا جاهز (ويقوم وتناديه زوجـته ويلتفت لها/ نعم
نغم: وشصار مع البنات اللي
رائد يقاطعها: لاتخافين ياقلبي هم محبوسين على ذمه التحقيق والتهمه لابستهم لابستهم ولاتنسين ان فيه شهود وانا والمحامي متابعين القضيه اول بأول لاتخافين حقك وحق ولدنا مارح يضيـــع ..
نغم:مشكور حبيبي
رائد: هذا حقنا وواجبي ولاتشكريني عليه
/
/
/
/
/
/
كانت نايمه ويدخل عليها زوجـها وتحس فيه وتقوم
هبه\ بومشعل انت جيت
بومشعل: ايه توني جاي
هبه: حيــاك
بومشعل: نايمـه
هبة: لاعادي وشفيك
بومشعل ويجلس جنبها: حبيبتي اللي صار اليوم
هبه: اللي صار اليوم انا نسيته
بومشعل: بس انا مانسيته
هبه: شنو يعني
بومشعل: خلينا نجرب مره ثانيه ونشوف
هبه: الحين ؟
بومشعل: ايه الحين ^_^
::
::
::
::
::
" أنــا ماادري شنو قاعد يصير لي انا ماكنت كذا"
هبه: انت متوتر وقاعد تفكر بالموضوع فـ اكيد مارح تقدر انك
بومشعل وعصب: شنو مارح اقدر انا بعدي شباب
هبه: حبيبي انا هالشي مايهمني المهم وجودك جنبي تغنيني عن كل شي لاتفكر بهالموضوع الله يخليك
بومشعل\ بس مايصير انا ماكنت كذا هذي ثاني مره اللي قاعد يصير لي شي موطبيعي
هبه: حبيبي وش رايك نحط راسنا وننام ولانفكر بالموضوع خلاص .. انا تعبانه وانت تعبان خلينا ننام وننسى هالسالفه عاد
بومشعل: اللي تشوفينه (وبخاطره: انا لازم الاقي حل لهالمشكلـه .. انا رجال وبعدي شباب .. ولازم الاقي بأســرع وقت )
/
/
/
/
/
/
بأمــريـــكـــا .. ميــامي .. الساعه الرابعه عصــرا وتحديدا بالجامعه .. راحت شهد عشان تشوف نتيجـتها وهي طالعه شافت ابراهيم
ابراهيم: مبروك ع النجاح
شهد: الله يبارك فيك
ابراهيم: ماباركتي لي نحجت
شهد وفرحت : والله نجحت مبروك(وضمت ابراهيم من الفرحه بدون ماتحس وتفاجـأ ابراهيم وتدراكت نفسهـا وبعدت عنه)
شهد: سوري بس من الفرحـه
ابراهيم وابتسم لها: عادي خذي راحتــك .. وشرايك بهالمناسبه السعيده نروح نتغدى برى
شهد\ بصفتك شنو انتغدى معك برى
ابراهيم: خلي عنك كل هالرسميات وبليز ياليت تقلبين دعوتي لك .. وخلينا نتكلم بمكان هادي
شهد: طيب بس مانطول
ابراهيم: مثل ماتحبين ..
(وبالمطعم)
ابراهيم: تغيرتي
شهد: من أي ناحيه؟
ابراهيم: من كل النواحي ماعدتي شهد اللي اعرفها واحبـها
شهد: مااحد يضل على حاله
ابراهيم: احيانا احس انك ماكنتي تحبيني
شهد: طيب
ابراهيم: شنو طيب ليكون احساسي صادق
شهد: ابراهيم مومهم ان كنت احبك او لا انا لمى عرفت معنى الحب عندك قررت ابتعد عنك انت ماعدت مثل الاول انا كنت محتفظه لك بصوره حلوه بخيالي انا فعلا حبيتك بس موبالطريقه اللي انت متصورها وعلى فكره انا كنت ادري بعلاقتك كلها بـ روز ودينا وغيرهم كثير انا مومغفله مثل ماتتصور بس ماحبيت افاتحك بكل هذا قلت بكره رح تتغير وتكبر وتعقل .. كنت اشوف الناس تطالعني بكل غرابه وشفقه مستغربين من غبائي وبنفس الوقت يشفقون علي .. ابراهيم مافي بنت بميامي ماتعرف مين ابراهيم ,, الولد السعودي اللي مافي بنت تفلت منه وبنفس الوقت قليل من اصدقائنا بالجامعه يعرفون ان كنت حبيبتك ويشفقون علي ويقولون شلون ماتدري عن هذا كله ... انا قلت رح تتغير وللأسف كل مايمر الوقت تتغير فعلا بس للأسوء ومع ذلك ماكنت اقول شي ... اما توصل فيك الجراءه والوقاحه وتطلب مني اللي تطلبه من أي بنت هنا تسلمك نفسها بسهوله .. ماتوقعتها منك اصحى ياابراهيم انا شهد مواي بنت هنا تسلمك نفسها بسهوله ..
ابراهيم وتأثر بكلامـها: انا موعارف شقول بس انا فعلا حبيتك ماادري شلون او حتى كيف بس حبيتك انتي غير الكل ... غير كل بنت عرفتها حاولت انساك او حتى اتناساك بس ماقدرت شهد ممكن تعطيني فرصه
شهد: للأسف مااقدر انت اخذت اكثر من فرصتك .. وانا مااقدر اضيع وقتي معك اكثر
ابراهيم: طيب شهد الله يخليك اسمعيني بس هالمره
شهد وتقوم: انا اسـفـــه .. سمعتك كثير (وتجي تروح ويقوم ابراهيم ويمسك يدها ويطالعها ويقول: تتــزوجــيني؟
::
::
::
::
::
" يالهــوي هو قالك كده .. طب قلتي لو ايه" قالتها لصديقتها وهي مستغربه
شهد: ماعرفت شقوله او بالاحرى ماتوقعته يطلب مني هالطب يعني فاجئني ..
نور: طب قلتي لو ايه؟
شهد: بصراحه ولاشي مشيت بسرعه وتركته .. ماعندي رد
نور: تتوقعني انو جاد بكلامو ده
شهد: ماادري ليش احس انه جد .. هالمره ابراهيم كان غير كل مره
نور: طب وحتردي عليه امتى وتقولي لو ايه .. انتي بتحبيه
شهد بحيره: ماادري .. ماانكر اني طرت من الفرحه لمى عرض علي الزواج بس ماادري اذا احبه والا لا
نور: بس ماتنسيش انو بتاع ستات وسكرجي ومن الحاجات دي
شهد: وهذا اللي مخوفني
نور: يمكن انتي تقدري تغيريه بما انو يحبك يعني .. عارفه لو انا منك وكنت بحبو حطلب منو يتغير عشان يثبت لي حبو وبعدها حوافق عليه
شهد ويرن جوالها: هذا هو يتصل
نور: طب ردي
شهد: ماعندي رد له ... ماادري شقوله
نور: ماانتي لازم تردي حتعدي كده لحد امتى ماتردي امال
شهد: تدرين .. انا بفكر بهالموضوع مابقى الا كم يوم ونرجع للسعوديه افكر فيها براحتي واخذ راي اختي وبعدها افكر براحتي
نور: فكره حلوه اوي .. بس لازم تقولي لو يستنى..
/
/
/
/
/
/
/
اليــــوم التــــالـــي ..
ببيت مشـعل .. كانت فاطمه توها جايه من الســفر وتوها تدخل البيت وتشوف ام مشعل جالســه بالصاله وتفطر وتطالع التلفزيون
فاطمه وتفسخ شيلتها: صباح الخير
ام مشعل ومالها خلق: هلا.. الحمدلله ع السلامه يامدام توك تشرفين وين كنتي ان شاء الله
فاطمه ومستغربه: سوري.... لحظه لحظه وين مشعل
ام مشعل: ماادري عنه اكيد نايم للحين بعد وش يسوي البيت مافيه مره موحضرتك موفاضيه لولدي ولالاعيالك ولاتدرين عنهم ماغير مسافره من بلد لبلد
فاطمه وماعلقت وراحت لغرفتها وشافت زوجـها توه صاحي من النوم وجالس يلبس للدوام
فاطمه: مشعل
مشعل: اهلين حبيبتي الحمدلله ع السلامه
فاطمه: الله يسلمك .. شسالفه ..
مشعل: أي سالفه؟
فاطمه: اقصد امك وشعندها زيارتنا من الصبح
مشعل: ليه مزعجك وجودها
فاطمه: لا بس في احد يزور هالوقت
مشعل ويروح ويجلس جنب زوجته عالصوفا: فاطمه سمعيني بصراحه امي تطلقت وماعندها مكان تروح له الا هنا وابوي مايبي يشوفها ابد .. فـ هذي امي ومااقدر اطردها ماعندها مكان غير هنا الله يخليك تحميلها عشاني
فاطمه: طول العمر
مشعل: يعني وين تروح؟
فاطمه: موقصدي بس مايصير تتطلق بعد هالعمر هي وعمي الناس وشتقول .. وبعدين بصراحه انا وامك مانصلح مع بعض ببيت واحد وانا طلعت من البيت بسبب هالشي .. كأني ماسويت شي مشعل ياليت لوتلاقي حل لهالموضوع
مشعل: حل للموضوع .. وشتبيني اسوي يعني .. اطرد امي عشان ترتاحين
فاطمه: لاانا ماقلت كذا .. بس دور حل انا بصراحه ماطلعت من سجن امك عشان ارجع له
مشعل: يعني عشان البيت بيتك تطرديني انا وامي
فاطمه: مشعل حبيبي .. انا ماطردتك ولاطردتها بس هالوضع مايريحني وانا اذا ماارتحت ببيتي وين الاقي الراحه .. تدري انا بأجر لامك شقه والا بيت على قدها بس ماتسكن وياي
مشعل: تأجرين لها ياسلام وشهالمخاسير وبعدين تبينها تجلس لحالـها وشقول للناس تبين الناس تاكل وجـهي
فاطمه وحست انها غلطانه وقالت: طيب حاول ترجعها لعمي مايصير كذا
مشعل: فاطمه وبعدين اللي قلته رح اعيده اصلا انتي 24 ساعه بشغلك وامي ان عاشت اليوم مارح تعيش بكره ماعليك منها وانسي هالسالفه عاد.. وتحمليها سنتين والا عشـر ماردها تفنقش وتفكنا
فاطمه: طيب رح انسى هالسالفه بس ياليت لو تقول لامك كل وحده مننا بحـالها ماابي مزاجي يتعكر بهالكم ساعه اللي ارتاح فيها بالبيت
::
::
::
::
::
" شنـــو يعني .. طرده محترمــه هذي "
مشعل: يايمه البيت بيتك ماقلت شي بس انا ماابي وجع راس ومالي خلق مشاكل
ام مشعل: وليش ماتقول هالكلام لمرتك
مشعل: قلت لها يمه والحين جاي اقولك نفس الكلام
ام مشعل: والله شكل مرتك شعمتك وسمعتك كلمتين وجيت تقولها لي
مشعل: يمه فاطمه اصلا 24 ساعه بشغلها وماعليها من حد فـ انتي بعد ماعليك منـها وخليــها بحــالــها
ام مشعل: تكلم وياي بأدب انت قاعد تحسسنني اني مااخلي حد من شري
مشعل: من قال هالكلام يمه تحطين كلام من كيفك
ام مشعل: ياسلام وتكذبني بعد
مشعل ويأس من امه: اووووه يمه وبعدين .. خلاصه الكلام يمه ان البيت بأسم فاطمه وهي الامره الناهيه فيه
ام مشعل\ ياسلام والله .. كفوا انت الرجال وتخلي وحده ماتسوى تامرك وتنهيك مثل الجاهل وهي من وين لها هالبيت ماتقولي اكيد انت جايبه لها
مشعل: اوووه يمه انا طالع مع السلامه (ويطلع)
ام مشعل: حسبي الله عليك يافطوم اكيد ماخليتي الولد بحاله الله واعلم وشقلتي له عشان جاء عندي وقعد يتفلسف لكن هين انا لك يافاطمه والزمن طويل ياانا ياانتي بهالبيت
/
/
/
/
/
/
صــحــى الصــبــاح وماشــاف زوجــته بالغرفه واستــغرب وقام وجلس يدور عليها بكل مكان ومالقالــها .. فكر وراح لغرفتها القديمه وشافها جالسه ع السرير وبيدها دب صغير
رائد ويدق الباب: ممكن ادخل
نغم وتمسح دمعتها وتخبي الدبدوب: ادخل حبيبي
رائد: وشفيه القمر كان يبكي
نغم: لا عادي مين كان اني كنت ابكي عادي
رائد: نغم لاتخبين علي عيونك فاضحتك
نغم وماسكه دمعتها: مافيني شي
رائد وينتبه للدبدوب اللي مخبيته ورى ظهـرهـا: شنو مخبيه ورى ظهرك
نغم: ولاشي
رائد\ تخبين علي؟
نغم وعيونها مدمعه: هذا الدبدوب معي من كان عمري 4 سنوات هديه من ماما وبابا وكنت اتمنى اعطيه لولدي او بنتي اذا جاوا بس ماعطيتهم(وتغلبها دموعها)
رائد وانقهر على زعل زوجـته وضمها وقال: حبيبتي هدي اعصابك ولاتزعلين اللي صار صار وان شاء الله بكره الله يعوضنا انتي المهمه عندي ياعمري وتأكدي وغلاتك عندي مارح اضيع حقنا ورح اخذه واخليهم يندمون
نغم وهي بحضن رائد قالت من بين دموعها: انا كنت اتمنى اشوف شلون رح يصير طفلنا وكنت ابي اعيش معاه يوم بيوم
رائد: نغومي حبيبي .. احنا موجودين ورح نملي هالبيت اطفال موطفل بس انتي لاتزعلين نفسك .. وامسحي هالدموع دموعك غاليه عندي .. حبيبتي وشرايك نروح كم يوم ونسافر ونغير جو
نغم\ مالي خلق
رائد: حبيبتي انا ودي اسافر معك شهر عسل بس رح يكون غير .. وانتي اختاري البلد خلينا نسافر هالكم يوم اجازه اللي عندك ونغير جو
نغم: طيب والقضيه؟
رائد: مارح اتحرك من المملكه الا لمى اتأكد ان بنات ابليس خذوا جزاهم واكثر من جزاهم بعد .. كلها كم يوم وتبدء المحاكمه وياخذون جزاهم .. بس انتي قولي لي موافقه ع شهر العسل الجديد والا لا
نغم ومسحت دموعها: اوكي
رائد: فديت الاوكي وراعيتها
::
::
::
::
::
" يعني شنو اوكي انا ابيك تستعجل بالقضيه"
المحامي: تأكد يااستاذ رائد اني ابذل كل جهدي بهالقضيه وبعدين لاتخاف التهمه لابستهم ورح ياخذون جزاهم وبعد بكره اول موعد بالمحكمه وعندنا اكثر من شاهد من الجامعه يعني رح يقضون شبابهم بالسجن
رائد: وهذا اللي ابيه ابي احرمهم من شبابهم مثل ماحرموني من ولدي
المحامي: بس يااستاذ رائد القاضي ومحامي البنات رح يطلب الحل ودي ورح يقترحون فديه لاتوافق عليها مهما كانت الاسباب ويمكن يدخلون رجال من قبليتهم للصلح
رائد: لو يسون مايسوون انا مارح اتنازل عن حقي وماعلي منهم لازم يتعفنون بالسجـن
المحامي: اجل ابشر يااستاذ .. انا مارح اخيب ظنك ابدا
/
/
/
/
/
/
ببيت مشعل .. كانت فاطمه توها صاحيه من النوم بعد مااخذت عفوه بسيطه ونزلت تحت تشوف الخدامه وشسوت وتسمع صوت الازعاج
فاطمه: وييه وشهالازعاج شنو عدنا ضيوف(وتروح للصاله وتشوف ام مشعل جالسه مع حريم )
ام مشعل: هلا فاطمه تعالي سلمي على جاراتي
فاطمه وهي مستغربه ويمرون عندها اطفال يلعبون : جاراتك ؟
ام مشعل: ايه ام حمد وام عبدالله وام يعقوب واعيال اعيالهم وبعد شوي بتجي ام حصه وام ميثاء وام عبدالعزيز
فاطمه وعصبت: ياهلا والله حياكم البيت ييتكم
ام مشعل: اكيد بيتهم بيت ولدي هو بيتي وبيت ضيوفي
فاطمه: طيب عن اذنكم
ام مشعل: فاطمه قولي للخدامه تحط الغدا ترى جعنا .. ماصارت هذي يلا قولي لها بسرعه
فاطمه (وتتأمرين بعد): طيب ان شاء الله (وتروح )
ام حمد: وشفيها مرت ولدك تكلمنا من طرف خشمها ليكون موعاجبينها
ام مشعل: ماعليك منها زين خليها تولي
ام عبدالله: ليكون بس ازعجناها ببيتها والاشي
ام مشعل: لابيتها ولاهم يحزنون هذا بيت ولدي وانتو الداخلين وهي الطالعه
فاطمه: ياسلام فاتحه بيتي لها ولصديقاتها واعيالهم الشياطين اللي مابقى شي بالبيت وماكسروه .. هذا من اولها الله يستر من تاليها لكن انا مارح اسكت ع الاقل المفروض تستأذن مني موكذا تتصرف من كيفها انا لازم اتصل على مشعل واقوله
(وتتصل فيه)
مشعل: هلا فاطمه
فاطمه: مشعل اسمعيني لاتفهمني غلط وتفسر كلامي على كيفك بس بصراحه امك مسختها تدري انا مارح اتكلم الحين بنتــظر لين تجي وتشوف بنفسك
مشعل: اصلا ماني بجاي الا اخر الليل
فاطمه: وليش ان شاء الله ؟
مشعل: امي عازمه صديقاتها وقالت لي لاتجي الا اخر الليل اليوم بيسهرون عندها
فاطمه: ياسلام حتى انت تدري وانا اخر من يعلم
مشعل: فاطمه حبيبتي الله يخليك حطي نفسك مكاني وشقدر اسوي امي الحين مطلقه ونفسيتها زفت الله يخليك لاتقعدين تسوين سين وجيم خليها تعزم صديقاتها وشصار يعني .. فطوم والله مالي خلق مشاكل
فاطمه: مشعل الحين انا اللي صرت راعيه مشاكل الله يسامحك بس
مشعل: اوووه لاتزعلين عاد
فاطمه: خلاص مارح ازعل ولاشي طيب المهم انت انسى هالموضوع امك رح تقعد عندنا على طول وانا لازم اكيف نفسي على هالشي ومااعقد الامور .. المهم تعال بدري اليوم انا ماعندي دوام تعال وادخل من الباب الخلفي وتعال غرفتنا خلينا نسهر من زمان ماسهرنا مع بعض
مشعل: يابعد عمري يافاطمه واخيرا فهمتيني خلاص انا اول مااخلص شغلي رح اجي حبيبتي .. باي
فاطمه: باي ..مااقول الا الله يعيني عليك ياحماه العازه شسوي لاجل عين مشعل تكرم مدينـة والله يعينني
/
/
/
/
/
/
ببيت بومشعل .. كانت هبه لابسـة عبايتها وتكلم زوجـها
هبه: الو هلا حبيبي ايه انا بروح اتغدى عند امي طيب .. اسمعني اذا تقدر تجي تعال
بومشعل: لامااقدر انتي رح تطولين هناك
هبه: ايه رح اطول هناك ليه؟
بومشعل: اجل خلاص انا رح اجي ع العشـا
هبه: اوكي رح انتظرك باي
بومشعل: مع السلامه (ويسكر) .. وينادي الموظف اللي عنده
بومشعل: يابواحمد وينك
بواحمد ويجي: هلا عمي توني الحين رحت واخترت لك اجدد سياره بالمعرض عندنا وتوها واصله من برى وكتبتها بأسم المدام
بومشعل: كفوا والله .. وشسويت على موضوعنا
بواحمد: موضوع الحبه؟
بومشعل: قصر صوتك فضحتني سمعت اللي بالمعرض كلهم.. المهم علمني مفعولها اوكي
بواحمد بصوت واطي: مفعولها احسن من الاوكي هالحبه مستورده من برى موترجع بس شباب الا ترجع مراهق
بومشعل: لاياشيخ انا ماابي ارجع مراهق انا يكفيني الشباب .. المهم خلي الموضوع بيني وبينك وياويلك لو حد يدري وحسابك واصل واكثر بعد
بواحمد: مشكور يابومشعل ماتقصر وانت جربها ورح تدعيلي
/
/
/
/
/
/
بميـــامـــي .. كانوا شهد وابراهيم طالعين بمطعم
شهد: اسمعني ياابراهيم انا فكرت بكلامك زين وبصراحه مااقدر اوافق على الارتباط منك الالمى اخذ راي اهلي وتطلبني منهم واهلك بعد يدورن بزواجنا مايكون بالسر
ابراهيم ويطالعها بحب: وانا موافق وماعندي أي مانع
شهد/ وابيك تتغير عشان تثبت لي حبك صح
ابراهيم: اتغير شلون يعني
شهد: يعني تبطل نسوان وشرب
ابراهيم: انا اذا خذت اكيد رح ابطل نسوان اما الشرب انتي اللي رح تغيريني
شهد: انا ماابي اغيرك .. انت قلت انك تحبيني واللي يحب يتغير ويسوي أي شي حبيبه يطلبه منه والظاهر انت الحب عندك كلام وبس عن اذنك (وتجي تقوم ويمسكها ويجلسها)
ابراهيم: طيب طيب شوي شوي هدي اعصابك .. عموما حبيبتي انا رح ارجع السعوديه بعد كم يوم ورح اكلم اهلي عنك واخليهم يجون ويطلبونك من اهلك
شهد وابتسمت: اوكي .. وانا بهالحـاله رح افكر بالموافقه
ابراهيم ومستغرب: تفكرين .. ليش ماتوافقين
شهد: لمى تتغير وتثبت لي حبك بجد رح اوافق
ابراهيم: اجل دام الموضوع كذا انا متأكد انك رح توافق
شهد: خلاص اوكي بنشوف
ابراهيم: اوكي
\
/
/
/
/
/
/
ببيت هبـــة كــانت جــالســة لحــالــهــا بالصــاله امها وجدتها واعيالها ناموا وقررت تنام عند اهلها خصوصا بعد ماقال لها زوجـها انه رح ينام عندهـا اليــوم وتطمن ان بنته فرح تنام ببيت اخـوهـا مشـعل .. ووصل فرح لبيت مشعل وبعدهـا راح عند زوجـته ..
هبه وتلمح بومشعل يدخل وتروح له: اهلين حبيبي
بومشعل: هلا والله .. سوري قلبي تأخرت
هبه: صحيح انك تأخرت واني كنت معصبه منك لانك تأخرت وكنت ناويه ازعل منك بس لمى اعتذرت لي نسيتني كل الزعل
بومشعل: يابعد عمري انتي .. حبيبتي غمضي عيونـك
هبه: اغمـض عيوني .. ليش؟
بومشعل: انتي الحين غمضيها
هبه: ان شاء الله (وتغمض)
بومشعل: ويطلع الهديــة فتحي الحين
هبة وتفتح عيونها: واووو جايب لي هديه ياترى شنو؟
بومشعل: زين فتحيــها
هبه: طيب (وتفتحها) واووووو سياره .. حبيبي ماني عارفه شقولك بجد ضاع الحكي
بومشعل: وكتبتها بأسمك بعد انا كم هبه عندي
هبه: حبيبي والله ماادري شقولك .. حتى كلمه شكرا ماتكفي
بومشعل: انا تكفيني هالفرحه اللي اشوفها بعيونك
هبه: وااوووو فديتك حبيبي (وتضمه ) بجد احرجتني .. طيب ممكن اطلع اشوفها
بومشعل\ وشرايك نروح ننام الحين وبعدين تشوفينها
هبه: اوكي (ويرحون لغرفه النــوم)
هبه: عن اذنك حبيبي بروح اغير ملابسي(وتروح)
بومشعل: اذنك معك ..(والحين جاء وقتك يالحــبـــة .. اليوم رح ارجع مراهق وادعيلك يابواحمد)
((وبعد ربع سـاعه طلعت هبــة من الحمام وكانت حاطه ميك اب خفيف ولابسه قميص نوم قصير ووردي وشكلها مره كيوت وفاتحه شعرها طالعه جوونــأأأن)
هبه وتجلس ع التسريحـه ومعطيــها زوجـها ظهرها وتسرح شعرها: حبيبي اليوم سويت التسريحـه اللي انت تحبها .. وشرايك فيــهـا .. اكيد حلوه صح .. بصراحه حبيبي انت اليوم بجد احرجتني بهديتك يعني انت توك ماخذ لي سياره وماقصرت وياي .. بصراحه انت هديه لي من الله يابومشعل والله لايحرمني منك .. بومشعل ليش ماترد علي ..(وتلفت عليه وتشوفه منسدح ع الجنب الثاني)
هبه وتروح له بدلعها المعتاد: حبيبي وشفيك تتغلى يعني بومشعل: .............
هبه: حبيبي وشفيك (وتروح له وتشوف انه مغمى عليه ومايرد عليهـا )
هبه وتخاف: بومشعل بومشعل (وتصرخ) يماااااااااه (وتروح لامها)
ام هبه اللي توها صاحيه من النوم: خير هبه يمه وشفيه
هبه: يمه زوجي ماادري وشفيه مايرد علي كلمته وكلمته ومايرد
ام هبه: خير ان شاء الله امشي نشوفه
(ويروحون له ويكلمونه ومافي فايده)
هبه من بين دموعها: يمه لازم نتصل بالاسعاف .. والا انا بكلم السواق يوديه
ام هبه: خلاص صار الحين انادي السواق والبواب يجون يودنه السياره وانتي غيري ملابسك والبسي عبايتك
هبه بصياح: صار صار
(( وبالمسـتــشــفــى))
كانت هبه وامـها ينتـظرون على نــار والدكـتور للحين ماطلع .. وبعد طول انتظار طلع الدكتور
هبه: خير يادكتور طمني
الدكتور: ماادري شقولك للأسف حالته حرجه جدا
هبه: دكتور توه كان معاي مافيه شي
الدكتور: انا لازم اعمل له تحاليل بأسرع وقت عشان اقدر اشخص حالته ... انتي بنته
هبه: لادكتور انا زوجـته .. دكتور اذا فيه شي لاتخبي علي
الدكتور: للحين موعارفين وشفيه هو تحت الملاحظه وانا قاعد اسوي كل اللي اقدر عليه ادعي له(ويروح)
هبه: يمه يمه انا خايفه على جاسم خايفه يصير له شي
ام هبه: خير ان شاء الله مارح يصير له شي .. يمه هبه دقي على ولده خليه يجي اخاف يصير شي والاشي واحنا حريم بروحنا وماندري شسالفه
هبه: ان شاء الله يمه ان شاء الله
/
/
/
/
/
/
/
ببيت مشــعل كان نايم جنب زوجـته ويقوم على صوت جواله
فاطمه: خير ان شاء الله مين يتصل فيك هالوقت
مشعل\ ماادري بشوف.. الو هلا هلا هبه وشفيك ايش .. متى ,, طيب طيب أي مستـشفى خلاص الحين بجي
فاطمه: خير يامشعل فيه شي
مشعل ويقوم: هذي مرت ابوي داقه علي تقول ابوي طاح عليها وهو الحين بالمستشفى
فاطمه: وشفيه عمي
مشعل: والله ماادري قومي جيبي لي ملابسي مااقدر اتأخر
فاطمه: خلاص الحين بقوم
::
::
::
::
::
::
وبعد نص ساعه وصل مشعل للمستـشفى
مشعل: هاااه هبه خير وشصاير
هبه من بين دموعها: مشعل ليش تأخرت
مشعل: زحمه السير .. وشفيه ابوي شصاير
هبه بنبره باكيه: والله العظيم ماكان فيه شي .. كان يكلمني مثلك الحين وفجأه طاح وماصار يرد علي وماادري وشفيه جيت انا والسواق وامي ونقلناه للمستشفى بسرعه وللحين الدكتور ماطمنا
((ويسمعون صوت الاجهزه من غرفه الملاحظه ويرحون لها بسرعه .. وشوي الا يدخل دكتور ورى دكتور والممرضات والمساعدين وحد داخل وحد طالع وصوت الاجهزه ماوقف وظلوا على هالحال تقريبا عشرين دقيقه وبعدهـا طلع الدكـتــور..
مشعل: هاااه دكتور بشر ابوي وشفيه
الدكتور: ....
هبه من بين دموعها: دكتور تكلم الله يخليك لاتسكت طمنا
ام هبه: دكتور علمنا فيه شي صاير
الدكتور: احنا حاولنا بكل الطرق .. بس للأسف ماقدرنا هذا كان يومـه .. البقيه بحيـاتكم .. (ويروح ويتركهم وراه مصدومين وماقادرين يصدقون اللي تسمعه اذنهم))
اليـــوم التــــالـــي .. ببيت بومشــعل كان العزاء والناس داخــله وطالعه والبيت مايفضــى .. وكانت هبه مع امــها وفاطمه ونغم وام رائد يستــقبــلــون المعزيــن .. ومعاهم فرح وامــها ..
هبه من بين دموعـها : يمــه يمــه زوجي راح يمه راح
ام هبه: يايمه هذا يومه هدي اعصـابك انتي وادعي له هو الحين محتاج لدعائــك ..
فرح وتقوم وتقول بصوت عالي/ حسبي الله ونعم الوكيل ابوي مات من عرفك اكيد انتي مسوويه له شي ومات ليكون بعلمك ياهبه الزفت اذا انتي السبب بموت ابوي مارح اخليها لك فاهمه
هبه من بين دموعها: انتي شتقولين اكيد انتي موصاحيه وشهالكلام
ام مشعل: هذا كلام العقل والرجال ماراح فيها الا لمى تزوجك
ام هبه: انتي اخر وحده تتكلم اصلا انتي مطلقه ليش جالسه هنا حبذا لو تطلعين برى
هبه وهي منهاره\ ياجماعه خلاص سكتوا حرام عليكم الرجال مات عيب اللي انتو جالسين تسوونه
ام هبه وتضم امها: هدي اعصابك يمه وحسبي الله ونعم الوكيل على اللي مايخافون الله
فاطمه وتروح لفرح وامها: وبعدين يعني عيب عليكم اللي جالسـين تسوونه الرجال مات والله يرحمه لاتسون كذا بالعزاء عيب والله عيب ..
(( وتدخل هيفا من بين دموعها وتشوف هبه وتضمها ويبكون))
هيفا: هبـــه ابوووي ماااات مااات .. انا ماني مصدقه شلون يروح ويخلينا احنا محتاجين له
هبه وهي تضم هيفا: الله يرحمه ياهيفا الله يرحمه ويسكنه فسيح جناته
ام رائد وتهمس لفاطمه اللي جات وجلست جنبها: وييييه طالعي هيوف لاراحت لامها ولاشي على طول لمرت ابوها حتى ماعبرت اختـها
فاطمه: يمه والله فاضيه .. خلينا باللي احنا فيه
((وام مشعل تطالع بنتها بحقد))
ام مشعل بقهر تهمس لبنتها فرح اللي جالسه جنبها: طالعي اختك قليله الحيا راحت وجلست جنب اللي ماتتسمى الظاهر ناسيه اني امـها ..
فرح من بين دموعها: يمه اللي راح اكبر من اننا نفكر بهالسوالف السخيفه يمه ابوي مات تعرفين شنو يعني مات يعني انا صرت يتيمه يمه .. انا لازم اعرف سبب وفاه ابوي والله العظيم ورحمه ابوي لو هبه لها يد باللي صار مارح اتركها بحالـها
ام مشعل بحقدها: اكيد لها يد مو الرجال راح نام عندها وفنقش جلعها تلحقها قولي امين
فرح تبكي بصمت وماترد على امها وقالت: اااااااه يمممممه انا مقهورره اخر يوم شفت ابوي وقالي انه بيوديني عند فطوم رديت عليه بأسلوب سخيف وبطريقه موحلوه جعل الله يقطع لســاني ياليتي مت ولارديت عليه هالرد والله العظيم لوكنت اعرف ان هذي اخر مره اشوفه فيها ماكنت رديت كذا ااااااه يايبه اااااه
ام مشعل: هدي اعصابك ليكون تحبين ابوك اكثر مني
فرح ماردت على امها وجلست تبكي بحراره مقهوره من تصرفها الاخير مع ابوها ..
((وبزاويه هبه وهيفــا))
هيفا بنبره باكيه: انا اخر مره شفته بيوم عرسي من اسبوعين لوكنت ادري انها اخر مره اشوفها لاكنت سافرت ولاشي كان يتمنى لي الحياه السعيده وقالي لومتت الحين رح اتطمن عليك لانك مع ولد عمك اللي يغليك .. كأنه كان حاس بيومـه .. راح بغمضه عين انا حتى اخر مره كلمته من يومين وكلمني بكل حب ولاحسيت انها اخر مره اسمع صوته
هبه من بين دموعها: اجل شقول انا ياهيفا كان جالس معاي ويتكلم معاي ويضحك ويااي تركته ربع ساعه بس ورجعت اكلمه وامزح معاه ومايرد علي حاولت اكلمه ومايرد .. حسيت انه فيه شي قربت منه وكان قد فات الفوت .. ااااااااه ياجاسم اااااه
هيفا : الله يرحمك يايبه الله يرحمك ويغفر لك ويسكنك فسيح جناته
(( وراحوا الرجال وصلوا على المرحوم ((بومشعل)) ودفنوه ورجعوا للبيت وجاء ابراهيم على ملا وجـهــه ودخل لمجلس الرجال وراح لمشعل))
ابراهيم ووجـهه مخطوف\ دفنتوه؟
مشعل: ايه تونا جاين من المقبره
ابراهيم وعصب: ليه ليــه تدفنونه ليه ماانتظروتني حرام عليكم هوموابوي انا ماشفته من زمان كان خاطري اشوفه واودعه واسلم عليه وادفنه معاكم ليه ماانتظروتني
مشعل: ابراهيم مووقتك قصر صوتك الرجاجيل قاموا يطالعون
ابراهيم وعلاصوته اكثر: هذا كل همك الرجاجيل ومايهمك انا ومايهمك اني ماشفت ابوي
بورائد بحزم: ابراهيم اخوك فيه اللي يكفيه خلاص اجلس وادعي لابوك بالرحمه اللي قاعد تسويه مايصير
ابراهيم مارد على عمه وسكت من القهر وشافه جاسم وضمه وابراهيم انفجر بكـاء بحضن جاسم وكان اغلب المعزين يطالعون فيه ومااهتم لهـم وجلس يبكي بحراره على ابوه مثل الطفل
جاسم: الله يرحمه ياابراهيم اللي قاعد تسويه مايصير انت المفروض تستغفر له مارح ينفعه شي الحين ولارح يوصله شي غير الدعاء والاستغفار واذا تبي تعوض ابوك عن غيابك وتثبت له حبك مارح يوصل له شي غير الدعاء ادعي له ياابراهيم ...
ابراهيم بخاطره: الله يرحمك يايبه الله يرحمك
وبعـــزاء النــســـاء دخلت شهــد بعد مااتصلت على هبه وعرفت عنوان بيتــها الجــديــد .. وشافت اختها جالسه بالزوايه وتعرفت عليها بصعوبه بسبب شكلها المتغير
شهد: هبه .. عظم الله اجرك
هبه: شــهد زوجي مات ياشهد ماااات
شهد وتضم اخـتــها: هدي اعصابك حبيبتي .. هدي اعصابك ادعي له ياهبه وهذا يومه ادعي له
ام هبه: شهد حبيبتي كبرتي تعالي سلمي علي
شهد: لا ماابي اسلم عليك ماابي .. انا هنا عشان اختي موعشانك ولو ادري انك هنا ماجيت اصلا
(( ومـــرت أيـــام العـــزاء بســرعه وبصــعوبــه على اهـل المرحــوم وضلوا كلــهم ببيت بومشعل حتى ام مشعل .. وهبه جلست ببيت زوجــها ومعاها اهـلهــا كلـهم.. وهيفا تروح وتجي يوميـا .. وابراهيم سكن ببيت اهلــه .. وعرفوا اسباب الوفاه وعرفت فرح ان هبه مالها علاقه لكن هي السبب لان المنشطات اللي خذاها ابوها اشتغل معفولها عكسـي .. وادت لوفاته وبعد ثلاثه ايام ببيت بومشــعــل ))
بغرفه فرح كانت تكلم سعد
فرح: انا ماني مصدقه ياسعد ان ابوي ياخذ هالمنشطات ليش وحق شنو؟
سعد: الرجال بهالسن يحتاجون بهالمنشطات بس يمكن ابوك خذاها بدون استشاره طبيب عموما يافرح الله يرحمه
فرح وتبكي: انا للحين ماني قادره اصدق اللي صار راح بغمضه عين
سعد: حبيبتي ادعي له الحين ماينفع الا الدعاء .. فرح انا ابي اكلمك بموضوع ويمكن مووقته بس انا رح اكلملك فيه عاجلا او اجلا فـ ابي اخذ رايك بالموضوع
فرح وتسمح دمعتها: شنو وشفيك؟
سعد: انا قررت اخطبك من اخوك تتوقعين يوافق
فرح: والله مووقته ياسعد
سعد: موالحين بعدين لمى تهدى الاوضاع لازم اخطبك من اخوك لانك اكيد مارح تجلسين ببيت اخوك تحت رحمه مرته فكري بالموضوع زين ورح تشوفين ان احسن حل هو الزواج
فرح: طيب سعد معليه انا مااقدر اكلملك الحين بسكر باي (وتسكر وتروح لصورة ابوها وتضمها وتبكي بحراره)
بغرفه هبــه كانت شهد اغلب الوقت مع اخــتـهـا وتنام معاها بنفس الغرفه ..
هبه\ وبعدين ياشهد
شهد: وبعدين بشنو؟
هبه: لين متى رح تضلين تتجاهلين امي بهالطريقه هذي .. خلاص اللي صار صار وامي ندمت واهي الحين محتاجه لنا مثل مااحنا محتاجين لها واكثر بعد ..
شهد: انا تعودت على حياتي بدونها وماني محتاجه لها ابدا .. خلاص انا كيفت نفسي على كذا
هبه: الحاجه مودايما ماديه احنا بحاجه للامان لحنان الام اللي انحرمنا منـه وبعدين ياشهد انتي لازم تنسين اللي صار وهذي امنا احنا مهما سوينا مارح نعوضها الااام اللي عاشتها وقت ولادتـنا .. صحيح انها غلطت بس حست بغلطتها وجات تتعذر وانا اخاف بعد عمر طويل يصير فيها شي وتروح مننا وهي زعلانه منك كله ولازعل الام ياشهد الجنه تحت اقدام الامـهات
شهد: انا احبـها بس ماني قادره انسى اللي صار واسامحها
هبه: الله سبحانه وتعالى انعم علينا بنعمه النسيان وبعدين انتي لازم تسامحينها اذا الله سبحانه وتعالى يسامح انتي ماتسامحين .. انسـي وسامحيــها والله اننا كلنا محتاجين لبعض .. تصدقين انا اول ماجات امي عندي هـنا كنت معصبه وماابيها لكن المرحوم بومشعل خلاني اكلمها واسامحـها .. وفعلا سامحتها وماندمت على هالشي لانها فعلا تغيرت ولاني محتاجه لهـا .. والحين بزياده امي رح تكون معاي على طول خاصه الحين لازم تكون معاي بوجـه اعيال الراسي انتي ماشفتي بنته وشسوت فيني بالعزاء والا ولده اللي جاي من امريكا اللي يستر منه
شهد وتستوعب كلام اختها: اعيال الراسي .. زوجك وشسمه وولده اللي جاي من امريكـا وشسمه
هبه: زوجي جاسم وولده ابراهيم وعنده غيره مشعل وفرح وهيفا
شهد بخاطرهـا: معقــولـــة يــكــون ابــراهيـــم ولده
هبه\ شهد شهد وين رحتي وشفيك سرحتي
شهد: هاااه لا مافيني شي تدرين انا بروح المطبخ اشرب ماي
هبه: زين حطي شي على راسك لان اعيال زوجي ينامون بالبيت
شهد: اوكي اوكي
شهد وتطلع من غرفه اخـتــها وتروح للمطبخ وتفكر بكلام اختـها .. وتشرب ماي ولسى تفكر بالموضوع ..
شهد بعد ماخلصت من شرب الماي: معقوله يكون ابراهيم
((وتلف تبي تطلع من المطبخ وتنصدم باللـي شـافتـه قدامــها .. توهـا تفكر فيه وشافته ولمى شافته تأكدت ان ظنونـها بمحـلها وقالت بدون شعور: أبــراهــيـــم .. ))
ابراهيم وانصدم لمى شافها وقال: شهد .. شتســوين هـنا .. لحــظـه لحــظه .. ليكــون انتي اخـتي الـ ..
((أنــتـــهــى الــجــزء الـعـشـرون))
((الجـــزء الحـــادي والعـــشرون))
....الفصــل الاول ...
شهد وتطلع من غرفه اخـتــها وتروح للمطبخ وتفكر بكلام اختـها .. وتشرب ماي ولسى تفكر بالموضوع ..
شهد بعد ماخلصت من شرب الماي: معقوله يكون ابراهيم
((وتلف تبي تطلع من المطبخ وتنصدم باللـي شـافتـه قدامــها .. توهـا تفكر فيه وشافته ولمى شافته تأكدت ان ظنونـها بمحـلها وقالت بدون شعور: أبــراهــيـــم .. ))
ابراهيم وانصدم لمى شافها وقال: شهد .. شتســوين هـنا .. لحــظـه لحــظه .. ليكــون انتي اخـتي الـ ..
شهد: اللي شنو؟
ابراهيم بحزم: اخت اللي ماتتسمى
شهد: اختي اسمها هبه
ابراهيم وسكت لثواني وقال: ههههههههههههههههههههههاااااي
شهد: مااشوف شي يضحك
ابراهيم: ياسلام والله كل اللي صار وماتشوفين شي يضحك .. لعبتوها صح انتي واختك ... اختك خذت ابوي وانتي ناويه علي وانا بطيبتي وكل نياتي مصدق حبك وكنت ناوي اخطبك الحمدلله اني عرفتك على حقيقتك وماخطبك
شهد: انا مالي علاقه بزواج اختي وبعدين محد ضربك على يدك وقالك تعال واخطبي انت اللي كنت تلاحقني من مكان لمكان تتمنى بس اني ارضى عليك واعطيك وجـه وع فكره انا قلت بفكر وماعطيتك قراري يعني انا كلك على بعضك موشايفتك
ابراهيم: حلو حلو .. طلعتي على حقيقتك ومسويه لي عاشقه وولهانه وانتي طلعتي حيه رقطه من تحت لتحت .. ااااااخ بس ااااخ انا شلون كنت مغفل وكنت احبك صدق ماكان عندي سالفه .. اكيد انتي اللي ساعدتي اختك وخططتي وياها انكم تطلقون امي موانتو ناس دون اتوقع منكم كل شي
شهد: احترم نفسك انا اللي عرفتك على حقيقتك وبعدين انا واختي مانبي منكم شي انت وابوك اللي ركضتوا ورانا وكنتو تبون منا الرضا لنرضى واسأل روحك لو انا ركضت وراك بيوم من الايام معناها اختي سوت مثلي .. وع فكره انت واحد سكرجي وراعي حريم وانا كنت ناويه افكر بموضوع خطبتك لي بس الحين عرفت انك موبس فيك هالصفات بس الا طلعت نذل وخسيس وتافه ومدلل ودلوع امـه ودام ام مشعل امك .. لعلمك لاانت ولاامك تشرفوني (وتروح وتخليه بوسط حيرته)
ابراهيم: وطلع لك لسـان بعد .. لكن هين ياشهد انا لك .. انت واختي هالخايســه محـد بيوقفكم عند حدكم غيري ياكلاب الشوارع ..
/
/
/
/
/
/
الســـاعــــة 9 ليــلا ببيت بومشعل كانوا اعيال بومشعل وهبـه وشهد وامهـم مجتمعين مع مشعل واخوانه وامه ..
مشعل: طبــعــا .. انا جمعتكم هـنا كلكــم لموضوع مهـم .. مهم جدا .. مثل ماانتو عارفين الشركه لها كم يوم واقفه والشغل متعطل عشـان كذا انا ابيكم تسوون لي توكيل عشان اكمل الشغل
ابراهيم: لحظه لحظه انت شلون تناقش امورنا العائليه قدام كل من هب ودب
مشعل: للأسف هالناس الدون ابوي دخلهم بيننا
شهد: ماله داعي لهالكلام .. واختصر كلامك لوسمحت
هبه: وبعدين انا مااقدر اسوي لك توكيل بصراحه مااثق فيك
مشعل: وشقصدك تبين تنهبين اكثر من اللي نهبته من ابوي
ام هبه: احترم نفسك وبنتي مانهبت شي وكل شي ابوك كان يجيب لها هديه يعني ماخذنا شي من احد
مشعل: هدايا .. تكون شي معقوله طقم الماس او ساعه الماس شي معقول مو فلل وسيارات شدعوه لو انت الليدي ديانا ماعطاك هذا كله
فرح: شنو شتقول .. ابوي عطاها فيلا وسياره
مشعل: ايه اقصد فليتين وحده ساكنين فيها اهلها سابقا والثانيه مسوويه فيها مشغل وبأسمها وسيارتين اخر موديل واخرهم معطيها اياها بيوم وفاته يامحاسن الصدف وبعدين هذا اللي نعرفه الله يستر من اللي مانعرفه
ام مشعل: ااااه يالقهر هالحقيره تطلع بكل هذا وانا ولاشي
هبه: احترموا نفسكم وتكلموا معاي بأدب والا وشلون ارجي الادب منكم موفاقد الشي مايعطيه
ابراهيم: احترمي نفسك والا الحين اقوم واعلمك قدرك
شهد وعصبت: وش بتسوي يعني ياابراهيم
ابراهيم: انتي اخر وحده تتكلم ماابي اسمع صوتك هالنحس
هبه: خلك ساكته يااختي الكلب اللي ينبح مايعض خلاصه الكلام امك مالها داعي بهالاجتماع لانها مومن الورثه
ام مشعل: وشللي يثبت كلامك
هبه: انتي مطلقه والكل يعرف هالشي
ام مشعل: مطلقه .. حلوه ذي عندك دليل
هبه: حسبي الله عليك .. يعني بتنكرين هالشي كلهم يعرفون هالشي
هيفا: شنو امي متى تطلقت ..؟
ام مشعل: لاتطلقت ولاشي ماعليك منها هذي تبي تطلعني منها
هبه: كلكم تدرون انها مطلقه
ام مشعل: والله اذا ماعندك دليل سدي فمك احسن
هبه: استغفر الله العظيم .. عموما انا عندي الدليل وهي ورقه طلاقك غيابي النسخه عندي والاصل عند المحامي ومارح تاخذين شي من الحلال
مشعل: يمه هبه مع اني ماادانيها بس معاها حق انتي مطلقه يعني طلعتي منها واحنا بصراحه موناقصين حد يشاركنا الحلال يكفينا احنا
ام مشعل: شنو .. حسبي الله عليك من ولد انت ويا هالكلبه وتخلي امك توقف معاها ضدي؟
مشعل: يمه انا لامعك ولامعاها انا مع الفلوس وكل مازاد حد كل ماقل نصيبي انتي كبرتي وماتحتاجين للفلوس
ابراهيم: ماله داعي هالكلام يامشعل قدام الغرب
مشعل: المهم الحين انتو كلكم تجون معاي بكره تسوون لي توكيل فاهمين نبي نمشي شغل الشركه
فرح: مشعل انا مارح اسوي لك توكيل بصراحه انت بخيل وماتعطينا فلوس انا ابي نصيبي كامل .. وبعدين انا قررت اطلع من الجامعه واسوي لي مشروع
ابراهيم: والله تطلعين من الجامعه والا ماتطلعين ماهميتينا المهم تاخذين نصيبك وانا بعد يامشعل اسف ماعندي ثقه فيك ابي نصيبي
هبه: وانا بعد ابي اخذ نصيبي كامل وماابي اكمل معاكم
مشعل: حلو حلو الروس نامت والعصاعص قامت .. قاعدين تتكلمون عن نصيبكم وناسين الشـركـه اللي رح تغرق لو كل واحد خذ سهمه او باعه وبعدين دامكم كلكم تكلمتوا وتبون نصيبكم ماعدا الاخت هيفا ساكته عسى ماشر
هيفا: انا ماعندي مانع بسوي لك توكيل
ام مشعل: غبيه والله غبيه خذي فلوسك احسن لك واذا ماتبينها عطيني اياها
هيفا: انا الفلوس ماتهمني اهم شي اسم ابوي يضل مثل ماهو بالسوق
ام مشعل: الله والابو عاد مات وماورثنا شي مالت عليه
فرح : يمه وبعدين قولي خير والا سكتي
ام مشعل: وشفيك يابنت ابليس والا سمعتي ان فيه ورث وطلعت المحبه الحين
مشعل: اووووه يمه وفرح مووقتكم وبعدين انا فكرت بالموضوع ورح اقولكم انكم اذا قسمنا الورث رح تاخذون حلالكم من الشركه ومارح يطلع لكم ذاك المبلغ اللي هو وحتى معرض السيارات شراكه مع عمي ورح تطلع لكم ملاليم
ابراهيم: شركه وشكبرها وشعرضها تطلع لنا ملاليم وحتى لو ملاليم نبيها انا مااثق فيك وشراكه وياك ماابي .. ابي اخذ سهمي من الشركه والمعرض بعد ..
مشعل: طيب انا بشتري اسهمكم
فرح/ وتشتريها من وين ان شاء الله موانت اللي طول عمرك مفلس وماعندك فلوس .. من وين طلعت لك هالفلوس
مشعل: موشغلكم المهم اني بشتريها واحافظ على اسم ابوي
هيفا: انا ماابي ابيع شي ابي اعطيك توكيل
مشعل: والله ياهيفا انتي الوحيده اللي احس ان قلبها على قلب ابوي
ام مشعل: الا الوحيده الغبيه والمفهيه هنا
هيفا: الله يسامحك يمه
هبه: اقول انا ابي الخلاصه وبعدين ياام مشعل اذا بتقعدين كل شوي تقاطعينا طلعي احسن اصلا ليش جالسه هنا
ام مشعل\ والله حالي من حال اهلك عسى مالك اهل
شهد: بسم الله علينا اول مره اشوف عجوز ماتنطق بالخير عجوز النار
ابراهيم وعصب: شهد اخر مره اسمح لك تتكلمين بهالشكل سكتي دام النفس عليك طيبه
هبه: هد اعصابك ولاتصارخ عموما مشعل انا ابي نصيبي بالشركه والمعرض وهالبيت بعد وكل شي يخص زوجي
فرح: البيت احنا مارح نبيعه
مشعل: ومين قال هالكلام البيت انا عرضته للبيع وجاب سعر زين
فرح: انت تتكلم من كيفك وين نروح
مشعل: تدرين اشتري لك بنصيبك شقه على قدك وعيشي انتي وامك فيها والا تعالوا عندي البيت المهم هالبيت رح ينباع
ابراهيم: اووووه الاخ مشعل يقرر على كيفه اسمعني انا مارح اجلس هنا كثير كلها كم يوم وارجع لامريكا وابي نصيبي كامل
مشعل: خلاص بشتري منكم نصيبكم من الشركه والمعرض والبيت
ابراهيم: اوووه طلعت بطران ياللي تدعي الفقر كل يوم وليله .. عاد تدري ومن الاخر انا مااثق فيك وانا من بكره بدوام بالشركه وابي كل الملفات والمستندات اللي تخض الشغل وحسابات ابوي بالبنك ورح ابيع سهمي لاعلى سعر مولك
مشعل: ياسلام يعني تبي اسم ابوك يختفي من السوق
فرح: مشعل ترى احنا كلنا كاشفينك انت ماهمك لااسم ابوي ولاغيره انت كل همك هو انك تكوش على كل شي وانا بسوي مثل ابراهيم ورح احط لي محامي ومحاسب يكون معاك ويراجعك اول بأول لاني مااثق فيك
مشعل: ياعيني والله اذا انتو تقولون هالكلام وش خليتوا لبنت الشوراع
هبه: احترم نفسك بنت الشوراع هذي اشرف منك ومن (وتطالع بفرح وتلفت لاخوها) ومن غيرك .. وان تكلمت علي انت والا اخوانك كلمه وحده رح اشتكي عليكم وبعدين انا ماني مستغربه هالتفكك كله فيكم اذا كان الاساس(وتأشر على امهم) غلط .. عموما دام اخوانك موواثقين فيك لهدرجه انا بعد مااثق فيك وابي فلوسي كامله ورح احط محامي ومحاسب حال من حال غيري وابي نصبي كامل
هيفا: ياجماعه شفيكم حرام عليكم ابوي للحين مانشفت تربته وانتو كل واحد يفكر بالفلوس وموعارف شلون ياخذها من الثاني هذا بدال ماتجلسون تترحمون عليه وتفكرون شلون تحافظون على شركته ومكانته بالسوق
مشعل: والله قلت لكم عطوني توكيل ورفضتوا كل واحد يفكر بنفسه وبس
ام مشعل: انت اخر واحد تتكلم اذا امك اللي هي انا اول ماتنكرت لي وبعدين ابوك مات وشبع موت ومااستفدنا شي بحياته يمكن مماته يكون خير ويستفيدون منه مااقول الا حسبي الله ونعم الوكيل بعد كل هالعشره اطلع من المولد بلا حمص
ابراهيم: يووووه يمه خلينا بالمهم .. مشعل متى بناخذ نصيبنا
مشعل: من بكره بجلس مع محامي ابوي ونشوف وبعدين ترى ابوي كاتب وصيه
الكل مذهول لمى سمعوا كلمه الوصيه
مشعل: ايه وصيه عند المحامي ومقسم فيه الحلال مثل ماهو يشوف وبالنهايه هذي فلوسه وهو حر فيها .. وانا يوم قلت لكم سووا لي توكيل عشان نمشي امور الشركـه هالكم يوم عموما ماعادت تفرق وياي المحامي رح يجي بكره ويقرى الوصيه وناخذ حقنا مثل ماحب ابوي اننا ناخذه ..
/
/
/
/
/
/
"تتوقعون شنو مكتوب بالوصيه" قالتها لبناتها بذهول
هبه: ماادري اول مره ادري ان زوجي كاتب وصيه قبل وفاته
شهد: بصراحه هالعايله مفككه ومشتته ومحد فيهم يدري عن الثاني .. وباين من كلامهم انهم مايثقون ببعض
ام هبه: انا بصراحه موقاهرني الا هالمشعل اللي خلاهم يتهاوشون لين يشبعون وبعدها قال فيه وصيه
شهد: يمكن يبي يشوف رده فعلهم .. صدق ماعنده سالفه ..(وتلفت لامها) يمه وحشتيني
ام هبه : وانتي اكثر ياحبيبتي (وتضم امها وتبكي )
شهد بخاطرها: يمكن احساسي بالوحده والحنان خلاني احس اني لازم اقترب منك ماحبيت اكون عاقه وبعيده عنك مثل اعيال ام مشعل .. سامحيني يمه ..
/
/
/
/
/
بغرفه فرح كانت تكلم سعد ..
فرح: عاد بكره رح نشوف الوصيه
سعد: اوووه .. شكل السالفه مطوله اجل
فرح: لا مااتوقع لان ابراهيم جاي من السفر ومستعجل فـ اكيد كل شي بيخلص بسرعه
سعد: المهم وحشتيني
فرح: اوووه سعد انا بشنو وانت بشنو
سعد: سمعيني انا بكره جاي للشرقيه وابي اشوفك وش قلتي؟
فرح: بكره؟
سعد: ايه عندي شغل بكره وبالمره حجه وحاجه .. وبعدين فوفو انا من زمان ماشفتك اشتقت لك
فرح: طيب خلاص بشوفك بكره بس مااقدر اطول .. تدري وشرايك تجي البيت احسن
سعد: لا وين انتي من جدك اول كان مافيه رجال بالبيت بس الحين بيتكم مليان رجاجيل وانا موناقص اروح فيها
فرح: وشقصدك ماكان فيه رجال ليه ماتعد ابوي مع الرجاجيل
سعد: لاياحياتي بس ابوك رجال كبير ومايعرف هالسوالف وبعدين كان لاهي مع زوجـته لكن ابراهيم ومشعل كل واحد فيهم ادهـى من الثـاني وانا بصراحه موناقص مشاكل نتقابل برى لو ساعه احسـن
فرح: اوكي
سعد: طيب متى رح تكلمين اخوانك بموضوعنا ..؟
فرح: اي موضوع
سعد: وليش عندنا غيره موضوع زواجـنــا ..
فرح: ماادري توا الناس .. الحين لاهين مع الوصيه بعدين
سعد: اوكي بس اتمنى مايطول الموضوع والله مشتاق لليوم اللي تصيرين فيه زوجـتي
فرح : وانا اكثر
/
/
/
/
/
/
بغرفه هبــه كانت شهد جالسه تسولف مع امـها واخـتها ويلفت انتباهها مسج ع جوالها وتفتحـه .. وتقراه وتتغير ملامحـها وكان المرسل ابراهيم " شهد ممكن تفسرين لي اللي قاعد يصير ماني قادر اصدق انك مو الانسـانه اللي حبيتها ووثقت فيـها"
هبه: شهد وينك وشفيك سرحانه
شهد: هاااه .. لا موسرحانه ولاشي عادي معاكـم ..
ام هبه: وين معانا شكلك بعالم ثاني
شهد: لاثاني ولاثالث .. تدرون انا مابقى لي الا كم يوم وارجع لامريكـا بس مالي قلب ارجع وانتو بهالحـاله
هبه: انتي كل اللي عليك انك تروحين وتشدين حيلك بالدراسه وترجعين لنا بعد كم سنه الدكتوره شهد وتحققين حلم الوالد
شهد: بس كذا ماطلبتي شي من عيوني
/
/
/
/
/
بمكـتـب رائــد كان رائـد جالس مع المحامي
المحامي: بكره موعد الجلسـه الاخيره والقاضي رح يقول حكـمه
رائد: ليكون بس هالمره بعد يقدرون يسوون استئناف
المحامي: لا مستحيل اصلا موقفهم ضعيف اكثر هالمره ومستحيل القاضي يعطيهم حكم بالاستئناف
رائد: والله ياخوفي مثل المره اللي فاتت قلت لي مستحيل وماادري شنو وبالاخير استـئنفوا الحكم
المحامي: صدقني يااستاذ رائد مارح يقدرون هالمره الحكم نـهائـي ومارح يقدرون يسوون أي شي والتهمه لابستهم لابستهم
رائد: بنشوف لكن تأكد ان خابت ظنوني بكره مارح يصير خير
المحامي: انا هالمره مـتأكد ان ظنونك مارح تخيب ابدا ورح تشوف
رائد: مومشكـله بكره بيذوب الثلج ويبان المرج
/
/
/
/
/
/
اليــــــوم الـتــالـــي ..
ببيت نغـــم .. كــانـت جالســـه بغرفتــها .. وتطالع بصوره زوجــها بكل حب ووئــام وتسـمع لاغنيـه اسيل عمران
الله يهنيك فيني والله يهنيني فيك ...ياعسى تبقى في ايدنيني وياعسى ابقى في ايدك ..
ان طلبت اعطيك عيني والله ماتغــلى عليــك ... اللي مابينك وبيني اغلا من الدنيا ذيـك ..
الله يهنيك فيني والله يهنيني فيك ...ياعسى تبقى في ايدنيني وياعسى ابقى في ايدك ..
((تتذكـرين .. اول مره نلتقي فيــهــا ..؟ " أيــه" ))
ولاتضحـك احلفك في لقانـا الاولــي ... لمـى جـاء كفـي في كـفـك كان عيونك علـي .. ارتبكت من زود لطفك قلت في نفسـي أثـقلـي ...
رغــم أنـي ماأعــرفـك بس شعرت ان انت لـي ...
الله يهنيك فيني والله يهنيني فيك ...ياعسى تبقى في ايدنيني وياعسى ابقى في ايدك ..
" الله يمهـل ولايهمل"... فعلا هذه الكلمـات انطبقت على ام مشعل التى حينما كانت بلحـظه قوه استغلت ضعف نغم والخادمات عندها وعذبتهم
غافله عن عذاب الله ... ونسـت ان الدنيـا دوراه ولاشي يستـمر على حـاله كانت القويه الجباره التى لااحد يستطيع الوقوف في وجـهها
وصارت صغيفه هشـه لاتسـتطيع التفريق بين الصالح والطالح ولاتستطيع التميز بين امس واليوم ... كانت قويه ولكن الله ارسل لها من هو
اقوى منـها ولاقوي الا الله ...
نستـطيع تطبيق هذه المقوله على فـرح التى تعتبر نقطـه مصغره عن امـها ولـكن هل فـرح ضحيـه امـها ام ضحيـه نفسـها ومكرها
وخبثها بدهائـها استطاعت ان تسرق زوج اخـتها منـها وبلحـظه ضعف صدقها وبلحظـه ضعف وثقت فيه وسلمته نفسـها ولم يستحق
تضحيتها وكان سبب دمارها ... بقصـه فرح الكثير من التناقضات التى مرت بهـا فـهي رسـاله لكـل فتـاه تقع في شـرك الحب ..
وتقع فـي شراعمـالـها .. فـرح بدأت حيلـتها مع نغم واخـتها وزوج اخـتها ولكـنهـا انطعت بالظـهر من شـريكـتها وخسرت
كل مالها ولم تتعظ بـل عالجت الخطأ بخـطأ اكبـر .. وكـانت النـهايـه ...
" الدنـيا لـسـى بخـير " مقوله ترددهـا نغم دايمـا وخصوصا بعد زواجـها من رائد الذي غير حيـاتها واخرجـها من الظلمـات التى
كانت تسكـنها الى الحب والنـور التى لاترى غيـره فـ شـكرا لك يارائـد ..
" رائــد" سبب سعاده نغم وتعـاسـه اريج ... فـأين هي اريج الان .. وماذا تفعل ؟ .. وكيف هي حيـاتها الجديده .. وهل هي ضحيه الحب
ام ضحيـه رائد .. احبته ووثقت بـه صحيح انه كان يحـبها ولـكـن نهايـه حبـهم كانت صفعه بوجـه اريـج غيرت مفهـوم الحب
بنظـرهـا للأبـد وكان ثمره الحب وصمـه عار تحملـها اريج في احشـائـها وتكبر امامـها يوم بعد يوم ... فـ بئـسـا لك يارائد..
" رائد" لااعلم ماذا اقول فيـك هل الومك لمى فعلته لاريج او ام اشكـرك لما فعلتـه مع نغـم .. فـعلا انا محـتـاره واترك الحـكم للقراء
ليحكمون عليك ... و" لكــن " رائد انت كنت سبب سعاده نغم وتعاسـه اريج هل وجـدت انت هذه السعاده فعلا .. ام انك مازلت تعيش
بحـاله حب لاريـج التى تكبر امـامك يوما بعد يوم واسمـها لن ولم يفارق لسـانك .. انني اقصد بالكـلام اريج ابنتك ان نسيت او تناسيتاريج الحقيقـه ...
" رب ضـاره نافـعــه " اخـر كلمـه كتبـتها هيفاء في مذكـراتـها ولم تذكـر لمـاذا ... احتفظت بالسبب لنفسـهاا ... ولكنـنـا
نعلم لمـاذا ....؟ عندما سرقت تؤامـها زوجـها منـها وطلقهـا اسـتأئت بل غضبت واحست انـها اغبى انسـانا بالكون ولكـن حدث العكس
اكتشفت انه خائن وسوف يتـركـها لاول نزوه يواجـهها وايضـا التفت للحب الحقيقي الذي كان ينتـظرهـا منذ زمـن بعيد ... احبـها ولم
تحبـه .. تزوجـت ولم تكن مقتنعه به " ولكـن " الان اصبح اهم شي بحيـاتها بـل كل حيـاتها ... وايـضا لاننسـى انها استـائت من
زواج والدها بهبـه ولكـن هبه هي من ساعدها على الخروج من صدمتـها النفسيه بخطيبها واخـتها وساعدتها ببدايه حيـاتـها العمليـه
هيفاء ... لن تنسـى فضل هبه عليها وهبه لن تنسـى فضل والد هيـفاء الذي اعاد النور لحيـاتهـا ...
" ومـن الحـب ماقـتل " هذه المقوله تنطبق على ابو مشـعل الذي تسبب بقتل نفسـه بطريقه غير مبـاشره لاجل حبه لزوجته هبه ..
هبه التى عاشت طوال عمرهـا مسؤوله عن اهـلها .. وفجأه ظـهر بومشـعل بحـياتـها فغـيرها لـها توقعت انه لن يحدث فرقا بحياتها
غير الاحتياج المادي الذي دفعها للزواج بـه ولكـن علمـها بطريقه او بأخـرى معنـى الحـب الحقيقـي ...
"سبحـان الله يغير ومايتغـير" قالتهـا شهد بينـها وبين نفسـها بعد زواجـها بأبراهيم واكتـشافـها للتغير المذهل الذي اصـابه .. فتحـول
من شاب مستـهتر يحب اللهو مع الفتيات والخمر الى انسـان ناضـج وكـامل على الاقـل بنـظر شـهد ... ترى هل هو الحب الذي غير
ابراهيم ام لان الزواج هي الطريقـه الوحيده بالنسبه له للوصـول لقلب شـهد لانـها الوحيـده التى قالت لابراهيـم لا ... شـهد غيرت
مفهـوم الحيـاه لابـراهيـم وشـهد وجدت ضالتـها في ابـراهيـم الذي بيومـا بعد يوم يحسسـها بالامـان ...
" دنـيا القـوي " ... فعلا انـها دنيا القوي التى تجعل بونبيـل وابنـته رنـا يشـترون النـاس بنقودهـم رغم معرفه الكل بـفضائحهم
ولكـن هي المـاده التى تجعل جميع النـاس يبذلون قصاري جـهدهـم للأرتباط بهـذه العائـله التى تحتاج لعلاج نفسـي وقبل ذلك تحتاج
لتقويه الوزاع الديني لديـهـم ...
" سـامحني يارب" هذه الكـلمـه لاتفارق مشـعل منذ دخوله السجـن وحتى يومـنا هذا ... اصبح انـسانا اخرا وتاب الى ربـه توبـه
صـادقه ويتمنى من اللـه ان يسـامحـه ويتمنـى من اهـله ان يسـامحـوه على مافـعل ...
" بعيد عن العين ... بعيد عن القلب" مقوله لم تؤمن بهـا او حتى تصدقـها ,,, رغم ان البعد حصل منذ وقت طويل الا عن الحب لم مازال كما
هو ولم يمحيه البعد او يطويه الفراق .... الحب فـي قلبهـا هو كما كان بالظبط رغم حرجـه لهـا وتركـها بعد قصـه حب طويله وبعد
هذا كلـه رحـل بدون عوده .. حاولت تتظاهر بالنسـيان ولكـنهـا تفكر بـه دايمـا ... حاولت ان تقضي طوال وقتها بالعمل لتتجنب التفكير
ولكـنه على بـالـها اغلب الاوقـات ... تحبـه وتعلم انه لو عاد لهـا وقـال سـامحني لن تتردد بـذلك لانـها بينـها وبين نفسـها
سـامـحـته فـعلا ... هذه هي حال فـاطمـه ... وهي من توسلت لوالدها لمسـاعدته .. ليس فقط لانه والد اطفاله بل لانه هو في حياتها
" الحـب الاولي " فكـما غنـى حسين الجسمـي ... ماالحب الا للحبيب الاولي الجرح من ايديه يطيب وينجلـي ...
هـذه كـانت النـهايــه ... ولكـن هذه النـهايه ماهـي الا بدايـه .. (نعم) بـدايه لفصـل جديد من فصـول الحيـاه ...
احترت في امرك كثير ضيعيت حبي الكبير .. معاهم انت علي الزمان وانت وانا
ان كان في بعدك عذاب فـي قربك انا اموت...وان كان هجرك غياب افضل انا الـسكـوت ...
سنين تطوي السنـين وجرحـك في قلبي انين ... الذكرى عندك تعيش واحساسي منك يمـوت ..
... وطلع رائد من عند اريج وهي تبكي وتوجـه لسيـارتـه وموعارف وين يروح او مع مين يتـكلم ... صار اللي ماحسب حسابه
وقرر انه يروح عند نغم ويتـكلم معاها ... وراح لبيتـه وراح لغرفـته ولـقى نغم جالسـه ترتب ملابسـها وتحطهم بشنـطه ...
رائد: نغم وين رايحـه ..
نغم وطالعته بنظره مكسـوره: مالك دخل انا طالعه من هـنا هذا بيتك موبيتي انا وبنتي رح نطلع من هالبيت ومن حياتك بعد وخليك
مع زوجتك وولدك
رائد وتضايق وراح لها وحط الملابس بالدولاب: لا يانغم هذا بيتك وبيت بنتك واذا وجودي يضايقك انا اللي رح اطلع بس انتي ماتطلعين
((ويجي يطلع وتناديه))
نغم: بتروح لها ...
رائد: لا ,,
نغم: طيب اصلا مايهمني اعرف وين بتروح بس يهمني اعرف اذا بتروح لها والا لا ..
رائد: ليش يهمك ..
نغم وتروح له وتوقف بوجـهه: رائد انا ابيك لي لحـالي ماابي حد يتقاسمني فيك حتى ولو كانت زوجـتك .. انت وعدتني انك ماتتخلى عني
رائد: وانا مارح اتخلى عنك
نغم: كذاب انت تخليت عني لمى كنت معاها بلبنان وحتى ماكلفت نفسك واتصلت فيني ... رائد انت وعدتني بعد انك تكون لي لحالي وماتكون
لغيري بس كذبت واخلفت بوعدك ..
رائد: وانتي بعد يانغم وعدتني بيوم عيدميلادي انك ماتزعلين مني لو مهما سويت وانك تضلين معاي وتسامحيني .. نغم انا احبـك ..
نغم: بس يارائد هذا موحب هذي انانيه انت اناني .. انت تحبني وتحب غيري بنفس الوقت انت تبي كل شي وماتبي تقدم لغيرك اي شي ...
انت وعدتك صح بس ماوعدتك اني ماازعل منك اذا جرحتني (( وتنزل دمعتها) رائد شنو تبيني اقولك تبين اقولك احبك حاضر ان شاء الله
انا احبك والله العظيم احبـك ... تبيني اقول سامحتك ... مااقدر مااقدر اسامحك عللي سويته انت جرحتني يارائد وحرجك هذا كبير ومااقدر
اتحمله ... رائد انت كل حيـاتي كل اهـلي ... انا الله حرمني من امي وابوي ومن الاخوان .. انا عشت اغلب حياتي وحيده وجيت انت
وعوضتني عن امي وابوي وكل اهلي ... انا خايفه خايفه انك تروح وتتركني انا ماارضى اي حد ياخذك مني ... ماابي اعيش معك وانت
نصك لي ونصك لغيري ... رائد انا ماعندي غيرك انا وبنتك ماعندنا غيرك .. صحيح اني انفرضت عليك ببدايه الزواج .. بس فكر فيها
انا ماكان بيدي خيار ثاني والكل كان مأكد لي انك تبيني لمى تزوجتك انصدمت انك ماتبيني بس مع الايام والعشره حبيتك وانت حبيتني ...
والحين وين راح الحب .. وين راحت العشـره .. كل هذا نسيته لمـى شفتـها .. انا ماطلبت منك شي مستـحيل .. انا مارح اكون
انانيه ورح اسمح لك تخـتار ان اخترتني انا مستعده افتـح معاك صفحـه جديده واحاول انسـى ورح اعتبر اريج بحياتك مجرد نزوه