عزاي إنك رجاي العذب لو كل الدروب عثور،للكاتبة/ اديم الراشد

[صواديف عشاق]

عزاي إنك رجاي العذب لو كل الدروب عثور،للكاتبة/ اديم الراشد



البـارت الاول .. .
.
في المنطقه الشرقيه تحديداً في الخفجي في حي ساكن حي متماسك ومتعاون .

في بيت ابو خلف
في احد الغرف فز خلف على صوت الباب اللي انفتح بكل قوته وصفق بالجدار قبل يفهم وش اللي صار نزل راسه بسرعه قبل توصله المكنسه اللي طارت وصفقت بالجدار وطاحت والتفت يناظر من هاللي داهمه شاف وجدان وسالم وغيث متخبيين ورا الدولاب بخوف
خلف بغضب : وش صااااير وش بلاكم يا مجانين !؟
قبل يتكلمون سمعوا صراخ وعد اللي تنادي من برا
وقرب غيث بخوف : خلف تكفى فكنا من وعد
خلف ضربه بشويش بطرف رجله: وش مسووييين !؟ قربت وجدان وهي تجلس جنبه وهي تضحك من قوة الخوف : والله ما قصدنا كنا جالسين بالسطح وبالغلط انعدم الغسيل ما انتبهنا
خلف طارت عيونه بذهول: وش مطلعكم السطح فجر !؟
ابتسمت وجدان بفشله : هو امس خربنا الغسيل وتو اكتشفته وعد
دخلت وعد واختفوا كلهم ورا خلف ووقف خلف بتعب : في وجهي هالمره في وجهي
وعد بغضب: ماشاء للله كل مره بيخربون وتحطهم في وجهك
خلف : بالغلط يابنت الحلال
سالم : والله بالغلط
وعد : خلك انت يا ثور!؟ انا بلاي من هالبقره اللي معكم ؟؟
لفوا كلهم على وجدان اللي شهقت بصدمه : انا بقره !؟ وعد : بقررره عندك مانع!؟
وجدان بضحك: اللي تبييين انا بقره وستين بقره بس نطلب العفو
التفت لها خلف ببتسامه وهو يضربها بخفه ودخلت ندى : خييير وش هالحرب من صبح الله
وعد :جهزتي فطور ابوي انتي ولا جايه تشوفين وش فاتك!؟
ندى سكتت بضحك ورجعت للمطبخ قبل تقلب عليها
وجات حنان ببتسامه : صباح الخير خليف ( تصغير اسم خلف)
اتجهه لها خلف ببتسامه : صباح النور والنوير
مدت له حنان ملابسه : تأخرت اليوم في النوم !؟ فيك شي
خلف : قصدك تأخرت افكك الهوشه
ضحكت حنان : يلا عشان تلحق لدوامك
اخذ خلف اغراضه ودخل وهو يناظر اماني اللي تنظف وهي رافعه صوت الاغاني وعايشه جوها
وهو فعلاً في بيتهم كل انسان له جوه الخاص
استعد وجهز وطلع وهو يسمع سوالف امه وعمته بالحوش واصوات هواش وعد
قرب وهو ينزل يبوس راس امه وبعدها عمته نوريه: صباح الخير
ام خلف : هلا هلا يا امي صباحك خير ياحبيبي
ام وعد: هلا يا خلف يا ولدي ما مريت فيصل تصحيه بطريقك!؟؟
خلف : وهو باقي ما صحى!؟
ام وعد : نصحيه مافيه فايده وابوك بينزل للفطور الحين ومايحصله
ابتسم خلف وهو ينادي : وعععد وانا اخوك شوفي شغلك مع فيصل
ضحكت ام وعد : يا خلف انا لو ابيها تصحيه بقولها بس تعرفها بتهاوش هي وياه
ضحك خلف : تدرين ان ربي راحمني ان وعد قويه وشايله عني نص هالبلاوي ولا وكان انجنيت
ام خلف : بسم لله عليك
جات اماني ببتسامه وهي تغني بضحك :صبح صباااح الخير من غير ما يتكلم
ولما غنى الطير ضحك لنا وسلم
خلف : الله الله تعالي تعالي يا اروق وحده في هالبيت
جلست اماني جنبه : والله اني اكافح عشان اروق
مدت له ورقه : خذ هاذي اغراضنا اللي نبيها
اخذها خلف وهو يناظر بهدوء ورجعها لها وهمس : ابوي ما بيرضى عليها كلها!؟
اماني بنفس الهمس : تعال المطبخ
طلعوا متجهين للمطبخ المزدحم وغمزت اماني لوعد تطلع غيث ووجدان وسالم
خلف: وش السالفه !
اماني : ندى قولي له
قربت ندى تسكر الباب
وعد : ندىى وش مسويه !؟
ندى ضحكت وهي تطلع من جيبها شطرطون عليه بصمه ورفعته وكلهم يناظرون
اخذه خلف يقلبه : وش ذا!؟
سكرت الباب ولفت بمكر : ابوي امس بصم على اوراق وبعدها نام ويوم شفت اصبعه طرت لي فكره اخذت الشطرطون ولزقته على اصبعه وسحبته بشويش وصارت بصمة ابوي فيه
حنان شهقت: ليييه وش تسوين ببصمة ابوي
تكتف خلف متعجب : وش بتستفيدين اصلا
ندى : مو صح لازم نكتب الطلبات في ورقه ولا نقدر ناخذ هالطلبات من البقاله لين ابوي يبصم عليها ويقتنع بها كلها !؟ وان مافيها خرابيط ولا شي يكلفه فلوس
وعد:اييييه
اخذت ندى الشطرطون ببتسامه وهي تلصقه على اصبعها بالعكس وحطت اصبعها في البصمه وبصمت وطبعت بصمة ابوها بالضبط في الورقه ورفعتها بضحك: الحيييين تقدرون تشترون الللي تبون من البقاله وابوي يدفع بسلام
لفوا عليها بذهول وهم مصدومين وكان ابو خلف من حرصه ما يقدرون يشترون شي من البقاله على حسابه الا ببصمته ومن ضمنها اغراض البيت
وعد : انتي مجنونه يا بنت
حنان بخوف: لو درا ابوي بيذبحنا
ندى : ماهو داري وبعدين ترا ابوي لا يقرا ولا يكتب يعني ماهو داري
خلف : اسم انك تعبتي وفكرتي بنسويها مررره وحده وبس وفيصلوه لا يدري
ضحكت ندى : يعني اليووووم بنسبح في الخرابيط
خلف اخذها بضحك: بتسبحين بس الله يستر لا ينتبه ابو ممدوح ويقول لابوي
اماني : ما هو مركز هاذي مقاضي كل اسبوعين يعني ماهي يوميه
سكتوا على صوت ابوهم اللي نزل والكل طلع للفطور واخيراً مدت اماني الورقه: يبه هاذي المقاضي ناقصه
التفت ابو خلف: خلف اقراها
اخذها خلف يراقبهم ببتسامه وهو يدقق فالورقه : رز ، شاهي ، حليب ، سكر ، صابون و... وكمل باقي طلبات البيت
واخذها ابوه وهو يطلع البصمه من جيبه وبصم عليها : خذها لابو ممدوح ولا تاخذ غيرها
خلف : ابشر
وقف ابو خلف يناظر فيصل اللي توه ينزل وهو يسحب نفسه ووقف : انت متى بتصير رجال وتقوم مع الناس هاااه
سكت فيصل مارد والتفت ابوه بغضب: خلص افطر وراكم مدارس
لفوا على صوت الباب اللي فاصل بين بيتهم وبيت جدهم قايد
اتجهه له خلف وفتحه ببتسامه : ارحبي يا مضاوي
مضاوي : هلااا والله وش ذا الصبح الزييين مصبحين على وجهه خليف
وهمست : زييين ماهو ابوك اللي فتح الباب ولا ما صبحنا بخير
ضحك خلف : لا يسمعك تراه معصب
ضحكت مضاوي : اسكت لو يدري وش انا جايه ابي يهون عليه اسبه ولا اطلب هالطلب
قرب خلف بضحك: وش تبين !؟
مضاوي : طال عمرك صحيت الصبح وشميت ريحة فولكم واشتهيته بس نظراً لكثافه السكانيه في بيتكم ادري ما انتم مخلين شي عشان كذا بسألك عندكم فول!؟ وانا اسويه !؟
ضحك خلف : ادخلي تفاهمي مع ندى انا مالي شغل في امور المطبخ
اعتدلت مضاوي وهي مبتسمه بفشله ودخلت : صباح الخير
الكل : صباح النور
ابو خلف : وش عندك يا مضاوي مسيره من صبح الله
مضاوي بفشله: ا ابد اتطمن عليكم
خلف اشر لندى تقوم وفزت وهي تركض لمضاوي واخذتها بهمس : هاه وش فيك!؟
مضاوي : عندكم فول!؟
ضحكت ندى: كنت حاسه بتجين تدورين عشان كذا حطيت لك على جنب
مضاوي : كفوو على بنت اخوي
ابو خلف: مضاااااوي
طلت : سم
ابو خلف: كلمي عيال نايف يجهزون عشان اوديهم مع العيال للمدرسه
اخذت مضاوي الصحن : ابشر
ورجعت وهي تهمس : خلصوا وتعالوا تقهوو معنا
ندى: طيب
وقف ابو خلف وهو يستعجلهم يجهزون ماعاد فيه وقت
_______________________.
وفي بيت الجد قايد
دخلت مضاوي بصحن الفول مستبشره بس فجعها عقاب اللي من صبح الله وهو مستشط ويصارخ ويصحي اخوانه
وواقف متكتف وهو لابس بدلته العسكريه وكان (يشتغل على الحدود )
هيا :بشووويش يا عقاب على اخوانك
التفت لها وهو مقطب : هيون لا ترفعين ضغطي انتي بعد
طلع عبد العزيز يلبس بسرعه ولفت مضاوي : شهد عزوز بسرررعه ترا ناصر ينتظركم ومعصب
طلعت شهد تركض وهي توقف عند سحر : سحر سوي شعري عجزت فيه
التفت عقاب بغضب: ويييين على الله كل هالكشخه!؟ تراها مدرسه جدلي شعرك وامشي
ناظرته شهد بضيق وصدت وقربت مضاوي وهي تعطيه كوب شاهي: ياخي علامك عليها خلها تكشخ تراها انثى
عقاب : اقول مضاوي كلي هالفول اللي تطوفين به وريحينا
ضحكت مضاوي وهي ترجع تجلس : بكيفك ياعدو الجمال
طلع الجد ابو ناصر: وراك ياذا الجني صراخك واصل اخر الحاره
مضاوي : بعد يا يبه ما تعرف عقاب
عقاب طنش وجلس بجنب جده بعد ماباس راسه: ياجدي مايطيعون من ساعه وانا اقول خلصوا عمي ينتظر ما فيه فايده يمشون على بيض
الجده ام ناصر مرت وهي معصبه بعد : انا ادري سنه لين يقومون وسنه لين يطلعون
سكتوا على صوت ابو خلف ينادي : وييينكم
طلعوا عزوز وشهد: جاهزين عمي
قرب ابو خلف يسلم على ابوه وامه وطلع لانه مستعجل وطلع عقاب وهو ينادي : عزوز
التفت عبد العزيز : هلا
مد له عقاب فلوس : خذ مصروفك وانتبه لنفسك
عزوز : ابشر
قربت شهد ببتسامه: وانا مالي نصيب
التفت لها عقاب ببتسامه: افا وانا اخو شهد لك دبل النصيب
عطاها مصروفها وهو يحرص عليها كالعاده وراحت وعقاب يناظر عمه اللي كانت سيارته وانيت غماره وحده قدام شهد ووجدان وغيث وفي الحوض عزوز فيصل اللي كان اخر مرحله فالثانوي وسالم اللي للحين بالمتوسط
وواضح طفشانين كلهم والتفت وهو يشوف خلف اللي واقف ببتسامه : صبحه بالخيييير خليف
لف خلف : هلا هلاا بالنار والشرار
عقاب : هلابك تعال تعال للقهوه جدي يحتريك
خلف : يلا اخذ اغراض اهلي وارجع
رجع عقاب مستعجل : سحر عهد وينكم
عهد: بسم للله وش فيك !؟
عقاب: بيجي خلف انتبهوا لا تطلعون وجهزوا القهوه
عهد : طيب
دخلت المطبخ وهي متبسمه وهمست : سحر يقول عقاب جهزي القهوه خليف جاييي
وقفت مضاوي وهي تضحك : للله الله عين السيح جااي بتنزل له احسن قهوه
لفت هيا تضحك وهي تشوف سحر مبتسمه وهي ما تبين ردة فعلها لكن معروفه مشاعرها
( كانوا من زمان يعروفون سحر لخلف وخلف لسحر) وماكانت سحر تشوف في هذا شي غلط بالعكس متأمله خييير في خلف اللي كان طوق النجاة من تشدد عقاب
ولا هي الا ثواني وسمعوا صوت خلف يدق الباب : يااا اهل البيت
عقاب بصوت عالي: اقلط اقلط
دخل خلف وهو يسكر الباب اللي بينهم : صبحهم بالخير
ابو ناصر وام ناصر: صباح النور يا خلف
خلف : كيف اصبحتوا
ابو ناصر : حمدلله
ام ناصر: وين امك وعمتك ما صبحوا
خلف : بيجون شوي
ام ناصر : وراها اختك هالجنيه من صبح الله تهاوش !؟ ضحك ابو ناصر : الظاهر في كل بيت جني ( يقصد عقاب وصراخه ووعد وصراخها )
عقاب : افا يا جدي وش قصدك
صد خلف مبتسم وهو عتبان على وعد وهواشها اللي اذا عصبت يطلع صوتها : تعرفون فيصل لازم يرفع ضغط اهل البيت كلهم
ام ناصر : الله يعين بس
خلف :ما جاء عمي محمد!؟
ابو ناصر: لا جاء ولا ندري عنه ؟ الظاهر لو يموت في ديرة اليهود محد درا عنه
عقاب : الله يصلحه مدري وش يبي هناك
خلف : يوسع صدره
ابو ناصر: ماعليه ماعليه، يلا ياخلف وانا جدك خلنا نروح لدكاننا
ابتسم خلف :ابشر بس اقضي اغراض البيت وألحقك
ابو ناصر : زين الله يعطيك العافيه ( خلف
اللي كانت امنيته يكون في السلك العسكري او في المجال العسكري ولكن رفض ابوه خوفاً عليه يصيبه خطر او انه يتعب بما ان خلف يعاني من " الربو الحاد جداً )ومن بعدها جلس خلف مع جده اللي كان عنده محل جميع لاجهزه والالكترونيات وصيانتها وقرر يكون عنده بما انه مهتم في هالامور )
_______________________.
في سطح بيت ابو خلف
كانت سحر واقفه وهي تسولف مع وعد واماني وكان فيه بعد باب في السطح يفتح البيوت على بعض
لفت وعد وهي تشوف سحر اللي حاطه طرحتها على راسها: وش بلاك انتي من بيشوفك في السطح
ضحكت سحر: والله عاد هاذي اوامر عقاب مدري من بيشوفني بس اتوقع انه يشوف شي ما نشوفه
اماني : بسم لله وش يشوف يعني
وعد : لا ووالله ياحبيبتي هذا مرض في راس اخوك !؟ خييير انهبل وقعد
سحر: ماعلينا من اخوي ! تعالوا بنجلس ونسولف زين عقاب بيطلع لدوام بعد شوي
اماني : ماعليه نخلص البيت ونجي تعرفين الحوسه
سحر: زي..
انقطع صوتها وهي تسمع صوت عقاب يناديها وسكرت الباب ونزلت تركض: سم
عقاب : وش تسوين فوق السطح ؟
سحر: انشر الغسيل
عقاب : لابسه الطرحه ؟
سحر : ايه
عقاب : يلا انزلي لا تطلعين فوق الا لضروره
سحر: طيب ابشر
عقاب : يلا انا رايييح تبون شي
سحر: سلامتك
طلع عقاب وكعادته يطير ومستعجل ونزلوا البنات كلهم يجهزون قهوتهم وسوالف بما انهم اغلبهم ما كملوا دراستهم وجالسين في البيت
_______________________.
وفي بيت النوخذه ابو ثنيان
في غرفة عالي فيها صوت فيروز في هالغرفه كانت ليلى واقفه بعد ما لبست فستانها اللي مليان بألوان الصيف لفت وهي تعدل شعرها وتغني معه طلت تفتح الشباك وابتسمت ونزلت وهي تسمع صوت ابوها وامها وشيخه : صباح الخير
ابو نهيان : صبحچ الله بالخييير والسرور
ام نهيان: تعالي يمه قعدي تريقي ويانا
لفت ليلى : شيخوووه بس خلي هالكتب والله راسي عورني وانتي مستمره
شيخه لفت تناظرها ببتسامه: شعليچ انتي خليتچ بروحچ
ابو نهيان: تعالي اتركيها براحتها
جلست ليلى : يبه وين بتروح الحين!
ابو نهيان: بروح السوق يبه وراي اشغال
ليلى :طيب اروح وياك عادي!؟
ابو نهيان: يابنتي مايصير اليوم خليه باكر احسن
لفت ليلى بضيق : يلا مو مشكله
ابو نهيان: وانتي يا ام نهيان جزاتچ الله خير قعدي جابر خليه يلحقني صوب الشغل
ام نهيان: زين
طلع ابو نهيان ولفت ليلى بملل وهي ما تعرف احد في الخفجي بس يوسع صدرها سوالف الحريم اللي يجون عند امها
وطلعت لغرفتها وهي تقلب الكاميرا بتفكير وحطتها وهي تشغلها
راحت لراديوا الموجود وهي تغير بالقنوات بس ابتسمت اول ماسمعت اغنيه تصلح لرقص سكرت الباب ببتسامه وبدت تمارس تسليتها الوحيده وهي الرقص الشرقي وكانت تحب تصور عشان تشوف ادائها
_______________________.
عند خلف
اللي وقف متكتف قدام بقالة ابو ممدوح وهو يدعي ما يكشف التلاعب اللي سووه ببصمة ابوه ابتسم وهو يدري ان اطباع ابوه عجيبه غريبه !؟ وطريقة تصرفهم معه اغرب
ضحك بنفسه يقول ( الناس تسرق البصمات تسوي بها مصايب !؟ وحنا نسرقها نشتري فيها اغراض من البقاله! والله عجب )
ماكان راتب خلف يساعده انه يغني اهله تماماً عن صرف ابوه عليهم عشان كذا كثيير احيان ينصاع لبخل ابوه
مد يده يعدل نظارته الطبيه واخذ نفس اول ما بدا ابو ممدوح يجهز الطلبات ويحاول خلف يخفي الخرابيط على قولة ابوه (شبسات ، غازيات، حلويات )
رجع لبيتهم دخل وهو ينادي وركضوا له البنات واجتمعوا حوله
ضحكت ندى: ضبطت الخطه
خلف : نشف ريقي لين ضبطت تخيلت بس ان ابو ممدوح يقول لابوي وحزتها وش يفكنا
وعد ببتسامه: بالله عليكم سارقين بصمة ابوي عشان هالخرابيط
اماني : والله هالخرابيط على قولك لو ما سرقنا هالبصمه ما كان شفتيها الا كل سنه مره وكله عشان ما نكثر مصاريف على ابوك
خلف: خلاص خلاص هي مره وتوبه المهم سكروا على الموضوع وانا برجع لشغلي تبون شي
حنان: ماقصرت كفيت ووفيت
رجع خلف لشغله مبتسم وهو ينبسط اذا شاف خواته مبسوطات حتى لو هي اشياء بسيطه
اخذ طريقه لمحل جده ودخل وسلم وجلس وهو كعادته ابتداء شغله بفك وتصليح
وفي عز اندماجه رفع راسه على صوت تصفيير يعرفه زين نزل الاغراض من يده وطلع يضحك : ناددر!؟ وش فيك تعال
همس نادر من بعيد بضحك: تعال مابي انشب مع جدك
لف خلف وهو يشوف جده مشغول وطلع له : ليه وش قايلك جدي!؟
ضحك نادر: كل ما يشوفني يهاوشني عشان التدخين وكأنه يقول لا تخرب حفيدي معك
ضحك خلف وهو يعرف معاناة نادر مع ابوه وجده : بسيطه يا رجال المهم غريبه وش جايبك هنا
نادر : كنت فاضي قلت امرك وين عقاب !؟
خلف: مداوم
سكتوا على مرور عدد من الرجال وبينهم شخص له هيبته يغطي وجهه الشيب وواضح ماهو من اهل السعوديه
نادر : شفت هالشايبب!؟
خلف : ايه منهو !؟
نادر : ساكن في اسفل الحارهاسمه النوخذه ابو نهيان كويتي
عدل خلف نظارته وابتسم : ايييه واضح ماهو من اهل الحاره
نادر : ايه له فتره يروح ويجي بس معطيه الله خييييير
خلف : الله يرزقنا
لف نادر : ليه ما تجرب تشتغل معهم فالبحر وتجارته!؟ ضحك خلف: انهبلت يا نادر ابوي ما خلاني فالبر بيخليني فالبحر
نادر : والله انا بسوي دراسه ادرس فيها حالة ابوك الغريبه
ابتسم خلف : شوف ربي يقسم الارزاق على الناس ورزقي فالدنيا هو اني ادرس عجايب اطباع ابوي
ضحك نادر : اي والله صادق
وصد نادر بضحك وهو رغم انه يتضايق من ابو خلف وهواشه المستمر له الا انه مايقدر يكرهه خلف ابد اللي عكس ابوه
اما خلف كان يضيق صدره على نادر اللي كان كل مايشوفه ابوه مع نادر يهاوشه ويقول ( لا تمشي مع ولد محمد الخبل ) >> ( يقصد فيها ان ابو نادر شخصيته ضعيفه واذا احد غلط عليه مايرد ولا يدافع عن نفسه وولده ويخليه ، بالمجمل يقولون له الخبل )
لف نادر بسرعه وهو يرمي الزقاره ويطفيها: اسمع الوعد الليله في محلنا!؟
خلف : زين
راح نادر ورجع خلف لمحله
_______________________.
وفي بيت الجد
كانوا البنات بطرف والحريم بطرف
جو البنات كان واضح سوالف ولعب ولفت هيا : وعد!! وش سالفة المعهد اللي تقولينه!؟
وعد : ايييه !؟ هذا الله يسلمك كلمت خالي ماجد يسجلني بمعهد ادرس اي شي ينفعني بدال ما انا جالسه هنا
شهقت سحر : امااانه بتدرسين!؟ طيب عمي كيف بيرضى وخلف !؟
ضحكت ندى : اذا على ابوي مقدور عليه اهم شي مايدفع شي وبكذا يوافق
اماني :اما خلف يازينه خلف مأيد الموضوع كلياً بالعكس يقول كملوا وانا معكم
عهد : سبحان الله الخالق الفارق لو قايلين لعقاب بنكمل بيتوفى بجلطة ثلاثية الابعاد
ندى: ياخي انا فكرت في تصرفات اخوكم !؟ ماشفت فيها الا مرض
وعد اللي تكرهه تصرفات عقاب الللي بكل تأكيد تعتبره مريض نفسي : والله اذا ودك تكملين كملي ما عليك من احد لان محد يدوم لاحد ومصيرك تحتاجين شهادة تنفعك
سحر بضيق: من يقنعه عاد!؟
هيا: والله عقاب ماهو مريض بس يخاف عليكم مايبي شي يأذيكم
حنان: بالنسبه لي اشوف تصرفاته من حبه لكم
وعد بغضب: اي حب انتي وياها لو كله حب كان اقل شي ضمن لهم مستقبل يرفعهم عن الناس لو صار له شي
ناظرتها هيا بحده وصدت وعد بغضب وقبل ينتهي النقاش فزوا على صوت ترحيب ام ناصر
وطلت عهد : اوووه عمي محمد وصل
طلعوا كل البنات اللي يحبون محمد ومحمد يحبهم بما انه محروم من نعمة العيال يحاول قد مايقدر يعوض نقصه في عياال اخوانه
بعد ما الكل سلم لف محمد ببتسامه: جيبوا الشناط يا بنات والله يا اني جبت لكم هدايا
ركضت ندى ومضاوي وعهد يتسابقون على الشناط
وجلست وعد والتفت محمد ببتسامه: اهليييين يا وحش
ناظرته وعد بضحك: عمي الله يرضى عليك وش وحش
محمد : وانا صادق!؟ كل ما كلمت ابوك ولا خلف الا انتي تهاوشين وراه
صدت وعد بضحك: والله من هالبزران
محمد : اجل لو تزوجتي وجبتي عيال وش بتسوين تنهبلين !؟
لفت وعد بضحك: لا والله لا بتزوج ولا بجيب عيال
محمد بضيق بان عليه وهمس: لا تقولين كذا يا وعد وانا عمك تراهم نعمه لا ترفسين النعمه
انخطف لون وعد وتفشلت وسكتت وهي تدري ان عمها مجروح من هالامر
فتحت مضاوي الشنطه وصرخت بفرح: الله عطورراااات
ام ناصر: وجع وش ذا الصراخ
الجازي: سمي بالله يا مضاوي
وقف محمد مبتسم: اصبروا اصبروا انا اوزعها
حنان ببتسامه: والله كثر الله خيرك يا عمي كل مره تكلف على نفسك
ابتسم لها محمد : افا والله ياحنونه ؟ انا وش عندي بالدنيا اغلى منكم
رفعت يدينها مضاوي ببضحك: يالللله تخلي لنا اخوي محمد وترزقه من واسع فضلك
الكل : اميييييين
الكل مجتمع حول محمد وهو يوزع هداياه مبتسم ويكفيه هالابتسامه
_______________________.
في المحل
كان خلف واقف وهو يراقب اهل السوق لكن هالمره يراقب الجديد في السوق وهو النوخذه ابو نهيان
ولف على صوت واحد يقول : سلام عليكم يالاخو
التفت له خلف وهو يرفع نظراته : سم وعليكم السلام
جابر: انا جديد على هالسوق وبسألك عن دكان النوخذه تدله ؟
ابتسم خلف :هلا فيك ودكان النوخذه هذا هو خامس دكان على يمينك
تحرك جابر بس رجع : العذر والسموحه بس ما تشرفت بمعرفتك؟
اعتدل خلف : خلف ال قايد
مد يده جابر يسلم عليه ببتسامه: معك جابر ال نهيان ولد النوخذه ابو نهيان
خلف : يا هلا فيكم شرفتونا ونورتوا السوق يا اهل الكويت
ابتسم جابر برضا : الشرف لنا ياخلف
خلف : اقلط القهوه زاهبه
جابر : مره ثانيه صيفت على ابوي واجد
خلف : لاازم توعدني
جابر : ان شاء الله اقرب فرصه
راح جابر وخلف يناظره وماكان خلف مستغرب وجود الكويتين ابداً لانه بحكم ان الخفجي على حدود الكويت دايماً الكويتين فيها والسعودين في الكويت ومتعايشين مع بعض ومتفاهمين
تقدم لجده اللي جاء وهو يقول : خلف وانا جدك قفل المحل خلنا نلحق قبل صلاة الظهر نصلي ونروح البيت
خلف: ابشر
قفل المحل خلف واتجهه لجده وهو يمشي جنبه
خلف: اقول جدي مريت دكان النوخذه!؟
ابو ناصر: اي والله مريته وعزمته وحلف ما يبي يكلف على احد
خلف : مرني ولده جابر بعد وعزمته للقهوه واعتذر
ابو ناصر : خلهم على راحتهم توهم ما استقروا
خلف : الله يعين
_______________________. .
وفي سيارة ابو خلف
في الحوض
كان فيصل حاط الكتاب على راسه عازل بينه وبين الشمس ومقابله عزوز وسالم اللي نايم
فيصل: عزوز !؟انت صامل معي !؟
عزوز قرب : صامل بس محد مخلينا نطلع تعرف عقاب وجدي
فيصل : ترا حتى انا عندي خلف وابوي بس الموضوع ذكاء يا اخوي وحنا مارح نسوي شي بنطلع نسهر مع اصحابنا ونجي خلف وعقاب بعد يسهرون محد قالهم شي
كان عزوز يتردد كثير والسبب عقاب : طيب كيف بنطلع
فيصل: ابد بعد العشاء قل انك تعبان وبتنام ماتبي احد يزعجك وقل انك بتنام بالسطح وانا بعد وذا ناموا كلهم طلعنا محد يدري
رجع عزوز لورا وهو يشيل هم اذا بغى يطلع وخصوصا انه يدري انهم بيروحون لشله ماهي طيبه كثير واكيد عقاب بيسأل عنهم وهو مايعرف يكذب على عقاب
لكن فيصل كان جريء وقوي ومايهتم لاحد
سكتوا بوصولهم للبيت
_______________________.
في بيت ابو خلف
دخل خلف مع دخول فيصل وسالم وهو متحضن سالم الدايخ من النومه
حنان : جيتوا بوقتكم يلا عشان بننزل الغداء
فيصل : وش فيكم مستعجلين!؟
رفع خلف يده يناظر الساعه : حتى عقاب ما جاء من الدوام للحين
وعد : عمي محمد جاء وتعبان يبي يتغداء بسرعه وينام
وجدان : بشروني وقولوا جايب لنا هدايا
ضربها فيصل : انتي ما تتوبين عند هالشحاذه !؟
التفت له خلف بغضب: وش فيك عليها!؟
فيصل : طويلة لسان
سحبه خلف بهدوء وهو يكلمه بغضب هامس : مليون مره اقولك اذا مديت يدك على خواتك كسرتها لك تسمع ؟
سحب يده فيصل ودخل واخذ خلف نفس واتجهه للمطبخ واول ما دخل طاحت عيونه على المعمول اتجهه له : اوووه هذا معمووول
ناظرته اماني بضحك: ايييه معموول ولا هو اي معمول معمول سحر
ابتسم خلف بخفه وهو متعود انهم يطقطقون بهالموضوع وماكان عنده اي اعترض بالعكس راغب وقابل فالنهايه هو بيتزوج اكيد من بنات عمه
لف بضحك وهو متحضن الصحن : يعني تضمنون مستقبل زاهر
ندى بضحك: نضمن لك كرش زاهره
لف خلف بضحك وهو يقول : سااالم تعال إلحقنا بالغداء
طلع متجهه بيت جده
ابتدوا البنات يجهزون الغداء والنظام انه بيت الجد وبيت ابو خلف يتناوبون على الوجبات يوم الغداء والعشاء في بيت الجد ويوم في بيت ابو خلف
_______________________.
وفي بيت الجد
كانوا الجد والجده وابو خلف ومحمد جالسين ودخل خلف وفيصل وسالم
وفز محمد يرحب واحتضن خلف بحب وهو يغلييييه حيل وابعد خلف مبتسم : اشتقنا لك ياعمي وينك ابطيت علينا !؟
محمد : والله ياخليييف لو تشوف وش هناك ما تجي هنا ابد
ضحك خلف : مابي اشوف ابي السلامه
ابو ناصر : اقول لا تخرب عيالنا معك خلهم في حالهم
ضحك محمد وهو يخبط على كتف ابو خلف : اقول يا ناصر اذا ودك تعرس ابد لقيييت الديره اللي تسر قلبك
لفوا كلهم يناظرونه واولهم ابو خلف اللي جازت له الفكره بس قال ابو ناصر ينفي الفكره: معصي ما يتزوج من ديرةٍ ماهي ديرته اص اص على افكارك الشينه
ابو خلف صد وهو يضحك : مكفيني اللي عندي
قاطعهم دخول عقاب اللي يمسح جبينه بتعب: سلام عليكم
الكل : عليكم السلام
قرب يسلم على محمد ولف له ابو ناصر: عجل بدل وألحق معنا
عقاب : يلا يلا
_______________________.
وفي المطبخ
كانوا البنات يجهزون الاغراض ووالكل طلع للغرفة الموجود فيها باقي الحريم
لكن باقي هيا ووعد وقربت هيا مستعجله : وعد رجعتي لعقاب غداء!؟
لفت وعد: مدري عن البنات لكن انا معصي ما ارجع له
هيا لفت بصدمه: وش بلاك انتي عليييه!؟ تراه ماهو ذابح ابوك
صدت وعد بكرهه : خليييه يستريح بس وبعدين احسن لا ترجعون له خلو طاقته تهبط ويفك خواته من شرهه
هيا : إنا لله وإنا إليه راجعون انتي لسانك متبري منك
اخذت الصينيه وطلعت وتركت وعد اللي كان دائماً عقاب ضدها في كل الامور ودائماً يشوفها البنت السليطه طويلة اللسان اللي لو يصدر من خواته تصرف غلط او كلمه غلط على طول يتهم وعد فيها ولهذا السبب تكرهه وعد ويكرهها
لكن في الممر اللي قريب المطبخ مر عقاب وسمعها وشد على يده بغضب : هييين هييين يا العوبا يا ام لسان انا اوريك شري زين
كمل طريقه للحوش غاضب منها ومن طولة لسانها
_______________________.
وفي الحوش
الكل مجتمعين حول السفره ينتظرون عقاب ومحمد متحضن غيث وهو يقرب له كل شي بالسفره والكل مبتسم
وتقدم عقاب وهو يخبط كتف خلف ببتسامه : اقول خليف اليوم فتحوا بوابة التقديم ما ودك تقدم !؟
التفت ابو خلف بحده: يقدم وين!؟؟
عقاب : في العسكريه!؟
ابو خلف : لا مايبي يقدم هو مرتاح في وظيفته
شد خلف على اسنانه بهدوووء وابتسم وهو مخنوق من خوف ابوه الزايد عليه واللي يحسسه بالنقص واللي يعاني خلف منه اكثر من معاناته من الربو
لف محمد يمسح ظهر خلف بحب وهو يكرهه ان احد يجرح احد بسبب مرض او مشكله يعاني منها : لا والله لا يقدم خليف ولا شي اريح له يداوم مع ابوي وش له بالعسكريه والشقا ما تشوف وجهك يا عقاب كنت مزيون الحين ماش طاح كرتك
ضحك عقاب : ايييه معاد يمديك تكشخ بي
الكل صاروا يحاولون يغيرون السيره ويقفلوون عليها وساعدهم ان ملامح خلف مايبان فيها الزعل ابد
_______________________. .
وفي بيت النوخذه
كانت ليلى واقفه ببتسامه هي تستقبل ابوها : قووه يبه
ابو نهيان : الله يقويچ يبه
جابر : ترا انا معاه
ضحك ليلى : قواك الله
جابر ضحك: الله يسلمچ
شيخه : تأخرتوا يبه!؟
ابو نهيان : والله اهل المنطقه ماقصروا من صباح الله خير وهم عندنا ماقدرت اهدهم واطلع
ام نهيان : ماشاء الله عليهم حريمهم بعد ما خلونا زارونا واستانسنا وياهم
ابو نهيان: طيبين والله طيبين وااجد
ليلى : يبه تكفى باكر بروح وياك السوق
جابر بغضب: على كيفچ هنيه مو مثل الكويت
ابو نهيان: بسس صوتك لا يرتفع على اختك وبعدين يا ليلى يا يبه مايصير تروحين وياي لكن باكر تروحين انتي وامچ وشيخه وتمشون شوي وتردون البيت
ليلى: زين يبه
سكتت وهي تنتظر متى يجي بكره وتطلع وتشوف هالدنيا
_______________________.
الليل
في بيت الجد
كانوا كل العيال جالسين حوالين محمد اللي يحكي ويعبر عن اللي شافه في الغرب من جمال طبيعه وجمال بشر
وكلهم يناظرونه بذهول وهم كل واحد من هول الوصف اللي يوصفه محمد فاتح فمه
لكن تنحنح عقاب وانتبه لنفسه ولف : عمممي اللي يهديك لا تجلس توصف كذا
التفت خلف يناظر فيصل وعزوز وسالم اللي كانوا في اقصى مراحل الهيمان من خيالاتهم بعد وصف محمد
ضرب الصحن قدامهم وفزوا وهم يبعدون
فيصل : وش فيييك!؟
خلف: وييين وصلت انت وياه
عقاب : ولد انت وياااه لم نفسك
ضحك محمد : عقاب حتى احلامهم بتسلط عليها
عقاب : من زين احلامهم قم انت وياه قم
عزوز: وش فيك يا عقاب بنسمع
عقاب : انا ولد ابوي !؟؟وش بتسمع
فيصل : يعني حلال عليك حرام علينا
خلف: فيصلوه اقصر الشر وقم
وقف فيصل يغمز لعزوز يقوم عشان ينفذون خطتهم
ولفوا على سالم اللي جالس مبتسم: وانت يالاخو
سالم: وشو !؟؟
عقاب : اقضب الباب يلا وراكم مدارس
وقف سالم بضحك وطلع معه غيث
واعتدل عقاب بمزح: ايييه ياعمي كمل
طارت عيون خلف : توووك طارد العيال ؟
عقاب : هذاك قلتها عيال يعني مايصلح لهم هالكلام
محمد : يصلح لك انت اجل
ضحك عقاب : ايه كمل كمل
ضحك خلف وهو يقول : انا بالنسبه لي ما ابي اسمع
عقاب :وين بتروح !؟
خلف : لنادر
وقف عقاب : خذني معك
محمد بهمس : ابوك يدري!؟
خلف صد بضيق: اكيد لا ولو درا بيحلف اني ما اروح المهم انه يحسب اني عندك
عقاب : يلا اجل بلبس واجي
خلف : زين ببلغ خواتي واجي
راح خلف لبيتهم ودخل وهو ينادي بهمس : وعد وععد
طلت وعد من الغرفه : تعال هنا
دق الباب ودخل وهو يشوف خواته كلهم بغرفتهم دخل يجلس بهدوء : اسمعوا انا بطلع لنادر اذا سأل ابوي بتقولون عند عمي محمد طيب!؟؟
وعد : ماعليك روح
حنان بتردد: بس اخاف يروح ومايحصلك
خلف: ماعليك مب عارف اذا محد قاله ، فيصل وين
وجدان: من شوي قال بينام فالسطح و لا احد يجي
خلف : يلا زين تبون شي!؟
ندى: انتبه على نفسك بس
طلع خلف لعقاب اللي ينتظر وطلعوا متجهييين لمكانهم المعتاد
_______________________.
في بيت ابو نادر
بعد العشاء كانوا جالسين بهدوء في حوشهم
ولفت ام نادر: نادر امي وش قلت يمه في بنت خالتك
سكت نادر بتفكير : لللحين ما قررت يمه
ابو نادر: وش تنتظر وانا ابوك !؟
نادر : انتظر الوقت اللي استعد فيه وتستعد نفسي
ابو نادر: تراها ماهي قضية فلسطين الموضوع زواج
ضحك نادر: ادري يبه لكن خلني افكر شوي ، المهم انا بطلع لخلف وعقاب برا
ام نادر: لا تطول يمه ارجع بدري
نادر: ابشر
ابو نادر بتردد: مالك نيه تترك عقاب وخلف!؟ ما طابت نفسك من كلام ناصر !؟
وقف نادر بهدوء: تدري ان لا عقاب ولا خلف مثل ناصر
ابو نادر: لو قالهم ناصر يتركونك بيتركونك
نادر: يبه تكفى سكر السيره
اخذ اغراضه وطلع وهو مايدري وش هالذنب اللي مسوينه عشان كلٍ يوقف ضد صداقتهم
_______________________.
وفي بيت ابو نهيان
بعد العشاء كل واحد اخذ طريقه لغرفته الا ليلى اللي كانت مجهزه جلستها بالحوش وجالسه وهي معاها الراديو ومعها كتاب الروايه اللي تقراه وهييي تحلللم بمواصفات هالبطل اللي في الروايه
وفي عز اندماجها سمعت صوت ترحيب فالجهه الخلفيه من بيتهم وطلت وهي تشوف مجموعة شباب يسلمون على بعض
واحد تعرفه دايم تشوفه بالحاره واثنين غريبين كان منهم واحد يكح بشكل مستمر وواحد كان بيده بكت دخان لكن دخله اول بدا اللي معاه يكح استغربت وجودهم ذا الوقت في الحاره
بس طلعوا متجهيين لمكان بعيييد وجلسوا هناك وماعاد تشوفهم
رجعت تكمل كتابها وهي تغني مع الراديو وما اهتمت كثيير
_______________________.
وفي اسفل الحاره
كان نادر يكافح نفسه عشان مايطلع زقارته ويدخن عند خلف اللي يتعبه الدخان وهو اصلا من ساعه يكح
عقاب تقدم وهو يعطيه مويه واخذها خلف مبتسم
عقاب : اييه يا نادر!؟ وش سالفة هالزواج اللي تقوله
نادر اعتدل وهو يجهز القهوه : ابد امي ودها اتزوج وعاد بيني وبينكم انا بعد خاطري اتزوج
خلف بصوت متقطع من الكحه: طيب وش يمنعك!؟ نادر: القصه ان امي جازت لها بنت خالتي اللي ساكنين في حفر الباطن
عقاب : طيب!؟؟
نادر: وانا ما اعرف خالتي الا بالاسم ما اعرف بنتها ولا اعرف وش وضعهم عشان كذا متردد
خلف : اصبر وصلّ استخاره وشف وش يصير
عقاب : مثل ما قال خلف وانا اقول اعقلها وتوكل
نادر : خلوني انا انتم وش وضعكم !؟؟مالكم نيه
عقاب: انا معروف وضعي ماني متزوج لين ازوج خواتي
خلف: اعقل يا عقاب اخواتك بيجيهم نصيبهم كن في نفسك
ضحك نادر : اكبر خواتك وجاها نصيبها عند هالمزيون اللي جنبك
ابتسم خلف ولف عقاب يناظره : اي والله هاذي اكبر نعمه
نادر: والباقين مثل ماقال خلف نصيبهم بيجي
عقاب : موضوع غير قابل لنقاش
خلف : ماعلينا غيروا السالفه دوروا شي يوسع الصدر
عقاب : لحظه ياهوه شفتوا لللي نازل فالحاره جديد!؟ يقولون كويتي !؟
نادر: ايييه نوخذه كويتي له فتره نازل وبدا شغله فالسوق
عقاب :ماشاء الله بأهله!
نادر: اييييه
خلف : شفت ولده بالسوق واضح طيبين
عقاب : بكره ماعندي دوام انزل ان شاء الله لسوق ونشوف جيرانا الجديدين
كملوا سوالف وسط صوت خلف المكتوم اللي تقطعه كحه
.
.
انتهى البارت ♥

[صواديف عشاق]

البارت الثاني..

وفي بيت ابو خلف
في غرفة البنات كانوا يسولفون بهمس عشان مايطلع صوتهم وفجأه دق الباب ودخلت ام خلف بهدوء: بنات
جلست وعد : هلا عمتي امري فيك شي!؟
ام خلف بهدوء: مريت غرفة العيال ماشفت خلف وييينه ما رجع!؟
وعد وقفت : عمتي خلف عند عمي محمد
ام خلف : لله يهديه تأخر
حنان : ماعليه عمتي نامي وحنا ننتظره
ام خلف : انا ما عندي مشكله بس اخاف ابوك يصحى
ندى: لا ابوي في سااابع نومه
طلعت ام خلف وهي تنتظر خلف بخوف وهي تدري لو صحى ابو خلف وما حصله بيقوم الدنيا
لكن الحظ ما اسعفهم وصحى ابو خلف وطلع ولا شاف لا فيصل ولا خلف
اتجهه لغرفة البنات بغضب: وعد وعد
فزت وعد تركض: سم
ابو خلف: وين اخوانك!؟
وعد : فيصل نايم بالسطح وخلف عند عمي محمد
ابو خلف : عند محمد هالحزه!؟؟ ماوراه دوام ما وراه شغل!؟
وعد : ان شاء للله يبه شوي ويجي
ابعدها ابو خلف وطلع متجهه لبيت ابوه لكن شاف البيت سكوووون مافيه احد وغرفة محمد ظلام
والتفت وفزت مضاوي برعب : بسم لله الرحمن الرحيم
ابو خلف : شايفه جني
مضاوي : وش دراني!؟ احد يجي هالحزه
هيا : ناصر بسم لله وش فيك!؟
ابو خلف : وييينه خلف!؟
لفوا البنات يناظرون بعض بتوتر: ا مع محمد
ابو خلف: محمد ناايم
سكتوا البنات والتفت ابو خلف بغضب : وين عقاب
سحر: ماهو فيه عمي
ابو خلف : كنت دااري
رجع مع الباب وسكره بينهم وهو يشوف وعد وام خلف وندى واقفين بتوتر طلع لسطح والكارثه ان فيصل ماهو فيه بعد وانهبل ونزل وهو يصارخ : وعععععععد تكذبييين علي انتي تكذبين
وعد : وش فيك يبه !؟
ابو خلف: فيصل ماهو موجود
لفوا بصدمه وقالت وعد: مدري عنه قالي بينام
ابو خلف سحبها بيدها : انا ادري انك تغطيييين عليهم لكن هييين انا اربيك واربيهم
دفهاوطلع على الباب ينتظر وهو يتحلف فيهم
_______________________.
وفي اطراف الحاره
عند عبدالعزيز وفيصل لللي بعد ما سهروا وسعوا صدروهم وهم راجعين وقفوا بتوتر مايدرون كيف بيدخلون وابو خلف على الباب والامر والادهى انه معصب
عزوز: وش بنسوي
فيصل : بننتظر لين يدخل
عزوز: بس واضح انه معصب اخاف كشفنا
فيصل كان خايف بس مايبين: لا ما ... سكت اول ماشاف خلف وعقاب راجعين وهمس: هو ينتظر خلف اكيد معصب منه
عزوز: ياخوفي يكشفنا بعد
فيصل: لا لا بيلتهي في خلف تعال تعال نجي من الجهه الثانيه
ركضوا لجهه الثانيه وخلف وعقاب كانوا في وجهه المدفع وقفوا بصمت اول ما شافوا ابو خلف اللي واقف بقميص النوم وهو متكتف على الباب
همس عقاب: جااااك الموت يا تارك الصلاة
خلف : استعنا بالله
تقدموا بخطوات ثابته وابو خلف يراقبهم
خلف : سلام
ابو خلف : الله لا يسلم فيكم مغز ابره!؟
عقاب : افا يا عمي وش سوينا !؟
ابو خلف : اقصر صوتك ياعل مالك صوت ، الساعه 3من وين جاي انت وياه هالحزه!؟
خلف: كنا عند الشباب وخذانا الوقت
ابو خلف: تكذب علي انت وياااه!؟ كم مره قايل لكم ما تذلفون لولد محمد الخبل؟؟ خلف : يبه اذكر الله
ابو خلف : ادخل انت وياه ادخل
عقاب : اخر الليل ياعمي الناس نايمه
ابو خلف : انت طس لبيتكم وكلامي معك الصباح
تفشل عقاب اللي كان طول عمره له هيبه لكن اذا كان ابو خلف فيه تختفي ويغسل شراعه ويمسح بكرامته الارض
دخل بيتهم وهو خايف على خلف وقف للباب الفاصل بينهم وهو يقرب اذنه يبي يسمع
وفز على مضاوي اللي قربت مع الظلام وهي تضربه بشويش
عقاب : وجع وش فيك فجعتيني خبله انتي!؟
مضاوي : الله اعلم من الخبل !؟ وش نبي تنصت على الناس اخر الليل
سكتها عقاب وهو يحط يده على رقبتها وكتم راسها بصدره عشان ما تتكلم ويسمع
ضربت مضاوي بغضب: كتمتني يا خبل
عقاب : اصصصص ابي اسمع اص
كانت بتتكلم بس سكتها للمره الثانيه وهو يرجع يسمع
_______________________.
وفي بيت ابو خلف
الكل صحى والكل ينتظر انفجار ابوهم
وركضت ام خلف لخلف لكن وقفها صوت ابو خلف: وخري عنه محد خربه الا دلعك
غمض خلف بهدوء: وش صار يبه ليه كل هالصراخ !؟ خلف : كم مره اقولك ما تسهر برا البيت!؟ وكم مره اعلمك عند نادر هالخبل ولد الخبل!؟؟ تبي تعق فيني انت ولا وش سالفتك
خلف : يبه نادر ماله شغل في اللي انت تقوله!؟ وبعدين وش ذنبه اذا ابوه خبل على قولك!؟ ترا كلنا خلق الله وبدال مايكون ابو نادر بعينك خبل المفروض يكون انسان كافي خيره وشره ومسالم
ابو خلف: عشت وشفت والله هذا اللي جنيته من نادر واهله اخر العهد ولدي يرد علي الكلام
خلف: محشوم يبه ..
سكته ابوه بغضب: نهاية الكلام والله يا خلف لو اشوفك ولا اسمع انك مع نادر ما يصير طييب
صد خلف بغضب وزعل ولكن وقفته كحته المعتاده وركضت امه : بسم لله عليك ياحبيبي بسم للله عليك
لكن قال ابو خلف: وييين اخوك هالثور !؟؟
خلف التفت وهو يحاول يسيطر على صوت صدره المكتوم : مدري عنه خبري فيه نايم بالسطح
فجأه نزلت وعد وقالت : يبه فيصل نايم فالسطح!؟
ابو خلف: شلوون نايم انا ما حصلته
طلعوا كلهم لسطح وكان فيصل نايم واتجهت ابو خلف بغضب وهو يسحبه: فصييييل وييينك من ساعه هاه
بكل براعة وتمثيل فز فيصل: يبه وش فيك
ركضت ام وعد : بسم الله عليه فجعته يا ابو خلف
ابو خلف: من ساعه جايك ما انت فيه
فيصل: يبه كنت بالحمام يمكن جيت وانا فيه
صد ابو خلف بضيق ونزل
ورجع فيصل يمثل النوم وقربت ام خلف لخلف اللي جالس على الصبه وقال بتعب : ندى
لفت ندى: سم
خلف :جيبي فراشي هنا
ام خلف : يمه انزل تحت عن البرد
خلف : لا يمه بنام هنا
حنان بهدوء: خليف الله يسعدك لا تنام بالبرد وتتعب تعال تحت
خلف: ماعليه هنا احسن وهواء نظيف
وعد: خلاص ندى جيبي فراشه ترا كلها نومه بينامها
كانت وعد حريصه ما يضغطون على خلف اكثر ويزعجونه بمسألة مرضه ويخلونه على راحته
خلف : يمه حبيبتي روحي نامي مافيني شي
ام خلف : طيب يمه خذ علاجك
خلف: مايحتاج يا امي انا طيب
وعد : عمتي روحي ماعليك
بعد اصرارهم راحت ام خلف وجلس خلف بهدوء
_______________________.
وفي الطرف الثاني
ترك عقاب مضاوي بعد ماتهاوش معها كالعاده وبعد ماشيك على اخوانه اخذ فراشه وطلع للحوش ينام هناك بما انا الجو حلو لكن وقف وهو يسمع اصوات بيت عمه بوضوح
تقدم بهدوء بعد ماشاف عزوز ناااايم من التعب وقطب حواجبه بكرهه اول ماسمع صوت وعد
وفجأه دخل صوت ندى: خلف انا اقول احسن تنام تحت
خلف : يا ندى وش فيك انتي بعد اقول ما فيني شي
ندى: وذا الكحه اللي تكحها !؟
وعد بطريقة تدعم فيها خلف : وش بلاك انتي بعد من عمر الدنيا وخلف يكح ماصار شي !؟ خلاص لا تطول السالفه حطي الفراش خلي لادمي ينام
نزلت ندى الفراش وراحت وقربت وعد تفرشه وقف خلف وطلع للحمام واتجهت وعد بغضب لفراش فيصل وهي تضربه برجلها بغضب: فيصلوه قم قم قامت قيامتك
انصدم عقاب من حركتها ( وش فيها ذا المهبوله على المسكييين ؟ )
لكن وعد رجعت تنادي: لا تسوي نفسك نايم وقم
رفع راسه فيصل بملل: وش فيك!؟
وعد: تراني سكت وغطيت عليك وماقلت لاحد انك توك جاي انت وعزوز من برا لكن هاذي اخر مره تسمع!؟ والحين تقول من وين جيييت!؟ وش مطلعك ومحد يدري عنك
فيصل: وعددد خلاص عاد لا تكبرين الموضوع ويجي خلف ويسمع وبعدها تكبر صدق!؟ طلعنا شوي مع اصحابنا وجينا ماكفرنا
وعد بغضب: ماكفرت وانت ريحة الزقاير تعج منك ياغبي!؟ ولله لو يدري ابوي يدفنك بمكانك
فز فيصل يبوس راسها: تكفين ياوعد لا احد يدري وانا اوعدك ماعاد اطلع اخر الليل ابد
وعد : ولا عاد تدخن!؟
فيصل: ابد ماعاد يطب فمي
وخرته وعد بغضب: انخمد وبكره نتفاهم
ابتسم فيصل: ابشر ياوحش
رجعت وهي تضربه وانسدح بسرعه وطلعت وعد لكن انهبل عقاب وهو يناظر عزوز!؟؟ ( معقوله رايح وانا مادريت به!؟ وزقاير بعد ؟! )
اتجهه لعزوز ناوي يتوطى ببطنه بس شافه فعلاً نايم وقرر يأجل الموضوع لصبح لكن وعد هالسوسه مايخفى عليها شي
رجع لفراشه وهو يسمع صوت وعد رجعت لخلف : خليف نمت
رفع راسه خلف بتعب: لا
وعد تقدمت وهي مع ادويته :خذ علاجك للاحتياط وتعرف الجو هالايام بارده
نزل خلف ببتسامة تعب: يعني ما رح تخليني لين اخذه؟
ضحكت وعد: يعني اخذه بالطيب
اخذ خلف ورجع ينسدح بتعب ورجعت وعد تنزل وهي فعلاً مايخفى عليها في بيت ابوها شي تعرف كل شي وتعرف نقطة ضعفهم كلهم لكن تبقى ستر وغطى عليهم
_______________________.
ومن بكره
تووو نور الفجر باان واصوات الاذان ورفع راسه خلف على صوت ركض ابعد البطانيه وهو يشوف سالم وغيث ووجدان يركضون متجهين للحبل اللي عليه ملابسهم واخذوها بحذر عشان ما تخرب باقي الملابس وتدفنهم وعد ورجعوا يركضون بس وقفت وجدان ببتسامه: خلف صحيناك!؟
سالم: زين انك صحيت عشان تلحق الصلاة
خلف : أقاموا!؟
سالم: لا باقي يمدينا
قرب غيث يمد يده لخلف عشان يقومه واعتدل خلف ووقف معه وهو يبتسم له
واتجهه لفيصل يناديه : فيصصصصل يلا صلاة قم يلا
بعد جهد رفع فيصل راسه بتعب: مقدر اداوم اليوم
قرب خلف بحذر: وش فيك!؟ مريض!؟
فيصل : ايييه
غيث: كذااب فيصل عشان مايداوم
خلف: اقول انزل انت بس
ولف لفيصل: قم قم صل وبعدين نتفاهم
نزل خلف وفيصل وسالم وغيث متجهين للمسجد
_______________________. .
وفي بيت الجد قايد
كانت الجده ام ناصر تدور بينهم وتصحيهم لصلاة وتناديهم وكلٍ يقوم وعقاب مايقوم على سيرة
لكن فز اول ما حس بكاس مويه انكب عليه ورفع راسه مصدوم بس شاف مضاوي اللي رمت الكاس وانحاشت
وفز وهو يصرخ : مضاااااوي
وانحاشت مضاوي بخوف وهي تتوزى ورا امها
وفجأه نزل عقاب بغضب: تعاالي
الكل انحاش عن طريقه ولفت ام ناصر: وش بلاك
عقاب بغضب: يا جده كم مره اقولها لا تصحيني بالمويه
مضاوي : احسسسن نصحيك لصلاة وعبادة ربي ولا حياة لمن تنادي
عقاب : والله والله والله لاخذها من عيونك يا ام لسان
ام ناصر: انت للي تحدنا لييه ماتقوم تصلي
هيا ضحكت من المطبخ: يقول النوم سلطان يمه
لف عقاب بغضب : وانا صادق ما تركتها بكيفي وبعدين الحين اصليها تونا فالوقت
دخل الجد وعزوز جايين من الصلاة والتفت الجد بغضب: عقاااااب وينك عن الصلاة ؟
عقاب : ماصحيت ياجدي
الجد: عجيييب والله هذا وانت قدوة اخوانك!؟
عقاب: ترا اول مره ياجدي
الجد : خلصنا بس اخلص صل
طلع عقاب يصلي وهو يتحلف بمضاوي للحين
_______________________.
وفي بيت النوخذه
فزت ليلى تركض من نومها قبل يطلع ابوها : يبه يبه
لف ابو نهيان : ليلى شنو فيچ خرعتيني يابنتي
ليلى ابعدت شعرها وهي تبتسم: بتروح الدكان !؟
ابو نهيان: ايه
ليلى لفت بضحك: زين انت وعدتنا نروح ويا امي السوق
ابو نهيان : ايه
ليلى : والسوق يبه يبي له فلوس
ضحك ابو ليلى وهو يفتش جيبه: والله يا بنتي ما معي الحين روحي حق جابر قولي له يعطيج فلوس
ليلى ميلت فمها بضيق : يبه انت تعرف جابر بس اجيب طاري الفلوس يحمق علي ( يعصب) ويزفني ( يهاوشني)
صد ابو نهيان : زين زين انا اكلمه روحي ناديه
راحت ليلى مبتسمه وهي تدق باب جابر اللي طلع وهو يمشط شعره: خير اللهم اجلعه خير شعندچ من صباح الله خير!؟
ليلى ببتسامه تغيضه: ابوي يناديك تحت
نزلت قبله وشافت امها عند ابوها ووقفت بينهم ببتسامه
جابر: هلا يبه
ابو نهيان: معك فلوس!؟
جابر : معي
ابو نهيان: زين تنطر هنيه لين ما يصير حزة السوق وتاخذ امك وخواتك لسوق وانا اذا جيت بالليل اعطيك فلوسك
جابر : بس يبه انا
ابو نهيان: شفيك انت!؟ إحنا في منطقه غريبه امك ماتدل فيها شي تبيهم يهيتون بالسوق ما احد معاهم اسمع الكلام بس
ناظر جابر بحقد في ليلى ولفت ليلى تهمس: يبه قوله اذا بغيت شي ما يرفض اني اخذه
ابو نهيان لف لجابر: اذا ليلى تبي شي لا تردها
جابر: يبه هاذي خبله كل شي تاخذه
ابو نهيان : شعليك فيها انت !؟ قلنا لك بنعطيك بيزاتك .
صد جابر بغضب وطلع ابو نهيان ولف جابر واسرع لليلى اللي لفت ورا امها وهي تتحامى فيها
ام نهيان: وخرر يا صبي !؟ ما تشوفها ورا ظهري ولا خلاص طالت وشمخت
جابر بغضب: يمممه علمي بنتچ هاذي لو ما قضبت لسانها وشرها عني والله والله اصكها راشدي ( كف) يربيها من جديد
ليلى بضحك: ماعوووزك حبيبي الله يخلي ابوي يكسر ايدك اذا مديتها
شيخه: بس بس انتم ما تشبعون نجره وهواش خلاص
جابر: زييين يا ليلووه زين انا اراويچ شغلچ
تركهم وطلع لغرفته ولفت ام نهيان بغضب: انتي وبعدين معاچ ما تيوزييين عن اخوچ طفرتيييه طلعتيه من طوره
ليلى : يمه هو اللي يبدا
شيخه: ليلووه يالعياااره كلنا شايفينچ
صدت ليلى بضحك: خلاص يا جماعه اروح اراضيه
طلعت تركض لغرفة جابر وفتحتها وهي تبتسم وفز جابر بغضب: ولا حقتني بعد!؟
غمضت ليلى اول ما ركض لها وهو يمسك شعرها قالت بضحك: لا لا ياخوي تعوذ من ابليس لا يوسوس لك وتذبح اختك
جابر : ياليت اذبچ وافتك انتي ما تستحين ما تنتخين !؟ لسانچ شطوله!؟
ليلى : ياخوي المسامح كريييم انا اخيييتك اصغر العنقود مايصير تطقني
جابر : والله !؟
ليلى ابعدت وهي تبوس راسه: العذر والسموحه ياجابر ماقصدت والله
ابعد جابر بشك: خييير شعندج تأسفين
ليلى: افا انت اخوي وانا احبك واعتذر منك
ابتسم جابر بخفه وهو متعود على حركاتها: زين زين خلاص سامحتچ
ليلى: ياااااحبيبي والله
طلعت وهي ترجع لغرفتها ببتسامه وفتحت الشبابيك وهي تحب الصبح ونسيمه
(اذا فيه شي غلط رقعوا لنا يا اهل الكويتï؟½ï؟½ï؟½ï؟½)
_______________________.
وفي بيت ابو خلف
كانوا مجتمعين على الفطور وخلف يراقب حنان اللي تمشط شعر وجدان وتسرحه لها بالشرايط واماني كالعاده تقراء لابوها الجريده
وام خلف وام وعد جالسيين يسولفون بينهم
ونزلت ندى بهدوء: يبه
لف ابو خلف : خييير؟؟
ندى: فيصل يقول ماهو مداوم مريض !
فزت ام وعد: وش فيه ؟
ابو خلف : اقول قولي له لو مايجي بجي اتوطى ببطنه
وعد: خليه انا اروح له
طلعت وعد وهي تناظر في فيصل اللي يممثل التعب تقدمت وهي تخصر : فيصلوه فز على حيلك
فيصل: مقدر انا تعبان
وعد : تكذب على من هاه على من اقسم بالله يا فيصل لو ما تفز على حيلك وتلبس وتنزل وتطس دوامك والله لانزل واقول لابوي وخلف وين كنت
فز فيصل بخوف : وش فيك يا وعد كملي جميلك والله تعبان صدق
وعد : من دون كلام قم اللبس وانزل وتعرفني ما اعيد كلامي مرتين
نزلت وتركت فيصل المذهول اللي يعرفها ما تثني كلامها وللحين ما يقدر يخالفها وهي عنده بمثابة ابوه وخلف قام بملل ولبس ونزل والكل يناظره
ابو خلف : وش بلاك انت ؟؟
فيصل : كنت مصدع وعطتني وعد مسكن
ابو خلف : ماشاء الله
جلس فيصل بجنب خلف اللي يناظره بشك يعرف انه يكذب ومتعود على كذبه
ولف خلف على امه اللي تمسح على كتفه وهمست: هاه يمه كيف صدرك تحس انك احسن
نزل خلف يبوس يدها: ايه يمه بخيييير دامك معي
ام خلف : الله يرضى عليك
قربت حنان وهي تمد لخلف سنادويش بعد ما رتبت ساندويشات اخوانها اللي بياخذونها للمدرسه معهم : خلف خذ
اخذها خلف وهو ينزلها قدامه : تأكلها اماني انا بطلع وراي شغل
ابو خلف : خللف
لف خلف : سم
ابو خلف : لا اعيد كلامي
خلف : زين
اخذ اغراضه وهو يناظر خواته: تبون شي!؟
الكل : سلامتك
طلع متجهه للباب وقدامه ابوه بس وقف او ما حس احد يسحبه وراء
لف وشاف فيصل واقف وهمس : خليف معك فلوس
خلف : ايه ليه!؟
فيصل : ابي مصروف مابي ساندويش وعصير
خلف : ليه وش فيها
فيصل: خلف انا كبرت كل العيال معنا صاروا مايجيبون هالسنادويشات الا انا حتى عزوز عقاب يعطيه مصروف
سكت خلف بضيق ومد يده لجيبه وهو يعطيه اللي معه والتفت وشاف سالم وغيث يناظرونه
جلس وهو يناديهم: تعالوا
غيث : خلف ابي ريالين
ضحك خلف : ابشششر يا سي السيد كم غيث عندنا
ابتسم غيث وقرب خلف : سالم تعال كم تبي انت
سالم بحرج: لا مابي انا
فيصل ضربه بخفه: اخس يا عزيز النفس
خلف : فيصل بكسرها
فيصل: خلاص اسفين
خلف : ليه يا سالم !؟
سالم: ما احتاجها انا معي فسحتي
هز راسه خلف باعتراض : ماعليه زيادة الخير خيرين
كان سالم منحرج وهو يشوف انها اخر الريالات اللي بجيب خلف ومامعه شي الا كم ريال هو حاول يرفض بس غصبه خلف واخذها متفشل من خلف اللي يعطيهم كل شي معه ويجلس بدون شي
طلعوا لكن وجدان وقفت خلف: شفتك تعطيهم ما تخاف الله وتقول عندي اخت مسكينه اعطيها معهم
ضحك خلف : افا شلون نسينا ام لساااان تبشرين وانتي بعد كم تبين
وجدان بضحك: ابي خمسسه ريال
خلف : اووف خمسه !؟ وش بتسوين بها
وجدان: بكشخ فيها على بنات المدرسه وبشتري كل شي بالمقصف نفسي فيه واشتري لشهد بعد لانها دايماً تشتري لي معها
ضحك خلف بضيق صدر وهو يتحسر على اخوانه من بخل ابوه : ابشري وتم هااذي خمسة ريال
اقبلت عليه وجدان تضممه وتبوس راسه ويده وضحك خلف يدفها بمزح: يلا المدرسه تحتري
طلعت وجدان بسرعه
_______________________.
وفي بيت الجد قايد
كان عقاب كالعاده يعقب على اخوانه لكن مسك عزوز بطرف وهو معصب: تعال تعال انت ابيييك ابيك
عزوز بخوف : ليه!؟
عقاب: وين كنت امس طاس!؟ اخر الليل انت وفيصلوه
عزوز : هاه
عقاب: هاه !؟ تحسب اني غشيم انت مستغفلني ورايح !؟ ولا زود عليها محد يدري ، الحين تعلمني وين رحتوا امس
عزوز: والله ما رحنا مكان شين كانوا عازمينا عيال معنا بالمدرسه واستحينا منهم
عقاب: وانا هنا رجل كرسي ليه ما قلتي
عزوز: تعرف عمي بيرفض ان فيصل يروح واذا فيصل ما راح انت بتعيي اني ما اروح
عقاب: ماشاء الله ! اسمعني زين ياعزوز هاذي اول مره واخر مره تسويها تبي تطس مكان تقولي وانا اللي اوديك اما هياته على كيفك معصي
عزوز :ابشر ، بس انت كيف دريت
عقاب : مب شغلك ويلا يلا على مدرستك وانتبه لدروسك وفيصلوه الهايت ذا لا تمشي وراه بكل شي يقوله حط عقلك في راسك
عزوز : طيب
اخذ السجاده اللي لاف فيها كتبه ونزل بسرعه ونزل عقاب لكن ابتسم بمكر اول ما شاف مضاوي واقفه عند الراديو تضبطه على اذاعة اف ام اخذ شماغه وهو يلفه بحركه دائريه واتجهه لها
وصرخت مضاوي او ماعرفت وش نيته وقبل تنحاش حشرها بالزاويه
مضاوي : عقااب امانه لا كل شي لا التلسيع ( مدري تعرفون ذا الحركه ولا بس حنا المعنفين)
عقاب : سبحان الله اتفقنا كذا اقولك كل شي الا المويه وتسوينها والحييين صار دورك
مضاوي وهي ضامه نفسها بخوف : عقاب والله تعلم بالجسم
عقاب : هذا اللي ابيه
ابعد وهو يلف الشماغ ونفضها بسرعه وهو يوجهها لها ولسعتها وصرخت مضاوي وعقاب يضحك
وطلعت عهد : كفوووو اخوي كفو برد حرتنا فيييييها
سحر : اوووح والله تعور
هيا : ياويلك من امي يا عقاب
مضاوي : ييييمه يبببببه وينكم خليتوني عند هالمفتري
شهد بضحك: عقاب لحظه قبل تكمل عطني مصروفي بروح عمي عصب
وقف عقاب وهو يعطيها المصروف وركضت مضاوي وهي تسحب طاسة المويه اللي بطرف : والله ان قربت لرشها عليك
صفقت عهد بضحك: اييييوه شكل اليوم فيه تسليه جديده
لف عليهم عقاب وهو يلسع فالهوى ودخلوا كلهم المطبخ بخوف
وطلعوا ام ناصر وابو ناصر: عقاااب وش تسوي
عقاب : اخذ حقي
مضاوي : تكفى يا يبه بنتك بتروح فيها
نزل الجد يبي يبعد عقاب بس وقفهم دق الباب وكان خلف اللي وقف برا وهو يسمع صوت مضاوي عالي وقرر يدخل يشوف وش فيه وركضت هيا تفتح ودخلوا البنات
واول ماشافته مضاوي صرخت وهو تطلع شباصتها ورمتها بضحك على خلف . نخيتك يا خلييف يا ولد اخوي تاخذ حقي وفكني منه
ضحك خلف وهو يسحب شماغه: ابشري بعزك ياعمممتي مضاوي ابشري
عقاب : خييير وش ذا الغش
مضاوي : لا والله فزعه فزعه
ابتداء حرب تلسيع الاشمغه بين عقاب وخلف لكن كان خلف اسرع من عقاب اللي رجع ورا وتعثر وطاح ونط عليه خلف يثبته والكل يضحك
ابو ناصر: ايييه تستاهل يالفسقان
عقاب: غش غششش وتغرير
مضاوي : تكفى ياخلف خلني بنتقم انا
خلف : تعالي
طارت عيون عقاب : مضاوي مويه لا
مضاوي بضحك شرير : تونا متفقيييين ان التلسيع لا وعيييت وجاء دوري
صبت كل المويه على عقاب اللي يصارخ ويتحلف ولف خلف اللي يضحك : هيييييا افتحي الباب النحشه النحشه
فتحت هيا الباب وركض خلف وهو يقول بصوت عالي وضحك: الوعد الدكان ياجدي
طلع يركض وهو يدري عقاب بيلعن خيره لو مسكه
وانحاشت مضاوي وهو تدخل ورا محمد اللي توه صحى من النوم
عقاب: والله ما تسلمين لكن ماهو الحين
الجد وقف : يلا يلا بس عشان تروح معنا
عقاب: ماعليك رايح عشان اتوطى في بطن خلف
محمد : ههههههههه يا شين الهياط ياعقاب مزعجنا فالاخير كفخوك
عقاب: ماعليه ياعمي كل شي ماخوذ حقه
لف ينادي: عهد جهزي لي ملابس
طلعت عهد مبتسمه: طيب طيب
وقفت سحر على الباب وهو مبتسمه لخلف اللي في كل الاحوال يدافع عن البنات كلهم سواءً مزح او جد ضحكت وهي للحين صوت ضحكته في اذنها ورجعت تكمل الفطور وهي تسمع هواشهم
_______________________.
وفي بيت النوخذه
تجهزوا يطلعون لسوق ونزل جابر اللي مهتم بمظهره جداً وهو يضبط شماغه والتفت على ليلى بغضب: خييير لا يكون بتروحين ويانا بهالشكل
لفت ليلى تناظر نفسها بالمرايه وكانت لابسه عبايه سودا وطرحه : ليه شفيه شكلي
ام نهيان : ليلوووه عن العياره ! لا يمه بتلبس نقاب
جاب: عبالي بعد
شيخه: يلا خلونا نروح بدري
ولفت ليلى تلبس النقاب لكن كان هالنقاب يكشف عيونها وحواجبها وشوي من جبينها ( هو نفسه اللثمه عندنا مدري تعرفون نقاب الكويتين او لا ï؟½ï؟½)
ولفت وهي ترمش بعيونها بعبط: تكفى جابر بالله ما اجنن
لف جابر بغضب بيضربها بس مسكته امه : بس بس يا يمه ذبحتوني
ولفت على ليلى تضربها: وانتي خلاص طقت چبدي منچ
ضحكت ليلى: اتغشمر وياكم
جابر: احسن لچ ما تعيدنيها
شيخه: ياربي منكم جهال انتم!؟
جابر: يلا بس
طلعوا متجهين لسوق وليلى بتموت من الوناسه
_______________________.
اما في طريق خلف
للي وقف خلف اول ما حس انه انكتم وقف وهو يكح جلس وهو يكح ويحاول ياخذ نفس لين يهدأ واول ما هدى رفع راسه ووقف لكن هاجمته الكحه من جديد وهو يشوف جابر جاي يمشي وكل شوي يلف يضرب وحده وراه بالمسبحه وواضح مزح لكن ماعطته كحته مجال يشوف هاللي وراه وصد وهو يكح
وفجأه قال جابر: خلف !؟خلف صح
مارد خلف ويحاول يسيطر على كحته واخيراً قال بصوت مبحوح: ايه هلا جابر
جابر: شفيك مريض!؟
خلف اللي كرهه انه يوقف قدامه وهو وجهه مخنوق وصوته مايطلع من كثر ما يكح ورفع يده يمسح على صدره :شوي عن اذنك
راح وتركه وماعطاه مجال يتكلم
ام نيهان: تعرفه !
جابر :ايه هذا واحد بالسوق
ام نهيان: شفيه خنت حيلي
شيخه: الظاهر مريض
جابر : مدري عنه
ليلى: شعلينا فيه يلا بنلحق
جابر: اييه عاد انتي لا احد يكلمچ اذا صرتي بتروحين السوق لو يموتون كل الناس قدامچ ماعليچ
طنشت ليلى وهي تناظر حولها متجاهله اللي صار
_______________________.
وفي بيت ابو خلف
ركضت ندى على صوت الباب وفتحته وابتسمت : هلا هلا خالي ماجد هلا
طلعت ام وعد: هلا هلا بأخيي
ماجد: هلافيييك
طلعت حنان: يوووه ياخالي توني اقول اشتقنا لك ماجيت من زمان
ماجد: تشتاق لك العافيه ياحنون لكن انشغلت
طلت اماني من فوق وهي فرحانه ونزلت تركض: هلا هلا باللي له الخافق يهلي
ضحك ماجد وهو يتسقبلها بالاحضان: هلا با ام الاحساس والرقه
اماني : شكرا يا خال
ام وعد: يلا يلا جيبوا القهوه
رفع ماجد الكيس اللي معاه يعطيه ندى: خذي هالخرابيط على قولتك مريت البقاله قلت اجيب معي شي
ندى: ياخالي والله انك نعمه
ضحك ماجد: ايييه بطينيه ادخلي ادخلي
جلسوا ولف ماجد: وين الباقين
ام وعد: تعرف مدارس ووعد راحت لبنات عمها وبتجي الحين
ماجد: ايييه عاد وعد لازم تشقر على احوال الرعيه هنا وهناك
ام وعد : ايه الله يصلحها
اماني مرت تركض : بنادي وعد
ماجد : عجلي
_______________________.
وفي بيت الجد
كانت ام خلف والجده جالسين بالحوش والبنات بالسطح يسولفون مع وعد
لكن دخلت عليهم اماني مبتسمه: وعود خالي ماجد تحت
لفت وعد ببتسامه: والله
مضاوي : يووووه الحييين تختفون كلكم
ضحكت وعد:عاد هذا ماجد
عهد: اففف ياليت عندي خوال
اماني بضحك: اذكري الله راس المال خال واحد لا تصكينه عييييين ويموت
ضحكت عهد: عاد مالقيت الا ماجد اصكه عين على وش ياعيني
هيا: ازعجتونا بماجد طسوا له فكونا
انسدحت مضاوي وهي تكتب : خلصوا وتعالوا بنلعب
سحر: وش بنلعب!؟
مضاوي : حيوان جماد انسان
سحر: نلعب لين يجون يلا
وزعت مضاوي الاوراق وهم يلعبون والغش الواضح الصريح عند مضاوي لكن تنكر وتجحد بقوة وجهه
_______________________.
وفي السوق
دخل خلف بعد ما هدا وفتح دكانهم وجلس بتعب ماله حيل يطلع برا ودخل جده وعقاب اللي تقدم وهو ناوي يغسل شراعه بس ابعد وهو يشوف وجهه احمر واضح مكتوم
ابو ناصر: خلف فيك شي!؟
خلف : لا ياجدي
ابو ناصر: وجهك احمر
خلف: عوايد ياجدي
ابو ناصر : عقاب يلا يلا طلع الاغراض اللي بنحرج عليها وسمعني صوتك
طارت عيون عقاب: جدي تكفى كل شي الا اني احرج
ابو ناصر: ليييه عيب ولا حرام
عقاب : لا بس مابي
ابو ناصر: اصه بس من تبي يصارخ انا ولا خلف يلا بس اطلع وخلصني
عقاب صد بغضب وهو يطلع الاغراض ووقف يحرج عليها بكرهه لكن جمد وانقطع صوته اول ما مروه عايله لكن معهم بنت عليها جمال عيون سكته ما قدر يفتح فمه وينطق وتصلب يناظرهم ليييين تعدوه وفز على صوت محمد: عقاب وراك متصلب
التفت له بهدوء: سبحاان الله الخالق
محمد : سبحانه بس وش شفت
قبل يرد عقاب وصله صوت ابو ناصر: عقاااب وين صوتك
صد عقاب بضيق: سبحان الله الخالق اللي خلق جدي
ضربه محمد بمزح: استح على وجهك
مارد عقاب ودخل محمد يناظر خلف اللي جالس قدام مكتبه وهو مفكك ازاريره ويحاول يشتغل : خليف فيك شي
خلف : لا
جلسوا وهم يسولفون ووقف خلف وطلع عند عقاب اللي يدور على هالبنت بعيونه
خلف : وش بلاك من تدور!؟
عقاب لف : والله ياخليف شفت لك شوفه لا اله الا لله
خلف لف بملل: يالييييل اعداك عمك
عقاب: لا بس غريبين على السوق وغير كذا غصب تناظر
خلف : منهم!؟
عقاب: مدري
ضحك خلف:على الله الخلايف وااضح العايله كلها خربانه
ضحك عقاب وهو يدورها
_______________________.
وفي بيت ابو نادر
طلع ابو نادر وكان نادر جالس مع امه اللي للحين تحاول فيه يتزوج
نادر : طيب يمه طيب وخلينا نقول اني وافقت انا ماعرف البنت
ام نادر: ما يحتاج يمه والله والله لو تشوفها ما تصدق عيونك بسم الله عليها عقل وثقل وركازه وجمال ماشاء الله تبارك الله بتعجبك صدقني حلوووه حلوه حلاوه تبهر العين وانا يمه خاطري فيها لك
ابتسم نادر اللي كان قلبه رهيف وخضر يحب الزين والجمال: ا طيب يمه تدرس ولا لا
ام نادر: تدرس بس بتخرج قريب
نادر: وكم عمرها انا ما اتذكرها
ام نادر بتفكير قديم : والله يمه يوم جابتها امها ونوير بنت عمتي جايبه بنتها ساره
تكتف نادر بملل: وش عرفني نوير متى جابت بنتها ساره
ضحكت ام نادر : لا لا سنة يموت جدك
ننادر: لا حووول
ام نادر: كبيييره يا يمه كبيييره
نادر: يعني كم تقريباً
ام نادر: فوق العشرين
نادر: كذا زييين اجل ، بس تقولين حلوه
ام نادر : ابد تقول للقمر قم وانا اجلس مكانك صدقني يايمه لو تشوفها ما تغمض عيونك حتى
نادر ضحك: يازين وصفك يمه بس وش اسمها قلتي
ام نادر: شوووق وش فيك نسيت
ضحك نادر : زين يمه زين موافق خلاص
وقفت امه وهي تزغرط وطلع نادر يضضحك وهو يفكر باوصاف امه اللي تخليه تخيل انسانه قمة فالجمال وتحمس يشوفها
_______________________.
وفي السوق
كانت ليلى مفتونه وهي تقضي وتتهاوش هي وجابر على كل شي تشتريه ووقفت بغضب تنتظره يحاسب لكن شافت هالاثنين اللي اللي واقفين وهي تتذكر وين شافتهم كان واحد خلف اللي شافته مع جابر بس اللي معه من شهقت اول ماشافت نادر اللي يناديهم بعيد وراحوا له تذكرت انها شافتهم في الحاره بالليل لكن خلف للحين يكح وهي في كل مره تشوفه يكح استغربت بس لف على جابر يقول : يلا يلا بسرعه برجعكم وارجع اساعد ابوي
تحركوا كلهم ومروا من عندهم وجابر مشغول ما انتبه لهم بس سمعت ضحكهم وخلف وصوته المبحوح يقول : الله يخلف عليك يانادر
ورد نادر يضحك: وش اسوي يا خلف اقول كم عمرها تقول سنة يموت جدي جت
عقاب: واااضح حياتك ورديه يا نويدر
نادر بضحك: الله يكفينا شر عيونك يا عقاب
لفت ليلى تناظرهم وهي سمعت اساميهم كلهم لكن نزلت عينها بسرعه اول ماشافت عقاب يناظر خافت ولفت بسرعه مع جابر
اما عقاب شهق : يا عيال لا تفوتكم
لفوا يدورون هاللي وسوست بعقاب بس ما شافوها
خلف :مافيه فايده انت عيونك زايغه دايم
عقاب: والله غصب علي
نادر بضحك: انا مقدر اناظر صراحه انتظر فارسة احلامي اللي جت سنة جدي يموت
الكل :هههههههههههههههههه ههههههه
افترقوا وكل واحد راح يكمل شغله
_______________________.
وفي بيت ابو خلف
كانت وعد جالسه مع خالها وهو يبشرها ان المعهد قبلها
ابتسمت وعد بفرح : الله يعطيك العافيه ياخالي
ماجد: ابد يا وعد ما سويت شي
ام وعد: الله يستر من ابو خلف
ماجد:ماعليك خلف فيه وانا فيه
اماني: بس كيف بتروحين وتجين له بعيد
ماجد: تروح معي تسكن عندي وتجي في اجازة الاسبوع
شهقت ام وعد: يمه لا لا تكفى ياماجد والله يذبحنا ابو خلف
وعد : وش دعوه يمه ترا مع خالي
ام وعد: ادري بس ابوك بيرفض
حنان:والله ابوي صدق بيعصب حتى خلف ما يقدر يسوي شي اذا عصب
ندى: لا ماعلييييك بيقنعه خالي وخلف ويطيع
ام وعد: انتي بس كنت في وحده وصاروا ثنتين
ماجد: بس بس خلوها علي
سكتوا وهم خايفين بس وعد وندى ابداً ماهم مبالين حتى
_______________________.
في بيت الجد قايد
كالعاده الكل اجتمع على الغداء لكن هالمره الضيف ماجد اللي الكل يعرفه ومتعود عليه ويحبه الا عقاب اللي ما يحبه كثير لانه يدري انه هو اللي مقوي راس وعد وممشي كلامها
اما محمد كان جوه قريب جو ماجد ويستانسون مع بعض وامورهم فالسليم وطبعا عزوز وفيصل وسالم رايقين معاه
وقف خلف اول ما جاء له غيث يقوله ان وعد تبيه دخل شافها متكتفه بالحوش : وعد وش فيك ؟
وعد : تعال ابيك
مشى معها خلف وجلس وجلست وعد : خليف خالي ماجد جاء ويقول ان المعهد قبلني
رفع راسه خلف بهدوء :ماشاء الله مبروك ، لكن كلمتي ابوي
وعد: لا هذا دورك وخالي قال بيكلمه
سكت خلف بتفكير وهو مبسوط ان وعد انقبلت ووعد ذكيه وتستحق الفرصه بس الحييين كيف يقنع ابوه
وعد : هاه خليف وش قلت !
خلف :انا ماعندي مانع بس المعهد بعيد ومن بيوديك ويجيبك !؟
وعد: خالي يقول اجي اعيش عنده عشان مايصير كلافه عليكم بالتوصيل تعرف انت الوضع
خلف : هاذي اصعب ياوعد اصعب
وعد : تكفى حاول
وقف خلف : طيب ابشري
ابتسمت وعد : الله يخليك ذخر
رد خلف عليها الابتسامه وطلع وهو قلقان من هالموضوع ماهو ضامن موافقه ابوه
_______________________.
الليل في بيت النوخذه
كانت ليلى مثل العاده اذا اشترت شي جديد تحب توريه ابوها كانت تلبس وتنزل مع الدرج بدلع وضحك : يبه شوف نفنووفي شرايك فيه حلو
ابو ليلى : ماشاء لله ماشاء الله انتي يا ليلى تحلين النفنوف مو هو اللي يحليچ
جابر : يبه يبه الله يهداك لا تقص علييييها وتخليها تاخذ مقلب بنفسها والله مايصير
ليلى : يمممه يممه يالغيييره ماني راده عليييك موووت حره
ابو نهيان: وانتي يا شيخه شنو اشتريتي
شيخه : ابد يبه كم كتاب اتسلى فيهم
ليلى : يبه تكفى بنتنا شوفوا لها حل بتموت من هالكتب
جابر: خلييها على الاقل فيه منها فايده مو مثلچ شاقه القاع وقايله امباع ( مثلï؟½ï؟½) شهقت ليلى :يببببببه شوفه
ابو نهيان: بس يا جابر وش فيك على اختك
جابر ضربها بضحك: اتغشمر وياها يبه
ابو نهيان: انا بدخل اخذ لي غفوه قبل العشاء مابي ازعاج
ام نهيان: زين
بعد ماطلع ابوها طلعت ليلى لغرفتها وهي تسحب الفيديو من الكاميره تبي تدخله بالدي في دي حاولت تشغله ما اشتغل
طلعت تنادي شيخه وجابر بس ماعرفوا له حطته على طرف بملل
_______________________.!
وفي بيت ابو خلف
كانوا جالسين كلهم بالحوش وماجد موجود وخلف يناظره يبيه يبدأ
وقال ماجد:اقول يا ابو خلف
خلف : سم يا ماجد
ماجد وهو يناظر وعد: قدمت لوعد في المعهد اللي قريب بيتي وقبلوها
لف ابو خلف بقوه: وشو!؟؟
خلف : يبه مافيها شي اذا تعلمت شي ينفعها
ابو خلف : وش اللي تتعلم خلاص ماعاد لها الا بيت رجلها
كانت وعد بتتكلم بس وقفها خلف وهو يسكتها: يبه الدنيا ماهي بيت وزواج في احتياجات ثانيه
ماجد: يا ابو خلف ما خبرتك جاهل
ابو خلف : مايصير يا ماجد وبعدين افرض اني قبلت وين تروح من يوديها محد فاضي
ماجد: بسيطه تجي عندي واذا خلصت دوامها ارجعها
حط ابو خلف يدينه على راسه: لا لا مايصير
خلف : يصير يا يبه يصير انت بس تعوذ من ابليس
فيصل : شلون يصير!؟ شتبي بالدراسه خلاص
لفوا كلهم بغضب عليه واولهم وعد اللي قالت بغضب: انت اقصر لسانك احسن
ماجد : اذا انت ما تهتم بالدراسه براحتك لكن الناس الفاهمه تبي تدرس وتتعلم
كانوا البنات يراقبون بعض بخوف وسكت ابو خلف: بفكر بفكر
ماجد : معك يومين عشان تلحق على بداية الدوام
ابو خلف : يصير خير
طلع وتركهم ولف خلف على فيصل: انت ورا ما تاكل تبن!؟ هاه وش دخلك فيها تدرس ولا تنسدح
فيصل: انا صادق خلاص وش تبي
وعد : فيصلوووه احسن لك اسكت
ماجد: فكونا من الهواش الحين وقومي يااماني عطيني اغراضي بروح
حنان: وين ياخالي ماشبعنا منك!؟
ماجد: والله عندي شغل يومين وارجع ان شاء الله
وقفوا يودعونه ولفت ام وعد بضيق: ياوعد يا امي وش لك بالشقى انتي
وعد: وش اللي وش لي بالشقا يمه انا بشوف نفسي بدرس بتعلم ترا ما احد دايم لاحد
خلف : خلاص يا وعد اهدي وان شاء الله هينه
الكل سكت وبدا الجو يضيق واختفوا وجدان وسالم شوي بس رجعوا وهم يبتسمون: ممكن تناظرونا شوي
الكل لفوا عليهم ووقفت وجدان: بما ان الوقت بدري قررنا نفرش بالسطح ونجهز لكم اجواء توسع صدوركم شوي
ندى: اصدميني وقولي انك مسويه قهوه وشاهي
سالم: قهوه وشاهي وخرابيط البنت اليييييوم بدعت
وجدان بضحك: بمساعدتك طبعاً
وقف خلف ببتسامه: جت في وقتها
طلعوا كلهم مذهولين ان وجدان اخيراً تحركت وقررت تسوي شي فالبيت واجتمعوا على القهوه وهم يسولفون كالعاده بس وقفت وجدان بعد ما اخذت طاقية سالم وهي تدور عليهم بضحك وتغني : طاق طاق طاقيه رن رن يا جرس
ضحكوا كلهم وهم عارفين نيتها باللعب وكملت تدور عليهم وغمضوا ينتظرونها ترمي الطاقيه وراء احد فيهم ورمتها ورا غيث وابعد وهي تضحك: يلا
لفوا كل واحد يدور الطاقيه وراه وصرخ غيث اول ما حصلها وراه وانطلق يركض ورا وجدان اللي تضحك وتصرخ كل ما قرب غيث منها واخيراً جلست وجدان بمكانه قبل يمسكها
ورجع غيث يغني بنفس الاغنيه غنتها وجدان ورجعوا يغمضون لكن اول ما فتحوا والتفت خلف شاف الطاقيه وراه وضحك: ياا كبر الثقه يا غيث حاطها وراي
اماني: ياويلي عليك بتروح من اول لفه
ركض غيث وخلف يتثاقل بركضته عشان مايمسكه وغيث يضحك والكل يصارخون واخيراً وصل مكان خلف وجلس بتعب ووقف خلف بضحك وهو يرجع يغني مثلهم ويلف واخيراً حط الطاقيه ورا وعد اللي وقفت بشر وهو تضحك وركض خلف والبنات يشجعونه وقبل يوصل مكانها مسكته وصرخوا : يووووه
خلف : غش غش وصلت خلاص
وعد : مو على كيفك ماجلست
ندى: خلف مايمديك تغش
ضحك خلف بتعب : يهبيييي ما اقواها
وعد : اذكر الله علي
قطع عليهم صوت مضاوي اللي تدق الباب اول ماسمعت اصواتهم وضحكهم: هيييييه فكو لي بلعب معكم
وقف سالم يفتح لها هي وهيا ودخلت مضاوي تلعب وهيا جلست تتقهوى
ووقف خلف : انا بروح لعقاب وعمي محمد نادو البنات معكم حرام يجلسون لحالهم( يقصد خوات عقاب )
اماني : حرااام سحر تجلس لحالها
سحب خلف شعرها بضحك: اص بس لا تسمعك البنت
مضاوي : ليييه ما تسمعها !؟ ترا معروفه
هز راسه خلف بعجز من طولة لسانهم ونزل وتركهم
_______________________.
انتهى البارت♥

[صواديف عشاق]

البارت الثالث
وفي بيت الجد قايد
بعد ناموا الجد والجده كان عقاب وخواته جالسين بالحوش بهدوء
وقربت شهد : عقاب
لف يناظرها بهدوء: وش فيك!؟
شهد : اليوم بالمدرسه تعثرت وطحت
قبل تكمل فز عقاب : صار لك شي!؟؟
شهد: لا لا بس انقطعت جزمتي الله يكرمك
ضحك عقاب : وبس ابشري بالعوض
ضحكت عهد : ودام الجزمه مقطوعه يعني بكره بتغيب
عقاب : لا والله!؟ وشوله تغيبين
صدت شهد بغضب من عهد : لان ماعندي جزمه
عقاب : وليه ما تكلمتي من الصبح
عهد : عشان تلقى عذر
شهد: يوووه يا عهد
لف عقاب : زين زين بكره لا تداومين واذا رجعت من الدوام اوديك لسوق
عهد :حتى انا ابي بعد اغراض
عقاب : كلكم
ولف يناظر سحر اللي من ساعه هاديه ومتوتره : وانتي ياسحر ما تبين شي!؟
سحر وهي متردده: الا
عقاب : قولي
وقفت عهد على صوت وجدان تنادي: وش تبين
وجدان: تعالوا القهوه اخواني ماهم فيه
عهد : طيب
طلعت عهد وشهد وبقت سحر اعتدل عقاب اول ما شك في ترددها: سحر وش فيك تكلمي
سحر: يعني انا بطلبك بس وعدني ما تعصب
عقاب : قولي يا سحر
سحر بتردد : ودي ادخل المعهد
لف عقاب بقوه: وشووو !؟؟ معهد وش!؟ ووين هالمعهد اللي تدخلينه
سحر : معهد تدريب ادرس اي شي ينفعني وهو ماهو بعيد
عقاب : والله!؟؟ومن بيوديك ان شاء الله !؟
سحر: بروح مع وعد
فز عقاب : وشو وعد!؟ وهاذي وش دخلها
سحر بخوف : وعد سجلها خالها وانقبلت
عقاب انفجر وعصب: لاااا طالت وشمخت ومن بيوديها هاذي اذا ابوها ماهو فاضي وخلف مثله !؟
سحر: تقول يمكن تروح بيت خالها
عقاب : لا والله وناويه تروحين معها
سحر: وش فيها يا عقاب هي مع...
قاطعها عقاب بصراخ: اقول اص ولا كلمه صاحيه انتي صاحيه بتروحين بيت رجال غريب وزود عليه معاهد وقلة حيا اسمعيني زين وحطي كلامي حلق في اذنك وعد هاللي ما تستحي لو تسمعين كلامها مره ثانيه ذبحتك! وياويلك اشوفك معها ، وهي اصلاً من قالها انها بتروح ووتدرس على كيفها
سحر : عقاب الله يخليك انا خلاص مابي اروح بس لا تخرب عليها
عقاب : اقول وخري وخري واعقلي ياسحر وكلها كم شهر وتزوجين يعني لا دراسة بتنفع ولا هالخرابيط
طلع وترك سحر خايفه انه يخرب على وعد
_______________________.
وعلى درج الباب الخارجي
كانوا عزوز وفيصل جالسين بضيق
عزوز : اقولك عقاب كشفني وحلف لو اعيدها يذبحني وانت تعرف عقاب
فيصل : من علمه!؟ لايكون انت تهذري وانت نايم
عزوز : لا والله لكن مدري كيف عرف
فيصل : صدق جدي يوم سماه هو و وعد الجن انا مصدوم شلون وعد شافتنا وعرفت
عزوز: لايكون وعد قايله لسحر وهي قايله لعقاب
فيصل لف : لا وعد ما تتكلم لو بتقول قالت لخلف
عزوز: الله يستر
سكتوا على جيت خلف : عزوز وين اخوك الجني
ضحك عزوز: داخل
خلف: وعمي
عزوز: عمي معزوم
طلع عقاب بغضب ولفوا يناظرونه!؟ خلف : سكنهم مساكنهم
لف عقاب بغضب على عزوز: ياويلك تروح مكان
عزوز : طيبب
سحبه خلف وهو يمشي معه : وش جاك !؟ وراك تصارخ
عقاب : مافيني شي
سكت خلف وهم يمشون عجز عقاب يكمل سكوته ولف : خليف
خلف: هلا
عقاب: وشلون ترضى ان اختك تطلع من بيتكم وتروح تدرس
لف خلف بصدمه: هاه؟؟
عقاب :اللي سمعت
خلف: وش عرفك انت!؟
عقاب : عرفت
خلف : واذا يعني درست وش فيها !؟
عقاب : خلف الله يهديك بعد هالعمر دراسه وبعيد بعد
خلف : اذا وافق ابوي ودرست بتدرس عند ماجد خالها يعني ماهي في بيت غريب
عقاب : صاحي انت!؟ خالها اللي في اخر المنطقه وبعدين خالها عزوبي
خلف تكتف: واذا عزوبي !
عقاب : يعني يبي يطلع مع اصحابه ويجونه يعني مارح يقعد 24 ساعه عند اختك لو صار لها شي هناك وهو مو عندها وش بتسوي !؟
خلف: عقاب اترك عنك هالعقد والاعذار الواهيه ، وعد عاقله وتعرف مصلحتها وماجد اكيد بيكون حريص عليها وبعدين وشوله مشتط انت !؟
عقاب : لان الموضوع ماله داعي
ضحك خلف: والله عجيب امرك يا عقاب
ناظره عقاب بغضب وصد : ترا نهاية الدلال والدلع وخيمه
خلف هالمره لف بغضب واضح: اسمعني عاد اختي ما تسوي شي غلط هذا واحد واثنين اركد وخلك في حالك وهالامر انت مالك شغل فيه
عقاب : زييين زين يا خلف براحتك
سكتوا وهم يمشون مايدرون وين رايحين لكن كالعاده وقفوا عند مكانهم ورفع خلف ساعته يناظر الوقت وكان بدري شوي
ولفوا على صوت نادر : هلا هلا جيتوا بوقتكم
خلف : هلا يا نادر
وقف نادر يناظرهم بشك وضحك: متهاوشين !؟؟
صد خلف بضحك: لا الله لا يجيب الهواش لكن مختلفين
جلس عقاب بغضب ولف نادر يضحك: ياليت الناس كلها سمحه مثلك يا خليف!؟
عقاب : وش قصدك
نادر: ماقصدي شي اقعد مالي حيل اتهاوش معك بعد
خلف : هات القهوه هاتها
نادر: عاد اليوم رضت علي امي وسوت لنا قهوه
عقاب : ايه واضح انك مليان رضا الضحكه من الاذن للاذن
نادر : ابشركم قررت الاستقرار وعاد بكره ماشين الحفر بنخطب ونحدد العرس ونجي
خلف : ماشاءالله مبروك ياشيخ
عقاب : مبروك
نادر: يبارك فيكم وعقبالكم
عقاب : المهم تكفى نادر اذا تزوجت لاتسحب على هالمكان نبي نجي ونلقاك
نادر: حبيبي بسحب عليكم كلكم
خلف: رديي تسويها والله
ضحك نادر: والله ياعيال على حسب المعطيات
عقاب : المعطيات تقول ان ماجيت جيت انا وطلعتك بأذنك
خلف : خلو الهواش يا ناس ما تدرون بتوافق عليه البنت ولا ماهي موافقه
نادر : ان شاء الله توافق
كملوا جلستهم بضحك وسوالف وخلف عينه على الساعه ماله خلق مشاكل زياده واول ما حس ان الوقت تأخر استاذن ورجع
_______________________.
ومن بكره
مثل كل يوم روتيني كل واحد جهز بيطلعون لدوام لكن اليوم ابو خلف طلب من خلف يودي الطلاب للمدارس
وكان هذا يوم السعد لهم لان خلف ماهو زي ابو خلف كان يمر فيهم البقاله ويفطرهم ويلفون بعدين يروحون المدارس
كانت شهد جالسه بالطرف منحرجه من خلف وبينهم غيث و وجدان
وجدان وهي ترفع صوت المسجل : اييييه تكفى سمعنا اغنيه شي نصبح عليه تعبنا من الاخبار والجرحى والمصابين
ضحك خلف : استغفري يا خبله هاذي بلاوي
وجدان: الله يعينهم بس ابوي طلعها من عيوني
لف خلف على غيث اللي نايم جنبه ومستند على خلف ودق فيصل الشباك وهو يقول : خلف ارفع الصوت نبي نسمع
عزوز: خلنا نستمتع اليوم
مد خلف يده يرفع الصوت وهو يسمع الاغنيه اللي كان يسمعها اغلب الوقت وكان يحس انه مجرد ما يسمعها تعطيه دافع حلو للحياه وكان يردد معها لكن من وجهة نظره ان اصلاً الحياه حلوه دايم في عيونه ومايحتاج حلاوتها ترتبط بأحد ويغني هو ووجدان ويسمع صوت فيصل وعزوز وسالم ورا يرددون( ابتدت أيامي تحلى .. ابتدت
لما شفتك يا حياتي .. ابتدت
وابتدت في عيوني تغلى .. ابتدت
كل لحظة من حياتي .. ابتدت)
وارتفع صوت وعزوز وفيصل وسالم يردون (وابتدت تحلى الحياة ... آه يا عيني ع الحياة)
ضحك خلف وهو يأشر لهم يقصرون صوتهم واخيراً وصلوا المدرسه ونزلهم ورجع لدكان
دخل وهو يشوف جده جالس : خلف يا ابوي شوف هالاجهزه يقولون اهلها ماتشتغل
خلف: ابشر يا جدي
اخذ عدته وجلس وهو يفك ويركب ويشتغل فيها
_______________________.
وفي بيت النوخذه
نزلت ليلى بفرح اول ماقالت لها امها انها بتروح لجارتهم عازمتها وبتاخذها معها بما ان شيخه رفضت
وقفت وهي تلف : هاه شيخه كيف شكلي
شيخه: حلو شحقه هالكشخه كلها !؟
ليلى بمزح: بترزز فيها يمكن تشوفني وحده وتخطبني حق ولدها
ضربتها امها بضحك: ما تجوزين انتي عن هالسوالف ليلووه قضبي لسانچ احسن
ليلى: اتغشمر يمه مابي اتزوج اصلا
شيخه : ردينا على نفس الاسطوانه
ام نهيان : المهم يا شيخه انتبهي لا تقعدين وتنسين ما تسوين غدا ابوچ
شيخه: ماعليچ يمه تطمني
ليلى : عفيييييه شيخه سوي اليوم مچبوس لحم ملينا من الجريش والمرقوقه
ام نهيان: احمدي ربچ على النعمه
ليلى : حمدلله بس خلاص
شيخه: زين
طللعوا وليلى مبسوطه دخلوا عند جارتهم وليلى بعيونها تدور بنات وخاب ظنها اول ما اتضح لها ان هي البنت الوحيده في جلسة حريم
_______________________.
وفي سيارة عقاب
اللي كان مداوم واخذ عمه ابو خلف يوصله بطريقه
وهو ناوي يكلمه في موضوع وعد لكن من غير ما يحس عمه وقال: اقول عمي !؟ وش فيك ساكت كأنك تفكر
ابو خلف : لا مافيني شي
عقاب : افا ياعمي علمني تراني احفظ السر
ابو خلف : السالفه ماهي سر لكن وعد الله يصلحها
ابتسم عقاب بخبث : ليه وش فيها!؟؟
ابو خلف : تبي تروح تدرس بمعهد وبياخذها خاله معه لبيته
عقاب : اوف !؟ وانت وش رايك!؟
ابو خلف : مدري ودي اخليها عشان ما تزعل ولا ودي
عقاب : تبي شوري ياعمي
ابو خلف : قول يا عقاب
عقاب : يا عمي بعد هالعمر البنت مالها الا بيت زوجها وبعدين افترض انك وافقت وراحت تدرس ماجد ساكن بسكن عزوبيه وماجد شاب يبي يطلع ويروح ويجي مارح يقعد دايماً مع وعد واخاف ياعمي يصير لها شي محد عندها
ابو خلف : اي والله اي والله صادق
عقاب : ماعليه تزعل يوم يومين بس بعدين تعرف انه لمصلحتها
ابو خلف: على قولك وانا عمك وزين انك شرت علي خلف معمي عيونه حب خواته مايشوف الصح
عقاب: صادق ياعمي
نزل ابو خلف وابتسم عقاب : هييين يالعوبا انا اربيك تحسبين الدنيا فلته
_______________________.
وفي دكان الجد قايد
كان خلف منشغل في شغله واخيراً خلص وقرب وهى يجرب الاجهزه ووقرب يشغل احد الاجهزه والمحل فااضي وكان دي في دي
وهو مدقق النظر بالتلفزيون وفجأه اشتغل الدي في دي واشتغل الفيديو اللي فيه واتسعت عيونه وابعد يراقب الفيديو
واشتغل الفيديو و كانت بنت رفعت صوت المسجل وركضت تربط الطرحه على خصرها وهي تضحك واشتغلت الاغنيه وابتدت ترقص معها وكانت ترقص عادي بس بعدها انقلب الرقص لشرقي
نشف ريق خلف وهو مدقق ويناظر مصدوم ومنذهل ومستغرب !؟ لكن قرب وهو يشوفها وقفت وقرب وجهها للكاميره وكانت مبتسمه وعلى طرف اليمين من شفتها شامه محليه وجهها بس سحب السلك ما كمل الفيديو اول ما رجع جده
الجد: هاه خلف خلصت
خلف بتوتر وهو يعدل نظارته : خلصت خلصت
الجد: ايه الناس بيجون وانا جدك
خلف مسح جبينه بتوتر: طيب
قرب الجد ابو ناصر يناظره بشك: لا يكون تعبان!؟ وش فيه وجهك
خلف:لا لا بس عشاني مركز
الجد : زين
خلف : ا اقول جدي لمن هالجهاز !؟؟
قرب الجد يدقق: ايه جابه جابر ولد النوخذه يقول خربان
خلف انصفق وجهه وجلس وهو يضرب الفيديو بعقله للحين ( معقوله بنت النوخذه!؟ او فيديو مسجل ماهو لهم!؟ )
عجز يستوعب الموضوع وسكت على جيت النوخذه : سلام يا ابو ناصر
ابو ناصر: هلا يالنوخذه حياك
ابو نهيان: والله مستعجل وراي شغل هاه عسى الدي في دي خلص
خلف اللي سرح فيه لا شعورياً وقال الجد: ياخلف
خلف : هاه اييه خلص ومضبوط
ابو نهيان: جيبه بارك الله فيك
مايدري خلف كيف جاته الجرأه وطلع السي دي
من الدي في دي ودخله بالدرج وعطاء ابو نهيان الجهاز وهو قلبه يرقع للحين في اذانه صوت الاغنيه وضحكاتها مع الاغنيه
وجلس بهدوء وهو يحس انه انعزل عن كل العالم ماصدق ان جده يقوله يسكر المحل وسكر الباب وبقى هو فالمحل اسرع لسي دي يشغل من جديد عدل ناظرته يركز فيه وهو يقول بنفسه ( معقوله بنت النوخذه !؟ لا لا ما هقيت شكله فيديو تعليمي اكيد )
دقق فالبيت وراها كان واضح بيت من بيوت المنطقه لكن وقف وقرب وهو يسمع الصوت شافها تقرب توقف المسجل ودخلت وحده ما باين منها الا صوتها وهي تقول : جابر يقول قصري الصوت لا يجي يكسر راسچ
ليلى: يالله ياربييي ما احد ياخذ راحته في هالبيت
شيخه : الواحد ياخذ راحته بالعدال ما يسمع كل الفريچ
ليلى : طيب خلاص
سكرت الفيديو وتمنى خلف انها ماسكرته ورجع يعيد ويزيد وهو مو حاس بنفسه تجذبه غصب عليه تجذبه لكن انتبهه لنفسه فالاخير وقفله واخذه وهو يخبيه وطلع من الدكان ساااهي ولاهي لا شعورياً سرح وهو يقول ( الله عليييك يا بنت النوخذه )
وصل البيت اخيراً ودخل بهدوء وجلس بس فز من تفكيره على صوت ابوه ووعد اللي اعلن ابوها رفضه لدراستها
وعد :ليييه يبه ليييه !؟
ابو خلف : مابي كثر الكلام وقلت لا لمصلحتك
خلف: وش صاير
همست ندى: ابوي عيا انها تدرس
خلف: ليه يبه !؟ وش فيها ؟؟
ابو خلف : بسسسسسسسس لا اسمع صوت واحد فيكم والله والله للي يتكلم لكسر راسه
خلف بغضب:يب..
مسكته وعد وهي تكابر على دموعها: خلاص يا خلف خلاص ماعاد ابي ادرس
طلعت وتركتهم والكل سكت بضيق وطلع ابو خلف
ولفت ام وعد: يا ويلي عليها ليتكم ماكبرتوها براسها
ام خلف: ماعليه يا نوريه ان شاء الله خيره لها
ندى: اي خيره !؟ وهذا حالنا كل ما بغينا شي رفضتوا مايصير
وطلعت ندى بعد فيصل: قايل لها انا
خلف : انت اسكت اسكت
تكهرب الجو والكل سكت والكل متضايق
_______________________.
وفي بيت النوخذه
دخل ابو نهيان وهو ينادي ليلى: تعالي خذي هذا
ليلى: مشكور يبه ، صلحته خلاص
ابو نهيان: ايه
طلعت ليلى وهي تنزله وهي من ساعه تدور السي دي ماحصلته ماتدري وين اختفى لكن ما عطته اي اهتمام ونزلت وهي كالعاده تحارش جابر ويحارشها
_______________________.
وعند نادر في حفر الباطن
كان متحمس وبيموت من الوناسه واول ماشاف خالته اللي من زمااان مايعرفها وقف يسلم عليها وهو مستغرب حالتهم الماديه
وجلس مع ابو شوق كان هادي وعادي وهذا اللي وتر نادر
لكن تكلم ابو نادر : يا ابو شوق حنا جينا وناوين نخطب شوق بنتكم لولدنا نادر
ابو شوق: ولنا الشرف يا ابو نادر ونادر ما ينرد وانا ان شاء الله عطيتكم وموافقين
لف نادر بصدمه ماهو مستوعب انه وافق على طول ونفس صدمة ابو نادر
ابو نادر: والله ما هقينا الموافقه بسرعه
ابو شوق : بنتنا ماحنا محصلين لها احسن من نادر وانت تعرف ان شور البنت بيد ابوها
ابو نادر : زين على بركة الله لكن ولدنا مستعجل
ابو شوق : ابد تم متى تبون الزواج
عجز نادر ينطق صح مستعجل بس مو لذا الدرجه ما توقع كذا
في لمح البصر اتفق ابو نادر وابو شوق ونادر مصدوم وكان الزواج والملكه بنفس اليوم وبعد اسبوعين
جمد نادر وعجز يتكلم ماصدق طلعوا وانخنق والتفت يناظر ابوه بذهول : كنك استعجلت يبه !؟
ابو نادر : انت مستعجل
نادر: بس مو كذا
ام نادر: احسن احسن خير البر عاجله
تكاثروا على نادر وسكت وهو خايف من هالسرعه المريبه وسكت يدعي ان الله يسهلها ويكتب الخيره
_______________________.
وفي بيت الجد قايد
كانوا جالسين بهدوء فالحوش
محمد : غريبه وش فيه بيت ناصر اليوم هاجد
مضاوي : مدري رحت من شوي حسيت بيتهم متكهرب وطلعت
ام ناصر: ليييه وش السالفه !؟
هيا بهدوء: وعد كان ودها تدرس في معهد وتروح مع خالها بس ناصر رفض وحلف ما تروح
محمد : الله يهديه ناصر وش بلاه عليها
ام ناصر: احسن وش تبي بالدراسه البنت مالها الا بيت رجلها
الجد ابو ناصر: ليت بس ربي يجيب لهم النصيب ويتزوجون البنات كبروا
محمد : بيجيهم النصيب يبه
هيا: عاد اللي صاير ان كل البيت زعلان من زعل وعد
عقاب كان ساكت وهو يشرب الشاهي بهدوء (لله اكبر كل البيت زعلانين معها!؟ لا والله الا غاثتهم ومسكتتهم غصب عشان ما تنزعج الاميره لكن احسن )
محمد : انا بروح لهم
مضاوي: خذني معك
لفوا سحر وعهد وشهد لكن عرفوا نظرة عقاب وجلسوا قبل يفشلهم
_______________________.
وفي بيت ابو خلف
كانت وعد جالسه بالسطح بهدوء وهو تسمع الراديو
وفي الطرف المقابل كان قدامها خلف اللي في عالم ثااااااني ثاني وهي للحين ترقص ليلى على اوتار قلبه ماهو مستوعب ان هالانسانه موجوده حولهم
لكن ينسحب من تفكيره اذا تذكر انها بنت النوخذه وغيرها هو اصلا بيتزوج سحر
تنهد ولف وهو يشوف اماني جالسه وهي تغني مع الراديو
وندى تلعب هي وفيصل وسالم x o وحنان تذاكر لغيث
وام خلف تخيط ثوب خلف
وام وعد وابوهم في سابع نومه
لفوا على دق الباب وكان محمد واسرعت ام خلف تعدل غطاها وطرحتها
اماني : هلا عمممي
محمد: هلا هلا
مضاوي: قولي هلا عمتي بعد
اماني : هلا بمضاوي الملسونه
خلف وقف يستقبل محمد اللي بعد ماسلم اتجهه لوعد : افا من مزعل وحشنا
لفت وعد بطرف ابتسامه: هلا عمي ماني زعلانه
محمد: الا والله وصلني خبر انك زعلانه
وعد: والله مافيني شي
محمد : ماعليه كل شي خيره يا وعد ماتدرين وين خيرة ربي
وعد : صادق
مضاوي: ياخي ياشينك وانتي مهجده اهلك معك !؟ بيتكم يجيب الكآبه
خلف: عاد انتي تنفسين على الازعاج
مضاوي: ماهو ازعاج يا حبيبي!؟ قصددك انا حيه واحب الحياه
خلف: اي ما يخالف
ندى: عمي قهوه ولا شاهي
محمد : لا قهوه ولا شاهي قم قم يا فيصل روح للبقاله قبل ما تسكر جب لنا اي شي يبرد على القلب
خلف : لا لا خله يجلس الحين يصحى ابوي ويسوي سالفه اذا ما حصله انا اروح
عطاه محمد الفلوس وبدوا البنات يوصونه اللي يبونه وطلع خلف يمشي على مهله وهو مايدري وينه عقاب لكن يبي يكون شوي لحاله اول ما وصلهم بقالتهم شافها مسكره وصد بضيق : الله يسامحك يا ابو ممدوح احد يسكر الساعه 8 !؟ غير طريقه متجهه للحاره اللي جنبهم وهو اول ما مر بيت النوخذه اخذ نفس مايبي يفكر بالموضوع ماهي زينه بحقه وحق سحر وحق النوخذه بعد وكان يردد بنفسه ويقول ( اكيد ناسيه الشريط ما قصدت اكيد )
وصل البقاله وهو ياخذ الاغراض واول ما وقف يحاسب التفت على صوت واحد عالي دخل وهو يقول : رفيييق ايش كلام !؟
رد عليه صاحب البقاله الهندي : اوووووه ضاري سوي جنان جنان انا كلام خلاص خمسه دقيقه بعدين ركب اغراض انته
رد عليه ضاري بصوت عالي وسريع يقارب للمزح: يلا يا رفيييق يلا سريييع
كان خلف واقف يناظره ببتسامه ذهول وهو الوحيد اللي بالبقاله صوته عالي ويتقايض مع صاحب البقاله وكأنه صديقه
لكن فجأه لف عليه ضاري بدون مقدمات وهو يبتسم له : حياك الله
خلف: هلا الله يحيك
رجع ضاري يناظر رفيق اللي يحاسب اغراض خلف واللي ماكفتها الفلوس وقرر يرجع بعضها بس قبل يمد يده للكيس حط يده ضاري على الكيس: والله ما ترجع شي
استغرب خلف من هالشخص اللي لايعرفه ولا عمره شافه : خير ؟!
ضاري ضحك : ادري روعتك بسم لله عليك بس واضح انك ما انت من هالحاره
خلف : اي والله جاركم بالحاره اللي جنبكم
ضاري: اجل اسمع اليوم اغراضك علينا زي ما تقول واجب ضيافتك انت عندنا ضيف
صد خلف بضحك وهو يقول بنفسه( كدينا خييير وبلشنا بهالمجنون )
خلف: لا يا اخوي يعطيك العافيه وضيافتي وصلت يعطيك العافيه
ضاري كان للحين يضحك: يا رجال ماني مجنون لا تخاف لكن والله اني صادق مقاضيك اليوم على حسابي
عجز خلف يستوعب كلامه واصر ضاري الا انه يدفع الحساب ووافق خلف وهو مذهول
لكن فجأه ضحك ضاري بفشله اول ما طلع فلوسه ولاكفت وضحك خلف : ماعليه حصل خير
ضاري : شكلها طاحت مني
خلف :مايخالف حصل خير
ضاري :عندي حل عندي حل
خلف : وشو
ضاري : تدفع نص وانا ادفع نص وكذا اتفقنا
لا شعورياً انفجر خلف يضحك: صادق انت ؟
ضاري : اي والله عن حلفي بس
رفع خلف كتفه بذهول وجهل بهالشخص: شورك وهداية الله
دفع خلف نص وضاري نص وودعه خلف وهو في صدمه من تصرف هالشخص لكن ماينكر انه غيير مزاجه كله في ثواني
اما ضاري اللي كان متعود على التصرفات ومتعود انه يساعد لكن ما خدمه حظه اليوم *تعريف بضاري* ( ضاري : شاب عمره 28 سنه
انولد وهو مايعرف ابوه وامه لكن تربى عند عجوز حصلته في عند المسجد وضمته لها وكبرته وحبته كأنها واكثر لدرجة انها تسمت بأسمه وصارت ام ضاري وقدرت تربي ضاري على طيبة القلب والحب والعطاء ومع ذا كله كان طبع ضاري الحيوي اللي مليان حياه ويحب يبني علاقات مع الكل ويحب الخير ودمه حار وشغيييل و24 ساعه وهو في حركه مايعرف يجلس خفيف بكل صفاته واطباعه رغم جهلهم لنسبه الا ان كل الحاره يحبونه ويدارونه وهو يحبهم ومعروووف ضاري في الحاره )
_______________________.
وفي بيت ابو خلف
دخل خلف وهو يضحك بذهول
اماني: شعندك متشقق!؟ مريت بيت جدي
صد خلف بضحك: اماني اعقلي عن هالكلام اللي ماله داعي
ندى: وهي كذبت! فالنهايه معروف ان بيت جدي فيه عين السيح سحورره
رمى خلف الاكياس عليهم: جهزوا الاغراض بس
طلع ومرت مضاوي : تاخرت يا هوووه
خلف : تعالي تعالي بلشت مع واحد ما كأنه الا هبالك
شهقت مضاوي : خيييييير
سكتها خلف: اصصص ابوي نايم
محمد : ويينك يا شيخ
خلف : اجلسوا اعلمكم اجلسوا
اجتمعوا حوله وخلف يعلمهم بسالفة ضاري
فيصل: شكلللله من هالمستخفييين
محمد: الله يستر ياخليف لا يكون سكران ولا شي !؟ حنان: لا حراااام يمكن بيساعد
ام خلف : خلف امي انتبه لنفسك لا تثق في احد اخاف يجرونك معهم
وعد: وانتم حطيتوه اقشر على طول ؟؟؟ خلف يقول ساعده يعني ما سرقه
هيا: وانتي وش فيك اليوم عسره تراه لا يعرفنا ولا نعرفه
وعد : والله ما ينعرف لكم
خلف: فالنهايه الرجال ما قصر والله
مضاوي : والله خبل احد يسوي سواته
محمد : مايسوي سواته الا انتي خبله مثله
الكل:هههههههههههه ههههههههههه
مضاوي : ماعليه خذ راحتك يا محمد بسكت عشانك توك معطيني فلوس
خلف: يااااااا مصلحجييييه
هيا: الله لا يوريييك مصالحها ياخليف
خلف: تعلميني فيها اعرفها
من بين السوالف لفت وعد: وجدان قومي اخذي غييث دخليه ينام ويلا عشان تنامون تأخر الوقت
ما اعترضوا سالم وغيث ووجدان لانهم يعرفون اعتراضهم نهايته لعنة خيير من وعد
محمد : اجل حنا نقوم بكرامتنا
وعد فزت تمسكه: لا والله ياعمي اجلس والله ماشبعنا منك
مضاوي بضحك: يعني حنا نتسهل
وعد: عاد انتي تدورين الزله
هيا: ايه بتموت عشانها ما حارشت عقاب اليوم وماكفخها
صدت وعد بكرهه من الطاري
محمد: يلا يلا تاخر الوقت
راحوا االكل وكل واحد راح ينام
_______________________.
ومن بكره
وفي بيت ابو خلف
من الصبح بدري كان الاجازه الاسبوعيه كانت وعد تجهز الفطور وهي بتموت من القهر ابوها تعرفه مستحيل يرفض شي هي تبيه تعرف انه يحبها وانها غييير ومستحيييل يكون رفضه من راسه اكيد فيه احد مأثر عليه
طلعت تفرش السفره وهي تسمع صوت ابوها يكلم احد وماعطت اهتمام بس قربت مستغربه صوت عقاب مع ابوها
لكن اتسعت عيونها وهي تسمع ابوها يقول : يا عقاب انتبه تقول لخلف انك شرت علي في موضوع وعد تراه معصب اخاف يتهاوش معك
عقاب: لا ياعمي وش اقوله اللي بينا يبقى بينا افا بس
ابو خلف: بارك الله فيك تعال افطر معنا
عقاب: بالعافيه يحتروني خواتي
رجع عقاب ودخل ابو خلف اما وعد ركضت للمطبخ مذهوله وقفت وهي تشد على قلبها بقوووه لا شعورياً انطلقت دمعتها ومسحتها بقهر(هيييين هيييين يا عقاب هين والله والله والله لندمك على هاللي وسويته هييين )
دخلت اماني بتعب: صباح الخير
صدت وعد: هلا
اماني: فيك شي!؟
وعد : لا
دخلوا حنان وندى وهم يصبحون وبدوا يحضرون معها ووعد باين غضبها في صوتها وحقدها على عقاب كبر
_______________________.
وفي بيت الجد
كان عقاب جالس بهدوء وهو نسى اللي سواه بوعد وهو عنده قناعه ان البنت ماتدرس وهاذي القناعه سايده في المجتمع
كانت سحر تراقبه وهي مقهوره خايفه انه هو سبب في قطع دراسة وعد بس ما فكرت تخاطر وتتكلم وحزتها وش يفكها
طلعت عهد با ابريق الشاهي وهي تجلس جنب عقاب واجتمعوا على السفره بهدوء مثل عادتهم لكن يقطعه هواش عقاب ومضاوي ومحمد يفرق بينهم
_______________________.
وفي بيت جديد علينا
بيت ام ضاري قربت وهي تتعكز على عصاتها فتحت باب الغرفه بشويش وهي تقرب وجلست عند راسه تمسح عليه : ضاااري يلا يمه الفطور جهز وانت نايم
فز ضاري وجلس بعتب : من جهز الفطور ؟
ام ضاري: انا يمه
ضاري: ليييه يمه ليه تعبتي نفسك انا اجهزه
ام ضاري: مليت من الجلسه وشفتك تعبان خليتك تنام
قرب ضاري يبوس راسها: تعالي تعالي الله يرضى عليك ولا عاد تعودينها
وقفت ام ضاري معه وهي تعرف ضاري يسوي كل شي فالبيت غسيل وطبخ وكل شي بس المهم ماتشتغل وهي تعبانه
جلسوا وضاري يعطيها اللقمه قبل ياكل هو وهو يحبها حييييل حيل
_______________________.
وفي بيت النوخذه
في غرفة ليلى كالعاده كانت في اعلى مستويات روقانها وهي تمشط شعرها وتغني مع الراديو لكن فزت على اصوات تحت ونزلت لكن شهقت بفرح: نهييييان متى جيييت
نهيان : من شوي واصل انتي وينچ
جابر: مو فاضيه ياحبيبي لك خلها مناشبه الراديو والفنانين
اتجهت له ليلى تسلم عليه بحب : وينها مريم ( زوجة نهيان )
طلت مريم من وراء: هنييييه
ركضت تسلم عليها بحراره : اشتقت لكم حيييل
نهيان ومريم: إحنا اكثر
ام نهيان: هاه يمه كيف اهلنا بالكويت ان شاء الله كل شي زين
نهيان: بخيير يمه بخير وخالاتيي يسلمون عليچ ويقولون لا تصيفين علينا
ام نهيان: والله اشتقت لهم
ابو نهيان: ماعليه شهر وبنرد للكويت نقعد اسبوع وبعدين نرجع
شيخه: نهيان!؟ كل هالاغراض برا لك!!
ضحك نهيان: اييه اغراضي وفيها بعد هدايا
شهقت ليلى: هدايا!؟ ولييييش يا عيوني قاطينها برا
ام نهيان: قومي دخليها راوينا شطارتچ
ليلى وقفت وهي تشمر اكمامها: اراويكم ليه ما اراويكم
طلعت للاغراض ونهيان مبتسم
وفي ثواني عم الصراخ فالبيت وفزوا كلهم
نهيان: ماعليكم ماعليكم شافت هديتها بس
رجعت ليلى تركض وهي في انهيار ورفعت العود ( ألة العزف ) : نهييييان حق منو هذاااااا؟!
جابر طارت عيونه: يا سلااام لا يكون ناوي تخليها تدق العود!؟
نهيان: شفيها خلها تدق العود
جابر: الله اكبببر هذا تاليتها !؟
ابو نهيان: شفيك على اختك انت!؟ هي تدقه بالبيت وتستانس فيه وتونسنا ماهي بالشارع!؟
ليلى ركضت وهي تحضن نهيان: يااااا بعد الدنيا يا اخوي انت والله لاخو اللي يبرد القلب
ابعدها نهيان وهو يضحك: تستاهلييين
ام نهيان: بس الحييين ماعاد تشتغل مووليه! ولا تسوي ويانا شي بالبيت
ابو نهيان: بس بس لا احد يقول لبنيتي شي
راحت له ليلى وهي تحضنه وتوريه العود مبسوطه فيه
شيخه: ومن بيعلمها عليه
مريم ابتسمت وهي تعرف ان نهيان عنده هالموهبه بعد وليلى حبت العود منه وكان صوت نهيان وليلى معروفه بجمالها : اكيد اخوها العود بيعلمها
جابر : شوفي انا ممكن اسمح لچ تدقين لكن بشرط
ليلى: شنو هالشرط!؟
جابر: في اي وقت اناديچ وانا متضايق تجين وتغنين لي وتعزفين بعد
ضحكت ليلى: ابشر على خشمي
ابتداء نهيان يوزع الهدايا عليهم والنصيب الاكبر من الفرحه هو ليلى اللي كانت امنيتها يكون عندها عود وتعزف فيه
_______________________.
وفي بيت الجد قايد
الكل كانوا مجتمعين للقهوه والسوالف عامره وابو ناصر وام ناصر كل واحد يعاند الثاني بسالفه
والناس مشغوله وخلف اللي بدون ما يحس بنفسه كان يفكر اخذ نفس لا شعورياً اول ما طرت له ( بنت النوخذه ) زي ما يسميها لكن صحى على ضربة عقاب على فخذه : وييين وصلت ياهوه!؟
خلف : قرييب وش بلاك!؟
محمد : نقول يا خليف عقاب هالمره بيخاوني في السفره !! ما ودك تخاوينا
ناظر خلف ابوه وبعدها صد: لا والله انا مالي شغل في هالخرابيط خليت هالسوالف لكم
ابو خلف : كفو عليه ولدي
فيصل: طيب انا وعزوز بنروح معكم
ابو خلف : احلف !؟
فيصل: امزح
ابو ناصر: يا فيصل لو فيها خير كان انا بعد سافرت لا تسمع لهالداجيين خلك بدراستك بس
فيصل: ابشر
عقاب : انا ياجدي بجرب بس واوسع صدري انتك صدري من هالروتين
ام ناصر : تجرب!؟ اللي مثلك يخلي هالخرابيط ويدور له حرمه يتزوجها تحفظه وتحفظ بيته ماهو يهيت في كل ديره
محمد بضحك وهو يغمز لعقاب: بس بس دام انفتح هالموضوع سو نفسك ماسمعت
ابو ناصر: اقول اسمع انت وياه كل واحد يحط براسه بعد ما ترجعون ترا بنزوجكم كل واحد يدور له حرمه
عقاب : لا لا ياجدي انا امسحني من القائمه عندك خلف وعمي محمد
محمد:وانا بعد برا عندك خلف
ابو خلف : خلف معروف امره ومنتهي وان شاء الله انه حديّد سهل ( فتره بسيطهï؟½ï؟½) ونزوجه
فيصل: طيب دامكم مزوجين مزوجين زوجوني انا وعزوز
لف عزوز بصدمه: تزوج لحالك انا ماني متزوج
خلف بضحك: وش بلاكم يا عيال عمي من مروعكم من الزواج
عقاب : نبي نتطمن على احوال الرعيه قبل
محمد : ماعليه ماعليه سنه بالكثير ولاحقين خير
رجعوا الكل يتناقشون من بيتزوج اول والكل جازم انه خلف لكن خلف كان متفاعل معهم لانه لو فكر بالمنطق بتكون النتيجه ان بنت النوخذه ابعد عليه من السماء سواءً من جهته او من جهتها وكان خاايف من موضوع الزواج هذا
_______________________.
وعند الحريم
كان المجلس مزدحم بالسوالف والكلام ووعد تفكر كيف بتاخذ حقها من عقاب
اما سحر كانت تسمع سوالفهم عن زواجها وهي مبسوووطه
ومن بين السوالف قالت عهد : متى حفلة ام سعود!؟؟
ام وعد : تقول بكره الجمعه
عهد : اشوى عشان نستاذن من عقاب قبل يسافر
اماني: وين بيروح!؟
مضاوي بضحك: بيروح مع محمد بيلحق يسعسع قبل يزوجه ابوي غصب عليه
ندى: راح فيها من يوم راح مع عمي محمد
سحر: ما حبيت والله هالسفره احس انها تخرب
ضحكت ندى: ماعلييك خلف ماهو رايح معهم
ام خلف: ندىى استحي على وجهك
حنان: بيطول عقاب
عهد: مدري بس بيموت من الوناسه ومتشفق على السفره على قولته يحتاج فترة استجمام
هيا: وللله مايقصر صراحه
ام وعد : اي والله الله يسعده
اماني: ومتى بيسافرون
سحر: الليله بيروحون الدمام ومن الدمام بيروحون لامريكا
وقفت وعد بهدوء اول ماعرفت كيف بتنتقم وطلعت بهدوء ودخلت غرفة العيال ومن ضمنهم عقاب شافت شنطته مجهزه ابتسمت واتجهت لها وهي تفتش واول ماشافت الجواز والاوراق الرسميه ابتسمت اخذتها وطلعت للحوش اخذت علبة حليب معدينه ودخلت الاوراق والجواز فيها واحرقتها بدم باارد وبردت قلبها في عقاب وزي ما منعها من شي تبي منعته هي بعد
سكرت العلبه واخذتها وطلعت مع باب بيتهم بدون محد يشوفها وحطتها في سيارة عقاب وكتبت ورقه عليها ( خلك رجال و قد هالاسم اللي ينقالك واذا نويت تسوي شي سوه والناس تشوف !؟ لكن كيد الحريم اللي تسويه بالخفاء والدس والتخريب ترا مايزيدك الا غباء ، لكن وش نقول غير انه حسافه مثلك ينقال له رجال )
ماكانت وعد خايفه منه ابد وتدري انه مايقدر يسوي لها شي وهي معروفه انا ماتنكر شي هي سوته ومقهوره انه كاد لها وخرب عليها اللي تبيه وياما تحملت اتهاماته لكن الحين ما همها
رجعت وهي تجلس بينهم متجاهله كل شي
_______________________.
وعند نادر
اللي في لمح البصر حصل نفسه مجبور يسابق الوقت عشان يجهز نفسه وبيته وكل المعطيات حوله لاستقبال زوجه مجهوله بالنسبه له وهو من الربكه نسى يطلب شوفه كان يحوس مع امه وهو من ناحيه مصدوم ومن ناحيه متحمس وبيموت من الحماس
نزل الاغراض الي اخذوها من السوق : خلاص يمه اليوم يكفي بروح اشوف نفسي
ام نادر: وين بتروح هاه!؟ يانادر ورانا شغل
نادر: تكفين يمه اقل شي ساعه انام شوي
ام نادر: زييين بس ترا العصر بنرجع السوق
نادر: زيين
ام نادر: ايييه نبي عفش يليق بشوق زوجة نادر
ضحك نادر على هالاسم اللي حسه مرتبط فجأه فيه وراح ينام مليان احلام مع انسانه مجهوله
_______________________.
وفي بيت الجد بعد الغداء
رجع كل واحد لبيته يقيلون وطلع عقاب يرتب اموره واتجهه لسياره وتجمدت عيونه على العلبه استغرب وسحبها وهو يقلبها واتسعت عيونه اول مافتح الورقه وفتح العلبه وطاح من يده وهو يشوف اطراف الاوراق وجوازه انهبل وهو يقلبها وركض للبيت يبي يعرف من بس فجأه وقف ( من مسوي هالسوات!؟ من !؟ )
قلب في مخه بس ما ذكر احد الا وعد اكيد وعد دامه خرب عليها خربت عليه هي بعد رمى الاوراق بقهر وهو يدوس عليها بقهررررر وجهه احمر وعروقه برزت بيموت من القهر لا شعورياً اتجهه لبيت عمه وهو يدق الباب
_______________________.
وفي بيت ابو خلف
الكل كان مقيل الا وعد اللي تنتظر على احر من الجمر وابتسمت وضحكت من كل قلبها وهي تشوف ردة فعل عقاب اللي مات من القهر اخذت طرحتها وطلعت تفتح الباب : خير خييير وش دق الثيران هذا!؟
عقاب : هلا هلا معلوم ندق دق ثيران دام اللي بيفتح بقره
ضحكت وعد : قايله لك حرام يسمونك رجال
كان عقاب حاط يده على طرف الباب ووعد وراء الباب وصفقت وعد الباب على يده وصرخ عقاب وهو يسحب يده : يابننتت ال... سكت وهو يضم يده على صدره بقهر وضرب الباب برجله وهو يسمعها تضحك: والله والله تندمييين والله لتعيشين المر اصناف تسمعييين!؟
وعد: اللي ما تطوله بيدك طوله برجلك
رجعت وهي في كامل روقانها ومبسوطه انها اخذت حقها منه
_______________________.
اما عقاب رجع وهو معصب
دخل البيت وهو يمشي بغضب وقابله محمد : يلا يا عقاب ورانا طياره يلا
قال عقاب بغضضب: مابي اذلف لمكان مابي
مضاوي : سلام قول من رب رحيييم شكلهم حضروا
عقاب: انتي انطمي تسمعين
مضاوي : خييييير
هيا: بس خلاص انتي
الجد : بسم لله علامه ذا الجني
ام ناصر: جاته حالته خلوووه
محمد: وش فيييييه اخوك!؟
عزوز: مدري مدري طلع لسياره وهو مبسوط ورجع نار
عهد : الله يستر
محمد : خلوه خلوه بروح اكلمه
اتجهه لمحمد وشافه مفضي شنطته كلها بغضب وماسك شهد ترتبها وهو يضرب يده برجله بقهر
محمد : عقاب علامك !؟
عقاب: مافيني شي
محمد : شهد حبيبتي خلينا
طلعت شهد وقرب محمد: وش فيك !؟؟ وش صاير
عقاب : ماصار شي
محمد : طيب علامك هونت
عقاب وقف بصراخ: مافيني شي هونت مجنون ما علي شرهه
محمد: بس عاد لا تجلس تصارخ تكلم زين
عقاب وهو يحاول يهدا: عمي الله يخليك ماعاد ابي اسافر ولا اطس لمكان عندي شغل بخلصه
محمد : بكيفك اجل
طلع وترك عقاب اللي يحلف مية يمين ودين ليذوق وعد الموت بنفسه
.
.
انتهى البارت .

[صواديف عشاق]

البارت الرابع ..

العصر في بيت النوخذه
كانت ليلى جالسه جنب نهيان وهو يعلمها كيف تدق
ومريم وشيخه جالسين يناظرونهم ببتسامه وابو نهيان وام نهيان
نهيان: خلاص الحين نوقف وبالليل نكمل
ليلى: زين بس قبل نوقف الله يخليك خلنا نغني
ابو نهيان: اي والله يا نهيان غن لنا من زمان ما سمعتنا صوتك
نهيان: ابشر
طل جابر من الشباك وهو يضحك: تكفى نهيان اذا غنيت غن شي يوصل للقلب
ليلى صفقت : ايه ايه
ضحك ثنيان وهو يبدى يدق (ابعتذر ... عن كل شي ... وصرخوا جابر وليلى معه :إلا الهوى .. ما للهوى عندي عذر ..
وكملوا معه يغنون ويضحكون ووقفت ليلى وهي تغني الكوبليه وهي تشرحه على نفسها وتضحك (اتصدقين ... ما اخترت أنا أحبك ... ما احدٍ يحب اللي يبي ...
ياحبي المرّ ... العذب ... )
وقف نهيان ما غنى وكملت ليلى والكل يصفق لها ويضحك
_______________________.
وفي بيت ابو خلف
طلع خلف وهو بعد ماصحى من النوم وهو ضايق خلقه واخلاقه وقف وهو يضبط شماغه وملامح الضيق واضحه على وجهه
لكن لف وهو مستغرب الغناء للي بالمطبخ وريحة الكيك طل وانصدم: وعد!؟ وش عندك!؟
ركض فيصل: منيييين طالعه الشمس اليوم
قربت ندى وهي معها سلة الغسيل: اذكروا الله تكفون ماصدقنا تروق
وجدان اللي كانت محشوره تغسل المواعين بعد تخبيص وعد : ياخي ليه الروقان مايشملني وتعفوني من المواعين
اماني : الا احسسسن عشان تصيرين سنعه
وجدان: مابي ياخي
قربت حنان: اطلعي خليها انا اكمل
وعد: حنااان وخري عنها خليها تعلم
وام وعد اللي كانت جالسه بالحوش هي وام خلف ضحكت: كفو خلوها تسنعها
اماني : عاااد وعد اذا مسكت احد تعلمه الشغل يعني تعلمه
وعد: خليف لا تروح لين تذوق الكيكه
خلف: كنت بروح بس هونت والله ، بس اقدر اعرف وش المناسبه
وعد قربت وهي معها قطعه عطتها خلف : ابد مسويتها مكافأه لنفسي ومصالحه ذاتيه
فيصل بضحك: كل هالفلسفه وبتدرسين بعد!؟ حمدلله ابوي رفض
ضحكت وعد : ماعليه خذ راحتك
انهبل فيصل من الوناسه انها ماهاوشت : حمدلله هاذي فرصه ما تتفوت
ركض سالم وغيث: نشم رييييحة كيك
وعد: ايي لكن افرشوا يلا الفرشه عشان نجلس كلنا وانت غيث ناد وروح ناد مضااوي وهيا والبنات وجدتي وخذ هالصحن عطه عزوز يلا
فيصل: لا لا هاتوا صحن عزوز انا اوديه
خلف : عطيني قطعتي هنا بأكل واطلع وراي شغل وجهزي قطعه على طرف ابيها لنادر
وعد: ابشر
وركض غيث وهو يدق الباب وفتحت مضاوي قبله : مسوييين كيك
غيث: ايييه ومسويته وعد بعد
شهقت مضاوي :شصاير بالدنيا!؟
ضحك غيث: تقول مكأفاه لنفسها
ضحكت مضاوي ودخلت وركض غيث ينادي وسمعه عقاب
وطلع هيا والجده وراح غيث لسحر وعهد وشهد : بنات وعد تقول تعالوا قهوة العصريه
وقفوا بيروحون بس طلع عقاب بغضب: وللله للي تطلع لكسر رجلها تسمعون
سحر: ليش!؟
عقاب: كذا مزاج
عهد: ليه يا عقاب!؟ وش سوينا عشان تحكرنا!؟ صد عقاب بغضب: والله ياعهد لو تنطقين كلمه ثانيه ما ترضين العواقب
سكتوا وطلعوا لغرفتهم بضيق لكن قبل يطلع عقاب شاف غيث راجع : عقاب جدتي تقول خل البنات يجون
عقاب: اقول اذلف احسن لك
طلع غيث خايف ورجع و وعد واقفه بحقد وراء البابب: وش قال
غيث: عيا وهاوشني
وعد:هين
راحت وهي تجلس قدام جدتها: جدتي!؟ شوفي عقاب رافض ان خواته يجون يتقهوون معنا
ام خلف: لييه وش فيه الله يصلحه
ندى: من الشر اللي براسه
هيا: هو معصب حتى السفر كنسله و يمكن يبيهم
ااماني: ماهو عذر !؟ وش ذنبهم خواته
وعد : جدتي ترضين بنات عيالك يتفرقون عشان مزاج السيد عقاب
ام وعد: وعد خلاص
ام ناصر : هيا تعالي قوميني هذا ماعاد يستحي
وقفت معها هيا ورجعوا لبيتهم وعقاب واقف بغضب يعدل شماغه
ام ناصر: عقاب وجع يوجع العدو
عقاب : وش فيك ياجده وش فيك
ام ناصر: ماعاد الا هي تحبس بنات ولدي نايف عن بنات عمهم معصي والله
عقاب : جدتي لا تحوسين الدنيا خواتي مايروحون ابيهم اليوم
ام ناصر: معصي والله معصي ماعاد الا تشغلهم خدم تبي شي اقض شغلتك بنفسك اما انك تحبسهم لا يستانسون ويوسعون صدرهم ماقالها الله يا عقاب
اعتلى صراخ عقاب والبنات يسمعون من طرف الباب الثاني ووعد مستانسه وكان عقاب يدري ان وعد مرسله جدتها لكن سوت اللي براسها وجابت ام ناصر البنات وعقاب واقف بغضب وطلع وهو يضرب الباب برجله
وجلسوا سحر وعهد وشهد وهم متفشلين من تصرف عقاب
لكن ماهي الا ثواني وتغير الجو لسوالف وضحك ونسوا عقاب اللي بيموت من القهر
_______________________.
وفي اسفل الحاره
في المكان المعهود كان خلف جالس بهدوء يفكر وفز على صوت نادر : خليف انت هنا
خلف:ايه توني وصلت
نادر: جيت وجابك الله
خلف : وش فيك !؟
نادر: اول شي وين عقاب
خلف : عقااب طار يقول بيسافر مع عمي محمد
نادر: الله الله ياعقا..
قبل يخلصون كلامهم دخل عقاب مثل العاصفه وجلس بغضب
خلف: بسم لله الرحمن الرحيم وش فيك ؟ ليه مارحت مع عمي محمد
نادر: وش فيك معصب!؟ صاير شي
عقاب: ماصار شي بس ماعاد بسافر
خلف: لييييه!؟ وش طرا
عقاب بكذب: طلبونا في مهمه مقدر اغادر البلاد
خلف:اشوى خوفتني
نادر: يلا خيره الهم زين انكم تجمعتوا الحين احتاج فزعتكم
فزوا كلهم: وشو !؟
نادر ببتسامه بارده:زواجي بعد اسبوعين .
عقاب : وشوو!؟ بعد اسبوعين انخبلت انت !؟
خلف: وش ذا السرعه ياولد!؟
نادر: ياخي ابوي وابو البنت اتفقوا كذا انا من الصدمه عجزت حتى اعلق
خلف : وش السوات
نادر: السوات انك تقوم انت وياه وتفزع معي يعني نبي نرتب امورنا قبل العرس
عقاب : ابشر اللي تبيه بس اشر وابشر
نادر: ما تقصر
خلف : انت قلنا وش ينقص وحنا نكمله
نادر مد الورقه بينهم اللي فيها الاغراض وهم متعودين يساعدون بعض في كل الحالات واللي معه يعطي اللي ما معه
وكانت حالتهم الماديه متوسطه كلهم
خلف: اول شي البيت كيف وضعه!؟
نادر: امي وابوي بيروحون حفر الباطن بيجلسون عند جدي ثلاث شهور لين يتشافى تعرفون بعد حالته تعبانه
عقاب : يعني بتكون فالبيت لحالك
نادر: ايه
عقاب : بسيطه اثث غرفتك وباقي البيت مأثث يعني التزاماتك خفيفه
نادر: ايه
عقاب : اجل اسمع اثاث غرفتك علي
نادر: لا تكفى دور شي هين مالي خلق اشتري لك غرفه اذا تزوجت
ضحك عقاب: لا ما عليك مسموح
نادر: لا ياعيال انا ابيكم بالخفايف مابي تثقلون على انفسكم
خلف: اقول اعقل بس حنا وشوله اسمنا اصحاب !؟ عشان نوقف بالثقايل ووقت الزنقه يلا عقاب الغرفه وانا علي كل النواقص الباقيه وقف نادر يحضنهم بضحك: كفو كفو هذا هم اصحابي
عقاب : وامك وابوك متى بيروحون!؟؟
نادر: هنا مربط الفرس
خلف : وشو بعد
نادر: ابوي يقول ندخلك على زوجتك من هنا ونطلع للحفر من هنا
خلف : في عز الليل!؟؟؟؟
عقاب: انا احس هالزواج لخبطه
نادر: لحظه سفر امي وابوي عشان يروحون لجدي بسرعه حالته صعبه بالقوه ابوي مدبر له ممرض يجلس عنده هالاسبوعين يعني حالته مستعجله وابوي خايف عليه
خلف : مهما كان طلعتهم بالليل صعبه !؟
نادر: هو انا بجلس يومين هنا وبعدين اطلع وراهم اسلم على جدي واطلع اتمشى
عقاب : انت ابخص
وقف خلف: زين انا تاخرت على الدكان لكن شوف وش ينقص وبلغني
نادر: الله يرزقك من واسع فضله ياخليف
خلف : امين
عقاب : يلا انا بعد بروح اشوف دوامي
نادر: كلنا رايحين
كل واحد راح لمكان وعقاب رايح يقطع اجازته عشان ما تنحسب عليه وهو يبي يتفضوى لقلة حياء وعد
_______________________.
في السوق
دخل خلف وهو يسلم على اهل السوق لكن وقف ببتسامه يناظر ضاري اللي كان بالسوق وهو يسند حرمه كبيره بالسن على ذراعه ومشغول في المحلات لكن صوته عالي كالعاده
اتجهه خلف مبتسم اول ماشافه عند محلهم : حياك الله
لف ضاري وابتسم : انت يااااهلا والله ومسهلا
سلموا على بعض وابعدوا وضاري للحين ماسك امه ماتركها ولا حتى خلاها وراها زي مايسوون بعض الشباب اللي يستحون من اهلهم
ابتسم ضاري : تراك رحت ماعلمتني اسمك
ضحك خلف: ابد معك خلف ال قايد من اصحاب هالمحل
ضاري بفرح: والله شرفتنا يا خلف عاد جيت وجابك الله
خلف: امرني
لف ضاري على امه :يمه وين الراديو !؟
رفعت ام ضاري الكيس وهي رابطه وفي داخله راديو قديم اخذه ضاري وهو يعطيه خلف : راديو امي خربان من صبح الله تبي تزينه ولا زان قلت اجيبه لمحلكم تصلحونه
اخذه خلف وهو منزل راسه مايناظر ام ضاري : على خشمي تبشر انت وامك
سحب الكرسي يحطه قدامهم: ارتاحي ياخاله
جلس ضاري امه وقال: وش تشربون
لف ضاري يناظر: اذا عندكم قهوه
خلف: ابشر
صب خلف لهم القهوه وضاري يبدي امه على نفسه في كل شي
وجلس خلف وهو يضبط الراديو وضاري يسولف ويسأله عن كل شي يسويه
ورفعه خلف: وهذا راديوك وصلحناه ياخاله
ام ضاري: عساها يدك ما تمسها النار
خلف: اميين وياك
لف ضاري لها بضحك ويمازحها: ايييه صلح راديو العجوز وبتزعجنا باغاني بدر الغريب
ضحك خلف: الله يطول بعمرها خلها توسع صدرها
ام ضاري صدت وهي تضحك ووقف ضاري: كم الحساب ياخلف
وقف خلف مبتسم : ابد هالمره على حسابي ضايفتكم
قبل يحلف خلف فز ضاري : والله ما تدفعها كلها
خلف : يا ابن الحلال اذكر الله اسمعني طيب نص علي ونص عليك
ضحك ضاري :اجل تم
دفع النص وطلع وهو يودع خلف ويسولف مع امه وضحك خلف بعجب من هالشخص
لكن وقف عيونه على جابر اللي جاي ومعه واحد غريب لكن معهم وراهم حرميتن ( ليلى ، ومريم)
فز قلبه لا شعورياً وهو يتذكر بنت النوخذه اللي شافها ترقص لكن الحين عيونها واضحها وعيونه حلوه وجريئه لكن مجرد ما طاحت عينها بعينه صدت بخوف ولفت
_______________________.
اما ليلى كانت تمشى مع اخوانها وهي جايه بس تتمشى لكن حست ان احد يراقبها ولفت انصدمت انه خلف !؟ مدت يدها لقلبها بخوف ( شفيه هذا!؟ ليش يخزني ! عمى بعيييينه مايتسحي ماينتخي )
صدت وهي تقرب لجابر بخوف
ولف جابر: شفيچ !؟
ليلى: ولا شي
جابر: فلوس ماااكو ترا لا تلزقين
ضحك نهيان: تعالي انا اعطيچ
ضحكت ليلى بخوف انهم يشوفونه : لا مابي بس ابي امشي معاه
سحبها نهيان عنده وهم كلهم متوقعين انها تبي فلوس
_______________________.
وجلس خلف وهو منحرج من نفسه ( الله يفشل العدو شافتك البنت يا مريض!؟ وش عرفك انت هي ولا ماهي هي )
طلع من الدكان رايح للبقاله اللي قدامهم اخذ عصير بارد وجلس يبي يبرد قلبه اللي فجأه صار يدق
ولف لكن تصلبت عيونه على الدكان اللي قبالهم كانت وحده جالسه على الكرسي وتشرب عصير والباقين لاهيين بالمحل
واول ما رفعت طرف النقاب عشان تشرب بان خدها وبانت الشامه
وهي ماهي منتبهه لكن خلف انتبه وشرق بعصيره ووقف يكح بذهول
وركض ممدوح يخبط على ظهره : بسم لله عليك وش فيك
ابعده خلف : مافيني شي
نزل العصير وطلع وهو يمسح وجهه وللمره الثالثه لف على صوت نهيان: ليلى حبيبتي يلا خلصنا
وقفت ليلى وهي متوتره من وجود خلف اللي توها تلمحه
اما خلف رجع لمحله وهو منلخم مفجوع ومصدوم
هاللي ترقص بالفيديو هي ليلى
اليوم عرف اسمها وعرف انها من بيت النوخذه وشاف الشامه اللي جذبته
لكن من هاللي معها من هاللي يقولها حبيبتي ... !
دخل وجلس ماشاف جده ولا شاف ابوه
ابو خلف : خليف علامك
فز خلف : بسم لله الرحمن الرحيم
ابو ناصر: وش فيك منخطف لونك
فز ابوه وركض له: تعبان!؟ مكتوم فيك شي
خلف : لا يبه لا
ابو خلف : اجل وش فيك
خلف : شرقان بس
ابو ناصر: بس ؟
خلف: ايه ايه
رجعوا لاماكنهم ورجع خلف ورا مكتبه وهو ثانيه يضيع في الشامه وصاحبة الشامه وساعه تبدل ملامحه لاستغراب اذا تذكر الرجال اللي معها
_______________________.
وفي بيت ابو خلف
الكل مجتمعين ويسولفون وقفت سحر وعهد
عهد: يلا شهد
وعد: وين رايحين
عهد بهمس: بنروح للبيت اكيد عقاب بيرجع واختف يزعل علينا ومايخلينا بكره نروح الحفل
حنان: ايه احسن لاتعاندون ويسوي سالفه
سحر: هو ذا اللي بيصير
شهد: والله انا ماني رايحه بجلس مع وجدان
مضاوي: انتي وياها ما تملون من بعض
وجدان :لا زي ما انتم ما تملون
اماني : اسمعوا طيب مايمديه يجي الحين اكيد مع خلف وجدي بالمحل خلونا نطلع فوق نلعب
مضاوي: ماعليكم انا اتوسط لكم
هيا: ايييه هين شفنا وساطتك اليوم يوم عصب
ندى : ماعلينا بس خلونا نلحق قبل
طلعوا كل البنات السطح
مضاوي : نبي نلعب غميضه
وعد :نلعب بس ياويلك تنغزيين احد او تضربين
ندى : لا تصدقينها كذابه اول مانبدى تبدا حركاتها
هيا: صدق مضاوي فكينا
مضاوي : خلاص طيب
اماني : كذااااابه خلوها تبدا اول وحده عشان ماتسوي شي
مضاوي : خلاص ببدا
اخذت الطرحه وهي تربطها على عيونها وابتدوا يلعبون
وكل ما تمسك وحده ينقلب السطح كله صراخ
لكن وقفهم سالم وغيث اللي يناظرون
وعد : وش فيكم!؟
غيث : نبي نلعب معكم
ندى: تلعبون مع البنات!؟
غيث: وش نسوي عزوز وفيصل يطردونا وانتم تطردونا
حنان: خليهم تعالو تعالو
تجمعوا يلعبون ويضحكوووون ومبسوطييين
_______________________.
الليل في بيت النوخذه
كانوا مجتمعييين ويشوون وكان ليلى تنقل بين البنات فالمطبخ والعيال فالحوش
بس وقفت بالنص اول ما تذكرت خلف ونظراته اليوم غريب هالرجال بكل تفاصيله غريبه حتى نظرته
فزت على صوت مريم اللي قالت بضحك : ويييين سرحانه يا ليلى العامريه
ضحكت ليلى بمزح: اسرح بمنو بالله!؟؟ قيس مثلاً
مريم: ما ادري من ردينا من السوق وانتي مختبصه
ضحكت ليلى: تعتب من الفراره بس
مريم: زين
وقفت وراحت تساعد جابر ونهيان تحاول تتناسى هالرجال
_______________________.
اما عند خلف
اللي رجع لبيتهم وهو في عالم ثاني دخل وهو يسمع صوت خواته في غرفتهم وقبل يطلع لغرفته
طلعت حنان: خلف جيت
خلف : ايه
ندى بصوت شبه عالي: تعال إلحق على الشاهي والمكسرات
قبل يعترض دخلته حنان: تعال معنا شوي
دخل وهو يجلس بينهم وكان كعادته ساكت والبنات يسولفون بكل شي معه عادي
لكن كان خلف سرحاااااان في عالم ثاني وفجأه تبخرت احلامه اول ماقالت اماني : خليف صدق بتتزوج قريب
لف خلف بهدوء: ومن قال !؟
ندى: ابوي من الصبح يقوله
وعد: وش دخلهم!؟ هو اللي قرر بيتزوج او لا
حنان: صراحه ودي تتزوج احس نبي زواج نستانس فيه اماني: الله يا خليف لو تزوج برقص رقص الدنيا بجلس اسبوع اردح وألفح وازغرط
ضحك خلف على احلامها: ان شاء الله
وعد: طيب وش بتسوي انت!؟
خلف بضيق: سوات الله ابرك بعدين اشوف
وجدان: يا حليلها عمتي ميييته من الوناسه من الصبح تقول بسوي في زواج خلف وبحط في زواج خلف
ضاق صدر خلف ووقف :ان شاء الله ربي ييسرها
طلع وتركهم وهو حتى الشاهي ماشربه
قربت اماني بشك: كأنه خلف متضايق
ندى: تراني شاكه فيه من فتره احسه مايطيق طاري الزواج
حنان: اخاف مايبي سحر
ندى: مدري بس اللي اعرفه انه هو ماعنده مشكله مع سحر بالعكس
وعد : هو ماعنده مشكله مع سحر وعادي يحبها بس احس اول ما وصل الموضوع لزواج تردد خلف واضح عليه
وجدان: اخاف يحب
لفوا كلهم يناظروها : وشوو!؟ انتي من وين تجيبين هالكلام
وعد : عشتوا بزر توك باخر الدنيا وتسولفين هالسوالف
وجدان: قلت احتمال
وعد : اقول استحي على وجهك بس هذا اللي ناقص
ندى بتفكير : صدق اخاف يبي احد ومايبي سحر!
سكتوا كلهم خوفاً من هالفكره اذا كانت صدق معناها دمار بيوت
_______________________.
وفي غرفة العيال
كان فيصل ماسك غيث وسالم وغصب يسوي لهم تمارين ومطارحه وحركات صعبه عليهم بس فاضي ويطلع شطارته عليهم وبعد ما انتهى قرر يروي لهم حكايات الجن وهم خايفين ولازقين ببعض
فزوا على دخول خلف وركضوا سالم وغيث له : فكنا من فيصل
تنهد خلف بضيق: وبعدين يافيصل وبعدين!؟
فيصل: ماسويت شي
خلف : فكني من الازعاج حط راسك ونم وخل الناس ينامون
نزل ثوبه خلف وارتمى على فراشه ولف على صوت فيصل يهمس : من مضيق صدرك !؟ فيك شي!؟
خلف: لا وش بيكون فيني بس تعبان من الشغل بنام
فيصل: اذا فيك شي تقدر تقولي
ابتسم خلف : اكيد يا فصيييل اكيد يلا قم نام
قام فيصل ينام ورجع خلف يتلحف بهدوء وهو في دوامة هالزواج ونعيم المنظر اللي شافه اليوم
وفي عز الظلام حس باحد يقرب ويضممه مد يده يتحسس اليد وابتسم كان غيث ولف يناظره بضحك : غيث وش فيك !؟؟
غيث: خايف
حضنه خلف مبتسم وهو يسمي عليه وشوي حس بسالم يقرب وينسدح وراه بالضبط
ضحك وهو يضمهم الاثنين وفيصل في سابع نومه ولا هو حاس
_______________________.
وفي سطح الجد
كان عقاب يدور وهو للحين مقهور من وعد ويفكر كيف بيسوي وكيف بينتقم منها وكان لازم يكون حريص لو احد انتبه له بتقوم الدنيا وتقعد
سرح وهو يفكر ( والله يا العوبا ما انتي سهله لكن ما اكون ولد نايف اذا ما ربيتك )
رجع للغرفه وهو كل انتقام شين فالدنيا يطري له لكن مايبي الا انتقام يكسر شوكة وعد العمر كله ماهو يوم ويومين
_______________________.
ومن بكره يوم الجمعه
كان هو اليوم المليييييان بالروحانيييه وريحة العوود والبخور والقهوه وصوت الراديو يعم على البيت بالقرآن
وفي حوش ابو خلف
كان ابو خلف جالس يردد ورا القرآن
والبنات ينظفون ومنتشرين وغيث وسالم وفيصل كلهم متروشين وجاهزين لصلاة وينتظرون
وفي غرفة العيال
وقف خلف وهو ياخذ دواه والتفت على دخول امه اللي اسرعت تفتح الشبابيك عشان ما يكتمه الدخان
وابتسم خلف وهو يبوس راسها: الله يخليك لي يمه
ام خلف : امين ولا يخليني منك ، هاه يمه خلصت ابوك ينتظر عشان تطلعون الصلاة
خلف: ايه خلاص
دخلت ندى مستعجله وهي تعطيه شماغه: خليف هاذي شماغك
اخذها وهو يلبسها ودخلت حنان تركض معها فنجان قهوه : خلف خذ
خلف: ليه!؟
حنان: تقول مصدع قلت اجيب فنجان يصحصح بك
خلف: مشكوره
ام خلف : يلا يمه يلا
طلع خلف معه الفنجان وهو طالع عطاه وعد اللي واقفه تكنس: خذي
اخذته وهي تشوفهم طالعين كلهم للمسجد
ورجعوا لشغل والتنظيف
_______________________.
وفي بيت الجد قايد
كان ابو ناصر واقف وهو يعدل شماغه ونزلت مضاوي تركض معها البشت: يببببه خذ بشتك
وقف ابو ناصر : هاتيه يا ابوك هاتيه
لبسته مضاوي وهي تبوس كتفه: جعل عمرك طويل يا يبه
ام ناصر: نهار جمعه ادعي للمسلمين اجمعين
ضحك عزوز: جده تغارييين حتى من الدعاء
هيا: الله يطول بعمركم جميع ولا تزعلين
ضحك ابو ناصر: ماعليه خلوها خلوها الحريم لازم يحسدون
عقاب: صدقت ياجدي
صرخت مضاوي : اقووول ترا انا اللي ادعي لكم وانا في فريق الحريم لا تخلون اغير وادعي عليكم
ابو ناصر: تدعين على ابوك!؟
مضاوي بضحك: لا بس بدعي الله يحسن الختام
رماها الجد بالمفتاح بضحك وانحاشت وقالت ام ناصر: خليه والله محد رفعه لهالمكان الا دعاي له
ضحك ابو ناصر: صادقه صادقه الله يجزاك خير
عقاب : يلا ياجدي بتجلس تسولف مع الحبيبه والصلاه بتفوت
ابو ناصر: يلا
طلعت سحر وهي تركض بالعود : لحظه تبخروا
مرت عليهم واحد واحد وهم كل واحد يقول : طاب طيبك وعاش حبيبك
وتبتسم سحر وهي تدعي لخلف الحبيب ان الله يطول بعمره
وبعد ماطلعوا ركضت مضاوي وهي تبخر: طاب طيبك
وهمست وعاش خليف
ضحكت سحر : ياشينك
عهد: وهي ما كذبت
وقفت هيا اللي كانت تقرا سورة الكهف: خلوا الكلام الفاضي ويلا عشان تقرون وتصلون ورانا غدا وحفله ناسين
وعلى طاري الحفله طلعت شهد : بنات وش اللبس !؟ عهد بضحك: يالله خييير اصبري لين يوافق عقاب وبعدين فكري
ام ناصر: غصب عليه يوافق خلصوا بس اغراضكم
ركضوا البنات يرتبون ويخلصون عشان يلحقون يجهزون _______________________.
وفي بيت النوخذه
طلع الكل لصلاة والحريم جالسين بهدوء يسمعون الخطبه بالراديو ودق الباب وفزت ليلى تفتح وشافت ولد صغير وفتحت الباب شوي وجلست : هلا حبيبي منو تبي !؟
ابتسم سعود بخجل: امي تسلم عليكم وتقول قولي لام نهيان الله يحيها للحفله في بيتي العصر
ضحكت ليلى بفرح: والله ابشر وسلم على امك وقولها ان شاء الله بنحضر ، بس وين بيتكم
اشر لها سعود : هذا بيتنا قدامكم
قربت ليلى تبوسه وهي مبتسمه: ان شاء الله لكن انطر دقيقه
ركضت ليلى وهي تجيب بسكوت وعصير وبطاطس واعطته سعود مبتسمه واخذها وهو مستحي وطلع
ورجعت ليلى فرحانه: يمه ابشرچ
ام نهيان: خييير خييير
ليلى: معزومين على حفله واااي بموت من الوناسه
شيخه: خافي ربچ تعالي اقري لچ كلمتين من القران وانتي تدورين الحفلات
ليلى: ولييّيييه شفيچ شيخوه ترا ما كفرنا والحمدلله قريت وردي وخلصت.
مريم: ووين هالحفله
ليلى: يمه تتذكرين ام سعود!؟؟
ام نهيان: ايه
ليلى: جاء ولدها سعود يقول امي تسلم عليچ وتعزمچ الحفل اليوم
ام نهيان: زين الله يسهل
ركضت ليلى تجهز اللبس اللي بتلبسه وكل شي تحتاجه
_______________________.
في الشارع للي اسفل الحاره
واللي كان لازم يمرون فيه عشان يروحون المسجد في هالشارع بيت النوخذه
والكل يمشي ومنزل راسه من حرارة الشمس الا خلف اللي اول مارفع راسه شاف باب النوخذه مردود وواقف عنده سعود وتأخر خلف بمشيه وهو يمشي بشويش بس وقفت رجله وهو يشوف ليلى اللي رجعت وهي مبتسمه واعطت سعود الحلاوه والبسكوت وهي تبوسه وودعته
وسكرت الباب
شد خلف شماغه بقوه وهو عارفها وعارف شكلها لا شعورياً ابتسم من ابتسامتها وسكرت الباب وماشافته لكن خلف وقف بحيره عذبه امتلى بها صدره لا شعورياً وقف سعود : سعود وش تبي هنا
سعود : امي ارسلتني اعزمهم للحفله
جلس خلف قدامه مبتسم وهو يسلم عليه كان منتظر يشم عطر او شي لكن حبس انفاسه ووقف ناقد على نفسه من هالتصرفات اللي ماهي من تصرفاته واطباعه
راح سعود ووقف خلف متكتف واستغفر وهو يكمل للمسجد وهو يحاول يخشع وينساها وهو عجزان في هالصدف اللي تحطها قدامه في كل مره
_______________________.
وفي بيت ابو خلف
بعد الغداء ابتداء مشوار البنات فالتجهيييز وكل وحده تدخل وتطلع وتدور
وكان خلف متكتف وجالس وهو يفكر لكن لف : يمه من بيجي فالحفل!؟
ام خلف : كل الجيران والحاره ، ليه!؟
خلف : مدري قبل فتره جيرانا الكويتين سكنوا مدري احد جاهم تعرف عليهم
ام خلف : والله ماشفتهم انا يمه بس عزموهم الحريم
ام وعد : وانا قابلت ام نهيان في مجلس ماشاء الله عليها حرمه رزينه وعاقله وبنت حلال واكيد ام سعود بتعزمهم
فيصل: خساره لو عندهم ولد بعمرنا كان فليناها معه
خلف : خل عيال الناس بحالهم بس
ام وعد : طيب خلف ياحبيبي اخذ سالم وغيث معك
خلف : ليه مايروحون مع سعود يلعبون بالحاره
او وعد : اخاف يتطاوقون
خلف: لا يا عميمه خليهم يلعبون احسن
طلعت وعد بعد ماجهزت وجلست وابتسم خلف : الله الله اختي اليوم ناويه تعذب العرب
ضحكت وعد: الله يجبر بخاطرك ياخليف
طلعت ندى وهي تدور: بالله علييييك شوف انا اللي بكسر الدنيا
طلعت اماني مبتسمه وهي تغني :ياشييييخه روحي بس انا اللي يقول عني خالد الفيصل ( نصف زين الخلايق في عيونه
وباقي الزَّين في باقيـه كِلَّـه)
ضحكت وجدان: كثررري منهها
ابتدت حرب المنافسه لكن انهاها خلف اللي طرا له يكمل الاغنيه وكلمات الاغنيه جت على جرحه ودخل بالجو وكمل معه فيصل يدق على الصحن والبنات يصفقون
(وقلبي تايهٍ مِـن عـام الاوَّل
ألا يالله يسَّـر مـن يدلَّـه
خذاه الَّلي على خدَّه علامه
سوادة غيم في شمسٍ مطلَّـه
سرقني مادريت إنَّه سرقنـي
سلبني و أحسب إنَّي فاطنٍ له
أنا يوم أرسل عيونه لقلبـي
عطيته مُهجتي والمعطـي الله)
ضحكت ام وعد : هانت يا خليف هانت كلها شهور ويعود لك قلبك ( تقصد زواجه من سحر )
لكن خلف ماكان صوبها ابد كان فعلاً يحس ان صدره فضى وعقله بعد فضى من كل شي واحتلته بنت النوخذه ام شامه اللي فعلاً سرقته وهو ماهو حاس
ندى: اوووووو اخونا طااار
التفت خلف مبتسم:يلا يلا خلصوا عشان اوصلكم واطلع
ام خلف : تبي تطلع يمه عادي روح فيصل يوصلنا
خلف : لا لا ماعليك يمه انتظر انا
وقف فيصل يربط ثوبه على خصره: لا والله انا بروح ألحق المباراه فاتتني
فز معه سالم وغيث: فيصل اخذنا
قبل يرفض فيصل قالت وعد : خذهم معك محد فاضي لهم
صد فيصل : زين
طلع وكملوا تجهيزهم
_______________________.!
وفي بيت الجد قايد
ما صدقوا البنات ان عقاب يوافق وانطلقوا يجهزون بسرعه
وعقاب جالس على الدكه اللي بالحوش ويتقهوى جنبه جدته وهيا اللي اول وحده تخلص وسحر لكن كالعاده مضاوي وشهد وعهد دايماً متأخرين
اخيراً طلعوا والتفت عقاب لمضاوي بعبط : بسم الله وين رايحه وييين عرس عرس
مضاوي بمزح: شتبي فيني خلني اكشخ كود الله يرسل لي حرمه مسكره عيونها وتخطبني ولدها
عقاب : يابنت الله لا يعاقب المسكين اللي بيتزوجك وشكل اللي داعيه عليه امه هو اللي بيتزوجك ولا هو موفق ولا هو رضي والدين
ام ناصر : لييه وش فيها بنيتي كامله والكامل الله
عقاب : والله يا جده بنيتك هاذي من اصحاب المظاهر الخداعه تشوفينها من بعيد تقولين ملاك واذا قربتي الله لا يوريك
مضاوي : يالله ياعقاب يبلاك ربي بزوجه اردى مني ويالله ترزق باللي تصلي بك شرق والناس قبله
ضحك عقاب بإستهزاء: ماجابتها امها اللي تصلي بس شرق
عهد : اييي هيييين كلكم كذا مع خواتك كلام ومع زوجتك كلام ثاني
عقاب : والله وش مسوي فيك وانا مدري!؟
قربت شهد وهي تجلس جنبه: اقول ماعليك منهم والله انك اطنخ اخو واحسن اخو واللي بتزوجك يحبها الله وخلق الله
ضحك عقاب : والله صادقه بس وش المصلحه من هالكلام!؟
كشرت شهد وهي اللي فعلاً كانت تقدس عقاب : افا يعني انا ما امدحك الا ابي شي
سحر: عاد مالك حق يا عقاب شهد ما تسمع فيك وتحبك
قربها عقاب يحضنها: ولا انا احبها حبيبة اخوها
طلع عزوز: عقاب بروح المباراه
ابعد عقاب: زين بس لا تبطي
عزوز اسرع بخطواته يحضنه بمزح: لو سمحت احضني بعد مايصير تصحروني عاطفياً
ضحك عقاب وهو يحضنه بعد ويحضن عهد وسحر بشكل جماعي ومن بين الزحمه دخلت مضاوي معهم بالاحضان
ام ناصر: يلا يلا بنروح
عقاب : هاه بس انتبهي انتي وياها وخليكم مع جدتي
هيا: اللله يهديك وين بيروحون يعني
عقاب: نوصي عاد
طلعوا مع طلعة ام خلف وام وعد ومعهم خلف
عقاب: الله بالخير
لف خلف : هلا عقاب غريبه!؟ مارحت للحين
عقاب : توني بروح انت وين!؟
خلف : بوصلهم
عقاب: زين اخذ جدتي والبنات معك
خلف تقدم وهو يبوس راس جدته وهو يمسك ذراعها: على خشمي
لف عقاب وهو يشوف اطول وحده واللي من وقفتها اللي فيها ثقه وهيبه واقفه على يمين خلف وهي دايم كانت يمين لخلف كأنها رجال من كثر ما خلف يحبها ويعتمد عليها في اشياء مايعتمد على فيصل فيها ويدري عقاب ان سبب طغى وعد هو حب خلف لها المفرط لكن هو حالف يكسر هالطغيان وبيكسره
لكن وعد كانت متجاهلته وهي تدري بغيض صدره
في الطرف كانت مضاوي مشغله خلف وتسولف معه لكن خلف شايل هم سحر اللي يحس بنظارتها له ووده يلتفت وده يوصلها من عيونه انه في حيره مايدري وش مصيرهم!! من يوم دخلت بنت النوخذه بالخط ومن صدف بسيطه سلبت تفكير خلف اللي كان خالي الفكر والقلب ومرتاح ويحاول يحب سحر ويتعود على الواقع لكن خوفه الاكبر خايف من ظليمتها وكسرة خاطرها
اما سحر للي في كل خطوها يخطيها خلف او كل حرف ينطقه تحس انه يهمها ولازم تسمعه بكل حواسها
_______________________.
في بيت النوخذه
الكل استعد وجهز وليلى اللي تناظر نفسها بإعجاب وحب عدلت اساورها بيدها وعدلت شعرها وهي تسمع امها تنادي : يلا يا ليلى
طلعت ليلى : خلاص يمه خلصت خلصت هاه شرايكم
مريم :واي ليلى تهبلييين بسم الله عليچ
ام نهيان: حصني نفسچ وانتو شيخه مريم بعد تحصنوا
شيخه: يمه انا ما بطول نص ساعه وارد البيت
ليلى: شيخوه شفيچ ليه علاقتچ مع الحفلات عكسيه!؟ شيخه: لاني ما احب الطقطقه واللّويه والازعاج
ام نهيان: خلونا نروح ونشوف
طلعوا متجهين بيت ام سعود
_______________________.
وعند باب ام سعود
كان خلف واقف بالطرف بعيد وهو يقلب المسبحه بيده ينتظرهم يدخلون لكن شاف بيت النوخذه ينفتح وطلعوا منه 4 حريم متجهين بيت ام سعود بينهم ليلى اللي يعرف عيونها اللي شافته هالمره وكل ماقربت شافت انه يناظر وارتبكت وتعثرت وطاحت وشهقت ام نهيان: بسم لله عليچ
مريم: ليلوه شوفي الطريچ علامچ طايره
ارتبكت ليلى وهي تحاول توقف ورفعت امها اطراف العبايه عشان توقف ما تعثر فيها وتدبست عيون خلف على اسفل فستانها الاحمر وخلخالها
لكن نزلت الفستان بخوف وهي توقف بارتباك وصد خلف ومشى وهو ماعاد يبي اي صدفه زياده هو ما بقى شي ما شافه وحبه
دخلوا وليلى انخبصت وخافت من هالخلف اللي بكل مكان غطى لون وجهها على لون فستانها
شيخه: ليلى ليش ويهچ احمر!؟ تعورتي؟؟
ليلى: لا لا
مريم: قولي بسم الله
قربت ام سعود تسلم وهي ترحب فيهم
_______________________.
وفي الحوش الداخلي
الكل جالس والبنات مجتمعين هم يعرفون بعض ولفوا على دخول ام نهيان وبناتها ووقف الكل يسلمون
وهمست مضاوي للبنات: اوووف هالمزايين جيرانا ويينس مادريت عنهم ولا كل يوم اسير لهم
ضحكت ندى: ابشرك يقول عندهم ولد يمديك تضبطينهم
هيا: الله يفشلك انتي وياها
وعد : اعقلوا فضحتونا!
مضاوي بمزح : مالي دخل حجزت اخوهم
اماني بضحك: يقول ابوي عندهم بعد واحد متزوج اذا هو مثل خواته مزيون انا راضيه اكون ضره
ضربتها حنان: حرام عليك
اماني: امزح امزح
قربوا يسلمون وابتسمت لليلى للبنات المبتسمات وسلموا انتهى مطافهم في السلام وقربت ام سعود تاخذ ام نهيان وشيخه لمكان لكن ماكفى ليلى ومريم
وقالت مضاوي ببتسامه وسييعه: تعالوا هنا حياكم
مريم: الله يسلمچ
ليلى: مشكوره
مضاوي بهمس: يمممه بموت شوفي اللهجه ماشافوا كلامنا صبه ما تفرقين بين رجال ومره
عهد : الله يفشلك يا مضاوي اسكتي تكفين
سحر: لا يسمعونك بس
لفت اماني لهم : حياكم الله
مريم: الله يحيك
هيا : ماشاء الله من زمان نسمع عن جيرانا الكويتين ما حصلت لنا الفرصه نشوفكم
ليلى: توها شاءت الاقدار
مضاوي: صادقه والله
وعد: وتشرفنا فيكم والله
ليلى: لنا الشرف
كانوا ودهم يسولفون مستحين من بعض
عهد : حنا جيرانكم بيت القايد في اول الحاره صح بعيد شوي لكن ان شاء الله تجونا ونجيكم
همست سحر: كثري منها نجيهم والله عقاب يذبحنا
عهد: نلمع الصوره قدام الناس
مريم: ان شاء الله لكن انا ضيفه كلامكم مع ليلى
لفوا وقالت ليلى ببتسامه: انا ليلى وهاذي مريم زوجة اخوي
اماني بهمس : افااا ضرتي يا بنات
ضحكوا بهمس قالت وعد تغطي الفضيحه : انا وعد وهذولا خواتي ندى واماني وجدان وحنان
وهاذي عمتي مضاوي وعمتي هيا
وبنات عمي سحر وشهد وعهد
ليلى : ماشاء الله
مريم: وانتم كلكم بنات القايد!؟
مضاوي : لا انا وهيا بنات القايد نفسه ووعد خواتها بنات اخوي ابو خلف وسحر وخواتها بنات اخوي ابو عقاب
تكهربت ليلى وهي تقول بنفسها( لايكون خوات المجنون اللي عند الباب !؟ الله يستر ماغيره خلف القايد شهالقراده ياربي)
مريم: ماشاءلله الله يخليكم لبعض
الكل: امين
مضاوي : هاذيك مين!؟ لفوا يناظرون شيخه وقالت ليلى: هاذي شيخه اختي ومعها امي
مضاوي : ماشاء الله
سكتوا وارجعوا وقالت حنان: كيف السعوديه معكم! مرتاحين
ليلى: حلوووه حييل انا صراحه احبها لكن هم نحب الكويت اكثر
وعد : ايه مافيه زي الوطن بس السعوديه ديرتكم الثانيه
مريم: بالنسبه لي نجي يومين هنيه لكن اموت من الشوق للكويت ماني متعوده
بدت السوالف الروتيينيه وكل وحده تحاول تتعرف على الثانيه
_______________________.
في السوق
كان خلف يمشي مع نادر ونادر يسولف ويعلق ويقلب وخلف ساااهي وفجأه ضربه نادر: خييير اسولف مع نفسي
خلف: اسمعك
نادر: كذاب ! خليف تراي اعرفك لك ايام ما انت طيب
خلف : لا تكبر الموضوع سهيت شوي
نادر : وش مشغل بالك قلي
كان خلف ينكر ويصرف نفسه لكن نادر مصر ورحم الله خلف بجية ضاري اللي شافه من بعيد اقبل يسلم عليه
خلف : نادر هذا ضاري حكيت لك عنه وضاري هذا رفيق عمري نادر
مد يده ضاري يسلم على نادر بحراره: يا هلا والله تشرفت فيك يا نادر
نادر: الشرف لي
ضاري : كيفك واخبارك وعلومك
ابتسم نادر باستغراب: بخير انت وشلونك
ضاري : بخير ، دامكم تجمعتوا حلفت الا تجون معي واقهويكم
خلف : لا يارجال مكثور خيرك واللله مستعجلين
ضاري : لا والله والله
نادر قبل يحلف ضاري قال: يارجال والله مستعجلين
ضاري بسؤال بحسن نيه وكأنه من سنين يعرفهم: وش معجلكم!؟
خلف ابتسم: نادر على وجهه زواج ويجهز لبيته
ضاري بفرح: ماشاء الله مبروك مبروك والله يبارك لك
نادر: الله يبارك فيك
ضاري : هاه امروني تبون فزعه شي تراي اعيين واعاون
ضحك خلف اللي صار يعرف طريقة ضاري بس نادر مفجوع من دخلت ضاري السريعه :لا والله مشكور
ضاري :لا تستحي انت مثل اخوك
نادر: تسلم والله
خلف: انت وين رايح !؟
ضاري : ابد وصلت امي عند احد الحريم واحتريها تخلص واخذها
خلف ابتسم : الله يخليك لها ويخليها لك
رفع يدينه ضاري بحب: يالله يارب ويخلي لك من تحب
خلف : طيب تخاوينا!؟
ضاري : مابي اثقل عليكم
نادر باستهزاء في خلف : لا والله ما انت مثقل على الاقل ترد الصوت علي
ضحك خلف : تعال تعال
دخل معهم ضاري اللي اثبت صوته وكلمته في هالروحه واشغل خلف على ليلى
_______________________.
.
.
انتهى البارت ♥

[صواديف عشاق]

البارت الخامس ..

وفي الحفل
بدت علاقة البنات تاخذ مجرى الضحك والسوالف والرقص ودخلت ليلى معهم وهي تشاركهم بكل شي
مضاوي بهمس: وحده تقوم ترقص معي
ندى: مافيني حيل تعبت
اماني: مابي يفوتني الحلا
مضاوي : حسبي الله عليك يا بطينيه
عهد: اكرهه ذا الاغنيه
مضاوي: حسبي لله عليكم من بنات اخوان
سحر: وانا ما احب ارقص تعرفيني
ليلى : الله يسامحچ من مايحب الرقص
شهد: سحر عندها عقده من الرقص
مضاوي: فكوني من عقدتها الحين راحت الاغنيه
ليلى: قومي انا ارقص وياچ
مضاوي بمزح وضحك :كفو بنت الچويت
عهد: فشلتينا
ليلى: خليها عادي
وقفت مضاوي وليلى يرقصون وعجزت مضاوي تجاري ليلى في رقصها اللي كان فنان ومحترفه فيه فعلاً تخلي الكل يناظرها انسحبت مضاوي وخلتها تتمايل على ألحان الاغنيه بلحالها وليلى اللي عشات جوها والكل يصفق ويناظرها
وانتهت الاغنيه ورجعت ليلى متفشله وهي تضرب مضاوي بخفه: شفيچ رحتي خليتي وانا ارقص مثل الخبله
مضاوي بضحك: ماعندي ابداعك والله استحيت على وجههي
ضحكت ليلى وقالت مريم: ماعليچ منها هي دايماً ترقص بروحها
وجدان: تحبيين الرقص حيل شكلك
ليلى: اييه احب ارقص و اغني وكل شي حلو بالحياه احبه
اماني : الله يعني صوتك حلو
مريم: وازيدچ من الشعر بيت تدق العود وتغني
شهقوا البنات وسحبتها مضاوي بمزح : تكفييين تعالي عيشي معنا
ضحكت ليلى: والله انا ماعندي مانع
اماني: لا والله تعالي عندنا انا انسانه طربيه احب الطرب ابي انسانه تشاركني اهتماماتي انا مظلومه في بيتنا لحالي
وعد : حرام عليك جحدتي خلف المسكين هو اكثر واحد يدعمك في ذا الموضوع
ضحكت اماني: صادقه والله
عهد: لا تكفين حنا بيتنا خالي من الحس الفني نبي احد ينعشنا
مريم: خلف اخوكم !؟
وعد: ايه اخونا الكبير
مريم: ماشاء الله متزوج!؟
حنان ببتسامه: لاا خاطب سحر بنت عمي
لفوا لسحر اللي ابتسمت بحب والكل يناظرها
مريم: ماشاء الله زييين ما اختار
اما ليلى كأن احد ضربها كف ( عمى بعييينه هاللي مايستحي ابو عين زايغه!؟ هذا وهو خاطب الله يفشلك يا شيخ حرام فيك هالذهبه)
كانت ليلى ما تعرف خلف الا بهالصدف والحقيقه ان خلف طول عمره وهو انسان يغض البصر ولا يحب يناظر الحريم لكن من يوم شاف بنت النوخذه انهبل ماعاد يقدر ينزل عيونه عنها ابد
كملوا الحفل والبنات يعزمون ليلى وهي تعزمهم ومبسوطين في بعض حيييل
_______________________.
وفي الليل في بيت ابو خلف
رجع خلف مهدود حيله من لف السوق والهواش مع نادر وضااري
انسدح بالحوش وهو ينادي: وجدااان
طلعت وجدان تركض : خلف جيييت
خلف: ايه ليه وش تبين!؟؟
وجدان: ابيك تنقذني من كرف المطبخ
ضحك خلف : ابد بنقذك لكن ابي تهمزيني
وجدان: برسم الخدمه
نزلت وعد من فوق: وجدان خلصتي!؟؟
ركضت وجدان تجلس ورا ظهر خلف : لا خلف يبيني اهمزه
اشر خلف لوعد بضحك: خليها عشاني اليوم
وعد : زين زين نتفاهم
طلعت حنان: جيت وجابك الله توني مسويه قهوه يحبها قلبك
خلف: حمدلله ، وين امي وعمتي!
وعد: يشاركون جدتي وام ممدوح فالاستديو التحليلي
دق الباب الفاصل وركض غيث يفتح وكانت مضاوي : ساعه تفتحون
خلف: وش فيك انتي
مضاوي : انفجر راسي من طلبات ام ممدوح وسحبت عليها وجيت
خلف : لا حووول اقول ورا ما تضبطين وضعك معها يمكن تزوجك ولدها ونفتك
مضاوي بمزح: من زين ولدها ابو راس مربع ما ابييه انا اتطلع لمستقبل دولي وزاهر
ضحكوا البنات يعرفون قصدها ولف خلف: احلى يا دولي ومن اي دوله ودك تعرسين
مضاوي بضحك: ماني طماعه قريب جيرانا الچويتين
ندى: الله يلوع كبدك يا شيخه صدقيني لو يدرون انك تقولين چويتين ليهجون من السعوديه
وعد :مو بس يهجون من السعوديه لا بيهجون من قارة اسيا كلها ينقلون الكويت ورا امريكا
ضحكت مضاوي: ماعليه نتعدل لعيونهم
خلف تكتف : ايييوه وانتي وش مسكك على الچويتين على قولك!؟؟
مضاوي حطت يدها على قلبها بهيمان: عشانك ماشفت اللي شفته انا اليييوم صراحه حبيتهم اول مره اعرف كويتين بس حبيتهم
حنان : خليف هالخبله تقصد ان اليوم عند ام سعود جت جارتنا ام نهيان الكويتيه وهالخبله خقت
اماني: مألومها والله
وجدان وهي تهمز خلف: اي ولله يعني يج..
قاطعتها وعد قبل تهور وجدان وتوصف البنات عند خلف: هيييه وقفي وين بتطيرين
ابتسم خلف : ماعلينا كيف شفتوهم !ناس طيبين
حنان: ماشاء الله اخلاق اخلاق اتعب وانا اقول اخلاق
وجدان: بذاات ليلى تخيل يا خليف تدق العود
وعد: وجع يا شيخه
اماني : انا اخيراً لقيت احد نفس جوي ياليت فيصل كبير ونزوجه اياها
مضاوي : شكلي بزوجها عقاب
بدت سوالف الطقطقه
نزل خلف القهوه بهدوء وصمت وهو يقول : خلاص يا وجدان
تكى على التكايه الموجوده وهو يسمع سوالف البنات عن الحفل لكن كان فيه نوم وغالب الوقت مسكر عيونه لكن سمع وعد تضرب وجدان: خبله انتي كم مره اقول ما توصفين البنات عند العيال
وجدان: نسيت
مضاوي: والله ما ألومها انا للحين اتذكر و ما اتذكر شي كثر الشامه تجذذب مااشاء الله
وعد: قصري صوتك لا يسمعك خلف
مضاوي: مايدري نايم وبعدين وش فيها
حنان: فكينا تكفين ما تسمعين القصص كم واحد يحب له وحده مايعرفها كله من السوالف
مضاوي : استريحي تكفين خلف اول شي عارف نهايته مع من وبعدين عاقل وفاهم
اماني ضحكت: خلونا بس من هالكلام انا ما انسى يوم فشلتك بالرقص وطلعتي
مضاوي : الله ياخذكم كله منكم ماهقيتها رقيصه
ندى: احسها لو عطوها مجال اوسع بتبدع
حنان:احس انها وسيعه صدر ودي تصير صديقتنا
وعد : شيخه شيخه بعد احسها من مزاج هيا اشوفهم اندمجوا
مضاوي : اااه اسكتي عطتها قائمة كتب تقراها بغيت ابكي من هول الصدمه
ندى: خليهم لاقين راحتهم
اماني: انا بدفع عمري واسمع صوت ليلى
حنان: نتعرف عليها ونروح لها
كملوا سوالف وخلف على الصامت وهو يسمع الثناء والمدح في ليلى كان شي مهيييب مهيب جداً تحرك بإنزعاج اول ما حس انه اكتفى من اوصاف ليلى وقرر يطلع لغرفته دخل وهو يقفل الانوار وانسدح يمثل على الكل انه نايم لكن كان غااااطس في بحر ليلى لللي وين ما جابتها الفكره تكون آيه في الجمال
_______________________.
ومن بكره
ومثل اي يوم روتيني دوامات وصراخ وهواش على الدوام
لكن هالصبح الغريب ان عقاب كان جالس جنب جده وهو يمسح على شنبه بهدوء غريب عليه وهو و وصل لفكره لكن يدري انها مستحيله لكن هالفكره لها بابيين وكل هالبابين على وعد بتكون جحيم وعشان يسوي هالفكره لازم ينتبهه لانه احتمال يضحي بأشياء كبيره وهذا خوفه
ابو ناصر: عقاب علامك اليوم راكد
التفت له عقاب بهدوء : مافيني شي
ام ناصر: لا يكون مريض
عقاب وقف يعدل بدلته: لا لا بس ما شبعت نوم المهم انا رايح لدوام
طلع مستعجل بعد ما عطى اخوانه مصروف
هيا: وش فيه عقاب !
ام ناصر: مدري عنه
ابو ناصر: يا مضاااوي تعالي تعالي نادي خلف
نزلت مضاوي : ابشر
ركضت تدق الباب وانفتح وقبل تصرخ سكتت: ناصر وين خلف
ابو خلف: انتي خببببله كم مره اعلمك ما تدقين كذا
مضاوي: مستعجله ابوي يبي خلف
ابو ناصر: عليك فيها يا ناصر ربها من جديد
مسكت مضاوي يد ابو خلف : افا بس يبه وش ذا التعنيف ترسلني عشان يكفخني
ابو خلف: انتي مزعجه العالم كلهم اعقلي احسن لك
مضاوي : ابشر بس وين ولدك
ابو خلف : روحي دوريه
دخلت وهي تلف : ام خليف وين ولدك
ام خلف: في الغرفه
ركضت و هي تفتح الباب بكل قوتها : خليييف
التفت خلف اللي كان واقف يسكر ازارير ثوبه وهو بين كل واحد والثاني تهجم عليه كحه تهد حيله خلف بصوت مبحوح : يالله صباح خير
مضاوي: ابوي يبيك
صد خلف يجمع اغراضه: ليه ؟
مضاوي تكت وهي تسولف بعيييد عن الموضوع: والله مدري بس قال ناديه وعاد ابوك هاللي ما يستحي ما صدق انه يمسكني عشان يطقني لك...
سكتها خلف اول ما رماها بالمشط: خبله انتي تسبين ابوي قدامي
مضاوي: اااه ايه وانا صادقه
خلف : امشي امشي بس
لفت مضاوي عليه: وش فيه صوتك !
خلف: عشان توي صاحي
نزلوا ومضاوي من اللعانه تمر البنات وتخرب عليهم التنظيف وتنحاش لكن اول ماشافت وعد هجت
اما خلف دخل وهو مستعجل متوقع ان عند البنات خبر انه بيجي لكن وقف على صوت شهقه ورفع راسه وشاف الكل يناظرونه بصدمه وساكتين ولف اول حس يساره احد لكن اتسعت عيونه بذهول ووصد ورجع وهو مايدري من هاللي شافها لكن ما انتبهه لها ولا ركز فيها
لكن سمع جده يقول : ماعليك يا سحر روحي روحي ماشافك
ركضت سحر بفشله وهي ما درت ان خلف بيجي وقفت تخبط وجهها بخوف وفشله
عهد : وش فيك بسم لله
سحر: شافني خلف شافني
ضحكت مضاوي: بسسس! ماعليك حلال شوفه شرعيه
سحر : يافشلتي وش بيقول عني الحين
عهد : وش بيقول !؟ مابيقول شي وبعدين خلف اجودي ما يناظر ولا هو قايل شي
هيا: وش فيكم!
عهد قربت تعلمها وهي تضحك وهياا مبتسمه بحرج
_______________________.
اما خلف ماعاد رجع ابد وطلع سيدددده للمحل وترك جده وهو اول مره في حياته يطيح بهالموقف من الساعه اللي تغطو فيها بنات عمه عنه مايعرف سحر ابد حتى الحين يوم شافها ماركز فيها
مسح وجهه بضيق ووقف يرتب الاغراض
لكن شاف جده جاي وراح له يسنده : المعذره يا جدي رحت وخليتك
ابو ناصر: ماعليه انت بعد اختبصت
خلف: انا ما دريت توقعت عندهم خبر
ابو ناصر بضحك: ماعليه ماهي خساره ان شاء الله ايام وتعقد عليها وتصير حلال
ابعد خلف وهو يكح ومارد وسحب كل الشغل وهو مايبي هالطاري ولا نقاش فيه لكن كل المعطيات حوله تجبره يتقبل فكرة سحر غصب عليه
ورفع راسه على صوت ابواب المحل اللي تتحرك بقوه من الهوى بس ماعطاها اهتمام ورجع لشغله وهو يفكر لكن وقف وهو يحاول يوقف كحته ويتنفس لكن ماقدر رفع راسه يشوف الدنيا حوله غبااار وتراب حاول يتنفس ما يتنفس الا غبار رفع شماغه لوجهه بس اختنق
ووقف ابو ناصر بخوف : خلف خلف بسم لله عليك
اسود وجهه خلف من الكتمه وابو ناصر يحوم حوله مايدري وش يسوي وصرخ ينادي ممدوح اللي كان قريب : ألحقني ألحقني
كان معروف ان خلف يتأثر من الغبار ويختنق وهو اصلا من يوم صحى يحس صدره تعبان
ركض ممدوح يهوي خلف اللي من غير مايحس سحب ثوبه وانقطعت ازاريره
ابو ناصر: خلف دواك
اشر خلف على جيبه ورفعه ممدوح يعطيه البخاخ بس مافيه فايده وركض ممدوح يجيب السياره وهو ياخذه للمستشفى وابو ناصر معه
واهل السوق واقفين بضيق
ابو نهيان : سلامات عسى ما شر شنو صاير مع ابو ناصر
ابو ممدووح: طاح عليه حفيده خلف تعرفه
جابر : لا لا شنو فيه ! ان شاء الله مافيه شي عود ( كبير)
ابو ممدوح: لا لا معروف هو معه ربو حاد من يوم هو صغير اذا جاء غبار او شي او تأثر من شي يطيح اذا ما اخذ دواه
ابو نهيان: لله يعينه ويقومه بالسلامه
الكل: امين
_______________________.
بعد ساعه في المستشفى
وصل ممدوح وهو ينادي الطوارئ لخلف اللي كان في حاله يرثى لها واخذوه وهو يساعدونه ويعالجونه وابو ناصر واقف بضيق : مدري مدري كيف سهيت ما قلت له ان فيه غبار ماقلت له
ممدوح: وش بتسوي يا عمي مكتوب ومقدر وهو بخير الحين
جاء ابو خلف يركض: علامه خلف يبه
ابو ناصر: الظاهر جته نوبة الربو والغبار زاد الطين بله
ممدوح: لا تخاف يا ابو خلف الدكتور يقول انه بخير لكن يحتاج وقت تعرف انت حالته
جاء الدكتور ووقف ابو خلف : يادكتور كيفه خلف
الدكتور: حمدلله بخير ! بس هو ينتظم على الدواء!؟
ابو خلف: والله اللي اعرفه انه منتظم
الدكتور: لكن اتوقع انه مفرط فيها هاليومين عشان كذا تأثر بشكل كبير ولازم يجلس عندنا يومين
ابو خلف : عسى مافيه شي خطير
ابو خلف : لا لا بس قصبات الهوائيه متاثره كثير يعني يومين ان شاء للله ويكون استصح وصار تمام
ابو خلف : ومتى بيصحى
الدكتور: هو نايم من اثر الدواء لكن ساعه ويصحى
ابو ناصر : يعطيك العافيه
راح والتفت ابو ناصر: وش السوات بتقول لامه
ابو خلف :ايييه والله لو يقولها احد ثاني تنهبل تحسب فيه شي
ممدووح: روح ياعمي وانا اجلس عنده لين تجي
ابو خلف : زين انتبه له
اخذ ابو ناصر ورجع للبيت
_______________________.
وفي بيت ابو خلف
كانت ام خلف قلقانه وهي تناظر الجو اللي في ثواني انقلب لعج
وعد : عمتي استريحي وش فيك
ام خلف : الجو مايطمن خايفه على خلف
ام وعد : يابنت الحلال خلف ماهو طفل اكيد مع ادويته ومنتبهه لنفسه
ندى: عمتي انا بنفسي عطيته الدواء وحطه بجيبه
ام خلف : ياربي انك ترعاه وتحفظه من كل شر
شوفي وانفتح الباب وكان ابو خلف
ام خلف : ناصر جيت وجابك الله شفت خلف!؟ مريت عليه!؟
ابو خلف: ايه
ام خلف : هاه عساه ما تأثر
ابو خلف : لا ما عليه لكن مهما كان غبار واتعبه شوي وواخذناه للمستشفى وطيب وبخير بس يحتاج يجلس عندهم يومين
شهقت ام خلف: بسم لله عليه ولدي والله اني حاسه وش فيه وش صار
ابو خلف: مافيه شي بس الظاهر ماهو ملتزم في ادويته وتعب وهو بخير وجاي اخذك له
وعد : يبه تعبان حيل!؟
ابو خلف: لا لا
حنان: طيب بنروح معك كلنا
ابو خلف : وين تروحون تزحمون المكان وتقطعون عليه الاكسجين ويتعب اكثر هو ماهو مطول يومين ويطلع
جات حنان معها اغراض ام خلف اللي اخذتها وهي خايفه
وطلعت اماني : يبه حطيت كم غرض لخلف اذا احتاج
اخذوها وطلعوا والكل خايف على خلف لكن متعودين على ذا الحال
_______________________.
في المستشفى صحى خلف
وهو ماوده يصحى ويسمع هواش ابوه اللي يهاوشه ليييه ما انتظم على الادويه وليه ما انتبه لنفسه وليه وليه وليه
كان يشوف ممدوح جالس وهو يكلم خلف اللي يرد بصوت متقطع وجمل قصيره وهو مسموع صوت تنفسه
ودخل عقاب مستعجل: خلف بسم لله عليك علامك وش جاك
ممدوح: مافيه شي طيب وبخير
اشر خلف بيده: انا طيب ماعليه
دخلوا امه وابوه وطلع ممدوح وعقاب للحين فيه
ركضت ام خلف تسلم عليه وتمسح على راسه وتقرا عليه وابو خلف كالعاده يهاوش
لكن قال خلف بتعب : خلاص يا يبه... انا لو ادري .. اني بتعب.. واتعبكم معي .... كان مت وريحتكم
ام خلف: بسم الله عليك يمه لا تقول كذا
جلس ابو خلف بضيق: يا ابوك انا ما اقول كذا عشان تزعل وتعصب بس انا اخاف عليك لو لا سمح الله ماكان ابوي فيه ولا ممدوح كان صار لك شي
عقاب: خلاص يا عمي هانت ان شاء الله بينتظم فيه
سكتوا اول ما بان على خلف الضيق وماحبوا يتعبونه اكثر
_______________________.
مرت ايام الاسبوعين سريعه
صح فيها كان خلف تعبان واغلب وقته بالبيت لكن يطلع نص ساعه بس يقابل نادر ويرجع لكن هالاسبوعين اللي ابعدته عن السوق والازعاج والضجه والجهد
فتحت في قلبه اكثر من باب وفي عقله اكثر من فكره بدا فعلياً يشوف جانب انه مايبي يتزوج وهو تعبان ولا يبي يرتبط بسحر كان يفكر كيف بيرتب اموره بدون ما يجرح سحر
لكن تأكد ان ليلى صارت جزء لا يتجزأ من تفكيره ولازم يحل سالفته معها يا انه ينساها او يشوف له طريقه ...
عقاب اللي رست فكرته على قواعد ما يخسر فيها ابد بيكون في كل الحالتين فايز لكن يبي الوقت المناسب يجي وينفذها ... اما نادر اللي راحت ايامه يركض وهو فرحان من فرحة امه واهله وصح ضايق على خلف وانه احتمال مايحضر زواجه لكن متأمل خييير في زواجه
...
بالنسبه لضاري اللي مع الايام بدا يقرب من خلف ونادر وصار اغلب اليووم يمر عليهم وهو متوقع انه علاقته مهم بتكون حلوه .... اما ليلى اللي طول هالاسبوعين تروح وتجي وهي مستغربه اختفاء خلف اللي فجأه ماعاد ينشاف لكن حمدت ربها انها افتكت منه بس اول ما قالهم ابوها عن اللي صار خافت وهي ماتدري وش هالانسان اللي في اغلب اوقاته مريض .... والباقين مستمره حياتهم بهدوء
_______________________.
يوم الخميس يوم زواج نادر
اللي كل الحاره مجتمعين له والكل يساعد وشاد حيله
كان في حوش كبييير بطرف الحاره معروف انه للحفلات وهناك الحريم
اما الرجال يفرشون زل في اطراف الحاره ويجتمعون فيها
كان ابو نهيان وعياله اول مره يحضرون عرس بالحاره ومبسووطين على اجواء ما قبل العرس
_______________________.
في بيت ابو خلف
كانوا الكل مستعدين وهم بالقوه اقنعوا ابو خلف يحضر العرس ويخليهم يحضرون
وقف خلف يعدل شماغه ولف على صوت ابوه: اسمع يا خلف اللبس الكمام احسن عشان ماتتعب
ام خلف : ايه ياحبيبي عشاني
كانت حنان واقفه جنبه معها الكمام واخذه خلف بضيق وهو يلبسه
غيث: انا بعد ابي زي خلف
ام وعد : هذا ماهو للعب اخلص اللبس شماغك
فيصل : تعبت تعبت وانا اشخص له
ابو خلف : خلصوا يا دوب نلحق
بدوا يطلعون كلهم وقربت وعد لخلف : وش فيك ضايق
خلف : مليت من هالزفت اللي على وجهي 24 ساعه
وعد : وش بتسوي يعني!؟ هذا ارحم من انك تتعب وابوي يحلف انك ما تروح زواج صاحبك
خلف : ااه بس
وعد : هونها وتهون
خلف: يلا يلا
_______________________.!
في بيت ابو نادر
كان نادر يجهز وهو ضايق صدره لان امه وابوه بيسافرون
لكن مبسوووط بيوم زواجه وهو ينتظر متى تجي خالته والعروس المنتظره كان يلبس وهو يسمع الزغاريط واصوات الرجال برا وقلبه يدق بفرح شد على يده وهو يدعي( ياااااربي ياربي انك توفقني والله مدري ليه خايف يارب تسهل )
_______________________.
بدا الحضور يكتمل والناس مبسوطيين
وفي قسم الرجال ما صدق نادر يشوف ابو شوق وصل بالسلامه واخذ نفس
لكن شاف ضاري مقبل عليه وهو مشمر اكمامه ومعه الدله وهو يصب له قهوه: تقهوو يا عريس
نادر: تكفى يا ضاري ماعاد ابي خلاص طفحت
ضاري : وش فييك خايف ومتوتر الخوف للحريم تقهوو وعين من الله خير
ابتسم خلف اللي جالس بجنب نادر: خله يا ضاري الرجال في عالم ثاني
ضحك ضاري : افا وانا احسبك كفوو وينشد بك الظهر بس يا حسافه
نادر: مب وقت شدت الظهر جربني في وقت ثاني
تكتف عقاب وهو يهمس لخلف : انت من وين طايح على هالمريض تراه حوم كبدي
خلف : لا حول الله يا عقاب وش فيك كارهه ومستقعد له والله انه ابن حلال وطيب
عقاب: انا ما حبيته ياخي مطفوق وخبل
خلف : تكفى يا شيخ فكنا من هالكلام اللي ماله داعي ما حبيته لا تكلمه ولا يكلمك وريحنا
عقاب : انتم ابخص بس انا وياه لا تجمعونا في مكان
صد خلف وهو يشوف الناس ترقص العرضه والحماس وابتسم لضاري للي ساعه يصب قهوه وساعه يرقص وكأن الحفل حفل احد يقرب له او من اهله
_______________________.
وفي قسم الحريم
كان خلف وعقاب موصين البنات يوقفون مع ام نادر ولا يخلونها لحالها ولا يطلعون الا كل شي نظيف
وابتسمت ليلى باستغراب وهي تشوفهم شايلين العرس
ليلى: اقول عهدد يقرب لكم المعرس
عهد : لا ليش!؟
ليلى: لا بس اشوفكم ماشاء الله شايلين العرس وام المعرس
مضاوي ببتسامه: طال عمرك عشانك ماتعرفين وش ينتظر بالبيت لو ما وقفنا معهم بالعرس
اماني : خلف اخوي وعقاب ولد عمي اصحاب نادر من عمر ومن يوووم اعلن زواجه وهم كل يوم يوصون ساعدو ام نادر ولا تقصرون معها
شيخه: ماشاء الله على صداقتهم
ندى بهمس لوعد : لو تدري وش يصير في ذا الصداقه من ابوي وجدي بس
وعد : الله يعينهم بس وزين ابوي رضا نحضر
ليلى: طيب وينها العروس
سحر: في البيت
ليلى: شحقه ما تطلع لناس !؟
وعد : عندنا الاغلب مايطلعون العروس يعني تجلس ببيتها لين يجي عريسها
ليلى: ييييمه ليييش !
ندى: عادات وتقاليد
هيا: بنات وينكم يلا ساعدونا
فزوا البنات ووقفت ليلى معهم
مضاوي : وين بتروحين انتي!؟
ليلى: انا ما اعرف هنيه الا انتم ومابي اقعد چذيه بقوم وياكم
مضاوي : يالبييه يالفزعه قومي جعل مايقوم الا انتي
وعد : فشلتييينا
ضحكت ليلى: شحقه تفشلكم عادي إحنا صرنا رفيچات
اماني: حبيبتي احلى رفيچه والله
انطلقوا يساعدون ويرقصون ومستانسييين
_______________________.
واستمر الزواج والكل مبسوطين
واخيراً صار وقت زفة نادر وتجمعوا الشباب حوله وهم يغنون له ويصفقون له ويزفونه ويدعون له وابو شوق واقف جنبه وابوه جنبه
ودعوه ودخل بعد ما ابو شوق وصاه عليها وحرص عليه و وطلعت امه وهي تحضنه وتبكي وتودعه وتوصيه على شوق وخالته
كان نادر في قلبه شعور فرح وخوف اخيراً طلعوا من البيت وسكر الباب وهو واقف للحين ماشاف شوق وللحين ما يدري كيف هي العروس عدل بشته وابتسم ودخل : السلام عليكم
ماسمع صوت ورفع راسه لكن انصدم واختفت ابتسامته شوي شوي شوي لين ارتسمت الصدمه على وجهه واخذت حقها الكافي في ملامحه مد يده يمسح عيونه لكن النتيجه وحده
لا شعورياً قال : شوووق!؟؟؟
طلع صوت همس بسيط من شوق وخايف وقالت: سم
عجز ينطق حرف زياده وهو يناظرها وهي واقفه ويناظر نفسه كان الفرق بينهم واضح
كانت صغيييره صغييييره صغييره كانت طفله كانت ترتجف مثل الريشه
رفع يدينه يحاول يهديها وليته ما قرب اول ما حط يده على كتفها انهارت تبكي تورط نادر وابعد وهو مايدري وش يقول اخذ نفس وهو يرمي البشت عنه عشان يعرف يتفاهم معها
لكن شوق كل ما قرب تزيد بكى وخوف رفعت راسها وهي تبكي : تكفى لا تسوي لي شي
انصعق نادر : ماني مسوي لك شي بس اهدي اهدي لا تبكين اهدي
ابعد شوي وهو يهديها من بعيد وهي بالقوه لين هدت جلس وهو حاط يده على راسه يناظرها وتوه الحييين يعرف سبب هالزواج السريع
بس مذهوول كيف يزوجون طفله صغيره كان يقدر عمرها وهو يناظرها ماكان يعطيها عمر ابداً اكبر من 15 سنه
جلس بالساعات يحاول يسكتها حزن عليها وهي تصيح وتبكي تكسرت ضلوعها من البكي
طلع برا يمكن تهدى وقف يناظر حوله الدنيا هدوء والناس راحت والوقت تأخر واكيد امه وابوه سافروا وخالته بعد
كلهم راحوا وتركوه مع هالطفله اللي وراه اللي حتى المكياج والفستان ما اخفى طفولتها وضياعها وخوفها
_______________________.
بعد الزواج
كل الناس طلعوا عشان يرجعون وكل واحد ينتظر اهله عند الباب
وكان خلف وعقاب ينتظرون وخلف واقف وهو عليه الكمام
ورفع ساعته يناظر الساعه : عقاب اسمع وصلهم وتعال نبي نسهر في مكاننا المعتاد
عقاب : اصبر لا تروح لحالك
خلف : لا بروح مع ضاري
عقاب : ضاري بعد!
خلف : مشها الليله تكفى ترا ماصدقت ابوي وامي يخلوني الليله
عقاب: طيب طيب
طلع خلف يمشي على مهله متجهه لاسفل الحاره وكعادته ما يناظر حوله
لكن الصدمه كانت لليلى اللي شافته يمشي وهو رافع اطراف شماغه على راسه ويبان وجهه والكمام اللي لابسه ونظارته الطبيه
استغربت هدوءه وانشغاله وتفكيره بس نسبته للمرض وهي تشوف كتوفه نازله من التعب ماهو مثل اول مره شافته
دخلت بيتهم وركضت للسطح وهي تطل من فوق شافته جالس وينتظر وبعد شوي جاء واحد ثاني واخذه وراحوا لنفس المكان اللي يجلسون
رفعت كتفها باستغراب: والله هالخلف غريب
نزلت تبدل ووقفت على صوت جابر: اقول ليلوه بتنامين
ليلى: لا شفيك
جابر : زين جيبي العود وتعالي السطح خاطري انطرب الليله
شيخه: خلاص قاضين مافيكم طب!؟ توكم رادين من عرس ماشبعتوا
ليلى: ما ورانا شي نبي نستانس
جابر: خليها تولي بس بدلي وتعالي
ليلى: من عيوني
_______________________.
وعند نادر
اللي رجع للغرفه وشافها متكوره على نفسها ونايمه وهي تتنهد ضاق صدره وضاقت به الوسيعه ونزل اغراضه وسكر النور ولحفها وطلع وهو شايل هم مايدري وين يروح بس مايبي يجلس يراقبها وينقهر
اخذ طريقه للمكان المعتاد ووقف وهو يشوف ضاري يسولف وعقاب متكي وهو يتقهوى ويتهاوش مع ضاري اللي بعد ما حب عقاب ولا عقاب حبه
اما خلف منسدح وهو ساعه معهم وعشر سرحان لكن فز عقاب : نااادر
التفت ضاري : افاا المعرس وش فيه هج قايلك ماينشد فيك الظهر
خلف بضحك : نادر لهدرجه ميت علينا
دخل نادر بوجهه بارد ومخطوف لونه وجلس
وخافوا من وجهه وقربوا : نادر وش فيك
خلف : امك وابوك فيهم شي
هز راسه نادر: لا
عقاب : اجل وش مخليك تترك عروسك وتجي
ضاري بضحك: ذيي عروس عروس ما تنتخلى
نادر: اي عروس واي بطيخ
خلف: نادر لا تخوفنا قل وش بلاك
نادر سكت وهو مايدري وش يقول والعيال يناظرون بعض بهدوء
نادر بصوت منذهل : العروس المزعومه طلعت طفله
الكل :هاااه
خلف : شلون يعني طفله
ضاري : خبل انت كيف طفله
نادر: اقولكم طفله تعرفون كيف طفله !
عقاب : ياحبك للمبالغه يا نادر شلون طفله وابوها مزوجها هاه!؟؟
خلف : نادر اشرح زين
نادر: هذا اللي بيجنني شلون زوجوها وهي بزر
ضاري : بزر من اي ناحيه
عقاب : تكلم الفيلسوف !؟ مهبول انت وش هالسؤال
ضاري :انت مالك شغل
خلف : سمعونا انت وياه وقت هواشكم ، نادر تكلم
نادر : اقولكم مستغرب سرعة الزواج وتقولون عادي ! فالاخير اطلع متورط بزر عمرها 15 ولاا اقل بغت تموت عشاني بس ناديتها تكسرت ضلوعها تبكي وتصيح
خلف : 15؟ متاكد
نادر : هذا اكبر عمر عطيتها اياه هذا اذا ماهو اقل
عقاب : ياخي يمكن ماهي صغيره يمكن حجمها صغير
نادر: انا ماني خبل انا شفتها بعيني اقولك بغت تموت من الخوف
ضاري : طبيعي بتخاف ياخي عروس واهلها بعيد واول مره تشوفك اكيد بتخاف
عقاب : سبحان الله اللي نطقك بالعقل وانت مجنون
ضاري : شوف ذا الابريق بهفك على وجهك لين تصير عاقل
خلف : والله بلشنا بك انت وياه
نادر: مب وقتكم شوفوا لي حل
خلف : كلمت اهلك طيب !؟
ضاري : يعني معقوله محد قالك انها صغيره
نادر: انا بنجن امي تقول لي كبيييره
فجأه تذكر عقاب وماقدر يمسك نفسه لا يضحك: هههههههههههههههههههه هههههه اصبر اصبر الحين هاذي البزر على قولك اللي ولدت سنة جدك يموت
ابتسم خلف وصد نادر: سبحان الله السنه 365 يوم وكلها وانت مكشر ومعصب والحين يوم صار وقت الجد طرا لك تضحك
ضاري : انا ماحضرت معكم 365 يوم بس 14 يوم علمتني ان هالانسان نكبة على اللي فوق الارض واللي تحت الارض
وقف عقاب وهو ياخذ عقاله ويلفه: شكلك تبي تكون من اللي تحت الارض
سحب خلف العقال : قسم بالله لو ما تنثبر انت وياه لقوم احطك انت وياه على بعض ، فكونا ياخي فكونا نبي نسمع الرجال
جلس عقاب وهو يضرب ضاري برجله لكن حذفه ضاري بالفنجال
خلف: اسمعني يا نادر تعوذ من ابليس وقم رح لبيتك حرام تخليها لحالها وهي على قولك طفله اصبر لصباح والصباح رباح يمكن فيه شي ماتدري انت عنه
نادر: ياخلف انت صاحي انا كل ما اناظرها ينتك صدري
عقاب : والله انا من وجهة نظري اقول يمكن صغيرة سن لكن عقلها كبير
التفت نادر بغضب: صاحين انتم وش كبيرة عقل وش خرابيطه الحين انت وياه كلكم عندكم خوات بعمرها اكيد ما ترضون انهم يتزوجون وبعدين نتكلم عن زواج ماهو لعب ومقارنة بالعمر تراك للحين انت وياه كل ما مرينا البقاله قلتوا بنوقف نشتري لشهد و وجدان حلاو ترا كلها نفس السالفه
عقاب طارت عيونه وهو يناظر ضاري : ولد لا تقول اسماء محارمنا عند الغريبين
نادر: يا شيخ كل تبن كأني اخوك الحين انا بعد غريب
خلف : والله يا نادر معك حق انا مستحيل اتخيل اني اشوف بنت بذا العمر تتزوج الموضوع صعب بس زي ما قلت لك ارجع صل ركعتين ورييح ولا توتر وتحوس نفسك وتحوس البنت معك وبعدين حرام تجلس فالبيت بلحالها يمكن تخاف او يصير لها شي
ضاري : حبيب قلبي الحنون هذا الكلام اللي ينسمع مب بعض الناس
عقاب : اص اص ازين ، المهم زي ما قال خليف ارجع واصبر لين بكره تكلم امك وابوك وتفهم السيره وبعدين تشوف
نادر: يعني ذا الحل
خلف : مافيه غيره
ضاري : وترا ماهي عدله يطلع احد يشوفك جالس هنا وانت عريس وبكره عاد خذ لك اشاعات وكذب
التفت عقاب : انت متاكد انك ما انت مسكون!؟ ياخي تمر عليك دقيقه تقول كلامك المفروض خبل مثلك ما يقوله
وقف نادر ينهي الهوشه : خلاص خلاص برجع وبكره اشوف
خلف : اييه توكل على الله وربك يفرجها
رجع نادر ووقف ضاري : انا راجع البيت اكيد امي تحتري
خلف: زين وحناا بعد بنروح ورانا صلاة جمعه والوقت تأخر
عقاب :وعمي اكيييد واقف يحتري
خلف: يلا يلا
تحرك ضاري بيمشي بس وقفه عقاب : اقول تعال طف النار معي ولملم هالعفش ترا ما اشتغل عندك
ضاري: بتموت اذا طفيت نار ولا..
وقفوا اول ما تحرك خلف بيطفيها وسحبه عقاب: وين رايح
خلف : بطفيها وارتاح من هواشكم
عقاب: خله يطفيها هو وبعدين يكتمك الدخان
ضاري: الحشيمه لخليف والا انت ما انت كفو
اخذ خلف اغراضه وراح وتركهم يتهاوشون من بيشيل الاغراض وصح ان ضاري ماله فتره معهم بس دخل معهم بميانة وروح حلوه لكن ما يسكت على كلام عقاب وعقاب مثله
_______________________.
وفي بيت ابو خلف
كالعاده تنتظر امه وابوه ووعد واخيراً دخل خلف
ابو خلف : يا انسان انت تفهم ولا لا اقولك لا تأخر والحين الساعه 3 وانت توك تجي
خلف غمض بهدوء وهو يعطي اغراضه وعد : لهينا ما انتبهنا للوقت
ام خلف : يا يمه ليه تطول وتخوفنا عليك
وعد : خلاص يا عمتي هذا هو طيب وبخير
ابو خلف : انتي اص اص ننصح من هنا وتخربين من هنا
خلف: يايبه ترا مليت اسبوعين وانا محكور في ذا الغرفه مافيها شي اذا طلعت ساعه رفهت عن نفسي ومعي عقاب
ابو خلف: مايخالف رفه عن نفسك بس بحدود
ام خلف: خلاص روح نام يمه
خلف : بنتظر الصلاة وانام
دخل ابو خلف وام خلف وطلع خلف ومعه وعد
وعد : غريبه اليوم جالسين لين3 !؟
خلف : معنا ضاري ونسولف نص ساعه وباقي الوقت افكك هوشاتهم وراح الوقت ما انتبهنا
وعد: و ولد عمك ذا ما يخلي احد في حاله
ضحك خلف :هذا هو عقاب ما يتعدل لو يموت
وعد :الله يعين خواته بس
التفت خلف يناظر حوله وكان بيت هادي والكل نايم واخيراً قرر يتكلم: على طاري خواته وعد ابيك بشغله
قربت وعد : خير وش فيك
خلف : تعالي فوق السطح احسن لا احد يسمع
وعد : طيب
طلعوا وجلس خلف متوتر
وعد : ترا ادري انك من شهر وانت حالتك حاله وتفكر وتهوجس عشان كذا اعترف بسهوله
خلف : شوفي يا وعد الكلام اللي بقوله لك ما قلته لاحد ولا بقوله لاحد غيرك ولازم مايطلع لاحد
وعد: تعرفني ياخلف
خلف: عشاني اعرفك بقولك ، ا ا السالفه ومافيها سحر
وعد : وش فيها !
خلف: كلنا نعرف سحر ونعرف كيف تشوفني ونعرف وش تفكر فيه
وعد اختصرت عليه: نعرف انها تحبك
قطب خلف حواجبه بضيق: هالكلمه صعبه يا وعد وتجرح كثير اذا ما لقت لها احد يرد عليها بنفس الشعور وانا ما احس اني اميل لسحر ولا اشوفها الا بنت عم وكأنها وحده من خواتي
وعد : ا لكن !
قاطعها خلف :ادري ان السالفه صعبه وان هالشي خطير لكن انا مقدر اتزوجها واعذبها معي ولا اقدر ارفضها واجرحها
وعد : وش تبي اجل!؟
خلف: ابيها هي ترفضني ابيها هي تعيفني وتقول ما ابيه
وعد: خلف تعرف عقاب وتعرف جدي بعد اكيد بيغسلون شراعها والاهم هي مستحيل ترفضك
خلف : يا وعد مايصير مايصير اكمل في هالطريق لازم تقنعينها لازم تشوفين حل انا مدري وش اسوي لكن ما ابي يجي الرفض مني وتنكسر سحر ،سحر ماتستاهل الا كل خير لكن ماهو معي ولا بيدي اعطيها
وعد بشك: وش غيّرك !؟ كنت راضي!؟
خلف بتوتر: اكتشفت اني مقدر ، يا وعد اول شي انا مريض و24 ساعه تعبان ولا مافيني حيل ولا ما اقدر اتصرف بأريحيه
وعد: رافضها عشان مرضك!؟
خلف : لا بس هذا سبب من عدة اسباب انا مابي اخرب علاقتنا بعيال عمي وجدي ولا ابي جدتي تزعل لكن انا مقدر اعيش مع سحر ابد
وعد : مدري وش اقولك لكن وضعك صعب
خلف: انا احاول احلها وابيك تساعديني
وعد : زين بتصرف بشوف وش اسوي
خلف: خليها بينا وانا مستعد اوقف مع سحر اذا رفضت
وعد : والله مدري كيف بنحلها
خلف : المهم يا وعد تكفين اذا لقيتي حل تكفين لا يكون حل ثقيل ولا تجرحينها وتحرجينها ولا يمس كرامتها ابد ولا يضيق صدرها ويبكيها ترا تعز علي دموع بنات عمي وضيقهم
ابتسمت وعد : والله مدري كيف اقنعها تنازل وهي بتخسر كل هالطيبه
خلف : ماهي خسرانه والله انها ربحانه وربي بيعوضها
وعد : الله يعين
سكت خلف وهو ارتاح شوي بس هو فعلاً طول هالفتره كان يحس انه بيرضى ويتقبل بس ماعاد يقدر وحتى لو ما صار بينه وبين ليلى شي المهم يكون متحرر من اي ذنب
كانت وعد تراقبه وهي تعرفه زين وحافظته تعرف متى يحن ومتى يكرهه ومتى يتضايق لكن حالته هالايام جديده وخايفه انه حب ووقتها بتزيد عثراته ورغم انه مراعي جداً وحريص وحنون بس تخاف الحب ينهيه ويبني شخصيه جديده فيه
_______________________.
في بيت الجد قايد
كانت سحر تنتظر عقاب كالعاده واول ما جاء ونام طلعت تبي تنشر اخر الغسيل اللي كانت تغسله لكن سمعت صوت همس في سطح عمها وقربت وهي تعرف صوت وعد وخلف وسمعت كل شي قاله وكل حرف نطق به فهمت كل شي بيقوله خلف وانصدمت حطت يدها على قلبها اللي صار يدق بخوف وهي تسمع هالكلام من خلف اللي طول عمرها تبني احلامها معه
كان ثقيييل الكلام وكان يوجع بس هان وهي تسمعه يحرص على وعد ما تجرحها ولا تزعلها كان فقد واحد مثل خلف صعب صعب حيييل
رمت باقي الملابس ونزلت تبكي كانت تشوفه ساكت ما يعلق كثير على موضوعهم توقعته يحبها بعد لكن خاب ظنها
دخلت بفراشها وهي تبكي بصوت مكتوم مستصعبه كل شي سمعته وعرفته ومستصعبه اللحظه اللي انهارت احلامها فيها وشلوون بترفض خلف وشلون بتقول لا الدنيا والناس تدري وش كثر تحبه كيف بتنكر
ماقدرت تنام ابدد وهي تفكر وش بتسوي وش بتقول اذا جت وعد وقالت ( خلف ما يبيك )
_______________________.
ومن بكره
في بيت ام ضاري اللي واقفه على الباب وتنادي : ضاري ضاري يلا يا وليدي قوم عشان تفطر وتلحق لصلاة
وقف ضاري وهو مييت نوم : طيب يمه طيب
وقف يغسل وجهه وراح للمطبخ يحوس فيه كالعاده ويسوي فطور واخيراً طلع وهو معه الصينيه ودواء امه
ام ضاري : الله يعطيك العافيه يا وليدي
ضاري : الله يعافيك ياميمتي ما سويت شي
ام ضاري : علامك اليوم متأخر
ضاري : امس تاخرت مع خلف ونادر وما بغيت انام الا لين اصلي الفجر
ام ضاري : الله يثبتك يا حبيبي ، وش اخبار صديقك اللي تقول مريض
ضاري : خلف بخير حمدلله امس سهران معنا وطيب وبخير ونادر امس زواجه قلت لك
ام ضاري : ايه الله يبارك له
رفع راسه ضاري بضيق: والله اموره ماهي متسهله يمه
ام ضاري : ليه!؟
شرح لها ضاري السالفه وهزت راسها ام ضاري بضيق: ماهو حرام يزوجون بزر! مايخافون الله
ضاري : والله مدري نادر منهبل الظاهر انها صغيره مره انا مدري كيف قدروا يمشون الامور
ام ضاري: والله يا يمه ماندري عن ظروف الناس لكن الله يعينه ويصبره ماله الا الصبر
ضاري : امين
ام ضاري : وان شاء الله بعد نزوجك ونفرح فيك
ضحك ضاري وهو يبوس يدها: ماهو الحين يمه اصبري شوي
ام ضاري : ياولدي العمر مابقى فيه كثر اللي راح خاطري افرح فيك قبل اموت
ضاري : بسم لله عليك يا يمه لا تقولين كذا ان شاء الله بتطول ايامك وتشوفين عيالي وعيال عيالي بعد
ام ضاري : الله يهديك بس
سكت ضاري وهو ما يبي يدخل في امور الزواج الحين
_______________________.

انتهى البارت♥

[صواديف عشاق]

البارت السادس..

وفي بيت الجد قايد
كانت ام ناصر بالحوش وتناديهم وتصحيهم لييين الكل صحى لكن سحر وعقاب اليوم محد صحى منهم لكن صحى عقاب بانزعاج: وش فيكم تصارخون
ابو ناصر : والله مدري كيف بتزوج وتصير ابو عيال وانت ما يصحيك الا الهواش والصياح
مضاوي : لا تزوجه يبه ماهو كفو خله عند امي تصحيه
عقاب : جدي اذا تبي حياة بنتك سكتها
ابو ناصر اللي كان يضحك: تعال بس اجلس
عزوز : شهد روحي صحي سحر
شهد : مليون مره صحيتها وقالت مابي روحي وخليني
ام ناصر: مدري وش بلاها البنت اليوم
عقاب : ليه وش فيها!؟
هيا : شكلها مريضه
عهد : تقول مريضه بس مدري
وقف عقاب وهو يطلع لغرفتهم دق الباب ينتظر وجاه صوت سحر الغاضب: شهههد طسي عني
عقاب: افتحي يا سحر
فزت سحر بخوف وهي تمسح دموعها وتعدل وجهها وفتحت الباب : هلا
عقاب : وش فيك!؟ ليه تبكين
سحر: ما ابكي كنت نايمه
عقاب : ليه مانزلتي للفطور
سحر: تعبانه شوي
سكر عقاب الباب : تعالي اجلسي
سحر قربت وهي مرتبكه وقرب عقاب يمسح على كتفها: وش فيك يا حبيبتي قولي تدرين ان كل شي يضايقك يضايقني
هزت راسها بضيق: والله مافيني شي يا عقاب
عقاب : افا يا سحر انا حافظك واعرفك زين ومتأكد ان فيه شي مضايقك وقولي لا تخبين على اخوك قولي من مضايقك وانا امسحه لك من وجهه الارض
ناظرت سحر فيه بعيون مليانه دموع كان صعب انها تقوله مابي خلف لكن كرامتها فوق كل شي ومستحيل تجبر خلف عليها وهو مايبيها وصعب هي تعيش معه وتعرف انه مايبيها كانت خايفه من عقاب وخايفه من العواقب بالقوه نطقت وقالت : بس ماهقيت بتنصرني الحين
فز عقاب: افااااا وانا اخو سحر والله لنصرك لو ان نصرك موتي
هنا انهارت سحر تبكي وخاف عقاب وجلس وهو يحضنها يبي يهديها وطال بكاها وعقاب خايف واخيراً قالت: تكفى يا عقاب مابي خلف مابي اتزوجه
ابعد عقاب بذهول وصدمه : وشوووو ، انهبلتي انتي وش فيه خلف ما تبينه!؟
سحر : ما ابيييه تكفى يا عقاب
عقاب : لا تجننيني وشلون ما تبينه !؟ احد قايل شي!؟ وسكت بتفكير وقال: لا يكون وعد العوبا قايله شي
سحر: لا لا بس انا ما ابيه ما اشوفه الا اخو ما ابيه
ابعد عقاب بذهول : من سنين تدرين انه بيتزوجك! توك تفطنين انه اخو !؟
سحر: تكفى يا اخوي لا تجبرني تكفى
انصعق عقاب انصعق مايدري وش القضيه ووش السالفه كان مرعوب ومنفجع شلون ترفض خلف !؟ وخلف ما ينرفض خلف احسن واحد يزوجه اخته ، اصلا كيف بيواجهه خلف وبيقوله ، وعلاقته بخلف كل شي يجمعهم يمكن ينتهي
انهبل واخذ اغراضه وطلع وتركها وهو بين نارين اخته وخلف كيف ينصفهم وكيف يتعامل مع الوضع
استغربوا كلهم طلعته وتركوه ووقف عبد العزيز بخوف: وش فيه عقاب!؟
مضاوي: تلقاه تهاوش مع سحر كالعاده
عزوز: لا والله فيه شي
وقفوا كلهم وطلعوا لسحر اللي كانت في بكى فضيع والكل مفجوع محد يدري وش فيها
ضمتها ام ناصر وهي تسمي عليها وتهديها والكل منفجع محد يدري وش القصه
_______________________.
في بيت نادر
اللي مانام ولا ذاقت عيونه النوم ينتظر يطلع الصبح ويتصل بأمه وابوه
اخذ التليفون وهو يبعد لابعد نقطه فالبيت ودق ينتظر ردهم واخيراً ردت امه: هلا هلا يا عريس
نادر بغضب: اي عريس واي بطيخ يمه
ام نادر: وش فيك بسم لله عليك
نادر : يممممه ليييه سويتي كذا يمه!؟ ليه زوجتيني بزر
ام نادر: وش بزره الله يصلحك ؟
نادر: يييمه البنت صغيره يمه صغيره
ام نادر: وش صغيره عمرها 15 ماهي صغيره
انجلط نادر: شلووون ماهي صغيره اللي بعمرها للحين يلعبون ويدرسون
ام نادر: اسمعني عاد كل الحريم تزجوا بعمرها واصغر محد مات انا جبتك وعمري 16
نادر بغضب: يمممه البنت من امس تصيح وتبكي
ام نادر : عادي طبيعي كل البنات كذا
نادر: انا ماتزوجت عشان اربي بزر انا ابي زوجه
ام نادر: والله عاد زواج وزوجناك والباقي عليك لكن اسمعني ياويلك ياسواد ليلك لو تأذي البنت بكلمه اعقل واترك الطيش واعرف انها امانه
سكرت في وجهه ونادر مذهول يناظر بقهر ورمى التليفون بغضب واتجهه للغرفه وهو مايشوف من الضيق فتح الباب بكل قوته وفزت شوق
شوق اللي من الليل صحت وشافته ماهو فييييه وكانت خايفه ماتدري تخاف من الوحده والظلام ولا تخاف من نادر كلها كانت جحيم من الصبح وهي تحاول تهدا وتتأقلم بس ما تقدر فجأه رماها ابوها في هالزواج وفرضه عليها مثل فرض الصلاة ولا تقدر تطلع منه ولا تدري وش ينتظرها من نادر
اخذوها من دراستها ومن طفولتها بعد وزينوها وزفوها عروس وهي للحين تجهل معاني الزواج ومسؤلياته
وقفت وهي ترتجف وتناظر الارض تخاف ترفع عينها وتشوفه وحش
لكن برد غضب نادر وذاب وهو يشوفها واقفه بخوف عليها ملابس عاديه بينت صغرها اكثر شعرها مجدل وحواجبها معقوده
اخذ نفس وتقدم وهو يتصرف تلقائياً ما يخطط ابداً واول كلمه نطقها قال: شوق لا تخافين ماني مأذيك ابيك تهدين بس وتسمعيني اجلسي اجلسي
جلست وجلس نادر مقابلها وهو مقهور : اول شي انا ما كنت ادري انك صغيره
رفعت شوق راسها بصدمه وهي تسمع نادر يقول ( صغيره) ! اول واحد يقولها هالكلمه كانت دايماً تسمع كلمة انتي كبيييره وصرتي حرمه ولازم تتزوجين
كمل نادر: امي قالت انك بسن زواج وكبيره وانا على كلامها خطبت لكن انا مستحيل ارضى انك تتزوجين صغيره
شوفي يا شوق اطلبي اللي تبين مني الحين وابشري
شوق بخوف : مابي شي
كان ودها تقول ودني لامي بس خافت من ابوها وسكتت
نادر: شوق انتي كم عمرك
شوق بتوتر: الشهر الجاي ادخل 16
نادر سكت بهدوء: تدرسين!!
شوق : كنت ادرس بس اول ما جيتوا ابوي وقفني
ضاق صدره نادر ووقف : زين تعالي نفطر وبعدين نكمل
طلع نادر وهو حتى المطبخ مستكثر عليها انها تدخله يحسها صغيره على كل شي ومو بس عمر حتى بنيتها صغيره وتكسر خاطره اكثر
حاول يجهز اللي يحصله وطلع ينزله قدامها : قربي ياشوق
كان يحاول يخليها تاكل بس ما اكلت الا لقمه وجلس نادر بصمت يحاول يدور طريقه يكلمها فيها ويهدي الوضع لان وااضح انها مسكييينه يراقبها بهدوء يتذكر اوصاف امه اللي قالتها اييه صدقت في مسألة انها حلوه ومو بس حلوه الا تسلب العقل بس ماعاد يهمه جمال قد ما يهمه هالموقف اللي صاروا فيه
_______________________.
بعد صلاة الجمعه
في بيت ابو خلف الكل موجود الا عقاب وسحر
ابو خلف: عزوز اخوك وين!؟
عبد العزيزز: طلع بدري ولا ورجع للحين
خلف : خير وش فيه!
ابو ناصر: مدري عنه تعرف عقاب تعصف به كل حزه
استغرب خلف بس سكت يعرف عقاب هو بعد
فيصل: جدي متى راجع عمي محمد طول
ابو ناصر: مدري يافيصل مدري
غيث: ان شاء الله اذا جاء يجيب هدايا بعد
ضحك خلف: تدري انه بيجيب
فيصل: غيث موصييييه وصايا الدنيا ماخلى شي
ابو خلف : غييث لا يكون صدق
غيث بخوف: مب بس انا كلهم فيصل وسالم
ابو خلف: ياحبيبي مقصر عليك بشي انت وياه هااه!؟
ابو ناصر: علامك عليهم خلهم يوصون عمهم ويفرحهم وبعدين تعرف محمد يفرح بهالاشياء
خلف: ماصار شي يبه بسيطه
دق الباب ووقف فيصل يفتح الباب مستغرب : حياك الله
جابر: سلام عليكم اسف على الازعاج بس خلف موجود
فيصل : ايه موجود اقلط حياك
دخل فيصل ياخذ طريق : يبه معي ضيف
وقفوا كلهم مستغربين جيته وتقدم جابر يسلم بحرج : انا اسف ازعجتكم هالحزه لكن كنت راد من الصلاة وقلت امر خلف اشوف شلونه من اسبوعين ما شفته وييانا بالسوق
خلف : افا عليك يا جابر تشرف بأي وقت البيت بيتك تفضل حياك الله
جلس جابر ولف ابو خلف : جدد القهوه يا فيصل
فز فيصل وسالم وغيث يساعدهم ويرتب اللي محتاس من جلستهم
جابر: يوم ما شفتك بالسوق سألت عنك وقالوا مريض فالبيت وقلت مابي اجي واتعبك وقلت انطرك لكن ماجيت وامس بالعرس بغيت اجي لك لكن شفتك مشغول ويا ربعك قلت امر عليك اليوم عقب صلاة اليّمعه ، هاه الحين شلونك ان شاء الله احسن
خلف : الله يسلمك يا جابر ما قصرت والحمدلله انا بخير وان شاء الله قريب انزل السوق
ابو ناصر: شلونك يا جابر شلون ابوك واخوك
جابر: حمدلله بخييير ويسلمون عليك وابوي كان خاطره يجي معاي لكن تعبان من طلعة البحر امس
ابو خلف : الله يسلمه ويعطيه طولة العمر
جابر: امين وياك
وقف فيصل يصب له القهوه وهو مبتسم
وخلف مبتسم اكثر منه وقلبه يرقع مايدري ليه فرح بشوفته وتشقق من الفرحه وقال: وش اخبارك انت وكيف امور نهيان اخوك واهل البيت ان شاء الله مرتاحين
ابتسم جابر: حمدلله في احسن حال
بدو يسولفون مع جابر اللي يرد بخاطر وسيع واحترام
_______________________.
عند الحريم
استغربوا هالضيف اللي ييجي هالحزه ودخلوا البنات يجهزون القهوه والشاهي والغدا
فجأه جت اماني تركض : بناااات تخيلو اللي عندنا مين
وعد : انتي ما توبين لو يشوفك خلف قطعك
مضاوي: خليه يولي خلف من عندنا
اماني: يقول غيث عندنا جابر ولد النوخذه
شهقت مضاوي: الچويتي
نزلت ندى ترقص من السطح: هيييه لايكون هالاطخم( الحلو) اللي يدق الباب من شوي
هيا بغضب : وين شفتيه انتي!؟
ندى: كنت اجمع الغسيل وسمعت الباب وطليت من فوق الا اشوفه
مضاوي :اما حلوو!؟
ندى: من فوق حلو بس وجهاً لوجهه مدري
وجدان: تدرين خليف لو يدري وش بيسوي فيك!؟ تكتفت ندى: تدرين لو يدري وش اسوي انا فيك
شهد : تعالي بس نكمل اللعبه
عهد: انتي وياها ترا كبرتوا للحين ألعاب
حنان : خليهم بس الحين وش جاب ولد النوخذه !؟ وعد : اقول خلونا منه سحر وينها
قبل تتكلم مضاوي قالت عهد بسرعه: مريضه بالبيت مو راضيه تجي
وعد : بروح اجيبها بس اخوكم وينه!؟
مضاوي بضحك: هاج من الصبح الظاهر زعل عشان قلنا ما حنا مزوجينك
هيا: انتي الدنيا كلها عندك ضحك وطقطقه
مضاوي: وش ابي في النكد ياعمري
طلعت وعد وتركتهم يحققون وش جاب جابر وماسكين غيث وسالم ويسألونهم
_______________________.
في غرفة سحر
كانت في حالة بكى يرثى لها لكن اول ما سمعت الصوت مسحت وجهها وجلست دقت وعد : سحر
غمضت سحر بضيق: نعم
وعد : ادخل!
سحر: ايه
دخلت وعد مبتسمه:خييير خييير وش فيها بنت العم متضايقه
غمضت سحر بضيق( بنت العم ) مايقولها الا خلف لهم: جيتي وجابك الله
وعد :ليه تنتظريني
سحر بثبات تحاول تمثل القوه: اييه
وعد : وش فيك احد قايلك شي مأذيك
سحر: لا لكن كنت بكلمك بموضوع
وعد : قولي اسمعك
سحر بضيق : ابيك تساعديني انا مابي خلف مابي اتزوجه
وعد انصدمت وبردت اطرافها: كيف!؟؟
سحر :ايه ما ابيه وقولي له هالكلام قولي ما تبيك وعايفتك وخليه يفكني من هالسيره
وعد كانت مذهوله من طريقة كلامها: سحر اهدي وفهميني زين وش تقولين ؟
انفجرت سحر وبكت : وش اللي ما انتي فاهمته مو هذا اللي يبيه خلف مو هو اللي يشوفني اخت ابشرك قولي له اني ما اشوفه لا زوج ولا اخو ولا حتى اشوفه شي
وقفت وعد بذهول : سحر وش هالكلام اعقلي وانتبهي لكلامك انتي من وين جايبه هالكلام!؟
سحر انهبلت وهي تصرخ: سمعتكم امس سمعت كل شي لا تسوييين انك ما انتي فاهمه
وعد انفجعت وسكتت بذهول كانت واقفه ما تعرف وش تقول وكملت سحر: طمني خلف يمديه يرفض براحه انا كلمت عقاب وقلت له ما ابي خلف
غمضت وعد وهي تحاول تهدي : سحر اسمعيني دامك سمعتي الكلام كله اكيد سمعتي كيف خلف تكلم وخلف ما رفضك خلف يعدك اخت ما يقدر يتخطى هالصفه ويتجاوزها وخلف انتي تعرفينه عمره ما يأذي احد واكيد سمعتي كيف طلب مني ما اجرحك ولا احرجك وأذيك وازعلك وهو مستعد يشيل عنك كل لوم وهم خلف مايبي لك الضيق والاذيه لو سكت وتمم هالزواج ما تدرين و بيصير من اضرار بعدين
نزلت عينها سحر بضيق : ادري
وعد : اسمعيني انتي كلمتي عقاب وش قلتي له بالضبط!؟ سحر: قلت له ما ابيه لا تخافين ما قلت شي عن اللي سمعته
وعد : سحر لا تجلسين تقولين لا تخافين!؟ ماني خايفه من عقاب ولا خلف خايف ، ولا حنا خايفين الا على مشاعرك انتي بس ومايهم احد ثاني
بعدين انتي تدرين لو مايخاف الله خلف كان طلع وقال مثله مثل غيره وقال انا ما ابي سحر وكان احرجك قدام الكل لانه فالنهايه مهما سوى محد يقدر يوقف بوجهه
بس خلف كلمني يبيك انتي اللي ترفضينه والرفض يجي منك انتي بكرامتك
ونصيحه يا سحر نصيحه مني عمرك لا تبدين احد على نفسك مهما كان خلف رجال بكره بعده ولا بعد سنين بينسى ويتزوج لكن انا ما ابيك تنكسرين ابيك توقفين والكل يشوفك وترفضينه وترفضين مليون واحد وراه لين تقتنعييين بالانسان اللي بتكملين معاه خليك قويه ماعليك من احد واحد يروح وعشره يجون مايهم المهم نفسك وكرامتك
سحر مدت يدها تمسح دموعها: هذا اللي بيصير
ابتسمت وعد وهي تحضنها : ماعليك انا بكون جنبك وخلف ما رح يدري عن السالفه وبقوله انك جيتي وانك رفضتي قبل لا انا اتكلم بقول انك من البدايه ما تبينه ماعليك كرامتك بالحفظ والصون
حضنتها سحر بضيق ووعد تحاول تهديها وهي ضايق صدرها عليها كانت تتمنى انها تتزوج خلف لكن ماصار نصيب
_______________________.
عند عقاب
اللي طلع يحوس مايدري وين يروووح ووش بيسوي جلس قدام البحر وهو يفكر وش صار عشان ترفض خلف !؟ كيف ترفضه!؟ لو في خلف شي يعيبه كان ممكن يفهم بس مستحيل
سكت بخوف ان سحر رافضته بسبب مرضه شد على يده وهو في موقف شيييين ما ينحسد عليه مايدري كيف بيقرر ومن يكلم
مايدري وش غير سحر مستحيل تكون من كيفها اكيد صار شي ( معقوله احد قال لها شي في زواج نادر!؟؟ ولا ولا هاللي ما تتسمى وعد !؟ )
كان كل شي يطري له حول وعد اكيد عشان تقهره وتنتقم منه بتفرق بين خلف وعقاب والوسيله سحر وعشان تقهره بأخته بعد
فز وهو يقول ( اكيييد اجبرتها اكيييد هالشيطان كل شي تقدر عليه )
اخذ اغراضه ورجع للبيت مسرع وغضبان
_______________________.
في بيت نادر
اللي كان يساير الوضع يحاول يتفادى المشاكل كان يحاول يسولف مع شوق لكن وييين وهي لا تتكلم ولا ترد وخايفه ودموعها مليانه بعيونها ولو بيتكلم معها بتنهار
كل ماحاول يقرب تخاف وتبكي
طلع مايدري وش يسوي يدق على امه ماترد يدق على خالته نفس الحكايه وشوق اللي ماعاد تقدر تسيطر على نفسها وخوفها الانها فجأه حست بغربه ماعاد تقدر تكبت نفسها اكثر مهما كان نادر يتصرف معها بهدوء ما تشوف هالشي لان الكلام اللي عرفته عن الزواج من امها وخالتها مايطمن ابد
قرر نادر يطلع لان وجوده يزيد الطين بله ماكان معه حل الا يدور احد يساعده وماله الا خلف
اخذ طريقه لبيت خلف وهو يدعي ان ابوه مايطلع لكن من الصدف شاف خلف واقف يودع جابر عند الباب وماصدق جابر يروح الا نادى بهمس : خلييييف خليف تعال
التفت له خلف مستغرب وطلع له: نادر هلا وش فيك !؟ نادر: انا في ورطه ومالي غير الله ثم انت تساعدني
خلف : وش فيك تكلم
نادر : خليف البنت بتموت من الصياح عجزت اهديها عجزت اسكتها
خلف : لا حول الله ليييه وش صار!؟ مسوي لها شي
نادر: والله ما سويت شي والله حتى الغرفه ما طبيتها انا كلمتها الصباح وكلمتني عادي لكن فجأه انفجرت ماعرفت اتصرف
خلف : طيب كلمت امها امك احد من اهلها
نادر: محد يرد وامي كلمتها الصبح وقفلت بوجهي
خلف : يا ربيي ! طيب وش الحل
نادر: اسمع شف احد من اهلك يجي يشوف لها حل والله اني خفت انها تموت من الصياح
خلف : ا انادي امي!؟
نادر: امك! مدري فشله
خلف : تدري اصبر اصبر بنادي وعد واجي
نادر: يلا عجل
وقف نادر ينتظر ولف على جيت عقاب : نادر وش عندك هنا
نادر : ادور فزعه
عقاب : وش بلاك بعد
نادر: بلاي هالبزر اللي فالبيت
عقاب : وش بتسوي
نادر: خلف بيتصرف
سكت عقاب بهدوء وهو فيه اللي مكفيه ولف نادر: وش فيك انت !
عقاب : مافيني شي
سكت نادر وهو يفكر مصيبته وعقاب بعد
_______________________.
وفي بيت ابو خلف
دخل خلف مستعجل وينادي : سالم روح قول لوعد تجي في غرفتنا بسرعه
ركض سالم يناديها وجت وعد ومعها كل البنات وتكتف خلف: انا ناديت من!؟
وجدان: وعد
خلف : يعني !؟
اماني : نطلع بكرامتنا
خلف: ياليت
مضاوي : مالت يالاسرار اقول وينه عقاب شفته ؟
خلف : مدري عنه
ندى: عشتوا وش فيك منفس
خلف : ندى ودك تطلعين وراك هالمكنسه صح!؟
ندى: لا والله
طلعوا وهم يطقطقون ولفت وعد وهي شايله هم سحر وعقاب اللي ممكن يسوي كارثه : خير خلف وش فيك
خلف : اسمعي اللبسي عبايتك باخذك مكان
وعد : وين بتوديني
خلف : باخذك رهينه؟؟ وين بوديك يعني خلصي
وعد : وابوي !؟
خلف : انا اتصرف بس عجلي
راحت وعد تلبس والكل يناظر خلف
ام وعد : وين رايحين!؟
خلف : ا بنتمشى قريب ونجي
وجدان: الله الله وحنا بعد نبي نتمشى
خلف : ماهو وقتك بعدين اطلعكم
اماني : خلف وش ذا مافي عدل!
خلف اللي قال بغضب: اسمعيني زين انتي وياها وخروا ترا مالي خلقكم
حنان: وش فيكم !؟
طلعوا وعد وخلف وخافت وعد اول ماشافت عقاب واقف وجنبه نادر لا شعورياً قالت بنفسها ( الله يستر من هالجني)
اما عقاب تسلطت عيونه على وعد وهو متهمها بكل شي صار مع سحر وبعد بتروح تخرب بيت نادر !؟ اتجهه لخلف : خليف وين رايح!؟
خلف ابعده بهمس : بتروح لزوجة نادر
عقاب سحب خلف بطرف : اسمع خبل انت تروح وش تسوي!؟
خلف : تهدي البنت!
عقاب : خلف وعد وش عرفها عشان تروح تهدي احد!؟ هاذي يبي لها انسانه كبيره تنصحها وتعلمها واختك طال عمرها وش عرفها بالزواج ونصايحه
خلف : ما يخالف اقل شي تهديها لين نتصرف امش بس
مشى خلف وخلاه ووعد واقفه بهدوء وقرب خلف يشرح لها السالفه ووعد مفجوعه ما تخيلت ابد هالموقف لكن راحت وهي تشوف نادر قدامهم
وقفوا عند البيت وقال خلف: اسمعي البنت داخل حاولي ياوعد انك تهدينها وماتخوفينها
وعد :طيب طيب
دخلت ولف خلف على نادر: امرها هين ان شاء الله
نادر : اجلسوا اجلسوا لين تنتهي السالفه
لف خلف: عقاب وش فيك!؟ وراه ضايق صدرك!؟
عقاب: ا مافيني شي
خلف: ليه ماجيت للغداء ولا شفناك من الصبح
عقاب: كان عندي شغل
سكت خلف وهو حاس بضيق عقاب بس تركه براحته وجلسوا كلهم بصمت كل واحد مليان راسه مشاكل يبي يحلها وهاذي اول جلسه لهم بهالحمل الثقيل اللي محد قادر انه يتكلم منه
_______________________.
في غرفة شوق
وقفت بخوف وهي تناظر البنت اللي دخلت ووعد تناظرها بحزن وضيق ماتوقعت لهدرجه صغيره
شوق: مين انتي!؟
وعد : لا تخافين انا وعد بنت جيرانكم
شوق ببكى: وش تبين هنا!؟
وعد : نادر صاحب اخوي خلف وهو المسكين ضايق صدره عليك وطلب من خلف اجي اجلس معك واهديك
شوق سكتت بخوف ماتدري وش ترد وقربت وعد وهي تحاول تسلم عليها وقالت: شوق لا تخافين انا ماجيت اخوفك بالعكس جايه اجلس معك ونتكلم ونسولف وابد لايضيق صدرك
شوق ناظرتها بهدوء وسكتت وقالت وعد : وش رايك تجين معي اصلح قهوه ونجلس زين
شوق بتوتر: زين
مشت وعد وهي تدور المطبخ وتصلح قهوه وهي تحاول تهديها وجلسوا بالحوش ووعد تناظر شوق اللي تسحب اكمامها على يدينها بخوف وتوتر وضاق صدرها عليها
لكن قدرت تبتسم وقالت: اول شي كيفك
شوق بهمس: حمدلله
وعد :وثاني شي مبروك الزواج
شوق ناظرتها بحزن: يبارك فيك
وعد : ا ا طيب خليني اعرفك على نفسي وتعرفيني على نفسك طيب
شوق : طيب
بدت وعد تعرفها على نفسها وشوق اللي هدت وبدت تتقبل وعد اللي تسولف ببتسامه وقالت: الحين دورك
شوق : انتي تعرفين اسمي شوق ! انا وحيدة امي وابوي وكنا بالحفر وكنت ادرس اخر سنه بالمتوسط بس اول ما انخطبت وافق ابوي وماعاد كملت وتزوجت
وعد : ماعليك ان شاء الله تكملين ، وانا ادري انك ماتعرفين نادر وادري ان فكرة انك تتزوجين وانتي بهالسن صعبه بعد وادري مستغربه الكل وفاقده اهلك بس تدرين وش بنصحك فيه!
شوق : وشو !؟
وعد : اول شي دام الله كتب نصيبك مع نادر ابي اعلمك شوي عن نادر صراحه نادر من يوم احنا صغار نعرفه وخلف اخوي يحبه حيل وياما قال انه طيب وحبيب وحنون وهذا يعني انه مستحيييل يضرك ولا يأذيك ، وابد ما ابيك تخافين من شي لان مهما كان كبرنا ولا صغرنا بنتزوج لكن النصيب استعجل شوي معك لكن انتي قويه وقدها ولا تخافين ، ادري مشتاقه لامك وابوك بس هاذي سنة الحياه مصيرك بتروحين لهم وتشوفينهم وماعليك من اللي يخوفك يقولك الزواج يخوف و صعب صدقيني كل شي يختلف من حياتك لحياة غيرك
اخيراً تكلمت شوق اول ما ارتاحت لوعد : انتي اكيد متزوجه وعارفه كل شي ! وعد انا خايفه كثيير ماني قادره اتحمل كل اللي قالوه
ابتسمت وعد: اول شي انا ماني متزوجه لكن اعرف ان مو كل شي يقولونه صح ! انا اغلب صاحباتي متزوجات ومبسوطات ومافيه شي يخوف ، بس قولي لي انتي كم عمرك !؟
شوق ضحكت باستهزاء: كبيره على قول امي وصغيره على قول نادر
ضحكت وعد : يعني كم!؟
شوق: 15
بردت ملاامح وعد لكن تداركت وضعها : اجل تطمني من يوم نادر قال صغيره معناته فاهم وعارف ان اللي بعمرك المفروض مايتزوجون
شوق : بس هالكلام مايفيد انا خايفه منه
وعد صدت بضيق : اسمعيني تقدرين تكلمينه وتتفاهمين معاه كيف بتعيشون وصدقيني بيتفهم ويسمعك لكن اذا جلستي تبكين وتصيحين مارح تزيدين الطين الا بله خليك هاديه وانا متاكده نادر متفهم وطيب وبيسمعك
هدت شوق كثيييير وارتاحت وكأنها تطمنت من كلام وعد رغم ان وعد ماتعرف كيف قدرت تتكلم بهالثقه وهي ماتعرف وش وضع نادر وهل هو فعلاً متفهم ولا مابيخاف الله في هالطفله
شوق : مشكوره يا وعد
وعد : ابداً مايحتاج شكر لكن اوعديني تكونين قويه ماتبكين وتنهارين على كل شي وخليك مع ربك وربك بيحلها
شوق : ابشري
وعد : طيب انا بروح وامرك ان شاء الله مره ثانيه
شوق: طيب بس لا تقطعين
وعد: من عيوني
طلعت وعد وهي خلص كلامها ماعاد تدري وش تقول غير انها تتحسب على امها وابوها اللي زوجوها بهالسن
وقفوا الشباب كلهم يناظرونها وصدت وعد ومشت ولحقها خلف : هاه وش صار
وعد بغضب: قلت اللي علي والباقي على الله ثم نادر
خلف : طيب هدت!؟
وعد : خلف كيف يزوجون طفله انا مصدومه انت لو تشوف حالتها والله يتقطع قلبك
خلف : والله ادري بس مافيه حل
وعد : تكفى خلف كلم نادر يرفق عليها بالقوه قدرت اهديها
خلف : طيب طيب
لف على نادر وهو يقوله : اسمع انت ادخل الحين وارفق هاه حاول ما تعصب ولا توتر
نادر: طيب كيف الوضع
خلف : هدتها والباقي عليك
نادر : طيب طيب يلا مشكور
خلف : العفو
تحركوا ووعد على يمين خلف كالعاده ويساره عقاب اللي بعيد شوي وكان ساكت ما يتكلم
ودخل خلف وعد ولف على عقاب : تعال تعال
لف عقاب : وش فيك!
خلف : انت للي وش فيك!؟ وراك ضايق صدرك اشوفك ما انت على بعضك صاير شي احد مزعلك
ابتسم عقاب بضيق وهو في نفسه يقول ( مجنونه يا سحر اذا بتخلين خلف ) : مافيه شي مشاكل بالدوام
خلف : طيب قلي يمكن افيدك
عقاب : لا معليك بسيطه انا بروح اريح شوي وانت بعد ادخل
خلف : براحتك
دخل وخلف ماهو مرتاح لملامح عقاب واول ما دخل البيت نادته وعد اللي تدري ان عقاب يدري بسالفة سحر وهمست: تعال بقولك شي عن سحر
قرب خلف : وشو !؟
وعد : اليوم نادتني وقالت انها من فتره تفكر وهي اصلاً ما كانت تبي الزواج منك يعني وماتدري كيف تفتح السالفه لكن هي قررت وكلمت عقاب
سحبها خلف ودخلوا المجلس وهو يسكر الباب : وشو!؟؟ وعد وشلون من فتره !؟ لايكون سامعتنا امس
وعد : لا لا انا من فتره اشوفها ودها تقول شي بس كنت انشغل وما أسألها واليوم قالت لي
خلف: انتي قلتي لها شي!؟
وعد : لا والله ما تكلمت ولا فتحت فمي هي اللي تكلمت وحتى اني حاولت اشوف اذا سمعتنا لكن ابد ما سمعت وكانت تتكلم بثقه يعني واضح ما تبيك
خلف بشك: وقايله لعقاب؟؟
وعد : ايه
خلف : لايكون عشان كذا عقاب من فتره ماهو على بعضه
وعد : مدري
خلف : الله يستر بس انا ماني مرتاح احس انها سامعتنا
وعد : لا ياخلف اقولك البنت عايفه
هز راسه ب ايه بهدوء وهو يبي يصدق انها هي عايفته عشان ما يحس بالذنب بس اللي مضيق صدره هو عقاب اللي مايبي يخسره ابداً
_______________________.
عند نادر اللي دخل وهو يحاول يبتسم ويطمن الامور
شاف شوق جالسه بهدوء ورفعت راسها بهدوء تناظره تنتظره يقول كلمه تطمنها
وابتسم نادر وهو واقف عند الباب : تستقبليني للقهوه!؟
لا شعورياً ابتسمت شوق : حياك
اتسعت ابتسامة نادر: اييه كذا ورينا الابتسامه وروقي
ارتبكت شوق واختبص نادر خاف انها ترجع تبكي واسرع يجلس وهو يصب لنفسه قهوه وسكت وهو يدور موضوع يتكلم فيه بس قال : شوق
رفعت راسها بهدوء: سم
نادر : سم الله عدوك بس وش رايك تلبسين ونطلع شوي نتمشى ولا نروح الخبر ولا اي مكان
رفعت شوق كتفها : اللي تبي
نادر: زين اجل بنطلع الخبر نغير جو وننبسط
شوق : طيب
نادر : زين جهزي لك شنطه خفيفه وانا بجهز اغراضي
شوق: زين
وقف نادر يجمع اغراضه وكان يراقب شوق وهي تجهز اغراضها لكن ماكانت تجهز اي شي يدل انها عروس سكر شنطته بضيق وهو في نفسه يقول ( الله يسامحك يمه الله يسامحك )
انتظرها لين خلصت وطلع وهي معه كان يدعي ان الله يديم هالهدوء وهو يدعي لخلف واخته
_______________________.
وعند عقاب
دخل الغرفه وشاف عزوز اللي جالس ينتظر ووقف : عقاب وين رحت خوفتني عليك
ابتسم عقاب : وشوله تخاف ماني بزر!؟
عزوز: ادري بس ما احب انك تطلع متضايق اخاف يصير لك شي وانت برا محد معك
تقدم عقاب وهو يبتسم له بحب: للله يا عزوز كبرتك السنين وصرت تشيل هم وتخاف علينا
ضحك عزوز : انا مالي بعد الله سند الا انت وانا مهما كبرت للحين اخاف الدنيا بدونك
اخذ عقاب نفس وهو يحضنه وجلس هادي بهالوضعيه فتره وبعدها ابعد وهو يقول : وانا بعد مالي الا انتم وانا مستحيل اقبل ان شي يخوفكم ويزعلكم
عزوز : طيب وش فيها سحر!؟ هي بعد ضايقه
جلس عقاب وهو يرمي شماغه : طلعت لي بقصة انها ماتبي خلف
جلس عزوز بذهول : ليييه !؟ وش فيه خلف !
عقاب : مدري عنها انجنت وقعدت
عزوز سكت بذهول وهو يسمع عقاب اللي اول مره يكلمه بهالجديه : انا بنهبل ماني مصدق؟؟ كيف ترفض خلف !؟ خلف هاللي ينتصلى على طرف ثوبه ! وكنت متطمن انها عنده فجأه تقولي ما ابيه !؟
عزوز: طيب ياعقاب هذا زواج مافيه غصيبه
عقاب : ماني غاصبها ورضاها عندي بالدنيا !؟ بس انا خايف من العواقب ! لا تنسى ان خلف هو اللي بوجه المدفع اخاف يزعل او يفكر بالموضوع بطريقه شينه ويحسب انها رافضته عشانه مريض
عزوز : لا خلف مايفكر كذا انت تعرف خلف ابو نية طيبه مستحيل يفكر كذا
عقاب : اعرف خلف لكن اعرف عمي بعد بيقوم الدنيا ولا هو مجلسها واخاف نفترق وينتهي كل شي بينا
عزوز سكت بخوف وهم مستحيل يعيشون بدون عيال عمهم اللي من يوم صحووا على الدنيا وهم مع بعض
كان هالخوف مشترك بينهم وكلهم يناظرون بعض بخوف
عزوز : وش بتسوي طيب !؟
عقاب : برجع اكلم سحر بفهم السالفه كلها
عزوز : ايه احسن
عقاب : المهم السالفه بينا لا تطلع
عزوز : طيب طيب
لفوا على دخول مضاوي السريع : عقابوووه وينك ذالف من الصبح ماقلت لنا!؟
ناظرها عقاب بهدوء ولفت مضاوي بخوف تناظرهم: وش فيكم!؟ صاير شي!
عزوز: لا
عقاب : مافيه شي وين خواتي !؟
مضاوي شكت وهي تناظرهم وبعدين قالت: بغرفتهم
طلع عقاب وفتح الغرفه وشافهم جالسين كلهم وعهد تسوي لشهد مكياج ويضحكون على شكلها
فزت شهد بخوف : عقاب والله عهد اللي قالت بتسوي لي انا ما احب هالخرابيط
عهد طارت عيونها : بس نلعب
عقاب : اطلعي انتي وياها
هيا: عقاب وش فيك ! وينك من الصبح
عقاب : موجود اطلعوا وسحر اجلسي
خافت سحر وطلعوا كلهم وتكتف عقاب وسحر اللي كانت شوي وتبكي لكن تحاول تتماسك
عقاب : بالحرف الواحد قولي لي وشوله ماتبين خلف
سحر: قلت لك اشوفه اخو مقدر اتزوجه يا عقاب
عقاب : اتركي هالعذر الكذاب! بتعلميني بالسالفه بطيب ولا كيف!؟ ولا عشانه مريض!
سحر: لا لا والله بس انا ماني مجبوره اتزوجه عشانه ولد عمي عقاب تدري اني من يوم عرفنا الدنيا وخلف مثل اخوي ما اتخيل اني اتزوجه تكفى ياعقاب لا تجبرني اعيش حياة ماهي لي
عقاب : انتي مجنونه ؟ تعرفيييين وش عواقب هاللي تقولينه! انتي بتنهييين حياة كامله كنا عايشينها
ماتدري كيف قالت سحر هالكلام بس قالت: ايه اعرف لكن الاسواء هو اني اتزوج ولا اقدر اعيش بعدها انت تقدر تتخيل وش بيصير بتزوج خلف وانا مابيه !وبعدين وش العواقب ! مشاكل!؟ وهواش ! وتعاسه ! وبعدها طلاق ويمكن بعد عيال يضيعون بالطوشه وفي كل الحالتين المشاكل بتكبر بتكبر وش احسن يا عقاب! اقتصر كل هالمشاكل من الحين ويكون زعل يومين ويتصلح ولا تبي مشاكل طويله ! وزواج فاشل ويمكن نفترق للابد ويمكن توصل للمحاكم ويمكن يوصل الدم لركب !وش تشوف؟
وبعدين انت تعرف خلف تعرف انه مايبيعنا لو تنطبق السماء على الارض
عقاب اللي اقتنع وهو يناظرها بهدوء وطلع وتركها وقف وهو يشوف الكل واقفين عند الباب وبما فيهم جده وجدته
ابو ناصر: وش هاللي سمعته !
دقت ساعة الخطر في قلب عقاب وسحر وعرفوا ان بداية المشاكل وصلت قرب عزوز جنب عقاب ووقفوا
ام ناصر: وش هاللي بتسوينه يا مسودة الوجهه
عقاب : جدتي الله يخليك اهدي مايصير تصارخين
ابو ناصر: الحين تفهموني وش هاللي يصير
عقاب : سحر ما تبي تتزوج خلف
شهقت مضاوي: لييييه !؟ وش فيه خلف !
عقاب : مافيه شي لكن الزواج ماهو غصب
ابو ناصر: انهبلت انت واختك! خلف ماينرد
ام ناصر: انا داريه ان ابليس داخل راس هالبنت!؟ ولا فيه بنت صاحيه ترد رجال يتثقل بالذهب مثل خلف
طلعت سحر وهي تبكي : يتثقل بالذهب ما قلنا شي!؟ بس عمركم سألتوا عن رأي ولا رايه !؟ من وين طلعتوا بموافقتنا على هالزواج
عقاب : بس انتي!؟
ام ناصر : مالك راي ياحبيبتي هذا خليييف عين السيح ماترده الا وحده رديه
عقاب : جددده اختي ماهي رديه!؟ والزواج قسمه ونصيب
هيا : بس ياسحر ليه رافضته!؟ وش يشكي منه خلف
ابو ناصر: انتم تبون تفرقونا!؟ تبون ناصر يزعل!
عزوز: محشوم عمي لكن خاطر اختي اغلى
ابو ناصر: ماشاء الله ماشاء الله ماعاد حتى تحشموني !
عقاب : محشوم ياجدي محشوم لكن عمي بيزعل يومين ويرضى ماهو احسن من المشاكل اللي بتصير لو غصبناها على الزواج وبعدين اعرف خلف ماهو زعلان
ام ناصر: اسمعني عاد انت واختك هالحكي كله مابي اسمعه ولو تموتون ماتردون خلف
عقاب: انا اللي مسؤول عن حياة اخواني وقراراتهم
ابو ناصر: عقاااااب احترم جدك وجدتك
عقاب : على عيني وعلى راسي بس محد يغصب خواتي على شي وانا حي
راحت ام ناصر بغضب ووقف الجد وهو يناظر سحر بنظرات ناريه : وشوله ماتبينه
طلعت سحر ببكى: جدي الله يخليك افهمني خلف مثل اخوي مقدر اتزوجه مقدر ما اشوفهم الا اخواني الله يخليك لا تحملني فوق احتمالي
سحب ابو ناصر يده بضيق : بس يا سحر يابنيتي خلف مهما كان ولد عمك وهو الوحيد اللي اتطمن عليك عنده
سكتت سحر ببكي واتجهه لها عقاب وهو يقربها ويهديها: جدي انت تدري الزواج قسمه ونصيب وانت ماتبي الا الخير لحفادك ماتبي مشاكل وهواش
ابو ناصر: وكيف بتحل هالسالفه
عقاب: ماعليك احله بس انت خلك معنا لا توقف ضدنا
هز راسه ابو ناصر وهو ضايق صدره وطلع وتركهم والكل يناظر سحر
وطلع عقاب وهو ضايق صدره بعد وعزوز بعد
مضاوي: سحر انجنيتي !؟ وشلون تشوفينه مثل اخوك!؟ مهبوله انتي كلنا نعرف انك تموتين في خليف ! وش صار!؟ هاااه
سحر: لا حبيبتي لا اموت فيه ولا هم يحزنون
هيا : يا سحر يا حبيبتي اذا فيه شي علمينا مايصير ترفضينه كذا
عهد: سحر احد قايل شي!؟ وعد قالت شي!
مضاوي : وش دخل وعد !؟
عهد: مدري هي اليوم جت ، يمكن قالت شي
هيا: عن الكلام الفاضي وعد ما تسوي شي كذا!
سحر: محد قال شي بس ماني مجبوره اتزوجه
مضاوي : اقص يدي اذا مافيه شي
طلعت وتركتها وسحر واقفه بضيق صدر والكل ضايق صدره
لكن عقاب اللي سمع كل شي وهو تعمد يوقف يبي يسمع وش يقولون البنات اكيد عندهم اسرار سحر ويعرفونها واول ما سمع طاري وعد تكهرب وطلع وهو يحلف ان لها يد وانه ليقص هاليد
_______________________.
وفي بيت النوخذه
كانت ليلى جالسه وهي تحاول تحسن مستواها في العزف وابوها جالس جنبها مستمتع
وام نهيان اللي انفجر راسها من الازعاج وطلعت وتركتهم وشيخه بعد
ودخل جابر: سلام عليكم
الكل: عليكم السلام
جابر: وين الناس؟؟
ضحك ابو نهيان: امك تقول راسها بينبط من عزف ليلى وراحت وشيخه كالعاده بتقرا
ضحك جابر: بس انتي ذبحتينا بهالعود
ليلى: اللله من اللي يقول اعزفي لي احب اسمع العود منچ
ضحك ابو نهيان: ماعلينا المهم وين كنت!؟
جابر: بعد الصلاة رحت حق خلف قلت ازوره واطمن عليه
لفت ليلى بانتباهه وقال ابوها: وشلونه عاد ان شاء الله بخير
جابر: اي حمدلله تحسن عن قبل
ابو نهيان: الله يشافيه ويعافيه والله ابن حلال
جابر : اي والله
ليلى : غريبه شعندك صاير تهتم !
جابر: ازور المريض لي اجر
ابو نهيان: ايه بارك الله فيك
ليلى: ايه بس مو من عوايده الله يرحم بالكويت يطيحون كل اهل الفريچ مرضى مازارهم
ضحك جابر: والله انا حبيت خلف وابي ازوره شعليچ انتي
ليلى : بكيفك
جابر: بروح اريح شوي
ابو نهيان:خذني معك
ليلى: وتهدوني بروحي!؟
ابو نهيان: خليچ طقطقي على هالعود ليين الله يسهل عليچ
طلعوا وليلى تضحك وسكتت باستغراب تفكر في هالخلف
_______________________.
وعند خلف
اللي وصل السوق وهو اشتاق لحياة السوق وشغله اتجهه للمحل يبي يرتبه ويشوف شغله اكيد متراكم
دخل وهو يرد على الناس اللي تسلم عليه ورد باب المحل وهو يلبس الكمام وبدا يطلع الاغراض عشان يرتب
بس شاف السي دي وجلس وهو يناظره ماقدر يمسك نفسه لا شغله من جديد ويتأمل اخذ وقت يناظرها وابتسم وهو يحس ان على كثر همومه الا انه سعيد اخذ نفس وقبل يزفر وقف قلبه اول مادخل عقاب وسحب خلف السلك يطفيه واعتدل بارتباك: عقاب وش فيك
عقاب جلس بضيق: جيت ابي اجلس معك ضايق صدري
قفل خلف كل شي واتجهه وهو متوقع سبب ضيقته: افا يا عقاب مايضيق صدرك وانا فيه قولي وش فيك وش مضيق صدرك
ناظره عقاب بضيق خايف من اللي بيقوله : خلف انت تدري وش كثر احبك صح
ضحك خلف : الله وش صاير بالدنيا عقاب يعبر عن حبه
ضحك عقاب : والله ان الدنيا منقلبه على راسي يا اخوك
اعتدل خلف بحده وقال: افا وانا اخو عقاب انت ما انت في الدنيا لحالك تنقلب علينا كلنا ماهي عليك لكن نتعاون ونعدلها مايصير يا عقاب تشيل همك لحالك وانا موجود يدي بيدك وكتفي بكتفك وقلبي على قلبك
هنا انفجر صدر عقاب زود : هذا اللي انا خايف منه اخاف يصير شي و يفرق كتفي وكتفك
خلف بدا يفهم : مافيه شي بالدنيا يبعدني عنك الا الموت وحتى لو مت انا بتشيلني على كتفك
عقاب: لا تجيب طاري الموت جعل عمرك طويل
خلف : اجل قلي وش مضيق صدرك
عقاب : تدري ان الدنيا كلها قسمه ونصيب
خلف : ادري
عقاب بتردد قاله عن رفض سحر وانها تشوفه اخو وبسرعه قال: يعلم الله اني ما رضيت بس انت تدري الحياه ما تبنى على غصب
خلف ابتسم : عقاب اول شي انت مضيق صدرك على الفاضي وانت تعرفني اني ما ابيعكم ابد وتعرف اني مستحيل ارضى انك تزعل اختك وتجبرها ومستحيل ارضى ان بنات عمي احد يضايقهم مهما كان وبعدين انت قلتها مافيه حياة تنبني على غصب وانا والله ماعندي اي مشكله بالعكس انا كنت ناوي اقولك من قبل اني مستحيل اتزوج لين اسمع موافقة سحر بأذني وبعدين لا سحر ما اختارت تكون بهالموقف ولا انا بعد اخترت كله كلام كبار ماله مبداء ولا له اساس والله يعلم اني اعدها مثل خواتي وما ابي لها الا الخير
عقاب : يعني!! انت بعد ماتبي !
خلف : انا مايفرق معي فالنهايه هو زواج اذا ما تزوجت هنا بتزوج هناك
عقاب : ولا انت زعلان
ضحك خلف: وش يزعلني بالعكس انا بزعل لو ان فعلاً سحر انجبرت على شي ماتبيه
زفر عقاب براحه: والله اني ارتحت انا خفت تزعل
ابعد خلف يضحك: ماعندك سالفة صراحه راح كل عمري معك ماعرفتني زين
عقاب : اعرفك بس خايف من عمي انا اخاف يسبب مشكله ونفترق ولا امك تزعل
خلف : ابد خلهم علي فالنهايه القرار لي انا وانا المعني انا وسحر ونقرر وش نبي ! واترك ابوي علي
عقاب : يارب عمي محمد يجي وينقذ الوضع
خلف : جدي عرف!؟
عقاب : جدي وجدتي والدنيا قايمه قاعده
خلف : قم ماعليك انا اضبط كل شي
عقاب وقف وهو مرتاح ان خلف ما زعل وقرب وهو يحضنه وابعد خلف يضحك: وش بلاك انت ما يطلع حبك الا المصايب
عقاب : واالله اني خفت
ضحك خلف اللي كان بعد خايف مايدري كيف بيواجهه ابوي هو بعد وطلعوا متجهين للبيت
_______________________.
.
انتهى البارت

[صواديف عشاق]

البارت السابع

وفي بيت ابو خلف
وصل ابو خلف وراح لامه وابوه يسلم عليهم لكن شاف الضيق على وجهه امه واضح
ابو خلف : يمه وش فيك!؟
ابو ناصر: مافيها شي
ابو خلف : وش فيكم!؟ خلف وينه !؟ صاير له شي
ابو ناصر: لا
ام ناصر: الله يستر لا يطق خلف من القهر ويموت
ابو ناصر: اذكري الله يامره
ابو خلف فز بخوف: وش فييييه
ام ناصر: هاللي ماتستحي سحر علقت رجل با لارض ورجل بالسماء ما تبي تتزوج خلف
ابو خلف : وشوووو!؟
ابو ناصر : اسمعني يا ناصر اسمع العلم مني اترك هالكلام الفاضي
ابو خلف اللي فاار وعصب : شللللون ترفض خلف !؟ هااه وشلون ترفض ولدي
ابو ناصر: الزواج ماهو غصب
ابو خلف : وشوله مانطقت من سنين!؟ ورا ما تكلمت الا بعد ما ضاعت هالسنين كلها ، سحرررر سحررر
طلع عزوز على صوت عمه وهو خايف من هالخطوه : وش تبي فيها ياعمي !
ابو خلف : انقلع ناد اختك
ابوناصر: مالك شغل بالبنت هي عطتنا رايها وانتهينا
ابو خلف : لا والله!؟
عزوز: عمي سحر ماهي مجبوره تزوج خلف دامها ما تشوفه الا اخو
التفت له ابو خلف بغضب: ماشاء الله من متى طلع لسانك وصرت توقف بوجهه كبارك
دخل عقاب وخلف على صوت الصراخ وهذا اللي الكل خايف منه
عقاب : وش صار وش هالصرراخ!؟
ابو خلف : اخيراً جيت يالكبير العاقل تعال اسمع اختك وش تقول
عقاب : وش تقول!؟
خلف : يبه صوتك عالي والناس تسمعك !
ابو خلف : ماهمني احد
الكل كان يناظر خلف ينتظرون كيف بيتقبل الخبر
وقال ابو خلف : تقدر تفسر لي وشوله اختك ما تبي خلف
عقاب: الله يهديك ياعمي وهذا اللي مطلع صوتك وصراخك واصل اخر العالم
خلف : يبه اذكر الله واسمعني
ام ناصر: مافيه شي ينسمع ياخلف انت سمعت اللي ابوك قاله او ما سمعت
خلف : سامع ياجده سامع لكن المواضيع ما تنحل بالصراخ وسحر ما عليها لوم ابد
ابو خلف : انت انهبلت انت
خلف : لا ما انهبلت بالعكس
ابو ناصر: ياخلف يا ولدي ماودنا يضيق صدرك لكن تعرف ان الزواج قسمه ونصيب
خلف ابتسم بهدوء: ماضاق صدري ابد بالعكس انا راضي ما دام هالشي يريح سحر انا راضي
ابو خلف : خللييف اعقل واترك عنك الهبال يقولك البنت ماتبيك رافضتك
خلف : وهذا من ابسط حقوقها
عقاب: اختي ما رفضت خلف لعيب فيه بالعكس رفضته لانها تشوفه اخو وهذا شي ماينعاب
ابو خلف : وش ذا العذر التافهه
خلف : يبه الله يهديك هذا ماهو عذر تافهه بالعكس هذا الحقيقه!؟ من يوم عرفنا الدنيا وحنا وعيال عمي في نفس البيت نفس المكان نتشارك بكل شي ومثل الاخوان وحنا اخوان فعلاً ولا واحد منا فكر يبدل هالاخوه بزواج انتم اللي فكرتوا وانتم اللي كبرتوا هالشي ومحد اخذ راينا لكن هذ قبل وحنا صغار لكن الحين اختلف كل شي وحنا ما اخترنا اي شي غير إنا اخوان انا اشوف بنات عمي خوات وهم يشوفوني اخو وسند
انجلط ابو خلف : لااا واضح أنه ملعوب في راسك زيين
عقاب : وهنا ينتهي الموضوع اهل الشور هم خلف وسحر وهم رفضوا هالشي عن رضا وقناعه بعدها محد له كلام
ابو خلف وقف يصفق بقهر: الله يرحم ابوك ليته حي ويشوف وش يصير وحزتها انا اضمن لك انه يدفنك حي انت وهاللي ما تستحي معك
ابو ناصر : نااااصر لين هنا وبس قلنا لك الزواج قسمه ونصيب وحنا ندور الخير لعيالنا مانبي ندفنهم وهم حيين مايبون محد جابرهم
ابو خلف : زين يبه اجل اسمعوا اخر كلامي والله ما تطب رجلي هالبيت ودام هالزواج ما تم وانسى ياعقاب ان عندكم عم اذا ما وقفت هالمصخره وربيت اختك وعقلتها
عقاب : اختي ما تنجبر على شي ماتبيه
ابو خلف: هذا اخر كلامك!
عقاب : ايه
التفت ابو خلف لخلف بحده: وانت راضي بهالمصخره!؟
غمض خلف بضيق وهو يدري ان ابوه يبيه يثور ويعصب ويزعل عشان يجبر عقاب يزوجه سحر لكن قال الجمله اللي خيبت ظن ابوه : انا راي من راي عقاب وما تنجبر بنت عمي على شي ما تبيه
احتدت نظرة ابو خلف بقهر : اجل اسمعوني لا اني عم لعيال نايف ولا عيالي عيال عمهم ولا انا ابو لخلف ولا عيالي اخوانٍ له وتجي تقش قشك وتنقلع من بيتي وخلك عند هاللي تحامي عليهم مايجلس ببيتي واحد يعصي كلامي
شد خلف على اسنانه بكل قوته والكل اتسعت عيونهم بصدمه ومحد مستوعب ان ابو خلف اللي مستحيل يبعد خلف عنه يطرده من البيت لكن كان هذا تصرف انفعالي من ابو خلف عشان يجبر الكل يخضعون طلع وصفق الباب وخلف متكتف بصمت
ام ناصر: والله عشت عمري واقول ربيت وثمرت تربيتي لكن ياحساافه ياحسافه
طلعت هي بعد وتركتهم ومابقى الا خلف وعقاب وعزوز وابو ناصر وكلهم يناظرون خلف اللي لف ببتسامه : انا اسف بالنيابه عن ابوي هو اذا عصب مايدري وش يقول
عقاب: لا تعتذر ياخلف حنا اللي نعتذر لك المفروض مايصير هاللي صار
سكته خلف : اللي صار عين الصواب وانا عند كلامي
ابو ناصر تقدم يمسح على كتف خلف : ماعليك لا يضيق صدرك انا بكلمه
خلف : ماعليه ياجدي خله يهدا شوي
طلع خلف رايح لبيتهم وهو يقول بنفسه( تووك بديت بدربك يا خلف وعثرات هالدرب كثيره وبتحلمها كلها وحده وحده وانت ساكت دامك بديت تحمل )
_______________________.
وفي بيت ابو خلف
الكل طلع على صوت الصراخ والهواش والكل واقف عند الباب الفاصل يسمعون وشهقت ام خلف وهي تعلق في ابو خلف اللي دخل بغضب وهو يصرخ: طلعوا قش هالردي عني لا اشوفه
ام خلف : تكفى يا ناصر لا تطرده وين بيروح وهو للحين تعبان
ابو خلف ابعدها بغضب : يروح عند هاللي مبديهم على رضاي
وعد : يبه اذكر الله
ابو خلف : اسمعوني كلكم والله اللي يعتب هالباب ولا يكلم هاللي مايستحون ليشوف شي عمره ماشافه
ام وعد : اذكر الله يا ابو خلف مهما كان حنا اهل
ابو خلف : هذاااك اول لكن الحين حلفت واللي بيعصاني بيذلف ورا هالردي
فيصل وقف بذهول يناظر في ابوه وهو بعد زعلان من رفض سحر لخلف والكل زعلان على سحر مهما كان ماهم متقبلين وهم محد يدري وش السالفه الا وعد والباقين مصدومين
طلع ابو خلف ولفت ندى بزعل على اخوها وهي تشوف ان خلف ملاك مستحيل احد يرفضه وهي محقه بوجهة نظرها دامها ماتعرف السالفه: وش صار لها هاذي ! انهبلت !
ام وعد : الله يصلحها عاد خلف ما ينعاف
وعد :وش فيكم انتم هي ماعافته هي تقول انه مثل اخوها
اماني بزعل : وين مثل اخوها كلنا كنا نعرف وشايفين
وعد : انتي اص احسن لك
حنان: صح اني ضايقه على خلف بس سحر يمكن صادقه
ام خلف ببكي : بكيفها بكيفها تبيه او ماتبيه ما احد بيجبرها لكن وشوله ناصر يطرد خلف هذا جزاه اللي وقف مع عيال عمه
حنان : عميمه ما عليك خلف بيجلس عند جدي اكيد
فيصل بغضب: اصلاً لو جلس عندهم بيصير خبل ! جالس عند الناس اللي رافضته وين كرامته
وعد : انت اسكت احسن لك مالك شغل
دخل خلف وهو يشوفهم مجتمعين وفزت ام خلف وهي تركض له: خلف يمه حبيبي لا تزعل ولا يضيق صدرك يمه
قرب خلف يبوس راسها: لا ياحبيبتي ماني زعلان والله
ام وعد : ماعليك بيعوضك ربي
خلف : الله يوفقها والله يوفقني بعد
ندى بغضب: ماعليك منها تتزوج اللي احسن منها
خلف : ندى انهبلتي!؟ هذا كلامك عن بنت عمك
اماني : لا تلومنا ياخليف ترا مقهورين حنا بعد
ام خلف : اسمعني يمه لا تطلع ابوك زعلان شوي وبيرضى اكيد هو ماتهون عليه انت
فيصل: لا تطلع ! ولا تروح عند ناس مايبونك
خلف : الظاهر اني بتعب معكم اكثر
لف وهو يناظر سالم: سكر الباب زين
ورجع يناظرهم: اجلسوا كلكم من دون صوت ولا اسمع
حرف زياده
الكل جلس وتكتف خلف يناظر: اول شي مهما صار ولو تقوم الدنيا وتقعد إياني وإياكم اسمعكم تغلطون على عيال عمكم او تزعلونهم! وبعدين وش صار فالدنيا اذا رفضت سحر!؟ هذا حقها ولا احد يقدر يجبرها ووش فيها اذا رفضتني انا ماني ملاك واذا هي علي انا بعد اشوف بنات عمي كلهم خوات واذا ما بدت سحر بديت انا والزواج قسمه ونصيب
ام وعد : ما قلنا شي بس ليه ما تكلمت من سنين
وعد : هي ما وافقت من البدايه !؟ هذا كلامكم انتم يالكبار وانتم تتحملون
خلف : اللي بقوله محد له شغل بهالسالفه ترضى سحر ولا ترفض هي فالنهايه اختكم وبنت عمكم وولا اشوف واحد فيكم قالب وجهه على عيال عمه حتى لو ابوي نفسه حلف وحتى لو ابوي يقوم الدنيا ويقعدها ما تقطعون صلتكم فيهم ابد
فيصل : وكرامتنا وييين ؟
خلف : انت مجنون!؟ كرامتك من كرامتهم وبعدين من جاب طاري الكرامه
فيصل: وش اللي من جاب طاري الكرامه ! سحر طلعت وقالت مابيك وكل الدنيا درت ما تشوفه شي يمس الكرامه
خلف : يمس الكرامه اذا كان على غير وجه حق وعلى عيب ومنقود لكن هي رفضت لانها تشوفني اخو وبالعكس هذا مايمس الكرامه
وجدان: طيب ابوي حالف
خلف : ابوي يومين ويرضى المهم ما يكبرها الشيطان بينكم سمعتي يا ندى واماني
ندى : سمعنا
خلف : وبعدين حطي نفسك في مكانها انتي وياها !؟ لو عقاب خطب وحده فيكم وهي ما تبي ولا تشوفه اخو! وش كنتوا بتسوون!؟ وانت يا فيصل كيف بتصرف!؟ كلكم بترفضون وكلنا بنوقف مثل وقفة عقاب وعزوز
الكل سكت ولف خلف : هذا اللي بقوله والله لو اعرف ان واحد منكم ضايقهم والله ليزعل مني
ام خلف : طيب ياحبيبي لا تروح اجلس هنا
خلف : يمه انا هنا عند جدي ماني رايح واذا بغيتيني بتلقيني بس ناديني والسالفه ماهي مطوله
سكتوا كلهم وطلع خلف بعد ما اخذ ادويته والكل ساكت بضيق مايدرون مع من يصفون وكيف يوقفون
_______________________.
في الخبر
وصل نادر الشقه ودخل وهو يرمي نفسه بتعب ووقفت شوق تناظر حولها
اعتدل نادر وهو يبتسم: جعتي صح !
شوق هزت راسها بخجل ( لا)
خاف نادر انها رجعت تخاف : ماعليه حتى لو ما جعتي لازم تجلسين معي وتاكلين لاني ما اكل لحالي ابد
وقف وهو يلف : انا بروح اجيب العشاء وانتي رتبي الاغراض وريحي شوي ولا تفتحين لاحد
شوق :زين
طلع نادر اللي ميت جوع وتعب ومهدود حيله مايدري كيف بيمشي الايام الجايه اخذ العشاء ورجع وشافها مرتبه كل شي وجالسه على الكنب ونايمه وهي جالسه اول ما سمعت صوت الباب فزت بخوف
نادر: بسم لله عليك مادريت انك نايمه
شوق :عادي
نزل نادر العشاء وجلس وهو يشوف كيف تعبانه وبعد ما تعشوا ناظر نادر ساعته: ودك نكلم خالتي
فزت شوق بفرح: ايه
نادر ابتسم لا شعورياً : زين تعالي
جلسوا عند التليفون وهم يتصلون وينتظرون واخيراً ردت خالته اللي كانت تكلم شوق اللي بكت وتورط نادر وهو يحاول يهديها واخذ السماعه وهو يودع خالته وجلس جنب شوق: افا يا شوق ما قلنا ما نبي دموع
ماكان يشوف وجهها اللي مغطيته بيدينها وقرب نادر بحذر وهو يحاول يبعدها : انا ادري انك مشتاقه لهم بس بعد مايصير تبكين وتزعلين نفسك
شوق اخيراً تكلمت وقالت : ماني متعوده ابعد عنهم
نادر كان يحايلها مثل الطفل: اسمعيني طيب اوعدك اذا سكتي ومابكيتي بعد ما نخلص من الخبر اخذك لهم
فزت شوق بفرح: قول والله
ارتخت ملامح نادر بضيق وحزن : والله
مسحت شوق دموعها : خلاص ماعاد ببكي
ابعد نادر ببتسامه : يلا اجل انا معك لين هنا وخلاص انتهيييت بموت من النوم
شوق ابتسمت: طيب
بدل نادر ورجع يبي ينام لكن شايل هم شوق مايبي ينام وهي ما نامت
لكن شوق بدلت ورجعت وهي تناظر ظهر نادر اللي واضح عليه التعب ما تدري وش هالطمأنينه اللي تحسها اتجاهه نادر لكن كانت تحس انه مصدر امان نزلت عينها اول ما لف نادر : تعالي نامي شوفي عيونك كيف تعبانه
ماقدرت شوق ابد تخطي اي خطوه ولا تروح تنام جنبه
حس نادر فيها وجلس : شوق لا تخافين تعالي نامي والله ما اسوي لك شي
تفشلت شوق وجت بهدوء جنبه ودخلت بهدوء ولا طولت الا نامت بتعب ولف نادر اللي ارتاح اول ماشافها نايمه عدل اللحاف عليها وهو يحس بمسؤوليه رغم انه انسان ماهو صاحب مسؤوليه ابداً
_______________________.
وفي بيت الجد قايد
في غرفة البنات كانت سحر منهاره وهي تبكي وهيا حاضنتها بهدوء
مضاوي : انا مدري!؟ ليش تبكين دام هذا اللي تبينه
سحر: انا مابي الشر لخلف بالعكس ما ابيه ينضر ولا عمي يزعل عليه ويطرده بالطقاق يزعل علي انا بس هو وش ذنبه
عهد : خلاص يا سحر كلنا نعرف عمي ويحوس الدنيا بس مايقدر يزعل خلف صدقيني يومين وبيجي يدوره
مضاوي : ماعليه احسن انا مبسوطه ان خلف بيجي عندنا يومين نغير به جو
شهد : اللي يسمعك مايقوول جالسه عندهم 24 ساعه
مضاوي : مب شغلك انتي
هيا : ان شاء الله السالفه ما تطول ويومين وكل شي يرجع لوضعه
مضاوي : يارب
عهد : خلاص سحر ذبحتي نفسك
ماردت سحر اللي دخلت بفراشها وهي تحاول تحصل حل ما يتأذى فيه وهو كان حريص انه مايأذيها
_______________________.
اما عند خلف
اللي طلع يمشي في الحاره وهو متجهه لمكانهم المعتاد بس مايدري وينه نادر! ولا يقدر يفضفض لعقاب ولا يدري كيف بيخمد وجع قلبه جلس وهو يعدل ابريق الشاهي وارتخى على التكايه ورا ظهره وهو يبي يتخلص من هالمشاعر اللي بصدره يبي يعرف هي حب ليلى ولا ردة فعل عكسيه ضد الواقع اللي فرضوه عليه بس ما طول تفكيره اول سمع صوت ضاري العالي اللي جاء : خليييف وراك لحالك ! مسكون ياحبيبي
ضحك خلف : جيت بوقتك والله
طل ضاري في ابريق الشاهي وابتسم: في وقتي بالتمام لكن وينه ولد عمك الجني
تنهد خلف : وش تبي فيه ! اذا ناوين هوشه فكوني راسي من غير شي بينفجر
جلس ضاري بجديه: وش فيك !؟ صاير شي !
خلف : لا بس مشكله في البيت
ضاري : تراني اعين واعاون
ناظره خلف بتمعن وهو من هالفتره لللي عرف ضاري فيها عرف انه انسان طييييب وامين ويحفظ السر لكن قال خلف : ضاري عمرك حبيت !؟
ضحك ضاري : شوف انا في حياتي كلها ما حبيييت الا شخص واحد ولا حبيت احد قبله ولا بحب بعده ولا اشوف الا هو بدنياي
ابتسم خلف : والله!؟ ومن هالشخص
ضاري بضحك وحسن نيه: امي
ضحك خلف : خبل انت ندري تحب امك محد مايحب امه كل الناس يحبونها بس انا اقصد يعني حبيت حب يعني كيف افهمك
ضاري بصراخ: اييييه قلي كذا!؟ حب وخرابيط
خلف :دامها خرابيط واضح صفحتك بيضاء
ضاري: ناصعة البياض بعد انا حتى لو بحب ما اعرف
ضحك خلف وهو يناظره وقرب ضاري: علمني اجل! من اللي لون صفحتك
ابتسم خلف : محد بس أسالك
ضاري : شوف انا على النيه ايييه لكن ماني غشيم اعرف احوالكم يالمعذبين
خلف : لا يا ضاري السالفه ماهي سالفة غشامه لكن انا قصتي معقده شوي
ضاري : طيب قل اسمعك الليل توه بأوله ولا تخاف سرك في بير
ماقدر خلف انه يتكلم وقال : خلها في وقتها
ضاري : على راحتك
ولف ضاري يناظر الساعه: بتمشي!
خلف: لا جالس
ضاري : غريبه!؟
خلف : ليه!؟
ضاري :انت ماتجلس لذا الوقت تقول ابوك يحتري
صد خلف بضيق: لا ابشرك اليوم لو الموت بيده كان ذبحني
ضاري : افا ليه !
ضحك خلف : شكل مافيه منك مفر
ضاري ببتسامه: والله على ضيقة هالصدر اللي باينه عليك مالك مفر الا تكلم
خلف : اجل اسمع .. قاله خلف سالفة سحر بحذافيرها من البدايه بكل التفاصيل زي ماهو يعرفها وختم وهو يقول : يعني انا مدري هي صدفه او مدري وشو لكن فالنهايه انا اشوفها اخت وهي بعد تشوفني اخو وبكذا تكنسل الزوواج وانجلط ابوي وحاس الدنيا
ضاري بهدوء: وهاللي تحبها ! تستاهل كل هالحوسه!؟ انلجم خلف اللي ماجاب له طاري الحب ابد وضحك ضاري : قلت لك ماني غشيم وواضح ترا من البدايه ان فيه طرف ثالث وطرف قوي بعد وهو اللي غير كل مفاهيمك والا انت قبل راضي ومستسلم
ارتخى خلف بقلة حيله: يعني مكشوف
ضاري : ايه
خلف : كلامك صح لكن انا كل اللي بيني وبينها صدف ومدري اذا هي تستاهل هاللي يصير او لا
ضاري ببتسامه: كل هاللي فيك من صدف!
ضحك خلف : والحاصل اني طلعت خفيف
ضاري: طيب اذا تبي شوري زين ان ما دخلت مع بنت عمك في مشاكل انت ففي غنى عنها وزييين ان من البدايه حسمت الموضوع لكن انت لازم تحل هالمشكله كلها من جميع الاطراف باقل الاضرار
خلف : هذا اللي بسويه يعني مشكلتي الحين مع ابوي وبس
ضاري : وابوك مستحيل يزعل دايم وانت ولده مهما كان
خلف : هاذي كل القضيه
ضاري : صدقني بتحلها الايام لكن دام هذا وضعك وش رايك تجي معي
خلف : وين!؟
ضاري: لشباب اعرفهم صدقني بتوسع صدرك شوي
خلف : زين اجل
اخذ خلف اغراضه وطلع مع ضاري
_______________________.
وفي حي ضاري
وفي اطراف الحااااره كان فيه حوش مليييان بالشباب اللي مختلفه اهتماماتهم مابين غنى وسوالف ولعب وضحك وقف ضاري لف على خلف : وين كمامك !
خلف : معي !
ضاري : ألبسه عشان داخل شباب وانت عارف فيهم اللي يدخن وفيهم اللي يشيش
خلف سحب الكمام بضيق وهو يلبس ودخل مع ضاري اللي وقف له الكل يرحبون فيه ووسكتهم ضاري وهو يقول : رحبوا في خوي الليله خلف
اختلفت الردود مابين : حياك الله ، منور يا خلف ، اسفرت وانورت
رد عليهم خلف والكل اجتمع قريب منه وبدا ضاري يعرفه عليهم
ولف على الشخص اللي ماسك العود وجالس مبتسم : وهنا ملك الفن تركي ابو الطرب وسعة الصدر
تركي: من بعدك ياحبيبي
خلف : تشرفت الله يا تركي
تركي : لنا الشرف
ضاري : تركي اليوم خلف بين يديك يقول ضايق صدره قلت مالك الا تركي يطلع ضيقة الصدر غصب
تركي : يخسى الضيق يا خلف ، صفوا يا عيال صفوا
ابتسم خلف يناظرهم وهم اتفرقوا كل واحد يجيب له شي وجلسوا وقرب واحد يعطي خلف شاهي واخذه مبتسم وهو ينتظر وش بيطلع من هالجمعه لكن جلس قدامه واحد يقاله سعد : اقول يا خلف وش اللي مضيق صدرك عشان نغني على ليلاه
قبل يرد خلف رد تركي بس بطريقه مختلفه وهو يدق ويغني ( ‏ياسعد لاتحاول كل شي ن تعرفه ‏خل الاسرار تبقى بالقلوب الحزينه)
لف له خلف ببتسامه وضحك : وصلك العلم يا سعد
رجع سعد وهو يضحك والكل يضحك وهم يعرفون تركي ما يحب احد يبحث في جروح احد حتى لو مايعرفه
وكمل تركي وخلف مبتسم معه ولا شعورياً هدت ملامحه اول ما تذكر كلام اماني ( ان ليلى تدق العود )
اخذ نفس وهو شايف انه استوى تماماً وايقن انه يحب ليلى لكن وش بعد هالحب
طال الليل معهم ونسى نفسه خلف معهم وهو كل اغنيه يتغنى بها تركي تطير خلف فوووق لكن انتبه للوقت ووقف يودعهم وطلع وهو يحس نفسه احسن من قبل
_______________________.
في بيت الجد قايد
عجز عقاب ينام وهو مايدري وين خلف دوره بمكانهم ما ماحصله ونادر ماله حس وخاف لا يكون خلف تعب ومحد عنده جلس بنص الحوش وهو يفرك يدينه ببعض ينتظر متى يجي خلف وماكان بس عقاب لا الجد قايد بعد مانام وهو ينتظر وسحر بعد كانت تنتظر
فزوا على صوت الباب وكان خلف اللي دخل بهدوء واقبل عليه عقاب : خلف وينك وين رحت !
خلف : وش فيك !
عقاب : وش اللي وش فيني ! اشغلتني عليك عجزت انام دورتك في كل مكان ما لقيتك والله اني خفت عليك
خلف ابتسم بهدوء : لا شدعوه مافيه شي يخوف
سكت خلف اول ما قرب عقاب له وهو يشم ريحته : انت وين كنت! وش ريحة الزقايير هاذي!؟
خلف : اقصر صوتك لا احد يسمعك ، كنت مع ضاري ورحنا لاصحابه وعاد فيهم اللي يدخنون بس و... سكت اول ماقاطعه عقاب بغضب: رجعنا على هالسايب!؟ خلف وش تبي فيه ذا ما بيجيب خيير لك وفوق هذا يدري انك مريض والدخان يأثر عليك وموديك لناس تدخن ! ما تقولي شتبي فيه
خلف : عقااااب انا ماني بزر اعرف مصلحتي زين مايحتاج تركضون كلكم وراي وبعدين تراكم أذيتوني بهالمرض
رفع الكمام بغضب : تشوف ذا ولا لا هذاني كاتم نفسي فيه عشان ما اموت
وبعديين ابعد عن ضاري تراك اذيته ما تحبه براحتك لكن مالك حق تدخل بيني وبينه
عقاب : الله يالدنيا ياخليف!؟ صرت تبدي هالخبل علي!
خلف : عقاب وش فيك لا تزيد الطين بله ترا ماني ناقص مشاكل انا ما بديت احد على احد لكن خلني اتنفس ياخي
عقاب : على راحتك ياخلف على راحتك
مر خلف بيروح بس رجع لعقاب : عقاب انا ما اقصد ازعلك لكن ... عقاب : ماعليه ياخلف المهم تعال وين بتنام بغرفة عمي محمد ولا عندنا !
ضحك خلف : لا لا ابي انام معك من زمان عنك
ضحك عقاب : اي والله من زمان تعال تعال
طلع الجد وهو يناظر: هاه خلف جيت!؟ ابطيت وانا جدك
خلف : لهيت شوي ياجدي
ابو ناصر: زين يلا يلا ناموا لكم شوي قبل الفجر
خلف : زين
دخلوا وابتسم خلف لعزوز اللي متعمق بنومه وقرب عقاب يبعده وهو يتحلطم : يموت لو ما يلف الغرفه كلها وهو نايم
ضحك خلف : عندي وعندك خيييير
عقاب : خلني افرش لك
خلف : اجل انا بطلع الحوش اشوف اخواني وارجع
ابتسم عقاب : اتوقع نايمين
رفع خلف ساعته: لا وعد ما تنام ذا الوقت
صد عقاب بكرهه وهو يفرش وطلع خلف للسطح وهو يفتح الباب بشويش ودخل وهو يشوف البيت ساكن
_______________________.
في بيت ابو خلف
ام خلف ما نامت وهي ضايق صدرها على خلف بالقوه لين غفت وهي تسمع هواش ابو خلف وماصدقت انه طلع وراح لام وعد عشان تنام براحه عن هواشه
وفي غرفة العيال بما ان خلف ماهو فيه افترى فيصل في سالم وغيث اللي ماصدقوا تنقذهم وعد وتغسل شراع فيصل اللي طبيعي استسلم لوعد
وفي غرفة البنات بعد ما الكل نام كانوا كل وحده بفراشها وكلهم يشتركون بنفس الذهول
حنان : من اليوم افكر ابي اطلع سبب مقنع للي صار ماا لقيت
وعد : رجعنا على طاري اللي ! وش فيكم انتم السالفه واضحه وقضت
ندى: ايه واضحه اذا كنا ما نعرف ان سحر بتموت على خلف وش قلب مخها
اماني: للامانه انا فكرت في شي ! واللي هو عمرها سحر ماقالت انها تحب خلف
وجدان: بس واضح عليها
وعد : وش اللي واضح هاه!؟ طول عمرها تبتسم وتسكت وهاذي ردة فعلها لكل شي يصير سواً راضيه عنه او لا اماني: هذا اللي اقصده
ندى : ولنفترض انه كذا انا اشوف حتى خلف ما تضايق بالعكس واقف معها وكأنهم متفقين
وعد : كلنا نعرف خلف وش كثر يحب عيال عمي وبعدين عمره ما وقف في وجهه احد وعارض رايه ومستحيييل يقبل انه يفرض نفسه على سحر
اماني : ترا حتى هو ماكان يجيب طاري سحر خير شر
حنان: شكله بعد هو يشوفها اخت
وعد : ايه هذا اللي حاصل
سكتوا على الدق الخفيف على الباب ووقفت وعد بغضب: فيصل ذا موته على يدي
فتحت الباب وشهقت : خلف
سكر فمها خلف وهو يدخل : اص فضحتينا
اعتدلوا البنات بفرح وتقدم خلف : اشوفكم سهرانين
وجدان: نحلل اللي صار
وعد :ماتعرفين تسكتين انتي
خلف اخذ نفس: سكروا السالفه يرحم امكم ولا عاد تنفتح
حنان: ابشر بس انت ليه ما نمت للحين ! تعبان
خلف : لا لا بس توي جيت وقلت امر اشوفكم
ضحكت اماني : خليف وش عندك اعلنت الحريه وطلعت عن القانون!؟ لو يدري ابوي انك ماجيت الا الحين ذبحك
ضحك خلف : يوم واحد مايضر
ندى : طيب خلف وش بتسوي!
خلف : ما فكرت للحين
فزت وجدان بخوف :يوووه
فزوا كلهم معها: وش فيك
وجدان بفشله :مافيه شي بس بكره المفروض انه يوم المقاضي يعني من بيقضي لنا
ضربها خلف على راسها بشويش: وجع خبله انتي للي يشوفك يقول ميت
حنان: بسم لله عليك
ندى: صدق بكره وش نسوي!؟
خلف : ماعليك انا اجيبها المهم ابوي قال شي بعد ما رجع
ندى : لا
خلف : زين يلا انا برجع عقاب ينتظر
طلع خلف زي ما دخل وهو يفكر كيف يحلها مع ابوه ورجع وهو ينسدح بجنب عقاب اللي كان يكافح النوم ولكن استسلم اخر شي ونام وخلف مثله
_______________________.
ومن بكره
مثل اي يوم الكل صبح والكل طلع لشغله لكن ابو خلف مصر ما يكلم خلف ولا يرد عليه مع ان خلف يحاول يسلم عليه ويكلمه بس مطنش تكتف خلف وهو واقف عند باب الدكان ويشوف ابوه ياخذ مقاضي البيت من عند ابو ممدوح
طلع متجهه بضيق: يبه عطني اعاونك
ابو خلف : طس عني لا تكلمني
خلف : يبه الله يهديك الناس تناظر عطني بعاونك
ابو خلف : والله لو ماذلفت عن وجههي لغسل شراعك والناس تشوف
اخذ اغراضه وراح وترك خلف اللي صد بضيق ورجع للمحل وهو من الفجر طلع من البيت بعد الصلاة وماعاد رجع له كان جالس في الدكان مايبي يروح ولا يجي ولا يتكلم مع احد
ابو ناصر : خلف قم وانا ابوك نبي نروح للبيت الغداء يحترينا
خلف : روح انت ياجدي انا معزوم
ابو ناصر: وين!؟
خلف ماكان معزوم بس مايبي يرجع للبيت وللمشاكل : عند ضاري
ابو ناصر: زين زين وعقاب بعد مداوم اجل الله يعين
راح ابو ناصر ووقف خلف وهو يسكر الدكان عليه وعدل له مكان وانسدح فيه كان ميت يبي ينام بس التفكير مو مخليه يغمض حتى
_______________________.
وفي بيت ابو خلف
لاول مره ينعزل ابو خلف بعياله وكان المفروض الغداء يكون عند بيت ابو ناصر لكن ابو خلف منعهم يروحون وطلبهم يسوون الغداء هنا
في المطبخ
كانت حنان تنزل الغداء وهي ضايقه ولفت على ندى اللي تقطع السلطه : بنات انا ماني مصدقه ! ابوي عمره ما ترك غدا عند جدي معقوله بعد هالعمر يسويها
ندى : شكل السالفه بتكبر
دخلت وجدان الللي توها جايه من المدرسه وجلست بضيق
وعد : وش فيك قالبه وجهك!
وجدان: بنات تدرون ان ابوي اليوم ما اخذ عبد العزيز وشهد معنا المدرسه
لفت وعد بصدمه: وشوو!؟
وجدان: طلعنا اليوم بدري كلنا لكن ابوي ما ناداهم وراح وتركهم
اماني : معقوله يخليهم!؟ يمكن نساهم
سالم هو بعد ضايق : لا انا شفت ابوي شاف عزوز واقف وراح وخلاه
شهقت ندى بخوف : يا ويلي اذا هو صدق مخليهم
وعد: سلوم خلف يدري عن هالسالفه!؟
سالم: لا اصلا خلف من بعد صلاةا الفجر شفته نازل اسفل الحاره ولا عاد شفته
وعد : الله يستر
جاء فيصل اللي متضايق بعد وهو ماعمره ابعد عن عزوز : ابوي يقول وين الغداء
وعد :اخذوا الغداء واطلعوا وانت فيصل اجلس
طلعوا كلهم وبقى فيصل ولفت وعد: شفت خلف اليوم!؟ فيصل: لا
وعد : طيب عزوز داوم !
فيصل بغضب: يداوم مع من اذا ابوي راح وتركه
وعد : متاكد ابوي تركه!؟
فيصل :انا كلمت ابوي وقلت ليه خليته وقال يبي يربيهم
وعد : لا اله الا الله خلاص روح تغدا وبعد الغدا روح دور خلف
فيصل : طيب
جلست وعد وهي خايفه من ذا القصه والواضح انها ماهي منحله بس لازم هي تحلها
_______________________.
وفي بيت الجد قايد
كانوا مجهزين غداهم وجالسين ينتظرون ابو خلف لكن محد جاء
ولف ابو ناصر: عزوز قم وانا جدك شف وينه عمك وعياله
عزوز اللي كان ضايق صدره من الصبح بعد ماعمه تركه عرف عزوز ان سالفتهم كبيره لكنه قال للشهد تسوي نفسها تعبانه وترجع وتغيب ولا تعلم احد عن اللي سواه ابو خلف وهو راح وجلس في مكان قريب لين طلع جده ورجع بدون مايقول اللي صار
وقف لكن جات مضاوي بغضب اللي توها تعرف من شهد اللي صار : لا مايروح
التفت ابو ناصر بغضب: وراك تصارخين يا خبله!؟ مضاوي : مايروح عزوز لولدك هاللي مايخاف الله
ام ناصر: قص يقص لسانك يا قليلة الحياء
ابو ناصر: وش فيك على اخوك انهبلتي
مضاوي : ايه بنهبل من سواته
ابو ناصر: وش فيه
عزوز التفت عليها مايبيها تقول بس قالت مضاوي : تدري انه اليوم راح وترك عزوز وشهد ما اخذهم معه
فز ابو ناصر: وشهوو!؟
مضاوي : اييه كلهم اليوم غايبين
التفت ابو ناصر على عزوز: صدق ذا الكلام
عزوز: لا ياجدي انا مابي اداوم
عهد نزلت وهي مقهوره: لا تكذب ياعزوز مب انت اللي قايل لشهد ترجع وانت بعد ما راح جدي رجعت وغبتوا عشان عمي ما اخذكم
سكت عزوز ووقف ابو ناصر بغضب: حسبي لله ونعم الوكيل ماعاد الا هي عيال ولدي يصير بهم كذا
عزوز: ياجدي لا تروح له تكفى عمي اكيد زعلان وبيرضى خله شوي لا تكبر المشاكل زود
هيا : يبه استهدي بالله واصبر لين يجي خلف ويحلها
ابو ناصر: هيين يا ناصر هييين
جلسوا كلهم على الغدا ومحد له نفس ياكل بس سحر ما نزلت وهي خايفه ما توقعت بتكبر هالمشاكل كذا
_______________________.
وفي بيت النوخذه
الكل كانوا مجتمعين على الغدا
ولف ام نهيان : اقول يا ابو نهيان
ابو نهيان: قولي
ام نهيان: جارتنا صيته عازمتنا الليله على العشاء وبنروح لها اذا ماعندك مانع
ابو نهيان: زين روحوا وقوموا بواجبها وانا بعد معزوم بتروح وياي يا جابر
لف جابر اللي كان يتهاوش مع ليلى على السلطه: لا يبه مالي خلق
ابو نهيان بغضب: انت متى بتعدل هاه متى بتصير رجال
جابر : يبه انا رجال بس تعرفني ما احب مجالس الشغل
ابتسمت ليلى: يبه حبيبي لا تزعل انا اروح وياك
ضربها جابر بشويش: حمدلله انچ بنيه
ابو نهيان: ليت ربي كتبها ولد كان برد قلبي
ام نهيان: شدعوه يا ابو نهيان جابر رجال وسيد الرجال بس للحين شباب يبي يستانس لاحق على الشغل
ابو نهيان: اي بس انتي ربيه على هالدلع الماصخ
ليلى : يمه الله يهداچ وين سيد الرجال ، هذا حده سيد لعبة الجنجفه ( البلوت عندنا��)
شيخه: اول مره اوافقچ بالراي
جابر بغضب: ليلوووه قضبي لسانچ
ابو نهيان: بس بس انت وياها بس
سكتوا وليلى تحارش جابر لين يطقها وتشتكي لابوها اللي طفش فالنهايه وقام وتركهم
_______________________.
في الخبر
عند نادر اللي لف الخبر لف وهو يمشي شوق يحاول يسليها وينسيها الخوف وهو يشوف انها حتى العبايه يالله تعرف تلبسها ولكن كان يفكر وش اكثر بتستانس فيه لو راح له واول ما طرا له على طول الملاهي دخل وهو يراقب عيونها من ورا النقاب كيف ابتسمت وابتسم لا شعورياً
ولفت شوق تناظره بإمتنان وهي ماكانت تروح الملاهي كثير خصوصاً بعد ما تغطت : بنلعب فيها!؟
نادر: ما جينا الا عشان نلعب
شوق لفت تناظر الناس : بس الناس بيناظرونا
نادر: مايهموني الناس المهم ننبسط حنا
لف شوق ببتسامه ومسك يدها نادر لاول مره ومشى وشوق تناظر يده برعب كان يدور فيها بالملاهي ويلعبون هو مبسوط ومستانس وشوق بعد والناس تناظر مستغربه وجود نادر اللي فارع طوله وصراخه وحماسه عكس شوق اللي كانت هاديه لكن في بعض الالعاب تضطر انها تصرخ او تمسك نادر بكل قوتها واخيراً انتهى من الملاهي وشوق خلاص ماتقدر تكمل
نادر : دام انبسطنا واستانسنا وش رايك ناخذ عشانا ونروح الشاطي
شوق : للي تبي
نادر: زين دامها على اللي ابي انا امورنا تمام
اخذ العشاء وطلعوا لشاطي وفرش نادر وهو مقرر انه يشوي ويسوي العشاء وينبسط ويستانس
وكانوا في مكان صاد شوي مافيه احد ولف عليها ببتسامه: نزلي عبايتك مافيه احد
استغربت شوق وهي كان ابوها لو تطلع طرف يدها ذبحها بالقوه نزلتها وجلست ونادر يشوي ويغني والتفت لها ببتسامه: دامنا جالسين احكي لي عن نفسك! يعني دراستك طموحك يعني كيف كنتوا فالحفر يعني سولفي
شوق ارتبكت بشوي بس بدت تسولف شوي شوي وكانت خايفه وهي تقول : كان طموحي اني اصير دكتوره بس ماساعدني الحظ
قطب نادر وجلس قدامها : وليه مايساعد الحظ !
شوق بخوف وهي متوقعه نادر مستحيل يخليها تكمل: يعني ماعادني دارسه
نادر: ليه!؟
شوق : ابوي يقول دامك تزوجتي مافيه دراسه
صد نادر بضيق : بس انتي الحين في ذمتي ما عاد انتي تحت حكم ابوك
شوق بالقوه تجرأت وقالت: وانت بعد مثله
وقف نادر وهو يكمل الشوي : لا ماني مثله! وابد طال عمرك بتكملين دراستك وتخرجين وتجيبين الشهاده ولا يادكتوره
ابتسمت شوق بفرح وفزت : امانه انت صادق يانادر
اول مره يسمع نادر اسمه منها وابتسم : اكيد صادق بس هاه عاد تخرجين بمعدل ممتاز مو اراهن عليك فالاخير تسودين وجهي
فزت شوق وهي توقف جنبه بفرح: لا والله ابيض وجهك
ضحك نادر: زين
وعد بسيط من نادر طير شوق لسماء وفعلاً حست بالامتنان لنادر وهي تتمنى انه فعلاً يكون صادق بكلامه
_______________________.
انتهى♥

[صواديف عشاق]

البارت الثامن.. 8
.
.
بعد المغرب
عند خلف اللي رجع من المسجد لبيت جده ودخل بهدوء وهو يشوف الكل جالسين ماعدى سحر وعهد وشهد وهيا وواضح الكل معصب
خلف : سلام عليكم
الكل : عليكم السلام
خلف : خير وش فيكم!؟
ابو ناصر وقف بغضب: تعال تعال ياخلف شف ابوك وش هو مسوي
دق قلب خلف بخوف : وش مسوي ؟؟
بدا ابو ناصر يقص القصه على خلف كامله واتسعت عيون خلف بذهول من اللي يسمعه بدون اي كلمه زود طلع ولبيت ابوه وهو يدق الباب بغضب وفتح فيصل : خلف وش فيك
ابعده خلف بغضب ودخل : يببببه يبببه
وقفوا كلهم والتفت ابو خلف : خييير خيير داخل زريبه تصارخ
رمى خلف شماغه اللي بيده : يبه وش ذا اللي سويته بشهد وعزوز
ابو خلف : وش سويت !
خلف : شلون تروح وتتركهم وانت تدري ما احد يوديهم المدرسه الا انت!؟
ابو خلف: لا والله تبيني اخدم عليهم بعد !؟
خلف : من قالك اخدم يا يبه اقل شي بلغ عقاب يوصلهم دامك ما تبيهم
ابو خلف : بكيفه هو واخوانه
خلف : وش صاير بالدنيا يبه مب هذولا عيال عمي نايييف اللي تكفلت فيهم من يوم هم صغار!؟ تبي تخليهم الحين!؟ عشان امر تافهه
ابو خلف : امر تافهه!؟ زواجك تعتبره امر تافهه
خلف : ايييه تافهه قدام هالعشره اللي بينا والسنين تافهه قدام زعل عيال عمي وخاطر سحر وتفاهه قدام صلة الرحم اللي بتنقطع من وراه
ابو خلف : اقصر صوتك ياخليف لا ترفع صوتك علي وماهو انت اللي تعلمني كيف اتصرف وعلمٍ وجاك يا تعقل سحر يا ينقطع كل شي
خلف : يبببه وش بلاك استقعدت لسحر!؟
ابو خلف : ماهي هي اللي ترفض ولدي
خلف اللي بدا يفهم ان ابوه مستقعد لسحر وكل اخوانها عشانها رفضته عشان كذا جاء من طريقه ثانيه : الحمدلله انها رفضت وفكتني من هالزواج
الكل التفت لخلف وكمل خلف : كنت ساكت من البدايه بس الحيييين ماني ساكت ، اسمعني يبه انا لا ابي سحر ولا ابي هالزواج كله على بعضه ولو ما سحر سبقتني كنت رحت وقلت لعقاب وقلت لجدي اني مابي سحر ولا تحسب اني ضقت وزعلت لا والله انا مبسوط وبموت من الوناسه عشان كذا لا تفكر تظلم عيال اخوك على الفاضي لاني طال الزمن ولا قصر ماني متزوج سحر ولا متزوج من بنات عمي وترا ماهمني اخذ كل اغراضي واذلف لاي مدينه وتنتهي سالفتي لكن عيال اخوك في رقبتك وبتتحاسب عندهم وصدقني يبه انا اليوم صادق بكل كلمه اقولها والخيار لك
اخذ اغراضه وطلع وهو معصب وخلف نادراً ما يفقد نفسه ويعصب
كلهم مصدومين من كلام خلفه وانه مايبي سحر وبان هالكلام بصوته ماكان وده يصرح بكل ذا بس يبيهم يحملونه الذنب ويعفون سحر من هذا كله
_______________________.
وفي بيت الجد
الكل واقف عند الباب والكل سمع اللي صار الا سحر وهنا بانت القصه
وابعدوا كلهم بهدوء وافترقوا بدون اي كلمه زياده لكن وقفهم ابو ناصر اللي قال: هالكلام اللي سمعتوه مايوصل لعقاب او سحر وان عرفت انه وصل والله ما يحصل خير
الكل : طيب
جلس الجد بضيق وهو مايدري وش نهاية هالموال والسيره
وطلعت عهد وشهد لسحر اللي نايمه وجلسوا بضيق وهم متضايقين من هالايام الشينه بنظرهم
اما مضاوي وهيا ما كانوا مصدقين ان خلف يرفض بنات عمه كل هالرفض
وعزوز اللي طلع يجلس عند الباب بضيق والتفت على فيصل اللي بعد طلع وهو يناظره بهدوء وقرب : وش تسوي لحالك
عزوز صد بضيق : جالس
فيصل جلس جنبه وهم كل واحد ساكت مايكلم الثاني واخيراً نطق فيصل وقال: ترا ما احد راضي عن اللي سواه ابوي اليوم
ابتسم عزوز بضيق: ماعليه عمي ويمون
فيصل : تدري انه مقهور على خلف يعني مهما كان ابوي يفكر ان سحر رفضت خلف عشانه مريض
التفت له عزوز بحده: بس اللي نشوفه هو ان خلف بعد مايبيها
فيصل: وش يسوي يعني!؟ يموت اذا هي ماتبيه طبيعي بيصير ما يبيها
عزوز: جاي تمشكل انت
صد فيصل: لا
سكتوا كلهم وكل واحد وده يسولف بس كل واحد مقهور على اخوه
_______________________.
عند خلف
نزل وهو مايدري وين بيروح اخذ نفس اول ما شاف جابر وهذا ماهو وقت جابر ابداً حاول يهدي نفسه وتقدم جابر : ماشاء الله خلف وشلونك الحين ان شاء الله زين
خلف بهدوء: حمدلله احسن انت كيفك
جابر : بخييير ! وين رايح!؟
خلف : ا والله ماني رايح لمكان ،اتمشى
جابر: زيييين زييين يا معود ، عيل حياك وياي البيت نتقهوى ونتعشى
خلف بسرعه: لا لا يا جابر ماودي اكلف عليك والله
جابر: مافيه كلافه يا رجال ، تعال وياي وترا مافي البيت احد الا انا وانت
اصر جابر على خلف اللي تفشل لكن انجبر يروح معه وهو ماله خلق بس ماقدر يرفض
_______________________.
وفي بيت النوخذه
الكل راح لعزيمة صيته الا ليلى اللي رفضت بحجة ان ماعندها بنات وبتطفش وقررت تجلس بالبيت لحالها واول ما فضى البيت اخذت اغراضها وطلعت للسطح بما ان الجو حلو ومثل العاده فتحت الكاميره وشغلت الراديو وهي تربط الشال على خصرها وابتدت موهبتها اللي تحبها وهي ترقص وتغني ماهي حاسه بالدنيا
_______________________.
تحت في بيت النوخذه
دخل جابر وهو يرحب بخلف المنحرج
جابر : اسمع ياخلف اطلع مع الدرج لسطح فوق وانا بزهب الچاي واجي خذ راحتك البيت بيتك وترا ماكو احد
خلف : الله يسلمك
طلع خلف وهو يطلع بخاخ الربو من جيبه وطلع السطح وهو كل ما قرب يسمع صوت اغنيه
ودخل لكن جمد وهو يشوف ليلى اللي بطرف السطح ترقص وما انتبهت لدخوله لا شعورياً جمد وقلبه شوي ويطلع من صدره وهو اول مادقق عرفها
اما ليلى للي كانت في قمة اندماجها وانثنت ولفت وهي ترقص لكن وقفت عيونها برعب على اطراف ثوب رجال ورجوله شهقت وهي ترفع راسها لكن تعثرت وطاحت بصدمه اول ما شافته خلف
اللي عيونه من الصدمه ما ترمش وهو يناظرها واول ماطاحت بدون ما يحس قال : بسم لله عليك
فزت ليلى بخوف وهي صوتها : انت شنو تسوي هنييييه !؟ شنو جابك لبيتنا
لف خلف بتوتر : ا اقصري صوتك جابر تحت
ليلى اللي نست كل شي وهي من زمان شاكه بخلف ونظراته وخافت منه كثير انه عارف مافي البيت احد وجاي بيسوي لها شي انهبلت وهي خايفه : جااب..
قاطعها خلف بتوتر وخوف : يابنت الحلال اهدي ولا تصارخين والله ماني مسوي شي اخوك عزمني وجيت معه وهو قال اطلع مافيه احد بالبيت
ليلى : چذاااب وخر عني وخر
ابعد خلف لكن اول ماسمع صوت جابر تقدم وهو خايف ان تصير سالفه اكبر : ليلى ادخلي يابنت الحلال فكينا من الفضايح واالله مادريت انك هنا ولا كان ماجيت
ليلى : شنو عرفك اسمي انت!؟
خلف اللي ماعاد يقدر يفكر بشي الا ان جابر بيجي ويشوفهم وحزتها يبتلش جمع كل اغراضها وهو يعطيها ودفها بالطرف المظلم من السطح ورجع بارتباك لكن شاف خلخالها طايح بعد ما انقطع من رجلها اول ماطاحت اخذه بسرعه يحطه بجيبه وجلس على الكرسي متوتر
ودخل جابر : العذر والسموحه صيفت عليك!؟
خلف : ا لا عادي
جابر: والله قعدت احوس بالمطبخ ما ادل وين السكر والچاي بس حمدلله اخيراً زهب
ابتسم خلف وهو مرتبك وقلبه يدق وخايف ليلى تطلع وتصير بلاوي : ماعليه
اما ليلى اللي بعد ما سمعت صوت جابر عرفت انه جاب خلف وتفشلت من خلف وتفشلت اكثر من وضعها وهي متخبيه ورا القراشع اللي بالحوش ناظرت في اغراضها اللي لمها خلف لكن شهقت وهي تشوف بخاخ الربو معها !؟ ماتدري كيف جاها لكن خلف وهو يلم الاغراض رماه معها ما انتبهه شدت عليه بفشله وهي تناظر فيهم من بين الاغراض وتشوف خلف اللي واضح ماهو مرتاح ما تدري ليش خباها عن جابر وهي تدري لو عرف جابر بيذبحها
طالت سواليف جابر وخلف واللي كان خلف فيها يرد بهدوء وتركيز لانه يدري ليلى تسمعه وقلبه معها
جابر: اقول خلف انت چم عمرك!؟
خلف : 27
جابر: الله يطول بعمرك بس غريبه ما تزوجت !؟ انحبست انفاس خلف : ا ما صار نصيب للحين
شهقت ليلى ( حسبي لله عليك يا چذاب ! عيل مافيه نصيب وسحر المسيكينه شتسوي فيك يالعيار)
جابر : والله انا اشوف بعدنا صغار على الزواج والمسؤوليه
ضحك خلف : لا يسمعك ابوي اللي يشوفني الحين شايب
ضحك جابر: كلهم چذيه ما ادري شنو حكمتهم
خلف : ابوي لو هي عليه زوجني وانا ابو 20 بس زين اني قدرت اهج
جابر : والله انا كنت مع ابوي يومياً نجره وهوشه على هالزواج وبعدين اقتنع ماعاد يفتح الموضوع
خلف : وانت وشوله ما تزوج!
جابر : بيني وبينك انا ما شبعت من العزوبيه شحلاتي بروحي صافي قلبي وعقلي اسهر على كيفي وانام على كيفي مابي مسؤوليه
ابتسم خلف : منطقي والله
كملوا سوالف عن هالمواضيع وليلى حاقده على خلف وهي ودها تقوم وتلعن خيره وهي مصدومه ليه ماقال انه خاطب ويكذب بعد
_______________________.
وعلى الحدود
وعند عقاب اللي كان واقف في استلامه وهو منسجم في التفكير ماعاد في راسه الا وعد هاللي خربت كل شي وهو متأكد انها سبب في خراب زواج خلف وسحر رفع راسه على جيت ( مبارك )
مبارك: عقاب وراك جالسٍ لحالك
عقاب: ماسك خفارتي ؟!
مبارك قرب وهو ينزل القهوه قدامه: تعال تقهو
جلس قدامه عقاب وهو ساكت ولف وهو يشوف مبارك زعلان ومعصب : وش فيك !
مبارك باندفاع : مليت مليييت وطقت كبدي
عقاب: وش فيك !
مبارك : متهاوش مع مرتي وطقيتها وطلقتها ورميتها في بيت اهلها
اتسعت عيون عقاب بذهول : وليه!؟
مبارك : ماتستحي على وجهها وطويله لسانك وانا ماني ما اتحمل الحرمه اللي لسانها طويل
عقاب : بس الطلاق ماهو حل
مبارك: كنت اقوله لكن والله ياعقاب انها من طولة لسانها تجبرني اطقها ليييل ونهار ولا تفهم
عقاب : انت ما عندك عيال !؟
مبارك: لا والحمدلله ما جبت منها عيال وبلشت
سكت عقاب يناظر مبارك اللي مندفع ويهاوش ويكسر حوله كل شي
عقاب : وش بتسوي !؟
مبارك: بخليها تذلف واتزوج غيرها
ابتسم عقاب اول ماطرت له فكره: ومن بتزوج!؟؟
مبارك: بنات خلق الله واجد
عقاب سكت وبعدين قال: اي ولله تزوج انت رجال وسيد الرجال وكلٍ يزوجك بنته ويتشرفون فيك
فجأه لف مبارك : وانت تزوجني!؟
عقاب : ابشر بعزك
مبارك : عندك خوات
عقاب : عندي خوات لكن كلهم مزوجهم ووحده صغيره لكن اذا ودك عندي بنت عمي وانت تستاهل الخير
فز مبارك بفرح: الله يسلمك ياعقاب بس انت صادق!
عقاب : اكيد صادق شرواك ينشرى بالذهب
مبارك: اي والله بارك الله فيك ، ومتى نخطب
عقاب: ابد بعطيك رقم عمي وكلمه وتفاهم معه وترا البنت اكبر بناته
مبارك: زين الله يوسع صدرك بالرضا والسرور
ابتسم عقاب وهوو مايحب مبارك كثير ويعرف انه اقشر وشين بس هذا هو انتقامه اللي بيكسر به شوكه وعد و يذوقها نفس الكاس اللي ذاقته سحر بوجهة نظره
عطاه رقم عمه وتكتف وهو باقي لخطته بقيه وبيكملها
( مبارك : رجال في الاربعين متسلط واقشر وصاحب امراض و ومتعصب جداً ورجعي بتفكيره وكان من ضمن الكتيبه اللي ينتمي لها عقاب ويعرفه عقاب وعشان كذا اختاره)
_______________________.
في بيت النوخذه
وعند خلف ما صدق انه يتقهوى ولا عاد قدر يجلس يحس انه جالس على شوك متوتر وقرر انه يطلع وبالقوه لي تخلص من جابر وطلع
اما ليلى اول مانزلوا ركضت لغرفتها وهي خايفه يكشفها جابر دخلت وهي ترمي الاغراض يالدرج بخوف لكن ناظرت بخاخ خلف واخذت بضيق وهي ماتدري وش تسوي ( وليّييه شسوي فيه هذا!؟ اكيد انه مريض ويحتاجه )
دخلته بسرعه ودخلت بفراشها تمثل النوم اول ما سمعت صوت جابر وامها وشيخه
وتحت لف جابر يناظر امه وشيخه: وين ليلوه!؟
ام نهيان: ما رضت تروح ويانا
شيخه : قالت بتنام ليه ما شفتها!؟
جابر : لا والله اصلا انا عزمت رجال ومن شوي راح ما سمعت لها حس
ام نهيان: يمكن نامت
جابر: زين انها نامت ما درعمت علينا
رجعت ليلى بخوف لفراشها وهو تفكر وش بيسوي خلف بدون هالبخاخ وهي قلبها يدق للحين من منظره وهو واقف قدامها وشلون عرف اسمها
وشهقت اول ماتذكرت الكاميره اللي نستها بالسطح وشغاله طلعت تركض للسطح قبل احد يحصلها واخذتها وطلعت لغرفتها مسرعه
_______________________.
عند ضاري
اللي كان يدور خلف وشافه جاي يمشي وهو حاط يده على صدره ومبتسم وفي عالم ثاني كان منظر ليلى ماهو راضي يطلع من عيونه وهو شافها قدام عيونها شافها بكل شي يحبه فيه حتى شامتها شافها زين ووصله حتى ريحة عطرها
فز على صوت ضاري : هيييي هييي هيييي اقلع وليدنا والله يستر عليه
ضحك خلف : متى جيت انت!؟
ضاري : وبعد ما دريت عني بعد
خلف : تكفى اسكت اسكت مابي اطلع من اللي انا فيه
ضاري : جوك حلو يا الطيب بس علمني الليله معي ولا
خلف : لا لا روح لحالك انا برجع البيت
ضحك ضاري: زييين زين بس قبل نادر وينه !؟
خلف : مدري يمكن مسافر خبري فيه يقول بطلع للخبر عاد مدري طلع ولا باقي
ضاري : طيب وش صار مع ابوك
خلف : اليوم كبرت زياده لكن هي الاخيره يا تزين يا تشين
ضاري : استهدي بالله وكل شي محلول
خلف : ان شاء للله يلا انا رايح انتهيت من الصبح للحين
ضاري : الله معك
رجع خلف لبيت جده وهو من يوم طلع مايدري وش صار وهل ابوه سوا شي او لا لكن من الهدوء واضح ان الموضوع ما زالت بنفس السوء
التفت على مضاوي اللي طلعت: زين انك رجعت قبل انام
خلف : ليه وش تبين!؟
مضاوي : عقاب موصيني عليك
ضحك خلف : مب صاحي عقاب
مضاوي : خلف دامك جيت تعال بسولف معك
خلف : شكلك مروقه وانا والله ابي انام
مضاوي: ماني مطوله تعال غرفة محمد
اتجهوا لها ودخل خلف : لايكون ابوي جاء
مضاوي: لا بس ابي اسألك عن الكلام اللي قلته لابوك!؟ انت صادق انك عايف سحر وماتبيها !؟
خلف غمض بضيق : مضاوي لا تصيرين خبله انتي بعد!! اكيد ماني عايف بنت عمي لكن تعرفين ابوي كيف يفكر هو طول عمره مستوعب اني بتزوج سحر وفجأه طلعنا وقلنا سحر رفضت وانهبل اكيد بيعارض وهو زي ما تعرفين ولده الكبير ويشوفني عنده مافي احد مثلي اكيد بيستصعب الرفض لي وبعتبره اهانه هذا اذا ما فكر ان الربو حجه عشان ترفضني سحر وانها بتقول مابي اتزوج انسان من ادنات الدون يطيح وينكتم ، مضاوي تعرفين ابوي
ابتسمت مضاوي براحه: والله كنت خايفه انك صادق وحزتها كنت بكرهك
دفها خلف بضحك: مهبوله انتي قومي قومي تيسري نامي ولا حطيتيني بدال عقاب تحارشيني
مضاوي : احمد ربك ابي النوم ولا ماخليتك
طلعت وتركت خلف رمى نفسه على السرير بهدوء وابتسم على نهاية ليلته الحلوه تذكر ودخل يده بجيبه وهو يطلع الخلخال ابتسم من كل قلبه وهو ينعاد في باله حتى هواشها وغضبها ضحك وهو يردد اسمها بهمس وشلون تجرأ ونادها دخل الخلخال ببوكه ورجع ينسدح بتعب وهو رغم ركام المشاكل اللي ينتظره الا انه نام وهو يحلم بليلى
_______________________.
وفي بيت ابو خلف
مانام ابو خلف وهو يدور بهدوء ويفكر بكلام خلف ويفكر بتصرفه الطايش مع عيال اخوه مهما كان هم ايتام وامانه اخوه عنده كيف سمح لغضبه يسوي هاللي سواه
غمض بضيق وهو مايبي يضايقهم بس انه كبر بخاطره رفض سحر لخلف لكن كلام خلف اليوم لخبط موازينه معقوله خلف مايبيها معقوله يسويها ويروح ويخلينا
كان هالوسواس ما خلاه ينام
وام خلف بعد مانامت ماتدري وينه خلف ولا تدري وش صار له
اما وعد كانت تفكر كيف بتحل هالسالفه ولازم تحلها قبل البلاوي طلعت وهي تفكر في اي شي ممكن يحسس ابوها بالذنب
ولف ابو خلف : وعد وش عندك صاحيه هالوقت
وعد بتمثيل : ا مدري يبه حلمت حلم فجعني وصحيت
ابو خلف : بسم لله عليك ، خير وش هالحلم
وعد كانت تستغفر ووهي خايفه من اللي بتسويه بس مجبوره عشان تحسس ابوها بغلطه : يبه حلمت بعمي نايف كان زعلااان عليييك مره يبه
التفت ابو خلف اللي كانت نقطة ضعفه نايف اخوه واللي انكسر بموته : وشو ؟
وعد جلست جنبه : مدري يبه كذا حلمت انه زعلان مره وتكلمه ولا يكلمك وصاد عنك مره وواقف جنب خلف وجدي
سكتت وهي تدور كلمه قويه بس قالت وهي تستغفر بنفسها على كذبها : اييه وكان يقول ضيعت الوصيه يا ناصر
فز ابو خلف واقف بخوف وهو نايف موصيه على عياله ووقفت وعد وهي تدعي بنفسها ان هالكذبه تأثر في ابوها ويحس بغلطته
ناظرها ابو خلف وقالت وعد : يبه اخاف عشان السالفه اللي صارت اليوم ! وبعدين يبه انت تدري ان الزواج ماهو غصب ولا يجوز الغصب فيه ومهما كان عيال عمي امانه برقبتك وخلف مهما كان ولدك يبه انت تدري خلف ما يتحمل زعل وتوتر وضيق اخاف يصير له شي وحزتها مايفيد الندم
وقف ابو خلف بغضب وابعد وتركها ووعد متكتفه وهي تدعي ان خطتها تضبط هالمره
اما ابو خلف اكلت قلبه الهواجيس والظنون والندم وعجز ينام الليل كله يفكر
_______________________.
ومن بكره في بيت الجد
كان خلف من بدري صاحي ينتظر عزوز وشهد بيوديهم بنفسه للمدرسه
طلع عزوز وجنبه شهد اللي متغطيه وهي متفشله من خلف
طلعت مضاوي وهي تعطيهم مصروفهم اللي عطاها اياه عقاب في غيابه عشان تعطيهم
نزل خلف القهوه: يلا جاهزين
عزوز: ايه
ابو ناصر: وصلهم وارجع بسرعه يا خليف تدري ورانا شغل
خلف : ابشر ابشر
ام ناصر كانت صاده بضيق من ضيق ابو خلف وما تكلم احد بالبيت كله
طلع خلف ومعه عزوز وشهد وكانت سحر تراقبهم من فوق بضيق ولفت بضيق وهي تنهد بقهر
عهد : وش فيك !؟ ما شبعتي بكى وضيق خلاص
سحر : زعلانه على اخواني شوفي اخر شي وش صار فيهم
عهد : ماصار فيهم شي بخيير وعافيه وما احنا محتاجين عمك عشان نعيش وخلف ذا اللي مسوي بطل بكره بيجي عقاب ويفكنا من خدماته
سحر: وش فيك عليه انتي!
عهد : وش اللي وش فيني عليه !؟ انهبلتي انتي !؟ وش تبين اكثر من كذا!؟ من هذا عمك وعياله اللي كنت مخدوعين فيهم هذا هم طلعوا لك على الحقيقه
سحر: لا تنجننين عمي يحبنا وعياله بعد وخلف هذا هو واقف معنا
ضحكت عهد باستهزاء: ايه واقف لكن عشان يغطي سواد وجهه لكن انا من الحين اقولك انا مالي شغل فيهم كلهم على بعضهم ولا لي عم ولا عيال عم بعد
دخلت هيا على اخر كلامها: وش ذا الكلام !؟
لفت عهد : اللي سمعتيه
هيا: ماشاء الله من متى صرنا ما نستحي
عهد : من الساعه اللي سكر اخوك الباب في وجيهنا وتبرى منا وكله عشان خاطر ولده اللي ماصدق ان تجي هالسالفه عشان يفتك من هالزواج
هيا: استحي على وجهك يا عهد !وش هالكلام نستيني كل افضاله عليك ! عشانه طلع عن طوره في وقت غضب
عهد : محد له فضل علي جدي رباني وعقاب يصرف علينا ومحد له فضل علينا
طلعت عهد بقهر وتركتهم واقفين وصدت هيا بضيق : الله يهديها الله يهديها
_______________________.
وفي بيت ابو خلف
اللي كان يستعجلهم كالعاده ووعد تراقب ملامحه اللي واضح الندم والضيق فيها ماكان ودها تضيقه لهدرجه بس لازم يحس بالندم
فيصل بهمس: وش فيه ابوي !؟
وعد : مدري لكن حاول اذا طلعتوا تقولون بتمرون عيال عمي لا تسكتون
سالم: وااذا هاوش !
وعد: خله يهاوش لكن لا تخلونه يتركهم ابداً
وجدان : طيب يلا يلا
قربت ام وعد تصحي غيث اللي نايم بشنطته وطلعوا واول ما لفوا شافوا خلف وشهد وعزوز
وركض غيث لخلف : خلللف ليه ماجيتنا يومين
استقبله خلف وهو ينزل يسلم عليه مبتسم : جدي يبيني
لف يناظر ابوه اللي واقف وهو ضايق وقال : عزوز يلا انت واختك
لف عزوز بصدمه على خلف والعيال كل واحد يناظر الثاني فرحانين
وابتسم خلف وهو يهمس لعزوز: روحوا وسلموا على راسه ترا ابوي يحبكم وبيرضى على طول
ابتسم عزوز بفرح: طييب يلا شهد
اتجهوا لابو خلف اللي ركب وهو مايناظر خلف وقرب عزوز يبوس راسه: صبحت بالخير ياعمي
ضعف قلب ابو خلف وهو يناظره بضيق: هلا صباح النور
قربت شهد وهي كالعاده تبوس راسه ويده: عمي كيفك
ابتسم ابو خلف بدون مايحس : بخير انتي بخير
شهد : حمدلله
قال ابو خلف بضيق : امس تاخرتتوا احسبكم ما انتم مداومين
كان يعتذر بس بطريقه غير مباشره ابتسم عزوز يجاريه: ماصار الا كل خير
فيصل طل من الحوض مبتسم: يلا عزوز اركب
راح عزوز وهو يمد له يده ورفعه فيصل معه وركبت شهد جنب وجدان اللي قربت تضمها بفرحه وغيث بينهم مبتسم
وكان ابو خلف مبتسم بنفسه وهو يشوفهم فرحانين ببعض ولف للمرايه يشوف خلف اللي كان واقف متكتف ومبتسم لكن كالعاده يكح بس هالمره كحته قويه يسمعها ابو خلف وهنا شال همه وضاق صدره زود
اما خلف اللي في عز فرحته هجمت عليه كحته اخذ المويه يشرب بهدوء ورجع للبيت مبتسم: جدي
وقف ابو ناصر: مسرع جيت!؟
ضحك خلف : لا ابشرك الوالد الغالي رضى علينا اخذ العيال وراح
ابو ناصر : والله
خلف : ايه
ام ناصر: ناصر قلبه كبير لكن الناس اللي ما تخاف الله واجد
صد خلف مبتسم : هاه نطلع لدكاننا
ابو ناصر: اي واللله يلا يلا وانا جدك
اخذ ابو ناصر وطلعوا على جيت عقاب المبتسم : طالعين
ابو ناصر: اي والله انت خلصت
عقاب : خلصت وميييت ابي النوم
خلف: ادخل ادخل مضاوي تحتريك
ضحك عقاب : زين
دخل وشاف مضاوي قدامه وفزت : هلا هلا مابغيت تشرف
عقاب : ابد رايح اتمشى ! خبله انتي وش اللي مابغيت اشرف اشتغل انا اشتغل
مضاوي : وش فيك اكلتني بقشوري
ام ناصر : ادخل افطر
عقاب: مابي شي بنام مافيني حيل شي بس وين البنات
مضاوي : كل وحده في شغلها
عقاب : وانتي اكل ومرعى وقلة صنعى
مضاوي : مثلك بالضبط
دفها عقاب وطلع وهو ما يبي يقابل احد لانه مايبي مشاكل ومايبي يفكر ولا ينحاس تفكيره عشان يضبط الفكره اللي في راسه
_______________________.
في بيت النوخذه
كانت ليلى تنتظر ليين صار وقت السوق ونزلت لأمها اللي جالسه تنقي الرز هي وشيخه
ليلى : ييييمه
ام نهيان: نعم وش فيچ تصارخين !
ليلى : يمه الله يخليچ قومي بنروح السوق
لفت ام نهيان باستنكار : شنو شنو !؟ مجنونه انتي مو صاحيه !؟
ليلى : لييييش يمه
شيخه: شنو اللي ليش! شتبين بالسوق
ليلى: مليييت من الحكره بطلع بتمشى
شيخه : والله اذا انتي مليتي تعالي حطي إيدچ ويانا وساعدينا
ام نهيان: شيخه صادقه تعالي تعلمي شوي شغل البيت خليچ سنعه
ليلى: شيخوووه شهالنحاسه!؟ لاحقه الشغل ، يمه الله يخليچ قومي والله ما نطول شوي ونرد
نزلت ام نهيان الصحن: احمدي ربچ اني ابي اروح العطار وقومي يلا زتچ (اسرعي) مانبي نصيف
ليلى : من عيوني
ركضت لغرفتها وهي تلبس عبايتها وتلبس نقابها وركضت تاخذ بخاخ خلف وهي تدور شي تحطه فيه شافت علبه صغيره وحطته وهي تحطه بالشنطه وكتبت ورقه سريعه وحطتها ولفت تدور وشافت الراديو واخذته معها
ام نهيان: شحقه اخذه الراديو!
ليلى: مدري شفيه
وطلعت مع امها لسوق
_______________________.
في السوق
كان خلف اخذ طاولته وجالس على الباب ويشتغل بهدوء وابتسم اول ما تذكر ليلى واستند على الطاوله وطرت له اغنيه الحين بذات خاطره يسمعها الحين هي تشرح كل شي يحس به طلع الشريط وهو يشغله بالراديو ويغني مع الاغنيه
لكن رفع راسه على صوت الحرمه اللي واقفه بطرف : لو سمحت يالاخو
عرف خلف عيون ليلى وفز واقف وقلبه يدق وبالقوه طلع صوته وقال: سمي
ام نهيان: يا وليدي عندي هالراديو مدري شفيه مايشتغل
خلف بارتباك : ا ابشري ابشري عطيني وانا اشوف وش فيه
تقدمت ام نهيان تعطيه الراديو: متى بتخلصه!
خلف : ا ساعه بس وتعالوا اخذوه
ام نهيان : زين بخلص غريضاتي من السوق وارد لك
خلف : زين كانوا واقفين جنب الردايو
ولكن انلجم خلف اول ماشاف ليلى تطلع علبه من شنطتها وهي مخبيتها وراها وحطتها بشويش وحذر ورا الراديو وسحبت يدها بسرعه
ما يمدي خلف استوعب حركتها الا انصعق من صوت الاغنيه اللي جاء في وقت مايدري يقول خلف صح او غلط وكان صوت خالد عبدالرحمن يردد
( لاعتني بنظره وبعد ما كفاها
حطت بجوفي من الجمر شوق موقود
شامه تعلّى ثغرها من حلاها
تظفي على نور الحسن نور مردود
صابتني بداها ونفسي دواها
من العيون السود دواي منشود)
ارتبك خلف وانصدمت ليلى اللي بانت في عيونها صدمتها ومشت ورا امها بسرعه وقلبها لا شعورياً يدق
سحب خلف العلبه يدخلها بين الاغراض التفت يشوف احد انتبه !
وجلس براحه وهو مبتسم عجز يسيطر على ابتسامته عجز يتحكم بنفسه والتفت لراديو اللي مازال يغني
وضحك وهو يكمل معه (اهاوده قلب انشغف في هواها
متحمله صار الصبر منه مفقود
عزاه نفسي صابها ما طواها
طي الورق رطبٍ مقطوف من عود
حق الله اعلم بالحشا وش غلاها
تضحك لها عيني ولو كنت مزهود
الناس ما تدري بروحي وخفاها
يكفي اجنّب نفسي عن كل منقود)
تنهد وهو يتكي على الطاوله ومازاال مبتسم وهو مايدري وش في العلبه
اما ليلى اللي كانوا عند العطار وكانت تحاول تسرق النظر وتناظر خلف اللي ابتسامته تنشاف من 10 امتار وهو متكي بهيمان ضحكت لا شعورياً من شكله بس سكتت تفكر بالاغنيه اللي سمعتها وصوته امس وهو يناديها ونظراته لها وخافت حيييل
لكن خلف اللي دخل المحل ببتسامه وفتح العلبه وضحك من قلبه وهو من امس يدور البخاخ بس ما حصله ما توقعه معها ابد اخذ الورقه وفتحها وكانت ( خذ هذا دواك طيحته امس مع اغراضي ورديته لك، وترا الراديو مافيه شي بس حطيته حجه خفت تمرض ما تحصل دواك )
اخذ البخاخ وهو يبخه بفمه كان فعلاً يحتاج نفس عميق ونفس كله عطرها دخل الورقه بمحفظته وشاف الخلخال وابتسم : اييه والله اني مرضت بك وانتهيت و صار دوري ارجع لك الامانه يابنت النوخذه
دخل العلبه ولف على صوت ابووناصر: خلف وش فيك مخلي الاغراض برا
خلف : بدخلها الحين ياجدي
دخل الاغراض ولف : جدي
ابو ناصر: سم
خلف بإحراج : ودي بسلفه منك لين الراتب
ابو ناصر: افا الحلال حلالك ياخليف اخذ اللي تبي وانا جدك وماهي سلفه بعد
ابتسم خلف وهو يبوس راسه : يا بعد طوايف خليف والله وانا بروح شوي وارجع
ضحك ابو ناصر واخذ خلف الفلوس وطلع مسرع ووصل للمكان اللي بيحصل فيه الامانه والعوض لليلى وقف في محل الذهب وهو يدور الخلاخل وابتسم اول ماشاف اللي اعجبه واشتراه بدون مايحس على نفسه ومشاعر الفرح تدق بقلبه وتتحكم بتصرفاته اخذه وهو مستانس فيه حطه بظرف وهو كتب ورقه معه ورجع مسرع وهو يجلس عند الراديو حقهم وقلبه وهو يطلع البطاريات وحط بدالها الظرف وسكره وجلس متكتف ومبتسم ويدندن الاغنيه براسه للحين
وبعد شوي رجعت ام نهيان : هاه يمه خلصت ؟!
فز خلف : ايه ياخالتي هذا هو وترا صلحته والحين صار زين وطلعت البطاريات برا فالبيت ركبوها
ولف بنظره سريعه يناظر ليلى وابتسم وارتبكت ليلى اللي بالقوه مسكت كيس الراديو واخذوه ورجعوا وهي مفجوعه من ابتسامته اللي كانت حلوه لكن هزت راسها ليلى بغضب وهي تهاوش نفسها ( ليلى انهبلتي!؟ لايغرچ بضحكته هالعيار لا تنسين انه خاطب وفوق ذا عينه زايغه )
مشت مع امها وتركت خلف هاااايم ومبسوط ومستانس ومنطرب وناسي كل البلاوي اللي بالبيت تحتريه
_______________________.
انتهى

[صواديف عشاق]

البارت التاسع ..

وفي الخبر
صحى نادر وهو يناظر ساعته بتعب والتفت ماشاف شوق وفز مسرع يدورها وشافها جالسه بالصاله وتتابع التلفزيون وابتسم اول ماشاف اللي تباعه كان افلام كرتون وكانت عدنان ولينا ضحك : الله من زماااان ما تابعت هالاشياء
تفشلت شوق : ا لقيتها وخليتها اذا تبي بغير
جلس نادر جنبها ببتسامه: لا لا خليها انا احبها
شوق : تبي فطور!
لف نادر بهدوء: تقدرين تجهزينه
ضحكت شوق واول مره يشوف نادر ضحكتها : وش فيك تضحكين!
شوق بحرج: سؤالك غريب كلها نواشف احضرها وشاهي
نادر ضحك : يعني تقدرين ؟
شوق: لا يغرك اني صغيره اعرف اطبخ واشتغل كل شي ، لاني اصلاً ما كنت مرفهه لدرجة اني ما اعرف شي
ضحك نادر: ما عرفتي تكسبين الموضوع لصالحك لانك لو قلتي معرف بقوم اسويها انا
وقفت شوق بضحكه: زين علمتني عشان استغلها بعدين
جلس نادر مبتسم وهو يشوفها ارتاحت كثير وبدت تكلمه براحه وتسولف وترد عليه
وولف لتليفون وهو يبي يكلم خلف من زمان ما كلمه ولايقدر يتصل على تليفون بيتهم واتصل على محل جده ورد خلف : الو
نادر وهو يقلب صوته صوت بنت: خلف شلونك
دق قلب خوف مايدري ليه خاف انها ليلى وقال بارتباك : ا هلا
نادر : ماصدقت انك رديت والله اشتقت لك
قطب خلف بذهول وقال: هاه!؟
لكن انفجر نادر يضحك: افا ياخلف طلعت خواف وش بلاك بغيت تموت
غمض خلف : الله ياخذ عقلك يانادر الزفت
نادر:ههههههههههههههه ههههههههههه وش فيك هاه وش بلاك مختبص
خلف بضحك: استغفرلله ! لا واضح انعديت من البنت اللي عندك
ضحك نادر: اسكت تكفى انا بكره بجيكم مربية اجيال مضبوطه
ضحك خلف : لا تسمعك البنت بس
نادر: ماعلينا المهم ترا طلعت للخبر وتوي فضيت
خلف : كذا لا احم ولا دستور ولا قلت لنا ضاري كل يوم يدورك يخاف انك صفيت مع شوق تبكي
ضحك نادر: يازينه ضاري والله ان له فقده
خلف: ليتك تعلم عقاب فجر مرارتي هو وياه
نادر : خله ياخي خلهم ينشبون مع بعض ويفكونا
خلف : خلنا منهم كيف امورك!
نادر: ماشيه تمام ويومين ثلاثه وراجع
خلف : زين اجل اهم شي انبسط لا تنكد على نفسك
نادر: هذا اللي اسويه المهم يلا بسكر سلم على العيال ونفسك
خلف : ابشر يلا مع السلامه
سكر نادر وهو يناظر شوق ببتسامه وجلست وهي تتابع مع نادر ببتسامه بريئه جذابه
_______________________.
وفي بيت النوخذه
طلعت ليلى لغرفتها وهي تطلع الراديو : استغفر الله لازم يطلع البطاريات يعني
قلبته وهي تفتح الغطاء بس شهقت وهي تناظر الظرف : يممممه ييمممه شنو مسوي هالمجنون
ضربت خدها بخوف :ياويلي لو احد يدري حسبي الله عليك يالعيااار
ركضت تقفل باب الغرفه وسحبت الظرف وفتحت بشويش وداخت اول ماشافت الخلخال الجديد مسكت راسها وهي تدور: شنو مهبب هاللي مايستحي ياويلچ ياويلچ يا ليلوووه يا ويلچ انفضحنا انفضحنا
سحبت الورقه وهي مفجوعه وشافته كاتب بخط واثق وجميل ( اعتذر على هالجرأه يا بنت النوخذه لكن عندي لك امانه ودامك رجعتي امانتي وجب علي ارد امانتك ، امس شفت خلخالك انقطع اول ماطحتي وفجعتك ودام انا السبب ،هذا العوض واتمنى تقبلينه ...ومشكوره انك رجعتي لي الدواء )
سكرتها وهي مغمضه:هذا مو بس عينه زايغه!؟ هذا مايستحي ماينتخي وفاصخ الحياء مره وحده لكن انا اراويك شغلك يا چليل الحياء يالجيكر ( شين)
جلست بغضب بس ابتسمت بضحك: استغفر لله شنو جيكر !؟ اذا هذا جيكر عيل منهو المزيون الذرب
وقفت وهي تضحك ورجعت كل شي محله وهي ترجع الخلخال بالظرف وهي تفكر كيف ترجعه وتوقفه عند حده
شافت الكاميره واخذتها وجلست تشوفها وشافت الفيديو امس وفتحت وهي مستغربه ان الكاميره مسجله وكانت البدايه رقصها وبعدها دخول خلف كبرت تناظر وجهه المذهول وراها وهو يناظرها وبعدها كل شي صار بينهم وبعدها سوالفه كامله مع جابر
ضحكت وهي تكبر وتصغر: شهالجني اللي في كل مكان موجود ، يمه منه
سكرت كل شي ونزلت مبتسمه وهي تفكر وش بتسوي بالخلخال
_______________________.
في بيت الجد
فزت هيا على دق الباب وفتحت وابتسمت: محمد حمدلله على السلامه
محمد : الله يسلمك
مضاوي :ادخل ادخل
محمد : خذي تكفين الاغراض دخليها
دخل وهو متوقع اجتماعهم كالعاده لكن شاف البيت هااادي ولف باستغراب : وين الناس!؟
تنهدت مضاوي بضيق : الناس متشتتين
لف محمد بذهول واستغرب : وشو !؟ وش فيكم ! احد صاير له شي
مضاوي : تعال اجلس وبقولك
جلس محمد وبدت مضاوي تهل عليه السالفه ولف محمد بذهول : كل ذا صاير وانا مالي خبر
مضاوي : من وين بنقولك وحنا ما ندري وين ارضك من سماك
محمد : وناصر انهبل!؟ هو الزواج غصيبه
مضاوي : مب بس ناصر امي بعد معصبه معه
محمد : لا حول الله وييين امي!؟
مضاوي : راحت لجارتنا سعدا
محمد : انا بروح لناصر اتفاهم معه
مضاوي : عساك على القوه
طلع محمد متجهه بيت ابو خلف ودق الباب ينتظر وفتحت اماني : عمي محمد ياهلا حمدلله على السلامه
محمد : هلابك يا اماني ،الله يسلمك
الكل طلع على صوت محمد واجتمعوا حوله يسلمون عليه
ولف محمد اللي باين عليه الزعل : وين ابوكم!؟
حنان : راح يوصل العيال ماجاء للحين
ندى: اجلس انتظره اكيد انه على وصول وانا بسوي لك قهوه يحبها قلبك
محمد : زين زين
راحوا يساعدونها وجلست وعد : عمي سمعت باللي صار
محمد : سمعت سمعت وانا وش جابني الا هالخبر
وعد : انا حسفت ابوي اليوم واتوقع لو بتكلمه بيسمع منك
بدت تقوله وش صار وسكتت اول ما دخل ابوها وابتسم لشوفة محمد اللي اقبل يسلم عليه وهو زعلان
ابو خلف: وش فيه وجهك!؟
محمد : خلينا ياوعد
طلعت وعد وهي متأمله ان محمد بيحل الموضوع
ابو خلف : تكلم يا محمد لايكون صاير شي!؟
محمد : ليه هو فيه شي اكبر من اللي صار واللي سويته!؟
ابو خلف : وش سويت !؟
محمد : ياناصر نايف مات وهو يوصينا على عياله ويوصيك انت بذات ياما طلبك انك ما تظلهم ولا تجور عليهم وتقسى ! مسرع ما نسيت يا ناصر
ابو خلف: انا ما ظلمت لكن ابي لهم الخير مابي بنات اخوي يطلعون عند غريب مايخاف الله فيهم
محمد : كلنا نبي لهم الخير لكم هذا ما يعني إنا نجبرهم على التعاسة انت تدري لو تزوجوا مغصوبين عمرهم ما بيشوفون الخير ، ياناصر خلف يشوفها اخت وهي تشوفه اخو !؟ ليه تبي تحول هالاخوه لعداوة
ابو خلف : لا سحر رفضته عشانه تعبان
محمد : اول شي خلف طيب ماهو لا مريض ولا تعبان كل السالفه نوبات ربو تتعبه ولا هو بخير ولا يعيبه هالشي وثاني شي سحر ما تسويها
صد ابو خلف وهو متضايق وزعلان وكمل محمد بقهر: شوف هالبيوت من يوم عرفنا الدنيا وهي بيت واحد وعيالهم اخوان ووجبتهم وحده وخاطرهم واحد واللي يزعل واحد يزعل العايله كلها ؟ لا تخلي عزة النفس تهدم كل هالحياه ناظر حولك شوف الضيق اللي رسمته على الكل شوف السكون اللي يضيق الصدر كله عشان امر ما كتبه ربي ، اسمعني يا ناصر مهما كان ومهما صار انتبه تفرط بالوصيه وتظلم عيالك وعيال اخوك وتزعل ابوك وامك وخلف بكره بيتزوج وسحر بيوفقها الله والعبره ماهي في انهم يتزوجون بعض عشان نرتاح ويكونون بخير ! المهم يكونون بخير حتى لو ما ارتحنا حنا ... فكر في كلامي زين
طلع وتركه حاير وهو ماهو ناقص بعد كلام وعد وحلمها المزعوم
_______________________.
الظهر
في بيت ابو خلف اللي من يوم طلع محمد وجلس مع نفسه وفكر وندم نادى على وعد وهو يقولها تجهز غدا يكفي كل العايلتين وابتسمت وعد بفرح وهي من قبل حاسبه حسابهم
كانوا ام خلف ابو خلف وام وعد جالسين ولفت ام خلف :اقول يا ابو خلف
لف ابو خلف : نعم
ام خلف : ماودك تنادي خلف يرجع للبيت والله ان قلبي مشغلني عليه امس سمعته يكح وكحته شينه
ابو خلف : يصير خير ، سالم قوم افتح الباب الفاصل ونادهم للغدا
سالم: ابشر ابشر
فز يفتح الباب مبسوط وركض ينادي : جدي جدي
هيا : سالم وش فيك !
سالم : ابوي يقول تعالوا للغداء ! وينه جدي وخلف
مضاوي : بيجون الحين
ام ناصر وقفت وهي تستند على عكازها : انا بروح ألحقوني
مضاوي : ايييه رضى عين السيح
ضربتها امها بالعكاز: ياقليلة الحيا اص اص
لفوا على دخول ابو ناصر وخلف وركضت مضاوي بفرح: يبه ناصر ينتظركم للغدا
ابتسم خلف : طاح الحطب اجل
ابو ناصر: ان شاء الله انه طاح ان شاء الله ، مضاوي قومي عقاب يلحقنا
مضاوي : يقول لا احد يصحيني
ابو ناصر:صحيه بس صحيه
مضاوي : زين بس ترا محمد بعد رجع ونايم
خلف : زين على زين خليهم يجون كلهم
طلعوا كلهم متجهين بيت ابو خلف ووقف ابو خلف وهو يبوس راس ابو ناصر وتقدم خلف مسرع يبوس راسه ابوه وكتفه
والكل كانوا ساكتين بهدوء لكن كسر الصمت محمد وعقاب وعزوز اللي دخلوا وعقاب مستغرب ان عمه رضا وقربوا يسلمون عليه وجلسوا كلهم بنفس المجلس
ابو ناصر: هاه يا ناصر عساك دحرت ابليس
ابو خلف : الله يلعن ابليس والانسان يطلع عن طوره احيان وانا كل اللي ابيه ان عيال اخوي مايغيبون عني عقاب : ياعمي حنا ما نغيب عنك ابد وتحت شورك باللي تبي لكن بما يرضي الله ياعمي
محمد : نهاية هالقصه اعرفوها كل شي قسمه ونصيب
ابو ناصر : هذا اللي نبي نقوله
ابو خلف : انا شلت يدي وكيفهم يتزوجون ولا يجلسون
اعتدل خلف وهو يبوس راسه: يبه انا اسف وانت تدري انا ما اعصيك لكن الله يلعن ابليس
فيصل ببتسامه: حمدلله يا جماعة السالفه انحلت وان شاء الله مافيه مشاكل بينا
الكل : ان شاء الله
غيث : خلف بتجلس عندنا
رفع خلف راسه مبتسم: ان سمح لي ابو خلف
ابتسم ابو خلف : مرد البيت لك ياخليف
خلف : الله يطول بعمرك يبه
رجعوا لسفرتهم من جديد والكل ارتاح من هالهم وصح ان ابو خلف للحين زعلان بس ماكان يبي يخسر اكثر وبيحاول يتجاهل
_______________________.
في قسم الحريم
الكل جاء الا سحر اللي كانت متفشله منهم وعهد اللي بعد كلام ابو خلف ما تبي تطب بيته ابداً
ام خلف: وين البنات يا هيا؟؟
هيا : والله تركتهم يقولون مالهم نفس
ام ناصر : ناديهم ياشهد من متى ما يجون يتغدون!؟
وعد : اجلسي شهد انا بروح،بس اخوانك وين!؟
شهد : كلهم هنا
وعد : زين
ركضت وعد لبيت جدها وهي تطلع من السطح ودقت باب غرفتهم بشويش وطلت: ويييين بنات عمي اللي اشتقنا لهم
وقفت سحر بفشله: هلا وعد
قربت وعد بحب : هلابك وينكمم! ماجيتوا الغداء ولا ما اشتقتوا لنا
سحر: الا بس.. وعد: بس وش!؟
سحر بضيق: متفشله من خالتي ام خلف احسها زعلانه
وعد : لا يابنت الحلال عاد ما لقيتي الا عمتي تزعل افا بس هي تحبك وبالعكس تقول مو مهم ترضى بخلف المهم تكون مبسوطه ومرتاحه تعرفينها كيف طيبه
سحر: هذا اللي مفشلني هي طيبه وانا
وعد : انتي وش؟؟ سحر حبيبتي خلاص صار للي صار وانتهى والدنيا ماهي غصب بالعكس شوفي الكل واقف معك ومحد رضا عليك حتى خلف وكلنا وقفنا ضد ابوي لين رجع كل شي لمجاريه ورضا بالامر الواقع وصدقيني كلنا نبيك تكونين مبسوطه
دخلت عهد وتكتفت : قصدك تبون خلف ينبسط!؟
لفت وعد لها : نبي الخير لهم كلهم
عهد ضحكت: والله لو افكر مليون سنه ما اتوقع كل ذا يطلع منكم
وعد: وش طلع منا !؟
سحر: عهد خلاص
وعد : اسمعي ياعهد مهما صار انتم عيال عمنا ونحبكم وانا ابد ما الومك لو انقهرتي وعصبتي ابوي غلط فالنهايه لكن مهما كان اقولك حطي عقلك براسك وحنا ما نضركم ابد ، نهاية الكلام يلا معي للغداء
قبل تتكلم عهد وتزيد الطين بله قالت وعد بغضب: لا تقولين حرف زياده تخلين ابليس يدخل بينا فيه يلا الكل ينتظر للغداء
تحركت سحر معها وعهد ما راحت وانقهرت وعد من عهد وشدت على اسنانها بقهر( اييييه تدريس اخوها الكلب اكيد انه معبي راسها علينا)
دخلت سحر وهي منحرجه لكن الكل لف لها ببتسامه ووقفوا يسلمون عليها واولهم ام خلف اللي قالت بحب وطيبه: تعالي يا سحر يا حبيبتي تعالي تغدي
تقدمت سحر بضيق تبوس راسها: خالتي انا اسفه
ام خلف: وش تعتذرين عليه يا حبيبتي ! ماسويتي شي غلط بالعكس تعالي يا امي واجلسي وماصار الا كل خير
ام وعد : كل شي قسمه نصيب وهذا شي وارد
الكل: صادقه
جلست سحر بجنب ام خلف اللي حاضنتها كأنها بنتها وهذ يوجع سحر اكثر مو كفايه فقد حنية خلف!؟ ماهي مصدقه انها في يوم بتشوف ام زوج غير خلف !؟وماتدري اذا هي بحنية ام خلف او لا
_______________________.
العصر في الخبر
وقف نادر بعد ما جهز : شوق
لفت شوق : هلا
نادر: يلا اجهزي عشان نروح الحفر
فزت شوق بفرح : ولله
نادر: اي والله مب انا وعدتك!؟ انا عند وعدي بس هاه من الحين اقولك بتبكين بهون
شوق : لا لا اوعدك انا بعد ما ابكي
نادر : كذا اتفقنا يلا اجل اجهزي نبي نطلع قبل الليل
شوق : ابشر
ركضت تجهز ونادر متكتف على الشباك ونزل زقارته يطفيها بعد مارجعت شوق: خلصت
نادر : يلا
طلعوا متجهين للحفر وفجأه انتبه نادر لشوق اللي راح نص الطريق وهي سرحانه فيه والتفت ببتسامه وهو يدق خشمها بأصبعه بخفه: ماهقيت اني مزيون لذا الدرجه اللي تخليك تسرحين فيني
تفشلت شوق وابعدت : لا بس
ضحك نادر: لا وشو! ماني مزيون يعني
رفعت شوق راسها بفشله : ما اقصد بس اني افكر شلون كل هالسنين وحنا عيال خاله ولا نعرف بعض
نادر كان يحاول يلاطفها ويوسع صدرها ويعودها عليه: والله اذا علي انا بروح ارفع قضيه عليهم ! شلون عندي بنت خاله حلوه ما دريت عنها للحين
ضحكت شوق بخجل وسكتت وكمل نادر : الا تعالي صدق! معقوله ماكنتي تعرفين عني شي!!
شوق : اعرف ان خالتي عندها ولد بس
نادر: كذا متصافين انا بعد ما اعرف الا كذا
شوق : بس انت صرت تعرف كل شي عني
نادر: ابد الطريق طويل احكي لك فيه
بدا نادر يسولف لها عنه وشوق تناظره ببتسامه : ابد ولد خالتك شاب وسيم يبلغ من العمر 27 عاماً اشتغل في شركة يعني والله ماني مجتهد في الشغل بس شكلي بستحي منك واشد حيلي مايصير تشدين حيلك وتصيرين دكتوره وانا اصير كسلان
ضحكت شوق : اللي يشوفك ما يعطيك عمرك ! كنت اظنك اصغر
ضحك نادر : ايه هاذي ميزه فيني يعني تراني انسان مميز
ابتسمت شوق : ايه كمل
كمل نادر يسولف لها عن حياته وكيف عاشها
وقالت شوق : وخلف وش يصير لك!؟
لف نادر باستغراب: شعرفك بخلف !
شوق : تتذكر وعد اللي جت لي!؟ قالت لي انه اخوها وهو صاحبك
نادر: ايييه خلف مايصير لي بس انه صاحب من عمر الدنيا واخو اعز علي من عيوني وظني لو عندي اخوان ماحبيتهم كثر خلف وعقاب اللي هو ولد عمه
شوق بفشله : وش عرف وعد طيب ! يعني كيف جت عندي
نادر بضيق : والله زي ما قلت لك خلف اخو دنيا ويوم شفت وضعك صعب وعجزت انا اتصرف قلت له وهو جاب اخته وزييين انه جابها كثر خيره
شوق : الله يسعده ويسعدها
وكمل نادر سوالفه عن نفسه ومواقفه وشوق مبسوطه ما توقعت يجي يوم وتشوف نادر اللي ياما تخيلته وحش بهالطيبه والحنيه كلها
_______________________.
وفي بيت ابو خلف
اليوم كانت جمعة الحريم عند ام وعد وام خلف
والكل مكروف طلعت وجدان اللي تكرهه الشغل وهي تنزل المكنسه بضيق : انا اعلن اضرابي عن الشغل مو حاله هاذي
اماني : بدري حبيبتي بدري
ام وعد : اقول بلا كلام فاضي وخلصي مع خواتك
وجدان: يمه حرام عليكم انا صغيييييره
وعد :صغيره على الشغل لكن الكلام والحش ما انتي صغيره عليه
ام خلف : خليها خليها ياوعد تعبت من اليوم تكرف
ركضت وجدان وهي تضم ام خلف : انا ليش ماجيت بنتك من زمان
ندى: حبيبتي في كل الحالتين طال عمرك بتكرفين احسن لك قومي الحين والا ترا بخلي المواعين بعد الجمعه عليك
فزت وجدان باعتراض: لا والله
طلع خلف من الغرفه : وش فيك انت !؟ما تعقلين عن الصراخ !
وجدان: خلف بالله يرضيك يكرفوني الحين وبعد الجمعه
خلف : فكونا من ازعاجها وخلوها تقعد
وعد : اصلا انتهى الشغل لكن بعدين نتفاهم عند هالشكاوي
ام خلف : وين بتروح ياخلف!؟
خلف : المحل يمه
ام خلف : طيب انتبه لنفسك اسمعك تكح كثير
اماني : ما فيه شي ياعمه هذا هو ماشاء الله
خلف : شتبين انتي ! غيرانه
ضحكت اماني وطلعوا يكملون الشغل وطلع خلف للدكان
_______________________.
وفي بيت الجد قايد
صحى عقاب وطلع وهو يسمع صوت البنات لكن شك اول ما سمعه هواش وكانت هيا وسحر ومضاوي يهاوشون عهد ودخل عقاب : خير وش هالصوت !؟
الكل سكت لكن لفت مضاوي بقهر: عقاب شوف هالمجنونه وعقلها عن الهبال اللي تسويه
عقاب : وش صاير؟؟
عهد : وش اللي وش صاير وش فيكم !! كأن ماصار شي وكأن عمي ما مسح فيكم الاراضي راجعين له وراضين
هيا :يابنت الحلال انتي مجنونه وش هالكلام !
مضاوي : شفت الهبال اللي تخربط فيه!؟ تقول وشوله اصلا تروحون لناصر وليه ما تزعلون والمفروض نقاطعه هذا كلام بالله عليك؟
عهد : ايه كلامي صح مو هذا عمي اللي قلب الدنيا علينا عشان يرضي ولده!؟
عقاب بغضب: اقول ابلعي لسانك!؟ الظاهر انك برد جلدك ونسيتي الحياء والتربيه ؟ انتي ما تستحين تكلمين هالكلام على عمك!!
عهد : بس انت شايف اللي صار وش سوى عمي
عقاب : وانتي وش دخلك!؟الموضوع بيني وبينه وبين سحر ! اسمعيني يا عهد كلمة ولا بثنيها اقسم بجلال الله لو تعيدين هالحركه وهالكلام لقطع العقال فوق ظهرك تسمعين!؟ تحترمين نفسك وعيال عمك وعمك وتعقلين وكثر هالكلام اللي ماله داعي ترا ماهو بصاالحك والكلام للجميع
طلع وهو يدري انه ما يحتاج يكثر كلام هالكلام اللي قاله يمشي عهد على المسطره
وصدت عهد بقهر وطلعت وتركتهم وتكتفت مضاوي : الله اكبر انتهينا من جنان الكبار وبدينا بالصغار
هيا : يلا بس مانبي نتاخر على الجمعه
سحر: بخلص واجيكم
الكل :زين
_______________________.
وفي بيت النوخذه
كانت ام نهيان تجهز وطبعاً ليلى من زمان تجهز عشان تروح للبنات لانها حبتهم لكن شيخه ما راحت على قولها عندها كتاب مهم بتكمله
جهزت ليلى وهي ماتدري ليه متوتره وخايفه من ان يصير موقف مع خلف كفايه الايام اللي راحت واللي صار فيها اخذت نفس وهي تاخذ الظرف اللي فيه الخلخال وكتبت فيه رد صارم لخلف عشان تنهي هالمهزله وطلعت مع امها وام سعود وصيته رايحين بيت ابو خلف
_______________________.
وفي السوق
كان خلف مكمل شغله وهو في قمة روقانه ويسولف ومبسوط وعقاب ومحمد جالسين قريب منه
عقاب : الله يديم سعة الصدر
خلف : امين
محمد : غريبه هالروقان كله
استند خلف على الراديو وابتسم: يعني حمدلله خلصنا من مشكله مع ابوي بأقل الاضرار وما تبيني اروق
عقاب: يعني منطقي روقانك
محمد : اقول شخبار نادر على الطاري
عقاب : ايه مختفي وينه!
خلف : ابد مبسوط وراح للخبر يتمشى وبيجي بعد كذا يوم
عقاب بعدم انتباهه: زين حمدللله ان اموره زانت
محمد: ليه وش فيها اموره !
خز خلف عقاب بعتاب : مافيه شي ياعمي بس مثلك عارف اهله سافروا وهو شايل همهم
محمد: ليه يشيل هم المفروض ينبسط دامه عريس اكيد بياخذ راحته
خلف : عاد تعرف ماهو متعود على بعد ابوه وامه
محمد : الله يعين اقول دام اجازة الاسبوع جت والجو برد وزان وش رايكم نطلع نخيم على الشاطي ونوسع صدورنا شوي
عقاب : كنك جالس بقلبي ياعمي مريت البحر اليوم وكان ودي انزل عنده بس قلت اخليها لين تضبط امورنا ونكشت
خلف اللي كانت طلعة البحر بتكون له فرصه يرتب افكاره: حلوو اجل انا ماعندي مانع
محمد : اجل بروح عند الشياب ( ابو ناصر وابو خلف ) وبعدين بكلمهم ونشوف
خلف: موفق
طلع محمد والتفت عقاب بضيق : جاك يا مهنا ما تمنى
قطب خلف حواجبه باستغراب لكن ضحك اول ماشاف ضاري اللي جاي من اخر السوق ورافع طرف ثوبه ورابطه على بطنه وهو يسلم على اصحاب الدكاكين وصوته مسموع في السوق كله : ياخي علامك عليه انت ؟
عقاب : ما اواطنه
خلف : ياخي جرب بس مره تسولف معه والله بتحبه
عقاب : حبه انت بالنيابه انا مابي احب احد
دخل ضاري واول ماشاف عقاب قال : السلام على الانس والجن
عقاب : جني يشيلك
وقف خلف يضحك: رد السلام زين انت وياه
ضاري : شوف انا احب ارد على كل العالمين الانس والجن الانس يردون ونسمعهم والجن يسبون ونطنشهم
عقاب : خاطرك اقوم ألسعك بهالعقال
ضاري : جرب حظك
خلف: فكونا يا عيال الحلال خلونا نتقهوى ونروق
ضاري : على قولك
جلسوا وعقاب وضاري كل شوي يتهاوشون وخلف يفككهم
_______________________.
وفي بيت ابو خلف
الكل اجتمع وانبسطوا البنات اول ماشافوا ليلى اللي تقدمت تسلم عليهم بفرح
اماني : الله صديقتي الطربيه جت
ليلى ضحكت: افا عليچ ماهديت امي اول ماعرفت ان الزواره ببيتكم قلت الا اروح معاچ لرفيچاتي
مضاوي بمزح: اللللله يازينكم يالچويتين شوفي بس تقول رفيچاتي
ضحكت هيا: الله يحيك بس وين شيخه ما اشوفها
ليلى : والله عندها شغل ضروري تسويه
حنان: خساره ماجت رفيچتها على قولك
ضحكت ليلى: الايام الجايه واجد
وعد: تفضلي ليلى الغرفه
دخلت ليلى معاها حنان والبنات راحوا يسلمون ويجهزون القهوه
وليلى بعيونها تدور سحر خاطرها تشوفها وهي قلبها موجعها عليها مقهوره من خلف اللي تشوفه بعينها خاين
ولفت : حنان اقولچ وينهم بنات عمچ سحر وعهد
حنان: بيجون الحين
ابتسمت ليلى: زين والله اشتقت لهم بعد
حنان: وهم بعد اشتاقوا لك
لفت ليلى : ماشاء الله بيتكم واحد!
حنان: اي بيوتنا لازقه ببعض
ضحكت ليلى : يعني سحر محظوظه بيت اهلها يمكم على طول لو تزوجت خلف ما رح تبعد عنهم
ضحكت حنان بضيق وبان عليها : ا ما تعتبر محظوظه كثير
ليلى بشك: ليش!؟ صاير شي مو قلتوا سحر خطيبة خلف ولا انا سمعت غلط
حنان بحسن نيه: لا سمعتي صح بس ماصار نصيب وتفركشت الخطوبه
سكتت ليلى بصدمه وهي تتذكر كلام خلف لجابر ومصدومه شلون يفركش خطبته من بنت عمه !؟
غمضت وهي في نفسها تسب خلف بقهر بس قالت بنفسها( احسن خليها تفتك من هالعيار اللي مايتسحي ومايخاف الله )
لفت على جيت سحر وعهد وبعدها البنات واجتمعوا مبسوطين ويسولفون وليلى تراقب سحر بقهر عليها كان الضيق بييين على ملامحها كل ماجابو طاري خلف وهذا اللي قهر ليلى وازعجها
_______________________.
وعند نادر
اللي وصل الحفر والتفت وهو يجدد الوعد مع شوق عشان ماتبكي واول ما ضمن انها بتتماسك وقف عند بيت ابو شوق ونزل ومعه شوق اللي كل شوي تلتفت بفرح وتناظره بعيون مليانه دموع ويرجع يكرر نادر : تراك وعدتيني ما تبكين
وتمسح شوق دموعها : ابشر
دق الباب وفتح ابو شوق اللي رفع صوته يرحب فيهم وركضت له شوق تسلم على ابوها بس وقفها وسلم على نادر قبلها وهذا اللي فجع نادر اللي ماهو مستوعب كيف بداه على بنته
لكن ابو شوق المتمسك بالعادات والتقاليد كان يشوف انه ممنوع يسلم على الحرمه قبل الرجال
سلم نادر بضيق صدر وابعد وبعدها سلم ابو شوق عليها لكن شوق اللي في مثل هالموقف المفروض تبكي لكن دموعها بردت من سلام ابوها البارد
وابعدت وهي تدخل لامها اللي قابلتها بسلام حار واستانست شوق واستانس نادر
لكن كل تركيزهم على نادر وسوالفهم مع نادر اللي ينتظرهم يلتفتون لشوق بس لا حياة لمن تنادي وفجأه وقفت ام شوق ونادتها وراحت معها شوق وابتسم نادر في نفسه يقول ( اخيراً اهتمت بشوق )
لكن شوق اللي انصدمت من برودهم اللي يعاكس شوقها لهم جلست بفرح مع امها اللي اول ما جلسوا قالت : هاه شفتي ان الزواج زين هذا وجهك الحمدلله زين وانتي زينه
كانت شوق مستعده تقول ( انها حمدلله بخير ومبسوطه ونادر ماهو مقصرر ! لانها متوقعه ان امها بتسألها عن احوالها بس امها صدمتها وهي تثبت لها ان كلامها صح)
هزت راسها بضيق : ايه صدقتي
لكن ماصبرت ام شوق وصدمتها بسؤالها اللعين اللي في غير محله عن نادر هل تمم زواجه منها !؟ ووش صار وكيف صار !
لكن شوق غصت بسؤالها بخوف وهي ماتدري وش تقول امها ووش هالكلام المرعب اللي تقوله وسؤالها الوقح عن تفاصيل تجهلها شوق الطفله
ام شوق :وش بلاك انخرستي تكلمي
ناظرتها شوق بخوف وماتكلمت لكن ام شوق قالت بشك : لايكون مسويه شي مزعل نادر منك ومرجعك علينا
هزت شوق راسها ببكي: لا لا والله لا
ام شوق : اجل انطقي قولي لي صار شي!؟
كانت شوق خايفه بس ماقدرت تكذب وهزت راسها بخوف : لا
شهقت ام شوق : وش اللي لا وش اللي لا نادر ماقرب لك!
شوق :لا
انهبلت ام شوق ووقفت وهي تسكر الباب وتضرب خدها بغضب: حسبي للله عليييك من بنت كانك فشلتينا وفضحتينا حسبي الله عليك
شوق : ليش تحسبين علي يمه وش سويت !
ام شوق ضربت كتفها بغضب : وش اللي وش سويتي هاذي سوات بنت عاقله ! انتي وشلون ترضين انه جالس لذا الوقت بعيد
شوق بخوف وبكى :انا مالي شغل
ام شوق :خبله انتي تبين الرجال يطلقك ويرميك علينا ولا انتي مانتي فالحه الا بالدموع
شوق : وش تبيني اسوي يمه
ام شوق : يا غبيه ياغبيه الرجال مايبي انسانه بكايه ونكديه يبي انسانه مليانه حياه تملى عينه خليك ذكيه لا تطيرينه من يدك بغباءك
اسمعيني زين وحطي كلامي حلقه بأذنك ووالله يا شوق والله لو مايصير هاللي بقوله لذبحك واقول لابوك عن سوياك
سكتت شوق ببكي وهي تسمع البلاوي اللي تسردها امها عليها
اما نادر كان متحمل ابو شوق بالزور وهو بس ينتظر متى تجي شوق عشان يطلعون ماهي الا ربع ساعه وجت شوق اللي تقطع قلبها من الصياح وكانت ماسكه نفسها عشان ما تهاوشها امها طلع نادر وركبوا والتفت اول ماحس ببكاها وكان متوقع انها جلست مع امها جلسه حلوه : افا ياشوق ما وعدتيني ماتبكين
شوق مسحت عيونها بخوف : غصب عني
نادر: طيب خلاص امسحي هالدموع والله ماهي حلوه على عيونك افا بس يا شوق اللي مثلك يستانس وينبسط
شوق ماردت وهي ودها تصرخ بكل صوتها بس مسحت دموعها وسكتت وماعاد قالت شي
نادر: طيب تبين نروح بيت جدي ولا نريح اليوم وبكره نروح
شوق لفت بخوف ورجاء: اذا قلت بكره بتقول شي!؟ا (تقصد انه بيعصب ويرفض )
ابتسم نادر بخفه: بقول تم يا دكتوره
ضحكت شوق من بين دموعها: مشكور يا نادر
قرب نادر يبي يسليها بالسوالف : بيني وبينك مالي خلق حنة جدي وهواش وصراخ وانا مصدع
وكمل يسولف عن هواش جده له وقدر يضحكها لين وصلوا الشقه اللي استأجروها
_______________________.
في بيت ابو خلف
قبل المغرب وقفت ليلى اللي ضاق صدرها من سحر اللي اغلب الوقت سرحانه وهي تحس ودها تقولها عن بلاوي خلف عشان ماعاد تفكر فيه
وعد: ليلى وش فيك حبيبتي !
ليلى: بروح دورة المياه
وقفت وجدان: تعالي معي
اخذتها وهي تقول: هذا هو الباب الصغير انتبهي تغلطين لان الباب الكبير غرفة اخواني
ضحكت ليلى: زين
نزلت وهي ماكان لها نيه الا تبعد عن سحر لكن قبل تدخل الحمام طرا لها شي وتقدمت لغرفة العيال وهي تتلفت ودخلت وطلعت الظرف واول ماصارت بنص الغرفه شهقت من الشخص اللي واقف وراها لفت له وهي تشوف طفل صغير واقف وواضح توه صاحي من النوم يناظرها باستغراب ومعه قطعة خبزه في يده
ليلى : من انت !؟
غيث : انا غيث انتي من !؟
ليلى اللي ماكانت تعرف ان عندهم اخوان غير خلف وقالت من الارتباك والخوف: انت اخو خلف!؟
غيث : ايه من انتي ليش جيتي غرفتنا
ليلى غمضت بفشله وهي خايفه ان غيث يفتن عليها : اسمع حبيبي انا جايه هنيه عشان اعطي خلف علاج عشان يصير زين وما يمرض مره ثانيه ، مو انت تحب خلف واجد صح وما تبيه يطيح ويمرض صح!
غيث: ايه
ليلى : زين انا عشان چذيه جيت بحط له هالعلاج لكن هالعلاج لازم ما احد يدري عنه وما تقول انت حق احد انك شفتني هنيه عشان بعدين ما يمرض خلف اكثر
ليلى اللي ماكان عندها عذر عشان تضمن سكوت غيث الا مرض خلف متوقعه انه يحبه زي حب البنات لخلف وتدعي ان غيث فعلاً يحب خلف ولا يفضحها
ناظرها غيث بصمت وضيق : يعني اذا ما قلت لاحد خلف ماعاد يتعب ويدونه للمستشفى و ماعاد يتشنج وبعدين ماعاد عمتي الجازي ( ام خلف) معاد تبكي عليه كثير
ضاق صدر ليلى : ايه ياحبيبي يعني اذا سكت ان شاء الله خلف بصير زييين
غيث : طيب خلاص ما اقول لاحد
ليلى وقفت بسرعه: زين وين احطه عشان محد يشوفه
غيث مسكها بيدها ومشى فيها وليلى اللي خايفه ومبتسمه كانت تشوف في طرف الغرفه دولاب ملابس وبجنبه مجموعة لحف وبطاطين مطويه واشمغه واغراض تدل انها غرفة عيال مفروشه فرش عربي عادي
في زاويه كان في فراش واضح ان صاحبه توه صحى منه جلس عليه غيث وهو يرفع المسند اللي بالزاويه وليلى مستغربه بس جلست معه وعرفت من اكياس الادويه ومن البخاخات انه فراش خلف حست بقشعريره لا شعورياً لكن لفت بغيث اللي رفع طرف الزوليه وكان تحتها اوراق واشياء كثيره
ليلى: شنو هذا!؟
غيث : خلف يحط اغراضه المهمه هنا عشان ما احد يجيها وياخذها واصلا محد يقدر يطلع شي عشان مايعصب خلف يعني حطي العلاج هنا ومحد يجيه ولا احد يعرف
ابتسمت ليلى وهو تناظره بحب ونزلت الظرف مع الاوراق كان ودها تفتش بس الوضع مايسمح رجع غيث كل شي ووقفت ليلى مبتسمه: اتفقنا ياغيث لا تقول حق احد
غيث : اتفقنا
ليلى : زين
طلعت بسرعه قبل احد يشوفها ورجعت للبنات وهي مرتبكه من غيث كثير وخايفه ماصدقت امها نادت الا طلعت تركض
.
.
انتهى

[صواديف عشاق]

البارت العاشر..

في شقة نادر
بعد العشاء كان يشوف شوق زعلانه ومتضايقه ولكن مايدري وش يسوي فيها ولو يدري انهم بيضيقون صدرها ماكان جابها دخلت شوق الغرفه ومالها صوت وماطلعت وخاف عليها واسرع للغرفه ودخل لكن جمد وهو يشوف المنظر اللي قدامه
اما شوق من يوم رجعت وهي في دوامة خوف خايفه من امها ومن الكلام اللي فرضته عليها وهددتها اذا ما صار شي بتحوس الدنيا عليها وخايفه من نادر ومن كل شي لكن مجبوره تخاطر بدموع الخوف وقفت قدام شنطتها وطلعت اخر الملابس اللي كانت مستبعدتها من عقلها لكن مجبوره لبست قميص ماكان ساتر كثير لكن غصب عليها لبسته ورتبت شعرها وشكلها وهي تمسح دمعتها كل ثانيه كانت ماهي قادره تسيطر على رجفتها انتهت من شكلها وجلست وهي تدري ان نادر اذا شافها تاخرت بيجي يدور عليها ولاهي الا دقايق وجاء نادر لكن وقف مثل الصنم عند الباب
وهو يناظرها ماقدر حتى يرمش مصدوم ومفجوع مايدري كيف طاوعه صوته وقال: شوق!! وش ذا اللي مسويته بنفسك
نزلت راسها شوق بصوت مرتجف وهي ماتدري وش تقول لكن كلام امها اللي حفظتها اياه يضرب براسها غمضت وهي تقول : مو هذا اللي انت تزوجتني عشانه تبي زوجه ماتبي بزر
انصعق نادر من كلامها وتقدم بخطوات ثقيله : متى قلت هالكلام انا !
ماردت شوق اللي انهلت دموعها وقرب نادر وهو يدري انها مستحيل تتصرف كذا من راسها جلس بذهول جنبها وهو شايف خوفها جرب يحط يده على كتفها المكشوف لكن فزت برعب وهي تغمض بقوه : وش اللي تزوجتك عشانه يا شوق؟ من اللي محفظك هالكلام!؟ من قايلك تسوين كذا
مازالت شوق ساكته ببكى اخذ نادر نفس بغضب وهو يلفها له بقوه: اكلمك يا شوق!؟ انا طلبت منك شي!؟ جبت لك طاري شي!! ليش تتكلمين كذا
انهارت شوق تبكي بحراره وغمض نادر بضيق اللي ماكان مهتم بهاللي يصير ولا كان يفكر بالزواج ولا يبي من شوق شي بالعكس كان رافض كل هذا بما انها مازالت طفله وقاصر
بالقوه لين قدر يهديها ويفهم منها وش صار وش اللي غيرها وانصعق اول ماقالت شوق له ان امها قالت لها كل ذا واجبرتها تسوي شي هي ما تدري وش عواقبه ولا تدري عن شي وهددتها وشرحت لها كثير اشياء مفجعه فجعت نادر قبل شوق ابعد وهو يحط يده على جبينه بهدوء يبي يحاول يفهم هاللي سووه في شوق مايدري كيف بيفهمه انكسر قلبه عليها وشلون خايفه وضايعه وتشرح له وهي ماتدري وش تشرح تقوله اللي قالوه لها وهي ما تفهم اصلا معناه شد على اسنانه بغضب وهو يحاول يهدي نفسه وبعد شوي رجع وهو يجلس جنبها اخذ اللحاف الخفيف ولفها فيه و بدون ما يحس حضنها وهو يمسح عليها بهدوء : شوق لا تسمعين لهالكلام ابد مهما قالوا لا تسمعين انسي كل اللي قالوه واسمعيني انا لا تفكرين بكل هالافكار ولا تخافين مني ، انا ابد ما ابيك تسوين اي شي منها ولا اطالبك بشي ولا ابي منك تكونين بهالصوره بالعكس انا مابي الا شوق اللي عرفتها وهي عرفتني بنفسها ما تخبت ورا افكار امها والعادات والتقاليد وهالبلاوي كلها لا تفكرين بزواج ولا بأي ششي ولا حتى تعتبريني زوج اعتبريني صديق اعتبريني اللي تبين لكن انا ما ابيك تموتين نفسك عشان رضا احد سمعتيني يا شوق ....
اما شوق اللي من زمان متطمنه لنادر لكن ما توقعت انه يتنازل عن كل شي عشان خاطرها ما توقعت ان كل هالحنيه بصدره ما حصلتها على صدر امها وابوها كل هالخوف عليها ما عرفته من امها وابوها ماعرفته الا بعيون نادر اللي حتى بشدته عليها بحضنه كان حنييّن
رفعت يدها بدون ما تحس وهي تتعلق بنادر اللي كل ما سمع بكاها ضاقت به الوسيعه كان يناظرها كيف كانت صغييييييره بحضنه وبين يدينه ماهو مستوعب كيف يبونه يتجاهل طفولتها ويقتحمها وينسى انسانيته وضميره مسح على كتفها بهدوء وهو يمسح دموعها: قومي يا شوق قومي بدلي وغسلي وتعالي مو قلنا بنسهر على فيلم ونضحك وننبسط
نزلت شوق راسها بضيق وقالت: طيب
وقفت وهي خجلانه من نفسها وتدعي لنادر من كل قلبها وبدلت وغسلت وجهها ورمت القميص بالزباله بكرهه لهالموقف ورجعت تجدل شعرها وطلعت لنادر للي كان في صدمه لكن يحاول يتصرف وكأن شي لم يكن عشان شوق جلست بجنبه شغل نادر الفيلم وجلس يتصنع الابتسامه وهو يفكر في حال شوق لو ماكانت عنده لو ربي ما لطف وتزوجت واحد مايخاف الله وش كان بيصير فيها انسدت نفسه عن كل شي حتى عن روحته لاهله وكرهه خالته وابو شوق وكل واحد له يد في زواج شوق او اي طفله من عمر شوق
_______________________.
وفي بيت ابو خلف
كانوا كلهم مجتمعين هناك بحكم ان العشاء عند ابو خلف ومحمد وعقاب يطرحون فكرة الكشته ويأيدونها ويتناقشون فيها
وخلف جالس يتقهوى بهدوء بس الكل لف على غيث اللي مر من قدام الكل وهو كان طول اليوم ساكت راح لخلف اللي نزل الفنجال ومد يده يستقبل غيث متعود ان غيث غالب الوقت يجلس جنبه لكن غيث مسك يده وهو يسحبه عشان يقوم
خلف : وش تبي!
غيث: تعال هناك ابيك شوي
فيصل: انت وش مسويي هاه من اليوم هاجد وامورك ماش
عزوز : مكشوف من يوم جاء لخلف واضح مسوي مصيبه اعترف احسن لك
ابو خلف : غيث وش فيك
خلف : خلوه وش فيكم عليه
محمد : قم معه طيب
وقف خلف وراح مع غيث اللي دايم مايسوي كذا الا اذا فيه شي دخلوا الغرفه وسكر غيث الباب والتفت خلف : غيث وش فيك !؟ صاير شي احد فالمدرسه قايلك شي
غيث: لا
خلف جلس مقابله : وش فيك طيب
جلس غيث: تعرف جيرانا الكويتين
فز قلب خلف وقرب : ايه وش فيهم؟
غيث: اليوم جو هنا وجت بنتهم ليلى عندنا
احتر وجهه خلف وهو مايدري وش عرف غيث بسالفة ليلى وعمر غيث ما حكى بالحريم اللي يجون عندهم خلف : طيب!
غيث : دخلت هنا غرفتنا
بدا قلب خلف يضرب مايدري وش النهايه والتفت يناظر الغرفه بتوتر: وش تبي!؟
غيث : كان معها علاج تقول انها جابته لك عشان تصير طيب ولا عاد تمرض وعاد يصير لك شي
تنح خلف واتسعت عيونه بذهول وهو يشيل غيث وجلسه على رجله بذهول : وشو علاج وينه!؟
غيث : هنا تحت الزوليه انا قلت لها تحطه عشان هي قالت اذا احد عرف ما رح تطيب انت
ابعده خلف ورفع المسند بسرعه واخذ الظرف من تحت الزوليه بذهول وصدمه وفرحه تدارك نفسه قبل ينتبهه غيث لفرحته ولف: هي شافت الاوراق هاذي!؟
غيث: لا هي بس حطت الظرف
دخل خلف الظرف بيجيبه وهو يرجع كل شي ولف على غيث وهو يجلس قدامه بتحذير : اسمعني يا غيث زين ما ابيك تقول لاحد ابد عن هاللي صار طيب، عشان اطيب واصير بخييير واذا قلت لاحد بزعل عليك ولا عاد اكلمك وبصير امرض كل شوي
غيث: لا لا ما اقول لاحد
خلف:واذا احد قالك شي علمني طيب
غيث: زين
خلف: يلا روح ولا تقول شي
طلع غيث وجلس خلف ورا الباب وهو يفتح الظرف وهو مبتسم وقلبه يرجف من وناسته لكن شاف الخلخال وشاف ورقه معه مكتوب فيها ( اسمع يا خلف انا ماتعنيت وجبت لك دواك الا خوف من ربي لا يصير فيك شي وانا السبب لكن هاللي تسويه مو مقبول ولا تكررها احسن لي ولك عشان ما اقول لجابر وحزتها ما يصير لك طيب )
كان المفروض يعصب خلف من الكلام كان اقل شي يسويه انه يتضايق لكنه ضحك خلاص مافي يده حيله كل شي صار بصفها وكل شي فيه صار يحبها مافيها حيله سكر الظرف وحطه بمحفظته وطلع وهو لا شعورياً يبتسم
ابو خلف : وش يبي فيك غيث
خلف : ولا شي بس قبل عطيته اغراض لي يخبيها وتوه يتذكر
عقاب : ماشاء الله يالامانه
محمد ضحك وهو محتضن غيث : كفو السنع كفو
عقاب : خليف اجهز بكره بنطلع للكشته ان شاء الله
خلف : اتفقتوا !!
ابو ناصر: ايه ايه
دق الباب وفتح سالم وابتسم : خالي ماجد
دخل ماجد وهو يسلم عليه : حي الله سالم
وقفو كلهم يستقبلون ماجد ويرحبون فيه وكانوا متعودين على جيات ماجد كل اسبوعين
ابو خلف : طولت علينا هالمره يا ماجد
ماجد: والله جتني مهمه بشغلي واضطريت اطلع لجده كم يوم
ابو ناصر: لله يوفقك
فيصل :زين ان وعد ما راحت تدرس كان الحين رايح ومخليها
الكل لف له بغضب لكن عقاب ابتسم لانه اعجبه هالموضوع وينتظر بس قنبلة مبارك تنفجر وتزين اموره بعدها
ماجد: بيعوضها الله وعد ان ماكان السنه ذي السنه الجايه
وقف عقاب بكرهه: وش باقي على عشاكم يا فيصل
فيصل: جهز خلاص
جاء سالم ينزل السفره والكل اجتمع العشاء وبعد العشاء طلع عقااب وهو مايطيق ماجد ابد وراح جده وعزوز والكل رجع لبيتهم وخلف استأذن انه بينام لانه تعبان واخذ معه غيث عشان يضمن سكوته وابو خلف بعد وام خلف
ولا باقي الا ام وعد وماجد وعيالها مجتمعين بالسطح
_______________________.
في بيت النوخذه
ليلى من المغرب وهي كأنها على نار وخايفه ان غيث يعلم ووتنفضح ويوصل الخبر لجابر وياويلها لو جابر عرف
تحركت بانزعاج ولف ابوها: ليلى شفيچ يبه وين رايحه
جابر : غريييبه شصاير بالدنيا وين العود والازعاج
ابو نهيان: فيچ شي يبه احد مضايقچ
ليلى ابتسمت بضيق: لا يبه ماكو شي بس تعباانه خاطري انام بدري
جابر بضحك: تعبانه من شنو الرقص!؟
ضحكت شيخه: لا وانت الصاچ من الهذره والسوالف ويا بنات القايد
ابو نهيان: بس عاد انت وياها جوزوا عن بنيتي روحي نامي يبه روحي
طلعت ليلى ودخلت غرفتها ولف ابو نهيان: ام نهيان شفيها ليلى !؟
ام نهيان: مافيها شي تعرف بنتك عياره اكيد هاذي خطه عشان بكره ما نروح الكويت ونقعد هنيه
جابر : والله صاچه امي
ابو نهيان: لا والله ليلى اعرفها اذا تعبانه
شيخه: يبه والله مافيها شي تعشى بس
سكت ابو نهيان يفكر بليلى وليلى تفكر باللي صار اليوم وتفكر لو خلف استنذل واستلعن من تهديدها فالرساله وممكن يخرب حياتها لكن من طرف تفكر بالسبب اللي خلاه يفركش خطبته من سحر
_______________________.
وفي بيت ابو خلف
كان خلف منسدح بهدوء والتفت لغيث اللي جنبه يلعب ولف خلف بهدوء لكن اول ما شد له اللحاف كأنه شم فيه ريحة عطر غريبه !؟ وصد بضحك ( انهبلت يا خلف ما وصلنا لدرجة العطر ) ولف يبي يتاكد من غيث : غيث شم اللحاف !
قرب غيث : ليش !
خلف: تشم عطر!؟
غيث قرب بهدوء وابتسم : زي عطر ليلى
فز خلف وجلس :وشو!؟
غيث : ليلى جلست هنا اليوم
الحاصل ان ليلى كانت معطره يدينها واول ما جلست مسكت اللحاف وابعدته ماتوقعت عطرها بيمسك باللحاف
رجع خلف بهدوء ينسدح وهو يسحب له اللحاف وغمض وهو يفكر لبعيد لايام ماعمره فكر فيها الا اليوم
دخل غيث معه ونام غيث وخلف يبحر في احلامه
_______________________.
وفي سطح بيت ابو خلف
كانت ندى تقص على ماجد اللي صار وماجد في ذهول
ماجد: وليه سحر رفضت!؟
اماني : مو بس سحر حتى خلف طلع رافض
ماجد: ليه؟؟
ام وعد: كل واحد يشوف الثاني مثل اخوه وعاد كل شي قسمه ونصيب
وعد : زين انها ما كبرت اكبر من كذا
وجدان: خفت ان ابوي يزعل على عيال عمي والله وقتها اموت من دون شهد
فيصل: لو سواها ابوي بتكون حسنته الوحيده يفكنا من انتي وياها
سالم : انا اشهد
ام وعد: اقول ورا ما تقوم تنام انت وياه بكره ورانا كشته يلا يلا
قام فيصل وسالم ولفت ام وعد لوعد: قومي وعد حضري فراش خالك
وعد : ابشري
الكل رجع يسولف وماجد في عالم ثاني كان يفكر في رفض سحر للي من سنين وهو خاطره يجي هالرفض من سنين وهو مب قادر يمر هالمرحله اللي كان فيها خلف عايق لكن الحين فرجت الحين يقدر يقول حلمه المستحيل بيتحقق كان في عالم ثاني وهو يقول ( سبحان الله اللي رجع لقلبي الامل ووجبت هالمعجزه اللي ما هقيتها تصير )
حنان: خالي وين وصلت؟؟
ماجد: هاه !؟ ابد قريب بس تعبت من الطريق
ام وعد: يلا شوي وتجهز وعد مكانك وتنام وترتاح وزين جيت عشان تطلع معنا
ماجد : زين
_______________________.
عند وعد
اللي طلعت تركض عشان تجهز لماجد فراشه لكن وقفت عند الباب بذهول وهي تسمع كل شي قاله غيث لخلف واتسعت عيونها بذهول ( وش جاب ليلى لغرفة اخواني!؟ وش وداها لفراش خلف !؟) حست بصداع اجتاحها لكن ما حبت تسيء الظن ودخلت بهدوء لكن وقفت وهو تناظر خلف اللي كان مبتسم لكن اختفت ابتسامته فجأه وهو يسكر يده واضح فيها شي
خلف : وش فيك!؟
وعد : ولا شي بجهز فراش لخالي
خلف : زين
صد قبل تنتبه لملامحه وهو يدخل الخلخال في الظرف بدون ما تشوفها ورجعها تحت الزوليه
ووعد اللي ماغاب عنها تصرفه وشاكه فيه وهي ماهي قادره تفكر في شي من كثر ماهي مصدومه وبعد شوي دخل فيصل وسالم وبعدهم ماجد وطلعت وعد وهي للحين تحاول تفكر
رجعت لفراشها وهي تفكر لكن جلست بذهول خايفه ان خلف له سالفة مع ليلى وبسببها رفض سحر غمضت وهي تدعي بنفسها ( يارب لا يارب )
_______________________.
ومن بكره في بيت الجد قايد
الكل صاحييين والكل يجهزون ومحمد وعقاب مشرفين ومضاوي تركض بينهم وهي مستانسه اكثر وحده وطبعا كل طلاب المدارس فرحانين لانهم غايبين اليوم
والباب الفاصل بينهم مفتوح والكل يركضون رايحين جايين ويجهزون
وفيصل عزوز وسالم يرتبون الاغراض بالسيارات وابو خلف يشرف عليهم
وخلف راح يجيب اغراض من البقاله ومعه غيث
وفي هاللحظه وعد كانت تجمع اغراض اخوانها ووقفت عند فراش خلف وهي تبعد المسند تبي تشوف وش مخبي خلف طلع الظرف وهي تدعي مايطيح من عينها خلف ولا يطلع مخبي شي كايد
فتحت الظرف وطلعت الخلخال وفتحت الورقه وهي تقراها بذهول
كان مكتوب فيها رد خلف على ليلى وكان ناوي يرجع لها الخلخال وكاتب لها رد يقول فيه ...
( شوي شوي على نفسك يا بنت النوخذه لا تفهميني غلط وتسيئين الظن .. انا ماني ناوي شر ابد لكن انا قلت لك نسيت دواي عندك وانتي ماقصرتي وجبتيه لي وانا احب اني اتصرف بنفس كرم الاخلاق واصلح اللي صار بسببي وجبت لك بدل خلخالك المقطوع خلخال انا ما ابيك تعتبرينه شي سيء لانه فالنهايه من حقك ، وعلى فكره قدرتي تقنعين غيث بعذر ان معك علاج بيشفيني تماماً لكن احب اقولك ان مو عذر ابد هذا حقيقي انتي معك دائي ومعك دوائي)
مسكت راسها وعد بذهول وصدمه مرعوبه من كل فكره شينه طرت لها !؟ وجاب خلف عند ليلى عشان ينسى دواه عنها !؟ وش وصله لخلخالها عشان يقطعه!؟ وكثير اشياء تعبت براسها وصدمتها
ولفت بصدمه على باب الغرفه اللي انفتح وكان خلف اللي دخل اول ما تذكر انه نسى فلوسه ورجع ياخذها لكن جمد اول ماشاف الظرف في يد وعد والورقه اسرع وهو يسحبها من يدها كلها : وش تسوين انتي!؟
وعد ناظرته بذهول : انا وش اسوي!؟ السؤال مردود عليييك يا محترم! وش ذا اللي اشوفه
خلف :من سمح لك اصلاً تمدين يدك لاغراضي ! وتفتشين فيها
وعد : لا تحول الموضوع يا خلف !؟ بتقولي الحين وش بينك وبين هال..
قاطعها خلف بغضب: مب شغلك هذا واحد وبعدين كم مره قلت لك انتي وغيرك اللي بتاخذ اغراضي بكسر يدها
وعد : لا تصارخ علي ياخلف ! انا ماني مثل غيري والحين بتقول وش وداك ليلى عشان يصير دواك عندها وش جاب خلخالها لك وقطعته!؟
ناظرها خلف بغضب من تفكيرها وسوء فهمها: انهبلتي انتي وش هالكلام
وعد :هالكلام انت اللي تقوله بالزفت اللي انت كاتبها لها ، لكن تدري طول عمري اشوفك اطهر انسان فالدنيا ماهقيتك مثل باقي الرجال دنيء وماتستحي
بدون مايحس خلف رفع يده بيضربها لكن تماسك في اخر لحظه وهو طول عمره ما مد يده على خواته حتى لو هم غلطانين
ضرب الجدار جنبها وهو ييقول بهمس غاضب: اقصري صوتك وانكتمي لا احد يسمعك وهالكلام اللي تخربطين فيه كله غلط بغلط
وعد : بتضربني! عشانها ! وبتسكتني عشان ما تنفضح!؟ خفت من الفضيحه بس ما خفت من ربك عشان كذا تركت سحر المسكينه اللي تركض وتداري مصيبتك ومتحمله البلاوي اللي صارت عشانها وخليتني شريكه لك في بلاويك
مسك ذراعها خلف بغضب وهو يهزها : كلمة ثانيه صدقيني تندمين وان عدتي كلامك دفنتك بأرضك واصحي احسن لك لا تاخذك العزه بنفسك وتشوفينك انتي الصح دايم عشان ما التفت واذا التفت صدقيني بتشوفيني احقر من كذا بكثير
اخذ الظرف وطلع بغضب وهو يكرهه هالتصرف وهاللي صار لكن من الارتباك مايدري وش يسوي هذا غير وعد اللي فهمت كل شي غلط وممكن تسوي مصيبه بعد طلع من البيت ضايق صدره وبالقوه ياخذ نفس من الضيقه
ابو خلف : انت ما رحت الحين عجل علينا
خلف : الحين بروح
طلع للبقاله وهو مايدري كيف بيحل هالكارثه كيف بيتفاهم مع وعد وكيف بيفهمها هاللي صار
اما وعد اللي كانت في دوامه ماهي مصدقتها كيف خلف اخوها اللي طول عمرها تشوفه احسن واطهر قلب وخلق كانت تحطه بكفه والعالم كلها بكفه كيف يسوي هالشي وكيف تهتز صورته بعينها بذا اللي سواه نزلت ماهي مع العالم ولا تدري كيف بتفسر اللي صار
_______________________.
في بيت النوخذه
الكل كان يجهز عشان يروحون الكويت يقضون فيه هالاجازه ويرجعون وطلعوا متجهين للكويت لكن وقف جابر : احد يبي شي من الدكان
شيخه : انا خاطري بعصير بارد
ابو نهيان: جيب لنا كلنا
ام نهيان: انت تعرف للي نحبه
فزت ليلى: يبه تكفى بنزل وياه الدكان
جابر: ما عوزچ حبيبتي وين رايحه ان شاء الله
ابو نهيان: شفيك عليها ترا دكان كل الناس تنزل له خذها وياك خذها
انجلط جابر : يببببه وين تنزل !؟ يشوفونها وياي
ليلى تخصرت: ليه حبيبي مستحي مني !؟
ابو نهيان: كم مره اعلمك عن هالحركات ما تفتهم انت اسمع الكلام بس
جابر : زين يبه لكن تغطي عيونها لا ابطها ( افقعها)
نزلت ليلى وهي مبتسمه ودخلت معه وهي تحوس بالبقاله وتاخذ شي يكفيها لطريق
لكن لفت بقوه اول ماسمعت جابر يقول : خلف حياك
تصلبت يدها على الرف وبردت اطراف خلف اول ماعرفها ماكان متوقع يشوفها بعد موجة العصبيه اللي تسببت بها وعد لكن تذكر الظرف اللي معه ويدينه قدام ولازم يتخلص منه تقدم يسلم على جابر اللي كان سلامه حار واقرب للحضن وكان خلف يشوف ان ليلى تناظر مايدري كيف تجرأ وطلع الظرف من جيبه بهدوء ومده ليلى وهو للحين يسلم جابر عشان ما ينتبه
في لحظة بغى يوقف قلب ليلى من اللي سواه ماكانت تفكر بشي كثر ماتفكر بجابر للي لو شافه ذبحها وذبحه سحبته بسرعه وهي تدخله بكم العبايه وابعد خلف وهو مبتسم بتوتر
جابر : زين شفتك قبل نروح الكويت
لف خلف بقوه: رايحين الكويت!
جابر: يومين ورادين ان شاء الله
خلف : الله يستر عليهم ويحفظكم
جابر : زين اترخص ورانا طريچ
خلف: وداعة الرحمن
لف جابر وشاف ليلى متجمده وقرب بهمس غاضب: خلصتي!
ليلى: ايه ايه
جابر: ذلفي لسياره يلا
طلعت ليلى وهي نص اغراضها ما اخذتها وطلع جابر بعد ماحاسب وهو يعطيهم الاغراض وليلى مصلبه ماهي قادره تتخطى اللي صار كانت شاده على الظرف بكل قوتها ماهي قادره تخبيه او تفتحه اخذت نفس وقالت لهم انها بترجع للمرتبه الخلفيه بتنام ورجعت وقلبها يدق وفتحت الرساله تقراها بذهول وغمض وهي تسكرها ( مافيه فايده ييييمه ياقوة قلبه وجرأته ، مدري شسوي فيه لله يستر الله يستر)
_______________________.!
وفي سيارة عقاب
كان خلف وفيصل وعزوز وسالم وغيث في سياره وحده وكانوا فيصل وعزوز وسالم وغيث ماسكين فعاليات السياره وهم اللي مسوين جو بالرقص والحماس
وخلف يفكر بالكارثه اللي صارت!؟ وعقاب يفكر بالانتقام
وكلهم ساكتين لكن قرب فيصل : خييير يا الاخوان وين وصلتوا
عقاب : وش فيك انت فجعتنا !
فيصل : ابيكم تشاركون في الحماس
خلف : انت مستانس
فيصل: ايه
خلف : خلاص مالك شغل فينا
ضحك عزوز: قايلك خلهم بحالك امش امش ارجع
رجعوا لحماسهم والتتف عقاب: خلف وش فيك اليوم!؟ خلف : ا مافيني شي بس احس تعبان شوي
عقاب : وش فيك تحتاج مستشفى!؟
خلف : لا لا شوي واصير كويس ، انت وش تفكر فيه!؟ عقاب : ولاشي
ما دقق خلف كثير ورجع لمصيبته
_______________________.
وفي سيارة محمد
كانوا مضاوي وهياا وسحر وشهد وعهد ووجدان معه والجو كااان رهيب معه والكل يتهاوشون عشان يروحون معه لكن قالت عهد: وجدان ! ليه مارحتي مع خالك!؟
وجدان: انا احب اروح مع عمي محمد اكثر من خالي ومع شهد اكيد
مضاوي لفت بحقد على عهد: وش فيها اذاا راحت معنا !؟
عهد: مافيها شي
محمد : ليت وعد جت بعد
هيا ضحكت: لا عاد وعد ماتخلي خالها ابداً وتجي
ابتسمت سحر بهدوء: ايه عاد كلهم يحبون خالهم
محمد : ينحب والله ماجد
وجدان: اصلا خالي مايروح بدون وعد لو مدري وش يصير يحبها
عهد بنفس الحقد : والله مدري وش هالمنافسات على حب وعد
كانت مضاوي مستقعده لعهد : والله وعد تحب الكل والكل يحبها ما تحقد ولا تحسد
محمد : وش صاير انتم!؟؟ فيه شي
سحر: لا مافيه شي ياعمي
سكت محمد وهو يرفع صوت الاغاني واستنزلت عليهمم مضاوي وهي تستهبل وتضحك والكل يضحك منها
_______________________.
في سيارة ماجد
كان الوضع مختلف كان جو سوالف بما ان ماجد يحب السوالف مايحب الاغاني والازعاج
اماني : خالي خاف الله قدر حسي الفني شغل اغنيه شي تقطع علينا الطريق
حنان: لا تكفى كذا احلى نسولف مبسوطين
ندى: ليه ما رحتي مع عمي دام تبين الهيصه
اماني : ما لقيت مكان والله
ماجد: افا والله لهدرجه ما ينجلس معي
ضحكت اماني: لا والله محشوم بس الدنيا ماهي كلها سوالف
ضحك ماجد ولف يناظر وعد السرحانه: شكل اليوم مزاج وعد يحتاج اغاني ورقان دامها ماهي رايقه
لفت وعد تحاول تسولف : لا والله لكن فيني صداع شكلي تاثرت من الهوا
ماجد : بسيطه خذي مسكن وان شاء الله بسيطه
وعد :اخذت
ماجد: اجل انقذينا يا اماني بأغنيه تروق
ندى: خالي كل الشرطان اللي عندك اثنين وكلها حفظناها
طلعت اماني من شنطتها شريط وهي تضحك: ماعليكم انا اضبطكم وصيت عمي محمد امس وجاب لي هالشريط اللي يوسع الصدر في اغنيه لطلال بلللسم
ماجد : احب اقولك انك مسوقه رائعه تجيبين الشي وهو شين وتحببين الواحد فيه غصب
ضحكت اماني: افا عليك ياخالي ماراحت كتبك خساره
اخذ ماجد الشريط وهو يشغله واماني تعدي فالاغاني لين وصلت الاغنيه اللي تقصدها وقالت : اسمحوا لقلوبكم وعقولكم انها تعيش الاحساس
سكتوا كلهم ينتظرون الاغنيه وارتفع صوت طلال اللي تغني معه اماني بكل احساسها وترقص بضحك وكملت معها ندى (مرحبابك ياهلا ... يا هلا يا مسهلا
جامعٍ زين و حلا ... يا حبيب الله عطاك
انت ما مثلك بشر ... يا قمر خمسة عشر
زاد همي و السهر ... من هواك و من غلاك)
ضحك ماجد وهو يهز راسه بحماس كان يردد بنفسه يقول ( اي والله ياهلا ويا مسهلا)
الكل في عالم ووعد في عالم ثاني
_______________________.
في سيارة ابو خلف
كانوا موجودين فيهاا الكبار كلهم وكان ابو خلف شارد شوي
ولف ابو ناصر: وش فيك يا ناصر !؟؟
ابو خلف : والله يبه وصلني اليوم اتصال مدري كيف افسره
ام ناصر: خير ان شاء الله
ابو خلف: هو خير خير
ابو ناصر: وشو!؟
ابو خلف : اتصل فيني رجال اسمه مبارك يقولون انه من زملاء عقاب في الدوام
ام ناصر بخوف : لا يكون عقاب مسوي شي اشوفه له ايام ماهو عدل
ابو خلف: لا عقاب ماله شغل بس الرجال جاي خطاب
ابو ناصر: يخطب من!؟
ابو خلف : يقول ابي اكبر بناتك ويبي مني موعد عشان يجي
الكل لف له فرحانين ام ناصر: زين الله يكتب نصيبها بكل خير
ابو ناصر :لكن وش مضيق صدرك انت ؟؟
ابو خلف اللي كان تخطيطه غير كان راسم ان خلف يتزوج سحر وعقاب ياخذ وعد وكثير اشياء حلم بها لكن الحين بعد اللي صار ما عاد يقدر يحقق هالحلم ولا يقدر يقول لعقاب تزوج بنتي ويرميها عليه عشان كذا كان في حيره: لا بس ما اعرف الرجال
ام خلف: تقول انه من اصحاب عقاب اساله عنه
ابو ناصر: وهي صادقه
ابو خلف : يصير خير ان شاء الله
ابتسمت ام وعد وهي فرحانه واخيراً ممكن تشوف وعد عروس
_______________________. .
عند نادر
اللي كان يجهز عشان يروحون بيت جده لكن كان خاطره يكلم شوق بشي لكن مايدري كيفف يتكلم وهو متوقع اي شي من امه
اتجهه لها وهو يشوفها تمشط شعرها ووقف وراها مبتسم
ولفت شوق: وش فيك !؟
نادر ببتسامه: تسمحين لي اجرب !
شوق: وشو!؟
اشر لها نادر على المشط : بمشط شعرك
ضحكت شوق بذهول وضحك نادر: كنت قبل احب امشط شعر امي استانس عليه مدري الحين صار ودي امشط شعرك
ابتسمت شوق وهي تعطيه المشط اخذه مبتسم وجلس وجلست شوق قدامه شوي ونادر يمشطه بهدوء وقال: شوق
شوق : سم
نادر : سم الله عدوك بس اسمعيني بكلمك بشي
شوق: اسمع
نادر: احنا بنروح لامي الحين واحتمال امي تقول نفس كلام امك او تقابلين احد تافهه بيسألك نفس الاسئله اللي مالها معنا وانا ما ابيك تردين على احد ابد ولا تعطينهم اي تفصيل مهما صار
واذا امي اصرت عليك .. سكت شوي بضيق قولي لها : تسألني انا طيب !
نزلت راسها شوق بضيق : ابشر
نادر : تبشرين بالجنه ، بس شوفي كذا خلاص
وقفت شوق تناظر شعرها وابتسمت: ايه
نادر: زين اجل يلا
طلعوا للبيت جد نادر اللي على نار متوتر ومكشوف توتره وهو كل همه شوق ماهمه نفسه
_______________________.
وعلى الشاطي
الكل وصل ونزلوا الكل وبدوا الرجال يسوون المخيم والكل يشتغل وشاد حيله وبعد ما انتهوا وتغدوا وبرد الجو العصر افترقوا يتمشون بالبحر ويركضون يلعبون
لكن عين خلف على وعد اللي واقفه بلحالها بعد عن الناس عند البحر وواضح تفكر قلبه موجعه عليها مايدري كيف بيفهمها
وماكان بس خلف يراقبها حتى عقاب كان واقف ببتسامه وهو يشهد على اخر وقفات الشموخ بالنسبه لوعد واول الانهزام
ضحك وهو يتجهه لخلف : خليف وينك عن البحر
خلف : بجيكم اسبقوني وبجي
عقاب : عجل لا تخليني مع هالمجانين
ضحك خلف : زين
راح عقاب يسبح مع العيال وهم يشوفون فيصل وعزوز يلعبون بسالم وغيث يرمونه على بعض وماجد مع محمد يسبحون ويسولفون
وابو خلف وابو ناصر واقفين ما دخلوا يسبحون لكن ابتلشهم عقاب وهو يمزح معهم يرش عليهم المويه لين قررر ابو ناصر يدخل عشان يلعن خيره ودخلوا كل الرجال يسبحون
_______________________.
طرف الحريم كانوا يتقهوون عشان بعد المغرب يجي وقتهم
ورمت مضاوي الفنجال بقهر: اااه ياحظ الرجال شوفوا اخذين راحتهم يسبحون ويرقصون ومحد عليه من احد لكن احنا محكوريين
ضحكت ام خلف : ليه ودك تطبين تسبحين مثلهم وكلٍ يشوفك
مضاوي: ايه وش فيها!؟
شهقت ام ناصر : هذا اللي ناقص عليك ياللي ما تستحين
اماني : قلنا احلمي يا مضاوي ماقلنا افصخي الحيا
هيا : الله اللي يوزع العقول يعطيك عقل بس
مضاوي: خلاص خلاص ماني سابحه بس قوموا نلعب كوره ورا محد عندنا
ام وعد: انتبهوا لا يسمعونكم الرجال
هيا: و لا تصارخون لو سمع عقاب صراخ دفنكم
مضاوي : انتي ما تبين تلعبين
هيا: لا بجلس اتقهوى
وجدان وشهد : يلا سرقنا الكوره من العيال
طلعوا كلهم ورا ورمت مضاوي العبايه وانطلقت تلعب ومعها البنات والكل متحمس ويلعب
_______________________.
انتهى.

[صواديف عشاق]

في طرف بعيد
كانت وعد جالسه وهي تفكر متى بدت عالقة خلف بليلى وش
اللي صار وش اللي مادرت عنه اكبر من ذا لكن فزت على صوت
خلف : وعد
طنشت وماردت ورجع يناديها: اكلمك يا وعد
وعد : خير!؟ وش اللي بتسويه بعد!؟ نسيت شي ماقلته !
اخذ خلف نفس: وعد ال تحديني على شي ما ابيه كلميني زين
وعد وقفت بغضب: اكلمك زين على اي اساس !ياخلف!؟
خلف : انتي فاهمه كل شي غلط
وعد: كل ذا وفاهمه غلط!؟ خلف : اسكتي ياوعد وخليني اشرح
زي الناس الني مابي اتهاوش معك على سالفه ماتسوى
تكتفت وعد وهي تنتظر تبرير تافهه لكن خلف كان يحاول يشرح
اشياء ويخبي اشياء ومابدا من بداية القصه ال قال : يوم تهاوشت
مع ابوي طلعت ضايق وقابلني جابر عزمني لبيتهم للعشاء
ورفضت لكن اصر وقالي مافيه احد بالبيت وكان ضايق صدري
قلت اروح اوسع صدري معه شوي وقالي اطلع السطح عشان
نجلس بالهوا وطلعت ما دريت ان فيه احد لكن بالصدفه لقيت
فوق بنت انفجعت وهي انفجعت وكانت تحسب اني حرامي النها
فالبيت لحالها مدري وين كانوا اهلها وكانت بتصرخ وبتسوي
سالفه لكن بالقوه لين قلت لها اني ضيف اخوها وما مداني
استوعب اال جاء جابر وخفت انه يفهم غلط ويحوس الدنيا
واضطريت ابعد البنت ورا قراشع ورميت كل شي معي عندها
مدري ان البخاخ حق الربو معها وهي تعثرت وطاحت وانقطع
خلخالها وطاح اخذته عشان ما ينتبه جابر حطيته بجيبي ونسيته
وجلست المهم كنت اكح باستمرار وقلت لجابر اني ضيعت دواي
وهو ما درا عن شي وطلعت بسرعه
المهم اليوم الثاني جت هي وامها المحل معهم راديو خربان
وحطت البخاخ معه ورجعته لي واول ماشفت انه رجعت الدوا وما
استهانت بصحتي قررت اعوضها واشتري لها بدال خلخالها واحد
جديد ورجعته هي وعطته غيث يوصله لي وانا رديت
وهاذي كل السالفه وانتي كل اللي قلتيه شين ومحد يقبله
نزلت وعد يدينها بذهول من اللي سمعته كانت تعرف خلف اذا
كان صادق وندمانه على سوء ظنها بس تحس السالفه ناقصه
لكن قالت: يمكن السالفه صحيحه بس الميانه اللي بالرساله ما
تقول ان هاذي كل القصه
خلف بغضب: اسسىمعيني يا وعد ال تناظريني بنظرة الواطي
هاذي ! ما اسمح لك
وعد : وانا وهللا ما ودي اشوفك كذا
ناظرته بتمعن وقالت: تحبها من قبل صح!؟
.
اخذ خلف نفس يبي يهدي ارتباكه : وعد انا ما يهمني في ذا كله
اال شي واحد مابي تفهميني غلط مابي اتهاوش معك على اشياء
مالها صحه ابد مهما كان انتي اختي ومو بس اخت انتي اكثر
انسانه اثق فيها
وعد : عشان كذا اقولك ال تخبي شي يا خلف اذا فيه شي قلي انا
سترك وغطاك
انقذ خلف جيت البنات ولف بسرعه وهو يقول : لو فيه شي الزم
تعرفينه بجي اقولك ال تخافين
راح وترك وعد اللي نوعا ما ارتاحت وحاولت تصدق وتتأقلم مع
البنات وتنسى السالفه
اما خلف كان يمشي بهدوء وهو يفكر ! من متى صار بكل
هالعجله والجرأه ! من متى صار مايفكر بالعواقب وال يحسب
حساب احد ! من متى صار مندفع !
كان خلف اصال من اطباعه ان وااضح وصريح ومشاعره
ومكشوفه خصوصا لناس اللي تعرفه ما كان شاطر كثير في
التخفي
لكن هذا قبل يوم كان انسان طبيعي وهادي وقلبه مرتاح وراكد
لكن بعد ما تلخبطت دقات قلبه وبعد ما دخلت هالليلى حياته
مايدري وش صار فيه ! ماصار يفكر اال فيها ! وفي اي صدفه
تجمعهم ماكان يهتم بالطريقه لكن المهم يكون بصوره مناسبه ،
مايدري كيف قدر يخفي على وعد مايدري كيف قادر يحول كل
االسباب لمصلحته وتخدم هالمشاعر اللي يحس فيها اتجاه ليلى
ماكان خلف يعرف يراوغ لكن هالفتره صار بكل ثقه وبرود يقدر
يسحب كل شي لصالحه بدون ما احد يحس
اجتمعت فيه صفات جديده ماهي صفاته من غير إدراك منه رمى
نفسه بالحبر والمويه ابعد عنهم كثير وهو يحاول يسترخي ويركد
ويعرف كيف يتصرف وهو للحين ما يدري وش ردة فعل ليلى من
هاللي سواه بالبقاله
.___________________
وفي بيت جد نادر
وصل نادر اللي ما ابعد عن شوق ابد بالعكس كان ملصقها جنبه
وال يبيها تروح مكان ما يبي احد يزعجها ويضايقها وخصوصا
ان فيه حريم
والكل يناظره باستغراب ام نادر : شوق تعالي معي وانا خالتك
هناك عند الحريم نتقهوى معهم
نادر التفت بسرعه : ال ال خليها تتقهوى معي
التفت جده بغضب: ما تستحي انت!؟ وش بالك الزق بالحرمه هاه
! اعقل
صد نادر بزهق : ماتبي تروح خليها يمه
ابو نادر: ترا محد اكلها
كانت شوق متضايقه شوي من هالمشاده وهمست: نادر بروح
ماعليك
نادر بنفس الهمس : كل الحريم هناك اعرف وخايسات
مايستاهلون روحتك لهم
شوق : ماعليه بروح عشان خالتي
نادر: زين اذا ضايقك احد اطلعي وتعالي هنا
شوق: زين
راحت مع ام نادر ونادر على اعصابه
ابو نادر: انت وش صاير لك وراك على البنت هاه!
نادر: وش صاير لي يبه وانا ما اشوفه!؟ جده : هقيتك رجال لكن
وين اذا بزر هالكبر وجايبه خشمك لالرض .
.
ضحك نادر : ياهلل لك الحمد اخيرا شاف هالشي وريحني
ابو نادر: نادر اعقل
نادر : وهللا اني عاقل يبه وما هقيت اني في يوم بصير بكل
هالعقل ماهقيت اني بصدق مقولة زوجوه ويعقل ! لكن انا اشهد
ان هالزواج عقلني ووراني وش كثر انا عاقل
سكتوا مستغربين كالمه
لكن وقف نادر بضيق وطلع وهو يطلع زقارته وهو صادق في
كالمه )نادر عاقل عاقل كثييير مقارنة بالجنون اللي سووه (
وبعد ماراحوا الحريم طلع ام نادر
ام نادر: تعال نادر ابيك شوي
اتجهه لشوق : هاه تمام!؟
شوق ابتسمت: ايه ماعليك
رغم ان شوق تشوف نظرات الحريم لها ! مستغربين ان هاذي
زوجة نادر لكن تجاهلت
جلست وراح نادر : نعم يمه
ام نادر: انت انهبلت رسمي وقضيت صح!؟
نادر: ليه!
ام نادر: اقدر افهم وش هاللي تسويه ! ماعاد فيك عقل خالص !
قمت وطحت عندي مليون مره ويوم تزوجت انهبلت !
نادر: زين يمه انا مهبول ممكن تاخذيني على قد عقلي وتقولين
لي وش مسوي!
ام نادر : مو قلت يمه بتزوج وزوجتك!؟ ويوم تزوجت ماعاد تبي
البنت !
نادر: من قالك ما ابيها!
ام نادر : خالتك قالت لي كل شي
ضحك نادر باستهزاء : حلووو تجمعتوا علي الحين!؟ اول شي
بقوله محد له شغل بحياتي زين ! وثاني شي ال تنتظرون مني
اخضع لنفسي وانسى انسانيتي ! ال يمه انا ماني مثلكم عديم
رحمه وكالمي االخير ابعدوا عن شوق محد له شغل كيف تعيش
وكيف اتصرف
لف بغضب وهو ينادي شوق وطلع كارهه كل هالديره منهم
.___________________
وفي الشاطي
قبل المغرب كانواا البنات للحين يلعبون بالكوره والمباراه حاميه
وتحمست ندى وشاتت الكوره وطارت وصرخوا عليها
مضاوي: جعل رجلك عاللي طول عمود الكهرب للكسر
ندى: استغفر هللا يالشيييينه ترا طيرتها بس
اماني : شايفتنا فاضين نروح نركض ندورها بعيد
حنان :احسن طارت خلونا نوقف شوي انهد حيلي
جلسوا الكل ولفت مضاوي: سحر اركضي تكفين جيبيها ركضت
سحر بما انها االقرب ودخلت ما بين المخيمات تدورها ماحست
انها دخلت مخيم الرجال الل بعد ما ضربت بشي ورجعت وهي
ماتدري في ايش كان شي مبلول لكن اول ما رفعت راسها تجمدت
وهي تشوف ماجد بنور خفيف من الشمس قبل الغروب شهقت
بسرعه وفزت وطلعت هي شافته بس هو مايدري من صدمه وال
شافها بالظالم لكن سمع صوت البنات ينادونر: ياسحر وين
الكوره
وقالت بارتباك وهي تحمد ربها ماشافها: مدري مالقيتها وخفت
احصل رجال هناك
وعد : خالص وقفوا ما تعبتوا
وجدان :اصال جاء وقتنا نسبح
مضاوي : ايه يال يال
راحوا وماجد واقف بذهول
.
. . وابتسم وهو يتمنى ليته شاف سحر من سنين ماشافها من
بعد ماشافها بالغلط مره وتعلق فيها من سنين ما شافها
لف على صوت فيصل: خالي بتروح!؟ ماجد: اي وهللا وراي شغل
محمد : ليتك جلست شوي الشغل مايخلص
ماجد : ماعليه لحقنا على نصيبنا
ابو خلف : خلص وارجع
ماجد : ببشوف وش هللا يسر لنا
طلع ماجد وهو كله امل انه بيرجع وياخذ اللي يبيه واجتمعوا
الرجال حول النار عشان يدفون بعد السباحه
لكن خلف طلع يدور امه يعرفها تحب البحر
وقف يناديها وقفت ام خلف مسرعه: هال ياحبيبي وش فيك تعبت
!
حضنها خلف مبتسم: ال وهلل انا بخير بس قلت اجي اشوفك
اسولف معك دام الجو رايق وحلو من زمان عنك
ابتسمت ام خلف وهو تحط يدها من ورا ظهره وتمسح بيدها على
صدره : اي وهللا يا خلف من زمان يمه ماجلست معك
تقدم خلف وهو حاضنها ويمشي هو وياها على طرف الشاطي
لين صاروا بعيد وقالت ام خلف : وش فيك يمه من ايام ما انت
عاجبني دايم سرحان وتفكر ما انت معنا
ابتسم خلف : ال يمه مافيني شي وش بيكون فيني
ام خلف بهدوء: مدري يمكن تكون متضايق من موضوع سحر
خلف: ال يمه ال ما تضايقت ابد
ام خلف : انا ادري انك حتى لو تضايقت بتقول العكس عشان
مازيضيق صدر سحر بس عاد الدنيا قسمه ونصيب وان شاء هللا
تحصل نصيبك وازوجك بنت الحالل اللي تفرح قلبك واسوي لك
زواج كل السعوديه يتكلمون فيه
ضحك خلف وهو يبوس كتفها: اللهم امين يمه لكن مابي زواج
تكلم فيه السعوديه كلها
ضحكت ام خلف : وال تزعل تتكلم في السعوديه والدول المجاوره
زاد ضحك خلف وكأن امه جت على الجرح : اجل نظامك دولي يا
ام خلف
ام خلف : ايييه انا هللا ما عطاني اال خلف واحد لو يبي عيوني
يبشر ويامر
خلف : هللا يخليك لخلف ويطول بعمرك على زود الطاعه يارب
العالمين
ام خلف : امين
ابعد خلف وهو ياخذ عبايتها وشيلتهاز ورماها على طرف
وشهقت ام خلف وهو تخبى وراه: يا يمه وش سويت الحين
الناس كلها تشوفني
ضحك خلف : محد فيه يمه ماجد وراح وعقاب وعزوز وعمي
محد متصرعين ماهم حولك والدنيا ظالم انبسطي وتعالي نسبح
ونستانس
ام خلف : ال يا يمه فشله
اخذها خلف وهو يضحك ودخلها وهي متفشله ورفع صوته ينادي
وعد تجيب امها وجابوها وهي بعد رافضه ومستحيه بس دخلوها
ودخلوا معها كل البنات ماعدا سحر وشهد وعهد كانوا واقفين
بعيد يناظرون
ابتسمت شهد: يازينه خلف
لفت لها بغضب: وشو يازينه ما تستحين انتي !؟
شهد: وش فيك انتي تراه مثل اخوي
ضحكت عهد باستهزاء: تلعبون على انفسكم انتم يكذب عليكم
الكذبه وتصدقونها!
سحر: عهد اعقلي! ال يسمعك عقاب .
. ��
.
عهد : خليه يسمعني يمكن تفوقون من دوامة كذبة عيال العم
الحبيبين اللي انتم عايشين فيها ، انا بنام ال احد يزعجني
راحت وتركهم ومحد راضي عنها وعن تصرفاتها تنهدت سحر
بضيق وهو تراقبهم من بعيد بصمت
لكن شهد طلعت وصادفت عقاب : شهد وش عندك هنا!
شهد : وال شي طفشانه قلت اتمشى
قربها عقاب بهدوء: طفشانه ! ليه وين البنات اسمع اصواتهم ليه
ما انتي معهم ! وبعدين وين وجدان ليه ما هي معك
شهد : ال بس البنات راحوا مع خلف هناك يسبحون مع امهاتهم
عقاب : وين سحر وعهد!
شهد:سحر جالسه وعهد هناك تقول بتنام
عقاب : نادي سحر وتعالي
ركضت شهد تنادي سحر اللي جت مستغربه : عقاب تبي شي!
عقاب : ال بس شفت هناك سفينه قديمه!؟ ودكم تشوفونها
ابتسمت سحر وهي تدري ان عقاب مايبيهم يجلسون يراقبون
الناس ابد ال يبي يسعدهم طبعا شهد اللي تعلقت بذراع عقاب وهي
تحكي له عن غش مضاوي في كل شي حتى بالكوره وسحر اللي
تمشي بهدوء تسمع سوالفهم وفعال كان فيه سفينه وعقاب
يحوس فيها هو وشهد وسحر رفضت خايفه يكون فيها شي
وبعد جوله مرعبه في السفينه دخل عقاب للبحر ومعه شهد اللي
تخاف من المويه وتستقوي بعقاب وسحر حولهم
.___________________
وفي بيت ام ضاري
كان ضاري جالس جنبها بخوف وهو يمسح جبينها ويحط عليها
الكمادات
ضاري : يمه تكفين قومي اوديك للمستشفى
ام ضاري بصوت تعبان: ماله داعي ياضاري كلها حراره وتروح
ضاري : حتى لو هي حراره بس مايصير يمه وهللا اني خايف
يصير لك شي
ام ضاري : يا يمه طول عمري ما اروح مستشفى وهذاني بخير
وطيبه وانا اعرف نفسي
تكتف ضاري بضيق وهو مايخاف من شي فالدنيا اال من تعب امه
للي لو تشوف الموت بعيونها ما تقول انا تعبانه
طلع وهو يدور على شي يسويه لها عشاء وبعد ما سوى لها
شوربه رجع وهو يناديها : يمه يال يال العشاء
نزل يساعدها تجلس وهو جالس قريب منها وال سمح لها هي
تشرب ال كان هو يشربها وابتسمت ام ضاري بحب : وهللا اني كل
يوم احمد ربي واشكره اللي طلعني بعز ضيقي ووجهني ولقيتك
ابتسم ضاري وهو يبوس يدها : يا يمه انا وهللا في نعمه معك
وانا ادري لو اني بين امي وابوي الحقيقين ما كنت بهالحياه
وهالسعاده وانا لو ادفع عمري كله في خدمتك وتحت راحتك ما
وافيتك حقك انتي بس اطلبيني قولي ابي وانا اقول تم وحاضر
.
اسفه على التأخير يا بناتï؟½ï؟½ لكن كنت في ظروف نفسيه متوتره
ماقدرت اكتب بارتات وال ابي اكتب اي كالم وشي تافهه
. .
.
ابتسمت ام ضاري وهو تمسح على كفه بحنيه : انت لو تطيعني
في شي واحد بس وتخليني ازوجك وافرح فيك قبل ال اموت
ضاري : بسم هللا عليك يمه هللا يطول بعمرك لكن اذا هذا الشي
بيوسع صدرك اجل تم
ام ضاري : اجل وخر عني انا صرت بخير الحين
ابعد ضاري وهو يضحك : افا يمه ال يكون تخدعيني
ام ضاري ضحكت : شوي بس ، لكن علمني وش هي مواصفات
البنت اللي ودك فيها
تكتف ضاري بضحك وتفكير وهو ماعمره فكر في هالموضوع
ابدا وال حط في عقله مواصفات واعتدل ببتسامه عذبه : وهللا يمه
اذا شفتي بنت واعجبتك قولي الهلها ولها ولدي مايبي اال بنت
حالل تخاف هللا في امه وهذا لحاله يكفي
حضنته ام ضاري وهي تمسح على ظهره بحب : يا علني ما
اذوق حزنك يا حبيب امك
ارتخى ضاري بحضنها بإمتنان وهو مايدري وش بيصير فيه لو
ما ربي رماه بحضنها
.___________________
وعند نادر
للي رفض يجلس في الحفر و على طول رجع للخفجي وهو ساكت
طول الطريق مايبي يتكلم وشوق ساكته بضيق ما تدري وش
تقوله! اول مره تشوفه كذا! وال حبت تتدخل سكت وهي تحاول
تتجاهل كثافة الدخان اللي تخنقها
وصلوا للخفجي ونزلوا للبيت والتفت نادر بهدوء: عادي تجلسين
لحالك شوي!؟ نص ساعه!
شوق : ايه بس انت وين بتروح!
نادر : بجيب اغراض للبيت وارجع
شوق : زين
طلع نادر بس رجع: تبين شي معين!؟
شوق بتردد : ايه خاطري ببسكوت ابو ولد وبعد ريكو وبيبسي
وميرندا وبعد ويفر وحالوة طوب وبس

[صواديف عشاق]

رغم ضيقة نادر اال انه ابتسم وقال بضحكه يمازحها :ما ودك
اجيب حالوة مصاص
تفشلت شوق وسكتت وضحك نادر : امزح امزح وبعدين انا بعد
احبها بجيب كيس نتسلى عليه
ضحكت شوق : وهللا مدري من البزر صدق
طلع نادر مبتسم وهو يدور خلف او عقاب او اي احد لكن اول ما
وقف في البقاله يقلب االغراض التفت على صوت ضحكه عاليه
عرف صاحبها وضحك ورفع يده بتحذير وهو عارف وش بيقول
: ضاري ابلع كالمك
قرب ضاري يسلم عليه بضحك : قلت بزر وقلنا آمنا باهلل لكن
حالوووو حالو يا نادر هههههههههههههههههههه
دفه نادر بضحك وهو يرجع يجمع اغراضه : وش اسوي يا
ضاري وهللا اني مدري اضحك وال اصيح وال وش اسوي !
ضاري اخذ معه بعض االغراض : افااا وهللا وش فيك !
نادر: ضايقتن بس الوسيعه ، بس وين خلف وعقاب
ضاري : مرني خلف يقول كاشتين للبحر وماتشوفني اللف بلحالي
نادر: زين اني لقيتك تعال تعال
جلسوا في المكان المعتاد ولف ضاري وهو يسوي الشاهي :
نويدر تكلم وش فيك!؟نادر كان متفشل انه يسولف له عن بالوي
اهله : مافيه شي لكن تعرف الوضع صعب علي ،فروق السماء
واالرض بينا ما فيه توافق ال بتفكير وال حتى كالم .
.
.
نادر كان متفشل انه يسولف له عن بالوي اهله : مافيه شي لكن
تعرف الوضع صعب علي ،فروق السماء واالرض بينا ما فيه
توافق ال بتفكير وال حتى كالم ، ماعمري فكرت اني اذا تزوجت
بيكون الوضع بهالصعوبه توقعت اني بعيش حياه مثل االحالم
برمي نفسي وهمي على زوجه تشيلني وتشيل بيتي ما هقيت اني
في يوم وليله اتحول كل هالتحول واصير كل المسميات اال اني
اكون زوج اصير درع حمايه واصير محامي واصير مزوح
واصير مسؤول واصير مثل الخايف كل دقيقه افز وادور وينها!
اكلت ! شربت ؟ نامت ! بردانه وال زعالنه ؟!؟ عمري ماهقيت
اني بصير بهالمكان وال بسوي كل ذا؟ بعد ماكنت الطايش اللي
مايهمه اال نفسه وضحكه وسوالفه ووين اسهر وكيف اعدي
الوقت وانا مبسوط ، هاللي انا فيه صعب علي
قرب ضاري بهدوء : انا معك صعب الوضع وخصوصا اذا مافيه
احد يعاونك لكن حياتك ماهي بهالسوء فكر شوي في ايجابيات
هالشي يعني لنفترض انك تزوجت انسانه ثانيه كبيره وفاهمه! ما
انت ضامن السعاده في كل االحوال والمسؤوليه الحقتك الحقتك
والهم وراك بعد وبتتعب في كل االحوال ويمكن تجي بكيفك ويمكن
تجي عوبا تنكد عليك حياتك
لكن زوجتك كلها سنه سنتين يا ابن الحالل عطها ظ£ سنين على
ماتقدر تكون زوجه كامله لكن هالثالث سنين انت وجهها للي تبيه
انت لحياتك اللي تحبها ! اسلوبك عيشتك!؟ كيف تفكر وكيف تبيها
تكون وهي في هالوقت بتكون في سن تقدر تأثر بك وتأثر عليها
حتى في اطباعك اخذ هالنقطه بصالحك وماعليه! ايام بس وكل
شي بيزين
تنهد نادر ببتسامه وضحك : وهللا ان عقاب صادق، سبحان من
ينطقك بالعقل وانت مجنون
دفه ضاري بضحك: وهللا اني حبيب ويطلع مني حكم ودروس ال
يغرك الشكل ترا وهللا اني كنز مدفون
نادر : من ناحية مدفون مدفون ال تخاف
فز ضاري بضحك : اقول قم رح لنديمتك وانا بروح لنديمتي
فز نادر باستنكار ما فهم الكلمه: وش نديمه!؟ ) وكان متوقع انه
يقصد انه ندمان على زواجه من شوق (؟
ضحك ضاري : عندنا نقول لرفيقك او اللي دايمم تجلس معه )
نديم ( مدري تعرفها وال ال ! وال تخاف ما سبيتك انا بعد قلت
نديمتي اللي هي امي اللي تحتريني
ضحك نادر: خوفتني وهللا
ابعد ضاري بضحك: فمان هللا
افترقوا ورجع نادر يفكر فاللي جاي وش بيسوي بعد كالم ضاري
!.___________________
في الكويت
في بيت العايله الكبير كل عايله ابو نهيان مجتمعين ووالكل
مبسوط يسولفون
وليلى جالسه بهدوء وهو تراقب الخلخال اللي برجلها واللي
لبسته اول ما احتارت ماتدري وين توديه تنهدت بضيق وهي
تفكر في هالخلف اللي من يوم عرفته وهو ما غاب ابد اذا غاب
عن تفكيرها يطلع لها بالواقع واذا شافته بالواقع الزم يسوي شي
يسطير فيه على تفكيرها
فزت على مريم اللي جلست جنبها: ليلوه! شفيچ ما انتي عاجبتني
شصاير!؟
ليلى: شدعوه مريوم مافيني شي
مريم : مدري حالتچ غريبه بس تفكرين وتراقبين هالخلخال
وحالتچ حاله
ليلى: ال ماكو شي يتراوى لچ
ابتسمت مريم بخبث : مدري الظاهر ان قيس شرف واشغل
تفكيرچ استحل قلبچ
لفت ليلى برعب : قصري صوتچ ال احد يسمعچ وبعدين شنو
قيس وشنو استحل قلبي خبله انتي ، انا ما افكر في هالسوالف
ضحكت مريم : وهللا ذكرتيني مره قريت بكتب شيخوه قصيده
لليلى العامريه الظاهر انچ مثلها
ناظرتها ليلى بذهول ووقفت مريم بضحك وقالت :
كالنا مظهر للنـــــاس بغضا ..وكل عند صاحبه مكيــــــن
تبلغنا العيـــــــون بما أردنا ..وفي القلبين ثم هوى دفين"
اتسعت عيون ليلى بذهول وضحكت مريم : ما احتاج انچ تقولين
حبيبتي عيونچ تقول
راحت ووتركتها وارعبت ليلى اللي حطت يدها على قلبها بخوف
) ال ال ليلى شفيچ ال تصدقين هالحچي ،هاذي سوالف مريوم
تعرفينها!؟ ال تصدقين انتي ما تحبين هالعيار انتبهي ليلوه (
فزت بسرعه تبي تقطع هالتفكير من اساسه وركضت تدخل بجمعة
الناس وتتجاهل اللي يصير لكن كل ماتحركت وطلع صوت
الخلخال تتذكر خلف لكن كانت تحاول تتناسى
.___________________
وفي المخيم
بعد ما لعبوا وسبحوا وطلعوا كل اللي بقلبهم شب عقاب النار
واجتمعوا كلهم حولها واغلبهم تعبان وبينام
وطلع عقاب يمشي لكن وقفه صوت ابو خلف : وينك رايح!؟
عقاب : بمشي شوي مابي انام الحين !
ابو خلف : زين انتظرني ابيك بكلمة راس
استغرب عقاب لكن تذكر سالفة مبارك وابتسم: ابشر
تقدم له ابو خلف ومشوا شوي بعيد ووقف ابو خلف: عقاب
تعرف مبارك ال.. يشتغل عندكم ويقول انه من زمالئك
عقاب: اي وللله اعرفه ياعمي
ابو خلف : كلمني اليوم وقال انه يبي يخطب وعد
عقاب : ماشاء هلل وهللا تستاهل كل خير وعد
تحطم ابو خلف من رده وقال : لكن انا مدري عن الرجال وانت
تدري اني مابي ازوج بنتي اال رجال كفو
عقاب : ابد ياعمي مبارك كفو ورجال والنعم وعلى اللي اشوفه
ماشاء هللا عليه محافظ وعاقل وربي مرزقه ومعطيه خير
ابو خلف : وكم عمره !
عقاب بتفكير : حول االربعين!
ابو خلف : ما كنه كبير على وعد!؟ عقاب : ا وهللا الكبر ماهو
عيب والرجال صحته كويسه وال فيه شي وياعمي ترا الفرق بس
ظ،ظ¥ سنه ما يأثر و وعد كبيره وعاقله .
.
ابو خلف : بس ما ظنتي توافق عليه
عقاب ) ايييه بدينا دوامة الدلع لكن هين(: ياعمي الرجال الطيب
ما ينرد وبعدين بنتك هللا يخليها لك كبيره والعمر يمشي والناس
تتكلم وانت ادرى وهي كل ما جاء واحد قضبته الباب مايصير
ابو خلف سكت بتفكير مايدري كيف يحلها وكيف يوضح لعقاب
انه يبي وعد له لكن انتبه عقاب وابتسم اول ماطرت له فكره ألعن
الحين وهو زرع في عمه فكرة ان وعد فاتها قطار الزواج والزم
تزوج وال بتعنس وكانت فكرته فيها مخاطره بالنسبه له لكن
يدري وش ردة فعل وعد وعشان كذا متطمن : وبعدين اذا وعد
بترفض انا في الواجهه ياعمي وانا مستعد اتزوج وعد
رفع راسه ابو خلف بذهول : هاه!؟
عقاب : اللي سمعت لكن مايصير اخرب على مبارك مهما كان
الرجال خطب ومايجوز اخطب على خطبته لكن في حال ان وعد
رفضته انت مستعد اتزوجها
تهلل وجهه ابو خلف وابتسم: هذا الصح من البدايه لكن مثل ما
تقول نشاروها في مبارك ونشوف
ابتسم عقاب : اللي تشوفه ياعمي وانت فصل وانا اللبس
ابو خلف : يال يال هللا يسهل
راح وترك عقاب اللي ابتسم ببرود : وجزاك يا ذا العوبا جهز
وخلنا نشوف وش بتسوين بهالمصيبه
رجع للمخيم وانسدح وهو مبتسم
.___________________
وفي الطرف الثاني
ما نامو البنات يسولفون قريب البحر ومبسوطين ووعد تسولف
لهم عن موقف قديم بين ابوها وخلف كانت هي البطله اللي انقذت
خلف من طق ابوها بطريقه غير متوقعه
وابتسمت سحر: وهللا انا اهنيك يا وعد مدري كيف تصملين في
مواقف تخوف كذا
هيا: ماشاء هللا عليك لو اشوف ناصر معصب كذا ما قربت له وال
جيته
وعد : وش اسوي اخليه يذبح خلف
هيا: عاد خلف ياعمري ما يأذي احد
ندى: غلط عمره انه ذاك اليوم تأخر وليته تأخر بس ال سهران
مع نادر اللي مايطيقه ابوي وفوق ذا راجع ريحته فل دخان
شهد: وطقه عمي !؟ حنان : كان ناويه وهللا لكن فجأه تدخلت
الوحش على قول عمي محمد بطلتنا وعد
انفجرت اماني تضحك: ما انسى شكل ابوي اول ما شالته وعد
عن خلف ونزلته بعيييد كلنا مفجوعين كيف شالته
وعد بضحك: وهللا خفت وتوترت من بكى عمتي قلت مافيه اال
اشيله عنه وادخله الغرفه
هيا بضحك: ايه اتذكر اول ما دق الباب وكانت ام خلف ودخلت
خلف عندنا
مضاوي: شوفي انا ايه اقدر افزع الي احد ينطق بس بشرط
يكون اللي يطقه عقاب هنا اتدخل وماعلي من عقاب لكن ناصر
ال مستحيل حتى خلف مستحيل افزع الحد خلف معصب عليه
سحر: عقاب محد يقدر عليه اال انتي سبحان هللا
ندى : اي وهللا لكن خلف ما انصحك ابد تجين له وهو معصب
النه سليططط اذا عصب لعن خير البيت كله
حنان : لكن ويييين مايعصب اال فالسنه حسنه .
. .
.
وجدان بقهر: لكن خليه يعصب يحوس الدنيا
ضحكوا البنات وهم يعرفون شعور وجدان اللي اكثر وحده يطيح
في راسها تعصيب خلف
وعد : بعد انتي تستاهلييين ترا يسكت يسكت عنك لين ينفجر
شهد بضحك : وهللا ما انسى الكف اللي اخذته منه انا وياها
االساعه وحده في عز الظهر لو انه عقاب ماعليه متعودين بس
خلف سبب لي صدمه
اماني: عشانكم ماتستحين انتي وياها ! االدمي تعبان وحالته حاله
وانتي وياها خليتوا شي ماسويتوه فيه يقالكم خفيفات ظل
وعد : انا اقول قوموا ننام الحين ال يكفخوونا كلهم ترا مصخناها
صوت الضحك لين اخر الدنيا
مضاوي : بنام انا عشان بس اصحى الفجر واشوف الجو بس
سحر: لكم مني فطور بكره يحبه قلبكم
اماني : وهللا انك كفو
دخلوا ينامون وهم في خيمتين قريبه من بعض والنومه كانت قمه
في الراحه والمتعه
.___________________
في الكويت
الصباح كانت ليلى تتجهز وهي تسمع السوالف وتحاول تتجاهل
مريم وكل شي تقوله مريم ونزلت مبتسمه وهي تسمع سوالف
وضحك غريب!؟
قربت وهي تقول : شنو فيكم ؟
وقفت مريم ببتسامه : ابشرچ عندنا خطاب
ضرب قلب ليلى : خطاب!؟ مريم: ايييه
ليلى : يخطبون منو!؟ مريم : يخطبونچ
اختنقت ليلى ماتدري وش السبب بس تنفست براحه اول ما قالت
امها بضحك: ال ال يخطبون شيخه
ابتسمت ليلى برعب وراحه: وهللا!؟ ومنو سعيد الحظ
ام نهيان: من غيره جاسم ولد عمچ
ضحكت ليلى وقربت تحضن شيخه اللي كانت مستحيه : اخيرا
قرر ونفذ
مريم: مابغينا نشوف هاليوم
ليلى: رديتوا عليه!؟ ام نهيان: اييه ابوچ قاله موافقين تعرفين
بعد هو يبيها وهي من زمان عارفه وراضيه
شيخه: وهللا احس متفشله من ابوي
ليلى: مافيه شي يفشل عادي
فزووا على صوت ابو نهيان وعياله ووقفت ليلى مبتسمه ودخل
ابو نهيان: وين شيخه
ليلى: هنييييه يبه
جابر : يال هااانت خلصنا من وحده وباقي الثانيه
نهيان: شدعوه قاعدين على قلبك !
جابر : ايييه ما تحس انت بالنار اللي انا فيها
ليلى : هللا اكبر عليك ! صرنا نااار مره وحده
ابو نهيان: جابر انت متى بتجوز عن خواتك هاه!؟ ام نهيان:
ماعليكم منه قولوا لي شنو صار!
ابو نهيان: ماصار شي ابو جاسم حدد الملچه ) الملكه ( بعد
يومين والعرس بعد شهر ! شنو رايكم!
جابر: موافقين يبه ماعليك
ضربته امه بخفه:انت اسكت ، انا اشوفه مناسب ما ادري عن
شيخه
نهيان جلس جنب شيخه ببتسامه: شيوخ قولي حبيبتي راضيه!
يناسبچ
ابتسمت شيخه: ايه يناسبني معنا وقت
شهقت ليلى: ال وهللا مايناسبني
جابر: وانتي شكو! شيخوه العروس انتي شكو!
.
ظ*
.ــــــــــــــــــــــــــــــــــ.
.
حنان : لكن ويييين مايعصب اال فالسنه حسنه
وجدان بقهر: لكن خليه يعصب يحوس الدنيا
ضحكوا البنات وهم يعرفون شعور وجدان اللي اكثر وحده يطيح
في راسها تعصيب خلف
وعد : بعد انتي تستاهلييين ترا يسكت يسكت عنك لين ينفجر
شهد بضحك : وهللا ما انسى الكف اللي اخذته منه انا وياها
االساعه وحده في عز الظهر لو انه عقاب ماعليه متعودين بس
خلف سبب لي صدمه

[صواديف عشاق]

اماني: عشانكم ماتستحين انتي وياها ! االدمي تعبان وحالته حاله
وانتي وياها خليتوا شي ماسويتوه فيه يقالكم خفيفات ظل
وعد : انا اقول قوموا ننام الحين ال يكفخوونا كلهم ترا مصخناها
صوت الضحك لين اخر الدنيا
مضاوي : بنام انا عشان بس اصحى الفجر واشوف الجو بس
سحر: لكم مني فطور بكره يحبه قلبكم
اماني : وهللا انك كفو
دخلوا ينامون وهم في خيمتين قريبه من بعض والنومه كانت قمه
في الراحه والمتعه
.___________________
في الكويت
الصباح كانت ليلى تتجهز وهي تسمع السوالف وتحاول تتجاهل
مريم وكل شي تقوله مريم ونزلت مبتسمه وهي تسمع سوالف
وضحك غريب!؟
قربت وهي تقول : شنو فيكم ؟
وقفت مريم ببتسامه : ابشرچ عندنا خطاب
ضرب قلب ليلى : خطاب!؟ مريم: ايييه
ليلى : يخطبون منو!؟ مريم : يخطبونچ
اختنقت ليلى ماتدري وش السبب بس تنفست براحه اول ما قالت
امها بضحك: ال ال يخطبون شيخه
ابتسمت ليلى برعب وراحه: وهللا!؟ ومنو سعيد الحظ
ام نهيان: من غيره جاسم ولد عمچ
ضحكت ليلى وقربت تحضن شيخه اللي كانت مستحيه : اخيرا
قرر ونفذ
مريم: مابغينا نشوف هاليوم
ليلى: رديتوا عليه!؟ ام نهيان: اييه ابوچ قاله موافقين تعرفين
بعد هو يبيها وهي من زمان عارفه وراضيه
شيخه: وهللا احس متفشله من ابوي
ليلى: مافيه شي يفشل عادي
فزووا على صوت ابو نهيان وعياله ووقفت ليلى مبتسمه ودخل
ابو نهيان: وين شيخه
ليلى: هنييييه يبه
جابر : يال هااانت خلصنا من وحده وباقي الثانيه
نهيان: شدعوه قاعدين على قلبك !
جابر : ايييه ما تحس انت بالنار اللي انا فيها
ليلى : هللا اكبر عليك ! صرنا نااار مره وحده
ابو نهيان: جابر انت متى بتجوز عن خواتك هاه!؟ ام نهيان:
ماعليكم منه قولوا لي شنو صار!
ابو نهيان: ماصار شي ابو جاسم حدد الملچه ) الملكه ( بعد
يومين والعرس بعد شهر ! شنو رايكم!
جابر: موافقين يبه ماعليك
ضربته امه بخفه:انت اسكت ، انا اشوفه مناسب ما ادري عن
شيخه
نهيان جلس جنب شيخه ببتسامه: شيوخ قولي حبيبتي راضيه!
يناسبچ
ابتسمت شيخه: ايه يناسبني معنا وقت
شهقت ليلى: ال وهللا مايناسبني
جابر: وانتي شكو! شيخوه العروس انتي شكو!
. .
.
ونادر جالس بهدوء يناظر البيت حوله ما عمره حس ان بيتهم
كبير وثقيل اال اليوم شال هم شوق كيف بتخلصه بلحالها وبدا
يدرس فكره في باله الزم يسويها
.___________________
المغرب
في بيت ابو خلف الكل جالسين وهم فيهم خمول بعد الطاقه اللي
استنزفوها في المخيم
ولف ابو خلف بهدوء وقال: وعد
ابعد وعد اللي كانت تسولف مع خلف عن مجلة القصيد اللي
يقرونها : سم يبه
التفت ابو خلف بهدوء: اسمعيني واسمعوني كلكم زين بذات انت
ياخلف
اعتدل خلف وهو يركز في ابوه: نسمع يبه
ابو خلف : امس كلمني رجال يخطب وعد وانا سالت عنه وطلع
رجال طيب ويشتغل مع عقاب في نفس الشغل وسألت عقاب انا
وقالي انه رجال كفو
انخطف لون وعد اول ما سمعت اسم عقاب وشكت على طول
وقرب خلف وهو يناظر وعد ويناظر ابوه : وش اسمه طيب!؟
وش شغله بالضبط ! وكم عمره!
ابو خلف : اسمه مبارك عمره حول االربعين ويشتغل على الحدود
خلف : حول االربعين؟؟ ذا شايب يبه ! مايصير لوعد
فيصل : يبه فرق ظ،ظ¥ سنه وينكن زود
ابو خلف : العمر ماهو عيب ! انا بيني وبين امهاتهم فرق ظ،ظ*
سنين واكثر وبعدين وعد ماهي صغيره عمرها راح
وعد شدت على نفسها بغضب : ظ¢ظ¥؟ كبيره!؟ وبعدين على اي
اساس قلت ان العمر ماهو مهم ! انا مابي اتزوج شايب اجلس
اقلب فيه مريض وحالته حاله
الكل صار يناظر وعد اللي اكيد بترفض ووقفت بغضب: انا ما ابيه
وال يمكن ارضى فيه
ابو خلف وقف بغضب اكبر: انتي وبعدين معك!؟ لين متى وانتي
بهالراس والعناد!؟ الدنيا ماهي على كيفك انتي وش ناويه عليه !
تبين تعنسين وتجلسين عندي !
خلف : يا يبه هللا يهديك وش ذا الكالم
ابو خلف: اقول انت اص ! محد اطغاها اال انت
ام وعد : يا ناصر اذكر هللا مايصير هاللي تسوي
وعد : ما توقعت اني جالسه على قلبك يبه
ام خلف :يا وعد ياحبيبتي ال تقولين هالكالم ابوك مايقصد هو يبي
لك الخير
وعد: الخير اللي بيجي من شايب ما ابييييه
تكتف ابو خلف : زين يا وعد بنطيعك هالمره
الكل سكت وهم يناظرون ابوهم باستغراب حتى وعد وفيها
استغربت بس قال : ما تبين مبارك بكيفك لكن عقاب بعد خطب
وعقاب ما ترفضينه لو تموتين
بكل ما تعني الكلمه حست وعد بدوووخه عجزت توقف منها
وبانت لها خطه عقاب اللي وفهمتها مسكت ذراع خلف قبل تهوي
من طولها وثبتها خلف بقلق:وعد وش فيك
.
سحبت يدها وعد ووقفت تمثل القوه وقالت بكل جبروت: يبطون
عظم كلهم مبارك وعقاب
مسكها خلف بحده : وعد بس اقصري الشر
ابو خلف : ال الظاهر اني عطيتك وجهه لين صرتي ماعاد
تحترمين احد
فيصل : عقاب ما رضا ان خلف يتزوج اخته ! ودامها كذا اختي
ما تزوجه
لف خلف بغضب عليه: انت اسكت ال تخلط المواصضبع ببعض
سحبت نفسها وعد لكن قبل تطلع سمعت صوت ابوها يقول
بغضب : اسمعيني زييين يا وعد هاذي اخر حدود صبري عليك
وعندك حلين مالهم ثالث يا تاخذين مبارك يا تاخذين عقاب
طلعت وعد بغضب ولف ابو خلف على خلف بغضب: اطلع لها
الجنيه وفهمها زييين يا خليف ويا ويلك يا سواد ليلك تصف معها
وتجلس تخربط بهالكالم اللي ماله داعي
طلع خلف لوعد وتحركوا كل البنات بيطلعون مع خلف بس صرخ
ابو خلف : ادخلي انتي وياها المطبخ
دخلوا بصدمه وكلهم مفجوعين حنان: خلصنا من سالفه خلف
ودخلنا بوعد
اماني :ابوي بينفجر من وعد كل شوي ترفض واحد شوفي اخر
شي وش طاحت فيه
ندى: مدري وش فيها على عقاب ! مهما كان افضل من هالشايب
وجدان: اصال وعد تكرهه عقاب مستحيل تتزوجه حنان :في
اسوأ االحتماالت اكيد بترضى بعقاب وعقاب ولد عمنا ونعرفه
وماهو سيء لهدرجه
ندى: هللا يستر بس
برا كان ابو خلف ماسك فيصل ويهزئه على كالمه ويحذره لو
يعديه بيكسر راسه وسحبته امه بهدوء: ابشر ابشر
اختبص بيت ابو خلف من جديد وقامت الدنيا فيه وال قعدت
.___________________
وفي بيت الجد قايد
كانوا جالسين واعتدل محمد: كأن صوت بيت ناصر طالع!؟ ابتسم
عقاب اللي كان واثق ان الدنيا انقلبت على راس وعد : ال عادي
هم دايما كذا
تربعت مضاوي بضحك: بما ان االختبارات جت اكيييد ان وعد
مطوله عصاها وماسكها هالمجانين وتدرس
ابو ناصر: مالها نية تعقل هالجنيه
عزوز : حمدهلل ماني عندها هللا يعين فيصل بس
تكتف عقاب : وانت ورا ما تقوم تشوف كتبك وتخلي عنك هالكالم
محمد : طريتوا عرق الجنان وال تحمل الجني ذا ! وش تبي به
خله يتقهوى
عهد : الدنيا وييين وعزوز وين ما فتح الكتاب من يوم مادرس
هيا :عزوز وشهد كلهم
عقاب : قم انت وياها قم
قاموا قبل يتكفخون ولفت مضاوي : مازلت احمد ربي اني ما
ادرس ما اتحمل ياربي
ضحك محمد : هللا يخلق ويفرق ناس تدور الدراسه وناس فاشله
عقاب : وهي صادقه وش تبي بالدراسه
لفت سحر بضيق : الشهاده تعز يا عقاب
.
تكتف عقاب بغضب: بيتك واهلك هم عزك
نزلت راسها سحر بهدوء وسكتت والكل سكت وهم يعرفون ان
عقاب معارض لهالموضوع ومتمسك باالراء القديمه
وال احد حاول يناقشه
.___________________
في بيت ابو خلف
في غرفة البنات تحديدا كانت وعد واقفه بغضب وهي متكتفه
وخلف واقف عندها : وعد اهدي وفكري زين
وعد : افكر في وش يا خلف افكر في وش!؟ خلف : في هالزواج
مبارك وقلنا شايب وال تبينه لكم عقاب وشوله ترفضينه!؟ماهو
ولد عمك تعرفينه واحسن من الغريب
وعد بغضب: هللا اكبر يوم كان الموضوع انت وسحر انهيتوا
القضيه بقول اخوان والحين انا بتفرضون علي هالزواج
خلف : ال تصارخين!؟ وبعدين انا وسحر قضيتنا مختلفه
وعد:جزاك هللا خير هذاك قلتها قضيتكم غير عني
خلف : وش يمنعك انتي!؟
وعد: ما اطيقه ما اواطنه بعيشة هللا اشوف الموت وال اشوفه
هاذي هي قضيتي
صد خلف بضيق : وش مسوي لك عشان تكرهينه
تكتفت وعد : من هللا ماله قبول عندي وال ابيه ! وانت وش
مضيق صدرك!؟ اليكون ناوي تجبرني عليه مع ابوي ؟
خلف : ما احد جاب طاري اجبار لكن انتي مدري وش في راسك
عطيني سبب مقنع ! وانتي تدرين وش بيسوي ابوي
وعد : قلت لك اموت وتدفنوني وال اتزوج عقاب هالمريض المعقد
خلف : وعد احترمي نفسك مهما كان عقاب ولد عمك وغصب
تحترمينه ومحد غاصبك لكن دوري عذر مقنع تقولينه البوي الن
رفضك الغير مبرر لكل واحد يخطب مريب
لفت وعد بغضب : وش قصدك !؟ خلف : اسمعيني زين تدرين ان
اخر انسان يوقف ضدك هو انا لكن في نفس الوقت انا مستحيل
اخذ بيدك على الغلط
سكتت وعد وقالت بعد فتره : زين دام السالفه سالفة الرفض لكل
واحد اجل قل البوي اني موافقه على مبارك
اتسعت عيون خلف بذهول : وشوووو !؟ وعد : اللي سمعت
خلف : انهبلتي انتي!؟ تتركين عقاب عشان شايب!
وعد كانت تدري انها حركه من عقاب عشان يجبرها تتزوجه
وتشوف الضيم على يدينه او تتزوج صاحبه ويكون بعد نوع من
انواع العذاب اللي ممكن يدخل فيها عقاب لكن تفضل الموت على
يد غريب وال تكون تحت رحمه عقاب : وهللا وهللا وهللا ياخلف لو
تخيروني بين الموت وعقاب الختار الموت
بدا خلف يشك وهالكرهه ماهو طبيعي اكيد فيه شي اكيد فيه سبب
قفل الباب وقرب بشك: الحين بتقولين وش هالجرم اللي سواه
عقاب يخليك تفضلين الموت عليه بتقولين وش مخبيه ياوعد واال
غمضت وعد بضيق : وش بخبي يعني!؟ انت ما تعرف ولد عمك
هذا شلون يفكر!؟ هذا مريض ومختل ومسيطر !؟ اذاا خواته وهم
خواته ماباقي اال يدفنهم انا وش بيسوي فيني
خلف :هذا ماهو عذر الدنيا كلها ماهي ردة فعل وحده وتصرف
واحد
وعد كان اخر حلولها تقول : ترضى تتزوج وحده مغصوب عليها
و انت ما تطيقها ! اذا ترضى انا برضى بعد
سكت خلف وهو دايما ضد االجبار في اي مراحله طلع وتركها
وجلست وعد تشد على يدها ) هاذي سواتك يا عقاب الردي هذا
اللي طلع بيدك يا قليل الخاتمه ، لكن هييين هللا ال يخليني اذا
خليتك تهزني يا عقاب (
لفت على دخول البنات اللي قبل يتكلمون رفعت يدها وعد بغضب
وتهديد : اقسم باهلل لو وحده تنطق بكلمه ما تشوف خير
جلسوا كلهم بصمت وهم يشوفون غضب وعد
.

___________________

وفي بيت نادر
كان جالس وهو يقلب الفنجال قدامه والتفت بهدوء : شوق
لفت شوق : سم
ابتسم نادر بهدوء وقرب شوي : انتي خلصتي الترم االول
شوق نزلت راسها بهدوء:ال باقي شهر ما درسته
نادر: يعني يمديك ترجعين قبل االختبارات
ناظرته شوق بذهول : قصدك اكمل الحين!؟ نادر؛ ايه تكملين
اجيب لك عذر ترجعين فيه للمدرسه وتختبرين ونكمل الترم الثاني
هنا
فزت شوق بفرح وهي تجلس جنبه : هللا نقدر يعني؟؟ نادر: ايه
نقدر ليه ما نقدر ! وبعدين اللي اعرف ان اللي بصير دكتور ما
ييأس وال يا دكتوره
ضحكت شوق :ابد ما نيأس بس كيف نسوي!!
نادر : نرجع لمدرستك بالحفر ونعطيهم العذر ويختبرونك او
يعطونا ورقه وتختبرين هنا
شوق : واذا ما وافقوا!
نادر: يوافقون غصب عليهم
شوق : متى نروح طيب!؟ نادر: بنروح بكره بنروح بس
للمدرسه ناخذ اوراقك ونرجع طيب
شوق ببتسامه: طيب
رجع نادر ببتسامه وهو يشوف ان ابسط حق من حقوقها هي
دراستها والزم يكون لها عون فيه

[صواديف عشاق]

اما شوق اللي كان الفرحريرقص بقلبها ما تدري كيف بتعبر ما
تدري كيف بتصدق ان نادر بيكون لها عون وهي ظنته فرعون
.___________________
ومن بكره
الكل حالهم راكد ومستقر اال بيت ابو خلف اللي قصة وعد فيه
صارت كارثه والكل مايدري وش يتصرف معها
وللحين خلف مايدري كيف بيتصرف معها هي وجنونها وكرهها
لعقاب لكن بما ان كفة مبارك رجحت الزم خلف يضمنه اقل شي
طلع من بدري طلع حتى ما افطر واتجهه لبيت جده يدقه وفتح
عزوز : هال خلف
خلف : هال عزوز وين عقاب؟؟ عزوز: نايم كالعاده
خلف : روح صحه بسرعه ابيه بسرعه
محمد من بعيد : ادخل ياخلف مافيه احد
راح عزوز ودخل خلف يسلم على جده وجدته
ام ناصر : اجلس افطر
خلف : مابي ياجده
مضاوي : انصحك تجلس الن عقاب يبي له سنه يقوم
خلف: بيقوم ان شاء هللا
محمد: وراك معصب اجلس اجلس
.
جلس خلف وهو مايبي يجلس ابد لكن مايبي يبلش باالسئله
ام ناصر: وش فيك كأنك جالس على شوك
خلف : مستعجل
ابو ناصر: بدري على الدكان
خلف : ايه بروح مشوار قبل
نزل عقاب وهو يلبس ثوبه: وش فيك!؟
خلف : ابيك بشغله تعال
عقاب تقدم بيجلس يفطر بس سحبه خلف يوقف
ولف عقاب : وش فيك خليف! بعد الفطور نطلع
خلف : بنفطر برا قم
الكل استغرب من خلف لكن ما يمديهم يردون اال طلعوا
ولف عقاب : خلف بسم هلل فجعتني وش فيك
خلف : وش بتفطر؟
عقاب : اي شي
مر خلف التماس واخذ تميس طلعوا للمكان المعتاد وجلسوا
عقاب : ترا انسدت نفسي وش فيك
خلف: افطر يا شيخ مافيه شي بسولف معك بس
ما تطمن عقاب ابد واوجعه قلبه وهو خايف ان وعد انتبهت
وقلبت الدنيا عليه وهي لو تقول لخلف اي شي بيصدقها على
طول عجز ياكل والتفت : خلف تكلم ال تخوفني
ناظره خلف بتمعن وهو يبي يعرف اذا فعال عقاب مسوي شي
لوعد او ال الن رح يبان في عيونه وصوته : ليش خطبت وعد
والحين بذات بعد خطبة مبارك
ثبتت عيون عقاب على خلف وكان متوقع ان وعد بتسوي شي
عشان كذا ثبت وقد مايقدر يوزن كالمه اعتدل وهو يحاول يلف
الموضوع لنقطه حساسه ودخل سالفة سحر بالموضوع عشان
مايجبرع كثير : شوف يا خلف انت اخوي وصاحبي وتعرف كيف
افكر ! وانا من فتره نويت اخطب لكن بعد سالفتك مع سحر قررت
اني أجل الموضوع شوي لكن انصدمت من خطبة مبارك وماحبيت
اني ادفن الفرصه وقلت لعمي عن رغبتي لكن في حال انه وعد
رفضت مبارك يقولها لكن اذا وعد رضت في مبارك انا ماعندي
اعتراض
خلف كان حاس بالذنب من جهه سحر عشان كذا ما قدر يعلق لكن
قال: ومبارك وش عرفه في ابوي! وش عرفه وعد!
عقاب : هو قبل سألني لكن ما عطيته اهميه ماهقيت بيخطب
خلف : زين كيف تشوفه !؟ كلمني عنه
عقاب بدا يتكلم عن مبارك لكن كان يطلعه بصوره مثاليه مليانه
اخالق وادب سكتت خلف اللي مايدري وش يسوي بوعد
عقاب : ماودي اتدخل ياخلف بس ليش تسأل !
خلف كان صعب عليه يقول لخلف وعد ما تبيك لكن ما حب يقول
: مدري وش اقولك يا عقاب لكن خلها في وقتها
قبل يتكلم عقاب فزوا على صوت نادر: مابغيتوا تجون اعنبوكم
اصحاب انتم وال عدوان
وقفوا كلهم يستقبلونه بحب وابعد خلف : متى رجعت ! ما درينا
نادر : بعذرك ما ماتدري انت وياه ناقعين بالبحر والبراد وانا
اتقلب على الجمر
ابعد عقاب بعد ما سلم عليه:وهللا يا اخوي من ذبحته يديه محد
بكى عليه اقلقتنا وقمت وطحت عشان تزوج وهاذي هي فايده
الزواج اللي تبيه
خلف : يارجال وجبت وتزوج االدمي وربي سهل عليه وبعدين
مب انت رايح تمشى شهر عسل خل لنا يومين عسل ال تصير
بخيل
.
. .
.
ضحك نادر: ايه صادق شهر عسل من كثر ماهو عسل وحالي
صابني سكر وقريبا ضغط
عقاب : وهللا وعشت وشفت نادر يشتكي دايما الشكوى من
نصيبنا والضحك من نصييه
نادر: حاسدني يالجني
عقاب : ال وهللا ما حسدتك انت اللي حسدت نفسك
خلف : ليه صار معك شي جديد
نادر جلس وهو يقطع في التميس بغيض : انا خبرت الواحد
يشتكي الضيم من اعدائه من الناس عامه بس ماهقيت يجي يوم
اشتكي من سوايا امي وخالتي وابوي
عقاب: حي هللا فرقة حسب هللا
نادر :عاد انت مال الحياء في قلبك طاري!؟ وش فرقة حسب هللا
اهلي ترا اهلي
عقاب : اهلك ماقلنا شي بس طبوا فيك وتأمروا عليك وعلى
المسكينه اللي معك وهاذي ماهي سوايا اهل
خلف : اعقل يا عقاب مهما كان الظفر مايطلع من اللحم وال
تسمونها مؤامره
عقاب : وش نسميها سوء حظ نادر!
ضحك نادر: ال وهللا قل حسن حظ شوق
لفوا عليه بضحك وقال خلف: تطور حس الثقه عندك وال يتهيأ لي
نادر: شوف في اي ظرف من الظروف بيأيدك واقولك ثقه زايده
اال في زواجي من شوق اقسم باهللا قمت احلف يمين وابصم
بالعشره ان ربي ارسلني انقذها من الكيات المتحجر الغبي اللي
عاشت فيه ولوال هللا مايسرني وتزوجتها اتوقع ان مستقبلها
بيكون جحيم
عقاب : ترجم !؟
ابتسم خلف اوول ماشاف ضاري المقبل عليهم اللي ينعرف من
غباره باالرض انه جاي وصوته العالي وضحك: جااء مهجد
شياطين عقاب
لف عقاب بغضب : يخسي
سمعه ضاري من بعيد وتقدم وهو يضحك وضربه بخفه بمسبحته
: بسم هللا سكنهم مساكنهم ! اقول ياعيال ماخبرتكم تكلمون الجن
، وال جاء مع خليف من البحر
وقف عقاب بغضب ناوي يضربه بس فاجئه ضاري اللي تقدم
بضحك يسلم عليه وابعد بسرعه يسلم على خلف ونادر
عقاب : اقول انت هيه يا ابو راس اعقل احسن لك
لفوا يناظرون ضاري وانفجروا يضحكون وضحك ضاري من لقب
عقاب اللي واضح فيه قهره : تمون يالجني
خلف : اجلس بس انت وياه !؟ ضاري وينك مختفي
ضاري: ماني مختفي انتم اللي غايبين
عقاب : كنا عايشين بسالم من دونك
ضاري : ماعليك خالف يا حبيبي خليتك يومين تريح اعصابك
واضح تلفت
نادر: باهلل وقفوا هواش مايصير كل مره كذا
عقاب : وهللا انا من عمر وهذا انا معكم شوفوا من دخل وسبب
الهواش
ضااري : يا اخوي ما خبرنا الغيره اال للحريم
وقف خلف قبل تشب من جديد : خلصصصصنا كل واحد اردى من
الثاني خالص كمل يا نادر كمل
ضحك ضاري : وش يكمل !
عقاب : سكر فمك تسمع اذنك!
طنشه ضاري وجلس
ونادر بدا يسولف عن مواقف ابو شوق معه وكيف انه ماهمه
بنته بكل االحوال وامها لكن ماذكر التفاصيل المبالغ فيها
خلف : بيني وبينك ابوها شيييين واضح من هيئته
نادر: اقولك من عصر الجاهلييييه انا مستعد اقولك انه ممكن
يدفن شوق حيه في اي لحظه يحس ان وجودها عار
عقاب : مب لذا الدرجه عاد
ضاري : عاد انتبه لنفسك ترا كنك اياه
عقاب : ايه وهللا صادق خصوصا اني احس اني الزم ادفنك وال
بتعم الجاهليه فالكون
خلف : وش بتسوي طيب! ال تقولي بتقطعهم!
عقاب :ايه يقطعهم ويقطع ابوهم وش يبي بهالناس
ضاري : فالنهايه االوادم بايعين الدنيا بما فيها
خلف : اسمع مني ال تكثر روحات وال تقطع يعني كل شي روح
لهم نص ساعه وارجع بس ال تقطع الرحم
نادر:هذا اللي بيصير يعني عشان شوق بس
والتفت يضحك لضاري : عشان نديمتي
ضحك ضاري : يعني يناسبك االسم ترا
عقاب : شف عاد بتقعدون تقولون أللغاز احسن لكم تقومون
تطسون
شرح لهم ضاري المعنى وابتسم : عاد الظاهر بدور لي نديمه
نادر: ما تقول امك!
ضاري : ايه بس امي كبرت ومعاد لها حيل ومصره اال تبي
تزوجني
عقاب: سلم عليها وقلها ترحم بنات الناس منك وانا متاكد انها
هالمسكينه انها غلطت غلطة عمرها وجابتك
ابتسم ضاري ابتسامه خفيفه مكسوره ما احد انتبه لها متوقعين
رد من ضاري لكن مارد وهو قلبه يوجعه كل مايتذكر انه ماهو
من بطن هالمرأه العظيمه وانه لقيط ويمكن يكون فعال انها غلطت
غلطة عمرها وتبنته
الحظوا سكوت ضاري اللي وقف: ا انا عاد بروح
خلف باستغراب: جالسين!
ضاري :عندي شغل
نادر : زين لكن ارجع فالليل جالسين
عقاب استانس انه سكت ضاري متوقع انها شطاره منه وقرر
يحرجه اكثر ويقول : ال ال دام صرت صديق وتمون ونمون طال
عمرك الليله عشانا عندك
خلف كان منتبهه لضيق ضاري والتفت بغضب لعقاب : ومن
سمح لك تعزم
عقاب : يقول صديقنا وهذا عشى صداقه اال اذا ما وده
نادر هنا بعد انتبه وقال يبي يبرر موقف عقاب الشين : ال ما نقدر
اصل...
قاطعه لضاري للي مهما كان منحرج وضايق مستحيل يحرج
نفسه اكثر ويرفض عزيمتهم ويخلي لعقاب حجه عليه : ال وهللا
صادق عقاب ، من زمان كنت بعزمكم لكن سبقني عقاب وابيكم
تشرفون البيت اليوم
خلف وقف : مايحتاج ياضاري مابي...
انهى النقاش ضاري بحده غير معتاده: افا بترد عزيمتي ؟
تفشل خلف ونادر ووافقوا لكن اصروا انه مايتكلف ويكون عشاء
بيت وعادي وراح ضاري وهو ضايق صدره وانحط بموقف شين
وهو كان يبي يعزمهم لكن مو بذا الوقت اللي حالته الماديه صعبه
شوي وامه تعبانه ووضعه مكركب لكن عقاب اجبره
واول ماراح لف نادر على خلف: انت وبعدين معك!؟ لين متى
وهذا اسلوبك!
عقاب : وش قلت ؟
خلف : ما تشوف انك قلت شي!؟عقاب وش فيك! ضيقت صدره
بكالمك وثاني شي تجبره على عزيمه وهو واضح ماهو مستعد
لها
عقاب : ياحبيبي يالحساس اللي ضاق صدره اسمعوني عاد تراني
ساكت له وبالعه عشانكم بتجلسون تدارونه مثل البنات بعد كذا
كثير وبعدين هو مايستحي على وجهه له فتره ناقع هنا وال عمره
عزم
خلف : من قالك نبيه يعزم
عقاب : اذا مايعرف االصول نعلمه االصول
خلف : عقاااب ترا كبرررت شوفة نفسك على الناس
عقاب : المختصر يا خليف! بتهاوش معي عشانه
نادر: قلنا لك ماتبيه ال تجلس معه لكن ال تجلس تحرجه
اخذ عقاب اغراضه وصد: ماهو كفو هالشين يبعدني عن مكاني
واصحابي
راح وتركهم وصد خلف بضيق: انا اشق هدومي من ذا الرجال
وال وش اسوي
نادر: خله يارجال تربيه االيام ، المهم يال روح لدكانك وبرجع
لبيتي
خلف : هللا معك
اخذ خلف طريقه وهو يناظر دكان النوخذه الخالي واضح ما
رجعوا من الكويت لكن مازال في باله موقفه مع ليلى بالبقاله
وابتسم وهو يتذكر رعب عيونها ودخل المحل بهدوء وجلس قدام
اغراض وهو صار عنده والء لهالشغله اللي رمت في طريقه ليلى
.___________________
في بيت ابو خلف
ما نزلت وعد اليوم للفطور وال اشرفت على اي شي فالبيت
وكانت مليانه زعل وقهر وتنتظر الوقت اللي يطلع فيه ابوها واول
ماطلع نزلت والكل يناظرها
ام وعد : تعالي ياوعد تعالي افطري
وعد : مابي مالي نفس
ام خلف : يا وعد يا بنتي تعوذي من ابليس ومايصير اللي
تسوينه
ندى : انا مدري وشوله رافضه عقاب !؟ ما اشوف فيه شي
يخليك ترفضينه كذا
وعد بغضب : اذا تشوفينه ما ينرد خذيه انتي
ام وعد : وعد وش ذا الحكي !؟ استحي على وجهك وبعدين ندى
صادقه عقاب ما ينرد وال بتسوين مثل سحر
وعد : يمه تكفين سكري الموضوع النه مايقبل النقاش ابدا
ام وعد بغضب : لييييه وال معجبك انك جالسه للعمر هذا وانتي
ترفضين كل واحد يخطب وش فيك انتي تبين توقفين نصيبك
ونصيب خواتك معك
انصدمت وعد من كالم امها وقالت بقهر: انا ما اوقف نصيب احد
اللي بيتزوج هللا يستر عليه
حنان: يمه هللا يهديك محد يوقف نصيب احد وعد معها حق تختار
اللي تبي تعيش معه
ام وعد : ال ما معها حق لين متى واحنا نجاريها لين متى
هاالنانيه الناس تزوجت وعاشت والطيور طارت بأرزاقها وهي
للحين تكابر

[صواديف عشاق]

الحين فهمت وعد ان الكل متحامل عليها دام السالفه فيها عقاب
طلعت وتركتهم وهي مصره على اللي براسها ام خلف : يا نوريه
وش فيك على البنت مهما كان وعد عاقله وتعرف مصلحتها
.
.
اماني: يمه هاللي قلتيه ثقيل حيل ! ليه تحسسينا إنا جالسين على
قلبكم
ام وعد :يابنتي ماهو ذا قصدي لكن ابي اتطمن عليكم ابي ازوجكم
وافرح فيكم
الكل سكت محد رد وكلهم متضايقين
.___________________
وفي بيت الجد قايد
كانوا سحر وعهد ومضاوي وهيا وشهد بالسطح جالسين
ويتقهوون لكن لفوا على دق باب السطح
وفزت شهد تفتح: وعد حياك
وعد بغضب: وين عمي محمد !
مضاوي: بسم هلل ردي السالم طيب
وعد : مضاوي مالي خلقك وين عمي
عهد : عشتوا ليه مالك خلق تردين السالم داخله على يهودين
مسكت نفسها وعد غصب ال تطلع حرت عقاب فيها: ابعدي عني
يا عهد ترا كل شياطين االرض قدام عيوني ال تخليني اسوي شي
اندم عليه
هيا: اذكري هللا يا وعد ومحمد في غرفته
مرت وعد بغضب ولفت سحر بخوف: بسم هلل وش فيها
عهد : فيها الطغيان اللي مالقت احد يكسر راسها عليه
مضاوي : انتي وش صاير لعقلك هاه انهبلتي وقعدتي؟؟ عهد
امسكي لسانك ال اقول لعقاب
عهد صدت وسكتت
اما وعد طارت لغرفة محمد وهي مالها نصير اال محمد دقت الباب
ودخلت : عمي فاضي
اعتدل محمد وهو يبعد الجريده: اي يا وحش تعالي
صدت وعد بضيق : الظاهر بتناهشني الوحوش يا عمي ويضيع
هاالسم مني
فز محمد بخوف : وعد وش فيك!؟ وش صاير !
جلست وعد بضيق: عمي طلبتك مالي اال انت تفهمني
محمد : ابشري قولي وش فيك!
وعد قالت له عن خطبة مبارك وخطبة عقاب وقالت انها رافضه
عقاب وال تبيه وتكرهه وال قالت كل التفاصيل وانصدم محمد:
وش صاير لكم انتم! كل واحد عاف ولد عمه وال يبيه!
وعد : ياعمي ادري ان عقاب ولد عمي واحسن من الغريب
واعرف اني ما احصل احسن منه واعرف اني كل شي بينحاس
برفضي له لكن ياعمي افهمني ما اطيق عقاب ما اواطنه وتعرف
ان ال انا وال عقاب شخصياتنا تتوافق وتعرف اني لو بتزوجه من
ثاني يوم بيذبحني وال بهج وتطلق انا وياه ما يصير نتزوج وانت
بنفسك قلت الزواج ماهو غصب واجبار
محمد سكت بحيره وهو فعال يعرف انهم اكثر اثنين مايصلحون
لبعض وعد قويه وعقاب طاغي : انا ادري يا وعد لكن كيف نقنع
ابوك
وعد رغم مرارة القرار اال انها كابرت على نفسها وقالت بعد ما
الكل ضغط عليها ووصفها باالنانيه وانها موقفه نصيبها ونصيب
اخواتها : انا موافقه على مبارك لكن ابيك تفهم ابوي ان كل شي
قسمه ونصيب وال يجبرني على عقاب
انصعق محمد من قرارها ولف :يا وعد انتي متاكده !؟ انتي
تقولين مبارك شايب
وعد بغصه: فرق العمر مو مهم
ابعد محمد ووقف يناظرها بحيره وقرب : وعد اذا ما تبين مبارك
محد يقدر يجبرك ابد ال عليه وال على عقاب .
.
. ــــــــــــــــــــــــــــــــــ.
.
ابعد محمد ووقف يناظرها بحيره وقرب : وعد اذا ما تبين مبارك
محد يقدر يجبرك ابد ال عليه وال على عقاب
وعد كانت متاكده ان مجرد ما ترفض مبارك بينجن ابوها
ويجبرها على عقاب ويمكن الكل يأيده قالت بهدوء عكس البراكين
في صدرها: ال ياعمي انا استخرت وارتحت لمبارك لكن ابيك
تحاول تفهم من ابوي وال تقوله اني قلت لك شي
محمد : زين
طلعت وعد وتركت محمد في صدمه مايدري وش صاير لعيال
اخوانه كل واحد عايف الثاني وكل واحد يفضل الموت على الثاني
وهو مذهول اصال من عقاب شلون يخطب وعد وهو ما يواطنها !
لكن اصرار وعد على مبارك في ريبه ماكان يدري كيف بيحل
القصه لكن فيه سر ورا كل هاللي يصير فيه سر بين عقاب ووعد
.___________________
عند وعد طلعت وهي تحاول تتماسك وما تنهار هي ما تبي مبارك
لكن عندها فرصه تتفتك فيها من عقاب ومن اللوم اللي يوجهه
لها من اهلها كانت تفكر بأنها تتزوج مبارك فتره وترجع مطلقه
او انها تشكل مبارك على ما تبي وتقلبه وسيله تحقق فيها امانيها
لكن قبل توصل لبيتهم لفت على صوت ضحك شامت فيها ولفت
وهي البسه جاللها ومتغطيه بس معروفه وعد وفارقه بين البنات
بطولها وورزتها
ما توقعت يكون عقاب موجود وفالسطح وكل البنات في بيت ابو
خلف ناظرته بحده
وضحك عقاب بشماته اول ماشافها تمشي بضيق وقهر واضحه
عليها : قلت لك بتندمين وما طعتي لكن هاذي اول بشاير الخير
واول خضوعك انك تمشين وعينك باالرض وان شاء هللا الجاي
اعظم وهذا انا اقولها لك وبخلي لكالمي من اسمك نصيب وعد
علي يا وعد لتشوفين على يدي اياام تساويك باالرض وال ترفعين
عينك وال توقفين بكل هالطغى كله وخذي وعدي على محمل الجد
ضحكت وعد بإستهزاء وهي تناظره بنفس الحده والوقوف
الشامخ : اعلى مافي خيلك اركبه وربك يا عقاب مثل ما يكون
السمي نصيب في وعدك وربك الكون اشد عليك من اسمك واكون
انا عقابك من ربك وصدقني ليدفنونك تحت هالتراب ما تطول اللي
تبيه وانا وعد وقلت لك قبل انت مافي يدك اال تكيد مثل الحريم
لكن انا بتوصلك اخبار افعالي وهذا وعدي انا
تركته ومشت وهي قد تحدي عقاب ومستعده تدفع حياتها ثمن وال
تخلي لعقاب عليها سيطره
وقف عقاب بقهر وعلى قد ما انقهر من كالمها على قد ماهو
واثق بتخطيطه
.___________________
وعند ضاري
كان يمشي بالسوق ضايق صدره مايدري كيف يتصرف في
هالعزيمه اللي انبال فيها اخذ بعض االغراض اللي يحتاجها ورجع
للبيت دخل بهدوء وهو يمشي على مهل يخاف امه نايمه
ويصحيها بإزعاجه اول ما وصل المطبخ لف على صوت امه :
ضاري يمه جيت!؟
اسرع لها وهو يمسك يدها: ايه يمه ليه قمتي وانتي تعبانه
ام ضاري : سمعتك ما دخلت زي العاده خفت ضايق صدرك
ابتسم ضاري بخفه: ال يالغاليه ما فيني شي بس ماحبيت ازعجك
اخاف نايمه
ام ضاري : ال ياحبيبي ما تزعجني انت
ضاري : تعالي اجلسي اجلسي
جلست وهي تناظر االغراض اللي على الباب: وش انت جايب !
ضاري : جبت اغراض بسوي لك شي دافي ينشطك وبعد جبت
اغراض للعشاء
ام ضاري : هللا يعطيك لين يرضيك يا يمه
ضاري : امين
سكت شوي مايدري كيف بيقول لها بيجي له ضيوف ولفت ام
ضاري : يمه عالمك قلي ! واضح عليك الضيق
ضاري : ال يمه بس تعرفين خلف ونادر وعقاب قلت لك عنهم
ام ضاري : ايه !
ضاري : ادري ماهو وقته بس انهم بيجون اليوم البيت
وبيتعشون عندي
ابتسمت ام ضاري: وبس هذا اللي مضيق صدرك ! وانت ليه ما
تبيهم يجون
ضاري : ال يمه ماقصدي اني ما ابيهم يجون بس مابي استقبل
احد وانت تعبانه وبيزعجونك باالصوات
ام ضاري : ال ماعليك رحب بضيوفك يمه واترك الباقي علي ال
تشيل هم شي انا اسوي لك العشاء والقهوه و...
قاطعها ضاري: ال يمه وهللا ما تسوين شي وانتي مريضه ووقفتك
صعبه وهللا ماتمدين يدك لشي ابد انا بس ابيك ترتاحين ومابي
احد يزعجك والباقي اسويه انا
ام ضاري : ما يزعجوني ضيوفك يمه
ابتسم ضاري وهو يبوس راسها: هللا يخليك لي ، يال قومي
ارتاحي لين اجهز لك شي تاكلينه
ام ضاري : هللا يرضى لي عليك
دخلت ووقف ضاري يناظر البيت كانت حالته صعبه بدون حرمه
تهتم فيه هو ماهو ذاك الزود في ترتيب امور البيت كل اللي قدر
يسويه اكل خفيف المه ويغسل كم صحن ويكنس اي كالم واللي
يشوفه انه الزم ينظف البيت نظافه كامله هذا اول شي الزم
يسويه والزم يفكر بعشاء محترم يصلح لضيوف وهو مايعرف
يطبخ شي كبير اخذ نفس بضيق وبعد ما جهز اكل امه رجع
يحوس بالمجلس والبيت
.___________________


.
وفي الكويت
جاء جابر وهو يعلن ان الليله ملكة شيخه واستعجلوها عشان
ابوه عنده شغل الزم يطلع السعوديه وبدا الركض فالبيت والكل
يساعد ويشتغل ومحتاس
وليلى تساعد امها ومريم لكن كل ما فكرت تركض او تحرك
يوقفها صوت الخلخال ويذكرها بخلف لكن كانت تتجاهله وتكمل
ووقفت عند الكاميره تجهزها عشان تصور االحداث لكن دق قلبها
اول ماشافت المقطع االخير اللي كان فيه خلف وجابر وسوالفهم
ومررت المقطع بتحذفه لكن ما قدرت وطنشت هي ترجع لشيخه
وتصورها وتصور مريم وامها وكل شي قبل يجون الضيوف
وبعد ما انتهت جلست وهي ترجع تعيد الفيديو وابتسمت اول ما
ظهر خلف بالمقطع وهو مذهول لكن مبتسم استغربت ابتسامه
لكن اخذتها الذكرى لصوته ونظرته المتسعجله اللي يحاول يغضها
وال يناظر ليلى لكن واضح فيها لمعه غريبه
سكرتها وجلست وهو تسمع صوت االغاني
.___________________
في بيت الجد قايد
كان عقاب جالس بغرفته بهدوء يفكر وش بتسوي وعد ! دامها
للحين تتحداه واعتدل اول ما فتح الباب محمد ودخل : عقاب
عقاب : هال عمي
محمد : زين لقيتك صاحي
عقاب : امرني
محمد جلس وهو مالمحه جامده وسكت شوي وقال : بسألك
سؤال واحد ياعقاب وبتجاوب جواب واحد وواضح وصريح
عقاب : ابشر
محمد : ليه خطبت وعد !
استعد عقاب انه يبرر له نفس تبرير خلف لكن قاطعه محمد
بغضب: عقاب قلت لك جواب صادق! ال تقولين بنت عمي وال
تقولي هالخرابيط كلها انا ادري وانت تدري انك ما تواطن وعد
وال هي تواطنك
شد عقاب على اسنانه بغيض وابتسم مايبي يكشف نفسه: انا ما
اكرهه وعد لكن ما احب تصرفاتها لكن التصرفات ممكن تتبدل
وتتغيرر وانا ما عندي مشكله بعدها واشوف اني دامني نويت
اتزوج بنت عمي اولى بي
محمد: بناتك عمك ظ£! ؟ مالقيت اال وعد!
عقاب : الن عمي ما يرضى يزوج الصغار ويخلي الكبيره
محمد : ماهو عذر !
عقاب : انتم وش فيكم!؟ وش الذذنب اللي سويته عشان تجون
كلكم تحققون ! لذا الدرجه ما تشوفوني مناسب لها ؟
محمد : محد قال ذا الكالم بس اللي صار غريب
عقاب : ليه غريب!؟ محمد : الن وعد ما تبيك وتفضل انها تاخذ
الشايب وال تاخذك ؟ هذا ماهو غريب
ضحك عقاب : ابد طال عمرها هللا يهنيها ويوفقها انا اللي علي
سويته وهي بكيفها تاخذ الشايب تاخذ الشباب بكيفها
طلع بسرعه وتركه بغضب وهو مبسوط ان وعد تمشي على
خطته وبتزوج مباررك وبتمنى لو هي رضت فيه وال اخذت مبارك
بس مقهور انها تمشي وتنشر رفضها له في كل مكان
.___________________
.
.
في بيت ابو خلف
الكل كالعاده مجتمعين للقهوه ومحد يدري عن خطبة عقاب اال
بيت ابو خلف
ولفت ام ناصر: وش بالها وعد يانوريه تمر مثل الخفاش رايحه
جايه
ام وعد : مافيها شي تعبانه شوي
مضاوي : باهلل علموني مواعيد روقانها مشتهيه كيكتها
ضحكت اماني : جربي وقومي طلبيها
مضاوي :مالي خلق اتكفخ الحين كفايه علي عقاب
سكتوا على صوت الباب وكان فيصل وعزوز وسالم وغيث ودخل
غيث يركض :يمه ألحقي فيصل رجله تصب دم
فزوا كلهم برعب وركضت هيا: ليه لييه!؟
عزوز من برا : عمتي هيا خذو طريق بندخل فيصل
ابعدو كل البنات ودخلوا فيصل
وشهقت ام وعد : فيصل بسم هلل عليك وش فيك !
ام خلف : عزوز وش فيه!!
عزوز : كنا نلعب كوره وكلن بيشوت الكوره وشات الحديده
بالغلط وشكلها كسرت رجله
هيا :ال حول روح ناد اي احد يوديه للمستشفى
مضاوي : بشوف محمد اذا فيه
تعبى البيت صراخ فيصل وسالم وعزوز يركضون يدورون احد
يودي فيصل المستشفى
ونزلت وعد بصدمه: فيصل وش فيك !؟
فيصل : ألحقيني يا وعد بموووت بموت رجلي رجلي
وعد : وش فييييه!؟ سحر: كان بيشوت الكوره وضربت رجله
الحديده بالغلط
وعد : عمي محمد وينه!؟ رجعت مضاوي تركض : مافيه احد
وعد : بروح انادي خلف
ام خلف: راحوا عزوز وسالم
الكل وقف يناظر فيصل اللي دايما وابدا مايعرف يصبر
.___________________
اما عند خلف
رغم مشكله وعد اللي تحوس براسه اال انه يراقب نقطه فارغه
سرحان ومبتسم وهو ينتظر اللحظه اللي بترد ليلى على رسالته
ووش بتقول !؟
وقف على صوت جده يناديه ياخذ االغراض من الناس وشاف
عمه محمد جاي واضح في وجهه الضيق
خلف: عمي حياك
محمد : هال خلف وين ابوك!

[صواديف عشاق]

خلف: مدري وهللا الظاهر مع ابو ممدوح
محمد : زين وابوي
خلف : توه راح لدوانية الشيبان محمد: زين اجلس ابيك بكلمه
خلف : امر
محمد : اكيد انك عارف عن خطبة مبارك وبعد عقاب
تنهد خلف بضيق: ايه ادري لكن االمور ماهي تمام
محمد : ايه جت وعد وقالت لي
خلف : دامها قالت لك اكيد قالت عن رفضها لعقاب
محمد : ايه
خلف : وانت وش تشوف!؟ محمد : كلنا متفقين الزواج مافيه
غصب !وبيني وبينك ما اشوف انها هي وعقاب مناسبين لبعض
نعرف عقاب نار وشرار ووعد قويه وال تحب احد يحكمها
والنتيجه بتكون وخيمه
خلف : انا معك لكن ابوي!
محمد : وعد تقول انها موافقه على مبارك وعقاب خطبته كانت
في حال ان وعد رفضت مبارك تصير خطبته يعني عقاب معلق
على رفض مبارك
خلف : عمي ال يكون بتأيدها على موافقتها لمبارك!
محمد : اذا هي راضيه مالنا شغل احنا
..
قبل يرد خلف فز على صوت عزوز وسالم ينادونه : ألحق فيصل
خلف بخوف: وش فيه؟؟ عزوز: رجله انكسرت
طلعوا كلهم متجهين للبيت واخذوا فيصل للمستشفى وهم
مختبصين
!.___________________
المغرب في بيت نادر
جلس وهو يناظر وش مسويه شوق اليوم وش طابخه كان
مصدوم انها تعرف تطبخ
ولف لها: شوق
شوق : سم
نادر : اليوم معزوم على العشاء وما ودي اخليك لحالك
ابتسمت شوق : طيب قول لخلف يجيب وعد
ابتسم نادر: هللا هللا يعني الحين بترسمين لي صداقه مع وعد
شوق : يعني ما اعرف اال هي
سكت نادر وهو يدري ابو خلف مايطيقه وال يطيق اي شي من
طرفه ومستحيل يخلي بناته يجون وال شوق تروح لهم
وقربت شوق وهي تشد على ذراعه: وش فيك ضقت؟ اذا ما تبي
خالص
نادر اعتدل وهو يمسك يدها: ال مو هذا قصدي لكن بيني وبين ابو
خلف مشكله وبالزوور لين اقابل خلف وعلى كذا مستحيل يرضى
ان وعد تجي او انك تروحين لهم
ابتسمت شوق بهدوء: مو مشكله ابد اللي يزعلك ويضيق صدرك
انا ما ابيه
ابتسم نادر بحب : وش رايك تجين معي الم ضاري!؟ شوق :
فشله ما عزمتني اروح كذا
نادر سكت بضيق وقالت شوق : شوف ما عليك انا يخلص تنظيف
البيت شوي شوي وناظرر التلفزيون شوي وبنام ماعليك انت
نادر: زين ما رح اطول انا برجع بدري
وقف نادر يجهز وشوق تساعده وتسولف معاه وهي تحس الحياه
معاه اسهل من حياتها قبل
.___________________
في بيت ابو خلف
الكل كان ينتظر فيصل ومتوترين واخيرا وصلوا
ووقف ابو خلف يناظرهم ودخلو فيصل وجلسوا
ام وعد: بسم هلل عليك يمه ، وش فيه يا خلف وش قالوا له
جلس خلف بتعب: مافيه اال العافيه ، ضربت رجله بالحديده
وانجرحت وصار فيها فك بسيط وان شاء هللا ايام ايام ويطيب
ماعليه شر
ابو خلف: فيصلوه كم مره اكلمت عند هالكوره ياولدي انت خبل!
فيصل: يا يبه وش نسوي ماعندنا شي اال الكوره
محمد : بسيطه يا رجال ماصار شي ، المهم انا بروح
ابو خلف : وين رايح اجلس للقهوه
محمد: ال ال بروح انام شي
طلع محمد ولفت حنان: خلف تبي شي قهوه شي!؟؟
خلف : ال بس ابس مالبس نظيفه معزوم على العشاء
ابو خلف : عند مين!
خلف: ضاري
ابو خلف : ال تتأخر
خلف : زين
ام خلف : خلف يا روحي اخذ معك الكمام احتياط اذا حصلت دخان
نار وال شي يضرك
خلف : ابشري يمه ابشري
طلع للغرفه وقبل يدخل راح لوعد اللي جالسه بهدوء وهو للحين
في بالها ضحك عقاب
خلف :وعد وش تسوين بلحالك
وعد : وال شي
خلف : وش تفكرين فيه
وعد وقفت وهي تطوي جالل الصالة : كنت اصلي واستخرت
تكتف خلف: وان شاء هللا وصلتي لحل
.
.
. ــــــــــــــــــــــــــــــــــ .
.
تكتف خلف: وان شاء هللا وصلتي لحل
وعد وهي تحاول ما تبين انهيارها : ايه ، وياليت تبارك الختك
قطب خلف بغضب : مصره على مبارك
وعد : هذاك بعينك شفت فكرت واستخرت وشفت ان نصيبي مع
مبارك
خلف : نصيبك ذا على قولك بنيتيه حاجز عشان ما تفكرين بعقاب
!
وعد : ماودي اني اكلمك كذا ! لكن تصرفنا متشابهه ياخلف
الحاجز اللي بنيته ببمبارك ضد عقاب على قولك مثل الحاجز اللي
سويته انت بينك وبين سحر عشان ليلى
احتدت نظرة خلف وقرب بغضب: قلت لك هالموضوع ال تفتحينه
يا وعد
وعد : اجل ال تفتح سالفة عقاب
خلف : زين يا وعد سوي اللي بتسوينه لكن ذنبك على جنبك
ابتسمت وعد : ماعليه اعرف متى اشيل ذنبي واعرف انه
الغلبني وطحت بتجي وتشيله عني
ضاق صدر خلف من كالمها واتجهه لها : وعد يا حبيبتي انا ما
ابيك ترمين نفسك بمتاهه وكله عشان ما تبين عقاب
وعد : انا ماني راميه نفسي لكن اشوف نصيبي مع مبارك
ارتخى خلف بهدوء : قلت لك الشور شورك لكن انا ماني راضي
راح وتركها وهو مايبيها ترتكب جريمه في نفسها وتزوج مبارك
عشان تكون في الحل الوسط وترضي كل االطراف
وجلست وعد بضيقة صدري وهي تدري ان قبولها لزواج عقاب
كارثه بتدمرها وتدمر اهلهم من بعدها الن مستحيل تسكت على
ضيم عقاب وبعدها بتكبر المشاكل
ورفضها لعقاب يمكن يسبب زعل بسيط لكن تنحل القضيه بقول
ان مبارك سبق وخطب ونصيب له حتى لو زواجها من مبارك
سجن لكن افضل كثير
.___________________
وفي بيت ضاري
انكسر ظهره ينظف ويعيد التنظيف مليون مره ويحوس ستين
حوسه عشان يطلع المكان بأحسن وجهه وقف يناظر العشاء اللي
بيسويه ولف على صوت امه: ياضاري خلني اسويه انا يا امي
ضاري: ال ووهللا بسويه انا
ام ضاري : بس انت ما تعرف
ضاري: اتعلم ماهي مشكله
ام ضاري كانت بتعترض بس جلسها ضاري : انتي عطيني
التعليمات وانا اطبق المهم خليك مرتاحه
ضحكت ام ضاري : يوم اقولك خلني ازوجك عشان هاليوم يمه
ضحك ضاري : خلينا ننهي هاليوم وبعدين نفكر في الزواج
ابتدت تعطيه التعليمات وهو يطبق وانتهى تماما من كل شي وهو
ميت تعب لكن راضي
وركض يبدل مالبسه عن الحوسه قبل يجون
.___________________
عند نادر
كان واقف ينتظر خلف وعقاب اللي بعد ظ،ظ* دقايق ووصلوا
خلف : يال
نادر بقلق: ايه
عقاب : وش فيك!؟
نادر : اسمعوا ما بنطول ساعه ونرجع
خلف : ليه!؟ نادر : ياخي مقدر اتأخر على شوق في البيت لحالها
عقاب : ياشيخ وش بيصير لها
نادر: عقاب هللا يرحم والدينك ال تغثني وانت ما تدري وش انا فيه
.
خلف : تعال تعال ورا ما تجيبها عند البنات؟ تنسبط معهم شوي
نادر: ياخي ابوك قصه لحاله
خلف : مب شرط بيتنا تروح عند عماتي
عقاب : ايه بيت جدي مايقول شي
نادر : مامعنا وقت وهللا
خلف : معك وقت ارجع اخذها وانا بكلم البنات يال بسرعه
ماعطاه خلف فرصه ورجع مسرع للبيت هو وعقاب وقالوا لهم
بتجيهم ضيفه وفهموهم انها زوجة نادر والزم ينتبهون زين
هيا: هللا يصلحكم ليه ما قلتوا لنا على االقل نجهز شي
مضاوي: وبعدين وش هالزياره بعد العشاء !
خلف: يا بنت الحالل ال تعتبرينها زياره اعتبريها جمعة بنات
اسهروا واستانسوا لين نجي
هيا: خواتك يدرون
خلف: بقولهم الحين
رجع خلف ينادي البنات وبذات وعد ويقولهم عن شوق
واستفروا البنات يجهزون
ونفس االستنفار عند نادر اللي رجع لشوق اللي ارتبكت
وانبسطت بنفس الوقت ولبست بسرعه وطلعت : نادر كذا تمام!؟
ناظرها نادر ببتسامه: تمام التمام
شوق: مدري احس فشله جايه هالوقت
نادر: ماعليه فالنهايه جمعة بنات وبتطمن اكثر
شوق : زين
نادر: زي ما اتفقنا ال تخلين احد يضايقك طيب
شوق : طيب
اخذها وطلع لبيت ابو ناصر وابتسم لخلف اللي ابعد وهو يقول :
حياك هللا وانا اخوك ادخلي
دخلت شوق وهي خايفه لكن استقبلتها مضاوي مبتسمه : حياك
هللا
دخلت معها شوق وشافت الكل مجتمعين ماعدا ام وعد اللي
جالسه مع فيصل وتطمنت اول ماشافت وعد اللي قربت تحضنها
ببتسامه
وتجمدوا كلهم اول ماشافوها صغيره ومنحرجه
.___________________
عند العيال اتجهوا
لبيت ضاري على الوصف وهم ماعمرهم شافوه ولف نادر يناظر
البيت الشعبي اللي نوعا ما قديم : اذا هذا بيتكم ماني قايل اال
حسبي عليك يا عقاب
عقاب : خير ان شااء هللا!؟ وش دخلني!
خلف : وش اللي وش دخلك كفايه انك محرج الرجال ومجبره
على العزيمه
عقاب بال مباله: ماعليه نعلمه المرجله
نادر: اص يا ابو المرجله اص
دق الباب خلف وجاهم صوت ضاري من بعيد وفتح الباب مبتسم:
حياكم هللا
الكل: هللا يحيك
ضاري: تفضلوا تفضلوا
دخلوا وهم ودهم يلفون على عقاب ويكفخونه وكان ضاري مرتبك
شوي وواضح وراه شي شايل همه وجلسوا يتقهوون وضاري
يروح ويجي للمطبخ باستمرار خايف ينحرق العشاء
عقاب : وش بالك كأنك مقروص الظاهر ماتعودت تستقبل ضيوف
ابتسم ضاري بحده:ال وهللا متعود لكن مثلك عارف انا انسان ما
اعرف اثني رجلي واجلس اهذر على الفاضي والمليان
ال وهللا احب اظهر بأفعال اكثر من كالم
.
ناظره عقاب بحده وهو يوجهه له هالكالم للمره الثانيه اول مره
وعد وهالمره ضاري وكلهم يصبون كالمهم في منبع ان عقاب
صاحب كالم وبس لكن ضحك باستفزاز وقال: ايه صح تحب تظهر
افعالك لكن بعد ما نمليها عليك بالكالم
احتدت النظرات واعتدلوا خلف ونادر تحسبا لأي مشكله بتصير :
اذكروا هللا كلكم ماعليكم قصور
ضحك ضاري وهو يصب القهوه: ارتاحوا يا شباب خلو عقاب
على راحته
رجع ضاري يتجاهل عقاب وهو وده يتوطى بطنه وهالشعور
مشترك من الكل لكن عقاب كان مبتسم بنفس االستفزاز
.___________________
في الكويت
كانت اجواء الفرح تعم المكان والحضور اكتمل وليلى مثل عادتها
ماسكه الرقص وتصوير وماهي مقصره وفرحانه لشيخه وبتموت
من فرحها
كانت تنتقل بين الحضور اللي كانوا من العايله والحفله عائليه
بسعة صدر ووقفت وهي تثبت الكاميره وتنتظر دخول جاسم وهي
البسه عبايتها ومتحجبه ودخل معه جابر اللي التفت لليلى
ببتسامه: صوريني وياهم
ليلى: زين روح
ودخل ابو نهيان ونهيان وبدت المراسم والكل مبسوط وليلى
تسمع كل وحده تبارك تقول : عقبال ليلى
كانت باالرج بتقول : امين
لكن في نفسها شعور يخليها تخاف من هالدعوه دام نطاق
تفكيرها صار محكور على خلف هااليام
ابتسم وهي تسمع صوت جابر يناديها عشان تكون بالصوره
معهم وابتسمت ودخلت معهم
وبعد فتره طلع جاسم عشان يترك لهم الحريه
وقالت ام بدر عمتهم: عقبال ليلى
ورفع جابر يده بضحك : يارب يارب تسمع وتستجيب ياهلل
ضربته ليلى بقهر: خيييير شنو فيك حاط دوبك من دوبي
ام نهيان: يدعي لچ
ليلى: مابي هالدعوه
نهيان: لا وهللا ما نبيها الحين استغفر للله بس كفايه علينا شيوخ
مريم: لا تحسد اختك الخير

[صواديف عشاق]

مريم: لا تحسد اختك الخير
نهيان: مو حاسدها الله يبارك لها لكن زواج البنات صعب صعب
ضحكت ليلى: كفو اخوي اللي يقول الكلام السلام
ابو نهيان: ماعليه هاذي سنة الحياه
جابر: اوووه باعچ ابوي اخيراً
ليلى: افا يبه
ضحك ابو نهيان وهو يحضنها ولفت شيخه باحراج اول ماحضنها ابوها بعد
ام بدر : ابو نهيان يا اخوي متى بتردون السعوديه!؟
ابو نهيان: بكره ان شاء الله
ام بدر : مو چنه مبكر
ابو نهيان: عندي شغل بخلصه بدري و ارد
ام بدر: زين
ورجعوا يكملون الحفل والكل مبسوط وليلى ودها يجي بكره وترجع لسعوديه
_______________________.
وفي بيت الجد قايد
الكل جالس بصمت يناظرون شوق اللي ما تناظر احد
.

وفي بيت الجد قايد
الكل جالس بصمت يناظرون شوق اللي ما تناظر احد ما ترد على احد
ام ناصر : حياك الله يا شوق
شوق : الله يحيك يا خاله
ام خلف كان مصدومه من شوق وضايق صدرها عليها لكن كانت تحاول تهون عليها: كيفك يابنتي كيف اهلك وكيف نادر
شوق : حمدلله كلنا بخير
وعد كانت مبسوطه ان شوق بخير زي ما تشوفها لكن ماكانت وعد تبين ضيقها وحزنها : شوق هذولا خواتي اللي قلت لك عنهم
بدت تعرفها بالكل وشوق مبتسمه بعد نص ساعه راحو الكبار وبقوا بس البنات
وقربت عهد : شوق كم عمرك! معليش على السؤال بس شكلك مايعطي انك انسانه متزوجه
ابتسمت شوق بخجل : انا عمري ظ،ظ¥
قالت مضاوي تبي تغير جو الرسميه وتقلب الموضوع ضحك: عطيني السر اللي خلاك تزوجين بهالسرعه لان كل الشله اللي جالسين قدامك عوانس
ضحكوا البنات ولفت اماني بمزح: افا يا مضاري شصار على الچويتيين !
مضاوي: هنا مربط الفرس ابي حل سريع يجيبهم
هيا بفشله: ماعليك منهم ترا كل وحده اخبل من الثانيه وهذا سبب العنوسه
ضحكت شوق: لا عادي
وجدان: يعني انتي بعمرنا تقريباً
شوق: ايه
شهد: وخلصتي دراستك!؟ شوق ابتسمت : لا ماكملت بس نادر يقول بكره نروح ناخذ اوراقي واختبر
ابتسمت وعد بفرح: حلوووو يعني نادر ماعنده اعتراض
ابتسمت لها شوق بحب : لا بالعكس رافض اني اتركها
تطمنت وعد على شوق كثير وقالت سحر : ليت نادر يعطي عقاب شوي من تفكيره
عهد : عقاب تفكيره منطقي
طنشوها كلهم ورجعوا لشوق يسولفون معها ودخلت معهم ورغم انها شايفه شرود وعد الا ان وعد ثابته وما اهتزت رغم العواصف اللي داخلها
_______________________.
في بيت ضاري
الجو كان راكد وسوالف وبعد شوي جاء تركي اللي ابتسم اول ماشاف خلف وسلم عليهم
ضاري : هذا تركي هذا نسميه سلطااان المشاعر والفن
ضحك نادر: واااضح طال عمره وجهه سمح
تركي : الله يسلمك
خلف: خذوها مني شهاده يا عيال اللي ضايق صدره يجلس مع تركي يغني له
نادر: لا تجيبون لي طاري الضيقه والا بجلس عنده ظ،ظ* سنين قدام يغني لي
تركي: افا بالخدمه يا معلم
ضاري : نادر صدقني بينفعك انت بذات
عقاب كان ساكت يناظر تركي وضاري وكارهه تركي من كرهه لضاري وماكان يرد ويناظر الساعه غالب الوقت وانتبه له ضاري وابتسم: اقول عقاب عسى ما أخرناك على شي!
عقاب : لا ابد انا فااااضي لك وقاعد على قلبك صدقني
دقه خلف بكوعه وهمس ( عقاب مصختها خلاص)
ضاري : لا ما عليك مصدقك دامك عازم نفسك اكيد فاضي
حس تركي ان فيه شوشره بالجو وقطع السالفه وهو يقول: ضاري كيفها امك بعد ماكانت تعبانه .
.
.
حس تركي ان فيه شوشره بالجو وقطع السالفه وهو يقول: ضاري كيفها امك بعد ماكانت تعبانه
لفوا كلهم لضاري وهم مايدرون ان امه تعبانه ومع ذلك مستقبلهم وهم يعرفون انه وحيدها
ضاري : حمدلله احسن اليوم
خلف : ضاري شفيها امك!؟ نادر: ليه ما قلت انها تعبانه عشان نأجل العزيمه على الاقل
ضاري : ماله داعي هي بخير الحين بس تعب الكبر
بحسن نيه قال خلف : وانا قلت لك العشاء نبيه بالبيت وتعبناها الله يطول بعمرها
ضحك تركي : لا ماعليك يا خليف ضاري هو اللي يطبخ امه الله يسعدها ما يخليها تسوي شي
التفت له ضاري وهو يأشر له يسكت وقال تركي بسرعه: يعني ضاري يحب امور الطبخ
لف نادر يناظر خلف وتفشلوا من جيتهم وواضح حوسة ضاري اللي يغيب فترات ويرجع
هالمره بس اللي حس عقاب انه ماله داعي وتفشل وهو توه يحس انه ضغط على ضاري بهالعزيمه
بالقوه تحملوا لين نزل العشاء وكان بسيط وتعشوا وحلف ضاري مايرحون الا بعد الشاهي
كان تركي ينوب على ضاري في المجلس لين يرجع لكن رجع ضاري مبتسم ووقف على الباب : يا شباب امي ودها تسلم عليكم
لفوا كلهم على بعض منحرجين ايه يعرفون اطباع الناس قديمين والكبار بس مستكثرين انها تعبانه وجايه تسلم عليهم اما تركي متعود
وجات ام ضاري اللي لابسه جلالها الطويله غطاها وهي مستنده لضاري : سلام عليكم
فزوا كلهم واقفين : هلا والله
ام ضاري :وشلونكم ياعيالي
الكل: بخير حمدلله
خلف : العذر والسموحه ياخاله جينا في وقت ماهو مناسب لكن ضاري الله يهديه ماقال انك تعبانه والا كان نأجلها
ام ضاري : ابد والله جيتوا في وقتكم وحياكم الله في بيت اخوكم وانا بخييير دامني اشوف ضاري بخير معكم
ابتسم ضاري لها وقال نادر: الله يخليه لك ياخاله ونعم التربيه ونعم الرجال ضاري والله يمد بعمرك ويحفظك له
الكل: اميين
تركي بضحك: الله ياخاله سمعت انك بتزوجينه زوجيني معه تراني وليدك بعد
ضحك ضاري : قايلك لا تحسدني
ام ضاري : الله يرزقكم كلكم
ولفت تشوف عقاب المتكتف وبانت في ملامحه الضيق وصاد ولا يشاركهم كثير
والحال انه تضايق من نفسه وتضايق اكثر وهو يشوف حب ام ضاري له وضاري بعد وحن لامه ولابوه وحن لهالمشاعر الطيبه والحنينه
ام ضاري لعقاب: اقول ياوليدي عسى ما ضاري مضيق صدرك ولا ماعجبك عشانا
لفت عقاب بذهول لها ولحنية صوتها: لا والله ياخاله كثر خيركم
ضاري ببتسامه: والله لا تجيبين طاري الشكاوي له ترا قلبه مليان علي
عقاب: يعني ياخاله ولدك يبي له قرصة اذن تعدله شوي
ضحكت ام ضاري : اعرفه اعرفه لكن انت ما انت بعيد عنه ( تقصد انه يشبهه ضاري في تصرفاته) .
.
.
ضحكت ام ضاري : اعرفه اعرفه لكن انت ما انت بعيد عنه ( تقصد انه يشبهه ضاري في تصرفاته)
نادر: اي والله ياخاله ما نجلس معهم الا يتهاوشون كل واحد اردى من الثاني
ام ضاري ببتسامه: ايه ماعليه مهما تهاوشوا يبقى زعل اخوان
خلف : صدقتي لكن لا تعبين نفسك اكثر وارتاحي
ام ضاري : مرتاحه لكن قلت بشوف هاللي طاير فيهم ضاري تركي ونعرفه وهذا حنا عرفناكم وودعناكم الله
راحت وخلت وراها ابتسامه على وجيه الشباب لكن عقاب كان ممتلي حزن وحنين
اخذ اغراضه ولف بهدوء: كثر خيرك يا ضاري
ضاري : خير الله اجلس ساهرين
عقاب : اكتفيت من شوفة وجهك الرضي
نادر: وش ذا الخضوع
ضحك ضاري : لا يغرك لسانه الحلو هذا اسلوب تخفي
تركي : بالله تهاوشوا دايماً خلوني اوسع صدري شوي
خلف : فاضي ياتركي حنا يالله نركدهم
نادر: المهم ياضاري مشكور وتعبناك معنا وبعدين لا عاد تخبي شي
ضاري: ابشر
نادر: خلنا نشوفك تركي وانا بذات ابيك بكلمة راس
ضحك تركي: كلمة راس تحتاج العود!؟ نادر: عود ومناديل بعد
تركي: وضعك خطير
خلف: لا تعطيه وجهه تراه يحب الدراما، يلامع السلامه
طلعوا كلهم وتركوا ضاري اللي رجع منهد حيله نظف الحوسه وبعدها دخل في دوامة نوم
_______________________.
وفي بيت نادر
بعد ما اخذ شوق ورجعوا لبيتهم ارتمى بتعب وجلست شوق بجنبه بهدوء وهي مبتسمه : هاه انبسطت فالجلسه
تكى نادر على ذراعه: انبسطت لكن تفشلت اكثر
شوق: ليه !
نادر: سالفه طويله ودي اني مسكت عقاب قبل يروح وغسلت شراعه لكن اختفى قبل اصيده
شوق ضحكت: عقاب اخو البنات وواضح من كلامهم انه اقشر
نادر: الله يصلحه غربل نفسه والعالم معه
شوق: طيب وش صار!؟ نادر: عقاب مايطيق ضاري وفي كل فرصه يحاول يحرجه ويصغره قدام الكل وعاد عقاب حقده شييييين المهم انه طال عمره عزمنا عند الرجال بدون ما يستحي ووافق ضاري لكن المسكين طلعت امه مسكينه تعبانه وهو يكرف بالطبخ والبيت لحاله وحالته بالويل وعقاب مازال يشوف نفسه ماسوى شي الا انه يعلمه المرجله على قوله
شوق : ماله داعي عقاب مهما صار لا يحرج الرجال
نادر: هذا اللي مخليني ودي اكفخه
شوق : عاد خواته وعماته يجننون
بحركه غير متوقعه سند نادر راسه لحضن شوق للي ارتبكت وقال بدون ما ينتبهه: كيف شفتيهم سولفي لي يعني وش صار
تداركت شوق ارتباكها وهي تحاول تهدي خجلها وبدت تسولف له عن البنات وشخصياتهم وسوالفهم وكيف انبسطت ونادر مبسوط انها اخيراً حصلت احد تستانس معه
_______________________.
وفي مكان بعييد
على اطراف الشاطي البعيد كان هناك عقاب اللي من سنييييين جمد مشاعره
.
.
.
وفي مكان بعييد
على اطراف الشاطي البعيد كان هناك عقاب اللي من سنييييين جمد مشاعره ومايبي يشوف اي موقف يحركها كان يتعمد يبعد عن اي شي ممكن يجدد حنينه وشوقه لأمه وابوه كان يجاهد نفسه عشان ما ينهار وهو للحين في قلبه مرارة وحرارة الموقف اللي ودع فيه امه وابوه سوا يتذكر بروده اجسادهم اول ماقرب يحتضنهم ويبوس راسهم وينقلهم لمثواهم الاخير يتذكر ثقلهم على يدينه الصغيره
غمض بقووووه وخنقه كان يحاول ما يبكي لانه لو بكى بينهار ! بيموت ومايقدر يوقف نفسه زي ما وقفها طول هالسنين وهو يتجاهل كل شي ويحط حيله في اخوانه وتربيتهم وكيف لازم يكونون وكيف لازم يخاف عليهم وهو يتذكر! هل سوا شي لاخوانه!؟ ولا كل افعاله مجرد كلام زي مايقولون
شد على صدره بحرقه يحاول يهون على نفسه: خلاص يا عقاب خلاص وش الفايده من انهيارك الحين ! ياعقاب صبرت سنين لا تترك نفسك الحين !لا ضاري ولا حتى وعد يقدرون يهزونك خلك مثل ما انت خلك قوي خلك عقاب
قال كلامه الاخير وما كمل صوته انقطع وانثنى جسمه من ثقل حزنه وبكى .. بكى شوق لأمه وشوق لابوه كان وده لو امه عايشه وتحضنه ام خلف اذا حضنته وتدعي له مثل ام ضاري اذا دعت له
في اخر مراحل التعب بدا يستجمع نفسه عقاب ووقف وهو يمسح دموعها بطرف شماغه اخذ نفس ومشى وترك هالانهيار المتعب عند البحر اللي في كل فتره يحس عقاب انه انهلك يجي هنا ويطلع كل شي بقلبه ويرجع للبيت
_______________________.
ومن بكره
كان بكره منتظر للكل منهم اللي ينتظره بشوق ولهفه للاحداث الحلوه اللي ممكن تصير فيه
ومنهم اللي ينتظره عشان يرمي الثقل اللي على كتفه بكلمه
بداية اليوم كانت فالكويت ..
كان ابو نهيان واقف وهو ينادي : يلااا يلا وينكم
طلعت ام نهيان: خلاص جينا
طلعت ليلى تركض لحماسها المعتاد : انا خلصت يبه
ابو نهيان: وين اخوانچ
شيخه: انا هنيه يبه
ابو نهيان : ويييينك يا جابر
طلع جابر بتعب : يبببببه ليش مطلعنا من صباح الله خير
ابو نهيان: متى تبي تطلع ان شاء الله ،يلا بس يلا
ركبوا كلهم واغلبهم ناموا بما ان الوقت مبكر الا ابو نهيان اللي يسوق وليلى اللي في اخر مرتبه بالسياره كانت مرتخيه بهدوء بتنام لكن تذكرت رسالة خلف وكيف بترد عليه!؟ ترد ولا ما ترد !؟ كيف بتتصرف بس لازم ما تسكت على اللي سواه وعلى جرائته المرعبه دق قلبها بخوف اول ما تذكرت الموقف
ومن هالمنطلق بدت تدور رد قاسي يوقف خلف عند حده
_______________________.
في بيت ابو خلف
الكل مجتمعين على الفطور وهادين مافيه الا صوت ام وعد تجبر فيصل يفطر زين .
اسسفه مره اني نسيت امس احط العلامة
.
الكل مجتمعين على الفطور وهادين مافيه الا صوت ام وعد تجبر فيصل يفطر زين عشان تتشافى رجله بسرعه
وغيث يسولف لخلف لكن كسرت وعد الصمت وقالت: يبه
لف ابو خلف : نعم!
وعد بغصه : انا موافقه مبارك
الكل رفع راسه يناظرها بذهول ولف ابو خلف بغضب: والله !؟ ترفضين عقاب وترضين بمبارك الغريب
وعد : اذا رفضت عقاب بتطيح الدنيا على راسنا
ام وعد :انهبلتي انتي عقاب اقرب لك
ابو خلف : وعييييد حطي عقلك براسك واعرفي وش النعمه اللي ترفسينها ولا بتسوين مثل سحر!؟ وعد : انا ماني سحر هذا واحد ! وانا مابي عقاب مو غصب
خلف : وعد وعد بس
ابو خلف : انتي مجنونه الظاهر اني عطيتك وجهه ليييييين طغيتي
خلف : يبه نرجع نقول السالفه ماهي غصب واللي ينطبق علي ينطبق على وعد وعقاب وبعدين كلنا نعرف لا عقاب يصلح لوعد ولا وعد تصلح له
ابو خلف : وانت صفيت معها
فيصل : انا صاف معهم بعد
وعد : اذا ودك تخسر عيال اخوانك وبنتك زوجني عقاب وانت تدري وش العواقب
ابو خلف : تهدديني انتي!؟ وعد : اما اهدد لا بالعكس مو اكلتوني ما تزوجتي وماتزوجتي هذاني اقولك موافقه على مبارك
ابو خلف بغضب: زيييين ياوعد زيييين لكن من الحين اقولك اذا حصل وتزوجتي مبارك وجاء يوم وشفتي منه الضيم لاتجيييين تقولين افزع يبه
ضحكت وعد : لا تشيل هم يا يبه انا ادبر نفسي
راحت ولف ابو خلف على خلف : انا ما اقولك عقلها!؟ والحين جاي تقول ماهو غصب
وعد : ولنفترض اني عقلتها مثل ما تقول افترض إنا اجبرناها على عقاب !؟ تخيل بس وش بيصير دام عقاب نار وشرار ووعد مثله!؟ كيف بيعيشون! تخيل المشاكل اللي بتصير يبه!؟ تخيل الكارثه اللي بتصير
انت تعرف وتعرف زيييين ان وعد ما تنجبر واذا انجبرت بتقوم الدنيا ولا تقعد
ابو خلف : هذا كلامك انت بعد ! زييييين يا خلف زييين خلك انت وياها على رايك بس من الحين اقولك انا مالي شغل فيها انت المسؤول عن اللي بيصير لها
ام خلف : يا ناصر اذكر الله ان شاء الله مايصير الا كل خير
طلع ابو خلف وتركهم ووقف خلف بضيق
ام وعد : الله يسامحك ياخلف كان ما طعت وعد وكلمتها وهي تسمع منك
خلف : ياعمه ياعمه الموضوع ماهو ميانه وتسمع مني الموضوع حيييييياه ومستقبل ومايصير اللي تقولينه
فيصل: خلف صادق لا عقاب يصير لوعد ولا وعد تصير له
خلف : هذا هو
ندى: بس مهما كان ما توافق على شايب !
خلف: هي تقرر وش تبي محد له شغل
اخذ اغراضه وطلع وهو محتاااس تفكيره بعد
_______________________.
وفي بيت الجد قايد
كانوا مجتمعين على الفطور ودخل عقاب اللي توه يرجع وكان واضح عليه الزعل والضيق

.
كانوا مجتمعين على الفطور ودخل عقاب اللي توه يرجع وكان واضح عليه الزعل والضيق
ام ناصر: عقاااب وينك من اليوم اشغلتني افكر فيك
عقاب :كان عندي شغل
ابو ناصر: وش الشغل اللي من تالي الليل للحين
صد عقاب بضيق :مهمه في الدوام
سحر: عقاب تعال افطر
عقاب: ما ابي وابي انام ولا احد يزعجني
مضاوي : ماشاء الله جاي بشياطينك
مارد عقاب اللي طلع وتركها وهذا شي خطير بالنسبه لهم
ابو ناصر:سحر يا بنتي شوفيه لا يكون مريض او فيه شي
سحر: ابشر
مضاوي: لا لا انا بروح له اعرف له
طلعت تركض للغرفه ودخلت وهي تشوفه مرتمي على فراشه بكامل ملابسه وذراعه على عيونه وقال بصوت منزعج :وش قلت انا!
مضاوي :عقاب وش فيك ! صاير شي!؟ ليه متضايق هالكثر
عقاب : مافيه شي يا مضاوي تعبان وبنام
مضاوي : من قالك اني بزر ولا خبله تلعب علي بهالكلام
سكرت الباب وقربت وهي تسحب ذراعه بحذر: عقاب حلفتك بالله تقول وش فيك
ابعد عقاب يناظرها بضيق : مافيه شي ومتهاوش مع واحد من الشباب
مضاوي : من هو !؟ كلهم اثنين يا خلف او نادر
عقاب : لا لا واحد ثاني
مضاوي : الله اكبر يا عقاب من متى والناس يهزونك ويضيقون صدرك! ماخبرتك تزعل الا على الشديد القوي
عقاب تنهد بضيق وابعد : مالك فالخوافي داعي يا مضاوي
مضاوي: افا يا عقاب ! من متى صارت لك خوافي بعيد عني !
عقاب : والله مافيه شي بس تكفين ابي ارتاح
مضاوي : على راحتك
طلعت وهي متوقعه وش سبب ضيقه ممكن تكون لها علاقه بأمه وابوه
_______________________.
وعند
نادر من بدري طلع متجهه للحفر ووقف اخيراً عند مدرسة شوق اللي لفت تناظره بارتباك وهو للمره المليون يحفظها اللي بتقوله وترتبك وتنسى
نادر: شوق اسمعيني خلاص اطلعي لهم وقولي ان زوجي بيكلم المديره وانا اتفاهم معها
شوق : طيب
نزلت وهي خايفه يرفضونها دخلت بهدوء وهي تناظر المعلمات وصاحباتها قربت تسلم عليهم بفرح وبعدها اتجهت للمديره وطلبتها تكلم نادر اللي استعد وودخل بالموضوع بلباقه وفطنه ورسميه ما اعتادها من نفسه والنتيجه انه فعلاً قبلوا العذر وفعلا اعطوها الاوراق وطلعت شوق بتطير من الفرح وركضت لسياره وركبت
نادر:هاااه نقول مبروك
شوق : ابشررك وافقوا وافقوا
نادر ضحك: ماشاء الله حمدلله
شوق:بس ماعطوني كتب جديده
نادر:ليه وين كتبك انتي!
شوق : رمتها امي لانها متوقعه اني ماعاد بدرس
صد نادر بضيق: ماعليك اجيب ادبر لك كتب جديده
ابتسمت شوق ورجعت لمكانها ببتسامه ووهي تتخيل حلمها وكيف بتصير .
وكان نادر متطمن لاول مره يحس انه سحااابة خييييير ويالله يازين هالشعور اللي يحس فيه
رجع على طول للخفجي لانه مايبي يجلس بالحفر
_______________________.
وفي الدكان
كان هناك خلف اللي بعد ما تكسر يومه بموافقه وعد على مبارك صار وقت انه يلف ويسأل عن مبارك اخذ اغراضه وطلع متجهه لمقر عمله
لكن على مدخل الحاره وقف مبتسم اول ماشاف سيارة ابو نهيان توهم واصلين وجابر واقف ينزل الاغراض ابتسم وتقدم وهو يرحب فيه: حي الله جابر نورت الديره
ابتسم جابر وهو يسلم عليه: الله يحيك يا خلف شلونك عساك بخير
خلف: بخييير الحمدلله ، طمني عنك وعن الوالد واهل البيت
جابر: حمدلله كلنا بخييير
خلف يمازحه لكن طالع الكلام من قلبه : طولتوا علينا يا جابر
ضحك جابر: تعود يا رجال هالمره جايين اسبوع وبنرد الكويت
خلف : افا ، ليهه ماجازت لكم ديرتنا
جابر: لا والله ماكو احسن السعوديه لكن عرس اختي قريب وعقبال الافراح عندكم
نسى خلف كل شي وركز على اخته نسى انه ممكن يكون عنده اخت ثانيه يمكن ما تكون ليلى نسى كل الاعذار وضرب قلبه بقوه ونشف ريقه اخذ نفس بالقوووه طلعه من صدره قال بصوت هادي: والله !؟ ماشاء الله
جابر : اي والله عاد انت عارف الحوسه اللي بتصير ولازم نكون بالكويت الفتره الجايه
خلف لللي تمالك نفسه لا يقول اختك مييين لكن لف بهدوء: الله يهنيكم ويلا انا اترخص
راح ما سمع رد جابر ولا يهمه يسمعه كان تفكيره في ذهول !؟ كان ينتظر بحماس رد ليلى! لكن ما هقى ان الرد بيكون بهالقسوه كلها
رجع لدكان وهو تدور فيه الدنيا كل شي شين طرا له لكن صحى من غيبوبة الصدمه على صوت ممدوح: خلف خلف
لف يناظره بهدوء : نعم
ممدوح: تكفى بروح لمشوار ضروري والبقاله مافيها احد ابوي ماهو فيه ! تجلس فيها لين اجي!؟
خلف : ابشر
راح ممدوح واتجهه خلف للبقاله وهو متضايق وجلس بغضب: هذا اللي كان ناقصني يا ممدوح
_______________________.
وفي بيت النوخذه
طلع ابو نهيان بعد ماقال لهم يجهزون الغداء ودخل جابر ينام وشيخه بعد والكل تعبان لكن ليلى كانت جالسه بهدوء ومافيها نوم لفت على صوت امها:ليلى تروحين وياي
ليلى فزت: ايييه بس وين!
ام نهيان: البيت يصفر مافيه شي ينطبخ وبروح حق الدكان
ليلى: ابشري اللبس واجي
ركضت ولبست ونزلت وهي روح حياتها المشاوير وطلعوا متجهين للبقاله وليلى اللي اول مادخلوا مدخل السوق لفت تناظر محل جد خلف لكن شافته فاضي مافيه الا الجد وخلف ماهو فيه
ارتاحت شوي انها مارح تقابله لكن كان ودها تشوفه
دخلت امها محل الخضار اللي جنب البقاله .
.

[صواديف عشاق]

ارتاحت شوي انها مارح تقابله لكن كان ودها تشوفه
دخلت امها محل الخضار اللي جنب البقاله وقالت وهي تعطيها ورقه: ليلى روحي الدكان خذي هالاغراض بسرعه زتچ
ليلى:طيب
دخلت ليلى بدون ما تلتفت وعينها تدور الاغراض اللي بالورقه
كان خلف مستند على نهاية المكتب ضايق ويفكر ! وش بيسوي! وكيف بيعرف اذا ليلى فعلاً تزوجت
لكن لف على اللي نزل الاغراض على الطاوله وجمد وهو يناظرها يصدق يكذب !؟ ( لا لا! انا اتوهم وش يجيب ليلى هالحزه للبقاله )؟
فز اول ما تأكد فعلاً انها ليلى اول ماقالت: خلف!!؟ لا شعورياً وقف بذهول : ليلى!
لفت ليلى بصدمه: شجابك هنييييه شتسوي!؟ خلف : انتي اللي وش جابك!
ليلى: شنو هالسؤال ابي اغراض وجيت الدكان انت شتبي فيه!
خلف: جيت بدال ممدوح لانه مشغول شوي
ارتبكت ليلى اول ما استوعبت انهم فالبقاله لحالهم بدت تجمت الاغراض بارتباك : كم فلوسهم!
اخذها خلف وهو يعد مليون مره ولا يقدر يطلع معه ناتج ونزلها بغضب وتجرأ وقال: سمعت انكم راجعين للكويت ووراك زواج
رفعت ليلى راسهت بذهول : وانت شكو! لو سمحت ابعد عني وترا للحين مانسيت اللي سويته اخر مره ولاتثق واجد بصداقتك ويا جابر اخوي لو قلت له عن اللي تسويه راح يذبحك
اخذ خلف نفس : اعرفي اني ماني خايف من احد وانا واثق جداً اني اقدر اسبقك واكلم جابر
ليلى بردت اطرافها بذهول وقبل تسأله وش بيقول لجابر لفت على صوت امها: خلصتي يمه !
اخذ خلف الاغراض وهو يعطيها اياه وطلعت ليلى الفلوس ونزلت بخوف وطلعت مع امها وهي خايفه من كلامه ( هذا شنو دراه ان عندنا زواج ، ياحسرتي وش بيقول لجابر!؟ حسبي لله عليك يالعيار حسبي لله عليك )
رجعت للبيت وهي تحس انها بتطيح في اي لحظه من الخوف ان خلف يكذب على جابر او يقوله ان بينهم رسايل
_______________________.
اما خلف
ما بردت حرته وهو للحين مايدري اذا ليلى بتتزوج او لا هذا غير كلامها الحاد معه والاسوأ انه قال كلامه الاخير ما كمله وصار كأنه تهديد
طلع من الدكان وهو شبهه بمخنوق وجاء ممدوح ورجع خلف للبيت وهو يحس ان بدت معه مرحلة نوبة ربو
وصل البيت ودخل وهو ينادي وجدان اللي جت تركض:هلا
خلف وهو يتنفس بسرعه: جيبي دواي بسرعه
ركضت وجدان وجات حنان: خلف بسم لله عليك وش فيك!؟ طلعت ام خلف ورمت اللي بيدها اول ماشافت خلف مفتح ازاريره وجالس وهو انفاسه سريعه ويكح :خلف خلف وش فيك
جات وجدان وهي تعطي الدواء ام خلف اللي بدت تعطيه خلف وتهويه
والكل ابعد عنه لين اخذ نفسه وهدت النوبه وهو منسدح على رجل امه وهو منهد حيله .
.
والكل ابعد عنه لين اخذ نفسه وهدت النوبه وهو منسدح على رجل امه وهو منهد حيله
ام خلف: بسم لله عليك ياحبيبي وش صار لك وش اثر عليك
خلف بصوت مبحوح: ماصار شي يمه بس بطلع ارتاح
ندى: تبي شي!
خلف : لا
اخذته امه لغرفته وانسدح بتعب وقربت امه: فيه شي مزعلك يمه !
خلف : لا لا بس اهملت العلاج
ام خلف : ياخلف ياحبيبي لا تخوفني عليك لا تهمل نفسك والله اني يدي على قلبي اخاف يصير شي لك
خلف : لا تخافين يمه حمدلله انا بخير
ام خلف: زين يمه انتبه لنفسك
خلف : زين
طلعت وتركته ومسح وجه بتعب وهو زاد همه واكيد ليلى فهمت كلامه غلط وكيف بيحل هذا كله الحين
_______________________.
وفي بيت الجد قايد
الناس مجتمعه ومضاوي تهوجس بضيق عقاب ما تعوده كذا ما تحبه يكون بهالضيق
نزلت وهي تسمع صوت ابو خلف ينادي عقاب وهو جالس مع ابوه بالمجلس
مضاوي: عقاب تعبان ونايم
ابو خلف : صحيه خليه يجي وبعدين محد ينام هالحزه
صدت مضاوي وطلعت وهي تصحي عقاب اللي على غير العاده وقف وطلع ونزل لعمه
عقاب : سم ياعمي
ابو خلف: وراك نايم هالوقت ! وليه تعبان
عقاب : مانمت زين بالليل كنت في شغل ورجعت تعبان ونمت
ابو خلف : زين
جاء محمد وجلس بهدوء : سلام عليكم
الكل : عليكم السلام
لف ابو خلف : مضاوي اطلعي وسكري الباب
مضاوي : زين
طلعت ووقفت بحيره وهي متاكده فيه شي بس ما تدري وشو !؟ لف ابو خلف بحرج: ابوي ومحمد اسمعوني ! جاء واحد اسمه مبارك من معارف عقاب وخطب مني وعد
ما احد استغرب لانهم يعرفون وقال محمد : طيب!
ابو خلف : وانا شاورت عقاب وكنت متردد وعقاب مدح الرجال وقال اذا وعد رفضت مبارك هو بيخطبها
اعتدل عقاب يبي يطلع من ضيق ويرجع لهمه الوحيد وهو وعد
لف ابو ناصر بذهول : صدق!؟ ماقلت لنا
عقاب : خليت الموضوع لعمي وهو يفكر
ابو ناصر: كمل يا ناصر!
ابو خلف بحرج: كان ودي ان عقاب يتزوج وعد لكن وعد وافقت على مبارك
اتسعت عيون الجد بذهول : رفضت عقاب
ابتسم عقاب بداخله وهو يقول( مهما سويتي نفسك فطينه بتظلين غبيه يا وعد ) ورد بحزم: لا ياجدي مارفضتني! لكن وافقت على مبارك وهذا اساس الامر وانا طرحت الخطبه بحيث انه اذا رفضت مبارك
محمد كان يراقب عقاب اللي ماله اي ردة فعل الا انه زعل من كلمة( رفضت عقاب )
ابو ناصر: وش في مبارك زود ؟؟
محمد : مافيه زود الا بالقسمه والنصيب واذا ربي ماكتب لوعد نصيب مع عقاب معناته الامر انتهى
ابو خلف : ياعقاب وانا عمك لا يضيق صدرك انت اشر على اي وحده من بناتي وابشر بها .
ابو خلف : ياعقاب وانا عمك لا يضيق صدرك انت اشر على اي وحده من بناتي وابشر بها
عقاب ابتسم بهدوء: افا ياعم بناتك اكبر من اني أمر واشر اذا ما وافقوا برضاهم ما ينجبرون لكن ياعمي الافضل نأجل المووضوع شوي
ابو ناصر صد بضيق: ومبارك ذا وش هو من رجال!؟ بدا ابو خلف يكرر اللي قاله له عقاب وهو واثق ان عقاب يبي لوعد الخير
اما عقاب كان ماسك نفسه غصب لا يقوم ويفسرونه انه ميت على وعد
محمد: ومتى بتكلم الرجال!؟ ابو خلف : كلمته والمغرب بيجي ونتفاهم على اللي باقي
محمد : الله يكتب الخير
لين هنا وتقفل الموضوع بس عند مضاوي توه بدا وتوها تفسر وتفهم تصرفات عقاب ووعد الغاضبه رجعت بذهول بدون ما احد يحس فيها وهي مصدومه ان عقاب الكارهه لوعد يقدم على هالخطوه ووعد كارهه لعقاب ويعرف هالشي ! بس انقهرت على عقاب تظن ضيقه له علاقه برفض وعد وهي مهما كان ماترضى على عقاب وزي ما انقهرت على خلف لعقاب من ضيقها نصيب اخذت طريقها لبيت ابو خلف دقت الباب وفتح غيث : هلا عمه مضاوي
مضاوي : هلا غيث وين خواتك!؟ مالكم صوت
غيث: خواتي كلهم فالغرفه مايبون يزعجون خلف عشانه تعب من شوي ووبس وعد فالسطح
مضاوي : ليه خلف تعبان!
غيث: زي كل مره
مضاوي : زين
طلعت للسطح تركض ودخلت وشافت وعد جالسه بهدوووء على الزوليه مثل عادتها قدامها القهوه
مضاوي : زين اني لقيتك لحالك
لفت وعد لها: ليه!؟ وش تبين فيني لحالي!
مضاوي بغضب: ابد ودي اسألك عن فارس الاحلام اللي خطبك ورفضتي عقاب ووافقتي عليه
احتدت نظره وعد لها بقهر وقالت : وش هالكلام اللي تخربطين فيه هالحزه؟
مضاوي : ليييه متى ودك ناخذ موعد عشان نتكلم معك
وعد : مضاوي ترا ماني ناقصتك! وش تبين!؟ مضاوي : ابي افهم وشوله ترفضين عقاب وعشان مين ؟
ضحكت وعد : صاحيه انتي جايه تسأليني انا ليه رافضه عقاب !
مضاوي : ايييه اسالك انتي ولا على راسك ريشه!
وعد :لا والله في راسي عقل ! انا مابعد انهبلت عشان اتزوج ولد اخوك المريض هذا
مضاوي : ترا سكت لك بما فيه الكفايه عقاب اصحى واحد فيكم؟
وعد : زييين الله يديم رضاك عليه ! لكن ابعدي عني انتي وسيرته خلاص لان اسمه صار يجيب لي غثيان
مضاوي : والله مدري وين بيوديك هالغرور
وعد : يوديني للمكان اللي ما اشوف فيه مرض عقاب وطغيانه
مضاوي : ما اصدق انك بكل هالحقد والكرهه!؟ وعد : مضاوي اسمعيني زين انا مابي ابني مشاكل مع الكل والزواج مو غصب و مو لازم احب عقاب واموت عليه عشان ترضون ولا لازم اوافق عشان محد يزعل ،
والزواج مو غصب و مو لازم احب عقاب واموت عليه عشان ترضون ولا لازم اوافق عشان محد يزعل ، ما ألومك عقاب ولد اخوك وتحبييينه وما ودك يضره شي بس اعرفي اشوف الموت ولا اشوفه وانتي اكثر وحده تدرين اني انا وعقاب كل الضد اللي فالعالم موجود بينا مابي ادخل حياة انا ادري انها كلها مشاكل
صدت مضاوي بضيق : يمكن الموضوع خيره بس تعلمي ما تكونين بهالقسوه كلها
ابتسمت وعد بضيق: ماعليه لو ماكنت قاسيه كان من زمااااااان رحت وطي
راحت مضاوي بضيق وتركتها وهي تدري صح هي وعقاب ضد لكن ماكان المفروض يكون رد وعد قاسي بكل هالكرهه الموجهه لعقاب هاذي وجهة نظر مضاوي المحبه لعقاب ولا تدري عن اللي صاير
_______________________.
في الليل
في بيت ابو خلف الكل مستعد لجيةومبارك والكل غالباً متضايق والكل جامد وكان خلف واقف بضيق مايدري من وين يلاقيها ومن وين بيحل هالمشاكل
واقف جنبه عقاب بكل شموخ وهو يوقف على اول عتبات انتقامه من وعد مبسوط ومستانس
على الطرف عزوز وفيصل اللي كانوا متقبلين الوضع بشكل عادي
ومحمد اللي واقف بحزن ضايق من حال عايلتهم اللي يحسه متشتت ولا وده الكرهه بين عيال العمومه ينتشر رغم ان وعد سعت انها توقفه بهالزواج لكن مايدري تنجح ولا تفشل
ابو خلف كان شبه راكد ضايق من وعد وزعلان منها بس مهما كان وده تتزوج ويرزقها الله حياه حلوه
ابو ناصر رغم احلامه اللي كانت مبنيه على زواج خلف وعقاب من سحر ووعد ويضمن احفاده حلوه الا ان احلامه تنهدم قدام راحتهم وسعادتهم
وصل مبارك وصوته المسموع من اخر الشارع وهو يرد السلام ووصل للوعد اللي واقفه فوق وغمضت بكل قوتها اول ماشافت هيكله ومنظره وايقنت بالهلاك لكن ماعاد فيها رجعه
دخل مبارك يسلم بحراره وجلس والكل يناظره وقال: يا ابو خلف انا كلمتك خاطب لبنتك وبعد ماعطيتني الضو الاخضر جيت بتمم كلامي واخطب رسمي ويشرفني اخطب يد كريمتك على سنه الله ورسوله زوجة لي
ابو خلف : شرفتنا يا مبارك وانا يوم كلمتك قلت لك إني ان شاء الله عطيتك وان شاء الله نصيبك عندنا
مبارك التفت لعقاب يبتسم: بارك الله فيك يا ابو خلف وانا تحت امرك باللي تطلبه وابشر وتم
ابو ناصر: قبل نطلب وقبل حاضر وتم ، انا اشوفك جاي تخطب لحالك! وين اهلك!
مبارك: انا ياعم مالي الا الله امي وابوي توفوا من زمن وانا وحيدهم وتزوجت وماكتب ربي نصيب وهذاني ادور نصيبي عندكم
ابو خلف : رحمة الله عليهم
الكل : امين
كان خلف مدقق عليه ويراقب تصرفاته خراجياً كان انسان هيبه ومحترم
وبدا ابو خلف يعرض عليه شروطهم اللي كلها كانت عاديه مهر وبيت وإلخ ..
.
وبدا ابو خلف يعرض عليه شروطهم اللي كلها كانت عاديه مهر وبيت وإلخ ... مبارك: تم ياعم
ابو خلف :الله يتمم لك
مبارك: متى تحبون الملكه والزواج
ابو خلف لف يناظر حوله يبي منهم اقتراحات وقال مبارك: يناسبكم بعد شهر !
ابو خلف : ايه زين
مبارك: اجل تم وان شاء الله من بكره يوصلكم المهر
ابو خلف: تم
لف خلف بضيق يصب القهوه لهم وهو وده يرفض لكن خلاص الامر منتهي ومبارك ماكان سيء قدامهم ابداً وكل اجابته راكزه
وابتسم عقاب بفرح وهو يبارك لمبارك وللكل طبعاً وبعد فترة طلع مبارك ورمى خلف اللي معه وطلع ورا ابوه اللي دخل وشاف الكل مجتمعين ومحد يدي عن خطبه عقاب الا ناس معدودين
ابو خلف : تمت خطبة وعد وان شاء الله العرس بعد شهر
وقفوا الكل فرحانين لكن وعد ماكان فيه وطلع خلف يركض قبل يوصلون البنات ووصل السطح وشاف تجمع الملابس من الحبل بلا مباله باللي صاير تحت راح لها بهدوء وقال: ابوي تمم لمبارك
ضحكت وعد بكل قوه: ماشاء الله اجل بارك لي !
خلف بتدقيق: خاطرك ابارك لك صدق !
مثل ماتعودت وعد دايماً تكون قويه ومتحكمه في دمعتها ابتسمت وهي توقف قريب منه: افا ياخلف ! طول عمركم تنتظرون هاليوم والحين مترددين في كلمة مبروك
قرب خلف يحضنها بهدوء وهو يدعي انها فعلاً فرحانه ما تدعي الفرح : مبروك يا وعد اذا هالمبروك بتسعدك الف مبروك وانا اخوك
لف على اصوات البنات اللي طلعوا مبسوطين وهم يغنون ويضحكون وهم لازم يفرحون لوعد وهم فاهمين ان كل شي قسمه ونصيب
لفوا حولها يغنون ويرقصون ويضحكون وخلف مبتسم بينهم ووعد مبتسمه وجات امها وام خلف وهيا ومضاوي
وقالت وجدان: خلف بنات عمي بيجون
خلف : ا زين انا اصلا رايح
نزل خلف يدعي ان ربي ينزل الفرح على قلب وعد طلع يمشي تارك الفرح وراه ببيت اهله لكن مجرد ماشاف ابو نهيان اجتمعت الهموم فوق راسه
سمع صوته ابو ممدوح يسولف مع ابو نهيان اللي قال : وتعرف يا اخوي زواج بنتي بالكويت لازم ارد مبكر
ابو ممدوح: ماشاء الله ومن زوجت من بناتك!؟ لصق خلف في مكانه ما قدر يقدم رجله او يوخرها ينتظر الرد اللي بيقطع الشك باليقين
ابو نهيان: بنتي الكبيره شيخه
ابو ممدوح : الله يبارك لها
تشقق قلب خلف من الفرح وهو يقول بصوت شبه عالي : لله يبارك لها ويستر عليها
لكن تدارك نفسه وصد قبل احد يسمعه ويشوفه ورجع للمكانهم يطير من الوناسه
_______________________.
وفي بيت النوخذه
تركت ليلى امها وشيخه اللي يخططون لزواج وطلعت لسطح ونزلت عودها وبدت تغني وهي شاردة بتفكيرها ونزلت العود اول ماحست انها ماعاد تعرف تغني من الارتباك
.
تركت ليلى امها وشيخه اللي يخططون لزواج وطلعت لسطح ونزلت عودها وبدت تغني وهي شاردة بتفكيرها ونزلت العود اول ماحست انها ماعاد تعرف تغني من الارتباك اللي تحسه واللي خلف اشغلها به ما تدري وش بيقول لجابر وتنتظر دخلت جابر عليها وقفت وهي تناظر من فوق السطح وشهقت وهي تشوف خلف جاي لبيتهم : يمممه يمهه شيبي هذا؟! حسبي لله عليه بيخلي فضيحتي في كل البيت
ركضت للباب قبل يدقه وحصلت عباية امها قريب الباب لبستها وتلثمت بالطرحه وركضت وهي تدري امها وشيخه في غرفتهم فوق
وقبل يدق خلف الباب اللي جاء وهو وده يسلم على جابر ويرد له العزيمه وياخذه معه للمكان اللي يجتمعون فيه لكن انفتح الباب بسرعه وطلت ليلى: انت شتبي هنيه!؟ مجنون قاضي!؟ ماتستحي ما تنتخي
تفاجئ خلف بس ضحك : وانتي دايم طايره كذا !؟ ليلى: وانت شكووو!؟ اسمعني ياولد الناس ابعد عنا احسن لك ! انا مدري شنو تبي هاه شنو تبي فيني !تبي الفضايح !
ابتسم خلف بخفه وهو مجذوب لعيونها: ماجيت ابيك ابي اخوك جابر
ليلى طاح قلبها: شتبي فيه هاه !؟ وشتبي تقوله حسبي الله عليك
ضحك خلف: لاتدعين علي اخاف تندمين
ليلى: اندم على شنو ياحظي ، بالعكس بفتك منك ، واسمعني ادحر ابليس وروح منيه!؟ قلت لك لا تثق في صداقتك لجابر
خلف : بالعكس انا واثق !
ليلى : بالله!؟ شنو اللي يخليك واثق ! ملك ولا نبي ؟
ثبت خلف عيونه في عيونها وتجرأ وابتسم: لا ملك ولا نبي!؟ لكن يمكن اكون نسيب وحزتها ما ودك ان جابر يضرني! ليلى دق قلبها وهي ماهي فاهمه وش قصده بنسيب! ومالها معنى الا معنى واحد خافت منه ليلى
ورجع خلف يقول بكل جديه : اذا شفتي جابر قولي له خلف سبقني قبل اشكي لك منه ويقولك يا ولد النوخذه ! لو اخطب منك ترضى!
اكتفى بهالللي طلع من قلبه ورجع مع طريقه قبل يجي احد يدفنه وهو واثق انه فعلاً وده يتزوج ليلى وماكان كلامه موجهه لجابر كان موجهه ليلى يبي يفهمها اول شي ان كلامه اللي قاله يقصد انه بيسبقها وبيخطبها من جابر ! ويبي يوضح لها انه مايلعب وانه جاد جداً في موضوعهم لانه كل مايذكر تفاصيل ليلى ينشلع قلبه
_______________________.
وفي بيت نادر
اللي من اول ما صحى طلع لمكانهم وشاف عقاب هناك وهو مسترخي تماماً بهدوووء وهو يراقب ابريق الشاهي قدامه يفور وكان متأكد ان قلب وعد يفور مثله واكثر
فز على صوت نادر: وييين وصلت يالحبيب!
عقاب : قريب ! غريبه جاي توقعتك بالحفر !
نادر:رحت وجيت
عقاب : وش صار معك طيب
نادر: ابد اخذت الموافقه وبتكمل شوق الدراسه هنا لكن مدري لاي مدرسه بوديها .
.

.
نادر: ابد اخذت الموافقه وبتكمل شوق الدراسه هنا لكن مدري لاي مدرسه بوديها
عقاب : مدرسه شهد ووجدان؟ هي معهم بنفس الصف صح!
نادر: ايه
عقاب: محلوله اجل تدخل مدرستهم وتصير معهم
نادر: اي والله ماودي ادخلها لحالها ابد ، ولازم ندبر لها كتب بعد
عقاب: لا تشيل هم اكلم شهد بكره تنتظرها في المدرسه ويرتبون امورها من هناك
ابتسم نادر: والله انك راعي فزعه ياعقاب
ابتسم عقاب : افا بس ياما فزعت لي انت
نادر : واجبنا ! وين خلف
عقاب: مدري والله
لف على جيت خلف المبتسم الرايق اللي جوه فوووق فوووق فوق من بعيد قال : مسسسساكم الله بالخير والرضا والسلام
لفوا يضحكون : لله يمسيك بالخير
نادر: والله يا خليف انا احب إيجابيتك فالحياه ياخي متفائل رغم تسفييل الدنيا فينا
ضحك خلف : وش اسوي انا لو استسلم لها بمووت
عقاب :اسمعوا اسمعوا ترا صدق مليت من وضعنا هذا دوروا لنا شي نسويه ! ما تلاحظون من مده هاجدين وما نجتمع الا نتشكوى
نادر: ملاحظيييين بس وش في يدينا
خلف : ليه ما نروح لاصحاب ضاري غنى وطرب وسعة صدر
عقاب : لا مانبي ضاري ياخي ترا مليييينا
نادر : تعاااال هذاك ذكرتيني عقاب!؟ خييير انهبلت وش سوى فيك الرجال حاط حيلك فيه ترا للحين ما بلعت حركاتك امس
عقاب : لا يطق لك عرق! كل هالزعل عشان واحد من شهر عرفتوه
خلف: ياعقاب ياحبيبي السالفه ماهي سالفة عرف وجهل لكن ما معك حق تأذي ضاري حاول تتفاهم معه والله انه ابن حلال
عقاب : زين زين المهم شوفوا لنا حل
وقف نادر ومعاه حجر وعود وقف يرسم مربعات على الارض ورفع ثوبه وهو يرمي الحجر في احد المربعات ورفع رجله وهو يضحك ويقول : من يتحداني !
وقف عقاب ببتسامه: افااا هاذي لعبتي انا
خلف : رجعنا على البربر !
نادر: والله اليوم بلعب كل لعبه تطري علي
وقف خلف معهم وهم يمشون بالدور في اللعبه لكن وقف بتعب وهو يقول : انا بروح اجيب اغراض من البقاله
ماردوا وهم مندمجيييين في اللعبه
_______________________.
في بيت النوخذه
طلعت ليلى تمشي وهي كأنها مسحوووره رجعت لمكانها بالسطح وجلست بذهول جلست تعيييييد كلام خلف مليون مره احيان تقول انه فعلاً يمكن يكون يحبها واحيان يرفض عقلها ويذكرها بسحر واللي كان يسويه خلف وترجع تقول ( خلف ماله أمان ، ترك بنت عمه ولا فكر اكيد في راسه شي)
حطت يدها على عيونها تبي تتناسى اللي صار لكن مازال وجهه وابتسامته في عيونها وكيف وااااثق من نفسه
رجعت لغرفتها بحيييره وجلست جنب الشباك المردود لكن سكتت على صوت ترحيب .


رجعت لغرفتها بحيييره وجلست جنب الشباك المردود لكن سكتت على صوت ترحيب
قربت تطل وشافت ضاري اللي يرحب في شخص جاي من بعيد لكن اول ما قرب عرفت انه خلف
ضاري : اشوف وجهك مسفهل
خلف ابتسم: اول شي كيفك وكيف امك ان شاء الله بخير!
ضاري: بخييير الحمدلله وتسلم عليكم
خلف : الله يسلمها
ضاري : انجز وش بلاك من سبعين كيلو تنشاف صفة اللولو
خلف: اسكت ياضاري شفت الموت بعيوني
ضاري: بسم لله عليك مريض اجل!
خلف : مريض المحبه والله
دفه ضاري بضحك :يعني الوضع صار رسميييي
خلف : شوف انا من الساعه الاولى عرفت اني طبيت على وجهي بس توني عرفت اني غرقاااان
ضاري : والله ماينعرف لك يوم صاكه فيك الدنيا ويوم ضحكتك معبيه وجهك
خلف : والله هالايام المشاكل تحذف علينا مع كل صوب
ضاري : ليش!
خلف اللي كان مستأمن لضاري كثيير وبدا يقوله عن مسألة وعد وعقاب
ضاري: لا تقول عشان كذا عقاب متضايق
خلف : لا تسألني عن عقاب لاني مدري وش يدور براسه
ضاري سكت شوي وقال: لا يكون الموضوع كله ردة فعل لمسألة رفض سحر لك
خلف : لاااا يا رجال ماهي ذي السالفه وعد تدري بكل السالفه وعقاب مستحيل يحط هالموضوع بينا لكن الموضوع انقضى ووعد بتزوج مبارك
ضاري: لا تجزع ياخي دامها راضيه مالك الا تدعي لها بالخير وان شاء الله مافيه شي تخاف منه
خلف: يارب ياضاري
ضاري : زييين خلصنا من هالسالفه!؟ انت وش جديدك مع هاللي اخذه عقلك
ضحك خلف : اه يا ضاري انا والله حالتي حاله من امس وانا قلبي يرقع عجزت انام وعجزت اتحرك وعجزت حتى افكر
ضاري : وش صار؟
خلف : صادفت اخوها طال عمره وبزعمه انه يبشرني يقول ان زواج اخته قريب وقف قلبي بغيت اموت اظلمت الدنيا بعيوني
ضاري بذهول : تزوجت !
خلف : هذا اللي كنت اظنه لكن سمعت ابوها يقىل انه زواج اختها الكبيره والله اني ارتحت راحه ما تخيلها
ضاري : ماشاء الله عليك يعني ضامن انت ووجهك ووش دراك ما تتزوج
خلف : قول خير يارجال
ضاري: هذا اللي بيصير اذا جلست شاق الابتسامه وتخيل وتأمل ومجمد الموضوع
خلف : ماني مجمده وحتى اني قلت لها بخطبها بس انتظر سالفة وعد تخلص
ضاري : زيين اجل دام هاذي نيتك شد حيلك
خلف : اسمع قم قم نبي نرجع للشباب قبل يفقدونا
ضاري: يلا
رجعوا لكن ليلى جمدت على الشباك مذهوله مصدومه ماهي مستوعبه واول شي ما استوعبته ان سحر رافضه خلف!!؟ وهي ظلمته ، وثاني شي ان خلف يحبها لهدرجه! واعترف بنفسه وقال لضاري وأكد لها اول ماقال لضاري انه خطبها استوعبت كلامه الحين استوعبت كل شي ولا شعورياً دق قلبها بشعور غريب وضحكت وغمضت
.
.
.
استوعبت كل شي ولا شعورياً دق قلبها بشعور غريب وضحكت وغمضت بكل قوتها وفزت وهي تناظر الخلخال وابتسمت وحاولت توقف هالشعور وهالابتسامه بس قلبها ما سمح لها
_______________________.
وفي بيت ابو خلف
الكل فرحان لوعد والكل مبسوط ووعد جامده بدون اي ردة فعل الا الثبات والقوه
وقفت بتعب وهي تبعد عن جلسة البنات
حنان: وين رايحه!؟ وعد : بنام
ضحكت سحر: بدري على الاحلام الورديه
ناظرتها وعد بهدوء وابتسمت: ماعليك اعرف اخلي كل شي بوقته
ضحكت عهد: صادقه تعرفين تديرين الامور
قاطعتهم ام وعد تنادي البنات يساعدون فيصل وطلعوا هيا وعهد وسحر وشهدد لبيتهم
وقفت مضاوي تناظر عقاب اللي توه رجع كانت ساكته وهي تناظره بهدوء
عقاب : وين عزوز!
شهد: عند فيصل
عقاب : زين شهد اسمعي بكره اذا رحتي المدرسه خليك قريب الباب وبتجي شوق زوجة نادر معكم بنفس الصف خذيها وعرفيها على المدرسه والاداره عشان ترتب امورها وتستعد للاختبارت
ابتسمت سحر: ماشاء الله وافقوا على دراستها
عقاب : ايه
شهد: حلو يعني بتصير صديقتنا
عقاب : ايه وانتبهي لها
هيا : زين الله يوفق نادر جبر بخاطرها
ام ناصر: اهلها وشلون زوجوها وهي هالكبر!
عقاب : والله مدري يا جده لا تسأليني
ام ناصر: وش اسالك عنه عن النوم!؟
ضحك عقاب : وش عندي غير النوم خليني انام لين اشبع
سحر: ماعندك دوام بكره؟؟
عقاب : لا
التفت على مضاوي اللي ساكته : خييير من البقره اللي حجت على قرونها اشوفك طاخه وساكته
ابتسمت مضاوي وهي تناظره بضيق ماتدري توقف بصفه او صف وعد : ولا شي اتأمل حسنك الباهر
ضحك عقاب : ايه تأملي وادعي ان الله يرزقك رجال مثلي
مضاوي: بايعه عمري!؟
قال عقاب متعود على المزح بهالطريقه: لييه ما اشرف!
مضاوي دق قلبها بتأنيب وفزت بسرعه وجلست جنبه: لا والله ماهو قصدي بس امزح معك
استغرب عقاب انها اخذت الموقف جدي وهي دايماً ترد عليه بأبشع من هالرد وضحك: ماصار شي امزح
مضاوي : افا بس انت عين السيح
عقاب : كثري منها
شهد: شكلها وراها مصلحه
هيا: ايه تعرفين حركاتها دامك مثلها
مضاوي : مابي شي والله بس امدح ولد اخوي حرام يعني !
عقاب: ماهو حرام الحرام اللي تسوينه فيني دايم لكن ارحميني بنام تعبان
دقت مضاوي صدرها : افا عليك في وجهي رح وانام وارتاح وانا اسهر لراحتك وما اخلي حتى الذبانه تطير عندك
شهقوا كلهم مصدومين والكل متوقعه تبي شي لكنها راحمه عقاب متوقعته يحب وعد المتغطرسه عشان كذا متضايق
ضحك عقاب : يوم الرضا يارب .
.ضحك عقاب : يوم الرضا يارب
طلع والكل يناظر مضاوي اللي فعلاً تحاول توفر لعقاب وسائل الراحه
_______________________.
وعند نادر
اللي رجع للبيت ودخل وهو يدور شوق وشاف الملابس طايحه بطرف وواضح انها مغسوله استغرب ودخل الغرفه شافها جالسه بالغرفه وكأنها بتنام ومتجمعه باللحاف وهي مغمضه بقوه
نادر: شوق
فزت شوق بخوف وصرخت
ركض نادر بسرعه يبعد اللحاف : شوق بسم لله عليك وش فيك !
شوق بخوف وهي تناظر حولها: خايفه خايفه
نادر قرب بخوف : بسم لله عليك وش فيك !وش صار
ناظرت شوق الحوش البعيد : كنت انشر الملابس هناك
نادر: ايه!؟ شوق : وانا انشر حسيت احد وراي ولفيت
اتسعت عيون نادر بخوف : ايييه!؟
شوق ببكى ورجفه : شفت ظل كبييييييييير وهريض اسود واقف كنت احس بأنفاس حاره حولي عجزت استوعب وماكان له ملامح ابداً كان له ظل بس معه وطلع صوووت غريب ويخوف يناديني رميت كل شي معي وجيت هنا ماقدرت اطلع
اخذ نادر نفس بخوف مستغرب اللي صار لكن توقع هالشي بما انه ورا هالحوش بيت مهجور مسح عليها بهدوء : لا تخافين سمي بالله واقري الاذكار وان شاء الله مافيه شي
وقف وفزت شوق: وين رايح!؟ نادر: بشوف الحوش وارجع
طلع وهو يدور حوله ماشاف شي لكن رجع وهو يشغل الراديو على القران و يجمع الملابس ورجع لشوق اللي عيونها على الباب بخوف
نادر: لا تخافين ما فيه شي ولا تبكين خلاص قومي بدلي عشان تنامين ولا تفكرين بشي القران شغال ما فيه شي يقدر يجي
شوق مسحت دموعها بخوف : زين بس لا تروح بعيد
نادر: زين
سكر نادر كل شي ورجع بتعب وجلس ينتظر شوق اللي طلعت بهدوء وجلست على الطرف الثاني من السرير وهو خايفه
وقال نادر يبي ينسيها اللي صار
نادر: تأخرت عليك!
شوق : شوي
نادر: والله خذاني الوقت لكن جيت ببشاره
شوق : وشو!؟ نادر: كلمت عقاب وبكره بنروح لمدرسة خواتهم شهد ووجدان عشان تسجلين فيها وتختبرين معهم ويساعدونك في اي شي فاتك
ابتسمت شوق بفرح: وللله
نادر: ايييه وان شاء الله كل شي يتسهل
بدون سابق انذار فزت شوق وهي تحضن نادر اللي انحبست انفاسه كانت ردة فعل سريعه وبريئه تمثل إمتنان شوق وشكرها لنادر اللي ماكان بيده الا يبتسم ويبادر بعد بحضنه لها
تفشلت شوق اول ما استوعبت اللي سوته وتحركت بتبعد لكن ما ابعد نادر اللي كان مبتسم ولا حب ينهي هالحضن ابد يحتاجه مثل ما شوق تحتاجه
ارتخى بهدوء لين ما اعتدل بجسمه على مكانه وهو يقول بهدوء : لا تبعدين نامي هنا الليله ( يقصد بحضنه)
جمدت شوق بهدوء وهو تحس ان قلبها بيفجر صدرها ويطلع
.
.

[صواديف عشاق]

جمدت شوق بهدوء وهو تحس ان قلبها بقطع صدرها ويطلع ماقدرت تنطق الا بعد فتره وقالت : مشكور يانادر سويت لي شي ما سووه امي وابوي
شد نادر عليها اكثر وابتسم : وانا مابي شكر ابد ولا سويت شي اشكر عليه لكن ابي اشوفك بحلمك واقفه ورافعه راسي وراسك
ابتسمت شوق : ان شاء للله
سكتوا وعم الهدوء لكن ماعم على قلوبهم اللي تدق بكل قوتها لكن في طمأنينه عجيبه
_______________________.
ومن هالليله
انطلقت الأماني والاحلام والكوابيس بعد وعدا شهر
بالنسبه لخلف كان اخر يوم يلتقي بليلى هو اول ماعرض عليها خطبته وبعدها ما شافها ولا حتى بالصدفه لكن مرتاح في قلبه شعور حلو صار ينعكس على ملامحه ولو ان ليلى كثير احيان تصده
لكن ليلى اللي من هالليله وعصافير الفرح والحب تطير بقلبها فجأه تحرك الاعجاب المخبى تحرك الذهول اللي تحسه اتجاه خلف صحت وصارت تشوفه فارس الاحلام المنتظر او بالأصح قيس ليلى المنتظر وصارت تحاول ان الصدف تجمعهم من جديد لكن سفرهم للكويت وقف جيمع السُبل ... واذا على عقاب كان يعيش على اعلى مستويات الرضا وهو يشوف تجهيزات زواج وعد قايمه من جهتهم فرح لكن مبارك كان يجهز لطغيان وجبروت ينميه عقاب فيه بشويش بدون ما احد يحس ...
ووعد للي كل يوم يعدي ويقرب زواج كانت تحس انها بتنهار لكن مجرد ما تلمح عقاب ترجع لقوتها وكانت تسمع اعتراضات كثيره عنها وليش تروح تجهز لزواجها! وهاذي مو من عاداتهم وهذا عيب ومنقود ويفسر ان البنت ما تستحي ومع ذلك سوتها وعد وتعدت الكل وفرضت رايها وكملت وهي تدري ان عقاب غضبان من هالعصيان ويمنع البنات يروحون معها لسوق لكن كانت تثبت شخصيتها على الكل وغصب بعد وهي تجهز لمبارك انواع واشكال من العصيان والقوه
... اما نادر
فهو في نعيييييم ورضا تام بما انه متفاهم مع شوق ويشوفها في احسن حال وبدا الوضع بينهم يتطور ويصير في قمة اللطافه والاحترام والحنيه
اما شوق كانت من كثر ماهي سعيده صارت تشوف ان نادر ملاك وخصوصاً بعد ما ساعدها باختباراتها ويذاكر لها رغم انه مايفهم في هالامور ودراسه فاشله لكن اللي مايعرفه يروح لخلف يشرح ويرجع لها ويساعدها لين اخذت اعلى الدرجات
هذا غير تعامله معها اللي كان قاسم الحياه بينهم وجاب شغاله تساعدها فالبيت ....
اما عند ضاري كان ملتزم بحبه لامه كالعاده لكن الوقت قدامه بدا يضيق وامه كل يوم تعرض له بنت ولا يرتاح ويرفض وهذا شي ضغطه وبدا يتوتر منه
.
.
في الكويت شيخه تزوجت من يومين وزفوها لبيتها بالفرح والدعاوي السعيده ومع روحة شيخه ودع الهدوء والسلام والركاده بيت النوخذه
وبقى الهواش والعناد والصراخ مع ليلى وجابر اللي بقوا واللي من اهم اهتماماتهم رجوعهم لسعوديه وماصدقوا خلص زواج شيخه ورجعوا السعوديه
_______________________.
في بيت ابو خلف
في اليوم المنشود رغم ازدحام الاشغال فيه والحوسه كان الفرح يعم على الكل وبما ان زواج الحريم في بيت ابو خلف كان خلف يعلق العقود هو وفيصل وسالم وعزوز وغيث يفرشون ويساعدون
والبنات في الغرفه يجهزون لكن وعد وندى كانوا مع ماجد في الصالون
وكان ماجد مصدوم من موافقة وعد على مبارك حاول كثير يغير رايها لكن رفضت وعد واصرت لذلك الكل سحب يده وبقت وعد
دخل عقاب بيت ابو خلف مبتسم : سلام
الكل : عليكم السلام
عقاب : مساعده شي؟؟ خلف : لا خلاص قضينا
عقاب : اجل انا طالع لزواج الرجال
خلف : زين
طلع عقاب بإنتصار ووصل زواج الرجال اللي في نفس الحاره وبعيد شوي شاف مبارك مجهز كل شي وخالص لكن باقي ما جهز هو
تقدم له مبتسم : ياعريييس وين الكشخه ووين البشت
مبارك: والله توني قضيت وبروح اكشخ
عقاب : ايييه شد حيلك واكشخ الليله ليلتك
ابتسم مبارك: لا توصيني على ليالي العمر
ضحك عقاب وهو متكتف يناظر حوله ويشوف الناس مجتمعين ويساعدون
_______________________.
في بيت النوخذه
كانوا معزومين على الزواج وليلى تكشخ بكل ما أوتيت من قوه ومتحمسه ومبسووووطه وهي رافعه صوت عبد الحلييييم وتغني معه
لفت على صوت جابر اللي يهاوش على صوت الاغاني العالي ونزلت وهي مبتسمه: شنو فيك ! صراخك معبي الفريچ
جابر: ليلووووه قصري الصوت فشلتينا
ليلى: ماكو احد يسمع
جابر : مابي اعيد الكلام
ليلى: زيييين
ام نهيان: يلا يا ليلى مابقى على المغرب شي يلا زتچ
ليلى: زين يمه زييين
ابو نهيان: جابر ساعدت جيرانك يبه!
جابر : ايه يبه توني واصل
ابو نهيان: بارك الله فيك
كان ابو نهيان حريص على جيرانه والجيره الطيبه
_______________________.
وفي بيت نادر
كانت شوق تجهز وهي متحمسسسسه لزواج وعد من كثر ماتحبها تحسها اختها وطلعت مستعجله : هاه نادر كيف شكلي
لف نادر اللي من العصر يحوس ويساعد في زواج الرجال وابتسم: اووووه ملكه مللكه
ضحكت شوق : لا تبالغ
نادر : من وجهة نظري اللي ماشافت الا انتي انا اعطيك هاللقب مع سابق الاصرار والترصد
ابتسمت شوق: طيب يلا عشان تجهز
نادر: يلا يلا
شوق : طيب اسمع باخذ الشغاله معنا تساعدهم
نادر: اكيد اكيد خذيها
شوق : طيب .
.
.
شوق : طيب اسمع باخذ الشغاله معنا تساعدهم
نادر: اكيد اكيد خذيها
شوق : طيب
راحت شوق تقولها تجهز وبعد شوي طلع نادر وشوق متجهين لبيت ابو خلف
_______________________.
وعند ضاري
من يوم وصلت لهم العزيمه ووصلت لامه وهو يبيها تحضر وتغير جو وتنبسط ومن الصبح وهو يغسل ملابسها ويبخرها ويجهزها عشان تحضر
جلس ببتسامه ينتظر امه اللي تمشط شعرها وهي تجدله مثل طريقة كل العجايز للكبار
ووقف ضاري يعطيها طرحتها ببتسامه ولبستها ولفتها على طريقة لثام وعلى فمها ومبينه خشمها اللي يلمع فيه زمامها الازرق القديم
وقرب ضاري معاه العود ودهن العود يبخرها ويعطرها ويلبسها العبايه وابتسمت ام ضاري : تسلم يمه تسلم
ضاري : الله الله وش ذا الزين ياخوفي يلخبطون بينك وبين العروس
ضحكت ام ضاري : ياحبك للعياره
ضاري قرب يبوس راسها: والله يا يمه انك في عيوني اجمل الحريم كلهم
ام ضاري : نشوف اذا كلامك بيثبت اذا تزوجت
صد ضاري بنفي وغضب:الله يأخذ نفسي اذا ببدي عليك احد
ام ضاري : بسم لله عليك لكن يايمه القلب اذا حب يحتم مصيرك
ضاري : انتي الحب الاول وبعد يصير خير
ام ضاري : يالله يارب ترزقك باللي تسر قلبك وخاطرك
ضاري : امين
مشى معها يلبسها عبايتها وطلعوا للعرس
_______________________.
بالصالون البسيط
كانت هناك وعد اللي انتهت ووقفت تناظر نفسها من وإلى وضحكت بإستهزاء ! مقهوره على نفسها اللي المفروض تكون مبسوطه وفرحانه لكن قلبها فااااااارغ ما تحس بأي شعور ما تحس انها عروس تحس انها مجنده عشان تحارب أشباه الرجال من عقاب وغيره
ايتسمت اول ماجت ندى وهي تصفر: الللللللله يا وعد الله وش هالزييييييين
ابتسمت وعد : شفتي كيف !
ندى:اموووت على الغرور والكبرياء
ضحكت وعد : يلا يلا شوفي وين ماجد تعبت خلاص
ضحكت ندى: بدررري على التعب بدري
صدت وعد بهدوء وطلعوا لماجد اللي ينتظر وركبوا ولف ماجد مبتسم : لله يحيها عروستنا
ندى: ياليتك تشوووف الزييين ياخالي بس
ضحك ماجد: وعد مزيونه من سنين ما وقفت على الحين
وعد : تسلم ياخالي
ماجد : يلا يادوب نلحق
تحركوا متجهين للبيت وكل مايقرربون تختنق وعد اكثر واول ما وصلت شافت عقاب وخلف وعزوز وسالم وغيث وفيصل وابو خلف ومحمد وابو ناصر كلهم على الباب في قمة كشختهم وهيبتهم ملفتيييين وينعشون الواحد بمنظرهم لكن كانت ودها تمشي من بينهم لين توصل عقاب وتضربه كف يبرد قلبها
في المقابل تركزت عيوون عقاب على السيارة ونزلت وعد بكامل ثباتها وخطواتها وهيبتها اللي تستفز عقاب بها خاطره يشوفها منزله راسها لكن هذا مستحيل .

خاطره يشوفها منزله راسها لكن هذا مستحيل
تقدم خلف بكل حب يحاوط كتف وعد مبتسم وابعدوا عزوز وعقاب وطلعوا ودخلوا اخوان وعد ومحارمها
وطلعوا البنات اللي كشخوا واستعدوا يركضون لوعد
وركضت حنان تاخذ عبايتها واغراضها ولفت وعد ببتسامه تناظرهم وقرب خلف بحب : ماشاء الله ماشاء الله الله يحفظك وانا اخوك ويسعدك ويملى حياتك رغد ووسعاده
قرب فيصل يصفر ويصفق : وعييييد الله يسامحك كنتي مخفيه هالزين كله بالهواش
ناظرته وعد بضحك :لا ابشرك بترتاح
قرب فيصل يحضنها بعبره: لا والله ماني مرتاح ولا للبيت طعم بغيابك ياعمود هالبيت
تزعزع ثبات الكل بعد كلام فيصل والكل فرحان لكن حزينين على روحة وعد
تعلق فيها غيث اللي يصيح وسالم وبالقوه ابعدوهم لكن خلف كان ابعدهم كلهم مايبي ينكد عليها ومايبي ينهار
ابو خلف : يلا يا عيال يلا وش ذا
قربت هيا: خلاص لا تخربون مكياجها
وعد اللي ما تحركت فيها دمعه كانت شاده ذراعها بقوه ماتبي تبكي ابداً
اماني : تعالي للغرفة الناس بيوصلون
دخلوا وعد الغرفه عشان تلبس فستانها وتستعد والكل طلع واخيراً بدو الحضور يجتمعون
والرجال يتجهون لزواج الرجال
_______________________.
في زواج الرجال
كان الحضور من جماعة مبارك قليل نوعاً ما لكن عقاب كان واقف معه وخلف واخوانه واقفين بالزواج بعد والحضور كبير وجابر نادر وضاري يساعدون
لكن خلف عيونه كانت على مبارك وده يتفحصه لاخر لحظه مايدري ليه خايف على وعد مايدري ليه قلبه ماهو مرتاح مايدري ليييييه شعور في صدره موجعه حييل كان مستغرب العلاقه القويه بين عقاب ومبارك لكن توقعها علاقة عمل
ما طول تفكيره فالموضوع لان بدا دخان النار والبرد والبخور والعود والعطورات اللي بالجو تكتم انفاسه وزود على ضيقة صدره وعبرته اللي خانقته عجز يتحمل
وطلع من الزواج يبي يرجع ياخذ دواه ويبي يشوف وعد يحس وده يحضنها ماهو مستوعب انها بتروح وتخليهم ومايدري وش مصير هالزواج
ركض وراه نادر وضاري : خلف خلف وين رايح ؟
خلف : بروح اخذ ادويتي واجي
نادر : اروح معك
خلف : لا لا بروح بسرعه وارجع
نادر: زييين
طلع خلف مستعجل لبيت قبل يطيح
_______________________.
وفي زواج الحريم
كل البنات كانوا مجتمعين ومبسوطين وكان الحفل في الحوش تحت والكل مبسوط
لكن فالسطح كانوا كل البنات مجتمعين ينتظرون وعد تجهز عشان يدخلون يسلمون عليها
كانت شوق وليلى وسحر ينتظرون فالسطح والباقين مع وعد واغلبهم تحت بالضيافه
كانت ليلى تراقب سحر بذهول ماهي مصدقه شلون ترفض خلف !؟ وكان ودها تسألها .
.
.
كانت ليلى تراقب سحر بذهول ماهي مصدقه شلون ترفض خلف !؟ وكان ودها تسألها لكن سكتت وهي تسمع سحر تقول : بنزل اساعدهم
شوق : بنزل اجيب لنا شي نشربه عن البرد
ليلى: زين
جلست ليلى تنتظر وهي تمشي بالسطح ببتسامه لكن فزت على الباب اللي بالنص لللي انفتح
وكان خلف اللي جاء من بيت جده عشان يدخل من فوق وينادي البنات لان تحت مايسمعون لكن تجمد يناظر ليلى وابتسم اول ماشهقت ليلى بخوف: انت شنو تسوي هنييييه!؟ ضحك خلف : حتى في بيتنا بتسألين هالسؤال !
اختبصت ليلى: شنو يعني بيتكم!؟ ماتعرف ان فيه زواج وفي حريم
خلف تكتف ببتسامه وهو يدقق فيها : ايه اعرف لكن اعرف ان محد يجي السطح الا اهل البيت
تفشلت ليلى منه ومن نظراته ولفت تدور اي شي حولها وسحبت الثوب اللي على الحبل تحطه حاجز بينها وبينه عشان مايشوفها وقالت بسرعه : شنو عرفني انك بتدرعم ! وان لازم محد يكون هنيه الا اهل البيت
ابتسم خلف بدقه خفيفه : لا ماعليك انتي تعتبرين من اهل البيت
تصلبت ليلى لكن ابتسمت اول مادق قلبها بفرح وحب وسكتت لكن لف خلف ببتسامه: روحي نادي وحده من خواتي قولي لهم خلف تعبان يبي دواه
لفت ليلى برعب : تعبان!؟ ضحك خلف : ايه اذا ودك جيبيه انتي ، اظنك تعرفين وينه
تفشلت ليلى وطلع بسرعه من السطح وتركته لكن خلف ابتسم وهو يمسح صدره بألم : ااااه ياربي وش ذا اللي اشوفه واعيشه
نزلت ليلى تركض وقابلتها حنان: وش فيك!
ليلى: فيه صوت رجال ينادي فوق
حنان: غريبه مين ؟
طلعت بسرعه وشافت خلف : خلف وش فيك !
خاب ظن خلف اللي توقع ليلى تجيبه : ابي دواي
حنان: يوووه الحييين اجيبه دقيقه
وطلعت تركض وجابته ورجعت وطلع خلف ونسى انه بيسلم على وعد ونسى كل شي وبعيونه ليلى ااااه يا ليلى كل ما يتذكرها يطير بين الغيوم
_______________________.
ومشى الزواج زي ما الكل يحب والكل مبسوط ومستانسين واخيراً جت نهاية الليله بالنسبه لوعد اللي طلعت لها امها وعمتها ام خلف والكل يجهزها استعداد لجيت مبارك اللي سمعون زفة الرجال فالحاره
غمضت وعد ووقفت وقلبها يرقع من التوتر وسمعت صوت ابوها يقول : حياك الله يا مبارك ادخل
وسمعت صوت خطواتهم جايه وصوت رجال غريب صوت مبحوح بشكل مرعب يقول : سلام عليكم
ماقدرت ترد لكن حست بأمان اول ما ألتفو حولها ابوها واخوانها وجدها وعمها محمد وماجد
بدول يسلمون عليها ويدعون لها ويودعونها ويحصرون على مبارك ويوصونه عليها وكانت كل ما تسمعهم يعيدون على مبارك(وعد امانه الله ثم امانتك) تحس بغصه
.

[صواديف عشاق]

كل ما تسمعهم يعيدون على مبارك(وعد امانه الله ثم امانتك) تحس بغصه لكن كان خلف لهجته شديده وهو يحرص على مبارك لو ضيق صدرها بيصير شي ماحصل
مبارك: لا تخافون أمانتكم بالحفظ والصون
ابو ناصر: الله يوفقكم ويستر عليكم ويوفقكم
الكل :امين
التفت مبارك لابو خلف : حنا نستاذن ياعم طالعين
مسكت وعد يد خلف بكل قوتها ولف خلف عليها بخوف وهو يحضنها وهمس : فيك شي!؟ هزت وعد راسها بضيق : لا
خلف : لا تخافين انا معك واذا هالمبارك سوا اي شي يزعلك اتصلي علي وانا اجي ادفنه
وعد: ادري لكن كل ما اتذكر اني بروح عنكم انخنق
خلف : هاذي سنة الحياة ياحبيبتي وبتجين لنا ان شاء الله
وعد بهمس: طيب بسلم على امي وخواتي
خلف : ابشري
لف على مبارك بحده: مبارك لاهنت انتظر شوي برا
لف مبارك على خلف وهو ماهو بالع خلف اللي يحسه بياكله :ابشر
طلع وطلعوا كل الرجال ودخلوا البنات وام وعد ام خلف وام ناصر وتعبت الغرفه بكي واحضان وانهيااارات كبييره
لكن صار وقت ان وعد تطلع وودعتهم بقلب باكي وطلعت وهي ماكانت تمنى تشوف عقاب واقف بكل هيبه قريب السياره ومبتسم
لكن كيف يفوت عقاب هالفرصه كيف يفوت لقطة الختام كيف رفع صوته لعانه وقال: بالرفاهه والبنين يا ياعرسان
ورفع رشاشه يرمي بالهوى ولفت وعد تناظره بقهر وركبت سيارة مبارك وهي ماهي حاسه بيدين خلف اللي تساعدها كانت عيونها على عقاب وهي تحلف لتندمه
تسكر الباب وتحرك مبارك وعقاب يرمي وراهم والباقين واقفين
_______________________.
وعند الحريم
رجعوا لزواج والبنات واضح البكى في عيونهم ووقفت مضاوي تصب القهوه بعد العشاء لكن وقفت عن الباب اول ماسمعت خلف ينادي : هلا !
خلف : نادي ام ضاري بيسرون
مضاوي :طيب
رجعت تدورها وهي ماتشوفها زين من دموعها لكن عرفتها وراحت لها وجلست قدامها: خالتي ام ضاري !؟ ام ضاري:سمي يا امي
ابتسمت مضاوي : ولدك يبيك عند الباب
ابتسمت ام ضاري وهي تمسح على مضاوي بحب :زين
ساعدتها مضاوي توقف ولفت ام ضاري عليها بحب وهي تمسح وجهها : لا يضيق صدرك يابنيتي افرحي لاخيتك وادعي لها بالتوفيق
ابتسمت مضاوي وهي تبوس راسها: ابشري
ساعدتها تطلع وهي تبتسم لهالعجوز اللي كلها رضا وسماحه
_______________________.
وانتهى الزواج
والكل صار قدام الباب عشان ياخذون اهلهم وبدا يفضى البيت لكن اخر الناس كانوا بيت النوخذه ينتظرون جابر يجي وطلعت اماني وهي شايله صحن في رز لاحد بيوت الجيران وتنادي : سالم ، غييييييث وجع وييينكم
جاء سالم يركض :اماني وش مطلعك
اماني: جدتي تقول وده لبيت ام محيميد لايبرد بسرعه
.
.
اماني: جدتي تقول وده لبيت ام محيميد لايبرد بسرعه
مسكه سالم وطالع الصحن وشهقت اماني : الله لا يعطي العدو عافيه
ونست نفسها ورفعت غطاها: ياخبببببل
سالم شهق : غطي وجهك الرجال حولنا
لفت اماني بخوف وهي تسحب غطاها: كله منك يا ثور جمعه كله وتعال قول لجدتي انك كبيته
دخلت بخوف لا يكون احد شافها بس ماشافت جابر اللي واقف بطرف كان يبي سالم ينادي اهله لكن تفاجئ باللي صار وصد
وجاء خلف : جابر وش فيك!؟
جابر: ناد لي الاهل لا هنت
خلف ابتسم : زين
دخل خلف وهو يدق الباب الداخلي وينادي : ياااولد بيت النوخذه يطلعون لجابر
فزت ليلى على صوته وابتسمت : يمه يلا
ام نهيان وقفت وهي تغطي وجهها: يلا ياجماعه الله يوفق وعد ويكتب لها الخير
الكل : امييين
ام ناصر : لا تقطعين يا ام نهيان
ام نهيان:ان شاء الله
لفت ليلى ببتسامه: مع السلامه بنات ولا تزعلون على وعد بالعكس استانسوا لها واحمدوا ربكم انتم واجد انا وحده بس وراحت اختي والحمدلله ما زعلت
ضحكت هيا: ماعليك إحنا خواتك بعد
ضحكت ليلى: ياحلاتكم
طلعت مع امها وهي صارت تحب البيت واهل البيت شافت خلف جالس مع سالم يجمعون الرز وواضح على ملامحه الغضب لكن اول ماسمع صوت الباب لف ببتسامه وصد بسرعه وهو يسمع صوت خلخال ليلى اول ما مرت وقال: كمل نظفه وناد غيث معك
سالم: زين
طلعوا اهل النوخذه وهم كلهم تاركين في بيت ابو خلف مواقف مذهله لكن خلت بقلوبهم رجفه
_______________________.
وفي بيت نادر
اللي وصلوا وجلس نادر يسمع لشوق تشرح له الزواج واللي صار ولف على صوت الباب
شوق : من بيجي هالوقت!؟ نادر: يمكن العيال انتظري
طلع وفتح الباب لكن شاف ابوه وامه واقفين فرح نادر لكن جانب من قلبه اظلم اول ما تذكر ان ممكن يتسببون لشوق بظلم
ودخل ابو نادر: ما تبي تسلم!؟ تحرك نادر: العذر والسموحه تفاجأت
ام نادر: لايكون ماتبي جيتنا
نادر: وش ذا الحكي يمه الله يهديك
ام نادر: حمدلله اجل .
.
.
ابو نادر : نزل الشناط من السياره
نادر: غريبه خليتوا جدي!
ابو نادر: عماتك عنده
نادر : زين
وقفت ام نادر تناظر الشغاله بذهوول: شغاله!؟ نادر : ايه
ضحكت ام نادر باستهزاء : وليش ان شاء الله !
نادر: تساعد شوق في الشغل
ابو نادر: وشوق ماتعرف تسوي شي!؟
تكتف نادر يرحب بالمشاكل اللي انهلت عليه من البدايه : لا والله تعرف لكن مستحيل اخليها تسوي كل شي وهي بهالعمر
ام نادر : عشنا وشفنا طول عمري اكرف على يديني ما شفت شغاله ولا شكيت
صد نادر وهو طول عمره كان يشوف امه قادره تسوي كل شي بكل قوتها ولو طلبت شغاله جاب لها
طلعت شوق وهي ما سمعت هالكلام ابداً تقدمت ببتسامه : خالتي حمدلله على السلامه
ام نادر : هلا الله يسلمك
سلمت عليها واتجهت لابو نادر: عمي شلونك عساك ما تعبت بالطريق
ابو نادر: حمدلله ما تعبنا انتي وشلونك!
شوق: حمدلله
ام نادر : عسى غرفتنا نظيفه بس!
شوق ابتسمت : ايه زكيه نظفتها وسكرتها
صدت ام نادر ماردت ودخلت ودخل ابو نادر ولف نادر بضيق : يلا خلينا ننام
قربت شوق مستغربه: كأنهم متضايقين!
نادر: لا لا
سكتت شوق مستغربه لكن ماكانت متوقعه انهم ممكن يطينون عيشتها
_______________________.
وفي بيت مبارك
عند وعد اللي انقطع نفسها اول ما دخلت ونزلت عبايتها وهي تستغفر بنفسها ولفت على صوت مبارك اللي يناظرها بكل قوة عييين كان مبتسم ابتسامه مرعبه كان مفتون في وعد اللي كانت حريصه ما تطلع بأي صورة فاتنه لكن مع الاسف كانت تشوف في عيون مبارك الاعجاب
تقدم مبارك مبتسم : ماشاء للله ماشاء الله نصيبنا هالمره طيب
شدت وعد على اسنانها بقرف منه وابعدت عنه خطوتين وتقدم مبارك هالخطوتين
مبارك: لا لا مانبي خوف يا بنت الحلال
ناظرته وعد بنظره حاده وهي تبعده بيدها بشويش وبالقوه انطقت وقالت: ماني خايفه لكن ابعد
قطب حواجبه مبارك بعجب : افا من البدايه ! لكن ماعليه نتعشى ونتفاهم انا والله جوعان
ابعدت وعد بكرهه ودخلت تدور شنطتها وبدلت ملابسها بملابس ساتره ورجعت شافته بدا بالاكل ما انتظر وجلست بصمت ومبارك يناظرها : تعالي تعشي
وعد : مالي نفس
مبارك : مايصير تتركين زوجك ياكل لوحده
ماردت عليه وعد وسكت مبارك وكمل عشاه هو مقرر يتفاهم مع هالصمت
كانت وعد متوتره ماتدري كيف تفتك من مبارك لكن حلها مثل اي حل يطري لاي وحده بهالموقف اول ما انتهى وشافته يقرب وقفت على طول وابعدت ومسك يدها مبارك قبل تبعد : وين وين !
وعد بهدوء تحاول تسيطر فيه على خوفها: تعبانه وبنام
.
وعد بهدوء تحاول تسيطر فيه على خوفها: تعبانه وبنام
مبارك ابتسم بخبث : ماعليه كلنا تعبانين وبننام
سحبت يدها وعد وابعدت مبارك بسرعه اول ما قرب : ابعد
مبارك بغضب: وش فيك !
وعد غمضت بهدوء وقالت : مايصير تقرب مني
مبارك : شلوون!؟ وعد : مايصير يعني مايصير
انتبه مبارك وابعد : لا إله الا الله يالليل النكد
ابعد وهو ينزل ثوبه ويرميه بغضب وابعدت وعد براحه وهي تسمع هواشه لكن ماهمها
نام مبارك ووقف وعد وابعدت بقرف لاخر غرفه نزلت لحافها وانسدحت لكن مجرد ما حطت راسها على المخده انهاااااارت تبكي بكل قوتها
_______________________.
وفي بيت ابو خلف
بعد ما الكل راح عم الهدوء على البيت لكن ام وعد كانت تبكي ويهدونها
خلف : ياعمتي مو انتي اللي كنتي تبين وعد تتزوج وتفرحين فيها ليه تبكين الحين
ام وعد : ما تعودت على البيت من دون وعد مدري كيف بعيش ما اشوفها قدامي
ندى: يمممه صح انها لها فقده بس بتجي وبنشوفها تكفين خلاص
ام خلف : تعوذي من ابليس يابنت الحلال وقومي غسلي وصلي ركعتين ونامي
ندى : يلا يمه يلا
طلعت ندى مع امها وطلعت ام خلف تنام ولف خلف يناظر اخوانه اللي مجتمعين حوله وكلهم ساكتين
خلف : وش فييييكم !؟
غيث اللي من ساعه يصيح : ابي وعد
حضنه خلف ببتسامه: افا غيث نقول الرجال مايبكي
وبعدين وعد خلاص راحت بيتها وان شاء الله بكره بتجي
فيصل : ولله انا شايل هم البيت بدونها احسه بيصير شي
اماني ببتسامه: اذا انت ضايق ان مافيه احد يعدلك بعد وعد انا ترا بالخدمه
دفها فيصل بضحكه : وييين وعد وانتي وين
وجدان: انا صراحه مرتاحه مافيه احد يكرفني
خلف : ماعليه ماعليه بتجي وتشوف وضعك
حنان: اسمعوا يلا قوموا ناموا عشان ابوي مايعصب من الصوت
خلف اخذ غيث وهو يقول : فيصل اخذ سالم وصحه زين لا تفجعه
فيصل : زيين
افترقوا كل جهه راحوا لغرفتهم والبنات متأثرين من زواج وعد لكن العيال رغم تأثرهم الا انهم دخلوا بسابع نومه ماعدا خلف اللي يعيش احلامه على ذكرى شوفته لليلى اللي كل ماغمض يشوفها بعيونه تتمايل على الانغام وتغني
_______________________.
وفي بيت النوخذه
ليلى كانت نفس حالة خلف لكن اخف شوي كانت تناظر الكاميره وتناظر ملامحه وتبتسم وهي تقارن بين الواقع والصوره لكن في كل الحالات كان سمح ومبتسم وطيب
تذكرت صوته وكلامه اللي في كل مره يثبت لها جديته وان فعلاً شاريها
لكن مهما تخيلت ما توصل بها الافكار لأبعد من هالنقطه .. وفي طرف ثاني من البيت كان جابر الليله ماهو قادر ينام ايه متعود انه يششوف بنات بالغلط او بالعمد
.
.
وفي طرف ثاني من البيت كان جابر الليله ماهو قادر ينام ايه متعود انه يششوف بنات بالغلط او بالعمد لكن الليله كان صاد وماله من الشيطان طاري لكن مايدري من وين طلعت له هالاماني لمحها لمحه لكن كانت وافيه انها ترسب ملامحها بعقله
حط اللحاف على راسه يحاول يمنع التفكير انه يعمق ويتورط
_______________________.
اما في بيت الجد قايد
كانوا البنات عند محمد ويسولفون له عن وعد وانا رغم البكى اللي صار ما بكت وما تأثرت وكان عقاب جالس وهو يسمع لكن مقهور شلون ما بكت ! شلون ما تأثرت
محمد : هذا هي وعد قويييه كعادتها
هيا : هاذي صفة حلوه لكن ماهو كل الاحوال !! اشوفه احيان مرض بتتعب كذا
سحر: لا ولله ماهو مرض بالعكس
عهد : ماعليها خوف وعد تأكل مبارك وعشره معه
مضاوي كانت تراقب عقاب للي منشد لكن ومصدقه الكذبه اللي كذبتها وصدقتها متوقعه تأثر عقاب بزواج وعد وقالت تنهي الموضوع: الله يوفقها خلاص انتم سكروا الموضوع
محمد: عهد كأني ملاحظ انك شايله على وعد!؟
عهد : لا شدعوه بس اقول
عزوز: لا عاد تقولين دام هذا كلامك
عقاب : اقول قوموا كلكم افرقونا نبي ننام
هيا : اي ولله يلا يلا
طلعوا كلهم وارتخى عقاب بقهر( اجل ماهمك ولا اهتميتي ياوعد لكن هين ان ما بكيتك دم هين )
_______________________.!
وفي بيت ضاري
من يوم رجعت انه وهو جالس معها يهمز رجولها ويسمع سوالفها لكن قالت أمه : ضاري يمه هالمره وجبت ياولدي هالمره ان شاء الله بيصيب النصيب
ضاري : وشو يمه!؟
ام ضاري : اليوم في الزواج كانت عيوني على البنات وادور اللي قلبي يرتاح لها وطول الحفله قدامي وحده تشرح القلب والخاطر الابتسامه سبحان الله اللي رسمها والاخلاق والسناعه كامله والكامل الله
خاف ضاري من هالنقطه وقال: لا يمه لا تقولين من اهل خلف
ام ضاري : عليك نور يمه انا سألتها وقالت انها عمته
ضاري : عمته!؟ ام ضاري : اييه لكن صغيييره ماهي كبيره
ضاري : ماهي هنا المشكله بس يمه انا خايف مابي ادخل بهالموضوع مع خلف اخاف يصير شي وافقده وانا مابي افقده
ام ضاري :وش بيصير يا يمه ما صاير الا كل خير
ضاري : يمكن ما ارتاح للبنت يمكن ما نتفق
ام ضاري: من هالناحيه ارتاح البنت فيها من اطباعك كثير
ضحك ضاري : مب لذا الدرجه يمه
ام ضاري : والله يايمه فيها من هبالك
ضحك ضاري : خربتيها يمه
ام ضاري ضحكت: وانا صادقه
ضاري سكت شوي وقال: بس انتي تدرين يمكن مايرضون فيني
ام ضاري باستغراب: ليييه انت وجال وسيد الرجال!
ضاري : ايييه لكني لقيط يايمه
.
.

[صواديف عشاق]

.
ام ضاري باستغراب: ليييه انت وجال وسيد الرجال!
ضاري : ايييه لكني لقيط يايمه
ام ضاري سكتت بضيق وقالت : يمه هذا ماهو شي ينقص منك شي اللهم لك الحمد انتي ولدي وربيتك وكبرتك ومحد يقدر يعذربك يمه
قرب ضاري يبوس راسها: انا ادري دامني تحت ظلك محد يقدر يضايقني لكن لو جصل ورفضوا بخسر خلف في كل الحالتين
سكتت ام ضاري: اللي تشوفه يمه اللي تبيه
صد ضاري بضيق وهو يلحفها وطلع متضايق وهو اسباب الرفض دايماً لقيط ماله اصل وفصل ومحد يقدر يزوجه مايدرون اذا ابن حلال او لا
وهذا اكثر الاسباب المعذبه لضاري وكان وده يتزوج ويعيش لكن يخاف
_______________________.
ومن بكره
في بيت نادر اللي كان غرقان بنومه لكن فز برعب اول ما سمع صوت امه تناديه بصوت عالي
فزت شوق معه وهي تناظر ام نادر اللي واقفه على باب الغرفه ومتكتفه : ناااادر راح دوامك وانت ناييييم
قبل ما يستوعب نادر اللي صار انتبه ان امه دخلت من دون لا احم ولا دستور وواقفه تناظرهم ومازالت تصارخ عليه وتقول : الظاهر انك ماعاد تروح لدوام!؟ وش هالرباده! الطيور طاررت بأرزاقها وانت نايم
نادر: يممممه وش فيك تصارخين الله يرضى عليك!
ام نادر: اصارخ من هاللي اشوفه نايم داري عن الدنيا
نادر: يمه دوامي باقي له ساعه
ام نادر وهي تخز شوق: حتى ولو يالله تقوم وتفطر وتروح ولا شكلك ماتفطر ابد
شوق كانت متفشله وهي تبعد عن نادر اللي اخر الفتره صاروا قريبين من بعض
وقف نادر بغضب وطلع لامه وهو ياخذها معه: يمه الله يهديك وش بلاك مدرعمه كذا فجعتينا وخبصتينا
ام نادر: لا والله وش تبيني اسوي!
نادر: يمه انا مابي اعلمك بس انتي داخله على رجال وزوجته كان المفروض تدقين الباب او اقل شي تنادين من برا
ام نادر : لا احد يسمعك تكفى ويقول صدق متزوج ؟ لكن خل هالانسانيه تنفعك
صد نادر بضيق : هذا شي يخصني مال احد شغل فيه ويمه الله يرضى عليك خفي شوي على شوق ماله داعي ذا الحركات
ام نادر: زين زين
رجع نادر بضيق وهو يبدل ويلبس
شوق: لا تروح لين اسوي لك الفطور
نادر: مالي نفس بطلع
شوق : بس ما يصير
نادر: :يصير لكن اسمعي
تقدم بضيق وقال: طولي بالك على امي شوي واذا ضايقتك ماعليه اصبري امي شوي عسره واذا سألتك عن شي قولي صار
نزلت راسها شوق بضيق : ابشر
طلع نادر هو ماصدق يستقر الا رجعت المشاكل
_______________________.
في بيت ابو خلف
كانوا جالسين يفطرون على زل الزواج للان ما شالوه وكان ماجد موجود ونايم عندهم
وقف خلف وهو يلبس جاكيته بما ان الجو صار باااارد : انا طالع الدكان .
.
.
كانوا جالسين يفطرون على زل الزواج للان ما شالوه وكان ماجد موجود ونايم عندهم
وقف خلف وهو يلبس جاكيته بما ان الجو صار باااارد : انا طالع الدكان
ابو خلف : انتبه للبرد لا تجلس ناقع برا الدكان لين تمرض
خلف : ابشر
لف ابو خلف : انا بروح انا وجدك نزور ابو محسن
خلف : زين
طلع خلف وابو خلف وطلع فيصل لعزوز ولف ماجد بهدوء : سالم ناد لي امك بالمجلس
سالم : زييين
ركض ينادي امه وماجد واقف بارتباك ولف على دخول ام وعد : ماجد ناديتني !
ماجد : ايه ايه تعالي اجلسي بكلمك بموضوع
ام وعد : وش فيك! خوفتني
ماجد وهو مرتبك: اسمي ياخيتي انا مالي الا الله ثم انتي وانا لي مده افكر اني اخطب واتزوج
ابتسمت ام وعد بفرح: اخييييراً ما بغيت
ابتسم ماجد: يعني هي موجوده الفكره من قبل لكن توني لقيت اللي ابيها
ام وعد : من هااذي اللي داعين لها والديها
ماجد بهدوء : سحر بنت نايف
شهقت ام وعد : وشوو!!! سحر ماغيرها سحر اللي كانت خطيبة خلف !
صد ماجد بضيق: كانت لكن الحين مافيه شي يربطها بخلف
ام وعد : بس يا ماجد !
ماجد:وش بسه! كانت معطيه لخلف وانتهى كل شي يعني مافيها شي اذا خطبتها انا
ام وعد : وانت وش عرفك فيها
ماجد : عرفتها وابي هالبنت بذات سمعتيني !
ام وعد : اييه سمعت لكن اول شي يمكن ما احد يوتفق علو هالخطبه
ماجد : ليييه وش ناقصني؟
ام وعد : ماناقصك شي لكن تعرف عقاب والموضوع حساس بما انها كانت لخلف
ماجد : ماهمني هالحكي كله انا جيت اقولك لاني هالايام الجايه بخطب رسمي
ام وعد بذهول: يعني مقرر وخالص
ماجد : ايه
ام وعد : بكيفك ياماجد لكن اذا ردوك لا تزعل
ماجد : لا تخافين
اخذ اغراضه وطلع وطلعت ندى تركض بصدمه ودخلت المطبخ وهي تسكر الباب
فزت اماني وحنان وهم يناظرونها بخوف: وش فيك ؟
ندى : اسكتوا بتطيح السماء علييييينا
اماني : بسم لله وش فيك
حنان : لا تخوفيييني
ندى : تخيلوا خالي ماجد يبي يخطب سحر
شهقوا البنات بصوت واحد وفجعه : وشووو
ندى: سمعته بأذني يقول لأمي يبي يخطب سحر ويبيها هي بذات ومصر على رايه
.
.
.
ندى: سمعته بأذني يقول لأمي يبي يخطب سحر ويبيها هي بذات ومصر على رايه وقالت له امي ان عقاب بيرفض ويمكن يكون الموضوع حساس عشان خلف بس كان رافض كل شي ويبي يخطبها لو مدري وش يصير
شهقت اماني : وهو وش عرفه بسحر عشان يصر انه يخطبها كذا!
ندى : قالت له امي وقال اعرفها ومحد له شغل
لفت حنان بخوف وشك : بنات لايكون فيه شي بينهم!؟ وش عرفه فيها !
اماني :هاه ؟
حنان:مدري انا للحين مافهمت سبب رفض سحر لخلف واخاف لخالي دخل
سكتوا يناظرون بعض بخوف من هالاحتمال الكارثي اللي طرا لهم
_______________________.
وفي بيت مبارك
فزت وعد اول ما حست احد يناظرها وابعدت بضيق من مبارك اللي جالس مقابلها ويناظرها : بسم لله الرحمن الرحيم
مبارك : بسم لله عليك خوفتك !
وقفت وعد وابعدت عنه ووقفها مبارك : ويييين !
نست نفسها وعد وقالت : بصلي صلاة ربي اللي فاتتني
طارت عيون مبارك : وشو ؟ مو على اساس معذوره!
ناظرته وعد بورطه ولفت: من قال!؟ مبارك انصدم: امس وش تقولين ! مو قلتي مايصير تقرب!
لفت وعد تستجمع قوتها: ايييه قلت لكن ماقصدت اللي فهمته
مبارك بغضب: وش تقصدين اجل
تقدمت وعد وهي لازم تفرض قوتها من البدايه والا بتضيع حطت يدها على كتف مبارك اللي في لحظة غضبه كان يناظر وعد بهيمان ورغم انها متستره لكن ملامحها الجميله وشخصيتها الجميله وسط القميص الابيض الحريري جايبه راسه لا شعورياً ركد من لمسة يدها وابتسمت وعد اول ماشافت تأثره وقالت: شوف يا مبارك انا مابي اخذ عنك فكره سيئه وانت بعد ما تبي عشان كذا الاحسن نجلس ونتفق ونتكلم وبعدها يصير خير
اخذ مبارك نفس متقطع وقال: وش نتكلم فيه!؟ وعد بنفس لابتسامه : اذا ممكن اطلب فطور لين ابدل وارجع وانت تعرف وش بنتكلم فيه
راحت وتركت مبارك اللي من فتره جايب الفطور ونزله وجلس ينتظر وعد مذهول من الجمال لللي لو حاول يتصرف معه بقوه بيكون ظالم
اما وعد رغم كرهها لهالاسلوب لكن مافيه حل الا هو مافيه حل بيدها الا تكسب مبارك ويصير بصفها لانها مستحيل ترجع مطلقه بكل هالسهوله
رتبت نفسها وبدلت ولبست فستان مناسب وثقلت روجها الاحمر وتعطرت وطلعت بثقه تجبر اللي قدامها ينذهل
ابتسمت بطريقه مذهله وجلست قدام مبارك اللي احمر وجهه من كثر ما دق قلبه واللي ارتخت يدينه وهو يناظر وعد من عيونها لأسفل قدمها .
.
ابتسمت بطريقه مذهله وجلست قدام مبارك اللي احمر وجهه من كثر ما دق قلبه واللي ارتخت يدينه وهو يناظر وعد من عيونها لأسفل قدمها
واخيراً نطق مبارك وقال : وش بتتكلمين فيه !؟ وعد : اسمعني يا مبارك انا خاطري نبدأ حياتنا متفقين وعلى بيّنه وانا لازم اقولك كل شي عني وانت لازم تفهمني
انشد مبارك لكلامها وقال : قولي اسمع!
وعد بمكر : شوف انا لما قلت ابعد انا خايفه عليك ومابي لك الضرر
مبارك : خايفه علي!؟ ومن وش!
قربت وعد تهمس له بخبث وهي جمدته بهالحركه لكن انتفض اول ما سمع اللي قالته : انا يا مبارك معي مس عاشق
ابعد لا شعورياً يناظرها بحده لكن كل ما دقق النظر يشوف انه طبيعي يكون لها عشاق من الجن والانس مثل هالجمال ما احد يقدر يتجاهله
مسكت يده وعد : لا تخاف انا اقولك الحين لأنهم مو موجودين الحين
سكت مبارك وهو نوعاً ما مصدقها وشعور فيه رافض يصدق
ورجعت وعد تقول : انت تدري انهم يدرون اذا احد زعلني او ضايقني وعشان كذا امس جيت نمت هنا ما أبيك تضاقيني ويأذونك
تنحنح مبارك :ودام هذا كلامك ليه ما رحتي لشيخ!
ضحكت وعد وهمست : لانهم بيذبحون الشيخ وأي احد يوديني لشيخ
ابعد مبارك عنها شوي وهو يحاول ما يتأثر : والمطلوب مني الحين !
وعد : ابد المطلوب بس انك ما تضايقني
تكتف مبارك: لين متى ان شاء الله !؟ وعد تجرأت وقالت: انا اقدر اكلمكم ولا يأذونك مهما سويت لكن بشروط
مبارك: وشو هالشروط!؟ وعد : اول شي طبعاً ابيك تسفرني ابي انبسط
مبارك : بس! هاذي بسيطه؟
ابتسمت وعد : وثاني شرط هو الاهم
مبارك: وشوو
وعد: انا قدمت اوراقي في معهد وهالاسبوعين رح يعلن القبول وفي حال انهم اقبلوني رح تخليني ادرس وتوصلني وما ترفض لاي سبب من الاسباب لين اخلص دراستي
مبارك: نعمم !! دراسه بهالعمر!؟
وعد كانت تحاول تتحكم بغضبها لا تقوم تقلب الدنيا عليه : ايييه بهالعمر وبعدين ماهي دراسه دراسه لا دورة اخذ فيها خبره اقدر اتوظف فيها مستقبلاً
مبارك بغضب وصراخ : وبعد وظيفه
فقدت نفسها للحظه وصرخت بصوت متحشرج ومقهور ومليان بكى وعيونها محمره من احتباس الدموع وبانت ملامحها التعبانه اللي تخفيها ورا الهدوء والجمود :لا تصاااااارخ علييييي لا تصارخ احسن لك يامبارك
اول ما شاف مبارك انقلاب ملامحها اللي تحولت من ملاك لشيطان غاضب سكت خايف انه يكون احد غير وعد وهو يحاول يتدارك الوضع : وهالدراسه كم مدتها !؟ اختفت ملامح الغضب من وجهه وعد ورجعت تبتسم بوجهه ملايكي وهي تأشر بيدها: ثلاث شهور بس وماهي علي كثيره ولا وش قولك!
سكت مبارك لكن قال يسايرها: زين .
.
.
اختفت ملامح الغضب من وجهه وعد ورجعت تبتسم بوجهه ملايكي وهي تأشر بيدها: ثلاث شهور بس وماهي علي كثيره ولا وش قولك!
سكت مبارك لكن قال يسايرها: زين
وعد : لكن مارح تقرب مني لين اخلصها
مبارك: نعععم !
وعد : ليه زعلان ! المهم سلامتك اكيد ماودك تموت
وقف مبارك بغضب: يصير خير ان شاء الله
عرفت وعد انه ما اقتنع ولازم تقنعه اكثر وراح مبارك
ماردت وعد وطلع وجلست وهي تحاول تدعم خطتها بس كيف تدعمها
_______________________.
وفي السوق
كان خلف جالس كالعاده على طاولته وهو رافع صوت الراديو ولف على دخول عقاب : خليييف شاد حيلك من صبح الله
رفع راسه خلف مبتسم : الله يزيديني لكن بعض الناس ورا ما هو مداوم
عقاب : ماعندي دوام الحين ، وجيت ادورك تفطرني
خلف : نفطرك ليه ما نفطرك! وش ناوي تطحن من الصبح
ضحك عقاب : اي شي ياكلونه الاوادم
وقف خلف وهو ينزل اغراضه: زين انتبهه للمحل اجل
عقاب : جدي عنده انا بروح معك
خلف : يلا اجل
طلعوا وخلف يدور على اي شي يفطر فيه عقاب وعقاب يسولف شافوا نادر اللي جاي بإنزعاج ومسكه عقاب : سكنهم مساكنهم وش فيك
نادر : بالله اذا احد يعرف حل اعدل فيه حظي يعلمني
خلف : والله انا افتقر للحظ بقوه عشان كذا ماعندي حل
عقاب : وانا اردى
ضحك خلف وهو يأشر لضاري اللي جاي : جااك اللي بيجيب لك الحل
جاء ضاري : خييير وجهيكم مروعه!
خلف : نادر يحتاج حل يعدل فيه حظه
ضاري : اذا لقيت علمني
عقاب : داري مامن وراك فايده
ضاري : خلك على جنب يا ابو الفايده كلها
نادر : ممكن تركزون في مشكلتي
اتجههوا للبقاله وقال خلف: وش مشكلتك ؟
نادر : امي وابوي رجعوا
ضربه ضاري بكل قوته: وهاذي مشكله يالفاسق!
نادر : لا ياخي بالعكس نعمه من ربي ومستانس والله انهم رجعوا
عقاب اللي اول مره يتفق مع ضاري بشي وقال بغضب: اجل وش بلاك!
خلف : اصبروا وش فيكم خلوه يتكلم !
نادر: افهموا انتم انا مبسوط برجعتهم بس المشكله ان امي رجعت وهي حاطتني براسها ومب بس انا شوق معي وهي توها امس وصلت لكن ماقصرت من يوم دخلت وهي غاسله شراعي
ضاري : اسمع عاد كل شي ينبلع الا انك تبدي زوجتك على امك
عقاب : انا مع ضاري مهما كانت شوق عندك لا تخليها فوق امك وابوك
نادر: اكيد مستحيل اني افضلها عليهم لكن مستحيل ارضى بالظلم واخضع مجرد انهم امي وابوي واقول لغلطهم صح
خلف : ما قلنا ارضى الظلم لكن حاول تتفاهم
نادر : والله من مواري البدايه واضح ماهي بداية خير امي انا اعرفها قويه ولاني عاندت بالبدايه استقعدت لي وابوي اذا امي قالت شي يصدقها على طول وانا انشب
.
.
عقاب : اسمع مهما كان مامعك الا حل واحد ترضي امك وابوك وبعدين تفهمهم وضعك مع شوق
ضاري : ياربي لك الحمد عشت وشفت عقاب يقول شي عدل
لف له عقاب : اسكت اذا ماودك ادفنك واوريك العدل كيف !
خلف : اسمع يانادر خلك راكد وحاول تمشي الامور بسياسه واذا ما نفع نشوف لك حل
نادر :يالله يارب انك تنظر لحالي والله ماني ناقص غربله
سكتوا وابعدوا اول ماشافوا حريم عند البقاله بيمرون لكن خلف انتبهه لنظرة عقاب المسلطه على احد الحريم ولف واحتر دمه اول ماشافها ليلى اللي كالعاده عيونها باينه
قرب عقاب بهمس : عينهم على الموت الحمر
دق خلف بكل قوته بغضب: عمى يعمي عيونك استح على وجهك
نادر اللي كان صاد بضحك: انا والله مقدر اناظر متزوج ونظرتي محسوبه علي
عقاب : خلف وش بلاك فجرت مراراتي بكوعك
خلف بغضب: احسن وقمرانت وياه اذلفوا للمحل لين اخذ فطوركم واجي
راحوا وجلس ضاري مع خلف وهو الوحيد اللي مالف ولا ناظر وماهي من عادته
وهمس لخلف : وش فيك عصبت ؟
خلف اللي كان يلتفت : اسمع عينك على الباب اذا جاء اي احد كح سو اي شي ينبهني
ضاري : لييه ؟
خلف : اسمع الكلام
دخل خلف البقاله اللي كانت فيها ليلى وام نهيان
وشافته ليلى اللي من يوم دخلوا السوق وشافتهم قريب البقاله ابتسمت واول ما مرت كانت ملاحظه نظرات خلف اللي فيها شي من العصبيه
ولف على صوته يكلم ممدوح وبعدها اتجهه لها وكأنه قاصد الرف اللي وراه ومر بهدوء وصوت مليان غضب وغيره وهمس : وش رايك ترحمين الناس وتغطين هالعيون اللي ما بقى مسلم يؤمن بالله الا وحلف انها احلى عيون في ذا الدنيا
ارتبكت ليلى لا شعورياً سحبت طرحتها تعدلها وابعدت شوي وهي تحس انها معاد تسمع من دقات قلبها
اخذ خلف اغراضه ووقف بطرف وهو مبتسم بهدوء انها استجابت وغطت عيونها
ولفت ليلى تناظر جاكيته اللي نساه على الرف اخذته وهي ماتدري كيف اخذته وهي تمر جنبه بسرعه وحطته على ذراعه اللي مستند فيها على الرف وهمست : واذا ماخاب ظني كل الملسمين اللي يؤمنون بالله بيحلفون اني اكثر وحده تركض وراك عشان صحتك ! حاول ما تنسى جاكيتك والجو بارد والشتاء دخل لا تمرض بسبتي
تجمد خلف لكن ابتسم وهو ياخذ جاكيته ولبسه اول ما حس بنسمه بارده دخلت قلبه
ابعد اول ماجت ام نهيان واخذ قلم من ممدوح وابعد وهو يسحب قطعة ورقه صادفته وابتسم وهو يكتب ( وانا مؤمن واحلف اني اول ماعرفتك ماكنت قاصد اعرفك لكن جابتك لي الصدف .. وماكنت ضد الحب ولا كنت معه كنت دايماً محايد في هالامور .. لكن فجأه رجحت بي كفه ما هقيت اني بكون فيها .
.
.
( وانا مؤمن واحلف اني اول ماعرفتك ماكنت قاصد اعرفك لكن جابتك لي الصدف .. وماكنت ضد الحب ولا كنت معه كنت دايماً محايد في هالامور .. لكن فجأه رجحت بي كفه ما هقيت اني بكون فيها .. كنت مؤمن ان فصول السنه أربعه وطول عمرها بتكون أربعه وطول عمرها بتمر في سنه .. لكن عشتها كلها معك وفي هاللحظه بذات ومع الاسف اكتشفت انها صارت خمسه وفصلها الخامس أحلاها مدري كيف بوصفه لكن انا متأكد اذا مرك بتعرفينه .. وايه مؤمن ان الشمس وحده ! لكن اشرقت في دنياي شمس ثانيه بشوفتك .. وآمنت بعد أن القمر واحد بس ! لكن اختلف هالكلام البارح ! وعرفت ان لسماء قمر ولخلف قمر وليلى )
سكر القلم وابتسم وهو سحب اقرب بسكوت شاف ليلى تاخذ منه فكه بشويش وهو يدخل الورقه فيه وقرب وحطه بشويش بجنب اغراض ليلى بدون محد يحس وشافته ليلى وارتبكت لكن كح ضاري واخذ خلف اغراضه وطلع وشاف عقاب راجع: تأخرتوا
خلف : خلاص قضينا يلا
اخذه بسرعه قبل تطلع ليلى وراحوا وهو مبتسم وضاري ماهو فاهم شي لكن شك في الموضوع في بداية الامر
_______________________.
وفي بيت ابو نادر
مثل ماكان نادر متوقع تركت ام نادر كل شي واستقعدت لشوق ووقف وهي تناديها
وجات شوق : سمي ياخاله
ام نادر: انتي وينك انادي من ساعه!
شوق : ارتب اغراض نادر
ام نادر: اتركي كل شي وتعالي رتبي غرفتي ما احب الشغالات يلمسونها
شوق: ابشري
دخلت وهي تناظر حوسة الشناط وبدت ترتبها لكن وقفت على صوت ام نادر: طلعي كل الملابس واكويها ما احب ملابسي معفسه
شوق بذهول : كلها!
ام نادر: ايييه ليه ما تعرفين
شوق : الا اعرف
ام نادر : يلا عجلي
كانت ام نادر تحمل شوق سبب تغيييير نادر اللي مالها ذنب فيه بالعكس نادر اللي اختلفت نظرته للكل بعد اللي سووه فيه وفي شوق
قربت وهي تناظر شوق بتدقيق وقالت : اسمعيني زييين يا شوق تسوييين اللي تسوينه وتممين هالزواج وتجيبين لولدي ولد يشيل اسمه واسم ابوه تسمعين!
ضاقت شوق ولفت بسرعه وهي تنزل الكوايه بالارض وتقدمت ام نادر بغضب : تسمعييني !؟ كانت شوق بترد لكن بحركه غير متوقعه مرت ام نادر من جنب الكوايه ودفتها بالغلط وفزت شوق بألم اول ماحست بحرارتها على فخذها
صرخت وهي توقف بألم ولفت تناظر ام نادر بعيون مليانه دموع
وانصدمت ام نادر للي لفت بتوتر: ما تشوفين حاطته بالطريق
طلعت شوق وتركتها ركضت وهي تفتح المويه البارده على رجلها غمضت بألم وهي ماتدري وش تسوي
_______________________.
وفي بيت الجد قايد
كانت مضاوي سرحانه وتفكر ومرت من جنبها سحر: مضاري وش فيك ما انتي عاجبتني من مده .
.
.
وفي بيت الجد قايد
كانت مضاوي سرحانه وتفكر ومرت من جنبها سحر: مضاري وش فيك ما انتي عاجبتني من مده
مضاوي : ولا شي
سحر جلست جنبها ببتسامه : اتوقع اشتقتي لوعد
ضحكت مضاوي : مايمدي
سحر: اجل وش فيك!
مضاوي : افكر هاذي وعد اولنا كلنا تزوجت وافكر لو يجي يوم الكل يتزوج كيف بيكون الوضع! بنكون مرتاحين ولا لا
ضحكت سحر: وييين وصلتي بخيالاتك
لفت مضاوي تناظرها بهدوء : ليه ماودك تتزوجين
صدت سحر: كل شي يكتبه ربي قومي انتي قومي نتقهوى
راحت بسرعه ماتبي تسمع هالسؤال ولا تسمع هالاجابه لكن تنتظر اللحظه اللي يجي فيها خلف ويعلن انه بيتزوج! هنا السؤال كيف بيكون وضعها وكيف بتتقبل
اما مضاوي اللي قررت تتناسى موضوع عقاب وتحاول تشوف حل يتنقذه فيه
_______________________.
وفي دكان ابو ناصر
انتهت جلسة الشباب وكل واحد راح لشغله الا ضاري اللي كان ساكن وهو يناظر خلف بتمعن
رفع راسه خلف يناظر : وش فيك!؟ ضاري : هالبنت اللي كانت بالبقاله ! هي نفسها اللي بايع الدنيا عشانها
ابتسم خلف ورجع لوراء : لازم جواب!
ضاري : يعني مايحتاج تجاوب لاني متاكد انها هي
خلف :وش بتستفيد اذا هي
ضاري : لا بس اقول دامك وضعك لهدرجه خطير كلم ابوك ورتب امورك
ابتسم خلف : ايام ان شاء الله ، خلك مني انتي قلبي وش فيك كأنك متضايق
ضحك ضاري ورجع بكرسيه للجدار وهو يقول بطريقة مازحه : اقولك قصه!
هز راسه خلف بضحك وهو يرجع لشغله: قل اسمعك
ضاري : اممم تخيل معي إن في يوم من الأيام كان فيه عجوز كبييره بالسن وهي بطريقها بالصدفه شافت عند المسجد كرتون وفي بزر يصييح ويبكي طبعاً كسر خاطرها واخذته معها لبيتها وربته وكبرته وحنت عليهم كأنه ولدها اللي مارزقها الله به
ترك خلف كل شي وناظر ضاري اللي كان يناظر فراغ ويسولف وفجأه لف له وهو مبتسم : هي عطته كل شي فالدنيا وهو ما بقى شي في يده ما سواه عشانها وكل شي يقدر يسويه يسويه ويحس انه مقصر
لكن .. في يوم من الايام طلبت منه هالعجوز اللي ربته انه يتزوج عشان تكون مرتاحه وهو وده يتزوج عشان يريحها .. لكن كل ما دق باب كان الحواب .. والله مانزوج لقيط ماندري قلعة ابوه منين!؟ قرب وهو يتكي على المكتب : السؤال الحين! لو يجيك هاللقيط تزوجه !؟ او تقضبه الباب
سكت خلف فتره مايدري وش يرد ومايدري اذا هالقصه من واقع !؟ او خيال ضاري الواسع!؟ لها صلة فيه او لا !؟ لكن قال: اذا هو رجال كفو يستاهل كل علمٍ طيب
ابتسم ضاري بإنكسار وقال: وذا هو ضاري !
.
.
.
عم الصمت ووقفت نظرة خلف على ضاري اللي يناظره بهدوء وقرب خلف يبي يتأكد اذا هو صدق لكن ابعد ضاري وابتسم : لا تجبر نفسك كثير ، كل الناس تبي لبناتها ولد اصل وفصل
مسكه خلف قبل يقوم : اجلس ولا تكلمني بألغاز يا ضاري وانا فتحت لك حياتي كتاب قدامك وقلت كل شي ماقدرت اقوله لأقرب الناس ! واللي انتظره منك أنك تبادرني وتقول لي السالفه واضحه لا توقف موقفي اعتمادًا على مواقف غيري ! ضاري انت اخو ولأخو مايخبي على اخوه شي قلي كل القصه وخلني افهم
رجع يجلس ضاري بهدوء وهو يحاول يتدارك العبره وبدا يقص لخلف قصته كامله وانهاها بقرار امه اللي فاتحته به امس ورفضه
وسكت ينتظر رد خلف اللي قال وهو يناظر عيون ضاري : اول شي انت لو تطلب قلبي اللي بين ضلوعي عطيتك اياه ما شاورت احد
وانت ياضاري رجال شلت نفسك وامك وشلت سيرتك العطره بين الناس وماعليك قصور
والذنب ماهو ذنبك ! وليه تقول لقيط ! ليه ما تقول ان ربي ارسلك رحمه لهالعجوز المسكينه!؟ ليه ما تفكر فهالايام ! ليه ما تعتبر الموضوع حكمه من ربي ! اللي حطك بطرييق امك رأفه ورحمه بحالها ! ماتدري لو هي بذاك اليوم رفعت يدها وطلبت من ربي معجزه طلبته ولد يكون لها سند وذخر وهي وحيده مالها عيال ولا لها اهل واستجاب الله وعطاها ولد بار فيها وشايلها على راسه ؟
ليه تعتبر قصتك بصمة عار عليك ! ليه ما تقول أنك قوه نشأت بلحالها ما احتاجت توجيهات اب او يدين أم قدرت تكون ضاري للي كل شخص يتمنى ان ولده مثلك!
ضاري حتى لو في يوم فكرت في كثير افكار شينه هذا شي مايدينك ! ياما رجال عيال حمايل وقبايل لكن هم اكبر مسمى للعار! لكن انت من جميع الزوايا ووالجهات بينقال عنك هذاك ضاري الكفو ، هذاك ضاري البار هذاك اللي شال امه فوق راسه ، هذاك الشهم ، هذاك اللي يبدي الكل على نفسه ، هذاك اللي لو احد يطلبه عيونه بيقول تم بس عشان يكونون مبسوطين ... مابي اقول شي اكثر من ان اي انسان يتخلى عنك يعتبر نفسه خسر دنيا عظيمة وخسر سند ، ولا تخلق لنفسك اعذار بالعكس اقدم واطلب وكل شي لعيونك يصير
اختنق ضاري من كلام خلف اللي بدد كل المعاني السيئه بقلبه وزرع فيها أمل وزع قوه ماتخيلها وقف واتجهه له يحضنه بكل حيله مايدري وش يرد اكثر
لكن ابعد خلف ببتسامه وضحك: اسمع زهب عمرك وزهب امك وتعال بيت جدي وابشر بعزك ياضاري
ضاري ببتسامه: والله مدري وش اقولك ياخلف
خلف : لا تقول شي لكن تضبطني اضبطك
ضحك ضاري وابعد وهو يبتسم : اسمع بروح ابشر امي
خلف : على القوه
.

ضحك ضاري وابعد وهو يبتسم : اسمع بروح ابشر امي
خلف : على القوه
طلع من المحل يطير من الوناسه والسعاده وده يرجع لخلف ويشيله فوق راسه ويقول لناس انه أعز صاحب عرفته الدنيا عليه
اما خلف رغم انه حاول بكلامه يغير افكار ضاري لكن للحظه حس بقلبه ضيييق على ضاري اللي من يوم عرفه ماعرف الا انسان نظيف وطيب وقلببببه مثل الثلج ومثله حرام تكسره الدنيا
لكن المهمه الحييين انه لازم يكلم جده ويقنعه ولازم الكل يقتنع
_______________________.
وفي بيت النوخذه
رجعت ليلى وهي في عالم وردي عالم ملييييان احلام حلوه دخلت وهي تفتح الورقه وضمتها حييل اول ما وصل لها الشعور المكتوب لكن فزت على صوت جابر وركضت وهي تخبي الورقه بارتباك ودخل جابر
جابر : ليلوه شنو تسوين ؟!
ليلى: ما اسوي شي ارتب الغرفه
جابر : زييين تعالي ابوي يسأل عنچ
ليلى : خلاص الحين جايه
نزلت وهي تشوف ابوها جالس واسرعت تبوس راسه وجلست جنبه : يبه ناديتني
ابو نهيان: اي ادور شمعة بيتي ما شفتها اليوم وينچ يبه
ليلى : بعد عمري يبه من شوي جينا من السوق وصعدت ارتب اغراضي
ام نهيان: يلا قومي وياي ساعديني بالطباخ والمطبخ
ليلى: من عيوني
راحت تساعد امها وهي على وجهها ابتسامه غريبه و حلووه
_______________________.
وفي بيت ابو نادر
وصل نادر وهو يشوف البيت هادي شاف غرفة امه مسكره ودخل ينادي شوق ماردت واول مادخل لفت شوق بسرعه وهي تعدل فستانها
نادر: وينك اناديك من ساعه؟
شوق اللي كانت تحاول تداوي الجرح بدون ما يحس نادر : كنت اسوي شغله
جلس نادر بتعب وبحركه عفويه استند على فخذ شوق عشان يجلس لكن فز برعب اول ما صرخت شوق وتجمعت الدموع بعيونها
ابعد نادر بخوف وهو يناظرها: شوووق وش فيك!؟ اوجعتك !
كانت بترد عليه بس ماقدرت من حرقة الألم الوجع وقرب نادر بخوف : شووق وش فيك ليه تبكين! صار شي احد مسوي لك شي!
هزت شوق راسها بنفي ووقفت وابعدت : لا
انتبه نادر انها رافعه فستانها عن رجلها كأنها ماتبيه يلامس شي ركض وهو يوقفها: تعالي تعالي اجلسي وقولي وش فيها رجلك !
شوق : مافيها شي
جلسها نادر اول ما استوعب انها مستحيل تتكلم ورفع الفستان بسرعه واتسعت عيونه بصدمه وغضب: وشووو ذا
نزلت شوق فستانها ببكى: ولا شي كنت اكوي وطاحت علي الكوايه
نادر: وشووووو!؟ من قالك تكوين اصلاً انا مو قلت لك ما تقربين لأي شي واللي تبينه تسويه زكيه!؟ لييه ما تسمعين الكلام
شوق ببكى: كانت مشغوله وقلت اسويها بنفسي
نادر : ولييييه ساكته على الحرق ليه مارحتي لامي وقلتي لها تحط لك اي شي يخففه ويهديه لين اجي .

[صواديف عشاق]

.
نادر : ولييييه ساكته على الحرق ليه مارحتي لامي وقلتي لها تحط لك اي شي يخففه ويهديه لين اجي
صدت شوق ماتبي تبين له ان امه السبب لكن وصل لنادر هالاحساس ووقف بذهول وهو يقول بصوت اشبهه للهمس من الصدمه : لا يكون امي لها علاقه بهالحرق
لفت شوق بسرعه : لا لا مالها شغل ماتدري ولا لها شغل
تأكد نادر ووقف بغضب لكن مسكته شوق : وين رايح !
نادر : ابعدي يدك واجلسي لين ارجع ونطلع المستشفى
شوق : نادر حلفتك بالله يانادر ماتروح ولا تزعل امك مالها والله
نادر: الحييين تقولين وش صار
شوق ؛ والله ماصار شي انا احرقت نفسي بالغلط والله خالتي مالها شغل والله
ماصدقها نادر لكن من كثر ما ترجته قرر يمشي الموضوع ولف بغضب: ألبسي عباتك بسرعه يلا
ركضت شوق تلبس ونادر متكتف وطلعوا وشوق تدعي انه مايسوي مصيبه
لكن طلعت ام نادر وهي متكتفه : وين على الله !؟ وش بلاك داخل مثل الطياره ولا فكرت تمر امك وتسلم عليها ! سيده لغرفتك!
التفت نادر بقهر : والله يا يمه انا مدري وش اقول ! انا لو بجلس سنين افكر اني يوم من الايام يكون قهري من امي ما اصدق
ام نادر: قهرك من امك !! ليييه شسويت لك يا نادر ! انا اللي شلتك وربيتك وتعبت عليك الحين تنكري
نادر : والله ما نكرتك يمه ! ما نكرت انا خايف لو بقيتي على هالحال وش بيصير فينا
ام نادر: ماعمري فكرت اني اذا زوجتك بتلعب بعقلك هالبزر وتغيرك علينا من يوم دخلت هالبيت وانت ما انت طيب
نادر بذهول : مب انتي اللي حطيتي رجل بالسماء ورجل بالارض والا تزوجيني بنت خالتي! وش صار الحين!؟ وش غير تفكيرك الحين! من هالشيطان اللي دخل براسك وقساك كذا! كل شي سكت وبسكت عنه الا انك توصلين للحرق
شهقت ام نادر: ايا اللي ما تخاف الله انت وياها تتهموني اني محرقتها ؟ لا ياحبيبي ماحرقت احد هذا من الرباده وقلة الدبره والسناعه لكن الشرهه ماهي عليكم علي انا اللي زوجتك اياها لكن اقولك من الحين ياتسنعها يا تطلقها
كانت شوق تسمع وتبكي مالها حل ولا حيله
ضحك نادر بغبنه: لا يا يمه لا و الساعه اللي بفكر فيها اني اطلق شوق افضل اني اموت ، ولا هي محتاجه انها تسنع ! وياليت يمه تتركين هالموضوع ترا دمرتوا بما فيه الكفايه !؟ وشوق لا تطلبينها شي هاذي الشغاله واطلبيها للي تبين شوق لا احد يتعرض لها
التفت لشوق وهو يمسكها بيدها: يلا ياشوق
اخذها وطلع ووقفت امه بغضب تراقبهم واول ما استقروا فالسياره لفت شوق : نادر ليه قلت كذا انا مستعده اسوي اي شي تبيه خالتي
صرخ نادر بغضب: لا يا حبيبتي مانك مستعده لشي ولا ابيك تستعدين لشي وسكري الموضوع
.
.
صرخ نادر بغضب: لا يا حبيبتي مانك مستعده لشي ولا ابيك تستعدين لشي وسكري الموضوع احسن
عم الهدوء ونادر بيموت من القهر مايدري ليه امه تتصرف بهالطريقه وليه اصلا قلبت على شوق وهي اللي كانت بتموت لو ما اخذها! وماكفاهم انهم حطوه في امر صعب مثل هالامر بيعذبونه فيه بعد! كفايه سلبوا من احلامه كم سنه وسلبوا من شوق حياتها وطفولتها وبعد يحاجون ! عجز يفهم وعجز حتى يتصرف
_______________________.
وفي بيت ام ضاري
دخل ضاري وهو يركض دخل وهو يستبشر ويبشر ركض لامه اللي واقفه بعصاتها فالمطبخ : يمممه وش تسوين يمه
ام ضاري : قهوه يمه
اخذها ضاري منها وجلس وهو يجلسها ولفت امه تناظر الفرح بعيونه: وش فيك يمه!؟ من هاللي مفرحك الله يفرح قلبه
ابتسم ضاري وقال: اليوم كلمت خلف وقلت له كل شي عني وقلت له بعد انك تبين تخطبين له عمته وتدرين يمه وش قال!؟ ام ضاري بترقب: وش قال!؟ قرب ضاري يعيد لها كلام خلف بالحرف حفظه بقلبه قبل لسانه يبشر امه فيه وكمل يقول: تدرين يمه وش كثر فرحة بهالحكي ! جاء يمه مثل الماء البارد غسل كل شي شين في قلبي رفعني فووووووق فوق وصلني الغيم يايمه ، تدرين اني بعد هالكلام ماهمني شي حتى لو رفضني جده وابوه وكل عايلته انا مابي الا هالكلام منه
ابتسمت امه بفرح وهي تمسح دموعها بشيلتها: حمدلله يمه والله يسخر لك الارض ومن عليها يا وليدي الطيب الناس ما تنساه يمه وان شاء الله ربي يكتب لك نصيب فيها يمه
ابتسم ضاري:اللهم امين يمه، تدرين اني كل ما شفت خلف والله ما اتذكر الا دعواتك الطيبه لي
ام ضاري : ان كانت دعوتي واجابها الله عشانك رضي يمه وبار في امك
ضاري :يابعد قلبي يمه يابعد قلبي
ام ضاري : ومتى تبي نروح
ضاري : بكره يمه بكره
ام ضاري : زييين يمه
سكت ضاري بحب يتخيل بس وش بيصير بعدين وكيف بيكون مصيره
_______________________.
وفي بيت ابو ناصر
رجع خلف ووقف على باب بيتهم وهو مايدري كيف يفتح الموضوع ودق الباب بهدوء وركضت شهد : مييين !
خلف :انا ياشهد
ابعدت شهد وهي تقول : اصبر شوي وادخل
انتظر خلف شوي وبعدها دخل متجهه للمجلس رغم احساسه بالعيون اللي تراقبه الا انها توجع قلبه و تحسفه مليون مره على قراره في اتخذه في تركها
دخل وهو يقول بصوت هادي : مسهم بالخير
لفوا عليه جده وعمه محمد : مساء النور ادخل ياخليف
دخل خلف وسكر الباب وجلس : وش الاخبار والعلوم
محمد بشك: مثل ماخبرتها! لكن الظاهر عندك اخبار
ابو ناصر: قل وانا جدك نسمعك
خلف : والله ياجدي انا عندي خبر وقررت اكلمكم فيه قبل ابوي يجي وعقاب بعد والعيال .
.
خلف : والله ياجدي انا عندي خبر وقررت اكلمكم فيه قبل ابوي يجي وعقاب بعد والعيال
محمد : صاير شي!
خلف : ماصاير الا كل خيييير ، لكن تعرفون ضاري
ابو ناصر: خويك اللي معك!؟
خلف :ايه
ابو ناصر: وش فيه!؟ خلف : كلمني اليوم قال ان امه يوم جت الزواج شافت وحده من عماتي وخاطرها تخطبها لضاري
لفوا يناظرون بعض ويناظرونه وقال محمد : طيب! ودامه بيخطب يدل البيت يجي ونشوف
خلف : ايه يدل البيت لكن قبل فيه شي لازم تعرفونه
ابو ناصر : وشو!
خلف بكل ثبات بدا يقص قصة ضاري وبكل قوة دافع عنه واثبت وجهة نظره وكمل يقول : من شهور تعرفون ضاري وشفتوا فزعته وشفتوا موقفه وتعرفون انه رجال وماناقصه شي ابد
ابو ناصر: والله والنعم لكن هو ماعرف احد من اهله ابد
خلف : لا ياجدي وتأكد ان هالشي مايعيبه دامه رجال شايل نفسه وانت بنفسك تقول كفو
محمد : انا بالنسبه لي مايهمني سالفة الاهل والقبيله كل المهم انه يخاف الله وانه رجال وغير ذا مو مهم
خلف : وانت ياجدي
ابو ناصر: قلي كلمه وحده بس توصف ثقتك فيه لدرجة انك تزكيه كل هالتزكيه
خلف بسرعه قال : يا جدي انا والله لو كل هالدنيا ضدي وضاري على يميني ان ما علي خوف وانا مستعد احط روحي على كفه ولا اسأل ابد وضاري لو يطلبني عيوني ما تغلى عليه وانت تدري اني مستحيل اقبل بأي شخص لعماتي
ابو ناصر : وانا ياخلف اثق بكلمتك اكثر من اي شي وعشان كذا توكلنا على الله وانا جدك خله يجي وان شاء للله خير
ابتسم خلف بفرح: زين وابوي وعقاب !؟ محمد : ابوك وعقاب انا اتفاهم معهم
دخل عقاب بهاللحظه : وش بتفاهم مع عقاب عليه!؟ الكل سكت وخلف يناظر بعقاب يدري انه بيقوم الدنيا ولا يقعدها
محمد : جيت بوقتك يا عقاب تعال
تقدم عقاب وجلس وهو يناظر بشك: وش صايرر!؟ محمد : ضاري صاحبكم كلم خلف يقول ان امه امس شافت وحده من البنات وبتخطبها
سكت عقاب فتره والكل يراقبه وقال : من هاللي بيخطبها
خلف : من عماتي
ابو ناصر: وش قولك ياعقاب
عقاب رغم كرهه لضاري الا انه في قرارة نفسه يعرف ان ضاري كفو وشاايف وعارف انه انسان يقدر يأمنه على حياته مو بس عماته
ويعرف انه طيب ويستاهل كل خير وعلاقته المضطربه معه كلها بسبب غيرة عقاب على خلف اللي كان صديقهم لحالهم وفجأه صار لهم شريك
قال بهدوء محد توقعه منه: والله ما اظلمه ابداً ضاري كفو ويتساهل كل خير واذا انت راضي ياجدي الله يوفقهم
انصدمو كلهم واولهم خلف اللي يحاول يتسوعل الموضوع عجز عقاب ما يرضى كذا الا وراه شي
محمد : زين اجل
وقف خلف : عقاب تعال ابيك شوي
.
.
وقف خلف : عقاب تعال ابيك شوي
طلع عقاب مع خلف وهو عارف صدمته ولف خلف بهدوء يناظره : غريبه راضي
ضحك عقاب : وليه تبيني ارفض!
خلف : بالعكس ما ابيك ترفض لكن كنت اظن انك بترفض والسبب معلوم! انت ما تطيق ضاري !
ابتسم عقاب : ما ادانيه ايييه لكن ما اكرهه له الخير ، ولا اظلمه ولو تعلق بنجوم السماء بجلس عمري كلمه ماهضمته لكن مابي اوقف بنصيب احد
ضحك خلف : والله انك تحييير يا عقاب ماينعرف لك ابد
التفت له عقاب بهدوء: صح هذا انا لكن انت وش اللي مغيرك!؟ وقالبك فوق تحت ما انت على خبري
اعتدل خلف بهدوء: وش بيغيري يعني !
عقاب : مدري بس ما انت عاجبني من تالي
مد خلف يده يخبط على كتفه: ريح نفسك اموري فالتمام
عقاب : حمدلله
سكت خلف يفكر وشلون قادر يخفي على عقاب ! عقاب اللي من عمر ماخبى عليه شي ! كيف قاادر يكذب عليه بكل قوه ! لكن يفضل يكذب عليه ولا يخسره
والتفت وقال : عقاب بقولك شي
عقاب ابتسم: قلت لك فيه شي!
خلف : لا ما تخصني تخص ضاري
عقاب : ايييوه رجعنا لضاري!
خلف : فيه شي لازم تعرفه
سكت عقاب يسمع قصة ضاري من خلف ولفت به الدنيا من الصدمه وقف مذهول يقول : انت صادق ولا بتخليني اتعاطف معه
خلف : مافيه شي يخليك تعاطف معه هذا واقع وصار
انصدم عقاب وهو يدور: شلون كيف ماحسينا !
خلف : ماحسيت لانك لاهي في تجريحه وكل شىي تدور طريقه تحرجه فيها
مسك عقاب راسه بضيق وفشله يتذكر كلامه اللي كان مثل السم لضاري والتفت يناظر خلف اللي قال : انا ماقلت لك قصته عشان تشفق عليه او تحاول تعاطف لا انا ابيك بس توقف هاللي تسويه فيه ابيك تعرف ان ماورى كل ضحكه حياة سعيده ولا كل انسان مثل ضاري يتسحق معامله شينه بالعكس وانت تدري
وما ابيك تضرب ضاري بهالحقيقه
لف عقاب بغضب: افا يا خلف لا توقع اني خسيس لهدرجه وكأنك ماتعرفني انا يمكن غلطت معه لكن ماتوصل اني اسوي هالسواة
خلف : انا ادري وابيك تصرف بحذر
عقاب : ابشر ابشر
ابعد عقاب في ذهول مصدوم عمره مافكر بهالشي وعمره ما توقع ان الانسان اللي يشع طاقه وراه هالقصه طاح من عين نفسه وضاق وكرهه الساعه اللي استقعد لضاري فيها
_______________________.
الليل
في بيت مبارك
اللي طول اليوم يراقب وعد يحاول يفهم صادقه او تكذب عليه لكن مجرد ما يناظر وجهها يحس انها ما تعرف الكذب في حياته كان تقريباً جمالها نقطة ضعف عنده عجز يبررها
اما وعد كانت فاهمه وحاسه بنظراته وكانت لصالحها وماصدقت ان العشاء قضى عشان تبدأ خطتها وتكمل عليها
بدلت وكعادتها كشخت واقنعت مبارك انها تعبانه وبتنام وعلى هالاساس نام مبارك .
.
.
بدلت وكعادتها كشخت واقنعت مبارك انها تعبانه وبتنام وعلى هالاساس نام مبارك
لكن في عز نومه صحى على صوت همس لف بسرعه وخوف وشاف احد جالس بزواية الغرفه نركز عيونه عليه وفز يبي يشوفه لكن ارتخى برعب اول ماسمع صوا وعد اللي مقابله الجدار وهي تقول : لا لا تكفون لا احد يأذيه مبارك ما أذاني ولا سوى شي يزعجني بالعكس بيسوي كل اللي ابيه لا احد يذبحه
اتسعت عيونه بذهول وابتسمت وعد بخبث اول ماحست فيه وكانت متعمده تجلس قدام الجدار وتتكلم عشان ترعبه ويصدق انها تكلم الجن
وكانت تردد وتقول : بيسوي شروطي لا احد يذبحه
ومدت يدها بهدوء بدون مايحس مبارك وضغطت على المسجل اللي في يدها وكانت مسجله فيه اصوات مرعبه وكأنها ترد عليها
وهنا ضرب الرعب في قلب مبارك اللي رجع تلحف بهدووء وهو معرق ومحتر مايدري وش يسوي
وفجأه رجعت وعد لسرير مبتسمه واول ماشافت منظره وهو يمثل النوم وجبينه معرق واعصابه مشدوده عرفت انه اكل الخطه كامله
انسدحت بضحك وهي تقول في نفسها ( الدنيا كيد ياعقاب وبنشوف كيف اضربك بصديقك اللي شاد الظهر فيه )
_______________________.
وفي بيت ابو خلف
كان خلف جالس مع خواته يناظرهم بهدوء ولفت عليه اماني : خليف وش فيك!؟ تنهدت خلف ببتسامه: ما تعودت عليهم ناقصين
حنان : اي والله اشتقت لوعد حيييل لها صوت بالبيت
ندى : وهالخايس مبارك ماجابها اليوم
وجدان: صح اني ارتحت من اوامرها بس ياشين البيت من دونها
همست ندى بضحك: للإمانه توقعت فيصل بيرتاح ويكيف لكن لو تشوفون ضيقته تخيلوا ما طلع من البيت اليوم ابد ولا قاشر غيث و سالم ولا سوى اي مشكله
ابتسم خلف : ايييه القطو مايحب الا خناقه
حنان : يكسر الخاطر طول اليوم ينتظرها تجي
خلف : يلا المهم انها بخير ومبسوطه كل شي يهون
اماني : كلمتها امي اليوم وصاحت امي وعمتي لين قالوا بس
خلف :ايييه اذا صياح اخذي صياح
لفوا على دق باب السطح وركضت وجدان تفتح: هلا مضاوي
مضاوي :هلا
خلف : وينك مالك حس اليوم
مضاوي : ابد مكروفه
ندى: كثري منها كلٍ ينكرف الا انتي
مضاوي بمزح: مكروفه عقلياً
خلف بنفس المزح : ليييه من اللي اخذ عقلك
مضاوي بضحك: الچويتي
ضحك خلف وهو من يوم ضاري قاله بيخطبون وحده من عماته تمنى لو هي مضاوي لانها اكثر انسانه تناسب ضاري وتفكيره وبيصلحون لبعض : اييه هين
ندى: اقولك ياحبيبتي بتعنسين دامك بهالطفاقه لا بياخذك لا سعودي ولا چويتي على قولك ولا حتى جني
شهقت مضاوي : ليييييه ياعيوني وش ناقصني وبعدين اصبري ان قاله الله بعرس قبلك
زلزلهم الصوت اللي جاء بغضب من الدرج: ماشاء الله على قلة الحياء ��
.
زلزلهم الصوت اللي جاء بغضب من الدرج: ماشاء الله على قلة الحياء
فزوا كلهم على صوت ابو خلف اللي صحى على اصواتهم وطلع بغضب : خييير انتي وياها اخر الليل وللحين جالسين!؟
مضاوي اللي توزت ماتبيه يشوفها ويغسل شراعها
خلف : الحين قايمين يبه
ابو خلف: والله لو اوصل الغرفه واشوف احد باقي لتوطى بطنه يلا
نزلوا كلهم ونزلت معهم مضاوي عشان مايشوفها لين يروح وترجع لاهلها لكن الصدمه ان ابو خلف قفل كل الابواب ووقفت وهي تشهق: ياويلي من امي وابوي الحين يدوروني ما يحصلوني
خلف : وانتي ماقلتي لا احد
مضاوي : كلهم نايمين وجيت وخليتهم
اماني : نامي هنا بسيطه
مضاوي: والله!؟ ادري بسيطه لكن اذا ما لقوني بيلعنون خيري
خلف : وش بتسوين نامي والصباح رباح
افترقوا ووقفت مضاوي وهي خايفه انهم يقلبون الدنيا عليها
_______________________.
وفي بيت ابو نادر
كان نادر في غرفته ماطلع من بعد مارجع من المستشفى وخصوصاً بعد ما امه وصلت اللي صار لابوه وكبرت السالفه
لفت شوق تناظره بضيق وهي تشوفه متضايق : نادر انا اسفه
لف نادر بهدوء: على وشو!
شوق : اني سببت بينكم مشكله
نادر: المشكله صايره من زمان يا شوق مالك علاقه انتي
شوق : بس ...
سكتها نادر اللي لف بهدوء: خلاص ياشوق سالفة وبتنحل نامي انتي
دخلت شوق باللحاف وهي كارهه ضيق اليوم ومشاكل اليوم
لكن نادر ماكان يدري كيف يتصرف مستحيل يظلم شوق ويخليهم يظلمونها ومستحيل يوقف ضد امه وابوه ولازم يشوف حل لكن كل ما التفت وشاف دموع شوق تضيق به الوسيعه زود
_______________________.
عند ضاري
اللي من الفرحه عجز ينام وهو يفكر ويتخيل وينتظر بكره يحس انه موعود بشي لكن خايف من هالشي وهو للحين مايدري وش ردة فعل عقاب وش اللي بيترتب على هالمووضوع
اخذ نفس وهو يقول ( يارب لا تعلقني بحاجة ماهي لي يارب )
_______________________.
ومن بكره
في بيت مبارك اللي عجز ينام وهو يتذكر اللي صار امس التفت يناظر وعد اللي جلست قريب منه وابعد شوي وابتسمت وعد : مبارك ابيك توديني لاهلي اسلم عليهم
مبارك : زين
وعد : وش قلت على السفرر !
مبارك: قلت لك انه تم وبعد ما نرجع ترتبين الاغراض عشان نمشي
وعد ابتسمت بكل سعة صدر ووقفت تجهز بفرح وهي اشتاقت لاهلها
كان مبارك يراقبها بهدوء وهو لازم يحل هالمشكله اللي طلعت بوجهه عشان ينعم بوعد وقربها
طلعت وعد : انا جهزت !
مبارك : يلا
اتجهه لبيت ابو خلف
_______________________.
وفي بيت الجد قايد
الكل نزل للفطور الا مضاوي مفقوده
.
.
وفي بيت الجد قايد
الكل نزل للفطور الا مضاوي مفقوده ونزل عقاب اللي من امس وهو في ضغط نفسي من سالفة ضاري يفكر في اي شي يكفر فيه عن افعاله لكن بدون مايبين لضاري
محمد : عقاب شفت مضاوي!
عقاب : لا وينها غريبه ما صحتني اليوم!
عهد: ما ندري صحينا مالقيناها
شهد: يمكن في بيت عمي
ابو ناصر: عزوز وانا جدك روح دورها عندهم
عزوز: ابشر
ركض يدق الباب وفتح ابو خلف : هاه عزوز عزوز:عمي جدي يقول عمتي مضاوي عندكم!
ابو خلف : مضاوي! وش يجيبها هالحزه !
وقفوا كلهم مستغربين وقالت ام ناصر: ياويلي وين راحت البنت !
انتشروا يدورونها لكن فجأه طلعت من غرفة البنات وهي خايفه : انا هنا
لف ابو خلف بغضب: وش جابك هنا! خبله انتي !
مضاوي ركضت ورا ظهر خلف اللي واقف وقال خلف يدافع عنها : امس كانت معنا وبعد ماقفلت انت الابواب نامت هنا
ابو خلف : انتي ماتقريييين ما تنثبرين في مكانك
ابو ناصر: وراك يا بنتي تخوفينا
محمد : ماصار شي يا جماعه خلاص
عقاب : تعالي يا جنيه امشي
طلعت مضاوي تركض قبل يضربها ابو خلف ودخلت بيتهم ولفت بضحك: وصلنا منطقة الامان
هيا : مجنونه انتي
ضربتها ام ناصر بغضب : والله ان عدتيها لكسر يدينك
مضاوي : طيب طيب
ورجعوا كل واحد لبيته ووقف عقاب بعد ما تجهز لدوامه وطلع وهو للحين شايل هم ضاري مايدري كيف بيواجهه وكيف بيقدر يتصرف
لكن وقف بهدوء يناظر سيارة مبارك واللي نزلت من سيارة مبارك نزلت وعد مثل عادتها شامخه ولا حتى تنتظر مبارك
ناظرته وعد بحده من فوووق لتحت وصدت وتركته وهي تدق الباب وتوجهه عقاب لمبارك وهو يسلم عليه بحراره وقال بصوت عالي : حي الله العريس وجهك منور
ضحك مبارك بغبنه : الله يسلمك
عقاب: حياك اقل.. قبل يكمل كلمته قالت وعد بحده : ابوي واخواني جو يا مبارك
التفت عقاب بحده مقهور شلون تقطع عزيمته لمبارك شلون تقطع كلامه
جاء ابو خلف اللي يرحب بوعد وخلف بعد وفيصل والكل يركض يسلمون على وعد قبل مبارك وصد عقاب بغضب وطلع لدوامه معصب ومقهور
وابتسمت وعد وابعدت وهي تركض لامها وخواتها
وتقدموا يدخلون مبارك ويرحبون فيه
_______________________.
وفي بيت النوخذه
كان جابر جالس بهدوء وهو يقلب كاسة الشاهي بيده
لفت ليلى باستغراب : جابر شنو فيك ساهي وتفكر صاير شي
جابر : لا مافيني شي
ليلى بهمس: اذا فيه شي قولي ترا انا اعين واعاون
التفت جابر لها بهدوء ووقف : تعالي وياي
ركضت ليلى وراه ودخل جابر وهو يسكر الباب : قعدي
جلست ليلى : لا تخوفني
جابر بارتباك : انتي تعرفين بنات القايد صح! .
.
.
جابر بارتباك : انتي تعرفين بنات القايد صح!
لفت ليلى برعب : ايه ليييش سألت !
جابر : ا ا تعرفين منو ااماني !؟ وشنو تصير حق خلف!
شهقت ليلى: شنو تبي بالبنت ! ليش تسأل
جابر: قصري صوتچ لا احد يسمعچ
ليلى خافت اكثر : جابر شحقه تسأل عن اخت خلف
ابتسم جابر : يعني اخته
ليلى: ايه اخته ! انت شعليك فيها!؟
جابر : ليلوه قلت لچ قصري صوتچ
ليلى: قبل بتقولي شعرفك فيها
جابر : ما اعرفها بس يوم الزواج.... كمل باقي اللي صار وختم كلامه يقول : وانا ماقصدي شي لكن البنت اعجبتني واجد و قمت افكر في موضوع الزواج لكن بسألچ عنها قبل
لفت الدنيا في ليلى وهي خايفه يصير شي ينكشف فيها امرها هي وخلف لكن خلف بعد يفكر بالزواج ويفكر يخطبها !؟ ويمكن يصير بينهم زواج ويصيرون انساب رجعت على صوت جابر: وين رحتي!؟ ليلى: مارحت مكان افكر شلون بتتصرف مع امي وابوي
جابر : اول قولي شتعرفين عنها وبعدين نتصرف
ليلى بدت تكلم جابر عن اماني وهي تحس انها خايفه ومرتبكه تعرف ان جابر ماعنده خرابيط ويحب خلف كثير واكيد نيته طيبه لكن خايفه
بعد ماجابر اخذ كل التفاصيل طلع وهو فعلياً يفكر بجد وترك ليلى خايفه ومحتاره
_______________________. وعند نادر
طلع من البيت قبل يبلش بمشكله جديد لكن حرص على شوق ما تحتك في احد
طلع يمشي على وجهه لكن ابتسم لا شعورياً اول ماشاف ضاري ومعه تركي مقبلين عليه وهم كعادتهم يضحكون
ضاري : حي الله نادر
نادر: الله يحيك يا ضاري وشلونك! تركي كيفك
تركي: حمدلله بخير
ضاري : حنا بخير انت وشلونك
نادر ببتسامه باهته: ماشي حالي
تركي : اسمع اجل خذ خويكم ذا بروح اخلص شغلي واشغلني
نادر : هاته محتاجينه
راح تركي ووقف ضاري بعيد وهو يدقق النظر في نادر وضحك نادر: وش فيك تناظرني كذا ؟؟
ضاري : ابد بشوف هالسواد اللي في وجهك وش سببه
نادر : المشكله نفسها هي نفسها وابشرك صارت اكبر
ضاري : لا حوووول الله تعال تعال
جلسوا ونادر ساكت مايدري وش يقول لكن ضاري بطريقته خلاه يتكلم
ولف ضاري بهدوء: الحين شوق ماهي بنت خالتك!
نادر : ألا بنت خالتي
ضاري : طييييب وش فيها امك عليها
نادر: وش دراني انا اقولك امي قلبت علي وعليها وعلى الدنيا ابي افهم وش صار ماعرفت
ضاري : والله مدري وش اقولك وضعك صعب لكن يمكن السالفه غيره !
نادر: بزران حنا يا ضاري ! وش غيرته
ضاري : يا ابن الحلال انت ولدهم الوحيد وفجأه قلبت وتغيرت وحست الدنيا اكيد بيفكرون ان شوق هي السبب
نادر بغضب: والله اذا فيه سبب هو مؤامرتهم علي ، يتحملون هاللي سووه .
.
.
ضاري : يا ابن الحلال انت ولدهم الوحيد وفجأه قلبت وتغيرت وحست الدنيا اكيد بيفكرون ان شوق هي السبب
نادر بغضب: والله اذا فيه سبب هو مؤامرتهم علي ، يتحملون هاللي سووه
ضاري : طيب اجلس معهم وفهمهم
نادر: افهمهم وش اذا هم مايبون يسمعون
ضاري : شوف اذا بتعاند وتكبر راسك وتطنش ترا الموضوع بيكبر يا نادر
سحب نادر زقارته بغضب: خير ان شاء للله خير
سكتوا وبعد فتره لف نادر: تعرف وينهم العيال؟؟ ضاري : ما شفت احد منهم والله حتى المحل باقي ما فتحوه
نادر: غريبه ! المهم يلا بروح لشغل
ضاري: يلا حتى انا
_______________________.
في بيت ابو خلف
رغم وجود مبارك الا ان العيال كلهم عند وعد وكان خلف يناظرها ببتسامه يشوف على ملامحها هدوء
ام وعد : هاه يمه عساك مرتاحه
وعد : حمدلله
فيصل: وعيييد اذا مبارك سوا اي شي يزعجك علميني وانا اقوم بالواجب
خلف بهدوء: ماعليها وعد خوف
ندى: وش فيكم متحاملين على الرجال ما سوى شي
سالم : يعني اذا سوى
ضحكت وعد : ماعليكم
ام خلف : انتم ليش هنا !؟ روحوا عند الرجال
خلف : ايييه روحوا
ام خلف : وانت وين بتروح !؟ خلف : بروح اجهز الذبيحه عشان الغداء واعزم الجيران
ام خلف: زين
رجعوا لمبارك ورجعوا البنات لوعد اللي كانت قد ماتقدر تكون واثقه وقويه
مضاوي: هاه وعد ان شاء الله مرتاحه
ابتسمت وعد : اووه فوق ماتخيلون
اماني بمزح: يعني ممكن نشوف تطورات وحب وغرام !
ابتسمت وعد : اذا صارت بتشوفينها
عهد باستهزاء : لا عاد دوري التطورات عند كل البنات الا وعد
لفت لها وعد بكرهه مخبى: اييييه صادقه تدور السخافات عند كل الناس الا عندي تعرفيني ماني حي الله ولا اجي على وجهي من كلمتين حلوه
ناظرتها مضاوي بهدوء والكل سكت وسكتت وعد
_______________________.
وفي مجلس ابو خلف
كان عقاب مسلط انظاره على مبارك كان يشوفه يسولف ويتكلم لكن يبان عليه التفكييير وعرف عقاب ان وعد لها يد واكيد سوت شي وكان ينتظر الفرصه اللي يختلي فيها بمبارك لكن ماعطوه فرصه وانصدم اول ماسمع مبارك يقول انه بعد الغدا بيسافر شهر العسل
صد وهو يقول ( هاذي بدايتها يا مبارك وخلتك تسافر وانت ما تحب السفر لكن هين الله لا يخليني ان خليتك تسافرين )
ماصدق طلعوا كلهم وابتسم وهو يقول :والله الظاهر انك استسلمت ! وييين السفر وانت وييين اخبرك ما تحبه !
صد مبارك بهدوء: وش نسوي ياعقاب اسم إنا عرسان
ضحك عقاب باستهزاء وخبث ولعانه :ايييه اجل كلام النهار يمحيه الليل يا عريس
.
.
.
ضحك عقاب باستهزاء وخبث ولعانه :ايييه اجل كلام النهار يمحيه الليل يا عريس
التفت مبارك بحرج: ابد كلامي ثابت لكن ما ودنا نزعل بنت عمك ونقصر عليها
قرب عقاب بهدوء وابتسم: القصور ما تجي منك يامبارك لكن الحق ينقال وانت رجال راتبك على قد حالك وديونك تاخذ راتبك كله وأجار بيت وتقسيط سياره وحالك يشوف الطريق ! وحنا مانبي منك الا تحفظ بنتنا وتكون رجال صالح مانبي منك لا سفريات ولا تضغط على نفسك ولا زوجناك الا ندري انك كفو والسفر ماهو مهم هالوقت اصبر لين تعدل امورك وسافر بعدين
لف مبارك على عقاب بهدوء: والله انك صادق بس !
عقاب: لا بس ولا هم يحزنون قلت لك انت عندك أولويات واذا تفكر ان وعد بتزعل ابد ماعليك وترا حنا عايله مانحب السفر الواجد والخرابيط واهم ماعلينا ان محل البنت بيتها لا سفر ولا بطيخ
ابتسم مبارك تطمن مادام اهل وعد مايحبون السفر ومتشددين يمديه يسوي اللي يبي : اجل خيرها بغيرها
وابتسم عقاب اللي حس ان مبارك اقتنع وتأكد انه خرب على وعد وارتاح شوي وهو ييقول بنفسه (اجل بتسافرييين وتدجين على كيفك معصي والله وانا عقاب )
_______________________.
في بيت النوخذه
بعد صلاة الظهر كان البيت هادي والكل في غرفهم يريحون شوي الا ليلى اللي امها حالفه عليها تنظف البيت ودق الباب وفتحت الباب بغضب متوقعته سعود اللي ازعجها هو والبزران يدقون الباب ورفعت المكنسه بغضب لكن نزلتها بفشله وشهقت
وابعدت عن الباب بسرعه وصد خلف بضحك وهو اللي كان جاي يعزم للغداء : افاا يا بنت النوخذه! كذا تستقبلون ضيوفكم
تفشلت ليلى : ع بالي سعود جنني من ساع يدق الباب وينحاش
ابتسم خلف بخفه : لا بارك الله في سعود هاللي ماعنده ذوق
ابتسمت ليلى بحب وهي تراقبه من فتحات الباب وكان خلف مبتسم على منظرها غاضب وقال: شلونك من بعد اخر مره
ابتسمت ليلى وهي تتذكر موقف البقاله وقالت تقلد كلامه : ابد من المسلمين اللي يؤمنون بالله ويحلفون انهم بخير وألف نعمه
ضحك خلف :هذا المهم
ليلى بهدوء : وانت !
استعجل خلف وقال: بخييير
وضحكت ليلى اللي كانت بتكمل سؤالها بس قاطعها ولف ضحك وهو حاااب ضحكتها كثيير : مادريت ان جوابي يضحك لذا الدرجه
تفشلت ليلى وقالت: لا مايضحك لكن استعجلت ماخليتني اكمل واقول ! وانت ليه ما تؤمن بالله وترحم نفسك وتلبس شي يدفي قلنا لك إحنا في فصل الشتاء وبرررد يامعووود
اخذ خلف نفس ملييييان حب وابتسم : ياامعووووده قلت لك إني اعيش في خامس الفصول وانا احتاج برررد يبرد على قلبي شوي وماعلي خلااف .
.

[صواديف عشاق]

.
اخذ خلف نفس ملييييان حب وابتسم : ياامعووووده قلت لك إني اعيش في خامس الفصول وانا احتاج برررد يبرد على قلبي شوي وماعلي خلااف وسكت وتدارك نفسه بسرعه اول ماشاف واحد جاي من بعيد وقال : كنت ابي ابوك وجابر
شهقت ليلى بخوف : شتبي فيهم!
خلف ببتسامه: وش فيك يا بنت الحلال من مروعك اركدي بسم لله علييييك بعزمهم للغداء عندنا ضيوف
ليلى بفشله: زين هم نايمين اناديهم الحين
همس خلف : عجلي عيون الناس تراقب
ركضت ليلى تنادي جابر اللي نزل وهو يسأل: منو عند الباب!؟
ليلى بكذب: ما ادري يقول يبي النوخذه وجابر
طلع جابر وابتسم : خلف حياك الله دش دش
خلف: لا لا مستعجل يامعووود
وابتسم اول ماطرت له بصوت ليلى لكن قال بهدوء: عندنا غداء لضيف وابوي يعزمكم عليه
جابر: ابشر اكلم ابوي وان شاء الله بنجي
خلف : يلا ينحتريكم اسلم وسلم
جابر: يوصل
راح خلف فرحان ومبسوط بهاللقاء السريع وكمل يعزم اما جابر دخل وهو على نياته يقول : هذا خلف عندهم عزيمه روحي قعدي ابوي
ليلى ببتسامه: من عيوني
ركضت تصحيه وهي ماتدري كيف انها قادره تتواصل مع خلف وكيف ماخافت لكن متأكده ان خلف يخلي اي انسان يتطمن له ويحبه
_______________________.
في بيت نادر
دخل وهو يدور على امه وابوه واتجهه لغرفتهم ودق الباب ودخل وهو يسكر الباب
ورفع راسه ابو نادر: وش جاي تبي!؟ تقدم نادر وهو يجلس قدامهم بضيق : بتكلم معكم في موضوع
ام نادر: وش قايله لك هالبزر بعد
غمض نادر بضيق : يمه اتركي هالكلام واسمعيني
ابو نادر: وش عندك!؟ نادر: ابي افهم وشوله تسوون هاللي تسوونه ليييه وش مسوي انا عشان ترغموني على هالحرب
ام نادر: حرب وشو بعد!؟ جلس نادر بهدوء وقال: يمه الله يرحم والدينك فهميني وشوله انتي متحامله علي وعلى شوق وش صاير لك!
ابو نادر: انت اللي انهبلت ومعاد تفرق معك ؟ وشو له متغير علينا من يوم تزوجت هاه ! قلت بتزوج وزوجناك ماهقينا ان هاذي تاليتك
نادر: تراني تعبت وانا اعيد هالكلام! ايييه قلت لكم زوجوني وزوجتوني ما قصرتوا ؟ لكن زوجتوني بزززر بزر الفرق بيني وبينها عمر !طفله عمرها ظ،ظ¥ سنه ويوم سألت قلتوا كبيييره خليتوني ابنيييي في راسي اشياء كبيره انهارت كلها وطاحت فوق راسي اول ما شفت هالطفله تنتفض قدامي خايييفه ماتدري من وين تلاقيها من اهل ولا هالرجال اللي قدامها ! وقلت آمنت بالله مالنا الا نزضى لكن اشوف إنا رضينا بالهم والهم مارضى فينا ! .
.
خليتوني ابنيييي في راسي اشياء كبيره انهارت كلها وطاحت فوق راسي اول ما شفت هالطفله تنتفض قدامي خايييفه ماتدري من وين تلاقيها من اهل ولا هالرجال اللي قدامها ! وقلت آمنت بالله مالنا الا نرضى لكن اشوف إنا رضينا بالهم والهم مارضى فينا !
ابو نادر : امك كانت بعمرها يوم تزوجتها وهذا هي بخير وعافيه
ضحك نادر بضيق : ايييه كانت كبرها لكن تقدر تقولي وش صار فيها!؟ تزوجت وهي طفله لكن وش نتيجتها حملت بطفل واحد وهي صغيره وصارعت الموووت ونتيجة هالصراع صارت ما تقدر تحمل وتولد نهائياً تتذكر وش صار ولا ماتذكر ! وانتي يمه كم مره حكيتي وقلتي لي وش كثر كنتي تعبانه ! قلتي لي انك صغييييره ماتدرين وش يصير معك !؟ قلتي مصايب واجد صارت لك! ما خفتي على شوق بعد ماخفتي على بنت اختك
سكتوا كلهم ووقف نادر بضيق : فكروا زييين يمه فكروا في العواقب انا راضي وانا قااابل بشوق لكن اتركوني اعيش براحتي واتركوا هالمسكينه في حالها وانا ما رح اضر شوق ابد لو جلست عمري كله انتظر واراعيها وانتبه لها حتى من نفسي انا ما عدمت انسانيتي للحين
طلع وتركهم وهو خلاص تعب تعب اتجهه لشوق وهو منهد حيله دخل وشافها جالسه بنفس الهدوء اللي تعوده عليها قبل تفز شوق وتستقبله انصدمت اول ما قرب نادر وجلس قريب منها وهو يحط راسه في حضنها وكان يؤمن رغم ان شوق صغيره لكن يحس بهدوء وامان مجرد مايكون عندها
ابتسمت شوق بضيق وهو تمسح على شعره بهدوء ماكانت بتتكلم لانها تعرفه وش علته وهي بعد متضايقه من ضيقه
_______________________.
وفي بيت ابو خلف
بدوا الرجال يجتمعون في بيت ابو خلف وكانت وعد تساعد البنات وكانت حدودها واضحه محد يقدر يتخطاها ويسألها اي سؤال تافهه
وبعد ما تمت العزيمه والكل راح بيته رجع سالم يركض : وعد مبارك يقول يلا مشيتوا
صدت وعد بضيق وهي تحضن البنات وتودعهم واخذت اغراضها وطلعت سلمت على ابوها وخلف وفيصل وراحت لمبارك وكانت تشوف عقاب مبتسم ومن ابتسامته عرفت انه مسوي شي بس وشو!
ركبت ولفت تناظر مبارك اللي كان ساكت ولا رد واول ما وصلوا البيت نزلت وهي تبي تجمع الاغراض لكن وقفت ووقف شعر راسها بغضب اول ماقال مبارك : رجعي الاغراض ماحنا مسافرين
لفت وعد وهو تقول : نعم!!؟ مبارك: اللي سمعتيه انا رجال علي ديون والتزامات مقدر اسافر
تكتفت وعد بغضب ولافقدت نفسها وهي تقول : لاااااااااا والله !؟ وين كلامك هذا امس ولا توك الحين تذكر ديونك والتزاماتك
مبارك: انا ماني ملزوم ابرر وقلت لك مانقدر يعني مانقدر ولا تزعجيني احسن لك .
.
مبارك: انا ماني ملزوم ابرر وقلت لك مانقدر يعني مانقدر ولا تزعجيني احسن لك
ضربت الطاوله قدامه بغضب : ماهو على كيفك تقول كلمه وتغيرها يامبارك وماهو في صالحك اللي تسويه
مبارك وقف بغضب : اقولللللك اص وصوتك لا يرتفع احسسسن لك
وعد بغضب وهي متاكده ان عقاب اثر عليه ماتوقعت مبارك هزيل لهدرجه : لا برفعع صوووتي لاني حسبتك رجال وكلمتك وعد وطلعت خييييخه
طارت عيون مبارك بغضب: وشوو انا رجال غصبٍ علييييك وعلى اللي مايرضى ياقليلة الادب
وعد: رجولتك كلااااام يا استاذ وافعالك هوووى
هنا فقد مبارك نفسه واتجهه لوعد غاضب وهو ناوي يضربها لكن تصدت له وعد وهي تدافع عن نفسها وتدفه لكن تطور الموضوع من كلام وصار فعل لاثبات الرجوله وهي انهبلت وهي تدف مبارك لكن كان غضبان ولا يسمع ولا يشوف الا اللي براسه
وكان يصرخ بغضب: عطيتك وجهه لكن ما ينفع معك وانا اللي بربيك ياطويلة اللسان
وانقض عليها اللي ما توقعته وعد انها تقدر تهاجمه بهالغضب وضربته بالمزهريه اللي جنبها وقف يناظرها وفي لحظة تعبى وجهه دم والدنيا حولها دم وطاح مبارك عليها مليان دم وشهقت وعد برعب وهي من الغضب والكرهه طلعت حرة عقاب في مبارك اللي له نصيب من غضبها والله ماكان ناوي لها نية طيبة صرخت وهي تدفه ببكى وتناظره بذهول طايح غرقان بدمه
_______________________.
وفي بيت ضاري
كان يناظر امه اللي تستعد وتجهز عشان العصر يروحون بيت ابو ناصر وكان مبتسم وهو يناظر امه بأمل
ام ضاري : وش بلاك تناظرني
ضاري : فرحان فيك يمه
ضحكت ام ضاري وهي تحضنه: بتفرح زووود يمه اذا شفت مضاوي وشفت وشلون هي البنت اللي تناسبك
ابتسم ضاري وضحك: من بدايتها واضح انها بتناسبني دام اسمي واسمها يتشابهون
ام ضاري : يالله يارب انك تكتب لوليدي النصيب الطيب معها يالله
وقف ضاري ببتسامه: امييين امين
ام ضاري: يلا يمه اجهز مابقى على العصر شي
ضاري : من عيوني الثنتين
دخل يجهز وهو مايدري ليه متأمل لهدرجه لكن خايف من خيبة الظن ومن عقاب ومن نفسه
_______________________.
وفي بيت الجد قايد
كان محمد يعطي البنات خبر يجهزون لان بيجون رجال وكانت ام ناصر عندها خبر بالموضوع وطول الوقت وهي معزره في هيا متوقعه انها المطلوبه ومضاوي خارج الحسبه ومحد حاط في باله انها المطلوبه وحتى هي بنفسها
كانت جالسه قدام عقاب وعزوز وشهد وتسولف معهم وتقشم حب
ابو ناصر بغضب: انتي مالك نيه تصيرين سنعه وتقومين تشتغلين مع البنات
مضاوي : والله اني سنعه لكن اليوم مالي خلق وبارك الله في هيا وبنات اخوي .


مضاوي : والله اني سنعه لكن اليوم مالي خلق وبارك الله في هيا وبنات اخوي
عقاب : وانتي مالقيتي تصيرين رفله ( ماهي سنعه) الا يوم الموضوع فيه خطبه
ضحكت مضاوي : ابد امر الله من سعه ادري محدٍ مدورني
محمد: اجل دام هذا وضعك قومي قومي رتبي اغراضي من زمان ماترتبت
مضاوي بتفكير : ما كإنك ابطيت ماسافرت
ضربتها ام ناصر بغضب: وانتي وشوله تذكرينه
محمد : قاعد على قلبك !
مضاوي :اااه ، لابالعكس مستانسه فيك
عزوز: عمي صدق ما تبي تسافر
محمد : لا تعبت بريييح شوي
ام ناصر: وش رايك تريييح وتزوج وتعقل
محمد بضيق: لا لا لا اتزوج ولا هم يحزنون وانا بروح انام شوي اذا جو الناس صحووني
الكل : زييين
تفرقوا كلهم الا عقاب ومضاوي اللي جالسين وجت عهد وجلست
عقاب : وش فيك انتي متضايقه!
عهد : ولا شي
جات سحر وهي تقول : عقاب اليوم كلمتنا جدتي ام امي
عقاب: والله وشلونها
سحر: والله زعلانه بالحييييل تقول ليه مازرتوني من العيد
عقاب : يوووه صدق مارحنا لها
شهد: تكفى اذا بنروح ما حنا مطولين
عزوز: ايييه عندهم ضيقة صدر
عقاب : بس انت وياها
عهد : بنروح!؟
عقاب : بشوف بشوف
سحر: تراها اصرت انك تكلمها ضروري
عقاب : طيييب والله مالي خلق هواش وسفر بعد
ضحكت عهد باستهزاء وهمس: مخلين السفر للجنيه
سمعها عقاب ولف : وشو !
عهد : لا بس افكر وعد سافرت ولا باقي
صد عقاب يخفي ابتسامته لكن لقطته مضاوي اللي متوقعه انها غصة وضربت عهد بغضب:وش تبين فيها الله يستر على المسلمين ويهنيهم
عهد: الله يستر عليها والا الهناء وااضح انها مبسوطه ماعليها
سحر: عههد
سكتت عهد وطلعت وبقى عقاب اللي سرح يفكر( كيف بتواجهه وعد رفض السفر !؟ كيف بتصرف لكن كان متخيل قهرها ويضحك عليه)
_______________________.
وفي بيت النوخذه
في قمة الهدوء وصوت الراديو يشتغل كسر الصمت جابر اللي قال: اقول يبه
ابو نهيان وهو مشغول في الجريده: شنو !
جابر بهدوء: ماصار في خاطرك تزوجني
تركوا كل شي ولفوا وشرقت ليلى مد جابر يده يخبطها : حلو حلو
ام نهيان: يمهه جابر صچ هالكلام
ابتسم جابر: يعني اشوف انه وقته
ابو نهيان ابتسم بفرح: اييي والله وقته وتأخرت واييد يا ابوك
جابر: مافات شي ودامني لقيت الناس اللي يناسبوني قلت احاچيكم بالموضوع
ابو نهيييان: ماشاء الله ومنو هالناس
ام نهيان: يالعييييار حاط عينك على وحده ولا قايل لي
جابر بسرعه: لا يمه انا ماحطيت عيني على احد بس اهل البنت طيبين وقلت قربهم شرف
ابو نهيان: ومنو!
جابر بخوف وترقب: بيت القايد تحديداً بيت ابو خلف ومن خوات خلف انا عرفت ان عنده خوات مو متزوجات
.
.
.
جابر بخوف وترقب: بيت القايد تحديداً بيت ابو خلف ومن خوات خلف انا عرفت ان عنده خوات مو متزوجات
ام نهيان: ياولدي شنو جابك هنيه! ديرتنا مليانه بنات
جابر: الله يخلي بنات الديره لاهلهم لكن انا ابي من هنيه
ابو نهيان : وعلى اي اساس تبي تتزوج من هنيه !؟
جابر : على اساس اني مرتاح لناس وابي اناسبهم
ابو نهيان : وتدري عن الناس لو يبون يناسبونك او لا !؟ جابر: وليه مايناسبوني يبه!؟
ابو نهيان: الناس لهم اعراف وعادات وتقاليد !؟ وبنات ابو خلف لهم عيال عم ولا ناسي ان اغلب العادات تقول ان بنت العم لولد العم
ليلى : بس يبه خوات خلف واجد
لفوا لها بغضب وكمل جابر: نجرب يبه مافيها شي
ام نهيان : واذا رفضوا!
جابر: قسمه ونصيب
وقف ابو نهيان: خلني افكر
وراح وتركهم وراه ولفت ام نهيان بضيق: والله خايفه يرفضون يمه
ليلى: تفائلي بالخير يمه
ضربتها امها بغضب: بس انتي اكيد انه من تحت راسچ يالسوسه
صدت ليلى بألم ووقف جابر وطلع وهو خايف من رفض ابوه اما ليلى تدعي ان كل شي يتم لان وقتها بينفتح بها باب هي وخلف
_______________________.
وفي بيت مبارك
كانت وعد واقفه برعب تناظر بمبارك لكن صحت من رعبها وهي خايفه ان يصير شي له ركضت وهي تجيب المناديل وتوقف نزيفه سحبت بخوف وهو يتغسل جرحه وتحاول تتعامل معه سكرت على الجرح مدت يدها لرقبته تتأكد من النبض وارتخت براحه اول ماحست بنبضه وركضت تدور اي شي يصحيه من غيبوبته جابت عطر وهي تمرره عند خشمه وفتح عيونه مبارك لكن دايخ
سحبت اي شي يسند راسه وهي تحاول توقف النزيف ورفعته وهي شاطره بالاسعافات الاوليه اللي تعلمتها من خالها ماجد وكان معطيها شنطة اسعافات متكامله وفيها كل شي وركضت تجيبها وبدت تنظف الجرح وتعقمه وقدرت توقف نزيفه وماكان كبيييير داومت الجرح ولفته بطريقه محترفه كأنها بالمستشفى وكأنه كان بالمستشفى اصلا وكان معها مسكن وبعض ادوية الصداع رتبتها ونظفت المكان ورجعت لمبارك تصحيه وتنادي ليييين صحى وهو ماكان يدري وش يصير حوله اعتدل هو ماسك راسه بألم ولف يناظرها بغضب لكن لف يناظر نفسه بالمرايه مصدوم من ضماد اللي على راسه لف يناظر نفسه بذهول ويناظرها
وجلست وعد وهي تحاول تكون هاديه وكأن شي ماصار
ناظرها مبارك بغضب: من اللي لف على راسي
رفعت وعد كتفها بهدوء : مدري
وقف مبارك بغضب لكن جلس اول ماداخ والتفت :لا تلعبين بأعصابي يا وعد
وعد : شفيييك انت شفييييك قلت لك مدري شفتك طايح مدري كيف انضربت وطحت وركضت بتصل بالاسعاف بس رجعت شفتك ملفوف راسك مدري من لفه ولا ادري وش صار .
.
مدري كيف انضربت وطحت وركضت بتصل بالاسعاف بس رجعت شفتك ملفوف راسك مدري من لفه ولا ادري وش صار
مبارك بصراخ: وععععععععد اقولك لا تلعبييين بأعصابي وصدقيني صدقيني لأربيك لا تحسبين ماني منتبهه لك
ناظرته وعد بهدوء وقربت بخبث: مبارك قلت لك قبل لا تأذيني ويأذونك قلت لك لا تضرني ومارح يخلونك شوف وش سووا فيك وترا لو صار وعالجوك ماهو عشانك عشان ما اتضايق انا واحمد ربك ما ذبحوك
ناظرها مبارك بحده يشوف في عيونها الثقه ويتذكر قوتها وهي تدافع عن نفسها كانت قويه ومستحيل تكون قوه بنت وهذا غير طريقة معالجة الجرح المتقنه ابعد عنها وجلس والتفت يناظر الاوديه ويناظرها ونزلت وعد المويه قدامها وابعدت وجلست بهدوء وهي تراقبه تدري انه مصدوم وماهو مقتنع لكن بيقتنع غصب عليه وهالضربه تعليمه له
اما مبارك كان منهبل منجن ماهو مستوعب ابد اللي يصير
_______________________.
العصر في بيت ابو ناصر
الكل مستعد وابو خلف كان يدري ان ضاري خاطب بس مايدري انه لقيط والكل ينتظر
واخيراً وصل ضاري وهو مرتبك محتاس لكن منتبه لامه استقبله خلف بحب وهمس : وش بلاك مرتبك
ضاري : رهبة الموقف
خلف :خل صدرك شمالي امورك بتطيب ان شاء الله تقدم عقاب لام ضاري وفاجأهم : تفضلي ياخاله
لفوا مستغربين ود عقاب اللي ما استقبل ضاري لكن كان احترامه لام ضاري واضح
دخلوا ام ضاري واستقبلتها ام ناصر وام خلف وام وعد يرحبون فيها
ودخل ضاري للمجلس وجلس يراقبهم بعيونه وارتباكه واضح
ابو ناصر : كيفك ياضاري
ضاري : حمدلله يا عمي انت وشلونك وكيف صحتك
ابو ناصر : بخير حمدلله
لف ضاري على الكل: كيفكم جمييييع
الكل: حمدلله
التقت نظراته بنظرات عقاب اللي كان يناظره بهدوء
وقال ضاري : العلم سلامتكم يا جماعه والموضوع انت عارفينه قبل لا اجي وخلف ما قصر وانا ياعمي ابو ناصر جايك وناصي بيتك وشاري نسبكم وطالب قربكم واخطب يدك بنتكم مضاوي
ابو ناصر: تشرفنا يا ولدي وان شاء الله اني اشوف فيك الرجال الكفو اللي يستاهل كل طيب
ضاري : الله يسلمك يا عمي
محمد :قلنا يا ضاري وش تشتغل فيه
ضاري بهدوء : اشتغل في احد المحلات فالسوق
ابو خلف : وكم راتبك
ضاري : خير وبركه يكفيني اعيش
ابو ناصر: يفتح لك بيت يا ولدي
ضاري : ان شاء الله
بدت الاسئله تنهل على ضاري والكل خايف من ابو خلف لكن استئاذن وطلع بزعم انه مشغول وارتاحوا كلهم وصار الهم الاكبر الحين عقاب للي ساكت ويراقب ضاري كان متوقعه يخطب هيا لكن مضاوي صعبه مضاوي اعز وحده على قلبه يتزوجها ضاري ابغض واحد على قلبه كيف بيبلع هالموضوع كييف !؟
.
.
.
وفي قسم الحريم
كانت مضاوي مسترخيه ماهي متوقعه اي شي لكن انصدمت اول ماجت ام ناصر اللي صاده بضيق:مضاوي قومي جيبي لنا القهوه
مضاوي : وش دخلني تجيبها هيا
ام ناصر: قومي بس
وقفت مضاوي بدون ما تسأل وراحت وهي تاخذ القهوه ودخلت مبتسمه واقبلت وهي تنزل القهوه واتجهت لام ضاري وهي تبوس راسها بعفويه: وشلونك ياخاله ان شاء الله انك بخير كيف امورك بعد اخر مره جيتينا
الكل ناظرها بفشله وهم متعودين على حياء البنات بهالموقف بس مضاوي ماتدري بشي
ام ضاري ابتسمت: بخيير يا امي بخير
ام خلف وقف تاخذ القهوه: خليها يامضاوي
مضاوي : لا والله بصبها خليها ارتاحي انا بقهوي خالتي ام ضاري
انجلطوا كلهم وابتسمت ام ضاري اللي قالت لهم انها تبي مضاوي وكان المفروض هاذي شوفه لها لكن مضاوي حاست الدنيا
وهمست ام خلف : مضاوي روحي الحرمه تخطبك انتي لا تفشلين نفسك
هنا انصدمت مضاوي تمنت الارض تنشق وتبلعها تركت كل شي وطلعت وهي وجهها اسوووود بمعنى الكلمه اسود
سحر: بسم للله وش فيك !؟ ندى:لايكون احرقتي العجوز !؟ حنان: مضاوي وش بلاك
ناظرت مضاوي هيا بخوف : مب قالوا بيخطبونك!
هيا ابتسمت: لا بيخطبون وحده منا وشكله انتي
شهقت مضاوي وهي تضرب راسها : يافضيييييحتي يافضيحتي وش بتقول عني الحين بتقول ما تستحي بتقول مافي وجهها حيا
اماني : افااا سحبتي على الچويتي
مضاوي: مب وقتك الله ياخذك
هيا: وش هببتي اخلصي
مضاوي : ابد طال عمرك درعمت على العجوز واتخطفها واسلم عليها واحلف اصب القهوه لخالتي ام ضاري
عهد : الله يفشلك يالخبله
ندى: ليييه ماقالوا من البدايه
ضحكت اماني: مضاوووي لايكون هو الخبل اللي دفع حساب خلف
فجاه انقلب المطبخ ضحك ومضاوي تناظر بفشله تذكر علاقة ضاري مع خلف الغريبه وشكلها وهي داخله على امه وكانها بتموت على ماتتزوج
_______________________.
وبعد الخطبه طلعوا ضاري وامه بعد ما قالوا لهم بنفكر ونرد لكم وكانوا متفائلييين وكان بيت الجد قايد يفيض بالضحك على مضاوي واللي صار معها وانتشرت سالفتها والكل يضحك الا عقاب كان يناظ بهدوء
وجلست مضاوي جنبه بفشله: للله ياخذكم وش دراني
عزوز : ليه انتي خبله ماتعرفين تكونين ذربه
شهد : ماعطتك وعد من الثقل
لف عقاب بغضب: قم انت وياها وطس
راحوا مستغربين غضب عقاب وفضى السطح ولا بقى الا مضاوي اللي من يوم ابوها ومحمد فتحوا الموضوع وبلغوها تستخير وهي محتاره
ولف عقاب عليها: وش فيك انخبصتي
مضاوي: بعد ليه ! شايف وش يصير
عقاب: اشوف لكن انتي موافقه!؟
مضاوي ناظرته بهدوء: ليه انت مو موافق !؟ .

.
عقاب: اشوف لكن انتي موافقه!؟
مضاوي ناظرته بهدوء: ليه انت مو موافق !؟ عقاب : ماهو مهم المهم انتي!وبعدين قالوا لك كل شي عن ضاري
مضاوي : لا
عقاب اعتدل وهو ما يحاول يخرب لكن ماكان راضي تماماً عن هالزواج ويعتبر نفسه مسؤول لازم يقول لمضاوي كل شي عن ضاري وقال : تدرين انه لقيط
لفت مضاوي بصدمه وهي تناظره بذهول : وشوووو !؟ وامه
عقاب : مربيته وهو صغير
تزلزلت مضاوي تناظر عقاب وتراقبه بذهول واول ماحس عقاب انها انصدمت قال: اذا سألتي خلف بيعلمك القصه كلها
وقفت مضاوي بصدمه ودخلت وهي ماهي مستوعبه كلام عقاب وتحاول تفهم كلامه ماتدري كيف تفهمه لكن على طول اخذت اغراضها وطلعت بيت ابو خلف
ندى: حي اللله العروس
مضاوي بضيق: وين خلف !
حنان: يلبس بيطلع ليه!؟ مضاوي تكرتهم وطلعت لخلف اللي كان يرتب نفسه تحسباً لأي صدفه وكل ما يطري له منظر ليلى في كل مره يشوفها يوجعه قلبه
في عز احلامه فتحت مضاوي الباب ودخلت وهي تقول : سالم غيث فيصل برا
لفوا يناظرونها بذهول وقال فيصلل: بيتنا يالعمه بتطردينا
خلف : قم قم انت وياه يلا
طلعوا والتفت خلف وهو شاك ان عقاب قال شي: وش فيك
مضاوي بتردد: لازم تعلمني كل شي عن ضاري
خلف جلس هو يجلسها: وش كل شي!؟ مضاوي : كل شي كل شي ماهو صديقك ! بتقولي كل شي عشان اقرر
ابتسم خلف بضيق: يعني عقاب قالك؟
مضاوي: ليه وش ناوي تخبي!
خلف : ماني مخبي شي بس عقاب سليط ولا يعرف يشرح لامور
مضاوي: زييين ياخلف اشرح انت
اعتدل خلف وبدا يشرح لها عن ضاري كل شي وكل سطر يقوله يقشعر بدن مضاوي ومن كثر ما خلف يمدحه حسته ملاك لكن نظرة عقاب تهمها
خلف : هذا انتي تعرفين كل شي وانا ما امدحه عشان توافقين لا بالعكس انا اكلمك عن رجل لو رفضتيه انا مستعد ازوجه من خواتي
ناظرته مضاوي بذهول : خبل انت !
ضحك خلف : انا صادق ضاري يستاهل اني اسعى له بحياه حلوه ولا تسمعين لعقاب وانتي تدرين عقاب ما يحب احد بسهوله ودايماً عدواني وكرهه لضاري كله غيره
وقفت مضاوي بضيق: مشكور صراحه
طلعت وتركت خلف اللي وقف مبتسم مايدري وش قرار مضاوي بس ان شاء الله خيير
_______________________.
وفي بيت
ام ضاري كانت مبتسمه وهي تسولف لضاري وتحكي عن مضاوي اللي ماكانت تدري بشيء وكيف استقبلتها
رجع ضاري لورى وهو مبتسم : اذا فيها خير يمه الله يجيبها
ام ضاري : الله يكتب كل خير
ضاري : بس تدرين يمه حسيت ام ابو خلف ذا بيوقف في بلعومي
ام ضاري : ليه يمه !؟ ضاري : هو معروف انه اقشر بس نظراته ما تريح
ا.
.
.
ام ضاري : ليه يمه !؟ ضاري : هو معروف انه اقشر بس نظراته ما تريح
ام ضاري : ماعليك منه يمه انت مافيك شي ينعاب
انسدح ضاري على رجلها بحب : ياليت كل الناس تشوفني ب عيونك يمه كان انا سلطان زماني
ضحكت ام ضاري وهي تمسح على شعره : اللي راضي عليه الله بيشوفك سلطان واللي ما يخاف الله بيشوفك راعي خير
ضحكت ضاري : يعني فكل الحالتين سوقي ماشي عندك
ام ضاري : ايييه محدٍ مثل ولدي
سكت ضاري وهو مايهمه احد بعد كلام امه
_______________________. في بيت مبارك
كان يحوم ويدوم وهو يحس راسه بينفجر من الوجع ومن التفكير يبي يعرف اذا وعد صادقه او مخادعه لكن اللي صار ماهو بسيط ولازم يكون له راي وكلمه وكل ما لف يناظرها يشوف هدوء غريييب عجيب وهذا شي اربكه
اما وعد كانت على كثر قهرها الا انها عارفه كيف تلعب وبتجنن مبارك وتجنن عقاب معه وتاخذ حقها منهم كلهم ولفت وهي تقول : ارتب الشنط!
ناظرها مبارك بحيره وقال: رتبيها
وقفت مبتسمه وجهزتها وقرر مبارك يسافر كم يوم ومنها يفك نفسه هالشر ومنها يستفرد بوعد ويشوف صدقها من كذبها
واول اتجاهاته لمكه وهناك بيعرف زيين اذا هي فعلاً فيها مس او الموضوع تلفيقه
كذا رضت وعد وانبسطت واخذت اللي تبي والجاي اعظم
_______________________.
عند نادر
اللي قرر ياخذ شوق ويطلع لسوق شوي يهدي نفسه ويرفهه عن شوق وقف وكانت شوق ماتروح بعيد عنه ابد لكن ابعدت اول ماشافت خلف واقف وهو لابس كمامه ويسلم على نادر
نادر اللي رمى زقارته على طول ولف : وش فيك لابس الكمام تعبان
ضحك خلف : لا بخير بس امي طال عمرها طلعت يدها من الدريشه وحست ان الجو بارد وحلفت علي ما اطلع الا بها ولا بتزعل وانا ما اقوى زعل ميمتي
ابتسم نادر : الله يخليها لك
خلف :امين ، اخبارك انت!؟ نادر: بخير
خلف : بتجي الليله لمكانا ؟
نادر: لا ااسمع تكفى توني ادور ضاري بكلمه نبي نروح لتركي احس ودي احد يغني فوق راسي يطلع احاسيسي
ضحك خلف: ولله كلنا نفس حالتك لكن ابشر ادور ضاري واقوله لكن ماودي اخرك على نديمتك على قول ضاري مابيها تزعل عليك
ضحك نادر بضيق : ليت كلٍ سمح مثل نديمتي
ابتسم خلف : انت تفائل خير وكل شي يبدا كبييير ويصغر هونها وتهون
نادر: وانت صادق يلا يلا
خلف : الله معك وارد لك شوي
رجع نادر لشوق اللي لفت عليه ببتسامه : نادر شرايك بهالفستان
ابتسم نادر: حلو ولو ماهو حلو بتحلينه
ضحكت شوق بفرحي : طيب باخذه
نادر : ابشري اصلا خذي اللي تبينه
انطلقت شوي تجمع اغراضها وتاخذ اللي تبي ونادر متكتف يناظرها بكسرة خاطر

_______________________.
.
وعند مضاوي
اللي كانت تقلب موضوع ضاري براسها ماتدري كيف بتفكر تمنت لو وعد فيه وتقدر تشاورها بما ان وعد اعقلهم
لكن كانت واثقه بشهادة خلف وحتى عقاب ما ذمه ولا قال شي الا انه لقيط بس
تذكرت ام ضاري اللي كانت قمه فالطيبه واكيد ربته على الطيب بعد
لكن متخوفه من هالموضوع
وطلعت وهي تشوف البنات مجتمعين
ندى:بدت تسحب علينا الخايسه
اماني بضحك : شكلها نوت تخون الچويتي
مضاوي : خليت لك الچويتي خلاص برضى ببولد ديرتي
ضحكت سحر: وافقتي
مضاوي : لا بستخير بس اقهرها
حنان : عاد يا مضاوي خلف يحببببه
ووجدان: ويقول خبل زيك
مضاوي: اص انتي اص وش عرفك بسوالف الكبار
شهد: ترا ماصدقنا ان وعد تزوجت وماعاد احد يهاوشنا
مضاوي : ااااه ياوعد هذا وقتك والله
حنان :الله يستر عليها كلمت امي تقول مسافرين
هيا : ياحليلها سافرت
ندى: ايييه اكيد بتسافر عروس
عهد : عسى ما تفجع الرجال بس
اماني : لا حبيبتي الرجال بيموت عليها
عهد : اييه الله يهني سعيد بسعيده
صدوا كلهم بكرهه وهم مايدرون وش سبب حقدها على وعد
_____________.
في السوق
بعد ما قفل خلف المحل لف على صوت عقاب: اشوى لحقتك
خلف : زييين انك لحقت
قبل يكملون كلامهم اقبل عليهم جابر واستقبله خلف بحب وحراره
جابر: شلونك بعد اليوم !
خلف: حمدلله وانت كيفك وكيف النوخذه واهل البيت
جابر: بألف نعمه
خلف : وين ناوي تروح!؟ جابر: والله توني قفلت الدكان وبرّد البيت تعبان حيل بنام
خلف : كنت بعزمك لكن دامك تعبان مره ثانيه
جابر: اي والله يامعود ان شاء الله الجايات اكثر
خلف: يلا فمان الله
جابر: الله وياك
راح جابر وتحركوا خلف وعقاب وقال عقاب : كأنك موسع دايرة معارفك بالحيل
لف خلف ببتسامه: وليه ماتبيني اوسعها ؟
عقاب : لا وسعها لكن انتبه
خلف : ماعليك جابر رجال
عقاب : وش عندك طايح عليييه ومصادقه
خلف : ابد ابن حلال وطيب
عقاب : على قولك ،وين رايح الحين؟! خلف: :بنروح لضاري بنروح معه لتركي نادر خاطره احد يغني له
عقاب : الله يعين نادر بس ولا... انقطع كلامه بجيت ضاري اللي كالعاده ينادي من بعيد ببتسامه وكان الموقف مرتبك بينهم عقاب ماكان يبي يبين الشفقه على ضاري ولا يبي يوضح له شي رغم انه للحين مايطيقه لكن مايدري كيف بيتكلم معه بدون ما يبان عليه انه حزين عليه
وضاري كان خايف يشوف نظرة الشفقهه في عين عقاب وحزتها بينكسر كبرياءه كله
لكن تدارك نفسه عقاب وقال: اييييه اذا طريت المدري وش اسمه( يقصد الكلب) جهز عصاك
ضحك ضاري بغيض: لا معليك ماهو شرط كل يوم نطريك ولا جبنا عصا ولا سلك

[صواديف عشاق]

.
ضحك ضاري بغيض: لا معليك ماهو شرط كل يوم نطريك ولا جبنا عصا ولا سلك
صد خلف وهو يضحك:امانه خلاص ترا ملييييت منكم
ضاري: انا ما غلطا يغلط نرد عليه
عقاب : وخر وخر
خلف : اقولك وين تركي
ضاري : ينتظركم لكن موصيني باغراض اسبقوني بلحقكم
خلف : انا بنروح لنادر ناخذه بطريقنا
ضاري : يلا زين
اتجهوا لبيت نادر اللي كان قريب من بيت النوخذه وكالعاده كانوا العيال الصغار بالحاره يلعبون مع سعود اللي يدق باب النوخذه وتفتح ليلى وتعطيه حلاوه وتسكر وعلى هالحال لين شافه خلف وابتسم وهو يقول :عقاب كمل انت وانا بروح اجيب اغراضي بالمحل نسيتها
عقاب :عجل يلا
كمل عقاب ورجع خلف بعيد شوي وكان معه حلاوه اخذها لغيث وسالم لكن قرر يضحي بها وجلس بعيد شوي وهو يحطها بكيس وحط في الكيس ورقه خفيفه مكتوب فيها( اتركي هالسعود اللي اشغلك وخذي هالحلاوه الله يحلي أيامك وسكري الباب الشارع مليان ناس ورايح والجاي يناظر بيتكم ماودي غيري يصير مريض وليلى دواه ، ودامني مريت من عندكم قلت لازم اسلم عليك ، وعلى فكره وصلني انك تدقين عود وبما أن ليلتي اليوم محفوفه بهالطرب الحلو ابي نتشارك هالقصيده لكن انا بسمعها وانتي اعتبريها اهدا وغنيها لأن فعلاً بتعاتبني الدنيا كلها اذا مريت ولا سلمت
( الليل ياليلى يعاتبني ... ويقول لي سلم على ليلى
الحب لاتحلو نسائمه ... إلا إذا غنى الهوى ليلى
وطيب الشوق يحملني ... إلى عينيك ياليلى
لأجلك يطلع القمر ... خجولاً كله خفر
وكم يحلو له السفر ... مدى عينيك ياليلى
لنا الأيام تبتسم ... ولا همس ولا ندم
وماذا ينفع الندم ... نديم الروح ياليلى )
سكرها وركض لسعود وهو يناديه: سعودوووه تعال تعال
سعود : هاه
خلف: اسمع خذ هالكيس وده بيت النوخذه وعطه ليلى قلها هذا من وعد صديقتها فهمت
سعود : اختك وعد!
خلف: ايه اختي ولا تعطيه احد الا هي
سعود : زين
خلف : لا اشوفك تدق الباب كل شوي ازعجت الناس
سعود : طيب
ركض سعود وخلف واقف بعيد شوي ودق الباب وفتحت ليلى مبتسمه : شنو ياسعىوووود
سعود: خذي هالكيسه عطاني خلف يقول من اخته وعد لك
شهقت ليلى وجلست قدام سعود لكن ابتسمت اول ماشافت خلف واقف بعيد اخذته وابعدت تضحك ودخلت وسكرت الباب وهي كل يوم يجلطها خلف لكن ضحكت اول ماشافت الحلاوه وقرت الرساله ضمتها بضحك وهو تقول بهمس( وينچ يا مريوووم تشوفين قيس الحقيقي )
ركضت ليلى لسطح وهي تحيب عدتها وجلست مستعده تغني هالقصيده وتأمل كل كلمه فيها
_______________________.
وفي طريق السفر
كانت وعد متوتره من مبارك وشاكه في نيته وماهي متطمنه
.
.

.
وفي طريق السفر
كانت وعد متوتره من مبارك وشاكه في نيته وماهي متطمنه واول مادخلوا مكه واخذوا الفندق
جلست تراقبه بتفكير والتفت مبارك وشغل اذاعه القران ووقفت وعد تناظره
مبارك: وش فيك
تقدمت وهي تسكره بغضب: مبارك لا تستفزني احسن للحين جرحك طري
مبارك: كم مره علمتك عند هاللسان الطويل
جلست وعد بخبث جنبه وملاصقه له وهي تمسح على كتفه وجرحه وقالت بصوت هامس اهلك مبارك: مبببببارك يا عيني ليش ما تبي تفهم انا كل اللي اسويه عشانك انا احاول اعدل ظروفنا ومابي احد يأذيك بس انت ما تطيع !
مبارك انحبست انفاسه وقال : ومتى تعدل ان شاء الله ؟!
وعد: بتعدل بس انت طول بالك وخلنا ننبسط ونستانس بسفرتنا وهي كلها اسبوع ونرجع واوعدك كل شي يتعدل
مبارك: زييين ياوعد زيين
ابعدت وهي وهي تبتسم له ولا يقدر يقاوم ابتسامتها ولا يرد عليها
وبما ان خطته فشلت قرر ينام لكن قررت وعد تفكر فالجاي وتتصل بماجد يسجلها وتضمن اسمها ضمن القبول
جلست تنتظر ماجد اللي رد : هلا والله من معي
وعد : هذا انا وعد ياخالي
اعتلى صوت ماجد يرحب : هلا واللله هلا حي الله العروسه شخبارك وشعلومك ان شاء اللله مبسوطه
وعد : حمدلله بخييير ياخالي انت كيفك
ماجد: ماشي حالي
وعد : افا فيك شي
ماجد : والله ياوعد هذا وقت فزعتك
وعد :افا ياخالي وش فيك قلي
ماجد : ادري ماهو وقته وبزعجك في مثل هالوقت
ضحكت وعد : بسيطه ياخالي ولا ازعاج ولا شي قول اسمعك
ماجد : صراحه يا وعد ابي اخطب سحر بنت عمك
سكتت وعد بصدمه وقال ماجد: ادري بتنصدمين وبتقولين كانت خطيبة خلف لكن هي الحين مالها علاقه بخلف وانا صراحه من زمان ابيها لكن ساكت عشان خلف وبما ان مافيه نصيب بخطبها
تنحنحت وعد تطلع صوتها اللي اختفى من الصدمه: لا ياخالي لكن غريبه وش جابها على بالك !
ماجد بتردد: زمان شفتها وعرفت انها سحر ودخلت قلبي من زمان ومن حظي ان زواجها هي وخلف ما تم وكلمت امك لكن واضح ماهي راضيه وشكلي بتعب معها
وعد : انا والله انصدمت لكن سحر تستاهل كل خير وانت بعد لكن عقاب المريض وش بتسوي فيه وابوي والكل يعني تعرف انت انهم زعلانين للحين على فركشة الخطبه ومدري يرضون او لا
ماجد : وهذا اللي ابيك فيه ! ابوك وسحر وجدك وخلف اقنعيهم انتي وخلف يقنع عقاب يعني كل الموضوع عليك
سكتت وعد وهي تقول بنفسها ( انا مبتلشه بعقاب وانا ماسويت شي اجل لو بخطط لزواج اخته منك وهو مايطيقك وش بيسوي فيني ؟ )
ماجد: وش قلتي
وعد : ابشر لكن لا تخطب رسمي لين ارجع
ماجد: ماشاء الله وينك فيه؟؟ .
.

.
وعد : ابشر لكن لا تخطب رسمي لين ارجع
ماجد: ماشاء الله وينك فيه؟؟ وعد : في مكه لكن بنطلع قريب ونكمل سفرتنا لكن قبل قلت اذكرك تسجلني بالمعهد
ماجد:موافق مبارك!؟اخاف يسوي سالفه !
وعد: موافق ماعليك لكن لا يفوتني
ماجد :ابشري ترجعين تلقين كل شي جاهز
وعد : يابعد عمري ياخالي الله ينولك اللي في بالك
ماجد: امين ويلا روحي لزوجك مابي اخرك
وعد : زين
سكرت وهي تفكر في حل الحيييين صدق بتنشب في عقاب و والله لو يدري انها سبب في خطبة ماجد وسحر ليقلب الدنيا عليها صدق
_______________________.
ومن بكره في بيت ابو خلف
كان هاليوم راكد والجو هادي والكل عايش روتينه ومجتمعين على القهوه بالحوش
والتفت خلف على امه : ابوي وين !؟ ام خلف : مدري من الصبح اخذ بشته واغراضه وطلع
ام وعد : يقول معزوم
خلف : ايييه الله يستر عليه
حنان : عاد اليوم هاااادي والجو هادي
ندى: اصلاً بيتنا هاادي من يوم تزوجت وعد ووالله كانت مسويه جو
فيصل: من هالناحيه صدقتي
خلف : انا بروح بيت جدي احد بيجي معي
ام خلف : اي والله بنروح لخالتي اليوم ماجت مدري وينها
خلف : يلا اجل
التفت فيصل بملل: قلنا هادي وجونا هادي لكن اللي يعرف رابح صقر هاذي يعرف الراحه
لفوا كلهم على اماني اللي كالعاده معلقه المسجل معها وتنظف وتغني والصوت قمة النشاز
قبل يردون دق الباب وفز فيصل: حمدلله لله ربي ارسل لي عزوز ينقذني
فتح الباب وابعد باستغراب : يبه
ابو خلف : ايييه وخر وخر عن الباب واطلع جب الاغراض
الكل لف يناظر ابو خلف اللي دخل ومعه حرمه لكن محد يعرفها
ابو خلف : ادخلي ادخلي
خلف : يبه !؟ من هاذي
ام وعد : من هاذي !؟ ابو خلف : اجلسوا اجلسوا كلكم واسمعوني
محد جلس وكلٍ يناظره هالحرمه اللي بجنب ابو خلف
ام خلف : من هاذي يا ناصر
ابو خلف : هاذي حوريه زوجتي الجديده
عم الهدوء والكل فجأ اجتمعوا حول بعض وكلهم يناظرون بعض بذهول ومحد مصدق
لكن صحوا من صدمتهم على شهقت ام وعد :وشوووو
ابو خلف : سلموا عليها
كشفت حوريه غطاها وهي مبتسمه : سلام عليكم
محد رد لكن انفجرت ام وعد: تزوج ليييه!؟ وش مقصرييين عليييك فيه هاه
ابو خلف بغضب: اقصرييي صوتك
خلف : عمه اهدي
ام وعد : وشلون اهدا بعد هالعمر يتزوج وشوله يتزوج
ابو خلف: اتزوج ولا ما اتزوج محد له شغل وسلموا ولا ابعدوا عن الطريق
خلف : يبه ابيك شوي
ابو خلف : ندددى اماني حنان وجدان
لفوا البنات عليه بصدمه : سم
ابو خلف : نظفوا غرفة العيال وفضوها لحوريه
ام خلف : وشوووو غرفة العيال وين بتوديهم!؟ وبعدين بيتنا صغير يالله شايلنا ����

.
ام خلف : وشوووو غرفة العيال وين بتوديهم!؟ وبعدين بيتنا صغير يالله شايلنا
ابو خلف : اسسسسكتي ياحرمه انتي وياها وكلمتي وحده وانتم خلصوا بسرعه
خلف :يببببه
ابو خلف بصراخ: خلصوووا وانتي ياحوريه ادخلي المجلس لين تقضي الغرفه
دخلت حوريه المجلس وهي ساكته
ومحد كان مستوعب اللي صار ولا كلام ابوهم
واتجهه خلف لابوه: يبه الله يخليك انت صادق ! متزوج ! وبهالعمر
ابو خلف : ايييه صادق وبتزوج بهالعمر!؟ محد له علي كلمه
خلف : محشوم لكن وش ناقصك
ابو خلف : ماهو شغلك
خلف :زين لكن ليه ما توديها بيت ثاني يبه انت جايبها عند امي وعمتي ومستحيل يتقبلون !
ابو خلف :محد له شغل هذا بيتي واحط لللي ابي فيه وامك وعمتك اللي تبي بيتها بتسكت واسمعني زين وعلم اخوانك لو اشوف واحد يتكلم كلام ماله داعي والله والله لربيه من جديد
خلف عجز يرد لكن طلع متجهه لبيت جده محد يحل هالمصيبه الا هو
فتحت هيا: خلف هلا
خلف :هلا يا هيا وين جدي وعمي محمد
هيا: يفطرون
خلف : خذي لي طريق طيب
هيا : طيب
راحت ورجعت بعد دقايق : خلف تعال
دخل خلف وهو متضايق اتجهه لجده للي وقف بخوف اول ما لمح الضيق في ملامح خلف
ابو ناصر : خليف علامك يا ولدي
خلف : ابد طال عمرك تعال معي شف هالمصيبه اللي مسويها ابوي
محمد : بسم لله وش مصيبته
خلف : جاء ابوي معه وحده يقول انها زوجته
عقاب : وشو'!؟؟زوجته!
خلف: امي وعمتي حالتهم حاله
ابو ناصر: يا ولدي وش تبيني اسوي تزوج على سنة الله ورسوله
خلف : يا جدي يتزوج ماقلنا شي لكن ماهو كذا وهذا غير ان بيتنا صغييير يالله مكفينا حنا
محمد: اركد يا خلف اركد وبنشوف الحين هالزواج اللي محدٍ درا به
عقاب : بعد ما شاب ودوه الكتاب
ابو ناصر: اقصر الكلام ياعقاب، خلف ناد ابوك
رجع خلف وهو يشوف ابوه حايس الدنيا ويجهز الغرفه لحوريه وفعلاً بدا يفضي اغراضهم من غرفتهم وركض قبل لا احد يبعثر اوراقه اخذ الاوراق وكل شي وهو يلفها بجاكيته وركض لحنان اللي اكثر امانه بين خواته : حنان خذي هالاوراق خبيها ولا تعطينها احد ولا احد يفتحها خليها امانه
حنان :ابشر
نزل خلف وهو يشوف امه وعمته واقفات بصدمه ينتظرون حوريه لللي في لمح البصر نزلت عبايتها وجلست بقمة كشختها ولبسها وذهب ناظرها بذهول وصد وهو ماهو مرتاح لها لحق ابوه اللي صار بمجلس جده
شاف فيصل واقف متكتف بغضب ووقف جنبه
ابو ناصر: وش ذا الزواج اللي محدٍ درا به يا ناصر وشلون تدخل وتقول تزوجت كذا!؟ مالك اهل مالك والي !
.
.

.
ابو ناصر: وش ذا الزواج اللي محدٍ درا به يا ناصر وشلون تدخل وتقول تزوجت كذا!؟ مالك اهل مالك والي !
ابو خلف: انا ماني ولد وعقلي براسي واعرف خلاصي
محمد: محد قال انك ولد لكن اشرح ! مايصير زواج في يوم وليله ومحد يدري
لف ابو ناصر يناظر العيال وبعدين لف : ابد انا متزوج من فتره لكن حبيت اني اجيب زوجتي لبيتي هالمره
ابو ناصر: متزوج بعد من فتره
ابو خلف : ايييه
محمد : وش هاللي متزوجها من وين جايبها ؟
ابو خلف : اخت واحد من اخوياي مطلقه وتزوجتها انا لكن ماعاد اقدر اخليها في بيت وانا في بيت
ابو ناصر : ويييييين تجيبها !؟ بيتك كبر الكف بتحطها وييين
ابو خلف : انا ادبرها وهذا بيتي وانا ابخص
محمد: والله ما ظنتي تبخص وانت فالوقت للي المفروض تزوج عيالك فيه تتزوج انت
ابو خلف: ماسويت حرام ولا عيب
خلف : يبه ماينفع تسكن زوجتك معنا!؟ ابو خلف : وش رايك تطردها من بيتي
خلف: محشوم
فيصل بضيق : الكل مزحوم فالبيت ماحنا ناقصين نفس ثانيه !؟ يالله نعيش فيه
ابو خلف : فيييييصلوه اقصر صوتك لا ترفع صوتك علي
عقاب : وانت ياعمي ليه ما تاخذ بيت ثاني
ابو خلف : محد له نقاش معي وانا اسوي اللي ابي واللي ماهو عاجبه الباب يوسع جمل طلع وتركهم والكل يناظر فالثاني وقال عقاب : ما اقول الا الله يعينكم على مصيبتكم
ابو ناصر: والله مدري وش ورا هالزواج
طلعوا عيال ابو خلف للبيت والكل عرف والكل اجتمع وام ناصر تناظر حوريه بغضب لكن اتجهت لها حوريه ببتسامه بتسلم وصدت عنها : وخري عني
حوريه:شدعوه يا خالتي ماني يهوديه!؟ ام ناصر : اقول ابعدي عني احسن لك
ابو خلف: يييمه الله يخليك
ام ناصر: ياخساره ان هالذهبتين حريمك ماتستاهل طيب ام خلف وام وعد
صدوا بضيق وطلعت ام ناصر والكل صار حديثه هالسالفه واللي صار
والكل يراقب ابو خلف اللي يجهز بنفسه غرفة حوريه اللي تناظر البنات وحده وحده وهم يناظرونها بغضب وقهر
ابعدت ندى بقهر: اااه وينك ياوعد تجين ترنيييين هالحيييه
اماني : انا خايفه صراحه
وجدان: اااه يالقهر شوفوا شكلها هاللي ماتستحي
حنان: ياقلبي امي وعمتي مقهورين
ندى: بينقهرون اكييييد هم من عمر متصافين مع بعض ولا حتى عادين انفسهم ضراير بالعكس خوات واعز واغلى وفجإه تجي وحده ماندري منين جايه
حنان: الله يجيب العواقب سليمه
_______________________.
وفي بيت الجد قايد
جلست مضاوي بشهقه: وشووو متزوج هالشايب العايب
هيا:اسكتي لا يسمعك
مضاوي: خليييه يسمع اجل الحيييين بعد ماصاروا عياله رجال وبناته عرايس يبي يتزوج
عهد : ايييه مالهم امان الرجال .
.

.
عهد : ايييه مالهم امان الرجال
سحر: قهر على خالاتي
هيا: والله ضاق صدري عليهم حتى العيال مقهورين وخلف اول مره اشوفه متضايق كذا
شهد: طبيعي بينقهر هاذي هي من يوم طبت البيت انطردوا من غرفتهم
مضاوي: وششششو وطردهم بعد
سحر: ايييه بيجهز غرفه لعييين السيح
مضاوي : هذا يبيني ارووح اطربق البيت على راسه وراسها
هيا: اهجدي بس
اخذت مضاوي اغراضها ونزلت تركض لكن وقفها صوت محمد: مضاوي تعالي وين رايحه
مضاوي: بشوف وش مهبب ابو جهل
ضحك محمد : تعالي خلييه وش تبين فالمشاكل
ام ناصر: احكي بأدب عن اخوك
مضاوي : للله يسلمك يمه اخوي ما خلا ادب واحترام
عقاب: اص اص وش دخلك انتي يتزوج يطلقق رجال عاقل وعقله براسه امشي
محمد وقف وسحبها وهو يجلسها: خليينا منه علمينا عنك
انمغصت مضاوي : وش اعلمك !؟ ابو ناصر : ننتظر ردك ولا نسيتي
مضاوي توترت وتفشلت ونست اصلا سالفة ضاري مع هالكارثه لكن اول ماشافت الكل يناظرها لفت تناظر عقاب اللي يناظرها بتركيز وقالت في لحظة توتر وخوف : موافقه دامكم موافقين
ابعد محمد وهو يضحك: ايييه قولي كذا
ابو ناصر: الله يبارك لك
ابتسم لها عقاب اللي كان في قرارة نفسه يشوف ضاري رجال كويس لكن المكابر عنده اخذ دور
وتبدلت السالفه لخطبة مضاوي وكيف بيبلغون ضاري بالموافقه
_______________________.
في بيت النوخذه
نزلت ليلى وهي في قمة روقانها والفضل يرجع لخلف اللي ما تقرا كلامه يرفرف قلبها
شافتهم على الفطور وركضت وهي تبوس راس ابوها وامها
ام نهيان: لا عاد تأخرين على الريوق
ليلى: من عيوني
جلسوا بصمت وجابر ساكت وابوه بعد لكن فجأه لف ابو جابر وقال: كلم خلف ياجابر
لف جابر ونزل الشاهي : اكلمه بشنو !؟ ابو نهيان: ما تقول لقيت العروس كلم خلف يكلم ابوه ان اليوم بنزوره
استبشر جابر ولف بفرح: صچ يبه
ليلى صفقت بضحك : اللللله الللله اللله
ام نهيان ابتسمت بفرح: مابغينا نشوف هاليوم
فز جابر يبوس راسهم بوناسه: مشكور يبه والحين اكلم خلف
ابو نهيان: اركد اركد
جابر: ابشششر
ترك كل شي وركض وهو فرحان لانه من ايام يطري له طيف اماني وبدا فعلاً يحطها براسه زوجه وعروس
ولفت ليلى ببتسامه: يارب يصير نصيب
ابو نهيان: استانستي واجد!؟ ام نهيان: ايييه مو رفيچاتها وماي عيونها
ابتسمت ليلى وهي في نفسها تقول ( كل شي قريب من خلف بيصير ماي عيوني ) : بعد عمري والله
ابو نهيان: انا رايح البحر بشوف السفن والبضايع
ليلى بود : تاخذني وياك يبه
ام نهيان: بنت انتي شنو!؟ صبي انتي صبي شنو يوديچ للسفن قعدي اشوف
ليلى: يببببببه .
.
.
ام نهيان: بنت انتي شنو!؟ صبي انتي صبي شنو يوديچ للسفن قعدي اشوف
ليلى: يببببببه
ابو نهيان: قومي قومي وياي
ام نهيان: وي ياحسرتي ما ادري شلون بربيها وانت مدلعها چذيه
ركضت ليلى تضم ابوها بفرح: لله يخلييييه لي طول العمر
ابو نهيان: يلا زتچ
ركضت ليلى تلبس وهي فرحانه وام نهيان بدورها فرحانه ومبسوطه
_______________________.
وفي السوق
طلع خلف من بيتهم ضايق صدره مافي يده شي يسويه لكن اقل شي لازم يبعد عشان مايطق من القهر جلس بالمحل بغضب وهو متكتف ويفكر بس في حل يتفادى فيها هالبلوه للي في بيتهم
وفي عز اندماجه بهمه صحى على صوت دق على باب المحل ووقف ببتسامه: حياك الله
جابر: الله يحيك شلونك خليف
خلف:حمدلله انت شلونك
جابر: زييييين
خلف ابتسم: المزاج اليوم رايق
ابتسم جابر: اي والله وصراحه جاي لك بتكلم معك بموضوع
خلف : وشو تأمرني
جابر بتردد : ما يأمر عليك عدو وظالم لكن.. خلف : لا تستحي يا جابر
جابر بحرج: الحقيقه يا خلف انا ناوي ازوركم انا والوالد اليوم
ضحك خلف: وكل هالحيا عشان بتزورنا حياك الله في اي وقت البيت بيتك
جابر : لا مو هذا قصدي
خلف : وشو !؟ جابر : بنروركم خطاب
لف خلف بكل قوته لدرجة ان كاس الشاهي اللي قدامه طاح وانكب
وقف بسرعه يتدارك الوضع وارتبك جابر من موقف خلف اللي ابد ما توقعه كذا
اما خلف اللي كان كأن احد ضربه كف بكل قوته ما استوعب وهو يقلب في راسه السالفه وقال بذهول : مييين اللي بيخطب!؟ جابر ارتبك: انا يشرفني اطلب وحده من خواتك شافتها امي وقلت اتكلم وياك قبل
انقطع نفس خلف مايدري الموضوع صدفه او وشو وش جاب جابر لخواته!؟ وهو كان يفكر كيف بيخطب ليلى وهل بيقبلون فيه او لا !؟ لكن اللي صار في صفه ولو تزوج جابر وحده من خواته زواجه من ليلى مضمون
جابر اللي حس ان خلف انخبص وارتبك قال بحرج: قلت شي غلط ياخوي !؟ خلف بسرعه : لا لا شدعوه لكن انصدمت يعني تعرف انه موضوع مايطري لا على البال ولا على الخاطر
جابر بحرج: انا صراحه لما قالت لي امي ان عندك خوات ما رفضت ابد وانا يشرفني انك ياخلف تصير خال لعيالي
بردت اطراف خلف وابتسم: الله يسلمك يا جابر وانت والله انك رجال كفو وتستاهل كل خير
جابر: تسلم
خلف : والله مدري وش اقولك بس حياكم الله والوالد يستقبلكم ان شاء الله
جابر : زييين يلا فمان الله
خلف : فمان الله
راح جابر وتجمد خلف على طاولته يقلب الموضوع اللي طير عقله ونساه سالفة ابوه وزواجه !؟ هاذي فرصة عمره ولا بتكرر وماهي بس فرصه هي قنبله بتنفجر بين يديه لو رفض ابوه وبتطير بليلى من يده .
.

.
راح جابر وتجمد خلف على طاولته يقلب الموضوع اللي طير عقله ونساه سالفة ابوه وزواجه !؟ هاذي فرصة عمره ولا بتكرر وماهي بس فرصه هي قنبله بتنفجر بين يديه لو رفض ابوه وبتطير بليلى من يده
ماكان خلف ناقص حرب نفسي وجلس بضيق وهو شبه متاكد ان ابوه بيرفض لان ابوه مستحيل يقبل بزواج بعيييد مثل كذا
_______________________.
وعند ليلى
كانت مبسوطه لكن صدمها ابوها اللي اخذ طريق السوق يقول ان فيه اوراق بالمحل لازم ياخذها بس اخذتها حجه تشوف خلف
كانت تدوره بعيونها لكن شافته كالعاده طاولته عند الباب لكن مايشتغل هالمره سرحان وفي عالم ثاني
حاولت تلفت انتباهه لكن ماهو معها والضيق على ملامحه بينه لكن صحت على صوت ممدوح اللي يرحب في ابوها بصوت عالي: حياك الله يالنوخذه
وهنا لف خلف يناظر النوخذه لكن انصدم اول ماشاف خلف معه وتناظره وقف بسرعه مايدري كيف جت له الجرأه ووقف واتجهه للبقاله
وكان ابو نهيان واقف يجمع له كم غرض من البقاله ودخل ليلى معه ودخل خلف بعدهم وهو يحوس حولهم واول ماشاف ابو نهيان مشغول اسرع وهو يهمس لليلى: ليه ماقلتي لي عن موضوع جابر
تجمدت ليلى بخوف ماتدري وش موضوع جابر هل يقصد خطبته او السالفه كلها مع اماني
ولفت تناظر ابوها اللي مشغول وهمست بخوف وارتباك: ما ادري عن شي
خلف بنفس الهمس : تدرين انه من صالحنا لو حصل نصيب
ولفت ليلى بهدوء وهي تناظر عيون خلف: واذا ما حصل!؟ شنو بتسوي !
خلف اول ما تمكنت نظرتها من قلبه ماعاد عرف وش يقول كان لها نظره جباره تهزه هز
لكن ابعد اول ما سمع صوت خطوات وترك ليلى اللي لفت لابوها اللي يناديها وطلعت وهي ماتدري وش نية خلف! ( وهي تدري لو ماصار بين اماني وجابر نصيب بيخرب كل شي وهنا اللي لازم خلف يثبت موقفه فيه)
طلعت وهي تدري انه واقف وراها ويراقبها
اما خلف ترك كل شي ورجع لدكانه وهو لازم يضبط وضعه سواء صار نصيب او لا ومستحيل يسمح ان شي بسيط يطير ليلى منه
_______________________.
وعند نادر
اللي من بعد اخر الكلام بين امه وابوه ركدت الامور ومبدئياً محد مزعجه ابداً او مزعج شوق
طلع بعد ما لبس وهو يسلم عليهم ولف يناظر شوق : طالع لخلف شوي وارجع
شوق : الله يستر عليك
ابو نادر: انا بروح معك اجيب اغراض البيت
نادر: زيين
طلع بعد ما ودع شوق واخذ طلباتها كالعاده ماكان ابوه يسولف معه او بينهم موضوع لكن سمع ابوه يقول : اللي انت تسويه غلط!؟ والدلع ماينفع ! بتخليها كذا بكره ماتقدر تسيطر عليها
ناظره نادر بضيق: وش لازم اسوي يعني!؟ .
.
.
ناظره نادر بضيق: وش لازم اسوي يعني!؟ ابو نادر: تعرف اللي لازم تسويه زيين وعمرك يمشي يانادر وانا ابي حفيييد
اول ماوصلت المعلومه لنادر انحرف عن الطريق واتجهه لمحل خلف بضيق ومارد وهو رافض هالفكره كلها ومايدري متى بيتركونه بحاله وصل وشاف خلف مكتف بحيره
ضربه بخفه على كتفه: خليييف وش فيك يا سمح الخاطر ضايقٍ خاطرك
ابتسم خلف وهو يقول : اول شي بارك لي صرت خطابه كل من نوى يخطب جاء وكلمني
ضحك نادر: من خطب !؟ خلف: اول شي ضاري خطب عمتي !؟وثاني شي تخيل ان جابر ولد النوخذه جاي يقولي بنزوركم نخطب
اتسعت عيون نادر بصدمه: لحظه لحظه قبلل جابر !؟ ضاري متى خطب
خلف : عاد ضاري سالفته سالفه
نادر: سمعني ؟
خلف بدا يقوله سالفة ضاري وهنا انهبل نادر ووقف : خلف انت متأكد هالكلام!؟ خلف : ايييه
نادر: وشلون!؟ وماحسينا!؟ ولا احد جاب طاري!
خلف : هذا اللي صاير
نادر: طيييب! وش قالوا جدك وعقاب والكل !؟ اكيد رفضوا واكيد عقاب هالشين قلب الدنيا لقى له عذر الحين
ابتسم خلف : ماتصدق لو قلت لك عقاب ماعنده مانع
نادر: لا لا كذا كثيييييييير
خلف : لا وللله هذا اللي صار ! ترا سالفة عقاب سالفة مكابر وغرور لكن في نفسه يعرف ان ضاري رجال
نادر : يابعد عيني يا ضاري والله انه اجودي وطيب ومايستاهل الا كل خير
خلف: صدقت
نادر: و وش سالفة ولد النوخذه ؟! خلف : ابد يقول امه قالت له ان شافت خواتي وبتخطب له ووافق وجاي يقولي عشان يكون عندي خبر
ضحك نادر: بشره ان ابك بيقول اقضب الباب
ضاق صدر خلف وصد بضيييق:ااااه من ابوي الله يصلح ابوي
نادر : وش فيه بعد !؟ تنهد خلف بضيق: بارك لي ابوي عريس
نادر: وشووووو!؟
سحب خلف الكرسي وبدا يشرح البلاوي للي صايره لنادر
_______________________.
وفي مكة
كانت وعد تتمشى ومبسوطه وهي ملاحظه ان مبارك بالسياسه يجي وبكم كلمه حلوه ينسحب على وجهه
وهي الحييين صارت تفكر بماجد وسحر وكيف بتحل القضيه
لكن ما اهتمت لذا كلها وكرست كل جهدها ان تعتمر وتدعي ان الله يقويها على عقاب وعلى مبارك وعلى هالظروف الشيييينه
بعد ما خلصت طلعت لحالها للفندق بدون ما تنتظر مبارك
جلست وهي تتصل على بيت ابوها لكن محد يرد ورجعت تتصل وورد سالم: الوو
وعد : سالم كيفك ياحبيبي
سالم بفرح: وعدد انا بخير انتي كيفك
وعد : بخييير وين الناس ليش محد يرد
سالم بضيق: محد فاضي
وعد: ليش!؟ سالم بهمس ضايق: الكل متضايق ابوي تزوج وحده والكل زعلان
وعد وقفت بصدمه: نععععععم
.
.


سالم بخوف : والله
وعد : متى صار هالكلام !؟ سالم : الصبح
وعد : رووووح ناد لي ندى بسسسرعه بسرعه
ركض سالم لندى وهو يسحبها: تعاااالي تعاااالي
ندى: وش فيييييييك
سالم : وعد تبي تكلمك
ندى شهقت: وشووو لايكون قلت لها شي
سالم: اي قلت لها
ضربت وعد رجلها بغضب: اللللللله يهديك يا سالم الله يهدييييك
ركضت وهي ترفع السماعه: وعد
وعد بغضب: وش ذا اللي يقوله سالم وش قصة زواج ابوي !؟ ندى بضيق : مثل ما سمعتي والله
وعد : شللوووون ابوي ماسواها وهو صغير بيسويها الحين!؟؟
ندى:هذا اللي صار دخل علينا الصبح وهي معه ولا احم ولا دستور قال هاذي عمتكم وسلموا عليها ومحد طبعاً راح لها وعصب وزود على كذا طلع اخوانتي من غرفتهم يجهزها لها
وعد : وششششششو ليه وين يبيهم ينامون
ندى: يقول بالمجلس
وعد : ماشاء الله هاذي بدايتها اجل
ندى: الا لا يوريك اياها يا وعد جايه والشر بعيونها والله مدري وش نيتها
وعد : تخسي هي ونيتها وان شفتوا منها شي لا تسكتون لها
ندى: امي وعمتي ضايقات مررره وابوي صارخ عليهم قدامها والوضع مكهرب
وعد : ماعليه يومين وبجي والله والله لحوس هالزواج انتظري بس
ندى: لا تقطعين سفرك عشان سالفة تافه خلاص شي وصار وش في يدينا
وعد : اذا جيت اعلمك وش في يديني
لفت على صوت مبارك: خلاص اكلمكم بكره
ندى : زين
سكرت وعد ولفت تناظره وقال مبارك بغضب: وشوووووله طلعتي من الحرم ماقلتي لي!؟ خليتيني افره عشرين مره ادور عليك
وعد بلا مبالاة: تعرف اني مقدر اجلس فالمسجد زياده وماحبيت اخرب عليك صلاتك عشان كذا طلعت وهذاني هنا ماطرت
مبارك: عدلي اسلوبك يا وعد
وعد بضيق: زييين متى بنطلع من مكه
مبارك بشك: مطولين ليه!؟ وعد: مابي اجلس زياده بنرجع للخفجي
مبارك: وانا هنا رجل كرسي!؟ مالي راي
وعد : قلت تبي تعتمر وتصلي وهذاك اعتمرت وصليت خلاص
مبارك : بجلس بعد ماشبعت
صدت وعد بكرهه وجلست وهي ماهي معه ابد تفكيرها باللي صاير في بيت اهلها
ولا اخذ مبارك ولا عطى لانه انهد حيله وتعب وهو يدور جميلته الفاتنه اللي صار فعلاً يحب يجلس يناظرها وبس مايبي اي شي ثاني
_______________________.
وفي السوق
كان نادر متكتف يناظر خلف وهو مايدري من وين يبدا ووين ينتهي
ابتسم خلف بضيق : يعني ضاري وقضينا منه وضعه مافيه نقاش
خلف : لا ياحبيبي الكارثه لو رفضوه حزتها كيف بتناقش مع ضاري وكيف بشرح له
نادر: هذا شي ماهو بيدك اذا ماله نصيب انت ماتقدر تسوي شي
خلف : وجابر بعد .
.

[صواديف عشاق]

.
نادر: هذا شي ماهو بيدك اذا ماله نصيب انت ماتقدر تسوي شي
خلف : وجابر بعد
نادر: وش فيه جابر ! ضاري وقلنا معك حق توتر اما جابر ما انت مجبور تشيل همه !؟ اذا وافقوا تمام ما وافقوا الله يستر عليه
تنهد خلف وهي مايدري كيف بيقول لنادر سالفة ليلى لكن مارح يقول اكيييد وبيسكت
وكمل نادر: وابوك عاد الله يعينكم تشوفون حل
قبل يرد خلف لف على جية عقاب وعمه محمد
محمد: سلام عليكم
الكل : عليكم السلام
محمد :نادر وشلونك من بعد العرس ماشفناك
ابتسم نادر: تعرف المسؤوليه والاشغال
ضحك محمد : لا والله ما اعرفها انا بذات لا تقولي مسؤوليه
عقاب : اييي والله
خلف : عمي وش صار مع ابوي
محمد : ابد على خبرك الا اني اسمعه يحوس بالبيت والله العالم وشهو ناوي
عقاب : اقول شد حزامك يا خلف الظاهر الحرب قايمه اسمع جدتي ماهي راضيه وامك وعمتك زعلانين
خلف وقف : استعنا على الشقاء بالله
محمد: قبل تروح خلني اخفف عليك وابشرك وافقنا على ضاري
لف خلف بكل قوته : وولله
محمد : اي والله وجيت اقولك انت تروح له و.. وضحك نادر: مايحتاج تروحون شرف الملح والقبله
عقاب : جاء حبيبكم
دخل ضاري مبتسم: مسهم بالخييير
اقبل عليه خلف ببتسامه: مساك الله بالرضا والسرور والتباشير
ابتسم ضاري وهو يناظرهم باستغراب وهم يناظرونه مبتسمين!
خلف ابتسم وهو يخبط على كتفه بقوته : مبرووك يا ضاري وابشرك جتك الموافقه
اتسعت ابتسامة ضاري بفرح: لله يبشرك بالخير
ابتسم محمد : مبروك ياضاري تستاهل كل خير وجهز نفسك وتعال ملك
اقبل ضاري يسلم عليه بفرح: الله يبارك فيك وان شاء لله جاي قريب
وقف نادر : واضح انك غيران مني ولا وش هالخطبه اللي مادرينا عنها
اتجهه له ضاري وهو يحضنه: ايييه شفتك مبسوط قلت ألحقك
ابعد نادر بضحك: خبيييييييث
كان عقاب متكتف يناظره بهدوء وقال: يلا بالمبارك والله يطرح فيك البركه
ابتسم ضاري بمكر واتجهه له ورفع عقاب يده اول ماعرف نيته: وخر عني
ضاري : لا لا كيييييف ما احضنك كييف هاذي بشاره بشاره
عقاب ابعد وهو يدفه يحاول يتخلص من ضاري اللي حاضنه غصب
وضحك خلف : لا تزعل عمك ياعقاب هذا بيصير زوج عمتك
دفه عقاب : يخسي ماهو عمي
محمد: عمك وانت ماترضى يلا يلا انا رايح وانت لا تزعل عمك
الكل:ههههههههههههههه ههههههههههه
عقاب بقهر: ضحكتوا من غير ضروس يخسي ضويري يصير عمي
رفع ضاري حواجبه يقهر بها عقاب اللي سحب العقال ناوي عليه بس انحاش ضاري وهو يضحك: بروح ابشر امي ان عمتك وافقت علي
عقاب : فكوووووني عليه .
.

.
رفع ضاري حواجبه يقهر بها عقاب اللي سحب العقال ناوي عليه بس انحاش ضاري وهو يضحك: بروح ابشر امي ان عمتك وافقت علي
عقاب : فكوووووني عليه
نادر: اجلس يا ابن الحلال
خلف : ضاااااري توكل على الله احسن لك
راح ضاري وهو يضحك ومبسووووط وقلبه بيتقطع من الوناسه كان يحس انه بيطير مايدري ليه وقع هالخبر في نص قلبه مايدري ليه هالفرحه كلها
ولف عقاب بغضب وهو يجللس: عز لله بلشنا به
نادر : اقول اركد والله انكم كسبتوا رجال
عقاب : اسكت تكفى اسكت
خلف : اقول لا خلصت انت وياه قفل المحل وجيب المفتاح بروح اشوف بلاوي بيتنا
عقاب: زين
طلع خلف يخف رجله للبيت يبي يشوف وشلون يتصرف
_______________________.
وفي بيت ابو خلف
الكل في غرفة ام خلف ومحد طلع برا لابو خلف ولحوريه
فييصل : ااااه يالقهر اااه اخر عمري انطرد عشان هالسلقه
او وعد : ااااه ياقلبي شلون ما فطنا له من فتره متزوج
ام خلف : وش نسوي حنا يا غافلين لكم الله
ندى : اقص يدي اذا ماهي جايه وراها نوايا
اماني : واضح ابوي صاف معها من البدايه
ابعدت وجدان عن الشباك : خلف جاء
عند خلف اللي دخل وهو يشوف البيت فاضي ولف يناظر اغراضهم اللي بزاويه وحوريه اللي واقفه على باب غرفتها تنتظر رجعت ابو خلف ناظرها بهدوء وهي تناظره بكل جرأه
صد ودخل غرفة امه : وش فيكم جالسين هنا!؟ فيصل: وين نروح ؟! خلف : وش اللي وين نروح ترا هالبيت بيتكم من اولها بتوزوون في غرفه وتجلسون
ام وعد :وابوك خلا فيها بيت وحشمه
خلف: اسمعوني عاد انتم اهل البيت وغيركم الطالع وانتم الداخلين تطلعون الحين وتجلسون كأن مافي البيت احد
سالم: وغرفتنا !؟ خلف : ماهي مشكله ننام يومين فالمجلس لين نشوف حل
اماني: ماهقيت فيه حل وهذا هي واقفه مثل العقرب
خلف : هذا هو اللي اقوله شافت انها من البدايه سكتتهم وحشرتكم
وجدان: فكوني عليها امعط شوشتها
ام خلف : اجلسي انتي فكينا من الهواش
خلف : لا احد يغلط دامها ما غلطت واهدو بتنحل ان شاء الله
حنان : هونوها
ام وعد : ياااااخسارة العشره بس
خلف: ابوي وين
فيصل: يجهز لشينة الحلايا غرفتها
خلف : بس خلاص اركدوا ويلا اطلعوا ، اماني سوي قهوه شي يوخر الصداع
فزت ام خلف : بسم لله عليك يوجعك شي!؟ خلف : صداع بس
ندى: تعال اعطيك مسكن
طلع خلف معها وهم يناظرون حوريه اللي تناظرهم بطرف عين سحبته ندى بهدوء: وعد درت
لف خلف بقوه: وشووو! من قال لها!
ندى :اتصلت ورد سالم وقال لها وهي تحلف والله يستر
خلف : اييييه ابلشي فيها اذا جت وتلاقطت مع ابوي
ندى: يارب تجي وتحوسهم
.
.
خلف : وقتها والله لكن اسمعي نظفي هالحوسه ورتبي المجلس بيجي رجال المغرب
ندى: يالله ماهو وقتهم!
خلف : وش رايك اطردهم
ندى: لا خلاص برتب
لفوا على دخول ابوهم ومعه عمال ودخلت ندى ووقف خلف متكتف
ابو خلف : ابعد عن طريق العمال
خلف : يبببه للحين مصر !
ابو خلف : اذا ماتبيني اغلط عليك سكر الموضوع
خلف : اييييه بسكره لكن وش بتسوي بأمي وعمتي
ابو خلف : كل وحده في غرفتها مع عيالها وحقها بيجيها وافي واللي ماهي راضيه ارض الله وسيعه
خلف : زيين زيين لكن اسمع
ابو خلف : وشوووو !؟ خلف : النوخذه اليوم بيزورنا
ابو خلف : وش يبي
خلف :يخطب
ابو خلف : وش تخربط انت ماعاد وراك الا تزوج هذا وتخطب لهذا
خلف: وش اسوي يعني جاني الرجال يقول بنزوركم اقول لا مانبي
ابو خلف : وش اللي جاب الخطبه على باله من قاله بنزوجه !وهو من غير ديرتنا
خلف : و ليه ما تزوجه!؟ يهودي
ابو خلف: خلييييف تأدب
اخذ خلف نفس بتعب : يبه الله يرضى عليك لا توقف بنصيب احد والرسول صلى الله عليه وسلم يقول (إذا خطب إليكم من ترضون دينه وخلقه فزوجوه؛ إلا تفعلوا تكن فتنة في الأرض، وفساد عريض)
ابو خلف : ما قلنا شي بس ماله نصيب عندنا
شد خلف على اسنانه بضيق : اذا جو وكلمتهم وسمعت منهم وقتها رد يبه الله يخليك لا ترفض من دون حجه وسبب
ابو خلف : زين نشوف روح ناد جدك وعمك وقولهم
خلف : طيب
اتجهه لبيت جده وهو صار هالايام رايح بخبر وجاي بخبر
_______________________.
وفي بيت ضاري
دخل وهو ينادي امه بفرح : يمممه ألحقي ألحقي وبشري واستبشري
فزت ام ضاري بفرح: بشرني وانا امك
ضاري : ابشرك وافقوا
انتشر صوت ام ضاري تزغرط وتحضن ضاري بفرح وتلمه وشد عليها بحب وهو يحس ان بيطير من الفرحه
ام ضاري : حمدلله وانا امك ومبروووك
ضاري : الله يبارك فيك وقال محمد مالك الا تجيب الشيخ وتجي وتملك
ام ضاري : ياربي لك الحمد والشكر وابشر يممممه بكل خير وتبشر مضاوي بكل خيييير
ابتسم ضاري : عاد استانسي يمممه وسوي اللي تبين
ام ضاري : افا علييييك نروح الحييين السوق واخذ لها هدايا واهلها كلهم كم ضاري عندي انا
رجع ضاري يحضنها وهو فرحااان من فرحة امه اللي واضح حبت مضاوي
_______________________.
وفي بيت النوخذه
كانوا الرجال يستعدون لخطبة الرجال وجابر كان حماسه بيفضحه وركضت ليلى وهي تقول : شفييييك ياحظي فشلتنا
جابر بهمس : مستانس ان شاء الله يوافقون
ليلى: يارب ان شاء الله لكن اثقل ابوي شاك فيك
جابر: زين زين وخري بروح .
.
.
ليلى: يارب ان شاء الله لكن اثقل ابوي شاك فيك
جابر: زين زين وخري بروح
نزلوا وليلى مبتسمه ام نهيان: شهالعبووو كل هالكشخه عشان خطبه ويمكن يوافقون ويمكن لا لو كان عرس شبتسوي
جابر ببتسامه: ان شاء اللله يوافقون شفيچ الله يهداچ
ابو نهيان: يلا يلا مانبي نتأخر
جابر: يلا ادعوا لنا
ليلى : الله يفتح بوجهكم يالله
طلعوا والتفت ابو نهيان: انت شحقه طاير چذيه! جابرووه لا يكون مخربط ولا مسوي شي
جابر بخوف: لا والله يبه لا والله خطبه شريفه وربي
ابو نهيان: لله يستر منك بس ولا خليتنا ننتظر اخوك ولا ننتظر احد
جابر: انا وانت نكفي يبه
ابو نهيان: الله يعين
طلعوا متجهين بيت ابو خلف
_______________________.
وفي بيت الجد قايد
كانوا كلهم يناظرون خلف بهدوء
عقاب : خلف!؟ شفيك صاير خطابه
ضحك خلف: مع الاسف هذا اللي صاير
عزوز : شكله شافها شغله مربحه
فيصل: خلف الكويتي ما لقى الا يخطب من عندنا
خلف : مادريت ولله كان عطيته لسته بحريم الحاره يشوف ويتنقى
ابو ناصر: والله غرييبه لكن الله يحيهم
محمد : ان كان فيه خييير بيكتب الله له نصيب
ابو ناصر: اقول ماودك تخطب لنفسك وتخلي الناس
تجمد خلف ولف بهدوء: ان شاء للله اذا صار وقته
محمد : تزوج انت وعقاب
ضحك عقاب : شكلي اتزوج بنت النوخذه
التفت خلف بكل قوته عليه وقبل يعترض او يبان له ردة فعل دخل سالم يركض :وصل النوخذه
فزوا كلهم وخلف اللي اشتعل بقلبه جمر واسرع يستقبل النوخذه وعينه على عقاب اللي ماتكلم الا وراه شي
_______________________.
وفي بيت نادر
دخل بهدوء يبي يشوف البيت بغيابه وكان هدووء والكل ساكن وهنا تطمن نادر ودخل وهو مبتسم: سلام
الكل : وعليكم السلام
ام نادر: ادخل ألحق القهوه
نادر: لا والله مابي تقهويت مع خلف
شوق : طيب اكلت شي!؟ نادر: اييه اييه
ام نادر: وش عندك شاق الكشره ومبسوط
شوق ابتسمت: الله يديمها
ابتسم لها نادر وجلس جنبها: ابد مبسوط ضاري خاطب وان شاء الله قريب ويتزوج
شوق: ماشاء للله
ام نادر: ضاري وشو بعد غير خلف وعقاب !
نادر: اييه
شوق: للله يوفقه
لف نادر عليها وهو كل ماناظرها لا شعورياً يبتسم : وعاد حزري من خطب
شوق : مدري ما اعرف الحاره
نادر: عمة خلف
شهقت شوق بفرح: اي وحده !؟
نادر: مضاوي يقولون
ام نادر: ماشاء لله علييييك ماعاد الا تعرف اسامي الحريم
نادر: يسولفون فيهم العيال
ام نادر: الله اكبر ماعاد الواحد يستحي ويحشم عرضه
نادر بغضب: ليييه وش سووو لايكون مكشفينهم قدامي .
.
.
ام نادر: الله اكبر ماعاد الواحد يستحي ويحشم عرضه
نادر بغضب: ليييه وش سووو لايكون مكشفينهم قدامي
وقفت ام نادر بغضب: وللله ماعاد فيك رجا لكن هاذي تاليتك سوالف حريم
راحت وتركته ولف نادر بضيق وابتسمت شوق بضيق: ماعليك ماتعودوا يسمعون اسامي البنات من الرجال
نادر: اه ياربي ترحمني
شوق : لا يضيق صدرك وكمل سوالفك
نادر : قومي قومي الغرفه احسن
دخل وهو يلف عليها :لا واصبري واسمعي الاخبار الثانيه
جلست شوق جنبه وهي تتكي : وشو
أول ما دقق نادر في عيونها لا شعورياً داخله اهتز وارتاب كان طول هالفتره يتحاشى انه يناظر عيونها كانت رموشها مثل السيف اللي ينغرس بقلب نادر
وصحى من سرحانه على يدها اللي حطتها على كفه بحنيه: وييين وصلت!؟ نادر: هاه ! ايه وش كنت بقول
شوق ضحكت: وش فيك نسييت
كان نادر وده يقول ( لا تكفيين لا تضحكين كفايه عيونك ) لكن تدارك نفسه وابتسم : اييه من كثرها
ورجع يسولف لها عن باقي الاخبار وهو ردات فعلها مسيطره عليه اذا ضحكت ضحك واذا شهقت سمى عليها
_______________________.
وفي بيت ابو خلف
كانوا كل البنات طالعين عند بين الجد قايد ولا باقي الا ندى وأماني ومضاوي يجهزون قهوة الرجال
ندى: غريبه وش عنده الچويتي جاي على قولكم
ضحكت اماني: شكله حس بخيانة مضاوي وجاي ينتقم
فزت مضاوي بضحك: لاااا تكفون خلاص هونت مابي ضاري ابيييي الچويتي
ضحكت ندى: خلاص راحت عليك
اماني بمزح وضحك : باقي فرصتي انا
مضاوي: لا تغرك الدنيا مثلي وافطني
ندى: الله يخلف بس
مضاوي : ماعلينا وينها شينة الحلايا
اماني : في غرفتها من يوم دخلت ماطلعت
ندى : ان شاء الله تفطس في غرفتها
مضاوي : انا مصدومه من ابوكم للحين
اماني : وش نسوي
ندى: انتظروا ووعد وحزتها بتكسر راسها
مضاوي: الله يقويها
_______________________.
في مجلس ابو خلف
كانت عيون خلف على عقاب خايف منه وخايف من طواريه لكن التفت لابو نهيان للي تنحنح وهو يقول
ابو نهيان: يا ابو خلف موضوعنا اللي جينا عشانه واضح واظن ولدك خلف قالك خلفيه عن الموضوع
ابو خلف : صحيح تكلم معي
ابو نهيان: وجاء دورنا إحنا ننتكلم وياك عن الموضوع وهو ان من فتره ندور لولدي جابر عروس وأمه شافت ان كريمتكم المصون تناسب له وعلى هالاساس اقول إنه يشرفنا ويسعدنا نخطب كريمتكم أماني لولدكم جابر .
.

.
ابو نهيان: وجاء دورنا إحنا ننتكلم وياك عن الموضوع وهو ان من فتره ندور لولدي جابر عروس وأمه شافت ان كريمتكم المصون تناسب له وعلى هالاساس اقول إنه يشرفنا ويسعدنا نخطب كريمتكم أماني لولدكم جابر
الكل لف صار يناظر ابو خلف اللي اخذ نفس وهو يناظر خلف اللي من ملامحه واضح الغضب وواضح رايه فالموضوع وقال: والله تشرفونا يا ابو نهيان ومثلكم ماينرد لكن عطنا وقتنا نفكر ونسأل مهما كان الموضوع زواج
ابو نهيان: حقك حقك وانت صادق
ابو ناصر: عاد انت يا ابو نهيان والنعم فيك لكن ان كان لجابر نصيب بياخذه
ابو نهيان: هذا الكلام اللي بقوله
ابتسم جابر لخلف ورد له خلف اللي خلاص يبيهم يطلعون لان عقاب وتره
ابو نهيان: إحنا ترخص يا جماعه وباقي الموضوع عندكم
ابو خلف : الله معكم وان شاء للله خير
طلع جابر وابوه وهو يدعي بنفسه انهم يوافقون ولف ابو ناصر يقول: الحين ماخطبوا الا اصغر البنات وندى وحنان وين يروحون
ابو خلف : ماهقيت اني بعطيهم
خلف : وليه ما تعطيهم! يبه حنان وندى بيجي لهم نصيبهم لكن لا توقف في نصيب اماني اذا هي موافقه
ابو خلف : والله ياخليف ما باقي الا تحكمني!؟ خلف : هذا الحق
محمد : خلف صادق اللي يجيها النصيب زوجها مايصير تردع وحده عشان نصيب وحده ماجاء
ابو خلف : ماني مزوج بنتي واحد في ديرة في ديرتنا
ابو ناصر: ولييييه!
خلف : يبه اصبر وفكر وأسال وجابر انا اعرفه رجال والنعم
محمد : انا اقول استهدي بالله واصبر شوي
عقاب :وانا وخلف نسأل زياده ونقولك وش يطلع معنا
ابو خلف : خير ان شاء الله خير
ابو ناصر: جهز نفسك احتمال ضاري يجي ويملك في اي وقت لا تروح بعيد
ابو خلف: وضاري زوجتوه
ضحك فيصل: خلف بيثبت اصحابه عندنا بس مازبطت معه بعقاب
لفوا كلهم على فيصل بغضب ووقف عقاب وهو يناظره بهدوء
محمد : يلا يلا بنرجع بيتنا
طلعوا والتفت خلف على فيصل: انت ورا ما تسد فمك
فيصل: وش قلت
خلف : فيصل ترا ماهي ناقصتك مشاكلي ليييين فوق راسي
فيصل: طيب طيب
طلع وترك خلف اللي وقف متكتف وهو خايف من رفض ابوه لجابر لكن اول شي لازم يشوف اماني ورايها
دخل وشافهم جالسين بهدوء والكل يناظر جهة غرفة حوريه والكل شاي هم بسبب وجودها
خلف : اماني تعالي
وقفت اماني وهي جاهله الاسباب راحت ورا خلف اللي واقف عند المجلس : تبي شي
خلف ابتسم وحب يلطف الموضوع ويجيها من باب مزحها بالعاده: وللله ياهو حظك قوي جبتي الچويتي على خشمه .
.
قد الدنيا وحشتوووونيï؟½ï؟½لكن حمدلله ازمه وعدت وان شاء الله راجعه لكم اقوى من قبل
.
.
.
ناظرته اماني باستغراب ماهي فاهمه وتعرف ان خلف عادي ويمديهم يطقطقون ويمزحون معه بدون حدود لكن كلمته واضحه ماهي مزح وهنا خافت قالت: هاه مافهمت
خلف : اسمعي وانا اخوك النوخذه وولده جايين يخطبون وقالوا نبي بنتكم اماني لولدنا جابر وانتي تدرين قبل كللللل شي القرار الاول والاخيير لك
للحظه حست اماني انها داخت ماعاد تسمع شي ولا تفهم ولا تستوعب عمرها ما توقعت المزح في يوم يصير جد ووش جاب الكويتي لها ووش جابها للكويتي ماقدرت تستوعب لكن صحت على صوت خلف يناديها: وييييين رحتي بدري تونا
اماني : هاه معك معك
خلف : انتي فكري وردي علي عشان اعرف اتكلم مع ابوي طيب
اماني : ا ا زين
خلف : وانا اعرف جابر رجال طيب لكن بنزل وبسأل عنه من جديد ويمكن اروح الكويت واسال مليون مره لعيونك
ابتسمت اماني بتوتر: زين
اختفت من قدام خلف اللي صار قلبه على نار والاوضاع حوله صعبه
_______________________.
في مكه
كان مبارك يحاول يلفت انتباهه وعد بتصرفاته لكن ماكانت معطيته اهميه وهي تفكر في زواج ابوها وفي خالها ماجد اللي ولاها مهمه صعبه
لفت اول ما حست بثقل مبارك اللي جلس جنبها وقال بهدوء : وش صاير!!من الصبح تفكرين وحالتك حاله!
وعد : مافيني شي
مبارك: وش مضيق صدرك
لفت وعد بهدوء وابتسمت اول ما انتبهت لعيونه اللي ذايبه وهي تناظرها بود وقررت تستغل هاللحظه وقالت بضيق: وان قلت لك وش بتسوي!؟ مبارك بإندفاع : امحي اللي مضيق صدرك من الارض
ابتسمت وعد : ما ابيك تمحي شي ابيك ترجعني للخفجي
رجع مبارك شوي وهو بدا يقتنع تماماً ان وعد فيها مس وهالضيقه الغريبه فيها تأكد هذا الشي : ابششري نرجع الحين نضف اغراضنا ونرجع
ابتسمت وعد : مشكور يا مبارك
مبارك: مابي شكر
فهمت وعد عليه وقررت تتهرب وتروح تجمع الاغراض لانها تشوف ان رجعتها للخفجي ضروريه
اما مبارك بما انه صدق المشكله قرر يدور حل للعلاج لكن فالخفجي
ولا هي الا ساعه جهزت وعد كل شي في لمح البصر ووجب على مبارك يوفي بوعده ويرجع للخفجي
_______________________.
وفي السوق
كان ضاري مع امه وهي تحوس وتلف وتدور وماخلت شي ولا بقت شي الا وجابته هديه لمضاوي
ضاري : يمه ياحبيبتي خلاص لا تخلصين فلوسك كذا كثير ويكفي
ام ضاري : لا لا ماهو كثييير على مضاوي اللي ان شاء الله بتصير زوجة وليدي وحيدي
ضاري ابتسم: يا يمه هذا انتي قلتيها لا صارت زوجتي جيبي كل شي لكن الحين هذا يكفي
ام ضاري لفت تناظر الاكياس اللي فاضت حولها : اجل زين .
.
.
ام ضاري لفت تناظر الاكياس اللي فاضت حولها : اجل زين
ابتسم ضاري بحب :والله يا يمه انا خايف من هالدلال والدلع المفرط شكله بيروح علي
ام ضاري : لا يمه انت الاول والمبدى لكن انا نذرت اذا زوجتك لسوي لك زواج يحكون في الناس واعطي عروسك شي يتناقلونه الناس لو اني بعدها اجلس على بساط الفقر
ابتسم ضاري : افا والله يايمه انتي محلك بين ضلوعي
ام ضاري : يابعد عيني والله يلا يمه يلا خلصنا من هنا نبي نروح الذهب قبل يقفلون يلا
ضاري: يلا يلا
ام ضاري : وكلم الشيخ يايمه واخذ معه موعد بعد بكره وبلغ اهل خلف بعد عشان يستعدون
ضاري : ابشري ابشري
كان ضاري سعيد وهو يراقب امه اللي كل شي تسوي وهي تبي تثبت لناس والعالم ان ضاري وراه سند ووراه ام عن مليون واحد ومايحتاج يكون له عايله دامها معه
وماكان وقتها يفكر بشي غير انه يدعي ان الله يخليها له ولا يذوقه حزنها
_______________________.
وفي بيت الجد قايد
كانوا جالسين بهدوء بعد ماهدت الاجواء وتسكر الباب الفاصل بينهم وبين بيت ابو خلف اللي متكركب بعد جيت حوريه ابو ناصر : انا بقوم نام ولا ابي ازعاج
شهد : ابشر جدي بحرس غرفتك ما اخلي احد يزعجني
عزوز: انت اساس الازعاج كله
عهد : بس انتم عاد
محمد : بندخل جوا ما بنزعجك
هيا : يمه ودك تنامين !؟
ام ناصر: وين يجيني النوم وهالجنيه اللي جابها ناصر فيه
محمد : يايمه وش نسوي عاد تزوج وش بيدينا نسوي
مضاوي جلست باعتدال وابتسامه:ولا يضيق صدرك يمه ولا تشيلين هم وعد هذا هي جايه بالطريق بتوريك فيها واعرف خبصت هالزواج
سحر: والله مامعها حق وعد تقطع سفرتها عشانها المفروض تنبسط بعدين تجي
التفت عقاب بكل قوته يسمع الكلام وهو مصدوم ان جهوده راحت على الفاضي وكيف وعد تسافر
مضاوي: ماعليك يا حبيبتي تقطع سفرتها تضبط الامور هنا وبعدين تسافر ماهي مشكله عند وعد
عهد : ايييه واضح
محمد : والله يا ان ما احد مسنع بيت ناصر الا وعد
ام ناصر: لها فقده لكن الله يقويها على هاللي ماني مرتاحه لها
هيا: الله يهدي ناصر بس
عقاب اللي وقف بهدوء وطلع وانتبهت له مضاوي وصدت بضيق لكن عقاب ماهو راضي يرتاح طالما ان وعد مسيطره على الكل والكل مقتنع بافكار وعد المسمومه وواضح انها جايبه راس مبارك
_______________________.
في بيت النوخذه
كانوا كلهم حول التليفون يكلمون شيخه ونيهان ويعطونهم المتسجدات ويطلبونهم يجون
نهيان: جابرووه شحقه ما نطرت لين نجي شهالسرعه .
.
.
نهيان: جابرووه شحقه ما نطرت لين نجي شهالسرعه
جابر: ماعليه ماراح عليك شي هاذي بس خطبه لكن ان شاء الله اذا وافقوا تجون حق الملچه
ليلى: يممممه شهالثقه من قالك بيوافقون
ام نهيان: ان شاء الله يوافقون وليدي ماكو مثله
ليلى: ااااه يا قلبي اااه وييين يمه الله يهداچ وليدچ ما يتحملونه الجن والعفاريت
رفسها جابر بشويش: ليلوووه خلينا اصحاب احسن لچ
نهيان: بس انت وياها نبي نسمع
ابو نهيان: شنو تسمع يا يبه كل شي قلناه
نهيان: طيب عطوكم الوقت اللي بيردون فيه!
جابر: لا
ابو نهيان: انا مو متفائل بأبو خلف
ليلى بخوف : لا يبه تفائل خييير
نهيان: الله يسهل عاد لو يدرون عماتي بيشيلون الارض شيل ويزعلون
ابو نهيان: كل شط قسمه ونصيب
صد جابر بضيق: يلا مع السلامه
سكر قبل يسمع رد نهيان لانه كان يفكر في عماته اللي بيشوشون ويزعلون ليه متزوج غريبه ماتزوج من بناتهم وكان خايف ابوه يتراجع بهالسبب ولاقوى خايف من ابو خلف اللي ماكان باين عليه القبول
اول ما حست ليلى بتوتر الجو قررت تبعد لانها هي بعد خايفه ان يصير شي يقطع أملها في خلف اللي كان واضح من صوته انه متخوف بعد
_______________________.
في بيت ابو خلف
كان الكل هادي والكل في مجلس ما عدا ابو خلف المختفي من المغرب عند حوريه
كلهم تقريباً صايبهم يأس من البدايه الغير مبشره
كانوا ساكتين وعيونهم على الباب
خلف اللي كان منسدح على رجل امه اللي كالعاده تمسح على صدره وتقرا عليه وكل فتره طالعه بعلاج جديد سمعت انه يفيد بالربو لكن كان تفكيره مشغول
اما اماني ساكته وهي ماهي مستوعبه اللي صار كانت دايماً تحلم انها تتزوج شخص ماله صله فيهم ولا يربطه معهم احد مابي تكون اطباعه قريبه من عاداتهم وتقاليدهم لكن ماتوقعت انه بيكون صدق وكانت نوعاً ما مستبشره خييير
اما البقيه عيونهم على غرفة حوريه لف فيصل بغضب: ابوي من المغرب ماشفناه
حنان: حتى عشا ماتعشى معنا
ام وعد : شتبون فيه يتعشى ولا ما يتعشى
ندى: لا تخافون عليييه جت هالشينه واخذت عشا
وجدان: عساه ماينزل ان شاء الله
لفت عليها حنان بغضب: ما ينزل لابوي
وجدان: لا هالشينه
ام خلف صدت وهو تعوذ من ابليس وتكمل قرايتها على خلف
وانسدح غيث على ذراع خلف ببتسامه وهو يقول: عمتي سوي لي مثل خلف
حضنه خلف ببتسامه: انا اقرا عليييك انا
ام وعد : خلف وش يبي النوخذه
خلف ناظرهم بهدوء واعتدل : يخطب
الكل لف عليه: وشو
فيصل بضحك وهو يضرب اماني : لا ويوم نوى يخطب ما خطب الا هالمفهيه
كلهم صاروا يناظرون اماني اللي ابعدت فيصل بغضب
.
.
.
كلهم صاروا يناظرون اماني اللي ابعدت فيصل بغضب
ام وعد : صادق؟؟ خلف ابتسم: اي والله يلا جاك يامهنا ما تمنى
شهقوا ندى وحنان ووجدان: اماااا عاد
صدت اماني بفشله ولفت ام وعد: ماكنها غريبه!؟
خلف: ماغريب الا الشيطان لكن النصيب يجيب وان كتب لهم الله نصيب بياخذونه
ام خلف : وابوك وش قال
خلف : ما قال شي
ام وعد : وش معنى يخطبون الصغيره والكبار وين
خلف : ياعمه الله يرضى عليك هالفكره بذات شيليها من راسك الله يكتب النصيب مافيه كبير ولا صغير
ندى: يمه شفيك الله يخليك عادي الله يوفق اماني اذا لها نصيب
ام خلف: اي والله هذا الكلام
خلف : القرار كله راجع لاماني
ام وعد : وبعدين الرجال بعيد عنا ومن غير ديرتنا وجماعتنا وصعبه
صد خلف بغضب: وش اللي صعبه ؟ علميني وش الصعب ياناس استعبوا شوي مافيها شي اذا توزجوا من غير ديرتهم ماتدرين لو هو احسن من جماعتك وعيال ديرتك
فيصل : طيب اصبروا لين يرد ابوي لا تعصب بدري
حنان : وش فيك يا خليف هالايام صاير عصبي
ام خلف : يايمه ماهو زين لك العصبيه
قبل يرد خلف لفوا على باب غرفة حوريه اللي طلعت وهو بكامل زينتها وفاتحه شعرها وصوت الخلخال بكل مكان وصوت ضحكها بكل مكان وواضح ينقال شي ولفت تناظر بطرف عين وهي تشد عليها جلالها يسترها لكن منظرها كان صدمه لهم كلهم واللي ماعمرهم توقعوا ينشاف هالمنظر في بيتهم ومرت متجهه للمطبخ ورجعت تغني وتغنج لكن فز خلف وهو يصفق باب المجلس بينهم يمنع اخوانه يشوفون هالفضيحه بحق ابوهم ولف بغضب : كل واحد على فراشه يلا
وقفت ام وعد بغضب وام خلف والبنات وطلعوا لغرفتهم وكلهم مصدومين
والكل يدعي على حوريه اللي واضح شرها
_______________________.
ومن بكره
في بيت وعد اللي رغم انهم وصلوا متاخرين الا انها عجزت تنام اوترتاح وهي تنتظر بس الصبح عشان تروح بيت اهلها
وجهزت الفطور واتجهت لمبارك تصحيه وفز يناظرها باستغراب : وعد وش فيك ؟
وعد : قوم افطر عشان توصلني بيت اهلي
مبارك: هالحزه بيت اهلك! صاير شي
وعد : لا بشوفهم بس
مبارك: خليييه شوي
وعد :مبارك الحييين انا اشتقت لهم ابي اشوفهم
صد مبارك بضيق: زين زيين
طلع مع وعد اللي كعادتها كاشخه وبعد ما افطر وقف : بتجلسين عندهم!؟ وعد : ايه لين الليل
مبارك: زين لان عندي شغل بسويه
وعد : طيب .

[صواديف عشاق]

.طلع مع وعد اللي كعادتها كاشخه وبعد ما افطر وقف : بتجلسين عندهم!؟ وعد : ايه لين الليل
مبارك: زين لان عندي شغل بسويه
وعد : طيب
كان مبارك يخطط يجيب شيخ يقرا فالبيت ويجلس لين تجي وعد ويقرا عليها عشان كذا راضي
طلعت وعد تخف خطواتها مستعجله بتشوف وش صاير
_______________________.
وفي السوق
هالمره طلع خلف وهو مافكر يجلسس ويفطر كفايه على اللي شافه واللي سمعه امس واللي هز صورة ابوه في عينه جلس مع جده وهو يدور حل يطلع حوريه من البيت قبل يصير شي اعظم واكبر
ابو ناصر : ماكإن هالمقبل علينا ضاري!؟ لف خلف : الا هو ضاري
دخل ضاري مبتسم :سلام عليكم
الكل : عليكم السلام
خلف : حياك اجلس
ضاري جلس بهدوء ولف يناظر ابو ناصر ببتسامه وضحك خلف : انطق ياضاري
ابتسم ابو ناصر: سم ياولدي
ضاري : سم الله عدوك لكن ياعمي انا جيت بقولك ان ان شاء الله بكره بجيب الشيخ ونجي نملك اذا الوقت يناسبكم
ابتسم ابو ناصر: حياك الله ياولدي والله يتمم على خير
ابتسم ضاري ووقف خلف وهو يخبط على كتفه: حياك الله ياعمي
ضحك ضاري وهو يتلفت: ويييينه عقاب؟؟ خلف : مداوم احمد ربك لا يسمعني ويذبحني ويذبحك
ضحك ضاري : اصبر علي بس
ابو ناصر : يا ضاري ياولدي ترا الملكه عندنا عايليه
ضاري: ابشر يا عمي
ابو ناصر: اجل انا بترخص واخليكم
خلف : فمان الله وانتبه لنفسك ياجدي
ابو ناصر: زين
طلع ولف ضاري ببتسامه: بعيداً على فرحتي وش علتك انت اشوفك ضايق صدرك
خلف: وش اقول وش اخلي
ضاري : قل قل اللي تقوله قبل يجي احد
خلف : بقولك بس تحكم في اعصابك لاني مقدر اقول الا لك ودامني بقولك ما يحتاج اخذ وعد انك تحفظ السر
ضاري : افا يا خليف سرك في بير
خلف : اول شي طال عمرك تخيل ان جابر خطب وحده من خواتي
ضاري بتدقيق: جابر ماغيره ولد النوخذه !؟
خلف :ايييه
ضاري : وش جاب جابر لكم !؟ غريبه اصلا خطبته
خلف: مدري عنه كل للي قالوه انه يبي من السعوديه وان امه شافت ان اختي مناسبه على قولهم
ضاري : طيب انت وش موترك بالسالفه
ناظره خلف بهدوء وقال: لان ابوي ظ©ظ*ظھطœ ماهو راضي
ضاري: واذا مارضى الزواج قسمه ونصيب واذا شايل هم جابر عشانه خويك تراه بيتفهم
خلف : لا ياحبيبي السالفه اصعبب
ضاري :وشو؟
خلف تردد كثير بس ماله الا ضاري وقال: اذا رفض ابوي او ماصار نصيب هاذي كارثه لان البنت اللي ابيها اخت جابر
لف ضاري بكل قوته ومن اثرها طاح من الكرسي ووقف وهو يعدل شماغه بصدمه : وشوووو وشوووو وشوووو
مسكه خلف يجلسه: اقصر صوتك الناس تناظر .

.
وهو يعدل شماغه بصدمه : وشوووو وشوووو وشوووو
مسكه خلف يجلسه: اقصر صوتك الناس تناظر
ضاري: انهبلت انت خبل ياقوووووة وجهك يا خلف
خلف: ياخي فضحتنا اسكت وبعدين ما سويت شي والبنت مابيني وبينها شي من بعيد اعرفها ومره وحده بس شفتها بالبقاله بس
ضاري : وانت الحين وش تخطط عليه!؟ خلف: ما اخطط على شي بس عندي قنبله الحين لها حليييين مالهم ثالث! يا ان اختي توافق على جابر وتمشي امورنا ويصير فرصتي كبيره اني اتزوجها يا انهم يرفضون وتقبع السالفه في راسي واكل هوا
ضاري : والله انت سالفتك صعبه
خلف : لو ما جابر دخل هالدخله كان ممكن اضبط اموري لكن الحين انا على طرف هوايه
ضاري : وخلنا نقول تزوج جابر اختك !؟ اهلك بيرضون يزوجونك وحده من غير ديرتك
خلف : ياخي انا زواجي امره سهل جدي معي عمي محمد كثير بصفي لو عارض ابوي
ضاري : انا راسي عورني صراحه ماني مستوعب هالمخاطره
خلف : وش اسوي عاد هذا اللي صار
ضاري : ماعندك حل الا تنتظر رد اهلك عليهم
خلف : اييه وغير هذا بروح الكويت اسأل عن جابر
ضاري : ليه مايكفي تسأل هنا
خلف : لا اكيد بسأل جماعته وديرته وناسه ومهما كان ودي اوثق هالزواج هذا مايعني اني ارمي اختي على جي الله عشان بس اتزوج اللي ابيها
ضاري : وللله انك كفو ! ومتى بتروح
خلف : نخلص منك ونروح وتراك بتخاويني انت وعقاب ونادر
ضاري : الله يعين دامنا بناخذ عقاب
ضحك خلف : لازم تسوون هدنه لاني ما اتحمل اي ضغط زياده
ضاري : ايه زين يجيب الله مطر هدنه!؟؟ انا وعقاب ! معصي
خلف : قم قم خلني اخلص شغلي
ضاري: يلا
طلع ضاري مصدوم لكن من كل قلبه يدعي ان الله يكملها مع خلف
_______________________.
وفي بيت ابو خلف
صباحهم كان شيييين نظراً لوجود حوريه اللي طلعت مع ابو خلف بعد ما نادوهم للمره المليون والكل صاد ماله نفس يفطر معها
وفي ظرف ثواني فضت السفره وهي للحين جالسه مرت من جنبها ندى بطرف عين وعدت بكرهه
ودق الباب وركض سالم يفتح وابتسم بفرح: وعععععد
ابتسمت وعد وهي تنزل تسلم عليه: هلا سلوووم
سالم: اشتقنا لك
وعد : وانا اكثر
دخلت وعد لكن سكتت اول ماشافت السفره ماعليها الا ابوها وحوريه عرفتها على طول وقفت تناظر بنظره ناريه فهمها ابو خلف ووقف يتدارك الوضع يعرف ان وعد ما رح تتقبل السالفه وبتسوي كارثه: وعد حياك وينه مبارك
وعد بغضب: راح مبارك والظاهر انك رحت قبله يبه
ابو خلف : وشو!
وعد حاولت تكتم غضبها لكن واضح ناظرت حوريه بحده ولفت: من هاذي!؟ ابو خلف : جايه تدورين مشاكل .

.
عد حاولت تكتم غضبها لكن واضح ناظرت حوريه بحده ولفت: من هاذي!؟ ابو خلف : جايه تدورين مشاكل
الكل طلع على صوت وعد اللي قالت: ابد والله المشاكل هي اللي جت بيتنا
ابو خلف :وعد
وعد : وشوله تزوجت يبه!؟ وش كان ناقصك
ابو خلف : مو شغلك
وعد: الا شغلي !؟ كيف تزوج ماتقول لاحد ولا قدرت امي وعمتي صبروا كل هالسنين معك اخو شي مالهم حشمه
ابو خلف : وعععععععد لو ما قصرتي صوتك والله ليصير شي ماشفتيه
سكتت وعد وهي في نفسها تتحلف وصدت وهي تدور على امها واتجهت لهم وهي تسلم عليهم وقهرها واضح
ودخلوها جوى وهي مقهوره
ام خلف : وعد اذكري الله يايمه لا تزعلين ابوك
وعد : انتم شلون راضين وساكتين اذا هذا منظرها وشكلها
ندى: هذا رحمه بجنب اللي امس
ام خلف : خلاص يا بنات
ام وعد : فكونا منهم ترا ضغطي ماهو ناقص
وعد : وخلف وينه عن هالمهزله
حنان: خلف مشغول بسالفه ثانيه
وعد : وش صااااير بعد
ضحكت ندى: هالمره خير لا تخافين بس مدري ابوي بيخليه خير او شر
حنان: اماني انخطبت
لفت وعد بذهول : اماني
ندى بضحك: وتخيلي بس من !
وعد : اصدموني بعد
ندى : الچويتي اللي ازعجتنا فيه هي ومضاوي
صرخت اماني بضحك: واماني انخطبت بعد من ضاري صديق خلف
جلست وعد بذهول: انا ماغبت عنكم الا ايام وكل ذا صار
ام خلف : مقدر ومكتوب
ام وعد : الله يستر من الجاي
حنان : غيبي يومين ويتزوجون كلهم
وعد: عطوني التفاصيل
ندى: مافيه تفاصيل الا كل شي في لحظه حتى زواج ابوي
وعد : خلوووا هالزواج الله لا يخليني اذا خليته يمشي وانا متاكده ان وراه بلوه بس اصبروا
وجدان جت بضيق ووقفت
حنان: وش فيك!؟ وجدان: شينة الحلايا هاذي بشيل السفره وانظف وهي رافضه تقوم
وقفت وعد : انا اسنعها
طلعت وعد وووقفت وهي تكتف : انتي هيي جايه من مجاعه ولا وشو!؟ ساعه على السفره
لفت حوريه ببتسامه بارده: اقول قصري صوتك ازعجتيني وهذا بيت زوجي اجلس بالمكان اللي يعجبني والوقت اللي يعجبني
ندى: عشتوووا
وعد ضحكت باستهزاء: عاد كلٍ ينبلع منه هاللقب الا انتي لكن بقولك لا تعودين عليها كثير لانه ايام وتذلفين من هالبيت مثل مادخلتيه
حوريه : والله!؟ جلست وعد قدامها بحده وقالت: انصحك تاخذين كلامي بعين الاعتبار واعرفي تلعبين مع مين زين وسألي عني ويوصلك الخبر
وقفت وهي تقول : وجدان شيلي كل شي ونظفي الزباله اللي بالحوش كلها
ام وعد : يلا يلا خالتي ام ناصر تعزم للقهوه
ام خلف : يلا
طلعوا كلهم وتركوا حوريه بقهرها ونظفت وجدان الاغراض بسرعه وطلعت
وحوريه واقفه بحقد واتجهت لغرفتها بقهر وهي تناظر المرايه بحقد

.
طلعوا كلهم وتركوا حوريه بقهرها ونظفت وجدان الاغراض بسرعه وطلعت
وحوريه واقفه بحقد واتجهت لغرفتها بقهر وهي تناظر المرايه وتناظر بطنها اللي بدا يبان ويضمن مستقبلها
_______________________.
في بيت الجد قايد
دخلت وعد وفزوا كلهم بفرح وركضت مضاوي تحضنها وسحر وهيا ووشهد وعهد واقفه بهدوء
سلمت عليها وعد بنفس الجمود وابعدت وراحت لام ناصر تسلم عليها
مضاوي : قبل كل شي بشري شفتي شينة الحلايا
وعد : شفتها عساها ما تشوف الخير
مضاوي : شدي حيلك فيها
وعد : ماعليك ادبرها
وابتسمت وهي تناظر مضاوي : هااااه وش سمعنا
ضحكت مضاوي بمزح : كفيييل جديد شييل
الكل :هههههههههههه ههههههه
وعد : ماشاء الله عاد حظك حلو ضاري يمدحه خلف
مضاوي وهي تتذكر اللي قاله خلف وعقاب وان ضاري لقيط: ان شاء الله قد المدح
وقفت اماني وهي تضحك: مضاووي ابشرك الخيانه صارت صدق تخيلي الچويتي يخطب اماني
صرخووا كل البنات جمله وحده وفزت اماني بخوف وهي تخبى ورا وعد
وشهقت مضاوي ووقفت وهي تضرب صدرها: افااا يالخاااينه اعترفي وش مسويه اعترفي
اماني: ماسويت شي والله وبعدين انتي اللي خنتي وسحبتي عليهم
سحر: اي والله انتي خنتي
مضاوي بضحك : متاكده انك ساحرته يالمجرمه ولا وش عرفه انك انتي من بد البنات كلهم ودك بچويتي
ضحككت أماني: والله مدري لكن شكل الحاره لها اذان
ضحكت حنان: لا والله نداء روحي شكله
مضاوي بضحك: يالمشعوذه
اماني :هههههههههههههه ههههههه
وعد : والله حظك ماشاء الله
ندى: الله يرزقنا
ابتدت الطقطقه على اماني اللي ظ©ظ*ظھطœ تحس انها موافقه
_______________________.
وفي بيت نادر
اللي هالمره جلس قدام المرايه بالساعات يراقب نفسه وهو يحاول يقنع نفسه و يهدي من اندفاع مشاعره اتجاه شوق وهالاندفاع مخيييف بالنسبه له
وقف وقرر انه يطلع ولا يناظر عيونها ولا يشوف ابتسامتها اقل شي لين يقدر يتحكم في مشاعره اللي بتفضحه قريب وهو ماوده يخسر نظرة شوق الطيبه له
اخذ اغراضه وطلع سييييده متجاهل نداء شوق اللي وقفت مستغربه من روحته بدون ما يودعها ï؟½ï؟½ï؟½ï؟½
.
اخذ اغراضه وطلع سييييده متجاهل نداء شوق اللي وقفت مستغربه من روحته بدون ما يودعها كان هذا غريب على نادر لكن توقعته مستعجل
ورجعت تكمل شغلها وهي تحاول تتجاهل ام نادر للي خفت مضايقتها لها
_______________________.
في السوق
في عز انشغال خلف اللي كان مندمج يفك ويركب رفع راسه اول ما حس ظل حجب عن عيونه الشمس وطرف عبايه رفع نظره بسرعه وشاف بنت متغطيه كلياً واقفه ومعها راديو
نزل نظره بسرعه وهو يعدل نظارته:سمي يا اختي
ابتسمت ليلى وهي تحاول تغير صوتها نزلت الراديو قدامه : الراديو اخترب
رفع راسه خلف بقوه اول ماعرف صوتها اللي ضرب بقلبه لكن ماهو متاكد اذا هي هي او لا ليلى ما تغطي عيونها
همست ليلى بهدوء: لا يوقف قلبك هاذي انا
مر طيف ابتسامه على خلف وهو يهمس : لا توقفين فوق راسي مثل السياف روحي شوي على جنب لاينتبهه لك احد
وخرت ليلى شوي وهي توقف على طرف وحبت تختبر خلف وقالت: ما ادري هو هذا طبع ولا هالايام صاير تخاف
لف خلف وابتسم وهو مايبي يبين انه يكلمها ومر من جنبها بسرعه ياخذ عدته وهمس: انا خايف عليك انتي يا بنت النوخذه واذا بتقيسين خوفي اذكري مواقف البقاله وتعرفين اذا اخاف او حريص عليك لكن انا بسببك ومن هالهداوة مرتبك
ابتسمت ليلى تحت غطاها وقالت تشتت الاحراج: أمي هنيه بالدكان اللي قريب جيت اعطيك هالردايو ما ادري شنو فيه مو واضي يشتغل
جلس خلف وهو مبتسم مايقدر يسيطر على ابتسامته ابداً : نشوف عديم الحظ هاللي مضيق صدرك وش علته
ابتسمت ليلى وهي تشد على يدها ولفت بسرعه اول ماقال خلف : بكره او بعده رايحين لديركم الكويت
ليلى : والله ! ليش شنو عندكم!؟ خلف : نسأل عن اخوك
ليلى ابتسمت: بتوافقوون !؟ خلف : لو هي علي انا موافق وقاضي لكن مهما كان السؤال واجب ان حصل نصيب او ما حصل
ليلى بهدوء : زين
خلف ببتسامه: لكن في كل الحالتين ماهي فارقه معي ، والموافقه وعدمها مارح تأثر علي
ليلى: شلون!؟ وقف خلف وقرب وهو يعطيها الراديو بعد ما صلحه ودخل فيه شريط اختاره عشان تسمعه ليلى بكل حب وهمس : لأني اول من وحد صفوفنا انا الأحق في نسبكم يا اهل الكويت وانا اللي من شهور اربي أحلام وعهود
ماني مخليها لنصيب غيري يكسرها وقصتنا سيّرتها على مانشتهي ماهي على مايشتهوّن وخذي كلامي وعد
اخذت ليلى الردايو ببتسامه ماتدري وش ترد عليه احرجها واربكها و وعده لها ريحها من مخاوفها طلعت بدون ماترد اول ما سمعت صوت ينادي خلف ورجعت لامها وهي تسمع خلف يرحب بماجد اللي جاء من بعيد مبتسم
ماجد: شخبارك خلف .
.

.
ماجد: شخبارك خلف
خلف :حمدلله اخبارك انت
ماجد : اموري ماشيه ! مريت البيت ما احد فتح لي
خلف صد بهدوء: شكلهم عند جدي
ماجد: انا بعد قلت كذا
خلف : قهوه ولا شاهي !؟
ماجد : ولا شي اجلس بكلمك بموضوع
خلف : خير
ماجد اخذ فتره يجمع كلامه لكن قال : صراحه ياخلف انا جاي بشاورك بخطبه
انفجر خلف يضحك بكل قوته اول ما استوعب انه صاااار رسمياً الشخص الاول المقصود في مشاريع الخطب والزواجات
ماجد بهدوء: وش فيك!؟
خلف: معليش ياماجد لكن والله اني من تالي صاير خطابه الرايح يخطب مني ووالجاي يخطب
ماجد : من خطب بعد!؟
ضحك خلف : ابد ضاري خوي خاطب عمتي وجابر الكويتي خويي بعد خاطب اماني وابوي متزوج ويلا
ماجد :هااااه
خلف : اهلاً بك في عالم الصدمات
ماجد: كلهم على جنب ابوك وش قصته !
خلف : تزوج طال عمرك
ماجد : لا لا
خلف : هذا اللي صار
ماجد: لاحول وكيف عاد الامور
خلف : مثلك عارف ، لكن قلي موضوعك الحين
ابتسم ماجد بتوتر: اجل خذ هالصدمه بعد
خلف : سمعني
ماجد بهدوء: بخطب سحر بنت عمك
رفع خلف راسه بهدوء يناظر ماجد نظرات عجز يفسرها ماجد لكن كانت اغلبها صدمه :سحر!
ماجد : ايه
اعتدل خلف وهو مصدوم وقال: وش معنى سحر!!
ماجد : نشوف انها مناسبه لي
ما ينكر خلف انه تجمد من الصدمه لكن فرح ان مثل ماجد تقدم لسحر اللي طول الوقت وقلبه موجعه عليها وحاس بالذنب لكن اذا تزوجت ماجد متاكد انها بتكون سعيده
ماجد: فيك شي انا سمعت ان خطبكم تفركشت
خلف : ايه نعم حصل لكن تفاجأت والا انت ياماجد سعد عينها اللي بتاخذك
ابتسم ماجد براحه: تسلم لكن انا حبيت اكلمك انت لانك معني في هالموضوع كثير ويمكن تجي اعتراضات عشانك
خلف : لا لا لا اعتراضات ولا هم يحزنون تقدم واخطب وانا معك
ماجد: الله يسعدك ياخلف والله انك ابو قلبٍ كبير لكن انت ادرى بعقاب وابوك
خلف : ابوي اقدر اتصرف معه لكن عقاب بحاول وانت اعرف بعقاب
ماجد : اجل الله يعين
خلف : اجل قم خلنا نروح البيت ونتغدا ونعين خير وبعدين نتفاهم
ماجد: على بركة الله
طلعوا وخلف كل شوي يناظر ماجد يحس انه مذهول ومصدوم لكن اذا فكر بطريقه ايجابيه يشوف ان ماجد مليان بالفرص لسحر وسحر بتعيش كل احلامها معه لكن وييين وعقاب متسلط عليهم
اما ماجد رغم فرحته الا انه يحس انه حذر مع خلف مايدري للحين وش اتجاهات خلف
_______________________.
وفي بيت الجد قايد
كانوا الكل فيه وللكل تارك حوريه في بيت ابو خلف لحالها ولا احد قال لها ان الوجبه اليوم في بيت الجد .
.
.
وفي بيت الجد قايد
كانوا الكل فيه وللكل تارك حوريه في بيت ابو خلف لحالها ولا احد قال لها ان الوجبه اليوم في بيت الجد
دخل ابو ناصر ومحمد وجلسوا بعد ما سلموا وجاء عزوز وفيصل وجلسوا وسالم وغيث
والكل منصت لسوالف الجد ووعد اللي اشتاقوا لها واللي تبشرهم انها مانستهم ودعت لهم في الحرم
عزوز: مادعيت لنا يا الوحش
لفت وعد بضحك: دعيت لك بالهدايه
فيصل: حيااكم الله في وعد نسخة جدتي ام ناصر
ضربته ام ناصر :وش فيني هاااه وش فيني
فيصل فز وهو يبوس راسها: مافيك الا الزين والملح والقبله
دق الباب وفزت شهد: هذا عقاب اكيد جاء
هيا: بشويشش
بدوا البنات يجمعون اغراضهم بيدخلون لكن دخل عقاب على طول وكانوا اصلا متغطين ودخلوا لكن وعد اللي كان الاخيره عارفها عقاب زييين وصد بكرهه وهو يقول : يالله مساء خير
ابو ناصر: وش فييييك مجمع شياطينك وجاي
عقاب : مافيني شي لكن بقولك بعد الغداء ابي اخذ اخواني ونروح لجدتي ام امي اتصلت فيني زعلانه والا تبي نجييييي لها اليوم
ام ناصر: وش بلاها
هيا: بعد وش بلاها المسكينه ماشافتهم من بعد العيد
ابو ناصر: يا عقاب يا ولدي لا تصير قاطع رحم هذولا اهل امك واجب كل شهر تروح لهم
عقاب : ياجدي ماني قاطع لكن مشغول
محمز: انتبه عاد وخلك فطين ورتب امورك
صد عقاب : عزوووز كلم البنات يجهزون مالي خلق انتظر
عزوز: طيب
وقف سالم وغيث يفتحون الباب اللي يدق وهالمره خلف وماجد وكالعاده وقفوا يرحبون فيه
وجلسوا وعقاب صاد بكرهه لكن قال ابو ناصر : جهزوا اموركم يا عيال بكره بيجي ضاري ويملك
عقاب :متى حددتوا
خلف : جاء ضاري اليوم المحل ورتب اموره
عقاب : يا سرعه ماشاء الله
ضحك خلف وهو يقول :وده يصير عمك بسرعه
عقاب : خليييف
محمد : زين الله يتمم لكن وش صار على جابر !؟ خلف : بكره بعد الملكه بنروح الكويت واشوف اموره وارجع
ماجد : وابوك وينه اليوم!؟ خلف : والله مدري وينه
فيصل: من شوي سمعت صوته بالبيت
محمد : غريبه ماجاء للغداء للحين
سالم : اناديه
خلف: لا انا اناديه
راح خلف اللي شايل هم اخوانه ومايبيهم يشوفون ابوهم بحاله مزريه دخل البيت ومثل ما توقع شافه جالس مع حوريه بالحوش وهي مغرقته بانواع الفواكه اللي عمر خلف ماشاف ابوه جايبها لهم
اعتدل ابو خلف يناظر خلف بفشله: وش تبي ورا تنحنح او تدق الباب
خلف : جاي بيتنا يبه !؟ احد يستاذن في بيته!؟ ابو خلف :وش عندك!؟ خلف : جدي يناديك للغداء
ابو خلف بعدم اهتمام: ما ابي روح انت روح
.
.

.
ابو خلف بعدم اهتمام: ما ابي روح انت
انسدت نفس خلف وصد بإشمئزاز : بروح لكن الحوش للعامه يبه واذا انت مراعي خصوصيتك غرفتك موجوده ماله داعي يشوفونك اخواني
وقف ابو خلف بغضب: وش مسوي انا ذنب
خلف : لا لكن عييييب
طلع وتركه وهو متفشششششل من تصرفات ابوه المراهقه ومقهور من نظرات حوريه
وقبل يدخل على الرجال سمع صوت احد يناديه ولف وتبخرت ضيقته كلها واسرع بخطواته لها: وععععد ياحبيبتي
قربت وعد وهي تحضنه بنفس الشوق : مابغيت تكي واسلم عليك
خلف :مادريت انك هنا والا اجي لك قبل اروح لاي مكان
وعد : وش فيك زعلان!؟ واضح على وجهك الضيق
لف خلف بضيق وهو يأشر على البيت : ومن غيرهم
وعد : ماعليك انا اوريك فيهم انت بس روق
خلف ابتسم: اكيييد بروق دامك موجود
غيث: خلللف تعال الغداء
وعد : روح روح شوي نكمل سوالف
خلف : يلا
_______________________.
وفي بيت النوخذه
كان الوضع هادي ومترقب كان جابر يعدد ويجمع الاماكن اللي ممكن يسألون عنه فيها ورفع راسه يقول :يبه تهقى يروحون الكويت
ابو نهيان: اكيد يايبه بيروحون الناس بيسألون عدل عن الرجال اللي بيعطونه بنتهم
ام نهيان: خلهم يروحون ماعندك شي تستحي منه
جابر: ايييه عادي بس توترت والله اخاف يصادفون احد من طرف عماتي
ابو نهيان: ماكو مشكله خل يصادفون
كانت ليلى ودها تساعد جابر ودها تقوله ان خلف بيروح للكويت واكيد بيسوون شي
ووقفت وهي تفكر في خطه كيف توصل لخلف انه مايثق بكلام عماته لكن لفت بكل قوتها اول ماقالت امها : واخزياه يا ابو نهيان لو تدري عن ابو خلف
لفو كلهم:شنو فيه
ام نهيان: والله الفريچ كله مالهم سيره الا هو وزواجه تزوج على حرييمه بهالعمر
شهقت ليلى برعب وهي تتذكر هالايام اللي راحت كلها اغلبها خلف فيها مهموم واكيد هذا السبب
ابو نهيان: واذا تزوج رجال متزوج على سنة الله ورسوله
جابر: يمه الله يهداچ خرعتينا
ام نهيان: يعني تشوفونه معه حق
ابو نهيان: اكيد مع حق الرجال ماسوى مصيبه
ليلى : شلون يبه حرام قهر حريمه وعياله حرررام
جابر: شعرفچ انهم انقهروا يمكن استانسوا
ليلى: محد يستانس على زوجة الابو
ابو نهيان: هدوا الناس بحالهم وزهبوا غدانا
ام نهيان: زين زين
ضحك جابر: اي يمه لا يتزوج عليچ ابوي
ضربه ابو نهيان وهو يضحك وراحت ام نهيان تحضر وليلى تشتغل وهي شايله هم خلف وخواته واكيد ضايقين
_______________________.
وفي بيت نادر
اللي رجع ولا يمديه يتفادى موقفه الصبح الا ركضت له شوق :نادر جيييت شلت همك من ساعه
نادر: ليش!
.
.
.
اللي رجع ولا يمديه يتفادى موقفه الصبح الا ركضت له شوق :نادر جيييت شلت همك من ساعه
نادر: ليش!
شوق: طلعت مستعجل وتاخرت وخفت
ابتسم نادر بضعف: ماعليه ياشوق هالايام اموري بالشغل ماهي تمام
شوق : لا ماعليك المهم انك بخير
نادر: بخير بخير
لف على صوت امه: نادر جيت يلا عشان نجهز الغدا لابوك
نادر: جهزوا جهزوا
دخل الغرفه وهو يشوف برود امه اللي ما اهتمت انه تاخر او غاب فتره لكن المهم تلحق رضا ابو نادر جهز الغداء وجات شوق مبتسمه: يلا الغداء صار جاهز
نادر : كأن مالي نفس
شوق :لا لا وشو مالك نفس شوف كيف وجهك تعبان ، اسمع تغدا وبعدين ارتاح على كيفك ما احد بيزعجك
نادر : زين زين
شوق : ايييه ترا انت بعد تقول كل شي الا انك تهمل نفسك وصحتك صح
نادر: تطبقين دروسي علي
شوق ضحكت: نتعلم منك
نادر: يلا
طلع وهو يتحاشى النظر في ابوه اللي كل مايشوفه يذكره انه يبي حفيد
_______________________.
الليل
في بيت الجد قايد عقاب بعد الغداء طلع مع اخوانه بسرعه وماعطى ماجد فرصه انه يفصح عن موضوعه عشان كذا قرر ماجد يأجل الموضوع شوي وقرر محمد يستضيفه في بيتهم لان بيت ابو خلف هالفتره متوتره اموره
وبيت الجد ركد وهدا بدون عيال نايف وصار الوقت بطيء بالقوه يمشي لكن مضاوي تحسه يطير وهي تدري ان بكره بتحون ملكتها على ضاري اللي رغم انها تعرف عنه كثييير لكن تحسه مجهوووول بالنسبه لها وشايله همه
لكن هيا كانت تعيش في عالم قناعاتها وبين كتبها وثقافتها اللي تسعى انها تنميها بنفسها مادامها محرومه من كل الوسائل اللي تنميها
_______________________.
وفي بيت ابو خلف
حوريه اللي من بعد ما الكل رجع وشافت نظرات وعد وخلف الغاضبه قررت انها ماتطلع من غرفتها
ورجع الكل يعيش وضعه العادي وفي السطح كالعاده هناك خلف ووعد اللي جالسين بهدوء وبينهم براد شاهي وراديو كالعاده ونار
وكان خلف مبتسم وهو يتأمل الراديو اللي كان عذر ليلى اذا بغت تجي الدكان
صحى على ضربة وعد على فخذه: وين وصلت وش هالابتسامه
خلف : قريب ماعليك
وعد : ادري انك قريب لكن وين بالضبط وبعدين تعال وش جاب جابر لاماني
خلف :علمي علمك كل اللي قالوه امه تشوفها مناسبه له
وعد بهدوء: يعني انتي وليلى مالكم يد فيها
لف خلف بهدوء: لا ياشيخه ماهي لدرجة اني اعرض اختي على احد
وعد : يمكن مو انت يمكن ليلى ضبطت الامور من عندها
لف خلف بشك: لا لا وش دخل ليلى ؟
وعد : انت ابخص
خلف : لا ماهقيت
وعد: وانت وش بتسوي بهالوضع واذا ابوي رفض .
.

.
خلف : اذا ابوي رفض انا بروح وبخطب ليلى بنفسي مايحتاج يجي احد يوثق قراري
وعد بهدوء: خايفه عليك يا خلف من هاللي انت فيه اخاف يصير شي يضيعك ويضيع ليلى معك
خلف : وعد اذكري الله وش هالفال
وعد بسرعه قالت : اييييه وكيف الشغل معك
عرف خلف ان احد جاء وقال بهدوء: ابد مثل العاده
ندى : يووه مابغت تخلص المواعين
خلف : تعالي هنا عند النار تدفيك
ندى: جيتك
وعد: وين البنات !؟ ندى: راحوا ينادون مضاوي وهيا دامهم اليوم ماعندهم احد
جاء فيصل بهدوء: وعد مبارك تحت
لف خلف : مباااارك نسيت اسال عنه والله
وعد بضيق: ماعليك خلني اشوفه
خلف : خليني بنزل اسلم عليه
نزل خلف ووعد وسلم على مبارك اللي كان مستعجل وهو ينادي وعد: يلا بنروح
وعد لف تناظر خلف اللي راح وتركهم لحالهم ولف على مبارك:مبارك ابي انام هنا
مبارك: وشوووو ماقلتي بتجلسين لليل
وعد: ضايق صدري بجلس عندهم الليله بس
مبارك : ما تفقنا على كذا ياوعد
وعد : مبارك انت تقول كل شي يضيق صدري تمحيه وانا الحييين ضايق صدري مابي ارجع للبيت بجلس عند اهلي
مبارك اللي شك انها عارفه ان البيت فيه شيخ وضيقها ذا غير مبرر وكلامها الزعلان وخاف انه يصير له شي وبسهوله قال : زين زين لكن بكره الصباح بدري بتجين معي
وعد : طيب
مبارك: يلا فمان الله
وعد : مع السلامه كانت وعد مستغربه من رضوخ مبارك السريع وكان مرتبك واضح وراه شي لكن ماتدري وشو لكن زين وافق ورجعت وهي مبتسمه وشافتهم مجتمعين وممحشورين عن النار
مضاوي: وش عندك رجعتي!؟ وعد جلست ببتسامه: بنام هنا
هيا: اما عااد وانتي عروس بتنامين هنا
وعد : ايييه
ضحكت ندى: كفووو اختي
فيصل : اانا جالس اشوف ان القوامه في يدك اختي الحوش
وعد: فيصل من زمان ما كفختك
فيصل : خلاص استسلم
كلموا سوالفهم والكل مبسوط بوجود وعد
_______________________.
وفي احد القرى البعيد عن الخفجي
كان هناك عقاب واخوانه عند جدته ام حامد
ام حامد بعتب: يعني لوو ما ادوركم محد يذكرني
عقاب : ياجده تعذرنا منك واقبلي عذرنا
ام حامد : كلٍ اقبل عذره الا انت
سحر: ياجده والله عقاب مشغول
ام حامد : وش شاغله العيال ولا الحرمه
عزوز: احنا نكفيه عن عيال وحرمه مشغول فينا
ام حامد : اها بس ماقلت لي وش صار على زواج سحر من خلف كأن الناس راكدين
الكل صد وسكت واعتدل عقاب وهو يقول : ماصار نصيب يا جده
.
.

[صواديف عشاق]

.
ام حامد : اها بس ماقلت لي وش صار على زواج سحر من خلف كأن الناس راكدين
الكل صد وسكت واعتدل عقاب وهو يقول : ماصار نصيب يا جده
ام حامد : وشوووو خطبة سنييييين صارت مافيه نصيييبب !؟ عهد : سحرر ما تبيييييه مو غصب وخلف ماهو ملاك
في عز الكلام شهقوا كلهم اول ما ضرب الفنجان في ذراع عهد وطاح بحضنها ورفعت عيونها تناظر وشافت عقاب اللي وقف بغضب بعد ما حذفها بالفنجان : كم مره قلت وعدت وزدت عدلي لسانك ياعهد قبل اقصه لك والظاهر انك ما تفهميييين وتبيني امد يدي
ام حامد : وش فيييييك عليها هاه وليه تطقها وش سوت
عقاب بغضب وهو يقول : ادرى كيف اربي خواتي وقومي من قدامي قبل ادفنك هنا
وقفت عهد وراحت وهي تبكي بقهر والكل سكت وصار يناظر عقاب اللي يقلب مسبحته بيده بغضب
ام حامد : وش معناه هالكلام وشلون يعني تفكرشت الخطبه!؟ عقاب : البنت ما تبيه وهو بعد مايبي ماهو غصيبه
ام حامد : ولييه ما تكلموا من زمان توهم يتذكرون بعد هالعمر كله !؟ يوم قطع نصييبها من كل مكان وكلٍ عرف انها له
عقاب : ما احد قطع نصيب احد والنصيب بيجي اذا ربي كاتب لها نصيب وخلاص سكروا الموضوع
نزلت راسها سحر بضيق وهي ماصدقت تنسى عشان يرجعون يعيدون هالسالفه
ام حامد:وخلنا من سحر انت وشوله جالس للحين ما تزوجت ولا تنتظر بنات عمك اللي عايفينكم
عقاب : جدددده وش هالحكي
ام حامد : اسمعني يا عقاب امك وصتني عليكم وانا مخليتكم على راحتكم مابي ازعلكم لكن واضح ان جدك وجدتك مايعرفون كيف يمشون الامور
عقاب: جدي وجدتي ماهم مقصرين
ام حامد : اجل اسمع الكلام وافهمني دامك رجال وشايل نفسك وتقدر تفتح بييت وصلت هالعمر لازم تزوج وتكون نفسك الدنيا ماهي على كيفك
صد عقاب اللي ماكان يفكر بالزواج ابد ولا يفكر يطلع ويترك اخوانه : ماني متزوج لين ازوج اخواني
ام حامد : اها بس اخوانك ماهم ضايعين في بيت جدهم وانا موجوده لكن وجب عليك الزواج
تكتف عقاب: وزواجي صار همك ياجده!
ام حامد : اييييه صار همي وشغلي الشاغل والبنت اللي تناسبك موجوده
لف عقاب يناظر سحر وعزوز اللي يناظرونه
ولفت ام حامد: خلونا لحالنا
راحوا ولفت ام حامد على عقاب : اسمعني ياعقاب بنت خالك حامد الله يرحمه للحين موجوده وما تزوجت والبنت مافيه مثلها خلق وادب وعقل وثقل وجمال وانت تعرفها زيين وتعرف تربيتها
سكت عقاب فتره وقال: للله يخليها لامها .
.
.
والبنت مافيه مثلها خلق وادب وعقل وثقل وجمال وانت تعرفها زيين وتعرف تربيتها
سكت عقاب فتره وقال: للله يخليها لامها
ام حامد : انا ادري مافي بالك احد وكل اللي تبيه بنت تحافظ على بيتك وعليك وترعاك وترعى اخوانك وجود طيبه ينتصلى على طوف ثوبها وفوق هذا تحب خواتك ويحبونها ولا تحصل احسن منها
عقاب : وليه تبيني انا بذات اتزوجها عيال خووالي كثير
ام حامد : كثيير لكن محد منهم مثلك وانا ادري محد بيحفظ بنيتي ويسعدها الا انت وانا ماعاد ابيها تعيش عند ناس غرب وابي اتطمن عليها وانت تدري انها وصية خالك الله يرحمه
سكت عقاب ولا رد ورجعت ام حامد تقول : انتم كلكم عينين براس وانا ماني متطمنه عليك الا معها وهي بعد وانا طالبتك ياعقاب تفكر زيين
وقف عقاب بهدوء : زين ياجده ارد لك خبر
طلع عقاب اول ما حس ان الموضوع بدا ياخذ بتفكيره حيز واذا فكر بعقله هو ماينتظر احد ولا في باله احد وعمره يمشي ولازم يتزوج وهذا اول مخرج بيحرره من انه يتزوج من بنات عمه وهو ماوده بالزواج منهم
_______________________.
في بيت ضاري
اللي كان يتعدل يبي ينام لكن وقفت عيونه على الاغراض المجهزه بالزاويه الصندوق اللي فيه الذهب والصندوق اللي فيه بعض الاقمشه اللي اخذتها امه هديه لمضاوي واهلها والشبكه وكل شي قدامه سرح يتأملها وهو اللي عمره ما توقع انه بيعيش هاللحظه وانه فعلاً بيتزوج كان يعتبر هالفكره سراب ومستحيل تحقق لكن بكره بيصير كل شي رسمي وبتصير مضاوي زوجته بموجب العقد
وهذا شي موتره ومربكه رغم حبه لخلف واهله اللي استقبلوه بطيبه وحب
سكر النور وتمدد وهو مبتسم ودايماً تعود ينام مبتسم لكن هالمره ابتسامته من قلبه من كللل قلبه
_______________________.
في بيت نادر
كان متخذ ابعد مكان عن شوق مايبي يهتز قلبه لاي تفصيل ملفت فيها لكن تفاجئ بشوق اللي جلست قدامه بهدوء وهو تشد على يدينها ومن دون إدراك قال بسرعه: شوق وش فيك صاير شي!؟ احد قالك شي
شوق : لا لا محد قال لي شي
نادر : اجل وش فيك
شوق بهدوء : مدري احسك زعلان مني !؟ مدري اذا سويت شي وانا مدري وزعلتك لكن والله مو قصدي
تجمد نادر اللي حس ان وجهه برد واطرافه بردت وتفشل
تقدم ببتسامه: افا يا شوق انا ازعلك منك معصي
شوق :اجل ليه احسك متضايق
نادر ببتسامه وضحك : مافيني شي يانديمتي لكن مشاكل الشغل حايستني شوي
شوق ابتسمت على اللقب اللي تعدوته من نادر : اجل الحمدلله لاني طول اليوم شايله هم ما ادري وش سويت .
.
ضحك نادر: لا لا وش بتسوين يابنت الحلال الا كل زين انتي ملاك مايجي من وراه الا كل خير
ابتسمت شوق بامتنان : تسلم يانادر
ابعدت وهي تدخل بمحلها لكن نادر اللي نقد على نفسه وضاق وشلون يسمح لنفسه يدخل بهالتصرف مع شوق اللي للحين ماعرفت ترد على اي كلمه حلوه يقولها
اختفى كل شي من عقله وقلبه وقرر يكمل على النهج اللي وعد به شوق ووعد به نفسه ولا يستسلم لأي طاري
_______________________.
ومن بكره
كان الاستنفار في بيت الجد قايد قايم والكل يستعد لجيت ضاري والكل يروح ويجي من قدام مضاوي اللي تعيش بركووود ما تعرف تفسره الا خوف من المصير المنتظر كان وده ان عقاب فيه وتركض وتقوله انهامن الخوف هونت ولا تبي ضاري وكان اكيييد بيساعدها لكن عقاب تأخر كثييير وكل ما تأخر يزيد ارتباكها
دخلت هيا وهي تناظرها بتعب: للحين متجمده هنا قومي ساعديني تعبت
مضاوي بتوتر : واللي يسلمك يا هيا نادي اي احد غيري انا ما احس بنفسي من التوتر تكفيييين
هيا : لا حول الله وهذا وقت عقاب يروح لجدته ويخلينا حايسين
راحت هيا تستنجد ببنات ابو خلف يساعدونا وكلهم برسم الخدمه وصلوا بما فيهم وعد اللي بالقوه صرفت مبارك الصبح وقالت فيه ملكه لازم تحضرها وبالقوه ليييين رضا
طلعت وعد وهي تدور على مضاوي وضحكت اول ماشافت حالها :مضاوي وش علتك جالسه هنا
فزت مضاوي : وعد ألحقيني مافي الا انتي تنقذيني
وعد : وش فيييك وش صاير بسم لله عليك
مضاوي: انا خايفه ومتردده وشكلي بهون
شهقت وعد: وشووو !؟ ليه وش صار وش السبب
مضاوي بهمس: تعرفين ان ضاري لقيط!؟؟ طارت عيون وعد ووقفت بذهول وهي وتناظرها: نعم!؟ ومن قالك هالحكي
مضاوي :هو قال لخلف وخلف قالي لكن انا احس اني اذا وافقت بوقف على طوف هواية ويمكن اطييح واضيع
وعد : لا لا يابنت وش هالحكيي اللي تقولينه تعوذي من ابليس وافكاره وبعدين مو انتي فكرتي واستخرتي ووافقتي خلاص لا تخلين الشيطان يلعب عليك
مضاوي : وافقت ومدري كيف وافقت ومدري وش اسوي
وعد : يامضاوي اعقلي وانتي بنفسك قلتي ان خلف كلمك عنه وخلف مستحيل يرضى لك بأي واحد وجدي بعد واكيد انهم سألوا عنه قبل يعطونه الموافقه ودامه صاحب خلف اكيد انه طيب ويستاهلك
مضاوي : حتى عقاب مارفضه ولا قال شي عنه الا اللي قاله خلف
صد وعد بكرهه من طاري عقاب : ماعلييييه يابنت الحلال هذا انتي قلتيها كلهم يمدحونه تعوذي من ابليس ولا تضيعين كل شي بلحظة توتر واجلسي استغفري وان شاء الله الموضوع بسيط
جلست مضاوي وهي للحين ماهي متاكده من قرارها ومتخوفه جداً
.

.
جلست مضاوي وهي للحين ماهي متاكده من قرارها ومتخوفه جداً
وطلعت وعد وهي فعلاً ماتدري وش تقول لمضاوي او كيف بتواسيها الوضع متوتر وهي ماهي فاهمه السالفه
_______________________.
وفي بيت ضاري
اللي من الصبح وانه ترتبه وتهندمه وتعطره وتغني له ( ضاري عسى عينه تقر ..ضاري عسى قلبه سعيد .. وليدي جعل فاله الهنا ..ضاري رضي الوالديين .. )
كان ضاري مبسووووط على صوتها اللي يبان في ذبذبات كبر السن وهي تغني له اخذ المبخره منها وهو يبخر عبايتها وطرحتها وهو يجاريها بنفس اللحن والاغنيه ويضحك ( يمه عسى أيامك دهر .. يمه عسى عمرك طويل .. وبشوفتك عيني تقر .. يا منوة القلب السعيييد )
ضحكت ام ضاري لكن اختلط صوتها بعبرتها وقربت وهي تحضن ضااااري بكل قوتها وانهلت دموعها وعجزت تتحمل هالمشاعر اللي عمرها ماحلمت بها
تعلق فيها ضاري وهو يحاول ما يتأثر لكن غصب عليه رقرقت دموعه بعينه
وابعدت ام ضاري وهي تمسح دموعها بطرحتها ودموع ضاري قبل تنزل : لا لا نبي نبكي ولا نتكدر اليوم فرح يوووم يكتب بالتاريخ
ضاري : على قولك يمه يلا ما ودنا نتأخر
ام ضاري : يلا يلا
طلعوا وهم شايلين اغراضهم وكل واحد يمرهم يبارك ويناظر الاغراض وكثرها باستغراب لكن يذكر لله ويكمل طريقه
_______________________.
وعند خلف
اللي كان يخف خطواته بالسوق يبي يجمع كل شي وصاه به جده ويرجع قبل يوصل ضاري لكن وقفه سعود وهو يقول :خلف خلف
خلف : لبيه يا سعود
طلع سعود كيس ملفوف بحرص : خذ هاذي لاختك وعد
قطب خلف حواجبه: من ارسلها!؟ سعود اللي مستعجل : ليلى ارسلتها على وعد ويلا بروح قبل تهون ماتعطيني حلاوه
ضحك خلف وهو يطلع من جيبه ريال: خذ هذا مني
سعود : يالله ياكريم
اخذه وركض لبيتهم ووقف خلف ببتسامه وهو يدخل بأي مكان منعزل وفتح الورقه وابتسم وهو يقرا ( اول شي .. مساك الله بالخير .. وثاني شي قبل تروح الكويت لازم اقولك هالكلام لاني ادري شنو بتواجهه بالكويت .. وانت اعرف .. لكن اذا قابلت هالاسامي ( وكتبت اسامي عيال عماتها ورجالهم وكل واحد ممكن يتضامن معهم ) وسألتهم لا تصدق حچيهم لانهم ما بيرضون ان جابر يتزوج وحده برا الديره وبذات بناتهم عشان چذيه بيهولون بالحچي فا لا تصدقهم ...
واذا تثق فيني ولو شوي أسال هالاسامي اللي بكتبهم لك لانهم يخافوون الله ويعرفون الحق .. وثالث شي .. قبل تروح الكويت تأكد انك اخذت وياك جاكيتك او شي يدفيك ترا برد الكويت مايرحم يا ولد القايد .
.
.
وثالث شي .. قبل تروح الكويت تأكد انك اخذت وياك جاكيتك او شي يدفيك ترا برد الكويت مايرحم يا ولد القايد
والرابع والاخير.. نستودعك الله وترد بالسلامه واذا رديت لا تنسى تطمنا ..) انتهت رسالتها اللي ابتسم بسببها خلف من اول سطر لاخر نقطه
سكرها وهو كله ثقه تامه بليلى واكيد كل شي تقوله هو الصحيح
اخذ اغراضه ورجع للبيت مبسوط ومستانس ..
_______________________.
في بيت ام حامد
كانوا عيال ابو نايف يجهزون عشان يرجعون ويحضرون ملكة مضاوي وعقاب واقف بهدوء وهو ما نام الليل يفكر بكلام جدته وهو نوعاً ما مقتنع ولا عنده اعتراض
وقبل يطلعون التفت يسلم على ام حامد وقال: اجل ياجده تم وان شاء الله لا قضينا من مضاوي نبي نرجع انا وجدي وعمامي ونخطب جود
شهقوا البنات والتفت عقاب عليهم وسكتوا
وابتسمت ام حامد ؛الله يبارك فيك ويوسع صدرك يا حبيبي والله يتمم
عزوز: اخييراً احد اقنعه
عقاب : جالس على قلبك
ضحك عزوز: لا بس ابي اشوف عيال اخوي
عقاب ابتسم: امش امش
ام حامد : للله معكم يمه
الكل: فمان الله
طلعوا متجهين بيتهم جدهم وهم كل واحد وده يسأل عقاب لكن خايفين
لكن عقاب ماكان الموضوع مأثر عليه كثير كثر ماهو حاط بباله مسألة وعد
_______________________.
وفي بيت ابو خلف
جهزوا الكل واجتمعوا بالحوش وطلع ابو خلف وحوريه: وين على الله
ام خلف : نبي نروح ملكة مضاوي
ابوخلف:وشووو ملكة مضاوي!؟
ام وعد : ايييه ياحافظ وش بلاك مضيع الدنيا
ابو خلف :شلون يزوجونه بهالسرعه!؟ وعد : والله ما احد تزوج بسرعه الا انت يبه لكن مدري شفيك ناسي ان خطبة ضاري لها مده
خلف : ولو حضرت غدا جدي امس كان عرفت
ابو خلف: احترم نفسك انت وياها
خلف : زين
ابو خلف : ندى وين القهوه !؟؟
ام وعد بزعل : ماسوينا قهوه ومشغولين بنروح بيت عمي طالبنا نساعد الناس
وعد : البركه في العروس الجديده لازم تذوقك قهوتها عشان تقيمها اخاف انك اخذها على عماك يبه
ضحكت حوريه باستفزاز: لا ياحبيبتي قهوتي حافظها وعارفها زين
ابو خلف : بس بس
خلف : يلا نبي نلحق
طلع الكل ولا احد جلس عند ابو خلف اللي مايدري وين اختفت هيبته لكن بالنسبه لعياله من بعد اللي شافوه وسمعوه هاليوم صارت صورة ابوهم مهزوزه
_______________________.
وفي بيت نادر
كان نادر يجهز لان ضاري عزمه على الملكه وام ناصر عزمت وام ضاري عازمين شوق
انتهى وهو يتعطر والتفت: شوق يلا تاخرتي
طلعت شوق بسرعه وهو تدور على شي
.
.
.
انتهى وهو يتعطر والتفت: شوق يلا تاخرتي
طلعت شوق بسرعه وهو تدور على شي ورفعت راسها اول ماحصلت طقم الذهب الكبييير ورفعته لنادر: نادر تسويه لي
ناظر نادر الطقم اللي كان كبيييير مره عليها : لازم تلبسينيها !؟
شوق: وش اسوي ماعندي الا هي وكلها كبيره
اخذها نادر بجيبه وهو يقول :اللبسي وتعالي بسرعه
شوق : ويييين
نادر: خلصي ياشوق يلا
ركضت تلبس وطلع نادر يوقف بالحوش وركضت له شوق بعد ماخلصت ووقفت جنبه : يلا ولفت ام نادر: وين رايحين!؟
نادر: معزومين على ملكة ضاري
ام نادر تخصرت: وشوق معك!؟ نادر: ايه
ام نادر: وضاري هذا مايدري ان عندك ام تنعزم معك
نادر رفع كتوفه بيأس : وش اقول يمه!؟ ام نادر: روح روح الله يعوضني تعبي فيك
طلع نادر بانزعاج وشوق تحاول تجاري خطواته السريعه لكن وقف نص الطريق وهو يمسك يدها وبدا يمشي بهدوء وابتسمت شوق له وبدت تركد نيران قلبه ووصل محل الذهب ووقف وهو يبيع الطقم واخذ بداله اشياء خفيفه تناسب شوق وتكون عليها احلى وانعم
ابتسمت شوق اللي تشوف نادر يراعيها حتى في اتفهه المجالات : مشكوور
نادر : لا تقولين لي هالكلمه ما احبها
ضحكت شوق : ابشر
لف نادر يناظر ودخل بفتحه مسكره ومحد يجي من قريب منها
شوق: وش تسوي !؟ نادر: بتروحين لناس من دون ما تلبسين ذهبك!
ضحكت شوق : وين اللبسه!؟ نادر: هنا ! لفي اشوف عشان اسويه لك بسرعه قبل يجي
لفت شوق وهي خايفه يجي احد وبسرعه لبسها نادر وابعد وهو يسوي لها الاسواره والخواتم وماقدر يتجاوز هالخطوه بدون ما يرفع يدها له ويبوسها وابعدها وهو مبتسم : تزهين الذهب مايزهاك يانديمتي
دق قلب شوق وارعبها بدقه اللي كل ما كان نادر قريب تحس انه يكسر ضلوعه مدت يدها لقلبها تهديه بخوف ماتبي نادر يسمع دقاته الفاضحه وسكتت كالعاده بخجل ماعرفت ترد ولا تقول شي ولا تدري وش هاللي يخربط احاسيسها وطلعوا متجهين بيت ابو ناصر وكلهم مبتسمين وكلهم قلوبهم تدق بشعور صعب صعب جداً يفهمونه
_______________________.
في بيت الجد قايد
الكل جاهزين ينتظرون جيت ضاري ومضاوي اللي بعد كلام وعد تحس انها هدت
وجهزت وجلست بغرفتها مانزلت واخيييراً الكل اجتمع ووصل ضاري وامه اللي استقبلهم عقاب وخلف ومحمد ونادر وفيصل وعزوز وطبعاً اجتمعوا العيال يسلمون على ام ضاري من بعيد وهي ترحب فيهم
ودخلت واستقبلوها الحريم بالزغاريط وابتسم ضاري لترحيب ابو ناصر فيه وحفواته
ووصل الشيخ وبدا يكتب الكتاب ووكل شي يمشي تمام لين وصلوا عند راي مضاوي اللي صار لازم يسمعه الشيخ .
.

.
ووصل الشيخ وبدا يكتب الكتاب ووكل شي يمشي تمام لين وصلوا عند راي مضاوي اللي صار لازم يسمعه الشيخ اخذ خلف الكتاب وهو يتحاشى ان عقاب ياخذه خايف من نظراته الهاديه اللي غالباً ما تطمن كانوا متوترين اغلبهم وينتظرون الكلمه الاخيره ودخل خلف وهو ينادي : وعد وعد
طلت وعد : هلا
خلف : شوفي الطريق لمضاوي
وعد : طيب لكن خلف انتبه تراها متوتره ومتضايقه واحتمال ترفض
اتسعت عيون خلف بذهول : وشو ترفض!؟ وش غير رايها وش حصل
وعد : مدري مدري لكن انت كلمها
اخذ خلف طريقه لها وهو يستعجل خطوته دخل الغرفه وفزت مضاوي تناظره بعيون مليانه خوف وقفت نظارتهم لبعض فتره واول ما انتبهت مضاوي لدفتر اللي بيد خلف قالت بصوت يرجف : لا ما ابيه
هنا بالضبط اختل اتزان خلف وضرب قلبه برعب وقهر وقال بصوت متحشرج: نعععم !وش قلتي وش قلتي
مضاوي بخوف : ما ابي
لا شعورياً صرخ خلف : مو انتي اللي وااااافقتي!؟ وش صار الحيييييين!؟ مضاوي :مدري ماني مرتاحه خايفه! مصييييري معه مجهوووول
انهبل خلف اول ما طرا له ملامح ضاري لو عرف وردة فعله!؟ وهل لعقاب يد في السالفه او لا ، اتجهه لها بغضب وهو يمسك ذراعها بقوه: ليييه الناس والدنيا على كيييييفك!؟ وييين هالكلام من قبل !؟ ليييه يوم الناس جت فرحانه وجابت لك الدنيا معها تبين تردينهم وتكسرييييينهم ليييييه!؟ من اللي قالك ترفضييين هاااه من اللي قالك ترفضين
دخلت وعد في هاللحظه وابعدت خلف بالقوه عنها: خللف وش فيييك انهبلت
ابعدها خلف بضيق : اكيييد انهبلت اكييد ولا هذا كلااام اخذه الناس لعبه في يديها وهي تدري ان وضع ضاري حساس ومايتحمل لعب عياال
وعد : اهدا انت اهدا وتعوذ من ابليس وبنفهم
لفت وعد لمضاوي اللي تدري ان خلف في هاللحظه وهو معصب ممكن يدفنها تحت الارض
تقدم خلف وهو يحاول يهدأ : بنننت مب انا بنفسي كلمتك مب انا علمتك لكل شي عن ضااااري وقلت لك لا تستعجلين قلت فكري ولا تردين الا متاكده لا نعشم الرجال على الفاضي!؟؟ وهاذي نهايتك
مضاوي : انا وافقت وانا ماني متاكده انشغلت في ابوك وزواجه
ضرب خلف صدره بقهر: وش دخلك بأبوي وزواج ابوووووووي اسمعيني زيييييين عاد هالدلع انسيه ودامك وافقتي بتحملين قرارك سمعتي ولا لا
وعد : ياخلف الله يهديك وش فيك اكيد ما انت جابرها
خلف : وش اللي ماني جابرها بتنجبر وتحمل غلطتها
مضاوي : خلللللف انا ابوي واخواني للحين فوق راسي
خلف : اسمعييييني زييين يا مضاوي والله والله لو ترفضين ان وجهي على وجهك حرام ليوم الدييييين سامعتني .
.
.
خلف : اسمعييييني زييين يا مضاوي والله والله لو ترفضين ان وجهي على وجهك حرام ليوم الدييييين سامعتني
وعد: خلف خلف اطلع الله يخليك انا اتفاهم معها
طلع خلف بالقوه لكن قابله محمد : خليييف وش فيييك تأخرت الكل ينتظرك
اخذ خلف نفس متقطع : جالس اداري هالمصيبه
محمد بخوف : وش صاير!؟؟
خلف : اختك هالخبله هونت ماتبي ضاري
محمد: وشووو !؟ شلون هونت وهي وافقت بنفسها
خلف : تسألني انا ياعمي تسألني انا
محمد: اجلس اجلس لا تطيح علينا الحين انا بشوفها
دخل وترك خلف اللي ضرب اسداس باخماس وهو ماهو خايف على احد كثر ماهو خايف على ضاري وخايف من اللي جاي لو فعلاً مضاوي رفضت عجز عقله يتحمل خيبة الامل اللي بيحملونها ضاري وقهره
_______________________.
عند مضاوي
اللي اول ماشافت محمد دخل كانت تتمناه عقاب اللي اكيد بيناصرها ناظرته وشافت الغضب مرسوم بعييينه وواضح : وش هاللي يقوله خلف
وعد : ياعمي مضاوي بس مرتبكه
محمد: كلميني انتي !؟ مو جيتي وقلتي موافقه وش حصل الحين
مضاوي :محمد انا خايفه ماني عارفه مصيري معه كيف بيكون انا مدري كيف بعيش معه
محمد : وش فيه مصيرك رجال طيب ونشمي وكلٍ يتمناه وش عييبه هاااه وش عيبه
مضاوي بتردد: ماله اصل ولا فصل ولا ادري من وين هو جاي
غمض محمد بقهر من كلامها وقال: شوفي واسمعيني زييين هاللي تشوفينه ماله اصل وفصل يوووزن ديرتك كلها برجولته ولا يحتاج اصل وفصل عشان يصير رجال
وكلنا ندري أن اصل الرجال مروءته وغير هالحكي مابي اسمع والرجال تحت والدفتر بتوقعييينه وان سمعت لك صوت دفنتك بأرضك
وعد : عممي
محمد: بسسس يا وعد بس توقع وتخلصنا يلااا
خلف ومحمد والكل كانوا متاكدين من رجولة ضاري ومروءته وقوته ويدرون ما على مضاوي خوف وهي مع ضاري وعشان كذا مالهم حل في مثل هالموقف الا انها تجبر وصععععب عليهم ينزلون لضاري ويقولون مالك نصيب وهو اللي عيونه تنطق بالفرح
تحت غضب خلف ومحمد استسلمت مضاوي ووقعت وهي ماهي قادره حتى انها تبكي وتعترض والغلط عليها ما تكلمت يوم كان الخيار لها
اخذ محمد الدفتر وقال بغضب مكتوم : مبروك
وطلع وتركها وقربت وعد وهي تحضن مضاوي: يامضاوي الله يهديك لا تكبرين الموضوع انا ادري ان هالطريقه غلط لكن حرام اللي بتسوينه ليتك تشوفين امه تحت كيف من الفرحه تنطق عيونها وشلون ترقص وتغني وكأن الدنيا ماهي سايعتها من الفرح
مضاوي : الناس تفرح وانا اتنكد ليييه !؟؟ لييييه .
.
.

مضاوي : الناس تفرح وانا اتنكد ليييه !؟؟ لييييه
وعد بغضب: كللله منك ومن قلة التفكيييير اللي فييك وينك يوم سألوك وينك يوم الكل كان ينتظر رايك وين عقلك وتفكيرك حزتها ، اسمعيني زيييييين يا مضاوي اللي صار صار وجرى معاد في يدينا شي نسويه
وقفت مضاوي بغضب وضيق : مافي يدينا احنا لكن عقاب في يدينه
اتسعت عيون وعد بكرهه وضيق : انهبلتي انتي انجنيتي عقاب لا يدمرك يا مضاوي بحقده وهنجعيته عقاب كارهه الكل واكيد بيسوي لللي يسويه ويخرب هالزواج ونصيحه مني دام خلف وعمي محمد زعلانين عليه لهدرجه معاناته انه يستاهل وانه ابن حلال نصيحه لا تخلين عقاب يلعب في حياتك
وقفت مضاوي تناظر وعد بأسى وهي للان مقتنعه بفكرة ان عقاب يحب وعد : يا حسافه انك للحين تكرهينه وتشوفينه شيطان وهو
قبل تكمل قاطعتها وعد بغضب وهي مايهمها اللي بتقوله : لانه الشيطان بعينه وعلمه ونصيحه اعقلي وحطي عقلك براسك
طلعت وتركتها ووقفت مضاوي بحسره ماتدري وش تسوي بنفسها
_______________________.
في مجلس الرجال
الكل صار على نار والكل شال هم تأخير محمد وخلف ووقف عقاب ناوي يلحق يشوف وينهم بس دخلوا وهم ملامحهم هاديه لكن ملامح خلف باين عليها الغضب وباين الاختناق
اتجهه له بهمس وهو يقول: وش فيك صار شي!؟ ابعده خلف بهدوء غاضب : ابعد عني مب وقتك
عقاب : خليف وش فيك !؟
خلف مارد وكمل طريقه لضاري اللي وقف وهو مبتسم وعجز خلف يكمل ضيقته غصبٍ عليه ابتسم وكيف مايبتسم وقدامه ضاري اللي من يوم تعرف عليه ماشافه مكشر وضايق ابد رغم ظروفه الصعبه
تقدم له يحضنه وهو للحين محتفظ بمشاعر الفرح اللي تهدمت ولا بقى منها الا بقايا يحفظها لضاري : ياعساه سعيد ومبارك يا اخوي
ضاري : اللهم امين وعقبالك
بدو الكل يسلمون عليه ويباركون له وضاري مبسوط لكن ملاحظ انقلاب عقاب وخلف ومحمد الواضح
_______________________.
وعند الحريم
الكل مبسوط ويغني ويرقص واولهم ام ضاري اللي كانت متجاهله وجع رجولها ومفاصلها وترقص بعكازتها وتصفق
كانت وعد في معمعه من الضيق والتفكير وهي زاد كلها لعقاب اللي وصلت فيه يخرب حياة مضاوي بنظرها لفت على صوت غيث اللي جاء يركض يقول ان ضاري ينادي امه بيمشون
وطلعت ام ضاري وهي تحلفهم يوصلون سلامها وتبريكاتها لمضاوي للي ما نزلت بعذر الحياء
وطلعت وهي حابه الكل والكل حابها
لفت ندى ببتسامه: يااااااابختها مضاوي بأم رجلها
سحر: اي والله ماشاء لله بلسسسسم بلسسسسم
ام خلف : الله يسعدها ويوسع صدرها ويفرحها بولدها
الكل : اميييين
اماني: امشوا امشوا لمضاري .
.

.

الكل : اميييين
اماني: امشوا امشوا لمضاري
ركضوا لها ينادونها وضحكت حنان: ماعرفتك يا مضاوي وش هالخجل
صدت مضاوي بضيق: وش تبيني اسوي اركض لها واسلم عليها
عهد: لاااا بس المتوقع منك انك بعد ما تخطي خطوه وحده بس تكونين نزلتي وشيكتي على الوضع
ام ناصر: يا مضاوي تراها تسلم عليك وتبارك لك
ام وعد : ياليتك نزلتي لها مسكينه
مضاوي بحزن على ام ضاري: الله يسلمها
بدوا يفتشون الهدايا ويصارخون البنات ويضحكون كل ماشافوا شي حلو في الهدايا
_______________________.
وعند ضاري
كان بدون مبالغه يحس قلبه بيطيح من صدره كان من كثر ماهو يحس انه بيفضحه بدقاته كان حاط يده على صدره ماكان يدري وش هالشعور لكنه شبه متاكد انها فرحة الاستقرار وفرحة العايله الحقيقه
وقبل تنزل يده عن صدره كان ينتظر امه عن الباب ودخلوا كلهم المجلس عشان تقدر تطلع ام ضاري براحتها
لكن يد ضاري ارتفعت من صدره لأزارير ثوبه العلويه وفتحها اول ما اختنق من اللي سمعه ورا الباب وكان همس مرعب بالنسبه له
سمع صوت عقاب يقول بغضب: خليييف وش صار لك وش فيك تكلمني كذا !؟ وش بلاك منقلب حالك وشايش علي
التفت له خلف بغضب : اكيييد بشوش عليييك ! كيف تقدر تخلى عن نفسك لدرجة انك تخرب حياة مضاوي وتكون سبب في رفضها لضاري! كله عشانك تكرهه ما تحبه!؟ وش ذا الانانيه يا عقاااب
كل اللي كان متخيل لخلف هو ان عقاااب سبب رئيسي لرفض مضاوي
لكن الخبر نزل على عقال مثل الصفعه القويه ارتخى صوته بصدمه وقال : وشووو وش اقول انت وش رفضه ووش خربطته ! والدفتر اللي جبتوه موقع وش سالفته!؟ ومضاوي ماهي موافقه! شلون يعني
خلف :تسألني انا أسال نفسك
عقاب بغضب: لا انت سحرك هالضاري رسمي ! وش مصلحتي اخلي مضاوي ترفضه
خلف : ابد عشان اعز انسانه لك ما تكون على ذمة اكرهه شخص لك
عقاب : خليييف انجنيت انت وش تخربط ، خذني على قد عقلي وقلي وش السالفه
خلف : ابد طال عمرك عمتك المصووون بعد ما عشمنا الرجال وناديناه وكتبوا الكتاب وطلعت ابيها توقع وفجأه قالت انا ما ابيه وانا تسرعت وانا مصيري معه مجهول
انصعق عقاب اللي مهما كرهه ضاري مستحيييل يعيشه هالموقف ابد
وكمل خلف بغضب: والله ياعقاب لو ادري انك سبب في هالشي ولا قلت لها شي والله حزتها بتشوف زعلي كيف بيصير
عقاب : ياااامرييض انا مالي شغل ولا كلمتها ابد غير اني قلت لها اذا بتسألين عن شي اسألي خلف وغيرها ما تدخلت ولا فتحت فمي بحرف واحد وبعدين انا ايييه ما احب ضاري لكن انا مستحيييييل اسوي هالسوات مستحيل .
.

[صواديف عشاق]

.

عقاب : ياااامرييض انا مالي شغل ولا كلمتها ابد غير اني قلت لها اذا بتسألين عن شي اسألي خلف وغيرها ما تدخلت ولا فتحت فمي بحرف واحد وبعدين انا ايييه ما احب ضاري لكن انا مستحيييييل اسوي هالسوات مستحيل
ابعده خلف وهو يقول : الموضوع مشى ومضاوي بتكمل وتشوف قراراتها وتحملها وانا مستحيييل ادخل على ضاري واقوله عمتي الخبله ما انتبهت تفكر الا الحيييين وعشان كذا بتزوج ضاري
عقاب : نعم!!!! بتجبرها !؟
التفت له خلف بغضب: شووف لو اني اشك مجرد شك ان مضاوي بتكون تعيسه مع ضاري او يضايقها بكلمه وحده وينكد عليها كان قلت له توكل على الله بس ضااااري رجال بمعنى الكلمه وبيصون الامانه ومضاوي معه بأمان وبكره اذا تزوجته بتشوف ان قرارها غلط
قبل يعترض عقاب او يقول شي راح خلف وهو يقول: اذا ودك تروح معي تجهز موضوع مضاوي منتهي
في هاللحظه طلعت ام ضاري له ورجعته للدنيا اول ما ضمته وقالت: مبرووووك ياحبيب امك كانت كلمتها بسيطه لكن طلعت ضاري من اعماق الصدمه والاحباط وفي لحظة حس ان دااخله فررراااغ كبييير مايدري وش يسوي فيه كان وده يرمي كل شي معه ويرجع ويطلق مضاوي كان وده ينهي الموضوع كله قبل يبدأ وينهي نظرة الاجبار والشفقه وهو مايرضى يتزوج وحده غصبٍ عليها لكن مجرد ما ابعدته امه ومسكت ذراعه تستند عليه كان هذا بمثابة قيد قيد يدينه وقيده من اي تصرف وخضع مايدري وشوله خضع وطلع مع امه وشاف خلف جاي له مبتسم ويقول : مبروك ياخالتي الله يفرحك بضاري وتشوفين عياله وعيال عياله
ام ضاري اللي ابتسمت بحب : ياعله اميييين ياوليدي وياعله ربي يفرح اميمتك فييييك وتفرح بعمرك يا أميً
ولفت تناظر عقاب الواقف من الذهول بعيد ما قدر يقرب وهو مايدري وشو سبب رفض مضاوي لكن مسأله انها مجبره ! صعب يستوعبها وخصوصاً انه مايدري كيف يناصرها وهو من جدية خلف عرف ان المووضوع صعب صحى من دوامة التفكير على صوت ام ضاري تقول : عقبالك انت بعد يا عقاب وعسى عينك تقر وتفرح باللي تسر قلبك وخاطرك
رغم ان هالدعوات متكرره ويسمعها عقاب من الكل لكن في قلبه نقطة ضعف اتجاه ام ضاري مايدري ليه يحب هالانسانه مايدري كيف انها قادره تطمن قلبه بدعواتها الحلوه ابتسم لاشعورياً لها
وقبل يرد قال ضاري: يلا فمان الله
خلف : ضاري بتروح معنا !؟ ضاري اللي ماكان له نفس شي رد بسرعه وقال: لا والله تسهلوا
ما حب خلف يكثر لانه يحس انه متفشل من ضاري وخجلان ورغم انه ماعرف بالنسبه لخلف
اخذ ضاري امه وابعد وهو يسمعها تسولف له وتقوله انها ماشافت مضاوي واكييد ان مضاوي خجلانه
.
.
.

اخذ ضاري امه وابعد وهو يسمعها تسولف له وتقوله انها ماشافت مضاوي واكييد ان مضاوي خجلانه واكيد انها ماقدرت تطلع من الحياء
لكن كان ضاري ممكن يصدق هالكلام لو كان ماسمع خلف وعقاب لكن اول شي طرا بباله بعد هاللي صار " ان مضاوي ماطلعت متحاقرته ومستضعفته هو وامه "
وعلى الاساس بقى ساكت مايدري وش يرد ووش يقول
_______________________.
في بيت ابو خلف
وصل مبارك وينادي وعد تروح معه وطلعت وعد بسرعه لانها متضايقه من جو البيت ومن مضاوي واللي صار
ركبت بهدوء بدون صوت وجلست بصمت والتفت مبارك: وش بلاك ردي السلام ترا ماحنا يهود
لفت تناظره بضيق وقالت: سلام عليكم
مبارك : وعليكم السلام! خير وش فيك ضايق صدرك
وعد: ولا شي مصدعه بنام
كانت ردود وعد غاضبه غير العاده وكان هالوضع بالنسبه لوعد طبيعي لكن بالنسبه لمبارك توقع انا عرفت او حاسه انه امس جاب الشيخ يقرا عليها وعشان كذا ألتزم الصمت
وصلوا البيييت ووعد مضغوطه و تعبانه وبما انها مالها خلق مبارك والحرب معه قررت انها تاخذ لحافها وتنام بالمجلس
ادرك مبارك الوضع اللي في باله وقال بتردد: وشوله ما تنامين هنا ترا ماني ماكلك
وعد: مبارك يرحم اهلك راسي بينفجر ومخنوقه ومالي خلق هواش وصيحه ولو بجلس دقيقه هنا بيصير شي ما ترضى عاقبته عشان كذا ابعد احسن
طلعت ووقف مبارك مذهول وهو رسمياً صدق مسألة الجن واقتنع فيها وقرر يهجد فتره لين هي بنفسها تقتنع وتقضي
_______________________.
في بيت الجد
دخل عقاب وهو يشوف البيت قايم وقاعد والكل مبسوط باللي جابته ام ضاري لمضاوي التفت يدور مضاوي وما شافها
ولف على شهد: وين مضاوي!
شهد: راحت تنام هاللي ماعندها نظر
عقاب بغضب:الله اكبر صرنا ما نستحي
شهد تفشلت: وش قلت امزح
هيا:وش فيك عليها تمزح
ما رد عقاب اللي اخذ طريقه لغرفة مضاوي بيشوف وش صاير دق الباب ودخل وشافها جالسه واول ماشافته وقفت
دخل وهو يسكر الباب بهدوء وملامح الغضب على وجهه مرسومه
مضاوي عرفت انه عرف بس ما فهمت ملامحه قرب عقاب وهو يقول: وش هاللي صار وسمعته!
مضاوي : وش سمعت !؟ عقاب : رفضك لضاري !
مضاوي نزلت راسها بضيق: وش بيدي اسوي ماني مرتاحه
عقاب : وش استفدتي الحين!؟ غير انك انجبرتي وانتهى امرك وشوله ما قلتي من بدري وليييه ما تكلمتي يوم كان القرار بيدك
مضاوي : استعجلت وكنت لاهيه في ناصر وزواجه
عقاب: مضاااوي الدنيا ماهي لعبه وهاللي سويتيه شين
مضاوي : وش فرق ما كنت تكرهه وما تبيه .
.
.

عقاب: مضاااوي الدنيا ماهي لعبه وهاللي سويتيه شين
مضاوي : وش فرق ما كنت تكرهه وما تبيه
عقاب: ما احبه اييييه لكن هذا مايبرر فعلتك كل شي الا انك تكسرين رجال وضاري رغم التضاد بيني وبينه قلت لك انه كفو وانه رجال وسبعين نعم
مضاوي بيأس: يعني ما انت مسوي شي ما رح تحل هالسالفه
رفع عقاب كتفه بيأس: وش بيدي اسوي ! خلف بيموت من القهر كلمه زياده بتفجره وعمي محمد مثله
مضاوي : يعني!؟ عقاب : كل اللي اقدر اقوله يا مضاوي انه لو اني شاك مجرد شك في رجولة ضاري ماسكت لو يهجرني خلف ومايكلمني عمره كله كنت خاطرت عشانك بس ضاري رجال
هاذي كانت اخر كلمات عقاب اللي طلع وهو بدا تأنيب الضمييير ياكل قلبه ولا يدري وش بيسوي
_______________________.
وفي بيت ابو خلف
كانت حوريه تناظر الكل وهو كارهتهم لكن اتجهت للتليفون وهي تسحبه من القاعده واخذته باتجاه غرفتها لكن وقفها فيصل اللي دعس على سلك التليفون وانفصل لفت تناظره بقهر: خيييييييير !؟ فيصل : خييير انتي وش بلاك تصايحيين
ندى: اقصري صوتك بيتنا عمره ماطلع منه صوت عالي لا تجين انتي في اخر عمره وتطلعينه منه
حوريه: شوفوا عاد وخروا عني عشان ما اقول لابوكم وش سويتوا وحزتها تعرفون وش بيسوي
وجدان:يمممه بنمووت خايفيييييين مره ! اول شي ابوي ماااااانع التليفون يطلع لاي مكان وانه يكون بالصاله وتحت انظار الكل
اماني ببتسامه: ودامك عندك خلفيه عن وشو ممكن يسوي ابوي فالاحسن ترجعينه مكانه بدون شوشرره
فيصل : وابوي مايحب اللي مايسمع الكلام
ام خلف وام وعد كانوا جالسين ببتسامه وساكتين نوعاً ما مبسوطين
لفت حوريه بكرهه ونزلت التليفون :هييين هييين
دخلت وتركتهم وهي مقهوره ولف فيصل ببتسامه:كفوو خواتي
حنان: ياويلكم من ابوي
ندى: لايا حبيبتي لا ويلنا ولا شي والبادي اظلم
سكتوا على دخول خلف اللي للحين غاضب وزعلان والتفت لحنان وقبل ينطق كلمه فزت امه بخوف اول مالاحظت على وجهه علامات نوبة الربو وقبل توصل له لفت الدنيا فيه اول ما اختنق وجلس بكل حيله على ركبته وركض فيصل يمسكه والكل وقف بعيد خوف على خلف انهم يقطعون عنه الاكسجين وركضت وجدان تجيب ادويته والكل خايف ويسمي عليه وامه كالعاده رغم تكرر الموقف اللي المفروض تتعود عليه لكن مازالت كل ماطاح خلف تموت من الخوف وتنهار تبكي
كان خلف يحاول يجمع انفاسه لكن ماهو قادر المسموع من صوته هو صفيير اللي يطلع من صدره ويخنقه
ركضت وجدان تعطيهم البخاخ وركضت امه تحاول تلحقه فيه وبعد ظ¥ مره بدت تهدا النوبه وبدا خلف يرتخي شوي وترتخي اطرافه .
.

ركضت وجدان تعطيهم البخاخ وركضت امه تحاول تلحقه فيه وبعد ظ¥ مره بدت تهدا النوبه وبدا خلف يرتخي شوي وترتخي اطرافه
مسحت ام خلف وجهه بقطرات مويه وهي تناديه: خلف امييي بسم لله عليك يا ولدي وش فيك ياحبيبي وش صار خلللف تسمعني ياحبيبي
مد خلف يده لها يطمنها انه بخير ويسمعها لكن يبي يرتاح شوي من الشعور الخانق اللي كل مره يرسم الموت بين عيونه
الكل طلع وصار حوله بما فيهم حوريه اللي طلعت مستغربه وانصدمت باللي شافته
وبعد عشر دقايق بدا خلف يتحسن ووقف بمساعدة فيصل
ام وعد: بسم لله عليك وش فيك
خلف بصوت تعبان: مافيني شي مافيني شي
ام خلف: من غثك الله يغثه وش فيك يمه قولي
خلف : مافيني شي يايمه لكن اماني جهزي اغراضي رايح للكويت
ام خلف شهقت: بترووح وانت تعبان
خلف : انا بخيير ومعي عقاب مارح يصير لي شي
ام وعد : ياخلف ياولدي خلها يوم ثاني انت توك صحيت من نوبه اخاف يجيك شي
خلف : لا لا ما فيني شي
فيصل: خلني اروح معك طيب
خلف : لااااا وين تروح وتخلي اهلك وخواتك
فيصل : ابوي فيه
خلف: ابوي هالايام وضعه ماهو تمام ومايصير نغيب كلنا
ندى: طيب كل شوي اتصل علينا وطمنا
خلف : ابشري ابشري
حنان: انا بجهز اغراضك واحط كل ادويتك
خلف: طيب
ام خلف : خلني اقرا عليك يمه الله يحفظك
استند خلف كالعاده على حضنها وهي تقرا عليه وهو من قهره من مضاوي وعليها مايدري وش يسوي بنفسه
_______________________.
وعند ضاري
اول ما وصل بيتهم شاف كل حريم الحاره ينتظرون امه يبون يباركون لها دخل امه وهو يرد لهم التباريك بضيق وطلع هايم على وجهه كان المغرب والدنيا مظلمه وقف عند المسجد اللي قالت له امه انها حصلته عنده استند عليه وجلس على احد جدرانه وهو ضايقه فيه الوسيعه مايدري وين يروح وقال يجلس عند هالمسجد يمكن اهله اللي رموه يرجعون ويدورونه ويحصلونه ويرحمونه من هالعذاب اللي اكل قلبه وانهاه وكيف يبي يعيش وهو عارف نظرة مضاوي له كيف بيتحمل كان وده يقوم ويروح بيتهم ويطلقها لكن عجز يخون ثقة خلف اللي حطها فيه وارغم عمته ومحمد بعد وحتى امه عجز يكسر فرحتها وفي داخله يقول ( وش الجديد يا ضاري!؟ جازت لك الحياه الحلوه والراحه ونسيت طعم الشقاء والكدر لكن مردك له وهاذي هي نهايتك مهما حاولت )
وقف ينفض الغبار عنه وينهي هالحزن اللي سيطر عليه لكن للحين مايدري وين بيروح
_______________________.
وفي بيت نادر
رجعوا بعد هالحفل البسيط وكانت شوق تسولف لنادر عن فرحة ام ضاري فيه وكيف انها ما جلست ابد ترقص وتغني وتزغرط .
.



رجعوا بعد هالحفل البسيط وكانت شوق تسولف لنادر عن فرحة ام ضاري فيه وكيف انها ما جلست ابد ترقص وتغني وتزغرط
ابتسم نادر بحب وهو يقول : عسى الله لا يكسر فرحتهم وعساها يارب دايمه
شوق: اميين
اعتدل نادر اول ما تذكر انه بيروح مع خلف : شوق جهزي اغراضي شوي بيمر علي خلف وبروح معه
شوق اللي ضاق صدرها اول ماقال انه بيسافر وهاذي اووول مره يبعد عنها نادر وبان الضيق بوجهها وقالت: كم يوم بتجلسون
نادر اللي انتبه لضيقها لكن ماحب يعلق عشان قلبه ما يتعلق وحزتها مستحيل يروح : اذا قضينا من شغلنا
شوق: الله يردكم سالمين
نادر: امين
راحت تجهز الاغراض بهدوء وهي من جهه شايله هم ام نادر ومن جهه شايله هن روحت نادر عنها
ونفس الهم شايله نادر اللي خااايف من اهله اكثر من اي شي ثاني
_______________________.
في بيت مبارك
بعد ما تاكدت وعد ان مبارك نام اخذت التليفون تبي تتصل بأهلها وتتطمن لكن سبقها ماجد اللي دق ورفعت التليفون : الوو
ماجد : يا مرحبا
ابتسمت وعد بحب : هلا خالي وشلونك عساك بخييير
ماجد : بخير عساك بخيير انتي شلونك
وعد: حمدلله
ماجد: اجل عطيني البشاره
وعد : ابشر بها
ماجد بحب: قبلوك المعهد وان شاء الله هاليومين تبدين لكن هااااه لا تكنسلين هالمره لان بتطير الفرصه عليك مرره
فزت وعد بفرح: ووالله واللله يااااااااربي لك الحمد تبشر والله بأحلى بشاره
ابتسم ماجد : بشارتي انك تضبطين لي الموضوع اللي انتي تعرفينه
وعد هبطت فرحتها بس قالت: ابشر
ماجد : شكلك تعبانه وبتنامين
وعد : شوي
ماجد: زين يلا اخليك
سكرت وعد وهي محتاره في سالفة ماجد وسحر وكيف بيحلونها اذا عقاب مناقرها ومناقر ماجد معها كيف تبي تحلها
لفت على صوت مبارك اللي طل: مو على اساس تنامين
لفت وعد وصاار وقتها انها تثبت كلمتها وتدخل المعهد وتدرس وقفت بثقتها المعتاده واتجهت له وابتسمت ابتسامه عذبه وقالت : الا بس وصلني خبر فرحني
مبارك: والله وشو هالخبر
وعد بنفس الابتسامه اللي تعرف تأثيرها على مبارك قالت بصوت واثق : انقبلت بالمعهد وهاليومين ببدأ
مبارك:وشووو !
وعد: اللي سمعت ومو احنا اتفقنا!
مبارك: ايييه بس تونا متزووجين مايصير
ابتسمت وعد : يصير يا مبارك يصير
سكت بمبارك اول ما تبادر لمخه انه مايقدر يعارضها خوفاً من تكرار الحادثه اللي صارت له وثاني شي لان الفرج بالنسبه له قرييب
وعد : موافق اكيد
مبارك: زين زين على ما تبين بس اتفاقنا قايم
وعد : اكييد
ابعدت بسرعه وهي تحلم بهالمعهد وبالدراسه

_______________________.


في بيت النوخذه
كان جابر متوتر كثييييييييير وهو شاف خلف ونادر وعقاب طالعين مع كداد ( زي التاكسي ) عشان يروحون للكويت وهاذي الاوقات الصعبه
دخل غرفة ليلى اللي فزت برعب : شنو فيك !؟
جابر: چنه صارت الصچيه !
ليلى: شنو اللي صار
جابر: شفت خليف وعقاب ونادر رايحين للكويت والظاهر بيسألون عني
ليلى في نفسها قالت( حافظك الله ياخلف): طيب علامك مختبص مهما كان الناس بيسألون
جابر: ادري لكن تعرفين عماتي وعيالهم
ليلى:ماعليك الطيب معروف وهو بيسأل اهل الفريچ كلهم مو بس اهلك
جابر: ياخوفي يقطون حچوه تطير علي الدنيا
ليلى: جابر تعوذ من ابليس اكيد ما رح يصير شي
استند جابر على الشباك وهو باله يودي ويجيب يتخيل اللحظه اللي بيخسر كل شي بسببة اهله
اما ليلى كان شبه واثقه في خلف لكن يراودها خوف
_______________________.
الكويت
وصلوا نادر وعقاب وخلف في الليل
كان خلف واضح محتاس وعقاب بعد ونادر منتبهه لكن مايدري وش فيهم وصلوا الفندق الللي بيستقرون فيه وكان جداً بسيط اشبهه بالبيت
بدون اي نقاش كل واحد رمى نفسه على فراشه بهدوء
لكن اعتدل نادر وقال: خييييييير انت وياه وش بلاكم على روؤسكم الطير وش فيكم!
عقاب: تعب الطريق
نادر: اقول اسمعوني اثنينكم انا ماني غشيم فيكم انت ولا هو ولا اني اعرفكم من يومين ،سنين وانا ادري اذا عندكم مصيبه ولا تعبانين
لفوا يناظرون بعض بهدوء وكان عقاب معروف انه كتوم شوي مايعرف يفضفض ماهو مثل خلف اللي مستعد يشرح مشاكله عادي
لكن تفاجئو بعقاب اللي قال: يا خليف وربي مالي شغل برفض مضاوي حتى اني هاوشتها وقلت لها تحمل قرارها
خلف : يمكن مالك تأثير مباشر لكن مضاوي تدري انه ماتطيقه ويمكن هذا الشي حسسها ان كل شي انت ضده معناته مافيه خير
عقاب : وش اسوي يعني اروح اتحضنه وابوس راسه وانا ما احبه
خلف: وش سوا لك هو هاه وش سوا لك !
نادر: هدووا هدوا من رافض من علموني زين
عقاب لاول مره بدا يشرح ويبرر موقفه وانه ماله خبر بكل شي صار وكانت الصدمه لنادر مثلها مثل خلف وعقاب
نادر: لا اله الا للله وضاري عرف!؟؟
خلف: لا ما عرف وش اقوله يعني
نادر: بس هو اختفى من بعد الملكه
خلف: ايييه امه اكيد تعبت من الرقص واكيد عندهم ضيوف لازم يقابلهم
عقاب: والحل طيب
خلف : قلت لك الحل مضاوي بتزوج وحزتها بتعرف انها غلطانه
نادر: ما كأنه ظلم
خلف : ليه ضاري ما انظلم بعد يانادر يانادر وين اودي وجهي منه ووش بقوله انا داااااري والله داااري انه غلط وانه شين لكن ماقدرت اتهاون بضاري ابد ماقدرت .
.

خلف : ليه ضاري ما انظلم بعد يانادر يانادر وين اودي وجهي منه ووش بقوله انا داااااري والله داااري انه غلط وانه شين لكن ماقدرت اتهاون بضاري ابد ماقدرت
سكت نادر ماعرف وش يرد الموقف مظلوم من كل الاتجاهات خلف وضاري وعقاب ومضاوي كلهم مظلومين وموقفهم حرج
بعد هالكلام عم الصمت وقرر خلف ينام قبل تصكه نوبه جديده
وعقاب مثله ونادر بعد وكلهم شايلين هم ضاري ولو عرف وش بيصير
_______________________.
ومن بكره
بدا خلف يدور بالكويت ويسأل عن جابر واغلب الردود كانت مشرفه والكل يمدح ويثني ولكن اعترض في طريقه شخص وقال/سلام عليكم يا اخوان
الكل: وعليكم السلام
يعقوب:منو فيكم خلف القايد
خلف : انا امر سم !!
يعقوب:ما يامر عليك ظالم لكن سمعت انك تسأل عن جابر ولد النوخذه
خلف: اي نعم
يعقوب : وسمعت بعد انك تسأل في امر زواج
خلف : اي نعم
يعقوب : ودام الموضوع زواج وعمر انا يا اخوي جاي اعطيك للي انا اعرفه وانا ادري ان بنات الناس مو لعبه وادري ان كل واحد يدور لاهله الستر ورجال كفو
الكل انتبهه له وخلف اكثرهم وبدا يعقوب يألف امور وامور عن جابر مفجعه وانفعل عقاب بغضب من الكلام سمعه
لكن خلف كان في قلبه تحذير ليلى وقال بهدوء : مشكور لكن من انت ؟ومن يقالك!؟
يعقوب : انا يعقوب ولد عمته ورغم اني ولد عمته لكن مهما كان انا عندي خوات واعرف شعور انك تبي لاختك رجال يخاف الله وطيب
ابتسم خلف اول ما تذكر اسمه اللي كتبته ليلى اول واحد فالقايمه وسحب يده من يعقوب : ماقصرت
تركه وراح واسرع عقاب بغضب: خليف من بعد هالكلام يخسي جابروه يتزوج اماني
نادر: اكيد
التفتت لهم خلف ببتسامه: واذا قلت لكم انه كذاب
لفوا يناظرونه باستغراب : كيييف!؟ خلف: كذاب ونصاب ومنافق
نادر: شلون عرفت ؟؟؟
خلف تورط لكن قال: قبل فتره كنت اسولف مع جابر وقال بينهم وبين عماته مشاكل ومحد يطيق احد وقال انهم كذا مره سوو فيه هالحركات
عقاب: وليش مايكون جابر كذاب
خلف: لاني عاشرته واعرفه واعرف صدقه وكذبه وكل اهل الديره يمدحونه وهذا الوحيد اللي ذمه
نادر: صراحه في ذي صدقت ودامك تعرفه اجل وش يردك
خلف: كنت متردد بس الحين خلاص
عقاب : يعني راجعين
خلف : اي نعم
طلعوا متجهين للخفجي وخلف مبتسم ومبسووط انه واثق جداً في ليلى وانها تكون له العون في كل مكان
_______________________.
في الخفجي
كانت مضاوي هاديه اليوم الثاني ولا احد ناقشها يعرفون تقلبات مزاجها كان ودها تروح تقول لابوها بس كانت خايفه وقررت تسكت
اخذت قهوتها وطلعت بضيق متجهه لبيت ابو خلف .
.

اخذت قهوتها وطلعت بضيق متجهه لبيت ابو خلف
وشافت حوريه جالسه بالحوش ومحد عندها الكل صار يجلس فوق وتاركينها صدت بقرف وقربت بتطلع لكن دخل ابو خلف اللي كان مبتسم ابتسامه وسيعه لحوريه وكانت هاذي اول مره يكون بهالابتسامه والحفاوه
وقفت حوريه تستقبله وفي هاللحظه حست مضاوي انها بترجع ( الله يكرمكم ) من المنظر
سحبت نفسها وطلعت فوق ودخلت وهي تنزل الترمس وقالت بقرف: يعع يع يع انا اول مره يطيح ناصر من عيوني كذا
لفوا كلهم عليها بضحك وهم صاروا متقبلين الوضع
ندى: وش فييييك !؟ مضاوي: ابوكم يابنات يصدم
وجدان: اسكتي لا يسمعونك امي وعمتي كفايه صدورهم ضايقه
مضاوي : عساهم مايجون ويشوفونه كذا
حنان: وش بيسوون امر الله
اماني: وااااي حنان الله يعطيني برودك
حنان: وش اسوي يعني
مضاوي:لا تسوين شي اسكتي بس ، خلف ماجاء
ندى: كلم الصبح يقول شوي ويمشون اخذ اخبار الچويتي كلها
تنهدت مضاوي بحسره: الله يقويه
وجدان: وين بنات عمي!؟
مضاوي : يعزلون وينظفون مع هيا
اماني: نفسي اعرف انتي وش فايدتك
مضاوي : فايدتي انضرب على قلبي واقابلكر
ندى: قوموا بنروح لهم نساعدهم ارحم من منظر ابوي وحوريه
وجدان: صادقه
قاموا كلهم متجهين بيت الجد قايد وتركوا الدنيا باللي فيها لحوريه
_______________________.
وفي بيت ضاري
رجع بالليل متأخر وكان عذره لامه انه يحتفل مع اخوياه مايبي يضيق صدرها ابد ولا يزعلها كان كاتم قهره وغيضه بنفسه مايدري كيف بيتصرف وخصوصاً ان زواجه من مضاوي تحدد بعد شهرين من الحين وحمد ربه انه طول الفتره اللي كان متوقع انه بيقطعها حب وطرب لكن الحين تبدل الحال وصار يفكر كيف بينهي هالقضيه ويسكرها بأقل الخساير
صحى من هواجيسه على صوت امه اللي تمشي بالحوش وتخطط وين بتسوي الغرفه الاضافيه لمضاوي واللي بتكون كبييير وكيف بتخلصها وكيف بتأثثها ولفت تناديه: ضاري ضاري تعال تعال
وقف بهدوء: سمي
ام ضاري : صحصح يمه من هالنوم وشد حيلك انت معرس والوقت يركض
تنهد ضاري ببتسامه مكسوره: ابشري
ام ضاري: رووح هناك يمه متر لي الحوش اشوف
رفع ثوبه ضاري وبدا يمتر برجوله وهو يتصنع الفرح عشان امه وهذا شي مو جديد عليه لانه يااااما تعود يزيف الضحك والفرح وقفت على هاللحظه!؟ وكمل مع انه واحلامها وهو حتى خلف وعقاب مايبي يشوفهم هالفتره
_______________________.
وفي بيت مبارك
كانت وعد تستعد للمعهد اللي اتصلوا فيها وقالوا بكررره تبدين دوام .
.
وفي بيت مبارك
كانت وعد تستعد للمعهد اللي اتصلوا فيها وقالوا بكررره تبدين دوام
كانت تدور مع مبارك في السوق وكان مبارك خاضع نوعاً ما لطلباتها بما انه رسمياً صار معجب ومتيم فيها ينتظر بس ساعة الرضا
كان يحاول انه يتودد لها ويكسبها وهو صار متيقن وعارف ان وعد ماتمشي بالقوه ابد
اما وعد كان معجبها الرتم الثابت بينها وبين مبارك وكانت حابه تأثيرها عليه
اخذت كل شي تحتاجه ورجعت للبيت واول مابدت تطلع اغراضها صدمها مبارك اللي قال بهدوء: ألبسي اغراضك خلينا نشوفها عليك
تجمدت وعد بس قالت ببتسامه: لا لا لا خلها مفاجأه كل يوم بيومه
لا شعورياً قال مبارك: يعني غصب تطلع هالثلاث شهور من عيني
رفعت وعد كتفها ببتسامه: تحمل
اخذت اغراضها وابعدت واخذ اغراضه مبارك وطلع من البيت بكبره مايتحمل كل هالثقل والجمال ابد
_______________________.
واخيراً وصلوا الشباب للخفجي
وبسرعه اخذ نادر طريقه لبيته مستعجل يحس انه بهاليوم اشتاق لشوق فعلاً اشتاق لها حييييل اشتاق لها دخل وهو مبتسم واول ماطاحت عينه عليها وهي تدور وتقرا كتاب جابه لها قبل يروح ورفعت راسها وشهقت بفرح اول ماشافته مبتسم اسرعت له وهي نيتها السلام العادي لكن تقبلها نادر اللي احتضنها بشوق عجز يردع نفسه لا يحضنها ولا ابعدت شوق بالعكس استقرت بحضنه وهي خجلانه لكن تحس انه أمان الدنيا كلها فيه
ابعدوا اول ماسمعوا صوت ان نادر تقول : والله ماعرفنا لك كل يوم لك نية
لف نادر اول مافهم قصدها واتجهه لها يسلم عليها ويحضنها هي بعد لكن ابعدته وهي تقول : وفره لغيري نادر: افا يمه
ام نادر: هاه قضيتوا من الكويت
نادر : ايه حمدلله
شوق : جوعان اسوي لك شي
نادر: لا لا ارتاحي متغدي وشبعان بس ابي انام ، تبين شي يمه
ناظرته امه بطرف عين:سلامتك
راح نادر اللي يسابق الخطوات وهو خاطره يسأل شوق اذا احد اذاها وهو مو موجود
وفعلاً جات شوق بعده وهي تاخذ اغراضه ولف: هاه شوق عسى ماصار شي بغيابي
ابتسمت شوق بعبط : ايه
طاح قلب نادر وقرب :وش صار
رفعت شوق الكتاب بضحك: ختمت هالكتاب اللي جبته
ابعدها نادر بضحك: الله يسامحك طاح قلبي
ضحكت شوق : وش بيصير ماصار الا كل خير لكن لك فقده والله
ابتسم نادر برضا وجلس : مو بس انا لحالي للي لي فقده
سكتت شوق بحب وخجل وهي يكفيها مابين الفتره والثانيه تسمع هالكلمات من ناادر
_______________________.
في بيت ابو خلف
وصل خلف للبيت وده انه يبشر ليلى بموافقتهم على جابر بس كيييف يبشرها هاذي يبي لها تفكير
.
.
.

في بيت ابو خلف
وصل خلف للبيت وده انه يبشر ليلى بموافقتهم على جابر بس كيييف يبشرها هاذي يبي لها تفكير دخل وشاف الكل جالسين فالحوش الصغير وسكوت سيد الموقف
خلف: سلام عليكم
الكل : وعليكم السلام
فزت امه له تسلم عليه: حمدلله السلامه يمه كيفك الحين ان شاء الله بخير
خلف:بخير الحمدلله
ام وعد: عسى ما تعبت من الجو
خلف : لا لا حمدلله
ابو خلف : وش حصلت
خلف : حصلت كل خير وجابر رجال كفو وما ينرد
ابو خلف : شلوون يعني نزوج اختك كويتي
خلف: ايييه كويتي وش فيها يعني
ابو خلف : الظاهر انك انهبلت
خلف بانفعال : ابد والله ما انهبلت بالعكس انا ماعلي لوم
لاول مره وقف ابو خلف وقال: بعدين نتكلم فالموضوع لكن اليوم انا عندي لكم خبر
الكل لف له وصار يناظره وقال : ابشركم بيجي لكم اخو
الكل تجمد يناظرونه ووقف فيصل بذهول وقال :نعععععم
وقف ام وعد تناظره وتناظر حوريه: ووشووو حامل !؟ مسرع!؟ ابو خلف : ايييه حامل وقلت لكم زواجي من فتره
فجأه وقف خلف يناظر ابوه بهدوء وكأنه ما سمع وقال: بكره بكلم جابر وبقوله موافقين
اخذ اغراضه بغضب وطلع وهو مصدوم من سالفة حمل حوريه ! اللي تعتبر سريعه!؟
كلهم كانوا مصدومين وكلهم ماكانوا مستعدين والكل طلعوا بدون اي كلمه زياده او مباركه
ووقفت حوريه تمثل الضيق وقالت: شفت ياناصر انهم مايبوني ولا يبون ولدك
ابو خلف: ماعليك منهم انا ابييييك وابي ولدك ماعليك
ضحكت حوريه ضحكه مستفزه من اثرها طلع فيصل من المجلس بغضب وهو يستغفر بصوت عالي وطلع بيت جده بغضب دق الباب وفتحت هيا باستغراب : شفيك كسرت الباب
فيصل: جدي ويينه
هيا: جوى خييير وش صاير
فيصل: بلوى بلوى
دخل وهو ينادي: جدددي عمي جدتي
الكل طلع له مستغربين: فيصل وش فيك
فيصل: جدي تصرف ياجدي
ابو ناصر: بسم لله وش فيك تكلم يا ولد
فيصل : جدي حوريه حامل
سكتوا كلهم بصدمه وقالت ام ناصر: وشووو حامل وهي ماصار لها يومين محمد : زواجه من قبل يمه وش فيك
ابو ناصر : وش اتصرف فيه يا ولدي حرمه وحملت وش اسوي
فيصل: بكيفها لكن ياجدي تصرف وخل ابوي يطلعها من البيت ياجدي ما نقدر نتحمل اكثر من كذا ياجدي انت لو تشوف حال ابوي ما تصدق
ام ناصر: ماعليه يمه ماعلييييه انا اوريه انا اسنعه
ابو ناصر: اعقلي يا مره وش بتقولين لرجال عمره فوقظ¥ظ* عقله في راسه ويعرف خلاصه
طلع عقاب مستغرب : وش فيكم؟؟
محمد: من غير ناصر وسوالفه بعد
عقاب : لا حول الله
محمد : يبه مهما كان حنا ما نرضى هالحال ولازم يطلع بها برا مكان ماجابها يرجعها .
.

[صواديف عشاق]

.
محمد : يبه مهما كان حنا ما نرضى هالحال ولازم يطلع بها برا مكان ماجابها يرجعها
ابو ناصر: اصبروا اصبروا نفكر مانبي نتسرع
محمد : خليف وين!؟ فيصل: طلع معصب
الكل: لاحول الله
سكتوا ينتظرون قرار الجد اللي بيكون فاصل مع حال ابو ناصر اللي طاح من عيون عياله بهالتصرفات
_______________________.
في السوق
رجع خلف فتح المحل اللي كان اليوم مسكر وما انفتح الا الحين وماله مفر الا هالسوق
جلس بغضب وزعل متضايق متضايق حيل ومخنوق تمنى من كلللللل قلبه يجي ضاري لكن خايف من انه ينكشف له ويبان عليه الكدر والضيق
اخذ نفس بضيقق لكن فضل انه يطلع من المحل ويروح يمشي احسن
سكره وطلع وهو يمشي بهدوء صادفه جابر اللي كان يحاول يتحاشى خلف عشان ما يأثر على قرار خلف
لكن ناداه خلف اللي كان في لحظة غضب من ابوه اللي فجأه انسحب من كل شي وترك كل المسؤوليات على خلف من دون مقدمات وانسحب عشان يكون مع حوريه هالدخيله اللي محد رحب فيها ولا احد مرتاح لها
جابر: هلا خلف
خلف : شلونك عساك بخير
جابر: حمدلله بخير انت شلونك
خلف : حمدلله وهاذي وصلتي من الكويت الحبيبه
جابر ابتسم بهدوء وتوتر: حمدلله على السلامه
خلف : الله يسلمك ويشهد الله علي يا جابر اني سألت عنك وانا كلي ثقه اني ما بحصل فيك عيب وعذروب وادري انك رجال كفو وتستاهل الخير كله
جابر : الله يخليك يا خلف والله شهادتك يااخوي اعتز فيها
خلف :تستاهل كل طيب وابشرك ان ربي كتب لك عندنا نصيب وبلغ النوخذه ومتى ماحبيت تملك عطنا خبر وحياك الله
للحظة كان جابر وددده يشق ثيابه من الفرح وده يطير لكن تمالك نفسه بلحظه قبل ينفضح وابتسم بركاده: الله يبشرك بالخير يا خلف وان شاء للله اني عند حسن ظنكم وان شاء الله ان ربي يقدرني على كل طيب
خلف : ان شاء لله ان شاء الله
من فرط الفرح بدت ابتسامة جابر تتسع ولا شك فيه خلف لانه مو معه اصلا تفكيره متشتت ومتقسم
استاذن خلف ورجع وهو الحين بيصير في مواجهة ابوه اللي بيقوم الدنيا ويقعدها ان خلف وافق بدون ما يبتون هالامر لكن الامر اللي حس خلف انه خاف منه انه ما رجع لاماني ولا سمع ردها الاخير وهنا خاااااف انه تسرع وخاطر بأماني بعد
ورجع على البيت مسررررع يبي يسمع شي يريحه لانه من ذهول المواقف صار ينسى
دخل مسرع بدون ما يركز في حوريه اللي كانت تكلم واول ما دخل خلف سكرت السماعه بخوف ماعطاها خلف اهتمام وطاااار لغرفة اخواته وفتح الباب بدون مايدق وهو مرتبك
فزوا كلهم بخوف : خلف وش فيك ً
.
.
.
فزوا كلهم بخوف : خلف وش فيك
تفشل خلف وصد وهو يقول :درعمت كذا وروعتكم لكن اماني تعالي ابيك
وقفت اماني بتوتر : وش فيك
خلف : تعالي
طلع خلف لسطح وطلعت وراه اماني بخوف : خلف لاتخوفني
اخذ خلف نفس وهو يقول : اسمعي انا سألت عن جابر وما تركت واحد الا وسألته عنه بالكويت ولا بالسعوديه والرجال طلع كفو وابن حلال وانا ما اشوف فيه عيب ابد ويستاهلك وانتي تستاهلينه
قالت اماني بهدوء : خلف انا ما عندي مانع اذا انت راضي وتشوفه كفو انا ماعندي مانع انا اللي تشوفه انت انا امشي عليه
ابتسم خلف براحه: اجل الله يوفقك ويتمم عليك
نزل وترك اماني اللي بتسمت وهي ماتدري وش شعورها وش تحس فيه هاللحظه الا انها كلها ثقه بخلف واي احد يجي من طرف خلف
_______________________.
في بيت النوخذه
ووصل جابر اللي بيموت من الفرح ودخل وهو ينادي: يببببه يممممه ليلووووه وينكم
طلعت ليلى : بسم لله شنو فييييك
ام نهيان:جابر شفيك يمه خرعتنا
اتجهه لها جابر بفرح : وين ابوي وين النوخذه
طلع ابو نهيان : جابر شفيك جنيت!
جابر: يببي يمه يببي ابشرچ وافقوا وافقوا
ابو نهيان: من قالك!؟ جابر: توووه خلف بالسوق قابلني وقالي موافقين وبلغ النوخذه ومتى ما بغيت تجي تملچ حياك
ارتفع صوت ام نهيان تغرط وهي تحضن جابر : ياعله سعيييد ومبارك يممه الله يفرحني بعرسك وعيالك ياحبيبي
ليلى كانت بتموت من الفرح اقبلت وهي تسلم على جابر وتبارك له وفرحانه فيه وفرحانه ان خلف عرف يتصرف ولا ضيعهم من يده
ولف جابر على ابوه بحماس: متى نروح نملچ (نملك��) يبه
ابو نهيان: اول شي بالمبارك وبعدين بكره نروح حق ابو خلف ونتفق معاه
جابر: زييين زين
ليلى: تعااال خلنا ندق على نهيان وشيخوه ونقولهم
راحواا يركضون لتليفون وابو نهيان يراقبهم بهدوء عياله بدو يتزوجون واحد واحد وشكله البيت بيفضى عليه
_______________________.
الكل كمل يومه عادي "ومن بكره "
في بيت وعد
اللي جهزت واستعدت وراحت للمعهد اللي تحلم فييييه ليالي وسنين ودخلت وهي تناظر حولها وتلف حول نفسها عشر مرات تشوف البنات والحيااه اللي احلمت فيها
دخلت ببتسامه واول ما استقبلتها المشرفه جلست وعد منصته لكل شي ينقال وتحلم بكل وظيفه او منصب ترشحها المشرفه لهالدراسه اللي يدرسونها
ماكان ودها الوقت ينتهي وتطلع وطلعت لمبارك وهي مبسوووطه واستغرب مبارك الرضا والفرح اللي هي فيه واستبشر خييير وانبسط وقبل يبدا بموضوع
لفت وعد : مبارك طلبتك
مبارك اللي لا شعورياً قال: تم
ابتسمت وعد وعرفت انها تمكنت منه : ودني لاهلي ببشرهم .

.

ابتسمت وعد وعرفت انها تمكنت منه : ودني لاهلي ببشرهم
مبارك: زين
اخذها لبيت اهلها ونزلت ببتسامه ورضا لكن كشرت اول ماشافت عقاب طالع لدوامه ويناظرها بطرف عينه
دخلت وقف تدق الباب وفتح غيث اللي صرخ بوناسه: وعد خلت وعد بفرح: هلا ياحبيبي هلا
غيث: ادخلي كلهم جوا
وعد : زين زين
دخلت وعد وهي تشوف الكل بالحوش وابتسمت اول ماشافت حوريه ماهي فيه لكن فيه خلف وفيصل جالسين كالعاده يفطرون
وعد: سلاااام الكل : هلاااا وعليكم السلام
وقفوا يسلمون على وعد اللي واقفه مبتسمه بكل قوتها
وفز فيصل يناظرها من بعييييد ويقرب ويبعد ويضحك: اكتب يا تاااااريخ وعد مبسوطه وتضحك
ضربته وعد بضحك: انثبر عندي لكم خبر يموت من الفرح
فزوا كلهم وكلهم بصوت عالي قالوا: حامللللل
بهتت ملامح وعد وقال بسرعه: لااااا وش فيكم انتم
جلسوا كلهم خلف: بشري يلا وش عندك
وعد رفعت ورقة المعهد بفرح : اخيييييراً وبعد سنين من الانتظار ابشركم رسمياً دخلت المعهد وداومت اول يوم وهذاني توني جيت منه
فزوا البنات يصارخون بفرح ويحضنونها ويضمونها وخلف معهم : يلا الحمدلله اخيراً حققتي حلمك الله يتمم لك بخير
فيصل : ماشاااااء الله من متى عندنا هالدراسه
وعد : فيصلووووه عقليتك المتخلفه ذي لو سمحت فكني منها
ام وعد : بس ياوعد يا يمه بتنشغلين عن زوجك وبيتك
وعد: لا تخافين انا اعرف اتصرف وبعدين مبارك موافق
ندى: وللله طلع مبارك احسن من ما هقينا
خلف : المهم انه رجال
وعد : اييه وش صار وش ما صار عطوني اخر الاخبار
فزت وجدان: ابشرك اماني وافقت على الچويتي
وعد : ماشاء الله مبروك مبروك
ابتسمت اماني : الله يبارك فيك
ام خلف : الله يوفقكم يابنات وان شاء الله ربي يكتب نصيب حنان وندى ووجدان بعد
الكل : امين
وقفت اماني : اسمعي اجل قنبلة الموسم
فيصل: شينة الحلايا يقول ابوي انها حامل
شهقت وعد برعب: وشووو حامل !؟ مسرع
ام خلف : كتب لها ربي عاد
وعد : وهي وينها الجنيه!
حنان: راحت المستشفى تتطمن على حملها
ندى: ياللله عساها ماترجع سالمه يارب
خلف : خلونا منهم خلاص
فيصل: ماعليكم كلها ايام ويقشعها جدي من البيت
خلف :وجدي وش دخله!؟ فيصل: انا كلمته وعلمته وقال هو وعمي محمد بيتصروفون ويطلعونها من بيتنا كفايه الحشره اللي حاشرينا اياها
ام خلف : الله يهديك يا فيصل جدك رجال كبير تبي تذبحه بالمشاكل
خلف : خلوه يحلها لاني ما اتحمل اكثر
وقف وهو يعدل ثوبه ووقفت وعد: وين رايح!؟
خلف : السوق
وعد : خذني معك بالله ودي بكم غرض .

.
وعد : خذني معك بالله ودي بكم غرض
خلف : يلا يلا
ندى: جيبي لنا معك خرابيط
فيصل: لحظه على طاري الخرابيط تدرون ان ابوي ماعاد يدري عن البصمه صرت اعطي ابو ممدوح الورقه وينزل كل شي بدون مايطلب بصمه
شهقت وجدان: وررببببك
فيصل: وربي
خلف : اجل دامه كذا اكتب ورقه وروح انت وسالم ونزل كل شي بالبقاله وجبه
سالم بخوف: واذا سأل وعصب
ابتسمت ندى بخبث: واذا سأل اللي طلبت شينة الحلايا
ام خلف : استغفر الله ياعيال وش تبون فيها
لاول مره يكون خلف بهالخبث وقال: هي وش تبي فينا خليها تحمل غلطها
اخذ وعد وطلع وترك باقي المهمه لفيصل وندى اللي مقهورين من حوريه وودهم ينكدون عليها بأهون الاسباب
_______________________.
في سيارة مبارك
بعد ما نزل وعد شاف عقاب اللي قرب مبتسم وهو نيته يسلم عليه بس لكن عزمه مبارك للغداء ووافق عقاب
كان عقاب راكد من جهة وعد ماله نيه ابد يدخل بموضوعها لكن قال: هاه يا مبارك مالك نيه تداوم
مبارك: ان شاء الله بكره بباشر دوام بنت عمك دخلت المعهد ولا عاد هي يمنا لازم اشغل نفسي انا بعد
نزلت لقمة عقاب من يده واستعت عيونه بصدمه: وشووو معهد!؟ مبارك : ايييه معهد
عقاب : شلون تخليها تدخل وانت وين مسؤولياتك وبيتك هالمعهد بيشغلها وتسيب البيت والدنيا
مبارك زل وقال: وش اسوي عشان اتفاقنا ومقدر اخلفه ويقومون علي ... وسكت فجأه
اتسعت عيون عقاب: اتفاق! ومن هاللي بيقومون عليك اذا اخلفته!؟ عيال عمي
مبارك: لا لا
عقاب بغضب: اجل تكللللم وش بلاك
تردد مبارك كثير بس بعد اصرار عقاب تكلم مبارك بكل شي من كذبة وعد للخلاف اللي تصوب على اثره وللاتفاق و للمعهد
وقف عقاب بذهول وهو يحط يده على راسه بصدمه من مكر وعد وكذبها وغير كذا قوتها( والله ما انتي بهينه يا وعد الظاهر اني استخفيت فيك بالحيل اجل كل ذا يطلع منك لكن هييين هييييين )
مبارك: وش فيك ؟
عقاب : خبل انت ولا وشو انت كيف تسكت عن حقك !؟ وحتى لو هي مثل ما تقول مسكونه ومعها عاشق المفروض ما تسكت
مبارك: وش اسوي يعني
عقاب : تطير تجيب شيخ يقرا عليها واذا هي فيها شي بتتأثر هذا واحد واثنين هالمعهد اساس كل الخراب في حياتك ودخوله مجرد حييله لكن خلك رجال واخذ حقك وانا مرضى عليك الغلط حتى لو هي بنت عمي
ابتدت افكار عقاب الخبيثه تلعب بعقل مبارك اللي وقف بغضب وطلع وهو ماعاد يركده شي ابداً ابداً
اما عقاب جلس مذهول من وعد وهو يردد بنفسه ويقول ( وش سر هالقوه يا وعد!؟ وش هالشي اللي عندك واخضعتي به مبارك اللي ما يخضع لاحد ابداً!) .
.
.

ويقول ( وش سر هالقوه يا وعد!؟ وش هالشي اللي عندك واخضعتي به مبارك اللي ما يخضع لاحد ابداً!) _______________________.
اما في بيت النوخذه
بعد ما طلعوا جابر وابوه كانت ليلى تقوم وتقعد ودها تروح السوق ودها تعرف من خلف وش صار ودها تشوف خلف
ولفت ودارت على راس امها لين رضت انهم يطلعون وهالمره اخذت العود بحجة ان الاوتار مقطوعه وبتدور له قطع في دكان القايد
وتلثمت وتغطت مضبوط وطلعت مع امها وهي تتلفت متوقعه تشوف خلف مع اصحابه بس شافته عند احد المحلات مع وحده
واتجهت لمحلهم عشان تلفت انتباهه ان فيه زبون وشافها خلف
اللي كان يسمع لوعد واستشاراتها لكن نسى وعد ونسى الدنيا وتركها وراح لدكان ولفت وعد باستغراب منه لكن شافت زبونه عند المحل ورجعت تكمل اغراضها
اما خلف اللي يخف خطوته مر من جنبها عشان يدخل وهمس : نورتي الدكان يا بنت النوخذه
ابتسمت ليلى وهمست: حمدلله على السلامه ياخلف
خلف : الله يسلمك
ليلى مدت العود بحرج : خذ هذا العود مالي اوتاره اختربت علي
رفعه خلف ببتسامه وهو يلفه وهمس: عز الله محد سبقني وحسد الجمادات على اصحابها
طار قلب ليلى من الفرح لكن قالت بتوتر واضح: هو ماكو شي فيه بس انا جيت بعرف شنو صار بالكويت
خلف بهمس : ابد مثل ماوصيتيني سويت ومثل ما توقعتي صار ...
قبل يكمل خلف قال: والله يا اختي ما نصلح العود ابد ماعندنا الخبره الكافيه
انتبهت ليلى للبنت اللي جت وقالت: انزين يعطيك العافيه ماقصرت والراديو اللي عندك ااذا جهز ارسله
خلف : طيب
راحت ليلى بارتباك ماتدري من هاللي جات بس انها كانت مبسوطه بشوفة خلف
ولف خلف لوعد : خلصتي!؟ وعد : ايه خلصت يومك انسحبت ما انت داري عن احد
ضحك خلف بتوتر: ما اقدر اخلي الزبونه
وعد ضحكة باستهزاء: قصدك ما تقدر تخلي ليلى
لف خلف بقوه: وش تخربطين انتي !؟
وعد : انا ماني غبيه ياخلف !؟ انا اعرف ليلى ولا فييييه وحده فالديره كلها معها عود الا ليلى وغير ذا وش قصدها بالراديو
خلف : مجنونه انتي وش ييجيب ليلى هنا وبعدين الردايو رادييو عادي
وعد : ماشفتها جابت راديو!
خلف بغضب: وعد لا تحديني اقول شي ما ابيه
وعد : لا تقول ياحبيبي لكن عمري ما خبرتك تلعب على بنات الناس
خلف بغضب: ما لعبت بأحد انا وانتي تدرين وش هي نيتي لليلى
وعد : مهما كانت نيتك لا تطول هالمهزله
اخذت اغراضها وطلعت وهي ضد هاللي يصير وخلف بعد ضده لكن مايدري كيف يخضع لمشاعره وتجره بدون احساس
قعد بضيق لكن تذكر ان ليلى ما تعرف التفاصيل لكن استبعد انه يقولها لان مامعه اي فرصه .
.


قعد بضيق لكن تذكر ان ليلى ما تعرف التفاصيل لكن استبعد انه يقولها لان مامعه اي فرصه
_______________________.
في بيت نادر
للي كان مرتاح هاليومين ومبسوط بما ان حياته مستقره وقف بعد ما افطر ناوي يطلع لشغله واول مافتح الباب تجمعت شياطين الارض قدام وجهه اول ماشاف ابو شوق وام شوق
ودخل ابو شوق وهو يقول : ماودك تقلطنا
صد نادر بضيق : حياك الله
وقربت ام شوق تسلم عليه: شلونك يا نادر
نادر: بخير تفضلوا
دخلهم المجلس وهو كارههم بس مهما كانوا اهل شوق ودخل ينادي امه وابوه اللي كان عندهم خبر بالزياره وراحوا لهم ودخل نادر يدور شوق اللي طلعت مستغربه: مين هنا!؟
نادر : ا امك وابوك
ابتسمت شوق بفرح: وللله ! متى جو
نادر: من شوي
طلعت شوق بفرح تركض لهم وانكسر قلب نادر اللي كان يشوف اهلها ظالمينها ومع ذلك تركض لهم وبتطير من الوناسه
راح وراها وكان مثل ماهو متوقع استقبال بااارد وجامد وكأنهم متفشلين من سلام شوق الحار لهم قدام ابو نادر اللي يعتبرونه ناقد عليهم
ماقدر نادر يتحمل كملتين زياده منهم وطلع وهو ماكلف على نفسه يضيفهم وكيف بيهتم فيهم وهاذي طريقتكم مع شوق
اخذ طريقه لبيت ضاري اللي من امس مفقود مايندرى وينه وهو محد يطلعه من ضيقه الا ضاري لكن مايدري كيف بيجلس معه ويخبي عنه سالفة ان زوجته ماتبيه
_______________________.
وفي بيت ضاري
كان يتبع تعليمات امه اللي من الحين بدت تجهز لزواجه وتجهز البيت وتعدله عشان ضاري لكن ضاري خارجياً متماسك لكن داخله فااارغ وتعبان وبدا يدور في راسه موضوع في راسه انه يدور اهله واذا حصلهم بيترك كل شي بما فيهم مضاوي وحياته كلها وياخذ امه بس
جلس قدام المسجد وهو يفكر كيف رموه اهله وش السبب وش شعورهم الحين! وهل هو فعلاً ولد حرام وهذا اصعب من اي شي ثاني
فز على صوت نادر ينادي من بعيد: ضاااري وييينك يارجال مختفي
وقف ضاري ببتسامه باهته: تووي مخلص شغل قلت اريح
نادر: الله الله من الحين شغل
ابتسم ضاري : اوووه امي لو بيدها جهزت كل شي الليله وحطت الزواج بكره
ابتسم نادر بضيق: اللي يخليها لك ويتمم فرحها بك
ضاري : امين
سكت نادر بس لف على ضاري : فيك شي؟؟ ضاري : لا وش بيكون فيني
نادر: احسك متضايق .

.

سكت نادر بس لف على ضاري : فيك شي؟؟ ضاري : لا وش بيكون فيني
نادر: احسك متضايق
ضاري : لا بس متخوف من المستقبل تعرف وضعي يا نادر وصعب علي الحياه الجايه
نادر تربط لسانه ماعرف وش يقول بس قال: ماعليك يا ضاري هي حياه نفسها نفس اللي قبل وعاادي جداً انت عشت شايل امك ونفسك ما رح يصعب عليك شخص اضافي
ضحك ضاري : صح ماهو صعب
ماعرف نادر يحدد جهة كلامه بس من كل قلبه دعى انه ما يكون يعرف لان الخيببببه حمل ثقيييل وصعب
_______________________.
وفي بيت ابو خلف
وصلت وعد وقبل ترتاح سمعوا دق الباب وبعدها رجع سالم يركض : وعد مبارك عند الباب يقول اطلعي بسرعه
وعد : زييين
اخذت اغراضها ولفت على صوت ندى: تكفين اجلسي عندنا لليل
وعد : والله ودي بس تعبانه وبروح انام وراي معهد بكره
حنان:الله يوفقك يا وعد يا عمري
ابتسمت وعد بحب وطلعت شافت سيارة مبارك وركبت وهي ماهي متوقعه منه اي تصرف ولافي بالها اي شي الا النووم والراحه بعد تعب اليوم
دخلت البيت ماهي حاسه بشي لكن لفت اول ما سمعت صوت باب ينقفل وشهقت اول ماشاف رجل غريب ملتحي وجالس شهقت ورجعت لكن مسكها مبارك في لحظة مربكة وثبتها بكل قوته من الصدمه عجزت وعد تتحرك لكن اكتشفت انه شيخ اول ما قرب يقرا على وينفث وعجزت حرفياً ماكان فيها طاقه ابداً كانت مهلوكه ومصدومه ماتوقعت هالهجوم حاولت تقاوم مافيه فايده لين وقف الشيخ واعلن القرار المصيري وقال: زوجتك مافيها شي لا معها مس ولا عمره كان معها
اخذ اغراضه وطلع وقبل تعترض وعد وقف مبارك بذهول يقول : تكذبييييين علي يا وعد وانا اللي صدقتك وامنت فيك
حاولت وعد توقف وترد عليه لكن باغتها بكف ألجمها وقفت بذهول تناظره بصدمه ما مداها ابد تتخطى هالموقف الا انقض عليها مبارك اللي كان مرعب بشكل كبير وهنا صحت وعد وحاولت تخلص نفسها وحاولت تفلت وحاولت تتصرف لكن ماكان يمديها تتحرر من قضبة مبارك القويه وكفوفه المتتاليه ما بقى لها حل الا صراخها لكنها انلجمت في لحظه... وانتهى فيها كل شي ...��
_______________________.
وفي بيت الجد قايد
رجع عقاب بهدوء كأنه ماسوى شي ووقف ببين اعمامه وعيال اعمامه وجدته وقال: انا اليوم حبيت اقولكم اني بخطب وجد بنت خالي وابيكم تكونون معي .
.
.
والليل في بيت الجد قايد
رجع عقاب بهدوء كأنه ماسوى شي ووقف ببين اعمامه وعيال اعمامه وجدته وقال: انا اليوم حبيت اقولكم اني بخطب وجد بنت خالي وابيكم تكونون معي
محمد : ماشاء الله ماشاء الله اخيراً نوييت
عقاب : العمر يمشي يا عمي
ام ناصر : يوم نويت تتزوج ورا ما اخذت من بنات عمك
رد خلف بسرعه وهو رافض ان خواته ينعرضون كل مره على عقاب : كل انسان حر باختياره وكل انسان يختار شريك حياته براحته مب لازم ولد عم ياخذ بنت عمه
محمد : صادق يا خلف وهاللي بياخذها عقاب ان شاء الله فيها الخير
ابو ناصر: اللي ترتاح له يا عقاب سووه وحنا معك ما حنا مخلينك
عقاب : هذا العشم ياجدي
ابو خلف : وش جاب بنت خالك على بالك
عقاب : اقترحتها جدتي لي واشوفها مناسبه لي
خلف : موفق وولله يكتب لك كل خير
محمد : وانت ياخلف ما حان دورك
التفت خلف باستهزاء وضحك:لاااا ياعمي توي صغير وتوه بدري وتوه ابوي عريس
الكل سكت والتفت ابو خلف : خلييف احشم نفسك
سكت خلف فتره وقال: دام المواضيع مفتوحه اجل بقولكم ان جابر رجال كفو يستاهل اماني وكلمتهم وقلت لهم ان الموافقه تمت
ابو خلف : نعععم من سمح لك توافق وماهي على كيفك
ابو ناصر اللي اول مره يكون ضد ولده ناصر قال: لا يا ناصر على كيفه دام ابوه ماهو فاضي ودام ابوه انحسب وترك كل شيٍ على ظهره كل شي على كيفه دامه ادرى بمصلحة خواته وراح وسأل عن الرجال وعرف اصله وفصله في حال انك متوزي مع هاللي جبتها ما ندري اصلها وفصلها من وين ولا ندري وش هي من ادميه يومك ما استحيت على وجهك وحشمت عيالك واهلك في بيتك وتصرفت تصرفات ما يتصرفها الا جاهل
محمد : ابوي معه حق ولازم تشوف لك حل يا انك تسنع امورك وتحترم بيتك واهلك يا انك تطلعها في بيت غير هالبيت
فيصل : ما نبي حوريه معنا فالبيت ومانبيك تطيح من عيونا زود
الكلرلف على فيصل اللي ردة فعله مقهوره وسكت ابو خلف وقرر ينسحب من الموضوع قبل يكبر وراح وتركهم بالمجلس مجتمعين
وطلع فيصل متضايق وزعلان وركض عزوز وراه وهو يوقفه: فيصل فيصل اصبر وين رايح
فيصل : مخنوق مخنووق مابي ارجع للبيت ولا ابي اشوف شي
عزوز: طيب طيب اذكر الله واهدا وكل شي بيصير زي ما تبي بس اصبر
وقف فيصل بقهر: ياعزوز ما انت فاهمني والله ما تقدر تفهمني وانت ماشفت اللي اشوفه كل يوم واللي اسمعه
عزوز : انا ادري ان ماهو هين عليك تشوف ابوك اللي طول عمره قوي بهالمنظر الهزيل لكن اصبر جدي وعمي بيحلونها وخلف ماهو مخليكم اكيد
فيصل : اااااه بس اااه .
.
.

فيصل : اااااه بس اااه
جلس بقهر وجلس عزوز جنبه ويواسيه وهو اللي مايحب فيصل يتضايق ونفس الشعور فيصل يحسه باتجاه عزوز
_______________________.
بالنسبه لخلف
بعد اللي صار قرر ينسحب ويكون بعيييد شوي عن البيت وعن القلق وكثر الازعاج قرر يروح لتركي وضاري لكن ماله وجهه يناظر بضاري وحتى لو ضاري ماهو عارف شي يحس انه خاذله
غير اتجاهه للمكان المعتاد توقع وجود نادر هناك لكن وقف بهدوء اول ما مر من جنب بيت النوخذه وكان الوقت متاخر والناس هاديه والشارع هدوووء لكنه سمع صوت عود خفيييف من احد سطوح البيوت شي خفيف وهادي وقفه لحظه وتذكر محد بالحاره معه عود الا ليلى اووه ياليلى
جلس بهدوء خلف البيت يبي اي شي يسمعه واي شي يسليه ويوسع خاطره
وفعلاً كان يسمع تمتمات صوت ليلى اللي اجبره يبتسم
صار وده يقول شي لها صار وده يسمع منها لكن كيف ووش الطريقه ووش الحل ! قرر يستسلم ويرجع مابيده حيله
وانتبهه للباب ينفتح وطلع جابر مع كرتون صغير فيه بقايا رز وخبز يحطها على طرف لطيور وللقطاوه بدون مايحس خلف هاجمته كحه قويه ألفتت انتباه جابر اللي لف ورجع يركض لخلف اول ماعرف كحته كانت مفاجأه وقويه ماقدر خلف يتحكم فيها رفعه جابر بخوف : خلف بسم لله عليك شنو فيك !
مارد عليه خلف اللي ماقدر يتكلم ولا ينهي هالكحه وهنا خاف جابر اللي تذكر نوباته وسنده وهو يقول : تعال تعال وياي اعطيك قلاص ماي تعال
ماتردد خلف انه يلبي دعوته بالعكس استند عليه وهو مستمر يكح وهو خايف يطيح بأثر النوبه قدامهم ويتعب وهو مايبي يكون بهالموقف وفتح جابر الباب بخوف وهو يساعد خلف يجلس قريب وجابر يدري كل اهله بغرفهم : انطرني شوي
ركض جابر يجيب المويه ورفع راسه خلف يبي ياخذ انفاسه لكن انحبست اول مت شاف ليلى نازله من الدرج تركض اول ماسمعت صوت ركض جابر الخايف : جا...
انقطع صوتها ووقفت مصدومه اول ماشافت خلف بنص الحوش وشهقت بصدمه وتراجعت للكن انصدمت اول ما طاح خلف على وجهه بنص الحوش
وصرخت وطلع جابر يركض مصدوم من خلف اللي اختنق وانحبست انفاسه وماقدر ياخذ دواه من جيبه
ركض جابر بخوف وهو يناديه يرفعه يحاول يصحيه مافيه فايده بدون احساس ركضت ليلى بخوف : جابر شنو فيه جابر
من الخوف ماكان جابر منتبهه ان ليلى بدون غطى لكن بخوف قال اول ما شحب لون خلف : شدراني الظاهر جات له نوووبة ربوو
ليلى بخوف تذكرت ان دواه ممكن يكون معاه : شوف مخباته يمكن معاه دواء
في هاللحظه طلع جابر البخاخ من جيبه وهو ماهو عارف كيف يتصرف وهو ساند خلف
.
.
.
في هاللحظه طلع جابر البخاخ من جيبه وهو ماهو عارف كيف يتصرف وهو ساند خلف لكن ركضت له ليلى وهي تاخذه منه وهي تعرف كيف تستخدمه قربته لفم خلف وهي ماهي مركزه بتصرفاتها وحتى جابر ماهو مركز وخايف ضغطت عليه كذا مره وهي تحاول تساعد خلف وبعد خمس دقايق تحرك خلف وبدا يرجع لونه وكانت عينه ماهي مسكره مره وكان قادر يشوف ماكان خلف مستوعب ان اللي يشوفه ليلى لكن استوعب اول ماصرخ جابر وانتبه: ليلوووووه شتسوين هنييييييه
فزت ليلى برعب وانتبهت على نفسها ابعدت بارتباك من خلف اللي كانت قريبه منه بشكل كبير وقالت بخوف : ما ادري خفت يصير شي قلت اساعدك وحطيت له البخاخ
جابر: دشي دشششي داخل لا يصحى وانتي هنيه
ابعدت ليلى وهي قلبها عند خلف اللي بدا يستوعب وبدا يصحى واول ما استوعب ان ليلى معه وهي معها بخاخ وهي اللي ساعدته كان خاطره يبتسم لكن حيله مهدود
كان متوقع انها كحه عابره وموقف معتاد ويقدر يتداكره
لكن للحظه اوجعه صدره وكأنه ينبهه ان ممكن يكون لمرضه دور حلو في حياته وصدفه حلوه!؟ بعد ماكانت ادواره كلها سيئه ومأساويه
حس بجابر يرفعه وهو يناديه:خليف انت بخيييير
اشر خلف براسه (ايه بخييير)
جابر: تحتاج شي تقتدر توقف
خلف بصوت رايح: ايه
ساعده جابر عشان يوقف وجلسه وفي هاللحظه نزل ابو نهيان: جابر شنو هالصوت !؟ شنو صاير
جابر: ماكو شي يبه
ابو نهيان:خلف شنو فيك يبه !؟ فيك شي ! اهلك فيهم شي
خلف بصوت مبحوح: لا لا كل شي بخير
قرب ابو نهيان بهدوء: تعبان!؟ جابر: شوي يبه لكن حمدلله صار زين
خلف : بخير ياعمي بخير وبروح
ابو نهيان:لا لا ما تروح وانت بهالحاله اقعد اقعد وارتاح
خلف حاول يعترض بس اجتمعوا عليه وسكتوه وجلس وهو ضايق صدره مايبي يكون بهالحال وتحت هالمنظر والشفقه قدامهم
لكن الحسنه الوحيده هي شوفته لليلى وشوفته لخوفها عليه اللي واضح وضوح الشمس
استند على التكايه وهو هلكااان لكن يحاول يتماسك ويكون بخير
ابو نهيان: تحتاج المستشفى يا ولدي
خلف : لا لا ياعمي انا بخير
جابر : زييين زين لكن بتنام هنيه لين تصير زين
خلف كان وده يتمم لكن قلبه مع امه اللي ما تدري وينه واكيد بتخاف عليه : لا واالله اسمح لي يا جابر برجع البيت مابي امي تقلق علي وما تدري انا ويني ويصير لها شي
ابو نهيان اول ماشافه تعبان قال :زين زين يروح وياك جابر يوصلك ويجي
خلف : زين زين
وقف خلف واول ما رفع عينه شاف ليلى وهي تطل من باب المطبخ بخوف وحب انه يطمنها وقال: ماعليه يا عمي ازعجتكم بهالوقت وخوفتكم لكن الموضوع بسيط وعرضي وانا بخييير
.
.

.
وقف خلف واول ما رفع عينه شاف ليلى وهي تطل من باب المطبخ بخوف وحب انه يطمنها وقال: ماعليه يا عمي ازعجتكم بهالوقت وخوفتكم لكن الموضوع بسيط وعرضي وانا بخييير
ابو نهيان: لا ياولدي مابينا هالحكي
جابر: لا تزعلني عليك يا خليف انت اخو
ابتسم خلف بحب وطلع تارك وراه قلب ينبض بحب ليلى
اما ليلى كانت خايييفه عليه ماهقت ان لهدرجه تعبه قوي ماهقت ان في يوم بيطيح بين يدينها بهالطريقه كان قريب لدرجة انها تشم ريحة عطره الهادي لللي يشبهه شخصيته الهاديه
_______________________.
في بيت نادر
اللي من الصبح طالع مارجع انشغل مع ضاري اللي حس انه متشتت وزعلان لكن ماقدر يواسيه ولا قدر يسأله كان خايف من الاجابه لو سأل ..
دخل البيت بهدوء وهو ماكان يبي يقابل ابو شوق وام شوق وتمنى لو انهم راحووا ولف على صوت ابوه الغاضب: انت وينك فيييه من الصبح؟؟ نادر : كنت مشغول
ابو نادر : اي شغل واي خرابيط!؟ شلون تروح وتترك ابو زوجتك وام زوجتك ولا حتى اكرمتهم ولا ضيفتهم
نادر: انت موجود مايحتاج اكون فيه
ابو نادر: انت وش صاير لعقلك انهبلت خلاص
نادر: يبه الله يخليك تراي تعبان مالي حيل جدال
ام نادر: حتى لو انك بتموت من التعب هذا مايخليك تهمل خالتك وتطلع حتى السلام بالقوه ترده عليها
نادر : وكيف تبيني ارا عليها ! يمممه الله يخليك لا تزيدين علي ترا خالتي هاللي تقولينها ماني بالعها ولا احبها ولا بيني وبينها اي صله لا هي ولا زوجها
تركهم واتجهه لغرفته لكن وقف بندم اول ماشاف شوق اللي كانت تنتظره لكن واضح سمعت كلامه واعتلى الضيق ملامحها بدون مايحس اسرع يقول :شووق ماقصدت لكن كنت معصب و..
قاطعته شوق بهدوء: عادي يانادر ما انت مجبور على شي
وقفها نادر: لا لا انتي فهمتي غلط انا ما اكرههم لكن ..
سكت شوي وقال: انا اكرهه الطريقه اللي يتعاملون فيها معك ومعي اكرهه انهم يتصرفون بهالطريقه
شوق : نادر انا ادري وش قصدك انا فاهمه ليش معصب وزعلان ماعليك انا فاهمه وانا ادري بقلبك
تطمن نادر لكن مازال قلبه ندمان وحاول يغير الموضوع ويقول : طيب ماقلتي لي وش صار اليوم
شوق اول ما تذكرت اسلوب امها وابوها معها ماحبت تقول لنادر وتزيد الطين بله وقررت تسكت وتقول : عادي سلموا علينا وتعشوا وراحوا
عرف نادر انها متضايقه دامها ماقالت التفاصيل وقرر يبادر هو ويسولف ويقول : كنت عند ضاري
لفت شوق بهدوء: توقعتك عند خلف
نادر: مامريت خلف اليوم كنت مع ضاري يجهز بيته وكان شوي متضايق وجلست عنده
استرسل يسولف عشان يشتت التوتر وشوق تسمع له
_______________________.

.
في بيت مبارك
وقفت وعد وهي ماهي قادره تبكي ولا تصرخ ولا تسوي شي كانت في ذهول من هالهزيمه وهاللي صار واللي سواه فيها مبارك وكيف صارت بهالموقف فزت برعب على صوت مبارك وهو يصرخ: وييين رايحه للحين حسابي معك ما انتهى
التفت بغضب: تخسي ويخسي مثلك يحاسبني وانا وعد
وقف مبارك بضحكه مرعبه: لا ياشيخه هذاك اول والحيييين اللي اقوله انا يمشي
وعد : تخسي
قبل يوصلها بغضب ويمد يده ركضت وهي تسحب الع¤ازه ورفعتها بغضب وصراخ: اقسم بالله لو تقرب للتكسر على راسك اقسم بالله يا مبارك لذبحك وما يرف لي جفن
ابعد مبارك وهو متاكد انها تسويها :اسمعيني عاد اللي سويتيه ماينغفر وانا ساكت وما سويت لك شي لا تصعبين المشكله وتكبرينها
وعد بصراخ مقهور ومكسور: ما اكبررررها والله والله لتندم على سواتك فيني والله
رمت الع¤ازه عند رجله وابعدت بغضب وسرعه دخلت المجلس وقفلت الباب واول ما تسكر انهاااارت وبكت بحرقه وقهر من هاللي صار فيها كانت بتصلح الامور وترضى كانت بتعطيه اللي يبي لكن بالحسنى لكن الحين مستحيييل مستحيييييل تجلس وتسكت على الضيم
اخذتها الساعات وهي منهاره لكن بعد فتره وقفت على حيلها وطلعت وشافت مبارك نايم لملمت نفسها وترتبت واخذت عبايتها وطلعت بنص الليل ما اهتمت باللي صاير واللي بيصير
وهي متأكده ان تغير مبارك وغضبه وراه سبب ووراه احد واكيد انه عقاب ومن غيره
_______________________.
وفي بيت الجد قايد
كان عقاب ساكت وتفكيره متشتت بين خطبته اللي قرارها مصيري وبين اخوانه اللي ممكن ينشغل عنهم وبين وعد وصدمته من قوتها اللي قدرت فيها على مبارك
اخذ نفس وطلع من المجلس متجهه للغرفه شاف البنات جالسين بهدوء في السطح وسوالفهم محدوده ماهي كالعاده
وهذا بسبب ان مضاوي مشغوله فالمصيبه اللي رمت نفسها فيها ماتدري كيف بتواجهها ومع الايام بتعايشها ما تدري تلوم نفسها ولا تلوم خلف ومحمد
اما سحر كانت تفكر كيف تبي تخفف حملهم عن عقاب اللي اكيييييد اذا تزوج بتكثر عليه المصاريف ويكثر الشغل والتعب وكفايه انه شايلهم على ظهره ومايرضى ان اي احد يصرف عليهم غيره وهي مازالت تدعي ان الله ينزع حب خلف من قلبها ويعوضها العوض الطيب
اما عهد كانت من بعد موقف عقاب معها وهي ساكته ومتجنبه الكل وهي ناويه تحدد موقفها يا تكون ضدهم كلياً او انها تتقبل اللي صار مع سحر وتكمل معهم بحب
شهد كانت في عالم ثاني وهي تسولف مع وجدان عند الباب الفاصل
وهيا كانت في صمتها المعتاد مع كتابها المفضل
انسحب عقاب ولا دخل قرر يروح ينام وشاف
.
.
.
وهيا كانت في صمتها المعتاد مع كتابها المفضل
انسحب عقاب ولا دخل قرر يروح ينام وشاف فيصل اليوم نايم عندهم وزعلان مايبي يروح لبيتهم لييين تطلع حوريه من بيتهم
وابتسم لمنظر عزوز وفيصل وهم نايمين في نفس اللحاف ومعتمدين على صداقتهم وهذا الشي ذكره بصداقته مع خلف اللي كانت قويه لكن الادوار تختلف كان عزوز حنين يشبه خلف ما كأنه اخو عقاب الصعب اللي كان فيصل يشبهه ونسخه منه
ارتمى بفراشه ونام بتعب ومتجاهل ومتناسي اي شي يرجعه لتفكير
_______________________.
في بيت ابو خلف
وصل خلف ومعه جابر اللي ما خلاه ابد لين دخل البيت وكان خلف تعبااان لكن مع ذلك مبتسم منظر ليلى للحين بعيونه فز على صوت امه اللي طلعت تركض وهي لابسه جلال صلاتها : خلف اميي وينك ياحبيبي تاخرت وين رحت ! فيك شي ؟
مسكها خلف وهو يبوس راسها: لا ياالغاليه مافيني شي كنت مع الشباب وتاخرت
ام خلف : لا والله صوتك فيه تعب ؟ عسى ماجاك شي ياحبيبي
خلف :لا يايمه بس كحه بسيطه
ام خلف : اخذت دواك
مد خلف يده لجيبه وما حصل دواه لكن ماحب يخوف امه وقال: ايه ايه اخذته وبدخل انام الحين
ام خلف : زين يمه ادخل ترا محد بالمجلس فيصل عند جدك وغيث عند امه وسالم عند البنات
صد خلف بضيق:زين انتي روحي نامي يايمه
ابتسمت امه بحب: ماودك انت تنام عند عن المجلس وبرده
ما قدر خلف يرفض وابتسم وهو يحاوط كتفها ويحضنها : ابشري انام عندك ليه ما انام وهو فيه واحد بعقله بيرفض انه ينام في اجمل حضن بالدنيا
حضنته امه بحب : عسى الله يخليك لي ياقرة عيوني ولا يذوقني حزنك
خلف:امين وياك يا يمه
دخلت ام خلف مع خلف اللي انسدح بجنب امه اللي كل شوي تمد يدها وتمسح عليه بعد ما تقرا لكن لاحظت ان خلف مبتسسسسسم وهو يناظر فراغ وكأنه يفكر بشي حلو
وفعلاً خلف كان كل اللي بباله ليلى وخوفها عليه ودواه اللي بقى معها واكيد انها بتوصله له بس متى كان وده يجي الصبح وتجي ويشوفها
فز على صوت امه: ياعل هالابتسامه دوم يا عيوني ! لكن من زمان ما شفناها عسى طواريها خير
ابتسم خلف: انت دنياي كلها خير بوجودك
قبل ترد ام خلف اعتدل خلف اول ماسمع دق خفيف على الباب توقع انه جابر جايب الدواء
وطلع يستعجل خطواته لكن اول ما انفتح الباب تجمدت يده من الصدمه وهو يراقب الشخص الواقف
شهق فجأه اول ما ارتمت عليه وعد وحضنته وهي تبكي بحرقه موجعه
انهبل مايدري وش يسوي مايدري وش يقول مايدري وش اللي صار ابعد بخوف وهو يهزها : وعععد وعد بسم لله عليك وانا اخوك وش فيك وعد وش صاير بنننت وعد .
.

riwait_221
.
.

وش اللي صار ابعد بخوف وهو يهزها : وعععد وعد بسم لله عليك وانا اخوك وش فيك وعد وش صاير بنننت وعد
رفعت راسها وعد اول ما تداركت نفسها وقالت : مافيني شي
ابعدها خلف بخوف وابعد عنها نقابها وطرحتها بيشوف وجهها يبي يتاكد من اللي يحسه واول ماشاف دموعها ووجهها ايقن انها في كارثه وحس عظامه بردت وهو واقف يناظر مايدري وش القصه
فز على صوت امه اللي طلعت بخوف : وععععد يمه وش فيك
اسرعت وعد وهي تمسك ام خلف : تكفين ياعمه قصري صوتك مابي احد يصحى
سحبها خلف بخوف : خلي الدنيا كلها تصحى علميني وش فيك انتي وش صاير معك وش مسوي فيك هالكلب وش اللي يخليك تطلعين بهالليل وتجين
وعد : بقول كل شي بس اصبر
ام خلف : ادخلي ادخلي لا تصحى امك وتموت من خوفها
دخلوا غرفة ام خلف وكلهم خايفين ووعد ماتدري كيف بتشرح ووش بتقول وهي تدري كل الموضوع بيطيح براسها وحتى لو بغت تشرح شلون تشرح عند خلف
خلف : وعد تكلمي وش صاير
وعد : مبارك ضربني و ...
ام خلف: ووش صاير بعد
ماكانت وعد قادره تحط عينها بعينهم لكن مجبوره تشرح هي قبل يجي مبارك ويزيد الطين بله واكيد الكل بيجي بصفه ومعه حق
قالت بخوف : اعتداء علي غصبٍ عني وضربني
الكل سكت محد عرف يرد محد يدري وش طبيعه اللي صاير ماهم عارفين وش اللي ينقال
ام خلف بهمس : شلون يعتدي عليك غصب وانتي زوجته !؟
كان خلف متكتف فوق راسها وما تنكر وعد انها تخاف منه وتخاف من عصبيته ومتاكده ان بيكون له ردة بفعل قويه كانت متوقعه انه بيقوم الدنيا ويقعدها وقالت بسرعه : كنا متفقيين مايصير شي لين يلبي الشروط اللي بينا لكن اليوم مدري وش صار له
خلف ماكان ينكر انه مصدوم وماهو متوقع كل ذا لكن موقفه يحتم عليه انه يصف بصف وعد ووعد اكيييد عاقله واكيد ما جت الا من امر كبيير
اما ام خلف كانت مستعده لثورة خلف لكن انصدموا اول ما جلس وهو يقول : مهما كان اللي صاير ياوعد انا اخوك وانا درعك من مبارك وغيره وبيندم ندم عمره انه مد يده علييييك حتى لو انك على غلط
قومي عيني خير وغسلي وجهك وصلي ركعتين وان شاء الله محلوله
ناظرته وعد بصدمه وقالت: لكن مابي احد يدري بالسالفه
خلف : ماعليك تطمني
طلع وتركهم وانهارت وعد وكانت ام خلف تداريها وتحاول تفهم السالفه زيين وتحاول تحل الموضوع وكانت محتويها ما كأنها من زوجة ابو ولا كأن وعد بنت زوجها بالعكس كان بمثابة الام واعز واغلى
طلع خلف ومحد عرف ابداً بوجود وعد الكل كان متجاهل الصوت ومتجاهل اي شي يسمعه لانهم متوقعينه حوريه وبلاويها
_______________________.
.
.

في بيت النوخذه
ناموا كلهم لكن ليلى ما نامت وهي جالسه بغرفتها وتناظر الكاميره تناظر فيها صورة خلف وتتذكر اللي صار اليوم رغم تعبه الا انه كان مبتسم وهادي
ماكانت تدري وش جابه لكن اكيد كان جاي لنادر بما انه يمر بشكل شبه يومي من عند بيتهم عشان يروح لاخر الحاره ولمقرهم المعتاد
رفعت البخاخ اللي بقى معها وهي خايفه انه يحتاجه الحين ولا يحصله كانت تتمنى الصبح يطلع وتركض للمحل وتعطيه دواه واكيد انه تعبان حيل
تنهدت بضيق وهي تسكر كل شي وهي تتمنى ان فعلاً النصيب يصيب ويكتبها من نصيب خلف
_______________________.
ومن بكره
صحى بيت ابو خلف على وجود وعد للي ما قدرت تنام ولا يغمض لها جفن من هول اللي صار لها ومن التفكير في عواقب الامور واكيد ان مبارك بيطلع كل شي وحزتها بيتخلى ابوها عنها
الكل كان مستغرب وجودها لكن قالهم خلف انها تعبانه وجت معه امس وبكذا سكتوا ومحد ناقش لان واضح عصبية وعد من عيونها
دق الباب الفاصل كالعاده وفتح سالم وكانت هيا مبتسمه: صباح الخير
الكل : صباح النور
ندى : توقعتها مضاوي قلت اكييييد شمت ريحة الفول
الكل:ههههههههههههههههههه
هيا : لا والله هالمره انا ابي حليب عشان اسوي فطور ابوي
حنان: ابشري
هيا: تبشرين بالجنه ، وعد ماشاء الله متى جيتي
وعد : امس بالليل
هيا: زين حمدلله اجل خلصوا وتعالوا القهوه
وعد: زين
اماني: وينها مضاوي الشينه غريبه ماعاد تجي والا تزوجت وسحبت علينا
ضحكت ندى: ايييه اخذتي الچويتي عنها
الكل ضحك لكن خلف كان يدري ان مضاوي ماتبي تقابله وهو بعد مايبي يقابلها مايبي يحس بالذنب واصلا ماهو فاضي لها : هيا خذي عطي فيصل مفتاح الدكان يفتحه لجدي
ام وعد : ليه انت ما بتروح
خلف : لا لا عندي شغل
هيا:طيب
رجعت هيا بهدوء لبيتهم وقابلها عقاب وهو باقي ما صحصح مزبوط وقالت هياز: عقاب في طريقك خذ مفتاح الدكان عطه فيصل وعزوز يفتحون الدكان لابوي
عقاب : وخلف وينه!؟ هيا: يقول عنده شغل
استغرب عقاب بس ما دقق وكمل طريقه للمجلس وهو يسمعهم يسولفون ويضحكون ورجعت هيا للمره الثانيه وهي تقول : محمد لا تروح اجلس للقهوه ترا ناديت البنات ووعد موجوده
وقف فيصل باستغراب: وعد مو رايحه امس مع زوجها غريبه جت
هيا: مدري والله بس تقول جت مع خلف بالليل وشكلها تعبانه
محمد: لا لا تعبانه جد!؟ هيا:لا اقول يمكن
فز عقاب على حيلة وجلس وبدا له الموضوع غريب وعد في بيت اهلها وراجعه بالليل وهي العصر رايحه وخلف مابيطلع لدكان ( اكييييد فيه شي بس وشو ! عساك يا مبارك ما سويت مصيبه) .
.
. ( اكييييد فيه شي بس وشو ! عساك يا مبارك ما سويت مصيبه)
ابو ناصر: عقاب ماعندك دوام اليوم
عقاب : لا لا ماعندي
اخذ نفس وهو يفكر بس وش اللي صاير وكيف يعرف اللي صار
_______________________.
في بيت ضاري
فتح عيونه من الصبح وهو مقرر انه ينفض غبار الضيق عنه اليوم ويطلع ويروح يشوف خلف اللي له يومين ما شافه
طلع وهو يسمع صوت امه تسولف مع جارتهم ابتسم لا شعورياً وهو يحب ريحة الخبز والقهوه وصوت امه وسوالفها رد السلام بصوت راضي وطلع بعد ماودعها متجهه لدكان ابو ناصر
واول ما دخل السوق حس ان الحياه دبت في روحه من جديد
شاف الدكان مفتوح فيه عزوز وفيصل وابو ناصر كان بيرجع لكن تقدم ببتسامه وقال: صبحهم بالخير
الكل : صباح النور
ضاري : عمي شلونك طيب؟
ابو ناصر: بخير وانا عمك انت وشلونك
ضاري : بخير الحمدلله! وينه خليف
فيصل: عنده شغل ماهو جاي
ضاري : اييه
عزوز: تبي شي نعطيك شي!؟
ضاري: لا لا بس أسال سلمولي عليه اذا شفتوه
فيصل: يوصل
رجع بخيبة لسوق وهو كالعاده يتنقل بين المحلات ويشتغل معهم وعايش حياته
_______________________.
في بيت نادر
فز من نومه اول ما حس ان ما حوله احد وشوق ماهي موجوده بسرعه بدل ولبس وطلع يدورها دخل المطبخ وشافها تشتغل بصمت كالعاده وكان خايف تكون للحين زعلانه او اخذه بخاطرها من كلامه عن اهلها
ابتسم بهدوء: صباح الخير يا نديمتي
لفت ببتسامه: صباح النور ! غريبه مبكر اليوم
وقف نادر جنبها وهو متكتف ومبتسم : ابد حسيت حولي فراغ وصحيت بشوف وينك
ابتسمت شوق بهدوء : زين صحيت عشان تفطر مع ابوك وامك
نادر: ابشري ابشري
لفت شوق بعد شوي بهدوء وقالت:نادر
لف نادر لها وهو اللي للحظة سرح يتأملها: سمي
شوق : يصير اروح لخوات خلف احس اني ابي اغير جو
نادر: افا يصير ليه ما يصير لكن خليني اكلم خلف الحين اذا رحت ويحط عندهم خبر والعصر تروحين
ابتسمت شوق: زين زين ابعد على صوت امه اللي جت وهي تناظرهم بطرف عين واخذت الفطور اللي مع شوق وطلعت بدون ما تقول تعالوا وصد نادر بضيق وقال: امم سوي لي شاهي بس باخذه وبطلع
شوق : طيب
راح نادر لأمه وهو يناظر بهدوء: يمه اقل شي نادينا وقدري تعب شوق بالفطور
ام نادر : اااوووه تراني مليت منك ومن شوق ذي والله لا يشكر لها فضل
ابو نادر : اسمع عاد اذا بتجلس تسوي بها يا دهينه لا تنكتين خذها واطلع من بيتنا
انصدم نادر لكن قال : الله اكبر لازم اكون ظالم ولا اخاف للله عشان اعيش بهالبيت لكن الله الغني يبه الله الغني
لف بغضب وراح وهو يقول لشوق : خلي زينب ( الخادمه) تجمع اغراضك واغراضي بنطلع .
.
لف بغضب وراح وهو يقول لشوق خلي زينب ( الخادمه) تجمع اغراضك واغراضي بنطلع
طلع بدون كلام زياده وترك شوق بصدمتها لكن ماتنكر فرحتها انها تطلع من عند ام نادر الللي كانت متسلطه عليها
_______________________.
وفي بيت النوخذه
كانوا مجتمعين على الفطور وينتطرون نهيان وشيخه يوصلون لانهم بيملكون لجابر هالايام
ليلى كانت تفكر كيف تودي دواء خلف له ولفت على صوت جابر يقول: انا بروح السوق اشوف الدكان واشوف خلف شصار عليه وراجع
فزت ليلى بطريقه غلط وقالت: بروح وياك
الكل صاروا يناظرونها وخافت ليلى وقالت: اقصد بروح وياك البقاله خاطري اخذ غريضات عشان شيوخ ونهيان ومريوم
جابر: اقولچ بروح الرجال انتي وين اوديچ
ابو نهيان: مايخالف يبه خذها وياك واذا رحت لخلف توقف بعيد
عصب جابر وزعل ولف بغضب: زدتچ لبسي وغطي عيونچ يا ويلچ اشوفها مبينه ببطها لچ
ليلى: زين زين
ركضت وهي خايفه من انها بغت تفضح نفسها ولا تدري كيف بتجاوز جابر وتعطي خلف علاجه
لبست ونزلت طاااااايره وطلعت مع جابر للي كل شوي يلف ويتأكد اذا باين منها شي او لا
وصلوا السوق واتجههوا لدكان ابو ناصر لكن ماحصلوا خلف وهنا خافت ليلى وجلست تنتظر رجوع جابر واول مارجع قالت: ما لقيته!؟ جابر: لا يقولون عنده شغل
ليلى : شنو بتسوي طيب
جابر: بمر البيت
خافت ليلى وهي تمشي ورا جابر وخايفه ان خلف فيه شي منعه مايجي ومستحيل انه يغيب كذا والادهى والامر ان دواه معها ويمكن صار له شي
_______________________.
في بيت مبارك
صحى والشياطين كلها براسه متوقع ان وعد فيه لكن انصدم انها ماهي فيه وماينكر انه خاف من خلف اللي واضح له انه مايحبه لكن كان ماتطمن وحجته قويه
اخذ اغراضه وطلع ومقرر يكلم عقاب عشان يوقف معه دامه من البدايه سبب لكل ذا
اتجهه للبيت وهو هادي وفي نفس الوقت خايف يعرف وعد وش ممكن تسوي
وصل بيت ابو خلف ومن حظه حصل عقاب اللي كان برا متوقع كارثه واول ما شاف مبارك ايقن بالهلاك
وقف با عتدال مايدري وش بتكون ردت فعله لكن شعوره متلخبط
اخيراً وصل له مبارك وسلم عليه وسلم عقاب بهدوء وطال السكوت وقال مبارك: اكيد عرفت ان وعد في بيت اهلها
عقاب : عرفت لكن وش مهبب انت !
مبارك: سويت اللي قلت عليه انت ! وابيك توقف معي
عقاب : انا مابي اسمع وش قلت انا ابي اعرف وش مسوي انت عشان اعرف اوقف معك؟
مبارك: جبت الشيخ وطلعت تكذب وماقدرت اتحمل كذبها وضربتها و اخذت حقي غصب
كان من المفترض ان عقاب يستانس لكن مايدري ليه اقتض صدره بالغضب وزعل
.
.
.

كان من المفترض ان عقاب يستانس لكن مايدري ليه اقتض صدره بالغضب وزعل مب عشان وعد بس تخيل لو خلف بنفس موقفه وش بيسوي بمبارك لو عرف انه اذى اي وحده من بنات عمه
بدون ما يحس لوى ذراع مبارك اللي في لمح البصر انلف وصار تحت سيطرة عقاب اللي قال بصوت غاضب : قلنا خلك رجال واخذ حقك لكن ماهو بذا الطريقه يا مبارك
انفجع مبارك من ردة فعله لكن قال يتفادى المشكله:الشيطان شاطر يا عقاب الشيطان شاطر
دفه عقاب بغضب وقال: تصلح هاللي سويته وألا بيصير شي ما يرضيك
جمد مبارك وكان متوقع فزعه من عقاب وقال: زين زين
راحوا لبيت ابو خلف بيحلون هالقصه قبل تكبر
_______________________.
وفي بيت ابو خلف
طلع ابو مبارك يناظر وعد وخلف اللي جالسين فالحوش بهدوء ومحد يكلم الثاني وكل واحد ساكت يفكر كيف بيحل هالموضوع
ابو خلف: وعد !؟ وش عندك هنا!؟ خلف بهدوء: وش اللي وش عندها في بيت ابوها!؟ ابو خلف: توها راحت امس وش رجعها اليوم
وقفت وعد بقوه وقالت: متهاوشه مع مبارك
ابو خلف : وشو وشوووو !؟؟
وعد : اللي سمعته يبه وهذا انا اقولك اذا جاء مبارك قله يطلقني بسرعه لان رجعه راجعه معه
انصدم ابو خلف والكل بدوره انصدم وركضت ام وعد بخوف تقول : وشووو !؟ وشووو انهبلتي بتطلقين انهبلتي
ابو خلف : ماهو على كيفك ماعندنا بنات تطلق
ام وعد : يا وعد يايمه وش صار عشان تقولين هالكلام
سكتت وعد لكن قال خلف :ما تنجبر وعد على شي ولا تنظام من احد وراسي يشم الهوى
اجتمعوا الكل واعتلى الصوت وابو خلف مصر انه يعرف السبب وفيصل اللي انجن وشلون وعد تنهان وعد اخته اللي طول عمرها قويه انهبل وهو يحلف يمين ودين لياخذ حقها مبارك
لكن قطع الكلام الباب وركض سالم لكن اول ماشاف مبارك وعقاب ركض ينادي خلف وفيصل اللي ماصدقوا بجيت بمبارك لكن اعترض لهم ابوهم يمنع المشكله وهو يقول: والله والله اللي يمد يده عليه لأكسرها له
مبارك كان متوقع هالغضب وقال: قبل تسوون شي تندمون عليه اعرفوا سوات بنتكم
لف عقاب بغضب وقال: احشششم لسانك يا مبارك
جاء محمد على صوت الهواش مستغرب : خييير خييير وش هالصراخ
ابو خلف : تعال فكك معي هالمجانييين
ابعدهم محمد وهو مستغرب: وش فيكم انهبلتوا
فييصل بغضب : فكني ياعمي فكنيي هالكلب ماد يده على وعد وضاربها
محمد : وششششو !
في لحظة الكل صاروا ضد مبارك اللي قال: انا معي عذري اسمعوني وبتعطوني حق!
ابو خلف : ادخل
دخلوا للمجلس والكل غااااضب لكن في المطبخ كانت وعد متكتفه بهدوء ماتدري وش بيقول مبارك كانت تحس بنظرات الكل عليها لكن ماقالت شي
.
.
.
ووقفت ام وعد بغضب تقول : علميني وش صاير معك يابنتي علميني
صدت وعد بضيق : مافيه شي الا اني ما ابي مبارك وابيييه يطلقني
ندى: ايييه بس وش صار وش الحاصل
ام خلف : خلوها يابنات خلوها ماهو الحين تسألون
سكتوا كلهم ينتظرون بس وش بيصير
_______________________.!
في السوق
لف ضاري ببتسامه اول ماشاف نادر لكن شافه زعلان ومعصب وقفه باستغراب : نادر وش فيك!
لف نادر وهو ما انتبه لضاري : ضاري !؟
ضاري : ايييه وش فيك معصب
بدون سابق انذار اتجهه له نادر يحضنه وهو خلاص فاض صبره وقال بحيييره: تعبت يا ضاري تعبت ماعاد فيني حيييل لحرب امي وابوي
ضاري: بسم لله عليك وش صار !؟ صار شي !
نادر: ياخي انا مدري وش هالذنب اللي مسويه عشان تحاطوني كل هالعثرات
نسى ضاري همومه وصار كل تفكيره مع نادر وقال : اذكر الله اذكر الله وعلمني وش صار !؟
نادر: ابوي طردني من البييييت انا وشووق
انصدم ضاري: ليييه !
نادر بغضب: لاني ماني بظالم زيييهم
ضاري : تعوذ من ابليس وتعال تعال اجلس اجيب لك شي يهديك وبعدين نتفاهم
راح مع ضاري وهو مايدري وش يسوي مايبي يخسر اهله ولا يبي يكون فرعون وظالم على شوق
اما ضاري من مشاكل نادر مع اهله صار يحس انه في نعمه هو بعد مايدري لو اهله عنده وش بيكون قدامه من عثرات ومشاكل
_______________________.
وفي بيت ابو خلف
كلهم كانوا جالسين بغضب ينتظرون مبارك يبرر وكان عقاب واثق ان مبارك مارح يجيب طاريه ابد لانه بيدفنه حييييي اكيد
خلف بغضب:انططططق انطططق لا تخليني ادفنك بمحلك
محمد : خلف اهداء لا تعب نفسك
مبارك: لييش معصب ليييش حاط الحق علي ليه ما تكون وعد هي الغلطانه
محمد : وش غلطها
مبارك : اسمع اجل
بدا يشرح كل شي لكن الكل كان مصدوم وماهو مستوعب فعل وعد اللي كان غلللط مليون بالميه .
.
.
بدا يشرح كل شي لكن الكل كان مصدوم وماهو مستوعب فعل وعد اللي كان غلللط مليون بالميه
لكن وقف خلف بغضب وهو ماهو مصدق اي كلمه من كلام مبارك : تخسسي تخسي وعد ما تسوي هالسوايا ولا انت تحسب ان ماوراها رجال ياخذون حقها منك ياكلب
محمد : مهببووول انت ! جاي بكم كذبه تتوقع إنا نصدقها معصي والله معصي
فيصل بغضب : فكوني عليه والله لكسر يده والله
اما عقاب اللي توه يصحصح ويستوعب خطورة اللي سواه وتواه يكتشف انه بكلمه من مبارك بيطيرون اهله من يدينه وبيخسرهم وماكان عارف وش بيقول او كيف بيرد
ابو خلف : اسمعني عاد يا مبارك هاللي انت سويته ما نرضاه ابد
محمد : ومالك عندنا زوجه طلق
مبارك: لا يا جماعه ما وصلنا لطلاق ولا تخربون بيت بنتكم بيدكم وانا مستعد اسوي كل شي عشان ترجع وعد وترضى
خلف : بعيييد عن خشمك ترجع معك وعد عشان كذا قم اطلع من هنا ولا يمسي عليك الليل الا مطلق
دخل ابو ناصر اللي توه يوصله الخبر وجاء بسرعه : سلام عليكم
فز مبارك وهو يبوس راسه ويستفزع به : داخل على الله ثم عليك يا ابو ناصر تفزع ولا تخلي الشيطان يكبر المشاكل ويخرب بيتنا
ابو ناصر: اقعد اقعد يا مبارك وش العلم علمني
خلف : والله ان رجعت تكرر خرافاتك اللي قلتها لذبحك
فضل مبارك انه مايستفزهم اكثر وكفايه انه مغرم بوعد ماهو ناوي يخسرها : ياعمي الشيطان شاطر وكبر المشكله بيني وبين وعد وتصرفنا كلنا تصرفات شينه وانا جاي ابي اراضيها واخذها لبيتها معززه مكرمه وتبشر بكل خير
ابو ناصر التفت لعياله وشافهم كل واحد الغضب كاسيه وقال: دام قلت لللي عندك يا مبارك رح هاليومين وخل النفوس تهدا وبعدين ارجع
فيصل: لا تهدى ولا شي يخسي ماياخذ وعد
ابو ناصر: بس بس يا فييصل
عقاب اخيراً نطق وهو ماهو مستوعب كمية ثقة اخوان وعد فيها وماهم مصدقين كلام مبارك بتاتاً : يا جماعه هدو والامور الحين حاميه انتظروا لين تهدا الامور ونشوف
وقف مبارك بضيق : ودي اكلم وعد اذا ما عليكم امر
فيصل : معصي
خلف : لا وعد بتكلمك ولا نبيك تكلمها
ابو ناصر: مبارك خله بعدين
مبارك : زين
طاع مبارك ضايق ولف خلف بغضب: هذا اللي جانا من هالزفت هذا اللي جانا
ابو ناصر:خلف اجلس اجلس لا يعمي عينك الغضب وتضر اختك
خلف : اكثر من هالضرر بعد!؟
محمد : يابوي يابوي هالحيوان ضارب وعد وعد اللي ماعمر احد مد يده عليها
ابو ناصر: تصير تصير يا عيالي والشيطان شاطر وبعدين لا تنسون ان وعد توها عروس لو تطلقت هالايام وش بيقولون الناس عليها .
.

[صواديف عشاق]

ابو ناصر: تصير تصير يا عيالي والشيطان شاطر وبعدين لا تنسون ان وعد توها عروس لو تطلقت هالايام وش بيقولون الناس عليها
فيصل: ماهمنا الناس وكلامهم
ابو خلف: لاااا ياعين ابوك بيهمك بيهمك لو طلعت كلمه غلط وعد هالكلمه بتمسنا كلنا مب بس وعد !؟وبكرت دوور احد يزوجك ولا يتزوج خواتك
خلف :اللي فيه خير يطلع كلمه بس ابو ناصر: لو بتتبع كلام الناس وتدور من تكلم ياولدي صرت مجنون لكن خلو الامور تهدا وعل وعسى ربي يهدي سرهم وتكون ازمه وعدت
محمد : وينها وعد ناودها نادوها
وقف عقاب اول ما استوعب موقفه الخايس بينهم وقرر ينسحب وهو ما صدق ان مبارك راح ولا جاب طاريه ابد
دخل بيتهم وهو يشوف كل البنات واقفين بهدوء
عقاب : خير وش فيكم!
مضاوي: ولا شي مصدومين من اللي صاير مع وعد
عهد :كنت حاسه انها ما رح تطول مع طولة لسانها هاذي
عقاب: بس بس فكونا من هالموضوع !جدتي وين؟
هيا : في بيت ابو خلف
عقاب : وعزوز!!
سحر :راح يجيب اغراض
سكتوا كلهم وقعد عقاب وهو للحين في حيره من امره
_______________________.
عند وعد
اول ماقال لها سالم انهم يبونها خافت وهاذي اول مره تخاف وعد بهالطريقه من احد دخلت بهدوء لكن بادرها فيصل اللي يقول: ماعليك منه وانا اخوك والله لاخذ حقك والله
محمد : اقعدي ياوعد اقعدي ماعليك منه
ابو ناصر: تعالي يا بنتي تعالي اجلسي وعلمينا وش صار بالضبط
ماقدرت وعد تقول شي لكن كانت متماسكه وعلى وجهه انها تبكي واول ماشافوا ملامحها قرروا يسكتون لكن قالت وعد : كل القصه اني ماعاد ابي مبارك ابد ابي اتطلق منه فكوني ما ابيه
خلف : ماعليك مايصير الا اللي تبينه
ابو ناصر: ياوعد يابنتي انتي كبيره وعاقله عارفه عقابة الامور وشهي انا اقول انتظري فتره ان ما انحل الموضوع عاد وقتها بكيفك
ابو خلف : ماهو على كيفها وعدوه حطي عقلك في راسك واعرفي ان هاللي بتسوينه بيأثر على خواتك واهلك
وعد : هذا اللي لازم اسويه اداري الللي حولي وانا بالطقاق
خلف: وعد اهدي وخلينا فتره نهدا وبعدها نقرر
طلعت وعد ولف محمد بغضب لابو خلف : انت خلاص مافيك طب!!تبي تخرب حياة بنتك عشان الناس
ابو خلف : هذا الصح
ابو ناصر: محد فيكم صح واسكتوا خلوها تفكر شوي وهي تقرر
سكتوا كلهم ووقف ابو ناصر: يلا يلا عشان تلحقونا على الغداء
طلعوا كلهم لكن رجع خلف لوعد : ماعليك من كلام ابوي ما احد يجبرك على شي ابد تسمعيني
وعد : الله يديمك لي ذخر
ابتسم خلف : يلا نلحق الغداء
وقبل يطلعون دق الباب وفتح الباب بس انصدم .
.
.
وقبل يطلعون دق الباب وفتح الباب بس انصدم خلف اول ماشاف جابر وليلى عند الباب للحظه داخ حس انه بيطيح مغمى على من الصدمه : جابر ياهلا
جابر : هلا فيك ازعجتك ياخلف ماعليه
خلف : ابد والله ابد اا ازعاج ولا شي اقلط اقلط
جابر : لا والله مستعجلين لكن قلت اتطمن عليك شفتك ما رحت الدكان
خلف كان متوتر من وجود ليلى وابتسم: لا بخير عساك بخير ولا قصرت معي
ابتسم جابر : زين حمدلله ويلا احنا نترخص
خلف: لا والله ادخل ادخل تقهوو
جابر حاول يرفض بس اصر خلف ودخلوا ودخلت ليلى لوعد اللي ركض خلف يناديها وطلعت وعد مصدومه من وجود ليلى : ليلى
ابتسمت ليلى بفشله: ايه ماعليه ازعجناكم بس اصر جابر يمر خلف يتطمن عليه واضطريت اجي وياه
وعد : لا عادي تفضلي تفضلي
دخلت ليلى وهي تحس ان وعد متوتره والبيت هادي
لكن شوي ونادى جابر وفزت ليلى وهي ماتدري وش تسوي بدوا خلف اللي معها لكن اول ماوقفت طاح من يدها وشافته وعد اللي انصدمت وبدا يبان لها سبب جيت ليلى وبدت تخاف من علاقتها بخلف
نزلت وعد ورفعته بهدوء : دواء خلف
ليلى خافت وقالت بسرعه: ويييه نسييت هذا الله يسلمچ امس بالليل خلف كان عند جابر وراح ونساه وقالي جابر اجيبه وياي عشان يعطيه ونسيت اعطيه زين انچ شفتيه
وعد : اييه زين زين
خلف : يا وعد ! وين اهل جابر
وعد : جايين خل الطريق
ابعد خلف وهو وده يلف عليها ويبتسم ولا يدري وش جابها لكن اكيد عشان الدواء
طلعت ليلى وهي متوتره من وعد ومن جابر بعد لكن ارتاحت مجرد ماشافت خلف بخير
سكر خلف الباب ولا يمديه يستوعب الا اتجهت له وعد وهي تحط البخاخ بيده وكان واضح عليها الزعل وقالت : قلت لك ياخلف لا تمشي بهالطريق والايام دواره لكنك ما تطيع لين تجيب مشكله
راحت وتركت خلف اللي انفجع لكن تأكد انها اكيييد رجعت تشك فيهم
صد بضيق وطلع وهو مب ناقص بلاوي اخذ طريقه للمكان المعتاد وهناك شاف ضاري ونادر جالسين والضيق معتليهم لكن انتبه لعقاب اللي جاء بعد : خلف ليه ماجيت للغداء
خلف :مالي نفس
لف عقاب يناظر : وش فيهم هذولا
خلف : تعال تعال
راحوا لهم وقف ضاري بهدوء: حي الله
اقبل له خلف وهو يحضنه يحس انه فقده هاليوميين كثيييير ويحس انه غادره وضاري ما يستاهل
كان ضاري قادر يحس باللي في صدر خلف ويحس به ويدري خلف ماله ذنب في رفض مضاوي ابعد وهو مبتسم : وينك يا خليف من زمان عنك
خلف : موجود انت اللي غايب عنا
ضاري: انشغلت مع امي
عقاب : نادر وش فيك!؟ نادر : ما فيني شي
خلف :وراك ضايق طيب
ضاري بهدوء: اقعدوا السالفه طويله .
.

.

ضاري بهدوء: اقعدوا السالفه طويله
جلسوا بتوتر وبدا نادر يقولهم السالفه
عقاب : يارجال ما عليك لعلها خييييره
خلف: كذا يا نادر احسن ابعد عن الشر وغني له يمكن هالبعد يهدي النفوس
نادر: انا كل همي كيف بعيش وعقلي وقلبي منقسم نصين بشيل هم اهلي ولا هم شوق
ضاري :قلت لك كلها فتره وبعينك بتشوف اهلك جايين يطلبونك ترجع
عقاب : اركد انت الحين ودور لك بيت قريب واجلس فيه بينهم ولا تقطعهم ولا تخرب حياتك
نادر: هذا اللي بيصير
جلسوا ساكتين وكل واحد له هم يفكر فيه وقف ضاري وقال : دام كل واحد ضايق صدره !؟ تجون معي لتركي ! نروح للبحر نحتري الغروب ونروق شوي
وقف نادر: ودي لكن شوق وين اوديها
ضاري : جبها عند امي تتسلى معها لين نرجع
خلف : ايه تغير جو بعد بعيد عن المشاكل
عقاب: ايه ايه قوموا قوموا
الكل قاموا يحاولون يتجاهلون اللي صاير
_______________________.
وفي بيت ابو خلف
كانت وعد هاديه ما شاركت بسوالف البنات حوالها ولا هي مع العالم وهي ماهي مستوعبه انها افتكت من كل ذا ومحد صدق مبارك
لكن هي تفكر الحين كيف تتخلص من مبارك واذا تطلقت بتمسك عده وبتجلس ومستحيل يخليها ابوها تروح للمعهد وخصوصاً ان فترة زواجها قصيره وبتصير الانظار عليها
وهنا بدت تراجع قرارتها وتفكر بمصلحتها ومصلحة الكل حولها
تنهدت ولفت على صوت اماني: وعد خليك معنا
ندى: لا يضيق صدرك خلف والله مايقصر وبيربي هالكلب المفتري
وعد :مو مهم خلاص لكن بنام تعبانه
حنان: ياحبيبتي ياوعد نامي نامي
طلعوا وتركوا وعد اللي صارت تفكر في خلف بعد اللي صار في ورطه هو الثاني مع ليلى وشربك الدنيا كلها في بعض
_______________________.
عند شوق
رتبت كل شي وجلست تنتظر نادر اللي جاء والضيق معتلي وجهه
شوق : نادر فيك شي!؟ نادر: لا لكن اللبسي وخلي الاغراض هنا وبوديك لبيت ام ضاري تجلسين عندها لين احصل بيت
شوق : بنطول عندها؟؟ نادر :لالا قبل الليل بجي اخذك ونطلع لفندق لين نرتب بيتنا
شوق : ابشر
طلع نادر يناظر امه وابوه اللي مب معطينه اهتمام نهائياً ووقف بضيق وهو يقول : عمره ماكان اختياري اني اكون في صف غير صفكم عمري ماكان ودي اني اطلع من بيتكم ولا عمري تمنيت هالحياه اللي انا فيها كان مرادي بس زوجه وراحت بال وهذا الشي الوحيد اللي طلبته منكم ويوم ما حصل كنت مطلبي هو الراحه والرحمه وانا للحين أسال ومستغرب : وش الفايده في انكم تعذبوني وتعذبون شوق ! لكن الله يسامحكم وانا اتمنى ان هالبعد يكون خير دليل للغلط اللي تفرضونه علينا .
.

.
طلعت شوق وابعد نادر وطلع وهو ماسك يدها بقوه وهو يدري مالها ذنب ابد في كل اللي يصير هي مظلومه مثلها مثله ومافي يدها حيلهز
شدت شوق على يده وهي مالها نيه تترك نادر ابد دام هو الوحيد اللي احتواها واحترمها وراعى ضعفها وقلة حيلتها
_______________________.
في بيت النوخذه
كانت ليلى طول الوقت متوتره متوقعه ان وعد شاكه وكاشفتهم صحت من سرحانها على صوت نهيان ومريم وشيخه اللي وصلوا
والكل وقف يستقبلهم بالاحضان وجلسوا ولف نهيان مبتسم: ماشاء الله عليك يا جابر عفت الكويت واهلها وبتاخذ من السعوديه!؟
جابر : ياخوي التغيير زين
ابو نهيان : كلنا واحد
ليلى : من وجهة نظري زييين سوى جابر ما ابيه يتزوج من الكويت
ضحك نهيان: الظاهر بنصير صفين انتي وجابر نزوجكم من السعوديه وانا وشيخه كويتين
مريم بضحك: حاول تكون متاكد من قرارك
ضحكت ام نهيان: متأكد ما عليچ مايحصل مثلچ ابد
نهيان: اي والله
ابتسمت ليلى وهي تناظرهم وهي فعلاً بدت تصير هي وجابر من احباب السعوديه ومن الوفيين لها ولأحبابهم فيها كانت تنتظر بس اللحظه اللي فعلاً ترتبط فيهم ارتباط رسمي
جابر : زين يبه بكره بنروج ونملچ
ابو نيهان: على بركة الله
مريم بهمس : ليلوووه تعالي قولي اماني شلون شكلها نسيتها
ضحكت ليلى : الحين اقولچ تعالي ساعديني بالمطبخ
وقفوا يتساعدون وليلى تعيد وتزيد في مواصفاتت اماني عشان يتذكرونها البنات
_______________________.
على البحر
اجتمعوا كلهم بعد ما وصلوا شوق بيت ام ضاري وجلسوا بهدوء ينتظرون الغروب وقبل تغرب الشمس وصل تركي اللي سلم عليهم وهو مبتسم لكن ضحك بشك: كأنكم ضايقين
نادر: غرقانيييين
ضحك ضاري: ومنادينك تغرقنا زود
ضحك خلف بهدوء: يلا يلا شد حيلك المجاريح واجد
ابتسم عقاب : يبدو اني السليم الوحيد لذلك عطني الطبله اسنع الجو معك
ضحك تركي : ايه ايه يلا
جلسوا عقاب وتركي جنب بعض والباقين جالسين بهدوء وضاري يوزع الشاهي
تركي : وش تحبون تسمعون!؟ ضاري: غرد بما في قلبك
تركي :اجل نقول لا تضيق صدوركم ترا من بادي الوقت هذا طبع الايام
صفقوا له العياال وبدا تركي يلحن يىغني ويغني معه عقاب شوي (من بادي الوقت هذا طبع الايَّامِ ..
عذبات الايَّام ماتمـدي لياليهـا
حلو الَّليالي توارى مثل الأحـلامِ ..
مخطور عنَّي عجاج الوقت يخفيها
أسري مع الهاجس الَّلي مابعد نامِ ..
وأصوِّر الماضي لنفسي وأسلَّيهـا
إلى صفالك زمانك علِّ ياظامـي ..
إشرب قبل لايحوس الطَّين صافيها
الوقت لو زان لك ياصاح مادامِ ..
ياسرع ماتعترض دربك بلاويهـا)
.
على اخر الابيات اعتلى المجلس صوت التنهيد اللي طالع من قلوبهم وهم كل واحد يشيل بيت يحس انه يوصفه
اولهم عقاب اللي يدعي انه سليم من الكدر والهواجيس لكنه عنده يقين تاااااام انه من بادي عمره وهذا طبع الايام معه مايهتني بلياليه العذبه الا تباغته الضيقه وترجع لماضي هو مستعد يدفع عمره ويرجع بين امه وابوه
لكن نادر كان يحس ان الليالي الحلوه اللي كان ينتظرها اختفت وتوارت بعيد عنه صارت الراحه بالنسبه له حلم وبيصعب علييييه وصوله
وخلف اللي كانت ايامه هاديه مره ومره قمه فالضيق كان يحس ان لازم يستغل صفى ايامه قبل يصير شي يعكرها
اما ضاري كان حبيس اخر شطر وهو كان حافظه وعارفه وكان مؤمن انه صايب وكان يدري ان لو زانت ايامه للبد انه بيكدرها نسبه المجهول واصله الغريب ومايمديها زانت مع مضاوي الا اسرعت الايام وجابت له خيبته العظيمه
_______________________.
في بيت ابو خلف
هدوء الليله بالنسبه للكل غريب الكل ماسك ارضه ولا احد له خلق يكلم احد وكأن ازمة وعد تلزم عليهم الصمت وان الكل يسكتون تلبيه لراحة وعد اللي ماقدرت تنام او يغمض لها جفن خايفه من مستقبل مجهول وخايفه على خلف اللي داخل بطريق غلط
طلعت بهدووء اخر الليل الوقت تأخر وخلف ما رجع لكن سمعت همس توقعته خلف ونزلت لكن وقفها صوت حوريه من المطبخ وهي تكلم وتقول : مالت على حظي طيحتني بعايله مجنونه وكل واحد اخبل من الثاني وكل واحد له مصيبه شكل ، لكن لولا خوفي على ولدي اللي بيتشرد كان هجيت ، وش بيدي اسوي مابيدي الا اجاري هالشايب واقنعه ان الولد ولده لو كشفني ذبحني وقال لاهلي كلهم ووقتها بروح بشربة موييه ، لا لا ماعليك ما رح يحس لانه غرقان في شبر مويه اللي اقوله يقول ابشري وتم، يلا ما علينا ايام واقوله يطلعني بيت لحالي عن هالعجايز وعياله اللي يقطعون الرزق ، مع السلامه ..
كلام كثير سمعته وعد لكن من الصدمه تدبست لين دخلت حوريه غرفتها ووعد ماهي قادره تسوي شي لكن صرخت برعب اول ما حست احد وراها ومسكها
سكتها خلف بخوف: وعد وش فيك بسم لله الرحمن الرحيم
مسكت راسها وعد بصدمه وقالت: من متى وانت هنا
خلف توني وصلت ، وش فيك انتي ، تعبانه شي!؟
وعد : لا كنت احتريك
خلف :وانا جاي بعد بكلمك
دخلها المجلس وهو وده يشرح انها فاهمه غلط وقال: اسمعيني اللي انتي تفكرين فيه غلط
وعد : اي غلط تقصد ماهي حياتنا هاليومين كلها غلط
.
.
.

دخلها المجلس وهو وده يشرح انها فاهمه غلط وقال: اسمعيني اللي انتي تفكرين فيه غلط
وعد : اي غلط تقصد ماهي حياتنا هاليومين كلها غلط
خلف : اول شي من وين جبتي هالبخاخ !
وعد : طاح من ليلى وشفته الظاهر انها نوت تعطيك لكن ما صارت
خلف : وعد وش هالكلام! مليون مره اقولك مابينا شي غلط
وعد : وش تفسر اللي صار وليييه كل مره دواك يصير معها
خلف : يابنت الناس افهمي امس كنت رايح لنادر وضاري لكن وانا بالطريق كالعاده صابتني نوبه وشافني جابر واخذني لبيتهم وساعدني وانا طلعت بسرعه ورجعت للبيت مابي امي تقلق علي واكيد ان البخاخ بقى مع جابر
وعد : انا مصدقتك لكن انا خايفه عليك اخاف يصير شي وتروح فيها وقلت لك تبيها اخطبها لا تجلس تلعب كذا
خلف : ابشري ابشري بس مب الحين لين تنتهي هالمشاكل
تنهدت وعد وهي تناظر خلف بضيق وقالت: على طاري المشاكل ابشرك فيه كارثه جديده
بهت وجهه خلف وقال بهدوء: وشووو ! وش فيه بعد!؟
وعد : انا مدري اللي سمعته صدق او كذب بس الاكيد اني سمعته وانا واثقه انه تعنيه بالحرف الواحد
خلف : تكلمي ياوعد
وعد : سمعت حوريه تكلم وتقول...... وكملت لخلف اللي من الصدمه جلس وهو يقول: وشوووو وش هالكلام ياوعد انتي متاكده من اللي تقولين هالكلام خطييير خطير يا وعد
وعد : متاكده اني سمعتها تقول كذا وبعدين انت مو مستغرب من هالحمل اللي صار بسرعه وغير هذا كبر بطنها المشكوك فيه
خلف : يالللله !!!! وش بنسوي الحين كيف نتصرف اخاف انك سامعه غلط وحزتها بتنقلب الدنيا علينا
وعد : خلف انا متاكده اقولك
خلف كان مصدوم : معقوله لعبت على ابوي بهاالسرعه؟؟ ولهدرجه
وعد : ياخلف ابوي ماهو معنا ابد هذا هو يمشي وراها واحنا في كم يوم شفنا عجب العجاب
خلف : والحل !؟
وعد : تقول لجدي وعمي محمد عشان يكون موقفنا قوي اذا واجهنا ابوي بعد
خلف: ياااااربي وش هالمصايب
وعد سكتت وهي ماهي عارفه كيف بيحلونها لف خلف بهدوء: زين زين قومي نامي وبكره خير
راحت وعد وتركت خلف للي توه يحس انه صفى راسه من المشاكل بس هاذي صدمه جديده عليه وكارثه
_______________________.
ومن بكره
في بيت الجد قايد كان عقاب هالمره هادي والساحه فاضيه لعزوز اللي كالعاده يسولف ويقرا لجده وجدته كتاب قصيد
لكن قاطعته ام ناصر تقول : عقاب وش فيك
عقاب : ابد مافيني شي
ابتسم محمد وهو يقول : الظاهر تأخرنا عليه والولد وده يتزوج
ابو ناصر: ولا يهمك بكره ان شاء الله نروح ونخطب لك .
.

.

ابتسم محمد وهو يقول : الظاهر تأخرنا عليه والولد وده يتزوج
ابو ناصر: ولا يهمك بكره ان شاء الله نروح ونخطب لك
عقاب :هاه !والله على راحتكم ياجدي لين تنتهي ذا المشاكل
محمد : مافيه مشاكل ان شاء لله وانت اولى يا عقاب خلنا نفرح فيكم عاد
عزوز : اي والله
عقاب : الله يسهل
جلست سحر جنب عقاب اللي توووه يدقق في سحر توه ينتبه للحزن اللي اعتلى وجهها هالفتره
لفت وابتسمت له لكن وقف عقاب: سحر تعالي ابيك
مشت معه وهي مستغربه نظرته ولف عقاب بهدوء
عقاب : سحر وانا اخوك فيك شي احد مزعل خاطرك !؟ سحر ارتبكت : لا يا اخوي مافيني الا كل خير
عقاب : وليه احسك ضايقٍ صدرك !؟
سحر: لا ابداً بالعكس انا مرتاحه ومبسوطه بس زعلانه على اللي صار في وعد
صد عقاب بهدوء: زين اجل نادي لي شهد وعهد وقولي لي اذا تبون شي
سحر : ابشر
جلس بهدوء لكن كالعاده دخلت شهد بضحكتها المعتاده وهي توقف قدامه وتدق التحيه: ناديتنا طال عمرك
ضحك عقاب :ايييه من زمان عن الضحكه الحلوه قلت اناديك توسعين صدري
ركضت شهد جنبه : افااا افا والله من مضيق صدرك عسى تضيق به دنياه
عقاب : محدٍ يضيقه وانتي توسعينه المهم علميني عن علومك واخبارك تبين شي محتاجه شي!
شهد : ابد مبسوطه لكن ودنا نروح السوق من زمان عنه
عقاب : تم تم بكره نروح
شهد بضحك: عاد لازم نستغلك قبل تزوج وتروح علينا
عقاب: افااا معصي والله مايغيرني عليكم احد
شهد: كفوو
دخلت عهد بهدوء: ناديتني
عقاب : ايه تعالي اقعدي
جلست عهد قدامه بهدوء وقال عقاب:اول شي يمكن تكونين زعلانه مني لكن حطي عقلك براسك واعرفي اني بتصرف هالتصرف في كل مره تغلطين ، وانا ابي مصلحتك ولا ابيك تنجرين في كرهه اهلك عشان شي ماكتبه ربي
عهد : معك حق
عقاب : زين اجل ، تبين شي محتاجه شي
عهد: سلامتك
عقاب : زين
طلعوا كلهم من عنده وهو عنده هالعاده كل فتره يجتمع في خواته ويسألهم عن احوالهم
_______________________.
في بيت ابو خلف
كانوا مجتمعين على الفطور وخلف ووعد عيونهم على حوريه يحاولون يتأكدون من اللي في بالهم
وصد خلف وهو يستغفر ووقف : فيصل يلا معي لدكان
ندى : قبل يروح فيه اغراض نبيها
فيصل: عطيني الورقه
حنان: خذ
حوريه بدلع ماصخ : نااااصر
لف ابو خلف : هلا
حوريه: في اغراض ابيها بعد
ابو خلف : عطيها فيصل يجيبها
فيصل: انا مالي شغل في احد الا اهلي
ابو خلف : ترفع صوتك علي ياكلب
فزت وعد تمسك ابو خلف عن فيصل: فيصل صادق ماله شغل بأحد .
.
.

فزت وعد تمسك ابو خلف عن فيصل: فيصل صادق مالع شغل بأحد
ام خلف : بس بس لله يهديكم فيصل تعوذ من ابليس يمه وروح
اخذ فيصل الاوراق بزعل وطلع وطلع خلف بضيق متجهه لسوق
واول ما بدا يفتح محله لف على صوت ابو نهيان يناديه : خلف خلف
لف ببتسامه: سم ياعمي
ابو نيهان: شلونك عساك صرت زين
خلف : حمدلله بأفضل حال
ابو نهيان: حمدلله ، ووين ابوك ماهو جاي لدكان
خلف: ما اظن والله
ابو نهيان: زين اجل سلم عليه وقوله اذا ماعندكم مانع المغرب بنجي ونملچ لجابر على كريمتكم
ابتسم خلف ابتسامه وسيعه: هاذي الساعه المباركه وحياكم الله
ابو نيهان: بارك الله فيك
خلف :فمان الله
راح ابو نهيان وترك خلف الدكان وركض للبيت لازم يقولهم يستعدون ولازم اصلا ابوه يستوعب السالفه ومايسوي مشكله وحمد ربه انه حصل الكل موجودين ومحد طلع
ابو ناصر: بسم لله عليك وش فيك!؟
خلف : عزوز جب لي مويه
ركض عزوز ورجع بمويه: علامك؟
خلف: يبه جدي ترا كلمني ابو نهيان يقول بلغ اهلك اذا ماعندهم مانع بيجون يملكون المغرب
ابو خلف : وشوو!؟ معصي
محمد: وش بلاك انهبلت انت عطينا الرجال كلمه وانتهى الموضوع وبعدين ما انت لاقي احسن من جابر
ابو ناصر: الله يكتب النصيب واذا كتب لهم عندنا لا انا ولا غيرك يقدر يرده
خلف : يبه قلت لك جابر كفو ويستاهل
عقاب : هذا الحق ياعمي ولا توقف بنصيب احد
ابو ناصر:ماعليه ماعليه قله حياه الله وبلغ اهلك يستعدون
خلف : ابشر
ابو خلف : تكسر كلامي يبه !
ابو ناصر: لا حطيت عقلك براسك وصرت تعرف تصرف حزتها مشيت كلامك ، وانت هالايام مسحور ماتدري وينك فيه
وقف ابو خلف بغضب وطلع والتفت محمد بيأس: رايح وطي مع هاللي ما تسمى
ام ناصر : الله يفرق بينهم مثل مافرق بين الشرق والغرب
عزوز وفيصل: امييين
ضحك محمد : عزوز مشارك المعاناه
عزوز : شسوي انضغطت معهم
ابو ناصر: يلا يلا شوفوا وش يحتاجون وساعدوهم يلا
الكل: ابشر ابشر
_______________________.
عند البنات
كالعاده كان المتصدر في الجلسه هو( الشاهي ودوار الشمس ) وسوالف وحش لين اقتحم خلف الموضوع بدون ماينتبه لوجود بنات عمه لكن صرخوا ورجع برعب : وش بلاكم
مضاوي: ارجع عندنا البنات
خلف : وبس بغيت اموت من الفجعه
حنان: بسم لله عليك امر وش بغيت!
خلف : دامكم متجمعين قوموا نظفوا وجهزوا الشغل كله
ندى: ليه من بيجي!؟
خلف ببتسامه وهو صاد: ابد الچويتي بيجي يملچ على قولهم
في مثل هالموقف فزت مضاوي بمزح وشهقت وقالت: يعني صارت الصچييييه بتتزوجين كويتي وانا اجلس بحسرتي .
.
.
في مثل هالموقف فزت مضاوي بمزح وشهقت وقالت: يعني صارت الصچييييه بتتزوجين كويتي وانا اجلس بحسرتي
لف خلف بعد ماراحوا سحر وخواتها واحتدت نظرته لمضاوي اللي فجأه بلعت لسانها وجلست وهي منزله راسها ما كانت منتبهه ان موقفها مع خلف حساس وللحين زعلان من قرارها الغلط الغير مسؤول
قال خلف بهدوء: ندى قولي لعمتي وامي واجهزوا
ندى: ابشر
في ثواني انتشروا فالبيت وينظفون ويضحكون واماني للحين تحس انها في حلللم ماهي مستوعبه ابداً
_______________________.
وفي بيت النوخذه
كانوا يجهزون دزة الملكه ووقفت ليلى تناظر ببتسامه : الله يا حلاااااتها
ابتسمت مريم: ياررررب عقبالچ ان شاء الله نفرح فيچ قريب
ام نهياان: امييين
ليلى: بدري بدري من كم شهر زوجنا شيخوه خلوني استانس
شيخه : يا سلام عليچ قاعده على قلبچ
ضحكت : لا والله بالعكس انا بموووت من شوقي لچ
ام نهيان: يلا يلا انتي وياها زتكم جهزوا وخلصوا مافيه وقت
ليلى : انا الييييوم اعلن اضرابي عن غسيل المواعين تغسلهم شيووخ
شيخه:والله!؟
ليلى: والله انا تعبت خلاص مافيني حيل
ضحكت شيخه: زين بريحچ اليوم بس
ابتسمت ليلى وطلعت لغرفتها وكالعاده رفعت صوت الراديو لااااخر صوت وبدت مرحلة تجهيزها وهي تستعد للملكه بقمة الروقان والحب
ولفت على الراديو ببتسامه وهي تردد معه كلمات (دمعت فرحة بعيونك تقول احنا بعدنا احباب
انا تايه بأمر الحب وچدامي طويل الدرب
وكل ما اعاتب عيونك تزهبلي عذر واسباب)
كانت نوعاً ما منطربه لكن تنقلها افكارها لخلف وتتوقع وش يسوي الحين وكيف بياخذ هالحدث في صالحهم
_______________________.
وفي بيت ام ضاري
اللي حلفت مليون يمين وديين مايروح نادر شوق لين يحصلون بيت
كان نادر متفشل بس حاس انه مرتاااااح وقلبه متطمن على شوق انها في يدين امينه وكان يقول بداخله ( سبحان الله اللي يوزع الود والرحمه بقلوب الناس )
صحى على صوت ضاري اللي يناديه وهو مجهز الفطور: نادر يلا اصحى هذا امي مجهزه لك الفطور بيدييييينها ومجبوووور تاكل
نادر: والله يا ضاري اني محرج منك ومن امك و...
قاطعه ضاري: لا تنحرج ولا شي احنا اخوان والدنيا تدور اليوم عندك وبكره عندي وكل واحد يسند الثاني
نادر: ما تقصر يا ضاري
ابتسم ضاري: عاد لا تشيل هم شوق امي جالسه لها بتخليها تاكل وتوسع صدرها وبعد شوي بتجي ام محيميد وبتنبسط
ضحك نادر: ام محيميد !؟
ضاري: هاذي الله يسلمك جارتنا ينقال لها جارتنا لكن المفروض تصير راعية بيتنا لانها ظ¢ظ¤ ساعه عندنا
.
.
.
ضاري: هاذي الله يسلمك جارتنا ينقال لها جارتنا لكن المفروض تصير راعية بيتنا لانها ظ¢ظ¤ ساعه عندنا تروح اخر الليل وتجي اووول الصبح وفي هالساعتين اللي تغيبها تجيب اخبار المنطقه كامله وتجي وعاد وقتها يبدا اجتماع الحش عندها
ضحك نادر: يا حياة الشقى
بدا ضاري يسولف وهو يحس انه بجية نادر نسى همه ولقى شي يسليه
وبالنسبه لام ضاري كاااانت فرحانه ما على الارض منها شي من الفرح كانت مبسووووطه بوجود شوق وتداريها وتراعيها وخصوصاً بعد ماعرفت سالفتها مع ام نادر
ام ضاري : خذي راحتك وانا امك واللي تبينه ابشري به
شوق : تسلمين يا خالتي ماقصرتي
ام نادر: ولا يضيق صدرك شي يا حبيبتي كللللنا بهالدنيا نمر بظروف شينه ونتضايق لكن المهم إنا واقفين جنب بعض
ناظرتها شوق بضيق وقاالت بخنقه وهي تحس بالذنب اتجاهه نادر وانه انطرد من بيت امه وابوه عشانها: بس انا مخنوقه ياخالتي
فزت ام ضاري وحضنتها بحب : لا يمه لا بسم لله عليك من الخنقه ! وش فيك يا حبيبتي قولي لي قولي اللي بصدرك كله
هنا انهارت شوق تبكي بحرقه وحسره وبدت تقول لام ضاري قصتها كلها ولا حصلت من ام ضاري الا الحب والحنان اللي احتوتها به وهي تمسح عليها وتقول : ماعليك يا امي ماعليك واحمدي ربك ربي عوضك بنادر ابن حلال ويخاف الله فيك وحمدلله انه ماصار مثل بعض الرجال ماعندهم دم وهذا هو راعاك حماك وما آذاك بشي ولا طلقك يوم شافك ما تناسبينه بالعكس هذا هو واقف معك ضد الدنيا كلها وماعليك يابنتي لو ما تطلعين من هالدنيا الا بنادر هذا مكسب عظيم
مسحت شوق دموعها وهي تقول : انا والله عارفه انا ماهمني نفسي انا ضايق صدري على نادر وانا اشوفه تعبان ومتضايق
ام ضاري: ماعليييه بيتعب ويضيق لكن انتي خذي بيده وطلعيه وكوني معه
شوق : والله احاول
ام ضاري : ايام وتعدي ان شاء الله امسحي دموعك وتعوذي من ابليس لا يناديك نادر ويشوف وجهك وحزتها يضيق صدق
قامت شوق تغسل ولا هي الا ثواني ونادى عليها نادر
وطلعت بهدوء : هلا
قرب نادر بشك: وش فيه وجهك!؟ تبكين!؟
شوق : لا لا كنت اساعد ام ضاري وطار الغبار في عيني
ما صدق نادر بس قرر انه يمشيها لانه مب ناقص تعب: زين انا بطلع انا وضاري ادور بيت
_______________________.
المغرب
في بيت ابو خلف
وصل النوخذه والشيخ والكل مستعد ومبسوط كان خلف بيطير من الفرح من ناحيه فرحة اخته ومن ناحية الموضوع لصالحه وبيزيد ارتباطه بليلى
اما جابر كان بيتشقق من الفرح وللحين تطري له اماني كان يتمنىى لو انه يقدر يشوفها
.
.
.
اما جابر كان بيتشقق من الفرح وللحين تطري له اماني كان يتمنىى لو انه يقدر يشوفها ويكلمها بفتره الملكه لكن الحمدلله راضي بأنها تكون مكتوبه بأسمه
اما في طرف الحريم وصلت ام نهيان وبناتها والكل يستقبلهم بحب
وكانت ليلى كاشخه بكل مافيها من قوه ماتدري لو الصدف تجمعها بخلف لكن كانت متوتره من وعد اللي عينها عليها
ووعد ماهي كارهتها بالعكس كانت تخاف انهم يتمادون ويصير شي مو فالحسبان
جاء خلف بالدفتر وهو صابه عقده من هالدفتر يخاف يصير مع اماني اللي صار مع مضاوي
وقف وهو ينادي : يا ولد طريق
طلعت له ندى ببتسامه: يلا يلا مافيه احد
دخل خلف وهو يتمنى يشوف ليلى وطلع مستعجل لاماني ودخل مبتسم: جاهزه عروستنا
ابتسمت اماني بخجل وقالت ندى بضحك: جاهزه جاهزه
نزل خلف الدفتر قدامها وابتسم : وقعي على بركة الله
وقعت اماني وزغرطوا البنات وراها وهم يصفقون لها
وضحك خلف : قصروا الرجال تحت
قرب وهو يسلم عليها : الله يجعله زواج الدهر وانا اخوك
اماني: تسلم
ابتسم وهو يقول : شوفي لي طريق يا وجدان
مرت وجدان : يلا
نزل خلف ورجعت وجدان اول ما تاكدت ان الممر مافيه احد
ونزل خلف وهو يرتب شماغه لكنه ابتسم من الصدفه اللي ياما دعاء انها تحقق في ممر المغاسل كانت هناك هيا ومعها ليلى اللي تغسل فستانها اللي انكب عليه الشاهي ورفعت اسفل فستانها وبان خلخالها لللي من المره الاولى جايب راس خلف
لكن فز برعب واول ما سمع صوت وركض برا وقف بهدوء يهدي انفاسه ودخل مجلس الرجال بهدوء وهو مبتسم للمنظر اللي بعيونه
وقع جابر ووقف الكل يبارك له وهو مبتسم
ابو نهيان: وان شاء الله اماني مثل بناتي وبحطها بعيني
ابو خلف بغضب: عساها ما تكون غير كذا
تدخل خلف بسرعه: واثقين واثقين ياعمي وانتم مثل اهلها
ابو ناصر : ونعم الاهل
محمد : وابد ما تروحون ليييين تحضرون عشاكم عندنا
ابو نهيان: ما نبي نكلف عليكم
ابو ناصر: مافيه كلافه وحنا اهل
خلف: ابد يا عمي والله مايكتب لكم الا عندنا
نهيان: على بركة الله على بركة الله
جلسوا من جديد وكلهم مبسوطين الا ابو خلف زعلان ومعصب
_______________________.
وفي بيت ام ضاري
رجع نادر وهو مبسوط انه حصل بيت قريب من اهله
ودخل مع ضاري اللي مبسوط بنادر
ضاري : اجلس بجهز القهوه
نادر: اصبر ببشر شوق إنا حصلنا بيت
ضاري :بشر ياعمي بشششر يحق لك تبشر نديمتك
ضحك نادر: عقبال ما تهل عليك البشاير من نديمتك .
.
.
ضاري :بشر ياعمي بشششر يحق لك تبشر نديمتك
ضحك نادر: عقبال ما تهل عليك البشاير من نديمتك
اخذ ضاري نفس: على الله ، يلا بقول لامي تنادي لك زوجتك وانا بطلع اجيب اغراض
نادر :طيب
شوي وجات شوق وابتسمت وهي تقول : يعطيك العافيه ابتسم نادر مجرد ماشافها : يعافيك يا نديمتي
اشر بيده جنبه وقال: تعالي تعالي جنبي بقولك عن بيتنا
شوق : بالله اخذت بيت!؟ نادر : ايييه وابشرك بيت شرح ووسيع ويشرح الصدر ولا ابشك فيه حوش كبييييير يمديك تزرعين فيه وتسوين كل شي تحلمين فيه
شوق : اماااانه ياربيي ابي اشوفه
نادر: ماعليك ابد بكره بنروح له ونشوف كيف نبي نأثث
شوق : عساه ماكان غالي عليييك
نادر: الغالي يرخص لك يا شوقه
ابتسمت شوق بإمتنان : مع اني حبيت ام ضاري وتمنيييت اجلس عندها
ابتسم نادر:ماعليك احنا قريب متى ماتبين تجين
شوق: حمدلله
نادر: ايييه صح! ترا اخت خلف اليوم ملكتها على جابر ولد النوخذه
شوق: الله ياربي توفقها ان شاء للله يارب والله يستاهلون كل خير
نادر : امين
فزوا على صوت ضاري ووقفت شوق: بروح قبل يجي
ركضت ودخلت غرفتها
ودخل ضاري على امه : يمه كيفك اليوم
ام ضاري : بخييير بخير وصدري وسيع بقعدة شوق عندنا
ضحك ضاري: يوووه شكلنا رحنا ملح
ام ضاري: ابد ابد انت الاول والاخير واذا ربي جاب مضاوي بنشوف الهناء
ضاق صدر ضاري وقال: يارب
ام ضاري : رح رح لنادر لا تخلي خويك لحاله
ضاري: ابشري
راح ضاري وهو يحاول يصد عن كل موضوع يوصله لمضاوي
_______________________.
في بيت ابو خلف
البنات كانوا يسولفون مع ليلى اللي كانت تتأمل ملامحهم اللي فيها من خلف كثيييير
لفت على صوت ندى : وين وصلتي !
ضحكت ليلى : وياكم وياكم
مضاوي : هاه يا ليلى شكل الدور الجاي عليك
ضحكت مريم: اكيد ماكو الا اهي خلاص ان شاء الله قريب تسمعونها عروس
الكل : امين
ابتسمت ليلى بخوف وهي ودها تقول ( اكون عروس ببيتكم ولخلف)
ليلى: بعد سمعنا عن خطوبتچ يا مضاوي عساه فال السعد يارب
ابتسمت مضاوي بضيق: يارب
ابتسمت مريم: وعد ماكو شي بالطريچ
اسود وجهه وعد وقالت: لا
حنان بسرعه: لا بدري عليها
مريم ببتسامه: يلا ان شاء الله ربي يرزقچ مثل شيخوه هذا هي تنتظر مولود
فزوا البنات بفرح: مبروك مبروك
شيخه بخجل: يبارك بعمركم
وجدان: عاد وددددي يصير عندنا ولد اخت او اخو
شهد: حمدلله ايام يتزوج عقاب ويجيب لنا بزارين نعلب معاهم
وجدان: عادي اقدم طلب لخلف انه يتزوج
ضحكت مضاوي: مررره بيموت خلف على طلبك ويتزوج
كانت ليلى عينها على سحر اللي ضاقت ملامحها وصدت بضيق
.
.
.
ضحكت مضاوي: مررره بيموت خلف على طلبك ويتزوج
كانت ليلى عينها على سحر اللي ضاقت ملامحها وصدت بضيق
كانت ليلى متيقنه إن خسارة سحر لخلف خساره كبيييره وتعرف ان مثل خلف الكل يتمناه لكن كانت انانيه في حبها لخلف
مر اليوم خفيف وحلو وطلعوا الكل مبسوطين
_______________________.
ومن بكره
في المجلس صحى خلف على صوت وعد اللي تصحيه بهدوء
فز خلف : وش فيك!
وعد بهدوء وهي اللي قضت ليلها تفكر في مصيرها : بكلمك بموضوع قبل يصحون
خلف : قولي اسمعك
وعد : كلم مبارك يجي وبرجع معه
اتسعت عيون خلف بصدمه: وشووو !؟ انهبلتي انتي كيف بترجعين بعد اللي سواه
وعد : خلف اسمعي وافهمني تكفى! ابوي صادق وجدي صادق طلاقي بهالوقت مارح يجيب لي خير ولا لكم وانا مابي اكون عقبه حياتكم وانا مستعده اتحمل مبارك سنه بس لين اقدر اتطلق براحه
خلف بغضب: مجنونه انتي مجنونه! قلت لك لا يهمك كلام احد وعسانا نطيح كلنا جنبك مو مهم المهم نكون جنبك وحكي الناس مايهم
وعد : ادري لكن ابي ارجع وبشروطي وبكمل دراستي وانت تدري ابوي مستحيل يسمح لي اكمل واقدر اتحمل ماعليك
خلف: لا لا مستحيل اخليك ترمين نفسك مره ثانيه
وعد : خلف لا تخاف علي انا اقدر اتصرف معه وانت بتكون معي ولو سوا مبارك شي بقولك
خلف بضيق: بس
وعد: لا بس ولا شي ابيك توقف معي بس
صد خلف: زين زين اللي تبين
ابتسمت وعد : يلا صحصح مابقى شي على روحت الدكان
خلف : طيب طييب
راحت وجلس خلف يتأمل كيف وعد تقدر تخليهم واثقين بقرارتها ومستحيل يحس انها ضعيفه او ماتقدر ويدري انها قادره تتصرف مع مبارك وتحط له حدود
انسدح بتعب لكن ابتسم اول ما تذكر ليلى امس مسح على صدره ببتسامه وهو يهمس : الله يجيب يوم تكونين فيه زوجتي
لف على صوت فيصل: خلف انهبلت تضحك لحالك
ضحك خلف :خلنا نضحك يارجال هالايام الضحك علينا بالقطاره
فيصل: يلا يلا
لف خلف على سالم وغيث اللي نايمين معه ويصحيهم
والكل استعد للفطور لكن دق الباب عزوز وهو يقول : عمي خلف ياعيال جدي يقول فطوركم عندنا حياكم
ركض فيصل: اييييه الفطور عندكم يامرحبا يالتخمه
.
.
.
مضاوي من بعيد: هييييين انا اعلم خواتك يقطعون كل الامدادات عنك عشان تعرف تتهمهم انهم مجوعينك
فيصل: انا ما اشكك في جهود اخواتي لكن مالي نفس اكل في بيتنا هالفتره
هيا :صدقناك
خلف : ماعليه مردك لنا
محمد :ابوكم وين !
خلف : عند المسعده
ضحك ابو ناصر: ماعليكم ايام وتنحل
خلف: ايه ان شاء لله
عقاب : تعال اجلس جنبي عندي لك بشاره
خلف : يالله بشرى خير غرد غرد
عقاب : ابداً اخواني الاعزاء وجمعنا الكريييم اليوم جمعتكم عشان بعد الظهر نبي نروح ديرة جدتي عشان نخطب لي وجد بنت خالي
ضحك خلف : ماشاء للله قررت خلاص
عقاب : خلاص عقدنا العزم
خلف: الله يتمم لك
ام ناصر:وانت ياخليف وراء ما تزوج سحر وخليتها من بتاخذ
صد خلف بضيق: اذا ربي كتب لي نصيب بتشوفينه
محمد : ماعليه كل شي ملحوق عليه
فيصل : ودنا لو تحركون يالاخوان الكبار وتزجون وتخلونا نكمل على خطاكم
ابو ناصر: ما عمري شفت واحد ميت على الزواج كثرك ! اعقل ياولد توك بزر
فيصل: سامحك الله بزر بزر كل هالرجوله وبزر
عقاب : وييين رجوله انثبر بس انثبر
ضحك محمد : وانت ياعزوز
عزوز: اعرف الجواب واقرر الانسحاب
ضحك خلف : اشوى طلعت عاقل
ام ناصر: مدري كيف الله حفظ عقله مع فيصلوه الخبل
فيصل: خيير اليوم حاطين علي وحالفين تغسلون شراعي
ابو ناصر: بعد معروفه من دق الباب سمع الجواب
فيصل: مادقينا باب احد انتم ناديتوا للفطور
الكل :ههههههههههههههههه ههههههه
اخذ خلف نفس وقال: عندي موضوع بنناقشه
ابو ناصر: قول !
لف خلف : هذا ابوي جاء نبيه يسمع معنا
ابو خلف: اشوى للحين حاطني بالواجهه
خلف :يبه افهمني تكفى
محمد : تكلم ياخلف
خلف بهدوء: وعد فكرت وقررت ترجع مع مبارك
الكل سكتوا بصدمه وكلهم كانوا مقتنعين ان وعد دامها طلبت الطلاق فا مستحيييل تغير رايها
فيصل: معععصي
ابو خلف: انثبر انت ! وش غير رايها
خلف : تشوف ان طلاقها بهالوقت غلط
عقاب: يعني ناويه الطلاق ناويته!؟ محمد : لا ما اتوقع وعد عاقله واكيد مارح ترجع عشان تطلق لكن يمكن شافت انها تقدر تتفاهم مع مبارك
ابو ناصر: الله يؤلف بين قلوبهم يارب
ابو خلف : زيين طلعت فيها عقل
خلف : انا بتصل فيه يجي وماياخذها الا بشرووط
محمد : زين
وقف خلف وهو يتصل من التليفون ورد مبارك : الوو
خلف : مبارك معك خلف
فر مبارك وهو متوقع هجوم وطلب لطلاق وقال: وش بغيييت !؟؟
.
.
.

وقف خلف وهو يتصل من التليفون ورد مبارك : الوو
خلف : مبارك معك خلف
فر مبارك وهو متوقع هجوم وطلب لطلاق وقال: وش بغيييت !؟؟
خلف: وراك تصارخ!
مبارك: ما اصارخ
خلف :المهم اسمعني انتظرك بالبيت معك نص ساعه عشان توصل
مبارك: ليييه وش السبب !
خلف : وعد تبي تكلمك
مبارك: زين زين
سكر خلف وجلس بهدوء وكان يبي يخلص من موضوع وعد ويقولهم عن حوريه اللي صار موضوعها مشغله
_______________________.
وعند نادر
اخذ شوق وزينب ( الخادمه)
وراحوا لبيتهم بعد ما ودعوا ام ضاري وضاري دخلوا وركضت شوق تلف في البيت وهي مبتسمه ومبسوطه ورجعت لنادر بفرح: توقعت كبير زي ماقلت وتوقعت شي ثاني لكن ماشاء الله يا نادر حلووو حلووو مرره
ابتسم نادر: اهم شي جاز لك بعدها كل شي هين
شوق : شوف هنا ببدا ازرع فيها واسوي لنا جلسه خضراء نفطر ونتغداء ونتعشى فيها
ضحك نادر: ترا بيصير وعد
شوق : وعد ومليون وعد
ابتسم نادر لكن قبل يتحرك تدبس بمكانه اول ما حضنته شوق ببرأه وعفويه تعبر عن امتنانها
ابتسم نادر بعذوبه ومسح على كتفها بهدوء وابعد لان قلبه صار يوجعه
بدون صوت طلعوا من البيت وهم مبسوطين بعيد عن المشاكل المشاحنات
_______________________.
في بيت ابو خلف
وصل مبارك وهو خااااايف من انهم يجبرونه يطلق
شاف فيصل واقف بغضب وعزوز ماسكه يهديه
ابعد نظره عنه ودق الباب وطلع خلف اللي واضح عليه الزعل لكن مو مثل فيصل
ودخل مبارك وهو مستعد اذا طلبت وعد الطلاق واصروا اهلها على الطلاق يقلب الطاوله على عقاب ويقول انه السبب وراء كل اللي صار
جلس بهدوء بعد ما سلم وقال ابو ناصر: اسمع يا مبارك حنا يوم زوجناك وعد عطيناك درررره عطيناك زينة بناتنا وعطيناك بنت عن مية رجال ولا هقينا ان اللي صار بيصير منك ويطلع منك
وكمل محمد : ولا تحسب إنا راضين عن سواتك
خلف : وعد غاااليه ولولا غلاها وكرامتها كان صار فيك شي ما تحمد عقباه لكن لخاطرها طلبها بنسكت
ابو خلف : بعد هذا كله وعد طالبه انها تكلمك وبعد هالكلام نتمنى ان الله يصلح ذات البيين
ما استبشر مبارك بهالخبر وهو يدري ان وعد تكرهه وبتكون اشد حقد وكرهه من اهلها
خلف : تعال معي للغرفه الثانيه
طلع معه مبارك وهو وده ان ابو خلف يبت فالامر ويرجع وعد معه بدون طول كلام ومشاكل وهو يدري ان ابو خلف معارض لطلاق
لكن وقف اول ماشاف وعد بهالغرفه وهي متكتفه وتنتظر بنفس النظره القويه اللي تعودها منها ونفس الاناقه والجمال وهذا شي يهبط قلبه ويخليه يرضى بكل شي ألا الطلاق .
.
.

لكن وقف اول ماشاف وعد بهالغرفه وهي متكتفه وتنتظر بنفس النظره القويه اللي تعودها منها ونفس الاناقه والجمال وهذا شي يهبط قلبه ويخليه يرضى بكل شي ألا الطلاق
اما وعد كانت تدري ان مبارك مايسوي شي من راسه بالعكس مبارك مرسول من واحد يوزه واكيد انه عقاب
لذلك قررت انها ترجع وما تنكسر
طلع خلف وتركهم وتقدم مبارك : وعد انا اسف ادري اللي صار غلط وادري اني اخلفت الاتفاق لكن انتي بعد غلطتي وكذبتي علي وخليتني افكر بشي شيين
سكت ينتظر ردها لكن وعد ساكته ورجع يقول: ادري ان مالي عذر ولا انتي لك عذر لكن الشيطان دخل بينا وانا مابي اخرب بيتنا ارجعي معي وانا مستعد اني اسوي اللي يرضيك
كانت هالنقطه اللي تنتظرها وعد وقال: تهقى اني للحين اصدق وعودك!؟ مبارك : ادري انك صعب تصدقيني وصعب اصدقك انا بعد
ضحكت وعد باستهزاء: ايييه كذبت انا لكن ما آذيتك ابد ولو ضريتك! مستحييييل يكون الضرر اللي تعرضت له انت مثل اللي تعرضت له انا
مبارك : ادري وانا مليون مره اسف لكن قولي لي وش طلبك وابشري
وعد : ابد انا ارجع معك بشرووووط ولو تفكر بس تخربها مارح اطلع بس!؟؟ لاا بهد البيت فوق راسك واطلع وهذا اللي انا بسويه لكن اخواني ماني مسؤوله عنهم
اخذ مبارك نفس : وشهي شروطك!
وعد مدت له ورقه : اقراها ووقع عليها وترا هالورقه تدينك
مبارك: افا مافيه ثقه
ضحكت وعد : للاسف لا
اخذ مبارك الورقه وكانت الشروط ( ظ، _ اكمل تدريبي بالمعهد
ظ¢_اتوظف في حال حصلت على وظيفه
ظ£_ ممنوع حملي طوول فترة دراستي
ظ¤_ الاحترام الاحترام الاحترام أولاً واخيراً
ظ¥_ ممنوع إيذائك لي بالفعل والقول
ظ¦_ جميع القرارات في المنزل تعرض علي قبل تنفيذها
ظ§_ في حال استجدت شروط يتم النقاش فيها واضافتها )
رفع راسه مبارك : كلها موافق عليها الا موضوع الحمل
ضحكت وعد : هذا اول شرط المفروض توافق عليه بدون ما تناقشه بعد اللي سويته وترا تدريبي كله ظ£ شهور
صد مبارك وكان صعب عليه لكن كل مايناظر وعد يضعف وطلع القلم ووقع وعطاها الورقه وابتسمت وعد : اجهز واجي انتظر
ابتسم مبارك بود :انتطر ليه ما انتظر
طلعت وعد وشافت خلف واقف واتجهه لها : هاه!
ابتسمت وعد : طاح الحطب
استغرب خلف رضاها لكن قال ( يمكن تحبه والشيطان شاطر ) : الله يكتب لك اللي فيه الخير
طلع مبارك وتقدم لخلف بهدوء: ماودي يصير بيني وبينكم زعل
ابتسم خلف بخفه: ماعليه تصير لكن عشان خاطر وعد نرجع احباب
ابتسم مبارك: الله يسلمك
رجعوا وهدا عقاب اول ماقال مبارك: طاح الحطب
ابو ناصر: حمدلله .
.
.

ابو ناصر: حمدلله
محمد :لكن نرجع نقول لا تعيد اللي سويته
مبارك: ابشر
ابو خلف: اجلس للغداء
مبارك: لا والله عليكم بالعافيه
جلس وهو ينتظر وعد
_______________________.
عند وعد
رجعت تجهز والكل مستغرب منها كيف رجعت لكن هاذي هي وعد تقرر وتنفذ محد يفهمها ابد
ندى: انا ماني فاهمه كيف رجعتي معه!؟
ام وعد : بس انتي يا ابليسسس! وش تبين فالبنت خليها ترجع مع رجلها وتعيش
اماني: ماقلنا شي بس هي كانت تبي الطلاق
ام خلف: حمدلله ان الله اصلح بينهم ولا وصلوا لطلاق وبعدين ابغض الحلال عند لله الطلاق وش تبي فيه عسى الله يهنيها ويسعدها
حنان: وحمدلله يابنات الله لايجيب طاري الشر وكل بيت فيه مشاكل المهم ان الله يوفقهم وبس
ام وعد : هذا الكلام الله ينورك بعقلك يا بنتي
وجدان: انا والله ماني معترضه لاني اعرف وعد تحط كل قرار بمكانه الصح
ابتسمت وعد: مشكورين كلكم على كلامكم لكن قبل اروح اقول حطوا عينكم على شينة الحلايا ترا ماهي مضبوطه
ام خلف: ليييه ياكافي
ندى: وش شفتي عليها
وعد : ولاشي خلف بيقولهم يلا بروح مع السلامه
سلمت وطلعت وهي تخز حوريه ومرت خلف بهدوء وابتسمت: ماقصرت خلف الله يخليك لي ذخر
خلف: ابد ياوعد انا سندك متى ماضقتي علميني
وعد : ابشر لكن لا تنسى حوريه
خلف : ابشري
فيصل : وعد اذا بغيتي شي اتصلي واجيك
ابتسمت وعد: اكيد
محمد : واذا زعل خاطرك شي اتصلي بعد
وعد : ما يحتاج
سلمت وطلعت وهي فخووره باهلها اللي مثل السد المنيع حولها
ركبت مع مبارك عينها على عقاب اللي متكتف لكن وجهه اسود كأنه زعلان وتوقعت وعد انه يبيها تطلق عشان يحكرها فعلاً لكن خابت اماله
_______________________.
وقبل لا يتكلم خلف عن حوريه
فجأه الكل صاروا يستعدون يخطبون لعقاب وقرر خلف يسكت لييين يرجعون واتجهووا لديرة خوال عقاب ومعهم خوات عقاب وجدتهم
وكان عقاب هادي ما تحرك شعوره ابد ولا عنده امر جديد ابد
حتى اول ما دخلوا مجلس جد وجد وسلموا عليه وبدا ابو ناصر يخطب ماتحرك فيه شي ابد
همس خلف : اللي يشوفك يقول نخطب لغريب وراك جامد
ابتسم عقاب : مدري بس اشوف انه عادي
ضحك خلف : ضامن الموافقه!؟
ابتسم عقاب : يمكن
خلف : يلا الله يوفقك وشكلي بجلس لحالي هالسنه
همس محمد : ابد ما انت لحالك تحزم وتعال معي
.

.
خلف : يلا الله يوفقك وشكلي بجلس لحالي هالسنه
همس محمد : ابد ما انت لحالك تحزم وتعال معي نبي نسافر ونلف الارض لف
ضحك خلف : اييه هذاك اول يوم كنت فاضي
سكتوا على صوت جد وجد اللي قال: للأمانه حنا كلمتنا ام حامد وقالت لنا ان عقاب يبي وجد وفكرت البنت واستخارت والحمدلله وافقت وعقاب رجال ويستاهلها
ابو ناصر: والله يقدره يحفظ الامانه
الكل: امين
بدوا يتفقون على المهر لكن صدمهم عقاب اللي قال: وانا يا عم ابي الزواج والملكه مع بعض وابيها بعد اسبوع
تجمدوا كلهم وصاروا يناظرون عقاب وكل واحد يناظر الثاني
همس خلف : انهبلت انت اسبوع وشو!؟ محمد: انهبل ذا
اما عقاب كان يدور اي شي يشغله لاانه خلاص يحس ان وعد اخذت حقها كامل من هالصراع وكفايه عليها اللي سواه مبارك بها وماعاد يبي يزيد هالبلاوي ومن وجهة نظره انها عقلت ورضت بمصيرها
وهو هالايام خاااف ان خلف والكل يدرون باللي يسويه وكان بيخسرهم وهو ابد مو مستعد لهالخساره ويبي اي شي يشغله عن وعد اخذ نفسه بهدوء وقال : انا مستعجل
ابو ناصر: ما كأنه بدري وانا جدك
عقاب : شوي لكن يمكن تجي لي مهمه وابغى اتزوج قبلها
جد وجد: امورك جاهزه ياولدي!
عقاب : كل شي جاهز والمهر بكره بيوصلكم ان شاء الله
محد عرف يرد على عقاب او يقنعه يأجل وسكتوا واضطر الجد انه يوافق بما ان وجد موافقه
وكذا انتهى الكلام وقرروا يرجعون والزواج بعد اسبوع
_______________________.
في طرف جديد
عند وجد اللي كانت انسانه انقياديه ومن الظروف اللي مرت فيها كانت تتأثر بأي راي وكانت على نيتها وكل شي ينقال لها تقول تم
كانت جالسه مع خوات عقاب تعرفهم اسم لكن من زمااااان ما شافتهم وتتذكر عقاب لكن مو مره لكن على مدح جدتها وافقت
بعد ما الكل راح جاء جدها وسلم وجلس ببتسامه :كيف مشت اموركم !
جدة وجد : اووه كل شيٍ زييين
الجد : عاد عقاب مستعجل
ناظرته وجد ببتسامه خفيفه وهالاسم الغريب بيصير مربووووط فيها ويالله كيف تبي تتقبل لكن كانت مبسوطه انها بتتزوج
جدة وجد : وش قاالك!؟
الجد:يقول عنده مهمه وخاطره يتزوج قبل ووده يكون العرس بعد اسبوع
شهقت وجد :بدري ياجدي
الجد : يابنتي الرجال بيجيب المهر بكره ويمديك
جده وجد : يابنيتي بسييييطه وعلى مايقول المثل خير البر عاجله وكل شي ملحوق اهم شي التوفيق
سكتت وجد ما تدري وش تقول وش تعترض عليييه لكن بدا لها الموضوع بسيط وينحل وخصوصاً انهم مايعترفون بالفترات الطويله من الخطوبه
_______________________. .
.
.

في بيت مبارك
وصلت وعد وهي كارهه البيت باللي فيه لكن تحاول تتقبل وتكابر
جلست بتعب لكن فزت على يد مبارك على كتفها وابعدته بضيق
مبارك: افا يا وعد وش فيك!؟ وعد : مبارك ابعد احسن لك ترا للحين ما نسيت للي سويته
مبارك:انتي اللي اجبرتيني ! وفالنهايه فعلتك لا ترضي الله ولا ترضي خلقه
وعد : اذا ما ودك بالمشاكل ابعد عني فتره لين اقدر اتخطى هاللي سويته
صد مبارك بضيق وتركها
ووقفت وعد بهدوء وهي تراقب الوقت اللي بيجي فيه موعد دوام المعهد وتطلع له
_______________________.
ومن هاليوم وخلال هالاسبوع
انتشر خبر زواح عقاب اللي كان حاط حييييله في تجهيز نفسه وبيته اللي اخذه وكان بجنب بيت جده بالضبط وكان عقاب مايخلي لنفسه فرصه يفكر في حياة وعد وكان مايحتك في مبارك ابد ولا مبارك يحتك فيه ..
وخلف اللي طول هالاسبوع يحاول يتكلم بموضوع حوريه بس كان مشغول مع عقاب وبنفس الوقت مايبي يسوي مشكله بهالوقت بذااات
وكان ينتظر ينتهي زواج عقاب وبعدها على طول ينتهي من مسأله حوريه وبعدها يخطب على طوووول لانه خلاص تعب من انه كل ليله يحلم باليوم اللي يجمعه بليلى ومن خوفه انها تطير منه ... بالنسبه لضاري رغم الزعل اللي يحسه بصدره اتجاه عقاب واللي تقريباً يحمله ظ¥ظ*ظھطœ من رفض مضاوي لكنه ما تخلى ابد وكان يساعد عقاب اللي خفت حدته مع ضاري كثييير وكان يحاول يتجاهل موضوع مضاوي ويفكر فيه بعدين ... نادر اللي شبه استقر هو وشوق في بيتهم الجديد ومر عليه الاسبووع برضا تااام وسعاااده
ومع ذلك كان واقف مع عقاب ويساعده وشوق تروح للبنات وتساعدهم لان قرار عقاب المستعجل سوى حااالة استنفار ... بالنسبه لوعد في هالاسبوع كان الخبر المفررح لها ان عقاب تزوج وبتفتك منه ومن حربه لكن حزنها على زوجته المسكينه اللي بتعيش معه ومع عقله المريض
لكن الفايده الوحيده لها من زواجه ان مبارك انقطع تماماً عن عقاب وتغيييير بشكل ملحوووظ اجبر وعد انها تستحي على نفسها شوي وترضى وتكمل زواجها وبنفس الوقت شروطها قائمه ودراستها بالمعهد بعد ... أما ليلى
اللي بما ان امها صارت تررووح وتجي على بيت القايد كثيير صارت تروح معها وصارت تساعدهم لكن الشين في هالاسبوع انها ولا مررره صادفت خلف وكانت تسمع من اخواته انه يطلع الفجر ويرجع اخر الليل ومشغول مع عقاب ... العروسه وجد كانت مثل الفراشه وهي تجهز لزواجها وبنفس الوقت خايفه من الجاي ومن عقاب اللي ماتعرف عنه شي ابد الا أقاوووويل ينقلونها عنه لكن كانت تدعي ان الله يسخره
... .
.
ومن عقاب اللي ماتعرف عنه شي ابد الا أقاوووويل ينقلونها عنه لكن كانت تدعي ان الله يسخره
... في طرف بيت الجد قايد
كانت حالات الاستنفار معلنه من خوات عقاب وعمات عقاب واهله كلهم
ومع هالقرار قدرت سحر تنسى شوي من همها لكن طالما إن تسمع عن وقفة خلف مع عقاب كان ينعصر قلبها بحسره
ومو بس سحر حتى مضاوي نست همها ونست ضاري وصارت مشغوله بعقاب وبهالسبب بدت علاقتنا تتحسن مع خلف شوي ... والبقيييه تحت نفس الظروف والاستنفار
_______________________.
يوم زواج عقاب
هذا اليوم اللي ماقدر عقاب انه يصحى من فراشه ويقوم يدري ان بيته جاهز وكل الامور مضبطينها الشباب
لكن نفسه والتردد لي فيه ماعرف يجهزها او يحلها انسحب اللحاف عن وجهه بثواني وغمض اول ما اخترق صوت محمد وخلف اذنه : ييلاااا اشغلتنا بعرس وبعرس ويوم العرس نايم قممم مافيه وقت
عقاب : كنه بدري
محمد : ماعاد بدررررري يا عريس ما عاد بدري
دخلوا عزوز فيصل وهم مصدومين : ايييه اييييه قل هونت قل هونت وسلفني الموضوع عنك
ضرب خلف فيصل: وللللد اعقل
فيصل : وانا صادق
عزوز بضحك : اذا ودك تهون ياعقاب ترا الموضوع مناسبني ترجع عند خواتي وانا اتزوج عنك
فز عقاب : افااا ياقليل الخاتمه انت وياه هذا وانا حييي تناتفتوني لو اني ميت وش بتسوون
ضحك عزوز: ابد عني ما اخلي زوجة اخوي وعياله لحالهم
فيصل بضحك: ووظيفتك ازهلها كأنك تداوم
محمد :ههههههههههههههههه ههههههه يعني خلاص يا عقاب مت وريحنا
خلف: عسى الله لا يحطني بينكم يامرضى اخلصوا يلاا
محمد : عقاب يلا نبي نلحق الحلاق وورانا شغل يلا
عقاب : طيب يلا
جات مضاوي مبتسمه : جهززززز فطور العريس واخر خدماتي له
عقاب : مالك لوى يا حبيبتي خدماتك لي مجبره انك تكمليييينها ترا للحين ولد اخوك انا
ضحكت مضاوي: ايييه ايه يصير خير
خلف : عجل يا ولد يلا
نزلوا العيال ينتظرون عقاب وطلع خلف متجهه لبيتهم وهو صار يجيبه غلقه وضيق من شوفة حوريه كل يوم
وقف وهو ينادي: يا ندى ندىى
جات ندى تركض وهي في عز حوستها عشان تجهز لزواج : سم
خلف : جهزت ملابسي
جات حنان تركض : اييييييه جهزتها من بدري وهذا هي بالمجلس
خلف :يعطيك العافيه يارب
اماني : ما بتلبس هنا
خلف : لا لا بجهز مع عقاب ونجي مره وحده
ام خلف : الله يستر عليك يمه وانتبه لنفسك
خلف : ابشري
صدت حوريه بقرف: عشتوا كبر التيس وتقوله انتبهه
التفت خلف بهدوء وقال: اسمعيني زين تراي بالع الموس عليك وساكت لكن ماعليه يومين بس يومين وبتعرفين وش بسوي .
.

[صواديف عشاق]

.
صدت حوريه بقرف: عشتوا كبر التيس وتقوله انتبهه
التفت خلف بهدوء وقال: اسمعيني زين تراي بالع الموس عليك وساكت لكن ماعليه يومين بس يومين وبتعرفين وش بسوي
ام خلف : اسمعيييني انتي لا تشوفينا ساكتين عنك وتمادين احسن لك خليك بنفسك احسن لك
ندى : كرري كلامك وشوفي وش بيصير !
خلف : سكروا الموضوع ما يستاهل
ركض غيث : خلف تكفى بنروح معك
ام وعد : اخذهم ياخلف اشغلوني
وجدان:تكففففى فكنا منهم
ضحك خلف : يلا طيب اللبسو يلا
اخذهم خلف وطلع للباب اللي كان في انتظاره ضاري ونادر ومحمد
محمد : فيصل وعزوز خلوكم هنا اذا احتاجوا شي وانتبهوا لابوي
فيصل : طييب
خلف : يلا تحركوا يلا
_______________________.
عند عقاب
لبس ونزل وهو يشوف الحوش مزيين وجدته الله مغسله حناها وتجهز ملابسها وخواته يركضون ويجهزون ابتسم بهدوء يناظرهم لكن فقده لأمه وابوه في مثل هاليوم كبييير عليه مايدري كيف بيعدي هالليله بدونهم كان مايبي يتزوج الا هم معه لكن الحين مايدري وش يسوي
فر على سحر تمسح على كتفه: وش فيه عريسنا سرحان
التفت عليها عقاب بهدوء وابتسم: ابد افكر وشهي الدنيا بدونكم وكيف بعيش بعيد عنكم
انصدمت سحر لكن ابتسمت وقالت : ابد ما انت مبعد عنا ياخوي والبيت جنب البييييت واحنا نبي لك السعاده ونبي نشوف عيالك ونفرح فيييك وانت ماقصرت عطيتنا من عمرك عمر عسى الله يطول بعمرك وجاء وقت لللي تعيش حياتك
ابتسم عقاب : والله ان قلبك كبييير يا سحر لكن مابي اوصيك على اخوانك انتبهي لهم وخلي بالك منهم
سحر : ابشر ابشر
جات شهد بهدوء وبدون سابق انذار وركضت تحضنه وكانت شهد هي نقطة الضعف لعقاب حضنها بهدوء ولكن في ثواني تحول الموقف لبكى عجزت شهد تمسك نفسها وهي لللي مستحيل تصبح الا وجهه عقاب كيف تبي تتقبل انه بعيد عنهم
عقاب : شهد شهد خلاص يا بنت الحلال تعوذي من ابليس
مسحت سحر دموعها وهي تبعد شهد : خلاص خلاص اليوم يوم فرح ليييه الدموووع
عهد دخلت وهي مصدومه من الدموع بس تدري وش كثر عقاب غالي : جدي ينتظركم تحت
عقاب : زين لكن اعرفوا اني مستحيل اكون بعيد عنكم واللي تبونه لا يردكم شي ابد
سحر: اكييد يا عقاب
نزلوا بهدوء وهم تملكهم مشااااعر مايدرون كيف يكبتونها .
.

.

في بيت النوخذه
كان جابر يجهز بيروح يساعد الشباب
اما ليلى اللي كانت حاطه كل أملها انها بتشوف خلف اليوم وهي من اسبوع ما لمحته حتى وهالموضوع صعب عليها خصوصاً انها تعلقت بخلف حيل حيل
كانت تخف بشغلها وتجهز عشان يلحقون يروحون بدري وتشوف خلف قبل يطلع
ابتسمت على صوت اللي يقول : يه يه يه شهالزييين شهالملح والقبله بسم لله عليچ يا بنيتي وعسى الله يحميچ شر عيون الحساد
ابتسمت ليلى : اميين يبه وياك
ابو نهيان: شفيچ مستعجله وانا ابوچ تونا بدري
ليلى : ا ا البنات امس وصوني اني اجي بدري واعاونهم تعرف يبه الحوسه
ام نهيان: اي والله مساكييين حوستهم حوسه الله يهدي ولدهم مادري على شنو مستعجل
طلع جابر : والله انه رجال المفروض انا سويت مثله
ام نهيان: معوووزك تسوي مثله انا ابي افرح واستانس بولدي مابي اركض مثل المجنونه
ضحك جابر: محشومه امي محشومه
ابو نهيان: يلا يلا لا تصيف على ربعك
جابر: يلا فمانا لله
راح جابر وهو مستعد يشييييل العرس كله على ظهره المهم يوصل لاماني خبر انه وقف معهم ولا قصر
_______________________.
وعند ام ضاري
كانت شوق عندها وبتروح معها وهم اللي صارت علاقتهم في بعض حلوه مثل الالم وبنتها
جات شوق ببتسامه : خالتي سكري لي هالعقد والاسواره
اخذتها ام ضاري ببتسامه وهي تسكرها بحب ومسحت على كف شوق اللي يزينه الذهب وهي تضحك وتغني لها : تزهيييين الذهب ياشوق مايزهابك
اكتفت بهالبيت ووقفت وهي تضحك : الله يحفظك لنادر ويخليكم لبعض
ابتسمت شوق: امين ويخليك لعين ترجيك يا خاله وان شاء لله بتجي مضاوي وتفرحين فيها
ام ضاري : يالله يارب يسمع منك وهانت كلها حديد سهل ( فتره بسيطه) ونفرح بهم
شوق: يارب يارب
رجعت شوق تجهز وهي تناظر نفسها وتنتظر متى يجي نادر ويعطيها رايه اللطيف كالعاده
_______________________.
في بيت مبارك
كانت وعد جالسه بثقتها المعتاده وهي ترسم خط الكحل بعينها ونزلته بهدوء واخذت روجها تثبته للمره الاخيره ووقف تعدل فستانها لكن ابتسمت اول ما سمعت صوت مبارك اللي تعودت عليه هالفتره يمطرها بغزل .
.
.
كانت وعد جالسه بثقتها المعتاده وهي ترسم خط الكحل بعينها ونزلته بهدوء واخذت روجها تثبته للمره الاخيره ووقف تعدل فستانها لكن ابتسمت اول ما سمعت صوت مبارك اللي تعودت عليه هالفتره يمطرها بغزل : لا لا ما خليتي للعروس من الجمال شي بتخربين عليها مسكينه
ابتسمت وعد ابتسامه خفيفه وهي تعدل شعرها: كلٍ الله يهنيه بنصيبه من الزين
قرب مبارك وهو خلاص منفطر قلبه بحبها : وانا الله يهنيني بالدرره اللي تزيين المكان اللي تمر فيه
لفت وعد عليه وهي تناظره بنظرتها اللي تعذبه وهمست: مبارك!
مبارك:عيووونه
وعد : تأخرت على اهلي
تنهد مبارك بهدوء: زين ما ابيك تأخرين لكن بتطلعين من العرس بدري طيب
وعد : على خييير
راحت تجمع اغراضها وراح مبارك لسياره ينتظرها وهو مقهور ان فيه يوم أذاها واعدم ثقتها فيها لدرجة انها مستحيل ترد على كلامه الحلو او تقوله كلام حلو وكإنها كانت تجامله
اما وعد فعلًا كانت تجامله رغم انها مبسوطه بتغيره لكن تحتاج وقت عشان تنسى اللي صار
_______________________.
عند العروس
كانت وجد تقريباً لحالها مع جدتها وأمها وكانت تتجهز تجهيز بسيط غيييير متكلف
وقفت تناظر فستانها وابتسمت بهدوء لما قالت امها: للله يبارك لك يمه ويفرحني فيك
ابتسمت وجد : يارب يمه
ام وجد : وان شاء للله ان عقاب ولد حلال ويحطك فوق راسه وفي قلبه
وجد : انتي بس ادعي له يمه
ام وجد : قلبك معك يايمه
جد وجد : يلا يلا نبي نلحق نوصل ما بقى على المغرب شي
جدة وجد: يلا يلا خلصنا
استعدوا وركبت وجد وهي شعورها مبهم لكن تتوقع مصييير حلو مع عقاب
وبعد وقت وصلوا بيييت عقاب اللي تركه لهم اليوم عشان يجهزون وجد فيه
ودخلوا وحصلوه قدامهم ام حامد وام ناصر يستقبلونهم بزغاريط
وقربت ام حامد تحضن وجد وهي تقول : حمدلله للي جابك قريبه لي وقرب لي ريحة ابووك الغالي
وجد : الحمدلله والله يرحم ابوي
ام ناصر: تعالي يا ام حامد تعالي خلي العروس تجهز براحتها وتعالي نصلي المغرب نستقبل معازيمنا
ام حامد : زين زيين
طلعوا وتركوا وجد بالبيت تناظر وتأمل كان ملموم وصغيييير ماهو كبير وكان الاثاث يغلب عليه طابح الحده وأشياء لطيفه شوي
وكان هالصراع بين عقاب وخلف كان عقاب يختار الوان غامضه وصعبه ويمانع خلف ويدخل عليه اي شي لطيف
جلست بالغرفه بهدوء وهي تناظر اغراض عقاب اللي مرتبه بهدوء
وجلست وهي بعد ما تبي توتر اكثر
_______________________.
المغرب
ارتفع صوووت الطبل والاغاني وابتداء العرس وعقاب هااادي هادي وملامحه ماتطمن
وهمس نادر: اخذ نفس ماعليك كل شي يهون هذاني ما مت قبلك .
.

المغرب
ارتفع صوووت الطبل والاغاني وابتداء العرس وعقاب هااادي هادي وملامحه ماتطمن
وهمس نادر: اخذ نفس ماعليك كل شي يهون هذاني ما مت قبلك
ضحك ضاري يبي يلطف الجو: افااا والله حسبتك قوي واثرك رخمه لخطبت كيانك بنت
عقاب بغضب : خذوووه عني لا اكفر فيه
ضحك خلف : وهو صادق اجل هيبه وطول وعرض واخر شي وجهك مصفر
كمل ضاري يضحك: مانك قد الزواج خله لغيرك
بكل قوته ضربه عقاب على كتفه لكن ضاري كان يضحك ويدري انه مستفز عقاب
نادر: خلاص خلاص خلووه خلوووه لا تقولون له شي لين اجي
راح نادر بيجيب اهله ولف محمد
محمد : عقاب اجمد اجمد خلك رجال
عقاب بغضب: وش شايفني يا عمي وش شايفني
خلف : رجال رجال بس اسكت
لفوا يستقبلون الحضور وضاري كل شوي يلتفت لعقاب ويرمي عليه كلمه تستفزه بس كان ضاري مايبي التفكير ياكل عقاب
وعقاب كان يتجاوب مع ضاري عشان مايفكر
_______________________.
وعند الحريم
كانوا واقفين بالاستقبال وكل البنات صافين ببتسامه وليلى صافه معهم من زود الميانه
عهد : منا وفينا يا ليلى
ندى: اكيييد منا وفينا
ليلى ببتسامه : يزعلچ وقفتي وياكم
اماني : لا اكيد ما يزعلها
لفت ليلى عليها ببتسامه: يااااسعد عينه جابر في دددره دررره
نزلت راسها اماني بخجل وصدت ليلى بتوتر من نظرات وعد اللي كل ما ناظرتها تطووول وهي تأملها
كانت وعد ميقنه ان خلف وليلى يستاهلون كل خير لكن تخاف لو احد طاح عليهم وش بيصير
ابتسمت ليلى لها بخوف : وعد فيچ شي
ابتسمت وعد : ابد مافيني شي بالعكس اقول حتى اللي بيتزوجك محظوظ
ابتسمت ليلى بهدوء وصدت وهي تدعي ان كلام وعد ماله ابعاد
جات سحر تركض وهي تقول : يلا يا بنات يلاااا خلونا نحيي الحفل
شهد ووجدان كانوا منطلقين ونزلوا كل البنات معهم
_______________________.
عند نادر
اللي كان يخف رجله عشان يلحق ياخذ شوق ويرجع
وصل وهو ينتظر شوق طلعت ام ضاري : وصلت ياولدي
نادر: ايه ياخالتي
ام ضاري : ادخل ادخل
نادر: بنتظر هنا
ام ضاري : ادخل انا بمر جارتي اخذ منها غرض لين تقضي شوق
نادر: للحين ماقضت يلا يلا
دخل وهو مستعجل وينادي: يا شوووق وينك قايلك بنمشي بدرري وشوله ماجهزتي يا..
وسكت سكت ولا عاد تكلم وهو يناظر شوق بتمعن من رااااسها لرجولها ماهو مستوعب ان هالطفله قادره تشيل هالجمال كله وتلجم به نادر لللي صار يسكت فعلاً يسكت بحييره .
.
. ماهو مستوعب ان هالطفله قادره تشيل هالجمال كله وتلجم به نادر لللي صار يسكت فعلاً يسكت بحييره
ناظرته شوق بخوف: خلاص خلصت ! وش فيك شكلي ماهو حلو!؟ اذا فستاني ما عجبك نرجع للبيت ابدله ! مدري شعري ماهو...
سكتها نادر بهدوء : خافي الله في نفسك وفيني وش اللي ماهو حلو ! وشهي الحلاوه اصلا معك ! علميني بس انا كيف انصف هالجمال !؟ كيف اقول كلمه توفيه حقه ؟ يا شووق انا اذا بشهد للجمال !؟ بشهد ان عيني ماشافت مثلك ابد حتى في بساطتك تسكتين الجمال وتسكتيني معه
دق قلب شوق بشعور حلو هي متعوده انه يثني عليها دايم بس هالمررره لا فيه شي فيه شعور غييير
ماعرفت ترد لكن تدارك نفسه نادر وقال: ما ابي اتاخر يلا
شوق : طيب
اخذت عبايتها وطلعت مع نادر اللي نادى على ام ضاري لكن منتبه لشوق اللي كل شوي تلف وتناظره وواضح بعيونها الابتسامه كان متأكد انه حبها وهيمان فيها وهي بعد ما تدري وين توديه من زود غلاه
لكن مجبور يراعي سنها ويراعيها وصلهم للعرس وهو يحصنها بنفسه ويقرا بكفه وبخفه مد يده وهو يمسح على راسها وظهرها وراح
ودخلت شوق وهي مالكه الدنيا باللي فيها بهاللحظه
_______________________.
واخيراً
وصل وقت الزفه وان عقاب يروح لبيته وكان فعلاً وجهه اصفر لكن مع ذلك مبتسم وكانوا الشباب حاسين عليه ويحاولون يلطفون جوووه
خلف : اذكر الله يا عقاب وادع الله التوفيق ويلا
ضحك ضاري : ادع الله الثبات مع اني اشك انك بتهج عندنا مثل خويك
رفسه نادر بهدوء: نشوووووفك نشوووفك
عقاب : كل خير ولا اسكت
خلف : يا ابن الحلال ماهي حرب ترا ادخل وعين من الله خير وابد لا تشيل هم شي
جاء عزوز بالعود مبتسم وهو يبخر عقاب : الله يكتب لك الخير يا عقاب
ابعد عقاب المبخر وهو يحضنه ببهدوء ومرت ثواني على هالحال وكان عزوز شبه متحطم لكن شد عليه عقاب وهو يقول : خل بالك من نفسك ومن خواتك وانا ماني بعيد عنكم
عزوز: ابد حنا بخير دامك مبسوط
دخل فيصل من بينهم يحضن عقاب : ابد وصني عليهم وشووف كيف اسنعهم
ضربه خلف بضحك: سنع نفسك انت وبعدين نتفاهم
ابو ناصر: يلا يا ولدي يلا عشان تسري لبيتك
التفت عقاب عليهم: دعواتكم يا شباب
الكل بضحك: موفق فالك السعد
زفوا عقاب لين بيته ورجعوا للعرس
_______________________.
وفي بيت عقاب
كانت هناك وجد اللي اول ما بدا الجد بدت تخاف بدت تحس ان ودها تهج مع اهلها
كانت امها وجداتها معها لكن ماهي حاسه بأحد قلبها يرقع وهي تسمع صوت جدها وعقاب جايين والزغاريط تطغى على مسامعها
غمضت لا شعورياً
.
.
.
وفي بيت عقاب
كانت هناك وجد اللي اول ما بدا الجد بدت تخاف بدت تحس ان ودها تهج مع اهلها
كانت امها وجداتها معها لكن ماهي حاسه بأحد قلبها يرقع وهي تسمع صوت جدها وعقاب جايين والزغاريط تطغى على مسامعها
غمضت لا شعورياً لكن فتحت عينها اول ما حست ان فيه ظل حجب عنها النور وسمعت صوته يسلم على الكل ويودعهم ويوصونه عليها
وبدت الاصوات تختفي من عندها لكن الظل باقي رفعت راسها بسرعه وشافت قفى عقاب اللي يسكر الباب
وتعمد عقاب يطول وهو يمشي ويسكر الباب مايدري ليه ماهو قادر يستوعب هالزواج أبداً
التفت بعد تعب وشافها جالسه بهدوء واضح عليها التوتر وهو ماهو احسن منها حال
ماينكر انها جميييله وباين عليها انها طيبه وتقدم بهدوء وجلس وهو يقول : مبروك يا وجد بالقوه نطقت وجد وقالت: لله يبارك فيك
رفع عقاب يده يمسح جبينه وقال: اذا ودك بدلي عشان تعشين
وجد وقفت بهدوء واختفت من قدامه وهي ماصدقت انه يطلق لها العنان
ووقف عقاب ورمى بشته وشماغه وهو يحس انه مخنوق من الطيوف والمشاعر اللي تكبت داخله غسل وجهه وتعوذ من ابليس وحاول يبتسم وجلس وبعد وقت
جات وجد وجلست بهدوء قدم لها العشاء وهو يحاول يتجرأ ويجريها معه
لين قدروا يتعشون شوي وكان عقاب شايل هم الفقره اللي بتجي بعد العشاء وكيف بيتصرف
لكن كان يتذكر وصايا جده اللي كررها عليييه لين رسخت بمخه وان هالليله ليلته ولازم يوثق كل شي ابتداء من شخصيته ليييييين زواجه
رغم انه ماكان مقتنع لكن ثبت بمخه ان ممكن وجد تتغطى وتسوي فيه مثل ما سوت وعد بمبارك وكان مقتنع ان فيه سحر خاص يطبقونه عليهم ولا مستحيل احد بعقله بيجاريها
اما وجد كانت تحاول تراقب ملامحه وتعرف نيته بس ابد مامداها تفكر او تحزر ووقفت كل خلاياها اول ما تجهه لها عقاب بهدوء على ملامحه يفضح نيته وغمضت برعب و....��
_______________________.
انتهى العرس والكل راح لبييته
وليلى ضايقه ماشافت خلف لي كان مكروف وكان يركض عشان يشوفها بس ابد ما قدر
دخل البيت بتعب لكن وقف على صوت هواش واصوات خواته وصوت حوريه
ركض بسرعه وهو رافع عقاله: بس بس وش هالصراخ
لفت ندى بغضب وقهر: هاللي ماتستحي كبت المويه على طريق امي لين تعثرت وطاحت واوجعها ظهرها
خلف :وشووووو !؟
حوريه : خييير خيير انت وخواتك احسن لكم اذلفوا ترا راس مالك نفخه وتطيح بأرضك وتموت لا تستقوي وانت مريض مايطلع بيدك شي .
.
.

خلف :وشووووو !؟
حوريه : خييير خيير انت وخواتك احسن لكم اذلفوا ترا راس مالك نفخه وتطيح بأرضك وتموت لا تستقوي وانت مريض مايطلع بيدك شي
كان خلف ساكت ومتحمل ومحترم نفسه قبل اي احد لكن بعد هالكلام ما قدر لا يسكت ولا يسيطر على نفسه وماكان خلف عصبي ولا كان سريع الانفعال لكن هذا فرق طاقته
في لحظه ما حسب حسابها ولا كانت من عادته لف وبقفى يده ضرب حوريه كف صدم خلف نفسه وصدم الكل
وفي ثواني انتشر صوت صراخ حوريه للي قامت تصيح وتحسب وتدعي
وقبل يتدارك خلف موقفه طلع ابوه واول ما سمع اللي تقوله حوريه وان خلف ضربها ماصدق لان مستحيل خلف يسويها بس بعد اثر الكف على وجهها ايقن واتجهه لخلف وبنفس السرعه وجهه له كف وصرخت ام خلف
لكن طفح الكيل وقال خلف بغضب : تضررربني عشان بنت ال*** هاذي؟؟
ابو خلف : اضربك واكسر راسك ولا انت ماعدت تستحي ماعاد تحترم خلاااص
ندى بغضب: احنا محترمين يبه لكن علم هالبقره اللي وراك تحترم نفسها
جاء فيصل اللي ركض يناديه سالم : وش صاااير
ابو خلف : لا والله بتسوون علي عصابه!؟ اسمعني انت ويااه والله والله لو ما تمسك حدك لتنقلع برا البييييت سمعت
ام وعد: اخر الدهر تطردنا من بيتنا عشانها
خلف: قبل تطرد وتقطع وترمي اعرف هاللي جايبها من اي قذاره جايبها ولا لعبت عليك بكلمتين وصدقت لكن لا تلعب عليك يبه لا هي شريفه ولا الولد اللي في بطنها ولدك ودبسوها فييييك بأسم انك شايييب ولا تدري عن الماء اللي يمشي تحت رجولك
شهقت حوريه وركضت لابو خلف تقول : يرضييييك يا ناصر يتهمني بشرفي يتهمني بالحرام ياناصر هذا اللي مقدر اسكت عليييه
ابو خلف : خللييييييف ياقليل التربيه هذا اخر ماطلع مع يا ابن الكلب اسمع اسمع تقش قشك وتنقلع من بيتي والمنافق ما يجلس عندي ومب بس انت لحالك انت ومن يشد على يدك سمعتني
ام خلف : طالت وشمخت يا ناصر
فيصل: تتخلى عن اهلك عشان هاذي!؟
جاء ابو ناصر وام ناصر على صوت الهواش وفتحت وجدان الباب وهي مصدومه ابو ناصر: وجدان وانا جدك وش هالصراخ
وجدان ببكى: ابوي طق خلف وطردنا من البيت
ام ناصر: ياويلي ياويلي
ابو ناصر: وشووو ولييه؟؟ سالم : عشان حوريه
دخل ابو ناصر بغضب: لا والله اللي ماعرفت اربي ياناصر هاذي اخر سواياك في عيالك
ابو خلف : اي عيال هذولا نقمه نقمممه ولا ابيهم في بيتي ابد
ام ناصر: خاااف ربك خاف ربك ولا لعبت في عقلك بنت ابليس
.
.

ام ناصر: خاااف ربك خاف ربك ولا لعبت في عقلك بنت ابليس
ابو ناصر: الله لا يحدهم عليك ولا يضيعون وانا وراهم وبيتي لهم سند لكن حط في بالك ان البيت اللي يضفهم ما يستقبلك ابد
ابو خلف : باللي مايحفظهم
خلف : لا تطيعها يبه لا تطيعها بتندم
اخذه ابو ناصر: تعال تعال ياخلف وانتم يابنات جيبوا اغراضكم وتعالوا
فيصل : والله بتندم يبه والله بتندم
سحبهم ابو ناصر واخذهم وهم كلهم مصدومين ومرعوبين ماهم مستوعبين ابد اللي صار وكان خلف يفووور من الغضب والكل خايف عليه
وصحى محمد والكل صحوا على صوت خلف الغاضب
محمد :خلف اركد وانا عمك وعلمنا وش السالفه !؟ فيصل: وش اكبر منها طردتنا من البيت !؟ محمد : فييصل بس خلنا نسمع
ندى: ياعمي هاللي ما تستحي كبت المويه بطريق امي وطاحت امي منها ويوم جاء خلف قالت... وكملت لللي صار
وقف فيصل: وشووووو طالت وشمخت
خلف : وليتها على هاذي بس
ام ناصر. تكلم ياولدي وش صار؟؟ خلف : هاللي ماتخاف الله حامل قبل تزوج ابوي
ابو ناصر:لا لا ياولدي كلش الا الظلم المره توها حامل وابوك قايل متزوجها من فتره
خلف: لا يا جدي ما ظلمتها ابد ما ظلمتها وابوي ماتزوجها من فتره تزوجها قبل يجيبها عندنا بيومين ووعد سمعتها تكلم وتقول انها متزوجته عشان يستر عليها ولا احد يدري وزود عليه شايفته غبي ويحسب الولد ولده
محمد : اعوووذ بالله اعوذ بالله مصيبه اذا هالكلام صحيح
خلف : انا كنت بقولكم ونشوف حل لكن ماخلف لنا فرصه
ابو ناصر: وعلمت ابوك
خلف : اييه وماهو مصدقني
ام ناصر: اكيد اكيد انه ماهو مصدق ياولدي هذا صعب صعب ومافيه دليل
ام خلف : حسبي الله ونعم الوكيل
محمد :طيب انت اهداء
فيصل : لا انا اللي بهد الدنيا على راسها
مسكه عزوز وقال محمد بغضب: فيصصصصصل اجلس ماهو وقتك اجلس
وقف خلف وهو يفتح ازاريره مايبي بهالوقت بعد يطيح اخذ نفس وامه وراه تمسح عليه وندى معها دواه
جلس بتعب وهو يقول : ان ما انحلت هالسالفه من لين يوم قدام وشاف له حل وطلعها من بيتنا والله والله مايردني الا الشرطه واخليهم يطلعون الكذب والصدق
ابو ناصر: تعوذ من ابليس واركد وننام الحين وبكره خييير
بدوا الكل يسكتون ويهدون وتفرقوا للغرف
وكانوا البنات بيموتون من القهر ومضاوي اللي بيغمى عليها من القهر:وليييه ساكتين ليه ماطبيتي عليها وذبحتيها
ندى: عجزت عجزت
شهد:قوموا نطب عليها ونغسل شراعها
سحر: اجلسي انتي فكينا شرك بعد
هيا: انا ماني مستوعبه كلاام خلف ابداً .
.
.

سحر: اجلسي انتي فكينا شرك بعد
هيا: انا ماني مستوعبه كلاام خلف ابداً
اماني : كنت حاسه محد بيفكنا منها الا وعد وخلف
عهد : الله يستر لايكونون ظالمينها
ندى: لا والله ياعمري!؟؟ حبيبتي اخواني ماهم ظلام ولا يتبلون على احد
عهد : نقول ان شاء للله
سحر : هدوا ياجماعه وخلونا ننام الحين واكيد بيحلها جدي وعمي اهدوا
ندى: ااااه ياقلبي اااه
وجدان: لو وعد فيه كان كسرتها تكسير
حنان: حمدلله ماهي فيه ولا ابتلت فيها
مضاوي : الله يجيبك ياوعد
سكتوا وهم مقهورين ماهم مستوعبين
_______________________.
بالنسبه لخلف كان مع محمد في غرفته
لكن عجزت عينه تنام مييييت من القهر ميييت من كلامها له ومن استغلالها لابوه اللي اول مره يكون على عماه بهالطريقه صح انه ابوه صعب بس ماهو لدرجة يصدق حوريه
محمد: ياخلف تعوذ من ابليس ياخلف ونم
خلف: كيف بنام علمني كيف بنام وانا اشوف اللي صاير فينا
محمد : صصدقني لحلها لو اضطر اني اطلع ابوك من البيت
التفت له خلف : كيف؟؟
محمد: ناسي ان البيت بأسمي واقدر اقوله يطلع هو وياها لين يعقل ويرجع
خلف : ااخ بس اخ
محمد : معقوله انه ماهو مستوعب بلاويها معقوله
خلف : لاعبه عليييه ياعمي غاسله مخه انت ما تدري وش يصير له وشلون يطلع من عندها مقلوب راسه
محمد :هونها وتهوون وان شاء للله بنحلها ارتاح بس ارتاح
جلس خلف بضيق وهو يحاول ينام بقدر المستطاع
_______________________.
عند ابو خلف
طبعاً ما صدق كلام خلف ومستحيييل يصدقه وكسبت حوريه هالنقطه بصفها وبدت مسيرتها فالكذب أليييين وصل ابو خلف لقناعه تاااااااااامه انهم كذابيين وانهم مايبون له يفرح بطفل وينبسط فيه ولا حس ابد بتأنيب الضمير أبداً ولا زعل انه ضرب خلف وهاذي اول مره
وحط راسه ببساطه ونااام
لكن حوريه ما نامت وهي تحس انها قريب الخطر ولازم تسوي شي يقطعهم نهائي من حياته
_______________________.
عند وعد
كان يوم السعد انها بتفتك من عقاب رسمياً وبينشغل بنفسه
وصلت وبدت تنزل اكسسواراتها لكن لفت على صوت مبارك اللي دخل وهو مخبي يدينه وراء ظهره
لفت وعد ببتسامه وصدت : وش فيك!؟ مبارك:لا لا لا تنزلين شي ولا تخربين كشختك خليك زي ما انتي
وعد : ليه!؟؟
مبارك: لفي اول شي
لفت وعد وفجأه طلع مبارك من وراه هديه وهو مبتسم
وضحكا وعد بصدمه: مو من جدك
مبارك: الا والله من جدي ، انا ادري مهما سويت ما رح تنسين لللي صار لكن عطيني فرصه واوعدك اعوضك
انصدمت وعد ماعمرها توقعت ابداً ان مبارك يسويها لكن طلع احسن من توقعها ضحكت وهي تاخذ الهديه وجلست وهي تفتحها
.
.
.
لفت وعد وفجأه طلع مبارك من وراه هديه وهو مبتسم
وضحكا وعد بصدمه: مو من جدك
مبارك: الا والله من جدي ، انا ادري مهما سويت ما رح تنسين لللي صار لكن عطيني فرصه واوعدك اعوضك
انصدمت وعد ماعمرها توقعت ابداً ان مبارك يسويها لكن طلع احسن من توقعها ضحكت وهي تاخذ الهديه وجلست وهي تفتحها وكانت طقم ألماس خفيف ابتسمت بإعجاااب
وجلس مبارك:اعجبك!
وعد : حلووو مشكور تعيش وتجيب
مبارك : ابد انتي اللي تحلييينه
ضحكت وعد وهنا ذاب مبارك اللي ماصدق الايام تجمعه الليالي مع وعد ويكون فعلاً متزوج من اجمل انسانه عرفهارغم قوتها
اما وعد تغيرت نظرتها لمبارك كثير وتتمنى انه يتغير صدق وماكانت تمانع ابداً في استمرارية زواجهم و...��
_______________________.
في بيت نادر
ابد ماعرف النوم هالليله ابد ابد طول ليله وهو يراقب شوق مايدري كيف انقلبت موازييينه وصار رسمياً يحبها يالله ياصغرها بجنبه وياللله قد ايش يحس انه سعيييد سعيد معها رغم ان اللي بينهم اشياء بسيييطه جداً بسيطه لكن كفيله انها تفجر الحب في قلب نادر
اما شوق كانت ملاحظه نظرات نادر من يوم رجعوا لكنها تحس انها لو اعطت نفسها مجال ممكن تتفوق عليه بالنظرات ونامت وهي تحس بالامان بجنب نادر
_______________________.
من بكره
عند العريس عند عقاب الللي صحى وهو يسمع صوت حركه حوله اعتدل وهو متوقعه عبد العزيز لكن تذكر انه تزوج اول ماشاف جود ترتب حوله اغراضها
ووقفت بخجل وهو تقول : ازعجتك !
قطب عقاب حواجبه بهدوء : ا لا لا
وقف ودخل بهدوء يغسل واخذ فتره يستوعب وبعدها طلع وفعلاً كانت وجد جاهزه وكاشخه
ورفع عقاب يده يناظر الساعه ولا هي الا ثواني ودق الباب وراح مستعجل واول مافتحه حصل عزوز واقف مبتسم وفي يده صينية فطور مزينه ومجهزه
عزوز: صباح الخيييير ياعريس
ابتسم عقاب : صباح النور
عزوز : مافيييه فكه بتصبح على وجهي حتى في صباحية عرسك لكن خذ هذا فطوووركم جهزته سحر وجدتي وبالعافيه وعاد الغداء والقهوه ننتظرك عندنا
ضحك عقاب : امري لله مالي مفر ، ويلا مشكورين
ضحك عزوز: ادخلها عنك !
ضربه عقاب بغضب: استح على وجهك
عطاه عزوز وراح وهو يضحك وما قاله وش صاير في بيت جده
اما عقاب رجع لوجد بهدوء وهو مايدري كيف يبي يتصرف معها يحس انه تايهه نزل الفطور بهدوء وابتسامه : صباح الخير تعالي افطري
جات وجد بهدوء وجلست مقابله وماكان عقاب يناظرها ابد يحس انه مجبور يناظر الارض ومايحط عينه عليها .
.
.

جات وجد بهدوء وجلست مقابله وماكان عقاب يناظرها ابد يحس انه مجبور يناظر الارض ومايحط عينه عليها
مايدري وش الرهبه اللي متملكته لدرجة انه عجز ياكل وقف وهو يقول :اذا قضيتي بنروح عند جدي
وجد : خلاص خلصت انا
عقاب : زين
لف ياخذ شماغه ويكشخ ويتعدل ويجهز لطقطقة العيال اكيييد
اما وجد ماكانت فاهمه من تصرفاته شي ولا تدري كيف بتكمل
_______________________.
عند خلف
اللي من صبح الله وهو جالس بالسطح عجز عجز يتقبل اللي صار امس ولف على صوت امه : خلف يمه ليه جالس هنا
خلف: ويين اجلس يمه وييين!
ام خلف : لا يضيق صدرك يا حبيبي بتنحل يا يمه بتنحل
خلف : الله يعين يارب الله يعين
ام خلف : يلا قوم ياحبيبي وانزل جدك وعمك ينتظرونك
خلف : يلا
نزل خلف وهو كل شوي يوقف وينادي عشان الطريق واتجهه لجده وهو ياخذ مفتاح المحل منه
محمد : اجلس افطر
خلف: مابييه يا عمي
ام ناصر: لا تروح جيعان ياولدي
خلف : مالي نفس
اخذ اغراضه وطلع مستعجل وهو زهقان من نفسسسه ومر ابو نهيان وليلى واهله ولا انتبه لهم وهو الضيق بين على وجهه
فتح الدكان بغضب وجلس بضييق وهو ينتظر احد من الشباب يجي يخفف عنه شووي
_______________________.
انا ليلى
كانت تمشي ورا اهلها مستغربه من مرور خلف الغاضب لللي اول مره تشوفه كذا
اكلها قلبها عليييه ماكانت مع الناس وهي تراقبه دخلت البقاله مع امها وماصدقت طاحت بيدها ورقه وقلم وبسرعه كتبت فيها ( خلف ! بسم لله عليك شنو فيييك !؟ مريت وخاطرك ضايق !؟ ان شاء الله مافيه شي عود ، انطرك من اسبوع ما شفتك ما ادري شنو صاير فيك ، الله يخليك طمني عليييك )
حطتها بيدها وطلعت وهي اجباري يمرون محل ابو ناصر
واول ما مروا ولفت ماشافت احد غير خلف ورمت الورقه بسرعه
وانتبه لها خلف ووقف وهو لاهي عنها هالفتره وركض واخذ الورقه وكان فعلاً محتاج هالسطرين اللي ردت روحه وهونت عليييه رغم انها عاديه بس اسعدته ابتسم بهدوء وهو مايدري كيف بيرد عليها
سكرها اول ماشاف ضاري جاي ووقف ودخل ضاري كالعاده مبتسم: هاااه كيف اخر حبه من العزوبيييين
خلف : اسكت لا اشق ثيابي .
.

.

خلف : اسكت لا اشق ثيابي
ضاري : افااا وش فيييك مسرع ماطقتك الغيره من عقاب وطفشت
خلف : والله انك فاضي
ضاري : خليييف وش صاااير !؟ خلف : ابد ابووووي طار عقله وانا بموت
ضاري : لييه!؟ خلف : اسمع يا رجال اسممع ... بدا يقوله وهو بيطق من القهر
ووقف ضاري بذهول : وشهههو وصلللت معها لهالمواصيل ! وش بتسووون
خلف : لازم اقنعه انها تكذب تكذذذب لازم يدري ان هاللي في بطنها مب ولده
ضاري: اشهد انت واختك ولا تدري خله يسوي تحليل ولا يسأل عن عمر الحمل من متى ويشوف
خلف : هو اذا طااااع يبي يسوي ذا كله لكن مسيطره علييه
ضاري : اكيد جدك ومحمد بيتصرفون اكيد
دخل نادر: يتصرفون في وشو!؟ خلف: تعال انت بعد تعال
دخل نادر وجلس يسمع بلاوي خلف اللي مصدوم منها وهم يحاولون يحصلون حل
_______________________.
في بيت وعد
رجعت من المعهد وصادفها ماجد عند باب بيتها وابتسمت بفرح: خاااالي ماجد
ماجد : هلا هلا باللي تزوجت وتغلت
وعد : لا والله ياخالي ماتغليت بس انشغلت تفضل تفضل
دخل ماجد : وين زوجك!؟ وعد : نزلني وراح
ماجد: زييين ماهو فيه
وعد : خلني اجهز القهوه وارجع لك
بسرعة البرق جهزت القهوه وجات ببتسامه: طمني عنك ان شاء الله انك نويت تمم موضوعك
ماجد : يعني والله قلت دام عقاب تزوج يمكن اخطب منه ويوافق
وعد : بيوافق ماعليك منه و...
سكتت على صوت التليفون : دقيقه
اخذته وهي ترد : هلااا ندى
ندى : وعد وينك
وعد : في بيتي
ندى: اسمعي تعالي بسرعه
وعد : بسم لله وش فيه
ندى: ابوي طردنا من البيت وخلف قال لجدي عن بلاوي حوريه وحنا محتاسين ويبيك جدي تجين ويسمع اللي سمعتيه
وعد : وشهووو طردكم !؟ انا اورييييها هاللي ما تستحي ! جايه جايه
سكرت وقف ماجدد: وش فيك من طرد من!؟
وعد : ابوي طرد اخواني من البيت عشان بنت ابليس اللي تزوجها
ماجد : نععععم !؟ وعد : اللي سمعت ونبي نروح
ماجد: يلا يلا
طلعوا بسرعه ووعد تحكي لماجد عن اللي سمعته وماجد في ذهووول
_______________________.
وفي بيت الجد قايد
طبعاً الكل قامت قيامته بعد ما حوريه شالت اغراضهم ورمتها من فوق عليهم وهنا محد قدر يسكت وفي عز الشوشره دق االباب وكان عقاب اللي انصدم من المكان وحوسته ومن وجيهم الغاضبه
التفت على وجد اللي ناظرته بصدمه لكن ركضت سحر تاخذها : حياك وجد حياك
عقاب: وش ذا!؟ وش صايير؟!
.
.
.

التفت على وجد اللي ناظرته بصدمه لكن ركضت سحر تاخذها : حياك وجد حياك
عقاب: وش ذا!؟ وش صايير؟!
اخذوا وجد داخل والتفت عقاب : وش صاير
محمد :يا بنات اجمعوا الاغراض ، وانت ادخل ادخل
دخل عقاب وجلس بصدمه وهو يشوف اهل عمه كلهم هنا : احد يقول وش صاير
ابو ناصر: هاللي ما يستحي طاردٍ عياله عشان وحده ما تخاف الله ولا تتقيه
عقاب : وشوووو !؟ ما مداه يستوعب الا دق الباب بكل قوه وفجأه دخلت وعد بغضب وما اهتمت لوجود عقاب : جدييي صدق اللي اسمعه
محمد : وعد وش فيك!
وعد : وش فيني بعد !؟ فيه اكبر من اللي صار عشان يصير فيني شي
دخل ماجد بهدوء: سلام عليكم
وقفوا يسلمون عليه ووعد متكتفه ولف محمد : اجلسي اصلاً نبيك في موضوع
جلست وعد وكل ذا قدام عقاب اللي تتالت عليه المصايب للحظه
_______________________.
وعند خلف
فز على زول فيصل اللي مقبل عليه يركض وعزوز ماسكه يحاول يهديه ودخل فيصل بغضب: خللف
خلف : وش فييييك!
ضاري :فيصل وش فيك !؟
فيصل: قم قم شف بنت الحراااام وش مسويه!؟ نادر: فييصل اجلس اجلس لا يصير لك شي
جلسوه والتفت خلف على عزوز: وش صااير !؟ عزوز بضيق: صحييينا لقينا حوريه راميه كل عفشكم بالحوش
خلف : وشهووووو !؟ فيصل: لا تقولي اسكت الحييين
مارد خلف اللي طلع مستعجل ولحقه فيصل ولحقهم عزوز وبقوا ضاي ونادر مذهولين
نادر : لا الشايب استخف وقعد
ضاري : ياااهي مصيبه ياشيخ لكن الله يعينهم
جلسوا في الدكان لين يجي احد ويسكره وهم للحين في ذهول
_______________________.
وفي بيت الجد قايد
ماكان احد صوب وجد اللي مفجوعه من اللي صاير والكل يهدي مضاااوي وندى وباقي البنات
ام ناصر: خلاص خلاص اص اص
ام خلف : بس يا بنات بتنحل ان شاء الله بتنحل
ام وعد : حسبي لله عليييه وعليها حسبي لله
مضاوي: فكوني والله والله لجيب راسها
هيا : بسسس خلاص اسكتوا محد له كلام لين ابوي يتكلم
سحر اللي حبت تلطف الجو: خلونا من السالفه بتنحل ان شاء الله وتعالوا نتقهوى مع وجد
ام ناصر: ايي والله فشله نسيناها الله ينكد على هالحوريه اللي نكدت علينا الله ينكد عليها
ام خلف : قوموا قوموا
اتجهوا لها وهي جالسه مع شهد اللي تسولف وترقع الوضع
ام ناصر: ماعليه يابنتي خليناك لحالك
وجد : لا يا جده عادي
ام خلف : كيفك ياوجد
وجد : حمدلله
بالقوه قدروا البنات يفتحون موضوع
_______________________.!
في مجلس الجد قايد
دخل خلف بغضب : جدي
وقف محمد بسرعه: خلف اهداء بنروح الحييين لابوك ونتفاهم
وعد : لازم تنحل هالسالفه لازم .
.
.

وعد : لازم تنحل هالسالفه لازم
ماجد: ان ما انحلت اختي وعيالها بيروحون معي
ابو ناصر: يا ماجد تعوذ من ابليس خلنا في مشكله وحده
فيصل: وش بتسووون يعني بتسكتون
محمد : محد ساكت لكن اصبروا
عقاب: هالادميه من يوم دخلت هالبيت وهو معتفس
ناظرته وعد بغضب وصدت
ابو ناصر: اجهزوا بنروح له
الكل استعد ووعد معهم كأنها رجال بينهم لكن قطع عليهم صوت صراخ وركضوا كلهم
وجاء سالم مفجوع ويقول : ندى ومضاوي واماني وجدان راحوا لحوريه بالبيت وطقوها
ركضوا كلهم للباب الفاصل وفتح خلف الباب ودخل وشاف المنظر اللي اثلج صدره كانوا متجمعين على حوريه ومكفخينها
واسرع يفككهم قبل يسوون كارثه ووقفت حوريه بغضب وهي تصرخ: والله لربيكم ياعيال الكلب
خلف: اص اص ولا كلمه
في هاللحظه جاء ابو خلف يركض من برا على صوت الصراخ : وش ذا وش ذا!؟ ابعدوا كلهم وركضت له حوريه تبكي : ألحقني ياناصر ضربوني وبيطحون ولدي
ابو خلف: لا ياللي ما تستحون تستفردون على حرمه
دخل ابو ناصر وقال: نااااصر سكتنا لها ولك كثييير لكن لين هنا وبس
ابو خلف: وانت معهم يبه
ابو ناصر: اييه اييه معهم لين تعقل وتعرف انك غلطان
ابو خلف: وش غلطي!؟ هااه!؟ خلف : اول شي هاللي في بطنها ماهو ولدك وهي بنفسها قالته
وعد : وانا سمعتها بأذني ومستعده احلف مليون يمين وديين
ابو ناصر: وهاللي جايبها انت ماتدري وش اصلها تبي تطلعها من بيتنا وتحقق من ولدها اذا هو ولدك او لا
ابو خلف : مستحيييل وصلت فيكم لظلم والشرف
فيصل: اذا هي صادقه خلها تقول انه ولدك
محمد من ورا الباب : وتسوي التحاليل اذا ماعندها شي تخاف منه
ابو خلف: معصي ما تسويها
ابو ناصر: هي كلمتين يا ناصر ومالها ثالث يا انك تحل هالبلاوي ولا تطلع من هالبيت كله
ابو خلف : تطردوني من بيتي
محمد : ما يضامون عيالك عشان وحده من الشارع وهم ابدى من هاللي ضامها عندك ومبديها على عيالك
وقف ابو خلف بذهول يسمع اعتراضهم عليه ويناظر حوريه اللي تبكي كل هالتضاد ضرب براسه لكن غضب وزعل وقال: مافيه شي اتحقق منه وبيتكم مالي قعدة فيه
بعد هالكلام طلعوا وتركوه بعد ما اخذوا البنات ومحد ابداً قالهم شي بالعكس قال فيصل: عسى يدينكم ما تمسها النار
خلف : وش بيصير الحين!
محمد : اكيد انه بيفكر وبيشوف الصح ماعليكم اجلسوا اجلسوا
ابو ناصر: جيبوا الغداء خلنا نتغدا ونعين من الله خييير
ماجد : انا بشوف اختي
خلف : زين ، وعد ادخلي .
.
دخلت وعد وجلس عقاب بهدوء وهو كل يوم يكتشف ان وعد مستحيل شي يكسرها
بعد موجة الغضب والهواش الكل جلس والكل هدا وارسل خلف فيصل وعزوز يسكرون المحل وهم ينتظرون حل من ابو خلف
_______________________.
مرت اليوم
وهم على حالهم محد راح الا عقاب اخذ وجد لأهلها ورجع في نفس اليوم
ووعد راحت مع مبارك ووصتهم ذا صار شي يتصلون فيها
اما ماجد حاول ياخذ اخته ام وعد وبناتها عنده لكن رفض خلف رفض قطعي وجلسوا
ومن بكره طلع ابو خلف من البيت وكان هذا محبط لهم لانه معناه ان ابوهم تخلى عنهم ورجعوا لبيتهم وهم مزاجهم جداً سيء
ومن هاليوم مر اسبوع ومازال خلف شايل اهله وناسي نفسه وناسي ليلى وينتظر بس متى يرجع ابوه وهو مقتنع باللي يقولونه
صحى من الصبح واخذ اغراضه وطلع شافهم جالسين للفطور كلهم
ندى: خلف تعال للفطور
فيصل: لا تفوتك شكشوكه
خلف : مابي بفطر مع الشباب خلص وألحقني
ام خلف: انتبه لنفسك ياحبيبي
خلف : ابشررري
طلع وهو توه يتذكر ليلى وانه لازم يرد عليها وكان هذا اول شي ناوي يسويه دخل الدكان وجلس وهو يشوف الوقت بدري اخذ ورقه وكتب فيها ( اسعد الله مساك يا بنت النوخذه .. انا اسف اني لهيت عنك وتركتك بدون خبر لكن ظروفي هالايام لك عليها واتعبتني حيييل ! لكن انا اسف للمره الثانيه وان شاء الله انك تكونين بخير مثل ماعهدتك ولا تخليني بدون خبر طمنيني عنك كل فتره وان شاء الله ايام وينتهي هذا كله .. وطول فترة غيابي حاولي تسلين بهالاغنيه.. ( لاتحسبنِّـي دَالِـه عَنـك ناسيـك ..
لاوالَّلذي تَنصـى المَخاليـق بيتـه
لاشك حالِ الياس دون الرِّجا فيـك ..
مَالي عن المكتـوب لـو مارِضيتـه)
.. استودعك الله ياليلى ..خلف )"
كان خلف فعلاً يستودعها الله خوف من اي شي يبعدها عنه
طلع لسعود الصغير وهو يناديه: تعال
سعود : هاه
عطاه خلف الورقه: ودها لبيت النوخذه قل من وعد لليلى
سعود : كم تعطيني
خلف : خذ ريال ريلا
ركض سعود وخلف يراقبه لين اختفى ورجع للمحل
_______________________.
في بيت النوخذه
كانت ليلى شايله خلف واختفائه وتدعي يجي منه خبر لو ماهو لها لو يجي عند جابر المهم تشوفه
ابو نهيان: انا رايح ياليلى اذا ردت امچ خليها تتصل بنهيان يبيها
ليلى: الله وياك يبه ، طيب
طلع ابو نهيان وحصل سعود : هلا يبه شنو تبي!؟
سعود طلع الورقه: هاذي لليلى من عند وعد
ابو نهيان: زين عطيني اعطيها
اعطاه سعود وركض وترك ابو نهيان اللي كان بيعطي ليلى الرساله بس كانت الرساله ماهي مسكره مضبوط وفي طرفها مكتوب ( خلف) ��
.

اعطاه سعود وركض وترك ابو نهيان اللي كان بيعطي ليلى الرساله بس كانت الرساله ماهي مسكره مضبوط وفي طرفها مكتوب ( خلف)
للوهله الأولى ما صدق الاسم لكن قرر يفتح الرساله وليته ما فتحها تصلبت يدينه على الورقه يقرا ولا يفهم وش المكتوب يحاول يستوعب ما قدر
كيييف ليلى !! بنته واعز عياله تسوي به كذا مستحيل دقق في الرساله وواضح فيها انها مو اول رساله وانه مشغول عنها وكثيييير كلام خنق ابو نهيان وغمم على عيونه
وماكان احد بالبيت الارهو وليلى ووقف واتجهها وهو يناظرها بذهول ولفت عليه مبتسمه :يبه شنو فيك رديت!؟
لكن طاحت عينها على الورقه ودق قلبها بخوف وناظرت ابوها وشافت نظرته ماهي نظرته المعتاده وجهه اسود وحواجبه معقوده
رفع الورقه برجفه وقال: شنو هذا!
ليلى بخوف : شنو!؟
صرخ ابو نهيان : انا أسالك شنوووو هذا ؟
ليلى بان عليها الخوف وارتبكت لكن قالت: مدري مدري
سحبها ابو نهيان: اقررري هالورقه اقرييييها اشووف
عجزت ليلى تمسكها من الخوف ماعمرها توقعت ان بيوم ابوها بيعصب عليها كذا اخذتها غصب وغمضت بقووه اول ماشافت اسم خلف
وكان ابو نهيان في صدمته للأن ويتمنى انه ماهو حقيقي: لييييلى تكلمي وش بينچ وبيييينه
بكت ليلى على طول وهي تقول : والله فاهم غلط والله فاهمني غلط ولا بيني وبينه شي والله
صرخ ابو نهيان : مابينكم!؟ وهالكلام وهالرساله والظروف والخرابيط اللي يخربطها
حاولت ليلى انها تنكر وتسوي شي وتكذب لكن ابوها بعد دموعها ايقن انه صدق من غير ما يحس ضربها كف بقهر وهو يهزها: تكلللللللمي شنو صاااار بينكم تكلمي
ليلى :واللله ماصار شي يا يبه والله ما صار شي
ابو نهيان: لا تكذبييييين ياليلى كفااايه هاللي سويتيه فيني وانا اللي اعطيتچ ثقه وخليتچ على راحتچ
ليلى: والله ما نزلت راسك يبه والله ماسويت شي يضرك والله
ابو نهيان: انطقي قولي وش صار !؟ومن متى تعرفيييينه!؟ وكيف عرفتيييه!؟ ليلى ماكان بيدها شي الا تعلم لكن قالت انه شافها بالصدفه عند جابر وانه مابينهم الا رسايل وبدا فيها هو وقال انه نيته جد وبيخطبها لكن خطبة جابر وقفته هالفتره
وبعد كلامها انهار ابوها وهو يضربها بكل غضب وهو مجروووح منها اكثر من ماهو زعلان رفعها بغضب وهو يصرخ: لوووو هو صادق ويبيچ جاء طلبچ من ابوچ ماجلس يلعب ويااااااچ يا غشييييييمه لكن كله ذنبي انا كللللله ذنبي اللي عطيتچ الثقه لكن انا اراوييييييچ واراووووييييه
وقومي ذلفي غرفتچ وياويلچ تطلعيييين
طلع بغضب وتركها تبكي بإنهييييييييييييييييييار
.
.
.

وقومي ذلفي غرفتچ وياويلچ تطلعيييين
طلع بغضب وتركها تبكي بإنهييييييييييييييييييار بتمووت ماتدري وش تسوي اخذت الرساله وركضت تبي تناظر تشوف وين ابوها راييييح ووهي خايفه لو يدري جابر وش يسوي
_______________________.
وفي بيت عقاب
اللي بدا يتأقلم على وضعه ويستوعب وبما ان ماعنده اجازه طويله من اليوم راجع لشغل
طلع بعد ما جهز وقابلته وجد ببتسامه : عقاب رايح
عقاب : اييه واخلص على الساعه ظ¦ وبمر لخواتي اقولهم يجون عندك لين اجي
وجد : زين بنتظرهم انا واجهز لهم القهوه تبي اسوي لك شي اذا رجعت
ناظرها عقاب بهدوء وهو من يوم تزوجها وهي تداريه واللي يبيه تسويه بدون جدال وهذا اللي يبيه : سوي اي شي ينوكل
وجد: ابشر
طلع عقاب بهدوء وهو يحس انه اشترا راحت باله بهالزواج
اتجهه لبيت جده قايد ودخل وهو ينادي ياولد
طلعت مضاوي تركض : هلا هلاا بالملح والقبله وييييينك غايب من امس
عقاب: ماني بفاضي لك انا انسان مستقر
عزوز: اذبحووووني فدا للاستقرار
ضحكت سحر: اذا بتداوم قول لوجد تجي لنا
عقاب : لا لا هي قالت لي اناديكم عندها نادوا البنات وروحوا لها
ضحك محمد : والله كبرت يا عقاب
عزوز: وغرقان فالدلع
ضحك عقاب : اقول اعقلوا
مرتهم شهد لابسه عبايتها ووقفها عقاب: وييين!!
شهد: بروح لوجد
محمد : ماشاء للله ما انتظرتي
هيا: العبايه جاهزه
شهد: والله انا ماصدقت يجي نفر جديد يغير جوي وعقاب راضي عليه ومايقول شي عشان كذا فمان الله
طلعت وهم يضحون
هيا: الله يسامحك يا عقاب مسبب لها عقده
مرتهم مضاوي بعد لابسه وطلع عقاب وهو يضحك واتجهه لبيت ابو خلف ووقف يدق الباب وطلع فيصل : هلا عقاب
عقاب : هلا وين خلف !؟ فيصل: طلع بدري
عقاب : زين ما جاء خبر من عمي
فيصل : لا
عقاب : ماعليييه بتيسر ان شاء الله
فيصل : ان شاء الله
طلع عقاب لدوامه ورجع فيصل لأهله وهو رغم اختفى ابوه لكنهم مرتاحين بدون مشاكل
_______________________.
.

وفي بيت نادر
طلع وهو يسمع شوق تغني وتسقي زرعها اللي بدت تزرعه في الحوش ابتسم وهو يقول : يا صباح الرضا
لفت شوق ببتسامه: صباح النور والنوير
نادر : لو دريت اني كل يوم بصحى على صوت اغاني كان من زمان جايب هالزرع
شوق ببتسامه: هذاك دريت يعني لا تقصر
نادر: في خدمتك يا شوقه المهم تبقين رايقه
شوق :مشكوورر لكن وييين لابس ورايح !؟ ولا تقول بتروح من دون فطور
نادر: والله مالي نفس افطر لكن ان شاء الله بتغداء معك لكن الحين بمر امي وابوي اشوفهم
شوق : صادق مايصير تقطعهم وانا بعد بتصل في اهلي
نادر: زين الله يقويك
طلع نادر وهو مبسوط من الراحه اللي عايش فيها و هالايام السعيييييده وراضي ومقتنع بنصيبه
_______________________.
وفي بيت ضاري
تقريباً بدا تجهز غرفته وخلاص ما باقي الا الاثاث والزواج قرب وهو للحين ماهو قادر يتقبل فكرة رفض مضاوي واجبارهم لها لكن مصيبته انه مايقدر يكسر فرحة امه وهو يشوفها تروح وتجي وتجهز لزواجه وكل الحاره صارت تكلم بزواجه
طلع من الغرفه وسكرها وهو يسمع امه تناديه للفطور وتقول : ان اشاء الله الحين نبي نفطر ونطلع ونشتري لك اثاث الغرفه كله ونسكرها ليييين يجي العرس وممنوع تدخلها الا مع عروسك
ضحك ضاري : اللي تامرين فيه يا ام المعرس
ام ضاري ببتسامه: واذا قضينا بتوصلني عند شوق بسلم عليها واشوف وشلونها
ضاري : والله شكلي بضيع فالطوشه شوق من هنا ( وتصاعب يقول مضاوي وقال ) والعروس المنتظره من هنا
ضحكت ام ضاري : قلت لك من قبل محدٍ مثل ضاري ابد لكن شكلك بتحتكر الحب كله لك
ضاري : يحق لي والله اصير اناني فيك
ام ضاري : ماعليه بكره اذا جو عيالك بتشوف ان كلامي صح
ابتسم ضاري وهو ماهو بالع هالفكره ابد رغم انه حلم بها كثير لكن قبل يسمع ويدري عن اللي صارر
_______________________.
وفي السوق
عند خلف كان جالس في دكانه بأمان الله وهو في زاويه الدكان ما احد يشوفه لكن جاء له سعود يقول : خلف خلف
ابتسم خلف توقعه رد من ليلى لكن قال: ليلى تنتظرك ورا هالبيوت تبي تشوفك
فز خلف بفرح ماتوقع هذا ردها وهو فعلاً كان محتاااج يشوفها اخذ اغراضه بسرعه وطلع وهو يقول : ممدوح عينك على الدكان
ممدوح :طيب
وطلع يركض للبيوت مايدري وش ينتظره هناك ولا وشهو مصيره.
.
.
.
خلف بفرح ماتوقع هذا ردها وهو فعلاً كان محتاااج يشوفها اخذ اغراضه بسرعه وطلع وهو يقول : ممدوح عينك على الدكان
ممدوح :طيب
وطلع يركض للبيوت مايدري وش ينتظره هناك ولا وشهو مصيره
واول ما وصلها فز اول ما سحبه احد وهو يكتف واول مالتفت خلف رجع بقوه اول ما حس ب لكمه على وجهه ما استوعب وش صار لكن اول مارفع راسه شاف ابو نهيان وهنا دق قلبه بخوف وهو خايف من ردة هالفعل مايمديه يستوعب الا باغته بغضب وهو يضربه : لا ياللي ما تستحي ولا تنتخي وثقت فيك ودخلتك بيتي وتسوي فيني چذييييه ياقليل الاصل والتربييه
حاول خلف يتخلص ووقف بذهول : انا ماني فاهم عليييك ياعمي
ابو نهيان بغضب: عمت عيييينك حتى عمت عييينك ما انت فاااهم يحق لك ما تفهم مثلك مايفهم الا انه يجي للبيوت من ظهره ويستغل ويلعب ببنات الناس
هنا تأكدت خلف من خوفه وصار لازم يوقف وقفت رجل : لا ياعمي لا انا ما استغليت احد ولا لعبت بأحد ويشهد الله اني مانويت بنتك بش... سكته ابو نهيان بكف غاضب: هذا واحنا جيرانكم وضيوفكم وانسابكم وماخذين بنتكم وصرنا رجال ودقينا الباب وحشمناكم وانت ماحشمتنا ولا خفت من الله
خلف غمض بقوه : والله والله ما نويت الشينه والله وكنت ناوي هالاسبوع اخطب لكن صارت مشكله وابوي طالع من البيت ماندري وين اراضيه لكن والله ماغدرت ووالله مابيني وبين بنتكم شي يخجلك ولا يلحق شرف اذى ولله والله مانويت اخونكم وانا ابيها بالحلال
ضربه ابو نهيان للمره الثالثه : تخسي ويخسي مثلك ياخذ بنتي ولا يدنس شرفها لكن اسمعني زيييين والله والله لو اشوفك توطوط من بيتنا ولا من صوب ولدي والله لاذبحك واخلي فضيحتك على كل لسان وطس لا اشوف وجهك وانا بستر علييييك عشان بنتي ولا انت ما انت كفو
ما ترك لخلف مجال ابد ودفه ومشى بعد ما اشبعه ضرب وهو مقهووور وكان متحسف انه اكتشف من بنته هالشي غمض عيونه بغضب واتجهه لبييته وهو زعلان
اما خلف بالقوه تمالك نفسه ووقف وهو خاااايف خاايف على ليلى ولا هو ماهمه نفسه وكان خايف يدري جابر ويحوس الدنيا كان وده يلحقه بس يخاف انه يكبرها اتجهه للمسجد وهو يغسل وجهه وخشمه اللي نزف دم لكن اخر شي شافه قطرات الدم بيده وبعدها طاح مغمى عليه من اثر الضرب متكرر على صدره
_______________________.
وفي بيت النوخذه
كانت ليلى تبكي وهي تركض وتخبي كل شي يخص خلف وهي ترجف ترجف خايفه من الجاي
وفزت على صوت الباب ووقفت بخوف ولاهي الا ثواني وضرب باب غرفتها ابو نهيان .
.
.
وفزت على صوت الباب ووقفت بخوف ولاهي الا ثواني وضرب باب غرفتها ابو نهيان ودخل وهو يسحبها من شعرها: اسمعيني زييين يا ليلوه والله والله لأعيد تربيتچ والله والحين تلميييين كل اغراضچ انتي وامچ وبتذلفين للكويت وان جبتي طاري عن اللي صار لأي مخللوووق والله لدفنچ بمحلچ سمعتي!؟ وانا ساكت مابي اقول اللي صار عشان ماينحني راسي بين الناس وللحين ما انخلق اللي بيحني راسي
دفها بغضب وطلع وهو ينتظر رجعت ام نهيان وجابر
اما ليلى مابقى بقلبها ولا عقلها الا اثار الدم على ثياب ابوها وهي طاح قلبها ماتدري وش صار في خلف ولا وييينه ولا وش سوى فيييه ابوه والقهر اللي بعيون ابوها ماهو سهل ابد
انهارت تبكي وهي تجمع الاغراض وماتبي يجي احد ويحس بالسالفه وتصير بمليون مصييببه
_______________________.
وعند ضاري
بعد ماوصل امه لشوق اخذ طريقه لسوق وتقابل مع نادر هناك
ضاري: من وين جاي ؟؟
نادر: مريت امي وابوي وسلمت عليهم وجيت
ضاري : وعساهم عرفوا انهم غلطانين
ضحك نادر: ياشيخ وييين هم اصلا مايشوفون غلطهم لكن الله يسامحهم ، انت منين جاي
ضاري: وصلت امي لنديمتك ومريت لخلف وما لقيته قلت اروح اغسل واروح له البيت
نادر: اييه ايه تعال نغسل في حمامات المسجد
دخلوا لكم تجمدوا اول ماشافوا خلف طايح بأرضه ودمه مغرق وجهه الاسود
انصعق نادر اللي صرخ: خلللللف
ركض له نادر وهو مرعوب: خللللف خلللف
اجتمعوا يرفعونه وينادونه بس ابد ماله حس واجتمعوا الناس على صوت صراخهم
وجاء ممدوح يركض : وش صاااير وش فيه خلف !؟ صرخ نادر: جيييب سيارتك اسرع اسرررع
ركض ممدوح وقابله فيصل ومحمد وعزوز وقالهم والكل جاء يركض لكن رفعوه الشباب بسرعه لسياره والكل ركض معه مرعوبين من اللي صاير
_______________________.
وفي دوام عقاب
كان جالس وشاف مبارك جاي من بعيد وهندامه متغيير وصاير نظييف ووجهه بيتشقق من الابتسامه رفع عقاب حواجبه مستغرب ومره مبارك مبتسم: صباح الخير ياعريس ! غريبه مداوم اللي مثلك يروح شهر العسل
ناظره عقاب بحده: مخليين الدلع لأهل الدلع
ضحك مبارك: والله انصحك بالدلع ياعقاب وزين انك تزوجت ابيك تعيش بالنعيم مثل ما انا عايش
احتدت نظرة عقاب له لكن قطع عليه اتصال وعد ووقف مبارك بسرعه وهو يرد ويقول : هلا يا بعد الدنيا كلها هلا ياوعد
طارت عيون عقاب بذهول وهو يراقبه وهو يكلم بالتليفون قدامه ومصدوم من تغير مبارك لكن الصدمه انه كان يكلمها وكأنه يطمنها عليه انه وصل .
.

[صواديف عشاق]

لكن الصدمه انه كان يكلمها وكأنه يطمنها عليه انه وصل
اما وعد كانت تقوله انها بتروح لاهلها بس وهي ماوصلت لدرجة الغرام بمبارك
سكر وجلس وهو مبتسم اما عقاب صد وهو ماله خلقه ابد وقرر ينشغل بمشكلة عمه افضل من وعد ومبارك وحياتهم اللي مايدري كيف انقلبت كذا
_______________________.
وفي بيت النوخذه
دخل جابر وشاف ابوه جالس بهدوء غريب وهو لابس لبس البيت
جابر : يبه سلامات وييينك ما جيت الدكان
ابو نهيان: كان عندي شغل
دخلت ام نهيان: ماشاء لله رديتوا
ابو نهيان: ام نهيان اطلعي زهبي اغراضكم راديييين الكويت
ام نهيان باستغراب : شفييك ياحافظ ليه بنرد الكويييت عيالي فيهم شي
ابو نهيان: لااااا بتردين انتي وليلى القعده هنيه ما تجوز لكم
جابر: يبه صاير ششي!؟ ابو نهيان: انا اذا قلت كلللللللمه تنفذووونها
خافت ام نهيان وطلعت وهي مستغربه لكن اتجهت لغرفة ليلى اللي من يوم سمعت صوتهم مسحت وجهها
ودخلت امها : ليلى شنو صاير
ليلى : ابوي بيردنا الكويت
شهقت ام نهيان: ولييش تبكين صاير شي!؟
ليلى: لا بس مابي الكويت ملل
ما ارتاحت ان نهيان لكن ابونهيان كان يراقب جابر بهدوء وهو يقول : قبل ترد الكويت تطلق بنت ناصر
اتسعت عيون جابر:شنووووو !؟ ابو نهيان: اللي سمعته!؟؟
جابر: ليييششش
ابو نهيان: ابد اليوم عرفت ان ماهم كفو ولا ابي اناسبهم
جابر: لاااا يبه لا شهالحچي الله يخليك
ابو نهيان: اسمعني عاد هي كلمه وقلتها لك وانت اختار
وقف جابر بذهول مايدري وش صاير وليه ابوه معصب ولييييه وصلت معه لهدرجه وعمره ماتخيل السبب ابد وكل تفكيره راااح تفكيره لعماته واكيد لهم سبب وكان مصر مايطلق ابداً
اما ابو نهيان اللي عاف الديره واهلها ولا عاد يبيها ابد وناوي الشر وخايف من الفضيحه
_______________________.
في المستشفى
كانوا واقفين عند باب غرفة خلف مصدومين !
محمد : كيف حصلتوه انتم!؟ نادر : رحنا بنغسل وشفناه
ممدوح : هو طلع مستعجل وقالي انتبه لدكان
فييصل : من مسووووي فيه كذا اكيييد من ورا الحيييه هاذيك
سكته محمد بغضب:بسسس بسس
ضاري : خلونا نتطمن عليه قبل
طلع الدكتور وهو يناظرهم بهدوء وملامحه ماتبشر وركضوا له بخوف : وش فيييه يادكتور .
.


ضاري : خلونا نتطمن عليه قبل
طلع الدكتور وهو يناظرهم بهدوء وملامحه ماتبشر وركضوا له بخوف : وش فيييه يادكتور
الدكتور : مافيه شي وهو اليوم تعبان تقريباً بيكون نايم طول اليوم لكن قبل لازم نعرف من وصله لهالحال وصدره متضرر جداً
محمد : المهم انه بخييير !
الدكتور: بخير بخير لحقتوه فالوقت المناسب
الكل : الحمدلله
وقفوا كلهم بصمت وكل شكوكهم متجهه لحوريه اكيييد انها هي
محمد : فيصل ارجع انت وعزوز للبيت خلك عند امك وبلغها زين لا يجي احد يفجعها
فيصل: ماني رايح ومخلي خلف
ضاري : فييصل ماهو وقت العناد احنا عند خلف وامك محد يقدر يكون معها غييرك
نادر : اي يافيصل وكذا كذا خلف نايم مارح يحس عليك
طلع فيصل بغضب ومسك محمد عزوز: انتبهه لا يسوي شي مجنون
عزوز : طيب
_______________________.
وفي بيت النوخذه
اتخذ قراره ابو نهيان بغضب وهو مجروح ومقهور من ليلى ومن خلف بعد واعلن انه بيرجع لكويت وما عاد له جلسه في هالديره
جابر : يبه!؟ نرررد ونترك شغلنا ورانا
ابو نهيان بغضب: من متى يهمممممك الشغل هاه من متى
جابر: يبه تعوذ من ابليس وقلنا وش صار
ام نهيان: يا رجال خوفتنا صاير شي شنو هاللي بيردك للكويت بعد هالسنين
ابو نهيان بصراخ: لا احد يناقشني ويلاااا چدامي
ليلى اللي ماحاولت تدخل بأي شي وهي منهاره فقط كانت تحاول تتماسك عند امها وجابر لأنهم اذا شكوا في شي بيذبحونها
قرر جابر يساير ابوووه ويروح معه للكويت ويتفاهمون لكن وقفه ابوه بغضب وقال : مالك روووووحه وياي إلا بعد ما تطلق بنت ال قايد
شهقت ليلى بذهول ما توقعت توصل لهالمواصيل وقال جابر بغضب: ما رح اطلق يبه ما رح اضيع حياتي عشان احد
ابو نهيان: انا أي احد يا جابر
جابر بضيق: لا يبه لكن هاذي حياتي انا مو من حق احد يتدخل فيها
قرب ابو نهيان بغضب وهمس غاضب: اسمعني عاد هي كلمة ورد غطاها اذا بتكمل معهم تنسى اهلك وخواتك لكن بتاخذ معك امك وورقة خروجها من بيتي هي ورقة زواجك من بنت ال قايد
انصعق جابر فعلاً انصعق وقفت الدنيا بعينه ورغم انه تعلق بأماني بأيام بسيطه وصار حلمه كل ليله متعلق فيها وشلون بيسويها ويطلق اماني همس بصدمه وهو يقول : يببببه لا تهدم حياتي يبه
مارد ابو نهيان ابداً واخذهم وطلع ولييلى تبكي مالها الا البكى لكن الصدمه انها شافت الناس مجتمعين ومروا من جنبهم وسمعوا طراطيش كلام يقولون فيه :والله ما ندري هو حي ولا ميت لكن مسكين خلف ماله بالشر مدري من اللي سوا فيه كذا
دارت بها الدنيا وتوقف كل شي فيها ومابقى الا هالكلام يتردد على مسامعها .
.
.

دارت بها الدنيا وتوقف كل شي فيها ومابقى الا هالكلام يتردد على مسامعها
وابو نهيان اوجعه قلبه وخايف ان يصير لخلف شي لكن ماعاد ينفع الندم
اما ام نهيان ماهي مستوعبه شي ابد كانت في ذهول وبس
_______________________.
وفي بيت ابو خلف
الاوضاع هاديه والبنات عند وجد ووصلت وعد وهي مستغربه الهدو !
وعد : وين البنات ياعمه
ام خلف : راحوا بيت عقاب عند وجد
وعد بضيق : اييه زين
ام وعد : اذا بتروحين لهم روحي
وعد : لا وش ابي ! ابوي ماله خبر
ام وعد: طس في قلعة وادرين
وعد : لا حول لله ! وانتي ياعمه وش فيك
ام خلف : يابنتي طلع خلف من الصبح ولا افطر ولا اكل شي وضايق وقلبي مشغول عليه
وعد : ياعمه خلف رجال ويعرف مصلحته وان شاء الله مافيه شي وفيصل اكيد معه
ام وعد : حسبي لله على اللي ضيق صدره وصدرونا معه
سكتوا على دخول فيصل وفزت ام خلف : فيصل جيت خلف !؟ فيصل بتوتر: ايه
ام خلف: ليه ماجاء معك صار وقت الغداء
فيصل بتردد: تعب شوي وراح مع الشباب المستشفى
شهقت ام خلف : ياويل قلبي والله اني داريه
فيصل : مافيه شي لا تخافين
ام خلف : وش اللي لا تخافين يافيصل وش اللي لا تخافيييين ولدي مدري عنه وش صاير له
وعد : اذكري الله ياعمه يقولك بخير
ما تطمنت ام خلف ابد وركضت وهي تجيب عبايتها : امش امش بنروح امش
حاول فيصا يمنعها بس مافيه فايده واخذها هي ووعد وراحوا للمستشفى
وفي ظرف ساعه انتشر الخبر بالديره والحاضر يعلم الغايب والكل ركض للمستشفى
_______________________.
وفي المستشفى
الكل ينتظرون خلف يصحى ويعرفون من سوى فيه كذا
وطوووول خلف لين صحى بس اول ما فتح عينه اهتز كيانه اول ماشاف انه بالمستشفى وهنا نقطة الخوف اذا هو وصل المستشفى ليلى وين بتكون
فز بيوقف لكن حاوطته يد امه وهي تحضنه : بسم لله عليك ياحبيبي وييين راح
التفت خلف وشاف الكل موجودين أمه ووعد وفيصل وعقاب وجده ومحمد وعزوز كلهم فيه وكلهم خايفين وهذا اللي ما حسب خلف حسابه كيف بيقولهم ووش بيقولهم
محمد : خلف انت طيب ! يوجعك شي فيك شي
قال خلف بصوت تعبان: بخير بخير
عقاب: قلي من سوا فيك وانا ادفنه حي
فيصل: تدري منهو!؟ ابو ناصر: اسكتوا الحين اسكتوا لين يرتاح
عزوز: نادر وضاري برا بيدخلون
ناظر عقاب في وعد بحده وهي المفروض تطلع من الغرفه بس وعد اللي قهره بنظرته ورجعت ورا وهي تعدل غطاها مزبوط وابعدت لأخر نقطه في الغرفه ووقفت
وهنا انجلط عقاب وهمس لفيصل: قل لأختك تروح الغرفه الثانيه .
.
.

وهنا انجلط عقاب وهمس لفيصل: قل لأختك تروح الغرفه الثانيه
فيصل لف يناظر وعد وصد: متغطيه ماعليها
دخلوا ضاري ونادر وعقاب يفور من الغضب
ضاري : خلف انت بخير ؟
خلف: بخير ماعليكم
نادر: اذا تقدر قلنا من هاللي سوا فيك كذا
خلف ماكان له مخرج الا يقول : طحت
كلهم لفوا عليه محد مصدقه وقال فيصل بغضب: لا تخاف من احد ياخلف انا وراك
عقاب : كلنا وراك ومحد يقدر يضرك
صد خلف بضيق : محد ضرني ولا انا خايف من احد لكن انا طحت
ابو ناصر : وشلون طحت هاه !؟ خلف :طحت فالمحل كنت برفع اغراض وطلعت على الكرسي وانحرف وطحت توقعتها بسيطه وألالام شوي وبتروح وقلت بروح اغسل الدم اللي طلع من خشمي لكن مدري وش صار وطحت
محمد :بس ياخلف صدرك متضرر
خلف : ايييه طحت من الكرسي على الطاوله على الارض والارض عليها اجهزه
سكتوا مايبون يضغطون عليه وكان خلف مصر انه يقنعهم فيها وتقريباً اقتنعوا
خلف : متى بطلع !؟ ضاري : يقول الدكتور بعد الاشاعه يقرر
دخل الدكتور والكل سكت وتقدم الدكتور : كيفك ياخلف
خلف : حمدلله
الدكتور: تقدر تتنفس يا خلف بدون الاكسجين
خلف : ايه
الدكتور: تحس بألالام بصدرك
خلف : شووي
الدكتور: مو مشكله تعتبر رضوض خفيفه
محمد : كيف الاشاعه يادكتور
الدكتور: لا لا الحمدلله كل شي تمام كنت متخوف ان وصل لرئه دم بس حمدلله جت سليمه
الكل : الحمدلله
فيصل: ومتى يطلع !
الدكتور : يخلص المغذي ويطلع
ام خلف : حمدلله
الدكتور: لكن بتتغير ادويتك يا خلف بتأخذ شي اقوى شي لفتره
فيصل : انا بصرف الدواء واجي
طلع فيصل مع انه ما اقتنع لكن لازم يعرف من سوى بخلف كذا
وبعد ساعه طلع خلف البيت وهو موجوع من كل مكان والنصيب الاكبر لقلبه اللي محروق على ليلى مايدري وش صار فيها
_______________________.
ومر اليوم واليومين ومر اسبوع
وخلف فالبيت ماهو قادر يطلع لمكان من الوجع كان مرتمي بغرفته مايبي يكلم احد يمثل النوم
تفكيره مافيه الا ليلى وبس ينتظر خبر ينتظر اي شي عن ليلى بعد ماعرف من الجيران ان النوخذه رجع للكويت يقول ان عنده ظروف
لكن اللي ماكان خلف يتوقعه هو هالخبر اللي يطق الباب
طلع فيصل وهم لهم اسبوعين مايدرون عن ابوهم وحوريه
لكن استغرب من الرجال اللي واقف ومعه ورقه : سم من بغيت !؟ الرجال : نبي ابو خلف او خلف
فيصل : ابوي ماهو فيه وخلف مريض امر وش بغيت!؟ مد له الورقه : هاذي ورقه مرسوله لكم من الكويت وياليت توقع انك استلمت
فيصل: ابشر
وقع فيصل ودخل مستغرب من هاللي بيرسل من الكويت
جات وعد : من ذا!؟ .
.
.

وقع فيصل ودخل مستغرب من هاللي بيرسل من الكويت
جات وعد : من ذا!؟ فيصل: مدري واحد جايب ورقه من الكويت
اجتمعوا كلهم حول فيصل بيعرفون وش السالفه لكن بهت وجهه فيصل و وعد وشهقت مدى :ايييش !؟ ام وعد : وش فيكم!؟
ام خلف: بسم لله فجعتونا
تركهم فيصل واتجهه للغرفه مسرع: خلف خلف
اعتدل خلف : وش فيك تصارخ!؟
فيصل رمى قدامه الورقه : شف النذل وش مسوي !
اخذ خلف الورقه وهو ماطرا له ابد ابد ابد هالموضوع جمدت يدينه على الورقه وهي يصدق ويكذب ماهو مستوعب
لين سمع صوت ام وعد اعتلى وهي تقول : حسبي لله حسبي لله عليييه
دخلوا كلهم عند خلف اللي طاحت بعين وعد اللي تناظره بغضب وجات اماني : وش فيكم صوتكم واصل لاخر الحاره
الكل سكت وقال فيصل بغضب: هذا الكلب جابر الحقير مرسل ورقة طلاقك
كان اقوى خبر وقع على مسامع اماني اللي توووها بدت تستوعب وجود جابر في حياتها وهي مرتين بس شافته وبدا يتحرك له في داخلها شي لكن ما طول وكسره جااابر بهاللي سواه
بدون اي كلمه انسحبت وطلعت لغرفه وطلع كلهم وراها الا وعد وفيصل ولف فيصل بغضب: هذا الكفوووو يا خلف هذا الرجال الطيب اللي تقوله هذا هو
طلع فيصل بغضب رايح لجده وترك خلف اللي دارت به الدنيا كان امله الوحيد هو ان حياة اماني وجابر تستمر لكن الحييين تكسر في حياته شي كثير اولها اماني اللي مالها ذنب بذا كله
التفت على وعد اللي قالت : وش مسوي ياخلف !؟ وش سويت بنفسك وبأماني !؟
جلس خلف بتعب ومارد لكن قربت وعد بغضب : ابو ليلى اللي مسوي فيك كذا!؟؟غلطت ياخلف وكملت اللي تسويه! صح !؟ ناظرها خلف بضعف : ما غلطت ياوعد ما غلطت كل ما في الأمر رساله اخيره كنت بشرح لها الوضع وبروح بعد مشكلة ابوي واخطبها لكن..
وعد بغضب: لكن صااار وكشفكم ابو ليلى وهذا انت حالك بالويييييل وليلى الله يعلم بحالها و اماني هالمسكينه وش ذنبها هاااه !؟ وقفت بقهر وهي تقول: ما اقول الا الله يثبت قلبك ويقويه عشان تقدر تحمل ذنب المساكين اللي مالهم ذنب
طلعت وزادت الطين بله على خلف اللي ضاقت به الوسيعه واخذ ثوبه وطلع ماله الا شخص واحد يدبره
_______________________.
فالكويت
حاول جابر طول هالاسبوع لكن مافيه فايده حاول يفهم السبب وحاول يدخل ليلى لكنها رفضت وقالت ماتقدر تعارض ابوها وهذا جنن جابر اللي أجبره ابوه يطلق اماني ومقابل انه مايطلق امه
طلق جابر لكن هالدنيا كلها صارت ماتسوى شي في عينه من زمان مافكر يتزوج ولا يتعلق في احد لكن اماني زرعت داخله حب عفيف قطعه ابوه لكن للحين حي في داخل جابر .
.

.
طلق جابر لكن هالدنيا كلها صارت ماتسوى شي في عينه من زمان مافكر يتزوج ولا يتعلق في احد لكن اماني زرعت داخله حب عفيف قطعه ابوه لكن للحين حي في داخل جابر
اللي بعد ما طلق وعطى ابوه الورقه اختفى عن الانظار
ودخل نهيان بضيق: يبه ما لقيته دورت في الديره كلها ما لقيته
ام نهيان: ياويلي وين راح الصبي!
شيخه: لا حول ولا قوة الا بالله
نهيان: يبه قلنا شنو صار!؟ شنو خلاك تهدم حياة جابر
ابو نهيان: انا ادرى بحياته ومصلحته وماعليه بيغيب شوي وبيرد
اخذ اغراضه وطلع وليلى جالسه بصمت فضيع ومحد مستوعبه
نهيان: ليلى انتي اكيييد تعرفين شنو صار تكلمي !؟ ليلى وقفت ضيق: مدري عن شي
شيخه: اذا ماتدرين مثل ما تقولين !؟ تقدرين تقولين شنو فيچ ساكته وتبچين !؟ ليلى بغضب: مقهوووره بموت القهر !؟ شنو دخل اماني عشان يجبر ابوي جابر يطلقها والله حرام والله
طلعت وتركتهم ومحد فاهم وش السبب وتحرك نهيان بيلحقها ووقفته مريم: ننهيان لا تضغط عليها ولا تنسى ان اماني رفيچتها واكيد مقهوره عليها
صد نهيان وطلع اما ليلى ما بقى في داخلها دمعه ماتدري وين تودي نفسها بعد اللي صار حاسه بالذنب اتجاه جابر واماني وخايفه على خلف واذا صار فيه ماتدري حي ولا ميت
وقفت وهي تطلع الورقه اللي كتبها اخر مره وكانت تقراها بدموع حاااااره تعبر عن حالتها
_______________________.
وفي بيت ابو ناصر
قامت الدنيا ماقعدت والكل يسأل عن سبب طلاق جابر لأماني وبأي حق
محمد : لازم يجي ويبرر سبب هالطلاق
فيصل : لو جاء بدفنه حييي
رجع سالم من بيتهم: جدي خلف ماهو بالبيت
عقاب: وييين راح!؟ محمد : عقاب روح دوره روح لا يصير له شي بعد
طاع عقاب وهو مسرع ماعرف يتهنى بزواجه هاليومين ومصايب تحذف عليهم
ابو ناصر: والله غريبه من النوخذه وولده
محمد : وين بيروح مصيره جاي وبنفهم وش صار
فيصل: كلهم كوم وابوي كوم ثاني عايش بالعسل وتاركنا نحوس لحالنا
ام ناصر: الله لا يوفق للي اخذته من بيته وعياله
محمد : خلونا من سيرته !؟ فيصل وينها اماني عرفت ؟!
فيصل : ايييه وطلعت غرفتها مانزلت
محمد : وخر وخر
طلع محمد لبيت ابو خلف وهو ينادي واتجهه لغرفة البنات ووقف وهو يسمع مضاوي تقول بغضب: شهاللي يصييييير فينا ماعاد فيه رجال يشيل مسؤوليه وش هالقراده اللي ماهي راضيه تفكنا وش هاللي الكلاب اللي حظنا يرمينا عليهم
ندى : حسبي لله علييييه بس
سحر: ياربي مدري وش صار
وعد : خلااص خلاص ماصار شي ولاهي اول تطلق وحمدلله ان ربي فكنا دامنا تونا على البر
.
.
دخل محمد وشاف اماني جامده بهدوء : اماني
وقفت اماني بهدوء: سم ياعمي
محمد : انتي بخير وانا عمك
اماني اللي كانت تكابر : بخييير ياعمي بخييير ولا فيه شي يخليني مو بخيير حمدلله شر وفكني منه ربي
عهد : احمدي ربك واعرفي ان من طلع من داره قل مقداره
وعد : ليتك تسكتين
محمد: بس بس اماني ماعليك وحمدلله كانت بسيطه وبيعوضك ربي
اماني : ان شاء الله
كان تماسك اماني غريب لكن حبت مضاوي تلطف الجو وقالت: زييين ما اخذنا انا وياك چوتيين ولا كان متورطين
ضحكت اماني : شكلها عينك
مضاوي : والله جايز
كلها كانت مزح وتخفيف على ااماني اللي ماهي مستوعبه ابداً ولا هي متقبله
_______________________.
وفي بيت ضاري
وقف على دق الباب وفتح متوقعه نادر لكن شاف خلف اللي واقف وجهه احمر بلون الدم
ضاري :خلف علامك!؟ همس خلف : انهدت الدنيا على راسي يا ضاري
اسرع ضاري يسنده : بسم لله الرحمن الرحيم ! اذكر الله يا رجال وش بلاك خوفتني
خلف : النوخذه عرف باللي بيني وبين ليلى
اتسعت عيون ضاري : وشووو!؟ خلف : عرف وهو اللي خلاني بهالحال!؟ لكن بالطقاق انا عساني بهالحال واردى لكن ليلى ما هقيت انها بخييير يا ضاري ماهقييت
ضاري من الصدمه تنح لكن قال: ادخل ادخل وفهمني زييين
دخل خلف وهو يسحب نفسه سحب : اكثر من كذا وش تبي تفهم
ضاري: كيف عرف ووش صار !؟ خلف : مدري مدرري قبل لا يصير اللي صار بيومين وصلتني من ليلى رساله ورديت عليها بعد يومين لكن ماطولت الرساله الا رجع لي سعود اللي يوصل الرسايل بينا دايم وقالي ليلى تحتريك استغربت بس قلت يمكن تبي تقول شي لاني كنت ناوي اخطبها بعد ما تنتهي مشكلة ابوي وكنت بقولها انها اخر رساله عشان لا يصير شي لكن فجأه لقيت ابوها هناك وصار اللي صار
ضاري : ليتك ما سويت هاللي سويته ياخلف
خلف : وش يفيد الليت وش يفيد!؟ وليت هذا لللي صار بس
ضاري: صار ليلى شي!؟ خلف : مدري لكن اليوم وصلتنا ورقة طلاق اماني من جابر
فز ضاري ووقف: وشهوووو!؟ خلف : ايييه هذا اللي صار والمشكله ماعادت انا وليلى المشكله اماني اللي مالها ذنب راحت فيها وهي ماتدري وش السبب
ضاري : شلون شلون جابر يسوي كذا !؟ ليه يحاسب هالمسكينه على غلط ماهو غلطها
خلف : ما اظن جابر يدري ولو يدري كان جاء وذبحني بمحلي ما كان طلق ابد اعرف جابر زييين
ضاري: وشلون يطلق وهو مايدري
خلف : هذا اللي مدري كيف افسره
ضاري سكت بذهول وهو مايدري كيف بيرقعها وكيف بيحلها
كان خلف مكسوور وحزين وهذا شي اوجع ضاري
.
.
.

كان خلف مكسوور وحزين وهذا شي اوجع ضاري وسكتوا على صوت الباب وفتح ضاري : عقاب!؟ خير وش هالحظ اللي جابك عندنا
عقاب : اسمعني يا ضاريووه ماهو وقت الهواش معك هو جواب ورد ايه او لا ، خلف عندك!؟ ضاري : اييه
دخل عقاب ولف ضاري : انا قلت لك ادخل !؟ ضاري: توكل على الله ماني محتريك تقول ادخل
دخل وطنشه اما ضاري كان متعود على الهواش معه وعادي عارفين بعض
عقاب : خليييف وش بلاك هنا!؟ والدنيا قايمه وقاعده في بيتكم!؟ ماعرفت وش سوا هالكلب جابر اللي تقول انه كفو وانه... في لحظة صرخ خلف : دررريت درريييت ودريت انه ردي واني ماني كفو وما اخاف الله وان الذنب كله ذنبي ودريت عن كل شي بس خلوني بلحالي
مسك ضاري عقاب : خله شوي يرتاح
عقاب: خلف وش بلاك ماهي عوايدك من اول مشكله بتنهزم
ضحك خلف : هو بقى مشكله ماجت على راسي عشان تصير هاذي الاولى
عقاب : شف ياخلف كل شي يهون عند هاللي صار لازم تعلم هالكلب ان بنات الناس ماهي لعبة عنده
خلف بضيق: اي والله بنات الناس ماهم لعبه ومافيه احد حط له لعبه الا هالحظ الردي
ضاري : عقاب عقاب اهجد الموضوع ماهو ناقصك
عقاب سكت لكن وقف بعد شوي : جدي يبيك اصلا
وقف خلف بتعب وطلع وطلع وراه عقاب اللي ماهو فاهم شي ابداً
_______________________.
الكل اجتمع في بيت الجد قايد
لكن خلف ماكان يدري كيف بيسكت الموضوع وانه ردة فعلهم طبيعيه مقابل اللي سواه هو
الكل يتكلم ويناقش الا خلف ساكت
محمد : خلف تكلم وش فيك!؟ خلف : وش اقول وش اسوي ارجعه غصب واقول لا تطلق
فيصل : لااا لكن لازم يدفع ثمن سواته
خلف : انهبلت انت وش يدفع وش تخربط انت رجال وطلق وش بتسوي فيه
عقاب : اقل شي يوقف مثل الرجال ويقول ماصار نصيب ماهو يرسل طلاقه وكأن بنتنا فيها شي
خلف : محد يتدخل في الموضوع وهالسالفه بيني وبين جابر
ابو ناصر: اذا انت تعرف شي قل لنا ويريحنا
خلف : ما اعرف شي ولا ابي اعرف وحمدلله انها مجرد خطبه
كانوا كلهم شاكين في خلف انه يعرف بس محد يدري وش يعرف
طلع عقاب متجهه لبيته لانه تعب يفكر ولا يفهم شي دخل بهدوء وقابلته وجد: هلا عقاب تأخرت وينك
عقاب : عند جدي
وجد : ليتك قلت لي عشان اجي للبنات
عقاب : ما فضييت
وجد : ليه صاير شي
عقاب : يووه يا وجد مالي خلق أسئله خلقه راسي يدور وماهو وقت سوالف
وجد : خلاص ابشر اللي تبيييه
دخل عقاب وهو يفكر وش السبب ومايطري له شي الا ان وعد اكيد متدخله فالسالفه وخربتها عشان كذا خلف ساكت
_______________________. .
.
.

بعييد عن هالمشاكل والضيق
على شاطئ البحر كان هناك نادر اللي بنى عالمه الحلو مع شوق وانعزل به تقريباً
كان نادر يحاول يعلم شوق ما تخاف من البحر وتقدم وتدخل فيه
لكن ماكان لشوق ردة فعل الا الصراخ والضحك كل ما لامس البحر رجولها
تركها نادر وهو يضحك وابعد : يابنت الحلال ماهو اكلك ادخلي
شوق: لا لا اخاف يسحبني البحر
ضحك نادر: وليه ما سحبني قبلك لا تصيرين خوافه وادخلي
شوق : انت كبييير وتعرف تسبح
تقدم نادر وهو يمسك يدها: تعالي جربي انا معك واذا صار لك شي بطلعك ماعليك
ناظرته شوق بخوف: يعني خلاص اعتمد عليك
نادر : افااااا يا شوق ومن متى اعتمدي علي وخذلتك
ابتسمت شوق: حشاك لكن انا خايفه
نادر: ابد ارتاحي
اخذها معه ولا اعترضت لأنها معه تحس بأمان ما تحسه مع اي احد ونادر لحاله يكفي عن جيييش
وفعلاً كان دخولها في البحر ممتع وهي ماعمرها دخلته وكانت تتبع تعليمات نادر لين صارت قادره تدخل وتطلع براحتها
وقف نادر وهو مبتسم: يلا يلا ماباقي شي وتغرب الشمس
شوق : يلا
طلعوا وكان نادر مبسوووط جداً مبسوط
بدلوا ملابسهم وجلسوا على بساط خفيف قبال البحر واخذت شوق نفس : يا حلووو البحر يا نادر ياحلوه ياكثر ما تمنيييت اني اجي له
نادر : ابد لا عاد تمنين اطلبي بس وابشري
شوق ابتسمت : سبحان من سخرك لي
ابتسم نادر وهو المفروض يناظر الغروب لكن كان يناظر الغروب في عيونها ماهمه الدنيا حوله وش صاير فيها
_______________________.
في شقه بعيده عن كل هذا
دخل ابو خلف بعد ما رجع من برا وهو هالايام الضيق مسيطر عليه رغم محاولات حوريه انها تنسيه كان فاقد بيته وعياله واهلها فاقد حسهم اللي ماينقطع من البيت فاقد كل تفصيل لهم والحياه بدونهم شينه مايقدر يتعايش معها
حوريه : ناصر وش فيك!؟ ابو خلف : تعبان وبنام لا تصحيني
حوريه : زيييين
دخل وصدت حوريه بقرف وهي تهمس : بلشنا بهالشايب ولله بلشنا
بعد ما تأكدت انه نام سحبت التليفون وهي تدق :الوو
رد عليها الطرف الثاني : هلا وش بغيتي
حوريه: وش بغيييت!؟ انت ما تستحي مافيك دم !؟ الطرف الثاني: وش هالكلام!؟ حوريه: اسمعني يا يحيى ترا تحملت بما فيه الكفايه قلت لي اصبري فتره وصبرت متى ناوي تحرك وتجي تنقذني انا وولدك من هالشايب العايب
يحيى: قلت لك اصبري ليين تستفيدين من هالشايب ولا وش فايدة هالزواج كله
حوريه: فايدته اني اغطي على الفضيحه وحملي اللي اول ماعرفته تركتني ورميت هالشايب قدامي عشان اتورط به ومن الاخير اقولك هالشايب ماوراه الا الفقر حتى البيت طلع بيت اخوه ولا عنده شي
يحيى: شلوون يعني !؟ .
.
.
يحيى: شلوون يعني !؟ حوريه: يعني حافي منتف وعياله ماهم تاركينا في حالنا فأحسن شي انك ترجع والا بيكون ولدك بأسمه
طاحت السماعه من يدها اول ماشافت ابو خلف واقف وعلى وجهه ملامحه الصدمه والغضب ماكان مستوعب اللي يسمعه وهو من فتره بدا يفكر في كلام خلف ووعد وماصدق تجي فتره هي تكلم فيها واول ما سمعها دارت به الدنيا وتقدم بغضب وهو يقول : طلع صدق طلعتي مثل ماقالوا وانا اللي كذبت عيالي وصدقتك هاذي سواتك ياالي ما تخافين من الله ولا من خلقه
ماقدرت حوريه تفتح فمها بكلمه لان في لحظه انقض عليها ابو خلف يضربها بقهر على كل لحظه أذى نفسه وعياله عشان هاللي ما تسوى
_______________________.
وفي بيت ابو خلف
رجع الكل للبيت والكل هاجد الا فيصل اللي للآن مكبر السالفه
وتركه خلف وراه وطلع لغرفة خواته وكانت وعد موجوده وبتنام عندهم وكان خلف يتجنب انه يناظرها
لفوا كلهم عليه وفهموا انه يبي اماني بلحالها وقرروا يطلعون وبقت اماني اللي من الصبح تتحاشى تشوف خلف
لكن تقدم خلف بهدوء وجلس وهو يشد على يدها : ما ادري وش اقول يا اماني بس انا اسسسف ادري مالك ذنب بهاللي صار وان الغلط كله علي كان المفروض اعرف جابر اكثر قبل احطك في مثل هالموقف
شدت عليه اماني : لا ياخلف انت مالك دخل وش عرفك اذا هو يستاهل ولا لا لكن حمدلله يا خلف حمدلله انها بسيطه وماكبرت وانا مايهمني شي دامك سندي بهالدنيا يروح جابر يجي مليون غيره ولا تكدر خاطرك ابد ابد
كان المفروض ان هالكلام يواسي خلف لكن احرق قلبه زياده يدري ان اماني تكابر وان فيها شي منكسر لكن مايدري كيف بيقولها ان الغلط كله غلطه وراكبه من راسه لساسه كل اللي سواه ان حضنها
وبالقوه تماسكت اماني ومابكت الا بعد ما طلع خلف ووقفت بسرعه واتجهت للحمام وهي تغسل وجهها مليون مره بس ماتضعف لهالموقف ابد ابد وفالحقيقه هي مصدومه لآن واضح من كلام ليلى ان جابر يبيها هي فكيييف يسوي كذا
دخلت بفراشها وهي تفكر اذا فيه شي يستاهل هاللي صار بس ماطرا لها شي
_______________________.
وفي مكان خالي
كان هناك جابر اللي رسم في عقله صوره لأماني وكان يحاول يعتذر ويحاول يدور حل يخلصه من هالبلاوي وعذر لو قدر يحل هالمشكله يقوله لأماني لكن مافيه
لكن كان حاط في باله كل شخص ممكن يتسبب بهاللي صار ماكان له نيييييييه يرجع البيت ابد
لكن سكت على صوت نهيان اللي انهد حيله وهو يدوره : جااابر شنو تسوي هنيييه افتريت فالديره كلها مالك اثر ويييين رحت
جابر: شتبي جاي !؟ نهيان: لا الظاهر ان زر عقلك وانجنيت .
.
.
جابر: شتبي جاي !؟ نهيان: لا الظاهر ان زر عقلك وانجنيت
جابر: ماطلبت منكم شي شنو تبييي فيني خلني مجنون وجالس بروحي
نهيان: جابر تعوذ من ابليس وخل هالسوالف عنك امي تنطرك بالبيت قوم
جابر: وخر عني ماني راد وياك
نهيان: ابي افهم شنو بينك وبين هالبنت عشان تسوي هاللي تسويه بروحك
التفت له جابر : شنو بيكون !؟ هاه شنو بيكون
نهيان: ما ادري طالع نفسك كل هذا عشان بنت ماتعرفها
ناظره جابر بضيق: اييه ماعرفها لكن احبها وابووي ما رحم اصدر امره على اسباب مجهوله وخلاني الضحيه
نهيان: واللي يسلمك اترك عنك سوالف هالافلام لا تقول احبها ولا شي بكره تحصل غيرها وتنساها وتنسى طوايفها والبنات ترس الديره وزواجك من بدايته غلط
جابر: توكل على الله يا نهيان لا تخليني ازعلك
نهيان : يعني ما تبي ترد وياي
جابر : لا
راح نهيان وتركه وكان جابر مقهووور من جميع الجهات وخصوصاً ان خذل خلف اللي عطاه اخته وماكان يدري عن شي ابد
_______________________.
عند ابو خلف
ما ترك الموضوع يمر بسهوله ابداً اخذ رقم يحيى واجبر حوريه تناديه
واتصل بالشرطه وبلغ عليهم كلهم وتركهم بيد الشرطه ورجع لبيته وهو تاييه
وصل الباب وهو يدق بهدوء اول مره يكون خجلان من نفسه بهالطريقه
طلع له خلف : يبببه
نزل راسه ابو خلف : ايه
خلف : وش فيك يبه ليه منزل راسك صاير شي
ابو خلف غمض بضيق : والله مدري وين اودي وجهي منكم انا خجلان منكم
طلع خلف بسرعه وهو تأكد ان ابوه عرف الحقيقه واقبل عليه يبوس راسه ويده: افااا يبه افا محشوم يالغالي محشوم
ابو خلف اللي حضن خلف بضيق وهو اشتاق له اكثر واحد من عياله وندمان على كل تصرف غلط تصرفه معه
خلف : لا يضيق صدرك يبه ادخل ادخل وقلي وش صار
دخل ابو خلف وهو يشوفهم مجتمعين كالعاده على قهوه لكن وجهيهم مستغربه من وجوده وكان هذا صعب عليه
ومع ذلك كلهم فزوا واتجهوا له يسلمون عليه وضاق صدره ابو خلف
لكن جلس وقالت ندى: يبه اصب لك قهوه
ناظرها ابو خلف بضيق :صبي
مدت له الفنجال وكلٍ يناظره ومد يده يمسح على راس غيث اللي جالس جنبه وسالم
فيصل: يبه صاير معك شي!؟ وعد: يبه لا تخوفنا عليك
ابو خلف : طلعتوا صادقين هاللي ما تخاف الله طلعت زي ما تقولون
خلف : فدا راسك يبه فدا راسك
ابو خلف : انا اخطيت بحقكم كثير لكن مدري وش صار لي مدري
فيصل: ماعلييك يا يبه انت تمون
ام خلف: حمدلله اللي رجع لك صوابك وفكك من شر هاللي ما تخاف الله
ابو خلف : حمدلله
خلف : وينها يبه وش صار .
.
.

ابو خلف : حمدلله
خلف : وينها يبه وش صار
ابو خلف : رميتها بالمركز هي والكلب اللي معها وماني مخليهم لييييين يموتون الاثنين
سكتوا كلهم بذهول وقالت ام وعد : الله يجازيهم بفعلهم
وقف فيصل: بروح ابشر جدي وجدتي
خلف : اجلس الحين الوقت متأخر خل ابوي يرتاح وبكره خييير
ابو خلف: اي والله تعبان
حنان : سلامتك يبه اسوي لك شي تشربه يهديك
ام خلف : اي اي سوي له
رجعت وجدان معها مويه : سم يبه
اخذها ابو خلف وهو حن لكل هالاهتمام وحن لعياله قرب فيصل يهمز رجوله وراسه عشان يرتاح وفعلاً ارتاح ابو خلف
واهله حوله وتوووه بيت ابو خلف يستقر من فتره لولا مشكلة اماني اللي صايره
_______________________.
ومن بكره
فتح خلف الباب الفاصل وهو ينادي : جدي جدي
عزوز: خلف وش فيك!؟ خلف : عزوز ناد الكل للفطور وحتى عقاب ناد له
عزوز: خير وش عندك من هالصبح
خلف : اذا جيتوا بتشوفون
ابتداء عزوز ينادي والبنات يحضرون الفطور بحماس وراحه وكانت اماني هاديه وتنتظر ردة فعل ابوها
راح خلف يجهز وهو بعد اسبوع لاول مره بيروح السوق ويداوم
ودخلت وعد : خلف
لف خلف : سمي ياوعد
تكتفت وعد بضيق : وش بتسوي !؟ خلف : بوشو !؟ وعد : بمشكلتك!؟ وابوي اذا درا عن جابر
خلف : حيل الله اقوى وش بسوي !؟
وعد: كذا ببساطه تقول حيل الله اقوى !
خلف : وش اسوي يعني ؟! وعد : يعني بعد ماعشمت ليلى بتتركها
خلف : من قالك بتركها لكن انتظر تهدى الامور وغير ذا الموضوع صارت في اماني مقدر اترك كرامتها على جنب وارجع وكأن شي ماكان
وعد: اماني انتهى كل شي بينها وبين جابر لكن انت بتشوف حل للي حطيت البنت فيه
خلف : والله ماني مخليها والله لا توصيني على ليلى ابد مستعد احل هالموضوع لو تروح روحي فيه
وعد: الله يعين
نزل خلف لأبوه اول ماسمع صوت جده وجدته وصوتهم وفرحتهم بأبوه وعمه محمد
محمد: حمدلله اللي رجعك لعيالك وكل شي معوض
ام ناصر: عسى الله لا يوفقها الفاجره اللي ما تخاف الله
ابو ناصر: جازاها الله خلاص
محمد : ابد طلقها وخلها تواجهه الحد اللي تستاهله
ابو خلف : هذا اللي بيصير
جلسوا بهدوء مايدرون كيف يقولون له عن اماني
_______________________.
وفي بيت عقاب
اللي كان مجرد مايقول كلمه تتنفذ كأنها أمر وهالشي اعجبه بداية الامر لكن بدا يصير الوضع ممل بالنسبه له
وجد : عقاب فطورك جهز زي ما تحبه
عقاب : ما ابي الحين
وجد: ابشر بغطيه لك ليين تقول جيبيه
ناظرها عقاب فتره وكان يشوف كل همها شغل وبيت وخدمته بس
وقف بضيق وطلع لكن قابل عزوز: عقاب خلف يناديك للفطور .
.
.
وقف بضيق وطلع لكن قابل عزوز: عقاب خلف يناديك للفطور
عقاب : وش عنده!؟ عزوز: مدري
عقاب : يلا
طلع متجهه لبيت عمه واستغرب وجوده لكن استبشر خيييير : حياك الله في بيتك ياعمي
ابو خلف : الله يسلمك يا عقاب
همس عقاب لخلف : وش صاير !؟
خلف بهمس: رد الله لابوي عقله وفطنه على هالظالمه وكشفها وهذا هي فالقسم وبيروح الحين لها وبنروح نشهد انا ووعد باللي سمعناه ومع ابوي
عقاب : مدري شهادتكم تكفي!؟ اخبر الشهاده في هالموضوع لرجال
خلف : اي والله نسيت
ابو خلف : ابي معي شهود
ابو ناصر: على وشو يشهدون
ابو خلف : على ان الولد ماهو ولدي وعلى بلاوي حوريه
خلف : انا بشهد
عقاب : وانا
فيصل: وانا
محمد : وانا بعد
ابو خلف : اجل تكفون كذا وتوفون
ابو ناصر : حسيبها الله
ابو خلف : يلا اجهزوا
طلعوا كلهم عشان يثبتون اللي يعرفون وطلعت وعد معهم في حالة انه احتاجوها وهذا شي سبب لعقاب غثيان كارهه وجود وعد اللي قوتها بقوة رجال محد يستغني عنها ابد نرفزته بشكل مو طبيعي
وكان يهدي نفسه ويقول ( هيي اللي تجني على نفسها وتنط قدامي في كل مكان وهي تحدني اضرها )
قدموا شهادتهم وراحوا وبدات مسألة تحاليل dna مابين يحيى وابو خلف ومن فيهم ابو الولد وبعد فتره بتطلع النتايج
_______________________.
وفي هالفتره كان زواج مضاوي وضاري قريب
والكل ينتظره بس ضاري ومضاوي ماينتظرونه ابد ولكن صار ووصل هاليوم بعد اسبوعين
وكل هالاسبوعين بان فيها حال خلف اللي انقلب وهو يحاول يوصل لليلى بس مالـــــه مجال ولا طريقه
طول هالفتره وهو يناظر دكان النوخذه اللي ماكان في الا عمال يروحون للكويت كل نهاية اسبوع ويرجعون وكان قلبه ينعصر على ليلى
وكل الديره مستغربين اختفى النوخذه فجأه لكن قالوا عنده ظروف
بالنسبه لابو خلف بمجرد ما عرف طلاق اماني قوووم الدنيا على خلف ولا قعدها وكان خلف ساااكت لانه هو مصدر الغلط
لكن انتهى الموضوع وتسكر ومحد رجع يفتحه وهذا بعد ما طلعت نتايج الdna وطلعت فعلاً حوريه حامل بولد يحيى الغير شرعي ولكن سقطته من الخوف والرعب اللي تكدس بقلبها مجرد ماقالوا لها ان بيتم تنفيذ الحد عليها وعلى يحيى بعد
انهارت وبكت لكن مالها نجده خلاص طاح الفاس بالراس وواضح كل شي وهاذي عقوبة كل شخص يمشي طريق الحراام او يتجهه له
وبما ان حورية متزوجه اقاموا عليها حد الرجم حتى الموت
اما يحيى كان مو متزوج وكان من نصيبه الجلد
وما قصر ابو خلف كان اول من شارك بالحد وماتت حوريه وبكذا انتهت قصتها وانتهى مرور انسانه بشعه بنت الحرام وابعدت ابو خلف وعياله عن بعض .
.

وبالنسبه لضاري
كان الزواج بكره وهو عجز ينام او تبات عينه وكانت امه لها ثلاث اياااام تحتفل بزواجه وكلللل الديره تحتفل معها
وقف يناظر اغراضه اللي جهزتها امه وحطتها بغرفه وكان يناظر كيف جهزت امه الغرفه لزواجه وهو ومضاوي
ودخلت وهي تبتسم: وراك يمه ما جهزت للحين
ضاري : هاه ! لا بطلع اشوف مخيم الرجال وارجع
ام ضاري : ما توه نادر يقول كل شي زين
ضاري : ايه بس بمر واجي
طلع بسرعه مايبي امه تلاحظ ضيقه لكن كل خطوه يخطيها كل يسمع احد يقوله:الله يبني بيييتك يا ضاري والله يجمع بينكم بخير
كان يقول بس:امين
وقف عند المخيم اللي هالوقت فاضي تقريباً شيك على كل شي ورجع وهو يدعي الله انه يهدي سرهم ويكفيه الشر الجاي
_______________________.
وفي بيت الجد قايد
كان البييت قايم ولا هو قاعد والكل يروح ويجي على مضاوي اللي من الصبح وهي تبكي وعرف عقاب ودخل لها بهدوء وجلس وناظرته مضاوي بضيق
عقاب : وبعدين يا مضاوي ونهاية هالدموع
مضاوي: وش اسوي وش اسوي وهو في مثل وضعي يفيد فيه غير الدموع
عقاب : اذكري الله يا مضاوي وهذا جزاك انتي وبعدين ترا ضاري ماهو سيء لهدرجه اصبري واذكري الله واذا تزوجتي اصبري فتره ان ما مشت امورك ارجعي وانا وراك
مضاوي : ياعقاب محد مخليني
عقاب : يابنت الحلال قلت لك جربي وان آذاك ضاري علميني وانا اربيه
صدت مضاوي بضيق وطلع عقاب ضايق صدره وشلون مضاوي اللي يااااما تمنى له الخير وانا تكون سعيده يشوفها اليوم ضايقه ولا يقدر يسوي شي
طلع وجلس بالحوش يبي يشم هوى يجدد نفسيته لكن سمع سحو تقول : ادخلي ياوعد مافيه احد عند مضاوي
وعد : يلا زين
وقف بغضب ومتأكد ان وعد بتنصحها نصيحه تدمرها قرب من الشباك يسمع ودخلت وعد وهي تقول : كيفك ياعروسه
ناظرتها مضاوي بضيق: اي عروس واي بطيخ
وعد : يا مضاوي ياحبيبتي اسمعيني انتي الحين خلاص مافي يدك شي تسوينه الا انك ترضين باللي كتبه ربي وبعدين انتي بنفسك تقولين خلف يمدح وجدي والكل يمدحه ومسألة انه لقيط على ميعيبه حتى عقاب اللي مايواطن احد قلتي انه مدحه
مضاوي: اييه خلف يمدح لكن وش يدريني مايطلع مثل جابر
مضاوي:اتركيرجابر قضيته غييير المهم انتي شوفي كيف الكل فرحان وراضي افرحي مافي يدك شي غيره وابد لاتسمحين لنفسك تنكسرين وروحي معه عيشي شهر شهرين ثلاث وخليها ان ماجاز لك الكل بيوقف معك لكن لا تكسرين فرحتك الحين وبعدين ترا الحياه بالسياسه تمشي انا ما رضيت بمبارك لكن الحين ما ندمت شوفيه ماهو مقصر ابد واللي ابيه يلبيه بثواني
.
‎وضاري احسن منه مليون مره ،حكمي نفسك وانبسطي والحياه حياتك محد بيضيق الا انتي ولا احد بيفرح الا انتي سمعتي ‎هدت مضاوي كثيير وقررت تكمل وتنبسط : : وش بيدي مالي الا ارضى
ضحكت وعد : يلا اجل قومي اجهزي مابقى شي والناس يوصلون مبي نرقص معك قبل يجون
مضاوي : يلا ارسلي البنات يجهزوني انت انسانه ابي استكن
ضحكت وعد : يلا ابشري
طلعت وكان عقاب مصدوم من العقل اللي يحسه فجأه صار من صفات وعد
نزل وتركهم دامه تطمن على مضاوي وراح يجهز عشان يكون موجود بالمخيم
دخل بيته وشاف وجد اللي جهزت وخلصت وبتطلع : عقاب جيت اشوى لحقتك
عقاب: اغراضي جهزت
وجد : ايه هذا هي
عقاب : زين خلاص روحي ما احتاجك
وجد : طيب
راحت واخذ عقاب اغراضه وهو للحين مذهول من وعد
_______________________.
في الكويت
بعد هالاسبوعين بدا ابو نهيان يخف شوووي عن قبل وبدا يترك ليلى بحالها بعد ماكان مشدد عليها ورحم الله ليلى ان جابر ماكان موجود في البيت طول هالفتره والا بينتبه لزعل ابوه منها ويشك فيها
ولاول مره يفضى البيت وتبقى هي لحالها وبالقوه تجرأت ودخلت غرفة ابوها واخذت التليفون وهي خايفه يجي ويدفنها لكن قلبها ماهو راضي يرتاح وهي ماتدري وش صاير في خلف من هذاك اليوم ماتدري عنه
دقت التليفون وهي ترتجف وتنتظر يرد خلف اللي كان كان جالس بالدكان وهو هااااادي بشكل مرعب كان راسه ملياااان هموم وخصوصاً بعد مابدوا الناس يحكون في اماني وليه ولد النوخذه طلقها
ومضاوي وضاري اللي متأكد خلف ان هاليوم ما رح يمر بفرح بالنسبه لمضاوي وماكان يبي يشوفها ابد ويحس بالذنب
ومن جهه ثانيه يفكر ب ليلى وكان مستعد يروح الكويت ويتطمن عليها
ازعجه صوت التليفون ورد بضيق : الوووو
شهقت ليلى وهي تبكي : خلف
فز خلف ووقف بلهفه : ليلىى
انهارت ليلى تبكي : خلف انت زييين!؟ ماصار لك شي ؟! انت بخييير !؟ خلف اللي بغى يطلع قلبه من بين ضلوعه : ماني بخييير وانتي بعييد ماني بخييير وانا يمر يومي افكر وش صاير لك واذا انتي بخير ولا لا
ليلى : خلف ابوي سوى لك شي !؟ خلف : مو مهم مو مهم المهم انتي احد آذاك احد سوى لك شي .
.
.

ليلى : خلف ابوي سوى لك شي !؟ خلف : مو مهم مو مهم المهم انتي احد آذاك احد سوى لك شي
ليلى : لا لكن ابوي زعلان علي مايحاچيني ياخلف ! اول مره احس اني غرييبه ياخلف
تقطع قلب خلف من دموعها: لا يابعد خلف واهل خلف كلهم لا تبكين وانا اوعدك احل هالمسأله اوعدك اني افهم ابوك كل شي
ليلى ببكى: لا ياخلف لا تجي ابوي اذا شافك بيذبحك خلف ابوي تغيييير واجد
خلف : واخليييك كذا!؟ ليلى: ما يخالف خلنا نهدا شوي مانبي نزيد الطين بله وكفايه جابر حالته حاله
خلف: جابر!؟ يعرف بشي
ليلى: لا مايعرف وابوي اجبره يطلق اماني وهو مايبي ومن حزتها طلع من البيت ولا رد وهو يردد انه متفشل منك
غمض خلف بضيق: انا والله اللي متفشل
ليلى بضيق: شلونها اماني !
خلف : بخير بخير كلنا بخير لكن ابيك توعديني تكونين بخير
ليلى: انا بخير دام تطمنت عليك لكن ما اقدر اطول اخاف ابوي يرد البيت ولا اقدر اكلمك اكثر دير بالك على روحك
خلف: ابشري وانتبهي على نفسك ولا تخافين ايام واحل هالقصه
ليلى: فمان الله
سكرت وارتاحت انها سمعت صوته بخييير ولا تدري لين متى بتطول هالسالفه لكن المهم انه بخيير
اما خلف جلس براحه وهو اللي من ايام ما غابت ليلى عن باله ابد وحمد ربه ان ماعطاها السي دي وان باقي لها ذكرى عنده
طلع من المحل وهو مرتاح ويفكر في حل ينهي هالمشكله
_______________________.
المغرب
في المخيم الكل صار موجود وكلهم لابسين ومستعدين للعرس كل الشباب واقفين بأحزمتهم وكل واحد راسم شخصيته بثقه
الا ضاري اللي متوسط بشته وقلبه يرقع ماعمره تخيل انه بيصير عريسس وهذا هو صار والكل حوله والكل يرقص له ويبارك
كان نادر يراقبه وهو شااك انه داري برفض مضاوي لكن كان ساكت مايبي يلفت انتباهه احد
اما خلف كان من كل قلبه يدعي ان الله يسخر له مضاوي ويسخره لها
وعقاب اللي بين موقفين وهو بدا يتقبل ضاري كثييير لكن خايف ما تعيش معه مضاوي
جاء فيصل يعلن وصول الفرقه وهو يغني ويرقص معها ( أول الفال ذكر الله ..والشياطين نخزيها
ولضاري سلام الله .. ياعريس الزين يالغالي)
وهنا بدا عرس الرجال
_______________________.
وعند الحريم
ما قصرت ام ضاري سووت ماصار ولا استوى ووقفت بالنص وهي ترفع عصاتها وشوق جنبها ماخلتها وهي تقول ( حياكم الله في عرس ولدي الغالي في عرس ضاااري ذخر أمه )
من هنا بدت الطقاقه تغني وهي تعلن بداية العرس اول ماقالت(يا ام ضاري تهنيتي ،وبلغتي ماتمنيتي )
.
.
.
من هنا بدت الطقاقه تغني وهي تعلن بداية العرس اول ماقالت(يا ام ضاري تهنيتي ،وبلغتي ماتمنيتي )
وماقصرت ام ضاري رغم تعبها الا انها ماجلست ترقص وترحب وتغني
وشوق معها ماخلتها والكل فرحان ويحسدون مضاوي على ام ضاري
_______________________.
واخييييراً
صار وقت الزفه ومضاوي اللي مافيه ولا خليه بجسمها الا ترتجف ماتدري وش المجهول ما تدري وش مصيرها مع ضاري
ضاري اللي كان طول وقته وهو مرتبك مرتبك وواضح عليه وقرر عقاب يقوم بدوره هالمره وقال : بعض الناااس كان يطقطق اشوووفه هجد
ضحك نادر: ايييه اللي يده بالمويه ماهو مثل اللي يده بالنار
ابتسم خلف : لا تخاف يا ضاري عمتنا ماتأكل
ابتسم ضاري بهدوء : رهبة الموقف يا رجل
محمد: جاهز يا عريس
ضحك ضاري يبي يخفف توتره: دعواتكم يا شباب
ضحكوا كلهم: موفق
راح محمد مع ضاري وابو ناصر وابو خلف ودخل وهو يتقدم خطوه ويرجعع عشششره كان خايف من مصيره ورا الباب خاايف من طعم التعاسه والضيم اللي بيعيشه وهو شبعان من هالاحساس ولا عاد فيه حيييل يكمل اخذ نفس ودخل ورفع راسه على طول بيشوف من هي مضاوي هاللي تلعب فيه من هي اللي تشوف انها احسن منه لكن انحبس نفسه في صدره اول ماشاف مضاوي وهو يقول بنفسه ( يحق لها والله يحق لها )
صد ووقف ما تجرأ حتى انه يصير قريب وقوفه كان جامد وارعب مضاوي لكن تغير هالجمود بعد ماباركوا له وطلعوا ودخلت امه اللي تمسح دموعها بأطراف شيلتها اسرع وهو ما اهتم لبشته اللي طاح من كتفه عند رجول أمه ومو بس بشته اللي طاح طاح الهم من صدره اول ما حضنته امه وشد عليها بكل حيله وهو ما رضا بهالزواج الا عشانها هي هي وبس ومستعد يتحمل سهوم الدنيا بصدره ويضحك المهم هي تضحك
ابعدت وهي تقول : ياعساه سعيد ومبارك يا حبيبي يا عسى الله يجمع بينكم في خييير
ابتسم ضاري وهو يمسح دموعها: والله انه سعيد والله انه كل الخير دام كل هالدعاء يحفه ياجنة ضاري
لفت ام ضاري وهي تنادي الطقاقه تبيها تطق لهم تبي ترقص وترقص الدنيا فرح لضاري اللي رغم انه مايعرف يرقص الا انه ما اهتم الا انه يشاركها فرح وماهو عليها كثير
كانت مضاوي مذهوله وهي تشوف هالمنظر قدامها وتطمنت وهي تشوف ضاري بهالحنيه مع امه واعتبرتها بشارة خييير لان اللي فيه خير لأمه اكيد فيه خير لكل الناس هذا وهو مب ولدها الحقيقي وتتوقع لو كان ولدها الحقيقي ماحبته كذا ولا حبها بالحب اللي يبان بعيونه وحتى هو يرقص يراعيها لا تطيح ولا تتعب .
.
.
لان اللي فيه خير لأمه اكيد فيه خير لكل الناس هذا وهو مب ولدها الحقيقي وتتوقع لو كان ولدها الحقيقي ماحبته كذا ولا حبها بالحب اللي يبان بعيونه وحتى هو يرقص يراعيها لا تطيح ولا تتعب
لكن ماكانت أمه مهتمه بتعبها لان فرحها مطيرها لسااابع سماء
الكل كانت تدمع عينه وبعد ما انتهى هالموقف تدخلت ام ناصر تهدي ام ضاري : خلاص يا وخيتي اتعبتي نفسك
ام ضاري : يستاهل التعب رضي الوالدين
تقدم ضاري يبوس راسها: كفيتي وفيتي يمه خلاص تتعبين نفسك
ام ناصر: اي والله ماقصرتي ارتاحي
زفوهم لبيتهم وعلى كثر الناس اللي زفوه كانت عيون ضاري ما تشوف الا امه اللي عن مليون رجال وكانت تثبت لناس انها الام والاب والصديق والحياه لضاري اللي ابد مارضى انها تنام برا البيت عشان ياخذ راحته بالعكس رفض يدخل البيت بدونها
نادر بهمس : اسمع خلها تنام عندي وبكره بتجي هي ودها انكم تاخذون راحتكم وانتم عرسان
ضاري : معصي والله مالي راحة الا بوجودها معي في البيت وعسى عمري ما ارتحت وهي برا
خلف : هي تبي تبات عن نادر وش تبي انت !
ضاري : ابي امي ياخي
عقاب اللي كان متأثر من الموقف وكبر ضاري بعيونه كثير وقال ولأول مره يأيده: خلووه وش تبون فيه هاذي امه يا ناس
نادر :يمممه انا بيغمى علي من متى صرتوا تتفقون
قال ضاري اللي حب يلطف الجو: اكيد بيتفق مع عمه ولا
عقاب: مااااش مافيك خير ولا يينفع فيك معروف ألين امحطك بهالعقال وتعرف من العم فينا
خلف : مقوى عينك يا نادر المهم خلصنا خلاص أمه عنده والله يقويه
الكل : اجل موفق
دخل ضاري مع امه اللي فرحت بضاري وانه ما نسى المعروف ابد
_______________________.
الكل رجع لبييته
وفي بيت ابو خلف بعد ما جمعوا حوسة العرس مع البنات دخلوا بنات ابو خلف لغرفتهم اللي معهم وعد اللي من ساعه وهي تحس انها ماهي بخييير تحس ان الدنيا تدور فيه
انسدحت بتعب وهي بالقوه صرفت مبارك اللي من وجهها عرف ان فيها شي واصر ياخذها لكن قالت انه تعب الزواج ولا اكثر ولا اقل
لفت على صوت ندى اللي تقول : يممه يابنات شفتوا ضاري وامه قطعوا قلبي
حنان اعتدلت وهي تمسح دموعها: انا بكيت منهم لين قلت امين
ضحكت اماني بحسره: :حمدلله عوض ربي مضاوي عوض احسن من الچويتي على قولها
كلهم لمسوا في صوتها قهر لكن محد علق لكن قالت وجدان : على طاري العوض ملاحظين ان ابوي متغيير
وعد:من اي ناحيه
وجدان: من كل النواحي ماعاد يصارخ وماعاد يعصب واي شي نطلبه مايقول لا زي قبل وماعاد يحط بصمته على الاوراق .
.


وجدان: من كل النواحي ماعاد يصارخ وماعاد يعصب واي شي نطلبه مايقول لا زي قبل وماعاد يحط بصمته على الاوراق
ضحكت ندى: سبحان الله يمكن الدرس اللي اخذه من حوريه حرك الرحمه بقلبه
حنان: فعلاً عسى ان تكرهوا شي وهو خير لكم
وعد : حمدلله ازمه وعدت ومثل ماقالت حنان ماندري يمكن جيت هالحوريه فيها خيره
وجدان: صادقين والله
ندى: مدري خلف رجع ولا لا
وجدان: ايه توه وجع ودخل عند عمتي تحتريه من ساعه عشان تقرا عليه زي كل مره
اماني: يازينها عمتي الله يخلي لها خلف ويخليه لنا
الكل : امين
سكتوا وهم كلهم يحبون خلف وممتنين له ما كإنه اخ من اب بالعكس كان رووح لهم وكانت وعد شايله هم قلب خلف المكسور ماتدري كيف بتساعده في هالهم
_______________________.
وفي بيت عقاب
دخل بعد ما تطمن على اخوانه انهم بخير كان متوقع انه يحصل وجد تنتظره بكشختها ويكون هالليله غييير في ايام روتينهم اللي ماكان يشبهه روتين العرسان وكأنهم متزوجين من سنين لكن انصدم اول ماشافها متلحفه ونايمه بحالتها المعتاده بدون اي زينه او اي شي بجلابيتها المعتاده وبتعب بعد ماكرفت مع البنات صد عقاب بضيق وهو مهما كان وده انه يتنعم بهالايام لكن وين هذا حال وجد وهي عروس اجل كيف بتكون اذا صارت ام عيال
نام هو بعد وهو مايدري كيف بيتفاهم مع وجد اللي بدت تصير صعبه
_______________________.
وعند العرسان
ضاري بعد ما تطمن على امه وعطاها ادويتها وهمز رجولها ما كأنه معرس ابد اول مانامت طلع واتجهه لغرفته وهو نفسه من مضاوي صاده ماهو قادر يتقبل انها موجوده في بيته مرغمه وكارهه وخايفه
ماكان ناوي يسوي شي الا انه يحط راسه وينام وهو مايبي يشوف نظرتها له وانه لقيط مجهول الهويه
دخل بهدوء وسلم وشافها جالسه بعد مابدلت وحاول يتجاهل بس قال: تعشيتي !؟ ناظرته مضاوي باستغراب لكن هي بعد ماكانت قادره تستوعب انها مع واحد اجبرت عليه : مالي نفس
من صوتها فهم ضاري اللي يبي يفهمه وقال:زين على راحتك تقدرين تنامين لاني بنام
طلع وبدل وهو على كثر ماتمنى يتزوج على كثر ماهو حزين بهالزواج
دخل ونام بهدوء في نفس الغرفه لانه مايقدر يطلع ويضيق صدر امه
انصدمت مضاوي منه لكن قالت بنفسها( خيره عسى الله يفكني منه)
ومافكرت كثير ونامت لانها تعبانه وببساطه كذا انتهت ليلة عمرهم
_______________________.
عند نادر
كعادته الجديده واللي صار مستحيل يخليه انه ينسدح على رجول شوق وتبدا شوق تسولف له عن اللي صار وعن احساسها هالوقت وكيف صار !
.
.
.

كعادته الجديده واللي صار مستحيل يخليه انه ينسدح على رجول شوق وتبدا شوق تسولف له عن اللي صار وعن احساسها هالوقت وكيف صار ! كان بس يراقبها ويبتسم وتعودت شوق على هالحال والوضع مع نادر وصارت تتعود انها ترد على كلامه الحلو
وقالت بعفويه : ياحياتي ياخالتي ام ضاري وضاري منظره..
اتعدل نادر وقطب حواجبه: منهو حياتك!؟ شوق بنفس النيه : خالتي ام ضاري وضار.. وقبل تكمل استوعبت وقالت: اا ما اقصد انهم حياتي حياتي يعني رحمتهم حزنت عليهمم ماقصدي والله اقول كذا بس يعني
رجع نادر ينسدح وضحك: ادري ما قصدك لكن انتبهي يا ام النيه الطيبه تراني ما اتحمل هالالقاب تنقال خارج حدودي
ضحكت شوق بخوف : اشوى خوفتي قلت فهمتي غلط
نادر: ابد انا فاهمك صح وبفهمك صح عمري كله
ابتسمت شوق : والله مافيه شي صح بحياتي الا وجودك فيها وهذا المهم
اعتدل نادر وهو يضحك: الله الله ياشوق تطورنا وصرتي تسجلين اهداف ضدي
ضحكت شوق : بركاتك
ضحك نادر: كفو عليك
شوق : ما تعبت ماتبي تنام
نادر: ليه تعبتي انتي !؟
شوق : اي والله كرفنا مع خالتي كرف احس انهد حيلي
نادر: اي والله انا اخذت شهادة امتياز بالكرف اليوم
شوق : يلا اجل
وقفت تسكر الانوار وهي دليلها بالظلام يد نادر اللي تمسكها لين تطفي النور وترجع ركض وهي ماسكه يده لييين توصل لمكانها بحضنه البريء
_______________________.
وفي بيت النوخذه
كان ابو نهيان متيقن ان جابر ماله ذنب ومظلوم في هالقصه كلها ويدري ان قلبه هاللحظه تعيس ويدري انه زعلان ومتضايق لكن كان افضل انه يترك اماني بهالطريقه ويروح ولا يتركها قاتل اخوها والسبب علاقته بليلى
كان يدري ان الكل متضايق من تصرفاته بس محد منهم يدري ولا احد حاس بشعوره وقهره وهو يشوف ثقته مهزوزه في بنته
الوحيده اللي حاسها وساكته كانت ليلى اللي ماعاد لها حق ابد ترفع عينها لعينه ماعاد تقدر تعترض حتى على كاس الماء كانت ضايق صدرها ان ابوها زعلان منها وكانت تفضل السكوت ماودها تستفز ابوها بأي شي وحزتها يضر خلف اللي يعتبره السبب في اللي صاير ماكان لها مواسي ولا كان لها سبب يهون عليها الا العود الوحيد اللي ما اخذه ابوها منها وكل ماضاقت كانت تغني اغاني خلف اللي كان يرسلها او يسمعها
تنهدت وهي تفتح الكاميره بالسر وتراقب خلف ونظراته لها بالفيديو كان مسحور لها وساحرها
سكرتها ودخلتها بهدوء في مكانها وهي ماتدري متى تنتهي عجاج هالظرف
_______________________.
ومن بكره
خلف اللي صار ينام اخر الناس ويصحى اولهم ماكان يبي يقابل احد اليوم
.

[صواديف عشاق]

ومن بكره
خلف اللي صار ينام اخر الناس ويصحى اولهم ماكان يبي يقابل احد اليوم كان يخف بخطوته بيلحق يروح السوق يخاف ليلى تتصل وهو مو موجود
شرع ابواب المحل كالعاده وجلس وكانت عيونه على دكان النوخذه اللي شوي شوي بدا ينسحب من السوق تنهد اول ما طرا له الفيديو وكان يحس انه اشتاق ليلى هالفتره
دخل زوايته وطلع السي دي وجلس وتردد كثير لكن شغله وتكتف يتأملها وقلبه يهتز مع كل خطوه تخطيها كان يضحك اذا ضحكت ويكشر على انقطعت الاغنيه وكشرت
انتهى الفيديو بعد ماعاده مليون مره وسحب السي دي وهو يدخله اول مابدوا اهل السوق يجون وفي عز صمته طرا له سحر معقوله هاذي حوبة سحر ؟! معقوله ان اللي الحراره اللي يحسها تحرق قلبه هي نفسها اللي كانت بصدر سحر اول ما حاول يبعد ويتهرب
غمض بألم وهو يقول بهمس( يارب والله مانويت لها الكسر يارب انا ماكنت ابيها تعيش بحرقة طول العمر مع واحد مايبيها بالعكس كنت احن عليها من هالوجع يارب لا تجازيني بذنب ماقصدته)
فز على صوت عمه محمد اللي جاء ومعه شنطته: هاه خلف مالك نيه تخاويني
ضحك خلف بصعوبه وقال: ياليت ياعمي ياليت
محمد : وش وراك
خلف : كل شي
جاء عقاب اللي طلع من بيته وهو مايبي يتصادم مع وجد من هالصبح وقرر يهج لخلف وضحك وهو يقول :عوداً حميداً يا عمي اشتاقت لك المطارات
ضحك محمد : اي والله انها اطول فتره مرت علي ماسافرت
عقاب: حمدلله عدت بخيرها وشرها
محمد : يلا انا رايح وما اوصيكم
خلف : توكل على الله ولا تخاف
عقاب :كل شي بيكون على حطت يدك
ضحك محمد : اييه كل شي بس ابي ارجع وتبشرني انك تحتري ضنى
ضحك عقاب : على خير
راح محمد وجلس عقاب : هاه خليف اشوفها مغيمه عليك
خلف : ابد لاهي مغيمه ولا شي بس مصدع
عقاب سكت وبعدها قال: احس اني هالايام ماعاد اعرفك
ناظره خلف بهدوء: ليه!؟
عقاب:احسك شايل امور كثيره بصدرك ومخبيها وهذا شي ماتعودنا عليه وانت تدري ان ماعمرنا خبينا عن بعض
ابتسم خلف بالقوه وقال: لو فيه شي يا عقاب قلت لك اكيد لكن ابد كل اللي فيني اني تعبت من الاحداث الاخيره وابي ارتاح شوي عطني وقتي
عقاب : خذ راحتك يا خلف لكن لا تنسى اني اقرب لك من الوريد
خلف :اكيد يا عقاب
سكت وهو ماهو متعود يخبي عليه لكن لو قال وش بيقول ماله وجهه يقول شي اصلاً
_______________________.
وفي بيت ضاري
صحى من بدري ولبس طلع لأمه واستعجل خطوته وهو يشوفها جايه بالصينيه لغرفته: عنك عنك يمه وينك بتروحين بهالصينيه
ام ضاري : قلت اجيبها لكم وتفطرون .
.
.

ام ضاري : قلت اجيبها لكم وتفطرون
ضاري : افا!؟ تجيبينها انتي! وافطر في مكان ما انتي فيه ابد والله معصي
ام ضاري :يا يمه انت معرس خلك مني والتفت لعروستك
ضاري : ما ابدي احد عليك ابد الفطور عندك ولا يمكن اني افطر بعيد عنك
ام ضاري: الله يرضى عليك اجل قم ناد عروستك
ضاري : ابشري
رجع وهو خبره في مضاوي نايمه لكن شافها صحت من بدري وجهزت وكانت تجمع اغراضها ووقفت وهي تناظر انعكاسه بالمرايه
ما طول ضاري النظر فيها ولكن قال: امي تنتظرك على الفطور
مضاوي : طيب
كانت مستغربه اسلوبه وصده فيه شي غريب لكن اعتبرته لصالحها وطلعت وانهلت عليها التراحيب من ام ضاري وهي تداريها وتعطيها كل شي وضاري ساكت
وبعد الفطور وقفت ام ضاري بتجمع الاغراض لكن فزت مضاوي : حلفت ما تلمسين شي ياخالتي خليها عنك انا اسويها
ام ضاري:توك يابنتي عروس
مضاوي: واذا عروس اجلس وتخدميني لا والله اجلسي ارتاحي
اخذت الاغراض ولفت ام ضاري بهمس له : قم قم مع البنت تراها ماتدل شي ببيتنا علمها عن كل شي بالبيت
وقف ضاري بضيق وراح ورا مضاوي وهو يقول : المطبخ يمينك
لفت مضاوي تناظره بهدوء ودخلت وهي تنزل كل شي ووقف ضاري وراها متكتف
وجات ام ضاري تقول : انا بروح لام حمود وبتغداء عندها لا تشيلون همي
ضاري: اوصلك يمه
ام ضاري: اجلس انت اجلس انا ادل الطريق
راحت وضحك ضاري وهو يدري انها تسوي كل ذا عشان يجلس مع مضاوي
كانت مضاوي تحاول ترتب وتجاهل وقوفه وراها لكن تجمدت اول ماقال ضاري اللي عجز يتحمل : اتركي كل ذا وتعالي بكلمك
طلع للغرفه وترددت مضاوي تروح ولا ما تروح بس مستحيل تروح له خايفه وهي ودها ان امه ماراحت جلست بالمطبخ ولا طلعت وانتظر ضاري وطول ينتظر بس ماجت لكن جاء هو وتكتف هو يقول : قلت لك تعالي!؟ تقدرين تقولين ما ابي اجي لكن ما تسفهيني؟ وانا ماني ذليل يا بنت الناس
وكل اللي بغيته منك انك تسمعين هالكلمتين مني ! ادري انك مجبره على الزواج ولا بغيتيه وادري بكل شي في خاطرك لكن انا تممت وقبلت هالزواج عشان امي عجزت اكسر فرحتها فيك وعجزت اكسر ثقة خلف ومحمد فيني
لكن ما انتي مجبوره عندي على شي وخيرك الله بين امرين
اذا بغيتي تجلسين فتره معنا عشان محد يتكلم عليك براحتك واذا حبيتي تروحين لبيتكم بعد براحتك لكن في كل القرارين انتي مجبوره تحترمين امي وامي ماهي مأذيتك لكن انتبهي تزعلينها عشاني ولدها
للحظه نست نفسها مضاوي وهي تناظره بصدمه كان هذا اللي تبينه بس هي تدري وش عواقب هالقرارين لكن انقهرت من اسلوبه انقهرت منه بكبره
.
.
انقهرت من اسلوبه انقهرت منه بكبره
لكن ضاري كان مقهور منها بعد لييه توافق دامها ماتبيه من البدايه لييييه تعشمه دامها ماهي قادره تتخذ قرارها ليه تلعب به قالت بغضب :انا ما اجلس تحت رحمة احد ولا اجلس عند احد مايبيني
ضحك ضاري بقهر: ولا انا اجلس مع احد مايبيني لكن هاذي غلطتك وتحملي عواقبها
مضاوي : والله ان كل مدحه قالوها فيك خساره دام هذا اسلوبك وكل عشم فيك بيخيب
ناظرها ضاري بهدوء : عمري ماخيبت عشم احد ولكن انا ما انام على ضيم لكن انتي امانه وتأكدي مارح تشوفين شي مني يضيع الامانه وعلى هالاساس بنكمل لين يصير الوقت المناسب لكن حطي ببالك زييين اذا سكت هذا مايعني انك تتمادين ابد ، لان حتى اللقيط اللي مصيره مجهول يعرف يكسر عين كل شخص يشوف نفسه عليه
طلع وتركها واتجهه لسطح وجلس مايبي يروح لشباب وده يبين ان كل شي طبيعي
لكن مضاوي مازالت مصدومه بس انزاح من قلبها هم من ضاري وعرفت انه مثلها ماهو براضي ودخلت تنام وهي مبسوطه رغم انه سفل فيها بس عادي عندها تعتبره ردة فعل لكن ماتدري كيف عرف انها ماتبيه
_______________________.
في سيارة مبارك
اللي ماقدرت وعد تحمل التعب واتصلت فيه يجي ضروري يجي وجاء مبارك اللي كان يراقبها بخوف : كنت حاس قلت لك تعالي معي ما انتي بخير وما تطيعين
وعد : خلاص يا مبارك خلاص كفايه الدنيا تدور فيني لا تزيد الطين بله
مبارك: علميني وش يوجعك بالضبط
وعد اللي كانت ماتبي تسسمع حتى صوته:مباااارك فكني يابن الحلال من الصوت ارحمني الله يرحمك
سكت مبارك وهو كل شوي يلف ويشوف اذا تمام او لا
ووصلوا المستشفى وهي دايخه ما تشوف قدامها
وبعد ما دخلت الطواري واخذت المغذي تحليل انتظرت هي ومبارك لين دخلوا عند الدكتوره
الدكتوره: وش تشتكين منه ياوعد ؟!
قبل تكلم وعد قال مبارك : يا دكتوره دايخه وتع...
الدكتوره: انت وعد!؟ مبارك: لا انا زوجها
وعد : مبارك اجلس اجلس
جلس مبارك وابتدت وعد تشرح لدكتوره اعراضها وابتسمت الدكتوره وهي تناظر التحاليل: طبيعي يا وعد ما دامك حامل من اسبوعين طبيعي هالشعور
جمدت ملامح وعد بصدمه وهي تناظر الدكتوره وفز مبارك بفرح: الله يبشرك بالخير يا دكتوره
وعد ماردت ابد وكأنها مضروبه كف بكل قوه وقفت بهدوء وطلعت ماردت على كلام احد ابد
طلعت بوجهها لسياره وماكانت هاذي خطتها ابد ماكانت تبي تحمل ابد في هالوقت كانت في مرحلة تأكد من مبارك ماتبي تورط نفسها وهي ماعرفت مبارك زين وكانت ماهي واثقه فيه ابد وما انتهت حتى من دراستها
.
.
.

وكانت ماهي واثقه فيه ابد وما انتهت حتى من دراستها
ركض مبارك وراها : وعد وعد وش فيك يا بنت الحلال وش فيك
لفت وعد وصرخت : وصلني البيت يامبارك
تحرك مبارك بهدوء وهو يعطيها اعذار واول ما وصلوا البيت قال: وش فيك اللي يشوفك يقول ميت لك ميييت
وعد بكل هدوء طلعت الورقه وهي تعطيها اياه: وش اتفقنا عليه !؟ ووش وقعت عليه يا مبارك
مبارك اخذ الورقه بضيق : وانا وش بيدي كتب لنا ربي وش نسوي يعني نقول لا
كانت وعد عارفه ان حملها رزق من ربي لكن ما كانت مستعده وهي تدري انه بيكون نقطة ضعف في حياتها
جلست وهي تحط يدها على راسها
مبارك: يا وعد لا تنكرين النعمه غيرك يتمناها
صدا وعد وهي تنسدح بتعب ماردت على مبارك ابد ودامها رزقت بهالطفل لازم كثير اشياء تتغير في حياتها واولهم مبارك لازم يكون قد هالمسؤوليه لازززززم
اما مبارك كان فرحان ولا همه رضا وعد او زعلها المهم انها حامل يعني بقائها معه صار اجباري
_______________________.
وبهالسرعه انتشر خبر حمل وعد والكل فرحان وفي نفس الوقت ماهم مستوعبين ان وعد بتصير ام كان شي غريب شوي على وعد
اما وعد صح كانت مو متقبله لكن ما بينت لأحد وبدت تستوعب وترضى وبدت تتغير قناعاتها وتنشغل في نفسها وشهور حملها المتعب
ومو بس وعد اللي تغيرتت حتى مبارك اللي انقلب حاله لاحسن وهو ينتظر شوفة طفله ومستعد يزرع له الدنيا ورد ولوعد وهذا شي هون على وعد كثير
..
خلال هالشهور كان خلف مزروووع زراعه بجنب التليفون مايفارقه ابد وينتظر ليلى ترجع تتصل لكن للاسف مرت ظ¨ شهور وهو مايدري عنها ولا قصرت هالظ¨ شهور ابد بالعكس رسمت في ملامح خلف معاناتها للي كلهم يدرون ان فيه شي بس ما يدرون وش هو ...
بالنسبه لليلى طول هالشهور كانت منقطعه تماماً عن العالم اجمع وكانت خاااايفه من زعل ابوها اللي طال وبدا جابر يرجع شوي شوي للبيت بس للحين متحسس وزعلان والكل مستغرب هدوء ليلى الغريب لكن عشان ما احد يشك اخذها ابو نهيان تعيش عند جدتها ام ابوها والعذر تكمل دراستها وهو قصده يبعدها عن البيت عشان محد يشك فيها وكانت في مدينه بعيده عن اهلها لكن ما نست خلف ابد ولا عندها طريقة انها تتواصل معه ومرت هالظ¨ شهور على قلبها مثل السكاكين
...
عقاب طول هالفتره كان متماشي مع حياته اللي للان ما انكتب ان زواجه يزينه طفل وكان كل مافرح بحمل وجد تسقط لاسباب مجهوله وهذا الشي بدا يطفشه وزاد نفسيته سوء لكن هدأ كثير هالفتره لان وجد حامل
اما وجد المسكينه كانت ماتدري كيف ترضي عقاب ولا تدري وش تسوي فيه وكانت تحبه .
.
.

اما وجد المسكينه كانت ماتدري كيف ترضي عقاب ولا تدري وش تسوي فيه وكانت تحبه لكن ماتدري كيف تعبر وكيف تتصرف وتدعي ربها ان حملها يبقى لان هي الفتره الوحيده اللي تبان فيها حنية عقاب
...
من طرف نادر وشوق ما تغير في حياتهم شي كثير الا ان الراحه ملت حياتهم وماكانوا قاطعين اهلهم بالعكس رغم صدهم لهم الا انهم يروحون كل اسبوع ويرجعون بخيبة وفي الحقيقه بدت تنشأ بعقل نادر افكار جديده كان يستعد لها .... من طرف ضاري مايدري كيف مرت عليه هالشهور وهو مقابل لمضاوي اللي طورت العلاقه بينهم بكل المسميات الا مسمى انهم زوجين كانوا ممكن يصيرون اصحاب او شركاء بنفس الغرفه او اي شي بس مايصيرون زوجين الا بنظر ام ضاري اللي من فرحتها تشوفهم مناسبين لبعض ما تشوف الاختلاف
ومضاوي اللي ما توقعت انها بتعيش مع ضاري ابد لكن اكتشفت انه ماهو سيء ابداً لكن كل ماقررت تروح يضيق صدرها على ام ضاري اللي تحبها وشايلتها من الارض شيل .... وهالشهور كان ماجد مختفي فيها يستعد لبداية حياه جديده ومصر انه ماعاد يسكت ابد ورايح لعقاب رايح وبياخذ سحر ماعاد عنده صبر كانت هاذي الشهور خلاصة صبره .... اما بالنسبه لبيت ابو خلف كانت هالشهور شهور النعيم كان ابو خلف متغير لدرجة انهم ماعاد يدرون وش يطلبون منه وكل شي صار عندهم بعد ماكانوا يتحسرون على كل شي ... وبيت الجد قايد كل شي كان زي ماهو الا ان هيا انخطبت وصارت على مشارف الزواج ولكن سحر وعهد وشهد للحين في دوامة العزوبيه يدورون ومحمد اللي رجع للمطارات والرحلات وهو يشوفها تسليته الوحيده اللي تنسيه كثير اشياء توجعه ... _______________________.
وفي احد الايام بييت ابو خلف
كانت وعد جالسه بين البنات اللي يطقطقون كالعاده
ندى : انا احس اني احلم مستحييييل وعد تكون حامل مستحيل
وعد: ليييه ماني انسانه!؟
سحر: لا بس سبحان الله ياوعد احس انك قياديه يعني احس لازم تجلسين بقوتك واذا جبتي عيال احس بتتغيرين
هيا : نفس احساسي بس احس بعد انه شي حلو يعني الاطفال يزرعون الحنيه بالقلوب
حنان: ياربي تولدين بسرعه لأني مرره متحمسه
وعد وهي تناظر بطنها : هاااانت خلاص
فزوا على صوت فيصل اللي ينادي : ياولد فيه احد
وجدان: ارجع بنات عمي فيه
عزوز اللي كان معه : سووا لنا طريق لو سمحتوا
ضحكت ندى : ابشر يا عزوز لكن جبتوا مضاوي!؟ فيصل : تقول تنتظر ضاري يجي وبيجيبها ويرجع لأمه عشان ماعندها احد
هيا : يلا ننتظرها وش ورانا
فيصل : قوموا يلا
اماني: ياخي مانقدر نغير مكانا وعد تتعب .
.
.

فيصل : قوموا يلا
اماني: ياخي مانقدر نغير مكانا وعد تتعب
عزوز: اطلعوا انتم احنا نبي نجلس مع وعد
ضحكت وعد اللي كانت تحب عزوز عكس عقاب واخذت جلالها وغطاها وهيي تتغطى
طلعوا البنات للغرفه الثانيه ودخل فيصل وعزوز اللي كل متعتهم جلستهم مع وعد
وثواني وجات ام ناصر وام خلف وام وعد اللي كانو مسيرين وانظموا لجلستهم
_______________________.!
في بيت عقاب
طلع مستعد لدوامه وهو يقول : وجد تجهزي عشان تروحين للبنات تجلسين عندهم لين اجي
طلعت وجد من المطبخ: ابشر بس انت متى بتجي
عقاب : على حسب متى ماطلعوني طلعت و.. التفت لها وغمض بضيق واتجهه وهو يسحب القدر من يدها ورماه بالارض : انا وش قلت لك يا وجد وش اقول ما قلت اجلسي لا تسوين شي
وجد : انا ما سويت شي بس ارتب ما احب البيت مكركب
عقاب : خليييه يتكركب خليه في ستين داهيه وجد ارحميني وارحمي نفسك واجلسي انتبهي على نفسك واللي ببطنك
وجد: طيب ابشر ابشر
عقاب : لا تقوليين ابشر شبعت منها ابي فعل ابي تجلسين والا والله لربطك والله
سكتت فجأه لكن ضحكت واعتدل عقاب يراقبها وهي تضحك : وش قلت يضحك؟
وجد: بزر تربطني
ضحك عقاب بقلة حيله: ادري عنك أسالي نفسك تفرين كأنك مكينه اجلسي خلي هالبزر اللي ببطنك يركد
وجد : طيب خلاص من عيوني
عقاب : يلا اجل لا تبطين
وجد : زين
راحت تجهز وطلع عقاب اللي وده يثبت حملها
_______________________.!
وفي بيت ام ضاري
كانت مضاوي تغسل وهي تغني ومبسوطه وجات ام ضاري ببتسامه: الله يقويك يا بنيتي
مضاوي : تسلمين ياخالتي
ام ضاري : انتبهي يا حبيبتي من الصابون ترا ضاري ما يحب ريحته بالملابس يتحسس منه
ناظرتها مضاوي ببتسامه ( جيتي بوقتك ياخالتي): ابد لا تشيلين هم
ام ضاري : انا بنسدح شوي وانتي لا تعبين نفسك
مضاوي : مافيه تعب ابد خذي راحتك
راحت ام ضاري وابتسمت مضاوي بخبث وهي مقهوره من ضاري اللي ماخلاها تنام زين الصبح ويتعمد يزعجها ويصقع بكل شي نذاله فيها
وكانت علاقتهم مبنيه على نذاله اغلب الوقت واغلبها تكون مزح وضاري عبيط ولقى اللي اعبط منه
كتت كل الصابون على ملابسه ولا نظفتها بالمويه مزبوط
وابتسمت وهي تنشفها وتكويها وعلقتها عشان تجف قبل يجي ضاري
ولا هي الا دقايق وجاء ضاري وقال بعبط : سلام عليكم دار قوم مؤمنين
ناظرته مضاوي بطرف عين ترد عليه : ان شاء الله انك من السابقيين
ضاري اللي سلم عليها سلام اهل القبور ردت عليه بمثل كلامه وهي تقوله ان عساك تكون من السابقين للقبور وهذا مفهوم المزح عندهم .
.
.

ضاري اللي سلم عليها سلام اهل القبور ردت عليه بمثل كلامه وهي تقوله ان عساك تكون من السابقين للقبور وهذا مفهوم المزح عندهم
ضاري : ان شاء الله تسمعك امي وتغسل شراعك
ضحكت مضاوي بإستهزاء : الله العالم بتغسل شراع من والبادي اظلم
ضاري: مسكييينه مظلومه
مضاوي : اها بس وش عندك راجع بدري !؟ كان نقعت برا كنا مرتاحين
ضاري: ابد جييت ودي اغثك ما لقيت احد اغثه اليوم
ناظرته مضاوي بطرف عين : استح على وجهك رجال طول عرض وعقلك عقل بزر
كان ضاري يدري انها قهرها وينبسط على انه ينزفرها وضحك : بشويش على نفسك لا تموتين
ماردت مضاوي وهي ماكانت تبي تتعابط معه اكثر ويرفض يوديها لأهلها
ضاري : جيت ببدل وين ملابسي !
مضاوي : فالغرفه وين بتكون يعني !؟ ضاري: عدلي لسانك ازين
دخل يبدل ودخلت مضاوي وراه تبي تقوله يوديها ولف ضاري وهو ينزل ثوبه وفانيلته وتكتف : مبسوطه الهانم معجبك المنظر
صدت مضاوي بفشله وهي اللي ماتدري كيف تنحت : من زينك يعجبني منظرك كنت ابي ا ا
نست وش بتقول من الفشله ولبس ضاري بسرعه وهو يضحك ووقف قبالها وهو يمشط شعره : مالك لوى لكن قبل تقولين اللي تبينه ياليت تسحبين كلمتك عشان ما اقول لا
مضاوي تخصرت : على كيفك ! ان شاء الله ودك تحبسني
ضاري : ايه بحبسك
مضاوي : ماشاء الله ولييه ان شاء الله !؟ اتجهه ضاري لثوبه المعلق : احبك مقدر اقعد بدونك
ناظرته مضاوي باستهزاء : يوووه مااهو اكثر من انا لو تغيب خمس دقايق يمكن يتوقف قلبي
صد ضاري بضحك: وين ناويه تروحين بس
مضاوي : من شوي جاء فيصل وعزوز بياخذوني البيت اليوم مجتمعين وطبعاً مارحت انا معهم تدري ليه !؟ ضاري بنفس الاستهزاء والضحك: ايه عشانك ماتقدرين تروحين بدون ماتشوفين زوجك وحبيبك وتستاذنين منه
مضاوي تجاريه: صدت مقدر سبحان الله بس
كان ضاري متعود على هالاسلوب مع مضاوي كله مزح وطقطقه مافيه شي حقيقي
مضاوي : لا صدق ما بغيت اخلي خالتي لحالها
واذا صار الموضوع ام ضاري وهو يشوف مضاوي كيف طيبه مع امه وهذا اللي يغفر لها عنده : زين اجل ماقصرتي اجهزي بوصلك بطريقي
مضاوي: زين
لفت لكن رجعها صوت ضاري اللي فصخ ثوبه ورماه وهو يكح : وشووو ذا
ناظرته بهدوء تحاول تكتم الضحكه: وشو!؟ غمض ضاري وهو يمسح وجهه بانزعاج ويحك جسمه : بقى شي من الصابون ما حطيتيه للحين !؟ كل الثوب صابون ! خبله انتي
ماتت مضاوي من الضحك بنفسها لكن اعتدلت وهي تدري ان ضاري على طول يحس بالذنب ويضيق صدره اذا زعلها من دون ذنب
.
.
.

ماتت مضاوي من الضحك بنفسها لكن اعتدلت وهي تدري ان ضاري على طول يحس بالذنب ويضيق صدره اذا زعلها من دون ذنب وكانت تستغل هالفرصه كثير قطبت حواجبها بضيق : وشو صابونه !؟ توني مخلصته ومنظفته هذا جزاتي من صبح الله اكرف بثيابك وملابسك والبيت والطبخ انكسر ظهري احوس وفالنهايه هذا كلامك لي
على طول ضاق صدر ضاري اللي وقف وهو يقول : يابنت الحلال ماهو هذا قصدي لكن انا عندي حساسيه من الصابون
مضاوي اللي تمثل الزعل : وش دراني ان باقي صابون فالثوب ووش دراني انك معك حساسيه لكن الشرهه علي انا الخبله
رمت عبايتها على الارض بغضب وجلست وصد ضاري بضيق وراح يغسل ورجع بضيق: انا ادري انك ماتدرين وادري ما انتي متعمده لكن انا ما اتحمل حتى ريحته لكن ماعليه حطيتها بكيس وانا اوديها اغسلها
ماردت مضاوي اللي مستانسه انه ندمته وحسفته ورحع ضاري يقول : قومي تعوذي من ابليس وحصل خير خليني اوصلك
مضاوي : ماعاد ابي اروح لمكان بنثبر هنا اكرف واغسل عشان حضرتك ما تزعل
ضاري : يابنت الحلال لا تسوينها سالفه انتي ماقصدتي وانا بعد ما قصدت خلاص قومي
مضاوي : يلا حصل خير لكن انا ابي انام عند اهلي اليوم
وقف ضاري اللي كان بيوافق لان ندم انه هاوشها وهو في نظره يشوفها ماهي ملزومه فيه لكن كان بيقولها تخليه بكره عشان هو اصلا بكره لان اليوم عنده شغل وبرا الخفجي ومايبي امه تجلس لحالها وبكره بيجي ويخليها تنام عندهم وقال: خليها بكره تنامين اليوم ماينف...
حقدت مضاوي اللي توقعته بيستلعن فيها وقالت تقاطعه : زين خلاص ماني رايحه اليوم بعد
استغرب ضاري بس قال: لا اليوم اوصلك وبكره اوصلك بس..
مضاوي اللي مبيته النيه وخالصه : لا ماعليك
ما ارتاح ضاري يعرفها مستحيل تراجع وترضى بهالسرعه وخصوصاً انه مهاوشها المفروض تقوم الدنيا وتقعدها بس مايدري وش ناويه : زين اجل انا بطلع
طلع وترك مضاوي اللي قالت: هييين اوريك والله لنام اليوم وبكره غصب عليك
بدت تجهز خطتها وضاري يا غافل لك الله
_______________________.
وفي بيت نادر
اللي رجع من دوامه بدري وبعد ما قرر قراره النهائي وانه خلاص صبر بما فيه الكفايه وراعى شوق وخصوصاً ان شوق تغيرت وكبرت عن اول ما تزوجها
دخل وهو مبتسم ويدور عليها وشافها جالسه تقرا في كتبها ووقفت مبتسمه: يا هلا ! راجع بدري
اقبل لها نادر وهالمره تجرأ هو وحضنها ببتسامه: ابد اشتقت لك وجيت
انحرجت شوق لكن ضحكت وهي تبعد شعرها: لا صدق عاد ! لا يكون فيك شي
جلس نادر مبتسم: لا لا مافيني شي بس قررت إني اطلع بدري واجيك ونجهز ونروح لدمام وش رايك !؟ ��#عزاي_إنك_رجاي_العذب_لو_كل_الدروب_عثور

.
جلس نادر مبتسم: لا لا مافيني شي بس قررت إني اطلع بدري واجيك ونجهز ونروح لدمام وش رايك !؟ ضحكت شوق بفرح: وهي فيها رايي بعد اكيد موافقه
نادر : اجل يلا اجهزي وخلي زينب تجهز بنوديها عند ضاري تجلس عندهم لين نجي
شوق : ابشر
راحت ونادر مبتسم وهو ماعاد يحس بالذنب اتجاهه شوق ولا يحس انه ممكن يأذيها
_______________________.
وفي السوق
كان خلف جالس وهو مسترخي على الكرسي وهي نفسه وكل ما تحرك الكرسي تحرك شوقه لليلى كان يحاول ينساها هالفتره وهو يدري ماعاد لهم مع بعض مجال وكانت وعد تعيد وتزيد عليه مهما وصل حبك ليلى انتهى كل شي بينكم ولا تنسى اماني اللي مكسوره بدون ذنب كان يحاووووول يتوب وينسى ليلى لكن في الحقيقه كل ما حاول يتوب يشوف نفسه يذوووب في حبها اكثر وكل ما حلف انه ينهي هالشي يحصل نفسه يرجع يحبها اضعاف مضاعفه كان يتردد على باله هالبيت وهو يمثل حاله (‏ألست وعدتني ياقلب أنّي ..إذا ما تبتُ عن ليلى تتوبُ ؟.
‏فها أنا.. تائبٌ عن حب ليلى..فمالك.. كلما ذُكِرت تذوبُ ؟
‏ومالك قد حننت لوصل ليلى..وكنتَ حلفت انك لا تؤوبُ
بلى قد عُدتَ يا قلبي إليها ..فهذا الدمعُ مُنسكبٌ صَبيبُ
يخَبِّرُ أنَّما الأشواقُ نارٌ .. وتحت النارِ أضلاعٌ تذوبُ
إلى كم تنحني شوقاً إليها .. وأحناءُ الفؤادِ بها نُدوبُ؟)
وهو خلاص ايقن انه ماعاد يقدر يصبر على شوقه اكثر يبي يروح للكويت ينبشها ويطلعهم من تحت الارض مستعد انه يدفع عمره يا يتزوجها يا يقتلونه ويرتاح من هالنار اللي تحرق صدره كل يوم
فتح عيونه على صوت ضاري اللي يقول :خلف وش فيك
اعتدل خلف بهدوء وقال : في داخلي نار يا ضاري عجزت اصبر عجزت اتحمل
ضاري اللي على طول فهم وقال: ما قلنا قفل الموضوع وانسى قلنا لك مالك امل يا خليف
خلف : ومن قالك اني ماقلته لنفسي وفهمتها مليون مره لكن مقدر مقدر يا ضاري انا خلاص تعبت
ضاري : وش بتسوي يعني!؟ خلف : بروح الكويت
ضاري : اقووول اعقل بس اعقل وين تروح وبعدين ربي ستر عليكم ليه تبي تروح تفضح البنت وتجيب لنفسك مصيبه
خلف : انا وعدتها يا ضاري ما اخليها
ضاري : وش بيدك انت
سكت خلف وهو مايدري وش بيسوي المهم ما رح يخيلها ابد
ضاري :وش رايك تروح ترتاح احسن شف حالتك كيف
خلف : لا لا خلني هنا اريح لي من البيت
ضاري : اجل تعال معي البيت ازين
خلف : لا يا ضاري خلني هنا
وقف ضاري بضيق : زين بس لا تجلس لحالك
خلف: زيين
راح ضاري وخلف في مكانه وهذا وضعه اخر الايام اول من يفتح بالسوق واخر من يقفل .
.
.
في بيت ام ضاري
جمعت مضاوي كل الثياب من جديد وحطتها بالحوش وبدت تغسل من جديد وابتسمت اول ما جت ام ضاري باستغراب : مضاوي ما خلصتي للحين وش فيك يابنتي
ناظرتها مضاوي وهي تحاول تكسر خاطرها:الا خلصت من ساعه لكن وش اسوي بضاري قلت لك خلصت كل شغلي وبروح عند اهلي اسلم عليهم وابات الليله دامهم متجمعين بس تخيلي ياخالتي ما رضى ورمى كل الملابس بالارض ويقول فيها صابون وانا نظفتها من كل قلبي عشان تكون نظيفه وهاذي اخر سواته فيني
استغربت ام ضاري هالحركه من ضاري لكن عصبت وهي تقول : ماعلييييك منه انا اوريك فيك جمعي هالثياب بكيسه يقلعها ويغسلها برا وانا اوريك فيه قومي قومي ولا تضايقين اجهزي وانا بنفسي اوديك بيت اهلك
مضاوي : لا ياخالتي مابي اكسر كلمته
ام ضاري: ماعليك منه وقومي
وقفت مضاوي بنتصار وهي تدري ان بتروح وغصب من ورا خشم ضاري بعد
جهزت اغراضها وجهزت وجلست تنتظر ضاري اللي ما طول ورجع لكن مسكته أمه قبل يدخل: تعال تعال وينك رايح
ابتسم ضاري : هلا يمه بدخل ابدل ملابسي واجي
ام ضاري : اقول تعال هنا بس تعال
حس ضاري بغضبها وقرب مستغرب : افا يمه وش فيك معصبه وش صاير! مضاوي مسويه شي
ام ضاري: حاشاها بنت الناس ما سوت شي ولا قصرت بالعكس شايلتني وشايلتك على كفوف الراحه لكن الظاهر انك ناوي تطير بنت الناس
ضاري : افاا ليه هالكلام يمه وش صاير !
ام ضاري : انت وش فيك عليها! ليه ما تبيها تروح لأهلهاً
ضاري : من قال اني ما ابيها تروح
ام ضاري : ضاري اسمعني زيين المسكينه من يوم صحت وهي تكرف وتغسل ولادرت عن حساسيتك ولا درت عن شي وزود على ذا رجعت عيال اخوانها وما راحت لاهلها عشان تجلس معي وانت هاذي سواتك فيها تمنعها ما تروح وتخيلها تغسل من جديد اسمعني عاد توديها اللي تبي وتخيلها تنام عندهم وتجي متى ما بغت ولا ترا بزعلي عليك
فهم ضاري ان مضاوي سوت سواتها من جديد لكن هالمره ماهي مثل كل المره وقف بهدوء وقال: ابشري
طلع وهو مقهور هو ماسوى شي من ذا كله بالعكس كان متعاطف معها لكن لازم تحوس الدنيا
اتجهه لغرفته بهدوء وشاف مضاوي جالسه وهي مبتسمه كانت متوقعته بيرد نذالتها ويستنذل اكثر لكن صدمها اول ماقال : جهزي اغراضك بتروحين بيت اهلك
وقفت مضاوي : جاهزه
لف لها ضاري بهدوء وقال: لا لا كل اغراضك لاني ماعاد اقدر اتحمل اكثر
انفجعت مضاوي فعلاً انفجعت دققت فيه واكتشفت انه معصب وزعلان كان بتكلم بس قال بتهديد : إن زدتي حرف واحد زياده صدقيني بتشوفين وجهي اللي ماتعرفينه
تدبست مضاوي بمكانها حاولت تستوعب .
.
.
تدبست مضاوي بمكانها حاولت تستوعب لكن تحرك ضاري وطلعت وهي للحين متأمله انه مقلب كالعاده ووصلوا لبيتهم وللحين ضاري معصب ومقهور وتركها عند الباب وراح ووقفت مضاوي فتره تناظر الباب وهي تفكر هو صادق ولا يبي يرجع حركتها
فتح الباب عزوز : مضاوي جيتي
لفت مضاوي بهدوء: اييه
عزوز: يلا ادخلي يحترونك
دخلت مضاوي وبسرعه نست ضاري
_______________________.
وعند عقاب
في مقر شغله كان جالس وهو ماله هم الا يسمع مبارك وكلامه عن ولده المنتظر
صد بضيق وهو يوقف مبارك: وينك رايح!؟ عقاب : انكتمت بطلع برا
مبارك: اطلع معك
عقاب : لا لا الله يرحم والدينك خلني اطلع لحالي
طلع عقاب وهو يهمز راسه لكن رجعه صوت التيلفون
اخذه بهدوء: الوووو
وصل له صوت سحر المرتبك : عقاب ألحق وجد تعبانه
طارت عيون عقاب بخوف : وش فيييها
سحر: مدري تعبانه مدري وش فيها
عقاب : زين زين
سكر وركض للبيت هو يدعي ماتكون مثل كل مره وما تسقط مايدري وشلون وصل لكن وصل دخل البيت يركض وشاف الكل مجتمع عند وجد اللي تبكي بألم وهي ماسكه بطنها وصل عندها وجلس قدامها بخوف : وجد وش فيك وجد
ناظرت ووجد ببكى وهي تقريباً صارت عارفه وش بيصير وقالت ببكى: نزييف يا عقاب والظاهر الطفل طاح
ناظرها عقاب برجفه : لا لا قومي قومي بنروح المستشىفى ماصاير شي ان شاء لله
تمسكت وجد بذراعه ببكى: مقدر اوقف مقدر
نزل عقاب بكل قوته وشالها وهو فعلاً مايبي يخسر هالطفل اللي كان الحمل الثالث لوجد وهو اطول حمل لها استمر لأربعه شهور
الكل كان يناظره بضيق وحزن ولف لسحر يصرخ: هاتي عبايتها
جابت سحر العبايه وطلعت معهم ولفوا الكل يناظرون بعض بضيق
ام ناصر: يالله انك لا تخيب لها تعب وانك تحفظ وليدها
هيا: يارب
ام خخلف: ان شاء للله بسيطه
وعد اللي كانت حزينه على وجد واول مره تحزن على عقاب بعد لكن صدت بضيق وطلعت بعد وهي تكرهه هاللحظات وهي خايفه من غير شي من الولاده
اتجهت لتليفون بيتم اللي دق ورد غيث وجاء لها: مبارك يبيك
راحت وهي ترد : هلا مبارك
مبارك: يا هلا وغلا يا عيون مبارك
ابتسمت وعد بهدوء وقال مبارك: كيفك وش اخبارك ان شاء الله ما انتي تعبانه
وعد :يعني تعب بسيط بس يهون
مبارك: حمدلله , الا بسأل صاير شي عقاب طلع مسرع مدري وين راح
وعد : ايه زوجته تعبانه واخذها للمستشفى
مبارك: الله يكون بعونه المهم انتي بخير
وعد : بخير بخير ماعليك
مبارك: ودك بكره اجي اخذك ونروح نتمشى شوي وتجلسين معي يومين وبعدين تروحين لاهلك
وعد : والله يا مبارك هالايام تعبي زايد وخايفه مابي اروح مكان .
.
.

مبارك: ودك بكره اجي اخذك ونروح نتمشى شوي وتجلسين معي يومين وبعدين تروحين لاهلك
وعد : والله يا مبارك هالايام تعبي زايد وخايفه مابي اروح مكان
مبارك: اجل على راحتك بجي اسلم عليك وارجع
وعد : طيب
سكر مبارك ولفت وعد تناظر بطنها بهدوء عمرها ما هقت ماخافت الا من هالحمل اللي شافت فيه العجايب لكن صدمتها كانت في مبارك الله كان فعلاً سند لها
_______________________.
في الدمام
وصل نادر وشوق اللي طول طريقهم مبسوطين ويغنون واول ما وصلوا الفندق ودخلت شوق انصدمت بالاستقبال اللي بإنتظارهم وكان نادر مهتم انه يجهز استقبال لا يقل عن استقبال عرسان لفت تناظره بضحك: نادر تشوف!؟ قرب نادر يعد خطواته وهو مبتسم : ايييه اشوف لكن عساه اعجبك
ضحكت شوق بفرح وهي تناظر الغرفه : حلووو مره بعد لكن غريبه اول مره الفندق يسوي لنا كذا
همس نادر : افا انا اتعب وانا اسوي وفالاخير المدح للفندق
سكتت شوق بصدمه لكن رجعت تبتسم : بالله عليك انت
تقدم نادر وهو يمسك يدها بهدوء : ايه ولعيونك مستعد اعبي هالدنيا لك وروووود ، انتي مب حي الله انتي شوووق اللي ما حبييت احد كثرها ولا قبلها ولا بعدها
كانت شوق متعوده على كلام نادر لكن اليوم فيه نبره غيير نبرة فيها حب واضح وصريح ورجع يقول : متخيله إن مرت علينا سنه ، سنه من يوم دخل الخير لحياتي ومن يوم صار لحياتي معنى
وطول هالسنه ماكان لي امنيه او مبتغى الا إنى اكون ظل ظليل عليك وان مايصير شي ابد يضيق صدرك ويزعلك واتمنى اني نجحت بهالشي
عجزت شوق ترد ماتدري وش ترد لكن كانت تحت يقين تام ان في هاللحظه لو يبي نادر عيونها بتعطيها
نادر :وانا يا شوق عطيتك وعطيت نفسي وقت كافي وقت خلاني اكون واثق من هالخطوه اللي بقدم عليها وانا ماعاد ودي يكون بينا اي فاصل ابد ما ودي تكونين بعيده عني اكثر من كذا انا يا شوق ابيك فعلاً تكونين زوجتي بدون اي حدود
ماقدرت شوق تسوي شي ابد الا انها تطيع نادر وهذا اقل شي تسويه مقابل كل شي سواه عشانها
ماكان نادر يبي اي شي الا لما تكون موافقه وراضيه ظ،ظ*ظ*ظھطœ ورجع يكرر : انا مستحيل اسوي شي انتي ما تبينه ! ما ابيك تسكتين ابد ابيك تقولين لي اذا موافقه او لا وصدقيني ما انتي مجبوره
ابتسمت شوق بخجل وارتباك وحب نادر يخفف توترها وقال :راضيه!؟
هزت شوق راسها بإيجابها وعطت نادر وعطت حياتهم الضوء الاخضر و....��
_______________________.
في المستشفى عند عقاب
كان متوتر وهو بنفس الوقت ما بقى دعوه ما دعاها عشان يبقى هالطفل وما يطيح
.
.
.

غمض اول ما سمع الدكتوره تقول :استاذ عقاب
لف بهدوء: نعم
الدكتوره : حمدلله حالت وجد استقرت وحمدلله هي بخير لكن الجنين ما قدرنا ننقذه والله يعوضك
دارت به الدنيا وقعد وهو زعلان ومتضايق فجأه سيطر عليه الغضب واتجهه لغرفة وجد بغضب لكن وقف يحاول يمنع نفسه لا يعصب ويصارخ عليها وهي مالها ذنب لكن يشوف ان لها ذنب وهو ياما قالها اجلسي لا تتحركين لا تشتغلين لكن بسبب حركتها الزياده كل مره يطيح الجنين
دخل وهو ناوي يحوس الدنيا لكن وقفته دموعها مثل كل مره وهي منهاره واول ما شافته قالت بضعف : والله اني انتبهت لنفسي كثير بس ربي ماكتب له يبقى
تقدم بهدوء وهو يجلس بجنبها بنفس السرير كان صدره مليان هواش وعتاب لكن مضطر يسكت ويتحمل كسرت خاطره بدموعها حضنها له وهو يمسح عليها بهدوء : ماعليه ماعليه بيعوضنا الله
قال هالجمله ولا قال بعدها شي ولا عاد نطق بحرف ابداً
اما وجد كانت منهاره لانها تدري انه تعلق بهالطفل اكثر شي وكان مسميه وخالص وينتظر بس جيته
_______________________.
وفي الكويت
في مزرعة جدة ليلى كانت ليلى هناك مالها ونيس الا جدتها وعودها اللي كل يوم وهي تردد أغنية خلف اللي اخر مره كتب لها ابياتها كان المفروض تفهم من اول ماقرت هالرساله ان خلف حاس وقلبهزماهو متطمن وكأنه يواسي نفسه ويواسيها بهالاغنيه (لاتحسبنِّـي دَالِـه عَنـك ناسيـك ..
لاوالَّلذي تَنصـى المَخاليـق بيتـه
لاشك حالِ الياس دون الرِّجا فيـك ..
مَالي على المكتـوب لـو مارِضيتـه
يامِن طِريقه لـي وسَهـلَ المساليـك ..
أقرب قريبٍ لي وصعـب إن بغيتـه
ماشِفت عَبرة عيني الَّلـي تراعيـك ..
هلَّت على المَكتوب سَاعـة قَريتـه
إلى مِتى رَاحت حياتي وأنا أرجيـك ..
حق النِدى ذنـبٍ لنفسـي جنيتـه
وإن كان تِنساني فلانيـب ناسِيـك ..
الله لايقطـع رِجـاً بـك رجيتـه)
تنهدت بتعب وفزت اول ماسمعت صوت تصفيق وراها : جابر
قرب جابر مبتسم وهو يسلم عليها بضيق : من زمان هالصوت وهالكلمات عيديها ياليلى عيديها
جلست ليلى وهي تعيدها وكانت تشوف جابر يشاركها الوجع والالم الفرق الوحيد ان جابر ماله ذنب يذكر عشان يعيش كل هالالم
وقفت بعد ما خلصت وهي تقول : جابر شنو جابك هنيه غريبه!؟ جابر: مخنوق حيل ماقدرت اقعد بالبيت ماقدرت اقعد قدام ابوي وانا مدري ليش يعاقبنيي هالعقاب اللي عجزت استوعبه يا ليلى
فزت ليلى بضيق وهي تمسح على كتفه: يابعد عمري يا جابر وش بيدينا نسوي لازم نصبر وابوي مرده بيعرف انك ما تقدر تعيش بدون اماني .
.
.
فزت ليلى بضيق وهي تمسح على كتفه: يابعد عمري يا جابر وش بيدينا نسوي لازم نصبر وابوي مرده بيعرف انك ما تقدر تعيش بدون اماني
جابر: وحتى لو عرف وحتى لو ردينا السعوديه بأي وجهه بروح اخطبها من جديد وبأي عذر واذا سويتها بأي حق بتوافق اماني
جلست ليلى بضيق : فرج الله قريب لا تحاتي
جابر : قومي قومي اجهزي بوديچ البيت ابوي يقول تجين تجلسين هاليومين عندهم
طارت ليلى من الفرح وهذا يعتبر ان ابوها بدا يسامحها وفزت وركضت وهي تجمع اغراضها بفرح وهي طايره من الفرح كانت هالشهور صعبه عليها حيل صعبه
_______________________.
وفي بيت الجد قايد
الكل ينتظر عقاب وبما فيهم خلف اللي انصدم اول ماقالوا له وهو يدري ان عقاب يبي هالطفل
جلس بهدوء ينتظر ودق التليفون وفز عزوز يرد : عقاب
اخذ عقاب نفس وقال: وجد سقطت بلغ اللي عندك وقلهم اني ماني جاي الليله بجلس معها بالمستشفى
وسكر كلمتين ولا قال غيرها
والتفت عزوز بهدوء وهو ضايق : سقطت وجد
ام ناصر: ياعوينتي يا عقاب راحت فرحته
ابو ناصر لله يعوضه الله يعوضه
ابو خلف : ماعليه العمر قدامه وبيعوضه الله
خلف : ماقالك وينه!؟ عزوز: يقول ماهو جاي
خلف : بأي مستشفى !؟ عزوز: المستشفى المعتاد
خلف : انا بروح له
مضاوي : اروح معك
خلف : ايه عشان تجلسين مع زوجته
مضاوي : يلا يلا
ام ناصر: بتروحين ماقلتي لزوجك
سكتت مضاوي اول ماتذكرت ضاري اللي ماتدري للحين زعلان او راضي: ماهو قايل شي
ركضت تلبس ووقفتها سحر: خليني اروح معكم احس عقاب منهار الحين
مضاوي: نروح الثنتين وش نسوي ما احد يخلينا ثنتين انا بروح وانتي مايصير تروحين مع خلف لحالك لكن ماعليك لا تخافين بحطهم بعيوني
سحر: زين
راحت مضاوي وهي اكثر شخص قريب من عيال نايف واولهم عقاب
اتجههوا للمستشفى وهم ساكتين محد يعلق ابد
_______________________.
وفي بيت ام ضاري
نامت ام ضاري بعد ما شبعت ضاري بالمحاضرات اللي فيها كلها توضح انه غلطان وهي ماتدري عن شي ابد وكرهته في نفسه وفي مضاوي بعد وتركته ياكل بنفسه من القهر
لكن كان مصر على قراره وان مضاوي انتهت بحياته خلااااااص لكن الهم الاكبر كيف يشرح لأمه هالشي
وقف واتجهه لغرفته اللي كانت خاليييه وهاديه بدون مضاوي رمى اغراضه وانسدح بكل قرته لكن فز بغضب وهو يرفع اللحاف وشاف تحته الراديو رماه بغضب : هاذي ماهي مخليتني بحالي ابد
غمض ونام وهو للحين زعلان منها .
.
.
وقف واتجهه لغرفته اللي كانت خاليييه وهاديه بدون مضاوي رمى اغراضه وانسدح بكل قرته لكن فز بغضب وهو يرفع اللحاف وشاف تحته الراديو رماه بغضب : هاذي ماهي مخليتني بحالي ابد
غمض ونام وهو للحين زعلان منها .
_______________________.
عند عقاب
بعد ما تطمن ان وجد نامت بعد ما بكت لين قالت امين نزل تحت وجلس عند باب المستشفى وهو مخنوق لكن التفت على صوت مضاوي: هذا هو عقاب
خلف : عقاب
وقف عقاب بهدوء: هلا ! وش جابكم
خلف: جبت مضاوي تبات عند زوجتك وبجلس معك انا
مضاوي : كيفها وجد
رفع عقاب يده بحيره : كيف بتكون !؟ اكيد تعبانه
مضاوي قربت وهي تمسح على ظهره : ماعليه يا حبيبي ماعليه بيعوضك الله والعمر قدامكم
عقاب هز راسه بهدوء وسكت وقالت مضاوي: كم غرفتها !؟ عقاب: ظ¢ظ،ظ*
مضاوي : يلا انا بروح عندها
راحت وتقدم خلف وهو يخبط على كتف عقاب : يلا يا عقاب الحمدلله على سلامة زوجتك وان شاء الله انها اخر اوجاعكم وان شاء الله ربي بيعوضك
تنهد عقاب بضيق وقال: ادري ياخلف ادري بكل شي بتقولونه وسمعت هالجمل مليون مره لكن هالمره ماهي مثل كل مره هالمره روحي تعلقت بهالولد ياخلف والله ان حتى الاسم سميته
ضاق صدر خلف وقرب يحضنه: ماني لايمك ولا اقدر اواسيك ابد بهالكلام لكن اعتبره ابتلاء من ربي وما وراه الا فرج ورزق ماتدري وش الخيره وصدقني لو خيرك ربي بقدرك بتختار اللي يختاره عزوجل ولا تضيق ولا تزعل الفرج قريب
عقاب : على الله ياخلف على الله
خلف : والنعم بالله المهم وسع صدرك وصل ركعتين وكل شي بيصير زين
اخذ نفس عقاب : بروح المسجد
خلف :بجي معك
دخلوا الاثنين مسجد المستشفى وكلهم في صدورهم دعاء كبيييير يحتاج سجده ويحتاج قلب خاشع
وفعلاً كانت ليلتهم خاليه من كل شي الا من دعاهم وتوسلهم لله
_______________________.
ومن بكره
في الكويت نزلت ليلى وهي مبسوطه واول ماشافت ابوها ركضت بخجل وهي تحضنه من زمااااان ماشافته من زمان ما حضنته انهارت تبكي بحضنه انهارت وهي تردد ببكى: اشتقت لك حييييل يبه اشتقت لك حييييل
حضنها ابو نهيان وهو بعد اشتاق لها ومسح على شعرها وهو يهمس : الله يسسامچ يا بنيتي ليتچ ماسويتي هاللي سويتيه فينا
ناظرته ليلى بنظرات حزن وابعد وهو يقول : ام نهيان شيخه حطو الغداء اللي تحبه ليلى لها
شيخه : شعليچ دلع واوامر
ناظرته ليلى بحب : ما اطلع من جزاه والله
مريم: تعالي تعالي ساعدينا
راحت لهم ليلى وهي ماتدري اذا ابوها سامحها او باقي لكن المهم تشوفه وتكون معه
رغم ان اللي صار ما كبح حبها لخلف بالعكس صار زاد و وصل للهُيام
_______________________.

في بيت الجد قايد
الكل مجتمعين وينتظرون جيت عقاب ولا هي الا نص ساعه ووصل عقاب و وجد ومضاوي وخلف
دخلوا والكل وقف يسلم عليهم ويواسي عقاب كالعاده لكن هالمره موجودين اهل وجد
واللي اخذتهم وجد بالحضن وهي تبكي بحرقه ومسحت امها على ظهرها وقالت: ماعليه وجد ماعليه بيعوضك ربي
وجد : بس عقاب كان يبيه وزعلان انه طاح
سحر: لا ياوجد ياحبيبتي عقاب ما يزعل عليك لكن تضايق شوي
عهد : واحمدي ربك انك بصحه وعافيه وبتجيبين عشره مو واحد بس احمدي الله
ام خلف : ياوجد ياحبيبتي شوفيني قدامك تعبت حيل لين جبت خلف بسم لله وعوضني الله فيه لا تجزعين
في لحظه غضب قالت وجد : بس تزوج عليك زوجك وانا مابي عقاب يتزوج
الكل جمد والكل انفجع وصار يناظرها
وقالت ام خلف ببتسامه: واذا تزوج هذا ماكان عِقاب بالعكس جاب لي اخت تسوى الدنيا وعيال يحبوني واحبهم ووقفت وعد بغضب وقالت : وجد مقدرين انك حزينه لكن هذا مايخليك تجرحين الناس
عهد : كلنا ندري ماهو قصدها فا ارتاحي انتي
هيا : استهدوا بالله يا جماعه استهدوء بالله
وقفت وعد وطلعت بغضب وهي تغطي وجهها وتعدل جلالها لكن شافت عقاب ويغسل لكن وقف فجأه والتفت لها وهو يناظرها ويناظر بطنها بضيق واضح على ملامحه لكن مرت وتركته بمكانه
وغمض عقاب بقهر وهو تفكيره ان وعد ما جت الا عشان يشوفها حامل وينقهر للحظه فكر يلحقها ويدفها ويموت ولدها لكن تعوذ من ابليس وطلع لغرفته مايبي يستسلم لهالافكار
_______________________.
وفي الدمام
كان نادر فعلاً يحس انه فوووق الغيم والحين صارت لحياته فعلاً طعم
طلع وهو يدور شوق وشافها جالسه بهدوءها المعتاد لكن اول ما حست فيه صدت بخجل
وتقدم نادر وهو مبتسم : افا وين الحلوين ما صحوني اليوم
نزلت شوق راسها بخجل وهي تمسح يدها: مابغيت اخرب نومتك
نادر: خربيها ياخي خربيها اصلا وش اجمل من اني افتح عيوني على صوتك وشوفك
توترت شوق : ودك تفطر
ضحك نادر: بنطلع نفطر برا بنجدد شهر العسل ونعيش اللي ماعشناه ياعرروس
رسمياً انكتمت شوق ووقفت وهي تهرب من الخجل لكن نادر طبيعي يكون مبسوط ومستانس
وهو يبي يعوض كل احلامه اللي حلم فيها قبل يتزوج لكن الفرق صار ان احلامه انبنت من جديد مع شوق
_______________________.
.
عند مضاوي
كانت مستعده لجيت ضاري في اي وقت وانه بيقول لها تجي للبيت لعانه فيها لكن صار العصر وضاري ماجاء
طلعت على صوت عزوز وفيصل للي رجعوا من الدكان
مضاوي: اقول ياعيال!؟
فيصل: عيون العيال
عزوز: امري بس وش تبين نسوي
مضاوي: الحين مابي شي لكن شفتوا ضاري!؟ عزوز : ايه دوبه كان عند خلف ويقول انه بيروح عمره مع امه
انفجعت مضاوي : عمره!؟ ضحك فيصل : ايييه بيهجون عنك الظاهر محملتهم ذنوب الدنيا
لفت مضاوي منصدمه كانوا متفقين ان العمره يروحون سوا
طلعت وهي تاخذ التليفون واتصلت على بيت ام ضاري
وردت ام ضاري : الو
مضاوي :هلا خالتي وشلونك عساك بخير
ام ضاري : بخير ياحبيبتي انتي وشلونك عساها خفت حماك وحرارتك ضاري يقول تعبانه ما بتروحين معنا للعمره
انصدمت مضاوي للمره الثانيه واعتبرته انتقام من ضاري وقالت بحقد: والله تعبانه ياخالتي لكن قلت اتطمن عليك
ام ضاري: انا بخيير وانتي انتبهي لنفسك
سمعت صوت ضاري اللي وراها وقالت ام ضاري: تعال مضاوي على الخط
صد ضاري اللي ماكان ينتقم ابد بالعكس كان يحاول ينسحب من حياة مضاوي لانه مايبيها ابد وبيطلقها قريب
ام ضاري: تعال وش فيك !؟ تقدم ضاري واخذ السماعه بضيق : طيب يمه انتي اجهزي الكداد يحترينا
ام ضاري: زين
راحت وقال ضاري بهدوء: الو
قالت مضاوي بندفاع: حلووووه الحركه يا ضاري هذا ردك اجل كذا تمنذل فيني كذا!؟ سكت ضاري بهدوء وهو يقول: اسمعيني زين يا مضاوي لا انتقم ولا اسوي سواتك لكن انا قلت لك وكلامي واضح حياتي وحياتك انتهت ما بينا شي خلاص وكلها فتره اشرح لامي الوضع وبعدها يصير الطلاق اللي تبينه وتروحين تدروين واحد ماهو مجهول وتعرفين تعيشين معه انا لين هنا قدرت اصبر ولا اقدر اصبر زود
فمان الله وسامحيني على كل شي زين او شين استودعك الله
سكر الخط من جهته وتنفس براحه لانه قدر يقول هالكلام وقدر يحط لنفسه اعتبار
اما مضاوي اللي جلست على السماعه ساعه كامله تعيد وتزيد بكلامه وتحاول تستوعبه تحاول تفهم لكن ماقدرت
صح هي ماكانت تبيه وكانت تدري هاذي النهايه لكن ماهو بذا السرعه وبدون مقدمات
سكرت بذهول وراحت للغرفتها وهي تشوف هيا ترتب اغراضها وزواجها بعد كم يوم على واحد من جماعتهم لكن ماعقلت وجلست وهي للحين مصدومه
_______________________.
في هالوقت
سافر ضاري وامه لمكه وهو متضايق من وضعه لكن ينتظر انه يعتمر وتهدا نفسه وبعدها يعطي قراره النهائي ويبللغ امه
عقاب اللي ترك وجد تروح مع اهلها وجلس هو في بيته وهو تجمع براسه حقده على وعد .
.


عقاب اللي ترك وجد تروح مع اهلها وجلس هو في بيته وهو تجمع براسه حقده على وعد اللي يحاول يكافحه قد مايقدر مايبي يسوي شي يندم عليه
مضاوي من وقت مكالمتها مع ضااري وهي ماطلعت من غرفتها من الصدمه وللحين ماتدري كيف بتكون حياتها وكيف بتواجهه خلف واهلها
ووعد كانت ودها تفرم وجد وعهد وكلامهم الغير محترم مع ام خلف اللي رجعت متضايقه لكن يحاولون البنات يسلونها
لكن خلف بدا يدور على رقم بيت النوخذه ماعاد فيه حيل يصبر
ونادر شوق عايشين هالليله بحببب ماتخيلته شوق ولا نادر بعد
اما ليلى كانت فرحانه بأهلها وابوها ومع ذلك مانست خلف واول مارجعت لغرفتها وشافت الاغراض اللي تذكرها بخلف خنقتها العبره لكن ماكان بكاها بصوت عالي كان بكاها على سجادتها
_______________________.
مرت الليله عليهم بسلام
ومن بكره في مكة كان ضاري وامه فالحرم وكان يعيش صراع بنفسه وكان يردد طول ماهو يعتمر ( اللهم اهدني خير السبيل ، اللهم خذ بيدي لما هو خير لي ، اللهم اختر لي ولا تخيرني ، واقدر لي الخير حيث كان ثم أرضني به " ))
كان فعلاً محتار مايدري كيف بينهي هاللي بداه مع مضاوي
وقف وهو يساعد امه بالطواف وكانت ام ضاري حاسه بضيقه لكن ما تدري وش فيه وكانت خايفه من حياته مع مضاوي اللي ما واضح لها معالم
وكانت خايفه انه يخسر مضاوي ولا يحصل احد مثلها ولا تسمح له الفرصه بزواج ثاني
وكل ما حست انت بيفتح الموضوع تقفله وتنشغل عنه وتتهرب
_______________________.
في الكويت
في بيت النوخذه اللي توه هدت نفسه وبدا يرتاح
كانوا صاحين من بدري
وفزت ليلى برعب على صوت انفجار قووي قريب طلعت من غرفتها تركض وقابلتها امها اللي تركض بعد :بسم الله الرحمن الرحيم شنو صاير
طلع ابو نهيان يركض وهو يسكر ازاريره : ماكو شي ان شاء الله دشوا داخل
ام نهيان: وين رايح !؟ ابو نهيان: بشوف شنو صاير
قبل يتحرك تزلزلت مسامعهم بصوت برا يصرخ وهو يقول ( صداااام دش الكويييييت ، غزوووو يا جماعه غزووو ، صدام دش الكوووويت )
في لحظة دب الرعب قلب ليلى وامها لكن ابو نهيان كان نوعاً ما هادي والتفت وهو يقول : قعدوا قعدوا
دق الباب والكل كان خايف ونزل ابو نهيان مستعجل : خذي ليلى و دشوا الغرفه وقفلوا الباب
فتح الباب وشاف نهيان اللي واقف والرعب معتلي وجهه ومعه مريم اللي تبكي
نهيان: يبه سمعت يبه صدام دش الكويت غزو يا يبه غزوا
سحبه ابو نهيان وهو يشوف الكل مستنفر : اذكر لله يا نهيان اذكر الله وان شاء الله بتحلها الدوله .
.
نهيان: يبه سمعت يبه صدام دش
الكويت غزو يا يبه غزوا
سحبه ابو نهيان وهو يشوف الكل مستنفر : اذكر لله يا نهيان اذكر الله وان شاء الله بتحلها الدوله
نهيان : يبه وين جابر وييينه!؟ الدنيا مقلوبه والجيش العراقي بكل مكان ويسحبون اي واحد قدامهم
ابو نهيان: تعال تعال
دخلوا وهم مايدرون وين جابر لكن قالت ليلى بخوف : جابر بيروح المزرعه مالت جدتي
ابو نهيان : اشوى الحمدلله يقعد عند امي اخاف يصير شي
ام نهيان: واذا اذوووه
ابو نهيان: اذكروا الله وشغلوا الرادو بنسمع الاخبار
ركض نهيان يشغل الراديو وينتظرون لكن ماكان في صوت الا اغاني وطينه وبعدها اعلن المذيع خبر الغزو
كان خبر مفجع كان رعب دب في قلوبهم وزاد الرعب وصت الرصاص والرمي والطيارات
_______________________.
وفي بيت ابو خلف
صحى خلف على صوت غيث يصحيه للفطور ونزل وهو خاطره هالايام شين
شاف الكل مجتمعين على الفطور وجلس لكن دارت الدنيا به اول ما سمع صوت الاخبار تعلن عن غزو الكويت
فز ووقف وركض للراديو يرفع الصوت يبي يستوعب اللي ينقال
لكن تأكد اول ما قال ابوه : اعوذ بالله صدام غزا الكويت اعوذ بالله
طلع خلف مايدري وين بيروح بس طلع اتجهه لسوق ولمحلهم يبي يدور اي رقم اي شي يتواصل مع ليلى به
لكن كل مكان يمر فيه سمع الناس تعيد الخبز بفجعه وكلهم مصدومين والردود تختلف لكن الكل مناصر الكويت والكل زعلان ومتضايق
كل السوق كان مسكر والكل جالسين عند التلفزيون في القهوه وعند الاخبار
للحظة ما شالت خلف رجوله خاف فعلاً خاف ! غزو وليلى واهل الكويت جيرانهم وش بيصير فيهم كان خبر صادم للكل مفجع للكل وبما ان الخفجي قريبه كانوا اهلها واهل الكويت اكثر من جيران واكثر من انساب واكثر من اخوان
_______________________.
في مكه
عند ضاري اللي اول ما سمع الخبر على طول اخذ اغراضه وهو ناوي يروح الخفجي وهو متأكد ويدري خلف ما يجلس كذا ابد اكيد بيسوي شي اكيييد
اخذ امه وعلى اقرب سياره رجع وياطول الطريق وهو يفكر وخايف
_______________________.
وفي الدمام
مامدى نادر يتهنى الا ووصل له خبر الفاجعه وهو بعد قرر يرجع وهو مايدري وش اللي بيواجهم فالخفجي لكن يحس انه لازم يرجع لازم يوقفون وقفة رجل واحد ويساعدون الكويت لو بشي بسيط
_______________________. .
.
ذكرت هالحدث لانه حصل في هالسنين اللي تدور فيها الروايه كحدث عاشوه شعب الكويت وكانوا معهم السعوديه ..( ولا يتطرق لدوله معينه او امور سياسية ابداً مجرد نقل للحدث..♥ï¸ڈ)

.

اما عقاب
بما ان وجد عند اهلها وبما ان الوضع متوتر استدعوه مقر عمله ولا قصر جهز نفسه وركض مافكر يودع احد او يسلم على احد اللهم انه قابل عزوز وقال : صدام غزا الكويت واستدعونا بلغ الكل اني بكون بدوامي وانتبهوا لنفسكم
عزوز :عقاب وش بيصير!؟ عقاب: اللي كاتبه للله
طلع عقاب يركض لكن شاف مبارك اللي جاء يسلم على وعد ويقولها ان للوضع متوتر وانهم استدعوه ولازم يروح كان يسمع توديعه لها ويسمعها بنبرة خوف تودعه وتستودعه الله
لكن هالمره ماكان بينه وبين مبارك شي الا انهم يتكاتفون ويطلعون لدوام ويستعدون للاوامر
_______________________.
في الكويت
في ساعات بسيطه بدت الدبابات والجيش يعبون الشوارع واعلام العراق في كل مكان
وشوارع الكويت الحيه فضت ولا بقى الا الجيش العراقي يدور على كل بيت ويسحب الرجال منه
كل شي كان مرعب وكان ابو نهيان خايف على نفسه وعياله وخايف على جابر ما يدري وينه ووش صاير فيه
وخايف يخسر ديرته ويخسر وطنه ويخسر الكويت العزيزه محد كان مستوعب ولا مصدق ابد
وفي لمح البصر الكل اجتمعوا ببيت واحد والكل مترقب وخايف مايدري وش المصير بس متأكدين ان دولتهم رح تتصرف وكلها ايام وتهون
لكن ماكانت ايام ابد ولا كانت بسيطه ومرت اول ليله وهم مو مستوعبين
ألين دخل نهيان بخوف وقال:يبه الجيش هجم على قصر دسمان
فز ابو نهيان بخوف : وعسى ماصار شي
نهيان بضيق: استشهد الشيخ فهد الاحمد ذبحوه اللي مايخافون الله
ابو نهيان : الله ينتقم من كل واحد كان السبب
ام نهيان: ياويلي ياويلي يا وليدي بيروح فيها دام الشيخ ما سلم منهم ولدي وش بيسوون فيه هالظلام
مريم : ذكري الله يا خالتي ان شاء الله ما يصيبه مكروه
ابو نهيان : نهيان اتصل بجدتك شوف وينه اخوك لا يطلع لهم اعرفه مجنون ويسويها
نهيان: زين زين يبه
ركض يتصل وردت جدته الخايفه وقالت له ان جابر موجود لكن ماهي قادره تسيطر عليه اكثر
ومن هاللحظه بدا خوفهم على جابر
_______________________.
في الخفجي
بدت التصريحات عن الحرب وان صدام بيهاجم الخفجي وبدت الاستعدادات وبدا الكل يخاف ومحد كان متوقع هالغدره من الجار
في بيت الجد قايد كانوا كلهم مجتمعين ويسمعون التحذيرات والارشادات
ودخل ابو خلف فجأه ومعاه محمد اللي رجع من السفر بعد الخبر لكن كان معهم كيس كبير وفيه كمامات .
.

[صواديف عشاق]

بدت التصريحات عن الحرب وان صدام بيهاجم الخفجي وبدت
الاستعدادات وبدا الكل يخاف ومحد كان متوقع هالغدره
في بيت الجد قايد كانوا كلهم مجتمعين ويسمعون التحذيرات والارشادات
ودخل ابو خلف فجأه ومعاه محمد اللي رجع من السفر بعد الخبر لكن كان معهم كيس كبير وفيه كمامات
ابو ناصر: وش ذا !؟ ابو خلف : اشتريت هالكمامات ضد الغاز وتحمي باذن للله من القنابل
ام خلف : وين خلف يا ناصر ما اشوفه
ابو خلف : خليته مع ضاري ونادر بالمحل يوزوعون الكامامات على الناس
ام وعد : ليه خليت العيال في الظروف لو صار لهم شي
محمد : ما صاير لهم شي ان شاء الله ، تووه دورهم بدا وجاء وقت وقفتهم خليهم خليهم
وعد : عمي ماجاك من مبارك خبر!؟ سحر: وعقاب!؟ محمد : لا والله بس يقولون الجيش يستعد وصدام نيته ماهي طيبه
ام ناصر: عسى الله يرد كيده في نحره هاللي انتهك حرمة جارهه وافزع المسلمين وزعزع امنهم
الكل:امين
_______________________.
في ظل هالظروف
كان الوقت يعدي مايدرون كيف يعدي كل واحد يبي يستوعب اللي صاير قد مايقدر عشان يعرف يتصرف
كانت المشادات السياسيه قائمه والاجتماعات في كل مكان وحالات الطوارئ معلنه والجيش على اتم الاستعداد المصير مجهول
هالظروف كانت صعبه على الكويت وشعبها وفي هالظرف بدت العوائل الكويتيه تلجأ للسعوديه وبدت تستقبلهم السعوديه وكل واحد يقدر يساعد ماكان يقصر
_______________________.
من ضمن اللي اعلن مساعدته ووقفته من اللحظه الاولى كان خلف اللي من يوم اعلنوا الغزو وهو مايرجع البيت الا في ايام قليله رغم مرضه وتعبه
كان واقف على الحدود ويساعد هالعوائل للي لجأت لهم بأكل بفلوس بكل شي يقدر يعطيه وكان ينتظر ويتمنى يكون ابو نهيان ضمن هالعوائل ...
وكان ضاري مع خلف وهو مافكر يمنعه ابد بالعكس كان يأيده انهم يكونون خيييير عون لأهل الكويت وهو من بعد رجعته من مكه ما سمع خبر من مضاوي ولا شي جمع بينهم
اخذ امه وتركها مع شوق في بيتها وهو يومياً يتطمن عليها
... نادر وتركي واغلب الشباب ماقصروا ووقفوا هالوقفه العزيزه كانوا مجهزين سيارتهم وكل واحد يروح ويساعد اي عايله تحتاج لهم ... عقاب ومبارك
كانوا من ضمن الجيش المستعدين وينتظرون اوامرهم وهم يحاولون يفتحون الحدود للكويتين
_______________________.
في الكويت
ما استسلموا اهلها ابد رغم الجور والظلم والبغي
كان بيت ابو نهيان تقريباً من أوائل البيوت الموزعه فالمنطقه .. كانت ام نهيان ومريم وليلى وعامتهم وشيخه وكل الحريم مجتمعين يطبخون المتوفر عندهم
.
.
.
في الكويت
ما استسلموا اهلها ابد رغم الجور والظلم والبغي
كان بيت ابو نهيان تقريباً من أوائل البيوت الموزعه فالمنطقه .. كانت ام نهيان ومريم وليلى وعامتهم وشيخه وكل الحريم مجتمعين يطبخون المتوفر عندهم ويوزعون على بيوت المنطقه والحي ويتقاسمون كل شي مع جارهم ويحمون بعضهم ولا يقصرون
اما ابو نهيان ونهيان : اللي كانوا من اوائل الناس اللي صفوا مع الشباب بالمخابز يخبزون ويزوعون على الاهالي والعوائل والخايف يجيرونه والمطلوب يخشونه عن الجيش العراقي
اما جابر كان من ضمن ابطال مقاومه اللي ماقدر يتكتف ويصبر على الظلم بالعكس كانوا يجاهدون بكل السُبل والطرق
وما كانوا هم بس اللي وقفوا هالوقفه كانوا اهل الكويت كلهم متناصفين الهم والخوف والشغل
كان كل واحد عنده مونه او اكل زايد يطلعه ويوزعه لجاره كانوا الشباب يجاهدون عشان يأمنون حاجات العوائل
وكانوا اغلب اهل الكويت اللي هجروا من بيتهم ضمتهم اغلب بيوت الكويت الباقيه وصاروا عايله وحده ويد وحده اللي يحتاج يقضون حاجته ، والجايع يطعمونه والخايف والمطلوب يأمنونه وكانت ارواحهم رخيصه بنظرهم مقابل الكويت وفدا للكويت شباب وبنات وشياب وكبار وصغار
وكأن اكبر أوجاعهم ان وجود علم الكويت ببيوتهم صار تهمه بعد ماكان يتعلق بكل عز بنص البيت ، صار وجود صور شيوخ الكويت تهمه بعد ماكانت تزين الشوارع والمكاتب والمدارس
صار كل شي كان يعز الكويتي .. في وقت الغزو يدينه بتهمه وجرم حتى منصبه واسمه وهويته
ومع ذلك كان كل كويتي عزيز نفس ولا يرضى الذل وتشهد لهم دماء الشهداء والمصابين والاسرى
_______________________.
ألين ما مر الشهر الاول
وصار بيت ابو نهيان من أوائل البيوت المطلوبه عند الجيش العراقي بعد ما اكتشفوا انهم يساعدوون
وجاء نهيان بخوف : يبه الجيش يدورون علينا يدورن بيت النوخذه وصلني خبر يدورونا بكل الكويت
فزت ام نهيان بخوف : وش يبون فينا
ابو نهيان: اسمعني يا نهيان : خذ امك وخواتك وزوجتك وياك واطلع لسعوديه
نيهان: وانت يبه
ابو نهيان: انا بقعد بالديره ما اهد الكويت ابد ما اهدها
نهيان: يايبه انت رجال كبير بالعمر واخاف ان صادوك يأذونك
ابو نهيان: فدا الكويت
ركضت ليلى بخوف : يبه الله يخليك لا تقعد هنيه هذولا ما يخافون الله يايبه
ام نهيان: لا تخلينا بروحنا يا ابو نهيان ولا والله مانطلع ونتم وياك هنيه يصير علينا اللي يصير عليك
نهيان: يبه انا بعقد بالديره مارح اهدها ابد المهم انتم تكونون بخير
.
.
.
ام نهيان: لا تخلينا بروحنا يا ابو نهيان ولا والله مانطلع ونتم وياك هنيه يصير علينا اللي يصير عليك
نهيان: يبه انا بعقد بالديره مارح اهدها ابد المهم انتم تكونون بخير
دق الباب بقوه وركض نهيان بخوف وهو يطل وشاف جارهم ركض يفتح الباب : بو يعقوب شنو فيك!؟
بو يعقوب : بسرعه قول لابوك واهلك يفضون البيت ويطلعون الجيش جاي اطلعوا من الباب الخلفي روحوا بيت بو محمد تنطركم السياره هناك قولهم يطلعون على منفذ السعوديه بسرعه
ركض نهيان
نهيان يترجى ابوه اللي ماكان راضي لكن خاف على بناته واهله وطلع وهو ناوي يأمنهم ويرجع كانوا جيرانه ينتظرونه برا وكل واحد مزهب له شي يعطيه اياه لكن بسيط
عطاه واحد السياره وعطاه واحد نور خفيف وعطوه اكل وكل شي يحتاجه وودعوه وهم يدعون له وودعهم وهو حزين مايبي يترك الكويت في هالحال
الكل كان يبكي على فراق الكويت رغم انها في حالة حرب وبدت الاحوال تسوء
كانوا مستعدين يجلسون بالكويت ويتحملون كل شي لكن مايطلعون لكن نهيان ماراح ابد وبقى في بيت بو محمد وتخبى داخل تانكي الماء لين راحوا وطلع وهو مايبي يطيح في يدهم ديرته تحتاجه برا ومن هنا انطلق مع جابر للمقاومه وماكانوا يقصرون في اي شي تحتاجه ديرتهم
_______________________.
على حدود السعوديه
كان هناك خلف الشباب كلهم كل واحد بسيارته ويساعد العوائل اللي يواجهونه ويضمونهم لاقرب بيت سعودي ويستقبلهم بحب
كان خلف يدعي ان اهل النوخذه بخييير ويدعي ان الله يجيبهم لسعوديه
وفي عز حوسته بالبر وهو يساعد المغرسين في البر شاف سياره
والتفت ينادي : ضاري هنا سياره يا ضاري
ضاري : يلا نبي نلحقها
ركبوا السياره واتجهوا لها كانت سياره ماتتحمل البر وطريقه وغرست وصل خلف ونزل ومعه حبل وهو متلثم بشماغه عن الغبار
دق السياره وهو يقول : حياك الله ياعم في ديرتك الثانيه و... تجمد وهو يناظره بذهول
وجاء ضاري اللي ماشاف هالشخص وقال: قواك الله ياعم... سكتوا كلهم بصدمه وهم يناظرون ابو نهيان وماعرف ابو نهيان ضاري لكن مانسى صوت خلف اللي حافظه زييين وكيف ينساه وهو اللي كسر ثقته في بنته وكسر قلب جابر بفعلته
اتسعت عيونه بغضب وسحب اللثام عن وجهه خلف يبي يتأكد وقال بغضب: هذا انت!؟ ليلى اللي نامت بتعب من الخوف والرعب اللي عاشو فيه غصب عليها نامت وهم شهر مرهقين ينامون وهم خايفين ويصحون خايفين ينامون مايحسون بأنفسهم ويصحون برعب على صوت الرصاص لكن هالمره صحت على صوت اشتاقت له حيل صوت وصل قلبها وهزه فزت وهي تحسبه حلم
.
.
.
ليلى اللي نامت بتعب من الخوف والرعب اللي عاشو فيه غصب عليها نامت وهم شهر مرهقين ينامون وهم خايفين ويصحون خايفين ينامون مايحسون بأنفسهم ويصحون برعب على صوت الرصاص لكن هالمره صحت على صوت اشتاقت له حيل صوت وصل قلبها وهزه فزت وهي تحسبه حلم لكن شافته واقف بجنب الشباك بحاله المبهذل وعيونه الواضح فيها التعب والخوف
وقاال بصوت هادي: النوخذه
ابعده ابو خلف بغضب : ابعد عن سيارتي وعني
تدخل ضاري بسرعه : استهدي بالله ياعمي وحنا هنا عشان نساعدكم
ابو خلف : اخيس هنيه ولا يساعدني هذا
ام نهيان بخوف : يا ابو نهيان تعوذ من ابليس مايصير اللي تسويه
لف عليها بغضب: بس انتي بس
رغم ان خلف متللللللهف انه يلتفت ويناظر ليلى يناظر عيونها لكن عشان مايضرها قدر يمسك نفسه واخذ نفس وهو يقول : انا ادري وانت بعد تدري ان هالوقت مو وقت العداوات الزعل معذور ولك حق بكل شي تسويه لكن انت تخاطر بنفسك وباللي معك خلنا نساعدك
ضاري : ايه ياعم ولا تنسى ان كثير من العوايل ينتظرون بعد
كان ابو نهيان يكابر لاخر لحظه ولكن استسلم لانهم مقطوعين ومالهم الا خلف يساعدهم وخلف رافض انه يروح لين يساعدهم لكن وقف بصرامه ينتظر زلة خلف
اما خلف كأنها الروح توها رجعت له وتوه تنفس وانتعش وبكل حيله كان يساعد ولكن من برا السياره لان ابو نهيان رافض دخوله لسياره ولا احد يعرف السبب الا خلف وليلى
ليلى اللي تجاهد نفسها انها ما تناظر خلف لان نظرات ابوها عليهم وتخاف تصير مصيبه ثانيه
وبعد عناء رفضت السياره تطلع دخلت بعمق التراب والليل بدا يغيم عليهم
والتفت خلف : تعالوا معنا على سيارتنا يا عمي
ابو نهيان بغضب: ماني رايح وياك مكان
ضاري: ياعمي انت رجال كبير وتعبان والليل جاء والمكان ماهو امان تعالوا معنا
كان خلف يدري انه مستحيل يروح معهم وهو موجود وقال بضيق : انا بجلس روحوا انتم مع ضاري لا تروحون معي
ام نهيان: وين تجلس بهالظلمه !؟ ابو نهيان : اقول خذ رفييقك روح بنموت هنيه ولا نروح
ام نهيان : يارجال خاف الله فينا مو كفايه عيالي مدري وينهم هديناهم بيد العدو ماندري شصار فيهم
التفت خلف اللي يحب جابر حييل ومتأكد انه ماله ذنب باللي صار مع اماني لف بصدمه: جابر وييينه !؟ ابو نهيان: مو شغلك جابر رجال وبيظل مع الرجال
عرف خلف انه سب مبطن له لكن معذور وقال : ليه خليتوه للموت
ابو نهيان: يموت شهيد يدافع عن ديرته ولا يموت ردي
ضاري : استهدي بالله ياعمي
ام نهيان تعرف ان خلف يحب جابر وجابر بعد ورغم اللي صار وهي ماتعرفه لكن تبي اي احد ينقذ عيالها .
.
.

ام نهيان تعرف ان خلف يحب جابر وجابر بعد ورغم اللي صار وهي ماتعرفه لكن تبي اي احد ينقذ عيالها :جابر بالكويت ونهيان بعد والعدو يدورهم بيذبحهم تكفى ياخلف سو شي
ابو نهيان: عيالي مالك شغل فيهم وبيظلون بالكويت لو يموتون
خلف سكت وهو يقول : المهم تصيرون بخير الحين ضاري خذ النوخذه واهله وودهم لمكان امن
ضاري : ابشر
تحرك الكل لسيارة ضاري لكن خلف ماركب معهم وغصب عليها ليلى لفت بخوف معقوله بيخلونه بالبر لحاله وفي الليل والغبار وهو مريض وصدره مايتحمل ويمكن يطيح بأي لحظه وهو من الصباح يحفر بالتراب والغبار
التفت خلف وشافها فز قلبه بألم لكن غصب عليه صد
وقالت ام نهيان : بتقعد هنيه بروحك لا والله حشى
خلف : ماعليه
ابو نهيان حس بالذنب للمره الاولى من يوم صار اللي صار مهما كان خلف مريض ووحيد امه
ضاري: خلف وين بتجلس
خلف: ادبر نفسي
ابو نيهان: لا تبلينا بموتك واركب
ابتسم خلف بهدوء وقال:ماعليه ياعمي المهم انتم
رفض ابو نيهان يركب الا لين يركب خلف لكن خلف رفض يكون داخل السياره عشان ابو نهيان وقرر يتعلق في اطراف السياره في الحدايد الموجوده وتحركوا وهو طول الوقت متعلق رغم الغبار والتعب والجوع الا انه ما اهتم المهم انه قريب ليلى وقلبه مرتاح كل ما حس انها قريبه
اما ليلى كانت تبكي بصمت وهي تشوف خلف اللي يتصدد عن الغبار ولا يقدر يلتفت لان ابوها يراقبهم
لكن انكسر قلبها على ضاري اللي طلع شماغه وهو يلثم خلف به عشان الغبار وظ¢ظ¤ ساعه يلتفت له ولا يسرع عشان مايطير التراب عليه ويتعبه اكثر
وماغاب هالمنظر عن ابو نهيان اللي تقطع قلبه عليه
ووصل لمكان ونزل خلف وهو يكح
ونزل ضاري بسرعه: خلف فيك شي
الكل فز بخوف لكن قال خلف :لا بخير بروح لنادر وارجع معه لكن وصلهم لبيتكم او مكان امين تدله
ضاري: زين لكن انتبه لنفسك
خلف : طيب
راح خلف وهو يجاهد نفسه لا يلتفت ويناظر ليلى واول ما وصل عند نادر اللي كانه معه تركي ومن ضمن الشباب اللي قريب الحدود واول ما التفت نادر وشاف حالة خلفف وجهه اللي يغشاه السواد والاحمرار ثوبه مليان طين وغبار
ركض نادر اللي يعرف ملامح خلف اذا اختنق وهاجمته حالات الربو الحاده
مايمديه يوصله الا طاح خلف من طوله وصرخ نادر ينادي تركي اللي صار يعرف وضع خلف وحاولوا يعطونه علاجه لكن ماكان له تأثير قوي وبسرعه انقلوه لاقرب مستشفى
وبعد فتره طلع الدكتور معصب وقابله نادر: دكتور صحى خلف
الدكتور: صحى ولكن صدره متشبع بالغبار والتراب كيف تعرضونه لهالكميه من الغبار بدون كمام او اي شي يحميه .
.
.

الدكتور: صحى ولكن صدره متشبع بالغبار والتراب كيف تعرضونه لهالكميه من الغبار بدون كمام او اي شي يحميه
تركي : ماعندنا خبر يا دكتور وبعدين هو متلثم بشماغه اول ما وصلنا
رفع الدكتور الشماغ وهو ينفضها بغضب: هذا الشماغ اللي تقوله!؟ شوف الغبار اللي يطلع منه
نادر: طيب يا دكتور هو ما تضرر كثير؟؟ الدكتور: سجل خلف الطبي موجود وقبل ظ© شهور كان في تحسن وقادر انه يحمي صدره ويخفف حالات الربو لكن الفتره الاخيره ماتبشر بخير خلف زاد اهماله وبدا صدره ورئته تضرر مو معقول انه كل اسبوع يتعرض لحاله حاده وانا خايف يجي يوم ويصير ماعاد في يدينا شي نسويه
سكتوا بخوف ولا توقعوا ان حالة خلف بهالسوء وكان نادر ملاحظ هالشهور ان خلف متغير ودايم تعبان وفيه ضيق
الدكتور: ياليت تاخذون الموضوع بجديه
نادر: ابشر
سكتوا ينتظرون خلف يصحى تمام ويكلمهم وهم مايدرون وش يسون فيه
_______________________.
على الحدود
كان هناك عقاب ومبارك والكل ينتظر الامر النهائي
وكان عقاب طول هالشهر ما راح لاهله الا مرتين ومبارك بعد
وفي عز الانتظار تنهد مبارك وقال: الله يستر عسى هالحرب تنتهي قبل تولد وعد
التفت له عقاب بهدوء: ماعليك بتروح ان شاء الله وتشوف ولدك
مبارك: يارب يا عقاب والله يرزقك بالضنى اللي يشيل اسمك
ابتسم له عقاب اول مره من شهور : امين
وعلى سكوته صرخ القائد يقول : استعدووووا القوات العراقيه قريبه
في ثواني انتشروا في ثواني صار كل شي واحد وفعلاً القوات بدت تتجه لسعوديه وبذات الخفجي
استعدوا بكل شي معهم
وبدت الانذارات في كل مكان تعلن ان الخفجي تعرضت لهجوم واحتلال
ووصل الخبر لسكان الخفجي اللي ماكانوا كثير ابداً كانت شبه قريبه وسكانها قليل وكانوا اقرب لمدينة الدمام من الحدود الكويتيه
_______________________.
من هالمنطلق
بدت القوات تقول للمواطنين انهم لازم يخلون المنطقه حفاظاً على سلامتهم
وصل الامر لبيت الجد قايد وابو خلف والحي هم فيه
وبدوا يستعدون بيطلعون لدمام
وكان الجد واقف بخوف وهو يستعجلهم ولاكان فيه الا فيصل وعزوز وسالم وابو خلف فقط والحريم
الكل صار في السيارات ووقف ابو خلف بتوتر: وين راح خلف ابطى ما جاء
ام خلف : ياربي تحفظه يارب
جاء فيصل يركض: يبه اتصل نادر يقول انهم فالدمام وخلف معهم
الجد : اجل يلا خلونا نطلع
ابو خلف : يلا
طلعوا متجهين لدمام وهذا امر ضروري
وكلهم في قلق وعد خايفه على مبارك ومضاوي ماتبي تروح لمكان وضاري مايدري وهي توها تحس بالخطر اللي فيه ضاري وخايفه عليه وعلى امه
.
.
.

وكلهم في قلق وعد خايفه على مبارك ومضاوي ماتبي تروح لمكان وضاري مايدري وهي توها تحس بالخطر اللي فيه ضاري وخايفه عليه وعلى امه وسحر وخواتها خايفين على عقاب ووجد مع اهلها وفعلاً كانوا متشتتين
مضاوي : يبه مانبي نترك خالتي وشوق بلحالهم
ابو خلف : بنمرهم وناخذهم
الجد: الله يكشف الضر عنا ويكفينا هالشر
ام ناصر والكل: امييين
_______________________.
وفي بيت ام ضاري كانت شوق عندها وهي خايفه والكل خايف نادر اتصل وقال انه بالدمام وهم وش بيسوون
ماهي الا دقايق وجاء ضاري
اللي بالطريق صادفته القوات وبلغته يغادر هو واللي معه
وصل خايف على امه وشوق
ودخل وهو ينادي : يمه يمه
طلعت ام ضاري : حمدلله ياضاري جيييت سمعت الاخبار يا يمه
ضاري: سمعت سمعت يمه ويلا بسرعه عشان نطلع
ام ضاري : زين زين بس مضاوي
سكت ضاري شوي وقال: بتكون مع اهلها
طلعت شوق وهي جاهزه وصد ضاري يقول : ما جاء نادر
شوق : اتصل يقول انه بالدمام
ضاري : زيين اجل يلا
طلعوا لكن انصدموا بوجود ناس بالسياره والتفت ضاري : حالوا تركبون سواء مامعنا وقت
ركبوا بالقوه لكن شوق سكتت بذهول من رجعت النوخذه واهله وهي تعرف ليلى كذا مره شافتها وام نهيان بعد
والكل تحرك لدمام
_______________________.
في الدمام
بدا ماجد يفتح بيته للكل والكل جاي عنده وحمد ربه مليون مره ان بيته كبييير وبيسعهم
لكن اتصل فيه نادر وقاله انهم نقلوا خلف لمستشفى في الدمام وانه بخير وصحى وحالته مستقره
وبعد ساعات وصلوا عائلة الجد قايد كلهم ماعاد خلف وعقاب
وكان ماجد يستقبلهم واول ما لمح سحر تبكي تقطع قلبه عليها ولا يلومها واخوها في حرب
ومو بس سحر الكل خايف وبذات عزوز اللي بدت ملامح الخوف تطغى عليه ماخاف من حرب خايف من فقد عقاب
اما مضاوي بدت تخاف وتبكي من اول ما رجعوا من بيت ام ضاري وماحصلوا فيه احد ماتدري وينهم ووش صار لهم ووين راحوا
_______________________.
في احد الشقق
وصل ضاري وهو بالقوه لقى شقه تضفهم نزل وهو محتار كيف بيخليهم ويروح
وقف يناظر بهدوء وقطع عليه صوت ابو نهيان وقال: لا تخاف على اهلك بدير بالي عليهم مثل اهلي
التفت ضاري : اكيد ياعمي مافيه شك ولكن انتم مرتاحين !؟
استعجب ابو نهيان رغم ان اهل الخفجي مصيرهم متشتت مثل الكويتين ولكن مع ذلك كان المهم ان الكويتين مرتاحين ؟! ابتسم بضيقه وقال: ونعم الجار والجوار يا اهل السعوديه هذا هو الجار الصادق ماهو الغدار اللي غزا جاره واغتصب ارضه وشتت اهله وقتلهم .
.
.

هذا هو الجار الصادق ماهو الغدار اللي غزا جاره واغتصب ارضه وشتت اهله وقتلهم
اتجهه له ضاري بعجله وهو يبوس راسه : السعوديه ديرتكم مثل ما الكويت ديرتكم وبأذن الله بترجع كويت العز لكن شده وتزول
غورقت عيون ابو نهيان وقال: ماقصرتوا ما قصرتوا
ضاري بدا عليه الخوف والقلق وقال: هذا مفتااح السياره ياعمي وهاذي الفلوس وكل شي تحتاجونه قريب واحطكم في امانه الله وانا بروح
ابو نهيان:وين بتروح!
ضاري : بروح ادور خلف ماني مرتاح والظاهر انه ماهو بخير
قال كلامه ضاري وطلع مستعجل بعد ماقال لامه وشوق انه بيروح والنوخذه موجود
جلست ام ضاري وشوق مع اهل النوخذه محد يدري وش يقول ووش يواسي كلها مصيبه وصارت عليهم
_______________________.
في المستشفى
من يوم صحى خلف والدكتور معصب عليه وزعلان ويعاتبه انه اهمل صحته ونفسه ومع ذلك ما اهتم خلف اللي من يوم عرف ان اهل الخفجي طلعوا طاح قلبه من الخوف وطلع من المستشفى بيروح لأمه اكيد انها خايفه عليه ولا تدري وينه
نادر: خللللف اسمع الكلام يا خلف هاذي صحتك
خلف : دريت يا نادر خلاص تراك اذيتني
تركي : ياخلف انت سمعت الدكتور وش قال
التفت خلف بضيق وقال: بروح لامي ماني رايح مكان
نادر: لا تطلع لين تصير بخير
خلف : زين
تركي :اجل بروح ادور اهلي انا
نادر: وانا بعد مدري وينه ضاري
التفتوا على صوت الخطوات العالي معرووف صوت ضاري ومعروفه خطواته لفوا ببتسامه يناظرونه وهو جاي يستعجل خطواته من بعيد ووصل وهو يقول: خلف انت طيب
خلف :بخير بخير وش فيك !
ضاري : مدري خفت يصير لك شي
خلف: بخير ماعليك
ضاري: النوخذه واهله بأمان تركتهم مع اهلنا في شقه وجيت
التفت نادر :النوخذه
ضاري : قصه طويله تعال نروح لهم
تركي : زين
خلف : ماتدري وين اهلي!؟ ضاري : لا اخذت ماخلونا نروح لمكان طلعونا من الخفجي على طول
خلف : بشوف عند ماجد اذا ماهم فيه مشكله
ضاري: خلنا نوصلك
نادر: ايه نوصلك ونشوف
طلعوا متجهين لبيت ماجد وهو ماهم مستوعبين كيف الدنيا انقلبت فيهم كذا
_______________________.
في ساحات الجيوش
صار الاصتدام بين جيش العراق وجيش السعودي والحلفاء له واللي من ضمنهم مبارك وعقاب
في ظل هالاصتدام قدرت قوات العراق تسيطر على الخفجي ورجعوا الجيش السعودي لحدود المناطق الشرقيه اللي كانوا موجودين عليها
وفي هالاصتدام سقط كم شهيد وكان عقاب يدور بالمعسكر يدور مبارك .
.
.

ولا توقع انه بعيد لكن وقف يناظر الشهداء ودارت الدنيا فيه وطاح بصدمه اول ماشاف مبارك وواحد منهم ما صدق ابد وراح وتركه مايدري ليه مايبي يصدق ولف المعسكر مليون مره ورجع ووقف بذهول فوق راس مبارك وقرب احد العسكر يقول :تعرف اهل هالعسكري!؟ اسمه مبارك ال... للمره الثانيه طاح على ركبه مايدري ليه هالجزع اللي هو فيه جلس عند راس مبارك بحزن ورفعه وهو يسنده ويناديه ما يتذكر عقاب انه حزن على احد بعد امه وابوه هالكثر الا مبارك انهار عقاب فعلاً انهار وهو يصرخ ويردد بكسر وحزن: لا يا مبارك تكفى يامبارك ولدك يحتريك يا مبارك تكفى لا تموت وتخليه يا مبارك
عقاب اكثر واحد كان يسمع احلام مبارك لللي يرددها واللي ينتظر شوفة ولده بفارغ الصبر كان يعد الليالي والايام عشان تولد وعد لكن ما لحقريشوفه
وهذا اكثر شي عذب عقاب اللي مر في جزع فضيع ورغم ان الكل يحاول يهديه لكن ما فيه فايده كان عقاب متحضن مبارك بالساعات ويبكي وكان يردد هالجمله ( لا تموت ماشفت ولدك يا مبارك لا تموت وتخليه يا مبارك) موقف حزييين احزن المعسكر كامل
بعد ساعات تعب عقاب من البكى ووقف وهو يطلب من القائد انه يوصل مبارك لاهله واخذه هو واحد من العساكر وراحوا
وصل لعقاب خبر انهم في الدمام واتجهووا لدمام وهو ماقدر يسكت ابد
_______________________.
وفي بيت ماجد
وصل خلف وضاري ونادر واستقبلهم ماجد وجلسوا وهم يستفسرون عن العوايل اللي جت وعن الاحداث فالخفجي
خلف : بشوف امي قبل وبعلمكم كل شي
دخل خلف ينادي امه اللي جت تركض وحضتنه: وينك يا يمه وين اختفيت اشغلتني عليك
خلف : كان عندي شغل وجيت يمه
جات وعد : خلف ما تدري عن مبارك
التفت لها خلف: والله مارحت المعسكر اليوم لكن بيتصلون وان شاء الله انه طيب
وعد : قلبي ماهو مرتاح
ام وعد : تعوذي من ابليس مافيه شي ان شاء الله
حنان: خلف تبي شي شكلك جوعان
خلف : انا لا لكن حطوا لضاري ونادر اكل هذا هم معي
ام ناصر: وينها ام ضاري وشوق
خلف: اخذوا لهم شقه وهذا هم فيها
ركضت وجدان تقول لمضاوي اللي جت بسرعه: خلف ضاري معك !؟ خلف : ايه هذا هو بالمجلس
مضاوي : وين خالتي ماجت معه
خلف : حطها بشقه هي وشوق وبيرجع لهم هو ونادر
سكتت مضاوي وراحت بهدوء تنادي غيث وهمست له: روح ناد ضاري
ركض لضاري اللي ماطرا له ينادي مضاوي ولا يكلمها لكن انصدم بغيث اللي جاء وهو يهمس يأذنه : عمتي مضاوي تبيك
وفز ضاري واعتدل والتفت له ماجد : وين!؟؟
ضاري : ا اهلي يبوني
فيصل : خلني اشوف الطريق
ضاري : ايه .
.
.
فيصل : خلني اشوف الطريق
ضاري : ايه
راح فيصل ورجع : الغرفه اللي يمينك
تقدم ضاري وقلبه يدق من شهر وشوي ماشافها ولا يدري عنها كان يحس انه غريب بهاللحظه
دخل ومثل ما تعود شافها واقفه بارتباك على وجهها ابتسامه خفيفه لكن مليانه خوف
مضاوي اللي ماتدري كيف بتتصرف وتكلمه وهو قال مايبيها وبيطلقها لكن همها الاكبر أم ضاري اللي كبيره بالسن وضاري يروح ولا يرجع الا متأخر والدنيا حرب ولو يصير لها شي شوق ما تعرف تصرف وقفت تناظره لفتره كان شوي متغير عن ما عهدت
وصل لها صوته اللي لاول مره يكون هادي : سلام عليكم
مضاوي: عليكم السلام
كانت للحين بعيد وأول شي قالته: وين خالتي!؟ ما اشوفها معك !؟ ما كانت بالبيت اول ما رحنا نبي ناخذها
سكت ضاري اللي رغم انه اكثر شي تخوف منه بزواجه ان مضاوي تأذي امه لكن على عكس ظنه كانت العلاقه بين امه ومضاوي شي عظيييم لدرجة ان امه تناصر مضاوي عليه وتزعل اذا زعلها وتحبها ومضاوي بعد وهذا اكثر شي يشفع لمضاوي
ضاري :امي بخير اخذتها انا مع شوق وهذا هم بشقه قريبه من هنا
مضاوي :جيبها هنا لو يصير لها شي لا سمح الله وانت مو فيه وش بتسوي
ضاري :معها شوق
مضاوي :شوق تبي من ينتبهه لها هي بعد جيبهم كلهم هنا
ضاري:بيت الرجال مزحوم خلقه مابي ازحمه
سكتت مضاوي بضيق بان على ملامحها وماعرف ضاري وش يقول تحرك بيروح لكن التفت في اخر لحظه وقال : ليه ما تجين معي لأمي وتجلسين معها هالفتره لان الاوضاع هالايام متوتره واخاف علي.. انقطع كلامه على صوت ازعاج برا وارعبهم صوت ابو خلف يقول : لا اله الا الله لا اله الا الله ، الله واكبر عليهم
ترك مضاوي وركض برا وتجمد وهو يشوف عقاب واقف بدلته مليانه دم وعيونه حمرا ومغورقه بالدموع ومعه عسكري واقف بعد وحزين
مايدري وش السالفه بس شاف خلف وفيصل وعزوز وماجد والجد ومحمد ونادر كلهم واقفين عند السياره وملامح الحزن على وجيهم ركض واول ما قرب شاف يد رجال مليانه دم ورفع عينه لوجهه وصد بضيق صح مايعرفه كثير لكن كان يشوفه هذا مبارك مايدري كيف شالته خطواته واتجهه لعقاب المنهار وقرب وهو يحضنه لاول مره يشوفه منهار بهالطريقه ولا مانع عقاب تعلق بضاري بكل حيله مايدري ليه ماهو قادر يتحمل اللي صار
كان ضاري يحاول يهديه لكن مايدري كيف
ابعدوا برعب مايدرون وش يسوون والتفت الجد بحزن: وشلون مات ياعقاب
مارد عقاب الا بعد فتره وقال: مدري مدري لقيته بين الشهداء مدري كيف مات
فيصل بخوف : وشلون نقول لوعد وشلون نقول لها .
.

فيصل بخوف : وشلون نقول لوعد وشلون نقول لها
ابو خلف : الرجال ماله اهل ماله احد ماله الا وعد وولده اللي ما بعد جاء
سكتوا بحيره مايدرون كيف يبلغون وعد كارثه كارثه وكسرة ظهر
محمد : لازم نقولها بهدوء البنت حامل واخاف تضرر
ابوناصر: نادوها انا اقولها
رفضوا كلهم يروحون وارسلوا غيث يناديها
وفزت وعد متوقعه انه اكيد خبر عن مبارك او انه اتصل
فضى المجلس من الكل الا من محارمها
ضاري اللي اخذ عقاب وطلع وهو يحاول يهديه هو ونادر وعقاب يكرر ويقول انه كان يبي يشوف ولده وكان ينتظر ولده ومحد قادر يرد او يعترض
_______________________.
عند الحريم
كانوا ينتظرون كالعاده الا مضاوي اللي ما ارتاحت ابد من طلعت ضاري وصوت ابو خلف
الكل جالس بصمت وينتظرون وعد
وعد اللي دخلت المجلس وهي ثقيله وناظرتهم بهدوء ما تطمنت لملامحهم ووقفت بعيد ورفعت يدها وقلبها حاس : مبارك صار له شي!؟ الا والله صار له شي وجيهكم ماتطمن
وقف ابو ناصر ووقفوا كلهم وتقدم خلف وماجد لها يحاولون يمسكونها وقال ابو ناصر : شهيد يابنتي شهيد
ما طلع صوت وعد اللي كانت حاسه من يوم ماودعها وراح كانت حاسه من لهفته اللي تشوفها بعيونه يبي يشوف ولده وكأنه يدري انه مابيشوفه
هالشهور تعلقت في مبارك اللي تغير وصار سند لوعد في كل الظروف توه دخل قلبها وشلون يروح بهالسرعه
مسكوها بسرعه وجلسوها ولا تكلمت وعد اللي ناظرتهم بهدوء والكل يناظرها
وصدت بضيق وقالت: لا لا لا مبارك بيجي وانا بولد وبيشوف ولده لا هذا كلام فاضي واكيد انه اشاعه
ابو خلف : ياوعد اذكري الله الخبر اكيد وهذا هو عقاب جابه
رفعت راسها بقوه وهنا صرخت بغضب: تصدقووون عقاب عقااااب لا مستحييييل عقاب كذاب كذااب
تكهرب كل جسمها اول ماسمعت اسم عقاب وفوراً طرا بعقلها ان عقاب اكيد أذى مبارك
خلف : وين بتروحين ياوعد وين بتروحين
سحبت نفسها وعد وطلعت والكل يلحقها مايدرون وش بتسوي
وعد اللي تمشي بدون شعور طلعت تدور مبارك لكن وقفت بصدمه اول ماشافته بالسياره مغطى بدمه وهنا فعلاً صرخت بصوتها كله ولكن انقطع صراخها اول ماشافت عقاب اللي مجتمعين عليه الشباب واتجهت له بغضب وهو تصرخ صراخ بدون وعي ماتدري وش تقول من الصدمه وقفت عنده وهي تقول: الله لا يسامحك دنيا واخره الله لايوفقك مالقيت الا مبارك تنتقم به الله لايسامحك ذبحته وهو ينتظظر ولده حسبي الله عليك
صد عقاب بضيق وهو متأكد انها اكيد بتقوله اكيد بترمي عليه هالتهمه لكن مايدري وش يقول هو تألم بموت مبارك بعد .
.
.

ركض خلف لها يبعدها والكل مستغرب هجومها عليه
خلف : وعد ياحبيبتي اذكري الله ياوعد عقاب مايدري عن مبارك كل واحد بكتيبه
بالقوه دخلوا وعد لكن رفضت الا تبي تشوف مبارك وتسلم عليه
وانتشر الخبر والكل مفجوع ويبكي ودخلوا مبارك المجلس والكل تصدد من صوت البكى وصوت وعد
وكان خلف وماجد ومحمد وفيصل عند وعد ويحاولون يهدونهز لكن فجأه صرخت صرخه مرعبه افزعتهم كلهم صح كانت تبكي لكن ماكان بكى جازع لكن صراخها افزعهم ركض خلف لها : يا وعد ياوعد اذكري الله مايجوز هالصراخ مايجوز اللي تسوينه
وعد كانت جالسه وراس مبارك على رجلها لكن صرخت وهي تمسك ذراع خلف ببكى: بوووولد ياخلف بوولد
دب الرعب في قلوبهم كلهم وصرخ خلف : فييصل ناد امي وعمتي عجل يا فيصل
في ثواني انتشروا بالمجلس يركضون والدنيا انحاست والكل يركض
وعد كانت حاسه بالالام لكن من هول صدمتها ورعبها بموت مبارك نست نفسها
طلع فيصل يصرخ وهو ينادي : يمممه عمتيي الحقوا وعد تولد
طلعوا كلهم يركضون وفزوا كلهم مرتعبين والبنات ماهم مستوعبين ولادتها وجثة مبارك عندها
في مثل هالموقف المرعب المهيب الكل ماعرف يتصرف وفز عقاب مذهول يسمع الصراخ والكل يركض والكل مفجوع
وقبل ينقلون وعد للمستشفى عم الصمت فجأه واعتلى صوت ولدها وبكاه ولدها اللي انولد بجنب جثة ابوه محد استوعب هالموقف ابد محد مستوعب
بكت وعد بكل حيلها وبكت امها والكل بكى كان خلف واقف برعب كان شاهد على كل شي وشايف الموقف كله وطلع مرعوب وهو يردد: لا اله الا الله لا اله الا الله
الجد ابو ناصر: ولدت!؟ خلف التفت برعب :ولدت ولدها جنب جثة ابوه
محمد : لا اله الا الله
لفوا الحريم وعد وطلبو الاسعاف وجاء اسعافين واحد يشيل جثة مبارك وواحد يشيل ولد مبارك ووعد
والكل واقف بذهول وصدمه جفت دموع الحزن في عيونهم من ذهول الموقف
_______________________.
في شقة ابو نهيان
اللي كان جالس قريب الاخبار ويسمع وام نهيان عنده وليلى ومريم وشيخه وولدها اللي بأول شهوره
اما ام ضاري وشوق كانوا بغرفتهم جالسي بصمت
كانت ليلى سرحانه رغم الظروف القاسيه اللي هم فيها كانت تفكر في خلف
دق التليفون وفزوا كلهم وهم ينتظرون من زمان مكالمه
رد ابو نهيان بلهفه: الوو
ابو يعقوب: هلا بو نهيان شلونك ياخوي عساك بخير
ابو نهيان: بخير بخير يا اخوي طمني عنكم طمني عن الكويت
ابو يعقوب بحزن: وش اقول ياخوي وش اقول مافي خبر زين ينقال
ابو نهيان: عيالي يا بو يعقوب وش صار فيهم .
.


ابو يعقوب بحزن: وش اقول ياخوي وش اقول مافي خبر زين ينقال
ابو نهيان: عيالي يا بو يعقوب وش صار فيهم
ابو يعقوب :عيالك الابطال صاروا مع الربع بالمقاومه ما قصروا ابد يهربون اللي قدرون يهربونه ومايقصرون يدافعون عن الديره
ابو نهيان: عسى الله يثبتهم وياخذ بيدهم والجيران واهل المنطقه
ابو يعقوب: الشهداء واجد يا بو نهيان وبيت بو محمد دشوه هاللي مايخافون الله اخذوه واخذو ولده محمد وذبحوه ليش انه عسكري هالظلام وحتى بناته وحريمه
ابو نهيان: لا حول ولا قوة الا بالله عسى الله ينصره ويكسر يدين هاللي مايخافون الله
ابو يعقوب: اللهم امين ... و و وبيتك ياخوي اخذوه الجيش وسكنوه فيه حطوه مقر لهم هالكلاب
غمض ابو نهيان بقهر وهو يشد على ركبته: طلبتك يا بو يعقوب لا تخلونهم يتهنون فيه
ابو يعقوب: لا تخاف عيالك مارح يهدونهم وانا من اول ما اتصلت فيني وبلغتني انك استقريت اتصلت فيهم وقلت لهم
ابو نهيان: للله الحافظ الله يحفظهم ويحفظ ديرتنا وان شاء الله الفرج قريب
ابو يعقوب : امين... وانقطع الخط وسكر بقهر وهو يبلغهم باللي صار وام نهيان اللي صارت دموعها على خدها عاده والكل كان بهالموقف
_______________________. في بيت ماجد
الدنيا تزلزلت عندهم اللي صار مو هين ابد ومحد قدر يستوعبه الا بعد ما اختفت الاصوات وعم الهدوء وحزتها كلٍ بكى كبير وصغير
بما فيهم عقاب اللي بيموت من اول ماسمع صوت ولد مبارك اللي ياما يحكى له مبارك عن صوت نبضات قلبه في كل مره يسمعونه
كانوا البنات يحاولون ينظفون المكان وهم يبكون ألين ما وصلت ام خلف وهدتهم وبدت تساعدهم
_______________________.
في المستشفى
انقسموا قسمين الرجال مع مبارك يكملون الاجراءات ويدفنونه
وام وعد وخلف وماجد مع وعد اللي فقدت الوعي بعد الولاده ولا تدري عن شي
جابت ولدها في هاليوم الصعب ماكانت تنتظره ابد لكن صار وكأن الله كتب لمبارك يولد ابنه قبل يدفن
ولا كان خلف يتوقع انه بيشهد مثل هالمشهد في يوم من الايام للحين يحس بقبضتها على ذراعه وصراخها في اذنه للحين يده ترتجف للحين ما استوعب اللي صار
ام وعد ماكانت تسوي شي الا تبكي وتقرا على وعد اللي اول ماصحت كانت تمنى انها تحلن لكن اول ما مدت يدها لبطنها وحسته مافيه شي انهارات من جديد تبكي
والكل يحاول يهديها بس ابد مافيه فايده
لفت لهم وهي تبكي وترجف:جيبوا لي ولدي تكفون جيبوه
ام وعد:طيب بس لا تبكين ماهو زين لك
وعد : وش بيدي غير البكى وش بيدي .

.
.
وعد : وش بيدي غير البكى وش بيدي
قرب ماجد يمسح على راسها : يا وعد لا تجزعين وقولي إنا لله وإنا إليه راجعون مبارك مات بطل وشهيد والشهداء أحياء عند الله واحمدي الله على كل حال وهذا ولدك طيب وبخييير والله يخليه لك
بكت وعد بصوت كسير : كان خاطره يشوف هالولد ياخالي
خلف : كتب له ربي ان ولده ينولد وهو ما اندفن اذكري الله وانا اخوك وكلنا على هالطريق
جلس جنبها وهو يحضنها وتعلقت فيه وهي تبكي بحرقه ولا يدري خلف كيف بيواسيها
دخلت الممرضه معها ولد وعد واخذتها ام وعد وهي تسمي عليه واعطته ولد اللي اخذته وهي تناظره بحزن وتبكي واخذه خلف منها اول ماشافها ترجف
وقربت ام وعد لخلف بهدوء وهي تمسح دموعها : أذن بأذنه يا خلف
التفت خلف لها وهو يناظرهم وقالت وعد : انت خاله وسنده بعد ابوه والخال والد يا خلف
غورقت عيون خلف لكن صد وهو كان فرحان بحمل وعد ومتشفق على ولدها لكن ما توقع انه بيجي بهالحزن كله
بدا يأذن بأذنه وهو حتى صوته يرتجف
بعد ما انتهى تركه لأم وعد وطلع هو وماجد عشان يلحقون يدفنون مبارك
_______________________.
دفنوا مبارك
والكل حزين واخذوا وعد للبيت وفتحوا العزاء وكل اللي يعرف انه ما بالحرب يجي ويعزي ويدعي لمبارك كان الوقت اخر الليل خلاص والكل تعبان من اللي مروا فيه لكن محد قادر يغمض عينه وينام والكل خايف على وعد لا يصير لها شي
عقاب اللي بعد الصلاة كان لازم يرجع للجيش هم بحاجتهم الان لكن كان وده يشوف ولد مبارك قبل يروح
واتجهه لخلف اللي متكتف وجالس وفز اول ماشاف عقاب : عقاب انت بخير
عقاب : بخير لكن ابي منك طلب
خلف : ابشر ابشر
عقاب : بشوف ولد مبارك قبل اروح
ضاق صدر خلف عليه لكن قال: ابشر بجيبه الحين
طلع خلف وهو يدق الباب ووقفت وجدان: من!؟
خلف : انا شوفي الطريق
طلعوا سحر وعهد وشهد ودخل خلف وشاف وعد نايمه بتعب
ام خلف : خلف وش فيك يمه !؟ خلف : ابي ولد وعد
ام وعد : وش تبي فيه !؟ خلف : عقاب يبي يسلم عليه قبل يروح
ام ناصر: ياويلي وين بيروح عقاب
خلف : لازم يرجع للجيش ياجده يحتاجونه الحين
ام ناصر: ياوييييلي يروح عشان يموت
خلف : اذكري الله ياجده اذكري الله ما يصير له الا اللي كاتبه ربي
ام خلف : اذكروا الله يا جماعه
قربت ندى وهي تعطي خلف الولد واخذه وطلع لعقاب اللي وقف واول ما اخذه بحضنه خنقته العبره مره ثانيه
وسلم عليه بهدوء وهو يمسح على راسه وهمس بأذنه( يالله لو تدري وش كثر انتظرك ابوك وش كثر سولف عنك ووصفك يا كثر ما تمنى انه يشيلك بين يدينه لكن الله يجمعكم بجنته يارب ) .
.
.
وهمس بأذنه( يالله لو تدري وش كثر انتظرك ابوك وش كثر سولف عنك ووصفك يا كثر ما تمنى انه يشيلك بين يدينه لكن الله يجمعكم بجنته يارب )
ابعده هو يمسح دموعه وهو يعطيه خلف ووقف والتفت لعزوز اللي مايبيه يروح وخايف عليه لكن اتجهه له عقاب وهو يحضنه ويوصيه على نفسه وخواته
وقال عزوز :خواتي يبون يسلمون عليك
عقاب: نادهم
وقف وهو يحاول يثبت قد ما يقدر واول ماشاف عيون خواته الباكيه ضاق صدره
كانوا خايفين يروح مايرجع او يرجع لكن جثه حضنهم كلهم مع بعض مايدري وش ينتظره لكن بيروح
سحر : تكفى يا عقاب انتبه لنفسك
عهد : اقراء اذكارك لا تقطعها ابد
شهد : الله يخليك لا يصير لك شي
عقاب : مايصير الا اللي ربي كاتبه ادعوا لي بس
سحر: كلمت وجد !
عقاب :لا انتم بلغوها مامعي وقت
ودعهم وطلع وترك وراه ناس منهاره محد قادر ينام او يفكر وخلاص انتهى اليوم
أضطر ضاري ونادر انهم يروحون لاهلهم اللي مايدرون عنهم
ودقوا الباب بهدوء وهم محد قادر يتكلم او يكلم الثاني
وفتح ابو نهيان ووقف نادر يناظره بذهول : النوخذه!؟ ضاري : ايه ادخل يا نادر افهمك بعدين
دخلوا وابو نهيان واقف بصمت وقال بعد فتره: شنو فيكم صاير شي
ضاري : كنا في دفن واحد من العسكر اللي على الحدود
فز ابو نهيان بضيق: ذبحوه حسبي الله عليهم
نادر: مات وولد ولده على الدنيا بجنب جثته
انصعق ابو نهيان من الخبر : شلون !؟ ضاري : زوج اخت خلف اتوقع تعرفه توفى شهيد وزوجته حامل بشهرها الاخير جابوه عشان تودعه وولدت المسكينه من هول الخبر بجنب جثته
اقشعر جسم ابو نهيان وغمض وهو يقول : حسبي الله ونعم الوكيل الله يرحمه ويجعل ولده من الصالحين
الكل: امين
ضاري : شوف لنا الطريق ياعم بنتطمن على اهلنا
ابو نهيان: ابشروا
دخل ابو نهيان بضيق : دشوا الغرفه بيمرون الرجال
دخلوا كلهم ودخل ضاري لامه وجلس بهدوء
ام ضاري : شفيك يمه
ماكان ضاري قادر ينقل لها الخبر لكن ما معه حل ثاني وقالها وانهارت تبكي وهو يهديها
اما نادر اتجهه للغرفه الثانيه ودخل ينادي شوق اللي فزت وركضت له وهي تحضنه بوجهه مليان دموع: نادر وين رحت خليتني خايفه هنا مدري وش صار فيك
شد عليها نادر وهو يهديها: ادري والله لكن تعب خلف واخذته للمستشفى واول ماطلعنا ورحنا البيت جاء عقاب ومعه مبارك زوج اخت خلف مقتول فالحرب وولدت اخته من الفجعه وانحاست الدنيا ودفنا مبارك وهاذي جيتي من عندهم
ابعدت شوق برعب : وش تقول يا نادر وش تقول !
جلس نادر وهو يشرح لها وهي تبكي .
.
.

جلس نادر وهو يشرح لها وهي تبكي
نادر: خلاص يا شوق ذبحتي نفسك بالبكى خلاص
شوق : ماني قادره استوعب ماني قادره
نادر: كلنا ما استوعبنا لكن لازم نوقف جنبهم
شوق : بكره ودني لهم
نادر: زين زين
شوق : بتجلس هنا اليوم
نادر:افكر نطلع لمكان ثاني عشان النوخذه واهله ياخذون راحتهم
شوق : انا مافهمت كيف خلف يساعدهم بعد اللي سووه بأماني
نادر: مدري ضاري ماقالي شي للحين بروح وأساله
شوق: لا تروح لمكان الا لين تقولي
نادر: من عيوني لا تخافين
رجعت شوق تحضنه للمره الثانيه وهي خايفه من هالحرب كلها
نادر: شوق وش رايك اوديك عند ابوي وامي بمزرعة جدي أمن واحسن
شوق : وانت
نادر: بجلس هنا عشان الشباب
شوق : لا لا انا معك ما اروح ابد توديني هناك وش اسوي
نادر: انا هناك متطمن على امي وابوي وابيك عندهم لا يصير لك شي
شوق : اذا بيصير لي شي يصير لي معك وعندك وغيره مابي
ابتسم نادر بهدوء: ياجعلني ما انحرم منك يا شيخه
ابتسمت شوق : الله يخليك لي ذخر وسند
نادر : امين المهم بروح لضاري الحين ونشوف وش بنسوي
شوق : زين بس ضاري ماجاب مضاوي !؟ نادر: لا مدري عنه بجيبها او لا بس اتوقت عند اهلها احسن
طلع نادر بعد مادق الباب كتنبيه وراح للمجلس وشاف ابو نهيان جالس وجلس بهدوء جنبه وجاء بعد فتره ضاري وجلس :عمي ما كلمت عيالك بالكويت
ابو نهيان: اليوم اتصلت على ابوي يعقوب مارد بالبدايه وبعدين اتصل من جديد وقالي اخبار ماتسر
ضاري : خير اللهم اجعله خير عسى مافي عيالك شي
اعتدل ابو نهيان ينقلهم الاخبار وصد ضاري بهدوء: تهون ياعم تهون اذا تحررت الكويت كل شي بينتهي المهم الحين الكويت
ابو نهيان: وانت الصادق
نادر : بأذن الله شده وتزول
ابو نهيان: بإذن الله
ضاري : انا جبت ألحف وفرش تكفي انتم الحين ناموا وبكره خير
نادر: ايه بكره من بدري بنطلع للعزاء
سكت ابو نهيان يفكر كيف بيروح ويعزيهم ومايدري كيف يروح لكن لازم يروح
اما عند البنات جلست معهم شوق وكانت تبلغهم باللي صار وانهارت ليلى من اول ما سمعت ان خلف تعب ألين ما انتهت بسالفة وعد وصاروا يهدونها مايدرون وش السالفه
لكن كان قلب ليلى يحترق على وعد وعلى خلف ولا تدري كيف تتواصل مع خلف لكن المهم انه بخير
_______________________.
في الكويت
في مقر المقاومه اللي كانوا يترددون عليه كان هناك جابر ونهيان ويعقوب واغلب شباب المنطقه
.
.
.
في الكويت
في مقر المقاومه اللي كانوا يترددون عليه كان هناك جابر ونهيان ويعقوب واغلب شباب المنطقه ووقف جابر بغضب وهو يقول : مستحيييل اخليهم يقعدون ثانيه وحده زياده ببيتنا ، بيتنا الطاهر ما يجلسون فيه هالكلاب
يعقوب : اكيد اكيد لكن لازم ماننسى دم محمد اللي ذبحوه بدون رحمه وخوات محمد اللي ماندري وينهم
نهيان : بلغني يوسف من شوي انهم اخذوه للمعتقل اللي بالاحمدي
جابر : زين بنتقسم مجموعتين يعقوب والشباب يروحون الاحمدي ويطلعون البنات وكل الاسرى اللي هناك وانا ونهيان والباقين بنروح بيتنا
نهيان: قولوا يالله
يعقوب : انتبهوا لنفسكم
جابر: وانتوا بعد
طلعوا وهم مجموعه كبييييييره اغلبها شباب وكلهم متفقييين يسوون اي شي ويدافعون عن الكويت اللي في كل مكان دمار وتخريب
ووصلوا بيت النوخذه ودخلوا من السرداب بسريه وتوزعوا في كل مكان وبسرعه البرق انتشروا وتعبى البيت صوت سلاح ورصاص وصراخ صحت عليه كل المنطقه اللي تعودوا على هالصوت لكن هالمره كانت لصالحهم عشان يطلعون الغريب من بينهم وتجمعوا كلهم يناصرون الشباب
حصل الاشتباك قوي .. لكن الجيش العراقي كان يحمل سلاح اقوى وراحوا ضحايا اغلب الشباب واهل المنطقه ولكن اغلب الشباب انسحبوا عشان ماتنتهي المقاومه بنهايتهم
وكان نهياااان يركض لكن وقف وهو يلتفت ماشاف جابر لكن سمع جابر يصرخ من بعيد ويقول : نهيييييان روووح رووووح انا بخييير روووح بجي وراك
بنا على كلامه ركض نهيان ماكان يدري وش صاير لكن جابر اللي كان متخبي ورا احد الشبايبك ويرمي وهو يدري ان الكل مات لكن قال لنهيان ينحاش لانه مايبي انهم يموتون كلهم على الاقل واحد يبقى كان جابر جالس يناظر احد الشباب الشهداء جنبه وهو حزيين وبيتقطع قلبه من جوا
كان صامد رغم نزف رجله اللي انصاب فيها لكن انتهى الرصاص ودخلوا الجيش عليه وهو مافي يده حيله لكن قاوم لين اخر نفس كان متوقع انهم بيقتلونه لكن ضربوه وطاح وغمى عليه
اخذوه وهو فاقد للوعي مايدري عن شي ..وكل من حاول من اهل المنطقه يساعده يموت وينتهي امره
وطلعوا وبيت النوخذه مليان بجثث الشهداء ولكن هدفهم تحقق وطلع الجيش من بين النوخذه اللي صار اسمه بيت الشهداء
_______________________.
وفي مقر المقاومه وصلوا
وانتظروا جابر يجي ماجاء ووصل يعقوب ومعاه بنات ابو محمد اللي قدروا ينقذونهم وكانوا في حالة تعذيب وكانوا ثنتين بس ووحده توفت شهيده من اثر التعذيب
وقف يعقوب وهو يناظر نهيان: وين جابر!؟ نهيان: ما ادري ما ادري الجيش العراقي طلع معهم ذخيره بالبيت وطلعنا كلنا لكن جاب قال روح وهو بخير وبيجي لكن ماجاء
.
نهيان: ما ادري ما ادري الجيش العراقي طلع معهم ذخيره بالبيت وطلعنا كلنا لكن جاب قال روح وهو بخير وبيجي لكن ماجاء
لفوا على صووت ابو يعقوب اللي جاء يركض واستقبله يعقوب : يبه شنو فيك !؟
ابو يعقوب : جابر اخذوه الجيش جابر اخذوه
نهيان: شنوووو اخذوه وييين اخذوه!؟
ابو يعقوب : اخذه الجيش العراقي من البيت ودخلنا بعدهم وكان البيت ترس جثث الشهداء
نهيان اللي ثار وهو يصرخ: اخذوووه حي ولا ميييت
ابو يعقوب: كان ما يتحرك موليه ما ادري حي ولا ميت
نهيان : وين راحوا !
ابو يعقوب لحقتهم وشفتهم رايحين صوب القادسييه الظاهر بالمخفر هناك
نهيان: يخسون يأسرون اخوي يخسووون
يعقوب: اهدأ يا نهيان مانبي نضر جابر مانبي نأذيه اذا أسروه بنطله لكن بدون ما نأذيه
نهيان: واذا اذبحوووه شقول حق امي وابوي شلون احط عيني بعينهم
ابو يعقوب : باذن الله مايصير له شي اذكر اللت وفكروا عدل
يعقوب : زين يبه انت رد البيت الحين وانتبه لروحك
ابو يعقوب : زين زين
ما قدر نهيان يتمالك غضبه على نفسه وشلون راح وتركه وشلون
لكن اجتمعوا المقاومه كلهم يحاولون يعرفون وين جابر ووش صار عليه
_______________________. وفي احد السجون
شهق جابر اول ما حس بكمية الماء البارد عليه وفز وهو يناظر حوله وشاف الضباط العراقين حوله لكن في طرف السجن اسرى كويتين كبار وصغار شياب وشباب ويناظرونه بحزن لكن صرخ اول ما ضغط احد الضباط على جرحه وهو يصرخ فيه : هسه تصرُخ ياچلب ومن ساع مسوي روحك بطل علييينا ، والله لأدبك والله
صرخ جابر بألم: تخسي ياردي يخسي مثلك يربيني
الضابط : صم حلقك ولك ( اسكت ) بعد تريد تحچي ولك أثول ما تطاول على أسيادك
جابر : تخسي تصير من اسيادي ياكلب يا البواق تخسي
الضابط بضحك مستفز : لاااا الظاهر الليله بيه ونسه هنانه ( وناسه هنا ) باااوع شلون يحچي الوكيح ( الوقح) هوايه واثق بروحك حبيبي
تدخل الضابط الثاني وقال:اش دا تسوي حبيبي هسه مو وكت رجوله ، تريد تعيش صم حلقك ( وش تسوي هالوقت مو وقت مرجله اسكت عشان تعيش )
جابر بغضب : حامض على بوزك اسكت لكن ماعليه ايام وبتذلفون من ديرتنا يا كلاب
تكلم الضابط الاول لثاني: بابا لا تتعب روحك وياااه ،اسحبوا هالچلب وربوووه
اخذوا جابر اللي مازال يسب لكن دخلوه غرفه مليانه بأدوات التعذيب ولا اهتم جابر اللي الا انه يردد ( بتنتصر الكويت عليكم يا كلاب ،بتعيش الكويت حره ، كويت العز بنفديها بأرواحنا)
.
.
اخذوا جابر اللي مازال يسب لكن دخلوه غرفه مليانه بأدوات التعذيب ولا اهتم جابر اللي الا انه يردد ( بتنتصر الكويت عليكم يا كلاب ،بتعيش الكويت حره ، كويت العز بنفديها بأرواحنا)
_______________________.
ومن بكره
فتحوا ابواب العزاء من جديد ووقفوا بالصفوف وخلف واقف بينهم لكن التفت على دخول ضاري ونادر والنوخذه
اتجهه لهم بسرعه خايف من ردات الفعل لكن اللي صار غريب ان محد رد ابو نهيان ابد قبلوا عزاه واستقبلوه رغم قهرهم كبتوه وسكتوا لأن اكيد اللي يمر فيه ابو نهيان ماهو هين مصابه اكبر من مصابهم وهذا اللي سكتهم كلهم وأوجع ابو نهيان
كان يشوف حفاوة خلف به ويعجز يرفضها كان خلف يسعى انه يعتذر من ابو نهيان بأي طريقه ويحسن صورته قدامهم
ولا حاول يدخل البيت ابد خايف يكون ابو نهيان جايب اهله ويشوفه دخل ويشك فيه
لكن وصل له ضاري وهو يهمس: ترا ما جاء احد
غمض خلف بهدوء:زين ! وش اخبارهم عساهم بخير
ضاري : حاطهن بعيوني وابو نهيان حاله مايسر
تنهد خلف بضيق وقال: ماتدري عن ليلى
ضاري: لا مالهم حس
خلف: يارب تربط على قلبها يارب وتصبرها
ابتسم ضاري بهدوء وقال: ادع لقلبك بعد
خلف : بدعي كثييير يا ضاري
جاء نادر اللي قال بحده: بينتهي العزاء وبتنثبر انت وياه قدامي وتعترفون بالسر اللي بينكم وألا والله مايطب لساني لسانكم
انفجعوا من هجومه وقال خلف : نادر وش فيك!؟؟
نادر: ابد طال عمرك اذا انت ناسي اني صاحبك من عمر ابي اذكرك ! من متى صرنا نخبي على بعض!؟ ضاري : ما فيه شي متخبي
نادر: سالفتكم مع هالنوخذه بتعلموني فيها طيب ولا غصب
خلف : خلاص اجلس فضحتنا
جلس نادر بضيق وهو شاك فيهم من زمان بس مايدري وش السالفه
_______________________.
في قسم الحريم
الكل جالسين في العزاء ويحاولون يقنعون وعد تاكل وهي رافضه بس حاضنه ولدها وتناظره
ام ضاري : وعد يا يمه ما يصير هاللي تسوينه حرام لازم تاكلين عشان تقدرين ترضعين ولدك وتكونين بخير عشانه
ام ناصر: اسمعي الكلام ياوعد
شوق : وعد ياحبيبتي لا تخوفينا عليك
ام خلف : عطيني ولدك وسمي بالله وكلي
بالقوه اقنعوها وبدت تاكل وهي في عالم ثاني وصدت مضاوي بخنقه من حالها وهي خايفه يصير ضاري شي وهي من بعد امس وهي ماهي قادره تنام خوف من يووصلها مثل هالخبر
لكن لفت على صوت ام ضاري تناديها: وينك يابنتي ماجيتي من شهر مخليتنا لحالنا
توترت مضاوي : انشغل ضاري ومابغيت اشغله اكثر
ام ضاري: ايه بس اليوم بتجين معنا صح!؟ مضاوي : هاه مدري!
ام ضاري: وش ماتدرين لا بتجين ان شاء الله
.
.
.
مضاوي : هاه مدري!
ام ضاري: وش ماتدرين لا بتجين ان شاء الله وتجلسين معنا وترا ضاري هالايام بحاجتك اكثر
صدت مضاوي بضيق : زين
كانت خايفه ترجع وضاري مايبيها وتكسر كرامتها لكن اصرار ام ضاري اربكها
طلعت للمطبخ بضيق وهي تشوف البنات يتساعدون ويحضرون الغداء
لكن سحر ماكانت معهم ابد كانت تمشي بدون روح خايفه على عقاب وتستودعه الله بكل وقتها وطلعت وهي تمشي بخطى متذبذبه وصلت لباب المخزن ووقفت وهي تناظر فراغ ودموعها بعيونها تتخيل لو صحت على خبر شين كيف بتتصرف
ماكانت تدري ان فيه عيون قريبه منها مستعده تشيل همها وتحتوي حزنها كان ماجد هناك وهو من يوم جو له خايف على سحر من حزنها الواضح وكتب الله انه يشوف حزنها مرسوم قدامه على ملامح حلم بها سنين طويله ماكان يدري وش يسوي وبقى ساكت لين طلعت وراحت وهو ساكت لكن يحاول يصلح الاوضاع عشان يقدر يخطب
في طرف ثاني كانت هيا جالسه بضيق وهي اللي تأجل زواجها بهالاحداث وجلست تفكر بضيق هل بتسمح لهم الحرب يتزوجون ولا بيعيشون لهالرعب دايم
_______________________.
ايام العزا مرت بكل ثقلها مرت
لكن بهالايام ماقدرت وعد تسمي ولدها ماتدري وش تسميه لكن اقترح ابو ناصر انها تسميه (خليفه ) عشان فعلاً يكون خليفه لأبوه اللي ترك له السمعه الطيبه وترك له اكبر شرف انه مات شهيد يدافع عن وطنه وجاره واسمه يعرف ب( خليفه مبارك) ويكون اسمه مشتق من اسم خاله
وفعلاً سمته وعد خليفه وكانت تقرا عليه وتسمي كل صبح ومساء ...
وهالفتره كان خلف متحمل مسؤولية خليفه كامله ومتكفل فيه بكل الاحوال والكل فرحان فيه رغم الظرف لللي انولد فيه
وكان يحاول ينسى ان ليلى قريبه منه لانه ممكن بلحظه يفقد صبره ويروح يشوفها ...
اما ضاري بعد العزاء اصرت امه انه يجيب مضاوي وكان يبي يجيبها عشان تكون مع امه في اي ظرف وكل مره يروح يجيبها يتردد مليون مره ويخاف ويرجع مايبي الكسر له ولا لها
...!
نادر اللي ساكت طول فتره ايام العزا لكن ينتظر يخلص عشان يطلع خفايا خلف وضاري
وشوق اللي كانت طول هالفتره تساند وعد في ازمتها تحاول ترد جميل وعد عليها .... اما خوات عقاب اللي يصحون وينامون ينتظرون خبر من وعد وكانت وجد يومياً تتصل فيهم تحاول توصل لخبر عن عقاب بس ماله خبر
... ماجد طول هالفتره كان مرهق من هالاحداث ولكن شايل هم سحر يحاول يتطمن عليها بدون ما احد يحس وهو ينتظر هالازمه تنتهي على خير وحزتها محد بيوقف بوجهه ...
عند عقاب اللي رجع من العزا ونفض غبار الحزن عنه ودخل الحرب بكل قوته يبي ياخذ ثار مبارك وثار كل واحد تأذى من هالحرب .
.

[صواديف عشاق]

عند عقاب اللي رجع من العزا ونفض غبار الحزن عنه ودخل الحرب بكل قوته يبي ياخذ ثار مبارك وثار كل واحد تأذى من هالحرب
_______________________.
في الكويت
كانوا ابطال المقاومه مايقصرون ينقذون ويساعدون ويحررون اللي يقدرون عليه ومع ذلك شايلين هم الاسراء اللي بيد العراقين ومن بينهم جابر اللي كان عنصر قوي بينهم ومن ناحية ثانيه ماكان نهيان ينام او يرتاح يبي يطلع اخوه وابوه ما درا
........... وفي السجن
كان جابر يتجرع انواع العذاب اشكال والوان كان يتحمل شي محد يقدر يتحمله لكن ماعادت تفرق معه ولا عاد في يدينه شي خسر وطن وخسر حبيبه وكلها بدوون ذنب منه كلها ظلم وقهر خسر كل المقومات اللي ممكن يعيش عشانها الانسان
كان ينتظر موته ولحظة خلاصه من هالعذاب
_______________________.
من بكره
في بيت ماجد كانوا كالعاده مجتمعين ماعدا خلف وضاري ونادر اللي كانوا تحت
وكان نادر ينتظرهم يبررون السالفه
نادر : وبعدين !؟ خلف : يا نادر وش فيك نقولك مافيه شي
نادر : تستهبلون علي انا!؟ وشوله تخبون علي
خلف كان يقدر يقول لنادر بس يعرف ان نادر بيعصب ونادر عنده ولاء لعقاب مايقدر يكذذب عليه واذا عرف عقاب بيربط الموضوع بسحر وتكبر السالفه لذلك قرر انه يسكت ويحتفظ بسره بصدره بينه وبين ضاري اللي كان فعلاً حافظ سره
خلف : يا نادر والله لو فيه شي يستاهل انك تعرفه بقولك لكن كل السالفه ان هالوقت ماهو وقت زعل واهل الكويت بحاجتنا سواءً كان النوخذه او غيره
نادر: ايه بس اللي سواه النوخذه في اختك ما ينغفر
خلف : يابن الحلال ما سوى شي الا الطلاق وبس وهاذي يمكن خيره والدنيا قسمه ونصيب ويمكن ما ارتاح الولد احلف عليه يتزوج اختي غصب
نادر: لااااا لكن اقل شي يطلق بشجاعه مايرمي الورقه ويروح
ضاري : صار اللي صار وانتهى والقضيه مع جابر مايصير نحاسب الكل عليها
خلف : هذا هو
نادر: بس كذا؟؟ خلف: ايه
نادر: زين لكن اسمعوني صدقوني لو طلعتوا تكذبون مايصير خير
ضاري :وسع صدرك يارجال بس واستهدي بالله
نادر:المهم محد وصله اتصال من عقاب
خلف : لا للحين
ضاري : للله يحفظه بحفظه مافي يدينا شي
الكل: امين
نادر: يلا انا راجع البيت ترجع معي ضاري!؟ ضاري اللي كان متوتر: هاه لا لا بلحقك
نادر: وش فيك
ضاري : ا باخذ اهلي وألحقك
نادر ضحك وهو يغمز: ايييه يا شيخ قولي ماعاد تصبر
صد ضاري ببتسامه: توكل على الله انت ولا ناسي نديمتك وراك
ضحك نادر بحب : نديمتي وييين شوق تسوى عيوني الا هي حياتي كلها
ابتسموا كلهم لفرحة وقرب خلف وهو يخبط على كتفه : قلت لك اصبر وصدقني بتفرج .
.

ابتسموا كلهم لفرحة وقرب خلف وهو يخبط على كتفه : قلت لك اصبر وصدقني بتفرج
ضاري : حمدلله الله يهنيك ويجعل السعاده دايم
نادر: امين وياكم
امنوا كلهم وكل واحد بداخله عثره يتمنى انه يتجاوزها ويصير سعيد
كان اقوى عثره لضاري انه يتجرأ ويرجع مضاوي معاه بعد ما انهى كل شي
مايدري كيف تجرأ وطلب من خلف يناديها ودخل خلف وهو ينادي : مضاوي مضاوي
مضاوي : نعم
خلف:ضاري بالمجلس كلميه
تقدمت مضاوي بتوتر وهي بعد ما تدري كيف بتكمل دخلت وشافته واقف وهو يتحرك بمكانه رفع راسه والتفت لها بهدوء : هلا
مضاوي : هلا فيك
تقدم ضاري بهدوء و وقف قريب : ا بغيت اقولك اذا حابه تجين معي تكونين عند امي هالفتره
مضاوي بهدوء: لو تجيبها هنا مب احسن
ضاري : ما ابي ازحم الناس كثير هنا وامي كبيرة سن ما تحمل
ناظرت مضاوي بهدوء وقالت: طيب بأخذ اغراضي واعلم امي وابوي واجي
صد ضاري ببتسامه:زين انتظر
دخلت مضاوي تخف خطواتها فيها فرح بسيط لانها حاسه بالذنب اتجاه ضاري خصوصاً انها اللي غلطت عليه
لفوا البنات يناظرون باستغراب سحر: مضاوي شفيك
مضاوي: بروح مع ضاري
ندى: بدري توك تتذكرين انك متزوجه
مضاوي : الاوضاع كانت مكركبه والحين ضاري وامه بشقه ووسع بجلس عندها
عهد : ما تلاحظين انه اخذك خدامه لامه !؟ مضاوي : ما تلاحظين ان لسانك يبي له قص
هيا : خلاص يا ناس بكيفها هي وزوجها
حنان: لك اجر يا مضاوي
مضاوي: عادي ياحبيبتي انا اخدمها بعيوني هي مثل امي تحبني واحبها
اماني : اي والله عامليها مثل جدتي مسكينه
مضاوي : لا توصين ، المهم يلا اشوفكم بخير
الكل : فمان الله
طلعت متجهه للغرفه اللي فيها امها وابوها واخوانها ووعد والحريم الكبار
محمد : مضاوي وين بتروحين!؟ مضاوي : بروح مع ضاري ماعاد ينفع اخليهم اكثر
ام ناصر: ايييه كفو بنيتي في هالظروف خليك مع رجلك وامه
ابو ناصر: الله يسهلكم ويحفظكم
ابو خلف : زين لكن انتبهوا لانفسكم
تقدمت مضاوي تسلم عليهم كلهم: ابشروا وانتم بعد
وقفت عند وعد وانثنت تحضنها وهمست: خليك قويه مثل ماعرفتك وربي معك
هزت راسها وعد بضيق ورضا وطلعت مضاوي وشافت عزوز وفيصل وخلف وضاري واقفين
فيصل: ناويه تخلينا !
مضاوي : كفيت ووفيت خلاص
ضحك عزوز بثقل: ايييه خلاص ابطت على الحبيب
ابتسم خلف وهو مايدري بطبيعة علاقتهم بس متأكد انهم بيتفاهمون مع بعض وقال: ايييه شتبي فينا الحين
من باب التسليك ضحك ضاري وقال: عاد انتم طماعين واحنا نحتاجها معنا ونصبح ونمسي على حسها وضحكها
فيصل بضحك: انا اشهد الضحكه بنفقدها .
.
.

من باب التسليك ضحك ضاري وقال: عاد انتم طماعين واحنا نحتاجها معنا ونصبح ونمسي على حسها وضحكها
فيصل بضحك: انا اشهد الضحكه بنفقدها
مضاوي حبت تلطف الجو وقال : ماعليكم برسلكم من ضحكتي في كرتون
عزوز: اقول توكلي
ضاري : يلا يلا تأخرنا
خلف : طلعتوا من شقة النوخذه !؟
ضاريي: ماحبينا نضايقهم واخذنا الشقه المقابله لهم
خلف : زين موفقين
طلعوا ضاري ومضاوي وهم ساكتين وكان فعلاً ضاري للحين ضايق من سوات مضااوي وفيه ويحاول يحط بينهم حواجز
اما مضاوي ماتدري كيف تبدا وتنتهي لكن فضلت الصمت فتره
_______________________.
مر الشهر
وبدت ترهق الحرب الكل والناس تعبوا وللحين نهيان يحاول يطلع جابر وللحين جابر يعيش العذاب
وللحين خلف ماهو قادر يجي شقة النوخذه ولا يمر حتى لكن اللي مطمن قلبه ان ليلى هنا ويقدر يعرف انها بخييير وفي احسن حال من انها تكون بنص الحرب
وليلى بعد كان ودها تشوف خلف لكن اهون انها قريبه وتسمع اخباره من انها في ديره وهو في ديره .... بالنسبه لوعد كان هالشهر كئيب بكل مافي تعني الكلمه ورغم محاولاتها في انها ترجع قويه كانت تنهار مجرد مايبكي خليفه وتتذكر مبارك وللحين في قلبها غصه رغم محاولات الكل في انهم يسلونها ....!
اما عقاب كان بعيد عن الكل بعيد عن الناس مركز في شغله وحربه ناسي زوجته وناسي نفسه وناسي كل شي ماعدا الحرب ....
اما مضاوي وضاري مايدري كيف قدر ضاري يتجاهلها طول هالشهر ولا ياخذ ويعطي معها الا بالمهم والضروري
وكان يخدمه انهم وهم ونادر بنفس الشقه وينعزل عنهم بوجود شوق
وظروف الحرب تبعده كثير عن البيت
ومضاوي كانت متوقعه بيزعل شوي ويرضى ويرجعون زي قبل لكن انصدمت بتجاهله التام لها اللي ما تعودت عليه منه لكن كانت منشغله بأم ضاري وشوق وناسيته
.... نادر اللي رغم ان الحرب ماخلت راحه وطمأنينه الا ان راحته وسكونه يلقاها مجرد ما يسكر باب غرفته ويقابل شوق اللي مايدري كيف هالطفله الصغيره اللي كان يخاف عليها من النسمه تصير عالمه كله وملاذ للأمان
لكن شوق كانت تخاف كثير ما تصدق متى يجي نادر وتشوفه قدامها وتجلس معه وتسمع صوته ويكون بخير .... وعائلة الجد قايد كانوا يحاولون يعيشون بعيد عن الحزن اللي خيم عليهم بموت مبارك ويتجاوزون خوفهم على عقاب اللي صار خبر موته احتمال وممكن يسمعونه وهذا اتعبهم كثير .... اما النوخذه واهله مستقرين بالسعوديه واحداث الكويت يدرون بها ما عدا أسر جابر والكل خايف يصير لنوخذه شي ولا يقدرون يتصرفون رغم سوء الاحوال بالكويت لكن يتشاركون همهم ويحاولون يصمدون .
.
.

وفي شقة ضاري
بعد ما ودعوا نادر اللي قرر يروح ويتطمن على امه وابوه بالمزرعه ويشوف احوالهم ويرجع
كانوا جالسين بالصاله بهدوء وضاري كعادته سرحان يفكر كيف بيساعدون في هالحرب وكيف بتنتهي
لف على صوت امه تقول : وش فيك ما تشرب شاهي ! لا يفوتك اليوم سوته مضاوي تسلم يدها سلمتها العهده شوق
لفت مضاوي تناظره تبي تعرف ردة فعله لكن كان بارد وهو يبعد البياله عنه : مالي نفس الحين يمه معدتي متعبتني مابي اتعبها
ناظرته مضاوي بقهر وهي تقول بنفسها( ايييه معدته ما اوجعته من الرز اللي من شوي اكل الصحن كله والحين توجعه)
ام ضاري : بكيفك تراك بتندم ولا يا مضاوي
مضاوي:بيندم كثير يا خالتي
مارد ضاري ابد وهو كانوا متعودين انه يرد ويتعاند مع مضاوي بس من شهر وهذا وضعه وقامت ام ضاري : اجل اانا بغفي شوي عشان العصر تودينا بيت اهل مضاوي نسلم عليهم
ضاري : زين يمه
قامت وراحت ووقف ضاري بيطلع كالعاده لكن هالمره طفح الكيل عند مضاوي ماعاد تقدر تصبر على هالحال اكثر وقفت وهي توقفه: ضاري ويين رايح!؟
ضاري: اذا فيه شي ضروري اكتبيه بورقه
مضاوي: ايه فيه ضروري لكن ماني كاتبه بورقه !؟ وبعدين يعني لين متى بتجلس زعلان وقالب علي
ضاري باستهزاء: يعني حرب!! ومشاكل!!؟ والدنيا قايمه قاعده! وانتي جايه بعد بتمشكلين ترا والله ماهو وقتك
مضاوي: متى وقتي ان شاء الله !! متى يزين خاطرك وترضى ويصير وقتي !
ضاري : وش عندك الحين!؟ مضاوي: عندي حالتك هاذي؟ اللي يشوفك يقول ذابحه لك احد ولا مورطتك بجريمه
ضاري ضحك بضيق : ايه ماعليه تسوينها كلها ؟! تقدرين تروحين لامي وتطلعين دموع التماسيح واصير انا المجرم السفاح واللي ذابح اهلك كلهم
انصدمت مضاوي : انا اسوي كذا!؟
ضاري: لا حاشاك مظلومه انتي !! تقدرين تقولين من متى قلتي ابي هالشي وقلت لا ولا اجبرتك تجلسين في مكان ماتبينه او حتى قلت ما تروحين لاهلك!؟ عمرك قلتي يا ضاري هذا شي ما ابيه واجبرتك عليه!؟ ولا ازين قولي لي كم مره كذبتي علي عند امي وطلعتيني بصورة شينه وانا ماقصرت!؟ زرعتي الزعل في صدر امي علي لاول مره تزعل علي وتهاوشني وكله بسبتك!؟ لكن مع ذا انتي المظلومه
ضاق صدر مضاوي وتحسفت وقالت بضيق : بس انا ما تعمدت بالكس كنت امزح معك وادري بتردها لي
ضاري : كل شي امزحي فيه الا انك تضيقين صدر امي علي لو بكلمه ، انا مثل ما تقولين مجهول ولا لي بهالدنيا الا امي ومستعد اتحمل بلاوي الدنيا ولا يضيق صدرها ماعمري خطيت خطوه وصدرها ضايق علي او مكدر خاطرها بشي ! لكن من يوم دخلتي حياتي وانا ماعاد أدري كيف برضيها وكله كذب وعدم مبالاه منك .
.
لكن من يوم دخلتي حياتي وانا ماعاد أدري كيف برضيها وكله كذب وعدم مبالاه منك
ندمت مضاوي ما توقعت الموضوع كبير كذا ماتوقعت ان كذبه بسيطه بتكلف ضاري كل هالضيق في لحظه حست بخنقة العبره ولا عرفت تقول شي الا انها فجأه قبلت عليه وهي تسحبه و تبوس راسه بحركة صدمتها وصدمته لكن تعودت ان هذا اعتذارها من اي احد تزعله وقالت والعبره تخنقها: والله مادريت ان هالمزحه بتضيق صدرك مادريت انها كبيره بنظرك كذا قلت بمزح معك شوي وكنت متأكده انك بيجي يوم ترد لي هالحركه بمزحه زي ماتعودنا ماهقيت انك بتزعل انا اسفه ياضاري انا ادري اني اذيتك كثير لكن هذا انا وعشت على هالمزح مع عيالي اخوانط واخواني وتعودت عليهم كذا وجيت هنا وقابلتني بنفسك الاسلوب ماطرا لي هالشي بيزعلك .. لكن ابد والله لصلح غلطتي واروح لخالتي واقولها اني اكذب وانك ماسويت شي وكله مزح
صدمت ضاري بأعتذارها صدمته اول ما باست راسه صدمته وهي متعلقه بذراعه ومصره انه يقبل اعتذارها وانها بتروح تبرر لأمه كل شي حاول يستوعب لكن رجعت مضاوي تصدمه وهي تمد اصابعها للحيته بأسلوب ترجي وترجع تبوس اصابعها من باب انها تطلبه ويوافق : اذا هذا يرضيك بسويه كله لكن انا ماتعودت انك تجلس ضايق صدرك وزعلان وتجاهل كل شي اسويه لو هو شاهي وقهوه .. العذر والسموحه ياضاري
تركته فجأه واتجهت لغرفة ام ضاري متوقعه ان هذا بيرضيه وفتحتها تبي تبين انها كذبت على ضاري وفزت ام ضاري اول ماسمعتها تناديه
لكن فجأه استوعب ضاري ودخل يركض وهو مايبي امه تدري انهم متهاوشين وتتضايق : مضاوي تعاليي يابنت الحلال
مضاوي : لا والله بقولها
ضاري : ما بنت الحلال ما صار شي خلاص تعالي حصل خير
مضاوي :لا ابد ماني متحركه لين اقولها
سحبها ضاري بسرعه جنبه وهو يحاوطها بذراعه عشان يثبتها ماترجع :اذكري الله يابنت الحلال ماهو وقته
ام ضاري : بسم لله وش فيكم !؟ مضاوي: يا خاله بقولك...
قاطعها ضاري : ما في شي يمه ارتاحي ونامي تعرفين مضاوي يطري عليها حركات
مضاوي: فكني بقولها
ابتسم ضاري ابتسامه غبيه وهو يطلعها: ماعليه يمه نامي انتي نامي
استغربت ام ضاري لكن ضحكت وهي اللي فهمت غلط وقالت وهي تتغطى بشيلتها: يا مضاوي لا تقولين لي شي وروحي مع زوجك يبيك اجلسي معه دام البيت فاضي واخذوا راحتكم انا بنام
انقطعت اصواتهم فجأه والتفتوا عليها كلهم مصدومين من اللي فهمته
وسحبت مضاوي ذراعها من يد ضاري اللي تركها وهو متصلب بعد وابعد هو بعد عنها .
.
.

وسحبت مضاوي ذراعها من يد ضاري اللي تركها وهو متصلب بعد وابعد هو بعد عنها وفجأه انسحبوا من الغرفه وسكروا الباب والتفت ضاري بضيق وقال: عاجبك اللي سويتيه
زلت مضاوي بفشله وحرج وقالت: انت اللي خليتها تفهمنا غلط
ضاري : انا!؟؟ بعد انا من الخبل اللي ركض يعلمها بكل شي
مضاوي: عشانك ازعجتنا زعلان ونافخ خشمك ما تخلي احد يحاكيك تقول اني خربت صورتك بنظر امك هذا جزاتي بعدل كل شي
ضاري : انتي دمرتي صورتي وانتهت خلاص
صدت مضاوي بفشله وسكت ضاري وجلس وهو محرج من امه
وجلسوا فترة ساكتين لكن قالت مضاوي من جديد: انا جد اسفه ماعرف اصلح اللي اخربه ابد لكن من جد اسفه
قالت كلامها وقامت بتروح لكن وقفها ضاري : تعالي تعالي
ماردت مضاوي ووقف ضاري قدامها يمنعها تطلع: بعد بتزعلين
مضاوي : وش اسوي يعني !؟ اعتذار واعتذرت وش اسوي بعد
نزل ضاري راسه وضحك :اعجبتني بوسة الراس هاذي عيديها
ابعدته مضاوي بضيق : بتذلني يعني
تكتفت ضاري : من جاب طاري المذله!؟ توك بايسه راسي بوسيه ثاني مره وارضى
مضاوي:والله!!! خلاص هونت مابيك ترضى
ضاري : متأكده!؟ ترا فرصه لأن بيزيد زعلي وممكن اغير موقع البوسه وانتي بكيفك
شهقت مضاوي برعب وعجله وقالت: وشوو! تغيرها وين ان شاء الله
فهم ضاري تفكيرها وابتسم وهو يرفع يدها بهدوء ولعانه: اقصد يدي!! مدري عاد عن تفكيرك
صدت مضاوي بحرج وابعدت وهي متفشله : اقول وخر
مسكها ضاري للمره الثانيه : انتي وبعدين مع طول لسانك
سكتت مضاوي بحرج وخوف لكن قال ضاري : يلا سامحناك هالمره لكن ياويلك تعيدينها
لفت مضاوي ببتسامه: والله !؟ احلف انك صادق
ابتسم ضاري :يعني مبدئياً راضي تحت التجريب
ضحكت مضاوي : حشى سواق
ضاري بتعجب : مافيه فايده ما تفهمين !
ضحكت مضاوي: امزح امزح لكن ياشينك وانت مسوي يعنني ثقيل وزعلان
كشر ضاري بضحك ونسى اللي صار وهو ماتعود على الضيق والزعل بالعكس يميل للقلب لابيض الحنون : اي والله ياشيني مب لايق صح!؟
مضاوي : الصدق يعني هه لو اني ماعرفك بقول لايق
ضحك ضاري : ايه زين اجل انك تعرفيني ويلا عيدي الشاهي بذوقه من جديد
مضاوي تخصرت: ماشاء الله من شوي معدتك توجعك !
ضاري بضحك: مثقل عليها الزعل والحين خلاص
شمرت مضاوي كمها بضحك: ابد اسوي الحين احسن شاهي تذوقه على مر السنين
ضاري : ياكثر الثقه لكن خلصي
راحت مضاوي برضا تجهز الشاهي وهي راضيه وضاري بعد راضي وكلهم مرتاحين لان اثنينهم مايحبون الزعل ولا تعودوا عليه
_______________________.
وفي بيت النوخذه
كان النوخذه يطلع ويروح لإذاعة السعوديه
.
.
.
كان النوخذه يطلع ويروح لإذاعة السعوديه ويقولهم الاخبار اللي توصله من الكويت عشان يعرفون العالم الاحداث
وفي هاللحظه بعد ما نومت ليلى ولد شيخه اخذتها طلعت وهي تمنى انها معها عودها وتغني وترفهه عن نفسها شوي شافت مريم وامها نايمين بتعب
وطلعت وهي تجلس على الشباك اللي اول مره تجرأ وتفتحته
كانت تناظر حياة الدمام وهي ساهيه صارت تردد وتغني (الليل يا ليلى يُعاتبني ... ويقول لي سلم على ... انقطع صوتها فجأه من الصوت اللي خالط صوتها وهو يقول بدهشه ونبرة اشتاقت لها: ليلى
فزت وابعدت عن الشباك لكن شافت خلف واقف وكان متغير لكن مازالت ملامحه الهاديه الحبيبه تعتلي وجهه
كان جاي يبي ضاري بيطلع للحدود لكن كتب له للله يشوف ليلى
تصلبت ليلى على الشباك تناظره وقالت بحزن:خلف
التفت خلف حوله ماشاف احد وقال ولهفته تقطع انفاسه قالها مايدري كيف قالها لكن قال: حنيييت يا ليلى حنيت حييل
بكت ليلى بسرعه وقالت :خفت اني مارح اشوفك مره ثانيه
خلف : كتب ربي لنا لقى يابنت النوخذه
ناظرته بحزن وقبل ترد شهقت اول ما شافت ابوها جاي من بعيد سكرت الشباك واختفت والتفت خلف بسرعه ودخل ورا اقرب سياره ولكن من حظهم ماشافهم النوخذه ابد لانه يمشي والهم منزل راسه
ركضت ليلى بخوف ودخلت فراشها خايفه انه شافها ووقتها بتحل ذبحتها لكن سمعت صوته يدخل وييسكر الباب وجلس
وهذا شي مستحيل ابوها يسويه لو شافهم
اما خلف طاح قلبه خايف على ليلى لكن تطمن لان النوخذه ماشافهم
اخذ انفاسه وطلع لضاري وهو يحاول يهدي رعبه
_______________________.
وفي الكويت
كان المقاوله يجهزون لتنفيذ عمليه ينقذون فيها الاسرى اللي من بينهم جابر
كان جابر مرمي فالسجن بحاله يرثى لها في كل شبر بجسمه جروح كل شي بجسمه يصرخ بألم كان في حاله شبه فاقد للوعي من العذاب لكن فتح عيونه على صوت صراخ ورصاص ولا هي الا نص ساعه وانفتح السجن عليه وسمع صوت حن له كثير صوت نهيان اللي صرخ ويركض وهو ينادي: جابر ياخوووي جااابر ياخوي
ماكان جاب يقدر يقول شي غير انه يون سمع صوت يعقوب يقول : بسرعه طلعه
وقف نهيان بقلة حيله يصرخ بصوت مليان عبره: شلون اشيله مجروع من كل مكان
جاء احد الشباب يركض معه لحاف : بنحطه هنيه عشان ما نأذيه
حطوه ونهيان يبكي وهو يصرخ ألم وفرح كانوا مايقدرون يلمسونه ابد من الجروح والنزيف والحرق والعذاب
نهيان كان في حالة بكى مايدري وين يوديه المستشفيات محاصرت ولا فيه اطباء حالياً وجابر على مشارف الموت .
.
نهيان كان في حالة بكى مايدري وين يوديه المستشفيات محاصره ولا فيه اطباء حالياً وجابر على مشارف الموت
يعقوب : مالنا الا نوديه السعوديه
نهيان: شلوون !؟
يعقوب :بنتصل بالنوخذه
نهيان: لا ابوي مايتحمل
يعقوب: مجبورين حياته اولى
كان جابر يفقد الوعي كثير والكل خايف عليه كان على مشارف الموت
وفعلاً اتصلوا بالنوخذه بما انهم قريب من الحدود يمكن يقدرون يطلعونه
رد ابو نهيان واستبشر بصوت نيهان لكن خاف من بكاه واللي خايف منه صار نقل له الخبر وهو يبكي : يبه لو ما نقلنا جابر بسرعه بيموت يبه
كان ابو نهيان ماهو مستوعب وهو يرتجف : شلون ماعلمتني انه اسيييير شلون سكت لين الحيييين
نهيان: ماقدرت يبه ماقدرت
انهار ابو نهيان يعاتب نهيان بغضب وزعل وحسره
اخذ يعقوب السماعه وقال: عمي اذكر الله والحين لازك نوقف مع جابر ونحاول ننقذه
ابو نهيان : وشلوون وهو بين الحياه والموت
يعقوب :لازم نشوفك على الحدود ولازم يكون وياك احد ماكو وقت احنا طالعين الحين بنكون قريب الحدود شد حيلك واذكر الله
سكر وانهبل ابو نهيان اللي طلع يركض مايدري وين يروح لكن ركض لشقة ضاري اللي طلع برعب هو وخلف
خلف: شفيك ياعمي وش فيك !؟ تعلق في يديهم ابو نهيان اللي على صراخه طلعوا الكل يركضون بخوف والتفت خلف وشاف ليلى اللي واقفه بخوف وام نهيان تركض بجلالها وتبكي : شصاير حق عيالي شصاير
صد ضاري بسرعه وخلف صد لكن يحاول يفهم: اذكرالله وقلنا وش فيك
بالقوه اخذ انفاسه ابو نهيان وقالهم السالفه وهنا تعبى المبنى كامل صراخ كان موت جابر محقق
وهنا خاف خلف لكنه في لحظه قال: لا تخاف بننقذه ان شاء الله
ضاري : الحين نطلع للحدود كلنا
خلف : ضاري كلم تركي يجي مع معاذ ( ممرض) للحدود بسرعه
ضاري : زين
رجع يركض وطلعت مضاوي : وش صاير
ام ضاري: وش فيه
ضاري : روحوا لحريم النوخذه كونوا معهم ولدهم جابر اسير وطلعوه المقاومه وحالته صعبه ولازم يدخل السعوديه ولا يموت
شهقت مضاوي: جابر
ام ضاري: انتبهوا يمه تكفون
ضاري : زين زين
نزل خلف يركض متجهه لبيت ماجد اللي ماهو بعيد وصل وطلع يدور محمد وهو يلهث
مسكه عزوز بخوف: شفيك عقاب فيه شي
خلف: لا لا بس بنطلع نساعد واحد
ابو ناصر: منهو
خلف : جابر ولد النوخذه اسير وطلعوا لكن اذا ما دخل السعوديه وتعالج بيموت
ابو خلف بغضب : خله يموت وش عليك فيه
فيصل بغضب: ناسي سواته في اماني
خلف مارد وهو ينادي: عمي محمد نبي سلاح لازم تكون معنا
ابو ناصر: انهبلتوا انتم الدنيا ياقايمه قاعده على الحدود
محمد: بيساعدنا الله .
.

محمد: بيساعدنا الله
الكل اعترض لكن صرخ خلف بغضب: مستحيييل اخليه لو اموت انا بداله
فيصل بصراخ: وامااااااني
خلف فقد نفسه وصرخ: جابر ماله ذنب الذنب ذنبي انا
انتبه لنفسه وسكت وركض لكن وقفته وعد اللي تعلقت فيه وهي تبكي وخايفه انه يروح يموت: تكفى لا تروح تكفى
جلس خلف معها وهو خايف عليها لكن مايقدر يقعد : بجي ان شاء الله بجي
ترك الكل وراح يصارخ وامه تبكي وطلع هو ومحمد وكان النوخذه وضاري تحت وطلعوا مستعجلين وراحوا من طريق بعيد عن مواجهات الجيش على الحدود وكان ينتظرهم تركي ومعاذ وابو نهيان في حاله يرثى لهم بدوا يدورون حول الحدود ينتظرون احد يجي
وبعد ساعه وهم يحاولون يهدون النوخذه شافوا سياره من بعيييد تطوي مسافات البر طوي وقفت ونزلوا شباب مسلحين يناظرونهم لكن فجأه نزل نهيان اللي كشف شماغه عن وجهه وهو يبكي وينادي:يبه ألحق جابر ركضوا لسياره وكان جابر يشهق وهو يردد ( الكوي الكويت )
طاح ابو نهيان خوف ان جابر يموت لكن نزلت على خلف قوه مايدري كيف تحلى بها وركض يشيل جابر هو ومعاذ وضاري وجابر مازال يشهق وكان معاذ يحاول يتصوف والكل يصد من حالة جابر الصعبه ومنظره الشنيع
وابو نهيان يصرخ بصوته كله( حسبي للله على الظالم حسبي لله على الغدار)
ركضوا يركبون وابو نهيان اللي اجبر نهيان يجي معه لازم يجي لكن نهيان رفض وقرر يرجع ومايخلي الكويت ابد
وفعلاً رجع مع المقاومه بعد ماودع جابر خايف انه يموت وهو بعيد وكان يبكي بقهر وهو يحلف ياخذ ثار كل شي صار في جابر
كانت الاسلاك الشائكه اللي على الحدود مدمره من اسباب الحرب والدبابات
عشان كذا قدروا يمرون تحركوا بجابر اللي كان معاذ يحاول يسيطر قدر المستطاع على ألم جابر ويحاول ان جابر يكون بوعيه
ابو نهيان اللي ارتفع ضغطه ما هو قادر يشوف حال جابر ابد
ضاري كان مشغول فيه ومحمد بعد صاد وتركي يسوق
كانوا جمس كبير مرفوعهه المراتب وهم جالسين محلها وجابر بالنص كان خلف متقطع قلبه عليه وبعيد عن كل شي عاشوه وبعيد عن حبه لليلى كان يحب جابر من كل قلبه ومنظره هذا يقطع القلب كان يناديه ويحاول يكلمه عشان مايغيب عن الوعي
_______________________.
وفي بيت ماجد
كانت ام خلف تبكي بخوف على خلف و وعد بعد لللي صارت تنهار من ادنى سبب والكل خايف وساكت لكن في طرف بعيد من البيت كانت اماني جالسه لوحدها بخوف كانت طول هالفتره تعدي موضوع جابر وتبين القوه لكن ارعبها اللي صار وارعبها انه مأسور .. صح ما كانت تعرفه ولا شافته الا مرتين
.
.
.
صح ما كانت تعرفه ولا شافته الا مرتين لكن الفتره اللي انخطبوا فيها كانت تسمع عنه مدح دخله حدود قلبها ولمس فيه شي بسيط تحرك توه اول ما صار جابر بخطر
ماقدرت تسوي شي هالفتره وتخمد حرقة قلبها وخوفها الا انها تفرش سجادتها وتدعي بقلب خاشع لجابر ولخلف وللكل
كان ابو خلف معصب ويصارخ : ليييه ليييه يرمي نفسه للخطر عشان واحد ما يستاهل
ابو ناصر: ياناصر اجلس وش نسوي راحوا خلاص
فيصل : قلنا النوخذه ماله ذنب بسوايا ولده وسكتنا لكن هاللي يسويه غلط
عزوز: استهدوا بالله ومارح يصير له شي بس اذكروا الله وان شاء الله كل شي طيب
ماجد : خلف رجال عاقل ويعرف كيف يتصرف ومحمد معه و ضاري وبأذن الله مافيه شي
ام وعد : الله يحفظه يارب الله يحفظه
_______________________.
وفي شقة ضاري
اخذت ام ضاري ومضاوي اهل النوخذه ودخلوهم يحاولون يهدون الوضع لكن ام نهيان كانت تبكي بحرقة وتركتها مضاوي لام ضاري وراحت لشيخه اللي تبكي بصمت : شيخه ياحبيبتي اذكري الله ولا تجزعين من رحمة الله وان شاء الله بيجيبونه وهو بخير انتي الكبيره العاقله المفروض تهدين امك ما تنهارين
ناظرته شيخه بحزن: اخواني مدري شصاير فيهم كيف تبيني اهدى
مضاوي : بأذن الله مافيهم شي لكن اذكري للله وشوفي ولدك مسكين مفجوع من هالوضع
وقفت شيخه تاخذ ولدها وهي تردد : لا اله الا الله الله ينصرنا الله ينصرنا
راحت مضاوي لمريم اللي كانت جالسه بصمت ودموعها تنزل بهدوء ما كانت تبكي بصراخ وجزع كانت صامته
وقبل تجي لها مضاوي رفعت يدها تبعدها لانها ماتبي تتكلم عشان ماتنهار
اما ليلى كانت في انهيار قوي ما تدري تبكي على من على اخوانها ولا ابوها اللي رايح للخطر ولا خلف اللي رمى نفسه بدون تفكير في الخطر كلهم ممكن يروحون في لمح البصر ممكن يموتون وتجلس فعلاً وحيده
جلست جنبها مضاوي وهي تحضنها بهدوء: اذكري الله يا ليلى ان شاء الله يرجعون بخير
ناظرتها ليلى بحزن وقالت: لكن يمكن كلهم يموتون راحوا للموت بأنفسهم
مضاوي : يابنت الحلال اذكري الله واستودعيهم اللهرولا تجزعين هذا انا بعد اخوي وزوجي وولد اخوي معهم لكن ماصحت وبكيت بالعكس ادعي وظني فالله مايخيب
تطمنوا كلهم بعد كلامها وسكتوا يتنظرون متى بيجون
_______________________.
وفي المستشفى
اخيراً وصلوا ونزلوا يركضون وينادون الاسعاف والناس استنفرت محد يدري وش السالفه لكن وقفوا الممرضين برعب اول ماشافوا حالة جابر
وقال واحد منهم: معاذ من ذا!؟
معاذ : أسير كويتي كان عند العراقين و جبناه من الحدود
.
معاذ : أسير كويتي كان عند العراقين و جبناه من الحدود
بعد هالكلمه اخذوا جابر وفي ثواني والشرطه في كل مكان ووقفوا ينادون اللي كان مع جابر
وطلع خلف : سم
الضابط: شلون دخلتوا هالاسير هنا!؟ خلف : اخذناه من المقاومه الكويتيه على الحدود
الضابط: وش علاقتكم بالمقاومه!؟ خلف : هالشايب اللي وراي ابو هالرجال وكان جارنا من زمن وهو من اللي جو لسعوديه بعد الحرب وكانوا عياله فالمقاومه واخذوا ولده هذا اسير وقدروا يطلعونه بس مايقدرون يعالجونه
اتصلوا فينا ولا انتظرنا اخذناه وجينا
الضابط: شلون اخذتوه من الحدود والعسكر وينهم!؟ خلف : في سلسلة من الحدود متدمره من الدبابات العسكريه وكنا بعيد عن ارض الحرب وكنا نسمع الصوت لكن حمدلله مرت بسلام
الضابط : زين الحمدلله عطني معلوماتهم وان شاء الله خير
خلف : طيب
بدا خلف يقوله المعلومات ويسردها عليه وهو عيونه على غرفة جابر يخاف انه يموت او يصير له شي
انتهى وراح لابو نهيان الللي منهار وجلس وهو يحاول يواسيه يحاول يخفف مصابه لكن صعب صعب مره
وقفوا بالساعات ينتظرون خبر لكن جروح جابر ماكانت واحد ولا اثنين كان غرقان بجراحه لدرجة انه يغيب عن الوعي مايحس فيهم وبدون بنج مايحس بشي وبعد ساعات طلع الدكتور وهو تعبان : مين اهل الكويتي اللي موجود هنا
فز ابو نهيان وهو يستند على خلف : انا انا
لكن اختلط صوته بصوت خلف اللي قال: حنا اهله
الدكتور : تفضلوا معي للمكتب
راحوا ووقف ضاري ومحمد وتركي بهدوء ينتظرون وش يصير
جلس خلف بعد ما ساعد ابو نهيان يجلس
الدكتور: بنستعدي الضابط
خلف : ما يخالف
جاء الضابط وجلس الدكتور : يا عم ولدك متضرر كثييير من جميع الجهات
الضابط : وطبيعي ان الشخص اللي اخذه أسير ما رحمه
ضاق خلف من طريقتهم اللي تزيد خوف ابو نهيان : كل هالكلام ندري به ولكن قلنا وش فيه جابر بالضبط
الدكتور: الواضح انه تعرض لصعق كهربائي وهذا اقوى شي تعرض له من اساليب التعذيب غير اظافره المتظرره وجروحه العميقه ومدة الشفاء ممكن تطول كثير ولكن كل شي تحت رحمة الله وكل شي معتمد على الظ¢ظ¤ ساعه القادمه
ابو نهيان: شلون يعني ولدي بيموت!؟ الدكتور: لا ياعمي الاعمار في يد الله لكن هالوقت بيحدد اصاباته بشكل ادق
خلف : طيب فيه خطر عليه!؟ الدكتور: بأذن الله ماعليه شر الحين لكن بندعي له
خلف : يارب
الضابط: واذا صحى ان شاء الله رح نجلس معه ونسمع كل شي
ابو نهيان: ياربي تكون وياه يارب
الدكتور: حالياً مارح يصحى في هالساعات الاولى
خلف: زين .
.


الدكتور: حالياً مارح يصحى في هالساعات الاولى
خلف: زين
طلع خلف وابو نهيان اللي يبكي من قائمه الجروح اللي ذكروها في جابر وكان يتحسب بحرقه
خلف : لو تروح ياعمي للبيت وتطمن اهلك ان جابر ان شاء الله بخير اكيد خايفين
ضاري : اي نعم وترتاح شوي لا يصير لك شي
ابو نهيان: لا حشى مارح اروح واهد جابر
خلف : ياعمي انا بجلس عنده لين تجي تروح تبدل وتطمنهم وتجي وانا مارح اتحرك لين تجي واذا صار شي بدق
اصروا عليه وقرر يروح يطمن اهله ولف خلف : عمي محمد انت بعد روح وطمن امي والكل
محمد : ابشر بروح بس ابدل واجي
طلعوا وجلس خلف قريب غرفة جابر اللي كان ممنوع انه يدخلها عشان لا تتلوث الجروح المكشوفه
_______________________.
وفي بيت ماجد
وصل محمد وهو تعبان ووقفوا كلهم يناظرون وراه
ابو خلف:وين خلف!؟؟؟ ابو ناصر: وراك جيت من غيره!؟ محمد: بخير بخير خلف لكن جلس مع جابر باالمستشفى
ابو خلف : هذااااا الللي ناقص
ماجد: وليش جلس!؟ فيصل بغضب: خلف انهبل خلاص
محمد : ياناس لا تكبرون السالفه ترا مهما صار كان صديقه والعشره ماتهون الا على ابن الحرام
ابو ناصر: المهم انه بخير
ام خلف: محمد عسى ما تأثر صدره
محمد: لا لا بخير مافيه شي
الكل كان مترقب واماني للي كانت تحاول تسمع خبر بدون ما تلفت الانتباه وهي تحس قلبها يدق برعب رغم ان مافيه اي شي يجمعها بجابر ومستحيل يجمعها فيه شي
عزوز: طيب وجابر
جلس محمد بضيق: جابر!! مسكين جابر الله يعوضه بالجنه بس
صرخت وعد برعب:مات!؟؟
محمد: لا اعوذ بالله لكن طاح بيد ناس ما تخاف لله عذوبه تعذيب لو تشوفونه ماتقولون هذاك الشاب ابد ملامحه ماتنعرف من الدم والجروح كان في حاله الله يرأف فيه بس
ابو ناصر: حسبي الله ونعم الوكيل حسبٍ يكفينا فيهم
محمد : الله يعين اهله ويعينه ويصبرهم مسكين النوخذه خمس مرات يطيح علينا وينهار
ماجد: كان الله في عونه
عزوز: طيب جابر بيصحى!؟ محمد: والله مدري بس يقول خلف انه متعرض لصعق كهربائي غير اللي مسوينه فيه اظافره مقلعينها وجسمه متقطع من اثر السلسال ومحترق من الماء الحار اللي ينكب عليه وغير اثار زقايرهم اللي يطفونها فيها الله لا يوفقهم والظاهر حتى لو صحى بيصحى وهو متضرر من اللي جاه
الكل بحمله وحده قالوا : الله لا يوفقهم ولا يسامحهم
وصل الخبر لأماني اللي كانت تحس ان محد شايفها لكن الكل يراقب ردت فعلها وفجأه دموعها تجمعت بعيونها اختنقت وهي تسمع اللي يقولونه وينشرح كان صعب صعب انها تستوعبه وهي كل ماتتذكر شكل جابر قبل تعجز انها تقبل اللي صار فيه
.
.
.
اما البنات الكل ساكت مايدرون كيف بيواسونها اوكيف بيتصرفون مع الوضع
_______________________.
وفي شقة ضاري
وصل ودخل النوخذه شقته وهو ينادي بهدوء: مضاوي مضاوي
فزوا كلهم وركضت له مضاوي وهي تحمد ربها انه رجع: ضاري حمدلله انك بخير وينه خلف ومحمد
ضاري : كلهم بخير لا تخافين
طلعت ام نهيان من وراها وهي متغطيه وتبكي: ولدي تكفى ياضاري
ضاري : ياخاله جابر بخير وطيب وعمي ابو نهيان هذا هو بشقتكم روحوا له بيطمنكم
صد ضاري وطلعت ام نهيان تركض وراها بناتها وهم في حاله هستريه وهمست مضاوي :صدق جابر بخير !؟ مد ضاري يده بحركه عفويه قصده يطمنها وهو يحاوط كتفها ويمشيها معه : نقول يارب انه يكون بخير
مضاوي : تكفى لا تقول حالته خطره
ام ضاري: ضاري كيف ولدهم
نزل ضاري يده وتقدم يبوس راسها: ادعي له يمه الله يالمنظر اللي شفته مايطمن
مضاوي: لا حول ولا قوة الا بالله العلي العظيم
ام ضاري: يالله لا تفجع امه في ضناها مسكينه ما جفت دمعتها من اليوم
ضاري : وابوه بعد واخوه رجع للكويت وعسى الله يفرج عنهم ويعينهم
مضاوي : عذوبه مره!؟؟ ضاري بحنيه:ماودي اوصف لكم وتوجعكم قلوبكم لكن اذكروه بالدعاء
سكتوا بفجعه كلهم خايفين ويدعون
_______________________.
في بيت النوخذه
اول ماوصلوا وشافوا حال النوخذه ركضت ام نهيان ببكى وهي تترجاه: شنو صاير في ولدي قولي قولي
مريم: عمي ليه نهيان ماجاء وياك
ابو نهيان: نهيان رد الكويت مارضى يجي وجابر عسى الله يكون بعونه هالكلاب ما خلو شبر فيه ما أذوه
شيخه: اذووه واجد يبه
هز راسه ابو نهيان بألم: واجد!! جابر ماينعرف يابنتي جابر ماينعرف
صرخت ام نهيان ببكى وهي تدعي عليهم وتبكي والكل يبكي وقفت ليلى وتحضن ابوها وتبكي ويسمعون ابو نهيان يشرح وضعه ويبكون ومالهم الا الدعاء
_______________________.
مر الليل مايندرى كيف مر
كئيب ومرعب ومفجع قضاه خلف في ممرات المستشفى عجز ينام قلبه مع ليلى اللي كان يظن ان قلبه بيرتاح اذا شافها لكن زاد الطين بله اول ماشاف حاله اللي مايسر وكيف الحرب وسمت فيها رغم ان وجودها ماكان طويل فيها لكن القهر يسم الحال ماكان يدري كيف حالها الحين لكن اكيد ماهي بخير
بعد ما اذن الفجر وقف وتوضى وصلى والتفت اول ماسمع خطوات ضاري ومعه النوخذه وام نهيان ومعه ثلاث حريم عجز خلف يميز ليلى بينهم لكن اكيد انها معهم واحترم ابو نهيان وصد خلف
ابو نهيان: خلف وشلون ولدي ياخلف
خلف : للحين على حاله لكن بأذن الله انه بخير انا شغلت عنده سورة البقره وبأذن الله يكون بخير .
.��
.
خلف : للحين على حاله لكن بأذن الله انه بخير انا شغلت عنده سورة البقره وبأذن الله يكون بخير
ابو نهيان: وينه الدكتور بندش ونشوفه
خلف : توني سألت يجي بعد نص ساعه اجلسوا ارتاحوا وبجيب لكم شي تشربونه
جلسوا وراح خلف يدور اي محل ورجع ومعه ظ¥ اكواب شاهي وحطها على طرف وابعد وا انتظر يدري ان ابو نهيان ممكن يتضايق من وجوده
اما ليلى فوق هم اخوها كانت تناظر خلف بحب وبكى وهي تردد بنفسها ( ياربي شكثر طيب وحنون يارب لا تفجعني فيه يارب )
ماكان موقف خلف غايب عن الكل وكلهم مقدرين وقفته وشلون باين عليه التعب
وبعد شوي رجع خلف معاه الدكتور واول ماسمح لهم ودخلوا سمعوا صوت الاجهزه وركض الدككتور لجابر وهو يضغط الجرس على ينادي الممرضين والكل انفجع وخلف اللي جاء يركض بخوف ووقفوا كلهم عند الباب مايدرون وش صاير
لكن طلع الدكتور مبتسم ويقول : حمدلله جابر صحى ولكن يحتاج دم ويحتاج يرتاح لكنه صاحي ويقدر يسمعكم لكن مايقدر يكلمكم هالفتره بسبب الاثار اللي نتجت من الصعق الكهربائي
الكل : حمدلله الحمدلله
ابو نهيان: يعني ندش له عادي
الدكتور: ايه لكن قبل لازم تعقيم وتدخلون اثنين اثنين
دخلوا ابو نهيان وام نهيان اول ناس ووقف خلف وهو بالطرف المقابل قدامه شيخه ومريم وليلى
وماكان قادر يطالعهم لكن يحس ان ليلى متشفقه عليه زي ماهو متشفق
وشوي شوي بدوا يدخلون لكن ماكان جابر يتكلم لكن يطالعهم بعيون مليانه دموع كسرت فيهم حيل ولكن انهلت دموعه اول ماشاف خلف اللي دخل وهو حزين وجلس يحاول يتكلم لكن جابر كان حاس بالذنب والخجل من خلف وخلف بعد
وبعد انهيار جابر طلعهم الدكتور وهو يطلبهم يوفرون دم ولا قصر خلف ركض يتصل وينادي ويوفر الدم اللي يحتاجه جابر
_______________________.
من بداية هالمعاناة
كانت الشهور تمر وجابر اغلب وقته يحاول انه يتكلم ويعدي فترة الخطر لكن ماهو قادر كان تعبان حيل رغم تحسن جروحه لكن حزييين جداً بسبب حال الكويت وحالهم كان يعتبر كل شي خسره فدا للكويت لكن يضيق صدره من دموع امه وخواته وابوه اللي طول هالفتره كان يشوف خلف معهم ماتركهم كان فعلاً يحب خلف وبان معدنه بهالموقف
ومو بس خلف كلهم كانوا واقفين مع النوخذه ضاري واهله ومحمد وحتى نادر يوم رجع وقف معهم وعقاب اللي اول ماعرف باللي صار وهو في ارض الحرب كان كل ما اتصل يسأل عن جابر
ونهيان اللي ماترك مقر للعراقين ماهاجمه وماكان يقصر ابد وكان يكلم جابر ويعلمه بكل شي يسوونه وهذا اللي برد قلب جابر .
.
وكان يكلم جابر ويعلمه بكل شي يسوونه وهذا اللي برد قلب جابر
ليلى اللي لو كان فيه امل لو ظ،ظھطœ انها تنسى خلف من بعد هالمواقف صار مستحيل تنساه ومستحيل تفرط فيه ابد ابد لكن ماتواصلت معه ابد وتحاول تكسب ثقة ابوها من جديد
اماني اللي متعلقه على اطراف الاخبار كل ما وصل خبر تفز تبي تعرف اخبار جابر كانت تفرح اذا قالوا بخير ويضيق صدرها اذا قالوا للحين ماهو قادر يتكلم
_______________________.
مرت هالشهور العصيييبه مرت وهي صعبه على الروح وعلى الجسد والعقل
مرت منهكم ومتعبه للكل محد قادر يوقف فيها لازم ينهد ويطيح
ووصلوا لنهاية الصبر ووصلوا لاخر التعب خلاص فاض بهم الصبر
وكلهم تحت رجاء ربي ودعواتهم
_______________________.
وفي يوم من الايام
كان خلف هو اللي يبات عند جابر وابو نهيان يجي الفجر
وكان جابر نايم بتعب بعد محاولات انه ينطق وخلف يحاول يساعده يقرا عليه ويقرا له الاخبار بس ابد مافيه فايده
والفجر تاريخ(26 -فبراير -1991) في عز هدوء خلف اللي كان بين الصحوه والنوم ينتظر جية ابو نهيان
كان التلفزيون مفتوح والاخبار تنعاد ويحفظها خلف عشان يقولها لجابر اذا صحى ولكن افزعه الباب اللي انفتح وصوت ركض وصراخ ودخل ابو نهيان وهو يكبر ودموعه بعيونه وينادي بصوته كله ويقول ( الكويت تحرررت الكويت تحررت ، ردت كويتنا حرررره ردت الدييييره ردت ديرتنا )
كل اللي فالقسم كانوا يعرفون النوخذه ومتعاطفين معهم واجتمعوا كلهم وفز خلف ماهو مصدق ورفعوا صوت التلفزيون وجاهم الاعلان اللي صرخوا كلهم بعده يرددون ( الله اكبر الله اكبر)
لكن زلزلهم الصوت الخفيف اللي قال بصعوبه: صچ الكويت تحررت !؟ لفوا كلهم بصدمه وركض خلف وابو نهيان لجابر ينادوونه بفرح: جابر انت تكلمت يبه
من هول الخبر اللي سمعه جابر مايدري كيف طلع صوته وحاول يقول من جديد : الكويت حره يبه!؟ حضنه ابوه ببكى وفرح وهو يردد: ايييه حره حره يا جابر حره
كل الكوتيتين اللي بالسمتشفى اجتمعوا والكل يبارك ويهني والاصوات فرحانه والاخبار تعلن
ومن بين هالخبر انقطع نفس خلف فجأه اول ماحضنه ابو نهيان حضن صدمه ماكان متوقعه ابد كان يشد عليه مايدري وش يقول لكن في هالازمه لو ما وقف معهم خلف مايدري وش بيسوي
وقف خلف لحظات مايدري وش يرد وش يقول لكن اول شي طرا له انه باس راس ابو نهيان وهو يهمس بأذنه ( سامحني يالنوخذه تكفى)
كلمة خلف رنت بأذن خلف اللي كان فعلاً ندمان انه ما تقدم لليلى من البدايه من اول ما حس انها سكنت قلبه
.
.
( سامحني يالنوخذه تكفى)
كلمة خلف رنت بأذن خلف اللي كان فعلاً ندمان انه ما تقدم لليلى من البدايه من اول ما حس انها سكنت قلبه لكن ابعد النوخذه وترك خلف وهو يردد مع الناس ( انتصرنا والناصر الله ونحمدلله)
_______________________.
في الكويت
كان نهيان مع المقاومه للحين وطلع على صوت التكبيييير وصوت الناس والعالم والاغاني الوطنيه والناس تهتف وتغني ( انتصرنا والناصر الله وانتصرنا ونحمد لله
كان عيد عييييد كان ينتظر لحظة انه يروح لاهله او يجون للكويت
لكن كل اللي همه هاللحظه انه ياخذ يعقوب ويركضون بشوارع الكويت معاهم الاعلام وصور الشيخ جابر
وهم يكبرون ويغنون ويركضون بحريييه بفرح بشعور النصر ولله الحمد
_______________________.
في بيت ضاري
اول مابدت تعلن التحرير القنوات بدت الزغاريط والتكبير يطلع من بيت النوخذه
وفز ضاري اللي كان نايم هالحزه والتفت وهي يشوف مضاوي تركض وهي تصارخ بفرح: حرروا الكويت حرروا الكويت
فز ضاري وركض يشوف الاخبار وحصل نادر قدامه بالمجلس وهو واقف بفرح : حمدلله ازمه وعدت اللحمدلله وابتسم بفرح ضاري : ياربي لك الحمد وكان اول شي طرا عليهم يركضون يبشرون خلف وهم متأكدين انه اكيد وصل له لكن بيشاركونهم الفرحه
وطلعت مضاوي وام ضاري وشوق يركضون لبيت النوخذه وفتحت لهم ليلى وهي تيبب( تزغرط) وعيونها فيها دموع الفرح
حضنتهم ليلى بفرح وسلمت عليهم ودخلت وشافت الكل مبسوط ويغنون بفرح
_______________________.
وفي بيت ماجد
الدنيا كلها صحت على هالخبر والكل فرحان وقرروا الرجال يروحون المستشفى يهنون النوخذه وولده
والحريم قرروا يروحون لام نهيان رغم توتر العلاقات لكن مهما كان عاشوا المره والحلوه سوى
وكانت وعد تهنيهم وهي تبكي ومحتضنه ولدها خليفه ابو شهور وهي اخذت منها هالحرب العزيز الغالي اخذت مبارك
اماني كانت ماهي قادره تناظرهم ولاهم قادرين يناظرونها كانوا خجلانين مايدرون وش سبب الطلاق
لكن ملزومين يحتفلون مع بعض وكانت ام ضاري تحاول تلطف العلاقات شوي
_______________________.
ومن بعد هالاخبار المفرحه
كانوا كلهم في رضا وفي سرور وكان كلها مسألة وقت وكل شي يرجع زي ماكان
بعد ما نطق جابر وتخطى اصعب مراحل العلاج رفض انه يجلس اكثر بالمستشلى ويطلع للبيت وطلعوه وهو رجع ينطق ويتكلم وجروحه كلها تشافت لكن اثر البطوله موجود عليه
رجعوا للبيت بفرح وفي هاللحظات طلعوا بيت الجد قايد وتصلبت اماني تناظره برعب ماقدرت تعرفه الا من جروحه الكثيره كان صدمه صدمه
كان جابر قبل الحرب وسيم لكن الحرب دمرت ملامحه
.
.
كان جابر قبل الحرب وسيم لكن الحرب دمرت ملامحه اللي طغت الحروب عليها لكن ماشوهت بطولاته ابد كانت وسام على وجهه
ماكان جابر يدري عن اماني انها بينهم لكن اذا شاف خلف قلبه يوجعه وكلهم محتفظين بسكوتهم طول هالازمه لكن كيف بيبرر الحين وش بيقول
طلع للبيت وخلف للحين معهم ودخله خلف وعطاه ادويته وكل شي ووقف بيروح وهنا انتهت مهمة خلف وكان اصعب انتهى قبل يروح ناداه جابر بضيق: خليف
التفت له خلف بسرعه ؛ لبيه
جابر بضيق : انا اسف على اللي صار والله ماكان بيدي كنت مجبور
جلس خلف قدامه بهدوء وهو يشد عليه ببتسامه : ادري ادري لكن اللي راح راح
جابر:شلون تدري!؟ خلف : لاني ادري انك ماتخذلني ابد وادري انك رجال لو هاذي نيتك بتجي وبتقولي
جابر : قصه طويله ياخليف مدري شلون بقولها لك
خلف : بعدين بعدين الحين ارتاح وخلك مع اهلك وكل شي ملحوق
كان خلف مايبي يسمع الاسف من جابر لانه هو اساس هاللي صار مايبي يحس بالذنب اكثر
طلع وهو وده يمر ليلى ويشوفها لكن ماهو قادر مايبي يحوس الامور اكثر طلع يمشي رايح لبيتهم مبتسم يسمع الاخبار والناس فرحانه والدنيا حيييه
واول ماوصل وقف بفرح يناظر اللي جاء شاف عقاب ببدلته العسكريه اللي في حاله يرثى لها واقف وهو ملفوفه يده وراسه ومبتسم رغم اثار التعب في وجهه ركض له خلف ينادي بصوته كله: عقاااااب
على صوت خلف ركض سالم وغيث بذهول وهم كانوا على الشباك يصرخون : عقاب جاء عقاب جاء
نزلوا كلهم يركضون بفرح يركضون بلهفه ركض عزوز اولهم وابعد خلف وارتمى على على عقاب يحضنه ويصيييح كان خايف خايف يفقد عقاب خايف من كل شي من كل خبر لكن الحين اطلق العنان لدموعه
حضنع عقاب وجلس من هدة الحيل والتعب الكل اجتمعوا عليه يحضنونه وهو للحين جالس وجلس عزوز قدامه يصيح: وش فيها يدك وش فيه راسك وش صار لك !؟ حاول ماجد يلطف الجو وضحك وهو يقول : هاذي وسام الشجاعه لابد منها
ضحكوا كلهم وألتفت له عقاب وابتسم وهو يقول : والله انك سميتها
ابو ناصر: قم وانا جدك قم ادخل خواتك يحترونك
فز عقاب على طاري وخواته وركض لهم وكان يسمع بكاهم قبل يوصل واول مادخل حضنوه كلهم وهم يبكون وركضت شهد تتصل بوجد تبشرها برجعة عقاب
كلٍ فرحان ويعبر عن فرحه لكن وعد صح فرحت انه رجع لاهله بخير لكن مكسور قلبها للحين ومحمله عقاب ذنب وفاة مبارك
اجتمعوا كل الرجال بالمجلس والكل يسأل عقاب ( عسى مافيه خساير كبيره بالجيش)
ورد عقاب : خسرنا ارواح ورجال وخسرنا كثير اشياء لكن أهدينا الكويت حريتنا
ابو خلف : بيض الله وجيهكم والله يقويكم على طاعته .
.

ابو خلف : بيض الله وجيهكم والله يقويكم على طاعته
ماجد : الحمدلله ازمه وعدت بأقل الاضرار
ابو ناصر: حمدلله
عقاب قلبه مع ولد مبارك لكن مايدري وش سموه والتفت لخلف يقول : وينه ولد مبارك
خلف : عند امه
عقاب : فيصل جيبه بسلم عليه
فيصل : ابشر
وقف وراح لوعد وشافها جالسه معها غيث يلعب مع خليفه
فيصل: عطيني خليفه ياوعد
وعد :ليه!؟ فيصل: يبيه عقاب
وعد بغضب:لااا
فيصل: ليش!؟ وعد :بس مابي ولدي يروح لمكان
ام وعد :وعد بسم لله عليك وش فيك عطيه الولد
تبدلت اخلاق وعد بثواني ووقفت بغضب: لا يعني لا ولدي مايروح له
ام ناصر: وليه ان شاء الله يهودي ولا وشهو !؟ طنشت وعد واخذت ولدها ودخلت الغرفه والكل مستغرب من سوات وعد وخلافها مع عقاب
ام خلف : فيصل ياحبيبي ناد خلف هو يحل السالفه
فيصل: غيث ناد خلف
راح غيث يركض ورجع معه خلف: وش فيكم
فيصل: وعد رفضت اني اجيب خليفه لعقاب
خلف: ولييييه!
ام ناصر: مدري عن هالجنيه حطت دوبها ودوبه
ام وعد : لا تلومينها ترا للحين بصدمة وفاة مبارك
ام ناصر: ايييه لكن عقاب ماذبحه جابه لها المفروض تشكره انه ما خلاه بين الجنود محد يدري من اهله
خلف : ياجده ماهو وقته خلوني اشوفها غيث شف لي الطريق
راح غيث : خلف بيجي
عهد : وين يجي!؟ غيث: هنا
عهد : وحنا وين نروح ان شاء الله مافيه الا هالغرفه يقعد برا الله لا يهينه
هيا:عهد اسكتي احسن لك هو بيمر للغرفه الثانيه يعني تغطي
سحر:تغطي فكينا من المشاكل
صدوا ومر خلف اللي سمع الكلام وسمع عهد اللي من فتره صاروا كلهم يشتكون من طولة لسانها وصل غرفة وعد ودخل وهو ينادي: وعد
وعد : وش فيك!؟
خلف : وين خليفه عطيني اياه
وعد : تبيه انت اجلس معه عندي
خلف : وعد اذكري الله وش هالافكار اللي براسك ترا عقاب ماله شغل بوفاة مبارك الله يرحمه
وعد : حتى ولو مابيه يجي ولدي ولا يقرب منه
خلف: انتي من زارع هالعدوانيه فيك!؟ يابنت الحلال هذا مايصير
هنا انهبلت وعد وعصبت وانقهرت محد يدري وش بينها وبين عقاب ولا ماكانوا لاموها ولكن مضطره تسكت وتفهم عقاب هي هالشي انه لو يموت ماتخليه ياخذ ولدها : هذا ولدي وانا اعطيه اللي ابي ولا مابي
صد خلف بغضب وهو ماله خلق مشاكل وعوار راس وطلع وهو يتنحنح واتجهه للمجلس وقال بتحفظ: نايم ياعقاب
فهم عقاب من ملامح خلف وسكت لكن جاء سالم يقول : جت وجد واهلها
كل الرجال طلعوا يستقبلون جد وجد اللي بدا يسلم عليهم ومن بينهم عقاب اللي عقله بخليفه للحين لكن انتبهه لخلف يأشر له وقرب : وش فيك!؟ خلف : مالك نيه تروح لزوجتك وتسلم عليها

.
خلف : مالك نيه تروح لزوجتك وتسلم عليها
انتبه عقاب وضحك: اي والله نسيت
خلف بهمس : خلك رقيق القلب ياعقاب هاذي عشيرتك لا تطغى
عقاب : ابشر
تركهم عقاب وراح وهو ينادي شهد : نادي لي وجد
لكن طلعت وجد قبل تدخل شهد المحرجه ووقفت وجد ماتدري وش تسوي ماتدري كيف بتستقبله بشي غير دموعها وعقاب بعد مايدري كيف بيتقدم عنده دايم تردد ولكن قالت وجد : حمدلله على سلامتك
اخيرا تقدم عقاب وبادر بحضن خجول وبعيد شوي ومثله تماماً وجد
عقاب : الله يسلمك ، كيفك وش اخبارك
وجد : توني صرت بخير يوم شفتك بخير ورجعت لنا سالم لكن وش فيها يدك وراسك
عقاب : حمدلله مافي شي قوي مجرد إصابات خفيفه
وجد : حمدلله اجل مابي أخرك على الرجال
عقاب :هاه! اي والله يلا انتي ادخلي بعد
وجد: طييب
وبس كذا انتهى لقائهم !! كانت وجد خجوووله جداً وبهالخجل اعدت عقاب اللي صار يكتم كل تصرفاته ومشاعره ومايقدر يفصح عنها كان متوقع انها تاخذه بالاحضان وماتتركه ابد يروح لمكان لكن ماصار شي من هذا كله ورجع للرجال بهدوء وجلس
_______________________.
وفي بيت النوخذه
كان الفرح يعم عليهم كلهم ناقصهم بس وجود نهيان
كانوا مجتمعين حول نهيان اللي فرحان بصوته وفرحان بكل شي
ابو نهيان: حمدلله يارب ازمه وعدت
ام نهيان: اي والله حمدلله والله يجازي خلف وضاري كل خير ماقصروا ويانا ابد
شيخه: حتى مضاوي ماقصرت
مريم: اهل الخير واجد كلهم ماقصروا
جابر:كل الدنيا بكفه وخلف بكفه
استقرت هالكلمه بقلب ليلى اللي نزلت عيونها وهي تشهد على كلام جابر بكل شي فيها
جابر : ما كنت اظن انه بيوقف ويانا هالوقفه ! انا ما ادري شلون ارد له جميله شلون اجازيه !؟ ومدري شلون احط عيني بعينه بعد اللي سويته
ام نهيان: يا يمه لا يضيق صدرك مهما كان انتم اصحاب وخلف بيسامحك
جابر التفت لابوه وقال: تقدر تقولي بعد كل شي صار!؟ شلون هالناس ما يشرفونا!؟ صد ابو نهيان بضيق وهو للحين كلام خلف واسفه بأذنه وصح خلف ماقصر معهم لكن كان غلطان ولا يدري كيف بيغفر له غلطه وهو الحين يعيش بتذبذب مايدري كيف يفهمهم وكيف بتخطى خلف هالمره
وقرر يسكت وياخذ التليفون ويدق على نهيان اللي رد وهو فرحان ويبشرهم انه بيجيهم
_______________________.
وقفه لي أنا اديم ✋��..
انتهت حرب الخليج .. اللي اتعبتنا نفسياً وهي مجرد سرد ونقل ولا عشنا ولا شفنا من اللي عاشوه والكويت واهلها ولكن اتمنى إني وفقت في نقل بعض الاحداث ولا اوفي الحدث حقه ولكن .. ان قصرت اعذروني.. والله يديم الامن على الكويت خاصه والخليج عامه..♥ï¸ڈ����
.
بعد كل هالفرحه اليوم من بعد ظ§ شهور لاول مره بتنام عيونهم قريره وهم مرتاحين
لكن مرتاحين من هم الحرب لكن ما ارتاحوا من العثرات اللي توقف بطريقهم ... مثل خلف اللي رغم الحرب والعذاب اللي فيها الا انه كان مرتاح انه قريب النوخذه وعياله قريب خلف ويشوف ليلى كل يوم من بعيد يقدر يسمعها وهي تسولف مع جابر ويسمع ضحكتها ويطمن قلبه
لكن الليله بينام وهو مايدري يقدر يروح لهم بكره او لا ومايدري كيف بيتصرف مع النوخذه بعد كل اللي صار ... بجنب فراش خلف كان عقااب منسدح جنبه وهو هلكان من زمان ما نام الليل وماصدق انتهت هالازمه لكن مشغول باله شلون بيكمل حياته الحين شلون بيكون مرتاح ويكسر حاجز الخجل بينه وبين وجد والاهم هل بيفرح بطفل!؟ ولا بيجلس يترقب بس ، ونص تفكيره في خليفه ولد مبارك مايدرري ليه متعلق بهالطفل لكن مستحيل تخليه وعد يقرب منه ووعد بعد قصتها معه قصه
... جنبهم بعد فراش ماجد اللي ماله اي خطط ولا اي قرارات بعد الحرب الا انه مايخلي سحر تطلع من البيت وبيخطب بكره وبيتزوج بأسرع وقت وبيحقق وعوده اللي طول الحرب وهو يوعد سحر بها بينه وبين نفسه وماهمه عقاب ولا غيره
...
في القسم الثاني ما نامت اماني وهي تبكي بحسره وحزن من ملامح جابر تبكي قهررمن اللي صار فيه لكن تواسي نفسها بقولة( المهم انه بطل ما ترك ديرته وهج)لكن تنهار من طرف ثاني وتقول ( لكن عذبوه الكلاب حسبي الله عليهم)
كانت متعاطفه معه اكثر من حبها له ولا هو مجرد احساس بسيط ماتدري وش تسميه لكن لازم تنهيه قبل يدمرها
... وعلى طرف وعد اللي تهز بولدها وهي تفكر لازم تدمر عقاب زي ما دمر حياتها وانهاها قبل تشوف النور لازم تاخذ حق ولدها ومبارك ماهي قادره تبري عقاب من ذنب مبارك ابد
... _______________________.
وفي بيت النوخذه
كلٍ نايم براحه الا جابر
اللي مفطور قلبه وذابحه الهم مايدري وين يروح ووش يسوي وهل ممكن بعد اللي صار فيه انه يرجع طبيعي ومايكون تأثر بشي من اللي سووه له !! هذا هم وأماني هم ثاني وخلف بعد هم اكبر
موجوع قلبه على اماني ماهو قادر ينساها ابد حتى في الحرب ما فارقت باله ابد ولكن مايدري كيف بيجتمع فيها
وكيف بترجع صداقته مع خلف بعد ما اهتزت ....
وفي الغرفه الثانيه
كانت ليلى تبكي خوفاً من ان بعد هالحرب ينقطع كل شي بينهم بين خلف ويضيع للأبد منها كان عندها امل ان ابوها يسامح خلف وينهي هالعذاب
وكانت شايله هم جابر بعد تحس فيه وتشوف كسرة قلبه ولا تقدر تسوي شي
______________________

[صواديف عشاق]

وفي شقة ضاري ونادر
تحديداً في غرفة ضاري كان منسدح بهدوووء غريب عليه كان يفكر بخلف وشايل همه! وش بيسوي خلف لو ما تصلح كل شي وبعد كل هالتضحيه يروح تعبه هباء منثورا كان ضايق صدره عليه ولكن التفت لمضاوي اللي هي بعد في سكون غريب
كانت مضاوي ماهي مستوعبه ان كل هالحرب والخوف انتهت كانت طول هالفتره تسمع همس بين ضاري وخلف واغلب مواضيعهم النوخذه وتأكدت ان فيه شي لكن ماتدري وشو ولا تدري كيف تسأل ضاري لكن تدري حتى لو سألته مارح يقولها شي وهي هالفتره عرفت ان ضاري يحفظ السر بأمانه ومستحيل يتكلم
ولا حب ضاري يتناقش معها ابد وفضل انه يسكت لانه مايدري وش مصيرهم للحين ومازالوا معلقين ومازال ضاري ماهو قادر يقبل ان مضاوي تصير زوجته بعد رفضها له ..... ولكن في الغرفه اللي بجنبهم
نادر كان الوحيد اللي تخطى عثراته نسبياً وبدت الراحه تكسي حياته والحب يفيض منها
وماكان يحط خطط لبكره ابد بالعكس كان يعيش على الظن لللي يسكن بقلبه وظنه الوحيد ان ماله حياه بعيد عن شوق
ولكن شوق كانت مثل نادر تشوف ان كل عثره في حياتها انتهت ولكن اختلف كل شي بعد مارجعت من عند ابو نادر وام نادر ...؟ كانت بخير لين صارت ام نادر تحن وتزن فوق راسها وتقول ( اسمعيني زين؟؟ لايكون ناويه تخلين وليدي من دون ضنى!؟ لا يكون بتقطعين نسله ولا تفرحيينه!؟ علمٍ يوصلك ويتعداك والله لو جبتي له ولد يشيل اسمه ولا بنيه يراعيها إني لزوجه وحده احسن منك سمعتي!؟ )
شالت شوق هم عظيم كانت خايفه من كل شي!؟ خايفه فعلاً انهم يزوجون نادر ! وخايفه من الحمل والولاده !؟ ونادر بعد مايبي عيال الحين ومتفقين انه مايخلفون لين اقل شي يصير عمرهاظ،ظ©! لكن كيف تصرف مع ام نادر كيف !؟ ولا كانت تقدر تقول لنادر اللي كانت تشوف حزنه وهو بعيد عن امه وابوه وتوه صار بخير اول ما رجعت علاقتهم هاديه كل شي كان صعب ولا تدري كيف تخطى هالعثره!
_______________________.
ومن بكره
صحى خلف ولقى هو وعقاب بس بالمجلس والكل كانوا قد صحوا وطلعوا وتركوهم ينامون
اعتدل يناظر عقاب وشافه نايم بتعب وهو مانام زين وهو كل شوي يتفزز يحسب انه بالحرب للحين ولا نام لين ثقل عليه جده للبس كإنه طفل عشان ينام براحه
ما حب خلف يصحيه رغم انه مشتااق لعقاب حيل لكنه طلع وشاف الكل بالصاله يتقهوون ماعدا اللي ماهو محرم
ابو ناصر: صح النووم
خلف :صح بدنك ياجدي
بعد ما غسل اقبل وهم يسلم على روسهم وجلس
عزوز: ماصحى عقاب
خلف : شفته نايم ماحبيت اصحيه
محمد: خلوه خلوه يرتاح شوي ويقر عينه بنومه
ابو ناصر: اي والله امس ما نام ابد .
.
.

وفي شقة ضاري ونادر
تحديداً في غرفة ضاري كان منسدح بهدوووء غريب عليه كان يفكر بخلف وشايل همه! وش بيسوي خلف لو ما تصلح كل شي وبعد كل هالتضحيه يروح تعبه هباء منثورا كان ضايق صدره عليه ولكن التفت لمضاوي اللي هي بعد في سكون غريب
كانت مضاوي ماهي مستوعبه ان كل هالحرب والخوف انتهت كانت طول هالفتره تسمع همس بين ضاري وخلف واغلب مواضيعهم النوخذه وتأكدت ان فيه شي لكن ماتدري وشو ولا تدري كيف تسأل ضاري لكن تدري حتى لو سألته مارح يقولها شي وهي هالفتره عرفت ان ضاري يحفظ السر بأمانه ومستحيل يتكلم
ولا حب ضاري يتناقش معها ابد وفضل انه يسكت لانه مايدري وش مصيرهم للحين ومازالوا معلقين ومازال ضاري ماهو قادر يقبل ان مضاوي تصير زوجته بعد رفضها له ..... ولكن في الغرفه اللي بجنبهم
نادر كان الوحيد اللي تخطى عثراته نسبياً وبدت الراحه تكسي حياته والحب يفيض منها
وماكان يحط خطط لبكره ابد بالعكس كان يعيش على الظن لللي يسكن بقلبه وظنه الوحيد ان ماله حياه بعيد عن شوق
ولكن شوق كانت مثل نادر تشوف ان كل عثره في حياتها انتهت ولكن اختلف كل شي بعد مارجعت من عند ابو نادر وام نادر ...؟ كانت بخير لين صارت ام نادر تحن وتزن فوق راسها وتقول ( اسمعيني زين؟؟ لايكون ناويه تخلين وليدي من دون ضنى!؟ لا يكون بتقطعين نسله ولا تفرحيينه!؟ علمٍ يوصلك ويتعداك والله لو جبتي له ولد يشيل اسمه ولا بنيه يراعيها إني لزوجه وحده احسن منك سمعتي!؟ )
شالت شوق هم عظيم كانت خايفه من كل شي!؟ خايفه فعلاً انهم يزوجون نادر ! وخايفه من الحمل والولاده !؟ ونادر بعد مايبي عيال الحين ومتفقين انه مايخلفون لين اقل شي يصير عمرهاظ،ظ©! لكن كيف تصرف مع ام نادر كيف !؟ ولا كانت تقدر تقول لنادر اللي كانت تشوف حزنه وهو بعيد عن امه وابوه وتوه صار بخير اول ما رجعت علاقتهم هاديه كل شي كان صعب ولا تدري كيف تخطى هالعثره!
_______________________.
ومن بكره
صحى خلف ولقى هو وعقاب بس بالمجلس والكل كانوا قد صحوا وطلعوا وتركوهم ينامون
اعتدل يناظر عقاب وشافه نايم بتعب وهو مانام زين وهو كل شوي يتفزز يحسب انه بالحرب للحين ولا نام لين ثقل عليه جده للبس كإنه طفل عشان ينام براحه
ما حب خلف يصحيه رغم انه مشتااق لعقاب حيل لكنه طلع وشاف الكل بالصاله يتقهوون ماعدا اللي ماهو محرم
ابو ناصر: صح النووم
خلف :صح بدنك ياجدي
بعد ما غسل اقبل وهم يسلم على روسهم وجلس
عزوز: ماصحى عقاب
خلف : شفته نايم ماحبيت اصحيه
محمد: خلوه خلوه يرتاح شوي ويقر عينه بنومه
ابو ناصر: اي والله امس ما نام ابد .
.
ابو ناصر: اي والله امس ما نام ابد
ماجد : الله يعينه ما مر بشي سهل والحمدلله انه رجا بخير وسالم
الكل: حمدللله
كانوا يتناقشون ومن ضمن كلامهم قالوا ان الكويتين بدوا يرجعون للكويت
ولفت خلف اللي كان جالس وبحضنه غيث وجنبه سالم وهم بعد اشتاقوا لخلف كثييييير
لكن بعد هالكلام فز خلف! وهو يردد بنفسه ( معقوله!؟ النوخذه بيرجع للكويت!؟ اكيد بيرجع وش يجلسه هنا! )
اخذ شماغه ووقف ابووخلف : وينك رايح!؟ خلف: قريب قريب
طلع يخف خطوته وبدون مايحس لقى نفسه قدام باب النوخذه ورفع يده ودق الباب بجمود وقوه وبعد شوي انفتح الباب وكان مردود وجاه صوت ام نهيان اللي صار يعرفه : منو !؟ خلف اخذ نفس وقال: انا ياخاله خلف
كان خلف محافظ على احترامه لنوخذه وام نهيان وكانت ام نهيان تحترم خلف من قبل لكن بعد هالموقف صارت تحبه وتقدره حيل فتحت الباب : حياك يا خلف حياك
خلف: الله يسلمك ، لكن وين النوخذه وجابر!؟ ام نهيان : النوخذه راح مشوار وجاي دش دش جابر بالمجلس
خلف : زين
فتحت الباب ودخلت وتركته وبعد فتره دخل خلف وهو يتنحنح
وففزت ليلى على صوته تعرفه زيين وقفت بالمطبخ وهي تايهه فرحانه انه جاء وما قطع
ودخلت ام نهيان : ليلى يلا يلا زهبي الچاي عشان اخذه حق جابر وخلف
شيخه: خلف جاء!؟ ام نهيان: ايه من شوي جاء ، يلا يا ليلى
ليلى: طيب
بدت تجهزها وقلبها يدق ماتدري كيف تهديه
_______________________.
وفي المجلس
فز جابر اول ماشاف خلف لكن اسرع خلف له : اجلس لا تعب نفسك
جابر: انا زيين حمدلله اقدر اوقف
خلف : ماعليه ماعليه انا اجيك واسلم عليك خلك مرتاح
جابر: والله مادري شلون ارد جميلك ياخلف
خلف : افا يا جابر افا وش هالحكي مابينا جميله ولا شي انت اخو وجار وتستاهل كل خير
جابر: والله انا مستحي منك واجد
سكتوا على صوت الباب وكان ابو نهيان اللي دخل ووقف اول ماشاف خلف فتره وبعدين دخل وهالفتره وتر خلف اللي وقف يسلم عليه وبقى واقف
جابر: خليف اقعد وين بتروح
خلف : انا جيت بشوف جابر وبطلع
ابو نهيان: اقعد ياخلف اشرب قهوتك وبعدين براحتك
ضاق صدر خلف مبدئياً وجلس وهو مايدري وش الخطوه اللي بعدها
_______________________.
في شقة ضاري ونادر
كانوا الرجال بالمجلس والحريم بالغرفه يفطرون بهدوء
ولفت ام ضاري وقالت : مضاوي!
مضاوي : سمي
ام ضاري : شلون كتف ضاري ! من امس يشتكي منه
سكتت مضاوي وهي ماتدري عن كتف ضاري ولا تدري وش تقول لكن قالت: بخير بخير ماعليك ياخالتي
ام ضاري : انتبهي عليه يايمه تراه يبرد بالليل غطيه وانتبهي له ����
.
ام ضاري : شلون كتف ضاري ! من امس يشتكي منه
سكتت مضاوي وهي ماتدري عن كتف ضاري ولا تدري وش تقول لكن قالت: بخير بخير ماعليك ياخالتي
ام ضاري : انتبهي عليه يايمه تراه يبرد بالليل غطيه وانتبهي له
صدت مضاوي وهي ماتدر ي عن هوى داره هو في جهه وهي في جهه
لفت ام ضاري: شوق يمه وش فيك ضايق صدرك
شوق ناظرتها بضيق وقالت: مافيني شي
مضاوي : الا فيك شوفي عيونك كيف حمراء ومغورقه احد مزعلك علمينا
شوق ماكانت تدري تقولهم او تسكت لكن فضلت تسكت لان هالشي بينها وبين نادر :لا بس مانمت زين
مضاوي : خلاص اسمعي روحي نامي وانا بخلص الشغل
شوق: لا والله تشتغلين لحالك!؟
مضاوي: عادي مافيه شي يسوى روحي بس نامي
شوق : زين
وقفت وراحت لغرفتها بصمت وهي تفكر كيف بتصرف وسمعت صوت باب الغرفه وغمضت بسرعه ماتبي اي نقاش مع نادر
دخل نادر واستغرب انها رجعت تنام ما ارتاح لهالحركه وراح مسرع لها : شوق شوق
اصرت شوق تسوي نفسها نايمه ولا ترد عشان ما تنهار
قرب نادر يناظرها وشافها نايمه مد يده يشوف اذا مسخنه فيها شي بس كانت عادي
قرر يتركها تنام ويروح واذا رجع يشوف وش فيها لان اكيد لو فيها شي ما تخبي عليه
_______________________.
وفي طرف الثاني من الشقه
تحديداً بالمطبخ دخلت مضاوي بالمطبخ وهي تشوف ضاري يحووس بالثلاجه وهو ماسك كتفه
مضاوي : وش تسوي!؟
التفت ضاري وجهه منكمش من الالم : مسكن ولا مرهم
مضاوي: يوجعك كتفك!
ضاري: ايه
مضاوي: وشوله ماقلت لي طلعتني خبله عند خالتي وخليتني اكذب عليها
ضاري: بسم لله عليك وعلى الصدق والعطاء اللي تعرفينها ! ولكن ممكن اعرف كيف تأكدتي انك خبله
مضاوي : ترا مالي خلق اتهاوش معك من الصبح
ضحك ضاري وصد: اخيرا صار مالك خلق! المهم ليه وش قايله لك امي
مضاوي : ابد هي سألتني وشلون كتفك ! وحضرتك ماعلمتني عن كتفك وعشاني مادريت جلست ساعه مفهيه وبعدين رقعتها وقلت ان طيب وطبعاً عندي شعور انها كشفتني ومتأكده انها بداخلها تقول شهالخبله اللي ماتدري عن زوجها
التتفت ضاري يناظرها بهدوء وضحك: ايه زوجك ما يخالف
مضاوي حست بإستهزاءه وسكتت لكن قالت :اسم اني انا وانت بغرفه وحده هذا بحد ذاته يحملني مسؤوليتك قدام خالتي اقل شي حطني بالصوره قدامها
ضاري : ابشري ابشري ما طلبتي شي اجل طال عمرك انا بروح الغرفه وانتي جيبي المرهم والمسكن عشان تكونين بالصوره
راح وتركها ولفت بقهر: ماصدق المجرم
قشت كل شي بالثلاجه ينفع ولا ما ينفع ولحقته وشافته منسدح بهدوء وقربت وهي ترمي الاغراض قدامه : خذ .
.
.
قشت كل شي بالثلاجه ينفع ولا ما ينفع ولحقته وشافته منسدح بهدوء وقربت وهي ترمي الاغراض قدامه : خذ
ضاري : حشى وش ذا كله لو اني بعير ما تحملتها كله
مضاوي لفت بتطلع : عاد بتحمله بعير ولا ما انت بعير
ضاري : تعالي تعالي شايفتني اخطبوط كيف اوصل لكتفي
مضاوي: استغفر لله
جلست قريب وهي تتحسس كتفه بتشوف وين يوجعه لين قال ضاري بألم: هنا هنا
مضاوي : اييييه بسيطه مايحتاج كل ذا
ضاري بإستهزاء :وش يحتاج يا دكتوره
مضاوي: هذا أبهر يبي له بس تدليك خفيف وطقه خفيفه وخلاص تصير حصان
ضاري لف بخوف: مضاوي! هذا وجع ماهو لعب ياويلك تستهبلين علي وتوجعيني زياده
مضاوي: افا ما تثق فيني
ضاري : ولا ظ،ظھطœ
مضاوي : يلا الله يسامحك بسوي اللي علي والباقي على الله
ضاري : وش بتسوين!؟ مضاوي :لف لف وبتشوف
كان ضاري متخوف منها مايثق فيها لكن ارتاح اول ما بدا تدلك ظهرها ووقفت وهي تقول : خذ نفس واستعد
ضاري : ليه!
مضاوي: بطقه لك!
ضاري: لا لا
مضاوي : اخذ نفس بس
مايدري ضاري ليه يطاوعها رغم انه خايف واخذ نفس وحطت رجلها على كتفه وهي تضغطه بقوه ( طريقتنا�� مدري عنكم انتم)
وصرخ ضاري بكل صوته اول ماسمع طقطقه ظهره وشهقت مضاوي ونزلت بسرعه وهي تكتم صوته
وثواني جات تركض ام ضاري وهي تدق الباب: ضاري ضاري يمه وش فيك
فزت مضاوي وهي تخبط راسها وتهمس : حسبي لله عليك فضحتنا فضحتنا
اخذ ضاري نفسه بالقوه وهو يقول بصوت مكتوم وضاحك : مافيني شي يمه مافيني شي
ام ضاري : وش بلاك تصارخ!؟ ضاري :مافيه شي يايمه
ام ضاري : زين يمه زين لكن اقصر صوتك معنا ناس
ضاري: زين
مضاوي اتجهت له بغضب: فضحتنا فضحتنا
ضاري: وش اسوي كسرتي كتفي
مضاوي : المهم وش تحس الحين!؟ رفع ضاري يده ونزلها وجلس بذهول : والله انك كفو
مضاوي: قايله لك ما تطيع
وقف ضاري : اجل بطلع دامني طبت
مضاوي : خير خير يا الطيب طلعنا معك طيب
ضاري : وين اوديك!؟ مضاوي : اي مكان
ضاري : مافيه شي مفتوح هالحزه
مضاوي: طيب ودني لاهلي اكيد بتروح لخلف والعيال
ضاري : يلا اجل يلا
ركضت مضاوي تجهز وطلع ضاري لامه اللي تهاوشه للحين على صراخه لكن هدت اول ماعرفت ان مضاوي عالجت وجع كتفه
_______________________.
وفي بيت النوخذه
عجز خلف يجلس اكثر ووقف وهو يودع جابر وطلع وطلع مع النوخذه ولف خلف واخيراً تجرأ وقال: عمي النوخذه انا ابيك بموضوع
ناظره النوخذه وهو خفت حدت نظراته لخلف : قول اسمعك
خلف اخذ نفس وقال : انا ادري مهما قلت مايبرر غلطي ادري ان اللي صار ماهو هين عليك وعلي
.
.

خلف اخذ نفس وقال : انا ادري مهما قلت مايبرر غلطي ادري ان اللي صار ماهو هين عليك وعلي لكن يعلم الله ما نويت الردى والضرر ويعلم الله ماكان بيني وبين بنتك اي شي الا اوراق بسيطه ما تنذكر ولكن انا اتمنى انك تعطيني فرصه اصلح اللي صار وانا جايك حاط روحي بين يدينك واطلب يد بنتك على سنة الله ورسوله عطني اياها ولا اذبحني ويبرد قلبك وقلبي لأني مقدر ابعد عن جابر ولا اقدر انسى اللي صار ويعلم الله اني ما نويت الا اني اطلب بنتك زوجه لي من زمان لكن ظروفي ما ساعدتني ولا ابي هالشغله تطول ادري لازم اجي مع امي وابوي واهلي لكن ابي منك القرار اول لان وضعنا مختلف
ما توقع ابو نهيان هالخطوه من خلف ابد ولا يدري كيف يرد عليه وخصوصاً ان جابر مطلق اخته وكيف ترك كل شي وجاي يتقدم لكن قال بغضب: قبل تسوي اللي سويته مافكرت بجابر!؟ خلف : لا تحسب اني كنت مرتاح لا والله وكنت ناوي اكلم جابر لكن مع الاسف صار اللي صار وما لحقت
ابو نهيان طال سكوته يناظر خلف وقال: هالوقت ما اقدر ارد عليك ولكن روح ولا تجي ولا اشوفك لين اتصل فيك وحزتها تعرف وش قراري
تحطمت آمال خلف كان متوقع ان النوخذه بعد هالحرب عرف قدره وعرف انه يستاهل بنته بس الظاهر كسره اكبر ولا رد خلف وراح وترك النوخذه وراه
كان باني حلمه على هاللحظه يا يكبر ويبشر ليلى انهم بيجتمعون يا انه بينهدم وهذا اللي حسه خلف من نبرة النوخذه
_______________________.
في بيت ماجد
صحى عقاب والكل اجتمعوا وجاء خلف وجاء بعد ضاري وكانوا جالسين يسولفون لاول مره بهدوء وروح مرتاحه
وفيصل وعزوز يدورون بالقهوه والحلا والابتسامه ما فارقت وجيهم
ابو ناصر: يالله لك الحمد الله يديم علينا الامن والراحه
الكل : امين
ماجد : الحمدلله حمداً كثير، ودام هذا الوضع انتهى وكلنا بخير انا عندي موضوع وابي افاتحكم فيه
ابو خلف: خير ياماجد
محمد : خير اللهم اجعله خير
ماجد: انا من فتره وانا مقرر ولكن جت هالحرب وشتتنا ودام عقاب حمدلله رجع بخير انا اتشرف اطلب يد اخته سحر على سنة الله ورسوله
عم الصمت ولفت كل الانظار لخلف .
.

عم الصمت ولفت كل الانظار لخلف اللي ضاق صدره من نظراتهم ووقف وقال : لا احدٍ يناظرني كذا!؟ سحر مثل اختي وانا اتمنى لها كل خير
رجعت الانظار لعقاب اللي ما توقع ابد ومايدري وش يقول وقال الجد: هاه يا عقاب امر اختك بيدك
عقاب تشنج مايدري يرفض او يوافق هو يكرهه ماجد لكن هذا مايعطيه حق يرفضه ويشوفه رجال رجع يفكر بسحر اللي يشوفها كبرت وخايف يروح عليها الوقت وتجلس عانس والكل يحسبونها لخلف ومافيه الا ماجد كفو لخلف
التفت لعزوز اللي كانت الابتسامه شاقه وجهه وعزوز اصلا يحب ماجد وقال عقاب: ماجد يستاهل كل خير لكن القرار الاول والاخير لسحر
ماجد : اكيد اكيد
عقاب : عن اذنكم
وقف ومعه عزوز وكان عقاب محتار وقال عزوز: وش فيك كأنك ماتبي
عقاب : تدري اني ما احبه!؟
عزوز: ما ادري وش سبب كرهك له لكن! انت تدري انه رجال كفو وشايل نفسه ومايقصر انت ما شفت شلون فالحرب شالنا كلنا ولا قصر
عقاب : ادري لكن انا بفوض الامر لسحر وهي تختار
عزوز: الله يكتبه من نصيبها
التفت له عقاب بهدوء وصد : رح نادها
دخل عزوز مبسوط وهو ينادي سحر اللي جت وهي مستغربه : عزوز وشفيك ليه تنادي
عزوز ببتسامه : يبيك عقاب
راحوا لعقاب بالغرفه الثانيه وكان عقاب متوتر اكثر من اي يوم واي لحظه
سحر: عقاب وش فيك
عقاب : ا اسمعيني فيه موضوع بكلمك فيه وانتي لك حريه القرار
سحر: خير اللهم اجعله خير
عقاب : من شوي بالمجلس خطبك ماجد وانا مارديت تركت لك القرار انتي
دارت الدنيا بسحر كانت متعشمه ان خلف بيرجع وانه بهالازمه ممكن يفكر من جديد لكن ويييين وهذا ماجد دخل بالطريق كان ودها تعرف وش ردة فعل خلف
لكن قال عزوز: وترا ماجد سأل خلف قبل وقاله خلف انكم تعدون بعض اخوان يعني لا تخافين من جدي او اي احد
تحطم قلبها من رد خلف اوجعها حيل وبلحظة انكسار وقفت وقالت : انا موافقه
وطلعت بس هالكلمه طيرت عزوز لسابع سماء لكن عقاب ماحبها ولايبيها توافق وكان ناوي يرفض بس سبق عزوز وقال لجده لللي جالس بهمس: ابشرك سحر وافقت سمعه عقاب وتمنى لو يمسكه ويتوطى ببطنه طلع القرار من يد عقاب اللي تكتف ووقف وهو يناظر جده اللي قاال : وصلنا خبرٍ زين يا عقاب
بالقوه قدر عقاب يبتسم وقال: الله يوفقكم ويجمع بينكم بخير
تشقق ماجد من الفرح ووقفوا الكل يسلمون عليه ويباركون وخلف يسلم عليه انتبهه لرجفة يديه وعيونه الفرحانه ابتسم بخفه وصدمه ما توقع ابد ان ماجد بيفرح بهالرد هالكثر لكن تنهد بداخله وهو يقول ( الله يوفقه ويفرحني مثل ما فرحه ) .
.
.
ما توقع ابد ان ماجد بيفرح بهالرد هالكثر لكن تنهد بداخله وهو يقول ( الله يوفقه ويفرحني مثل ما فرحه )
تركهم ماجد بعد ماسلم وراح يبشر اخته ام وعد اللي فزت بفرح وهي ترغرط بصوتها كله
ومحد يدري وش فيها!؟وتجمعوا عليها
ندى: خالي وش فيكم!؟ ابتسم ماجد والفرح يعم وجهه: باركوا لخالكم بيصير عريس
شهقوا بفرح وجدان: ايييه هاذي الاخبار الزينه
وعد: سحر!؟
ماجد : ومن غيرها
ابتسمت وعد لاول مره بعد هالحرب : الله يوفقكم يارب والف مبروك
ماجد : الله يبارك فيك
اماني اللي من صبح فيها غصه ابتسمت: الف مبروك
ندى: مبروك خالي
حنان: الله يجمع بينكم في خير
الكل: امين
ندى: انا بروح لسحر
ركضوا وراها البنات وقربت ام وعد : الله يهنيك يا ماجد
ماجد : امين ابيك تدعين لي كثري الدعاء وتروحين تفزعين لسحر من البنات
ام وعد:هههههههه ابشر
راحت ورجع ماجد عشان يكملون اتفاقهم على العرس والملكه
_______________________.
وفي قسم الحريم
جات ندى تركض وتزغرط وتضحك: ياجده باركي ياجده
ام ناصر : بسم لله وش فيك
ام خلف: فرحونا معكم
مضاوي : خير
ندى: وينها سحروه اختفت
ام وعد : خليها بحالها
عهد : اي والله وينها!؟ ام وعد : ابشركم ماجد خطب سحر من عقاب ووافقوا
فزت عهد بصدمه : وشو!
مضاوي : ماشاء الله الف الف مبرووك
هيا: الله يديم الافراح ياربي
ام ناصر: وخلف
ام خلف صدت بضيق : ياخالتي قالكم خلف من قبل هو وسحر انهم مايشوفون بعض الا اخوان
ام وعد : وياخالتي ترا ماجد ماعليه قصور ومثله مثل خلف
ام ناصر: ماقلت شي ماجد كفو ويستاهل والف مبروك
ام وعد : الله يبارك فيك
وجد: الف مبروك
ندى: تعالوا نروح لها
دخلوا كلهم لسحر اللي من كثر ما شدت على اسنانها عشان ما تبكي ماعادت تحس فيها
كانت تسمع اصوات البنات بس ماهي قادره تشوفهم من الدموع
ندى: وانا افكر واقول من هي المحظوظه اللي بتزوج خالي وطلعتي انتي الله يالسعاده
مضاوي: قصدك خالك محظوظ انه خذاها
اماني : ياربي مو مهم من المحظوظ لانهم مررره لايقين على بعض الطيبون لطيبات
عهد : هذاك قلتيها يا اماني وزين ان خلف عرف نفسه
وعد : انتي خيييير خييييير وبعدين معك تبين انتفك هنا
سحر وقفت : خلاص وش فيكم! خلف ولا ماجد مافيه فرق
شهد : عهد وش صار لك !
عهد : انتي بذات يا وعد لا ينسمع صوتك كل شي صار وبيصير من تحت يدك وتخطيطك لكن هذا ربي عاقبك وبلاك
بس هالكلمه اللي كسرت صبر وعد اللي عطت ولدها وجدان بغضب وانقضت على عهد بقهر الدنيا ماتدري كيف سوتها بس سوتها لان عهد ماتستحي .
.
.
اعتلى صراخم وكلهم يحاولون يفرقون بس مافيه فايده
_______________________.
وفي مجلس الرجال
بعد ما اتفق ماجد مع عقاب على المهر واتفقوا ان الزواج يكون قريب وبنص كلامهم فزوا على صوت الصراخ
وركضوا لكن وقفوا اول ما تذكروا انهم ماهم محارم
الا ابو ناصر اللي رمى عصاته
وقفوا الرجال مروعبين كلهم ودخل ابو ناصر ينادي وشاف الكل واقف وبصرخه وحده منه وقفهم كلهم
وتفرقوا بسرعه ودخلت وجد جوا ودخل ابو خلف
وهو يصرخ: وش فيه وش فيه
ابو ناصر: وش ذا وش اللي صاير
عهد : بنتك ياعمي تجرأت وتضربني هالمريضه المعقده
ام ناصر: وش بلاكم انبهلتوا
ابو خلف : وشو!!! وعد وشوله ضربتييها!
بقهر وكسرة قلب صرخة وعد بألم غطلت وقالت : هي اللي تطاولت وماتربت
في لحظة غير متوقعه سكتت وعد اول ما اعتلى صوت الكف اللي انطبع على وجهها من ابوها ؟ عمره ما مد يده عليها ومدها في وقت ضعفها وقهرها
اخذت عهد نفس بعد ما بردت قلبها في وعد وكسرتها قدام الكل
شهقوا كلهم وصرخ ابو ناصر: لا لا يا ناصر لا
اخذت وعد ولدها بهدو وطلعت وهي ما نطقت شي بعد حضنت ولدها اللي تعتبره الملاذ الوحيد لها
_______________________.
وعند الرجال
طلع غيث يركض وهو يقول : وعد وعهد تهاوشوا
كلهم لفواا يناظرون بعض وقال عقاب بصراخ: ادخل شف الطريق بسرعه بسرعه
ركض غيث يبلغ البنات اللي دخلوا ورا وعد الا خوات عقاب
ودخل عقاب بغضب : خييير وش ذا صاير
شهد : عهد ووعد تهاوشوا
عقاب : وش صار اشرحي
عهد : هي اللي مدت يدها علي
عقاب : سؤال مابي اكرره
شهد قالت كل شي لعقاب وتحسف ابو ناصر انه ضرب وعد
ابو ناصر: هذا كلامك لبنات عمك وولد عمك؟؟ طلعت ندى بقهر وهي لابسه عبايتها : مب بس كذا!؟ ترا من زمان وهي تغلط واحنا ساكتين حشمه لكن ماهي كفو تضرب وعد عشانها يبه
سحبتها امها بالقوه ودخلتها قبل لا تنضرب هي بعد
احمّر وجهه عقاب بغضب وهو ياما هددها وحلف لو تغلط عليهم ليدفنها بس ما تطيع
وفي لحظة غضب ضرب عهد كف مليان قهر منها وهو يصرخ: دقيقه وتنزرعون قدامي عند الباب والا واللله اسود عيشتكم
في ثواني اخذوا اغراضهم بما فيهم وجد بخوف وطلعوا مع عقاب اللي سحبهم هم وعزوز وطلع رافض اي اعتراض من اي احد .. ودخل خلف معصب بعد اول ما عرف ان وعد انضربت عشان عهد اللي ياما اشتكوا منها
خلف : ليه يبه ليه تضرب وعد عشان هاللي ..سكت بغضب :ليه تضربها في الوقت اللي المفروض نكون معها ليه
.
.
.

خلف : ليه يبه ليه تضرب وعد عشان هاللي ..سكت بغضب :ليه تضربها في الوقت اللي المفروض نكون معها ليه
ابو ناصر: استهدي بالله ياخلف
تركهم خلف بغضب ودخل لوعد شافها مثل ماعهدها جالسه شامخه ما اهتزت ولا نزلت لها دمعه ناظرها بهدوء وهو ياظ”شر للبنات يطلعون وطلعوا وكلهم مقهورين
وتقدم خلف وهو جلس جنب وعد ونادها بهدوء: وعد وش صار
ناظرتها وعد وهنا اهتزت وتعزعزت وانهارت بكت بحرقه وحضنها خلف بسرعه : بسم لله عليك بسم لله عليك اهدي تعوذي من ابليس ما تستاهل دموعك هاللي ما تستحي
ابعدت وعد بقهر وقالت: ابكي على حظي اللي خلاني لعبه في يدينهم
فز خلف : في يدين من!؟ افا وانا اخو وعد افا علميني من مضيق صدرك والله لضيق الدنيا عليه
للحظه نوت وعد تقوله عن افعال عقاب نوت تقوله انه اكيد ورا كلام عهد واكيد هو معزز لها لكن سكتت ماتبي تكسر قلب خلف بعقاب صديقه وروحه كفايه عليه ليلى مسحت دموعها بهدوء :مافيه شي لكن قهرتني هالكلبه
خلف : لا تقهرك ولا تفكرين فيها عقاب عطاها اللي تستحقه وانا متاظ”كد انه بيعيد تربيتها
سكتت وعد واصرت على سكوتها وثقة خلف في عقاب كبيره ورجع خلف يواسي وعد لين حسها هدت وطلع
_______________________.
وفي مجلس الرجال
توتر ماجد وخاف يصير شي يخرب عليه وكان ينتظر خلف يطلع ويفهم السالفه
وجاء خلف بضيق وجلس ماجد: خير ياخلف وش صار
خلف : ابد تصرف جاهل من جاهله وانتهى
ابو ناصر: وين راح عقاب
فيصل: ماندري
ابو ناصر: محمد اتصل فيه قله لا يبعد نبي لين تضبط الامور ونرجع سواء لبيتنا
محمد : ابشر
ضاري حس بتوتر وهو موجود بهالمشكله وقرر يهج لكن وقفه خلف : انتظر يا ضاري جاي معك
طلع خلف مع ضاري اللي كان ساكت ماقرر يدخل في شي
خلف رغم ضيقه من هالسالفه كان همه اكبر وخايف من ابو نهيان ورده
ضاري: فيك شي!؟
خلف : كلمت النوخذه اليوم
لف ضاري بسرعه: كلمته بوشو!؟ خلف : خطبت ليلى
ضاري: وشوووو صادق انت!؟ خلف:ايه صادق لاني ماعاد اقدر اتحمل ذابت روحي يا ضاري انتهيت هاذي هي سنه مرت وانا لا حي ولا ميت سويت كل شي بيدي عشان انسى ماقدرت حاولت ماقدرت لكن هذا اخر الحلول يا اتزوج ليلى يا اموت واريحها واريح نفسي
ضاري: ادري والله ادري لكن هو وش قال !؟
خلف : قال رح ولا تجي لين اكلمك
ضاري حب يغير جو خلف وضحك: حشى وظيفه!
خلف ضحك بضيق: اشد واقوى
ضاري : وكيف شفت قبوله!؟ خلف : والله ما هقيت يا ضاري ما يطمن ما شفت في عيونه رضا ابد .
.


خلف : والله ما هقيت يا ضاري ما يطمن ما شفت في عيونه رضا ابد
ضاري: وكلها على ربك وتزين
سكتوا اول ماجاء نادر: سلااام
الكل : وعليكم السلام
نادر: وش فيكم ضايقين !؟ مرني عقاب بأهله معصب ولا رد وراح
خلف : مشكله بسيطه
نادر: وش صاير
استحى خلف يقول ان بنت عمه تلفظت عليه وعلى اخته واشر ضاري لنادر يسكت وقال نادر: ا ماعليه بسيطه
خلف : شفته وينه!؟ نادر: فيه شقق بعماره جنبنا دليته عليها فضت اليوم اتوقع انه هناك
خلف : يلا بنروح له
الكل: يلا
_______________________.
في بيت النوخذه
اجتمعوا كلهم بالمجلس ساكتين وام نهيان تدلك رجول جابر وليلى جالسه جنبه تقطع له فواكه وكانت عيون ابو نهيان عليهم يراقبهم وهو يفكر بخلف وبجابر للحين
خايف على جابر ان الحرب اثرت فيه وخايف انه يوافق على خلف ويرفض ابو خلف يرجع اماني لجابر فالنهايه طلاقهم صار بطريقه سيئه
وفي عز انشغالهم دق الباب ووقفت مريم : انا افتح
راحت مريم وفتحت وهي صاده توقعته ضاري اول ماشافت ثوب ابيض لكن اندف الباب ودخل وشهقت وهي تناظر الرجال وصرخت صرخه خالطت صوت نهيان اللي ضحك وهو يقول : مريوووم
انهارت تبكي وهي تحضنه بكل قوتها وتبكي وتردد اسمه برجفه
طلعوا كلهم يركضون ما عدا جابر وركضوا لنهيان اللي ابتعد عن مريم وركض لامه وابوه واخوانه وانهار ابو نهيان يبكي وام نهيان ونهيان تأثر
والتفتوا على جابر جاء يمشي بخطوات ثقيله وتعبانه
وركض له نهيان وهو يحضنه: بسم لله عليك يا اخوي بسم لله عليك من كل شر
حضنه جابر : حمدلله على سلامتك يابطل حمدلله على سلامتك
نهيان: الله يسلمك
ام نهيان: تعال يمه اقعد شوف وجهك شلون تعبان تعال
اتجهوا للمجلس الا مريم متصلبه بمكانها ورجع لها نهيان وهو يناديها وقرب يحضنها: مريوم ياحبيبتي شفيچ
لفت عليه مريم وهي تمسح على وجهه بحب: انتظرت هاللحظه واجد يا نهيان خفت عليك ما ترد خفت يصير لك شي ماني مصدقه ان انته قدامي
ابتسم نهيان وهو يبوس يدها: رجعت الحمدلله لك ورجعنا بكويتنا وان شاء الله انها اخر مره ابعد عنچ
مريم : حمدلله حمدلله
نهيان: تعالي ندخل
دخلت مريم وهي ماودها تتركه عيونها تراقبه بحب ودها تحضنه ماتدري من الوله وش تسوي
الكل كان فرحان ومبتسم وكان جابر يفكر لو هو متزوج اماني !؟ بتستقبله بمثل هالحب!؟؟وقال بنفسه بضيق ( اكيد بتستقبلني كذا لو ماسويت اللي سويته فيها)
سكت بإنكسار ولا عاد رد على احد وسرح بنفسه وخيالاته
_______________________.
في شقة عقاب
اللي استئجرها ودخل ومن ساعة مادخل قلب الدنيا عليهم كلهم وبالاخص عهد محد سلم من صراخه ابد
محد سلم من صراخه ابد
كان ناوي يكفخ عهد زياده بس وقف عزوز بينهم وهو يقول : خلاص ياعقاب خلاص اللي جاها يكفيها
عقاب : كم مرررره علمتك ماتفهين كم مررره
وجد : خلاص يا عقاب وعد بعد غلطانه
التفت عقاب بصراخ : اص انتي اص بتعززين لها على سواتها ولعنت وعد تغلط ولا لا اذا هي عوبا بتصيرون مثلها
سحر : خلاص الله يخليك خلاص
عقاب: اسمعوني زين ورب البيت لو ينعاد هاللي صار ولا وحده تغلط على اهل عمي ادفنها بمكان ورب البيت
عزوز: كل وحده تحترم نفسها وما تطول لسانها على الناس
عقاب:سامعين
الكل : سامعين
وقفت عهد واخذتها سحر وهي تبكي اما شهد ما اهتمت لان عهد غلطان ودخلت وجد تهدي عهد اللي صارت من اقرب الناس لها
وجلست شهد جنب عقاب وهي تهديه: خلاص ياعقاب تكفى اهدا لا يصير لك شي
عقاب : استغفر الله العظيم
شهد : جاها جزاها ووعد بعد جاها جزاها وخلصنا
عزوز: حرام والله ان وعد تنطق وهي ما سوت شي لو اني مكانها دفنتها بأرضها
شهد: مسكينه وعد تحزن من بعد ما مات زوجها قمت احس انها انهبلت
صد عقاب بضيق وهو مازال ماينسى يوم موت عقاب ولا يغيب عن باله صوت ولده
وقف وطلع وعلى طلعته شاف الشباب يسألون عنه : من تدورون
خلف :ندورك وين رحت يا رجال
عقاب : ابد رؤس اينعت وقد حان قطافها
ضاري : اخس وش صاير بالدنيا عقاب يقول حكم كيف ضبطت معك
عقاب التفت له بغضب: ابد والله من يوم عرفتك وصبرت عليك جازاني الله بالصبر والحكمه تسليه لروحي عن غثاك
نادر:هههههههههه اهلا وسهلا الحين نقول رجعنا لساحات الهواش
خلف : وهالمره ماني مفرقكم سوو اللي تبون
ضاري : والله دامك ياعقاب تقول انك حكيم المفروض من باب الحكمه تحترم عمك زوج عمتك
عقاب: عساها تعمى عيونك يا بو عراده( شوشه) ماعاد الا هي تصير عمي
ضاري ضحك: ماعليه بتكابر شوي وترضى
نادر: اقول ضاري كأنك ابطيت نبي نشوف عيالك
عقاب: مب فاضي الا للمحارش وطولة اللسان
ضاري : لا ياحبيبي لااا احنا ناس راكدييييين وهادين حبه حبه نمشي ماحنا مسعر
حقد عقاب عليه ولف : على الاقل شفنا نتايج لكن انت اقول الله يعير عمتي عليك بس اكيد طايح بكبدها
ضاري من بدايته كانت مزح لكن ما توقع عقاب بيضربه بهالكلمه ويأكد له انه يدري ان مضاوي ماتبيه وطايح بكبدها زي مايقول احمر وجهه وانتبهوا لكن ابتسم بهدوء وقال وهو يقرب لعقاب : ابد طال عمرك عمتك على قولك حره ما تنجبر على شي وان كان هي ببيتي لهالوقت هذا يعني ان قلبها حي ويعرف يحب الناس وزين ما اعديتها بقلبك
احتدت الجلسه بينهن وانتبهوا خلف ونادر وكلهم زعلوا من بعض
.
.
.
احتدت الجلسه بينهن وانتبهوا خلف ونادر وكلهم زعلوا من بعض ودخل خلف يبعدهم: بس انت وياه ما تنعطون وجهه
صدوا بغضب كلهم وتحسف عقاب انه قال كذا بس كان معصب وانقهر ضاري ماكان يبي يعدي كلامه المزح بس عقاب اجبره يتكلم كذا
نادر ندم انه سأل وتحسف وقرر يسكت وعم الصمت وهم جالسين عند باب البقاله ومحد فيهم قرر يتكلم
_______________________.
بدوا اهل الخفجي
يرتبون امورهم ويرجعون بيوتهم زي ماكانت واللي تضرر بيته يعدله واهل الكويت بعد استعدوا انهم يرجعون للكويت ويرتبون امورهم بعد الحرب
ومن اللي صار ما احد إلتقى بأحد
الا في حارتهم القديمه في الخفجي لللي تأثرت من الحرب واجتمعوا الرجال كلهم يعيدون هيكلتها وترتيبها لكن ابو نهيان كان مضطر انه يرجع لبيته فالخفجي فتره ويرجع للكويت يبي وضع الكويت يستقر اول
كانوا كل واحد يداري خراب بيته ويعدله باللي يقدر عليه
وكل الحاره من جديد مجتمعه وكل واحد يساعد الثاني
بدوا الشباب ببيت الجد
وهم كلهم رافعين ثيابهم رابيطنها على بطونهم ومشمرين ويعدلون اللي يقدرون عليه
وفي عز اندماج خلف وقف متصلب اول ما قال فيصل: تهقون دكان جدي انعدم بعد!؟ تكهرب خلف اول ما تذكر السي دي ولف بسرعه ونزل كل شي بيده
عقاب : وين بتروح!؟ خلف : بجي
اسرع بخطواته وهو نسى السي دي مايدري اذا هو بمكانه او لا وصل السوق شاف الدمار في كل مكان من اثر المعركه لكن المحلات اغلبها صادمهرمن بينها محل جده ركض للباب المكسور شاف الدنيا محتاسه بس مو مهم اتجهه للمخبى اللي حط في السي دي وهو ينبش ويدور ماهو مهتم للغبار ابد ولا لصدره ولا لشي
تنهد براحه اول ما حصله اخذه وهو ينفض عنه الغبار : الحمدلله ما راح
وقف وهو يحطه بجيبه وطلع وترك المحل لان مافيه شي يتخرب اكثر
رجع للحي ومر بيت النوخذه وشاف النوخذه ونهيان يرممون اللي يقدرون عليه وجابر جالس
قرر ينسحب قبل يشوفونه بس وقفه صوت جابر اللي شافه وفز بلهفه: خلف
التفت خلف بهدوء: هلا جابر
تقدم بخطوات ثقيله ووصل لنهيان: حمدلله على السلامه يا نهيان قرت عينكم بديرتكم
نهيان: هلا خلف تقر عينك بشوف نبيك ان شاء الله ، والحمدلله ازمه وعدت ومشكور على كل شي سويته وما قصرت خلف : افا عليك ماسويت شي هذا واجبي
كان خلف يتحاشى النوخذه والنوخذه يتحاشاه
جابر: دش ويانا نشرب چاي قهوه
خلف : لا لا بالعافيه وراي شغل
انسحب بسرعه وخايف يجيه رفض يكسر ظهره
_______________________.
وفي بيت ضاري
ماكان متضرر خارجياً كثير وقدر ينجزه في يوم
. .


ماكان متضرر خارجياً كثير وقدر ينجزه في يوم ودخل بتعب وجلس وهو يشوف مضاوي تنظف وامه تساعدها شوي
وبعد دقايق جات مضاوي وبيدها كاس شاهي وفطيره : ضاري خذ
اخذه ضاري :وشو!؟ مضاوي: وصلنا من بيت جدي وخبيت لك منه لانه ماطبخنا وقلت اكيد بتجي جيعان مهدود حيلك
ضاري : زين مشكوره
من ايام رجع ضاري لرسميه مع مضاوي بعد هوشته مع عقاب ولاحظت مضاوي وبدا يضيق صدرها من هالوضع
وراحت تجهز اي شي عشاء لان خلاص المغرب اذن وصلواا والكل تعبان واكيد بينامون
جهزت السفره وطلعت وهي تشوف ام ضاري منسدحه شوي وضاري جالس يقرا الجرايد :يلا جهز العشاء
راحوا كلهم ومضاوي على جمره مالها نفس اي شي
ام ضاري: مضاوي وش فيك ما تاكلين
مضاوي: مالي نفس
ام ضاري : ليه يمه ما اكلتي
مضاوي قالت بسرعه ما تبي تناقش: فيني غثيان يا خالتي مو مشتهيه
فزت ام ضاري بفرح: والله!؟ من متى هالغثيان !
فهمت مضاوي قصدها وصدت بضيق: من شوي وعادي هو ملازمني من زمان
ام ضاري سكتت وهي تدعي ان للي ببالها صح لكن ضاري ماكان مشارك ابد
خصلوا وشالت مضاوي كل شي ونظفت ودخلت غرفتها وكان ضاري على وشك النوم واتجهت له وجلست قدامه بغضب: ممكن تقول وش مسويه لك هالمره!؟ وشوله قالب خلقتك علي
التفت ضاري .: شوفي عاد ترا تعبان ومالي خلق الهواش ابعدي احسن لك
مضاوي: ماني مبعده لان هالعيشه اللي عايشينها ماهي عيشه بتقولي وش فيك ولا شلون
ضاري : لا والله ان كان فيه عيشه شينه عايشينها فهو بسببك انتي
مضاوي: انا وش سويت انا!؟ ضاري بقهر طلع اللي بقلبه كله: انتتتي اللي رضيتي بهالزواج انتي اللي حطيتي في موقف الشفقه قدام عقاب وغيره انتي للي رضيتي هالتعب كله انتي اللي تسببتي بالخيبه لي وخليتيني اعجز حتى انطق بحرف كسرتي عيني ماقدرت احطها بعين عقاب وهو كل مره والثانيه يقول الله يعين عمتي عليك واكيد مبتلشه فيك ..! ليه لييييه دامك ماتبيني ليه رضيتي من البدايه !؟ ليه خليتي امي تعشم وتفرح وتكبر فرحتها فيك لين عجزت اقولها مابي هالزواج خوفاً تموت بقهرها!؟ كل هاللي حنا في بسبب قرارك الجاهل الاناني !وجايه تسأليني لييييه!؟
غمضت مضاوي بقهر وقالت بصوت متذبذب : انا ما قلت لعقاب شي عنك ومستحيل اقوله شي يكسر عينك انا صح كنت رافضه لاني خايفه مو لانك سيء والله مانويت لك الخيبه ولا نويت الحياه الشينه ولا ابي لك ولي التعاسه صح قررت لحظة خوف لكن ما نويت لك نيه سيئه يا ضاري
وقف ضاري بضيق وهي يضرب كفوفه ببعض: وش ارد عليك الحين!؟ وش اقولك! اقول خطانا الشر وتعالي نكمل ولا كأن شي صار ، تبيني اقول عوافي ما حصل شي
.

وقف ضاري بضيق وهي يضرب كفوفه ببعض: وش ارد عليك الحين!؟ وش اقولك! اقول خطانا الشر وتعالي نكمل ولا كأن شي صار ، تبيني اقول عوافي ما حصل شي واطلع وبكره يقابلني عقاب وهو يتمخطر ويضحك ويقول :الله يصبرها عليك!؟؟
حاولت مضاوي ترد لكن ماقدرت وش تشوف القهر بعيون ضاري هي كانت غلطانه وبعد ما تزوجت عرفت ان ضاري ماهو سيء زي ماكانت تفكر بالعكس كان جدا جداً انسان لطيف وطيب وندمت انها عيشته هالشي وهي ما تدري كيف عرف برفضها لكن رغم سعادتها معهم الحين وفي بيته الان انها فضلت انها تريحه من هذا كله وتبعد عنه وقالت: ابشر ابشر بريحك من هذا كله وانا اوعدك اني اروح لخالتي واشرح لها ان الغلط مني واخذ اغراضي وارجع بيت اهلي ووجهك ابيض يا ضاري والله يعلم اني غلطت بحقك ومابي منك الا تسامحني ويعلم الله اني ما عشت معكم الا الحياه الهنيه ولا ابي اعيشها على حساب ضيقك وانا اسفه
انصدم ضاري ما توقع هالخضوع توقعها ترد عليه الصاع صاعين وتقلب الدنيا فوق راسه وتطلعه الغلطان كالعاده بس انصدم انها استسلمت لكن تبادر لعقله انها (اكيد تبي الفكه ولا صدقت جت فرصه تفكها منه ) وسكت وطلع مارد عليها ابد
اما مضاوي طول فتره الحرب وهي يدها على قلبها تخاف يطلع ضاري ولا يروح للحدود ويصيبه شي كانت تموت من الخوف اذا تأخر دقايق تعودت عليه طول هالسنه معها ويعاندها ويعطيها على جوها ماتعودت ضيقه وزعله ابد وجلست وهي زعلانه وضايق صدرها ماتدري وش تسوي
_______________________.
وفي بيت عقاب
كان ناوي ياخذ خواته معه يعيشون لكن حلف جدته وجده ماياخذهم ولا يطلعون من بيت ربو فيه عمرهم كله
كان ببيته وجالس بهدوء ساكت ما تكلم ابد رغم ان جود تحوم حوله لكن ماهو يمها ابداً
اخذ فتره يفكر بخليفه ولد مبارك وعد طول هالفتره مانعته من ان عقاب يشوفه كان يحس بالندم وندمان علو اي شي سيء عيشه مبارك لكن الغريب انه طول هالايام كان مقهور على سالفة ضرب عمه لوعد !؟ صح وعد تقهره لكن يرحمها بعد هالللي صار فيها مايدري كيف بيتصرف عشان يشوف خليفه بعيد عن رفض وعد مايدري كيف بيخطط
وجد: عقااااب اكلمك ماترد
عقاب : خييير خييير وش بلاك تزنين فوق راسك يابنت الناس
وجد : اقولك ان جدتي اخذتني لحرمه شاطره وعطتني دواء عشان اقدر احمل ويثبت حملي ان شاء لله
عقاب : سكري سالفة هالحمل والعيال ماهو وقتهم
وجد: شلون يعني!؟ بنجلس كذا بدون عيال
صرخ عقاب بقهر: ايييه ايييه انا هونت مابي عيال خلاص ارتحتي
وجد سكتت قبل يتمادى الموضوع وطلع عقاب هو بعد طفشان من هالموضوع
.
.

في بيت نادر
اللي مازال فالشقه ماجاء لان بيته تدمر بشكل كبير ولازم يشتغل عليه كان مستغرب صمت شوق وقرب وهو يحاول يفهم وش فيها: شوق وش فيك صاير شي
شوق :هاه لا لا بس شكلي بسخن
رفع يده نادر لجبينها ونزلها: حرارتك ماهي مرتفه
شوق: مدري يمكن خمول عادي
نادر: زين وش رايك نروح بيت امي وابوي هالفتره لين ينتهي بيتنا
فزت شوق بسرعه: لا لا تكفى نجلس هنا
نادر شك على طول وقال بغضب: ليييه وش صاير!؟ الحين تقولين لي وش مخبيه ووش صاير والا الله ياشوق والله ماترضين عاقبة الامر
انهارت شوق تبكي وانفجع نادر اللي جاء مسرع وجلس جنبها: افا يا شوق تبكييين!؟ لييه وش صاير وش مضيق صدرك قولي لي
شوق ماقدرت تحمل اكثر وبدت تقول لنادر تهديد امه لها وابعد نادر بغضب: ومن قالك اصلا اني برضا لو زوجوني ومن قالك اصلا اني ابيك تحملين الحين!؟ مب احنا اتفقنا ما تحملين الحين!! وشعليك بكلام غيري
شوق :بس هذولا امك وابوي واكيد بترضى بكل حلولهم مثل ما رضيت فيني
زعل نادر من ردها وقرب وهو يجلسس: انتي ما انتي مثل غيرك عشان تقولين هالكلام !؟ يمكن بداية زواجنا غلط لكن ابد والله انا راضي فيك وابيك واحبك ومستحيل اتزوج غيرك لو اموت ولا يضيق صدرك من هالكلام ابد زي ما اتفقنا بنصبر سنه ولا سنتين وبعدين اذا ربي اراد نجيب عيال هاذي حياتنا احنا واحنارنقرر كل شي فيها ولا عاد تزعلين من شي عمره ما يتحقق
ناظرته شوق بحب واقبلت عليه تحضنه وتعلق فيه وهي كل يوم يزيد تعلقها بنادر اللي ابد ماكان مجرد زوج بس
_______________________.
وفي بيت النوخذه
بيت حوسة البيت استقروا اخيراً بالحوش وهم مبسوطين مستانسين وجوهم حلو
ولف نهيان : يبه متى بنرد الكويت
ابو نهيان: ان شاء الله كم يوم ونرد
ام نهيان: ان شاء الله انها اخر اوجاع الكويت وبنرد وبنفرح ونستانس
والتفت نهيان وهو مبتسم: اذا ردينا لازم نزوج جبار نبي نستانس
التفت جابر بهدوء وقال: لا لا انا لا ابي اتزوج ولا شي بجلس هنيه بالسعوديه والله يحفظ الكويت واهلها
ام نهيان: ليه يايمه لييه ما تجي ويانا انت للحين تعبان
ابو نهيان: شنو هالكلام!؟ شلون يعني ما رح ترد ويانا
جابر اللي من يوم انسحب خلف وهو متضايق متوقع ان خلف زعلان عليه واكيد ما رح ترجع علاقتهم
جابر: شنو تبون فيني !؟ تردوني معكم بدون روح!؟ كان جابر صريح في حبه لأماني ولفت ليلى تناظر بحزن ودها تقوله انها تشاركه نفس الشعور هي بعد من دون روح ومالها حيله
الكل سكت يناظرون ابو نهياان اللي ضاق صدره ولا عرف يتكلم ولا يرد كان يشوف حال جابر متدمر
.
.

الكل سكت يناظرون ابو نهياان اللي ضاق صدره ولا عرف يتكلم ولا يرد كان يشوف حال جابر متدمر وليلى ماهي بعيد عنه مايدري كيف بيتصرف معهم وقرر ينسحب وطلع من عندهم وتركهم وبدو ينسحبون كلهم شوي شوي لين بقت ليلى وجابر لحالهم
وقربت ليلى وهي تستند على كتف جابر وهي تشد على ذراعه: لا تزعل رووحك بأذن الله ربي بيجمعك مع اماني باذن الله
جابر تنهد بصمت مايدري كيف بيجتمع معها غير باحلامه
_______________________.
اما في بيت ابو خلف
نام الكبار وبقى خلف وفيصل وخواته مجتمعين بالسطح على اساس انهم يتابعون فيلم!؟ لكن محد فيهم مع الفيلم
كان وعد كالعاده ولدها بحضنها وهي سرحانه بعالم ثاني عالمها اللي تدمر وانتهى ماتدري كيف بتكون حياتها وهي معها هالولد وكيف بتربيه!؟ ايه خلف موجود بس خلف بعد عالم ثاني في هم ثاني في حنين وشوق وتعب
كان منسدح على رجول اماني اللي تسوي له مساج لراسه اللي انقطع صداع ابد وهو كل يفكر يغفى يفز برعب من هاجس رفض ابو نهيان
وسلسلة تفكير خلف تتصل بأماني اللي في كل مره تصدف فيها جابر يتقطع قلبها عليه وهو مب قادر يقول بإستقامه كانت تشوف عيونه اذا مروا تطير فيهم لين يختفون ماتدري ليه كانت مؤمنه في ان نظرته هاذي ماله شغل بقرار طلاقه لها لكن كانت تخمد تفكيرها خوف من انها تعلق بوهم
اما ندى وحنان ووجدان وفيصل كانوا مستقرين بالفكر والمشاعر
_______________________.
في الطرف الثاني في بيت الجد قايد
كانت عهد في عزله مع نفسها ماتكلم احد والكل زعلان عليها
كانت شهد وعزوز هم الوحيدين اللي عايشين بسكينه
لان هيا كانت تعيد هيكلة اغراض زواجها لان حمدلله رجع تحدد هالاسبوع وماكانت مع العالم كانت فرحانه ومبسوطه وتعدي انه يتم على خير
وسحر اللي من بعد خطبة ماجد وهي في دوامة ماتدري ليه ماجد خطبها !؟ ماتدري كيف بتكون الحياه معه وخصوصاً ان كل شي باقي معلق من يوم مشكلة عهد ووعد وماتدري يكمل ولا ينسحب
_______________________.
ومن بكره
صحت ديرتهم على اصوات الرجال فالسوق ياااه ياكثر ما اشتاقوا لسوق وللجمعه بعد هالحرب
طلعوا الرجال لسوق وبدوا يرتبون دكاكينهم وهم كل فتره يستريحون بنص السوق ويتقهوون ويرجعون يكملون ومعهم النوخذه اللي كانت علاقه مع الجد قايد وعائلته حساسه
والكل ملاحظ نفورهم من بعض
وفي كان الجد قايد قال ابو ناصر: اقول ياخلف وينه ضاري ما شفناه اليوم
التفت عقاب بهدوء ينتظر رد خلف اللي قال: والله مدري امس قابلني يقول مشغول .
.
#عزاي_إنك_رجاي_العذب_لو_كل_الدروب_عثور


فيصل : اروح اناديه
ابو خلف: اقول انثبر ساعد خلف بس
عزوز:ههههههههههههههه اللقافه
ابو ناصر: وانت معه يلا
نزل خلف اللي بيده وهو يقول : انا بروح دورة المياه لا احد يجي اغراضي
الكل : زين
طلع وهو ينفض كفوفه عن الغبار واول ما وصل البراحه اللي عند المسجد سمع صوت النوخذه يناديه والتفت وهو قلبه يدق ومن عيونه الغاضبه و عرف قراره اللي بيكسر ظهره يعرف كلامه زين ويعرف انه ما ناداه بهالمكان اللي ضربه فيه الا ناوي يقطع هالموضوع ويرفض لو بيوافق كان كلمه فالسوق والكل يشوف وصد ماقرر يرجع له ولا يرد عليه وهو يقلبه يوجعه بمراره وحزن ويدري ان من هاللحظه بيسيطر الحزن والفقد على قلبه
_______________________.
وفي بيت ام ضاري
صحى ضاري على صوت هادي ماهو الازعاج المعتاد فتح عيونه بكل قوته وهو يشوف مضاوي مجمعه كل اغراضها فعلياً كلها ولبست عباتها واتجهت للباب لكن فز واقف وهو يسمع صوت ماهو متأكد منه لكن تأكد منه اول ماسحبها ولفها وتأكد انه صوت بكي وانها تبكي وهاذي اول مره يشوفها تبكي انصدم انصدم وتجمد لكن قال : وين رايحه ؟!
ما مسحت مضاوي دموعها وهي تناظر له بنظرات وداع : بروح بيت اودع خالتي واطلع بيت اهلي
فجأه انقبض قلب ضاري مايدري ليش اوجعه مايدري كيف قال: لا لا وين تروحين انهبلتي!؟ ناظرته مضاوي باستغراب وكمل بارتباك : اقصد لا تروحين لامي
مضاوي :ليش!؟!
بسرعه قال ضاري : امي امس نامت تعبانه مابي هالشي يتعبها اكثر
شهقت مضاوي : شلون تعبت!؟ انا بنفسي تطمنت عليها قبل تنام كانت بخير وش صار لها !؟ قلت لها شي انت
ضاري : لا بس مصدعه مافيها شي
مضاوي هدت وقالت: ماعليه اهون اقولها بنفسي
مسكها ضاري من جديد : انتظري لا تروحين
مضاوي : ليش!؟ انهبل ضاري ماكان يبيها تروح مايدري من وش خايف لكن كان يناظرها بعيون متشتته مايدري كيف بيتلكم
اما مضاوي كان قلبها يدق تحس بيطلع من صدرها خايفه بعد انها تروح كانت مستعده تقوله ( قول لا تروحين ووالله ما اروح بس قلها ياضاري ) كل هالكلام بصدرها وهي تناظر يده على ذراعها
رغم لخبطت قرارات ضاري الا انه هاللحظه ما هو متأكد الا انه مايبيها تروح وقال: لأنه حصل خير وماصار شي يستاهل انك تطلعين من بيتك وتروحين وتتركين زوجك وخالتك
بعد كلامه غمضت مضاوي بقوه عشان ماتبكي كانت تنتظره يقول لا تروحين لكن كلامه كان اعمق ماكانت تدري كيف بتفسره بس الاكيد انه يقول لا تروحين بس بطريقه اعمق ( لاول مره يطلق على نفسه هذا اللقب ويقول انه زوجها !؟ معقول انه تغير قراره!؟
ويقول انه زوجها !؟ معقول انه تغير قراره!؟ او يستهزء فيها ويبي يكسرها مثل ماكسرته
��
.
اما ضاري من بعد ماشاف دموعها ونام امس وهو يفكر في كلامها كيف متحسفه انها قررت انها ترفضه وكيف انها تقول انها مبسوطه معهم عجز يسمح لها تروح ماكان يحس بأحساس كبير اتجاهها لكن الاكيد ان في طرف قلبه شعور يرتاح مع مضاوي ولا يتخيل البيت بدونها
اخذ نفس وهو يقول : اذا ودك اجلسي ونطوي هالصفحات الشينه كلها ونتخطى كل هالعثرات ونبدا من جديد ، واخطبك من جديد وانا راضي وتوافقين من جديد وانتي راضيهر
سكتت مضاوي فتره تحاول تصدق تستوعب لكن الصدق اللي بعيون ضاري خلاها تقول : ابد والله موافقه وانا راضيه وفي كامل قواي العقليه بعد وانت مثلك ينرد يا ضاري
انهبل ضاري من الوناسه صار يضحك بهستيريا وضحكت معه مضاوي وهم ماهم متوقعين انهم بيرضون ببعض فالنهايه
بعد نوبة ضحك رفع راسه ضاري وهو ياخذ نفس : خلاص اجل دام طاح الحطب وكل شي زين اليوم بسوي الفطور انا وانتي رجعي هالاغراض قبل تشوفهم امي
مضاوي : زين
طلع ضاري مبسوط مستانس وطااير فوق الغيم
_______________________.
وعند خلف
كان صاد مايبي يسمع النوخذه ابد قلبه موجعه مايبي يأكد اللي في باله
النوخذه : خلللف انا اكلمك اسمعني
التفت خلف بصعوبه يناظره بهدوء :سم
ابو نهيان: من ساع اصوت ما ترد علي
خلف : ما اسمعك
ابو نهيان: انا جيتك هنيه مابي هالكلام يطلع من بينا وجاي اعرض عليك عرض اذا وافقت عليه بزوجك ليلى
فز خلف واعتدل : وشو !؟
ابر نهيان: ما تتزوج ليلى ألا اذا رديت اماني حق جابر
ناظره خلف فتره وهو ساكت وبعدين قال: وانت تهقى ان ابوي بيرضى يردها !؟ هذا مستحيل لا ابوي ولا أماني ترجع لشخص مرسل ورقة طلاقه مع شخص غريب
النوخذه: انا اللي اجبرته على الطلاق وانا بعد اللي منعته وانا اللي ارسلت الورقه ولولا اني اشوف حاله هالايام تعبان كان مارديت اطلب هالطلب منك
وتذكر ان انت السبب في هذا كله وانت الللي غلطت مابي اكثر حكي لكن بيني وبينك اماني وجابر
قال كلامه وراح وترك خلف واقف بين قلبه وعزة النفس صح هو غلط لكن هذا ما يعطي حق انه يرغم اماني من جديد
ولكن اتخذ قراره على طول وعلق مصيره برأي اماني وابوه ان رضوا رضينا وان رفضوا الله يعينه يتحمل
كان محتاج طرف قوي بالموضوع يساعده قبل يكلم ابوي لازم احد يدله على خيار صح
رجع لدكان يخف رجله شافهم جالسين بس ماشاف محمد انسحب بسرعه وراح بيت جده يدور على محمد
دق الباب وفتحت هيا : خلف وش فيك تدق كذا!؟ خلف : عمي محمد موجود!؟
هيا : لا طلع يقول مشوار قريب وراجع .
.
.
هيا : لا طلع يقول مشوار قريب وراجع
خلف : زين اذا جاء ناديني انا بالبيت
هيا : طيب بس وش فيك صاير شي!؟
خلف :لا لا
راح لبيتهم ودخل يدور وعد : عمه وينها وعد!؟ ام وعد : بالغرفه
ام خلف : وش فيك يمه منخطف لونك!
خلف: لا بس عشان مشيت مسافه طويله
طلع ودخل وهو يشوف سالم وفيصل يلعبون مع خليفه والبنات يسولفون مع بعض
خلف :بنات غيث وسالم اطلعوا ابي وعد
ندى : الله الله من متى اسرار
حنان: وشعليك انتي
خلف :يلا يلا مامعي وقت
طلعوا كلهم وخافت وعد : خلف وش فيك
فتح الباب خلف يبي يتأكد اذا فيه احد وشاف كلهم عند الباب وصرخ:خيييير
هجوا ونزلوا وسكر الباب خلف ورجع: وعد فيه شي صار واحتاج رايك
وعد: بسم الله خير وش صاير
خلف اخذ فتره ساكت وبعدين قال: انا خطبت ليلى من النوخذه
شهقت وعد: وشووو ؟! وش سويت وش سويت؟؟ خلف انهبلت شلون ترجع له بعد اللي سواه فيك واللي صار بأماني
خلف : يا وعد انا الغلطان ولا ناسيه!؟ لو انا في مكانه بسوي اللي سواه واكثر
وعد : حتى ولو انت مب لعبه في يده
خلف : ياوعد الله يصلحك انا ابيك عون وصرتي فرعون
وعد : شوف يا خلف تحب ليلى ومستعد تضحي عشانها مايخالف لكن وش ذنب اماني تكسر عينها معهم
خلف : ابد والله ما اكسرها اماني لها القرار ان رضت زين وان مارضت لو يموتون واموت انا مستحيل تتزوجه
وعد : زين وابوي!؟ خلف : ابوي بتفاهم معه انا وعمي محمد
وعد : والله مدري
سكت خلف مايدري وش الحل ووعد بعد احتارت ماتدري وش تسوي لكن القرار اللي اتفقوا عليه انه يشاور محمد ماله الا محمد
_______________________.
في الدمام
عند ماجد عجز يصبر وهو مايدري عن عقاب وقراراته وتفكيره نوى يلحقهم للخفجي يبي ينتهي من هالموضوع ويضمن سحر من نصيبه واخذ طريقه وهو يفكر لو هون عقاب ورفض!؟ وش بيسوي ! بس هو عطاه كلمه
توتر ماجد توتر وانحبست انفاسه عقاب مايطمن وعقاب يقلب وهو خايف منه
_______________________.
وعند نادر
بدا يحس بالملل وهو لحاله واتجهه لشوق اللي تنظف
نادر: شوق
شوق : سم نادر
نادر : ماودك نرجع الخفجي
شوق : الا والله بس وين نسكن!؟ بيتنا راح فيها
نادر: بيتنا مطول عشان يزين لكن فيه بيت امي وابوي نجي فيه لين يرجعون من المزرعه
سكتت شوق وهي خايفه تجي امه وتبدا المشاكل لكن قال نادر: اوعدك ما تصير مشاكل ابد
شووق : اجل نروح وش يجلسنا
نادر: اي والله عجزت اجلس بدون العيال
شوق: خلاص بجمع اغراضنا ونطلع
نادر: يلا بروح اخلص الايجار .
.
.
نادر: يلا بروح اخلص الايجار
نزل نادر مستعجل وهو وده يطير للخفجي ماجاز له جو الدمام واصحابه ماهم فيه
_______________________.
وفي بيت عقاب
رجع من الدكان وهو سارح فكره وفي راسه موال وبيغينه اخذ شماغه والتفت على صوت وجد: وين بتروح!؟ عقاب: بيت جدي
وجد: اجي معك!؟
عقاب : لا اجلسي وبرسلك خواتي
وجد: طيب
طلع واتجهه بيت جده وشاف جده جالس مع جدته بلحالهم
عقاب : اقول ياجدي وينه عمي محمد وعمي ناصر
ابو ناصر: محمد توه جاء ويبدل وناصر بيجي
عقاب : ايه اجل نادهم كلهم بنتقهوى
ابو ناصر:بيجون ! انت وش فيك !
عقاب : ابد مافيني الا كل خير
سكت وجاء محمد مستعجل : انا بروح لخلف
عقاب : ليه!؟ محمد : مدري يناديني هو وعد اكيد شي في اوراق مبارك
ابو ناصر: زين اذا خلصتوا تعالوا القهوه
محمد: ابشر
طلع يدق الباب الفاصل وفتح غيث : عمي خلف في غرفتنا
محمد : زين
طلع محمد وهو يدق الباب وفز خلف يخبي الاوراق وسي دي: من
محمد: انا
فتح خلف الباب : ايه حياك الله
محمد: وش فيك!؟
خلف : تعال اجلس تبي قهوه شي
جلس محمد :لا لا تكلم وترتني
خلف بحرج: وللله ياعمي مدري وش اقولك ومنحرج منك بس مالي الا انت
محمد : وشو ياخلف لا توجع قلبي تكلم
خلف : تعرف النوخذه عنده بنت
محمد: ايه
خلف بتردد قال: المهم اني احبها من فتره وابيها
اتسعت عيون محمد بذهول : وشو !! ضاقت عليك ما لقيت الا بنت النوخذه تحبها!؟ تحب اللي طلقوا اختك حتى ما وقفوا على الباب
خلف : المشكله اني انا سبب هالطلاق
فز محمد ووقف : وشوو!؟ وش مسوي ياخلف وش مهبب
خلف : استريح وبقولك كل شي ماله داعي كلهم يسمعون
جلس محمد على اعصابه وبدا خلف يقوله القصه بدون مايذكر انه شافها بالسي دي ترقص قال انه شافها بالسوق مره بدون غطى وان كل اللي بينهم رسايل ماطلع لشي ثاني وكمل ليين وقف عند الحدث اليوم
وسكت محمد ووجهه مليان غضب خلف: انا ابيك لي عون ياعمي
ضربه محمد بخفه على كتفه: خبل انت خبل!!؟ وش هاللي سويته !؟وانا ناقد على النوخذه طلع بيض الله وجهه انه ماذبحك !؟ كيف ترضى ياخلف كيف ترضى
خلف : ياعمي صار اللي صار والله يلعن الشيطان لكن والله انه كان حب نقي وعفيف ولولا سالفة حوريه كان الحين متزوجيين
محمد: مافي شي يبرر لك غلطك مهما كان انت غلطان وتخيل بس إنا فتحنا الموضوع مع ابوك!؟ توقع انه بيوافق مستحييييل ولا حتى ابوي وفيصل وكلهم!؟ تقدر تقولي وش عذرك لهم!؟ خلف : انا مالي الا انت تساعدني وانا كل شي عندي تحت قرارك اماني اذا رضت كان بها ما رضت بلاه هالزواج
محمد : وش اقولك بالله عليك وش اقولك
��#عزاي_إنك_رجاي_العذب_لو_كل_الدروب_عثور

[صواديف عشاق]

محمد : وش اقولك بالله عليك وش اقولك
سكت خلف ينتظر رد ومحمد يدور بالغرفه مصدوم ان خلف يطلع منه كل هذا!؟ طول عمره كان قمة فالاخلاق مايدري متى انجرف ورا تيار هالحب لكن محمد كان متيقن ان الحب مايعرف حدود واخلاق يطلع الانسان عن وضعه الطبيعي لكن في اخر تفكيرع التفت وهو يبي يتأكد: لا يكون رفضت سحر عشانها!؟ خلف : ياعمي ياعمي موضوع سحر منتهي من زمان ولا انا اللي اخترتها ولا هي بعد اختارتني مشينا على كلام الكبار ! اللي ما يعفون احد ابد لكن فالنهايه مالنا نصييب مع بعض والبنت ربي وفقها وبتزوج خلاص
محمد :انا لو افكر مليون سنت ما اتخيل انك توقف قدامي بهالموضوع
وقف خلف بغضب: المراد!! بتساعدني ولا انا ادبر اموري
محمد : اجلس اجلس بنفكر كيف نحل هالازمه‎
جلسوا وبعد فتره التفت محمد : مالك الا حل واحد تقنع ابوك وتبرد حرة اماني وتكسب موضوع ليلى في صالحك قدام ابوك
خلف : شلون!؟ محمد : قل لنوخذه يجي يخطب رسمي مثل اول مره
خلف : واذا ابوي حاس الدنيا
محمد: لا ، انت سو نفسك مادريت واول ما يجي اخذ ابوك وفيصل وطلع برا واقنعهم ان الراي الاول والاخير لاماني وانك بتخطب بنت النوخذه ند لأماني يعني زي الامان لحياة اماني واللي يصير بأماني يصير ب ليلى
خلف : ياعمي انا ما ابي أذي ليلى لو بكلمه
محمد : اسمعني اذا ربي كتب وتزوجتوا وقتها اشرح لها الموضوع كله وان ما معك حل غيره واذا النوخذه بيغدر في اماني معناته الموضوع منتهي ومابينكم شي يجمعكم وهم أذوا اختك وااذا رفضت اماني بعد مالك مع بنت النوخذه امل
سكت خلف ضايق لكن ما معه الا هالحل لكن الاصعب كيف بيجمعهم بمجلس واحد
محمد : قم قم للقهوه وان شاء الله خير لا تشيل هم
خلف: يارب
_______________________.
واخيراً
في بيت الجد قايد اجتمعوا الكل للقهوه وجاء خلف ومحمد ووجيهم ما تتفسر لكن محد سأل لان عقاب أشغلهم بكلامه اول ما قال : دامكم تجمعتوا انا عندي موضوع بكلمكم فيه ومتأمل خير ان شاء الله
ابو خلف : خير ياعقاب
ابو ناصر: ان شاء للله خير ياولدي
عقاب :والله ياجدي انا من بعد الحرب وانا لا ليلي ليل ولا نهاري نهار ومبارك الله يرحمه ماغاب عن بالي وهو يوصيني على ولده ولا انسى كلامه قبل يموت عن ولده ومن طرف ثاني انا قبل خطبت وعد لكنها وافقت على مبارك وكتب لله لهم الحياه المكتوبه لهم ودام الحين هذا الوضع انا بخطب وعد منكم وانا مستعد اتكفل بولد مبارك ولا ينقص عليه شي وراسي يشم الهوى ووعد بنت عمي ومثل ما بغيتها قبل ابيها الحين وانا لها سند بكل الاحوال .
.

وانا مستعد اتكفل بولد مبارك ولا ينقص عليه شي وراسي يشم الهوى ووعد بنت عمي ومثل ما بغيتها قبل ابيها الحين وانا لها سند بكل الاحوال
انكتم المجلس رسمياً انكتم لا صوت ولا نفس محد مستوعب اللي يقوله عقاب ابد ومحد يقدر يقرر عن وعد لان وعد بتقلب الدنيا على راسهم
اخيراً نطق خلف وقال : لكن ياعقاب انت متزوج ! كيف بتتصرف في هالموضوع
عقاب : مايعيبني اني متزوج والشرع حلل اربع اما من ناحية زوجتي هي تدري اني في نهاية المطاف بتزوج وطالما انها كل ما حملت تسقط
ابو خلف :والله يا عقاب انت عزيز وغالي ولكن الشور الاول شور وعد وهي اللي تقرر
عقاب : ابد اللي يرضيها تبشر به
محمد مايدري وش صار في عيال اخوانه كل واحد هايم ببحرٍ لحاله مليان مشاكل وهموم : ماودي يا عقاب اقول هالحركي لكن وانا عمك كلنا ندري ان وعد محملتك سبب موت مبارك ومن هالناحيه ماظنتي ترضى
سكت عقاب وقال: انتم شاوروها ان رضت زين على زين وان مارضت براحتها
ماعاد احد تكلم وكلهم شايلين هم كيف بيبلغون وعد
_______________________.
وعند ضاري
اللي من صبح الله مشتط وتكفل يسوي القهوه والشاهي والفطور وكل شي وان مضاوي اليوم ما تقرب على شي بس تجلس
وكانت ام ضاري مستغربه ابتسامته الللي شاقه وجهه ومضاوي بعد وغير النظرات اللي تدور بينهم لكن حمدت ربها لانها دايماً تشوف المشاكل بينهم ولا تقدر تسوي شي وواضح انهم مبسوطين اليوم
في المطبخ كان ضاري يشتغل بحماس ومضاوي واقفه تناظره بهدوء وتتأمل انها طول هالسنه كانت قاتله ابتسامة ضاري الحلوه ودافنه فرحته اللي توها تشوفها : خلني اساعدك
ضاري : ابد ماتسوين شي اجلسي بس وانا اليوم اسنع كل شي
مضاوي: بكييفك بكيفك والله الموضوع لصالحي وانت بكيفك
ضاري: ايه ايه اطلعي الحين على حقيقتك
مضاوي : ابد والله مشتريه راحت بالله راحت سنه اكرف وانت جالس اكرف الحين
ضاري : تمونين ماعليه
ابتسمت مضاوي وهي تساعده ببعض الاشياء غصب عليه عشان بس ما يتعب لحاله
_______________________.
وعند ماجد
وصل واتجهه لبيت الجد قايد بعد ماقاله غيث انهم فيه
دق الباب وفتح عزوز: هلا هلا بالنسيب
ارتاح ماجد من كلمته وابتسم: هلا فيك يا عزوز
فيصل: حياك خالي
دخل ماجد : سلام ياجماعه
الكل : وعليكم السلام
وقفوا يسلمون عليه وهو عيونه على عقاب ماصدق جلس وارتاح وجهز نفسه يبدا
ابو ناصر: زين لحقتنا يا ماجد
ماجد : اي والله قلت لازم وانهي اللي بديته وارتب اموري
.
.
.

ماجد : اي والله قلت لازم وانهي اللي بديته وارتب اموري
انغث عقاب بس ماحب يخربها مع ماجد لانه اقوى نقطة عند وعد يعني لو بيرفضه بترفضه وعد بعد وهو مايبي هالشي : اي والله صدقت
ابو خلف : زين ماسويت
خلف : تقهوو الحين وكملوا
ابو ناصر : صب القهوه يا عزوز لنسيبك
صب القهوه عزوز وهو فرحان ومتشقق وترك القهوه بعد فتره ودخل وطلع لغرفة البنات مبتسم : سحر سوي شاهي
شهد: انا اسويه
عزوز: لا نبي سحر تسويه
شهد: عشتوا!؟ ضحكت سحر وطلعت مع عزوز اللي يلتفت عليها ببتسامه
سحر: وش فيك
عزوز ببتسامه: تدرين ان ماجد هنا جاي يكمل مع عقاب اموركم
لفت سحر بغصه:صدق!؟
عزوز: ايه الله يا سحر يا اني مبسوط ومستانس لك مره ماجد رجال والنعم وكفو ويبي يساعدك ان شاء اللله تدرسين وبيكون لك عون ان شاء الله
ابتسمت سحر لفرحته: الله يكتب اللي فيه خير
عزوز : يارب وعقبال ما نزوجكم كلكم
سحر: افا جالسين على قلبك
عزوز: لا وربي بس ابيكم تزوجون وترتاحون وتلقون الرجال اللي يسندكم لو لا سمح الله صار لنا شي
سحر: بسم لله عليكم الله يديمكم لنا ذخر
ابتسم عزوز بحب ويحلم ان خواته يعيشون براحه وحب
_______________________.
عند النوخذه
رجع لبيته وهو يسمع سوالف عياله وجلس هو مرتبك ما ارتاح لمسألة اماني واكيد ابو خلف بيرفض كان يراقب جابر بهدوء والتفت انتباه جابر اللي قال: يبه شنو فيك!؟ ابو نهيان:ماكو شي يبه
نهيان: يعورك شي!؟
ابو نهيان: لا لكن عندي موضوع وبخلصه
جابر: شنو!
ابو نهيان: اذا تم بتعرفون
قام وراح وتركهم ولفت ليلى بهدوء: خير شنو صاير
نهيان: ما ادري سكوت ابوي يخوف
جابر كان خايف انه يجبره على بنات عماته اللي يتنحش منهم طول هالفتره وكان ساكت مايبي يدخل بالموضوع ابد
اما ليلى كانت خايفه انه ناوي يسوي لخلف شي وهذا اكبر مخاوفها لكن رجعت على صوت نهيان اللي قلب الصينيه وهو يضحك:اقول ليلوه غني غني وانا بدق نغير جو
ضحكت ليلى ولفت لجابر: جابر يختار الاغنيه
تنهد جابر وهو له فتره يسمع هالاغنيه قال :غني لعبدلله الرويشد احترق اذا ذكرتك
عم الصمت بكسرة خاطر وغنت ليلى من (أحترق ان ذكرتك .... ألين وصلت الشطر اللي كسر قلب جابر
يا حبيبه يا أماني عشتها لكن أماني
يا حبيبه يا قمر ما طل ّ في ظلمة زماني
أعذريها خطوتي لو تبتعد
مقدر أوفي و لاقدر أخون العهد
حاير و حالي صعب حاير و إنت السبب..
.
.
.
تنهد جابر وهو له فتره يسمع هالاغنيه قال :غني لعبدلله الرويشد احترق اذا ذكرتك
عم الصمت بكسرة خاطر وغنت ليلى من (أحترق ان ذكرتك .... ألين وصلت الشطر اللي كسر قلب جابر
يا حبيبه يا أماني عشتها لكن أماني
يا حبيبه يا قمر ما طل ّ في ظلمة زماني
أعذريها خطوتي لو تبتعد
مقدر أوفي و لاقدر أخون العهد
حاير و حالي صعب حاير و إنت السبب..
محد يحد بهالكلمات الا جابر اللي فعلاً محترق قلبه ومتقطع على اماني وده يروح لها يفهمها انه ماله ذنب في هذا كله بس ابد ماله حيله
جلست امه جنبه وهي تمسح على كتفه ماتدري وش تسوي
حتى نهيان مايدري كيف يتصرف اما ليلى تحترق انها سبب في بعد جابر عن اماني
_______________________.
وفي بيت الجد
انتفق عقاب مع ماجد يكون الزواج بعد شهر والملكه بنفس يوم الزواج ووافق ماجد ماعنده مانع وانفضت الجلسه وكلٍ راح لبيته
بيت ابو خلف
كانوا مايدرون كيف يفتحون الموضوع مع وعد اللي جالسه بهدوء
وقال ابو خلف: اطلعوا ابي وعد بكلام واقعد ياخلف
كلهم طلعوا وبقت وعد ماطرا له شي ابداً
ابو خلف: وعد يابنتي انا بكلمك بموضوع وترا الراي رايك محدٍ جابرك
خلف : كلمتك بيدك وانتي تقررين
وعد ما ارتاحت: خير وش فيكم
ابو خلف : عقاب يخطبك
اتسعت عيون وعد ووقفت : وشو
خلف : اقعدي ياوعد اقعدي واعرفي ما انتي مجبوره تقدرين ترفضين وبيت ابوك يعزك
ابو خلف : عقاب يقول ان مبارك موصيه عليكم وغير هذا عقاب من قبل مبارك وهو يخطبك وشاريك ويبيك
سكتت وعد بغضب يفور بدمها ( يبيني!!؟ وموصيه مبارك علي!؟ الظاهر مالي خلاص منك يا عقاب لين اجيب اجلك لكن هين هين هي اصلا خاربه ويا انا ياانت)
لفت عليهم وصدمهم وقالت: موافقه دام مبارك موصيه
جمد خلف وابوه ماعرفوا يردون
وقال خلف: وشو !؟؟
وعد: موافقه لكن بشرط
ابو خلف : وش !
وعد : زواجي منه عقد قران فقط لا عرس ولاعشاء ولا حفل ويجي هو ياخذني هنا
استغربوا شرطها متوقعين شي اكبر لكن وعد اصدمتهم
ابو خلف : وبس!؟ وعد : وبس
خلف: ودراستك
وعد : لا دراستي بيني وبينه
كانت وعد مبيته النيه يا انها تخضع عقاب يا انها تذبحه وتنهي شره
ابو خلف : زين زين
طلعت وعد يطبخ الحقد في عروقها وتاركه ولدها مع ماجد وخواتها وهي تحلف يمين ودين لتنتقم لمبارك وتذوق عقاب الموت
اماا خلف كان مصدوم مايدري وش يفكر فيه !؟ كل شي مزحوم في راسه
لكن ينتظر بكره يجي عشان يروح النوخذه ويقوله الحل
_______________________.
الليل
في بيت ضاري اللي طول اليوم ما طلع فرحته غريبه!؟ وشعوره اغرب
.
.

في بيت ضاري اللي طول اليوم ما طلع فرحته غريبه!؟ وشعوره اغرب ، من المغرب قاعد قدام امه وعيونه على غرفته ما غابت وكأنه ينتظر متى يقوم يروح لمضاوي
وام ضاري ماتدري وش فيه بس يوصلها فرحته من عيونه وقررت انها تقوم تنام وتخليه لانها ماهي مستفيده من جلسته معها
وقف ضاري معها: وين يمه تونا الليل طويل !
ضحكت ام ضاري: ليلك الطويل ماهو عندي روح اقضه مع هاللي طارت عيونها تحتريها تطلع انا عجوز بحط راسي وانام وانتم توكم
ضحك ضاري بفشله وسكت ودخلت امه وهو اتجهه لغرفته درعم ودخل بدون مايفكر يدق الباب لكن اول ماتسكر الباب اختلفت نبضات قلبه
كانت مضاوي من فتره كاشخه وتحتريه قررت تكون بأقرب هيئه للعروس يستاهل ضاري انه يفرح
عند ضاري كان يشوفها احلى مليون مره من يوم كانت عروس مايدري ليه لكن اكيد انه صار يشوفها بقلبه
ارتبك ماعرف وش يقول ووش يسوي بس ابتسم وقال: لا اله الا الله وش ذا الزين كله
طالعته مضاوي بخجل وابتسمت لكن ماردت واخيراً وصل ضاري عندها وهو يحس ان قلبه بيوقف رغم فرحته الا انه فيه خوف للان
فالاخير قدر انه يتقدم خطوه في حياته و ...��
_______________________.
في بيت ابو خلف
عجز خلف ينام كل القرارات بيده ولو غلط تضيع حياة كثير لكن فز اول ماطرا له شي لازم يسويه لف يناظر اخوانه شافهم في حالة نومهم المعتاد وعشان يوصل الباب لازم يوخر فيصل اللي يعيش معركة وهو نايم ومسكر كل المداخل عليهم
بالقوه سحبه لين ابعده وطلع اتجهه لغرفة البنات وهو يدق بهدوء
وفتحت وجدان كالعاده وطل خلف :نمتوا
وجدان : احد يعرف ينام وعنده ذا النتفه ( تقصد خليفه )
ضحك خلف واتجهه لوعد وهو ياخذه: احسن عساك لا نمتي الله يقويه عليك حبيب خاله
ندى: ياليتك تاخذ حبيب خاله تريحنا لان لو جلس كذا يصيح بكره ما رح تلقون فطور
اماني: والله بالنسبه لي صوته يطربني
حنان: وانا بعد
وعد : وش فيك انت ما نمت
خلف التفت لأماني :جيت ابي اماني تخلص لي شغله هناك
اماني : وش هي!؟
خلف : دقيقه
نزل خليفه بهدوء بعد دقايق اللي نام بحضنه ووقف وهو ياخذ اماني معه وطلع
ندى بهمس : وش يبي فيها!؟
وعد : يمكن عنده شكله شي يبيها تساعده
وجدان: تكفون اسكتوا دام خليفه نام نبي ننام احنا بعد
ضحكت ندى: يوووه حنان نامت من زمان
لفوا على حنان اللي دخلت بنوم عميق مادرت باللي حولها
_______________________.
في السطح
جلس خلف وهو يأشر لاماني تجلس جنبه: تعالي
اماني: خلف وش فيك فجعتني .
.
اماني: خلف وش فيك فجعتني
خلف : عندي موضوع بكلمك فيه لكن والله اني مستحي منك وادري بطيح من عينك لكن والله مافيه شي بيدي
شهقت اماني: افا ياخلف مستحيل تطيح من عيني لو مدري وش يصير قول وش فيك ولا تستحي
خلف : اجل اسمعي
بدا خلف يقولها السالفه زي ماقالها للكل ما اختفت ملامح الصدمه من وجهه ندا اللي ناظرته بذهول
خلف : اللي ابيك تعرفينه الحين ان جابر مالن شغل بهاللي صار ولا يعرف شي كل اللي صار صار بسببي انا والنوخذه رجع من جديد ووافق على خطبتي لليلى ولكن الشرط انك ترجعين لجابر
وانا ابد ما اطالبك ترضين لا والله الشور شورك وبيدك وان رفضتي صدقيني بكون معك ومستحيل اخليك مهما كان وكل شي بالدنيا ذي يهون عشان خاطرك وليلى يجي بدالها مليون وحده لكن اختي ما ابدلها باحد ابد
( قال هالكلام وقلبه يوجعه لان مستحيل احد يحل محل ليلى ولا يمكن يفكر يتزوج غيرها والموت ارحم من انه يناظر غيرها لكن مايبي اماني تنجبر على شي
اماني ما استوعب ابد من كل اللي قاله خلف كانت على مشارف انها تنسى جابر او تتناسى شكله اللي ماطلع من بالها وهم جايبينه من المستشفى كانت مقفله بابه وتقول انها مالها حق تفكر فيه !؟ كيف الحين يرجع كيف يصير مصيرها مصيره ومصير خلف وليلى بيدها
ناظرت عيون خلف اللي باين الأسى والفقد فيها تعرف هالنظره لها ايام تلمحها فيها عيونها ماتدري ليه تعلقت بجابر بعد ماكانت بعيده كل البعد عنه ولا تفكر فيه!؟
كانت لازم تعطي قرار لكن كيف تعطي وهي داخلها متكهرب ومتلخبط
خلف : انتي معي!؟
ناظرته اماني بهدوء وابتسمت وقالت: قلتها قبل وارجع اقولها انا من يدك هاذي ليدك هاذي واكيد انك بتختار لي كل شي زين
خلف : اماني لا تقولين كذا انا ابي قرار
اماني :دامك تقول جابر ماله شغل انا ماعندي اعتراض
دقق خلف فيها بذهول: كيف يعني!؟
اماني : يعني موافقه اذا خطبوا مره ثانيه لكن الشرط مايملك الا يوم الزواج عشان مانرجع لنفس الدوامه
ضحك خلف ماهو مستوعب وقال: عطيني كلمه اكيده
ضحكت اماني : موافقه
وقف خلف مبتسم وفرحان : الله يكتب لك الخير وتأكدي للمره الثانيه ان جابر مافيه مثله لولا اللي صار
ابتسمت اماني بهدوء: اكيد ما تختار لي الا الكفو
ابتسم خلف مايدري وين يوديها من الفرحه ضمها للحظه وهو يقول : زين اجل بكره اكلم ابوي لكن بيني وبينك لا تقولين لاحد
اماني: ابشر
راحت وهي في داخلها شعور كأن العصفور يطير بجواتها مع ان معرفتها بجابر قليله بس مش تسوي صار له في قلبها مكان
اما خلف راح ينام وهو يحلم انه يتزوج ليلى لكن عسى ابوه ماماني: خلف وش فيك فجعتني
خلف : عندي موضوع بكلمك فيه لكن والله اني مستحي منك وادري بطيح من عينك لكن والله مافيه شي بيدي
شهقت اماني: افا ياخلف مستحيل تطيح من عيني لو مدري وش يصير قول وش فيك ولا تستحي
خلف : اجل اسمعي
بدا خلف يقولها السالفه زي ماقالها للكل ما اختفت ملامح الصدمه من وجهه ندا اللي ناظرته بذهول
خلف : اللي ابيك تعرفينه الحين ان جابر مالن شغل بهاللي صار ولا يعرف شي كل اللي صار صار بسببي انا والنوخذه رجع من جديد ووافق على خطبتي لليلى ولكن الشرط انك ترجعين لجابر
وانا ابد ما اطالبك ترضين لا والله الشور شورك وبيدك وان رفضتي صدقيني بكون معك ومستحيل اخليك مهما كان وكل شي بالدنيا ذي يهون عشان خاطرك وليلى يجي بدالها مليون وحده لكن اختي ما ابدلها باحد ابد
( قال هالكلام وقلبه يوجعه لان مستحيل احد يحل محل ليلى ولا يمكن يفكر يتزوج غيرها والموت ارحم من انه يناظر غيرها لكن مايبي اماني تنجبر على شي
اماني ما استوعب ابد من كل اللي قاله خلف كانت على مشارف انها تنسى جابر او تتناسى شكله اللي ماطلع من بالها وهم جايبينه من المستشفى كانت مقفله بابه وتقول انها مالها حق تفكر فيه !؟ كيف الحين يرجع كيف يصير مصيرها مصيره ومصير خلف وليلى بيدها
ناظرت عيون خلف اللي باين الأسى والفقد فيها تعرف هالنظره لها ايام تلمحها فيها عيونها ماتدري ليه تعلقت بجابر بعد ماكانت بعيده كل البعد عنه ولا تفكر فيه!؟
كانت لازم تعطي قرار لكن كيف تعطي وهي داخلها متكهرب ومتلخبط
خلف : انتي معي!؟
ناظرته اماني بهدوء وابتسمت وقالت: قلتها قبل وارجع اقولها انا من يدك هاذي ليدك هاذي واكيد انك بتختار لي كل شي زين
خلف : اماني لا تقولين كذا انا ابي قرار
اماني :دامك تقول جابر ماله شغل انا ماعندي اعتراض
دقق خلف فيها بذهول: كيف يعني!؟
اماني : يعني موافقه اذا خطبوا مره ثانيه لكن الشرط مايملك الا يوم الزواج عشان مانرجع لنفس الدوامه
ضحك خلف ماهو مستوعب وقال: عطيني كلمه اكيده
ضحكت اماني : موافقه
وقف خلف مبتسم وفرحان : الله يكتب لك الخير وتأكدي للمره الثانيه ان جابر مافيه مثله لولا اللي صار
ابتسمت اماني بهدوء: اكيد ما تختار لي الا الكفو
ابتسم خلف مايدري وين يوديها من الفرحه ضمها للحظه وهو يقول : زين اجل بكره اكلم ابوي لكن بيني وبينك لا تقولين لاحد
اماني: ابشر
راحت وهي في داخلها شعور كأن العصفور يطير بجواتها مع ان معرفتها بجابر قليله بس مش تسوي صار له في قلبها مكان
اما خلف راح ينام وهو يحلم انه يتزوج ليلى لكن عسى ابوه مايعارض _______________________. ��


.
ومن بكره في بيت ضاري
صحى وهو مبسوط ورايق وطلع يبدا يومه وشاف امه جالسه ومضاوي بالمطبخ
قرب يبوس راس امه: صبحها بالخير ام ضاري
ام ضاري: هلا هلا ابطيت نايم
ضاري : ايه مانمت زين امس
ام ضاري : عسى خير عسى ماشي يوجعك
التفت ضاري لجيت مضاوي وضحك : ابد وجع عافيه
احمرت مضاوي بحقد ومرت وهي تدعش على رجله الممدوده ونزلت الفطور
ضحك ضاري وهو يصد وناظرتهم ام ضاري ببتسامه : حمدلله ، بتروح مكان اليوم
مضاوي : لا ياخالتي ادعي عساه يجلس ويطبخ عني ويفكني
ضربها ضاري بخفه : جازت لك اشوف
مضاوي : اي والله
ام ضاري : خليه يامضاوي اشتغل بما فيه الكفايه خليه يدور رزقه
ضاري : اي والله وغير خلف من امس ماشفته
مضاوي : شكلك وسوست بخلف تقوم وتقعد وتطريه
ضاري : وش حرق رزك انتي المفروض تأيدين صداقتي مع ولد اخوك
مضاوي : ايه ماقلنا شي بس ماهو ادمان
ام ضاري : رح ياضاري وريحني من الهواش
ضاري : زين يلا ،تبون شي من برا
مضاوي : ايه في جيبك ترا ورقه فيها المقاضي اللي نحتاجها شقر عليها
ضاري : على عيني
طلع ضاري مبتسم واتجهه لسوق
_______________________.
في بيت ابو خلف
فز خلف وطلع قبل يفطر وقبل يسوي اي شي بحياته واتجه لسوق يخف رجله شاف دكان النوخذه مسكر ووقف يحتريه
وهو يهز رجله وشاف ضاري جاي من بعيد واتجهه له مسرع وهو متوتر: انت وينك من امس وشوله مخليني
ضاري : وش فيك !؟ خلف : قامت القيامه وانت غايب
ضاري : روعتني يا خلف تكلم
بدا خلف يغرد عليه اللي صار وضاري واقف مذهول : والحين بتكلم النوخذه!؟ وانت ماتدري عن رد ابوك
خلف : وش اسوي ! عمي بيساعدنا
ضاري : وان رفض ابوك واذا فيصل حاس الدنيا وش بتسوي انت
خلف : بتهون انت لا تحطمني
ضاري : والله مدري وش اقول
خلف : لا تقول شي النوخذه وصل
اتجهه له خلف بخطوات ثابته ووقف النوخذه اول ماشافه
خلف: سلام عليكم
النوخذه: وعليكم السلام
خلف : بحكي معك بموضوع
النوخذه: قول اسمعك
لهفت النوخذه مثل لهفة خلف ينتظر رد الجواب عشان جابر خلف : الرد انك ياعمي تجي تخطب اختي من جديد
النوخذه : وابوك
خلف : ابوي عندي المهم انت تخطي خطوه قبل
النوخذه: ليش!؟ خلف : ليش لانك تدري ان لا اماني ولا جابر لهم شغل باللي صار ومحد يدري باللي صار غيرنا وفي نظرهم انكم غلطتوا ولازم تبدون من جديد انتم
النوخذه : صدقني ياخلف انه عشان جابر ولدي بسوي اللي تقوله والا والله ما اخليك تسويني غلطان .
.

النوخذه : صدقني ياخلف انه عشان جابر ولدي بسوي اللي تقوله والا والله ما اخليك تسويني غلطان
خلف : محشوم ياعمي
النوخذه: كلم ابوك قوله اني جاي بعد العصر
خلف : حياك الله
افترقوا بينهم شحنه من الكبرياء
ورجع خلف لضاري اللي واقف ينتظر : وش صار ؟! طمني
خلف : يقول بيجي يخطب بعد العصر
ضاري : وش بتسوي
خلف : مالي الا حل عمي يا تزين ياتنحاس
ضاري : الله يكون معك ياخلف
لف على صوت من بعيد ضاحك: يا عيااال وينكم وحشتوني
لفوا وشافوا نادر جاي مبتسم ضاري : هلا هلا انت اللي وينك
نادر : عجزت اجلس بالدمام قشيت قشي وجيت
خلف : والله اني صابتني كآبه من الدمام وايامها
ضاري : اي والله
نادر: غريبه وينه عقاب
خلف : مدري بس توقع شوي ويجي
نادر: والاخبار
ضاري : ابد انا اليوم مبسوط ومروق
نادر: وانا بعد
خلف :انا نص ونص لكن انتظروني لنص اليوم اذا ماروقت هجوا
ضاري : ماعليك نوديك لتركي يغسل ضيمك كله
نادر: ليه وش فيك
خلف : تعالوا اجلسوا
نادر:خلف لك ايام ما انت عاجبني
خلف : مافيني شي لكن تعبان من وضع وعد اختي بعد وفاة مبارك وجاء عقاب وكمل اللي ناقص
نادر: شدخل عقاب
خلف : خطب وعد
لفوا كلهم : صادق انت
خلف : يعني بكذب
نادر: عقاب وش صار لعقله!؟؟ ماهو متزوج
ضاري : اكيد يدور احد يحارشه
خلف:لا يا رجال لكن يقول ان مبارك موصيه عليهم وهو من قبل يبي وعد يعني بس كتب ربي نصيب مبارك
نادر: والله عقاب ذا عجيب
ضاري :طيب ووعد!؟ خلف : وعد وافقت
نادر: وافقت!؟ ماتقول انها حاطه كل اللوم عليه!
خلف : ايه بس كانت فيي صدمه لكن هالمره صدمتني ووافقت بكل بساطه
ضاري: طيب وانت وش مضيق صدرك
خلف تنهد بهدوء: البلاء انها رضت كذا بدون اي جدال!؟ الكارثه ان وعد صارت ترضى بأي شي ما تعودت عليها الرضوخ قلبي موجعني على اختي موجعني انها انكسرت ما ابيها بهالحال ابد
نادر: ياخلف ما احد يجلس على حاله والدنيا لابد انها تجور واحمد ربك انها بخير واذا هي عند ولدك عمك ماعليها خوف وعقاب لو هو اقشر شوي بس طيب
ضاري : عطها وقتها انها تتعدى صدمتها وتعيش ويمكن ربي كتب عقاب يخطبها ويعوضها
خلف : ماعليه قصور عقاب ابد والله يوفقهم هذا اللي اقوله
نادر: يلا وعقاب بعد مسكين يبي العيال يمكن ربي يسخره لولد مبارك ويعوضه الله فيه
ضاري : لله في كل شي خيره وماندري وين الخيره
سكتوا على دخول عقاب : سلاام متجمعين ماشاء البه من دوني
خلف : تونا نسأل عنك تعال
عقاب: دوروا لي فطور ترا جاي على وجهي
خلف: وانا بعد
.
.
.

عقاب: دوروا لي فطور ترا جاي على وجهي
خلف: وانا بعد
ضاري : خلف عزوبي ويمكن نقول مالحق يفطر انت وش عذرك يالاخو!؟
عقاب :اول شي مالك دخل وبعدين انت بتفطرني
ضاري : خلفتك ونسيتك
نادر: لا وللله بس اخر مره كان المفروض يكون عليك الفطور
خلف : يلا يلا زي الشاطر قم
ضاري: بقوم لكن ماهو عشانكم عشاني مبسوط
نادر: وش عندك انت من ساعه شاق الكشره
ضاري : مبسوط
خلف : الله يديمها
عقاب : يلا خلص
راح ضاري ووقف خلف يرتب المكان ينتظرون الفطور بعد شوي رجع ضاري وفرشوا بالارض وجلسوا مبتسمين
_______________________.
الظهر وفي بيت ابو خلف
الكل كانوا مجتمعين عشان الغداء
عند الحريم كانوا جالسين ووالكل صاد عن عهد مايكلمونها لكن وجد بصفها وجالسه وهي بعد محد يكلمها
ام خلف : هاه يا هيا جاهزه للجمعه ( زواجها)
ضحكت ندى: اييه بس الجمعه تاخرت كثير
ضحكت ام وعد : خلاص وصلت
ام ناصر: الله يتمم والله ان صدري ضايق مابي بناتي يبعدون
سحر: افا ياجده احنا عندك
ضحكت اماني: معليش انتي بعد بيطير بك خالي
حمر وجهه سحر وضحكت ام وعد : ماعليك منها
شهد : انا موجوده ياجده
ام ناصر: الله يخليكم لي كلكم
دخلت وعد : وجدان تعالي خذي خليفه اشغلني يبكي والا والله اخلي لك المطبخ
فزت وجدان وركضت وهي تاخذه: خليفه يهون عند المطبخ
ام خلف: هاتي انا اسكته
اخذته ام خلف وعهد ووجد يخزون وعد اللي طنشتهم وهي تدري كيف بتربيهم وترد عليهم وتنتظر ملامحهم اذا عرفوا الخبر
_______________________.
في مجلس ابو خلف
لف ابو ناصر: هاه يا ناصر كلمتوا وعد
كلهم لفوا يناظرونه وقال ابو خلف : ايه
عقاب سكت ينتظر رد وقال ابو خلف : ووعد موافقه لكن بشرط
اجزم عقاب انها بتحط دراستها الاولويه لكن انصدم اول ماقال عمه : تسوي الزواج بكتب كتاب لا حفل ولا شي وتجي تاخذها وتروح
محمد :وشوو!؟ هذا شرطها بس
عقاب: بس!؟ كلهم كانوا يوقعون من وعد اكبر لكن هذا اكبر الصدمات لهم
خلف : ايه بس لكن مانبي نوصيك ياعقاب
عقاب بذهول ماتوقعها بهالسهوله : ابد لا توصي
ابو ناصر: اجل الله يكتب لكم الحياه الكريمه والسعيده
ابو خلف : امين
اعتدل عقاب ماهو مستوعب : ومتى ياعمي
ابو خلف : بكيفك
عقاب : بعد يومين
خلف : كأنك استعجلت لا تنسى انك ماجهزت
عقاب : ماعليه انا بسكن في بيتي يعنها لها مكانها وكل شي بيجهز
خلف : لا اقل شي اسبوع وعد بعد اكيد عندها شغل تجهزه
محمد: صادق خلف ويادوب نلحق مع زواج هيا
ابو خلف : اجل بعد اسبوع .
.
.
محمد: صادق خلف ويادوب نلحق مع زواج هيا
ابو خلف : اجل بعد اسبوع
عقاب : زين اجل والمهر بكره يوصلك والمبلغ اللي تحدده
ابو خلف : ايه المهر معروف ياعقاب ظ£ظ* الف بما انها ارمله الظ،ظ* الزايده مانبيها
عقاب : زين الله يكتب الخير
الكل : امين
سكتوا يفكرون شلون وافقت وعد ووكان فيصل اكثر واحد منصدم لانه يشوف كرهه وعد لعقاب
خلف : اقول يبه
ابو خلف: هاه عساك بتزوج انت بعد
ابتسم خلف : لا بس كلمني النوخذه يقول بيجي لك بعد العصر
فيصل بغضب: وش يبي الله لا يحيه
خلف : فييصل وش بلاك انت !؟ احترم اللي جالسين
ابو خلف : وهو صادق وش يبي !؟
محمد : يا بن الحلال وش فيكم خلوه يجي بتنقصون شي
خلف : ما قال لي السبب لكن حرص ان الكل موجود
ابو ناصر: غريبه
عزوز: يمكن بيشكر على وقفتنا معهم
فيصل: مانبي له شكر
عقاب: اذا جاء نشوف
خلف : اذكروا الله ومهما كان الاحترام واجب علينا رجال كبير
ابوناصر: صادق صادق خلف
محمد : خله يجي ونشوف وش عنده
سكتوا وجلس خلف ساكت مايدري كيف بيصير الموضوع لكن المشكله انه متوتر
_______________________.!
وفي بيت ام ضاري
كانت شوق عندهم وطول الوقت وهي تتصدد ومتربكه ووجهها ذبلان
ام ضاري : شوق وش فيك يا بنتي ليه وجهك كذا
شوق : مافيني شي ياخالتي
مضاوي : الا فيك شي ناظري وجهك كأنك مروعه
شوق :والله مدري وش فيني من الصبح وانا احس بدوخه وغثيان مدري وش اسوي قلت يمكن يخف بس مافيه فايده
ام ضاري:بسم لله عليك لايكون اخذتي برد ولا اكلتي شي ماهو نظيف
مضاوي : وش ذا البرد بعز الصيف لا حبيبتي انا اعلمك وش فيك
لفوا لمضاوي كلهم وام ضاري ماكانت تفهم في هالاعراض ولا كتب الله انها تجربها اما مضاوي كانت تشوف وعد وتشوف وجد تشوف حريم اخوانها
مضاوي : اكيد انك حامل
شوق بخوف : لا لا ماني حامل
ام ضاري: ليه يابنتي ماتبين تحملين العيال رزق من الله ونعمه
شوق :ادري بس اني ماني حامل
مضاوي : وليه ما تكونين حامل !؟ متزوجه من سنه وعليها ليه ماتكونين حامل
شوق : باقي صغيره
ضحكت ام ضاري : وين صغيره يابنتي هذاك بسم الله عليك ماسكه مسؤوليه بيت وزوج وان شاء الله بتجيبين عيال بعد
ارتبكت شوق ووضح عليها وهي كانت خايفه من كثييير قصص سمعتها وقرتها
مضاوي: لا تخافين اذا طلعتي حامل عادي ياما شفت ناس بعمرك حوامل ويولدون وعادي
ام ضاري : يا يمه يا شوق لايكبر الخوف براسك هذا شي الحرمه اللي ربي كاتب لها بتجربه وتعيشه وبعدين ماتدرين لو نادر ميت قلبه على العيال
شوق : ادري والله لكن انا ونادر متفقين ما احمل الحين .
.
.
شوق : ادري والله لكن انا ونادر متفقين ما احمل الحين
مضاوي : واذا حملتي!؟ وش بيصير يعني
شوق : مدري
مضاوي: اسمعيني بس مالك الا تسوين تحليل بدون مايدري اذا كنتي حامل خير وبركه واذا عادي سكري الموضوع
ام ضاري بضحك : ماشاء للله دامك عندك كل هالمعلومات وينك ما تجيبين لنا وليد ولا بنيه نفرح بهم
تفشلت مضاوي وضحكت : ابد ابشري ياخاله بكره اجيبهم لك
ضحكت ام ضاري : والله مدري وش اقول طاح المتعوس على خايب الرجاء جيتي وكملتي هبال ضاري
ضحكت مضاوي : وش ورانا ياخالتي بدري على العيال بنتمتع بدلالك الحين
سكتوا على صوت الباب وكان ضاري يقول : ياولد طريق
ام ضاري : ادخل المجلس ماعندك احد
دخل ضاري وهو يدخل نادر وطلع للمطبخ بعد ماسكرت مضاوي الباب عشان شوق
تقدم ضاري مبتسم ويتلفت : هاه وين غداكم
تكتفت مضاوي بحمق : والله!؟ يهودي انت ما تدل السنه والسلام ولا ما تشوف قدامك احد يسلم عليه
ضحك ضاري : لسانك وش طوله ما تصدقين الزله المهم سلام عليكم
مضاوي : وعليكم السلام
قرب ضاري بهدوء وهمس : وبعدين على طاري الشوف ! فيه احدٍ صاحي مايشوف هالزين والملح والقبله
لفت مضاوي بضحك: حنا نشوف الملح والقبله لكنه شطف مايشوفنا همه بطنه
خق ضاري وضحك: مقيوله يابنت الحلال الطريق إلى قلب الرجل معدته
مضاوي بضحك : دليناها هاذي لي سنه اسويها لكن احب اقول ان الطريق لقلب المرأه الكلام الحلو ومن ذا الامور
اتكى ضاري بكل حمله على كتف مضاوي وهو مبتسم: امانه تشوفيني احتاج طريق لقلبك ؟ ابصم بالعشره اني متربع فيه
ابعدته مضاوي بألم من كتفها وهي تضحك: وييين ياحبيب امك متربع فيه انت متربع فوق كتفي كسرته ما اقول الا مالت على حظي ويني ووين الكلام حلو وانت حاطني متكى
ضحك ضاري بكل صوته يحب حلطمتها بشكل : مازبطت هالمره بنجرب بعدين بس وش رايك تعجلين نادر بالمجلس لحاله
مضاوي : ياحظه نادر وياحظه خليف وانا اقول وين مشاعر الرجال طلعوا هاجين بها
ضحك ضاري بلعانه وقال: ايه مثل ما مشاعرك هج بها عقاب ( يقصد انها تحب عقاب حيل يمكن اكثر من خلف)
مضاوي: ما يتورط خذ خذ الله يسترعليك
اخذ الغداء وراح وهو يضحك ودخل المجلس مبتسم ونادر يراقبه وهو طول وقته يبتسم
نادر: شف وانا اخوك من واقع تجربه ظنتي هالابتسامه بشارة خير ! وعساها بس زانت امورك
التفت له ضاري مبتسم :حمدلله يانادر انا الحين فوق الغيم ماعاد ينقصني الا ولد ووقتها يمكن تصيبني جلطه من الوناسه
ضحك نادر: بسم للله عليك بتلحق كل شي ان شاء الله وتعيشه
ضاري : يارب .

ألين هنا تقريباً هالفتره انتهت عثرات ضاري ونادر اللي ذاقوا المر انواع اشكال لكن الحين في رضا تام
_______________________.
وفي بيت النوخذه
هالرضا بدت ترجع مشاويره لصدر جابر اللي كعادته هو ليلى في الايام الخيره جالسين ويغنون
لكن سكتوا على دخول ابوه وامه ونهيان ومريم
اابو نهيان: جابر شلونك الحين ؟ ان شاء الله صرت زين
جابر : زين زين حمدلله
نهيان: حمدلله كلها فتره وتعدي
ابتسم ابو نهيان: بتعدي لكن ملزوم تعديها بسرعه وترد تمشي على رجولك عدل بعد هالخبر
الكل انشد لكلام ابو نهيان الا جابر ماعاد تعني له الاخبار شي وابتسم بهدوء:ماظن فيه شي يعديها الا انه الغزو بيرجع على الكويت
ابتسم ابو نهيان وقال : يمكن لكن لو قلت لك ابو خلف ينطرنا ببيته بعد العصر عشان نرد نخطب لك اماني ! بتعدي ولا لا
التفت جابر بكل قوته وفز جالس بذهول وهو يناظره منصدم:شنو شنوو!؟ يبه انت شقاعد تقول !؟
ام نهيان بفرحه: بنرد نخطب لك اماني
شهق جابر من الفرحه ووقف وهو يقول : الله يخليكم لا تقصون علي
نهيان بضحك: جبوور شدعوه يبه شدعوه لا يزر عقلك
ليلى فزت بفرح : حمدلله ياجابر
ابو نهيان: كل شي صچ والعصر تزهب بنروح
جلس جابر بفرح بس اظلم وجهه ثواني وقال:واذا رفضوا
ابو نهيان:ان شاء لله مايرفضون
ام نهيان: قول خير يمه
جلس جابر في يده رجفه واضح ارتاح وطار من الفرح لكن خايف يرفضونه
اما ليلى رغم هالخبر لكن ما استبشرت خير لنفسها لانها تدري ان ابوها عنيد ويسوي كل شي بس مستحيل يزوجها خلف
_______________________.
وفي بيت ابو خلف
الكل كان تقريباً بيرجع لبيته لكن وصل طراطيش كلام لعهد ان عقاب خطب وعد وانهبلت واول ما تاكدت طارت لوجد وهي وجهها مخطوف وقالت لها
للحظه الاولى ماصدقت لكن فجأه تذكرت سرحان عقاب وتفكيره المستمر وروحته وجيته عشان يشوف خليفه
تذكرت نظرة وعد لها اليوم وكأنها انكوت بصدرها
فزت وهي تسمع الكل واقف مصدوم من الخبر لكن هي قررت تزلزل الدنيا على راسهم
وانطلقت تركض للغرفه وفتحتها وشافت وعد جالسه تنوم خليفه وانقضت وعليها وهي تصرخ: حسبي لله عليك ياخطافه الرجال ياللي ماتستحين الله ياخذ منك كل عزيز والله ينتقم منك شر انتقام الله لا يفرحك بولدك ..
وكانت مستمره تدعي وهي متجهه لوعد اللي فزت وهي مصدومه لكن قبل تمد يدها وجد مسكتها وعد وهي تلفها ورا ظهرها ووجد تصارخ
الكل طلع يركض من الحوش على الصراخ وركضت ام وعد وهي تسحب وجد وتدفها عن وعد:انتي ماتستحين على وجهك
وجد: شف من يتكلم عن الحياء !؟ علمي بنتك خطافة الرجال ��
.
وجد: شف من يتكلم عن الحياء !؟ علمي بنتك خطافة الرجال
صرخت وعد بغضب :فكيني يمه والله لعلمها الحياء شلون والله لخطف روحها وللله ام وعد : قص يقص لسانك اقول اذلفي لرجلك حاسبيه بنتي مالها شغل
ندى : اطلعي احسن لك
سحر: وجد تعالي تعالي واتركي المشاكل
في محاولاتهم لتفكيك المشكله وسمع عقاب اللي صار من غيث وهو يقول لخلف وابوه
وانهبل عقاب وهو يتفلت بيدخل لكن مسكه خلف بغضب: وين رايح!؟ فيه حريم
ابو ناصر: بدخل بشوف وش صاير
عقاب بغضب : شف الطريق ياجدي
دخل ابو ناصر وهو يفرقهم ويقولهم يدخلون لان عقاب بيدخل واختفوا كلهم وبقت وجد اما عهد هجت واختفت قبل يحصلها عقاب وبقت سحر
ودخل عقاب بغضب ما شاف الا ام وعد وجدته وام خلف
وقالت ام وعد بغضب: عويذ الله من شر مرتك ياعقاب خذها وفكنا شرها واذا هذا اولها ينعاف تاليها
عقاب : ماعليه ياعمتي وصدقيني ماهي قاصده وبتعتذر لكم
ام وعد : وين ماهي قاصده وهي تقول لبنتي خطافة رجال وتغلط علي وعليها
التفت عقااب واتسعت عيونه : وشوو
ناظرته وجد بقوه عين: ايييه خطافه ولا بعتذر
قبل تكمل كلامها سكتها عقاب بكف قدام الكل وسحبها وطلع وهو تطلع النيران مع انفاسه من كثر ماهو معصب
اتجهه للبيت وهو شياطين الارض فوق راسه ودخل وهو يرميها بغضب: ما تستحين انتي انهبلتي
وجد : تضربني عشان هالعوبا اللي ماتستحي تضربني وبتزوج علي ياعقاب من غير شوري وليتك اخذت وحده بعيد اخذت هاللي ماتستحي
عقاب : لااااا والله من متى وانا رهن شورك يا هانم!؟ من متى تمشيني على رايك!؟ اسمعيني يا وجد اقسم بجلال الله لو اشوفك ترفعين صوتك علي مره ثانيه!؟ وتكلميني بهالطريقه لقص لسانك وان سمعت او دريت انك قلتي حرف واحد بس لوعد او احد من بنات عمي والله لتشوفين مني شي لتمر عليك ظ،ظ*ظ* سنه مانسيتيه ،سامعه
سكتت وجد وهي تبكي بحرقه ورمى عقاب شماغه بغضب وطلع وتركها تتحسب وتدعي على وعد
_______________________.
وفي بيت ابو خلف
الكل ماهو مستوعب ان وعد بتزوج عقاب لكن ماعطاهم خلف فكره يفكرون وصرخ بغضب: بسرعه نظفي المجلس وجهزي القهوه انتي وياها بيجي رجال
فروا كلهم ينظفون وطلع خلف لوعد وفتح الباب : وعد
لفت وعد بهدوء: سم
خلف : يمديك ترفضين دام هاذي اولها
ابتسمت وعد وضحكت: لا ماعليك كل شي زين
خلف: انا ماني مستوعب شلون راضيه !؟ وعد وش في راسك
وعد : ولا شي بشوف نصيبي والحي ابقى من الميت
مع توتر خلف عجز يفكر اكثر ولف : المهم النوخذه جاي بعد العصر واماني كلمتها ووافقت برضاها
.
.
.
مع توتر خلف عجز يفكر اكثر ولف : المهم النوخذه جاي بعد العصر واماني كلمتها ووافقت برضاها والحين ننتظر ابوي وفيصل والله يستر ابيك تدعين لي بس
وعد : للله يسهل
نزل خلف يبدل وهو قلقان وواضح عليه لكن جلس اول ما حس بوخزات في صدره وألم وبدا ينكتم وفي هاللحظه دخلت امه وركضت اول ماشافته يفتح ازاريره بسرعه : بسم عليك يمه
اشر خلف على الشباك وهو يدور انفاسه وركضت امه وهي تفتحه وتدور على البخاخ وبدا خلف يحوم ويدور مايدري وين دوات وانفاسه بدت تضيع ويحاول يسحبها وتقطع الكحه مساره
وصرخت ام خلف : يافيصل
جاء فيصل يركض ودخل وركض يمسك خلف : وين دواه
ركضت ام خلف تدوره لقته بس بعد مافقد خلف توازنه وطاح وركضوا يعطونه
وجاء ابو خلف على الصراخ وتجمعوا كلهم بخوف ينتظرون خلف يصحى وام خلف كالعاده تبكي لكن خلف صح بدت تهدى كحته ويتنفس لكن كان وخامل مو قادر يرفع نفسه او يتكلم وكان تقريبا الدواء فيه نسبة منوم تخيله رااااكد فتره طويله وشبه نايم
ابو خلف : خلف ابوي اذا انت بخير اشر لنا
رفع خلف اصبعه بهدوء وهو طايح بنص الغرفه وازاريره مفتوحه وفيصل سانده وام تمسح وجهه بماء في طرف طرحتهاوتسمي وتبكي
ندى : وش صار له !
ام خلف : مدري مدري لو ما لحقته كان محد درى فيه
ام وعد : بسم لله عليه ارفعه ارفعه لفراشه يافيصل
كان فيصل يقدر يشيل فيصل بما ان بنية جسم فيصل اقوى من خلف اللي يهده المرض
سحبة امه نظارة خلف الطبيه وطلعتها وهي تمسح عيونه اللي دمعت
حطوه على فراشه وبعد ماتطمنوا انه بخير تركوه ينام لكن خلف كان يحاول يقاوم ويقوم بس ماقدر خمول جسمه ثقيل اجبره يسكر عيونه غصب عليه وينام وهو قلبه مع الاذان اللي اذن والصلاه وبعدها ابو نهيان
_______________________.
وفي بيت ام ضاري
راح نادر وشوق وكان يشوفها ساكته وما علق ينتظر يوصل البيت ويفهم وش فيه
وجت مضاوي ناويه تنظف وراهم وشافت ضاري نظف كله شي ولمه وطالع بالصحون
مضاوي : هلا هلا ماشاء الله وش ذا السنع
عطاها ضاري الصحون :دامك جيتي خذيها
مضاوي بمزح : كمل جميلك وغسلها مافيه الا هي وكلها صحنين
ما توقعت انه بيضحك وياخذها : تم اجل كم مضاوي عندنا نغسل ليه مانغسلها
انصدمت انه فعلاً راح بيغسلها وركضت وراه: تعال امزح امزح لا تشوفك خالتي وتنقد علينا
ضحك ضاري : ابد انا متعود على هالحويس لكن لا تحسبين اني بخليك فاضيه تجلسين وتحطين رجل على رجل
مضاوي: وش اسوي يعني !؟ ابتسم ضاري وقرب بهمس : ابد اسبقيني وعطيني خمس دقايق وبجي تقولك وش بتسوين .
.

ابتسم ضاري وقرب بهمس : ابد اسبقيني وعطيني خمس دقايق وبجي تقولك وش بتسوين
ناظرته مضاوي للحظه وعرفت نظرة الخبث في عينه دفته بمزح: مقيوله الذيب مايهرول عبث
سكر ضاري المويه بعد ما خلص الصحنين ومسح يدينه ورجع وهو يحاوط خصر مضاوي بهمس: اقوول وينها الوالده
مضاوي : قيلت شوي
ضااري : ياجعله مقيال العافيه ، وحنا بعد نقيل ليه ما نقيل
تقدمت مضاوي وتركته وراها وهي تضحك من تعليقاته اللي يرميها كل شوي
_______________________.!
وفي بيت النوخذه
بعد الصلاة جهز والتفت وشاف جاي وهو الابتسامه شاقه وجهه ومستند على عكازه من طرف وليلى ساندته من طرف
ونزل نهيان: هاه زهبتوا
ابو نهيان: انا زاهب المعرس مدري عنه
ليلى بضحك: زاهب من ساعه
ابتسم جابر : يلا يلا تأخرنا
ام نهيان: الله وياكم
طلعوا بحماس متجهين بيت ابو خلف وقلب جابر يدق بخوف مايدري وش ينتظره في بيت ابو خلف كان يتمنى ان خلف اول من يستقبله
لكن ماصار وصل وشاف الباب مسكر ودقوه وفتح فيصل اللي ملامحه ما تبشر
ابو نهيان: سلام عليكم ابوك موجود
فيصل: ايه تفضل
دخل وشافهم مجتمعين ووجيهم صامته بنظره سريعه لف جابر يناظر ماشاف خلف وخاف فعلاً خاف
وقف ابو خلف بهدوء: حياكم الله تفضلوا
دخلوا وجلسوا ومحمد متوتر من غياب خلف اللي للحين ماصحى من تأثير الدواء وهو مايقدر يسوي شي ابد
جلسوا متوترين وكلهم ينتظرون خلف وابو نهيان كان معتمد على خلف لكن ماشافه وحس بغدر بالموضوع وخايف هو بعد
ابو ناصر: حياك الله يا ابو نهيان تقهوو
كان فيصل رافض يصب القهوه ويصبها عزوز
ابو نهيان اللي توتر : الحقيقه انا ادري انكم مستغربين جيتي هالحزه وفي هالظروف وبعد هاللي صار لكن مهما كان إحنا جيران وربع واللي صاار ويا جابر وخلاه يطلق بنتكم غصبٍ عليه ظروف فوقنا كلنا ويعلم الله لا هو راضي وانا ماكان بيدي شي لكن إحنا ودنا ترد المياه لمجاريها وجاين نطلب يد كريمتكم اماني لجابر مره ثانيه
فز فيصل بغضب : نععععم !؟ وشووو وش تفضلت
ابو خلف : ليه الدنيا ملك لكم !؟ تطلقون وتزوجون على كيفكم
جابر تدخل : لا ياعمي لكن مثل ماقال ابوي والله ان الطلاق حصل في ظروف اجباريه وانا والله مانويت اطلق ابد برضاي
ابو ناصر بغضب : بنات الناس ماهم لعبه بيدك ياجابر والرجال يوقف بمسؤوليته لو قطعوا راسه ����

.
جابر تدخل : لا ياعمي لكن مثل ماقال ابوي والله ان الطلاق حصل في ظروف اجباريه وانا والله مانويت اطلق ابد برضاي
ابو ناصر بغضب : بنات الناس ماهم لعبه بيدك ياجابر والرجال يوقف بمسؤوليته لو قطعوا راسه
جابر : حقكم مهما قلتوا حقكم وانا راضي باللي تقولونه
كان جابر يحاول يتفادى الامر وابو نهيان في غضب ان انقلب الحق كله على جابر وخلف اساس المشكله مختفي وطالع منها
_______________________.
وفي غرفة خلف
نزلت وعد وهي شايله همه ما تبي يروح الوقت ومايحضر ضروري يحضر لكن وشلون بتصحيه من اثر الدواء
وماقصرت كل شي سوته عشان تصحي خلف وفي اخر المحاولات صحى وفتح عيونه اللي ذايبه
وقربت وعد : خلف الله يخليك قوم النوخذه برا والكل مجتمع لازم تصحى
دق قلب خلف وهو يحاول يقوم واستند لوعد بهمس تعبان: متى وصلوا !؟
وعد : لهم فتره وانا احاول اصحيك
ساعدته يوقف وسكرت ازاريره وطلع خلف يستند على الباب ماصحى مزبوط وللحين مهدود حيله وهو ماكان يتأثر بالنوبات لهدرج لكن بعد اللي سواه في النوخذه وبعد ما تعب من اثر ضربه له صار مجبور ياخذ هالدواء القوي
وصل للمجلس بعد تعب واعتدل وهو يمسح جبينه ووقف بهدوء ودخل فجأه والكل التفت
استبشر جابر ومحمد بشوفه لكن واضح عليه التعب
اتجهه له فيصل يسنده لكن همس له خلف : خلني انا طيب
تقدم بخطوات ثقيله واتجهه لنوخذه : سلام عليكم
سلم عليه وعلى جابر ونهيان وجلس مقابلهم وغير مجرى الكلام بثواني وهو يرحب فيهم
وابتسم جابر بحب وهو متأكد خلف بينقذه
ابو ناصر: خلف وانا جدك ان شاء الله انك بخير
خلف : بخير حمدلله
ابو نهيان: عسى ماشر
قبل يجاوب خلف قال ابو ناصر: مايجيك لكن من سنه تطور وضع مرض خلف وصار يأثر عليه
صد خلف بضيق وقال : بسيطه حياكم الله على العموم والعذر والسموحه ماكنت في استقبالكم
ابو نهيان كان متاكد ان سبب سوء حال خلف هو ضربه له لكن قال: معذور
ولف ابو خلف على خلف بغضب : النوخذه جاي يخطب اماني من جديد وش قولك
التفت خلف يناظر جابر اللي سبق وشرح له ان الطلاق ماهو بيده وناظره جابر بهدوء
والتفت خلف لابوه وقال : نستاذنكم ياجماعه شوي ابوي تعال ابيك
طلع خلف مع ابوه وفيصل :اسمعوني
فيصل: لايكون بترضى
خلف: اص واسمعني مالي حيل اتكلم اكثر
ابو خلف : وش عندك !؟
خلف : جابر انا ادري ان ماله يد بالطلاق وكان مجبور وبعدين الناس كلها تدري ان اماني تطلقت منه والكلام كثر ومالنا حل الا نوافق
فيصل: وشو معصي
خلف : اصصصص
ابو خلف : انهبلت تبيع اختك .
.

ابو خلف : انهبلت تبيع اختك
خلف : ما ابيعها بالعكس انا ابي لها الحياه الكريمه لكن احنا بناخذ مقابل لهالزواج
ابو خلف وفيصل: وشوو!؟
خلف : بتزوج انا بنت النوخذه وتصير ند لاماني واللي يصير لاماني يصير لها
ابو خلف : انهبلت انت !؟ خلف : لا ما انهبلت النوخذه مجبور يوافق علي !؟ لكن انت تدري زين دامني مريض وهذا وضعي لا بنات عمي ولا حتى الجماعه بيزوجوني مافيه الا اني اخذ بنت النوخذه وتكون موجوده عندي لسلامة اماني
حط خلف مرضه حجه عشان يقنع ابوه وفعلاً ماطولوا واقتنعوا بعد ماشرح خلف لين تعب
ورجعوا وقال ابو خلف : موافقين بس بشرط
النوخذه: وشو!؟ ابو خلف : تزوج بنتك الباقيه عندك لولدي خلف ولا يكتب عقد الا يوم الزواج
ابتسم النوخذه وقال: زين موافقين والله يتمم على خير
جابر وخلف طارت قلوبهم لسماء من الوناسه كانوا كلهم فرحانين عيونهم بعيون بعض لكن محد يدري وش بقلب الثاني
وقفوا يباركون ويتفقون على المهر وكل شي وتحدد الزواج بعد شهر من الاظ“ن وخلف يحس انه بحلم يحس انه يحلم ماهو مصدق رغم انه فرحان الا ان قلبه يوجعه مايدري ليه
طلع النوخذه بعد ما اخذ جابر اللي بيتشقق من الفرح
انا خلف ركض مايدري وين يروح لكن ماله الا ضاري مايدري كيف كان يركض وهو تعبان
وصل اخيرا لبيت ضاري وصار يدقه بكل حيل
_______________________.
عند ضاري
فز وهو مرتعب من صوت الباب : بسم لله الرحمن الرحيم
ركض يفتح الباب وشاف خلف مستند بتعب ويلقط انفاسه
خاف ضاري : خلف خلف وش فيك وش فيك
وقف خلف وهو يضحك ضحك هستييري وتعلق بضاري وهو يحضنه ماكان ضاري فاهم شي من كلام خلف المتقطع الا انه للحظه انهار وهي يقول : اخيراً اخيراً انتهت ايام الفراق اللي ذوبت روحي ابشرك ابشرك يا ضاري خطبت ليلى ووافقوا يا ضاري
ياضاري توني اشوف ان الحياه بخير وتوني ينجلي من صدري خوفي وحزني واظ•رهاقي
ضحك ضاري وهي يحضنه: الف مبروك الف مبروك لكن اركد بعمرك ماهقيت ان الحب بلغ بك هالمواصيل
ابتعد خلف وهو لازال يضحك وناظر السما للحظه ووقت الغروب وقال: والله ياضاري والله ان هالسماء والارض والناس وعيونك شهود علي اظ•ني احبها حب ما مر على ابن ادم قبلي
ضاري : حمدلله حمدلله ادخل ادخل بنتقهوى
خلف : لا تكفى مابي ادخل مابي يتسكر علي باب الارض ماهي شايلتنير
ضاري :اجل لحظه بجيك ونروح
خلف : عجل
وقف خلف يدينه ترتجف مبسوط فرحان مايدري وش يسوي
_______________________.
وفي طرف ثاني
عند نادر اللي مايدري وش فيها شوق لكن شافها جايه بوجهه مليان تعب وقالت: نادر ودني المستشفى
.
.

عند نادر اللي مايدري وش فيها شوق لكن شافها جايه بوجهه مليان تعب وقالت: نادر ودني المستشفى
نادر: ليه وش فيك !؟ شوق : مدري تعبانه
نادر: يلا اصبري بس دقيقه
ثواني طلعوا للمستشفى وشوق ساكته ونادر متوقعه تعب عادط لين دخلوا عند الدكتوره اللي ابتسمت وهي تقول : شوق حامل في الاسبوع الثاني
تنح نادر للحظه وقال: وشهو!؟ ناظرته شوق بخوف وقالت: زين مشكوره يادكتوره
وقفت بتطلع بس وقفتها الدكتوره: لحظه خذي هالوصفه اصرفيها وانتبهي لنفسك وراحتك
اخذتها شوق وطلع ونادر للحين جالس بصدمه فرحان ايه لكن خايف على شوق طلع بسرعه وراها وهي يناديها
نادر: شوق انتظري
ناظرته شوق بهدوء وهي خايفه: ماكنت ادري
نادر مسك يدها بهدوء : تعالي تعالي
اتجهه لسياره وهو هادي وركب والتفت عليها بهدوء: ماعليه يا شوق صار اللي صار ورزقنا ربي وش بيدينا نسوي
شوق : بس انا خايفه
نادر : لا لا ابد لا تخافين ربي ارحم من ومنك وما رزقنا الا هو يدري إنا قادرين ان شاء الله والحمدلله المفروض نفرح ناظري حولك شوفي الناس اللي يتمونون طفل
ناظرته شوق بهدوء: يعني انت راضي وفرحان
ضحك نادر: اكيد برضى وبفرح دام ما ناقصني بهالدنيا وافرح الا هالولد وان شاء للله بتحملين وبتولدين وانتي بخير وسلامه
انهارت شوق تبكي وهي مابين فرح وخوف لكن اعتلى الفرح على الدموع اول ماحضنها نادر بخفه وضحك: الحمدلله الحمدلله جاء هاليوم اللي بنفرح فيه بطفل يجمعنا ويزيدنا حب
شوق : الحمدلله
نادر: يلا خلينا نروح البيت نبشر امي وابوي واهلك بعد
كانت شوق فرحانه اكثر لانها بتفتك من هواش ام نادر
_______________________.
وفي بيت النوخذه
رجعوا وهم فرحانين ووالكل ينتظر وشيخه اللي راحت اللكويت كل خمس دقايق تتصل تبي خبر
واول ماوصلوا وقفت ليلى تناظرهم لكن شهقت اول ما حضنها جابر وقال: ابشرچ وافقوا يا ليلى وافقوا
اعتلى صوت الزغاريط وليلى عيونها مليانه دموع فرحانه لجابر بس مصيرها مجهول
وقرب نهيان يغمز: الظاهر ينفتك منكم مره وحده
ام نهيان: ليه!؟ ابو نهيان: خطبنا اماني لجابر وخطبوا ليلى للخلف
لفوا كل يناظرون ليلى للي جمدت للحظات لكنها ما توازنت وهي من ايام حالها شاحب وتعبان ومن الخوف والتوتر والصدمه ماقدرت توقف اكثر ووداخت
ورمى جابر عكازته واسرع يمسكها: ليلى بسم لله عليچ ليلى شفيچ
ركضت مريم بمويه ترشها عليها: بسم لله عليها
اجتمعوا حولها يصحونها وليلى تناظرهم تحس انها في حلم ما استوعبت اللي ينقال لين صرخت امها وقالت: شلون يعني ليلى تتزوج بدون شورها .
��.

اجتمعوا حولها يصحونها وليلى تناظرهم تحس انها في حلم ما استوعبت اللي ينقال لين صرخت امها وقالت: شلون يعني ليلى تتزوج بدون شورها
ابو نهيان كان يدري ان ليلى موافقه ومالها عذر ما توافق وقال :بنتي انا ادرى بمصلحتها واكيد انها هي بعد موافقه
نهيان: ليلى انتي زينه!؟؟
اعتدلت ليلى بهدوء وهي تمسح وجهها : ايه ايه
جابر: شنو فيچ
ليلى : ما اكلت الصبح يمكن اثر علي
ام نهيان: قومي يمه قومي
قامت ليلى بهدوء لكن قال ابوها: سمعتي الكلام يا ليلى دامچ بخير قولي لي انتي موافقه !؟ ناظرته ليلى برجا تدري انه يدري برأيها مالها وجهه توافق او ترفض تمنت انه يرحمها من المواجهه الصعبه معه طالت النظرات بينهم وقالت ليلى: انا تحت امرك يبه واللي تبيه اسويه من عيوني
ام نهيان: كل شي الا الزواج !؟ هذا عشرة عمر ماهو لعب
جابر: يمه ليلى ما تنجر لكن خلف رجال كفو وانتي تدرين اكثر مني انه يستاهل ليلى ولو ماكنت واثق فيه كان والله ما ارضى ابد
نهيان: انا من عندي اقول خلف رجال ويستاهل كل خير
ليلى: زين اللي تشوفونه
ابو نهيان: زين دام الكل موافق تزهبوا العرس بعد شهر
صدمه ثانيه فجرت قلب ليلى كانت ودها تصرخ من الفرحه الكل بدا يدور حولهم ويبارك ويتصلون بشيخه والكل فرحان وليلى فرحها مكتوم لكن طلعت لغرفتها واول ماسكرت الباب بكت بكل حيلها وانهارت وهي ما توقعت تعيش هاللحظه ابد كانت تشوفه مستحيل شي خارج عن إرادتها لكن كتبها الله فزت وهي تسمع صوت وفتحت الشباك وهي تشوف ضاري وخلف يمشون متجهين لمكانهم المعتاد وخلف كل شوي يلتفت لضاري وهو واضح انه يشرح له شي وفرحان فيه كان يدور بمكانه مايدري وش يسوي ويضحك وفرحته واضحه ضحكت ليلى من جهتها وهي تدري ان كل هالفرحه عشانهم فرحان مثل فرحتها وهذا شي خلاها تبكي اكثر ابتسمت بحب وراحت وهي تطلع كل شي يخص خلف وفيه ذكرى منه وللحين تعيد وتزيد وهي تشوف الفيديو اللي طلع فيه وهو يتأملها ترقص عيونه تنطق بحب توها تشوفه عدل
_______________________.
وفي المكان المعتاد
رغم ان فرح خلف مغطي الجو الا ان جاء نادر وعقاب وكان عقاب هو الوحيد اللي مزاجه معكر
وجلس نادر ببتسامه : عندي لكم بشاره
ضاري : اليوم يوم البشاير غرد غرد
نادر : شوق حامل
فزوا كلهم يضحكون بفرح ويباركون له وهو مبسوط لكن قال: لكن شايل هم اخاف يصير لها شي
خلف :لا يارجال بأذن الله ما يصير لها شي
ضاري: لا تخاف وتخوفها معك وعادي ان شاء لله يجي ولدك وتشيله بحضنك
الكل : امين
خلف : اجل اسمع بشارتي انا
نادر: وشو؟؟ خلف : بتزوج .
.

نادر: وشو؟؟ خلف : بتزوج
نادر: ماشاااااااء الله اخيراً بتصف معنا مبروك مبروك
خلف : يبارك فيك
عقاب : مبروك لكن مافهمت ليه تبي تاخذ بنت النوخذه بعد ما طلقوا اختك
خلف : طلاق اماني ماكان برضا جابر
عقاب : ايه عاد جابر قطعه من قلبك ما تخليه غلطان ابد
خلف: انت وش فيك مستقعد له !؟ عقاب: قبل استقعد له!؟ علمني وشو له بتشقق من الفرح وكأنها هديه من السماء وش بلاك استخفيت ؟
ضاري : ليييه ما تبيه يفرح انه تزوج!؟ عقاب : لا تكذب علي انت وياه كلنا شفنا عيونك اللي غورقت ويدينك للي للحين ترجف !؟ ناظر نفسك كيف تشرق من الفرحه ! تبي تقنعني انه فرح عادي ! هذا غير دفاعك عن النوخذه اللي ماندري وش مسوي لك عشان تقدسه كذا
نادر التفت يناظر خلف بهدوء وبدت تترجم له افعال خلف
خلف : اسمعني يا عقاب اول شي انا عمري ما كرهت احد لا النوخذه ولا غيره و وانت تدري ان جابر صديقي من قبل!؟ واذا على الفرحه ابد ياعمي من حقي افرح اني بتزوج .. وانا كنت قاطع امل ان احد يرضى بس
سكتوا كلهم وقال عقاب :وشوله محد يرضى !؟ طلع خلف ادويته اللي معبيه جيبه : ابد عشان هاذي اللي كل مكان معي ... عشان نفسي اللي ينقطع من اي جهد !؟ عشاني مهدد في اي لحظه اطيح وكلكم تصفون فوق راسي وبالقوه تقدرون تساعدوني عشاني مريض ..! عرفت الحين ليش الحين!؟ اضطر خلف يبعد اللوم عنه بحجة مرضه عشانه يعرف عقاب لو عرف بقصته مع ليلى بيسوي سوات مايسويها اليهود
عقاب : تدري انه مايعذربك هالمرض
خلف : لا تضحك علي بكلامك
ضاري: خلاص ياجماعه وش بلاكم قلبتوا الفرح نكد حمدلله بيتزوج وبينبسط والمرض بسيط
نادر: صادق ضاري
سكتوا وجلسوا بهدوء ومحد قادر يتكلم بعد كلام خلف
_______________________.
وفي بيت ابو خلف
جاء ابو خلف وهو يعلمهم بالخبر والكل مصدوم
ام خلف : وخلف وينه !؟ ام ووعد: وشلون ترجع اماني لهالرجال !؟ وعد : النصيب يايمه
ابو خلف : على قولة وعد النصيب لكن الحين بتقولنا اماني اذا هي راضيه ولا لا
لفوا لأماني اللي جالسه بهدوء ورفعت راسها : اللي تشوفونه يبه انا راضيه فيه
ابو خلف : على بركة الله اجل
فيصل: هالمره بثق في خلف لكن ياويله يطلع ردي هالجابر
ام خلف: انا مافهمت وشلون خلف يتزوج كذا بسرعه ووين راح
فيصل : مدري والله ياعمتي
ابو خلف : خلف رجال وعقله في راسه ويعرف خلاصه
انا بروح
طلع وتركهم وطلع فيصل بعد رايح لعزوز لازم يفضفض عن القهر اللي يحسه لان اخوانه بيتزوجون عيال النوخذه .
.

[صواديف عشاق]

.
اما البنات جلسوا مقابلين بعض بهدوء
ندى: اماني متأكده انك موافقه !؟
اماني : ادري ان ابوي وخلف ما رح يرموني رميه شينه ويعرفون مصلحتي اكثر مني
ووجدان: مهما كان ليه ترضين تتزوجين هالكلب اللي طلقك
حنان: انتي وش عليك فيها خليها براحتها اماني: خلوني انا !؟ انتي ياوعد كيف تزوجين عقاب وانتي تكرهينه
تنهدت وعد بهدوء وهي تناظر خليفه : وصية مبارك بنفذها
ندى: ما انتي مجبوره على عقاب !؟ ابوي فيه وخلف فيه وفيصل وعمي وخالي يعني ما رح تحتاجين لاحد ان شاء لله
وعد : ربي كتب خلاص يا بنات
ندى: تكفين اذا رحتي كفخي وجد ووعهد
حنان: انا مصدومه في عهد معقوله هاذي بنت عمنا اللي تربينا معها طول هالسنين
وعد : يطلعون على حقيقتهم مع الوقت
ندى: عسى سحر ما تصير مثلهم هي وشهد
وجدان: لا حرام ياحليلهم
فجأه ضحكت ندى: بنات مستوعبين ان ليلى بتصير زوجة خلف
حنان بضحك: متخيلين خلف يتزوج اصلا
وجدان: ياربي احس مابيه يتزوج
وعد: خبله انتي ليش مايتزوج وش ناقصه
وجدان: ما ناقصه شي بس اقصد يعني اخاف يتغير علينا وانا احبه كذا
حنان: لا وش يتغير بالعكس احس ليلى لايقه له مرررره وانا عن نفسي احبها مره
ندى: نفس الشعور
وعد : الله يوفقهم يارب
الكل : امين
_______________________.
وفي بيت عقاب
قامت الدنيا ماقعدت عند وجد اللي نزلت لها عهد
وجد: انا اخر عمري يتزوج علي هالارمله العوبا
عهد : خليه خليه يتزوجها واذا جت عندك لا تقصرين فيها طلعي عيونها
وجد: الله لا يخليني اذا خليتها تتهنى والله ووالله ما اخليها
عهد : خلاص اسكتي قبل تجي سحر ونبلش فيها
جات سحر بهدوء وهي ماهي راضيه عن هالحال
ولفت وجد : وانتي راضيه عن زواج عقاب
سحر: انا مالي شغل عقاب عقله في راسه ويعرف خلاصه
وجد : وش لك شغل فييييه ! المفروض تعقلينه عن اللي يسويه
سحر: تدرين عقاب مايطلب شور احد ودامه نوى يتزوج مارح يهتم ابد في راي ورايك انا اقول لا تخربين حياتك احسن
وجد : نصايحك خليها لنفسك اذا مامنها فود
وقفت سحر بهدوء: انتي ابخص
شهد: وبعدين انتي وش طولة اللسان ذي انا ما الوم عقاب يتزوج عليك
وجد: وشوووو!! شهد:اللي سمعتيه والله ان وعد احسن منك
سحر: عيب يا شهد اطلعي اطلعي
وقفت وجد بغضب متجهه لشهد بس وقفتها سحر بغضب: حدك لين هنا وتكسرين يدك ولو فكرتي تمدينها صدقيني لقول لعقاب وانتي تدرين وش بيسوي
رمت يدها بغضب وهي تقول : قومي ياعهد قدامي انتي بعد وماودك عقاب يجي ويدري انك تحرضينها
وقفت عهد وطلعت وترحوا وجد منهاره تسب وتلعب .
.
.
في المكان المعتاد
كانوا جالسين ويتقهوون بهدوء ماعاد انفتح اي موضوع
لكن عقاب قال: دام كل واحد قال اللي عنده اجل انا بتزوج الثانيه لكن لا احد يناقشني ويقول متزوج ولا غيره
نادر بهدوء: والله انت ابخص اجل
ضاري : مبروك هذا اللي بنقوله
خلف : اجل انا بروح البيت طلعت كذا محد يدري ويني
عقاب : خذني معك
ضاري : اسمعوا ارجعوا الليل بنسهر ونحتفل ونوسع صدورنا
خلف : زين
تفرقوا كلهم كل واحد رجع لبيته وكان خلف يمشي بهدوء جنب عقاب وفي لحظه لف ووقفه : عقاب اسمعني
عقاب : سم وش فيك!؟
خلف : دام وصلنا هالمرحله وجب علي اتكلم معك
عقاب : قل اسمعك
خلف : ياعقاب انت اخوي وولد عمي وتسوى عيوني لكن تعرف ان وعد بعد عندي بالدنيا كلها مابي يجي يوم واختار بينكم مابي يجي يوم تكون سبب في ضيق وعد واضطر اني اوقف بوجهك وازعلك تكفى يا عقاب دامك نويت الزواج من وعد طلبتك لا تكون انت والدنيا عليها كفايه اللي مرت فيه وانت تدري لو اشك انك في يوم ضيقت صدرها بجي وادفنك بمكانك ويعز علي ادفن اخوي وصديقي
تعرف وعد زين وهي تعرفك بعد كلكم تشبهون بعض حاول تلين جنابك شوي وصدقني وعد طيبه وتستاهل كل خير
عقاب : افا ياخلف توصيني على بنت عمي انا اوقف بوجهه الدنيا ولا تزعلون ولا تضيقون بأذن الله ما تشوفها ضايق صدرها مني وخذها وعد من عقاب
خلف : حمدلله ريحت قلبي
عقاب : ابد لا تشيل هم
خلف : يلا فمان الله
عقاب : الله معك
دخل خلف للبيت وهو يسمع اصوات البنات وضحكهم يلعبون مع خليفه واتجهه لغرفة امه يدورها فتح الباب وشافها جالسه وبيدها المصحف وتقرا تقدم يبوس راسها ويدها: تقبل الله
سكرت المصحف بهدوء ولفت: منا ومنك ياخليف، وين رحت يايمه اقلقتني عليك
خلف : طلعت عندي شغل سريع ورجعت
ام خلف : وعساك بخير بس
خلف : بخير ياجنة الدنيا بخير لكن قبل بسألك قالك ابوي
ام خلف ببتسامه: قالي لكن احتريك تقولي انت
خلف : انا اسف يمه اني ماقلت لك لكن حصل بسرعه لكن صدقيني اذا ما انتي راضيه ما رح اتمم هالعرس
ابتسمت ام خلف بعد فترة صمت : خلف ياحبيبي انا اللي يريحك يريحني وليلى اعرفها طييبه وبنت حلال ويارب تكون على ما تبي وتسر قلبك وخاطرك
ابتسم خلف وهو يبوس راسها: انا بخير وخاطري مسرور دامك امي وتدعين لي بكل خير
ام خلف : والله مانسيتك يمه مانسيتك بس انتبهه لنفسك انت
خلف : من عيوني يمه ابشري
ناظرته بهدوء وهي تشوف بعيونه فرحه غريبه وقال: عندك شي ودك تقوله لي
ماتعود خلف يخبي على امه ابد بس كيف بيقولها
.
.
.
ماتعود خلف يخبي على امه ابد بس كيف بيقولها التفت بهدوء ورجع يقول : الحقيقه يمه انا كنت ابي ليلى من قبل وجت هالصدفه من حظي حمدلله
ام خلف باستغراب : شلون يعني تعرفها اننت!؟
خلف: لا لا بس شفتها صدفه يوم كنت عند جابر بالبيت ودخلت قلبي ويوم رجعوا يخطبون اماني قلت فرصه وخطبت
ضحكت امه : وانا اقول عيونك ما تلمع عبث لكن الله يفرح قلبك فيها ييا يمه ويحيني لين اشوف عيالك وليلى تنحب والله انها تنحب
قرب خلف وهو يحضنها: يابعد الدنيا يايمه
دق الباب ودخلت ندى: اوووه قطعت لحظة حنونه لكن تعالوا القهوه ننتظركم
ام خلف : زين بنجي
وقف خلف : يلا تعالي
طلع لسطح مع اماني وكانوا البنات مجتمعات قبل الكل وجلس ياخذ خليفه لحضنه: وين فيصل وعمتي
حنان: امي بتجي الحين وفيصل راح هو وعزوز يلعبون كوره
ندى: زين انك جيت لحالك ياعريس وش هالخطبه المفاجأه
حنان : انصدمنا والله
ضحك خلف : كتب ربي النصيب
وعد : يلا يا ابنت الحلال تستاهل كل خير والف مبروك
ندى : اي والله عاد ليلى يازينها لايقه لك كثييير
وجدان: وتهببببل وتاخذ العقل وحبيبه وتوسع الصدر
حنان: خير انتي استحي
وجدان: عادي بتصير زوجته
ندى: اذا ملك عليها تعالي قولي هالكلام
ابتسم خلف بنفسه وهو يقول(وانتي الصادقه ياوجدان)
اماني: الله يوفقك
ناظرها خلف بامتنان: وانتي بعد
فجأه ضحكت ندى: دقيقه يعني عندنا ثلاث عرسان
وجدان: وخالي ماجد
وعد :وهيا بعد بكره
اماني : ماشاء الله فجأه هبت الزواجات
خلف: ماشاء الله
فزت وجدان: دقيقه هاذي يبي لها احتفال
ركضت ورجعت ومعها راديو وتركب الاشرطه تدور شي وجات ام خلف وجات او وعد
وشغلت وجدان اغنيه ولفت تضحك: قوموا قوموا ارقصوا
صدمهم خلف اول ما وقف وهو شايل خليفه يرقص معها ووقفت معه وعد ووقفوا البنات وفجأه انضموا كلهم يرقصون حتى ام خلف وام وعد وغيث وسالم
لكن الصدمه ان ابوخلف جاء ومعه فيصل ووقفوا للحظه يناظرون لكن شاركهم ابو خلف وعم الضحكه والفرح في بيت ابو خلف
_______________________.
في الطرف الثاني من السطح
كانوا جالسين بيت الجد قايد يسمعون الضحك والاغاني
محمد : وش ذا!؟ عزوز: من بيت عمي
ابو ناصر : دق الباب اشوف
دق محمد الباب ووقفوا وطل محمد: خير وش عندكم
فيصل ضحك: نرقص مستانسين بعرسانا
دخل محمد بضحك: اشاركم
ابو خلف : حياك
بعد محمد جاء ابو ناصر وام ناصر وهياا وتغطوا البنات ودخل عزوز يشاركهم الفرحه وسحر وشهد يراقبون من بعيد وهم متغطين ومبتسمين اما عهد كانت تخطط تدمر وعد هي ووجد .
.
.
اللي يعرفون سر خلف محدودين لكن ابتساماتهم مع خلف كفيله تشاركه فرحته وتطيره من الوناسه كان فرح خلف واضح محد يقدر ينكره لكن كلهم مبسوطين له محد منتبهه لشي
_______________________.
وفي بيت النوخذه
كان الفرح بعد يعم عليهم ضحكة جابر اللي من شهور ما شافوها كانت مرسومه على وجهه كان ييطير بينهم من الفرح يتحمل على نفسه ويحاول يمشي بكل قدرته
كانت ليلى تغبطه انه قادر يفرح كلٍ يشهد على فرحه وهي كل اللي تقدر تسويه تبتسم وتضحك وهي داخله دموع فرح
اما ابو نهيان كان في قمة رضاه وسعادته وهو يشوف عياله مبسوطين
وفي مثل هالوقت رجع نهيان بعد ما غاب فتره وهو من بعد الحرب فقد صوت ليلى وعودها اللي تعزف عليه وجاب عود من جديد وتقدم مبتسم : تفضلي هاذي هديتي لچ وبهالمناسبه ابيچ تغنين لنا نبي ننبسط ونفرح
ناظرت ليلى ابوها اللي ابتسم: غني يا ليلى غني حنينا لصوتچ يبه
ابتسمت ليلى وعيونها مغورقه دموع واخذت العود وهي ماتدري وش تغني لكن ودها تعبر عن اللي بداخلها وخايفه من اختيار الاغاني تضايق ابوها لكن كالعاده انقذها جابر وقال غني :الليله ليلة فرح
ضحكت ليلى : مو حافظتها غني وياي
نهيان : كلنا نغني انا حافظ
بدت ليلى تدق واخذ جابر الصحن وقلبه يدق عليه ويغني ونهيان ومريم وابو نهيان وام نهيان يصفقون
وغنت ليلى(الليلة الليلة الليلة فرح
وأحلى العمر ليلة .. ليلة فرح
واللي انجرح .. جرحه يطيب
هذا حبيب .. وذا حبيب
واتجمعوا الليلة .. خلان خلان
ما نطري الاحزان
شوري على الزعلان
لا يقعد الليلة
يسري مع الأشجان .. أحلى ليالي العمر .. ليلة فرح
ليلة فرح ..)
في نص الاغنيه وقف جابر واخذ معكازه وهو يرقص وهم يصفقون ويضحكون وترقص عيون ليلى وقلبها معه
وهم مبسوطين وفرحانين
_______________________.
وفي بيت ام ضاري
من اول ماجاء ضاري جلس وهو ينادي مضاوي اللي جلست وهي تقول :توك تكتشف صوتك انت!؟
ضاري : لييه
مضاوي : وش بلاك تصارخ وتنادي من يوم جيت
ام ضاري بضحك : عجلٍ عليك يبي يشوفك
ضحكت مضاوي : والله ماهقيت لكن عساه هذا عذرك
ضحك ضاري : يعني هذا سبب لكن عندي لك اخبار صدقيني بتنجلطين واسعفك
مضاوي: وين يبي يشوفني ياخالتي هاذي من بدايتها مستبشر بجلطتي
ضحكت ام ضاري وقرب ضاري بضحك وهو يحط يدها على قلبها عشان ما تنصدم وتنفجع وهو يضحك : اسمعي اجل
مضاوي : سمعني
ضاري : خلف بيتزوج ، واماني اخته بتزوج، عقاب بيتزوج ، ووعد بتزوج ، وماجد بيتزوج .. اتسعت عيون مضاوي بهذول ما استوعبت لكن صرخت فجأه وهي ترمي نفسها على الارض على اساس انجلطت وهي متوقعته يطقطق
ï؟½ï؟½#عزاي_إنك_رجاي_العذب_لو_كل_الدروب_عثور

اتسعت عيون مضاوي بهذول ما استوعبت لكن صرخت فجأه وهي ترمي نفسها على الارض على اساس انجلطت وهي متوقعته يطقطق
ورفعها ضاري وهو يضحك: اذكري الله لا تصكينهم عين
ابعدته مضاوي بضحك: انت من يغششك الاخبار المغشوشه هاذي
ضحك ضاري : وربي اني صادق
ناظرته مضاوي بتمعن وفجأه نطت اول ماشافته صادق جلست بصدمه وهي تقول : احلف
ضاري : واقسم بجلال الله ما اكذب
اعتدلت ام ضاري : وشو !؟ مضاوي : دقيقه دقيقه خلف واماني وماجد مايخالف لكن وعد تتزوج!! مستحيل وعقاب مايسويها ابداً
ضحك ضاري : عشان تنجلطين صدق عقاب بيتزوج وعد
صرخت مضاوي: وشووو ! مستحيل ! تستهبل انت من قايلك هالكلام
ضاري :خلف بعظمة لسانه
مضاوي: مستحيل اكيد يضحك عليك
ضاري : لا وزواجهم بعد اسبوع
فزت مضاوي وهي تدور عبايتها:هاذي يبي لها تدخل عاجل ودني بيت اهلي بشوف وش صاير
سحبها ضاري تجلس وهو يغرد بباقي الاخبار وانجلطت اكثر اول مادرت ان خلف بيتزوج بنت النوخذه
مضاوي: يا ويلي عيال اخواني استخفوا
ضاري :ليه خليهم يستانسون ويوسعون صدورهم
مضاوي : يستانسون كذا!؟ اجل الانتحار شلون
ام ضاري : بسم الله يامضاوي بسم لله وش هالحكي
مضاوي: وانا صادقه ! خلف يتزوج بنت النوخذه اللي طلقوا اخته!؟ واماني بعد ترجع للي طلقها واشد من ذا كله وعد تزوج عقاب!؟ هاذي كارثه
ضاري : ما اشوفها كارثه
مضاوي : عشانك ماتعرف هالمجانين وش ممكن يسوون ببعض اذا حقدوا
ضاري : نصيب يابنت الحلال واكبر مثال شوفي كيف جابني ربي وتعرفت على خليف وتزوجتك ارزاق يعني
مضاوي : وش دخلنا حنا بالسالفه بالله عليك قم ودني
ضاري : تاخر الوقت
ام ضاري :ودها يارجال شوي وجبها
ضاري : يلا زين لان بنسهر الليله بعد واخاف عليك تموتين من الشوق لي
مضاوي لفت تناظره بطرف عين : ايه تكفى لا تطول عشان ما تجيني سكته وانعمي وانا اناظر متى ترجع
ضحك ضاري :امشي الله يخلف علي بس
جهزوا وطلعوا وهم يتناقرون
_______________________.
وفي بيت عقاب
كان جالس بهدوء يفكر فالجاي ووش بيسوي انتبه لوجد اللي جابت العشاء ونزلته بغضب ناظرها بهدوء : اجلسي وين رايحه
وجد : اجلس ليش!؟؟ عشان اشوفك وانت تخطط لزواجك علي
عقاب : وجد لا تطلعيني من طوري
وجد : ابك خلك على اللي تبي يا عقاب
سحبها عقاب وهو يجلسها قباله : اسمعيني يا وجد لا تهدمين بيتك بيدك
وجد : انا اللي هدمته ولا انت ؟
عقاب : انا ماهدمت شي
وجد: انت تزوجت وليتهها اي وحده تزوجت اشر وحده عرفتها في حياتي .
.
.

وجد: انت تزوجت وليتهها اي وحده تزوجت اشر وحده عرفتها في حياتي
عقاب : قلت لك انتبهي تغلطين على اهلي هذا واحد .. واثنين انا تزوجت وعد عشان ولدها بس وهالشي حطيه في بالك زين وافهمي مبارك وصاني على اهله وانا مستحيل ابدلك بأحد انتي تبقين زوجتي وحبيبتي ووعد بتكون ام لولدها وبس فهمتي علي
لفت وجد بفرح: والله تقوله صادق ياعقاب
ابتسم عقاب : اكيد صادق ياوجد انتي الغاليه والعزيزه وانتي زوجتي وحبيبتي وتدرين مستحيل ابدلك بأحد وتطمني محد بيشاركك فيني ابد وانتي تدرين اني مايعجبني سوايا وعد ولا يعجبني اللي تسويه وبربيها مثل ما بربي وولدها
طارت وجد من الفرح واقتنعت ان عقاب فعلاً زواجه من وعد اشين شي بيصير لوعد ابتسمت وهي تحضن عقاب اللي مقتنع بكلامه وانه قادر يربي وعد
_______________________.
وفي بيت نادر
رجع بعد ماحاس بكل مكان وجمع كتب عن الحمل وكل شي يخصه ووشراها وجاء كان متحمس وهو يقرا لشوق كل شي لكن اي شي يحسه يخوف يسكت ولا يقوله
لكن لاحظ هدوء شوق واستغرب لكن شافها نايمه بتعب حزن عليها لكن كان يحلم بنهاية هالتعب طفل يملى حياته
سكر كتابه بهدوء لحفها ووقف يبدل وطلع متجهه لموعدهم
_______________________.
في بيت ابو خلف
دخلت مضاوي وهي تسمع صوت الاغاني من برا وطبت وهي تناظرهم : ماشاء الله ماشاء الله طقطقه و وناسه وانا بنت البطه السوداء محدٍ ذكرني ولا احدٍ علمني
ابو ناصر: هلا هلا حياك تعالي
مضاوي: وش عقبه
اتجهه لها خلف بضحك وهو يحط يده على كتفها:مافاتك شي يمديك تلحقين
لفت عليه مضاوي بضحك: ماشاء الله يقولون بتتزوج!؟ خلف : ماقدرت اتحمل انك متزوجه وانا لا
ضحكت مضاوي وهي تلف : تموت ماتجي مثلي وبعدين ماشاء لا واحد ولا اثنين كلكم ناوين الهجه
فيصل :الا انا وعزوز باقين وسنبقى
عزوز : نعم هذا شعارنا
ام ناصر : اي هين سنتين ونشوفكم
مضاوي : اقول شغلوا خلوني برقص وبعدين بتقبل الصدمات
شغلوا لها والكل صار يرقص معها وهي تضحك ما كأنها تتشره قبل شوي
بعد ماخلصوا لفت مضاوي : خلف ترا ضاري يحتريكم على قوله وبروح لعقاب واقوله
خلف : اجلسي انا بقوله
مضاوي : زين اجل
اخذ خلف اغراضه وطلع وهو يدق على عقاب اللي طلع بعد فتره: هلا
خلف : يلا ضاري يحتري
عقاب : يلا يلا
طلعوا رايحين لضاري
_______________________.
عند ضاري
اللي مضبط الجلسه وجالس ينتظرهم التفت لنادر اللي جاي مبتسم : سلام
ضاري :هلا تعال توقعتك ماتجي
نادر: مابغيت اجي واخلي شوق بس نامت وهربت
ضحك ضاري : الوضع هروب اجل خير ان شاء الله .
.

ضحك ضاري : الوضع هروب اجل خير ان شاء الله
نادر : ياخي مقدر اخليها لحالها
ضاري : معذور
لفوا على جيت تركي :هلا هلا
تركي : اشتقت لكم ياعيال والله
ضحك ضاري : وحنا اكثر
نادر: اشتقنا لعودك اكثر
رفع تركي العود وهو يضحك: حاضرين لشوقكم
التفتوا على صوت خلف : وش ذا الجمعه اللي ترد الروح
عقاب : للله تركي عندنا
نادر: واضح الليله المشاعر متنثره
ضاري : ايه ياتركي أللعب على الاوتار ترا عندنا معاريس اثنين
التفت تركي بضحك: منهم!؟
نادر : خلف وعقاب
لفت تركي يضحك: عقاب مسرع مابعت العشره
جلس عقاب بجنبه وهو يضحك: هي الدنيا كذا
تركي: مبروك ياخلف تستاهل كل خير وانت ياعقاب مبروك
خلف : الله يبارك فيك وعقبالك
عقاب : عقبالك
تركي : امين
ضاري وقف وهو يرفع الابريق: شف شف الشاهي يرد الروح
خلف :صب صب
تركي : وش تبون نسمعكم
نادر: الاختيار لخلف
خلف: اي شي عندك غرد به اتقبل كل شي
تركي : ابد هالايام نازله اغنيه جديده لابو نوره لصقت بالراديو لين حفظتها
خلف : غرد غرد
سكتوا وبدا تركي يدق وبعدها غنى بصوته العذب ووصل صوته بين ضلوع خلف اللي جت هالاغنيه توصف حالته
( أبي منه الخبر ويقـول لـلا
لِفا المرسول وماعيَّـن محلَّـه
وقلبي تايهٍ مِـن عـام الاوَّل
ألا يالله يسَّـر مـن يدلَّـه
خذاه الَّلي على خدَّه علامه
سوادة غيم في شمسٍ مطلَّـه
سرقني مادريت إنَّه سرقنـي
سلبني و أحسب إنَّي فاطنٍ له
أنا يوم أرسل عيونه لقلبـي
عطيته مُهجتي والمعطـي الله
نصف زين الخلايق في عيونه
وباقي الزَّين في باقيـه كِلَّـه )
من ثاني بيت وقف خلف وهو يتمايل ويرقص عليها يحس انه من فرحته ماتمسكه الارض اليوم وهو يردد( خذاه اللي على خده علامه
سوادة غيم في شمسٍ مطله )
هو في عيونه طيف ليلى وشامتها واستمروا يغنون ويفقون وخلف طاير فوق السحاب
_______________________.
في بيت النوخذه
ليلى اللي كانت بغرفتها لكن سمعت صوتهم وعرفت انهم رايحين للمكان اللي تعودوا يجتمعون فيه
طلعت وهي تشوف بيتهم هادي والكل نايم وركضت للسطح وهي تحط السلم ووقفت عليه وهي تناظر لبعيد شافتهم في براحه( ارض فاضيه) ماحولهم احد الا بيوت قديمه فارشين وشابين نارهم وواحد يدق العود والباقين يغنون معه لكن عرفت خلف من نظارته وهو يدور بينهم وواضح انه منسجم ضحكت وهي تتكي على الجدار ماتسمع شي لكن يكفي انها تشوفه من زمان ماشافته ولا تدري عن اخباره
وقفت تناظره لييييين انتهت جلستهم ورجعوا
.
.
.
ك
وقفت تناظره لييييين انتهت جلستهم ورجعوا ومروا من تحت بيتهم هو مزال يغني نفس البيت اللي حفظه غيب (وقلبي تايهٍ مِـن عـام الاوَّل
ألا يالله يسَّـر مـن يدلَّـه
خذاه الَّلي على خدَّه علامه
سوادة غيم في شمسٍ مطلَّـه)
ابتسمت وهي تراقبه لين ابتعد ورجعت لغرفتها وهي تناظر شامتها وتتذكر اغنية خلف وضحكت وهي ترتمي على فراشها تنتظر متى يجتمعون بس
_______________________.
يوم الجمعه ( يوم زواج هيا )
كانت حالة استنفار في كل مكان والكل يجهز للعرس وناس داخله وناس طالعه والبنات يجهزون واهل العريس فارشين في حوش قريب وفرش الزواج وجاهزين
في بيت الجد قايد الكل على قدم وساق ويجهزون عشان يروحون العرس
وفي بيت ابو خلف
كانوا البنات يجهزون بعد ودخل خلف وهو يقول : وين ملابسي يابنات
ندى : في غرفتكم ملابسكم
وعد : تعال دامك ماعندك شي خذ خليفه لين نخلص تكفى
خلف : هاتييييه حبيب خاله هاتيه
حنان: يوه ياوعد كيف بتزوجين وتروحين والله تعودنا على خليفه
حست وعد بغصه من طاري هالزواج وضحكت: ماعليك هذاني جنبكم
خلف : انا اعترض تروحين لحالك خليفه يقعد معي
ندى : وش تبي فيه انت بعد شهر بتزوج وتجيب عيال وتخلينا نبلش بصياح خليفه
وجدان: يالله متى يجي لك عيال والله بحبهم من قلبي
ضحك خلف واعجبه الموضوع والخيال لكن قطع عليه فيصل اللي جاء وهو متنرفز: من اللي كوت شماغي
وجدان: انا
فيصل : ماودي اقول الله يكسر يدك لاني احتاجك تكوينها زين مره ثانيه
خلف : وجع وش فيك عليها
فتح فيصل شماغه: بالله ناظر هذا منظر شماغ نحظر به عرس تقول ماكلته عنز
وقفت وجدان بغضب وهي تبعد حنان اللي كانت تكوي شعرها ( يعني استشوار وكذاï؟½ï؟½) : استغفر الله انا ادعي من الله متى تزوج وتفكني شرك
فيصل : قاااعد على قلبك
اخذته وجدان الشماغ تعيد كويه تحت اشراف وارشادات فيصل
واخذ خلف خليفه وطلع دامه مع وقت يجهز
_______________________.
وفي بيت مضاوي
كانت من الصبح وهي تدور وتجهز تبي تخلص بسرعه وتروح بيت اهلها
ومرت مستعجله من عند ضاري وامه اللي جالسين يتقهوون ويسولفون ويضحكون
ضاري : لا تطيرين اركدي ترا ما انتي بالعروس راحت عليك يالمعزبه
لفت مضاوي وهي تناظره بطرف عين : انا اخت العروس يعني لازم اطيييييير وفكني شرك ازين
ام ضاري : خلها تخلص لا تشغلها
ضاري : اقول لا تشدين حيلك فالزينه
لفت عليه مضاوي بضحك: ليييه تخاف علي من العين
قال ضاري بمزح : لا وللله خايف على عيال المسلمين تفجعينهم
شهقت مضاوي : وشهوووو!؟ انا افجع البزارين !؟ .
.
.

قال ضاري بمزح : لا وللله خايف على عيال المسلمين تفجعينهم
شهقت مضاوي : وشهوووو!؟ انا افجع البزارين !؟ ام ضاري بضحك: ياامضاوي يمزح يمزح يبي يطلعك من طورك
ضحكت مضاوي بإستفزاز : لا ياخالتي مايمزح هذا من الوااااهي والغيره والحقد اللي بقلبه عشاني ازين منه
ضحك ضاري : ابد بزينك وشينك انتي لي طول عمريعني مافيه فرق
مضاوي لفت مضاوي بتروح: ما اقول الا يا حسافه جمالي يروح هدر عندك
ام ضاري :حلفت ما تقول شي واستح على وجهك لا تضيق صدرها
راحت مضاوي ولفت ام ضاري بزعل : قم الظاهر انها زعلت قلت لك بعض المزح ماهوب زين
ضاري : لا وين ماتزعل مضاوي
ام ضاري : الا تزعل ليه ماعندها قلب قم بس راضها قم
تحسف ضاري وراح للغرفه وهو مايدري كيف يرضيها دخل وهو يسكر الباب وشافها تلبس اساورها واتجهه لها وهو يحاوط خصرها بذراعه : افا لا تقولين بس زعلتي
ماردت مضاوي واتأكد ضاري وقرب وهو يقول : امزح معك يابنت الحلال ماخبرتك زعول
ابعدت مضاوي وهي تكتم ضحكتها وهي مازعلت بس حبت تستهبل عليه وتحسفه
ضاري : افا يا مضاوي تزعلين مني تعوذي من ابليس وياما مزحنا بأقوى من كذا ما زعلتي وانا ووالله صادق ما خايف عليك من العين بس اني قلت استهبل عليك
مضاوي : اذا خلصت ابي ألحق اشوف اختي
ضاري : لا وربي ما نطلع لين ترضين يرضيك تطلعين زعلانه واجلس متنكد انا
لفت مضاوي تناظره بهدوء وشافته صدق ندمان وهنا زادت نذالتها وقررت تطلع عينه وهي بنفسها تضحك وقالت: انا ما نكدت على احد وتعرف زين من نكد وابد اللي سويته تحمل عواقبه بتوديني ولا اروح لحالي
انصدم ضاري انها زعلانه وحاول يرضيها بس عندت وراح الوقت وهي مصره تروح وقرر يوديها ويتفاهم معها اذا رجعت
واول ما وصل عند بيت اهلها وهو ساكت مايبي ينكد عليها زياده لفت عليه وضحكت : اكلت المقلب يامخفه هههههههههههههههههههه هههههه احسسسن عشان تعرف كيف تحرش فيني
هجت وتركته واقف جامد لفتره وبعدين استوعب وضحك : حسبي لله على عدوها هاذي والله المجنونه لكن هييين
_______________________.
وفي بيت النوخذه
كانوا معزومين على الزواج والكل بيروح وكانت ليلى خايفه تحضر ويصير شي او يصادفهم خلف ويفهم ابوها غلط ويطير منها خلف كانت محتاره تروح او تجلس .
.
كانت محتاره تروح او تجلس
لكن في لحظتها الاخيره قررت تروح
وجهزت واول ما نزلت تلبس خلخالها تذكرت خلف وهي تناظر الخلخال اللي جابه دق قلبها بفرح وابتسمت
ووقفت وهي ترتب شعرها وصارت مغرمه في غمازتها من بعد غنى فيها خلف
جهزت ونزلت لف جابر مبتسم : جات العروس الحلوه
ابتسمت ليلى وهي تتجهه: وبعد المعرس كاشخ
وقف جابر بدون عكازته وهي ويعدل شماغه: ايييه اذا ما تكشخنا الحين نتكشخ متى
نهيان: ياعيني على المزاج
ابو نهيان: يلا يلا خلوكم زاهبين بعد المغرب بنمشي
كانت ليلى ملاحظه نظرات ابوها عليها وهو خايف تقابل خلف ولا يقابلها
وجلست ليلى جنب جابر بهدوء ولف وهو يهمس : اذا شفتي اماني تعذري بالنيابه عني وسلمي عليها
ابتسمت ليلى بحب : زين
سكتت وهي فرحانه ان جابر يعيش هالحب براحه عكسها هي وخلف
_______________________.
وفي بيت الجد
قايد الكل صار عند هيا والكل يرقص لها قبل يروحون العرس ويغنون ويصفقون ومبسوطين
والجد ومحمد وابو خلف والعيال كلهم صافين قدامها يرقصون لها والكل مستانس وهيا تخنقها عبرتها وتبكي لكن تمسح مضاوي دموعها وهي ترقص قدامها وتلفح لها
كانت سحر تراقب خلف صح انه طلع من قلبها لكن فرحته للحين على وجهه من امس ما اختفت توها سحر تنتبه ان ممكن يكون بين خلف وليلى شي لكن كانت تحارب افكارها واقول ( مستحيل يسويها خلف )
لكن بالاطراف كانت عهد ووجد يخزون وعد اللي واقفه بشموخها اللي تفرقها عن الباقي ويميزها
كانت عيون عقاب تروح وتجي عليها وهذا شي وتر وعد وازعجها واخذت ولدها ودخلت وهي كارهه انها توقف كذا وتشوف نظراته اللي يتجيب لها الغثيان
كانت تحاول انها تقبل وضعها بعد ظ¥ ايام من الان وكيف بتعيش معه وهي ما تتحمل تشوفه
بعد نوبة هالفرح الكل طلع للعرس وبقت هيا ومعاها سحر فالبيت لين تجي الزفه
_______________________.
وفي عرس الرجال
كلهم مجتمعين وماصدق خلف يشوف النوخذه وجابر ونهيان وسلم عليهم ودخلهم وكان حريص انه يكون تحت انظارهم ولا يغيب وهو يدري ان اي حركة يختفي فيها بيشك النوخذه وتطير ليلى من يده ماشاف ليلى ابد من بعد الحرب ولا يدري وش اخبارها لكن متحمل وساكت عشان يوم اللقى
وجاء ضاري ونادر والكل اجتمعوا وقام عرس الرجال
_______________________.
وعرس الحريم
كانوا البنات منقسمين طرفين بنات ابو خلف ومضاوي وشهد مع بعض ووعهد و وجد مع بعض
لكن دخلت ام نهيان وليلى ومريم والكل صار يناظرهم وماصدقوا البنات شافوا ليلى الا توسعت ابتسامتهم ويسلمون عليها وكأن شيٍ لم يكن .
.
.
لكن دخلت ام نهيان وليلى ومريم والكل صار يناظرهم وماصدقوا البنات شافوا ليلى الا توسعت ابتسامتهم ويسلمون عليها وكأن شيٍ لم يكن
وكانت ليلى منحرجه ماتدري وش تبرر لكن انتبهت لحضن اماني لها وهمست لها: لا يضيق صدرك وتنحرجين مافيه شي يستاهل
ابتسمت وهي تهمس لها : انا اسفه يا اماني وجابر بعد يتعذر منچ ماكان الموضوع في يدينا وهو وااااجد يسلم عليچ وصدقيني تعذب حيل لين رد يخطبچ مره ثانيه
اماني ابتسمت: ابد يصير لي يصير كله فدا لعيونك انتي وخلف
انصدمت ليلى انها عارفه وقالت اماني: قال لي خلف ولا تخافين سركم ببير
ابتسمت ليلى بحرج وسكتت ماعرفت كيف بترد بغير السكوت
وطارت اماني من الفرح يعني جابر يحبها !؟ لكن شلون ! وهم ماعمرهم تصادفوا !؟ ماهم السؤال المهم الشعور اللي يطير بقلبها وينشر الفرح
_______________________.
بكل حماسهم شالوا العرس واستانسوا فيه وصار وقت الزفه واتجههوا للبيت كلهم عشان يزفون هيا وفزوها بدموع امها وابوها اللي يبكون فرح لزواج هيا الهاديه الرضيه اللي اذا مانطقت خير مانطقت شر
اخوانها وعيال اخوانها قاموا بالواجب وكل واحد يوصي زوجها عليه كانوا فعلاً لها سند وعزوه
وبعد ما انتهى الزواج كل واحد رجع لبيته ورجع بمثقل بأحلامه
_______________________.
ضاري
كان ينتظر متى ينتهي العرس وترجع مضاوي ويرد لها حركتها فيه كان واقف عند الباب مع خلف وعقاب وكالعاده يتناقرون وطلعت مضاوي وهي كاشفه وجهها لان الشارع ظلام ولا فيه احد الا محارمها لكن فز ضاري وهو يقول : هيييي انهبلتي تغطي
مضاوي :مافيه احد
ضاري : فيه الجن والعفاريت
ضحكت مضاوي اول مابان من صوته انه عصب : طيب طيب
عقاب : خير يالحبيب اركد على عمتي لا تضيق صدرهاا
ضاري : اقول انت وخر واشتر راحة بالك وراك عرس وحرمتين
ضحك خلف : الله لا يعنينا
مضاوي : عقاب وش طاري عليك بتزوج
عقاب : اغير جو
مضاوي : تستهبل
عقاب : ادري عنك بعد سالفتي كلٍ عرفها
ضاري : تستاهلين هذا عقاب اللي ازعجتينا فيه
ضربه عقاب بعقاله بخفه: اشوفك تغلط
فصخ ضاري عقابه بنفس المزح: وش بتسوي يعني
نزل خلف عقاله بغضب: ترا عاد فقعتوا مرارتي تقلعوا كل واحد يطس لبيته
ضحك عقاب : يأمر امر العريس
ضاري : ايييه يبي يمسح ذاكرته من الهواش وراه احلام ورديه
عقاب : عزابي حديث نعمه ماعليك منه
ضاري : طبعاً احنا متشبعين بنخلي له شوي ضعيف
خلف : اشوفكم صفيتوا مع بعض فجأه
مضاوي : بكتبها فالتاريخ
عقاب : وش نسوي مقيوله وش يحدك على المر قال اللي امر منه .
.
.
عقاب : وش نسوي مقيوله وش يحدك على المر قال اللي امر منه
ضاري : ماني راد عليك لاني ابد مالي خلق احط راسي وانام واخر شي اتذكره صوتك بتصكني الغلقه والحموضه
خلف : انا والله اللي بتصحكني الحموضه تقلعوا
دخل وسكر الباب وهو يضحك ولف ضاري وهو ياخذ مضاوي وراحوا ورجع عقاب لبيته
واول ما وصل ضاري البيت شاف امه نامت من مده وسكر كل الابواب وتطمن عليها واتجهه لغرفته وهو شايل شماغه بيده ورماه بالارض وهو مبتسم لمضاوي اللي تنزل اغراضها وهي للحين تحت تأثير العرس والطقطقه واول مالفت شافت عيونه وضحكت: وش فيك!؟ ضاري :ابد ابي أسالك !؟ منهو المخفه
ضحكت مضاوي برعب : انا
ضاري ضحك من ضحكها : ايييه كذا متصافين بسامحك لان اليوم بذات مابي اي شي
وقرب وهو يهمس : الا اني انعم بقربك
ذابت مضاوي حياء ولسانها الطويل اختفى وهي ابد ماتعرف تجاري ضاري الا بالهواش وطولة اللسان لكن في لحظه يعرف ضاري يقلب الدنيا عليها ويكسب صمتها في ثواني و...ï؟½ï؟½
_______________________.
وفي بيت النوخذه
رجعت ليلى وهي مرتاحه رغم ضيقها انها ماشافت خلف بس مو مهم المهم انه بخير بدلت واستعدت تنام لكن سمعت صوت باب غرفتها : منو!؟ جابر: ليلوه قاعده
اعتدلت ليلى وهي تضحك: اييه بعد الواحد يقدر ينام وانت تنتظر منه خبر
جلس جابر مبتسم: بشريني
ليلى : ماكو والله الا انها سلمت علي وقلت لها اللي قلت لي وابتسمت وبس
جابر: بس!؟ ليلى: ايه شتبي بعد!؟ البنت ماتعرفك تبيها تبچي من الفرحه مثلاً
ضحك جابر : لا بس يعني كلش ماقالت شي
ليلى : لا بس ابتسمت ( ماكانت ليلى قادره تقوله عن كل التفاصيل )
جابر : زين اهي للحين زي ما اهي مستانسه وبخير
ليلى ببتسامه: اي للحين بخير وازيدك من الشعر بيت صارت احلى من قبل
ابتسم جابر بخفه وهو يوقف : اااخ يا قلبي بس ، زين تصبحين على خير
ليلى: وانت من اهله
طلع وهو يبتسم فرحان ويحلم بأماني تنور حياته
_______________________.
ومن هالليله مر اسبوووع
وكانت الاحداث فيه راكده لكن المهم فيها ان عقاب جهز غرفة وعد في بيته وصار على اتم الاستعداد لزواجه من وعد لكن يحاول يكسب هدنه مع وجد اللي كان غضبها يطغى على تصرفاتها ***
اما وعد اللي رفضت مهر عقاب كله واعطته ابوها يستثمره في اي شي ينفع ولدها اذا كبر ورافضه تجهز بأي شكل من الاشكال لعقاب ولكن تحت ضغط امها وام خلف اخذت كم لبسه ولا كثرت وهي ماتعتبره زواج ابد ***
من طرف ثاني ماجد اللي زواج بعد مده كان شاد حيله ويرتب بيته استعداداً لزواجه .
.
.
من طرف ثاني ماجد اللي زواج بعد مده كان شاد حيله ويرتب بيته استعداداً لزواجه وهو ماهو معطي فرحته لاحد ينتظر بس متى ينقضي والوقت ويتزوج ***
في طرف ثاني كانت سحر تجهز وهي قلبها فارغ من اي شعور الا شعور واحد انها بتكون عروس بغض النظر عن المعرس وهذا شي يسعدها
*** عند خلف كان يحسب متى ينقضي الشهر ويجي زواجهم كان يحوس ويدور على بيت قريب لانه ابد مايقدر يكون مع اهله وهم كثير ماصدق حصل بيت واشترط يكون فيه حوس عشان يسهر هو وليلى فيه وتغني له كان يبتسم لخيالاته ويبتسم لكل خاطر تمر فيه ليلى كان مشتاق ليلى لكن مايقدر يخاطر ويشوفها او يكلمها لكن ماصدق متى عطاهم المهر وهو متشفق يكون ليلى هديه معها لكن خايف من ابوها واضطر يصبر ***
اما ليلى الكل بدا يشوف انها رجعت لطبيعتها وصارت مبسوطه وتغني اغلب الايام واول ما وصلها المهر من خلف كانت تدعي انه مايكون حاط شي ويطيح عليها ابوها واول ما سلموها المهر ضحكت بفرح وهي ماهي مصدقه انها تجهز لخلف وتجهز نفسها عروس لخلف يالله يا حلوه هالشعور *** جابر
كان الوحيد المحظوظ الوحيد اللي يمشي ويعبر عن حبه بجميع الاشكال والالوان والكلام
كان يجهز غرفته في بيت اهله لان اهله بعد الزواج بيرجعون للكويت وبيبقى جابر واماني في هالبيت لحالهم *** واماني ماكان داخلها الا شعور فرح وبس كانوا يجهزونها مع وعد لكن فرق بينهم اماني تتجهز بحب وبأحلام ورديه وهي للحين تتذكر كلام ليلى اللي وصلته لها من جابر ماتدري ليه في داخلها حلم حلو تنتظره يتحقق مع جابر *** نادر وشوق اللي نشروا خبر حملها وطبعاً كانت ردة الفعل من اهل نادر غريبه ومليانه فرح وماكانوا مصدقين ان ام نادر تغيرت معاملتها لشوق ورجعوا والصدمه انها شايله شوق شيل ماترضى انها تسوي شي او تتعب
لكن رغم صدمتهم الا ان فرحتهم وراحتهم واضحه *** عند ضاري ومضاوي
مافيه جديد الا المناقر والمقالب اللي كل يوم تجدد وكل يوم وام ضاري تفرقهم وتحلف عليهم يوقفون هبال هذا طرف بسيط من حياتهم لكن الطرف الغالب هو الحب والسعاده اللي ملامحها مرسومه على وجيهم *** _______________________.
في يوم زواج وعد وعقاب
كان مجرد عشاء مثل ما شرطت وعد ومثل ما حلفت انه مايكون فيه لا حفله ولا رقص
الكل مجتمعين ولابسين لكن مايحسون انه زواج
في بيت عقاب
كان يجهز بشكل عادي ولا حتى تكلف انه يلبس بشت كانت وجد واقفه وراه بالمبخره وهي دموعها معبيه عينها التفت لها وهو ياخذ المبخره : افا ياوجد ليه الدموع ليه البكى!؟ .
.

.

كان يجهز بشكل عادي ولا حتى تكلف انه يلبس بشت كانت وجد واقفه وراه بالمبخره وهي دموعها معبيه عينها التفت لها وهو ياخذ المبخره : افا ياوجد ليه الدموع ليه البكى!؟ وجد : كيف تبيني ما ابكي وانت قدامي تجهز لزواجك
ضحك عقاب وهو يعطيها المبخره: ولا تبكين ولا يضيق صدرك ابد انت اجهز لك لاني برجع لك هنا لكن بروح اجيب الامانه وارجع ومثل ما قلت لك انا ماعندي زوجه الا انتي
ابتسمت وجد بفرح: يعني بتنام هنا الليله
عقاب : الليله وكل ليله افا عليك بس وانتي بعد اجهزي واللبسي احسن لبس واطلعي معي الحين ولا تخلين احد يشمت فيك والليله انتي وانا العرسان محد غيرنا
وجد : زين ابشر
ركضت تلبس وتجهز تدور الشماته على وعد
_______________________.
وفي بيت ابو خلف
الكل حاضر برا ووعد تجهز بنفسها فالغرفه ولا قصرت ابد في انها تكشخ بكل ما اوتيت من قوه ولا تخلي عقاب يشمت فيها ابد بتكون شامخه مثل عادتها وسلاحها دائماً وابداً روجها الاحمر اللي يحسسها بقوتها وجاذبيتها وكحل عيونها اللي يبين نظرتها القويه والشامخه
ختمت كشختها بعطرها ولفت وهي تجهز خليفه ببتسامه نصر
ودخله ندى ببتسامه: وعد قضيتي
رفعت وعد راسها: ايه
ندى: بسم لله عليك ماشاء الله تهبلين حتى لو ما لبستي فستان ابيض
ضحكت وعد : يسلم لسانك على هالكلام
ندى: زين اجل يلا الكل ينتظرك برا
وعد : يلا
طلعت وهي مبتسمه بثقه وتشوف الكل فيه وشافت من بينهم وجد وعهد المتكتفين وابتسمت بكبرياء وهي تسلم على الكل
اما وجد انصفق وجهها وهي تشوف وعد لابسه فستان أحمر وشعرها الاسود مسدول على اكتافها وكانت فعلاً فاتنه بكل ملامحها وهنا خافت ماتطمنت ابد
انتبهت وعد عليها ولفت بهدوء وهي تنتظر اللحظه اللي بتقابل عقاب فيها
ووقفت مضاوي وهي تقول : جيبوا المسجل يابنات
وعد : وش بتسوين!؟ مضاوي: نبي نستانس ونرقص
حنان: وعد تقول ماله داعي
مضاوي اللي كانت كارهه وجد من بعد حركاتها: ليييه ياحبيبتي هاتي بس بنفرح بعرس الغوالي
جت ندى تركض ومعها المسجل جبته جبته
شغلوا وبدوا يرقصون وعجزت وجد تحمل واخذت عبايتها وطلعت وهي حاقده وتتحلف وطلعت عهد بعد
والباقين مبسوطين
_______________________.
وفي مجلس الرجال
الكل بعد مجتمعين والشيخ موجود وبدا عقاب يعطيه بطاقته وبدا الشيخ يكتب العقد ووقع عقاب وهو مبتسم ووقعوا الشهود واخذ خلف الكتاب ودخل وهو ينادي
وجات وعد مبتسمه وخلف مبتسم ووقعت وسلم عليها خلف بحب وهو يدعي لها ان الله يوفقها وكان مبسوط ان وعد كشخت ولا جلست حزينه .
.
.
وجات وعد مبتسمه وخلف مبتسم ووقعت وسلم عليها خلف بحب وهو يدعي لها ان الله يوفقها وكان مبسوط ان وعد كشخت ولا جلست حزينه
ورجع بالكتاب وهو يحطه ببتسامه : مبروك ياعقاب
عقاب : الله يبارك فيك
ابو خلف : ما نوصيك ياعقاب وعد حطها بعيونك
عقاب : لا توصي حريص
ابو ناصر: الله يبني بيتكم ويكتب لكم الخير والسعاده
الكل : امين
_______________________.
وبعد العشاء
صار وقت ان عقاب ياخذ وعد اللي لبست عبايتها وهي تكافح دموعها وطلعت تسلم على اهلها وهي شايله خليفه للي مارضت تخليه واخوانها وابوها يوصونها اذا ضاق صدرها من اي شي تتذكر انهم سندها
كان عقاب ينتظر عند الباب وطلعت وعد وهي شايله خليفه ومتغطيه ووقفت جنبه
وتحرك عقاب بهدوء وهو يودعهم ومتجهه لبيته ويحس انه يمشي على دبابيس وخطواته ثقيله مايدري اللي سواه صح ولا غلط بس اذا ناظر خليفه اللي على كتف وعد زاد اصراره على قراره
اما وعد كانت بعيده كل البعد عن مشاعر الفرح كانت هاديه تنتظر اللحظه اللي تكسر فيها ظهر عقاب
دخلوا البيت ودخلت بهدوء ورفع عقاب يده بهدوء: هاذي غرفتك
ماردت وعد وتركته ومشت ودخلت غرفتها وهي للحين بعبايتها وغطاها
دخلت ونزلت خليفه بالسرير اللي جهزه عقاب له وهي متعجبه انه مهتم بكل تفاصيل خليفه وفعلاً كان عقاب مانسى اي شي يخص خليفه كل شي ممكن يحتاجه موفره
نزلت عبايتها وعلقتها بهدوء وهي تناظر في تفاصيل الغرفه حولها وارتاحت اول ماشافت انها مجهزه لها هي لحالها واضح مايفكر انه يكون معها ابد
اما عقاب طول هالفتره كان مايشوف خليفه ابد ولا تسمح وعد ابد وكان متشفق عليه من يوم شافه مع وعد ودخل وهو ينزل شماغه لكن تفاجئ بوجد اللي تبكي
عقاب : وجد وش بلاك!؟ وجد : محروق قلبي
عقاب : ياوجد كم مره لازم اشرح !؟
وجد: لا تشرح لي اشرح لاهلك اللي يتشمتون فيني
عقاب : اهلي!؟؟ من اللي تشمت فيك
وجد : مضاوي اللي ترقص وتغني وهي تقول بنفرح بعرس الغوالي تبي تحرني
عقاب : تعوذي من ابليس وخلي هالافكار مضاوي ما تسويها اكيد قالتها بحسن نيه
وجد : حسن نيييه!؟ مستحيل ! ومو بس مضاوي هاللي انت جايبه وتقول زواجكم عشان خليفه اشوفها ما قصرت وكشخت وكأنها تشمت فيني
كانت حركه غبيه من وجد انها فتحت عيون عقاب على انه يشوف هل فعلاً وعد كاشخه عشانه!؟ وهو ماكان له نيه ابد يرجع لهم ابد
سكت بهدوء و بعدها قال : قلت لك كلامي واحد ولا بعيده واغلسي وجهك وفكيني من النكد مالي خلق هواش ياوجد
انا طالع شوي وراجع واتمنى انك تمسحين هالدموع اللي طفشتيني بها من اسبوع .

.

سكتت وجد وطلع عقاب وهو يفكر اذا وعد كاشخه عشانه!؟ ولا لا وليش مقهوره وجد انها كشخت!؟ قرر يروح يتطمن على خليفه ومنها يشوف هالكشخه اللي يقولونها
وهو بعمره ماشاف وعد ولا يدري كيف شكلها لكن كان كارهها خلقه ولا يهمه شوفتها وطول عمره ما لمحها حتى لمحه على كثر الاحداث اللي بينهم ماعمره شافها
فتح باب الغرفه ودخل ما دق الباب ولا كلف نفسه يستاذن شافها صاده وهي معطيتها ظهرها وجالسه على السرير ولا يشوف الا سواد شعرها اللي غطى معالم ظهرها لكن سمع صوتها تقول : ابد والله ما غلطت يوم قلت انك همجي ورجعي !؟ انسان طول بعرض ماتعرف تدق الباب
احتدت ملامح عقاب وقال: ايه وانا ما غلطت بعد يوم قلت ان لسانك طويل ويبي له قص ويبي لك تربيه من جديد
وقفت وعد ولفت عليه بكل شموخ وهي تناظره بإستهزاء وضحكت وهي تأشر عليه : انت ؟ بتربيني انا !! ياكبر احلامك يا عقاب .. صدقني بتنكسر يدك وينقطع لسانك قبل تفكر تربيني
كانت مثبته عيونها بعينه اللي جمدت لا ترمش ولا تحرك ومو بس عيونه لا حتى انفاسه انقطعت وهو يطالع فيها من فوق لتحت !؟ وعمره ماتوقع وعد بهالشكل ابد وعمره ما هقى انا فاتنه وجميله لهدرجه ! ولا اكتفت لا كانت ثقتها ولبسها ومكياجها البسيط طاغيه مع جمالها
كان فيها شموخ مرعب
وتوه عقاب عرف ليه وجد مقهوره ومن حقها تنقهر دام وعد داخله بكل قوتها
لكن على طاري وجد صحصح عقاب واحتدت ملامحه من جديد وقال: كلامك هذا كله ماينفعك وصبرك علي ايام بس وصدقيني انتي بنفسك بتستسلمين
صدت وعد وهي تضحك: قواك الله ويلا لو سمحت تفضل برا بنوم ولدي ولا ابيه يشوفك قبل ينام وتفجعه
تقدم عقاب وسحبها من يدها بغضب وهو يقول بهمس غاضب : اقصري لسانك احسن لك
سحبت وعد يدها منه بكل قوه :اقسم بالله يا عقاب لو مديت يدك مره ثانيه لاقلب الدنيا على راسك
ماكان الكلام يستفز عقاب كثير لكن كان يبي يقرب وبيشوفها من قريب لكن مو بس شافها لا اختنق من عطرها اللي قوي بقوتها وريحة العود والبخور اللي انتشرت حوله بمجرد ما تحركت وعد بقوه بغضب
اخذ فتره يناظرها بغضب وقال يهون على نفسه: يكفي اليوم ! بكره نشوف وش نسوي معك
طلع وصفق الباب وصدت وعد بغضب وهي تمسح يدها من مسكته بغضب وراحت تبدل وهي تدعي عليه بنفسها وبعد جهاد قدرت تنام مع خليفه
لكن عقاب رجع لوجد لكن كان في ذهول وهو يتذكر ملامح وعد للحين مستحيل يصدق ان هاذي هي وعد العوبا لا شعورياً قال( وانا اقول وش فيه مبارك خضع وانهبل..! ما الومه المسكين دامه مقابلها كل يوم بكل هالقوه والزين ..! لكن ماهي على عقاب ) .
.
.
لا شعورياً قال( وانا اقول وش فيه مبارك خضع وانهبل..! ما الومه المسكين دامه مقابلها كل يوم بكل هالقوه والزين ..! لكن ماهي على عقاب )
وجد: عقاب وش فيك !؟ عقاب : مافيني شي بنام تعبان
وجد : بس مب على اساس نسهر
عقاب : خليها بكره
بدل وانسدح وهو يفكر كيف بيتعامل معها وواضح انه صعب من الحين
_______________________.
وفي بيت ضاري
رجعوا من الزواج وكان ضاري جالس وهو يشوف مضاوي جايه بعد مابدلت وجلست قدامه وهي تقوله عن اللي صار مع وجد
ضاري: ليه تشمتين فيها
مضاوي: استغفرلله ما تشمت بس انا صادقه زواج الغوالي عقاب غالي ووعد بعد
واصلا المفرروض انهم متزوجين من زمان بس مبارك الله يرحمه دخل بينهم ولا عقاب كان يحب وعد من قبل
ضاري : على كيفك !؟ مضاوي : لا وللله صادقه بس محد يعرف الا انا
ضاريي:قايلك عقاب شي!؟
مضاوي : لا بس اكتشفت انا
ضحك ضاري : حمدلله والشكر ما تقولين انهم مايطيقون بعض
مضاوي: وعد اللي ماتطيقه بس عقاب اخر الفتره شفته مهتم فيها قبل كان مايطيقها بس فجأه صار يبيها
ضاري : انا اقول انك تتوهمين ماهقيت عقاب يبيها ! عقاب يبي ولدها وبس وعشان بعد مبارك كان صاحبه زاد همه وصار يبي يتزوجها
مضاوي : المهم تزوجها وبيحبها اكيد وهي بعد بتحبه
ضاري: وش دراك
ضحكت مضاوي : ادري !؟ كنا مثلهم
دفها ضاري بضحك: لا تذكرين هاذيك الايام وبعدين احنا غير ولا عاد تشمتين ما تخافين الله يبليك واتزوج عليك
تخصرت مضاوي : تزوج علي!؟ معصي والله لو تزوج علي لا اشق ثوب العزا ( نوع من التهديد)
ضحك ضاري: تهدديني بعد! لا ماعليش كل ذا لو صار بيصير بسبة لسانك
مضاوي : اصلا ما تقدر تزوج علي
ضاري : ليش ان شاء الله وش ناقصني يد ولا رجل
ضحكت مضاوي بعبط: ناقصك قلب ياحبيبي ان كنت ناسي افكرك قلبك معي ياحبيبي
ضحك ضاري بعجب : اي والله انه معك ولاعندي اعتراض
ابتسمت مضاوي بحب وهي تقول: يعني متعادلين ترا كلٍ سارق الثاني
ابداً مافكر يرد ضاري بكلام لانه يدري انه بيتعب ما يجري لسانها ابد ماكان يقدر يعبر اكثر الا انه يغرق ويغرقها بحبه
_______________________.
ومن بكره
في بيت ابو نادر صحى نادر على دق الباب ولف وشاف شوق في نومها اللي تعود عليه من فتره اعتدل وهو يبعد الكتب اللي نام وهو يقراها ووقف يفتح الباب وشاف امه واقفه ببتسامه : نايمين يمه !؟
نادر: اي خذتنا النومه
ام نادر: زين يمه يلا اصحوا ترا الفطور جاهز وننتظركم
نادر: ابشري
راحت وسكر الباب وهو للحين ماهو مصدق ان امه تغيرت
.
.
.
اعتدل وهو يبعد الكتب اللي نام وهو يقراها ووقف يفتح الباب وشاف امه واقفه ببتسامه : نايمين يمه !؟
نادر: اي خذتنا النومه
ام نادر: زين يمه يلا اصحوا ترا الفطور جاهز وننتظركم
نادر: ابشري
راحت وسكر الباب وهو للحين ماهو مصدق ان امه تغيرت اتجهه لشوق يصحيها وصحت وهي تسحب نفسها سحب كان وقع الوحم ماهو سهل عليها
طلعوا للفطور واستقبلتهم ام نادر بالترحيب وقال ابو نادر: تعالي يا شوق جنبي تعالي
كانت شوق فيها تردد وخوف من معاملتهم الطيبه وجلست جنبه وهي تشوفه يقرب لها كل شي
ام نادر: ايه كلي لازم تنتبهين على نفسك وصحتك انتي تاكلين عن روحين
شوق : ابشري
نادر: لا بسم لله عليها شوق اكلها حلو لكن مشكلتها بهالنوم
ام نادر: ايه ماعليه كل الحريم يكثر نومهم بالوحم
شوق : والله غصب تنام عيني ما احس
ضحك نادر: عساه نووم عافيه
ابو نادر: ماعليه كله يهون اذا جاء حفيدي ونور الدنيا
ام نادر: اي والله
نادر : على خير يارب
كان نادر فرحان انهم يدارون شوق ومعاد يخاف عليها استأذن وطلع بيروح لدوامه وودع شوق اللي لازم تكلفه بطلبات كثيره اشتهتها فجأه
_______________________.
وفي بيت ابو خلف
صحى خلف على صوت فيصل يناديه بتكرار: خلف خلف خلف خليف خلف
غمض بغضب وهو يصرخ: وجع وش فيك
فيصل: يقول ابوي قم عشان تلحق الدكان وتلحق تخلص شغلك
خلف: سمعت خلاص روح
صحى خلف وهو يسحب نفسه اليوم حيله مهدود ما قدر ينام امس وهو شايل هم وعد ووتدخل احلامه بليلى بهمومه ويبتسم
بدل ونزل وهو واضح عليه التعب
ام خلف : تعال يا خليف افطر
خلف : مالي نفس يمه بطلع مستعجل
ام وعد : وش فيك ! تعبان
خلف : لا لا بس مانمت زين
حنان: طيب ارجع نام
خلف : ليتها بيدي المهم عطيني بس كوب شاهي يصحصحني
ام خلف : انتبه لنفسك يا حبيبي
خلف: ابشري
طلع واتجهه لسوق وفتح الدكان كالعاده وطلع طاولته وجلس برا يحاول يشتغل بس ابد مافيه حيل
ارتخى بجسمع على الكرسي وهو يمسح عيونه وقرر يروح للبقاله يمكن يشرب شي يصحصح
دخل وهو يقول : صبحك بالخير يا ممدوح
ممدوح : صباح النور والسرور
خلف : تكفى جب لي شي ينفضني ويصحصحني
ممدوح: ابشر
التفت خلف لكن فز من مكانه ووقف اول ماشاف الزول والشخص اللي سلب عقله وتفكيره ونساه طعم الراحه من سنه شاف ليلى اللي يتشفق على شوفتها كل يوم اللي ياما دعاء انه يشوفها صح كانت متغطيه مايبان منها شي لكن يكفي يشوفها من بعيد اخذ نفس يرد الهوى لصدره كان يجاهد نفسه لا يركض ويلحقها التفت للممدوح اللي يعطيه علبة عصير
.
.
.
التفت خلف لكن فز من مكانه ووقف اول ماشاف الزول والشخص اللي سلب عقله وتفكيره ونساه طعم الراحه من سنه شاف ليلى اللي يتشفق على شوفتها كل يوم اللي ياما دعاء انه يشوفها صح كانت متغطيه مايبان منها شي لكن يكفي يشوفها من بعيد اخذ نفس يرد الهوى لصدره كان يجاهد نفسه لا يركض ويلحقها التفت للممدوح اللي يعطيه علبة عصير اخذها يناظرها للحظه وهو ماعاد يحتاجها ليلى طيرت قلبه من صدره ماهو بس النوم والتعب
اخذ العلبه وطلع يمشي لدكانهم و جلس وهو عيونه تتبع ليلى وين ما راحت ماكان قادر يهدى وليلى حوله وحواليه
حط راسه على الطاوله بتعب وهو يغمض بقوه وتنهد بقلة حيله وهو يقول : ياربي متى ينقضي هالشهر
فز على صوت نادر اللي قال : هانت ياخلف
رفع راسه يناظر نادر اللي سحب الكرسي وجلس قدام خلف وقال : تدري من متى وإحنا نعرف بعض!؟ من متى وحنا اصحاب !؟ مارد خلف وهو ينتظر يكمل وقال نادر بعتاب :من اكثر من ظ¢ظ* سنه واحنا نجتمع بسراء والضراء ! ولا عمرنا خبينا على بعض وكنت ادري وحافظك ياخلف مثل كفي وادري ان فيه شي بينك وبين النوخذه وتأكدت من فتره انك تحب بنت النوخذه ومو بس تحبها الا غرقان ومنتهي انا ادري لك الحق تسكت وما تقول لاحد بس حنا اصحاب يا خلف
تقطع قلب خلف وتمنى انه ما انحط في هالموقف والتفت وهو يقول : ابد والله ماقصدت اخفي عليك لكن الوضع ماهو زي ما انت فاهم
نادر: اجل وشو!؟ احتار خلف وواضح ان قصته عمرها ما بتكون سر كان مضطر يشرحها وقال بهدوء : انا كنت شايل هم عقاب وانا ادري انك مستحيل تخبي عنه شي واذا قلت يمكن يوصل الخبر لعقاب وتعرف عقاب جني بيربط الموضوع بأخته ويعتبرني تركت اخته عشان بنت النوخذه
نادر : وليه هاذي ماهي الحقيقه ؟!
خلف :اكيد لا صح كنا مسميين لبعض لكن محد منا يبي الثاني وبعد ماحلينا هالمشكله صادفت بنت النوخذه صدفه وتعلق قلبي فيها من بعيد
نادر: قبل يطلق جابر اختك !؟
خلف : قبل كل شي لكن صار اللي صار وحصل الطلاق اللي ماكان برضا جابر وهذا هي الامور تعدلت
نادر: وش يخليك واثق ان جابر ماكان راضي بالطلاق !؟ يمكن راضي لكن بعد ما صار له فالحرب شاف ان مستحيل احد يزوجه وقرر يرجع
ضحك خلف:لا يا نادر لا تظلمه عرفت بكل شي قبل تصير الحرب وقبل يصير في جابر هاللي صار وانا لو ماني واثق فيه ما زوجه اختي
نادر : ما ادري وش اقول لكن الله يوفقك وتراه واضح عليك ياخلف
ابتسم خلف : بالحيل!؟ نادر: وضوح الشمس وانت ياخلف يليق لك الحب قلبك رقيق وروحك صافيه .
.
.
نادر: وضوح الشمس وانت ياخلف يليق لك الحب قلبك رقيق وروحك صافيه
ضحك خلف وهو يمسح جبينه : خلنا مني قلي انت وش صار معك
نادر: ابد انا اعيش في مرحلة صدمه
خلف : لييييه !؟ نادر : من بعد خبر حمل شوق وامي وابوي متغيرين ظ،ظ¨ظ* درجة ما تصدق لو اقولك انهم شايلين شوق من الازض شيل بس امري وتدللي وابشري امي تداري شوق مدارة وابوي مستعد يصف لها كل شي تبيه في ثواني قدامها تخيل انهم يهاوشوني اذا نسيت شي تبيه بالغلط
ضحك خلف : حمدلله وش تبي احسن من كذا
لفوا على صوت ضاري اللي جاي من بعيد وهو يضحك ويسلم على اهل السوق واحد واحد
واول مادخل قال: صبحهم وربحهم
خلف ونادر: صباح النور
نادر بمزح: سؤال بس! انت ما تتعب من الضحك؟!
ضربه ضاري بضحك: اذكر الله وش يضرك بضحكي
نادر: ابد سمع ضحكتك عن سبعين متر
ضاري : اذكر الله بعد ماورانا شي
نادر : اي والله وانت الصادق
ضاري : وين عقاب ولا معرس يعني وشايف نفسه
خلف : القط مايحب الا خناقه
نادر : صدقت والله
ضاري : اقولكم وش رايكم تغدون عندي!؟؟
خلف: لا والله بقفل الدكان واروح لبيتي وراي شغل ماقضيت للحين
نادر: نروح معك ونشوف البيت ونتغدا هناك
خلف: اي والله
ضاري : تم
خلف : يلا اجل قوموا
اتجهوا لبيت خلف اللي يجهزه
_______________________.
وفي بيت عقاب
اللي من يوم صحى وهو ساكت وجات وجد وهي تنزل الفطور : يلا سم بالله ومد يدك
التفت عقاب لغرفة وعد: ناديها للفطور
وجد : لا والله اناديها ولا اروح لها ! اخر عمري اناديها
عقاب : تحلفين علي ياوجد
وجد : محشوم بس مقدر انا مقدر
في عز هواشهم لفوا على صوت باب غرفة وعد اللي طلعت وفي يدها صحن فيه فطورها اللي صحت من بدري وجهزته وجهزت وطلعت ومرت تناظرهم بظرف عين ودخلت وجمدت عين وجد عليها وهي تشوفها بكامل كشختها مافيها شي يتعذرب
نشف ريق عقاب اللي اخذ المويه يشربها بهدوء وناظرته وجد وشافته هادي
وطلعت وعد بعد ما نظفت اغراضها والتفت اول ماقالت وجد بصراخ : انتي هي ما تشوفين احد قدامك!ماتعرفين تردين السلام وتقولين كلمه حلوه
لفت وعد وابتسمت وقالت بصوت هادي : لا لا لا وجد للله يهديك وش هالصوت!؟ هذا ماهو صوت الاوادم عامه والانثى خاصه ! وطي صوتك شوي فيه طفل نايم
والعبره يا.... وجد ماهي بالكلمه الحلوه بالعكس فالحضور الحلو وبس وماله داعي يطق فيك عرق من صراخك
رمت عليهم هالكلام وراحت بهدوئها وكبريائها وتركت وجد بتموت وناظر عقاب بوجد وقال: ياما علمتك ما تطيعين لكن تستاهلين
وجد: شمتان فيني ياعقاب .
.

[صواديف عشاق]

وجد: شمتان فيني ياعقاب
عقاب : قلت لك مالك شغل فيها وما تطيعين
قامت وجد وراحت بغضب وصد عقاب وهو يمسح وجهه كان وده يروح وياخذ خليفه بس يدري ماهي معطيته اياه لو يموت
دق الباب وطلع يفتحه وشاف ام ناصر وام وعد ام خلف جايين ومعهم فطورهم : هلا هلا هلا
ام ناصر: ازعجناك يالمعرس
ضحك عقاب : ابد والله منور بيت المعرس اقلطوا حياكم
دخلهم وهو يقول : استريحوا استريحوا
ام وعد : وينها وعد ياعقاب
عقاب : بناديها الحين
راح لوعد وفتح الباب كعادته ودرعم ووقف وهو يشوفها جالسه تبدل لخليفه اللي كان صوت سوالفه بالغرفه كلها ووعد تغني له وتسولف معه قرب وهو يناظر خليفه اللي بدون ملابس مجرد الحفاضه جذبه منظره لكن انتفض من شعوره على صوت وعد : نعم وش فيك جاي ؟! عقاب : جدي وامك وعمتك برا يبونك وعجلي اطلعي واقصري لسانك احسن لك
طنشت وعد وهي تلبس خليفه وعقاب للحين وراها يناظر خليفه لكن انسحب بهدوء وراح ينادي وجد: سوي قهوه
وجد : لمن!؟ عقاب : جدتي وحريم عمي فيه
وجد: غريبه وش جابهم
عقاب : جايين لوعد
وجد : الله اكبر جو لوعد وانا من شهور هنا محد جاني
عقاب : وجد فكيني من المشاكل وخلصيني يلا
رجع للمجلس ونزلت وجد وهي تدعي عليهم كلهم
وطلعت وجد وخليفه ودخلت المجلس واستقبلها ترحيب جدتها وامها وام خلف
وهنا استغل عقاب الفرصه ووقف وهو ياخذ خليفه من وعد اللي ماقدرت ترفض ابد قدامهم واعطته وهي ضايقه
واخذه عقاب اخيراً وحضنه وهو متشفق عليه من مده
الكل انتبه لعقاب اللي طول حضنه لخليفه
وجلست وعد معها امها وام ناصر وام خلف وهي عينها على خليفه
ام وعد :اليوم البيت كلهم ضايقه صدورهم من دون خليفه
ام خلف : حتى خلف طلع ما فطر بالعاده يحوم ويدور على خليفه
ضحكت وعد : والله حتى احنا ما تعودنا على بعدهم للحين جات وجد معها القهوه وردت السلام وجلست وهي تصب لهم القهوه ماعدا وعد
ام ناصر: وش بلاك ما تصبين لوعد
ردت وعد قبل ترد وجد : ما اشربها الصبح ياجدتي ولا نسيتي
ام ناصر: اشوى ازين لك والله
ناظر عقاب في وجد بهدوء وصد وهو يلعب مع خليفه يستغل وجودهم
وطولت السوالف وعقاب ماهو معهم لكن وقفت وعد وهي تتجه له : عطني اياه هاذي حزة نومه من الصبح صاحي
ناظرها عقاب بهدوء وعطاها اياه واخذته وعد وطلعت وهي ما تحمل عقاب يمسك ولدها
ولفت ام ناصر وقالت: عقاب
عقاب : سمي
ام ناصر: اسمعني زين انا عمري ما تدخلت بحياتك لكن الحين بقولك شي وهاللي جالسين شهود علي
عقاب : خير ياجده .
.

عقاب : خير ياجده
ام ناصر: ترا وعد غاليةٍ عندي بالحيل ولا ارضى احد يزعلها وان دريت انك زعلتها ولا زعلتها مرتك هاللي حتى القهوه ما تصبها لها والله والله مايصير خير وهي ماجت تدور انت اللي خطبت وتزوجت
ام وعد : ماقصرت خالتي لكن انتبه وعد ياعقاب
صد عقاب بضيق وقال: قلت لكم وعد بنت عمي وفي عيوني ولا بيضيق صدرها ابد
ام خلف : هذا العشم فيك ياعقاب
ام ناصر: اي والله والله يرزقك الذريه الصالحه يارب
عقاب : امين
ام وعد : يلا حنا نستاذن
عقاب :تغدوا عندنا
ام وعد :دايمه وانا خالتك
طلعوا وتركوا عقاب محتار كيف بتصرف ما توقع الوضع بهالصعوبه ابداً كان لازم يجلس ويعرف كيف يتصرف زين
_______________________.
وفي السوق
ليلى هي بعد شافت خلف كانت بتطير من الفرح وهي تدور مع امها وتقضي وبيدها اكياس وودها تركض بها لخلف وتوريه وش جهزت له وش كثر تنتظر اليوم اللي يجمعهم ابتسمت وهي تشوف يدور وبعدها جو نادر وضاري وطلع معهم بعد فتره
وهم راجعين كانت تسمع اهل السوق وهم يوصفون لأي احد واول مايذكرون يقولون( مند عند بيت خلف اللي شراه ، او خل بيت خلف على يمينك! ولا تدل بيت خلف تراه قريب منه )
بعيد ان اي شي يوصفونه ماهو مهم كثر ما اسم البيت يعنيها بيت خلف يعني بيتها هذا البيت اللي بيلمهم وكان على طريقهم ومرت وهي تسمع امها تقول : هذا هو بيت خلف يعني بيتچ يمه
ضحكت ليلى بفرح: اشوفه يمه
ام نهيان: عساه الله يوفقچ ويكتب الخير في طريقچ
ليلى: اميييين
اخذت نفس ولفت وشافتهم جالسين بحوش البيت بس هالمره ما انتبه لها خلف اللي متكتف وهو يفرج العيال على البيت
ولعلها رحمه من ربي انه ماشافها لو شافها مستحيل يقدر يصبر وبيركض ويشوفها _______________________.
وفي بيت ابو خلف
كانوا البنات يرتبون مع اماني اغراضها اللي خلصت ولفت ندى: اقول اماني على قولة مضاوي كيف بتصرفين مع هالچويتي
اماني: كيف بتصرف يعني!؟ ندى: مدري بس اطباعهم غير وكلامهم غير وكل شي غير
حنان: ما ظنتي صعب
اماني : اممم مدري لكن ادعي ربي الخيره
ضحكت ندى وهي تقلد ام نهيان اول ماشافوها بعرس هيا ( والله يا اخيتي ام وعد ان هالطلاق ما بغيناه وان جابر خنت حيلي انهد حيله وهو يحاول يحل المشكله عشان يرد يخطب اماني يقول تعلق نصيبي في اماني وابد مايقدر يتزوج غيرها)
ضحكت حنان:اظن انه يحبك
اماني: خير يحبني وين!؟ ماشافني ولا شفته
ندى: عادي الاذن تعشق قبل العين احياناً يمكن ليلى مسولفه له شي
حنان: يمكن .
.ï؟½ï؟½ï؟½ï؟½

ندى: عادي الاذن تعشق قبل العين احياناً يمكن ليلى مسولفه له شي
حنان: يمكن
اماني : جايز لكن خلوني وتخيلوا معي ليلى مع خلف
ندى: قضينا منهم حلوين وتزوجوا بعض وش تتوقعين يعني
حنان: بموت ويجي هاليوم واشوف خلف كيف يكون مع زوجته احس ماني مستوعبه
ندى : بيكون آيه فالحب والعشق واقص يدي
امانيي : اكيد خصوصاً ان خليف قلبه رهيف وحنين مع الناس كلها كيف عاد مع زوجته وخصوصاً اذا زوجته ليلى ابصم بالعشره انه بينصهر من الحب
ضحكت حنان : سبحان الله ماكانت اتوقع ان خلف بيتزوج احد غير سحر
ندى: يكتب الله النصيب هذا هي سحر تجهز لخالك واخوك يجهز لبنت النوخذه
اماني : وانتي الصادقه
رمت ندى اللي بيدها ووقفت: بروح اسوي قهوه خلاص بموت من التعب
اماني : اي والله يلا قوموا
_______________________.
وعند عقاب
قرر يطلع من البيت ويفتك من ازعاج وجد اخذ شماغه ولف : انا طالع اذا تبين شي اكتبي
وجد : مابي شي
طلع وتركها واتجهه للباب لكن رجع لغرفة وعد ودخل كعادته ولا لفت وعد ولا ناظرته
عقاب : انا طالع اذا خليفه محتاج شي اكتبيه في ورقه
وعد : ولدي اذا احتاج شي عنده خواله يلبون له اللي يبي عنده جده وعنده فلوس ابووه ماهو محتاجك انت وفلوسك
عقاب : لااااا الظاهر اني سكت لين صرتي ماعاد يفرق معك شي
ضحكت وعد بإستهزاء : والله !؟ وش بتسوي يعني !؟ ولا تدري انا اقولك وش بتسوي حركاتك معروفه بتوزى كالعاده وتدس سمك
اتجهه لها عقاب بغضب وهو يصرخ: وععععد اقصري شرك يا وعد وانتي تدرين اذا نفذ صبري وش بسوي فيك
وعد : لو تموت ما تقدر تسوي فيني شي
سحبها عقاب بكل قوته وهو يلوي ذراعها : لاااا عاد انتي الظاهر ماعرفتيني زين يا وعد
حاولت وعد تسحب يدها لكن ثبتها عقاب وهو يصرخ بكل صوته:وش تحسبيني !؟ لعبه في يديك لا يا هانم مب انا اللي تطولين لسانك عليه
وعد : اذا كنت رجال قل لابوي واخواني ما مديت يدي عليها
عقاب : تحسبين ان بتهديدك وعقليتك البزر ذي بتوقفين بوجهي احلمي وانا اذا بغيت اربيك اعرف كيف اربيك بدون ما امد يدي ولا ابوك ولا اخوانك ولا العالم كله بيقول لي ليه يا عقاب
فهمت وعد وسحبت يدها بقوه وهي ترفع يدها بوجهه تهدده: تخسي ويخسي مليون واحد من اشكالك انك تلمسني والله لو اذبحك بيدي ما تلمسني يا نجس
عقاب : لو بغيت صدقيني لا انتي ولا اكبر راس يردني لكن مثلك ما هم من من مستواي
ضحكت وعد بإستهزاء : ايه لان مستواك وجد واشكالها
جنت وعد على نفسها بلسانها وايقنت بهالشي اول ما تبدل وجهه عقاب الاحمر وغمره السواد
.
.


ضحكت وعد بإستهزاء : ايه لان مستواك وجد واشكالها
جنت وعد على نفسها بلسانها وايقنت بهالشي اول ما تبدل وجهه عقاب الاحمر وغمره السواد واتسعت عيونه الحمراء واتجهه لها بغضب وهو مايشوف من عصبيته
حط يده على كتوفها وهو يهزها بصراخه اللي يسمع كل اللي حوله : طفح الكيييييييل يا وعد جنيتي على نفسك يا وعد رماها بكل قوته على السرير واستوى وهو يثبت يدينها تحت رجوله وطاح قلب وعد وهي تحاول تفكك منه بس للحظه صار بثقل الجبل ماقدرت تبعده ابد
وفي عز هالصراعات انفتح الباب والتفت عقاب بحده وشاف وجد اللي واقفه وشهقت وهي تناظره وعيونه طايره وصرخ عليها: انتي وش جاااااايبك هنا
فز وجد وهي تناظره مصدومه جت على صوت صراخه وكانت متوقعه انه في اسوء الظروف على الاقل سنه مايفكر عقاب يقرب لوعد ماكانت متوقعه ان الموضوع سريع لهدرجه ولا توقعت تشوف عقاب في هالمنظر
اعتلى صوت بكى خلليفه اللي صحى على الصراخ
وابعد عقاب وفزت وعد وهي تركض لسرير خليفه ماصدقت بالخلاّص من عقاب
واتجهه عقاب لوجد وهو يسحبها بغضب وطلعها من الغرفه : انتي بتجننيني وش جايبك هنا ماقلت مالك شغل بهالغرفه واللي فيها
وجد ماقدرت تكلم ودموعها في عيونها لكن قالت بعد فتره : بس انت قلت انك متزوجها عشان ولدها
عقاب : مالك شغل ولا بتحكميني يا وجد وش اسوي وش ما اسوي واقسم بجلال الله لو ينعاد هاللي تقولينه وتسوينه لدفنك بأرضك
دفها وطلع من البيت بغضب يفور من القهر ماكان له نيه يتهجم على وعد ابد بس قهرته ورفعت ضغطه
اما وعد اللي ضمت خليفه برعب وهي تحلف تندم عقاب على هاللي سواه
_______________________.
وفي بيت خلف
للحين موجودين الشباب وسوالف وشاهي وجوهم عليل
لين دخل عقاب اللي دخل بشره
ضاري : سلام قولٍ من رب رحيم
عقاب : ضاري أبلع لسانك احسن لك
نادر: خييير وش بلاك
خلف خاف ان وعد في القصه ووقف : اذكر الله وش فيك
عقاب ناظر خلف لمده ولف : مافيني شي لكن تناشبت مع واحد اهبل
ضاري : ايييه قلي متلقف على الناس
اتجهه له عقاب بغضب بس وقفه خلف: اقعد يا ابن الحلال وش بلاه دمك فاير دايم واذا يعني خلاص روق واقعد
جلس عقاب وقال نادر: وانا ضروري ترد على كل واحد طنش ياخي
عقاب : اااخ بس لو مسكته وفرمته ما تحسفت
ضاري : انا والله ادري انك متحسف انه رفع ضغطك وماكفخته تدور الشر
عقاب: شف لو قمت رثعت بك هنا بتعرف وشهو الشر
ضحك خلف : والله ان شر البلية ما يضحك صدق
نادر: اقول زواج ماجد متى
عقاب: بعد اسبوعين
ضاري :عطونا فرصه نتنفس درعمتوا زواجات كلكم .
.
ضحك خلف : صارت عاد
‏‎لفوا على الصوت اللي عند الباب: قوه خلف
‏‎فز خلف متجهه لجابر اللي واقف معه عصاه يستند عليها : يا هلا حياك الله ياجابر اقلط ‏‎ابتسم جابر: لا لا مستعجل مريت وشفتك قلت اسلم ‏‎خلف : لا والله الا تدخل وتجلس وش وراك يارجال ‏‎جابر كان محرج من الموجودين لكن اصر عليه خلف ودخله ووقفوا يسلمون عليه لكن عقاب واضح كارهه ‏‎ضاري : هاه ياجابر وشلونك !؟ عساك زهبت للعرس ‏‎ابتسم جابر: والله احاول ‏‎نادر: ماعليه يا رجال تلقائياً تتعود ‏‎خلف : وهو صادق ، قم اوريك البيت
‏‎لف جابر وهو مبتسم : ايييه بشوفه عدل لانه بخيس عندكم بعدين ‏‎خلف : اعز واغلى من يخيس
‏‎وقف خلف يدور فيه ويوريه وجابر مبتسم وفرحان لليلى انها بتاخذ واحد مثل خلف وبعدها رجعوا وكملوا جلستهم للمغرب وبعدها افترقوا
_______________________.
‏‎وفي الليل
‏‎في بيت ام ضاري رجع ضاري وشاف البيت هادي والكل نايم استغرب وهو يناظر ساعته كان توه الوقت بدري الساعهظ© ودخل لأمه وشافها منسدحه وتسبح ‏‎ضاري : يمه ‏‎ام ضاري : هاه يمه شفيك ‏‎ضاري : ابد ما لقيتكم استغربت صاير شي ‏‎ام ضاري : لا يمه بس بننام بدري ‏‎ضاري : اكيد! وجهك ماهو بخير ‏‎ترددت ام ضاري : والله مدري وش اقولك ‏‎ضاري بخوف : يمه وش صار لا تخوفيني ‏‎ام ضاري : مضاوي
‏‎ضاري: وش فيها ! ‏‎ام ضاري : اليووم رقت السطح وهي نازله طاحت من الدرج ‏‎ضاري : وشو!؟؟
‏‎ام ضاري : وهي قامت لكن ماهي طيبه مدري وش فيها قلت لها بكلمك تجي ورفضت تقول انها بخير بس انا ما اشوفها بخير وراحت تقول بتنام
‏‎انقطع نفس ضاري وفز واتجهه لغرفته وفتح الباب وشافها نايمه ‏‎واتجهه لها وجلس قدامها بخوف : مضاوي مضاوي ‏‎فتحتت عيونها مضاوي بشويش: نعم ‏‎ضاري : قومي اجلسي وش فيك !؟ يوجعك شي وش صار معك ‏‎ناظرته مضاوي : لا مافيني شي ‏‎ضاري : شلون طحتي ليه ماقلتي لي! قومي اوديك المستشفى ‏‎مضاوي : لا انا بخير وعادي طحت مافيه شي ‏‎ضاري : لا ياشيخه ناظري وجهك مصفر ولسانك ثقيل قومي ‏‎مضاوي : مابي اروح مكان وانت مصحيني من النوم تبي لساني يتعدل مافيني شي
‏‎استغرب ضاري وحاول انها تروح بس رفضت ووقف وراح لامه: يمه هي صار لها شي بعد ما طاحت
‏‎ام ضاري : لاهي قامت ورتبت ونظفت بس احسها ماهي طيبه وهي تقول بخير ‏‎ضاري: مدري تقول مافيها شي
‏‎ام ضاري : لو فيها شي بتقول ‏‎رجع لغرفته وبدل وجلس جنبها لكن مستغرب نومها العجيب قرب وبدا يتحسس راسها يبي يشوف فيه اثر ضربه بس عادي اعتدل لكنو غفى وفجأه فتح عيونه وارتعب من المنظر قدامه
.
اعتدل لكن للحظه غفى وفجأه فتح عيونه وارتعب من المنظر اللي قدامه وقف مرعوب يناظر مضاوي اللي طايحه قدامه وغرقانه بدمها قبل لا يسوي اي شي صرخ بكل صوته: يممممممه
مايدري ليه يستنجد في امه رغم انه كبر ويقدر يواجهه كل شي بس للحين يناديها كل ما خاف وضاقت الدنيا عليه
وفي ثواني جت ام ضاري تركض بدون عكازها اللي تعودت تمشي عليه تركض ما تحس بنفسها من خوفها على ضاري ومضاوي
دخلت بخوف: ضاري وش فيك
ضاري : مضاوي يمه مضاوي
لفت ام ضاري وانفجعت وركضت وهي ترفع مضاوي وصرخت: شغل سيارتك بنوديها المستشفى بسرعه
ضاري : وش فيها يمه؟
ام ضاري: مدري مدري عطني عباتها وهالبطانيه بسرعه
ركض ضاري يساعد امه ولفوا مضاوي ببالبطانيه وشالوها وضاري مايدري كيف بيمسك الديركسسون يده ترجف وهو ينادي مضاوي ماترد
_______________________.
وفي بيت عقاب
رجع بعد فتره طويله ودخل واتجهه لغرفته لكن وقفه صوت خليفه وراح للغرفه وطول ينتظره يسكت بس مافيه فايده اتجه للغرفه ودخل بشويش وشاف وعد نايمه وخليفه يتحرك بعصبيه ويبكي كانت وعد مهلوكه طول الوقت تسكته وسكته ونامت وماحست فيه من التعب اول ما صحى
استغرب عقاب لكن تقدم وهو يشيله بهدوء ولا طول وهو يهزه الا سكت لكن واضح جوعان شاف وعد مجهزه له رضعته واخذها وهو يدور فيه بهدوء كان مستمتع بشكل مو طبيعي كان قادر يسمع دقات قلبه شده له بحب مايدري كيف دخل قلبه هالولد مد يده بشويش يمسح على شعره الناعم وريحته الحلوه وملمس يدينه اللي يشبهه القطيفه
وفجأه فزت وعد وانصدمت وهي تشوف عقاب جالس على الارض على ركبه وحاضن خليفه ويهز فيه ويمسح على راسه
وقفت هي تقول : من سمح لك تاخذ ولدي
رفع عقاب يسكتها : اششش
سكتت وعد وبعد دقايق وقف عقاب وهو ينزله في سريره بهدوء ولف وهو يناظر وعد بنظره قويه عرفت وعد انه بدا حربه عليها فعلاً وكان طول هالوقت صابر وساكت اتجهه لها وقال بهدوء: ما انتظرك تسمحين لي اخذه او وماخذه وقبل تتكلمين انتبهي لولدك لللي له ساعه يصيح وانتي نايمه بالعسل وارجع اقول لا تختبرين صبري لان طفح الكيل منك وانتظر زله بس عشان اقضي عليك
راح وتركها وبقت وعد واقفه لكن صدت :نشوف ياعقاب نشوف
رجعت تنام وهي تراقب خليفه
_______________________.
وفي المستشفى
وصل ضاري وهو متأكد ان سلامته بالطريق توفيق من الله لانه ابد ماكان مركز ولا يدري كيف يسوق دخل مضاوي الطواري ووقف مع امه ينتظرون
ام ضاري : سم بالله ياضاري يمه لايوقف قلبك ان شاء الله انها بخير .
.

ام ضاري : سم بالله ياضاري يمه لايوقف قلبك ان شاء الله انها بخير
ضاري : ادعي لها يمه تكفين ادعي
ام ضاري :الله يكون معها يارب
مر الوقت وهو متصلب عند الباب ينتظرهم يردون واخيراً طلعت الممرضه : مين مرافق المريضه مضاوي ال قايد
ضاري : انا انا زوجها
الممرضه: تفضل معي
دخل ضاري وامه وجلس عند الدكتور وهو ينتظر : دكتور وش فيها مضاوي
الدكتور: زوجتك تعرضت للنزيف حاد وهذا خطر عليها
لف ضاري لامه ورجع يناظره: نزيف!؟ الدكتور: ايه وحمدلله انه ماضر الطفل وقدرنا نتدخل بالوقت المناسب
ضاري : طفل !؟ سكت الدكتور وقال: ايه ماعندك خبر
ضاري: لا
الدكتور: على العموم زوجتك حامل في الاسبوع الاول لكن بعد النزيف لازم تجلس عندنا فتره لين يصير وضع حملها مستقر
مارد ضاري عليه ابد وهو في صمت مريب وعينه ثابته في عين الدكتور اللي يتكلم
وقف ام ضاري ببتسامه : حمدلله ياربي حمدلله الله يبشرك بالخير يادكتور الله يبشرك بالخير ماتحرك ضاري لين قالت له امه : ضاري يمه وش فيك ليه ما انت فرحان يمه
كان ضاري ينتظر هالخبر بس مايدري ليه دق قلبه بخوف للحظه بس طغت فرحته على خوفه ووقف وهو يضحك بفرح وهو يبوس راس امه اللي تبارك له والتفت لدكتور وهو يشكره
وبدا الدكتور يقوله التفاصيل عن حالة مضاوي وبعدها سمح لهم يدخلون لها
دخلوا لمضاوي اللي كانت نايمه بتعب وتقدم لها ضاري وهو فرحان فرحه تنطق من عيونه جلس قدامها وهو يناديها بصوت مليان فرحه : مضاوي مضاوي
ام ضاري : خلها تنام يمه
التفت ضاري ببتسامه: بتطمن عليها يمه
رجع يناديها وفتحت مضاوي عيونها وهي تناظره وحاولت تقوم ورجعها ضاري: لا لا لاتقومين
مضاوي بتعب : ويني فيه !؟ وش جابني هنا وش فييني
ام ضاري ببتسامه: مافيك الا كل خير ان شاء للله
ابتسم ضاري لها : انتي بخير الحمدلله وولدنا بخير بعد
ما استوعبت مضاوي كلامه ولفت تناظر ام ضاري اللي قال بفرح: ايه ابشرك انك حامل وحمدلله والولد بخير
كانت مضاوي مصدومه وتحاول تستوعب بس تأكدت من ضحكة ضاري ضحكت وهي تناظر بطنها ورجعت تناظره: صدق والله
ضاري : اي وربك صدق تو الدكتور قالنا وقال بعد انك صار معك نزيف عشان طحتي لكن انتي بخير الحين ولازك تجلسين عندهم لين يستقر وضعك
سكتت مضاوي وبعدها قالت: عشان كذا بطني وظهري يوجعوني
ضاري : ليه ما قلتي لي ليه سكتي
مضاوي : توقعته عشان الطيحه وبصير بخير
ام ضاري : حمدلله حمدلله الله حفظه وحفظك لنا
ابتسمت مضاوي وهي تناظر في بطنها وفجأه ضحكت بكل صوتها وهي تناظر ضاري :في ذمتك انت مستوعب اني بصير أم

.

ابتسمت مضاوي وهي تناظر في بطنها وفجأه ضحكت بكل صوتها وهي تناظر ضاري :في ذمتك انت مستوعب اني بصير أم هههههههههههههههههههه هههههه
بدا ضاري يضحك معها بصوت عالي :لاااا وانا بصير ابو
هههههههههههههههههههههه هههههه
ناظرهم ام ضاري وهي تضحك : الله يمن عليكم بعقل قبل يجي هالولد وتجننونه معكم
جات الممرضه: لو سمحتوا الصوت عالي وانتهى وقتكم ومن المرافق هنا
وقف طارق وهو يحاول يسكت
ام ضاري : انا يمه انا
ضاري : ليه يمه انا برافق
الممرضه: ممنوع ترافق في قسم النساء تفضل لو سمحت كمل البيانات والزياره بكره لانك سببت ازعاج اطلع
مضاوي : وش بلاك تنافخين عليه
ام ضاري: خلاص يامضاوي
ضاري : اشتغل عندك انا
ام ضاري :خلااااص انت وياها
لف ضاري : اذا احتجتوا شي دقوا علي وانتبهوا لانفسكم
مضاوي: زين
طلع ضاري وجلست ام ضاري ببتسامه وهي تحمد ربها ان ربي رزق ضاري وبتشوف عياله
اما مضاوي ماهي مصدقه بتموت من فرحتها شعورها غريب مثل شعور ضاري
_______________________.
ومن بكره
كل واحد بدا يومه بروتينه المعتاد كل واحد يشتغل في همه
بداية من خلف اللي صار كل همه بيته وتجهيزات زواجه كان طالع مع امه من بدري تقضي معه كماليات البيت
وام وعد وام ناصر اللي اخذوا اماني وسحر عشان يكملون لهم جاهزهم
اما فيصل وعزوز للي صاروا ماسكين الدكان هالفتره مع جدهم
ومحمد كان من دواعي سروره انه يشارك الكل في تجهيزاتهم
وعند عقاب ماصدق ان دوامه يرجع عشان يفتك من الحرب في بيته
اما وعد كانت تفنن في استفزاز عقاب ووجد
ونادر مشغول في شوق وحملها وشوق اللي صار كل حلمها في هالحمل ان الله يتمم عليها
ومضاوي في المستشفى كانت تفكر كيف بتستوعب هالحمل وكيف بتكون امومتها
بالضبط مثل ضاري اللي عجز ينام وهو يفكر هل هو بيكون أب صالح وقد المسؤوليه والا بتسيطر عليه مخاوفه
من طرف النوخذه كان مكرس جهده كله انه يوفر لجابر كل شي يساعده في زواجه ويوفر له عيشه كريمه ومكسب رزق طالما انه في حالته هاذي صعب يلقى وظيفه
اما جابر كان حاط كل حيله على نفسه يبي يتخلص من العكاز وصعوبة المشي قبل يتزوج يبي يتخلص من اغلب اضرار الحرب عليه قبل يتزوج اماني
اما ليلى كانت مشغوله بتجهيزها وتحاول تخمد شوقها لخلف وتلهي نفسها بأي شي ما يخليها تفكر تشوفه او تكلمه قبل الزواج
_______________________.
ومر اليوم هادي واليوم الثاني
في بيت الجد قايد .
.
.
ومر اليوم هادي واليوم الثاني
في بيت الجد قايد
سكرت ام ناصر التيلفون وهي تقول : محمد يامحمد تعال تعال
محمد : وش فيك يمه
ام ناصر: مضاوي فالمستشفى مضاوي
فز ابو ناصر: وش فيها وش فيها
محمد : يمه لا تخوفينا
ام ناصر : اتصلت بي ام ضاري تقول انها طاحت وهي حامل مادرت وتعبت شي لكن تقول بخير
في عز خوفهم على مضاوي لكن فرحوا لها فرح كبير
ضحك محمد بفرح: والله ماشاء الله ماشاء الله
ابو ناصر: ياحليلها مضاوي تبي تصير ام
ام ناصر: ايييه وش ناقصها المهم يلا ودوني
محمد: يلا يلا
ام ناصر: صبر انادي ام خلف وام وعد
محمد : يلا
راحت ام ناصر لبيت ابو خلف وهي تنادي : وينكم
ندى: هنا ياجده وش فيك
ام ناصر: وين امك وعمتك
اماني : في غرفة عمتي
ام ناصر: ناديهم قولي لهم يلبسون عشان يروحون معي للمستشفى
حنان: بسم لله عليك ياجدتي وش فيك
ام ناصر: بنروح لمضاوي بالمستشفى طاحت عليهم امس وودها المستشفى
ندى: بسم لله وش فيها !؟ ام ناصر بفرح: حامل حامل وتعبت شوي
تركوا كل شي في يدينهم وتجمعوا يضحكون ماهم مصدقين وركضت ااماني تنادي امها وام خلف اللي جو ماهم مصدقين وراحوا مع ام ناصر للمستشفى
_______________________.
وفي المستشفى
كان ضاري هناك مسنتر من صبح الله جالس عندهم
مضاوي: ماقلتوا لامي
ضاري : لا والله مارحت مكان صحيت وجيت بسرعه
ام ضاري: انا كلمتها وقلت لها وتقول جايه
مضاوي : زين
سكتوا على دخولهم وتغطت ام ضاري ودخل ابو ناصر ومحمد
ام ناصر: بسم لله عليك يا بنيتي بسم لله عليك
مضاوي: لا تخافين يايمه انا بخير
ابو ناصر: مبروك يا بنتي مبروك الله يتمم لك ويفرحك ومبروك ياضاري
محمد: مبروك مبروك
ام خلف وام وعد: مبروك
ضاري ومضاوي : الله يبارك فيكم
محمد: مدري وشلون بتضبط معكم وتيجبون هالولد لكن الله يكون في عونه
ضحك ضاري :الله يربط على قلبه
جلسوا حولها يسولفون ويضحكون ومضاوي مبسوطه
_______________________.
وفي بيت عقاب
من يوم طلع من دوامه وهو طاير للبيت واول ما دخل اتجهه لغرفة وعد لكن وقفه صوت وجد: عقاب
التفت وشاف عهد وسحر فيه
عقاب : ماشاء الله اليوم منورين بييتي
عهد : ايه بس شكلك ماشفت النور الا بعد ما ناديناك
سحر : معذور اكيد تعبان
عقاب : اي والله .! بس وينها شهد
سحر: عند وعد
لفوا على صوت شهد اللي طلعت وهي معها خليفه: الله عقاب مابغيت تجي
ابتسم عقاب: هذاني جيت تعالي وجيبي هالحلو معك
قربت شهد تسلم عليه واعطته خليفه وقالت: للحين ماسويتوا قهوه!؟
عقاب : افا للحين ما تقهويتي؟
شهد: لا والله .
.
.
عقاب : افا للحين ما تقهويتي؟
شهد: لا والله
عقاب : وجد وين قهوتك
سحر: كانت بتسوي بس قلنا لا تسوين
عقاب : لا لا قومي سوي لشهد
عهد : وش تقوم تسوي لها!! لا ترتاح وشهد تسويها
عقاب : والله!!! وجد قومي
شهد :بروح انادي وعد تقهوى معي دام محد يبي يتقهوى
راحت وعقاب يلعب مع خليفه ورجعت ومعها وعد اللي كعادتها كاشخه وسلاحها موجود اكيد
التفت عقاب يناظرها وهو متعجب من سر حبها لروج الاحمر لكن في نفسها قال( يحق لها تحبه ماهقيت ان هالروج حلو الا عليها الكلبه )
رجعت ووجد بعد فتره بالقهوه وصبت لشهد وعقاب وتركت وعد
لكن قال عقاب : صبي القهوه ياوجد
وجد: مايبون
عقاب: ماني عايد كلامي
عرفت وجد تهديده وصبت لوعد لكن قالت وعد : لا تعبين روحك ما ابيها
شهد: افا انا اصب لك وتقهوين معي
صبت شهد من جديد لوعد واخذتهها وهي مبتسمه وماتت وجد من القهر
اما وعد مطنشتهم وهي تضحك مع شهد ولفت بهدوء: سحر هاه كيف تجهيزاتك!
سحر:حمدلله خلصنا تقريباً
عقاب :اذا تحتاجين شي علميني
سحر: ماقصرت
وعد: الله يوفقك ويرزقك كل خير ويسخر لك اخيار الناس ويبعد عنك كل من فيه شر
سحر: امين وياك يارب
وعد: امين
لفت وعد تناظر خليفه وابتسمت له وهو في حضن عقاب اللي رفع عينه وطاحت عينه بعين وعد اللي مبتسمه استغرب ابتسامتها له لكن وعد ماكشرت بالعكس بقت مبتسمه وهي تدري ان وجد وعهد بيموتون
لا شعوريا ابتسم عقاب ماحس بنفسه عجز يكشر بوجهها لكن لف على صوت وجد اللي قالت : تقهوو يا عقاب
مد فنجاله بهدوء وصد يلعب مع خليفه ويحاول يتجاهل حركات وعد اللي تربكه
_______________________.
وفي السوق كان خلف توه يجي الدكان ودخل وهويقول : سلام
عزوز وفيصل: وعليكم السلام
فيصل ؛وينك ابطيت
خلف : عندي شغل ليه!؟
عزوز : جاء جابر من شوي وعطاني هالراديو يقول ( اذا وصل خلف يصلحه )
خلف : ايه هاته
جلس وهو يحطه قدامه وراح فيصل وعزوز عند الباب وبدا خلف يقلب بالراديو لكن اول ماطلع البطاريات طاحت ورقه ورفع راسه خلف يناظر شاف محد يناظره وفتح الورقه وهو مبتسم كأنه يدري بأنها بلسم جروح الفراق
وكان مكتوب ( خلف.. صچ مادري شنو اكتب وليه بخاطري اكتب لك هالرساله حاولت امنع روحي وما اتسبب في مشكله بعد لكن مو قادره فاض صبري مو قادره كل يوم اسمع عنك واشوفك ولا اقدر اقولك شنو بقلبي ادري لقانا قريب بس مو قادره انطر .. واجد حكي ودي اقوله لكن مستحيل هالسطور تكفيه لكن .
.
.
وكان مكتوب ( خلف.. صچ مادري شنو اكتب وليه بخاطري اكتب لك هالرساله حاولت امنع روحي وما اتسبب في مشكله بعد لكن مو قادره فاض صبري مو قادره كل يوم اسمع عنك واشوفك ولا اقدر اقولك شنو بقلبي ادري لقانا قريب بس مو قادره انطر .. واجد حكي ودي اقوله لكن مستحيل هالسطور تكفيه لكن كل اللي وده اقوله بهالوقت أن(‏هذا المكان وهذي الزاويا وهذي الضلوع والأيام والنسايم كلها كانت شاهده على أنك تتسللت لقلبي ، أنشهد انك ضيعت صواب غروٍ مدلل( أسلوب تدليل! ) ‏" أحبّك كثر ما حنّ لك قلبي السّـالي".) تعبت حيل ياخلف وانا احاول اوصلك هالكلماات بتعبير يناسبك وتفهمه ) ... دير بالك على روحك )
سكر خلف الورقه وهو يسند راسه على الطاوله ضم الورقه وهو مايدري كيف يبي يعبر ويرد عليها مسحت على قلبه بكلامها العذب ماكان يدري كيف بيرد هالطمأنينه الي يحس بها من كلامها
سكر الورقه وهو يحطها بجيبه وسحب ورقه وبدا يكتب هو بعد رده ( مثل حيرتك حيرتي توهتني ..مدري وش اقول وهذا مايعني قلة المحبه لا والله ولكن .. مدري كيف بلقى كلام يوصلك اللي بصدري لكن خليني أبدا من هالموقف ... جلست بين الشباب وكلهم اتفقوا يغنون "أحسّك الليلة في صدري" ألا انا اختلفت معهم لأني أحسك كل يوم بصدري كل يوم وكأنك ضلع ثابت مستحيل استغني عنه وياما مرت الايام وانتي بعيده عني بالمكان لكن قريبه بصدري متوسطه قلبي... ومافيه اكثر من هالشعور أمان .. وانا الحين ماعندي شي اقوله الا .. عرفت إنك زهر عمري عرفت إنك بساتيني و أحبك كثر أخطائي و أدري إنك تحبيني .) سكرها ودخلها تحت البطاريات وسكرها ووقف واخذها لدكان النوخذه وشاف جابر جالس وابتسم واتجهه له : جابر صبحك بالخير
جابر: ياهلا والله ياخلف حياك دش
خلف : لا والله مستعجل بس لقيتك جايب هالراديو وصلحته وقلت اجيبه
جابر: الله يعطيك العافيه تعبناك
خلف: ابد تعبكم راحه
جابر: اجلس نشرب چاي
خلف : بالعافيه المره الجايه
جابر: الله وياك
نزله جابر جنبه وهو مايدري عن اللي يصير اللهم ان ليلى اعطته هالراديو وقالت له خربان وجابه جابر لخلف وبيرجعه لليلى الحين
_______________________.!
وفي بيت عقاب
وقفوا خوات عقاب : يلا احنا بنروح
عقاب : اجلسوا وين رايحين
سحر: مانبي نخلي جدتي لحالها
شهد: ايه وانا وعدت وجدان ارجع عندنا شغله بنسويها
عقاب : زين اجل
وقفت وعد وهي تاخذ خليفه: انا رايحه معهم بتغدى عند اهلي
ناظرها عقاب بهدوء وخطر له يرفض لكن ماعطته وعد فرصه وهي تاخذ عبايتها وطلعت ولفت وجد بصدمه: راحت ما انتظرتك توافق !؟؟ وساكت لها
.
.
وقفت وعد وهي تاخذ خليفه: انا رايحه معهم بتغدى عند اهلي
ناظرها عقاب بهدوء وخطر له يرفض لكن ماعطته وعد فرصه وهي تاخذ عبايتها وطلعت ولفت وجد بصدمه: راحت ما انتظرتك توافق !؟؟ وساكت لها
عقاب : ابعدي عني ياوجد
وجد : لا ماني مبعده !؟؟ الشروط اللي تمشي علي تمشي عليها بعد
ناظرها عقاب بهدوء وقال: زين دام هذا كلامك معناته كل شي يصير عندك يصير عندها وتصير زوجتي رسمي مثل ما انتي زوجتي
تجمدت ملامح وجد ما توقعت هذا رد عقاب وقالت : كنك تبيها من الله
عقاب : اللي ابيه انك تريحيني وتفكيني شر هالمشاكل ووعد انا اعرف اتصرف معها انتي اطلعي منها
تركها ودخل وهو مقهور من وعد ايه لكن مايبي وجد تدخل فالسالفه
_______________________.
وفي السوق
كان خلف جالس وهو يفكر بليلى وكلام ليلى لكن رفع راسه على صوت ضاري اللي جاي من بعيد وهو يقول بروقان: ما تقول لنا صاحب .. فينو زمان غايب
نسأل عليه واجب ..كان العشم اكبر
الا كان العشم اكبر .. ضحك خلف : الا والله لكن انشغلت وينك غاط صدق
جلس ضاري بضحك: فالنعييييييم
خلف :ايوووه ! لاابشرك نادر وصل بعد
جاء نادر: سلام ياهوه يعني نغيب ونختفي محد يسأل
ضاري :توني قلته له بس انا اذرب
ضحك خلف : لحظه ياخي انت وياه ترا ماغبتوا الا يوم وهاليوم كله ما جلست دقيقه ادور من مكان لمكان
ضاري: ايييه هاذي ضرايب الزواج
نادر: جاكم ابو الضرايب كلها
دخل عقاب :سلام عليكم
الكل: عليكم السلام
عقاب : انتم ماعندكم شغل!؟ دايم مسنترين هنا ونفس الجلسه ونفس الوجيه
ضاري : مبليين وش نسوي
نادر: يعنني تزوجت ثنتين وصرت ما اقدر اجي من الشغل
عقاب : محد ناحسني الا عيونكم
خلف : صدق وينكم من امس
عقاب : كنت مداوم ورجعت البيت من شوي وهجيت على طول
ضاري:هههههههههههههههههه بدري على الهجه
خلف : الله يعينك بس
نادر: ولله انا ابد من الدوام للبيت وجالس اتأمل في عجايب الله شلون غير امي وابوي
عقاب: حمدلله يانادر هاذي نعمه من ربي ادع بس ان الله يتمم عليهم
نادر:امين يارب
التفت عقاب: وانت يا ابو دم شرّبات
التفت ضاري بضحك: تدري ماني راد عليك ليييه لاني رااايق ومابي احوس جوي
خلف : روق بنا بعد
ضاري اعتدل : ابششششركم اني بصير ابو مع قليل من الاضرار
لفوا عليه بصدمه كلهم خلف :وشوو!؟
ضاري : ابد طال عمرك عمتكم الله يكملها بعقلها رقت السطح وطاحت ورجعت البيت الا اشوفها هاديه ولو ما قالت لي امي ما دريت وتطيح علينا وتفجعني واطير بها المستشفى المهم وتطلع حامل وبغت تسقط بس حمدلله .
.
. المهم وتطلع حامل وبغت تسقط بس حمدلله
عقاب : ياحبك لتفاصيل لكن مبروك مبروك الله يتمم لكم
ضاري : الله يبارك فيك وعقبالك
عقاب: يارب
خلف : مبروك ياضاري مبروك الله يتمم افراحك
نادر: حاس بشعورك والله وعساك دايم فرحان مبسوط
ضاري: اميييين وياكم اجمعين
خلف : جلسوا نتقهوى
جلسوا يكملون سوالفهم
_______________________.
وفي بيت ابو خلف
دخلت وعد وصادفها فيصل : الللللله خلييييفه جانا
وعد: ايييه جاء ولو ما اجي محد يجيني
فيصل : لا والله ما نسيتك لكن كارفني خلف معه
وعد : ايه ماعليه وين خلف؟؟ فيصل: بالدكان يجي بعد شوي
وعد: زين
جو البنات يركضون واتجهوا لخليفه يتهاوشون عليه ووعد واقفه بذهول : لا ياقليلين الخاتمه وبنت البطه السوداء اللي واقفه مالها سلام
ندى: ههههههههههه والله مشتاقين له الكلب
راحوا يسلمون عليها ودق الباب وكانت ام خلف وام وعد
وعد : خير من وين جايين
ام وعد : رحنا لمضاوي بالمستشفى
وعد : ليييه!؟
ام خلف : حامل وتعبت شوي
وعد : والله ماشاء الله تبارك الله
فيصل: تكفوووون قولوا صادقين
ندى: وش فيك انت خبل ! ايه صادقين
سالم: فيصل ابي خليفه
فيصل : خذ خذ
وعد : سالم انتبه
غيث: انا بعد بشيله
وعد:وجدان خليك معهم
فيصل: فاتحين الزياره الحين!؟ ام وعد: لا بكره
فيصل: اللله يالضحك مضاوي بتصير ام بروح اقول لعزوز ونضحك
وعد : الله يخلف عليك
ندى: تعالي للقهوه قبل ينادون للغداء
وعد : يلا
_______________________.
وفي بيت النوخذه
رجع جابر ومعاه الراديوا واتجهه للمطبخ يقول: ليلى تعالي خذي هالردايو صلحوه
ركضت ليلى وهي تاخذه : زين بصعده فوق وارجع
ام نهيان: تعال يمه غسل ابوك شوي ويرد وننچب الغداء
جابر :طيب
اما ليلى دخلت الغرفه بفرح ونزلت الراديو وهي تقلبه وطلعت البطاريات وابتسمت اول ماشافت الورقه وفتحتها وهي تقراها بحب وسكرتها بفرح وهي تخبيها ورجعت كل شي طبيعي ونزلت من جديد وهي تسمع صوت ابوها يسولف مع جابر
وابتسمت ان هالمخاطره عدت على خير وانها تطمنت على خلف وما لحقهم ضرر
_______________________.
وفي بيت نادر
رجع وهو هالايام مرتاح ومبسوط ودخل وهو يقول : سلام عليكم
الكل : وعليكم السلام
ام نادر : زين انك وصلت بننزل الغداء
ابو نادر: ياولدي لا عاد تتاخر لا تنسى وراه زوجه ما تقدر على الجوع وهي تجلس تحتريك
التفت نادر مبتسم لشوق:ابشر ، شوق كيفك اليوم .
.

.
شوق : احسن الحمدلله
نادر: حمدلله
ام نادر: بخير بخير واذا جابت الولد بتصير بخير
انخطف لون شوق ولف نادر: اللي من الله حيّاه الله بنت ولا ولد المهم طيب وبخير
ابو نادر: ايه لكن نبي حفيدنا الاول ولد
نادر: لو هو امرٍ بيدها ماحنا مقصرين الامور بيد الله
ناظرته شوق بضيق وهي خايفه من يوم صاروا يلمحون للولد تخاف تجيب بنت يرجعون ينكدون عليهم
وهذا خوف وصل لقلب نادر بعد اللي ماكان معترض بنت اول ولد عاد المهم يكون بخير لكن الواضح ان امه وابوه عندهم رأي ثاني
_______________________.
وعند ضاري
حلف عليه خلف الا يروح معه للبيت ويتغداء عندهم وينام عندهم لين يطلعون اهله
ومارده ضاري ابد وراح معه كان جالس بينهم وهو معتاد عليهم لكن شعوره غريب وهو يشوفهم مزدحمين على سفره ومجتمعين ويسولفون ويضحكون وجمعتهم على الشاهي بعد الغداء
والعصريه ومن في الليل بعد ما الكل هدا وصار بينام
كان منسدح بجنب خلف اللي على وشك النوم وفيصل اللي في سابع نومه
لف على دخول سالم وغيث اللي واضح معصبين ورفع راسه خلف : وش فيكم
سالم : ندى ما تخلينا نجلس
خلف : الساعه كم بتجلس انت وياه!؟ تأخر الوقت يلا
غيث: هم جالسين كلهم بالسطح وعمي معطيهم فيلم يتابعونه
سالم: فيلم يخرع بعد
خلف : واضحه اجل طردوكم عشان ما تخافون
سالم: حنا كبار ما نخاف
فز ضاري وهو يقول : انتبه جااااك
صرخوا سالم وغيث وركضوا لخلف وضحك ضاري : اييييه صح كبار ما تخافون
ضحك خلف : خرعتهم يارجال
ضاري : احسن عشان ينامون
غيث : ياويلك من ربي
ضحك ضاري وهو يناظره بضحك: افاااا روعتك الرجال مايتروع
خلف : ياويييييله ولدك ياويله
انسدح ضاري وهو يضحك وثواني وصاروا سالم وغيث يسحبون فراشهم لين صار بين خلف وضاري وانسدح سالم ودخل غيث مع خلف وهو يحضنه
ولف ضاري وهو يسحب سالم: ما عليك منهم انا احضنك
ضحك خلف وهو يشوف سالم يتهرب لكن استسلم لضاري وهو يضحك اما ضاري كان يمزح ولكن استغرب هدوء سالم اللي باين انه خايف ويكابر لكن بقى حاضنه وشوي وناموا وهو يراقبهم ماهو مستوعب المنظر طول عمره تعود ينام لحاله لا اخوان ولا ضحك الاخوان ولا حتى هواشهم كان يتمنى ان عنده اخوان لكن ربي ماكتب ونام وهو يدعي ربي انه يقدر يجيب عياله وبنات يعبي البيت عشان ينسى وحدته المره ويعوض فقده وفقد امه
_______________________.
وفي بيت عقاب
تعشى وجلس ينتظر جيت وعد اللي طولت واول مادخلت وقف وهو متكتف : اخيراً شرفتي يا هانم
.
.
.
وجلس ينتظر جيت وعد اللي طولت واول مادخلت وقف وهو متكتف : اخيراً شرفتي يا هانم
لفت وعد تناظره بإنزعاج: وش فيك تصارخ!؟ عقاب : ودك اصفق لك!؟ ما تشوفين الساعه كم ؟ اخر الليل وانتي مابعد بعد شرفتي
وعد : انا عند اهلي والباب في الباب
عقاب : اسمعيني زين طلعه من هالباب انسيها وانا ما وافقت
وعد : بأي صفه ان شاء الله
عقاب : جربي وعيديها وشوفي بعدها بأي صفه وصدقيني ياوعد مارح اثني كلامي وحطي كلامي حلقه في اذنك
دخلت وهي تفكر هل فعلاً يتجرأ عليها ! ما استغربت عقاب متوقع منه كل شي بس البلا انها في هالوضع ماا تقدر تواجهه
نزلت خليفه وهو تفكر كيف بتقدر وتواجهه
اما عقاب يدري ان هذا اول طريقه مع وعد وياما يتاهوشون ويااما بتصير بلاوي لكن كيف يكسر كلمة وعد بدون اضرار مايدري
_______________________.
وعلى هالموااااال مشت حياتهم
وعد تستفز عقاب لكن فيه حد تعرف توقف عنده وتعرف انها اذا تعدته بتصير كارثه
وعقاب على نفس النمط ماشي رغم استفزاز وعد ورغم انه متسلط عليها الا انه يوقف في مرحله معينه *** خلف انتهى رسمياً من تجهيزات زواجه وينتظر هاليوم بفارغ الصبر ينتظر اللحظه اللي ياخذ ليلى بيدها عروس ينتظر اللحظه اللي بيتسكر عليهم الباب ويكونون حبايب واجتمعوا
وليلى نفس شعور خلف انتهت من تجهيزها وصفت كل شي قدامها وهي كل يوم تفكر وش بتلبس وكيف بتكون مع خلف وكيف بتكشخ له قلبها كان مثل القنبله ينتظر وقت وينفجر حبه *** اما ضاري ومضاوي الدنيا ماهي شايلتههم من فرحتهم ومن يوم اللي طلعت مضاوي من المستشفى وضاري يحلف ما تسوي شي وام ضاري تزيد الحلف حلفين
ومضاوي في قمة سعادتها وكثير احيان تعاتب نفسها وشلون كانت بتطير هالقلوب الطيبه من يدها
وضاري اللي كل ليله يكتب وعد وعهد على نفسه يكون اب بكل ما تحمله الكلمه ويكون سند ويكون ذخر لولده او بنته ***
وانتهت دوامت مشاكل نادر السابقه وبدت دوامت مشكله جنس الطفل وكل يكرر نادر ويعيد ويزيد ويقول كل شي بيد الله وكل شي مكتوب ومقدر بس محد يسمع
اما شوق بدت توصل لمرحلة اليأس من ان مشاكلها بتنتهي وتعيش بسلام صارت تهج عند ام ضاري ومضاوي تبي الراحه *** جابر كان بعد مستعد كان يعد الليالي والايام كان الشهر بسيط لكن مايدري كيف ينتهي ومايدري ليه طول هالمره تقطعت روحه ماعاد فيه صبر وصار قادر يمشي بدون عكاز وقدر يتجاوز كثيييير من مشاكل الحرب
واماني رغم انها جهزت الا انها في توتر فضيع ماتدري كيف بتقابل جابر وماتدري وش ينتظرها
.
.
.
واماني رغم انها جهزت الا انها في توتر فضيع ماتدري كيف بتقابل جابر وماتدري وش ينتظرها وهل فعلاً جابر يحبها او عشان خلف صديقه رجع الخطبه كثير امور تدور براسها ما لقت لها حل ***
وماجد رسمياً انتهى وصار جاهز لزواجه اللي يعتبره نقطة تحول بحياته
ومثله سحر اللي هالزواج عمره ماكان شي طبيعي في
حياتها بالعكس تحس انه فاصل قوي لروحها ****
والباقي من اهل القصه عايشين على ماعهدناهم
_______________________. وفي يوم زواج سحر وماجد
اللي يفرق عن زواج خلف وجابر ظ¤ايام فقط
كلٍ جاهز وكلٍ مستعد والكل صار حاضر بالزواج والكل مبسوط وسعيد
في بيت الجد قايد كانت هناك سحر اللي جهزت وجالسه وهي تتأمل ملامحها وتسأل نفسها سؤال ( ياربي ! ملامحي في هالزواج بينرسم عليها الفرح ولا الحزن )
قطع تفكيرها دخول عهد اللي كاشخه: هاه ياعروسه جاهزه
سحر: ايه لكن اجلسي بكلمك قبل احد يجي
جلست عهد : وش فيك
سحر : اسمعيني زين ياعهد انا بتزوج وبروح الدمام ويمكن ما اجي الا كل فتره وفتره لكن مابي اروح وبالي عندكم ياعهد اسمعي نصيحتي ومالك شغل بعقاب وحريمه بكيفهم انتي لاتكونين فتيلة شر بينهم خلي بالك من شهد وعزوز والباقين مالك شغل فيهم واتركي هالعداوه اللي شنيتيها على عمي وعياله ترا مالهم ذنب بأي شي ولاتنسين عمي ماقصر بعد ابوي
عهد : اللي ماقصر هو جدي وعمي محمد وبنات عمك اللي شايفه نفسك فيهم صدقيني بكره بيقلبون حياتك جحيم مع خالهم واذا انتي مصره ما تشوفين اغلاطهم لا
تسحبيني معك ومستحيل اخلي وعدوه تنتصر بزواجها من عقاب
صدت سحر بقلة حيله وجات شهد تركض : عقاب وعزوز بيجون يسلمون قبل الزفه
عقاب : ندخل
شهد: ادخلوا
دخل عقاب مبتسم وهو لابس البشت وكاشخ: ماشاء الله ماشاء الله وش هالزين وش هالزين
عزوز: اشهد بالله اني اختي احلى عروس عرفها التاريخ
ابتسمت سحر : وقرب عقاب وهو يبوس راسها : مبروك مبروك الله يفتح طريقك بالخير
عزوز اللي حضن سحر: ياعله سعيد ومبارك يا اخيتي والله بنفقدك
سحر: الله يبارك فيكم
عقاب : وابد ياسحر ان ضقتي وان زعلتي تذكري ان وراك عزوه يكفيك اتصال وتلقينا عندك
غصة سحر بالعبره وهي تقول : الله يخليكم لي ذخر
قرب عقاب يحضنها : اششش لا تبكين افا بس
عزوز : لا تبكين سحووور
شهد: ماعليك يا سحر انا عندهم اعوضهم مكانك
عزوز : لا تكفيييين كل الناس عوض الا انتي
عقاب : بس بس شهد في كفه وسحر في كفه محد ينوب عنهم
عهد : وانا بنت البطه السوداء
عقاب: لا لكن لو تقصرين لسانك بيصير مافي مثلك .
.



عهد : وانا بنت البطه السوداء
عقاب: لا لكن لو تقصرين لسانك بيصير مافي مثلك
عهد : الله يسامحك
عقاب : يلا يلا ترا المعرس بيجي
وقفوا يرتبون ويستعدون
_______________________.
وفي بيت ابو خلف
رجع ماجد من عرس الرجال لبيت اخته عشان يجهز تجهيزه الاخيره ووعد تدور حوله وتبخره وهي مبسوطه
ماجد : هاه كيف شكلي !
ام وعد: يزهاك البشت ياخوي يزهاك
وعد : بسم لله عليك ياخالي شكلك ياخذ العقل
ندى : ودعنا سحر بتطيح من اول نظره في حبك
اماني : واااضح من اللي طايح على وجهه
ضحك ماجد : يلا بس وين راحوا اعمامك وجدك
اماني: هذا هم جو
محمد : ياولد فيه احد
وعد: ادخل ياعمي
دخلوا كلهم واتجهوا لماجد : يلا ياعريس
تحركوا الرجال وام وعد رايحين بيت الجد والبنات وقفوا ينتظرون عقاب وعزوز يروحون
_______________________.
صار وقت الزفه وزفوا ماجد لسحر وطبعاً قلب ماجد يسبقه وقلب سحر جمد بمكانه
واول مادخل ماجد عجز يرفع عينه ويناظرها يخاف انه للحظه ينساهم ويركض لها
بالقوه نطق وسلم ووقف جنبها بهدوء وبدوا يسلمون عليهم ويوصون ماجد ومع كل كلمه تطلع منه يزداد خفقان قلبها وقلبه
جات وعد وهي متغطيه وتصورهم وبعدها طلع عزوز عشان ياخذون راحتهم
وكشفت ام وعد بما ان عقاب محرم ووعد تصور
ماجد: تعالي ياوعد صوري معنا
وعد : طيب
عقاب ماشاف وعد ابداً لانه طول الوقت فالزواج وهي جهزت من بيت اهلها وحضرت وهاذي اول مره يشوفها
وقفت تنزل عبايتها ونثرت شعرها الحرير كان يسلب العقل وانفطر قلب عقاب وده تلف ويشووفها كان متأكد انها بتكووون ملكة الليله كانت لابسه فستان نييلي يسحر العقل وطبعاً روجها الاحمر اول اسلحتها
لفت علييه وهي تدري انها بتربكه وفعلاً ارتبك وانذهل
ثبتت الكاميره وقتتها وراحت وهي توقف بجنب ماجد بس قالت ام وعد : روحي جنب عقاب
ابتسمت وعد بتوتر وراحت جنب عقاب وطغى عطرها حول عقاب اللي ماقدر ما يحاوط كتفها ويقربها ووتر وعد وتر نفسه .
.
.
ثبتت الكاميره وقتتها وراحت وهي توقف بجنب ماجد بس قالت ام وعد : روحي جنب عقاب
ابتسمت وعد بتوتر وراحت جنب عقاب وطغى عطرها حول عقاب اللي ماقدر ما يحاوط كتفها ويقربها ووتر وعد و وتر نفسه صورت الكاميره وابعدت وعد بسرعه كارهه وقوف عقاب جنبها
سلموا على سحر وانسحب عقاب ودخلوا باقي بنات ابو خلف عند خالهم يرقصون معه ويفرحون معه
وبعد الرقص والسوالف والضحك قرر ماجد يمشي لشقه وهنا انهارت سحر وجت ام ناصر وام خلف وام وعد يهدونها ومحد قدر واخذتها وعد وهي تحاول تهديها واخيراً هدت واخذها ماجد اللي قلبه متقطع عليها ماوده تبكي ولا تذرف دمعه وحده
كان صابر لين وصل الشقه وبعدها ما قدر يتحمل دموعها اكثر دخل وهو ينزل بشته والتفت : سحر
سحر اللي من غير شي جامده ودموعها ماهي راضيه توقف كانت تحلم انها في ليلة عرسها مستحيل تبكي وبالعكس بتكون مبسوطه بس هذاك اول يوم كانت احلامها متعلقه بقلب خلف الحنيّن الطيب وماجد ماعمرها فكرت فيه
قرب ماجد وهو يحاول يهديها: افا يا سحر ليه البكى افا بس تعالي تعالي ادخلي وتعوذي من ابليس ومسحي دموعك وبدلي وارتاحي وابد مايصير خاطرك الا طيب
عجزت تناظره سحر قلبها صاد عنه حتى ماهي قادره تسمع كلامه
ماجد : تعوذي من ابليس يا سحر وادخلي وعشاك هذا هو جاهز تعشي وعيني من الله خير وارتاحي وان شوي واجي
طلع وهو يدري ان وجوده موترها ماكان وده يخليها بس ماكان وده تبكي اكثر
وقف عند الباب ماقدر يبعد وسحر ماصدقت انه طلع الا بدلت ومسحت كل شي يثقل على صدرها ولبست عبايتها تبي تصلي ركعتين تهدي روحها بعد ما سلمت حست انها بخير عدلت شكلها ورتبت نفسها واتجهت للعشاء متوقعته بيرجع بس طول شوي وقررت تنام وتهج بنفسها قبل يجي
وفعلاً نامت وبعد فتره دخل ماجد وارتاح انها نامت وارتاحت بس كان وده ان ليلته انقضت زي ماكان يحلم بها لكن يعذرها ويحط مليون عذر بأنها يتيمه وخايفه
بدل ودخل بجنبها ونام هو بعد لانه خلاص ارتاح دام سحر قريبه منه
_______________________.
وفي بيت عقاب
كان هو البيت الوحيد اللي فيه حياه هالوقت لان الكل بعد العرس راحوا لبيوتهم وناااااموا ألا هو بعد ما رجع هو وجد اللي جلست وهي تسولف فوق راسه وش صار ووش ماصار بالعرس
لكن رفع عقاب يده بتعب: اقول وجد ما تعبتي !؟ وجد : الا والله تعبت ومهدود حيلي ولو انام سنه ماعندي مشكله
عقاب : وانا اقوله بعد تعالي ننام
ابتسمت وجد له وهي من زمان ما ابتسمت اصلا من زمان ما بينهم الا المشاكل .
.
.

ابتسمت وجد له وهي من زمان ما ابتسمت اصلا من زمان ما بينهم الا المشاكل
وفي هاللحظه رق قلب عقاب وحن على وجد اللي تخبط يمين ويسار عشان تحافظ عليه وعلى زواجهم لكن مع الاسف كل مالها تخلق مشكله وكارثه اخذ استراحته من المشاكل وقرر يبتسم لها هو بعد
واتجهه لها يحضنها و...ï؟½ï؟½
وبعد وقت نامت وجد بس ما نام عقاب وطلع اول ما سمع الصوت
وكانت وعد وفيصل
عقاب : فيصل!؟؟
فيصل: هلا عقاب معليش جايك هالحزه بس بوصل وعد وارجع
رفع عقاب يده يناظر الساعه! : هالوقت راجعه كان نمتي ازين
وعد : ابد اذا عندك اعتراض ارجع
فيصل: وين غرفتك بحط خليفه
اتجهه له عقاب : هاته انا اوديه
عطاه فيصل وراح واتجهه عقاب للغرفه عشان ينزل خليفه اللي كبر وصار ابوظ،ظ* شهور واول ما نزله سريره صحى وصار يبكي ورجع عقاب يرفعه وهو يهزه
نزلت وعد عبايتها وهي تقول : عطني ولدي
ناظرها عقاب وهو يقول نفسه( مصره تخرب زينها بشين افعالها ) : انا اقول تروحين تبدلين احسن لك
ناظرته وعد بحده : هذا مو شغلك عطني ولدي واطلع من غرفتي ولا تجلس تمثل دور الابوه عندي
ناظرها وعد بحده وقال : صدقيني لو بمثل هالدور اعرف كيف ارسمه من البدايه وألعبه غصبٍ عليك لكن انا انصحك لا تجنين على نفسك
وعد :انت وش شايف نفسك عشان تمشي وتهددني واسمع يا عقاب انا وعد ما اتهدد
عقاب : وانا عقاب مابعد خلقت اللي بتوقف بوجههي
نزل عقاب خليفه بعد ما نام وهو يغطيه وطلع وهو يدفها عن طريقه
ورجع لغرفته وهو يحاول قد مايقدر مايتحول غضبه لكارثه
اما وعد فما شالت عقاب من ارضه وهي للحين تمشي معه بهدوء وكل يوم يزيد كرهه بداخلها
_______________________.
وكملت الايام العاديه لين وصلوا لليوم اللي ماهو عادي ابد وعمره ماكان عادي كان يوم بالنسبه بخلف يعبر عنه بأنه كل عمره يختصره هاليوم صفوة عمره هاليوم ملاذ روحه هاليوم ( اليوم كان في قلب خلف كأنه ملك الدنيا واللي عليها راضي ومبسوط وسعيد )
ماقدر خلف يكمل ويخفي هالحب ماقدر فرحته المهيبه والعظيمه شككت كل الخلق فيه
ماكان يمشي على الارض ابد كان يطير يطييييير وهو من الليل ماقدر يغمض عيونه وينام
كان في الحلاق مع عقاب ونادر وضاري وماجد كانت عيونه تلمع بشكل غريب
وقرب ضاري وهو يهمس : ياخلف لا تفضح نفسك عقاب عيونه عليك
ابتسم خلف بخفه وهو يقول : مقدر ياضاري مقدر قلبي بيكسر ضلوعي ويطلع
ضحك ضاري ورجع وهو يجلس ومعه الشاهي
وكلٍ مبسوط بس ماجد اللي يضحك شوي ويتعثر بهمه شوي .
.

ضحك ضاري ورجع وهو يجلس ومعه الشاهي
وكلٍ مبسوط بس ماجد اللي يضحك شوي ويتعثر بهمه شوي
كان شايل هم سحر اللي من ثلاث ايام هاديه وابد ما سمع صوتها ولا قدر يتواصل معها بأي كلمه وكان يخاف اذا تكلم تبكي او تخاف فكان ساكت وممشي الموضوع يبيها تهدأ وهو بينه وبين نفسه خاااايف وكل ما ناظر خلف خاف ان سحر في قلبها شي لخلف
_______________________.
وفي بيت النوخذه
كانت ام نهيان تلف حول جابر وتقرا عليه وترجع ليلى وتقرا عليها وترقيهم وتحصنهم وشيخه ونهيان ومريم والبيت عامر بالفرح
وراح نهيان وهو يشغل المسجل ويرفع الصوت وهو يصفق ويرقص
وقدامه جابر اللي يستعد بيحلق وجاه وهو يضحك ويسحبه وابو نهيان يراقب من بعيد ويضحك لكن سرعان ما سحبه نهيان معهم وصار يناديهم واحد واحد وهو يرقص على (يا معيريس عين الله تراك القمر والنجوم تمشي وراك يا معيريس عين الله تراك ويتغنى القمر والنجوم ترد عليه تحلى أيام العمر .. تحلى تحلى)
وسحبت ام نهيان البوشيه( اتوقع تعرفونها) وهي تمسكها من طرف وترقص لجابر
ووقف نهيان الاغنيه وصار هو ومريم وشيخه يغنون : (قلت اوقفي لي وإرفعي البوشيه . . . خليني أروي ضامرالعطشاني
شفت الجدايل واحسبك روميه. . . ثاري الزلوف مقرضه يااخواني )
كان ابو نهيان يضحك ويغني معهم وركض جابر ينادي ليلى اللي يجهزونها
وطلعت وهي بنص زينتها : جابر شنو فيك؟؟ شنو هالصوت!؟
جابر: تعالي وياي نبي نرقص ونستانس
سحبها معها وهو يجاوب مع اللحن وضحكت ليلى وهي تسمع نهيان يقول( الخد ياضي لي برق وسميه. . . والعين تشبه ساعة الرباني
ملبوسها النفنوف واللحميه. . . والثوب شاله ردفه القيطاني )
هنا دخل ابو نهييييان وهو يرقص مع ليلى اللي تتمايل مع الرقصه وقلبها ينطق بالفرح
_______________________.
وفي بيت ابو خلف
كانوا يتجهزون واماني اول وحده جابت وحده تصلحها كانوا يناظرونها بتأمل
ندى :الله يا اماني صار شكلك يفتح النفس ويسر القلب
ضحكت اماني : صدق
ندى: والله صدق
وجدان: من الحين اقولللك الچويتي صار في جيبك بيموت عليك
ندى: عشتوا ياللسان
اماني : مابعد جاء خلف
حنان: للحين مدري متى بيجي
ندى: ماظنتي يخلونه العيال يبون يحتفلون معه
لفوا على صوت هيا : ماشاء الله
فزوا كلهم بفرح: هيييييا جيتي
هيا:توني وصلت وركضت ركض هنا
وقفوا يسلمون عليها بحب وشوق لانها صارت في مدينت بعيده هيا: لا اله الا الله يالجمال الله يحسرك يا اماني
اماني : تسلمين
سالم : امي تقول خلصوا قبل يجي خلف ï؟½ï؟½ï؟½ï؟½
.
.
سالم : امي تقول خلصوا قبل يجي خلف
ندى: طيب طيب
حنان: ياربي وعد ما جت للحين !؟
وجدان: شوي وتجي
ندى: بروح اجهز عمتي واشوف وش عندها
حنان : خلصت اغراض خلف وجهزت بشته بس انتظره يجي
هيا : يلا انا بنزل بعد
نزلوا يكملون تجهيزاتهم بإنتظار خلف
_______________________.
وفي بيت ضاري
كانت ام ضاري واقفه وراء مضاوي وتحذرها وتعطيها الف تحذير ونصيحه
مضاوي : ابشري ياخالتي ابشري ام ضاري : انتبهي وتذكري ان حملك ماهوب ثابت
مضاوي : على خشمي
سكتوا على صوت الباب وكان ضاري اللي جاء: هااااه جاهزين
ام ضاري: انا جهزت بس بلبس عباتي
وقفت وراحت ودخل ضاري مبتسم وهو يناظر مضاوي : ياربي هاذي مضاوي ولا العروس
ضحكت مضاوي: كل العرايس احطهم صفر على الشمال
ضاري: انا اشهد انا اشهد
قرب وهو يناظرها بحذر بس رفعت يدها بسرعه وقالت: والله حفظت حفظت وبصمت بالعشره ماخلت خالتي ولا نصيحه ما قالتها لي
ضحك ضاري : ايه بنصح انا بس اول انا لي يومين اركض مع خلف والصراحه اشتقت لك
طارت عيون مضاوي: يرحم امك ماهو بوقت الشوق الحين الناس تجمعوا وانا كالعاده الاخيره
ضحك ضاري : يابنت الحلال وش فايدتنا من هالعرس وعلى قولة اهل الحجاز العروسه للعريس والجري للمتاعيس وش نبي حنا الله يهني سعيد بسعيده
ابعدت مضاوي بسرعه : لا ياحبيبي سعيد وسعيده عيال اخوي بحضر عرسهم كفايه ماني راقصه والسبب انت
طارت عيون ضاري بضحك : وش دخلني انا
مضاوي: مب اللي في بطني ولدك!؟ يعني انت السبب
ضحك ضاري : يارب لا تنساها من العقل
مضاوي : يلا يلا عجل
ضاري : زيين بجهز انا وبكشخ كود احد يشوفني ويحن علي
مضاوي : وشووو!؟ من تبي يشوفك ان شاء الله
ضاري : الله والله جميل يحب الجمال
مضاوي : ماعليه كلامك ماخوذ خيره الوعد لا جينا
رجع ضاري يضحك وجهز وكشخ وطلعوا متجهين للعرس
_______________________.
وفي بيت نادر
جهز وخلص وهو ينتظر شوق اللي تجهز بثقل وهو يادوب حملها يبان عليها
نادر: شوي يلا يا عيني يلا
شوق : طيب يا نادر دقيقه بس
وقف نادر وراح لها: عطيني اساعدك
لفت وهي تعطيه كل اكسسواراتها وهي هالحمل عليها ثقيل وتعبانه فيه
وماقصر نادر صار يدور حولها وجهزها من جميع الاطراف وبعد فتره لف وهو يضحك : هاه كذا تمام
ضحكت شوق: اكيد تمام
انشرح صدر نادر وهو يضيق صدره اذا شافها تعبانه: ايه تكفين اضحكي ردي لي روحي
قربت شوق وهي تمسك يده : انا ادري انك تعبت من هالوضع بس والله مو بيدي .
.

[صواديف عشاق]

قربت شوق وهي تمسك يده : انا ادري انك تعبت من هالوضع بس والله مو بيدي
رفع نادر يدها يبوسها: ادري ادري وانا معك وسندك في كل شي
دق الباب وكانت ام نادر: وينكم يلا
ابعد نادر وهو يعطيها عبايتها: يلا
طلعوا للعرس بعد ونادر يوصي شوق ويحرص عليها
_______________________.
وفي بيت عقاب
كان يجهز بغرفته ويعدل شماغه ولف على صوت وجد : عقاب وش رايك ؟؟
لف يناظرها مبتسم وكانت كاشخه واول ماشاف الروج الاحمر تكهرب صار هاللون مرتبط بوعد مايحسه يليق الا عليها بس خاف يتكلم وتزعل وجد : ماشاءلله والف من ذكره تاخذين العقل
ابتسمت وجد بفرح وهي تدور بفستانها الاسود : وكيف الفستان
عقاب : يزهى بك
وجد : زين اجل يلا
عقاب : يلا
نزلوا ونادى عقاب : وعد
ماردت واتجهه للغرفه مدرعم كعادته وفتح الباب وقالت وهي متخبيه ورا الدولاب لانها تلبس وعد: انت للحين ما تعلمت شلون تحترم الناس وتدق الباب لين متى يعني
عقاب : لين ادفنك في ارضك عجلي علينا
وعد : اطلع بلبس
طنشها عقاب وراح لخليفه اللي جهز واخذه وهو يرفع ويبوسه وصدت وعد بكرهه ماصدقت يطلع وكملت لبسها وطلعت بغضب: عقاب احذرك مليون مره تدخل علي بهالطريقه
لف عقاب يبي يغسل شراعها لكن ويييين ومثل ماقال في صدره(هاذي ينغسل شراعها!؟؟لا والله ماهقيت )
كلهم صاروا يناظرون وعد اللي ماعمرهم شافوها بألوان كئيبه غامقه بالعكس تزهى بألوانها دايماً وهالمره لبست ابيض يتخلله نقش فضي ورغم انه ماكان يرسم ملامح جسمها وكان منفوش من تحت لكن يقدر اي شخص يميز تقاسيم جسمعها ورفعت شعرها بغضب وهي تقول : عطني ولدي
وجد طاحت عيونها تناظر في وعد بتنهار من شموخها وكشختها وكانت تمنى عقاب يتحرك ويسوي شي
وفعلاً تحرك عقاب وسحبها بغضب وهو يقول : علمتك مليون مره عند طولة لسانك
سحبت وعد يدها بغضب : وعلمتك مليون مره يدك لا تلمسني
استانست وجد توقعته بيكفخها لكن فالحقيقه عقاب سحبها يبي يشوفها من قريب يبي يشم العطر
وجد: انتي وشوله لسانك طويل
وعد : عشان اربيك انتي واللي يشد على يدك
تبدلت ملامح عقاب اللي رفع يده بغضب وضرب وعد كف هزت المكان هز
ما توقعها عقاب من نفسه ولا كانت نيته لكن وعد استفزته
تووقع لها ردة فعل قويه لكن كل اللي سوته سحب ولدها من يده وهي تقول بهمس : الله لايخليني اذا خليتها لك يا عقاب
جمد عقاب بقهر وطارت وجد من الوناسه وهي تعزز له وتقول : اللي يطول لسانه يستاهل .
.
.
جمد عقاب بقهر وطارت وجد من الوناسه وهي تعزز له وتقول : اللي يطول لسانه يستاهل
التفت عقاب بغضب وقال: ترا للحين يدي حاميه
فهمت وجد تهديده وطلعت اما وعد طلعت متجهه لبيت ابوها تفور من القهر والغضب وتحلف تكسر يده عقاب اللي انمدت عليها
_______________________.
وفي بيت ابو خلف
دخل خلف مبتسم لكن ابتسم اول ماشاف الكل ينتظرونه كاشخين وجاهزين وركضت وجدان تقول لطقاقه تغني لهم فالبيت عشان بعدين تروح للعرس فالحوش المخصص للاعراس
وبدت الطقاقه تقول (في عرسك ياخلف فرحنا وقاك الله
يارب سهله سنينه مع ايامه
خلف وياجعل العدى ما يطولونه
وانا ادعي الله جعل عياله يبرونه)
كانت ام خلف ترقص لخلف ودموعها ماوقفت ابد فرحانه بولدها وحيدها وكانت ماتبي ترقص كثير ويتحمس خلف ويجهد نفسه ويتعب لكن خلف كان حريص هو يرقص مع امه على الهادي لين وصلها وهو يبوس راسها ويحضنه ويمسح بكمه دموعها
ولفوا على صووت الطقاقه اللي غيرت اغنيتها اول ما جابت ام وعد اماني عشان ترقص مع اخوانها واهلها
وقالت( يوم طلت اماني قلنا مية هلااااا
واشرقت نووور شمسٍ جعلها ما تغيييب)
ولفوا عليها كلهم يرقصون لأماني اللي تكافح دموعها وهي ترقص معهم
وطلبوا ابو ناصر ومحمد انهم يدخلون وتغطت ام وعد وام خلف ودخلوا واتجهه محمد لخلف وهو يمسك ذراعه ويرقص ومعه والكل على نفس انغام الفرح ويحاولون مايجهدون خلف ويحاول خلف يهداء
واخيراً وقف الطق لكن ما وقف قلب اماني وخلف من دقه سلموا على بعض والكل يسلم عليهم وبعدها دخلوا يجهزون
كان خلف يجهز بمساعدة امه اللي تبخره وتحوفه وكان خلف يراقبها بحب مايدري كيف بيعيش بعيد عن هالقلب الحنون نزلت المبخر وهي تقول : خلف يمه
خلف : سمي ياعيون خلف سمي
ام خلف : حبيبي ياخلف انا بنصحك وانت سوو اللي تبي
خلف: مالي غنى عنك يا يمه
ام خلف وهي تبخره: خلف انتبه يمه لبيتك ولزوجتك واحفظ اسرار بيتك وافهم زوجتك وحبها ولا تخلي الناس يدخلون بينكم ابداً ولا تحمل زوجتك فوق طاقتها ولا تلومها على شيٍ ماهو بيدها خلك يا يمه مثل ماعهدتك حنين وطيب وتخاف الله
ابتسم خلف وهو يبوس راسها: لا توصين حريص يمه بأذن الله اني على ما ربيتيني وعهدتيني
ام خلف : روح ياخلف يا عل ايامك سعيده ويا عل الفرح ماينقضي من حياتك
ابتسم خلف : امين يارب وانتي على راسي
ابتسمت امه وهي تشخص له وتحصنه : يلا يا يمه يلا
طلع خلف لابس بشته ويناظر اهله اللي فرحانين فيه وطلع للشباب برا اللي كانو كاشخين ويحترونه .
.
.
طلع خلف لابس بشته ويناظر اهله اللي فرحانين فيه وطلع للشباب برا اللي كانو كاشخين ويحترونه
ووقف ضاري وهو ينادي العيال بضحك: ارفعوا الصوت يا عيال
كانوا عيال الحاره كلهم وراه ويصفقون ويغنون ويضربون البوري لاخر صوت ويمازحون خلف ويغنون له ( ياعريس اليوم جعلك تهنا ‏تهتني في شوف ظاف الجدايل)
كان خلف يضحك وهو ينتظر شوف ليلى وجدايل ليلى وشامة ليلى وقلب ليلى اللي اشتاق له
_______________________.
وفي بيت النوخذه
اخذوا اهل الكويت اللي حضروا جابر يزفونه من بيت ابوه لين موقع العرس وهم بعد يغنون له
(اعدلوا الصف معرسنا حضر واعدلوا الصف معرسنا حضر
باركوا له عسى عمره طويل باركوا له عسى عمره طويل )
وجابر شاق الكشره ووده يتخطى كل شي ويوصل لنهاية اليوم ودخل وهو يسلم على الناس والكل يبارك له وألتقى هو وخلف بالنص وضحك جابر وهو يقول: بالاحضان يا عريس
قرب خلف يحضنه بضحك: الف مبروك يا النسيب
جابر: يبارك فيك ومبروك لك
خلف :الله يبارك فيك
قرب النوخذه يسلم هو ونهيان وجلسوا وعيونهم على بعض
_______________________.
في غرفة ليلى
انتهت من شعرها ومكياجها وكانت تناظر فستانها بحب
وراحت لدرج وهي تطلع خلخال خلف اللي جابه لها توه الحين صار وقته ولبسته وهي سعيده وتلبس فستانها مبسوطه
ودخلت شيخه وهي تساعدها في الفستان ومريم تنصحها وكل التفاصيل حول ليلى سعيده
مريم: يلا ما نبي نهدچ الحين لكن لازم نروح نسلم ونرد
شيخه : بنرد بعد ساعه انتبهي لنفسچ
ليلى: زين
ام نهيان قربت وهي تناظر ليلى بعيون مليانه دموع : ليلى يا بنتي الف مبروك الله يوفقچ يارب ويسعدچ
وقفت ليلى تحضنها: امين يالغاليه
ام نهيان: يمه ما ادري كيف بتحمل هالبيت بدونچ واتحمل الكويت بدون حستچ لكن ديري بالچ على نفسچ ورجلچ ولا تعصينه ابد وخلي طلباته اوامر ولا تسمحين لاحد يدخل بحياتچ ويخربها
ليلى: ابشري يمه
مريم: ماعليچ يا خالتي ليلى عاقل وتعرف مصلحتها يلا مانبي نتأخر
ام نهيان: زين
طلعوا متجهين للعرس وليلى في البيت بلحالها معاها الخادمه بس
_______________________.
وفي موقع العرس
الكل تجمع والكل حاضر بفرح والكل يرقص واستقبلوا اهل النوخذه احسن استقبال
وصفوا مع بعض يرقصون ويستقبلون بفرح وكل وحده توصي الثانيه على بنتها
وعد كانت متناسيه عقاب واللي صار وترقص ما قصرت بفرحة اخوانها متجاهله حش وجد وعهد الظاهر قدامها وهي غيرت كل خططها في لحظه وعرفت كيف تخطط من جديد
.
.
.

ومضاوي وشووق اللي حارستهم ام ضاري والبنات يضحكون عليهم
ندى حنان وشهد ووجدان شايلين العرس بعد وسحر اللي هاذي اول طله لها كعروس كانت جالسه بهدوء بجنب خواتها
ام ناصر ام خلف ام وعد ام نهيان كانوا في منظر فرح يسر الناظرين
وهيا اللي تروح وتجي مع البنات وماهي مقصره
_______________________.
وفي عرس الرجال
كان جابر وخلف تنطق عيونهم فرح ومع ذلك ماهم مفتكين من طقطقه الشباب
ضاري : اسمعوا يا شباب شكل موضوع الارتباك ساري علينا كلنا الا خليف
عقاب : حاول ما تستانس لذا الدرجه ياخلف ترا العرس هم
ضحك نادر: هم للي على ذمته ثنتين
خلف : اي والله تبي تقتل فرحتي وانا ماقلت بسم لله
ماجد: ماعليك منه افرح واستانس وبتلقى الخير
ضاري: عني انا بيلقى خيييير يخفيه عنا اسبوع
نادر: ابصم واوقع على ذلك
محمد: اقصروا اصواتكم فضحتونا
ضاري : اقول ماودك تعرس انت
محمد: لا ياقلبي وش لي بالهم خلني مرتاح وطيارتي بكره ومع السلامه
فيصل : محد عارف لها الا عمي محمد
عزوز: قدوتي فالحياه
ضاري : اقول ناظروا ركادة الچويتين وناظروا طفاقتنا
عقاب : ما اشوف ركاده
نادر: اي هين انت ما تشوف الشي الزين
خلف : اص اص جوا جوا
جاء جابر ونهيان وجلسوا جنبهم وهنا فتح ضاري مشروع الطقطقه على جابر بعد لللي كان يضحك وراضي
_______________________.
واخر المطاف
كان من عادات اهل هالحاره ماتنزف العروس تجلس ببيت اهلها لين يجي المعرس
لكن اهل الكويت كان لهم عادات ثانيه جهزت مريم الكرسي والشال الاخضر وهي واقفه والكل يناظر مستغربين!
اما شيخه وام نهيان راحوا يجيبون ليلى اللي خلاص نقلوا كل اغراضها لبيتها وهي ماهي مصدقه انه فعلاً بتتزوج خلف دخلت وهي لابسه لبس الكويت التراثي للعروس اخضر وعلى راسها عامه وبيدينها كامل ذهبها وعلى عنقها سلسال الذهب وشعرها مسدول على اكتافها تمشي بالهدى قلبها يرفرف
والكل مبهور ويناظر وجلست على الكرسي وجات امها وهي تقول لام خلف : تعالي يا ام خلف تعالي شاركينا
كانت ام خلف ماتدري وش تسوي لكن وقف وهي تمسك طرف الطرحه مثل ماهم ماسكينها ومريم بطرف وشيخه بطرف وامها بطرف
وبدوا يرفعونها بشويش وينزلونها بشويش فوق راس ليلى
أمينة في أمانيها..مليحة في معانيها
‏تجلت وانجلت حتى ..سألت الله يهنيها
‏جبينها كالبدر ياضي ..وريقها يشفي أمراضي
‏لها رب السما راضي ..وأحسن في معانيها)
كانت ليلى مبتسمه ودموع الفرح تغطي وجهها وتربك شعورها .
.


كانت ليلى مبتسمه ودموع الفرح تغطي وجهها وتربك شعورها
وقفوا وبدت تطق الطقاقه وليلى تناظرهم بهدوء مبتسمه
ألين انتهى هالعرس وصار وقت الزفه
_______________________.
وفي بيت ابو خلف
كانوا يزفون جابر لأماني واصر خلف يحضر زفة اخته وبعدها ينزف كان محمد وفيصل وخلف وابو ناصر وابو خلف وابو نهيان فالزفه
كانت هناك ام وعد مع اماني اللي على رغم هدوءها الا ان رجفتها وضحت وخافت
سمعت صوتهم وسمعت صوت غريب بين اصواتهم عرفت انه وصل جابر وصل اخذت نفس ووقفت وعينها بالارض
وسمعت صوت كبير يرد السلام وكان ابو نهيان وبعدها وبعدها حست بقشعريره اول ما حست بوجود جابر حولها واللي وقف بدون اي حركه جنبها وماكان يدري كيف بيتصرف جاء فيصل يصورهم ويسلمون على اماني ويباركون لها ويوصون جابر وهي تسمع صوته وتحس انها بتدوخ وطلعوا كلهم وتركوهم
واخيراً اخذ جابر نفس ولف وهو يبتسم وغمض برضا وهو يقول : ماشاء الله تبارك الله سبحان الله اللي خلق وسوا
تجرأ وتقدم وهو يبوس جبين اماني اللي حست الدنيا تدور فيها لكن اتزنت اول ما حط جابر يده على كتوفها وهو يقول : مبروك يا اماني مبروك يا اعظم امينه كنت ناطرها وتحققت
انصدمت اماني وصارت تدور النفس ماتحصله لكن انقذها دق الباب ودخول ام نهيان وشيخه ومريم وقربوا يسلمون على اماني ويباركون لها
وقالت ام نهيان: يلا يمه بنزفكم لبيتكم عشان نزف ليلى
جابر : زين
دخلت ام وعد تساعد اماني وتلبسها العبايه واخذها جابر وانزفوا لبيتهم
_______________________.
اما خلف
اللي ينتظر متى يقولون تعال واخيراً جاء نهيان يقول: يالله يامعيريس
ابتسم له خلف وتجمعوا وراه يزفونه لبيت النوخذه وفالبيت هناك كانت ليلى تنتظر وهي ماتدري كيف بتصرف جات مريم تركض وتقول : وصل وصل مجنون ليلى
ضحكت شيخه: مريوم ما تجوزين اطلعي اطلعي
لفوا على ليلى يعدلون شكلها لاخر مره ووقفت امها جنبها ودخل خلف مع النوخذه ونهيان وابوه وامه
وكان يدعي ان يتماسك ولا يطيح من طوله بسبب فرحته
لكن ابتسم وانشرح قلبه وطار اول ما انفتح الباب وبانت له ليلى لا شعورياً ابتسم ودخل الغرفه اللي هي فيه بالقوه مسك نفسه لا يركض ويحضنها كان يحاول يسيطز على افعاله قدام النوخذه وتقدم وهو يقول : سلام عليكم
ردة ليلى السلام بهمس وهي واقفه ودخل ابو خلف وهو يذكر الله وسلم على ليلى ودخلت ام خلف
وابو نهيان ونهيان واقفين وبعدها سلموا على ليلى ووهم بعد يملون على خلف وصاياهم
واخيييراً قالوا لهم بنزفكم لبيتكم وماصدق خلف نزل ينتظر بالسياره لين نزلت وركبت جنبه بمساعده نهيان وزفوهم للبيت وراحوا

واخيييراً قالوا لهم بنزفكم لبيتكم وماصدق خلف نزل ينتظر بالسياره لين نزلت وركبت جنبه بمساعده نهيان وزفوهم للبيت وراحوا
دخل البيت وهو يساعد ليلى ودخلت غرفتهم ونزلت ليلى عبايتها وتعدلت تنتظر خلف يجي ولاهي ثواني الا رجع خلف مسرع تسمع خطواته العجله كانت متوقعه ردات فعل كثيره بس ابداً ما طرا لها ان خلف بيركض لها ويحضنها
ولا هو رتب لهالفعل لكن طلع من قلبه وكان يتمنى من زمان انه يوصل لها ويحضنها وكتبها الله له بهالليله ما لحق حتى ينزل بشته كل المهم عنده هو ليلى
على كثر ما استعدت ليلى لهالليله ماقدرت ابد تسوي شي او حتى تحرك غير انها ابتسمت بحب وملت دموعها عيونها وهي ماكانت مستوعبه انهم فعلاً بيتزوجون لكن توها استوعبت بعد ماحست بحرارة حضن خلف اللي قال وهو يضحك( "أنا تو ما حظّي تبسّم .. وأزهرت دنيايّ بعد جيتي وسحاب العمر بيدينك تشيلينه"
ناظرته ليلى بعيونها اللي مليانه دموع فرح وقالت(يااااه ياخلف اشتقت للأمان الي بصوتَك والله عمره ماتغيّر)
رجع خلف يشدها له وهو يمسح على شعرها ببتسامه ( ياااسعد عيني يا ليلى يا سعد عيني بهاليوم وبشوفك اخيراً جت هالليله اللي ليلة على مانشتهي ماهي على مايشتهوّن انا لو اعيش ظ،ظ*ظ*ظ* سنه ما يمر علي احلى من هاليوم ولا بتشوف عيني احلى منك وهالليله بذات لا تشرهين علي لان اعيشها.. وانا بسببك من الهداوة مرتبك"
ضحكت ليلى وهي ساكته ماهي قادره ترد لكن بعد فتره ابعد خلف وهو يقول : ليه ما تردين!! ما مليتي من السكوت والفراق )
ليلى : ما لقيت شي اقوله لك تهزمني بكل الاحوال
ضحك خلف : افا بسم لله عليك من الهزيمه والمفروض اصلا الهزيمه لي ولا ناسيه من اول من رفع راية الاستسلام وعطيتك قلبي والمعطي الله
ليلى : شفت للحين مو قادره ارد عليك
خلف :ماعليه قدامنا العمر كله تردين عليه فيه الحين بدلي على ما اجيب العشاء
ليلى : حاضر
طلع خلف بعد ما نزل بشته ووقفت ليلى للحظه تتأمل المكان وتأمل بشت خلف اتجهت له وهي تضم البشت من فرحتها فيه لكن تدارك مشاعرها وركضت تبدل قبل يرجع خلف وجهزت وتعدلت تنتظر خلف اللي رجع بعد فتره معه العشاء لكنه ابعد مايكوون عنه حاول يتعشى بس يحس انه شبعان ماهو مع شي ابد الا مع ملامح ليلى وشامتها ماصدق انتهى هالعشاء وطلعه ورجع وكانت ليلى جالسه بارتباك وتقدم خلف مبتسم وهو يمد لها يده ومسكت يده وهو يوقفها وهمس : تعالي وعطيني يدك أبي اوصل معك لأخر مدى من السعاده .
.

ومسكت يده وهو يوقفها وهمس : تعالي وعطيني يدك أبي اوصل معك لأخر مدى من السعاده
ابتسمت ليلى بخفه وهي ماتبي شي اكثر من هالفرح اللي تحس فيه وابتسم خلف اللي كان في عالم اخر من الهناء والسعاده و...ï؟½ï؟½
_______________________.
وعند العرسان الثانين
كانت اماني ترتجف مثل الريشه كانت متوتره من جابر اللي واقف وهو يناظرها بتأمل خلاص تعب وهو ينتظر هاليوم لكن خايف من اي ردة فعل
اخذ نفس وتقدم وهو يجلس جنبها بهدوء وفي لحظة توتر قال : قوه اماني
انصدمت اماني ولاردت وتفشل جابر وهو يقول : برد اقولچ الف مبروك و ... الحقيقه يا اماني انا متوتر حيل وفي خاطري كلام بقوله لچ قبل اي شي
هنا خافت اماني الللي عيونها على اصابع يدها
ومد يده جابر بجرأه ومسك يدها عشان يقدر يفهم ردة فعلها وقال: انا ادري انچ زعلانه او اخذتي بخاطرچ من خطبتنا الاولى وهالغلط اللي صار فيها لكن والله ماكان بيدي اي شي صارت مشكله اجبرتني وانا مو راضي ولا نويت ابد اطلقچ ولا ابعد ولا حتى اكدر خاطرچ لكن ربي كتب ولا مليت ابد ظليت احاول لين قدرت الامر وارجع اخطبچ من جديد ، ادري بتقولين ليه سويت كل هذا ! وعلى اي اساس والحقيقه انيي احبچ
رفعت اماني راسها بصدمه وابتسم جابر وهو ما مستحي من اعترافه ابد : وبتقولين وين شفتي وشلون حبيتني بعلمچ القصه كلها ويعلم الله اني ما نويت الا كل خير ومانويت الا انچ تكونين زوجتي واحبچ الحب الحلال
اماني كانت تسمع وماتدري وش تسوي صح حطت احتمالات لكن ما توقعته يعترف من اول دقايقهم فرحت حيييل بس طغى عليها الخجل
ورجع جابر يقول : انا ادري انچ اكيد مستحيه مو قادره تكلمين لكن اقل شي تطمنيني وقولي انچ مسامحتني وان مافي قلبچ زعل علي
كانت اماني تدري مارح يخليها لين تقول شي واخيرت نطقت بهمس وقالت: اكيد مسامحتك ولا ماسامحتك ماكنت عندك هنا
ابتسم جابر بفرح وهو يبوس يدها: حمدلله
ابعد وهو يعطيها مساحتها تبدل وترتب امورها وهو بيموت من الفرح وبعد فترة رجع وهو يحاول يهديها من خوفها وتجاوز هالليله بحب
وبعد كل البروتكولات المعروفه كان جابر ينتظر اللحظه اللي بتدمج روحه بروح اماني وتقدم لها مبتسم برضا تام و....ï؟½ï؟½
_______________________.
وفي بيت عقاب
اللي طول العرس وهو على نار مو قادر يجلس ويرتاح وهو يدري ان وعد بتقوم الدنيا بعد العرس لكن وش بتسوي وهي تنتظر عليه الزله
دخل وهو متوقعها ما رجعت اكيد انها عند اهلها لكن سمع صوت فالمطبخ وقبل يتكلم شاف غرفتها مفتوحه وخليفه في سريره يسولف ومحد عنده .
.
.
دخل وهو متوقعها ما رجعت اكيد انها عند اهلها لكن سمع صوت فالمطبخ وقبل يتكلم شاف غرفتها مفتوحه وخليفه في سريره يسولف ومحد عنده
دخل له وهو مبتسم له ويسولف معه من بعيد وهو مستغرب رجوعها بس اكيييد مشكلتها جاهزه
التفت اول ما حس بحركتها وراه شافها مبدله ولابسه قميص نوم طويل وساتر ولا فيه اي جانب من التكشف لكن لونه العودي عليها يسحر
ماكانت وعد معطيته اهميه لان هذا لبسها من زمان لكن اول مره يجي عقاب بمثل هالوقت
مرت جنبه وهي ساكته وقفت جنبه وهي تنزل لخليفه واعطته حليبه وهي تلحفه زين متجاهله وجود عقاب اللي واقف جنبها مثل الصنم
كان عقاب يحاول يفهم وش تسوي لكن اتسعت عيونه وهو يشوفها تسكر الباب والانوار ماعدا نور الابجوره الخفيف وفتحت ربطة روبها واتجهت لسرير نزلت الورب وهي تدخل باللحاف وتغطت وعقاب واقف متجمد
فعلاً انسخط مايدري هالمجنونه وش تنوي عليه جانب من عقله يقول اطلع هذا اول مدافع حربها وجانب يقول له اكيد عقلت وعرفت ان الله حق وهاذي اشارة الصلح منها
وبين هذا وذاك كان عقاب يعيش الصراع وهذا اللي تبيه وعد اللي تتعامل معه على انه غير موجود وغير مرئي
كابر عقاب وطلع من الغرفه بسرعه قبل لا يخضع لكارثه بوجهة نظرة
وابتسمت وعد وهي الحين صارت تقدر تنام براحه وهي تشوف ظل عقاب يدور بالحوش
وانتصرت وعد اكيد بهاللحظه لانها طيرت النوم من عيون عقاب لللي كان يدور يبي يفهم وش تسوي لكنه عجز
_______________________.
وفي الدمام
اخذ ماجد سحر ورجع وهو طول الطريق يحاول يسولف وهي ترد على بردود قصيره ماصدق وصل البيت وجلس وهو يقول : سحر تعالي اجلسي
جسلت سحر بإرتباك والتفت لها ماجد : سحر اذا عندك مشكله قولي لي اذا فيه شي مضيق صدرك علميني لا تخليني تايهه مدري وش فيك
سحر بهمس : لا ما فيه شي
ماجد : فيني شي ماهو عاجبك!؟ سويت شي ازعجك
سحر: لا محشوم
ماجد : اجل ليه اشوفك هاديه وكأنك مسيره
نزلت راسها بضيق وقالت: مافي شي كل الموضوع اني ما تعودت للحين
ماجد: انا معك وكلنا بنتعود مع بعض بس ابيك تكونين معي اقل شي او ببتسامه ترد روحي
ناظرته سحر وهي تشوف تصرفاته تصرفات انسان يحبها لكن ماهي قادره تفهم هالشي ابتسمت لا شعورياً ماقدرت حتى تكشر بوجهه وقال ماجد ببتسامه: ايه كذا الله يرضى عليك ودامك تعبانه قومي ارتاحي
قامت سحر بهدوء وبدلت وركضت تبي تنام لكن سبقها ماجد للي ماقدر يحكتم حبه بهالخجل ï؟½ï؟½
.
.
.
هالليله كانت طويله بالنسبه للعشاق جداً طويله
من هالعشاق ضاري ومضاوي اللي مع اتعاب الحمل كان ضاري اخذ شخصية الام كان يحوم حول مضاوي اللي رجعت تعبانه ومهدود حيلها واعتدل بعد ماعدل اللحاف على مضاوي اللي ناظرته بنظره حيرت ضاري :وش فيك!؟ ابتسمت مضاوي ابتسامه واسعه وقالت : جعت
ضاري : ماتعشيتي !؟ مضاوي : الا بس ولدك يجوعني
ضحك ضاري : ياحبيب ابوك يا ولدي من الحين تحذف عليك التهم
مضاوي : لا والله!! عندك شك يعني عمرك بالله شفتني اكل اخر الليل !! ما صار معي كذا الا منه
ابتسم ضاري : يا شيخه جعله بالعافيه تعالي تعالي
قبل تقوم مضاوي نزل لها ضاري وهو يشيلها وشهقت مضاوي : وش تسوي!؟ تبي تفضحنا !؟ تبي امك تشوفها
ضاري : ابد هذا عشان ما تقولين من يوم تزوجتك ما ارتحت هذا انا اشيلك على كفوف الراحه وبعدين حتى لو امي شافت بتستانس تدرين ليه ؟
مضاوي : ليه!؟
ضاري : لانها اول مره بتشوفنا ما نتهاوش
ضحكت مضاوي : اي والله صادق اجل سّر بنا عساك على القوه
طلع ضاري متجهه للمطبخ وهو يضحك ونزلها وابتداء يحوس ويدور شي يسويه ويرضي مضاوي واخيراً طلع بشكشوكه وشاهي وبعد هالعشوه الحلوه رجعوا ينامون رايقين وراضين
_______________________.
وفي طرف نادر
كان كالعاده يسمع سوالف شوق عن الزواج وبعد ما انتهت سوالفها واستعدوا لنوم فاجئته شوق وقالت: نادر
نادر: سمي
شوق : تبي اللي ببطني ولد ولا بنت
ضحك نادر : ابد ولد ولا بنت ماهو مهم المهم انه بخير وانتي بخير وان شاء الله لاحقين وبنجيب عيال وبنات ونشبع فيهم
ابتسمت شوق : انا كل يوم اكتشف انك انسان رضي وقنوع
ضحك نادر: يعني انا ماصرت كذا الا من يوم عرفتك ولا تراني قبل اقشر احمدي ربك تعدلت
ضحكت شوق وهي تشبك يدها بيده :الله لايحرمني منك
نادر: ولا منك يا شوق
شوق : طيب لو ولد وش بتسميه
نادر : بسميه على اسم ابوي محمد
شوق : واذا بنت
نادر : اذا بنت تسمينها انتي
شوق : بسميها وعد
ضحك نادر باستغراب : وعد!؟ وش معنى
شوق : على اسم وعد اخت خلف لان لولا الله ثم هي ماكنت اعرف وش اسوي وهي من بعد لله اللي قوتني وساعدتني وابي بنتي تكون قويه مثلها ماتصير مثلي ضعيفه
سكت نادر لفتره وبعدها قال:انتي ما انتي ضعيفه انتي نسسسسسمة سلام تمر الجروح وتشفيها وهالنسمه ما يصير تكون قويه لا ميزتها بهدؤها وسلامها
شوق : انا لو ما انت فيه مدري وش اسوي وكيف بعيش انا اشكر الله اللي جابك في حظي يانادر
نادر: حمدلله للي جمعنا
حضنها وسكت يفكر بكلامها ويفكر بالجاي
_______________________.

.
ومن بكره
في بيت عقاب اللي صحى مثل الجني متصلب من جميع جهاته وجلس بالصاله كالعادده ووهو في صمت
والتفت على طلعت وعد وهي شايله خليفه ونزلته بالصاله بهدوء ودخلت المطبخ تجهز فطورها كالعاده واخذ عقاب خليفه وهو مستغرب سكوتها وهو ماصار يستغرب حضور وعد وكشختها اللي ماتغيب ابد
لف على صوت وجد اللي جات وهي تسحب نفسها بتعب وجلست جنبه وكشرت من شوفة خليفه ولفت: عقاب افطرت
ناظرهت عقاب فتره وناظر وعد فرق السماء عن الارض وعد ما عمره شافها مبهذله او تعبانه كانت دايماً في اجمل حالاتها ووجد كشختها يقدر يعدها على يده هذا وهي ماعندها ولا ولا شي يشغلها
لف بهدوء: مابي شي انتي وش فيك كذا!
وجد : تعبانه والله مدري ليه من الصبح مهدود حيلي وفيني دوخه
عقاب : من الحوسه امس اكيد قومي قومي افطري وصحصحي وبتصيرين زينه
وجد : زين
سكتت على طلعت وعد من المطبخ وهي تحط فطورها وقهوتها وراحت لراديو وشغلته وهي ترفع صوت وكان صوت طلال المداح وهو يغني وفي اغنيته كان يردد
( مرت ..ولا حتى تلتفت
مرت..وعن عيني أختفت
مرت ..ما كنها في يوم
ضحكت لي
ولا كنها في يوم عرفتني )
وفعلاً كان هذا سؤال عقاب وهو يشوف تهميش وعد له اما وعد انصدمت من الاغنيه ما توقعت انها تصدف هاللحظه
طنشت باقي الاغنيه وجلست ولا فكرت تقوله يجي ويفطر
ولا ارتاح عقاب لهالهدوء ولازم يحارشها وتكلمه غصب وقال: اليوم مافيه طلعه من البيت لا لبيت عمي ولا لبيت احد ثاني
ماردت وعد وهي مكمله فطورها لكن للحظه ضحكت واستغرب عقاب وتوقعها تضحك له وكان على وشك انه يبتسم بس تدارك نفسه اول ما انتبهه انها تضحك لخليفه ووقف واخذته وهي تغني مع الراديو بصوت شبهه مرتفع وهي تردد ( صبح صباح الخير من غير مايتكلم ولما غنى الطير ضحك لنا وسلم )
قرر عقاب يطلع قبل ينهبل وهو يراقب وعد رايحه وجايه مايدري وش في راسها
اما وعد عرفت ان هذا اقوى سلاح تحارب به عقاب الصراخ والهواش مايجيب فايده
_______________________. وفي بيت خلف
اللي كان صاحي من بدري وهو ماعنده شغل الا يتأمل ليلى وكان مجبور يصحيها وقرب وهو يناديها بخفه: ليلى ليلى
فتحت عيونها ليلى بشويش وابتسمت وهي تحسب انها تحلم رجعت تنام وضحك خلف وهو ناديها للمره الثالثه وفزت ليلى اول ما استوعبت انه صدق وجلست بفشله تناظره
وكان خلف مبتسم: ما كان ودي ازعجك واصحيك لكن مجبوره تصحين لان امي وعمتي وجدتي بيجون بعد شوي
ليلى : شحقه!؟؟
خلف : هو عندنا عاده انهم يجيبون فطور العرسان اهل المعرس
ليلى : والله حاضر الحين اجهز
خلف: زين .


خلف : هو عندنا عاده انهم يجيبون فطور العرسان اهل المعرس
ليلى : والله حاضر الحين اجهز
خلف: زين
راحت ليلى تركض وتجهز قبل يداهمها الوقت واخيراً خلصت ورجعت بفستانها الابيض وبكامل زينتها وابتسم خلف وهو يناظر الخلخال اللي برجلها : للحين محتفظه فيه!؟ نزلت راسها ليلى تناظر رجلها وضحكت: من صچك تسأل اكيد ما افرط فيه
وقف خلف : تعالي تعالي عندي شي بوريك اياه
ليلى: شنو!؟ خلف : اجلسي
طلع السي دي من الدرج وراح وهو يشغله وجلس مبتسم وطارت عيون ليلى وهي تناظر تحاول تستوعب وش اللي اشتغل هذا هي!؟ اي والله هي لفت تناظر بصدمه وقفت بين خلف والتلفزيون مصدومه: شنو هذااااا من وين جبته
سحبها خلف تجلس ببتسامه: اجلسي بقولك كل شي
جلست ليلى متفشله ومصدومه وبدا خلف: ابد صبحت بالخير كالعاده وطلعت لدكان الا واشوف جدي يقول شف هالجهاز جابوه يقولون صلحه وصلحته وقلت اجربه ماهقيت ان فيه شي وانخلع عقلي وانا اناظر اللي اشتغل وسكرت وانا متوقعه فنانه او اي احد مشهور لكن سمعت احد يناديك ليلى في الفيديو وركزت شفت الغرفه كأنها من بيوتنا والاهم اللهجه لكن مع هذا قلت فنانه او مشهوره اكيد ورحت البيت وكان ودي اغفي لكن انصدمت ان خواتي يسولفون عن جيرانا الكويتين ويسولفون عن ليلى وسويت نفسي نايم وسمعت كل مدحهم وعلى كثر الصدف اللي صارت حاولت اتجاهل الموضوع لان .... كانت موضوع سحر معلق برقبتي بس بعد ما صدفتك بسطحكم انهبلت رسمي وكملت طريقي لك وطول عمري بمشي الطريق اللي يجمعني بك
ضحكت ليلى بذهول : مو معقووول ايا الخبييييث وانا على باب الله واقول مسكيييين وانت طلعت ..
سكتت بفشله وصدت تناظر الفيديو اللي ينعاد وتناظر شكلها بفشله: انا ادوره في كل مكان ما لقيته
خلف : والله اول ماعرفت انه انتي نويت اعطيك اياه لكن صار اللي صار ورحتي للكويت والحرب ومالي ونيس الا هالشريط اللي حفظته عن ظهر غيب
ضحكت ليلى بإحراج وفزت على دق الباب وقف خلف متجهه للباب : هلا هلا
ام ناصر: هلا فيك صباحيةٍ مباركة ياعريس
ضحك خلف : الله يبارك فيك
ام خلف : شلونك يمه عساك بخير
ام وعد : وهاذي يبي لها سؤال شوفي وجهه منور
خلف بضحك: الله يهديك ياعمه ادخلي ادخلي
دخلوا وليلى بإنتظارهم وهي متوتره وقربوا يسلمون عليها وجلسوا ومعهم قهوتهم وشاهيهم وحتى فطورهم
والكل ملاحظ عيون خلف اللي تراقب ليلى بحب وفرح
ام خلف: ليلى ياحبيبتي وشلونك
ليلى: حمدلله
ام ناصر: عساك مبسوطه وعسى ولدنا ماهو بغاثك
ابتسمت ليلى بخجل : حمدلله مبسوطه ومحشوم ولدكم

.
ام ناصر: عساك مبسوطه وعسى ولدنا ماهو بغاثك
ابتسمت ليلى بخجل : حمدلله مبسوطه ومحشوم ولدكم
ام وعد : حمدلله يلا اقربي وسمي بالله وافطري وانت ياخلف بعد
قربوا والابتسامه تملى وجهيهم وام خلف تدعي ان الله يحفظهم ويسعدهم
وبعد مافطروا معهم استاذنوا وراحوا لان في في كل الاحوال بيجيهم خلف
_______________________.
وفي بيت النوخذه
كان الجزء العلوي متروك لجابر واماني وكانوا يحاولون يخلون لهم الجوء هادي لكن اماني اللي كانت متوتره ما قدرت تطول بنومتها ومن بدري صحت وجهزت ولبست وجلست ما تدري كيف تبدى يومها
لكن بمجرد ان جابر صحى انقلبت موازينها وزاد ارتباكها وخجلها ورجع جابر بعد ما بدل ولبس وجلس وهو مبتسم : صباح الخير ياعروس
اماني بهمس: صباح النور
جابر: امي ناطرتنا على الريوق زاهبه ننزل
اماني بتوتر: ايه
وقف جابر وهو يمد لها يده : عطيني إيدچ
مدت يدها برجفه ومسكت يده ونزل جابر وقابلتهم ام نهيان بالزغاريط
وضحك جابر : عمرچ طويل يا يمه
ام نهيان: هلا هلا بالمعاريس هلا ببنيتي
شيخه: امي تعبت تنطر
قربت ام نهيان وهي تسلم على اماني : صباحچ خير يايمه
اماني : الله يصبحك بالنور ياخالتي
ام نهيان: تعالي تعالي وياي
جابر: يمه الله يهداچ انا ولدچ ترا وانا معرس
ضحكت شيخه : تعال وياي انت امي سحبت كرت الغلا منك خلاص
وقف ابو نهيان مبتسم : هلا يابنيتي حياچ الله في بيتچ وبين اهلچ
قربت اماني بحرج وهي تسلم عليه : تسلم ياعمي
ابو نهيان: حياچ الله
جابر: يبه نحن هنا
لف ابو نهيان مبتسم: هلا هلا تعال يالمعرس جنبي ولا ماتبينا
ضحك جابر: ابيكم بس مو الحين
ام نهيان: ايا يا قليل الخاتمه
ضحك جابر وهو يجلس جنب امانيي: وين نهيان ومريم
شيخه: نايمين ما بغينا نقعدهم ويموتون من الحره
جابر: زين زين خليهم مانبي حنّه
كانت اماني تحس بخجل من مراعاتهم لها والكل يعطيها وبذات جابر اللي لولا الحيا كان بيأكلها بيده
_______________________.

.
وفي بيت ماجد
ما صدق اول ما صحى على صوت سحر تناديه بهدوء
وفز يقول : سحر وش فيك
تفشلت سحر انها فجعته وقالت بخجل : بسم لله عليك مافيه شي بس جهزت الفطور وابيك تصحى تفطر معي
ما توقع ماجد ان هذا السبب بس فرح انها اخيراً بدت تكلمه وتتجاوب معه وتمنى انه تكلم من زمان اما سحر طول الليل ما نامت كانت تحاول تتجرأ وتعيش حياتها وتنسى خلف اللي امس بعيونها شافت فرحته بليلى وقررت تبدا من اليوم
راحت وبعد فتره لحقها ماجد اللي للحين ماهو مصدق
وجلس مقابلها ببتسامه وهو من فرحته مايدري وش بيقول ووش بيسوي
_______________________.
وفي بيت ابو خلف
رجعوا ام خلف وام وعد وقال فيصل : الحيييين خليف المعرس تودون له فطوره وانا اصحى ما القى لقمه اكلها
ام وعد : يالله صباح خير بس وشوله ما قلت للبنات
فيصل : البنات صاروا جثث كلهم نايمين ما يسمعون صوتي
ام خلف: وانت مالك يدين تقوم تسوي لنفسك
فيصل: معرف وسالموه وغيث نايمين بعد
ام وعد : وانت ياحظي من قاري عليك هالصبح وصاحي بدري!؟؟
ام خلف بضحك: مدري منين طلعت الشمس
فيصل: الله يالدنيا الحين صرتوا ماخذيني مطنزه لكن والله مقعد لكم
اخذ اغراضه وهو يدق باب جده ويتنحنح ودرعم فالبيت
عزوز: هي هي وينك رايح
فيصل: ادورك
عزوز: وش فيك من صباح الله
فيصل: اهلي ماعاد يبوني مخليني بدون فطور
ضحك عزوز: الحال من بعضه شكل الكل تعب فالعرس
فيصل: وش السوات
عزوز: مافيه الا نخدم انفسنا بأنفسنا تعال المطبخ
دخلوا يحوسون وفجأه وهم لاهين بالعجن والخبر لفوا على اللي دخلت بهدوء ومتجهه للثلاجه فتحتها وطلعت المويه وعزوز متصلب وفيصل مثله لكن فجإه صرخ عزوز: شهدوووووه
انفجعت شهد وطرحت الكوب وهي تصرخ: يممممه
صد فيصل بسرعه وطلع بيركض لبيتهم لكن فجأه التفت لشهد اللي دفته وطلعت تركض وتصرخ من جنبه وقبل يستوعب اللي صار ضربه عزوز : وش تناظر انت
فيصل: مدري وش فيك انت تصارخ فجعتني وش صار
عزوز بشك: ما تدري وش صار!؟ فيصل للي من الفهاوه ما ركز: مدري وش بلاك
عزوز:خلاص مافيه شي ارجع نكمل
رجع فيصل وهو يحاول يتذكر وش شاف بالضبط لكن من الفجعه مايتذكر
_______________________.

.
وفي بيت ام ضاري
كان الوضع متعودين عليه من يوم تعبت مضاوي وضاري يدخل ويبدع بالمطبخ ويطلع
مضاوي : ضاري ترا صرت طيبه اقدر اسوي شغلي
لف ضاري لامه: يمه متى يقول الدكتور يزول الخطر
ام ضاري : بعد الشهر الثالث
ضاري: وانتي توك في الثاني يعني يالله خير بتجلسين شهر
مضاوي: لييييييييه !؟ ضاري : كذا من الله
ام ضاري : اجلسي يا مضاوي واحمدي ربك نعمة ماحد لقاها
ضاري : اي وللله مدري وش فيها ترفس النعمه
مضاوي : لاني مليييت خلاص
ضاري : طيب انا عندي حل وش رايك بعد الفطور نطلع ونروح البحر وننبسط فيه
مضاوي : موافقه موافقه موافقه
ام ضاري : وانا بعد
ضاري : اجل على بركة الله نفطر ونطلع
جلسوا يفطرون وبعدها اخذوا اغراضهم وطلعوا وضاري يشوف نفسه فاضي وطفشان بما ان خلف ماهو فاضي له ونادر مشغول بنفسه وعقاب مثله
_______________________.
وفي بيت عقاب
للحين يحاول يلقط حركة يعرف فيها مقصد وعد بس ما مداه يفكر بعد ماجت وجد تعبانه وطلبته يوديها المستشفى وطاار عقله تماماً بعد ما قالوا انها حامل انهبل عقاب من الفرحه ورجع وهو يعيد ويزيد: مالك شغل بالبيت لا تلمسين شي لا تسوين شي ليييين يثبت
وجد: ابشر ابشر لكن لازم احد يمسك البيت
عقاب :وعد فيه انتي ارتاحي
وجد : زييين تراني مافطرت ولا اكلت شي
عقاب : ابشري ابشري كل شي تبينه بيجي ارتاحي انتي بس
تركها ونزل فرحان يحوس بالمطبخ يبي شي يعطيها اياه لكن وقف وهو يشوف وعد جايه فجأه ابتسم لها وهو وده يقول هالخبر المفرح ويبشر كل الناس
ناظرته وعد باستغراب بس صدت وقبل تروح انصدمت بعقاب وقف قدامها مبتسم وقال: ودك ابشرك ياوعد .
.
.
ناظرته وعد باستغراب بس صدت وقبل تروح انصدمت بعقاب وقف قدامها مبتسم وقال: ودك ابشرك ياوعد
عجزت وعد تعطي اي ردة فعل لكن ما تكلمت وهذا اللي شجع عقاب وقال: وجد حامل
ما تنكر وعد انها فرحت لان هذا يعني انها بتفتك من اعذاره بخليفه ولاول مره تكلمه بهدوء وقالت: والله! ماشاءالله الله يتمم لكم
لفت بتمشي بس وقفها عقاب وهو يقول : الدكتور يقول لا تبذل مجهود ولا تتعب
تكتفت وعد كأنها تدري وش بيقول كان عقاب متأكد مثل اسمه انها بترفض ويضطر للهواش والمشاكل : وبهالحال بتضطرين تكونين بالواجهه شوي وتساعدينها
ضحكت وعد باستهزاء وصدت وهي ترتب صينيه فيها اكل ولفت وهي تعطيه اياه وقالت: بالعافيه عليكم
وطلعت وتركت عقاب مصدوم كيف رضت بهالسرعه ووش هالطاعه اللي خيمت عليها
اخذها وطلع اما وعد رغم كل البلاوي بينهم ما وصلت لمرحلة انها تمنى لهم الشر او تحسدهم فرحتهم بطفلهم ومهما كان تدري ان نعمة الضنى عزيزه وتمناها لهم يمكن ربي يشغلهم عنها
وعند عقاب دخل على وجد وهو معه الصينيه : خذي يلا وسمي بالله
ناظرته وجد بإنتصار: وعد سوته
عقاب : لا انا سويته كلي يلا وارتاحي
مايدري ليه ماقال ان وعد مسويته بس مايبي وجد تستغل وعد وبعدها تبدا المشاكل وهو مب ناقص
_______________________.
وفي بيت النوخذه
كانوا يودعون جابر واماني لانهم بيروحون للكويت وانتقالهم دايم
جابر: يبه قعدوا بعد يومين
نهيان: شنو نقعد !؟ خلاص الديره حنت لاهلها وبعدين خلاص انت تزوجت واجلس ويا زوجتك
ابو نهيان: اي نعم وامسك الشغل وخلك رجال
ام نهيان: وتاخذ راحتك مع عروستك واحنا ملحوق علينا
جابر: والله ما ادري شنو اقول بس لا تروحون ما سلمتوا على ليلى
شيخه: لا كلمتها من ساع وقالت بتجي
مريم: زيين
سكتوا على دق الباب ودخلوا الحريم جوا وراح نهيان يفتح الباب : هلا هلا بالمعاريس
خلف ببتسامه: هلا فيك والله
ابو نهيان: حياك ياخلف دش دش
دخل خلف وليلى معه واقبلت تسلم عليهم بفرح واتجهت لابوها تبوس راسه وتحضنه
واستقبلها بحضن وهو يقول : هلا هلا بعين السيح على ببنتي الغاليه
ليلى:هلا فيك يبه
نهيان: ليلوووه شلونچ صراحه فاقدينچ
ليلى : وانا اكثر والله
جابر : ليلى انا ما ادري شلون بعيش وانا ما اسمع صوتچ تغنين كل صبح
ضحكت ليلى بحرج: ماعليك تعوضك اماني
نهيان: خلف لا تهدها ترا صوتها يجنن
ضحك خلف : على خير
ليلى: بدخل داخل اسلم عليهم
ابو نهيان : خلف شلونك
خلف : حمدلله بخير دامكم بخير انتم شلونكم
اللكل : الحمدلله
التفت خلف ببتسامه لجابر : شوي وناد لي اماني بسلم عليها
جابر: ابشر

.
جابر: ابشر
كان خلف رغم الميانه اللي وصلها مع خلف ومع نهيان بس علاقته بأبو نهيان متوتره
_______________________.
وعند ليلى دخلت
وهي تسلم على الكل ولفت: وين اماني!؟ مريم: من شوي صدعت حجرتها
شيخه: بتنزل الحين المهم اني شلونچ
ليلى ببتسامه: حمدلله
ام نهيان: هاه يمه كيف خلف وياچ
ليلى : زين يمه حمدلله
مريم: رحتوا حق اهله!؟ ليلى: لا سألني وين نروح اول وقلت لكن اول
شيخه: زين حمدلله
ليلى: بس اليوم الصبح جت امه وعمته وجدته بالريوق يقول ان هاذي عاده عندهم وماقصروا وللله ينحطون على الجرح ويبرا
ام نهيان: اي والله ناس حبيبين ويخافون الله
مريم : ماقالچ خلف وين بتروحون شهر العسل
ليلى: ما سألت والله
شيخه : ماعليچ بتنبسطون ان شاء الله
وقفت ليلى : انا بروح حق اماني اخاف مستحيه ومانزلت
شيخه: حيييل مستحيه والله انكسر قلبي عليها
ليلى: بصعد لها
طلعت وهي مبتسمه ودقت الباب بهدوء
واماني اللي مادرت بجيتهم للحين كان جالسه متوتره وهي بعد ما سلمت على اهل جابر وعرفت انهم بيرحون تحس انها متوتره وخاطرها تروح لاهلها فزت على صوت الباب: مين !؟ ليلى ببتسامه: العروسه رقمظ¢
ضحكت اماني وهي تفتح الباب: ليلى هلا والله
قربت ليلى تسلم عليها بحراره: هلا فيچ شلونچ
اماني: حمدلله انتي شلونك وشلون خلف جاء معك
ضحك ليلى: انا بخير وخلف تحت
اماني: زين قلتي لي
ليلى: المهم مبروك ما لحقت ابارك لچ والله يوفقچ ويسعدچ يارب
اماني : امين يارب وياك ان شاء الله
ليلى : وابد لا تخافين ولا تتوترين ترا جابر حيييل طيب وفوق هذا يحبچ وااااجد
نزلت اماني راسها بخجل وابتسمت: اتوقع ما يحتاج اقولك عن خلف شي تدرين به شكثر يحبك
ابتسمت ليلى بخجل : زين ننزل تحت
اماني: يلا سبقيني بلحقك
نزلت ليلى مبسوطه ورجعت اماني تعدل شكلها ونزلت هي بعد
وبعد شوي جاء جابر وهو يقول : اماني
ناظرته اماني وهي مرتبكه: سم
ابتسموا كلهم على الكلمه وابتسم جابر: خلف يبيچ تعالي
وقفت اماني وهي مشتاقه لاخوانها واهلها وراحت مع جابر اللي كل خمس ثواني يلتفت لها ويبتسم
ووقف خلف : هلا هلا هلا يالله انك تحييها
ابتسمت اماني واسرعت وهي تحضنه وتلقاها خلف بحنيه
وقرر جابر ينسحب ويخليهم براحتهم وابعدت اماني بعد فتره وهي مبتسمه
خلف : تعالي اجلسي وقولي لي وش اخبارك وعلومك
اماني : حمدلله بخيير انت وشلونك
ابتسم خلف : انا بخيييير والف خير بعد لكن ابي اتطمن عليك عساه جابر زين معك
ابتسمت اماني ابتسامه مرتبكه: الحمدلله .

.
ابتسمت اماني ابتسامه مرتبكه: الحمدلله
خلف : اماني مابي اعيد فالكلام وازيد لكن تدرين اذا ضاق صدرك ان وراك اخو وسند
اماني : ادري عساك لي ذخر
خلف : زين اجل يلا انا بتسهل وانتي نادي ليلى
اماني: ابشر
طلعت بعد ماودعته تنادي ليلى ودخل ابو نهيان: زين لقيتك لحالك ياخلف
دق قلب خلف بتوتر : سم ياعمي
ابو نهيان: اسمعني ياخلف لا تفكر ان بعد اللي صار معك انت ويا ليلى اني تخليت عن بنتي لاااا ودير بالك تزعلها او تكدر خاطرها وقتها بتشوفني قدامك ولا بغفر لك ياخلف ابداً
خلف : مابي اقاطعك لكن ما يحتاج تكمل ياعمي انا ما وصلت هالمواصيل وتعبت وتعنيت الا عشان احط ليلى بعيوني ومستحيل اني اكون ضدها حتى لو صار الغلط منها
هز ابو نهيان راسه برضا: هذا العشم فيك ياخلف ولو ماكنت اعدك رجال كفو ماكان زوجتك بنتي
خلف : تسلم ياعمي
لفوا على دخول ليلى للي قربت وهي تبوس راس ابوها : ودعتك الله يبه دير بالك على روحك وامي ولا تطولون تعالوا لنا كل فتره
ابو نهيان: لا تحاتين يا ليلى وانتي بعد ديري بالچ على نفسچ ورجلچ
ليلى: حاضر
وقف خلف : يلا مانبي نأخركم نستودعكم الله
طلعوا خلف وليلى وكان وجهه خلف منقلب من قعدته مع ابو نهيان
ليلى: خلف شنو فيك
خلف: مافيني شي بس فيني تعب امس وش رايك نرجع البيت و نريح ولا نروح سيده اهلي
ليلى : اذا حيل تعبان نرد البيت
التفت خلف مبتسم : تدرين نروح لاهلي ونرجع مره وحده نرتاح
ليلى : اللي يريحك
طلعوا متجهين لبيت ابو خلف
_______________________.
وفي بيت ابو خلف
اللي كانوا كلهم تعبانين من كرف العرس وتوهم صاحيييين ويرتبون وينظفون وكشخوا لكن وقفهم صوت سالم ينادي بفرح: خلف جاء خلف جاء
نزلوا الكل يركضون وكان خلف وليلى بالمجلس وانطلقوا البنات لهم بفرح
ندى: يا هلا يا هلا يا حي الله
خلف : هلا فيكم
وقفوا يسلمون وهم مبتسمين وليلى منحرجه وهم منحرجين بعد
ام خلف: غيث اركض ناد جدتك وابوك وانت سالم ناد وعد
غيث وسالم :طيب
ام وعد: عساك مريت اماني
خلف : ايه توني جيت ومبسوطه وتسلم عليكم وبتجي هي بعد
وجدان: صراحه انا اقر واعترف ان ضربتين بالرس توجع كنت احس عادي ما بفقدكم بس اعلن استسلامي من اول لحظه
ضحكوا وقال خلف : بااااقي للحين ما حسيتي زين
كانوا البنات يسولفون لخلف وليلى تتأمل ببتسامة حب ï؟½ï؟½
.
وجدان: صراحه انا اقر واعترف ان ضربتين بالرس توجع كنت احس عادي ما بفقدكم بس اعلن استسلامي من اول لحظه
ضحكوا وقال خلف : بااااقي للحين ما حسيتي زين
كانوا البنات يسولفون لخلف وليلى تتأمل ببتسامة حب
_______________________.
وفي بيت عقاب
كان جالس عند وجد اللي تحلم بأحلام ورديه مع هالحمل ومتفائله انه بيثبت
عقاب : ان شاء الله يثبت بس انتي انتبهي لنفسك
وجد : لا توصي حريص مارح اتحرك ابداً ولا اشتغل ولا اسوي شي
عقاب : زين زين
لف على دق الباب ونزل يبي يشوف مين وفتح الباب : هلا سالم
سالم: عقاب وينها وعد
عقاب : داخل وش فيك!؟ سالم: خلف عندنا هو وزوجته وامي تقول خلو وعد تجي تسلم عليه
عقاب :ماشاء للله تبارك الله يلا زين بقولها
سالم: زين ولا تتأخر
عقاب : طيب
رجع عقاب وهو ينادي:وعد وعد وعــــد
سمع صوتها وهي تقول : هنا هنا
دخل الغرفه وهو يشوفها في فاصل صغير بين الحمام والغرفه وكانت متورطه وهي تروش خليفه لها فتره متورطه لانها كانت تروشه بمساعدة امها او خواتها بس هالمره متورطه
دخل عقاب وهو يناظر باستغراب وشاف حوستها ومع ذا خليفه يبكي ويشهق اذا جاء المويه عليه
عقاب : وش تسوين!
وعد ناظرته بهدوء وصدت: اشوف الله خلق لك عيون! معقوله ما تشوف
عقاب: المهم عمتي ترسل تقول خلف فيه اذا بتسلمين عليه
وعد :اخلص شغلي اول
رجعت لخليفه وهي تحاول تثبته وقرب عقاب : عطيني امسكه انا
سكتت وعد لانها فعلاً تحتاج احد يثبته وقرب عقاب وجلس وهو يمسك خليفه اللي يمسك فيه ووعد تحاول تسكته وهي تخلص بسرعه ورفع عقاب يده يحجب فيها الشامبو عن وجهه خليفه
وهو يضحك له ويناديه عشان يسكت وكل ما مرت يد وعد من فوق يد عقاب عشان تنظف الشامبو التفت عقاب يناظرها بهدوء ويصد
انتهت وعد اخيراً وركضت تجيب المنشفه ورجعت وهي تشوف عقاب رافع خليفه وحاضنه وهو مليان مويه لكن كان خايف عليه من البرد ويبي يطمن خليفه اللي يبكي
قربت وهي تاخذه من عقاب اللي كانت ملابسه مبلله وحتى لحيته مبلله
اخذت خليفه وهي تلفه ودخلت تلبسه مستعجله وعقاب واقف يناظر ولفت وعد تناظره وفجأه مدت يدها وهي تمسح لحية عقاب بالمنشفه ورجعت تكتف :مطول واقف !ابي اجهز؟؟؟
عقاب اللي للحين يراجع حركة انها مسحت لحية ىكانت قريبه ما استوعبها لكن قال بهدوء: خلصي وروحي ولا تطولين
طلع من الغرفه وهو يمسح لحيته بتفكير: وش وراها هالبنت وش نيتها!؟ معقوله! معقوله انها رضت واستوعبت انها ماتقدر تواجهني ؟
بدا عقاب يكبر بداخله هاجس انه ارضخ وعد وكسر عصيانها


بدا عقاب يكبر بداخله هاجس انه ارضخ وعد وكسر عصيانها
اما وعد كانت تطبخ هالهاجس على نار هاديه ولبست وجهزت وطلعت تركض لبيتهم
_______________________.
وعلى اطراف البحر
وصلوا ضاري ومضاوي وام ضاري
ونزل ضاري يجهز لهم المكان وبعد شوي نزلوا وجلسوا على الشاطي وضاري يجهز القهوه والشاهي
والتفت وهو يضحك وشاف مضاوي النعسانه وهاذي عادتها من اخر فتره وقال بمزح : صحصح معنا يا ناعس الطرف كأن النوم صار عاده
اعتدلت مضاوي بضحك: انت سبت كل هاللي يصير بل تقعد تذمر
وفجأه قامت تغني ام ضاري بضحك:
أنت سبت جروحي اللي جت و ارهجت رجت العمر و أن جيت اباقوم وأطيـح
فزت مضاوي تضحك وتصفق : ايييي وربي اي وربي انك صدقتي عز الله انك سبت هاللي فيني وان جيت ابا قوم اطيح كله منك ومن ولدك
ضحك ضاري: افاااا اجل كملي كملي
مضاوي : اطربينا ياخالتي تكفين
تربعت ام ضاري وهي تصفق وتغني وتضحك :
ساقني سم من طعم سمسم نسم وانقسم نصف قلبي
وناديتـــــــــها
قلت يا ناعس الطرف وش ذا الجفا ما صفا الجو حتى معك نستريــــــح
ضاري : اييي والله تكفين صفي جوك شوووي نبي نضحك
مضاوي : بترد عليك خالتي كملي كملي
ام ضاري : قال من جرب الحب يلقى الشقاء ما بقى غير روحك وعنيتـــــــــها
ضاري : عندي عندي يمه تكفين
كمل هو وامه يضحك :
قلت من شافكم يا سمى البحر انتحر وارخص الروح علم
صريــــــــــــح
صابر مثل صبر الجمل للحمل ليت الاقدام سارت
وسريتـــــــــها
راق جوهم ووقفت مضاوي وهي تفتح شعرها وتلفح بضحك وقرب ضاري يضحك وهو يوقف معها مايبي يقولها تجلس ويطفشها لكن قريب منها عشان ماتتحمس
وام ضاري تغني بضحك:
قلت: ياسيّد البيض يا ابيض غضيض الحظيظ الذي عاشرك مامليح
عشرتك تنشري بالذهب ياذهب ذا وذا ذابت الكبد واوذيتها
جلسوا بعد ماضحكت ام ضاري : خلاص اقعدوا اقعدوا
مضاوي : عسى الله يوسع صدرك يا خالتي والله وسعتي صدري
ضاري : اي والله
ام ضاري :وش ورانا نوسع صدورنا ونستانس
ضاري : اي والله
كملوا جوهم ويسولفون ويغنون ومبسوطين
_______________________.
وفي بيت نادر
هاليوم صحى على جيت ابو شوق وام شوق وكان ساكت بالقوه ومتحمل يشوف شوق مستانسه فيهم وتقول لامها عن حملها وتفاصيله وكأنه هدت نفسه وتطمن ولا يبي ينكد على شوق وقرر يطلع يدور اي احد يسولف معه
اخذ طريقه لبيت عقاب ووقف وهو يدق الباب وبعد فتره طلع عقاب مبتسم: الله الله وش هالصدفه للي رمتك لبيتي
نادر : جيت بشوف وينك الظاهر اليوم كلٍ مختفي
عقاب ببتسامه: لا تلومني لو تدري عن اللي صار ما انت لايمني .
.
.
نادر : جيت بشوف وينك الظاهر اليوم كلٍ مختفي
عقاب ببتسامه: لا تلومني لو تدري عن اللي صار ما انت لايمني
نادر: خير وش فيك ؟
عقاب : اقلط بنتقهوى
نادر: لا لا تعال هنا نجلس
جلسوا على الباب والتفت عقاب مبتسم : ادع الله ان ربي يتمم علي هالابوه اللي عيت تسهل
فز نادر والتفت بفرح: وعد حامل !!!؟
صد عقاب وضحك بإستهزاء: لا وييين وجد الحامل
نادر: مبروك .. لكن! وش اللي وين!؟ وعد بعد زوجتك
عقاب : ادري ادري لكن وعد الحين مشغوله بولدها
نادر: ماهقيت ياعقاب هذا عذرك ؟ لكن خلني اقولك ان ما انت عقاب اللي على خبري ! تغيرت من بعد هالزواج وانت دايم متضايق وسرحان وحالتك حاله
عقاب : مافيه شي لكن تدري بهواش الحريم
نادر: عقاااااب بشحمه ولحمه يهاب هواش الحريم!؟؟ وين حصلت ذي
عقاب: ماهي مهابه يانادر لكن تحتار تخاف تظلم وحده وتجوز عليها وكلهم من شعر الوجهه ذي بنت خال وذي بنت عم
نادر: والله مدري وش اقولك لكن عجل وضبط امورك ياعقاب ترا بدا ينقلب حالك
عقاب : على الله يارجال على الله
_______________________.
وفي بيت النوخذه
راح النوخذه واهله للكويت وبقت جابر واماني بهالبيت لحالهم واماني اللي يعكر راحتها توترها
دخل جابر وهو يقول : اماني حبيبتي
دق قلب اماني لكلمته لكن اكتساء وجهه باللون الاحمر في ثواني ونزلت عيونها ليدها بخجل وابتسم جابر اللي من امس يتأملها ويحس انه ظالمها بخياله اللي كان يرسمه لها كانت احلى واحلى مليون مره من خياله ويزيد جمالها حياها قرب وجلس وهو يقول : متى خاطرچ نسافر
اماني لفت بهدوء:وين نسافر!؟
جابر: شهر العسل
اماني: ا ا براحتك
جابر : راحتي وياچ والمكان اللي خاطرچ فيه نروح له
ماقدرت ترد اماني وابتسم جابر وقال: طيب بنفكر بهالموضوع بعدين ! الحين وين تبين نروح!
لفت اماني بلهفه وقالت: يصير نروح لاهلي
جابر: افا عليچ تبشرين نروح لأهلچ ليييه ما نروح لكن الحين صار المغرب نروح بكره!؟
اماني : زين
جابر : تعالي اراويچ البيت
اخذها بيدها وبدا يدور فيها ويوريها كل مكان واللي له فيه ذكريات يحكيها واماني على كثر لهفتها انها تناظر عيونه وهو يحكي الا انها في خجل
_______________________.
وفي بيت ابو خلف
الكل كان مجتمع حول خلف اللي خليفه بحضنه وحوله غيث وسالم والكل يسولفون
ابو خلف: بتتعشى هنا ياخلف!؟ خلف : لا والله تعشى معكم العافيه انا شويات وبطلع وبسلم عليكم يمكن اني اسافر لبعض المناطق وما مريتكم
ابو خلف : الله معك وانتبه لنفسك وانتبه لليلى
خلف : ابشر في عيوني
وعد : ولا تقطع .
.

[صواديف عشاق]

.
وعد : ولا تقطع
خلف :افا عليك كل يوم بدق عليكم
ندى: حاول انك ماتبطي
خلف : ان شاء الله يلا نودعكم الله
وقفوا وطلع ابو خلف و لفت ندى ببتسامه: ليلى لا تسرقين اخوي منا اذا نسى ذكريه يتصل فينا
ابتسمت ليلى بخجل ولفت: ابشري
ام خلف : وصينا خلف عليك لكن بعد ودنا نوصيك على خلف حطيه بعيونك
ليلى: ابشري
ام وعد : استودعناكم الله
خلف : يلا فمان الله
سلم عليهم وطلع وقابله فيصل ببتسامه: هلا هلا هلا بالمعرس هلا
اتجهه له خلف ببتسامه: حياك الله وينك! من ساعه انتظرك فيصل : كنت بالمحل انا وعزوز
خلف : قواك الله
فيصل: الله يقويك وين رايح!؟ خلف : رايح البيت
فيصل: يلا الله يستر عليك وانتبه لنفسك
خلف : ابشر وانتبه انت بعد لنفسك ولاهلك واذا صار شي كلمني
ضحك فيصل: مانستغني عنك يا باشا
خلف : زين يلا
اخذ ليلى وطلع لبيته مبسوط وراضي وفرحان
_______________________.
وفي الدمام
عند ماجد اللي طلع من بدري يتمشى هو وسحر ويسولف لها ويسولف ويضحك ومتحمس وهي تحاول تتجاوب معه قد ماتقدر لكن تستحي من نظرة ماجد اللي يسرح فيها كثير صحى ماجد من سرحانه وهو مبتسم وهو يحاول يدور موضوع يهم سحر وتقدر تسولف معه فيه وقال: ا سحر
سحر: هلا
ماجد : سمعت ان خاطرك تكملين دراستك
سحر : ايه كان ودي بس عقاب كان يشوفه شي ماهو ضروري
ماجد: بالعكس الشهاده ضروريه اكيد وهي اللي بعد الله تضمن مستقبلك ومحد يدري عن صدف الدنيا بس قولي لي انتي وين وصلتي!؟ سحر: هذا رائيي بس ماصار ووصلت للمرحلة السادسه
وبعد فتره كملت انتساب وخلصت المتوسط والثانوي
ماجد : حلووو يعني ما باقي لك كثير وان شاء الله تدخلين الكليه لللي تبين
سحر ابتسمت بهدوء: امين لكن من وين ياحسره
ماجد: افا عليك بس ياسحر انا وش خانتي هنا وابشري تدخلين اللي تبين وتكملين لابعد مرحله تبينها وازيدك من الشعر بيت انا لي معارف كثير وبدخلك المجال اللي تبينه من اوسع ابوابه اطلبي وابشري
ابتسمت سحر فرح: مشكور ياماجد يكفي ان اسمع هالكلام منك حتى لو ماصار شي
ماجد : بأذن الله يصير كل اللي تبينه وانا وش عندي اغلى منك بس لله يقدرني وكل شي تحلمين فيه تشوفينه بعينك
كانت سحر مبتسمه بتعجب ! تفكر في تصرفات ماجد وما تدري اذا هو طيب بالفطره ولا بس معها ماتدري ليه كل هالدلال ولا تدرين كيف تحط فرضية انها يحبها من قبل لان هذا شي بالنسبه لها مستحيل
لكن اعتبرته عوض خييير من ربي لها اما ماجد ياكثر مايحاول يفهمها حبه لكن للاسف ما تفهمه
_______________________.

.
وفي بيت الجد قايد
لف ابو ناصر وهو يقول: يا عزوز وين عقاب ماشفناه اليوم
عزوز: والله مدري ياجدي مريت المغرب شفته مع نادر عند بيته والظاهر انهم للحين جالسين
ام ناصر: ايه شلتهم ناقصه اليوم
عزوز: اي والله حتى ضاري ماشفناه
شهد :جدي دامني بسوي العشاء وش رايك نعزم عقاب ووعد للعشاء
عهد بحده: ووجد
ابو ناصر: ابد اعزمي اللي تبين حتى ابو ناصر واهله اعزموهم
شهد : ابشر
فزت وهي تركض للباب الفاصل وفز عزوز قبلها: تعالي تعالي !؟ وين مدرعمه ولا ناسيه ان فيصل فيه
شهد غصت بريقها اول ما تذكرت اللي صار اليوم ولفت: بنادي غيث وسالم
عزوز: ارجعي بس انا اناديه
ابو ناصر: ايييه راح عقاب وجاء عقابٍ ثاني
مارد عزوز اللي يدق الباب وينادي: فيصل فيصل
فتح فيصل الباب لكن مسكه عزوز بسرعه:اصبر لا تفتح
فيصل: وش عندك!؟
عزوز: قل لعمي حياكم للعشاء الليله عندنا
فيصل: وش الطاري!؟
عزوز: مشتاقين لكم
فيصل: ياربي وش صاير فالدنيا
ضحك عزوز: يلا بس اخلصوا
فيصل: يلا
سكر عزوز ورجع : بروح لعقاب
ام ناصر: يلا خف رجلك لا تبطيي
شهد: اصبر بعطيك اغراضي تجيبها معك
عزوز: وفيها اغراض بعد
ابو ناصر: اخذها بس وتسهل
اخذ عزوز الاغراض وطلع متجهه لبيت عقاب
_______________________.
وفي بيت عقاب
اللي اصر على نادر يتعشى عنده ونادر يبيها من الله مايبي يرجع للبيت ويقابل ابو شوق
وماصدق عقاب ان وعد تجي لانه حايس بالمطبخ والقهوه والشاهي ولا يبي وجد تتحرك
ودخلت وعد وهي تشوف عقاب يحوس لكن فجأه جاء يركض وهو يوقف بينها وبين المجلس ورفع شماغه بينها وبين باب المجلس وانفجعت وعد : وش فيك !؟
سكر فمها عقاب بسرعه ودخلها : فيه رجال وانتي مدرعمه وجدعتي الغطاء ماصدقتي على الله
وعد : خير ان شاء للله وش دراني ان فيه رجال!؟ وبعدين وش اللي ماصدقت على الله وش قصدك يعني ؟!
عقاب : ماقصدت شي ادخلي سوي لنا قهوه وشاهي وترا نادر بيتعشاء عندنا
وعد : والله!!! احد قايلك اني خدامه
عقاب : اسمعيني عاد هذا ماهو وقت الهواش والصياح الرجال له ساعه بالمجلس وانتي تدرين وجد ماتقدر تسوي شي
ناظرته وعد بطرف عين وصدت وهي تدخل للغرفه ونزلت خليفه وهي تنزل عبايتها ورفعت شعرها وبدلت وهي تلبس لبس مريح تقدر تشتغل فيه
وطلعت وهي تشوف عقاب واقف ينتظرها وهو ماهو واثق انها بتسوي اللي قاله
هزت راسها وهي تستغفر ومرت من جنبه وهي تقول : عينك على خليفه دام اشغلتني عنه
اخذ عقاب نفس ودخل ياخذ خليفه وراح لنادر
نادر: هاااه وين ابطيت
عقاب : جيت جيت

.
عقاب : جيت جيت
نادر: هذا خليييفه هاته هاته
عطاه عقاب وجلس مبتسم لكن بكى خليفه وهو يمد يده لعقاب اللي فز وهو ياخذه: مايعرفك مايعرفك
نادر : افاااا
عقاب : يستنكرك
نادر: شف العيون بس شف
التفت عقاب يناظر خليفه ويضحك وكان خليفه نسخه من وعد ما كأنه ولد مبارك
نادر: بسم لله علييه يفتح النفس ما ألومك يوم تحبه ان وخلف
ناظره عقاب للحظه وضحك: بسم لله عليه
نادر: له مستقبل زاهر هالولد عيون وشعر وحتى ضحكته تسرق القلب ماشاء لله سبحان الله ما كأنه ولد مبارك ابد الظاهر طالع على امه واهلها
ناظره عقاب بنظره حاده : ايه وش دراك عن امه انت
نادر بتفكير: اعرفها امه يوم حنا صغار كنها ولدها سبحان الله
عقاب : لا والله !!! نادر: اي والله ماشاء للله بس جعلني ما اضرهم
فز عقاب وهو يجلس على ركبه ونص بقهر : ماودك تبلع العافيه بس وتحشم نفسك
ضحك نادر :ههههههههههههههههههههههههههههه امزح ياخبل من متى اعرف امه ولا من متى اجيكم وانا صغير لكن ابي ارفع ضغطك
عقاب بضحك : وجعٍ يوجع العدو
نادر: لا لا واضح ان امورك سليمه
عقاب : اقول الظاهر ماعاد عندك سوالف
نادر: عندي عندي لكن الليل طويل
وقف عقاب على صوت الباب : اصبر
فتح الباب : عزوز ادخل وش عندك!
عزوز: ابد جدي يقول حياك للعشاء اللي بتسويه شهد ونتسمم كلنا
ضحك عقاب : وش صاير بالدنيا شهد تطبخ!
عزوز: الظاهر قرب اجلنا
عقاب : استغفرلله
عزوز: لا بس قررت انها تاخذ دروس طبخ وتطبق علينا المهم حياك
عقاب : مقدر والله عندي نادر وبتعشى معه
عزوز: يلا اجل
طلع عزوز وسكر عقاب الباب لكن التفت لصوت اللي يناديه لاول مره بهدوء بدون صراخ وغضب وتهديد وكرهه شاف وعد واقفه ومعها الصينيه : عقاب تعال
اتجهه لها يمشي بهدوء وده ترجع تنادي ووقف وهو ياخذ الصينيه وانتظر ثواني يبي يسمعها تقول شي ثاني لكن صدت وعد وهي تكمل شغلها ووقف عقاب فتره يراقب شغلها وحضورها بالبيت كان عجيب جداً بالنسبه له رجع للمجلس ينفض عنه هالتفكير
.
.
.
وفي بيت خلف
من بعد ما رجعوا جلس خلف وهو يقول : ليلى تعالي بكلمك
ابتسمت ليلى وقربت وهي تجلس: هلا
خلف : اسمعي صح انا قلت لاهلي بنسافر لكن للامانه انا ما في راسي اي مكان نسافر له ولا فكرت في شي كان المهم عندي اجتمع فيك ولا فكرت في الجاي ابد وخليت هالقرار لك وانتي اختاري
ليلى : صراحة ما فكرت انا بعد ومايفرق معي اي مكان معك جنه
ابتسم خلف برضا وقرب وهو يشبك يده بيدها : دام هذا كلامك اجل اسمعي نطلع من هنا لدمام وبعدها للبحرين ونكمل على دول الخليج كلها وبعدها نرجع لسعوديه ونطلع لكل المناطق اللي نبيها
ليلى: چذيه حلو
اخذ خلف نفس مليان ابتسامه : طيب بروح اجيب العشاء وارجع
ليلى: زين لكن لا تتاظ”خر واجد
خلف : اتاظ”خر علييييك ؟ مهبوول ؟ اسبق من الطياره بروح وارجع
ضحكت ليلى وهي تراقبه لين طلع ورجعت تبدل وتجدد كشختها
_______________________.
وفي بيت النوخذه
عند جابر راح نص يومه يسولف لاظ”ماني ولا يبي اي شي غير انها تضحك بس
وبعد العشاء قال جابر: تعالي نصعد السطح الهواء هناك يرد الروح
اماني: طيب
كان جابر يتاظ”خر مايطلع لين تطلع اماني وهو يضغط على نفسه ويطلع الدرج بمشيه ثاااابته ومعتدله لانه من بعد الحرب يصعب عليه المشي المعتدل من اثر التعذيب اللي مر عليه
وكانت اماني حاسه فيه ومتقطع قلبها عليه جلست في اول مكان صادفها
وجلس جابر بعد وهو يفكر وش السالفه الجايه اللي بيسولف فيها لكن يبي شي تتكلم فيه اماني معه براحه
ابتسم وهو يقول : اماني
اماني : سم
ابتسم جابر بود : ابوچ متزوج حرمتين صح ؟؟ اماني : ايه عمتي ام خلف الاولى وامي الثانيه
جابر: عايشين في بيت واحد كلكم !؟
اماني : ايه
ضحك جابر باستغراب : شلوون!
قطبت اماني باستغراب : كيف يعني؟؟ جابر : اقصد ما يصير مشاكل ما تختلفون !! يعني انا اقول چذيه لانه واحد من عمامي متزوج حرمتين وطلعوا عينه
ضحكت اماني : لا ما يصير مشاكل عمتي ام خلف مثل امنا وحنونه وطيبه وتحب امي وامي بعد تحبها حيل ومثل الخوات واكثر ومستحيل وحده ترضى لثانيه زعل وخلف ياعلني ما ابكيه اطيب انسان على وجه الارض وابد ماعمره قصر معنا ولا كاظ”نه اخو من ابو بالعكس
احنا ربينا في بيت واحد وعلى قلب واحد ولا بينا هالتفرقه ابداً
ابتسم جابر لا اظ•رداياً مع ابتسامتها : تزوج ابوچ من فتره صح؟؟
تعكر خاطراماني وقالت:ايه تزوج وطلقها الله يستر علينا وعليها
ضاق جابر انه ذكرها بشي يزعجها وقال يتدارك الوضع : بس الصراحه ماشاء الله عليكم ياعلني ما اضركم

.
ضاق جابر انه ذكرها بشي يزعجها وقال يتدارك الوضع : بس الصراحه ماشاء الله عليكم ياعلني ما اضركم
ابتسمت اماني بهدوء ووقفت سوالفها على هذا الحد واستمر جابر يساظ”لها وتعطيه رد بسيط
لكن ما اظ•ستاء جابر ومر الوقت بالنسبه له بسرعه وتاظ”خر الوقت وبدا يبين على اماني التعب
جابر: الوقت تاظ”خر
اماني : ايه
جابر : زين خلينا ننام باچر ورانا طريق
اماني:طيب
اتجهوا لغرفتهم وبدلت اماني وقررت تسبق جابر وتنام لانها خلاص مهدود حيلها
رجع جابر بعد فتره وجلس حولها وهو للحين مو مصدق لكن استسلم اخيراً ونام
_______________________.
وفي بيت عقاب
رجع عقاب للمطبخ يستعجل العشاء ووقف يناظر بالمطبخ وكان كل شي جاهز ومو بس جاهز كان كل شي على اكمل وجه ويبيض الوجه التفت يناظر وعد للي تغسل المواعين وسكرت المويه وهي تلف : قضيت خلاص تقدر تاخذه
فجاظ”ه ضرب عرق النذاله والمحارش في عقاب وقال: وش دراني اذا هو زين او لا
ضحكت وعد باظ•ستهزاء وقربت وهي مبتسمه وقالت بثقه : تدري زييين ياعقاب انك ماتقدر تعذرب شي وتدري بعد ان مالك الا هو زين او شين انا اقول لا تجهد نفسك وتعوذ من ابليس وخذ عشاك لضيفك وجب لي ولدي
تقدم عقاب لها خطوه : انا في حيره من معطيك هالثقه !! من لعب عليك ووصلك لهالغرور من رفع لك وخلاك تشوفين انك ملاك ما تمسكين شي الا يزين بيدك !؟ علميني بس من غرر بك وعطاك هذا كله الله لا يعطيه عافيه
تكتفت وعد : لا يا عقاب لا بدري على هالحيره بدري بعدك ما شفت شي ! ولا تدعي على نفسك افضل لك لاني ماعرفت كل هالصفات فيني الا من بعد ماعرفتك خليتني اشوف اطباعي العاديه مميزات بجنب اطباعك اللي ما تنذكر
عقاب : الظاهر اني قلت لك بيجي يوم واقص لسانك
وعد : لين يجي هاليوم اظ”سال الله الثبات
تحركت من قدامه وهي ترجع لغرفتها واخذ عقاب الرد الوافي منها واخذ عشاه ورجع لنادر
نادر: خييير يالاخو مسحور انت مسحور
عقاب : وش فيييك!؟؟
نادر: تروح وتقعد ساعه كامله وش جايك انت
عقاب : اجيب العشاء تعال بس تعال
نادر : ما بغى هالعشاء يلا يلا عشان ارجع لبيتي
عقاب : بدري
نادر: شوق وراي واهلها فيه ومدري وش صاير وراي ولا تنسى من العصر وانا عندك
عقاب : يلا يلا
تعشى نادر بسرعه وطلع وطلع عقاب بعده رايح لبيت جده
_______________________.
وفي بيت الجد قايد
الكل مجتمعين ينتظرون عشاء شهد ينزل وشهد انظمت لها وجدان اللي شعارها هالليله( معك معك في شر ولا في خير ) كانت واقفه مع شهد ما تدري وش تسوي بس المهم تساعدها


دخل محمد مبتسم: هاه هاه وش صار على عشانا
شهد: عمي تعال جابك الله ذوقه بالله وعطني رايك بصراحه
محمد : واذاا كان مو زين اقول مو زين !
شهد: قول عادي
محمد : وبعدين وش بنسوي !؟ كيف بنتعشى
وجدان: البركه في التميس
ضحك محمد : الله يخلف هاتي هاتي
قرب وهو يذوق العشاء الل كان عباره عن برياني
سكت فتره وشهد تنتظر بتوتر :هاه
محمد : حجزتك ماعاد احد يسوي اكلي الا انتي وش هالزين اللي مخبيته عنا
ضحكت شهد بفرح: والله ياعمي !!
محمد : والله صادق يلا يلا هاتيه بموت من الجوع
شهد : ابشر
وجدان: سالم تعال تعال خذ السفره
محمد : عجل يلا وعطيني انا الصحن اوديه عشان محد يخلصه علي
اخذه محمد وطلع والكل بصوت واحد: اخييييراً
طلعت شهد بصحن الحريم : يلا يلا
طلعوا كلهم وانقسموا قسمين وقبل يبدون الرجال دق الباب وقام غيث يركض وفتحه
عقاب : الله تعشيتوا !!! ابو ناصر: لا تعال
ابو خلف : وينك انت!؟
دخل عقاب معهم رغم انه شبعان بس يبي يذوقه عشان يفتك من تحقيق شهد : كان نادر عندي
ابو خلف:نادر هذا مامنه خلاص
نادر: والله انه ابن حلال انت مدري وش فيك عليه ياعمي
ابو خلف : تعش بس تعش
جلس عقاب وقف عقاب بعد فتره: حمدلله
عزوز: ما اكلت !؟ عقاب : خلاص والله فيصل بضحك:شكل وعد تبيه ينحف اختي ما تحب الرجال الثقيل
محمد : ايييه شكله
ابو ناصر: عقاب هالعصل ( النحيف ) ثقيل!؟ ماقلتوا خير والله
محمد : ماهو ثقيل بس هه هه تقل بدت تطلع له كرشه
عقاب : والله لو توصل كرشتي للارض ما جلست ما اكل عشان وعد ما تحب الثقيل ، اظ”هم شي نفسي
فيصل: ايه هيييين
عقاب : اقول عمي انت وين لاقي هالثقه اللي موزعها على عيالك فيهم ثقه لا اله الا الله
ابو خلف : فطره فطره
ضحك محمد : ماعليك قاصر ياعقاب
عقاب : ماعلينا المهم خلصوا عندي لكم خبر
جت ام ناصر وهي تمسح يدها : عقاب ياهلا تعشيت؟؟ عقاب: ايه ياجده تعالي اجلسي
خلصوا كلهم وغسلوا وجلسوا ابو ناصر: خير ياعقاب
ابو خلف : وجهك مستبشر
عقاب : اي والله ابشركم ان هه هه بعد شهور ان الله تمم بصير ابو
الكل : ماشاء للله وعد حامل
ارتخت ملامح عقاب بضيق ونرفزه: وش بلاكم ماكاظ”ني متزوج الا وعد!! لا وجد اللي حامل
سكتوا كلهم بهدوء وقال محمد : وش درانا وعد اقرب وحده للبال في هالخبر المهم مبروك والله يتمم لكم
ام ناصر:ماشاء الله الله يتمم لكم ويثبته
الكل :امين ومبروك
عقاب : الله يبارك فيكم ، خلني بشوف شهد وارجع للبيت
ابو ناصر: اقعد لشاهي
عقاب : تعبان والله برجع انام وراي دوام
الكل : زين .
.
عقاب : تعبان والله برجع انام وراي دوام
الكل : زين
دخل عقاب ينادي: شهد شهد
طلعت شهد تركض: ليييه جيت الحين خلص العشاء
ضحك عقاب : لا ابشرك لحقت عليه وتسلم يدينك لو دريت انك تعرفين تطبخين كان ماتزوجت قعدت لك تطبخين لي وتخدميني
ضحكت شهد : الله يسلمك وماعليه الفرع الاصلي عندك فالبيت لان وعد عطتني الوصفه وانا طبقت
صد عقاب بانزعاج من طاري وعد في كل مكان: ايه زين اجل وين عهد
عهد : جيت
عقاب : تعالي واسمعوا
شهد:وشهو
عقاب : وجد حامل
عهد :الله ماشاء للله مبروك
عقاب : يبارك فيك
شهد : مبروك ياعقاب
عقاب : يبارك فيكم
عهد : اجل كل يوم بنجي نساعدها
عقاب : لا لا وعد عندها
عهد : مالقيت الا وعد !! ماتحب وجد ولا وجد تحبها
عقاب : انا اتصرف في هالمووضوع اطلعي منها انتي ويلا فمان الله
طلع عقاب ولفت شهد بطرف عين: ليتها وعد كان احسن
عهد : من زينك انتي وياها
شهد: احسن منكم
دخلت وهي ماتطيق وجد ابد ورجع عقاب للبيت ومن قبل لا يدخل داهمته ريحة البخور والعطر من البيت
ودخل وهو يشوف البيت نظيف ومرتب ومنظف ومسكره كل انواره رغم انه ماطول لكن مايدري متى لحقت وعد تنظف بهالسرعه
مر من جنب غرفتها مسرع مايبي اي احتكاك كفايه عليه اليوم كله وهو في مد وجزر معها
_______________________.
وفي بيت ضاري
رجعوا من البحر ورتب ضاري الحوسه ورجع بهدوء للغرفه ودخل وهو يجلس جنب مضاوي بهدوء لكن فزت او حست بثقله على السرير
ضاري : بسم لله عليك فجعتك!؟ مضاوي : لا وين كنت
ضاري : هنا مارحت انتي نامي وارتاحي
قرب وهو يسحب اللحاف عليها ويلحفها مضاوي : وش فيك تناظرني كذا!؟ ابتسم ضاري ابتسامه هاديه : ابد ودي اقراء عليك واحصنك من كل شي يوجعك ويأذيك
ضحكت مضاوي : بسم لله ضاري وش فيك مع هالليل
قرب ضاري وهو يمد لها ذراعه وقربت مضاوي وحطت راسها على ذراعه وهي تناظر فيهه باستغراب !!
اخذ نفس ضاري وقال: مدري وش فيني بس كل اللي اعرفه اني مابي يصير لك شي ابد انا مالي بهالدنيا الا امي وانتي وهالطفل اخاف يصير لك شي وتروحين مني انتي وياه وتنهار حياتي اللي ماصدقت ان بيوم صفت لي اخاف اخسرهم بدون ذنب مني ومثل ماخسرت اهلي
صح ماعمري تكلمت لكن اانا فقدت حياه ومابي افقد ثانيه انا عشا لحالي بدون احد بس انا وامي ولا عمري توقعت اني بتزوج او اشوف عيالي لكن ارسلك ربي لي وعشت معك كثيير اشياء اخاف في يوم افقدها عمري ما تعلمت احب احد الا امي

.
عمري ما تعلمت احب احد الا امي لكن تبدل هالشعور من اول ماعرفتك انتي جيتي مثل الجبر لكل عثور هالحياه مسحتي على جروح قلبي وكنتي عزاي فالايام السيئه كلها وكنتي رجاي العذب
اعتدلت مضاوي تناظره بحنيه وقربت وهي تمسح على خده بهدوء: بأذن الله ما يصير لنا شي بأذن الله ما نفترق ابداً وبأذن بنعيش كل الايام العذبه ونربي عيالنا وتكبرهم وتفرح فيهم وصدقني انك اعظم رجل عرفته في حياتي والحمدلله اني ردني لك ربي رداً جميلاً وما ابيك تفكر بأي شي شين لا ابيك تحلم معي بكل شي حلو
ابتسم ضاري وهو يحضنها: بأذن الله ، يلا سهرتك كثير تعالي نامي
اعتدلت مضاوي وهي تدعي ان الله مايفرقهم ابد ولا يكسر قلب ضاري ابد
_______________________.
وفي بيت خلف
رجع بالعشاء وتعشوا وليلى اللي بدلت وكشخت وجاء خلف مبتسم هو مازال يناظرها كأنها حلم وبتطير من يديه بأي لحظه
قرب مبتسم وجلس مقابلها : تدرين لو فكرت عمري كله ما كنت اظن إنا بنجتمع واشوفك معي بنفس المكان ياللله ياليلى يالله ياشعوري بنفس هاليوم وقبل سنه بالضبط وقتها كنت مستعد احفر الكويت متر متر عشان اعرف اخبارك وادري انتي بخير ولا لا
ناظرته ليلى بحب : قبل سنه كنت ادور بكل مكان وانا اقرى اخر رسايلك كنت مدري اذا انت حي ولا ميت انت زين ولا فيك شي
خلف : وش صار ياليلى قولي لي وش صار معك
ليلى بضيق : صار اللي عمري ما توقعته يصير بعد ما طاح ابوي على الرساله دش علي بغضب وللحين مو قادره انسى ملامحه سمعني كلام تمنيت اموت ولا اسمعه تمنيته يذبحني ولا يقوله لكن كل هاللي صار مو مهم كنت خايفه واحاتي شنو بيصير فيك ابوي شنو بيسوي طلع من عندي مدري شنو صار لكن من رد خذانا الكويت وقطع كل شي عني وبعد فتره دزني بيت جدتي منها ادرس ومنها ابعد عن كل شي لكن ابد ما نسيتك كل يوم كنت اتذكر اغانيك واغنيها
خلف : اللي صار انه جاني سعود بالدكان وقال ليلى تنتظرك وطلعت على عجل اركض لكن اللي صار ان ابوك كان هناك وطبعاً اخذ حقه مني كامل ولا بلومه ابد الله يلوم اللي يلومه بس ما همني شي الا انتي وطول هالشهر الللي قضيته بالمستشفى ماعرفت فيه النوم وانا قلبي معك
ليلى : ياحبيبي ياخلف انا اسفه واجد اسفه
خلف : انا والله اللي اسف وانا اللي بطلبك تسامحيني اني تسببت في اذاك في يوم من الايام
ابتسمت ليلى: فدا روحك كل شي يصير فدا روحك
قرب خلف مبتسم يحضنها يبي يستوعب حلاوة هالايام بكامل مشاعرها ولا كان قادر يبعد ليلى عنه سانتي واحد يبيها حوله وحواليه وفي عيونه وقلبه
_______________________.

.

وفي بيت النوخذه
فزت اماني على حركة جنبها وتمتمه وصوت شغلت الابجوره ولفت وشافت جابر اللي يتقلب بنومه وهو معرق ومخنوق يحاول يسحب نفسها كان يتمتم بغضب
وخافت وهي تحاول تصحيه لكن فجأه فز وهو يصرخ: وخر عني ياحيوان
ناظرته ااماني بخوف وهو يناظرها برعب وارتباك كان خلف من بعد هالحرب وهو تهاجمه كوابيس ولا هو قادر يفتك منها
عرفت اماني من بعض كلامه انه يحلم بالتعذيب وقربت وهي تقول : جابر بسم لله عليك اذكر الله انت تحلم سم بالله
مسح وجهه جابر اول ما استوعب ووصد بإحراج وهو للحين فيه اثار الرعب
كسر خاطر اماني وهي تشوفه يتلفت ومرتبك ماتدري كيف تجرأت وقربت وهي تمسح على كتفه وهي محاوطته لكن قرب جابر يحضنها ويبيها تحضنه يبي يتطمن ولا ترددت اماني وهي تمسح عليه وتسمي وتقرا عليه
وشوي بدا يهدا جابر ولاا حب انه يبعد وجلس على هالحال لين غفى ثاني مره
واماني تراقبه كانت حزينه عليه من زمان من اول ماصارت الحرب ومن اول ماقالوا انه اسير وبعد ماجاء وبعد ما كان خلف يوصف حالته كانت تدري انه لهالحرب تأثير عليه لكن بتحاول تكون معه وتساعده
_______________________.
وعند نادر
دخل البيت بشويش وشاف شوق جالسه للحين ما نامت
نادر: شوق ليه صاحيه
شوق : انتظرك مدري وين اختفيت
نادر: طلع عندي شغل ورحت ، هاه كيفك اليوم
شوق :انا حمدلله بخير بعد شوفة امي وابوي صرت بخير
نادر:عساه دايم يارب، والله يخليهم لك ،راحوا!؟ شوق : لا باتوا هنا
نادر : اها الله يحيهم
شوق : ادري انك متضايق من وجودهم بس مهما كان هذولا اهلي
نادر: لا يا شوق وش هالكلام مهما كان هذولا اهلك واحبهم من حبك اكيد بس انشغلت وبس
شوق :دام كذا اجل حمدلله
نادر :يلا خلينا ننام ترا بموت من التعب
شوق:حتى انا
سكت نادر يمثل النوم وهو مايبي يحسس شوق انه كارهه اهلها بسبب افعالهم ودامها سامحتهم هي يبي يتغاضى هو بعد
شوق كانت واضحه لها مشاعر نادر بس ماتبي تجبره على شي ابد وهي في فتره تحتاج الراحه النفسيه بدون مشاكل
_______________________.
ومن بكره
كان عقاب مضطر انه يداوم لكن مايقدر يخلي وجد عند وعد ويدري انهم بيتهاوشون وقرر يوديها اهلها وبعدها يداوم
ونزل ينتظر وجد واتجهه لغرفة وعد ودخل فزت وعد اللي كانت بعز نومته : بسم لله الرحمن الرحيم يا انسان كم مره اقولك دق الباب
ناظرها بعقاب بهدوء لفتره وهو متعجب كيف تقدر تكون بهالاناقه وهي نايمه بعد :اسمعي
وعد :خير اللهم اجعله خيير!
.
.
.
وعد :خير اللهم اجعله خيير!
عقاب : انا بطلع مداوم وباخذ وجد لاهلها وانتي لاتجلسين لحالك اول ما تصحين تتصلين على فيصل وتروحين
رجعت وعد تنسدح بتعب وهي مو قادره ترد او تتكلم من النوم وهي توها نامت بسبب خليفه وصياحه
قرب عقاب اكثر : سمعتيني
هزت راسها ( ايه) : فهمنا خلاص اسكت لا يصحى خليفه مالي خلق
دخلت وجد مدرعمه هي بعد وطارت عيونها وهي تشوف عقاب اللي واقف فوق راس وعد اللي معطيته ظهرها وهي منسدحه ولابسه قميص يكشف الظهر رغم انها عليها اللحاف بس انكشف اول ما نقلبت وشعرها مفتوح ولا شعورياً صرخت وجد بغيره: عقااب
فز عقاب اللي سرحان والتفت : وش بلاك
فزت وعد بعد ولفت تناظرهم وهي اغلب نحرها مكشوف ووعد ماهي منتبهه لنفسها ابد وكانت متلحفه بس من الفجعه فزت : نعم وش فيه !!
وجد بغضب: انتي هيييه تستري
ناظرتها وعد : انتي خييرر مدرعمه خييير !؟؟
عقاب : لا وش رايكم تقومون تطاقون ، وعد زي ما قلت لك وانتي وجد يلا خلصيني مافيه وقت
طلع عقاب يبي يفك المشكله ويتغاضى عن اللي شافه وركب السياره وهو يسمع وعد تحلطم وان وعد ما تستحي !
عقاب : انتي انهبلتي وش اللي ما تستحي
وجد : لبسها فاضح
عقاب : لبسها في غرفتها بكيفها وتراك انتي اللي مدرعمه لا احم ولا دستور
وجد : قلبت السالفه علي الحين!؟؟
عقاب : مافيه سالفه اصلا واحسن لك يا وجد اتركي هالحركات اللي مالها داعي
وجد: ما تلاحظ انك واقف بصفها!؟ عقاب : ما تلاحظين انك مكبره السالفه وما تلاحظين ان لسانك طولان
صدت وجد وسكتت وسكت عقاب اللي غضب وجد هذا هو اللي ينبهه على كثير اشياء كانت غيرتها واضحه من وعد وهو ما يلومها وعد حمل ثقيل عليهم كلهم الاثنين وكان يفكر وشلوون ما فكر يشوف وعد من زمان !! وهل لو شافها قبل تزوج عقاب بيسمح انها تزوج مبارك
واول جواب طرا عليه تلقائي هو( مستحيل) للحظه صار في قلبه شعور انه ( الحمدلله ان مبارك مات ورجع الموضوع لي من جديد )
اخذ نفسه بهدوء وسكت وكمل طريقه
_______________________.
وفي بيت النوخذه
صحى جابر وهو للحين بمكانه للحين نايم على كتف اماني وللحين اماني ثابته ما تحركت وهي تبيه يرتاح وينام اطول وقت ممكن
رفع راسه جابر وهو يشوفها نايمه وصحى متعكر مزاجه ولا كان وده انه يبان هالجانب الضعيف منه رغم فرحته وراحته لكن يبقى شي يزعجه
تحرك بسرعه وراح الحمام غسل وبدل ونزل يبي يشوف الفطور
واعتدلت اماني بعد ما طلع وفزت تجهز بسرعه ونزلت تدور عليه وشافته مجهز الفطور وجالس بصمت
اماني :صباح الخير .
.
.

اماني :صباح الخير
ابتسم جابر واعتدل : صبحچ الله بالرضا والسرور
جلست اماني جنبه بهدوء تناظر السفره وابتسمت: تسلم يدك
جابر: الله يسلمچ ، يلا سمي بالله
بدوا يفطرون بهدوء بدون مايتكلم جابر ولا قال شي غير : ازهبي عشان نروح حق اهلچ وبعدين نرد نجهز لسفر
اماني : ابشر
جابر : يبشرچ بالجنه
وبعد فتره راحت اماني تجهز وجابر بعد لكن كان ساكت
وطلعوا متجهين بيت ابو خلف
_______________________.
وفي بيت ابو خلف
جات وعد مع فيصل واول مادخلت ركضوا كلهم لخليفه
وعد : اااه ياربي الرحمه خذوه تكفون راسي انفجر
فيصل: وش فيييك !
وعد : ابد طال عمره الشيخ تعود على ان احد يشيله وتعود على الحضن وازعجني
وجدان: غريبه كيف سمحتي ان احد يشيله
وعد : محد ينتظرني اسمح ياخذه عقاب ويروح وفالاخير انا اكلها
ام وعد : ماعليه يكبر بعد كم شهر وترتاحين
ام خلف : ولك الاجر بعد
ندى: اقول خليه عندنا بس
وعد : تخيلي بس
سالم: تكفين ياوعد طولي عندنا
وعد : بجلس لين الليل
ام وعد :ليه وعقاب وين !؟
وعد : عنده دوام واخذ وجد لاهلها وانا جيت
حنان: نامي بعد دام عقاب ماهو فيه
وعد : ايه اكيد
غيث: ياسلاااام
دق الباب ووقف فيصل متجهه للباب وفتحه وضحك بفرح: اماني
قربت اماني بفرح تسلم عليه وتحضنه: اييه
فيصل: حياك الله حياك الله ادخلي ادخلي
دخلت اماني وتقدم فيصل: حي الله جابر اقلط اقلط
جابر : الله يسلمك
دخلوا للمجلس وركضت اماني لاهلها: سلااام
فزوا كلهم بفرح: اماااااني
ركضوا يسلمون عليها وهي تحضنهم بشوق : اشتقت لكم والله
ام وعد: اي والله وحنا اشتقنا لك
ندى: من امس ننتظرك
وعد: خفت انك تجين وانا مب فيه
اماني : امس ماكان فيه وقت واليوم على طول قلت اجي
حنان: تعالوا اجلسوا
جاء فيصل: يمه جابر بيسلم عليك وانتي وجدانوه سوي قهوه
وجدان: خيييير مافيه الا انا
وعد بحده:وش رايك نقوم نسويها وانتي جالسه
وقفت وجدان بصما وراحت ولفت ام خلف : والله يا اماني فقدنا صوتك العذب وانتي تغنين لنا كل صبح
اماني : والله اني بموت من شوقي لكم كأني غايبه سنه مب يوم
ام وعد : حمدلله انك جيتي وش اخبارك وش علومك
اماني :حمدلله بخير بخير
ام وعد : وانتم بالبيت عند اهل جابر
اماني : ايه بس سافروا الصبح للكويت
ندى: بيرجعون!؟
اماني : لا خلاص بيستقرون هناك
ام خلف : الله يجعلكم خير خلف لهم
الكل : امين
ام وعد : بروح اسلم على جابر
راحت ولفت ولفوا البنات يسولفون مع اماني اللي واضح عليها شوقها لهم
_______________________.
وفي بيت خلف
للي من الصبح طالعين لدمام وافطروا هناك

.
للي من الصبح طالعين لدمام وافطروا هناك واستأجر شاليه صغير على البحر ينبسطون فيه وجوهم رايق كان خلف كل فتره يلتفت لليلى ويحس انه وده يقوم ويحضنها
ليلى : خلف بس عاد احرجتني
ضحك خلف : وش بيدي بالله عليك وش بسوي غير اني اتأملك
وقفت ليلى بتشتت احراجها: قوم وياي نسوي اي شي ولا نقعد چذيه
خلف : وش نسوي !
لفت ليلى تناظر: تعرف تسبح!
ابتسم خلف : اعرف لكن ما ادخل لحالي
ليلى : اكيد بدش وياك ولا نسيت اني بنت النوخذه حياتي كلها بالبحر
خلف : انا اشهد انك بنت النوخذه انا اشهد انك غرقتيني في بحورك
ليلى ابتسمت وهي تمسك يد خلف ودخلوا المسبح وكان كل شي حلو لين بدت حركة خلف تقل وبدا وجهه يتغيير وسحب يده من يد ليلى وهو يحاول يوصل اطراف المسبح ويطلع وليلى تسحبه بضحك وتنادي: خلفف وين رايح ! انطر شوي ولكن ما وصل خلف الاطراف الا وهو نفسه مقطوع وخلف من فرحته نسى دواه وتوه يذكره واول ما طلع على الدرج انلفت وطاح في المويه
لكن ليلى ما انتبهت ان ملامحه متغيره وكانت تتوقعه يمزح او يسوي حركه وضحكت وهي تناديه لكن طول ما طلع
ونزلت تبي تشوف وينه لكن شافته يصارع تحت وركضت له بخوف وهي تنادي : خلف خللف
رفعته بالقوه وهي تحاول تسحبه وخلف يتخبط لكن فجأه وقفت مقاومته وطاح راسه شهقت برعب وهي تصرخ : خللللف خللللف
كانت تحاول تسحبه وتطلعه من المسبح وبعدت جهد قدرت وكان خلف مغمى عليه كان يقدر يتدارك لو ماطاح بالمويه وانهارت ليلى تصرخ بكل صوتها وتنادي ماكانت تدري وش تسوي تخاف تضغط صدره ويصير له شي وتخاف يكون شرب مويه ماعرفت وش تسوي وهي تبكي وتصرخ للحظه تذكرت دواه وركضت تدور عليه مثل المجنونه قلبت الدنيا واخيراً لقته وركضت لخلف وهي ماتدري كيف بتصحيه وهل هالدوا بينفع مع المويه او لا كانت تحاول مره واثنين وثلاثه واخيرا شهق خلف وفتح عيونه الحمرا الذايبه وهو يناظرها ثانيه ويغيب لكن مع كل صرخه لليلى يفتح عيونه ببطء ليلى تحاول تعطيه الدواء وهي تشوفه مو قادر حتى يرد حاولت تسحبه على طرف وتغطيه عن الهواء وقدرت لكن خلف كان فاتر مو قادر يسوي شي يناظر دموع ليلى لكن مايقدر يسوي شي كان يغلب عليه النعاس والتعب بسبب هالدواء وكل ماغمض بكت ليلى وهو تضرب خدده بخوف : خلفف لله يخليك لا يصير لك شي خلف الله يخليك قوم
ماكانت ليلى تعرف حالته ابد لكن اول ما نام خلف نومه الغير إرادي
انهارت وركضت تطلب الاسعاف اللي وصلوا بعد فتره وتأكدوا ان خلف بخير وحالته مستقره واول ماعطتهم ليلى الدواء قالوا انه طبيعي بسبب الدواء ونفسه يحتاج شوية اكسجين وفعلاً اعطوه اكسجين

.
واول ماعطتهم ليلى الدواء قالوا انه طبيعي بسبب الدواء ونفسه يحتاج شوية اكسجين وفعلاً اعطوه اكسجين وطلعوا وخلف للحين نايم ماصحى
وليلى تبكي بخوف من هول الموقف
_______________________.
وفي بيت الجد قايد
اخيراً جاب ضاري مضاوي لاهلها وطلع هو يدور نادر وعقاب ودخلت مضاوي بس ماحصلت احد وراحت بيت ابو خلف لكن ضحكت بفرح: الله الله العروس الچويتيه جاييييه
وقفت اماني بضحك: حسافه ماشفتك اول الناس
راحت لها مضاوي بفرح: حياچ الله على قولهم
ردت اماني بضحك: الله يحيچ
ندى: ياخبله دافعي عن لهجة رجلك وانتي تطقطقين
ضحكت اماني : اصلا كل ما تكلم اتذكرها هي وطقطقتها
مضاوي: امانه وينه تكفين بشوفه
ام ناصر: ماشاء الله ياقلة الحياء اقول انثبري لا اقول لضاري
مضاوي: بنثبر خلاص، هاه ياعروس عطينا اخبارك انتي وهالچويتي
ابتسمت اماني: ابد للحين بخير
مضاوي: الله يجعله دايم
ام ناصر: المهم انتي وش اخبارك وينك امس غاطه
مضاوي : ابد امس طلعنا البحر و... وكملت تسولف لهم وهو معروف اذا جت مضاوي الكل يسكت وهي تسولف
وبعد فتره جاء سالم: اماني يلا جابر بيروح
وقفت اماني تسلم عليهم وتودعهم وطلعت لجابر اللي واقف مع عزوز وفيصل وابوها وجدها وتحركت معه
_______________________.
وفي بيت ماجد
رجع للبيت وهو مبتسم وجلس وهو ينادي : سحر سحر
جات سحر مبتسمه:سم
ماجد : تعال اجلسي اجلسي
جلست سحر: وشو وش فيك
ماجد : اسمعي كلمت واحد اعرفه وقلت له عنك وقال ابد تجيب اوراقها واول مايفتح التسجيل على طول بيقبلونك
فزت سحر بفرح: والله
ماجد : اي والله يعني بعد شهرين بتبدين ان شاء للله اذا بدت الدراسه
سحر : والله مدري وش اقولك الا مشكور ومدري كيف ارد جزاك
ماجد : لا لا تقولين كذا لكن عندي شرط
سحر : ابد اشرط اللي تبي وتم
ماجد : شرطي بسيط اذا درستي لا تلهين بدراستك عني خليك حولي وحوّلي
ضحكت سحر بخجل : مايحتاج تقول انت بعيوني
ياااكبر فرحة ماجد اللي من يوم بدت سحر تتجاوب معاه ونسى هاجس ان قلبها متعلق في خلف وهو سعيد وفرحان
اما سحر كانت تشوف فرحة وتحاول تزيدها ما تنقصها
_______________________. وعند نادر
كان قلبه يدري وحاس ان جيت اهل شوق بتزيد همها ما تنقصه لكن كان مضطر يطلع لشغله ويترك شوق معهم
وعند شوق رغم كل اللي صار فرحانه في اهلها لكن ما كانت متوقعه ان امها وخالتها يصفون ضدها في مسألة الولد
ام شوق : قولي لي انتي وش تتوحمين عليه ؟؟ .
.
.
ام شوق : قولي لي انتي وش تتوحمين عليه ؟؟ ام نادر بحلطمه : اغلب وقتها ماتبي شي واذا اكلت اكلت حلا وواضح انها بنت
ام شوق : وشو لا ان شاء الله ولد
شوق : وش فيها اذا كانت بنت خير ونعمه من ربي
ام نادر : ابد اذا كانت بنت اعرفي واعلمي ان نادر بيتزوج عليك ، ايه ولدي يبي او عياله ولد وزود عليه نبي ولد يشيل اسم ابوه
ام شوق : خليك ذيبه وجيبي ولد
ناظرتهم شوق بيأس: لييييه الامر في يدي يعني!؟ كله بيد ربي
قامت وتركتهم بضيق ونفس الموضوع تكرر مع ابو شوق وابو نادر
وهذا اول الاشياء اللي تأثر غلى نفسية شوق
_______________________.
في الليل عند خلف
للي بعد فتره صحى وهو مهدود حيله وتعبان لكن فز واعتدل وهو يسمع صوت بكى وليلى تحوم حوله وتناديه
وقال بصوت متقطع : ليلى وش فيك !؟
ركضت له ليلى وهي تجلس قدامه بخوف : اخيراً صحيت خلف عليك حيل ياخلف خفت يصير لك شي
حضنها خلف على طول : بسم لله عليك بسم للله عليك وش فيك
شدت عليه ليلى بكل حيلها : خوفتني عليك طحت بين يديني ماعرفت شنو اسوي
سكت خلف شوي يتذكر وش صار وضاق صدره اول ما تذكر اخذ نفس وهو يمسح على ظهرها: سمي بالله انا بخير مافيني الا العافيه
ابعدت ليلى تناظر وجهه للي رجع لونه: والله ياخلف!! احلف انك بخير
خلف : والله اني بخير انتي لا تبكين
سكتت ليلى وهي تمسح دموعها وقال خلف : وش صار ! قولي لي
بدت ليلى تقوله اللي صار وضاق صدر خلف اللي ماكان وده ينحط في هالموقف ولا يخوف ليلى ولا يدخلون رجال على ليلى وحده حتى لو كانوا اسعاف
وانتبهت ليلى وقالت: خلف حبيبي الله يخليك لا تضايق نفسك ، انا ماكنت اعرف شنو اسوي وكنت بتروح من بين يديني
خلف: لا يا ليلى انا ماني متضايق بالعكس انتي تصرفتي صح ولا الومك انا زعلان شلون نسيت هالدواء
ليلى : ان شاء للله اول واخر مره ، وضروري خلف تعلمني على كل شي يخص دواك عشان اعرف اتصرف اذا صار شي
خلف: زين ابشري المهم انتي بخير
ليلى: ايه بخير دامك بخير
وقف خلف بهدوء عشان مايدوخ ووقفت ليلى: وين رايح
خلف : بتروش عن هالحاله
ليلى بخوف : خلني اجي وياك اساعدك
لف خلف عليها وهو يضحك بخبث : والله!! حياك تعالي خطوه عزيزه والله
تفشلت ليلى وصدت بحرج: اقصد عشان لا يصير فيك شي
ضحك خلف : انا بخير خلاص ماعليك
دخل يتروش ويبدل وليلى بسرعه تنظف المكان وترتب شكلها وهي من الفجعه نست حتى نفسها
وطلع خلف بعد فتره ولبس وترتب وطلع يدور ليلى وهو يحاول يكون بكامل صحته عشان مايخوفها عليه مره ثانيه .
.
.
وطلع خلف بعد فتره ولبس وترتب وطلع يدور ليلى وهو يحاول يكون بكامل صحته عشان مايخوفها عليه مره ثانيه
ودخل وهو يشوف لابسه لبس خفيف وحلو وشعرها البني مسدول حولها وهي جالسه وبيدها الخلخال بس لفت مبتسمه: نعيماً
خلف : ينعم علييك ، وش تسوين !؟
ليلى: خلاص بدلت وانتعشت شوي
قرب خلف وهو ياخذ الخلال من يدها وابتسم : هاتيه ألبسك اياه
ليلى بفشله: لا شدعوه !
خلف :اششش هذا من اول حقوقي ولا ناسيه ان هالخلخال سر البدايه
ضحكت ليلى : اممم بالنسبه لك كان هو البدايه لكن لي لا دواك هو البدايه وهو المهم الحين ولازم تعلمني عليه
صد خلف وهو يزعجه هالمرض ودواه والحرص الزايد : سكر الخلخال واعتدل وجلس وهو يسحب الدواء
وبدا يقولها تفاصيل تعبه ومواعيد ادويته وكيف تصرف في حاله انه تعرض للحالة او لنوبة
وليلى مهتمه جداً ومنتبهه وبعد ما انتهى خلف من الشرح سحب الادويه على طرف وابتسم وهو يوقف وسحب ليلى لنص وقال : كنت من سنه ونص احتري هاللحظه تجي وهالفرصه تجي ودام توترت الاجواء بما فيه الكفايه لازم نغير جوك ونعطيك الشي اللي تحبينه والي اكيد انا احبه بعد
ضحكت ليلى بتعجب : شنوو!؟ لف خلف وهو يطلع الكرتون اللي من الصبح جابه وليلى ماتدري وطلع منه شنطه ومن هيئتها عرفت ليلى وشهقت بضحك: مو من صچك خلليف
ضحك خلف : الا واللله من صچ خليف ، طق قلبي وانا اسمعهم يقولون صوتك حلو وتعزفين العود وخاطري اسمعه وقلت اول شي اجيب لك العود وبعدين نسمع
اخذت ليلى العود اللي منحوت عليه اسمها وابتسمت بفرح وهي تحضن خلف : يابعد اهلي وطوايفي ياخلف مشكور ماقصرت ، والله لو تدري شلون احبه وفرحت فيه ما تصدق ، كان عندي عود بس ابوي كسره بعد السالفه وزين جبت واحد
خلف : ابد اللي تبينه اشري عليه ويحضر، بس خلينا من العود الحين فيه شي ثاني
ليلى: شنو
سحب خلف الشال الموجود ببتسامه ولفه ورى ليلى وهو يربطه على خصرها وليلى عيونها طايره بحرج وابعد وهو يشغل المسجل : تعبت اشوف الفيديو ابي اشوف رقصك بالواقع لاني مو بس شفت حلاوته!! لا سمعت بعد
غطت ليلى وجهها بحرج وبعد محاولات مليانه خجل وفشله قدرت تخطي خطوتها الاولى وتبدى ترقص وخلف رسمياً سهى وغاب كل شي عنه ولا في عيونه الا ليلى اللي من بعد الدقيقه الاولى صارت تبدع
وحاول خلف انها تكمل لنهايه بس ماقدر وهو يشوفها تضحك له من بعيد وتذوبه بالدلع والخلخال اللي يرن بقلبه ومسامعه وتهز له الارض ويهتز له قلب خلف ....��
_______________________.

.
وفي بيت ابو خلف
بعد ما الكل نام كلهم مجتمعين بالسطح ويسولفون ومضاوي نايمه اليوم عند بيت اهلها وجايه تسهر معهم
ندى: غريبه نايمه هنا اليوم!؟ مضاوي : ابد طلبت ضاري طلبه اني اروح ويالله وافق لكن بعد دفتر توصيات
ضحكت حنان: ياحليله ضاري شكله مثل خلف حنين
مضاوي بمزح: وشهو خلف عنده!!! معليش لا تقارنين اخوكم في رجلي الذرب
وعد : عشتووااا خلف صار ماهو ذرب!!! وضاري اذرب منه وش صاير بالدنيا
ندى: اقول وخري بس لو يموت مايصير مثل خلف واذا صار خلف اللي معديه اكيد
مضاوي بضحك: بسم لله اكلتوني بقشوري
شهد: ايه خلف ممكن يصير بداله ضاري عند مضاوي بس عقاب انا متاكد لا ضاري ولا مليون واحد ياخذون مكانه
ضحكت مضاوي: مع الاسف حتى عقاب ماهو شي عند ضاري
حنان: وش عندها ليلى العامريه ذبحها الحب
مضاوي: ليلى العامريه عند اخوك ياحبيبتي انا مضاوي على سن ورمح
شهد : يعني اعلى عقاب !! مايفرق معك
مضاوي : علميه عقاب بعد صار ما يدورني من يوم خذا هالمزيونه اللي وراك شكلها كوشت عليه وسحبت علينا
ضحكت وعد : والله انك فاضيه
ندى: صدق وعد امانه بس قولي لي كيف قدرتوا تعيشون ماتصارخون!!! عاد عقاب و وعد لو مايصارخون تقوم الدنيا ماتقعد
وعد بضحك: هدانا الله
حنان : بعد انتي خبله ياندى صاروا متزوجين ومعروف بيصير بينهم موده ورحمه
مضاوي : مودة ورحمه!! ماهقيت الظاهر اختك جابت راس عقاب وخلته يتعدى مرحلة الموده والرحمه ويدخل في العشق والهُيام
ضحكوا لكن انقطع صوتهم على دق الباب وبعد شوي جاء سالم: وعد عقاب تحت يبيك
انفجروا البنات ضحك وفزت مضاوي : ابصم بالعشره انه وصلها وتعدى
طنشتهم وعد وقامت بضيق ماتدري وش جابه نزلت وهي تقول : عقاب خير ؟ وش جابك !؟
تكتف عقاب على الباب: وش رايك تطرديني
وعد : تقول عندك دوام!
عقاب : اقعد طول عمري فيه يعني!! مالي بيت ارجع له
وعد : اييه لك بيت لكن تدل طريقه انه ماهو هنا
عقاب بلهجه غريبه عليه :ادل بيتي لكن ابي زوجتي معي
تكهربت وعد من كلمته وصدت : زوجتك عند اهلها ولا ناسي انك موديها
عقاب : عن العبط ياوعد وألبسي وجيبي خليفه بنظلع البيت
قبل ترد وعد جت مضاوي : حي الله عقاب ولد اخوي اللي سحرته بنت اخوي ولا يسأل ولا يسلم
ضحك عقاب وهو يقرب : هلا هلا هلا يالله انك تحيها
قربت مضاوي تسلم : هلابك وينك غاط
عقاب : ابد في هالبيت والحوسه انتي وش اخبارك وش هالولد اللي لاعن خيرك اقشر مثل ابوه
مضاوي : لو سمحت لا تغلط على ضرضورة قلبي
عقاب : ييييع يييييع مالت عليك وعليه .
.
.

مضاوي : لو سمحت لا تغلط على ضرضورة قلبي
عقاب : ييييع يييييع مالت عليك وعليه
ضحكت مضاوي : ادخل وينك رايح
عقاب : بروح البيت والله
مضاوي : وش وراك يارجال اقعد بالله انا بنام هنا اجلس بنسولف ونستانس زي زمان
عقاب : ويين يابنت صعبه لله
مضاوي : لا ماهي صعبه وبعدين حرام عليك البنات فرحانين ان خليفه بينام عندهم وتجي تاخذه ادخل خلنا نسولف ونام هنا وبكره نفطر واستانس
عقاب : يمكن اسهر لكن انام لا مستحيل
مضاوي: وش صاير بالدنيا ماعاد تعرف بيتنا ولا تعودت على جو ثاني وقالت بضحك: ماعليك يارجال وعد معك ماحنا اخذينها
صد عقاب يضحك: انتي غريبه جايه بتنامين ىشلون تنازل السيد
ضحكت مضاوي: شملنا العفو ابشرك المهم تكفى نام
عجز عقاب يرفض ووافق وطارت مضاوي من الفرح لكن وعد ما استانست ابد وتدري ان عقاب بيستغلها بوجودهم
طلعوا لسطح تبع بيت الجد قايد وفرشت مضاوي وعقاب وفيصل وعزوز وسالم وغيث والكل واخذت وعد وجود عزوز حجه عشان ماتجي لكن عزوز اللي كان مواصل من الفجر قرر يروح ينام وبعد فيصل معه
ومضاوي وعقاب يسولفون ويضحكون ولف عقاب ينادي وعد اللي طنشت لين قالت شهد: عقاب يناديك
وقفت بغضب مكتوم واتجهت للحوش وشافت مافيه الا هو ومضاوي : وش فيك !
مضاوي: يابنت الحلال تعالي اجلسي جنبه لا يموت من اليوم يدورك
وعد : انتي بالنيابه بروح لخليفه
عقاب : هاتي خليفه
وعد : نايم
عقاب : زين دوري لي شي ابدل فيه عن لبس الدوام
وعد : من وين اجيب!!! روح البيت احسن
مضاوي : لا وين هاذي غرفة محمد وملابسه محمد توه مسافر يعني محد فيه حتى لو نمتوا هناك
تمنت وعد لو تقولها تسكت لكن فتحت عيون عقاب اللي قال: جبتيها ولله ، اجل يلا جيبي خليفه وألحقيني
وعد : بنام هنا عند البنات
مضاوي كانت تحسهم متهاوشين لكن توقعته مشكله عاديه لانها مقتنعه ان عقاب يحب وعد من زمان وكانت تحاول تحل مشكلتهم وتراضيهم وهي ماتدري وش صاير
مضاوي: افااا هو جاي يدورك وتروحين تنامين بعيد وتخلينه
عقاب وده يقوم يخم مضاوي اللي جت له على كيفه وكأنهم اتفقوا يضغطون وعد اللي حاولت تتهرب بس فشلت
والساعه ظ£ اتجهوا لغرفة محمد ووعد معصبه لكن تحاول تهدا ولا تخرب خطتها
لف عقاب مبتسم وراضي انه شافها متورطه اخذ ملابس محمد يبدل ورجع وهو يشوفها منومه خليفه وكانت لابسه قميص بيت مرتب اشبهه للجلابيه الخفيفه ورافعه شعرها وتمنى عقاب لو تحرره وتفتحه لكن انسدحت وهي متجاهلته وتلحفت وبينهم خليفه
كان عقاب متوقع انها ما تنام معه بنفس السرير وتعارض وتسوي مشكله وواحد منهم ينام بالارض
.
.
كان عقاب متوقع انها ما تنام معه بنفس السرير وتعارض وتسوي مشكله وواحد منهم ينام بالارض لكن استغرب سكوتها وكانت وعد تسعى عشان تخيب ظنه وتخالف توقعاته وتخليه في حيره من اللي تسويه
انسدح عقاب بالطرف الثاني وتوتر هو اكثر منها وهو ماهو متطمن لكن كل ما التفت وشافها صاده عنه وشعرها المربوط ينرفزه تقلب طول ليله وهو يتأمل خليفه بحب يحضنه شوي ويمسح عليه شوي يحس انه فرحان فيه وماهو مصدق ان فيه طفل بحضنه لكن بعد ماتأكد ان وعد نايمه عجز يمسك نفسه لا يمد يده بخفه ويفتح شعرها من الربطه بخفه بدون ما تحس وانتثر شعرها على المخده حولها وابتسم عقاب يناظره بهدوء وعجزت يده تقصر ومدها يبي يلمسه واول ما اختلطت خصلات شعرها بأصابعه تكهرب قلبه لا شعورياً وشاف ان معه فرصه يشم عطره من قريب قبل تصحى وكان يناظرها بتأمل وهي نايمه ملاك لكن اذا صحت يصحى كرهه عقاب معها انسحب اول ماحسها تحركت ورجع مكانه بسرعه وهو كل محاول ينام يصحى خليفه يبكي ويصحو معه عقاب و وعد ورغم صحوته مالها فايده الا انه يجلس يناظر كيف وعد تتعامل مع خليفه لكن اخر صحوته انتهت بعد ما نام على صوت وعد تغني لخليفه عشان ينام ناظرته وعد بضيق وصدت وهي تنزل خليفه ونامت هي بعد
_______________________.
وفي عند جابر واماني
كانت اول سفرتهم للكويت قرر جابر يروح هناك اول شي يوري اماني ديرتهم واول ماوصل استقر بفندق
وكان اغلب وقته ساكت لكن اخيراً نطق وهو يقول : اماني
اعتدلت اماني: سم
جابر: سم الله عدوچ ، ا ا الحقيقه انا بكلمچ بموضوع لكن مدري كيف ابدأ ، لكن انا اسف اذا سببت لچ ازعاج البارحه لكن بعد اللي صار في الكويت انا مارديت طيب وهاذي اول مره اجي للكويت بعد الغزو ويمكن بالليل اضايقچ لكن مو بيدي ابداً القصه كانت صعبه
اماني :لا ياجابر لا تضايقني ولا هم يحزنون وبالعكس هذا شي مايضايق ازمه صعبه عليك وعدت حمدلله وهذاك بطل من ابطالها وكلٍ يفتخر فييك وقفت بوجهه عدوك وردت ديرتك
ابتسم جابر بهدوء: يعني مارح تتضايقين مني!؟
اماني : مستحيل اتضايق
وقف جابر وهو ينزل تيشيرته: ولا رح تتضايقين من هالمنظر
جمدت ملامح اماني خوف وخجل وهي مرعوبه من منظر ظهر جابر وصدره اللي باقي فيها اثر السلاسل الحاره اللي وسمت عليه اثر الزقاير واثر جروح الضرب
ماقدرت تكلم من الصدمه وفهم جابر صدمتها وقال: ما انتي مجبوره تجامليني
وقفت اماني لاشعورياً وهي تناظره بدموع وتقدمت بحرج : ليش اجامل!! ولا ليش انت تتضايق منها هاذي ياجابر دروع بطوله ،هاذي علامه لرجولتك وشجاعتك ماهي علامة خجل
.
.
.
بحرج : ليش اجامل!! ولا ليش انت تتضايق منها هاذي ياجابر دروع بطوله ،هاذي علامه لرجولتك وشجاعتك ماهي علامة خجل او ضيق انت رجال وسبعين نعم وتستاهل كل خير في حياتك وانا مستحيل اتضايق وانا كيف اتضايق وانا قلبي معك وادعي لك في عز حربك وكيف اتضايق وانا ياما سهرت الليل ادعي انك توصل المستشفى بخير وتصحى على خير ولا يفجعني ويفجع اهلك فيك .. لا تقول لي هالكلام ياجابر انا لك ستر وغطاء وانا معك في كل اوقاتك وانا للي لو هالناس ابعدت عنك ببقى قريبه منك
انهبل جابر اللي عجز يستوعب كلامها ماكان متوقع انها بترد عليه هالرد وانا بتكون بكل هالمشاعر كان هذا شي كبييير عليه
لكن ماكان يقدر يعبر اكثر من انه يحتضنها بكل ما اوتي من حب ومن قوه
اماني اللي ماتدري كيف مشاعرها تفجرت كذا وكيف قالت هاللي قالته لكن هذا اقل شي تقدر تقدمه لجابر وتواسيه
_______________________.
ومن بكره الصبح
نادر اللي صار يرجع الليل ويحصل شوق نايمه ولا يلتقي فيها الا الصبح لكن هالصبح كانت ساكته لين ودعت اهلها وقرب نادر وهو يحاوط كتفها: شوق حبيبتي وش فيك ! يوجعك شي
شوق : لا انا بخير
نادر: احسك متضايقه !
شوق : لا بس زهقت وخاطري توديني بيت خالتي ام ضاري
نادر: ابشري يلا اجهزي على ما ابدل
شوق : طيب
راحت بسررعه تلبس تبي تطلع من هالبيت وترتاح وتنتظر متى ينتهي بيتهم ويرجعون له كان نادر متأكد ان فيها شي لكن مابغى يعلق وتصير مشكله
اخذها لبيت ام ضاري ودق الباب وطلع ضاري :حي الله نادر
نادر: حياك الله انت وينك غاط
ضاري : ابد موجود ادخل ادخل نتقهوى
نادر: لا تعال نطلع نروح لاي مكان
سكر ضاري الباب وطلع : خير وش فيك
نادر: يا ضاري خايف على شوق
ضاري : بسم لله الرحمن الرحيم وش فيها شوق !؟؟
نادر: مدري وش فيها فيها شي وساكته عليه ما تقولي واحسها متضايقه
ضاري :لا يا رجال لا توسوس هذا اكيد من الحمل ترا نفسيتهم تغير وتتعب يبيلها طولة بال
نادر: ادري والله ادري لكن ماني مرتاح
ضاري: اذكر الله ولا تكبر السالفه كلها يومين لين تعدي هالفتره وتشوفها رجعت مثل قبل واحسن
نادر: يا ليت يا ضاري يا ليت
_______________________.
في بيت الجد قايد
صحى عقاب على صوت وعد تناديه : عقاااااااب
عقاب : وش فيك !
وعد : قم يلا عشان جدي ينتظرك للفطور يلا
عقاب : كم الساعه
وعد : ظ،ظ* يلا
اعتدل عقاب وطلع يغسل ورجع وهو يمسح وجهه لكن شاف وعد مرتبه كل شي كان فالغرفه وعطرتها ولفت وهي تقول : هاذي ملابس امس غسلتها وهاذي ملابس قديمه لك عنا ألبسها وخل لي ملابس محمد اغلسها .

.
وهاذي ملابس قديمه لك عنا ألبسها وخل لي ملابس محمد اغلسها
ناظرها عقاب ببتسامه وصد : مدري ليه تخربين نفسك بطولة لسانك هذاك وانتي مطيعه وش زينك
ناظرته وعد بطرف عين وضحكت بإستهزاء واخذت خليفه وطلعت
وطلع بعدها عقاب وهو يتجهه لرجال مجتمعين وجلس مبتسم
فيصل : اشهدوا يامسلمين
ابو ناصر: وش بلاك !؟
ابو خلف: وش نشهد عليه
ضحك عزوز: اشهدوا ان عقاب اول مره يقوم وهو يضحك
ناظره عقاب بطرف عين: ودك اقوم امحطك صح
فيصل :وحنا صادقين يارجال اضحك اضحك ترا الدنيا حلوه
ابو خلف بضحك: وهو صادق دايم تقول تسابق جنونك
عزوز: فاتت خلف اللحظه التاريخيه
مضاوي : لو درينا زوجناك وعد من زمان
عزوز: ايييه وانا اقول غريبه
فيصل بضحك: ماهي غريبة على وعد
عقاب : اقول على شحم انت وياه
ولف لمضاوي :وانتي قومي اذا تبين اوصلك بيتك
ابو خلف : ا قعد تونا نمدحك
عقاب : بفطر وبطلع وراي شغل
ماطولت ضحكة عقاب اللي فرحوا بها لانه زعل ان وعد صارت نقطة تحول في حياته وهذا حسب افكاره غلط لازم هو اللي يغيرها ماتغيره
وطلع بعد ما اخذ وعد للبيت ومضاويي لبيتها
_______________________.
وفي بيت ام ضاري
اللي استقبلت شوق بحب وهي تحضنها : ادخلي يابنتي وينك من زمان ماجيتي
شوق : اعذريني ياخالتي انشغلت شوي وتوي فضيت
ام ضاري : معذوره ياحبيبي ادخلي اجلسي بجيب القهوه
فزت شوق : حشى والله انا اجيبها
ام ضاريي: مابي اتعبك وانتي حامل
شوق : تعبك راحه
دخلت شوق وجابت القهوه : الا ياخالتي وين مضاوي مالها حس
ام ضاري : خذاها ضاري امس لبيت اهلها يبيها ترتاح عندهم شوي ومدري متى تجي
شوق : ياحليلها الله يسعدها
ام ضاري: امين ووياك
شوق : ا ا وش مستجدات حملها ان شاءلله كل شي زين
ام ضاري : حمدلله كل شي زين وضاري مايخليها تسوي شي بعد قلبي متعلق بهالولد قبل يجي
شوق: الله يفرحه ياربي بس كيف عرفتوا انه ولد
ام ضاري : ماعرفنا والله بس قلتها كذا
صدت شوق ببتسامه ضايقه: طيب انتي نفسك في ولد ولا بنت
ام ضاري بضحك: اللي من الله حياه الله يابنتي كلهم خير وبركه
شوق ببتسامه مليانه حسره: ياليت كل الناس مثل تفكيرك ياخالتي
ام ضاري : بسم لله عليك وش فيك علميني انا حاسه فيك شي من يوم مادخلتي
انهارت شوق تبكي : والله ياخالتي اني تعبت من خاالتي ام نادر
ام ضاري :لا اله الا الله وش فيها بنت الحلال ماتقولين صارت زينه
شوق: ايه لكن لها فتره تقول انها تبي ولد لنادر واذا ماكان ولد بتزوج نادر علي وانا وش في يديني كلها خلقة ربي وبإرادته
.

[صواديف عشاق]

ام ضاري : لا حول ولا قوة الا بالله مالها خاتمه هالحرمه ، مدري وش مصلحتها في خراب حياة ولدها
شوق : حتى عمي وامي بعد وحتى ابوي كلهم يبون ولد
ام ضاري : ونادر!؟
شوق: نادر راضي باللي ربي بيكتبه ما اعترض لكنهم جننوه وجننوني
ام ضاري: ماعليك من احد دام نادر راضي محد له كلام والولد ولا البنت هي لكم ماهي لاحد اسمعيني ياحبيبتي لا تخلين احد يعكر حياتك ويعكر اجمل ايامك انبسطي وعيشي وماعليك من احد ودام نادر يحبك وراضي بك مستحيل يفكر بغيرك ابداً ارتاحي
شوق : يارب ياكريم
حضنتها ام ضاري وهي تحاول تغير جوها وانهيارها وطبعاً جت مضاوي ولحقت على السالفه وبغت نىتنهار وهي تسب وتلعن لكن سكتت لاخر لحظه ماتبي تضيق صدر شوق اكثر
_______________________.
ومن هاللحظه .. إلى ظ¦ شهور
شالت شوق هم طفلها مثل ماشالت حملها وكل لحظه تدعي( يارب يكون ولد .. يارب ارحمني من هالمشاكل )
ولا يدري نادر بأي شي ينتظر شوق تقوله لكن مع مرور الوقت توقع انه من اثر الحمل وكان يساعدها بكل شي *** وضاري اللي ما قصر ابد مع مضاوي ويركض معها في كل شغله ولا يخليها تسوي شي وهو يعد الليالي والايام ينتظر متى تولد مضاوي
اما مضاوي كانت تحمد ربها ليل ونهار ان حظها رماها على ام ضاري وضاري اللي فعلاً مدللينها دلال وكل ماتشوف اهل نادر تحس انها في نعمه عظيمه ولا تقدرها *** اما خلف بدا رحلة شهر العسل ولا بقى مكان في باله ما راح له هو وليلى وكان فعلاً يرسم كل اللحظات السعيده معها كان ممتن وسعيد ويحس انه محظوظ فيها واخيراً قدر ينتمي لها ويستقر معها كان هذا اعذب انتصاراته
وليلى اللي كل يوم يكبر حب خلف اكثر كل يوم وهي تسجد شكر لوجوده في حياتها كل موقف بينهم يبين لها معدن خلف وحب خلف لها *** اما عقاب اللي صار بين حرب الكبرياء وحرب وجد وحرب وعد ماكان يدري على يد من هزيمه لكن يتمنى انها ماتكون على يد وعد رغم انه ماقصر بعد وكان يحاول يهزم وعد طول هالفتره لكن تحيره وتخليه واقف بمكانه مليان عجب وحيره وكان خايف من نفسه كثير خايف من انهزامه
اما وجد للي كانت مستغله هالفتره وتسحب عقاب لها وتشغله بحملها عن وعد وخليفه كانت تنهار من غيرتها ولا تدري وش تسوي غير انها تكيد لوعد لكن تنفضح بكيدها
اما وعد رغم ان عقاب و وجد ضغطوها بما فيه الكفايه كانت متمسكه بهدوء غريب كانت ماتهمها وجد قد مايهمها كسرة راس عقاب وهذا اللي قاعده تشتغل عليه وفي هالفتره بدا خليفه يكبر ويفهم ويتعلق وصار متعلق في عقاب كثيييير **** .
.

اما سحر وماجد
ما تدري سحر كيف دخل ماجد لقلبها واستقر فيه وصارت ماتشوف احد اغلى منه وخصوصاً بعد وا قدر يدخلها الجامعه وتدرس رغم رفض عقاب القطعي لكن اقنعه ماجد وحل الموضوع
وماجد كان ماعنده احد اغلى من سحر ومستعد يعطيها الغالي والنفيس ويوقف بوجهه اي احد يضيق صدرها
لدرجة انه استغنى عن مسألة العيال لييين تقدر سحر ترتب وقتها بين دراسه وبيت ***
وعند جابر واماني
جابر اللي بعد موقف اماني معه وبعد وقفتها معه وكيف اخذت بيده وطلعته من حرب الخوف اللي داخله صارت عنده بكل الدنيا عرف ان اختياره كان صايب وعمره ما رح ينخذل من اماني ابد
واماني اللي كانت بكل حيلها وحيلتها تحاول تساعد جابر وتسحبه من الرعب اللي محتويه وقدرت في فتره لكن ماهي بسيطه .. لكنها عرفت انها من زمان تعلق قلبها في جابر وتحمد لله اللي رجعهم لبعض **** اما في بيت الجد قايد
مرت عليهم هالشهور عاديه مافيه شي جديد محمد كل فتره يسافر ويستانس ويرجع عهد كل يوم تكبر حربها وحقدها على الكل وشهد اللي مابين دراسه وضحك وسوالف مع ابو ناصر وام ناصر
وهيا اللي كانت ساكنه بعيد وتجي كل فتره وهي الحين حامل في شهرها السادس **** وفي بيت ابو خلف
كان غياب خلف عن بيتهم مسبب ازمه وخصوصاً بين فيصل وابوه اللي يشوف ان فيصل مايعتمد عليه عكس خلف
لكن يقدر فيصل يتداركه ويمشي الموضوع بمساعده خلف ووعد
ام خلف اللي كانت في قمة سعادتها وهي تشوف خلف مبسوط وسعيد
وام وعد هالشعور بعد يسكن قلبها والجديد عندهم ان ممدوح خطب ندى ووافقوا وزواجهم صار قريب
_______________________.
وبعد هالشهور في بيت عقاب
اللي رجع من دوامه كعادته بلبسه الرسمي واستقبله خليفه اللي يركض بصعوبه له ونزل عقاب واستقبله يحضنه لكنه كشر اول ماشاف وجد اللي جت وهي تقول : اخذ قلبك هالولد الظاهررما بتحب ولدنا زيه
صد عقاب بضيق: اسمعيني عاد ترا مالي خلق لغيرتك الحين راسي مصدع وتعبان وجوعان وش سويتي غدا
ناظرت وجد في بطنها اللي صار في الشهر السابع : والله توني صحيت ماطبخت بس شفها هي يمكن طبخت
عقاب : من هي اللي اشوفها
وجد بتكشيره: وعد من غيرها
عقاب : اللهم صبرك ياروح
اخذ خليف واتجهه للمطبخ وهو يشوف القدور مرتبه كعادة وعد اللي اكتسحت البيت بجوها المرتب والنظيف والصحون جاهزه وكل شي جاهز لكن وعد ماهي فيه
لكن جت بعد مابدلت عن ريحة الطبخ واخذت لها دش وترتبت
واول ماسمعت صوت عقاب راحت للمطبخ : بدل عشان احط الغداء
في هالفتره خفت حدة العلاقه بينهم وصار كلامهم طبيعي شوي وقرب عقاب : وش طابخه!؟
في هالفتره خفت حدة العلاقه بينهم وصار كلامهم طبيعي شوي وقرب عقاب : وش طابخه!؟ وعد : بيجيك الغداء وتشوف
اتجهه لها عقاب واول ماوقف جنبها فاحت ريحة العطر ولا كأنها طابخه ابد : انا أسال
فتحت وعد غطاء القدر : رز ابيض وملوخيه تقول سحر انك تحبها
ابتسم عقاب : ومن متى صار اللي احبه محط اهتمامك
لفت وعد وهي تكتفت : من اللحظه اللي صار كل شي يرجع زي ماهو وينحط للبهايم لان حضرتك ماتاكله وانا ماني مستعده اكسب ذنوب من وراك
عقاب : هه يا كثر حقدك علي
وعد : حقد!!! ههه لا لا حتى شعور الحقد حرام فيك انت حتى ذنبي استخسره فيك
احتدت ملامح عقاب ونزل خليفه بغضب وهو يسحب ذراعها بغضب: سكت لك كثير ياوعد
وعد : تردد هالكلمه من شهور ماشفنا لها فايده
فار دم عقاب اللي رفع يده وناوي يضربها وفعلاً ضربها كف للمره الثانيه
وهنا ثارت وعد بغضب وهي تقول : تمد يدك علي!! صدقني يا عقاب لتنكسر يدك للي مديتها
عقاب : اعلى مافي خيلك اركبيه
وعد : والله والله لهد دنياك على راسك ياعقاب وما اكون وعد
اتجهت لغرفتها بغضب وهي معها خليفه كانت بتموت من القهر والغضب ولمت كل اغراضها وركضت بتطلع بس شافت الباب مسكر واتجهت للتليفون وكان مفصول واتجهت له بغضب : اذا رجال هات المفتاح
عقاب : اقولك اذلفي لغرفتك وطلعه مافيه وترا النفس ماعادت تحملك ياوعد
اول ماحست وعد ان مواجهتها ضعيفه ولا تقدر تجبره يفتح الباب قالت بغضب: ولله والله والله وهذا هي ثلاث أيمان لتندم يا عقاب وللله لتبكي دم على هالكف والله لدفعك الثمن غالي وانا وعد
ودخلت لغرفتها وعقاب مقهور ومعصب والتفت على وجد بغضب وصرخ: وش تناظرين فيه انتي اذلفي لغرفتة احسن لك
ركضت وجد لغرفتها وهي مبسووووطه على اللي صار وتدري انها بتكبر
_______________________.
وفي بيت خلف
للي رجع من شغله ودخل مبتسم وهو ينادي: ليلى وينك يا روحي
لف خلف على صوت خلخالها اللي اللي يدل على مكانها وشافها نازله من السطح واتجهت له بخطوات سريعه وهي تحضنه كترحيب فيه : انا هنيه صعدت السطح انشر الغسيل
خلف : الله يعطيك العافيه
ليلى : لله يعافيك ، هاه شخبار شغلك ان شاء الله مافيه تعب اليوم
خلف: لا حمدلله
ليلى : جهزت لك ملابس نظيفه عشان تبدل وتقط هالدشداشه عنك على ما انچب الغداء
كان خلف مبتسم وهو كل مره يسمعها تكلم يسهى فيها وينجذب لكلامها
ضحكت ليلى: شنو فيك !
قرب خلف مبتسم وهو يبوس شامتها وقال: مغرم بالشامه وصاحبة الشامه وهيمان في اللهجه وصاحبتها

.
قرب خلف مبتسم وهو يبوس شامتها وقال: مغرم بالشامه وصاحبة الشامه وهيمان في اللهجه وصاحبتها
نزلت ليلى راسها بخجل وهي تبعده : مو وقت هالحچي الحلو .. ولا ناسي العصر بنروح عند امك وماباقي وقت
ضحك خلف وابتعد : ايه صح مافيه وقت
راحت ليلى تجهز له الغداء ورجع خلف بعد شوي لكن سبقته ليلى : خلف دواك
ابتسم خلف : هاتيه يلا
ليلى : عفيه خلف لا تنساه وانت برا البيت
خلف : ابشري في البيت بعتمد عليك وبراز بعتمد على نفسي
ليلى : ياحبيبي والله
ولفت ببتسامه وهي تناظره بحب وبعدها لفت
خلف: وشوله تناظريني!؟ ليلى: چذيه بتأمل نعمة ربي علي
ضحك خلف : حلوه لكن عطيني السبب
ليلى: عادي شنو فيك ، سم باللله وتغدا يلا
لف خلف ببتسامه وبعد الغداء راح يريح لين العصر والعصر صحته ليلى وهو مستغرب الابتسامه اللي على وجهها مريبه
ورجع يجلس : ليلى حبيبي عيوني تعالي
جات ليلى ببتسامه: سم يانور عيوني
خلف : اعترفي وش مسويه!!! وش مخبصه هالضحكه ماهي مريحتني
ضحكت ليلى :والله ما سويت شي بس چذيه ماتبيني ابتسم
خلف :ابتسمي لكن معدل هالرضا يربكني
ضحكت ليلى؛ والله ماكو شي قوم يلا تأخر الوقت
طلع خلف وهو متأكد ان فيه مقلب بتسويه قريب فيه وخصوصاً انه تعود عليها كذا لكن كيف بيكشفها مايدري
_______________________.
وفي بيت نادر
اللي نايم بتعب بعد ماكان سهران مع شوق اللي صارت بشهرها الثامن وصارت تتعب كثير ويروح اغلب الليل تبكي وهو يهديها
رغم لازعاج الللي برا ما صحى لكن صحى على صرخة قويه فجعته ونقزته من مكانه ركض على اتجاه الصوت وسمع امه تقول : ياويل بتولدين الحين بدري بدري
كان شوق واقفه وهي ماسكه الجدار وتصرخ: ألحقيني ياخالتي تكفين بموت
ركضت نادر يصرخ برعب : شوووق شووق وش فيك
مسكت يده بقوه وهي تصرخ: نااادر ألحقني يانادر بموت تكفى يانادر
انبهل نادر يركض يميين ويركض يسار وبالقوه لين استجمع عقله ولبس وركض بعبايه شوق واخذها وطلع لسياره بسرعه وكل ماصرخت فز برعب وهو خايف وفي هاللحظه المرعبه حتى امه ماهي معه جلست وتركته مع شوق جاهل اللي يصير وشوق بعد تجهله وصل المستشفى وهو يصرخ وينادي : ألحقوا ألحقوا
ركضوا ياخذون شوق اللي تصرخ بصوتها كلها وهي ماسكه يد نادر وتبكي : تكفى لا تخليني لحالي يانادر تكفى
نادر:ابشري ابشري اذكري الله انتي تكفين
سحبها لطواري ورفضوا نادر يدخل لكن شوق كانت تصرخ بأسمه وانهبل نادر برا لكن رجعت له الممرضه تقول : زوجتك عندها ولاده مبكره لازم توقع علو اوراقها عشان تدخل واذا تأخرها بنخسر واحد فيهم ��
.
وانهبل نادر برا لكن رجعت له الممرضه تقول : زوجتك عندها ولاده مبكره لازم توقع علو اوراقها عشان تدخل واذا تأخرها بنخسر واحد فيهم
للحظه حس انه داخ هاذي اللحظه اللي خايف منها شوق صغيره بعمرها وبنية جسمها ولا تقدر تحمل والكارثه انها ولاده مبكره وخبر انه بفقد واحد منهم جننه ورجع على صوت الممرضه: استعجل يا اخوي
وقع نادر برعب وراحت الممرضه وخلته واقف مرتعب مايدري لمن يروح ومن بيسنده
ركض لتليفون ودق على طول على ضاري اللي جاء يركض هو وامه ومن حسن حظ مضاوي كانت عند بيت ابوها
اول ماشاف ركض لهم ومسكه ضاري : نادر وش فيك
نادر: شوق عندها ولاده مبكره ومتعسره واخاف ويقولون احتمال اخسر واحد منهم
اتسعت عيون ضاري بذهول : وشووو
ام ضاري : اذكر الله يانادر يا ولدي ان شاء الله مافيها الا العافيه وربي بيسهل عليها بس انت لا توتر اذكر الله
نادر:ياخالتي ماهقيت انها بخيييير
ام ضاري : لا يا ولدي لا تفاول عليها بشر اذكر الله ورح غسل وجهك وصل ركعتين وادع لها وربي معها ان شاء الله
ضاري : تعال معي تعال
اخذه ضاري وهو متوتر ويحس ريقه ناشف من الفجعه ماكان ضاري اقل من خوف لانه فعلاً خاييف من هاللحظه
وقفت ام ضاري وهي تدعي لشوق من قلبها وكل شىي تسأل لكن مافيه خبر
لكن بعد شوي رجع نادر اللي ماقدر يقعد ويرتاح : خالتي طمنيني
ام ضاري : مافيه خبر
نادر: ياربي تلطف بها يارب
لفوا على صوت الممرضه تنادي وركض نادر لها : كيف شوق
ابتسمت الممرضه : شوق بخير حمدلله وأطفالها بخيير وبصحه كويسه
نادر ما انتبه ولف بفرح: حمدلله ياربي
ام ضاري : وش جابت!!
ضاري: اطفال ايش اللي تقولينهم
انشدوا لها كلهم وقالت الممرضه: جابت توأم عيال وكانت الولاده متعسره ومبكره لهذا السبب
طارت عيون نادر بصدمه: وشوووو توأم!! الممرضه ا: ايييه ليه ماعندك خبر
نادر للي جاه ضحك هستيري مختلط برعب : لا لا ماعندي خبر
ام ضاري: مبروووك مبرووك ياولدي
نادر: الله يبارك فيك
لف عليه ضاري يحضنه ويبارك له: يلا ربي رزقك توأم وفرحك بدال الفرحه فرحتين
نادر: حمدلله ، اقدر اشوف شوق
الممرضه: بعد ساعه بتكون بالافاقه وتشوفها
نادر:والاطفال
الممرضه: مسموح لك فقط تشوفهم
نادر راح ببتسامه وراها وضاري وامه واقفين مبتسمين وفرحانين
وضحكت ام ضاري: سبحان الله كانت هالمسيكينه شايله هم الولد وعطاها الله اثنين
ضاري : لطف لله كبيير ، لو تدري مضاوي بتنهبل عساها هي بعد حامل بتوأم
ضحكت ام ضاري : غيره المووضوع امش امش
لف ضاري يضحك ماهو مصدق
.
.

ضحكت ام ضاري : غيره المووضوع امش امش
لف ضاري يضحك ماهو مصدق
اما نادر اللي كان واقف بهذول يناظر عياله مايدري كيف بيستوعب وكيف بيشيلهم وكيف بيسوي لكن فرحان فرحان بشكل مو طبيعي كان ينتظر شوق تصحى عشان يشوفها ويطمنها
_______________________.
وفي بيت النوخذه
كان جابر جالس مع اماني وهو يسولف معها وقال بعد فتره : رحت اليوم الطبيب
ناظرته اماني: بسم لله عليك فيك شي !؟ يوجعك شي
فزت تمسك جبينه لكن مسك جابر يدها وهو يجلسها: لا لا انا زين لكن حبيت اسوي فحوصات وتحاليل
اماني: لأيش!؟
جابر بتردد : بصراحه انا صار لي فتره افكر في موضوع العيال وواخاف هالحرب والكهرب اللي عرضوني له يأثر علي واصير ما اقدر اجيب عيال
انصدمت اماني اللي ماعمرها فكرت بهالموضوع وهي تنتظره يكمل
وقال جابر: احنا لنا ظ¦ شهور متزوجين وانتي للحين ماحملتي وانا خايف من هالنقطه قلت اسوي فحوصات عشان اتأكد واذا صچ انا متأثر راح اتعالج مبكر
ارتخت اماني بهدوء: ويمكن مافيك شي ، واكيد ربي ماكتب الحين اصلا حتى ليلى ماحملت وهي متزوجه معانا
جابر: خاطري اتطمن يا اماني ومارح نخسر شي
ابتسمت اماني بهدوء: زين اللي يريحك بس حط في بالك اني مارح اخليك لو ما ادري شيصير
ابتسم جابر : والله انچ عوض الايام الشينه يا اماني
ابتسمت اماني : اممم مارح يجي عمي وخالتي!؟ جابر: ما ادري والله ما قالو لي شي لكن اذا ودچ نروح لهم الكويت نروح
اماني : اخر مره رحنا لهم خلهم يجون يغيرون جو هنا
جابر:وانتي الصاچه
بدت اماني تسولف وجابر يسمع بحب
_______________________.
وفي بيت ماجد
كانت سحر نايمه بعد مارجعت من الدوام وهي مهلوكه لكن صحت على صوت ماجد يناديها بخفه: سحر يلا قومي
ناظرت سحر بهدوء: كم الساعه !
ماجد: قريب المغرب قومي يلا وتراني عازمك على قهوه في الصاله عشان نتقهوى ونروق وتذاكرين
فزت سحر : الله يعطيك العافيه وربي محتاجه هالقهوه
ماجد : قلت لك اعرف وش تبين قبل تتكلمين وابشري باللي تبين يلا قومي
فزت سحر تغسل وترتب وماجد ينتظر في الصاله وهو معاه مذاكراتها والقهوه
وكان يساعدها كثييييير وسحر تسهى عن الدروس تتأمل طيبة ماجد
ماجد : لا تناظريني ناظري هالمسأله ولا ترا اذا ماحليتي في الاختبار بكره مابنروح للخفجي
ضحكت سحر: يعني مفاوضه!!
ماجد: ايه نعم مابي اوقف في وجهه عقاب واقول تكملين وفالاخير تسقطين
ضحك سحر: وانت الصادق يلا يلا عيد من جديد
ماجد: يلا ركزي
بدا يشرح من جديد وهالمره ركزت معه
_______________________.

.
وفي بيت ابو خلف
وصلوا خلف وليلى اللي كانوا جالسين معهم وسوالف وضحك
فيصل : يارب ترسل لنا اثنين زياده واعيش بعدها بسلام
ام خلف : اثنين وش !؟
فيصل : معاريس لحنان ووجدان لان ندى وبفضل من الله راحت وبتزوج بعد فتره والحين ما باقي الا هالثنيتن
خلف : وش عليك فيهم جالسين على قلبك
وجدان: من الغيييييره اللي فيه
حنان : وش سوينا لك يا استاذ
فيصل: ابي استقر بدون ازعاج البنات
ام وعد : تبي تستقر تزوج بناتي مالك دخل فيهم
خلف : احسسسن تستاهل
ليلى اللي كانت متغطيه غطاء كامل وجالسه معهم وهي هالفتره صارت تمون على فيصل: وانت ليه متذمر المفروض تفرح ان عندك خوات باقيات
وتعرف قدرهم وتتعلم من الشاعر اللي يقول (‏إن البيوتَ إذا البناتُ نزلنها ‏ مثلُ السماءِ تزيّنت بنجومِها
‏ هُنَّ الحياةُ إذا الشرورُ تلاطمت ‏ وإلى الفؤادِ تسلّلتْ بهمومِها)
فيصل : ماشاء لله تبارك الله ربي جمع ووفق عرف خلف يختار الانسانه اللي مثله مايعرفون يتكلمون زي الادام لازم حكم حكم
خلف : وياليتك تعلم ويثمر فيك
ضحكت ام خلف : انا مدري وينها اللي مثلك عشان نزوجك ونفتح
ضحكت وجدان بهبل : شهد مثله عله
لف فيصل : ولله!!! ااقول ماغيرك العله واللي بتزوجها ابيها ماتعرفك ولا تعرفينها
خلف : عاد الله يكون بعون الضعيفه اللي بتاخذها
ندى: بيشيب راسها وتخلعه هي حتى الطلاق ماهي طالبته
فيصل : ايييه تكاثروا علي
خلف : انت الغلطان وتستاهل
فيصل : الله كريم ، يلا بهج سلام عليكم
خلف: وينه ابوي ماجاء !؟ ام خلف : معزوم للعشاء عند صاحب له
خلف : زين اجل ، انا بطلع للعيال شوي
ندى: بتعشون هنا صح
خلف : ايه ايه
وقف بيطلع لكن وقفت معه ليلى وهي تهمس: لا تنسى دواك
خلف : ابشري ، تبين شي اجيبه من برا
ليلى: لا سلامتك
خلف : الله يسلمك
طلع ولفت ليلى وهي تنزل عبايتها وشافت الكل تفرق ماعدى ام خلف وراحت لام خلف وهي تجلس جنبها
ام خلف:الله يسعدك يابنتي ماقصرتي تذكرينه بدواه
ليلى : افا عليچ ياخالتي مستحيل انساه وخلف انتي امنتيني عليه
ام خلف : الله يسعدك
ليلى ببتسامه: خالتي بقولكرشي انا شكيت فيه
ام خلف: قولي ياحبيبتي
ليلى بحرج: صراحه ياخالتي انا شاكه اني حامل
فزت ام خلف بفرح: قولي والله
ليلى: والله بس للحين مدري كيف اتأكد
ام خلف : ماقلتي لخلف
ليلى: لا قلت بقولچ قبل
ام خلف : قولي لي وش تحسين فيه
بدت ليلى تسرد عليها اعراض الحمل الواضحه

.
ام خلف : قولي لي وش تحسين فيه
بدت ليلى تسرد عليها اعراض الحمل الواضحه وهي مبتسمه وام خلف بتطير من الوناسه: اي والله هاذي اعراضه لكن خليني بكره بقول لخلف اني تعبانه بروح المستشفى واروح انا وانتي ونشوف ونحلل واذا طلع صدق بشرناهم
ليلى:زييين اجل شورچ وهداية الله
حضنتها ام خلف بفرح:يارب يكون صدق وافرح بعيال خلف زي ماني فرحانه بسعاده اللي اشوفها قدامي
ليلى ببتسامه: يارب
سكتوا ينتظرون رجوع خلف وهم كلهم فرحانين
_______________________.
ووفي بيت عقاب
اللي كان على نار طول يومه على نار مايدري كيف يحل هالبلوه اللي صارت
وكل ما مر الوقت يضيق صدره وكان البيت هادي هدوء مرعب وعقاب فالصاله يدور يبي حل ماقدر للحين يده تنبض من الكف اللي ضربه لوعد
لكن لف على صوت الباب اللي دق بخفه ودقه يعرفها عقاب زين دقة خلف لكن مافتح وسكت مايبي خلف يدخل الحين واذا عرف باللي صار بتقوم الدنيا ولا تقعد
انتظر لين راح خلف ولا طول
ورجع وهو يقول ( حسبي لله على ابليس شوفي وين وصلتينا ياوعد شوفي وش هببتي فينا)
اما وعد ما عرفت بجيت خلف وهي تدور حلف كيف تطلع وكيف تاخذ حقها من عقاب اللي زانت له مدت اليد
_______________________.!
وفي المستشفى
عند نادر اللي ماصدق صحت شوق وركض لها ودخل مبتسم يناظر وجهها التعبان واسرع يجلس على طرف السرير: شوق ياعيوني حمدلله على سلامتك
شوق بهمس خايف : لله يسلمك ،وش صار يانادر
قرب نادر مبتسم : صار اللي ماهقيناه بصير تخيلي ياشوق انك جبتي توأم، كنتي حامل بتوأم ولا درينا!؟ وجبتي توأم عيال
شهقت شوق من الصدمه : كييف يعني
نادر : سمي بالله اول شي
شوق : بسم لله بس نادر ماني مصدقه
فزت بتحرك بس رجعت بألم: كيف جبت توأم وماحسيت
نادر: كتب لله لنا هالتوأم ولو تشوفين كيف صغار وحلوين ياخذون القلب
شوق : تكفى نادر كلمهم يجيبونهم
نادر: ابشري
راح نادر ورجع مع عياله اللي فرحان فيهم واول ماحطت الممرضه العيال في حضن شوق يمينها ويسارها وحجها الصغييير حولهم صار كبيير انهارت شوق تبكي وقرب ماجد :افا ياشوق تبكين وانتي المفروض تفرحين
شوق كانت شايله هم ما توقعت ترزق بأثنين عيال تسكت ام نادر وكل اهل الديره
حضنتهم ببكى ونادر يحاول يسكتها بس مافيه فايده واخذوهم منها وهي تناظر بنهيار ونادر يحاول يسكتها لكن عجز
واخيراً سكتت شوق وهي تقول : احد درا!؟
نادر : خالتي ام ضاري وضاري كانوا هنا وتوهم راحوا
شوق : الله يخليها يارب ويسعدها
نادر: بقوم ابشر امي وابوي
شوق: ايه تكفى بشرهم .
.
.
نادر: بقوم ابشر امي وابوي
شوق: ايه تكفى بشرهم
ضحك نادر بفرح: سبحان الله كانو يبون ولد ورزقنا وبي بأثنين
شوق : والله ماني مصدقه
نادر: صدقي صدقي لين اجي
راح يركض يكلم امه وابوه اللي ماصدقوا ابد وبسرعه طلعوا للمستشفى مذهولين
لكن اول مادخلوا وشافوا شوق وشافوا العيال صدقوا وشوق تناظرهم بفرح وانتصار على ام نادر اللي انقلبت معاملتها وانهلت على شوق بالحب والحضن كله عشان الولد وابو نادر مثلها
_______________________.
وفي بيت
الجد قايد جاء ضاري عشان يشوف مضاوي اللي صارت مثل التمساح ظ¢ظ¤ ساعه منسدحه وتاكل وتحلطم
لكن اول ماقالوا ضاري برا فزت وهي تكشخ
شهد : عشتوا توك مالك نفس شي
ضحكت مضاوي : هذا المنظر لك لكن لضرضورة قلبي لاا
ندى: لله يخلف دام هذا دلعك له
ليلى بضحك: واااي مضاوي شفيچ عذبتي الدلع ضاقت الاسامي
مضاوي بضحك واستهزاء : واااي ليلوه شعرفچ انتي بالدلع يامعوده
ضحكت ليلى وطلعت مضاوي تتبختر والبنات يضحكون
ودخلت المجلس وهي تشوف ضاري وخلف يضحكون بفرح
خلف : ياربي لك الحمد وش ذا الاخبار الزينه ياارجال الف الف مبروك يارب
مضاوي بفضول: على وشو تبارك له
خلف بمزح: ضاري بيتزوج عليك
شهقت مضاوي:وشوووو
ضاري : وللله عاد انتي مافيك حيله هالفتره وانا رجال ما اقدر ارجع لمعمعة العزوبيه
طارت عيون مضاوي : نعم نعم
خلف: راحت عليك يالتمساح
فز ضاري يمسكها قبل تروح: نمزح نمزح والله افا اجل انا مجنون اتزوج غير عين السيح مضاوي
خلف : للله ييخلف عليك بعقلك اجل
مضاوي : خلييف خلك بنفسك لا تخرب رجلي
ضحك خلف : اقعدي انتي وياه بس
ضاري: ماعليك منه كان يبارك لان نادر زوجته ولدت
شهقت مضاوي: وشوووو شوق ولدت
خلف :ايه وبتولدين انتي معها الحين
ضاري : ياخلف فكني شرك
مضاوي: شلون ولدت توها بدري
ضاري : ولدت مبكر وابشرك جابت تووم عيال
انهارت مضاوي من الصدمه : لا ياربي ما اصدق ، والله انك تمزح
ضاري : والله ما امزح طلعت حامل بتوأم ومحد يدري وطللعوا كلهم عيال
فرحت لها مضاوي : ياربي لك الحمد نولها مرادها وعساها ما تعبت
ضاري : لا هي بخير بخير
خلف اللي يبي يوتر مضاوي :اقول انتي متى تولدين
خافت مضاوي: بدري علي
ضاري: خليييف ااص ، ان شاء لله تولدين بوقتك وانتي بخير وسلامه
مضاوي: يارب خلني بروح ابشر البنات
راحت وهي فرحانه وخايفه والتفت ضاري بغضب:خليف الله لا يسامح ابليسك ، انا يالله اهديها وانت تزودها
خلف يضحك:ماعليها خوف مضاوي ان شاء الله لكن بحرق دمها زي ماكانت تسوي فيني .
.
ضاري : ياخي انا اللي بيلعن خيري فكني
ضحك خلف: ماعلينا نادر وعرفنا وينه عقاب وين !؟
ضاري : من متى تسألوني عن عقاب !! مدري عنه والله
خلف : غريبه ما لقيته في بيته ولا ادري وينه حتى وعد ماجت اليوم
ضاري: تلقاه يحوس في مصيبه مايختفي على خير ذا
ضحك خلف: لا يسمعك يدفنك
ضاري : المهم انت وش اخبارك
خلف : ابد انا مبسوووط ومستانس
ضاري : هاه عسى فيه شي بالطريق
خلف : بدري يارجال تونا معاريس
ضاري : يا ربي يالدلع اقول اخلص نبي نشوف عيالك
خلف : وانت وش عليك احد عينك مراقب علينا
ضحك ضاري : لا بس ابيك تكمل الرصه معنا لان فجأه كلنا صرنا ننتظر عيال عقاب وانا ونادر كمل انت
خلف بضحك :بدرس الموضوع
ضاري : يلا ادرس وانا بروح
خلف : الله معك
راح وطلع خلف للبيت اهله وهو تقريباً الرجال الوحيد فالبيت لان الكل معزوم وهو ماحضر هالعزيمه
دخل وهو يشوف مضاوي تبشر البنات وفرحانين واتجهه لليلى وجلس جنبها يمسع ردودهم عن ولادة شوق
لكنه مع الصوت غفى بجنب ليلى
واشرت حنان : اص اص اص
مضاوي: علامك
اشرت حنان على خلف : نايم
ليلى: خنت حييييلي تعب واايدد اليوم
مضاوي :صحيه ينام هناك
ليلى :لا لا اذا صحى مارح يرد ينام تعالوا نطلع
طلعوا البنات وراحت ليلى وهي تجيب له لحاف ولحفته وطلعت وعيون ام خلف عليها بحب
لكن في هاللحظه استغل الفرصه شخص ثاني شخص فاقد حضن خلف ودخل معه وهو متعلق فيه وطول هالشهور وهو متأزم
ورجعت ليلى لخلف تشوفه لكن ضحكت وهي تشوف غيث اللي دخل بحضنه ونام وهو من زمان فاقد خلف
ضحكت وهي تسكر الباب
_______________________.
وفي الليل في بيت عقاب
كان هادي محد له حس وجد بغرفتها ووعد في غرفتها ما طلعت بعد اللي صار
وعقاب بعد ما دار ولف لين افتر راسه وهو يدور حل يرضي الطرفين عجز وهو يدري وعد ما سكتت على خير وبتسوي شي وتنفذ تهديداتها لكن للحين مايدري وشهو وهدؤها مايطمن
قرر يروح ينام شوي ودخل عند وجد وانسدح بدون صوت وهو مقفل الباب وكل مخارج البيت عشان وعد ما تحصل فرصه تسوي شي
ومايدري عن وعد ولا وش صار فيها اللهم انه يسمع بكى خليفه كل فتره لكن سكت وهنا نام عقاب ولكن في مثل الحلم وفجأه فز على صوت ضرب باب الغرفه ووعد تصرخ عقاااااب عقااااااب ألحقني عقاااااب
فز عقاب من الفجعه مايدري كيف وقف وركض مايدري لوش يركض ولا وين رايح ولا وش ينتظره ��
.

فز عقاب من الفجعه مايدري كيف وقف وركض مايدري لوش يركض ولا وين رايح ولا وش ينتظره فتح للباب برعب ووجد واقفه وراه وكلهم يناظرون وعد اللي جت تصرخ وخليفه بين يدينها ورمته على عقاب وهي تبكي منهاره: ألحق خليفه ياعقاب تكفى
اخذه عقاب مفجوع يناظر فيه وهو يناظر وجهه اللي صاير ازرق وماله صوت
وصرخ برعب: وش اكل وش اكل!! وعد : ما اكل شي انا كنت عنده كان نايم وفجأه مدري وش صار له
قلبه عقاب وهو يحاول يفك اختناق خليفه بس مافيه فايده
وكانت وعد تبكي بأنهيار حوله وهي تقول : تكفى ياعقاب ولدي لا يموت تكفى يا عقاب
ركض به عقاب لسياره : ألبسي ولحقيني
طلع المفتاح من جيبه ووعد تبكي وهي تلبس ماتدري كيف لبست وركبت مع عقاب وهي منهاره وتحس انها هي المخنوقه وكانت ترجف ماهي قادره تمسك خليفه اللي كان شبهه ميت
لكن عقاب اللي كان يسوق بيد وحده ويد ماسك فيها خليفه يحاول يسوي شي يساعده لكن ماقدر وكل ماء طالت حالة خليفه ازداد خوف عقاب لللي لاول مره يخاف هالكثر
وصل المستشفى ونزل يركض بخليفه ووعد تركض معه وهي ماسكه ذراعه بخوف
اقتحم عقاب الطواري وهو يصرخ: اسعاف اسعاااااف اسعاف معي حاله حرجه
في ثواني تجمعوا حوله الممرضين واخذوا خليفه وهو يسألون عقاب وش جاه ولا يدري عقاب ويحاولون يسألون وعد اللي ترجف ماقدرت تكلم ومسكها عقاب بحنيه يبي يهديها كسرت خاطره وهي تبكي
عقاب : وعد تكفين قولي اذا فيه شي قولي عشانه عشانه
وعد و دموعها مغرقه وجهها :مدري ياعقاب من ايام كان يشرق ويصيح ويختنق لكن بعد فتره يهدا لكن اليوم ماقدرت اسكته واساعده
الدكتور: من كم يوم تقريباً
وعد : ظ،ظ* ايام تقريبا
عقاب : وساكته
وعد : كان عادي عادي لو ادري بيصير له شي ماسكت
الدكتور: طيب اطلعوا برا عشان نعرف نشتغل
وعد : لا لا بجلس عند ولدي
الدكتور: لو سمحتوا اطلعوا
اخذها عقاب بهدوء: لا توترينهم خليهم يعرفون يتصرفون
جلست وعد ببكي وهي تدعي مايصير له شي وكان عقاب خايف اكثر منها لكن اوجعت قلبه وعد ببكاها
جلس جنبها وهو يحط يده على كتفها: اذكري الله ياوعد بأذن الله مافيه شي بأذن الله ربي بيقومه بالسلامه اذكري الله
ماردت وعد وهي تبكي وعقاب حولها وهي نست كل شي بعد تعب خليفه
جلسوا ينتظرون بالساعات وتدور وعد بألم ويدور عقاب معها تبكي ويحاول يهديها وتخاف ويحاول يطمنها وبعد انتظار ظ¤ ساعات موجعه طلع الدكتور يناديهم
وركضت وعد : وينه ولدي ؟
الدكتور: هدي ولدك بخير
عقاب : حمدلله بس وش فيه وش صار له
الدكتور: هو كان معاه اختناق لكن ما حصلنا اي سبب اختناق مفاجئ
.
.
.
عقاب : حمدلله بس وش فيه وش صار له
الدكتور: هو كان معاه اختناق لكن ما حصلنا اي سبب اختناق مفاجئ سوينا فحوصات واشعه وتحاليل لكن ما فيه سبب واضح
عقاب : كيف يعني !!
الدكتور: يعني مافيه اي سبب نقدر نقول اختنق منه ممكن يكون اختناق عابر
وعد : واذا رجع اختنق
الدكتور: باذن الله مايصير له شي وبيجلس معانا لين بكره ونرجع نسوي فحوصات ونقرر من جديد
عقاب تذكر وقال: يادكتور خاله مريض بالربو المزمن وكثير احيان تجي له حالات ربو واختناق واغماء ..ممكن هذا السبب !
الدكتور: ممكن يكون المووضوع وراثه لكن بكره نتوسع بالفحوصات ونشوف لكن حالياً تطمن ولدك بخير
دقت هالكلمه بقلب عقاب اللي لف يناظر وعد اللي قالت
وعد : وينه طيب ابي اشوفه
الدكتور: هنا ، واتمنى منك تكمل اجراءات الاوراق
عقاب: زين
تحرك عقاب لكن وقفته وعد وهي تعطيه كرت: هذا كرت العايله عشان تقدر تعبي الاوراق
اخذه عقاب وراح وهو كل شوي يلتفت للغرفه وبعد ما انهى الاوراق رجع للغرفه ودخل وهو يشوف وعد جالسه قريب خليفه اللي بيده مغذي وعليه اكسجين ومنظره يقطع القلب وكانت في انهيار عظيم اول مره يشوفها عقاب بهالحاله وقرب يناظر خليفه النايم وحط يده على راسه وهو يتمتم ويدعي له بنفسه
وبعدها جلس جنب وعد : يا وعد خلاص اهدي مايصير تجلسين تبكين كذا بتعبينه وتعبين نفسك وهو حمدلله بخير وطيب
لفت وعد وهي تمسح دموعها: اخاف يصير له نفس خلف ويتعب كفايه علينا خوفنا على خلف مابيه يتعب وهو بهالسن والله صغير
عقاب : لا لا ان شاء الله انه مافيه شي وبخير وهذا انتي سمعتي الدكتور يقول كل شي عادي يمكن تأثر من الجو او اي شي وان شاء الله انه طيب وانتي لا توسوسين
سكتت وعد وهي تناظر خليفه بضيق ويناظرها عقاب اللي اول مادقق في ملامحها اللي منهاره من البكى شاف المنظر اللي تمنى انه ماشافه شاف اثر اصابعه على خد وعد وصد بقهر من نفسه لكن يكرر نفسه( اهي استفزتني هي جنت على نفسها) لكن تأنيب الضمير داخله حي وهو يشوف انها في اول مصيبه صارت رجعت له تركض ونست كل ذا عشان ولدها ووعد عمرها ماتنسى الضيم
قرب بضيق وقال الكلمه اللي عمره ماقالها لاحد ولا فكر يقولها لكن اجبره قلبه ولسانه وتعاطفه مع وعد انه يقولها : وعد
لفت وعد تناظره واعتدل عقاب وقال: ماكان ودي امد يدي عليك لكنك استفزيتيني واجبرتيني اسوي شي مايطلع من قلبي اني اسويه ولا ارضى اني امد يدي عليك واضرك .
.
.
مايطلع من قلبي اني اسويه ولا ارضى اني امد يدي عليك واضرك
ناظرته وعد بهدوء وصدت وقالت : قلت ان مبارك أمنك على ولده وانا تزوجتك عشان خليفه وانا رميت هاللي سويته ووراي وركضت استفزع فيك عشان خليفه ولا تستغل وضع خليفه وتبين لي ضعفي وشفقتك علي في هاللحظه
عقاب : لا ولله ما ابين لك ضعف ولا شفقه وانا مثلك لو انحط بهالموقف بركض لاقرب شخص ينقذني لكن انا فعلاً اعتذر لان اخر شخص ابي امد يدي عليه هو انتي لكن مع ذلك انت تحرضيني في كل مره اني اسوي شي ما ابيه
رجعت وعد تناظره بعيون ذايبه وتعبانه : تروح وترجع وترمي الخطاء علي في كل مره وهذا انت يا عقاب اللي ماقدرت تسويه حرضت الغريب يسويه المهم تشوفني بهالحال
عقاب :تدرين انه ‏لو تخطين ألف مرّة.. ماتركتك للغريب.. لكن انتي اللي فضلتي الغريب ياوعد
وعد بقوه وقهر: تدري ليه فضلت الغريب ... من سواد وجهه ولد عمي
احتدت نظرة عقاب للمره المليون وقال بغضب مكتوم : قلت لك لا تستفزيني ياوعد
صدت وعد وتركته وهي همها في هاللحظه ولدها ماهمها عقاب ومشاكل عقاب
اما عقاب طلع بغضب وهو مقهور من كلامها اللي مازال قوي حتى في هاللحظه
_______________________.
ومن الصباح بدري
رجع خلف لبيت امه ومعه ليلى للي قالت له انه بتروح مع ام خلف للمستشفى وماتقدر تخليها وحدها واستانس خلف لانه مبسوط على علاقة ليلى بأمه اللي فاقت علاقة البنت بأمها
نزلت ليلى وهي ترجع في المرتبه الثانيه من السياره وركبت ام خلف بمساعده خلف : سلام عليكم
قربت ليلى تبوس راسها: هلا خالتي ، قوه
ام خلف : الله يقويك ، كيفك اليوم
ليلى: حمدللله
خلف : يمه حبيبتي قولي لدكتوره كل شي يوجعك خليها تشوف مشكلة هالصداع
ضحكت ام خلف : ان شاء الله خير يمه لا تخاف انت
خلف : اذا ما خفت عليك اخاف على من !
ام خلف ببتسامه وضحك: خاف عليى ليلى حبيبة القلب الغاليه
ضحك خلف وهو يناظر عيون ليلى بالمرايه وهي تبتسم وقال وهو يبوس يد امه: ليلى غاليه لكن انتي اغلى
ليلى تسوي عيوني لكن انتي القلب يا ام خلف ومحد يحل محلك ابد
ليلى : ايه خالتي لا تقولين هالحچي مره ثانيه اانتي الكل بالكل والله يخليچ لنا
ضحكت ام خلف : امزح معكم ماعليكم
ضحك خلف وهو يرجع يسولف ولا يحس بشي من اللي حوله
_______________________. ����

.
وفي بيت نادر
اللي من الصبح طلع متجهه للمستشفى بعد ما اخذ اغراض شوق واغراض عياله اللي ماحسب حسابهم وطول الليل وهو يتقلب عجز ينام وعجز يصدق دخل وهو يحاول انهم يدخلونه قبل الزياره وقدر يدخل
فتح غرفة شوق ببتسامه وشافها نايمه وامه نايمه عندها
نزل الاغراض واتجهه لها واول ماقرب فزت برعب
نادر: بسم لله عليك سمي بالله
شوق: بسم لله الرحمن الرحيم فجعتني والله ماتوقعت تجي هالوقت
ابتسم نادر: ماقدرت اجلس اكثر عجزت اجلس في البيت احس اني في حلم ماودي اصحى منه
ابتسمت شوق : فرحان يانادر
نادر: فرحان!!! اصلا هالكلمه ما توصف فرحتي ، حمدلله ربي سهل ولادتك وولدتي بخير وصحه وجبتي لي عيال اثنين يفتحون النفس ، بالله عليك وش ابي اكثر
شوق :الله يقدرني وافرحك اكثر
قرب نادر وهو يبوس راسها لكن ابتعد اول ما سمح امه تكح ( يعني انتبهوا )
ام نادر: يالله صباح خير ترانا في مستشفى
نادر : صبحتي بالخير يايمه
ام نادر: صباح النور وش عندك جاي تركض من صبح الله
نادر: جبت اغراض شوق والعيال
ام نادر: وين خلني اشوف تنفع ولا لا
ابعد نادر الشنطه وهو يحطها تحت: خليها تشوفها شوق انتي ارتاحي
شوق : ما قالو لك متى اطلع
نادر: ظ£ اوظ¤ ايام عشان العمليه
شوق : يالله
نادر: ماعليه ياعيني ايام بسيطه وتصيرين بخير
ام نادر : اقول قم ودني باخذ لي ملابس وارجع
نادر: يلا يمه يلا
تحركت ولف نادر على شوق: تبين شي ثاني!؟ شوق: سلامتك
نادر: يلا انتبهي على نفسك
طلع نادر وهو مايدري وش يسوي بحال امه اللي مايدري هو غيره او كرهه لشوق او مدري كيف يفسرها
_______________________.
وفي بيت ام ضاري
اللي جالس معها ويفكر
ام ضاري : وش فيك سرحان وتفكر
ضاري : يمه تهقين مضاوي حامل بتوأم
ضحكت ام ضاري : وانت هذا حالك من امس ، وبعدين ماهو شرط اللي يصير عن نادر يصير عندك
ضاري: ادري يمه بس مضاوي بعد حملها صعب يمكن يكونون توأم
ام ضاري : ما ادري يمه لكن لو هي حامل توأم كان بان عليها
ضاري : طيب تهقين تولد مبكر بعد !؟؟
ام ضاري : يا امي لا تقلقني على مضاوي وتقلقها بأذن الله مايصير الا كل خير
ضاري :يارب يا يمه تولد مضاوي بسرعه واشوف هالطفل اللي بموت عليه
ضحكت ام ضاري : بسم لله عليك وان شاء لله بتشوفه بخير والحين تسلى مع عيال نادر
ضاري :على قولتك
ام ضاري : اصبر لا تروح بروح معك لمضاوي نتطمن عليه
ضاري : يلا يلا
_______________________.

.
وفي المستشفى عند ام خلف
اللي تنتظر هي وليلى لين طلعت التحاليل واتجهوا لدكتوره اللي قالت ببتسامه: ليلى انتي حامل من اسبوع
فزت ليلى بفرح: صچ الله يبشرچ بالخييييير
فزت ام خلف وهي تحضن ليلى: مبروك يابنتي مبروك
ليلى: الله يبارك فيك ياخالتي
الدكتوره: طيب يا ليلى الراحه مهمه في الفتره الاولى ورح اكتب لك ادوريه تخفف عليك الغثيان وتعطيك فيتامين
جلست ليلى بفرح تسمع تعليمات الدكتوره وطلعت بفرح مع ام خلف اللي طايره من الفرح
طلعوا لخلف اللي جالس عند باب المستشفى ينتظر
ووقف : هاه يمه وش قالوا لك
ضحكت ام خلف : قالوا لي البشاره قالوا لي منى عيوني
ضحك خلف مستغرب : الله يجعلك دايم مستبشره بس وش البشاره
ابتسمت ليلى : شوف
اعطته الورقه يقراها ورفع راسه يناظر بهدوء: ليلى !
كانت ليلى مبتسمه وهي تناظره : سم
رجع خلف يقراء من جديد ولا صدق وانصدم وضحكت ام خلف : الف الف مبروك يمه والله يتمم بخير ويفرحنا بشوفة ضناك
انهبل خلف من الفرحه وضحك وهو يحضن امه ماهمه الشارع ووقوفه فيه: لله يبشرك بالخير يايمه الله يبشرك بالخير
ام خلف: امين يمه يوم السعد اشوفك مبسوط وفرحان انت وليلى
ابتعد خلف وهو يناظر ليلى ببتسامه: ليييه ماقلتي لي
ليلى: كانت مفاجأه
خلف . اي والله انها احلى مفاجأه
ام خلف : يلا يلا ذبحتنا الشمس ماهي زينه لليلى
ابتسك خلف وهو يجيب السياره وركبوا وهم فرحانين وخلف كل شوي يلتفت لليلى ماهو مصدق وده ينزل ويحضنها لكن مستحي من امه
اما ليلى كانت تطييير من الفرح ومن زمان قلبها يرفرف بفرح من الساعه اللي شكت فيها
_______________________.
وفي طرف ثاني من المستشفى
رغم حدت الموقف بين عقاب ووعد الا ان عقاب حاط كل انتبااهه عليهم ويجيب لهم كل شي يحتاجونه ويطل كل فتره على وعد بيشوف كيف حالها تبكي او ساكته لكن كالعاده جالسه بصمت وهي تناظر خليفه
رجع لهم الدكتور وهم جالسين وقال: مساء الخير يا استاذ مبارك
لف عقاب بقوه ولفت معه وعد بكل قوتها .
.
.

رجع لهم الدكتور وهم جالسين وقال: مساء الخير يا استاذ مبارك
لف عقاب بقوه ولفت معه وعد بكل قوتها وقال عقاب : نعم!! الدكتور : انت مبارك !! والد خليفه صح!؟ عقاب : ا ا لا والده توفى من فتره وانا عمه
الدكتور : ا انا اسف لكن شفت الاوراق توقعت والده
عقاب : حصل خير
الدكتور: عموماً خليفه بحاله حمدلله مستقره وبخير وحان هالاختناق عابر وبأذن الله مارح يرجع له مره ثانيه ولكن انتبهوا له ولمحيطه لو ممكن اكل شي او فيه شي يسبب له حساسيه او ضرر
وعد : يعني ماطلع معكم شي
الدكتور: كل شي سليم
عقاب : حمدلله ومتى يطلع
الدكتور: حالاً اكتب له خروج
وعد : طيب مافيه علاج
الدكتور: مايحتاج يا ام خليفه وانتي لا تخافين
وعد : واذا تكررت!؟؟ الدكتور: انا مقدر خوفك لكن ان شاء للله ما مايتكرر مره ثانيه واستهدي بالله الامر بسيط ارتاحي
وعد : مشكور يا دكتور ماقصرت الله يعطيك العافيه
الدكتور : ولو بالخدمه وماعليه شر ان شاء الله
عقاب اللي كان متكتف وينتظر بحده من طريقة كلامه مع وعد : تفضل يا دكتور مشكور تقدر تطلع
ناظره الدكتور بهدوء وصد: تمام
طلع ولف عقاب على وحده: كان حبيتي راسه مره وحده
ناظرته وعد بطرف عين : حمدلله والشكر
عقاب : احذرك ياوعد تكلمين رجال وانا معك ! لا لا حتى وانا ماني معك سمعتي ؟؟؟؟
ناظرته وعد بتعب: شف ياعقاب ولدي تعبان ووانا تعبانه يعني مالي خلق لافكارك المسمومه ولا كلامك لو سمحت فكني شرك
سكت عقاب وهو يجمع اغراض خليفه ووعد عند خليفه اللي صحى يناظرهم بنظراته البريئه واول ماشاف عقاب مد له يدينه اللي فيها اثر الابر والمغذي ترك عقاب كل شي بيده واسرع ياخذه ويشيله وهو يقول : مرحبا مرحبا ياحبيبي مرحبا
مدت يدها وعد تمسح وجهه خليفه : حمدلله اللي خلاك لي حمدلله
عقاب : حمدلله يلا يلا خذي اغراضه خلينا نطلع
اخذت وعد الاغراض وطلعت مع عقاب اللي حاضن خليفه كان الشي الوحيد اللي يشفع لعقاب حبه لخليفه
_______________________.
وفي بيت النوخذه
وصل النوخذه وام نهيان من الكويت واستقبلتهم اماني بحب وترحيب وكانت السعاده تنطق من عيون جابر اللي طول ماهو قاعد يناظر اماني
اماني : عمي بشرني وقول بتطلون عندنا
ابو نهيان: اي والله عندنا كن شغله بنسويها هنيه
اماني: حمدلله
ام نهيان: بشرينا عنچ يا اماني ان شاء لله انچ بخير ومبسوطه
ابتسمت اماني: حمدلله مبسوطه بشوفتكم
ابو نهيان: الله يخليچ يابنتي ، جابر متى زرت ليلى
جابر: من يومين وهي بخير .
��
.
جابر: من يومين وهي بخير
ابو نهيان: دز لها يبه خلها تجي تتعشى ويانا
اماني : ايه تكفى
جابر: انا بروح اجيب اغراض واقولهم
ابو نهيان: زين
وقف جابر ولحقته اماني وهي تقوله اللي تحتاجه وابو نهيان يتأملهم وهو مع مرور الوقت يحمد ربه انه ما حرم جابر فرحته بأماني وخصوصاً ان اماني تنحط على الجرح ويبرى
ومن طرف ثاني ام نهيان اللي متشفقه وتنتظر ان جابر يبشرها بعياله ولا يكون مثل نهيان اللي رغم سنين الزواج الطويله ما عنده عيال
لكن العذر الدائم لجابر انه ممكن يكون متأثر من الحرب
_______________________.
وفي بيت ابو خلف
وصلوا وهم يعتلي وجههم الفرح والسعاده دخل خلف مبتسم وهو يقول: وين ابوي !؟؟؟
سالم: عند جدي
خلف : بروح ابشره هناك
ام وعد : وش تبشرون فيه؟
ام خلف : ابشرك ان ليلى حامل
فجأه طلعوا البنات يركضون بفرح : وشووو
بدت ام وعد تزغرط والبنات يضحون ويسلمون على خلف ليلى بفرح
وطلع فيصل : وش صااااير
وجدان: ألحق خليف بيصير ابو
اقبل عليه فيصل بفرح: بالله عليك
خلف : اي والله
حضنه فيصل بفرح وحماس : مبررووك مبروك
خلف : الله يبارك بعمرك ياحبيبي
فيصل: مابغينا نسمع هالخبر
ندى: الحمدلله ياربي
التفت فيصل مبتسم: مبروك يا ليلى مبروك وانا اخوك
ابتسمت ليلى بحرج: الله يبارك فيك
راح خلف وفيصل لبيت الجد وهو يدقون ببتسامه على وجيهم
عزوز: خيير اللهم اجلعه خير وش هالصوت وض هالضحك
فيصل: ابشررك خليف بيصير ابو
عزوز:احلف
فيصل : والله
عزوز : ماشاء الله مبروك مبروك مبروك
خلف : الله يبارك فيك
دخل وهو يسمع جده يقول: وش تباركون له!!!
دخل خلف مبتسم : يباركون لي بالبشاره اللي ببشركم اياها
ابو خلف : بشر عساها بشارة خير
خلف : محسوبكم دخل حياة الابوه من اوسع ابوابها
فزوا كلهمو بفرحه يسلمون على خلف اللي في فرحة عظيمه تنطق بها عيونه
ابو خلف : ابشر بهالبشاره والله اني لذبح صدقه لوجهه الله
خلف : الله يسلمك يايبه خلني بروح ادور عقاب ووعد وابشرهم
فيصل: اي وللله دورهم من امس مالهم حس
خلف : يلا يلا
طلع خلف من جهه ودخل ابو خلف بيته من جهه ثانيه يدور ليلى بفرح ووقفت ليلى بفرح اول ماشافته واقبل ابو خلف مبتسم وهو يسلم عليها ويبارك لها ويوصيها على نفسها ويوصي البنات عليها واعلن حالة استنفار في البيت ويدق ويعزم والكل مبسوط
_______________________.
وفي بيت عقاب
اول ما وصلوا شافوا وقت قدامهم وهي تنتظر ووقفت: عقاب ابطيت
اخذت وعد ولدها من يد عقاب ودخلت غرفتها وهي يبان عليها اثر التعب .

.
اخذت وعد ولدها من يد عقاب ودخلت غرفتها وهي يبان عليها اثر التعب
عقاب: انتي وش بلاك!! الواحد يقول حمدلله على السلامه وش صار وش ماصار
وجد : مايحتاج اشوفه بخير وطيب
عقاب : ابعدي عني ياوعد ترا مالي خلق وصلحي الغداء وانتبهي لنفسك بنام شوي واريح
وجد : طيب
لفوا على دق الباب واتجهه له عقاب وفتح الباب وانخطف لونه مستغرب جية خلف هالوقت لكن ارتاح اول ماشافه يبتسم وفجأه اقبل يحضنه
ضحك عقاب لا شعوريا: خليف وش بلاك لهدرجه مشتاق لي
ضحك خلف : مشتاق لك ايه ولي عندك عتب لكن ماهو وقتها كلها انا جايك ببشرك انت ووعد ببشاره
ابتسم عقاب : خير بشر بخير ياوجه الخير
خلف : شف الدرب ببشركم سوا
عقاب : اقلط للمجلس بنادي وعد واجي
دخل خلف وراح عقاب وهو يدعي ان وعد نامت ولا تطلع لخلف وتقول كل شي ودخل وشافها واقفه وقالت: جابك الله
عقاب : وش فيك!!! وعد : تعال خلك عند خليفه بدخل اخذ لي دش يريحني لكن مقدر اخليه لحاله
عقاب : زين لكن قببل خلف هنا يبيك
وعد : خلف وش فيه!؟ عقاب : مدري
طلعت وعد مع عقاب وعينهم على الغرفه ودخلوا المجلس ووقف خلف وقبل يبشر وعد اقبل يناظر ملامحها التعبانه: وعد وش فيك !؟؟ وعد : مافيني شي بس خليفه كان تعبان شوي وسهرانه معه
خلف : لييه وش فيه خليفه !
كان عقاب واقف وراء وعد وخلف قدامها يناظر ملامحها لكن فجأه نزلت راسها وانفجر صوتها الباكي وانفجرت غصتها انفجع خلف وارتبك عقاب واقبل خلف يناظرها وهو يحضنها: وعد وش صاير وش فيك تكفين لا تبكين مثلك مايبكيي ياوعد سمي بالله وعلميني
عقاب بسرعه: خافت على خليفه لانه امس فجأه اختنق واغمى عليه وماعاد ندري وش نسوي واخذناه للمستشفى والحمدلله هو الحين بخير وطيب ويقولون شي عابر
خلف : وشوووو !! كيف يعني عابر كيف
وعد : مدري ياخلف مدري وش صار له كان بخير لكن فجأه اختنق ماعرفت وش اسوي بغيت اموت من الخوف والدكتور يقول سليم
خلف : وينه وينه الحين
وعد: نايم
خلف حضنها وهو يمسح على ظهرها: ان شاء الله انه بخير يمكن اكل شي او تحسس من شي لا تبكين ان شاء الله مافيه شي تعالي بشوفه تعالي
راحوا للغرفه وقرب خلف وهو يناظر خليفه اللي نايم بهدوء صح فيه صوت لصدره لكن تنفسه هادي والكل خايف انه يمر باللي يمر فيه خلف نزل خلف يبوس يده اللي عليها القطنه وهو يقول ( استودعتك الله الذي لا تضيع ودائعه )
عقاب : حمدلله خليفه بخير وطيب انت علمنا وش بشارتك
مسحت وعد دموعها وهي تناظر خلف : ايه خوفناك على خليفه لكن وش جابك .
.
.
مسحت وعد دموعها وهي تناظر خلف : ايه خوفناك على خليفه لكن وش جابك
خلف اللي ضاق صدره شوي بس ابتسم: ابد جيت ابشركم ان اخوكم بيصير ابو
ضحكوا كلهم فجأه واقبلوا على خلف بيحضنونه وهم كل واحد يعتبر ان الاولويه له بحضن خلف لكن جمعهم كلهم حضن خلف بحركه خير متوقعه وضحك خلف وهو يحضنهم مع بعض
عقاب : الف الف مبروك يارب الله يتمم ويفرحك فيه وتشيله بين يديك
وعد: الف مبروك يا اطيب قلب واحن اب بيمر على هالناس
ضحك خلف : الله يبارك فيكم ويفرحك ياعقاب باللي تنتظره ويفرحنا بشوفة عيالكم يارب
سكتوا بهدوء وضحك عقاب : امين امين
خلف : عاد بخليكم ترتاحون والليله فيه عشاء عند ابوي تجون لازم
عقاب : ابشر ابشر
وعد :الله معك
طلع خلف وهو قلبه اكله على خليفه ويفكر لو صار في خليفه اللي يصير فيه كيف بيحمل
رفع نظارته يمسح وجهه وكمل طريقه يدور ضاري وناد
اما عقاب اللي التفت على وعد وهو يبي يلهيها وتنسى مشكلة امس : اجل ادخلي تروشي وانا بجلس هنا لين تجين
وعد اللي ما نست ابد بس ماهي فاضيه له الحين دخلت وهي وهي بسرعه بسرعه تخلص
وطلعت وهي تشوف عقاب جالس للحين عند خليفه ما تحرك
والتفت عقاب وهو يشوفها كعادتها لابسه بيجامه خفيفه وبدت تمشط شعرها بسرعه وتجففه وهي تحركه يمين ويسار وعقاب اللي سهى يناظرها وهو حاط يده على خده وعيونه الذايبه حمرا من قلة النوم
ولفت وعد :تقدر تروح
اعتدل وهو يتنحنح : لا لا بنوم هنا
وعد : نعممم!!؟
عقاب : بكون قريب لو لا سمح الله صار شي ولا رجع خليفه يختنق
وعد : تراك هنا بجنبي
عقاب : ماني طالع ومخليه لو مدري وش يصير تبين هذا السرير ماتبين بكيفك
طنشته وعد وهو تقرب لها سرير خليفه وصدت عنه وهي تنسدح بتعب ولا طولت ونامت وعقاب بعد نام
لكن بعد شوي فزوا على فتحت الباب وكانت كالعاده وجد اللي قالت بصوت عالي : عقاااب وش تسوي هنا
وفز خليفه يبكي كانت هاذي اخر نقاط تحمل وعد اللي فزت وهي تقول : الله ياخذك وياخذ عقاب معك
انطلقت لها وهي ناويه لها الشر بس قبل توصل وقف عقاب قدامها وهو يمسكها ووعد تتفلت وهي تصرخ بقهر : سكت لكم كثيييير لكن خلاااااص خلاااص
عقاب : وعد لا تنجنين الادميه حامل
كان عقاب مثبتها بكل قوته وهي تتفلت ووجد واقفه بخوف : حنا اللي صابرين عليك الله ياخذك
التفت عقاب :انقلعي انقلعي من هنا وانتي اهجدي
وعد : ابعد عني والله لدفنها
كانت وعد فعلاً ناويه تمسكها وتنهيها لكن قهرها عقاب اللي اقوى منها وقدر يثبتها لكن انفلتت منه
.
.
.
كانت وعد فعلاً ناويه تمسكها وتنهيها لكن قهرها عقاب اللي اقوى منها وقدر يثبتها لكن انفلتت منه وهربت وجد لكن انقلبت حرة وعد على عقاب ولفت وهي تضربه بكل قوتها على صدره وتدفه بصراخ: ابعد عني ابعد عني الله لا يسامحك ولا يحللك لا دنيا ولا اخره
رجعت تضربه بكل قوتها في كل مكان تطيح يدها عليه وكانت في حالة هستيريه غريبه عليها وهنا عرف عقاب انها في حالة انهيار مسكها يثبتها تركها اول ما اعتلى بكى خليفه وركضت له وهي تحاول تسكته لكن بسبب رجفتها عجزت اخذه عقاب يهزه ويسمي عليه وسكت خليفه ورجع ينام نزله بهدوء في سريره والتفت لوعد بهدوء: خليك بجنب ولدك وارتاحي
راح وتركها وهو ضايق اما وعد كانت في حالة بكى راحت بجنب سرير خليفه واستندت عليه وهي خايفه يصير له قعدت على هالحال لين نامت جالسه ودموعها اثرها على خدها
اما عقاب اتجهه لوعد وهو بيموت من القهر وقف قدامها وهو يناظرها بغضب
وجد : وش فيك
عقاب : اعنبوك انتي ما تستحين ماتنتخين مافي قلبك رحمه على هالصغير !! انهبلتي يوم تصرخين وتفجعين الولد
وجد : وش دراني دورتك ما لقيتك
عقاب : شوفي يا وجد انا طفح كيلي وماعاد اتحمل واقسم بجلال الله لو يصير شي واحد زياده لتضفين عفشك وتطسين بيت امك سمعتي
وجد : طيب
طلع وتركها وراح ينام في اقرب مكان لغرفة وعد عشان يسمع صوتها لو صار شي
_______________________.
وفي بيت نادر
كان ينتظر امه تخلص عشان يرجعها ودق الباب وطلع وشاف خلف المبتسم: حي الله ابو التوأم حي الله نادر
ضحك نادر: الله يحيك ياخليف
ضحك خلف : لا لا خلف هذا اول الحين بتقول ابو ناصر
فز نادر بفرح: احلف
خلف : اي والله غرت من التوأم قلت اخلص اموري
ضحك نادر: مبرروك مبروك الله يقر عينك بشوفة ضناك
خلف : الله يبارك المهم طمني على زوجتك عساها بخير وعيالك بخير
نادر: حمدلله في احسن حاله ياربي لك الحمد
خلف :حمدلله ياربي، وهاه وش بتسميهم
نادر: واحد اسمه محمد لكن واحد مجهول
ضحك خلف : سمه على ابو شوق
نادر: معصي والله
خلف : المهم مالك بالطويله الليله فيه عشاء شرفنا
نادر: ابشر ابشر يا ابو ناصر
ضحك خلف : تسلم يا ابو محمد
نادر: الله يالدنيا ياخليف صرنا اباء ولنا عيال وتبدلت اسامينا بأسماء عيالنا
ابتسم خلف: كتب ربي لنت وعشنا اللي عشناه وصار وقت نركد ونعيش الاستقرار
نادر: اي والله اي والله صدقت
خلف : يلا يلا لا تغيب
نادر: ابشر
طلع خلف وهو يمشي على بيت بيت يبشرهم

[صواديف عشاق]

.
طلع خلف وهو يمشي على بيت بيت يبشرهم وقف عند بيت ضاري للي توه طالع : خلف حياك
خلف: اي والله حياني يلا يلا وخر لي مكان بصف معكم
ناظره ضاري بتعجب: وين بتصف
خلف :في دور انتظار قرة العيون
ضاري : اذا ودك تصير شاعر تراه ماهو وقته
ضحك خلف : امس توصيني اصف معكم واجيب ولد وانا لبيت الوصاه وابشرك اني بصير ابو
ضحك ضاري : لا لا
خلف :اي والله
ضحك ضاري بفرح: ماشاء الله ماشاء الله والله ماهقيت توصياتي محل الجديه لكن كفو كفو على طول نفذت
ضحك خلف : شفت كيف
ضاري : حمدلله الحين اقدر اعيش بسلام بعد ما تأكدت انكم بتعانون معاناتي
خلف : الله يعيني يارجال المهم حياك الله انت وامك الليله عندنا
ضاري : من غير ما تعزم اانا بداوم شفتات عند بيت جدك لين تولد مضاوي
خلف: يلا شد حيلك
ضاري: يلا فمان الله
راح خلف وهو يبي يمر ليلى ويروحون بيت النوخذه لكن قابل جابر بالطريق : خليف جابك الله
خلف : هلا هلا انت اللي جابك
جابر: وينكم يارجال ماتنشافون
خلف : والله اني رايح البيت باخذ ليلى ونجيكم
جابر: زين حياكم لان ابوي وامي موجودين وحيل مشتاقين لليلى
خلف : اجل ابشر بجيبها واجي اسبقني
جابر: يلا زتك زتك
ضحك خلف : زين
افترقوا كل واحد رايح لبيته
_______________________.
وفي بيت النوخذه
اخذ خلف ليلى من بيت ابوه وراحوا لبيت النوخذه ومن اول مادخلوا والكل يرحب ويهلي ومشتاقين لليلى وليلى تطير بينهم من الفرح
ابو نهيان: شلونك يا خلف
خلف :انا بخير وحمدلله انت طمني عليك وانتي بعد ياخالتي
ابو نهيان: حمدلله بخير
ام نهيان: والله بخير مع انه فاقدين عيالنا لكن ماعليه
ليلى ببتسامه: قلت لكم ياليتكم تقعدون هنيه
جابر : اي يبه عفيه اقعد هنيه
خلف: والكويت قريبه
اماني : والعين اوسع لكن من الدار
ابو نهيان: ماقصرتوا ياولدي لكن اخر عمري بعيشه بديرتي
جابر: عمرك طويل يبه
ليلى: الله يخليك يا يبه لا تقول چذيه
خلف : ان شاء للله عمرك مديد وبتعيش وبتشوف حفيدك ولد بنتك الحبيبه
لفوا كلهم على خلف بقوه وابتسم خلف وقالهم: باركوا لمدللتكم بتصير ام
كلهم ضحكوا وهم يناظرون ليلى اللي تبتسم بعذوبه
ووقف ابو نهيان يحضنها بحب ويبارك وهو يناظرها: وللله وكبرتي ياليلى يا يبه وصرتي ام
ام نهيان:حمدلله حمدلله وعسى الله يتمم لچ بخير
ليلى: امين
جابر: الف مبروك يا حبيبة اخوچ عسى الله يرزقچ بره
ليلى: امين والله يفرحنا بعيالك يارب
الكل : امين
اماني اللي باركت لخلف بحب وبعدها ليلى وكلهم صاروا يباركون لخلف لللي قال: الله يبارك فيكم
.
.
اماني اللي باركت لخلف بحب وبعدها ليلى وكلهم صاروا يباركون لخلف لللي قال: الله يبارك فيكم لكن ابوي يعزمكم كلكم للعشاء وحياكم الله
ابو نهيان: ان شاء لله بنجي ياخلف
خلف : وانا استاذن يلا ليلى
اما نهيان:عفيه ياولدي خلها عندي وتجي ويانا
خلف :تبشرين ياخالتي بس مدري اذا ليلى تحتاج شي من البيت
ليلى: اذا ابي شي بروح انا وامي البيت
خلف : اجل من امانتي في امانتكم
ابو نهيان: لا تخاف
جابر : لا تشيل همها بعيونا
اماني : لا توصي
خلف : يلا فمان الله
طلع خلف وتركهم ممع بعض وهو يسمت ضحكهم ويحمد ربه ان علاقته مع ابو ليلى بدت تتصلح
_______________________.
وفي الليل
في بيت ابو خلف
الكل بدون استثناء كانوا موجودين ومبسوطين ومستانسين وحتى ماجد وسحر جو
ورغم فرحة الكل كانت سحر تناظر ليلى وكيف الكل طاير فيها ومن بينهم خلف اللي يجي كل فتره ولابد انها تروح له وترجع ووجهها مليان ببتسامه
لكن الشعور اللي بداخل سحر تغير وابتسمت وهي تقول بنفسها ( الله يتمم لهم يوفقكم )
اما ليلى رغم توترها من سحر لكن مع ذلك تحسها طيبه وحبيبه عكس عهد اللي يبان الشر بعينها
لكن الكل يناظر وعد اللي هاديه وعينها على ولدها وطبعاً الكل عرف باللي صار لخليفه ومقدرين وضعها ومخلينها في حالها لكن كلهم بدون استاذن يجون يتطمنون على خليفه ويرجعون
كانت وعد في كل مره تشوف وجيه اخوانها ودها تقوم وتشكي لهم بلاوي عقاب لكن اذا شافت عقاب يجي كل دقيقه ويتطمن على خليفه ويرجع تهون وتقول ( يمكن ربي اراد انه يعوض خليفه بأب )
وبسرعه تراجع وتقول ( عقاب سرق من خليفه ابوه وسرق مني حياتي ومستحيل اعطيه حياه ابد )
_______________________.
وعند الرجال
كان المجلس مكتظ بالتباريك والتهاني والضحك والسوالف وكلٍ يضحك ويسولف الا عقاب اللي كأنه على جمر ضايق صدره على وعد اللي طلعت من البيت ماهي بخير رغم انها كانت بنفس كشختها وهيبتها لكن فيها ضعف وكان خايف عقاب انها تنهار وحزتها بتنثر كل شي بينهم ويروحون فيها وهو ماهو خايف الا من فقد خليفه اللي صار اغلى من ولده المنتظر ومابقى على وصوله الا شهور
ضاري : عقاب دامك متزوج ثنتين نطالبك تصف في الصف من جديد
ضحك ابو ناصر: لا لا عقاب رقمه مشغول الحين حوول الصف على ماجد وجابر
صد جابر يحاول يبتسم: تو الناس ياعمي
ماجد: وانا بعد اقوله تو الناس
فيصل : نصيحه اخذوا خطة نادر على محمل الجديه اصبروا سنتين ومن ثم اهجموا بتوأم
نادر: اذكر الله ياخبل
.
.
.
فيصل : نصيحه اخذوا خطة نادر على محمل الجديه اصبروا سنتين ومن ثم اهجموا بتوأم
نادر: اذكر الله ياخبل
عزوز: اعتمودها بالله
نادر: يا جدي ( اخذ هاللقب على لسانه بسبب خلف وعقاب) طالبك تفكني شرهم وخلهم يذكرون الله على عيالي
ابو ناصر: اذكر الله انت وياه
الكل : ماشاء لله
ضاري: اصبروا اصبروا واذكروا الله مره ثانيه شكل عقاب يا ملبوس يا قرر يعقل وهاذي ماهي مواري خير
عقاب: شكلك مبطي محد محطك بهالعقال
ضحكوا كلهم وصفق ضاريي:حمدلله على السلامه وعوداً حميداً رجع عقاب لساحات
ضحك عقاب بهدوء وسكت وهو همه اكبر من كذا مانه مرتاح ابد
_______________________.
وانتهى هالعشاء على خير
وطلبت ام نهيان من خلف ان ليلى تكون عندها هاليومين وانحرج خلف ووافق رغم لن وده يكون مع ليلى في مثل هاللحظات
ويفرح معها زييين بدون ناس وشوشره
اما ليلى رغم انها ودها تحون مع خلف لكن اهلها مايجون الا في اوقات محدود ومضطره تكون معهم
اما وعد جاء عقاب متوقع انها ترفض ترجع معه لكن انصدم انها جت وبدا عقاب فعلاً يستحي منها
لكن وعد بعد معاملة عقاب لخليفه قررت تصبر هالمره وتسكت عشان خليفه اللي صار متعلق في عقاب ويمكن غياب عقاب يتعبه هالفتره ومن طرف اخر ماتبي تخرب فرحة اهلها بخلف وتوتر جوهم الحلو اللي من بعد خلف بيصير زواج ندى على الابواب
ومن طرف عقاب كان يتوقع انقلاب قوي من وعد بس مايدري متى وارتاح اول ماشافها جايه له وبترجع معه ماينكر انه فرح وانبسط والسبب مجهول
وبالنسبه لمضاوي قررت هالليله تروح مع ضاري اللي وده انها ترجع معه وخايف عليها من التعب
ونادر اللي يركض ركض للبيت عشان ينام بدري ويلحق الصبح يروح لشوق اللي بتموت من فرحتها بعيالها وهي تأملهم بحب
اما سحر وماجد كانوا بضيافة الجد قايد اللي اصر يجلسون عنده وياخذون راحتهم
لكن اماني ما باتت ابد عند اهلها ورجعت مع جابر وهي تحس انها لازم تكون مسؤوله عن الكل وفرحانه فيهم
وجابر اللي فرحان ليلى بحملها لكن فيه غصه من هالمووضوع وده تطلع التحاليل ويرتاح
_______________________.
وفي بيت ابو خلف
كان خلف نايم عند اهله ومع اخوانه ولف على صوت فيصل اللي قال : خلف بشاورك بشي
خلف : وش فيك!؟ فيصل : تشوف ان عمري مناسب لزواج
ضحك خلف :خيييير وش طاري عليك
فيصل : أسألك
خلف : يعني نوعاً ما ، ودك تتزوج
فيصل: الحقيقه ودي
خلف اعتدل : الله الله الله وش صاير فالدنيا غرد منهي سعيدة الحظ
فيصل بإستحياء : شهد بنت عمي
خلف : شهد!!
.
فيصل بإستحياء : شهد بنت عمي
خلف : شهد!! فيصل: ايه ليه!؟
خلف : لا بس شهد صغيره وغير كذا مدري اذا توافق ولا لا
فيصل: الصغيره بتكبر لكن اذا على الموافقه نقول لابوي ونشوف
خلف : وللله شهد تستاهل كل خير وحبيبه وطيبه وعز الله اخترت ، لكن وانا اخوك فضفض على اي اساس اتخذت هالقرار
فيصل : يعني شفت ابوي وجدي ودهم احد يتزوج منا بنت عمه وقلت اتزوج انا
خلف : اقول اطلع من هالباب بس وعطني العلم الاكيد
فيصل: يوه ياخلف الصراحه انا شفتها وحسيت اني ودي اتزوجها وخلاص
ضحك خلف : اااه يافيصل كان الله في عونك لكم اذا ودك نصيحتي تركد شوي والبنت باقي صغيره اصبر سنه سنتين
فيصل: الله سنه وسنتين كثير
خلف :اعقل يا فيصل سنه سنتين يادوب ترتب امورك
فيصل : زين اجل خل الموضوع بينا
ضحك خلف : ابشر ابشر يلا نم
انسدح فيصل اللي يشوف هالسنين كثييره عليه
_______________________.
وفي بيت عقاب
رجعوا ودخلت وعد غرفتها ولا طلعت وكان عقاب شايل همها وكل شوي يروح يطل ويرجع وواضح القلق عليه وواضح انه متوتر
اما وعد كانت تحس بالامان نوعاً ما وهي تشوف عقاب يجي ويروح عليهم وقدرت تنام وترتاح
وكانت وجد تشوف الوضع ولا تقدر تتكلم ونامت وهي تدري عقاب بيروح وبيجي عليهم كثييييير
واول مافتح عقاب الغرفه وشاف وعد جالسه بهدوء قال : ليه صحيتي!؟ وعد : خليفه يكح واخاف يختنق
قرب عقاب يناظر بهدوء: لا ان شاء للله مافيه شي انتي نامي وانا بجلس عنده
وعد : واذا نمت وتركته
عقاب : لا بجلس صاحي
وعد : امانه ياعقاب لا تغفى واذا تعبت صحني
عقاب : انتي نامي وخليه علي
انسدحت وعد بتعب ونامت ماعاد لها حيل ولا عاد لها حيله تجاهد اكثر
وجلس عقاب وعين على وعد وعين على خليفه
_______________________.
وبنفس هالموال مرت يومين
كانت مثل البرق سريعه كانت اوضاع الكل هاديه وبدا خليفه يتحسن ورجعت الامور لوضعها
ودخلت مضاوي التاسع وبدا ارتباك وخوف الولاده
وطلعت شوق من المستشفى بعيالها اللي مابقى واحد ماجاء وشافهم وكان نادر بيموت من الفرح
_______________________.
والصباح في بيت عقاب
كانت وعد منظفه البيت كللله وراجعه عند خليفه تسولف معه ونزلت وجد اللي كالعاده تدور الزله ودخلت المطبخ وهي تصب لها مويه وتكبكب على الارض وكل مكان تطيح يدها عليه تخربه عشان وعد تنكرف من جديد
جات وعد وهي بيدها اكل خليفه ودخلت وانصدمت بمنظر المطبخ : خييير وش ذا!؟
وجد: هذا شغلك الخايس
وعد : اقصري الشر يا وجد الزفت ونظفي اللي خربتيه لاني مستحيل اسوي شي انتي تخربينه .
.
.
وعد : اقصري الشر يا وجد الزفت ونظفي اللي خربتيه لاني مستحيل اسوي شي انتي تخربينه
ضحكت وجد بإستفزاز: حبيبتي انتي في هالبيت مثل الخدامه تنظفين ورانا وفي نهاية المطاف يصفقك عقاب وينتهي امرك محبوسه بغرفتك مع ولدك هالمرض لا حياة ولا حتى زوج واذا معذبه نفسك بالكشخه عشان يلتفت لك عقاب تراه عايفك ويعتبرك رخيصه
وعد : حمدلله والشكر كلامك هذا كله من الغيره والقهر اللي فيك لكن صدقيني وصاختك محد منظفها الا انتي
وجد : نشوف وش يققول عقاب الحين
طلعت بشرها ناويه تنادي عقاب وتقلب الدنيا بس في لحظة ماحسبت حسابها زلقت رجلها فالمويه اللي هي كبتها وطاحت وصرخت صرخه مرعبه وهي تنادي عقاب
انفجعت وعد اللي انصدمت وهي تناظرها بذهول فجأه ركضت لها تبي تساعدها لكن زاد صراخها وفجأه وقف عقاب على راسها بصدمه: وجد وجد وش فيك وجد
بدت وجد تصرخ وتبكي وهي تقول : دفتني وعد دفتني على المويه حسبي لله عليها
رفع راسه عقاب بذهول : وشوو!!؟ ليه دفيتيها ياللي ما تخافين الله
عجزت وعد تنطق تناظر بصدمه وفي ثوان تعبى المكان بصراخ وجد وشال عقاب وركض فيها للمستشفى ووعد واقفه بصدمه تناظر المكان مصدومه من سوات وجد
_______________________.
وفي بيت خلف
دخلت ليلى اللي رجعت مع جابر هالصبح واول مادخلت شافت خلف نايم وهي توقعته عند اهله وابتسمت بحب وهي تنزل عبايتها ودخلت وهي تجلس بجنبه ومدت يدها تمسح على شعره ببتسامه عذبه لكن شافته غاطس بنومه وقررت تقوم ترتب البيت لين يصحى بنفسه
وبعد فتره فتح خلف عيونه على صوت ليلى وهي تغني
(ياسعود فات من الشهر خمسة وعشرين = ماشفت خلي
خايف عليه من الخطر بين البساتين = شرقي حولي
خوفي يشوقه غرسهم والمنظر الزين = ماي ٍ وظلي
فز بضحك وابتسامه وطلع مسرع لها وهو اللي اشتاق لها بهاليومين : هلا هلا يا عله صوت ماينقطع
لفت ليلى وهي تضحك وغنت بصوت مليان ضحك وهي تحرك يدينها يمين وشمال (ما أحلى قوامه لا مشى مابين ثنتين = وأقبل يهلي ؛
استقبلها خلف وهو يحضنها بضحك وكمل معها لانه حفظها من كثر ماتغنيهت
(ياسعود مافي صويحبي شي ٍ من الشين = كود التغلي
يرضى ويغيب صاحبي وان زاد يومين = ياخذ ويخلي )
ضحكت ليلى : احب اغنيها عشان سعود هالجاهل اللي كان يوصلي رسايلك
ضحك خلف : اييه يا سعود كان هو سبب دماري الاول وهو اللي بغى يقطع هالوصل من بينا
ليلى : مكتوب يا خلف مال سعود شغل مسكين
خلف : مايهم المهم اني اشتقت لك حيل وابطيتي بهاليومين .

.
ضحك خلف : اييه يا سعود كان هو سبب دماري الاول وهو اللي بغى يقطع هالوصل من بينا
ليلى : مكتوب يا خلف مال سعود شغل مسكين
خلف : مايهم المهم اني اشتقت لك حيل وابطيتي بهاليومين
ليلى: والله ياخلف مارضت امي تهدني ألين ماقال ابوي انه بيرد الكويت عقب المغرب ولا تشوف ابوي شنو وصى جابر علي كأنه يوصي على كنز
خلف : افا وللله انتي اغلى من كنوز هالارض كلها وكلنا لازم نتوصى بك
ابتسمت ليلى بفرح : يابعد هلي وطوايفي ياخلف
قرب خلف مبتسم وهو يبوس الشامه اللي بطرف خدها وقال: انا بوصيك وصاة ولدنا اللي بيجي ورثيه هالشامه تكفين
ضحكت ليلى بخجل : ان شاء لله يصير عنده بدل الشامه شامتين
خلف : والله إن الشامه اللي وسط خدك كانت أجمل نقطه سوداء في حياتي
ليلى حضنته بحب زايد هالمره اكثر: ياربيي ياخلف ياربي شنو اسوي عشان ارد عليك من وين تجييب الحچي اللي يعور القلب
خلف : ابد والله هالحكي في حرب عشان ينصف قدامك ويوصفك
استقرت ليلى تحضنه وهي تحس انها فقدته حيل هاليومين وبشكل مفرط
_______________________.
وفي بيت نادر
اللي مر من الصاله يركض وهو معاه رضعتين وامه تناظر فيه ابوه وصد ابو نادر: قلتا بيجون عياله ويصير رجال لكن وييين وهو حتى الحليب يسويه لهم
ام نادر: الله يا دلع هالجيل لكن خلني اشوفهم
راحت لغرفتهم وهي تشوف شوق اللي منسدحه ووجهها احمر من المغص اللي تحس فيه وألم العمليه ونادر جالسيه وهو حاط التوأم بجنب بعض ويرضعهم بنفس الوقت وعيونه على شوق
ام نادر: علامك وش فيك
نادر: يمه شوق تعبانهه والعيال يبكون
ام نادر: وش فيك يا شوق
شوق: مغص ياخالتي
ام نادر: دقيقه بسوي لك شي حار تشربينه
راحت ورجع نادر يناظر العيال ويناظر شوق ويقول : ماهقيت ان العيال صعبين
شوق : باقي يانادر ماشفت شي للحين هم صغار
نادر: يارب تصلحهم يارب
شوق : يارب
ورجعت ام نادر: خذي اشربيه وبتصيرين بخير وانت وخر خلني ارضعهم
وخر نادر واخذتهم امه وهو جالس يراقب وفيه ابتسامه عجب من هالوضع
_______________________.
وفي بيت ضاري
كان يناظر مضاوي اللي جالسه مع امه وبطنها كبيير وهي حاطه على بطنها صحن مكسرات وتاكل
وفجأه قال: شيلي الصحن لا تثقلين على ولدي
مضاوي : بسم لله عليك انت و ولدك تراه بطني واحمد ربك اني شايله ولدك للحين
ام ضاري: لحول وش بلاكم تهاوشتوا على بطن ضاري ترا الصحن خفيف
ضاري : والله انا خايف هالبطن ينفجر فجأه ماشاء الله مدري لين وين بيوصل بالكبر .
.
.

ضاري : والله انا خايف هالبطن ينفجر فجأه ماشاء الله مدري لين وين بيوصل بالكبر
مضاوي : كله منك انت و ولدك وياويلك لو مايرجع جسمي حلو بعد ما اولد
ضاري : يالله حسن الخاتمه انتي فكري تحيين ولا تموتين وانتي تفكرين بجسم
مضاوي : خالتي شوفيه
ام ضاري بضحك: ماعليك منه يا مضاوي هذا كلام لكن خذيها من عندي خرب جسمك ولا لا مايشوف غيرك ابد ويحبك
ضحك ضاري : وشهد شاهد من اهله
مضاوي : وش ابي بهالحب وهو معزر فيني
فز ضاري وهو يضحك وحضنها بخفه ومزح: امزح معك لكن احب احارشك
ام ضاري: قلت لك يابنتي
مضاوي : حسبي لله ياربي المفروض تداري نفسيتي مو تحارشني
ضحك ضاري : ابشري ، بس قبل ودي أسالك كيف تقدرين تحركين وفيه شي ببطنك يتحرك
مضاوي بزعل : ياخالتي
ضربته ام ضااري بعكازها: قم قم اذلف
انحاش ضاري وهو يضحك وطلع لكن وقفه رجال على الباب يقول : بيت ام ضاري!؟ ضاري : ايه تفضل وش بغيت
الرجال : انا ابي اشوفها هي وولدها
ضاري : انا ولدها وش تبي !؟ الرجال : لازم اشوفها
رجع ضاري مستغرب وهو يدخله المجلس: يمه فيه رجال يقول بيشوفك
ام ضاري : رجال!! منهو هالرجال
ضحكت مضاوي: معيريس ياهلا ويا مرحبا ضربتها او ضاري بخفه
وضحك ضاري : على مهلك ياعروس
ضحكت ام ضاري وهي تمشي ولبست عبايتها وطلعت مع ضاري لها الرجال لكنها ماعرفته !
ضاري : من انت !؟ الرجال : انا صالح العويدل
ضاري : والنعم لكن مانعرفك!؟
الرجال : انا رجال ادور لي ولد وسألت كثير وسنين وانا سأل ويقال انك يا ام ضاري لقيتي ولد قبل سنين عند المسجد وربيتيه
لفوا كلهم على بعض بذهول : وشووو
عم الصمت على كل المكان وضاري يناظظر الرجال ويناظر امه وقطع هالصمت صوت الرجال اللي قال: بسألك عن الولد اللي لقيتيه! هو كان في ظهره وحمه على يمين
تجمدوا كلهم وقالت ام ضاري : ومن انت عشان تسأل عن ولدي
صالح : انا قبل سنين حطيت ولد عند المسجد وهالولد في ظهره وحمه وهالولد يصير ولد ولدي تزوج بنت ماهي من مواخذينا واخذها غصبٍ علي والشيطان اعماني وخلاني اخذه وارميه عشان افرق بين ولدي ومرته وتركته قبل ظ¢ظ© سنه يوم الجمعه
ام ضاري بغضب: ودامك رميته ليه تدوره ياللي ما تخاف الله
صالح: ادور لان ولدي بين الحياه والموت وهو من يوم غاب ولده وافترق هو وزوجته طاح من طوله وكل ماله يمرض ويداهمه المرض والحين صار بين الحياه والموت وابي افرحه بولده قبل يموت
وقفت ام ضاري بغضب: لا ياللي ماتخاف الله ولا تستحي بعد سواتك تدوره
تجمدت ملامح ضاري اللي ماهو مصدق الكلام ووقف بجنب امه بذهول :وش تخربط انت ووش تقول .

.
تجمدت ملامح ضاري اللي ماهو مصدق الكلام ووقف بجنب امه بذهول :وش تخربط انت ووش تقول لايكون بعد هالسنين وبعد هالسوات تبي ترجع ولد عمره ماعرفكم ولا يبي يعرفكم
التفت صالح: انت هالولد
وقفت ام ضاري بغضب قدام ضاري وقالت: مالك ولد هنا هذا ولدي ورح دور ولدك في مكان ثاني
صالح : يا ضاري ام كنت انت هالولد ترا ابوك في حاجتك
ضاري : ماعندنا لكم ولد واطلع برا برا
طلع ضاري بغضب مصدوم من وقاحته كيف جاي عقب هالسنين يدور ولد ويقوله ابوه بين الحياة والموت وحتى سبب رميته له ظالم
رجع للبيت يركض وهو ينزل ثوبه ونزل فانيلته والتفت لمضاوي ووجهه من الصدمه اسود وقال:في ظهري وحمه صح !
مضاوي : بسم لله وش فيك
صرخ ضاري بغضب: فيه بظهري وحمه وين مكانها بالضبط
مضاوي باستغراب : يمين
ام ضاري :يمين ياضاري يمين وانا امك وايه انت هالولد اللي ارسلك الله لي بيوم الجمعه ارسلك لي وانت رضيع والحين رجال وعمركظ¢ظ© وبعد هالعمر صاروا اهلك يودرونك
فز ضاري ووقف قدامها وملامحه من الصدمه جامده وقال: لا يا يمه لا يام ضاري انا مالي اهل الا انتي
وقفت مضاوي بخوف : وش تقولون انتم !؟
ضاري : يمه لا تقولين هالكلام مهما كان مايهموني انا ولدك وانتي ربيتيني
ام ضاري : ربيتك وكبرتك ويعلم الله انك رديت الجميل ياضاري لكن ماهقيت انهم بيسكتون ويروحون
ضاري : محد يهمني محد يهمني وانا ضاري ولد ام ضاري وربيت تحت يدك وانا تحت ظلك لين اموت لو يطلعون اهلي كلهم والله ما ابدلك ابد
كانت مضاوي واقفه بصدمه وقالت ام ضاري : لا تخليني ياضاري بعد هالسنين
حضنها ضاري بخوف: الله يخليني اذا خليتك يايمه
مضاوي: ضاري وش صاير
ام ضاري بضيق: جاء رجال ويقول ان ضاري ولدهم
مضاوي: مستحيل اكيد يكذب
ضاري : يكذب ولا صادق انا مالي اهل الا انتم
كان ضاري رافض الفكره كلياً ومستحيل يصدقها وينفيها بكل ما أوتي من قوه
وام ضاري خايفه ياخذون ضاري منها ومضاوي ماهي مصدقه للحين تحس انها في حلم او مقلب بيقول ضااري بعد شوي انه يمزح
عم الهدوء والخوف والمشاعر الغريبه على كل البيت والكل جالس وساكت محد مصدق ابد
_______________________.
وفي بيت النوخذه
رجع جابر مبتسم وهو يقول : قوه يمه
ام نهيان: الله يقويك
جابر: وين ابوي !؟
ام نهيان: راح الدكان وبيرد بعد شوي وعقب نمشي
جابر: زين يمه وين اماني
ام نهيان: بالمطبخ
اسرع جابر للمطبخ يخف رجله واقبل على اماني وهو يحضنها ويدور فيها
وشهقت اماني وهي ماتشوفه ولا تدري من وراها بس عرفت ضحكته اول ماقال: اماني ابشرچ اني الحمدلله سليم ��
.
وشهقت اماني وهي ماتشوفه ولا تدري من وراها بس عرفت ضحكته اول ماقال: اماني ابشرچ اني الحمدلله سليم
لفت اماني بفرحه: وللله
جابر: اي والله من شوي رديت من المستشفى وقال لي الدكتور اني ما تأثرت حيل لكن تسببت لي بمشكله صغيره تنحل بالادويه
ضحكت اماني بفرح وهي تحضنه: قلت لك خل املك بربي كبير
جابر : والنعم بالله
اماني: حمدلله
جابر : ياربي شكثر فرحان ودي اصارخ بس مايصير
ضحكت اماني : اركد لا احد يسمعك
جابر: اي والله ، يلا انتي خلصي وجيبي القهوه عند امي
اماني : ابشر
راح جابر فرحان واماني بعد فرحت وهي طول وقتها تستغفر وتحوقل وتدعي ان الله لا يكسر اماني جابر اللي يتمناها
_______________________.
وفي المستشفى
كان عقاب يدور وماهو مصدق ابد ان وعد تسوي هالسوات لكن كل فتره يطري له كلامها وهي تهدده وتقول( والله لدفعك الثمن غالي ، والله لهد دنياك على راسك)
ماكان فيه شي اغلى على عقاب من هالولد اللي ينتظره غمض بقهر وهو يقول ( ان سويتيها ياوعد فأنتي هديتي دنياي على راسي )
طلع الدكتور : عقاب!! عقاب : ايه ايه انا عقاب
الدكتور :حمدلله المدام سليمه لكن
عقاب : لكن وشووو !؟
الدكتور: البيبي ولد ولادة مبكره وتوفى
دارت الدنيا في عقاب :وشوووو!؟ مات!
الدكتور: كانت الطيحه قويه الله يعوضك خير
راح وترك عقاب الللي جلس وعيونه متسعه بذهول وللمره المليون ذاق هالشعور ورجع يخسر طفل جديد هالطفل اللي صار بسبع شهور وكان أمله انه يعيش ويعوضه لكن مات مات والسبه وعد
بعد انهيار هد حيله وقف وهو يتلثم بشماغه وطلع بغضب متجهه للبيت والشيطان يلعب براسه
_______________________.
وفي بيت عقاب
وعد اللي في صدمتها للان كانت تنتظر على احر من الجنر وفتح عقاب الباب بغضب وفزت وعد وهي تركض : طمني وش صار
تجرأ عقاب وللمره الثالثه رفع يده وهو يثبتها على الجدار وهو يخنقها بصراخ : سويتيها وذبحتي ولدي ياوعد ذبحتي ولدي وانا للي اركض بولدك من مكان لمكان لكن انتي حققتي يمينك وهديتي الدنيا على راسي يااااوعد
صرخت وعد وهي تبعده: ابعد ععني يامجنون ، اذبح ولدك ليييه وش ابي فييه
عقاب بصراخ:لانك مرررريضه وكل همك تكسريني
وعد : ابعد عني ياعقاب ترا صبرت بما فيه الكفايه
عقاب: تحسبين اني بتركك كذا تفلتين بفعلتك لا وللله لا والله وانا عقاب والله لتندمين ولله لتجرعين من الكاس اللي جرعتيني منه
صرخت وعد برعب وهي خايفه على خليفه اللي صار يبكي بخوف .
.
.
صرخت وعد برعب وهي خايفه على خليفه اللي صار يبكي بخوف
ورماها عقاب بغضب على الارض واتجهه لخليفه وهو في حاله من الحزن والغضب هستيريه فزت وعد وهي تركض وراه ويرجع ويدفها لكن اول ماوصل لخليفه بكل غضب رفع خليفه يده له وهو يبتسم من دموعه وهنا انهار عقاب اللي نزل له ورفعه وهو يحضنه بكل قوته
وركضت وعد تفك خليفه من عقاب وهي تبكي : لا ياعقاب تكفى تكفى لا تأذي خليفه لا تأذي ولدي والله والله ماسويت شي والله ماقربت لها ولله ياعقاب والله ما سويت لها شي بوش احلف لك إني ماقربت منها تكفى يا عقاب الا ولدي سو فيني اللي تبي اللي تبي بس ولدي لا يا عقاب الله يخليك ياعقاب الله يخليك
ابعد عقاب عنها وهو يناظر وعد بحزن : كنتي تقدرين تأذيني انا لكن لييه ليييه تأذين طفل مابعد انولد ليييه ياوعد تكسرين أمل تعبت احتريه لييييه لييييه
فزت وعد وقربت وهي تجلس قريب وحطت يدها على ركبة عقاب وهي تبكي بإنهيار : والله والله ما سويت شي والله يا عقاب وشلون اسوي هالسوات وانا ادري بمرارة فقد الضنى كيف تقول هالكلام وانت تدري اني لو بأذي وجد اذيتها من زمان لكن والله ما سويت شي هي اللي زلقت والله ما سويت شي ياعقاب والله
كان عقاب يناظر دموعها وهي تحاول تاخذ ولدها عجز يأذي خليفه وكانت وعد تبكي بإنهيار وهالمنظر غريب عليها لكن الصدمه ان هاللحظه اجبرت دموع عقاب تنزل من القهر والغبن والحزن ناظرته وعد بصدمه ماتدري وش تسوي لكن مد لها خليفه وهو ملامحه متجهمه ودموعه واضحه ووقف وهو يقول بيأس :عجزت ياوعد فيك عجزت فيك وانتي اللي صرتي لي مثل اسمي عقااب من الله ابتلاني فيه ، اتلفتي كل حيلتي اتعبتيني وابشرك ان كسرتيني بهاللي سويتيه في وجد لكن ان كنت بسكت فهو عشان هالولد اللي بيدك اللي اغلى علي من ولدي
وعد : ياعقاب والله والله ما سويت في وجد شي
التفت عقاب بصوت مليان غضب وقال:اطلعي من بيتي اطلعي من بيتي ولا اشوفك مره ثانيه
وقفت وعد بخليفه وهي تناظر عقاب كان واضح عليه للانهيار وكان وده يضرب وعد بكل حيله كان وده يفرمها كان يتمنى ان يطلع حرته بس داخله شي يمنعه ماكان قادر يسوي شي الل يطردها من هالبيت وينتهي كابوس وعد ويفتك منها للابد
اما وعد كان في داخلها حزن على عقاب وهي تدري كيف شعوره مؤلم واخذت اغراضها وطلعت لكن وقفت وهي تقول : ادري اني ماجيت لهالبيت بنيه صافيه وادري انك ما تزوجتني بنيه طيبه وادري ان اللي بينا مثل حرب البسوس مستحيل تصلح ولا ينمحي اثرها
.
.
.
: ادري اني ماجيت لهالبيت بنيه صافيه وادري انك ما تزوجتني بنيه طيبه وادري ان اللي بينا مثل حرب البسوس مستحيل تصلح ولا ينمحي اثرها لكن انت قدرت تلوي ذراعي بحبك لخليفه قدرت تمحي اغلب اخطائك بهالحنيه اللي تحتضن بها خليفه ومثل ما هالجانب حي فيك ، والله انه كان حي في وكانت نيتي لوجد وولدها طيبه وعمري مافكيت اضرك في ضناك ولا اكسر ظهرك بولدك لو كنت بنتقم منك كان فيه مليون طريقه بدون ما اضرك هالضرر اللي محد يقدر يتحمله
لكن كل اللي بقوله لك قبل اطلع : والله اللي عطاني هالولد وجبر قلبي به في اشد اوقاتي انكسار والله اللي سخرك له اني ما مسيت وجد بضرر ولا كنت سبب في هاللي صار ، وانت تعرفني زين اذا سويت شي ماتخبى واقوله
طلعت وتركت عقاب اللي ماسك راسه بكل قوته كان في عز انهياره مايدري وش يصدق ومن يصدق لكن كل اللي يعرفه انه لازم يروح للمستشفى لوجد اللي اكيد بتنهار
_______________________.
وفي بيت ام ضاري
دخلت ام ضاري غرفتها وهي في هم وخوف وضاري ومضاوي جالسين بجنب ببعض وضاري اللي متكتف وهم ساكتين وفجأه قالت مضاوي : ضاري تهقى ان هالرجال صادق
ضاري تنهد بضعف : مدري لكن مهما كان مستحيل اصدقه
لفت مضاوي بضيق : واذا طلع صادق واذاا فعلاً صار ابوك ماله ذنب بتروح
ناظرها ضاري وقال: لا ماني مخلي امي لو يطلعون الموتى من قبورهم مستحيل مستحيل اخلي امي ومستحيل اخلي حياتي الليي بنيتها تحت ظل امي وفي اخر ايامي بنيتها معك ويدي بيدك والحين انتظر منك ولدي ومستحيل اخلي هالحياه وابدلها بأحد ابد
قربت مضاوي بحنيه وهي تحضنه وتمسح على ظهره :لا يضيق صدرك انت ما تحتاج لا ابو ولا اهل انت تسوى عشرين عايله وحنا نحبك ومكتفين فيك وانت بعد
اخذ ضاري نفس وهو يحاول يتجاهل الموضوع وابتسم يبي يشتت الموضوع : يعني لازم تصير كارثه عشان اسمع هالحكي الحلو
ضحكت مضاوي وهي تجاريه: بعد اجحد رومانسيتي !! ضاري اللي يضحك بغصه : ابد ماحجدتها بس كثري لاهنتي
فزت مضاوي بضحك وهي تحتضنه بقوه تحاول تساعده انه يطلع من هالجو وضحك ضاري اللي حضنها ببتسامه وابعد بعد فتره: خلاص كتمنا ولدي
مضاوي : كان الله في عوني بس
ضاري : يلا بروح لشغلي انتبهي لامي
مضاوي : ابشر
طلع بسرعه مايبي يشوف ضيق امه وتنهدت مضاوي بضيق : للله يهدهم وش يبون فيك بعد هالسنين! حسبي لله عليهم كانهم ماسوو فيك خير
وقفت متجهه لام ضاري : خالتي
ان ضاري بهدوء: وينه ضاري
مضاوي : راح لشغله وتراه وصاني عليك ان مايضيق صدرك ومستحيل يخليك ابد .
.
.

مضاوي : راح لشغله وتراه وصاني عليك ان مايضيق صدرك ومستحيل يخليك ابد
ام ضاري : ادري يا بنتي لكن بيلوون ذراعه بقصة ابوه بيشتتونه ويتعبونه حسبي لله عليهم
مضاوي : لا تخافين عليه يا خالتي ضاري ربيتيه على القوه وهو قوي وانا معه لا تخافين
ام ضاري: الله يحفظه ولا يضره
سكتت مضاوي وام ضاري ضايقه وضاري يحاول يتجاهل الموضوع
_______________________.
وفي بيت ابوخلف
دخلت وعد بشنطتها واغراضها واغراض ولدها وفتحت الباب حنان وشهقت: وعد وش فيك
رمت وعد غطاها وهي تمسح دموعها: خذي خليفه
اخذته حنان بخوف وجت ندى تركض: وعد بسم لله وش فيك
وعد : وين ابوي وامي وعمتي
وجدان: عند جدي وش فيك
وعد : سالم روح ناد خلف بسرعه
ركض سالم وقربت ندى: ياوعد لا تخوفينا
طلعت وعد للغرفه وجلست بضيق
حنان:عقاب فيه شي !؟ وعد : خلوني لين يجي خلف
وجدان جات وهي تركض بكوب مويه: خذي خذي
اخذته وعد وهي ماسكه راسها بضيق وهي ماهي مقهوره على فراق عقاب لااا مقهوره على الظلم اللي صار ومقهوره على انكسار عقاب بولده وهي مالها دخل
وقفوا كلهم ساكتين ويناظرون مايدرون وش فيه بس اكيد فيه مصيبه
_______________________.
وفي بيت خلف
اللي كان جالس مع ليلى اللي متكيه على كتفه وتراقب شلون يفك ويركب الاغراض اللي يصلحها لكن ترك اللي بيده على صوت الباب
ليلى : ناطر احد !؟
خلف : لا
اتجهه للباب وفتحه :سالم وش فيك !؟
سالم : خلف وعد تبيك ضروري
خلف : بسم لله وش فيها خليفه فيه شي!؟؟ سالم:مدري جت وهي تبكي
خلف :وشووو تبكي !! سالم : ايه
ابعد خلف بسرعه وهو يسحب ثوبه وفزت ليلى:شنو صاير!؟ خلف : مدري وعد تبيني ومدري وش صاير
ليلى: الله يستر
خلف : سكري الباب وانتبهي لنفسك
ليلى: زين
طلع خلف مسرع مع سالم وكان بيت ابوه قريب في نفس الحاره وركض مع سالم واول ماوصل بيت ابوه دخل مسرع وهو ينادي: ندى ندى
طاعت ندى من غرفتهم:هنا ياخلف
خلف : وش صاير!؟؟
ندى: مدري وعد حالتها حاله
دخل خلف وهو يناظر وشاف وعد جالسه وهي ماسكه راسها وعيونها حمرا
ركض بخوف: وعد افا وانا اخوك وش فيك تبكين وش صاير
وعد غمضت وهي تحاول تمسح دموعها لكن بكت وهي تقول : مظلومه ياخلف
تكهربت خلايا خلف كلها من هالكلمه واعتدل وهو يقول : افا وانا اخوك ياوعد والله ماتنظلمين وراسي يشم الهوى والله ما اخلي اللي ضيق صدرك وبكاك والله ، قولي لي من أذاك علميني
ناظرته وعد والتفت خلف : اطلعوا كلكم
طلعوا وقال خلف :قولي لي وش صار!! عقاب سوى لك شي !! .
.
.
ناظرته وعد والتفت خلف : اطلعوا كلكم
طلعوا وقال خلف :قولي لي وش صار!! عقاب سوى لك شي !! بدت وعد تقوله كل شي لكن بدت من قبل يومين اول ماضربها وحبسها متجاهله كل شي صار قبل
وانتهت وهي تبكي وتقول : يتهمني انه دفيت وجد وذبحت ولده ياخلف
ووقف خلف بغضب : ووشوووو ! انتي ليه ساكته ماقلتي لي كل شي من البدايه
وعد سكتت وقال خلف: سوا لك شي قبل!؟ هزت وعد راسها بنفي وطلع خلف معصب ويفور من الزعل واتجهه لبيت عقاب لكن تواجهه مع عقاب عند الباب كان عقاب ناوي يطلع لكن دفه خلف بغضب ورجعه جوا للبيت وهي يصرخ : انهبلت انت قضيت خلاص مافي عقلك طب
عقاب بغضب: نزل يدك ياخلف
شده خلف من ياقته وهو يصرخ فيه: حذرتك من الساعه اللي خطبت فيها وعد وقلت لك والله لو تمس منها شعره ولا تضيق صدرها انت وزوجتك مايصير خير لكن اللي اشوفه انه حاطها شماعه لاغلاط زوجتك
عقاب : ابعد ياخلف ابعد احسن لك ماهو وقتك ولا هو وقت اختك
خلف : ادري ماهو وقته لاني ماجيت احاسبك على معاملتك لوعد لان حسابها طويل انا جيت عشان افهمك ان وعد مستحيل تكون سبب في موت ولدك او أذى له مستحيل تأذي طفل ولو كانت بتواجهه وتنتقم بتواجهك انت اول واحد قبل زوجتك اسمعني زين ياعقاب اذا لعبت عليك وجد وقالت لك ان وعد ضرتها وانت صدقت فالعوض على الله لان مثلك المفروض يفهم ان وعد ما تأذي احد بذنب احد
زوجتك اللي طاحت لكن رمتها على وعد تبيك تسوي اللي سويته وماقصرت انت سويت اللي تبيه هي بحذافيره لكن الله يعوض عليك بولدك ويرد لك عقلك وصوابك وترا ظلمك لوعد مارح يجيب لك الا الشر
رااح خلف وتركه بغضب وهو للحين ما برد قلبه في ضرب عقاب لوعد وحبسها لكن ماهو وقته الحين مصيبة عقاب تكفيه
كان عقاب في شك في سالفة وعد و وجد لكن مايقدر يضمن وعد ابد ودامها خربت وكلٍ عرف معناته لازم يعرف الصح والغلط
كمل طريقه للمسشتفى وهو ضايق صدره
_______________________.
وفي بيت نادر
بعد حربه مع امه وشوق عشان تاكل وترتاح طلع على صوت ضاري ينادي : هلا هلا حياك
ضاري بضيق : مابي ادخل تعال نروح لخلف
نادر: ليه بيتي ماهو قد المقام
ضاري : تكفى يانادر ماهو وقته
نادر: ليه وش فيك
ضاري : بعلمك بس خلنا نروح لخلف قبل
نادر بتوتر: يلا يلا
اخذ شماغه وطلع مع ضاري الساكت وهالسكوت مايطمن وصلوا بيت خلف ودقوا الباب
ليلى :منوو!؟
نادر: سلام عليكم يا اختي خلف فيه
ليلى: لا ولله طلع من ساع ولا رد
ضاري: ماتدرين متى يرجع
ليلى: لا
نادر: يلا اجل

.

نادر: يلا اجل
ضاري بهدوء: ماهي من عوايده
نادر: بيجي بس انت قلي وش فيك
قبل يتكلم ضاري شافوا زول خلف جاي من بعيد بغضب واضح
نادر: بسم لله الرحمن الرحيم علامكم
قرب خلف بهدوء ووقف : انتم هنا
نادر : ايه جينا نبيك وش فيك انت !؟
خلف : مافيني شي ،ضاري وش فيه وجهك مصوفر
ضاري بعد تردد كبير قال : فيني ان اهلي طلعوا فجأه ويدورون ولدهم
كلهم بصوت واحد مرعوب : وشهو!؟
ضاري : اليوم ... وكمل السالفه وقال نادر بإنفعال:عسااه الموت والله هاذي سواه يسويها ولا من قواة عينه بعد ظ¢ظ© سنه جاي يدور هذا خبل ولا وشو
خلف: حسبي لله على اللي مايخافه اجل رامي حفيده ولد ولده عشان يفرق بين ولده وزوجته حسبي لله عليه
ضاري : هذا اللي صار وانا احس اني في دوامه رغم اني ادري بقراري لكن امي خايفه
نادر بهدوء: وبتروح ياضاري لابوك
ضاري بإعتراض : اي ابو الله يرحم والدينك وش دراني اذا هو ابوي ولا غلطان وحتى لو انهم اهلي صدق مستحيل ارجع انا ربيت على يدين امي ولو تنقلب الارض مارحت مكان
خلف : من طرف خاطري انك تعرف اهلك ومن طرف ثاني كلامك صح وتفكيرك صح
ضاري : انا مستحيل افكر حتى تفكير اني اعرفهم بس قلت اقولكم
خلف: الله يريح قلبك ياضاري
الكل : امين
نادر: وانت وش فيك
صد خلف بضيق وقال: ولا شي بس توني وصلني خبر ان ولد عقاب توفى في بطن امه
نفس ردة الفعل القويه تكررت وقال ضاري : اعوذ بالله
نادر: لييه وكيف ووش صار !؟ خلف: كل اللي اعرفه انها طاحت
ماكان خلف وده يطلع المشاكل الكبيره واللي ماهو متاكد منها وضاقت صدورهم كلهم
وقال نادر: الله يعوضه يارب والله هالعقاب ماتهنى
خلف : الله عوضه
ضاري : ووينه طيب عشان نروح له
خلف : في المستشفى كنت جاي بوصل ليلى بيت اهلي واروح له
الكل : نروح كلنا يلا
دخل خلف لليلى اللي فزت: خلف شنو صاير
خلف: بعدين اقولك بس المهم الحين بروح لعقاب بالمستشفى لان زوجته طاحت وولدت مبكر
شهقت ليلى: ولدها حاشه شي !؟ خلف بضيق: توفى
طارت عيون ليلى بصدمه وصدت بضيق: الله يعوضهم
خلف : امين المهم اجهزي بوديك بيت ابوي وبعدين اروح
ليلى: طيب
ركضت تجهز وخلف متكتف يفكر بهالظروف هالصعبه
وطلعوا متجهين بيت ابو خلف وصلوا ليلى وراحوا
ووقفوا البنات يستقبلون ليلى
وقالت وعد بهدوء: وين خلف
ترددت ليلى بس قالت: راح صوب عقاب بعد ماتوفى ولده بيوقف وياه
شهقت وعد بعد ما تأكدت من موت ولد عقاب وانهارت تبكي لانها جربت كيف تخاف من فقد الضنى
واجتمتوا يهدونها وهم مصدومين وفي ثواني انتشر خبر وفاة ولد عقاب والكل مصدوم وحزين على عقاب ��
.
وفي المستشفى
بعد ما وصل عقاب ودخل عند وجد وشافها نايمه كان يحاول يتماسك بس اول ماشاف ولده الصغير واللي باقي ماكبر توه ابو سبع اشهر انهااااار واول ما مد يده بيمسكه انصدم ان يده بحجم ولده كان يناظره بحزن وصعب الموضوع عليه لكن صد اول ماسمع السستر تقول له ان وجد صحت ترك الولد وراح لوجد اللي اول ماشافت عقاب انهارت تبكي كانت تتوقع طيحتها بسيطه وبترميها على وعد وبتطلق وعد وهي بتكمل حملها لكن هي لحالها زوجة عقاب بس فجعها موت الطفل وانهارت قرب عقاب بهدوء يحضنها مايدري يواسي نفسه ولا يواسيها: وجد اذكري الله اذكري الله والله يعوضنا
ماكانت وجد ترد وهي تبكي بهستيريا وهي تردد: انتظرته سبع شهور كيف يروح مني بلمح البصر كيف
عقاب : الله يعوضنا الله يجعله شفيع
ماردت وهي تبكي وعقاب ضايق مايدري وش يسوي لكن بعد دقايق طلع وشاف اهله كلهم فيه واقبلت عليه جدته وهي تمسح على كتفه: معوض خيير يارب والله يجعله شفيع
هز راسه عقاب بأسى وهو يسمع التعازي له والمواساة وعزوز واقف جنبه ويشد عليه ودخلوا الحريم عند وجد واخذوا الرجال الولد يدفنونه وكلهم حزينين على عقاب
ومحد يدري بالتفاصيل ابد
_______________________.
وفي اقل من الساعات
انتهى كل امل عقاب بولده اللي دفنه مثله مثل اللي قبله بس هالمره اصعب
كان لازم يرجع من المستشفى ويترك وجد بالتنويم وكان مايبي يشوفها وهي حزينه ومكسوره لكن ترك عندها عهد وطلب من الكل يرجعون
واول ما وصل باب المستشفى رجع يتطمن للمره الاخيره ويأكد على عهد تنتبه لوجد
واول ماوصل غرفتها كان يسمعها تبكي من ورا الستاره وعهد تهديها وهي تقول :حسبي لله على وعوده الا ما اكتفت انها اخذت عقاب تبي تاخذ ولدك منك حسبي لله عليها الله يفقدها ولدها
انهارت وجد وهي تقول : ما سوت شي انا اللي ذبحت ولدي بنفسي انا اللي كبيت المويه عشان اغيض وعد واجبرها تنظف لكن طحت بشر اعمالي وزلقت فيها وكذبت عليها وافتريت واخذ ربي مني ولدي ياعهد
اشهقت عهد: وشووو!! وشوو اسكتي لا احد يسمعك وتروحين فيها خلي عقاب يصدق انها هي اللي سوت كذا ويطلقها ونف....
انقطع صوتها من صوت سحبت الستاره وشهقت وجد اللي تناظر وراها
كان عقاب واقف بصدمه وعيونه الحمرا مفتوحه بكل اتساعها يناظر ولا هو يقادر يشوف ويسمع ولا يقدر يصدق لين سحب وجد بيدينها وصرخ: وش قلتتييي!!! عيدي اللي قلتيييه
كانت وجد ترجف مثل الريشه وخايفه ولا قدرت تقول شي وعهد اللي واقفه وهي حاطه يدها على فمها بصدمه وعيونها على عقاب ماتدري وش تسوي

كانت وجد ترجف مثل الريشه وخايفه ولا قدرت تقول شي وعهد اللي واقفه وهي حاطه يدها على فمها بصدمه وعيونها على عقاب ماتدري وش تسوي
لكن صحوا من صمتهم على صوت الكف اللي انتشر فالغرفه كلها وشهقت وجد بذهول انه ضربها وقال بصراخ: لا ياللي ما تخافين الله لا يا قليلة الخاتمه ياناكرة المعروف ظ§ شهووور راحت ووعد ماقصرت عليك تطبخ وتنفخ وشايله عنك كل شي وهاذي اخرتها تظلمينها !! هانت عليك ظ§ شهور وانا انتظر هالولد فالاخير ذبحتيه بيديك وانا اقول وجد مسكينه وما تأذي احد لكن طلعت انا الغلطان
دفها بعيد عنه وصرخ بكلمة زلزلت وجد : مالك عندي مكان وانتي طالق طالق طالق
طلع وتركها بعد ماسحب عهد بغضب وهو يدفها قدامه بصراخ: وحضرتك مأيدتها لكن الله لايخليني اذا ماوجعت اربيك
دفها داخل السياره ورجع وهو يدق على اهل وجد بغضب يجون ياخذونها لانه مستحيل يرجعها معه وكل المستشفى سمع صراخ وجد وبكاها
ركب عقاب السياره وهو يراجع كلمته اللي ماقدر ينطقها لوعد لكن طلعت منه لوجد بكل سهوله اوجعه قلبه انه ظلم وعد او فكر يأذي خليفه وهي مالها شغل
_______________________.
وفي بيت ابو خلف
الكل مجتمعين وهم حزينين على اللي صار
ابو ناصر : كان الله بعون عقاب عمره ماتهنى هالمسكين
ابو خلف : للله يرزقه ويفرحه بالقريب العاجل
ام ناصر: هقوتي انه محسود ولا وش بلاهم عياله مايعيشون
خلف : لا ياجده لا تدخلين هالوساويس لراسه بأذن الله مافيه شي ومقدر ومكتوب
عزوز: الله يعوضه بكل خير يارب الله يكتب له السعاده والحظ وين مالقى وجهه
الكل: امين
ابو ناصر: وين وعد نادوها تعلمنا وش صار
تكلم خلف بسرعه وقال: وعد متأثره شوي لكن وجد زلقت بمويه وطاحت وصار اللي صار
فيصل: سبحان الله مكتوب كل شي
وقف ابو ناصر: يلا دامنا تعشينا بنروح لبيتنا
ابو خلف: الله معكم
_______________________.
وعند الحريم
كانوا جالسين بصمت وجاتهم مضاوي بعد ماقال لها ضاري وهي مفجوعه
وكانت وعد جالسه بهدوء ينعاد عليها اللي صار ولاهي مصدقه
ام خلف : وعد انتي بخير يمه
وعد بتنهيده: بخير ياعمه
مضاوي: وش صار ياوعد كيف طاحت
وعد : زلقت بالمويه وطاحت
ليلى: ياربي لله يصبر قلبها ويعينها
الكل : امين
مضاوي : الله يستر والله اني بديت اخاف
ام ناصر: سمي بالله وماصاير لك شي ان شاء الله
ام وعد : حصني نفسك وما يضرك شي بإذن الله
ناظرت مضاوي بطنها بهدوءوهي تهمس( اللهم اني استودعتك ولدي وضاري يارب )
ام ناصر: يلا يا شهد ومضاوي بنروح البيت
شهد : ابشري .
.
شهد : ابشري
فزت تمسكها وطلعت مضاوي معها وبعدهم جاء خلف وهو يقول : وعد انتي بخير
هزت راسها وعد بهدوء: ايه بخير
وعلى صوت فيصل وقفت ليلى وهي تاخذ عباتها لكن وقف خلف وقال: حنا بعد رايحيين لبيتنا وانتي وعد انتبهي لنفسك اذا صار شي نادوني
ام وعد : ماصاير شي ان شاء لله
طاع خلف وليلى ودخل فيصل وهو يجلس
ام وعد : اقول فيصل وشلونه عقاب عسى ما تأثر
فيصل: وش اللي ما تأثر عمري ماشفت عقاب كذا والله يا ان دموعه تنهل هل قدامنا كلنا انفجعنا والله
ام خلف : للله يصبر قلبه يارب
ناظرت وعد في فيصل بضيق وهي تفكر في حال عقاب وكمل فيصل: وولده ياحرام بحجم الكف يكسر القلب والخاطر ومابغى عقاب يدفنه اصلا مابغى ينزله من حضنه طول الوقت متحضنه بالقوه نزله
صدت وعد بضيق وقالت ام خلف : الله يجبر قلبه
ندى: اول مره احس عقاب يكسر الخاطر
فيصل: بعد لا تلومونه ولده ولده
وجدان: بس ما مداه يشوفه ويتعلق فيه احس عادي
دفها فيصل: قلوب الناس تحس ماهو قلبك
ام وعد : خلاص خلاص مصختوها يلا كلٍ ينام يلا
افترقوا ووعد اللي ماقدرت تحط راسها وتنام من ضيقة الصدر
_______________________.
وفي بيت نادر
اللي كان كعادته جالس قدام شوق وهو ولد في حضنه وولد في حضنها وكان حزين وهو يقول لشوق اللي صار
شوق بحزن: الله يعوضه خير يارب
نادر: والله تقطع قلبي عليه ماعمري شفت عقاب بهالحال على كثر ماصار حولنا من مصايب ماشفته كذا
شوق : لا تلومه ينتظر هالولد بفارغ الصبر وكم مره خسر ولد اكيد بيتأثر
نادر : الله يجبر قلبه ان شاء لله
شوق : امين
قرب نادر مبتسم: اسمعي على الطاري ترا بسمي واحد محمد و واحد احمد
ضحكت شوق : حلوين
نادر : ايه زي بعض لكن الله يستر ياشوق قلبي يقول لي انهم بيطلعون عيونا
شوق : حلال عليهم انا راضيه
ضحك نادر: شكلي بودع الملاعب واصير منسي ومحد يعطيني وجهه
شوق: افا يانادر افا انت الكل بالكل
نادر: ادري بس قلت اتطمن
ضحكت شوق وهي تبتسم للنادر اللي من كثر ماهو متعلق بالعيال يحتار من بيشيل ومن بيبوس
_______________________.
وفي بيت عقاب
اللي دخل بغضب وهو يرمي عهد فيه وسحب حزام بدلته اللي لقاه معلق قدامه ورجع وكان مليان قهر وصبه كله على عهد اللي ماناصرت الحق ابد ولا نصحت وجد وكانت تمدها في طغيانها لين وصلت لهالمرحله والاكثر انها تحرضها بزود تكمل الكذبه على عقاب وتكمل ظلم وعد
كان يضربها بكل حيله يبي يعيد تربيتها لانها اخته وفي وجهه مهما تصرفت لكن وجد ينتهي امرها بطلاق .
.
��
.
كان يضربها بكل حيله يبي يعيد تربيتها لانها اخته وفي وجهه مهما تصرفت لكن وجد ينتهي امرها بطلاق
كانت عهد تصرخ وهي تحلف : والله ما اعيدها والله
نزل عقاب وهو يصرخ: ياما علمتك وقلت لك امسكي لسانك تأدبيبي فكيني شرك لكن ماتطيعين لكن والله والله والله يا عهد لمشيك على العجين ماتلخبطينه
دفها للغرفه وهو يقفل عليها
ورمى كل شي بيده وجلس تعبان مصدوم ومهدود حيله حط يده على راسها منهك من هالهموم اللي ماتركته من يوم هو صغير وتعب من المسؤوليات وتعب من الفقد في كل مره
_______________________.
ومن بكره
الكل وصلهم الخبر وجاء ماجد وسحر وجت هيا لهم واماني بعد جت والكل ينتظرون طلعت وجد عشان يتحمدون لها بالسلامه لكن جاء عقاب لحاله وجاء في حال غريب وتعبان
وقفوا الرجال مستغربين وركض عزوز: عقاب انت بخير
عقاب : بخير بخير
ام ناصر: وين وجد ياعقاب ليه ما طلعوها
عقاب بغضب مكتوم: طلعوها لكن راحت مع اهلها
ام ناصر:واخزياه ليتها جت يومين نسلم عليها ونراعيها
عقاب: مايحتاج وجد راحت بخيرها وشرها
ابو ناصر: وش ذا الحكي!؟ عقاب : طلقتها
اختلفت الردود مستغربين والكل يناظر الثاني
وقال ابو خلف: طلقتها عشان ولدها مات!!؟ عقاب : لا يا عمي طلقتها لسبب يخصني ولا ابي احد يناقشني بالموضوع وانا جاي هنا ابي وعد بموضوع
الكل مصدوم وساكت لكن تقدم خلف لعقاب وهو يناظره وهمس : تدري ان شوفتك لوعد مستحيله بعد لللي صار
ناظره عقاب بنظره خجله وحزينه: تكفى ياخلف لا تزيد النار حطب اللي فيني مكفيني وانا اخوك ما ابيك تجي مع الدنيا علي
سكت خلف بندم وتقدم وهو ياخذ عقاب برا : وش صار وش فيك!
عقاب : وش اللي بيصير اكثر من كذا!! ولدي وراح وزوجتي وطلعت كذابه وطلقتها وبنت عمي ظلمتها في الوقت اللي لازم اصدقها فيه
خلف : قلت لك ياعقاب وعد ما تأذي احد
عقاب : عرفت وفهمت وانا جاي اكلمها وهذا اخر كلام بيني وبينها
سكت خلف وصد : زين زين
راح للبيت ينادي وعد وياخذ طريق وطلعت وعد وهي ماتدري وش صاير
دخلت المجلس وهي تنتظر دخول عقاب اللي دخل بهدوء على غير عادته ورد السلام بتحفظ وهو مايناظرها وهاذي اول مره
وقفت وعد بهدوء وقالت: الله يعوضك خير في ولدك
عقاب : جزاك الله خير
وسكتت وعد وهي مالها نيه تبرر اكثر لكن راحمه عقاب وانصدمت اول ما تقدم ووقف قدامها وقال: بقولك للمره الثانيه انا اسف واذا ودك بقولها للمره المليون ادري اني ظلمتك كثيييير وادري اني ما سويت فيك خير وانتي بعد ماقصرتي فيني
.
.
.
ادري اني ظلمتك كثيييير وادري اني ما سويت فيك خير وانتي بعد ماقصرتي فيني كل واحد منا سوى اللي بيسويه فالثاني ادري ان كل شي سويناه غلط لكن اكتشفت فالنهايه اني ما اضر الا نفسي واكتشفت اني ازيدك قوه وايقنت بعد ان كل البنات لازك يكونون بقوتك وانا من اليوم لين اخر يوم في عمري وانا اسف
كانت وعد مصدمه بس لقتها فرصه وقالت وهي تكابر على دموعها وقالت : لا يا عقاب انا ما سويت فيك شي الا عناد تافهه وبسيط لكنك تدري وش سويت فيني !!انت اللي جبت لي مبارك في طريقي انت اللي عيشتني الايام السوداء مع مبارك نكدت علي حياتي بتحريضك ما كأني بنت عمك وقطعه من دمك وفوق ذا تسببت بموت مبارك
فز عقاب وقال : لا يا وعد لا والله اللي خلق الخلق مالي في موت مبارك يد ابد ويعلم الله اني دورته من بين كل العسكر لين اخذت جثته وماخليته يموت مجهول محد يدري به والله ماني خسيس لهدرجه عشان أيتم طفل صح كنت حاقد عليك لكن كله عشانك في كل مره تواجهين كبريائي وتكسرينه كنت مستعد اسوي اي شي لكن ما توصل اني ارملك ابد ويعلم الله ان مبارك كان عزيز وغالي ويعلم الله اني ما اعد خليفه الا ولدي ولو في قلبي شي على مبارك كان ما احتويت ولده ولا تقدرين تنكرين حب خليفه بقلبي
صد وعد وهي تمسح دموعها وهي بدت تفهم هالسبب من اول ماشافت حنان عقاب على خليفه ولفت وهي تقول : والحين ياعقاب وش تبي !! عقاب : اللي حصل اني عرفت الحقيقه وعرفت ان وجد ظلمتك لكن وجد طلقتها وانتهى امرها لكن مثل ما سوينا كل هاللي سويناه ومحد درا وعشنا قصتنا كامله ومحد يدري بها ابي نسكر هالموضوع بينا واذا ودك نبدأ من جديد اذا ودك تحطين يدك بيدي ونعيش من جديد نعيش بعيد عن المشاكل ونعوض كل شي انكسر
انا مستعد ولك مني اللي تبين
عمرها ماتوقعت هالعرض من عقاب وصدت وهي تقول : تتوقع اني ارجع بعد كل شي سويته !؟ عقاب : قلت نطوي الصفحه وننسى كل شي صار
صد وعد بضيق : مقدر ياعقاب مقدر كاابرت على نفسي كثير كثييير وألين هنا وبس
نزل راسه عقاب بحزن وصد وطلع وقبل يطلع التفت بحرج: ابي اشوف خليفه قبل اروح واسلم عليه
طلعت وعد وارسلت له خليفه مع خلف اللي وقف وهو يعطيه خليفه واخذه عقاب وهو يحضنه بكل حيله اخذ نفس وهو يسلم عليه وعطاه خلف وطلع بسرعه
ورجع خلف لوعد وهو يعطيها خليفه وصدت بسرعه تمسح دموعها وقال : وش صار!؟ وعد : انتهى كل شي ياخلف
حاولت تسيطر على دموعها لكن بكت بتعب لانها في هالسنتين شافت شي ماعمرها شافته ولا فكرت بتشوفه
تقدم خلف يحضنها وهو يمسح على كتفها: الله يعوضك خير ويكون في عونك


تقدم خلف يحضنها وهو يمسح على كتفها: الله يعوضك خير ويكون في عونك
تركها بعد فتره وطلع وهو ماوده يكلم احد بالموضوع لين يتكلم عقاب
_______________________.
عند عقاب
بعد ماسمع رفض وعد طلع وهو يعتبره فصل من فصول حياته وانتهى وقف في حوش جده والتفت : عزوز وشهد اجهزوا بتطلعون معي لبيتي
ابو ناصر: وشوو وين بتاخذهم
ام ناصر: اصلا وين عهد
عقاب : عهد في بيتي واخواني لازم يكونون معي
ام ناصر: وش قصرنا عليهم فيه
عقاب : ماقصرتوا ياجده سويتوا اللي عليكم وزياده لكن لازم يروحون معي
ابو ناصر: معصي والله مايطلعون من بيتٍ ضمهم طول هالسنين
ابو خلف : وشلون تاخذهم من بيت جدهم ياعقاب !!! عزوز: عقاب مانبي نطلع من هنا ولا نضايقك انت ووعد
عقاب : البيت فاضي مافيه احد وانتم بتسكنونه
ابو ناصر: شلون يعني فاضي
عقاب بهدوء: يعني وجد طلقتها لكن وعد ماتبي ترجع معي وتبي الطلاق وكذا انتهى كل شي
ابو خلف : وشوووووو !؟ فيصل: نعم نعم
خلف : يبه هالقرار اتخذوه وتكلموا فيه ومافيه نصيب
ماجد : اعوذ بالله
ابو ناصر: تعوذ من ابليس ياعقاب وش بلاك بتطلق حريمك كلهم وش جاك
قال عقاب بهدوء: قلت لك ياجدي وجد راحت ولا احد يناقشني فيها ووعد مقدر اغصبها على شي ماتبيه وانتهى
التفت لعزوز: يلا اجهزوا احتريكم برا
وطلع وتركهم والكل مستغرب والتفت ماجد لخلف : وش فيك ياخلف المفروض تكون محضر خييير وش جاك
خلف : محضر خير ايييه لكن تدرون انه عقاب ووعد مايقدرون يعيشون مع بعض ولا ابي اتعبهم اكثر
الكل سكت مايدرون وش يسوون واخذ عقاب اخوانه وراح لبيته
ونزلت سحر لماجد بضيق: تكفى ياماجد ودني بيت عقاب بشوف اخواني وش صاير فيهم
ماجد : اذكري الله ان شاء لله مافيه شي
سحر: ماهقيت دام عقاب سوى هاللي سواه
سكت ماجد مايدري وش يقول واخذها لبيت عقاب
_______________________.
وفي بيت ضاري
رجعت وهي مذهوله من اللي صار لفت على ثقل ضاري اللي جلس بجنبها: مضاوي وش فيك تهوجسين
لفت مضاوي عليه وهي تمسك يده بتوتر: خايفه
ضاري : افا بسم لله عليك ليش خايفه سمي بالله وان شاء للله ربي بيسهلك ولادتك وبتقومين بالسلامه
مضاوي : لايا ضاري ماهو هذا خوفي
ضاري : اجل وشو
مضاوي: تدري ان عقاب طلق وجد
قطب ضاري باستغراب :وشووو ليش وش السبب !
مضاوي: مدري لكن بيطلق وعد بعد
ضااري : نععععم انهبل ذا
مضاوي : لا ما انهبل انا متأكده فيه شي صاير مستحيل يكون عقاب متصرف من راسه
ضاري : مثل وش يعني .
.

[صواديف عشاق]

ضاري : مثل وش يعني
مضاوي: عقاب يحب وعد وهو بعد يقول ان هي تبي الطلاق لكن هو اللي طلق وجد من نفسه ولا يبيها عشان كذا احس فيه مصيبه
ضاري : والله انها غريبه لكن دامهم ما قالوا شي معناته مايبون احد يدري
مضاوي: لا ياضاري لو تشوف عقاب يضيق صدرك عليه عشان كذا انا خايفه فيه شي كاسر ظهره بس مدري وشهو ومو قادر يتكلم ابد
ضاري : معقوله!!
مضاوي :ايه
ضاري : اسمعي انتي نامي وانا بروح وبجي طيب
مضاوي: وين ؟!
ضاري : قريب
اخذ اغراضه وطلع مسرع متجهه لبيت عقاب
_______________________.
وفي بيت ابو خلف
اللي رجع وهو ينادي : وعد وعد وينها وعد
ام وعد : بسم لله وش فيك
خلف : يبه الله يخليك لا تضغط عليها
فيصل: وعد ما سوت هالسوات الا مسوي شي
ام خلف: بسم لله وش صاير
طلع ابو خلف وطلعوا العيال معه وام خلف وام وعد
وفتح الباب وكانت وعد جالسه بهدوء : وعد
رفعت راسها: نعم يبه
ابو خلف : وش هاللي صاير ! ليه تبين الطلاق من عقاب!؟ شهقت ام وعد وقالت وعد بهدوء: ماقدرت اعيش معه الحياه مع عقاب مستحيله
ابو خلف : وشوله وافقتي عليه من الاول دامك بتطلقين
وعد : لاني حاولت اني اعطي نفسي فرصه لكن تقفلت كل الابواب بوجهي يبه مقدر مقدر
جلست وهي تبكي والكل مستغرب بكاها لكن عرفوا انها في مرحله من التعب ماتقدر عليها
اتجهه لها فيصل يحضنها: ابد لا تبكين ياوعد اللي تبينه بيصير وانا اخوك تعوذي من ابليس
سكت ابوخلف وتجمعوا الكل حولها يهدونها لين هدت وطلعوا وتركوها ترتاح
نزل خلف وهو يحس بخنقه وفزت له ليلى: خلف بسم لله عليك شنو فيك
خلف : مافيني شي عطيني دواي بس
بسرعه جابته وهي تعطيه وجلس بتعب في غرفة امه كان متوتر من وضع وعد وعقاب مايدري يأيدهم او يساعدهم
ليلى : بسم لله عليك ! شنو صاير فهمني لاتخوفني عليك
خلف بهدوء: وعد بتطلق من عقاب
شهقت ليلى : ليش شنو صااير
خلف بهدوء : قصه طويله اقولها لك بعديك لكن خليك معهم تكفين وانتبهي لنفسك
ليلى: من عيوني لا توصي وانت ريح شوي
خلف : زين
انسدح بتعب من تأثير الدواء وجلست ليلى عنده تمسح على صدره وتقرا عليه لين غفى وطلع للبنات
وقفت بجنب اماني اللي قالت: ليلى ماقالك خلف شي
ليلى: لا بس قال وعد بتطلق وبس
ندى: لا اله الا الله
حنان: ياحبيبتي ياوعد ما ارتاحت ابد
وجدان: كنت ادري ان عقاب نحيس ما احد يتحمله حتى اخذ شهد معه للبيت
حنان: لا حول ولا قوة الا بالله بس
ليلى: الله يهدي سرهم بعد شنقول
اماني : يلا انا بروح جابر ينتظرني
ليلى: سلمي لي عليه واجد
اماني : ابشري .
.
.
طلعت مع جابر وهي تقوله اللي صار وجابر مستغرب هالحدث
_______________________.
وفي بيت عقاب
وصلت سحر ورجع ماجد بيت ابو خلف ودخلت وهي تشوف عقاب جالس متكتف وقدامه عهد اللي واضح عليها الضرب
شهقت وهي تركض لها لكن وقفها عقاب : ارجعي ياسحر
سحر: شلون ارجع ما تشوف حالتها
عقاب :هي اللي وصلت نفسها لحال وبتربى من جديد
عزوز بغضب: وش سوت وش سوت بعد
شهد كانت خايفه وهي واقفه بجنب سحر بخوف وعهد تبكي
عقاب : غردي قولي لهم وش مسويه انتي هاللي ما تستحي معك
نزلت راسها عهد تبكي وقال عقاب بصراخ: ابد حبيبة قلبها وجد اللي كانت ماتفوت فرصه عشان تشيشني على وعد قررت في يوم انها تخرب البيت عشان وعد تكرف من جديد مثل الخدامه لها وكبت المويه وهي طيحت نفسها وذبحت ولدي وبكل برود رمتها على وعد وظلمتها وطبعا انا ماقصرت في وعد والاخت المصون عهد كانت تقولها ما تقول لي اللي صار وتكمل في ظلم وعد وتتطلق وعد ويتشمتون فيها وفوق هذا ماخلت شي ماسوته عشان تشعل فتيلة الحرب بيني وبين وعد والمقبس وجد اللي تشحنها بأفكارها السامه
عزوز بغضب: والله اني داري انك ماوراك خير
سحر: ليش ليشششش ياعهد ليش
ماكانت عهد ترد وتبكي عقاب : تبكين لا باقي اذا ماربيتك ما اكون عقاب والله والله لربيك
اخذها وهو يرميها في وحده من الغرف من جديد والتفت لسحر وشهد: لموا اغراض وجد وحطوها على طرف عشان نرسلها لها
سحر: طيب لكن تكفى ياعقاب لا يضيق صدرك تكفى
عقاب هز راسه بهدوء وقال: هالموضوع بينا لا يطلع
طلع وتركهم وراه لكن شاف في وجهه ضاري
عقاب : ضاري وش تبي هنا!؟؟ تقدم عقاب بهدوء وهو يخبط على كتف عقاب :جيت ابيك
عقاب : اذا بتهاوش مالي خلق
ضاري : لا لا ماجيت ادور هواش جيت ابي اتطمن على صاحبي
ناظره عقاب باستغراب وقال : جاي تستهزئ وتشمت
ضاري : افا ياعقاب انا اتشمت فيك لا والله ما قاله الله صح ان بينا هواش لكن هذا مزح اصحاب ومهما كان انت صاحبي وغالي علي ولا ارضى بضيقك وتبي ولا ما تبي انا اخوك وصديقك وسندك سواءً رضيت او مارضيت بوقف جنبك اشيل حزنك وضيقك ولا تطيح وينحني ظهرك وانا معك
انشرح صدر عقاب وطار نص همه كان محتاج هالكلام وابتسم وهو يتجهه له وحضنه : والله انك ياضاري اخو وصديق وعزيز والله انك ما تقصر
ضحك ضاري وقال بمزح: ماشاء الله وش هالحضن الزين ، عشان كذا محرمنا منه
دفه عقاب بضحك ضايق : والله ماهو وقتك
ضاري : علمني طيب وش فيك
التفت له عقاب وهو يعلمه باللي صار اخر فتره ماذكر قصته مع وعد كامله
ولفوا على صوت نادر اللي جاء ورجع عقاب يعلمهم السالفه وهم متكتفين

.
ولفوا على صوت نادر اللي جاء ورجع عقاب يعلمهم السالفه وهم متكتفين
نادر: احسن انك طلقت وجد هاللي ماتخاف الله
عقاب : راحت بخيرها وشرها
صدمهم ضاري اللي قال:دامك تحب وعد وتبيها وشهوله تطاوعها بالطلاق ليه ما تحاول مره واثنين وثلاث ومليون ولا تخسرها ولا تخسر خليفه اللي تحبه
عقاب بإنكار: انا ما احبها
نادر: اقول اسكت ترا واضح واترك هالمكابر ياعقاب
عقاب : اقولكم ما احبها لكن بيصعب علي الفراق عن خليفه
ضاري : مُصر يصير حمار
عقاب : وبعدين
نادر: لا لا تدري اجلس مع نفسك وفكر وبتشوف إنا صادقين
عقاب: فكونا بس
ضاري: دام هذا كلامك اجل قوموا بنتقهوى فالبيت وانت عقاب مضاوي تبيك تبي تتطمن عليك
عقاب : عز للله اني في حاجة مضاوي والقهوه
نادر: انا مقدر بروح عندي شغل
ضاري: وييين!! نادر: اغراض ضروريه بجيبها للبيت بس قلت اتطمن
ضاري: زييين
راح نادر وطلعوا ضاري وعقاب لاول مره مع بعض بدون هواش وصراخ
لكن اول ما وصلوا عند بيت ضاري وقف ضاري وانقلب وجهه وقال يغضب: هذا وش جايبه
عقاب : منهو!؟
ضاري بضيق: واحد يقول انه جدي ابو ابوي ورماني عند المسجد والحين بيرجعني
عقاب : ايششش !؟ ضاري : اقولك بعدين خلني اشوف وش يبي
اتجهه بغضب: نعم نعم
صالح: ضاري اسمعني
ضاري : قلت لك مابيني وبينكم شي
صالح اللي كان في انهيار قال: تكفى يا ضاري ابوك بين الحياه والموت تكفى لا تحرمه من شوفتك تكفى لو دقايق
ضاري: اقولك مابيني وبينكم شي تفهم ولا لا
عقاب : تسمع الكلام ولا لا
صالح: افهم لكن تكفى اسمع اسمع وكلمه بس وبعدها قرر
مد الجوال لضاري اللي اخذه بغضب في نيته يهاوش لكن سمع صوت باكي ويرتعش وهو يقول : تكفى ياولدي تكفى تعال بشوفك تكفى فرحني فيك لا تظلمني فوق ظلم الدنيا لا تعقابني بذنب غيري تكفى لو خمس دقايق
التفت ضاري بقوه لعقاب وجهه اسود وصد عقاب بضيق
وقال صالح: تكفى خمس دقايق بس تكفى
عقاب اللي كان في قلبه ضعف من الفقد وقال بهمس : ضاري خلنا نروح ونشوف وش يصير
ضاري: لا يا عقاب لا هالخمس دقايق ضيعت حياتي قبلظ¢ظ© سنه
عقاب : مارح نخسر شي نشووف وش نهايتها
رضخ ضاري بعد كلام عقاب وقرر يروح وراحوا مايدرون وش ينتظرهم
_______________________.
وفي احد المستشفيات الكبيره
وفي غرفة كبيييره فيها شايب متهالك فيها عيسى هالشايب اللي انتهت سبل الحياه عنده بعد فقد زوجته وولده وبعد ظلم ابوه وصار طريح فراش واخر مناه يلتقي بولده او زوجته كان يبكي من الساعه اللي قال له ابوه انه لقى ولده وبيجيبه كان يرجف من المشاعر والمرض ��

.
كان يبكي من الساعه اللي قال له ابوه انه لقى ولده وبيجيبه كان يرجف من المشاعر والمرض
التفت على صوت الباب وكان ابوه لكن وراه رجالين ملامحهم جامده لكن فز قلبه لرجال اللي واقف بطول فارع ووعرض اكتاف ملحوظ عيون حاده وهو عاصب شماغه بقوه هالشخص اللي يشبهه في كل شي يشبهه حتى في وقفته ايه هذا ولده اللي نسخه من شباب ابوه كان ضاري اللي يناظر الشايب بذهول وصمت
لكن لفو على صوت الشايب اللي يقول : عيسى لا تقوم
لكن عيسى اللي يرتجف ابعد عنه اللحاف ووقف بصعوبه كان يمشي بصعوبه بالغه وهو متجهه لضاري اللي ما توقع انه يعرفه خصوصاً انه مع عقاب والمفروض مايعرفه لكن اتجهه له ومسك ذراعه برجفه وهو يقول : ولدي ايييه اييه انت ولدي ايه انت سعود
ارتمى عليه يحضنه وضاري متجبس ومتكتف عجز يسوي شي كان يحس برجفة الشايب وخايف لكن نبهه عقاب اللي يمسح على كتفه
كان عيسى يرتجف ومسكه ضاري بخوف انه يطيح لكن انهار عيسى وهو يحضنه ويبكييي كان ينوووووح ينووووح بشكل مرعب كان يحضن ضاري وهو يردد: ياما دعيت ان الله يردك لي ياما تعبت من فراقك ياما قلت يارب خلني لين اشوفه واخذ عمري حمدلله شفتك ياسعود الحمدلله اللي جبر قلبي بشوفك الحمدلله
(كان اسم ضاري سعود لكن ام ضاري سمته ضاري )
كان ضاري مرعوب وهو يحس قلبه يدق ويوجعه من بكى هالشايب يحس في قلبه شي غريب مايدري وشهو كل ما بكى هالشايب كان يخاف ضاري
وجلس عشان يجلس عيسى اللي يحسه بيطيح وجلس عيسى على ركبه وهو كل شوي يحضن ضاري يناظر وجهه ويبكي
وعقاب اللي خنقته العبره وصد اما ضاري يحس انه في بحر مرعب بيخنقه ويموت
واخيراً قال: وش دراك اني ولدك يمكن غلطان
ضحك عيسى من بين دموعه وفز وهو يرتجف ومشى للمخده رفعها وهو يطلع صوره وضمها لصدره ورجع لضاري اللي للحين جالس مد له الصوره برجفه وجلس قدامه بدموعه وهو يأشر : هذا انا شوف شوف وشلون تشبهني شف كيف انك مثلي
كان ضاري مفجوع من الشبهه الكبير بينهم وقرب عقاب وانفجع من الشبهه لكن قال عيسى وهو ياخذ يد ضاري وحطها على صدره اللي ضلوعه بارزه وهو يقول : اذا تبي اثبات اكبر هذا هو قلبي لللي بيطلع من صدري وهو من سنين ما دق بهالشكل ابداً مادق الا بشوفتك ياسعود
غمض ضاري وهي قلبه يدق له بنفس الشعور
ماكان يدري وش يقول لكن عيسى كان يعتذر منه وألجم ضاري
وتقدم صالح: عيسى تعال اجلس على سريرك لا تتعب
صرخ عيسى بدموع: مابييييي مابييي شي لا تسرق من هاللحظه بعد لا تسرق حياتي مره ثانيه خلني افرح بولدي اللي اخذته مني خلني اشبع منه قبل اموت
.
صرخ عيسى بدموع: مابييييي مابييي شي لا تسرق من هاللحظه بعد لا تسرق حياتي مره ثانيه خلني افرح بولدي اللي اخذته مني خلني اشبع منه قبل اموت
التفت لضاري وهو يمسك يده وقال ببكى: سعود تكفى لا تخليني يا سعود لا لا ضاري اللي تبي سعود ولا ضاري لكن تكفى لا تخليني يا ولدي لا تتركني تكفى انا مالي حياة الا فيك تكفى يا ولدي تكفى لا تظلمني بذنب غيري لا توجعني وتقسى علي مع هالدنيا كفايه علي فقد امك مابي افقدك بعد ما لقيتك
بدا يتنفس بسرعه وهو يترجى ضاري اللي يناظر عقاب
لكن جاء صالح يركض : عيسى عيسى
وصرخ في عقاب: ناد الممرضييين بسرعه
طاح عيسى وركض عقاب مفجوع وفز ضاري يرفعه لسرير مع صالح ودخلوا الممرضين وهم يطلعونهم برا ووقف ضاري مرعوب لكن الصوره في يده للحين ويناظرها ويناظر الباب خايف ومتوتر وصالح يدور وهو يدعي اما عقاب كان يحاول يهدي ضاري
_______________________.
وفي بيت عقاب
بعد ما نظفوا سحر وشهد كل اغراض شهد وحطوها على جنب جلسوا بحيره وعزوز واقف ومتكتف بضيق
شهد: وش السوات وش بنسوي الحين
عزوز: وش بنسوي يعني صار اللي صار وسواتهم ماينسكت عليها
سحر: الله يهديهم وش لهم بهالشر
عزوز بغضب: كنت حاس ان هالثنتين مايجيبون خير
شهد:ماهمتني وجد ولا ابيها لكن مابي عقاب يطلق وعد والله هي اكثر وحده تناسبه وهو متعلق بخليفه
عزوز: عقاب ووعد كلهم قويين ومايقدرون يكملون مع بعض
سحر: اااه ياربي تكون في عونا بس وش نتحمل عشان نتحمل
سكتوا على دق الباب وكان ماجد وطلعت له سحر وهي توصي اخوانها على انفسهم
ماجد : سحر ياقلبي وش فيك وش مضايقك!؟ صار شي!؟ ماكانت سحر قادره تقول المشكله لماجد لكن قالت: متضايقه من حال عقاب
ماجد : ماعليك لا تشيلين همه عقاب رجال وعقله في راسه ويعرف كيف يتصرف
سحر: يارب انك تهديه لطريق الصواب
ماجد : امين
تحركوا متجهين لدمام وتركوا الخفجي بحوسة مشاكله
_______________________.
وفي المستشفى من جديد
للحين ينتظرون وللحين ضاري خايف لين طله لهم الدكتور وهو يكلم صالح وجاء عقاب مع صالح لكن ضاري ما تحرك وبعد شوي جاء عقاب وجلس جنب ضاري وهو يقول : حمدلله ماصار له شي بس يقولون هاذي طبيعة مرضه
همس ضاري بضعف: وش مرضه !؟ عقاب :عضلة قلبه ضعيفه وعنده انسداد قوي فالشرايين وحتى رئته متضرره
صد ضاري يحاول يثبت ووقف وهو يقول : خلنا نروح ياعقاب تكفى
عقاب : وتخليه
ضاري : اكيد نايم وغير كذا امي وراي ومضاوي بعد مقدر اخليهم
عقاب : اجل يلا حتى انا خواني وراي .
.
.
عقاب : اجل يلا حتى انا خواني وراي
راحوا حتى ماودعوا صالح وهم يفكرون باللي شافواو وراح عقاب بيته وارتمى بتعب ونامز
اما ضاري دخل وشاف مضاوي جالسه مع امه وهم متوترين
وفزوا:ضاري وينك فيه خوفتنا عليك
ضاري اللي يحاول يكون طبيعي قال:ليه خايفين كان عندي شغل
ام ضاري : وين هالشغل اللي ماندري وينك فيه
ضاري : كنت مع عقاب يا يمه
مضاوي : وكيف عقاب
ضاري : بخير بخير
ام ضاري: زين اجل دامك جيت ادخل ونام تأخر الوقت
ضاري : زين زين
ودخلت ام ضاري وراح ضاري للغرفه يبدل وهو مايحس بنفسه ورجع يجلس وهو في دوامه مفجعه
مضاوي : ضاري بسم لله وش فيك لونك مخطوف عقاب فيه شي
هز راسه ضاري بهدوء ( لا)
مضاوي : اجل وش صاير
طلع ضاري الصوره بهدوء وهو يعطيها مضاوي اللي اخذتها وهي تناظر وقالت : متى تصورت!؟؟ومن هاللي معك
صد ضاري بعيون مغورقه: هذا ماهو انا هذا ابوي ومعه امي
شهقت مضاوي : وشو؟! ضاري: ايه اليوم ... كمل لها كل اللي صار ومضاوي مفجوعه تناظره بصدمه لكن كسر خاطرها ضاري اللي يحاول يكافح دموعه وهو يوصف لها شعوره المرعب : مدري ليش قلبي يرتجف يامضاوي مدري ليش خفت احس اني في حلم وبصحى منه بخيبه اخاف اصدقه ويطلع كل شي كذب وتصير غلطه وتدمر حياتي خايف يا مضاوي خايف مدري وش اسوي
قربت مضاوي بخوف تحضنه وهي تمسح على ظهره: اذكر الله ياضاري وتعوذ من ابليس وهذا هو قدامك الدليل شوف شكثر تشبهه له ناظر وبتشوف اصلا اسمع دقات قلبك وانت تسولف عنه .. ماهقيت انه غلط ياضاري
رفع راسه ضاري بخوف : وش اسوي طيب وين اروح !؟
مضاوي : دامه مظلوم وماله ذنب اجل لا تعاقبه بذنب غيره وهو كبير ومريض سامحه واعتني فيه اخر عمره وفرحه فيك واخذ حقك من اللي ظلمك وظلمه
ضاري : وامي يامضاوي وانتي وولدي
مضاوي : ياضاري ياحبيبي انت ما رح تخلينا بالعكس جب ابوك هنا معنا وعيش معنا تحت عين امك وانا معك وحتى ولدنا معك
ضاري : يعني اسامح
مضاوي: مادام ماله ذنب حرام لا تعذبه اكثر
رجع ضاري يحضنها بخوف مايدري وش يسوي اول مره يحس انه خايف ومتشتت
_______________________.
وخلال هاليومين
صار ضاري يكابر على روحه ويروح لابوه اللي كل دقيقه يتصل فيه ويطلبه مايخليه
وطبعاً راح ضاري وسامحه بعد ما اخذ اراء كل اللي حوله
وكان ضاري يعيش شعور غريب لكنه حلو
كان ينبسط اذا ابوه بدا يسولف عن ذكرياته مع امه وانه مايدري عنها سنين لكن فجأه وصله خبر موتها وهذا اللي هد حيله
.
.
.
كان ينبسط اذا ابوه بدا يسولف عن ذكرياته مع امه وانه مايدري عنها سنين لكن فجأه وصله خبر موتها وهذا اللي هد حيله ورفض ضاري وجود صالح رفض قطعي ولا يقابله في اي مكان او زمان
اما عيسى كان في فرحة الله عليم فيها وهو كل دقيقه يسجد شكر لربي
اما مضاوي كانت تدعم ضاري بكل حب رغم مشاعره
المضطربه الا انها معه لحظه بلحظه
اما ام ضاري اللي كان خوفها من فقد ضاري مستمر وهي تشوف ضاري نص يومه يروح فالمستشفى عند ابوه لكن يرجع مشتاق لها ويجلس معها ويراضيها
*** وعند عقاب اللي يحاول ينسى كل شي ويرجع من جديد يعيش ورغم محاولات جدته ام حامد انه يرجع وجد لكنه رفض وكان متفرغ لتربية عهد وحرصه على اخوانه وبين فترات حنينه لخليفه
وعند وعد اللي اللي ماتدري وش قلب حالها وليه هي حزينه كانت تخاف تصدق فكره في راسها مرعبه بالنسبه لها وكانت تبذل المستحيل عشان مايأثر غياب عقاب على خليفه
**** اما ليلى وخلف
كانوا الوحيدين اللي يعيشون ربيع حبهم ومشاعرهم الحلوه مع طفلهم المنتظر
رغم ان خلف مشغول باله بوعد وعقاب وضاري وابوه لكن مستحييل ينسى ليلى او يهملها *****
وجابر واماني اللي بدوا مرحله العلاج بدون علم احد وكل يوم جابر يدعي ان الله يفرحهم بطفل
وكل يوم واماني تثبت له ان حياتها معه تسوى الدنيا ومافيها حتى لو ماجابوا عيال
*******
اما ماجد وسحر
كانوا مشغولين بكفاحهم واصرارهم على النجاح والعلا كانت سحر مجتهده في كل شي وماجد مايقصر معها ابد **** اما نادر وشوق
كانوا غرقانين في بحر عيالهم التوأم اللي اكلوا الجو على الكل واللي كانوا درع قوي لشوق من هجوم اهلها واهل نادر
كانوا في رضا وبحب وسلام ويدعون انه مايغيب
********
واخيراً محمد اللي جاء واول ماعرف بسالفة وعد وعقاب تضايق وضاق صدره لكن فالنهايه كان مأيد قرارهم ويشوف حياتهم مع بعض مستحيله
_______________________.
وفي الليل في بيت ابو خلف
اللي كان هدوء وقف خلف بعد العشاء وهو يقول : يلا يبه انا برجع لبيتي
ام خلف : تكفى ياخلف انتبه لنفسك ولا تفكر
خلف : لا توصين حريص يمه
ابو خلف : ناموا عندنا وش وراكم ..؟
خلف : لا والله ما ودنا نضايقكم والبيت قريب
ابو خلف : اقول نام هنا بس
ام خلف : ايه ياخلف
فيصل: اجلس عشان تكون قريب من وعد هي تسمع كلامك وتطيعك
ام وعد : ايه ياخلف وتخليها تاكل وتطلع من هالغرفه
خلف : دام كذا اجلس زين
وجدان: اللــــه اشتقنا والله انك تنام عندنا
ضحكت ندى: ابشركم بعض الناس بيسنتر عنده
لفوا كلهم لغيث اللي ابتسم بحرج وقربه خلف لحضنه وهو يحضنه.
.
.

لفوا كلهم لغيث اللي ابتسم بحرج وقربه خلف لحضنه وهو يحضنه وسالم بجنب خلف بعد
فيصل: ايه بيسحبون اليوم علي
وجدان: مالومهم على اللي تسويه فيهم
ابو خلف : لا لا محد ينام عند احد خلف وليلى ينامون بغرفة العيال والعيال ينامون بالمجلس
خلف : بننام بالمجلس عادي
ابو خلف: لا تكثرون كلام ويلا
تفرقوا كلهم وراحوا العيال ينامون لكن فزت وجدان وهي تمسك خلف: طالبينك ياخليف تسهر معنا انت وليلى توه الليل بأوله
خلف : هاه يا ليلى
ليلى ببتسامه: تم ماكو مشكله
وجدان: يالبييه ياشيخه
حنان: اجل دام كذا بروح اسوي لنا شي نسهر عليه
ندى:كفو
خلف : انا بشوف وعد
راح لوعد ودق الباب ودخل واعتدلت وعد : هلا خلف انت هنا للحين
خلف : ايه وبنام هنا وبنسهر بعد ونبيك معنا
وعد :ماشاء لله غريبه
خلف : نغير جو ويلا قومي ابيك معنا
وعد : زين ابشر انوم خليفه واجي
خلف : هاتيه انا انومه اشتقت له
وعد ابتسمت وهي تشوف خلف يدور بخليفه وتذكرت عقاب وصدت بضيق
وبعد فتره نام خليفه وطلعوا كلهم السطح وفرشوا واجتمعوا وسوالف وضحك
وقالت حنان: ليلى يقولون صوتك حلو غني لنا خلينا نغير جو
ندى: ولو سمحتي نبي اغاني چويتيه
ضحككت ليلى: من عيوني
استند خلف على التكايه وهو يحب هاللحظه كثير يحب ينام وهي تغني له
كلهم استعدوا يسمعون لكن قال خلف بضحك: ليلى
لفت ليلى بحب: ياعيون ليلى
لفوا البنات بحرج وانحرجت ليلى اللي طلعت كلمتها بدون ماتحس ابتسم خلف وهو يقول : غني لهم اغنية عتاب اللي توها نزلت
ليلى : ايه والله صاچ اجل يلا
( اليوم له يومين ما مر عليّه
منين اجيبه منين .. يصعب عليّه
يمكن .. منعوه هله
يمكن زعلوه هله
احسب نجوم الليل نجمه على نجمه
قلب الولف ينام قلبي شي نيمه
يمكن منعوه هله
النجم تالي الليل دزيته ساعي
يا نجم شوف هواي نايم لا واعي
يمكن .. منعوه هله
يمكن زعلوه هله
كانت وعد للحظه تسرح وتفكر في عقاب وهو فعلاً يومين مايندراء عنه ولا جاء ولا ينشاف اخذت نفس وصدت وهي تبتسم لهم وهم يغنون ويرقصون ومبسوطين
_______________________.
وفي بيت عقاب
بعد ما رجع من دوامه ودخل شاف البيت ظلام واخوانه نايمين وقف بهدوء يناظر غرفة وعد اللي محد جاها ودخل بهدوء وتكتف يناظر كل زاويه فيها تنهد بضيق وهو ولهان على خليفه ولهان انه يتهاوش مع وعد ومشتاق لكل شي يجمعهم لكن القرار جداًصعب التفت على صوت شهد اللي وقف جنبه : اشتقت لوعد صح
ناظرها عقاب بحده:وش تخربطين انتي لا اشتقت لها ولا شي وبعدين هالكلام اكبر منك
.
. ناظرها عقاب بحده:وش تخربطين انتي لا اشتقت لها ولا شي وبعدين هالكلام اكبر منك
شهد: لا ماهو اكبر مني اصلاً ناظر نفسك وشوف حالك هذا وهي يومين وامتلى وجهك حزن اجل لو تطلقها وش بيصير
عقاب : شهد لا تنرفزيني وروحي نامي
شهد: بروح لكن اعرف انك اذا طلقت وعد كلكم بتخسروم خساره كبيره
راحت وتركته وكان عقاب متيقن ان كلامها صح بس وش بيده مافي يده شي
_______________________.
وفي المستشفى
كان ضاري جالس على الكرسي مقابل السرير ويسمع سوالف عيسى اللي قال ببتسامه فرحانه: ضاري تكفى بطلبك
ضاري : ابشر وتم
ابتسم عيسى برجفه: لا تكلمني كأني غريب نادي يبه ودي اسمعها ياولدي
ابتسم ضاري بارتباك وقال: انا ما اعرف هالكلمه ولا ادري كيف تنقال لكن ابشر يايبه
قرب عيسى برجفه وهو يحضنه: اااه ياما تمنيت اسمعها منك الحمدلله الحمدلله
ابعد بفرح وهو يقول :تعال تعال جنبي بوريك باقي الصور
كان ضاري مبتسم وفرحان وجلس جنبه وهو يسمع سوالفه لكن اول ماصار وقت نومه وقف ضاري وهو يقول : تأخر الوقت ولازم تنام وترتاح وانا بروح
عيسى برضا: زين بس بكره لا تأخر
ابتسم ضاري من عيوني يا ... يايبه
ابتسم عيسى فرحان ومبسوط وطلع ضاري بعد ماتطمن انه نام براحه
كان ضاري راضي وسعيد وكل مايتذكر فرحة ابوه اول ماقاله انه يتنظر مولود يحس انه فوق الغيم
وصل البيت وشاف امه كالعاده صاحيه لكن هالمره بقلق وتوتر
ضاري :يمه بسم لله عليك وش فيك
ام ضاري : جيت والله جابك مضاوي تعبانه والظاهر بتولد
ضاري : وشووو !وينها وينها
ام ضاري : في الغرفه
ركض ضاري اول ماوصل شاف مضاوي اللي تبكي بألم وركض لها : مضاوي بتولدين!؟
مضاوي : اللحقني تكفى
مايدري كيف اخذها لسياره وطار مع امه للمستشفى كلن متوتر وخايف وامه تهديه
_______________________.
وعند نادر
اللي نسى نوم اللي من بكى عياله كان يحس انه في دوامه من الصراخ البكى واذا تفاقم الامر وزاد صياحهم انهارت شوق معهم وهي ماتدري كيف تصرف
لكن فجأه تدخل ام نادر وتنقذهم من هالحرب
ورمى نادر نفسه بتعب : يارب انا انتهيت
شوق : نادر وش بنسوي
نادر: نصبر واجرنا على الله .
.
.
شوق : نادر وش بنسوي
نادر: نصبر واجرنا على الله
شوق : الله يكون فالعون
ضحك نادر وقال: سبحان من نزل السكينه على قلب امي
شوق بضحك: اي والله والا رحنا فيها
نادر: الحمدلله فالنهايه وانا بموت نوم خلاص
شوق : وانا بعد
قرب ضاري يحتضنها ونامت معه شوق اللي من زمان عن نوم الراحه
_______________________.
وفي المستشفى
استبشر ضاري بوجهه الممرضه اللي جت مبتسمه وهي تقول : مبروك زوجتك جابت ولد
وقف ضاري بفرح وهو يلتفت لأمه اللي حضنته بحب وهي تبارك له : مبروك يابعد الدنيا مبروك يا سندي بهالدنيا مبروك يا ولدي مبروك يا ضاري
حضنها ضاري بفرح وهو يبوس راسها: للله يبارك فيك يارب الله يبارك فيك
ام ضاري : الله يفرحك ياحبيبي وحمدلله على سلامة مضاوي
ضاري : الله يسلمك ياحبيبتي والله يخليك لي
رجع ضاري مع الممرضه يخلص باقي الاوراق وبعدها ركض يبي يشوف ولده وقف هو وامه يناظرون هالطفل اللي ملمس يدينه مثل القطيفه ناعم وحنّين
التفت لأمه اللي تقول : حمدلله اللي بلغني وشفت عيالك
ابتسم ضاري وهو يبوس راسها: حمدلله
اخذت الممرضه الولد لمضاوي وراحو معها واول مادخل ضاري وشافها ابتسم وهو يشوفها تعبانه وفي عيونها دموع لكن اول ما قرب لها وحضنها انهارت تبكي وهي تضربه بخفه وتردد: لييييه ماقلتوا لي ان الولاده كذا كان والله ما حملت
شد عليها ضاري وهو يضحك وقال : ماجربنا والله
ام ضاري: اجر وعافيه يابنتي اجر وعافيه وحمدلله على سلامتك
مضاوي بحرج: الله يسلمك
ابتسم ضاري : الف حمدلله على سلامتك
مضاوي : الله يسلمك
لف ضاري عليها : شوفي شوفي
لفت مضاوي تناظر الولد بحب واخذته لحضنها ونست الدموع والبكى اللي مر عليها نست الولاده وألمها كانت تناظر بضحكه وحب تناظر ضاري اللي يناظرها ويناظر ولده وماهو مصدق اللي تشوفه عيونه كان من اكبر المستحيلات عنده انه يتزوج ! وتزوج وأخذ أجمل واطيب انسانه في نظره ورزقه الله بمضاوي مثل العوض الطيب في حياته
وماكان يحلم انه يشيل طفله بين يدينه واليوم شاله اليوم قلبه دق بفرح وانعشه
وقف وهو يكافح دموعه وصد وقال: بروح ابشر ابوي
ام ضاري: اجلس شوي لين ترتاح وروح
ضاري :ارتحت ماعليك يلا
ركض ضاري يبشر ابوه ووصل لغرفة ابوه ودخل وشافه نايم بهدوء وبراحه مثل الطفل
وتحرك على صوت خطوات ضاري وفتح عيونه بهدوء وهو يقول: هلا هلا يا ضاري
قرب ضاري بفرح له وهو يساعده يجلس لكن حضنه بفرحه عظيمه وصلت لقلب عيسى .
.

قرب ضاري بفرح له وهو يساعده يجلس لكن حضنه بفرحه عظيمه وصلت لقلب عيسى
ومسح عيسى على ظهره : وش فيك ! وش جابك هالوقت
ابعد ضاري بفرحه وقال: ابشرك ان ربي رزقك بحفيد رزقك بسميك
عيسى بفرح:وشوووو وش قلت
ضحك ضاري : اليوم ولدت مضاوي وجابت ولد لو تشوفه يسحر الحين
ضحك عيسى بفرح: حمدلله ياربي حمدلله والف الف مبروك والحمدلله على سلامتهم
ضاري : لله يبارك فيه ويسلمك
عيسى : حمدلله ياربي ان انكتب لي اعيش هالفرحه الحمدلله
ضاري: الله يعطيك طول العمر وتشوف عيال عيالي
ابتسم عيسى: يارب ،لكن بطلبك طلب
ضاري : تم تم
عيسى: ابيك تجيبه لي
ضاري : وش ورايك تطلع معي للبيت وتكون عندهم ظ¢ظ¤ ساعه
عيسى: لكن ادويتي
ضاري: انا اعطيك اياها انا طبيبك وممرضك واللي تبي بعد وانت بخير وتقدر تكون برا المستشفى
عيسى ابتسم : ابد والله ما اردك لو اموت على بابك
وقف ضاري يبوس راسه وكتفه وقال: انت نام الحين وانا برجع لهم وبكره نتفاهم
عيسى: الله معك
راح ضاري مبسوط وفرحان يحس انه فوق الغيم
_______________________.
ومن بكره الصبح
الكل عرف بولادة مضاوي والكل يركض ويستعد عشان يروحون لها في بيتها لانها بتطلع
ومع اذان العصر الكل كان موجود مع ام ضاري في بيتها ويساعدونها لاستقبال مضاوي و ولدها
مجلس ضاري مليان والكل ينتظر
وكل الناس في كفه وعقاب اللي يناظر خليفه بحضن خلف في كفه كان يتأمله وده يقوم ياخذه ويحضنه لكن يحاول يكافح نفسه ويبطل يتعلق فيه
حاول كثير وتصدد كثير لين وصل ضاري ووقفوا كلهم له واتجهوا لمضاوي وهم حولها واللي يفتح لها الباب واللي ياخذ اغراضها واللي يسندها والكل حولها ويضحك ويبارك
وضاري اللي حاضن ولده بكل حيله وهو يدور بين العيال يوريهم
والكل ملتم حوله كلٍ يضحك لكن عقاب اللي في قلبه غصه يتصدد لكن كل اللي يسويه يدعي في قلبه ان الله يفرح ضاري بولده ويعوضه هو العوض الصالح
ولف على صوت محمد يهمس ويقول : نصيحتي لك لا تعذب نفسك ، حنيت لخليفه قم واخذه احضنه واشبع منه ترا ماله ذنب كفايه عليه فقد ابوه لا تفقده عقاب اللي حل محل ابوه وانت ادرى ياعقاب بالفقد
التفت له عقاب بهدوء وفز من محله واتجهه لخلف وهو يجلس جنبه وناظره خلف ببتسامه عذبه وقال: اخيراً ياعقاب تعبت وانا انتظرك تكسر هالمكابر وتجي وتفهم ان خليفه ماله ذنب في مشكلتك مع وعد
اخذ عقاب خليفه وهو ييسلم عليه ويحضنه وكلٍ يناظره بهدوء وعقاب اللي هدت روحه على صوت سوالف خليفه
_______________________.

.
عند الحريم
كانت مضاوي تهول وتشرح اللي مرت فيه وتناظرها ليلى بخوف من شرحها المرعب
ام خلف : الله يهديك يا مضاوي احتسبي الاجر ولا تجزعين وتروعين بعض الناس
ضحكت ام ضاري : لا ماعليها ان شاء للله بسيطه
ام ناصر : ايه ندري ان كل شي بسيط لين يصير لمضاوي ووقتها يصير كبر طويق من كثر ما تهول فيه
وعد : والله انك جبتيها ياجده
مضاوي: افا يمه
ام ضاري : لا ماعليك يا ام ناصر جمعها الله مع ضاري بتسمعين عجب العجاب
مضاوي: وانتي بعد ياخالتي
ليلى : زين يسوون فيچ
مضاوي : اااه ياربي ليتني اصيدك يالچويتيه عشان تعرفين ان الله حق
ضحكت ليلى : ما عووووزچ
ابتدت السوالف بينهم تاخذ مجراها بينهم وقربت شهد بهدوء وهي تجلس جنب وعد
ولفت لها وعد مبتسمه وقالت: شهد وش فيك كأنك متضايقه
شهد: اي والله متضايقه حيل
وعد : بسم لله عليك وش فيك
شهد : ماني مرتاحه وانا بعيد عن بيت جدي وعقاب حابس عهد اللي صارت وحده ما اعرفها ابداً وعزوز دايم طالع مع فيصل وعقاب مكتئب اغلب وقته ومتضايق وجالس لحاله ما يكلم احد الا لين يجي احد من اصحابه وانا ضعت بالطوشه
تنهدت وعد بضيق وقالت: المفروض ماطلعتوا من بيت جدي وانتم عشتوا فيه من البدايه
شهد: ايه لكن مايصير نخلي عقاب لحاله وهو في ذا الوضع
وعد : وش فيه وضعه!! ما نشوفه الا بخير ولا نسمع عنه الا انه في احسن احواله
شهد: هذا للي ودك تسمعينه انتي ! وهذا اللي يبي عقاب الناس يسمعونه لكن فالحقيقه هو مو بخير ماعمري شفته كذا ابداً ، والله ياوعد عقاب فاقدكم فتقد خليفه وفاقد حتى حياته هي صح يومين لكن كل ما التفت له اشوفه يناظر الغرفه ونفسه متعلقه فيها
ضاقت وعد وهي تحاول ما تبين تأثرها وصدت.': وش تبيني اسوي يا شهد حياتي مع عقاب انتهت وهذا هو خليفه موجود اذا يبي يشوفه وكلها ايام ويرجع اخوك على سابق عهده وكل شي بينحل المهمه الحين على ظهرك لازم تلمين شكل اخوانك وتصيرين قويه يا شهد لا تستلمين لضيق نصيحه مني
وقفت وعد وراحت تدور اي شي تسويه ولا تجلس تسمع هالكلام من شهد
_______________________.
وعند ضاري
اللي رجع لابوه وهو يجهزه عشان ياخذه مع لبيته وهو فرحان فيه وفرحان عيسى بعد والتفت على صوت صالح يقول : وين اخذه !؟؟ كان عقاب وخلف معه وهم ينتظرون ضاري اللي التفت بحده : وانت شعليك !!؟ صالح : الظاهر انهبلت، وين بتودي رجال مريض
ضاري : ان كان مريض فهو مريض بسببك ولا تفكر اني بخليه عندك دقيقه
صالح: عيسى ما انت طالع من هنا ابد
ضاري : وش بتسوي يعني!! صالح: ابوك ادرى وش بسوي فيك

.
صالح: ابوك ادرى وش بسوي فيك
عقاب اللي كان يدور اي احد يطلع فيه غيضه وانفلت عليه بغضب وهو يضرب كتفه بكل قوته: قل وش بتسوي اذا انت رجال قل وش بتسوي
مسكه خلف : عقاب اهجد
عقاب اللي كان يتفلت عليه : انطق انطق
ضاري : عقاب اتركه ما يستاهل تعال ساعدني
عيسى : انا رايح مع ولدي لو تقلب الدنيا على راسي مارجعت
طلع صالح بغضب وطلع ضاري بأبوه وخلف وعقاب معه
وكل ما مروا بشارع كان عيسى يناظر بتأمل من زمان مااشاف الناس والشارع من زمان عن الحياه
وصلوا بيت ضاري والكل كان في استقبال عيسى والكل ينتظر بهدوء أبو ضاري اللي طلع فجأه
ساعده ضاري اللي مهتم فيه اهتمام كبييييير جلسواا بعد السلام
ودخل ضاري وهو ينادي: يمه يمه
ام ضاري : هلا يا يمه وش فيك
ضاري : يمه ابوي هنا وابيك تجيبين الولد ابيه يسلم عليه
ام ضاري: جبته هنا يا ضاري !؟ لو صار له شي
ضاري : لا مارح يصير له شي كذا هو بخير
ام ضاري : اللي تبيه يمه الحين اخلي مضاوي تجيب لك الولد اخاف اشيله واطيحه
ابتسم ضاري : زين
وقف ينتظر وبعد فترة جت له مضاوي واسرع لها: عطيني عنك
مضاوي : خذ
اخذ الولد وهو يمسح عليه بهدوء والتفت : انتي بخير
مضاوي: انا بخييييير وانااشوفك مبسوط وبخير
ضاري : اووه يامضاوي اوووه ياكثر ماني فرحان
مضاوي :لله يتمم عليك ياحبيبي
ضاري : امين .. يلا انا بروح لابوي
اخذ ولده وطلع لعيسى اللي ابتسم اول ماشاف ولد ضاري وجلس ضاري وهو يمده له وابتسم : خذ سميك يا جده
اخذه عيسى بيد ترجف كان يناظره بتأمل والكل يتأملهم
وقال ابو ناصر: اذن فيه اذنه يا ابو ضاري
رفعه ضاري وبدر عيسى يأذن في اذنه وهو يرتجف وصوته يرتجف من العبره وبعد ما انتهى باس ضاري راسه وهو يقول : ياجماعة الخير من اليوم ورايح بتنادوني ابو عيسى
ابو ناصر: الله يفرحك في عيسى يا ابو عيسى
ابو خلف : الله يجعله من الصالحين
محمد: الله يرزقك بره
الكل: امين
_______________________.
ومن هاليوم الحلو
كملت ايام ضاري الحلوه اللي كان كل يوم يصحى ويشوف ابوه وولده وامه ومضاوي يحس انه في جنه وماهو مصدق هالحياه الحلوه
وكانت مضاوي تسعى في انها تسعد ضاري وتطمن روحه كانت كل ماتشوفه مقبل تجلس فترات تتأمله بحب وكيف كانت بتخرب حياة هالانسان ***
وفي طرف خلف
اللي حياته اصلاً من يوم عرف ليلى وهي حلوه واللي كل يوم يشوفها يحمد ربه ان هالصدفه جمعتهم
وليلى اللي بنفس مشاعر خلف كانت مكمله مراحل حملها ***
ونادر وشوق اللي خلاص قفوا باب الايام الشينه وبدت مرحلتهم الحلوه في تربية عيالهم ***
.
وفي بيت سحر وماجد كانوا مكملين في تفهمهم وماشيين في اسلوب الحب العذب الجميل
*** وفي بيت ابو خلف
ودعوا وحده من شموع بيتهم وتزوجت ندى ممدوح وقام لهم عرس جدد الحياه في نفوس الكل
وصفى بيت ابو خلف على حنان ووجدان ووعد وفيصل وغيث وسالم *** وفي بيت الجد قايد
اللي فضى من فترة اخذ عقاب اخوانه كان البيت فاضي يسكنه ابو ناصر وام ناصر ومحمد اللي اغلب ايامه مسافر
ومضاوي في بيتها وهيا بعد في بيتها ***
وفي طرف اماني وجابر
اللي كل خطواتهم مع بعض كانوا يستعدون لنقله كبيره في حياتهم منتظره من زمان وكانوا يحيطونها بحبهم العذب *** وفي اخر المراحل
كان هناك عقاب اللي ابد مابدت له حياته على مايبي واللي انقلبت في موازينه في شهور بسيطه كان يتوقع انه اكبر من هاللي يصير وانه كل ما تقدمت الايام بيصير اقوى لكن انصدم مع كل ساعه يضعف مع مرور الوقت يحتر صدره اكثر من قبل وبدت تذوبرفي قلبه امور كثيره
كان يظن انه قوي لكن اكتشف انه هش كثييييير ومستند على صفات قديمه داخله قبل تدخل وعد حياته وتهزها
وماكان هو لحاله ملاحظ لا الكل شايف وبدت مرحله الرجوع عند عقاب اللي صار يحاول انه يرجع وعد ولكن ماكانت ترضى وبدا يدخل واسطات لكن مافاد وبعدها بدت مرحلة اليأس والانهيار عنده *** ومن طرف وعد
اللي على كثر ما حلفت وقطعت على نفسها وعود انها تهد عقاب وقدرت تهده وشافت بعينها يمينها وقسمها تنفذ كان المفروض تنبسط لكن للاسف في داخلها ضيق ما دمحته هالشهور ابد
وبدت تتيقن ان عقاب فعلاً بيصير عقوبه ملازمتها في حياتها ماتقدر تبعدها ابد
وخصوصاً ان خليفه تعلق اكثر في عقاب وخرج الموضوع عن السيطره
ومع ذلك كانت مصره ما تخضع ولا تعيد الغلطه وترجع مع عقاب
_______________________.
وبعد ظ¨ شهور
مر فيها اللي مر من ايام وليالي حلوه ومتعبه
نبتدي بها من بيت خلف
اللي كان من ايامه السعيده ان يطلع مع ليلى لسطح وتدق ليلى العود وهو يغني لها
وفي عز اندماجهم كانت ليلى تردد مع صوت خلف (أنا وأنتي وبس
أنا وأنتي ومامعنا أحد
ولاغابت البسمه من ليالينا أبد
يدك في يديني والنظره في عيني
مدى ماله مدى،لك أنتي وبس
ودي نجوم الليل ماتسهر أبد
إلامعاك إنتي وبس
ولايظهر في الليالي قمر
ولايحلئ للحبايب سهر
إلا لنا أنا وأنتي وبس ومامعنا أحد )
وقبل يختمون اغنيتهم ابعدت ليلى العود وهي تضحك :خلف شووف
فز خلف وهو يناظر بطنها اللي يتحرك ضحك واخذت ليلى يده وهي تحطها على مكان حركة الطفل وضحك خلف اكثر .
.
.
وقبل يختمون اغنيتهم ابعدت ليلى العود وهي تضحك :خلف شووف
فز خلف وهو يناظر بطنها اللي يتحرك ضحك واخذت ليلى يده وهي تحطها على مكان حركة الطفل وضحك خلف اكثر
ليلى: قاعد يذكرنا إنه موجود ماصرنا انا وانت وبس
نزل خلف يبوس بطنها بضحك: ابد انت شرف وابشر بنغني لك اللي تبي
ضحكت ليلى وهي تناظر : يارب تجي بنت قول يارب ياخلف
خلف : يارب
ليلى: لايكون تبي ولد
ضحك خلف : مايفرق معي بس أميل انها تكون بنت لاني عندي ولاء للبنات ومتيقن انهم شمعت البيت
ليلى : صدقت والله
خلف : يلا يلا خلينا ننام عشان ترتاحين انتي من الصبح صاحيه
ليلى : يلا
وقف خلف يساعدها وهو يحن عليها من تعب هالحمل اخر الايام
مد ذراعه وهو يحاوطها وابتسم وهو يقول : الله ياليلى قبل فتره كنت اتشفق على شوفتك كانت اظن اني بموت ماشفتك
كنت اظن ان عثراتي في دروب حبك ما تنتهي كنت اظن اني بجلس احلم بوصلك لين اموت
ياما كبر ظني الخايف ولكن (كان عزاي إنك رجاي العذب لو كل الدروب عثور )
والحمدلله جمعني ربي فيك وامتلى صدري بحبك واكتفيت وهذاني انتظر قطعة منك تملى حياتي
اعتدلت ليلى بصعوبة وهي تحضنه وابعدت تناظره بعيون هيمانه : تدري انك اعظم دعوة حلوه صابتني خلف انا ممنونه للحظه اللي جمعتني فيك والصدفه للي جابتك لي وانا مستعده اضحي بكل شي وتكون مبسوط ومرتاح انا لو افكر مليون سنه شنو سويت عشان الله يرزقني بأطيب قلب صدقني مارح اقدر اقارنك بأي نعمه ثانيه
والله اني كل ما افتح عيوني ادعي ان الله يخليك لي ولا يذوقني حزنك
حضنها خلف بحب وهو خلااااااص وصل اقصى مراحل الحب والعذوبه مع ليلى
_______________________.
وفي بيت نادر
كان نوم الليل مودعهم من فتره وهم متقاسمين العناء
وواقف هو بولده محمد وواقفه شوق بولدهم احمد
وهم يتقاطعون الطريق وهم يهزون فيهم واخيراً بعد جهد ناموا وقربوا ينزلونهم بهدوء وبعدها ارتموا بتعب بجنب بعض مهلوكييييين
شوق : ياربي متى يكبرون تعبت والله
ابتسم نادر وهو يلتفت ويحضنها : والله انا اشوف انهم كل ماكبروا كبر همهم وكل ماكبروا نسينا انفسنا معهم
ناظرته شوق ببتسامه : والله صدقت نسينا الدنيا معهم
مد يده نادر بشويش وهو يشبكها بيدها وقربها ويبوسها واخذ نفس : كل ماقلت انتهى شي نبتدي بشي جديد لكن في كل هاللي يصير اشوف أنها تقربنا حتى لو ابعدنا وكل مره اتذكر الايام الصعبه في حياتي احمد ربي انك كنتي معي وكنتي رجاي العذب اللي ينسيني تعب الدروب وعثراته .
.
.
كنتي معي وكنتي رجاي العذب اللي ينسيني تعب الدروب وعثراته
شوق : اذا انت تقول هالكلام انا وش اقول يا نادر ! قلي انا كيف ارد جميلك وانت اللي عطيتني الامان والحب الطمأنينه وانت اللي حنيت علي اكثر من امي وابوي وانت اللي اخذتني لبر الامان في كل مره اتعب اول اضيع
انا مدري كيف اجازيك والله اني مدري
ابتسم نادر وهو يحضنها: مابي جزاء الا انك تكونين معي بس وتضحكين وتضحك الدنيا معك
استكنت شوق بحب وهي تدعي ان الله يقدرها وترد الجميل
_______________________.
وفي بيت ضاري
بعد ماعطى ابوه ادويته وتطمن عليه طلع وسكر الباب واتجهه لغرفة امه وهو يشوفها تلف سجادتها بعد ما صلت الوتر
قرب وهو يبوس راسها: تقبل الله ياجنة الدنيا
ام ضاري: منا ومنك ياحبيبي ، هاه عساه ابوك نام
ضاري : حمدلله اخذ ادويته ونام وبالقوه ليين ابعدته هو عيسى عن بعض
ضحكت ام ضاري : لا تلومه يا يمه عيسى ماينمل منه
ضاري : اي وللله المهم يا الغاليه جيت اشوفك تبين شي عندك شي
ام ضاري: لا يا يمه بحط راسي وانا الحين انت روح ارتاح
ضاري : ابشري يلا نوم العوافي
ام ضاري : الله يعافيك
طلع ضاري وسكر الباب وهو يمشي من بين الغرف ويفيض قلبه حب وسعاده ورضا اتجهه لغرفته وفتحها وهو يشوف مضاوي تتسحب بهدوء من جنب عيسى الصغير عشان ياحس عليها ويقوم
بس فزت برعب اول ماحست بيدين ضاري تحاوط خصرها وهمست : فجعتني الله يصلحك
ابتسم ضاري : اشوفه ماقصر ولدي
مضاوي : اااه ياربي بغيت اموت لين نام
ضحك ضاري : اووه مابغيت اخذه من ابوي
مضاوي: تحالفوا ضدنا والله
ضاري : ماعلينا المهم
مضاوي: وشو!
ضاري بهمس : اشتقت لك والله
ضحكت مضاوي بخجل : امم اقدر اقول انا اكثر
ضاري : لا ابداً ولا يمديك نهائياً .. لاني دايماً بكون احبك اكثر ومشتاق لك اكثر وبكون في كل شي اعظم واكثر .. تدرين ليه!!
مضاوي : ليه!
ضاري : لاني لازم ارد لك شوي من هالشعور اللي تخليني اعيشه انتي كل يوم تخليني اشيل معروفك اكثر واشوف اني لازم اكون رجل يليق بك
انتي خليتيني اعيش كثييير امور كنت احسها حلو ومستحيل تصير انت عزاي في كل أمر كسر ظهري انتي رجاي العذب اذا تقطعت بي السُبل وتعبت انتي الامان اذا ارهقتني عثور الدروب
انتي كنتي نقطة تحول في حياتي مستحيل اكون بدونها
مضاوي : تدري اني اندم كثير ياضاري تدري اني احط راسي على هالمخده ولا اقدر انام ! اخاف اني مر هاليوم وضايقتك ولا زعلتك ولا حتى ما لبيت لك اللي تبيه اخاف في خاطرك شي اما مافهمته
.
.
.
اخاف في خاطرك شي اما مافهمته اخاف تبي شي ولا سويته اخاف كثيير اني اقصر معك وانت اللي معيشني فوق السحاب اندم اني في يوم من الايام كنت بضيعك من يديني اندم على كل لحظة مرت ولا قلت لك وش كثر احبك اندم على كل لحظه تمر وانا ماشفتك تضحك ممبسوط
ابتسم ضاري بتعب وهو ياخذ نفس وقال: عمرك شفتي احد يتعب من السعاده ! والله اني صار قلبي يوجعني من كثر ماني مبسوط وفرحان وعمرك لا تحسين انك مقصره الا في شي واحد اذا مرت دقيقه ماضحكتني قولي انك مقصره
قربت مضاوي تحضنه ببتسامه وهي تحمد ربها على هالنعيم اللي تعيشه
_______________________.
وفي بيت جابر
اللي كعادتهم بعد ما تعشووا وروقوا وانبسطوا راح للمكتب وصار يرتب اموره عشان يروح للكويت هالفتره ورفع راسه مستغرب وقوف اماني اللي ماتجي في المكتب وهو يشتغل
نزل الاوراق وهو يقول: اماني حبيبتي شنو فيچ!
قربت اماني ببتسامه ووققت: ابد اشتقت لك
ضحك جابر ووقف يحط يده على جبينها : بسم لله عليچ ، شنو صاير
اماني : شفتك طولت بالمكتب وانا زهقت قلت اجي
جابر: افاااا زهقتي اقفل المكتب وابو المكتب بعد ولل يضيق صدرچ يابعد طوايفي والله
ضحكت اماني : طيب خلص واناجهزت القهوه هناك وانتظرك
جابر: يلا
جمع جابر اغراضه على طرف وطلع يدور اماني اتجهه للغرفه وجلس: شنو تسوين
تقدمت اماني وهي وراها علبه ومدتها ببتسامه وقالت: جبت لك هديه
جابر :الله الله شنو هذا
اماني: افتحها وشوف
اعتدل جابر وفتحها ببتسامه لكن استغرب انها ورقه ! طلعها واول مابدا يقراها انصدم وفز يناظرها مصدوم
وقرب : اماني صچ هالمكتوب
ابتسمت اماني : ايه الحمدلله بعد تعب كتب ربي لنا نرزق بطفل
شهق بفرحه وهو يحضنها ماكان مصدق ابد وهو طال انتظاره واخيراً سمع هالخبر اخيييراً
ضحك بفرح وهو يناظر الورقه للمره المليون ضحكت اماني وهي تناظر فرحته العظيمه
ابعد يناظرها وقال: ابشر امي وابوي الحين ولا انطر باچر
ابتسمت اماني: تأخر الوقت الليله خله بكره اذا شفتهم بشرهم
جابر: اي والله تعالي تعالي قعدي قعدي
جلست اماني وهي تحمد ربها مليوون مره
_______________________.
وعند ماجد وسحر
اللي من بعد مابدت الاجازه قررت سحر تحمل رغم ان ماجد كان يبيها تنهي دراستها قبل لكن سحر ماحبت انها تحرمه فرحته بطفل وهو اللي اسعدها طول هالشهور وفعلاً حملت وكانت في شهرها الثالث في عز ايام الوحم المتعبه
وزي ماكان متوقع كان ماجد مثل النسمه يظللها بحب ولا يبيها تتعب ابد وعاذرها .
.
.
وزي ماكان متوقع كان ماجد مثل النسمه يظللها بحب ولا يبيها تتعب ابد وعاذرها
كانت سحر مجرد مايدخل الليب تنام بدون ماتحس على نفسها ينقضي ليلها وهي نايمه بعمق ما تحس بشي حولها
وفي هالوقت التفت ماجد يناظرها وهي تقاوم ما تنام وتسهر معه لكن غلبها نومه ونامت على كتفه قبل لا تنتهي مقدمة الفيلم حتى ابتسم بحنيه واعتدل وهو يبعدها بشويش واخذها لسرير عشان تنام براحه وسكر كل الانوار ورجع لفيلمه اللي تعود يشوفه لحاله لكن ةل هالتعب على قلبه مثل العسل طالما ان سحر فرحانه ومبسوطه
_______________________.
وفي بيت ندى وممدوح
اللي دوبهم في بدايات حياتهم اللي كانت ندى تسعى انها تجملها قد ماتقدر
انتهت من العشاء الرومانسي اللي قررت تسويه ورتبت نفسها وتعطرت وجلست تنتظر ممدوح اللي رجع ببتسامه الهاديه فتح الباب ووقفت ندى : يا اهلاً يا اهلاً
ممدوح : يا هلا فييييك ياشمعة البيت
ابتسمت ندى واتجهت له وهي تاخذ اغراضه من يده : عساك ماتعبت
ممدوح : والله لو الدنيا واهلها فوق ظهري ما تعبت وانا أشوف هالوجهه الرضي يستقبلني
ابتسمت ندى بحرج : طيب يلا عشان تبدل وتتعشى
ممدوح : يلا
كان ممدوح راضي كل الرضا عن هالزواج وكان متوقع انه بيحصل مثل هالرضا ما دامه اخذ اخت خلف اللي يجسد كل معاني الرضا والسماحه
_______________________.
وفي بيت عقاب
دخل بعد ماجاء من دوامه وهو اصلا نسى حياته بين دوام وهالبيت رمى مفتاحه على جنب ودخل وهو يسحب نفسه وكالعاده مايمر من غرفة وعد مرور الكرام واخر الايام صار ينام فيها
التفت قبل يدخل على صوت شهد : عقاب جيت
عقاب: ايه
شهد : طيب تعال سويت لك عشاء
عقاب : لا مابي مالي نفس
اتجهت له شهد وهي تمسك يده : عشاني ياعقاب الله يخليك لا تضيع تعبي
ناظرها بضيق والتفت : زين هاتيه
جلس بتعب وركضت تحضر له الاكل وجاء عزوز: عقاب
عقاب : هلا
عزوز : اسمع ودي اقولك شغله
عقاب : وشو !؟ عزوز: ودي نرجع عند جدي اليوم متضايق حيل ويقول البيت فضى عليه هو وجدتي وعهد هذا هي تابت وعقلت وماعاد تعيد اللي سوته
تنهدت عقاب بهدوء: سو اللي تبيه يا عزوز تبي تجلس تبي تروح براحتك
عزوز: وعهد وشهد
عقاب : خذهم معك
عزوز: وانت
عقاب: انا بجلس في بيتي
عزوز: تجلس وانت هذا حالك
عقاب : وش فيه حالي طيب وبخير وايام وبتزوج
عزوز: والله
عقاب : ايه ليه وش ناقصني
عزوز: ابد ماينقصك شي وهذا عين العقل
جت شهد وهي تناظره بذهول ونزلت الاكل : صدق بتزوج
عقاب : ايه بتزوج .
.
.
عقاب : ايه بتزوج
سكتوا كلهم مستغربين قراره بس كان عقاب لازم يقوله عشان يحسون انه بخير
اكل بهدوء ورجع للغرفه ولفت شهد: صادق ذا
عزوز: يارب يكون صادق عشان يعيش ويفتك
شهد : ووعد
عزوز: وعد ما تبيه وش فيك مافهمتي للحين
صدت شهد بضيق وهي ضيقها قطرة من بحر ضيق عقاب اللي جلس بهدوء وهو كل ماتطري وعد ياخذ نفس موجع
وانسدح بعد مافتح الراديو على الاغنيه اللي استوطنته اخر فتره (طاري وعد .. يشدني .. طاري وعد
نسمة خريف .. صوت الظلام
وخوفي بعد .. يشدني
طاري وعد .. بين الكلام .. ‏
و اتحدثوا عن اثنين .. مدري متى او وين
اتواعدوا .. واتباعدوا..‏ واحس بك كثر السما
لا جفت عروقي ضما
صوت الرعد يهزني ..‏ و طاري وعد .. بين الكلام .. ‏
يا غايبه ما تسمعين .. قالوا الهوى في كلمتين
اتواعدوا .. واتباعدوا ‏
و اللي انجرح .. الله يعين و يساعدوا
ضيع وعد .. وباقي وعد بين الكلام ‏ )
كان متيقن انه فعلاً ضيع وعد
_______________________.
وفي بيت ابو خلف
انتهت وعد من ترتيب بيت اهلها وطلعت لسطح جلست لحالها والكل نايم ناظرت سطح جدها اللي صار فاضي والباب مفتوح ما تسكر من اللحظه اللي راحوا فيه عيال نايف منه .. هالباب اللي كان لازم يتسكر ويتقفل زيييين عشان عقاب اللي ينام بالسطح
وسكتت فتره على طاري عقاب اللي ماتدري عنه من شهور واذا سمعت خبر تسمع انه عايش وبس تتذكر واسطاتهم انها ترجع بس فيه شي بقلبها كبير ما تقدر تتجاوزه وترجع ولا تحله
كانت في حيره من وضع عقاب لكن في حيرة اكبر من نفسها شلون في الوقت اللي لازم تحيي نفسها وتحيي قوتها صارت تدور الهدوء عشان تفكر في عقاب!! _______________________.
ومن بكره في بيت خلف
فز على صراخ مرعب حوله والتفت على صوت ليلى اللي تبكي وهي تقول : خلف قوم
اعتدل بخوف : وش فيك وش فيك
ليلى : بولد بوووولد
ارتبك خلف وفز مايدري وش يسوي لكن اول اتجاهه لثوبع لبسه ورجع لها : يلا يلا
اخذها لسياره وهو كل مايسمعها تبكي او تصرخ ينهبل مايدري كيف يسوي لكن وقف عند باب بيت ابوه وركض يدق الباب
وفتح فيصل : خلف وش فيك
خلف : امي امي وين
فيصل : جوا
ركض لها وهو يناديها : يمه يمه
فزوا كلهم : خلف وش فيك
خلف : ألحقي يمه ليلى تولد
ام خلف : طيب طيب
ركضت وجدان تجيب اغراضها ورجعت وهي تعطيها واخذها خلف وطلع وعلى طلعته صدف اماني وجابر
جابر: خلف شنو فيك!؟ خلف : ليلى تولد
جابر: شنو ووينها!؟ خلف : بالسياره
جابر: يلا يلا بسرعه ألحق يلا

.
جابر: يلا يلا بسرعه ألحق يلا
طلع خلف مسرع ولحقه جابر ونسى سفره للكويت ووقف مع خلف يتنظر ليلى تولد
_______________________.
وفي السوق
جاء ضاري مبتسم لدكان الجد قايد بس ماشاف خلف لكن التفت على جيت نادر وعقاب في نفس الوقت
ضاري : شرفتوا ياباشوات
نادر: وين الباشا ظ¤
ضاري : مدري ما لقيته فالمحل ماشفتوه فالطريق
عقاب : لا لكن مامريت بيته ولا بيت جدي
نادر:وانا مريت من ساحة المسجد ولا شفته هناك
ضاري : غريبه
عقاب : ابد ماغريب الا الشيطان بما ان زوجته على وجه ولادة تلقاه عندها مايقدر يخليها
ضاري : في هاذي صدقت
نادر: اجل يلا شوفوا لنا مكان نفطر فيه
ضاري : ايييه وبنكثر الفطور بعض الناس صاير هيكل عظمي
ناظره عقاب بطرف عين : ضاري مالي خلق اتهاوش معك
نادر : لااااا مودع الملاعب طالما انه مايبي هواش
عقاب : امشوا بس امشوا
طلعوا متجهين لمكانهم بعد ما اخذوا فطورهم
_______________________.
وفي بيت الجد قايد
رجع عزوز وشهد وعهد
وفزت ام ناصر تهلي بهم والتفت محمد ببتسامه: اخيراً نورتوا البيت
عزوز : ايه رجعت لنا الحياه
ابو ناصر : بيتكم ومحلكم يا حبايبي
محمد : ووينه اخوكم الردي
شهد:عقاب عنده شغل بيجي شوي
ام ناصر : تعالوا تعالوا افطروا توها حنان مسويه الفطور
جلسوا والكل يسىلف ماعدا عهد اللي في صمت غريب عليها وهي اللي خلاص فهمت انها لو تنقلب الدنيا ماتقدر تضر عيال عمها وعقاب وراها
وبعد الفطور بدا الجد ينادي بيت ابو خلف للقهوه بعد ماعزوز راح ودخل ابو خلف وهو متوتر
ام ناصر: وش فيك
ابو خلف: ابد خلف اخذ زوجته للمستشفى تولد وللحين ماجاء خبر
ابو ناصر: والله الله يرزقه الذريه الصالحه
الكل : امين
محمد : ومادق
ابو خلف : ننتظر للحين
ام وعد : بسيطه ان شاء الله ادعوا الله بالتييسر بس
الكل: الله يسهل عليها
محمد : يلا اجل انا بروح للمحل الجد : كلنا بنروح قم ياناصر لا تقعد تفكر
ابو خلف : يلا يلا
طلعوا الرجال وجلسوا البنات يخمنون وش بتجيب ليلى
ووقفت وعد تجدد القهوه ورجعت وهي تسمع اماني تقول : غريبه رجعتوا يا شهد ماتقولين عقاب بياخذكم على طول
شهد: ابد عزوز ما تحمل يبعد عن جدي وجدتي اكثر وغير ذا عقاب بيتزوج واكيد مارح نجلس ونضايقه
حنان : بيتزوج!!! شهد: ايه
اماني : غريبه!
شهد: ليه ؟! اماني : يعني احسه صاد عن الزواج هالفتره
شهد : وش يسوي اذا جلس كذا بيموت
وجدان: بسم لله ليه ؟ .
.

[صواديف عشاق]

.
اماني : يعني احسه صاد عن الزواج هالفتره
شهد : وش يسوي اذا جلس كذا بيموت
وجدان: بسم لله ليه ؟
شهد: من دون ليه ؟ عقاب يبي وعد ووعد ماتبيه ومستحيل يقعد يذل نفسه كل شوي ووعد ترده وتعلق في خليفه ومع ذلك خليفه بعيد عنه صح ابيهم لبعض بس خلاص لازم يتزوج ويجيب عياال بدال ماهو متعلق في ولد ماهو ولده
سكتوا مايدرون وش يقولون وجلست وعد بهدوء برا تستوعب اللي انقال واخذت نفس ودخلت وهي تنزل القهوه وكأنها ماسمعت شي
_______________________.
وفي المستشفى
بعد انتظار طويل طلعت ام خلف وهي تضحك بفرح: ابشرك ياخليف رزقك الله ببنت
فز خلف بفرح: ولله الله يبشرك بالخييير يالغاليه وليلى وشلونها
ام خلف : بخير بخير
ابتسم خلف بفرح وراح لجابر: ابشرك يا خال شرفت بنت اختك
ضحك جابر بفرح: حمدلله على سلامتهم ومبرووك ياخلف
خلف : الله يبارك فيك يارب وعقبالك
ابتسم جابر: قريب ان شاء الله
ما انتبه خلف وهو يقول : بروح ابلغ ابوي وانت بلغ النوخذه
ابتسم جابر: زين
راح خلف يبشر الكل وهو فرحان وبعد ما بشر الدنيا راح لليلى اللي من يوم صحت وهي تضحك وتبكي ماهي مصدقه لين حطت ام خلف بنتها في يدينها ودخل خلف وابتسم وهو يشوفها وطلعت ام خلف وتقدم خلف وهو يحضن ليلى وبنتها وهو من الفرحه يحس ان بيغمى عليه
ليلى : خلف شوف
ابعد خلف يناظر البنت كانت تسحر القلب وضحك وهو يناظر خدها اللي نور بالشامه
مد يده يلمسها بخفه وقال : كنت معذب شامه والظاهر بتصير ثنتين
ليلى بضحك: اخذت شامتي والله يستر لا تاخذ حبي
خلف : افا لا وللله ما ياخذ حبك حتى الموت
ليلى: بسم لله عليك ، وش بتسميها !؟ خلف : بسميها بأسم امي الجازي
ابتسمت ليلى : ياحلاته اسم بنتي
دخلت ام خلف : هاه وينها بنيتي
خلف: هذا هي سميتك
ام خلف : وشو سميتي
خلف : ايه سميتك
ام خلف : لا تكفى طلبتك ياخلف ما تسميها بأسمي
ليلى: ليش ياخالتي
ام خلف : اسمي قديم وكبير عليها سموها اسم حلو عشان خاطري
خلف : دامك ما تبين اسمك اجل انتي سميها
ام خلف : لا تسميها امها
ليلى: انتي امها وجدتها سميها انتي
سكتوا ينتظرون ام خلف تقرر وابتسمت وهي تقول : كان نفسي اذا جاء لي بنت اسميها نور وش رايكم نسميها نور
خلف:تم نور نور
ليلى: حلو ياخالتي وانتي ام الذوق
ام خلف: الله يسعدكم يارب ويجعلها من البارين
خلف : امين
وفز فجاه : يوووه نسيت جابر .
.
. .
.
وفز فجاه : يوووه نسيت جابر
طاع يركض وشاف جابر واقف : خلف وينك
خلف: نسيتك والله المعذره ياجابر
جابر: معذور ابو جديد وعقلك طاير
ضحك خلف : تعال تعال
دخلوا لليلى اللي ابتسمت لجابر اللي يسلم عليها ويبارك وكان اول واحد يشوف بنت خلف من بعد ام خلف وخلف وليلى وانهار عليها ولا نوى يتركها لين اخذوها الممرضات
_______________________.
وفي الليل
انتشر خبر ولادة ليلى والكل جاء عشان يسلمون عليها
حتى النوخذه واهله جو من الكويت
وازدحم بيت ابو خلف والكل داخل طالع وفي عز الزحمه جات وعد وهي تنادي سالم اللي شرع الباب كله وجاء
وعد : تعال خذ خليفه معك وانتبه له
سالم : طيب
راحت وعد تجيب خليفه وهي تعطيه سالم انتهبت لعيون عليها وفزت مرتعبه اول ما حست بيد تسحبها ودخلتها داخل وسمعت صوت عقاب الغاضب يقول : طالعه بدون غطاء ياوعد! ادخلي جوا قبل ادفنك ادخلي
دخلت بخوف وهي تسكر الباب
وسمعت صوت عقاب يقول لرجال: وش عندك هنا يالحبيب
ولا كانت تعرف هالشخص اللي كان موجود كل اللي تعرفه ان عقاب بيدفنه وقفت بخوف تسمع
وكان نهيان اللي ما انتبهه لوعد كثير كان ينتظر امه تجي عشان يدخل لليلى
نهيان: شنو فيك!
عقاب : انت اللي وش فيك واقف عند باب الحريم
نهيان: ماكو انطر امي عشان ادش لليلى اسلم عليها
عقاب بغضب: لا ياروح امك ماتوقف هنا فالبيت محارمنا وتفضل اطلع برا لين يجي خلف ويدخلك
نهيان: انت شلون تحاكيني بهالطريقه
عقاب : اصفق لك يعني !؟؟ جاء خلف على الصوت : عقاب نهيان وش فيه!؟ نهيان: خلف تفاهم ويا هالرجال
خلف: عقاب وش بلاك!؟ عقاب : ابد طال عمرت واقف عند باب الحريم والباب مشرع والحريم مكشوفين
نهيان: ماكنت ادري انه باب حريم ولا شفت احد
خلف : حصل خير يانهيان امسحها بوجهي ودقايق وتجي خالتي انتظر شوي بس
وسحب عقاب على جنب : وش بلاك انت انهبلت تهاوش الضيف
عقاب : لاااا وش رايك اخليه يكشف محارمنا عشانه ضيف
خلف:محد كشف محارمك الرجال ينتظر امه
عقاب : يعني ياخلف!!
خلف : يعني لا تكبر المشاكل ادمي وبيدخل لاخته ويطلع
سحب يده عقاب بغضب وقال :زين ياخلل زين
طلع بغضب من العشاء ومن البيت كله
وهز راسه خلف بياظ”س وراح وهو ينادي ضاري : سم
خلف : تكفى روح ورا هالخبل لللي انهبل وقعد
ضاري بضحك: حمدلله اظ”يدتوني اخيراً انه خبل
خلف :ضاااري
راح ضاري وهو يضحك وراح وراه نادر بعد ورجع خلف لضيوفه اللي ملوا المكان
_______________________. .
.
.
وعند الحريم
كانوا كلهم حول بنت خلف ويناظرونها
مضاوي : انا اراهن اذا ما خلف جته سكته قلبيه بسبتها
ام خلف : بسم لله عليه
هيا : بسم لله عليه اكيد لكن مضاوي تقصد ان خلف يموت على البنات وهالبنت بتاكل قلبه
ندى: يوووه ليتكم تشوفونه بالقوه طلع
مضاوي : لا وليلوه مسويه شغل ومورثتها الشامه بعد
مريم بضحك: عشان تضمن الابو وبنته بصفها
ضحكت ليلى وهي تدري ان اكثر شي بيحبه خلف هو هالشامه
وجدان: ليلى ليه ماسميتوها وجدان احلى
ليلى: سمتها خالتي
ام ناصر : عز الله سمتها اسم حلو
ام نهيان: دايم ذوق ام خلف
ام خلف : الله يسلمك
سحر: لايق لها
ابتسمت اماني : دام اليوم حلو اجل ببشركم بشاره
الكل: وشو ؟
اماني : ابشركم اني حامل
فزوا كلهم بفرح وكانت الفرحه الاكبر من نصيب ام نهيان اللي تحضنها وتبارك لها وتزغرط
وانحرجت اماني لكن فرحت لفرحتها لهم
_______________________.
وفي قسم الرجال
وقف جابر بعد وهو يبشرهم ونفس الموقف تكرر الكل وقف يبارك
ابو ناصر : اييه هاذي الاخبار الزينه
النوخذه: ماشاء الله تبارك الله الحمدلله الحمدلله
محمد : الله يديم هالفرحه يارب
الكل : امين
كان خلف يروح ويجي ومشغول باله بعقاب اللي راح وراحوا معه نادر وضاري ومارجعوا للعشاء
_______________________.
وفي اسفل الحاره
كانوا ضاري ونادر يركضون ورا عقاب لين وقفوه
ضاري : خييير انت وش هالنشاط هذا وانت لا تاكل ولا تشرب اجل لو فيك هالطاقه بتطير
عقاب بصراخ : ضااااااريي فكني شرك
نادر: ويصارخ بعد !؟ انت اللي وش بلاك قمت بشرك
عقاب : انا لو ماقضيت على نهيان ذا ماني مرتاح
ضاري : وش سوا لك
عقاب :واقف عند باب الحريم
نادر: واقف يعني مادخل وبيسلم على اخته ويطلع انت وش حارق رزك
عقاب :اقولك يشوف الحريم
ضاري : اكيد ماجاء يشوفهم ولو خلف يدري انت ممكن يشوف احد ما دخله
عقاب اللي فقد اعصابه قال بغضب :انا شفته بعيوني شاف وعد
سكتوا فجأه لكن انفجروا ضحك بعد ما سمعوا كلامه وصرخ اكثر:ضحكت من سرك بلى انت وياه وش يضحك
نادر: ياعقاب ارحم نفسك مية حرمه فالبيت وما لقى نهيان يشوف الا وعد ؟
ضاري : الظاهر انت اللي تشوف وعد ماهو نهيان
عقاب: تتمسخر علي انت وهو
ضاري : يا صاحبي ما نتمسخر لكن حدث العاقل بما يعقل
طنشهم عقاب وراح يمشي لكن في لحظة غلط صقع في واحد من الشباب اللي قال بنفس غضب عقاب : خيييييييييير ما تشوف
عقاب : ايه ماشوف وش بتسوي
ضاري : ألحق يا ولد
ركض ضاري ونادو بيفرقون بس اشتبكوا هم بعد
.
.
.

ركض ضاري ونادو بيفرقون بس اشتبكوا هم بعد وقبت مشكله طويله عريضه بينهم ولا فرقتهم الا الشرطه وسحبتهم كلهم للقسم
ضاري : عساك ارتحت الحين !؟ عقاب : لا باقي ودك اكمل عليك
نادر: بس فكوني شركم
سكتوا كلهم ينتظرون بهدوء ومحد يكلم الثاني لكن بعد شوي انفجر ضاري يضحك وهو يتذكر احداث الهوشه وصفوا معه كلهم يضحكون
_______________________.
وفي بيت ابو خلف
الكل تعشوا وراحوا ودخل خلف وهو متوتر وقبل يوصل للغرفه نادته وعد : خلف
خلف : سمي
وعد : ابيك بموضوع انت وابوي وفيصل
خلف : ابشري تعالي
اتجهوا للمجلس وجلسوا ينتظرون وعد تتكلم وكانت متوتره وبعدها قالت: انا موافقه ارجع لعقاب
الكل بصدمه:نعم ؟! وعد: اتوقع ان عقاب عرف غلطته وكذا اقدر ارجع له
ابو خلف:دامك بترجعين وشوله غربلتيه
سكتت وعد ماردت عليهم وقال فيصل:متأكده ياوعد
وعد:ايه خلف:انتي ابخص ياوعد وحنا ودنا تجتمعون ولا تفترقوون
ابو خلف: زين الله يكتب اللي فيه الخير وهذا وانا ابوك في صالحك وصالح ولدك
وعد: ادري يبه
ابو خلف : يلا بكره نكلم عقاب
طلعت وعد وهي ماتدري ليه قررت هالقرار فجأه بس بعد ماسمعت انه بيتزوج ماتدري وش جاها فجأه وقفت تناظر نفسها ببتسامه وهي تشوف انها اخذت حقها من عقاب لان الكل يدري انه ميت عليها ويبيها ترجع ويدفع دم قلبه
كانت ودها يجي بكره بسرعه وتشوف ردة فعل عقاب
_______________________.
ومن بكره
بدوا يفقدون عقاب وضااري ونادر اللي مايندرى وينهم وبدا خلف يدور عليهم ألين اذن المغرب وهو مثل المجنون يدور ومحمد وفيصل وعزوز والكل يدور في كل مكان واخيراً وصله خبر انه فالقسم
وراحوا مستغربين اللي صار واول ماشافهم خلف
قال ضاري : مابغيت تشرف وتطلعنا
خلف:وش تسوون هنا ياقليل الخاتمه انت وياه
ضاري : ابد ولد عمك كان مكتوم نفسياً وفي راسه حب ماانطحن وتهاوش مع شله وزي ماعينك تشوف تضرر الجنب اليسار منه بس ابشرك فزعنا وانقذناه
محمد وهو يناظر خد عقاب الايسر اللي فيه جرح : وش جاك انت ماعاد تجمع
عقاب : خلاص ياخي طلعونا وخلونا نهج
نادر: يلا يلا ورانا اهل مايدرون عنا
محمد : يلا خلصوا
طلعوهم بكفاله وكل واحد راح لبيته واولهم عقاب اللي ما انتظر احد يكلمه وكان ضايق حتى من نفسه دخل بغضب وهو يرمي شماغه وكل شي في يده جلس فتره على الباب يبي يفهم هو وش يصير فيه وش عليه من وعد دامها ماتبيه وش يبي فيها لكن اخذ نفس اول تذكر عيونها المفجوعه من غضبه ملمس يدها الحرير اللي ما غاب عنه حتى في عز عصبيته شعرها ووجهها وكل شي يحيي ذكراها فيه .
.
.
ملمس يدها الحرير اللي ما غاب عنه حتى في عز عصبيته شعرها ووجهها وكل شي يحيي ذكراها فيه
صد بضيق اول ماسمع صوت ضحك يشبهه صوت خليفه نزل راسه بزعل انه يتخيل حتى صوت ضحك خليفه لكن سمع بعد صوت وعد تغني لخليفه عشان ينام لكن ماعاد الصوت خيال اول ما دخل لداخل البيت وشاف الترتيب اللي يفرق اذا كلن بيدين وعد وريحة العود اللي تميزها وريحة عطرها في كل مكان مستحيل يكون هذا خيال والاقرب انه انجن
_______________________.
وفي بيت ابو خلف الظهر
ماكانت وعد تدري ان عقاب غايب ويدورونه وسلمت على الكل وقالت لهم انها بترجع لبيتها والكل فرحان لها طبعاًومستغربين انها ترجع بنفسها ما انتظرت عقاب
لكن هالمره حبت وعد تنازل حبت تشوف بعيونها الحب اللي يقولونه في عيون عقاب تبي تشوف كل شي على حقيقته بدون ماينقله احد لها
دخلت البيت ورتبت ونظفت كل شي بطريقتها واللبست وكشخت ورتبت نفسها وخليفه وطولت تنتظر عقاب لكن تاظ”خر
رجعت تجدد مكياجها وتثبت روجها الاحمر وبعدها رجعت لخليفه للي طفشان ويبي ينام وتحاول وعد تضحكه ولا ينام
لكن استسلمت له وقررت تنومه بس وقفت غناها على صوت الباب اللي انفتح بقوه وكالعاده كان عقاب
اللي ماكان مستوعب شي وهو يناظر وعد وعيونه بتطلع من راسه من الصدمه يناظر خليفه ويناظرها وبسرعه رجع وهو يسكر الباب وهو متوقعه خيال
حط يده على راسه وهو يسمي بالله ويتعوذ من ابليس
ورجع يفتح الغرفه لكن كان اللي يشوفه مستمر تقدم بحذر وهو يبي يتاظ”كد انه حقيقه وحط يده على كتف وعد اللي ابتسمت بهدوء وثقل كعادتها
غمض عقاب بقوه وهو يقول : يااااربي ياحبيبي
كانت وعد مصدومه من شكله اللي تغير وكان واضح عليه التعب لكن تبخر كل شي بعيونه اللي صارت تلمع وهو يناظرهم
للمره الثالثه رجع ويتاظ”كد وقال: وعد! هذا انتي !!! حلم هاللي اشوفه او علم
قبل ترد وعد انفلت خليفه من يد وعد وهو يرتمي على عقاب اللي حضنه قبل يطيح واول ماحس بحرارته على صدره بدا يستوعب لكن اقتنع اول ماقالت وعد ببتسامه: طول هالوقت وانت تروح وتجي وتبيه يصير علم وهذا هو صار
ضحك عقاب فجاظ”ه مايدريي وش هالشعور والفرحه والحب اللي يحسه تقدم ونزل خليفه وهو يبتسم : يعني وافقتي ورجعتي
وعد بهدوء : ايه رجعت
تقدم عقاب وهو مايدري كيف بيعبر عن فرحته كان مستغرب انها رجعت بعد هالرفض كله ماكان يدري وش يقول فعلاً مايدري وش يقول بس تجراظ” وقال : تدرين وش تعني رجعتك ياوعد! تدرين اني اول ماطلبتك ترجعين وانا ابيك ترجعين زوجتي ماترجعين اظ”م لخليفه ترجعين لي نعمه ماترجعين عقاب لي
.
.
.
تدرين اني اول ماطلبتك ترجعين وانا ابيك ترجعين زوجتي ماترجعين اظ”م لخليفه ترجعين لي نعمه ماترجعين عقاب لي ترجعين لي حبيبه ماترجعين لي عدوه واذا رجعنا نرجع بوعد الحب مانرجع بتدمير والتهديد نرجع بالحياه مانرجع بالموت ياوعد
كان هذا اللي تبي تسمعه وعد هاذي النقط اللي تبي تحطها حروف المحبه داخلها ابتسمت بخفه وهي تقول : انتظر الوعد منك يا عقاب وانا ماعاد عندي شي الا وعد منك اتعلق فيه انت تدري انك صرت الامل الوحيد لي ولخليفه
عقاب : انا مستعد اعطيك وعود الدنيا كلها واطلبي مني اللي تبين وقولي اللي تبين ويتم ولا عاد تساظ”لين عن الضمانات الوعود وانتي اخذتي مني رهينه ماعمري سلمتها لاحد واخذتيها انتي ، اخذتي حياة عقاب واخذتي قلبه انتي اول هزيمه لي في حياتي ياوعد واظ”جمل هزيمة مرت علي وتعبت حيل وانا انتظرك ترجعين
ماتنكر وعد انها فرحت لكن انصدمت بعد ان هذا الكلام يجي من عقاب وظلت ساكته بهدوء وابتسامه ماتدري وش تقول وش تعلق لين مد عقاب يده ليدها اخيراً وقدر يمسكها بحب بدون توتر وخوف وقال : ما انتي مجبوره على شي ياوعد ابد ما ابيك تقولين شي ابد لو تبيني اصبر عمري كله بصبر
تجراظ”ت وعد اخيراً وهي تشد على يده وهي ما زالت مبتسمه : تقول انك تعبت وانت تنتظر !
عقاب : بنتظر اذا ودك اني انتطر
وعد : واذا قلت لك اني بعد تعبت من هالمد والجزر
ابتسم عقاب بفرح : ابد انا المرسى وانا مينا
ماردت وعد اللي كلها عجب من نفسها ومن عقاب بعد لكن ماهو مخيرين ابد بالعكس تسيرهم مشاعر لها فتره محبوسه ولا عرفت تظهر لاحد الا لبعض
تقدم عقاب خطوه تمناها كثير تقدم وحضن وعد اللي كان يعتبر هالحضن مثل عشم ابليس بالجنه لكن صار وهي هي بحضنه وقادر يكون قريب من روجها الاحمر وسلاحها المدمر يده قادره تحتضن شعرها وصدره يتشبع من عطرها
ونسووا خليفه اللي نام بسريره لاول مره بدون ماتغني له وعد و...ï؟½ï؟½
_______________________.
وفي بيت ضاري
اللي دخل وابتسم اول ماشاف مضاوي اللي تركت عيسى الصغير على المرجيحه وجت له تركض : ضاري وينك !! من امس ماندري عنك
ابتسم بهمس : اشتقتي لي !
مضاوي : انا وين وانت وين اقولك خفت عليك
قرب ضاري ببتسامه: يعني اشتقتي لي
مضاوي بقلة حيله: اشتقنا ياخي بس قلي وين كنت
ضاري : مع ولد اخوك الجني تهاوش مع شله وفزعنا له ودخلونا كلنا القسم تو خلف طلعنا
مضاوي : بسم لله الرحمن الرحيم وعسى مافيه شي
ضاري : لا لا كل شي زين
مضاوي : طيب ادخل لخالتي وعمي ترا يساظ”لون من صبح واقول عندك شغل .
.راضين ياحبايب عقاب ووعد ï؟½ï؟½ï؟½ï؟½

.
مضاوي : طيب ادخل لخالتي وعمي ترا يسألون من صبح واقول عندك شغل
ضاري : يا جعلني فدا يا مضاوي
ضحكت مضاوي بحب وهي تراقبه لين دخل لابوه وهو يسرع وجلس عنده وهو يبوس راسه ويده : يبه وشلونك اليوم
عيسى : بخير لكن قلقت عليك تأخرت
ضاري : عندي شغل خلصته وجيت
عيسى: عساك ماتعبت
ضاري : لا ابد المهم انت بخير
عيسى : بخير بخير
ضاري: اجل بشوف امي وارجع
عيسى:زين
طلع ضاري لامه اللي استقبلته بنفس الحب والحنيه ومحد يدري باللي صار
_______________________.
وفي بيت نادر
استقبلته شوق بعد بنفس الخوف : وين رحت خوفتني عليك
نادر: كنت في القسم
شوق :بسم لله ليش!؟
نادر: ماعليك سالفه وانتهت المهم تعالي بحضنك والله اني تعبان ابي شي يرد روحي
ضحكت شوق : تعال تعال
نزل نادر بكل حيله عشان يحضنها ولا يمديه استكن الا داهموه عياله اللي صاروا يحبون وابعد وهو يضحك: هلا هلا حمودات
شوق : شكلهم فاقدينك اول مره تبعد عنهم
نادر : والله اني اشتقت لهم بعد
شوق : يلا على ما اجهز لك شي تاكله انشغل فيهم
راحت وتركته مع عياله يلعب معهم وفرحان فيهم
_______________________.
وفي بيت ابو خلف
رجع خلف وانصدم ان وعد رجعت لكن انبسط لها انها بترتاح اخيراً وهالمره واضح ان عقاب يحبها ويبها ومستحيل يفرط فيها مره ثانيه
دخل يدور ليلى اللي حلف ابو خلف انهم يجلسون عندهم لين تخلص ليلى فترة نفاسها وتكون قريبه من ام خلف اللي حاطتها بعيونها
دخل الغرفه اللي خصصوها لليلى اللي كانت في مرحلة الامومه اللطيفه وهي تهز بنتها بحب وابتسمت اول ما دخل خلف اللي جاء وهو يجلس قريب
ليلى : ما لقيت عقاب!؟ خلف :الا ابشرك و وعد سبقته للبيت
ليلى : الله يجمع بينهم بخير يارب ويسعدهم
خلف : امين ،عطيني بنت ابوها عطيني
اخذها وهو ييحطها على صدره ومبسوط وفرحان فيها اخذ نفس وهو يمسح عليها وابعد شوي وهو يرجع ينسدح على رجول ليلى اللي بدت تمسح على راسه ببتسامه وهي تأملهم ولا هي الا دقايق ونام خلف وعلى صدره نور
ودخلت ام خلف لكن انحرجت هي وليلى بعد
وقالت ليلى بخجل : نام وهو يلعب معها
ام خلف : ماعليه خذيها تنام في مكانه عشان ترتاح
اخذتها من خلف اللي ماحس ابد ومكمل نومته
وماقدرت ام خلف تصحيه وقررت تتركه وتروح ونام خلف بجنب ليلى اللي نامت وهي تتأمله بحب
_______________________.
ومن بكره
في بيت عقاب اللي يحس انه يحلم يحس انه بيصحى ويشوفه حلم لين حس بيدين خليفه على شعره وصوت ضحكته وهو يلعب على صدر عقاب ويحاول يصحيه فتح عيونه اخيراً
.
.
.
ويحاول يصحيه فتح عيونه اخيرا وضحك وهو يشوف وجهه قدامه حضنه بفرح وقبل يستوعب وجوده سمع صوت وعد تناديه : عقاب يلا اصحى راح الوقت
ناظرها عقاب ببتسامه واعتدل وابتسمت وعد : صباح الخير
فز عقاب على حيله وجاء وهو شايل خليفه ببتسامه: صباح النور والنويييييير يا صباح الرضا والنعييم والسرور
اخذت وعد خليفه ببتسامه: ننتظرك على الفطور
عقاب : ثواني واجي
طلعت وعد وهي تحس انها بحلم وكيف عي وعقاب صافين ويضحكون لبعض اصلا كيف صار قلبها يدق لعقاب
لفت اول ما اقشعر جسمها وهي تحس بيدينه اللي حاوطت خصرها وجلس وهو يقربها منه ببتسامه والتفت يناظر الفطور وضحك: افااا يا وعد كل هالفن والابداع وحارمتنا منه
وعد : ابد كانت لكل فعل ردة فعل يعني مستحيل اتهاوش معك واسوي لك هالسفره
عقاب : الله لا يعيدها من ايام
وعد : امين
اخذ عقاب خليفه وهو يأكله ومبسوط وقالت وعد : سمعت انك نويت تتزوج
رفع راسه عقاب وضحك: يعني هذا اللي جابك اني بغيت اتزوج
رفعت حواجبها ببتسامه واثقه وقالت : ايه ، جيت بشوف عقاب اللي يحلفون انه يبيني وشلون يتزوج غيري
نزل عقاب بيالته وقرب بنفس الابتسامه: هو صاحي عقاب عشان يتزوج غيرك!! اصلا فيه وحده تسوى تحل محلك ؟ لكن قلت اخر الطب الكي بنشر هالخبر يمكن تقرر تنكد علي وتجي من جديد بس ما توقعت انك بتغارين وتجين
ضحكت وعد بتعجب : ياما سويت هالحركات عشان تسحبني وتنكد علي يا عقاب بس الغريب انك تسويها الحين من محبه
عقاب : توني فطنت اني بغيت اضيع نفسي واضيع فرصة للحياه ماتكرر
وعد :حمدلله مرت بخيرها وشرها لكن ابي نسكر الذكريات الشينه كلها ولا ابي اذكر الجانب الاسود في حياتنا
خبط الطاوله عقاب بضحك وهو يتحكم في تصرفاته شعور حلو يطلعه من طوره : وش صار اصلا!! وش هي الذكريات الشينه نسيت كل لللي راح ولا ابي اذكر الا هالعيون اللي تصيب ولا تسمي وان كان فيه جانب اسود في حياتي معك مافيه الا شعرك الاسود الباهي الطويل
وان كان فيه مصدر عذاب مايكون الا هالروج الاحمر اللي ياحظه فيك وانا عزاي فا ايامي الشينه كلها انك رجاي العذب بعد ماكانت دروبي عثور
ضحكت وعد بحرج وذهول ماكانت تخيل عقاب يقدر يقول هالكلام كله بس قاله
ماعرفت وش تقول لكن ايقنت ان حظها الحلو قام
اما عقاب كان مستعد يقول كل كلام الغزل اللي حفظه ولللي يحس فيه ويحسه في وعد قليل وكانت جميله جمال يبهره ويفجر كل المشاعر بصدره
_______________________.

.
ويحاول يصحيه فتح عيونه اخيرا وضحك وهو يشوف وجهه قدامه حضنه بفرح وقبل يستوعب وجوده سمع صوت وعد تناديه : عقاب يلا اصحى راح الوقت
ناظرها عقاب ببتسامه واعتدل وابتسمت وعد : صباح الخير
فز عقاب على حيله وجاء وهو شايل خليفه ببتسامه: صباح النور والنويييييير يا صباح الرضا والنعييم والسرور
اخذت وعد خليفه ببتسامه: ننتظرك على الفطور
عقاب : ثواني واجي
طلعت وعد وهي تحس انها بحلم وكيف عي وعقاب صافين ويضحكون لبعض اصلا كيف صار قلبها يدق لعقاب
لفت اول ما اقشعر جسمها وهي تحس بيدينه اللي حاوطت خصرها وجلس وهو يقربها منه ببتسامه والتفت يناظر الفطور وضحك: افااا يا وعد كل هالفن والابداع وحارمتنا منه
وعد : ابد كانت لكل فعل ردة فعل يعني مستحيل اتهاوش معك واسوي لك هالسفره
عقاب : الله لا يعيدها من ايام
وعد : امين
اخذ عقاب خليفه وهو يأكله ومبسوط وقالت وعد : سمعت انك نويت تتزوج
رفع راسه عقاب وضحك: يعني هذا اللي جابك اني بغيت اتزوج
رفعت حواجبها ببتسامه واثقه وقالت : ايه ، جيت بشوف عقاب اللي يحلفون انه يبيني وشلون يتزوج غيري
نزل عقاب بيالته وقرب بنفس الابتسامه: هو صاحي عقاب عشان يتزوج غيرك!! اصلا فيه وحده تسوى تحل محلك ؟ لكن قلت اخر الطب الكي بنشر هالخبر يمكن تقرر تنكد علي وتجي من جديد بس ما توقعت انك بتغارين وتجين
ضحكت وعد بتعجب : ياما سويت هالحركات عشان تسحبني وتنكد علي يا عقاب بس الغريب انك تسويها الحين من محبه
عقاب : توني فطنت اني بغيت اضيع نفسي واضيع فرصة للحياه ماتكرر
وعد :حمدلله مرت بخيرها وشرها لكن ابي نسكر الذكريات الشينه كلها ولا ابي اذكر الجانب الاسود في حياتنا
خبط الطاوله عقاب بضحك وهو يتحكم في تصرفاته شعور حلو يطلعه من طوره : وش صار اصلا!! وش هي الذكريات الشينه نسيت كل لللي راح ولا ابي اذكر الا هالعيون اللي تصيب ولا تسمي وان كان فيه جانب اسود في حياتي معك مافيه الا شعرك الاسود الباهي الطويل
وان كان فيه مصدر عذاب مايكون الا هالروج الاحمر اللي ياحظه فيك وانا عزاي فا ايامي الشينه كلها انك رجاي العذب بعد ماكانت دروبي عثور
ضحكت وعد بحرج وذهول ماكانت تخيل عقاب يقدر يقول هالكلام كله بس قاله
ماعرفت وش تقول لكن ايقنت ان حظها الحلو قام
اما عقاب كان مستعد يقول كل كلام الغزل اللي حفظه ولللي يحس فيه ويحسه في وعد قليل وكانت جميله جمال يبهره ويفجر كل المشاعر بصدره
_______________________.

.
ويحاول يصحيه فتح عيونه اخيرا وضحك وهو يشوف وجهه قدامه حضنه بفرح وقبل يستوعب وجوده سمع صوت وعد تناديه : عقاب يلا اصحى راح الوقت
ناظرها عقاب ببتسامه واعتدل وابتسمت وعد : صباح الخير
فز عقاب على حيله وجاء وهو شايل خليفه ببتسامه: صباح النور والنويييييير يا صباح الرضا والنعييم والسرور
اخذت وعد خليفه ببتسامه: ننتظرك على الفطور
عقاب : ثواني واجي
طلعت وعد وهي تحس انها بحلم وكيف عي وعقاب صافين ويضحكون لبعض اصلا كيف صار قلبها يدق لعقاب
لفت اول ما اقشعر جسمها وهي تحس بيدينه اللي حاوطت خصرها وجلس وهو يقربها منه ببتسامه والتفت يناظر الفطور وضحك: افااا يا وعد كل هالفن والابداع وحارمتنا منه
وعد : ابد كانت لكل فعل ردة فعل يعني مستحيل اتهاوش معك واسوي لك هالسفره
عقاب : الله لا يعيدها من ايام
وعد : امين
اخذ عقاب خليفه وهو يأكله ومبسوط وقالت وعد : سمعت انك نويت تتزوج
رفع راسه عقاب وضحك: يعني هذا اللي جابك اني بغيت اتزوج
رفعت حواجبها ببتسامه واثقه وقالت : ايه ، جيت بشوف عقاب اللي يحلفون انه يبيني وشلون يتزوج غيري
نزل عقاب بيالته وقرب بنفس الابتسامه: هو صاحي عقاب عشان يتزوج غيرك!! اصلا فيه وحده تسوى تحل محلك ؟ لكن قلت اخر الطب الكي بنشر هالخبر يمكن تقرر تنكد علي وتجي من جديد بس ما توقعت انك بتغارين وتجين
ضحكت وعد بتعجب : ياما سويت هالحركات عشان تسحبني وتنكد علي يا عقاب بس الغريب انك تسويها الحين من محبه
عقاب : توني فطنت اني بغيت اضيع نفسي واضيع فرصة للحياه ماتكرر
وعد :حمدلله مرت بخيرها وشرها لكن ابي نسكر الذكريات الشينه كلها ولا ابي اذكر الجانب الاسود في حياتنا
خبط الطاوله عقاب بضحك وهو يتحكم في تصرفاته شعور حلو يطلعه من طوره : وش صار اصلا!! وش هي الذكريات الشينه نسيت كل لللي راح ولا ابي اذكر الا هالعيون اللي تصيب ولا تسمي وان كان فيه جانب اسود في حياتي معك مافيه الا شعرك الاسود الباهي الطويل
وان كان فيه مصدر عذاب مايكون الا هالروج الاحمر اللي ياحظه فيك وانا عزاي فا ايامي الشينه كلها انك رجاي العذب بعد ماكانت دروبي عثور
ضحكت وعد بحرج وذهول ماكانت تخيل عقاب يقدر يقول هالكلام كله بس قاله
ماعرفت وش تقول لكن ايقنت ان حظها الحلو قام
اما عقاب كان مستعد يقول كل كلام الغزل اللي حفظه ولللي يحس فيه ويحسه في وعد قليل وكانت جميله جمال يبهره ويفجر كل المشاعر بصدره
_______________________.

.
ك
وفي طرف عقاب ووعد
هالاثنين لللي ابتداء حبهم متأخر لكن ثبت اوتاده بكل قوه وشهدوا عليه كل من عرفهم ماكان حب عابر ابد كان حب تنطقه العيون انعرف بأسواء حالاته واجملها كان فعلاً حب عجب العجاب
كان عقاب كل يوم يحلف انه يحب وعد اكثر من قبل وكل يوم يحلف انه يعوضها ان اي شي سيء سواه بحياتها وكان كل يوم يكبر بقلبه غلا خليفه اللي مستحيل احد يوصله حتى بحمل وعد اللي استمر لشهرها التاسع صح فرح لكن خليفه اغلى
اما وعد كأن عقاب مسح على قلبها واخذها لجنة ماعمرها حلمت انها بتسكنها مع عقاب ولا تدري متى سيطر عليها حب عقاب وكانت كل يوم تصحى فيه على صوت عقاب وضحكه وحتى حنيته عليها في اصعب ايام حملها تحسه مليان بأمان وحب **** وفي بيت الجد قايد
ما تغير شي ما زال محمد حبيب الطيران والسفر والدول الجديده
ومازالت شهد تركض في رضا اخوانها وللحين في بحر دراستها اللي اخيراً اقتنع عقاب وسمح انها تدرس وتسوي اللي تبي
وعزوز اللي انتهت دراسته وبدا مشوار الوظيفه وحمل المسؤوليه
وعهد اللي قررت تبعد عن كل شي مشاكل وعلاقات وتكون مسؤووله في وظيفتها الجديده ألين كتب لها الله النصيب وتزوجت واحد من معارفهم وسافرت معاه لكندا واستقرت هناك **** وفي بيت ابو خلف
بعد زواج حنان صارت وجدان البنت الوحيده بالبيت وصارت مثل شهد تهتم بدراستها ومن بعدها ابوها واخوانها واهلها
وفيصل اللي ما صدق متى دخل مرحلة الوظيفه وبدا يكون نفسه وصار ينتظر اللحظه اللي يخطب فيها شهد اللي ماغابت عن باله ابد وفعلاً خطبها ووافقت شهد وفي الطرف المقابل خطب عزوز وجدان وبعد وافقوا وكانوا اول الاحفاد اللي يتزوجون بعض بود بدون حرب ومشاكل
وسالم اللي كبر لكن مازال بهدوءه وعقله
وغيث اللي لو كبر سنين مايكبر على حب خلف وفي كل فرصه يجي فيها خلف ينام في حضنه
ابو خلف وام خلف وام وعد كانوا زي ماهم ماتغيروا الا انهم زادتهم الدنيا سعادة بشوفة عيالهم مبسوطين
_______________________.
وبعد هالثلاث سنين
في يوم الفرح ويوم السعد في يوم زواج شهد وفيصل ووجدان وعبد العزيز ( عزوز )
كان الكل فرحان لهم ويستعدون لزواج الاغلى بالنسبه
نبدا فيه من بيت ابو خلف
لللي يجهزون كل شي عشان يطلعون لقاعة الزواجات اللي صارت زواجاتهم فيها بعد التطور
واخذ محمد شهد ووجدان لصالون والباقين يكملون التجهيزات
وفيصل وعزوز مع شلة الأنُس والسّعد يجهزونهم لليلة العمر
_______________________.
وفي الحلاق
بين كرسي فيصل وعزوز كان واقف تركي غني لهم الباقين يصفقون وضاري يرقص
.
بين كرسي فيصل وعزوز كان واقف تركي غني لهم الباقين يصفقون وضاري يرقص وعقاب يتأمل عزوز كيف السنين كبرته وصار بيتزوج ومو بس عزوز حتى شهد
ونفس الشعور يحسه خلف اللي يشوف فرحة فيصل ويبتسم بفرح
وقفوا بعد ماخلصوا حلاقه وترتبوا وقال محمد : وين الصوت ياتركي
ضاري : غن لهم غن لهم اليوم يوم السعد
جابر :اعتدلوا ياشباب بنشوف العرسان
استجاب تركب بسرعه وهو يصفق : أعدلوا الصف معرسنا حضر اعدوا الصف معاريسنا حضروا
وكمل ضاري معه بضحك: باركوا له عسى عمره طويل
وغنوا كلهم معه : وافرحوا له خذى غاية مُناه
وشيلوا الصف ياللي حاضرين
نادر: يلا يلا عساه سعيد ومبارك شدوا حيلكم عشان تروحون تجهزون مابقى وقت
خلف : اي والله
ممدوح : انا بوصلهم
محمد : لحد يوصل احد كلكم تروحون لبيوتكم وتجهزون والمغرب نلتقي بالقاعه
تركي : ايه احسن بدون زحمه ويجهزون براحتهم
خلف: اجل يلا ابوي وجدي لحالهم
افترقوا كل واحد راح لبيته يستعدون
_______________________.
وفي الصالون
الكل كان يجهز واللي تخلص بدري تطلع مع سالم للبيت عشان تجهز
وقبل يطلعون يمرون على شهد و وجدان يشوفون وش خلصوا
ووقفوا كلهم يناظرون ببتسامه
وعد : ياسرع الايام ماتوقعت ان يجي يوم واحضر زواجكم انتم بذات
وجدان: لييه مايليق علينا
وعد : يليق بس احسكم بعيوني صغار
ندى: تكفين ياوعد لا تجيبين طاري امي من امس منهاره
سحر: كلنا مانا مصدقين
شهد: خلاص تكفون
هيا : يلا يلا خلاص لا تبكونا ،محمد برا ينتظر
حنان: يلا يلا
وطلعوا كلهم من الصالون للبيت ومن بعدها للقاعه
_______________________.
وفي بيت عقاب
دخل مستعجل يبي يجهز ويلحق يشوف شهد وعزوز دخل يتروش بعجله لكن طلع بسرعه اول ما سمع صوت خليفه اللي يدق عليه الباب وهو يناديه بلهجة الاطفال : بابا انا جيت
طلع عقاب يضحك وهو يادوب لحق يلف المنشفه على خصره من كثر ماهو يحب خليفه وصوت خليفه
رفعه وهو يرميه فوق ويحضنه بضحك: ياهلا يا هلا وانا ابوك يا هلا اسفرت وانورت و...
والتفت قبل يكمل لكن ضحك وهو ينزل خليفه وهو سااارح في وعد اللي واقفه قدامه وهو تلبس اسوارتها وكانت جاهزه وكاشخه وتستعد انها تطلع كانت فاتنه وهي في شهرها التاسع ورغم التعب الا انها جداً جميله
ترك خليفه وتقدم لها ما يحس بنفسه اخذ الاسوواره من يديها ورفع يدها وهو يبوس معصمها ورجع يلبسها الاسواره وقال: لي ثلاث سنين وأن أسال ! إلى متى وأنتي : جميله .. يا جميله ؟! إلى متى وانا اقراء على قلبي لا يطلع من ضلوعي كل مايشوفك ، والى متى والموت حدر رموشك السود يتصيّد؟
.
.
.
إلى متى وانا اقراء على قلبي لا يطلع من ضلوعي كل مايشوفك ، والى متى والموت حدر رموشك السود يتصيّد؟
ضحكت وعد بخجل ومدت يدها وهي تحاوط رقبة عقاب بحُب : هالتساؤل يخصك " ياللي عيونك‏ تشرق بي والعرب قبلة "
عقاب : لا لا تكفين لا تكثرين علي، كفايه علي هالزين كله !!فوق زين الوجهه!! زين كلام !؟
وعد : وش في يديني .! ترضى اني اسكت وانت لحالك تشرق بي وتغرب
مارد عقاب بكلام ابد وهو هيمان وقرب بحب لكن ابعد اول ما صرخ خليفه بغضب لانه يناديه ولا يسمعه بااباااااااا
ابعد عقاب : نعم نعععععم نعععععم
مد له خليفه يده عشان يشيله واخذه عقاب وهو يضحك: حاسدك ولدك يا وعد
ضحكت وعد: عوايده لكن يلا خلص نبي نلحق
عقاب : بخلص بس لا تجلسين عندي قلبي يضعف ولا اتحمل
وعد : يلا باخذ خليفه اجهزه وانت اجهز
طلعت وعد تجهز وعقاب بعد يجهز وهو كل دقيقه يلتفت ويناظرها من الشباك وهي تجهز خليفه وتغني له وتضحك له
ومازال يحمد ربي انه ماضيعها من يده
_______________________.
وفي بيت خلف
دخل وهو يردد الاغنيه ومبسوط وطلت ليلى من الغرفه وهي تدق اصبع بضحك : ايوه ايوه المزاج عالي يا حبيبي
ضحك خلف لها وقبل يرد جات له بنته نوره تركض له وهي توها طالعه من الحمام ومتروشه : باباااااا
استقبلها خلف وهو يحضنها واتجهه لليلى وهو يمسك يديها ويلفها : غصب علي يصير مزاجي عالي وانا ادري اني بجي واشوف هالجمال اليوسفي
ليلى : شنو رايك بالله عليك !؟
خلف : يا بنت النوخذه خافي الله في هالناس ! انتي ماخليتي للبنات جمال! وبعد تسأليني ؟ والله ان عيني ما تشوف اجمل منك
قاطعته نور وهي تبوسه وابعدتها ليلى بضحك: لو سمحت نزلها لان هالوقت وقتي وهالبنت ماكله عقلك
ضحك خلف وهو ينزل نور ويحضن ليلى : لا تغارين من نور وانتي ليلها لا تغارين علي من بنتي
ضحكت ليلى :بالله عليك وشلون ما اغار!؟ انا أغار عليك من رسم الخيال ومن طيف يمر عليك ومن طول التأمل بالمرايا وحتى من هذا الشماغ وذا العقال
خلف : والله اني قايل لك خافي الله ! ولا خفتيه فيني
ليلى: شدعوه ! ماتبيني احبك ؟
خلف : حبيني جعل مايحبني الا انتي لكن بشويش علي
ضحكت ليلى: خلاص اجل مارح اقولك ولا كلمه وخلص عشان نلحق
خلف : يلا يلا
وبدوا يجهزون هم بعد
_______________________.
وفي بيت نادر
من اول ما وصل وصله صوت شوق اللي تحاول تهدي التوأم وتجهزهم بدون هواشهم المعتاد
لكن يأست وهي تجلس بينهم بتعب
وجاء نادر وهو يضحك: افا والله تعبتي يانور عيني
وقفت شوق وهي تركض له تستنجد به: ألحقني يانادر انهد حيلي .
.
.
وقفت شوق وهي تركض له تستنجد به: ألحقني يانادر انهد حيلي
نادر : افا عليييك انسيهم انا اجهزهم وانتي روحي اجهزي واكشخي ولا تشيلين هم
شوق : الله يعطيك الجنه يا شيخ
راحت بسرعه تجهز واخذ نادر عياله اللي حرب بينهم عشان بجهزون وبعد جهد وجهيد قدر نادر انه يخلص من محمد واحمد صرفه لشغاله لانه تعب
اتجهه لشوق مبتسم : عمري ما توقعت اني بحارب لي اشوفك انهد حيلي ابي اخلص هالعيال وألحق اشوف هالزين كله
شوق : الله يسامحهم يادوب نشوف بعض
نادر: ماعلينا منهم خلينا في هالجمال والكمال والرقه اللي اشوفها
شوق اللي تحس انها ما كشخت المطلوب قالت: احس ان ناقصني شي
ضحك نادر بخبث : انا اقولك وش ناقصك بس قربي
قربت شوق ببراءه : وشو!؟ قربها نادر وهو اول نواياه يخرب روجها الهادي وكالعاده كانت شوق الطرف الخجول في هالقرب وكان نادر غارقٍ في شبر مويه
لكن ابعد اول ماسمع صوت العيال حوله وابعد وهو يضحك : اهلاً بالواقع
بعدت شوق بحرج وصدت وهي تعدل روجها واخذ نادر عياله وطلع ينتظرها تنتهي
_______________________.
وعند مضاوي وضاري
اللي كانو فارقين عن كل هالناس كانت الهوشه بينهم قايمه عند المرايه وكل واحد يقول ( وخر تأخرت )
مضاوي : ضاري ترا كفايه ولدك وخر يابن الحلال ما خلصت والوقت راح
ضاري: وين ما خلصتي هو بقى شي ماسويتيه كذا خلاص
مضاوي : وين خلصت باقي باقي ولا تبيني اطلع اشينهم
ضاري : والله اللي خلقني وخلقك انك اجملهم بس خليني اخلص شوفي هالحلاق مخرب شنبي ما شفته الا الحين
مضاوي : والله ماخربه والله حلو
ضاري: لا لا انتي ماتبيني اصير مزيون
مضاوي : وليه تبي تصير مزييوووون!؟ من يهمك تصير له مزيون دامني انا اشوفك مزيون من غير تبي !؟
التفت ضاري بضحك: في عيون علي ماهي بس العيون عيونك
تخصرت مضاوي: وشوووو !؟ عيون وشو ياحبيبي
ضاري : يعني '
مضاوي : ضاااااري
ضحك ضاري وهو يلتفت لها: افا عليك بس ومن في هالدنيا يهمني غيرك لكن برفع ضغطك شوي
دفته مضاوي بمزح: وخر عني وخري
ابعد ضاري يقدمها قدامه عشان تجهز ولا تركها تجهز براحتها كان يتعمد يخرب عليها وتعصب ويبوسها وتهجد
ألين حلت هالمشكله ام ضاري اللي جات ومعها عيسى: يلا يلا
اخذ ضاري عيسى وطلع معهم بعد ماجهزو متجهين لزواج
_______________________.
وفي الزواج
الكل وصل والكل سعيد
وفيصل وعزوز واقفين جنب بعض بشموخ وهاذي هي صداقتهم مع بعض من يوم هو صغير للحين وهم كتف بكتف ما افترقوا وحتى بليلة العمر كانوا مع بعض .
.
.
وفي الزواج
الكل وصل والكل سعيد
وفيصل وعزوز واقفين جنب بعض بشموخ وهاذي هي صداقتهم مع بعض من يوم هو صغير للحين وهم كتف بكتف ما افترقوا وحتى بليلة العمر كانوا مع بعض
وعلى يمينهم عقاب وخلف ومحمد وضاري ونادر وماجد وتركي وممدوح وعلى يسارهم باقي اهلهم وحبايبهم
عزوز كان شعوره طبيعي اما فيصل عجز يصبر وهو ينتظر الحظه لللي يقولون فيها ادخلوا
وكان العرس قايم بالعرضه عند الرجال وهم شايلينه
_______________________.
وعند الحريم
كانوا يستقبلون معازيمهم بفرح وعلى راس القائمه سحر اللي بمثابة الام لعزوز وشهد
و وعد اللي واقفه بثقلها وهي مبتسمه في قلبها طمئنينه وسكون
وندى اللي كعادتها هي واماني ماسكين الرقص وانضمت لهم ليلى وشوق ومضاوي
اما هيا وحنان اللط يغلب عليهم الهدوء كانوا بكل ابتسامه يصفقون
وام وعد اللي فرحتها ماتنوصف وهي مزوجه عيالها الاثنين
وام خلف اللي تشيل الدنيا من الفرح وام ناصر بعد اللي واقفه بكل حيلها تبي تحل محل نايف ولدها وزوجته في زواج عيالهم
واستمر الزواج والحماس وفي نص الزواج جات اماني لليلى وهي تضحك وطلعت من وراها شال
وضحكت ليلى: شنو!؟؟
ندى: شنو يعني تبيك ترقصين
مضاوي : اي والله نبي ننتعش بالشرقي شوقي ذبحنا المراكض
وعد : اختفت مواهب ليلى من بعد ما تزوجت شكلها
ضحكت ليلى : مو چذيه بس رقصي هالمره عليه اشتراطات
صرخ البنات وضحكت ليلى بحرج وقالت مضاوي : قومي محد قايل لخلف يلا
وقف ليلى واخذت الشال وهي تربطه على خصرها وتغيرت النغمه لشرقي وعم السكوت واعتلى صوت التصفيق والتصفير
وكانت ليلى فاتنة هالليله والكل يناظرها بأعجاب وعيون عيون حاسده وعيون تذكر الله
ومع انتهى رقصة ليلى اللي انزلت محروجه بدا التجهيز لزفة العرسان في غرفهم وبعدهاا العشاء
_______________________.
وعند الرجال
ماصدقوا قالوا لهم جت الزفه ودخلوا
اول شي فيصل معاه عقاب ومعاه ومحمد وابو ناصر وابو خلف
مسك ابوخلف فيصل: اركد وراك تطير
محمد بضحك: خله خله مستعجل اسبقنا اسبقنا
تقدم فيصل بضحك وقابلته امه وجدته وام خلف وخواته وكان يبي يتخطى الكل ويوصل للغرفه وفعلاً وصل اخيراً
ودخل وفي داخله شهقه كبيره مكتومه اخيراً شاف شهد للمره الثانيه هالمره بتكون دايماً تحت عينه
وقف جنبها بعد مارد وهو مبتسم وتقدموا له كلهم يسلمون
لكن وقف عقاب عند فيصل وطال كلامه معه وتوصياته شهد اللي ماهي مثل غيرها دلوعة قلبه اللي كبرت وصارت عروس وصار يخاف عليها من كل شي حوله
كان يتطمن اذا قال له فيصل بصدق: ابشر شهد في عيوني .
.
.
كان يتطمن اذا قال له فيصل بصدق: ابشر شهد في عيوني
عقاب : هذا العشم فيك ياخو خلف
ابو ناصر : يلا يلا خذ عروستك والله يستر عليك
ابو خلف : انتبه على نفسك وعلى شهد
فيصل : ابشروا
طلع بعد ماسلم عليهم وشهد رسمياً فاقده كل المشاعر كل للي تحس فيه رجفه مرعبه تملكتها هالليله
واول ماوصلوا الفندق زادت رجفتها المرعبه وجلست على اول كرسي واجهها بخوف
لكن فجأه التفت حولها ظل وعم المكان حولها الدفا ورفعت وراسها بتشوف لكن انصدمت اول ماجلس فيصل قدامها وهو يحاوطها ببشته وحضنها وهو ماوده ترتجف هالرجفه منه وقال بهدوء : شهد لا تخافين سمي بالله لا يابعد هالدنيا كلها لايجي في قلبك ذرة خوف وانا اوعدك مايصير الا للي تبين لكن لا تخافين ولاتتعبين نفسك
انقطعت انفاسها بهدوء عجزت ترد عليه لكن قدر يطمنها بهالكلام وبعد فتره ابعد وقامت بهدوء تبدل وتستعد للعشاء وهي في حيرة من شخصية فيصل الجدديده عليها
اما فيصل كان مستعد يطلع عيونه لها وتضحك وطلب العشاء وكان يحاول قد مايقدر يهديها ويسولف معها ونجح لكنه فشل في كبح شوقه وقرب و..ï؟½ï؟½
_______________________.
وفي طرف عزوز ووجدان
قبل يدخل عزوز مسكه عقاب وهو يحتضنه ويبارك له ويوصيه بعد ودخل عزوز معه جيش لكن مايحس فيهم
يببي يشوف وجدان هاللي اختارها بدون اي صدفه اختارها وهو يجهل من هي وجدان لكن يعرف انها نسخة من شهد واطباعها
لكن اول ماشافها بفستانها الابيض تاكد انه وفق في اختياره لها ووملامح الطيبه تبان عليها
رد السلام وسلم على الكل ووقف جنبها يسمع البكى والصياح وهو يحاول يتجاهل الدموع لانه من غير شي متأثر
سلم على سحر وعهد واخذ نصيبه من التوصيات وطلع بدون اي كلمه بينهم لين وصلوا الفندق نفسه
وكانت وجدان بعد هاديه لانها نوعاً ما تعرف شخصية عزوز الحلوه وكانت متوقعه منه تصرفات لطيفه وفعلاً
كانت اول كلمات عبد العزيز اللطيفه هي : ادخلي ياعروسه نورتي جناحك ونورتي حياتي وقلبي
دخلت وجدان وهي عل وجهها طيف ابتسامه وقدرت تبدل وتواجهه على العشاء بصدر رحب
لكن تتقلص سوالفها اذا انتبهت لنظراته اللي واضح عليه الانجذاب
ورغم كل المسافات تخطاها عبدالعزيز( عزوز) وقدر انه يخطي خطوته الاولى وï؟½ï؟½
_______________________.
وبعد الزواج
الكل يستعدون عشان يرجعون وواقف عقاب ينتظر وعد تطلع لانها اتصلت تبي تطلع ماقدرت تكمل السهره وهو ينتظرها كان يمر عليه ابتسامه اذا تذكرها
لكن فجأه انتبهه لوعد اللي تقول بحده: عقاااب
لف ببتسامه: سمي ياعيونه
وعد : واضح واضح اني عيونك من شاف عيونك وين وانت تضحك بعد .
.

مافهم عقاب وقال: وشو !؟ التفت اول ما حس بالنظرات وشاف سيارة احد المعازيم اللي فيها فل بنات وهم يناظرونه والتفت يضحك: افا والله ‏ما تغارين و انتي البداية و الكفاية و مسك الختام
ضحكت وعد بألم: ايه قول كذا من البدايه
ضحك عقاب : غريبه طلعتي بدري!؟ وعد : فيني ألم واخاف اولد
عقاب : هاه صادقه انتتي
وعد وهي تشد على يد عقاب : الظاهر انها الولاده ياعقاب
فز عقاب بخوف : هاه يلا يلا وين خليفه
وعد : تركته عند امي
عقاب : يلا يلا
كانت وعد متحمله طول الزواج لكن الحين ماقدرت
وراحت مع عقاب اللي خايف اكثر منها
اما وعد في عيونها ولادة خليفه وخايفه كل ما اشتد عليها الطلق شدت على ذراع عقاب اللي مايدري وش يسوي
لكن اول ماول دخلها الطوارئ وهو خايف وطال الووقت وهو ماوصل له خبر ولا قال لاحد ابد كان ينتظر بلحاله
والناس في العرس مبسوطه ألين اذن الفجر
وولدت وعد وجابت بنت وطار عقاب من الفرحه صح فرحان ببنته لكن فرحان ان وعد بخير بعد ماطلع من المستشفى لين صحت وعد وفتحت عينها وهو عندها
ناظرته بتعب : عقاب
اعتدل ووقف وهو يمسك يدها : هلا يانور عينه
وعد : ولدت!!؟
عقاب : اييه ولدتي وجبتي بنت دعيت ربي انها تشبهك
ضحكت وعد بتعب: متأكد
عقب : وابصم بالعشره بعد وعد: وينها طيب
عقاب : بيجيبونها الحين
وعد : قلت لاحد
عقاب : لا ماقلت لاحد شي كنت انتظرك
وعد : ياحبيبي ياعقاب
جلس عقاب اللي كان واقف : ياويل قلب عقاب
دخلت الممرضه بالبنت ووقف عقاب وهو ياخذها وضحك بفرح مفرط وهو يناظرها ماهو مصدق انه اخيراً شاف ضناه
وابتسمت وعد وهي تتأمله لين عطاها اياها وهم كلهم مبسوطين
_______________________.
وبعد ساعات
وصل الخبر للكل وكالعاده اجتمعوا في بيت الجد قايد عشان يباركون لعقاب وعد والكل كان موجود
وجاء عقاب ووعد من المستشفى وباستقبالهم خلف وخليفه وتقدم خلف وهو يسند وعد
ودخلها للحريم ورجع لعقاب اللي اخذ بنته ودخل لرجال اللي وقفوا يضحكون وقال ضاري بضحك: وصلت زوجة ولدي
نادر : اقول ارتاح
ماجد : انا اقول ارتاحوا كلكم انا قبلكم
عقاب : بدييينا
خلف : حمدلله ان عندي بنت وما ادخل في هالصراعات
محمد :نزاعاتكم كلها بلا قيمة ناظروا يمين وتعرفون سيد النزاعات وش بيسوي
لفوا كلهم يمين وشافوا خليفه الللي وقف يناظره عقاب بهدوء ويناظر اللي في يده بغضب وانطلق فجأه لعقاب بغيره يبي يدف هالبنت من حضنه
مسكه فيصل قبل يوصل وضحك: اقعد ياولد
عقاب : افا وانا ابو خليفه خذوها خذوها
اخذها محمد وانطلق خليفه لعقاب وهو يجلس بحضنه .
.
.
اخذها محمد وانطلق خليفه لعقاب وهو يجلس بحضنه
ابو خلف : لااا دام كذا الله يكون في عون عقاب
ضاري : تستاهل مربيه على الشر هذا هو تسلط عليك
ممدوح: ضاري حاقد عشانه كفخ ولده
ضاري : لا ياحبيبي ولدي ذيب لكن استفرد به هالاقشر يوم انه تعبان
خلف : اقول ضاري استريح ولدك مايخلي احد
نادر:ابد تحيى الحرب الابديه بين عقاب وضاري ويكملونها عيالهم
عقاب : وخروا عنه بس لا احد يقوله شي
عزوز: ايه الخوف من ياجوج وماجوج( عيال نادر) ولا خليفه مسيكين
وقف نادر يثمل الغضب بضحكه: وشوو عيالي ياجوج وماجوج
محمد: كلهم خير وبركه بس اجلسوا
لفوا على دخول نور بنت خلف وغيث ولد جابر
جابر: بس بس سكتوا سكتوا شوفوا شنو جاي لكم شوفوا الذرابه التكانه شوفوا غيث
ضاري : لا ياحبيبي لاتكانه ولاهم يحزنون يؤسفني اقولك ان ولدك نسونجي درجة اولى تارك العيال ومطيح عند البنات
اخذ خلف بنته بضحك وهو يحضنها: اي والله عادد بنتي خفيفه يجيب راسها ولدك
فيصل: ابد هذا انت قلتها بنتك رهيفه مثلك
خلف : يانفداها
ابو ناصر:عقاب قم اخذ البنت لامها قبل يوجعها الهوى
عقاب : زين زين
ابو خلف : وش سميتوها
عقاب : سمتها امها ( صِبا)
الكل : عاشت الاسامي
عقاب : تعيش ايامكم والله يجعل الفرح دايم علينا وياكم
الكل :امين
اخذها عقاب لوعد واستقبلوه الكل يباركون له
واخذ مضاوي البنت بضحك وهي تقول: طلبتك زوجها ولدي
عقاب : اقول توني متهاوش مع مجنونك والعلاقات ماتحمل زواج
مضاوي بمزح: افا مزعل ضرضورة قلبي اجل خذ بنتك مانبيها
وعد بضحك :هاتي بنتي ياخبله لا تذبحينها
عقاب :خذيها منها تراها جنيه
مضاوي: مالت
لف عقاب بحب : شهود شخبارك
ابتسمت شهد بخجل : تمام
مضاوي:ابشرك نزلت عليها ذرابه مدري منين
ضحك عقاب : شفناك قبل وحفظنا هالنموذج
مضاوي : ايييه ياعمري هالنموذج على قولك له الله اما نموذجك انت وعدووه نسخه وافق شنٌ طبقه
عقاب :وراك غيرانه منا طيب ؟
مضاوي : انا بغار !! واذا غرت اغار منكم ! والله ان صارت اني مريضه حبيبي انا وش ابي فيكم
قبل يرد عقاب قالت ام ناصر: عقاب تيسر عندنا حريم
ضحك عقاب : ابشري ياجده
قبل يطلع التفت لوعد مبتسم يناظرها نظرة حب وطلع والكل شايف وابتسمت له وعد وهي في عجب من هالحب اللي في قلبها له
ليلى : يا عيني ياعيني شنو هالنظرات شنو هالحب
ندى: قلوووووب ياناس قلوب
وجدان: انا كانت مسألة حب وعد لعقاب وعقاب لوعد عندي مثل عشم ابليس بالجنه بس سبحان الله
اماني: اقدار ياربي اقدار
وعد:وخروا عني لا تطقطقون .
.
.
سحر: ياشيخه وش حلاتكم مع بعض خليهم بس
ورجع المجلس يحيى بالسوالف من جديد وتحيى به الافراح
___________( النهايه )____________.
ومسك الختام دايظ”ماً وابداً نقول فيه ان الحياه دروس
وعبر ومسافات وعثور نطيح مره ونقوم مرااات ونشقى مره لكن ننتظر المسرات ويكسرنا الحزن مره لكن رجانا العذب يجبرنا
يكسرنا فقد ام وابو اخذتهم منا الدنيا (تماماً مثل كسر عقاب واخوانه ) لكن تجبرهم اليدين الحنونه حولهم وحواليهم مثل يدين ابو ناصر وام ناصر وابوخلف وعياله ومن بعدها يدين حبايبهم ..
وتخذلنا الدنيا لحظه وتحرمنا من اهلنا وقرايبنا لكن مصير الحي يتلاقى ومصير الكل يفرح برجعة احبابه مثل فرحة عيسى بضاري وفرحة ضاري باظ”بوه ...
وممكن الدنيا تهدينا فرح غير متوقع وبدون ما نبذل اي اسباب مثل ما اهدت ام ضاري ضاري وام خلف خلف .. اهدت خليفه عقاب .. وممكن نياظ”س للحظه من واقع انكتب لنا ونتضايق ونزعل لكن مع مرور الايام نكتشف انه خيره ! وانه هو الحياه ولا نقدر نعيش بدونه
بالضبط زي ما انكتبت شوق لنادر وكانوا كلهم يايظ”سين لكن في الحقيقه هم مصدر الحياه لبعض
ومثل ياظ”س ضاري ومضاوي من حياتهم اللي بدت بالطريق الغلط لكن كانوا اظ”عظم ثنايظ”ي وبدون بعض مستحيله الحياه
ومثل ياظ”س سحر من الحياه بعد فقد خلف لكن كان القدر مخبي لها ماجد اللي طوى صفحات الحزن من حياة سحر طوي الورق ... ويمكن الحظ يخبي لك الصدف ويجمعك بروحك الضايعه ونصيبك الحلو من الحياه ويغير حياتك المعروفه
مثل ما الصدف جابت خلف وليلى لبعض وهم اللي كانوا في حياة بعيد عن بعض بس جمعتهم وجمعة حب عظيم اظ”هلك ارواح في سبيله
وعلى اثر هالصدفه انكتبت صدفة جابر واماني اللي كان جابر فيها ميقن انها عوض ربي له... لكن يمكن الدنيا تعطيك العسر والضيقه اظ”لوان ويمكن تسلط اقرب الناس عليك ويمكن تهد حيلك ولكن في خباياها تخبي لك حظ عظيم تمر بك السنين وانت متعجب من حلاوته وجماله ومتعجب كيف كان هالحظ الجميل مصدر من مصادر عذابك
بالضبط زي ماصار مع عقاب ووعد للي اخيراً صفت لهم الدنيا واهدتهم اعذب الحياه
ويمكن تكون من حبايب الحظ وتكون حياتك سهله ولقايظ”ك بحبايبك سهل وتجمعكم جمع النصيب
مثل ما جمعت ( ندى وممدوح ، حنان وتركي ، شهد وفيصل ،عزوز ووجدان ، هيا وزوجها ، وعهد وزوجها ) ...
ولكن في طرف مظلم الحقد والحسد والظلم يفقدك حياتك وحب اهلك مثل مافقدته عهد و وجد ... وفي نهاية المطاف
يمكن يجي يوم ويتعثر بنا الحظ وينهد حيلنا من جور الدنيا اللي ترمي علينا المصايب للي ما توقعناها لكن يمد يده لنا ويسندنا صديق وجار وحبيب

.
يمكن يجي يوم ويتعثر بنا الحظ وينهد حيلنا من جور الدنيا اللي ترمي علينا المصايب للي ما توقعناها لكن يمد يده لنا ويسندنا صديق وجار وحبيب
مثل ما تعثرت الكويت وسندتها السعوديه .. ومثل ما تعثر جابر وسندته اماني
وتعثر ضاري وسندته مضاوي
وطاح خلف ورفعته ليلى
وتعثر عقاب واجتمع بوعد وساندوا بعض
وحزنت شوق واحتواها نادر
ويأست سحر واسعدها ماجد ....... ووممكن يتعثر حلمك ولكن لا توقف ولا تسمح لاحد يوقفك لا الناس ولا الظروف ، عندك حلم واصل له ،
عندك امل كمل له أللعب على كل الحيل وأضحك على كل العقول وحارب على كل المستويات المهم توصل وتاخذ حلمك بيدك
وبنلاقي يدين تساعدنا الين نوصل مثل يدين ماجد ونادر وبنلقى اصرار مثل اصرار وعد وبنلقى حنية مثل حنية خلف ونلقى رضا مثل رضا عقاب في اخر الكفاح
____________( وفي نهاية المطاف )____________.
دائماً وأبداً عزانا في مساوئ الدنيا ان السّعد رجانا العذب لو امتلت كل دروبنا عثور ..
تمت بحمدلله

[هلاك]

:r-R:

[صواديف عشاق]

شكرا لنورك هلاك

:w6w_ee8: