|
تهون الحياة الصعبة، و الطرق الطويلة بكلمة طيبة
|
اسوء شي تقعد مع حد ما يفهمك
إن حكيت ما يسمع وأن سمع ما يفهم وأن شكيت ما يحس اكثر مقولة حقيقة هي ( أن المرء مع من لايفهمه سجين ) للأسف الشديد! |
قالواً في شايب بعقله أو شيخ فى أعربه
ويحل فى مشاكلهم جاه ولده وقاله . يا بوي نبي نسألك سؤال ؟ قاله ياوليدي تفضل ،، قاله كيف أتحل فى مشاكل هالناس نبي نستفيد منك ؟ قاله يا اوليدي ساهله توا أنفهمك.. دائما أنحط الكيد علي بوعقل هو اللى أيتحمل ،، قاله باهي وأنكان جوك هم الاثنين بعقولهم أيش أدير !! رد الشايب قاله : أصحاب العقول ما يجوني ايوازوا مشاكلهم برواحهم ، العيل غضيب مامشتش عليه. قاله باهي كان جوك هم الاثنين مهابيل. أيش ادير أضحك الشايب أو قاله_هذا_وين_ازّرّط_سيدك ... خطرها عالعقول ... أيش حسك قلت قال الغناي علي الطاهر لو كان العقول زكاه اهناك ناس فيها جااايزه واللي عقله فيه ايطلع عليه زكاته |
ناس زمان قالو..!!
اللي ما ايحس بداك ماتحكيله مرات عند الناس يحكي بيك واللي عديم احساس ما تشكيله في طيحتك تلقاه شامت فيك واللي قليل الاصل ما تمشيله محال ما ينشد نهار عليك واللي امقصر من اسنين طويله ف الضيق ما تعبى عليه ايجيك |
يقولو :-
اقطع الراس ييبسن لعروق وقص السبول من رقابه وبلا مال ماتقدر تخش السوق و بلا رجال ليلك مايبان عقابه و عز الرجال يشيعك لفوق وحارث الخير زرعه ينبت صابه والشبعان ما ياكل لين يضوق والجيعان ياكله بترابه واللي مايبكي بعبرته مخنوق واللي يطق الباب يسمع من وراه جوابه |
يقولوا الناس الأولى ..
فراق الدنيا يوريك فراق الآخرة .. والدنيا ونسة يوم من يوم .. في وقتنا وفي هالزمان هذا تمت القطيعة ساهلة عند البعض .. واخدتهم الدنيا وتيارها .. رافعتهم عزة النفس الكذابة لفوق خلتهم ما يحسوا بناسهم واحبابهم .. وماعاد يحسوا بالوحشة إلا لما يرميهم تيار الحياة ويبقوا بروحهم لا صاحب ولا حبيب .. واللي نبي نقوله وممكن مش جديد الا لازم علينا إن نذكروه وهو راهو وجود الاحباب بينا ووجودنا معاهم نعمة .. راهو الفراق مر .. راهو فراقنا وغيابنا على الناس اللي نحبوهم يخلينا نخسروا ونفقدوا شيء كبير من ارواحنا والنور اللي داخلنا بوجودهم ينطفى بعدهم .. زي الصورة لما تكون مظلمة بدون ألوان .. تنعدم الحياة فينا مش بالموت ولكن تكون حياة بدون طعمة.. حياة بدون معنى .. راهو الود والسماح والتغاضي والمحبة والمساعدة و الصبر والحنان والرحمة هن معنى الحياة ... ويقولوا آجري علي لمة الشَملْ و حيد ع الفخر و المَّنَه و تغاضي و هلّب و حَملْ و خليك صاحب محنَّه طير السما ياكل النَملْ و إنّ مات ياكل النمل مِنّه |
العرب لوله قالوا :
مافيش حد خير من حد ، السماء ما طالها حد والوطا عليها كلنا.. |
عجوز مشت تكشف قالولها ماعندك لا شي
و خذو منها 400 جنيه جوها ينشدو فيها ايش قالك الدكتور ويش لقو عندك قالتلهم لقو عندي 400 جنيه وخذوهن hHhHhHhHhHhHhHhHhH |
وأحسن من جمل عمَّك وخير حْمارك=يْردّ عازتك في حاجتك تلقاه
وبلا زيت ما يضوي فتيل فنارك=وراك يوم قبرك ما تبات خلاه المثل "حمارك العرج وï»» جمل ابن عمك" مثل كثير التداول فى حياة العرب عامة وفى مجتمع البادية خاصة. ضُرب المثل" للاعتماد علي الذات والاستغناء عن الآخرين أي أنه لو لديك شيئاً أفضل من لا شيء، كما يقال فى المثل الشعبى الدارج: "حماري ولا حصان جاري"،ويقول المثل الشعبي ”حمارك الأعرج،ولا سؤال اللئيم" |
اهناك ناس تستني فيك اتصبي عليهم أو تحتاجهم بيش يكسرو خاطرك ويقهروك ولكن ربي ما يعوزنا لحد ولا يجعل رزقنا بيد حد
وهذي من نعمة ربي أنه مفاتيح الرزق بيده صالح بوعياد الشهيبي الله يرحمه قال من أهبالهم يحسابوك مستذريبهم ! وهم لا ذرا لا ظل لا مقيال ؟ |
| الساعة الآن 01:22 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2026 DragonByte Technologies Ltd.vEhdaa 1.1 by NLP ©2009