منتديات صواديف عشاق - نُسخة مُختلفة

كل إنسان بيمرّ بحياتك بيشوفك بنُسخة مُختلفة، هتلاقي اللي هيشوفك من أطيب الناس وهيحسن الظن في أغلب تصرفاتك وهيشوف أفعال البسيطة كبيرة بعين المحبّة..
وهتلاقي اللي هيشوفك شخص شرير، وهيعرف يحول تصرفاتك الطبيعية والعفوية لتصرفات فيها كيد أو أذى وهيسيء الظن في أغلب تصرفاتك...
وهنا ده يخلّيك تتأكد إن رؤية الناس ليك ده مش إنعكاس لشخصيتك أنت، ده إنعكاس لشخصيتهم وأفكارهم وطريقة تفكيرهم في الحياة..
أنت نُسخة واحدة..
النُسخ المختلفة دي ناتجة من منظور رؤية الناس ليك الناتجة عن تربيتهم و شخصيتهم و خبراتهم هما في الحياة...
مالكش أي سيطرة ولا حُكم على قلوب الناس اللي حواليك..
فبلاش تملّى قلبك بالهم في التفكير عن أسباب ورا عداوة شخص ليك، أو أسباب إساءته وأذاه..
إعمل الصح و المُريح نفسيًا ليك ولتربيتك و ضميرك حتى لو عكس الكل وعكس المُتعارف عليه..
وتقبّل إن مش كل الناس هتحبك ولا كل الناس هتشوفك على طبيعتك الحقيقة مهما حاولت تبيّنها، ف ما تشغلش بالك كتير بالناس
واتأكد إن كلٌ يراك بعين طبعه، وبقدر محبّتك في قلبه..
ركّز على نفسك، وارضي ضميرك، وكمل في سِكتك..