منتديات صواديف عشاق - عرض مشاركة واحدة

12-27-2025

بعد مرور شهرين

ياحبيبي
وينك أنت وين أنا
ياحبيبي
رحت عني وضعت أنا

حتى عن نفسي أنا
حتى عن نفسي أنا
ياحبيبي
وينك أنت وين أنا
ياحبيبي
رحت عني وضعت أنا

حتى عن نفسي أنا
حتى عن نفسي أنا
ياحبيبي

كانت هذي الاغنيه موجوده في غرفه تكسوها الظلام والحزن
الاي محد عرف وش سببه
دق جوال طلال شاف الاسم ماله خلق يرد وخلاه لين سكر
تنهد تنهيدت الام لي شهرين ماشفتهاياطلال لي شهرين ماسمعت صوتها ياترى كيفها الحين أكيد مستانسه ومرتاحه
وأنا أنا اللي جالس على ذكراها هذا اللي جبته لنفسك ياطلال كنت وين والحين وين آآآآآآآآه
دق جواله ورد
طلال : هلا ماجد
ماجد : وش فيك يارجال ماترد
طلال : كنت بعيد عن الجوال أنت وش عندك
ماجد : على طول وش عندك ألمهم أبي أشوفك
طلال يدخل يده في شعره : لا مالي خلق أطلع أو أروح لحد
ماجد : طلال فيك شي ماتبي تقوله
طلال : لا
ماجد : أنا صديقك من كنا صغار وأعرفك أكثر من نفسك
سكت طلال ومارد
ماجد الا بيعرف وش في صديق عمره : ترى بجيك الحين
طلال : لاياماجد خلاص أنا بجي
ماجد : خلاص أجل فالمطعم المعروف
طلال : خلاص أوكيه

قام طلال بكسل من السرير وفتح النور وشاف نفسه بلمرايه
ولمس خده ياالله من متى ماحلقت مشى متجه للحمام أخذ شور ولبس بنطلون جنز أزرق وبلوزه سبورت بيضاء مشط شعره وتعطر
دق باب غرفته
طلال : مين
مها : أنا
طلال فتح الباب ومها حزينه على حال أخوها وش اللي خلاه يسوي بنفسه كذا : ممكن أطلب طلب
أبتسم طلال بكسل: أطلبي كم مهاوي عندنا
مها تضحك : هههههه وش عندكم أنت وملاك مهاوي مهاوي ترى مو أصغر عيالكم
سرح طلال ملاك لازم تجيني كل مانويت أنساها (ويبتسم) ألله لوعندنا عيال شال الفكره من راسه وقال : أخلصي وش تبين
مها ماعجبها حال أخوها كل شوي سرحان : طلال ممكن أعرف وش فيك
طلال بهدوء : الحين هذا طلبك
مها : لا
طلال يناظر نفسه بلمرايه : أخلصي وش طلبك
مها ببتسامه : أبيك تودين لملاك
ناظر فيها طلال هذي وش فيها لازم تجيب أسمها عندي أنا أكرها وأكره أسمها
عصب طلال : لا مو كفايه أنك تكلمينها
مها خافت : طيب ليش معصب ماقلت شي
مر من عندها طلال معصب وطلع
ومها تناظر في طلال ياليتي أعرف وش فيك

ركب طلال السياره معصب أكرهك ياملاك أيه أكرهك أنا طلال ال....
يحب شغاله كانت تشتغل عنده
أكرهك ويظرب الدركسون بكل قوته
هدأء من نفسه شوي وشغل شريط

لو كل الناس تحاكيني
لو كل الدنيا تواسيني
لحظه غيابك ماتنسيني
والدمعه ماتفارق عيني

مايعوض غيابك إنسان
بالبعد ماليني أحزان
منهو يعوضني الحرمان
ألا
حبيبي

وصل طلال للمطعم وأبتسم لماجد رفيق دربه
ماجد أستغرب من حال طلال ماهو طلال اللي أعرفه اللي يهتم بمظهره هذا واحد ثاني
طلال يبتسم : وش فيك تناظرني كذا ليكون معجبك
ناظر ماجد في طلال يستفسر: وش اللي وصلك كذا
طلال عرف ان صديقه يبي يعرف وش فيه : أبد طال عمرك الاشغال تسوي كذا
ماجد بعصبيه خفيفه: تلعب على مين أنت من يوم عرفتك وأنت تشتغل وماصار فيك كذا أنت فيك شي ثاني
تنهد طلال تنهيده حس فيها ماجد و مسك يد طلال وقال : طلال أنا صديقك ورفيق دربك واللي يصير فيك كأنه صار فيني وش فايدة الصداقه أذا الصديق مايشيل هم صديقه شف شكلك
حط طلال يده على راسه وقال : ااااه ياماجد اللي فيني محد راح يحله
ماجد بهتمام : قلي ياطلال على الاقل خفف عن نفسك
ناظر طلال في ماجد بحزن : أنا غلطة غلطه وجالس أدفع ثمن غلطتي
أستغرب ماجد : وش غلطة فيه
طلال علمه بكل شي من يوم جتهم ملاك والمواقف اللي صارت له معهاوكيف كان قاسي معها وكيف ذلها وكيف حبها
طلال بقهر: وهي الخبله تحسب أني راح أعلم عليها (مسك راسه ) ماتدري أني حبيتها بس يالله هي مستحيل أخذها
ماجد حزن على طلال الله يالدنيا طلال يحب
ماجد يبتسم : تصدق عاد ودي أشوف اللي خلت طلال يحب
طلال : تتطنز أنت وجهك
ماجد يبي يرفع من معنوياته :طيب ليش مستحيل تاخذها
طلال بيأس وأبتسامه حزينه: لان أمي ماتبيها وهي تشتغل عندنا فما بالك تصير زوجة ولدها تذبحها
ماجد : ألله يعينك ياطلال
طلال : خلها على الله أنت قلي وش مسوي مع حبيبت القلب من يوم تزوجت وهي أخذتك مني
وقعدوا يسولفون ويضحكون

أذن العشاء
وأتصلت مها على ملاك وقالت لها تجيها لان أمها معزومه ومافي أحد فالبيت ولبت ملاك وقالت خلاص

في بيت ملاك وبتحديد غرفتها ألبست ملاك فستان أبيض قصير وناعم وفكت شعرها الغجري وحطت ميك أب خفيف وكحل بارز عيونها وروج أحمر طالعه كيوت تجنن
سمعت فيصل يناديها أخذت عبايتها ونزلت بسرعه
فيصل : ليش تأخرتي أنا وراي شغل
ملاك بدلع : خلاص فصولي ماعاد أعيدها
فيصل أبتسم ابتسامه جانبيه : أقول بلادلع أمشي قدامي
أطلعوا وركبوا السياره
فيصل : الحين هم كيف يخلون البنت لحالها
ملاك أضحكت : ههههههه وأنت ليش مهتم فيها
ظربها فيصل ظربه خفيفه: صدق سخيفه
ملاك بلعانه : فيييييييصل ترى أعرف وش فيك
الله ياخذك ياملاك أنا وش أبي فيها أنشاالله تجلس لحالها وش دخلني فيها : لايروح فكرك بعيد
ملاك : اااااها أنا شاكه في شي وأذا طلع صدق ياسلام
وصلوا لبيت مها
فيصل : يالله أنزلي ودقي علي أجي أخذك
ملاك أفتحت باب السياره : أوكيه يالله باي
فيصل : باي
أرجعت ملاك وقالت ببتسامه خبيثه : ماتبيني أسللملك على أحد
نقز أعيونه وجاء بيضربها بس أنحاشت بس هو أسرع منهاوكانت فيه وحده تنتظرهم من اليوم وشافته يوم يظرب ملاك ويضحك وقالت ربي لاتحرمني منه أمين

مها أستقبلت ملاك : ياهلا ومسهلا
ملاك لازالت تضحك من فيصل: هههههه المهلي مايولي
يوه فصولي خرب كشختي
مها أبتسمت : ليش
ملاك ترتب شكلها : أبد طال عمرك قلت تبيني أسلملك على أحد وقام ظربني
نقزت مها عيونها : من صدقك أنتي
ملاك تضحك على مها :هههه أيه
قامت مها وظربت ملاك : ألحين تستاهلين
وجلسوا سوالف فالصاله قالت مها : تعالي لغرفتي بعطيك الهدايا اللي شريتها لحبيبت قلبي
قامت ملاك وراحوا للغرفه
ملاك : ليش كل هذا يامها
مها تجلس جنب ملاك : تستاهلين أكثر
وقعدوا يسولفون
مها : بشوف هالشانتي وش أخرها
ملاك : يمكن قاعدها تسويه للحين خليها على راحتها
مها قامت : لاحبيبتي أخاف يجي فيصل وياخذك وأنتي ماتعشيتي
ملاك تضحك : هههه أحلى صايره حرمه بخطبك لخوي
أستحت مها : مالت عليك أنا حرمه غصب عنك وتخليها بتنزل تشوف العشاء
ملاك ياليتك يامها من نصيب فيصل أحسهم يناسبون بعض وتقوم تفتح الدرج اللي جبب السرير وانصدمت من اللي شافته معقوله يامها والله كنت شاكه بس الحين تأكدت طيب ليش ماقالت لي
أدخلت مها وشافت الصوره بيد ملاك خافت لدرجه بتنزل أدموعها موقف لاتحسد عليه
ملاك تناظر في مها : وشلون أخذتيها وأنا مدري
مها نزلت دموعهاوحطت يدينها على وجهها لانهاماتدري وش تقول
جتها ملاك مبتسمه : كنت شاكه أنك تحبينه
زاد بكي مها وملاك ضمتها : خلاص يامها الحب مو حرام ولا عيب أنا بعد أحس فيصل مهتم فيك بس أنتي تعرفين أن حبكم مستحيل
مها من بين شهقاتها : أ د ري
(وتضم ملاك) بس شسوي
ملاك بكت معها : خلاص يامها
هدت مها وجابت ملاك مويه تبرد على قلبها
ملاك تبي تخفف عنها : ياي مهاوي تحب أخوي هنيالك يافيصل بس ليش ماقلتيلي
أبتسمت مها وقالت : أقول متى بتروحين
ملاك : مدري عن حبيب قلبك يقول متى ماخلصتي دقي علي
مها أستحت وقالت : أجل تعالي نطلع فالحديقه على مايجهز العشاء
ملاك : أوكي
نزلوا البنات تحت وقعدوا يلعبون
اللي ماتعرفونه أن في مسبح كبير موجود خلف القصر وأشجار كثيره وأخذتها مها للبط اللي شرتهم أمس
ملاك : ماقلتيلي أنك شاريه بط
مها تربط شعرها ذيل حصان : والله أمس طفشت ورحت شريتهم على الاقل أسلي نفسي فيهم
مها تبي تستانس قامت ظربت ملاك وقالت : أتحداك تمسكين
وبدت اللعبه ومها أختفت وملاك تدور عليها
ملاك بصوت عالي : مها ترى ملية أطلعي
مها كانت متخبيه بين الاشجار وملاك ماتحب الظلام
ملاك : طيب يامها بروح أجيب شانتي أنتي صدق جنيه مدري شلون جالسه بظلام
مها ميته ضحك هذي صدق خوافه ملاك كانت تركض ودخلت المطبخ هلكانه
شانتي خايفه : أيس في مدام
ملاك تلتقط أنفاسها : تعالي معي وروحي جيبي الكاشف ولحقيني للاشجار
هزت راسها وطلعت ملاك أشربت مويه وطلعت بس أصدمت بشخص وناظرت فيه ودموعها في عينها لا لا مستحيل أنا نسيته ليش الحين
أما طلال اللي مايدري شيسوي جلس يناظر اللي فقد الامل أنه يشوفها شهرين ياملاك وأنا أحاول أنساك شوفي حالي من بعدك شوفيني وأعرفي أنك أنتي السبب
طلال بلع ريقه : ليش جيتي
ناظرت فيه ملاك ودموعها تنزل : أصلا أنا ماجيت على شانك جيت لمها
ضحك طلال بكسل : ومها وين مو عندنا
مسحت ملاك دموعها بظهر يدها : الكلام معك فاضي
ومشت بجنبه بس هو مسك يدها وناظر فيها بنظرات ماعرفت تفسرها ملاك
طلال بحزن : طالعه حلوه
نقزت عيونها ملاك وجرت يدها بقوه : صدق أنك قليل أدب
طلال بعصبيه : أنتي ماتحسين والا المشاعر عندك معدومه
ملاك بعصبيه من بين أدموعها : وخر عني (وتناظر فيه )أيه معدومة المشاعر
فك يدها طلال والالم يقطعه: ياخساره ياملاك ياخساره
ناظرت فيه ملاك بس مالقت شي يفسر كلامه ومشت وخلته

دخل طلال غرفته وقرب من الشباك اللي يطل على الحديقه ويناظر فاللي حبها معقوله ملاك ماتحبني معقوله ماأعجبتها أنا اللي البنات يحبوني الا هي محبتني
وبصوت عالي : ماحبتني ويكسر الابجوره
صار طلال يتنفس بصعوبه مسك راسه بيدينه اللي ترتجف
أنت تحب وحده عديمة أحساس ماتحب ماتحب
أخذ حبة راس وحط راسه ويحاول أنه ينام

أخذت ملاك شنطتها وعبايتها وأتصلت على فيصل يجي ياخذها عارضتها مها بس قالت أن فيصل هو اللي داق وأنشاالله تجي مره ثانيه

كانت ملاك فالسياره ساكته وتكتم بكيتها وصلت للبيت وراحت ع طول لغرفتها رمت حالها على السرير وصارت تبكي بكي يقطع القلب ليش يصير فيني كذا أنا شسويت له عشان يكرهني وش سويت
أنا أحبه أيه أحبه وماراح أنكر هالشي بس هو مايحبني مايحبني وزاد بكيها اه اه اه ياقلبي شف وش سويت بلي شالك أتعبته معك وخليته يعشق شي مستحيل بكت ملاك لين غالبها النوم بملابسها اللي ماغيرتها

قام طلال من النوم وراسه يوجعه وعيونه يفتحها بصعوبه يسمع صوت يناديه
حاول يقوم ويفتح الباب فتح الباب شاف مها رجع وحط راسه على المخده : وش تبين
مها تناظر في حاله : أنت شايف نفسك كانك سكران
ضحك طلال : ههه سكران مره وحده
جت مها وجلسة على طرف سريره : طلال أنت الوحيد من بين أخواني أحبك وأعزك طلال أنت متغير ما صرنا نشوفك صرت تسهر وماترجع الا متأخر وتنام وتقوم متاخر وتطلع... (سكتها طلال ): بس بس يامها راسي يوجعني
قعدت مها تبكي قام طلال بخوف: مها وش فيك
مها من بين دموعها : أنت اللي وش فيك ماتبي أحد يكلمك
طلال بقلت صبر : صدقيني يامها مافيني شي
تناظر فيه مها وتمسح دموعها : طيب قولي من متى ماحلقت
ضحك طلال من قلب : هههههه ياحليلك يامها تنسين الواحد همه
أبتسمت مها : أيه تعلمت من ملاك
سكت طلال وده لو يقوم ويكفخ مها
مها بخوف : ممكن أقول شي بس ماتهاوشني
طلال ماله خلق : أخلصي
مها : ليش كل ماجبت أسم ملاك تسرح والا تعصب
طلال عصب : لاني ما حبها ولا أحب طاريه
خافت مها : طيب ليش هي أش سوت
طلال نقز أعيونه في مهابعصبيه : شكلك ماتفهمين
قامت مها : طيب بس أنزل تحت أخوي جابر جاي
هز راسه : خلاص بجي
نزلت مها تحت وجلست جنب أمها أم جابر: هاقومتيه
مها تزين أظافرها: أيه والحين
بينزل
: السلام عليكم
قام جابر وسلموا على بعض
جابر: يمه شوفي ولدك شكله عشقان زوجيه أحسن له
ناظرفيه طلال وابتسم أبتسامه جانبيه ماله خلق يرد عليه
أم جابر : بس هو يأشر وأنا جاهزه
مها تلقفت : أنا عندي البنت
كلهم يناظرون فيها
أم جابر ببتسامه : ومنهي اللي تبينها لنظر عيني
مها بفرح : ملاااااااااااك
أختفت الابتسامه من أم جابر الى غضب جامح وتحت صدمت طلال اللي ماتوقعها
أم جابر بعصبيه : تبين هذي الشغاله تاخذ ولدي
مها خايفه : يمه بس هي أشتغلت تبي رزقها وهي الحين تكمل في معهد كمبيوتر مشاالله عليها وحلوه ومو ناقصها شي
أم جابر بغضب على مها : تخسي (التفت طلال لها وفي نظراته غضب وقهر) أنشاالله دكتوره ماتاخذه يعني ماتاخذه
قام طلال بعصبيه : بس
أنا محد بيحدد أخذ من وأخلي من
طلع طلال وناظرت أم جابر في مها بقوه ودها تذبحها بس قالت : أن سمعت أنك على صله فيها أو تكلمينها ماتلومين الا نفسك وقامت لغرفتها
مها بحزن : تدري أني أشتقت لبوي
جابر : وتدرين أني مثل الاطرش بالزفه
أضحكت ملاك وقعدوا سوالف لين أستأذن جابر وراح