شوية كلام

شوية كلام مهما قابلت وتعرّفت ع ناس مافي حدا بيوصل لغلاتك، ولا حدا أقرب إلي منك .. - مابتزعجني، فيك تتصل ألف مرة، وتوعيني من نومي، وتجي لعندي فجأة، دائماً كل أبواب قلبي مفتوحة إلك ودائماً الوصول إلي مُتاح - بتمر عليي لحظات بكره الدني كلا وبنعزل بغرفتي عن الناس ويمكن قلك مابدي حدا ، بهي اللحظة بالذات بكون محتاجتك ..بهي اللحظة أوعك تتركني، بتكسر جدران وحدتي وبتدخل لتبقى معي - أحياناً بزهد وبحب اسكت، احتويني ولا تتذمر من سكوتي ... تعا لجنبي خليني حط راسي ع كتفك ونسكت سوا - مابحب ضل خبرك شو بحب وشو بكره، بحب فكرة إنّك تكون حافظني، حافظني ومنتبه لتفاصيلي - كل شي بيجي منك بكون غير "الوردة منك باقة عم شوفا بعيوني" - مابحب ضل برر وأشرح ووضّح وجهة نظري، وكتير مريحة فكرة إنّك عارفني، عارف نيتي ومانك محتاج تبرير أبداً - بحب اسمع كلمة #كرمالك ولو كان الشي بسيط، ضلّك اعمل شغلات كرمالي - بحب ضحكتك، ولو كنا بنص خناقة وواصلة بينّا للسما بكفي ألمح هالضحكة ليضحك قلبي وانسى الزعل والخناق والدني كلا - اهتمامك فيي، سؤالك عني، تعصيبك عليي وقت النصيحة، قسوتك لمّا أعمل شي يأذيني ... كلها شغلات بتحييني - أنا رفيقة أوقاتك كلها ... بتقدر تجي تتفشش فيني وقت تعصب، وتاخد مني طاقة لمّا تنطفي، وأعطيك كتفي تستند عليه وقت تضعف ... أنا كلّي ع حسابك - مابتهون ع قلبي مهما صار ... - الحناين رزق، وقلبك رزقتي ... لا تحرمني الحنيّة ضلّك هيك - مافيي أتخيل خسارتك أو فقدك ... لأن مرة وحدة بالعمر الحياة بتهدينا شخص متلك يفهمني و يقرا كلام روحي بدون ما قولو ويسمع صمتي .. أنا طلعت من هالدني وحصيلتي قلب صادق واحد هو أنت - بكره حسّك مهمل أو مو مهتم بوجودي .. . لما تنشغل تعا خبرني وبتكفيني منك كلمة ...

الموضوع الأصلي: شوية كلام || الكاتب: صواديف عشاق || المصدر: منتديات صواديف عشاق

https://s-eshq.com/vb

كلمات البحث

العاب ، برامج ، سيارات ، هاكات ، استايلات

الوافي ,إرقاق إعزامي معجبون بهذا

المصدر: منتديات صواديف عشاق

---

a,dm ;ghl

• تساق الأمنيات على معابرالدعاء♔ فاللهم إجعلها مضيئة زاهية متوهجة ♡❀