05-25-2022
|
#5103
|
وين الروقه..
ونوم الهناء بالله كيف انذوقه
مع كبد تمت طايبه مشقوقه
اعزاز فقدهم ماعزم عقب فينا...
ماتقول كنتو ياسماح التوقه
معانا ضحكتو لاتقول حكينا...
في وسط قلبي قاعده مدقوقه
غصة خبركم ياأعزازي شينه...
بيها اتزازي دمعتي مخنوقه
يالله صبرك طالبين عطينا...
في الجوف تاكل نارهم مطلوقه
في كل موقف خاطرين علينا...
في كل صبح طلعته وشروقه
في كل ليل وحشته الحزينه...
في كل ضحكة مالكدر مسروقه
في كل مدت للطعام إيدينا...
ديما إيهفو بالحنين وشوقه
أتقول توو عدو مانهار انسينا...
|
|
|
|
|