منتديات صواديف عشاق - عرض مشاركة واحدة - كتبت إسمك على صدر السما و أيامي / للكاتبة حلاها (( ألايدا )) مكتملة

12-30-2023

*********************************
دخل شافها نايمة بعمق عقب اللي صار ماشافها ابدا....تنهد بقو وهو يصد بيسكر الباب بس لمح دريشه الغرفه مفتوحه راح وسكرها بهدوء وجا بيطلع...
لمح دفتر وردي على الكرفاية عدالها... صد بعدم مبالاه بيطلع بس جاته فكره وهو شاك انه مادفتر عادي من شكله...معقوله مذكرات؟!
مافكر اكثر وراح خذه وطلع من الغرفة....

دخل غرفته وهو يفتشه بفظول كبير....
كان مثل الالبوم فيه صور وتعليقات...
شاف صوره للمرحومه امها... وخوتها وابوها... كانت مأرخه احداث فحياتها بالصور والتعليقات...
فرفر لاوراق بعد مبالاه وهو يحس بالملل... ماكمل للربع وفره بضجر...
طلع فونه وهو يشوف رسايل واتصالات امه....تذكرها.... بس الوقت الحين مامناسب بيزعجها ويخوفها....
رسل مسج يطمنها انه بيتصل فيها بس يفضى...و فر الفون باهمال وهو يحس بضيق من اللي قاله لسلطان للحين...

وقف بيطلع يغير جو خلاص اكترب...
بس قرر اول يرد المذكره...صد يدورها من وين فرها.... شافها مفتوحه سحبها وقام وهو يفرفر فاخر ااوراق.... بس لمح صوره و رجع بسرعه....
انصدم كانت صورة للولد اللي قالت انه ربيعتها...
يعني هي ماكذبت عليه... نفس الوجه بضبط....

تنهد براحه بس وسوسله الشيطان... وفخاطره:واش دراني ماللبنت اخو توأم ؟!
زفر بحده وهو خلاص تعب من هالسيره:وانا اش علي بطلقها ليش اهتم اصلا؟!
وطلع رجع الدفتر لها... بس تذكر خالد وهون عن الطلعه...
وقرر يرجع ينام...
وهو يحس راسه بدا يصدع من هالسالفه...
مايعرف شيسوي؟!
ولا كيف يتصرف..
********************************
و فالمستشفى....
خالد وصقر جالسين فالانتظار...والسكوت سيد الموقف...
طلعت الدكتورة من عند مواز:تفضلو معي لو سمحتو
خالد طالع صقر:انت روح انا بنتظر هنيه
صقر تنهد وراح ورا الدكتورة بسكات...
خالد طلع جواله بيتصل على عمر...
بس حصله مفضي..
خالد بتذمر:ياربي وقته؟!!
مانتبه الا ع الممرضه اللي طالعه من عند مواز وماره قدامه...فز ناداها
الممرضه:تفضل؟
خالد:لو سمحتي اريد اعبي فوني مفضي
الممرضه تبسمت:روح الاستقبال بيساعدوك...عن اذنك
خالد اللي متورط:طيب تقدري تشوفيلي الدكتور عمر؟
الممرضه قطبت حواجبها باستغراب:عفوا من؟
خالد تذكر انه عمر اصلا بعده متدرب:أاااممم... مشي بس اخبار المريضه؟
الممرضه تبسمت ع تلتيهت خالد:الحمدلله هي حاليا بخير...شكلها كانت تمثل بحماس
خالد تذكر كذبت صقر اللي قال للدكتوره انها كانت بمسرح المدرسه تتدرب وصارلها هالحادث وعشان يبرر سبب لبسها وشكلها:يعني ماكسر؟
الممرضه:والله هو نحن سوينالها اشعه والنتائج عند الدكتوره للحين ماخبرتنا بشي بس بتخبركم اكيد...تطمنو
خالد تبسم ابتسامة مجامله:شكرا
الممرضه:العفو
وراحت عنه...

خالد زفر بتعب وهو يشوف صقر جاي صوبه:هاه بشر؟
صقر تنهد:التواء
خالد زفر براحة:الحمدلله والله عبالي كسر
صقر زفر بحده وهو يجلس ع الكرسي:للاسف مارح تقدر تحرك يدها لفتره والمصيبه وقت امتحاناتها
خالد شهق:شو يعني؟
صقر زفر قلت حيلة وقهر:والله هالبنت جننتني...شوي وكانت تذبح ابوي من ورا فعايلها...والحين بتدمر مستقبلها
خالد جلس عداله:لا تتشائم كله كله التواء مايباله شي اكثر شي اسبوع بس هي تلتزم بالعلاج...احمد ربك ماكسر
صقر طالعه بنتهيده وهو يحمد ربه:الحمدلله...والحمدلله اني قدرت اضبط اعصابي ولا اذبحها

خالد فز:الا صح اخبار جدي؟
صقر بتعب:اتصلت بعمر يقول انه بخير...فارس قدر يتدارك الوضع قبل لا يتضاعف والحمدلله هو بخير بس بعده يباله يبتعد عن الارهاق والضغط النفسي
خالد:يعني بتتأجل كل الخطط؟
صقر وهو يفكر:ايه حاليا حن مانبا نتوقر عليه
ووقف...:بروح اشوف البنات تجي؟
خالد بتعب:لا برد شقتك دام انتقلنا معك ابا ارتاح وبصلي فاتتنا الصلاه
صقر ضرب جبهته بخفه:استغفر الله....امش امش بنصلي فالمصلى
خالد عبس وهو تعبانه ومنقرف من عمره:بهالحاله؟!!
صقر:بتفوووتنا الصلاه بعدين لبسك نظيف مافيه شي!!!
خالد كشر:زين مشينا
صقر طلع تلفونه:بخبر عمر اتلقاه ناسي نفسنا
**************************************
**************************************
:صليت؟
فيصل بتنهيده:الحمدلله مريت المسجد وصليت اي اسئله ثانيه امي؟
ذياب قطب حواجبه وبحده:زين والله تكفر عن ذنوبك اللي تزيد
فيصل بعصبيه:ذنوووب ايش؟!!!
ذياب من بين اسنانه:اشوووف ماندمان!!!
فيصل ببرود:وانت ليش معصب أصلا!!؟
ذياب بنفس اللهجه الحاده:يعني عاجبنك اللي سويته؟
فيصل كشر وصد عنه بسكات....
ذياب بعتاب:اصلا كل تصرفاتك غلط بغلط من عرفت هالبنت
فيصل.....
ذياب يكمل بنفس اللهجة:الحين زين كيه توقرت ع جدها وعليها
فيصل بعصبيه:انا ماسويت شي غلط
ذياب من بين اسنانه وحده منقهر من برود فيصل اللي ولا همه:بسبتك جدها اظنه انجلط وهي تقول كسرت يدها ع وجه الامتحانات يعني تدمر مستقبلها
فيصل بقهر:وانت اش دراك اني كسرت اليد اللي تكتب بها؟
ذياب:يبالها وايد ذكاء يعني اكيد اليد اللي بتمسكبها السكين هي نفسها اللي تكتبـ....
سكت لحظه يستوعب وصرخ بعصبيه اكبر ف فيصل:وليش اشرحلك اصلا وانت شايف انك ماغلطان؟!
فيصل رفع حواجبه:اش دخل؟
ذياب بقهر:اووووه انت حاله ميؤوووس منها
:بس بس اش هالصدعه؟!

ذياب صد صوب اخوه اللي توه داخل عليهم:بارك للحبيب
شهاب عبس باستغراب:على شو بعد؟
فيصل قام وهو يزفر بضيق:ذياب خلاص
ذياب بعده معصب ومن الخاطر:لا خليه يستبشر...نبشره عشان يباركلك على مصايبك
شهاب بجديه:اش صاير ماتفهموني؟!!
فيصل:ماصاير شي
ذياب:إلا صايره اشياااااااااااااااااااااا اااء
فيصل عصب:ذياب أ...
ذياب قاطعه باستنكار:لا تياحد..
شهاب تأفف:ياربي ياهي حاله ماتنطقووو رفعتو ضغطي بسكم مناقره؟!!
ذياب:الله يسلمك الحبيب راح بدلك وتوقر على فهد
ششهاب شهق:شوو؟؟!!
ذياب بقهر:وازيدك من الشعر بيت...ماد يده ع حفيدة فهد بعد
شهاب يطالع بصدمه ماقادر يستوعب..!!!!!؟
فيصل بعصبية:انا ماتوقرت على احد....يوم انه ماقادر يشوووف اش يصير من وراه اش اسويبه؟!!!
ذياب باستنكار:وتجي تشلله البنت فمكتبه تجلطه وعقب تتضارب معها وتكسر يدها؟!!!...هذا اسلوووب بالله؟!!!...لو مكان صقر كان ذبحتك احمد ربك للحين عايش وماجاك غير بوكس
فيصل سكت بقهر وهو يطلع عنهم....

شهاب اللي منصدم من الخاطر!!!!؟؟؟؟؟
ذياب شاف اخوه المبلم وبعصبيه:وانت ياسيد شهاب
شهاب تنبه:هاه؟!!
ذياب بنفس العصبية:رووح الحقه فهمه يكف شره عن الاوادم وخاصة البنات ماسمعنابها رجال طول وعرض يمد يده على بنت غير اللي عديم رجوله
شهاب سكت وهو يلحق فيصل...
************************************
:لا بتم عند جدي
خالد وهو حده تعبانه:ايه عيش حلمك مثل ماعيشتوني حلمي وسهرتوني طول الليل بسبت شيبتكم
عمر:ههههههههههههه طالع شكله هو وهالبدله
خالد كشر وهو يحس خلاص بيموت من التعب:ألحين صارت ملابس موصلين الطلبيات بدله؟!!...وعلى فكره تراك بعد كاشخبها يادكتووووووووووووور
عمر:ههههههههههههههههه توكل توكل لا تطيح علينا
خالد يتثاوب:مع السلااااااااامه...مشينا العم
عمر صد صوب صقر اللي مندمج ففونه:خالي
صقر....
خالد وهو يحس عيونه خلاص ماعاد قادر يفتحهن:صقووووووووووور
صقر فز:اش فيك؟
عمر:ههههههههههههههههه ياخي صحيح يوم يقولو الواحد مايرد يوم حد يناديه باحترام
خالد ماله بارض:وقت فلسفتك ترا احس خلااااص سكرت بنااااااااااااااااااااااا م
صقر:ههههههههههههههه مشينا انزين...فمان الله
عمر:لحظه
خالد عصب:انا بسبقكم للسياره هات السويك
صقر:عندك السويك
خالد بتذمر:اوووه صح.....يوه اخاف اعيل ترا بزوور فاتح عيوني خلصو بسرعه بنروووح
وجلس عالكرسي اللي عدالهم وهو ينووود...

عمر بجديه مطنش خالد:اش بتسوي؟
صقر:بروح للبنات الحين بشوفلي منى وبخلصلي كمين شغلة
عمر بريبة:انا شاك فشي
صقر قطب حواجبه:شو؟!!
عمر:المذكرات ما دفتر واحد...وحاس خالتي عندها البقية
صقر عبس:قصدك انها ضامه عنك البقية؟
عمر:معرف بس هي قالت رجعو زوروني لخالد...واحسها تعرف شي بس ماتبا حد يعرفه
صقر تنهد:هي من هالناحية انا متأكد انها تعرف بس عنيده ماقدرت اطلع شي منها
خالد شدة نقاشهم:زين حاول تعرف منها شي عن زوج المرحومه عمتي شيخة واش صار فيه ولا عن شاهادات ميلاد البنات الاصلية...ان ماحصلناها اظن لازم نسافر و نتشوف من مستشفيات الخارج اللي انولدو فيها البنات و...
صقر قاطعه:ههههههههههههههههههه? ?ه لاتعيش وايد الدووور....مايحتاج كل هذا يالمتحريشي اسمه فحص الـ
dna
*********************************