08-01-2024
|
#10
|
الامان 
الامان مش هدايا ومصاريف ولا هو كلام ووعود
الامان هو اكبر من الشي هدا بهلبا وفي نفس الوقت ابسط من كل هدا
الامان هو انك تكون عارف ان في شخص في حياتك حيقعد موجود
وانه جنبك وقت ماتحتاجه حتلقاه جنبك سند
و امان ليك وانت ف أسوء حالاتك
وانك وقت ماتصير مشكله معاه تتكلم
وانت عارف انه مش حيفهمك غلط
وان مهما وصلت المشكله بينكم تكون عارف انه مش حيجرحك بكلامه
لان في الاخير هادي مجرد مشكله وحتمشي فحالها لكن انتوا مكملين
الامان انك متكونش خايف وانت تقول اللي فداخلك
الامان انك تكون قاعد ومطمن وعارف انه حيدافع عليك لو وسط مليون واحد غلطوا في حقك
الامان هو نظره عين منه وكأنه يقولك انا هنا انا موجود عخاطرك انا فاهمك صح
والاهم من كل هدا انا مستحيل نخذلك
الامان ان الشخص هدا يطمنك بوجوده مش يهددك بغيابه
الامان والاحتواء هو اجمل احساس ممكن تحسه في الدنيا.
|
|
|
|
|