تابع الجزء الثالث عشر

( الفصل الثاني )




( الفصل الثاني )





بعد ما اخذت شور طلعت وبدلت ملابسها تحس بخنقة تريد تتناسى الموضوع ماتريد تتعب نفسها في الوقت الحالي اتصلت على ملاك ماترد شافت شنطتها وابتسمت بخبث اخذت منها مفاتيح مجتمعة بقلادة كرستالية والتيفلون بالجيب وطلعت بسرعة فكرت تقول للنات بس خافت يرفضون وماحد بيكون معاها الا وحدة رسلت لها رساله

عند البنات

رودي رودي جالك ماسج

شيماء: والله نغمتك تحفة

رودينا : ههههه عارفة شيمو فتحي الرسالة

رودي طلعي برا من دون ماتقولي للبنات انه انا اريدك بسرعة يالله

شيماء استعربت طلب سارا عرفت وراها شيء

رودينا : مين

شيماء: هاا ايوة خدمة سمعني لنغمات

رودينا قامت من مكانها

ندى: لوين

شيماء : هاا زياد يريدني شوي وراجعة

ريم : متى قال يريدش

شيماء بتوتر : اول قالي تعالي بس نسيت والحين باروح اشوفه

ريماس : اوكي وشوفي سارا بطريقش

شيماء : ان شالله وطلعت بسرعة


سارا اول ماشافت شيماء استغربت منها ومسكت ضحكتها على شكلها : شوي اشوي

شيماء: وينش انتي ضحكتي عليهم واختفيتي قولي ايش وراش

سارا: شوي شوي ايش صار ووين اختفيت كذا مزاج وبعدين انا راسله لرودي مو لش

شيماء : لا والله استبدلتيني برودي الله فوق خلاني انا افتح المسج واقرأ

سارا: ههههههههه والله تحفة بس اخاف ترفضين

شيماء: قولي قولي وبعدين..

تقاطعها سارا بتسكتين ولا ماراح اقولك ايش في بالي

شيماء بحماس خاصة ان سارا رجعت زي زمان: ايش اهم شيء ما استعمل رجلي

سارا: هههههه لاتخافي ابد تجلسين مرتاحة اريد اسوق سيارة البورش ندور فيها

شيماء شهقت بقوة لدرجة انها شرقت : كح كح كح

سارا : بسمالله ودقاتها وراحت تجاب لها ماي بسرعة

هدت شيماء: انتي من صدقك

سارا بابتسامة: يب

شيماء : كيف وانتي ماتبتي

سارا: كيف معاي المفتاح انا معاي سبير كل السيارات بس محد يدري خخخخ واتوب اكيد لا

شيماء : اوكي يالله واذا صار شيء انتي السبة اول مرة رجلي الله يستر من ثاني مرة

سارا: اكيد على هههههههه يالله خلينا نطلع قبل مايحس فينا احد

شيماء ا: سارا فيش شيء

سارا: لالا مافيني شيء

شيماء: شكلك مو عاجبني

سارا بعبرة : خيالك يالله بسرعة وراي راحوا جهت السيارات وركبوا البورش

شغلت المسجل على الفل والمكيف فتحت البلوتوث حق السيارة وخلت بطاقة التيلفون متصلة بالسيارة

يعني اذا احد اتصل يتكلم وكل الي بالسيارة يسمع ويكلمه .

شيماء : يااااااااااااي حماس

سارا: يالله سمي وانطلقت بالسيارة

شيماء وتصارخ من صوت المشجل : وين بنروح

سارا ترد بصراخ : مادري بندور رسلي للبنات رسالة وقولي لهم

شيماء : انتي مجنونة بتخبر عنا والله لو عرفوا عنا ماراح يعدوها هذي المرة

سارا: اوكي

وجلسوا يدورن وسارا تزيد بالسرعة تطلع الي قيها بالسواقة

شيماء بخوف: سارا جنيتي هدي السرعة بنموت

سارا: هههههههههههه خوافة نحن بالبورش هذي سرعة طبيعية تريدي تشوفي السرعة على اصول

شيماء بصراخ: لاااااااااااااااا خلاص خلينا نرجع

الا وينقطع المسجل بنغمة التيبفون

شيماء ردي

سارا: مازن

شيماء : مازن ايش يريد

سارا وترد : الووو

هيثم : ووووين رايحين

سارا وشيماء فتحوا عيونهم

سارا: هاا

هيثم : يالمجنونة خفي السرعة

شيماء من الخوف مو مصدقه انه اخوها: مازن صوتك متغير وايش بتخرف انت

هيثم : والخبلة الثانية معاش صدق انها طيرة

سارا: هي حدك ايش تريد

هيثم: رجعي الحين ولا مابتشوفين خير

سارا: ايش بتسوي يعني

شيماء تطالعه مصدومة من سارا الي ما استحت وشو وتقاتل : هي انتم ماتستحون حرب بينكم وانت ايش فيك نحن بالبيت

هيثم :خلي الكذب انا وراكم من اول وانتي اقولش خفي السرعة ناوية تنتحرين

شيماء خايفة : سارا هدي السرعة

سارا: ماراح اخففها وانت ايش تريد مني رووووج

هيثم بهدوء: خايف عليش

سارا: هاهاهاها ضحكتني وزادة السرعة

شيماء : خففي يالمجنونة

سارا: ههههههههه

هيثم بخوف : ســــــــارا انتبهي قدامش

سارا وشيماء انتبهوا لشجرة قدامهم وصرخوا ولفت سارا بالسيارة بسرعة والحمدلله ماصار شيء ووقفت السيارة

على الجانب سارا حطت راسها على الدركسون

وشيماء جلست تبكي

جاء هيثم بسرعة لعندهم وفتح الباب على شيماء الي جلست تبكي بقوة خوف من الي صار
وخوف من هيثم والي صاير بينه وبين سارا

طالع بسارا كانت هدوء وراسها على الدركسون مايدري ايش يسوي : شيماء هدي اشوي ماصار
شيء

ويكلم سارا: سارا فيش شيء

سارا ولاحركة

شيماء وهيثم طالعوا فيها وفي بعض

شيماء : سارا

هيثم راح لجهة سارا بسرعة وفتح الباب طالعت فيه سارا وكان وجهها احمر قال : فيش شيء

سارا هزت راسها بلا

هيثم ياخذ نفس : ممكن اعرف ليش؟

سارا ببحة : لا

هيثم : الحين ماراح اتكلم بكرا لنا كلام ثاني

شيماء: هيثم سارا ايش فيكم انتم

سارا: ولاشيء

شيماء : سارا نحن ماصدقنا ترجعين سارا ايش الي صار

سارا: شيمو هذا انا

شيماء بعصبية وغصة : لا انت مو هيا مو سارا الي اعرفها اكثر من نفسي صح من يوم وصلنا
رجعتي مثل ما انتي مع اختلاف بسيط بس اليوم انقلبتي بالمرة

هيثم يطالع ومستغرب ايش قصتهم هذول يعني مو انا الي اقول انه فيها شيء ايش صاير اخوها والحين هذي

سارا: اقول هدي بلا كلام افلام هههههههههه والله متأثرة الاخت

هيثم بقهر تضحك وتستخف دمها : انتي ماعندك احساس بالمرة كنتي بتموتي وتموتيها معك بتهورك الدائم والحين جالسة تستخفين بدمك

شيماء: هــيثم

هيثم: خير يالطيرة انتم بتجننوني

سارا: لاتجن ولاشيء ياخي خليك كول

شيماء انصدمت من سارا وكلامها الي مع هيثم واسلوبها البارد

هيثم: كووول ها يالله قومي انتي وياها لسيارتي

سارا: تريد شيمو تروح معاك براحتها انا لا

شيماء شوي وتبكي : سارا انتي شفتي ايش صار لنا انتي سواقتش بنفسيتش هذي غلط

سارا: مالكم دخل فيني ان شالله اموت فكوني ماتحس الا بكف قوي على خدها شهقت شيماء بصوت عالي وسارا تصنمت مكانها وهيثم كان متفاجأ من نفسه

سارا: بغصة : مشكور ياولد عمي يجي منك اكثر

هيثم : سارا انا...

سارا: اشششششش ولا كلمة يكفي الي جاء منك

شيماء: سارا

تقاطعها سارا: لاتخافي شيمو مو ماخذه على خاطري روحوا وخلوني

هيثم مصدوم من الي سواه ومن جملتها ومقهور بس رجع لعصبيته لما قالت روحوا : اقول لايكثر يالله قومي ولا ماكفاش واحد تريدي الثاني. كان يقول بقهر هو ماوده يصير هذا الشيء ويوصلون لهذي الدرجة بس هيا تقهر هو شوي يموت خايف عليهم وهيا تضحك مايدري انها تضحك بس ورا ضحكها شيء ثاني ماله أي صله بالضحكة والسعادة
شيماء : هـــــي لاتصدق عمرك مو ولي امرها انته
هيثم طالعها بنظرات كلها شرر يعني سكتي ولا بكف
شيماء بلعت رقها على طول

سارا طالعت فيه بقهر وكره : قومي شيمو خلينا نروح لايموت علينا مسكين

شيماء تطالع فيهم بقهر هذولا المفروض يكون الي بينهم غير مو حروب عالمية وشرارات وكفوف

هيثم: شيــــــــــــماء

شيماء: ها

سارا: يالله نرجع .

شيماء: اوكي
ركبوا معه بسيارته بعد ماسكروا سيارة خالد وفي السيارة هدوء ولا كلمة كل واحد ساكت وسارح وصلوا للفلة نزلوا البنات بهدوء ودخلوا ودخل الهيثم على الشباب وكانوا يتفرجون على فلم اجنبي وشكلهم داخلين جوء ومسكرين الاضاءة يشوفون سو الجزء الثالث عاد انواع من الاحداث

هيثم : خــــــالد

الكل طالع فيه

ريان : اشششششششش

خالد: نعم

هيثم : نعامة ترفسك قوم معاي

عبدالعزيز : افااا النفس خايسة

هيثم: بقوة يالله انت قوم

خالد: انزين انزين

زياد: وانا ماتريدني

هيثم : تعال اذا تريد مو مسوي حفلة

طلعوا برا وهم مستغربين منه

هيثم :انت وين مفتاح سيارت

خالد: سيارتي ليش

هيثم بعصبية مكموته : جاوب

خالد : بالغرفة

هيثم : متأكد

خالد: ايوة

زياد : ايوة انا شفتها قبل اشوي مع مفاتيح بقية السيارات

هيثم: اوكي من وين لهم المفتاح

زياد وخالد بنفس الوقت : مين

هيثم : كنت برا اتمشى سمعت صوت بنات جهة السيارات رحت اشوف كانت شيماء وسارا وركبوا
سيارتك ركبت سيارتي وراهم وكانوا يمشون بسرعة جنونينة والحمدلله ان مازن عطاني تيلفون اسويله الاعدادت اتصلت عليهم وبدال مايوقفون زادت سرعتهم لدرجة انهم كانوا بيدعمون بشجرة بس الله ستر وبعدها وقفوا على الجانب هاوشتهم وركبوا سيارتي وسيارتك للحين هناك

زياد: للحين السبير معاها

خالد: ابوي اخذهم منها بس هيا ترجع وتشلهم مدري كيف اوكي وين موقف السيارة

هيثم : ركبوا معي وباوديك لمكانها

خالد: اوكي

زياد : روحو انتوا انا بدخل عندهم

هيثم: ليش عشان تتحمد لهم بالسلامة ولاتسوي لهم حفلة

خالد: هيثم يالله

راحوا الاثنين ودخل زياد للفلة يدور عليهم

*****************************************

اول مادخلوا للفلة

شيماء: سارا

سارا بابتسامة باهته : هلا

شيماء : تريدي تتكلمين

سارا: في ايش لا ماعندي شيء اقوله غير لاتاخذين بخاطرش وصدقيني هيثم بيندم على الكف

شيماء: الله يهدي قلوبكم

اكتفت سارا بابتسامة خلينا ندخل على البنات ولا ماراح يفكونا وننسى الي صار

شيماء : اوكي بس اغسل وجهي

سارا: يب وانا معك

خلصوا وعدلوا عمارهم وراحوا للبنات الي استلموهم اسئله وتحججوا بان زياد كان يريدهم بشغله
الا ويسمعون زياد ينادي على سارا وشيماء

ندى: مو الحين مخلينه وانتي ليش خدش احر

سارا: يب بس قال بيرجع عاد زياد وتعرفين حركاته وخدي مادري شيء قرصني من اول احتك

ريم : اكيد مو روميو زمانة

شيماء: سارا بسرعة

وطلعوا عليه

سارا: هلا والله

زياد: ممكن اعرف سبب الي سويتوه

شيماء: بسم الله على طول خبركم ف خدها

زياد: لاتغيري الموضوع , وطالع بسارا وشاف خدها الاحمر ومتورم شوي : ايش فيه خدش

شيماء بعصبية : اخوك ال

تقاطعها سارا بسرعة : ههههههههه يوم وقفنا اخوك انضرب خدي بالمنظرة احمر

زياد يطالعها بشك : هذا الي صار

سارا : يب , خير ايش تريد

زياد: اريد اكلمكم

سارا: ممكن نأجل الكلام لبكرا لاني تعبانة

زياد : من الدوارة

شيماء: انت وشوش راسك وجيت

زياد: لا والله يعني الي سويتوه صح ماتبتوا من اول مرة صح ماقلنا لكم شيء بس مو معناته راح
نسكت على كل الي تسونه

سارا: زياد الله يخليك حبيبي اجلها لبكرا لاني موقادرة لشيء كفاية

زياد بحنية : بأيش تحسين يالغالية

شيماء: بدا الفيلم الرومنسي

سارا : هههههه ياغيورة وانت انا مافيني الا العافية بس اريد انوم تعبت اليوم كثير

شيماء: وين الي قالت بتسهر للفجر

زياد: بلا سهر مو شايفة وجهها اصفر لاتسمعي كلامهم روحي نامي ولا ياويلش

سارا بابتسامة: ان شالله

راح عنهم وهم دخلوا على البنات الي قالولهم انهم بيناموا ووافقوا لانهم نعسوا واجلوا الي
خططوه لبكرا والكل راح ينام حتى الشباب خلص فيلمهم وناموا واكيد في مجموعة النوم كان مو جايهم وكل واحد قبل ماينام كان يفكر بافكار لبعيد ومو عارف الجواب

********************
اليوم الثاني الكل صاحي بكير اخر يوم بالمزرعة ويريدوا يستغلونه
الحريم والرجال والشباب والبنات الكل جالس برا على الجوء الي كان يجنن بس الرجال بصوب والحريم بصوب بس ممكن يدخلون بكم سالفة سوا

ام محمد : اشوف الكل اليوم من الصبح قايم

ام خالد: مو اخر يوم اليوم

ام ليث: هههههههه والله صح

ام فراس : لا عاد لميس من يومها تقوم بسرعة

ام محمد : ايوة الظهر بسرعة سكتي بس

منى : سارا اشوف خدش متورم وملون

طالع الهيثم فيها ومتلوم وشيماء طالعت فيه بتلومه نزل تجاهل نظراتها وحاول يسمع رد سارا

سارا بابتسامة باهتة : شيء قرصني ومادري ايش صار علية

ام هيثم : يوجعش حطي له كريم يمة

امحمد : تعالي اقري عليه عين عين ماصلت على النبي

سارا: ههههههههه يمه أي عين الله يهديش عين على ايش

ام احمد : ماشالله جمال وادب واخلاق تنحسدين عليهم

ام فر اس : كل بناتنا ماشالله عليهم ينحسدون عليه انا دايما احرس على بناتي يتحصنون لاتجيهم عين

ام ليث: والله صح الواحد لازم يتحصن عيون الحساد كثير

منى : الا متى سفرتكم

ابو الهيثم : متى مايريدون

سارا: عمي نريدها اول ماتطلع شيمو الجبس

ابو خالد : صح الكلام

وكملوا سوالف

خالد بصوت عالي لانه جالس بطرف هو ومروان وليث وزياد متمدد : ايش رايكم نروح الاستطبلات

الشباب : اوكي

سارا: مومكن نحن نروح معاكم

هيثم يطالعها وهيا تجاهلت نظراته


[COLOR=#87cefa]

عبدالعزيز : الا يالله قوموا

قاموا البنات يروحوا معاهم

ابوخالد: انتبهوا للبنات

الشباب : ان شالله

*********

ام محمد : متى هيثم بيتزوج سارا

ابو هيثم : قريب يايمة ان شالله

ام محمد : عقبال البقية ان شالله موزين تطولون بخطوبتهم وهم كل يوم شايفين بعض

ابو خالد: عاد يمه هم مو طالعين لوحدهم الكل طالع معاهم

ام محمد : سمعوا الكلام وسكتوا


*********************

الاستطبلات

الكل راكب خيل والبنات يتفرجون وسارا وتلعب بخيولها وتتمشى فيهم شهاب وبرق

لميس : ليه هيا الوحيدة الي معها

ندى : ههههههههه يالغيورة

ريم : لا ومعاها اثنين

شيماء: واحد مالها والثاني امانة

ندى : ايوة امانة

رهف : سارا تعالي لعندنا

جت سارا لجهتهم : مو قلت لكم تعالوا نتمشى ورفضتوا مين تريد تركب

رودينا : انا

سارا: اوكي يالله اركبي

رودينا: اريد شهاب

سارا: لا شهاب محد يركبه وانتم عارفين

لميس : بلا انانية

سارا طالعت فيها نظرة طول اليوم وهيا تتجاهلها بس نظراتها تدل ان في شيء كبير بينهم : مالش خص فيه وبعدين انتي تكلم رودينا شهاب مايحب أي احد يركبه يعني بتتأذين فيالله ركبي برق
ركبت رودينا برق وسارا ركبت معها لانها ماتعرف تمشيء عليه وكانت مرة فرحانة والكل ركب بعد رودينا ماعد شيماء الي جلست تتفرج

الشباب كانوا يتسابقون ومسوين جوائز زالبنات بعد ماركبوا قربوا من الشباب الي رحوا لبعيد عشان ياخذون راحتهم وشافوهم يتسابقون فصاروا يشجعون بقوة خالد فاز عليهم

سارا تساسر شيماء: مبروك الحبيب فز ههههههه وتغمز لها

شيماء انصبغ وجهها : مالت سكتي بلا كلام مو من الحقيقة

سارا: علينا ها

شيماء: هههههه مبروك الاخ خسر

سارا فهمت قصدها انها تقصد هيثم ماتت ضحك : هههههههههههههههه حلوة فديتش تفهميها
هههههههههههه

شيماء: ههههههههههه

البنات : ضحكونا

شيماء: بلا لجافة

ورجعوا للفلة مر الوقت بسرعة حاولوا يسغلونه بكل شيء


*****************************

الجـــــــــ الرابع عشر ــــــــزء






(الجـــــــــ الرابع عشر ـــــــــزء )


بعد ماقضوا وقتهم مع الحريم رقص وغناء وسوالف حتى تعبوا والحريم مرتاحات عليهم
وتأخر الوقت وراحوا يناموا جلسوا البنات لوحدهم

ريم: يالله على اتفاق امس

البنات : اكـــــــــــــــــــــــيد وقاموا يجهزون التسليات واخذت رودينا طبلة وريماس الجيتار حق الشباب

مازن داخل عليهم المطبخ وهم يجمعون الاكل

مازن : ايش بتسون

ريماس: وليش اللجافة

مازن : يالله قولي

ندى : بنروح للتيتنك وبنكمل سهرة هناك

مازن : والله فكرة

شيماء: لاتقول لاحد

مازن : اكيد عطوني ماي عطوه ماي وطلع راجع لعند الشباب

والبنات انطلقوا لواجهتهم

مازن دخل عند الشباب وقالهم عن البنات

فراس: انا رايح عندهم والله مقيمات الحياة احسن منكم ملل ترحون شباب يطالع بريان وأيدا

ريان : اكيد يالله وقام اياد معهم ومازن اكيد معهم وطلعوا لبرا

ليث: الي مايستحون راحوا عند البنات

خالد: ملوا من اشكالكم معندكم سالفة

مروان: لتكون ناوي تروح

خالد: والله بفكر

عبدالعزيز: هي ماتستحون انتوا

زياد: عادي نحن نمون عليهم وبعدين خالتنا موجودة

عبدالعزيز ياحظكم فيها : اوكي روحوا لهم بعد اشوي

خالد: اوكي


**********************************


وصلوا للمكان قربت سارا من السور وطلعت درجة وحدة غمضت عيونها وتنفست بعمق شعور يجنن وسرحت بخيالها

ندى: هههههههههههه البنت عايشة جو

ريم : نادوا على الهيثم ويكونوا كيت وليوناردو

البنات: ههههههههههههههههههههه

سارا بوزت من ذكراه : هاهاها سخيفات

شيماء الي عارفة ان سارا علاقتها بالهيثم مو ولابد : يالله نلعب

البنات جلسوا دايرة وحطوا الزجاجة بالنص ويوم بتلفها ندى لانها الاكبر واختاروها الا ويسمعون صوت تحمحام

الشباب : احم احم

ريم لمحت مازن: تعال يامازن

مازن : انا مو لوحدي معاي فراس واياد وريان

ندى اوكي قربوا

قربوا الشباب فراس: ايش بتلعبون

رودينا بهمس : ياملقك ريم الي سمعاتها مسكت ضحكتها بقوة

سارا: جرأة وحقيقة

ريان: ههههههههههه موهينات طلعتو

ندى :نعجبك

أياد: اكيد ولاماتشوفينا جاين

سارا: بتلعبون

رودينا تساسر رهف وريماس الله هذول مايستحون يريدونا نلعب معاهم

ريماس: فشلة

رهف : ههههه عاد هذلا الثلاثه الواحد يروح وطي معاهم مايحشمون

فراس : اخاف مو الكل موافق نلعب معاكم

ندى : عادي انتم مثل خواتهم

ريان : اكيد خواتنا لاتستحون عادي

سارا: نبدي اللعب

مازن : يالله

ريم : وانت بتلعب

مازن : ليش حرام

سارا: لاعادي حالك من حالهم بس انتم ايش الي جابكم وخليتوا الشباب

ريان : ملل وماعندهم سالفة ومازن قال لنا انكم هنا جينا

رودينا: والله انك ثرثار

فراس: ليش اخت رودينا مو عاجبك انه خبرنا لايكون مضايقينش بالجلسة

شيماء: لالا مو مضايقنها اكيد بس اصلا نحن قلنا له مايتكلم عشان البقية مايعقبون علينا تعرفونهم

فراس: اها على بالي

ريان ويدفه بكوعه : هي نحن اتفقنا على ايش اص ولا والله ارويك

فراس: اح اوكي انزين خلاص

ندى: بايش تتساسرون

ريان: ولا شي ولاشي

مازن : يالله بتلعبون ولا لا

سارا: يالله بنلعب جلسوا بشكل دائرة وجلسوا

كانت سارا جنبها مازن وجنبه ريان وفراس وأياد وندى وريم ولميس ورهف وريماس ورودينا وشيماء

لفوا الزجاجة جت مازن يسأل رهف

مازن: جرأة ولا حقيقة

سارا: ياخطير وفاهم اللعبة

مازن : ايش على بالش

رهف: امممم جرأة

مازن: فتحي قايمة الاسماء بتيلفونك ونان باقول استب وعلى الرقم بتتصلين وتقولين اذا رد

انا خبلة ومجنونة واحب امي وابوية خخخخ

رهف : أيـــــش

الكل مات ضحك : هههههههههههههه

ريان : من وين جبت هذا الطلب

فراس: ههههههههه والله خطير

مازن: احم احم اعجبكم

سارا: والله انك داهية بس لاتصدقوه هذا مرة وحدة منا سواته بس الكلام كان غير

ريان : ونحن نقول الولد خبره

الكل: هههههههههههههههه

مازن: يالله

رهف : تيلفوني مو معي

ريماس: خذي تيلفوني

رهف: لاوالله

ريماس: عادوا احمدي ربك بيفتكروك انا

رهف: عجباتها الفكرة اوكي واخذت التيلفون

مازن : عطيني انا وانتي قولي استب

رهف: اوكي مافرقت

مازن : يالله قولي استب

رهف: امممم استووب

مازن بابتسامة خبيثة : يالله انا اتصلت وانت تكلمي بسرعة

رهف اخذت التيلفون ومن الفشلة اول ما انفتح الخط قالت : انا خبلة ومجنونة واحب امي وابوية وسكرت التيلفون

الكل مات ضحك على شكلها وهيا تقول الجملة : هههههههههههههههههههههههههههههههه

ريماس: مين الي كان حظه يسمع هذي الجملة

رهف وجهها احمر

مازن: ههههههههههه لا حرام اقول

رهف طالعت فيه :

مازن: هههههههههههههههههههههههههه

الكل: ضحك على ضحكه ورهف عصبت عليهم وعليه

رهف: طيب يا مويزن ارويك

مازن: لالا ولا باقول للي اتصلتي عليه مين انتي

رهف انقهرت منه وفتحت التيفون الي بايدها تشوف الاسم ولما شافاته كأن ماي بارد انصب على راسها

لميس: يالثور ايش سويت باختي

فراس: رهوفة ههههههه ماعليش والله لانتقم منه

رهف: ساكته ...........


*******************************[

/COLOR]

كان جالس يسولف مع الشباب الا ويسمع صوت نغمة تيلفونه واستغرب من المتصل ريماس اخته
واول مافتح الخط يسمع جملة ومصاحبها صوت ضحك ما استوعبها في البداية بس اول ماسكر الخط جلس ثواني ساكت ومفهي

احمد: خير يابوالشباب

هيثم: جهاد مين الي اتصل

جهاد: هههههههههههههههههههههههههه

الكل طالعوا فيه مستغربين منه

جهاد : ههههههههههه والله انهم تحف

عبدالعزيز : ايش صاير

جهاد: لا بس شكل الشعب مقيمها " فالينها" هناك هههههههههه

خالد: والله شكلي باروح

ليث: ههههههههه انت من اول تقول باروح

زياد: يساسر خالد: عيب نروح مو الكل بيروح لان البنات ماراح ياخذون راحتهم ومروان مابيجي معانا

خالد: اوكي بعد ساعة بنروح يكونوا ملوا من اللعب

زياد: اوكي

جهاد كان يفكر مين الي تكلمت مو اخته صوت ريماس معرف هذي غير صوتها بس قال بسألأ مازن بعدين

*****************************

نرجع للعب

بعد ماضحكوا وجاء الدور على الكثير وكانوا مرة غفلانين " مستانسين"حركوا الزجاجة
وجت فراس يسأل رودينا الكل ماسك ضحكته على شكل فراس الي ناوي عليها ورودينا وشكلها المصدوم

فراس بابتسامة : جرأة ولا حقيقة

رودينا خافت الجرأة والحقيقة كلهم سوا عند فراس : اممممم حقيقة

فراس بابتسامة خبث : اكثر شيء يعجبش فيني

سكـــــــــــــــــوت

رودينا وجهها صار احمر : هاا

مازن : من قال ها سمع

ريان : ايش السؤال هذي

ندى : السؤال سؤال

البنات ساكتين شوي ويموتوا ضحك على رودينا الي منقلبة

رودينا طالعت فيه : ماشي

فراس : هاهاهاها لا انا اريد شيء واحد زين فيني يعني شيء تقول يالله ماشيء

رودينا : ياخي ولا شيء كلك على بعضك ماتعجبني

مازن: عن العيارة

فراس عصب عليها بس حاول مايبين : خليها مازن البنت ماكذبت

رودينا : اكيد

الكل حس بتكهرب الجوء لميس عصبة على رودينا

ندى تغير الجو يالله بنلف من جديد

لفت وجت لميس تسأل سارا هدووووووووء

لميس بابتسامة : جرأ ولاحقيقة

سارا موطايقة لميس بعد الي سمعاته وقالت جرأة اكيد بتطلب مني شيء وقح : حقيقة

لميس : مازن ممكن تجابلي بطاني لاني بردانه

مازن : الحين وقت بطانية

لميس: ايوة

البنات حسوا ان لميس ناوية على شيء

ريم: مازن روح جابلها وبتلحق على اللعبة

مازن: اوكي وقام وهو يسب فيها

لميس باكبر ابتسامة : انتي طلوعش من الكلية مو سبب تخصصات انتي مسكوك مع واحد مادري اعتدى

الكل مصدوم ومندهش من الي تقوله لميس الي ماحست الابكف قوي جاي على خدها وصداه كان قوي يقطع كلامها

سارا الي رجعت اشوي من الكف وايدها ترجف : كلن يرا الناس بعين طبعه

لميس: هاهاهاها لاتغيرين السالفة وجاوبي صح ولا انا ويجيها كف ثاني بس مو من سارا فراس

الي وجهه انقلب من اخته وجرأتها واتهامها لبنت خالتها : لميــــــس كلمة والله لاتشوفي شيء مايسرش ايش الكلام الي تقوليه

لميس بعصبية : ايوة دايما نحن الغلط وهيا الصح اسأل الكل ليش طلعت من الكلية والناس كلهم يعرفون بالموضوع بس نحن لازم يسغفلونا وما انقطع كلامها الا على صرخة

ندى : ســــــــــــــارا

سارا طاحت مغمي عليها لميس هربت بسرعة ريم ترش الماي عليها الشباب كانوا جاين لهم مثل ما اتفقوا وسمعوا الصوت ركضوا

سارا تفتح عيونها شوي شوي شافت البنات كلهم حولها وفراس واياد وريان

الا وتسمع صوت خالد: خير ايش فيه ويوم شافهم مجتمعين قرب وشاف سارا قرب منها ومسكها

سارا: ايش فيش

سارا..................

فراس: سارا لاتاخذين بكلامها كلنا عارفينش وهيا الله يهديها معرف ايش قصتها بس ماعليش والله تكسير الراس بيجيها

سارا تقوم بهدوء من عندهم وتقرب من السور واستندت عليه : ممكن تسكرون الموضوع

خالد: ايش صاير

ندى طالعت فيه كانها تقوله بعدين

مرووان وليث ساكتين

زياد توه جاي كان يشرب ماي وقال لشباب يسبقونه ويوم وصل وكان معاه مازن حس الجوء

متكهرب: ايش صار ههههههههه ليكون ماتريدونا

ليث يضربه بكوعه : اسكت السالفة شكلها كبيرة

زياد بجد : ايش صار

الكل ســـــــــاكت

خالد: خلونا نرجع يالله سارا

سارا ماتحركت قرب منها يكلمها

والبنات اخذوا يلمون الاغراض ليث ومروان رجعوا ومعاهم الرباعي

شيماء تأشر على زياد الي قرب زياد: خير ايش صارا

شيماء: اجلس مع سارا

زياد: قولي ايش صار

شيماء: لميس

زياد ايش فيها شيماء: سألت سارا قالت لها وخبراته شيماء بالي صار

زياد فار دمه : الي ماتستحي ومن وين لها هذي الكلام والله لارويها خليها علي

ندى :يالله

زياد : روحوا انتم خـالد روح وانا وسارا بنرجع بعد اشوي

خالد طالع فيه وبعدين وافق ورجع وقلبه مو مطاوعه بس عارف زياد ايش ممكن يسوي لها وهو راح مع ندى تقوله بالسالفة


*************************

الشباب استغربوا من دخولهم عليهم واشكالهم تدل على التفكير

وليد: خير اشوفكم رجعتوا معدا الاخوان لايكونوا طردوكم

مازن : انا مدري ايش صارا رحت اجاب بطانية شفت الجو مكركب

ليث: نحن اول ماجينا كانت سارا دايخة

الكل فتحوا عيونهم

مروان لاتخافوا الحين مافيها شيء جالية عند اخوانها لكن ايش صار سألوا هذولا ويأشر على فراس

وريان واياد الي ساكتين

عبدالعزيز: تكلموا ايش صارا

فراس ووجه احمر : صدقني ماتريد تسمعها

وليد: بتتكلمون ولا كيف

احمد : خلوهم يرتاحوا شوي وبعدين يتكلمون

هيثم كان ساكت وعلى نارا يريد يعرف

جهاد : بتصل بريم وبعرف منها السالفة وجلس يتصل وماحد يرد

عبدالعزيز انا مو جالس رايح عندهم

وليد: وانا معاك

راحوا عند البنات ومالاقوهم لانهم راحوا لغرفهم كل وحدة تغتصب النوم وتنسى الي صار

ماعدا شيماء الي جالسة بالملحق الي تنام سارا معاها وكانت تبكي على حال سارا امس هيثم واليوم لميس
: ااااااااااه ودخل عليها وليد وعبدالعزيز

شيماء تبلع ريقها وتمسح دموعها : هلا والله بعمو وخالو

عبدالعزيز : ماتضيعي الموضوع ايش صارا

شيماء: بتلاقوا خالد وندى بالمطبخ روحوا عندهم وبيقولوا لكم

وليد: وليش انتي ماتقولي

شيماء: ما اقدر ورحوا قبل مايطلعون

طلعوا من عندها للمطبخ دخل الوليد قبل عشان يقول لندى تتغطى ودخل عبدالعزيز وسألوهم

خالد: ماشي كالعادة لميس وسارا ومشاكلهم

عبدالعزيز : بس شكل هذي المرة غير

خالد: لاغير ولاشيء بس سارا ماصبرت من لسان لميس وعطاتها كف وهذا الي سوا جوء غريب

وليد: سارا عطت لميس كف

ندى : ايوة وقوي والله لدرجة ان سارا رجعت لورا

كان يتأملها وهيا تتكلم وماحد حس عليه غيرها وتوترت منه

ندى : يالله تصبحون على خير

الكل: وانتي من اهله

وليد : وينها سارا

خالد: مع زياد جالسين يتكلمون

عبدالعزيز : خلاص روميو بيكفي

وليد: روميو قالك زياد مو الهيثم

عبدالعزيز : هههههههه والله الاخ مغيب وخبره بسالفة روميو

وليد: ههههههه الحمدلله والشكر

خالد: ههههههههه يالله خلونا نروح عند الشباب ونطمنهم

عبدالعزيز: واهم واحد هيثم مسكين من الخوف سكت واستحى يسأل خخخخخ

وليد: ههههه والله صدقك

خالد: اوكي يالله خلونا نلحق عليه لايموت

وراحوا عند الشباب وقالوا ان مافي شيء صاير وسارا بتضحك وتسولف عادي

ارتاح فراس لما قالوا لهم كذا سارا انسانة غالية عليه يحس انها اخته بسوالفها ومواقفها وحركاتها معاهم


***************************


زياد : ماراح تتكلمين

سارا: زيود انا ايش سويت ليش كذا يصيرلي والله تعبت مو قادرة خلاص كل ماقلت خلاص يجي
شيء ينكد علي احس اني مخنوقة اريد ارتاح وربي تعبت ونزلن دموعها بهدوء ليش الناس ماتحبني

زياد: سارا ماعليش من لميس كلنا نعرف انها تغير منش وكلنا نحبك

سارا مقهورة منها من الي تسوية وكملت الي سواته اليوم : لا مو كلكم زياد انا دلوعة وانتم مكبرين راسي وانا مايهمني احد ليش تحبوني وانا واحد اعتد

زياد يقاطعها ويحط صبعه على شفايفها : اششششش كان كان وماصارا شيء وربش ستر ولازم تكملين حياتش وانتي مو ناقصش شيء خليش واثقة من نفسش والكلام الي قلتيه مو صح انتي دلوعة لانا نحبك لانك تنحبين

سارا بكت بهدوء : مو صح وربي موصح

ضمها زياد بهدوء وخلاها تبكي وكانت تقول كلام كثير مو مترابط وخلاها تفضفض امكن ترتاح




بعدت عنه وابتسمت : شكرا

زياد بحنية : عفوا

سارا بخاطرها " ياريت اخوك زيك كان انا مرتاحة " ونزلن دموعها تتحسر على حالها

زياد ويمسح دموعها : خلاص فكيها ماصدقنا نشوف الابتسامة ترجعين تبكين

سارا ابتسمت له دايما يغير مودها : الله لايحرمني منك

زياد: ولا منش يالله نرجع

سارا: لا خلينا نشوف الشروق

زياد : اوكي وايش رايش اتصل بخالد يجي ويجاب كوفي معاه

سارا: اوكي

اتصلوا بخالد الي ماصدق خبر وقام وقال لشباب انه بيروح عندهم وجابلهم كوفي

وكملوها سهرة للشروق وتفرجوا على الشروق وبعدين رجعوا يرتبون اغراضهم لانهم على الظهر
بيرجعون

الظهر بعد الصلاة الكل يرتب ويدخل الشنط بالسيارة والبنات جلسوا يسولفوا ويضحكوا ويصورن ما
كأنوا شي لان سارا قامت مثل اول ايام المزرعة وحاولت تكسر الصمت بين البنات وخاصة رهف الي مستحية من اختها وكلمت ريان وفراس واياد عشان يعرفون انها بخير وجلست تصورهم

هيثم كان يشوفها ومقهور خلاص بتجننه مو فاهمها ابد

جهاد: هيثم شوي شوي على رقبتك

هيثم .............

جهاد: اوووووووووه الرجال ضايع

هيثم:..........

جهاد: ويدفه على خفيف بس هيثم كان بيطيح منها على ورا بس مسكه جهاد وجلس يضحك على شكله المفزوع

هيثم بعصبية : نتكت انت

جهاد: هههههههه والله كان يبغالك صورة هههههههه


ركبوا السيارات وانطلق الكل للبيوتهم


**********************************
مروا الايام والاسابيع بسرعة بسرعة

كانوا البنات والاهل يجتمعون بين فترة وفترة والكل تجاهل الي صار ولميس تحاول ماتحتك بسارا واعتذرت منها لان فراس هددها وقال لرهف بتخبر عنها لو سوت شيء ووقتها كله في الغرفة تكلم هشام شيماء تحاول تتفادا هيثم وتكلمه بشكل سطحي على الي سواه بساراوطلعت الجبس وسولها حفلة وناموا عندها وعرفوا البنات ان بكرا النتايج راح تطلع والكل متحمس لها ريم وشيماء لاتسألون عن حالهم متوترين وخايفين فاتحين الموقع ومنظرين النتائج ورسلوا مسجات لتربية تعطيهم النتائج والبنات بتيلفوناتهم كلهم رسلوا ارقامهم

رودي رودي جالك مسج الكل طالع برودينا

ريم وشيماء شوي ويموتوا

رودينا تفتح المسج : هههههههههههههه مو هم موهم ارتاحوا

ندى : مالت وترتينا على الفاضي

رودينا : مو على الفاضي عندي نتيجة وحدة

البنات بصوت عالي: حلـــــــــــــــــفي

رودينا: والله

شيماء وريم ساكتات

رودينا: تعطوني البشارة اوكي

البنات: روديــــــــــــــــــــنا

سارا حاطه تيلفونها صامت يرن بمسج تفتحة وتشق الابتسامة

الكل طالع فيها

سارا: ايش فيكم

ريماس: ليش تضحكين

سارا: هههههههههههههههههه قريت نكته هههههههه وبعدين النتايج بكرا سكروا الموقع

والمسجات بتوصل بكرا

شيماء: صح بس مادري عندي توتر امكن يرسلوها قبل

رهف : سارا انتي نتايجك طلعت قبل الكل صح انتي وزياد

سارا حمر وجهاا من هذاك اليوم

البنات تذكروا : هههههههههههههههههههههه

سارا: اششششششششششش مالت

" سارا يوم النتايج تقول مايهمها شيء وتهرب باي شيء من سالفة النتائج وتقول عادي وتحدت مع البنات لو جابت في الثمانينات لترمي نفسها بالبركة وترقص رقص مو صاحي ويوم كانت نايمة الا وتسمع دق قوي على الباب وفتحاته بسرعة وخايفة خير

زياد: النتايج طلعت

سارا انصدمت وقلبها طبول : هاا

خالد: تدرين نحن دايما نتايجنا بسرعة يطلعوا عمي سالم يطلعها بسرعه

سارا تسكت خالد الي قاصد يوترها : كم؟

زياد: مو تقولي ماتهمك

سارا: كم

خالد زعلان: صراحة صدمتينا حتى الوالد تفشل من عمي سالم

سارا شوي وتبكي: كـــم؟

زياد: 66%

سارا شغلت ونانتها وبكت بكاء قوي الونانة كانت لاخر الشارع

خالد وزياد : ههههههههههههههههههههههههههههههه

خالد : بس بس الي مو مهتمة جبتي احسن مني 85%

سارا: احلف

زياد ": والله

ورقصة سارا مثل الخبل وتذكرت المسبح وركضت لبرا شافت امها وابوها طالعين الدرج بيجون عندها سلمت عليهم وباركولها وبعدين كملت ركض لبرا
زياد وخالد وام خالد وابو خالد مو فاهمين شيء ؟؟؟؟؟؟؟؟؟؟؟؟؟؟؟؟؟؟؟؟ وراحوا وراها
وقفزت في البركة على طول وتضحك مثل الخبل هههههههههههههه وبعدين تذكرت زياد

وطالعت فيه انت كم جبت

الكل: ههههههههههههههههههههههه

زياد مبوز: تو الناس اخت سارا

سارا : سوري بس هذا تحدي ونسيت قول كم

زياد ويعدل وقفته وبشموخ 83%

سارا فاتحة عيونها : كـــــــذاب

زياد: والله على بالش احسن مني

سارا: واااااااااااو اوووه الماي بارد

الكل: هههههههههههههههههههههههههههههههههههههه

وراحت تدق على كل بيوت عمامها وامها ام محمد تبشرهم وهيا تبلبل كلووووووش "



نرجع لعند البنات

يندق باب الغرفة

ابو هيثم : السلام عليكم كيفكم بنات

البنات : وعليكم السلام الحمدلله

شيماء : هلا يبه الحمدلله توني طالعة من عندك تامر بشيء الاوتدخل ام الهيثم وراه

ابو هيثم : هههههههههههههه متوترة

شيماء شوي وتبكي : يبــه

ابو الهيثم : تطمني انتي وبنت عمش ترفعون الراس

شيماء وريم صرخوا : طلعوا كـــــــــــم

ابو الهيثم : ههههههه مبروووك يابنتي انتي 98,15%
وريم 96,55%

شيماء بصراخ :ياااااااااااااااااااااااااااااااااااااااااي وجلست تصيح وتسلم على ابوها وامها الي دموعهم خاناتهم

والكل فرح فرحة قوية وريم اتصل ابوها وامها وباركوا لها واكيد الكل وعدوهم بالهدايا على النتيجة المشرفة

وسولهم حفلة تخرج كبيرة عزموا فيها الاهل وكل اصحابهم بافخم القاعات
والكل ارتبش لهذي الحفلة وصاروا البنات يستعدون لها من سوق وخياطات حتى يجهزوا بسرعة وترتيبات للحفلة

يوم الحفلة

البنات بعد مارجعوا من الصالون ولبسوا وصاروا جاهزين كانت كل وحدة تقول الزين عندي

سارا لبست فستان احمر تحب هذا اللون كان قصير من قدام وطويل من ورا عليه ذيلة فيها قصات غريبة واكمامه قصيرة يالله تغطي الكتف وضيق من الخصر وواسع من تحت وكان من تحت الصدر حزام بسيط فيه كرستال ذهبي وبالنص برش كرستالي احمر مع ذهبي مسوية شعرها بف ومن تحت لور طالع يجنن وحطت وردة حمرا على الجانب الايمن ولبست اكسسوارا ذهبية وخلخال من فرفشة وكعب احمر بشرايط مخملية تنربط على الرجل والمكياج خفيف مع تحجير العين وحطت الحمرة الحمرا كرزية على شفايفها المنفوخة شوي كانت كانت روعة وجذابة

شيماء لبست بنفسجي غامق نفس موديل سارا بس على فضي ولبست عليه طقم الماس ابيض هدية نجاحها من ابوها وشعرها الاسود رفعت نصه بتسريحة غريبة وحطت شباصة كرستالية بنفسجية على الجانب والكعب مثل مودبل سارا بس بنفسجي ومكياجها عربي ثقيل على جمالها الحاد كانت رهيبة

ندى لبست فستان تايجر بدرجات البني الفاتحة والغامقة وكانت الالوان حلوة كان طويل واكمامة قصيرة بس مو مثل شيماء وسارا لا غطت الزند وكانت عليه كسرات حلوة والمكياج بدرجات البني وخيفيف على ملامحها الهادية كانت تجنن وشعره سواته شنيو تنزل منه خصلات متفرقة

ريم لبست فستان نفس موديل اليسا ولونه ذهبي ومن الوسط برش كرستالي ذهبي وسوت شعرها بف وحطت عليه شيريط ذهبية كلها كرستال ذهبي وسوت سموكي عليه لمعه ذهبية ولبست كعب ذهبي واكسسوارات من لازوردي على شكل حلقاتا حلقات

لميس لبست فستان بالطريقة الفكتورية لونه عنابي على بيج الي من داخل ضيق من فوق لين الخصر وبعده نفيخة وسوت شعرها كله لورات تكمل اللوك وكل شيء منها فكتوري

رودينا وريماس ورهف اتفقوا يلبسون ملابس هندية ساري تنورة وصديرية ومسويات لوك هندي مطلعهم رهيبات الثلاث رودينا اخضر ورهف وردي وريماس مشمي

كانوا البنات ملفتات والكل يطالع فيهم وامهتهم يسمون عليهم وحصنونهم من العين والحسد
وماجلسوا البنات من رقص وضحك طول الوقت رقص على كل الاغاني وتسفيق وحماس كانت الفرحة كبيرة

كانت ام هيثم تعرف بسارا انها خطيبة ولدها هيثم والكل يبارك لها هيا واختها ام خالد
والبنات كل شوي تسالهم حرمة بنات منو وهم مسوين فيهم خبال وضحك هههههههه


رودينا : ههههههههه والله الي يشوفهم تقولين بكرا التيلفون ماراح يتوقف من اتصالات

البنات : ههههههههههههههه

سارا: والله ماتستحين مستعجلة

رودينا: هــي مو انتي ياحبيبتي حاطة ببطنش بطيخة صيفي ياخطيبة الدكتور الهيثم ال...

سارا بخاطرها مالت

شيماء: عاد امي اليوم كل شوي تقول لوحدة هذي خطيبة ولدي الكبير

سارا حمر وجهها

ندى : هههههههه والله وصرنا نستحي

ريم الي جاية عندهم : اف تعبت والله

شيماء: ايوة والله

ندى : وهذي الحفلة على شرفكن

رودينا: مالت احد يحصله يكون نجم الحفلة ويتعب

ريماس ورهف جاين ومعاهم بوكيهين ورد

سارا: الله حلوات

ريماس: هذا لشيمو والثاني لريامي

ريم وشيماء : يااااي

رودينا : هههههههه الحمدلله والشكر ويقولوا تعب ماقول الا مالت علينا

البنات : هههههههههههههههه

سار : عاد نشوف كم بتجابي

رودينا: ماعليش انتي بس

رهف : ههههههه ياواثق انته

ريماس: والله حفلة معتبرة

سارا باروح عند ملاك وصلت عند الباب

وراحت بسرعة وفتحت البوابة وطلعت وراحت للبوابة الفاصلة للمواقف كانت نتظر دخلولها اندق الباب وفتحاته بسرعة وتخبت ورا الباب

من الطرف الثاني استغرب بس دخل لانه اتصل بامه وقال انه جاي يريدها بس تفاجأ من الحورية الي قدامه غمض عيونه وفتحها اكثر من مرة مصدوم من شكلها ماتوقعها تكون كذا

جلست ترمش بعيونها من الصدمة مو مصدقة الي تشوفه

حب يستفزها : تصدقين حركتك قديمة بس ماتوقعتش كذا حلوة

سارا انقهرت منه وشهقت من تفكيره : اطلع يالي ماتستحي

: هههههههههههه طالع طالع لاتسوي فيها بريئة يالله سي يو وطلع

جلست سارا تتنفس بعمق تحاول تهدي نفسها وخافت لاتستفرغ وجلست تفكر باي شيء حلو

حتى اراتاحت شوي الا وتشوف ملاك وامها داخلات

سارا: ياهلا والله بخالتي وملوكة

ام ملاك : هلا فيش يانتي كيفش واخبارش

سارا : الحمدلله ياخاله وانتي

ام ملاك : الحمدلله وين امش

سارا : اول ماتدخلين باتشوفيها تنظرش من اول

ملاك: وانا مالي ترحيب

سارا: الا الترحيب كله لش ياملاك حياتي ياخطيبة مزون الا اخباره

ملاك احمر وجهها : سكتي والله كل يوم اتفشل عند اخواني من حركاته

سارا: هههههههه الله يكثرها ههههههههه الولد ميت عليش ويجنن مبروك عليش

ملاك وتضربها بخفيف على كتفها : سكتي انتي يعني الهيثم الي بيته طابقة مايسوي شيء

سكتت سارا " الا يعطي كفوف ونحن للحين ماتزوجنا " ابتسمت بخفيف ملاك على بالها خجل

ملاك: هههههههههه والله وصرنا نستحي والله لو يشوفش كان اليوم بيقول خلو العرس اليوم ايش الحلاوة هذي غطيتي

سارا استحت مرا وتذكرت الي صار قبل اشوي معه وحاولت تتجاهل الكلام: ههههههه عيونك الحلوة وانتي بسم الله عليش على التركواز يجنن مرة عليش يالغلا

ملاك : يسلمو والله وينهم بنات عمك

سارا : هناك تعالي عندهم

وراحوا عند البنات

وكملوا سوالف ويجلسوا مع بنات الاقارب شوي ويتحركون ويرقصون لين خلصة الحفلة وانكسرو رجولهم

سارا : بنات ايش رايكم تنامون معي عند امي والله بتفرح

شيماء : صح والله فكرة بقول لامي

كل وحدة كلمت امها ووافقوا وراحوا لبيت ام محمد

سارا راحت لغرفتها ببيتهم اخذت شور وبدلت لبست بيجامة قطنية تي شرت وردي سادة وبرمودا
كاروهات وردي مع فيروزي وسوت بشعرها قرنين صينيات تنزل منهم خصل عشوائية ورجعت لبيت جدتها من الجسر وشافت بطريقها عبدالعزيز

سارا: عزوز

عبدالعزيز ويطالعها : هلا والله ايش مسوية

سارا:ههههههههه حلوة مو

عبدالعزيز: اكيد

سارا: تثلم , المهم انت ايش جابك روح نام عند خالد انا قلت لخالد

عبدالعزيز قاله خالد بس يستعبط : ليش ؟

سارا: لانه نحن البنات عندكم ونريد ناخذ راحتنا

عبدالعزيز يريد يسدرجها : اها اعتقد انتم بنات اخواني تستحون من عمكم

سارا ماكانت منتبه : اكيد لا مع انه شوي يستحون منك مو مثلي بايعاتها بس عندنا وفهمت قصده
هنا ههههههه رودينا بس

عبدالعزيز: ايش الي بس

سارا: رودينا معانا مع البنات يعني مين بغيت انت

عبدالعزيز: الحين عشان رودينا بتنيموني عند اخوش لا

سارا: ههههه شوف بلا لف ولا دوران فاهمة قصدك

عبدالعزيز: هاا

سارا : من قال ها سمع وبعدين من زمان ملاحظين

عبدالعزيز يبتسم : مين انتوا

سارا: ههههههههه كلنا

عبدالعزيز: وهيا

سارا: امممممم مادري عنها ماتكلمت

عبدالعزيز بزعل : ليش مو عاجبها

سارا: انت احد يقدر ماينعجب فيك بس ليش تتعب نفسها وتفكر فيك وهيا ماتدري عنك

عبدالعزيز: انا نويت اخطبها

سارا بفرح: احلف

عبدالعزيز : ههههههههه ايوة مو هيثم وانتي احسن مني

عبست سارا لثواني وبعدين تجاهلت سارا كلمتها : متى ناوي يالله تزوجواخلونا نفرح

عبدالعزيز : قريب اول مانرجع من دبي

سارا: هياااا وااااااااو وباساته على راسه وعلى خدوده وتباركله وهو ميت ضحك عليها

عبدالعزيز: ههههههههه بس بس للحين ماصار شيء

سارا: شوف اول مانرجع لاتأخر الموضوع ممكن تروح منك في الحفلة اليوم وحدة كأنها بتلمح لها
وكل شوي تسال عنها

عبدالعزيز بعصبية : تتخسي الا هي وولدها ياخذها

سارا: هههههههههه ياعيني وينش ياندوش تسمعين الله يجمعكم على خير وتعيشون بسعادة يارب

عبدالعزيز : امين ويسعدش انتي وها ماوصيش انتي لمحي لها اوكي واذا مو موافقة ننسى الموضوع

سارا: ماعليك اعتبر الموضوع تم

عبدالعزيز : يابعدي والله بنت اخوي كفؤ والله

سارا: احم احم يالله روح عند خالد

عبدالعزيز : من عيوني ياعيوني

سارا: ههههههههههه ادري مو انا المقصودة

عبدالعزيز: هههههههه لالا انتي صدقيني

سارا : طيب يالله روح تأخرت على البنات

عبدالعزيز: طيب باي وسلمي

سارا: هههههههه ان شالله

راحت عند البنات وهو راح عند خالد وحدة فرحان

قرب موعد السفر قبل السفرة بيوم الكل اجتمع عند ام محمد على العشاء والسفرة على الفجر

الكل جالس ينصح وماتوقفوا نصايح ويوصون الشباب على البنات والامهات يوصون البنات بالعقل ويخلون حركاتهم الجنونة وهم مافي على لسانهم غير ان شالله وهيثم يطالع بسارا كأنه يقولها سمعي هذي كلها لش

سارا عاطياته اكبر طاف

وجلسوا يسولفون سوالف وكملوا السهرة زي كل مرة سوالف واخبار الناس وضحك
الاوتنادي ام محمد عيالها ماعدا عبدالعزيز

والكل جلس يعلق على عبدالعزيز انه صغير ومايدخلونه بالجتماعات

وعبدالعزيز يسوي ان روحه رياضيه وهذا من الدلع مايحبون يجابون له عوار الراس

في المجلس

ام محمد : سمعوا عرس الهيثم على سارا بعد العيد

ابوخالد: يمه بسرعة والبنت مانقدر نجهزها بهذي السرعة

ابو الهيثم : ولانحن والعيال للحين ماناقشناهم بالموضوع

ام محمد : كيف ماناقشتوهم

ابو الهيثم : يعني نحن فججأه قلنا انتم لبعض يعني ماعطيناهم فرصة لتفكير تريدينا الحين فجأه نقولهم عرسكم بعد ثلاثة شهور قوية

ام محمد : بوجهاد ايش رايك تكلم

ابو جهاد : انتي يمه ليش تريديه قريب كذا

ام محمد : نفسي ومنى عيني اشوف سارا في بيتها قبل ماموت وانا عارفة ان الهيثم بيصونها وهو
ماشالله راح يبدي شغله وهيا دراستها موقفاتها ويجوس تدرس وهيا متزوجة

ابو خالد: يمه بس ماظن سارا بتوافق واخاف تتعب علينا

ام محمد : بتوافق هيا ماتعرف مصلحتها وماراح تتعب اصلا سارا ماشيء بينفعها غير الزواج وبغير حالها للاحسن وبتشوفون

ابوجهاد : خلاص ان شالله خير بنشوف الحجوزات وايش بيصير بس ماتتكلمون الا اذا رجعوا

ابو جهاد وابوخالد: اكيد

ام محمد: خلاص ان شالله اشوف عيالكم كلهم في بيوتهم وعبدالعزيز معاهم ونشوف عيالهم قولوا امين

كلهم : امــــين

وقاموا يطلعون عند البقية

ابوخالد كان متوتر وخايف على ردة فعل سارا المبدئية "الله يسترالله "

ابو هيثم ويحط ايده بكتف اخوه : ربك كريم ياخوي ربك كريم والي يكتبه فيه الخير

ابوخالد : ان شالله خير

جلسوا عند الاهل وكل واحد تفكيره لبعيد

ابوخالد يطالع سارا بحزن على حال دلوعته الوح وابتسم لها يوم طالعت فيه وبادلاته الابتسامة

وابو الهيثم كان فرحان ان ولده الكبير بكره بيتزج بنته في القريب العاجل

انتهت السفرة الكل سلم على بعض وسلام خاص للبنات والشباب مع التوصيات الي ماتخلص وتفرقوا

والشباب والبنات اتفقوا يتقابلون الساعة 2 لان موعد الطيارة الساعة 3 الفجر وبما ان بيوتهم جنب بعض اتفقوا يجتمعون ببوابة الجدة عند عبالعزيز وبعد الاتفاق وكل واحد رجع للبيت وحط راسه ونام


**************************

ابو خالد : ام خالد

ام خالد وهيا تنيم حمودة : هلا

ابوخالد : عرس الهيثم على سارا باجازة العيد

ام خالد وتغطي ولدها : تتكم من صدق

ابوخالد: الوالده امرت بهذا الشيء

ام خالد : لا ارجوك اعتقد مو وقته

ابو خالد: مادري كلهم قالوا انه احسن لها و

ام خالد: مادري مادري خايفة انا ماصدقت ترجع شوي مثل اول وتتحسن

ابخالد: والله عارف حتى انا خايف بس هذا الحل الوحيد ربك كريم ونحن ماعندنا غير الدعاء

ام خالد: الله كريم الله كريم خليني اروح اشوفه

ابوخالد: شوفي مافي احد يعرف متى مارجعوا من السفر قلنا

ام خالد: ان شالله وقامت تشوف بنتها

دخلت ام خالد على سارا الي كانت ممتدة واول مادخلت امها سوت انها نايمة لانها بتسويلها سالفة اذا مانامت

ام خالد : نايمة سارا يمه

سارا فتحت عيونها : لا يمه الحين كنت بنام

ابتسمت ام خالد: ههههه ايوة لعبي علي

سارا وتجلس : يمه والله من الحماس

ام خالد بحنية : الله يسعدش يمه

سارا وتضم امها : امين يمه وان شالله مادامني معاكم انا اسعد انسانة بالدنيا

ام خالد: ههههههه دووم ان شالله يايمه ها جهزتي كل شيء

سارا: ايوة وكل شيء قده بالسيارة

ام خالد: الله يوفقكم وها ماوصيش هالله الله بعمرش وماتسوين شيء يضرش وسمعي كلام اخوانش وعمش وخالش وحتى الهيثم بعد

سارا كشرت من اسمه : ان شالله كلهم فهمت ليش بس هو لا

ام خالد: هههههههههه لاعارفة يالله تصبحين على خير ونامي وراش سفر وبوست جبهتها

سارا وتبوس راس امها: ان شالله ماتوصين ان طالعة عليش يمة

ام خالد طالعاتها بابتسامة حنونة وطلعت وخلاتها .

تمددت سارا وهيا مبتسمة على حنان امها وحنان الكل : الله تحفظلي اهلي كلهم ولاتحرمني من احد يارب حاولت تنام

*********************


الساعة 2 في كل بيت فيها الدنيا مقلوبة

بيت ابوجهاد

جهاد: ريـــــــــــــــــم

مازن : ريمـــــــــــــاس

جهاد : نحن برا خمس دقايق ويكونوا برا

ام جهاد : انزين انزين روحوا يالله

جهاد : اوكي يمه يالله اشوفك بعافية وسلم عليها وعلى راسها توصين بشيء

ام جهاد: سلامتكم وهاله الله بخواتكم

جهاد: من عيوني يالغالية

مازن : روح خلينا نحن نسلم مافي غيرك

جهاد: هههه انزين انزين تفضل انا طالع وطلع

سلم مازن على امه والي عطاته نصايح اخيره وبعدين طلع لعند البقية

ام جهاد راحت لعند بناتها تستعجلهم وحصلاتهم تجهزوا سلموا عليها وطلعوا



الكل تجمع عند بيت الجدة مثل ما اتفقوا الوليد واخته وماعاه عيال اخوه

واحمد ومروان بعد جو

فراس واخواته

وجهاد ومازن وخواته

والهيثم وزياد

مو ناقص غير عبدالعزيز وشيماء وخالد وسارا

هيثم: زياد روح شوف اختك

زياد : هههههههه امي من اول تحاول فيها وهيا ماقامت

هيثم : روح قيمها ولابنروح ونخليها تأخرنا

زياد : ان شالله

وطلع عليهم عبدالعزيز مروق: ياحي اسفرت وانورت ها كلكم كاملين ماشالله قبيلة رايحة

مازن : قول ماشالله

عبدالعزيز: هههههههههه مالشالله لاتخاف ها كاملين

هيثم : لا خالد واخته للحين ماشرفوا وشيماء راح زياد يقيمها

عبدالعزيز : اهااا لاخالد وسارا الحين جاين وراي توه اخوي وزوجته افرجوا عنهم والحين استلماتهم
امي

جاء خالد ومعاه سارا : السلام عليكم

الكل : وعليكم السلام

خالد: سوري على التأخير عاد والله الحين فكوا عنا من توصيات وكلااام كثير

الشباب : هههههههههههههه

عبدالعزيز : لاتخاف وضحت الموضوع وخاصة انه معاك دلوعتهم

سارا الي تشرب كوفي : احلف انت بس

عبدالعزيز: والله انا كذبت ياشباب

الكل : لا

سارا : لا مالت اقول

ويجي فراس من وراها ويخطف الكوفي : موزين على صحتش

سارا: فراسوووه جاب الكوفي

فراس ولاهمه وقف وشرب منه وبعدها مد لها لسانه

سارا: يالثور

فراس: ههههههههههه وركض وهيا تركض وراه توم وجيري صاروا

جهاد : الحمدلله والشكر جنوا

الكل: هههههههههههههههههههههه

وهم للحين يركضون

هيثم : هــي بلاجنان مع الفجر

سارا بايعاتها العقل فاصل : مالك خص انت خليك بعمرك " وكملت زي الاطفال " اريد مالي وكملت ركض ورا فراس حتى طاح وطاحت فوقه بس تدحرجت على الجانب على طول وانكب الكوفي في الارض . الكل ضحك عليهم والوليد الي كالعادة الكاميرا باليد وخاصة متحمس يصور اشكالهم وهم قايمين من النوم وكان من اول يصور ومافوت شيء وكانت طيحتهم تموت ضحك وتفشل
حتى شيماء الى حركها زياد وهيا مغمضة عيونها ويدفها دف واول ماشافوهم استغربوا منهم الي يراكضون واول ماطاحوا ماتوا ضحك مع البقية

سارا كانت متفشلة بس ماتت ضحك مع ان رجلها انجرحت

وفراس قام معصب لانه اتخدش بايده ورجله وخيس ملابسه : الحين ارتحتي لا انتي ولا انا شربناه
بس انجرحن

سارا: هههههههه احسن اااه هههههه

خالد حس انها تعورت قرب منها : يالله سارا قومي نركب السيارة ولاتعورتي ومد ايده عشان يرفعها ومدت له ايديها ورفعها وكانت تعرج

سارا مبوزة وبدلع : اريد كوفي

خالد: هههههههههه ان شالله ماتريدي تشوفي اذا انجرحتي ولا لا .

سارا: لا عادي مافيني شيء هو تعور يستاهل

خالد: هههههههههه اوكي يالله نركب

اما فراس فطهر جروحه وحطلها بلاستر وبدل ملابسه وجلس يضحك على هبالهم الي على الفجر

توزعوا على السيارات واتجهوا للمطار