منتديات صواديف عشاق - عرض مشاركة واحدة

05-30-2021

بيت ملاك الفجر

ياسر تو طالع من المطبخ شرب ماي ورجع ينام ، لقى ملاك قدامه مبتسمه
ملاك : صبـاح الخير عمري يسور
ياسر بإستغراب : ياخبله الساعه أربع ونص ليه قاعده الحين ؟
ملاك : ماجاني نوم
ياسر : ليه خير أش فيكِ ؟
ملاك : مافيني نوم بس
ياسر يعرف ملاك وحور ويقراء وش فيهم من عينهم : ملاك أنتي أختي وانا عارفك أنتي في خاطرك كلام ودك تقوليه صح ؟
ملاك سكتت شوي ثم قالت بإبتسامه : امم صح
ياسر مسكها من إيديها وراح جلس معها في الصاله وقال : آمريني
ملاك بتردد : طيب انا بقولك بس لاتقول لأبوي أو لأمي
ياسر : طيب
ملاك بخجل : أبـي موبايل
ياسر : بس !! من عيني هاذي " يشير إلى اليمين " قبل هاذي " ويشير إلى اليسار " ، بس أمهليني يوم أو يومين وراح أجيب لك خط وجهاز هديه مني " ويبتسم لها "
ملاك : بعد عمري أخوي
ياسر : بس لازم تقولي لأبوي و أمي
ملاك : ياسر لاااا
ياسر : ليه لا؟
ملاك : اخاف أبوي مايوافق
ياسر : ماأعتقد .. طيب راح أكلمه انا
ملاك بخوف : هاه ؟ أيش ؟ .. لالالا ، خلاص ماأبي ماأبي
وراحت غرفتها بسرعه ، لحقها ياسر ودخل الغرفه وجلس قربها على السرير وقال : أنتي ليه خايف ياملاك كذا ؟
ملاك بخوف : أنت عارف عدل ليه أنا خايفه كذا
ياسر : أنا راح اكلم أبوي وصدقيني راح يوافق
ملاك مسكت إيده : ياسر تكفى خلاص ماأبي
ياسر : ملاك ..
تقاطعه ملاك وبنظرة رجاء : ياسر .. إذا صدق تحبني أنسى السالفه خلاص .. تكفى
نظر إليها ياسر ثم وقف وأتجه إتجاه الباب عشان بيطلع لكنه وقف والتفت إليها وقال بحنان : خلاص اختي ، إلي تبينه هو إلي يصير
وأبتسم وطلع من الغرفه
لكن في هذا الوقت في غرفة أبو ياسر و ام ياسر
جلس أبو ياسر وصلى الفجر ، ثم فتح الصندوق الخاص به وأخرج من فلوس .. أنتبهت له أم ياسر وقالت : أبو ياسر .. ليه ماخذ هالمبلغ معك ؟
أبو ياسر : حبيت أشتري لملاك هديه
أم ياسر : هدية أيش ؟
أبو ياسر : ملاك كل سنه تنجح بتفوق وأنا ولا مره عطيتها هدية نجاح تليق بها
أم ياسر : ملاك عارفه الظروف حبيبي
أبو ياسر : ولو .. هالفلوس ماتغلى على بنتي
ام ياسر : وأنت ناوي تعطيها المبلغ كذا ؟!
أبو ياسر : لا طبعاً
أم ياسر : أجل أيش
أبو يـاسر : مفـــاجأه
" تتوقعون أيش هي المفاجأه ؟ "

xXxXx

الساعه السادسه صباحاً في بيت ملاك
لبست ملاك مريولها وعباتها وأخذت حقيبتها وراحت المدرسه " أخوها ياسر إلي يوصلها في الصباح "

xXxXx

في نفس الوقت في بيت حور ..
حور تنزل الدرج وبإيدها عباتها وشيلتها وحقيبة المدرسه .. نزلت الصاله وحطت العبايه والشيله والحقيبه على الكنبه وجلست قربهم أمام طاوله زجاج صغيره " وناسيه إن رامي موجود "
حور تنادي بصوت عالي على الشغاله : ناديييين ؟ ناادييين
نادين : نأم ماما
حور : وينه الفطور ؟
نادين : الهين في جيب ماما
حور : بسرعه يالله
كـان رامي في غرفة الضيوف منسدح على بطنه ويقراء كتاب ولما سمع صوت حور فز قلبه وفرح وقال : مـاأحلاااااه من صباح .. خلني أروح أصبح بها ومره وحده أسألها عن خالتي
طلع رامي من الغرفه وماحست به حور لأن كان بإيدها كتاب مدرسي جالسه تراجعه ، شافها بدون شيله وتخقق في محله ، شاف شعرها كان مفكوك .. جميل وناعم أسود مخصل بأحمر وطويل وطايح على وجهها ..
رامي فاتح عينه وفمه وكأنه أول مره يشوف بنت : سبحان إلي سواكِ
ثم أصطلب طوله وبداء يتنحنح : أحم أحم يالله ..
حور سمعت صوت رامي رفعت راسها وطاحت عينها في عينه الخيال .. حست بالخجل وحطت الشيله على راسها بسرعه
رامي ولا كنه مسوي شي : صباح الخير
حور خجلانه و منزله عينها : صباح النور
رامي : آسف
حور عقدت حاجبها : على أيش ؟
رامي : لأني طلعت من الغرفه من دون ...
تقاطعه حور : لاتتأسف .. انا إلي نسيت إنك موجود .. أنا إلي آسفه " وتبتسم له "
رامي حس بإحساس غريب تجاه حور هو مب أول مره يشوف بنت بحكم دراسته بالخارج ولمدة تسع سنوات .. شاف هناك جميلات أشكال وألوان وكل وحده تقول الزود عندي .. يمكن أنجذب لملامحها البدويه المثيره أونظرتها العميقه الحاده ، أو لجرأتها : ماشاء الله عليكِ مزاجك غير عن البارح
حور بتأفف : يالله صباح خير
رامي : لايكون أزعجتك بس ؟
حور تبتسم : لا أبد .. تفضل أفطر معي
رامي وهو يجلس على الكنبه إلي قربها : مشكوره .. أنا حبيت أسألك عني خالتي
حور : أيش حبيت تسأل ؟
رامي : شخبارها وشلونها ؟
حور وهي تاكل زيتونه : اممم شلونها بخير باذن الله ، أما شخبارها فأبوي طلقها من سنه ونص
رامي بتعجب : افا .. لييه ؟
أخذت حور كوب الحليب شربت القليل منه ثم ناظرت في رامي وقالت له بنظرتها العميقه : مـزاج رجاجيل
رامي بخوف وهو يناظر في عينها : أش قصدك ؟
حور وأهي توقف وتلبس عباتها : ماقصدي شي .. والحين يله باي بروح المدرسه
رامي : أنتي بأي صف ؟
حور واهي تصك ازرار عباتها " طق طق " : ثـاني علمي
رامي : اممممم يعني عمرك 17
حور تعدل شيلتها: أنت وش بلاك ؟ من البارح وأنت تسأل عن عمري
رامي بإبتسامة خبث : يمكن أخطبك
ناظرت حور فيه .. وش هالسخافه وقلة الحياء إلي عنده
حور واهي تنظر إلي عينه بجرأه : ممكن أقول شي ؟
رامي بإبتسامه يبي ينرفزها وبس : شيئين إذا ودك
حور : أنت واحد سخيف وبايخ وقليل حياء
وتاخذ حقيبتها وتنظر إليه بإحتقار ثم تدير ظهرها وتمشي ، رامي أندهش من السب إلي سبته له حور ، وهو شاب عمره 27 ، لم يتحمل سبها له ، وكان أهو بعد جريء حيل .. لحقها إلى وسط الصاله ومسك إيدها ودارها عليه بقوه وقال بهدوء : أنتي قد الكـلام إلي قلتيه ؟
حور واهي تبعد يدها عنه بقوه : أترك إيدي جعل إيدك الكسر
رامي بصوت هامس حاد : قد الكلام إلي قلتيه ؟
حور بثقه واهي تنظر إلى عينيه الجميلتين : إيوه ، قده ونص
رامي أبتسم وقال : وأنتي بعد .. وقحه وقليلة حياء ولا تستحي على وجهك
حور متفاجأه : أنت كيف تجرأت وقلت لي هذا الكلام ؟
رامي واهو يدير ظهره ويتمشى في الصاله : مثل ماأنتي تجرأتي وقلتي كلام رخيص وحيل سوقي
حور معصبه في مكانها : أنت ماتعرف مين أنا ؟!
رامي يلتفت إليها ويقول لها بإستهزاء : ومييييين أنتي ؟
حور : أنـا حــــور بدر ســالم
رامي بإبتسامة خبث : وأنـا الدكــتور رامي سعد صالح
حور بتأفف : لاااااا ، أنت زودتها حيل
رامي مسوي بريء : البـادي اظلم
حور بهدوء : أنا تأخرت على المدرسه ، إذا رجعت لي كلام معك
وتناظره بإحتقار وتطلع ..
بعد ذلك رامي أبتسم وجلس على الكنبه وقـال بفرح : روحــي في أمان الله ياحبيبتي
وكأنه مبسوط لأنه عصبها ورفع ضغطها .. يازينها وأهي معصبه ^_^

xXxXx

دخلت حور الفصل واهي معصبه .. راحت وجلست بمحلها إلي قرب ملاك ولا سلمت على ملاك وكأن بالها مشغول بشي
لاحظت ملاك إن حور سرحانه : هاي ماي فرند
حور كانت سرحانه ولا أنتبهت .. وضعت ملاك إيدها على كتف حور وقالت : حور حبيبتي أش فيكِ ؟
فاقت حور من سرحانها وناظرت في ملاك لمده قصيره لم تتعدى الخمس ثواني ثم حضنتها وبدأت تبكي بهدوء
ملاك بخوف شديد : حور ؟ حور ؟ حور وش بلاكِ ؟

xXxXx

في الفيلا ، كـان رامي جالس في الصاله يتصفح جريده ..
في هذه الأثناء صحت أم حور من نومها ونزلت تحت وشافت رامي لكنها ماشافت وجهه لأن الجريده كانت تغطي وجهه ، أقتربت منه شوي وحس رامي بأن أحد في الصاله فأبعد الجريده عن وجهه وقال فرحـان : خـالتي !!
أم حور مبسوطه : هلا رامي .. الحمد لله على سلامتك متى جيت ؟
قام رامي وسلم عليها وجلسا بالقرب من بعض
رامي : خالتي وش لونك وش أخبـارك عساكِ بخير يارب
أم حور : الحمد لله بخير ، إلا ماقلت لي متى رجعت
رامي : رجعت البـارح .. رحت بيتنا مالقيت حد هناك فجيت هنا وقالت لي حور إن أمي و أبوي مسافرين
أم حور : حور ؟ أنت شفت حور ؟
رامي بإبتسامه : إيوه شفتها .... وهزأتني وهزأتها
أم حور : أيش ؟؟ كيف ؟؟
رامي منزل رأسه : خالتي أنا اسف بس حور كانت ... " ويسكت "
أم حور : عارفه .. هي دايم كذا مو بس معك حتى مع أبوهـا و اخوانها
رامي : حتى معك ؟
أم حور بإبتسامه : لا طبعاً .. حور تحبني وتعزني حييل وماترفع صوتها علي بالمره
تعجب رامي من كلام خالته .. معقوله هذا الكلام على حور إلي هزأته هذا الصباح !!

xXxXx

في المدرسه
ملاك : ههههههههههههههه
حور من بين دموعها : ملاك تأدبي وأحترمي دموعي
ملاك : سالفتكم تضحك حييييل ههههههههههههه
حور معصبه : أقولك هزأني وفشلني وتقولي تضحك !!
ملاك بجديه : حور .. على حسب إلي فهمته منك إنه دكتور يعني مب صغير هذا أولاً
حور : وثانياً ؟؟
ملاك : أنتي إلي بديتي
حور بتعجب : أنا ؟! أنا ياملاك ؟؟ واللهِ ماهقيتها منك
ملاك : هو سألك عن عمرك بس
حور : وأنا كنت أمزح معه بس
ملاك : هو أخذ المزحه جد
حور : طيب وأنا أش ذنبي ؟!
ملاك : ذنبك إنك هزأتيه وسبيتيه
حور : لأن قليل حياء
ملاك : قليل حياء لأنه سأل عن عمرك !!
حور : لأنه قـال بيخطبنـي
ملاك : ولنفرض إنه بخطبك .. ليه الخطوبه عيب
حور منقهره : أسلوبه حيييل سخيييف
ملاك تبتسم : حور حبيبتي أنسي السالفه على شاني طيب ؟ هااا ذاركتي كيمياء ؟
حور تبتسم : أكيد ولا كيف أجيب الإمتياز !

xXxXx

في الفيـلا السعه 12 ظهراً
رامي وخالته مبسوطين حيل يسولفو ويضحكو ورامي يقول لخالته عن مواقفه برى وإنه ليه ماراح بيت عمه " لأنه خايف زوجة عمه تتضايق اما هنا مع خالته عادي "
صفيه : والله يارامي جلستك ماتنمل بس خويتي عازمتني على الغداء اليوم
رامي بإبتسامه : خذي راحتك خـالتي
صفيه قـامت واتجهت إلى الدرج ثم التفتت إلى رامي وقالت له : يمه رامي .. تكفى إذا جت حور من المدرسه لاتكلمهـا
رامي : لييه ؟؟
صفيه : لا تفهمني غلط ياولد أختي .. أنا قصدي حور لسانها متبري منها ، فاهمني ؟
رامي بإبتسامه لطيفه : إلي تشوفيه خالتي
أبتسمت صفيه ثم صعدت غرفتها وبدلت ملابسها ، ثم ذهبت إلى بيت صديقتهـا
راح رامي وجلس بالحديقه .. بعدها جاء السايق ودخل ..
جات إلى رامي فكره ونادى على السايق : هـــي أنت
التفت السايق : أنا بابا ؟؟
رامي : لا أجل أنا .. إيوه أنت تعاال
جاء السايق وقف قدام رامي وقال له : نأم بابا
رامي : ليه ماجبت حور من المدرسه ؟
السائق : مو الهيين بأد نووص سائه
رامي : خلاص أجل أنت ريح هنا وأنا راح أجيبها من المدرسه ، عطني المفـتاح بس
السائق مبسوط : مشكووور بابا .. بس أنت مافي يندل مدرسه
رامي : اووه صح ..علمني فينها
شرح السائق لرامي مكان المدرسه .. وطلع رامي وراح المدرسه على الفور وجلس ينتظر حور إلى أن رأى البنات يخرجون من المدرسه فنزل من السياره ووقف ينتظر حور عند السياره
داخل المدرسه ..
حور : يالله ياملاك عجلي
ملاك وهي تلبس لثامها : لحظه بس ألبس لثامي
حور مستعجله : يله
ملاك : أش فيكِ اليوم مستعجله كذا ؟
حور : أبي أروح البيت بسرعه وأهزئ رامي
ملاك تمسك إيد حور : حور حبيبتي إذا رحتي البيت على طول أرقي دارك ولا تكلميه طيب عمري
حور : طيب طيب .. بس أنتي خلصينا
ملاك : خلاص خلصت يله
" حور كل يوم توصل ملاك البيت لأن ياسر في العمل وأبوها ماعنده سياره "
طلعت حور وملاك وكانتا لابسات عبايات كتف ولثـام لكن حور كانت عباتها مخصره حيل .. وعيناهم كانتا شي مو معقول لأنهم مرسومين بالكحل من داخل الجفن
حور بتأفف : اوووه ... هذا الحيوان أش فيه ماجانا ؟
ملاك : حور حور .. مو هذيك السياره كنها سيارتكم ؟
حور تدور بعينها : ويين ؟
ملاك تناظر بعينها : هذييك إلي واقف قربها شاب حلو
حور بخوف : مـلاااااك .. لحقيني ..
ملاك : وش بلاكِ ؟
حور : هذا رامي ..
ملاك مبسوطه : والله ؟
حور خايفه : إي والله
ملاك تسحب حور من إيدها : تعالي عرفيني عليه
حور تسحب إيدها من إيد ملاك : لالا روحي أنتي خليه يوصلك وأنا باخذ لي تاكسي
ملاك : احلفي بس !!
وتمسك ملاك إيد حور وأهي تقول : أقولك بلا هرج بزوره بس
ويتجهان إلى السياره ..
رامي شاف بنتين جايين جهته قال في باله : هاذي أكيد حور وإلي معها صاحبتها
بالرغم من إنه توه شافها لكنه حفظ ملامح وجهها وبالأخص عيناها
لما جات ملاك و حور بيصعدن السياره ألتفت رامي إلى حور وقال بجرأه : أش رايك بهاذي المفاجأه ؟
حور كانت راح تقول له مثل وجهك بس خافت يرد عليها ويفشلها قدام ملاك .. فتحت السياره وصعدت وقالت لملاك : ملاك أرقي
صعدت ملاك وصك رامي الباب ، صعد هو قدام وقال وهو يناظر في المرايه الأماميه : ملاك .. على فكره أسمك مره حلو
ناظرت حور في ملاك بدهشه ثم ناظرت في رامي وقالت بعصبيه : تأدب ولا تغازل خويتي فاهم
رامي وهو يشغل السياره وبإبتسامة خبث : تغارين ؟!
حور : وووع .. وش منه ههههههههههههه
رامي : على فكره حور .. عينك بالكحله واللثام شي عجيييب
حور ودها تقوم له وتعطيه بوكس في عينه : حسابي معك بالبيت .. الحين وصل ملاك بيتها
شرحت حور لـ رامي بيت ملاك وأوصلها ثم ذهبا إلى الفيلا
حور تدخل الفيلا ووراها رامي : نظرتي فيك ماخاابت صدق قليل حياء
رامي : ههههههههههه
حور بعصبيه : ماأعتقد فيه شي يضحك
رامي : إلا في شي يضحك مووت هههههههههه
حور بإستهزاء : لا والله ؟ طيب قلي تصدق خاطري أضحك
رامي : وتضحكين ؟
حور : رامي مالي خلق ملاغتك
رامي بجرأه : أحـــبك ..
حور عقدت حاجبها : أيـــش ؟
أقترب منها رامي وقال بصوت منخفض : أحــــــبك
حور أنفجرت ضحك : ههههههههههههههههههههههههه
رامي عصب ماتوقع حور تضحك : ماقلت نكته
حور : الصبح تهزأني والظهر تقولي أحبك هههههههههههه
رامي : لا وعـاد قلبي الغبي ماحبك إلا انتي
حور عصبت : ماغلطت لما قلت إنك سخيف
رامي بإبتسامة خبث : ماغلطت لما حبيتك
حور تناظره بإستحقار : إلعب على وحده غيري
وتدير ظهرها وتذهب متجهه إلى السلم
رامي يناديها : حور حور
وقفت حور ولا ألتفتت له وقالت بملل : خــير ؟
رامي من صدق : عارف إنك راح تستغربين ولا راح تصدقيني ، لكني صدق حبيتك وبوقت قصير حيل ماتعدى الـ 24 ساعه
طنشته حور وصعدت غرفتها وقفلت الباب وراها ، بعد ربع ساعه طرق باب غرفتها
طق طق طق
حور : مين ؟
الخدامه : أنا نادين
حور : خير أش تبين ؟
الخدامه : الغداء جاهز
حور : مـاأبي
الخدامه : لييس ماما
فتحت حورالباب وقالت بهدوء : رامي موجود؟
الخدامه : لا أهو في قول إنه يروح يتغدى برى
حور : قطيعه تقطعه . مابغيت أفتك منه !!
الخدامه : سنو ماما ؟
حور : مايخصك .. الحين أنا نازله

xXxXx

في بيت أبو ياسر
أم ياسر : يله حبيبتي حطي السفره الحين أخوكِ على وصول
ملاك : من عيوني يمه
أبو ياسر واهو داخل : السـلام عليكم
ملاك وأمها : وعليكم السـلآم
أم ياسر : وش ذا الكيس إلي في إيدك ؟
أبو ياسر بإبتسامه لطيفه : هذا لـ ملاك
أنتبهت ملاك وقالت : لي ؟
أبو ياسر : إيوه لك .. ماودك تشوفي وش بداخله ؟
ملاك بتعجب واهي لسا واقفه محلها : إلا يبه
أبو ياسر : أجل وش فيكِ واقفه ؟ تعالي بابا
ملاك : إن شاء الله يبه
أخذت ملاك الكيس من أبوها وجلسو كلهم في الصاله .. فتحت ملاك الكيس وتفأجأت .. ناظرت في عين أمها و أبوها ، لقت سعاده ورضاء عليها .. أنرسمت إبتسامه على وجهها ، أخرجت إلي في الكيس وكان جوال آخر موديل مع خط جوال
ملاك مبسوطه : يبه هذا لي ؟
أبو ياسر وهو مبتسم : إيوه بابا .. هاذي هديه بسيطه مني لك
فرحت ملاك ، راحت وحضنت أبوها وباست راسه ورأس أمها وقالت : شكراً يبه ، شكراً يمه ، هاذي أحلى هديه بالكون كله
في هذا الوقت دخل ياسر وكان تعبان من العمل والعرق على جبينه
ياسر : السـلام عليكم
الكل : وعليـكم السلام
ملاك مبسوطه : ياسر ياسر ، شف أبوي أش أشترى لي
ياسر وأهو يجلس قرب ملاك وياخذ الجوال وهو يناظر فيه : ماشاء الله .. أحسن من جهاازي .. تستاهلين والله ياخبله .. عليكِ بالعافيه
ملاك بإبتسامه : الله يعافيك
أبو ياسر : يله أجل حطو الغداء تراني ميت جوع
ياسر : مب أكثر مني
ملاك : هههه من عيوني ، دقايق بس غلاي

xXxXx

في فيلا صفيه
حور تنادي بصوت عالي : نااادييييييين ؟ نااديييييييييين ؟ نادين ووجع يوجعك
في هذه الأثناء دخل رامي الفيلا وسمع صوت صراخ حور فتنح نح وحور وضعت الشيله على رأسها
رامي واهو يمشي جهة حور : أش فيكِ تصارخي ؟ صوتك واصل لبرى
حور بعصبيه : صوتي واصل لبرى وهالحيوانه إلي أناديها ماسمعتني
رامي بإستغراب : حور أش هالألفاظ السوقيه هاذي ؟!
حور بعصبيه : مالك دخل فيني " وترجع تنادي بصوت عالي " ناديييين .. نادييييين ؟ ياحيوانــــه ؟
نادين بخوف واهي تنزل من الدرج : نأم ماما
رامي : ياسبحان الله لما ناديتيها حيوانه ردت عليكِ
حور : مو لأنها عارفه حالها حـيوانه
نادين بخوف : ماما .. انا مافي حيوانه ، أنا في إنسان سيم سيم أنتي
حور معصبه : أوص ولا كلمه إلا حيوانه ونص
ماردت نادين على حور لأنها خايفه ، أقتربت حور من نـادين ومسكت طرف ثيابها من جهة الكتف الأيمن بعنف وقالت بصوت منخفض حاد : أسمعيني .. مره ثانيه إذا ناديتك وماجيتي والله ثم والله لكسر ضلوعك .. فاهمه علي ؟
نادين بخوف شديد : ززز ... ز .. زييين ... مممممااما ..
حور : والحين يله شيلي الأكل من الطاوله وتقلعي عن وجهي
رفعت نادين السفره من على الطاوله بسرعه وكان رامي كل تلك المده واقف وعلامات الدهشه على وجهه ، راحت حور إلى الصاله وجلست على كنبه وفتحت التلفزيون وبدأت تفرفر بالقنوات ، جاء إليها رامي وجلس بالكنبه إلي قربها وهو ساكت ينظر فيها بنظرات .. حب ، دهشه ، خوف
ثم قـال : حور
حور بطفش : خيير ؟
رامي : ممكن أكلمك بدون أنفعال ؟
حور بعد تفكير : خير أش بغيت ؟
رامي : أنتي ليه كذا ؟
حور وأهي تغير بالقنوات : أش فيني ؟
رامي : دلوعه حيل ومتكبره وشايفه حالك مدري ليه
حور تناظره : عن الغلط
رامي : أنا أتكلم من صدقي
حور : تبيني أتكلم من صدقي ؟
رامي : ياليت
حور لفت وجهها عنه وتكمل تغير في القنوات : وأنا ماأتكلم من صدقي مع أي حد
رامي : أنا مو أي حد .. أنا ولد خالتك ودكتور و ... " سكت "
حور مب مهتمه : وأيش بعد ؟
رامي بتردد : أتكلم ؟
حور واهي تناظره : تكلم بس لاتقول كلام سخيف
رامي بجرأه : و أحبك و ودي أتزوجك
وقفت حور بسرعه وقالت : صدق هالأشكال ماتنعطى وجه
رامي وقف وهو معصب ويبي أي طريقه ينرفزها فيها : أنا بس أنتظر خالتي تجي وأفاتحها بالموضوع
حور تنرفزت من صدقها وناظرت فيه وفي عينه بالأخص وقالت : إذا كنت تبيني أهزأك وأمسح بك القاع .. كلم أمي بالموضوع
أبتسم رامي وأقترب إلى حور وهمس في إذنها : أنتي ماتدرين إنك بهالطريقه تخليني أحبك زود ؟ على فكره حبيبتي أنا أحب البنت الجريئه مثلك
حور تبتعد عنه : لآ تقول حبيبتي حبتك القراده وطياحة الحظ
رامي ببرود يقهر : إلا أنتي حبيبتي الحين وبعدين وفي كل وقت
حور أنفجرت ضحك : هههههههههههههههههههه
أنقهر رامي لأنه يبي يقهرها وينرفزها وهي تضحك ! .. ماتكلم ولا كلمه من القهر
جلست حور على الكنبه واهي لسا تضحك ورامي واقف ومنقهر
حور تضحك : ههههههههههههههه .. على فكره لا أمي و لا أبوي يقدرون يغصبوني على شي أنا ماأبيه .. وأنت شي أنا ماأبيه اوووههههههه
وقامت وصعدت فوق ودخلت غرفتها تاركه رامي منقهر ومفتشل حييل

xXxXx

بيت أبو ياسر الساعه 4 العصر
ملاك وأهي تدخل على ياسر غرفته وكان توه صاحي من النوم : ياااسر معليش توصلني عند حور ؟
ياسر واهو يلبس قميصه : اوكي .. بس البس ملابسي وأطلع لك ... يله ألبسي عباتك
ملاك بإبتسامه هادئه : طيب
وراحت غرفتها عشان تلبس عباتها

xXxXx

في فيلا صفيه
صفيه للتو داخله الفيلا .. جلست في الصاله وتذكرت إن رامي هنا فحبت تسلم عليه ، قامت وأتجهت إلى الغرفه وطرقت الباب
رامي : تفضل
دخلت صفيه الغرفه وإبتسامتها الدافئه مرسومه على وجهها ، لكن فجأه أحست بدوار غريب فسقطت على الأرض متشنجه ، قام لها رامي بسرعه وحاول يوقف تشنجها وبدأ ينادي بأعلى صوته : حـــور .. حوووور
كان صوته عالي مره ، سمعت حور نداء رامي وكانت في المطبخ الفوقي تشرب لها عصيراً وقالت بخوف : يؤؤ .. أش بلاه رامي يصرخ كذا ؟
رامي لازال ينادي : حوووور ... يانادييين كاس مويه
خافت حور راحت غرفتها أخذت شيلتها وعباتها ولبستهم واهي تركض وتنزل تحت .. اتجهت إلى غرفة الضيوف مسرعه لقت أمها طايحه متشنجه ورامي يحاول أيقاف تشنجها ونادين واقفه قربهم ولا تعرف أش تسوي وبإيدها كأس الماء
جلست حور قرب أمها على الأرض عشان تساعد إيقاف التشنج مع رامي وأهي تبكي وتقول : يمه ؟ يمه ؟ يمه ردي علي .. رامي أش فيها أمي ؟
رامي خائف : مدري والله
وبعد قليل أستطاع رامي بحمد لله إيقاف تشنجها لخبرته في الطب
فتحت أم حور عينها ، لقت حور قربها تبكي ، حور لما شافت أمها فتحت عينها قالت من بين دموعها وشهيقها : يمه .. يمه .. يمه حبيبتي أنتي بخير ؟ تكفين ردي علي
رامي يهدي حور : خلاص حور خلي خالتي ترتاح شويه ، قومي ياخالتي معي
أمسك رامي بيد خالته وساعدها على القيام وخلاها تنسدح على السرير ، وحور لسا تبكي على الأرض .. جاء رامي وجلس على ركبتيه أمامها وقال بصوته الدافئ : حور خلاص حصل خير
وحور لسا تبكي
رامي : خليها ترتـاح شويه وبعدما تصحى أنا بنفسي بوديها المستشفى
وحور لسا تبكي ، أحس رامي بالألم يعتصره .. حور تبكي قدامه ودموعها نهر على خديها واهي مايقدر يسوي لها شي !!
ولا كأنهم من شوي متخانقين ^_^
رامي بألم : خلاص حور حبيبتي ، والله قطعتي قلبي
حور حست بشوية حنان تجاه رامي ، ناظرت فيه بعينيها التي تفيضان دموع ، نظرت إلى عين رامي , أحس رامي بالخوف و الحب و الحنان
فقال : خلاص حور مسحي دموعك ، دموعك غاليه علي
حور رجعت نزلت عينها للأرض وقالت بصوت حزين : لاتكذب رامي تكفى
ثم قامت وجلست قرب أمها في السرير ، أما رامي فقام وجلس على كرسي هزاز بالقرب من السرير
صفيه بصوت تعبان : رامــي ؟
رامي : هلا خالتي
صفيه : كأني سمعتك تقول لـ حور حبيبتي ؟
رامي نظر إلى حور بحزن ، شاف عينيها مليأتنا بالدموع ثم نظر إلى خالته وقال بثقه : إي نعم خالتي ، قلت لها حبيبتي لأنها صدق حبيبتي
وقفت حور وقالت بعصبيه : رامي سد حلقك مب وقته ، ماتشوف أمي طايحه مريضه
صفيه تنظر إلى بنتها نظره حاده وتقول : خليه يكمل
حور : يكمل أيش يمه الله يهديك ؟!
رامي : خالتي ..
تقاطعه حور : رامـــي
أم حور : حور خلينا لوحدنا
حور وأهي تجلس على السرير : لا
رامي : حور لوسمحتي ..
حور تقاطعه : قلت لك أسكت
رامي بتحدي : كذا يعني ؟
حور : إيوه
رامي بجرأته المعتاده : أجل أسمعيني زين .. خالتي أنا ناوي أكمل نص ديني وأتزوج ، ونويت إني أخطب حور من أبـوها .. وش قلتي ياخالتي
حور توقف معصبه : وش قالت بعد ؟ أكيد مب موافقه صح يمه
صفيه ووجهها مبسوط : لا يمه حور " ثم تنظر إلى رامي بلطف وتقول " أنا موافقه .. ألف مبروك
أستبشر وجه رامي فرحاً ، قبل رأس خالته وقال لها : الله يبـارك فيكِ خالتي ، واللهِ لأحطها بعيوني
في ذلك الوقت كانت حور واقفه مصعوقه ومذهوله من رد أمها ، ولم تنطق بأي كلمه
نظر إليها رامي وقال بعد تردد : مبروك حور
نظرت حور إليه نظرة إحتقار وعينيها مليأتان بالدمع ، ثم خرجت من الغرفه مسرعه متجهه إلى غرفتها في الطابق الأعلى
أم حور : ماعليه ياولدي ، أنت كلم أبوها وإن شاء الله يصير إلي أنت تبيه ، انا أوعدك
رامي : لا خالتي ، أنا حبيت حور وأبيها تحبني .. ماأبي أتزوجها وأهي رافضتني بهالطريقه راح تكرهني
أم حور بألم : يارامي .. أنا أبي أتطمن على حور قبل ماالله ياخذ بأمانته
رامي بإبتسامه : الله يطول بعمرك خالتي
أم حور واهي تنظر للسقف : آآآه .. كل الناس ماتعرف متى تموت إلا أنا .. عارفه إن هاليوم قريب حييييل " وتبكي بألم "
رامي بخوف : خالتي أيش فيكِ ؟ أيش معنى الكلام هذا ؟ ذكري الله ياخالتي
أم حور : لا إله إلا الله .. ياولدي بقولك سر ماقلته لأحد قبلك ، بس أمانه أمانه لاتقول لحور
رامي بعد تفكير : أوعدك ياخالتي

xXxXx

في غرفة حور
كانت حور لابسه بنطلون جينز أزرق غامق ضاغط عليها وبلوزه سوداء ومخططه بالأبيض ، ومنسدحه على ظهرها في السرير وتفكر
معقوله رامي يحبني ؟ أيش هالحب إلي صار في يوم وليله ؟
اكيد يلعب علي وعلى باله إني مثل باقي البنات مالت عليه مابعد عرفني
ويقطع حبل أفكارها طرق الباب
طق طق طق
حور جلست على طول وجلست تناظر في الباب وقالت بهمس : يمه .. لايكون رامي ؟! ،، لالالا مستحيل ، حق أعطيه كف على وجهه
حور بصوت عالي : ماأبي أشوف أحد
فتحت ملاك الباب وبإبتسامه : افااا ، حتى أنا ؟!
حور فرحت وابتهجت وقامت بسرعه وحضنت ملاك وقالت بألم : جيتي بوقتك غلاي

xXxXx

في الأسفل في غرفة نوم الضيوف " غرفة نوم رامي حالياً "
رامي واقف : لالالا .. مستحيل إلي تقوليه ياخالتي .. مستحيييل
أم حور واهي مغمضه عينها والدمع على خدينها : الحقيقه دايم مره
رامي ينظر إلى خالته : خالتي أنتي لازم تتعالجي
أم حور : أنت دكتور وعارف هالمرض ماله علاج
رامي : لا مستحيل ، أنا مارجعت من برى إلا عشان أعيش وسط أهلي وأحبابي ، وبعدين العلم تطور ياخالتي تطور حيييل
أم حور : تكفى رامي خلك دوم مع حور .. حور لسا صغيره ومافهمت الحياه عدل
رامي يكتم دموعه : حور بعيوني ياخالتي بس ..
أم حور : بس أيش يارامي ؟
رامي : حور راح تتحمل فراقك ؟
أم حور تبتسم : حور قويه ، قويه كثيييير رامي ، لكـن عوضها عني يارامي
مسك رامي إيد خالته وظل يبكي

xXxXx