منتديات صواديف عشاق - عرض مشاركة واحدة - كتبت إسمك على صدر السما و أيامي / للكاتبة حلاها (( ألايدا )) مكتملة
عرض مشاركة واحدة
قديم 12-30-2023   #8


الصورة الرمزية هلاك

 
 عضويتي » 39
 جيت فيذا » Apr 2022
 آخر حضور » منذ أسبوع واحد (04:49 AM)
آبدآعاتي » 2,481
 حاليآ في » Jeddah
دولتي الحبيبه »  Saudi Arabia
جنسي  »  Male
آلقسم آلمفضل  »
آلعمر  »
الحآلة آلآجتمآعية  »
 التقييم » هلاك
مشروبك   7up
قناتك
اشجع ithad
مَزآجِي  »

اصدار الفوتوشوب : لا استخدمه My Camera: غير ذلك

My Flickr  مُتنفسي هنا

мч ммѕ ~
MMS ~
 

هلاك غير متواجد حالياً

افتراضي



*****************************
: تبيني ولا لا؟
مها رمشت تستوعب:يعني ان قلتلك لا وش بتسوي؟
احمد بثقه:اللي يريحج...بس اول جاوبي بصدق
مها ازاحت نظرها عنه للارض:مقتنعه
وطالعته بثقه:و ابيك
ماحستبه الا منتهد بقو وهو يفرد رجوله ع الارض ويسند ظهره ع الكرفايه اللي وراهم...
أحمد:ااااه تنفست الصعداااء اخيرااا...يعني لا انتي حلم عمر اعز ربعي ولا انتي تجامليني...والاهم
طالع فيها وتبسم:ماخنتيني.....يالله الحمـــــدلله
مها دغدتها تصرفاته ومن دون حس:ههههههه...افكارك غبيه مدري من وين تجيبهم
أحمد عبس:غبي هاه
فز وعدل جلسته وهو يحاوطها بيده...
حط يده ع كتفها وعيونه بعيونها:تعالي نبدا صفحه جديده....بلا ابوووج وحرمته وخوانج ومشاكلهم...وبلا مشاكلي واهلي بعد....نبدا بدونهم
مها اللي رافعه راسها له بغمره:لا مايصير
أحمد مسك ذقنها:يصير خلينا نعيش حياتنا عاد وننساهم
مها بلعت ريجها وهي تبعد عنه بتوتر وتزيح خصله من شعرها لورا اذنها باحراج:الحين امتحانتي مايصير
أحمد متعمد يحرجها:ههههههههههه
مها عبست باستغراب:ليش تضحك بعد؟
أحمد رفع حاجب:افهميها يالغبيه عاد
مها بققت عيونها:اش افهم؟!!
أحمد قام وقف وهو بيطلع:ولا شي

مها استفزها وقفت بسرعه ولحقته...وقفت قدامه وسدت طريقه وبجديه:اش عندك فهمني هـــــــــاااه؟
أحمد طالعها باستغراب من جرأتها:من صدجج تبي تعرفي؟
مها تخصرت:ايه نعم
أحمد قرب منها:اريدج عقب الامتحانات تجي معي
مها رمشت تسوعب:وين؟
أحمد تبسم:لندن
مها بققت عيونها!!!!
أحمد:بنسافر منه رحله عمل لي...
وغمز: ومنه شهر العسل ياعسل
مها بلعت ريجها و بطنها بدا يمغصها من هالطاري:هاه؟!!!
أحمد:هههههههههههههههههههه? ? امزح معج...قبل لا تبلغي ال24 مارح نتزوج
مها طالعته بغباء!!!!؟؟؟
أحمد نقع ضحك على شكلها:ههههههههههههههههههه? ?ههههههههههههههه
مها انحرجت وسكتت....تسب عمرها...لانها عرفت قصده بس يحرجها...مدت بوزها شبرين وهي ميته قهر واحراج
أحمد جا بيطلع بس مر عدالها وهمس لها:شدي حيلج اريد بيبي بعد الامتحانات ترا
مها غاصت فيابها وبطنها رد يمغصها بقو....وصرخت فيه:أحمد بلا ثقل دم
احمد وهو يطلع ويسك الباب وراه:هههههههههههههههههههه? ?هههههههههه حلات ثقل دمي عسسسسسسل على قلبج
مها عصبت وارتفع ضغطها من حركاته ونست كل مشاكلها وهمها وقهرها من حرمة ابوها...

احمد طلع عنها فاطس ضحك بس اتصال اخوه غير موده:هاه بشر ما انت ماتجيبلي غير البشاير هالايام؟
خالد بلهاث:مواز جات عندكم؟
احمد عبس:من مواز؟
خالد:ربيعه مها
احمد تذكرها:ايه ايه ساس البلا لا ماشفناها ومها توها يايه من بيت ابوها ليش اش صاير؟
خالد:البنت اختفت
احمد عبس باستنكار:شووو؟!...ماصقر يقول مقفل عليها كيف بتشرد بالله؟!!
خالد:حصلنا باب الشقه مفتوح وباب غرفتها وهي ماحصلناها
احمد:باب غرفتها والشقه بس؟
خالد اللي مانتبه لهالنقطه بس سؤال اخوه نبهه:صح والله كيف غفلت عن هالنقطه باي باي
وسسكر على طول
احمد بفجعه:ول اش قلت الادب ذي اللي طاريه عليه انا اعلمه..

:أحمد
احمد صد وراه وهو يشوف مها:عيونه
مها استحت من رده ونزلت عيونها بتوتر:اممممم
احمد اللي مايعرف كيف سامحها او حتى كيف نسى كل شي بهالسرعه هالبنت غيرته وايد:قولي ترا وراي شغل
مها بلعت ريجها:بخصوص العقاب...
ورفعت عيونه له بتردد:اقصد انت قلت ا...
احمد قاطعها وهو كاتم ضحكته وبجديه:مانسيته...كل شي فوقته حلو
مها طالعته بفجعه:يعني شو؟؟
احمد قرب منها وبحده:يعني رح تتعاقبي بس عقب الامتحانات خلصي اول ولكل حادث حديث
مها مسكت ثوبه:مارح تردني عند ابوي صح؟
احمد تبسم بحنيه وهو يكفن وجها:لا حبيبتي مارح تفتكي مني ابدا
مها اللي خلاااص شوي واطيح من طولها...استحت بقو وخاصه لهجته الحنونه من غير كل هذا قالها حبيبتي....معقوله حبها؟!!...الا يحبها....
سكتت وهي تحس قلبها من كثرر مانبض بقو كأنه قرع طبول فضلوعها....لدرجه تهيء لها انه يسمعه...
تبسم وهو يبعد عنها ويشوف خدودها توردو:هههههههههه اش فيج حمرتي؟
مها استحت ودخلت غرفتها بسرعه وهي حدها منحرجه....
احمد يحس بسعاده وراحه غريبة:ههههههههههههههههههه? ?ههههههههههههههه
*********************************
وف شقه صقر...اللي شوي ويستخف...
عمر:هو ياحرامي ياهي شردت بس كيف بتشرد والباب مقفل عليها مب واحد الا 2 الغرفه والشقه؟!!
صقر يحس راسه بينفجر يروح ويجي ويده ع راسه وبتوتر كبير:لالا نفسيتها ماتسمح انها تساعدها تشرد...هي اصلا ندمانه مستحيل يكون كل اذاك الضعف والندم مجرد تمثيل قدامنا مستحيل
عمر:انزين شفت خالتي امكن رجعتلهم؟
صقر:لالا ابوي بيذبحها مستحيل ترجع
عمر تنهد بقو وهو يحس بحيره كبيره...

خالد بجديه:تعرفو هذا حد طاب الشقه وشالنها
صقر وعمر طالعو فخالد بغباء؟!!!
خالد:ايه.. لو فرضنا انه حرامي ليش مافتش الشقه وعفسها الا ليش بس باب غرفتها هي كنه الهدف محدد...باختصار في حد داخل الشقه ويعرف زين اش يسوي واش يريد...استغل غيابنا...ودخل الشقه وخذ البنت
صقر صرخ باستنكار:لا تتفلسف علي خلووود...تراني مب ناقص...الحين بالله من هاللي بيتعمد يخطف بنت؟!...لا وبيعرف اصلا انه في بنت بشقه عزابيه توهم منتقلين العماره؟!!
عمر وهو يفكر بحيره:صحيح ولا باب من ابواب الغرف مفتوح الا باب الشقه وباب غرفتها... يعني شخص متقصد
صقر صرخ فيهم:يعني لو فرضنا انها هي شارده...أكيد بتفتح باب غرفتها بس والشقه
خالد اللي راح يفتح الباب اول ماسمع صوت الجرس...
عمر:هدي خالي...ترا مابتقدر تشرد انت اولا قايل انها ندمانه يعني مالها رغبه بهالشي وكانت تدرس انا شايفنها...ومن غير كيه انت قافل عليها والمفتاح عندك بس باب غرفتها مكسوووور وين هي بتقدر تكسره بالله عليك؟!!!

صقر صرخ بتذمر وهو خلاص اعصابه تلفت فر جسمه ع الكنبه بانهيار:اوووه مدري مدري
احمد ببساطه:تصدقو عاد اظن اعرف من كاسر باب الشقه عليكم
خالد:باب الشقه مامكسور مفتوح بالمفتاح بس باب غرفتها مكسور
احمد بثقة:لا مكسور القفل جرب قفل الباب مابيقفل
عمر:يعني ماشردت البنت
احمد:لو شارده احسن من انه يكون حرامي او حد طاب وخاطفنها
صقر مسك راسه وهو يحس خلاص بيستخف:سكتووو سكتووو وين عااايشن حن عشان يخطفوووها؟!!!....الهند؟!!!
عمر يبرر:زين من بيعرف انه بنت عندنا؟!...تونا منتقلين وعزابيه؟!!...وهي قدامنا ماتطلع 24 ساعه بغرقتها؟؟!!
خالد صرخ:عرفت من
صقر رفع راسه بلهفه:من؟
احمد رفع حاجب:لاتقول...
خالد قاطعه:ايه....جدي

صقر اللي وقف بفجعه وهو يحاول يستوعب:طيب ليش؟
احمد يحلل:بعد ليش؟!...انت ناسي تهديده؟!...ان ماتحركتو هو بيتصرف السالفه شابه فصدره نار
عمر:صح اللي سواه فيه فيصل ماهين
خالد بخوف:يعني اش بيسوي بالضبط؟!!...لايكون بيذبح البنيه؟؟؟!!!

صقر اللي رد ع االتصال اللي جاه:هلا شهاب....
عمر يفكر:هو يايذبحها يايزوجها...و اكثر شي بيزوجها
وطالع خالد اللي طالعه بفجعه وصرخو اثنينتهم بنفس الوقت:فيصل
احمد فز:ول اش بلاكم وقفتو قلبي؟!!!
صقر بلهاث وهو كاره عمره:امشوووو بسرعه لازم نلحق عليهم
خالد:اش قالك شهاب؟
صقر وهو يحاول يركز من الصدمه ماعارف شيسوي يحس بعجز:يقول مصدره السري خبره انه ابوي هو اللي شال مواز...يو الشقه اليوم عقب ماطلعنا وشلها معه...وبيملكها فالشركه
خالد وعمر صرخو بفجعه:شووو؟؟!!
احمد انقبض قلبه وهو يحس اللي صار فيه يتكرر بس فبنت وضعيفه واحتمال بعد تطلع اخته وفالحالتين تقربله:مستحيل اسكت عن هالشي
وعفط بسرعه لسيارته...
صقر وخالد وعمر لحقوه ركض...
*********************************

*********************************
:وينه فيصل؟
ذياب:مدري عنه طلع عنا من دون مايقول شي تعرفه عادله فتره مستوي كتوم وحاله ماعاجبني
شهاب تبسم بسخريه:عشان كيه خطبت البنت اللي يحبها؟
ذياب:هههههههههههههههههههه? ? اللي يحبها؟!!
وعبس بشراسه وبستنكار:طل يحبها....اللي يحب مايسوي سواته
شهاب بجديه:احيانا تنجبر ياخوي تسوي اشياء مالك اي حيله فيها غير انك تسوي عكس مناك
ذياب صرخ بقهر:لاه....مثل طلاقك صح
شهاب سكت بصد عن اخوه بغصه...
ذياب بقهر كبير:عذر اقبح من ذنب هه
شهاب طالعه بنظره وطلع عنه....
ذياب صرخ بتذمر وقهر كبير و رفس الطاوله اللي عداله و طاحت التحفه اللي عليه وتكسرت:اووووه
تخصر وهو يلاهث يحس نار شابه داخل ضلوعه ماقادر يطفيها...
رن تلفونه...فز بخرعه...

زفر بضيق وهو يفتش عنه من وين فره ويجيه صوت رنينه...
شاف اسم فيصل ورد على طول بلهفه:وينك فيه انت وكيف رحت وماعندك سياره من وصلك؟؟؟
فيصل بهدوء ومتجاهل اسئله ذياب:تعال شقة صقر
ذياب بقلق:انت هناك؟
فيصل بنفس اللهجه الرزينه:لا بس بكون هناك انتظرني
ذياب عبس:وليش ف شقه صقر تعال البيت؟
فيصل تنهد:ذياب لاتناقشني الحين... بفهمك عقب انت بس انتظرني هناك
ذياب حس في شي وهو يعرف زين ربيعه:زين زين...انت بونك بخير؟
فيصل زفر بحده:الحمدلله على كل حال
ذياب سكت بضيق وهو ماعاد يسمع صوت فيصل....انقطع ووصول الصوت...طوووط طوووط طووووط...

زفر حده وضيق كبير وشل بوكه وسويك سيارته وطلع بسرعه...وهو يرسل فالقروب لشباب:
شباب فيصل اتصلبي ويباني انتظره فشقه صقر...
رد خالد:شو ليش وهو وينه فيه؟؟؟؟؟
عمر:ماقال عن مواز ولا جدي؟؟؟؟
ذياب:لا قالي بس انتظرني فالشقه وبفهمك عقب
عمر:انزين عيل احسن تم هناك لانه بابها قفله مكسور بنأمن عليها
ذياب:يله اسوووق ابركز باي
********************************
الشباب اول ماوصلو...
نزل أحمد ركض لداخل الشركه و صقر وعمر وخالد وراه....
فارس اللي دخلو عليه بفجعه:استاذ احمد؟!!!
احمد ماعبره وعفط بسرعه لمكتب جده ودخل بلهاث و الشباب وراه بس وقفو مصدومين...
صقر بصراخ وهو يحس خلاص مابقى فيه عقل:وينه فيه؟!!
عمر عبس وبلهاث:المكتب محد فيه!!!!
خالد عفط لفارس:وينه جدي؟
فارس:فقاعه الاجتماعات عنده اجتماع مهم...
ماكمل الا احمد وصقر عافطين للقاعه...
وخالد وعمر وراهم...

احمد دخل بفجعه و وراه صقر...
فهد طالعهم بثبات وكأنه كان يتوقع يطبو عليه...
تبسم بينه وبين نفسه وهو يشوف عمر وخالد يطلو من ورا احمد وصقر بلهاث:اش هالوقاحه؟!!!
احمد طالع فالرجال الرزين هادئ الملامح اللي جالس مع جده وشبه عليه...بس ماقدر يتذكر وين شايفنه ولا على من مشبهنه؟؟!!
صقر صرخ فابوه:وين البنت يبه؟
فهد طالع فالرجال اللي معه:عن اذنك بو فيصل دقايق
بو فيصل بهدوء:خذ راحتك بو محمد
خالد وهو يطالع ف عمر اللي طالع فيه بفجعه:هذاا...
احمد كمل عنهم:التاجر المعروووف وابو فيصل

عمر بلع ريجه وهو يشوف صقر ثار وطار عقله وعفط صوب جده بهيجان:وينها يبه وينها؟؟؟
فهد طلع عنهم بكل ثبات وهدوء ولحقوه برا القاعه:خير يامسودين الوجيه؟
صقر ماقادر مسك اعصابه اكثر خلاص تلفت خير شر ومن بين اسنانه:وين موووواز يبه
فهد ببرود:توك تذكرت اني ابوك؟
صقر جا بيهجم عليه بس عمر مسكه:خالي تعوذ من بليس
صقر شاد عن قبضته ومن بين اسنانه وبلهاث:وييييينهااااااا؟؟؟
خالد كشر بشرايه:انت متى بتحس فينا؟!...ماكفاك كل اللي سويته؟؟!!...مابترتاح قبل لاتذبحنا وتدمرناااا كلنا؟؟؟!!!
أحمد حط يده ع كتف اخوه:خالد
خالد سكت بقهر وبلع غصته وهو يطالع جده بقهر....
أحمد وقف قدام جده بثبات:وين البنت جدي؟
فهد رفع خشمه وهو يطالعه ورافع حاجب وبغرور:البنت توكلت عند ريلها

صقر صرخ بكل مافيه بانهياااار:لااااااااااااا? ?اااااا وربي حراااااااام عليك البنت قاااااصر توها صغيره حتى امتحانات الدبلوم ماخلصتهم حراااام عليك
عمر و خالد طالعوه بصدمه مالها نهايه..!!!
فهد عبس بجديه:الزواج مايعرف عمر الزواج بالعقل وهي عقلها اكبر عنها وحده فاهمه زين...غلطت ولازم تتحمل مسؤوليه غلطتها
صقر وده يقطعه بسنونه وبصراخ وغضب عارم شل الشركه فوق راسه:هدني عليه عمرررر بعد عني
عمر اللي عفط خالد يساعده وهم حدهم منقهريييين من اللي يسويه جدهم:خالي تعوووذ من بلييييس
احمد ضيق عيونه بقهر:يعني سويتها؟
فهد تبسم بسخريه:للاسف يا احفادي انتو و ولدي المحترم تأخرتووو واييييد البنت ملكتها و سترت عليها تطمنوووو الحين هي مساافره شهر العسل...او ع قولتكم هني مووون
و تجاوز احمد اللي ماسك عمره بالغصب وهو يشوف مأساته تتكرر وعاااجز يسوي شي...
فهد وقف قدام عمر اللي ماسك صقر عنه:وانت يالعاق.. حسابك ماخلص..
وطالع خالد:وانت بعد...
وطالعهم كلهم بسخريه لاذعه:ههههههههههه لايقه عليكم بدلات موصلين الطلبيات واااايد...بس للاسف رح تظلو فاااشلين طول عمرك...يوم انكم فشلتو توصلو قبل لا املك البنت وجايين عقبها بساعه بالله كيف بتوصلو طلبيات الاوادم فوقتها؟!...هههههههههههههه فاااشلين
ودخل عنهم ونشوه النصر تلمع فعيونه....
صقر طلع ركض عنهم...
عمر لحقه بسرعه:خالي
خالد وقف يطالعهم بقهر وهو كاتم غصته ودموعه بعيونه:سواااهااا ماقدرنا نسوي شي للاسف صدقه نحن فاااشلين
وغمض عيونه يحبس دموعه يحس فواده شب نااار...
بس سمع صوت اخوه(لا بعدنا ماخسرنا)
فتتح عيونه بقو وهو يلمح احمد داخل ع جده مره فز ولحقه...
****************************




رد مع اقتباس