08-07-2022
|
#5798
|
اللي ما احترم ظرفي
عليش انودّه
وأصل المحبه يبان وقت الشدّه
اللي ما احترم اظروفي
اللي ما فهمّ حالي وقدّر خوفي
واللي تناسى طيبتي ومعروفي
إن كنهو ابتعد ..
يمشي .. الله لايردّه
لا في لحباب زاهد ولاني صوفي
لكن امعايا الصبر واصل حدّه
اللي ما احترم ظرفي .. عليش انودّه
اللي ما سمع آهاتي
واللي ضحك
وين ما سمعني نهاتي
واللي تركني نحوس في امعاناتي
ولاهو سكت ..
لاعون ليّا مدّه
ليام تبرم .. والزمان يواتي
الصاع بثلاثه وفوق .. ليه انردّه
اللي ما احترم ظرفي
عليش انودّه
واصل المحبه يبان وقت الشدّه..
|
|
|
|
|