منتديات صواديف عشاق - عرض مشاركة واحدة

05-22-2023

يـوم الخميـس .. 20/7 .. سـاعه 3 الظهـر ,,
مريـوم : يلا عليـووه تاخرناا ..
عليـا : يلا يلا سيري انا الحيـن بيي ..
جان تنـزل مريوم و تسير صوب السيـاره ,, و عقب ثواني يت عليـا .. و جـان يسيرون الصـالون .. الحريـم الـ 3 و البنـات الـ 4 .. و يوم وصلـو كل وحده استلمت وحده .. و البنـات راوو الحرمه صورت فستـانها .. و حتى الحريـم .. و الحريـم سولهم مكيـاج هـادي .. عسـب الفستـان مافي الوان وايد غامجه الا بسيطه .. و خلصـو تمكيـج و تساريـح تقريبـا سـاعه 6 لانه كان زحمه شوي الصـالون .. و يوم دفعـو و خلصـو .. راحو البيـت ,, و رفيعه و ام مريـوم بيغيرون ملابسهم فـ بيت ام حمـدان تمـو يسولفـون .. وجيه و يهـدون مريوم و عليـا .. عسب سالفة الملجه وجيه .. و جان يروحون يصلـون " كانو متيددين من قبل " و استوت سـاعه 7 .. كل واحـد سار يتلبـس و يتكشخ ..

مريـوم : كـان فستـانها لونه ,,, فضـي فاتح .. ع بيج ,, ع جي اخضر غبر .. ويااي بدون ايد يعني بس جيه ع الصدر .. و عالصدر ياي جي شرات المثلاثـات ومخصـر ,, و كل الشغل عند الصدر والبطن ,, شفااف " عند تحت الصـدر لين البطـن " .. ورود بالاخضر الفاتح و البنـي هب غـامج وايد ,, و بعد في تطريز بالاخضـر .. هوه قصـير لين الركب .. و شويه فوق .. ومن عند البطن ياي جيه كمن طبقه شيفونات مقصصه شكل رقم 7 .. و منفـوش شويه .. و البـوت اللي قلتلكم عنـه .. وكـان مكيـاجها وايد وايد بسيط .. بالبني و الازرق و البيـج ..

عليـا : كـان فستانهـا سمـاوي .. .. بعد نفس الشي بدون ايد يعني بس جيه ع الصدر شفااف " عند تحت الصـدر لين البطـن " .. و كله خرز و فولك بالبيبي بلو وهالسوالف و صوب القميص " طبعـا هوه هب قميص فستـان كامل " سلاسل ع القميص كله .. و عقب جيه ياي منفوش شرات بعد شرات مريوم ياي شيفونات مقصصه شكل رقم 7 .. و .. هوه قصـير لين فوق الركب .. وياه البـوت .. و مكيـاجها بعد بسيط الازرق الفـاتح و الغـامج ,, طالعه مووت

فطـوم : فستـانها تقريبـا نفس ياي ليموني فاااتح .. شفـاااف " عند تحت الصـدر لين البطـن " كـت و عند الجتـف جيه ياي ربطه .. شغل وعند الصدر الفتحه كبيره شوي ويايه على رقم 7 .. وفي ورود بالخضر و تطريز بالوردي الخفيف و الليمـوني .. و كان مكيـاجها وايد وايد نعـومي .. اخضـر غـامـج و تدرجات الاخضر و فيه يموني ع الينب و راسمين عيونها و مخلين ظل تحت العيون

سـاره : ابيض و كــت .. فيه اوراق " تطريز بالاخضر " و بعد في تطريـز بالوردي .. و كان الفستـان من جدام قصير لين فوق الركب و ورا طويـل " ذيل " ,, وياي الفستـان من ورا جي دايري مايل " لانه قصير من جدام و طويل من ورا " .. و ع الاطراف بالشيفـون الابيض و ياي مكركش وايد دور ما داير حتى من جدام .. وايد وايد وايد حلـو الفستـااان و هوه الفستان ياي ع وردي .. و مكيـاج كان بالوردي و الاخضـر و ابيض .. وايد طالعه كيـوووت ..

ام حمـدان + رفيعـه + ام مريوم : لا بسيـيين نفس الشـي : فستانهم بيكون بني و تركـوازي .. الايد بتكون لونها بني شفافه و ياي كلوش عند الايد تحت ,, و تحت جيه بيكون فيها خرز و فولك و شغل وايد ,, وعند الكلـر هالموديل يوم يكون فخم من ورا عنـد الظهر جيه مرتفع شويه فوق و عند الصدر جيه نازل .. وامـا عند الصدر ,,, كله فوولك و شجج و خرز باللون البني و التركوازي الخفيف كله بيكون عند الريل و عقب متيمع فـ صوب واحد وتحت بيكون جيه 3 قطع تركوازي قصير ياي بني فاتح اطول منه وعقب بني غـاامج طوييييييل .. مكيـاجهم كان حلـو بعد ,, اسـود و بني غامج وياي ع تدرجـات و فيه تركوازي و ابيض ,,

طبعـا .. ام حمـد و ام خـالد مخورات من الزيين لول ..

يـوم خلصـو و لبسو طقمـهم وجيه .. وتعطـو و اتدخـنو ,, و كل وحده سارت يابت مسكتها ,, يلسـو فالصـاله ,, طبعـا برع الحـال رقيـص اغـاني و يوله و رزفه وحالتهم حـاله .. هالمره ماسوو بوفيه برع .. خلوه داخل فـ الصاله ,, طبـعا الليتـات ع البيـت بكبـره و عزوز وعمـر ما صدقو انه هاليوم خلاص يا ,, وعقب ثواني يا المطـوع و يوم خلصـو وياه ,, سـار بو مريـوم و عطـا ام مريـوم الدفتـر و قالها وين يوقعن وجيه ,,
ام حمـد : يلا بـلا دلع و وقعن
مريوم : انزين يدتييه بلاج جيه مستعيـله ..
ام حمـدان : يلا عسـب نتصـور عقب لا ايـون ريايلـكم
رفيـعه : يلا فديتج علايه شطـووره
الكـل : هههههه
مريـوم + عليـا : بسم الله ,,
جـان يوقعـن و ارتاااح قلبهم وقـامو الكل يسلـم عليـهم ,,
عليـا كانت سرحـانه و عقب سارو مريوم الحريـم و سـاره تحت تمت عليـا فوق ..
فطـوم : يلا فديتج خلينـا ننزل ..
عليـا شوييه و بتصيـح : ليـت امايه و ابـويه يكونون موجوديـن .. و افرحهم بهاليـوم = ( ..
فطـوم : حيـاااتي والله جان تلوي عليـها .. : الله يرحهم .. فديتج خالو نواري و عميه عـلاوي اكيد فرحـانين فيج .. حتـى انا كان فخاطريييه امايه و ابويه يكونون موجودين يوم ملجتـي ,,
عليـا : الله يرحـمهم ,,
فطـوم : يلا فديتج خلينـا نسير و نتصـور ..
و عقب نزلو تحت عشان يتصـورون قبل لا يدخلون عمر و عزوز ,,الحريم و البنـات كانو فـ ميلس الحريـم يتصورون .. و كل وحده اتصورت بروحها ورا خليـفه حلوه و هاديه ..

بـرع ..
عزوز و عمـور ساير راد يتريون بس حد يقولهم تعـالو ,, و بو حمـدان وبو مريـوم و بو حمـد مرتبشيـن فـ اليوله و الاغاني ,,
حمـدان : لا حووول دوختو راسنـا وانتو ساير راد عنبـوو !!
عمـور : ليش نسيت عمـرك .. هيييه انته خلاص ملجت ,,
حمـود : وجيه ان شاء الله الحين انتو ماملجتو خلااص ؟؟؟
عـزوز : امبـلا بس ابا اشوفهـا آآخ يا قلبي متى بيرتـاح
ولا دقايق يرن موبايل حمـدان ,,
حمـدان : هلا فديـتج .. اوكيه خلاص فكيتينـا من الصدعه ,, ههههه لا لا حاشرينـا يبون يدخلـون ,, خلاص ماعليه ,, بباي
عمـور : هـاا شوووووو !!
حمـود : يلا سيرو ,, بس تريوو بزقر ابويه و عميه ,,
جان يسير يزقرهم ,, و تمـو حمـود و حمـدان فـ بـرع .. و بو حمـدان و بو مريـوم و عزوز بو حمـد و اليـهال سايرين صوب ميلس الحريم "" عند مريوم "" وشغـلو الاغاني ,, و ام مريوم و رفيعه و ام حمـدان عند ميلس الريايل " عنـد عليـا "" وبعد شغلـو الاغاني ,, وجـان يدشون كل واحد عند حرمته ,, وع فكره كـان فيه مصورتين ,, وحده عند مريوم و الثانيه عن عليـا ..

خلـونا نسير اول شي عند مريوم و عزوز ,, يـاربيه من دش و هوه هب مصـدق اللي يشوفه خلاااص خلااص بيذوب شرات الحـلاااوه شااق الحـلج وحـاله رقيص من الخـاطر ,, و مريـوم .. الله المستعـااان ,, محمـره و اموخيه راسهـا تشوف الورد اللي ع مسكـتهـا .. وجـان ايي صوبهـا عبدالعزيز و الحريم يزغـرطن ,,

عـزوز بكـل حنـان : فديت القمـر والله .. مبروك غنـاتيه .. وبـاس راسهـا ,,
مريـوم ماتبا ترد كانت مستحيه بصوت يالله يالله ينسمع : الله يبـارك فيك ..
بو مريـوم : مبـرووووك فديتكم .. والله تستـاهلون ,, وايي يسلم عليهـم ,, وعقـب يا بو حمـدان و بو حمـد .. و الجـو كان مرتبش من الخـاطر و هم ايولون و يرزفون .. واليـاهل بعـد ,,

عـند عمـر و عليـا ..
من دش و هوه هب مصدق اللي يشوفه شرات عـزوز .. شـاف عليـا و بغـا يغمى عليـه ,, و فخاطره يلوي عليهـا من الخـاطر ..
تقرب منهـا و باسها ع راسها ..
عمـر : هب مصدق اللي اشوفه
عليـا بدلع : ههههه لا صدق ,,
عمـر : مبروك فديـتج
عليـا : الله يبـارك فيك ..
عمـر : احـبج ..
عليـا احمرت : أأ بعديـن هب الحين ههههه
عمـر : هههههه ,,, فديت روحج ,,

و عقـب يو يسلمون عليهم و يتصورون وياهم وجيه .. وجـان يبدون .. اللي كان عند مريوم يـا عند عليـا و اللي كان عند عليـا يا عند مريوم و وسلمو عليهم .. و تصور وياهم .. وعقـب بو مريـوم و ام مريـوم كانو عند عليـا ,, و بوحمـدان و ام حمـدان كانو عند مريوم .. عشـان الطقـم و جيه يساعدون عزوز و عمـر .. صورتهـم الحرمه .. و قصـو الكيكه بعد صورتهم .. ياويل حاليه عليهم ..

فـ الصـاله ..
سـاره اتصلت حق حمـود انهم يدخلون داخل محـد فالصـاله وجيه ,, و جان يدخلون البيت و يوم سـارو صوب الصـاله .. كـانو فطـوم و سـاره واقفيـن ..
حمـدان سيـده من شاف فطـوم فج عيونه وساار سيييده صوبها ركيض و يودها من خصـرها : شو ها .. بذوب بذوب بذوب .. فديتج والله مـ غوااج .. مسك ويها و باسهـا ..
فطـوم : هههه لاتذوب ابـاك انا ..
حمـود : ياويل حـاليه شو هالزيـيين ,, شو هالفستـان الطرررر .. فديتج والله ,, تقرب من سـاره ..
سـاره : هههه بعيـد بعيـد ,,
و عقـب يلسـو يسولفون .. وعقـب طلعـو الحريم و سـارو الصـاله الصغيـره (( مخشوشه ))
,, "" عشـان الريـايل يسيرون عند البنـات ""
و يوم يلسـو هنـاكي .. دخلـو الريـايل و سـارو عند حمـدان و البـاجين ..
بو حمـدان : ياويل حـاليه كاشخـاات هـااا ؟
بو حمـد : متواعـداات كلهم يتفصخـن
الكـل : هههه
سـاره : ويي الله يهديك يديه وين تفصخنـا نحنا الحين !! الا ويا هالاهل هب جـدام النـاس ..
بو مريـوم : لا بس الصراحه ماشالله عليكم غـاويـات
فطـوم : احم اخجلتـم تواضعنـا ..
سـاره : شحـال البنـات و عزوز و عمـور مستانسين ؟
بو مريـوم : الا هب مستانسيـن .. فديتهم والله ..
الكـل : الله يخليهم لبعـض ..

فـ الصـاله الصغيـره ,,
رفيـعه : ويي فديت بنـاتج والله ,, ههههه كل وحده محمـره ..
بو حمـد : تعـرفون عـاد منـكر البنـات ..
الكـل : ههههه
بو مريـوم : حليله والله ..

عنـد عزوز و مريـوم ,,

كـانو واقفيـن يتصـورون ,, وعزوز يتحرطم كل دقيقه يبـا الحرمه تروح ,, حـاولي 50 صوره صورت .. و يوم خلصـت الحرمه ,, طلعت سارت ترتـاح شويه ,, لانه قالولهـا البـنـات يبون يتصورون بعـدين ,, من طلعت المصـوره مريـوم سـارت تيلس حاطع ريل ع ريل و موخيه راسهـا ,, جان ايي عزوز و ايلس عـدالها ,,

عـزوز : فديـــت راعيـة المحـطه
مريـوم انحرجت وايد ييت و كفخته ع ريـله : عندي اسم انا
عـزوز : فديــت حرمتي عيل