منتديات صواديف عشاق - عرض مشاركة واحدة - كتبت إسمك على صدر السما و أيامي / للكاتبة حلاها (( ألايدا )) مكتملة

12-30-2023

*************************************
:انا خبرته عاد عسى يفهم التلميح ومواز ماتعاند وتخبره
عليا عبست:هو قال بيزوجها
مهره انقبض قلبها:لا تقولي اللي خطبها؟
عليا تنهدت بقو:مدري قال هذا انسب حل
مهره نزلت دموعها:هذي نهايه تمردها وجنونها
دانه سكتت بغصه:زين منى وجدي موافقين؟
عليا نزلت راسها بعجز:للاسف جدي الود وده يذبحها ومنى الله بالستر بس معرف كيف تفكر
دانه عصبت:بس مب حل يزوجوها هي بعدها صغيره
عليا غصت وهي تتذكر سالفتها وشهاب....
دانه عصبت:عليا لازم ماتسكتي وتخلي مأساتج تتكرر
عليا سكتت بغصه كبيره وهي تحس قلبها داخل ضلوعها يذوووب....

دانه انفجرت وبصراخ:انتي لازم تتصرفي ترا كله من بسبتج
عليا رفعت عيونها على دانه بفجعه؟!!!
مهره وهي تمسح دموعها باستغراب:اش دخل عليا؟
دانه تلفت اعصابها خلاص:هي عارفه مواز خبرتني وعشانها راحت وسوت اللي سوته
عليا سكتت تطالع فدانه بفجعه وصدمه مالها نهايه؟!!!!
دانه بقهر:عليوووه اتصلي بصقر فهميه لا يذبح ويظلم مواز ويعيش عقبها بتأنيب الضمير مره
مهره مافهمت شي بس انه عليا تقدر تساعد مواز ولهفه:لا تكوني انانيه وتكرري المأساه
عليا عبست:مايفيد اتصال لازم اشوفه
:محد بيشوف حد

البنات صدو وراهم بفجعه...
منى بصرامه:النت والتلفونات والطلعه ممنوعه فاهمين
دانه باستنكار:ليش عاد؟
منى:لا تناقشي
مهره عبست:بس حن بنشوف خالنا
منى صرخت:عاد هالمخلوق بذات من بد كل الناس انسنه
وسكت الباب حتى قبل لاتسمع ردهم

البنات طالعو بعض بصدمه؟؟!!
دانه بقهر:استخفت هالمنى؟!!
مهره شوي ووتصيح:والحل؟
عليا:مشي وقت لازم نتصرف وبسرعه
دانه بعجز:زين شنسوي يعني؟
مهره صرخت كنها حصلت الحل:لقيتها
دانه بلهفه:شووو قولي؟
مهره:رقم فيصل مب فتلفون منى؟
عليا:اظن مواز حذفته
دانه:ماظن دام مسوتله حضر يعني ماحذفته
مهره:بتأكد وعسى احصله
عليا:زين اش بنقوله؟
مهره عبست:م هو ساس البلا؟!...خليه يتصرف
وراحت تشوف تلفون منى
دانه باستغراب:هالبنت طلعت قويه؟!!!
عليا تنهدت بقو:الله يستر بسسس
***********************************
و بعد ساعتين...
دخل و هو يبلع غصته...ماقادر ينسى شكل مها...لهدرجه يكره المستشفيات؟!...يكره ريحتها المعقمه اللي تسببله الكآبه...بس ماكان مفروض ما يتركها ويروح...ليش رجع عدم مبالي مثل قبل؟...امكن لانه اكتشف انه سلب حلم اعز ربعه...ولا لانه للحين معصب منها...هو لازم اصلا يرتاح ويبعد شوي عنها..بس هي محتاجتنه...لالا دام خبر اهلها وجو المستشفى خلاص هو بعد له الحق يرتاح شوي...
تنهد بقو وهو كاره عمره....

فتح باب شقه صقر...و دخل بخطا ثقيله...رفع عيونه اول ماوصل لصاله و
شاف اخوه واقف يطالعه بقلق...تبسمله بذبول...
خالد وهو يشوف أحمد يجر جسمه بثقل ويفره ع الكنبه بتعب:سلامات اش فيك؟
أحمد وهو يمسح وجهه:مشي مهم انت اخبارك؟
خالد تنهد وهو يجلس عدال اخوه:صارت وايد اشياء
أحمد سكت يطالع اخوه اللي شبك اصابع يديه ببعض بتوتر...اول ما لاحظ توتر اخوه نسى همه ومشاكله...
خالد:ما عارف حتى كيف اخبرك اش ابدي اش اخلي معرف؟!!
أحمد تعدل فجلسته وهو يطالع وجه اخوه اللي يطالع قدامه بتوتر:خالد اش صاير قولي تراك وقفت قلبي؟
خالد التفت لاخوه وعقد حواجبه:طلع جدك ناسب كل البنات له
أحمد عقد حواجبه بعدم استوعاب:كيف؟!

خالد بلع ريجه:اكتشفنا هالشي تخيل ناسب حفيداته له كلهم بإسمه يعني كنهم بناته
أحمد باستنكار:متبننهم يعني؟
خالد تنهد:تخيل البنات الاربع مو بناته وألحين ع هالحال يعتبرن بناته
أحمد وقف باستنكار كبير:اش تقول؟!...بشو تخبص؟!!!
خالد طالع اخوه وزفر:اللي سمعته...محد منتبه بس البنات كلهم بنفس الكنيه
أحمد وهو يحس انه صدع مسح ع راسه:جدك هذا استخف اكيد!!...ليش يسوي كيه؟!!...مو البنات بـ...
سكت وهو يستوعب...
بقق عيونه:البنات فالاصل مو بنات عمتي شيخه؟!!...يعني خوات عمر؟!!...توني بس انتبه انه لعمر خوات
صرخ بقهر وهو يحس خلاص مابقى فيه عقل:آااااه....جدك هذا مابقى فينا عقل....خلاص بستخف!!!
خالد بلع ريجه اللي نشف:بعدك ماعرفت كل شي
أحمد اللي تخصر وهو يلاهث طالع اخوه بعبوس:اش بعد؟
خالد صد عن اخوه:مافكرت ليش ناسب البنات كلهم له؟
أحمد رفع حاجب وهو يزفر زفره قوية:ليش بعد؟!!

سكت ينتظر جواب خالد اللي طالع اخوه بثبات...
خالد:لانه البنات مو كلهم بنات عمتك المرحومه
أحمد رمش يحاول يستوعب وهو يهز راسه بتكشيره:كيف؟!!
خالد رفع صوته وببساطة:طلع لنا خوات أحمد
أحمد سكت بصدمه
وتنفجر:هههههههههههههههههه? ?ههههههههههه
جلس وهو يضحك.......
خالد تنهد بقو وهو يسمع ضحك اخوه اللي علا...
أحمد بضحكه:ههههههههه اخر نكته هذي صح؟!!
خالد بجدية:لا
أحمد وقف بصراخ:اش الدليل؟
خالد:السالفه طويله بس الاكيد انه لنا خوات
أحمد وهو خلاص مابقى فيه عقل وبنرفزة:فهمني السالفه اول
خالد سند ع الكنبه:عمتك منى أكدتلي انه البنات مو كلهن بنات عمتك شيخه الله يرحمها... وصقر بعد المرحومه عمتك مخبرتنه هالشي
أحمد صرخ:يعني شو؟!!

خالد بهدوء وبداخله بركان:ابوي كان متزوج وله بنات وشكله متزوج فالخارج والاكيد كانت حرمته الثانيه معيشنها هناك...وجدك اول ما توفى ابوي الله يرحمه راح جاب عمتك وبناتها و خواتك ونسب البنات له ودخلهم البلاد بشهايد ميلاد جديده
أحمد جلس وهو يستوعب:الحين ابوي وعمتي شيخه الله يرحمهم كانو متزوجين فالخارج؟
خالد يحلل:ايوه مابس عمتك شيخه مثل ماكنا نظن بعد ابوك
أحمد زفر:وعنده منها بنات؟
خالد:ايوه... حن اجتمعنا وفكرنا وحللنا...طلع احتمال يكون لنا اخت بس...لانه البنات 4 وحده منهن برا الحسبه و وايد حسابات معقده
أحمد عبس بعدم اهتمام وهو يحس بينفجر من القهر:مايهمني هالشي عقب بتخبرني به الحين المهم أمي
خالد من جا طاري امه غص:ترا عشان كيه اخبرك...اباك تساعدني معرف شاسوي ماعرف ان شفتها
سكت وكمل بغصه:بروحي ماقــــــادر مـــــاقاااادر
أحمد زفر بحده:خلينا نروحلها...ما رح نرتاح دام قلبها علينا... ان طمنا قلبها ارتاحت وارتحنا
خالد طال اخوه:ما رح اقدر اكذب عليها وامثل تكشفني من عيوني أحمد
أحمد قام بغصه وهو يرتب كذبه بخوص مها اكيد امه بتسال عنها:يله قوم اتلقاها تنتظرنا
خالد وده يروح بس مايبا يحط امه فهالموقف ويشوفها منقهره بعد كل هالعمر:و حرمتك بتخليها بروحها؟
أحمد انقبض قلبه وعبس اكثر وهو يقوم خالد:لا حرمتي وديتها تزور اهلها
خالد ماله حيله مشى مع اخوه وقلبه مقبوض...
*******************************

*******************************
طالعت المكان بملل من متى وهي تتطالع فالفراغ... تحس جسمها متخدر... تحس بضيق وحزن كبير اجتاحها... هالمشاعر طبيعيه وهالحالات عاديه هي تعرف هالشي زين بس اللي صارلها حقيقي؟!...معقوووله؟!!....هي كانت تحلم ولا حقيقه...؟؟!!... سمعت صوت الباب وصدت تشوف من... وقف قلبها وهي تشوف فيصل يقرب منها...
فزت بس بتعب...حست جسمها ثقيل ومتخدر بشكل خلاها عاجزه انها تقوم جالسه حتى...
طالعها بدون ملامح... وهي ترجمه بنظرات حاقده وكلها كره...انرسمت ابتسامه جانبيه وهو يحس بقوتها اللي للحين ماودرتها:سلامات ماتشوفي شر
مواز ودها تقوم تنهش فلحمه وتشرب من دمه ومن بين اسنانها:انت كيف تتجرء تدخل علي؟
فيصل تذكر شكلها وتبسم وهو يصد:اسف نسيت انج بنت ومامحلله لي
مواز انقهرت اكثر منه و هي تحاول ماتعب عمرها اكثر وماتبين له انه استفزها:خير اش جاي تسوي؟..تكمل جريمتك؟
فيصل لمح يدها الملفوفه وغص:هذي نتائج افعالج
مواز ماقدرت تكتم اكثر وانفجرت بصراخ فيه:برااااااا.. اطلع اطلع برااااااااااااا

فيصل بهدوء:انتي ماتدوري شهاب؟
مواز سكتت وهي تطالعه بدهشه...
فيصل استغل صدمتها...وكمل بثقه يبا يتأكد من شكوكه:انا اقدر اساعدج واوصللج اللي تبيه
مواز طالعته ونست كل شي من تذكرت عليا:انت تمزح معي؟
فيصل ردت فعلها اكدتله انه في شي صج...بجديه:لا من صدجي
مواز ماتبا تضيع هالفرصه اللي جاتها وهي متأكده انها خسرت كل شي وهالفرصه مابتتكرر:اريد اكلمه اتصل عليه
فيصل فخاطره...ول حتى ماعاندت شكلها السالفه جايده....عبس:الوقت مايساعد خبريني وبخبره
مواز انتبهت لنفسها وتذكرت زين اللي سواه فيها ورجعت لعقلها....تبسمتله بخبث:احلم
فيصل عرف انها هونت ومابتنطق ابدا خاصه بعد اللي سواه....طالعها بثقه:السالفه تخص عليا
مواز غصت بس تحاول ماتبين له:وانت اش دخلك؟
فيصل تبسم بثقه اكبر:رح ابلغه انج كنتي تلاحقيه عشان تنتقمي لعليا...هههههههههه وللاسف دمرتي عمرج بسبت حقدج وتهورج
وطلع عنها...

مواز اول ماطلع نزلت دموعها بقهر...وهي تبلع غصتها بعصبيه...
فيصل طلع بقهر من عندها وهو محبط لانه ماقدر يعرف منها شي...بس تأكد انه ورا تصرفاتها سالفه...وهالسالفه تخص شهاب وعليا...
بس حتى ولو اش هالسالفه اللي بتخليها تسوي كل هااشياء وتغامر بجنون وعدم مبالاه عشان اثنين تطلقو وانتهى كل شي بينهم...الا مات واندفن ومستحيل يرد مثل ماكان او يتصلح اللي انكسر بينهم...الا بمعجزه
وعشان يخمد احساس الذنب اللي بدا يعذبه...لازم يعرف السالفه
****************************
شهاب وصل ودخل ركض داخل وهو يشوف الباب مفتوح وذياب مستند ع عارضته ويده ع فكه:اش فيك؟
ذياب رفع كتوفه:جاني نصيبي من ورا مصايب فيصلوه
شهاب شاف صقر وعمر واقفين نص الصاله وشكله بينهم مشاده كلاميه عنيفه وصقر بزور ماسك عمره عنه:اش فيه صقر كيه معصب؟
ذياب:شكله صار سوء فهم...ومن حقه الصراحه فيصل طوفها ويستاهل اللي بيجيه...الا هو وينه؟
شهاب:وصلته شركه ابوه ورحت عنه
وصلته نهرت صقر اللي هزت المكان:والله لا اذبحه
عمر وقف قدامه وهو بيطلع:خالي الله يخليك اول تعوذ من بليس ترا جدي يألف من عنده صدقني فيصل مستحيل يسويها

شهاب راح لهم وبحده:اظن لازم توقف هالمصخره
صقر دف عمر من قدامه وشد شهاب من ثوبه بقو ومن بين اسنانه:انت لك وجه تنطق... انت ناسي اش مسوي فيني؟!
عمر بيهدي الوضع وهو يشوف ملامح شهاب قست:خالي اتركه
صقر وهو يشد قبضته:اذا انت ناسي فأنا مانسيت
ودفه بقرف عنه وهو يتوعد فيهم:خلاص ماعدت بسكت عنكم...كل واحد يدمرني من صوب تراه البنات بنات خواني... يوم انكم تأذوهن تأذوني... هذي هي الامانه اللي امنتكم اياها؟!... ياحسافه يا شهاب خذلتني للمره الثانيه
شهاب وهو يطالع صقر بحده:فيصل ما غلط تأكد من هالشي
صقر صرخ وعمر يمسكه بسرعه لا يهجم على شهاب:خالي...

:صقر
الكل صد صوب الباب...
فيصل اللي واقف عدال ذياب بثبات:بغيتني؟
صقر طالعه بغضب:ايه
فيصل تقدم منه ووقف قدامه وعمر بعد ع الجنب و وقف عدال شهاب...
صقر وفيصل وهم يطالعو البعض....والجو تكهرب بينهم شوي وينفجر فاي لحظه...
ذياب تنهد بقهر:الحين عافسنا وضاربنا وكسرت البيت واخرتها من جا ووقف قدامك وقفت اطالعه؟!...سلامات؟!!...هه
ودخل يحط ثلج ع الكدمه بقهر...
عمر لحقه بسكات...

شهاب تنهد بقو وهو يجلس ويتكتف:يله صفو حساباتكم
صقر:انت خطبت مواز؟
فيصل بنفس اللهجه الثابته:ايه
صقر:اقدر اعرف ليش؟
فيصل:لا
صقر تبسم لسخرية وجا بيروح...
شهاب باستغراب:على وين؟
صقر ماعبره وطلع عنهم...
شهاب طالع ف فيصل الواقف يطالع صقر بعبوس:حظك يقحف الحصى ياخي والله عبالي بيذبحك
فيصل طالع شهاب ببرود ولحق صقر بسرعه...
***************** *********************