منتديات صواديف عشاق - عرض مشاركة واحدة - كتبت إسمك على صدر السما و أيامي / للكاتبة حلاها (( ألايدا )) مكتملة

12-30-2023

***************** *********************
:هاه والحل؟
مهره بخيبه:مدري
عليا:يالله لازم نسوي شي
مهره:لو مواز بينا كان تصرفت ولا همها شي
عليا حاسه بتأنيب الضمير:هذيك مواز ما حن هه
مهره:دوووم تسوي اللي تقدر عليه بس عشان تساعدنا ولا يهمنها شي
عليا غصت اكثر....وحست بالعجززز يذبحها...
دانه صرخت:عرررفت
عليا بخيبه:شو بعد؟
دانه:انا ما متأكده بس ذياب..

وسكتت تطالع فمهره...
مهره بغصه ع طاريه وهي للحين منجرحه منه:شو؟!
عليا فهمت اللي يفكرن فيه وبتردد:بس مواز كانت لا شاكه ما متأكده
دانه:حن بنجرب اش بنخسر؟
مهره بتردد:مدري
دانه صرخت فيها:لو مواز مكانج كان ماترددت لحظه
مهره بلعت غصتها بسكات...
عليا راحمه مهره اللي متأكده انها تحب ذياب ودايسه ع قلبها:مشي حل غيره؟
دانه صرخت:مشي فكري انتي كان بتلقي
عليا سكتت تفكر بغصه...
دانه زفرت بقلت حيله وقهر....
*********************************
مواز اللي ماعارفه لمتى بتم فالمستشفى وهي تفكر بفيصل ومنقهره منه...ماحست الا باحد داخل عليها صدت بسرعه تشوف من...
صقر اللي من شافها صاحيه وقف للحظه...طالعها بغرابه وبعدين كمل...حط كيس قدامها وصد بيطلع:بدلي ملابسج بنطلع
وكمل دربه للباب وهي تلاحقه بعيونه ولا كأنه صاير شي ببرود...اول ماطلع ظلت عيونها معلقه فالباب ماتعرف ليش حست بغبنه...نزلت دموعها وهي تزيح عيونها للكيس اللي قدامها...صدت عنه بألم كبير وهي تشاهق و انكمشت على نفسها تبكي بلوووعه كبيره...

صقر اللي ماتوقع يحصلها صاحيه او حتى تستقبله بكل برود وتناظره ولا كأنها مسويه شي.. قهرته وهو مقرر يستخدم اسلوب ثاني معها... طلع بسرعه عنها وهو مقهووور عليها وعلى برووودها... شاف الدكتوره تقرب صوبه وتنهد وهو يرد السلام....
الدكتوره:في شي اخير بغيت انبهك عنه
صقر:تفضلي
الدكتوره:حاولو تراعوها هالفتره ولا تستغرب حساسيتها الزايده
صقر اللي فاهم هالشي زين:انشاء الله
الدكتوره:وبخصوص يدها... ياريت ماتهملوووها وان شاء الله تتعافى
صقر زفر بملل:ان شاء الله
الدكتوره اللي ماعجبها رده:تمام انا استأذن الحين
وراحت عنه...

صقر:ياكرهي للدكاتره وخاصه الحريم هه
ورجع دخل على مواز حصلها ملتويه ع عمرها وتصيح.... انقبض قلبه عليها بس مسك نفسه وقرب منها...
مواز اللي حست فيه ومشت دموعها بدفاشه وبسرعه وهي عاطتنه ظهرها....
صقر:بدلي بسرعه مليت ترا من كثر مانتظر
وطلع عنها بسرعه...

مواز صدت ماشافته تعجبت طلعته بسرعه ولا حتى كثر حنه قامت جاسه وهي تمش بقايا الدموع من على وجها...توها بس انتبهت ليدها...تذكرت فيصل واللي صار...مها...جدها...وماتعرف من أذت بعد؟!....
غصت...تداركت دموعها وهي تنزل من السرير وتاخذ الكيس معها للحمام بدفاشه وقهر...
*************************************
و فاليوم اللي بعده...

أحمد اللي امس بالزور رقع لامه هو خالد لا تحس بشي:اليوم جمعتكم مره عشان ننهي هالمصخره
صقر:قبل كل شي ابعتذر لذياب وعمر ولشهاب
شهاب تبسمله:مسموووح ياخوي
عمر:معذور خالي
ذياب:ايه انتو ماجاكم اللي جاني...والله يوم بتعطي فيصل نفس البوكس انا برتاح بس حاليا مسموح
الشباب:هههههههههههههه حاليا!!!
ذياب بوز:ايه
وطالع ف فيصل بنص عين...
فيصل بملامحه البارده اللي ماتغيرت تكتف وهو يطالعهم بملل...

شهاب لاحظ الجو اللي انشحن فجأه والكل يطلع ففيصل المتبلد:هي ازمه وبتعدي وتنتهي قريبا ان شاء الله
أحمد عبس:انا اقصد مصخره البنات اللي مسونها جدي...التحاليل لحد ماتطلع حن لازم نسوي شي
ذياب رفع حاجب:مثلا؟
أحمد:نسير لعمتي منى
صقر عبس:لا تتأمل منها شي والاوراق اللي حصلتهم مامنهم فايده للاسف بعد...انا الحين بزور قادر على ابوي واقدر ابعده عني ومواز
شهاب:والاوراق اللي عندي مابتثبت شي ضده من ناحيه تزويره لنسب البنات بس بتثبت فساده ورشاويه
عمر:هو خبرني عن الثبوتات قالي بتحصلهم فالبنك
شهاب:يبالك تسير بس بروحك
عمر:اكيد بسير بس لانه امس البنك مسكر مارحت ولا فيني حراره ابا اسير من امس
خالد وقف بحماس:وجالس مكانك للحين قوووم فز خلا
شهاب:هدي يالمتحري...بعدين مايصير انت تروح ان رحت بتخرب كل شي عمر بروحه يسد
عمر:صح عشان جدي مايغير رايه
خالد جلس بتذمر:مااالت هه
ذياب:ههههههههههههههه شاد حيلك

صقر تنهد بقو:اهم شي البنات الحين
خالد بقهر:انا معرف ليش عمتي منى متكمته وساكته؟!!
صقر تنهد بقو:هذي طبيعتها من يوم يومها لو تموت ماتكسر كلمه ابوي
أحمد:زين امي نحن للحين ماعلمناها بشي ترا بزور نرقع ونتماسك قدامها وخاصه خالد
خالد تنهد بقو وغصه....
شهاب:اظنها تعرف
خالد واحمد فزو:شو؟!!

شهاب:امكم تعرف...امي مخبرتني انها كانت تعرف عن حب محمد لوحده ثانيه عشقه لها وكارهه نفوره منها
خالد وقف بفجعه و صراخ:وامك اش دراها؟!!!
أحمد وقف يهدي اخوه:خالد لاتنسى جد شهاب ابو امه يكون اعز ربع جدي فأكيد مخبرنها بوايد اشياء عنا
شهاب قطب حواجبه:امي مخبرتني انها كانت تعرف امكم من بعيد وتسمع عنها كانت بنت قويه كثير ومدللة وابوها مايردلها طلب يعني مستحيل تكون وحده بشخصيتها القويه ماتعرف شي عن زوجها ولا عن سوالفه
أحمد قطب حواجبه وبقهر:قصدك امي احتمال تكون معاونه جدي فجرايمه؟
شهاب:وحده بشخصيه امك ماتستسلم ولا ترخص بشي صار لها وهي اكيد كانت تعتبر ابوك ملك لها بروحها مابتعرف بخيانته بنسبالها
خالد عصب من قلب:الحين انت ملاحظ اش قاعد تقول؟؟!!!

شهاب:امك تغيرت بعد وفاة ابوك بس هالشي معروووف الا اذا كنت ماملاحظ بسبب بدارستك و انشغالك بحياتك فهالشي راجعلك حتى اسأل اخوك
احمد اللي ساكت....
خالد طالع اخوه بفجعه:احمد انطق قول شي؟
احمد:للاسف كلامه نصه في محله...بس لازم نتأكد
خالد انهار:انت عارف عن من تتكلم عن امـــــــــــــــــــــــ ــــــــك؟!!!
احمد:خالد....ارجوووك هدي لا تخلي عاطفتك تغلب على تفكيرك
خالد صرخ:لاه...مخلي لكم العقل
وراح طلع عنهم بعصبيه كبيره...
عمر قام ولحقه:انا بلحقه انت خلك هنيه
احمد تنهد بقو:عمر
عمر وقف:هلا
احمد:سيرو لعمتي منى جيب باقي مذكرات امك....لازم نطلع اي شي يساعدنا
عمر بدون ملامح:ان شاء الله
وطلع بسرعه ورا خالد يلحق عليه...
عمر:خالد لحظه وين رايح ومامعك سياره؟
خالد وقف وطالع عمر اللي فاهمنه زين وبعصبيه وهو ماطايق عمره...
عمر طلع سويك سيارته:خذ
خالد طالع عمر بحده:وانت؟
عمر:انت روح انا بدبر عمري اهم شي انتبه وانت تسوق
خالد تنهد بضيق وهو كاتم:ان شاء الله
وراح عنه
عمر تنهد بقو وهو ناوي يوقف تاكسي...

نرجع للشباب...
أحمد صد صوبهم:كيف الحين ع سالفه فيصل؟
صقر طالع فيصل بحده:مشي جديد
أحمد:لاه...متى الملكه؟
صقر بقق عيونه:شو؟
شهاب....
فيصل....
ذياب بفجعه:اي ملكه؟
أحمد بجديه:يعني بتخلي فهد هو اللي يتصرف؟
صقر عصب:ماله خص فالبنات وخاصه مواز...كله بسبت اهماله ودلاله الزايد...اشوف بس يعتب(يقرب) صوب البنت كان فيه خير
ذياب طالع فيصل اللي ساكت:يعني مارح تعاقبهم؟
أحمد اللي جاه اتصال من سلطان وطلع عنهم....
صقر رفع حاجب:مافهمت؟!!!
ذياب:عاقبت البنت وضربتنا نحن وكسرت بيتنا الا فيصل ماقربت صوبه
شهاب:هههههههههههههههههههه? ?هاي اخوي للحين منقهر
ذياب وقف:ليش ماتقوله شي؟!!...ماد يده على البنت ولاقلتله شي!!!...امرك عجيب ياخي!!!
صقر:لو واحد غير و فمكانه كان من زمان مستغل الفرصه اللي جاته...مارح اعاقبه لانه ماله ذنب وهي تستاهل
ذياب صرخ بقهر:لاه...تستاهل هاه؟
صقر تنهد:ايه تستاهل هي جابت لعمرها
ذياب:زين انا اباها على سنه الله ورسوله

الكل انفجع!!!!!

شهاب بقق عيونه:ذياب اعقل
صقر وقف بغضب عارم:البنت ماللبيع اش شايفنا؟!!
وجا بيطلع...
شهاب وقفه:صقر امسحها بوجهي
ذياب بعبوس:لا انا ماقصدي شي انا اباها البنت...شو فيها اطلبها منك؟!...اباها على سنه الله ورسوله....عاجبتني وداخله مزاجي...فيها شي؟
صقر وشهاب طالعوه باستغراب!!!
ذياب بجديه:شاورها...قبل لا ترد علي...وانا جاااد...والله خاطري فيها
صقر هدا وهو يشوف الجديه بعيون ذياب....
شهاب طالع فيصل اللي يتعبث بفونه بعدم مبالاه.....
****************************
****************************
سكرت كتابها بتنهيده وهي تحس راسها بدا يصدع من كثر ماذاكرت...
اليوم راحت امتحنت اول امتحاناتها الحظ مذاكره من قبل ولا هي امس من جابها صقر من الستشقى ما حصلت وقت لشي...
وهي تتذكر...

صقر اللي دخل وفتح لها باب غرفه:هذي غرفتج فيها كل اللي تحتاجيه حتى ثلاجه شي..
وقرب منها بتهديد:واياني واياج تعتبي شبر من بابها
مواز سكتت بطاعه وماعارضت...
صقر بصراخ:يله تحركي شتحرصي مرتزه مكانج؟
مواز عكس الخوف اللي حاستبه دخلت الغرفه بهدوء وعيونها تتطالعها ببرود...
سمعت صوت الباب سكر صدت وراها حصلت صقر...
توها تستوعب انه ملازق لها ماحست الا بكف مطيحنها الارض...
حط يدها ع خدها اللي ولع من قوة الكف وقلبها تحسه بين ضلوعها يذوووب...ويدها اللي ملفوفه ولا قادرة تحركها ردت تعورها...

قرب منها و وقفها قدامه بقو...
مواز وقفت برجفه وهي تحاول ماتحط عينها بعينه وحابسه دموعها بسكوووت...وراضخه لغضبه الطبيعي....
هي ركضته ومصخرته قبل وفلتت منه بس ماتابت تستاهل زين انه مايذبحها...
ماحست الا بيده متغلغله فشعرها والشيله طايحه ع كتوفها وهو ينتف شعرها بدون رحمه....
صقر وده يذبحها بس ماسك عمره:سودتي ويهنا قدام الناس يامسودة الويه
مواز عاضة شفتا بقو لا تطيح دموعها وهي تتلوى بين يديه بألم صااامت...
حست بمشبك شعرها يتفتف..اول ما بعد يدها طاحت اشلاء متكسره مهشمه مطحونه للارض...
جت بتحط يدها ع راسها مكان الالم تحس شعرها تقطع وماعاد فراسها غير شعرتين ثلاث...الا بقبضه صقر تشد شعرها مره...
صرخت هالمره صرخت من صميم قلبها...وهي تأن..
صقر من بين اسنانه وهو ماسك عمره بزوووور مايعرف كيف:عمري ماتخيلت انه بتوصل فيج المواصيل لهدرجه ياموزوه....
سحبله هوا وهو يحس بخنقه فضيعه ويشد ع شعرها وهي متقوسه ويديها ع قبضته تتلوى بوجع:علميني وش اللي خلاج تسوي هالسوات؟؟؟
مواز غمضت عيونها بقو وهو تبلع غصتها....
صقر هزها بعصبيه كبيره:نـــــطــــقــــي
مواز فتحت عيونها وهي تقطب حواجبها بعناد:ماعندي شي ابرربه تصرفاتي
صقر حس البنات وخاصه دانه وعليا كانو بس بيحموها منه ونجحو
دفها بقو للارض وهو منقرف منها...ويلاهث....وده يذبحها بس مستحيييل مستحيل دانه تكذب وتمثل عشان ولا شي...وحتى عليا مواز شي وراها بس ليش مب راضيه تنطق وتفكه بيمووت ويعرف...
مواز اللي طاحت ع يدها وصرخت صرخه هزت اركان الشقه...نزلت دموعها وهي تحس يدها شبت وجع...
ماتعرف اي جزء من جسمها تجلس تخفف عنه الالم...تحسه كله يعووورها بشكل...

صقر اللي طلع عنها على صوت عمر...
عمر اللي دخل على صرخت مواز وقف مبهت ومصدوم...
اول مالمح شعرتين ثلاث بقبضت صقر وقف قلبه...
ورفع عيونه يطالعه بعتاب:اش سويت؟
صقر ما عبره وصد قفل ع مواز وجا بيروح..وهو منقرف من الشعر ويخوزه من يده بعصبية...
بس عمر وقفه:لا تقولي ضربتها؟
صقر دفه عنه بعصبيه:ايه عبالك يعني بطبطب ع كتفها وبقولها ماصار شي؟
عمر انفجر باستنكار كبير:هي غلطانه صح بس الضرب ماحل...عمره ماكان العنف حل
صقر:اووووه عمر اكرمنا بسكوووتك هالبنت لازم تتأدب وانا بعيد تربايتها من اول وجديد...

مواز فزت ع صوت باب غرفتها وهو ينفتح...
اكيد صقر...
بس انفجعت بشخص ثاني...
وقف قلبها و..
شهقت بفجعه وهو مطيرة عيونها فيه...
**************************************
باستنكار:شوو؟!!!
سلطان:اقولك طلعت من عند عمي ولحقها ماحصلها اتصل علي يسأل عنها
أحمد شوي ويستخف وحاس بتأنيب الضمير لانه من طلعت مها من المستشفى ماراح يشوفها وخلاها تروح عند ابوها...
وبصراخ:كيف يعني وين راحت؟!!!
سلطان ببرود:مدري تعال شوف عمك تراه شوي ويستخف علينا دورها وماحصلها..ومستحيل تبعد وايد مدري وين اختفت؟!!
أحمد بصراخ يحس قلبه بيوقف:يعني شووو مها غايبه(ضايعه)؟؟؟!!
سلطان تأفف:أحمد لا تجلس تصرخلي تعال وفكني منك وعمك وحرمتك
أحمد سكت وهو يتذكر انه وسلطان بعدهم شايلين فخواطرهم على بعض:مو بنت عمك ومثل اختك شكلها ماعادت تهمك؟!!
سلطان:لا
أحمد:بهالبساطه؟!
سلطان:مالي خلق مشاكل باي
وسكر...
أحمد شوي ويكسر التلفون:اقص يدي اذا ماكنت تحبها
و رجع للشباب...

حصلهم ستناقشو بحده... خذ سويكه وطلع عنهم...
وهو يتصل بابو مها:هلا عمي.....لالا ان شاء الله بحصلها انت تطمن...
نزل بسرعه من سيارته وصعد لشقته...
شافها واقفه قدام الباب وهو موطيه راسه بذبول...عفط صوبها:مها
مها رفعت عيونها له....
أحمد لاحظ اثار الدموع سكت عنها...و فتحلها الباب ودخلت بسكوت وسيده لغرفتها....
وقف يراقبها وهي تدخل بهدوء...وتنهد بقو يحس رجعو لنقطه الصفر...عوره قلبه وهو يتذكر سلطان...وشكوكه اللي في محلها...عمره ماتخيل يسرق حلم عمر اعز ربعه...وللاسف مايقدر يسوي شي...ومابيده حيله...عض شفته وهو يتذكر يوم ينصحه سلطان يعدل الوضع مع مها...كيف كان يحاول يصلح حياته هو مع حلم عمره...فر جسمه التعبان من الافكار ع الكنبه وهو يتصل على ابو مها يطمنه...

اول ماطمنه راح يشوفها...وخاصه انه ابوها بارد بشكل...وهو سبق وعرف انه عقب وفاه ام مها اللي كان يحبها بجنون صابته هالحاله النفسيه...

فتح الباب بهدوء وشافها جالسه ع الارض متكوره على نفسها وتبكي بلوعه...
تخيل لو انه سلطان هو اللي كان مكانه...كان مستحيل يسمح تنزل دمعه من عيونها....سلطان حنووون جدا وقلبه رهيف...مايتحمل يشوف طفل يبكي فالتلفزيووون...ويسب ويلعن ابو المخرج اللي يصيح طفل عشان لقطه تافهه...دومه كان عطوووف ورحيم بشكل...عكس احمد اللي كان بارد...من ناحيه مشاكل ابوه وجده اللي ماتخلص ومن ناحيه تعود على انه يقسي مشاعره عشان مايتعب اكثر وسط قسوة جده وتغطرسه...وتمرد ابوه واعمامه...
قرب منها وجلس عدالها ع الارض وحط وسند ع الكرفايه اللي وراهم...
تنهد بقو وهو يسمع شهقاتها...

رفع راسه للسقف:كنتو تحبو بعض؟
مها رفعت راسها له وهي حاسه من اول مادخل بوجوده...
أحمد غمض عيونه بتنهيده اطول من اللي قبلها:سلطان يحبج
فتح عيونه عليها شافها تطالعه ببرود...
مها بعيون دامعه:سلطان اخوي
أحمد بيتأكد اكثر:بس هو يحبج!!
مها عبست وبصوتها بحة بكا:حب اخوه...سلطان يكون خالي من الرضاعه
أحمد عبس وبصراخ:بس هو ماقد طرالي
مها بهدوء يعكس انفجاره:هالسالفه مشكوك فيها بس جدتي ام امي راضعتنه...بس اعتبره اخوووي وهو طول عمره متربي معي ع اساس خوان
أحمد مايعرف ليش ارتاح:الحمدلله
مها بعبوس:انت متسرع ومتهور...وعصبي
أحمد تبسم بيغير السالفه اللي تعب منها:وانتي ماقصرتي فحرمت ابوج
مها طالعته بدهشه:من خبرك؟
أحمد:ابوج قالي تناقرتي معها
مها تنهدت وهي تطالع الارض:اول مره ارد عليها كل مره اسكت احشم ابوي واحشم انها ام خواني بس هالمره انفجرت ووايد هذرت لخبطت وعفست فالكلام بسسس بردت فوادي فيها...مايسد كاذبه عليي بخصوص شرطك اني ما ادرس

أحمد بحنيه:زين...اقدر اكفر عن ذنبي انا بعد؟
مها صدت تطالعه باستغراب...!!!
أحمد قرب منها...
مها انكمشت ع نفسها اكثر وهي تبلع غصتها...ومبققه عيونها فيه:اش فيك؟
أحمد سند بيده ع الارض وهو يطالع فعيونها بقو وثقه:انتي مقتنعه فيني؟...تبيني ولا لا؟
****************************

****************************
خالد اللي دخل الفله بلهاث يحس روحه بتطلع من الضيق:يمممممه
ام احمد طلعت من المطبخ بفجعه:خالد يمه اش فيك؟
وعفطت صوبه بخوف:اخوك صار فيه شي؟
خالد طالعها بغصه:يمه انتي...
وسكت يبلع غصته
امه تلفت اعصابها وبصراخ:انطق اش صاير؟
خالد صد عنها:يمه...
امه مسكت ثوبه وهي تهزه بخوف ودموعها فعيونها:انطققققق ياخالد انطققققق وقفت قلبي...صاير فيكم شي؟!...علــــــــــــــــــ مني
خالد من شاف دموع امه فز:لا يمه ماصاير فينا شي...بس...
وسكت

امه ارتاحت بس خافت من سكوته:بس شو؟
خالد طالعها بتردد:يمه....
امه تشجعه:قوووول يمه قووول
خالد بلع ريجه وهو يطالع فعيونها وبثبات:يمه...انتي تعرفي انه ابوي الله يرحمه كان...
وسكت يبلع ريجه مره بغصه ماعارف كيف يقولها...
امه بدون ملامح:متزوج
خالد بقق عيونه عليها...!!!
امه تنهدت:ايه اعرف
خالد سكت وهو مطير عيونه فيها وف هدوئها الغريب...معقوله يطلع بعد كلام شهاب صحيح؟!!!
امه جلست ع الكنبه تاخذلها نفس:اش فيك تطالعني كيه؟
خالد عبس:و تعرفي جدي اش سوابه وعمتي الله يرحمهم؟
امه تنهدت وهي تصد عنه:ايه اعرف
خالد سكت بفجعه...
وامه تكمل:ترا عندهم عيال بعد
خالد طالع امه بلهاث مو مصدق:و رضيتي تتيم البنات؟
امه طالعته بحده:اي بنات؟!!.. لا تطريهم على لسانك...هن بنسبالكم ميتات
خالد طالع امه بفجعه:يمه اش هالكلام؟!!!
امه وقفت بنرفزه:لاتجيب هالطاري قدامي مره... فاااهم؟!!
وراحت عنه...
خالد طالعها بفجعه:مستحيل هذا تفكير امي مستحيل
************************************
عمر اللي رجع الشقه بيبدل ثيابه...وهو يكلم خالد المصدوم:وينك فيه الحين انت؟
خالد بنتهيده:عند امي...وماكنه صاير شي ماكني قلتلها شي عااادي...مستحيل مستحيله امي ياعمر مستحيله
عمر تنهد بقو:يعني كلام شهاب صح؟!
خالد بأسف:للاسف شكله صح ماسمعتها وهي تتكلم عن البنات بكل حقد مستحيل اصدق بس احاول استوعب ااااه حدي مرهق والله
عمر:ياله عاد شد حيلك كله اسبوع وتبدا تدريب
خالد:اول لازم اخلص معكم هالمصخره عقب اروح مرتاح البال
عمر:ان شاء الله..ا...
خالد اللي استغرب سكوت عمر المفاجئ:اش فيك سكت فجأه؟
عمر اللي تفاجئ بباب الشقه مردود(شبه مفتوح):انت طالع اخر واحد من الشقه لاه؟
خالد:لا صقر
عمر عبس وهو يدخل بحذر:تصدق انه مردود؟!!
خالد عبس:شوو؟؟!!...
وشهق:تعال البنت دخل!!!
عمر اللي تذكر بعد هو مواز اللي نساها خير شر ولانها اصلا ماتحتك فيهم من جابها صقر ماحاسين بوجودها:ايه صح

وركض داخل...حصل باب غرفتها مفتوح...
قرب وطل يشوف وهو يحمحم:هووود هووود
خالد اللي يسمع كل شي وبعده ع الخط وبانفعال:هيـــه مب وقته شوف البنت لا يكون صرلها شي؟!!
عمر اللي يدور عنها بعيونه:ماشوووفها!!!
خالد فز:دور عليها زين
عمر اللي يدور بالحمام وبالغرفه بقلق:محد خالد محد...محد فالغرفه
خالد وقف:انا ياينك اتصل بصقر بسرعه
عمر:تهاييه(تعتقد)شردت؟
خالد وهو يطلع بسرعه:مدري والله يله مسافه الطريق واكون عندك
عمر:تمام
وسكرو...

عمر اتصل بصقر بسرعه:الحق خالي...
(وخبره)
صقر فز وبصراخ:شوووو؟؟؟!!
عمر:اللي سمعته
صقر:انت متأكد دور عليها زين
عمر يحك راسه:محد الشقه بكبرها فاضيه
صقر وهو يطلع عن شهاب وذياب بسرعه:انا ياينك الحين يله
شهاب اللي لحقه:اش صاير؟؟؟
صقر وهو يركب سيارته:عمر حصل باب الشقه مردود ومواز مختفيه
شهاب:يعني شردت؟
صقر شوي ويستخف:مستحيل انا مقفل عليها متأكد
شهاب سكت يفكر وصقر ركب سيارته و انطلق للشقه..
ذياب اللي لحقهم:اش صاير؟
شهاب عبس:شي غريب يصير
ذياب عبس:اش صاير علمني؟
شهاب رجع بسرعه داخل وهو يتصل.... ولحقه ذياب يتذمر...
يباه يعلمه اش اللي صاير...
********
*********************