منتديات صواديف عشاق - عرض مشاركة واحدة - كتبت إسمك على صدر السما و أيامي / للكاتبة حلاها (( ألايدا )) مكتملة

12-30-2023

****************************

وقف السياره وهو ماقادر يستوعب للحين اللي صار...وكيف صار...

رجع ورا بذاكرته قبل ساعات...

كان وسط ربعه ساكت وكاتم غيضه وقهره...يحس قلبه مقبوووض...

ومافباله غير مواز هو تأنيب الضمير ولا شي ثاني...عقله يقول الاولى وقلبه متلعثم وتايه مايجاوبه باجابه واضحه...

زفر بحده...وهو يتذكر مسج ابوه له...انه يباه فموضوع مهم...

وطلع بكل هدوء وانسحب راح لابوه الشركه...

بس اول ماشاف وجه ابوه عرف في مصيبه تنتظره...

توه بينطق بس كف ابوه سبقه...

وقف مصدوم وهي اول مره ابوه يسويها فيه عقب ماكان مراهق ووايد يحصلله من هالنوع من الكفوف...

طالع ابوه بصدمه:ليش انا وش سويت؟

ابوه بغضب:سودت ويهي يامسود الويه اخر شي كنت اتوقعه منك انك للحين مرااااهق

فيصل سكت بصدمه مب مستوعب كلام ابوه ويده ع خده...

ابوه بنفس اللهجه الحاده:بنات الناس صارو لعبه فيديك؟!...انت مب خايف ربك؟!...ماتستحي؟!...اخر شي كنت اتخيله منك يافيصل انك تثبت فشل تربيتي لك

فيصل صرخ بقهر:لا لااااا يبه وراسك ماسويت شي يسود ويهك وربي

ابوه بقهر:اسكت....ولا كلمه عيل رايح تخطب من وراي ليش؟!...وكذبت على الاوادم ليـــش؟!!!

فيصل توه بس فهم كل شي...

فهد....

فهد....

فهد...

ماجا فباله غير فهد هو محد غيره:لا انت فاهم السالفه غلط بـ...

ابوه قاطعه بشراسه:الحين امشي قدامي بنملك على البنت وتستر عليها مثل مافضحتها....

ومسكه من ثوبه بقو:هذا عرض... شرف...حيااااة... ماينلعب فيه ولا يستهانبه فاااهم

فيصل طالع ابوه وهو مب قادر يستوعب اللي يسمعه:اش قالك فهد تراااه كذاب تـ...

ابوه قاطعه:لا تناقشني انت غلطت مهما كانت نيتك انت غلطت

فيصل مسك ابوه وبرجاء:يبه انت تعرف زين اني ماغلطت ولا تعرضت لعرض احد انا تربيتك

ابوه بهدوء:اعرف بس لازم تصلح غلطتك

فيصل فرح لانه ابوه فاهمنه بس بقهر:بس انا ماغلطت انا بس فتحتله عيونه ع بنات بيته يكون ينتبه لهم

ابوه مسكه بقو وبصرامه:فيصل...هالبنت خسرت حياتها بسبتك انت تعرف هالشي؟

فيصل طالع ابوه بضياع..؟؟!!

ابوه يفهمه:جدها عباله انت متعرض لها...ياتتزوجها يايذبحها وانت عارف زين انه يسويها

فيصل صرخ بقهر:وانا اش ذنبي يوم انه واااحد متخلف وهمجي وجاااهل ومايفهم

ابوه عبس وبنهره:فيـــصل...خلك رجاااال ومثل ماورطت البنت رح تتحمل مسؤوليه الغلطه اللي سويتها...اثنينتكم غلطاانين

فيصل طالع ابوه بتعجب:بس البنت قاصر!!!

ابوه بهدوء وهو يسحبه معه:هذي ماهي بمشكلة...انت ورطت البنت ومارح اسمح تنذبح بنت بريئه وقاااصر ع قولتك يعني توها تتعلم من الحياه بسبت غبائك و تخلف جدها

فيصل بقهر:بس...

ابوه قاطعه وهم يطلعو من المكتب:انت كيف بتعيش بتأنيب الضمير عقب؟...علمني؟...اذا الحين مب هامك عقب بتتعقد وبتندم وبتعيش بضمير يأنبك طول عمرك عشان بنت صغيره توها ياهل خسرت حياتا بسبت غباءك وتهورك

فيصل مشى بسكات وهو يتذكر مواز....رغم تصرفاتها المجنونه وعقلها الكبير...ولسانها اللي متبري منها...كلام ابوه صح...وكلام شهاب بعد....وهو توه بس يتذكر انه في شي مخبتنه من ورا كل هالمصايب...سكت يفكر وماحس الا وهو فمكتب فهد....

تنهد بقو وهو يسمع صوت جواله يرن للمره الالف...اغلقه بتذمر وطالع عداله...تبسم وهو يطالع فيها بهدوء...

وهي اطالع برا من دريشتها....بشرود...

مواز اللي قطع عليها شرودها صوت ضحكته...صدت عليه بذبول...طالعها بسخريه...

ماخازت عينها عنه ولا حتى ابدت اي ردت فعل...

فيصل:اااه عمري ماتخيلت انه عقب اخر مره شفتج فيها كسرتي سيارتي ولويلج ايدج بركبج مره عدالي لا وبعد بصفة زوجتي...بس للاسف فسيارة غير اللي جمعتنا قبل

مواز حست بخنجر وانغرز فصدرها...

طالعته ببرود...ولا كأنها تسمع شي

فيصل:البويه صارت زوجتي ههههههههههههههه شر البليه مايضحك

مواز ببرود وتبلد كبير:كل ما اشوفك تغرس خناجرك في صدري و ماتبالي....تجرح وتهين ولا همك...

طالعها وضحكته المجرحه تبخرت...مع ابتسامته المزيفه...شاف لمعان فعيونها...

كملت عقب مابلعت ريجها بغصه:العفو عند المقدره

وصدت عنه رجعت تتطالع برا...

هدوووءها الكبير يحسه مثل العاصفه اللي تدمره...

بركان ويحرق خفوقه...

نار و زاد حطبها...

***************************

فهد وهو متربع فكرسيه بكل جبروت:خير في شي بعد؟

خالد طالع فابو فيصل بقهر:انت كيف تعاون هالمجرم؟...اذا هو ضميره معدوم انت بعد مثل؟...هذي هي التجاره؟...مستحيل اصدق انك ابو فيصل

فهد عصب:خالد الفاظك ياقليل الادب....احترم اللي اكبر عنك اذا ماتحترم ضيوفي ياعديم التربيه

احمد دخل عرض بلهجة تحدي:فهد ال...سكتنالك وايد...بس وعد المره اليايه لا بنراعي حالتك الصحيه ولا صله القرابه...انت كفنت كل شي كان بينا...كل شي يغفرلك...اوعدك المره اليايه رح تكون الاخيره

فهد طالعه بحده:اللي ماتطلوه بيديكم طولوه بريولكم

و رد سند ظهره مره باريحيه ع الكرسي وبابتسامه جانبيه خبيثه وساخره:والحين من غير مطرود

احمد:طالعين مايحتاج تقوم تدلنا الباب

وطالع فابو فيصل:السموووحه ياعم ترا حن تربيه السيد الفاضل اللي جالس عدالك...فلا تستغرب اي شي منا

فهد صرخ فيهم بقهر:انا متبري منكم اصلا

احمد بابتسامه جانبيه:هذي بس البدايه وماخفي كان اعظم صدقني...امشي خالد

خالد طالع بو فيصل البارد وملامحه ماتغيرت:انا اسف ياعم اسمحلي

و باسله راسه...

:يظل لك احترمك وانا كنت معصب مشي يبرر تصرفي الوقح

فهد بسخريه:زين يوم بتتعلم شي سنع

خالد ماعبره واستأذن بأدب من بو فيصل اللي تبسمله وطلع ورا اخوه...

خالد تبسم:يالله بردتلي فوادي فيه

احمد بقهر و بتوعد:والله النار اللي بصدري بعدها شابه....ماشفيت غليلي فيه...حتى هالفقيرات مارحمهن اي نوع من الاوادم جدك معرف؟!!

خالد مشى مع اخوه وهو خايف يخبره عن امه بعد يقوم ينجلط عليه لانه شكلها صدج معاون جدهم ع ابوهم المرحوم...

****************************

مواز من زود قهرهي مدري اش قلت له...يعني انا اللي عاجبني اتزوج وانا وقت اختبارات ومرحله مهمه وحرجه فعمري...مصيبه ورا الثانيه...اكتشفت الوجه اللي الكل يشتكي منه فجدي...وماسلمت من شره...مثل اللي اكتشف سر خطير لحاكم ظالم قدام شعبه ملاك...ومن غير صدمته تحل عليه لعنه الحقيقه...

نفضت هالافكار من راسها هي ناقصه فلسفتها فوق همها...عشان يزيد صداع راسها...

وصلها صوت فيصل:انتي ليش سويت كل هذا؟

طالعته ببرود...

فيصل نفس برودها:ترا صرت زوجج ولي الحق اعرف

مواز اجتاحتها ضحكه قويه ماقدرت تمنعها:هههههههههههههههههه? ?ههههههههههه

فيصل تبسم وهو فاهم زين ردت فعلها:استوعبتي ولا بعدج ترا خلاص انحكم مصيرج مع مصيري

مواز بقرف:للاسف

فيصل بنفس لهجتها:الشديد

تكهرب الجو بينهم أكثر وكل واحد صد عن الثاني لا ينفجر فيه...

فيصل وده يقهرها باي طريقه رغم كل اللي صار بعدها بقوتها و وقاحتها مثل مايعتبرها:بنشوف يامدام لمتى بتصبري علي

مواز طالعته باستغراب وهي مافاهمه اش يقصد..؟!

فيصل بابتسامه جانبيه خبيثه:اول ماقدر اغصبج على شي ومالي الحق عليج بس الحين تغير الوضع

مواز توها تستوعب قصده بققت عيونها فيه وصرخت بفزع:ليش حن مامتزوجين زواج على الورق بس؟؟؟!!!

فيصل صد عنها:هههههههههههههههههههه? ?ههههههههههههههههه

مواز انقهرت منه:شوو؟؟؟!!

فيصل:هههههههههههههههههههه

وزفر باريحيه وهو يخطف يدها من حضنها:هالشي راجعلي

مواز اللي تيبست من حركته وهي تحس حرارة جسمها ارتفعت من قبضته...

يده دافيه عكس يدها المتجمده...

حست بشعور غريب ماقادره تحدد هو خوف ولا فجعه ولا شو بالضبط...

مانتبهت الا لما قرب كفها منه وطبع بوسه رقيقه عليه...

شهقت وهي تحس بخنقه مب قادرة تتنفس...

فيصل شافها مصدومه ولا قاومته راح مد يده لوجها...اول ما لمس خدها فزت مثل الملدوغه...وهي تسحب يدها منه وتحظنها بقو...وبرجفه طالعته بقرف:قليل الادب

فيصل تبسم بيقهرها لانها قهرته بالكلمه:تخيلي عاد الاولى لويتها لج والثانيه بستها...سبحان الله

مواز انقرت منه وهي ترجف بقهر من تصرفاته وكلامه الجارح معها ويدها اليمين للحين ملفوفه وتعورها وكله بسبته...وهو ولا همه....

فيصل نزل عيونه ليدها الملفوفه واللي اصلا كل مايشوفها يكره عمره ويكره تصرفه ويستحقر نفسه ويستصغرها كيف مد يده على بنت وهذا مامن طبعه مايعرف هو صحيح تسامح من صقر وتعذر منه بس بعده يحس انه حقير...مهما صار ومها سوت واستفزته كان مفروض مايمد يده عليها...

مواز شافته شارد يطالع فيدها صرخت فيه بقرف:عاجبنك وايد اني مابقدر امسك القلم واحل فاختباراتي وكله منك يالهمجي؟

فيصل طنشها...

موزا زفرت بكره وهي تضغط ع يدها الملفوفه بقهر...

فيصل تبسم بيقهرها بخبث وهو يتنهد باريحيه:ياحظي والله و زوجوني

مواز استفزتها جملته وانقهرت منه اكثر...ارتفع ضغطها صرخت فيه:زوووااااااج ع الوررررق

فيصل رد ع صراخها المقهوور بضحكه سخريه لاذعه:ههههههههههههههههههه? ?ااااي ياماما مافي شي اسمه زواج ع الورق

قرب منها وهو يأشر على راسها بسبابته وبلهجه جاده:استوعبي هالشي زيــــن يامدااااام

مواز بلعت ريجها وهي خلاص مابقى فيها حيل طالعته والدموع بعيونها وحاضنه يدها بقو...

فيصل تبسم وهو رافع حاجب بصمت وشغل السياره وحرك...

****************************

****************************

عمر اللي لحق صقر...
وحصله عافط لسيارته بيسوق...بس لحقه ومنعه بسرعه:لا خالي انا بسووووق الله يخليك
صقر ماعارض ولا نطق بحرف وركب بسكااات...
عمر تنهد بقو:وين اوديك؟
صقر بغصه كبيره:البحر
عمر غص وهو يحس صقر مثل القنبله شوي وتنفجر قام ساق بضيق....
اول ماوصلو للبحر لمنطقه معزوله شوي عفط صقر بسرعه ونزل ركض...
عمر ماحب يزعجه...
مسك فونه وشاف القروب...

خالد راسل:وينكم عمر؟
عمر:شليت خالي يهدا شوي وبنرجع...تطمنو
ذياب:ايه زين ماودرته بروحه
شهاب:انا جاينكم..ارسل وينكم بالضبط
عمر شرح لشهاب المكان بالتحديد:طيب تعال بسيارتي عشان انا عندي مشوار هام لازم اخلصه
شهاب:تمام
عمر:كيف فيصل ماجا؟
ذياب:لا وتلفونه يعطيني تعذر
خالد جا لعمر الخاص:خبرته انا شفنا بو فيصل عند جدي؟
عمر:لا وين اواحي بالله عليك؟
خالد:زين زين انا بروحله
عمر:زين
خالد:فاتك احمد اش سوا..عطى جدي كلام يسم البدن وطلعنا عنه برد فوادي فيه شوي
عمر تنهد:زين زين عساه بس يحسسسس
خالد:وانت ترا بعدك ما استقلت من عنده ع فكره يعني
عمر تبسم:زين ترا ينزلي معاش واحتاجه له
خالد:يالخاين استقيل
عمر:تعرف جدك م اهون عليه مهما اسوي يعرفني عاقل
خالد:عز الله يالعاقل بعد اللي صار اليوم ابشرك معاشك انقطع
عمر:فال الله ولا فالك...عماني حاسد
خالد:هع
عمر:فمصيبه ونتراسل ع الوتس صدج مشي احساس!!!
خالد:ههههههه ياخي نرفه عن عمارنا و وسيله اتصال
عمر:اقول دام شوي برد فوادك اباك ترابعني
خالد:افا عليك تم
عمر شاف شهاب وقف عدال سيارته ونزل:يله انزين شهاب وصل
ونزللة...وهو يسمع صراخ صقر...

شهاب:يله فعلت خير سقت عنه
عمر بغصه:صراخه يعور القلب
شهاب وهو يعطيه السويك:ماعليه ازمه وبتعدي
عمر تنهد بقو وهو ناوي يسوي اللي فباله يسويه:ان شاء الله ياله عاذرتك
وراح عنهم..
*********************************
وعقب ساعات...

:وينك فيه ياخي؟...ساعه انتظرك!!
عمر:ههههه باركلي تفنشت
خالد فز:قول والله؟!!!
عمر اللي راح البنك بس رفضو يسمحوله يشوف اي شي وعرف منهم انه جده منبه عليهم وساحب عنه كل الصلاحيات:ههههههههههههه ايه والله توني طالع من البنك واشوف فارس راسللي مسج يبلغني بهالشي
خالد:هههههههههههههههههههه? ?هههه مبرووك قلت لك استقيل بكرامتك ماتسمع الحين زين كيه فنشك
عمر تنهد:الحمدلله قدرت احل اموري للحين كله اسبوع وانت تبدا تدريب وانا ان شاء الله ارجع اكمل كورسي
خالد فز بفرحه:قووول والله؟!!!!
عمر:ههههههههههههههههه بلاك ع كل شي تباني احلف عليه؟!!!
خالد:هههههههههههههه والله مصخره
عمر:عاد مثل هالمصخره ماقد تمصخرنا
خالد:ههههههههههه شر البلية مايضحك
عمر:ههههههههههههههه اقول ابروح لخالتي
خالد:زين يعني انا من ساعه احرصك تخلص امورك من ساعة ليش؟
عمر:هههههههههه زين جاهز بمرك بعد شوي مسافه الطريق؟
خالد:لا والله بعدني بستشور شعري و بحط مناكير والميكب...
وصرخ بدفاشه:تستهبل حضرتك؟!
عمر:ههههههههههههههههههههه? ?هههه زين حشى ثقبت طبلتي
خالد:تستاهل العبيط...الا السيارة بعدها معك غريبه؟!
عمر:لا انت ناسي انها سيارتي وباسمي.... زين يله اطلع تراني قدام الباب
خالد يرقق صوته:ان شاء الله البس عباتي واطلع
عمر:ههههههههههههههههههههه? ? يقطع سوالفك اعقل
خالد:هههههههههههه اصلا انا دومي عاااقل
عمر:ايه واضح خلصني عاد اطلع
خالد:صبر يوووه اوف ياكثر ماتحن
*********************************
مواز بخوف ورعب كبير وهي حاضنه ايدها الملفوفه تطالع فالقصر اللي وقف فيصل قدامه:وين جايبني انت؟
فيصل بخبث:ابوي يقول عيشو عندي لحد ما تستقر اموركم
مواز طالعته بعصبيه:مابنزل...ولا رح اشاركك حياتك السخيفه يالتـاااافه
فيصل طالعها بقو:لا تعاندي هذا الواقع ولازم تتقبليه
مواز صرخت فيه:ردني لصقر
فيصل ببرود:صقر مايباج...هو بروحه متصل فيني ومباركلي...و شاكرلي اني فكيته منج...
وطالعها بعصبيه صوت شرس:وصوتج لاترفعيه علي....فاااهمه؟
مواز ردت صرخت فيه بعناد:تخسي
فيصل مسك يدها اللي تألمها بقو لدرجه صرخت بألم كبير...
مواز بوجع وهي تحبس دوعها تحس قلبها ذااااب من الالم:يعل ايدك الكسر
فيصل بملامح حاده وصوت كله شر:هذي ايدج رح تنكسر المره اليايه ان ماعدلتي اسلوبج معي...وألفاظج البذيئه ما اريد اسمعها...صوتج الكئيب ماريده يطلع...لا اعيد تربيتج من اول وجديد
مواز طالعته بلهاث وهي تحاول تحرر يدها من قبضته لفولاذيه اللي تهشمها:تخسي

مواز وقف قلبها وهي تنتظر ردت فعله...اول ماترك ايدها ونزل عنها بهدوء تنفست الصعداء وهي تفرك يدها بالم....ماحستبه الا فاتح بابها وساحبنها من السياره بعنف
مواز صرخت فيه بخوف:هيــــــه تراني مب عبدتك
فيصل ماعبرها وسحبها معه لداخل الفله...
مواز بلعت ريجها تحاول تقاومه بس هو اقوى عنها بيد وحده بس قادر عليها....
دخلو وهي تتشبث فيه بخوف وفزع منه ومن لمكان الفخم اللي هم فيه....
مشت معه مثل ظله وهي تتأمل بسرعه وتاخذ لمحات مامستوعبه اصلا اللي تشوفه من ديكور واثاث وخدم وقمه الفخامه....لازقه فيه وخايفه...
حس برجفتها وخوفها تبسم وهم يصعدو السلالم....

مواز ماتردي ليش حست بالضياع فجأه ولزقت فيه بخوووف.....ماحستبه الا دافنها ع الكنبه اللي اصلا هي ماتوقعت غير الارض تحتضنها وتتكسر من قوة دفته لها...
صرخت بخوف وهي تهوي للكنبه...فتحت عيونها ع كبرها وهي تلاهث وتتأمل جسمها اللي انكمش من الخوووف....كانت متوقعه تفتح عيونها تحصل كل جسمها مكسر...ومجبر...ماتوقعت غير الارضيه الرخاميه تستقبلها...
توها بتلقط انفاسها...وقف قلبها وانسحب الهوا من حولها اول ما لفحت انفاس فيصل وجهها....
تيبست وهي توها تستوعب قربه منها...الا هذا لازق فيها...
طالعته بفجعه...وهي تتمنى الكنبه تمتصها ولا تكون بهالقرب منه...
فيصل تبسم على شكلها المرعوب وهي متيبسه بفجعه
:مقدر مشاعرج يالعروس...بس بعد قدري مشاعري الملتهبه
*********************************