منتديات صواديف عشاق - عرض مشاركة واحدة - كتبت إسمك على صدر السما و أيامي / للكاتبة حلاها (( ألايدا )) مكتملة

12-30-2023

*********************************
:خلاص صقر بسك ذبحت عمرك
صقر منهار:ماقدرت اوفي بوعدي ياشهاب للمره الثانيه اخذلهم للمره الثانيه افشل...للمره الثانيه اوقف عاااجز
شهاب:ياخوي مابيدك حيله لاتحمل عمرك الذنب و اللي صار صار خلاص
صقر طالع شهاب بقهر:أمنت على عليا معك عمري ماتخيلت تخذلني ياشهاب والحين مواز تكرر فيها نفس المنوال ولا قدرت امنعه ولا اسوي شي
شهاب غص على طاري عليا:انت تعرف زين ليش طلقت عليا وعارف زين اني ماكنت اعرف انها تحبني ومتعلقه فيني
صقر:يعني لو كنت انا اعرف كنت بخليك تعذبها وتعذب عمرك معها؟
شهاب طالع البحر:وانا اش دراني؟!...ما اكتشفت اني متولع فيها الا عقب ماذقت فراقها
صقر تنهد:الله كريم
شهاب نزل عيونه للرمل:عبالي بتنساني مع الايام
وطالع فصقر:والله
صقر طالعه بذبول:لا تحلف اعرف...بس للاسف عليا بعدها كانت مامجبوره عليك وبإختيارها...بس مواز قاصر وتوها صغيره وبأحرج فتره بعمرها...القلم ماتقدر تمسكه بسبت ايدها و نفسيتها التعبانه وبعدها عن خواتها واخر شي يكملها ابوي الموقر و يختمها مسك ويزوجها
شهاب بلع غصته:زين والحين اش بتسوي؟
صقر تنهد بقو:اول شي وقبل كل شي بنصلي...عقب ربك كريم هو يحلها
شهاب شاف ع ساعتها:ايه والله فاتتنا الصلاه
صقر قام بتعب:قوووم قوووم خلينا نتعبد
شهاب قام معه:توكلنا
**********************************
فتح الباب بسرعه ولهفه بس اول ماشاف خالد وعمر تنهد بخيبه:هذا انتو؟!...عبالي فيصل
خالد دخل مكشر:وللل يالاستقبال الحافل مالت عليك
عمر ورا خالد:السلام عليكم
ذياب سكر الباب وراهم:وعليكم السلام اش فيكم؟
خالد جلس بعصبيه:سلامتك العقل المدبر
ذياب وقف يطالعهم باستغراب:انتو ماكنتو رايحين لخالتكم مدري عمتكم منى؟
عمر تنهد:شهاب اتصل وقالنا اجلو المشيه
ذياب بقق عيونه وهو يقطب حواجبه:ليـــش؟؟؟!!
خالد رفع كتوفه بقهر:مدري عنه اخوك
ذياب يفكر:امكن عشان فهد فالبيت عندها
عمر تنهد بغصه على طاري جده:مايندرى
ذياب تخصر:زين والنتائج؟..ترا نبا بعد نسوي التحاليل لباقي ابنات اش الدبره؟
خالد طالع فعمر:مدري والله فكر انت...اش فايدتك العقل المدبر؟
ذياب:بشو افكر نبا اول نقنع البنات بالله كيف نسويلهن تحليل عيل....ولا اش رايكم؟
خالد زفر بعدم مبالاه:معرف تعبت عن نفسي من هالسيره
ذياب عصب:لاه
خالد:اليوم اقصد اكتفيت والله يسد اللي استوى للحين ما اتحمل اكثر قلبي الرهيف مايتحمل
عمر:هههههههههههه يابو قلب رهيف انت
ذياب بعصبيه:ماوقت ثقل دمك انت وياااه
عمر رفع حاجب:انت اش فيك؟
ذياب:لازم نسوي التحاليل للبنات
عمر سند ظهره ع الكنبه:والله هالشي يباله خطه طويله عريضه ودقيقه
خالد وهو يتعبث بفونه:اش رايكم بفكره منظمه التبرع بالدم؟
ذياب رفع حاجب:كيف؟
خالد رفع عيونه لذياب:يعني نخليهن يتبرعن ع اساس تبرع وهو لا تبرع ولا شي
عمر تعدل فجلسته وهو يضيق عيونه:وكيف تركب هذي؟
ذياب عصب:ياذكي كيف بالله اصلا بتوصل للبنات
خالد ببساطة:عادي ياخي نروح ع اساس نجمع تبرعات
عمر تنهد:بس لازم اللي يتبرع تكون عنده مواصفات...يعني صحته زينه والخ...يعني مالكيه يتبرعو السالفة فيها تعقيييد ترا
خالد:يباله فحص يعني؟
عمر:ايه
خالد تبسم:خلاص والفحص مايباله ناخذ عينه دم؟
عمر طالع فخالد بفرحه:والله وجبتها
خالد:شفت كيف ادبرك
ذياب:هيه هيه انت وياه هذي مؤسسه قانونيه مالكيه تنتحلو شخصيات اعضائها وتروحو للاوادم؟؟؟
خالد:بسيطه انزين انت ماتريد الحين توصل البنات للمستشفى تاخذ العينات؟
ذيياب عبس:ايه
خالد:بسيطه...نوصلهن المستشفى
عمر تكتف وهو يفكر:يعني اش نسوي مثلا؟
خالد فر فونه بحماس:نحرق البيت مثلا
ذياب وعمر فزو بشهقه:شووووووو؟؟!!!
ذياب بفجعه:انت انهبلت؟؟!!
عمر:هيه بلا افلامك الهنديه مب وقتها..غبي واحد
خالد فطس ضحك عليهم:ههههههههههههههههههه? ?هههههههههههههه اعاااصبكم...اقصد اش بيوصل البنات المستشفى غير الحادث
ذياب بعصبيه:اكرمنا بسكوتك انت وافكارك الجهنيه الله يخليك
خالد:هههههههههههههههه قولولي ماصح؟
عمر يبا يعرف اخرتها مع خالد:صح
خالد تبسم:خلاص فكرو بحادث
ذياب من بين اسنانه:واش هو الحادث يافالح يعني؟
خالد رفع يديه:لا عاد هذي مب شغلتي شغلتك
ذياب من بين اسنانه بقهر:هذا اللي بذبحــ...
وسمع صوت الجرس عفط يفتح الباب....
*********************************
:اش سويتي؟
مهره باسف:ولا شي...انتظرته ولا دخل سألت عنه قالو من فتره ماله حس شكله ماعاد يدخل
دانه تأففت:والحين شالحل؟!!
عليا سكتت تفكر بحل بتموت من القهر...
منى دخلت عليهن:مبروووك..عقبالكن
البنات طالعن فيها باستغراب..؟!!
مهره عبست بقهر:عموه ليش تعاملينا كيه؟
منى صرخت ف مهره:لانكن وقفتن فوجه اللي رباكن وتعب عليكن
دانه طالعت عليا بدهشه؟!!
عليا صدت لمنى:بس حن ماسوينا شي؟!!!
منى:مايهمني....ياناكرات المعروووف....
وتنهدت بقو:ابوي اليوم ملك مواز...وقلت ابشركن
عليا طالعتها بصدمه مالها نهايه؟!!!
مهره صرخت باستنكار كبير:لاااااااااااا اختي
دانه مسكت منى بقهر:ليش اش ذنبها اش هالتصرف الهمجي؟!...اش هالتخلف؟!...رديتو سويتو اللي صار فعليا فمواز؟!...انتو ماتوووبووو؟؟؟!!
منى دفت دانه عنها:خلاص صار اللي صار وبعدين عليا كل شي صار برضاها ومن ورا ابوي بعد يعني لاتقارنيها بمواز لانها هي بعد كانت مختارتنه ومقتنعه وكبيره وفاهمه هه
عليا سكتت بقهر وهي تبلع غصتها...
دانه بقهر من بين اسنانها وهي تلاهث:ليش منى ليش مامنعتيه؟
منى صرخت فدانه:ماعاد يهمني احد...اللي يهمني ابوي وبسسسس واللي يفكر يأذيه بنتفه وبشرب من دمه
وطلعت عنهن بعصبيه كبيره...
البنات مصدووومات من تغير منى المفاجئ والمفجع...
دانه:لاااا هذي استخفت اكيد!!
مهره قامت تصيح بلوعه:ياربي مواز
عليا بدون ملامح:انا لازم اشوف صقر لازم اكلمه
دانه منهاره:كيــف؟!!..وبعد شووو خلاااص ملكووها ماتسمعي؟!!
عليا بصراخ منهاره:لا لازم يتصرررف لازززم
مهره مسحت دموعها بدفاشه:انا اعرف كيف بنوصلله
*********************************
:اوووف ياخي اقعد تراك رجيتنا
صقر وهو يروح ويجي بقهر:انتو لازم تنهو هالمصخره...
وضرب بقو ع الطاوله اللي قدام الكنبه اللي جالس عليها شهاب و أحمد:يا انا بتصرف
أحمد رفع حاجب وسكت...
شهاب:هدي صقر نحن الحين نمشي على الخطه بلاك اركد؟
صقر بقهر:اركد؟!...تباني اركد واسكت لحد مايدمر باقي البنات؟!!!
شهاب بجديه:انت اش فيك؟!...اقولك خطه
صقر بصراخ:علمني عنها عيل
خالد:وهو الصادق علمونا عن خططكم الجهنميه
شهاب:حاليا تغيرت الخطه...اول شي
رجع سند ظهره ع الكنبه:ابدخل فهد السجن
صقر عبس:يله عيل اش تحرص؟!!
خالد سكت وهو يطالع ف عمر...
عمر:زين ابزور خالتي بالاول عقب سوو اللي تبوه
صقر صد صوبه بعصبيه:خالتك حاله ميؤووووس منها لاتتعشم تقولك شي
شهاب:خلاص انزين بكره الصبح نبدا...برتب الامور وبضبطكم
صقر وقف بتنهيده:من بيروحك معك؟
شهاب:ما احتاج حد حاليا
خالد:لا انا ابروح...
أحمد عبس:تبا تروح تتشمت ف جدك؟؟؟!!
خالد بقهر:ايه نعم بروووح اعلمه انه الدنيا دواره يوم له ويوم عليه
أحمد قام عنهم بعبوس:وينه سلطان ماله حس؟
ذياب:هو ربيعك انت نحن اش عرفنا؟
احمد تنهد:لا سلطان ولا فيصل جمعتكم تلوع الجبد هه
وراح عنهم بيطلع سمع جرس الباب...
لحقه عمر...
أحمد فتح الباب ووراه عمر:فيصل!
عمر من شاف فيصل نادى على ذياب:ذيـــاب جا فيــ...
ذياب جاهم:خير ليش تناديـ...
صقر راح لهم بعصبيه:اش فيكم مترتزين كيه ع الباب؟!!
انصدم....
أحمد طالع فالبنت اللي واقفه عدال فيصل وعيونها عليهم بملامح بارده وشاحبه:هذي هـ...
عمر قاطعه بلهفه:مواز
صقر اللي سمع اسم مواز دف ذياب من قدامه و عمر ووقف بلهاث يطالع فيصل ومواز
...
فيصل طالعهم بثبات:السلام عليكم
صقر ماعبره وعفط لمواز...ماعرف شيقولها بس وقف يطالعها ولا قادر يمد يده يلمها او حتى ينطق...حس بعجز فظيع قطعه تقطيع...
مواز طالعته وتبسمت بذبول:تطمن خالي انا بخير
صقر صد عنها بغصه وهو يغطي عيونه بكفه ويتخصر...
أحمد وعمر اللي طالعو بعض وهم حاسين فيه...
فيصل طالع ف أحمد:ممكن تستضيفها عند حرمتك دقايق؟
صقر جا بيعارض بس أحمد سبقه:اكيد
فيصل صد صوب مواز:تندلي الشقه ولا لاء؟
مواز صد عنه وهي تنزل الدرج:الا ادلها
عمر:انا بتشوف عليها..
ولحقها...
أحمد صد وراه لذياب...واشرله يتحرك...
ذياب المصدوم انتبه لتلميح احمد وعفط لربيعه...
أحمد وهو يدخل صقر الشقه:خلا هيا ادخل..
صقر دخل بطاعه ومعه احمد...
ذياب بلهاث:اش صار؟
فيصل تنهد بقو:بخبركم داخل زين جمعتهم
ودخل و ذياب وراه...
*******************************
:السلام عليكم
محمد طالع فالبنتين اللي عقو السلام عليه وزاهر باستغراب:وعليكم السلام
زاهر ماعاجبنه الوضع:خير اختي بغيتي شي؟
مهره بلعت ريجها:انتو ربع سالم صح؟
محمد و زاهر طالعو بعض بعبوس:ايه خير؟
دانه:حن خواته
زاهر طالع محمد بصدمه؟!!
محمد بجدية:هلا خير؟
دانه:بغيناكم فخدمه
محمد:بس قبل كل شي ترا حن نعرف انه سالم بنت
زاهر عصب على محمد:محمد اش هالكلام؟!!
دانه:مايهم المهم تراكم املنا الاخير
مهره:محتاجين مساعده
زاهر طالع فيهن بصدمه:يعني سالم بنت؟
دانه:رح نفهمكم كل شي بس تساعدونا
محمد:لا ميحتاج تفضلي اذا نقدر اكيد مابنقصر
زاهر:بس...
محمد قاطعه:زاهر افهمك عقب خلاص
دانه:في واحد فيكم اخوه ربيع فيصل؟
زاهر بعده مامستوعب:ايه تقصدي سيف قصدي سلطان
مهره بلهفه:وصلت...
******************************
:سببتلج مشاكل
مها تبسمت:لازم المشاكل
مواز طالعتها:يعني...مدري شكلكم حليتوها وتفاهمتو
مها بخجل و راحه:الحمدلله...هو صحيح عصبي بس بسرعه يهدا ويرد لعقله
مواز طالعتها باستغراب:كيف هذي بالله؟!!...وهو بغى يذبحني؟!!...غيووور
وبابتسامه خبث:شكله يحبج...طيحتيه ف غرامج هاه!!
مها انحرجت وانصبغ وجها احمر وبعصبيه:اي حب اي غرام اي خراابيط؟!!
مواز:ههههههههه هيدا عشق هيدا غرام
مها فرتها بالمخده:تشب
مواز:ههههههههههههههه طالعي ويهج انصبغ...استويتي طماطه
مها تكتفت بعبوس:انطمي
مواز بخبث:اعترفي تحبيه
مها صرخت باحراج:موووزووووه
مواز:هههههههههههههههههههه? ?ههههه زين زين فهمنا
مها مدت بوزها وهي متوتره حدها:اووف منج
مواز تبسمت بذبول:الله يهنيج
مها تبسمت لها بخجل:آميـــن... عقبالج

مواز هالكلمه ذكرتها بفيصل ومستقبلها اللي انعدم...رجعها للواقع لمصيبتها...لكلماته وتهديداته...لنظرات جدها لها وهو يملكها...حتى ايدها رجع لها الالم...لكل شي سيء صار لها للكبوووس باختصار:ههههههههههههههههه? ?هههههه
مها عبست باستغراب:افااا ماقلت نكتة؟!!
مواز بهستيريه:هههههههههههههههه? ?ههههههههههههههـ...
غصت فجأه وقامت تصيح بلوعه...
مها اللي منفجعه:مواز اش فيج؟!!!!
مواز مغطيه وجهها بيد وحده ويدها الثانيه تحسها عنت من الالم الوهمي والوسواس اللي صابها فجأه....و
انكمشت ع نفسها تبكي بهستريه....
مها فزت تحاول تهديها:مواز حبيبتي اش صاير؟؟!!
مها لمتها تحاول تهديها مشي فايده قامت بسرعه عفطت للفون تبا تتصل بأحمد ماتذكرت رقمه ولا هي حافظتنه...
قامت بسرعه لبست عباتها...وطلعت لشقة صقر...
*****************************
وفالشقه عند الشباب....
الكل قاعد وساكت... ويطالعو ف بعض بتوتر شديد...
صقر اللي جالس وسطهم و راسه بين يديه...
فيصل اخيرا نطق:فهد راح لابوي وعلمه... و صار اللي صار
أحمد بعصبيه:وبعدين؟
فيصل بهدوء:اعتبروها خطوبه وانا بصراحه خاطري فالبنت
صقر من دون مايرفع راسه:لا تجامل عشان تطيب خاطري فيصل
فيصل وقف:لا صقر...انا بصراحه انعجبت فيها
ذياب وقف بصراخ:كذااااب مو انت كل ساعه وقلت انها بووويه؟!
فيصل بنفس الهدوء:كنت غلطان...فاهم السالفه غلط
خالد بقهر:بالله؟!!!..والحين ان شاء الله فهمتها صح؟
فيصل بثقة:ايه...عرفت ليش سوت كل اللي سوته
صقر رفع راسه لفيصل:وشو الاسباب؟

فيصل طالع ف صقر:انا سبق وخبرتك اني شاك فانه السالفه تخص شهاب لانها كم مره تلمح تبا تعرف عن شهاب
صقر ضيق عيونه:ايه خبرتني ونبهتني لا اغلط و عقب اندم وانا ما فاهم شي...وقلتلي بتتأكد
شهاب اللي شده كلامهم:اسمع اسمي
خالد بحيرة:فهمونا شالسالفه؟؟!!
فيصل اللي مامعبرنهم وكأنه مالهم وجود بس صقر:البنت عنيده بس عرفت منها انه صحيح السبب هو...
وطالع ف شهاب:شهاب
شهاب بلع ريجه:انا؟!!
ذياب قطب حواجبه:اش دخل شهاب؟!!
فيصل بنفس الهدوء:كانت تبا تكلمه....وتخبره يطلق عليا
الشباب طالعوه بفجعه:شو؟!!
شهاب وقف ع طاري عليا يحاول يركز:نعم؟!!!
صقر بقق عيونه:انت اش قاعد تقول؟!!
ذياب بصراخ:هـيــه عن الهواته....ترا شهاب اصلا مطلق البنت كيف يطلق يعني مره ولا شو؟!!
فيصل طالعهم بثبات:لا مايعتبر الطلاق....لانه اصلا باطل
صقر و شهاب اللي طالعو بعض وكنه حد صب عليهم ماي بااارد..؟؟!!!
خالد باستنكار:كيف نوبه باااطل؟!!
صقر بقق عيونه وهو يحاول يستوعب:مستحيل؟!!!
وطالع فشهاب بقوه...
وسمعو جرس الباب... قام خالد يشوف من...
شهاب مسك فيصل وسحبه للغرفه وصقر وراهم:تعال ابيك فكلمة راس
ذياب جا بيلحقهم بس أحمد منعه...
ذياب:احمد..
احمد قاطعه:خلهم لا تدخل...
عمر للي يطالع بصمت اللي يصير...وهو يفكر...
خالد:أحمـــــــــــــــــ? ?ـــــد
أحمد ترك ذياب وراح صوب الباب شاف اخوه يدخل وهو يأشرله:حرمتك
ودخل عنه....
أحمد عفط وهو يقطب حواجبه:مها؟!!!
*****************************
عند البنات...
سلطان بدهشه:شوو؟؟!!
سيف:اللي سمعته
سلطان عفط بسرعه وطلع حصل البنات ينتظروه عند سيارته:هلا اختي
دانه بلعت ريجها:انت سلطان؟
سلطان:وصلتي
مهره بلهاث:تعرف صقر فهد ال...
سلطان:قصدكن صقر خال عمر؟
دانه طبعا مواز تحكي للبنات وخاصه دانه وعليا كل شي يصير معها عشان كيه يعرفن الشباب:هو هو....مب انت ربيع فيصل؟
سلطان باستغراب كبير:ايه
مهره:زين ممكن تتصل فيه...اقصد تقدر زين توصله رساله؟
سلطان اللي حس انهن متورطات ومحتاجاتله وايد:طيب طيب اكيد تفضلن
دانه:لا بس خليه بس تزورنا ضروري وبأسرع وقت لو سمحت
سلطان:تمام ان شاء الله الحين بروحله وبجيبه معي بعد
مهره ودانه طارن من الفرحه:صدج؟!!
سلطان:اكيد...انتن الحين ارجعن البيت وانا بتصرف
مهره براحه:تسلم اخوي بنتعبك معنا
سلطان:لا تعب ولا شي توكلن انتن الحين
دانه بإمتنان:ماتقصر...
وراحن عنه
...
سيف اللي سمع كل شي:من صقر؟
سلطان وهو يركب سيارته:روح هاتلي فوني...بسرعه
سيف عفط داخل ركض...
زاهر ومحمد اللي وقفو يراقبو...
زاهر:اش السالفه؟
محمد متكتف:شكله سالم مورط عمره من اخر مره كان معنا تذكر؟
زاهر:شكله...لانه من يومها اختفى...الا من صقر؟
محمد رفع كتوفه:مدري والله
زاهر:اش بنسوي الحين؟
محمد:مايخصنا اللي علينا سويناه وخلاص قووم فززز ورانا امتحانات
زاهر وقلبه مع سالم:بعدني مامصدق انه بنت
محمد تجاهل كلام زاهر:امشييييي
وسحبه وراه...
******************************
عند الشباب....
خالد اللي جالس بتوتر:والحين لمتى بنتم ع هالحاله؟!!
عمر المتكتف بهدوء:لحد ماخلصو اجتماعهم المغلق
ذياب متحرقص يمشي ويجي بيموت من الانتظار:اش له مايبونا نسمع الكلام؟
عمر:ببساطه لانها سالفه شخصيه...ماتخصنا...فيها سيرة بنت وصقر ياعمها ياخالها وفيصل عنده السر...وشهاب ساس البلا....وطلع مامطلق البنت اصلا وتعرف اش يعني؟!
ذياب بتوتر فضيع واعصاب مشدوده:يعني مصيبه...يعني كل العذاااب اللي تعذبووه ماكان له دااعي لانه طلاقهم باااطل!!...بس كيف...وبعد هالفتره الطويله ينكشف هالشي؟!!!
خالد يحلل:اممم اش مبطلات الطلاق؟!...يعني الممكن تكون سبب بطول هالطلاق؟!
عمر:لا تفكر....مايخصنا
خالد طالع عمر:امكن تطلع اختي...ولا اختك وان ما اختي ولا اختك بنت عمتي ولا بنت خالك
عمر زفر بحده وهو يصد عن خالد:لا تتفلسف علي
خالد:شفت يعني تخصنا لا تقولي ماتخصنا هه

أحمد رجع لهم بلهاث:وينه صقر ماطلع للحين؟
خالد زفر:لا
عمر عبس:ليش اش صاير؟
أحمد بلع ريجه:البنت منهاره بشكل هستيري...ماقادرين نهديها ومها بدت اعصابها تتعب اخاف تنهار علي هي بعد
عمر فز:تبا مهدئات؟
أحمد بضياع:مدري مدري
خالد فز:لا مايحتاج بكون من تشوف صقر بتهدي
ذياب بعبوس:ليش صقر ماترسلو ريلها...ماهو ساس البلا خليه يتحمل ويتصرف
عمر عبس:ممكن بس بعد ممكن تنتكس اكثر حالتها...صقر أأمن
خالد صرخ فيهم:هيـــه انتو عن من تتكلمو...كلهم داخل وشكلهم مابيطلعووو...
وطالع عمر:قووم فز هات المهدئات مابنحرصهم قوووم
عمر قام فز غرفته....بس تذكر ورجع بعبوس وهو يضرب جبهته:يالله هم مجتمعين بغرفتي
أحمد صرخ وهو يمسك راسه:ااه...حلووها لي يالعباااقره...البنت تحت تنهااار و حرمتي لاحقتنها
ذياب:انت ارجع تحت لاتخليهن بروحهن....وحن بنلـ...
ماكمل الا شهاب طالع ركض من الغرفه ووراه صقر...
صقر بصراخ وهو خلاص تعبان وماعاد فيه حيل:شهاااب وقف...
عمر عفط لصقر:خالي الحق علينا..
*********************************
:طال عمرك شريكك قدر ينقذنا من الافلاس
فهد بتحفظ:زين زين بس وراه هالشريك مصايب يافارس لازم نسويله خطه نتحذر منه ونفتك مره وحده
فرس عبس:يعني وش بنسوي؟
فهد وهو يفكر بخبث:لازم اول ابهدل الاولاد اكثر...اش اخبارهم؟
فارس:خالد دورته الاسبوع الياي..وعمر رتب اموره كلها اسبوع اسبوعين بالكثير ويرد يكمل....و أحمد اموره مستقره هو وصقر
فهد:ماعليه يبالهم بهدله اكثر
فارس:انت آمر وانا تحت أمرك..
فهد بخبث:شوفلي اش يحبو من يحبو...في بنات ف خاطرهم...وانا بخبرك
فارس اللي فهم:ان شاء الله طال عمرك بس ما احسن نركز ع شركيك اول؟
فهد تبسم بدهاء:هذا له عندي خطه ثانيه واحسن تناسبه وتناسب غروره وايد
فارس:زين اش اسوي الحين بضبط؟
فهد:حاليا روح لام أحمد هي بتعطيك اوراق هاتهم لي
فارس:حاضر طال عمرك...تامر بشي ثاني؟
فهد:ايه فيصل وين خذ البنت؟
فارس:فلة ابوه طال عمرك
فهد تبسم باريحيه:زين زين...ولاتنسى حط حد يراقب البيت والبنات والنت بعد
فارس:حاضر طال عمرك مسئله اليوم بالكثير وبكره كل شي اجهزه
فهد:قواك الله
**********************************
فيصل اللي طلع ورا عمر ببرود وسمع اسم مواز:اش صاير؟
خالد واعصابه مشدوده:مواز منهاره عليهم
صقر مسك راسه خلاص تلفت اعصابه تماما ماعاد يتحمل:ياربي وش اسوي الحق شهاب ولا مواز؟
فيصل بجدية:الحق شهاب انا بشوف مواز
خالد عبس:وانهارت زياده؟...انت اش مسوي بالبنت الا كيف مطلع منها الكلام؟!!
فيصل سكت وهو يتذكر اللي صار....

:مقدر مشاعرج يالعروس...بس بعد قدري مشاعري الملتهبه
مواز تلاهث طالعته بضياع وهي ترمش تحاول تستوعب ويدها على قلبها تحاول تهديه...
مواز غمضت عيونها تحاول تهدي وتركز وتستجمع قوتها....ماحست الا بشيلتها تنسحب من راسها....
فتحت عيونها بفجعه....وهي تبعده عنها بيدها وبقرف صرخت فيه بصوت متقطع ولهاااث مرعوب وهي تبلع ريجها:انت كيف تتجر...
ماكملت لانه قاطعها وهو يرد يمد يده:انت الحين صرتي حلالي
مواز سكتت عنه بقهر...
فيصل وهو يقرب منها اكثر لدرجه خشمه لامس خشمها وعيونه بعيونها الدامعه بهمس:و الزوجه من واجباتها تبرر للزوج كل تصرفاتها يامدام
مواز ماتحملت اكثر دفته بكل قوتها عنها و عفطت بتقوم
بسرعه بس هو كان اسرع منها
مسكها وردها للكنبه....
ولزقت ع طرفها وهو محاصرنها....
فيصل كمل بابتسامه جانبيه خبيثه:فاااهمه...ومره ثانيه لما اتكلم ماتقومي قبل لا اخلص
مواز تلاهث ومنكشه ع نفسها:تحلم
فيصل:شو؟
مواز.....سكتت عنه بقهر...
فيصل عصب:ما اسمع؟

مواز....غمضت عيونها بقو وهي تشوف يده تنمد صوبها مره...
رفع شعرها عن جبهتها....
وباسها...
مواز هنيه ماتت...ضاعت علومها...طالعها بحنيه وهي يكفن وجها:فاهمه؟
مواز طالعته بعيون كلها دموع....ولهاث..عضت شفتها بقهر وهي تحس قلبها شوي وبيوقف...لما يصير وحش ع الاقل تتواقح وتقدر ترد عليه بس الحين لانه رقيق وحنون معها فجأه قلب عليها ضاعت علومها ماتدري ليش مب قادره حتى تنطق ولا تبعده عنها....هذي المره الثانيه عاد وهم ماصارلهم ساعات من تزوجو...
فيصل كمل:علميني اش تبي من شهاب؟
مواز نزلت عيونها عنه برجفه:مـ...
فيصل رفع راسها يباها تطالعه:مواز
مواز غمضت عيونها وهي تحس بمغص فظيع يقطعها... دفته عنها بقو و صراخ:مايخصك
فيصل رد قرب منها بثبات:يخصني زوووووجتي
مواز ماردت عليه كل اللي سوت ردت استجمعت بقايا قوتها ودفته عنها...وهو ماقاومها خلاها على راحتها بكل ثقه وهو يتأفف من حركاتها..؟

ركضت للباب بس حصلته مقفول...طالعت وراها بسرعه بس حصلته فوجهها...
لزقت فالباب....وهي تتذكر يوم وصلها...نفس الكابوس يرد يتكرر....
غمضت عيونها بقو وهو خلاص حاصرها:لعبه توم وجيري هذي ماتمشي معي...اذا مره فلحت معج وضبطيها على صقر فأنا فيصل ياماما....واول ماكنت اتعدى حدودي بس الحين مافي حدود مستوعبه انتي هالشي؟!
مواز بلعت غصتها وهي تحاول تفكر وماتسمع كلامه....
فيصل استفزه عدم مبالاتها لكلامه وهو يعرف زين انها تفكر كيف تتخلص منه كمل بيقهرها وبلهجة خبث:الحين من بيخلصج مني ياحلوه
مواز طالعته بقو:اشوف حلت لك البويه؟
فيصل تبسم:مارح تغلبيني....بعدين انتي مب بويه انتي مجرد متمرده شرسه انا بروضها
مواز بقهر:تـ..
فيصل حط يده ع فمها بسرعه وبحده من بين اسنانه:لا تنطيقها لا اقصلج لسانج
مواز دفته عنها بقهر:لا تلمسني ياحيوان
فيصل ماتحمل كلمتها اللي مثل السهم السام....قام سحبها من شعرها:انا اعلمج الحيوان كيف يكون
مواز وقف قلبها من الخوف...وهي تشوفه يسحبها للكرفايه....صرخت وهي تقاومه:لااااا لاااااااااااااااااااا...بخ? ?رك بس لااااااا
.....
**********************************
عند البنات
مهره وهي جالسه فالحديقه ماخذه استراحه من المذاكره...
عليا شافتها وجت وجلست معها:مهروه
مهره:هلا
عليا بتنهيده:اشتقت لمواز
مهره عبست بغصة:الحين صدج جدي زوجها؟
عليا غصت وبأسف:أكيد دومه صقر كان يحذرنا من قسوة جدي
مهره سكتت بحزن وقهر على مواز:ان شاء الله صقر يقدر يحل هالمصيبه
عليا تنهدت بقهر:بيكون حالها من حالي....مطلقات صغيرات خخخ
مهره تبسمت بغصه ع اللقب:لاه....ان شاء الله لا
دانه جاتهم بمحاتاه:يالله هالسلطان تأخر
عليا بأمل:ان شاء الله يلقى صقر
البنات:ان شاء الله يارب
دانه بهمس:عاد منوه مدري بلاها مستخفه محوله البيت عسكريه تخيلن طابختلنا على الغدا عدس....أكل مساجين
مهره وعليا:ههههههههههههههههههه? ?هههههههههههههه
عليا بمصخره:كملت والله
مهره ببتسمه جانبيه:شر البليه مايضحك
دانه تنهدت وهي تجلس عدالهم بحيث مهره تصير وسطهم هي وعليا بتغير الجو:مهروه تخيلي لو ذياب راد عليج فالشات وش شعورج؟
مهره ماتوقعت هالسؤال فز قلبها وتوترت:هاه...لا ولا شي بس....وش الطاري؟
دانه رفعت كتوفها بعدم مبالاه:لا ابدا بس خطر فبالي وسألتج
مهره تبسمت وهي تتذكره:هو انسان طيب وحنون ومتفاعم وايد... و وايد كان ينصحني ويهتم فيني... كأني اخته الصغيره... بس انا تجاوزت حدودي معه ولا كان الحين ماخسرته
دانه وعليا يطالعو بعض...
عليا:يعني انتي ما استعبرتي من اللي سواه؟
مهره تبسمت بألم:بنساه... بس يبالي وقت وانتو تساعدوني وتنسوني شي اسمه ذياب
دانه حطت يدها على كتف مهره:افا عليج نحن 3 وكل وحده تغث اكثر عن الثانيه لاتحاتي نحن معج للنهايه
مهره:هههههههههههههههههههه? ?ه خواتي الغثيثات
عليا:اعرف كنتي دوم تبي تقوليلي وتفضفضيلي وانا الانانيه كنت ماشوف غير عمري و همي كنه محد مهموم فهالدنيا غيري وتسكتي... ومواز منشغله مع مها 24 ساعه خاصه الفتره الاخيره عنج من انتقلن نفس الصف...و دانه وكتبها وانشغالها بالقراءه... نسيناج
مهره بذبول:لا انا بعد ماعرفت اشد انتباهكم لمشاكلي وحاجتي لكم قمت ادور على الاهتمام من الاغراب
دانه تنهد:الحمدلله عدت على خير...انتي الحين ركزي على مذاكرتج بس
مهره تبسمت:الحمدلله ان شاء الله
دانه تحمسها:اي شي مافاهمتنه انا موجوده
مهره:هههههههههههه بلاج دانه اعرف
منى وهي تنادي:يابنات ابا حد يسير البقاله خلص الملح
عليا قامت وهي تصرخلها:انا بسير
*********************************************
نرجع للشباب...
خالد وهو يهز فيصل بقو:هيه انت وين سارح اكلمك؟!!
فيصل صحى من شروده:هاه وشو؟!!
وتلفت حوله ماحصل حد:وينهم؟!!
خالد عبس:نزلو شقة أحمد لاه
فيصل تذكر مواز:اوه صح
وركض لحقهم...
خالد:تعال وين رايح؟
فيصل دخل حصل عمر جالس بتوتر فالصاله و بيده ابره المهدئ...
فيصل:وينهم؟
عمر بتوتر فضيع:أحمد شل حرمته عن مواز يهديها و صقر مع مواز يحاول فيها...وانا انتظرهم...ان ماهدن بستخدم المهدئ
خالد قطب حواجبه:حتى على حرمة أحمد؟
عمر:ايه بس اظن أحمد بيقدر يهديها
خالد تبسم على هالفكره وهو كل ماله يكتشف انه اخوه رد مثل قبل والاهم شكله اكتشف سعادته مع مها...
فيصل شاف صقر طلع بخيبه عن مواز عفطله...
فيصل بلهفه:وش صار؟
صقر وهو ساند ع الجدار بتعب:اااااه تعبت تعبت وتعبتها اكثر ماقدرت اسوي شي تصيح مقطعه عمرها صياح مدري اش فيها وتضحك بعد صايبتنها حاله هستيريه...مارضت تسمعني حتى...
ونزل جلس ع الارض بنهيار وهو يحط راسه ع ركبه:تــعـــبـــت والله
عمر عفط لخاله:سلامتك خالي ألحين انا بتصرف بس انت اهدا...
فيصل مسك خالد:خلي عمر يعطي صقر المهدي حده تعبان و منهار
خالد رفع حاجب:و البنت؟
فيصل بثقة:البنت حرمتي انا بتصرف معها لاتشيلو هم
خالد بنص عين:تبا الصدق هذا كان رايي من الاول انت السبب وانت لازم تتصرف
فيصل سكت عنه وهو يدخل على مواز...
خالد غمز لعمر...
عمر فهمه:خالي قوم ارتاح
صقر منهار خلاص:اتركني عمر مافيني حيل لشي البنت داخل بتموت بسبتي ماقدرت احميها
خالد جالس يهدي صقر مع عمر:عمي افا عليك الدنيا ماتسوى وبعدين هي مزوجه ألحين فيصل وهو بيتصرف افا عليك بس
سمعو صوت الجرس...وقام خالد يشوف من..
سلطان بلهفه:السلام عليكم...
خالد عبس:سلطان؟!!
********************************************