منتديات صواديف عشاق - عرض مشاركة واحدة - كتبت إسمك على صدر السما و أيامي / للكاتبة حلاها (( ألايدا )) مكتملة

12-30-2023

********************************************
وصل للعنوان للبيت اللي يراقبه بدون علم احد من فتره يتمنى بس يشوف طيفها... بس كان جبان لدرجه ماقدر حتى يقرب من باب هالبيت خطوه...
بس الحين غير الوضع تغير...
دق الجرس بلهاث ويده الثانيه تدق الباب بجنون...

عند البنات بالحديقه... مايسمعون صوت الجرس اللي شوي ويحرقه شهاب...
دانه:هههههههههههه قلتلكم منوه استخفت ماصدقتوني
عليا:لا بالله استخفت عيل تعصب لاني تأخرت ألبس عباتي بس وراحت بروحها
مهره:لا وبندت النار عن الاكل تقول نحن مامنا فايده بيحترق ولا دارين عنه
دانه وعليا:ههههههههههههه
دانه تنهدت:لو مواز هنيه كان غير
مهره سكتت بحزن...
عليا اللي غصت:تأخر هذا بعد للحين ماجا منه خبر اووووف.. بدخل افصخ عباتي ابركلي هه
ودخلت..
مهره اللي سمعت صوت الباب يندق عبست:كنه حد يدق الباب؟
عليا تنادي عليهم من الصاله:بنات الجرس... حد على الباب
مهره قامت:انا بشوف من
دانه رفعت كتوفها بعدم مبالاه:اكيد منوه

شهاب اول مافتحت مهره اللي توقعت انها منى ولا سألت من...دخل مفجوع وبلهاث مثل المجنون ركض.. وقف فنص الحوش وبصراخ:عـــــلـــــــــــ? ?ـــيـــــــااااااااااااا ااااااا
مهره اللي واقفه بصدمه مكانها وعيونها مطيره ف شهاب اللي عرفته من دخل...
دانه جات ركض اول ماشافت شهاب عدلت الغطا على راسها وهي مصدووومه تسمعه يصرخ ويدور بعيونه على عليا...
استوعبت الموقف وصرختله بقهر:انت وش تبي؟!... ولك عين تورينا ويهك بعد اللي سويتها؟!... صدج فوق شينه قواة عينه...
وهي تأشرله ع الباب:يله انقلع
شهاب ماكنه يشوفها او يسمعها الا ماكأنه لها وجود رد يصرخ وهو ينادي بلهاث:عــــــــــــــــــ? ?لــــــــــــــــيــــــ ــــــــــااااا

عليا اللي سمعت صوت حد يناديها وهي توها مافصخت عباتها جاها مسج وجلست تتعبث بفونها عبست:وش صاير؟!!
وطلعت تشوف...

دانه بصراخ مقهورة:هيه انت ما تسمع اقووولك انقلع لا الم عليك الحاره و جيبلك الشرطه بتهمة التهجم على بنات عزل
مهره اللي واقفه مكانها تسمع بصدمه تحاول تستوعب شافت عليا تطل عليهم بعبوس واستغراب وهي من زاويتها ماتشوف غير مهره و دانه:داااااانه
دانه اللي سمعتها بس طنشتها وهي تهدد شهاب:بلاااك انت اش هالوقاااحه اما صحيح انك حقير وحيواااا..
شهاب قاطعها من بين اسنانه ومافاضي لاحد فباله عليا وبس:كلمه زياده واقص لسانج
عليا اللي طلعت باستنكار:دانه وش صااااير؟!!
دانه صدت صوب عليا بفجعه:لا عليـ..
مهره نزلت دموعها وهي تتمتم:لالا لاتشوفيه لااااء
عليا صدت صوب اللي دانه كانت صاده وتنازع:من تنازعي انتـــ..
********************************************
عند فيصل اللي دخل على مواز المنهاره...
فيصل وهو يتنهد:انزين مابسج صياح؟
مواز من انتبهت له فزت وهي تمسح دموعها اللي مو راضيه توقف بدفاشه و رجفه خلاص منهد حيلها من كثر مابكت...تحس عيونها يتحارقو و وجهها مولع:هذا انت!!
فيصل تبسم ابتسامه جانبيه:ليش كل هالمناحه يامدام؟!
مواز ماتدري ليش من شافت ابتسامته رغم انها ساخرة الا انها هدت وحست بالخجل... وكلمة مدام اللي يظل يغثها بها تستفزها بس ماتعرف ليش تحس بشعور غريب من ينطقها...
فيصل وقف مقابلنها و انحنالها بحكم طول القامه اللي بينهم وهو يدخل يديه ف جيوبه:بعدج ياهل ماتنلامي... بس تحملي ترا انا..
وهو يقرب وجهه من وجهها:متحلف الا ابكيج كل يوم
مواز رغم رغبتها الجامحه انها تبعد بس وقفت مكانها بعناد لمعه التحدي فعيونه قهرتها... بصوت كله بحة بكا:هه تتحداني؟
فيصل ذاب على بحتها على لمعه الدموع اللي بعيونها الوساع على ملامح التحدي بوجها الطفولي المحمر من كثر البكي... بس مابين و حب يستفزها اكثر.. يعرف مايجيب راسها غير التحدي والعناد اللي يستهويها
وبثقة:ايه اتحدااااج يالفاشله
مواز استفزها قربت منه بثقه:اوريك الفشل الذريع بس اصبر علي
فيصل بتحدي:تتحديني يالفاشله فأبسط شي.... مثلا.....اامممممممم....
وكمل بخبث:النسبه؟
مواز عبست بتحدي:وش فيها.؟
فيصل بخبث:اممممم الفاشليمن ما يطولو ال80 فما فوق
مواز فهمت عليه بس جاتها فكرة جهنميه:ان جبت 80 فما فوق وش ابستفيد يعني منك؟
فيصل قطب حواجبه:بتستفيدي انج بتثبتيلي انج زوجه ناجحه
مواز تخصرت بقرف منه:وووويييع وانا اش علي منك...ماتهمني عشان اثبتلك وييع مااالتت...لا انا ابا شي غير
فيصل اللي استفزته بس حركاتها اللي مهما حاولت تتدافش فيها تذبحه بعفويتها وعنادها و كل شي فيها...تبسم بغمرة وهو وده يقرص خدودها بقو لحد مايصيها مرة:مثل شو؟
مواز مامنتبهه لنظراته المغموره لها وبعفويه:اممممممممممم...تطلق ني
*********************************************
*********************************************
عليا صدت صوب دانه اللي كانت صاده وتنازع:من تنازعي انتـــ..
تبخر صوتها اول ماشافته...
انسحب الهوى من حولها حست بخنقه فظيعه وهي تشوف سبب كل معاناتها...
الانسان اللي تمنت الموت وتنساه...
الانسان اللي حبته من كل اعماقها وهجرها.... ذبحها... طعنها... كانت على حافة الجنون بسبته
حطت يدها على صدرها برجفه وهي تحاول تتنفس...غصت غصه ذبحتها...
شهاب بلهاث وهو يكحل عيونها بشوفتها اخيرا...
قرب منها خطوه...
خطوتين...
ووقف أول ما شاف ملامحها بدت تذبل و جسمها يهوي للارض...
ركض بسرعه لها ومسكها قبل لاتطيح...
دانه اللي وقفت متيبسه مكانها وتفكيرها انشل وهي تشوف عليا فأحضان شهاب اللي يرجف و كأنه ماسك زجاج وبيتكسر عليه من اي حركه يسويها...
ماعارف كيف يتصرف رحمته اول ماشافت دمعته تنزل وهو يحاول يلمس وجه عليا...اللي داخت من الصدمه ولا هي حاسه بشي...

شهاب وهو يلاهث يحس اطرافه بردت...و قلبه مب راضي يهدا يدق بسرعه جنونيه...
حلمه...
حياته...
عمره...
حبيبته...
سعاادته...
فحضنه بين يديه...
و عاجز حتى يلمسها يزيح خصله من شعرها طاحت على وجهها...
عض شفته وهو ماحاس بدموعه المتمرده...
قربها لصدره ولمها يتنفسها بهدوء... بشغف.. بشوق... بكل جوارحه... دفن وجهه فشعرها...

مهره اللي ماعاجبنها الوضع تحس بتفقد عليا بعد مثل مافقدت مواز... راحت ركض وهي تصارخ فشهاب بجنون:اتركهااااا بعد عن اختي يالحقير... ألحين تذكرتها ياعديم الاحساس؟!...وين كنت يوم طلقتها وماسألت عنها وكانت شوي وبتستخف لو ما راحمه الله وين هـــــــــــــــــــــــا ه؟!!.....ليش رجعت ليــــش؟!!...اختي ما تجوووز لك اصلا كيف تتجرأ تلمسها؟!!
دانه اللي عرفت من فتره قصيرهالسالفه وهي تحاول تهدي مهره:خلاص مهره اسكتي
مهره بغضب عارم:لا مابسكت ليش اسكت مب صحيح كلامي؟!
شهاب بهدوء و صراخ مهره فيه صحاه من اللي فيه... حس بنفسه ومسح دموعه:ايه مب صحيح... عليا بعدها على ذمتي
ووقف وهو شايل عليا:و اختج تعرف هالشي
مهره مامستوعبة:ههههههههههههههه? ?هههههههههههههه حلووووه احلا نكته اسمعها...
شهاب اللي طنشها و صد عنهم صوب الباب:براحتج مع السلامه
مهره اللي وقف قلبها وهي تشوفه يطلع بعليا صدت صوب دانه:داانوووه شلها سوي شي دااا...
سكتت وهي تشوف دموع دانه عرفت انه يقول الصدق وانه مابيدهم شي:لالا يكذب لااااه
دانه سكتت ونزلت عيونها للارض...
مهره وهي تهزها:لا يكذب كذاااااب نطقي قولي انه كذااااب كيف على ذمته هاه هو طلقها طلقها وذبحها بعد
و طاحت على الارض تبكي بلوعه مهما شي غير انها تخسر احبابها واحد ورا الثاني:لالا اووول موووزوووه والحين عليا ليييش ليييش يصير كل هذا و ذياب حتى ذياب راح وامي كلكم كلكم كذااااابيييين
دانه وهي تحاول تهديها بشهاق:مهروووه
مهره ارتمت فحضن دانه كنها ياهل وتمت تصيح...
دانه....

منى دخلت عليهم وبيدها اكياس من البقاله:ليش مخلين باب الحوش مفــ...
وبفجعه:اش صاير ليش تبكون؟
البنات ماردو عليها...
منى صرخت فيهم:ماتنطقو؟؟!!
مهره قامت من حضن دانه وبصراخ ودموعها تنزل:شهاب خذ عليا...كلهم راحو مواز وصقر والحين عليا كله بسبتج
وردت تبكي بلوعه
منى طاحو الاكياس من يدها وهي تصرخ فيهم بفجعه:كيف يعني جا وشلها؟!!... انتو على من تكذبو؟!!
مهره بصراخ مقهور:من قال نكذب وليش نكدب اصلا اووووووف
ودخلت داخل بقهر....
دانه بجديه:منى رجعي لعقلج... هه
ولحقت مهره...
منى مب مصدقه:يعني كيف جا وشلها بأي حق؟!!!....
عصبت:مب على كيفه اوريه
وركضت داخل تتصل ف أبوها...
**************************************
مواز مامنتبهه لنظراته المغموره لها وبعفويه:اممممممممممم...تطلق ني وش قلت؟
فيصل حس كنه حد عطاه كف قوي...غمض عيونه بقو وفتحها ع كبرها بفجعه...
وقف قلبه ع فكرتها تخيل يخسرها سكت يطالعها بشتات وهي تتطالعه بثقه...
مواز استغلت سكوته تبسمت بثقه:هه اشوف سكت يالجبان
فيصل:هههههههههههههههههههه? ? والله انج حماااااس...موافق افا عليج
و قرب منها بثقه:بس ان ما جبتيها رح تنفذيلي كل طلباتي
مواز عبست وهي تتخصر نساها حديثه المستفز لها كل شي ماهمها غير تفوز عليه:الله يالواثق حدك بس طلب
فيصل:لا الطلاق مب شي سهل شي جايد وانا بالمقابل ابا شي يوازن بالطلاق
مواز عصبت وهي تبعد شعرها اللي طايح بعيونها بدفاشه وقهر وتتخصرله:لا ياحبيبي...
ورقعت بسرعه بربكه:وش هو اللي تباه فالمقابل؟
فيصل مات في زلتها الا يستغلها ويحرجها نقع ضحك على شكلها المتفشل:ههههههههههههههههه? ?هههههههههههههههههههههههه
مواز انحرجت على زلة لسانها وصرخت فيه بتغير السالفة تعرفه بيبدا يستنذل فيها:قووول
فيصل بهدوء ماكر:ههههه... طلباتي و اوامري كلها مجابه خلال سنه كاااااااامله
مواز شهقت بستنكار:شوووووو؟!...انت ناوي تسجني بك؟...
وصرخت بقرف وهي تتكتف:مااااباااا!!
فيصل ميت على حركاتها واسلوبها الطفولي... و بنص عين:ايه انت تريدي تتخلصي مني...انا اريد اسجنج فيني مو معي فييينيييي على قولتج
مواز عصبت و بتحدي:موووواااافقهههه... بس لا تتعشم لاني بفوز عليك هه

رفعت شيلتها من على كتوفها... وهي تلفها ع راسها باهمال...
فيصل:قبل لاتروحي مري على ربيعتج وطمنيها وعقب رجعي لصقر
مواز طالعته بعبوس طفولي...
فيصل رمش وبداخله ضحكه:بلاج تتشوفي علي كيه؟
مواز صدت عنه بغرور و تجاوزته بس مسكها فزت و هو يلفحها بانفاسه:ماتطلعين قبل لا اسويلج درب يالفاشله
مواز سحبت يدها منه بقرف ورجفه:هه وايد عايش الدور يالمليــــق
فيصل تبسم وهو يسويلها درب ماحصل احد بس احمد فالصاله:اقول احمد المدام هدت تبا تطمن مدامتك اذا ممكن
احمد فز بفرحه:صدج زين ولله...
فيصل صد لمواز:تعالي
مواز جاته ووقفت قدامه...
فيصل وهو يأشرلها على الغرفه اللي ورا ظهرها:هناك ربيعتج
مواز صدت بتروح بس رجعت صدت صوبه... طلعتله لسانها بطفوله:اكرهك
و راحت ركض عنه قبل حتى لايلحق يستوعب حركتها...
احمد اللي كان واقف ع باب الشقه تبسم وهو يشوفها بخير ماهو خنقها وكان بيذبحها بعد بس هالبنت مجنونه مجنونه جنون رسمي و فيصل يستلذ بهالشي:هههههههههههههههههه? ?هههه تستاهل
فيصل تبسم باريحيه:هذا بدل لاتشكرني!!... والله اني ماخذ طفله
أحمد:ههههههههههههههههههه احلا شي
فيصل حب لهجة احمد اللي كلها حنيه وسعاده وتمنى يقدر يسعد نفسه ومواز مثل ما قدر احمد يسوي:الا وين الشباب؟
احمد:خلالهم فشقة صقر بنطمنه على مواز بعد
فيصل وقف:بنخليهن بروحهن؟
أحمد:هههههههههههههه امش ترا عدالنا الشقه مابنسافر
فيصل طلع قدام احمد:ههههههههههههههههههه زين بس اسأل
**********************************