منتديات صواديف عشاق - عرض مشاركة واحدة - كتبت إسمك على صدر السما و أيامي / للكاتبة حلاها (( ألايدا )) مكتملة

12-30-2023

**********************************
عند الشباب.
خالد:وين دارك ياخي من متى قاطع ولا ترد علينا بعد مستوي مثل الحردانه عن ريلها
سلطان بثقل:هههه....مايضحك
خالد عبس باستغراب وهو يأشر لذياب وش فيه...
ذياب تنهد بقو:وش هناك سلطان؟
سلطان:خوات البنت اللي عافسه فيصل... جو طلبو مني اجيبلهم صقر
عمر تعدل فجلسته عبس بقلق:ليش وش صاير؟
سلطان:مدري بس انا طقيت صدري وعطيتهن كلمه.. بس من شفته تعبان ماعرفت شاسوي
خالد و عمر طالعو بعض...
خالد وقف:لا تحاتي نحن نشوفهن
سلطان سكت عنهم ووقف:زين انا بسير اخبرهن من يصحى صقر خبروه يمر عليهن... في امان الله
خالد مسكه:وين ياريال تو الناس بلاك انت؟
ذياب بقرف:انت هيه بلاك مستوي بنيه زعلان اونه اخخخ
تكتف وصد عن سلطان بقرف...
عمر تنهد بقو وهو يهمس لذياب:اخوك شاخباره؟
ذياب:رسلتله مسج رد علي سأتصل بك لاحقا
عمر تنهد بقو وهو يشوف سلطان يطلع عنهم معصب ماطايق كلمه زياده من خالد...
خالد جلس بستنكار:بلااااه استخف؟؟؟!!

سلطان اللي توه يفتح باب الشقه بيطلع وهو يتأمل القفل المكسور طلع أحمد فوجهه ومعه فيصل...
فيصل صفر وهو يسلك:يالله نسيت اتصل على المصلح
ودخل عنهم وهو يتصل على المصلح...
اول ما دخل راح لعمر اللي مهموم:يالدكتور اقول تطمن حليتها
وغمزله...
خالد عبس:كيف؟!!!
فيصل بغرور:حرمتي لاه
ذياب تبسم:سبحان الله صحيح الله يولف
عمر تنهد باريحيه:يعني ان شافها صقر تعدلت نفسيتها بتتعدل هو بعد نفسيته
فيصل:ان شاء الله
ودخل عنهم المطبخ:يالله عطشان هالبنت نشفت ريقي
عمر:تستاهل
ذياب وخالد:ههههههههههههههههههه

و فهالاثناء قدام الباب...
سلطان وهو يتجاوز احمد بسكات...
احمد مسكه:سلطان
سلطان من غير مايشوف عليه:خير
احمد بندم:افا وانا اخوك تزعل من اخوك وربيع عمرك... السموحه ياخوي والله كنت معصب والله ومقهور
سلطان صد صوب أحمد بعبوس:شو ماسمعت
احمد عرف انه يتغلا قام ضربه على كتفه بقو:اقول بلا استعبااااط
سلطان تبسم:ههههههههه زين وش اسوي بزور ماسك عمري عن اضحك ف وجهك
أحمد تبسم:والله انك طيب واخو مايتعوض
سلطان:هههههه تعال اسلم عليك يالنسيب اشتقتلك ياثقيل الدم
احمد وهو يحضنه:ههههههههه هلا والله
سلطان:مسموح يالمليق
:ههههههههه امبيه شواذ
سلطان و احمد صدو صوب خالد اللي طالعهم بغباء واستعباط:ههههههههه ماقلت شي بس اسمع غزل
أحمد:لاه اوريك الغزل يابعد عمري
وهو يعفط صوب خالد بس سلطان مسكه:خله بو سلطان مقهور لاني قافطنه(سافهنه او حارجنه بقوه) قبل شوي
خاالد صرخ فيهم بقهر:تششششب
أحمد بعصبيه مصطنعه:لسانك ياولد لا اقصه
خالد ببراءه:ماقلت شي
وبنص عين:يابو سلطان هههههههههههههههاي
وصرخ وهو يدخل عنهم:سمعو شباب اونه احمد بو سلطاااان

ذياب بمصخره:لا تقووول مسكين احمد ابتلش مايسده واحد
فيصل وهو يشوف احمد وسلطان جلسو معهم:ههههههههههه عيل انا بسمي على خال ولدي
عمر وخالد فزو بحماس:انا
فيصل عجبه تغير الجو اللي يصير:خخخخخخخ ماينعرف عاد من بس لحسن الحظ اسمائكم مقبوله هه
خالد بعصبيه:انت هيه من اللي اسمه مقبول؟!...احمد ربك بتسمي علينا... لك الشرف
فيصل حب فكره يكون اب ومواز ام عياله و باستعباط:هههههههههههههه من مقبول؟!!
عمر:ههههههههه خلاص بسنا سخافه

سلطان اللي نسى البنات و ليش اصلا جاي:زين سكتو عشان استوعب
ووقف:الحين بس سؤال فيصل تزوج؟
ذياب وفيصل طالعو بعض ونقعو ضحك: ههههههههههههههههههههههههه ههههههههههههههههههههههههه ههههه
عمر تبسم:ولو تعرف بعد من شو بتسوي؟
سلطان بقق عيونه:من.؟!... لاتقووولوووو...لالا مستحيــــ...
احمد قاطعه:لا تقول مستحيل مشي اسمه مستحيل
عمر:اللي تقول عنه مستحيل تأكد بيدور الزمن وبيثبتلك العكس
سلطان بعدم مبلاه:فاضي لفلسفتك انت ويااااه من البنت؟
فيصل عبس:تتتتتتت هيه حرمتي وش تبالها؟!...عيييب
سلطان عصب:فيصلوووه
فيصل:هههههههههههههههههههه? ?ههههه وشو
سلطان رفع حاجب:موزة؟!
ذياب:رمانه
خالد:تفاحه
أحمد:ياربي على السخافه
ذياب فز:على فكره انتو كنتو كيه بهالسخافه
فيصل:ترفعو ضغطنا... بعدين موزة يعني الدانه يالاغبياء ياجهلا مب فاكهه
ذياب:على فكره ترا الموز مب فاكهه يعتبر من الخضار
فيصل بقق عيونه:قول والله يعني الموز اخو الطماط؟!!
خالد يستعبط معهم:لالا ولد عمه
سلطان صرخ فيهم وهو مرتفع ضغطه ع استعباطهم:هيـــــــــــــ? ?ـــه بسكم عبط خلاااااص.... صحيح انا كنت استعبط بس مب لهدرجه ولللل

ذياب عبس ببراءه:بسم الله عليك كنت عسل
فيصل بنفس اللهجة:لالا ماشاء الله عليه شرباااات
سلطان يكمل معهم بنفس اللهجه الساخره:على طاري الشربات وزعتو شربات بمناسبة توديعك العزوبيه؟
خالد فز يغني وذياب يطبل ع الطاوله اللي قدامه:عزوبيه عزوووبيه وداعا للعزوبيه وداعا للسهر والطيش لقيت اللي تحس بيا
ذياب يكمل:بنام الحين من بدري عشان اصحى من فجري حياتي كلها ت\دغري وبعقل ميه ب الميه
فيصل عصب:هيــــه تشب
سلطان بسرعه قبل لا يبدو ضرابه:بالله كيف تزوجها هالمجنون؟
خالد بنفس لهجه سلطان المستنكره بس بمصخره:ههههههههههههههه جدي المصون عباله عقاب مايدري انه حققله حلمه
أحمد ببتسامة جانبية:عقاب للبنت مب له

سلطان بجديه بعده مامصدق:الحين من صدجكم تزوجها؟
أحمد:هههههههههه ايه بلاك؟
سلطان صرخ:هالنتفه يتزوج قبلي وانا؟!!
سكت بعبوس طفولي....
ذياب وفيصل:ههههههههههههههههههه? ?هههههههههههههههههههههههه
سلطان:احمدووووه تزوجني اختك؟
أحمد:ههههههههههههههههه خليني اعرفها بالاول
سلطان بقق عيونه:من صدجكم ماعرفتو شي بعدكم؟!... وجالسين تنكتو؟؟؟... صح صقر بلاه؟
الشباب سكتو ورجع جو الكآبه....
***********************************
وعند مواز ومها....
مها تتطالع فمواز اللي قلبت الجو وتسولف برواق وتضحك:مواز!!
مواز سكتت تطالعها باستغراب:بلاج؟!...
وتبسمت:والله انا بخير بس تعرفي ساعات اخورها هههههه
مها عبست بثقه:في شي صاير غير اللي حكيتيلي اياه صح؟
مواز اللي حكت لمها كل اللي صار معها بس ماكل شي كل شي وهي تحك خشمها:اممممم اش هالثقه؟!
مها بنص عين وثقه كبيره:وش صار بينج وفيصل بعد؟
مواز ارتبكت:يعني وش بيصير تونا من ساعات بس ممتلكين؟!
مها تكتفت:مواز في شي صاير خلاج تنهاري ومحد قدر يهديج غيره بالله ليش؟!!
مواز فزت بربكه:لانه ريلي شي طبيعي يعني أأ..
وطالعت ف مها اللي مبققه عيونها فيها وترمش باستغراب:ريلي؟!!!
ووقفت وهي تتخصر بثقه:اكدتيلي في شي صاير بينكم
مواز تتبسم بغباء تحاول ترقع:لا والله ما..
مها قاطعتها بحماس وهي تشهق:عرفت
مواز رمشت ببلاهه:وشو عرفتي؟!!!
مها بنص عين وابتسامة جانبيه:هو قرب منج؟
مواز انصبع وجهها وصرخت ف مها:تششششششششب... وش هالتفكير الخايس...
و ف قمة التوتر وهي تتذكر قبلات فيصل من اول ماملك عليها ولمساته صابتها قشعريره وبصرااااخ مستنكر وبقرف:وييييع انا يقرب مني هالمليق ويييع ويييع
مها:ههههههههههههههههههههه? ?هههههههههههههههههههههههه ههه بلاج انزين امزززح؟!!
مواز عصبت وبتوتر:ليش تضحكي؟
مها نقعت ضحك ع توتر مواز الواضح:هههههههههههههههههه? ?هههههههههههههههههههههههه ههه
كملت بالمصري وبنص عين:شكله عامل فيكي عمله

مواز عصبت وصدت بتروح:انا اروح احسلي تفكيرج خايس ومعفن... هالاحمد مخربنج
وطلعت ومها ميته ضحك على شكلها المنحرج....
مواز رجعت وبقهر:بعدين كيفه ريلي يعني انا حلاله هه
مها بخبث:عيل دام حلاله ليش تبي تتطلقي؟
مواز تخصرت بغرور:لاني ماباه.... قاصر هالمليق يتحكم فيني وانا للحين باول عمري ماتهنيت بشبابي وييييع اماااا... هه انا اش مجلسني اصلا عندج ام تفكير خايس
مها لحقت عليها قبل لاتروح:لحظه تعالي بندرس مع بعض احسلج انا ملخصه ومخلصه عاد بسهل عليج المذاكره
مواز:ان شاء الله يله مع السلامه
وراحت عنها..
مها ردت تضحك:هههههههههههه والله واخيرا جا من كسر راسج ياموزوه

وعند مواز اللي تتذكر اللي بينها وفيصل وخلاها تنهار....

فيصل وقفها قدام الكرفايه:انطقي عيل...
مواز وهي كاتمه غصتها ماتحاول تبينله خوفها ويدها ع يده اللي ع شعرها:فلت اول
فيصل منقهر منها رغم كل شي بعدها تعاند ومتماسكه ورافضه ترضخله...
دفها ع الكرفايه بعنف وبصوت غااااضب وشرس:بتنطقي ولا كيف؟!!
مواز وهي تلاهث بشكل ملحوظ بس بعناد ورجفه كبيره:لا تفكر حتى تهددني
وصرخت فيها:ياحيــــــــــــــــ? ?واااااااااااااااااااااان
وقامت بسرعه نطت من الكرفايه للبلكونه اللي كانت مفتوحه...
فيصل لحقها بسرعه وهو خلاص دمه ثار منها:موااااز

مواز اللي وقفت متلتهه ماعارفه شتسوي الارتفاع شاسع مافي امل تعيش...
قدامها الموت و وراها فيصل...
سمعته يناديها وهو يركض لها...
وبكل جنون قفزت..

فيصل اللي لحق عليها ومسكها و بحكم جسمها الصغير قدر انه يرفعها لحضنه بسهوله...
مواز وهي تلاهث برعب وترجف فحضنه اول ما لمها اكثر له وهو يكرر ((مجنونه.... مجنونه)) نزلت دموعها وهي توها تستوعب انها كانت بتنتحر يعني بتدخل النار وين راح عقلها لهدرجه ايمانها ضعيف اش صارلها؟...اش وصلها لهالمرحله من الجنون؟...اش وصلها لاحضان انسان من عرفته عفس حياتها عفاس؟!..
فيصل حس بعدم مقاومتها له...بعد عنها خاف انه خنقها من قوه مالمها لصدره...
اول ماشاف دموعها رق قلبه ونسى كل شي..
كفن وجهه وهو يمسح دموعها بلهفه وحنيه كبيره:لا تبكي يا روح فيصل.. دموعج غاليه
مواز ماتحملت حنيته وهي محتاجه لانسان فهالوقت تبكي بحضنه تعبت من الثقل اللي يكسر ظهرها...
ارتمت فحضنه مره وانخرطت فزوبعه بكا مرير...بكت كل شي...بعدها عن خواتها وشوقها لهم...اللي صارلها واللي يصيرلها...خلاص تعبت ماعادت تتحمل...و جدها جدها ذبحها... اكتشفت قسوته...كل شي تولف عليها مره وحده....
فيصل خلاها على راحتها وهو يمسح على شعرها مايدري من وين جاب كل هالحنان ليش يرق قلبه ويذوب لها...من عرفها وهو يكتشف انه يعشقها اكثر من اليوم اللي قبله...
لهدرجه اللي سواه فيها خلاها تفكر تنتحر ولا حتى تتردد... جدها تصرف صح ولا هو اللي غلط؟!... المهم البنت الحين ف ذمته... ولازم يهتم فيها هذي امانه ورح يتحملها... لانه هو سبب كل اللي فيه الحين

مواز وهي متخدره وقواها متشتته...فيصل نزع عنها قناع القوه قناع التحمل قناع العناد...ذابت فأحضانه...مثل طفل كان محتاج يبكي على اول صدر يلم بعثرته ويتربها...
فتحت عيونها وهي تحسه يبعد عنها...حطها ع الكنبه وجلس عدالها وهو يكفن كفوفها وبحنيه:كافي دموع حياتي خلاص قطعتي قلبي
مواز وهي تمسح دموعها اللي ينزلو برجفه وشهاق:ابــ...ـا....أ...كــ...ـلـ م....شــ..شــ..شــ
فيصل عض شفته بقهر:شهااااب ليش؟!!
مواز سحبت كفوفها منه و صرخت بكل جوارها بقهر وهي تحس نار شاعله فصدرها...وجسمها خلاص تخدر وماعاد فيه طاقة و بشهاق ومن وسط زوبعه بكائها وهي كارهه ضعفها قدامه ضعفها اللي قهرها دوووم معه وحنانه معها:عشان يطــ..ــلق..... علـ...ـيا...لانه......
جمعت بقايا قواها:طلاقهم باطل...
فيصل سكت وهو يسمع منها التفاصيل وهي مب فوعيها...وتحكي بشهاق وهي كارهه قربه كارهتنه... غص و سكت...وهو يسمع منها التفاصيل تحكيله بدون وعي وبشهاق...يسمعها مركز معها ومنصدم...و قلبه معها... وده يردها لحضنه بس يخاف تنهار عليه أكثر...
مواز مسحت دموعها بدفاشه وهي كارهه نظراته لها برجفه:ردني البيت...
فيصل وهو راحم حالها:مو قبل لاتهدي
مواز صرخت فيه وبقايا الدموع فوجها:ياخي خلي عندك ذرة احساااااااس....ترااااك ذبحتني

تنهدت بقو وهي توصل شقه صقر شافت هندي يصلح الباب.... ودقت الجرس...ماتقدر تدخل خاصه سمعت اصوات الشباب معبيه المكان...
******************************************

******************************************
وعند البنات...
منى بصراخ:تكلمن كيف شلها وبأي حق؟!!!
مهره سكتت عنها وهي تفرفر اوراق الكتاب اللي بيدها....
دانه متكتفه تطالع التلفزيون:مدري
منى بصراخ:كيف تسمحن لغريب يدخل البيت ويشل وحده منكن ولا تسون شي على الاقل صرختن؟!!!
دانه....
مهره....
منى اللي عصبت وفار دمها على سفهه مهره ودانه لها.... بندت التلفزيون وسحبت الكتاب من مهره وفرته بقهر:لا تحقرني وانا اكلمكن
مهره وقفت بعصبيه مكتومه:ليش تفريلي كتابي ابذاكر كان بفلح وافتك منكم هه
وراحت شلت كتابها ودخلت عنهم الغرفه...
منى طالعت فدانه اللي جالسه تطالع ف منى ببرود:نطقي شو مخبيات عنا؟
دانه وقفت:انتي وش تبي تعرفي بالضبط بخبرج؟
منى تخصرت:كل شي
دانه:مثل؟
منى:بأي حق شهابوه يشل عليا وموزوه اش سالفتها مع اللي جا يخطبها و مهره بعد وانتي وش سالفتكن؟
دانه تكتفت:عليا.... شهاب ردها... و مواز مب ابوج اللي ملكها يعني اسألي ابوج عنها وعنه... و مهره متوتره من الامتحانات كان بتقدري وبتخفي عليها... وانا...
بلهجه تحدي وثقة:أحب صقر وبنتزوج
منى انقهرت:انتي تبي بس لاتستفزيني؟!!!
دانه ببرود:عبالج معرف ليش ابوج الموقر معيشني معكم وتبناني لاء وناسبني له... وهو مايطيقني ويمثل علي الحب والحنان؟!!
منى تبسمت بمصخره:هه زين عرفتي يابنت الفقر
دانه بنفس لهجة منى الساخره:هه اقول لا تتعشمي وايد تراني بنت ناس... واعرف نسبي زين... واعرف وش سويتو بأخوي اللي هو ابو البنات بس ساكته بمزاجي فاستريحي وحركاتج اللي مالها داعي بطليها ترا من انفجر ما اعرف اللي قدامي... وقد اعذر من انذر
منى بقرف:يمه خفت... اقووول مشي بوزج... خووووفتيييينييي.... هيه انتي اصحي... اصلا لو فيج خير مابتنطمي للحين ولبكره بعد... تدرين ليش ماتقدري تنطقي ولازم تنطمي؟!!
دانه.....
منى كملت بثقه وغرور:لانه التهمه لابستنه و محكوم عليه خلاص ومامن الكلام اي فايدة... وترى للعلم انتي الخسرانه الوحيده من السالفه بس تنطقي... هه استريحي انتي ياماما
كملت وهي تأشر على دانه بسبابتها من فوق لتحت بقرف:ابوي ماتغلبه نتفه مثلج... بس اللي مصبرنه عليج صقر... لو قطج فالشارع اكيد اخوي الغبي مابيودرج... وهالشي اللي ابوي مايبيه... تبقي تحت عينه يعني يكسب اجر فيج بعد احسن من انه يبتلي اخوي المسحور فيج طول عمره... هي بس ايام قليله وتأكدي رح ترجعين للشارع هه
دانة....
وطلعت عنها بغرور...

و فهالوقت فالشركة....
فارس:طال عمرك....كل الترتيبات جاهزة
فهد وهو يرجف من العصبيه يحس قلبه بيوقف بس كاتم لازم يهدا ويفكر بهدوء بس ماقادر يهدا وهو يتخيل عليا مع شهاب بروحها ماقادر يستوعب...
غمض عيونه بقو وهو يتذكر كل اللي خبرته به منى...
فارس:طال عمرك...
فهد:ابدا فارس لازم اليوم تبدا مافي وقت
وبداخله بركان:الا عليا ياشهاب الا روح فهد... ان ماحرقتكم ماكون فهد
******************************************
وعند شهاب اللي اخذ عليا لبيته....
عليا اللي اول مافتحت عيونها فزت مفجوعه وهي تتأمل الغرفه اللي هي فيها...
تنهدت بقو وهي تتذكر شوي شوي اللي صار معها... هي وينها فيه وش وصلها لهالمكان؟!...
شهاب!!
معقوله اللي صار لالا تحلم اكيد هذا واحد من كوابيسها اللي ماتخلص...

مسكت راسها تحاول تهدي نفسها...

وقدام باب الغرفه شهاب اللي يروح ويجي بيدخل ومتردد ماعارف اش يسوي او اش يقولها بشو يبرر... يحس عمره بيستخف...
اخيرا تشجع و دخل...
عليا اللي فزت اول مانفتح الباب...شافت شهاب يطل عليها بلعت ريجها بغصه...
يعني هي تحلم وبعدها تحلم اش هالحلم هذا؟!!
شهاب استغرب نظراتها وهدوئها الغريب...سكر الباب وراه وقرب منها بتردد...
عليا نزلت من على الفراش وراحتله بثقه..
شهاب وقف وهو مبقق عيونه يشوفها تقرب منه بثقه.. وقفت قدامه بعبوس تتأمله...بلع ريجه وهو يحاول ماتطيح عيونه بعيونها...
عليا مسكته من ثوبه:انت متى رجعت؟!!
شهاب يحسها ما فوعيها توها من شافته طاحت مغمى عليها:أاااا...
وصد عنها وهو يحك راسه...
عليا بعدت عنه... تتأمله...
توتره...
ارتباكه...
تردده...
شهاب فز لما لمست يده طالعها مب مستوعب تصرفاتها:بلاها لايكون استخفت؟؟!!
عليا وهي تلمس يده البارده:اكيد هذا حلم؟!!
وطالعته...
شهاب فهم اخيرا سبب هالتصرفات ونقع ضحك:ههههههههههههههههههههه? ?هههه ايه هذا حلم ويتحقق
سحب يده منها وتشجع يقرب منها... بما انها تحسبه حلم قرر يستغل هالفرصه لصالحه:خلينا نتكلم

عليا هزت راسها بموافقه:طيب تكلم
شهاب مسك كتوفها:عليا وربي احبج... بعدج ذبحني يابنت الناس
عليا تتطالعه ببرود....
شهاب بعد عنها كارهه برودها يحس في شي غلط مب قادر يتفاعل او يتكلم يقول اللي ف خاطره:انا.... آسف
عليا....
شهاب بلع ريجه:هو كل اللي صار
وصرخ فيها مب متحمل برودها الكبير:انتي ليش ماتكلمتي من قبل؟!... ليش سكتي ترا اللي سويته ذنب ورح تتحاسبي عليه؟!!
عليا تتطالعه بنفس النظرات البارده وبهدوء:بس انا ماكنت اعرف... عرفت عقب صدفه ومواز قالت بتتصرف لانه صقر ماكان يقدر يساعدنا وجدي بيذبحك اكيد
شهاب سكت ميت على برودها وميت على كلامها مب عارف يصرخ يبكي يضحك مايعرف اش يسوي بتجننه اكثر...
عليا قربت منه مره وهي تمسك ثوبه مثل الاطفال وتتطالعه بتأمل:خلك معي... لاتتركني مثل كل مره... اول ما اصحى ما احصلك معي
شهاب بيموت خلاص يحسها استخفت عليه الصدمه اكبر من انها تتحملها مايدري وش يسوي كان لازم شوي مايستعيل و يرد لحياتها بكل ذاك الجموح واللي ماقدر يتحكمبه وسيطر عليه...
لمها يحس خلاص قضى عليها... اول حطمها وتركها تعاني ومن رجع طير اللي باقي من عقلها... هو وش سوى وش يسوي مايدري...
يحس قلبه يذوب ينكوي يسيح... بين ضلوعه...ماقادر حتى يتنفس من الغصه... والمراره الفضيعه اللي بحلقه...
عليا بعدت عنه بفزة:لا تقرب
شهاب خلاص تعب تأكد انه رجع وكمل عليها...
طاح على ركبه يلاهث:لالااااااااا
مسك راسه برجفه وش يقول لصقر وش يسوي كيف يحل هالمصيبة... عليا استخفت خلااااص وهو السبب
عليا جلست قدامه و هي تبعد يديه عن راسه:ليش تصيح؟!... لاتصيح انا معك ماكان قصدي شي بس انت خنقتني
شهاب وهو يرجف من بين دموعه المتمرده بقهر:عليا تعرفيني؟
عليا تبسمت وهي تمسح دموعه:بس لاتصيح
شهاب انهد حيله خلاص ارتمى فحضنها بتعب:آسف
عليا وهي ترمش باستغراب:انت كبير مفروض ماتصيح
شهاب.....
عليا:من مزعلنك؟
شهاب ماتحمل اكثر وقام طلع عنها وكسر كل اللي قدامه فالصاله... طلع كل حرته فالاثاث والتحف وكل شي يطيح قدامه...
طاح منهد حيله يحس بتعب فضيع والنار فصدره ماطفت... تحرقه اكثر من قبل...
ما حس الا بيد ع كتفه صد بسرعه شافها تتأمله بنفس الملامح... غص
عليا:ليش كسرتهم؟
شهاب....
عليا:خلا ننام
شهاب طالعها بدون ملامح...
عليا تبسمتله ببراءه وهي تشد يده:قووووم
شهاب....
****************************************
فيصل اللي اصلا ينتظر مواز اول ما سمع الجرس فز يشوف من خاصه انه المصلح بعده يصلح الباب...
مواز توها تدق الجرس الا بفيصل يطل عليها...
فيصل:ادخلي...
مواز بلعت ريجها:سويلي درب لاه
فيصل تكتف:اللي يسمعج مايقول كنتي وسطهم قبل ايام
مواز انقهرت منه:زين بعد من طريقي ابدخل
فيصل عقب ما بعد المصلح:تفضلي يامدام
مواز خطفت من قدامه وداست ريله بالعمد ودخلت بسرعه...
فيصل عورته بس لحق عليها ومسكها قبل لا توصل الصاله:هيه انتي
مواز من بين اسنانها:فلت احسلك
فيصل يهزها بعنف:هالحركات ودريها احسلج
مواز تحاول تحرر يدها منه:خليني اروووح اشوف صقر... لوعتبي تراك اوووف غثة
فيصل اللي استفزه كلامها لزقها فالجدار اللي ورها بقو ومسكها من كتوفها بعنف:كم مرة انبهج على اسلوبج معي... عدليه لا اضطر اعدله لج
مواز خايفه منه بس ماتباه يحس بخوفها... وبعكس اللي بداخلها... بقو و مصخرة:هه اشووف حلالك دور الزوج يالهيلق
فيصل بدون ملامح مساك اعصابه:ألفاظج عدليها
مواز تبسمت بمصخره وهي تكمل بثقة:اسلوب العنف والتهديد مايمشي معي تبا تضرب اضرب... اوه نسيت انت ماد يدك علي اصلا
فيصل غص ع كلامها وهو يتذكر ايدها... بعد عنها بسكات
مواز بثقة:هه... مو يعني شفت دمعتي كم مرة خلاااااااص كسرت راسي... ترا لا انت ولا عشرة من امثالك يقدورن علي
ومشت قدامه بغنج ودلع...

ماحست الا بشي يشدها ويردها للجدار..
مواز صرخت بخوف وفيصل يحاصرها الغضب يطلع شرار من عيونه:هذي اخر مره اطوفها لج واسكت... المره اليايه لاتنتظري مني اقل من اني ابكيج أيام مب دقايق وساعه اياااااااام واظن عارفه زين اني جاد وما امزح... مو انتي يالنتفه يالفاشله اللي تكسر كلمتي.... وهالهيلق ع قولتج اللي مو عاجبنج هو زووووووجج رضيتي ولا لا وفكرة الطلاق مسحيها من راسج هالمعفن
مواز وهي ترجف وانفاسه تلفح وجهها... وهي تدفه عنها بقو:مش بوووزك... و طلاق بطلق ومحد معفن غيرك يالمعفننننن
فيصل من بين اسنانه:هالمعفن زوجج
مواز استفزها اكثر:تخسي انت يالمعفن يالزباله تكون زوجي انا وتوصخني هـ...

مواز تيبست مكانها وارتفعت درجه حرارتها ماحست الا باصابعه اللي غارسنهم فشعرها من تحت الشيله و....
فيصل باغتها بقبلة حارة امتصت كل غرورها وثقتها فدقيقة...

بعد عنها وهو حده مبسوط من شكل وجهها المحمرالمولع ورجفتها وهي تحاول تتوازن فوقفتها... تتطالعه بضياع... وبلهجة تملك مالها حدود:انتي لي انا وبس... هالقرف اللي مو عاجبنج رح اعيشج فيه غصبا عنج

عند الشباب....اللي مانتبهو لصرخة مواز بسبب الفوضه اللي مسوينها... بس ذياب اللي مبعد عنهم يحاول يتصل فأخوه اللي طول عليه وهو يحاتيه سمع الصرخه وطل يشوف....
بقق عيونه وهو يبلع ريجه من اللي يشوفه قدامه صد بسرعه و رجع عند الشباب...وابتسامه عذبه تنرسم ملامحها ع وجهه
عمر:هاه بشر؟
ذياب:ها... لاشكله بعده مشغول
عمر وقف:اقوم اشوف خالي...
بقق عيونه وهو يشوف مواز تركض لغرفة صقر و فيصل جاي صوبهم...
عمر:اش فيها؟
فيصل وهو يطالع عمر ببتسامه:لا مافيها شي بس تعرف يبالها وقت لحد ماتتعود علي
عمر رفع حاجب:مافهمت
ذياب:هههههههههههههههههههه? ? والله وبتلت هالمسكينه فيك
فيصل طالع ذياب بنص عين:والمقصود؟
عمر بمحاتاه:هي بخير؟
فيصل:ايه عمر لا تحاتي
عمر وهو من قاله جده انها تكون اخته مافارقت هالفكرة راسه يبا يتأكد ويرتاح بس ماعارف كيف.. سكت عنهم وهو يسمع خالد يناديه يشاركوهم السوالف...

ذياب وهو متكتف ويطالع ففيصل اللي يطالعه ورافع حاجب:انزين وش هالنظره؟
ذياب:كنت رايح ابكلم شهاب وشفتكم صدفه
فيصل تبسم:اها
ذياب بجدية:فيصل...
فيصل قاطعه بسرعه:الحين هي زوجتي و كيفي
ذياب:طيب لاتضغط عليها يسد من طلعت بحياتها عفستها فجأة تكتشف حقيقتها وتعيشها رعب و عقب تسير تخطبها و تكسر ايدها و تملك عليها ثاني يوم حرام بعد تزيدها ب...
فيصل قاطعه:هالبنت مايمشي معها اي اسلوب يبالها اسلوب غير
ذياب باستنكار:لاه
سلطان ينادي عليهم:هيـــــــــــــــــ? ?ـــــــــــــه انت وياه شتسوووووون هناااك
فيصل:جايين خييييبه...اش تبا؟
سلطان:ابا عشا ياحمار انت وياه
ذياب بعصبيه:لا تسب
فيصل سحب ذياب معه:زين نحن بنروح نجيب عشا
أحمد:هههههههههههههه تعال تعال....انا طالب عشا

وعند مواز اللي دخلت وركضت للحمام وهي تغسل شفتها بقرف...وتتلمسها برجفه ودموعها تنزل بتمرد وهي تشاهق بلوعه كبيره:الله ياخذك يالحقير.... حثاله حيوااان اكرههههك اوووووف
مسحت دموعها بدفاشه:بجيب النسبه وبفتك منه لازم اشد حيلي لازم
فزت منتقزه ع دق باب الحمام فتحت بسرعه وهي تشوف صقر:انت بخير؟
صقر باستغراب يطالعها من فوق لتحت:مواز؟!!
مواز نزلت دموعها:اسفه والله مو مني زايد دلعي هاليومين ماكان قصدي اخوفك علي والله
صقر وهو يقودها للكنبه:خلاص انزين علميني الحين كيفج؟
مواز مسحت موعها:الحمدلله وانت؟
صقر تبسم بذبول:انا بخير... ماكنت اعرف انه فيصل عنده اسلوب بيقدرلج
مواز غصت وانقرفت من طاريه وهي تحس شفايفها تحسسو:لو ما يوريني رقعه وجهه هالفتره يكون احسن
صقر طالعها باستغراب كبير:افا
مواز ترقع:ابا اركز وهو كله يشتت افكاري وستفزني ومدري وشو... ما اتحمل تصرفاته غبي هه
صقر حس في شي صاير مواز ماترتبك وتنهار الا شي صاير بينها وبين فيصل كره تدخل حد غيره فالبنات....
و بمسؤوليه:طيب اعتمدي علي... ان شاء الله مابتشوفيه... وبعد بردج تكملي مذاكره عند خواتج
مواز فزت بفرح:قول والله؟
صقر تبسم ع فرحتها:ان شاء الله بس انتي الحين قومي ريحيلج شوي وبكره نتفاهم
مواز لمته بفرحه كبيره:احبك صقوووور
صقر:هههههههههه صقور هاه
مواز قامت بسرعه تفصخ عباتها:يله انا بنام
صقر:هههههههههههههه صبري بتتعشي اول
مواز:لا متعشيه مع ومها عاد
***************************************
مرت ساعات الليل...

وعليا نايمه بحضن شهاب اللي مانام طول الليل يتأملها وقلبه يتقطع عليها... وهي ولا حاسه فيه نايمه بعمق شديد...

مواز نامت ف غرفة صقر اللي تطمن عليها طلع للشباب اللي كانو متجمعين عنده...

البنات...
مهره نامت من وقت عشان تقوم تذاكر من وقت بس مانامت الا بعد ماخذت منوم ونامت غصب...
دانة سهرانه وبيدها روايه وهي تقرا بدون وعي وتفكيرها غارق في ماضي دفين وأليم...
منى اللي نامت من وقت عقب ما اتصل فهد وخبرها بيتأخر لا تنتظره...

فهد وفارس سهرو يجهزو ليوم حافل يفاجئوبه الشباب...اللي متجمعين مع صقر وناسه وضحك وسوالف وثقل...

أحمد الي طالع فساعته وشهق:ولللل.. الوقت تأخر...
ووقف:يله عاذرتكم...
سلطان:خذني معك...
خالد وقف هو بعد:انا بعد بسير اليوم عند الوالده اشتقتلها
ذياب:ع اساس مطرود من الفله
خالد بعدم مبالاه:ساير لامي مب له
ذياب وقف هو بعد:لحظه خليني اوصلك على طريقي
عمر:وين؟!... انت ناسي شهاب شال عليا عنده بالبيت؟!!
ذياب:ههههههههه زين جات منك لاني جالس افكر وين ببات؟
صقر تبسم:افا عليك بس... الشقه واسعه
فيصل:اقول حرمتي بعد فالشقه الواسعه ترا وتبا تذاكر هااااه تذكررووووهااا
ذياب:ههههههههههه اووووف يالغيوووور مذااكره هاه
أحمد تبسم:ههههههههههههه والله مو لايق عليك
فيصل تبسم بخبث:اقول ياللي لايق عليك وش رايك نخلي البنات يباتون فشقتك ونحن نبات هنيه احسن واريح؟
احمد:ا...
خالد قاطعه بسرعه:فكره حلوه وبعدين اكيد اخوي عادي معه لانه حرمته الحين وقت اختبارات يعني عادي صح اخوي؟
أحمد عصب وهو فاهم قصدهم ونغزاتهم له:تشششب وعن قلة الادب
فيصل بنذاله:خلاص انا بدخل اقوم المدام واشلها عند حرمتك
احمد صرخ:هيه مب الحين بعدين انا للحين ماتعشيت ابنزل واخذ دش وكيه يعني وعقب اقولك تجيبها... انتهى النقاش
وقام بيروح:هيا سلطان قوووم
سلطان بتعب:غيرت رايي تعبااااان بنام عند الشباب
احم:براحتك انا برجع ترا باي
وراح عنهم بسرعه...
خالد:هههههههههههههههههههه? ?ه شرد بسرعه
عمر:احرجتوووه
صقر:وبعدين من قال مواز بترضا انت تشلها خليني بكلمها و برسلها بروحي مايحتاج انت تشلها ولا تتدخل اصلا
ذياب وخالد صفرو....
فيصل:من ماله دخل؟!!... حرمتي ومحد يقدرللها غيري
عمر مسك راسه:لاحول ولاقوة لاا بالله عاد يباها من الله يغث هالفقيره
فيصل:والله اونه لاتتدخل وانا اللي مضبطله امورها قبل شوي
صقر وقف.:لانك السبب ف تبهدل امورها ف لازم عليك ترتبيها غصبا عنك اصلا
عمر وخالد طالعو بعض باستغراب ع لهجة صقر الحاده...
فيصل بجدية:طيب البنت عندك لحد ماتطلع النسب وعقبها نتفاهم... يله فمان الله
ذياب:يله خالد مشينا
ولحق فيصل بسرعه...

خالد طالع فعمر اللي تنهد ولحقهم بتحفظ على اللي صار...
صقر اول ماطلعو لعمر:لاتقول شي اعصابي تعبانه
عمر قام بتنهيده وهو يشوف المصلح اللي واقف ينتظر فلوسه...
صقر دخل ع مواز اللي نايمه بعمق تنهد بقو وهو يشوفها نايمه ولا حاسه بشي:ياترى وش اخبار عليا و مهره والحب دانه؟!... واختي الغبيه ااااه بس اه يامنى
************************************
طلعت الشمس...

وخالد بحضن امه شبه حي...
امه تمسح على شعره وتقرا عليه...
أحمد دخل بفجعه:بلاه يمه؟!!
امه تهديه:اشششش توه بس هدا
أحمد وهو يتأمل اخوه اللي يطالع فالفراغ بذبول و بدون ملامح وراسه بحضن امه اللي تمسح عليه:وش صار؟... توه من ساعات كان معي بخير؟!!!
امهم ببرود:مشي بس مدري دورته تكنسلت... انلغت... تأجلت... مدري
أحمد شهق بفجعه مالها حدود:شوووووووووووووووووو؟? ?؟؟!!!!
امه صد عنه وهي تطالع فخالد...
احمد عرف انه ورا السالفه جده:جدي السبب صح؟!!
امه بلعت ريجها:مدري
احمد ماسك اعصابه لاينفجر ومن بين اسنانه:يمه
امه صرخت فيه:روووح انت لحرمتك هذي اخرتكم... اعصو جدكم ووقفو فوجهه تستاااهلووو ياما حذرتكم بس عنيدين نفس ابوكم هه
احمد شوي وينفجر:أبوووي... اخخخخ بس... الله يرحمه
وطلع بسرعه لا يرفع صوته او يقل ادبه ع امه...

طلع الحديقه يرفس الارض بقهر وينفس عن قهره الكبير...
يتذكر شكل اخوه ويغص اكثر...بلع ريجه وهو يتذكر كلام امه له... فهد بدا بخالد يعني باقي الشباب بيجيهم الدور وعفط لسيارته وهو يتصل..
:الووو
احمد بلهاث ولهفه:وينكم؟!!
بصوت ناعس وهو يفكر عيونه:وش تباا وش فيك تصااارخ؟!!
أحمد بلهاث وصراخ:جدي ترا متحلف فينا واحد واحد واليوم شكله الوعد
صقر طار النوم من عيونه:وشووو؟!!... اش صاير اصلا وانت وينك احيدك نايم عدالي؟!!
أحمد:امي اتصلت فيني تقول تعال شوف اخوك حصلته فحاله مايعلمبها غير ربك
صقر فز:ليش وش فيه؟!
أحمد بغصه:اسكت منهار... امي متصلتبي عشان تنبهني وتخبرني استعدو الدور جاينكم
صقر قبضه قلبه:البنات!!
أحمد تنهد:لااا تحاتي اكيد بيبدا فينا... شكله امس سهران يزهبلنا حفله لليوم
صقر مسك راسه:يعني وش يقدر يسوي؟!
أحمد بضياع:مدري مدري.. كل واحد بيستغل نقطه ضعفه نفس خالد
صقر:الا خالد وش سواله؟
أحمد عبس بقهر:ألتغت مدري وشو دورته
صقر صرخ بستنكار:مستحيييييل!!!
ذياب بانزعاج:وبعدين مع هالازعاج من الصبح؟!!!
عمر قام وبنعاس:اش هناك خالي؟!!
سلطان قام من رقاده مثل الملدوغ:يووووه تذكرت البنات ينتظرن مني خبر يعلكم.... نسيتهن بسبتكم قلتولي بنتصرف ولا تحركتو مااالت
وفز بسرعه...
ذياب وهو يحك راسه:اصبحنا واصبح الملك لله

صقر طنشهم:نقاط ضعفنا... عمر دورته بعد و انا دانه وانت... شو؟
أحمد رفع حاجب وهو يحس بصداع:شو شو؟
صقر:نقطة ضعفك
أحمد منقهر من كل اللي يسويه جده:مالي نقطة ضعف يستغلها
صقر:لا لك...
أحمد باستنكار:اللي هـ...
وتذكر مها:مها!!
صقر:الحق ع حرمتك
وسكر عنه...
عمر اللي قام غسل وجهه وتسوك وانتظر صقر يخلص مكالمته بهدوء:اش صاير الحين؟!!
صقر تأفف بقو:اوووووف الله يسلمك ابوي اليوم يومه وبدا ف خالد
عمر عبس:ويعني؟
صقر تخصر يفكر:يعني توقع دورتك تتكنسل
ذياب اللي رجع ينام:زين سكتو بسكم ازعاااج يسد مرقدينا غصب فالصاله
صقر صرخ:قوووم فزززز لازم نستعد لاسوأ الاحتمالات
ودخل بسرعه غرفته...
ذياب فز:اش فيكم الحين؟!!
عمر بتوتر:للاسف جدي بدل لا ندمره يدمرنا زياده واخوك الموقر من طلعت سالفه عليا مختفي وناسنا
وقام عنه...
****************************************