منتديات صواديف عشاق - عرض مشاركة واحدة

10-05-2023

(( ف مدارس الظهران .. الحصة الثانية ))

الجو ف الفصل كان مرة حلو وحماسي .. كل وحدة من البنات كانت تسولف لصديقاتها على اللي صار ف الاجازة والمواقف اللي تضحك وعلى كل شي سووه ...
ولما دخلت الابلة تعدلت كل وحدة ف جلستها وسكتت ..الا لينا اللي كانت مرة متحمسة وتقول لصديقاتها عن سالفة الجسر والفضيحة اللي سوتها ديمة ولاهي منتبهة على الابلة.....

الابلة : خلصتي آنسة لينا
لينا بدون ما تلتفت : لسة باقي شوي ..
البنات كلهم فقعوا ضحك ...........
الابلة : احنا اصلا قاعدين ننتظر حظرة جنابك تخلصين ...
لينا : مشكورة .. بس باقي آخر جزء من السالفة
الابلة باهتمام : وش هي السالفة ...؟؟
لينا : ا... سالفة عائلية ...
الابلة : شاركيها معانا
لينا : شاركتها مع الكل ..
الابلة : انا ابغى اسمعها ...
لينا : آسفة ... سوالف بنات ..
الابلة : صدق ..؟؟؟
لينا : أي .. انتوا الكبار تفسرون كل شي غلط .. فما له داعي ندخلكم في سوالفنا .!!

ضحكت الابلة على جرأة لينا وعفويتها ف الكلام ... مع انها تكلم ابلة .. وقررت تعطيهم حصة فراغ ....

___________________________________