منتديات صواديف عشاق - عرض مشاركة واحدة - كتبت إسمك على صدر السما و أيامي / للكاتبة حلاها (( ألايدا )) مكتملة

12-30-2023

********************************
فهد وهي يضرب يده بقو ع طاوله مكتبه الفخم:انتوووو ايش ناويين بالضبط تجننوني؟!!
خالد وعمر واحمد اللي واقفين جنب بعض قدام جدهم...
خالد بهمس:ايش هالحاله تقول طلاب الاعداديه موقفين فالطابور
عمر:اسكت احسلك حده معصب
احمد:لو المكتب ماكبير ومايشوف زين وسمعه ثقيل كان وطى فبطنك انت وياه
فهد صرخ:برد اربيكم من اول وجديد كم مره؟
احمد كشر:وانا ايش له تنازعني ايش دخلني؟
فهد بنفس اللهجه:انت اخر واحد يتكلم.. لو انك حاولت تكون ناجح وتستلم هالشركات بدل هالبغول ماكان صار كل هذا
خالد عصب:حن مابغول...انت اجبرتنا على شي حن مانباه ولا نفهمله
فهد:انت اسكت ياحيوان ماكلمتك...بعد وتراد يامسود الويه...اشوف طلعلك لسان
خالد ماسك عمره لا ينفجر:انا سكت بس لانك جدي بس ماعدت احشم حد...من احشم واحد مخرف؟
فهد عصب اكثر:والله لا أأدبك ياخوويلد بس اصبر
خالد خلاص وصل حده:انا طالع واللي تبيه سويه
فهد صرخ بتهديد:مافي مصروف والسياره بعد وبطاقه البنك بتتكنسل و الفله ماتطبها
خالد طلع السويك وفره قدام جده ع طاوله المكتب:هاك سويك السياره
وطلع بوكه وفر البطاقه:والبطاقه...والفله اصلا ماعدت اطيقها احسسسن جات منك
وطلع ليسنه:تبا بعد الليسن؟...لو تقدر كان سحبته مني...خلاااااااااااص كااافي اختنقت منك يالشيبه
وطلع معصب...
عمر و احمد اللي مبققين عيونهم ع الاخر مامصدقين اللي صار...
فهد بلع ريجه يستوعب...خالد المدلل اللي مايستغني عن الرفاهيه والفلوس...اخر العنقود ودلوع امه اللي ماتهون عليه لازم يشوفها كل يوم ولا يقدر يفارقها شهر... بيهد الفله وامه وكل شي؟؟!!!...
خالد اللي رجع...
فهد تبسم بسخريه:ههههههههه ماسرعك مارجعت
عمر تنهد بفشله...
خالد كشر وحط ورقه قدام جده بقو ودفاشه:هاااك استقااالتي وقعتها او لا مايهمني...لاني مابا شي منك حتى حصتي واسهمي فالشركات ماباها
ورجع طلع وسط ذهول فهد وفرحت عمر...
احمد تقدم هو بعد وطلع السويك:هذي سيارتك خذها مشكوور...
وطلع مفاتيح:وهذي مفاتيح الفله قصدي فلتك...وقبل لا اطلع...مشكور على كل شي سويته لي...واول شي تزويجي
فهد حده معصب ماقادر يستوعب اللي يصير:شجعك اخوك الكلب الصغير؟!... ترا بكره يجوع ويتبهدل ويرجع ذليل وبتشووووف لاتغرك مسرحيته... وبعدين انت ناسي لك حصه فالشركات من بيديرها ياعديمين المسؤوليه؟
احمد بدون ملامح:محد غرني...انا من زمان مقرر هالشي وكنت انتظرك ترجع
وتبسم:وحصتي بعتها...مع السلامه
وصد بيطلع بس..
فهد صرخ:لمن؟؟؟؟
احمد تبسم وهو يكمل دربه:لشريكك الجديد
وطلع..
عمر تنهد وتقدم لجده:انا مابستقيل ولا بسوي نفسهم..مو لاني ماقدر بس لاني ماريد...بس بسألك...انت ليش تسوي كيه فينا؟....ماعتبرت من عيالك؟!
فهد ناظره بصدمه:شوو؟؟!
عمر بحزن:للاسف ياجدي اكتشفت انك كل هذيك السنين اللي كنت تزرع حقد امي فقلبي وهي بنتك كنت تزرع ذكراها فيني...امكن كنت بنساها لو ماكنت تذكرني اكرهها دوووم وتسود صوتها فعيوني...امكن لو محد ذكرها من صغري قدامي كنت مابعرفها ولا بتذكرها...اعتبرتها ميته وخلاص...بس للاسف انت واحد اناني معرف كيف هان عليك عيالك؟!!!
وصد عنه بيطلع...
فهد بغبنه:كنت احسب اني احميهم
عمر وهو يصد لجده بأسف:للاسف دمرتهم
فهد تنهد بقو....وصد عن عمر بغصه
عمر سكت وطلع بخيبه...
********************************
صقر اللي انفجع من شكل الدم ووقف قلبها من شاف دانه مرتميه تتألم وتأن ومهره عدالها عفط صوبهن:ايش صار؟
مهره بمشاعر ملخبطه تشرح بلخبطه:انت دفيتها ع الرف وطاح عليها جيك الماي وتكسر((رف مصفوفه عليله جيكات زجاجيه))
صقر مافهم شي غير انه دانه تعورت:طيب طيب
دانه اللي تتألم:اااه
صقر تقطع قلبه وهو يشوف رجلها كيف تنزف وجروحه غريز اول ماركز عليها شاف بقايا زجاج مكسور خارقه رجلها شهق بفجعه:مهره هاتي عباتها بسرعه
مهره بلمت:هاه؟؟!!
صقر صرخ فيها:هاتي عباتها
مهره وقفت متلتهه وهي تدور ع الباب بغباء:زين
صقر اللي قرب من دانه:تحملي شوي معلش
دانه فتحت عيونه ع صوته...شهقت توها تنتبه لوجوده كانت مغمضه تدارك الالم ماتبي تصيح رغم الوجع ولا تشوف الجرح ريحه الدم ملوعتبها...
صقر شاف الدموع بدت تتجمع فعيونها طار عقله...
مهره جابت العباه:هاك
صقر سحبها منها ولفها ع دانه المنصدمه من حركته...توها بتستوعب ايشي سوي ماحستبه اللي شايلنها بين يديها..توها بتعترض بس ماخلاها تنطق الا وهو طاير بها للسياره..
مهره شهقت ع حركته وهي تكتم شهقتها ومبققه عيونها...
عليا اللي بتدخل بس بعدت بسرعه عن درب صقر وهي تشوف دانه بين يديه..بلمت:على وين؟
صقر ماعبرها وكمل طريقه بسرعه..
مهره وقفت جنب عليا بصدمه:هذا استخف؟!!!!
عليا:ايش صار؟
مهره:انتبه انه عورها قام استخف وعلى شوووفتج
عليا جاتها ضحكه:هههههههههههههههههه والله وهبلنا فيه بيلقاها من موزه ولا دانه؟
مهره:على طاري موزه هي وينها؟!!

مواز اللي اول ماحصلت مكان امن تخبت بسرعه واتصلت ع فيصل لانها حلت الالغاز فالمذكره عشان تأدبه بس شكلها احتاجت له وبسرعه اتصلت...
فيصل اللي كان جالس يغث سلطان:ههههههههههههه ادب
سلطان بقهر:اخخخيه خليني افوووز ولو مره فرحني ياخي عن خاطري انزين؟!!
فيصل بحقد:احلم
شهاب يشجعه:ايييه ادبه
ذياب تأفف:والله وانكم عديمين احساس ربعكم للحين ماردو من عند الشيبه المخرف...وانتو قالبينها ضحك وناسه ولعب؟!!
شهاب ببرود:لاتخاف مابيذبحهم
سلطان مطنش ذياب تماما:انت ليش حاقد علي اليوم؟
فيصل حاقد عليه حرمه فرصه كان ممكن يشوف مواز او ع الاقل يعرف شي عنها من الشباب...تبسم بغباء ابتسامه عريضه:احقد عليك ليش ان شاء الله مالاقي شغله؟!!
شهاب:هههههههههههههه والله حاله
سلطان:اصلا يابختك تحقد علي
شهاب مات ضحك:ههههههههههههههههههه حلوه هذي
فيصل:غبي والله غبي
سلطان:انا ماغبي انا بس مجنون
فيصل:مجنون يعني اهبل
سلطان:لا اهبل يعني غبي ولا تسب ترا بكفخك ياشرير
شهاب:هههههههههههههههههههه? ?هههههههههه
فيصل بقرف:بدينا ثقل دم وسخافه؟!!
سلطان يتميلح غصب:انا؟؟؟!....الله يسامحك
ذياب بقرف وقهر:اخيييه ياكرهي لحركاتك ودي بس مره وحده امسكك واكفخك تكفيخ اعلمك بياختك هذي كيف ترفع الضغط
سلطان يرفع ضغطهم:شهوووب تلعب معي؟
شهاب يمسح دموعه:ههههههه هااااه؟!!
فيصل:هيه انا الفايز انا اقرر من يلعب مو انت
سلطان:انا مزاعلنكم لاتكلموني
ذياب خلاص وصل حده:لااااا تكفى
فيصل شاف ذياب خلاص بينفجر عفط لسلطان:تعال ذياب برد فوادك فيه
ذياب ماصدق ع الله وعفط يضارب....سلطان اللي طاحو فيه:هيه ماعدل ثنين ضد واحد....لاتستفردوووبي حرااام
ذياب وهو لاف يده ع رقبة سلطان:ذابحك ذابحك
شهاب:هههههههههههههههههههه? ?هههههههههههههههههههه
فيصل اللي يساعد ذياب:ههههههههههههههه علمه الشر كيف يكون
سلطان ماقادر يكمل وهم طايحين فيه:ههههههههههههه بس بس ههههههههههههههه والله ماعيدها
شهاب لمح فون فيصل يرن:فيصل جوالك
فيصل ترك سلطان وعفط ييشوف من حصل رقم غريب ماهتم ورد:السلام
وصله صوت انثوي لاهث وفيه بحه غريبه:فيصل؟
فيصل كشر:هلا من معي؟
وصراخ سلطان وذياب معبي المكان:لحظه لحظه
وصرخ عليهم:خلااااص اسكتووو الحكووومه تتصل
الشباب سكتو يطالعو فيه...
فيصل كمل:هاه من؟
مواز بلعت ريجها:فيصل هذا انا سالم
فيصل بقق عيونه وقلبه فز:هلاهلا..
الشباب طالعوه باستغراب...
ذياب وهو بعده ع حاله:هذا بلاه قلب فجأه
سلطان:مدريبه
ذياب:معقوله بنت ويكذب علينا يقول الحكومه؟
سلطان تبسم:اكييد ولا مابيتكلم بكل هالاحترام
شهاب:ماكنه اشكالنا غلط؟
ذياب:ايه صح كنا نتابع مسلسل خليجي بايخ
سلطان تحرر من قبضه ذياب وعفط لفيصل وهو ينعم صوته:فصووول حبيبي من تكلم
فيصل فك حلقه ع حركه سلطان...وهو مطير عيونه...شيسوي هذااا!!؟؟
شهاب وذياب نقعو ضحك ع شكل فيصل:هههههههههههههههههههه? ?هههه
مواز استغربت:فيصل انت معي؟
فيصل تلعثم:هاه ايه ايه...خير؟
توه بيطلع عنهم لايورطه سلطان..
سلطان عفط مسكه:فصوووول حبيبي لاتقوووم خلك ماشبعت منك بعدني
فيصل انفجع وفلت يده من سلطان بغضب:فلت سليطن وعن حركات الدشره الغبيه هذي...اعقل
وطلع عنهم
سلطان كشر:كنه تهزأت؟!!
ذياب:الا قصفت جبهتك ياصاحبي ولازلت لاتشعر
سلطان قطب حواجبه:لحظه احس قلبي انقرص
شهاب يتقلب ضحك:ههههههههههههههههههههه? ?هههههههههههه
ذياب:هههههههههههههههه بايخ
سلطان:لو بايخ مابيعصب خويك ولا بيموت اخوك ضحك
ذياب:ياشين السرج ع البقر
وعند فيصل اللي طلع عنهم...
فيصل:الوووو سالم
مواز بغصه:اسف ازعجتك
فيصل عجبه الوضع:لا ابدا بس هذي الله يهديها ماتفهم
مواز عصبت هي اصلا شوي وتصيح من اللي صارلها وخيانه البنات فيها وخوفها من صقر بعد هو:زين
فيصل سمع صوتها تحشرج:سالم
مواز نزلت دموعها:انا معرف ليش اتصلت...ازعجتك باي
وسكرته وجلست تصيح بلوعه
فيصل حس انه فيها شي تأكد من السويك فجيبه وطلع بسرعه ناوي يروحلها...
مواز وهي تصيح.......انا ليش اتصلتبه ليش؟؟!!...ياربي كل تصرفاتي غلط بغلط غبيه غبيه...عسى صقر يمسكني ويذبحني وافتك
وكملت مناحتها...
:صقر ذبح دانه
مواز فزت:عليا؟!
عليا جلست جنبها ومواز تمسح دموعها بدفاشه:يوم دفها جت بتتوازن لاتطيح مسكت فرف اللي ع الجدار وطاح عليها الجيك اللي عليه وتكسر فرجولها...
مواز شهقت:نعم؟!
عليا كملت ببرود:ايه ويوم شافها انهبل وشلها المستشفى
مواز بلعت غصتها:كله مني
عليا حطت راسها ع كتف مواز:هههههههه مجنونه والله ركضتيه ركض مصخرتيه
مواز تبسمت:هههههه لانه منى كل يوم تغير ستايل الببيت فانا اسرع عنه واذكى لحد مايحصلني ساعه
عليا بعدت عنها وهي تضربها بخفه ع كتفها:ناويه ع اخرتج انتي يالغبيه
مواز تبسمت:هه تخيلي واتصلت استنجد بمن؟
عليا بققت عيونها:لايكووون فيصل؟!!
مواز شهقت:كيف عرفتي؟!!
عليا وقفت بشهقه:حسبي الله عليج من بنيه
مواز كشرت بندم:ماقلتله شي
مواز جاتهم ركض:بنات الحقو في واحد يبا يشوف سالم قصدي مواز
عليا:زين كملت...هذا اللي ماقلتيله شي؟!!
مواز وقفت:لانه ماقلتله شي غبي مايفهم ملقوووف جا
وراحت ركض..
مهره:من قصدكم؟
عليا طنشت مهره:و راحتله الغبيه مالت
ولحقتها ركض..
***********************************
وعند صقر اللي عفس المستشفى...صراخ فالدكاترة والممرضين عفسهم عفاس...وطلع كل حرته فيهم...
الممرضه وهي تضمد جرح دانه:اووووف هذا زوجج ازعجنا
دانه منحرجه ومتفشله من تصرفات صقر...
صقر اللي واقف ع بعد عنهم يهزب الدكتوره:بالله انتو دكاتره انتو هذا مستشفى؟!
الدكتوره خلاص صدعت منه:لو سمحت ترا هذا مستشفى مابيتكم...في مرضى وانت مسبب ازعاج كبير فياريت تطلع لا انادي الامن يتصرفو معك
صقر صرخ فيها:كلي تبن...الحين من ساعه جايبين البنت تنزف وانتو تلعبو...محد عارف يوقف الدم...بتموت وانتو تتشوفو عليها!!!
الممرضه:ههههههه شكله يحبج بجنون
دانه غاصت فثيابها من الاحراج....
الدكتوره:النزيف ووقفناه...والحين يتضمد الجرح فممكن تبطل ازعاج...اخر مره انبهك
صقر:بعد شوووو؟!!...لازم ترفعولنا ضغطنا عشان تشتغلو صح؟!!
الدكتوره:ياسستر نادي الامن
دانه اللي خافت تقلب السالفه جد:لا بليز حن اصلا خلاص خلصنا وبنروح
الدكتوره تبسمتلها:هههه معليش عشان خاطرج بس....بنسامح مجنونج
صقر مطنش تعليقاتها:شووووو بطلع؟!... يعني جرحها يباله عنايه كيف ترخصوووها؟؟؟
الدكتوره عصبت منه:الحين انت ايش دراك فالطب؟!...من فينا الدكتور ابفهم؟!...جاي تعلمني شغلي باي حق؟!!!
دانه اللي نزلت من السرير بمساعده الممرضه:شكرا...خلاص صقر خلينا نروح
صقر ودر الدكتوره:دكتوره واسطات
وراح عنها لدانه اللي جابت لها الممرضه كرسي متحرك...
الدكتوره بعصبيه:ياريت مره ثانيه تشل مرضاك مستشفى غير دام مستشفانا ماعاجبنك
الممرضه:خلاص دكتوره قدري ظروفه زوجته متعوره
الدكتوره:يقدر المكان اللي هو فيه ويحترمه بعدين حن نقدر ظروفه...
صقر قاطعها:بجي وقت ماريد مستشفى الحكومه ماحيده مستشفى ابوووج...وغصبن عنج تحترميني
دانه:صقر خلاص عشاني
صقر مقهور ع سوء علاجهم:طيب
الدكتوره:كان من ساعه سكتيه مجنون ليلى وفكيتينا من ازعاجه
صقر:مجنون دانه
الدكتوره راحت عنه كاتمه غيضها:ههههههههههههههههههه
الممرضه:من حسن حظك هالدكتوره جديده ومتفاهمه لو حد غيرها كان اشتكى عليك وبهدلك
وراحت عنهم
صقر:كلو تبن
دانه منحرجه:صقر الله يخليك روق ماصار شي يستاهل...ماحيدك كيه عصبي...صرت تخوف
صقر:بلا دلع لا اكفخج
دانه بققت عيونها:نعم؟!!!
صقر كشر:انتي متعوره فريولج ولا فذنينج ماتسمعي؟!!
دانه عبست بقهر منه:وليش معصب بعد؟!
:السلام عليكم
صقر باستغراب:وعليكم السلام
دانه.....
:اخبارج دانه؟
صقر بقق عيونه وهو يصد صوب دانه:عفوا؟!
دانه باحراج:هلا استاذ الحمدلله انت كيفك؟
:الحمدلله بخير سلامات؟
دانه:الله يسلمك بس تعورت و...
صقر فار دمه من هالادمي اللي مطنشنه ولا معتبر لوجوده اي قيمه... قاطعهم:احم احممم
دانه فخاطرها...هو اصلا معصب وبعد زادته مواز سوته مصخره...يالله وقتك استاذ عشان يدفني حيه...
تبسمت مجامله وهي تعرفهم:استاذ هذا صقر...صقر هذا استاذي فالجامعه
صقر تبسمله ببرود وهو يطالعه من فوق لتحت باستصغار:هلا
الاستاذ ماعجبته نظرات صقر اللي تخزه:تشرفنا انا علي
ومدله يده...
صقر صافحه بقوه:هلا استاذ علي انا صقر زوج دانه
دانه اللي شحب وجها من كلامه...وغصت بفجعه...
علي:اهاه
وسحب يده بألم:ماعليه انا استأذن
دانه باحراج:اذنك معك
وراح عنهم وهو يمسح يده...
صقر بغيض:عسانى مانتشرف بشوفتك مره
دانه بقهر:اش معنى هالتصرفات؟
صقر:ليش من متى حضرتج علاقاتج وديه مع اساتذتج؟
دانه انقهر اكثر منه:لا ترد ع سؤالي بسؤال
:اووووه انتو مارحتو؟!
صقر:رايحين خايفه نشرب السقايات مثلا هه
الدكتوره:اما انه....هه
ورتحت عنهم بغيض....
صقر وهو ينزل مستوى دانه ولهجه جاده:دانه
دانه وقف قلبها على جديته:هلا
صقر:ليش وقفتي فوجهي ومنعتيني اكسر راس موزوه؟
دانه وهي موطيه راسها تفرك يديها بتوتر:لان....
وسكتت...
صقر:في سبب صح؟
دانه....
صقر اللي لاحظ ملامح الحزن فوجها...راح جلس قدامها على ركبته:دانه
دانه اللي رفعت عيونها له....
صقر وهو يحط عيونه بعيونها:ايش تعرف مواز عنج وماتبيني اعرفه؟
دانه اللي بقق عيونها...وهي منفجعه...وفخاطرها:ياربي هالادمي بيجنني...كيف عرف؟!!
صقر بجديه اكبر:مارح تخبريني؟
دانه نزلت عيونها عنه بصمت...
صقر...قام مايبا يجبرها على شي...ودف الكرسي قدامه....
******************************