منتديات صواديف عشاق - عرض مشاركة واحدة

10-05-2023

(( في المستشفى .. ))

( نفس الوقت )

ما قدرت رجولها تشيلها من اللي تسمعه .. شي ما كانت تتخيله ابدا ..

شلون يصير كذا شلووووووون .......؟؟!؟!!؟

قالت الجملة الاخيرة ام سعود وهي تقعد ع الكرسي اللي جنبها منهارة .... ماهي عارفة وش تسوي ..
الممرضة مستغربة : شوبكي يا مدام ..؟؟ عم الك بنتك مافيها شي بس حامل ..
ام سعود فتحت عيونها ع الاخير وطالعت الممرضة باستغراب : شلون ...؟؟
الممرضة : عفوا.. كيف شلون ..؟؟ ماعم بفهم عليكي ..
ام سعود : من متى وهي حامل ..؟
الممرضة : هلأ هيي بالشهر التاني .. غريبي انتوا ما عرفتوا من أبل ..؟
ام سعود قررت تمشي الموضوع قدام الدكتورة عشان ما تشك بشي : لا والله ما عرفنا .. هههه حليلها شكلها ما كان يوحي ...
الممرضة : كنت بتمنى خبر زوجها بالخبيرية .. بحب بشر الناس انا ..
ام سعود : ها ..؟؟ لا ماله داعي مشكورة ما تقصرين .. هي بتبلغه احسن لما ترجع .. أ ... نقدر نطلعها الحين .... ؟؟
الممرضة : أي بتئدري .. بس بدوا حدا يجي معي يوئع الاوراء مشان ازن الخروج .. وين زوجها ..؟
ام سعود : ها..؟؟ ماله داعي انا امها وعندي بطاقة احوال ينفع
الممرضة بعد تفكير : ممممم .. طيب خلاص . ارتاحي هون وانا راح وح جيب الاوراء ..
ام سعود : طيب انا بدخل عند بنتي ... جيبي الاوراق الغرفة ..
الممرضة : تكرم عينيك ..

راحت الممرضة وتركت ام سعود متلخبطة .. ماهي مصدقة اللي تسمعه .. دلع اللي ربتها وعدتها زي وحدة من بناتها تسوي كذا ..؟؟؟؟!!!؟!؟! كيف تجرأت..؟؟!؟! وحامل بعد ..!؟؟!!؟ يا فضيحتك يا ام سعووود .. يا فضيحتك بين الناس والحريم .. اولله لا يخلوني علك بحلوقهم ... خلوني ادخل على هاللي ما تستحي اللي فشلتنا واوريها .. ان ما ذوقتها جهنم الدنيا على اللي سوته .. ما اكون باسمة ....!!!!!!

دخلت الغرفة والنار يطير من عيونها ... وهي تسب وتلعن بالساعة اللي شافت دلع فيها ....

دلع كانت ممددة على السرير وعيونها شبه مفتوحة .. ودموعها تنزل وتصبب .. وحاطة يدها على بطنها ... ويوم شافت ام سعود خافت .. خافت مرة .. شافت كل انواع الكره ف عيونها وماتحملتها .. حاولت تتكلم بس باسمة ما خلتها ف حالها .. مسكتها من شعرها ورفعتها شوي ...

باسمة : ارتحي يا بنت الكلب...!؟!؟!؟ ارتحتي..؟؟ صار اللي تبغيه .. هذا انتي صرتي حامل .. مبروك .. مبروك يا حقيرة مبروك ....!.!.!!!!
غمضت دلع عيونها من الالم والحسرة اللي تحس فيها .. تحس انها دخلت دوامة عذاب ماهي طالعة منها ....
دلع : خ .. خالتي .. انا والله مالي ذن...
قاطعتها باسمة وهي تعض على اسنانها : ووولا كلمة .. ما ابغى اسمع صوتك .. الحمدلله امك ماتت ولا شافت سواد وجهك يالخايسة ...!! هذا الشي الوحيد الزين اللي سوته من يوم جابتك .... تدرين لو هي موجودة الحين .. تدرين كانت بتتبرى منك ....؟؟؟ تدرين ولا لأ..؟؟ انه اللي سويتيه بيلحقك طول عمرك ويكون صمة عار ... محد بياخذك .. والكل بيستحرق .. بس تعرفين شي..؟؟ تستاهلين ...

قاطع حوارهم دخول الممرضة ....

الممرضة : ا ... تفضلي وأعي هون .. وبتئدري تاخديها .. والف الحمدلله على السلامة .. ومبروك من جديد
دلع بدموعها : الله يسلمك ...
الممرضة باستغراب : ليه عم تبكي ...؟؟
باسمة خزت دلع بقوة ....
دلع : ماني مصدقة .. ما كنت متوقعة اني احمل بعد هالمدة .. تعرفين كنت اخاف ما احمل بس الحمدلله ....
الممرضة : ما تؤولي هيك.. ربك كريم ...
دلع : ونعم بالله ...
بعد ما خلصت ام سعود الاجراءات .. طلعت هي وسعود من المستشفى ...

في السيارة ...

قعد ام سعود تفكر بالمصيبة الجديدة اللي جات ف طريقها .. ماتدري وش تسوي ..

ام سعود " والله لو اصيد هالحيوان .. لا اذبحه بيدي .. معقولة تكون تعرفه من زمان ..؟؟ تواعده مثلا ويطلعون مع بعض ..؟؟ او يكلمها ..؟؟ يا خي والله مخي فر .. حسبي الله عليك يا دلع .. الله يسود وجهك زي ما سودتي وجهنا ..... !!! "

دلع كانت مسندة راسها على القزازة ومغمضة عيونها .. ما تبغى تشوف ولا شي .. تبغى تنام .. كل اللي تبغاه تنام او تموت .. اللي يصير لها شي ما يتخيله انسان .. او يتحمله ...

دلع " ياربي .. ياربي انت تعرف كل شي .. تعرف كل شي صار .. ياربي ارحمني يارب .. والله مالي ذنب .. انا مالي دخل .. سعود .. سعود هو اللي سوى كل هذا والله ..؟؟ والحين ابتلشت بهالولد ..؟؟ ولدي ... ولدي انا وسعود ..؟؟ ما اصدق والله .. ما عمري توقعت كل هذا يصير لي .. يارب انا اسلمك امري.. ارحمني يا رب وترفق فيني ... "

نزلت دموع دلع قدام عيون ام سعود ...

ام سعود باستهزاز وقرف : تصيحين ..؟؟ صيحي على سواد وجهك يالخايبة .. صيحي انشالله تموتين صياح وتفكينا من مشاكلك اللي ما تخلص .. روحي الله ياخذك ولا يوفقك دنيا وآخرة آمين على اللي تسويه فينا ...

دلع غمضت عيونها بقهر : خالتي خلاص .. يكفي حرام عليك ...

ام سعود : تتخلخل عظامك انشالله .. تحسبين بسكتلك .. لا يا حلوة .. والله لا أوريك الويل يا دلع .. وهالولد اللي ببطنك .. يا انا يا هو بهالدنيا .. فاهمة ...؟؟؟؟!!!!

دلع فتحت عيونها ع الاخير بترجي : لاااا ... بليز لاااا ... الله يخليك يا خالتي .. الا ولدي لا.. سوي فيني أي شي الا ولدي ... !!!!!!

ام سعود بطنازة : يا حراااااام .. ولدك..؟!؟!!؟!؟ تقصدين ولد الحرام اللي ف بطنك ... والله لا اوريه الويل ان طلع على الدنيا هذي .. فاحسنلكواحسنله يموت ببطن امه .. اهون له من انه يموت بيدي انا ....

نزلت ام سعود من السيارة ووقفت : امشي قدامي يللا ع البيت ..

نزلت دلع من السيارة .. وهي تمسح دموعها وتحاول تدعي ربها يفرجها عليها ...

___________________________________