منتديات صواديف عشاق - عرض مشاركة واحدة

10-05-2023

الجزء الحادي عشر ( الحدعش ):.

(( بيت ابو بندر .. الملكة ))

( الساعة 10 بالليل )

دانة بتموت خووووف ويدها ترجف : ماني قاااااااااادرة ... والله ما اقدر
ريم مسكت كتوفها : سمي بالله ووقعي .. وما بيصير الا كل خير......

دخلت غادة : ما خلصتي...؟؟
دانة بياس : ماني قااادرة .. والله خايفة
ريم بياس : افففف.. ماهي راضية توقع ... جننتني .. مو انتي اللي وافقتي عليه
غادة بدلع قربت ومسكت يدها تفركها : هدي انتي ما عليك .. اذا ما تبغيه ترى عادي قولي....
دانة : لا شلون ما ابغاه..؟؟ اكيد ابغاه .. اصلا انا فكرت زين
غادة : اصلا حتى لو ما تبغينه خلاص .. طاح ف كبدك خخخخخخخخخ بس يعني اخليك تعيشين الجو شوي ....

دانة : ههههههههه

سمت بالله ووقعت وهي ترتجف .. واول ما وقعت .. طارت ريم مع الورقة برى ..
والحريم بدت اصواتهم تعلى ...

كلولولولولولوولولولولولولولولوولولولولولولولولوللو وللوولوللولولولولولولوولولولولولولولولولوش

ونزلت دانة على زفة حلوة ورايقة والكل يطالعها .... ويسمي عليها ...

سلمت على الناس وقعدت ....

( عند الرجال )

ابو بندر لرائد : مبروك يا ولدي .... الله يسعدك يارب...
رائد شق الوجه : الله يبارك فيك يا عمي ... عقبال بندر وثامر ...
تنهد ابو بندر : خخخخخخخخ خلها على ربك بس... !!!!!!

ثامر : هههههههه مبروك يا عريس...
بندر : الف مبروك .. يللا الله يوفقك يا رب....

رائد : الله يبارك فيكم .. عقبالكم

طالعوا الاثنين ف بعض برعب : الله لا يقوووول...!!!!!!

رائد : ههههه بنشوف بعدين ...

وقاموا الرجال يباركون لرائد .. ويسولفون معاه شوي .... لين ما جا العشا ...
والكل قام يتعشى ...

( بعد ساعة عند الحريم )

ام بندر : اقول دانة حبيبتي ....
دانة : هلا يما ..
ام بندر : ابغاك تجيني معاي المجلس عشان يسلمون عليك اخوانك وابوك والعريس وتتصورين وياه ... ويلبسك الشبكة ...
دانة برعب : يماااااااا...!؟!؟!؟؟ لا تكفين ..
ام بندر : وشووو لا ..؟؟ قومي يللا قدامي اشوووف ..

قامت دانة مع ريم وام رائد وامها للمجلس .. طبعا بعد ما عدلت شكلها وفستانها البنفسجي الغامق وتاكدت انها بيرفيكت زي ما يقولون ...

مشت معاهم لين ما وصلوا للمجلس .. والكل دخل .. الا هي وريم ...
دانة وقفت : لا .. ريم ما اقدر
ريم تهمس : امشي يللا .. ترى اخوي حلوووو ... لا تخافين ما بيخرعك ..
دانة نفسها بدى يعلى : لا لا لا لا استحي ما اقدر ..
ريم طلت على اخوها ورجعت لدانة : يا حلوه والله .. كشاخ بشماغ وعقال .. كله بس علشانك .. ما يصير ما تشوفينه... يتحطم اخوي بعدين ...
دانة : افففف .. الحين وقتك انتي ..؟؟

سحبتها ريم من يدها للمجلس : انتي ما ينفع معاك طيب... !!!

دخلت وهي منزلة راسها بالارض ولاهي قادرة ترفه .. تحس انها لو ترفعه بتمووووت ..

ام رائد : قربي يا بنتي ... مبروووك عليك انشالله ...
ام بندر : الله يسعدكم يارب ...

قربت دانة وسلمت على ام رائد وعلى ثامر وبندر اللي قاموا يتطنزون عليها ..

ام رائد : يا ولد سلم على زوجتك ....
رائد اللي سرحان ف شكل دانة : ... ا .. ها...؟؟ اي .. اي..

قرب منها وباسها على راسها : مبروك ....

دانة الدم احمر .. ازرق ... اصفر ... بنفسجي .. برتقالي ....

دانة بصوت واطي : الله يبارك فيك ...

قعدت ع الكنبة جنب امها وهو قعد جنب اخته ريم اللي كانت ع الكنب المقابلة لدانة ...

-----------------------------------------------------------
بعد 10 دقايق .... طلعوا الكل وما بقى غير دانة ورائد ف المجلس ... خخخخخ

رائد تعدل في جلسته : يا هلا والله بدانة ..... !!!!
دانة بهدوء وابتسامة خفيفة : اهلين ....
رائد : مبرووووووك ...
دانة : الله يبارك فيك ...
رائد : ممكن اقعد جنبك ولا لأ..؟؟
دانة سكتت شوي ... " يما بيصيح " : ا.. اي اكيد ..

قام رائد وتقدم لجهتها شوي شوي وهو للحين مبتسم وشاق الوجه ولا شال عينه من عليها .... قعد جنبها وتسند .. والتفت يطالعها ...

دانة من شافته يطالع فيها تصنمت مكانها تطالع قدامها ولا هي قادرة تتحرك .. تحس شكلها خايس ويفشل .....

دانة " ياربيييييييي... احس اني اخرع .. ليش يطالعني كذا..؟؟ شكله فيني شي غلط.. اكيييد .. انا قايلة هالكحل شكله سايح ..!!! .... "

فجأة ضحك رائد : هههههههههههاااااااا هاهاهاهاههاه

دانة لفت عليه مستغربة بس ضحكت من شافة ضحكته ... كان يضحك وكانه بزر صغير..

دانة : ههههههه ...
رائد يمسك نفسه : ههههه ايوووووه ... خلك كذا .. اضحكي .. لا تستحين .. عااادي .. انا زوجك الحين .. تسدحي ع الارض من الضحك ولا عليك ... !!!!!!!!!!!!
دانة ابتسمت واستحت مرة : هههههه ...
رائد : دانة ....
دانة التفتت : هم...؟؟
رائد : ا... بقولك شي بس جاوبيني بصراحة ...
دانة لفت وجهها وجسمها وقابلته : قول ....
رائد مسك يدها وحضنها بيده وقال باستفسار : ا.. الحين انتي وافقتي علي.. بعد ما كنت الاحقك واضايقك دوووم صح..؟؟ بغيت اعرف انتي مقتنعة ولا مغصوووبة .. لانه لو وحدة غيرك ما اتوقع بتوافق ...

سكتت دانة شوي تجمع كلامها براسها تخاف تقول كلام غلط .. وبعدين قالت بهدوء :
رائد .. انا لما انت تقدمت لي كنت خايفة .. وطبعا هذا شي اكيد بعد كل اللي صار بينك وبيني من مواقف .. وخصوصا انك كنت زي البدي غارد حقي ههههه .. ومع هذا يوم صليت الاستخارة وفكرت بعقلي ... وسمعت قلبي .. اكتشفت شي ..

رائد سرحان معاها : اكتشفتي ايش...؟؟
دانة وجهها حمممممر : اكتشفت شي .. لا جا الوقت المناسب بقولك اياه ...
رائد : خايفة ..؟؟
دانة ترفع شعرها عن رقبتها : ا... تقدر تقول شوي ..
رائد : من ايش..؟؟
دانة طالعت فيه وضحكت : ههه .. مو منك والله .. بس تعرف الحين الوضع بيختلف .. صرت متزوجة ....
رائد : يعني تغيير صح ... ؟؟
دانة : ا.. اي...

سكتوا الاثنين شوي يدورون سالفة ....

دانة مترددة : ا... رائد ..؟؟
رائد ابتسم يومسمع اسمه : عيونه ..... !!!!
دانة : احم .. ا.. نسي السؤال تصدق هههههههه
رائد : هههههه كملي ..
دانة : ا.. ليش كنت تلاحقني اول ...؟
رائد : صدق تبغي تعرفين ..؟؟
دانة : اكيد ....
رائد : طيب اسمعي .. يا دانة انا واحد عزااابي ... طبعا مو بعد اليوم ههههه ... المهم .. وملقووووف مرة ... ذاك اليوم اختي راحت حفلة .. واتوقع كانت حفلة عيد ميلاد وحدة من البنات اللي عندكم ف الجامعة .. المهم يوم رجعت ... كانت قاعدة ف الصالة توري امي الصور اللي صورتوها ... عاد انا يوم جيت هي خبت الصور .. انا هنا جاتني لقااافة .. صرت ابغى اعرف مين ف الصورة ... يوم سالتهم قالولي صديقات ريم .. انا هنا قلت طيب .. وبعد يومين كنت داخل غرفتها آخذ شاحن للجوال حقي الا واشوف الظرف حق الصور موجود على التسريحة .. وكالعادة جاتني حالة اللقافة هذي وفتحت الظرف ... وما حصلت الا صوركم انتي وبعض البناات ....

دانة فتحت عيونها ع الاخير .........

رائد : ههههه .. اسمعي طيب .. المهم ورحت اخذت الصورة لريم اختي وسالتها عنك .. عاد تعرفين اختي متربية ف بيت منتفح .. يعني مانا متشددين .. فقامت وتعطيني كل شي عنمك ... شوي شوي .. ما حصلت نفسي الا مهتم مرة فيك .. وما حصلت الا اني اركب سيارتي يوم من الايام واجي للعنوان اللي قالت لي عليه ريم انك تسكنين فيه ... ومن يومها وانا وراك وراك .. وين ما رحتي وراك ....

سكت رائد ....

دانة : وبعدين ...؟؟
رائد : انا حبيتك .. من جد يا دانة حبيتك .. ويشهد ربي على اللي اقوله .. والله العظيم اني كنت افكر فيك معظم يومي .. تعرفت على اخوانك مرة من المرات يوم كانوا ينظفون الحوووش...

دانة : ههههههههههههههه ... ياحلوهم اخواني ...
رائد : تبغي الصراحة .. اخوانك شي والله .. طيبين وراعين فزعات وناس راقية والله ..
دانة ابتسمت : تسلم ...
رائد : المهم وبعد ما تعرفت عليهم .. جاتني الفكرة العبقرية هذي ..
دانة : أي فكرة ...؟؟
رائد : اني اتزوجك .. واعيش معاك ببيت واحد .. وتكونين لي وحدي .. لي انا وبس .. محد يشاركني فيك .. فهمتي ...؟؟ .. ساعتها استوعبت اني لازم ابدا افكر وابني مستقبلي .. عشان اكون قد الخطووبة والزواج .. وما حصلت احسن من الشغل عند ابوك .. منها اكون مستقبلي .. ومنها حصلت وظيفة تناسبني . ومنها يرضى علي ابوك ويكون واثق فيني يوم اتقدم لك ....

سكتت دانة تطالع وجه رائد وهو يتكلم .. حست نفسها تحلم .. ولاعمرها تصورت انه احد بيسوي كل هذا علشانها .. ويخطط ويسهر بس عشان ياخذها ف النهاية .. !!
رائد : دانة ... داااانة ... دانة حبيبتي .....!!
دانة قامت : ا.. ها..؟؟
رائد : هههه وين رحتي ..؟؟
دانة : ولا مكان .. افكر
رائد : في ايش..؟؟
دانة : احس اني احلم ..
رائد ابتسم ورجع خصلة من شعرها ورى اذنها : ليش...؟؟
دانة نزلت راسها مستحية بس رفعته بعد ثانية : ا... من جد ما توقعت أخيرا احصل واحد زيك .. توقعت انك واحد من الروايات ما نحصل زيه ف هالدنيا ...
خق رائد وحضنها لصدره بحب وحنان : فديتك انا ..... الله لا يحرمني منك!!

-----------------------------------------------------

(( يوم الثلاثاء ... شركة ابو سعود ))

( الساعة 11 و نص الصباح .. )

سكر ابو سعود التليفون معصب .. وما يشوف الا النار قدامه ...
دق على السيكيوريتي يصارخ : يا عصاااااااااام
عصام تخرع : ا ... نعم بو سعود...؟؟
ابو سعود : وين الحيواااااااااان سعود..!.؟!؟!!؟؟!
عصام : ا... يابو سعود ما داوم اليوم ....
بو سعود عصب وعصب زيادة وقام يصارخ : الله يلعنه ويلعن الساااااعة اللي جبته فيها ... اتصل لي الحين عليه وقوله يجي الشركة الحييييييييين .. فااااااااااااهم....؟!؟!؟!؟
عصام بيموت خوف : ا... ح .. حاضر يا طويل العمر
ابو سعود : بسرررررررررررررعة ....

سكر ابو سعود وقعد ع المكتب وهو يفكر : سويتها يا كلب... شوهت سمعتي الله يشوه سمعتك انشالله ...!!!!!!!!! بس وين بتروح عني .. انا اوريك يا سعود .. ان ما رجعت ربيتك من جديد وخليتك تصير رجال ي الناس ... ما اكون ابو سعود ...!!!!

( من جهة ثانية )

تنهد عصام بخوووف وبلع ريقه يوم سكر ابو سعود الخط في وجهه : بسم اله ... هذا وش فيه ..؟؟ اكيد سعودووو مسوي شي .. اكيد .. هالولد ما منه فايدة ... خليني اتصل اشوف وينه لا يقطعني ابو سعود اليوم ويرميني برى الشركة ... ماني ناقص ..

دق على جوال سعود... بس محد رد ...

عصام : يوووووووه ... هذا وينه الحين ..؟؟ اكيد نايم ... لا حووول .. انا احصلها من مين ولا من مين ..؟؟ والله بيطردني ابو سعود اليوم ... شلون اجيبه هذا الحين ..؟؟؟

رجع يدق ويدق عليه كم مرة بس مافي فايدة .. الولد رايح بسابع نووومه ...

عصام يدور ف المكتب بخوف يطق يدينه ببعض : رحت فيها يا عصااام ... هللي ناقصني .. انطرد بسبب واحد مهمل وكل يومين له مشاكل ....!!!!!!!!

وبعد تفكير دقيقة .. جاته فكرة خطيرة ....

طلع من المكتب بسرعة واخذ مفاتيح سيارته ... وراح طيران على بيت ابو سعود ...

( بعد ربع ساعة )

كان عصام واقف قدام بيت ابو سعود .. دخل بالسيارة الحوش لانه الباب كان مفتوح ..
وقف السيارة ونزل .. ويوم قرب عند الباب حق البيت .. سمع اصوات صرااااخ ..

.........: خليني اروووووووووح ... حرااام عليك .. والله تعبت من القعدة ف البيت والمشاكل والصراخ .....!!!
........: تروحين حهنم انشالله قولي آمين .. تدرين ليش..؟؟ لانه اللي يسوي فعلتك ماله غير النار مكان يروح له .... ما تفهمين ..؟؟ اقولك طلعة من البيت مافي .. انا عطيتك شوي راجة ف العيد قلت اكسب فيك اجر .. بس طلعتي ما تنعطين وجه ...
..........: انا ما انعطى وجه ....؟؟؟ ايش تبغين اكثر ...؟؟ قلت لك ولدك هو اللي سوى فيني كذا .. وقلت لك انه انا مالي ذنب .. وقلت لك انه انا تعبت واني عانيت كفاااية ... ارحميييييييييييني .. ترى الرحمة حلوة والله ... ارحميني الله يرحمك دنيا وآخرة ...!!!

وبعد دقيقة ... بدى يسمع اصوات ضرب وصراااااااااخ ....

عصام مرعوووب : اعووووذ بالله .. وش فيهم هالناس اليوم ...؟؟ وبعدين هذي وش فيها ..؟؟ ليش كذا تتكلم ..؟؟ تقول هو الذنب ذنبه مدري ايش .. اكيد سعود مسوي مشكلة بعد ... الله يكفينا شر هالسعووود .... طيب .. الحين ادق الباب ولا لأ...؟؟ بس يا أدق وآكل لي تهزيئة من الحريم اللي معصبات ف البيت ... يا انطرد واخسر شغلي من ابو سعود .... لا والله.... الاول اهون لي... !!!!!!!!!

دق الباب وقلبه يدق مع كل دقة ....

شوي الا وقف صوت الصراخ ... وبعد ديقيقة فتحت الخدامة الباب : نأم...؟؟
عصام : ا .... وين سعود ..؟؟
الخدامة : سؤوود في نوووم ..؟؟ وس تبغى...؟
عصام : لا حووووووووول ... ادري انه نايم ... قوميه ...
الخدامة : لا ما يسير ... بعدين هاوس كثييير....

وسكت الباب بوجهه وهي تتحرطم ...

عصام : الله ياخذك انتي واللي خلاك تشتغلين يا بنت الكلب ... مو نا قصني الا انتي ..

ورجع من جديد يدق الجرس مرات ومرات .... لين ما انفتح الباب بقوة وطلعت حرمة متحجبة بشيلة خفيفة : نعم...؟؟ عسى ماشر ...؟؟ وشفيك صرعتنا بصوت الجرس.؟؟
عصام تخرع ونزل راسه : ا... السلام عليكم ...
ام سعود : وعليكم السلام ... خير..؟؟
عصام : لو سمحتي سعود موجود ...؟؟؟
ام سعود : سعود نايم الحين .. وش تبغى فيه
عصام : يا خالتي ابو سعود مرة معصب ويبغى سعود يكون ف المكتب باسرع وقت .. يقول السالفة ضرووورية وشكله زعلان مرة عليه
ام سعود : اففففف... هذا وش فيه بعد....؟؟
عصام فتح عيونه الثنتين ع الاخير " هذي صاحية تتكلم كذا عن زوجها ..؟!؟!؟ "
ام سعود : طيب لحظة بروح بناديه ...

طلعت ام سعود لغرفة سعود تقومه وهي واصلة معاها ومعصبة : سعود ... سعوووووووووود......
سعود رايح بسابع نومة ولا يرد .....
سحبت الغطا من عليه تصارخ : قوووم... قوووووم الحين يا سعووود... قوووووووووووم
فتح سعود عيونه الثنتين بتعب : يووووووه ..... نعم نعم..؟؟ خير ..؟؟ وش صار بعد...؟؟ ترى ما سويت شي هالمرة .... !!!!!!

ام سعود فتحت عيونها ع الاخير : صدق ما تستحي ... انا تكلمني كذا ...؟؟؟ حسابي معاك الحين ... قوووم الحين البس بسررعة وروح شوف ابوك وش يبغى منك ف الشركة .. تراه مرة معصب وراسل السكرتير حقه يناديك بسرعة .....
سعود بتعب : لاحووووول ... خلصنا من الام .. جانا الابوووو ... والله حااااااااااالة ....!.!!!!

ام سعود عصبت وطلعت من الغرفة وهي تنافخ وتدعي على هالعائلة وتتحرطم ..

___________________________________

(( شركة ابو سعود ... ))

( بعد ربع ساعة )

دخل سعود الشركة مع عصام والبرود يغطي وجهه .. عكس عصام اللي كان محترق لانه يدري انه بياخذ زفة الحين من ابو سعود لانه تاخر .. بس وش يسوي .. ؟؟؟

دق الباب ودخل سعود وعلى ملامحه النوم والتعب : السلام ...

قعد ع الكرسي بتعب وتسند ع المكتب ...
ابو سعود تنرفز زيااادة : ولك وجه تقعد بعد...!؟!؟!!؟؟ ها كلب يا حيواااان .... ؟؟؟؟ الله يسود وجهك زي ما سودت وجهي ....
سعود تنهد وشال يده وتعدل بجلسته : اففففففف.... وش سويت بعد ...؟؟
ابو سعود قام من مكانه متنرفز ويقعد يدور ف المكتب ويصارخ : وش سويت..؟!؟!؟! بكل برود وش سويت..!؟!؟ قول وش ما سويت الله يخزيك انشالله ..!!!!!!!! الحين قوللي ... قوللي يا سيد سعووود .. انت وش مسوي عشان الشرطة يتصلون فيني ويحولونك على التحقيق .... ها...؟؟؟ تكلم اشووووووووووووف .... !!!!!!!

عصام : .. احم .. انا عندي شغل بروح اكمله ...

طلع عصام من المكتب بسرعة وسكر الباب .. ونبه الموظفين لا يقربون من المكتب واي مكالمات يعتذرون بحجة انه ابو سعود ما داوم اليوم .......

ف المكتب .....

ابو سعود : تكلم ... قووووووول ... سمعني آخر فضايحك .. وآخر سواياك مع شلة السوء اللي مصاحبها .. تكللللللللللللللللللللم ....!!!!
سعود بيموت خووووف بس يحاول يتصرف على طبيعته : ا .. ا... وشدراني .. تعرف القسم ماسكين علي .. أي شي على طول يكبرون السالفة..... تعرفهم انت يبا ..
ابو سعود : مو بس اعرفهم .. حتى انت اعرفك .. اعرف انك واحد ما تنعطى ثقة .. ومنت بوجه نعمة اصلا.... اصلا حرام والله الفلوس اللي اخسرها عليك .... والله لو اكفل لي يتيم فيها اربيه بيطلع ابر منك واحسن منك .... ع الاقل محترم نفسه وما يخلي نفسه في موقع شبهة وتحقيق شرطة ....!!!!!!

سعود : يبا اليحن وش السالفة ...؟؟؟
ابو سعود : تسالني انا .. مسوي فيها بريء...؟؟ انا اللي مسوي لي مشكلة ولا انت؟!؟!؟! وش دراني وش سويت الله ياخذك سودت جوهنا ... قوللي الحين وش سويت ..؟؟ لا تخليني كذا زي الاطرش ف الزفة ...
سعود : يبا والله .... ما سويت شي ...
ابو سعود قاطعه : لااا ... لا تحلف .. حلفك هذا كله كذب ... لا تحلف .. قول الصدق يا سعود... قوووول عشان اعرف اتصرف واشوف لك صرفة اطلعك من المشكلة .. وبعدها لي حساب زين معاك ... انا اوريك ...
سعود : يبا ما سويت شي .. ليش مو راضي تفهم .. انا ما سويت شي ...؟؟ ما غير فحطت قبل يومين ... بس .. وقطعت اشارة اول امس ... وامس عطوني مخالفة سرعة ..بس ..........!!!!!!!!!
ابو سعود : بس.......!!!!! اجل ليش متصل فيني القسم وقايلين لي انهم طالبينك على التحقيق .. ها...؟؟؟ يقولولي اجيبك في اقرب وقت .. وانا قلت لهم انه اليوم العصر انا جايبك لهم .. فتكلم انحسنلك عشان اشوووف لك محامي يطلعم من السالفة اذا كنت مسوي شي .... تكلم بسرعة ترى ما عندنا وقت وكلام الناس ما يرحم .. فتكلم الحين قبل ما سنتشر الخبر ... فاهم ...؟؟؟

سكت سعود وكانه الوضع مو عاجبه .....

ابو سعود قعد ع المكتب يهدي نفسه : شووووف ... معاك ساعتين .. ان ما جيت وقلت لي انت وش مسوي .. واله يا سعود ترى مالي دخل بللي بيصير لك .. واذا كنت مسوي مشكلة لا امسكك من خشتك وارميك للشرطة واقولهم اسجنووه ما ابغاه ... فاهم ...؟؟؟ ترى والله حلفت انا يا سعود .. انت تعرفني لا حلفت ما اكذب بحلفي ابد .. ففكر زين وحكم عقلك واعرف وضعك زين من الحين وفكر .... فهمت ..؟؟ مخ البقر هذا ابغاك تشغله وتفكر زي الناس وتشوف وين مصلحتك ... ف الشغل والمستقبل مه اني اشك من مستقبلك .. ولا ف السجن مع المجرمين والقتلة ورجال العصابات والارهابيين.... ؟؟؟ والحين ... يللا انقلع من وجهي .... ما ابغى اشوووف رقعة وجهك الا لما تقرر تتكلم ..... انقللللللللللللللع ....!!!!!

طلع سعود من المكتب وهو خايف .. مو عارف وش يسوي .. وما يدري بالضبط وش قالوا الشرطة لابووه .. او ليش مستدعينه بالاحرى ....

مشى على طول وركب سيارته وطلع من الشركة رايح لبيت خالد صديقه .. ملجأه الوحيد والمكان اللي يرتاح فيه ويفكر فيه زين .....

______________________________
(( السيارة ... بعد نص ساعة ... ))

( الساعة 9 ونص )

ركب رائد سيارته مستانس .. اليوم كانت قومته من النوم سهلة وخفيفة وحلوة .. يمكن لانه نفسيته متحسنة وصار متطمن على مستقبله ...

دخل السيارة وقبل ما يمشي تذكر شي ...
طلع جواله ورسل مسج لدانة اللي قالتله انها الحين تكون ف الجامعة ...

صباح الخير أو تدري صباح (عيونك الحلوه)
صباح عيونك اللي تستفز شوقي إذا سلهمت

صباح الذوق والرقه صباح خدود محلوه
فديت الخد ووجونك فديت عيونك اليا قمت

فديت الشفه اللي ذابت بتدليعها القهوه
فديت اللي بحبه عفت فنجال الشقا وكرمت

ابتسم يوم شاف تقرير الاستلام وشغل سيارته وتوجه للورشة عشان يبدا يوم جديد كل فرح ووناسة ....

___________________________________

(( ف الجامعة .. ))

( نفس الوقت )

كانت دانة قاعدة ف الكافيتيريا وقدامها كوب قهوة وحولها بنات كثار يسالونها عن الملكة اللي كانت امس .. او يباركون لها .. او يسمعون منها وش كان شعورها ومن هالسوالف ... يوم رن جوالها يعلن عن وصول مسج ....

ابتسمت دانة والكل قام يصفق.....

دانة : هههه شفيكم..؟؟
وحدة منهم : بدينا .. بدينا ..؟؟ من الحين يعني ...؟؟
دانة : طيب يمكن يكون واحد من اخواني ولا امي ..؟؟
وحدة ثانية : لا انا متأكدة .. هو يعني هو ...!!!

فتحت دانة المسج قدام كل العيون اللي تطالعها بفضولية .. وقعدت تقراه شوي شوي..

وكانت مع كل كلمة يزداد حمار خدينها لين ما سكرت جوالها ودخلته ف الشنطة واعتدلت في جلستها ....

وحدة : ها...؟؟ مين طلع....؟
دانة سكتت وابتسمت : مالكم دخل....!!!!

هنا الكل فقع ضحك وقاموا يعلقون على دانة وعلى شكلها ويحاولون يجننونها شوي ..

___________________________________

(( ف بيت ابو خالد .. المجلس ))

( بعد ساعة )

سعود وقف بحسرة : ياخي والحييييييييييين ... يعني وش اسوي ..؟؟ ترى ابوي لا حلف ما ينقض حلفه لو ايش .. والله لا يرميني ف السجن ويخليني اتعفن فيه زي الكلاب ولا يسأل عني .... !!!

خالد محتار ويشد شعره لورى : افففففففففففف... والله مدري يا سعود .. طيب ما عرفت وش قالوله القسم ...؟
سعود بيستخف : وهذا اللي بيجنني .. انني ما اعرف على ايش مناديني ... على مخالفات المرور ولا على الشقة .. ولا على سالفة البنت اللي ف المجمع ذاك اليوم..؟؟!!
خالد قام وقف ومسك كتف سعود : طيب .. اصبر شوي .. اكيد في حل .. ما تقدر تكلم واحد من اللي تعرفهم وتخليه يستفسرلك على الموضوع ...؟؟؟؟ كلم واحد من الشباب ...
سعود : انت ما تفهم..؟؟؟ اقولك الشلة بما فيهم دحوووش مسكوهم وحاطينهم ف التحقيق ....
خالد : يوووووه ... اخاف دوري جاي..؟؟ لا لا لا .. سعود انا ابغى اتزوج واستقر .. ماني قد السجون والمحاكم .... !!!!!!!!!!
سعود : وهذا اللي انا خايف منه ... اخاف نروح فيها انا وياك .. وندخل السجن ونقضي باقي عمرنا هناك ..
خالد خاااف : يا رجااااااال ... الله لا يقول انشالله .. شوووف .. انت الحين وش بتقول لابوك...؟؟
طالعه سعود معصب بنص عين : وانا ليش جاي عندك بالله عليك...؟
خالد : قوله مدري وش سويت ..؟؟
سعود : شووووووووف ...!؟!؟!؟!؟ اقولك بيوديني بيدينه الثنتين القسم اذا ما اعترفت له تقولي قول ما سويت شي...!؟!؟!؟! صاحي ..!؟!!؟ شعليك .. مو انت اللي محطوط في هالموقف !!!!!
___________________________________
(( مكتب المحامي حمد ))

( الساعة 12 ونص بعد صلاة الظهر )

دخل بندر مكتب المحامي حمد بسرعة ...

بندر : السلام .....
حمد مستغرب : وعليكم السلام .. وشفيك طاير..؟؟ عسى ما شر...
ابتسم بندر : مافي شر .. الخير كله بوجهك ...
عقد حمد حواجبه : وش السالفة ...؟؟
بندر : اتصلوا فيني مكتب الشرطة ...
حمد : طيب...؟؟
بندر : صادوا مشتبه فيه ... بس للحين ما حققوا معاه ...
حمد : حلووو .. يللا انشالله ينعرف قريب ...
بندر : مو كذا السالفة ...
حمد : ها ..؟؟
بندر : اتحداك تعرف مين ...؟؟
حمد : مين ..؟؟
بندر وهو يقعد ع الكرسي : سعود عبد الله ال ( ..... )!!!!!!
حمد فتح عيونه الثنتين : قول والله ...!؟؟!؟!!؟
بندر ابتسم : والله العظيم ....
حمد : ولد عبدالله له يد بالسالفة ..؟؟ وانا اقول اللي مسويها اكيد وراه ظهوووور كثيرة..
بندر : بس لسة ما حققوا معاه ... كلموا ابوه واستدعوا ولده للتحقيق ....
حمد : غريبة والله هالدنيا .. اجل ولد عبدالله ... ولد اطيب انسان واحكم انسان ف هالعالم .. له يد ف سالفة زي كذا ..؟؟!؟!؟ والله والزمن .......!!!!
بندر : على بالك زي زمان اول ..؟؟ لا يا حمد .. الناس الحيت تغيرت .. كل واحد يسوي اللي يعجبه ولو كان غلط ... مدام عنده فلوووس .. ما بيهتم ... لافي سمعته ولا ابووه ولا امه .. ولا أي احد .. مهما كانت مكانته ... !!!
حمد : الله على الدرر يا بندر .... اقووووول .. انت الحين خلصت دوامك ف الجامعة ...؟؟
بندر : أي .....
حمد بنص عين : متاكد ....؟؟
بندر : ههههههه يعني بكذب عليك..؟؟ أي والله خلصت ..
حمد : ياويلك لو يوم تغيب عن الجامعة وتجي هنا .. والله لا اطردك فاهم..؟؟
بندر قام : هههه انشاااالله ... لا توصي .. يللا طال عمرك استأذن
حمد : اذنك معك ...

___________________________________

(( شركة ابو سعود ... ))

( الساعة 1 ونص الظهر )

كان ابو سعود قاعد في مكتبه ويفكر .....

ابو سعود " يا ربيييي... وش اسوي في هالولد اللي مو عارف شلون يصير رجال..!؟؟!؟! ياخي بيذبحني .. الحين انا اربيه واتعب فيه آخرتها يطلع كذا ...؟؟ الله يفشلك يااارب .. بنااات وخمر ومخدراااااات ...!؟!؟؟!! وش خليت بعد ...؟؟ ما بقى شي .. ما بقى غير تذبحلي واحد بعد ...؟؟!!! بس وين بتروح مني .. انا اوريك .. انا ما عندي ولد يسوي كذا ... يا يعترف لي ويتكلم واطلعه بكل سهولة ... ولا بخليه يتعفن ويدخل السجن .. عشان يعرف شلون يصير رجااال ... ويحاسب نفسه وينتبه لافعاله .. لاني خلاااص .. هالولد فقدت الامل فيه .. يا يعترف واربيه من جديد... يا ارميه ف السجن عشان يتادب لوحده ..... !!!!!! "

قام ابو سعود من مكانه ورفع سماعة التليفون ودق على عصام ....

عصام : سم طال عمرك ....؟؟
ابو سعود : وين سعووود...؟؟؟
عصام بلع ريقه من الخوف : ا... سعود طال عمرك طلع من الشركة من زمان ...
ابو سعود : مارجع....؟؟
عصام : لا طال عمرك.. لسة ما رجع ... تبغى ادق عليه ...؟
ابو سعود : لا لا تدق ... انا طالع الحين .. اكيد بحصله ف البيت .....

سكر ابو سعود واخذ مفاتيحه وطلع من الشركة راجع للبيت ....

___________________________________

(( في بيت ابو رائد ))

( الساعة 4 العصر .... )

كان احمد قاعد ف المكتب مع ابو رائد يراجعون حسابات الشركة ....

ابو رائد : طيب كم يوصل سعر كل هالبضاعة ....؟؟
احمد طقطق شوي على الآلة الحاسبة بعدين قال : ا.. حوالي 000 500
ابو رائد : طيب ...؟ والارباح كم تتوقع ....؟؟
احمد شوي فكر بعدين قال : ممم ... حوالي 4 ملايين ...
ابو رائد ابتسم : حلووو ... توكل على الله ..
احمد : وانا رايي كذا .. لانه صفقة حلوة ... وارباحها عالية وتكلفتها رخيصة ..
ابو رائد : خلاص من بكرة اتصل ف المندوووب وخليه يجي عشان تتفاهم معاه .. او اذا تقدر انت روحله ....
احمد : خلاص انا بمر عليه بكرة الصباح واشووووفه ....

سكر احمد الملفات وقام يرتبها ف المكتب ... اما ابو رائد فصخ نظارته وقعد ع الكنب ..

ابو رائد : وش تشرب...؟؟
احمد : تسلم ولاشي ...
ابو رائد : افا...؟؟ داخل بيتي ولا تشرب شي ..؟؟ ما يصير ..
احمد ابتسم وجا قعد قريب منه : اللي تشربه اشربه ...
ابو رائد : يناسبك الشاهي .. ولا انت ما تشرب الا كبتشينو وكوفي...؟؟
احمد : ههههه لا لا لا لا مو لهالدرجة ... اشرب شاهي شدعوة ..؟!؟!؟
ابو رائد : هههه احسب بعد ... لانه الشباب هالايام كلهم كذا...
احمد : انا كنت كذا .. بس الحين لأ...
ابو رائد : كبرت صح ....؟؟
احمد : مو على كذا ... لاااااااا.. بس .. الظروف تخلي الواحد كذا ...

سكت ابو رائد يوم عرف انه احمد مشتاق مرة عوض ... ومفتقده بحياته ....

ابو رائد : من بعد عوض الله يرحمه صح ....؟؟؟
غمض احمد عيونه بالم وتنهد : الله يرحمه .... ولاله الحياة ما تسوي من دونه ...
ابو رائد : أجمعين يارب ... هذي الدنيا..محد باقي .. كلن بيموت ... وكل واحد بيموت بالطريقة اللي كاتبها ربه له ... لو ايش نسوي .... كلمة الله سبحانه وتعالى وحده هي اللي بتمشي.....
احمد : ونعم بالله ....

قام ابو رائد : عن اذنك بقولهم يسوون لنا شاهي ....
احمد : استريح ماله داعي ..
ابو رائد : تمزح...؟؟ ياخي والله راسي بينفجر من هالشغل .. حتى انت شكلك مرة تعبان .. يخليك تصحصح شوي ...

ابتسم احمد مجاملة لابو رائد اللي مغطي عليه بافضاله مررة ..

طلع ابو رائد من المكتب وقعد احمد سرحان يناظر الشباك .. ذكرى عوض دايم تخليه يرجع للسرحان والتفكير الكثير .. لانه ذكريات كثيرة تجي على باله لما يطرونه ... ذكريات حلوة وحزينة .. مؤلمة ومفرحة .. ذكريات لو يمضي دهر كامل ..ما ينمسح ولا شي منها .... بتبقى راسخة وباقية ف ذاكرة شخص واحد ... ذذاكرة انسان واحد قريب منه مرررة .. والقدر كتب انه هالانسان يكون احمد .....

.........:. اووووه انت هنا...؟؟ ما دريت ...

---------------------------------------------------------
التفت احمد على مصدر الصوت وشافها ... نفس ما هي ماتغيرت .. جريئة وحلوة ..
احمد نزل راسه يطالع الارض : هلا ...
ريم من عند الباب : كيف الشغل ...؟؟
احمد مستغرب : ا.... الحمدلله ..
ريم : ما خلصتوا ...؟؟ وين ابوي ....
احمد وللحين منزل راسه : لا خلصنا .. بس راح شوي وبيرجع ...
ريم ابتسمت " فديت الرجووولة والثقل انا ..!!! كذا الادب والاحترام ولا بلاش " : اها .. اوكي .... سي يوووو ..

راحت من عند الباب ورفع احمد راسه مستغرب " هذي البنت حيرتني ... ما تستحي...؟؟ غريبة .. اول مرة اشوووف بنت بجرأتها ... المشكلة انها حلوة .. والله حلوة وبقوووة بعد .. هذا وانا ما طالعتها من فوق لتحت وكذا.. احل لو اشووفها صح وشلون بتكون ....؟؟؟ ما شالله عليها .. الله يهديها بس وتترك الجرأة الزايدة هذي ..؟؟ فشلة ... لو يجي ابوها ويشوفها . وش بيكون مو قفي...؟؟ والله بيطردني...!!!! "

بعد كم دقيقة رجع ابو رائد شايل صينية عليها دلة الشاهي وكاسات : وهذا احلى شاهي ... لاغلى احمد ...

حط الصينية على الطاولة وجا بيصب الشاهي ... قام احمد ...

احمد : استريح يابو رائد ... انا بصب لك ..
ابو رائد : لا لا لا .. الضيوف ما يصبون لنفسهم الشاهي....
احمد : افااااا.. انا الحين صرت ضيف.. الله يهديك يابو رائد.. انا حفظت كل شبر من بيتك تقول علي ضيف..؟!؟؟!!؟ ههههههه استريح بس...

قعد ابو رائد يطالع احمد بفخر : والله ما اندم يوم واحد على اني عرفتك يا احمد .... رجال ولد رجال .... الله يحفظك يارب ... والله لو بنت جاهزة للزواج كان عطيتك اياها ببلاش .... دامني اعرف انها في يدين رجال مثلك ...

احمد حمر وجهه وما عرف وش يقول " زواج..؟؟ من ريم..؟؟ لا عاااد .. قلنا حلوة بس ما باخذها ... الله يهديه ابو رائد ويشيل هالفكرة من راسه .. لا يخليني اضطر ارده او احرجه " : تسلم والله .. فيك الخير...

___________________________________

(( بيت ابو سعود ))

( الساعة 5 ونص .. المغرب )

قام ابو سعود من نومه ... وتوضا عشان يروح لصلاة المغرب ... نزل تحت وشاف لينا ...

لينا : هلا بابا ....
ابو سعود ابتسم : هلا بحبيبتي .... شتسوين ...؟؟
لينا تلعب باظافرها : احط مناكير ...
ابو سعود : صليتي قبل ما تحطينها.....؟؟
لينا بتفكير : مممم ... لأ...
ابو سعود : طيب .. امسحيها الحين .. وصلي بعدين حطيها على طهارة .....
لينا : لااااااااااااا... بابا والله تعبت انا واسويها ...
ابو سعود : معليش يا بابا .... تخطين مناكير ولا تروحين نار جهنم..؟؟ روحي امسحيهم صلي وبعدين حطيهم على طهارة ...
لينا قامت بكسل : اففففففففف.... طيب .....
ابو سعود : تعالي لحظة ....
لينا التفتت وهي مكشرة ومادة وزها شبرين : نعم ...؟؟
ابو سعود : سالم وينه ...؟؟
لينا : سالم راح مع فيصل يوصلون ...
ابو سعود : زين زين .. وسعود وينه .....؟؟
لينا : مدري ... ما شفته اليوم ....
ابو سعود : طيب خلاص .. زي ما قلت لك ..... امسحيهم .. صلي بعدين حطيهم
لينا بزهق وهي طالعة الدرج : طييييييييييب ....!!!!

ابتسم ابو سعود يوم انتبه على بنته اللي كبرت وصارت حومة حلوة ما شالله عليها .. ودلوووعة بعد ...

وجا بيطلع من البيت الا ويشوف زوجته طالعة من المطبخ معصبة وتتحرطم .... ولا عطته وجه...

ابو سعود : وشفيها الحلوة زعلان وطالعة معصبة ...؟؟
ام سعود وقفت وخزته بعصبية : انا ابغى افهم ... هالشغالات اللي تجيبهم يكونون ساكنين في قصر ولا ايش...؟؟ وحدة تقول يدها تعورها من الكلوركس .. والثانية ما تقدر تتحمل ريحة الديتول .. والثالثة مدري وش فيها كل شوي تصيح وما تفهم عليها شي ...!!!!!!!!!
ابو سعود تنكد مزاجه : اعووووذ بالله ... مالت عليك وعلى اللي يبغى يسولف معاك ..امحق زووووجة .....!!!!!

تركها وطلع من البيت معصب وكاره حياته ....

ام سعود طالعته باستغراب.. ويوم طلع : شفيه هذا ..؟؟ شكله انجن ولا خرّف ... !!!!!!!

---------------------------------------------------------
( بعد الصلاة )

ابو سعود : يا سالم ....

التفت سالم وكان واقف معاه فيصل : هلا يبا ...
ابو سعود : بتروح البيت الحين ولا بتطلع ..؟؟
سالم : لا بنرجع البيت ملينا من الطلعة .......
ابو سعود : زين ... اذا شفت سعود قوله يتصل فيني ضروووري طيب...؟؟
سالم مستغرب : ا.. انشالله .... في شي يبا..؟؟
ابو سعود : لا مافي شي ... شخبارك فيصل..؟؟
فيصل ابتسم : بخير الحمدلله ...
ابو سعود : وشخبار ابوك..؟؟
فيصل ابتسم مجاملة : الحمدلله طيب...
ابو سعود : الحمدلله.. سلم عليه
فيصل: يوصل انشالله ...

رجع سالم وفيصل البيت ... اما ابو سعود فتوه جا يركب سيارته الا ويشوف سيارة سعود تمر راجع للبيت ..... طلع جوال ودق عليه....

سعود : الو....
ابو سعود بجد : وينك...؟
سعود : ا.. انا قريب من البيت...؟؟
ابو سعود : ادري .. اسبقني وهذاني جاي.. انتظرني ف المكتب سمعت ...؟؟
سعود : ا.... انشالله ...

سكر ابو سعود ورجع البيت ... ويوم دخل حصل لينا قاعدة ف الصالة وتحط بهالمناكير

ابو سعود : السلام عليكم...
لينا : وعليكم السلام ...
ابو سعود : صليتي ...؟؟
لينا : أي...
ابو سعود بنص عين :متاكدة...؟
لينا ابتسمت : والله العظيم صليت .....
او سعود ابتسم بفرح : تقبل الله ... شاطرة بنتي ...

تركها وتوجه لمكتبه .. وهناك حصل سعود قاعد يتفرج على اللوحة المعلقة وحاط يدينه ف جيبه...

ابو سعود سكر الباب بهدوء : السلام ....
التفت سعود : وعليكم السلام ...

جلس ابو سعود ع الكنب وقال بحدة : ها ..؟؟ وش قررت ....؟؟
سعود بغباء : وش قررت ...؟؟
ابو سعود بحدة : شووو..؟؟ ماني فاضيلك .. عندي مواضيع واشغال اهم منك.. تكلم بسرعة .. تبغى اطلعك من السالفة وتتكلم ... ولا اخلي الشرطة تحدد مصيرك ..؟؟ وحط ف بالك انا ماني معبنلك محامي لاني ادري 90% انك متورط بهالسالفة ... عشان كذا حط هالشي ف بالك .. وقرر مصيرك بنفسك ...

سعود : يبا ... وش قاعد تقول ..؟؟ تراني ولدك... وما سويت شي
ابو سعود : شلون ما سويت شي..؟؟ جل ليش الشرطة طالبتك للتحقيق..؟؟ ليش يشكون فيك انت ..؟؟ ها...؟؟ مو نتيجة افعالك ..؟؟ لا تقول لي ما سويت شي .. لانه كل مرة تقول لي كذا وتكون انت اول واحد متورط وصاحب الفكرة بعد ...!!!!

سكت سعود وخاف ... بس عناده وكبرياؤه منعه من انه ينطق بحرف واحد ...

ابو سعود : ما تبغى تتكلم ...؟؟
سعود ساكت ويطالع الارض :..................
ابو سعود قام ووقف : براحتك ... امشي معاي ...
سعود : وين..؟؟
ابو سعود : الحين بتعرف .. امشي ..
سعود بعناد : ماني رايح .. اول شي تقول لي وين...؟؟
ابو سعود صرخ : اقووولك تحرك..

تخرع سعود ومشى قدام ابوووه زي البزر اللي توه ابوووه هاوشه ...

ركب السيارة وركب ابو عود وشغلها .. ومشوا هم الاثنين .... لين ما وصلوا لمركز الشرطة .....

سعود " !!!!!!!!!! لا لا لا ... مستحييييييييييل .... ماني داخل .. هنا .. اذا دخلت ماني طالع ..... لا لا لا ... ماهو مسوي فيني كذا ... بس يبي يخرعني ... ادري .. ابوي واعرفه .. ما بيرميني هنا ...."

وقف ابو سعود السيارة وحدة : انزل ..
سعود طالع ابوه متفاجئ : تمزح .....؟؟؟؟؟
ابو سعود معصب : لا ما امزح .. انزل اشوووف ... شووف عنادك وش بيسوي فيك ...

نزل ابو سعود ونزل واه سعود وهو يمشي ورجله ترتجف من الخوووف ويحس انه بيطيح في أي لحظة ....

دخلوا القسم وراح ابو سعود يكلم الضابط دقيقة بعدين اخذوا سعود ودخلوا فيه على مكتب .....

جلس سعود على كرسي قدام مكتب الضابط وابوه قدامه ....

الضابط : انت سعود ...؟؟
سعود : ا..... أي..
الضابط : طيب يا سعود .. انت تدري ليش احنا جايبينك هنا ...؟؟
سعود : لأ....
الضابط اخذ نفس : فكر يا سعود .. انت وش سوي ف الفترة اللي فاتت ...؟؟
سعود : ما سويت شي ...
الضابط : ما سويت شي...؟؟؟ والشقة اللي ف حي ( ..... ) ؟؟
سعود : أي وحدة ....؟؟
الضابط : الشقة يا سعود .. ترى ربعك كلهم ف مسكناهم ف القسم .. وكلهم اعترفوا وقالوا انه انت اللي مشتري الشقة .. ومتكفل بمصروفاتها ...

طالعه ابو سعود بنظرة خيبة امل .... وسعود ما عرف وش يقووول .. حس انه كل شي ضده .. وكل شي موجود يثبت انه ارتكب جريمة .. وجريمة كبيرة بعد ...

___________________________________

(( بيت ابو بندر ))

( الساعة 7 بالليل )

دانة : هههههه عاد ما اتخيل ابوي يسوي كذا ...
رائد : ههههه قسم بالله ... المشكلة قبل شوي مسوي علينا ثقيل .. اول ما شاف الموجوالبحر .. فصخ الفنيلة .. وساعتها .. ولا جبل يرده عن الموية ... ههههههه
دانة : ههههه يعني استانستوا ذاك اليوم ....؟؟
رائد : اووووه ... مرة استانسنا ... سللا انشالله المرة الجاية نكون انا وياك بس ..
دانة استحت وابتسمت : ههه انشالله ...
رائد يكمل خيال : على المركب الصغير ... انا وياك لوحدنا .. انا اسوق .. وانتي تطالعيني ... وبعدين اوقف المركب ف منطقة بعيدة .. محد فيها الا انا وانتي وبس .. ونقعد مع بعض ......
دانة : يا سلاااام .. وش بنسوي بعدين ...؟؟
رائد : لا رحنا بقولك وش بنسوي ...... كل شي ف وقته ...

سكتت دانة شوي ....

رائد : دانة ..؟؟؟
دانة : نعم ..؟؟
رائد : حسبتك سكرتي ...
دانة : لا معاك ..
رائد : ممم ... ادري طة وجه .. بس المضطر ما يستحي ... ممكن طلب ..؟؟
دانة : آمر ...
رائد : ما يامر عليك عدو .. بس .. بكرة عندك مشاوير ولا مخططات ... ؟؟؟
دانة : لا بكرة اربعاء .. بكون ف البيت ...
رائد : طول اليوم ....
دانة : أي .. بس بندر وثامر بيطلعون .. انا بقعد ف البيت ..
رائد : حلوووو ..
دانة : بتجي ......؟؟
رائد : أي بجي .. وبشوف القمر .. واسولف معاه ....!!!
دانة : يووه .. اجل لازم اتكشخ ...
رائد : مو لااااااازم .. انتي بدون كشخة قمر .. شون لو تتكشخين ..؟؟ تبغي تذبحيني؟؟
دانة مستحية مررة وخاقة : بسم الله عليك ...

رائد سكت شوي ....

دانة باستغراب : رائد...؟؟ رائد ..؟؟ رائد رد وشفيك...؟؟
رائد تنهد : آآآآآآآآآه .... يارب صبرني لبكرة ...
دانة : ههههههه خوفتني والله .. حسبت جاك شي ...
رائد : بس شي .. الا اشيااااء .... !!!!!!!

___________________________________

(( بيت ابو سعود ..))

( الساعة 9 ونص بالليل )

طلعت ام سعود من ساعة ... ودلع كانت في غرفتها... ولينا وسالم وفيصل قاعدين ف الصالة ويسولفون ويتابعون فلم ...

فيصل : بسك تلوين فهالاظافر....!!!
لينا : شعليك..؟؟ اظافرك ولا اظافري...
فيصل : ريحتهم مقررررررررررفة ...!!!
سالم : خخخخخ تعوّد ... هالصبغ ما تتركه لينا لو ايش....
فيصل حط كلينكس على انفه : الله عينه اللي بياخذه...... !!!!
لينا بدلع : الا قووول يا حظه ياخذ وحدة كشخة زيي تهتم بشكلها ..
سالم حاس فمه يمين ويسار : أي وااضح ...
فيصل : خخخخخ واثقة بعد .. الا من حظك انتي اللي بتاخذينه ...
لينا : لا والله ...!!! اصلا انا مية واحد يتمناني .. بس انا ما ابغى ولا واحد فيهم ..
فيصل : بس اللي بياخذك واثق انك تبغينه ....
لينا بتكبر : لا تحااااول .. انا ذوقي صعب ... ما يرضيني أي واحد
سالم : كاااااك .. بكرة اول واحد بيخطبها بتوافق عليه ... وف نفس اليووم بعد

عصبت لينا وقامت : !!!!!!!!!!! شايفني ايش..؟؟ لا يا بابا .. مو لينا بنت سالم اللي تاخذ واحد قبل ما ترفض عشرة ... !!!!!

وطلعت معصبة لغرفتها .....

فيصل : هههههه شفيها هذي عصبت كذا ..؟؟
سالم : دومها كذا .. دلووووعة .. أي كلمة ما تعجبها تعصب عليها وتطلع غرفتها .. ما عليك منها ... والله وفاتنا نص الفلم بسبتها ...

وقعدوا فيصل وسالم يتابعون الفلم لين ما دخل ابو سعود وكان ضايق مرررة ..

-----------------------------------------------------------

ابو سعود : السلام عليكم ...
فيصل وسالم : وعليكم السلام والرحمة ...
سالم : وش فيك يبا ..؟ سلامات .. شي مضايقك ...؟؟
قعد ابو سعود وفتح الزر الاول من ثوبه وحط شماغه على الكنب : آآآآآآه اشياء مو شي واحد ..
فيصل : ا.... اعذروني انا استاذن .....
ابو سعود : لا لا لا يا فيصل .. اقعد .. انت واحد منا وفينا ..
فيصل : لا يا عمي .. يمكن عندك موضوع خاص تبغى تتكلم فيه .. وبعدين بكرة علينا دوامات لازم اروح انام ...
ابو سعود مصر : اقعد بس . حلفت عليك تقعد .. منت غريب يا فيصل .. ولدي واكثر والله ...
فيصل منحرج : تسلم ...

ابو سعود : سالم ...
سالم : سم يبا ...
ابو سعود : روح ناديلي امك ...
سالم : انشالله ..

طلع سالم ينادي امه ... وبعد عشر دقايق ...

نزلت ام سعود ورى سالم وقعدت ع الكنب : بغيت شي يا بو سعود ...؟؟
ابو سعود : شوفي .. انا بغيتك في مووع بخصوووص ولدك سعود ...
ام سعود خافت : وش صاير ....؟؟

ابو سعود : انا هالولد خلاااص ... تعبت منه ... بيجنني .. كل يوم طالعلي بمشكلة اكبر من اللي قبلها ... وياليت بار بابوه وامه ولا منه خير .. لاااا ... مشاكل ع الفاضي وصرفيات فلوووس على ولاشي ... وعلى خرابيط وصياعة ....
ام سعود : ليش وش صاير ...؟؟ وينه الحين ...؟؟
ابو سعود : انا هالولد حاولت اتفاهم معاه بس ما يبغى يتفاهم .. والشرطة اتصلوا فيني اليوم الصباح وطلبوا مني اجيبه للتحقيق في مشكلة بنات ومخدرات وشقة ..

ام سعود شهقت : هيييييي.... لا حول لله ... وسعود وينه ...؟؟

ابو سعود : الولد حاولت اتفاهم معاه واخليه يصارحني .. بس هو وراسه العنيد ما رضى يقول لي وش صاير .. ولا اا اقدر بتليفون واحد اطلعه من المشكلة بدون أي مشاكل .. بس عناده خلاني اوديه القسم واسلمه للتحقيق وهو الحين ف التوقيف تحت التحقيق..
ام سعود : بنات ..؟؟ مخدرات..؟؟ وش تقول انت .. والشقة هذي وش سالفتها ..؟
ابو سعود : ولدك يا هانم .. مشتري شقة باسم واحد مو موجود .. ودافع اجارها من الحساب حقه ... اللي يدخل ف البنك بدون مجهوود طبعا .. انا اللي اصرفه عليه .. عشان يعيش بعز واحترام .. ورقي ... بس ولدك طلع مو وجه نعمة ... راح صرفلي هالفلوس بطالريق الغلط ... خليه ينفع نفسه الحين .. ربعه كلهم اللي كان يصرف عليهم الحين علموا عليه ... واعترفوا انه هو صاحب فكرة لشقة وهو اللي استاجرها .. وهو اللي كان يصرف عليها وكان يعزمهم بعد ... وهو كل شي طاح على راسه ..

ام سعود : طيب والحين ..؟؟ انت رميت ولدك ف السجن ..
ابو سعود بحدة : خليه .. خليه يتادب ويصير رجال يتعلم من اغلاطه .. خليه يدف الثمن .. يبغى يسوي اشياء غلط .. خليه يتحمل اللي بيجيه من وراها .. !!!!

قام ابو سعود وترك الكل في صدمة من اللي سواه سعود .. كلهم يدرون انه صايع .. بس محد درى انه صياعته هذي ممكن توصله لهالحد .. السجن والقضايا المحاكم ...
محد توقع ابد .....

@@@@@@@@@@@@@@@@@@@@@@@@@@@@@@@@@@@@@

نهاية الجزء الحادي عشر ..