منتديات صواديف عشاق - عرض مشاركة واحدة

05-22-2023

البـارت الـ 48 ..

حمـدان : اهييه
فطـوم ابتسمت وحطت ايدها ع بطنهـا ,,
حمـدان تقرب منهـا و باسهـا : فديتج و فديـت اللي فبطنــج
فطـوم : حبيبي
حمـدان : اعيـوون حبيبج ؟
فطـوم : فديت عيونه .. زعلااان منيه ؟
حمـدان : انا مستحيل ازعل منج .. ادربج امس ماكنتي تقصدين بس اتغليت عليج
فطـوم : فديت روحك
حمـدان : الحمدالله عرفت انج حااامل .. لو الحين ماطحتي !! و تميتي لاصقه فالقطااو !! عزالله
فطـوم قطعت رمسته : يعني ماشي قطـاااو =(
حمـدان : لا فديتج .. شي .. بس طبعـا هب فالبيت .. بنخليهم برع
فطـوم : وصصصخ !!
حمـدان : انا بسبحهم كل اسبوع ماعليج
فطـوم : .........
جـان يرن موبايل حمـدان .. كان بو حمـدان ..
حمـدان : هـلا ابويه
بو حمـدان : هـاااا شو صار ؟
حمـدان : بخير و سهـاله .. عقب شوي بني
بو حمـدان : الحمدالله .. خلاص عيل لاتتاخرون
حمـدان : ان شاء الله .. سكـر من أبووه ..

جـان تدخل الدكتـوره ..
الدكتـوره : كيفك يا أممر ؟؟
فطـوم : الحمدالله بخير
الدكتـوره : شوو خبرك زوجك انك حـامل
فطـوم ابتسمت : هييه
الدكتـوره : اوكيه فيـك تتفضل اشويه بـرع حظـرتك .. بدي اشوفهـا كيف حالتها الحين
حمـدان : اوكيه
جـان يطلع ..

الدكتـوره : يوم كنت اكشف عليكي .. طبعـا انتي كنتي تعبانه و مابتعرفيش شو صاير .. بين فـ التلفزيـون انك حامل بـ تـوم
فطـوم : نعععععععععععم !!
الدكتـوره : ليييه .. مو عاجبنك ؟؟
فطـوم غرغرت عينهـا : هاا لا والله بالعكس .. اصـلا انا فخـاطريه بتوأم من قبل
الدكتـوره : ههههه تأبريني .. لكـان اهتمي بنفسك .. ولا اتعبي نفسك كتير
فطـوم : ان شاء الله ..
الدكتـوره : لكـاان فيكي تروحي الحين
فطـوم تقوم و الدكتـوره تقومهـا شوي شوي ..
الدكتـوره : نصيحه حبيبتي ,, لاتخبري كل حد انك حامل بتومز .. لانه ماتعرفيش عيون الحسـاد كتيره ..
فطـوم : ولايهمج .. مشكوره دكتـوره
الدكتـوره : على عيني ..

وجـان يدفعـون و يروحون و حمـدان من طلعت فطـوم وهوه ماسكنهـا " اونه عـاد لول " و ركبهـا السـاره " يالله عاد فطـوم من قدهـا الحين " ..

(( طبعـا الحين حمـدان مايعرف انه فطـوم فيهـا توام ))

حبيبي شحلوه ايـامي .. حبيبي شحلوه ايامك
معـاك يا اروعك احساس .. يا اجمل كل هالدنيـا

فـ السيـاره ..
طبـعـا حمـدان منزل السيت فطـوم .. مايل شويه و فطـوم صاده الصوب حمـدان .. واهوه كل دقيقـه يشوفهـا ..
حمـدان : شوفيج فديتج ؟
فطـوم رفعت عيونهـا صوبه : مافيني شي فديتك ..
حمـدان : اول ما تردين سيده ترقدين
فطـوم بدلع : لاااااااااااا
حمـدان : اول شي تعشيتي ؟
فطـوم : نووب
حمـدان : عيـل تاكلين و تيسين شويه و ترقدين سيده
فطـوم : حمـداانوه
حمـدان : جب ولا كلمه !! اهم شي صحتج فديتج .. ههههههههه عـاد عقب يوم بتبين كرشوتج بضحك عليج
فطـوم : ليش ان شاء الله ؟
حمـدان : هههههه بس
فطـوم كفخته : الله و اكبـر عليك .. قووول ماشالله .. عن يصيرلي شي
حمـدان : هههههههههههههههه .. لا فديتج .. عيوني هب حـااره انا .. الله يخليج لي و يخليي ولديــه
فطـوم : خـااطريه اشوووف اللي فـ بطنيه متى بررربي !!
حمـدان : وابويه .. بدينـا بزن
فطـوم : هههههه

و يـووم وصـلوا البيـت ..
دخـلوا داخل ..
مريـوم و عليـا من شافوهـا سيده سـارو صوبهـا : فدييييتج والله .. الحمدالله ع سلامتج
فطـوم مبتسمه : الله يسلمكم فديتكم ..
حمـدان : ايه خوزو عنهـا .. يالله فديتج ايلسي ..
ام حمـدان : عشـتو !! حمـدان شو نازل عليك ؟
الكـل : اكيد مستوي شي ..
حمـدان : حبيبتي حـااامل
فطـوم قفطت وجان تكفخه : الله يغربل العـدو هب جيه يقولون فالويه
الكـل استانسوا : مبرووووك
مريوم : فدييييييييتج والله ,,, مبروك غناتي
عليـا : مبروك فديتـج
فطـوم : الله يبـارك فيكم ..
سـاره : دلوعه بعد انتي
فطـوم بدلع : لازم اتدلع ع ريلي ..
حمـدان : اماييه خليهم يحـطون العشـا فغرفة فطـوم ..
ام حمـدان : ان شااااااء الله ..
حمـدان يقومهـا : يالله فديتج ..
فطـوم تقووم : لحظه وين قطـااوي ؟؟!
حمـدان : انتي ماعليج من القطـاو .. انا بسيرلهم بعدين ..

توهم بيركبـون الدري .. جان ايي بو حمـدان ..
بو حمـدان : هوود هوود
ام حمـدان : هـدا الغـالي ..
بو حمـدان : اووه فطيـم .. ماشالله اشوفج احسن من قبل ..
فطـوم : الحمـدالله ..
بو حمـدان : شو قالولج ؟
فطـوم : حاااامل
بو حمـدان : واافديييييييت روحج .. جان يبوسهـا : مبروك حبيبتي
فطـوم : الله يبـاارك فيك يا حيـاتي ..

وعقــب مــــرور اشهــــــر ..

سـاره طلعت حـامل ,, حليلها بعد بتـوام .. و الين الحين حمـدان مايعرف انه فيهـا توام .. بس الحريم و النبـات ,, كل حد استـانس .. و مريوم و عليـا كرشتهم طلعت لول حتى فطيم و سـاره طالعين كيوت .. اكيد وايد يتعبـون لانه جامعه و ارف .. مريـوم قالولهـا فيها بنيه .. و عليـوه و لد ,, و استانسـو وايد .. و مرت الايـام بسرعه و يـا عيد ميـلاد حمـدان و سوله حفـله ,, وبعـد عيد ميـلاد سـاره .. وايد اعيـاد ميلاد استوت .. قـرب موعـد ربـا مريوم و عليـا وهم كل يوم يعـانون و يدلعون ع ريايلهم لول ,,

مـره .. كـانو فطـوم و سـاره و ام حمـدان طالعين سايرين المـول ,, يتشرون حق البيبي .. يوم خلصو.. سـارو الحمامات و كـانت السـاعه 5 ونص ,, و كان فيه حريم اهنـاك .. في وحـده كانت ويا بنتهـا ,,

( ....... ) :حبيبي غـايه تعالي اهنيه !! >> جـان ترفع العبـاه " عند الايد " وكـانت فيهـا وحـمه غريـبه ,, و كـانت ساره تعرف من كـان فيه شرات هالوحمـه ,, شافت الحرمه وهيه ادقق فـ ويهـا ..
( ....... ) ابتسمت : فديتج فيه شي ..
سـاره : آآآ ,, انتي الريـم !!
الريـم : آآآ ... هييه ليش ,, كيف عرفتيني انتي منـوه ..
سـاره الدموع فـ عينهـا : امـايه الريـم حيه !!
ام حمـدان تشوف الريم باستغـراب : انتي الريـم بنت حمـد الـ ****
الريـم فجت عينهـا : خـالوه شيـخه !!
ام حمـدان سيده ما قدرت تستحمل دمعت عينهـا و فطـوم هب عارفه شو السـالفه !!
ام حمـدان : انتي وين منزمـان !! وينج منزمـااان !!!
الريـم : موجوده فديتج ,, بس والله ما اعرف شو استوا اصـلا !!
سـاره : فديتج ريموه .. والله كبـرتي و صرتي حرمـه
الريـم : ويا هالراس سـاروه .. جـان تلوي عليها
سـاره سارت صوب غـايه : هاي بنتـج .. فديتهـا !!
فطـوم : اهـمممم خـالوه من ريـم ؟
ام حمـدان : فطـوم هاي اخـتج
فطـوم فجت عينهـا : نعـم ! انتي الريـم اللي سـاره خبرتني عنـج !!
سـاره : هيه فديتـج ..
فطـوم دمعت عينهـا و لوت عليهـا من الخـاطر : فديتج ريموه ,, من متى وانا فخاطريه اشـوووفج !!!
سـاره : الريـم .. فطـيم اخـتج من الابو .. عميـه حمـد كان ماخذ وحـده غير امج ..
الريـم مصدومه : انا هب فاهمه ولااااااااااااا شي !!!!
ام حمـدان : عيل تعـالي ويـانا البيـت ..
الريـم : خلاص ماعليه ..

يوم وخلصـو .. سـارت الريـم تخبـر ريلهـا " خليـفه " عن السـالفه و هوه روحه هب مستوعـب شو اللي يصيـر .. يوم روحو ام حمـدان و الي وياها .. خليفه لحق سيـارة قوم ام حمـدان لين ما وصـلوا البيـت .. اول ما وصـلوا سيده سـاره ركضت " هب ركض ركض لول يعني سرعت اشويه فالمشي .. وهيه تركـبي الدري ..
فطـوم صوت عـالي : اييييييييييه انتي تخبلتي شوي شوي اللي فبطنـج !!
سـاره طـاف ودشت بسرعه البيـت فالصـاله كانو موجودين .. بو حمـدان و حمـدان و ام مريـوم و بو مريـوم و البنـات .. و عزوز و عمر و رفيـعه ..
سـاره وهيه تنـاهي وهيه صدق كانت تعبـانه : ابويه .. ابويه ,,
بو حمـدان : فديتج بلااااج ؟
سـاره تتقرب منه و تيلس : ابويه .. الريـم حيــه !! الريـم حيـه !!
بو حمـدان : الريــم !!!
حمـدان : بنت عمتي الريـم !! جان يقوم و محمد لحقه و بو حمـدان .. جان يطلعون برع .. و بو حمـدان ينزل من الدري وسيده سار شافهـا ..
بو حمـدان : فدييتج الريـم !!! و لوا عليها بالقو وهيه بعـد : انتي ويـنج فديتج وييييينج !!
محمـد يتقرب من فطـوم : فطـوم منو هاي ؟
فطـوم تشوفه : حبيبي هـاي اختنـا !!
محمـد : اختـنا !!
فطـوم : بنت عـم قوم حمـدان ..
حمـدان : ريمووووووووووه !! والله كبـرتي و صرحتي حرمه جـان يشوف نونو تنزل من السيـاره
غـايه : مـاااماا
الريم وخت تحت و جـان تشلهـا ..
حمـدان : يا ألبي من هاي القمـر ؟
الريـم : بنتيـه ..
بو حمـدان : انتي معرسه !!!
الريـم : هيييه

فـ الصـاله ..
مريـوم كـانت تعبـانه !! و تتحمل قالت يمكن من الحمـل ها .. بس كل ما صبرت تحس الويع يزيد .. عـزوز لاحظ ..
عـزوز : فديتج شوفيج ؟
مريـوم تتويع بالخفيف : آآه ماعرف !!
ام مريـوم : كيف ماتعرفين ..
مريـوم زاد الويع عندهـا مارامت تستحمـل : ودنيـييه المستشفـى عبدالعزيييز !!
بو مريـوم : بتربــي ودهـا
رفيـعه : بسم الله عليـج
عليـا : لاتربين .. صبري اتريني !!
عمـور : هههه الله يغربل بليسـج !!
ام مريـوم سارت فوق تيب عبـاة مريوم و شيلتهـا ..
عليـا : مريوم يعور
مريـوم : يا دبه اسكتـي بمـوووت .. وتيود عزوز بـالقو
عـزوز : عليوه تمي عندهـا بشغل السيـاره ..
رفيـعه : ماعليه فديتج استحملي !!

جـان يطلع بسرعه من البيت وهوه يزعـج ,,
عـزوز : خوزووو حرمتي بتربي !!
فطـوم نقعت من الضحك : ههههههههههههههههههههههههه ههههههههه .. ومن الحب ماقتــل ..
حمـدان : سير الحق ع المـداااام !!
ام حمـدان : واعليه ... جـان تسير عند مريـوم ..
الريـم : شو السـالفه !!
سـاره : هههههههههههههههههه حرمته بتربي
الريـم : منو ها اصـلا ؟
سـاره : ربيع حمـدان .. ماخذ ربيعة فطـوم ..
الريـم : هيه حليـلها
فـ الصـاله ..
ام حمـدان : فديتج مريـوم ...
مريـوم : خـالو دخيـلج سوي شي بمـوت ما اروم امشي ,, وتبـاغم
عليـا شويه و بتصيح : اييه لاتببـاغمييين احس بويع
عمـور : هههههههههههههه .. حـاااااااااااااااالة ولاده ..
بومريـوم : صدق انك ماتستحتي .. قوم عن ويهي !!

صوب عزوز ..

كـان مخلي السيـاره عـدال البـاب .. " في صعـده حق السيـاير وفيه .. الدري مادري جان فهمتو "
دخـلوا مريوم السيـاره و ياها ام حمـدان و ام مريـوم .. و بو مريـوم .. و رفيعه جـان يسيرون المستشفـى ,,

امـا اللي بـرع دشـو داخل .. " فـ ميلس الريـايل .. بو حمـدان و حمـدان و محمـد .. و الريـم و ريلهـا "

بو حمـدان : وهاي السـالفه .. الحين حمـدان ماخذ فطيـم ..
الريـم : هيييه .. فديتها والله .. حمـود يا الكلب احبـك
خليـفه : لا والله !!
الريـم : كيفي اخويه .. جان تسير عـدالها و تبوسه و تلوي عليه
خليفـه : عميـه الصراحه اغـار انــا !!
الريـم : ههههههههههههههه ..
محمـد : فديتج والله ..
حمـدان : ياويلي الحين فطـوم و سـاروه بيغـارون
محمـد : وش اسوي انا اقص عمري 3 قطع
الريـم : لا فديتك .. بسم الله عليـك ..
حمـدان : انا بسير عندهم ..

فـ الصـاله ..

سـاره : الحين انتي بلاج ؟
عليـا اتصيـح ..
حمـدان : بلاها ؟
فطـوم : ماعرف !! حمـدان حمداااااااان هـات ايدك ..
حمـدان مد ايده ,, و فطـوم خلتهـا ع بطنهـا .. جـان يحس انه شي يدق يدق ..
حمـدان : فديييييييييييته ياربيه .. متى قالولج بتربين ابا اشوفه
فطـوم : جب يا حمـار لاتحن
عليـا : ياربيه خايفه اخاف مريوم يصيرلهـا شي
عمـر : شو بيصيـرلهـا يعني .. مافيها غير العافيه فديتج .. لاتعبيـن عمرج بليز !!
عليـا صرخت صرخ .. بالقو : مـااااااااااابااا
عمـر : انزين خلاص فديتج .. جان يلوي عليهـا ..

فـ الستشفـى ,,

عزوز سـاير راد ماقر .. و هوه يحـاتي
عـزوز عصـب : طـولووووووووووووو !!!
ام حمـدان : عزوز هدي اعصـابك !!
رفيـعه : بسم الله عليـك .. ماعليه اتريـا اشويه ..
وممر كله هـدوه ولا مره وحده يسمعـون صوت يـاهل يصيـح ..
عـزوز فز مكـانه : بنـتييييييييييه !! جان تطلع الحـرمه
الحرمه : مين جوزهـا ؟
عـزوز : انـاا !!
الحرمـه : الف مبـروك يا فنـدم .. بنـت زي الفـل ..
عـزوز : حرمتيـه وينهـا شحـالها !!
الحرمـه : الحمدالله بخيـر .. اطمـن ..
عـزوز جان يلف صوب اللي يالسيـن : ياويل حاليـه استويت بابا
الكـل : هههههههههههههههههههه .. مبـروك فديـتك ..
ام حمـدان : بسيـر اخبرهم عيل ..

فـ الصـاله ..
ترن ترن ترن ترن
فطـوم تركض صوب التيلفون : الـوووووووو
ام حمـدان : ربت
فطـوم : هـااااااااااااا ,, الف مبـرووك .. كلولولولييييييييييييييييي يش .. بنيه صـح
عليـا تي بسرعه و تاخذ السمـاعه : مريوم اشحـالهـا !!
ام حمـدان : الحمدالله بخير فديتج اطمـني ..
عليـا : ريحتيني الله يريحج ..

وعقب دقايق جان يسكـرون .. و خبـرو اللي موجود فـ البيت انه مريوم ربت و يـابت بنيه .. والكـل فرح .. و اليـوم الثـاني سـارولها المستشفى يتحمدولهـا بـ السلامه ,, و فطـوم 24 تشوف بنتهـا .. وتتفداها
فطـوم : فديت هالبرطــم محـلاااا !! ليش امبـوزه !!
مريـوم : هههههه شعرفنيه فيهـا خخ
فطـوم : مالت عليج جان انتي ام
مريـوم : جيه فديتج شو ناقصني
فطـوم : هههه ماشي فديتج
الكـل : هههههههههههه
ام حمـدان : شو بتسمـونهـا ؟؟
عـزوز كان يالس عـدال مريوم ع الشبريه جان يبوسها : بخلي المـدام تختـار
مريـوم : اسـووومه
الكـل : عاشت الاسـااامي ..
مريوم : عاشت ايـامج
عليـا : ياربيه فديت اسومـتي انا