05-30-2021
|
#4
|
في بيت أبو نايف " عم ملاك "
نايف جالس في غرفته ويفكر بملاك .. مسك جواله ثم قال : الساعه اثنين .. أكيد نايمه وزعلانه علي .. خلني أدق عليها
في بيت ملاك كانت ملاك نائمه فرن موبايلها .. أزعجها صوت الجوال مسكته ناظرته فيه لقت
الحب الكبير يتصل بك
جلست ملاك واهي ماسكه الجوال وقالت : اللهم أجعله خير
وردت على المكالمه بصوتها النعسان : الو ؟
نايف : عسى ماأزعجتك ؟
ملاك : لا عـادي أنت تدق الوقت إلي تبيه
نايف : انا داق من شان أراضيك
ملاك : بس انا مب زعلانه .... أنت إلي زعلان
نايف : من قال إني زعلان ؟
ملاك تعبت نفسياً من أسلوب نايف إلي مثل البزارين : خلاص نايف إلي راح راح
نايف : لا ياملاك .. الجرح إلي في قلبي مستحيل يتداوى
ملاك شوي وتبكي : أي جرح ياولد الناس ؟ تبي تتزوجني غصب !
نايف : يعني انتي تعترفين إنك ماتحبيني
ملاك : نايف .. أنا قصدي مب
يقاطعها نايف وهو معلي صوته : بس ... بس ... بس ... لاتحاولين تبررين موقفك .. أنتي ماتحبيني .. أنا عارف هالشي بس الشي الوحيد إلي ماأعرفه ليه تكذبين علي السنين هاذي كلها ؟
ملاك ماقدرت تتحمل كلامه القاسي ظلت تبكي : أنا ماأكذب أبد .. لكن دام أنت عارف إنتي كذابه .. ليه داق علي الحين قريب الفجر ؟
نايف بإنفعال : داق أراضيك
ملاك : كيف تراضيني وأنا كذابه ؟؟
نايف : كذابه أو مب كذابه أنا أحبك
ملاك تعبت .. ولد عمها صعب : خلاص نايف ماعاد فيني أحتمل .. مع السلامه
وتنهي المكاله ، وتغلق جوالها .. أخذت ملاك مخدتها " وسادتها " وضمتها إلى حضنها وظلت تبكي
نايف بعد ما صكت ملاك الخط بوجهه رجع دق عليها لقاه مغلق قال وهو يفكر : طيب .. أنا لازم بكره أروح بيت عمي وأشوف أيش النهايه معها
xXxXx
فيلا صفيه " أم حور "
دخلت حور الفيلا و وراها رامي
حور بإبتسامه : يله رامي تصبح على خير
رامي : راح تنامين ؟
حور : أكيد .. الساعه اثنين ونص .. أنت ناسي إني بروح بيت أبوي بكره ؟
رامي : اوه صح .. طيب روحي نامي تصبحين على خير
حور مبتسمه : وأنت من اهله
صعدت حور غرفتها قفلت الباب وراها وبدلت ملابسها بسرعه ورمت بجسدها على سريرها ونامت .. حتى رامي راح غرفته ونام وهو مبسوط بالطلعه الحلوه إلي طلعها مع حور
xXxXx
اليوم الثاني الصباح
نايف جالس في غرفته لسا صاحي من النوم .. أخذ جواله وأتصل على ياسر
ياسر : هلا بالقاطع هلا
نايف ابتسم من خفة دم ولد عمه : هلا فيك .. أنا القاطع ولا أنت
ياسر : لا معك حق أنا إلي قاطع هه
نايف : حبيت أسأل عنك ياولد العم
ياسر : سألت عنك العافيه .. أقول نايف أيش عندك اليوم ؟
نايف : وش عندي ممم ... ماعندي شي
ياسر : اجل اليوم انا عازمك على الغداء عندنا في البيت
نايف فرح واجد فرصه جاته على طبق من ذهب .. لكنه في نفس الوقت ماعرف أيش يقول : ها .. أيش ؟؟ قلت اتغداء عندكم ؟
ياسر : إيوه .. أول مره تتغدى عندنا ولا أيش ؟ ترانا حيل مشتاقين لك
نايف : خلاص ياياسر .. اليوم الظهر انا عندكم .. والحين ماأطول عليك ولد عمي .. مع السلامه
ياسر : الله يسلمك
وتنتهي المكالمه
قام نايف من سريره فرحان حيل وحمد الله وشكره على الفرصه إلي جاته
xXxXx
فيلا صفيه " أم حور " الساعه 11
نزلت حور من الطابق الثاني وهي لابسه عباتها وشيلتها وشنطتها البنفسجيه الكبيره .. لقت أمها في الصاله جالسه تفطر
جات حور وباستها على راسها وهي تقول : صباااح الخير يمه
أم حور بإبتسامه تخفي وراءها ألمها : صباح الخير بنتي الحلوه حور .. كيفك بعد طلعة البارح ؟
حور وهي تأكل لها معجنة جبن ومب مهتمه : عادي .. عزمني على العشاء عشان يبي يكلمني بموضوع .. وبعدها رحنا الملاهي
أم حور : أش موضوعه ؟
حور : إنه يبي يجلس هنا إلى ان ترجع خالتي وزوجها
أم حور : إيي ووش قلتي له ؟
حور : أكيد قلت له يجلس يمه
أم حور : طيب متى رجعتو ؟
حور أرتبكت : هاه ؟؟ أيش .. أش قلتي ؟ سمه ماسمعتك ؟
أم حور بصوت حاد لأنها عارفت بنتها تستعبط : أقوول متى رجعتوو ؟
حور بخوف لأنها مب متعوده تكذب على امها : أ ... الساعه اثنين ونص الليل
أم حور منصدمه : أيــــش ؟ وش كنتو تسوو ؟
حور : يمه الله يهديك أش بلاكِ ؟ أنتي عارفه أنا إذا رحت الملاهي أنسى عمري
أمها : ولو .. مفروض ماتتأخري إلى الوقت هذا .. أش راح يقولو الجيران لما يشوفوكِ داخله البيت معه قريب الفجر ؟
حور : ينقطع لسانه إلي يتكلم علي بالعاطل
امها بود : حور .. أوعديني حبيبتي إنك ماتعيديها مره ثانيه
حور بإبتسامه : أوعدك ياست الحبايب
أمها : طيب والحين ماقلتي لي .. ليه لابسه عباتك ومتزينه ؟ على وين العزم إن شاء الله ؟
حور بملل : نسيتي اليوم الخميس وبروح بيت أبوي ؟
أمها : آه صح .. نسيت
حور وهي تاخذ حقيبتها : عاد توها شوق داقه علي تقولي أجي الحين
أمها : بحفظ الله ياعمري
حور : يله سلام
أمها : الله معك
xXxXx
في فيلا بدر سـالم " أبو حور "
شوق كانت في الصاله تنتظر حور .. فإذا بطلال ينزل ويجي الصاله يجلس معها
طلال : صباح الخير
شوق بإبتسامه : ياصباح الورد
جلس طلال معها بنفس الكنبه وقال : أش فيكِ جالسه من الصباح ؟
شوق : الحين صباح ؟ .. أنت ماتشوف الساعه ؟
طلال : اليوم الخميس .. والساعه 11 يوم الخميس يعني صباح ومن بدري بعد .. أما باقي الأيام عـادي
شوق : ياشينك إذا تفلسفت .. الله يعين زوجتك عليك
طلال : إلا على طاري زوجتي .. كلمتي حور ؟
شوق : حور هي الحين جايه بالطريق
طلال متفاجئ : اوووه .. صح اليوم الخميس
شوق : هههه يافهيم .. صار لك ساعه تعطيني محاظره عن يوم الخميس وأنت توك تستوعب إن اليوم الخميس !
طلال متلهف : أسمعي اليوم تسألي حور عنها وبكره تروحي تخطبيها
شوق : أنت أيش فيك مستعجل كذا ؟
طلال : أيش فيني ؟؟ عمري 32 سنه ولسا عزابي .. أنتي عارفه أيش أسم بلوتوثي ؟
شوق : أيش أسمه ؟
طلال : عـــزابــي المملكه
انفجرت شوق ضحك : ههههههههههههههههههه
طلال مسوي معصب : ليه تضحكين ؟
شوق : ولا شي .. أنت أسكت وسد حلقك وإن شاء الله مايصير إلا إلي في بالك
طلال : آمــين يارب العالمين .... " سكت شوي ثم قال " .. تصدقين إني حبيتها ؟
شوق عاقده حاجبها : مين ؟ حور ؟؟
طلال : لااا .. حور أختي وأحبها من زمان .. أقصد ملاك .. زوجتي المستقبليه
شوق : ياعم أستح على وجهك عيب تقول كذا عن البنت ، ترضاها علي انا و حور . صير رجـال
طلال رجع لعقله : إي أكيد .. احم .. أنا طـالع وعلى الغداء راجع .. توصين شي
شوق : سلامتك
طلال وهو يقف : يله أجل .. في أمـان الله
شوق : بحفظ الله
وبعد ربع ساعه دخلت حور الفيلا .. مشت شويه وأتجهت إلى الصاله ذات النوافذ الكبيره إلي تطل على مسبح الفيلا .. شافت شوق أختها جالسه وتفرفر بالقنوات
حور : السـلاااام
التفتت شوق شافت حور .. فرحت وقالت : وعليكم السـلام
شوق واهي تقف وتتجه جهة حور : تو مانور البيت
حور وهي تسلم عليها : منور بوجودك
شوق : تفضلي غلاي .. البيت بيتك
xXxXx
بيت ملاك
دخل ياسر المنزل وهو ينادي : يمه ؟؟ يمه ؟
طلعت ملاك من المطبخ وهي لابسه ثوب بيت أزرق فاتح واصل إلى نص ساقها ورافعه شعرها بطريقه عشوائيه كيوت ولابسه مريلة الطبخ : أمــي نايمه
ياسر : أيش ؟ نايمه للحين ؟ أخاف فيها شي ؟
ملاك وهي تدخل المطبخ ويدخل ياسر وراها : مافيها شي .. بس أنا قلت لها تروح ترتاح
ياسر : ومين يطبخ الغداء بالله ؟
ملاك واهي تلتفت إلى أخوها وتشير إلى شكلها : ليش وأنا ليه لابسه كذا وجالسه هنا ؟
ياسر : راح تطبخين الغداء ؟
ملاك : إيوه .. مسويه لك محشي دجاج راح تاكل أصابعيك وراه
ياسر : طيب كثري من الأكل ولاتفشلينا عاد
ملاك : عازم خويينك على الغداء ؟
ياسر : لا نايف ولد عمي
أرتبكت ملاك وتفاجأت : أيش ؟ نايف راح بتغدى معنا اليوم ؟ لييه ؟
ياسر : وشو إلي ليه ؟ أيش سالفتكم اليوم أنتي مستغربه وهوا مستغرب .. أول مره نايف يتغداء معنا ؟
ملاك تبي تغير الموضوع وتشيل نايف من تفكيرها : أقول .. ماتبيني أسوي لكم طبق ثاني على الغداء ؟
ياسر : بروح أبدل ملابسي وأجي أطبخ معك
ملاك تكتم ضحكتها : ياسر .. راح تطبخ معي
ياسر وهو يفتح أزرار قميصه : إيوه .. لايكون حرام بس !
أنفجرت ملاك : ههههههههههههههههههه
ياسر : خبله .. أنتبهي بس لا يوقعون ضروسك .. راح أسوي حلى أحسن من إلي تسويه بستين مره
ملاك لازالت تضحك : ههههههههههه
ياسر : ولسا تضحك !!
ملاك تكتم ضحكتها : لاخلاص راح أسكت .. يله أنت بدل وأنا أنتظرك
راح ياسر بدل ولبس بيجاما لونها أخضر زيتي وراح المطبخ يطبخ مع ملاك
xXxXx
فيلا بدر سالم
حور و شوق يسولفن بالصاله .. فجأه سمعت صوت رجال من خلفها يقول : وأنا أقول ليه الفيلا منوره .. أثر حور بنتي عندنا !
التفتت حور لقت أبوها واقف راحت وسلمت عليه وماكان سلامها له حار
حور تجامل : أشتقت لك يبه
أبوطلال : وأنا بعد أشتقت لك حيل
حور بنص عين : أكيد .. سنه ونصف ماشفتني وماسألت علي .. طبيعي تشتاق
شوق تنقذ الموقف : إلي راح رااح .. والحين حنا عيال اليوم
وجلسو كلهم في الصاله وبدأو يسولفو ويضحكو
كان أحمد ينزل من الدرج فسمع أصوات الضحك
أحمد في باله : أش هالضحك هذا ؟
نزل بسرعه وأتجه إلى الصاله لقى حور جالسه بوسط أبوها وشوق
أحمد مندهش : حـور !
حور بإبتسامه : هلااا .. هلا وغلا .. كيف الحال أحمد ؟
أحمد : بعد عمري .. تمام انا أنتي كيف
شوق تضحك : هههه وأنت راح تظل تكلمها وانت هناك بعيد ! .. تعال سلم عليها
أحمد مفتشل : ههه إي صح
سلم أحمد على حور وباسها وجلس هو بعد إلى هالجلسه إلي من زمااان ماجلسوها لكن ناقصها طلال
الساعه وحده دخل طلال الفيلا وهو ناسي إن حور موجوده .. على طول راح صعد الدرج يبي يروح غرفته فسمع من خلفه صوت بناتي ناعم : كذا ياطلال ؟ ماوحشتك ؟!
التفت طلال وناظر .. لقى حور بفستانها البنفسجي النـاعم : حور !
حور بإبتسامه : إيوه حور .. أختك الصغيره
جاء طلال وحضن حور لأنه صار له فتره طويله ماشافها .. بعد خمس دقائق راحو لغرفة الطعام وتغدو وكـان الأكل كثير وفاخر
xXxXx
لكن في بيت ملاك
جاء نايف ورن الجرس .. ولما سمعت ملاك الجرس تمغص بطنها وأرتبكت وماعرف أيش تسوي ( عايلة ملاك إذا سوو عزيمه الكل يجلس مع بعض على سفره وحده لأن عايلتهم صغيره حيل مافيها شباب غير ياسر ونايف ومافيها بنات غير سوسن وملاك اما رضا فصغير .. تجلس أم ياسر وأم نايف قرب بعض وبحيث يكونن مايبان وجيهن وتكون الجلسه عائليه هادئه وبسيطه يعمها الوئام والمحبه ) .. لما دخل نايف الصاله سمعت صوته ملاك وكانت في غرفتها من الربكه راحت وانسدحت على سريرها وغطت نفسها بالبطانيه
دخل نايف سلم على عمه و زوجة عمه ولاحظ غياب ملاك .. هو أصلاً ماجاء إلا عشانها
نايف : إلا وينها بنت عمي ؟
أم ياسر : تو كانت هنا .. يمكن شويه وراجعه
ياسر : عاد اليوم يانايف أنا و ملاك الخبله بنفسنا إلي طابخين الغداء
نايف يضحك : هههههههه انت طابخ الغداء !
ياسر بملل : حتى أنت بعد تضحك ! أنا ماصدقت أفتك من ملاك الخبله وضحكها علي طول ماأنا أطبخ .. تجيني أنت بعد
نايف : السموحه ولد عمي .. بس أنا ماذقت طبخت من قبل
ياسر : الحين تذوقه .. وشرط تلحس الصحن وراه
أبتسمت أم ياسر وقامت تنشب الغداء .. وبالفعل راحت أم ياسر عشان تحط الغداء ، دخلت المطبخ توقعت تكون ملاك موجوده ، طلعت من المطبخ وأتجهت إلى غرفة ملاك .. فتحت الباب شافت ملاك منسدحه على سريرها
أم ياسر بلطف : ملاك ؟ ليه قاعده هنا .. أنا أحسبك رحتي المطبخ تنشبين الغداء
ملاك مرتبكه : مدري يمه حسيت إن راسي فجأه يدور ويألمني شويه قلت أنسدح يمكن يخف الألم والدوار
أم ياسر : طيب حبيبتي .. قومي كلي غداء شويه عشان أعطيكِ حبة بندول .. ولد عمك هنا وتراه سال عنكِ
ملاك في بالها : سأل عني ؟! ياويلي ويلاه
ثم قالت : مايخالف يمه .. صدقيني راسي يألمني حيل .. ماأبي غداء ، بس أبي أنام
أم ياسر : طيب على راحتك
وطلعت من عندها ، قامت ملاك بسرعه وقفلت الباب وقالت بإرتياح : آآه .. خلني أذاكر الفيزياء أحسن لي
ولما حطت ام ياسر الغداء سأل ياسر : يمه وين ملاك ؟
أم ياسر : تعبانه ونايمه بغرفتها
نايف خاف وقال لا شعورياً : سلامات أش فيها ؟
ياسر : فيها دلع بنات ، تو من ساع قاعده تطبخ معي وتضحك علي مابلاها شي << ترى ياسر هو كذا طبعه مزوحي
أبو ياسر لأم ياسر : طيب عطيتيها حبة بندول ؟
أم ياسر : لاتقول تبي تنام
نايف في قلبه : تبي تنام .. تحسبيني ياملاك ماأعرف حركاتك .. الله يسامحك
xXxXx
فيلا أبو طلال
كان الكل في الصاله قد أنتهو من أكل طعام الغداء وجالسين يحلون ويشربون شاهي
أبو طلال : إلا وش أخبار أمك ياحور ؟
حور بنص عين : أكيد بخير
أبو طلال : بلغيها سلامي
حور : وأبلغها سلامك ليه ؟
شوق : السلام لله حور
حور بدون ماتناظر في حور : أنا أكلم أبوي
أبو طلال : هي صادقه السلام لله
تدخل أحمد : اقول ليه مانطلع الحديقه .. الجو اليوم مره حلو يرد الروح
حور تمللت : أنا بعد شوي برجع البيت
طلال : شنو تردين البيت ؟ حنا من زمان ماشفناكِ .. " ثم يغمز لشوق " ونبي نسولف معك بعد
تذكرت شوق الموضوع : إيوه صح تذكرت .. حور الاب توب حقي مدري أش بلاه .. معليش تشوفينه لي
حور : وطلال وأحمد مايعرفون ؟
طلال : إلا نعرف .. بس نزهق نسويه لها
شوق وقفت : يله أجل قومي مهي
حور وهي توقف وتاخذ جوالها : طيب .. عن أذنكم
وراحت حور وصعدت مع شوق غرفتها .. وطلعت شوق الاب توب حق حور
xXxXx
بيت أبو ياسر
أبو ياسر و ياسر في الشارع أمام البيت مع نايف لأن نايف بروح فطلعو معاه للشارع
نايف : مشكورين والله ماقصرتوا على الغداء الحلو ذا
أبو ياسر : أجل وأنا عمك عجبك طباخ ياسر ؟
نايف : ياليت عجبني وبس إلا جنني
ياسر : لو عارف إنك راح تتجنن ماطبخت .. مايهون علي جنونك ياولد العم
الكل " نايف ، أبو ياسر ، ياسر " : هههههههههههههه
نايف : يله الحين في أمـان الله وسلمو لي على بنت عمي وقولو لها ماتشوف شر
أبو ياسر : الشر مايجيك يالغالي
نايف وهو يصعد سيارته : سلام
أبو ياسر و ياسر : الله وياك
وحرك نايف سيارته وأبو ياسر وياسر دخلو البيت
xXxXx
فيلا أبو طلال
في غرفة شوق .. حور و شوق جالسات على الاب توب
حور : وش بلاه اللاب توب حقك ؟ وش زينه مابلاه شي .. ليه تقولي لي إن فيه بلاء
شوق : لا .. امم .. الحقيقه أبي أفتح لي إيميل
حور : ماعندك ؟
شوق : إلا عندي .. وحبيت أفتح لي ثاني حق إذا بغيت أشترك بالمنتديات
حور : اهاا .. طيب الحين أفتح لك
شوق : إلا أقول حور
حور وهي تفتح موقع الوندوز : هلا
شوق : صاحبتك إلي شفتها معك بالفيلا إلي أسمـها .... " تسوي فيها ناسيه " .. ياربي وش كان أسمها
حور : ملاك
شوق : إي صح ملاك
حور : أش فيها ؟
شوق : عندها إيميل ؟
حور : إيوه
شوق : أجل خلينا نضيفها في الإيميل إلي راح تفتحيه الحين ونلعب معها شوي
حور : بس هي مب شابكه الحين
شوق : امم .. قولي لها تشبك على إنك تبين ترسلين لها شي
حور : مـاعندها كمبيوتر
شوق تعجبت : ماعندها كمبيوتر وعندها إيميل ؟ كيف ؟
حور : أنا وهي دايم ندخل النت مع بعض من الاب توب حقي ، ففتحت لها إيميل من عندي وأهي دايم تدخل عليه من عندي
شوق : طيب ليه ماعندها كمبيوتر ؟ .. جهاز الكمبيوتر الحين من الضروريات
حور : شوق لاتسألين كثير
شوق : يله حووور .. ترى فيني فضول
حور وأهي تناظر في عين شوق : حالتهم الماديه ماتسمح
شوق مب مصدقه : ماتسمح !! ليه أبوها مب تاجر ؟
حور عاقده حاجباها : مين قلك أصلاً إنه تاجر ؟!
شوق : لأني على حسب ظني إنتي ماتخاوين إلا بنات التجار
حور : صح كلامك بس ملاك مب خويتي
شوق مستفهمه : أجل أيش ؟
حور : ملاك هي أختي وروحي الساكنه فيني .. ومتى مافارقتني أنا أموت
شوق تعجبت من الصداقه القويه بين حور و ملاك : يالله ياحور .. إلى هالدرجه تحبون بعض
حور واهي ترجع للاب توب : وأكـــثر .. محد يقدر يتصور معزتنا لبعض قد أيش
شوق في بالها : يابختك ياطلال والله
ثم قالت إلى حور : إلا شسمها ؟
حور : ملاك
شوق : عارفه .. بس أقصد ملاك أيش ؟
حور : ملاك يوسف حمد
شوق وأهي سرحانه وتكرر الأسم عشان تحفظه : ملاك يوسف حمد
حور : يله الحين قولي لي أش تبين أسم الإيميل
xXxXx
في بيت أبو ياسر
ملاك نايمه وأهي جالسه على الكرسي وبإيدها الكتاب ^_^ .. فجأه رن جوالها وجلست متخرعه .. مسكت جوالها " رساله وارده " .. فتحت الرساله لقتها من نايف وكان نص الرساله :
كنت أظنك الصدر الحنون إلي يضمني
إذا جار علي الزمان
وكنت أظنك الكف إلي يمسح دمع عـيني
إذا فاضت روحي بالأحزان
وكنت أظنك القلب إلي يودني
والفؤاد إلي يحبني
وماهقيتك بيوم تنكرني
وتقسى علي وتضلمني
" من كتـآبـآتي ^_^ "
ملاك بأسف : ياربـــي .. وينك ياحور اليوم أنا بالذات محتاجه لك
ودقت ملاك على حور تبي تسمع صوتها .. لأن ملاك إذا كانت متضايقه بمجرد إنها تسمع صوت حور أو تكون حور قربها أو بس تحس بوجودها تطمن
اتصلت ملاك على حور .. حور كانت جالسه مع شوق على الاب توب
ورن جوال حور
حور : الوو
ملاك تحاول ماتبين لحور إنها مضايقه : أش أخبـآرك كيف الجو عندك ؟
حور بإبتسامه لشوق : عن أذنك شوق
شوق بإبتسامه : أذنك معك
طلعت حور من الغرفه : هلا وغلا .. هلا هالصوت والله .. وينك ماسمعت صوتك من أمس بالليل
ملاك : أكيد أنتي مشغوله
حور : دقايق وأفضالك
ملاك : لااا .. أنا بس حبيت أسمع صوتك والحـين ماأطول عليكِ .. إذا رجعتي البيت أكلمك عشان تقولي لي أيش صار معك اليوم طيب ؟
حور : اوكي
ملاك : يله سلام
حور : سلام
وتنتهي المكالمه
رجعت حور دخلت غرفة شوق ورجعت جلست في الكنبه إلي قدام الطاوله الصغيره الموجود عليها الاب توب
شوق : هاذي ملاك صح ؟
حور : صح
ورجعن للاب توب والنت ^_^
xXxXx
فيلا صفيه " أم حور "
كانت أمها جالسه في غرفتها على الأرض ومتحجبه وتقراء القرآن الكريم
فطرق الباب .. طق طق طق
أم حور وأهي تصك القران القران وتبوسه : صدق الله العلي العظيم .. مين ؟
رامي : أنا رامي ياخالتي ممكن أدخل ؟
أم حور : تفضل يارامي
دخل رامي وكان كاشخ لابس ثوب وشماغ وجلس قرب خالته وقال بإبتسامته المزينه وجهه ذا الملامح الرجوليه الجميله : حور لها وحشه .. تصدقين ياخالتي إنها وحشتني
أم حور : يــاكثر مابتوحشك .. الحـين وبعد مــاأموت
رامي تضايق : بعد عمر طويل ياخالتي
أم حور : أنت ماتشوف وجهي كيف صار !
ثم سكتت وناظرت في النافذه وقالت : الله يجازيني على إلي سويته بدنيتي .. وراح يجي يوم يجازي حور على إلي قاعده تسويه
رامي : بس ياخالتي ..
تقاطعه أم حور : حور مصيرها راح يكون مثل مصيري إذا ماتابت لله .. " ثم تقول بأسى " الدنيا دواره .. دارت و دارت و دارت وجات لي .. وأنت شايف أيش سوت فيني ، كنت أملك كـل شي .. المـال ، الجمـال ، القوه ، وكنت أظن إن فلوسي راح تخليني أتكبر على الناس وتخليني ماأحتـآج لحد .. قلت أنا عندي المـال والجمـال وبعيش على كيفي وماراح أحتاج لحد أبد .. وشف حالي الحين ، " تقول و الدمعه في عينها " .. مريضه وفلوسـي مـاتقدر تسـاعدني .. وجمـالي !! رآآح ..... آآآآآه منك يادنيا .. آه !
رامي لما سمع كلمات خالته الحزينه أثرت في نفسه ، لم يستطع وقف دموعه التي أنهالت مثل السيف على خديه ..
أنسحب من الغرفه بهدوء بعد ماباس راس خالته .. وراح للحديقه وجلس على كرسي في الحديقه وهو يتأمل هدوء هالدنيا المخيف ..
منورين القصه حبااايبي
][ الجزء الثآلث ][
في فيلا أبو طلال
شوق وأحمد و حور في الصاله
حور وهي حاطه رجل على رجل وتاكل جلكسي فلوتات : تصدقون .. أول مره أحس إن لي أخوان
أحمد : أفا ياحور أش هالكلام الله يهديك
حور : أنا وحده أحب الصراحه وأبي أخواني بعد يحبون الصراحه
شوق : خلاص ياأحمد لازم تحب الصراحه .. بس هاا .. حب شريف
الكل : ههههههههههه
ناظرت حور بساعة يدها البنفسيجه الكبيره " ماركة سواتش " تذكرت إنها دقت على البيت وقالت لنادين تخلي السايق يجي
حور واهي تقف وتلبس عباتها : يله الحين وقت الجد .. أشوفكم على خير
أحمد وشوق وقفو
أحمد : وين رايحه تعشي معنا
شوق : صدق والله لازم تتعشي
حور وهي تصك عباتها : واللهِ مقدر بروح بيت خويتي
أحمد : خويتك روحي لها بكره الحين أنتي معنا
حور : والله مقدر ياأحمد
شوق : أبوي و طلال راح يزعلون منك كثير
حور وهي تلف الشيله عليها : معليش قلبي أعتذري لي منهم
شوق : طيب .. اممم ماتبي تروحين معي السوق نشتري فساتين وشغلات للملكه ؟
حور : أفكر وأرد عليكِ
شوق : اوكي
حور واهي تبوس أختها : يله باي
وراحت وباست أحمد على خده بسرعه وطلعت وأهي ماسكه حقيبتها الكبيره ..
طلعت برى ولقت سيارتها تنتظرها لكن بداخلها مب السايق .. إنما رامي
حور ركبت السياره بطفش وقالت : وأنا كل ماأقول خلو السايق يمرني تجيني أنت ! أش على بالك السايق الخاص حقي ؟
رامي بدون نفس : وعليكم السلام ورحمة الله وبركاته
حور : وصلني بيت ملاك
رامي بدون مايلتفت لها : أنتي تامرين أمر ياعمري
حور : أقول رامي أنت ليه تبي تنرفزني وبس ؟
ألتفت رامي لها : أنا طول اليوم جالس أنتظرك بالفيلا ولما دقيتي وقلتي للشغاله تقول لسايق يجيكِ .. أنا بنفسي جيتك وبعدين تقومين تستهزأين فيني ! .. أحترمي حالك يابنت الناس عشان الناس تحترمك
حور : أسمعني يارامي .. راح تسكت الحين ولا الحين أنزل وأخلي سايق أبوي يوصلني ؟
رامي وهو يحرك السياره : ماراح أسكت لأنك مب أنتي إلي تقولين لي أسكت .. فاهمه يابزره
حور منصدمه : أنا بزره !!
رامي بإبتسامه يبي يغيظها : أنتي بزره
حور بغرور : هالبزره إلي مب عاجبتك أنت تسوق سيارتها الخاصه الحين وتاكل من حلالها وجالس بفلتها .. وأنت يارجال يادكتور ماعندك نصف إلي عندي
رامي كان ممكن يتحمل منها أي شي إلا إنها تعايره : دام السالفه صارت كذا يابنت خالتي .. أنا أرويك مين رامي
حور : هههههههههههههههه
رامي من جده عصب ، راح ووقف السياره على رصيف الشارع العام ثم ألتفت لحور ورمى عليها المفتاح وقال بإبتسامه : أتمنى بس إنك ماتسوين لنا حادث وتفضحينا
ثم نزل من السياره وأشر لتاكس ووقف له التاكس وصعد به وحرك .. وسط ذهول ودهشة حور
حور مب مصدقه : كأن هذا من صدقه !! ياويلي ويلاه .. الله يلعنك يارامي .. عز الله إنك مجنون .. المصيبه سيارتي مشهوره بالرياض والكل يعرف إنها سيارتي أنا حور بدر .. !! .. هين .. أصبر علي يارامي إذا ماطردتك طردة الكب ماأكون حور بدر سـالم
وطلعت موبايلها من حقيبتها واتصلت على سايقها الخاص : ألو نور الدين .. أسمعني تعال الحين أنت وأي حد من السواويق عند الشارع العـام القريب من فيلا أبوي .. فاهمني .. أنا أنتظرك في الشارع راح تلقى سيارتي واقفه هناك .. بسرعه فاهم .. وإذا تأخرت ياويلك
وتنتهي المكالمه
حور بتوعد : هين يارامي .. أنا أوريك مين حور
xXxXx
فيلا أبو طلال
كانت شوق تنتظر طلال في الصاله مع أحمد .. أحمد كان يشاهد التلفزيون ومندمج بالبرنامج
جاء أبو طلال و طلال وألقيا السلام
أحمد و شوق : وعليكم السلام
أبو طلال وهو يجلس : أجل فين حور ؟
أحمد : راحت تزور صاحبتها
طلال كنه مراهق : مين ؟ أي وحده ؟
أحمد : ياعم أثقل شويه .. صير رزين
طلال واهو يجلس قرب أخوه : وأنت مع وجهك مسوي فيها ثقيل ورزين ... ماأقول إلا مالت خلهم لك أنا ماأبيهم
شوق بتردد : طلال .. انا جبت لك معلومات عن البنت ... بس ... " وتسكت "
أبو طلال عاقد حاجباه : بس أيشي ابنتي ؟
شوق : أبـوها .. مب تاجر
أبو طلال ماتهمه الفلوس أبد : وحنا راح نتزوج البنت أو أبوها ؟
طلال : أيش يشتغل أبوها ؟
شوق : ... عنده بقاله يبيع فيها
أحمد مستنكر : بقاله ! .. أيش هالنسب إلي يشرف !
أبو طلال مايحب عياله يكونون ماديين أبد وهالشي ورثه طلال منه بالكامل : عيب ياأحمد .. حنا نبي بنت تصون أخوك وتصون بيته في غيابه .. مانبي بنت عشان فلوس أبوها ... حنا والحمد لله عندنـا خير من الله
طلال وهو يناظر أخوه لأن كلامه ماعجبه بالمره : صحيح يايبه
أبو طلال لـ شوق : عطيني أسم أبوها كامل وأنا إن شاء الله أسأل عنه وأشوفه رجالن زين ولا شين .. والله يكتب إلي فيه الخير
xXxXx
أما في الشارع .. كانت حور في السياره تغلي غضب وتنتظر السايق .. بعد دقايق قليله وصل السياق مع سايق ثاني .. جاء عند النافذه يكلم حور :
نأم ماما شنو تبغين ؟
حور : أيش أبي يعني أنت وهالوجه .. أبيك تصعد بسرعه وتوصلني بيت عمي ابو ياسر
السايق : طيب ماما فين مفتاح
حور : هذا هو أمسك
وأخذ السايق المفتاح وشغل السياره عشان يوصلها بيت أبو ياسر
xXxXx
فيلا صفيه " أم حور "
أم حور كانت تتعشى على سريرها لأنها تعبانه حيل مب قادره تقوم فإذا بالباب يطرق
أم حور : تفضل
دخل رامي بثوبه الحجازي المخصر والشماغ لافه عليه بطريقه مبهذله جنان ، جلس قرب خالته ووجهه غير
سألته خالته : أش بلاك رامي ؟
رامي يصطنع إبتسامه : خالتي أنا جـأي أسلم عليكِ قبل ماأطلع
أم حور بدهشه : تطلع !! ليه ؟ وين تروح ؟
رامي : ليه .. مقدر أجاوبك عليها سامحيني .. وين أروح بشوف لي شقه مفروشه أو غرفه في فندق أو أوتيل
أم حور : طيب لييه ؟؟ ليه راح تطلع ؟
رامي : خالتي أترجاكِ .. مقدر أجاوب على سؤالك .. " ثم أبتسم " بس أنا كل يوم راح أزورك ماراح أخليكِ
نزلت أم حور رأسها وقالت بأسف : عارفه .. حور طردتك
رامي : لا ياخالتي هي ماطردتني .. أنا إلي طلعت من نفسي .. لكن إذا شت وشافتني ذيك الساعه جد راح تطردني
أم حور سكتت لأنهـا تعبت جد جد .. وفي نفس الوقت فشلانه من حركـات حور مع رامي .. باسها رامي على رأسها وطلع .. وهي ظلت تبكي وتقول : لا حول ولا قوة إلا بالله العلي العظيم
xXxXx
بيت أبو ياسر
الكل جالس في الصاله أبو ياسر و أم ياسر وياسر عدا ملاك .. فإذا بالجرس يرن .. طلع له ياسر يشوف مين .. فتح الباب فدخلت حور وقالت وأهي تنزع لثامها : هلا والله ياسر << طبعاً راح تستغربون ليه حور سوت كذا بس مع الأيـام راح تعرفون حور و ياسر أيش
ياسر وهو يصك الباب : هلا والله عمري .. كيف حالك ياخبله ؟
حور وأهي تدخل وياسر وراها : بخير دامك بخير يالغالي
دخلت حور الصاله وقالت بإبتسامه : السلام عليكم
أم ياسر و أبو ياسر أستبشر وجههم فرح لما شافو حور : وعليكم السـلام
جات حور وباست راس أبو ياسر وراس أم ياسر وجلست معهم
أبو ياسر : هلا والله ببنتي
حور بإبتسامه : هلا والله فيك عمي
أم ياسر : صار لك أربع أيـام مازرتينا
حور : حقك علي خالتي .. والله إني أشتقت لكم حيل حيل
أم ياسر : مب أكثر مني .. إلا شخبار أمك ؟
حور : الحمد لله بخير
أم ياسر : صار لي أسبوع ماشفتها .. آخر مره شفتها من لما جيتي معها الأسبوع إلي راح على العشاء
حور : إإي ذاكره .. هي قـالت لي تبي تسوي جمعه صغيره بس بعد ماترجع خالتي
أم ياسر : اها .. الله يرجعها بالسلامه يارب
حور عاقده حاجباها : إلا ملاك وينها ؟
ياسر : ملاك الخبله على حسب ماتقول إنها مريضه
حور خافت : أيش فيها ؟؟
أم ياسر : أسم الله عليكِ .. ياسر يمزح معك .. هي بس تعبانه شويه
أبو ياسر : كذا خوفت بنتنا
ياسر : وأنتي على طول تصدقي ! على فكره إلي في ملاك دلع بنات وهرج بزارين
حور وأهي تقف : وليه ماتدلع يعني ! مب هي بنتكم الوحيد !! عن أذنكم
وراحت لغرفة ملاك
أبو ياسر : الله يخليك ياحور يابنتي لأهلك ويخليك أنتي ياملاك ويستر عليكِ
غرفة ملاك ..
فتحت حور الباب ودخلت رأسها وقالت : يقولون تعبانه أيش فيكِ ؟
كانت ملاك مشغله موسيقى هادئه ومنسدحه على السرير ولما شافت حور جلست بسرعه وقالت : حور !
حور وهي تدخل وتصك الباب وراها : إيوه حور .. لايكون على بالك إني مالاحظت في التلفون إنك ودك تقولي لي حاجه .. ها ياقلبي أش فيكِ ؟
نزلت ملاك رأسها وعرفت حور السبب
حور بأسف : نايف صح ؟
ملاك تنظر إلى عيني حور برجاء وحزن شديد : قولي لي أيش أسوي ؟
حور : أقولك وتنفذيه ؟
ملاك : قولي ياحور قولي
حور : أوعديني تنفذين
ملاك : أسمع بالأول
حور : أطرديه من قلبك خليه يولي .. هذا وجه حب هذا !
حضنت ملاك حور وبكت وهي تقول : مقدر ياحور مقدر
حور حاضنه ملاك بقوه : مسحي دموعك وقسي قلبك .. ترى الطيبه في هالزمن ماتنفع .. ماتنفع ياملاك اصحي
ظلت ملاك تبكي وحور تحاول تهديها
في هذه الإثناء كان نايف تو داخل غرفته جلس على السرير وبسرعه أتصل لملاك
رن موبايل ملاك
ملاك تبكي وتناظر في حور : هذا هو
حور : عطيني بكلمه
ملاك تبعد الجوال عن حور : لا أعرفك بتهزأيه
حور : أجل أنتي ردي وحطي مكرفون
ملاك : طيب
أستجمعت ملاك قوتها وردت من بعد ماحطته مكرفون : ألو
نايف : وبعدك زعلانه ؟
ملاك : وليه أزعل ؟ أنت بس أتهمتني بالكذب
نايف نزل رأسه : آسف .. وحقك علي .. أنا ساعتها كنت معصب ومدري عن إلي أقوله
حور تهمس لـملاك : قطعي الخط بوجه
ملاك بشويش : لحظه شوي
نايف : ألو !
ملاك : هلاا
نايف : سامحتيني ؟
حور تهمس لملاك : قولي لا ...لااا
ملاك ماردت
نايف : راح تسامحيني صح ؟
ملاك : لكن بشرط
نايف أنبسط شوي : تدللي
ملاك : تنسى سالفة الزواج حالياً ..
حور تهمس : ايوا كذا تعجبيني شويه
ملاك : أيش قلت ؟
نايف بهدوء : ماقلت شي
ملاك فرحت شوي : يعني راح تنسى !
نايف : يعني ماراح أنسى
ناظرت ملاك في عين حور بحزن ، حور عصبت حيل منه وحور ماترضى حد يزعل ملاك وهي موجوده
حور تهمس لملاك بعصبيه : عطيني أكلمه
ملاك لاشعورياً : أجل لو سمحت أمسح رقمي من جوالك
وتنهي المكالمه وتحظن حور وتبكي
نايف معصب : ألو ؟ ألو
ورجع ودق عليها
رن الجوال أخذته حور
ملاك أخذت الجوال من حور بسرعه وهي تقول : أش راح تسوي ؟
حور من جدها معصبه وودها تضرب نايف : بعلمه الأدب .. وإن دموعك غاليه
طفت ملاك الجوال ثم حضنت حور وكأنها تقول لها طنشيه معليك منه
نايف : كذا ياملاك ؟ تقفلين الخط بوجهي ؟ اللهم طولك ياروح
ملاك حاضنه حور على السرير .. حور مسحت دموع ملاك بيديها وجلست تمسح على رأسها وأهي حاظنتنها عشان تهدي .. هدأت ملاك .. تركت حور وأنسدحت على السرير تعبانه
حور : تبين تنامين ؟
ملاك وأهي ماسكه إيد حور : ماأبي أنام بروحي .. نامي الليله معي
حور تبي ترجع البيت عشان تهزاء رامي : لا أنا أبيكِ ترتاحين ومعي أكيد ماترتاحي
ملاك مبتسمه من بين دموعها : أصـلاً أنا ماأعرف الراحه إلا معك
حضنت حور ملاك وأنسدحت معها واهي تقول : بعد عمري
بعد دقايق قليله نامن وكل وحده حاضنه الثـانيه بحنان وقوه
بعد ســاعتين .. جلست حور من النوم لقت نفسها نايمه بحضن ملاك ومتغطين باللحاف والأنوار مغلقه وأنوار النوم مشغله .. أبتسمت حور عرفت إن أم ياسر هي إلي غطتهم وشغلت لهم أنوار النوم .. قامت من السرير بهدوء عشان ماتزعج ملاك .. طلعت جوالها من حقيبتها لقتها الساعه 11 الليل .. قامت حور لبست عباتها وحطت شيلتها على كتفها وطلعت من الغرفه بهدوء .. راحت الصاله لقت ياسر جالس لوحده يشاهد تلفزيون قالت وأهي واقفه : وينها خالتي ؟
ياسر : أمي وأبوي نامو .. أنتي مب كنتي نايمه ؟
حور وأهي تجلس على الكنبه إلي قرب الكنبه إلي جالس عليها ياسر : إلا بس توني صحيت .. قلت خلني أروح البيت
ياسر : ورى ماتنامي هنا ؟
حور : بروح البيت عندي كم شغله
ياسر وهو يقف : أجل قومي بوصلك
حور : لالا ماله داعي الحين أدق على السايق يجيني
ياسر : أقول تراني ماراح أسرقك مدري أيش أبي فيكِ .. لحظه بس أبدل وأجي
حور بإبتسامه : طيب عمري
راح ياسر بدل بجامته ولبس له بنطلون جينز غامق وتيشرت برتقالي وأخذ مفتاح سيارته وطلع للصاله
ياسر : يله مشينا ؟
حور وأهي تلبس شيلتها : يله
صعدو السياره .. ووصل ياسر حور للفيلا
وقدام الفيلا في السياره
ياسر : يله حور أنزلي
حور : ادري إني بنزل
ياسر : ههه أمزح معك ياشيخه
حور : المشكله من وحنا صغار إنك أنت الوحيد إلي تحب تعصبني مدري ليه
ياسر : أموت من الفرح إذا خليتك أنتي و ملاك تعصبو
حور بنص عين : أصلاً حنا نمثل قدامك حنا معصبين بس في الحقيقه حنا آخر وناسه
ياسر : إي هين هههههههههه
حور : بسك ضحك ودي أشوفك يوم واحد ماتضحك
ياسر : أضحك تضحك لك الدنيا
حور : ياشينك انت وهالمثل
ياسر : أقـول حــو ....
تقطاعه حور : لاتقول ولا تفعل .. أنا بنزل وراي نوم يله بااي
فتحت حور الباب ونزلت وياسر ميت ضحك عليها سلمت على ياسر وراحت دخلت الفيلا وهي تركض .. أبتسم ياسر من حركات حور الطفوليه ثم حرك السياره راجع لبيته
دخلت حور الفيلا .. وحمدت ربها إنها مب لابسه جزمه كعب عشان ماتطلع صوت وأهي صاعده ويسمعها رامي .. أتجهت بهدوء إلى غرفة الضيوف إلي ينام فيها رامي وفتحت الباب بقوه .. لقت الأنوار مطفيه .. فتحت الأنوار مالقت حد بالغرفه .. بالعكس الغرفه نظيفه ومرتبه .. جاء لها فضول تفتح الخزائن و بالفعل فتحت الخزائن " خزائن الثياب " لقته فاضين ومالقت حقائب رامي في أي مكان بالغرفه .. راحت وجلست على السرير وهي تقول : طلع من الفيلا .. الحقير .. بس مرده لي أكيد راح يجي ع شان يزور أمي .. وذيك الساعه راح أعلمه مين أنا ومين هو .. ههههه
xXxXx
يوم ثاني في بيت أبو ياسر
فتحت ملاك عينها حركت يدها على سرير تدور عن حور ، مالقتها .. ألتفتت للجهه الثانيه لقت مكانها خالي .. ناظرت في الغرفه مالقت حتى حقيبتها .. قامت طلعت من الغرفه تدور حد تكلمه .. مالقت حد بالصاله " بيت أبو ياسر دور واحد " راحت المطبخ لقت أمها
ملاك وشعرها على وجهها من النوم : يمه وين حور ؟
أنتبهت أم ياسر لملاك : صباح الخير قلبي .. عسى اليوم أحسن ؟
ملاك : إي الحمد لله .. بس يمه وين حور ؟
أم ياسر : حور راحت بيتهم
ملاك : هي أمس نايمه معي
أم ياسر : صحيح كلامك .. بس البارح صحت من النوم وراحت البيت
ملاك : مي نقلك
أم ياسر : ياسر
ملاك : وياسر أيش عرفه ؟!
أم ياسر : تحقيق هو ؟ ياسر هو إلي وصلها امس
ملاك : اهاا .. طيب .. بروح أذاكر تبين شي ؟
أم ياسر : أبيك تجلسين هنا وتفطرين .. أنتي من أمس مب ماكله شي
ملاك : يمه يمه بروح لـحور
ام ياسر : بشرط
ملاك : انا من متى أروح لـ حور بشروط ؟!
أم ياسر : من لما صرتي ماتـاكلي
ملاك : ههه يعني تبيني آكل
أم ياسر : إيوه
ملاك : طيب راح آكل .. بس مب هنا هناك مع حور
أم ياسر : مافيه طلعه من البيت قبل ماتاكلي
ملاك : لا خلاص خلاص باكل وأمري لله
أم ياسر بإبتسامه : أجل روحي بدلي وأنا أجهز لك الفطور
راحت ملاك بسرعه عشان تبدل .. فتحت ملاك خزانتها وقامت تناظر في ملابسها " نسيت أقولكم .. حور و ملاك من النوع إلي لبسهم قوي " ..
طلعت لها ملاك شورت جينز رمادي واصل إلى فوق ركبتها مباشره وبدي وردي ضاغط على جسمها بدون تعليقه والبدي قصير يعني طوله من الصدر إلى البطن ولبست جزمتها الورديه " من النوع إلي يكون نازل وفتحتهم كبيره " هي وحور يحبون يلبسون كذا في طلعاتهم العاديه ..
راحت ملاك وفطرت ولبست عباتها ووصلها ياسر بيت ملاك
دخلت ملاك الفيلا .. حست بهدوء مخيف .. راحت بتصعد الدرج لقت الخادمه تنظف إحدى أركان الفيلا .. وهو ركن حق الجلسه العربيه ، مره فخم وراقي
ملاك بأدب : لو سمحـتي
الخادمه تحب ملاك لأنها طيبه حيل عكس حور إلي دايم تهزأهم : نأم ماما ملاك .. صباح الخير
ملاك بإبتسامتها العفويه : صباح النور .. إلا أقول وينها خالتي و حور ؟
الخدامه : لكهم نايمين .. بابا رامي في يتلع أمس من فيلا << صدق خدامه ملقوفه
ملاك تعجبت ثم قالت بإبتسامه : طيب .. كملي شغلك
صعدت ملاك الطابق الثاني واهي حامله حقيبتها الورديه بكتفها وبعض الملازم بإيدها .. راحت ودخلت غرفة ملاك فتحت الباب لقت الغرفه هدوء .. الستائر مغلقه وحور نايمه كالطفله .. دخلت ملاك وصكت الباب وراها .. خلعت عباتها وشيلتها وعلقتها وراء على الشماعه " علاقه " .. وراحت فتحت ستائر غرفة حور البنفسجيه .. حور أنزعجت من النور فغطت وجهها بالبطانيه وقالت بصوت عالي : اووووه يمه .. ليه تسوي كذا ؟ تكفين صكيهم وغلاتي
ملاك تقلد صوت حور : اووووه يمه
بعدت حور البطانيه عن وجهها وقالت بصوت نعسان : ملاك !
ملاك وأهي تجلس قرب حور : إي ملاك إلي خليتيها أمس نايمه لوحدها
حور : هههه
ملاك : قومي غسلي يله خلينا نذاكر
حور مبتسمه : إن شاء الله عمتي
قامت حور وغسلت وجهها وطلعت من الحمام
ملاك : أقول حور
حور وهي قدام المرايه تنشف وجهه بالمنشفه : هلا
ملاك : الخدامه تقول إن رامي طالع من هنا .. ليه ؟
حور وأهي تسرح شعرها : خايف
ملاك : من أيش ؟
حور : مني
ملاك عاقده حاجباها : منك !
حور : إي مني
ملاك : لحظه لحظه .. ممكن تفهميني السالفه ؟ ترى راسي بداء يلف ويدور
حور وأهي تجلس قرب ملاك في السرير : طيب .. أفهمك
xXxXx
|
|
|
لاازل قلبي  ينبض لغداًاجمل ...gif "Rooh5(36)")
|
|