البــارت 35 ..

عنـد عزوز و مريـوم ,,

كـانو واقفيـن يتصـورون ,, وعزوز يتحرطم كل دقيقه يبـا الحرمه تروح ,, حـاولي 50 صوره صورت .. و يوم خلصـت الحرمه ,, طلعت سارت ترتـاح شويه ,, لانه قالولهـا البـنـات يبون يتصورون بعـدين ,, من طلعت المصـوره مريـوم سـارت تيلس حاطع ريل ع ريل و موخيه راسهـا ,, جان ايي عزوز و ايلس عـدالها ,,

عـزوز : فديـــت راعيـة المحـطه
مريـوم انحرجت وايد ييت و كفخته ع ريـله : عندي اسم انا
عـزوز : فديــت حرمتي عيل
مريـوم : ..........
عـزوز : شوفيـك ساكته ,, خايفـه ,, والله ما اكل
مريـوم : لاا بس أأ ...
عـزوز : شوفيـج ؟
مريـوم : هـاا لا ولا شي ,,
عـزوز : انزين مريـومه ( مسـك ايدهـا ) خبريني عنـج ؟
مريـوم جـان تشوفه و تبتسـم : اسـال وانا بجـاوب ,,
عـزوز : هـممممم ,, اوكيه ,, انتي و عليـا توأم صح ؟
مريـوم : لا فديتـك
عـزوز : عيـل ؟ انتي اكبـر
مريـوم : ولا انا اكبـر .. خـوات بالرضـاعه
عـزوز انـصدم : والله !!
مريـوم : هيـييه ..
عـزوز : و اهـل عليـا وين .. فـ دبي ؟
مريـوم : هممم لا .. توفـو الله يرحمهـم
عـزوز انصـدم صدق : اشـوووه !! الله يرحمهـم .. بس كيف ؟؟ وكيف هيه اختج بالرضـاعه !!
مريـوم : توفـو فـ حادت سيـاره .. وكـانت امايه ترض عليـا يوم كـانت خـالوه اسمـا تسير الدوام .. ومن عقـب الحـادث توفـو ,, و عـاشت ويانا ,, و امايه و ابويه ,, اعتـبروهـا منهم و مفيهم ,,
عـزوز : هيييه ,, حليـلها والله ..
مريـوم ابتسـمت ..
عـزوز : بس تـاخذون من بعـض ..
مريـوم : هييه ,, اللي يشوفنـا يقول انهـا خوات ..
عـزوز : انزيـن وبعـد .. كـنتو فـ دبي و لا بـوظبي عايشين ؟
مريـوم : لاا فـ دبي .. بس يينـا بوظبي عشـان فطـيم ..
عـزوز : فطـيم ربيعتكم صـح ولا تقربلكم ؟
مريـوم : لااا .. ربيعتـنا يوم كـنا فالروضه ,, وايد وياها فديته والله ..
عـزوز : هيـيييه ماشالله ..
مريـوم : انزيـن انته رمسني عنـك ..
عـزوز : اسـال و فالج طيب
مريـوم كانت تبا تنغـزه : فالك مايخيب ,, حبيـت قبـل
عـزوز تغيـرت ملامحـه : أأأأأ ليـش هالســوال ؟
مريـوم : هـممم ليش ضايقـك ؟
عـزوز : أأ لا ابـدن .. بقـولج الصراحه بس لاتزعليـن
مريـوم ابتسـمت : قـول ,,
عـزوز : كـنت العب بس ما حبيت
مريـوم : اهـااه .. يعني مغـازلجي هههه
عـزوز : هههه هييه بس الحيـن اسطلـت و عندي حرمه .. احبـها موت .. وهيه اول وحـده اتـدش قـلبي .. تقرب من ويها و بـاسه بحنـان
مريـوم تيبسـت ,, وسيده احمـرت : ...... انزيـن كنت تطلع وياهم ؟
عـزوز تلبـك : هـا لااا ..
مريـوم : هييييه .. جان ايي عزوز و يبوسهـا فجاه
مريـوم : ..........
عـزوز : فديت اللي يستحـون
مريـوم : ايييييه بس ,,
عـزوز : هههههههههه .. فستـانج طـر والله
مريـوم اونـها عاد تبا تغـطي ريلهـا يابت التكيه خلتها ع ريلهـا : هييه
عـزوز : ليش يعني ليش .. جان يخوز التكيـه .. ماحيدهـا ويا الفستـان
مريـوم : عـزوووز عـااااااد
عـزوز : عيـون عزوز ,, آمري
مريـوم : مايـامر عليك عـدو ولا ظـالم ,, بسـك .. بصوت واطي : استحـي
عـزوز : هيه فديتج .. متـى العرس ؟
مريـوم : ويي خلنا نكمل كمن يوم و عقب يصـير خيـر ..
عـزوز : فديـتج لانه انا و عـمر بنسـافر 10/8 .. بنخلي العرس 9/8 ..
مريـوم انصـدمت : ويييييييين ؟؟
عـزوز : بنسيـر المانيـا
مريـوم : وحق شـوه !!
عـزوز : عنـدنا كمن شغله حق الكليـه ..
مريـوم : لا ماشي سيره !!
عـزوز : انزين انا قلت نعرس و نسيـر .. واخـتج بعد نفس الشي ..
مريـوم : = ( ماشي وقـت !!
عـزوز : لا فيه و قـت قولي حق امايه ,, وان شاء الله بتخلصـلج الشغـل كله فكمن يـوم
مريـوم : ............
عـزوز : تعـالي بـاكلج الكيك ..
مريـوم : اعرف اكل بروحي ..
عـزوز : لا مالي خص ,, باكلج و اتاكليني
مريـوم : ياويل حـالييه ,, انزين

مـاكلو الكيك ,, اول شـي تعشـو .. وبعديـن يوم خلصو كلـو الكيك ,, و مريوم تتحرطم ع عـزوز كل دقيقه ياكلها وهيه خلاص اندحقـت من الاكل ..

امـا صـوب عمـر + عليـا ..

يـوم طلعت الحرمه .. عليـا تبا تشرد من عمـر قالت بيتعشـون اول وعقب يسولفون .. تعشـو و اكل بعض كيـك و يلسـو .. عليـا طول الوكـت صـاخه و كل دقيقه تصـرط ريجـها و تفـكر و سرحـااااانه وكـانت حاطـه ايدها ع راسها " كوعـها ع الكرسي " ,, عمـر لاحظ عليـها هالشي ,, جـان ايلـس .. (( كان شبه يالس )) و مسك ايدهـا طالعـها بحنـان ,, وقـال فخاطره : يمـكن خايفه و توتـره ..
عمـر : حبيبي شوفيج
عليـا : .......
عمـر : علايـه .. و يرد الشعـر اللي كان صوب عينهـا
عليـا فـزت : هـاا شو مستوي
عمـر : هب مستوي شي ,, انتي شبلاج ؟
عليـا فخـاطرها اتصيح من الخـاطر بس تبا تمسك عمرهـا : هـاا لا ماشي ..
عمـر يلس عـدالها و حط ايده ورا رقبتهـا ومسك الثـاني : والله تقـولين .. مضـايجه من شي .. حد زعلـج ؟
عليـا مارامت تستحـمل حطت راسها ع جتف عـمر و ايدها صوب شفايفهـا و تصيح .. انصـدم عمـر خاف نفس الوكت انه ماكانت تـبا تملج
عمـر : غنـاتي شوفيييج !! ليش تصيحيين ؟
عليـا ترمس كلمـات متقـاطعه : أأ أا اب ابـا ابـا امايـ امايـه و ابـويه ولهت عليـ عليـهم
عمـر : اخلـي خـالو نوره و عمـي علـي .. ايوون ؟
عليـا تصيـح شرات اليهـال : لااا ,, اب ابـا امـا .. امـايه اسـما ,, و ابـويه سعيـد .
عمـر : منـو اسمـا ,, منـوه سعيـد !!
عليـا : امـايه و ابـويه
عمـر : علايه فديتج شو السـالفه خبريني ,,
عليـا قـالته السـالفه عند امهـا و ابوهـا انهم متوفين وانهـا اخت مريوم بالرضـاعه ..
عمـر انصدم و لوا عليهـا يهديبهـا : بس فديـتج
عليـا : عمـر ,, آسفـه اذا ضايجتبـك .. و آسفـه اني ماقلتلك من قبـل
عمـر : فديتج مـافيهـا شي ,, هب مستـوي شي غلـط ,, جان يخلي ويهـا صوب ويهه : انـا مستعـد اكون ابوج و امج و ريلج و حبيبج و كـل شي ,, ( مسح دموعـها ) : بس دخيـلج مابا اشوفج وانتي اتصيحين ,, يحتـاي الحين تفرحيين و تستـانسين ,, هب تضايجين ,,
عليـا ابتسمت و ارتـاحت من كـلام عمـر : ...........
عمـر : و اوعـدج اي شي تبينه بيبلـج يـاه ,,
عليـا : تسلـم فديتك
عمـر لوا عليـها و هيه بعد حس انهـا لوت عليـه من خـاطرها ,, وعقب هـدها و سـار ايب لهـا ماي ,, و شربهـا
عمـر : بالعـافيه فديـتج
عليـا : الله يعافيـك .. بصوت واطي : حيـاتي
عمـر : شـوه ؟
عليـا : هـا لا ماشي سلامتـك
عمـر : جنييه سمعت شي ..
عليـا : هيه جنـك ههههه
عمـر تقرب من ويهـا مره وحده وباس خذهـا فجـأه
عليـا انرجـت وااايد :.......
عمـر : احبــج مـوت والله ,,
عليـا مستحيـه : وانـا بعـد ..
عمـر : وانتي بعـد شوه ؟
عليـا : انته تعـرف
عمـر : ماحيد بعمري سمعـتهـا
عليـا : احبـك
عمـر يستهبـل : ماسمعت
عليـا تقرب عند اذنه : احبــك
عمـر : وايه فديت انـا هالحـس ,,

عنـد الريـايل .. والبنـات ..
ام حمـدان زقـرت بو حمـدان ..
بو حمـدان : هـلا فديتـج
ام حمـدان : تـايم فنـش .. هههه سيـر ازقر عمـر و اخوه .. رفيـعه تبـا تروح ,,
بو حمـدان : من عيـوني يا عيـوني ,, علـي .. سير ازقـر عـزوز انا سير عند عمـر
بو مريـوم : ان شاء الله ..

سـار دق البـاب ع عـمر و عليـا ..
بو حمـدان : هـا الحبـايب ماشبعـو من بعض ..
عليـا و عمـر مره وحـده : لااء !!
بو حمـدان : مشكله يوم تنعـطون ويـه .. يلا بسـكم !!
عليـا : ههههه .. حرام عليك عميـه ما ارضـا انك تطـرد ريلي
بو حمـدان : بـاجر تعـالهـا .. يلا امك تبا تروح ..
عمـر : ان شاء الله ,, يـوم طلع ..
عمـر بلهـف : عطيني رقـمج
عليـا : مـاااابا و تضحك
عمـر يطلع موبايله : يلا عـاد عن الحركـات ولا بضربج
عليـا : عشـان اكلك .. جان تاخذ موبايله و اتصلت ع تيلفونها " سوت رنه "
عمـر : اتريني اليـوم فليل
عليـا : لا عيب
عمـر : جب انا ريلج ..
عليـا :ههههههههه
وعنـد عزوز و مريـوم ,,
عـزوز يلوي عليـا : مـاشي حقي هـاي باخذهـا ويايه
بو مريـوم : ههههههههه عزوز لاتتخبـل باجر تعـال
عـزوز : بتوله عليـها ..
بو مريـوم : خذ رقمهـا ورمسهـا .. يلا لاتتاخر .. وجان يطلع
عـزوز : اووه صح .. كم رقمج ..
مريـوم : لاااازم و تشوفه من طرف عينها و تضحك
عـزوز : هيييه عيل شوه !!
مريـوم : 050/*******
عـزوز : خطيــر .. يلا عيـل انا بسير .. تامريني بشي ؟
مريـوم : سلامتك ياروحي ,, و تحمل بعمرك عـدل ..
عـزوز : من عيـوني .. فداعة الله .. وباس راسهـا و طلع من البـاب اللي يودي برع .. جان يشـوف عمـر توه طالع شافو بعض و شقـو حلوجهـم ..
عـمر تقرب منه و حط ايده ورا رقبته عند جتفه : هههههههههه ويا ويهـك طـووف ,, ونزلـو تحت ..
وعقـب سلمت رفيـعه ع البـاجين وجيه و طلعـت وسـارو بيتهم ..

فـ بيـت بو حمـدان ..
كـانو البنـات والحريـم .. كلـهم متيمعـات فـ ميلس الريـايل ,, تصورون ويابعض ,, وكل وحده تصور بروحهـا و يدلعـون فالحركـات و يوم خلصـو ,, جان ايلسـون ويا بعض ..
سـاره : هـااا شو استـوا ..
مريـوم : بيسـافر 10/8 .. بخلي العرس 9/8 ..
البنـات و الحريـم : اشووووه !!
مريـوم : اظن حتى انتي عليوه ..
عليـا : لا خيبه مابيكفي الوكـت
فطـوم : ماعليكـم بيكفـي و نص .. دام نحنا فساتينـا خلصنـاهم و الكوشه نفس الشي .. و المكيـاج و الحنـا و هالسوالف خلصنـاهم كلهم ..
سـاره : هييه و نحنا بدينـا ناخذ الشنط و هالسوالف و الثـاب و اكيد بنخلص بسرعه ,,
ام حمـدان : همممم فيه وقـت فديتكم .. ماعليه ,,, بـاجر يوم بتطلـعون .. سيـرو عند المصمم شوفو فساتين
سـاره : هييه .. في عنده فستـان 2 نفس الشي بعد وايد حلـو ..
مريـوم : خلاص ماعليه .. باجر يوم بنطلع بنسير
فطـوم : انا بسير اتصـور ويا ريليه .. ههههه .. بباي
سـاره : اييه تريي .. بتصور ويا حمـودي انا بعـد ..

وعقـب سارو ميلس الحريـم كل وحده تصـور ويا ريلهـا و يوم شبعـو .. كـانت السـاعه 11 .. و روحـو قوم بو مريـوم ,, و قـررو البنـات بـاجر يسيرون دبي و عيـمان .. قـالو بيطلعـون من الصبـح ,, بيسيرون مول الامارات .. ليـين الظهـر و بعدين بيسيرون .. عيمـان .. يشوفون المحـل اللي تقول عنه رفيـعه ,, و مره وحده يسيرون المصـانع .. ام حمـدان طرشت مسـج حق نـوره و رفيـعه مسـج انهم بيطلعـون من السـاعه 8 بيسيرون دبـي ,, عشـان يسيرون وياهم ,, و بعدين سـارت كل وحده تسبح و ترقـد عقـب هالتعـب كله .. بس في ثنين هب رقدات .. الي هـم " مريـوم و عليـا " وحـده يالسه ع الشبريـه .. و الثـانيه الصـاله الصغيـره اللي فالغرفـه .. شويسـوون ,, لوول اكيـد تعرفـو .. يرمسـون حبـايبهـم ,,

عـند عمـر و عليـا ,,
عليـا : عيـل العرس 9/8 ..
عمـر : هييييه .. بـاجر بطلعج
عليـا : هممم ,, فديتك باجر بزي ..
عمـر : فـ شووه ؟
عليـا : همممم .. يمكن خـالوه رفيـعه ماخبـرتكم .. باجر بنسير دبي و عيمـان
عمـر : شو اتسوون ؟؟!
عليـا : بنسير امارت مـول لين الظهـر .. و خـلاص بنسير محل فعيمـان يبيع عطـور و بنسيـر المصـانع ..
عمـر :اهيــييه
عليـا : وجيـه السـالفه ..
عمـر : هيييه زين والله ..
عليـا : هممم .. فطامي قالت انه .. هيه و ريلهـا و سـاره و ريلـها فسيـاره .. و ام حمـدان و بو حمـدان بو مريوم و ام مريوم و حمـاني و رشودي فسيـاره .. وو ...
عمـر قطع رمستهـا : وانتي وانا و اختـج و عزوز و امايه فسيـاره
عليـا : .....
عمـر : ههه شوفيج سكتـي


اما عنـد مريوم " اللي كانت ميلسه ع الشبريه " ..
عـزوز : مـاشي طلعه
مريـوم : عيـل ماشي عرس
عـزوز : يعني بتطلـعون بس عسب العرس
مريـوم : انتـه ب ببت " اهنيه ماعرفت شو تقول " يعني شو اقـولك .. لاتستوي غبي لاتستوي غبي فكــر !!
عـزوز : هههههههههههههههه .. انزين لاتعصبيـن فديت خشمـج ..
مريـوم : واللللله !!
عـزوز : انزين اعصـابج عن تـاكليني ..
مريـوم : هههههه
عـزوز : يوم بتطلعيـن تغشـي ..
مريـوم : هيييه اتغـشى ترا
عـزوز : هيه تعـالي شو نازل عليكم مره وحده تغشيتو ؟
مريـوم : عسـب أأا ,, سوالف بنـات
عـزوز : ههههههه ويا هالويه ..
مريـوم : حبيبي
عـزوز : عـونج
مريـوم : عـانك الرحمـن .. انا الحين برقـد تعبانه ..
عـزوز : اوكيه فديتج .. تصبحين ع خير و اشوفج باجر ان شاء الله
مريـوم : وانتـه من اهله فديتك .. فداعة الله ..
عـزوز : فداعة الرحمـن ,, يوم سكـرت
مريـوم بصـوت عـالي : علااااااااايه انا برررقد

عنـد عليـا ..
عليـا : ههههه لا ماشي .. عمـوري
عمـر : لبـيه فديتـج ,,
عليـا : لبـاك قلـبي .. انا بسير ارقد الحيـن ,,
عمـر : همم اوكيه ماعليه .. تصبحين ع خير
عليـا : وانته من اهله تيك كير
عمـر : يو تو ..
عليـا : مع السـلااامه
عمـر : فداعة الله

وعقـب سكـرو و كل واحد رقد ,, و اليـوم الثـاني .. نشت ام حمـدان من وكـت و سـارت وعت البنـات والشبـاب عشـان يزهبـون حق السيـره .. و اتصلت حق ام مريـوم عسـب يتجهـزون و ايـون بيتهـم .. و اتصلت بعـد حق رفيـعه و قـالتهـا نفس الرمسـه .. و يـوم نشـو كلهم فـ بيت بو حمـدان .. تريقـو و عقب كل واحد سـار يتلبس .. اما عند بو حمد و ام خالد و ام حمد قالو بيتمون فالبيت لانهم مايرومون يطلعون ويسيرون مولات و مشي ومادري شو .. البنـات لبسـو نفس الشي .. كـانو لابسيـن كنـدوره كـت " الكت ايي حبل " مخصـر و ياي تحت كلوش .. قطعة حمـار الوحش حريير و ع الجسم كامل فراشـات حمـر طالعـات ع بره (( بس يعني الفراشات كل وحده ع صوب .. متفرعـات )) .. و لبسـو عبـاه سـاده .. و شيله فيهـا الفرشـات اللي فـ الكنـدوره .. و تجحلـو و لبسو عبيهم و زهبو شنطهم .. والكـل كان زاهب .. شيخه و ريلهـا و نوره و ريلـها كانو فسيـاره بو حمـدان و اليهـال و طلعـو .. و يوم خلصو البنـات ,, فطوم و سـاره و حمـدان و محمد سارو فسيـاره محمد .. و عزوز و عمور و حريمهم و امهم فسيـارة عزوز .. و عقـب سـارو طريـق دبي ..

فـ سيـارة عـزوز ..
كـان رفيعـه ترمس مريوم و عليـا .. عن تجهيزات العرس .. و كيف بيرتبـون امورهم و شو بيتشرون .. وعليـا ميوده دفتر و قلم يالسه تكتـب لوول ..
رفيـعه : و شنـط ماركـات يداد منزلينهم فالمحـلات .. ربيعتي تعلمني عنهم .. و المكيـاج .. بس نصيحه لاتاخذون وايد وايد يعني .. خذو شي معقول و تستعملونه دوم ..
مريـوم : هيه اصـلا جيه ريايلنـا بيخلونـا نتمكيـج ونطلع
عـزوز : عشـان اجتلج
الكـل : ههههههه ..
رفيـعه : و قمصـان نوم وايد في محـلات يبيعـون .. واكيد يايبين موديـلات يداد .. و طبعـا تاخذون طقـم ..
عليـا : حلاته اصـلا اذوق
مريـوم : هييه .. احسن هب نعنقـش
رفيـعه : هههههه .. انزين و تاخذون نعـل و جواتي وهالسوالف ..
عليـا + مريـوم : انزين ؟
رفيـعه : و بعـد فـ body Shop في كريمـات حلوه .. و ريحتهم جنـان .. و خـذو البودر اللي في لمعــه واااااااايد حلـو
مريـوم : ياويل حاليه جفته مره بس ماخذته .. انزين وبعـد ..
رفيـعه : وفي بعـد هنـاكي هالي ينظـف الاظـافر و يلمعهم
عليـا : هييه هييه عرفته ..
رفيـعه : و بعـد شو تاخذون .. الله يسلمـكم (( تمت تفكـر وعقب دقايق )) وبصوت خفيف : عـاد خـذو لـ ريايلـكم هديه حلـوه يوم العـرس
مريـوم : ههههه خلاص اليوم بناخذ ..
عليـا : هههه بنخبـر قوم فطـوم
رفيـعه : هيه الحين يالسه تكتبيـن عشان كلكم تاخذون نفس الشي .. انزين وبعـد .. هييه تفصلـون عبي و شيـل .. حق شهـر العسل نصيحه .. خذو عبـاة الانترنت اللي ماتجسف و فكو عمركم من الصدعه
عليـا : واي واي واي انا اكره شي يوم اكـوي كله احرق
مريـوم : ههههه مره فالسفر سوتلنا زلزاال لانها حرقت عباتهـا
رفيـعه : هههه الله يعين ريلج
عمـر : بلااه ريلهـا
عليـا : ماشي ماشي شوف جدام هههه .. لا اميه بخلي البشاكير يكووله ما اروم انا
مريوم + رفيـعه : هههههههههه
عليـا : انزين و خـالوه بعد ؟
رفيـعه : هيه طبعـا الملابس الداخليه اول شي ,, تاخذون وايد و طقـم ,,
مريوم : اوكيه ..
رفيـعه : بعـد فيه سبريـه للجسم ريحته خبـال فـ محل body Shop
عليـا : هييه نعرفه بناخذ وايد من ها .. لانه مهـم و تغمزلهم
رفيـعه : هههههه الله يغربل سوالفج
مريـوم : هييه عيل شووه .. انزين وبعـد ؟
رفيـعه : ووو بعد الله يسلمكم ,, انا باخذلكم اغراض زين يوم بنرد بوظبي
مريوم + عليـا : مشكوره فديتج
رفيـعه : وبـــس .. ولا تاخذون وايد ثيـاب ادري وايد قلت خذو و خذو بس انتو خذو هب وايد ,, بتشبعون فشهر العـسل واكيد ماتبخلون شي مابتاخذون ,,
مريوم : خلاص ماعليه ,, مشكوره فديتج ,,
رفيـعه : شو رايكم تسوون عرس جمـاعي ؟
مريـوم + عليـا : كيف مايستوي !!
رفيـعه : لا يستـوي .. بنشوفلنـا كوشه عـوده و ع جهـة اليمين و اليسـار يكون مغـطي ع الكوشه الثانيه .. فـ جيه .. مثـلا عزوزي مايروم يشوف عليـا ..
مريـوم : خلاص ماعليه .. ها اذا حصلنـا جيه ..
رفيـعه : لا ماعليه بنحصل ..

وعقـب مرور نص سـاعه ,, و صلـو مول الامارات ,, و الريـايل اللي هم بو حمـدان و بو مريـوم و اليهـال سارو يتحوطون بروهم .. و عشان يخلون البنـات ياخذون راحتهم فالمشتـرا كانو الحريم و البنات يتمشن ويا بعض و كل وحده تعطي رايها لثانيه فـ سوالف القمصان وجيه .. و وليد و جسوم كانو يمشون ورا يسولفون ويا الشباب ,, ودشو lasenza و خذو ملابس داخليه و قمصـان نووم وبجـامات .. و سـارو نعـومي بعـد ,, وماخلو محل الا دشوه .. و الشبـاب بعـد .. خذو تيشيرتات و كابات و بناطلين و برمودات و جواتي حق السفـر .. البنـات خذو كمن شنط ماركه و البناطلين ماخذو لانه عندهم وايد ,, بس خذو تنانير و قمصـان خفيفه .. حق شهـر العسـل وماشالله عليهم ماخذلو شي الا خذوه .. ودشـو الحريم محل يبيع فسـاتين راقيـات .. و اختارولهم وعقـب ساروالبنـات ياخذون هدايـا حق رياييلهم .. و يوم خلصـو صلـو فالمـول و تغـدو .. و عقب طلعـو و سـارو عيمـان .. و يوم و صلـو سارو المحـل اللي تقول عنه رفيعه و خذو عطـووور وااااااااايد لانه كان اسعـار العطور وايد اوكيه .. وو كملـو حق هدايا رياييلهم ,, و عقب سـارو مصـانع عيمان ياخذون تنانير من هنـاكي من دفـانس و عديل و بعد ,, وبعد في محل مخشش يبيع برمودات حلوات ساده سارو خذو ,, و عقب ماخلصو ,, سـارو محل اسمه ميره في قمصـان نوم حلوه و بجـايم حريير ,, و في بجـامه فطـومم و البنـات اتخبلو عليها ,, بنطلـون حرير حمـار الوحش بس اسود و فوشي ,, وقميص اسود و في ع الصد محدد بالحمـار الوحش اسود و فوشي .. يوم خلصـو .. سـارو في مصنع يبيـع فـود و شراشف ,, كل وحده خذت 2 و عقب هاليـوم المتعـب خلصتو مشاريهم تقريبـا ع السـاعه 6 ونص .. و عقب سـارو بوظـبي .. و يوم و صلـو بو حمـدان واللي فالسياره ردو البيــت .. و حمـدان واللي وياه و عزوز و اللي وياه .. سـارو عند المصمم " طوني " يوم و صلـو .. نزلو البنـات ويا رفيعه .. و عقب دخلو داخل و طوني يابلهم فساتين الاعراس ,,

مريـوم : ياويل حـاليه ها في منه ثنين .. سـارونه هاللي تقصدينه صح
سـاره : هيه .. والله وايد حلـو
طـوني : بتحـبو اتجربونه
عليـا + مريوم : هييه
طـوني : اوكيه جربووه واذا في اي شي نحنا بنعمله التعديلات ..
مريوم : خلاص ماعليه ..

وعقـب سـارو يقايسون الفسـاتين .. و يوم خلصو زقرو البنات و رفيـعه
رفيـعه : ياويل حاليه عليكم .. ماشالله ماشالله طالعين روووعه
مريوم : اخجلتيـنـااا
الكـل : ههههههه
فطـوم : هب جنه وسيع شويه عليكم ؟
مريوم : هيييه
سـاره : صبري بسير ازقر الحرمه عشان تاخذ المقاسـات .