منتديات صواديف عشاق - عرض مشاركة واحدة - كتبت إسمك على صدر السما و أيامي / للكاتبة حلاها (( ألايدا )) مكتملة

12-30-2023

***********************************************
زهبت القهوه وهي تنافخ كل شوي...
مها وهي تهدي اعصابها المشدوده:هدي يابنت هدي
سمت و شلتها وهي تناوله:تفظل
أحمد وهو جالس يطالع التلفزيون تبسملها:تسلمين
مها ردتله الابتسامه:الله يسلمك
وصدت بتروح تشرد بس صرخ:اوووووه
مها صدت صوبه بفجعه:نعم؟؟!!
أحمد مكشر:مدري اول مره اذوق قهوره حلوه...قهوتي مررره
مها ببراءه:مدري ساده ولا معرف انا فهالامور متعوده اسويها كيه
أحمد وهو رافع حاجب:طيب هذي مب قهوه يافالحه هذا شاي
مها انحرجت وهي تمد بوزها:وانا اش عرفني؟!!
أحمد حط الكوب على الطاوله اللي قدامه:الحين ماتفرقي بين القهوه والشاي كيف؟!!
مها عصبت ومن دون حس تخصرت:اشرب وانت ساكت
أحمد شاف استفزازها ينسيها خجلها قام يحط رجل فوق رجل:قهوتج مره نفسج
مها عصبت اكثر طلعها عن طورها بستفزازاته:توك تقول شاي وحلو؟!
أحمد بقق عيونه:انا؟!....ياربي متى قلت؟؟!!
مها شوي وتصيح:أحمدووه لاتشككني بعمري
أحمد عصب وهو يرفع الكوب عن الطاوله:احمدووه فعينج
مها خافت وهي تحط يدها على قلبها:آسفه
أحمد بنفس اللهجه:مسكي
مها جات بتاخذ الكوب منه قام سحبها له:آآآه
أحمد وهي طايحه فحضنه:ههههههههههههه وربي غبيه....ألحين كيف بالله ماتفرقي بين القهوه والشاي وصدقتي انج مسويه شاي مب قهوه؟!!
مها اللي فزت من حضنه وهي متفشله ومنحرجه بقو من حركاته...نست كل شي وفار دمها:وفرحان حضرتك؟!
احمد فرحان لانه طلعها عن طورها وبتحدي:زين ذوقيها
مها اللي عاجزه تفهم تصرفاته الغريبه...كل ساعه مدخلنها فسالفه مالها علاقه باللي قبلها...ماقادره تفهم اش المقصد من كل هذا...؟!!!
أحمد شافها سكتت حط الكوب على الطاوله ونادى على الشغاله تسويله قهوه...

مها جت بتروح وهي حدها مغتاضه منه....بس ناداها... صدت بتحفظ:نعم؟؟
أحمد:لا تكلميني بدن نفس يالمرّه
مها عبست وهي خلاص ماعادت تتحمل:من قال اني مرّه؟
أحمد بخبث:انا
مها تخصرت باستنكار صرخت فيه:لـــــيــــــــــــــ? ?ــش؟
أحمد وقف...خافت بس مابينت...قرب منها وهو يتخصر ويقلدها بنفس اللهجه:تبي اجرب؟
مها رمشت تستوعب وبعفويه:شو؟!!
أحمد مد يده:هاتي يدج
مها مسكت يدها وهي تحطها على صدرها وتقطب حواجبها بحده وبخوف:ليش؟!
أحمد انبط ضحك على حركتها:هههههههههههههههههه? ?هههههههههههه يالجبانه مابكلها
مها عصبت:انا ماجبانه
أحمد بتحدي:عيل هاتي
مها مدتله يدها:هاه. ..دووك
أحمد مسك يدها وباسها...
مها تكهربت من حركته...و ارفعت درجه حرارتها تحس جسمها دخن....و بطنها بدا يمغصها بقووو..
جت بتسحب يدها منه وهي تشوفه يرسم ابتسامه خبث على وجهه...بس سحبها له...
مها اللي تجمدت فمكانها...وضاعت علومها...هذا عدا الخط الاحمر وتجاوزه...ولا همه شي
أحمد...اللي شاف الشغاله جايه بالقهوه...تبسم وهو يجلس ومها معه...كنها دميه بين يديه...شافها للحين مصدومه وتطالع فالفراغ تبسم و اشر للشغاله اللي تبسمتله وخذ منها القهوه...واستأذنت بتروح وأذنلها ومها للحين فعالمها الثاني ومافوعيها...
مها اول ماستوعبت انها ماتحلم ولا شي...جت بسرعه بتقوم بس مسكها...بلعت ريجها وهي تطالعه عبالها مابقصده سحبها له...رفعت عيونه له...
أحمد....يطالعها وهو يشرب بكل برود...
مها بتموت خلاص قررت تسوي نفس مواز اللي من تنحرج تعصب...لانه احمد ان شافها منحرجه وساكته بيزيد...صارت تفهم هالشي فيه زين...
بلعت ريجها وهي تحاول تستجمع قواها وبهدوء:بروح اذاكر خلص البريك
أحمد بعناد:ههههههههههههههههههه? ?ههه مابا
مها وهي شوي وتصيح:اوووف احمد
أحمد:هذا بدل لاتتلومي؟!...وحضرتج حاقرتني يا مدام... تراج متزووجه ولج حقوق اظن ماظلمتج ولا فحق...وبعد لج واجبات الصراحة انتي وااايد مقصره فيهم
مها سكتت تعرف انه كلامه صحيح حتى لو زواجهم على الورق وماتظنه بيدوم دام أحمد متجرء لهلحد ويلقي محاضرا الحقوق والواجبات...بس حتى ولو هي اول كانت تهتم فيه اكثر...من ناحيه اكله وشربه حتى ثيابه كانت بروحها تغسلهم وتكويهم...وغرفته تنظفها له وترتبها...رغم انه كان يسمها بالكلام والمعامله...ومن تغير هي اهملته...هالشي حسسها بتأنيب الضمير...والندم اكثر
شافها سكتت حب يغير الجو خاصه انها هدت وماعادت متوتره هو كان بس يباها تكون بطبيعتها معه بدون خجل او توتر....

أحمد:اش رايج تزوري ابوج؟...له حق عليج تراج وايد هاملتنه...ماهمج غير دراستج ملاحظه هالشي؟!!
مها تذكرت ابوها وفجأه لاحظت انها انانيه ايه انانيه ماتفكر الا بنفسها...ابوها اللي جات فتره ماتنكر كرهته...بس يظل ابوها مها صار...وله حق عليها:مدري هو ماسأل عني؟؟؟
أحمد بجدية:امسكي
مها مسكت عنه القهره وهي توقف اخيرا حصلت فرصه تبعد عنه..
أحمد تعدل فجلسته:اجلسي
مها جلست بطاعه عداله:خذ
أحمد:ماباها
مها تبا تتعبث بأي شي تكره تسولف معه وخاصه إن قلب جدي تحس انها صغيره قدامه وايد:زين بخليها فالمطبخ وبرجع
أحمد مطنش:مالازم...الحين المهم اتصلي بابوج وخبريه بتزوريه او اقل شي تتصلي فيه
مها وطت راسها تطالع القهوه بتوتر:بس ماعندي رقمه اصلا....ماعندي تلفون
أحمد:من عندي يالذكيه
مها عبست وهي تطالعه بنص عين:زين يالله بقوم الحين اوصل القهوه
أحمد بتسم بخبث:و تردي
مها فخاطرها يصير خير..
تبسمت ابتسامه عريضه:هههههه
وقامت..

أحمد لحقها بسرعة اول ماشافها تدخل غرفتها بسرعه بتقفل...بس ماواحت لانه سبقها و هو رافع حاجب:سلامات المدام
مها تبسمت بعذوبه وبدلع:أحمد حرام عليك وايد سولفت معك خلاص ابدرس
أحمد اول مره تكلمه بود تبسم فداخله اخيرا في تطور من جهتها...بدت تلين... وبتكشيرة:يعني طرده؟
مها عبست:لا حرام عليك
أحمد تبسم:زين بس ترا اليوم عازمج على الغدا برا
مها فرحت:صدج؟!!
أحمد اختفت ابتسامته:لا امزح معج
مها باحراج لانه فشلها...وطت راسها وهي تحرك ريولها بتوتر مدت البوز:زين انا عبالي صدج على نياتي صدقت
أحمد:هههههههههههههههههههه? ?ه يالله ياكبر هالتكشيره والمحاضره... خلاص رحمتج...
مها بعدها مبووزه:ماصدقك
أحمد بخبث:اتقووومي لا اقومج بالغصب
مها خافت:يعني اش بتسوي؟
أحمد:متأكده تبي تعرفي؟
مها خافت اكثر صارت تعرف جرأته زين:لالا...بقوووم
وفزت بسرعه تجهز....و أحمد ميت ضحك عليها...
************************************************** **
**********************************
وعند مواز اللي تحس بأم فضيع يروح ويجي...
وهي تتذكر....قبل لاتطلع مع الشله...
دانه:اقوولج لاتروحي تراج مريضه
مواز بعناد:مافيني شي
عليا:اللآلام تبدا لا عقب
مواز:بخذلي حبه تطمنو هالفرصه مابفوتها ترا وربي برسب
عليا ودانه تنهدن....وسكتن مشي حيله...
مواز وهي تطلع عنهم:يله بروووح الحين قبل لا أتأخر عليهم
عليا توصيها:انتبهي لنفسج
دانه:الله معج
مواز:ان شاء الله

طالعت المكان وهي تزفر بخيبه وألم تحلول تخفي وجعها وفخاطرها:ياربي هذول ناويين على اخرتي كل ما اطلع معهم اجيب العيد
زاهر طالع مواز اللي وقفت عنهم:هاه مب جاي؟!!
مواز فزت وهي تحضن كتبها:إلا جاي
وراحت بسرعه لهم...
سيف ومحمد اللي وقفو قدام اللفت....
محمد اللي تقدمهم وسيف:جو؟
سيف وهو يشوف زاهر و مواز يقربو منهم:ايه اذمه
محمد بعبوس:ليش وقفتو؟
زاهر:هذا سالم مدري بلاه
مواز بربكه وهي تبلع ريجها اول مره تدخل عماره ومع شباب...تسب عمرها ميت مره...كم مره بتسلم اوووف...
محمد وسيف طالعو بعض باستغراب...
زاهر وهو ملاحظ توترها:سالم فيك شي؟
مواز اللي اصلا حالة جدها الصحيه المدهوره موترتنها والاحلام المتكرره عنه اللي تروادها زايده رهبتها رهبه...من غير كلام الاسطورة عنه...ردت بربكه:ولا شي بس مشاكل البيت ماعليكم انتو
محمد بعطف:عسى ماشر خبرنا حن ربع وبنساعدك؟
مواز وهي تتأمل محمد اللي ترتاحله كثير من عرفته وهو طيب معها وايد:جدي مريض و...
وصل اللفت...طلع منه رجال وحرمه...
أحمد استانس يوم شافهم:اوووه هلا بالشباب
مها اللي كملت دربها وعيون مواز مبققه عليها؟!!!!!!....وهي مامع الشباب ابدا...لحقتها بعيونها وهي تشوفها تطلع من العماره للمواقف...وقفت تحاول تستوعب....ألحين أحمد هو زوج مها؟!!!!!
محمد:ههههههههه والله جايين لاستاذ خصوصي ورانا امتحانات ومافاهمين شي
أحمد:ههههههههه زين زين بالتوفيق
سيف:جميعا
أحمد:انا جديد فهالعماره...بس هاه....ماوصيكم ترا عازمكم لاتفشلوني
سيف:هههههههههه وين حن جايين ندرس؟!
أحمد:بس تخلصو مرو علي....شقتي بالطابق الثالث رقمها 301
محمد:هههههههههه بنشوف عاد
أحمد:خذ رقمي....اتصلوبي بس تخلصو...فاهمين؟
سيف:ههههههههههههه مايحتاج كل هذا
محمد:لاتكلف على عمرك ياريال
أحمد:ماعليكم انتو انا بعزم بعد سلطان و الشباب هذيك المره ماشبعنا منكم
سيف بابتسامه سخريه:دام فيها اخوي عز الله بتنا هنيه
الشباب ماعدا زاهر اللي عيونه على مواز المنصدمه:هههههههههههههههه? ?هه
أحمد:الا من استاذكم هذا مصري؟
سيف:لا اظنه ربيعك كان معكم فالبر اللي تضارب مع سالم ع الفون اسمه ذياب
احمد:ايه ماشاء الله عليه عبقري تراه استغلو خبرته
محمد:ان شاء الله
أحمد:يله عيل استأذنكم انا الحين...اشوفكم عقب
سيف:نشوفك على خير
احمد ودرهم وراح ورا مها....مواز عيونها عليه تحاول تستوعب.....

زاهر:سالم سااالم
مواز فزت وهي تشوفهم فاللفت ينتظروها
محمد:يلللله
مواز وقفت تطالعهم وهي مبهته(مفهيه)!!!
سيف باستغراب:سالم بلاك مصطن مكانك ماتتحرك؟!!
زاهر اللي سحبه بسرعه معهم قبل لايسكر اللفت بعصبيه:تعال
مواز سحبت يدها منه بسرعه....بشكل افجع الكل وزاد شكوكهن اكثر....
محمد يحاول يغير الجو:كمل سالم جدك مريض و...وشو؟!!
مواز بلعت ريجها:هاه؟!!!...مذكر نسيت
الشباب طالعو بعض باستغراب كبير من تصرفات مواز اللي ماتتفسر؟!!!!!
مواز مامنتبهه لهم ولا همها الشكوك اللي بدت تتأكد من حوليها....تنهدت بقو وهي هي مصدووومه صدمة عمرها
******************************