منتديات صواديف عشاق - عرض مشاركة واحدة - كتبت إسمك على صدر السما و أيامي / للكاتبة حلاها (( ألايدا )) مكتملة

12-30-2023

***********************************
وعند مواز...
اللي اول ماحست الكل انشغل...وسمعت شهاب يستأذن...واصوات الشباب فالصاله يدرسو...قامت على حيلها وهي تحس الالم خف....
بسرعه فتحت الادراج حصلتها فاضيه..
مواز استغربت:هذا اثاثهم جديد...؟!!!!
و قامت للكبت انصدمت...مافيه شي فاضي تماما:شوووو هذا؟!....هذول ماعايشين هنيه؟؟ّ!!!
دخلت الحمام...انصدمت كل شي فيه موجود بس شكل الاغراض جديده...وموزعه باهمال:اش يصير هنيه؟...لالا الوضع مب طبيعي ابدا؟!!
زاد شكها وحست بالريبه...لو انها ماتأكدت من الحبه انها بندول كان بعد شكت انهم عطوها حبه غير...وقفت تفكر...
ليش يستقبلوهم فشقه شكلهم ماعايشين فيها اصلا؟!
طلعت من الحمام وهي تفكر...
لازم تسوي شي.... بما انها تأكدت من انه شهاب هو نفسه اللي تدور عليه...و كيف تتأكد انه ذياب هو نفسه اللي كان يتواصل مع مهره فاشات؟!!
تنهدت بقو وهي تتذكر مها... مها بعد طلع ريلها أحمد... قبل كل هذا لازم تكلم شهاب...فزت بتطلع... وقفت تعدل غترتها وهي اول مره تلبس شعر مستعار... وعدلت الثوب...وطلعت...

ذياب اول ماشافها تبسم:هاه عساك بس احسن؟
مواز وهي تتطالع بعيونه تدور شهاب:الحمدلله
سيف وهم جالسين على طاوله الطعام ويدرسو:يله عيل تعال ادرس دامك تحسنت
مواز:الا اخوك وينه ابا اشكره؟
ذياب اللي شك فيها و باستغراب:شهاب طلع قبل شوي بس بيرجع
مواز تنهدت وهي تجلس...
زاهر:وين اسئلتك؟
مواز وقفت وهي تفكر:انا بروح عاذرتكم
و راحت شلت كتابها من الكنبه...وطلعت عنهم...
محمد متضايق من تصرفاتها:خلوه شكله اصلا ماوجه مذاكره حن الغلطانين جبناه معنا هه
زاهر عصب عليه:هو بس مريض ليش ماتقدر ظروف الناس ياخي؟!!
سيف فز:هيه تعالو هذا مايدل كيف بيرد بيتهم؟!!
زاهر ومحمد اللي انتبهو لهالنقطه شهقو:صح والله!!!
ذياب وقف وهو يتجه للباب:بلحقه انا انتو كملو مذاكره

وعند مواز اللي راحت لشقة مها و أحمد:الرقم 301
جت بدق الجرس بس انتبهت لاحد جاي و بسرعه صعدت فوق... كانو أحمد ومها اللي رجعو بسرعه
أحمد وهو يطلع مفاتيح الشقه ويفتح الباب:مدري ليش ماطيقي تاكلي برا؟
مها وهي تشل عنه كيس الاكل:هههههههههههه ما خذ راحتي
أحمد دخلت ودخل وراها وهو يسك الباب:هههههههه لاه

مواز:اوووف ياربي كان ودي اكلمها... ألحين وش هالحاله لا حصلت شي فغرفه شهاب ولا قدرت اكلمه... وذياب بعد ماعرفت شي اوووف
وقفت قدام اللفت وهي تنتظره بتذمر وخيبه كبيره تحس خربت كل شي.... انتبهت لاحمد اللي طلع من الشقه ووقف معها ينتظر اللفت عطته ظهرها ونزلت من الدرج...هو كان يتعبث بتلفونه ومانتبه لها...اول ماوصل اللفت دخل وراح...
مواز اول ماراح ركضت تدق على مها...

مها اللي دخلت جالسه تزهب الصفره...لحد مايروح أحمد يأكد على ذياب لا يخلي سيف وربعه يروحو قبل لا يعزمهم على شي ويرجع ياكل معها...سمعت الجرس:معقوله نسى شي؟!
وراحت تشوف من وهي تشوف مفاتيح الشقه ع الباب:ههههههههه شكله نسى شي
فتحت من دون ماتشوف فالعين السحريه وبابتسامه:شو نسيــ....
بققت عيونها...شوي وقطبت حواجبها توها بتنطق بس مواز سبقتها...
مواز:مهوووي هذي انا ماعرفتيني يالدغمه؟
مها شهقت وهي تتطالع مواز بصدمه:ممووووزووووه؟!!
مواز دخلت بسرعه:سكي سكي الباب مالت عليج اول مره تشوفي ناس مزيونه؟!!
مها وهي منفجعه:انتي شمسويه بعمرج يالخبله؟!!
مواز وهي تعدل ثوبها:احم احم...اش رايج؟
مها وهي تتأملها:مجنونه وربي ماعرفتج!....الا انتي كيف عرفتي مكاني؟!!!
مواز وهي تحس بالالآم بدت ترجع:اوووه رجعنا لطريلي
وراحت جلست ع الكنبه...

مها لحقتها بقلق:اش فيج؟!!
مواز:الدوره الله يسلمج مشرفه ولا نفعها حبوب ولا غيره اااخخخخ
مها راحت ركض غرفتها....
مواز تنهدت بقو وهي تحاول تخفف الالم:يالله ماخذه حبه تسكن الآلام ساعه وهو مايخف شكلي اليوم منحوووسه منحوووسه
مها اللي جات وبيدها حبه وكوب ماي:اخذي هالحبه بتسكن الألم
مواز كشرت بوجع:توني قبل لا اجي مع الشباب ماخذه وحده بموووت
مها عبست:اي شباب فهميني؟
مواز اللي تحس الالم يزيد:هاتي هاتي
وخذت الحبه... وعقب جلست تحكي لمها...

مها:ههههههههههههههههه يالخبله وربي مب صاحيه ولا درت عنج منى؟
مواز تحس بالالم يروح ويرد:هههههههههههههههه لا كان ذبحتني
وغيرت لهجتها وبنص عين:الا مهووي اش هالزين اللي ماخذتنه؟!...تقولي دب هاه؟!!
مها استحت:اوووه استحي يابنيه
مواز وهي تسند ع الكنبه تريح شوي ويدها عل بطنها:ههههههههه وتغار بعد
مها توها بترد بس....
:مهــــــــــــاااااااااا? ?ااااااا

صوت زلزل المكان ربط لسانها من الخوف وطيح قلبها...وقفت وهي تطالع أحمد برعب...وهو شكله فاهم غلط ويطالعها بغضب ويطالع مواز...الا سالم
مواز اللي تحس بدوخه:شكله مفعول الحبه بدا...مب وقته
مها جت بتفهمه بس ماقدرت دموعها سبقتها وهي تشوفه يهجم على مواز...صرخت وهي تحاول تبعده عنها...
أحمد اللي خانق مواز ومايشوف قدامه من القهر والغضب:وربي لا اذبحكم؟
مها من الخوووف بدت دموعها تخونها و برجفة:أحمد بعد عنها الله يخليك
مواز اللي اصلا متخدره ماقادره تشل عمرها...تحس بقبضة أحمد تكتم على انفاسها...وهي ماعادت تشوف غير السواد...

مها صرخت وهي تشوف ربيعتها بتموت بين يدين أحمد:أحمد بعد عنها بتذبحها
أحمد اللي مب مستوعب ولا مركز على شي غير مواز اللي قدامه )سالم) و جالس مع زوجته و فشقته...حس بمها ودفها بقو عنه:بعدي
مها اللي ارتطمت ع الارضيه بعنف وهي تشاهق:آاااااه
مها شافته واقف يلاهث وهو يطالعها وعيونه يطلع منها شرار وشكله ابدا مايبشر...توها بتلمح مواز اذا قتلها ولا...
بس ماواحت...لان احمد مسكها من شعرها بقو...
غمضت عيونها وهو يلفح وجها بلهاثه:من هالحقير؟!!!
مها ماقدرت تنطق وهي تحس شعرها يتقطع.... يتنتف.... كنه حد ياقتلعه من راسها بقوه وبصرخه عذااب:آآآاااااااااه أحــــــــمــــــــــــــ ــد
**************************

**************************
عمر اللي يطالع باستغراب:هذا بلاه بعده مرتز؟!
صقر:شكله تعب ههههههههههه
عمر نزل وناداه:راااااااااجوووه
خالد فز بصراخ وهو يصد صوبهم:تشششب
صقر وعمر:هههههههههههههههههههه? ?هههه
خالد جاهم و ركب بعصبيه وهو يسك الباب بقو...
عمر بصراخ:هيه الباب تراها ماسيارة جدك
صقر قطب حواجبه:اش فيك؟
خالد منقهر واعصابه حدها تعبانه من امس و المشاكل واهم شي ماشايف امه:ياخي حيووواان انا ولا بنت تعاملني باحترام...لهدرجه ضابط الدوور انا؟؟!!
عمر:ههههههههههههههههههه يوم انك شبيه امير خان وش حيلة البنات؟؟؟!!
خالد عبس:ايه تمصخر

صقر:ههههههههههه والله مامن شي يوم انه ناقع فالشمس ومستوي صخااامه(فحمه)...ويرطن هندي هو وشعره المسبسب تقوووول يسوي دعاية سانسلك
عمر اللي من سالفة امه متغير عكس قبل هادي وجاد:ههههههههههههههه يعني لاتلوووم البنات لو انك تكشخ وترد نفس قبل كان ماتخيلن ابدا انك هندي لاء وتجي بدريس الشرطه بعد هع
صقر:ههههههههههههههههههههه? ? مشي باس مشي باس
خالد مطنشنهم:كلهن ماعندهن اسلووووب الا وحده مسكينه حبيتها
صقر صفر:عااشووو
عمر بمصخرة:يابختش حبيتيها؟!!
خالد تكتف ماله بارض:عمر اسكت عني احسلك
عمر يستفزه:تقولي حبيتيها
خالد صرخ فيه:لا تكلمني بصيغه البنت ترا اكفخك
صقر:هالاسلوب يعبر عن شدة الاستنكار والتقزز
عمر:والمصخره اللي تصير
خالد يكمل بتنهيده وتعب:فينا
وكمل:والله تعبت خلاااااااااااااااااااااص اريد افتك واكمل الدورة...تعبت تعبت مشاكل مشاااكل حشى ماقلب على هالجد مايحس فينا؟!...يتلذذ بتعذيبنا ااااه تعبت والله
عمر تبسم بأمل:اصبر اصبر
صقر يهونها عليه:مابقى شي هانت هانت

خالد بتنهيده طويله وهو خلاص يحس عمره بيمووووت من التعب والارهاق النفسي:ياخي متى شهاب يفكنا من هالحاله والله تعبت اوووف
عمر وصقر سكتو بأسف ولان خالد اصغرهم....متعود على الدلال والرفاهيه....وشكله فقمة الاحباط والانهيار
فزو على صرخته وهو يضرب جبهته بقو كنه تذكر شي مهم نساه...
خالد:يالله!!....نسيت ابتصل على عمتي منى
صقر عبس:خير ليش؟
خالد طلع تلفونه:ابتأكد منها على كل اللي امس تكلمنا عنه وبسألها عن كل شي تعرفه وربي تعبت مشغليني متحري وانا بعدني ماتوظفت
عمر بجديه:ياخي عندك عمك اش لك بالمشاكل مع جدك والله لو درى عنا وصلنا لبنته وحفيداته بيذبحنا...يسد اللي حن فيه...بهدله ومذله

صقر:بصراحه عمر انت لازم بعدك تشوف مذكرات المرحومه امك امكن كاتبتلك شي لانها هي مخبرتني عن دانه انها ماتحللي ولازم اخذ حذري فاكيد تعرف كل شي
عمر تنهد بغصه مايعرف ليش يغص من يسبق اسم امه المرحومه:الله يرحمها...بعدني ماخلصته اريد اقراه على رواق تبا الصدق
خالد فز بعصبيه:رواااق فعينك وقت الرواق الحين؟!....طلع ابوي متزوج على امي وتقول رواق؟!...امكن كاتبه ليش جدك المخرف ناسب البنات كلهم له بعد
صقر تنهد:ايه عمر انت لازم تساعدنا ولو شوي...احس مذكرات امك بتفيدنا وايد
عمر تضايق وبعصبيه:اش له تكتبلي اسرارها يعني انتو بلاكم هي تكتب لي اعذاااار
خالد عصب من عمر اللي للحين ماقادر يتخطى صدمته رغم انه مبين العكس:ألحين انت بلاك؟!....اكيد هي كاتبتلك مذكراتها يعني اسرارها يالذكي
صقر وهو يحاول يقنع عمر باللي خالد ماقادر يوصله:طوول عمرها المرحومه كانت تعتبرك حياتها اللي انسرقت منها....روووحها اللي خانتها...رغم كل شي صار غصبا عنها كانت دوووم ما تلوم حد غير نفسها ومابجلس ابررلك...بس اباك تفهم شي واحد ترا انا وخالد نبا نوصلك فكره انها كانت تعتبرك روووحها... حياتها...احلامها... اعز شي عندها وانحرمت منه...فأكيد بتكتب لك كل اسرارها وذكرياتها...تباك تشاركها ولو بماضيها...فهمت؟
خالد فز:هذا اللي كنت بقوله وماعرفت كيف
عمر طالعهم وهو ينهد بضيق وغصه:مدري

خالد منقهر من عمر:انت ماتبا تعرف من خواتك؟!....تبا تكمل باقي عمرك وحيد؟!...اش فيك عمر قوي قلبك شوي
صقر اللي لاحظ ضيق عمر اللي يزيد مع ضغطهم له:خلاص خالد خليه يشوف اللي يريحه
عمر سكت يفكر....
خالد سكت وهو خلاص تعب وصقر يفهموه...ومايبو يضغطو عليه اكثر يعرفو هالشي يتعب نفسيته التعبانه اصلا اكثر واكثر...
****************************