منتديات صواديف عشاق - عرض مشاركة واحدة - كتبت إسمك على صدر السما و أيامي / للكاتبة حلاها (( ألايدا )) مكتملة

12-30-2023

*******************************
ذياب بعصبيه وهو يبند التلفزيون:هيه ماتشوفني ادرس الشباب بالله كيف بيركزو؟!...انا شارد هنيه ادرسهم عن ازعاجكم ولاحقيني لييييييييييش؟ّ!!
سلطان تكتف بضيق:زين اوووف
ذياب رجع لشباب:يله شباب نكمل
سلطان عبس:ذيابوه
ذياب وهو مندمج يفهم ولا معبر سلطان...
سلطان صرخ عليه:استاذ ذياب ماشفت فيصلوووه كان معي مدري وين اختفى؟
ذياب انقبض قلبه عللى طاري فيصل...شحب وجهه:متى؟
سلطان:قبل لا اصعد لاحمد
وفكر شوي:الا صعد وراي احيده بس مادخل...طلعت وماحصلته!!!
ذياب وقف بشهقه:شو يعني فيصل كان معك؟!!
تدارك الوضع بسرعه:اقووول شباب كملو دقايق وراجع
راح بسرعه سحب سلطان معه للمطبخ....

سلطان:اوووه اش فيك؟!!
ذياب بجديه وخوف:ألحين انت صعدت لاحمد ليش؟
سلطان تغير وجهه....
ذياب عرف انه في مصيبه صارت:قولي سالم كان فشقه احمد صح؟
سلطان عبس:صح انت اش دراك؟!!
ذياب:و فيصل كان واقف على الباب؟
سلطان بيستخف مب فاهم شي:صح
ذياب مسك راسه:الله اكبر...راحت فيها البنت
وطلع تلفونه بسرعه من جيبه...
سلطان شهق بلقافة:فهمني اي بنت؟!!...كيف عرفت؟!!..اش ستوي؟؟؟!!
ذياب وهو يتصل على فيصل:رد رد رد...عقب بفهمك... اوووف مايرد
وفكر شوي:انتو جايين باي سياره؟
سلطان مقطب حواجبه:سيارة فيصل...ليش؟؟؟
ذياب بفجعه:سيارته....الحق عليه عيل شوف سيارته بعدها فمكانها ولا.... بسسسرعه
سلطان بعناد:زين بس ليش؟
ذياب بلع ريجه:اوووف مامنك فايده
وراح ركض عنه...
سلطان بيمووت من اللقافه مافاهم شي....!!!؟

ذياب اللي نزل ركض....بس ماحصل سياره فيصل شات الارض بقهر...شاف الحارس وراحله...
الحارس(شيبه):ياولدي انا كنت اتغدى توني بس راد ماشفت حد
ذياب تبسمله مجامله لانه اكبر عند وباحترام:تسلم يابو مازن
وفخاطره:ياويلي وينك يافيصل؟!...الله يستر...ياربي وش اسوي انا ألحين؟!!
*********************************
فهد اللي من خذ حبوبه وجا طبيبه حس عمره احسن...وجلس كمل شغله...
رفع راسه يشوف من داخل عليه وهو منهمك فشغله ينقذ اللي يقدر عليه...
شاف فيصل داخل عليه ووهو يسحب وراه حد بس ماركز...تبسم باستغراب...جا بيقوم يرحب فيه...بس فيصل سبقه...و...

مواز تمنت الارض تنشق وتبلعها...ولا تكون بهالموقف...
غمضت عيونها بقو ودموعها غاسله وجها الشاحب...
فهد اللي طالع في الولد الواقف قدامه باستغراب ماركز على ملامحه وهو يرفع راسه
لفيصل اللي انرسمت ابتسامه جانبيه خبيثه كلها شر على وجهه...و بنبره كلها نشوة نصر:جبتلك حفيدتك
فهد تنفس بقو كنه فسباق...وهو يحاول يركز فملامح الولد اللي قدامه و دموعه تنزل...
فيصل سحب الغتره من راس مواز اللي فتحت عيونها بفزه...تبا تلاحق على الغتره بس مسك يدها و وهو يغرس يده بقسوه فالباروكه اللي على راسها:عرفتها ولا نفصخ الباروكه؟
فهد اللي من الصدمه ماقادر ينطق ولا يتحرك...تيبس مكانه وهو يشوف حفيدته بين يدين فيصل و اول مره منهاره وبهالوضع والحاله...
فيصل اللي استشف من ملامح فهد:عرفتها صح؟!
فهد طالعه كنه يسأله ليش؟!!!
فيصل تبسم وهو يهز مواز بقو:جبتلك البنت اللي ربيتها على حساب غيرها...ومفتخر فيها وخواتها...عشان تشوف بعيونك نتيجه تربيتك الفــــاشـــلـــة

وترك مواز اللي ماكان اصلا فيها قوة توقف...وطاحت على ركبها ودموعها غاسلة وجها وهي تشاهق مامصدقه الكابوووس اللي هي فيه...
فيصل رفع يديه و بيد وحده غتره موزه:ألحين اذا تقدر زوجها... لانه هالفاشله ماقدرت تحافظ حتى على نفسها
فهد سكين ونغرست فصدره...فقلبه المريض...فالصميم...شهق وهو يحاول يتنفس يحس بخنقه..و يده على رقبته...ماقادر يستوعب كل هالصدمات اللي تطيح فوق راسه الوحده اكبر عن الثاني...

فيصل تبسم ابتسامه جانبيه كلها شر..ونزل لمستوى مواز اللي موطيه راسها للارض وسانده جسمها بيديها وترجف بقو...سمع آهاتها...همس لها:رفعي راسج شوفي جدج وهو يموت...بسبتج...و بسبت غباءج...هههههههههه
فرد الغتره واغطى راسها...و
وقف بثبات:اذا انبني ضميري امكن بكفر عن ذنوبي وبتزوجها...والحين اش رايك اردها للبيت او اخليها عندك؟
فهد يطالعه وهو يضغط على الزر ينادي فارس...اللي دخل بفجعه وهو يشوف فهد بحاله يرثى لها:طااال عمرك
فيصل طلع بكل ثبات وابتسامه شيطانيه انرسمت على وجهه...
*********************************

*********************************
أحمد اللي رجع لشقته بخيبة....ماقادر يستوعب اللي صار...هو اش اللي صار؟!...هو اش سوى؟!....ضرب مها و جرح اعز ربعه...
حط راسه بين يديه يحسه ثقيل...
فز ع رنين فونه اللي علا...رد وهو يشوف اسم اخوه وبتنهيده:السلام عليكم
خالد بصوت حزين:انت من متى مازرت امي؟
أحمد وهو يحس بخنقه ماله بارض شي:امس شايفنها انت اللي مقاطعنها تراها عيت وهي تتصل فيك وترسلك تبا تشوووفك
خالد وهو متلوم:بروحلها بس افضى ترا مافضيت شاسوي؟َ!!
أحمد رفع حاجب باستنكار:انت عندك اهم من امك يعني؟!!

خالد بتعب:حن لازم نتشاوف و بخبرك
أحمد عبس وبجدية:تخبرني بشو؟!!!
خالد انهار:بكل شي احسني ياخوي بستخف والله خلاص ماعدت اطيق بروحي اشيل هالهم
أحمد نسى همه:اي هم بعد؟!!
خالد بصوت مخنوووق:أحمد والله اني محتاجلك بموووت خلاص تعبت
أحمد انقبض قلبه على اخوه يعرفه مدلل ومامتعود على الشقا:خلاص خلاص وينك فيه انت؟!!
خالد بتنهيده:اقربلك شقة صقر
أحمد قطب حواجبه:اي شقه؟!!
خالد:اشقة اللي ذياب مستقبل فيها العيال يدرسهم
أحمد فهم:اهاه شقة صقر هذيك؟!!
خالد:هو استأجرها لامن قريب عشان اقرب لشغله واريحله من الفندق
أحمد تبسم بسخرية:طلع عمي جاري وانا اخر من يعلم هه
خالد:ماعلينا المهم بشوووفك ضروري
أحمد:زين متى؟؟؟!!
خالد:انا الحين خلصت بس بنمر الشركه... عمر وعمك بيشوفو جدك اونهم متحلفيله... و عقب بحصلك بس نرجع
أحمد زفر بضيق:شكله فاتتني وايد علوووم.....زين سويلي رنه
خالد:تم... يله عاذرتك
أحمد سكر بدون مايقول شي....فر الفون وماعارف شيسوي...مسك رسه يحاول يرتب افكاره...عشان ع الاقل يساعد اخوه المحتاج له...
*********************************
*********************************
فيصل اللي ركب سيارته وهو يرد على اتصال ذياب اللي وصلت المكالمات منه اكثر من 20 مكالمه لم يرد عليها:السلام عليكم
ذياب بفجعه:انت هيه وينها فيه البنت؟
فيصل بابتسامة جانبيه:هههههههههههه يردو السلام بالاول
ذياب خلاص اعصابه تلفت:وين البنت فيصل؟؟؟
فيصل تبسم بهو يضيق عيونه بخبث:وصلتها لجدها
ذياب شهق:شوووووووووووو؟؟؟!!!
فيصل ببرود:ههههههه اسكت اظن فهد انجلط
ذياب بفجه:ليش؟!!!
فيصل بجدية:يالغبي ألحين بتتأدب وبيعرف عن فعايلها وبيصلبها بدل لاتغافلهم وتلعب من وراهم...ولا بيقدر ينطق لاني مستحيل ارتبط بوحده مسوده وجهه فهمت؟
ذياب بلع ريجه:الله اكبر عليك يالخبيث...من وين لك بهالافكار؟!!!
فيصل:ههههههههههههههه قصدك الفعايل....المهم أدبتها وأدبت جدها اللي مأذنكم ههههههههههههه والله وطلعتو خوافين
ذياب بجديه:بس مو حرام اللي سويته؟
فيصل بلهجة جادة وبعصبية:وحده مانه بعمرها وتماشي شباب...وماهامها شي...وفوق كل هذا خربت ع ربعها ماخلتهم يعرفو يذاكرو ولا عرفت انت تدرسهم...وكل هذااا كوووم وانها تهدم حياة أحمد بفعايلها كوووم ثاني...وشي ماينسكت عنه الصراحه
ذياب تنهد بضيقه:حتى ولو اسلوبك خطأ...كيه توقرت ع الشيبة وعليها
فيصل بابتسامة شر:وهذا المطلووووب...يله عاذرتك بروح احتفل
ذياب توه بيرد بس فيصل ماعطاه فرصة وسكر على طول عصب و بقهر:ليش يافيصل ليش حرام عليك؟!!!

فيصل اللي شغل سيارته بيحرك من مواقف الشركه بس طلعت مواز فوجهه...بقق عيونه وهو يشوف وجها المحمر وعيونها اللي تلمع شر وحقد...لمح بيدها سكين...شهق:من وين فيها حيل توقف؟!....وهالسكين من وين جابتها؟!!
ضرب هرن يباها تبعد من قدامه...
مواز وهي تحس نار شابه فضلوعها...بتطفيها وماعاد يهمها شي...هالادمي تجاوز حدوده...ولازم تنتقم لنفسها منه
وهي تتذكر...
اول ماحست الالم خف وشافت فارس مقابل جدها اللي فقد وعيه....وشافته يتصل بالاسعاف...حست كل ذرة من بقايا قوة فجسمها تجمعت فجأة من الغضب والقهر اللي تحسبه...قامت ولحقته بسرعه...شافت سلة فواكه وفيها سكين بنص مكتب الانتظار...مرت وسحبتها وطلعت بسرعه...مارح تودره قبل لا تنتقم منه...كانت ضعيفه وبس بدا مفعول المسكن ماعاد شي بيمنعها عنه... و

رفعت السكين وشمخت السياره بها بكل قوتها...
فيصل نزل بفجعه وهو يصارخ عليها مثل المجنون يحسها تغرس السكين فصدره مافسيارته الغالية:هيـــــــــــــــ? ?ـــــــــــــــه انــــــــتــــــــي سيـــــــارتـــــــــــي
وراح لها بيوقفها بس اول ماحستبه جاي صوبها عفطت للارض لقطت حصاه بحجم يدها وفرتها بكل قوتها المهزوزة ع زجاج السياره اللي تكسر مع صرخه فيصل المفجوووع...و اللي مابقى فيه عقل...
عفط صوبها والغضب عامنه...
مواز والسكين بيدها تحتميبها و بلهاث:لا تقرب مني احسلك
فيصل مسكها وسحب منها السكين بكل سهوله وهو يلف يدها بيكسرها لها من القهر على سيارته....
مواز صرخت بألم وهي تحس يدها تنيطحن بقسوة:آآآآآآآآآآآآآآه

عمر اللي مارين من قدام المواقف ويسوق على راحته:يالله ياجدي الله يسامحك
صقر تنهد:اخيرا بشوووفه وبكلمه من كم سنه الله بالستر بس
خالد معصب واعصابه تالفه:وانت هيه ليش تسوق ع الراحـ...
وقطع كلامه وهو يلمح فيصل:هذا ماكنه فيصل؟!
عمر وهو يدور بعيونه:وينه؟
صقر اللي رن فونه اول ماشاف رقم منى رد:الوووو...مشغوول اش هناك؟
خالد شهق:وقف وقف...هذا هووو من هاللي يتضارب معه؟؟؟!!
عمر اول ما وقف خالد عفط لفيصل...و هو نزل وراه... مخلي صقر يتكلم فالسيارة

خالد اللي يحاول يفك مواز من فيصل:فيييصل ودره
فيصل انتبه لنفسه وهو ماعاد يسمع صراخ مواز...دفها بقو ع الارض بعيد عنه بقرف...
مواز طاحت ع الارض وهي تتلوى بألم فظيع بس تحاول تكابر وماتبين... تحس يدها عنت من الالم....ماتقدر تحركها....تداركت دموعها وهي تبلع غصتها بوجع كبير...
عمر يحاول يهدي فيصل الهائج:فيصل الله يهديك لاتحط دووبك كم دووووب ياهل!!
خالد اللي انتبه للسيارت فيصل....
شهق بفجعة:ول اش مستوي هنيه؟!!
فيصل وهو بيهجم ع مواز وده يخنقها من القهر:عمر بعد خليني اذبح هالـ...
عمر قاطعه بصراخ وهو يدفه عن مواز اللي تأن من الالم:هيه بسك جنون ترا الغضب يعمي بني آدم...تعوذ من بليس
:فيصل
فيصل صد وراه...شاف صقر راح لمواز اللي من شفته وقف قلبها من الخوووووف وهي تحس خلاص مابقى فيها حيل!!
صقر وقف قدام مواز...وبدون ملامح صد صوب فيصل:اسمحلنا هالبنت ماعادت تستحي وباعت سمعتها....وتصليح سيارتك علي
فيصل هدا وهو يرد لعقله تذكر انه يكون عم او خال مواز....
عمر اللي طالع مواز باستغراب ورفع عيونه لصقر اللي ينتظر رد فيصل ببرود:من هي؟!!
صقر شاف ع عمر وبنفس البرود:هاللي وراي مخليه عمرها ولد
عمر وخالد شهقو وعلى طول عرفو انها مواز...اللي عضت شفاتها....و هي حاضنه يدها بألم... والدموع بعيونها...
فيصل جا بينطق بس قتل السكوت اللي خنق الجو بينهم صوت صفارة الاسعاف اللي وقفت قدام باب الشركه الرئيسي...
عمر وخالد وصقر اللي شحب وجهم:خير؟!!
فيصل بلع ريجه:اظنهم جايين عشان فهد

صقر اللي تذكر مواز:انتو اش جايبنكم هنيه اصلا؟!!
خالد بعصبية:الا اش وصل هالبنت عندك وقدام الشركه بعد؟
عمر راح ركض يشوف اش صاير:الله يستر
صقر وهو يشوف وجه فيصل اللي تغير:فيصل؟
فيصل طالعه وصد عنه:هه ماسويت شي هذي بنت خوانك هي السبب
صقر صد لمواز اللي وقفت تقدر ماتقدر بكل قهر وهي تصرخ بظلم:كذااااااب مب انت اللي سحبتني لمكتب جدي؟!!
خالد صرخ بقهر وعتاب:الله اكبر عليكم
صقر مسك فيصل من ثوبه:حسابك بعده ماخلص
ودفه بقو عنه وهو يصد لمواز ويسحبها من يدها اللي تألمها صرخت بألم...
يس مارحمها وسحبها وراه بعنف للسيارة...
مواز ماتحملت الالم وهي تحس قلبها ساااح(ذاااب) من الوجع...
خالد صرخ وهو يشوف مواز يغمى عليها:صقر شوي شوي عليها
صقر اللي حس انها ثقلت فجأة وطاحت عليه...صد صوبها وبسرعه مسكها و هو يفلت يدها بفجعه..!!!!!

و رفع عيونه يطالع خالد بفجعة!!!
خالد طالع فيصل بصراخ:اش فيها يدها؟!!
فيصل بقهر على سيارته:كسرتها لها...محد قالها تمدها على سيارتي
خالد عفط صوب فيصل وعطاه بوكس طيحه الارض من قوته وبصراخ وقهر:حقير تمد يدك على بنت؟!!!
فيصل اللي يحس فكه انكسر...بزق الدم اللي لوث فمه...وهو يشوف عمر وصقر ركبو السيارة وراحو لحقو الاسعاف....
*********************************