منتديات صواديف عشاق - عرض مشاركة واحدة - كتبت إسمك على صدر السما و أيامي / للكاتبة حلاها (( ألايدا )) مكتملة

12-30-2023

***********************************
:قلبي مقبوووض على مواز
دانه وهي اخس عن عليا بس تحاول ماتظهر:لا تحاتي كله درس وبترد
عليا وهي تفرك يديها:يارب والله هالبنت مانه بعمرها كيف طاوعناها معرف؟!!
دانه زفرت بحده:خلاص لاتحسسي منى بشي هدي
مهره دخلت عليهم:بنات بو سليمان اليوم ملكة بنته تروحو نغير جو؟
دانه:ليش منى وينها عنج؟
مهره عبست:سكتي جلست ساعه احايلها توافق... اكتربت (تضايقت) والله من المذاكره
عليا بلعت ريجها:خلينا نروح احسن انسى شوي سالفه مواز
دانه بخضوع:تمام
مهره فرحت:هههههههههه وناسة

منى جاتهم:بس لا تباتن عندهم...نص ساعه وتردن
دانه وهي تلف الليسو ع راسها:بنات نلبس عباه ولا؟
عليا:جيرانا متى كنا نلبس يوم نروحلهم عباه؟!!
مهره عبست:بس هالمره رايحين ملكتهم يعني يحتاج لبس سنع
منى عصبت:يوم اكلمكن لا تحقرني
عليا:اوووه لبسنا اش حلاته خلا بنسلم وبنجي
دانه:خلا
وراحن عن منى اللي بققت عيونها:شف النذلات والله وحاقراتني

مهره:هههههههههههههههه الحين بتلحقنا
دانه:عيل خلا بسرعه قبل لا توصللنا
عليا:ههههههههههههههههه مخبل
مهره بضحكه:تسابقن؟
دانه بحماس:لباب الحوش؟
مهره:تم هههههه
دانه:عليا وانتي؟
عليا رفعت كتوفها:لا شكرا كبرت ع هالسوالف
دانه عبست:مااالت
مهره وهي تشد دانه:ماعليج منها هي الخسرانه يله 1
دانه بحماس:2
عليا بضحكة:3
وراحن ركض...
عليا تبسمت وهي تسمع منى تنازع وراها...
************************************
طلع من غرفته وهو كاشخ:أذن؟
خالد وهو توه قايم من النوم:اظن
عمر:مابنروح المسجد؟
خالد عبس:اول ابا اسبح
عمر زفر:شكلك مطووول انا بسبقك
خالد وهو يحك راسه:تمام
عمر وهو يعدل غترته:عيل وينه عمك؟
خالد وهو يرجع غرفته:معرف شي توني بس قايم
وراح عنه...
عمر وهو يطلع:زين ان ماتشاوفنا فالمسجد تراني عقب الصلاة رايح المستشفى قالولي جدي صار احسن
خالد من غرفته:زيـــــــــــــــــ? ?ـــــن

خالد فتح شنطته يطلعله شي يلبسه وهو للحين مافضى يفضيها
سمع تلفونه يرن عفط يشوف من...
شاف اسم امه ورد بلهفه:هلا بالغاليه
:عشاك عندي انت واخوك وحرمته
خالد:ههههههههههه ان شاء الله
امه:خبر احمد ترا اتصلبه مايرد
خالد:ان شــــــــــــــــــــــــ ـاء الله
امه:لا تتأخرووو...ماحب انشدكم (اسألكم) فالتلفون مشتاقتلكم
خالد شوي ويصيح وبشووق:ولا يهمج يالغاليه اجيج ركض بس ازهب
امه:ههههههههههههههه لاتنسى اول تخبر اخوك
خالد:ان شااااااااااااااااااء الله
امه:فمان الله
خالد:مع السلامه
وسكر اول ماسكرت...و رسل لاخوه مسج ودخل ياخذله شور ينشطه...
***********************************
***********************************
:قلتلج بعدي عن وجهي احسلج
منى بعصبيه:خير؟!!...داخل تفتش غرفة ابوي وتباني اسكتلك؟
صقر دفها من قدامه وكمل تفتيش وهو يدور فالاوراق اللي حصلهم...بس اول ماشاف انهم عاديات... فرهم بضيق وهو يحاول يركز...وين ممكن ابوه يضمن اشياء ثمينه ومهمه؟....
الخزنه...بس وين ممكن تكون؟
فكر شوي...و
عفط يدور فالكبت...بس ماحصل شي...
منى بصراخ وصقر عافس المكان:طالت وشمخت اشوف قمت تفتش ولا هامك حد؟!!
صقر بصراخ:وين الخزنه؟!!
منى اللي استفزها تجاهله لها:اي خزنه ياللي ماتستحي؟
صقر عفط صوبها وبتهديد:وين الخزنه منوووه؟
منى بلعت ريجها:معرف
ولفت بتطلع بس مسكها ولفها له بقو... صرخت بوجع:آآآآآآآآآييي
صقر من بين اسنانه:ابوج ليش ناسب كل البنات له؟
منى كنه حد صب عليها ماي بارد....

صقر وهو يهزها من كتوفها وبجدية:منى قوليلي اللي تعرفيه لا تغطي على ابوي ترا فيها حياة البنات اللي ربيتهن ومصيرهن يتعلق بج...لا تظلميهن بسكوتج
منى.....
صقر بترجي:منى...عشان شيخه ومحمد الله يرحمهم قوليلي شتعرفي بضبط؟
منى طالعته ببرود:معرف شي
صقر زفر بحده وهو يحاول يستدرجها:حبيبتي انتي ماترضي بالظلم
منى سحبت عمرها من بين يديه وبعصبيه:شووو شايفني ياهل؟!!!...قلتلك معرف شي افهمممم
وطعت عنه بسرعه...
عليا دخلت بفجعه على اصواتهم:اش صاير؟
صقر تنهد بقو وهو بيضيع السالفه:الا انتن وينكن من دخلت ماشفتكن؟
عليا فهمت قصده:كنا عند الجيران عندهم ملكه بس انا مليت وجيت دانه ومهره تمن و مواز بعد
صقر جاته ضحكه على ترقيعه عليا:هههههههههههههههههههه? ?ههههههههه
طالعها بنص عين:ومواز هاه؟!!
عليا انقبض قلبها وهي ترقع:ايه ومواز بعد ليش تضحك؟!!

صقر قرب منها وبعصبيه:انتن ناويات تجنني صح؟
عليا بلعت ريجها وهو ترد خطوة ورا:ليش اش سوينا؟
صقر بحده:روحي لمي اغراض مواز لانها بتتزوج وبتحتاج لاغراضها لحد ماتستقر وتشتري اغراض جديده
عليا شهقت ويدها على قلبه:شوووووووووو؟!!!
صقر ببرود:عليا ماتسمعي اقولج لمي اغراضها يله بسرعه
عليا عبست وبخوف:بـ..
صقر بصراخ:لا تناقشيني تراني اعرف كل شي
عليا فزت بخووف وفهمت انه مواز خلاص مسكها صقر...راحت ركض على اساس تلم اغراض مواز...وهي متعرف اش تسوي بالضبط بتموووت من الخوف على مواز
صقر رجع يفتش الغرفه عسى يحصلله شي...
*************************************
عمر:كيفها الحين يادكتوره؟
الدكتوره:الحمدلله تحسنت بس نفسيتها تعبانه شوي وهالشي طبيعي و...
عمر قاطعها:فاهم فاهم عليج...يعني تقدر تطلع اليوم؟
الدكتوره تبسمت:اكيد بس ياريت ماتوتروها
عمر:ان شاء الله شكرا دكتوره
الدكتوره:العفو هذا واجبي
وراحت عنه...

عمر تنهد بقو وهو يتصل فصقر:الووو وينك فيه انت؟
صقر وهو يدور:فالبيت
عمر رفع حاجب:اي بيت؟
صقر:ابوي
عمر فز:ليش؟
صقر:بعد ليش...
عمر شافه سكت عبس:الوووو الخال بلاك سكت؟
صقر:اكلمك بعدين باي
عمر بقق عيونه:هذا اش فيه؟!!
تنهد:اروووح اشوف جدي ابركلي
:عمر؟!!
عمر صد وراه:نعم.....من....
انرسمت ابتسامته وهو يقرب:امل

امل تبسمت بعذوبه:اخبارك؟
عمر يحس قلبه وقف ع هالمفاجأه...رد عليها وهو يحك رقبته بربكه:بخير الحمدلله اخبارج انتي؟
امل بخجل:الحمدلله... انت كيفك وكيفها احوالك عساك بس كملت الكورس؟
عمر سحبله هوا:والله بعدني حاليا ارتب اموري...الا انتي تشتغلي هنيه؟
امل تبسمت ابتسامه ذابله و بغصه:لا...انا هنيه بس جايه زياره
عمر ضيق عيونه واختفت ابتسامته:سلامات عسى ماشر؟
امل:لا بس ابويه شوي تعبان ومنوم هنيه
عمر:ماريد ازعجج بس..
امل قاطتعه وهو تطلع فونها اللي علا رنينه من شنطتها:اسفه لازم ألحين اروووح مع السلامه
وراحت حتى ماسمعت رده بسرعه....وتركته فحيره مالها نهايه...
عمر ماخلاها ولحقها...يطفي نار فظوله....
***************************************