منتديات صواديف عشاق - عرض مشاركة واحدة

04-30-2023

الجزء الثاني والعشرون

دخل فيصل بعد ماطلعوا البنات وسكر الباب وراه !
مشى بهدوء واهو يتأملها متمددة على جمبها وضامة البطانية لصدرها ومسكرة عيونها بتعب..
انتبه لصحن الحليب والساندوش الي على الطاولة .. عرف انه لها وانها رافضة تاكله ..
قعد جمبها على السرير ومسح على راسها بخفة واهو يقول بحنية : فتون ممكن تقعدين شوي ؟؟
فتون كنها سمعت خالد يقول ان فيصل بيدخل .. !!
وكنها حست فيه يوم دخل ومشى وقعد جمبها .. وخفق قلبها بقوة واهي الخفقان ذابحها مع التعب .. بس مع دوختها مو قادرة تستوعب وش يدور حولها بالضبط ..
طالعها فيصل ينتظر منها أي حركة ورد .. لقاها تغمض عيونها بقوة وتضم البطانية لصدرها أكثر ..
لمس بأصابعه جبينها لقاه مسخن شوي .. كنها بداية فلونزا ..
قرب منها أكثر واهو يقول : فتون .. افتحي عيونك شوي ..
فتحت فتون عيونها بوهن .. وشافته واهو مقرب منها ويطالعها .. كشرت بخوف واهي تلم نفسها بشكل يبين انها خايفة منه وقالت بخوف : شتبي فيصل .. ترا والله ماقلت لأحد شي والله .. لاتضربني الله يخليك ..!

انصدم فيصل !! بالوقت الي المفروض يحسسها بالأمان .. حسسها بالخوف والرعب !! لهالدرجة صارت ترتعب مني وتحسبني بآذيها !
اتأمل نظراتها الخايفة والدموع مجمعة بعيونها .. كنها طفلة تترقب الخطر يهجم عليها !! شالي سويته يافيصل فيك وفيها ؟؟

ضاااااق صدره من نظراتها وابتسم بحنية وهو يقول : حياتي انا مو جاي أضربك .. أنا جاي أتطمن عليك .. قالي خالد انك دختي وطحتي وخفت عليك !
لانت ملامح فتون شوي .. وقالت : لاتخاف مافيني شي .. بنام وبرتاح !
فيصل : لاتنامين قبل ماتاكلين .. (( وقف بدون ماينتظر ردها ومشى ياخذ الصحن والحليب ..

تبعته فتون بنظراتها وقالت : ليه سافرت وتركتني يافيصل ؟؟؟؟
التفت فيصل بسرعه عليها واهو عاقد حواجبه باستغراب .. !!

شافها تطالعه ودموعها تسيل بلا شعور منها وتقول بصوت متقطع مع التعب : كنت محتاجتك جمبي ذيك الفترة .. لانها الفترة الي حبيتك فيها واتعلقت فيك بعد .. يمكن أنانية اني حبيتك بتملك .. بس كنت خايفة أضيع من بعدك .. ومع كذا سافرت وتركتني وضيعتني ! (( بكت بقوة واهي تقول : ليه ضيعتني يافيصل ..؟؟ كنت تقدر تترك السفر وتستغل قربي ذاك الوقت وتخطبني .. كنا وقتها بنعيش مبسوطين ونحب بعض .. بس انت اغتريت بعمرك وبغيت تعاقبني على ولا شي ! على اني ماحبيتك من يوم اني صغيرة مثلك ؟؟ على اني ماهتميت فيك وبوجودك زي ماكانت مرام على خالد ؟؟؟ على اني ماغصبت قلبي يحبك ويعشقك من طلعت على هالدنيا ؟؟ ويوم جت اللحظة الي حبيتك فيها استهزأت فيني وتركتني .. !

انلجم فيصل و وقف مصدوم ويطالعها بنظرات تنم على صدمته ! ماكان يتوقع انها كاتمة بقلبها كل هالكلام وشايلة بخاطرها عليه لهالدرجة !!

قعدت فتون على السرير بصعوبة ومسحت دموعها وكملت وهي تشاهق : وش كنت تنتظر مني يوم رجعت ؟؟؟ آخذك بأحضاني وأقول عفية عليك حبيبي عذبتني ؟؟ جرحتني عاقبتني بكيتني دمرتني ؟؟؟؟

فيصل أخيرا نطق وقال : جرحتك وبكيتك ودمرتك ؟؟؟؟ والله الي اعرفه ان مو هذا الي صار فيك .. الي اعرفه انك استغليتي سفري ودورتي على حب ثاني !

فتون انفعلت واهي تمسك راسها بتعب وتقول واهي تشاهق : لاااا يافيصل غلطان .. يافيصل اتذكر قبل ماتسافر طلبتك عند باب بيتنا انك تقعد عشاني ! تتذكر ولا لاء .. ؟؟ قعدت اترجاك وأقولك يافيصل بظيع من بعدك .. ان كانك ماتبيني أتهوّر لا تسافر وخلك معاي ! تذكر وش رديت علي وقتها ؟؟؟ تذكر ؟؟؟

فيصل مارد وضاعت عيونه بالفراغ واهو عاقد حواجبه يسترجع ذيك الأحداث !

كملت فتون تبي تذكره وقالت : أنا أذكرك !! قلتلي انتي ماتبيني اقعد الا عشان أمنعك من التهوّر لأنك تحسبني ماشوفك غير محامي عني وبس .. ماكنت حاس بالي بقلبي وقتها وأنا أتمناك تقعد ..

فيصل : بس انتي ماصارحتيني !

فتون بانفعال : لا تقول ماصارحتك !! حتى يوم كنت ببيتكم أبكي بالحوش وجيت انت وشفتني .. قلتلك فيصل بمووووت اذا سافرت .. بتذبحني بسفرتك .. صرت تتريق انت وتقول مشاعر وقتيه كل واحد يحسها تجاه اي شخص كان مسوي ضجة بحياته !!!

شهقت بقوة وبعدها سكتت وكملت بألم : كنت مابي أخسرك وكنت أرددها عليك ألف مره .. مابي أخسرك يافيصل مابي .. بس انت استهيفت فيني وبمشاعري ورحت وتركتني.. بنفس الوقت الي راح سعود وتركني .. وبذيك الفترة اتزوجت عبير وتركتني .. محد كان حولي وقتها وش كنت تتوقع مني اذا لقيت أحد يحبني وبكل ثقة اتقدم وخطبني ؟؟؟؟
أرفضه عشان واحد خذلني وراح ؟؟؟؟
سحبت مناديل من جمبها ومسحت دموعها ولمت راسها بإيدينها واهي تغمض عيونها بتعب ! كانت هالذكريات تحرق كيانها خاصة واهي تعبانة الحين ولاهي ناقصة تتذكر شي يتعبها ..
مشى فيصل عندها واهو يقول برجاء : بس يافتون .. انتي شالي خلاك تكتمين بقلبك هالكلام طول هالوقت .. كنا عايشين لحالنا ثلاث شهور مانطقتي فيهم .. ؟؟
قعد جمبها وحط الصحن والحليب جمبه ومسك ايدها وضغط عليها واهو يقول : ليه الحين اتكلمتي وانتي منهارة وتعبانة؟؟
فتون : انا ماكنت باتكلم أبد .. بس دامك قررت تطلقني بسبب تعاملي لازم تعرف وش أسباب تعاملي هذا !
ضيق فيصل عيونه وقال بابتسامة حنونة : أطلقك ؟؟؟؟
فتون هزت راسها ببرائة وقالت : مو هذا كلامك بالطيارة ؟؟؟
فيصل بنفس الابتسامة : انا قلت بطلقك ؟؟؟؟
فتون : قلت بارميك عند أهلك رمية وحده هذا شمعناه ؟؟؟؟
فيصل : له ألف معنى غير اني أطلقك .. (( مسح على خدها بنعومة واهو يقول : مشكلتي مع كل الي تسوينه فيني أحبك يافتون ولاقدر استغنى عنك .. وانا كان قصدي أخليك عند أهلك هالفترة .. بريحك مني شوي وأخليك تنبسطين مع اختك الي من زمان ماشفتيها ومع امك وصاحباتك .. وانا خليني بعيد كل واحد فينا يراجع حساباته و .. يختبر مشاعره !

فتون لسبب ما سالت دموعها من جديد .. ماتدري شهالصراع العجيب الي يدور بقلبها مابين حاجتها ورفضها لقربه ..
مسح فيصل دموعها واهو يقول بضيق : الحين ليش تبكين ؟؟ مو تقولين انا نادرا ماأبكي ؟
فتون : لااستانس حبيبي .. على يدك اتعلمت كل انواع الدموع .. هذا الي كنت تبيه وتتمناه ومستغرب ليه ماتشوفني أبكي !! .. علمتني شلون هي دموع القهر .. وش هي دموع الحزن وش هي دموع الخوف وش هي دموع الألم والضرب .. و ....
فيصل قاطعها بضيييق : خلاص فتووووووون .. يعني بالله عليك انتي ماسويتي شي ؟؟ مو كنتي دايم تنرفزيني بكلامك وحركاتك ؟؟؟
فتون واهي تشاهق : اي انا الغلطانة وانا الظالمة وانا هذا طبعي شتبيني أسوي ؟؟ وانت ماخليت عقاب ماعاقبتني فيه وتبيني أتعدل من بعده لا مستحيل !! بالضرب والصراخ انا ماأمشي يافيصل وانت يوم رحمتني أخيرا شسويت ؟؟ كيف كانت رحمتك ..؟؟ جافيتني وصار كل واحد بحاله لا كلام ولا سلام ؟؟ وتبيني أتغير ..؟؟ انا مو بهالاسلوب أتغير يافيصل مو القسوة الي اتغيرني !
ماتحمل فيصل كلامها وضعفها وسحبها لصدره بهدوء وضمها .. شلون نسى انها طفلة بكل ماتعنيه الكلمة ! طفلة ماتمشي الا بالكلام الحلو والطبطبة واللين ! وبلحظة نسى كل الي سوته فيه من عناد وطولة لسان .. وماصار يذكر الا حبه الكبيـــــر لها .. وباس راسها واهو يحس بالندم على كل الي سواه فيها ..
لمت فتون نفسها على صدره واهي تمسح دموعها ..
مسح فيصل على راسها بحنان وبإيده الثانية رفع كاس الحليب وقربه من فمها وقال : اشربي يافتون شوي
فتون : بطني لايعة فيصل ماقدر ..
فيصل : شوي بس يافتون مو لازم تخلصينه كله ..
قربه من فمها واهي لازالت على صدره .. فتحت فمها وشربت شوي .. وحاول معها تشرب زيادة لين حست انها مو قادرة تبلع شي أبد ..
رجع فيصل الكاس وخلاها ترتاح على صدره .. كانت ساندة راسها وجسمها على الجمب .. ظل يمسح على شعرها ويتأمل ملامحها الذبلانة .. وعيونها مسكرة بتعب ..
اجتاحت مشاعر حبها بقلبه .. اتمنى هالوقت لو يقدر يرجع الأيام لورى ويغير كثير من مواقفه .. لو اني بس ماسافرت عنها .. لو اني بس ماقسيت عليها .. لو اني اتحملت دلعها وزعلها وعنادها .. لو .......... آخ شتنفع اللو الحين !! هذانا وصلنا بالآخر لهالحال !

اتنهد وطالع فيها لقاها مو حاسة فيه .. شكلها نامت من التعب .. قطع قلبه شكلها واهي نايمة وآثار الدموع والتعب على وجهها .. بلحظة انفعلت وطلعت كل الي بقلبها .. وبلحظة هدها التعب ونامت ! وش يبي أكثر من كذا ليجزم انها طفلة !!
مسكها من خلف ظهرها بخفة .. ونزلها مكانها بهدوء .. وغطاها بالغطا .. وانحنى وباس جبينها وهمس عند اذنها : باشتاقلك حياتي ..
اتأملها بآخر نظرة .. حسها غاطسة بالنوم وتعبانة ولاهي حاسة فيه .. نزل عينه بعدها ومشى عنها وفتح الباب وطلع واهو يقاوم التفاتة أخيرة لو التفتها يمكن يتراجع عن قراره .. ضغط على قلبه وطلع بهدوء .. وسكر الباب بنفس الهدوء ..

مشى وانتبه لخالد وعبير قاعدين بالصالة ووجدان وبشاير استأذنوا وراحوا ..
ضيق عيونه فيهم واهو يشوف بعيونهم الاستفسار .. قال من قبل مايسألونه : شربت شوي من حليبها ونامت ..
خالد : شفيها يافيصل ؟؟؟
فيصل واهو يقعد : ابد ياخالد بس ماكلت ولانامت زين هاليومين ..
خالد : أكيد مو شي ثاني ؟؟ مايحتاج نوديها المستشفى ؟؟
ابتسم فيصل بخفة واهو يدري وش يقصد .. وطبيعي جدا انه يفكر بهالتفكير لان محد يدري عن الوضع والانفصال الي كانوا عايشينه بذيك البلاد ..

قال : لاتقلق ياخالد مافي شي .. خلوها تنام ولحد يصحيها لين تصحى بنفسها وترتاح وبعدين خلوها تاكل زين وان شاء الله بتتحسن .. الي فيها ضعف صدقني !
خالد بضيق : واهي ليه وصلت لهالضعف طيب ؟؟؟
طالعه فيصل بنظرة فهمها خالد على طول .. انه مايبي يقول شي قدام عبير .. والتفت على عبير وقال: شلونك عبير .. ؟؟
عبير : بخير الحمدلله .. انت شلونك والحمدلله على سلامتكم ..
فيصل : الله يسلمك اعذريني والله مانتبهتلك وانا داخل الغرفة قبل شوي !
عبير : لا عادي كلنا انربشنا ..
فيصل : شكل خالتي مو موجودة !
خالد : اي والله طالعة بس شوي وتجي ..
فيصل واهو يوقف : زين بروح أشوف أهلي الحين وان شاء الله بمر وقت ثاني أسلم عليها وعلى عمي ..
خالد واهو يوقف : مامريت على أهلك ؟؟؟
فيصل : لا والله من المطار على هنا ..
خالد : يالله أجل أنا أوصلك
فيصل : مو بكيفك اصلا مالي غيرك ..
خالد : ههههههههههه بدينا ..!
ضحك فيصل ومارد .. ومشى وطلع واهو مافيه حيل يرد .. كلام فتون وشكلها وحالتها ضيقت صدره وقتلت اي احساس فرح ممكن يحسه ..

ركبوا السيارة وفيصل رجع المرتبة على ورى وسند راسه .. شغل خالد السيارة واهو يطالع بفيصل وقال واهو يحرك السيارة : شفيكم يافيصل ؟؟
فيصل : فينا الي كافينا ..
خالد : والله اني حاس .. فتون هذي محد يقدر عليها الا الي خلقها ..
فيصل بضيق : لاتظلمها ياخالد .. انا الي ماعرفت أكسبها وأتعامل معها ..
خالد بسخرية : شالي ماعرفت ؟؟ ترا ذي طفلة أي أسلوب يمشي معها ..
فيصل : وهذي المشكلة ياخالد .. الطفل وخاصة اذا كان عنيد .. ماتمشي معاه القسوة !
خالد بصدمة : وانت كنت قاسي معها ؟؟؟؟
فيصل بغصة : أكثر من ماتتصور !
خالد : ليه يافيصل ؟؟ هذا وهي غالية على قلبك .. !
فيصل : لاتلومني ياخالد والي يرحم والديك قلتلك الي فيني كافيني ..
سكت خالد شوي وبعدها قال : حتى ولو يافيصل أكيد اهي حدتك وطلعتك من طورك !
فيصل بقهر : انت ليه شايل عليها ؟؟؟؟
خالد : مو شايل عليها ولا شي بس اختي واعرف طبعها ..
فيصل : اختك مافي أزين منها حبيبي بس يبيلها من يعرف يكسبها .. (( اتنهد بضيق وسكر عيونه ..
طالعه خالد حس انه ماله خلق يحكي ويتكلم ..
وفيصل راح بأفكاره مابين كلام خالد ومابين أحاسيسه .. يحس بالندم واللوم .. يحس بتأنيب الضمير بنفس الوقت يحس بالظلم !! نادم على قسوته وضربه وعصبيته وانفعاله .. بس شسبب هذا كله ؟؟؟
اتذكر كلام فتون :
"عاقبتني على ولا شي !!!"
" على اني ماحبيتك من يوم اني صغيرة مثلك ؟؟ على اني ماهتميت فيك وبوجودك زي ماكانت مرام على خالد ؟؟؟ على اني ماغصبت قلبي يحبك ويعشقك من طلعت على هالدنيا ؟؟ "
انعصر قلبه بقوة .. كان يحبها بكل حواسه وبكل ذرة بكيانه .. كان ولازال على هالحال .. وبنفس الوقت كان احساس انها ماتكن بقلبها تجاهه ولا شعور .. يحرق قلبه .. لا والي يحرقه أكثر انه يحسها ماتطيقه ولاتبيه !!
ليتها بس ماحبتني .. كان أهون علي من انها كانت ماتطيقني وترفضني .. يمكن هذا الي خلاني أروح وأتركها يوم حسيتها بدت تميل لي .. ماكنت أبي أظيع بالمتاهات الي شفتها بعيونها .. مشاعر توها انولدت بقلبها !! كنت أبي أنميها وأكبرها.. بس للأسف قتلتها بمهادها !! كنت أبي أحسسها مرارة الحرمان الي حسيتها .. أبي أذوقها ألم الهجر والبعاد .. ظنيت اني بولعها أكثر .. هههههه ياحظي أبعدتها أكثر !!
اتنهـــــــد تنهيدة وصلت لمسامع خالد الي رجع يلتفت عليه ويطالعه وماقدر يمنع نفسه يسأل : طيب الحين خليتها عندنا وبعدين ؟؟ شناوين عليه ؟؟
فيصل بنفس وضعيته : مادري ياخالد .. الحين خلنا نبعد شوي عن بعض كل واحد يراجع حساباته واذا كان لنا نصيب نرجع لبعض رجعنا .. وان كان مالنا نصيب .. (( وبتنهيدة : أكبر غلط أجبرها ترجعلي زي ماجبرناها تتزوجني !
خالد : لا ان شاء الله بترجعون لبعض يافيصل وبدون ماينجبر احد على الثاني ..
فيصل بهمس : ربك كريم ..

وصلوا البيت ونزل فيصل وشكر خالد .. وقاله : اتفضل اقعد معانا شوي ..
خالد : لا مشكور يافيصل خذوا راحتكم انتوا
فيصل: يالله أجل بيننا اتصال ..
خالد : ان شاء الله .. سلام ..
وركب السيارة وشخط فيها ..

فتح فيصل الباب بالمفتاح الخاص فيه ودخل وسكر الباب وراه .. أخذ نفس عمييييييييق واهو يتأمل الحوش .. وابتسامة انرسمت على فمه واهو يتخيل أمه وخواته ..
مشى واهو يخمن من ممكن يواجه أول مايدخل وكيف وضعهم ؟؟؟
فتح الباب الداخلي وأول مادخل سمع صراخ يقول " جـــــــاء جــــــــاء ... "
وبعدها سمع صوت ركض لناحيته التفت بسرعه لقى مشعل يركض وبعدها وقف مصدوم وقال واهو موسع عيونه بصدمة : لا لا ماجــــاء !!
ضحك فيصل : منهو الي جاء وماجاء .. !
مشعل واهو لازال مصدوم : أبوي .. أحسبك ابوي .. انت ليه جيت ؟؟؟
فيصل : هههههههههههههههههههههههههههه حلوة ليه جيت مب عارف تعبر عن صدمتك .. تعال يالدوب اشتقتلك
أخيرا استوعب مشعل وصرخ واهو يركض : فيصـــــــــــــل أخوووووووووي جااااااااااااء
ضحك فيصل وفتح ايدينه وضم مشعل واهو يقول :هلا والله بنائب ولي العهد .. شلووونك حبيبي ؟؟؟
مشعل : بخير الحمدلله ( وقف وقال : وش السالفة ؟؟؟
فيصل : ههههههههههههه أبد الله يسلمك يقولون زواح اختي اسبوع الجاي وجيت أحضره
استانس مشعل انه يكلمه كنه رجال ورفع راسه وقال : وخلصت ولا بترجع ؟؟
فيصل : اختياري وانا اخوك .. لو بغيت ارجع رجعت ولو بغيت اقعد قعدت
مشعل صدق عمره ورفع حاجب وقال : انا اقول انك ترجع !!
فيصل هههههههههههههههه اقول انقلع

" فيـــــــــــــثــــــل "
ومن غيرها الي تناديه بهالطريقة ؟؟ التفت وعلى فمه أحلى ضحكة وشافها واهي ورى الدرج مستحية .. انحنى بسرعه وفتح ايدينه ونادها واهي استحت وغطت وجهها .. ضحك واهو يقول : شفيك مستحية حبيبتي تعااالي ..
ركضت واهي مغطية وجهها وطاااااحت بحضنه وشالها وضمها وداااار فيها واهو يقول : وحشتيييييييني يابعد هالدنيا انتي ..
ضحكت ساره واهي تقول : وانت وحسـتيني بعد ..
فيصل : وحستك ! هههههههه يازينك
مشى واهي متعلقة برقبته واهو ضامها من ظهرها ويقول : مشعل وين أهلي ؟؟؟
مشعل واهو يمشي وراهم : أبوي طلع مشوار وقال اذا قعدتوا عاقلين بجيبلكم حلويات وأنا جاي !
فهم فيصل ان ابوه ماوصاهم كذا الا لأن محد حولهم .. وقال : ليه وين امي والبنات ؟؟
مشعل : منى ومرام بالسوق .. وامي وخالتي فوق بغرفة مرام يرتبون أغراضها ويبكون ..
فيصل : يوووووووه لازم هالموال ؟؟
طلع الدرج بسرعه وساره تضحك لانها تناقز معاه واهي متعلقة برقبته ..
مشى لغرفة مرام وشاف بابها مفتوح ابتسم ومشى ووقف عند الباب وقال بصوت عالي : جاااااااااكم من يمسح دموووووعكم .. !
مشعل ضحك وراه وقال : ههههههههههههههههههه كرتون مناديل
أم فيصل شهقت وخبطت صدرها وقالت : ياقليبي على ولييييدي !! (( وسالت دموعها وهي توقف ..
فيصل واهو يمشي ناحيتها : ياقليبي انتي يمه ..
حاول ينزل ساره بس هالبنت متعلقة بقوة راح أبعدها على الجمب وضم امه من الجهة الثانية ..
مشعل عصب وجا ورى ساره وصار يهمس بعصبية : انزلي ياغبية خلي فيصل يسلم على أمي
ساره بقهر : قاعد يثــلم عليها الحين وس دخلك ؟؟؟
مشعل بنفس العصبية : مو قادر يسلم عليها زين بسببك ..انزلي وبس ..
مانتبه الا على الي شدته من اذنه واهي تقول : انت مالك شغل فيها .. سامع ولا لاء !!
مشعل صرخ : آآآآي آآآآآي طيب نسيت ان محاميتها موجودة !
حنان واهي تترك اذنه : لا حبيبي موجودة او مني موجودة لاتحارشها ..
وقعدت جمب ام فيصل طبعا بعد ماسلمت على فيصل ..
قعد فيصل جمبهم وساره بحضنه وقال واهو يقعد : ايه يمه وش أخباركم أجل حايسين ؟؟؟
ام فيصل : مره يافيصل كل شوي تطلعلنا شغلة ونسويها واختك بعد تتشرط وتبي كل شي على سن ورمح ..
فيصل : ههههههههههه أكيد زواج الغالي ..
حنان : اي والله لو تشوفها شلون مستخفة ..
فيصل : ههههههههههه ياحبيلها .. وانتي ياحنان أخبارك ؟؟
حنان: بخير ياعمري والله اشتقناااااااالك انت وفتووون مرررررره ..
أم فيصل :إي والله .. وينهي وديتها لأهلها .. ؟؟
فيصل : اي وبتجي ان شاء الله تسلم عليكم ..
ساره : ليه ماجـت معااااك أبي أسوووفها ..
فيصل : والله ياعمري حتى هي تبي تشوفك وان شاء الله تجي وتجيبلك هدية معها
ساره بفرحة : ياسلااااااااااااام .. (( وطالعت بمشعل وهي تضحك
مشعل : حتى انا بتجيبلي وتشوفين ..

سمعوا الباب السفلي ينفتح .. وفز مشعل واهو يقول : جا ابوووووي ..
وقف فيصل واهو يبتسم وساره لازالت متعلقة برقبته .. قال واهو يحاول ينزلها : حبيبتي بروح أسلم على بابا بعدين أشيلك
ساره بضحكتها الي ماتفارقها : تيب ..
باسها وطلع وطلع الكل معاه ونزلوا الدرج وسمع ابوه واهو يقول : لالا تكذب يامشعل ؟؟؟ بذمتك ؟؟
رفع عينه وشاف فيصل ينزل الدرج !!
شخص بصره وشقت الضحكة وجهه وهو يقول : هـلااااااا والله بفيصـــــــــــل هلا بالغالي ..
فيصل : هلابك ياتاج راسي .. (( وباس راسه وإيده وضمه بكل شووووق ..
أبو فيصل وصوته متهدج بالدموع : هلا هلا والله .. الحمدلله على سلامتك يبه
فيصل رجع يبوس راسه وقال : الله يسلمك ويبقيك ..
ومشوا كلهم للصالة وقعدوا سوى ..

وماطال الوقت يوم وصلت منى ومرام ..
فتحوا الباب ودخلو ومعهم أكياسهم ومرام تقول : آآآآآآآآه ياظهري ان شاء الله هذي آخر مره أنزل السوق
منى : كل يووووم تقولين آخر مره ومن بكرا تنزلين وتجريني معاك من الدوام والله بيحاسبوني ..
مرام : قايلتلك خذي اجازة مارضيتي و .......... ((قطعت كلامها فجأة يوم التفتت وشافت فيصل يطالهم ويضحك ..!!
صرخت واهي ترمي الاكياس : فيييييييييييييييصل !
منى انفجعت وقالت واهي تلتفت : بسم الله وين ؟؟؟؟
وشهقت يوم شافته ورمت الاكياس اهي الثانية وصرخت وركـــــضت اهي ومرام عليه ..
وقف فيصل واهو يضحك وما مداه يوقف الا نطوا الثنتين عليه وقامت ساره تحسب الدعوة لعب ونطت عليه معاهم !!
طاحوا كلهم على الكنب وقال ابو فيصل وهو يضحك : شوي شوي ذبحتوا الولد !
مرام واهي تضمه بقوة وتقول : حبييييييييبي والله اشتقتلك مووووت موووووت !
منى : واهي تضمه من الجهة الثانية : فصوووولي ياقلبي وحشتنييييييييييييييييي
ساره الملقوفة : فـثوووولي وحسسسسسسستني
مرام : انا قايلة حبيبي اخوي مو مطنشني وأكيد بيجي يحضر زواجي
منى : مسكينة انتي جاي عشاننا كلنا مب عشان زواجك بس
ساره : اييييه عساننا كلنا ..
مرام : لاااااا عشان زواجي غصب عليكم .. مو صح فصووول؟؟

فيصل بصوت يالله يطلع : الحين ممكن تبعود عني يالثلاث عشان أقدر آخذ نفس وأرد عليكم!!

ضحكوا وأبعدوا عنه شوي بس ذراعاتهم على رقبته .. أخذ نفس بطريقة تضحك وقال : هلا والله !
ضحكوا ورجعوا يرحبون فيه ويتهاوشون عليه ..

" آآآآآآخ متى أرجع لأهلي مثلك فصووووووووول وخلهم يكتمون على أنفاسي أهم شي أرجعلهم فديتهم "

******

فتحت عيونها بتعب .. والتفتت على يمينها واتفاجأت بصورة جبمها تعني لها الكثيـــر .. صورة خلتها تبتسم وتلتفت على يسارها عشان تتأكد من المكان الي هي فيه .. ! شافت سرير فاضي بس عرفت صاحبته .. أخذت نفس عمييييق واهي تملا صدرها بريحة الغرفة .. آه ياقلبي هذي غرفتي انا وعبير .. !
قعدت بخفة واسترجعت على طول الأحداث الماضية ..
دخلت سلمت على عبير وبنات عمتي بعدين حسيت الدنيا تدور فيني .. بعدها انتبهت على موية تنكب على وجهي بعدين جا خالد وشالني للغرفة ومعاه البنات ..
بعدها ... بعدها ..
طلعوا البنات ودخل فيصل !!
اتذكر ان فيصل دخل وانفجرت أنا فيه واتكلمت كلام كثييييير .. أتذكر ان كل الي بقلبي طلعته ذاك الوقت .. بس كان مصدوم من كلامي ! ايه أكيد ماتوقع اني شايلة بقلبي عليه !! بس غريبة ماعصب علي وضربني !! اي والله غريبة !!
جاني وقعد جمبي و حضني !! وهـ شلون خليته يحضني ؟؟ لا وبعد شربني الحليب و .. بعدين شصار !!
شهقت واهي تحط ايدها على فمها وتقول .. شكلي نمت على صدره !!! .. يوووووووه انا شسويت ؟؟؟ شكلي كنت تعبااااانة وماحسيت على نفسي .. شلون أرضى انام على صدره واهو هددني بالطلاق !!!
طلاق ؟؟ وش قاعدة أخربط أنا .. صح هو قال انه مستحيل يطلقني لأنه .. يحبني ..! ولأنه مايستغنى عني .. !! طيب الحين انا فرحانة ولا وشو بالضبط ؟؟؟
يووووووووه شهالافكار انا بعد خليني أقوم أشوف أهلي بس .. شكل أحد منهم شالني وحطني بغرفتي .. فديتهم بعد عمري ..
وقفت وتأوهت بألم ورجعت قعدت على السرير ! آآآآآي ساقي ! شسالفة هالساق كل مالي أنخبط فيه وبنفس المكان !!..
طالعت الساعه لقتها 6:30 الصباااح .. وقفت مره ثانية وسكرت عيونها بألم بس قاومت آلامها ومشت للحمام .. لقت ملابس لها مجهزة على الدولاب وابتسمت بفرح .. يااااااااسلااااام رجعت أيام الدلع والدلااااال ..
سكرت الباب وأخذت لها شاور سريع وبدلت ملابسها وطلعت واهي تقاوم ألم ساقها .. لقت سجادتها الي دايم تصلي فيها بمكانها ..
فرشتها وصلت الفجر .. وبعدها مشت وفتحت باب غرفتها بهدوء وطلعت ..
مشت واهي تعرج لين الدرج وطلت منه وشافت خالد وأبوها يفطرووون ..
ابتسمت بكل فرح واهي تشوف أبوها ووقفت أول الدرج وقالت بدلع : باااااااابي !
التفتوا كلهم للصوت وشافها أبوها وكنه شايف جنته قدامه !! نط من مكانه واهو يقول : ياعيون بابك انتي ..
خالد : بابك ههههههههههههههههههه لا دولابك أزين ..
ضحكت فتون واهي تنزل الدرج بشويش وتقول : اسكت يالغيووووور ..
طلع أبوها نص الدرج واهي نزلت للنص ونطت عليه واهو ضمها من خاطر أبو ولهان ومشتاق لبنته ودلوعته ويقول : شلونك حبيبتي ان شاء الله بخير ياماما؟؟
فتون : الحمدلله انت شلوووونك يبه اشتقتلــك ؟؟
ابو سعود : بخير والله الحمدلله على السلامة
فتون : الله يسلمك يارب
ابعدت عنه ونزلت جمبه واهو نزل قبلها واهو يقول : شلون فيصل ان شاء الله طيب ؟؟
فتون : ........... بخير .. الحمدلله ..
نزلت وقعد ابوها وقعدت جمبه وريحة الأكل شهتها واهي الي صارلها كم ما أكلت ..
خالد : اكيد اشتيهتي الحين وبتخلصين الاكل علينا
فتون : اسكت والله بمووت من الجوع ..
خالد : قومي خلي سولا تسويلك شي واتركي فطوري انا وابوي
ابو سعود : خالد وجع ! خل اختك تاكل الي يسمع يقول بتاكل كل هالصحن الحين ..
خالد واهو يضحك : وسع صدرك يبه أحب اناكفها
ابو سعود : سمي بالرحمن حبيبتي وكلي ..
فتون : ماعليك يبه لاتوصيني .. ((وشمرت أكمامها بطريقة ضحكتهم وبدت تاكل ..

ابو سعود : اتغدي عندنا يافتون مابي ارجع القاك رحتي !
فتون بصدمة : وليه وش يروحني اصلا ؟؟؟
ابو فيصل : يجي فيصل ويضحك عليك بكم كلمه وياخذك قولي لا اقعد انت اتغدا مع ابوي
فتون : ايييييييه .. لايبه لاتشيل هم .. انا باقعد على قلوبكم طول هالايام !
ابو سعود : ليه يمه عسى ماشر ؟؟
فتون بضحكة : مافي شي يبه شفيك خفت بس مشتاقة لكم وابي اشبع منكم كم يوووم ماتكفيني ساعات ..
ابو سعود : ايه أشوا اجل الحمدلله ..والله حتى انا مشتاقلك وابي اقعد معاك زين اذا رجعت ..
فتون : ان شاء الله ..
وقف واهو يقول : يالله اجل فمان الله .. خالد لاتاخذك السوالف وتتأخر ..
خالد : قايم قايم ..
طلع أبو فيصل الا خالد قال : كم يوم ناوية تقعدين ..؟؟
فتون واهي تاكل : مدري ليش ؟؟؟
خالد : لا بس باتطمن عليكم ..
فتون : انت خل بالك من نفسك وبزواجك الي بعد اسبوع وماعليك منا ..
خالد : والله تشوفين اذا محد نفعكم غيري !
سكتت فتون شوي بعدين قالت : تنفعنا بايش ؟؟ انت تدري عن شي ؟؟
خالد واهو يوقف : لالا وش بيدريني أصلا .. يالله اشوفك اذا رجعت .. مع السلامة

وطلع واهي عقدت حواجبها تفكر شوي .. بعدين نفضت من بالها اي أفكار وكملت أكل ..

طلعت سولا وقالت : مدام تبغى جيب فطور تاني !
فتون : هههههههههههههههههههههههههههههه وش قلتي ؟؟؟؟
سولا باستغراب : تبغى فطور تاني ؟؟؟
فتون : لالا ههههههههههههههههههههههههههه الكلمة الي قبلها وشهي ؟؟؟ وش ناديتني ؟؟
سولا وهي تضحك : مدام !!
فتون : ههههههههههههههههههههههههههههههههههه والله وصرتي مدام يافتون ههههههههههههههههههههههههههه تجنن منك ياسولا .. ههههههههههههههههههههه انا فتون الي كنتي تهاوشيني وانا بزر وتطلعيني من المطبخ صرتي تقوليلي مدام ههههههههههههههههههههههههههه
سولا : ههههههههههههههههه هيّ كدا دنيا
فتون : هههههههههههههههههههههههههه بطني آآآآه هههههههههههههههههههههههههه اي والله هيّ كدا دنيا ولا بالله ياسولا كنتي تتوقعين اني باخذ فيصل ؟؟ فيصل الي كنت اكرهه واتهاوش معاه كل ماشوفه اتزوحه ؟؟ خطر على بالك هالشي ؟؟
سولا مافهمت وش تقصد بس فهمت ان الكلام عن فيصل وقالت : سفتي كيف ؟؟
فتون : هههههههههههههههههههههههههههههههههههههههه بس ياسولا ضحكتيني رووحي خلاص مابي شي
سولا واهي تهز راسها : ههههههههههههههه مزنونة انتي ..
فتون : ههههههههههههههه وجع انتي المجنونة ههههههههههههههههههههههه

" اي هذي بنتي ماتغيرت .. عادتها تصحينا من النوم بضحكها ورجتها "

التفتت فتون وشافت امها تنزل من الدرج
نطت ناسية ساقها وألمها واهي تقول : مااااااااااامييييييي حبيبتييييي عمرررررررري ..
ضحكت ام سعود ونزلت بسرعة ورشاقة وحضنت بنتها بقوووووووة واهي تقول : والله فز قلبي يوم طلعت من الحمام وسمعت ضحكك ورجتك .. قلت هذي هي فتون ماتغيرت ..
فتون : هههههههههههههههههههههههههههه ولا أكبر قوة بالكون تغيرني ..
ام سعود واهي ماسكة ايد بنتها وتقعد : ياعمري انتي شلونك الحين ان شاء الله أحسن
فتون واهي تقعد جمبها : الحمدلله مدري وش جاني امس بسم الله دخت ونمت ولادريت عن نفسي الا تو ..
ام سعود : قلقتينا انا وابوك والله كل ساعه ندخل عليك ونشوفك
ضمت فتون أمها بقوة واهي تقول : ياعممممممممري انتي وابوي وبس .. والله وحشتوووني بغيت أنهبل بالايام الأخيرة ..
ام سعود : ياحياااااتي انتي قوليلي وش اخبارك وأخبار فيصل ؟؟
فتون : بخير الحمدلله قدر يخلص شغله قبل زواج خالد وجينا ولا كان بموت من القهر لو ماجيت ..
ام سعود باستهبال : لا اشوا اجل جابك قبل لاتموتين ..
فتون : ههههههههههههههههههههههههههههههه هذا الي همك
ام سعود : ههههههههه اكيد .. وقاعدة عندنا اليوم ؟؟؟
فتون : ايييييييييييه شفيكم علي انتي وابوي وخالد .. ترا من الحين اعرفوا ماراح أطلع من البيت قريب يمكن اقعد شهرين ثلاث أربع !
ام سعود بصدمة : وشو ؟؟؟؟؟ مب صاحية انتي .. !!
فتون مسوية حزينة وتقول : لهالدرجة ماتبيني ؟؟
ام سعود : اقول اهجدي ايه مابيك شهرين ثلاثة تتركين رجلك ! اقعدي عندنا كم يوم وخلاص روحيله ..
فتون بتنهيدة : يصير خير .. المهم وين عبير ؟؟
ام سعود تجاهلت سؤالها واهي تتفرس بنتها بنظراتها وقالت : والله مادري وش هببتي بحياتك انتي وفيصل !!
فتون باستهبال : يووووووه كل الي تتوقعين خبطنا ورقعنا وعجنا وخبزنا وحرقنا وكل الي يخطر على البال سوينا ..
ضحكت ام سعود وقالت : والنتيجة أهم شي ؟؟؟
فتون : يمممممممه خلاص فكينا منه الحين وقوليلي وين عبير ؟؟
ام سعود : وين عبير يعني بتترك زوجها وتنام هنا عشانك ؟؟؟
فتون : وجع ماصدقت شافتني نمت رجعتله !!
ام سعود : ايه رجعتله وقالت اذا صحت فتون وروقت جيت ..
فتون واهي توقف : بروح أكلمها هالهايمة هذي ..
ام سعود : نايمة الحين تلقينها ..
فتون : والله بصحيها تجي مو لازم تنام
ام سعود : أجل دقي على جوالها ..
فتون : اكيد ..
وراحت للتلفون واتصلت على عبير لين انقطع الخط ماردت .. رجعت تتصل مره ثانية وبعدشوي ردت عليها وصوتها نوم وتقول : هلا يابعد قلبي ..
فتون : هههههههه شدراك انها أنا ..
عبير : ههههههه وشدراك ان انتي بعد قلبي !!
فتون : الا ادري اني بعد قلبك وعمرك وكلك بعد ..
عبير : واثقة انتي وهالوجه .. المهم شلونك الحين ؟؟؟
فتون : تماااام بس يالله تعالي
عبير : الحين هذا وقت أجي بالله عليك وبعدين مين بيجيبني تركي بالدوام !
فتون : يووووووه عبير خلي سواقهم طيب يجيبك ..
عبير : انت شصحاك بسم الله !
فتون : صحاني الشوووق والوله المهم خلصينا وتعاااالي
عبير : اوكي بكلم تركي واشوف ..
فتون : يالله ورديلي
عبير : اوكي سلااام ..

سكرت من فتون وقعدت واهي تفرك عيونها .. فيها النوم بس اتحمست للروحة يوم كلمتها فتون ..
دقت على جوال تركي واهي شايلة هــم رده ..
وبعد كم رنة رد عليها : نعم ..
عبير : هلا تركي ..
تركي : هلا عبير ..
عبير : شلونك ؟؟
تركي : الحمدلله ..
سكتت عبير شوي بعدين قالت : أقول تركي ..
تركي : نعم ..
عبير : شعندك انت وهالنعم ؟؟؟
تركي : ها آمري شتبين ؟؟
عبير : مايامر عليك عدو بس حبيت أقولك بروح لأهلي ..
تركي : الحين ؟؟؟
عبير : ايه .. دقت علي فتون وتبيني أجيها ومافيني نوم وودي أروح ..
سكت تركي شوي بعدين قال : ومين بيوديك ؟؟؟
عبير : بشوف السواق اذا موجود وداني !
وتركي : واذا مو موجود ؟؟
عبير : مادري عاد ..
تركي : دقي عليك ..
عبير : .......... أوكي ..
تركي: يالله مع السلامة ..
عبير بهمس : .... مع السلامة ..
سكرت منه واهي تحس دموعها شوي وتطفر منها ..
طلعت من جناحها وسألت الخدامة عن السواق وقالتلها انه رايح يجيب بعض المقاضي ..
رجعت الغرفة وجت تبي تدق على تركي اترددت شوي وبالآخر رمت الجوال .. مافيها حيل تدق وتسمع صوته الجاف وكلامه البارد ..
راحت للحمام وغسلت وبدلت ملابسها وطلعت .. انتبهت لجوالها ينور واتذكرت انه على الصامت .. مشت وأخذته واهي متوقعة انها فتون بس اتفاجأت يوم لقته تركي المتصل ..
ردت بنعومة : هلا حبيبي ..
تركي : شصار عليك ؟؟؟
عبير : مافي السواق أرسلوه يجيب مقاضي ..
تركي : امممم .. ومصرة تروحين ؟؟؟
عبير : ماوراي شي بس مادري شلون بروح بشوف أكلم اهلي ان كان يقدرون يرسلولي سواقهم !
تركي : لاتكلمينهم ولا شي .. ربع ساعه وانا عندك ..
اتفاجأت عبير من رده !!! بيترك دوامه عشان يوديها ؟؟؟؟ غريب واهو صاير جاف معها وبارد بدون أي ذنب أذنبته !! والحين يناقض تصرفاته ويقول بيجيها يوديها ..
تركي : .. وينك ؟؟؟
انتبهت عبير من أفكارها وقالت : معاك معاك .. أوكي تركي استناك ..
تركي : يالله سلام ..
وسكر منها واهي بسرعه قامت واتجهزت ومامرت الربع ساعه الا واهي بعبايتها ..
طلعت من جناحها واهي تتمنى ماتشوف نوال .. كل الي بالبيت طالعين لدواماتهم ومدارسهم ومافي الا هي يارب تكون نايمة ..
حمدت ربها يوم دق تركي وردت : هلا ..
تركي : أنا برا .. (( وسكر ..
سكرت الجوال واهي تتنهد .. ماتقدر تلومه الحين واهو متكرم وتارك شغله عشان يوديها !!

لفت طرحتها واهي تقاوم دموعها .. ومشت وفتحت الباب وطلعت .. كان لابس نظارته الشمسية واتمنت لو مـاكان لابسها عشان تشوف عيونه وتحاول تعرف وش فيه وشالي يفكر فيه !!
فتحت باب السيارة وركبت وهمست بالسلام ورد عليها بنفس الهمس ..
طول الطريق واهو ساكت ماتكلم معها ولا كلمة .. ضاق صدرها حيييل .. مو كافي البارح دخل نام وتركني .. قعدت ساعه بالصالة لحالي أحسبه بيرجع ويوم دخلت لقيته نايم ؟؟ مو كافي له كم يوم يقوم الصباح ويطلع للدوام بدون مايلتفتلي ولايعبرني ولا بكلمة !! اتنهدت واهي تقول الله يرحم أيام ماكان يطلع للدوام الا واهو مصحيني يودعني ويبوسني ..!
سمع تركي تنهيدتها والتفت عليها وقال : شفيك ؟؟
عبير بتنهيدة ثانية : ولا شي ..
تركي : الله الله شهالتنهيدات ..؟؟ هذا وانتي فرحانة باختك ورايحة تشوفينها ..
عبير : صدقني ياتركي مني قادرة أفرح باختي ذيك الفرحة .. !!

طالع تركي بالطريق وسكت ولا رد عليها .. ودار بينهم هالصمت لين رن جوال تركي ورد عليه : نعم !
انتبهت عبير لرده .. هذا شكله مو طايق يكلم ولا أحد مو بس أنا ..!!

سمعته يضحك ضحكة خفيفة ويقول : هههههه لا حبيبي شدعوة والله مشتاقينلك .. زين اشوفك اليوم .. لالا انا بجيك .. اي ان شاء الله .. يالله سلام ..
سكر ورمى الجوال جمبه ..
طالعت عبير بالجوال الي رماه وحمدت ربها انها مو جوال ! خخخخخ ..
قالت بهدوء : فيصل ؟؟؟؟
هز تركي راسه بدون رد ..
عبير : بتروحله اليوم ؟؟؟؟
تركي : ان شاء الله ..
عبير : خلاص اجل خلني عند أهلي ومتى ماخلصت منه تعال خذني ..
تركي : ان شاء الله ..
يااااااااااه شهالجمووود فيك تركي .. قول شي اتكلم انطق سولف !! حتى لو تهاوش تعصب بس لاتكون باااارد بهالشكل الي يقتل !

شصار فيك بعد ذيك الليلة .. ؟؟ استرجعت أحداث مشتتة .. كانت نايمة وتركي طلع من الجناح ويوم اتأخر طلعت تبي تشوفه وسمعت صوت بمكتب عمها عرفت انه موجود معاه ..
رجعت الجناح واتمددت على السرير تنتظره بعد فتره جاها وكان وجهه متغير !!
ولبس ملابسه وطلع من البيت ... ولا رد عليها يوم اتصلت ولا كلمها .. ومن رجع ذيك الليلة وحاله مقلوب !! .. شالي صار .. ؟؟ معقولة عمي له علاقة .. بس شدخل عمي بان تركي ينقلب علي أنا ؟؟ عمي يحبني مثل بنته ومستحيل يقلب تركي علي .. وتركي يحبني ومستحيل يأثر فيه كلام أحد .. !!

خبطتها الحيرة وصل البيت ووقف تركي السيارة عند الباب .. التفتت عليه عبير وقالت :ماودك تنزل شوي ؟؟
تركي : لا انا معتذر عن أول الاجتماع عشان اوديك والحين لازم ارجع أحضر الباقي ..
عبير : اهااااا .. ( وبابتسامة ناعمة : معليه حبيبي عطلتك معاي ..
طالع فيها تركي وفتح فمه كنه بيقول شي بعدين سكت وقال : يالله عبير لا أتأخر !
عبير : أوكي .. مع السلامة ..
فتحت الباب ونزلت ومشت للباب ودقت الجرس وتركي استناها لين دخلت وبعدها حرك السيارة ومشى وقلبه ينعصر بكل ألم !

برايكم شالي قالب حاله ؟؟؟

********

^ يوم زواج خالد ومرام ^

ركبت مرام السيارة وتبعتها منى وسكروا الباب ومشى السواق ..

منى : ايه ماقلتيلي أي فندق بتروحون بعد الزواج ؟؟
مرام : مااادري وأمي سألت خالتي وين بنروح عشان توديلي ملابس وأغراض الا قالتلها يقول خالد خليها تعبيلها شنطة صغيرة وتاخذها معها القاعة وبس ولا قال وين بنروح !!
منى : مب صاحي زوجك ! تتوقعين يسفرك يعني !!
مرام : لا مستحيل لاتنسين عزيمة خالتي الي بكرا ..
منى : أجل و ش سالفته ؟؟
مرام : والله مادري ولا أبي أدري .. اهو يبي يفاجئني وأنا أحب المفاجآت .. وامي قالت بنحط الشنطة بسيارته من بدري عشان ماننساها وخلاص ..
منى : والله انكم مغامرات من أولها ..
ضحكت مرام .. وبعدها بدت تسترجع اهي ومنى كل الترتيبات ويتأكدون ان كل شي كامل ومانسوا شي .. الا فجأة صرخت مرام واهي تضرب فخذها بقبضتها وتقول : يووووووووووووووووه !
منى بقلق : وشوووووووو ؟؟؟؟
مرام وهي شوي وتبكي : نسيت أتفق معاهم يوصلون الورد للفندق !
منى : ايييييه .. خلاص ياشيخة نقول لفيصل يروح يجيبه ..
مرام : بالله بيطلع من بين الناس عشان يروح يجيبه ؟؟
منى : ايه وليش لاء ! اذا ما أخونا وقف معانا مين ياقف معنا ان شاء الله ؟؟؟
مرام : آآآآخ ليتني بس أخذته مره وحده وافتكيت ..
منى : مهبولة انتي تاخذينه عشان مايجي وقت الزفة الا واهو ذبلان ! خلاص انا بدبر موضوعه ومو جاي وقت زفتك الا وهو بين ايديك لاتشيلين همه أبد ..
مرام : و ورد الطرحة ؟؟؟
منى : حتى ورد الطرحة اتفقت مع عبير تجيبه واهي طالعة من الكوفيرا .. انتي لاتفكرين بشي يامرام خلااااااص قلتلك اتركي كل شي علي وبس ..
مرام بنظرة حب : الله لايحرمني منك ياعمري والله لو اني من غيرك كان مابقى براسي الا شعرتين !
منى : ههههههههههههه وش دخل شعرك؟
مرام : من كثر ما أشدشد فيه !
منى : ههههههههههههههههه ياقلبي .. لا والله جد مرام ريلااااااااكس الله يسعدك .. ولا عمرك شفتي عروسة مابقى على زواجها الا كم ساعه واهي دايرة بالسوق ؟؟
مرام : شسوي اذا الشغل عيى يخلص ؟؟
منى : والله مو الشغل الي انتي الي تبين كل شي على أكمل وجه وباشرافك بعد !
مرام : خليني يامنى وربي مو مصدقة ان هالليلة جت .. الليلة الي بتجمعني مع حبيب قلبي وحياااتي الي أخذ قلبي من سنييييييييييين آآآآآآآآآآآآآآآآآآآآآآآآآآآآآآآآآه (( صرخت واهي تحضن شنطتها ..
منى : عز الله استخفت اختي ههههههههههههههههههههههههه
رمت مرام الشنطة على مني واهي تضحك ..
واتجهوا فورا للكوفيـــرا

::

داخل الكوفيرا كانت الرجة على أعلى درجة بوجود كل العيـلة بذاك المكان ..
كان أول من خلص وانتهى .. " حنان " .. مشت تشوف وش صار على البنات وشافت منى تطالع نفسها بالمراية وتوها مخلصة ..
صفرت حنان واهي تمشي ناحيتها وقالت : شهالروووووووعة شهالزييييييين لالا بروح أغسل مكياجي الحين ..
منى : هههههههههههه لا تجامليني والله أحسه ثقييييل
حنان : بالعكس والله يجنن ومناااااسب مع لون شعرك ..
منى واهي تتأمل شكلها بالمراية : ليته والله ..
حنان : شلون تشكين بعمرك أصلا .. (( وبغمزة : ولا تبين المدح يجي من بعض الناس عشان تقتنعين !
منى بضيق : انتي خليه يكلمني وبعديييييين يمدحني !
حنان : شقصدك ؟؟
منى : حنان انا ماحب أشكي واتكلم بس بصراحة انا مره متضااايقة من بروده معاي !! وغير كذا مايدق ويكلم الا اذا ارسلتله رسالة .. واذا كلم برضو أحس أسلوبه بارد ماتحسينه متلهف !
حنان : يمكن عشانكم بعاد يامنى حسيتي بهالشي .. لكن لو انكم تشوفون بعض ووضعكم يسمح انكم تكلمون بعض يوميا كان لاحظتي العكس ..
منى : برضو هذا مايخليه يقطع ومايكلم ابد ! والحين بطلت والله ارسل قلت بشوف اذا بيدق من نفسه ولا لاء وها شوفي .. له حوالي اسبوع ماتصل ولا ارسل !
اتضايقت حنان بخاطرها بس ماحاولت تبين لها وقالت : يمكن مشغول يامنى ولا مضغوط ..
منى بقهر : بس ياحنان والله لو وش ماكان مشغول خمس دقايق بتظيع من وقته شي ؟؟

" شفيييييييييييه الحلو معصب ؟؟ "

التفتوا شافوا قمـــــــــر بهيأة بشـــر يمشي ناحيتهم ..

حنان بانبهار : وااااااااو ماشاااااااء الله .. ياحظي ببنات خواتي الي كل وحده طالعة أجمل من الثانية ..
منى : وقاعدة تمدحيني تو ! طالعي هذي الي غطت علي مالت عليها اهي وهالراس

فتون : هههههههه اتركي راسي بحاله بالقوة وافقت على هالرفعة ..
حنان : والله حلوة ومطلعة شكلك غييييييير عن العادة ..

فتون واهي تعلك : اي وانا هذا الي مابيه .. ماحب شكلي يتغير ابد ..
منى : ومن قال شكلك متغير الرفعة بسيطة وشعرك سايح زي كل مره بس غيرتي عن الفرقا الي ذابحتنا فيها
فتون : ههههههههههههههههه لزوم التميز .. المهم قوليلي شفيك معصبة تو ؟؟
منى : مو معصبة والله بس انفعلت بالكلام ..
فتون : ليه طيب شفيك ؟؟

حنان : فتون حبيبتي لاتنسين ترمين اللبانة من فمك اوكي ؟؟
فتون : يوووووووه خلصنا من فيصل جتنا هذي
حنان : حتى فيصل علق عليها ؟؟؟
فتون : ياليت علق عليها وبس الا حاط نقره من نقرها ومره دخل ايده بفمي وطلعها بالقوة !
منى: ههههههههههههههههههههههههههه يازين اخوي .. وش سويتي طيب ؟؟؟
فتون : عضيته ههههههههههههههههه
حنان : هههههههههههههههههههههههههههههههه قسم بالله انكم مراجيج يالاثنين ..

فتون : هو المرجوج ولا شحرق رزه عشان لبانتي ؟؟
منى : مو انتي بهاللبان تبانين مستهترة واهو يمكن مايحب يشوفك كذا اذا كان جدي!
فتون : اقوووووول فكينا والي يسلمك وقووووليلي شفييييييييييك تو لاتهربين ..
منى : صدق انتي ماتظيع عندك سالفة !
فتون : هههههههههههه ايه توك تعرفين .. شفيك يالله ؟؟
منى : ولاشي والله بس كنت منقهرة من أنس الي مايدق ولايكلم ..
فتون : مااااااالت عليك وانا احسبه شي مهم ..
حنان واهي تتفرسها بنظراتها : هذا مو مهم ؟؟ أجل شالمهم ياحلوة؟؟
فتون : رااااحة بالي وبس .. ولا هالرجال ماوراهم الا وجع الراس ..
ورمت عليهم نظرة غرور وراحت عنهم .. واهم ضحكوا عليها وراحوا لغرفة مرام ..

مشت تشوف عبير بس لاشعوريا استرجعت كلام منى ..
كان شكلها واهي تشوفها من بعيد مررررره متضايق وتتكلم بقهر وزعل !
كل هذا عشان ... أنس ماكلمها !!
شدعوة فيصل كلمني ولا سأل عني !! ومع كذا ماصرت مثلها ولا حتى فكرت مجرد تفكير فيه ؟؟
انا الصح ولا اهي ؟؟
بصراحة الاسبوع الي فات كان أسعد اسبوع بحياااااتي .. بعيد عن الطق والخناق وكله طلعات واستعدادات مع اهلي والبنات ..
ماشفته ولا لمحته حتى يوم رحت أسلم على خالتي ..!!
والظاهر انه اهو بعد مثلي .. مافكر فيني وعاش حياته ونساني .. !!
يوووه انا ماجيت افكر فيه الا هاللحظة .. ؟؟
خليه بسلامته يفكر ولا مايفكر أنا شدخلني !
حلوة شدخلني ولد الجيران اهو ولا زوجي ؟؟ : ههههههههههه
طلعت الضحكة منها غصب والتفتت تشوف ان كان أحد انتبهلها وحسها مهبولة تضحك لحالها !! شافت عبير ومشت رايحتلها واهي تضحك على نفسها وعلى تفكيرها !

مشت ووقف قدام عبير والكوفيرا تسوي تسريحتها ..
شافتها عبير وقالت بابتسامة : طالعة روووعة ..
فتون بغمزة : أحاول أقلدك ..
ضحكتلها عبير وصارت تطالع بالمراية الكوفيرا واهي تشتغل .. الا فجأة شافت وحده تعرفعا تمشي وراها .. !!
عبير : فتون شووووفي ..
فتون واهي تقلب بالجوال : وشو ..
عبير : وجدان بنت عمة سعاد ..
فتون التفتت واهي تقول : وين ؟؟
عبير تطالع وجدان بالمراية : ورااااي ياخبلة بالله كل بشوفها واهي يسارك ..
التفتت فتون وشافتها وقالت بضحكة : اي والله .. (( ونادتها : وجدااااااااااان ..
سمعت وجدان النداء والتفتت وشافت فتون واقفة تأشرلها وعبير تبتسملها بالمراية ..
شهقت بضحكة ومشت عندهم واهي تقول : هلاااااااااا بخوات العريس ..
فتون : هلا فيك والله ..
وجدان : شلونك فتون .. شلونك عبير ؟؟
البنات : الحمدلله انتي شلونك ؟؟
وجدان بخير الحمدلله .. ماشاء الله كلكم هنا ؟؟؟
فتون : ايه ماعدا الحريم جايتهم كوفيرا بالقاعة ..
وجدان : ايه زين .. (( وقالت بدون ماحد يسألها : انا جيت هالكوفيرا لأني بصراحة ماشوف أحسن منها .. وأمي واختي راحوا مع نهى ومنال لكوفيرة (( ...... ))
فتون : أهااا ياحليلهم .. بس حتى ذيك مب شينة ..
وجدان : امممممم صح بس انا هذي تعجبني أكثر ..
فتون : وخلصتي ؟؟
وجدان : مادري عنك انتي وش شايفة ؟؟
فتون : هههههههههههههه مادري عنكم انتوا راعين بدع وخرابيط ترزونها بروسكم قلت يمكن باقيلك مثل كذا ..
وجدان : لا مو ناوية احط هالخرابيط وبالله كيف طالع شكلي ؟؟
فتون وعبير مع بعض : ناااااعم ..
وجدان : ههههههههههه أجل صدقتوا ..

رجعت فتون تقلب بجوالها وعبير قالت : انتي شعندك ؟؟
فتون : ياشيخة من أول ادق على سعود ومايشبك أبد !
عبير : يمكن الارسال ضعيف هنا ..
فتون : شبك شبك .. (( وحطت الجوال على اذنها وانتظرت لييييين فصل الرنين ومارد ..
فتون : يوووووووه ويوم شبك مارد ..
عبير : انتي شتبين فيه الحين ؟؟
فتون : بكلمه حبيبي لحاله هناك مو حاضر معانا لا وبعد مانكلمه نحسسه بفرحتنا
وجدان : ههههههههههه شاعرية بنت خالي
فتون : ايه شداركم عني بس ..
ضحكت وجدان وقالت : طيب دامنا اتقابلنا هنا توصلوني معاكم ؟؟
فتون : امممممم عادي والله بس انا جاية مع بنات خالتي ..
وجدان : اممم .. وانتي عبير ؟؟؟
عبير : لا انا جاية مع تركي ..
وجدان : طيب توصلوني ؟؟ ترا اذا صعبة قوليلي عادي بدق على امي بس انا قلت نختصر المشاوير لان أهلي خلصوا وراحوا البيت ..
عبير انحرجت وقالت : عادي ياقلبي اذا جيت اروح بقولك
وجدان : مشكووووورة عبووورة ((وطلعت جوالها تبلغ أمها ..
وعبير حست بالضيق لسبب ما .. !

في غرفة عروستنا الي جمدت أطرافها من التوتر ..!!
كانت حنان على يمينها ومنى على يسارها والكوفيرا تزين آخر خصل بشعرها
مسكت مرام ايد منى وضغطت عليها واهي تقول :آآه نشف دمي ..
فركت منى ايدها بنعومة واهي تقول : انتي الي جبتيه لنفسك .. ولا ماله داعي ابد هالتوتر!
حنان : وشالي موترك اصلا خلاص ياقلبي كل شي كامل ومن أحسن مايكون ..
مرام : وأخذتوا شريط الزفة ؟؟
منى : ايه اخذناه وانا بعطيه بنفسي للمغنية ..
مرام : وقلتي لفيصل على الورد ؟؟
منى : ايه يامرام ايه .. والحين بدق عليه مره ثانية أذكره ..(( وطلعت جوالها ودقت عليه وشوي ورد عليها
منى : هلا فيصل ....... جبت الورد ؟؟ .... لييييييه ؟؟ ...... اهاااا ........ لا بس مرام أقلقتنا واهي تسأل ..!
مرام بضيق : شساااااااالفة يامنى لاتقولين ماجابه ..!!
منى : يقول مشغول الحين وأول مايخلص يجيبه ..
مرام : يوووووووه هذا الي كنت شايلة همه ..

منى تكلم فيصل : ايه تكفى يافيصل جننتنا ........ يالله خذها معاك ..
عطتها الجوال واهي تقول : امسكي يبيك ..
أخذت مرام الجوال وقالت بزعل : ها يافيصل ..
فيصل : وبعدين معاك يامرام ؟؟ وين كلامنا الي امس ووين الهدوء والروقان الي اتكلمنا عنه!!
مرام : مو بايدي يافيصل شايلة هم اللخبطة وها شوف انت للحين ماجبت الورد ..
فيصل : والله مانسيته وطول الوقت على بالي .. بس مو انتي قلتي زفتك الساعه وحده ؟؟
مرام : ايه ..
فيصل : خلاص طيب الحين الساعه 11 .. ان شاء الله من قبل وحده بيكون عندك ..
مرام : خلاص طيب ..
فيصل برجاء : روقي ياقلبي روقي
مرام بضحكة : ههههه ان شاء الله ..
فيصل : يالله حبيبتي مع السلامة ..
سكرت مرام منه وخاطرها ارتاح شوي .. اتمنت لو تسمع صوت خالد وتكلمه أكيد بترتاح أكثر .. عجيب حبها الي يخليها تتوتر عشانه وماترتاح الا معاه ..

فتحت فتون الباب ودخلت واهي تقول باستهبال : ياربي على أهل العروسة ثقال الطينة .. راح الليل ماخلصوا .. يووه شهالبلوة الي ابتلينا فيها !
ضحكوا البنات وحتى مرام ضحكت على فتون الي مسوية نفسها من أهل العريس ومالها علاقة فيهم ..
مرام واهي تضحك : والله انتو ثقال الطينة الي مو تاركين عروستكم بحالها ومناشبينها حتى واهي تتزين بغرفتها ..
فتون : ايييييييه عشان نتأكد انها مو صناعية بباركوة ورموش وهالشغلات الفاضية ..
مرام : صناعية هههههههههههههههههه
حنان : خلصت اختك ؟؟؟
فتون : ايه وطلعت اهي وبنت عمتي بتوصلها لبيتها وتروح الفندق
مرام : وماتدرين جابت ورود الطرحة !!

منى بصراخ : مراااااااام وبعديييين !!!!!

::

عبير سبقت وجدان للسيارة وفتحت الباب وركبت واهي تقول : السلام عليكم
رد تركي السلام وقبل لايحرك السيارة قالت عبير : دقيقة تركي .. وجدان بتجي معانا !!
تركي : وين ؟؟
عبير : بنوصلها بيتها .. دقيقة الحين تطلع ..
سكت تركي وماتكلم ..
عبير : جبت ورد مرام ؟؟
تركي : ايه ..
عبير : الله يعطيك العافية مممم .. جو المعازيم ؟؟
تركي : ايه .. وكان شكلي بااااايخ وانا اطلع عنهم ...
عبير : قلتلك أرجع مع البنات وانت عييت ..
تركي : ايه ماتطلعين مع السواق هالوقت ومن الكوفيرا بعد ..
عبير : اجل شكنت تبيني أسوي ..؟؟
تركي : كان خلصتي بدري أو خليتي الكوفيرا الي بالفندق تسويلك مثل أمك ..
عبير : تركي انت بالبداية ماكنت معارض ولا قلت ولا شي والحين يوم صار كذا تجي تعاتبني !!
تركي : لا أعاتبك ولا شي خلاص اهي كلمة قلتها وسحبتها

جت عبير بترد عليه الا شافت وجدان متجهة ناحية السيارة وسكتت
ركبت وجدان خلف عبير وهمست بالسلام ..
ردوا عليها السلام .. وتركي قال : شلونك جوجو ؟؟
وجدان بحيا : الحمدلله .. انت شلونك ؟؟
تركي واهو يحرك السيارة : تمام الحمدلله .. شلون عمتي وبشاير ؟
وجدان بهمس : بخير ..
تركي :راحوا نفس‏ ‏كوفيرة‏ ‏خواتي؟
وجدان :‏ ‏إيه‏ ‏بس‏ ‏خلصوا‏ ‏وراوحوا‏ ‏البيت
تركي‏ : ‏اهت‏ ‏ماشاء‏ ‏الله .. ((‏ ‏وهمس‏ ‏لعبير‏ :‏شوفي‏ ‏الناس‏ ‏!
التفتت‏ ‏عبير‏ ‏وطالعته‏ ‏بقهر‏ ‏وماردت‏ .. ! ‏مو‏ ‏على‏ ‏كل‏ ‏شي‏ ‏إهي‏ ‏ترد‏ ..!!
‏لو‏ ‏صارت‏ ‏الحياه‏ ‏رد‏ ‏برد‏ ‏وحق‏ ‏بحق‏ ‏كان‏ ‏انقلبت‏ ‏حياتهم‏ ‏صراعات‏ ‏ومعارك ! مسالمة‏ ‏اهي‏ ‏بكثير‏ ‏من‏ ‏المواقف‏ ‏ويمكن‏ ‏‏ذا‏ ‏اكثر‏ ‏شي‏ ‏فتن‏ ‏تركي‏ ‏فيها !!
اتنهدت‏ ‏بخفة‏ ‏وصارت‏ ‏تططق‏ ‏بأصابعها‏ ‏على ‏شنطتها‏‏ ‏والغيرة‏ ‏تشتعل‏ ‏بقلبها‏ .. ‏الحين‏ ‏أنا‏ ‏يكشّر‏ ‏بوجهي‏ ‏وجاف‏ ‏بكلامه‏ ‏معاي‏ ‏ووجدان‏ ‏يهلي‏ ‏فيها‏ ‏ويسألها‏ ‏ان‏ ‏كان‏ ‏عجبتها‏ ‏الكوفيرا بعد ..
وآخرتها‏ ‏يتشمت‏ ‏فيني‏ ‏ويقارني‏ ‏بخواته‏ ‏ويحسسني‏ ‏انهم‏ ‏الأحسن !
شهالاسلوب‏ ‏الي‏ ‏صرت‏ ‏تفكر‏ ‏فيه‏ ‏ياتركي‏ ؟؟ آآآآه‏ ‏ياويل‏ ‏قلبي‏ ‏منك‏ ‏ويلاه !
كنها‏ ‏قاعدة‏ ‏على‏ ‏جمر‏ ‏طول‏ ‏الطريق‏ ‏لين‏ ‏وصلوا‏ ‏وجدان‏ ‏...
وزااااااادت‏ ‏‏ ‏نار‏ ‏الجمر‏ ‏أكثر‏ ‏يوم‏ ‏دقت‏ ‏منال‏ ‏على‏ ‏تركي‏ ‏وقالتله‏ ‏ينتظرهم‏ ‏يطلعون‏ ‏عشان‏ ‏يوصلهم‏ ‏البيت !
جنب‏ ‏السيارة‏ ‏‏ ‏قدام‏ ‏بيت‏ ‏عمته‏ ‏وسند‏ ‏ذراعه‏ ‏على‏ ‏الشباك‏ ‏واهو‏ ‏يمرر‏ ‏صوابعه‏ ‏على‏ ‏دقنه‏ ‏بملامح‏ ‏كساها‏ ‏الجمود ..
اتأففت‏ ‏عبير‏ ‏بضيييق‏ ‏ودارت‏ ‏وجهها‏ ‏على‏ ‏الشباك‏ ‏مو‏ ‏ناقصة‏ ‏تتأخر‏ ‏أكثر‏ ‏‏ ‏وياليت‏ ‏عشان‏ ‏أحد‏ ‏يستاهل ..!
سمعت‏ ‏تركي‏ ‏يقول‏ ‏بهدوء‏ : ‏أعصابك‏ ‏ياحلوو..
التفتت‏ عبير ‏بخفة‏ ‏وطالعته‏ و‏شافته‏ ‏يطالعها‏ ‏بنص‏ ‏نظرة
قالت‏ ‏بنبرة‏ ‏واضح‏ ‏فيها‏ ‏القهر‏ ‏‏ : ‏ليه‏ ‏تهمك ؟؟
تركي :‏ ‏أجل‏ ‏.. !!
عبير‏ ‏‏ :‏ ‏مو‏ ‏واضح ..
تركي‏ ‏‏ ‏امممم‏ ‏‏ بكيفك ‏..
عبير‏ ‏قهرها‏ ‏رده‏ ‏البارد‏ ‏والي‏ ‏يرميها‏ ‏بمتاهات‏ ‏الحيرة‏ ‏والألم‏ ‏على‏ ‏وضعهم
سكتت‏ ‏أو‏ ‏غصب‏ ‏عنها‏ ‏سكتت‏ ‏‏ ‏يوم‏ ‏انفتح‏ ‏الباب‏ ‏ودخلوا‏ ‏البنات ..
اتمنت‏ ‏عبير‏ ‏من‏ ‏كل‏ ‏قلبها‏ ‏ان‏ ‏تعدي‏ ‏هالدقايق‏ ‏على‏ ‏خير‏ ‏ولا‏ ‏تتلابش‏ ‏مع‏ ‏منال‏ ‏‏ ‏لأي‏ ‏سبب‏ ‏
واتحققت‏ ‏أمنيتها‏ ‏يوم‏ ‏وصلوا‏ ‏البيت‏ ‏بسلام‏ ‏ماغير‏ ‏تعليقات‏ ‏نهى‏ ‏البسيطة ..
فتحت‏ ‏منال‏ ‏الباب‏ ‏واهي تقول :‏ ‏خلاص‏ ‏روحوا‏ ‏ياتركي‏ ‏إحنا‏ ‏نلبس‏ ‏ونجي‏ ‏مع‏ ‏السواق..
تركي‏ :‏شدعوة‏ منال .. ‏الي‏ ‏جابنا‏ ‏يخلينا‏ ‏ننتظر‏ ‏ونروح‏ ‏سوى ..
منال‏ : ‏لا‏ ‏بس‏ ‏مانبي‏ ‏نأخركم‏ ..
تركي‏ ‏: متأخرين‏ ‏متأخرين‏ ‏ماعليك‏ ‏انتي ..
منال‏ : ‏براحتكم‏ ‏..
نزلت‏ ‏وسكرت‏ ‏الباب‏ ‏.. وتركي‏ ‏فتح‏ ‏بابه‏ ‏واهو‏ ‏يقول لعبير :‏ ‏إنزلي
ولّعت‏ ‏عبير‏ ‏من‏ ‏القهر‏ ‏!! ذولا‏ ‏الي‏ ‏بيذبحون‏ ‏قلبي‏ ‏والله .. !
الحين‏ ‏هذا‏ ‏بدل‏ ‏مايقدّر‏ ‏انه‏ ‏زواج‏ ‏أخوي‏ ‏ويوديني‏ ‏يروح‏ ‏يتجيمل‏ ‏مع‏ ‏خواته‏ ؟؟؟ ‏وقت‏ ‏ذوقك‏ ‏الحين‏ ‏ياتركي‏ ‏الي‏ ‏منصب‏ ‏على‏ ‏خواتك‏ ‏وبنت‏ ‏عمتك‏ ‏وبس‏ ‏؟؟؟
ليت‏ ‏فوق‏ ‏هذا‏ ‏يعاملني‏ ‏بسنع‏ عاد ‏..‏ ‏نزلت‏ ‏وصكت‏ ‏الباب‏ ‏وراها‏ .. ‏اتمنت‏ ‏تخبط‏ ‏فيه‏ ‏بس‏ ‏مو‏ ‏اهي‏ ‏راعية‏ ‏هالحركات !
مشت‏ ‏وراه‏ ‏ودخلت‏ ‏وسكرت‏ ‏الباب‏ ‏..
وبرضو‏ ‏مشت‏ ‏وراه‏ ‏لأن‏ ‏طريقها‏ ‏نفس‏ ‏طريقه‏ ‏اثنينهم‏ ‏رايحين‏ ‏الجناح ..

فتح‏ تركي ‏الباب‏ ‏بوسعه‏ ‏ومسكه‏ ‏لين‏ ‏دخلت‏ ‏وبعدها‏ ‏سكر‏ ‏الباب
مشت‏ ‏عبير‏ ‏واهي‏ ‏تفسخ‏ ‏عبايتها‏ ‏وطرحتها‏ ‏ورمتهم‏ ‏بإهمال‏ ‏على‏ ‏الكنب‏ ‏ورمت‏ ‏نفسها‏ ‏عليهم‏‏ ‏
طالعها‏ ‏تركي‏ ‏واهي‏ ‏بكامل‏ ‏زينتها‏ ‏ومكياجها‏ ‏المبرز‏ ‏جمالها‏ ‏بشكل‏ ‏فاتن‏ ‏..‏ ‏كانت‏ ‏لامة‏ ‏رجولها‏ ‏فوق‏ ‏الكنب‏ ‏وتحرك‏ ‏صوابعها‏ ‏بعصبية‏ ‏..‏ ‏
بس‏ ‏انتبه‏ ‏انها‏ ‏مو‏ ‏لابسه‏ ‏لبس‏ ‏الزواج‏ !! ‏كانت‏ ‏لابسة‏ ‏بانطلون‏ ‏بيج‏ ‏وبلوزا‏ ‏حبال‏ ‏باللون‏ ‏العشبي‏ ‏..‏ ‏مشى‏ ‏بخطوات‏ ‏ثابته‏ ‏ناحيتها‏ ‏واهي‏ ‏طالعته‏ ‏بصمت‏ ‏..‏ ‏حاولت‏ ‏تضبط‏ ‏انفعالاتها‏ ‏مع‏ ‏هيأته‏ ‏الجذابة‏ ‏وتشخصيته‏ ‏الآآآسرة !!
قعد‏ ‏جمبها‏ ‏وقال‏: ‏حسبتك‏ ‏لابسة‏ ‏..
عبير‏ ‏بدون‏ ‏ماتطالعه :‏ ‏من‏ ‏وين‏ ‏ياحظي‏ .. ‏لبسي‏ ‏بالفندق
سكت‏ ‏تري‏ ‏ولام‏ ‏نفسه‏ ‏..‏ ‏خواته‏ ‏يروحون‏ ‏متجهزات‏ ‏واخت‏ ‏العريس‏ ‏تتأخر‏ ‏وتروح‏ ‏واهي‏ ‏مو‏ ‏جاهزه !!
حسها‏ ‏تغلي‏ ‏من‏ ‏القهر‏ ‏وابتسم‏ ‏وقال :‏ ‏طلع ‏الدخان‏ ‏من‏ ‏آذانك‏ ‏..‏ ‏طفي‏ ‏النار‏ ‏الي‏ ‏تشتعل‏ ‏بصدرك‏ !
تجمعت‏ ‏الدموع‏ ‏بعيون‏ ‏عبير‏ ‏والتفتت‏ ‏وقالت‏ : ‏تركي‏ ‏أنا‏ ‏طول‏ ‏الوقت‏ ‏ساكتة‏ ‏ومتحملة‏ ‏كل‏ ‏الي ‏قلته‏ ‏وسويته‏ ‏فيني‏.. لا‏ ‏رديت‏ ‏عليك‏ ‏ولا‏ ‏ناقشتك‏ ‏ولا‏ ‏حتى‏ ‏عارضتك‏ ‏‏والحين‏ ‏جاي‏ ‏عندي‏ ‏تتريق‏ ‏وتتشمت‏ ‏خلاص‏ ‏والي‏ ‏يخليك‏ ‏اتركني‏ ‏بحالي !!
نقل‏ ‏تركي‏ ‏بصره‏ ‏بين‏ ‏عيونها‏ ‏وقال‏ بنبرة غريبة : ‏وأنا‏ ‏شالي‏ ‏معذبني‏ ‏غير‏ ‏طبعك‏ ‏هذا‏ ‏ياعبير !!
عبير‏ ‏همست‏ ‏بصدمة‏ : ‏معذبك .. ؟؟؟؟
تركي‏ : ‏تحسبيني‏ ‏قاصد‏ ‏أزعلك‏ ‏وأضايقك ؟؟
عبير‏ : أجل‏ ‏ليه‏ ‏تسوي‏ ‏كذا‏ ‏معاي .. ؟؟؟
أبعد‏ ‏تركي‏ ‏عينه‏ ‏عنها‏ ‏واتنهد‏ ‏ورجع‏ ‏طالعها ‏وطالع‏ ‏الدموع‏ ‏‏ ‏الي‏ ‏تلمع‏ ‏بعيونها‏ ‏..‏ ‏مسك‏ ‏إيدها‏ ‏ورفعها‏ ‏لفمه‏ ‏وباس‏ ‏اصابعها‏ ‏واحد‏ ‏واحد‏ ‏..‏ ‏وبعدها‏ ‏قال‏ ‏متجاهل‏ ‏سؤالها‏ : ‏مابي‏ ‏هالدموع‏ ‏تخرب‏ ‏هالجمال‏ ‏..‏ ‏اذا‏ ‏قمت‏ ‏وديتك‏ ‏الحين‏ .. ‏بترضين‏ ‏علي ؟؟
عبير‏ وقلبها يدق بقوة من حركاته : ‏بارضى‏ ‏بس‏ ‏مو‏ ‏على‏ ‏كل‏ ‏شي‏ ‏..‏ ‏
تركي‏ ‏شال‏ ‏هم‏ ‏تسأله‏ ‏عن‏ ‏الي‏ ‏مغيره‏ ‏وقال‏ : ‏انا‏ ‏اتكلم‏ ‏عن‏ ‏الي‏ ‏صار‏ ‏اليوم‏ ‏!
عبير‏ ‏فهمته ‏وقالت‏ : ‏وانا بعد‏ ‏اقصد‏ ‏اليوم‏ !
تركي‏ : ‏وش‏ ‏مزعلك‏ ‏بعد ؟؟
عبير بنبرة زعل : والله من هالجوجو الي تقعد‏ ‏ترحب‏ ‏وتهلّي‏ ‏فيها‏ ‏وتسأل‏ ‏عنها‏ ‏وأنا‏ ‏مالي‏ ‏غير‏ ‏الزف‏ ‏واللوم‏ ‏!! بالله‏ ‏عليك‏ ‏مو‏ ‏شي‏ ‏يقهر ؟؟
سكت‏ ‏تركي‏‏ ‏شوي‏ ‏وبعدها : ‏هههههههههههههه‏ ‏ياعمري ‏على‏ ‏الي‏ ‏يغارون‏ ‏! (( وقرّب‏ ‏وجهه‏ ‏منها‏ ‏وقال‏‏ ‏واهو‏ ‏يمرر‏ ‏صوابعه‏ ‏على‏ ‏خدها : ‏حبيبي‏ ‏..‏ ‏‏لا‏ ‏وجدان‏ ‏ولا‏ ‏عشر‏ ‏من‏‏ ‏أمثالها‏ ‏ يحركون‏ ‏فيني‏ ‏شعره !‏ ‏أنا‏ ‏عيوني‏ ‏ماتشوف‏ ‏ولاتبي‏ ‏ولاتعشق‏ ‏غيرك‏‏ ..‏ ‏فلا‏ ‏تأثربك‏ ‏هالمواقف !
انسحرت‏ ‏عبير‏ ‏بكلامه‏ ‏الي‏ ‏صار‏ ‏لها‏ ‏مدة‏ ‏ماسمعها‏ ‏مثله‏ ‏وقالت‏‏ ‏واهي‏ ‏رافعه حاجب :‏ ‏شتبي‏ ‏من‏ ‏ورى‏ ‏هالكلام ؟؟
تركي‏ : ‏ابي‏ ‏اقولك‏ ‏الي‏ ‏بخاطري‏ ‏وبس‏ ‏..‏ (( ‏ومسك‏ ‏دقنها‏ ‏ورفع‏ ‏وجهها‏ ‏وباسها‏ ‏..وهمس :‏ ‏تسمحيلي‏ ‏أخرب‏ ‏هالمكياج ؟؟
استحت‏ ‏عبير‏ ‏وقالت‏ : ‏طبعا‏ ‏لا‏ ‏..‏ ‏((وبضحكه‏ : ‏أنا‏ ‏دارية‏ ‏ماورى‏ ‏الكلام‏ ‏الحلو‏ ‏الا‏ ‏حركاتك‏ ‏هذي..
تركي‏‏ ‏بروقان‏ : ‏وماشتقتيلها .. ؟؟
عبير‏ : ‏اذا‏ ‏علي‏ ‏فانا‏ ‏كل‏ ‏يوم‏ ‏اموت‏ ‏بشووووقي‏ ‏لها‏ ... ‏بس‏ ‏انت الـ ..........
سكتها‏ ‏تركي‏ ‏ببوسة‏ ‏ثانية‏ ‏خلتها‏ ‏تولع‏ ‏وتقول بضحكة‏ : ‏تركي‏ ‏بلييز‏ ‏ترا‏ ‏ماعندي‏ ‏نفس‏ ‏الروووج !
تركي :‏ ‏اوكي‏ حياتي .. أنا ‏مخربه‏‏ ‏مخربه‏ ‏اذا مو ‏الحين‏ ‏ان‏ ‏شاءالله‏ ‏اذا‏ ‏رجعنا !
شب وجهها ضو ‏ ‏وأبعدت‏ ‏عنه‏ ‏واهي‏ ‏تقول‏: ‏حبيبي ..‏ ‏شكل‏ ‏البنات‏ ‏خلصوا‏ ‏وقاعدين يستنونا‏ ‏‏واحنا‏ ‏هنا ..
تركي‏ : ‏لا‏ ‏ماظنيت‏ ‏..‏ ‏خواتي‏ ‏سحابل‏ ‏اعرفهم ..
عبير‏ ‏واهي‏ ‏تلبس‏ ‏عبايتها‏ : ‏زين‏ ‏يالله
طالعها‏ ‏تركي‏‏ ‏واهو يتأمل نظراتها الخجول وملامحها الفاتنة .. وعبير ولعتها نظراته وشالت‏ ‏عبايتها‏ ‏ودارت عنه وصارت‏ ‏تلبسها‏ ‏واهي‏ ‏تمشي ..
ابتسم‏ ‏تركي‏ ‏واهو‏ ‏يطالعها‏ ‏‏وبقلبة‏ ‏تتفجر‏ ‏ينابيع‏ ‏عشقه‏ ‏لها ...
‏ ‏وحزنه‏ ‏عليها !
اتنهد‏ ‏ووقف‏ ‏ودق‏ ‏على‏ ‏منال‏ ‏ويوم‏ ‏شافهم‏ ‏مطولين‏ ‏بلّغها‏ ‏انه‏ ‏بياخذ‏ ‏عبير‏ ‏ويروح ..
ومشى‏ ‏وطلع‏ ‏من‏ ‏الجناح‏ ‏وشافها‏ ‏عند‏ ‏باب‏ ‏البيت‏ ‏تستناه‏ ‏وتطالعه‏ ‏بابتسامه‏ ‏ذوبت‏ ‏روحه ..
حالها‏ ‏واهي‏ ‏طالعة‏ ‏من البيت عكس‏ ‏حالها‏ ‏يوم ‏دخلت البيت !

ويلومونه‏ ‏بقلبها‏ الي‏ ‏انسحر‏ ‏بمجرد‏ ‏نظرتين‏ ‏وكلمتين ‏ ‏!!

‏^ ^
::

::

سكرت عبير التلفزيون بملل .. ماعاد صار لأي شي طعم واهي تقضي وقتها لحالها ..
التفتت على تركي شافته متمدد على السرير ومسكر عيونه نايم أو مو نايم ماتدري ..
ضيقت عيونها واهي تطالع فيه !!
شالي صار فيه وقلب حاله معها ؟؟ أوقات تحسه بعيد عنها بُعد السماء عن الأرض ..
وأوقات يتصرف تصرفات تحسه أقرب لها من أنفاسها ..!
مرت أيام واهو منقلب حاله وكل ماتسأله شفيه يضيع السالفة ويشغل نفسه عنها !!
ماتحملت هاللحظة وضعها واهي مو مصبرها على هالبيت وشقى الي فيه غيره اهو وحبه وقربه ..
قامت بهدوء ومشت وقعدت جمبه على السرير .. مدت إيدها ولمست صدره ومررت ايدها بنعومة عليه ..
فتح عينه والتفت شافها جمبه .. مد ايده ومسك إيدها الي على صدره ورجع سكر عينه ..
ابتسمت من حركته واتشجعت تسأله وقالت بهدوء : تركي شفيك متغير ؟؟
قال واهو مسكر عينه : مو متغير ولا شي هذي كلها من أوهامك
عبير : شوف شوف اسلوبك بس شلون ؟؟ بالله انت عمرك كلمتني بهالطريقة ؟؟
تركي بتنهيدة : اذا تحبيني ترضين بكل الي يجي مني !
رفعت حاجب وقالت : وهالكلام يتطبق عليك انت بعد مووو ؟؟
فتح عينه والتفت عليها وقال : شقصدك ؟؟
قالت : اذا تحبني تقبل بكل الي يجي مني ؟؟
سكت شوي وبعدها ترك إيدها وسكر عينه وقال : ........ أكيد .. !
قالت بعين لامعة : حلووو .. اتذكر هالكلام !

وقفت ومشت عنه وفكرتها الي خططتلها بدت تتبلور براسها ..
خلاص صبرت لين تعبت .. وضحّت لين ملّت ..
وتراجعت عن فكرتها ألف مره بس خلاص الحين ماعاد تقدر تتحمل أكثر !!

راحت لصالة الجلوس واتصلت على فتون وبعد شوي ردت عليها ..
فتون وصوتها متضايق : هلا عبير
عبير : هلا حبيبتي شلونك ؟؟
فتون : بخير انتي شلونك ؟؟
عبير : تمام .. شفيه صوتك انتي بعد ؟؟
فتون : متضايقة شوي .. وانتي شفيك بعد ؟؟
عبير : متضاااقة كثيييييير مو شوي ..
فتون بنبرة حزينة : آآآآآآآآه ياشيخة ليتنا ما أعرسنا وقعدنا عند أهلنا بنات وش حليلنا مالنا بهالهموم والغموم
عبير : هههههههههههههههههههه ياعمري انتي شهالكلام ؟؟
فتون بنفس النبرة : والله جد .. جبنا لأنفسنا الهم والمشاكل وعشان ايييييييييييش أبي أفهم ؟؟؟
عبير : هذي سنة الحياة يافتون وبعدين مو اذا صار شي واحد ينغص علينا حكمنا على حياتنا كلها بالبؤس .. في أشياء حلوة بحياتنا اذا طالعناها بنحس ان الدنيا بخير ..
فتون : امممممم يمكن .. المهم ماودك تجينا
عبير: الا والله مرررررره ودي ..
فتون : زين شمقعدك تعالي ..
عبير : بشوف تركي واهو طالع يجيبني عليكم كنه سمعته يكلم عمي ويقوله بيطلع معاه
فتون : زين أجل شوفيه وتعالي ..
عبير : اوكي ان شاء الله .. يالله مع السلامة
فتون : مع السلامة ..

سكرت فتون الجوال ورمته على سريرها ومشت وطلعت من غرفتها .. راحت لغرفة أها الي كان بابها مفتوح .. شافت امها قاعدة على كرسي التسريحة وتدهن وجهها بكريم !
ابتسمت فتون وقالت واهي ترمي نفسها على سرير أمها : شهالأناااقة والحركات والله كلن على همه سرى !
ام سعود : ههههههه وشالي هامك انتي بعد !
فتون : آآآآآه ياهمومي دموعي جرحت عيني !
التفتت ام سعود وطالعتها بصدمة !!

فتون : هههههههههههههههههههههههههههههه شفيك .. لاتخافين بنتك مضادة للجروح ..!
ام سعود : والله مادري عن قلبك ولا عن الي يدور ببالك .. صارلك كم عندنا وكل هالوقت تقولين بروق شوي .. لمتى يافتون يعني ؟؟
فتون بانفعال مفاجئ : يمه وانتي شفيته دق سأل عني ولا طلبني أرجع !!
ام سعود : والله انا مادري وش يدور بينكم .. ولاّ دق على جوالك أو مادق ..
فتون : لا مادق ولا مره .. ولا سأل عني ولا شي .. وهذا أكبر دليل انه مابعد راق وارتاح !
ام سعود : لالا هالحال ماراح يستمر ان شاء الله .. خالتك جايتني بالطريق وبنطلع السوق وباتكلم انا وياها بموضوعكم ونحطله حد !
فتون بتكشيرة : يمه تكفووووووون لاتتدخلوووووون
ام سعود : ولمتى ان شاء الله بتستمرون على كذا ؟؟
فتون بضيق : مادري يمه خلاص تراني متضااااااااايقة حدددددددي وقلت لعبير تجيني تونسني شوي !
ام سعود بتنهيدة : الله يهدي سركم يارب .. اجل بتجيك عبير ؟
فتون : ايه ان شاء الله ..
ام سعود : اجل دقي عليها خليها تجيب وائل معها .. خالتك جايبة مشعل تقول زهقان ويبي يطلع معانا .. خليها تحطه هنا ويجي وائل ويلعبون سوى
فتون بلا مبالاة : ......... اوكي ..
قامت ام سعود تجهز واهي تقول : دقي عليها الحين لاتطلع ..

قامت فتون وطلعت من الغرفة واهي شاااااارد ذهنها ..
وبعد مادخلت الغرفة وسكرت الباب استوعبت طلب امها ..
ضحكت على نفسها .. وأخذت جوالها ودقت على عبير ..

بعد دقايق وصلت أم فيصل ولادخلت .. وأم سعود لبست عبايتها وطلعت لها ..

شوي ونزلت فتون وشافت مشعل قاعد قدام التلفزيون ..
مشت واهي تقول : هلا مشعل شلونك حبيبي ..
التفت مشعل وقال : الحمدلله ..
ورجع يطالع التلفزيون بحماس ..
شافته فتون يقلب بالريموت ضحكت واهي تقعد جمبه وتقول : شوي شوي قاعد تقلب من قناة لقناة بالله عليك شايف شي ؟؟؟
مشعل وهو يضحك : لا بس من فرحتي الريموت بايدي وأقلّب بكيفي ببيتنا لو أموت مايخلوني أمسكه ..
فتون : احسن ولا بعد تقعد تقلب بكيفك وتوقع على اشياء مو تمام ..
مشعل : لا والله مو عشان هالسبب .. فيصل يقول عشان عيونك يامال عيونك العمى !
فتون : هههههههههههههههههههههههههههههههههههههه
مشعل عصب وقال : ايه اضحكي مو زوجك هذا العاقل .. يهاوشني عشان التلفزيون لايخرّب عيوني وبنفس الوقت يدعي عليها
فتون : هههههههههههههههه أكيد رفعت ضغطه ..
مشعل : لا والله بس قالي واهو رايح للمسجد إرجع ورى ولا ترا بسكره . وراح ورجع وانا بمكاني قام أخذ الريموت مني ويوم عصبت قالي كذا ..
فتون : شفت اجل انت الغلطان .. وبعدين انت شفيك بسرعه تعصب وبسرعه تزعل .. !
مشعل : شسوي فيكم انتوا ترفعون الضغط ..
فتون : أقول انطم بس وهات الريموت .. (( سحبته منه الا مشعل يتتم بعصبية : من عاشر قوما أربعين يوما صار منهم ..
فتون : ايه واذا مب عاجبك طق راسك بالجدار ..
مشعل صرخ واهو يطاله التلفزيون : أووص أوووووص ... !!
فتون : بسم الله شفيك ؟؟
مشعل : ارفعي الصوت على الأغنية بسرعه ..
فتون رفعت واهي مو فاهمةوتقول : شعندك ..؟؟؟

مشعل ضيق عيونه واهو يركز مع الاغنية وهز راسه وقال : آآآآآآآآآآآآآآآه آآآآآآآآآه ياقليبي !
فتون بصدمة : الحمدلله والشكر .. !! شفيك انت و وشفيه قلبك ؟؟
مشعل بتنهيدة : داري ان مابقلبها الا قلبها !!

طالعت فتون فيه مصدومة وبعدها انفجرت ضحك : هههههههههههههههههههههههههههههههههههههه اقول اسكت ياغبي ههههههههههههههههههههه امانة تقلد مين سامع مين قوووووووووولي ؟؟
مشعل : ههههههههههههه فيصل ماغير يحط على هالاغنية واذا خلصت يقول كذا !!
سكتت فتون فجأة وقالت : أي أغنية !!
مشعل : هذي الي تو .. اسمعيها ..
التفتت فتون للتلفزيون تبي تسمع الا لقتها خلصت .. !!
فتون : يووووه خلصت ..
مشعل : تبين أغنيها لك ؟؟؟؟
فتون : ههههههههههه شعرفك فيها انت ..
مشعل : من كثر مايغنيها فيصل بكل وقت حفظتها ..

سكتت فتون شوي وبعدها بلعت ريقها وابتسمت وقالت يالله غني ..
ابتسم مشعل وقام وغير مكانه ..
فتون : الحمدلله وش دخل المكان الحين ؟؟
مشعل : بسوي نفس حركات فيصل .. يكون قاعد كذا .. وحاط رجله اليمين على ركبته اليسار ومرجع راسه على ورى ومسكر عيونه ويغني .. ومره كان معه ورقة وكتب بعض كلمات الأغنية وبالآخر كتب حرف f .. المهم يالله اسمعي ..
راقبت فتون حركاته واهو رافع رجله ومرجع راسه ومسكر عيونه .. واتخيلت فيصل بهالهيئة .. وسمعت مشعل واهو يغني ..
حاولت تستوعب الكلمات .. وعقدت حواجبها واهي تحاول تركز .. ضحكت واهي تطالعه منسجم بالاغنية وعايش الدور بقوة ..
قالت وهي تضحك : اقول اقول ياعبدالله رويشد تراك خبصت ام اللحن لو سمعك عبدالله تغنيله اعتزل الفن ..!
مشعل : والله يطلبني شريك له مب يعتزل .. بعدين وش معنى اخترتي عبدالله الرويشد ؟؟ فتون : لأن هذي أغنيته سامعتها من زمااااااااااااااان .. بس ناسية كلماتها ..
مشعل : اه يعني الي طلع بالتلفزيون تو هو عبدالله الرويشد ؟؟؟؟
وقفت فتون وقالت باستهبال : لا طلال المداح !! والله انك مهوّي ..
مشت عنه وقبل ماتطلع الدرج التفتت وقالت : كتب بالورقة كلمات الأغنية وبالآخر كتب حرف f أجل هاه ؟؟؟؟
مشعل : يس ..
فتون : وبرايك مين يقصد ؟؟؟
مشعل : يقصد نفسه طبعا نسيتي ان اسمه يبدا بحرف الـ f ؟؟
فتون بابتسامة : لا أفا عليك وشلون أنسى ..!!
ودارت وطلعت الدرج واهي تضحك بسخرية : ههههههه يقصد نفسه يابرائتك يامشعل !
طلعت غرفتها ومشعل ماصدق راحت نط على الريموت ورجع يقلّب ..

دخلت غرفتها وسكرت الباب وفورا اختفت ابتسامتها .. شهالكلمات الي سمعتها من مشعل ؟؟ معقوله يكون فيصل يقصدها ويعنيها بهالكلمات ؟؟؟؟
كانت كلمات لو هي مو متأكدة انها أغنية كان قالت فيصل ألفها فيها ولها وعشانها لحالها ماغيرها !

قعدت على السرير واهي تتأفف بضيق ..
شالي يلزمني أسويه بالله !! أكلمه .. ؟؟ وليه أكلمه ؟؟ هل أنا فعلا .......... أبيه و .. أبي أرجعله !!
لا بصراحة .. ! انا واهو مايصير نرجع لبعض ..!!
حياتنا ويا بعض هموم وغموم ونكد !
لا والله ؟؟
الي يسمعني الحين يقول حياتي بعده تنقط شهد !

صرخت بضيق : أووووووووووووووووووووووووووووف ..

رمت نفسها على السرير الا سمعت أحد يخبط الباب بقوة ..
اتأففت واهي تقعد وتقول : ادخل ..
وطالعت بالباب تتوقع انها ياعبير يامشعل
انفتح الباب واتفــــــــــاجأت يوم شافت الشخص لاهو عبير ولا هو مشعل !!
نطت واقفة واهي تقول : خاااااااالتي !
حنان والفجعة لازالت فيها : ياعيوون خالتك شهالصراخ الي تو !
اتذكرت فتون صرختها .. وسبب هالصرخة ..
ومشتت بسرعه لخالتها وضمتها ودفنت وجهها بكتفها والدموع بدت تاخذ مسارها لعيونها ..
ضمتها حنان بحنية واهي تقول : شفيك يااااعمري شفيك ؟؟
فتون من بين دموعها : متضاااايقة ياخالتي حاسة بانفجر !
حنان درت عن كل شي من فيصل ولد اختها وحبيب قلبها وصديقها .. مسحت على ظهرها واهي تقول : ياقلبي يافتون والله ماتسوى عليكم هالحالة انتي بضيقة واهو بضيقة وآخرتها طيب ؟؟
أبعدت فتون نفسها واهي تقول : لاتسأليني انا .. اسأليه اهو أكيد حكاك وقالك عن كل شي
حنان : بصراحة ايه ..
طالعت فتون فيها تبيها تقولها شقال .. بس سكتت يوم انتبهت لوجودها هالوقت وقالت : اصبري انتي شجايبك ؟؟
حنان واهي تضحك : جابتني صرختك !
فتون : هههههههههه اتخيلي .. لا والله جد شسالفة ؟؟
حنان : ابد ياحلوه صالح بيطلع مع تركي ويوم قاله تركي انه بيوصل عبير هنا قلتله جيبني اجل عندهم واطلع مع تركي من هنا ..
حنان : اهاااااااا يعني كنتوا طالعين سوى ..
حنان واهي تفسخ عبايتها : ايه وخرب علينا تروك ..
فتون : هههههه وعمي الحين تحت ؟؟
حنان : عليك نوور صايرة ذكية ماشاء الله ..
فتون : هههههههه زين لو بقى فيني ذرة عقل .. (( ومشت واهي تقول : خلينا نقعد معاه قبل يجي تركي أجل !
نزلوا لقوا صالح قاعد بالصالة اهو ومشعل .. وقعدوا سوى ..

بنفس اللحظة وصل تركي لبيتهم ووقف السيارة عند الباب ..
فتح وائل الباب ونزل بسرعه وخطب فيه وركض لباب البيت ..

التفتت عبير لتركي وقالت : ماراح تنزل ؟؟
تركي واهو يطالع سيارة صالح : لا بدق على صالح يطلع ..
عبير : لا اصبر ودي ادخل أسلم عليه ..
تركي : زين روحي سلمي عليه واذا خلصتي قوليله يطلعلي
عبير : وانت ليه ماتنزل تقعد معانا شوي !
تركي : عبير خلاص .. قلتلك مابي انزل !
طالعت عبير فيه لحظات وقالت : كل يوم تبني بيننا حاجز أكبر من الثاني !
وفتحت الباب ونزلت بدون ماتسلم عليه ..

مشت ولقت الباب مفتوح من بعد وائل ودخلت واهي مولعة منه .. وقبل ماتفتح الباب الداخلي وصلها مسج ..
طلعت جوالها بعصبية وفتحته ولقته مسج من تركي .. فتحته بسرعه وقرت :

جبتك هنا عشان تتونسين !
حياتي اطرديني من بالك قد ماتقدرين
و
انبسطي بكل لحظة !

ضاعت عيونها بين الحروف .. وبسرعه أضافت رد وكتبت :

انت شالي ينبض بين ضلوعك ياتركي ؟؟
قلب يحبني ويقسى علي بنفس الوقت ؟؟
قلب جافيني وبالسعادة يوصيني ؟؟
تركي شفييييك طمنّي !

أرسلتها وظلت واقفة بالحوش تنتظر رده ..
بعد دقيقتين وايه حرقها الانتظار .. جاها الرد ..

فتحته وقرت :

أرجووووووك اتحمليني !

كان رده غريب !! لا هو أنكر كلامها ولاهو دافع عن نفسه .. ! اتمنت تطلعله هالوقت وتخترق كيانه وتغوص بأعماقه وتعرف شفيه !
انتبهت لمشعل ووائل طالعين الحوش يضحكون ومعاهم الكورة ..
اتنهدت من كل قلبها .. ودخلت البيت ..
سلمت على عمها الي استغرب ان تركي مادخل ! وشوي وطلع لتركي وركب معاه وراحوا..

سلمت على حنان وفتون وقعدت معاهم وحاولت تتناسى تركي وتنبسط زي وصاها ..
بس مافاتها جمود فتون والضيق الواصح بعيونها .. وأول ماراحت للمطبخ
التفتت عبير لحنان بالوقت الي التفتت حنان لعبير واثنينهم قالوا نفس الكلمة :
اسمعـي ..
سكتوا شوي وبعدها ضحكوا على بعض !
حنان : شتبين انتي ؟؟
عبير : انتي شتبين ؟؟
حنان : كنت بكلمك عن فتون
عبير : هههههههههه والله وانا نفس الشي
حنان : هههههه زين اسمعي .. خلينا نهرج عليها والله مايسوى عليهم هالحال .. اهي بضيق وفيصل بضيق أكبر .. وكل واحد أعند من الثاني ..
عبير : صح حنان بس ترا ماينفع يرجعون بدون مايغيرون أسلوبهم .. اهي عنيده واهو مايتحمل عنادها ويطلع من طروه ويعصب ويضربها مايصير كذا بتعانده أكثر ..
حنان : مو أنا اتكلمت معاه والله وقلتله مايصير .. بس خلينا نعرف وش رايها اهي وشالي تفكر فيه وتبيه ..
عبير : أوووكي ..
حنان : وانت بعد شفيك وجهك مو عاجبني ؟؟
عبير بامتنان : آآه ياأروع خالة وأخت وصديقة .. وربي انتي نعمة من ربي علينا ولا مين عنده مثل هالقلب الكبير الي يشيل هم كل واحد ويحس فيه بدون مايحكي ..
حنان والدموع لمعت بعيونها : ياعمري ياعبير والله انتوا قطعة مني واذا ماحسيت فيكم احس واهتم بمين بالله ؟

" اي والله "
التفتوا على فتون وضحكوا عليها الي ماغير ترمي الكلام واهي مو فاهمة ..
قعدت عندهم وعلى طول استلمووووها بالحكي والنصايح .. الي بدل مايهديها .. زعزعها !!
كانت طول الوقت تسمعهم واهي ساكتة وتحاول تمهد لكلامهم طريق بقلبها ..

مر الوقت من سالفة لسالفة .. لين جا تركي وصالح وراحوا البنات ..

طلعت فتون لغرفتها وسكرت بابها .. شافت لابتوبها مفتوح على السرير زي ماتركته .. مشت وقعدت قباله وعلى طول اتذكرت الأغنية .. أغنية يغنيها فيصل دايم وأكيد مايقصد فيها غيرها .. ماتتذكر كلمات الأغنية زين بس تتذكر بعضها ..
كتبت الي تتذكره والي سمعته من مشعل بقوقل وسوت بحث .. طلعتلها الكلمات كاملة ضيقت عيونها واهي تقرا وتتمعـّن بالكلمات :

لو تغيبي .. ولو رحل وجهك حبيبي ..
تصغر الدنيا وتضيق

في غياااااااابي عنك أشوفك
وفي عذاااااااابي منك أشوفك
لو جفت عيني طيوفك

صدقيني .......................
ما نقص هالليل بعدك إلا قمرا !!
وما فقدت من النهار إلا شعاع الشمس بكرا !!

وأجمل الناس حبيبي .. ياحبيبي .....................

لو تغيبي .. لو رحل وجهك حبيبي ..
تصغر الدنيا وتضيق !

كلّ ماااافي الدنيا أعرفه .. إلا بيتي والطريق !!

أنا أحبك ذا نصيبي ..
إبعدي عني وغيبي !!

صدقيني ..................
مانقص هالليل بعدك إلا قمرا..
ومافقدت من النهار إلا شعاع الشمس بكرا..
وأجمل الناااااااس حبيبي ياحبيبي ..

لك لياااااااااالي ما سألتي
ولي ليالي ما سألتْ !!

ولو دريت .. إنك زعلتي .. كان أفرح مازعلت !!

اتجمعت الدموع بعيونها عند هالمقطع وانعصر قلبها ..... :

بس داااااااااااااااري .. مافي قلبك .. إلا قلبك !!

واختيااااااااااااااري إني أحبك والا .. أحبك !!

ومن عذاب الحب يكفي
لو تجرّح قلب واحد !!

وإنتي يا حبي وضعفي
لا يهمك كله واحد !!

صدقيني ..................

لجل تتغير فصول ويبكي الغيم في عيوني
وتزهر جبال وسهول اضحكي بي أو بدوني

وصدقيني ................
ما نقص هالليل بعدك إلا قمرا
ومافقدت من النهار إلا شعاع الشمس بكرا
وأجمل الناااااااس حبيبي ياحبيبي ............... !

انتهت الأغنية وفتون شوي وتنتهي دقات قلبها معها ..
اختار فيصل أنسب كلمات لحالتها .. كلمات صابت عمق قلبها ايه هذي الكلمات الي تناسبها وبقوة .. !! مسكت جوالها ورمته على السرير بقوة !! تبي تحط حرتها بشي ومالقت غير الجوال الي كلنا ماغير نحط حرتنا فيه * _ ^

رمت ظهرها على السرير واهي تسترجع الكلمات ..
عورها قلبها يوم طرا على بالها كلام حنان .. كلام عبير .. وحاولت تبعد افكارها اهي ..
حاولت تركز بكلامهم اهم بس وأفكارهم .. فيصل طيب وحنون ويحبك يافتون .. يحبك من طلعتي على هالدنيا .. يتمناك من وانتي صغيرة .. اتذكري هالسنين وانسي الشهور الأخيرة!!
طيب واذا كانت الشهور الأخيرة تنسف كل الي السنوات الي قبلها !!
لاتعظمين الموضوع يافتوووون .. اتناسي وبتنسين .. !
اتنهدت بقوة و طالعت بالجوال وجاها خاطر انها تدق عليه ..! ماتدري وش بتقول بس ودها تدق وتخليه اهو الي يقول .. مسكت الجوال واهي تبلع ريقها ..
قلبت فيه لين طلعت رقمه وترددت شوي .. بعدها دقت عليه
رفعت الجوال لاذنها وفجأة اتراجعت وسكرت ورمت الجوال !!
انا شكنت بسوي ؟؟؟؟
أدق عليه وأكلمه ؟؟؟
شهالغباء يافتون ..؟؟ تدقين عليه واهو يوصفك بالتبلد والجرح !! على باله اهو بس الي ضايقة الدنيا فيه والغم حاشيه !
هاه أجل ليه كنت بدق عليه ..؟؟ شالي خلاني ادق وشالي منعني بعدها !!
صرخت : وجع فتوووووووون يامزعزعة ياغبية .. مالي مبدأ محدد مالي احساس يحكم تصرفاتي .. هااااااااايمة على وجهي بدون عقل .. اصلا ماعندك مخ يافتون ماعندك قلب .. يااااااااارب خذنـ .........

قطعت كلامها يوم شافت الجوال يرن باسم فيصل !!!
شهقت واهي تطالع بالشاشة !! هذا شيبي ؟؟ شلون درا اني بغيت أدق !!
لايكون شبك الخط وسكرته انا بعد ماشبك !!
لااااااااااااااا الحين شلون برد عليه ..؟؟
مني رادة لاااا مني رادة .. طالعت الشاشة واهي تقول : سكر يافيصل مو رادة عليك .. غلط نكلم بعض .. غلط نرجع لبعض .. غلط غلط كل شي يصير غلط !!
وقف الجوال عن الرنين وتركت المكالمة " مسد كول "

اتنهدت وقامت للاب توب وفتحته وصارت تقرا الكلمات من جديد ..
انعصر قلبها واهي تقراها مره ثانيه وحست بالألم أكثر يوم وصلت هالبيت :

لك ليااااالي ما سألتي
ولي ليالي ما سألتْ !!
ولو دريت .. إنك زعلتي .. كان أفرح مازعلت !!
بس دااااااري .. مافي قلبك .. إلا قلبك !!
واختيااااااري إني أحبك والا .. أحبك !!

دمعت عيونها ومسحتها بسرعه ماتبي تبكي .. بس عاندتها دموعها ورجعت تتجمع مره ثانية واهي تمسحها لين غلبتها الدموع وصارت تنزل بلا شعور..
ضربت السرير بقبضتها واهي تبكي وتقول : ياربي شهالحاااااااااالة .. ياربي ..

دق جوالها هاللحظة وطالعته واهي تبكي ..
برضو فيصل مره ثانية ..
انكسر خاطرها لسبب ما .. بلعت ريقها تبي تمنع شهقاتها .. ومسكت الجوال
و
ردت .. !
حطت الجوال عند اذنها وسكتت ..
سمعت صوته من بين شُتات روحها يقول : فتون .. الوو !
أخذت فتون نفس وحاولت تخلي صوتها طبيعي وقالت : هلا فيصل ..
فيصل : هلابك (( وسكت شوي وبعدها قال : دقيتي ..؟؟
عرفت فتون ان الخط شبك بدون ماتنتبه وماعاد تقدر تنكر .. وقالت : اممم..
فيصل :غريبة ماسمعته .. في شي ؟؟؟
سكتت فتون واهي تحاول تكبت شهقاتها .. وسمعت صوته كنه بسياره وفيصل حس انها تبكي من صوت أنفاسها وقال : فتون .. شفيك ؟؟
فتون : .................
فيصل بقلق : فتوووون ..
فتون : هممم ..
فيصل : ليه تبكين ؟؟
فتون : خلاص فيصل معليه ماكان لازم أدق عليك .. مادري اصلا شخلاني أدق !
فيصل عقد حواجبه واهو يسمع صوتها المليان دموع .. وغير مسار طريقه متجه ناحية بيتها وقال : يعني لو رديت عليك وقتها كنتي بتقوليلي شفيك ..؟؟
فتون : لا لأن انا نفسي مادري شفيني !
فيصل : فتوون انتي بالبيت موو ؟؟
فتون : ايه ..
فيصل : خمس دقايق وافتحي الباب ..!!

سكتت فتون مصدومة ! ماخطر على بالها انه يجي عشانها .. وليه يجي أصلا .. ؟؟
عجيب وضعهم الي اثنينهم متضايقين من بعض ويشكون لبعض !
طالعت بالجوال لقته سكر .. يمكن قالي مع السلامة وانا ماسمعته .. !!
يوه انا كنت شايلة هم المكالمة مو عاد أشوفه !!

خلاص فتون .. الي صار صار وخلال دقايق بيكون عندك .. مسحت دموعها بسرعه وقامت طالعت نفسها بالمراية .. شافت عيونها حمراااا وخشمها أحمر وكل وجهها أحمر .. سخرت من شكلها ومشت وفتحت باب غرفتها وماكان همها تغير لبسها ولا تزين شكلها لأن شكلها اهو زي ماهو يوم كانوا عندها البنات .. فستان لون كحلي.. كت وماسك ومنسدل بنعومة لنصف الساق ..
انتبهت لغرفة أمها لقتها مسكرة وعرفت انها نايمة اهي وأبوها ..
نزلت الدرج وضغطت على الزر الي يفتح باب الشارع .. ودقيقتين الا دق عليها
ردت: الوو
فيصل : انا برا ..
فتون : أوكي ..
سكرت منها وقلبها يخفق بطريقة عجيبة !! طلعت من باب المطبخ .. ونزلت الدرج ومشت على العشب وشافته واهو يسكر باب الشارع .. ودار ومشى ناحيتها ..
وقفت مكانها واهي تطالعه يمشي بثبات وعيونه عليها .. رجعت الدموع تتجمع بعيونها مره ثانية ولسبب ماعرفت تميزه !!
قرب منها وطالع وجهها الأحمر والدموع الي تلمع بعيونها وقبل مايقول اي كلمة .. رمت فتون نفسها على صدره وصارت تبكي !
ضمها فيصل وقلبه متقطع عليها .. وقال بحنية : ليه يافتون هالبكى ليه شفييييك قوليلي ؟؟
فتون كانت تشاهق بصمت وماردت ..

رفع فيصل راسه واتذكر كلامها
!!!!
" ترا أنا ما أبكي أبد .. أقصد أجهش بالبكى والصياح .. أما الدموع الي تطفر هذي ممكن تطلع مني غصب بس مسرع ما أكتمها .."
قالها باستغراب : غريبة انتوا البنات معروف عنكم الدموع والصياح على الي يسوى ومايسوى ..
قالت بشموخ : دموع التماسيح هذي .. للأسف أنا أعرف أمثل كل شي الا الضعف والدموع
!!!!

نزل راسه وطالعها شلون تبكي بضعف !! هالحالة ماوصلتلها الا أكيد بسبب شي كايد .. بس وشو يافتون ..؟؟
أبعدت فتون نفسها عنه واهو مسح على شعرها بإيد .. وبايده الثانية مسك دقنها ورفع راسها وشاف التيهان بعيونها !
قال بحنية : بايش كنتي تفكرين ؟؟
نقلت فتون بصرها بين عيونه وقالت : فيصل ممكن تقولي سبب واحد يخليك تستمر معاي غير انك تحبني ؟؟
فيصل : ................. حياتي اسباب كثيرة مو سبب واحد ..
فتون : شهي يافيصل قولي ؟؟؟ ترا بموت من الضيقة وانا ماغير افكر بحالنا وبالأخير اتوصلت اني مستحيل أسعدك !! لأني ماقدر أمشي على مزاجك وأسلوبك وطريقتك !
فيصل : مو صحيح يافتون .. انتي فيك صفات حلوووة وقلبك طيب وتقدرين تسعدين عمرك وغيرك بس انتي معاندة نفسك ..
فتون واهي حاطة ايدها على راسها والثانية على خصرها : وماظن يافيصل باتغير .. ولو رجعتلك بترجع مشاكلنا وانا بصراحة ماتحمل أسلوبك وان كنت غلطانة بكثير من الأمور ..
فيصل : وان غيرت أسلوبي !! ماتغيرين أسلوبك ؟؟
مشت فتون ورمت نفسها على الكرسي وتاهت عيونها بالفراغ الي قدامها .. !

مشى فيصل وانحنى قبالها وقال : فتون ليه بكيتي يوم حسبتيني بطلقك ؟؟؟ ليه لمعت عيونك يوم شفتيني بزواج أخوك ؟؟ .. ليه طالعتيني من الشباك يوم صبحة مرام ؟؟ ليه دقيتي علي اليوم ؟؟ ليه تبكين الحين ؟؟؟؟ ماسألتي نفسك ولا مره شالي يدفعك لكل هالأشياء ؟؟
خفق فتون قلبها بقوة واهي بدت تستوعب مقصده .. !!
كمل فيصل بدون ماينتظر ردها : الي دفعك لكل هذا يافتون اهو الي بيخليك ترجعيلي ويخليك تتغيرين عشاني !! بس انتي لاتعاندين قلبك !
لفت فتون وجهها عنه واهي تحس ايدينها عرقت وحلقها نشف .. أهو حس فيها وفهم مشاعرها واهي نفسها مافهمت قلبها !!
وقف وقال : راجعي نفسك حياتي .. واذا استوعبتي مشاعرك اعرفي ان أضعاف مضعافة منها مكبوته بقلبي !
انحنى وباس جبينها ومسح آثار الدموع الي بوجهها وقال : أستنى ردك ! سلام ..
ومشى عنها وعيونها تتبعه وفرجه بين شفاها مفتوحة !!
وقفت لاشعوريا واهي تسترجع كلامه .. !! بحايتها ماحد فهمها وفهم مشاعرها الي هي نفسها مافهمتها .. مثله !!

معقولة أكون لهالدرجــة .. أحبـ ـ ـه ؟؟
جااااوبوووني انتووووا .. معقوووووووووول ؟؟؟؟؟؟

******

بعد ثلاث أيام ..

أقلعت الطيــــارة بكل ضجيج مايختلف عن ضجيج المشاعر الي يسكن بقلوب أجمل عاشقين قاعدين داخل الطيارة ومسافرين فيها لبــــلاد الحب " سويسرا "

هذا الشي الي مادرت عنه مرام إلا بنفس اليوم يوم بلغلها خالد بأحلى خبر !

سافروا وسافرت معاهم أحلى المشاعر ..

^ ^
’’ حبهم الي صادف صراعات .. وبلحظة كـــــان ’’ بيندمر ’’
’’ شوقــهم الي انكبت بعمق قلوبهم وبلوهلة كان ’’ بينفجر ’’

أرق الأحاسيس ............. صارت اهي فصولهم
ولعهم .... صيفهم
ولهـهم .... شتاهم
غرامهم خريفهم
و جنونهم .. ربيعهم

تهانينا

^ ^

*****

دخل تركي الجناح بخطوات مسرعه يبي يغسل ويبدل ملابسه ويطلع قبل مايشوف عبير ويكلمها ..
بس فجأة واهو بنص الغرفة وقف ودارت عيونه يوم حسها مهي موجودة !!
عقد حواجبه باستغراب !! مو من عادته يرجع من الدوام ولايلقاها بالجناح .. التفت للحمام شاف الباب مفتوح ! مشى بخطوات هادية يدور بالجناح بصمت .. ولا لقى لها أثر .. !

اول فكرة خطرت بباله انها عبت أغراضها وطلعت !! ماجا بباله انها قاعدة برا مع أحد ولا انها طلعت مشوار .. ! ماخطر بباله الا انها راحت لأهلها بسبب ............ بسبب الوضع الي بينهم والي بلا ذنب اقترفته !
عصر الخوف قلبه من هالخاطر !! مشى ناحية دولابها يبي يشوف اذا اغراضها الشخصية موجود ولا لاء .. وقلبه يضرب بعنف واهو مو متخيل انها فعلا راحت وتركته !!

و

" هلا تركي .. جيت حبيبي ؟ "

صوت موسيقي ناعم .. هادي .. خدّر آذانه واهو يسمعه جاي من وراه ..
وقف مكانه واتنهد بارتيـااااااح .. !
شكان بيصير فيه لو راحت وخلته ؟؟ شلون بيهنى ويرتاح ويا تأنيب الضمير الي بيعذب قلبه وروحه ..
التفت بخفة وشافها وراه تطالعه بنظرة حزينة وابتسامة باهتة !
دار ومشى ناحيتها واهو يقول : وين كنتي ؟؟
عبير بخمول : بالمطبخ .. راسي مصدع شوي ورحت سويتلي كوفي ..!
وقف تركي قدامها وطالع فيها بنظرات عجزت لاتفهمها .. !!
قالت واهي تراقب عيونه : ليه تطالعني كذا ..؟
مارد تركي ومسكها من ذراعينها وسحبها لصدره وضمها وقال برجاء : عبير لاتتركيني !
استغربت عبير من كلامه ومن ضمته المفاجأة !! خفق قلبها بقوة تنافس دقات قلبه بهاللحظة .. قالت وهي تمسح على راسه من ورى : مستحيل أتركك ياتركي انت ليه تقول كذا ؟؟
تركي واهو ضامها بقوة : حسبتك اخذتي عفشك ورحتي .. عبير اتحمليني الله يخليك بس لاتتركيني وتروحين !
ابعدت عبير نفسها عنه وطالعت بعيونه وعيونها مرقرقة بالدموع وقالت : تركي شصار فيك ؟؟ ليه ماتبي تقولي حبيبي ليه ؟؟
أبعد تركي عنها وحاول يتلبس بقناع الجمود والبرود وقال : حاولي تتحمليني ياعبير .. ووقت الي تحسين انك عاجزة تتحمليني أكثر .. سوي أي شي غير انك تتركيني !
ومشى عنها للحمام ودخل وسكر الباب ..
رمت عبير نفسها على الأرض واتجمعت الدموع بعيونها .. لمت راسها بين ايدينها .. ياربي افرجها من عندك .. أنا ألاقيها من وين ولا من وين ؟؟
ليه صار فينا كذا لييييييييه ؟؟ شصار فيك ياتركي شالي مغيرك ومقسي قلبك وهاد حيلك ؟؟ ليه مايبي يقولي شي ؟؟ ليه ساكت وموجع قلبه ووجع قلبي معاه !!
ظلت مكانها تعاني لوعتها لين فتح تركي الباب وطلع وشافها بهالحالة .. طالعها بحنية وقال : قومي نتغدا !
وقفت عبير بسرعه وعيونها لمعت بالفرحة وقالت : بتتغدا .. معاي ؟؟
ابتسم تركي بخفة وقال : إذا ودك !
عبير بابتسامة : أمنيتي هذي .. ! (( ومشت ومشى معها وفتحوا باب الجناح وطلعوا ..
راحوا للمطبخ واهو سحب كرسي وقعد عليه وصار يتأملها واهي تسخن الأكل وتغرفه بالصحون .. رفعت عينها فجأة لعينه الا هو ابعد عينه بسرعه وطالع بالصحن ..
ضاق صدرها شوي بس ماهتمت كثير بهالحركة .. يكفي انه طلب يتغدا معها واهو الي كل يوم يجي يحط راسه وينام ويكون متغدي برا !!
سألته : آخذ الأكل للجناح ولا ...
قاطعها واهو يوقف ويقول : لالا حطيه هنا ..
حطت الصحون على الطاولة وقالت بنعومة : اتفضل ..
مشى وقعد جمبها على الطاولة ..
وطول الوقت وعيونه على الصحن وياكل بهدوء واهي تحطله من كل شي واهو ياكل بدون كلام ولا اعتراض ..

شوي الا سمعوا صوت الباب الخارجي ينفتح ويوم التفتوا لقوا منال داخلة وشايلة شنطتها وتوها جاية من الجامعة ..
رمت عليهم السلام من بعيد وطلعت الدرج ..
ردوا عليها وشوي الا تركي قال : للحين انتي وياها ماتتكلمون ؟؟
عبير : اهي الي ماتكلمني ولا انا اذا شفتها أكلمها عادي وأسألها عن أي شي !
تركي : طبعا لانك انتي الغلطانة واهي الزعلانة !!
عبير بصدمة : انت تشوفني الغلطانة .. ؟؟
تركي : انا لاء .. بس الي مايدري عنك وعن السالفة ويفكر مثل ماتفكر منال بيشوفك غلطانة طبعا !
عبير : يعني وش أسوي أروح أعتذرلها وانا ماغلطت ؟؟
تركي : مو تعتذرين بس تفهمينها موقفك هذا ان كان ودك الأمور تصلح ..
عبير : والله انا واثقة إني ماغلطت والي يبي يزعل من عنده ويقلب علي بدون سبب هذي مشكلته ولا يتوقع مني أركض وراه وأراضيه !
طالع فيها تركي بنظرة حرقتها وقال : ....... شقصدك ؟؟؟
عبير : قصدي على منال ..!
تركي : اممممممم مناااال !! (( وقام من على الكرسي
عبير تبعته بعيونها وقالت بضيق : تركي لاتفهمني غلط ..
تركي : مافهمتك غلط ولاشي .. بالعكس كلامك اهو الصح !
ومشى رايح للجناح ..
اتنهدت عبير بضييييييييق ولمت راسها بإيدينها وهمست بقهر : حال يجيب الهم !
سمعت صوت ورفعت راسها لقت منال داخلة المطبخ وتبتسم بسخرية !!
تجاهلت ابتسامتها واتذكرت كلام تركي .. ورغبته الواضحة بالصلح .. اتذكرت سعود اخوها وان هذي الي قدامها بتصير زوجته بيوم من الأيام .. غلبت مشاعرها الطيبة عليها وقالت واهي توقف : منال ممكن اتكلم معاك شوي !
منال بسخرية : وااااااو صرتي تبيني الحين ؟؟؟
عبير : بس يامنال لاتقولين كذا انتي مو فاهمة شي !
منال : شتبيني افهم ياحلوة .. ؟؟ قايلتك انا من البداية اذا بتحتكين بنوالوه راح تخسريني انا ولاهتميتي بكلامي وشوفي شصار !!
عبير : منال بصراحة انا صعب علي أتعامل بهالشكل .. !! بس مو معناة كذا اني مابيك وأكرهك منال انتي بنت عمي و .. ((كملت بغصة : وخطيبة أخوي .. ويعز علي حالنا .. صدقيني أنا انفعلت منها ذاك الوقت واتضايقت من تفكيرها ورميت عليها هالكلمة أبيها تسكت !
منال : بس ماشوفك أبعدتي عنها وقاطعتيها !! كل يوم والثاني أشوفك انتي وياها سوالف ومزح ماكنها اتسببت بمشكلة بيني وبينك !
عبير : منال انا لازعلت منها ولازعلت منك .. تصرفت بشكل طبيعي ولقيتها إهي راجعة مثل قبل تسولف وتضحك معاي عادي أماانتي قلبتي وزعلتي !
منال : وطبيعي اني أزعل ياعبير والمو طبيعي تصرف نوالووه هذي ! ياعبير انتي طيبة ولاتغرك هالمظاهر الي تشوفينها فيها !! تراها مارجعت معك عادي الا لأنها تبي تكسبك بصفها وتعبي قلبك علي !!
عبير بضيق : بس يامنال تراني ماطيق هالكلام وصعب أستوعبه !
منال بسخرية : مالومك يابنت عمي دامك عايشة بين حضن أمك وأبوك .. غامرتكم الحنية والطيبة طول حياتكم .. شي طبيعي ماتتقبلين حياتنا المشتته والملاينة أحقاد ..
عبير : يامنال حياتكم مافيها شي .. والدليل نهى وتركي ومشعل ماصاروا مثلك !
منال بانفعال : يعني البلا فيني انا !!! أنا الحقودة وأنا الغلطانة والبيت كله طيب وحنون ومايعيبه شي أبد !
سمعت عبير صوت باب بالدرج وخطوات وعرفت ان نوال نازلة وقالت بصوت واطي : مو قصدي كذا يامنال .. كل واحد في البيت عنده عيوب بس مشلكلتك مو قادرة تتعايشين معها ..
منال بنفس الانفعال : يعني تعترفين ان نوال فيها عيوب !!
عبير همست بقهر : لو سمحتي وطي صوتك مابيها تسمع !!
منال بسخرية : وليه ماتبينها تسمع ؟؟ شفتي انك تلعبين على الحبلين تحشين فيها من وراها وتضحكين بوجهها قدامها !!
دخلت نوال واهي رافعة حاجب وتسمع هالكلام !!!
قالت واهي تطالع عبير من فوق لتحت : عفية على مرة تركي الطيبة انضميتي لحزب الأعداء أجل ؟؟

ولعت عبيـــــــر من القهـــــر .. اهي وين عايشة ؟؟؟ وسط أي نار !! شهالكلام الي مثل الرصاص يطخونها فيه .. أحزااااب .. أعداااء .. حقد .. حش .. لعب !!
قالت واهي تهز راسها بصدمة : مو معقول .. الي يصير شي مو معقول !! انتوا شلون تفكرون .؟؟ . هالمخ الي فوق روسكم شلون يفكر !!!
رمت منال الملعقة على الطاولة بهمجية واهي تقول : أقول انهي هالمسرحية ياعبير وترا مانتي أول وحده تعادينها .. (( وطالعت نوال من فوق لتحت وقالت : خليها تعرف ان الكل ماعاد يطيق وجودها بالبيت !
نوال : والله اذا صار هالبيت بيتك وباسمك تعالي اتفلسفي ياأم البلاوي ..
منال : هههههه اذا انا ام البلاوي انتي شتطلعين .. أم السعالوة ؟؟؟

عبير بصراخ : بــــــــس يامنال .. بس خلاص .. ماصارت حياة هذي كلها خناق وصراخ ومشاكل .. ارحموا أنفسكم وارحموا الي اتضررت علاقتهم بسببكم !!

مشت عنهم ووجهها يغلي من القهر .. حست الدنيا تدور فيها من كثر مافار دمها .. عمرها بحياتها الي عاشتها ماوصلت لهالحالة من العصبية والقهر والضيق !!
انتبهت لتركي ماشي للمطبخ وعاقد حواجبه باستغراب ووجهه منقلب ..
شافها واهي تمشي بعصبية وقال : شهالصراخ ياعبير !!!
عبير ماردت ومشت لجناحهم ..

مشى شوي والتفت لقى منال تطلع الدرج ونوال قاعدة تصب لها عصير بكل برود ولا كأن صار شي .. وبالنسبة لها ماصار شي لأنهم اتعودوا على هالأوضاع .. صارت مثل السلام عندهم !!
طالع فيها تركي بحمق ومشى راجع للجناح ..

دخل وسكر الباب شاف عبير قاعدة على السرير تهز رجولها بتوتر ودموعها متحجرة بعيونها .. حتى دموعها معاندتها ولاهي راضية تنزل .. مشى لعندها واهو يقول : شصار ؟؟
عبير : وش صار يعني ؟؟ قاعدة أتعامل مع ناس قلوبهم حجر ومادري شلون تركيبتهم من داخل !
تركي : أنا أسأل شصار .. ؟؟
عبير : شتبيني اقولك ياتركي ؟؟ اتكلمت مع منال وأوّلت الكلام بكيفها وفهمتني بمزاجها .. وسمّعت نوال بالعاني كلام غلط عني .. وصارت تتهاوش اهي ونوال على اني أنا السبب .. بصراحة وضع مادري شلون أوصفه !!! مااااااادري !
تركي اتنهد بضيق ودار عنها وقال :.. عاد هذي حياتنا .. وانتي عاقلة وذكية والمفروض تعرفين شلون تتعاملين معهم وتتأقلمين على وضعهم !
عبير بحمق : ماااااابي اتعامل معاهم ولا اتأقلهم على وضعهم (( واتهدج صوتها بالدموع واهي تقول بألم : انا مايهمني ياتركي الا انت .. انت وبس .. انت الي صرت أتعلم من جديد شلون أتعامل معاك وكيف أتقبل وضعك .. !
ورمت راسها على السرير وانفجرت مدامعها هاللحظة وصارت تبكي وتشاهق من خاطر قلب ضاااااقت فيه الوسيعة !

مهما اتمثل بالقسوة ..
مها اتلبس بالجمود والبرود ..
الا ان كل هالمشاعر تنصهر أمام الحــب الكبير الي يحمله بداخله ..
تنهار أمام عشقه لهالمظلومة الي قدامه !

مشى وقعد جمبها ورفعها من ذراعينها وضمها لصدره .. زادت دموعها أكثر واهي تدفن وجهها بصدره وتبكي ..
قال والحنية تقطع قلبه : بس ياروحي لاتبكين .. عبير .. والله مايستاهلون دموعك ذولا بس ياحياتي !
عبير واهي تشاهق : تركي انا ما ابكي عشانهم .. انا ابكي عشانك .. انت ليه صاير كذا معاي .. ؟؟ ممكن أتحملهم وأتحمل أزود من كذا بعد لو انت تركي الي أعرفه وحبيته .. بس انا حاسة اني وحيدة بهالدنيا وضايعة بدوووونك !
لمها تركي لحضنه أكثر وقال واهو يقاوم دمعة تعارك لتنزل : آآآآآآآآآه وبس .. عبير ياحبي انا لاتقطعين قلبي أكثر .. اهدي ياعمري اهدي خلاص وان شاء الله مو صاير الا الي يرضيك!
هدت عبير شوي من شهقاتها ورفعت راسها وطالعت بعيونه وقالت : قولي شفيك ياتركي ؟؟ شالي مضايقك وقالب حالك ؟؟
مسح تركي دموعها بصوابعه واهو يقول : شيهمك ياعبير أرجعلك زي أول ولا تعرفين وش فيني !
عبير : الاثنين ..
حاول تركي يطرد من باله أفكاره الي بتقلب نعيمهم جحيم .. وقرب وجهه وباسها على خدها اليمين واليسار وضمها مره ثانيه واهو يقول بتنهيدة : انسي حياتي واعتبريها غمامة سودا مرت وعدت .. وان شاء الله ماتمر مره ثانية ..

سكتت عبير ولمت نفسها بحضنه الي فقدته دفاه فترة طوييييييلة ..
ليتها تقدر تنسى ..ليته يرجع لها ولا عاد تنعاد ليالي البُعد والدموع !
ليت وليت وليت ..
وكم ليت صارت معلقة بخيوط الزمن !!

*******

نزلت حنان وساره ماسكة ايدها وتقول : قوليلي أي ثـــوق !
حنان : وانتي شعرفك بالأسواق عشان أقولك أي سوق ؟؟
ساره : بس أبي اعرف ..
حنان : جده مول .. حلوو ؟؟
ساره مسوية فاهمة : لا مو حلو زحمة وحر ..
حنان تدري انها ماعرفته وضحكت : ههههههههههههههههههههه شفتي عشان كذا مابي آخذك ..
دخلوا الصالة لقوا فيصل قاعد وقدامه اللاب توب ..

ركضت ساره وقعدت جمبه وقالت : انت بتروح مكان ؟؟
شالها فيصل وحطها على رجوله وقال : انا مابي أروح مكان بس اذا تبيني أروح رحت !
ساره بضحكة : اي أبيك ترووووح
فيصل : ههههههه وين ان شاء الله ؟؟
ساره : تجيب فتون عندنا ..

عض فيصل شفته وطالع بحنان الي ابتسمتله بحنية ..
ساره : سفييييييك ؟؟ والله هي قالت اذا تبيني أجي عادي كلميني وأجيك
فيصل : قالتلك كذا ؟؟
ساره : اي والله أكسم بالله ..
فيصل : هههههههه بس لاتحلفين .. يالله روحي اتصلي عليها وقوليلها تعالي
نطت ساره بفرح وركضت للتلفون وقالت لحنان تدقلها الرقم ..
دقت حنان على جوال فتون وعطت ساره السماعة ..

قعدت ساره واهي تضحك والحماس بعيونها واول ماردت فتون قالتلها : فتوووون تبين تجين عندي ؟؟؟
فتون : هــــلااااااااا والله وغلااا بسارة قلبي وحياتي .. اي والله ابي اجي عندك !
ساره : طيب تعااااااالي الحين ..
فتون : بس مين يجيبني سوسو ؟؟؟

ساره تكلم فيصل ببرائة تسحر : تقول مين يجيبها ؟؟
فيصل : ماعندها أحد يجيبها ؟؟

ساره تكلم فتون : ماعندك أحد يجيبك .. ؟؟؟
فتون بحزن : لا والله ماعندي أحد ..
ساره : طيب أخلي فيصل يجيبك ؟؟
فتون : ههههههههههه خليه ..

ساره تكلم فيصل : يالله فيصل روح جيبها ..

فيصل ضحك عليها وقال : خلاص حبيبتي سكري وان شاء الله هي تجيك بعدين
ساره بزعل : لييييييييييه هي قالت طيب !

فتون : سااااااره حبيبتي ...
ساره : همممم
فتون : عطيني فيصل ..
ساره بفرح : طيب .. (( ومدت السماعة لفيصل واهي تقول : تبيك !

رفع فيص حاجب وقام وأخذ السماعة وقال : هلا
فتون : هلا فيصل شلونك ؟؟
فيصل : عايشين الحمدلله ..
فتون : امممممم تجي تاخذني ؟؟؟
فيصل : اممممممم وبعدين ؟؟؟
فتون : تجيبني بيتكم عشان ساره
فيصل: امممم .. وبعدين أرجعك ..؟؟
فتون : آآآم .. خل بعدين لبعدين !
فيصل : أهاااااااااا .. (( وبهمس : اوكي جايك ..
فتون همست مثله : استناااك ..
فيصل : سلام .. (( سكر منها واهو يبتسم .. مايدري ليه حسها تضحك واهي تكلمه !! حس نبرتها مرحة بعيدة عن الحزن والضيق الي شافهم فيها قب كم يوم .. !
هل احساسه صحيح .. وكلامه معها أثـّر ؟؟ ولا شوقه لها وولهه عليه أوهمه بهالشي ..؟؟

مشى واهو يقول : أوكي سوسو بروح اجيبها ونجي نلقاك سويتي العشا ..
ساره : ههههههههههههههههههههههه طيب
غمزلها فيصل وطلع ..

دقت حنان على صالح بتشوف وينه وقالها انه بالطريق ..
سكرت منه وابتسمت لساره الي مثل الفراشة تتنقل من مكان لمكان .. اتأملتها واهي تلعب والفرحة تشع من عيونها .. صدق من قال الاطفال هم شعلة البيت .. ومع طفلة زي ساره صايرة شعلة وفنـر وبلسـم لهالبيت وكل الي يعرفها ..
ابتسمت واهي تشوفها تلعب وساره شافتها وضحكت ..
حنان بضحكة : فرحانة حياتي ؟؟
ساره واهي تهز راسها بفرحة : اييييييه عسان فتوووووون بتجي ...
حنان : ههههههههههه يابعد فتون والي جاب فتون
ساره : ههههههههههههههههه حتى فتون ؟؟؟
حنان : اييييه انتي بعد هالدنيا كلهاا ..
ضحكت ساره وكملت لعب ..

بعد عشر دقايق دق صالح وقالها انه عند الباب ..
قاامت حنان واهي تقول : ساره روحي شوفي عمو صالح عند الباب ..
نطت ساره بفرحة وركضت للحوش لأن عمو صالح يعني انه جايب معاه هدية ولا حلاو ..

طلعت حنان غرفتها ولبست عبايتها ويوم طلعت لقت ام فيصل طالعة من غرفتها ووجهها متغير !
حنان : شفيك يمه ؟؟
ام فيصل : مافيني شي .. (( ومشت للدرج ..
مشت حنان عندها وقالت : شلون مافيك شي وجهك متغير وعيونك ذبلانة !
ام فيصل واهي تنزل الدرج : والله مافيني شي ياحنان بس هاليومين ماغير حلوم وكوابيس ولا نمت زين ..
حنان : اسم الله خير ان شاء الله ..؟
ام فيصل : ان شاء الله خير .. والله احس قلبي قابضني ودقيت على مرام قلت يمكن فيهم شي !
حنان : هذاني والله كنت بقولك يمكن قلقانة على مرام وخالد ..
ام فيصل : لا كلمتهم توني والحمدلله طيبين ومابهم الا العافية
حنان : اشوا الحمدلله ..
واتأملت أم فيصل الي قعدت بالصالة والضيق مرتسم على ملامحها ..
ولاشعوريا اتسرب احساس ام فيصل لحنان واتمكن منها ومن قلبها .. شالي خلى أم فيصل بهالحالة وقلبها مقبوض وينغزها !!
ضاق صدرها وحست بأعصابها توترت واهي الي ماعاد أعصابها تتحمل أي فجعات تهد الحيل !! .. خير اللهم اجعله خير !
طردت من بالها الوساوس وقالت : يمه صالح جا وبنطلع السوق .. تبين شي؟؟
ام فيصل : لا ياعمري مشكورة ..
حنان : يالله أجل فمان الله
ام فيصل بتنهيدة : الله يحفظكم ..

طلعت حنان وشافت صالح واقف عند الباب بس من برا الشارع .. لفت طرحتها وطلعت واهو أول ماشافها ابتسم وسند ظهره على السيارة ..
ابتسمت حنان وقالت : أهلييييييين
صالح : هلابك بعد عمري .. شلونك ؟
حنان : تمام الحمدلله .. انت شلونك ؟؟
صالح : بخير ..
واتأملها شوي وبعد قال : آآآآآآآآآه صدقت ساره ...
حنان : ههههه على ايش ؟؟
صالح : توها مسكت ايدي وودتني لحوض زهور جيرانهم .. وقطفت وردة وعطتني وقالت اعطيها حنان !
انتبهت حنان انه ماسك وردة ناعمة ولونها هادي وناعم .. وضحكت وقالت : حلووو ذوقها فديتها ..
صالح : بس عاد مادري أهديك الور ولا أهدي الورد لك .. (( وطالع خدودها الناعمة وكمل : لأني ماشوف بينكم فرق ..
حنان بحيا : ههههههه لو يسمعك الورد هزأك ..
صالح : صدقيني مابالغ .. وهذي شهادة ساره بعد ..
حنان بضحكة : شقالت ؟؟
صالح يقلد صوت ساره : اعطي هذي الوردة .. للوردة ماما حنان ..
انسحـرت حنان منها .. وانتبهت لنظراته وولع وجهها من الحيا وأبعدت عينها عنه وقالت : الحين إهي وينها ... ؟؟
ضحك واهو يلتفت مكان ماتركها وقال : تصدقين مادري !
صرخت بطريقة أربكته واهي تقول : إيـــــــــــش ؟؟؟؟؟!!!
ارتبك صالح من صرختها واتعدل بوقفته وقال : كانت هنا .. عند حوض الزهور !!!
حنان بصدمة : كانت ؟؟؟؟ ..
وبكل خوف تلفتت واهي تقوول : والحين وين راحت .................................... ؟؟

وين راحت .. وين راحت .. وين راحت ..

؟؟

\
/

طالعته ساره وعيونها موسعة على الآخر .. وأوصالها ترتجف بالخوف .... !
ناداها طلال : تعالي ياحلوووة .. حتى انا عندي حلوياااات تعالي أعطيك !
طالعت ساره بالعصا الي بايده .. وطاحت الوردة من ايدها او اهي ماقدرت تمسكها من الخوف .. رجعت بخطواتها على ورى ..
اتقدم طلال بخطوات خفيفة واهو يقول : ليه خايفة مني ؟؟؟ عشان العصا .. ؟؟ هاه شوفي (( ورفع ركبته وضرب العصا فيها وكسره نصين ورماااااه آخر الشارع ..
والتفتلها بضحكة خبيثة وقال : يالله تعالي ..
اتحجرت الدموع بعيون ساره واهي تهز راسها بالنفي وترجع على ورى !
أسرع بخطواته أكثر وإهي ماتت من الخــــــــوف و دارت عنه وركضت مبتعدة لطريق مو طريقها .. ولمسار مو مسارها .......................
و

؟؟

\
/

طول الطريق وفيصل ساكت وفتون ساكته ..
التفتت وطالعته وشوي الا التفت اهو وطالعها واهو مضيق عيونه فيها ..

طالعوا ببعض لحظات بعدها ابتسمت ابتسامة سحرته وأبعدت عينها ..
عض على شفته واهو يبتسم .. وبخاطره تتفجر آهات ورى آهات ..

رجع يطالع بالطريق وبعد شوي التفت اهو الي طالعها ..!
التفتت وشافته وضحكت ودارت وجهها على الجهة الثانية ..
وفيصل كل الي سواه .. دعس على البانزين بسرعه ... !

وصل شارع بيتهــــم وقال : أجل جيتي عشان ساره ؟؟؟
فتون : امممممم .. وانت مو جبتني عشان ساره ؟؟
فيصل : أكيد عشانها .. طلعتي من البيت وروحتي وجيتي كلها عشـان ......................

=================

=================

=================

=================

=================

=================

=================

=================

=================

صرخت فتون : لااااااااا فيصـــــــــــــــــــل انتبـــــــــــــه !!!!!!!!!!!!!
وكانت هالصرخـة متـأخرررررررررة كثيييييييييير
لأن هالوقت كانت حتى أجزاء الثانية محسوبة عليهم ..

شخص بصره وعيونه شوي بتطلع من مكانها من الفجعــة ..
فقد السيطرة على السيارة وعلى كل شي حوله واهو يدور بالدريكسون يمين يسار بسرعه ورجفة وفجعــة !

من وين طلعتله مايدري !!!!
المفروض انها بالبيت تنتظره وتنتظر فتون !
شالي وصلها آخر الشارع وخلاها تركض فجأة قدام سيارته !

وبالآخر ................................
صدمـــــــــــــها !
صدمها وشافها قدام عيــــــــــونه تطيــــــــر بالجو ...
مترين
أو ..
ست !!
ويمكن ..
عشر !!
ولا أكثر .. !

وقف السيارة أو السيارة اهي وقفت من حالها ..
ونزل ومايدري شلون نزل واتسمـــر ووقف مكانه بلا حراك !!
زي ماكل الكون وقف هاللحظة ..!!
لما شاف الأرض جذبت ساره .. وطااااااااحت عليها .........
بكل قوة ..
وبلا رحمة ..

::

سأهـــــــرب بعيدااااااااااااااا

*******
الجزء الثالث والعشرون

وقفت السيارة قدام منزل أبو فيصل
التفت خالد عليه وشاف عيونه تطالع بالشباك بنظرات شوي وتخرقها .. !!
قال بهدوء : يالله يافيصل ..
مابدا على فيصل أي رد وانتباه .. مما خلى خالد يعيد بنفس الهدوء : فيصل وصلنا .. انزل !
التفت فيصل بخفة لخالد .. وطالعه بنظرة ماتختلف عن النظرة الي كان يطالعها من الشباك .. وبعدها نزل عيونه وفتح الباب ونزل بدون أي كلمة ..
نزل خالد وسكر الباب واهو يطلع جواله .. اتصل على أول رقم كان مخزن تلقائي عنده .. ورفع الجوال لاذنه وبعد أول رنة جاه الرد بصوت مليان دموع : هلا خالد ..
خالد : هلا حياتي .. وصلنا ..
مرام بغصة : أوكي وأهو شلونه ؟؟
خالد بهمس عن لايسمعه فيصل : مافتح فمه ولا بكلمة ..
مرام وإهي تبكي : ياعمري ياخوي ..
خالد : يالله ياقلبي بروحله وانتي علمي الي عندك
مرام : اوكي مع السلامة ..

سكرت منه وبسرعه طلعت من غرفتها وراحت لغرفة منى .. فتحت الباب وطالعت بمنى وبلعت ريقها وقالت : ......... فيصل جا ..
شهقت منى وقالت وهي شااااايلة هم : ياربي .. (( ودمعت عيونها واهي تقول : ماقدر أشوفه ..
مرام واهي تدمع : لاتقولين كذا يامنى .. كلنا مانتحمل نشوفه بس مايصير نحسسه بهالشي .. اهو بروحه مهزوم مو عاد احنا نهزمه أكثر ..
منى : انا ماتحمل اشوفه عشانه اهو بعد .. ماتحمل أشوف شكله ومنظره وحزنه وصدمته ..
مرام : خلاص يامنى عاد شنسوي قدرنا ان أخونا يصدم اختنا .. (( وشهقت واهي تمسح دموعها ..
وقفت منى وقالت واهي تمسح دموعها بطرف كمها : قلتي لفتون ؟؟؟؟
مرام : لا حسبتها عندك .. وينهي؟؟
منى : كانت عندي وراحت غرفة مشعل ..
مرام : آه ياعمري يامشعل .. اجل بروح أشوفها ..

وطلعت من الغرفة وأول مادارت ..
شـــافته !!
شافت فيصل طالع الدرج ووراه خالد !
طالعها بنفس النظرة الي يطالع فيها كل من توقع عينه عليه ..

اتسمرت مكانها واهي تطالعه وصرخات تتفجر بداخلها .. مابين عتاب ومابين رحمة ..
رجعت الدموع تتجمع بعيونها لاشعوريا لكن فيصل ماوقف ليشوفها .. أبعد عينه ومشى ناحية غرفته ودخل وسكر الباب ..
تبعته بنظرها لين دخل وسكر الباب و .. سالت دموعها !

مشى خالد لعندها ومسكها وضمها وقال : كان سلمتي عليه يامرام ..!
مرام واهي تبكي : ماقدرت اتحرك ياخالد مادري شجاني ..
خالد : قوي قلبك حياتي هذا أخوك وانتي ماشفتيه من رجعنا من السفر !
مرام : بادخله الحين .. الله يقويه ويقوينا معاه ..
باس خالد راسها وقال : آمين ..

تركها ونزل للصالة ومرام مشت لغرفة فيصل واتنهدت واهي تفتح الباب ..
دخلت وسكرت الباب وراها وشافته قاعد على السرير بملابسه وساند ظهره على المسندة وذراعه خلف راسه ومسكر عيونه ولا فتحها حتى يشوف مين الي دخل !!

مشت بهدوء لين وصلتله وقعدت جمبه ومسكت ايده ونادته : فيصل حبيبي ..
فيصل على نفس وضعه : ....................!
مرام : فيصل لاتسوي بنفسك كذا الله يخليك .. افتح عيونك وطالعني ياقلبي ترا كلنا معاك .. محد فينا ضدك !
سكتت تنتظر منه اي تفاعل .. لقته اهو زي ماهو عليه ..

انفتح الباب من وراها ويوم التفتت لقت منى داخله .. سكرت منى الباب واهي تنقل بصرها بينهم وتحاول تستشف من تعابير مرام عن وضع فيصل ..
مشت وقعدت جمبها واهي تطالع فيصل واهو مسكر عيونه عنهم .. نادته بهدوء : فيصل ياعمري شلونك ؟؟؟ اشتقنالك !
فيصل : ...............................
طالعوا مرام ومنى ببعض بحزن .. (( وعادت منى عليه : فيصل رد علي لا تقطع قلوبنا عليك بهالشكل ..
فيصل ساكت .. بدون أي رد .. ولا أي تفاعل .. !!

ماتحملت مرام وضعه وغطت فمها بإيدها تمنع شهقاتها وقامت عنه ..
وقفت منى وقربت منه وباست راسه وطلعت وراها .. تاااركينه يصــــــــارع بداخله أنواع العذاب واتهامات الضمير الي تطعن عمق قلبه .. !!
أنا السبب !! لا مو أنا .. انا شدراني انها طالعة بالشارع هالوقت .. ؟؟
صــــــالح السبب .. قالولي انها كانت معاه وتركها .. لا بس اهي شطلعها الشارع أساسا ..؟؟ حنان الي أرسلتها .. يصير حنان السبب !! هالابنية دومها تمشي بأمر حنان .. بس ولو حنان شدراها اني باصدمها .. وانا ليه صدمتها ؟؟ شالي طلعني من البيت وركبني السيارة وخلاني أصدمها .. ايه فتوووون .. عشان أجيب فتوووون .. !! آآآآخ يافتون انتي السبب .. !! ايه انت السبب بكل عذاب بحياااتي ..!
بـــــــــس ! بس يافيصل .. مايصير ترمي اللوم على كل واحد .. ولا حتى عليك !!
اتأفف بضيييق ! .. يعني لو ما صدمتها انا ماكانت بتمر اي سيارة ثانية غير سيارتي وتصدمها ؟؟؟ مو طلوعها أساسا كان مباغت ولاحد كان بينتبهله ؟؟
لا بس انا غير .. أنا اخوها .. سندها .. عزها .. كيف ماشفتها !! كيف ماحسيت فيها ؟؟ كيف ماتفاديتها ؟؟ شكان فيني ذيك اللحظة !!
عشان فتون جمبي ؟؟؟؟ لاااااا فيصل لاتظلم فتوووون .. فتون كانت جاية عشاني .. فتون كانت تبي تبدا صفحة جديده معاي .. ليه ودي أطلع نفسي من الاتهام وأروح أرميه على غيري .. محد جاني ومحد ظالم غييييييييرك يافيصل .. !!
اتأفف واهو يخبط راسه بالجدار بكل ألم وضيق !

بنفس الوقت كانوا مرام ومنى يبكون برا الغرفة ومرام تقول : ياعمري ياخوووي .. مو سهله عليه ابد ..
منى : الله يقويه يارب .. الله يقويه ..

مشوا الا سمعوا صوت فتون من غرفة مشعل ..
منى : قلتي لفتون ؟؟؟؟
مرام : لا والله طلعت لقيت فيصل بوجهي ومامداني اقولها ..
منى : يووووه والله ان تذبحنا الحين ..

ودخلت لفتون .. ومرام نزلت لخالد ..

دخلت منى شافت فتون ضامة مشعل من كتوفه وتقول : بس يامشعل وبعدين ؟؟ وين الكلام الي من اليوم أعيده عليك ..؟؟
مشعل واهو يشاهق : انا السبـ ـ ـب .. أنا الـ ـي كنـ ت أدعـ ـي عليـ ـها دايـ م .. أبيهـ ـا ترجـ ـع وأخليـ ـها تلعـ ـب معـ ـاي زي ماتبـ ـي .. والله مـ ـاقولهـ ـا شي .. والله ما أضربهـ ـا .. والله ما أتهـ ـاوش معهـ ـا ..
بكت منى ومشت بسرعه لعنده وضمته بقوة وقالت لفتون وصوتها يالله يطلع منها : فيصل جا
شخص بصر فتون واهي تفز وتقول : متى ؟؟؟؟؟؟؟
منى : توه .. شوفيه بغرفته ..

مشت فتون مسرعة ولاحتى سألتها شلونه وكيف وضعه .. كانت تبي تشوفه بأسرع وقت وإهي الي ماشافته ولاحد شافه ولا درا عنه من صار الي صار .. !!
وقت إلي اختفى ولاحد عرف وينه الا خالد الي جابه البيت غصب عنه ..

راحت لغرفته ومسكت مقبض الباب وحاولت تضبط انفعالاتها .. كيف بشوفه وكيف باتحمل مظهره !! كيف أهو بيتقبلني وياعالم وش يدور بباله عني !!
لايكون يحسني السبب ؟؟؟ وهل أنا فعلا السبب ؟؟ مو أنا الي طلعته من البيت وخليته يركب السيارة ويجي ياخذني ؟؟؟ أنا الي لهيته بالطريق وأخذت عقله بغبااااااائي !!! أي غباء فتووون ! نسيتي شكنتي ناوية عليه ذاك اليوم ؟؟ مو كنتِ ناوية ترجعين وتفاجئينه بــ ......... آآآآخ !! بس فتون .. وربي بافقد عقلي من كثر ماأفكر وألوم نفسي .. الله يعين يارب .. ياااارب ياااارب ...
دقت الباب بخفة .. وفتحت ودخلت وسكرت الباب وشافته على نفس الوضعية الي تركوه عليها خواته ..
وقفت مكانها تتأمله .. واهو لافتح عينه ولا اهتم بأحد .. حست انه يصارع بداخله أعنف أنواع العذاب .. !! بداخله بس تخمد نيران وتشتعل نيران .. بداخله بس يموت ويحيا آلاف المراااات !!

مشت بخفة وقعدت جمبه .. مسكت ايده وحستها بأصابعها وهي تطالع فيه بحنية ..
وقبل ماتناديه ............. فتح عيونه نصف فتحة وشافها !
يمكن وصله عبيرها .. يمكن اتسرب لكيانه حسها من لمسات يدها .. المهم فتح عينه وأهو متأكد انها فتون ..

ضربت عينه على إيدها المجبرة ورجع غمض عينه مره ثانية واهو يتنهد من أنفه!

حست فتون انها تواجه أصعب مهمة بحياتها !! استجمعت قواها وقربت منه لين لصقت فيه وصار وجهه مواجه وجهها .. مررت ايدها السليمة على خده واهي تقول برجاااااء : حبيبي افتح عينك وطالعني ..
سكتت شوي وقالت برجاء أكثر : الله يخليك !
بلع فيصل ريقه وفتح عينه وطالعها .. شافت فتون فيها العذاب يصرخ بعنفواااان ..
ابتسمت بحنية واهي تقول : شلونك .. ؟؟
نقل فيصل بصره بين عيونها بلا رد .. شيقولها وش مايقوووولها !! الي بخاطره أكبر بكثييييير من ان تعبر عنه كلماااات .. !

فتون واهي تمسح على شعره ورقبته : فيصل انت أقوى من كذا بكثير .. صحيح صدمة قوية بس مو انت الي تطيحك .. ! انا دارية ان مو هاد حيلك غير الخواطر الي بداخلك .. (( وبرجاء : فيصل لاتفكر بطريقتك الي قاعد تفكر فيها .. انت مو السبب !! هذا قدرها .. هذا شي مكتوب على جبينها من طلعت على الدنيا .. ماتدري شحكمة ربي من انك انت أخوها إلي تصدمها .. يمكن لو كان أحد غيرك كان آذاها أكثر .. !
سكتت تراقب عيونه وكنها تقرا خواطره الي تدور فيه هاللحظة وكملت : زعلان عشانها .. ؟؟ ودك ترجعلنا ساره الي أول ؟؟ ادعيلها يافيصل .. اهي ماتحتاج منا الحين الا الدعــــاء ..

سكتت تحاول تستشف من تعابيره أي تفاعل.. رد عليها بدون كلمات .. بعذاب النظرات الي تترجم مابداخله من لهيب الجمرات ..

قالت واهي تضغط على كتفه وتهزه بخفه : فيصل اتكلم قووووول شي .. مايصير لك اسبوع مختفي لا شفت أحد ولا فتحت فمك ولا بكلمة .. فيصل طلع الي بخاطرك علي أنا .. باتحملك ياقلبي ومو مانعتك من شي .. سو الي تبي بس اطلع من الحالة الي انت فيها ..!!

سكتت شوي واهي تراقب عيونه ..
انتبهت أو اهي اتوهمت لعيونه تلمع بالدموع .. رفعت حواجبها واهي تقول بهمس : ابكي يافيصل .. طلع الي بقلبك بالطريقة الي تريحك انت .. والي تبيها انت .. انت وبس !

انتبهت لعيونه تلمع أكثر والدموع بدت تتجمع فيها ..
قربت منه وضمت راسه لصدرها ..
وكن فيصل كان ينتظر هالحركة بس عشان يبكي ويطلع الي بقلبه ..

بكى !

اي نعم بكى !

ولحد يلومه دموعه وضعفه هالوقت ..!!

لأن عمره مابكى ....

وهالمره بكى يوم .....................

صــــدم أختــــــــه بنفســه .. بسيــارته ..
ورماها بـــــ :

(( قسم الحالات الحرجة .. والعناية المركزة !! ))

::

في ذاك المكان الي يشهد يوميا على أنواع الدموع والآلام والصياح ..
بأحد أقسامه المتعلقة بالحالات الخطرة ..
كانت زهرتنا ترقد ........ ساكنة ....... ولا حركة ........ ولا كلمة ........ ولا همسة .. !

سكرت أم فيصل المصحف بعد مامضت ساعه كاملة وإهي تقرا فوق راس بنتها .. وحطته على الجمب ورجعت تتأمل بنتها الصغيرة .. !

يا كيف أوصفلكم شكلها ؟؟؟

شاش ملفوف حول راسها مو مبين غير جزء من وجهها .. بعد العملية إلي سووها براسها وأضافوا قطعة معدنيه داخل الراس .. !!
توصيلة مشبوكة بجانب قلبها موصلة لجهاز مراقبة القلب والأوكسجين !
وتوصلية ثانية بجهاز التنفس الصناعي داخلة لرئتها عن طريق الفم ..!
سيقانها الاثنين مجبسة من عند القدم لآخر الفخذ !

تنهدت أم فيصل تنهيدة طوييييييييلة وبعدها قالت : الله يسامحك يافيصل !! الحمدلله .. الحمدلله على كل حال!

التفتت شافت حنان قاعدة على الكرسي وراسها طايح على الجمب ومسكرة عيونها بتعب !
طالعتها بحنية .. لأنها أدرى بشعورها .. هذي أمها الثانية .. سبحان الي زرع فيها الأمومة بدون ماتكون أم !
حمدت ربها ان هالبنت مانخبلت ولا صار شي لمخها .. صحيح إهي أمها بس حنان هاربة من صدمات الدنيا لدنيا ساره .. مرات تحسها مو عايشة الا عشانها .. تحس انها تشوف الأمل والخير بعيون هالصغيرة ..

شكرت ربها ان الهستريا الي صابت حنان اتوقفت على ذاك اليوم وماعاد رجعتلها ..!!

آآآآآآآه ياذاك اليوم ......... !
حاولت تطرد عن بالها مشاهد ذاك اليوم المشئوم .. !

وقت تعالت الصرخات .. وعمّت الفوضوية كل مكان .. الكل يركض ويصرخ وينادي ..
قلبها كان ناغزهااااا من قبل !! وفز قلبها وقت لقت احساسها صدق !!!

طلعت الشارع واهي بالقوة تسحب رجولها ولاهي مستوعبة شصاير .. !
وبلحظة حسبت ان فيصل الي فيه شي .. !!

لما شافت فتون وحنان يركضون بالشارع ويصرخون ..
وشافت فيصل يمشي ويترنح قدام عيونها وبالقوة مسك باب الشارع واهو يطالع لنقطة بعيدة .............
التفتت أم فيصل لوين مايطالع .................
وكانت صدمتها عنيفة وقت شافت بنيتها بين إيدين صالح .. والدم يصب منها ومن راسها بشكل مُريع !!

صرخت مفجووووعة ..!! صرخة تردد صداها بأرجاء الحي كله !!

وش صار بعدها .. ؟
كيف وصلوا المستشفى ومين كان معاهم وشالي صار داخل السيارة .. ماتذكر !
إلي تذكره ان أول ماوصلوا المستشفى استلموا الدكاترة بنتها وأخذوها لغرفة العمليات ولا طلعت منها الا بعد 9 ساعات .. وفورا نقلوها للعناية المركزة .. !

أنقذوها وما أنقذوها .. أسعفوها وما أسعفوها .. عالجوها وماعالجوها .. لأنها على كل سوووه فيها .. لا صحت ولا فاقت .. !
ولسان حالها كنه يقول" كل الي سويتوه انكم أجلتوا موتي .. ولا أنا ميته .. ميته .. ! "

من نقلوها للعناية وإهي .. نايمة .. ساكنة .. !! مايندرى شصاب راسها .. ولا متى تفتح عيونها وترجع لهم من جديد .. !

حمدت ربها وشكرته على الإلهام الي ألهمها طول الساعات الي كانت بنتها بغرفة العمليات .. يوم رمت نفسها بسجادتها تشكوا لله وتدعيه وترجوه ..
أهو وحده المعين بهالوقت .. لا الطب ولا الناس ولا أحد يقدر ينقذ بنتها غيره سبحانه .. شكثر حست بالراحة يوم لجأتله .. وضبط على قلبها .. وخلاها تستوعب وقتها شالي طيح بنتها .. ؟؟

وانصدمت !! صُعقت !!
فيصل ضناها .. بِكرها .. اهو الي صدم بنتها .. زهرتها .. !!!
ياااااااااااااااااه !! يالله كيف بتلومه ؟؟ ولا تعاتبه ؟؟ وأهو ولدها .. وهذي بنتها .. و هذا قدرها ..
والأقسى من كذا ........ انه اختفى .. !!
بعد ماطاح الكل منهار قدام عيونه ..
أمه وأبوه بلغوه يبعد عن عيونهم ذيك اللحظة بالذاااات .. لأن مايدرون وش بيصير فيهم وفيه لو شافوه .. !
حنان صابتها حالة هيستريا وصارت تصرخ وتسب وتلعن فيه وتدعي عليه !!!

وخلااااص .. مااااااااتحمل يبقى بينهم .. !!!
وأهو يشوف انقلابهم عليه وباقي نظرات الاتهام واللوم بعيون الباقين ..
يكفي انه اهو متهم نفسه وحاقد على عمره ومنكوي بنار ضميره ..

يذكر ان كان في شخص وااااحد من بينهم كلهم .. يدافع عنه .. يبررله .. يحاول يمحي التهمة عنه !!
لكنه طلع عنهم .. لوين ماختفى لحاله .. ويا لهيب الندم .. وعذاب الحسرة .. !

ووصلته منهم أنواع الرسايل والرجاوي ..
بعد ماستوعبوا أخيرا المصيبة .. واستوعبو اختفاء فيصل ولا هان عليهم .. وأهو لو وش ماكان يظل سندهم وعزهم وغاااالي عليهم .. !

لكنه مارد على أحد الا بعد مئاااااات الاتصالات والمسجات والرجاوي ..
لما شاف رقم خالد وعرف ان حتى أهو رجع من سفرته ويدور عليه ..
رد عليه على الأقل خالد ماشهد على شي ..
يمكن يرحم قلبه من نظرات العتب !

’’
’’

دخلت الممرضة قسم ساره تطلب منهم يطلعون لأن في شخص يبي يدخل يشوفها .. وممنوع يدخل عليها أكثر من شخصين ..

حنان بتعب : يمه خليني عندها .. ودام واحد إلي بيدخل يصير مب لازم أطلع
ام فيصل : زين يمه بس انتي لازم ترتاحين .. صارلك اسبوع ماغفت عينك ساعه على بعض ..
حنان بغصة : ومن وين بتغفي عيني وساره بهالحال .. خلينا عندها أحس أستغفر الله اذا تركناها بيصير فيها شي ..!!
أم فيصل : ربي الحافظ ياحنان .. وانتي اذا ودك ترافقينها على طول لازم تروحين البيت ترتاحين لو يوم ولا ترا بتطيحين علينا ويصير لانتي الي رافقتي معها ولا انتي ريحتي عمرك ..
حنان بتنهيدة : الله المستعاااااان ..
ام فيصل وأهي تعدل غطاها : يالله أنا بطلع يمكن أبوك الي بيدخل ..

وطلعت تجر جروحها وراها .. تمشي مشيـة المنفطر قلبه .. والشاكي لله وحده سبحانه ينجي بنتها من هالمصاب .. الي ماحسبوله أي حساب !

طلعت ووقفت فجأة .. وشخص بصرها بالشخص الي قدامها .. !

قالت بصوت مرتعش : فـ ـ يـ صـ ـل .... ؟؟

مشى فيصل وكنه طيف فيصل .. خيال فيصل .. ميت من داخل ومنتهي !!

مسك أمه وضمها ودفن وجهه بكتفها واهو ينتفض بين إيديها ..
تفجرت ينابيع الأمومة والحنيــة بداخل أمــه .. بعد ماشبعت دموع وشبعت صياح وشبعت حزن .. ! دمعت عيونها واهي تضم ولدها .. وفيصل قال بصوت متقطع : سامحيني يمه تكفين سامحيني ..
ام فيصل من بين دموعها : شدعوة قلبي يقدر يزعل عليك .. انت ولدي واهي بنتي .. وهذا قضاء ربك ياوليدي .. بس ذاك اليوم صعب علينا نشوفك عشانك ياقلب أمك .. ماكان ودي انا وابوك نقسى عليك بوقت الصدمة ووقت الي صار لاختك !!
رفع فيصل راسه وباااس راسها وقال بخنقة : مو قادر أتخيل الي صارلها .. مو قادر أتخيل أبد !
أم فيصل والحزن مقطعها : هونها ياعمري وتهون .. قل الحمدلله يافيصل على كل حال !
فيصل بتنهيدة : الحمدلله .. وين أبوي ؟؟
ام فيصل : عند الطبيب .. شوي ويجي ..

هز فيصل راسه والتفت للشخص الثاني الي وراه وقال كنه حاس بالخوف : تدخلين معي ..؟
هزت فتون راسها بالموافقة .. اهي كانت عندها اليوم الصبح وشافتها بس مع احساس فيصل بالضياع جت معاه واهي عاهدت نفسها ماتخليه ولا لحظة لاينهار فيها وبتظل على طول معاه ..

أم فيصل : ممنوع ياقلبي يدخل أكثر من اثنين وانت بتدخل وحنان موجودة داخل ..
فيصل اتذكر وقال بضيق : آآه حنان !

طالعته أمه بألم .. حتى وأهو الجاني شالت همه .. وحز بخاطرها حاله .. خافت عليه ينهار لاشافها وقالت عن لاينصدم : قالولك شصارلها يافيصل .. ؟؟
هز فيصل راسه بضيق وعيونه ضايعة بالفراغ .. !

تركته أمه ومشت تقعد على الكرسي .. اهي منهارة من داخل وتحاول تصبر وتقوي عمرها .. شوفتها لولدها فجرت بداخلها آهات تتبعها آهات ..

حس فيصل فيها يوم تركته واتنهد بألم ..
مسكت فتون إيده وضغطت عليها وقالت : إدخل يافيصل وأنا باستناك ..
هز فيصل راسه وتركها ومشى لداخل العناية ..

أخذ نفس عميق واهو يدعي ربي يقويه ويصبره ويهون عليه .. وصل لمكانها ومسك الستارة بإيد مرتعشة .. بلع ريقه بصعوبة وفتحها ودخل !!

ضربت عينه بجسد أقل مايقول عنه ........ بقايا جسد !
هــــــاله المنظر الي شافه واتسمر مكانه واهو ماكان متوقع شي أقل من الي شافه بس صعب عليه ان يشوف خياله حقيقة مجسده قدامه !!
انتبه على صوت شهقة .. ! التفت وشاف حنان تطالعه وإهي مغطية فمها بإيدها ولا فاته نظرات اللوم الي بعيونها .. حس مع النظرات مزيج ثاني من نظرات المُقت !!

ماطول النظر فيها لأن مو هذا الي همه ..
بهالوقت اهو داخل عشان يشوف ضحيته .. دلوعته .. حبيبته .. !

مشى لين وصلها و نسى كل الي حوله !!
دارت الدنيا فيه وتاااااااه فيها واهو يطالع هالزهرة الجريحة ..!
جثى على ركبه بهدة حيل واهو يشوف الي صابها كله بسبته .. هذا الملفوف حول راسها بسبته .. الجبس الي مجبر سيقانها الصغار بسبته .. ذنبه !
التنفس الصناعي الي داخل فمها .. بسبته .. غلطته .. !
لا مو ساره الي تستاهل كذا ..

قال بلا شعور : لا ياروحي ليش انتي ؟؟ وليش أنا !!

مسك أصابعها النحيلة بطرف أصابعه وحس شصغر كفها جمب كفه !! انعصر قلبه بكل حنية وألم ..
قرب فمه وباس أصابعها ولا شعوريا لمعت الدموع بعيونه ..!
حس بإيد حانية تضغط على كتفه .. التفت شاف فتون واقفة جمبه .. وحنان مختفية !!
فهم بسرعه ان حنان ماتحملت تشوفه وطلعت ودخلت فتون بدالها ..!

حس بألم ينغز بصدره .. مسك إيد فتون الي مسكته وعاونته على الوقوف وشافته واهو يوقف ويضغط على صدره بألم !
قالت بخوف : شفيك ؟؟
فيصل مكشر بألم : مادري أحس وخز بصدري ..
ضغطت فتون على إيده وقالت : وخز ؟؟ فيصل لايكون صارلك شي بالحادث !
فيصل : لا لا .. مافيني شي .. (( ورجع يطالع بساره وقال بألم وأهو يتأملها : ياعمري .. شالي سويته فيك .. ؟؟؟
فتون وإهي تطالعها بحنية : لاتقول كذا يافيصل وادعيلها .. إهي ماتبي منا غير الدعاء ..
مشى فيصل لين راسها وانحنى وقرا عليها ودعى باسم الله العظيم انه يشفيها ويعافيها وباس جبينها من فوق الشاش .. وهز راسه بضيق .. وأبعد عنها ..
قال بتنهيدة : يالله .. ( ومشى ..
فتون عطت ساره نظرة أخيرة ومشت وسكرت الستارة ولحقت فيصل ومسكت إيده
التفت لها فيصل وشاف بعيونها نظرة مختلفة ! نظرة غيــــــر عن نظرات الكـل ..
حركت بقايا الأمل بداخله .. !
نظرة غير حتى عن نظرة أمه !!
نفس الاختلاف الي الي لاحظه بيوم الحادث !!! وقت كانت ردود فعل الكل غيــــــــر .. ورد فعلها إهي غير !

ترك إيده مرتاحة بإيدها لين طلعوا من القسم ..

مشى ووقعت عيونه على حنان الي مسرع دارت وجهها على الجهة الثانية..
انعصر قلبه عشانها وعشان شخص ثاني كان واقف ومعطيه ظهره ويتكلم مع الدكتور ..
تسارعت دقات قلبه يوم عرف الشخص ..
أبوووه ! .. ياويل قلبه من أبووه .. !

همس لفتون : مابي أشوفه الحين .. (( وغير مساره ..
مشت فتون معاه وايدها لازالت ماسكة ايده وقالت : ليه يافيصل ؟؟
فيصل : يكفي الي شفته بعيون الكل اليوم .. مو ناقص أبوي يقضي علي بعد ..
ماردت عليه لين وصلوا لأحد المقاعد الجانبية .. قعد وقعدت جمبه .. حطت ايده بحضنها متجاهلة أي اعتبارات ثانية ..
التفت فيصل وطالعها بصمت .. ونزل عيونه لإيدها المجبرة وقال بغصة : سلامات ..
فتون بهدوء : الله يسلمك .. ماصار شي ..
فيصل واهو منتهي : شلون ماصار شي .. شدعوة جبروها ..
فتون : رضة بسيطة ولاكنت أبيهم يحطولي شي بس أصروا علي ..
فيصل وأهو مضيق عيونه فيها : عاندي بكل شي فتون الا صحتك الله يخليك !
ابتسمت فتون واهي آآآخر شي تفكر فيه الحين .. العناد ! وحبت تريح خاطره وقالت : إبشر !
رفع حواجبه علامة الاستغراب .. أسلوب جديد هذا ماتعوده منها .. بس ماعلق وسند راسه على الجدار وسكر عينه وأهو يتنهد .. !
طلعت فتون جوالها بسرعه وكتبت رسالة لخالتها وأرسلتها .. رجعت الجوال مكانه وإهي تراقب فيصل .. اتمنت خالتها تفتح الرسالة بسرعه وتقراها قبل ماينتبه فيصل ويقوم من هالمكان ..
ظلت ساكته واهي تراقب ملامحه والعقدة الي بين حواجبه .. اتمنت هاللحظة لو تقدر تزيح الهم الجاثي على صدره .. لو تقدر تطفي نار الألم الي بقلبه .. اتمنت لو تقدر تريحه من عذاب الضمير ولهيب الحسرة ..

ضاعت عيونها بالفراغ الا انتبهت لخطوات قادمة ناحيتهم ..
رفعت عيونها شافت عمها أبو فيصل .. ابتسمت يوم الله حقق أمنيتها وقرت خالتها الرسالة وبلغت أبو فيصل بوجود فيصل بهالمستشفى .. وانه شايل هم يشوف أبوه ويشوف اللوم والعتب بنظراته ونبراته !!

شدت إيد فيصل واهي تهمس : فيصل .. أبوك .. !
فتح فيصل عيونه واتعدل بقعدته والتفت وشاف أبوه ماشي ناحيته ووجهه مكتسي بأنواع الحزن .. !
خفق قلبه بقوة وأهو يوقف ويراقب عيون أبوه لين اقترب منه .. ومد ايده لولده ومسكه وضمه لصدره وطبطب على ظهره .. !
اتأثرت فتون حيل من الموقف وأوشكت تبكي << إنتبهوا انها أوشكت !
ومشت عنهم وقعدت على الكرسي ..

أبو فيصل : أفا عليك يافيصل .. شكنت تتوقع من أهلك .. يطردونك ؟؟ يذبحونك ؟؟ عشان ذاك اليوم رفضنا نشوفك تروح تختفي مره وحده ؟؟؟؟
فيصل بضيق : يبه أنا نفســــــي ماتحملت أحط عيني بعين أحد فيكم وأنا السبب وأنا الجـ ....
ابو فيصل يقاطعه : يافيصل هذا قضاء وقدر محد يقدر يعترض عليه .. الي صاب اختك كان بيصيبها منك ولا من غيرك .. بس مو تسوي بعمرك كذا اسبوع كامل واحنا عايشين بدل المصيبة مصيبتين !! قلنا وينه عسى ماصار فيه شي عسى ماصابه شي .. لين دق خالد البارح وطمنا ..
فيصل : سامحني يبه كنت منهااااار وانتو منهارين .. وحسيت من ذاك اليوم ان قربي منكم بيأثر عليكم زيادة ..
ابو فيصل : ماله داعي هالكلام يافيصل .. شدعوة احنا ماعندنا دين ولا نرضى بقضاء الله ؟؟ المهم انت طمني عنك .. عسى ماصابك شي ؟؟
فيصل : لا و ليته صابني انا ولا اهي ..
ابو فيصل بضيق : بس يافيصل استغفر ربك .. الحمدلله على كل حال وانت ادعيلها عسى الله يشفيها ويقومها بالسلامة ..
فيصل بتنهيدة : آمين ..

ابو فيصل : شلون جيت ؟؟
فيصل : خالد وصلني وقال بيروح مشوار ويرجع ياخذني ..
ابو فيصل : خلاص امش معاي .. انا راجع البيت الحين ..
فيصل : يالله .. (( والتفت على فتون وهز راسه بمعنى يالله !

وقفت فتون ومشت لعندهم ومشت معاهم لين طلعوا من المستشفى .. وركبوا السيارة وراحوا للبيت وأبو فيصل طول الطريق ماغير يحمد ربه ويشكره على كل حال ..

ومن ضيق خاطره حب يذكر نفسه بالأجر والمثوبة وقال : تدري يافيصل .. !!
التفت فيصل لأبوه بصمت
ابوفيصل قال واهو مركز عينه على الطريق : الرسول صلى الله عليه وسلم قال اذا مات ولد العبد .. قال الله للملائكة : قبضتم ولد عبدي ؟؟ ..
يقولون نعم !
يقول : قبضتم ثمرة فؤاده ؟؟؟
يقولون : نعم !
فيقول : ماذا قال عبدي ؟؟
فيقولون : حمدك واسترجع !!!
فيقول الله : ابنوا لعبدي بيتا في الجنة وسموه بيت الحمد !!!
هذا وأهو مووووووت يافيصل !! فما بالك احنا أهون .. وربي نجاها من الموت .. ومانحمد الله ونشكره ؟؟
فيصل بعين شاردة : الحمدلله يارب .. الحمدلله ..

وصلوا البيت ونزلوا .. وفيصل يحاول مايطالع الطريق .. ولا المكان .. عن لاينهار خصوصا بعد ماشافها وشاف حالتها ..
فتح ابو فيصل الباب وفيصل وفتون خلفه .. التفتت فتون بلا سبب وانتبهت لواحد واقف بعيد يطالعهم .. عرفته أول ماشافته وكيف ماتعرفه واهي ياما تهاوشت معاه وكرهته .. بس هالمره حست نظراته غير عن كل مره .. كن فيها حزن !! ولا يتهيألها ماتدري بس طالعته من فوق لتحت ودخلت .. !
مشوا ودخلوا البيت وكانت منى ومرام ومشعل بالصالة ..
مشى ابو فيصل بعد مارمى السلام .. وطلع الدرج واهو يهلّي ويحمد ويستغفر ..

التفت عليهم فيصل وطالع بمشعل وعيونه الي مثل الجمر من الصياح .. ورجع طالع بخواته .. وشاف آثار الدموع عليهم أهم بعد .. اتنهد ومشى للدرج الا فتون تقول : فيصل اتعشى بعدين اطلع ..
فيصل بصوت اقرب للهمس : لاتجيبين سيرة الأكل أمانة .. بس الله لايهينك قولي لواتي تسويلي كوفي وتطلعه غرفتي ..
فتون : ................... آه .. واتي .. طيب !
ومشى وطلع الدرج وفتون تتبعه بنظراتها لين اختفى ..

مشت للبنات وهي تحاول تستجمع قواها .. الكل انهار الي إهي حاولت توقف بوجه المصيبة .. بلحظة انقلبت وصارت إهي المجفف لدموعهم .. بداخلها تتمزق آلاف المرات لكن ظاهرها هادي .. وبنفس الظاهر هذا مشت للبنات وإهي تقول : بسكم صياح يابنات ادعولها انتوا والله ماشوف أحد فيكم يدعيلها ..!!
مرام وإهي ترجع راسها على ورى وتقول بصوت منتهي من كثر مابكت : والله اني ليل ونهار ادعيلها بس كل ما أتذكر شكلها أحس قلبي يتقطططططع ..
منى : والله وأنا بعد .. ياعمري مابقى بجسمها جزء إلا انجرح أو انكسر ..
فتون بضيق : وانتوا تحسبون طيحتها سهلة ؟؟ زين انها ما ماتت وربي وانا أركض عليها أقول البنية مااااااتت بس الله حماها يوم طاحت على التراب .. !

مرام واهي مالها خلق : ودي أعرف شوداها لآخر الشارع !
مشعل بقهر : صلوووووح العلة الي تركها ..
منى بحمق : مشعل عيييييب ! اهو تركها بس كان ممكن ترجع البيت مو تروح آخر الشارع !!
مشعل : بس هو تركها عند بيت جيراننا الوحوش .. ذولا وحوووش !!

محد اهتم لكلامه .. ولا اعطوه اعتبار .. !!

وفتون مشت واهي تقول : الي صار صار والله يقومها بالسلامة وبس ..

أمّنوا كلهم ومشعل الي محد عبّر كلامه وقف وطلع للحوش .. أهو قالهم ان ساره كانت عند بيت جيرانهم ومن بعدها صار الي صار .. محد عبر كلامه لأنه صغير وعلى بالهم منفعل ..
عزم بداخله يعرف اهو الحقيقة !!
" فديت قلبك مشعلوه "

طلعت فتون الدرج بعد ماسوت الكوفي بنفسها .. للحين فيصل مو متعود انها اهي تسوي طلباته حتى يوم كانوا بأمريكا ماكانت تسويله شي !! هذا الي خلاه يقولها تطلب من واتي !
وصلت غرفته ودقت الباب .. وشوي وسمعت صوته .. فتحت الباب ودخلت ..
لقت فيصل قاعد بسجادته مبين توه مسـلّم !
حطت الكوفي على الطاولة ورجعت للباب وسكرته ..
طالعها فيصل بطرف عينه واهو مستغرب بداخله من حركتها الي تبين انها مو ناوية تطلع .. وقف بدون مايعلق .. ومشى للكوفي وأخذه وأهو يقول : مشكورة ..
فتون واهي تراقبه : العفوو ..
مشى وقعد على طرف السرير وصار يشرب الكوفي بهدوء وعيون شاردة ...

مشت فتون وقعدت قربه الا سمعته يقول بنفس النظرة الشاردة : مادري شلون صدمتها !! ركضت قدام سيارتي والله حاولت أتفاداها ! حست بالسيارة يمييييين يسااااااار بس كانت تلحقني ! وين ماكنت ألف كانت تتبعني ان رحت يمين راحت معاي وان رحت يسار راحت يسار كانت هي نفسها خايفة وماتدري شلون تركض !
اتنهد وحط الكوفي على الطاولة ورفع راسه واهو يتخيل : طارت مسافة عااااااالية ياقلبي عليها .. الصدمة لحالها مصيبة وهالطيران لحاله يوجع .. مو عاد طيحتها من بعده !

كانت فتون تستمع له بصمت تبيه يطلع كل الي بخاطره .. وبداخلها منوجع قلبها حيل من كلامه .. قالت تحاول تهديه : شي يوجع يافيصل صحيح بس لاتنسى إن ربي أرحم فيها منا .. احنا ندعيلها وربي ان شاء الله بيستجيب ويشفيها ويريحها ..

فيصل واهو يمرر صوابعة بين شعره بضيييييق : ياويلي شكلها وإهي راقدة بالسرير يكسر الخاااااطر .. ساره .. ؟؟ ساره اختي يصير فيها كذا ؟؟ وبسببي أنا ؟؟
فتون واهي تمسك ايده : فييييييصل .. لو بتلوم نفسك اجل كل واحد فينا بيلوم نفسه !! انا بقول اني السبب لاني طلعتك من البيت وقلتك تعال خذني ! حنان بتلوم نفسها لأنها اهي قالت لساره اطلعي لصالح ! صالح بيلوم نفسه لأنه تركها بالشارع ومانتبهلها !!! بس مايصير نفكر بهالشكل .. حبيبي فكر إن الله رايدلها بهالشي .. الحين ولا بعدين على إيدك ولا على إيد غيرك .. بس قول الحمدلله انها نجت من الموت !
فيصل بتنهيدة : الحمدلله .. ولو ان شكلها مايبشر بالخير .. !
فتون بنبرة أمل : الله كريم يافيصل ..
هز فيصل راسه والتفت للكوفي وقال : والله مالي نفس فيه ..
ورجع جسمه على ورى وعدل المخدة وانسند عليها .. وصار متمدد بنصف قعدة ..
فتون : بتنام ؟
فيصل : بحاول أحس اني دااااايخ ..
فتون : أوكِ .. أسكر النور ؟؟
فيصل : ايه بس الله يسعدك وافتحي الأبجورة ..
فتون : أوكي (( وقامت وفتحتها وراحت للنور وسكرته ومشت عنده وإهي تبتسم ابتسامة تسلب القلب ..!
فيصل رفع حاجب وطالعها بنظرة استغراب ضحكتها ..

استغرب شفيها جاية ؟؟ بس مافيه حيل يعلق ولا يحكي .. شافها وإهي ترفع الغطا وتقعد تحته .. وقربت منه وغطته بالغطا .. مدت ذراعها السليمه وحاوطت كتوفه وصوابعها تلعب بشعره بخفة ..
قربها منه بهالشكل وبهالوقت بث بداخله رااااااااحة ..
وبهاللحظة ماكان يحتاج ولا يبي غير هالرااااااحة وبس !

::

مرت نص ساعه ومشعل واقف عند باب بيت طلال ينتظره ينفتح .. دق الجرس أكثر من مره محد فتح وقرر يقعد لين يشوف طلال أو أخوه !!
بعد نص ساعه سمع صوت خطوات من وراه ..

التفت بسرعه وشـــــافه !! شاف طلال يمشي متجه ناحية البيت ..
ثارت أعصابه بلا مبرر وقال : أخيرا شرفت ..
طلال بهدوء مو من طبعه : هلا مشعل ..
مشعل : انا مو جاي عشان تهليبي .. أنا بعرف انت متى آخر مره شفت اختي !
طلال : ....... يوم الحادث !
مشعل وسع عيونه بصدمة وقال بانفعال : يعني تدري شصار فيها ؟؟؟؟؟ وأكيد شفتها لما كانت عند بيتكم صح ؟؟؟؟؟؟
هز طلال راسه بصمت ..
مشعل بانفعال أكبر : وش سويييييييييت فيها ؟؟؟؟ أكيد سويت شي وفجعتها ؟؟؟؟؟؟؟
طلال ساكت ومايرد !
هجم مشعل عليها وجره مع ملابسه وصار ينفضه بقوة واهو رافع راسه ويطالع فيه بقهر ويصرخ : رد علي شسووووويت فيها .. ؟؟؟ انا دااااري ان الي صار فيها من ورا رااااااااااسك!!
كان منظر مشعل واهو بقصر قامته مع طول قامة طلال شي مريب ومؤلم وغريب .. والأغرب ان طلال ماقاوم ولا دافع عن نفسه وصار يطالع مشعل بنظرة حزيييييينة .. !
مشعل بصراخ : اتكلـــــــم انطق قوووووول شسويت فيها !!!!!!
طلال بغصة : والله ماسويت فيها شي .. ناديتها واهي خافت مني وركضت عني وماعرفت طريقها من الخوف !
مشعل واهو شوي ويطق عرق فيه من القهر والصراخ : وليييييييش ناديييييييتها ؟؟؟؟ شكنت تبي فييييييييها ؟؟؟ ليش خوفتهاااااااا ؟؟ (( وصار يضربه على صدره بقوة وأهو يبكي ويصرخ : انت السبــــــــب .. اختي يمكن تمووووووت بسبتك انت ياوحــــش يا مجـــــــرم

" مشعـــــــــــــــــــــل "
شهق مشعل ودف طلال بقوة .. والتفت لصوت النداء !
شاف سيارة خالد ووراها سيارة صالح واصلين مع بعض ونازلين يطالعونه باستعراب وخالد رجع ينادي عليه : تعــــــال يامشعل !!
طالع مشعل بطلال وقال : والله لا خليك تندم ياطلال وأوريك شلون انتقم لاختي ..!!
وتركه واهو يمشي راجع ويشاهق ويمسح خشمه بخلف كفه ..
وصلهم وشافهم يطالعونه باستغراب وشاف حنان واقفة جمب صالح ..

خالد : شجاك يامشعل ؟؟ شفيك تتخانق مع الولد ..؟؟؟
مشعل طالع فيهم وقال واهو يشاهق : الحيووااااان طلال أهو الي خوف ساره ذاك اليوم وخلاها تركض بالشارع !!

انصدموا وطالعوا ببعض !!!

وحنان حست الدنيا تدور فيها من طاري ساره وذكرى ذاك اليوم .. مسكت راسها وطاحت على صالح الي تلقفها بسرعه واهو يقول بخرعة : حنان شفيك .. ؟؟؟؟
حنان بوهن واهي تكابد دوختها : ماقدر أوقـ ـف .. دخلـ ـنـ ـي صـ ـالح
مسك صالح حنان من ذراعينها وخالد أسرع فتحلهم الباب ودخلوا ..

التفت خالد لمكان ماكان طلال واقف لقاه مختفي !
طالع بمشعل وقال واهو مضيق عيونه فيه : أهو الي قالك ؟؟؟؟؟؟
مشعل واهو يبكي : ايه .. الحيوان النذل ..
رفع خالد حاجب وطالع بمكان طلال واهو يتنهد بقهر !!! اتذكر اليوم الي شافه فيه وكانت معاه ساره والتهديد الوقح الي كان يهددهم فيه !!

رجع يطالع بمشعل وقال : ادخل يامشعل .. وأنا أوريكم فيه !!
مشعل : لا والله أنا بانتقم منه .. بانتقم لاختي !
خالد كان وده يضحك .. مشعل ماخذ الدعوة حرب وانتقام وأهو صغير وبهالعمر !!!
شسوت فيهم الدنيا ؟؟؟؟

مسكه من ايده وسحبه واهو يقول : بس يامشعل لاتبكي أفا عليك انت رجال ! خلاص انا وانت نوريه شغله قريب ..
مشعل هز راسه بحماس .. !

دخلوا البيت وسكروا الباب .. وكل واحد منهم ثايره بداخله أنواع المشاعر .. القهر والحزن والضيق .. ! هالمشاعر الي صارلهم كـــــم عنها ..
وهالمره جاتهم ضربة وحده هدت حيلهم هد !

دخلت حنان غرفتها بمعاونة صالح .. وعاونها تفسخ عبايتها وسدحها على السرير
قعد جبمها وقال بحنية ولم وجهها بين إيديه وقال بحنية : تشربين شي ..؟؟
هزت حنان راسها بالنفي واهي مسكرة عينها بكل تعب ..
مسح على شعرها بخفة .. وظل على هالحال يتأملها لين حس أنفاسها انتظمت .. ونامت ..
قام بهدوء وقلبه متقطع عليها .. وطلع من الغرفة وسكر الباب ..
اتنتحح قبل مايمشي عسى مايكون أحد البنات بدربه ..
ويوم ماسمع صوت نزل .. !

لقى مشعل وخالد قاعدين بالصالة قعد معاهم ..
حاولوا يهدون مشعل ويسلونه ومو سهلة على طفل صغير يعاني كل هالمعاناة ويفكر بالانتقام والحزن بهالشكل !!

بعد ساعه
دق خالد على مرام الي كانت معتكفة بغرفتها بين أحزانها ودموعها ..
ردت عليه واهي يالله تحكي : هلا ..
خالد : حياتي البسي عبايتك وانزلي ..
مرام : على وين ؟؟
خالد : باخذك تغيرين جو واذا ودك نبات بأوتيل ولا أي مكان برا نبات ..
مرام كانت بحاجة لتغير جو واهي ضااااايقة فيها الدنيا .. من صار الحادث واهي بهالبيت ماطلعت وخالد ماتركها ولا لحظة وكانت تنام بغرفتها وكان ينام عندها ..
بس هالمره حب يطلعها يغير عليها عساه يريح نفسيتها شوي ..

وقف خالد ووقف صالح معاه .. باللحظة الي نزلت مرام لابسة عبايتها .. ومسك خالد ايدها وطلعوا ..
صالح قبل مايطلع حب يروح يشوف حنان ويتطمن عليها ..

طلع الدرج ويوم وصل غرفتها سمع صوت !!!
صوت منبعث من غرفتها !!
فتح الباب باستغراب وطاح قلبه يوم شاف الصوت صادر منها !!
كانت دموعها تسيل بلاشعور منها وتقول بهذيان :
صالح امسكها .. لاتتركها
لا ياطلال لااااااااا ..
ليه يافيصل حرام عليك ؟؟ حرام عليك .. !

هز صالح راسه بضييق ومشى مسرع ناحيتها وقعد جمبها وهزها وأهو يناديها : حناااان .. حنان قلبي .. !
سكتت وصارت تون أنين قطع قلبه ..
مسح دموعها واهو ينادي : حنان .. افتحي عيونك حياتي ..
فتحت عيونها وطالعته وقالت بصوت متقطع : سـ ـاره بتمووت ياصـ ـالح .. أنا ليه خليتهـ ـا تطلع من البيت ؟؟ مو معقول أنـ ـا أكـ ـون السبـ ـب بالي صار فيهـ ـا !
صالح وأهو يلم وجهها : اسم الله عليك حنان شهالكلام .. ؟؟؟ ساره طيبة وبتقوم بالسلامة ان شاء الله وانتي مالك ذنب بشي ! هذا الشيطان يوسوس فيك ويلعب بمخك اتعوذي منه حياتي ..
حنان بصوت متقطع : رجعني لساره ياصالح مابي اتركها ..
صالح واهو يمحس على خدها ويقول بحنية : ياقلبي انتي .. تبين تطيحين وتتعبين ويصيبك شي بسبة هالارهاق !!
حنان بنفس الصوت : بُعدي عنها بيتعبني أكثر ..
صالح برجاء : هاليلة بس ياحنان .. نامي وارتاحي هاللية بس وقلتلك بكرا أول ماتصحين دقي علي أرجعك !
تنهدت حنان وسكتت .. رفعت ايدها ولمت راسها واهي مكشرة بألم !
صالح : راسك يوجعك !
حنان : ......... مصدعـة ..
صالح : ياعمري .. أكيد وانتي اسبوع كامل مانمتي ولا ارتحتي .. (( وقام وقعد جمبها ورفعها وحط راسها على رجوله .. وصار يسويلها مساج بجبينها وراسها فترة لييييييييين هدت وارتاحت ورجعت نامت ..
مسح على شعرها ورجع راسها للمخدة واهي مو حاسة فيه ..
اتأملها بحنية واسترجع كلامها الي كانت تهذي فيه !! صدمة مو هينة على قلبك يابعد قلبي انتي !! آآآآآآآخ ليت الأيام ترجع ولا يصير الي صار .. ليتني مسكتها ذاك اليوم ودخلتها البيت ليتني ما ..... آآآه أستغفر الله العظيم .. !! هذا وانا توني أنصح حنان وأقولها اتعوذي من الشيطان الي يوسوس فيك !! اعوذ بالله من ابليس اعوذ بالله !
طالع فيها وانحنى وباس جبينها !
شال هم يروح ويتركها واهي بهالحال .. وقف وسحب كنبة صغيرة كانت بغرفتها .. قربها من سريرها وقعد عليها وسند راسه وسكر عيونه .. !

\
/
\

بخضم هالصراعات كل واحـــــد يلوم نفسه ويرمي عليها الاتهام ..
بحيث ان الحقيقة إهي ان هذا قضاء وقدر !! ومحد له دخل بمجريات هالقدر .. لو بنلوم أنفسنا على كل مطب نواجهه كان صرنا أتعس ناس على وجه الأرض ..
بس يجب علينا الإيمـــــان بالقضاء والقدر
ويكفينا قول الحبيب عليه الصلاة والسلام : انما الصبر عند الصدمة الأولى !

::

في الفندق على أحد البلكونات المطلة على شاطئ البحر الأحمر ..
كانت مرام واقفة على السور وماسكة بإيدها صور كانت مصغرتها بمحفظتها لأنها من أروع الصور الي عجبتها ..
كانت صوره لمرام وخالد بيوم المـلاك .. وسار واقفة بالنص بينهم ماسكة إيد خالد وإيد مرام !! اغرورقت عينها بالدموع وإهي تتأملها بالصورة .. كانت دايم تبتسم واهي تشوف الصورة ماكانت تظن ان بيجي يوم بتشوف هالصورة وتبكي !!..
تطايرت قدامها صور .. لعبها .. مرحها .. ضحكتها الي ماتفارقها .. وكيف صارت تستحي منها بعد ماتزوجت ! وطلبها الي طلبته من مرام قبل ماتسافر وقعدت تضحك إهي وخالد من هالطلب !

####

كانت مرام لابسة عبايتهاوشايلة ساره وتمشي فيها للصالة وتقول : هاه حياتي ماقلتيلي شتبين أجيبلك معاي ؟؟؟
ساره بضحكة : مااااعرف وس عندهم ؟؟؟؟
مرام : عندهم كل شي .. انتي بس قولي الي تبين
ساره : امممممم .. عندهم عربية لعروستي ؟؟؟؟
مرام : ايه عندهم .. تبين عربية لفلة ؟؟؟
ساره : ايه .. وعربية ثانية لي أنا ..
مرام : ههههههههههه شتبين فيها انتي ؟؟
ساره : ههههههه زي فلة
مرام : بس فلة ماتمشي .. ماتتحرك .. انتي ماشاء الله عليك تمشين وتتحركين ..
ساره : يوووه انتي قلتي اجيبلك الي تبين ..
مرام : ههههههه يعني مصرة ..؟؟؟؟
هزت ساره راسها بقوة واهي تضحك ..
ضحكت مرام واهي تحضنها وقالت : ان شاء الله ياقلبي اذا لقيت بجيبلك ..

####

صحت من ذكرياتها ودموعها تسل بكل ألم .. ليه كنتي تبين العربية ياغلا روحي انتي ؟؟؟
مسحت دموعها واتنهدت واهي تمرر ايدينها على شعرها بضيق ..
وقبضت على سور البلكونة بقوة كنها بتطلع الي بخاطرها فيه ..

شوي الا سمعت صوت من وراها وقبل ماتلتفت حست بقرب أنفاس من رقبتها وبوسة خفيفة تنطبع عليها ..
دارت وجهها شافت خالد واقف وراها ولم خصرها بذراعينه وهمس : شصحاك ؟؟
مرام واهي تسند راسها على صدره : أصلا مانمت .. !
خالد : ليه ياقلبي .. جبتك هنا عشان تروقين وتحاولين تنامين ..
مرام : مو بايدي ياخالد .. صورتها مو راضية تغيب عن بالي ولا لحظة ..
ضمها خالد لصدره أكثر وقال : بتقوم بالسلامة ان شاء الله ويصير هذا كله حكايات يجي يوم نتذكرها ..
مرام : يارب .. الله يسمع منك ..
ساد الصمت بينهم .. وبعد شوي مسك خالد ذراعينها ودورها ناحيته .. قرص أنفها وابتسمت مرام بخفة ..
دخل ايده بجيبه وقال : غمضي عيونك وافتحي فمك ..
مرام : شعندك ؟؟
خالد : غمضي وافتحي فمك وتعرفين ..
غمضت مرام وفتحت فمها واهي مو مخمنة وش بيحط ..
طلع خالد حلاوة من جيبه وفتحها وحطها بفمها ..
سكرت مرام فمها وصارت تتذوق الحلاو بشويش واهي لازالت مغمضة عينها ..
اتنهد خالد واهو يراقب حركاتها وقال : بلاش من هالحركات وذوقيها زين
ضحكت مرام وفتحت عيونها وطالعت عيونه الي ذايبة فيها ..
قالت بدلع : اممممم يجنن ..
خالد : انتي الي تجننين .. يالله غمضي عينك مره ثانية وافتحي فمك !
مرام واهي تضحك : كم حلاوة معاك انت !
خالد : أشكال والوان يالله افتحي فمك ..
غمضت مرام عينها وفتحت فمها واهي تترقب حلاوته الثانية .. حست فيه يوم حط شي بفمها بس استغربت يوم حسته يغزغز لسانها وبعد ماسكرت فمها انتبهت انه مو حلاو!!
افتحت عيونها واهي تفتح فمها بسرعه وتطلع الي بداخله وشخص بصرها فيه !
خالد : هههههههههههههههههههههههههه شرايك بورقة الحلاو مافيها طعم ؟؟
مرام : ههههههههه يييييع هذا انت عمرك ماكملت احسانك !
خالد :ههههههههههههه وانتي بكل مره توقعين بالفخ عمرك مافهمتيني ..
مرام : من كثر مقالبك .. ههههههههههههههههه
ابتسم خالد واهو يتأملها بحـب .. ضحكت واهي صار لها كم ماضحكت ..
وضحكتها هالمره تسوى عنده الدنيا ومافيها

::

*****
::

في الصباح ..
سكرت عبير الجوال بعد ماأنهت الاتصال من فتون وقالتلها ان فيصل جاهم وحكتها عن وضعه وحالته .. حزن خاطرها حيل عليه وعلى صدمته ووضعه ..

راحت لتركي شافته قاعد على مكتبه ويفتح بالأدراج كنه يدور على شي معين .. مشت له وأهو منحني ومررت صوبعها بشعره واهي تقول : شتدور ؟؟؟
رفع تركي راسه وقال: ريبورت عن القسم .. شتقول فتون ؟؟؟
عبير : فيصل جاء !!
تركي بفرح : صـــــــدق ؟؟؟؟؟؟؟
عبير : اي والله البارح .. ونفسيته عدم تقولي تعبت لين خلته يحكي !
تركي : والله مالومه لو انا مكانه انتحرت .. <<< مبالغة ..
عبير : الله يعينه ويعيننا معاه .. (( ومشت للكنب وقعدت عليه بميلان واهي تطالعه ..
تركي واهو يتأملها : أكلتي شي ؟؟؟
عبير : لا مابعد .. مشتيهة بيتزا !!
تركي بابتسامة : على صباح ربي ؟؟؟
عبير بضحكة : اي مادري شجاني لايكون أتوحم ؟؟

انقلب وجه تركي فجأة واختفت ضحكته ووقف ودار عنها وقال بصوت متغير : اذا تبينها دقي اطلبيها وماله داعي هالأوهام !
اتعدلت عبير بقعدتها وقالت وحواجبها معقودة : شفيك زعلت ؟
سكت تركي شوي كنه يحاول يضبط أعصابه .. وبعدها التفت وابتسم لها وقال : مازعلت وليه أزعل أصلا ؟؟
عبير : مادري حسيت وجهك اتغير فجأة ..
تركي يبي يضيع السالفة قال : تصدقين شهيتيني فيها .. يالله خلينا نطلبها سوى ..
ابتسمت عبير وحاولت تتناسي حركته ..

مشى تركي للتلفون وقال : اي نوع تبين ؟؟؟
عبير : اممممم .. تشيز ..
تركي : بس تشير ؟؟؟؟
عبير : ايه بس ..
تركي : اوكي ..
ودق على المطعم وشوي الا ردوا عليه وقالهم طلبها وطلب له أهو بيتزا ..
عبير فجأة : لحظة تركي ..
تركي يكلم الهندي : لحظة شوي .. (( والتفت عليها باستفهام .. وقالت : انت شطلبت ؟؟
تركي : بتيزا بالخضار ..
عبير : آه .. اوكي انا ابي معها بيبروني وخلها حجم وسط ..
هز تركي راسه ورجع يكلم الرجال وعدّل بالطلب .. الا شوي قال لعبير : يقول تبينها رفيعة ولا متينة ؟؟؟
عبير : رفيعة ..
وأول مارجع بيقول للهندي قالت عبير : متينه متينه ..!
تركي : عبير .. متينة ولا رفيعة .. ؟؟
عبير : متيييييييييييييييينة خلها تشبعني ..
تركي : مافيه متيييييييينة .. متينة وبس ماراح يمتنونها أكثر عشاننا ..
ورجع وقال للهندي ..
شوي الا عبير قالت : تركي تركي ..
التفت لها تركي واهو يقول للهندي : لحظة بالله .. (( وقال: ها ياعبير ؟
عبير : بيتزتك صغير ولا وسط ؟؟؟
تركي : صغير ..
عبير : لا خلها وسط بذوقها معاك ..
تركي : ههههههههه جوعك كفر .. (( ورجع للهندي وعدل بالطلب .. الا شوي عبير تقول : اسمع تركي !
وسع تركي عيونه فيها بطريقة خلتها تضحك وقالت : امانة قول لحظة ..
تركي يكلم الهندي : لحظة يالحبيب عندنا وحده تدلع علينا هنا .. .. شدخلك شتقول ؟؟
عبير : ههههههههههههههههههههه يسألك شقول ههههههههههههههه مب صاحي ..
تركي وأهو يضحك : شبغيتي ؟؟؟
عبير : دامك طلبت الخضار وسط خلاص خلي التشيز صغير لأن ماراح ناكله كله ..
تركي : زين ..
وأول مارجه للهندي قالت عبير : ولا أقولك .. !
أشر تركي بإيده لها تسكت وقال للهندي : أقول يالاخو .. كنسل الطلب ! اي كنسل كل شي .. كيفي يبه بطلت عاد .. يالله سلام ..
سكر السماعة والتفت لعبير الي تطالعه بصدمة وقال : قومي البسي ..
عبير : .... ليه ؟
تركي : باخذك للمطعم وهناك اتحيري واختاري زي ماتبين ..
عبير : ههههههههه تاخذني بس عشان نطلب خلاص قلتلك الي أبي ..
تركي : لا بنطلب ونقعد ناكل يمكن تشتهين شي ثاني مايندري انتي جوعك مستخف هالمره ..
ضحكت عبير وقامت بحماس وعيون تركي تتبعها .. أخذت عبايتها والتفتت تبي تقوله شي وبترت كلامها يوم شافته قاعد مكانه ويتأملها بطريقة استغربتها !!
قالت بضحكة : شعنده الأخ معجب ؟؟؟؟
تركي وأهو يسند ظهره على الكنب : آآآآآآه لو جت وراحت على الاعجاب كان احنا بخييييييير .. البلا لا صار قلبك ليل نهار متولع ..
ولع وجه عبير وقالت : ياقلبي لهالدرجة تحبني ؟؟؟
ضيق تركي عيونه فيها وقال : لا والله ؟؟ شرايك أجاوبك بتصرفاتي ؟؟
عبير بغباء : اي صح هذاك بتاخذني المطعم !
تركي : احلفي بس ..
عبير : هههههههههههههههههههههههههههههههههه ..
ابتسم تركي ووقف واهو يغني :
القلب سلم لك أمـره في حالتي إنت أدرى
ياللي حنانك وطيبـك تنحط ع الجرح يبرى

شفـاف يانور عينـي حبوب قلبـك يبينـي
زهرة شبابي وسنيني تفداك ألفيـن مـره

الله لـمـا تّـكـلـم كنـك تغنـي ترنـم
الـورد منـك تعلـم والشاعر يضيع شِعره

حنون ربي يصونـك في طيبتك في عيونك
دنياك حبي وكونـك ياطيب عمري وعطره

فديت صوتك فديتـك شفتك عشقتك هويتك
ياليت تدري ياليتـك غلاك ياكبـر قـدره

تأملته عبير واهو يغني ويمشي ويفتح الدولاب ويطلع ثوب وفجأة التفت وقال : الحين مو من حسن التبعل انك تجهزين ملابس بعلك ؟؟؟؟
عبير : وشووووو ؟؟ بغلي ؟؟؟
تركي : عبيــــــــــــــــــر ؟؟؟؟؟؟؟؟؟؟؟؟؟؟
عبير : ههههههههههههههههههههه شطرالك على هالكلمة طيب .. (( وصارت تطالع وجهه واهو معصب وتضحك أكثر : ههههههههههههههههههههههههههههه توك تغني فيني شهالانقلاب ههههههههههههههههههههههههههههه
ضحك من ضحكها وهز راسه وأخذ ثوبه وراح للشماعة يلبس ..
عبير واهي تلف طرحتها عند المرايه وتقول : دامنا بنطلع تركي ودي أمر على الصيدلية أبي شوية أغراض ..
تركي وأهو يصك أزاريره : ان شاء الله ..
عبير : واذا ماكان عندك شي ودي أمر بعدين أشوف ساره ..
تركي : ابشري ..
عبير : بتروح تشوف فيصل ؟؟؟
تركي : ان شاء الله ..
عبير : زين خذني معاك خلني اقعد مع البنات ..
تركي : حاضر ..
عبير : هههههههههههههههه شعندك مع هالطاااعة ..
ابتسم تركي وقال : ينقص لساني ولا ارفضلك طلب ..
عبير : يابعد عمري ويلوموني فيك .. (( ومشت له بحبور وضمته وقالت : أحبـــــــك تركي ..
تركي بتنهيدة : وهذا بلى أبوك ياعقاب !
أبعدت عبير عنه وقالت باستغراب : حبي لك بلى ؟؟؟؟؟
تركي بابتسامة : مو بالطريقة الي انتي فاهمتها ..
عبير : أجل وشو .. فهمني ..؟
تركي : مافي شي عبير بس خلي يومنا يكتمل حلو زي مابدا حلو ..
عقدت عبير حواجبها تحاول تفهم قصده ... الا تركي قال : قلتي أحبك تركي ؟؟؟؟؟
عبير بابتسامة : ايه ..
تركي : المفروض أرد عليك (( وبغمزة : أحبــــــــك عبير .. ! وباسها ومشى واهي ميته بداخلها منه .. وبنفس الوقت تفكر بتناقضاته الي تظهر مرات بكلامه .. بحركاته .. بردود أفعاله !!
فيك شي ياتركي ومو راضي تقولي عليه .. هل انا بغبائي مافهمته ؟؟؟ ولا انت كنت من الغموض لدرجة اني ماعرفت شي .. !
انتبهت انه مشى عنها ووصل للباب .. سحبت شنطتها بسرعه ولحقته وإهي تحاول ترمي حيرتها وراها وتكمل اليوم حلو زي ماقال تركي !

****

.. وقت المغيب ..

نزل فيصل وتركي من السيارة وخبطوا بأبوابهم بنفس اللحظة مصدرين ضجيج خلى الي حولهم يلتفت باستغراب .. !
مشى فيصل متوجه للبحر وتركي قفل السيارة ومشى وراه .. قعدوا على الطاولات الخارجية وطلبولهم كوفي ..
تركي : فيصل هذا وانت فاهم الدين ومؤمن بالقضاء والقدر تقول هالكلام .. أجل لو غيرك وش سوى ؟؟
فيصل : يمكن انتحر !
ضحك تركي بخاطره وأهو الي قال لعبير نفس الكلام .. وابتسم وقال : يعني انت الي سويته أهون .. انت قاعد تنتحر بس بالبطئ .. !!
فيصل بتكشيرة : والي صار هين ياتركي .. أصدم اختي يالبى قلبها وأرميها بالمستشفى تصارع الموت ؟؟؟؟ شي سهل بالله عليك ...؟؟
تركي : ماااااقولك سهل .. ولا قولك قم ارقص وغني .. بس انت قاعد تعترض على قضاء ربك .." أنا السبب .. ليش اختي وليش أنا .. واهي شذنبها .. وانا كيف بعيش باقي عمري ".. !! كلامك هذا الي أبيك تبطله وهالحالة الي أبيك تطلع منها وتفكر فيها بطريقة ثانية وتقوي قلبك وتدعيلها ..

دق جوال تركي ويوم رفع لقى خالد المتصل .. رد عليه وأهو يطالع فيصل الي يتأفف ويمرر صوابعه بشعره بضيق : هـلا خـالد .. ايه وينكم ؟؟ (( رفع راسه يدوره أهو وصالح ويقول : ماشوفكم !! ايه احنا بالطاولات الي برا .. ايييييه شفتك .. التفت يمين .. يمييييييين ياللوح مب يسااار .. هههههههه هلا ..
وسكر منه وجاهم خالد أهو وصالح وسلموا عليهم وسحبوا كراسي وقعدوا وصالح يقول : متى طلعت يافيصل جيت من الصلاة مالقيتك ..
فيصل واهو ماله خلق : طلعت مع فتون ويوم دق تركي وقالي انه ببيتنا رجعت .. (( وضيق عيونه بصالح وقال : شلون حرمتك ؟؟
صالح : خالتك .. ؟؟
فيصل : عندك حرمة غيرها ؟؟؟؟؟
صالح بابتسامة : لا أفا عليك .. بخير الحمدلله ..
فيصل : وينهي ؟؟
صالح : توني وصلتها البيت ..
فيصل : أشوا لأني بغيت أمر أشوف ساره ..
خالد : يافيصل روح شوف اختك ولا تتهرب من أحد .. خلاص الي صار صار والي معترض ومو متحمل عاد الله يعينه ..

طالع صالح فيه بنظرة حمق ومارد ..

خالد واهو متجاهل نظرته : كلنا انصدمنا وضاقت صدرونا بس مو نعادي بعض ولا نتحمل بعض !!
تركي يبي يرقع : يمكن لأن توها الصدمة واذا مرت فترة عليها تبدا تتقبل ..
فيصل : ياشيخ انا والله ماهمـــــــني أحد .. أبي أختي تقوم بالسلامة وبس ..
خالد : يارب .. بهالوقت الفضيل الله يشفيها ويعافيها وترجع مثل قبل وأحسن ..
كلهم : آآآمين ..

جاب العامل الكوفي وصب لهم وبهالوقت دق جوال فيصل .. طالع الرقم وأبعد كرسيه ووقف واهو يرد : هلا ..
فتون : هلا فيصل وين رحت ؟؟؟
فيصل : طلعت مع تركي والشباب .. فيه شي ؟؟؟
فتون : لابس حسبتكم رايحين مشوار بسيط وراجعين استغربت يوم اتأخرت ..
فيصل : قلقتي يعني ؟؟؟
فتون : ........ ايه ..
فيصل : أهاا .. انا مو بزر فتون .. خليك مع اختك والبنات وساعه بالكثير ونرجع ..
فتون : ( صمت ) .......
فيصل : معاي ؟؟؟
فتون : اوكي فيصل سلام
فيصل : فمان الله ..

سكر الجوال ورجعه جيبه وركز عيونه بالبحر واهو يفكر فيها .. من رجع البيت واهي مرافقته مثل ظله ! ماخلته ولا دقيقة بروحه ماغير تهدّي فيه وتسمعله وتسمّح خاطره ..
اتذكر الليلة الي فاتت شلون ظلت طول الليل صاحية جمبه .. ويوم صحى قامت معاه مع انه حاول فيها تنام بس رفضت وطلعت معاه وأفطرت وياه .. كنها تبي تحميه من اتهامات نفسه واتهامات غيره .. خاصة مع الآلام الي يحسها بصدره بين فترة والثانية هالشي الي قلقها وخلاها ترافقه كل لحظة عن لايطيح لاسمح الله ومحد حوله !

مافكرّ شالي غيرها .. ولا شناوية عليه .. ولا شالي يدور بفكرها وبقلبها
أساسا مافيه حيل يفكر ... تعــــــــب من التفكير والهواجس ..
طيحة أخته هدت حيله وخلته ماعاد يفكر ولايهتم بشي .. فتون رجعتله ويمكن بشكل أروع من الي كان يحلم فيه .. خلاص موهذا الي يبيه ؟؟؟ مو هذا الي كان يتمناه ؟؟ أجل ليه يدقق ويفكر ويوسوس .. خل الأمور تمشي بطبيعتها .. حس انه لو حكى أو علّق يمكن تنقلب الموازين من جديد .. عوره قلبه من هالطاري .. مايقدر ينكر ان قُرب فتون محسسه بالأمان وان الدنيا فيها خير والأمل مااختفى بريقه ..
اتذكر انه قالها ساعه وبيرجع ومع وضعها الي اتعوده منها هاليومين خمّن انها بتنتظره .. وإهي تعبانة ومانامت ولاحب يتعبها معه أكثر ..

دق عليها ولا شعرويا ابتسم بترقب لسماع عذب صوتها .. وماطال انتظاره يوم وصله صوتها كنغمة تسحر كيانه : هلا فيصل ..
قالت فيصل حاف .. ومع كذا ...... سمع اسمه بين شفاتها بشكل غير ..يحسه لاطلع منها يحمل بداخله أعذب المعاني !
قال بهدوء : هلا فتون .. بغيت أقولك لاتحتريني يمكن أتأخر يمكن أمر ساره يمكن نتعشى برا .. فاذا تبين تريحين ولاتنامين خذي راحتك ..
فتون متجاهله كلامه : انت شلونك ؟؟
فيصل : الحمدلله طيب ..
فتون : أكيد ؟
فيصل : ........ ايه .. ليه شفيه ؟؟
فتون :مادري خاطري مو مرتاح وانا مو معاك ..
فيصل : ياقلبي انتي .. لا ريحي خاطرك وريحي بالك وناميلك شوي ..
فتون : اوكي وين أنام ؟؟
فيصل : كيف وين تنامين ..
فتون : وين أنام بأي غرفة بأي سرير ؟؟؟
فيصل : .................... انتي وين كنتي تنامين قبل ما أجي ؟؟
فتون : مالي مكان محدد .. كل ليلة مع أحد على حسب حالتهم النفسية ..
فيصل : أهاا .. أوكي نامي بغرفتي مؤقت لين ...
فتون : لين ؟
فيصل بتنهيدة : لين ننقل جناحنا ..
ابتسمت فتون وقالت : حلو .. يالله انتبه على نفسك
سكت فيصل شوي .. وبعدها قال : ان شاء الله ..
فتون : سلاااااااااااام ..
وسكرت واهي تبتسم بفرح ... مافرحها غير تقبله لرجعتها وهذا الي شالت همــه من قبل ..
مشت واهي تترنح بتعب وتضحك على عمرها .. طالعت نفسها بالمراية وشافت وجهها شكثر تعبان وملامحها ذبلانة وعيونها نعسانة .. هههههههههههه شصار فيك يافتون ؟؟؟ شهالانسان العمـلاااااااق الي يسكني .. ؟؟ شهالنفسية المتقلبه الي أعيش فيهاااا .. طالعت نفسها من فوق لتحت وضحكت بلا سبب .. اليوم بننقل جناحنا فيصل .. اليوم بإذن الله !! ههههههههه بروووح أنام فيه الحين ..!
ضحكت ومشت وشوي الا وقفت واهي تفكر !! طيب اوكي ننقل له اليوم لكن شدعوة بروح انام فيه الحين ؟؟؟ اختي والبنات برا وانا بروح انام ؟؟ بس آآآآه تعبااااانة راسي يوجعني والله وجسمي طاااايح .. شدي حيلك فتوووووون البنات محتاجينك ذولا كلهم صياح ودموع ومحد فيهم يصبر الثاني ماغير يزيدون على بعض !

دخلت الحمام وفتحت الحنفية وانصبت الموية .. حطت ايدينها تحت الموية وصارت ترشرش وجهها بالموية واهي تحس بانتعااااش ..
مسحت وجهها وطلعت ونزلت للبنات ..

شافت حنان رابطة راسها بطرحتها ومنسدحة على رجول عبير .. وعبير عيونها محمرا شكلها كانت تبكي .. ومنى قاعدة نص قاعدة وتقلب بجوالها .. ومرام قاعدة جمبها وساندة راسها على كتف منى ..

مشت واهي تقول : بليز بنات ارحمووووني .. خلاااااص ترا وربي تعبت ..
مرام : امشي اقعدي ..
فتون : مااااااابي اقعد معاكم وانتوا بهالشكل .. وجعتوا قلبي والله ..
منى : ياقلبي يافتون تعالي تعالي أمانة ..
مشت فتون ورمت نفسها بقوة جمب منى ومسكتها منى وحضنتها واهي تقول : فدييييييييت مرة أخوي الغالية والله قطعت قلبها وتعبت عمرها معانا ..
فتون : شدعوة يامنى .. والله خاطري اشوفكم أقوى من كذا ومرتاحين بس ماكو فايدة انتوا كله دموع وصياح ..
مرام : عاد غصب علينا .. (( والتفتت شافت التعب بعيون فتون وقالت بحنية : فتون قومي ياقلبي نامي شوي وارتاحي .. انتي النهار كله مع منى ومشعل والليل معاي ومع فيصل مايصير ..
فتون ابتسمت تحاول تخفي الانهيار بداخلها وقالت : عادي مرام مو تعبانة وودي أكون مع فيصل أول مايجي ..
قعدت حنان واهي تتأوه بتعب .. والتفتت لفتون واهي يالله تفتح عيونها وقالت بضعـف : شلون فيصل يافتون ؟؟
فتون : بصراحة مو بخير ..
لمعت عيون حنان بالدموع وقالت : حاولت أقوي نفسي وأشوفه وأسلم عليه بس مو قادرة .. مو قادرة أحط عيني بعينه !
فتون : فيصل فيه الي كافيه حنان .. مايصير احنا نزيد عليه وانتي عارفة انه هذا قضاء ربك ليه تعاقبينه .. ؟؟ تصدقين البارح كان يفكر يطلع من البيت ويعيش برا ويجي هنا زيارات بس عشانك .. وعشان الي موطايق يشوفه ؟؟؟
حنان : ياعمري مو لهالدرجة .. أساسا انا حسيته اهو مو طايقني من بعد ذاك اليوم وقت قعدت أسب وألعن فيه ..
منى : ذاك اليوم محد يلوم الثاني عاد .. وكلنا عارفين شالي صابك ومحد محاسبك ..
فتون : بالعكس والله ياحنان فيصل زود على الي فيه من اخته بعد متعذب عشانكم !! مايصير تحسسونه بالذنب فوق ماهو حاس ومتعذب ..
حنان : مو قصدي وربي بس ....... لما أشوفها و .. أشوف منظرها .. أزعل حتى من نفسي اني تركتها و خليتها و ....... (( غطت وجهها بإيدها وصارت تبكي ..
ضمتها عبير من كتوفها واهي تقول : خلااااااااص تكفون غيروا السااااالفة ..
وقفت مرام وقامت عنهم وإهي تكابد دموعها .. وفتون قامت وقعدت جمب حنان وعطتها مناديل وصارت تطبطب عليها وتهدّيها ..

وبعدها فترة هدا الوضع نوعا ما ..
ودق خالد يقول لمرام انهم جايين بالطريق ..

بعد عشر دقايق وصلوا .. ودخلوا البيت بعد ماتستروا البنات ..

كان أول من دخل فيصل وخلفه الشباب .. والتفت بتلقائية وضربت عيونه بعيون حنان واتعانقت نظراتهم .. !!

" لاتعذبيني يا حنان ....تراني بروحي منتهي "

" ليه ياخوووي .. طفيت شمعة بيتنا وفنرها "

" ليت الأيام ترجع !! والله ماكنت بخليها بروحها "

" ذبحت قلوبنا فيصل .. خليتنا نقسى عليك غصب عنا "

" سامحيني حنان "

" سامحني فيصل "

مشى لها وإهي وقفت كنها تترقب قدومه .. وعيونهم معانقة بعضها وأول ماوصلها رمت راسها على صدره وضمتــه وانهمرت دموعها ..
ضمها فيصل واهو يتنهــــــــد ويمسح على راسها ويقول : سامحيني حنان .. سامحوني كلكم ..

ردت عليه شهقاتها .. دموعها .. آهاتها ..
نفس الدموع الي كانت تسكن عيون كل الي حولهم ..
نفس الآهات يتردد صداها بكل ذرة تسكن كيانهم ..
واهم مايدرون شكاتبة لهم الأيام الجاية ..........؟؟

أرواق تحمل أمل وابتسامة وتنقلهم لدنيا هانية .. ؟؟
ولا دموع أول ماتجف تنولد بعدها دموع وأحزان ثانية !!

::

! ملخــــــص عنيف !

مرت الأيـــــــــام .. تتبعها الأيام لين انقضى شهر أتبعه شهـــــــــر .. لتلحقه شهوووووور مرت بسرعة البرق !
وين ماكانت الأحزان تلاقي طريقها لقلوب المعذبين تحت ضغوط هالدنيا .. الا انها كانت تتفنن بتعذيب قلوب أبطالنا ..!!

مثل الغريق متمسك بطوق النجاة .. يبي هـــــــواء .. كان الأمل !

مثل الضعيف يتبع سراب .. وسط الصحـــــراء .. كان الحلم..!

كالمحتضر يتمنى يرجع يمحي بحياته واجد أشيـــــــاء .. كان الندم !

ولا اللذي تعلقت روحه وسط الهاوية .. يرجو الأمان .. كان الرجــــــاء .. !

وأثنـــــاء هالظروف اليتيمة .. تولد مشاعر من نوع غير .. وبشكل غير ..
كيف استغلت دنياهم هالمُصاب لتقربهم من بعض أكثر وتعلقهم ببعض أكثر وأكثر .. !
كل القلوب الملتاعة .. بلا استثناء .. !

وبيــــــــوم ..
كانت الدنيا تعيش الشتاء .. تلمع برق وتصدر رعد وتهطل غيث ..
ومناطق تنعـم بالثلوووج .. ومناطق تغرق بالمطر ..

بس جده غير .. وإهي دااااايم غير ..
وكان شتاها غير !
شتاها نسمات باردة تهب بهدوء .. وتقشعر كيان الي ماتعود على البرد ..

وبهالوقت ................................
هبطت طيــارة على أراضيها الباردة .. تحمل بداخلها اثنين ودعوا الغربة أخيرا ..
واحد يحس انه ملك الدنيا ومافيها .. لوداع الغربة.. ولعودته لأحضان ديرته وأهله .. .. ولقرب موعد زواجه ..!!

والثاني .. كان يحــــــــس بجبل من الهموم مثقـّل على صدره .. محد يهوى الغربة ويبيها .. بس شيسوي لاكانت معشوقته فيها ؟؟ وتركها .. ورحل عنها .. !!
وأهو يشوف بعيــــونه .. طريق الصعااااب مرتسم .. !!
وبيمشي فيه .. بيدوس على جمره .. بيتآذى بأشواكه .. لعله يوصل لنهايته .. وتكون نهاية تخمــــــد كل النيران الي بتكوي روحه وقلبه طول الطــــريق ..
ترك وعـــد .. وترك معها الوعد ..
وسافر أهو .. وظل الوعد .. وبيتحدى العالم كله .. لجل الوعد..!

### ### ### ### ###
### ### ###
### ###
###

إنــ هــ مــ ار الــ ذ كـــ ر يـــ ا ت

: انا أكلمــك بالطيـــب ياسعود !!! لا تحطم بقلبي آآآآآخر أمل باقي فيك !!!! لا تولد بقلبي شكــوك عن كل مـــاضيك !! لا تخليني أصيـــر أبو خــالد ماأتشرف باني أبو سعــــود !!!!!

###

: ياأنس اذا أبوي ما وقف معاي مو معناه انسد طريقي .. أنا كلمت أمي وخواتي وعلى كبر صدمتهم الا انهم بالآخر رضوا واتفهموا .. ووعدوني يكلمونه ونشوف آخرتها ..
###

: سعود ياوليدي .. ابوك الي عمـــره مارفع صــــــوته علي .. هالمره مو بس رفع صوته .. هالمره هددني بالطـــــلاق !!!

###

: بتكلم .. جدي ؟؟؟؟؟؟؟
: ايه يا خالد .. لا انا ولا انتوا ماقدرنا عليه .. يمكن جدي يقدر ويقنعه .. يمكن جدي يطلع غير عنهم سبحان الله ماتدري !!

###

: وصلت فيك المواصيل تسوي كذا ياسعــــــــــــــود .. رميت بكرامة جدك وعمانك ورى ظهرك .. انت ياسعـــود .. انت ؟؟؟ انـــــــ ................. !
: يبـــــه .. اسم عليك .. يبه رد عـــلي !!!!!
: شصااااار على جدك ياسعود شصاااار فيه ؟؟؟؟؟؟؟؟؟؟؟؟؟؟؟

###

: انت لازم تساعدني يا أنس لازم !!
: شتبيني أسويلك ياسعود .. شوفني كملت اسبوعين من تزوجت والله أجامل العروسة وأضغط على قلبي وأحاول أنسى سالفتك ولا والله ان قلبي معاك بس مو بايدي شي !!

###

: عمي أهو مامشى بالحرام .. اهو أخذها على سنة الله ورسوله ..!!
: الزواج لا صار بدون علم ورضى الأهل هذا مو زواج .. هذا طعنا بظهرونا يا أنس .. وانت طلعت مؤيد له ومعاون ياخيبة رجاي فيكم !!

###

: سعـــــود وش بتسوي الحين ؟؟؟؟ بتطلقها ؟؟؟؟
: لا يافتووووووون مو مطلقها لو تنطبق السماء على الأرض !!
: ها أجل بتعلقها ؟؟؟ صارلها كم شهر معلقة وماظن بتخليها كذا طول العمر .. !!!

###

مـ تــ فــ رّ قــ ا ت

شخص بصرها وغطت فمها بإيدها تمنع شهقتها !!!
رجعت بخطواتها بسرعه على ورى وبعدها دارت وركضت مبتعدة والكلام الي سمعته يدوي براسها ويهد كيانها .. وقفت وسندت ايدها على الجدار واهي تغمض عينها بقوة .. ياليتني ماجيت ولا سمعت شي .. ياليتني مادريت عن شي .. ياليتني ظليت على عمااااااااااي !!!

###

: وين نهى ؟؟؟؟؟؟؟
: مادري يبه حتى منال ماتدري ... لها كم يوم صاكة على نفسها وماتبي تطلع وتكلم أحد !!!

###

: الشي لا حفرنا حفرة ورميناه فيه .. هل ممكن ننكث الحفرة من جديد ونطلعه ؟؟؟؟
: ................. ايه ممكن ..
: واذا حرقناه .. نقدر نسترجعه ؟؟؟؟
: ............ لااا !
: يصير وأنا أبوك الكلام الي سمعتيه مابيك تدفنينه .. أبيك تحرقينه حرق يانهى !!!! فهمتي .. ؟؟؟ تحرقينه وتنسيييييييينه !!!!

###

: سعود زين كلمها .. رد عليها .. وضحلها الوضع الي انت فيه !!
: مابي اكلمها ياعبير تكفين .. أقولها الي كنتي خايفة منه صار وألعن بعد !! خليني ألقى خيط أمل واحد وعقب يصيرلي وجه أكلمها ..

###

: هذا ماكان يحبــــــك .. هذا كان يستغلك !! كان يبغى يفرّغ عن عواطف اجتاحته فترة ويوم انتهت حاجته منك رمــــــاك وخلاك !!
: لا غلطانة .. انتي ماتعرفيه زيي .. انا عارفة ومتأكدة انه يحبني ويبيني بس واجهته ظروف مره صعبة ..
: أوكي وليه ماكلمك ليه ماقالك ؟؟؟؟؟
: مـــــــــــــــادري ياشهـد مااااااااادري !!

###

: سعود ياقلب أمك ودّك تخسر أبوك ؟؟ جدك وعمانك ؟؟ ترا لو علي جبتها لك وعيشتك وياها بأحلى جنة .. بس مو بايدي ياقلي وخلاص لازم تاخذ بنت عمك !

###

: عبير معقولة منال ماحست بشي ؟؟؟؟ مادرت عن شي ؟؟؟؟؟
: والله مادري يافتون .. حالها إهي ونهى غريب .. ! تصدقين حتى نهى متغيرة وأحسها دارية وساكته .. !!
: آآآآآخ الله يستر منهم ويعين أخوي .. وانتي أخبارك ؟؟
: بخير الحمدلله .. أخبارك انتي وفيصل ؟؟؟
: أنا تمام أما فيصل هههههههههه من طلعت أخته ماعاد يعرفني !
: هههههه ياعمري عاد ليتها تعرفه ..
: آآآه اي والله ليتها تعرفنا كلنا وتتذكرنا ............. !!!!

###

: نوووووووووووووووووو وايييييييي !!
كمان ماااام .. بلييييييييييز مااااااااااااااام ..
لاااااااااااااا لاااااااااااااااااااااااااااااااااااااااااااا !!
مااااااااااااااااااااااااااااااااااااااااااااااااا اااااااااا ااااااااااااااااااااااااااااام !

###

: سعود ابتسم والي يسلمك الليلة زواجك خلاص عيش اللحظة الي انت فيها وانسى .. ادعي الله يكتبلك الي فيه الخير ويفرجها .. طالع وجهك كنك رايح عزا مو زواج !!

: غريبة هذا كلامك انتي بعد يافتون ؟؟؟؟؟؟

###

طالعته بنظرة حزينة وقالت : ان كانك ماتبيني ياسعود أجل ليه اتزوجتني .. كنت قلتلي بيني وبينك وانا بانهي الزواج بطريقته ومن عندي ..
اتنهد بخفة ومشى وانحنى قدامها ومسك ايدها وقال بهدوء : محد يقدر يعترض على المكتوب .. بس صدقيني بحاااول أسعدك قد ما أقدر ..
حاولت ترسم ابتسامتها غصب عنها وقالت : وانا بعد .. بحاول أسعدك !

\
/
\
/
\