منتديات صواديف عشاق - عرض مشاركة واحدة - كتبت إسمك على صدر السما و أيامي / للكاتبة حلاها (( ألايدا )) مكتملة

12-30-2023

*****************************
:لا تخليني اتصرف معج بالقوة
منى صدت عنه بقهر:لاه... هو انت بقيت شي ماسويته؟... ماعاد يهمني
صقر بتهديد:منوووه لا ترفعيلي ضغطي احسلج
منى صرخت فيه:انت وش تريد بعد؟!... مايسدك اللي سويته ف ابوك يالعاق؟!!
صقر:ترجعون معي البيت... ابوي ماعاد مثل قبل.. وانتي معج بروحج مافيني على الفضايح
منى طالعته بقرف وهي تتكتف:ويع... مصدق عمرك... اشوف لما وصلت ابوك لهالحاله ماخفت من ربك الحين خايف من الفضايح... صحيح انك حقير
صقر طنشها:قعده مع شيبه عاجز لحالكم فشقه مارح اسمحبه... عملي حسابج اليوم تزهبي اغراضكم... بكره جاي اخذكم
وطلع عنها...
منى صرخت بقهر:حقيـــــــــــــــــ? ?ـــــــــــرررررر
ودخلت لابوها اللي بغرفته يسمع كل شي و دموعه بعيونه:يبه...
وراحتله ترقع:يبه... انت تقدر تقابلهم؟
فهد....
منى حطت راسها بحضنه:انا معك وين ماتكون... مارح اخليهم يأذوك اكثر
سمعت صوت الجرس وقامت تشوف من...
منى طالعت من العين السحريه وشافت فارس:هذا اش جابه؟؟؟!!
فتحت بقهر وهي تعدل الغطا ع راسها:خير؟!!
فارس وبيده اكياس:وعليكم السلام
منى تخصرت:ممكن اعرف ليش طال علينا يالجاسوس؟
فارس كاتم ضحكته عليها:صقر رسلني اوصللكم هالاغراض
منى:ههههههههههههههههههههه? ?ه... والله حاله...
فارس:ما اظن اني قلت نكته؟؟!!
منى:صقر توه طالع من عندنا... ههههههههه الكذب مايليق عليك ابدا
فارس تبسم بثقة:ادري...
منى بوزت:ياشين السرج ع البقر
فارس طنش تعليقها ومد لها بالاغراض:تفضلي
منى طالعته بشراسه:نحن مب محتاجين لمساعداتك التطوعيه...
وسكرت الباب فوجهه بقو...
فارس حرق الجرس وهو حده منقهر من حركتها...
منى طنشته وهي ترفع الصوت ع الاخبار...
دخلت المطبخ بتسويلها وابوها المريض لقمه...
بس للاسف كل شي مخلص... صقر جايبلهم اكل حق اسبوع بالكثير عامل حسابه لكل شي...
انقهرت وهي تطل ع ابوها اللي منهمك يقرا الجريده...
دخلت غرفتها الصغيره... وفتحت محفظتها:للاسف ماتقدر تروح البقاله بروحها وبعد اكيد مابتحصل كل شي فيها لازم تسير السوبر ماركت...
تنهدت بقو وهي حاسه بالعجز... محتاجه رجال... وابوها مريض مايقدر يشل عمره... بنفس الوقت ماتريد تحسسه بشي...
ياتنذل لاخوها وترجع معه... ياتقبل بمساعدة فارس لهم...
لبست عباتها وهي كارهه النارين اللي لازم تختار وحده منهم...
لا بترضا بذل اخوها... ولا بتقرب فارس...
طلت ع ابوها:يبه دقايق بنزل البقاله اشتري شغله وبرجع
ابوها تبسم بذبول:انتبهي
منى:ان شاء الله
وطلعت عنه... اول مافتحت الباب حصلت الاغراض محطوطه قدامه...
عصبت وبعدتهم من طريقها... قفلت الباب ونزلت للبقاله وهي تسب فارس...
***************************************
:تمنيت توافق وتحضر
مهره وهي تعدل شعرها:بغت تاكلنا... زين ماولعت فينا... الحين بس عرفت موزوه هالشراسه من وين وارثتنها
دانه وهي تلبس اكسسواراتها:ههههههههه صحيح
مواز وهي تطلع من الحمام:لاه... احيد البنت تطلع ع عمتها مب خالتها
عليا شهقت بانذهال:ووووووووووااااااا? ?ااااااااااااووووووو
دانه ومهره صدو صوب مواز اللي وراهم بسرعه:اوووووووووووووه
مهره:ماشاء الله اش هالجمال!!
دانه:ههههههههه الحين من هالملاك؟!!.... مواااز؟؟؟!!
مواز اللي لابسه فستان احمر دنتيل ناعم وحلو ولافه خصرها بشريطه حريريه بيضا و منزله شعرها على كتوفها بعفويه:هاه!!!؟؟؟؟
عليا وهي تلمها:يالبى الحلو فديييتج اختي حبيبتي طالعه واو... تهبلين
دانه:والله وطلعتي مب شينه ياموووزووه
مهره:ههههههه قصدج سالم
موزا عصبت:تشششب
دانه:ههههههههه من يصدق هالجمال كله فسالم راعي الغتره والثوووب والمشاكل
مهره:ههههههههههه ولعب القايله
مواز عبست:تشب تشب تشب
وكملت بغرور ودلع:اصلا انا كنت خافيه هالجمال عن العالم لا تصير عمليات انتحاو كيه
مهره:واااي ودلع... يمه يمه مستحيل مواز فيصل وش سوى فيج مستحيل!!
دانه:هههههههههههههههههههه? ?ه والله وصارت الهيلق دلوعه و جميله
عليا:فديتها اختي من يوم يومها حلوه
مواز:تشب انتي وياها.. هه مالت
مهره:اقول تعالي لايكثر خليني اعدللج شعرج
مواز:ابيه كيه احسن واريح
مهره:لا بس امشطه شوي وبحطلج شي بسيط وحلو عليه
مواز:تم
دانه:عندج اكسسوارات ولا اجيبلج
مواز:من وين لي؟!!
دانه:هههههههه عبالي فيصل شرالج
مواز وهي تجلس قدام مهره عشان تعدلها:لا وين انا زهبتي ماشريتها بعدني... ع اساس نطلق
مهره وهي تمشطلها شعرها:تشب ان شاء الله لا
دانه وهي تدور من صندوق الاكسسوارات:اما يالواثقه بالنسبه انتي
مواز بثقه:بنشوووووف
دانه:اتحدااااج
مواز:موافقه
عليا:ههههههههههه يسد فيصل متحدنها
دانه وهي تهمس لعليا:اقوووول تراهم مامتشاوفين من فتر حلو يشوفها الحين وهي كاشخه
عليا:ههههههههههههههه فكرت فيها عاد... اباه ينهبل فيها
دانه:هههههههههههه وهي بويه هبلت فيه بالله بكل هالحسن وش بتسوي فيه؟!!
عليا بحماس:حدي متحمسه
دانه:هههههههههههه وانا اكثر
مواز:هيه يالعرايس وين اكسسواراتي واريد نعال كعب تناسب الفستان
مهره:ههههههههههههههههه والله ودنيا وين اللي نحايلها تشتري كعب وتتحلفلنا بتفلعنا به؟
مواز:ماتت خلاص... بعدين الفستان طويل علي
عليا:عندي واحد بيناسبج
وطلعت تجيبه
دانه وهي توريها الاكسسوارات:اش رايج بهذا؟

شهاب اللي توه ماخذ دش:هلا بالعروس
عليا وهي تدخل غرفه التبديل:ههههههه هلابك حياتي... بعدك مالبست؟؟
شهاب لحقها:لا انتظر حبي تساعدني
عليا وهي تفتش:مب فاضيه ناسي خواتي عندي وكلهن عرايس؟
شهاب رفع حاجب وهو متكتف ع زاويه الباب:لاه
عليا:وينه وينه؟؟
شهاب:وش هو؟
عليا:انت خلك مني والبس الضيوف شوي ويشرفو
شهاب وهو يختارله ثياب:الضيوف كلهم الربع محد غريب
عليا:حصلته
شهاب:لحظه
عليا:وشو؟؟؟
شهاب:الحين كلهن خواتج تزوجن؟؟؟؟
عليا:ههههههههه لا باقي مهره بس
شهاب سكت...
عليا طلعت عنه بسرعه لخواتها:استعيل خلي عنك الكسل
شهاب:مهره...
وتنهد بقو وهو يتذكر اخوه...
************************************
دخلت البقاله الصغيره... وهي حاسه برعب بس تحاول ماتبين...
دخلت بسرعه وخذتلها كمين شغله تلزمها... بسرعه بسرعه...
بس تفاجأت بشله شباب يدخلو البقاله... خافت وهي توها بتحاسب... بس رجعت تخلي نفسها تشتري... لحد مايشترو هم ويطلعو...
واحد من الشباب للهندي اللي يبيع:اوووه راجوو اشوووف مزيون ف بقالتك
الهندي:وش في ريد؟؟؟
الشاب لربعه:اوووه شباب تعالو اسمعو هالفصعون كنه يعلي صوته علي؟؟؟
ربيعه:خليه ياشيخ... لاتقطع برزقه
الشاب وهو يهدد الهندي:كفيلك هو ابووووي تمام يازباله لاتنسى
الهندي سكت بقهر....
واحد من الشباب:خلاص الجلند خل الرجال ف حاله حرام عليك
الشاب:هه زين زين لاتبدا ياتأنيب الضمير
تبسم وهو يشوف منى متوتره وتنتظرهم يطلعو عشان تحاسب وتطلع:الا شباب كنا مضيقين بالانسه
ربيعه عصب:الجلند
الشاب:اووك اوووك ياتأنيب الضمير لا تعصب علينا
وطلع...
الشباب حاسبو وطلعو...
منى تنفست الصعداء وحاسبت على طول...

وقدام البقاله...
:الحين اش تنتظر؟... تحرك
الجلند وهو يفتش السدة:يووووه منك خلاص لاتبدا ادور سيدي
متكتف:تدور سيدي هاه... قول اتعلث بشي لحد ماتطلع البنت مابودرها الا تأذي الاوادم هه
الجلند عصب:وانت ماتسكت... اما صحيح انك نكبه
:خلاص انت وياه اعقلوووو
الجلند:عنادا فيك ماني متحرك الا ورا البنت
سعود صرخ بقهر:عن التسفيله وحركات الرغووود انت ترضاها على خواتك؟؟؟
الجلند طنشه.... وفر الاغاني

منى طلعت من البقاله اول ماشافتهم بالسياره فارين الاغاني خافت...
الجلند طالعها وتبسم بخبث...
منى ماتت رعب و ماعرفت كيف تتصرف...
وقفت مكانها تفكر بحل... ترد للبقاله اللي شكلها لابو هالحيوان... ولا تجازف و تمشي لحالها للعماره القريبه...

:حرااام الجلند شكلك خوفتها
الجلند:اما اسوي فيها اسميني فلم مكسيكي
سعود نزل عنهم بقهر وسك الباب بقو:اوريكم
راح لمنى اللي تيبست مكانها:لو سمحتي ممكن تتحركي... وقفتج مقابل ربيعي الرغدي تجننه
منى طالعته بغباء:هاه؟!!!
سعود:لا تخافي مابيقدر يسويلج شي... ارجعي بيتكم
منى بلعت ريجها وهي تطالع الجلند اللي يتأفف و وده ينزل بس اللي جالس عداله ماسكنه...
منى.....
سعود:اكلمج تحركي...
منى....رجعت ورا بخوف وهي تشوف الجلند ينزل لهم...
سعود اول ماشافه ضرب راسه بقهر:يالله اش منزلنك؟
الجلند وهو يمد ورقه لمنى:تفضلي... ان احتجتي لاي شي... اصير لج البقاله و التاكسي وراعي الغااز والماي والميكانيكي وكل شي
سعود سحب ربيعه بقهر:استحي على وجهك ترقم البنت قدام الله وخلقه
الجلند:محد هنيه غيرنا

:ممكن اعرف اش عندكم؟؟
سعود والجلند اللي صدو وراهم...
فارس وهو يسحب الاكياس من منى:ليش تأخرتي؟
منى طالعته بضياع:امممم
فارس صد صوب الشباب:انتو كنتو تضيقوبها؟؟؟
سعود:لالالا اخوي.. السالفه نحن مشبهين عليها بسسس
الجلند عبس...!!!
فارس رفع حاجب وهو يسحب منى معاه:مره ثانيه خلكم رجال وبلاش حركات المراهقين هذي
سعود:اسفين اخوي
الجلند وهو يطالع ف فارس اللي ركب منى السياره و الاغراض معها وركب وهو يطالعهم بقو:هه... اوين خلكم رجال... اول يتعلم مايرسل اخته بروحها البقاله عقب يكلمنا
سعود ضربه ع كتفه بقو:غبي... متى بتكبر؟!
وركب عنه السياره
الجلند:والله لو انك ما ولد عمي واخوي من الرضاعه كان دفتنك حي
وركب السياره بعدم مبالاه...

فارس بعصبيه:انتي متى بتفهمي وبتتقبلي الواقع؟؟؟
منى....
فارس تأفف بقهر:لو مالاحق عليج كان الله يعلم وش صار فيج
منى طالعته بدون ملامح:انت اش تبا؟
فارس:عارفه اش ابا.... اباااااج
منى صدت عنه بهدوء:فارس هالسالفه سكرناها... انت بعدك تتأمل؟
فارس:منى انا حبيتج... عمره الحب ماكان شي ينسى ويموت... انتي حلمي ومارح استسلم ابدا لحد ما احققه
منى تنهدت وهي تبلع غصتها...
فارس:ليش رافضتني... كنت دووم معج... وعشانج بس سكت ولا بينت لابوج شي... مب انتي اللي قلتيلي ابوي بيذبحك لا تقرب ولا تطري السالفه؟!!
منى تبسمت بسخريه والدموع بعيونها:بس انت ماتسمع الكلام... قربت منه وصرت سكرتيره و امين اسراره.. وولده اللي ماجابه... وللاسف كنت احسب كل هذا عشاني وطلع عشان مصلحتك وانتقامك يا عم بنات اختي
ونزلت عنه بقهر...
فارس ضرب ع السكان بقهر:متى بتبطلي هالعناد... متى بتشوفي لامور بقلبج وتخسي فيني متى؟؟؟!!
منى دخلت الشقه تشاهق وتصيح بلوعه...
وهي تتذكر لما كانت بالكليه وتعرفت على فارس...
اللي كان زميلها ف اكثر من ماده ويصادف يتشاركو فمشاريع وبحوث...
حبو بعض بسبتها بس ابوها واللي سواه باخوانها كان يمنعها تخليه يضحي و يخطبها كانت خايفه عليه وهو بأول طريقه وشبابه....
وعشان بس مايفكر يخطبها عقب مايتوظف... حاولت تكسرله قلبه ويكرهها...
بس فارس كان ذكي وفاهمها اكثر من نفسها... ووعدها مايخطبها قبل لايتأكد انه ابوها موافق عليه... ومابيحول حياتهم جحيم
بس اللي مايعرفه انه ابوها محلفنها ماتتزوج من وراه ولا تتخلى عنه نفس خوانها وتتركه... وهي تعرف زين انها اخر امل له فعياله وان سوت نفسهم بيموت بحسرته.... وهالشي يقهرها ويعذبها...

***********************************