12-10-2021
|
#3
|
عندى إيمان قوى بسحر الكلمه الطيبه ومفعولها ؛ رغم بساطتها وإنها مش مُكلفه أبداً ؛ إلا إنى مش بلاقى أفضل من جمال الكلمه اللي بتكون سبب كبير في جبر خواطر ؛ وتأثير طيب على الناس
وكما تدين تدان ؛ وربنا هيبعتلك اللى يجبر بخاطرك في أشد الأوقات إحتياج ؛ ساعتها بتحس إنها مش صدفه أبداً
إحنا اتعودنا على نفسنا وشكلنا ولبسنا وضحكتنا ؛ اتعودنا على روتين حياتنا ؛ فمش بنبقى شايفين نفسنا حلوين ولا مبهرين وبقي دا العادي .
فكر غيرك بأن ضحكته حلوه ؛ صوته مميز ؛ ملامحه جميله ؛ لبسه شيك وجميل وغيره....
إدعيله ربنا يعينه على شغله ؛ حياته ؛ بيته ؛ لما تلاقيه ضعيف أو مهزوم أو مضغوط قوله انت أقوى من كدا بكتير وتقدر تتحمل وتعدي كل صعب .
صدقني مش هتخسر حاجه فعلاً ؛ انت متعرفش اللى قدامك الكلمه دي هتفرق معاه أد إيه وتأثيرها عليه هيكون ازاي .
خليكم دايماً طاقة أمل لكل اللي حواليكم .
خليكم سبب بسمه وسعاده وراحة لأي حد يسمعكم
|
|
|
|
|