منتديات صواديف عشاق - عرض مشاركة واحدة - آآه من قلب (ن) غدا حبه جنوني
عرض مشاركة واحدة
قديم 05-22-2023   #6



الصورة الرمزية صواديف عشاق

 
 عضويتي » 2
 جيت فيذا » May 2021
 آخر حضور » منذ 5 ساعات (04:57 AM)
آبدآعاتي » 72,167
 حاليآ في » بمملكتي ههنــا.
دولتي الحبيبه »  Saudi Arabia
جنسي  »  Female
آلقسم آلمفضل  » العام ♡
آلعمر  »
الحآلة آلآجتمآعية  » عزباء ♔
 التقييم » صواديف عشاق صواديف عشاق صواديف عشاق صواديف عشاق صواديف عشاق صواديف عشاق صواديف عشاق صواديف عشاق صواديف عشاق صواديف عشاق صواديف عشاق
مشروبك   7up
قناتك abudhabi
اشجع ithad
مَزآجِي  »  1

اصدار الفوتوشوب : Adobe Photoshop 9 CS2 My Camera: Nicon

My Flickr  مُتنفسي هنا تمبلري هنا

мч ммѕ ~
MMS ~
 

صواديف عشاق غير متواجد حالياً

افتراضي



البـارت الـ 38 ..

جـان يدشـون كلهم بيت بو حمـدان ,, AL Body Guard زقر حد من الخـدم عشـان يحطون الفسـاتين داخل ,, فـ الصاله .. كانو كلهم مجتمعيـن فـ الصاله ( بو حمـدان و ام حمـدان .. و اليـد و اليدات .. و بو مريـوم و ام مريـوم .. رفيــعه .. حمـدان و محمد و سـاره و فطـوم )

يوم سـاره و فطـوم شافو مريوم و عليـا .. سيده ساره عند عليـا و فطـوم عند مريـوم ,, لوو ع بعض ,,
ام مريـوم : فديييييتكم والله تعـالو عندي ولهت عليـكم

وعقـب قامو الكل يسلمون ع عزوز و عمـر و مريوم و عليـا ,, وبعدين يلسـو .. عزوز حـاول بقـدر ما يروم انه مايبين حق حد انه متضـايج .. اما مريـوم ,, مابـايدهـا شي ,, تـاامه سرحـانه و حاطه ايدهـا ع رسـها و تشوف الارض ,,
عليـا كانت ويا سـاره صوب الثاني و فطـوم عـدال مريوم ,, عليـا تسوي حركـات حق فطـوم عشان تضرب مريـوم ,, بس توه النـاس ,,
ام مريـوم : يـمه مريـوم شوفيج ؟
مريـوم : ................
بو مريـوم بصوت غلييط : مريـم !!
مريـوم : هـاا هاا .. آمرو
ام مريـوم : شوفيج فديتج ,, شكلج هب ع طبيعيه ,, عيونج محمره و ...
عليـا قطعت رمستهـا : أأ امايه من نشت من النوم و هيه عينها محمره
فطـوم : آآ يمكـن من المكيـاج
مريـوم اكبـــر طـاف
ام حمـدان : فديتج فيج شي ,, مضايجه من شي .. شي يعورج ؟
مريوم شـافت عزوز و عمـر : هـاا .. لا خـالوه مافيني شي .. بس بطني يعورني كلت وايد
عمـر بصوت خفيف يرمس عزوز : امبيـن
عـزوز طالع عمور بنظره : صـخ !! " اسكت "
بو حمـدان : بالعـاافيه عليـج ,,
عليـا تبا تخوز مريوم من الصـااله باي طريقه :مريـومه فديتج .. تعالي ويايه فوق نسيت شي ..
مريـوم : ان شاء الله ,,
سـاره : ترييو بسير ويـاكم
فطـوم : اييييييييه تريووو
الكـل ماعادا عزوز بس ابتسم : ههههههههه

فوق فـ غرفة مريوم و عليـا ,,
مريـوم اول ما دشت الغرفه سيـده طاحت ع الشبريه اطلع كل اللي فخاطرها من صيـاح
سـاره شهقت : شوفيهـااااا !!
فطـوم سارت صوب مريوم : بس فديتج .. خلاص ترا قالج حمـدان كل شي
عليـا : هب طايعه تفهم ,,
مريـوم : جب انتي !! من عقب ما استوا العرس وانتي متغيـره عليه ,, ولا جنيه اختـج
عليـا انصمدت : .............
فطـوم صدق صدق عصبت : مريـوم شو هالرمسه !! هاي اختـج و مهمـا يستوي مابتتغيـر عليج ..
مريـوم : كله تعق اللوم عليه ,, عشـان عزوز جيه حالته
سـاره : ايه ايه ترييو شو السـالفه جنيه الاطرش فالزفه
فطـوم تشوفهـا : بخبـرج بعدين ,, ترمس مريوم : حبيبتي اكيد بتعق اللوم عليج ,, الحين هوه قالج و حمـدان قالج
عليـا : و عمـور قالهـا
فطـوم : وبعــد !! اكوه قالج عمـور بعد شو تبين زيـاده ,,
مريـوم : ليش جيه يبـون يخربوون حيـااتي ,, لييييييييش ؟؟ بعـد ها كله فـيه شريييط
عليـا قامت و سـارت صوب مريوم و لوت عليـها : فديتـج والله ,, برمس عمـور و بقوله يتصرف ويا هالعـنز خولوه ,, انتي اهدي بس ,, و دخيلج لاتسوين جيه فعمـرج
مريـوم اتصيـح : ما ودييه اعاامله جيه بس قسم بالله غصبن عنيه
فطـوم : تحط ركبتها ع الارض وتشوف مريوم : حبيبتي مريوم ,, انتي الحين تمي عـادي ويـاه .. و ان شاء الله يوم بتوصلون بالسـلامه قوليله انا آسفه ع اللي استوا اليـوم
عليـا : والله بيرتـاح ,,
فطـوم : الحين برااايج ماتبين ترمسينه لاترمسينه ,, بس يوم بتوصلون الفندق قبل لاترقدين قوليله
مريـوم تمسح دموعهـا : ان شاء الله ,, تشوف عليـا : حبيبتي انا آسفه والله ما كان قصدي
عليـا : لا حبيبتي عـادي ,,
فطـوم : تمو شويه اهنيه عشـان ماحد يحس بشي ,, تبـون اي شي سيرو غرفتي ,,
عليـا : ان شاء الله ,, حبيبتي ترا الفساتين اظن فالغررفه اللي تحت
فطـوم : خلاص ماعليه ,, يلا غناتي سـاره تعالي ننزل
سـاره : انزين ,,
ويوم طلعت فالممر ,,
سـاره : ايييه شو السـالفه
فطـوم : ( قالتلها كل السـالفه )
سـاره : ويي ماتستـاهل
فطـوم : تعالي ننزل ,,

فـ غرفة مريوم و عليـا ,, فالحمـام ..
مريـوم : خاطرييه اقوووله اني احبــه عليووه >> وتدمع
عليـا : بس فديتج توج شحلاتج تضحكين ,, بنتم شويه و بنسير
مريـوم : انزين ,,

وعقـب 10 دقـايق جان ينزلـون و شافو عزوز و عمـر يسلمون ع االاهـل ,, جان يسيرون و مريوم و عليـا سيده فحظن امهم و ابوهم ,,
ام مريـوم دمعت : تحملـو بعمـاركم فديتكم ,,
بو مريـوم : و عن الخبـال الزايد ,,
عليـا + مريـوم . الدموع فعيونهم : ان شاء الله
و سلمـو ع رفيـعه و بو حمـدان و ام حمـدان ,, و ع محمد و حمـدان ( طبعـا بس رمسه ) و يوم يوو صوب فطـوم و سـاره
وااايه سوو منـاحه هم الثنين ,,
فطـوم غرغرت : الا اسبـوع ,,
عليـا : جنهم دهر والله
سـاره : ماعليه فـديتكم الايـام بتمر بسـرعه ,,
فطـوم : تحملو ع عماركم و طمنونـا عليكم ,, تقصر حسها : قوليلي شو بيستوي >> حق مريوم تقول
مريـوم : ان شاء الله ,,

وجـان يطلـعون ..,, و فطـوم و سـاره الدموع فعيونهم ,, وسـارو ويا AL Body Guards عشـان يسيرون دبي و ساعدونهـم و مايتاخرون وجيه ,, عمـر كان جدام و وراه عزوز و مريوم وفالنـص و عليـا عدالهـا ,,
عليـا : جسـوووووم شغـل شي ملل ,,
جسـوم : بحطلـج هالغنيه ,, عسب تذكرين فطيـم ,, وجـان يحـط (( آآه من قلب ))
عليـا : ياويل حـاليه ,,
عمـر : هههههههه عجيبه الاغنيه هاي ,,
عليـا : وييي فطـوم من اول مانزلت وهيه متخبـله عليها ,, اسسسسكت شافت الشـاجي فالمول
عمـر : ههههه خبله ,, عيل وين حمـدان عنهـا
عليـا : ههههه خلنـا ساكتين احسن
عـزوز بصوت خفيف : من صدوده يا مـلا دمعي جراا
مريـوم فخاطرها : فديتك والله ,, حطت راسهـا ع جتفه و مسكت ايده عـادي هب راصه ولا شي ,, وعزوز انصدم يـوم شافتها مسويه جيه ,, جان يرص ع ايدهـا ,,

وعقـب سـاعتيـن ,, و صـلو مطـار دبي .. وكـانت السـاعه 4 ونص ,, وماشي وقت يخافون يتاخرون نزلو الشباب و البنات بسرعه و طبعـا نظاره شمسيه لوول لابسين الشباب .. و ال AL Body Guards يسـاعدونهم و جيه ,, و لين ماتيسرت الامـور و الحمدالله ما اتخرو ولا شـي .. ويلسـو يحوطون فـ السوق الحـره .. و بعض اصرار خلو البنـات يتمشون بروحهم طبعـا بمساعدة مريوم لانه قالت حق عزوز عشان خاطريه و خلاها و عمور بعد خلا عليـا ,, و سارو يشترون حلاوه و مجلات ومادري شو .. و مريوم طول الوكت تفكر شو تاخذ حق عزوز هديه بسيطه ,,
مريـوم : أأأأ أأأ باخذه باخذه هييه ميداليه
عليـا : حلــو .. يلا بسرعه عن تستوي ساعه 6 .. و يتراكضن صوب الاسواق عسـب يختارون ميداليه حلـوه و كملو 10 دقايق و عقب اشترت مريوم الميداليه و خلتهـم يغلفونهـا و سـارو ,, و تمو يتمشون ,,,
مريـوم : يقهــر يقهــر !!
عليـا : ردينـا
مريـوم : اتريي تراني انا ماسمعت الشريط
عليـا : اي شريط !!
مريـوم : اللي محطوط فـ الظرف ..
عليـا : انزين هوه وينه ؟
مريـوم : ويايه فالشنـطه ,, يايبه هالمسجل الصغير
عليـا : هيييه عندي كل شي ,, قومي نسير الكوفي ,,

وعقـب شافو جدامهم كـوفي و بسرعه سـارو صوبه طلبـو عصيـر و يلسو ,, طلعت مريـوم الشريط و حطته فالمجله الصغيره و حطت السماعه فـ اذنهـا و شغل الشريط ..
(( هههههههه فديتك والله عزوزي ,, ايييه عـااد بسك ,, عزوووز لا لا هب الحين تريـا ,, يـلا الحيـن ,, أأه فديت روحك ( بوسه )
فديتج والله احبـج ,, انا امـوت فيك .. طيحـ …… )) سكر سيـده ولا كملت
عليـا تشوف يمين و يسـار : لا لا لا مريـوم لاتتخبلين و اتصيحيين تغـشي بسرعه !!
مريـوم فاجه عيونها و متيبسه فمكـانها ولاتغشت ,, جـان تخلي عليـا الشريط فشنطتهـا وغـطت ويه مريـوم و يلست عدالها لاويه عليهـا ..
مريـوم اتصيح بصوت خفيف : ليييش لييييش هـا كله ..
عليـا : يا حبيبتي ها هب صوت ريلج ! ها غليييط
مريـوم : لا اهووه !! واتصيـح
عليـا : ماعليه ,, اهدي اهدي انتي ,, عشـان خاطريه انسـي السـالفه بس لين ما نركب الطيـاره .. جان تقووم و تقومهـا
مريـوم : احس خـلاااص ما اروم اتسحمل اكثر من جيه .. ر . ررراا سي يـ ييدوور .. وسيده يلست
عليـا بصوت عـالي :مريوم ,, مريوووووووووم ,, طلعت من الشنطه عطر و عطرت الكلينكس و خلته صوب خشمهـا ,, تحركت طشونه و طلعت الماي و شربتهـا ..
عليـا دمعت : حيـاتي والله .. اشربي
مريـوم بتعـب : مابا !!
عليـا : عشاني
مريـوم شربت شويه ,, و جـان تلف شيلتهـا ومن صوب ثاني كانو عزوز و عمـور توهم داشين الكوفي و عزوز شاف ويه مريوم كيف محمـر ,, وعقب هيه سيده اتغشت
عـزوز يقبض عمور من ايده : شت شو مستوي بعد ؟
عمـر : ليش وين شو مستوي ؟ ؟
عـزوز : مريوم ويهـا محمـر
عمـر : ياربيـه ,, الله يغربلج يا خولوه .. ماعليه ان ماكنت عـمووور ان ماسويت شي
عـزوز سيده خـلا عمور و خلا ركبته ع الارض وكان جدام مريـوم و مسك جتفهـا : حبيبي مريوم شوفيج …
مريـوم ردت ع ورا و خلت ايدهـا الثنين جدام " بمعنـا لاتلمسـني " : مـاشي ,, مـاشي ,, جان تقـوم و تسيـر صوب عليـا و هم طالعين من الكوفي .. عمـور تقرب من عزوز و كان يالس ع الكرسي مصدووم ,,
عمـر : بـلااك ,,
عـزوز بصوت ينسمع : قسـمن بالله اني تعبت تعبببببت ,, وجـان يروح بسرعه عنهم
عمـر : عزوووز ,, عزوووز تعـااال !!
عليـا خلت مريوم و سارت صوب عمـر : شوفيه ؟؟
عمـر : مادري !! قالي تعبت ومادري شو و روح
عليـا : لاحول ولاقوة الا بـالله !! .. عـمور ترا مريوم سمعت شريط بعد كان فالظرف
عمـر : اففففففففف ,, خلاص روحو انتو فوق .. عند انتظـار الطيـاره وانا بشوف عزوز .. ولاترمسون ولا حد
عليـا : ان شاء الله ,,, طوفي مريـوم ,,
جـان يسيرون صوب الدري المتحرك و مريوم مربعه ايدهـا و عليـا تمشي عدالها و ايدها ع جتفهـا الثـاني ,, و عقب سـارو فوق




عنـد عـزوز كـان فالحمـامات ,, شـلا كابه و عدل شعره و غسل ويهه و لبس النظـاره و خلا الكاب فالكيس ,, كان شكله كيـووت عشره كان مدرج و كان ياي ع عيونه وبتدريج صوب اذنه طالع كيـوت "" شرات حمـدان مسوي "" و عقب طلع من الحمـام وشاف عمـور جدامه ,,
عمـر : انته وينك اففف ,, ليش ماترد عليه
عـزوز : بس
عمـر : عزوز بقولك ليش كانت جيه ,, لانه سمعت شريط فالظرف .
عـزوز انصدم : اي شريط بعد
عمـر : علمي علـمك .. مادري ,,
عـزوز : ماعليه .. بسمعه يعني بسمعه ,,

وجـان يروحون فـوق ,, و سـارو صوب مكـانهم " انتظـار الطيـاره " .. مريـوم كانت تشوف منو يدش و جيه ولا مره وحده
مريـوم : عليوه عليوه شوفي ها شعره خبـااال
عليـا : وينه ؟
مريـوم : ها اللي ويا ربيعه
عليـا تدز راسهـا : يا الخـده ها ريلج
مريـوم : هـااا !! ويي شكله غير
عليـا : هيه حلـو
مريـوم ضربتها ع ريولها : اييه
عليـا : ههههه انزين انزين ,, اذا تحبينه ليش تسويله جيه
مريـوم : سكري السـالفه قلتيلي انسـي صح !!
عليـا : اوكيه فديتج ,,
وعقـب جان ايي عمور و ايلس عـدال عليـوه و عزوز عدال عمـور ,, وعقـب دقايق جان يفتحون البيبـان ,, و سـارو داخل عسب هم فـ البزنـس ,, و عقـب يلسـو 2 .. 2 عدال الدريشه ,,
مريـوم : لا مـابا
عليـا مسكره ضروسهـا و ترمس و شويه و بتضرب مريوم : اقولج ايلسي عدال ريلج
مريـوم : جب مابا بيلس عـدالج
عليـا بصوت عـالي : مريـووووووووم !!
عمـر : اييييه وين يالسين انتو ,, يلسـو ,, تعـالي عليا عدال الدريشه

جـان تسير صوب الدريشه و مريوم تيلس بعد عدال الدريشه و عدالهـا عزوز ,, و عليـا عدالها عـمر .. وعقـب دقايق اتصـلو حق اهلهـم و جيه .. و مريـوم طرشت حق فطـوم مسج و قالتلهـا عن الشريـط .. وعقب غلـقو الموبايلات .. كـانو عليـا و عمـر ورا مريـوم و عزوز ,, هاييلاك يسولفون و يضحكون و مريوم و عزوز صاخين ,, يوم ربطـو الاحـزام ,, مريوم تخـاف من الطيـاره وايد ,, تامه قابضه ايد الكرسي بالقـو ,, عزوز فخاطره يضحك عليهـا ,, جان يحط ايده ع ايدهـا و ايمسكـها و هيه شافته فخاطرها تتفداااه ونفس الوكـت قالت : سخييييف تقهر ليش سويت جيه >> دلوعه وايد لول .. وعقـب ربع سـاعه خوزو الحـزام و شغـلو التيلفزيـون و عقـب عزوز طلـع مصـاص يبـا يقهر بـ مريوم ,, فتحه و تم يمصه و يخليه ع ايد اليسـار صوب مريوم وهيه تشوف المصـاص
مريـوم فخـاطرهـا : ياويل حـاليييه ابا !!
عـزوز فخـاطره : بخلي المصاص فوق عشان اقهرها زيـاده .. مص المصـاصه و خلا كوعه ع الكرسي و ايده يعني بتكون فوق و خلا المصاصه صوب مريوم ,, و هيه تشوفهـا
مريـوم فخـاطرهـا : انـاا براويـك ,, يوم هوه صد الصوب الثـاني ,, جـان تي و تفج حلجهـا و تاخذ المصـاصه ,, وخلتهـا فحلجهـا و هيه تتعبث فـ الMP3
عـزوز شهق : حرااامييييييه مصاصاتيه
مريـوم : عيب تمص مصاصه انته هب ياهل
عـزوز : وانتي عيب تمصيـن مصاصه جـدام الناس ,, ( يبـا يقهرهـا ) عقب ياخذون فكره خايسه عنج ..
مريـوم طلعت المصاصه و ترفع حياي واحد : نعـم !! جيه شو تتحراني **** ولا شوه !!
عـزوز فج عيـونه و شهق : قـويييييه !! لا لا افا عليج محشـووومه
مريـوم تمص المصاصه وتخليهـا ع صوب اليمين ,, خدها انتفخ : وثـانيـا انا واثقه من عمرييه ,, انا فالطيـاره هب فـ المول يالسه اكل هالمصاصه
عـزوز : انزين انزين عطيني يـاها
مريـوم : آآآسفه
عـزوز : عطيني ياها بالزين !!!
مريـوم : sooooooory
عـزوز : مريـوووومه
عليـا صدت ورا : اوووه مبروك ترمسون بعض
مريـوم : الله يخليج اجلبي ويهج !!!
عليـا : ههههههههه ,,, جان تعتدل
عـزوز : عطيني هـاي بعطيج مصـاصه ثـااانيه
مريـوم فجت حلجـها : اشوووووه !!
عـزوز : هههههههههههههههههههه .. بلااج .. عطيني انزين
مريـوم طلعت المصاصه و تمت ميودتنهـا .. ودقايق جان ياخذها بالقوه
مريـوم : حمار !!
عـزوز : ياويل حـاليه عـسل عسسسسل ,, تصدقيـن استوت احلى من قبل
مريـوم : ليش يعني ؟
عـزوز : لانه عسـلج فالمصاصه
مريـوم : عزوز يا الوصخ
عـزوز : ههههههههههههه ,,
مريـوم : جـب
عـزوز : ان شاء الله ,,
مريـوم : عليـا فريلي شنطتـج ..
عليـا تخلي شنطتها ع ورا : انـدوج ..
مريـوم : يسلـمو .. جـان تفجهـا و تاخذ المسـجل الصغيـر و تعيد الشريط ,, وتعطي السـماعه حق عزوز
عـزوز : شو هـا .. جان ياخذه ,,
مريـوم تشوفه : غنيه وايد وايد حلـوه ,, جان تشغل المسجل و عـزوز يتسمـع و فـاج عيونه ,, و سيده فر السماعه ,,
عـزوز بصوت عـالي و غليض : مريـوم قسم بـ .......
مريـوم قطعت رمسته و حطت صبعهـا صوب شفـايفهـا : اووووص ولا كلمه مابا اسمع اي عذر !!
عـزوز : بس اسمعي صـوته !! و اسمعي صوتي عـدل اوكيـه !!
مريـوم شافته من طرف عينـها ,, سوت طـاف وطلعت لااب مالهـ الصغيـر و فجته وفتـحت برنـامج الفـوتوشوب و اتريته لين ما يشتغل و يوم اشتغل خلت الخلفيه سـودا و اكتبت بـ خط حلـو "علـموك اشلـون تخدع من يحـبك يا حـرام " و عـزوز كـان يشوف الفلم و يراقبهـا ,, ولا دقـايق ..
عـزوز : عمـر عطني اللاب مالك ..
عـمر : يـود ..
جـان يفتح اللاب ..

عنـد عليـا و عمـر
عليـا بصوت خفيف : اخبـرك شكلهـا سمعته الشريط
عمـر : والله حرام عليهـا جيه اتسوي
عليـا : ادريبهـا حركـات .. بس الصراحه بعد عزوز غلـط
عمـر : فـاشوه ؟
عليـا : انه ما صارحهـا من قبل !!
عمـر : شو نسوي بعـد .. الله كريم ,, وان شاء الله يردون لبعض و احسن
عليـا : آآمين ,,


 توقيع : صواديف عشاق


لاازل قلبي ينبض لغداًاجمل ..



رد مع اقتباس