منتديات صواديف عشاق - عرض مشاركة واحدة - كتبت إسمك على صدر السما و أيامي / للكاتبة حلاها (( ألايدا )) مكتملة

12-30-2023

********************************
البنات شهقو وهم يطالعو مواز بدهشه:شووو؟؟!!!!
فهد:ههههههههههههههه عاد تبو تصدقو صدقو بس وربي الريال متمسك فيها
مواز صرخت:لا جدي قصدك مهره صح؟!!!
فهد:ههههههههههههههههههههه لا انتي
مواز وقفت بفجعه:لاااااااااا....والله لو ادري انه مصخرتي واحلام اليقضه وقت الاختبارات تتحقق ماكان نطقت
البنات نقعو ضحك على خبالها:هههههههههههههههههه? ?ههههههههههه
الجد مافاهم شي:هههههههههههههههه مافهمت شي وربي انتي وهاللي خاطبج مدري من وين؟!....شكله بعد مرجووج
منى:ههههههههههههههههههه اكيد مرجووج ولا مابيخطب هالخبله
مهره بصدمه:جدي بس حن بعدنا ندرس تونا مادخلنا ال20!!!!
مواز:تكلمي عن عمرج انا دخلتها وعاد بعجز....
وكملت وهي تمثل بدلع:ياويل حالي من هالمحظوظ اللي خطب الزين والحلا كله مواز؟
منى ودانه بقرف:اما انه محظوظ صحيح!!
عليا:هههههههههههههههههههه صدج جدي وين شافوهن؟
فهد:والله يابنتي يقول اخته ربيعت مواز وهو كان يشل اخته من المدرسه ويلمح الزين والحلا كله
مواز صرخت بحماس:واااااااااااي جدي نفس الافلام
منى:زين يبه احسن بنفتك من هم مواز زين حد خطبها عبالي بتعنس وتبلشنا.... ولا من يطل فوجها؟!!
مواز شهقت بدلع ويدها على قلبها:لالا سمعت جدي وش تقووول تفاول علي اونه بعنس؟!!
وبعبوس وهي تتخصر:حبيبتي هذا وتوني داخله ال20 انخطبت كيف يوم بدخل ال23
وكملت وهي ترمش بدلع:وااااااي من اولها المعجبين يحرجووونا اوف الصراحه قلق
عليا انبطت ضحك:ههههههههههههههههههههه? ?هههههههه
دانه بابتسامه جانبيه:اما واضح هالشي
مواز:موووتووو قهر موووتووو قهر مواز احلا من القمر
منى بعصبيه:بسج تهربيت...
وصدت صوب ابوها اللي متبسم ويطالع فمواز الواقفه وسطهم بوناسه:يبه....ومن هالريال اللي منعمي ومضروب على راسه ويبا هالهيلق؟!!
فهد المبسوط على البنات وسوالفهم:هههههههههههه مدري عنه بس شكله قوي ومرجوج اكثر عنها لاتخافي من اول نظره لي له اقووولج بيقدر على مواز
منى سجدت شكر....
مواز شهقت:شووووفوووو الخبله ماصدقت انخطبت تبا تفتك مني
الكل الا مهره:هههههههههههههههههههه? ?ههههههههه
مواز كشرت وهي تتخصر:ايه اضحكو اش عليكم....بترقصون فعرسي إلا انا محرم علي ارقص...واااي جدي بكون عادي العروس ترقص؟
مهره وهي متضايقه:انتي هيه اثقلي اووووف
وطلعت عنهم...
مواز بققت عيونها:هذي بلاها؟!!
عليا لحقتها:انا بشوفها
منى تحمد ربها:يالله لك الحمد والشكر يالله
فهد بيشوف جدية مواز:يعني ارد على الولد؟
منى بحماس:موووااافقين يبه ماكل يوم نحصل ريال يصلب هالخبله
مواز عبست:الحمدلله والشكر ماكني واقفه وسطهم...ولا كنه لي شور؟؟!!!
فهد تبسم بحنيه:لا افا....استخيري وانا بسأل عن الولد... واللي فيه خير الله بيقدمه
منى:ان شاء الله كل خير
مواز تخصرت:جدي يعني انت موافق عليه؟
فهد باعجاب كبير:عجبني وااايد ريال(ن) ماينرد
مواز باستغراب:اول مره حد يعجبك وبهالسرعه جدي!!
فهد بجديه:والله مدري بس ارتحتله
دانه طلعت عنهم بسكات وهي تتذكر صقر...
منى بعصبيه:يله الحقي خواتج انا وجدج بنتكلم فسوالف كبار
مواز:عدال يالعجوووز ترا اعرف سوالفكم
منى فرتها بالوساده:اذلفي
مواز طلعت وهي تضحك:ههههههههههههههه
فهد:ههههههههههههههههههههه? ?هههه
منى تتأفف:هالبنت ماتحشم حد
فهد:وهذا اللي باسطني فيها...صريحه ونقيه...هالشاب يامنى ذهبه الله ارسله لها
منى:الحمدلله يبه الحمدلله والله كنت شايله همها
فهد تنهد براحه وهو يتذكر افلاسه اللي شكله بيعلنه لامفر وفرحان لانه بيطمن على البنات:الحمدلله
*******************************