منتديات صواديف عشاق - عرض مشاركة واحدة

05-23-2023

_________ البارت5__________

بعد اسابيع الاختبارات لثالث ثانوي في اليوم الاخير
ام فايز:محمد
محمد: عيونه وقلبه
ام فايز:سراج راح يودي غرض لعمتك لطيفه
ورهف تبي من يطلعها من المدرسه رح طلعها هي وبنت عمك ابو سلطان
محمد ابتسم وناسه واخيرا بشوف ساره:على هالخشم كم عندي من ماما انا
ام فايز: ياحبك للواقه يالله طس عن وجهي بس

رهف:يالله ساره جاء
ساره:ودعتي البنات
رهف: ايه وشفيك اليوم مو طبيعيه
ساره: مو شي يالله نروح للبيت

طلعو البنات وسط محيط من الحزن المختلط بدموع الفرح

رهف:اوف حمود اللي جاي لايفوتك شعره قاص شي خطير
ومسوي ديرتي فيس شي
ساره كأن طعونها زادت وألامها تقطعت كل البنات كانو يلتفتون لسيارته
دخلو:السلام عليكم
محمد:هلا هلا بالمتخرجات
امووت
رهف: تونا عاد ماأخذنا الشهاده
ساره بعالم ثاني معقوله اكون لغير محمد معقوله اسمح لغيري تاخذه ماأحبه وفي نفس الوقت اغار عليه
خالد انسان حساس رومانسي رقيق يعرف يحب حبه صادق
محمد انسان مرجوج عنيد اللي براسه بيسويه مغرور مايعرف حتى يعبر عن الحب
لعاب
اخ قمه من التناقضات
وبكف خالد ترجح بس انا ابي هالغبي يتحرك انا وش يضمن لي مايلعب علي

ساره وش اخبارك ؟
انتبهت ساره وبصوت مخنوق:تمام
محمد:انا الحمد لله بخير مستانس ومبسوط
ضحكت رهف:ماعليه محمد مشاعر اخر يوم
رفع محمد عيونه للمرايه وابتسم
رهف:ساره بتروحين معنا البيت مو؟
ساره: لا لا رهف ابي اروح لبيتنا شوي تعبانه
استغربت رهف اول مره ساره تتعب:براحتك

حسب علمي تحبيني وبين قلوبنا ميثاق
واذا قصدك تثيريني ليالي البعد ماتنطاق
وينك يا دفا سنيني تعب قلبي ألم وأفراق
خريف البعد يطويني وتبكي حولي الأوراق
حسب علمي تحبيني وبين قلوبنا ميثاق
واذا قصدك تثيرني ليالي البعد ماتنطاق
تعالي حيل ضميني بعد عمري انا مشتاق
تقرب شوفتك عيني وتهدب روحي الاشواق
حسب علمي تحبيني وبين اقلوبنا ميثاق
واذا قصدك تثيرني ليالي البعد ماتنطاق

وعلى هدوء هاالاغنيه الحزينه وصلو لبيت ساره
ساره: شكرا محمد
باي
دخلت
حسام:هلااا محمد
محمد:هلا والله وشخبارك
حسام: بخير وشخبارك ريفو
رهف:الحمد الله وشخبارك من زمان عنك
حسام:انا قمه بالتمام
محمد:ماشاء الله صاير لك عضلات والله
حسام: ايه خالد والله مدرس باالنادي شي
محمد:والله ياحليله خالد ويعقوب مايجي
حسام:لايعقوب يزور المركز احيانا
ولأول مره اسم يعقوب يمر مرور الكرام لرهف اللي بالها مع ساره
محمد: والله من زمان عنهم
حسام: تصدق امس هو وأبوه عندنا
فز قلب محمد
ولفت بسرعه رهف اللى بدى قلبها يدق بسرعه
محمد بغصه:جاين لسلطان
حسام: لا هم قاعدين مع ابوي طوال الوقت
سلطان دخل بس حمدان مادخل
محمد:وشو يبون
رن جوال حسام:هلا والله
محمد:حسوو طالعني اكلمك
حسام: لحظه ؟
مدري والله يامحمد مافهمت
محمد:مع السلامه سلم على عمي
رهف ماسكه قلبها معقوله يارب لا
محمد اتشت معه السالفه وكشر وأنقلب حاله
ماحاولت رهف تتكلم مع محمد اليما تدق على ساره نزلها محمد وراح
دخلت رهف كانت رافعه شعرها بربطه وخصل كثيره نازله من قدام ورافعه عبايتها وتهوجس
شافت واحد يكلم فايز ومعطيها ظهر
:غريبه خالي عبدالعزيز جاينا مشت رهف لعبد العزيز خالها جت بتقرب عنده تعركلت برشاش موجود بالعشب
اه اه اه
اااااااااااااااااه
طاحت ركبتها على رشاش ثاني وصرخت
التقت عينها بعين اخر واحد تمنت تشوفه سلطان هو خالي عبدالعزيز
سلطان فايز:سلامات سلامات
رهف طلعت رجلها والدم يسيل من رجلها
سلطان:عسى ماتعورتي
رهف كشرت :سلطون لف راسك عني
ضحك سلطان:فايز اختك والااداويها عنك
فايز:حلالك
رهف:فايز عن السخافه وتعال بسرعه تكفى
حس فايز انه من جدها رهف تتوجع اما سلطان كان لاف وجهه:رهف حلالي اهتمي بنفسك ههههههههه
فايز:الله يرجك ياولد

سندها ووداها داخل البيت
دخلت رهف استقبلتها جواهر وسلامى:هلاوالله بالمتخرجه ابتسمت رهف وهي لاتزال تتوجع
ام فايز:واخيرا بنشوف رهوفتي
رهف حظنت امها وابتسمت
وقعدت تسولف مع جواهر وسلامه اللي جايبين لها فطور
ورقت لغرفتها
ودقت بسرعه على محمد اللي مارد ثم اتصلت بساره على الجوال بدون حتى ماتدور النيم اللي مسجل بأسم ساره
ضغطت بسرعه الارقام
رهف: الو
سلطان:هلا
رهف تبي تتعرف على الصوت:الو مين
سلطان ضحك: مسرع ماأشتقتي لي والله انك نشبه
رهف:سلطانوه واللي يسلمك ماني رايقه ابي ساره
سلطان:طب واللي مو معطيك ساره وشتسوين
سكرت رهف السماعه رجع دق
رفعت السماعه وهي ساكته
سلطان بعصبيه:اولا مو انا سراج فتصكين بوجهي
ثانيا انتي داقه على جوالي انا رديف ساره يا........
رهف تمنت الارض تدفنها ولاتعيش هاللحظه الغبيه:ياسراج قصدي ياسلطان ماقصدنا
سلطان :الواحد اذا غلط مايقول ماقصدنا
رهف:بس انا غير الواحد
خلاص والله ذبحتني بكلم ساره مع السلامه
سلطان:مع السلامه
رمت الجوال وكرهت نفسها الله ياخذني وش سويت يمه سلطان وهو عصبي يخوف ياربي
فجأه دق الجوال
سوسه تتصل بك
رهف:ياسخيفه وينك
ساره:موجوده
رهف: ساره تبكين
ساره:لابس شوي تعبانه
رهف: ساروه ترى بأقتلك وشفيك وشسالفه خالد
ساره:رهف انا بأموت خالد خطبني
رهف:..............طب وش رديتي
ساره: انا توني صغيره يعني يمكن يخطبني اللحين ونتزوج بثالث جامعه
رهف:افهم من هذا انك وافقتي
ساره:خالد انتي تعرفينه انا احبه
وشلون ماأوافق
رهف:تبيني اوصل كلامك لمحمد لأنه هو بس الوحيد اللي يعرف من تحبين؟؟
ساره:انا ماوفقت الى اللحين بس ماأتوقع راح ارفض
رهف: انتي تعرفين ان كانك نسيتي ان الجده قايله انك لمحمد تعرفين وش معنى هذا معناه يسألون محمد قبل ماتتزوجين
ساره بعبره:اخاف ما قدرت اتخذ قراري يا رهف احب محمد بس عمره ماكان يناسبني
رهف: تدرين انه طالع من يوم مانزلك مدري وين راح
ساره تنهدت:
اناقلت لأبوي يخليني العطله افكر المشكله يارهف انتي تقولين عن محمد انه يفكر فيني والعنود تقول
بس هو مايحسسني بها الشي هو قدامي يبين لي انه مايبيني
رهف:كرامه رجل
هو اصلا حتى ماقد قالي انه يفكر فيك ماعرفت الا من عنوده تعالي بس خلينا
من رفعه الضغط اليوم صارت لي سالفه مع سلطان معتبره
وقالت السالفه من طقطق لسلام عليكو>>>على قوله اخوانا المصريين
ضحكت ساره الين راح كل الهم اللي بصدرها
ساره:تدرين ان سلطان لو بغى يخطبك ماتقدرين ترفضيه
رهف:سم الله علي والله لو اموت ماأخذ هذا اخوك مجنون
ساره:لا وازيدك من الشعر بيت يقدر يخلي الواحد يحترق من جوا وهو يضحك
ضحكت رهف :المهم اذا جاء يخطبني قولي رهف
ماتطيقك
---------------------------

أنتظر ردووووووودكم

]لبارت السااادس
محمد كان سارح بشوارع الرياض وبعالم ثاني كان الجو داخل السياره بارد يحاول يبرد فيه
الشي الحار اللي جوا قلبه بس تحلم يامحمد
ينتظر مكالمه العنود اللي تسوي تحريات
دق الجوال
تدلل يااخر العنقوديتصل بك
رد محمد بسرعه
محمد: طولتي مصختيها
العنود وهي تضحك :وش بشارتي
محمد: رفضت
العنود: شوي شوي لو رفضته كنت خليتك تشتري لي سياره
محمد اللي تكلم بصرت عالي:عنود وللي يسلمك قسم بالله لو ماتكلمتي لاأروح اخطفها من بيتهم
العنود: بشاره اول
محمد: اللي تبينه
العنود:اوكي كلمتها وهي تصيح عشانك ياالدوب
ابتسم محمد:ياجعلي فدا روحها ليه
العنود: منقهره منك اقولها ارفضي خالد تقولي احبه
محمد اللي تبدلت ابتسامته لقهر: العنود والله لأذبح خالد
العنود:اسكت بس قلت ومحمد قالت محمد مايحبني لو يبيني كان تحرك سوا شي
محمد: يعني وشلون؟
العنود: شف ترا الله لايلوم اللي يلومها جايتلك بورده وجرحت مشاعرها وخالد راح لها وطيب خاطرها ياالعربجي
انت
محمد: لازم اعيدلك اني كنت بعد احبها ياناس انا مااعرف اعبر عن الحب
انا اصلا ماكنت ادري وش اهميه ورده من ساره بزر كنت والله بزر
العنود:على العموم ان كانك تعتقد انها بتبدا باالخطوه الأولى انسى انت حاول تتقرب منها
هاالعطله الصيفيه وبعدها بيسألونك اذا كنت راضي انها تتزوج قل لا واخطبها
محمد ابتسم:ياحبيلك ياعمتي قمه الراحه النفسيه عندك
العنود: يالله عاد لاتمدحني مره اخق
ضحك محمد
وحس ان الدنيا ابتسمت له بس لايزال خايف وتعيس
من فكره ان ساره ماراح تفهمم مشاعره اللي مايعرف يعبرها

في جزء اخر من العائله
حمدان قاعد على النت يكلم نوره اللي مو معطيته اشكل
@الماسن@
التوبيك لحمدان
""محتاجك""
نوره بليز ابي افهم ليه مو معطيتني فيس
((جروح))
أسفه حمدان انا مشغوله
""محتاجك""
اختبارت قلنا ماعليه تدرس بسمه مشغوله
بس اللحين وش المشكله
انتي وش تتهربين منه
((جروح))
مو شي بس متضايقه
""محتاجك""
انا مضايقك
((جروح))
لابس يعقوب يكلمني على الماسن عن حياته مع مره ابوه اللبنانيه
""محتاجك""
طب ردي على الجوال

وطلع حمدان ماأتش على اخر شي
طوط طوط ودقات قلبه تزيد مع كل دقه
نوره:ليه طلعت ممكن انا ماوفقت بعدين مو قلنا مانكلم بالجوال
حمدان:قلنا اشيا كثيره وما أشوفك وقفتيها مو يعقوب قلت لك تحذفينه من الماسن انتي تبين تقضين علي
نوره:احسن عشان تحاسب على قعداتك مع رهف
حمدان:هذي اللي بتدفني بالحيا ياشيخه قلنا لك رهف ماي سستر ما أحس بأي شعور تجاهها ليه مو راضيه تفهمين
رهف مثل ساره عندي والله
نوره بضحك: منهي هذي شيخه انا نوره
ضحك حمدان:هذي حبيبتي اللي ماتعرفينها
ضحكت نوره
حمدان:من زمان عن هاالضحكه كنت اشوفك دايم زعلانه ومكشره
نوره
من سواياك
حمدان
فديت انا سوياي اللي بتأثر فيك نوره:ياالنذل
حمدان:افا بدينا باالغلط
ضحكت نوره
حمدان ونوره كان حبهم بالسر مااحد يعرفه الاالعنود عمتهم حتى ساره ماتعرف
+++++++++++++++++++
سلطان:هلا بو ريم
حمد:لاتجيب طاري الحبيبه ياولد
سلطان:من جدك انت توك تعرف ريم بنت خالك توك تحبها
حمد:انت مسكين ماعمرك حبيت
ابتسم سلطان وتنهد:
ليلتي هااليوم باالذات غير
شعور تنهدته مأدري وين
اوديه
عاشق ومالي حبيب
كل ماأفرح بشخص بحياتي يخيب
وكل شوي ارجع واحب من جديد
مأتوب قالو لي قلبك حديد
مشكلتي انا غير
ابي أخذ ما أعطي
ابي انحب ماأحب
حصل مرادي لكن مليييت
ليه الي بيدي ماكفاني
وليش الي مو بيدي ابيه
سخره الاقدار
ظلمت فيها كثير.
حبيت فيها كثير..
ضحكت على ناس كثير...
ابي حب يزلزل كياني ابي احب واحس بلوعه الحرمان
بلوعه النسيان
ابي اسهر ليلي سهره العاشق الولهان مشتاق
صار الحب عندي صبح ومساء وأنعدم كل الشعور
لاتكرر الحب اكثر من مره صدقني قلبك يموت
واسمع نصيحه فاضي القلب سهران
ماعنده غير قلوب الناس يقلبها
يوم مع فلان وبكره مع علان
وراحت ايامه لعب ونسى
انه محتاج
بجد
لحنان من خواطري"شموخ العز" دلوعه الخوالد

حمد:ياعيني على الخواطر سلطانوه منتب سهل
ضحك سلطان:تدري من اللي كاتبها
حمد هز راسه بمعنى لا
سلطان: القطوه المتشرده
حمد:بنت عمك هذي غريبه
ضحك سلطان
ولف يطالع الرياض من فوق برج المملكه:ياحلو الرياض شف انوارها من فوق تشكل رسمه حلوه
حمد:تدري والله اني احب اشوف الرياض من فوق كل ماحسيت باالحزن مدري احس أني استانس
ضحك سلطان:حمد بس يالله لاتكثر مشينا
مشى سلطان وشاف هو وحمد بنت ايه في الروعه والجمال متحجبه ومتفننه باالمكياج
سلطان كان متنح باالبنت لأنه مشبهه عليها
حمد:اخس تطالع فيك كنها جايه تكلمك
قربت البنت
سلطان :رغد
رغد:هلاسلطان سبحان محاسن الصدف
سلطان: اي والله
ثم حاول يلف عينه عنها
رغد:وشخبارك
سلطان:تمام الحمد لله وشخبارك انتي
رغد:ماشي حالي
ثم رفعت عيونها الزرقا على حمد:ماعرفتنا
سلطان:هذا حمد صديقي
رغد بدلع:تشرفنا
سلطان بمزح:عرفي نفسك له والله علبال ما أفهمه اكون مت
رغد وهي تضحك بمياعه:سم الله عليك انا بنت عم بنت عمته فهمت
حمد:وانتي صدقتي كلامه اني غبي

سلطان اللي كان مايحب البنات الجريئات المتحرارت بزياده:يالله نستأذن
رغد:نو نو والله ماتطلعون تعالو اقهويكم
توهق سلطان:لاماله داعي وقت ثاني
رغد:لاتزعلني منك سلطان
حمد:سلطان لاتكسر بخاطرها
رغد:من زمان ماشفناك وسولفنا
سلطان:بس كذا مايصلح وين احنا فيه بصفتي مين اقعد معك
رغد:لاتعقدها تكفى وتسحبه مع يده
@@@@@@@
رهف:محمد تكفى بروح ارقى فوق اشوف الرياض من فوق
العنود:انا ما أحب احس بغثيان
محمد:خلاص رهف احنا بنروح للمطعم وانتي بعد كذا ارجعي لنا

رقت رهف اللي كانت مواعده صديقتها ميعاد فوق
اول مادخلت الممر اللي تشوف منه الرياض
.......سلطان
سلطان كان يمشي مع رغد
سلطان انتبه لعيون مألوفه باالنسبه له استحقرته رهف ومشت كان ببالها افكار كثيره هي ماتعرف من
قد شفتها بس وين اللي مع سلطان بس بنت انا متأكده
فجأه شافت اثنين ابتسمو لها
الشاب1:ممكن نتعرف ياقمر
رهف ال اخلاقها تعبانه خلقه: قسم بالله لو ماتروح اللحين عن وجهي شف هذي"تأشر على شوزها" براسك
الشاب الثاني جاء وراها يعني حوطوها
الشاب 2:في راسك خير سويها
سلطان انتبهه للشباب وسحب يده من رغد:روحي مع حمد وركض بسرعه
انت هي ويمسكه سلطان من صدره:قسم بالله لو ماتروح
الشاب1:نعم مالك دخل
تضارب سلطان معاهم وتدخلو السكيورتيين في فك النزاع وبعد ماتفرقو
الشاب 1:في راسك خير انزلي تحت
السكيورتي:وش تقرب لك البنت
سلطان :بنت عمي
لف السكيورتي على الشاب اللي تلعثم ومسكه هو والشاب الثاني ونزلهم
وسحب سلطان رهف وطلعها برى الممر ووقفها قدامه: انتي تعالي وش يخليك لحالك
رهف بضحكه:خلاني لحالي عشان اشوف ولد عمي شريف مكه
سلطان بضحكه خبث:صدق انك نشبه حتى بالسوق بتلاحقيني يا أختي ما أحبك غصب الحب
رهف تنرفزت بس سوت نفسها عادي: انت مره واثق اني احبك انا ما أحب دشير مثلك
ابتسم سلطان:اللي مايطول العنب حامض عنه يقول
من جايبك هنا
رهف:محمد
سلطان:ادق عليه والا تنزلين اللحين
وغطي عيونك
رهف: واللي مو مغطيها ولا نازل
سلطان اللي عض على لسانه:اغطيها له والله يارهف انها واصله لهنا بسرعه واشر على خشمه
رهف عصبت وتنرفزت وغطت عيونها لأنها لسبب رئيسي تخاف من سلطان ونزلت من المصعد وهي معصبه
لحقها سلطان الين شافها داخله للمصعد
جت رهف وشافتها العنود :غريبه ماتأخرتي
رهف:مليييت
محمد الي ضحك:والا ميعاد ماجت تكذبين علي
رهف اللي سفهته
العنود:خلينا نروح نتعشى بالضوء الخافت وش رايكم
محمد اللي رفع حواجبه :حلوو يالله
راحو للمطعم
تعشت رهف وهيي معصبه طبعا ماقالت اي شي عن سالفه سلطان
لأنه لو عرف محمد بيسأل سلطان وبالتالي سلطان بيقول كل شي عنده وبيقول سالفه الشابين
وبعدها لا روحات ولاجيات
بيمنعنا محمد
ياعمري على ميعاد سحبت عليها