05-24-2022
|
#5085
|
يارب
ع قد ما مرِّينا بأيام صعبة , فرّحنا
ع قد ما تعبنا في حياتنا و قرايتنا , وفّقنا
ع قد ما إبتسمنا في لحظات و إحني متوجعين , صبّرنا
ع قد ما نعانوا من حاجات ما يعرفها حدّ , طمّنا
ع قد ما عندنا حاجات حلوة في حياتنا , خلّيها لِينا
ع قد ما سهرنا ليالي و فكّرنا , ريّح بالنا
ع قد ما في أسرار ما حكِينا لحدّ عليها بيش يصير منها , حقّقها لِينا
يارب
- أرزقنا ديما بالناس اللي مَيزعلُوش منّا , و لو زِعلوا ما يعرفوش يقسُوا علينا و لا يبعدوا
- أُرزقنا بالنّاس اللي حِنّيتهم سابقة عصبِيتهم و تفكِيرهم بينا سابق قراراتهم المصيرية
- أُرزقنا بالنّاس اللي يفكروا فينا في صَلاتهم و دُعائهم و يذّكرونا بعد نمُوتوا
- أُرزقنا ب صُحبة صالحة و حُب ترضى عليه و تبارِك فيه و يدوم حياتنا كلهاا
يارب
قرّب الخير لأفعَالنا , و بعّد الشر عن أحلَامنا , و خلّي أيّامنا مليَانة ضحكات و ألوان , قوّينا لمّا نضعفوا قدّام شيء نحبُّوه , تبّثنا ع الصلاة و الدّعاء و الحمد و الثّناء , نوّر اَمالنا و أفكارنا و خلّي نهاية طموحنا دموع الفرحة
|
|
|
|