منتديات صواديف عشاق - عرض مشاركة واحدة - كتبت إسمك على صدر السما و أيامي / للكاتبة حلاها (( ألايدا )) مكتملة

12-30-2023

مها اللي قامت من الصبح تذاكر بما انها فاجازه مذاكره....تذكرت احمد اللي كان شالنها قبل المستشفى وسوولها فحوصات...ف راح من الصبح يطلع النتائج والادويه اللي لازم تلتزمبهن عشان يرتفع دمها...هو بعد عنده اجازه ومقر شغله اصلا قريب منهم...
تبسمت وهي تحل المسئله تذكرت كلام مواز اللي لما خبرتها انها تزوجت نقعت ضحك لانها كانت مفاوله عليها قبل وتحقق فالها...
أحمد اللي عيا يدق الباب ولا من مجيب فتحه وهو يحاتيها....
حصلها سرحانه فكتبها... تبسم على شكلها وقرب منها بهدوء وهو يهمس فأذنها:من ماخذ عقلج؟!!
مها فزت مثل الملدوغه ويدها على قلبها:أحمد!!!
أحمد تبسم:هههههه اش فيج وربي مب جني
مها استحت:ماقلت شي انا؟
أحمد تكتف وهو رافع حاجب:هذي مذاكرتج يامدام وانا المسكين اقول بروح اجيب غدا عبالي مشغوله بدراسج...اثاريج سرحانه ولا على بالج
مها تبرر:سرحت شوي مانتبهت لعمري
أحمد كشر:ومن متى حضرتج مامنتبهه لعمرج؟
مها وهي تعبس بطريقه طفوليه:وربي بس من دقيقه تقريبا
احمد:هههههههههههههههههههه
مها كشرت:شو يضحك؟
أحمد:انتي
مها مدت بوزها:هو انا كل ماضحكت علي وسألتك ترد علي بنفس الرد؟!!
أحمد:هههههههههههههه تصدقي مانتبهت
مها اللي سكتت وهي حاطه طرف القلم بين اسنانها تفرمه باحراج و هي تدفن وجها فالكتاب...
قربت امتحاناتها النهائيه واحمد على حاله معها..امكن هو تغير عشان يوفرلها جو مناسب وتجيب نسبه وتقدر تكمل وتعتد على نفسها ويفتك من همها...ماهو زواجهم على ورق بس...وهو ابتلش فيها...
وفخاطرها بحزن:الله يسامحك يابوي بلشت الريال فيني
أحمد فجأة قام يسعل:كح كح كححححح
مها فزت:سلامتك وش جاك؟
أحمد حمر وهو يسعل بقو:كح كح...مـ..ماااي
مها بفجعة ركضت تجيبله ماي...

رجعت ماحصلته...
توها بتلتفت تطلع تدوره من الصاله حصلته فوجها شهقت وطاح منها كوب الماي...
أحمد:هههههههههههههههههه ول
مها عبست بتذمر وهي تناقز فمكانها بانزعاج:اوووف أحمد ألحين لازم انظف الارضيه
أحمد مسكها قبل لاتتحرك:على وين؟
مها باستغراب:بنظف المكان
أحمد:ودريه في شغاله موجوده ولا نسيتي؟
مها تذكرت شغاله تجيهم بالساعات كل يوم تنظف وترتب وتكوي الثياب وتروح:اوووه نسيت انه هذا وقتها
أحمد وهو بعده مساكنها:امممممم ممكن اطلب؟
مها اللي متوتره لقربه:تفظل
أحمد:بما انج ماخذه بريك من المذاكره....اريد قهوه بعدل مزاجي
مها وهي تسحب نفسها منه:طيب لحظات بس
وشردت بسرعه للمطبخ...
******************************
:اليوم بيجي سيف وربعه ادرسهم للامتحان
فيصل فز:لا تقووول!!
ذياب:ماظن حرمتك تجي عندهم تطمن
فيصل بابتسامه سخريه:انت ماتعرفها هذي خبله...وشكلها ماتابت للحين
ذياب:الا انت للحين عندك ثيابها؟
فيصل تحمحم:قصدك الثوب والغتره؟
ذياب تبسم وبنص عين:ليش للحين معك؟
فيصل بربكه:دليل عشان أأدبها
ذياب عصب:لا تفكر تبتزها فاااهم...بنات الناس مب لعبه
فيصل بجديه:يوم هي مانه بعمرها ماذنبي
ذياب يهدده:فيصل اعقل...تراها عرض ربعك
فيصل صرخ باستنكار:ليش انا قلت بهتك بعرض ربعي؟؟؟
ذياب عصب اكثر:لا بس بأدبها وبأدبها اش يعني؟
فيصل قام واقف ودمه فار:يعني بغتصبها..استرحت؟
ذياب بقق عيونه:نعم؟!!...انت من صدجك؟!!
فيصل عصب وبقهر:حي هالربيع اللي ماعنده ثقه بربيعه
وطلع عن ذياب بعصبيه كبيره...
ذياب لحقه بسرعه يتعذر:فيصل وقف
فيصل اللي وقف ذياب فدربه وهو معصب ومقهور:بعد ذياب ترا والله واصله حدي
ذياب بندم:اسف والله ماكان قصدي...اعرفك ماتسويها بس ساعات تخورها
فيصل تنهد:لهدرجه طايح من عينك...معدوم من الثقه...يكون فعلمك انا مارح أسوي شي يسود الوجه
ذياب:زين تعال معي
فيصل عبس:وين؟
ذياب يغير الموضوع:شهاب قال احسن نروح شقة صقر
فيصل بستغراب:اي شقه؟
ذياب:صقر..الريال تعب من الفنادق قام استأجر بنفس العمارة اللي أحمد سكن فيها...والشقه فاضيه واقربلهم
فيصل زفر بضيق:زين بشوف
ذياب باصرار:لا بتجي
فيصل تأفف:زين لاتحن
ذياب تبسم:خلاص افردها
فيصل بتبلد:زين
ذياب تبسم برجاء:طاح الحطب؟
فيصل تبسمله بود:طاح
*****************************