منتديات صواديف عشاق - عرض مشاركة واحدة

05-23-2023

-------- البارت الثالث-------3

طلع فايز وحرمته وسلامه راحت تكلم فارس
رهف: ساروه تعالي بسرعه بوريك بغرفتي شي خطير
ساره: بروح اشرب مويه
رهف حست انها فرصه محمد عشان يكلم ساره
راحت ساره للمطبخ وتأخذ كاس
انفتح باب المطبخ بهدوء وطل بوجهه محمد
ساره: بسم الله كنك حرامي يالدوب
محمد نزل راسه: ساره مانويتي تنسين
سدت ساره اذنها: انا ما اسمع انسى انا نسيت
محمد: بس انا مانسيت ونادم
مشت ساره عنده
مسكها لفت عليه: انسى
وراحت فوق بسرعه
دخلت ومسكت قلبها: اكرهه
لفت رهف: وش صار
ساره : انا خلاص كبرت ونسيت ليه مو راضي ينسى
رهف: ينسى على كيفك
ساره: صدقيني رهف يبي يلعب بمشاعري رهف محمد كذاب
تنهدت وهي تتذكر اليوم الي كان يحزن بالنسبه لها
كنت بااولى متوسط
ومحمد بثاني ثانوي
يوم دخلت على محمد ومعه خالد ولد عم نوره بن
عمتي لطيفه
ومعي ورده حمراء وحطيتها
محمد: وش هذي
ساره: ورده حمرا
محمد:!!!!!!
قلت بغصه وشسوي احبك
فجر محمد بلحظتها ضحكه وكمل لعب بلاي ستيشن ورمى وردتي العزيزه ركظت وانا اصيح
عند مسبح جدتي اليما جا خالد وقالي: ساره انا احبك اخذ الورده
انا بكل حزن: وانا بعد ليه يضحك محمد
خالد: عشانك صغيره عليه انا وياك نتناسب وش رايك

اخ قتل كل ذره رومانسيه
رهف: ساره خلاص انسي السالفه بعدين تعالي لايكون يعقوب حبي شافكم
ساره: ها لا لا
رهف: صدق انك مهبوله انا على قد ماقعدت مع يعقوب ماسويتها
ساره: تعالي انتي للحين تكلمين يعقوب
ضحكت رهف: انتي مجنونه من بعد ماكشفتني عمتي العنود وانا خلاص حرمت وغيرت رقم جوالي
وانتي قطعتي من خالد
بالماسن
ساره: قلت له كانك تبيني بيت اهلي موجود نوره كل يوم تدق تقول خالد يسلم عليك هع
رهف: يعقوب ماراح يقول ابدا لنوره تسلم علي تخيلي تدري اني كنت اكلمه خلك عن الحب وبلاويه بسألك ذاكرتي
ساره: باقي ثلاث اسابيع
رهف: توجيهي يابنت تذكري
ساره: خلاص بنام تراني تعبانه حدي
دخلب سلامه وهي محمروجهها:هلا لاتنامون
ساره وهي تلف وجهها: تحلمين روحي اسهري مع الفارس
سلامه: ياحبيله بس
ونامت معهم سلامي الساعه 10 قامت ساره ماتعرف تنوم ببيت مو بيتها تروشت وطلعت
لبست برمودا جنز وبلوزه حمرا مرسوم عليها كاوبوي
وجدلت شعرها من فوق
وطلع شكلها خبال
نزلت صباح الخير
ام فايز ومحمد قايمين
ام فايز: يالله انك تحيي هالزول الحلي نجدي والدلع شرقاوي
ساره: شكرا خالتو على الاطراء نردها لك باالأفراح
قعدت وقامو ياكلون
محمد:ساروه طالعه كنك ميري
ساره وهي تضحك لأنها هي وميري نفس التسريحه وقامت تفل شعرها: والله مو عشانك بس اوجعني راسي
محمدوهو ميت:بذمه ماحسيتي بااحراج هاك خشمك
ساره وهي تكش على وجهه وتضحك
اما هو يطالع هالشعر الجميل على هاالوجهه اللي مثل القمر
ساره وتبي تشيل هاالنظرات: محمد تجي نحوس البنات شوي
محمد :لا ماني فاضي
جت ومسكته مع يده عشان تسحبه وهو عجبه الوضع وقام يدلع وشيبي ساره وتترجاه وعينها بعينه يغوص مثل مايبي
والاهم يدينها في حظن يده
بس حس بنظرات امه واستحي انه يزود دلعه :يالله قدام
ورقو فوق
ساره: عندك ببسي
محمد: باالأوفس فهمتك
ساره : بس انا رهف سلامه مااقدر عليها
محمد زين
ودخلو الغرفه وهم يضحكون
ساره بهمس اذا قلت 3 نرمي
محمد وهو يضحك : اوكي
ساره
ترفع يدها وتأشر
1
خذ محمد معلاق ملابس ونغز خصرها ثم ساره تتلوى وتضحك وتهدده بيدها
2
نغزها وطقته
3
كبو الببسي على قومه رهف ركضت ساره للحمام اللي باالغرفه ونكبت محمد
اللي ركض تحت بعد سماع صراخ سلامه: ياحقيييييييييييييييير
رهف عرفت انه محمد وسوسو
فضحكت بس كتمت ضحكتها عشان سلامه معصبه
سوت نفسها ساره كنها طالعه من الحمام: وشصاير
سلامه : حمود الحقير سبحنا ببسي ودخل فايز بعد ماعرف السالفه من محمد
وداخل عشان يطلع ساره يتصرف معاها محمد عشانها سحبت عليه بس ساره اذكى من انه يلعب عليها
فايز: خلاص سلامي والله مايسوى هاالزعل يمزح اجيبه يحبك على نافوخك
رهف تنغز ساره:بخلي اخوي ينتقم يانكبه سحبتي عليه
ساره كانت قاعده على طرف السرير
فايز: حمود تعال
دخل محمد وحب جبهه سلامه ورجع وقف قدامها ووطى على رجل
ساره الي ماقدرت تمسك نفسها من الضحك وهو يوطى ويقرب
وفايز ورهف يضحكون وسلامه ياعمري دخلت تتسبح وأول ماسكرت الباب
انفجرو كلهم ضحك على محمد وساره الخبلان حتى ام فايز اللي كانت عارفه السالفه
ودخلت معهم جواهر وخبروها بالسالفه وراحت ساره جاء سلطان ياخذها.......

أرجوا أن تنال إعجابكم

وأبغى أشوووف ردووود

حلووه لكي أكمل

دمتم بود

.................البارت الرابع............

...انا وانت مثل لعبه وطفل
رفض يسمح بها لغيره..
مع انه دوم مهملها....
ساره: هلاوالله عمتي وشخبارك
العمه لطيفه: هلا والله سويره
وشخبارك
ساره: الحمدلله وين البنات
العمه: بيجون مع فارس بعد ربع ساعه وين امك
ساره: هذي الغاليه جت
ام سلطان : يامرحبا والله
ويبوسون بعض
دخل الجد والجده والعمه العنود
ركظت ساره: جدو هلا امي منيره يالله حيكم
الجد: هلا والله سارونتي هلا والله بشيخه الزينات
الجده: يالله انك تحييها
العنود: يالدوبه وانا مالي ترحيب بزعل
ساره: هذا هو الباب هاهاها
سلطان: هلا والله بعمتو الغاليه
العنود ترفع حواجبها وتقرب تسلم على سلطان: ياحبيله والله ولد اخوي
دخل حمدان ويركض ويحظن عمته : اشتقت لك ياحبي الوحيد
العنود: حبيب قلبي والله
ساره تسوي نفسها زعلانه :نسيتو اختكم الوحيده كش عليكم
قربها سلطان له:يالله عن الدلع
ساره ترفع حواجبها وتضحك مع العنود
فها اللحظه انفتح الباب ورهف تركض :والله ماأعطيك ياحمود اليما تشتري لي
محمد وماسكها: قسم بالله والله ما اشتري لك عطيني المفتاح
ضحكو الكل
ومحمد عفط يد رهف على ورى اليما خذ المفتاح وهو يضحك وجا وسلم
حمدان : زين ماشافتك جدتي والا والله
ضحك محمد: عاد لسان امي منيره العن من سم العقرب
العنود: خلكم عن ماما حبيبتي
رهف كانت منحرجه لأن سلطان موجود
رهف : هلا وشخباركم
الكل: تمام
العنود: هلا بالطويله وين سلامه وماماتك
رهف: انا جيت مع حمود الدب
سلطان :ليه كنتو تركظون
رهف : مو راضي يشتري لي فلم بروسن بريك
حمدان: تعجب والله
رهف بدلع: شف عاد من يدافع
دخل فارس : السلام عليكم
الكل: وعليكم السلام
دخلت نوره وهي متغطيه ومعاها بسمه: السلام عليكم
وشخباركم
العنود : هلا نوره وشخبارك
نوره :تمام هلا محمد وينك من زمان عنك
محمد: مشكله المهمين
نوره: وين التوجيهي وشخبارهم
ساره رهف: الله يسهل
نوره:مبروك سلطان والله وتخرجت
نظام الجامعات يختبرون قبل المدارس
سلطان : الله يبارك فيك تسلمين يالغاليه هالشيف ولا احد بارك لي حتى اخواني
ابتسمت عيونها
هنا مات ثنين رهف اللي فاتتها سالفه تخرج سلطان واحترام سلطان لنوره
وحمدان اللي بدى يفقد الامل ان نوره تحبه هي تحب سلطان اللي مايحبها مع ان عمتي العنود قالت انها تحبني اخ ياقلبي
رهف دخلت وراهم وهي شابه ضو في قلبها الغريب اللي يحب ثنين
دخلو وجت سلامه وجواهر وضحك وسوالف
البنات بجهه والحريم بجهه
دخل بسام اللي ماتغطو عنه البنات نظرا لضغر سنه: بنات ترى جدي نوا يخلي سفره بريطانيا للرجاجيل
بس عشان يكملون اشغالهم الحقو
على عمركم
ساره:يالله بنات قو
بقياده عنوده
راحت ساره ورهف ونوره
اما سلامه استحت انه يكون فيه فارس
ساره: جدو مالنا دخل بنروح مو كل سنه تخربون فرحتنا
الجد :رويترز بسام ما أمدانا
رهف: صدق جدو حرام عليك والله
العنود : ابي العزيز بيتقطع قلبي
سكت الجد ركظت رهف وقعدت جنب جدها وتحب راسه
وساره وعنود ونوره قعدو باالجهه الثانيه
كانت رهف متحمسه وتعرك عيونها وساكته تتسمع الشباب يتضاربون مع عمتهم
الاويجي شخص يقعد جنبها
اخ هالعطر اعرفه وش كثر اكرهه
سلطان : بس شوي شوي على عيونك الحمد الله اني مو عيونك
لفت بااستحقاره: لو انك عيوني فقعتها من زمان
سلطان: انا عارف اني عيونك وقلبك وضحك قامت رهف
من عنده وراحت تصرف نفسها كأنها تتضارب مع محمد زين ماشافها فايزو الا قتلها
خلقه هو مو راضي على فتشتي من الشباب
حمدان كان متنح بعيون نوره
اللي يضيع معها
لأنها متغطيه
بس هي كانت زعلانه موت منه بسبب انه طنشها باالماسن
نوره كانت تموت بحمدان وهو نفس الشي ماتنكر ان سلطان
له غلا بقلبها عشانه كانت تحس انه بيكون زوجها من كثر ما البنات يعلقون
وكان مايختلف ثنين انه جميل وعجيب يشبه هارتيك
حلو ان الأمر ماكبرووصل للجده
الي بتحول الأمر واقع محتوم
سحبو البنات نفسهم بعد ماشافو فارس وفايز داخلين
العنود: فايزوه ماتسلم على عمتك
فايز: ياهلا ومرحبا بعمتي
العنود: وش رايك ماتحس
تهزيئه هذ كبرك وانا عمتك
فارس: تهزيئه لك ثم قصر صوته وقرب عمته: اقول وشخبار حبي
العنود: قاعده بخير مع جواهر
فارس: عنونه تكفين ابي اشوفها
العنود : نو
فارس : بلا نذاله الاسبوع ذاك سهرنا عندك للفجر انا وسلطان وحمدان ومحمد وعشيناك وجبنالك افلام
العنود :تتمنن
فارس: نوده واللي يسلمك
العنود:تعالو ماتلاحظون اني صايره مرسال غرام
تنح فارس : وش
تمنت عنود ان الارض تبلعها وش قلت انا بفضح حمدان:لايعني بينك وبين سلامه
البنات طبعا طلعو
والعنود قعدت تسولف
لف حمدان وكان يتمنى اني اللي بباله صح وقال بصوت واطي: سلطان وش ذا الحركات مع رهف
شكلك غرقان لراسك
سلطان ضحك : ياشيخ استهبل احنا انكتب علينا مصير نوره
حمدان: بس البنت ماتبيك
>>>قالها بتسرع
سلطان وهو عارف وش في راس اخوه بس يقهره:هي اصلا تطول راسي تحمد ربها اني بأخذها
بلع ريقه حمدان لايمكن يتخيل الشي هذا يصير ابدا
قمه التعذيب

البنات كانو قاعدين
طلعت نوره صوره فيها سلطان وحمدان وحضنتها: اموت فيك
رهف من خارج قلبها: اموت يالحب
نوره:يوه يارهف ماتصدقين كل يوم يبان اني ابيه وهو يبيني
بس انا محتاره اخوه يحبني وانا ما أنكر أعجابي فيه
رهف حست انها بتموت لأن ساره قالت لرهف ان حمدان يحب نوره ياقلبي بس -->فاهمه غلط
الجده : ساره انتي داخله على الشباب كذا
ساره: يقطع ابو الورطه
وعلت صوتها : ايه
كانت ام سلطان وام فايز موجودات اما العمه كانت عند الرجاجيل
الجده: ام سلطان صدق هالكلام
ام سلطان: والله ياخالتي كل اللي بسنها كذا وهي مو راضيه
الجده :ياويلي حتى انتي يارهف
رهف : امي منيره انا اتغطى بالشارع
الجده : ولو
سكتو عن جدتهم وراحو يصلون المغرب
بعد الصلاه
العنود :بنات خلونا نتمشى بالحديقه
طلعو البنات وتغطو كلهم حتى رهف وساره حكم القوي على الضعيف
\الشباب قاعدين ضحك برى هذا الشي خلي ساره ورهف ينهبلون خايفين
محمد : حمدان تعال في شله جديده متغطيه شف هالطويله والي معها
سلطان كان طالع معهم بس كان يكلم جوال مو منتبه
وكان لابس نظاره بنيه ومالبس شماغ وشعره منفش بس شي
طالع شكله روعه
حمدان: شف بعد مايعطون وجهه هاهاها
سلطان: والله وكبرتو وتعرفون بعد
محمد: احسن بنفتك
ساره :لا لا مانقدر نعيش بدون ماتشوفونا احنا اللي بنفتك
سلطان:ساره يمزح
محمد: لاماامزح وفي راس امها حرش تتكلم
ساره: لايمه خوفتني يمه بروح اتخبى الين ماتروح
محمد: والله الحشيمه لا اخوانك والا انتي ياشر على نعاله "اكرمكم الله":هذي ماتسوينها كبري عقلك يابزر
هنا جن جنون ساره
يبي يجرحني مرتين يذكرني اني بزر رمت الجلال"الغطا اللي تتغطى فيه" من على وجهها
العنود: بس كفايه هاالمصخره؟!
سلطان ماكان يقدر يتكلم لانه يحس الغلط من ثنينهم

وقفت ساره وهي بدون غطا
وتنزل دموعها بهدوء شكلها كان في قمه الحزن
:انا بزر؟!
للحين انا بزر
متى بكبر بعيونك(م)>>كانت تعم والاهي تقصد محمد لوحده

فرحان أنك بكيتني..؟!
ياخي أهنيك.
أصلاحياتي معك سويه حياتي بلااياك...
ماأنكر..حبيتك هويتك عشقتك
لاتبتسم
ثم كرهتك
كنت ساقي الوجدان والقلب
وأصبحت نزف القلب بجروحك وأحزانك
زعلتك
لا
ضايقتك
لا
اجل ياشيخ وش بلاك
صارت حياتك اشبه با الممات
قووول هويت غيري
وأوعدك اضغط على قلبي وابتسم

وش بدلك ياحبيبي
وش بدلك
كنت بلسم الألم والأه
كنت ضحكه الدنيا بحياتي
كنت وكنت وش يفيد هاالكلمه
رحلت عني
وفرحت برجعتك
وقلت بفرحه سبقها دمعه شوق
اشتقتلك
اقفيت عني بنظره الم وعتاب
ناظرتني نظره وداع
اطلقت سهم صوب قلبي سام
سهرت ليلي افكر وش بلاه
اتخيل نظرتك وابكي على حالي
اسمع لحن المفارق ويزيد حرقه دمعتي
ليه وش اذنبت
هذا جزاه وفائي
والله وفييييييييت
صعب العشق وغريب حتى بعذابه حلو
صعبه نسيان الذكريات
قبل ماأصير شي من قديم الذكريات

اعرف انك دووم احلى ذكرى بحياتي..
من خواطري"شموخ العز" دلوعه الخوالد
وقفت ساره ودموعها تنزل
بغزاره كان خصل شعرها مختلطه بدموعها
: اكرهك؟!
كانت بمثابه صدمه لمحمد من جد ألم محد يحسد محمد ابد
عطتهم ظهرها ومشت ولحقها سلطان ورهف
ونوره
اما العنود وسلامه
مع محمد وحمدان
العنود:انت يامحمد لي كلام ثاني معك؟!
محمد رمى جواله باالأرض الين تحطم:انا الغلطان حطوها فيني؟
العنود عطته ظهرها ومشت
سلامه مشت هي وحمدان ورى محمد
....
سلطان:ساروه عن الدلع
ساره كانت حاطه راسها بحظن اخوها تبكي من قلب تحس ان كرامتها راحت مسيطر بس عليها محمد
اكرهه من كل قلبي والله رحل حبه خلاص:اسفه سلطان عارفه اني غلطت
رهف كانت واقفه كان شكلها روعه كان شعرها المموج فاتحته
وماسكه شعرها من قدام ببنستين بفرقه من النص مثل الهنود
وبعض شعرها ماخذته على قدام وبعدساتها الخضرا الغامقه شكلها روعه
سلطان يطالعها بااعجاب ماقدر يمنع نفسه رهف هي صوره البنت اللي يبيها
صحيح نوره حلوه بيضا بشعر بني وحمره على الوجهه بس مواصفات رهف كانت تعجبه جمال عربي
بشموخ غريب بنظره عميقه واثقه وفي نفس الوقت حزينه رموش متشابكه بحواجب مغروره
العنود انتبهت بس سكتت:ساره مايكفي
مسحت دموعها ساره وبدت تبتسم
وقف سلطان جنب رهف
اللي ماتبي تسوي نفسها ضعيفه عنده لأنها ولسبب ما تخاف منه
رفعت رهف عيونها:من جد مالكم داعي
نزل نظارته سلطان يبي يحرجها وحط عينه بعينها: جد اللحين ليه ماتغطيتي
بغت تطيح رهف وبعدت عنه
العنود :هههههههههه بزعمك بتسوين قويه
ضحكت نوره
وضحكت ساره وسط دموعها الكل يعرف ان رهف رعبها الوحيد سلطان
تكرهه وتخاف منه واذا جلس بمجلس ماتجلس فيه لأنه دومه يلعب فيها بلسانه
العنود: جا محمد ياساره
وقف محمد وهو منزل راسه:ساره
ساره كانت لافه وجهها
محمد:طب انا اسف
لفت عليه ساره وهي ساكته ثم وقفت ولحقوها البنات الا العنود
العنود:معليش محمد لاتزعل عادي رده فعل طبيعيه
محمد: سلطان عسى مازعلت يااخوي
سلطان:لا وشدعوه محمد انت عزيز وغالي وساره دلوعه والغلط منكم ثنينكم
ابتسم محمد
................
ساره كانت قاعده وساكته تتذكر ذكريات مع محمد
محمد انسان متناقض مره يضحك معي
مره اخوي
مره يعشقني
مره يكرهني
عجزت اعرف له لكن انا لازم اشوفه
ام سلطان:وشخبار اللبنانيه مرت ابو يعقوب اخو رجلك يالطيفه
لطيفه: والله انها لاعبه في حسبته لعب لا وتبيه يزوج عياله من اخواتها وكل سنه جايبتهم يسكنون معهم
بنفس البيت الله يقطعها
لفت نوره على ساره: نسيت اقولك خالد سأل عنك قبل فتره اشك انه ناوي شي
ساره: مثل ايش يعني
نوره:خطبه مثلا بس انا خايفه ذا السحره اللبنانيات يسحرون عقله وحده منهم اسمها
عواطف شكلها عادي شهبا لهبا بس عليها دلع قسم تميعين على صوتها
اما الثانيه سمينه وخدود وتتنشب بيعقوب
رهف انتبهت لأسم يهمها:طب يعطيها وجهه
نوره:يعقوب مو فاضي لها لأنه يحب
كانت صدمه بالنسبه لرهف:ايش؟!
نوره:ايه يحب رغد
ساره انبققت عيونها: والله
نوره : ايه بس هي ماتحبه
تنهدت رهف
نوره:خير
ابتسمت رهف: لاموشي بس تذكرت شي
لطيفه: بنات يالله جيبو الشاهي
ماكان فيه الارهف وساره لأن نوره تكلم جوال
وقفو وراحو للمطبخ
رهف: بروح التواليت"دوره المياه"
ساره: اوكي بس لاتطولين
دخلت ساره للمطبخ اللي كان فاظي وين الخادمات قعدت ترتب
انفتح باب المطبخ المطل على الحوش
دخل محمد وحط صينيه الشاهي رفع عيونه والتقت
عينه بعين ساره نزل عيونه لكن ساره ماتركته ولحقته :محمد
نزل راسه محمد وابتسم:سمي
ساره:سم الله عدوك بس بغيتك تنادي حمدان لانه مايرد على الجوال
محمد: للحين زعلانه
ساره: انت تعرفني اتوقع ما أعرف انام واحد زعلان علي
حتى لو الخادمه
محمد ابتسم كان متوقع انها تبيه بس الظاهر مالي امل في قربها نزل يده وخذ ورده من على الثيل(الزرع الاخضر)
:سارونه يالله هذي عشان تمسح مافي النفوس
ساره :هاها بليز لاتسوي رومانسي مايليق
محمد ضحك: عدال صدق ماتستاهلين
ثم مسك خصل شعرها من قدام ومعطها
ابتسمت له ساره ودخلت وهي فرحه الدنيا فيها
...................................
العنود قعدت مع ساره ورهف ونوره وجواهر وسلامه
العنود: فاتكم اخوي خالد دق علي من امريكا
يقول باقي شوي ويأخذ الشهاده
نوره: ياحبيله عمي خالد والله اني مشتاقه له ولسواليفه
رهف:تدرون من سنتين ماشفته
ساره: بالعطله اللي جا فيها كنتم مسافرين
نوره:وبيملك على ملاك بنت عمك
تنهدت العنود:ياختي خالد ماله رغبه في الزواج
ساره:حرام ملاك تحبه
العنود: هو مارفض ملاك كملاك
لاهو يبي يدرس يسافر يعيش بحريه تعرفونه خالد مايحب يرتبط
ساره:تدرين انه اذا ماخطبها معناها سعود باي
العنود:لأ حرام كذا
جواهر: ماأظن ابد يرفض لو شاف ملاك قمر تهبل
العنود: واصلا خالد يحب نوعيه ملاك الذكيه الضحوكيه
دخل حمدان:ياولد
تغطو البنات
ساره:تعال حمدان
حمدان:هلا والله ببنات عمي احلى بنات باالرياض
ساره:من الاخير اختصر
حمدان: رهف طال عمرك تحدي باألف ريال اذا فزتي على سلطان بلعبه المكاسر
(لعبه تحط يدك بيد الخصم وتحاول انك توقع يده)هاللعبه ماتلعبها البنات بالعاده لكن عند رهف مافي شي مستحيل؟؟؟؟
رهف:والله انكم منهبلين انتم تبوني اتبارى مع شاب انتم اكيد صاب عقولكم شي
حمدان: مافي اي مشاكل بأي قوانين تفرضينها لو تبين ساره تساعدك ايزي عادي
العنود:تكفين رهف لاتمنعيني من هاالمتعه
نوره: اتبارى عنك
لف حمدان بسرعه:لاااا
الكل التفت مستغرب
حك حمدان شعره وابتسم ابتسامه فشيله؟
:لا انا قصدي ان محمد متحدي سلطان على رهف
نوره صدت بعيونها عنه لأنها من جد زودها معها
مع انه مسكين مو فاهم
حمدان:بقول ان رهف خايفه
رهف :ايش ايش ايش انا اخاف الحقني وشوف
ورفعت كمومها رهف
ساره وتسوي نفسها ولد:عليهم
العنود:هاهاهاها الله يخسكم
طلعت رهف والشباب فكوها ضحكه بس رهف سوت نفسها ما اهتمت هي عارفه انها ماراح تشم ريحه الفوز
بس كذا عناد او عشان مايقول سلطان خوافه
رهف:من اللي يباريني!!!!!
سلطان كان منزل راسه وكاتم ضحكه
سلطان :هلا يالله انك تحيي الشيخه
قعدت رهف:بنات تعالو معي
قعدت
بدت اللعبه
من مسكت يده وحست نفسها ترتجف كان يدها الصغيره ترتجف بيد سلطان
ضغط سلطان بيده على يدها وابتسم ابتسامه خفيفه وحط عينه بعينها
حست رهف انها تروح مع سلطان عالم اللي هو يبيه بعيونه الكل كان يصفق ويصارخ لكن رهف حاسه بخوف الدنيا
((((خييييييييييييييييييير))))
صوت نبه الكل له
العمه لطيفه:لاوالله هزلت هذا اخر ماتوصلنا إليه يدها بيده اي منطق هذا وين احنا فيه باأمريكا وين فايز يشوف هالهبال
محمد: أنا مامليت عينك انا عند اختي
وقف سلطان:تشككين باأخلاقي وعلى مين بنت عمي
ثم ناظر باأستحقار وطلع
العمه لطيفه: وانتم ياذا الثنتين وش تسوون يالله انقلعو جوا
نوره: بس ماما هذا مو اسلوب ابدا
لطيفه: اسكتي ولاكلمه حسابك بعدين انتي
دخلو البنات وهم منحرجين صحيح اللي سووه خطأ لأنهم بسن المفروض يكونون تغطو من زمان بس اسلوب العمه لطيفه
خطأ
رجعو للبيت بعد عناء يوم طويل وملئ بالأشياء اللي يستحق التفكير فيها
؟؟؟؟؟كان هذ اخر اجتماع بالعائله قبل الاختبارات
اتوقع هذي اهم الشخصيات بالقصه وحاولت من خلال البارتات اللي راحت اعرفكم على العلاقات
بين كل شخص واللي يحبه