في نفس هالحظات كنت انا داخله بركب العربه وهي عباره عن مركبه
يركبها اربعه كل واحد يلقي ظهره اللي وراه ماحسيت الا بأحد يجرني بيده:مجنونه انتي
رهف اللي مااعت يوم ذابت بعيونه:سلطان لاترجعني هذا تحدي
ضحك سلطان:ماتعزميني!!!
انا رحت فيها: ترى المركبه فيها اربع مراتب لاتركب جنبي وراي فيه مكان!!
سلطان يأشر على كوري:يعني هذا يركب جنبك
رهف الي رفعت حاجبها يعني عادي:لاتركب ابدا مو احسن
مسكني بدون تفاهم وركبني العربه وركب جنبي قلبي مو معاي خلاص اخ بس
بغيت امووت العربه صغيره
مسكت اللي قدامي زي العمود
وغمضت عيوني وضغطت بييدي حسيت بيد تضغط على يدي رحت بطني اوجعني وقلبي دق بقووه
كنت ضااايعه بعالم وررردي
بس افقت من حلمي
جريت يدي طالعني بضحك:يؤ سم الله علي
لفيت عيوني من جهه ثانيه يكفي لاصقه فيه بعد اطالعه
طبعا بدت اللعبه يوم تحركت اتجهت احضن يد سلطان لاومسويه مااخاف
سلطان اللي كان قلبه يدق بقووه كان نفسه يصرخ باعلى صوته وده يترجم شعوره
وقفت اللعبه وانا مغمضه عيوني
سلطان:مسكت يدك مو معنها تحظنيني ثم ضحك
انا فتحت عيوني وبعدت عن سلطان وعدلت حجابي:انت وش ركبك معي
وقفت بسرعه من الربكه
طالعت سلطان سحب شي من العربه ودخله بجيبه
نزلنا وانا احس اني وانا انزل بطيح

محمد:هههههههههههههههههههه هههههههههههههههههههههههه ههههههههههههههههههههههههه هههههههه الاخ شاف اشكالنا
من بعيد ومو مستوعب اني لاصقه في الحبيب والا كان قبرني وقبره
رهف:ضحكت من سرك بلا
العنود تطالع سلطان وتضحك
وسلطان يضحك وويغمز لها
في شي صاير انا مو عارفته!!!!!
ساره:بركب والله غرت من رهف
$محمد يرفع حواجبه :اركب معك
كشت عليه:محد كلمك يالطويل
والا انت رجال خواف
محمد طالعها بعصبيه:قولي رجال
ساره:لا
محمد:سلطان اعصابي فارت خلها تعتذر
سلطان لف لأخته بعصبيه:سارونه
ساره:رجال
محمد:غصبا عليك
ضحكت العنود تخفف جو التوتر لأن محمد انسان مجرووح ومو عارف كيف يطلع الجرح اللي فيه الا
بقهر ساره
مشى اليوم بأمان وسلام ولاداريه وش اللي بيحصل
بعد هالوناسه كانت احلى يوم قضيته مع سلطان بحياتي كلها

الساعه12 الليل
الشباب من اول ماجينا معد شفناهم
مافي قايم الا انا والعنود
وعمي خالد رجع الرياض عشان تلميحات ابوه انه يخطب ملاك توتر الجو شوي على جدي بس رجع عادي
العنود تقول ان خالد بباله حركه لملاك بس جدي عاد اللي براسه بينفذه
هو قفلت معاه هالشايب خويلد وراح الرياض وجدي زعلان
عليه
بعد ماهدى البيت وقعدنا نطالع التلفزيون:راكبه مع سلطان اجل
ابتسمت:عمتو ريحي بالك هو لنوره لاتلوثين راسي بالافكار الخربانه
ضحكت عمتي:وحمدان!!!!!
رهف:يحبها بس هي ماتحبه
العنود اللي قربت عندي:تدرين اني ودي اذبحك انا بعمري ماحاولت ادخل نفسي بسوالف عاطفيه بس بقولك
مع انها اسرار بس حرام اشوفكم انت وسلطان مو قادرين تعيشون

قلبي بدت طبوله طيرااان:وشو
العنود:نوره اصلا تحب حمدان وحمدان يحبها وسلطان عارف
طالعتها بشك:طب سلطان ليه يكلم نوره دايم على انفراد
ضحكت العنود:رهف ماكلمها الا مره وحده وتوقعت انك بتسألين هالسؤال وهالسؤال يثبت لي كثير
الله يسلمك كان يقولها انها لحمدان موله
رهف:كل هالاشياء تصير بالعائله ولا نعرف فيها
العنود بضحكه:تحبين سلطان
طالعتها بنظرات كلها دموع كان فيه شي بينفجر لو ماعترفت:مدري
العنود بضحكه:طيب تحبين يعقوب
رهف:مدري بس هو على الاقل يحبني
العنود: ان كان يعقوب يحبك فان سلطان يعشقك
ان كان يعقوب يعشقك فان سلطان يموت بترابك

يعشقك يحبك يموت فيني اكيد تتكلم عن شخص ثاني غير سلطان اكيد الا اكيد:تستهبلين
ابتسمت العنود:تشكين بعمتك
طالعتها بفرحه:لا
العنود:طيب ماسألتيني وش رد سلطان على بندر
انا قعدت استرجع السالفه اللي انمحت عن بالي:ايه صح وش قال
العنود:قال يابعد قلبي قال البنت يبيها ولد عمها وان قربت لها لاأكون قاص رقبتك!!!!!!!!!!!!!

نزلت دموعي لاارديا مدري فرح خوف خوف من حب سلطان
صاحب الشخصيه الغريبه اخ ياقلبي :احبه عنود احبه
اعشقه واهواه واتنفس هواه
احبه بتعب
بجنووون
هو من سلبني بذيك العيون
طلع قلبي من جوفه من غير مايدري
كلماته عذبتني وشهور جننتني
يحسسني انه مايبيني وهو بقلبه عاشق مجنون
العنود ترفع حاجبها:اوف لهدرجه تحبين
مسكت فم العنود:سر بيني وبينك
حتى ساره لاتدري
حضنتني العنود وبكت معي
كنت خلاص احس الدنيا ابتسمت لي بذيك الليله راحت خيالاتي كلها لعالم سلطان بس
سلطان وفارس بنفس ذيك الليله اول مارجعنا وداهم عمي لليفربول يخلصون عمل له هناك

مساكين راحو فيها من التعب
قعدو حوالي ثلاث ايام

اما حاله البيت

كنا قاعدين عند عماني
انا كنت اصب الشاهي
محمد:ساره صبي لي الشاهي
ساره:لا
محمد يأشر بخبث على ابو سلطان:والله لااقوله
ساره:هأهأ خوفتني
رهف:محمد بلاهبال سم خذ هالبياله
محمد :نو نو خليها بكرامتك احسن صح
ساره:لأ
محمد:ابو
قامت ساره وصبت له:سم انشاء الله
محمد:ببطن اللي اكرهم خصوصا خطيبك الماصل
ساره:مالك شغل فيه وقصر حسك لاينتبه ابوي
محمد:عادي واحد يكلم خطيبته وش صار
ساره:اقوول محمدوه انقلع عن وجهي بس انا مخطوبه وتخسى تصير خطيبي
محمد بااستهزاء:مصدقه عمرها هذي انتي اللي تطولين تاخذيني اخاف يجي اليوم اللي تحبين رجلي عشان اتزوجك
ساره استحقرته لفينا شفنا سلطان وفارس:السلام عليكم
الكل :وعليكم السلام الحمد الله على السلامه
انا كنت فرحانه بعد كلام العنود
دخل سطان ولاعبرني بنظره حتى كان شكله مهموم ونظراته حقران ويتأمل بالمجهول
طلعت من المجلس بعد ماعطاني نظره فايز بسرعه ونزلت جلالي على كتفي يوم طلعت كان باب الشارع مفتوح

صدمت بشخص اخر شخص توقعت بحياتي اشوفه
يــــــــــــــــــعقوووو وب
يعقوب:عيونه وقلبه
مشيت من عنده ومسك يدي:رهف حرام عليك
فكيت يدي:انسى
ووقفت اطالعه بااستحقار
طلع سلطان علينا ووقف وهو متنح:من هنا المجلس يعقووب يابنت ادخلي بسرعه
سلطان تأكد وعرف ان يعقووب هو صاحب المسجات الغراميه كان بينفجر يبي يلعن ابو اصلهم ثنينهم
ركظت رهف بسرعه ودخلت جوا وجهي اصفر
ساره :وشفيك تكلمي
نزلت راسي :ســـ....اره انا احب اخوك سلطان قولي له قولي له
انا مدري ليه سويت كذا!!
ماادري
حسيت اني ابي ارقع الموقف اللي صار لسلطان القهر ماعندي احد اشكي له لأن العنود عندها ملاك
وسلامه اختي 24 ساعه مع فارس انا اتسأل ليه ماتزوجو وخلصونا
ساره ابتسمت:ياحبي لك

انا بعد هالكلام رقيت فوق بسرعه تعبانه كارهه الدنيا مالي خلق اي شي
تذكرت وجهه يعقوب كان قذر بنظراته تفحص ياربي اللحين سلطان وش سوا!!
هل تضارب مع يعقوب لكن سلطان يحشم ضيفه
رحت وتروشت
وبعد المغرب دخلت ساره
رهف:وشفيك
ساره:رهف مدري وش اقولك قلت لسلطان ان رهف تحبك قالي
رهف بحزن:قولي الصراحه
ساره برجفه:قالي قولي لها انسي تطولين ياخاينه وعطاني هالورقتين
مديت يدي وانا ارتجف
فتحت الورقه اللي راحت عن بالي طاريها

حياتي وعشقي رهف
انا لاازال احبك والى يوم الدين راح احبك
رهف انا عارف انك تحبيني بس ليه هالعذاب!!!
انا راح اخطبك وانا وعدتك
بس ليه ماقابلتيني مو هذا اللي اتفقنا عليه
اننا نتقابل عشان اقدر اتكلم لك
رهف
انا احبك
احبك
اعشقك واوهواك
انا رجل والرجل اذا حب مايكذب
وانا فاتحت اهلي بالموضوع
بس بليز انتظريني
مو انتي وعدتيني
والوعد دين
ردي علي الرساله من الجوال
عاشقك
يعقوب


رفعت عيني لساره بعد الم عميق غزى قلبي:وشي هذي وشي هذي وشي!!! اكرهك ياايعقوب اكرهك
ثم شقيت الورقه واختلطت فيها دموعي الم واه
فتحت الورقه الثانيه

توّك صغيره وابتديتي تحــبّين
من علّمك ليل السـهر ياصغيره

*****
بدري عليك العشق يابنت هالحين
حرام هذا القلب وش هو مصيره

*****
إنتي بريئه في الهوى ليه تشقين
صدماته لقلبك تراها خطــيره

*****
عيشي الطفوله واتركي الحب بعدين
ودروبه طواااال عليـــك وعسيره

*****
الشوق يفضح لانكشف داخل العين
وانتي بنفسك ماهقيتك بصيـره

*****
إن كان قصدك بالمحبه تسلّين
بالعكس بتشوفين همٍ وحــيره

*****
الحب قبلك هزّ ناسٍ كثـيرين
خلّا القلوب تعيش خوفٍ وغيره

*****
طيعي كلامي واحذري لاتمادين
تراجعي لعل في الامر خـــيره

*****
عيشي الطفوله والبراءه لك سنين
وبعدين حبّي لاغديتي كبيــره

________________________
كارهك
سلطاااان

صرخت بااعلى صوتي:لااااااااااااااااااا اااااااااااااا حرام والله حرام ياساره صدقيني انا احبه ماحب يعقوب ولا اطيقه
دخلت العنود:وشفيك
اشرت لها تصك الباب ودفنت نفسي في حضنها ابكي ابكي على حبي الي مااكتمل
والا ابكي على حظي الردي
والا ابكي على عشقي لواحد يكرهني
والا لعبي على من عشقني تعبت تعبت
العنوود:انتي ماكنتي تحبين يعقوب
بكيت بحرقه:عنود صدقيني كنت اسوي نفسي احبه اقنع نفسي مااقدر كنت ابي انسى سلطان
الخوف اللي كان من سلطان هذا حب يالعنود حب
انا احب بس سلطان
نمت بحظنها ومدري وشصار بعدها
عشت اسبوع بعدها سلطان مايعتب باب البنات يكلم العنود بس شوي

البــــــــــــــــــــــ ــارت 11
ام فايز:بنااااات يالله قومو افطرو مع جدتكم زعله عليكم
لبسنا كلنا بعد مضاربات
نزلنا وكانت الجده وحمدان ومحمد قاعدين معها بصراحه انقهرت ان سلطان مو موجود تصدقون كنت مشتاقه حتى
لــ صراخه علي من زمان حتى الكلام معي قليل

الجده:ايه ايييييييييه ماتسألون عن جدتكم كنها قاعد ببيت ثاني
ساره:ياحبي لك ياجدتي بس انتي كله مطيحه عند الشباب
العمه لطيفه:اسمعو ترى اهل رجلي بيجون اليوم
ثم طالعت العمه ساره بضحكه:تدرين من بيجي ياساره
ساره اللي كانت لاهيه بجوالها:ميييييين
لطيفه: الجده اللي ربت خالد ويعقوب ام زوجي ام الخطيب

كل المجلس انتبهه لكلمات العمه
الجده تتنهد:ايه والله اجل ساره بتروح للغريب وعيال عمها نايمين<<<تنغز محمد
لف محمد بضحكه لجدته :والله مانامو ولافكرو ينامون وعلى قطع هالرقبه اذا باتت في فراش رجل غيري!!!!
كلمات محمد
محررررررررررررررررررررررر ررررررررررررررررررررررررر ررررررررررررررررررررررررج ه
قوووووووووووووووووووووووو ووووووووووووووووووووووووو ووووووووووووووووووووووووو وووووووووووويه
تخووووووووووووووووووووووو ووووووووووووووووووووووووو ووووووووووووووووووووووووو وووووووووووف

وقفت ساره وطلعت ولحقتها العنود اما انا ونوره قاعدين مصدومين

نوره بصوت واطي:قمه الرومانسيه
رديت بنفس:شئ فلم هندي مكسيكي
ام سلطان وامي كانو منصدميين
والجده:والله اني عارفه انك رجال ولد رجال قدها ياابو
محمد بضحك:ابو نوره
الجده من الفرحه:ابو نوره وابو اللي تبيه

طلعت اشوف ساره
جت على طول وحضنتني :رهف ماابيه ماابيه
ضحكت رهف::مالي كلمه دام السالفه وصلت للجده
ساره عن الكذب انتي بس بااختصار تحبينه


دفنت راسها بوسط صدري وتبكي بضحك
انا مدري وش معناها بس عرفت انها جد فرحانه

يعني يعقوب راح يجي وامه راح تجي وراح تجي رغد عند حبيب القلب اكرهها
بعد ماتفرقنا يالبنات
رقيت وقعدت بالغرفه

بالمغرب
الكل كان مرتبش
انا رحت فوق اتعدل واتكشخ عمري ماحطيت هالكحل العربي
وقلس ولبست فستان مشمشي وعليه دوائر بيضاء طلع علي نعوم وفكيت شعري
دخلت العنود:واواواواواووا يبيبيبيبو وش هالجمال
ضحكت:عاد احسني ماسويت شي
ساره طلعت من التواليت :واو وش هالزين صادق سلطان يوم يدافع عن حليلته
وضحكوووو
كنت اقول ببالي لاتحاولن ترقعون لي خلاص
ساره قعدت على السرير:يابنات احس اليوم راح يصير شي
العنود:من ناحيه محمد مااشك
انا قلت باهتمام:اقول العنود اللحين سعود ورى مايخطب
سكتت العنود وكشرت:تصدقين انا خلاص عفته من زمان وهو يخطب وش معنى يوم وصلت سن الزواج نسى
ساره مسكت فمها:تتوقعون تراجع عن قراره

طلعت برى بالصاله اللي فوق
وفتحت الورقه مره ثانيه بحسره

توّك صغيره وابتديتي تحــبّين
من علّمك ليل السـهر ياصغيره

*****
بدري عليك العشق يابنت هالحين
حرام هذا القلب وش هو مصيره

*****
إنتي بريئه في الهوى ليه تشقين
صدماته لقلبك تراها خطــيره

*****
عيشي الطفوله واتركي الحب بعدين
ودروبه طواااال عليـــك وعسيره

*****
الشوق يفضح لانكشف داخل العين
وانتي بنفسك ماهقيتك بصيـره

*****
إن كان قصدك بالمحبه تسلّين
بالعكس بتشوفين همٍ وحــيره

اخ ياسلطان لوتدري وشكثر احبك
سمعت صوت سلطان تحت هذي فرصتي وماراح افوتها
لبست جلال ونقابي ونزلت
شفت الجده قاعده على الكنبه وسلطان حاط راسه على رجلها كان شكله متغير لحيته ديرتي فيس
جيت وسلمت وقعدت اول مره اتجرأ واسويها
سلطان فتح نصف عينه عرف انها انا لأني طويله ورجع غمضها
انا كان قلبي يتقطع:سلطان وشخبارك
مافتح عيونه تمتم بكلمات غير مفهومه ثم قال:بخــــــــــــير
لحظـــــــــــــــــات صمت
سلطان:اقول جدتي يمدحون بنت عند اهل عمتي لطيفه بنت عبدالله الكبيره
الجده ماعجبها الكلام ورفعت راسه:اقووول ابعد عن وجهي
انا بها اللحظه ماتحملت الضغط النفسي ووقفت برو ح وقفني صوت سلطان:اقوول رهف وش اخبار الورقه
تلقين لك اسبوع تدورينها لزوم شحن العواطف
قلت وانا مااعطيته ظهري: اكيـــــد!!!!
ثم مشيت بسرعه سمعته يقول كلام بس مدري وشوو بالضبط


بالليل وعند موعد قدوم اهل عمتووو
دخلو كلهم وسلمو اما انا كنت قاعده بالصاله اللي فوق اطالع شكلي بالمرايه وازيد القلس
ماحسيت الابظل واقف
:ايييه اكشخي وتعدلي زين يــــــــــــــــــــــــ ــــــــا خاينه لاامانه اهلك
وقفت بعصبيه ومدري وشلووون مديت يدي بكف بوجهه سلطان وعيوني كلها دمووووع اغسل بها جروحي من سلطان
سلطان رفع عيونه وعض على شفايفه:مو انا اللي ارفع يدي على مره ثم رماني على الكنبه
غرقتني دموووعي عذاب والم وكل شي بالدنيا
احساس ان اكثر شخص عشقتيه بها الدنيا
يحسك خاينه
عدلت مكياجي ونزلت تحت
شفت رغد تسولف على البنات ومعها ثنتين وحده والله العالم خادمتها والثانيه مملوحه
الظاهر انها حوريه اللي تقول عنها نوره
سلمت وقعدت وكانت فيه ملاك اللي كان واضح انها مهمومه وماأتشه معها وكانت قاعده على جنب وتهز رجلها
انا مليت من سوالف رغد الله من قل الكذب والخرط
رحت قعدت عندها:كيفك ملاك
ملاك تنهدت:اخباري ماتسرك
طالعتها بحنان مدري ليه احس ان ملاك مسكينه تمووت بخالد وهو حتى مايعرف شكلها اذكر قبل فتره
كنا ببيتهم
وشفت كتاب مكتوب المـــــــــــــــــــلاك ـ والخـــــــــــــــــالدي
كان مره رومانس اصلا شخصيه ملاك رومنسيه وحساسه وهاديه وماتحب تجرح احد ولا بكلمه!!!
حياتها كاأصغر بنت في بيتهم اكسبها كثير من الدلع والنعومه
لأنها البنت الوحيده في عايلتهم
ملاك:رهف وين رحتي
ابتسمت:مو بعيد هنا
ملاك:لابس لأن رغد تطالعك

لفيت بشموخ شفت رغد تطالعني من فوق لتحت
ام سعد اللي هي نفسها ام رغد:ماشاء الله اجل هذي بنتك ياام فايز
ام فايز:ايه هذي الصغيره
ام سعد:ايه ماشاء الله
ام سعود:العنود الله لايهينك ابيك تجيبين لي كاس مويه اذا كان ماعليك كلافه
وقفت العنود ووقفت معاها
شفنا سلامه عند باب المطبخ تسولف مع فارس
العنود:اوء يالحب انتم بكل مكان تطلعون لي
فارس:ههههههههههه والله انك نشبه ياعمه بيني وبينكـ منول رهف ناشبه لنا واللحين انتي
طليت براسي:وانت اعوذ بالله ماتنسى ههههههه
فارس:ايا القطوه انتي هنا
رهف:لو سمحت القطوه المتشرده
فارس ويطالع سلامه:يمكن يوم كبرتي طلعتي القطوه المدلله من عيونك باين
سلامه:فاااااااااااااااااا اااااااارس!!!
ضحك فارس :ياشيخه نرقع السالفه
سلامه:بعد شيخه!!
ضحك فارس:هذي والله اللي بتجيب لي الجلطه ياشيخه انا مافي سماي غير قمر سلامي وبس
استحت سلامى ياحليلها اختي
قعدنا نساعد عمتي لطيفه انا وساره والعنود وسلامه
العمه لطيفه:اوووص انا اسمع واحد يشعر شكله محمد!!!
ركظنا بسرعه عند البلكونه اللي جنب المكان اللي قاعدين فيه عماني ورجاجيلهم


محمد
ثلاث سنين انا اخطط لهذا اليوم يا بو سعود
تيسّر حالي و جاهز اوفّي وعدي بوقته


و فجأه جتني تتعذر .. تقول تأخَرَت لوعود
و انا مستغرب و اسمع كأني وعدها خنته !!


حسبت انها تمازحني و تتصنع جفا و صدود
ضحكت بوجهها من قلب.. مع انْها بايخه النكته


و قالت ارضى بالواقع .. قلبي ماهو المعهود
تغير كل شي صوبك .. نصيبي ما اظن انته !!


كنت ف يوم محبوبي و لكن ما اظن نعود
وصل من قبل ما توصل .. و انا ذاك الصبر عفته


و لكن تكفى صدقني و يشهد ربي المعبود
ترى ما خنتك بغفله .. ولا كلمته و شفته


صراحه اهلي قالوا لي بأنه ولد اصل و جود
و جتني امه بالصوره .. و بكلمات المدح اخته


سكت و قلت هي فرصه مدام الجود في الموجود
و قالوا كل من حولي علامات الرضا سكته


و انا فكرت دام امه و اخته ما عليهم زود
اكيد اني براضيهم اذا وافقت و اخترته




و اراضي اهلي و اخواني مدام ان الفرح مقصود
عطيت الناس انا كلمه ومعاهم وقتي حددته


و لا اقدر اغيرها .. ترى عند العرب منقود
اوافق و اعتذر باجر و اقول الراي غيرته !


تبي تشرح لي المنقود .. تصدق عاد يا بو سعود؟
تبيني اقتنع و ارضى بحال ٍ عمري ما عشته


انا ماني بقايلها .. عسى يفرش ثراها ورود
بعد ما حطمت قلبي و طعم الموت جربته


عسى بفستانها اشواك .. و في ثوبه عقارب سود
و نار ٍ تحرق الكوشه و تحرق بيتهم حتى


و موت بليلة الدخله يبرد حرتي يا كود
ولا احس انها بحضنه يلامس خد لامسته


علي اهون اذا ماتوا ولا بنفس السرير رقود
ترى صعب ٍ علي اتخيل اللي ما تخيلته


عسى قاع الثرى يقسى و يتحول صخر جلمود
و حفار القبر يرفض يسوي فوق مقدرته


ترى دفنة عديم الذات تلوع حتى كبد الدود
و من خان العهود و مات تعافه حتى مقبرته


عسى ربي يجازيهم بحبل ٍ من مسد ممدود
يعلقهم من اطرافه و فوقه نار ٍ و تحته




انا ماني حقود و شين ولاني من نسل نمرود
ومن حط نفسه بوضعي بيقول اللي انا قلته


مدام الفعل له ردة فعل والله ابشري بردود
بدعي دامني حي ٍ و بغرس للدعا نبته


و بسقيها نزيف القلب و دمع ٍ ما رحم لخدود
و تكبر و الثمر ثاري من اللي خانني و صنته


انا نذرٍ علي اكتب و افجر هالقصيد رعود
و اسمّع كل بشر صوتي عجبته ولا زعلته


و اردد للي يسمعني .. اذا حبيت ( حط حدود )
انا حبيت دون حدود و شوف اللي تكبدته


ثلاث سنين انا ابني و جت ( صوره ) بكل برود
خذت مني شقى عمري و حلم ٍ ( قلت ) حققته !!!


ثلاث سنين انا اخطط لهذا اليوم يا بو سعود
وتوافق من كلام اخته .. و صوره ( 4 ف 6 )

للأمانه الشعر منقوووول بس نسيت من اللي كاتبه
كان لحظه هدوء
قطعتها دموع ساره
حضنتها عمتي لطيفه:ماله داعي الله يهديه محمد على كل هالكلام القوي وش بيقولون عنا مالقى الا هالشعر
العنود:اتوقع كل الشباب مع محمد هم الي محرظينه يقوله انا سمعتهم امس
العمه:ساره خلاص بنيتي لاتزعلين وتشيلين هم صحيح خالد اخلاق لكن ترى عنده بعض التصرفات اللي
مايرضاها دين ولاشرع يكفيك انه 24 ساعه مع حوريه وهذا والله مايجوز
سكتنا كلنا
وراحت عمتي لطيفه
رفعت عيونها ساره ووجهها احمر:اخوك بايعها يارهف
العنود:لعيوونك ياعسل حرام ساره يكفي من جد الولد شاريك
سلطان اللي دخل للبلكونه اللي احنا فيها وكانت ساره بحظني:ساره سمعتي اشعر وصلت الرساله
ومالي كلام بعد كلام محمد
رفعت عيونها ساره:ااا مدري وعمتي لطيفه
سلطان :لايضيق صدرك بنراضيهم بااخذ وحده من بناتهم !!!!
كلماته كانت صدمه بالنسبه لنا ثلاثتنا
ابتسم سلطان فديت ثم طلع سلسال من تحت بلوزته والجاكيت فيه حرف r وباسه فديته يانااااااااااااااس
دووومه ذاكرني ثم طالع رهف بحقران
لف على دخله رغد للبلكونه وابتسمت في وجهه :هاااي
بحركه غير معتاده اشر سلطان بيده بشكل تلفون :هاياااات
اكرهـه الكلمه الوحيده اللي تمتمت فيها
ياترى هل سلطان صدق يحب رهف والا السالفه تمثيل
وكل شي يثبت لها ان السالفه ثمثيل وماقدامها اي دليل الا عمتها العنود
ويعقوب وش بينه وبين سلطان ووش دخل العنود بالسالفه
الشعر هل بيمر مروور الكرام على علاقه ساره بمحمد
ونوره وعلاقتها مع رغد على الرغم من كل حركاتها
كل هذا بنعرفه بالبارت الجاي انتظرووني
شموخ العز دلوعه الخوالد




--------------------------------------------------------------------------------

البارت 12
في اخر يوم عشته بلندن
كنت ماادري ليه احس اني اودع السعاده
سلطان وفارس وفايز وحرمته وجدي وجدتي ومعاهم سلامه عشان تكمل باقي تجهيزات العرس
سافرو قبلنا للرياض

قعدت ااتابع كل مكان بالبيت قضيت فيه دمووع حلووه غريبه وايام في قمه السعاده وايام في قمه الحزن
بالطياره
كانو نوره والعنود بجنبي وانا مصطنعه النوم
نوره:تدرين عمتي
العنود:هلا
نوره:حمدان يقولي ان رغد بنت عمي تكلم وتحب سلطان تخيلي يشك ببنت عمي ليه مايشك بااخوه
العنود:نوواره قلبي سلطان معروف عنه من يوم ماولد على هالدنيا عينه مو على الحريم ابدا بس والله رغد ينشك فيها
نوره:بيني وبينك لو يبي سلطان كان مايرد عليها
العنود:نوره انتي مخربتك رغد قولي الصراحه تكلمي بصراحه
ضحكت نوره:دايمن تكشفيني انتي هعهعه ايه والله انا عارفه ان رغد تكلم سلطان هو اول ابدا ماكان يعطيها
وجهه لكن من عقب ماشافها بالملاهي وصار يكلمها
العنود:نوره حبيبي نلعب على بعض احنا
نوره:ليه
العنود:نوره رغد صحيح جذابه بس مو حلوه وانتي تعرفين سلطان وش يعجبه من الاشكال يعجبه شكل رهف
بالله وين التناسب بين الشكلين
نوره:تصدقي عمتوو احس نفسي احيانا تلعب علي رغد بكلماتها
العنود:نوره انتي اذا مشو الناس كلامهم عليك راح تصيرين انسانه على الهامش مالك شخصيه
نوره :عمتو والله ان رغد هي اللي تقرق على راسي من عرفت نفسي وهي تقول حبي سلطان
يوم قلت لها اني احب حمدان
قالت اجل بصراحه انا احب سلطان وساعديني
رفضت اني اعطيها رقمه
بس مره اخذت جوالي ونقلت الرقم
وانا مادريت
العنود:طب ليه ماقلتي لها تخلي عنها سلطان
نوره:توها تقولي هالكلام هالايام لا واللي اثبت لي صدق كلامها شفت سلطان يطالعها عند الباب
العنود سكتت ثم قالت الا على فكره من اطول هي والا رهف
نوره:تقريبا طول بعض!!!!!!!!!!!!!!
العنود:بقولك شغله هو انتبه لها عشانها طويله ثم قصرت صوتها وقالت بااذن نوره شي
وضحكت نوره<<<<كانو يقصدون انه ماطالعها الا يحسبها رهف
انا دمعت عيني ومن نمت جتني كوابيس واحلام اخ اخ

اول ماوصلنا للرياض كان خالد في استقبالنا
وبالسياره كان هو والعنود بمناقشه حاده بصوت واطي ومحد فاضي يسمع لهم لأن احنا كلنا كنا تعبانين

رحت البيت وفتحت غرفتي ومابغيت الا بس النوم براحه ابي انسى انسى كل جروح

انا صحيح خاينه بس انت والله خاين خاين
ضحك سلطان:خاين وخاينه وطلع سكينه:اقتليني واقتلك اقتليني تعالي
صحيت من الحلم بصرخه
لاااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااا
ثم شربت مويه سمعت طق على الباب لفيت :ادخل
دخلت جواهر وحضنتني:وشفيك سم الله عليك
رهف:لا بس كابوس
جواهر وتحط يدها على جبهتي:تعبانه
رهف:مدري احس راسي مصدع شوي
ثم طالعت الساعه:وش مقومك هالوقت
طل فايز من عند الباب:باركي لنا
طالعته بفرح وشفت جواهر نزلت راسها
رهف:وشووووو
فايز:قريب بتناديني ابوزياد
رهف:واللللللللللللللللللل لللللللللللله
فايز:ايه
حضنت جواهر وهي تضحك
وقعدت ازغرط ودخلت امي اللي صممت تروح مع جواهر للمستشفى ودمعتها على عينها:تربونه بعزكم انشاء الله
فرحت فرحه كبيره لجواهر ماتصدقون قد ايش!!!

انا تميت طول اليوم بالفراش مااتحرك تعبانه
دخل محمد بالمغرب:اهلن بااحلى اخت بالعالم
رهف:اقوووول انقلع عني تكفى ياافضح اخو بالدنيا
محمد:وش سويت
رهف:ولاشي
محمد: اذا كان على الشعر جاني سلطان وقالي والله ان اختي لك
اسم سلطان سبب لي رعشه قووويه بقلبي: على كيفكم تتفقون يعني
محمد:حتى جدي دخل بالسالفه وعمي
رهف:طب بابا وش سوا
محمد:بالعكس فرحااان فيني مره
رهف:والله ونعم الاب
محمد:والله اقوله اللحين اللحين انتي تعبانه وفيك شر
رهف:وش اخبار امي منيره انا مدري قبل شوي دقت علي العنود تتكلم عن امها وانا مدري وشتقول
محمد:ايه والله جدتي تعبانه شوي
سلامه:صباح الليل
رهف:هلا هلا
سلامه:انتي طلعتي فستانك
طقيت على راسي!!! يووه نسييييت
سلامه:بس اختك ماتنساك جبته
رهف:انا يوم سويت البروفه ماكان عاجبني
سلامه:لامره يجنن
ثم طلعته
كان لون اخضر فاتح وعليه سلاسل فضي تصميم لزهير مراد روووعه
محمد:اللحين اللي من جهه ظهرك شفاف بتطلعينه
ضحكت:محمدوه حرام عليك دانتيل مايبان شي من ظهري
محمد:وساره انشاء الله كذا
سلامه:ههههههههههههههههههه هههههههههه ساره مافيه حتى سيور من فوق
محمد كشر:قولي والله
سلامه:والله
محمد:قسم بالله لااكسر راسها
سلامه:اقول اهجد شعرها طويل بيغطي على كل شي
محمد:انتي يبيلك كف يعني بتفك شعرها بعد تبين احد يشوفها اغاااااار
رهف:لا هي راح تسوي بف من فوق وكيرلي
سلامه:يااي حلو
رهف:انا قررت اسيحه واسوي شعري حركه نعووومه
لأن الفستان يعطيك نعومه فستان ساره يعطيك رزه وكشخه
محمد:اقوول بيزفوني مع ابوي صح
سلامه :يووووووووه ماسوينا بروفات للزفه
رهف:باقي لك اربع ايام انتي من جدك
سلامه:احلى شي انه راح يكون فيه عرس مصغر لي احنا وعماني والرجاجيل كثيرين عمان فارس كلهم

رهف:ايوه
سلامه:ثمن بروح مع فارس وكأنه عرس طبيعي
وبعد بكره يكون العرس
رهف:ايه كذا حلووو عشان تسوون البروفات وانتم متزوجين تقل نسبه الاحراج
محمد:هههههههههههههههههههه ههههههههههههههه والله وتعرفين تتكلمين رهف
رهف:وش قالو لك بزر عندك شوفي سلامه بالعرس اللي بالبيت عماني بس راح البس البيج والذهبي اللي لبسته بملكه
منال
سلامه:ايه حلو
رهف:لأنه ناعم هاادي مره


بيوم عرس سلامه الكل كان فرحان ومبسوط
المشكله انا قايمه بكل شي
اوجهه الصبابات واحرك الشغالات والله العنود وساره ماقصرو بس انا احس اني اكبر مسؤليه عنهم

طلعت لحوش المطبخ ارتب وين اماكن الشاهي
ووقفت وصقعت بشخص تمنيت من جد احضنه ومعد ارجع لحياتي
نزل عيونه لي:تابعي الطريق زين وبعدين لاتطلعين بها اللبس ولا لازم يعني نعيد الاسطوانه بشكل هالمره غير
سكتت ومشيت ودخلت جوا وقلبي خلاص ينفض قهر غيره كل الاشياء اللي بالدنيا
امتلكته رغد بكل سهوله وانا من عرفت نفسي ماقد قلتله ولاقالي جمله حلووه اخ
يــــــــــــــــــاعذابي ياسلطان
العنود:تعالي بسرعه وسحبتني
مشيت معاها بسرعه للمكان اللي حاطين فيه العشاء!!
ملاك:انا ماني ملزومه فيك خالد انتظرك طول العمر فك عني وخلني اروح لحالي
خالد منزل راسه:يــــابنت الحلال انا يبيلي فرصه اكون نفسي
ملاك وصوتها كله دموع:ان ماجيت اترجاك عشان تتزوجني انا جيت ابيك تخليني وبكذا يتزوج سعود العنود
وانا وياك مو لازم
اذا كانك خايف انك اذ تركتني ماتتزوج العنود سعود فاانت غلطان
خالد:ملاك انا ماراح اتركك من قالك وهالكلام كله انتي فسرتيه من بالك
ملاك وبدت خلاص تصرخ عذاب:انا خلاص ماابيك مابيك
قرب عندها خالد:والخـــالدي يبيك ملاك لاتحسبيني نسيت اللي بينا عشاني درست برى
ملاك كتفت يدها:العب علي بها الكلمتين
خالد ابتسم:تصدقين ملاك كنت كل هذا مسويه ابي اشوف مشاعرك صوبي هي نفسها
ملاك:ايه صدقتك
خالد:واذا عطيتك هالكتاب فيه كل شي عني من يوم مادخلت الجامعه برى الين اليوم واقري احاسيسي
مدت يدها ملاك ومسك يدها خالد وضحك:واخيرا قبضت عليك كنت محتاج لمسه يدك
سحبتها ملاك وراحت وخذت الكتاب
سحبتني العنود وركظنا بسرعه للمطبخ:شفتي وشلون خالد الي مسوي مايحب ولامدري ايه طلع خقاق
رهف:بتعطيني درس انتي اللحين
ضحكت العنود:مثله مثل سلطان
نادتنا امي لصاله عشان نصور سلامه وهي تنزف كلنا بالصاله وماكان فيه الا بس احنا الحريم
بعد مانزفت ورقصنا وقعدت بمكانها
دخل علينا بسام ووجهه متغير شوي شكله متضاااايق
العنود:بسام حبيبي وش صاير
بسام وهو مكشر:مدري مدري بس جدي وجدتي وعمي ابوفايز وعمي ابوسعود وابوي يبون رهف وساره وملاك
لفيت ابي جواب لقيت امي تبكي وام سلطان معاها
انا ماادري وش يبوون بالضبط
وقفت اول وحده مالي خلق انتظر زياده كان قلبي يرقع بقووه
ومسكوني ملاك وساره اللي عيونهم مستغربه بس كأنهم عارفين انهم راح يستدعيهم احد بس انا الكل كان مستغرب
بكاء امي
تمتمه ساره وملاك
عيون عنود المستغربه
دخلت
قابلت بوجهي عماني وكانت وجيهم جديه
الجد:طبعا انتم تعرفون ليه استدعيت اللي يملكـ اليوم
رهف:عشان يملك خالد بملاك
ابو سلطان:ومحمد لــ ساره
الكل وجهوو نظرهم علي كنت اتمني يسرع الزمن بسرعه
ابوي:وانتي لسلطان
انا ماتمالكت اعصابي وطحت على الكنبه:لالالالا لايمكن اسمح
الجد: لوا احنا عطينا الرجاجيل كلمه وبندر ولد ابو سعود خطبك ويعقوب خطبك ورديناهم
بنفس الجلسه بحكم انك محيره لسلطان عاد كل
الرجاجيل عصبو يقولون انك تصرفنا عاد احنا ياملكنا بك الليله ياملكنا بليله اخرى مافرقت بس انحن رجاجيل
وقد كلمتنا
انا عيوني قامت تنزف دم يبون يذلوني جايبين عمي ابو سعود عشان ينربط لساني
طالعت ابوي بنظرات رحمه
وصد عني
كنت اتمنى احد يفوقني من هالحلم من متى وانا محيره لاأحد من عرفت نفسي وانا مالي احد ليه
مستحي ياجدي تقول لاأخوك ان ولدك صايع ضايع
مستحي تقول ليعقوب مانبيك
تقوم تحيرني لسلطان عشانك ماتبيهم تحرق قلبي وشلون تبيني اعيش مع انسان يسميني خاينه
خاينه

وسلطان وش كان موقفه انا عارفه انه سكت عشان مايفضح اهله يبون يعذبوني
ساره كانت عارفه انها بتتملك وملاك ماكانت متوقعه بها السرعه سعود مسافر والا كان ملكووه بعد

التفت جدي على ساره وملاكـ اللي منزلين روسهم كانو فرحانين بخطبتهم من محمد وخالد
بس حسيت اني شلت فرحتهم
وقعو البنات على الموافقه وانــــــــــــــــــــــ ـا...........