منتديات صواديف عشاق - عرض مشاركة واحدة - كتبت إسمك على صدر السما و أيامي / للكاتبة حلاها (( ألايدا )) مكتملة

12-30-2023

*************************************
و عند الشباب....اللي ودرو كلهم الشقه....و راحو بيت سلطان...
الكل ساكت ويتنهد...
سلطاان:يعني ماطلعت للحين النتائج؟
عمر:اليوم ان شاء الله او بكره بالكثير
خالد تنهد بقو:لازم ننهي هالمصخره باسرع وقت
أحمد تعدل ف جلسته بقهر وهو يتذكر تصرف عمه وحرمته اللي يرفع الضغط:اول شي البنات محتاجين صقر... رسلو سلطان عشانه... وانا بعد طلعتلي سالفه القبيله مره والثار اوووف... جدي ماناوي يتركني ف حالي
عمر عبس:لازم نزور خالتي منى بعد اريد باقي مذكرات امي
ذياب:هي امك ماذكرت شي عن من خواتك ولا لمحت؟
عمر تنهد:لا هي كتبت قصتها بس ماذكرت من فيهم مابنتها.. و في دانه بعد تكون اخت قاسم...زوج امي
قالها بغصه...
خالد بفظول:طيب احكي اللي عرفته
أحمد:لا خالد مب من حقنا نعرف شي
عمر:لا من حقكم... بس بعيدلكم تقريبا نفس الاسطوانه...بس الجديد جدي بهدلهم وقاسم اصر مايتخلى عن امي اللي كانت حامل وبنته اللي توها صغيره... فالنهايه ورطه بسالفه ارهاب ومدري وشو وسوابق وطبعا فالخارج هالمسائل الحساسه يخرقو القوانين فيها... وانسجن قاسم... امي تقول عقبها طلقها تحت اتفاق مع جدي بس ماتعرف تفاصيله...
:هالاتفاق مواز اكيد تعرفه
الكل صد صوب راعي الصوت وكان صقر...
صقر جلس وهو يكمل بقهر:دانه تكون اخت قاسم... واللي عرفته من منى بالصدفه انها كانت صغيره ومريضه مرض ومحتاجه عمليه ضروريه ومحد باقي لها غير قاسم وابوي اتفق مع قاسم يعالجها ويربيها مع بناته بس هو يطلق شيخه... وهالشي بالفعل اللي صار
أحمد:الحين تقريبا عرفنا نص القصه باقي الاهم نسب البنات
ذياب:انحلت اصلا
الكل طالع ف ذياب الواثق...

ذياب يكمل بثقة:بما انه دانه تكون عمة البنات هي برا الحسبه...
خالد قاطعه:هالشي مفروغ منه
ذياب كمل:و مهره و مواز بينهن شهر... يعني مستحيل يكونن خوات
خالد يستنتج:يعني الاكيد عليا اخت عمر و يا مواز يامهره هي اختنا
ذياب:ايه... يعني المسئله الحين محصوره بين مواز ومهره
عمر:الا مخلوص منها انتو ناسين انا مسوين فحص لمواز... من غير انه جدي سبق وقالي انها اختي
خالد فز بفرحه:يعني انحللللت اخيرااااا
الشباب ع حماس خالد:هههههههههههههههههههه? ?هههههههه

عممر فز:ابقوم اروح اتابع امور نتيجه الفحص تحمست لازم اتأكد من كلام جدي
صقر بجدية:لا عمر خلي حمود يتصرف... انت بتروح معي الحين عند منى والبنات لازم نكلم اختي هالعنيده
خالد بإصرار:وانا ابكلم امي لازم اكلمها
احمد وقف:قصدك نكلمها
سلطان:بس احمد مها محتاجتلك اكثر
احمد عبس وهو يتذكر مها وبنرفزة:لاتذكرني هذا عمك بذبحه
سلطان وقف:انا اقدر اساعدك
احمد بلهفة:خلا عيل قوم

فيصل فز:ابروح اجيب مواز من شقتك
صقر قطب حواجبه بغضب مكبوت:نحن وش اتفقنا عليه؟
عمر:خالي خليه الحين يشلها عند البنات مشي فايده تبقى بروحها هنيه... ومحد يقدر يبقى معها كلنا مشغولين... وجدي لو عرف انها ماعند فيصل وردتلك اكيد مابيسكت
صقر تنهد ع كلام عمر اللي ماكذب فيه و رفع حاجب وهو يطالع فيصل:اصلا هي من متى و هي تطيقك؟
فيصل مايبا يخبر حد عن سالفة ضرب فهد لها... تبسم وهمس لصقر:لا تحاتي انا اروضها لك... وابشرك امورها تمام دلع البنات بطلته وبتشد حيلها فالدراسه
صقر تبسم بذهول ساخر:من صدجك؟!!!!!
فيصل بثقه:ايه... اروح اجيبها لك
صقر مسكه:فيصل تراها امانه ف رقبتك لحد ما ارجع فاهم؟
فيصل تبسم:ان شاء الله
و ف خاطره:لو بس تعرف ابوك كيف مجرم فيها اش بتسوي؟!!
فيصل راح واحمد وسلطان وراه...
عمر قام بيتصل على حمود...
خالد و ذياب جلسو مع صقر...
**************************************
و بعد ساعه... ف بيت فهد...

منى بصراخ وتهديد:والله لو درى عنكم لايذبحكم
صقر وقف بقهر بس عمر مسكه وبصراخ:اقووول انقلعي... مو منج من اللي ايي يكلمج
منى بغضب:انقلع انت وياه ماعندي شي اقوله لحثاله
صقر صكها كف طيحها الارض وكان بيكمل عليها لو ماعمر وقفه بالقوه
عمر بصراخ:خالي الله يهديك هذا مب اسلوب نحن جايين نتفاهم
صقر شوي ويستخف:انت ماتسمعها قليلة الادب؟!!... شو تتفاهم هذي وجه تفاهم؟!!!
منى وقفت و ايدها ع خدها اللي تورم ودموعها ف عيونها:والله لا اعلم عليكم ابوي
وطلعت عنهم ركض...
صقر:رووحه بلا رده يالياهل يالمتخلفه
عمر:خالي بدل لا ناخذها بالسياسه تنافس جدي اشوفك؟!!
صقر وهو منقرف من كل شي:خل تولي
ودخل عنه...
عمر تنهد بقو وهو يطلع فونه وهو يشوف اتصال خالد....
رد واتصل فيه وبضيق:السلام عليكم اش بغيت؟
خالد:وها بشر؟
عمر جلس يستغفر:عمتك لسانها طويل ووقاحتها زايده وعمك ماقصر توني ابنطق نتفاهم معها الا يصكها كف وتعقدت الامور
خالد:ههههههههههههههههه والله فله من زمان ودي حد يصكها كف عسى تصحى من سحر جدك عليها مدري ليش تدافع عنه؟!... تقهر ياخي!!
عمر تنهد:زين انت وش سويت؟
خالد:هههههههههههههههاي انا حاليا فالغرفه نايم منهار... تحت مفعول المهدئات... رجعت لامي تعبان زياد لاه
عمر:ول والله حرام علي... مسكينه امك بيوقف قلبها عليك طلعت مب سهل تمثل بإتقان
خالد بغصه وجدية:كل هذا عشان اطلع اللي معها... والله ياعمر للحين مامصدق انها معاونه جدي على ابوي... ابتأكد
عمر تنهد بغصة:الله يعين
خالد:زين يله مع السلامه
عمر:مع السلامه
سكر وهو يشوف منى داخله عليه وفرت فوجهه دفتر وبصراخ:هذي بقية مذكرات امك... والحين انقلع
عمر طالعه ببرود:مع السلامه خالتي ماقصرتي
وطلع عنها...

عند صقر اللي دخل على البنات...
مهره اول ماشافته فزت ركض له:صقر
صقر:هههههههههههه هلا بالمهره
مهره:اخيرا جيت...
وعبست شوي وتصيح:وين مواز؟!... وشهاب بعد جا وخذ عليا
صقر تبسملها بذبول:ماعليه حبيبتي بيردون بس انتي لا تكدري نفسج
مهره بفرح:صدج؟!!
صقر:افا عليج هذا وعد مني
مهره:هههههههههههههههه احبك
صقر:ههههههههههههههه سبحان الله نفس ردت فعل مواز
مهره شوي وتصيح:على طري مواز اخبارها اشتقتلها؟
صقر:الحمدلله بخير وتسلم عليكم
مهره تنهدت:الله يسلمها

دانه اللي كانت فالحديقة تسقي الزرع دخلت وهي تتأفف:اوووووف حتى الورد ذبل وين عليوه عن وردها لو تشوف كيف صار بتذبح منوه وا....
سكتت وهي تشوف صقر ومهره يطالعوها... استحت وصدت بترجع الحديقة...
صقر:السلام عليكم
مهره تبسمت وهي تأشر لصقر انها بتخليهم بروحهم...
صقر تبسملها وراحت...
دانه اللي عاطتنهم ظهرها:وعليكم السلام
وجت بتكمل دربها بس صقر وقفها..
صقر:دانه لحظه
دانه ع حالها:تفضل
صقر:طالعيني انزين
دانه صدت صوبه اول ماشافته بروحه وقف قلبها...
صقر قرب منها:دانه.... تتزوجيني؟
دانه.....
**********************************
و ف هالاثناء...
كاتم غضبه وباستنكار شديد:شووو؟!!
سلطان:عمي الله يهديك وش هالكلام؟!... مها عايشه مع زوجها و..
أحمد قاطع سلطان كاتم غضبه وقهره بزور:مها زوجتي وعايشه معي... وربيعتها كانت بايته معها وانا طالع اجيب ريوق بأي حق ارجع احصلك شالنها و مسوي فضيحه فالعماره؟!!
ابو مها ارتبك:انا اقصد... يعني عبالي... انت اش دليلك ع اللي قلته
احمد انفجر اخيرا:وانت اش لك بعد بأي حق جاي تشل حرمتي وتحاسبني هاه؟ّ!
ابو مها خاف من انفجار احمد اللي سلطان ماسكنه ويهديه بلع ريجه:بنتي وش بعد ما لي حق عليها؟!!!
أحمد صرخ فيه:بنتك... يوم انك تتذكر انها بنتك بأي حق تحرمها من دراستها و تزوجها فهالعمر بالله؟!!... انت اخر واحد يتكلم عن الحقوق؟!!!
سلطان وهو ماسك احمد عن عمه ويهديه:أحمد الله يهديك بس تعوذ من بليس
أحمد بقهر:ماتسمعه سلطان؟!... كل كلامه مامنطقي مشي منه يدخل العقل؟!
ابو مها:صحيح انك همجي ومتخلف مستحيل اعيش بنتي عند واحد مثلك

أحمد دف سلطان من قدامه:خليت لك التخضر يالعم... التحضر تطب شقتي و تسحب حرمتي ف غيابي و بالغصب وقدام الناس هذا التحضر عندك؟!!.. الحمدلله والشكر
ابو مها عبس اكثر وبربكه ماعارف كيف يبرر تصرفه:طلق
أحمد فار دمه بس سلطان مسكه بسرعه صرخ:بعد سلطان هذا اللي بذبحه
ابو مها بخوف:سلطان طلع ربيعك من بيتي لا اجيبلكم الشرطه
أحمد بقهر:لا رجيتك هاتهم عشان نشوف من فينا اللي بينسجن
ابو مها بثقة:انت متعدي علي ف بيتي
أحمد:و انت شال زوجتي مني بالغصب... يعني اختطاف
ابو مها:هي بنتي
أحمد:وهي زوجتي
سلطان صرخ:بسسسس خلااااااص.... عمي الحين انت وش تبا بضبط فهمنا؟
ابو مها بإصرار:يطلقها
أحمد ج بيرد بس سلطان سكته...

سلطان بهدوء:طيب عمي ممكن نعرف ليش الريال شاري بنتك ويحبها ليش بيطلقها يعني؟!... علمنا عطينا سبب مقنع منطقي
ابو مها:مايحبها يكذب معذبنها بنتي... لو صدج يباها كان ماردها تتدرس وللحين ماحملت منه ووقفو اي شائعات ومره وحده وقفو الثار للابد
أحمد مسك راسه بتذمر يستغفر:استغفر الله الله يصبرني بسسس
سلطان مسك عمه يتفاهم معه:عمي وربي أحمد يحب مها وابدا مامعذبنها انت من موصللك انه معذبنها؟!
ابو مها:هي مها خبرتني
أحمد بقق عيونه وباستنكار:شوو؟!
سلطان:بعدين البنت صغيره من حقها تكمل والثار وقف من يوم تزوجو.. عاد يخلفو مايخلفو مالكم دخل فيهم... بعد قاصر تقولي لازم يجيبو ولد
عمه بثقه:اكيد
أحمد صرخ:استغفر الله هذا اللي بذبحه

سلطان قاطع أحمد بسرعه وهو مامستوعب تصرفات ولا كلام عمه و وده يتأكد من شي ف باله:عمي... انت بخير؟
عمه ارتبك:هاه... شو؟!!
سلطان طالع أحمد بفجعه:احمد خلينا نروح
أحمد:ماني طالع من دون مها
سلطان مسك احمد ع صوب:عمي مب بوعيه والله احسه مدري
أحمد ببساطه:مسحور
سلطان بقق عيونه:مدري... انت... يعني... اش خلاك كيه تستنتج؟!!
أحمد:مها دوم تقول هذي العقربه تسويها وتسحر ابوي مايهمها
سلطان قبضه قلبه:عندك قرآن؟
أحمد طلع فونه:اكيد
سلطان:طيب خلينا نتأكد...
أحمد شغل القرآن وعلا ع الصوت...
اول ماسمعه ابو مها بدا يرجف ويصرخ وهو يغطي اذونه:سكروووووووووووه سكرووووووووووه
سلطان عفط بفجعه صوب عمه اللي طاح منهار يصرخ بقهر:لا حول ولا قوه الا بالله
أحمد بنده بذهول وهو عمره ماتخيل انه توقع مها ممكن يطلع صحيح!!!!
***********************************
***********************************
و عند فيصل اللي خذ مواز معه ل فلة ابوه... من دون اي مقاومه او كلمه من مواز اللي ذابله بشكل... وكأنها بعالم ثاني...
دخلو بهدوء... بس استقبلتهم امه اللي توها بتطلع قدام باب الصاله...
امه وهي تخز مواز من فوق لتحت بشمأزاز:ليش جايب هالزباله بيتي فيصل؟
فيصل مسك مواز وسحبها قدامه... وهو يستغفر...
امه مسكت مواز و طالعتها بقرف:هيه لا يكون تفرحي وايد بولدي هالغبي... تراج تسلايه... شهر زمان ويقطج بيت اهلج
فيصل سحب مواز من امه لحضنه وبصرامه:ماله داعي هالكلام يا ام فيصل
امه وهي تتطالع ف مواز اللي فحضنه باستفزاز:هه انت متزوج خرسا ولا شكلها مريضه نفسيا
فيصل:لا حول ولا قوة الا بالله

وسحب مواز معه لغرفته... وامه طلعت عنهم بعدم مبالاه...
فيصل وهو مغتص ع معامله امه لمواز:ماعليه تحملي
مواز....
فيصل اول مادخلو الغرفه دخل غرفته يدور شرش لفونه.... وترك مواز فالصاله....
طلع حصلها جلسه ع الكنبه وتصيح... عفط لها:افا ليش الدموع؟
مواز....
فيصل بحنيه:مواز خلاص لاتخافي شي انا موجود معج
مواز....
فيصل سكت عنها وهو يسحب شيلتها يحس قلبه يذوب وهو يتأمل ربتها اللي مابين عليها اي اثر للضرب كيف ما لاحظ كيف مافكر وقتها ليش وكيف وافقت بسرعه عليه...
مواز اول ماحط يده ع راسها فزت بفجعه:لا تلمسني اوووووف
و دخلت عنه الغرفه وهي تمش دموعها بدفاشه...
فيصل تنهد بقو وهو يتذكر الضرب مسك راسه بقهر... وهو يتوعد ف فهد...
عصب قام وراحلها... دخل حصلها واقفه قدام باب البلكونه:مقفل ترا
مواز صدت صوبه بفزعه:بسم الله
فيصل:بعدي مناك
مواز كشرت:هه غبي
فيصل عصب:شو ماسكعت كنج سبيتيني؟
مواز صرخت فيه:غبي هاه سمعتها زين؟
فيصل قرب منها بثقه وهو يأشرلها لسبابته:لا تختبري صبري معج فاهمه
مواز بعدت يده من قدام وجهها بقرف:هه ماااالت
فيصل مسك يدها بقو بس بسرعه تركها وهو يتذكر ضربه لها وضرب جدها رجع ورا عنها خطوتين وهي مستغربه منه وبعصبيه:رح افوز فالرهان وساعتها بس بأدبج
مواز بعناد:كل تبن
فيصل صرخ فيها وهو بزور ماسك نفسه:هذي اخر مره انبهج.... عدلي الفاضج واسلوبج معي
مواز:هه خوفتني... ولا امك عاد اووووه ماشاء الله
فيصل مسكها بقو وهو خلاص ماطايق قلة ادبها معه:مواز تعدلي ابركلج
مواز وهي تقاومه:شو بتكمل اللي بداه جدي؟!
فيصل تركها وهو يطالعها بثبات:بنشووووف
وراح طلع عنها...
مواز اول ماطلع جلست تصيح بلوعه.... وهي كارهه ضعفها اللي يخونها دوم معه... ويجبرها تنصاعله... ولا هي ماخبرت حتى مها عن ضرب جدها لها... وهو سمحتله يتأمل آثاره ع جسمها... كيف ماتدري؟!!
فيصل طلع عنها وهو كارهه كل شي... عمره... جدها... وكل شي... فر جسمه ع الكنبه بيرتاح شوي من مشاكله معها... كل ماقرب منها خطوة تبعد عنه عشر...
***********************************
ظهر....
خالد وهو متسدح ف غرفته وف خاطره:يالله طلعت ممثل درجه اولى... هه... انا بوريكم قال وشو قال يحطم باقي احلامي والله مابسكت والله
وفز وقام تأكد انه البيت هادي وامه فالمطبخ...
قفل غرفته وراح مكتب جده...
دخل وقفل...
و بدا يفتش...
كان متأكد مايحصل شي... و قام طلع بحذر شديد وصعد لغرفته بخيبه... بس لمح باب غرفه امه مفتوح...
راح دخل وهو يتأكد من امه مشغوله فالمطبخ...

خالد فتش اغراض امه... تعب وهو يدور..
صد صوب كبتها استحى يفتشه... بس تذكر لما كانو صغار كانت تضم عنهم الكاكو بين ثيابها...
تشجع وفتش بحذر...
حصل ملف فتحه وشهق:اووووف... صحيح انه هذا المكان السري...
وكمل بخبث وهو مبسوط:اول احصل الكاكو والحين حصلت كنز... والله وجبت اخرتك يا الجد
و طلع بسرعه... حصل امه فوجهه
خالد وقف متيبس مكانه وهو مبقق عيونه ف أمه اللي تطالعه ببرود وشكلها من فتره واقفه قدام الباب:يمه
امه:تفتش اغراض امك وبين ثيابها؟!... مب عيب؟!!
خالد بلع ريجه وهو يلاهث:افا يمه لا والله بس كنت ادور عليج عبالي ...
امه قاطعته بنهره هزته هز:لا تكذب... انت تعرف زين اني اكشفك واعرفك زين... انت ولدي وانا بنفسي مربتنه... وعمري ماربيته ع السرقه
خالد عبس وبجديه:و ماربيتيني ع الخداع والنصب والتزوير... والكذب... ليش ليش عاونتي جدي على ابوي؟!... وهو زوجج وحبيبج ليش يا امي ليش؟!!
امه سحبت نفس عميق وببرود:ابوك عمره ماحبني انا بس اللي حبيته... عمره مافكر حتى يحبني ماقدر يحب غيرها... وحتى بعد ماعاش معي وخلفناكم... كانت فباله وعمره ماتناساهى... واول ما حصل فرصة تركنا وراح لها
خالد سكت وهو يسمع امه اللي كملت بحقد:انا اللي تميت 20 سنه احاول انسيه اياها... ف لحظه اكتشف انه متزوجنها ويخطط يأسس حياة جديده نحن مالنا نصيب فيها... ليش؟!.. وبأي حق؟!!

خالد بلع ريجه:بس هذي أحلامه وانتي كنتي تعرفي زين انه عمره ماكان سعيد وانتي كنتي تحبيه واللي يحب يضحي عشان سعادة اللي يحبهم... لانه سعادتهم من سعادته... امكن لو تنازلتي من الاول وانتي تعرفي انه انجبر يترك حب حياته واحلامه وماتعيشيه غصب احلامج لانه مشي يستمر بالغصب
امه صرخت فيه بشراسه:انا عمري ماخسرت.. ولا تمنيت شي وماحصلته... الا قلب ابوك... وماكنت مستعده اخر عمري اخسر
خالد بصرامه:يا يمه انتي تعرفي زين انه ابوي ماكان لج ابدا... ولا فزتي فيه ولا بقلبه لحظه... كله كان يجامل و يمثل لا اكثر وانتي اول وحده عارفه هالشي... وانتي بنفسج رضيتي تكوني محط شفقته
امه صرخت فيه:انا ام عياله... جبتله ولدين الواحد احسن عن الثاني وربيتله ولد اخته المجنونه... ولا قدر المعروف ولا حتى شكرني... نظرة البرود ف عيونه الشفقه كنت اكرهها وكرهته اكثر لما عرفت انه رجع وخاني ماكفاه يغلط ويناديني بأسمه خاني وتزوجها
خالد مسك امه وبحنية وهو منقهر على امه:انتي امي وانا منقهر عليج... يمه انتي افنيتي عمرج عشانا... بس عمري ماتخيلت انج بتكوني سبب موت ابووووي بسبت غيرتج بسس
امه دفته عنها:انت ماذقت اللي انا ذقته... ابوك كان يذبحني بتهميشه لي
خالد قاطعها:بس يمه انتي اللي رضيتي بتهميش والوضع اللي كنتو عليه... لو تنازلتي شوي كان بيكون لج نصيب ف قلبه مثل مال هذيك نصيب
امه:لا... هو حبها هي وبس... مايقدر يحب غيرها... مستحيل كنا نقدر نتقاسم قلبه ويعدل بينا
خالد:يقدر... الله حلل للرجال ياخذ اربع لانه يقدر يعدل بينهن... يمه انتي حكمتي ع الوضع بسبت غيرتج يمه انتي اصلا ماهمج يعدل ولا ماعمرج حد شاركج ف شي ومستحيل كنتي ترضي انسانه تعرفي زين انها بتفوز عليج تشاركج ف زوجج اللي يحبها هي من البدايه
امه بلعت غصتها:كنت احبه و وافقت عليه عشان بس احرق قلبها... بس للاسف انا اللي احترقت

خالد لم امه اللي دموعها بدت نتزل:افا يالغاليه... الحين انا واحمدوه وعمور مانكفيج؟
امه:انت ماتعرف انا اش سويت ياخالد ماتعرف
خالد:اعرف والله اعرف... بس رجيتج هالمره ساعديني اريح ابوي ف قبره عشان حبه اللي ماعمره مات ف قلبج
امه....
**********************************
عصر...
فاشقه اجتمعو...
أحمد كل شوي ويتنهد بقو وحده متوتر... وسلطان يحاول يهديه...
خالد حاط ظرف الاوراق اللي جابهم من عند امه فالطاوله اللي بنص الجلسه جنب مذكرات ام عمر..((شيخه))... و شارد يفكر...
ذياب ماسك لابه و يطقطق فيه وناسي كل اللي حوله...

عمر دخل ومعه صقر وفيصل:السلام عليكم
الشباب بدون نفس:و عليكم السلام...
فيصل عبس:افاااا بلاكم؟!!
ذياب وهو يسكر لابه:كل واحد وهمه انتو اش سويتو بشرو؟
صقر تبسم بخبث وهو يفر جسمه ع الكنبه باريحيه:انا ملكت ع دانه
الكل شهق وطالع فيه بدهشه كبيره!!!؟؟
سلطان بصدمه:كيف؟!... تقول ملكت ع وحده ولي امرها ابوووك؟!!
احمد باستغراب:في مشاكل في اثبات نسبها كيف ملكت عليها انت؟!
صقر:هههههههههههههههه كل شي ف وقته حلو

عمر وهو يطلع من جيبه ورقه:و انا سرت طلعت التحليل
خالد واحمد طالعو بعض وطالعو عمر بلهفه:بشر طلعلت استنتاجاتنا صح؟؟
عمر تبسم:مواز اختي... هههههه يعني طلعت الاستنتاجات صح الحمدلله
خالد:يعني ع هالحاله مهره تطلع اختنا
صقر بثقه:ايه عليا و مواز خوات عمور وانتو اختكم مهره
أحمد تنهد بقو:زين والحين وش نسوي؟
ذياب:عندنا ادله وايد الحين ضد فهد... و كشفنا نسب البنات... مابقي الا نحل مشاكلنا بهدوء وسكات
خالد تنهد:كيف؟!
ذياب تبسم بثقه:تقريبا قدرت احللك مشكلت الدوره انت وعمر... بس باقي مشكله مها... شهاب قالي احمد وسلطان هم بيتصرفو
أحمد تنهد بقو وهو يطالع سلطان:لحد ما يتحسن عمي مانقدر نسوي شي
صقر وقف:قوم انا عمك وانا بردلك حرمتك
احمد:المشكله مب ف ردها اقدر اردها بس لازم تبقى مع ابوها تعبان ومحتاجلها
صقر:انت مصدق؟!... يامجنون دام جاتك فرصه لاتتركها عند حرم ابوها لحظه... قوووم فز قدامي
سلطان وقف:بس خوانها هناك وكيه المشكله بتتعقد اكثر
صقر:انتو بلاكم ثقو فيني خلا فزو... انا عمه وانا بحل هالمشكله اش فايدتني؟!!
خالد وذياب:ههههههههههههههههههه احلى يالعم
احمد طالع ف صقر وقام:تعبت من هالمشاكل اوووف
صقر تحمس:خلا هياااا
وسحبه معه...
سلطان لحقهم:توكلنا وامرنا لله

صقر وقف:لحظه...
و رجع:سمعو... من نرد نجيب مها...
وطالع ف فيصل اللي مب معهم اصلا وعقله ف مكان ثاني وسرحان وهو جا بس عشان الاجتماع بس ولا ماقادر يترك مواز مع امه خايف عليها مايردي ليش يحس انه المذنب فكل شي سيء يصيبها ومسؤول عنه:فيصل بيشلها ومواز وبيخطف ع عليا و بيوصلهن البيت
فيصل فز ع اسمه...
صقر كمل:... ونحن بنسير لأبوي... جهزو كل شي لحد مانرد
وراح عنهم...
فيصل قام بتعب:عاذرتكم
ذياب:على وين تم شوي مشتاقيلك ياخي ابدا مانشوفك
فيصل:لا مواز بروحها ف الفله احمد ما اقدر اخليها مع امي بروحها
وجا بيروح عنهم...
ذياب صفر وهو يطالع عمر اللي تبسم...
خالد:اقول عمور ليش ماتسير مع فيصل تشوف اختك؟
فيصل فز:لا مب الحين حالتها ماتسمح
خالد وذياب انبطو ضحك ع شكل فيصل:هههههههههههههههههههه? ?
عمر تبسم وهو مستغرب قلق فيصل الكبير ع مواز واللي غير مبرر ومفاجئ يحس صار شي محد يعرفه غيره وهي... رفع حاجب:ليش عاد؟
ذياب بخبث:افهمها عاد... الحبيب يبا ياخذ راحته مع المدام
فيصل عصب:تشب
خالد:هههههههههههههههههههه? ?ههههههههه
عمر:خلاص عيل هاتها هنيه بشوفها لاه
فيصل بيصرفهم بأي طريقة:لاه... واعدنها بمشوار باي
وراح عنهم ركض...
ذياب:ههههههههههههههههه ول شرد
خالد:هههههههههههههههههههه? ?ههههههههههه انشهد انها مخبلتبه
عمر سكت وهو بداخله يفكر اش ممكن يكون صاير؟!!... هي اخته الحين وعليا بعد... يحس بشعور غريب وهو بس يتخيل انه طلع عنده خوات... تبسم ع هالفكره وارتاح لها كثير وحب فكره يهتم فيهن... ويهتمن فيه ويعوضو بعض سنين الحرمان... و يكونن معه ف عرسه...

ذياب وهو يطالع ف عمر السرحان:اووووه الاخ سرحان بقوة
خالد:اتركه مبسوط طلعله خوات
ذياب:ههههههههههههههه اما انه ابتلش خوات ونسايب... شهاب و فيصل
خالد:هههههههههههههههههههه? ?ههههه اشر اثنين
ذياب:الله يعينه هههههههههههههههههههه
خالد:ههههههههههههههه والله وطلعت المجنونه اخت عمور الهادي و معذبة شهاب خخخخخخخخ دنيا صغيره
ذياب:هههههههههههههههههه عليا فيها شبه من عمر هاديه مثله
خالد تعدل فجلسته:هههههههههههههههههه بس مواز وين فيها شبهه منهم؟!!
ذياب:لا هذيك مفصله لفيصل
خالد:هههههههههههههههههههه? ?ه سبحان الله... ياخي الله يولف
عمر:هاه خلصتو حش ف خواتي ولا بعدكم؟!!
*************************************
وبعد ساعه...
سلطان بصدمه:ابدا ماتخيلتك بتقنع عمي وعياله بكل هالبساطه!!
صقر:هههههههههههههههههه خبرتكم ثقو فيني
سلطان بخبث:الا قول واسطة العلاقات
صقر:ايه اسرار المهنه...
وتلفت حوله:الا احمدوه وينه؟
سلطان:ههههههههههههههه اول عطوه حرمته شردبها على طووووول
صقر:هههههههههه الله يهنيهم عيل يله توكلنا
سلطان:امين ويهنيك يالمعرس
صقر:امين تسلم عقبالك
سلطان:صح مابتتصل بأحمد تخبره يوصل مها عند البنات؟
صقر:اووه زين ذكرتني
و اتصلبه...
وصله صوته يتذمر:اوووه عمي وش هناك؟
صقر:اوووه اسفين المعرس بس لا تنسى وصل البنت عند فيصل بيوديها والبنات بيت ابوي
أحمد:ههههههههههه والله مانسيت بس خلونا شوي نعرف نتهنى
صقر:تهنى تهنى يالمعرس
أحمد:بتحس فيني والله من تعرس
صقر تنهد بقو وهو يتذكر دانه اللي ملك عليها ولا لحق يجلس معها او يكلمها:لا والله حاس فيك صدقني
أحمد:ههههههههههههه ماعليه العم حاس فيك... بس تعدي هالازمه بنسويلك احلا عزيمه لعيونك
صقر:لا ياشيخ انا بعرس مب مسوي شي من العزايم ليش نأجل بعد؟!
أحمد:هههههههههههههههههههه وانت الصادق
*******************************
وقف قدام الجامه يعدل غترته وهو حده كاشخ:هزي فيصل والبنات قريب يوصلو
عليا وهي تبخره:ان شاء الله
شهاب تبسم وهو يسحب المجمر من يدها ويحطه ع التسريحه:خلاص خنقتينا
عليا عبست:لاه
شهاب باسها فوق راسها وقربها منه وبهمس مغمور:تدرين مايطيب لي غير عطر انفاسج
عليا دفته عنها بخجل:اوووه شهاب خلاص عاد اركد
شهاب:هههههههههههههههههه خايفه اتهور وماتسيري لخواتج اليوم؟
عليا ولعت وانصبغ وجهها:ايييه
شهاب:هههههههههههههههههههه? ?هههه فديتج

عليا قربت منه وبرجاء:شوي شوي عليه
شهاب وهو فاهم قصدها:لا تحاتي رح اراعيه بقدر المستطاع يارووح فهد
عليا مسكته برجاء:شهااااب الله يخليك..
شهاب قاطعها وهو يكفن وجهها:اشششششش... لا تحاتي... واثقه فيني؟
عليا بذبول:ايه اكيد
شهاب:عيل خلاص ماله داعي تترجي
وباسها بين عيونها:احبج
عليا ضمته بقو:هو طيب وربي طيب
شهاب سحب نفس عميق وبعدها عنه ببتسامة:خلاص عاد.. يله البسي عباتج تراهم فالدرب
عليا هزت راسها بالمواقفه...
ذياب دق عليهم الباب:شهاب وصلو
شهاب:زين
وطالع عليا اللي لبست عباتها و توها تتشيل... قرب منها وضمها:رح اشتقلج
عليا....
شهاب بعد عنها و سار قدامها فتحلها الباب:يله توكلي
عليا وقفت قبل لاتطلع و رجعتله...
شهاب:نسيتي شي؟
عليا:ايه
شهاب:طيب استعيلي يحرصوج ترا
عليا:و انا ترا احبك ورح اشتاقلك...اوعدني ترجع تاخذني
شهاب طار قلبه من الفرحه مسك يدها وهو متشقق من الوناسه:يعني انتي مب زعلانه علي؟
عليا استحت:شوي
شهاب:فديـــــــــــــــــ? ?ـــــــتج فديتج قلبج و عيونج و ضحكتج و بسمتج وكل شي فيج
عليا بخجل:هههههه بس عاد ماصدقت
شهاب رفع وجهها له:أوعدج هالمره مارح اخذلج... قولي آمين
عليا وهي غرقانه ف عيونه بهمس:آمين
شهاب وهو يبعثر نظراته فعيونها:الله يقدرني وأسعدج
:أحممم أحممممم
شهاب وعليا فزو...
ذياب:يااااربي يله ينتظرووو تراااا ودر البنيه حلت الحين السوالف؟!
شهاب:هههههههههههههههههههه? ? خربت علي ياخي
عليا استحت وراحت بسرعه...
ذياب طالع اخوه بفرح:اووووه اخيرا رجعت ضحكتك هالحلوه
شهاب:لا تغازل ترا في ناس يغارون
ذياب عبس بقرف:مااالت مصدق عمرك
***********************************
مسافة الطريق وفهد وفارس قدام بيت شهاب...
دخل بفجعه وهو يصرخ على ذياب:وينه اخوووك وينها عليا هاااه؟!!!
وفارس وراه...
ذياب طالعهم ببرود:طيب طيب هدي تفضل اخوي الحين بناديه لك
فهد استغرب وطالع فارس...
فارس:خلنا ندخل طال عمرك احسن تتفاهمو وتحلوها
فهد تنهد:يصير خير
ودخل...

حصلو شهاب ينتظرهم كاشخ و جالس حاط رجل فوق رجل ومكيف:السلام عليكم هلا بالشريك
فهد ماعجبه الوضع:وعليكم السلام... شكلك متوقع جيتي
شهاب:عليك نووور... طول عمرك ذكي... تفضل اجلس... ريح
فهد جلس وذياب جابله ماي:هه... اخلص وين عليا؟
شهاب تعدل ف جلسته:اولا عليا هذي زوجتي... واعتقد عرفت سالفة طلاقنا الباطل
فهد عبس باستنكار:وشوووو؟!!!
شهاب:ماعليه انا رسلتها البيت تجيب تزهب اغراضها عشان تنتقل تعيش عندي... ان شاء الله تقدر تروحلها و تكلمها وهي تفهمك كل شي
فهد وقف بقرف:فارس خلا نروح انقرفت
شهاب:تتتتتتت على وين؟!...الحفله بعدها ماخلصت
فهد صد صوب شهاب بتقزز:حفلة وشو يالياهل؟!!
شهاب ببتسامة جانبيه:حفلتك اللي بادية من الصبح... للحين ماخلصت...
وبابتسامه شر وخبث:انت بديتها وانا بختمها

فهد تبسم بمصخره:وشو؟!
شهاب:اجلس ورح تشوف وش بتخسر؟
فهد:مو فاضي هه
وجا بيروح حصل صقر وعمر وخالد وأحمد فوجهه:خير؟!!!
أحمد:بغيت ابشرك سالفة قبيلة مها والخلفة...حليتها ومها صارت معي خلاص انت بس كثر الله خيرك ولا عاد تتدخل ف حياتي
فهد صرخ باستنكار:كيف حليتها بالله؟!!
أحمد بقهر:مايخصك يالشيبه... الحشيمة بس للشيب اللي تراس راسك هه
خالد اللي ماسك أحمد:هدي ياخوي هدي... ترا هالشيب بيزيد ان شاء الله
فهد اللي كارهه خالد وكارهه استفزازه له:انت حيواااان لازم تتربى من اول وجديد كلامك زباله واسلوبك ازبل عنك
خالد:هههههههههههههههههههه? ?ههههههه انا زباله؟!... زين مقبوله ياا... جدي... يالمحترم.... تصدق وانا منهار ف فلتك... غافلت امي... وفتشت خزنتها كان احصل اشياء تخصك... وحتى غرفتك مترووووسه.... بس مادري امي ليش معها ادله تثبت رشاويك وتورطك ف عمليات مشبوهه.... امكن عشان تضمن حقها منك؟!.... حقها اللي خافت تسلبه مثل ماساعدتك تسلب حق ابوي و عمتي شيخه... وزوجها قاسم... و دانه....
فهد حس خنقه فضيعه وهو يفك ازرار ثوبه ويجلس ع الكنبه اللي مقابله شهاب.....
صقر:دانه... ع طاري دانه باركلي يبه تزوجنا
فهد فز:لااااااااااااااااااااا? ?ااااااااااا
شهاب:تتتتتتت لالالا مو زين لك التعصيب هدي خلاص ملكو مابيدك حيله
فهد صرخ فيهم:مستحيل البنت انا ولي امرها
صقر:كل تبن... البنت عندها هويتها الاصليه واثبتناها و تزوجتها غصبا عنك واللي زوجني ولي امرها الحقيقي...
و اشر ع اللي واقف عدال فهد:فارس

فهد طالع فارس بصدمه:شووووو؟!!!
فارس....
صقر:يبه ترا فارس شقيق دانه وهم الاثنين اخوان قاسم اللي هو يكون اخوهم من ام...
مدري بس المهم امهم وحده... عشان كيه ابو فارس هو نفسهابو دانه اما قاسم فهو اخوهم من زوج امهم الاول اللي انت تعرفه... وعبالك بعد دانه بنته
فهد وهو يطالع فارس اللي واقف قباله بدون ملامح....
شهاب:على فكره ترا فارس بعد هو جاسوسي عندك
عمر بغصة:انا ماعندي شي اقوله لك لانه اللي سويته معي يغفرلك...انت ربيتني وعوضتني بس بالمقابل زرعت فيني فكره الحقد على امي وهي مالها ذنب... انت اللي حرمتها مني... مو بكيفها
شهاب:اما انا... بما انه عندي اثباتات اش كثرها عليك توديك ورا الشمس احسلك تتنازلي واعطيك بعد حصتك مارح اظلمك... انت استثمرت فلوس جدي لسنيييين
فهد بدون ملامح:الحين انت وش يقربلك منصور؟
شهاب:الله يرحمه هو جدي... ابو امي
فهد:وعشان هالسبب طلقت عليا
شهاب:ماطلقتها كان سوء فهم
فهد:ههههههــ....كح كح كح
عمر فز:جدي
صقر بفجعة:يبه
***********************************