منتديات صواديف عشاق - عرض مشاركة واحدة

10-05-2023

(( يوم الثلاثاء ... المستشفى ))

( الساعة 2 الظهر )

مشى سعود ف الممر وهو متوجه لغرفة خالد .. الي للحين منومينه ف المستشفى .. لانه جروحه قوية .. والكسور ما بعد تتعافى .. والكدمات ما راحت .. بس صحته بدت تتحسن ..

دخل الغرفة وما كان فيها احد غير خالد اللي كان مغمض عيونه ومبتسم ...

سعود : بسم الله .. شفيه هذا يضحك وهو نايم .. مجنووون .. انا اقول من زمان خويي مجنون ... داري والله

فتح خالد عيونه : ما مجنوون الا غيرك يا حمااااااااااااااااار !!!
سعود تخرع : اعووذ بالله .. الله يخسك خرعتني .. قايم اجل ..؟؟
خالد : أي .. احد ينام على هالسرير ..!؟!؟ لا وبهالوضعية بعد..؟!؟!؟!
سعود : هههه الله يعينك ... اخبارك ..؟؟
خالد : احب.......
سعود رفع حاجب : هاااااا..؟؟
خالد : اقولك احب .. ما تفهم .. قصرت عليك الطريق بالاستجواب .. احبها ... احبهااااا
سعود : اعصاابك .. شوي شوي ..
خالد : ما اقدر .. اقولك احبها تقول لي شوي شوي ... ؟؟؟!؟!؟
سعود : اووووه ... مين هي ...؟؟
خالد : بنت عمي ....
سعود : اووووخس جديدة هذي .. من متى
خالد : والله ما دريت الا من دقيقتين ..
سعود : شلووون ......؟؟؟
خالد : كانوا عندي من ربع ساعة .. وهي جات زارتني .. تخيل .. قالت لي الحمدلله على السلامة ....!!!!!!!!!
سعود مسوي نفسه متفاجئ : قول والله .. قالت الحمدلله على السلامة .. شي غريب والله ......!!!!!
خالد : تتطنز مع وجهك ...!! كثر الله خيرها عطتني وجه ..
سعود : خخخخخخخخخ حالتك صعبة ماي فريند....

___________________________________