قصيدة يا زين شب النار

قصيدة يا زين شب النار
يازين والله بالخـلا شبـت النـار
والضو لا قـزٍ ولا هـي بدافـور
الا الحطب لاحط من فوقها أسطار
والا جروم الرمث يابس ومجرور
في ربعتن تهيا لمجلـس ومسيـار
فيها السوالف والفناجيـل بالـدور
لا قمت منها ناصين ربعت الجار
القى ربوعن ما تخالف على الشور
وليا مشينا بادهم الروض وأزهار
كنك تقول انه من الزرع مبـذور
في جانبه دجنا وجينـا بالأخبـار
وقلنالهم عشبٍ ولا هـوب ماثـور
من عقب وبله ما بعد جـاه ديـار
إلا أم سالم صوتها فيـه مشهـور
وشدًو له اللي ما يهابون الأخطار
وتقاطرو ببيوتهـم كنهـا القـور
ما حب أنا دارٍ والادنين فـي دار
أبغي الجماعة كلهم دايـم حظـور
إن التفت إيمين وإلا علـى يسـار
أشوفهم والقلب بالربـع مسـرور

الموضوع الأصلي: قصيدة يا زين شب النار || الكاتب: صواديف عشاق || المصدر: منتديات صواديف عشاق

https://s-eshq.com/vb

كلمات البحث

العاب ، برامج ، سيارات ، هاكات ، استايلات

ملكة الحنان ,إرقاق إعزامي معجبون بهذا

المصدر: منتديات صواديف عشاق

---

rwd]m dh .dk af hgkhv