البـااارت 24 ..
سـارت فطوم و قالت حق البشـكاره تيبلها عباتها و شيلتهـا و لبستهم وحمـدان يودها من ايدها و طلعـها من الباب اللي ورا ,, و هم شرات الحراميه و فطـوم هب داله المكـان ,, اول مره تي ,, المهم تمو يمشـون لين ما وصلو صوب سيـاته ,, و عقب فطوم ركبت و حمـدان ركب ,, و اتصل ع جسوم وقاله يفـج البـاب وعقب حرك السيـاره و طلع صـوت تخميـس لووول و الكـل استغرب منو ها !! و شافو سيـارة حمـدان ,,
بو حمـدان : خيبـه خطفـها !!
محمد : يلعـن شكله سواها
خـالد : شو سوا ..
محمد : ههههههه " وقاله السالفه "
الكـل : هههههههههههه
بو حمـد : يا ريـال خلـهم ,, ياما سوينا اخس من جيه
مريوم : ههههه حيهم الشباب >> تقصـد بو حمـد
الكـل : ههههههههههههههههه
فـ السيـاره .. عنـد القلبيـن ,,
كانت خايفه فطـوم صدق ,, لانه حمـدان خلاص ريلهـا يسوي اللي بيسوييه عـادي ,, طول الوكـت ساكته و منزله راسها
و حمـدان كل دقيقه يشوفها و يبتسم ابتسـامه مـاكره و فطوم حاسه انه بيسوي شي ,, جـان يطلع موبايله و يغلقه .. وبعدين
حمـدان حط ايده ع ريل فطوم من فوق هيه عاد اتيبست تغار وايد : حمـدااااااااان خوز ايدك اغاااااااار >> تصـارخ
حمـدان ناقع من الضحك : ههههههههههههههههههههههههه ه ,, الله يعينج عيل ,, ماعليه بدربج من الحين عشان ماابتلش فيج يوم العرس
فطـوم قفطـت وتناقز وهيه يالسه بس عشان يخوز ايده وهيه تخوز هوه يردها لوول : الله يخليـك حمـدان خووووز
حمـدان : مااااابـااا
فطـوم : اييييييييييييه
حمـدان : بـــــي >> B
فطـوم : هههه حلوه ,, حمـدان حبيبي انته .. خوز ايدك
حمـدان : من عيوني خلاص ,,
فطـوم : ابا بـاسكن بليز
حمـدان : تامرين امر فديتـج ,,
وعقب مر بـاسكن روبنز و نزل و سـار خـدا كرتيـن كبـار انا احيد الكرتيـن بـ 20 ,, مادري جان الحين غيـروه المهم
طلب ,,Pralines 'n + Strawberry .. ويا موز و سوس فوقه Strawberry + Nuts وعقـب سـار بسرعه صوبها
ودخل السيـاره وعطاها و هيه اتشوف الجيس تشوفه واحد ! استغربت
فطـوم : بـل حمـدان وايد عود .. جيه واحد ؟ انته ماتبا ؟
حمـدان : احـم ,, باكل وياج ماخذ عود من جيه
فطـوم : هيييه انزين ,, بنسير البيـت
حمـدان : جب يلا ماشي ,, بنسير صوب البحـر
فطـوم : غناتيه بس مابننزل
حمـدان : منو قال ,,
فطـوم : انا قـال ,, حمـدانوه فستاني بيخيس !!
حمـدان : عادي ,, بوديـه الدراي كليـن
فطـوم : حمـدانوه
حمـدان : يلا جب
فطـوم : انزين و النعـال ريليه بتنـكسـر
حمـدان : انـدوج هالنعـال ,, >> حمـدان كان عنده نعـال احتيـاطي فـ السيـاره ,, جان يخلي فطـوم تلبسه
فطـوم : وايد كبيـر
حمـدان : عيل سيري البسي كعبج هاا
فطـوم : ها لا لا مابا بتكـسر ,,
عـند بيت بوحمـدان ,,
الكـل فيه دوده يبـون يعرفون وين فطـوم و حمـدان ,, طبعـا بو حمد و ام حمـد و ام خـالد كانو وخـالد ردو دارهم ,,
و حـتى بو مريم و ام مريم ردو بيتهم ,, اما فـ البيت ,, الكـل كان فـ الصـاله اللي فوق و حمود 24 يترحطم متى بعرس متى بعرس ,,
بو حمـدان : يابوي فكـنا من الصدعه
الكـل : هههههههه
محمد : يا عمي تعبـاان ,, حستو فيني
بو حمـدان : ماعليه كمن شـهر و بتاخذها
سـاره قافطه و النبـات و ام حمـدان يضحـكون عليهم ,,
مريوم : ياربي هاييل ماردو ياحيج يا فطـووم
محمـد : مستخفيـن مايستحـون طاعو السـاعه كم !! 1ونص
بو حمـدان : حليلك يا حمـدان متعذب اكيـد
سـاره : حليلهم والله ,, الله يسعـدهم
الكـل : آآآآآآآمييييين
بو حمـدان : انا بسير ارقـد يلا ام حمـدان
محمد يمسك ام حمـدان : لا خلـها اباها
بو حمـدان يدزه و يضحك عليه : ههههههه يلا منـااك بتبرد غيضك ع حرمتيه فديتها والله ,, تعالي ويايه الغـرفه
سـاره : هاااااااااااااا وهيه تغمز لـ ام حمـدان
محمد : هاا شو بتسوون عيب عليكم
الكـل : هههههههه
ام حمـدان تمسك ايد ريلهـا : سوالف كبـار ههههه ,, تصبـحون ع خيـر
البنـات + محمد : وانتو من اهله
وعقـب تمو يشوفون التيلفزيون و يتحرطمون ع فطوم و حمـدان و سارو رقـدو ,,
صوب الحبـايب ,,
سـار صوب راس الاخضـر و كـاان الجـو خبـااال ,, و يوم و صـلو حمـدان سـار فـج باب فـطوم و مسكـ ايدها و نزلها و سـارو صوب البحـر ,, وكـانت مستحيـه موت ,, كـان محـطي اديه عند خصـرها و يمشيها ,, و البـاسكن فايد فطـوم ,, ويلسـو صوب الرمـل و البحـر كان قريب من عدالهم صوب الشـير ,, حمـدان كان يالسه و فطـوم مسانه عليه و تاكل الاسكريم وهوه بعد ياكل ,, فطـوم يوم خذت بالخاشوقه خذت قطعه كبيـره بس جيه كلت نصها جان حمـدان ياخذ الخاشوقه و ياكل البـاجي
حمـدان : عســل
فطـوم مستحيـه : هالمـره الثانيه و هيه حاطه راسها صدره وتشوفه ورافعه راسها
حمـدان تـم يشوفها 5 دقايق بنظـرات حـب وهيه نفس الشي : الله لايحرمنـي من هالعيـون
فطـوم : ولا يحـرمني منك غنـاتي
حمـدان يا بـاس راسها و يوم خلصـو الاسكريم سـار عـقا الجيس فالزبـاله ,,
حمـدان : فديتج بيب شي من السيـاره تريي اهنيـه
فطـوم زاغته و تمسك ريوله : لا دخيلك خذني وياك بموت ظـلااام
حمـدان : فديتج في نور والله مابتاخر بركـض
فطـوم : بسرعه انزين
سـار حمـدان ركيـض صوب السيـاره خدا جيس متـوسـط " هديـه " و سـار صوب فطـوم ,, وخلا الجيـس ورا ,, جان ايلس و فطـوم اسـاندت عليه
حمـدان : تاخرت ؟
فطـوم بدلـع : لااا
حمـدان : جابليني و غمـضي عينج
فطـوم : انزين ,,
جابلت حمـدان و غمضت عيـنها و حمـدان فج الجيـس و طلعت الهديـه اللي هيه سـاعه بكبـرها الـماس نعـوميه وايد ,, فج
البوكس و خلااه صوب ويه فطـوم
حمـدان : فجي عينج
فطـوم اندهشـت : الاااااااااااااه حلـوه
حمـدان : بس احلى يوم بتـكون ع ايدج .. شل السـاعه و لبسها فطـوم : فديـتج والله الحين احلـى
فطـوم بدون ماتحـس : فديـتك حمـداااااني مشـكووور ,, ومسـكت ويهه و بـاسته من الخـااطر ,,
حمـدان : ياربيه كـم بعيـش انا ,,
فطـوم وخت راسها وهيه مستحيـه ,,
حمـدان قـام و يود ايد فطـوم : قومي
فطـوم : وين ؟؟
حمـدان : صـوب الحصـا عند البحـر
فطـوم : هااا لا لا اخاااف
حمـدان : بمسـكج يـلا فديـتج ,,
قـامت فطـوم و رفعـت عبـاتها و و فسـتانها و سـارت ويـا حمـدان صوب الحصـا هوه يساعدها عشان تركب ,, وخايفـه موت ,, تخـاف اطيـح و هيه كل دقيقه اتصـارخ ,, و عقب سـارو عند آآآخر حصـاه ,, يلـس حمـدان و يـلس فطـوم فحظنه و هيه مستحيـه من الخـاطر ,,
حمـدان : مرتـاحه ويايه
فطـوم : هيه فديـتك
حمـدان : فديتج والله
فطـوم بدلع و بصوت اليهـال و امبـوزه : تب انا.. انا .. انا زلعـانه عليــك
حمـدان بشوف البـوز : ياويلي ع البوووز انا ,, ليشـ غناتي ؟
فطـوم : وين هديتيه ؟؟
حمـدان : هههههه فديتــج والله ,, شفتي غرفتج ؟
فطـوم : لا ماخلوني ادشها المكيف خربان و عن عبدالرحمن يخربها
حمـدان : يوم بنسيـر البيـت بتعرفين كل شي
فطـوم وهيه تفـكر : همممممممممم اوكيه
حمـدان : يلا فديـتج بنـسير قصـر الامارات
فطـوم : ليـش ؟
حمـدان : بنتعـشـاا
فطـوم : طـاع السـاعه كم 2
حمـدان : ان شاء الله لو 5 يلا قـومي
وعقـب قـوم فطـوم و مسكـها عشان ما اطيـح و سـارو مكـانهم خذا جيس الهديه و سـارو عقب " قصـر الامارات"
يوم وصـلو ,, كان الجـو ولا اروع ,, دخلـو قصر الامارات ,, و تمـو يمشـون و يدورون مطعـم راقي و حلـو ,, كشـخه والله ياليتني بـدال فطـوم لوول ,, وعقـب اختـارو مكـان مسـكر و يا الريـال و فطـوم كانت متغشـيه ,,
حمـدان : اختـاري انتي فديتج انا باخذ شراتج
فطـوم وهيه مستحيـه : هممم ماعرف والله ,, انته اختـار
حمـدان : ابغـي اكل من ذوقج غنـاتيه
فطوم مستحيه : خلاص خلي اييب هـا ,,
وعقب حمـدان رمسه و يوم روح ماصدق سيده يلس عـدال فطـوم و يتلصـق فيها و هيه ذايبه و ويها مستوي طماط وساكته و حمـدان يضحك عليها
حمـدان : هههههههه ,, بلاااج جيه ,, احيـدج قبل خريش ومادري شو
فطـوم : هممممم فديتنيه مؤدبه الحين انا
حمـدان قرب صوب خدها و باسها : احبـج
فطـوم طبعا لا تعليق و حمـرت زيـاده و لا قالت شي ,, وعقـب ربع سـاعه وصـل الاكـل و حمـدان ياكل فطوم و هيه تـاكله كان الجـو صدق Romance .. وحمـداان كان مرتـاح لانه تحقق حلـمه وخـلاص فطـوم صارت ملكـه ,, و يوم خـلصو طلعـو بـرع .. يلسـو مره ثـانيه ع البـحر و كانت السـاعه 3:30. كان الجـو شويه بـارد ,, كانت فطـوم واقفه و حمـدان وراها لاوي عليـها ..
فطـوم : حمـدااني
حمـدان : لبيـه غناتي
فطـوم : لبيـة حـايه يا روحي ,, بتحـب وحـده ثـانيه ؟
حمـدان يا جدامها و مسك ويهـا : حيـاتي لو شو ما استوا ما احب عقبج مستحيـل ,, انتي الاولـى و الاخيـره ,, انتي حيـاتي كلها ,, روحـي اذا غبـتي بمـ...
فطـوم حطت ايدها ع شفايفه عشان مايكمل و بحنـان : لااتقـوول ,, عسـا عمـرك طويل
حمـدان : حبيبي
فطـوم : عيـوني
حمـدان شـّل شله من كل قلبه :
انتي وانا ماهمنا غدر للازمان
ترى الوفا اللي داخلك من طباعي
اذا زعلتي لو رضا كل زعلان
ماحس قلبي بالرضا فيه داعي
مدام عينك راضيه هان ماكان
لو تزعل الدنيا لها مابراعي
يا صابره والصبر للناس ميزان
لي خان صبري ثبتيلي شراعي
يا اعز واغلى ماخلق ربي انسان
لو غط جفني خافقي فيك واعي
لاجلك ذراعي صارعت كل ثعبان
واقطع عصبها لو تقصر ذراعي
ياخوض بحر يرسل الموج طوفان
لاجلك تزايد في المحيط اندفاعي
ولا سكنت بلجت البحر شطآن
يعجبني اوفي في مسارك صراعي
وانتي معي يبقى الزمان كله احسان
للعز يدعيني من الوقت داعي
وان غاب زولك يا عسى مابشر بان
القى زمان يلقى وجود الضياعي
وانتي معي مابشتكي غدر الازمان
الصبر طبعك والوفا من طباعي
حمـدان قـبل لايخـلص الشّله .. فطـوم كانت تشـوفه بحـنان وحـب ودمعـت عينها و يوم خلص لوت عليـه بالقو
فطـوم وهيه لاويه عليه و الدموع فعينها : حبيبي دخيـلك لاتخلني ولا ثـانيه ,, و تلوي عليه بالقو
حمـدان مصـدوم ليش فطـوم اتصيح : حيـاتي ليش اتصيحين ,, فذمتيـه ما ابتعد عنج غناتي مستحيـل
فطـوم وهيه تهدي عمـرها وهوه يمسـح دموعهـا : احبـك
حمـدان : امـوت فيج
فطـوم : حبيبي شوف السـاعه 4وربـع ,, خلنا نرد البيـت
حمـدان : ان شاءالله ,, بس اهم شي استانستي ؟
فطـوم : فذمتيـه انها احلى ليله
حمـدان باس راسها و شلاهـا شرات اليهـال وهيه قافطه ,,
فطـوم : ايه عيب جدام الناس
حمـدان : هههه محد ,,
وعقـب سـار صوب السيـاره و ركب فطـوم السيـاره ,, و شغل غنيه آآه من قلب ,, وهم الثنين يغنون وكـانو مرتـاحين ومستـانسين ,, ويـوم و صـلو ,, دخلو البيت و حمـدان طبعا شلاها ماخلاها فـ حالها ,, و يوم وصلو فوق سيده وداها غرفتها
فطـوم : الللللللللللللله
حمـدان : عادي ادخل وياج ؟
فطـوم : هيه فديـتك
حمـدان : اول شي غمضي عينج
فطـوم : ههه اوكي
حمـدان فج البـاب و كانت الغرفه بـارده و سـكر البـاب و مسكها من خصرها
حمـدان : فجي عنونج فديت عيونج والله
فطـوم اندهشـت من الغرفه كـانت خبـااااال من الخـاطر ,, كل شي غيـر الزوليه غير و الستـاير غيـر و الليتـات و اللحاف و الشبريه كانت احلى بـوايد من قبل و الاثـاث كـان خبـال ,, تمت تتحوط و جان اتشوف الهدايـا و الدبوب الكبيـر
فطـوم صرخت : الللللللللله خبـااااال
حمـدان : فديتج والله ,,
وعقب قالها كل بوكس منو يايبلها ياه : وهـا انا يايبنه لج
فطـوم : وااايه فديتك والله و حبته و لوت عليه بـ القو : مشكور حبيبي
حمـدان : فديـتج والله ,, عيل اخليـج انا
فطـوم : لحظـه حبيبي فـج فستاني من ورا
حمـدان استانس : من عيووني ,, سـار و فجالها يااه و هيه قابضتنه عشان ماينفج عدل ..
حمـدان فخاطره : دبه لاتيودين الفستـااان : انزين حياتي انا بسير تصبحيـن ع خيـر
فطـوم : وانته من اهله حبيبي ,, جان اتبوسه و هوه باسها ,, وخلاف ظهر من الغرفـه ,,
فطـوم سـارت عقت فستانسها و طقمها و فـجت التسرحه و سـارت الحمـام يلست فالماي الحار ربع سـاعه لانه كانت تعبانه وايد ,, و عقب اتسبـحت وتيددت و طلعت من الحمـام ,, لبست ثيابها و صلت ركعتين شكـر و قرت قران ,, و يوم خلصت ,, سـارت صوب الهدايا ,,
اول شي شافت هديـه " ام حمـدان .. بو مريـم .. ام مريـم " :-
يايبلهـا ,, سـاعه من المـاس ,, و 5 عطـور ماركـات ,, و بومريـم يايبلهـا طقم و كاتب عليه اسمه انه منه ,, والحريـم يابـولها قمصـان و تنـاير و بناطليـن و جاكيتـات من النوع اللي تحبه ,, نـعال كعـب وايد حـلو ,, و شنـطه + بـوك مـاركه ,, و شيـله و عبـاه ,, وكل ها داخل بـوكس و مزيـن بالورد الاصطناعيه بطريـقه حلـوه وايد ,,
و في كرت آخر شي مكـوب عليـه ..
" كل عـام وانتي بخيـر الغـلا و عقبـال مليـون سنه ,, و مبـروك عليج حمـدان "
فطـوم : ههههههههه فديته والله
هديـه " سـاره .. محمد " :-
يايبيلهـا ,, طقـم لحـاف ويا فـوده و نعـال حق البيـت ,, و قمصـان نوم ,, و دهـن عود سيـوفي ,, و عطريـن ,, نظارتيـن ماركه ,, و ماخذه سـاره بذوقها و بذوب محمد اكسسوارات وايد داخل بوكس صغيـر ,, ومكيـاج ,,
و تيشيرتـات و بناطليـن و بوت ,, وكـرت مكتـوب عليه
" الف الف مبـروك غناتي فطـوم ,, و ان شاء الله نشـوفج بـ الفسـتان الابيض (( وعقبـالنا انا و سـاروه هههه ))
وكـل عام وانتي بخيـر ,, "
فطـوم : هههههههههه حليلك يا اخويه
هديـه " مريـوم .. عليـا " :-
يا لبيـه ماخلو شي الصـراحه ,, يايبيلهـا سـاعه ,, عطريـن ,, و تنانيـر جنـز و بنـاطلين جميـع الانواع ,, وجاكيت اللي تحبه لين الصـدر ,, تنانيـر قصـار للبنطـون ,, و شمـوع رووعه ,, و 3 شيـل ,, و شنـطتيـن ,, ,, ودبدوب ..
واكسسوار ومكيـاج ,, وفي بوكس متوسـط داخل فجـته فطـوم جان تشـوف بطاقه مكتـوب فيـها " الف مبـروك فديتـج والله يسعدكم ,, و كل عـام وانتي بخيـر ,, و لو كنتي تعزينـا البـسي هالقمصـان النـوم جـدام حمـدان يوم بتعرسيـن لوووول " طبعـا فطوم ماشافت القمصـان النوم ,, كانو 3 ,, خذت اول واحد و شـافته وتمت تضحك ,, كـان لونه وردي شفـاف كـت و عليه ريش " عند الكـت " شفاف قصيـر وايد .. و الثـاني لونه احمـر و عليه اسـود بالخفيف بعـد شفاف قصيـر وايد .. وثالث قميص ماكان قميص كان برموده شويه قصـير وردي فـاتح و عليه ورد بـ الفوشي والقميص نفس الشي حريـر كـت
فطـوم : هههههههههههههههههههه الله يغربلكم ..
وكـرت مكتـوب عليه " فديـتج والله فطيـم ,, كبـرتي و صرتي عـروس و خذتي الي تحبيـنه الف مـبروك الغـلا و الله يسعـدكم ان شاء الله ,, وكـل عـام وانتي بخيـر الغـلا ,, و ان شاء الله ايـامج افراح × افراح ..
فطـوم : فديتكم والله ,, وان شاء الله انتو تعرسون اللي تحبـونهم ,,
هديـه " حمــداااان " :-
اكـبر هديـه كانت .. صنـدوق كبيــر وثجيـل كان .. متروس ليـن عيـنه ,, ماشالله حمـدان ماخلا شي ماخذالها ياه ,,
خذالها 3 بجـامات .. و تنانيـر و قمصـان بمساعـدة ام حمـدان ,, وبناطليـن ,, ( ماشالله وايد استوا عندها بناطلين لول ) و 3 بجامـات .. اول بجـامه .. سماويه و وردي هـادي كت "هب العريض اللي ايي ضعيف " وكله ورود و ثاني بجامه .. بنطلون اسود و كله بوسـات حمـرا حرير + مايي و سيع ضيج .. وقميص احمـر بعد كت "هب العريض اللي ايي ضعيف " و عليه بوسه كبيـره فـ النص + وياه نعـال مال البيت اسود كبيـر فرو و فـ النص بوسه ناطع حمـرا لوول كشخه .. والبجامه الثالث .. كانت برموده ,, عنابي سـاده و قميص بيـج كت و عليه بنوته اضحك .. و شـورت لوول .. لونه ليموني ياي ع لمعه و عليه رمسات وايد باللون الوردي وقميص وردي حرير كت "هب العريض اللي ايي ضعيف " و عليه رمسه كبيره فالنص ,, و دبدوووب وااااااااااااايد كبيـر ابيض و عليه قـلب فـ النص ,, و خذالها شمـوع و اغلاض من لايف استـايل ,, دفـاتر و قلامه و شنطييـن ماركه ,, و 4 نظارات ماركه بعـد ,, و ابجـوره واااايد حلوه ,, و اكسسوارات الحمـام ,, و ماخذلهـا لحـاف طقـم ,, و اكسسوارات ,, و عدال الصندوق العود في بوكس صغيـر ,, يوم فجـته شافته عطـر حق الفراش و5 عطـور حقها و دهن عـود و دخـون ريحة خبـال و مخلطـات ,, و بطـاقه كبيـره شويه مكـتوب عليهـا ..
يــاعيــد قلبي .. صاحبي عيد ميلادك ..
"العمـــركله" لــك .. فرحه وشرحه ..
عساني حي .. وأحضر كـــل أعيادك ..
واهديك وردات الـــغلا فوق صرحه ..
ازداد عمــــرك .. صح!.. لكنه ازدادك ..
في خافقي لك بالـــغلا ألف صفحــــه ..
:: غنـاتي ::
اليـــوم عيــد ميــلاد حبيبي
اليـــوم عيـــد ميلاد حيـاتي
اليـــوم عيــد ميلاد حرمتـي
عـيـ مـيـ حـبيبـي فطـامي ـلاد
كل عـام و أنـتي بخــير و صـه و سعاده غنـاتي ,,
و عسى عـامج سعادة و حب ..
:: حبيبتــي ::
ان شاء الله تعيـبج الهديـه ,,
و السـموحه ع القصـور ,,
لو الود ودي كان خذت الدنيـا و مافيـها ..
و الله لايحرمنـي منج فديتج ..
ريـلج ,,
:: حمـداان ::
فطـوم : فديتك والله حمـداني ,, الله يخليك لي ,,
وعقب سـارت ع الشبريه و كـان فيه دبدوب وردي وعليه بطاقه مكتـوب عليـها " من حمـدان " وبعديت تلحفت و لوت ع الدبدوب بالثـو و تمت تفـكر فـ حمـدان و ماياها رقـااد ,,
.. صوب حمـدان ..
كان توه طالع من الحمـام وعقب الشـاور المنعـش لول ,, كان حاله رقيــص من الخاطر ,, و لبس ثيابه و نط ع الشبريه و طاح ع ظهـره و تم يفكـر فـ فطوم و يحاول يرقد بس ماقدر
و يوم استوت السـاعه "5" .. نـش بو حمـدان عشـان يصـلي ,, سـار الحمـام و تغسـل و تيدد و وعّا ام حمـدان ,, عشان تقوم اتصلي ,, و سـار صوب حمـدان و دق الباب
حمـدان : تعـااالو
بو حمـدان استغرب : صبـاح الخيـر
حمـدان : هلا هلا والله ابويه ,, صبـاح النـور وقـام حبه ع راسه
بو حمـدان : حمـداان !! غريبـه نااش
حمـدان تلخبـط : هاا هههه لا بس
بو حمـدان : هاا شو استوا وين خطفـت فطـوم !! .. اصـلا متى رديتـو !!
حمـدان : تقريبـا 4
بو حمـدان : هههههههههه طـالع ع ابـوك ,, شو عاد استانست
حمـدان : آآخ يا قلبي ,, هيه فديتها ,,
بو حمـدان يطبطب ع جتفه : الله يخليكم لـ بعض .. قـوم سير بدل ثيـابك عشـان نسير المسيـد
حمـدان : ان شاء الله ..
طلـع بو حمـدان و سـار غرفة محمد ,, تم يدق يدق البـاب لين ما نش محمد ,,
بو حمـدان : توه النـاس جان ماكملت رقـادك
محمد : صبـحك الله بالخـير و هوه يتثـاوب
بو حمـدان : وابويه عليك ,, و يدز جتفه فالخفيف : بسـك رقـاد ,, يلا قوم تغسل و تلبس عشـان نسير ماباجي شي ,,
محمد : ان شاء الله
وعقـب سـار بو حمـدان الصـاله اللي فوق ,, تم يـالس و يتريـا حمـدان و محمد ييون ,, اما عند ام حمـدان ,, يلست ويا بو حمـدان ,, قالت بتوعي البنـات يوم بيظهـرون الشبـاب ,, و عقب 5 دقايق يـا حمـدان الصـاله و سلم ع امه و هوه شاق الحلـج ,,
ام حمـدان : بسم الله بـلاك شو نازل عليك ؟
حمـدان مرتـاح و شـاق الحلـج : آآه مـاشي والله ليش ,, بـابتسـامت نذاله
ام حمـدان : تعـال متى رديتو ؟
بو حمـدان : المستخفيـن سـاعه 4 الله يستـر ها اول يوم الله يعين عقب
الكـل : ههههههههههههه
حمـدان : فذمتـك ماسويت شي فـ اميه
بو حمـدان تلبـك : هاا لا لا ما ما ما سويت
حمـدان : عليـنا هالرمسـه ابويه انا اعرفك
الكـل : ههههههههههه
ام حمـدان : عسـا استـانست ؟
حمـدان : فديتهـا والله هييه ,,
ودش ع ـرض ,,
محمد : مرحبـااا كيفكـو
الكـل : مرحبتيــن ,,
ام حمـدان : منـاااح
محمد : هههههه
بو حمـدان : يلا شبـاب
حمـدان + محمد : ان شاء الله
وهم ينـزلون من الدري ,,
محمد : هاا المستـخف متى رااد ؟
حمـدان : احم سوالف معرسيـن
محمد : ايييه عن المنـكر متى ؟
حمـدان : 4 بعيـن العـدو ,, و جان ينزل بسرعه من الدري
محمد : آآخ يا الهـرم حظـك
وعقـب سـارو المسيـد .. اما فـ البيت بتحديـد غرفة سـاره ,, ام حمـدان كانت عندها عشـان توعيـها
سـاره : يا اميـه والله بطنيـه يعـورني بنش بعديـن
ام حمـدان فهمت عليـها : استوا ولا ؟
سـاره : لاااء
ام حمـدان : انزين فديـتج بييبلج بروفيـن وخذيه
سـاره : تسوين خيـر ,,
طلعـت ام حمـدان و يابتلهـا بروفيـن و مـاي و سـارت غرفتة سـاره و عطتهـا و عقـب سـارت توعي مريـوم و عليـا ,,
ام حمـدان : يلا حبايبي قومو صلو و ردو رقـدو
مريوم بتعـب وهيه تتمد : واااااايه ,, ان شاء الله ,, اييه عليوه قومي نشي
عليـا : هممممم
مريوم : وريـل قومي نشـي
ام حمـدان : ههههههههههههههههههه
جان تطلع و تسيـر عند فطـوووم دقت البـاب وجان تدخل
فطـوم : هلا بطـش و الـرش
ام حمـدان : هههه بسم الله وين طلعتي انتي
فطـووم : ههههههه
ام حمـدان : شحالج فديتج ؟
فطـوم : زييييييينه من الخـااطر
ام حمـدان وهيه تغمزلهـا : ان شاء الله مرتـاحه
فطـوم جان اطيح ع ظهـرها : الا مرتـاحه موت ,, هيه صح ثـانكس ع الهديه الخبـال
ام حمـدان : عسـى دوووم ,, العفـو الغـلا ,, يلا قومي صلي ,,
فطـوم : ان شاء الله ,,
طلعت ام حمـدان و عقب سـارت اتصلي و سيده رقدت لانها كانت تعبـانه ,, اما عند مريوم و عليـا ,, صـلو و عقب سـارو عند فطـوم شافوها توها مخلصه من الصـلاه
مريوم : ها العرووس
فطـوم : ههههههههه
عليـا : متى راده ؟
فطـوم : 4 احم
مريوم + عليـا : بــل
فطـوم : جب ويا هالويوه
مريوم : انزين قووليلنـا شو استوا
فطـوم : جب جب سوالف كبـار ,,
عليـا : يالله علينـا يلا قولي
فطـوم : باجر بقولكم هب الحين وعقب بقول حق ساروه ماروم اعيد السـاالفه
مريوم وهيه اموزه : انزييييين
عليـا : يلا بنسير نحنا نكمل رقادنـا
فطـوم : اوكيه ,,
وعقب طلعـو مريوم وعليـا ,, و سـارو يرقـدون ,,, اما عند فطـوم ماياها رقـاد امرررره تمت طايحه و اتفـكر ,, و عقب 5 دقايق الشباب يوو و بو حمـدان سـارت غرفته يكمل رقاده ,, و محمد بعد سار غرفته و حمـدان سارت غرفته و بدل ثيـابه وتم يفكـر ,, وفخاطره يسير عند فطـوم جان يقـوم ,, و عند فطـوم نفس الشي تبا تسيـرله ,, صوب حمـدان ,, طلع برع و سـار صوب غرفة فطـوم و تم واقف و فطـوم كانت سـايره صوب باب غرفتهـا " يعني هيه فـ غرفتها ماطلعت "
فطـوم فخاطرها : اسيـر ولا ,,
ومن ورا البـاب
حمـدان فخـاطره : ادق ولا
وعقب ثواني ,, حمـدان بيدق الباب ,, جان فطـوم تفتح البـاب قفـطو هم الثنين
فطـوم : بلاك واقف عند باب غرفتيه ؟
|
|
|
لاازل قلبي  ينبض لغداًاجمل ...gif "Rooh5(36)")
|
|