منتديات صواديف عشاق - عرض مشاركة واحدة

05-22-2023

البـارت 46 ..

مريـوم : عميـه بلاك !!
عليـا : اول مره نشوفك جيه ويـا فطـوم !!
بو حمـدان : مريم و عليـا سيرو فوق احسنلكم
مريـوم من القهـر : مابنسيـر !!
بو حمـدان يشوفهـا بنظره : نعـم !!
مريـوم : ليش تسوي جييييه .. هاي بمثـابت بنــتك !!! لو عميـه حمـد عـايش جان ماسوالهـا جيه .. كل شي بالتفـاهم ينحـل
يودت عليـا و سـارو فوق و مريوم كـانت اتصيح ..

عنـد فطـوم و سـاره ..
سـاره : هدي اعصـابج فطييم لاتصيحين .. بس عـااد .. والله ما احب اشوفج جيه ..
فطـوم : سـاارووه خليني فحـاليه .. " اهنيه صارخت "
مريـوم و عليـا دشـوا غرفة فطـوم ..
فطـوم هدت شويه : بلاج اتصيحين ؟
مريـوم تمسح دموعهـا : ماشي ..
فطـوم تقوم و تسير صوبهـا : والله تقولين !!
مريـوم : > قالتلها السـالفه <
فطـوم : ماعليه فديتـج ..
مريـوم : بس فطوم والله قويه يقولج مانبـا نسمع جدام الكـل ..
فطـوم : برايـه شو تبيني اقولـه بعـد ,, تراني دومي مظلـومه ..
عليـا : فديتج والله .. ماعليه سوي طاف حق اللي بيقهرج ..

تحـت ..

حمـدان : ابويه والله هب حلوه جيه تقول !!
بو حمـدان : ...............
ام حمـدان : قوم فديتك اتاسفلهـا ..
بو حمـدان : شيـخه ,, خليني فحـالي ,, اففففففففففففف .. جـان يطلع برع " عند الحديقه "

داخل ..

ام حمـدان : يالله يا ابـوك راسه يابس .. دومه جيه يعق الرمسه بدون ما يحـس ..
حمـدان : انا بسير عندهـا ,,
ام حمـدان : سير فديتـك ..

جـان يسير صوب غرفته ماحصل حـد .. سـار صوب غرفة فطـوم ..
دق دق دق دق
حمـدان : حـد داخل ..
البنـات ماعادا فطـوم : اهييييه ... اتريـا شويه ..
مريـوم : انزين فديتج .. اتحملي بعمرج نحنا بنسير البيـت ..
فطـوم : الله يحفظكم ..
مريوم و عليـا باسوا فطـوم و طلعـوا برع و سـارو ويا تينـا بيتهم ,,
اما عند حمـدان .. يوم طلعـوا مريوم و عليـا دخـل و سكر البـاب ..
حمـدان : سارونه فديتج خلينـا بروحنـا ..
سـاره : ان شااااء الله ..
وجـان تطلع و تسير عند غرفة محمد .. شافته راقد ..

غرفة فطـوم ..
حمـدان يلس عـدال فطـوم .. و فطـوم كانت صاده الصـوب الثـاني و مخليـه صبوعهـا صوب يبهتهـا وتصيـح بدون صوت ..
حمـدان : حبيبي فطيـم ..
فطـوم : ..........
حمـدان : فطـااامي " جـان يخلي ويهـا صوبه " : ارمسـج ..
فطـوم : وانا ما ابا ارد ..
حمـدان : افـاا .. انا حبيبج ريلـج ماتبين تردين عليه ,,
فطـوم تشوفه و دموعهـا تسيـل ..
حمـدان تقرب منهـا و لوا عليهـا : فديتج والله .. لاتصيحين ماحب اشوف دموعج ..
فطـوم ما رامت تستحـمل سيده صاحت صوت عـالي : ليييييييييش يسويلي جيييه
حمـدان : بس فديتج .. حيـاتي كـان خايف عليكم .. واكيـد كان معصب فـ من جيه قال اللي قاله
فطـوم : مايروم يمسك عمـره !!
حمـدان : خلاص امسحيهـا فويهي ..
فطـوم : مـااااااااااااابااا يقهههههر ,,
حمـدان : انزين قلنـا خـلاااص .. يلا اضحكي
فطـوم " طبعـا ماده بوزهـا شبريـن "
حمـدان : يـلاااا
فطـوم : تــب > بالغلط يابتها جيه لول
حمـدان يعيب عليهـا : تب ,, تب .. ههههههههه فدييتج انا
فطـوم : حمـاااااااااااااااار
حمـدان : اللهم اني صـايم !!
فطـوم : ماعليه انزين ..
حمـدان : يلا راويني شو خذتي
فطـوم : لا ماشي .. بتشوف يوم العيـد
حمـدان : مصّـره يعني !!
فطـوم : اهيييه ..
حمـدان : انزين فذمتـج .. ماحد سوالكم شي فالمـول
فطـوم : حمـدااان .. حمـدااااان يعني هب وااثـ
حمـدان قطع رمستهـا : هههه لا فديتج واثق بس حبيت العوزج
فطـوم : انزين فديتك انا بسير اصلي ماصلييت و برقد
حمـدان : خلاص ماعليه
فطـوم : اهييييييييييه .. اليوم شفنـا صبغ جوتي
حمـدان : شو صبغ جوتي ؟
فطـوم : الله يسلمـك ................................ وهيـك السـالفه
حمـدان : ههههه شو سووبكم ؟
فطـوم : الله ياخذن شكلهم هب ناوين ع خيـر
حمـدان : انتتتي صايمه استغفري !!
فطـوم : هههه استغفرالله
حمـدان : شو سوو انزين
فطـوم : ماشي كنـا يالسين " جان تقوله السالفه "
حمـدان : والله يافطـوم تقوليلي اخبـارهم كل يوم هب تقصين عليه
فطـوم خـافت : هـا .. اوكيه اوكيه

دق دق دق
جـان يدش بو حمـدان ..
فطـوم شافته و صدت الصوب الثاني و ربعت ايدهـا ..
بو حمـدان : حمـدان فديتك خلنـا شويه ,,
حمـدان : ان شاء الله ,,
توه بيقـوم جـان تيوده فطـوم : اييه ,, خلك
حمـدان : فطيييم !! جـان يخليهم و يروح ..
و فطـوم بعدهـا صاده الصوب الثاني ,, جان يتقرب بو حمـدان و ايلس ع الشبريـه و مسـك ايدهـا ,,
بو حمـدان : دلـوووعه ..
فطـوم : ..........
بو حمـدان : دلوعووه ارمسج انا
فطـوم : ..........
بو حمـدان : صدي صوبي انزين ..
فطـوم صدت صوبه وتشوفه : خيـر
بو حمـدان : شخبـار الجامعه شو سويتو ؟
فطـوم : هممم زينه .. امتحنـا و ردينـا
بو حمـدان : امتحنـتو و رديتـوا .. عن الجذب انتي صايمه
فطـوم حطت ايدهـا ع لحيتهـا لول : وسرنـااا المـوووول !!
بو حمـدان : سرتـو المـوول .. هييييييه .. و شوسويتو فالمول ؟
فطـوم : تراك قلت مانبـا نسمع .. هب لازم اقولك .. ماتبا تسمع .. ماتبـا خلاص من عيـوووني
بو حمـدان : لا لا قولي ابا اسمع
فطـوم : واعدة غـازلت ورقمت و رديت
بو حمـدان : هيه ماشالله .. خوش يا بنت حمـد ..
فطـوم : خذنـا اغراض للعيـد ..
بوحمـدان : اشوفهم !!
فطـوم : يوم العيـد ..
بو حمـدان تقرب و يلس عـدال فطـوم : فطيـم فديتج السموحه منـج .. ماكان قصدي اني افتن عليج جدامهم
فطـوم : خـلاص ماعليه ..
بو حمـدان : اكيـد ..
فطـوم ابتسمت : اكيـدين ..
بو حمـدان باسها ع راسهـا : فديتج والله ..
فطـوم : فديتك والله باباتي ..

وعقـب نـزلـوا كلهم تحـت .. وعقب كمن ساعه فطـروا ,, وعقبهـا شافو التيلفزيـون لين ما اذن .. و سـارو يتسبحون الشباب و يدخنون عسب يسيرون التراويح .. ويـوم روحوا .. رفيـعه و البنـات و ام مريـوم يو بيت ام حمـدان و كلهم تيمعـوا فـ الصاله ..
رفيـعه : ها بنـات اخترتـوا عبي و شيل حق العيد ؟
سـاره : لا والله ماحصلنـا شي حلـو ..
رفيـعه : بدلتكـم وايد حلـوه ..
ام حمـدان + ام مريـوم : ماشفنـاهم ..
مريـوم : انا بيب مال فطـوم .. وين حاطتنهم فطيم ؟
فطـوم : بتشوفينهم عدال الكبت مالي ..
مريـوم : اوكيه ..
و بعدين سـارت يابت الجيس و سارت الصاله و راوت امهـا و خالتهـا ,,
ام حمـدان : هيه ماشالله نـايس ..
ام مريـوم : هيه نعـومي وايد .. وحلـو في واحد حركـات و شغل صح انه خفيف بس يعني كشخـه
فطـوم وهيه طايحه : احـم ذوق شيختـكم
عليـا دزت راسهـا : مالت
فطـوم : ايييييييه حمـاره !!
الكـل : ههههههههههههههه
رفيـعه : في وحده تفصل عبـي و شيـل ,, و امسات سرت ويا ربيعتي شفت عبـاه وايد وايد حلـوه .. كلهـا تـور و ع نهـاية الظهـر شويه فوق ,, في بـروش و عليه سلاسل مدليـن و عند الايد ياي كلـوش وكله شفاف
ام مريـوم : ههههه عيل ليش يلبسـون عباه اذا كل شي ينبـان ..
الكـل : ههههههههههههههه
فطـوم : مالي خص اباها
عليـا : خالوه و الشيله كيف ؟
رفيـعه : تور بس
فطـوم اضحكت ضحكه عبيطه .. وآخر شي شهقت " بس جيه يعني اونه ويا الضحكه " : هيهيهيهيهيهي ..
سـاره : لا والله .. قوم حمـود بيعصبـون ..
مريـوم : برايهم ههههه .. خالوه شو رايج نسير عقب صلاة التراويح
رفيـعه : خلاص ماعليه بسير ربـاعه ..
فطـوم : اقول خـالوه .. ماخذين لبس وايد حلـوه .. اسود جيه القطعه اللي بسرعه تجسف قطعتين ,, كـت وفالنص مفتوح اظن مادري والله ما اذكر عند الركب جيه مثلثـات هب سيده .. و خذنـاا هـالي هـوب تور اسود و بوت .. و اكسسوار اسود ..
رفيـعه : هيه حلـو ..

و اتريـوو الريـايل و الشباب لين ما ايـون .. و يوم يوو راحو البـات و الحريـم ويا تينـا عند الحرمه اللي تقول عنهـا رفيـعه و يوم و صلـوا دخـلو و شافو العبـاه و عيبتهم .. البنـات كلهم سوو نفس الشي .. وعقب وصلو كل حد بيته .. و فطوم وساره و ام حمـدان ساور بيتهم ..

بيت رفيـعه ..
بالتحديـد عند مريوم و عزوز ..

كـانت مريوم اتطلع ثيـابهـا حق الجامعه ,, و يوم خلصت بدلت ثيابهـا و سـارت صوب الشبريه .. طلع عزوز من الحمـام و سار صوب مريوم ..
عـزوز : اشحـااالج > جان يتلحف ..
مريـوم : ابخيـررر
عـزوز : و شحـاال ولدي
مريـوم : ههههه .. ولهـان عليك
عـزوز : فديييته انا .. انا اللي ولهـان عليه .. عنـي افداج .. ولهت عليج جان يبوسها ع خذها
مريـوم : مي تو فديتك ..
وعقـب تموا يسولفـون و عقب رقـدو ..

بيـت بو حمـدان

صـوب غرفة محمـد و سـاره ..
محمـد : هـاا يقولون سرتي المـول
سـاره : ههههه بس يلا لاترمس عمـيه رضـا ..
محمـد قفط : بس انا هب راضي ..
سـاره : شو ع كيفك انته
محمـد : جـب ..
سـاره : فخشمك يا حمـار .. كله تسب =@
محمـد : احبـج
سـاره : العكس صحيح ..
محمـد : لاااا
سـاره : تصبح ع خيـر
محمـد : سـاارووه
سـاره اونهـا اموزه : هـاا
محمـد تقرب منهـا : احبـج
سـاره : انزين ..
ومـره وحده باسهـا بالقـو .
سـاره : كلتني
محمـد : هم بكلج و بـاااكل ..
سـاره : جب جب جب حمـار .. تصبح ع خير
محمـد : ههه وانتي من اهله فديتج ..

صـوب فطـوم و حمـدان ..

فطـوم توهـا طالعه من الحمـام مسطلربـه :
لـو سنيـن عمري تضيـع و الزهور تنسـى الربيع
ما انساهـا ابـد ..
لـو يصيـر الشـوق دمي او سـواد الليـل همـي
ما ادور احـد ..
جـان توخي وخلت شعرها تحت عسب اتلفه يوم رفعت ويها شافت حمـدان :
ويش ادور بعدها لو نساني وعدهـا
مادري محبه ضيعتني ولا انا ضيعتهـا
ودعتهـا ,, دعتهـا ,, ودعتهـا .. ودعتهـا
فطـوم : هههههههههههه ,, ودعتهـاااااااا > صوت عالي وحـاد
حمـدان : جـااااااااااب لاتباغميين ..
فطـوم : احبببببك ..
حمـدان رفع حيـايه : بـلاج ؟
فطـوم خلت راسها ع صده و لوت عليه : امـووت فيك
حمـدان : هب طبيعيه .. فطـوووم !!
فطـوم : هممممم ..
حمـدان : بـلاااج ..
فطـوم وهيه مسويه عمرهـا مدوخه " خخخ شرات السكـارا " : مســطططله ,, فيينيي رقـااد ..
حمـدان : ههههه فديت روحج .. جان يشلهـا
فطـوم : لالالالالا
حمـدان : اشووووه
فطـوم : بي وراك و شلنييه
حمـدان : هههههههه .. انزييييين ..
فطـوم : صبر برفع الكنـدوره
حمـدان : ياويل حـاليه
فطـوم : لا والله .. بسير البس عيل برموده
حمـدان : لا لا خلج ع الكنـدوره ..
فطـوم : ههههه طفس ..
جـان تسير توقف ع الشبريه و تخلي ايدهـا الثنين صوب رقبت حمـدان من جدام .. و هوه مسكهـاه من ريلهـا .. وشلهـا ..
فطـوم : اييييه يا حمـار لاتخلي ايدك اهنيه .. خلها ع الكنـدوره
حمـدان : ههههههه شو تبيني اسوي .. الكندوره كلهـا فوق
حمـدان : نزلني نزلي
فطـوم : ابا بيلس ع جتفك
حمـدان : خيبه !!
فطـوم : حرام عليك والله خفيف انا
حمـدان : لا دبه ..
فطـوم : ماحبـك .. جان تنزل بروحهـا ..
حمـدان : تعالي تعالي لاتزعلين ..
فطـوم : جب
حمـدان خلا ركبته ع الارض : يـلا انزين تعـالي ,,
فطـوم خلت ريلهـا الثنين ع كتف حمـدان .. يوم قام بغت يموت .. هوه كان ماسكنها بالقو عسب ماتطيح ..
فطـوم : هيهيهي .. كشخه
حمـدان : يلا بسج ذبحتي الملكيـن اللي ع جتفيه
فطـوم : هههه ..
جـان يسير صوب الشبريه و طيحهـا ع ظهرها بالقو
فطـوم : كلب .. جان تتلحف ..
حمـدان : هههه .. فديتج والله .. تصبحين ع خير
فطـوم : وانته من اهله ..

اليـوم اللي عقبـه ..

سـاعه 8 .. " كلهم فـ الجامعه "

عنـد البنـات ..

الله لايراويكم !! هالمره مالبسو نفس الشي .. كلهم منقشيـن .. كل وحده لابسه الوان خلوني ساكته احسن .. المهم
قبلهم كـلهم وعقب كلهم اتفقـوا من قبل يدشون " بزنس " وعقب بدأون يختارون المواد ويرتبون خطتهم الدراسيه ..

(( ابا اقولكم شي .. انا مابكتب عن الجـامعه .. شو سوو ومادري شو .. لانه الصراحه ماخليت حد ماسالته .. و كم مره شرحولي بس انا غبيه ما افهم ))

يـوم روحو .. فطوم و صلت كل واحد بيته و ردت بيت بو حمـدان ..

فطـوم : ويي هاييل وينهم ؟
سـاره : مادري تشوفينهم فـوق !!
فطـوم : اخبـرج .. انا تعبـانه حدي .. بسير انخمـد اشويه ..
سـاره : هييييه اففف .. حتى انا يلا سي يو
فطـوم : بـاي ..

بيـت رفيـعه ..

مريـوم : خـالوه متى بيردون ؟
رفيـعه : والله مادريبهم فديتـج ..
عليـا : خلاص ماعليه .. انا بسير ارقد ..
مريـوم : مي تو ..
رفيـعه : خلاص عيل سيروا ارتـاحو ..

وعقب كل واحد سـار يرتـاح ..

بيت بوحمـدان ..

عقـب سـاعه ونص ..
ردو بو حمـدان و ام حمـدان من الشغل و عرفوا انه فطوم و سـاره رقـود .. وعقب نص ساعه ردو الشبـاب .. و يلسو فالصاله ..
وعقب تمو يسولفون عن الجامعه و هالسوالف .. جان يسكتـون
حمـدان : هييييييييه صح .. وين حرمتيـه ما اشوفها !!
محمـد : يمكن راقده ..
بو حمـدان : هيه سـاره و فطيـم راقدين ..
حمـدان : هييه .. بسهـا رقـاد .. الحين بتجابل الرقـاد و الدراسه اكثر من ماتجابلنيه
ام حمـدان : لاا حرام عليك .. خلهـا راقـده !!
حمـدان : شوي شوي بس ..

جـان يسير فـوق ..
محمـد : برايكم عيل بسير انا بعـد
بو حمـدان : شو بتوعيهـا بعد !!
محمـد : لا لا هههه برقد ..
جان يروح عنهم
بو حمـدان : فديته ولدي طالع عليه !!
ام حمـدان : هيه اشوفه ..
بو حمـدان : هههههههههههههه ..

فـوق .. غرفة فطـوم ..

دخل حمـدان و بدل ثيابه و دش الحمـام .. يوم طلع شاف فطـوم جنه من دهـر ما رقدت !! بس هوه يتخبـل اذا مالعوزها
جـان يسير صوب ريلهـا "هوه الحين واقف " جان يخلي ايده تحت الفراش و نزلت تحت " انخش صوب الشبريه من تحت عسب ماتشوفه جان يدخل ايده .. و يود ريلهـا بالقو .. وهيه حليلهـا ماتعرف شو السالفه نطت نـطه .. وصرخت !!
فطـوم : ايييييييييييييييييييييييي ييييه !! شويه و بتصيح : امنـوه هااا .. عمـيييييييييييه .. حـد اييي
!! الدموع فعينهـا .. جان تحبـي لين ما وصلت عند الصوب اللي جدامها وشافت حمـدان ميت من الضحك ..
فطـوم : اوووه .. سخيف والله جان ترد و ترقد
حمـدان : ايه بسج رقـاد ..
فطـوم : حمـدان عن الحركـات افف
حمـدان : بلاج انزين ..
فطـوم : يعني ابا اعرف .. حمـود يبـا حرمته ترتـاح !! اما انته لاااااااااا ليش يعني !!
حمـدان تم يشوفهـا وهيه تتحرطم ..
فطـوم : دومك اتسوي هالحركـات .. قسم بالله يا حمـدان والله وانا صايمه ان سويت هالحركـات مره ثانيه يوم برقد برقد فـ غرفتيه " جان تصرخ عليه " و بقفل الباب ..
حمـدان : خلاص فديتـج آسف والله
فطـوم : >.>
حمـدان : براضيج بعديـن .. كملي رقـادج

و مـرت الايـام بسرعـه .. طبعـا البنـات و الحريـم ,, خذو موعـد حق الحنـا و سوالف البنـات ,, و يـابو عبيهم و كانوه خلاص خلصو كل شي حق العيـد ..

قبـل يوم العيـد بـ يوم ..

ع المغـرب .. حمـدان و عـزوز سـارو اييبون كنـادرهـم حق العيـد ..
و يـوم يابوهم فـ الطريج .. جان يتصـل ربيعهم فـ الكليـه ,, ع عـزوز ,, يوم رد عليه ,,

حمـيد : مرحبـااا كبـاار
عـزوز : هلااااااااااااااا .. مرحبـا السـاااع .. هلا بالشيـوخ ..
حمـيد : اشحـالك ربك بخيـر ؟
عـزوز : والله تمـااام يسرك الحـال ومن صوبك ؟
حمـيد : بخيـر و سهـــاله .. شو طـالع ؟
عـزوز : هييه .. ويـا حمـداان نيب الكنـادير ..
حمـيد : شو خلصـتو ولا ؟
عـزوز : هييه امـره قبل اشويه راكبين السيـاره
حمـيد : اهييييه ,, عيـل تعـالو صوب الكورنيـش براويكم شي ,, اذا ماكنتو بزي ..
عـزوز : خـلاص ولايهم 10 دقايق و بني
حمـيد : خـلاص عيل ,, اترياكم لاتتاخرون ,,
عـزوز : تـم ,,
جـان يسكـرون ,,

حمـدان : امنـوه هـا ؟
عـزوز : حميــدان .. يقول بييراوينـا شي هههه مادري هالمره شو عنده ,, سير صوب الكورنيـش ,,
حمـدان : الله يستـر
عـزوز : هههههههه
حمـدان : هاا داهيه قسم بالله ..
عـزوز : حليله هههه

وعقـب دقـايق جان ايوصـلون ,, وشـافو سيـارة حمـيد و بركنـو صوبه ,, و يوم نزلو ,, اهوه نزل ,,

حمـدان : هـلاااا حميد ,, اشحـالك > و يتخـاشمون
حمـيد : والله يسرك الحـال ,, ومن صوبك ,,
حمـدان : تمـام
و عقـب تخـاشم و يـا عـزوز و تمـو يسولفون و هم واقفيـن ,,
حمـدان : ها شو بتراوينـا !!
حميـد : حـشششى خلونـا انزين نسولف اول
حمـدان : لا لا فيني فضـول
عـزوز : يـالله !!
حمـيد : ههههههههه ,, خـلاص انزين براويكم ,,
جـان يفج باب السيـاره من ورا ,, و يـاب كرتـون نظيــف و حمـدان و عزوز يشوفون الكرتـون يتحرك .. جنه شي داخله ,,
عـزوز : حسبي يالله عليك شو محطي داخل !!
حميـد : جنـي !! شو بحط يعني ,, جان يفج الكرتـون ,, و حمـدان و عزوز شافو قطـوه واااااااايد وايد حلـوه ,, سوو كيـوت ,, كانت هالنـوع اللي فيهم شعـر وايد ,, و كـانت بيج ,,
حمـدان : ياويل حـالييييه !! من وين يايبنهـا !!
عـزوز يحرك راسهـا : هههه كشخه ,,
حميـد : الله يسلمكم ,, محل pet zone .. فـ دبي صوب مزايا سنتـر ..
جان ياخذهـا حمـدان و يمسح ع راسهـا وهيه مستانسه و تتلصق فحمـدان
عـزوز : ههههههه شكلهـا حبتك
حمـدان : لا ماشالله عليهـا ,, حلـوه ,,
حميـد : انزين اذا عيبتك .. خلهـا عندك بسير مشـوار صغير وبي صوب بيتكم ,, ما اروم اخليها بروحهـا فالبيت
حمـدان : خلاص و لايهم .. من عيوني
حميـد : تسلم عيـونك .. خلهـا فالكرتـوون ..
حمـدان : ماعليه عزوز حطه فسيـارتي .. بشلهـا
عـزوز : عن تذبحهـا !!
حمـدان : جيه شو قالولك ..
حمـيد : ههههههه ,, اوكي عيل انا بسير الحين
عـزوز : الله ويـاك ,,

و يـوم روح حميـد ,,
حمـدان : انته سوق
عـزوز : هههههه ها كله عسب القطـوه
حمـدان : ههههه حرمتي الثـانيه .. كشخه والله
عـزوز : ماتدري حرمتك جان ذبحتك و ذبحتهـا ,,
حمـدان : هههه طوف طوف ..

وعقـب عزوز سـاق بـدال حمـدان ,, و طبعـا حمـدان 24 سـاعه يلعب ويا القطـوه جنه نونو ههههه ,, و يوم قربـو من بيت بو حمـدان .. حمـدان اتصل حق امه و قالهـا تطلع اهيه و فطـوم برع ,, و عـاد هم سيده طلعـو برع و وياهم حمـاني ,, و عقب دقايق وصـلو عزوز و حمـدان ,,

فطـوم : بـلااه حمـدان !
ام حمـدان : والله مادري قالي اطلعـو برع ,,

وعقب ثـواني جان ينزل حمـدان و هوه شال القطـوه فطـوم من شافتهـا تخبـلت
فطـوم : OMG ,, و نزلت من الدري و سيده صوب حمـدان : عطططني ياها
حمـدان : ماااابااا
جـان تنزل ام حمـدان و سارت صوب عـزوز ,, و هم يضحكـون عليهم ,,
عبدالرحمن : كتواااااا ,, اتني اتتتني
فطـوم : جب يلا ,, حبيبي عـااااد ,, عطني ياها
حمـدان : خوزي منـاك يلا !!
عبدالرحمن صـاح : اباااا كتواااااااا
ام حمـدان : ماما هاي واوا ,,
فطـوم من الخبـال تقربت من حمـدان و باسته : يلا عطـني ,, جـان تسمع ام حمـدان و عزوز و حمـدان يضحكون عليهـا و هيه قفطت لانه توهـا حست بالللي سوته ,,
ام حمـدان : حمـداااان ,, حرام عليك عطنهـا
حمـدان : اندوج هههههه ,, اشوي شوي عليهـا ,,
فطـوم خذتهـا و تمت تمسح ع راسها و ع جسمهـا : يا ألبي كيـووووت ,,
ام حمـدان : حليلهـااا ,, ماشالله عليهـا حلوه
وعقب ثـواني ,, ايـون محمد و عمـر + سـاره و عليـا و مريوم " كانو فبيت رفيعه " و يوم نزلـو مريوم تخبلت يوم شافت القطوه ,, سيده نزلت و سـارت صوبهـا بس في حد خرب عليهـا ,, اللي هوه ريلهـا ..
عـزوز : يلا يلا منـاك !!