منتديات صواديف عشاق - عرض مشاركة واحدة

03-05-2022

وحدة من اظ•ميماتنا قالت. :
لما كانوا وليداتي صغيرين ربي يحفظهم كنت نفيق الخمسة ونص الصبح انوّض وليدي الكبير يخش حاشاكم الحمام عين مفتوحة وعين مسكرة ويفطر باهي ويلبس ويمشي لمدرسته الساعة ستة ونص لاظ”ن المدرسة كانت بعيدة شوية .
بعدها نجي للوسطي انوضه ونتعافر اني وياه باش نرفعه للحضانه ونعاود السيناريو متع الفطور ويمشي السبعة و نص .
وبعدها عاااد نوتي فطور بونا ( راجلي ) و ونفيّق الصغّير باش حتى هو يفطر وحاجة يبيها وحاجة ما يبيهاش
ونطلع بيه يسايرني للمحل اللي تحتنا نشري حاجات الناقصتني ونرجع نتفرج على الاظ”خبار لاظ”نى من عشاق السياسة ... نلعب شوية اني ووليدي الصغير و نحط غداي على النار
مع الواحد والوقت يجري واني نجري يبدوا الكبار يروحوا و يتغدوا و يحلوا الواجب ( اللي نصه نحله ونشرحه بروحي ) .
ولما يبدأ مسلسل اللي بيخش يدوش هو الاول واني نحز وبعد الديربي ندوشلهم و يخشوا يرقدوا مع 9 في الليل اااااخ طبعا توا تحسابوني بنخش نرقد حتى اني لا طبعا
اولا : راجلي كان يروح بين 10/11 ويبي ياكل !
ثانيا : حد يضيع ساعتين من الصمت التاااام ؟!...اكيد لا كنت نتكم طويسة شاهي ونجيب حاجة مصقعة وحاجة ناكلها والماكلة لانى غالبا ننسى ناكل ونقعد نشوف في الصمت والهدوووء اللي لايد بيا ... كنت بيني وبين خاطري نتمنى يكبروا و نرتاح ونرقد عشرة ساعات مش خمسة !
وكبروا وليداتي وبديت طول النهار قاعدة بروحي .
و استاحشت الغمر متاع بعد المدرسة .
واستاحشت انى نوقفهم علي السرير و نلبسهم وناخد بوسة وتضبيطة .
استاحشت الخد علي الخد زي ما كانوا يقولولي .
استاحشت وقفتهم علي يد الكرسي اللي اظ”نا مقعمزة عليه .
استاحشت نقزتهم و تقعميزتهم علي حجري .
استاحشت الجري في جرتهم بكاشيك اللوح وقعمز واركح .
استاحشت الاسيلة الغريبة اللي تخليني نلود في كسبرة باش نلقى ما نجاوب .
واستاحشت غسل الحيوط من تخربيشهم .
استاحشت فرحتهم باللعبة الجديدة .
استاحشت اللودان علي لبسة العيد .
استاحشت منظر ايدياتهم الصغيرات وذرعانهم و هما يستعرضوا في عضلاتهم.
استاحشت الهدوء بعد دوشة الحمام .
استاحشت الفرحة في عيونهم لما نجيبلهم شكلاطة.
اكتر حاجة استاحشتها التضبيطة والغمر ايه التضبيطة والغمر .
توا كل واحد في شغله و يروح داهش تعبان ... نحطله ماكلته ياكلها من غير مايندري على روحه شن كلي ... يسيب الماكلة و ياخذه النوم من التعب ... مع انى تعبت في التطييب باش نشوفه و هو ياكل فيها .
بديت نستنى فيهم يقوللي الله محلاه يام .. زي زمان لكن معادش .. بدوا لاهيين بحاجات ثانية ..
لاهين في التليفون واللابتوب والايباد !
استاحشت لما كانوا ينوضوا في الليل يجوا يرقدوا علي سريري .. توا انوض الصبح نلقاهم طلعوا !
واكتر حاجة توجع فيا تضبيطتهم... وليت اقصر منهم و معاش نلحق نتحضنهم ... بديت اقصر منهم و مش عارفة نتغمرهم
وهما .. بدوا مشغولين .
وخاطري خاطري في لحظة من لحظات زمان ناخذ تحضينة وحدة من خدودهم النويعمات ... وضحكة من عيونهم والبراءة اللي مافيش فيها غير صورة ( ماما ) .
ردوا بااالكم تقولوا تعبنا وعيينا من الصغار ... استمتعوا ... استمتعوا بالتعب الحلو قبل ماتولوا زيي وفي عمري ... وتحاولوا توقفوا علي روس صوابعكم باش تاخدوا حضن ... او تحاولوا تبصروا علي واحد منهم مرات ماعنداش وقت يوقف يتكلم معاك ... او توقفي بالساعات اتطيبي اكلة ماحدش فاضي باش ياكلها !
استمتعوا واستغلوا وعيشوا كل لحظة قبل ما تفوت .. وتقولوا يا يوم من هدوكا الايام .
هالكلام لكل الامهات اللي تعبت من صغارها